05-04-19, 08:52 PM
| #1084 | ||||
|  عزيزتي نوني انا من القراء المعجبين بكتاباتك جدا ..وبدون زعل حقيقة انت في الفصل قبل الاخير استعجلتي بالاحداث ع غير عادتك ربما من اصرارنا المستمر وسوالك شو بدة يصير ومتى تنتهي الرواية فخلي قلبك طيب وتقبلي انتقاداتنا بصدر رحب اذا كان صادمه لك فنحن مازلنا قراء لانجيد فن الكتابه مثلك ولك خالص اعجابي ..... والمثل يقول الشجار المثمرة هي التي ترمى بالحجارة ......ليس لعله بها ولكن حتى نوخذ ازكى مافيها دمتي بحب... | ||||
|  |
|
07-04-19, 01:52 AM
| #1088 | ||||||||
| مراقبة عامة ومشرفة منتدى الروايات المنقولة  
| اللهم إني أستغفرك وأتوب إليك الحمدلله وسبحان الله والله أكبر اللهم صل وسلم على نبينا محمد @ @ (50 ) @ @ حسيت بالجوهرة وهي تمسكها وهي تصرخ ..صقر الحق شكلها بتلحقه وربي دفيتها وانا احس الدنيا سودة بوجهي جيت بقوم وبروح للغرفة اللي متجمعين حولها بس رجولي ماساعدتني طحت وأنا احس بعمري رحت لعالم ثاني ........((جمهور مصعب مابي اعيشكم بنكد خلونا نطلع من هالجووو وبعد والله ماحب اكتب مثل هااالمواقف )) @ @ (الجنوب ) ابتسم بوقاحه وقال : الحين كل ذا الصياح عند ذا الشايب عشان بنت رجلش بتسافر لديرة أمها وش ذا الحب وهز رأسه حالة نادرة خبري مرة الأب عسره وبسخريه بس أنتِ لا كلش حنيه طنشته ومسحت دموعها ...وهي تطالع رجلها تحسه متفشل من كلام ولده ... كمل بوقاحه :وربي عرفتي لها صدق ينخاف منش الحين مين يقول انش تقدري تدبسي ياسر بشدن بس بالآخير طفش الرجآل ومل والحين بيسفرها مافيهغ عاد تمسك نفسها قالت بحده :وش ذا الكلام اللي تقوله عيب عليك استح على وجهك عقد حواجبه وقال :وش قلت الحين عنها بالله عشان تزعلي كذا بس ودي اعرف عشان والله حزين عليش قلت بخلي يويسر يطلقها وبأخذها بداله وتجلس مقابلتش إلا عادها حلوة مثل زمان ولا تغيرت المخبوله ورجع ظهرها على وراء وهو يتسند أنا رجآل احب الجمال ... طالعت زوجها تبيه يتكلم ويفكها من وقاحة ولده بس تحسه عاجز منه استغفرت بصوت عالي وهي تزفر بقهر أخذت الدله وهي تقول : القهوة بردت بجددها يا أبوسعود عرف انه جالس يستفزها ابتسم بسخريه وقال :والله اني صادق لو أنها حلوة مثل زمان بأخذها بداله طالعت وقالت بعصبيه : وربي لو ماتسكت وقف وقاطعها وقال بهمجيه : وش بتسوين بتشكيني على ياسر أبو اربع عيون ذا وربي بوكس يطيره ... قالت بحزم : لا ماهي نوفه الي تشكي ماغير بهفك ذي بيدي ولا ماحترمت نفسك فيه الي يخليك تثمن كلامك وتحترم اللي قدامك وأنا صادقه بكلامي ضحك بصوت عالي : ياليل بهالعجيز أخذتها يبه كأنها مستقويه علي أبو سعود بعصبيه : الله يفكنا شرك وبصرخه ارجع وين ماكنت بعربجه رفع كتوفه : الحين تطردني عشانها خذت عقلك خلاص وش شايف فيها وطالعها من فوق لتحت بنقص وحده منتهيه شوي وتوقف على قبرها تقرأ عليها سورة الفاتحه ... صرخ بقهر : بسسسس ويالله فارق نوفه طالعت زوجها وهي خايفه عليه قربت منه وقالت وهي مشفقه عليه ولده أبد مايحترمه ولا يحترم عمره أبد : ماعليه يا أبو سعود الحين يالله ريح لك شوي بغرفتك وخلك منه نزل رأسه وقال بغصه : طول عمره عاق فيني ولا يوصلني واليوم يوم خذيتش جاي ينكد علي متسلط علي الله يسلط عليه قالت بنقد : لا تدعي عليه كذا وسكتت يوم رد عليه وقال بوقاحه : اي جاي انكد عليك وش عندك وسكت يوم سمع ياسر ينادي باسم عمته قال :وش رجعه ذا ماهو توه أخذها وانقلع نوفه بسرعه قالت : ادخل ياسر حياك ياسر أول مادخل شاف ولد خاله قدامه كشر بوجهه رد السلام وطالع عمته وقال :ياخال الليله بس نترخص منك عمتي ابيها تجلس مع شدن على طول نط بوسط السالفة وقال: تعال تعال سمعت انك بتسفرها لمصر ليه ذي الغلبه كلها يارجال مدام مانت كفووو لها طلقها وخلني أخذها قديني افك ذالشايب شوي من دموع عمتك بس ماقدر يكمل كلامه من البوكس اللي جاه على فمه وصرخ بقهر : تتزوج مين يال******** جا بينطق اعطاها الثاني وصرخ لو بك خير عيد ذا الكلام يال****** مسك على فمه وهو معصب وبسرعه نط عليه ومسكوو في بعض بس وين بنية جسم ياسر أكيد بتغلبه بسرعة قلبه وطرحه ب الأرض وبسرعة نوفه قربت منه وهي تصرخ خايفه لا يروح فيها بيد ياسر تدري ولد أخوها متهور ولو عصب مايشوف قالت وهي تترجاه : يمه انا افداك انك تفكه وتفك عمرك من شره ونزلت نفسها وهي تسلم على يده ابعد يده بقوه وابتعد عنه وهو يزفر بقهر : والله عشانها إلا ذبحتك بمكانك يال****** بس بسرعة صرخ وهو يتوجع وقال بتحدي :والله لا أخذها غصب عنك والحين حطيتها برأسي واشوف وش تسوي يالخكري ياسر بسرعه رجع طرحه شد عليه برجله بوسط بطنه وبعصيه :اشوف كيف تقدر تأخذها ي كح أكثر من مرة وهو مكتوم .....طالع خاله يوم صرخ : فكه فكه ابتعد عنه ذبحته ابتعد وهو يزفر بقهر تف عليه بعصبيه ... وبسرعة طلع وهو معصب ومقهور لدرجة ماقدر يأخذ عمته رجع للشقه أول مادخل سمع صياح شدن يالله الحين وش يقول لها وهو وعدها يجيبها لها ...أول ماشافته نطت وهي تدور أمها بعيونها :ليه ليه ماجت ليه يعني حتى آخر ليلة بنحرم منها ياسر جلس وقال بقهر : شدن توش راجعه من عندها ..وبنفسش قلتي لها لا تجي وفجأة غيرتي كلامش قاطعته بقهر : بس أنت وعدتني تجيبها لي ياسر زفر بضيق : وعدتش يوم شفت حالتش أول ماوصلنا الشقه قلت بجيبها تخفف عنش بس وسكتتت شدن بقهر صرخت : بس ماجبتها عشان تقهرني صح ايوه ادري فيك الليله اسعد يوم بعمرك وأنا بتسفرني بعديومين ياسر صرخ بقهر وهو يوقف ويقرب منها : والنهايه معش ليه ماهو راضيه تفهمين أنت مالي ذنب شدن صرخت بقهر : ابي أمي وأنت حرمتني منها كله عشان ولد خالك ذا وسواسك والشك اللي بقلبك منه صح هذي الحقيقه صدقت عفاف يوم قالت غيرتك تذبح وتطفش صرخ بقهر : متى قالت كذا ابتعدت بخوف :مدري ياسر صرخ بقهر :الحين تدرين وش قايل عنش وهذا وهو توه يوصل شدن خافت وش قايل ذا بعد ابتعدت لنهاية الغرفة بخوف وهي ترجف ...رفعت يدها وقالت بصدق : وربي ماسويت شيء وربي ياسر قرب منها وحجزها وقال بقهر وهو يطالع عيونها : يقال بيأخذش عشان مسوي فيها بطل وينقذش من السفر شدن بسرعة قالت وبدون تفكير : ياليت والله يسو......بس سكتتت وهي تحس شوي وتنخنق من يده اللي طبقها على فمها ... قال وهو صاك على سنونه : تبينه هزت رأسها بخوف بلاااااااا هز رأسه بآسف : وش ذا الوقاحه اللي بش كله عشان ماتسافري والله الحين حتى لو أبوي وافق عشان جلوسش أنا اللي ماراح اوافق وبتسافري الله لايردش ياللي ماتحشمين نفسش صدق اللي به طبع مايغيره مهما سويت معه وابتعد عنها وقرفان شدن توها تستوعب الكلمه اللي قالتها قالت وهي ماسكه على فمها بألم :صح أنا غلطان بس افهم حاجه وحده ابي اي شيء ينقذني من هالسفريه لا تفهمها شيء ثاني ومسكت فيه تمنعه يروح : وربي آسفه ياسر صرخ بعصبيه وهو يبعدها عنه : بتسافري غصب عنش فاهمه ويالله تقلعي من وجهيي صدق ماهو كفوو حد يشفق عليش شافها ماتحركت صرخ بقهر : شدن تقلعي من وجهي قبل افقد اعصابي أكثر طلعت للصاله وهي مقهورة من نفسها متى بتتعلم وشلون تسيطر على لسانها ... تذكرت مواقفه معاها وشلون وقف بوجهه عمها وأبوه عشانها وفي الآخير زعلته كذا والحين بدل مايغير رأيه عن السفر بعد الي قالته مستحيل ... | ||||||||
|
| |
|
07-04-19, 01:53 AM
| #1089 | ||||||||
| مراقبة عامة ومشرفة منتدى الروايات المنقولة
| بعد يومين فتحت عينها ...وهي تشوف كل شيء حولها أبيض في أبيض ..بس لمحت أمها قدامها قالت بصوت مبحوح وهي تبي تتأكد :يمه بسرعه طالعتها وقربت منها وهي فرحانه انها صحت : عيون امتس صدت على طول ودموعها تنزل ماتبي ذا الواقع أبد مسكت يدها وقالت وهي مشفقه على حالها يمه خليتس قويه عشان ولدتس بس شوفي له يومين مرمي ماتدرين فيه وسكتتت وهي تسمع الباب يدق على طول قالت وهي تنزل النقاب : تفضل دخل وطالعها بحزن قرب منها وجلس وقال :وشلونك الحين ماردت عليه صدت قال بغصه وهو منزل رأسه وبحه تذبح: آه غلاه بقلوبنا كلنا بس سكت يوم صرخت منهارة : اسكت اسكت لاتكذب ماكنت تحبه ماكنت تحبه أبد وأنت اللي ذبحته أنت من زوجة لزوجة همك نفسك ماعمرك حسسته بوجوده ماغير تنقص قيمته وانهارت تصرخ تكذا ماتغليه وربي ماتغليه وكل اللي صار لمصعب أنت سبته والله ماسامحك وقف مصدوم من الكلام طالع أمها اللي قالت : تكفى يا أبو مصعب تكفى رجيتك تطلع حالتها ماتسرر خايفه تفقد عقلها بالمرة أول ماطلع على طول نادت الممرضه واعطوها أبره مهدئه .... جلست تصيح وهي تشوف حالتها ...طالعت شمسه اللي دخلت وبيدها ولد اصايل صاحت بخوف وقلق : شمسه أختس حالتها ماتسرررر شمسه ناولتها عادل وقربت من اصايل وهي تمسح على شعرها بحزن ماتوقعت تحب مصعب كل ذا الحب لدرجة تفقد وعيها كذا .... طالعت خالتها وقالت :أبوي رآح الديرة ولد عمه توفى قالت مصدومه : بسم الله متى شمسه : مدري الحين جاه اتصال قبل انزل وقال خبري أمتس وأنا أحضر بس الدفن وجاي ورآح مستعجل أم سميرة هزت رأسها بحزن : الله يرحمه ويصبر زوجته وعياله ...بقوم ادق عليه واستفسر منه ... وناولتها عادل وقالت بحزن : ليت ربي يقوم أمك بالسلامة وتقوم تراعيك يمه @ @ @ @ أول ماركبوو الطيارة واستقرت الطيارة بالجوو طالعها ...يحس برجفتها تذكر كلامها اللي للحين زعلان منه وبنفس الوقت شفقان عليها وش بيأخذ من الزعل وهو شوي وبيفترق عنها قال بهمس : شدون وش قايل لش صدقيني أنا معش شدن طالعته وهي تذكر حالة أمها نوفه وشلون منهارة وشلون بتقدر تعيش بدونها ورايحه لمكان ماتدري ولا بشيء ولا تطنيشه لها حتى مايناظرها وزعله اللي تحسه أبد ماهو وقته والحين مسوي فيها همست له :معي لمتى يعني ياسر عض شفته وقال :لما اطمن عليش وصدقيني خالش فرحان حده وسافر من يومين عشان يقدر يقول لامش ودق علي يقول منتظرتش هناك وبتكون بعد بستقبالنا .....وكان يبي تسافري معه بس أنا رفضت شدن صدت وقالت بسخريه وهي تقاطعه : الله يطعني عنك ماقصرت عض شفته وهو عارف أنها ماهي راضيه بس مابيده شيء يقدر يسويه ...أول ماقربت المضيفه وقدمت لهم العصير أخذه منها وناولها بس أبد لا مدت يدها ولا حتى طالعته زفر بضيق ...وسند رأسه وقفل عيونه وهو يتخيل وشلون بتكون عيشتها هناك ..وبعد وشلون بتاخذ عليهم ...ياهو قلقان حده تذكر تحذير أبو قبل يطلع للمطار أول ماشافه قال بحده : وربي يا ياسر لو تتأخر اكثر من يومين ماتلوم اللي نفسك وهذا انا حذرتك قدام أمك طالع أمها اللي تطالعهم بخوف ينقهر من أبوه كل ما جاء لأمه يبدأ تهديده لأنه عارف وقتها يقدر يمسكه بليد اللي توجعه ...أخذ نفس عميق وقال : ابشر يبه بس اسلمها لأمها وبرجع وش يجلسني شد على كلمته وقال : يومين فاهم هز رأسه بضيق وقال : ان شاءالله وطالع أمه وانحنى وسلم فوق رأسها وعلى يدها حس فيها وهي تضمه آه ياهوو محتاج هالحضن وده يبكي من الضيقه اللي فيه ...حس بهمسها فوق رأسه :طلبتك يمه ماتسوي شيء من رأسك لو مره أمشي وراء شور أبوك عشاني يجعلني مافقدك رفع نظره لها وقال بغصه تذبح : وأنا من متى امشي بدون شوره شدت على يده وقالت :دوس على قلبك مثل المره اللي قبل وصدقني أمل بتعوضك عن عفاف وعن شدن مثل مانسيت عفاف بتنسى شدن صدقني قفل عيونه وهو يتذكر عفاف قال : عفاف بس سكت وطالع حور يوم قالت :من حقك تنساها خلاص خذت قلبك بنت المصريه والله مافيها الزين حق ذا كله ورفعت اصبعها الصغير وهي تتمسخر طولها كذا وحشريه وكذابه ومافيها شيء ينمدح أبو ياسر بسخريه طالعه وقال : على ذي الصفات يبه بس خذت عقله الله يأخذها وده يصفق حور عشان تثمن كلامها ..بس أبد ماهو وقته طالع أبوه بقهر ...رجع طالع حور اللي قالت : عساني ماكذب بس ياياسر قال بعصبيه : مستقويه اشوف حور تخبت وراء أبوها وقالت : ماقلت إلا الصدق طالعها وهي صاده عنه .. فعلاً حور ماقالت إلا الصدق معاد تجي بباله أبد وماتوقع انه بينساها كذا وينشغل بشدن ...اللي ماعمره فكر انها بتأخذ مكانه بقلبه .. همس وهو يقنع نفسه مجرد شفقه حس بنفسها منتظم فرح انها نامت لها يومين ماذاقت النوم حاس فيها وطول وقتها خايفه والقلق ذبحها ...وهو حالته اخس منها ..تذكر حالة عمته نوف قبل يطلعون هز رأسه وقال غلطتش يوم خليتني اتزوجها ليت هالشيء ماصار كان يمكن مانحرمت منش ...... | ||||||||
|
| |
|
07-04-19, 02:10 AM
| #1090 | ||||||||
| مراقبة عامة ومشرفة منتدى الروايات المنقولة
| رجعت من الجامعه منهده حيلها دخلت غرفتها على طول ...أخذت شور ..وبعدها وقفت قدام التسريحه تنشف شعرها ولفت المنشفه على شعرها فكرت تنام ..بس لا غيرت رأيها طلعت من الغرفة طالعتها قدامها جالسة بالصالة ومنشغله بجوالها ...متى امداها ذي طلعت من غرفتها ...رفعت نظرها لها وطالعتها بنظرة كلها استفزاز ....عرفت ان برأسها حرش ومشاكل كشرت ...واتجهت للمطبخ ..فتحت الثلاجة وهي تطالع الأغراض الموجوده ...قفلتها بطفش ...كل اللي موجود مالها نفس فيه أول ماسمعت صوت الباب يفتح وبعدها وصلها صوت عبير وهي ترحب ... فيه ميلت فمها بسخرية شرف روميوو زمانه سوت لها كابتشينوو ..وطلعت ...من المطبخ جلست على أول كنبه وطالعتهم بشموخ ...وكان عناد يشاورها بشيء بالجوال ...اخخخ عصافير الحب ....منسجمين مع بعض ....وش وراهم أول ماجت عين عناد بعينها صرفت نظرها على شاشة التلفاز ... تحسه انه متسغرب من جلوسها معاهم ...بس كذا عناد جلست معاهم وبذات وهي وعارفة ان عبيرر بتموت من القهر الحين ...بجلوسها كذا قدام عناد لأنها عارفه وجودها يوتره ويفرق معاه كثير ... مهما كابر و يوضح انه ماهمه ..وطبعاً هالشيء يحرق قلب عبيرر وربي مااستلم لهم عشان يغيضيوني ...شدت على الكاس اللي بيدها يوم قالت عبير بنبرة كلها دلع يقهر :عناد ابيهم يفتحوو لي المطبخ على الصالة رفعت حاجب هاااا جالس حضرته يشوفها صور البيت اللي يبنيه ...حسيت بقهر ليه مايشاركني مثلها ...حزنت على حالي صح أنا تسببت بنفسي بس هذا أبد مايرحم ....انقهرت أكثر يوم قال :شوفي اي تعديل تبينه واعطيني خبر عبير طالعتها وقالت بخبث : غرف النوم فوق صح عناد هز رأسه بلاااا: البيت جاي دورين منفصاه عن بعض عبير بقهر يوم عرفت مقصده : ليه طيب تفصلهم عن بعض ابي فوق غرف النوم وتحت مجالس نظام فله هوو ياعناد لا تخربه عناد طالع الشموخ اللي مصرفها نظرها على الشاشة ...قال بهدوء عكس اللي داخله : امممم بشوف عبير قاطعته بقهر : وش اللي تشوفه ياعناد حرام عليك البيت يبني ومابقي شيء ويطلع الدور الثاني لا تخرب مخططه هي كلمة وحدة غرف النوم فوق وتحت إستقبال ... وبعد عندي ملاحظات كثيرة عليه لازم أشوفه بالطبيعه وضحكت بدلع عشان اسجل كل ملاحظاتي الشموخ حامت سبدي من كلامهم ودي اقوم بس مابيهم يقولون مقهورة ...حاولت امسك نفسي بس يوم قالت عندي لك مفأجاة بس ماودي أقولها لك كذا ودي بمكان غير جوو الشقه اللي يسبب ضيقه ... بدون شعور طالعتها بقلق وخوف وش ذي المفأجاة بس بدون شعور ابتسمت يوم قال : قوليها هنا ولا خليها لوقت ثاني عشان مالي مزاج طلعه أبد توني جاي ....من بيت عمي صقر ...ومنهد حيلي ياناس ودي ارقص على تعبيرر وجهه عبيررر طالعت التلفاز وأنا اخذ رجفه وانا مستمعه قال ايش جوو الشقه يجيب لك ضيقه وماتقدرين تقولين مفأجاتك التافهه هنا ...بس انقهرت يوم قال : بيبي لا تزعلي والله تعبان واقف طول اليوم مع ضيوف عمي صقر .. كشرت بقرف ..يوم صدت بدلع وقالت :عناد لا تكلمني اوكيه وطالعته ولا أقولك وهي تطالعني بنظره كلها شماته ورجعت طالعت عناد قلبي قرصني صراحه من نظرتها أبد ماتطمن شكل عندها شيء كبيررررر مسكت يده وقالت وهي ترجع تحط عينها بعيني : انا حامــل عناد بصدمه : ايششش بدون شعور طاح الكوب من يدي ...طالعتهم وأنا مقهورة من نفسي ...وشلون ماقدرت اتحكم بعمري ... انقهرت يوم قالت عبيرر بشماته : لهالدرجة حملي خلاك تفقدي قوتك وطالعت الأرض بقرف وقالت لميه بسرعة عناد بحده : عبيرر قالت بقهر :الحين حملي ماباركت لي وتحولت جماد فجأة ويوم تكلمت عن ذي اشوفك نطقت عناد فعلاً غلطان نقد على نفسه من تصرفه بس صدق صدق انصدم ماتوقع أبد بذات هالفترة قال بابتسامه : مبروك وربي احلا خبر الله يتمم عبير توسعت ابتسامتها وطالعت الشموخ وهي مبسوطه حدها وهي تشوفها مكسورة قدامها كذا الشموخ حاولت تستجمع قوتها ... وقفت وهي تقول بكبرياء مجروح : مبروك عبيرر صدق صدق فرحت لك وقربت منها وسلمت عليها وطالعت عناد وقربت منه ورفعت نفسها شوي عشان توصل له وهمست له :مبروك عناد تستاهل وبلعت الغصه عبير بغت تنجن ماتدري وش تقول له صوتها أبد ماوصلها قالت بقهر : بسرعة نظفي المكان اللي حستيه هزت رأسها بدون ماتتكلم واتجهت للمطبخ طاحت دموعها اللي تحاول تخفيها ...حطت يدها على الكونتر ...وهي تشد عليه بقهر ...خلاص عبير مافي أمل تبعد عن حياتها وتقدر تكسب عناد وترجعه لها مثل ماضيعته املها ضاع الحين عرفت فعلاً مالها حياة مع عناد مهما حاولت ومهما صبرت عبير صايرة الكل بالكل بذات بوجود الطفل اللي جاي بالطريق ...حست بقهر بقلبها تمنت هي تجيب ذا الطفل له ...بس آه ضيعت نفسها بنفسها ..هزت رأسها وهي تحاول تبعدهم عن تفكيرها ...مسحت دموعها وأخذت المنشفه وطلعت للصاله ...بسرعة نزلت نفسها ونظفت الأرض ..وبعدها اتجهت لغرفتها بس وقفت وطالعت عناد وقالت : وقت ماتكون فاضي تعال غرفتي ابيك بموضوع ... وسكتت وهي تشوف عبير بسرعة مسكت يد عناد وقالت بعصبيه : ماهو فاضي أبد ويالله فارقي خلينا نأخذ راحتنا ونحتفل بالخبر الحلووو افف جالسه لنا الشموخ مستغربه من عناد مهما كان زعلان منها بس والله كان يدافع عنها ويوقف عبير عند حدها بس هااالفترة أبد ماغير ساكت ولا هو مهتم أبد ابتسمت بسخريه وقالت : ليه ماهو ناويه تفمهي مثل ماهو انتِ مرته أنا بعد مرته فاهمه ومثل مالك حق فيه لي بعد حق وطالعت عناد وهزت راسها تترجاه ماتبيه يفشلها عشان مع الآسف معاد تضمن رد فعله عبير بصرخة : لا قلبي مالك حق فيه بذات يوم وعدني عناد انك فترة وتتقلعي من حياتنا وطالعت عناد ماهو قلت بطلقها الحين طلقها وفكنا وخلنا نعيش مع بعض بدون طرف عذول بينا الشموخ انصدمت صدمة عمري ماتوقعت يقول عني كذا عندها عارفة انه دايم يقولي ويسمعني بذا الكلام وعارفه انه معاد يوقف بصفي أبد بس يتكلم من وراي عندها لااااااا هذي اللي ماهقيتها حطيت عيني بعينه وقلت بتحدي : يالله سوي اللي تطلبه منك وفك عمركم من هالطرف العذول ... عناد وقف وقال بعصبيه : والنهاية معاكم ترا ماهو ناقص شغل الضراير ذا عبير وقفت وقالت بقهر : الحين بدل ماتهاوشني طلقها وفكنا وخلنا نعيش بهدوء عناد تكفى فكنا منها بذات مع وجود طفل جاي بالطريق مابي ولدي يعيش بذا الجوو المشحون كره وحقد وصراحه خايفه عليه من حقدها يوصل له وبعد يمكن اتأثر أنا واطيح اللي في بطني وبعد يمكن يوصل فيها الحقد وتطيحه لي وغيرت نبرة صوتها بدلع مستفز عناد عشان طلفنا الشموخ الله الله اللحين كل ذي الشيء بيصير بسبتي ابتسمت بسخرية وهي تقلد نبرة صوتها : عناد عشان طلفنا يالله نفذ اللي تطلبه وبقهر صرخت عشان طفلكم الحساس الدلوع مثل أمه أكيد ماراح يتحمل هالجوو وراح يطيح طيح الله حظكم عبير صرخت وهي تمسك على بطنها بدلع : لاتدعين علينا وعلى طفلي عناد طالعها ليته فعلاً يقدر ينفذ طلبها بس مايقدر أبد هز رأسه بقهر وصرخ : كل وحده تنقلع لغرفتها مابي اشوف وحده فيكم وبصرخة اعلى يالله عبير على طول صاحت ماتحملت صراخه عليها وبسرعة ركضت لغرفتها ...وهي تهددد إنها بتقول لأمها وأمه .... اما الشموخ ابتعدت وهي تضحك بسخريه بذات على صايح عبيرر ..رجعت طالعت عناد بتحدي وقالت :ياشيخ ماتعبت من المكابرة عناد ارتبك وبسرعة قال وهو يرفع يده : الشموخ تقلعي من وجهي وبقهر ياليت معاد تطلعي من غرفتك وأنا موجود عبير ماهي حمل مشاكل معاك بذات وهي حامل وتعبانه ومن حقها نريحها الشموخ رفعت حاجب اخخخ صاير بعد يقلد كلامها ويبي ينفذه ... ابتسمت وهي مجروحه وقالت : يحق لك والله خايف على المدام لا يضيق خاطرها اوكيه مدام ماتبي تشوفو وجهي أنت والمدام سفرني جدة ولو باقي برأسك حب مانطحن ومانتقمت بما فيه الكفايه طلعني شقه لحالي وقتها صدقني حتى وجهي ماراح تشوفه وتطمن اقدر ادبر نفسي واعيش بلحالي حتى مصروف مابيه منك قاطعها وقال بسخريه : ماشاءالله عليك متأكده تقدري تدبري نفسك أجل من بكرة بدور لك شقه الشموخ ابتسمت بوجع وقربت منه وقالت وهي تعدل ياقة ثوبه : صدقني حجز تذكرة اسهل لك من تدور شقه عناد همس لها وهو صاك على سنونه : متى بتفهمي اني وقت مابي اقلعك أنا بنفسي اقولك هالشيء ماهو تطلبيه فاهمه ودفها بقرف وصرخ والحين انثبري بغرفتك واشوفك تطلعي منها ياوليك غير الجامعه وبعدها ماشوفك فاهمه تطلعي منها ورفع حاجب وقال ماهو ناقص افقد ولدي بسبة مشاكلك اللي تسببيها مع عبير البنت طبعها حساس وماتتحمل ومن حقي أخاف عليها وعلى ولدي الشموخ طالعته بحقد وأنا كارهه حتى صوته ابتعدت عنه ودخلت غرفتي ...طالعت الجوال ورفعته ودقيت رقم أبوي ....أول ماسمعت صوته يرحب فيني ...حسيت بترددد من اللي كنت ناويه عليه ...بس لأزم أقول ..... @ @ @ كانت تسمع صوته من بعيد ...اصايل الجوهرة هي اللي قتلتني هي اللي قتلتني ...شافته قرب منها جت بتحاول تلمسه بس ابتعد ...صرخت بأسمه مصعب مصعب ..لا لا لا تروح ...تكفى ماصدقت أشوفك لا تروح فزت من نومها وهي تصرخ بأسمه ...مصــعب ... فزت أمها من نومها على صياحها قربت منها وهي تمسكها وتسمي عليها : يمه اصايل تحلمين تعوذي من إبليس يمه مايصير تسذا بس أبد كانت تصرخ وتحاول تقوم تبي تروح لها : يمه هي قتلته الجوهرة هي اللي قتلته ... وبسرعة بعدت المفرش وفكت نفسها من أمها وهي تصرخ :مصعب مامات حادث سيارة مصعب مات مقتول ==== كتتتتت & نونـي بنت الجنوب & سبحان الله وبحمده سبحان الله العظيم الوتر أحبتي (الله يرحمك يامن وجعني فراقك ) قراءة ممتعه للجميع وآسفه على التآخير بس يعلم الله غلبني الخط عشان الجهاز معلق معي لي ساعتين احاول فيه استودعتكم الله | ||||||||
|
| |
 |
| أدوات الموضوع | |
| انواع عرض الموضوع | |
|
|
20Likes
.png)
العرض العادي
