آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-11-19, 07:37 PM
| #1593 | ||||
|  ي ربي منجد صعب فراق الرواية وابطالها خصوصا شدون وهبالها..ي ربييي والله كلهم كلهم بنشتااق لهم😭😭😭😭😭💔 .مووو مشكلة المهمممم تنتهي مآسيهم نشفت دموعنا واحنا نبكي ي نوني😹💔 ..وان شاء الله ياربي نجتمعععع بالجنةةةة😍😍😍😍 وبفردوسها الأعلى يارب🤲🖤 .بس هااا ي نوني لا تطولين علينا بالرواية الجديدة 😹♥️م نقدر على فراقك حنا | ||||
|  |
|
22-11-19, 07:53 PM
| #1594 | ||||
| السلام عليكم ورحمة الله وبركاته مبدعتنا الرائعه اول ماشفت تعليقك رقص قلبي رقص من الفرحه والله بنشتاق لك ولكلماتك الحانيه والفراق بيكون صعب زي فراق مصعب 😢😢😢😢 نبغئ البارت كامل وتسلم اناملك قبل مااقراه لاني واثقه ايش بقرأ مع خالص حبي وتمنياتي لك بالنجاح بالحياه العلميه والعمليه ودينيه والدنيويه منتظرين إبداعك الجديد😁 | ||||
|
| |
|
22-11-19, 11:02 PM
| #1597 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
| // اللهم إني أستغفرك وأتوب إليك سبحان الله والله أكبر والحمدلله اللهم صل وسلم على نبينا محمد @ @ @ {البارت الأخير } @ @ قرب نفسه شوي .. من الشاشه ...وهو مصعوق من اللي يشوفه قدامه فتح عيونه ..على وسعها .. يبي يتأكد ...هذي أمه ايه ايه ..أمه ... من قوة الصدمة اللي هو فيها صرخ بعدم تصديق لا لا لا ودف الجهازة بقوه وصرخ عليها : كذب كذب أمي ماهي بسارقة الللي شفتيه ملفق ايه ملفق ...ماقدر يبرر لها هو واثق من أمه رمى الجوال وهو منهاررررر اصايل ..عجزت وهي ترجاه ...مايفتحه بس ماسمعها يوم سمعته يصرخ عليها وهو يجحد اللي شافه بسرعة قالت وهي تبي تهدي عليه : ايه صدقت ملفق مستحيل يطلع منها بس فجأة انقطع الخط بوجهااا وقفت وهي مرعوبه..وتلوم نفسها .. ليه ليه احتفظت فيه كان تخلصت منه ..يومها ولا دري فيه ....الحين .. رجعت دقت عليه بس اعطاها مقفول ...حطت يدها على قلبها وهي ترفع رأسها يارب ...كن معاه وصبره ..مصيبه اللي عرفه عن أمه ....شيء ماهو سهل بذات وهو طول هالسنين مخدوع فيها ... حقدت عليها تحسها هي سبب تعب مصعب وتعبها وهي السببب في اللي هم فيه حالياً.... هزت رأسها وهي تستغفر الله ..معاد تجوز عليها غير الرحمة المهم (المجنون )اللحين الله أعلم بحاله @ @ نانووو سمعت صراخه وصوته العالي ...بسرعة طلعت من المطبخ ...ورقت الدرج ...خافت تدخل عليه ...رجعت تركض ونزلت الدرج وهي تشوف الخدم كلهم واقفين بالصالة ...فرحت يوم شافت أبو مصعب دخل بسرعة ركضت يمه وهي تأشر لفوق دخل البيت ...انفزع من الصوت اللي جاي من فوق عقد حواجبه وهو يشوف الخدم ...مرعوبين وبعد نانووو اللي جايه يمه وهي مرعوبه : بابا مصعب يصرخ مايدري ليه وأنا خوف اروح اشوفه بابا روح شوفه سرعة ... بسرعة رقى الدرج وهو مفزوع ....له فتره هاجد وش رجع جنونه اللحين ...فتح الباب انصعق من اللي يشوفه كل كل شيء حوله ...مكسره عطوره واغراضه مرميه كلها والاب ..مرمي بالزاوية ....وبعد جواله مرمي حولهم ... وهو يصرخ بصوته كله ...بس ماقدر يفهم منه شيء :وصلت فيكم لكذا ليه يبه ذا الحقد عليها وش سوت فيك عشان تكرها كذا .عقد حواجبه بعد فهم .. قرب منه وهو يحاول يمسكه ويفهم.. منه ايش صار وخلاه يثور كذا وبعد قال وهو يالله يقدر يسيطر عليه : ايش بلاك بس كان أبد ماهو معاه يأشر على الجهاز ويقول كذب كذب عارف مهما حاولت أنت والخبيثه الله لايرحمها مستحيل تغيرون نظرتي لها أبو مصعب شوي وينجن من اللي يقوله عجز يفهمه : مصعب اهدأ وفهمني ايش صار بالضبط هز رأسه وقال بصوت مبحوح : متأكد انه مركب أمي ماتسرق أمي شريفه وأشر على الجهاز صقر اللحين فهم عشان ..ايش يحكي ...بس أيش وصله له ...موضوع السرقة ...هذا تقفل يومها بذات يوم الجوهرة شوفته ...بالتصوير وعصب ...عليها وقالها تحذفه من جهازها ...خايف لا يوصله ..مهما اللي يسوويه فيه بس مايبي يصدمه فيها ...كان يتحمل كله عشانه ...والجوهرة مادري بخبثها يومها أنها تكذب عليه وتقوله خلاص انحذف ...ويومها تنازلت وخرجت... من السجن ...بذات بمساعدة قريب عادل بسرعة لم الموضوع ... مايدري وش يرد عليه جالس يضرخ ويخربط بالحكي خاف عليه يحسه بيفقد عقله ذي المره صدق قال بحزن عليه وعلى الحالة اللي وصل لها بسبة أمه والجوهرة : مصعب مصعب حبيبي اسمعني سكت مايدري وش يقوله أمك الظالمه وحنا المظلومين معاها بدايتها أنا ونهايتها أنت دمرتنا كلنا مصعب حس الدنيا تلف فيه تمسك بأبوه وصورة أمه تنعاد عليه هز رأسه وقال بصوت مخنوق : حرام عليك ايش ذنبها وذنبي أبو مصعب وهو مفزوع عليه قال : اهدأ اهدأ يبه وانسى اللي شفته بس لا هو كمل الكلمة من هنا ومصعب رجع انهار وصرخ بصوته كله وهو يبتعد عنه : أكيد بنساها لانها ماتسويها ماتسويها هذا فلم منك ومن الجوهرةبس وشلون وهي راحت برجولها ومدت يدها طالعه بشك وقال فخ منكم صح ايه فخ وشلون لعبتوو عليها وشلون ....قلبك طاوعك تسوي كذا بأم ولدك ليه يبه ماحبيتها ليه قهرت قلبها وش سوت لك لذا كله مارد عليه تعب منه وعجز كل شيء يحمله فيه ...بسرعة تحرك بيطلع من الغرفة ..بس وقف وهو مصعوق من يقوله : هي ماتت وماقدرت أنتقم منها بس أنت موجود فتح عينه بصدمه ..وهو يسمع كلامه حس بعصبيه وقهر معاد فيه يتحمل قرب منه وصرخ عليه : تبي تنتقم مني زود ماكفاك اللي سوته فيني طول ذي المده تبي تذبحني يعني ضربه على صدره يالله أنا قدامك اذبحني انتقم مني بسبة وحده ماتستاهل تكون أمك وأشر على الجهاز وقال اللي شفته الحين هذي هي حقيقة أمك صدقتها ولا حريقك تحرقك ولا اقولك تعال وأنا اقولك حقيقة أمك قبل تذبحني وقلبك يبرد من انتقامة ..لازم اعلمك ترى أمك الدور اللي عاشته كله كذب بكذب أمك خبيثه عارف وش خبيثه شيطانه بهئية بشر مفروض الواحد يشوفها يتعوذ ثلاث مصعب صرخ وهو ماهو قادر يتحمل الللي يقوله: لا تقول عنها كذا لا تقول طنشه وكمل وهو منهار تعب وهو كاتم ثلاثين سنه جالس يضحي بسبته وهو مايستاهل : تسببب بكل شي حنا فيه من ماضي وحاضر وأنت تبي تقتل أبوك عشان تأخذ بثأرها يالبار وهذا وأنا سترت عليها بعد فضيحتها قرب منه وضربه على صدره كفيت دم أخوي ماهو حب بوجهاا تراجع وجلس على السرير وقال وشريط حياته معاها ينعاد قدامه أول ليلة بينا تجرعت القهر وآه من قهر الرجآل الله لا يذوقك هو ...تصدق اعطتني رسالة وقالت كتبتها لأخوك خلها عندك واقرأ ..مضمونها عشان ماتفكر اني بيوم بعطيك .. قلبي وبخلي عيشتك كلها جحيم مثل ماخذيتني وخربت بيني وبين راشد اتهمتني .. اني انا السبب ..خليت راشد يقدر يفك ..من زواجه منها يوم فزعت له ..توقعت ...تورطه وتدبسه وانصدمت يوم عرفت انها صارت لي ..ماتدري اني كفيت يومها دمها ..وليتها قدرت اني أخذتها وهي علومها شينه كنت من فتره لفترة احصل لها شيء تكتبه لأخوي وصلت فيها توصل له رسايل وهي على ذمتي وصارت مشكله بينه وبين زوجته وهو توه عريس وجاني وخلاني أشوف رسايلها وقال قلها تكف بلاها عني أنا رجآل دوبني تزوجت لا تخرب علي ..ماتحملت يومها ...جيت بردها لأهلها أخوها رفض يتقبلها ....وقال دقيت الصدر خلك قده...تحملت وقلت أجل مافي إلا ابعدها عن الحي الي ساكنين به أهلي عشان صعب وصولها لأخوي كنت اخاف يوم اتهور واذبحها واذبحه من القهر ومن الكلام الي اشوفه مكتوب له .. أخذت لها بيت إيجار وبعدتها وجلست فتره ..ودريت بحملها شفقت عليها ...يوم اتعبت ورجعتها لبيت أهلي عشان أمي تكون معاها بتعبها وقلت ماعليه مصيرها تجيب الضنا وتعقل وأنا اشوف حياتي مع غيرها لأني مهما حاولت اقرب منها نفسي عايفتها .. بس مع الآسف زادات بذات بالمشاكل مع أمي وأختي وتعبها كان خدعة منها عشان تقرب من عمك راشد بس الله حطها بوجهاا وراشد أخذ زوجته ونقل لجدة ..وهنا طلع الوجه الثاني ..سوت مشاكل ورجعت أخذتها ... وطلعتها للبيت لحالها وبعدها ..خليتها بالبيت بلحالها وكنت اعطيها بس مصرف ....بس يوم ولدت قلت صعب اخليها ومعاها طفل ...وكنت من فتره لفترة أجي اجلس معاك ومعاها بس مع الآسف طول السنوات اللي قضيتها معاها ماعطتني فرصه حتى اشفق عليها أمك دمرتني قبل تدمرك وكان تبي تدمر عائلتين كامله واتهمت أختي الوحيدة الله يرحمها بشرفها وكان بتروح ضحية بس الله ظهر الحق وبعدها أبوي حلف قال ذي المخلوقه ماينفع معاها الطيب قلعها بعيد عنا واقطع رجلها من بيتنا ..بس أنا شفقت عليك احرمك منها بس آه ليتني سمعت كلامه ولا خليتها تزرع فيك حقدها خبثها كانت لها علاقة مع عمه راشد ..وعشان كذا رفضها بليلة عرسهم ...يعني الللي قالته له كذب .. صرخ مقاطعه وهو يجلس على ركبه متحطم على الأخر من اللي سمعه وشافه : كفايه يبه معاد مافيني ارحمني وقف وقرب منه وجلس قدامه وهو مسترسل بالكلام :كل يوم تصبح وتمسي علي كان بسواد وجها أنت رجآل تقدر تحمل الي تحملته انطق تقدر مايبي عاد يسمع شيء كفايه ...ليته يرحمه ويسكت قال بصوت مخنوق :كل ذا بحبيبة قلبي النايفة ماقدر يكمل كلامه نزل رأسه بين رجوله وصاح بصوت يقطع القلب صقر مد يده بتردد بس وقف وقال بصوت مكسور : حديتني يامصعب إلا ماكنت ابي أقولك بس معاد فيني يبه حس الدنيا لفت فيه وقف وهو يبي ينسحب من الغرفة صوت صياح مصعب وجع قلبه ... ليته صبر مثل كل مره ولا وجعه كذا ..حس رجوله تترخى عليه طاح وصوت جسمه ارتطم بالأرض مصعب رفع رأسه مفزوع من الصوت الضربه بالأرض صرخ وهو يشوفه متمدد قدامه :يبــه قرب منه ورفع رأسه لصدره وهو يحركه بس أبد ولاا حركه صرخ : رجيتك يبه لااااااااا تروح مني ... صرخ بصوته كله : نانووووو بسرعة دقي على السواق بسرعة كلها دقايق وجاء السواق وحموله للسياره جلس مصعب وحط رأسه على صدره وهو يصيح : يبه تكفى مابي افقدك صرخ بصوته كله وهو يعجل على السواق @ @ @ بالاستراحه عادل عقد حواجبه مستغرب من الرقم الغريب فتح الخط بس فز مفزوع وهو يسمع صراخ مصعب : ذبحت أبوي ياعادل صرخ مفزوع : ذبحت أبوك منيف صرخ وهو مفزوع من اللي يسمعه : ايششششش ذبح أبوه وشلون ياويلي ويلاه والله اني قلت مصيبه بيسوها ذا الآدامي بس ماتوقعت يذبح أبوه عادل بسرعة وقف وقال وهو يسمع صياح مصعب : مصعب اهدأ وفهمني أنت وين اللحين مصعب : بالمستشفى عادل بسرعة قال : طيب طيب أنا جاي وقفل طالع منيف اللي يهذي بكلام وهو مصدوم وهو بعد متوتر : يلا نروح له منيف بصرخة : وشهووو نروح له بعد مصيبته ذي عادل هز رأسه للحين مصدوم من اللي وصل له خويه عارف كان انه بتصير مصيبه كل مره يقوله أحذر من أخر جنونك طلع بسرعة ركب السيارة شاف منيف وراه جاي ... بسرعة حرك السيارة واتجههه للمستشفى ..أول ماوصلووو نزلوووا وهم يركضون ويدورنه على طول شافووا مصعب بوجههم وهو منهار حده والسواق جنبه يطالعه بخوف قرب عادل منه وقال بقهر : ندمان توك تحس بعد ماذبحته مصعب انصدم من كلامه يوم دق طلب فزعته وقفته جنبه عشان يهديه مايزيد عليه منيف مسك عادل وقال بحده : أنت تحكم بعصابك ولا تسوي سواته اهدأ عادل بقهر صرخ : أبوه مايستاهل اللي سواه فيه طول عمري أتمنى يكون عندي أب مثله وهذا تبطر على النعمه ذبحه كيف قلبك طاوعك كيف قهرته كذا مصعب صد عنهم وابتعد كلام عادل وجعه حيل ماقدر يبرر ولا يقول شيء يوم شاف الدكتور طلع من الغرفة اللي فيها أبوه .... ركض يمه وقال بخوف : طمني الدكتور : الحمدلله الحين احسن السكر والضغط مره كان مرتفعين وتعرض لغماء والحمدلله ومادخل بغيبوبة سكر والله نجاه بس المره الثانية مانضمن ياليت مايتعرض لزعل بسرعة مصعب نزل على الأرض وسجد سجود شكر وهو يحمد الله ويشكره ...توقع معاد بيشوفه منيف طالع مصعب اللي سجد بالأرض وفك عادل وقال بصدمه : سكر وضغط وطالع عادل بقهر اتهمت الرجال قتل أبوه حسبي الله عليك وطلع حي عادل طالع منيف بقهر وقرب من مصعب وضمه وقال :ربك قدر ولطف خلاص اهدأ والحمدلله على سلامته وهمس باذنه ليتك فعلاً يكون لك درس وباي وقت راح تفقده لو زعلته مصعب فك يده منه وبسرعة ركض لغرفة أبوه قرب منه وهو ينزل على صدره ويصيح بحرقة حط يده على رأسه وهو موجوع عليه .... مصعب رفع رأسه وطالعه وهو يصيح :ماكنت راح اسامح نفسي لو صار لك شيء أبو مصعب بصوت ضعيف من التعب : ماتبي تفقدني الماضي يندفن ولا بتفقدني بأي لحظه معاد فيني صحه تحمل @ @ @ @ {الجنوب } شاف رقمها عض شفته متفشل وش يقولها فتح الخط ورحب فيها قالت بضيق : ياسر ابطيت علي يمه قلت لي بترد لي خبر وللحين مارديت قال وهو يعتذر : أسف ياعمه والله ماحصلت حجز للرياض ذي اليومين بزعل : كلمتك من مبطي ولا تحركت الله يهديك والحين بعد مااعطيت ولد أختي كلمة قاطعها وقال :خليش جاهزه ساعة كذا واطلع من دوامي ونمشي بر نوفه بزعل : تقولها صادق ولا تسكيته لي ياسر ابتسم : افااا للحين ماعرفتي تربيتش انه صادق او لا نوفه بحب له : صدق انك عزوتي الله لا يحرمني يمه وقفلت وهي تدعي له .... @ @ @ بالمطبخ يحضرون الغداء قالت بحده : نور الحقيني وجيبي معش حافظه بنطلع الحم من التنور همست لنور : أمش ايش فيها ماهي طيقتني أبد اليوم نور طالعت أمها ورجعت طالعتها : مدري والله بس ماهو جديد عليش طبعاً خليني بس الحقها قبل تعصب علي شدن ميلت فمها بسخرية ...أخر همها يقال اللحين ورجعت انشغلت بتقطيع السلطه ...وبالها مع رسالة التهديد اللي مرسلها لها ياسر اففف هي ناقصه الحين ...يزعل عشان نومتها عند نور ..هوو السببب فيها ... أول ما اقبلت نور واللحم بيدها وصلتها الريحة : آه يازين لحم التنور له ريحه وطعم مميز نور : اخخ لا يكون وحمش جاي عليه شدن بترد بس انكتمت يوم قالت أم ياسر : اي وحم ماهي حامل توترت حدها انكشفت كذبتهم ياويلي ... بس زفرت براحه ..يوم كملت وهي تقول بزعل واضح بصوتها :ياسر يقول كان شاكين وماطلع به حمل وطالعتها بتحقير يمكن خيره لوليدي ياسر قالهم متى ..صح ارتاحت... من ذا الهم كان ....على قلبها بس انقهرت من كلامها ...ومن نظراتها بعد طالعت نور وقلت وأنا احاول ابين ان كلامها ما أثر فينيي : ان شاءالله الله يرزقني قريب واسميها على أسمش نور حسيتها ماعجبها ردي وطلعت من المطبخ وهي تعجل علينا بتحضير الأكل بس انقهرت من صرخة نور : لا اذبحش والله شدن بقهر : ليه ان شاءالله نور : ماتشرف صراحه وهزت رأسها بقرف وع بنتش وبنت ياسر سميتي لا والله مايصير شدن رفعت حاجب بتحدي : والله انها على اسمش وغصب عنش حور بسخرية : احملي أول وبعدها سمي شدن كشرت بقرف : وع نور سمعتي اللي تتكلم أقول برا الحقي أمش ساكته نور صدت بزعل : ياليت ثاني مره ماتكلميني شدن فتحت عينها بصدمة من رد نور : خير خير انتِ بعد حور طالعتها بشماته وفكتها ضحك وطلعت وهي تقول : اللهم اضرب الظالمين بالظالمين شدن بقهر ضربت نور على كتفها : عجبش يازفته نور عقد حواجبها : قلت لا تكلميني ولا اكلمش فاهمه شدن وهي مقهوره :وش سويت وأنا مدري نور طالعتها وقالت وهي ترفع أصبعها : أولها انش للحين ما كلمتي ياسر يسفرني معاكم وأخرها تسمية بنتش على أسمي هذي اللي حرقت قلبي صدق شدن بعصبيه :والله اني كنت ناويه اقنعه وماتخطى من هنا إلا بش اما الحين افلحي من قدامي لوتموتي ماسافرتي معنا وبنتي يالخايسه الي ماتبينها تسمى عليش غصب عنش بسميها عليش وبعد لو حصلت ولد وربي كتب لش نصيب باسمي على رجلش وش عندش يالله اشوف وشلون تمنعيني نور صرخت معترضه : عساش الموت ياعديمة الكرامه بعد اسم رجلي ماراح يسلم شدن لعبت بحواجبها تغيضها بس فتحت عينها بصدمه يوم قالت وهي تقرب منها وتهمس : ادعي معي اني انخطب وانفك من خلقتش وخلقة ياسر بذا البيت وبعدها حلالش الأسم شدن عضت شفتها : ليه حبيبتي جالسين على راسش نور هزت راسها : لا والله بس أبد ماهو متقبله وجودكم قدامي مع بعض شدن ابتسمت بخبث وميلت عليها وهي تدقها من كتفها : سبحان الله انتِ تغاري عليه منه وهو يغار منش يالله لهالدرجة تحبوني نور طالعتها بتصغير وأشرت عليها : اللحين أنا اغار عليش ليه شايفة عقلي مركب بالمقلوب شدن رفعت حاجب وبثقه : والله كل شيء واضح قدامي مهما حاولتي تنكرين ماتبين ياسر يشغلني عنش وينسيني صداقتش نور رفعت كوب المويه وهي تقول : والله كلمه زيادة بوسط جبهتش بس وقف الكلام يوم شافت ياسر واقف قدام باب المطبخ نزلت الكوب وهي مرعوبه وقالت وهي تبرر له : والله مدري وشلون متحملها ياسر بقهر طالع شدن :نور تسوين خير لو كملتي اللي ناويه عليه ولا اوصيش بنصف الجبهه تكفين نور بسرعة رجعت رفعت الكوب : والله قد كلمتك شدن صرخت مصدومه : خير خير متفقين علي ياسر أشر بيده : يلا بس تجهزي بنسافر شدن فتحت عينها بصدمه : اللحين ياسر زفر بتعب : ايه ماحصلت حجز قريب ومابي ازعل عمتي وطلع من المطبخ نور بسرعة مسكت بشدن وضمتها وجلست تبوس فيها : أنا بوجهش بسافر معكم الله يخليش قاطعتها شدن وهي تدفها : تقلعي نور وهي تترجاها : والله آسفه شدن رفعت رفعت رأسها بغرور وأشرت لها بيدها بقرف : يلا مناك واعطتها ظهرها وقبل تطلع التفت عليها ورفعت يدها بتهديد : ياويلش تلحقيني فاهمه نور عضت شفتها بقهر ودها بالعمره وبعد ودها تسافر لو مره بمدينه غير الجنوب ... شدن دخلت الغرفة ...طالعت بعيونها تدوره ماله أثر سمعت صوت الدش ...عرفت انه يأخذ شور بسرعة رتبت لها شنطه وأخذت اغراضها الي تكفيها أول ماطلع طالعته ...بطرف عينها ...تحسه زعلان ومعصب منها... اممم فكرت تبدأ تهب ..عليه وترجع الحق لها.... أفضل مايبدأ هوو : ياسر ليه كذا خليتني بموقف بايخ حرام عليك والله طالعها بنص عين وهو ينشف شعره وده يذبحها :اللحين أنا حطيتش بموقف بايخ ولا أنتِ اللي فضحتيني بنومتش بغرفة البنات وخليتي موقفي بايخ قدام أهلي الصبح صرخ بقهر لمتي بتحمل حركاتش شدن ترى لا تفتكري سكوتي بيطول شدن بلعت ريقها من نظرته ماتحبه لو ناظرها كذا دليل واصله معاه ...وبعد طريقة كلامه ذي ماتحبها ..تحسه معصب صدق ...منها ذي المره ...حاولت تنزل دموع بس مع الآسف رفضت تنزل حاولت تذكر شيء ...يحزنها بس هالمره ماقدرت ...حتى دموعها عاندتها ..اليوم قربت منه وهي تحاول تغير صوتها لوحده شوي وتصيح :خليك الحين من سالفة نومي وقولي ليه ماقلت لي انك خبرت أمك وأبوك بسالفة الحمل قاطعها وهو مرعوب مسكها من كتوفها : لا يكون هببتي شيء غير الي قلته شدن هنا صدق خافت منه ...هزت رأسها بلااااا وقالت : لا لا على طول فهمت يوم بدت أمك ترمي علي كلام عرفت انك قلت لها فكها وهو يتنهد : اوووه الحمدلله وطالعها بتحذير انتبهي ثاني مره تغلطين ترى أمي نبيهه تلقطها على طول فاهمه خلاص سالفة الحمل هذي تنقفل لأبد فاهمه للأبد شدن فتحت عينها بصدمه وضربت بيدها على صدرها : بسم الله علي ان شاءالله احمل وقريب بعد ياسر طالعها وعض شفته بقهر بتجيب أجله من غبائها : الي يسمعش يقول دعيت عليش شدن جلست على السرير : تسويها والله ادري فيك ماتبي عيال مني ياسر لا لا ذي اللي ناويه على عمرها ..تلفت يمين ويسار يدور شيء يحذفها فيه ..وكاد قلبه يرتاح بس تعوذ من إبليس : شدن لو ماتبين تسافري عادي ترى انا مابي أتاخر على عمتي شدن انقهرت توقعت يراضيها مثل كل مره بس قهرها زود وقفت بوجهه : ايه تبيها من الله ماتأخذني معك بس والله اني قدامك ورفعت حاجب بتحدي ياسر هز رأسه وهو يستغفر ويدعي الله يصبره بسرعة كمل لبس وأخذ الشنطه وطالعها وهي تلبس العباية قال بتحذير : أهلي كلهم متجمعين بالمقلط يتغدون نمر نسلم عليهم ونطلع تفتحين فمش بكلمه ياويلش فاهمه ماهو ناقص مشكله مع أبوي وأمي ولا تنسين سفرنا للعمرة تمام شدن انقهرت من تحذيره لها قالت وهي تذكره : للتذكير وحفظ الحقوق ترى انا صاحبة فكرة العمرة ياسر طالعها بعصبيه وهو وده يفرمها ...الحين وقت حفظ حقوق ..طلع قبلها واتجهه للمقلط انصدم يوم شاف نور لابسه العباية وجالسه جنب أبوه والشنطه جنبها عض شفته بقهر نزل نفسه وسلم على أبوه وأمه أبو ياسر : ليتك بس جلست تغديت ياسر : والله مابي يبه وعمتي تنتظرني أم ياسر بقهر : ماراح يصير شيء لو أنتظرت شوي أجلس ذوق الحنيد ذا سويته ياسر : والله مابي يمه أبو ياسر : بحفظ الله يبه وماوصيك على أختك وعمتك وطالع شدن وزجتك بعد شدن هنا بغى يغمى عليها من الصدمة يوصي عليها بعد أشرت لنور انها متفأجاه نور رفعت يدها وسوت علامة (قلب ) انقهرت الخايسه تتمصلح منها ماهو حب بوجهااا ...ودها تفسخ شبشبها وترميها بس احترمت الي جالسين أم ياسر للحين تزن وميته غيره من تحكم نوفه بولدها : عجلت عليك نوفه بذا الوقت كان انتظرت لما بكره الصبح ياسر أمه رافضه تعتقه بضيق : أنا قلت لها يمه إلا هي أبد ماتبي تضيق علي وطالع نور : ماله داعي سفريتش نور بقهر :يبه تكفى اقنعه يأخذني معاه والله ودي اعتمر أم ياسر بحده :الحين اختك إلا ماله داعي وغيرها ساحبها قدامك وطالعت شدن بتحقير أبو ياسر : وش بيضرك لو أخذتها تاخذ معاكم عمرة وبعد حور خذها معاك تأخذ أجر خواتك حور بسرعة قالت وهي تناظر شدن بتصغير : لا مابقي إلا هي اسافر معاهم شدن انقهرت حدها من رد حور اخخخ ليت المكان غير المكان كان خلتها مكان هذا التيس يأكلون منه ياسر تعوذ من إبليس أمه وحور يغلطون كثير على على شدن ...وهو مايبي يرد ...او يتكلم عشان مايقولون واقف ..بصف مرتك ..وتصير مشاكل ومايهون عليه يزعل أمه بس حور يعرف وشلون يتفاهم معاها أشر لنور وهويتحلف فيها : يلا نور وقفت بسرعة وهي تقرب من شدن وتهمس لها : وناسه مسافرين مع بعض شدن طالعتها بتعالي : لا تعرفيني ولا اعرفش نور ضحكت عليها ...وهي فرحانه ماهي ..مصدقه انها خلاص بتسافر معاهم ...طلعوو السيارة همست لشدن الي ركبت جنبها : غريبه راكبه وراء طردش ياسر حتى ماتركبين جنبه شدن انقهرت حدها من كلامها : يالفتانه ناسيه ان أمي جايه معنا قلت اختصرها على عمري اركب من الحين هنا أشرت على نفسها :أنا فتانه اممم بكون احسن منش وبقولش جزيتي خيراً يا اخيه شدن رفعت حاجب : من متى يا اختاه ذي الاخلاق الحميدة ياسر بعصبيه طالعهم بالمراية : والله لو تبدون تستخفون دمكم لا اقتلكم نور وشدن الثنين سكتوو شدن همست لنور : ذا وش فيه معصب علينا كذا زودها صح نور بخبث همست لها : ماهو تقولي انه خاتم بيدش يالله أشوف وش يطلع معش شدن انقهرت حدها قربت شوي وقالت : يويو بس رجعت نفسها بسرعة من صرخته عليها شدن طالعت نورر بحقد وهمست لها : حسدتينا الله ياخذش نور وهي ماسكه ضحكتها : تستاهلين فشلش شدن انقهرت وحست دموعها ..بعيونها خير كذا يعاملها اللحين ..طيب والله لا تخليه ...يحفى وراها أول ماوقفوا جنب بيت أمها ..على طول نزل طالعت نور اللي ضحكت بصوت عالي وهي تقلد صوتها : يويو عضت شفتها بقهر ورفعت شنطتها اليد وضربتها بقوه ياسر فهم عمته وقالها بوجود نور معاهم بس تطمن يوم قالت : ماعليك مصير الكل يدري امش بس خلينا نتسهل ياسر أخذ الشنطه عنها وطلع ...انقهر وهو يشوفهم يتهاوشون ..تلفت يمين ويسار يشوف ..حد بالشارع والله لا يذبحهم لو فيه حد ويشوف المهزله اللي يسوونها .. فتح الباب اللي جهة شدن بعصبيه : ربي رحمكم مابه حد إلا والله مايردني عنكم إلا كفر السيارة وقفل الباب بقوه نورر همست لشدن : يالطيف الطف رجلش ماهو بطايقنا أبد شدن : وش رايش نقهره و ننزل ونخليه يسافر لحاله نور انقهرت من تفكيرها : انثبري بس يبيها من الله ياغبيه شدن طالعت جهة أمها الي تكلم زوجها قالت بسخرية : اخخ احس خالش شوي ويجي معنا نور هزت رأسها بشفقه عليه : حرام على ياسر ماعزمه ولا عمتي نوفه بعد عزمته شدن : مسكين لو ينتظر عزيمة ياسر والله ماراح يعبره ..إلا مفروض كان سوى مثلش وباع الكرامة وجا غصب معنا نور بقهر طالعتها .... شدن ابتسمت لأمي أول ماركبت قربت شوي ونطيت بالنص ومسكت يدها وجلست ابوسها وبعد بصوت عالي عشان أقهر ياسر بس تفشلت يوم قالت :خلاص يمه والله كتفي انخلع وجاني شد بظهري وانا لافتن حولش ابتعدت واعتدلت بجلستي انقهرت يوم سمعت نور تقول : ياكثر مانقصفت اليوم جبهتش انا لو منش اصير صنم ومعاد انطق ولا اتحرك حست بقهر حدها اليوم فشلوها ياسر على عمتها الاثنين ماقصروا فيها ..بس هين ....والله راح تنتقم منهم الآثنين مع بعض ...وبذات وهي عارفه وشلون يغار من اخوانها يوم تكلمهم آه صدق وحشوها لها اسبوعين من أخر مره كلمتهم : ياسر طالعها بالمراية عصبت حدها حتى ماكلف نفسه يلف يطالعها كملت بقهر :بروح مصر برجع لأمي وحشتني قالت كذا عشان تأدب أمها نوفه بعد بس عصبت أكثر يوم قال : ابشري ولا يهمش اصلاً أنا ذي اليومين شغلتي اجمع بين الأهل والاحباب شدن : اي سوي خير لو مره بحياتك وصدت بزعل يوم سفها وبعد اللي زعلها أكثر أمها ..نوفه ماعلقت ولا شيء ...على كلامها ماغير قلقان على الشحط ..ولد أختها ..وشلون بتقابله تكرهه وتحسه أخذ الغلا كله بتموت من غيرتها منه بس انقهرت يوم نور قربت منها وخمتها بقوه وقالت : تكفين خذيني معاك لمصر الله يخليك انصدمت منها.. هي قالت كذا عشان ..أمها وياسر يحسون على عمرهم وذي نشبت لها دفتها بقرف : الله ياخذش تبين تروحين معي بكل مكان @ @ @ { الديرة } جالسه مع خواتها ....وبالها أبد ...ماهو معاهم ماتدري ايش ...صار معاه ...بعد الي شافه عن أمه ياترى بيصدق فيها ولا لا ... طالعت محمد اللي ضربها على كتفها وقال متذمر: افف اصايل ليه صرتي تسفهيني تسذا لي ساعة اكلمتس شمسه بخبث وهي تأكل فشار :لا تنقد عليها حمودي وقربت منها وهمست بسخرية :مدام تسذا ميته وراه الليلة لو تبين تروحين له مستعده اكلم عواد يوصلتس يمه بس تجلسين تسذا محنطه بينا مايصير اصايل ناظرتها بعصبيه : ياليتس ماتحكين وأنتِ ماتدري بشيء شمسه همست لها : أجل تعالي للغرفة وقولي اللي بخاطرتس كله الليلة مستعده اسمعتس اصايل وقفت : مابي لا اجلس معتس ولا اقولتس شيء وراحت لغرفتها شمسه رفعت حاجب وطالعت خالتها اللي قالت والحسره بصوتها : خايفه عليها بيذبحها الزعل شمسه بقهر : والله بنتس يبي لها ذبح ذبحت نفسها وراه وهو مايستاهل بعدين مفروض تفرح أبوي ماغصبها هي الي قرررت تخليها قد قرارها محمد هز رآسه بحسره : والله انه كان حبيب ودفيع ماهو بمثل رجلتس البخيل هذا أول ماشافني اعطاني الف ريال مره وحده وبعدها وعدني يأخذ لي سووني خساره الحين راحت علي كله من اصايل وقت زعلها شمسه ودها تقوم تذبحه بسخرية :صراحه اصايل مره استعجلت كان صبرت حتى أخذت السوني محمد : مفروض والله بس هي نحسيه من يومها القزمة ذي شمسه وقفت ومسكته من مقفاه ومشته للغرفته وقالت :وقسم بالله تطلع من غرفتك الليله ذبحتك صرخ معترض مايبي ينام : ليه وش دخلتس تزعلين تسذا ترى ماقلت رجلتس الي وعدني رجل اصايل شمسه قفلت عيونها بصبر وصرخت : قلت لك تختفي مابي اشوفك وأنا هنا ...يالشحات فتحت الباب ودفته ورجعت قفلت الباب ودخلت لاصايل شافتها بتعترض قالت بحده : ترى بلحقتس بمحمد الحين خليني اسمع منتس كلمة تقهرني اصايل رفعت حاجب : جايه لغرفتي وتهددين بعد شمسه قربت منها وجلست طالعتها شوي : كلمتس اليوم صح اصايل توترت وهزت رأسها بلاااااا شمسه قربت منها وهمست : علي اصوله حالتس ماينقلب تسذا إلا مكلمتس اصايل وقفت ودفت المفرش وقالت : ليتس جبتي عدول معتس الحين يعذب أمي شمسه وقفت ومسكتها من يدها تمنعها تطلع : ليه تردين عليه خليتس قد قرارتس اصايل صدقيني الرجال مايحب الضعيفه والخفيفه يضمنها ويسوي كل شيء عشان ماهمه بالأخير يقول أكيد بترجع لي بس لما تصد يعرف ايش وقتها خسر قاطعتها بعصبيه : قلت مليون مره لا تحكي بشيء ماتدرين عنه وجلست وهي تصيح بحرقه : خلاص تكفين لعاد تجيبي سيرته لا بخير ولا بشر شمسه جلست جنبها وضمتها لصدرها وهمست لها : اسفه بس لمصحلتس تحسبيني ماهو مقهوره عليتس والله بموت ودي اقطعه بسنوني بذات يوم اشوف حبتس له ودي اعرف ليه حبيتيه وهو تسذا اصايل همست لها وهي تصيح : حتى أنا مادري .... شمسه ضمتها وهمست لها : مصيره يعرف وش خسر ومصيره يتذلل لتس خلاص اهدي اصايل طالعتها : مابيه يتذللل لي ولا ابيه يرجع لي شمسه صغرت عيونها : ايه بدليل اول مايدق تردي على طول اصايل وش تقولها ان الموضوع مو تسذا الموضوع اكبر من تسذا بس مستحيل تفضح أمه وتقول الي صار قالت وهي تصرفها : رسل بس رسالة انه يبي يشوف عادل ورديت عليه قولت له تعال حياك تشوفه بس شمسه عضت شفتها بقهر : بعد حياك اصايل بتلعثم : وش تبيني اقوله لا عشان يعند ويجي يأخذه مصعب العناد والصوت العالي ماينفع معه شمسه وقفت ورفعت يدها بوجها : مالت عليتس ثم مالت خليتس بس تحت خوفتس منه وأنا اروح اشوف رجلي احسن من مقابلتس اصايل بدقه لها : سبحان الله مغير الاحوال شمسه رفعت حاجب : ياحبيبتي ذا الرجال اللي الروح ترخص له ماهو مثل اللي عندتس ورفعت يدها اسفه غلطنا عليه اصايل ابتسمت بسخرية وهمست :بعد الروح ترخص له عادها تعتب علي شمسه ابتسمت وقربت منها بوستها بخدها :بعد يومين يسافر عواد وجايه اجلس معتس اصايل صرخت معترضه : تكفين لاااااااا خليتس منثبره بيتس شمسه رفعت حاجب :بجي وبقعد على قلبتس وبتكلم عليه وبحرق دمتس عليه ويا انا ياهووو بعد خط طويل وتعب ولله الحمد وصلوا الرياض على طول ياسر... أخذ شقه مفروشه ... ونزلوا فيها ....أول مادخلووا شدن رمت نفسها على الكنبه وقالت بتعب : وه مابغينا نوصل نور رمت نفسها بجنبها : والله كرهت السفر معاكم شدن طالعتها بنص عين : ليه ان شاءالله الآخت ماعجبها السفر معنا نور كشرت : مدري أبد مافي فله ماتوقعت عمتي طول الطريق دبلت كبدنا بولد أختها وياسر ماغير يقول كلمه ويسكت خمس ساعات ..وأنتِ طبعاً مافي حد بكامل قواه العقليه يتسلى ويهتم بسواليفش سحبت الخداديه ورمتها عليها وصرخت عليها : احمدي ربش طلعناش برأ الجنوب نور رفعت يدها بوجها : مالت عليش بس يقال مسفرتني برا المملكه شدن : يحصلش العاصمه ياغبيه نوفه جلست على الكنبه بتعب شدن طالعتها بزعل تبيها تعبرها بس أبد ..وجهت نظرها لياسر وهو ينزل أخر شنطه لهم ويقفل الباب وجلس جنب عمته وقال : عساش ماتعبتي بس نوفه: يهون التعب بشوفتي له ياسر : روحي ارتاحي شوي واجيب فطور واصحيش نوفه هزت رأسها بلا : بنتظر الفجر يأذن وبصلي وبنام ولا تصحيني على الفطور مالي نفس شدن ضربت يد بيد : يا ذا المصعب اللي طفش امنا سكتت يوم طالعتها بعصبيه وقفت وهي زعلانه منها ياسر بحده : عجبش اللحين شدن صدت بزعل بدون ماترد ... عليه نور تطالعهم بشماته اخيراً عصافير الحب تهاوشو بس انصدمت من رد ياسر : افاااا شدون تصدين وتسفهيني اهون عليش يعني وطالع نور تقلعي نامي صرخت بقهر بذات من ابتسامة شدن اللي كلها شماته قالت وهي تذكره : تووك قلت بتفطرنا اوكيه ياسر : غيرت رأي وبنتظر لما النور يطلع وبطلع مع شدون نفطر برا شدون بدلع : لا تحاول ماراح ارضى نور صرخت معترضه : وجع ان شاءالله شدن طالعتها بقهر هي يالله مصدقت يعطيها وجهه ويراضيها وذي جالسه بينهم عذول : اففف ياسر انزل خذلها من اي بوفيه سندوتش طعميه ولا بيض وفكنا من صدعتها ياسر طالع ساعته : باقي مافي ولا بوفيه مفتوحه ذا الوقت حتى الفجر مأذن نور بقهر : بعد ذا السفر والتعب طعميه وبيض والله ماكل إلا الي تأكلونه ياسر طالع شدن : مدام ذي بتشنب لنا نطلب فطور هنا ونرتاح من صدعتها ومن بكره نصرفها شدن بدلع وهي تطالع نور بستفزاز : على أمرك نور وقفت وهي تصرخ بقهر : أنا استاهل جيت معاكم بس حسبت عمرة ابي الأجر ياسر بتحذير وهو يذكرها : ياويلش تقولي شيء لأمي ولا لحور فاهمه نور بطفش : ترى طفشتوني طول الطريق تحذير منك ومن عمتي والله فهمت وطالعت شدن اللي مبتسمه بعباطه يقال انتصرت عليها قالت وهي ترد لها الدقه :بس بيني وبينك من حقك تحذر تفتكر الناس كلهم مثل الخبله زوجتك بس انقهرت يوم سفهتها وكأن الكلام ماهو لها وقفت بدلع ومسكت يد ياسر وهي تتسند عليه : وين غرفتنا ياسر دايخه نوم صرخت بقهر : والفطورررر @ @ @ فتحت عينها ...وهي تسمع حركته بالغرفة ... يالله وشلون أمس ماحست عليه يوم رجع بس طول عليها وهي كانت مواصله ونامت بدون حس ابتسمت له وهي ترفع شعرها : صباح الخير طالعها ورجع يقفل ازارير ثوبه : صباح النور جلست ووهي تبعد المفرش : أنتظر لا تروح حتى احضر لك فطور هز رأسه بلااااا : الليلة يوم ارجع ان شاءالله نمشي خليك جاهزه ولمي كل شيء يخصك بالشقه قلبي قرصني من كلامه (لمي كل شيء يخصك بالشقه ) خفت لو يرجع ...ويفتح معي سالفة ..فراقنا ..بس تطمنت يوم قرب مني ونزل نفسه وفتح الدرج وأخذ ساعته وقال بضيق واضح بصوته : تكفين لاتطوليها يوم ارجع تكوني جاهزه مخنوق من الشقه ومن الرياض كلها ماهو قادر أجلس زيادة الشموخ طالعته بحيره وسألت بتردد: طيب والعفش والشقه وشلون تسافر وأنت ماسلمتهاحتى عناد بضيق : وكلت خوي يبيع العفش مابيه و الشقه اليوم بنهي كل شي مع صاحب العماره والحين رايح بسلم المكتب صك البيت وبعد بشوف ...عمال المزرعه وبتفق معاهم يخلون بالهم على الخيول حتى احصل بيعه لها هي بعد ... الشموخ يعني مخلص كل شيء ...حسيت نفسي متوتره مدري من وين أبد ...سميت بالله وأستغفرت أكثر من مره وأنا أقول ...يارب اجعل لي خيره بالآيام المقبله ...وقفت أخذت شور ..وتوضيت وصليت وفتحت القران ...وقريت وردي اليومي ..اللي من وقت ماحافظت عليه ..صارت نفسيتي مرتاحه ... فتحت الشنطه ولميت اغراضي بطريقه عشوئيه وبدون ترتيب وهذي ماهي عادتي بس ...عناد وترني حيل بهذا القرار المفاجىء ..... قفلت أول شنطه ...وبعدها..بديت انزل ملابس عناد .. جلست على السرير وأنا ازفر براحه : الحمدلله هم الملابس انتهينا منه ...رحت للمطبخ سويت لي فطور ...وافطرت ...وبعدها كملت باقي اغراضي ... اذان الظهر ...خليت اللي بيدي ورحت صليت وريحت شوي ...احس ظهري وجعني حيل وبعد يمديها باقي وقت لما الليل تكمل عناد رجع الشقه ودخل الغرفة شاف اغراض واجد منثره بالأرض وعلى السرير قال وهو متذمر : للحين باقي ماكملتي عقدت حواجبي : عناد لا توترني بالله انا كذا ماحب اشتغل بعجله عناد : طيب لمي هذي بسرعة وانا بروح اخذ اللي بالمكتب وانزل الشنط هذي مدام خلاص تقفلت كويس مدام هو قام بالمهمه كنت شايله هم اغراضه اللي فيه ...خليني اروح اجمع مكياجي ..وعطوري ...إلا وش كثرها أخذت الشنط وطلعتها للصاله رحت لجهة المكتب وقلت : اساعدك عناد هز رأسه بلااا : اهم شيء انتِ كملتي كل اغراضك الشموخ :ايه الحمدلله وسألته بتردد : وين بنسافر حايل ديرة أبوك طالعها وتنهد بضيق : ودي بديرتي شمر بس مالي وجهه بعد اللي صار أمي الله يرحمها حكمت علي الوحده طول عمري .... عضيت شفتي متندمه ليتني ماسألت .. قربت منه وقلت وأنا احط يدي على كتفه : ليه تحس بوحده وأنا معاك عناد طالعها بشفقه هي حتى صارت وحيده ابتسم بألم : الله لا يحرمني منك وقفل الشنطه : أنا بنزل الأغراض وانتِ تجهزي بنمشي الشموخ بصدمه : اللحين بنمشي قلت باليل عناد : مدام كل شيء جاهز مشينا وشهوله نتظر هزيت رأسي وقلت : اللي تشوفه ... طلعت معاه وأنا أفكر وين رايحين ..صح تفأجات كل شيء جاء بسرعة بس ..أحسن شيء بهذا القرار اني طلعت من هذي الشقه اللي كلها ذكريات موجعه لي ...ودي أسأله وين مسافرين وين بنستقر بس خايفه يرجع ويتكلم بوجع مثل ماسألته قبل .. ماتحب تسمع نبرة الوجع اللي بصوته ...بس صعب تجلس كذا ماهي عارفة وين رايحين ..قلت بتردد وأنا خايفه يعصب علي : خلينا نستقر بجدة سكت يوم طالعني ورجع يطالع الطريق : تبين تقربين من أهلك خايفه تعشين باقي عمرك وحيده مثلي هزيت رأسي يالله كل شيء صار يتحسس منه : لا عناد طالعها وقال : أجل الشموخ عضت شفتها وهي تفكر بالرد قبل تقوله تخاف اي كلمة تجرحه ويفهمها غلط : لا بس عشان أحب جدة لا تنسى ولدت وتربيت فيها وعشت فيها أجمل حياة وقرار أبوي ان نرجع للرياض كان غلط من البداية ...ماعلق ولا رد بس طالعني ورجع يطالع الطريق .. ابتسمت وقلت : بس تصدق الحسنه الوحيده اللي حصلتها من سكنا بالرياض أنت طالعها وأبتسم وهمس :تعرفين وشلون تطلعين نفسك بسرعة الشموخ حسيت عمري بطير من الفرحة وأنا أشوف ابتسامته أول مره أشوفها من وقت ما ماتت أمه ...معقول يادوب طلعنا من الرياض تغيرت كذا نفسيته ....اللهم لك الحمد قلت وأنا فرحانه : لا يكون بس ماهو مصدقني طالعني وقال بجديه وضحت بصوته : نستقر بجدة صعب انا منحاش من المشاكل مابي اقرب لها عضيت شفتي وأنا عارفه قصده أبوي تنهد وقال : بس به حل يكون منصف لي ولك بستقر حالياً بمكه وبتكوني قريبه من أهلك مابينكم غير ساعتين ادعي بس اني ارتاح وأنسى الشموخ وجعني قلبي عليه : الله كريم وتذكر انك أخترت أطهر بقعة بالأرض أكيد نفسيتك بتعدل عناد : أول شي بنأخذ عمرة الشموخ يالله تذكرت يوم طلبته ورفض واليوم هو بنفسه يقولي يالله كل شيء كان نفسي اسويه معاه يصير همست : يارب لك الحمد @ @ @ رجع البيت ودخل غرفته ...شاف كل شي حوله معدوم ...طالع جهة جواله ..وجلس على ركبه وأخذه حاول يصلحه ...بس وين الشاشه ..معدومه رجع رماه ..بقهر وصرخ وهو مقهوو ومغبون من كل شيء يحصل معاه وبعد تذكر كلام أبوه له بالمستشفى ...وشلون يبه تبيني انسى كل شيء شفته ودريت به ... اللي صار صعب علي ..ومستحيل اصدقه ..او انساه أكيد مظلومة ...مافيني اصدق فيها... ومافي دليل قوي أخاف من كرهه لها جالس يتبلى عليها ... رفع رأسه يالله قويني تعبت والله مدري ...من وين احصلها .... من حقيقة أمي اللي للحين ماهو قادر استوعبها ولا فراق اصايل ..الي احتاجها حيل ذا الوقت وده يقدر يتكلم ..ويطلع الي بقلبه ...ومافي حد بيسمعه وقلبه عليه مثلها ..... ضرب الأرض بقهر ضيعها من يده ..وكان بعد بيضيع أبوه ...هز رأسه وهو فعلاً مايبي يتذكر الحاله اللي كان فيها أبوه ...يالله صعب تشوف أبوك قدامك بلى حركة وأنت عارف انت الي زعلته وتسببت له ... فكر يدق على خالته ويسألها عن صحة كلام أبوه وقتها بيعرف ... @ @ @ @ طول وقتها وهي ماسكه الجوال ودها تدق عليه بس خايفه يكون نايم وتزعجه .. والحين أذن العصر قامت صلت طالعت جهة غرفة ياسر وشدن وقالت ذولا ماهو ناوين يصحون ....قربت من الباب ودقت على خفيف : الصلاة يمه فاتتكم ورجعت صحت نور ....وجلست على السرير تحس بقلق من المواجهه ...الحين تقدر تدق عليه أكيد صاحي ...رفعت جوالها ودقت رقمه .. وطبعاً مثل العاده تحس بقلق من رده عليها وشلون يكون بس انصدمت يوم حصلت جواله مقفول نزلت الجوال وهمست الله يستر لا يكون حركه منه عشان تفهم انه مايبيها ... هزت رأسها وهي تعوذ من إبليس طالعت نور اللي كملت من صلاتها وجت جلست جنبها : علامش عمه تكلمين نفسش همست : مقفل جواله نور عقدت حواجبها :مين نوفه وقفت وقالت بضيق : مصعب نور كشرت من سيرته صادقه شدن طفشتهم بسيرته وماعندهم سالفه إلا مصعب قالت وهي تطمنها : عادي ياعمه ماتدري وش ظروفه نوفه : خير ان شاءالله بنتظره لما المغرب وبرجع ادق نور هزت رأسها وطلعت من الغرفة ميته جوع بتشوف اي شيء تأكله .. شافت شدن بوجهااا طالعه من غرفتها وكشتها طايره قالت بفزع : الله يفزعش وش ذا الشكل تقومين به شافت ياسر جاي من المطبخ وبيده عصير قالت وهي تأشر عليها : وشلون ماقد وقف قلبك وأنت كل يوم تشوفها بذا المنظر ياسر طالعها وقال ببرود : متعود شدن سفهتهم الأثنين ودخلت الحمام نور :ياسر تكفى لا تطلب لنا أكل بالشقه خلينا نطلع افهموو عاد انا جايه اتمشى ياسر طنشها وهو يطالع جهة غرفة عمته : عمتي رجعت تنام نور هزت رأسها بلااا : بالغرفة حدها قلقانه ليه حصلت الأخ مقفل جواله ياسر بصدمه : والله اني قلت أكيد بيسوي حركة من حركاته الخايسه نور عقدت حواجبها مستغربه حكيه عليه : وشلون أنت تعرفه يعني من زمان ياسر سفها ودخل لعمته شافها جالسه على السرير وبالها بعيد جلس جنبها : ماعليش بتوصلين له نوفه طالعته وبغصه وضحت بصوتها : تتوقع قفله عشاني قلت له جايه خلال ذي اليومين ياسر وقف بعصبيه : أنتِ تبي تشوفينه صح خلاص والله ما تطلعي من الرياض إلا قبل تشوفينه غصب عنه وراح لغرفتة ومسك جواله وهو معصب حده دق رقم منيف أول ماسمعه يرحب فيه : هلا هلا اخيراً ياشيخ سمعتنا صوتك خلاص نسيتنا ياسر ابتسم وهو منحرج ومتفشل مايبي يزعجه : هلا فيك وكل مافي السالفة انشغلت إلا طمني عنك وشلونك أنت منيف : الحمدلله بخير قولي متى حاب تجي زيارة للرياض ولا عشان خويك ماهو هنا بتجحدنا ياسر : أنا موجود بالرياض وأبي اوصل لعنوان مصعب تقدر منيف بصدمه : موجود هنا وتبي عنوان مصعب ياسر : ايه منيف بسرعة قال وهو متوتر من طلبه : ابشر بس قبلها توعدني تتعشى عندي الليلة ياسر بسرعة قال : تكفى يامنيف لا تحرجني والله الأهل معي وعمتي تبي توصل لولد أختها ودقينا حصلنا جواله مقفول واللحين نبي بس العنوان وكثر الله خيرك ولك زيارة ولا يهمك قبل امشي منيف يالله وشلون يعطيه يكفي اللي صار ذاك اليوم بس مافيه يرده : ابشر ارسلك الحين موقع البيت ولا تنسى الوعد نلتقي قبل تسافر ولا أقولك بعد ماتقابل مصعب حلفت عليك تجي الليلة بعطيك بعد موقف الاستراحه ياسر : الله يعطيك العافية وابشر على خشمي لو تسهلت الامور منيف قفل وهو متوتر حده بسرعة دق على عادل اول ماسمع صوته صرخ : مصيبه مصيبه عادل فز من السرير : ايش فيه منيف بسرعة قال : مصعب مصعب عادل وقف قلبه : ايش به مصعب تكلم بسرعة منيف بتوتر : ولد خاله داق علي طلب عنوانه عادل رجع جلس وهو يتنفس براحه وبقهر صرخ عليه : فزعتني الله يقلعك حسبت صار له شيء ولا أبوه رجع تعب منييف : اهون علي اعطيك خبر موته ولا اوصف لياسر عنوانه بعد الي صار فيني منه ذاك اليوم عادل قاطعه بعصبيه : ليه ماتعرف تحكي تفاول عليه جالس منيف قفل عيونه الحين وش يفكه منه : خلاص اسفين المهم عادل تكفى أنت ارسله العنوان أنا مالي دخل تكفى دق عليه أنت والحين ارسلك رقمه قوله منيف مات فجأة عشان معاد يفكر يحرجني ويدق يطلب مني شيء يخص الزفت مصعب وابتلش عادل بسرعة قال وهو مستحي مابينه وبين ياسر شيي غير هذاك اليوم يوم شافه بالمستشفى : طيب طيب خلاص فكنا من ذا التخاريف تقولها ورقمه عندي لا ترسله أخذته يوم تقابلنا منيف : تمام وقفل وهو متفشل ...خايف يزعل منه ياسر ...وبعد أخوه ينقد عليه من تصرفه بس يهون زعلهم كلهم مع مصعب مافيه عليه ... @ @ قالت بقهر بعد ماطردتهم من غرفتها وتعذرت بالنوم : والله أمي مقطعه نفسها وراه قلعته ياسر مدام مقفل جواله ليه تطلب عنوانه طالعها وتنهد بقهر : غصب عني والله مابيها ترجع مكسورة إلا ودي أخذها ونرجع ولا تنذل له شدن طالعت نور وقالت : تفتكروها نايمه والله الحين تصيح أنا أعرف أمي نور : ايه عارفين وبحزن عليها كسر قلبها يعني ماقفله إلا اليوم وسكتت يوم رن جوال ياسر رفعه وقال وهو مستغرب وتذكر الأسم اللي نور بالشاشه أشر لهم يسكتوون وفتح الخط وقال : هلا بعدالسلام قال وهو متفشل : أكيد تذكرني ياسر حاول يعصر مخه مين ذا اللي سجله بأسم عادل تذكر بسرعة هذا خوي مصعب اللي قابله بالمستشفى واعطاه رقمه قال وهو يرحب فيه : هلا والله ارحب عادل بخجل : الله يسعدك يارب وصلني من منيف انك تبي عنوان مصعب أبشر بنفسي بوديكم له بس قبلها الوعد الي بينا لزوم تنفذه ياسر عقد حواجبه وهو ناسي : ماتقصر الله يحفظك بس اي وعد تقصد عادل ابتسم : على طول نسيت وش وعدت لو رجعت وجيت الرياض عشاك عندي ياسر ابتسم وهو منحرج من كرمهم معاه : تسلم والله بس والله ذي المره جيتي قاصدين مصعب ومعي الأهل واعتبر عزيمتك وصلت قاطعه : بوصلكم لمصعب بس بعدها مالك عذر وحياك أنت والأهل على العشاء الليلة ولا تزيد ياياسر بالحكي أنت وعدت نفذ ياسر طالع نور وشدن وقال وهو منحرج يرده : الله يعزك بس الليله صعب أول نشوف مصعب وبعدها خير عادل ماحب يحرجه أكثر وقال : بكره أجل عشاك عندي أنت ولأهل فضي نفسك و اعطني الحين موقعك وجاي لكم ياسر وهو منحرج منه : ياشيخ لا تكلف على نفسك ارسل بس الموقع والله يعطيك العافية عادل ماحب يضايقه : ابشر ثواني ويكون عندك ان شاءالله ويالله بحفظ الرحمان ياسر : الله يحفظك وماقصرت قفل الجوال وقال بقهر : احرجنا العالم معنا بسبته المهم بكره جهزوا حالكم معزومين نور بسرعة نطت بفرح وهي تقاطعه : اخيراً انعزمنا وبنطلع من ذي الشقه شدن بحده : ياخبله لا تفرحين وشلون نروح لا لا ياسر احس ماهو مستعدين ياسر عقد حواجبه : سمعتيني بنفسش ماقدرت ارد الرجال شدن : مانعرفهم صعب نور سكتتت فعلاً مايعرفونهم وشلون يرحوون ياسر : احرجني وماقدرت ارد عزيمته ولو محتاجه شيء ناقصش من بعد ماودي عمتي اوديش للسوق شدن سندت ظهرها وحطت رجل على رجل وقالت : اوكيه خليني أفكر ياسر عض شفته بقهر وضربها على ركبتها على خفيف وقال :وجع ان شاءالله احترمي اللي حولش نور بشماته : تستاهل ياخوي بتشوف أكثر من الاشكال هذي هز رأسه بقهر وقف وقال :بروح اطمنها ان عنوانه موجود قرب من الباب ودقه على خفيف وقال : عمه أول ماسمع صوتها تقول : ادخل يمه دخل وقرب منها وجلس على السرير وقال بحزن عليها : ليه كذا حزينه ماتدرين ايش ظروفه واللحين جبت لش عنوانه وابشري بسعدش بوصلش له الليلة ان شاءالله نوفه : صدق يمه جبت عنوانه وشلون ياسر : من عند خويه والحين قومي بنزل اجيب غدا وبعدها نصلي المغرب ونروح له ونزل نفسه وسلم فوق رأسها وهمس لها : والله يضيق خاطري يوم اشوفش متضايقه نوفه ابتسمت له بحب : والله لو جبت ولد من بطني ماغليته كثرك الله يطولي بعمرك ماعمري نخيتك ورديتني ياسر رجع سلم فوق رأسها وقال : الله يقدرني وأكون عند حس ظنش فيني والحين يالله اطلعي من ذي الغرفة نوفه هزت راسها : جايه وراك يمه شدن أول ماشافت ياسر طلع قالت بغيره : أكيد قامت ترقص يوم عرفت انك دليت مكانه نور ضحكت بصوت عالي : الخبله ذي غيرانه ياسر ياسر طنشهم وأخذ مفتاحه وجواله وطلع من الشقه وهو يسمع شدن تقول : فين فين لو تبي تتمشى خذنا معاك نور على طول نطت : اي والله خذنا معاك طالعهم وهو ندمان انه جابهم معاه : صدق انكم عديمين احساس وقت تمشيه الحين بس صدق ماعليكم شرهه الشرهه على اللي جابكم وجمعكم عل رأسه بس غلطه ماراح تكررر شدن : وش فيك كذا هبيت فينا ياسر عارف انه ماراح يخلص لو ماقالها : خلاص ارتاحي بقولش وين رايح رايح اجيب شيء نطفحه بدوخ من الجوع وطلع وهو معصب نور بسخريه : ياحبه للأكل شدن صرخت عليها : بسم الله على رجلي نور : ماعليه لا تخافين تعالي بس نسوي جدول عشان نخطط وشلون نقضي اجازتنا بالعاصمه شدن ضحكت : جدول وإجازه عاد نور رفعت حاجب : ايه أنا انسانه احب الترتيب وامشي بجدول في قضاء العطله شدن : اقول انثبري بس انتي وجدولش الليله تلتقي أمي بالمغثه ذا وبعدها ياسر بيتلتا تل للأبها ياراعيه الجدول نور وهي تذكرها : لا ياخبله ناسيه بكره العزيمة أكيد ماراح نمشي الليلة شدن : مالي نفس اروح نور عقدت حواجبها مسغربه : غريبه والله وانتِ تحبي العزايم والطلعات اذكرش شدن سندت ظهرها على الكنبه وقالت : للحين احبها بس كل مافي الموضوع متفشله منش بس صرخت يوم نور نطت عليها تطقها ..... @ @ @ حاول أكثر من مره يدق عليه ...نفس الحكاية مقفل جواله ...ضيع شوي موقع البيت رجع اتصل بعادل ماقصر جاء للمكان اللي هم فيه ودله للفله أول ماوصلو فتح الدريشه ورفع صوته وهو يشكره قفل الدريشه وطالع عمته وقال :والله ياخويه نشمي وبعد عزمنا بكره عنه نوفه بضيقه : أنا جايه مابي عازيم واكلف على أحد جايه ابي اشوفه وامشي عادل : والله ياعمه ماقدرت ارده سكت يوم قالت : ياخوفي يرفض يقابلني ياسر بعصبيه : قلعته اسمنه هو الي في الأخر جحد نوفه طالعته وهمست بوجع : لا تشرهه عليه يحق له يصد ويجحدنا حنا جحدناه طول هالسنوات ياسر زفر بعصبيه.. و نزل من السيارة وقرب من البوابة الكبيره ودق الجرس على طول فتحت له نانوووو عقد حواجبه يوم شافها قال بتوتر :مصعب موجود هزت رأسها:موجود ياسر عض شفته وهو معصب حده طالع جهة عمته بالسيارة ...يدعي الله مايكسر قلبها والله لا يذبحه اليوم لو قهرها ... دخلت وهي متوتره بسرعة رقت الدرج وقربت من الغرفة ودقت الباب أول ما فتح الباب قال بخوف : أبوي فيه شيء قالت بخوف منه وهي تهز رأسها : لا لا بابا بخير طلع من البيت عقد حواجبه معصب : طلع وين ليه ماقلتي لي وهذا وأنا قايل لكم ومنبهه عليكم نانوو : بابا رفض يقول فيه شغل وطلع بسرعة تنهد بقهر منها هذا وهو محذرهم : طيب وش عندك ابتعدت بخوف وقالت بتردد : فيه رجآل تحت يبي أنت اف أبد ماله مزاج يقابل أحد صغط على رأسه وقال : طيب فارقي ياسر يوم طول عليه ...تفشل من وقفته كذا قدام الباب ... رجع السيارة ينتظر متى حضرته يطل عليهم ... كلها دقايق ومصعب طلع ..دور الرجال بعيونه اللي تقوله نانو .. بس ما شاف إلا السيارة الي واقفه جنب البيت ..وعلى طول نزل منها ..شخص ماهو غريب عليه ....عقد حواجبه وهو يتذكر شكله ...عرفه على طول مايدري ليه توتر بذات وهو يشوف اللي نزلت وراه أكيد هي مايدري ليه حس بخوف وتوتر على انه كان وده يدق عليها ويسألها بس خايف حده تأكد كلامهم عن أمه بس لا يمكن تكذبهم وبعده قلبه يرتاح ...وتطلع براءة ..أمه .... نوفه طالعت ياسر وهي عارفة وشلون عصبي وبعد مصعب ماتظمن كلامه وتخاف يعلقون مع بعض قالت : أنتظرني بالسيارة ياسر هز رأسه برفض : وشلون نوفه : بقابله لحالي تكفى يمه لا تطولها ياسر عض شفته ورجع السيارة .... وهو مقهور قربت منه بتردد وهي خايفه من رد فعله قالت ودموعها تنزل : تكفى لاتكسر قلبي وتصد بابك بوجهي مثل ماقفلت جوالك مصعب عض شفته يحس عمره مخنوق مافيه يقول لها ويبررر لها ان جواله ماقفله بأردته طالع عيونها من وراء النقاب نفس العيون نفس نبرة الصوت يحس اللي قدامه النايفه بدون حس قال : يجعل الله يأخذ عمري لو سويتها نوفه بسرعة قربت منه وضمته :بسم عليك يجعل يومي قبل يومك يمه ياسر بالسيارة انصدم من الحضن اللي بالشارع قال بقهر : الله يهديش ياعمه بالشارع ترى وأنت ياثور دخلها بس فعلاً مسكها من كتوفها ودخلها انقهر ماعبره وأشر له ينزل صدق قليل ذوق ذا الآدمي مصعب عض شفته وهو ماسك نفسه : كل شيء فيك يذكرني فيها نوفه وهي تمسح دموعها : الله يرحمها ومسكت وجهه بين يدنها وهي تتأمل ملامحه بفخر خلفت رجال النايفه مسكها ودخلها للصالة أول ماجلست على الكنبه جلس جنبها وأشر لنانو تجيب ضيافه وقال : حياك الله نورت الرياض نوفه ماهي مصدقه انها بيستقبلها بذوق قالت بسعاده : الله يعزك يمه بس انصدمت يوم قال : تتوقعين النايفة كانت بتفرح يوم تذكريها بزيارة نوفه قلبها عورها من كلامه توها مبسوطه منه ومن استقباله لها قالت والعبره خانقتها : الله يرحمها سأل بتردد : ليه ماكنتو راضين عنها : مصعب أنا جايه يمك وأنا مابي اسمع عتب وخلي الماضي وراك مصعب بسخرية سند ظهره على الكنبه :وش حكايتكم مع الماضي الكل يبيني انساه الصبح أبوي والحين أنتِ نوفه طالعته سبحان الله نفس اسلوب النايفة تتحول بالكلام وتغير شخصيتها وتخدعك ترفعك للسماء وفجأة تنزلك للأرض قالت :أبوك صادق ليه تجلس تنبش بالماضي مصعب : ودي اعرف الماضي كله نوفه بضيق : يمه مصعب خليك الحين قاطعها بصوت مخنوق : أمي ظالمة ولا مظلومة نوفه توترت حيل من سؤاله وش تقوله بالله وأكثر شيء صدمها يوم وقف وبسرعة نزل على ركبته قدامها وقال وهو ماسك يدها وعيونه دموع : سألتك بالله تريحين قلبي بموت تعبت مدري مين اصدق فيهم أنا بين نارين أمي وأبوي تكفين قولي مين المظلوم فيهم نوفه آه وجعها حيل مسكت وجهه وقالت ودموعها تنزل معاه : يابعد قلبي وش تبي بذا الكلام مصعب وقف وصرخ بقهر : لا تضعين الكلام قولي الصدق نوفه وقفت وقالت بحده : لا تصرخ وبعدين انا ماهو جايه عشان اعرفك بحقيقة أمك ولا أبوك جايه اسلم عليك وقاصده الوصل ومابي القاطعه تستمر ويالله بحفظ الله وجت بتطلع بس وقف بوجهااا وقال وهو منهار : أمي كانت على علاقه مع عمي راشد نوفه صعقت من كلامه بحده : لا تكلم بشيء انتهى مصعب ابتعد وهو مصدوم : يعني فعلاً كانت على علاقة معاه واللي قاله أبوي صدق نوفه حزنت عليه قربت منه وقالت وهي تمسك كتفه وقلبها موجوع عليه وبعد مايهون تتكلم بأختها مهما صار تظل أختها وبعد حرام ينظلم صقر وهو الي انقذها وأنقذ أخوها لا يبتلي فيها حتى طلع احسن من اخوه اللي بعد غلط معاها : أمك غلطت وربك غفور وانتهى الموضوع قاطعها وهو يصرخ : انتهى كذا نوفه قالت بحده : مصعب لو تبي الماضي يسيطر عليك صدقني مافي أحد بيخسر غيرك مصعب جلس على الكنبه وهو يحس بضيق بصدره طالعها والدموع بعيونه :كانت بعيوني ملاك نوفه قاطعته : مهما صار تذكر شيء واحد بس انها أمك وبتفضل ملاك بعيونك مصعب هز رأسه بلاااااااوهو مصدوم حده الحين تأكد مين هي أمه ...والكلام اللي ينقال عنها طول ذي السنوات كان حقيقه ...وهمته انها مظلومة وزرعت فيه احقاد للي حوله خلته .. يكره الكل نوفه قلبها عورها عليه بس صعب تقدر تأخذ وتعطي معاه بذات هالوقت قربت منه وهمست بحنان : أنا أمك أتمنى تتقبلني بحياتك واللحين بخليك ترتاح وبخلي ياسر يرسلك عنوان الشقه اللي أنا جالسة فيها أتمنى يوم تهدأ تجي لي شافته بيتكلم قاطعته أتمنى ارجع اشوفك قبل لا اسافر ...لبست نقابها وطلعت شافت ياسر واقف وكأنه مستعد للهاوش قالت وهي ناقده عليه ليه عاندها ونزل : وش قلت أنا ياسر بقهر طالع جهة باب المدخل : قهرش زعلش والله ادخل واحوس خشته ... نوفه حطت يدها على كتفه : امش بس وخليك من عصبيتك ذي وتحركت تمشي قبله أول ماركبت وهو ركب نزلت دموعها وقالت بحرقه :الولد متدمر على الآخر ياسر مسحت دموعها ماراح نمشي لأبها حتى اشوف وضعه ياسر فتح عينه بصدمه : عمه دوامي نوفه : ارجع وأنا بجلس بالشقه ومعي البنات ياسر انصدم حده من كلامها :وأبوي وش اقوله رجعت بدونهم أكيد بيعرف وقتها نوفه بحده : مايهمني اللحين يهمني مصعب مستحيل اطلع من الرياض قبل اطمن عليه خلاص ياسر لا تزودها معي ياسر شوي وينجن من كلامها : توش متطمنه عليه وش تبين بعد نوفه هزت رأسها بلااااا: الحين وضعه صعب وبكون بدون قلب لو تركته وهو بذي الحالة ...ابيه يهدأ وبرجع اجلس معاه والعقد اللي حطتها فيه النايفه انا الي بقدر اخليه يطلعها من حياته ياسر هز رأسه بعجز عمته ذي ناويه على فصله قال : بشوف دوامي والله يستر بس لا تطلع منه العقد وأنا اتعقد بعده نوفه بحده : قلت لك روح وانا بجلس هنا والبنات معي ماعلينا خلاف ياسر بصبر مايبي يعصب وتزعل منه : صعب صعب اخليكم بلحالكم هنا وبعد دراسة نور بعد إسبوع يبدأ الفصل الثاني نوفه بجمود : وش علينا الحمدلله الدنيا أمان وتطمن عمتك بمية رجآل وطالعته ولو ميت وراء زوجتك خذها معك .. ونور تجلس معي لما تبدأ الدراسة واحجز لنا وحنا نرجع حتى لا تعب نفسك وتجي ياسر يستاهل هو من الاول قالها عنه و اعطاها على جوها ....واللحين وشلون يرجع بدونهم عشان أبوه يذبحه تنهد بعجز : اللهم طولك ياروح @ @ @ (الديرة ) شمسه حطت يدها على بطنها وزفرت بتعب اليوم كله بطوله واقفه على رجولها أم عواد مسويه عزيمه لبسوم بعد مارجعت من السفر وبعد ما الكل راح طالعت ابتسام وبيدها العبايه :وين رايحه خليني احط لنا عشاء ونتعشى مع بعض ميته جوع ابتسام : لا مابي اتاخرعلى بسام دق علي من توو شمسه :إلا على طاري بسام وشلونه معتس بس باقي بثر ولا اعتدل ابتسام تنهدت براحه : لا الحمدلله اعتدل شمسه : الحمدلله يارب أخيراً عقل رن جوالها وقالت بخجل : تونا بسيرته شمسه بسخريه : ذيب ابتسام طالعتها : غصبن عنتس شمسه ضحكت عليها : مسرع ضيع علومتس ذا البسام ابتسام بقهر : عدوة الرومانسية خليتس بعيده عنا لو سمحتي وفتحت الخط وهمست بخجل : هلا : تعالي المجلس اخوتس يبي يسلم عليتس قبل نمشي همست برقه : ان شاءالله طالعت شمسه اللي تطالعها بصدمه قالت بقهر : خيرر شمسه : معقول وصل تأثيره عليتس حتى تغيرين صوتس وين الي صوتها يردح ابتسام وقفت وهي تلبس العباية : معاد اقول إلا الله يساعد أخوي بس شمسه بثقه : تطمني اخوتس مبسوط واشرت لها وهي تنعم صوتها تقلدها : ويالله روحي لبسام لاتبطين عليه ابتسام راحت للمجلس وهي خجلانه من أخوها أول مره تشوفه بعد العرس دخلت المجلس ردت السلام وقربت من عواد الي رحب فيها : هلا والله بالعروس ابتسمت بخجل وسلمت عليه ضمها بحنان : والله على بثرتس بس البيت مايسوي من دونس بسام بلقافه : لو سمحت زوجتي ماهي بثره عدل ملافظك لا اردها لكم ونقفل ذا الباب واريح نفسي من بثرتها عواد بصدمه : أنت اللحين تدافع عنها ولا وش السالفة انا عجزت صراحه افهم ابتسام طالعته بقهر صدق هذا اللي مايعرف يحكي وانقهرت أكثر يوم قال : افهمها مثل ماتحب عواد مسكها من كتوفها وقربها منه ورفع حاجب : أجل اللي فهمته نقفل ذا الباب ونرتاح بسام قال بعباطه : اي باب ابتسام فشلها قدام أخوها هذي عين شمسه توها تمدحه عندها قالت وهي شوي وتصيح من الفشله : الباب اللي من تو تبي تقفله وتريح رأسك بسام وقف : قدامي بس اشغلتونا بذا الباب انتِ وأخوتس عواد أشر للباب : بتنقلع انقلع بلحالك بسوم ماهي جايه معك وطالعه بتحدي بسام طالع ابتسام وقال : مصيبه لو تبي تسمعي كلام ذا الغيور ترى حياته عدم مع بنت عمه ويبي الكل مثلــ......بس ماكمل كلامه إلا هو مسحوب لفوق من ياقة ثوبه صرخ بعصبيه وهو مقهور منه : وشل دخلك بحياتي مع بنت عمي بسام وهو مخنوق :فكني كح كح ابتسام بخوف عليه وهي تشوف وجهه قلب أحمر وشوي وينخنق مسكت بعواد : عواد حرام عليك فكه لا يموت بيديك عواد فكه وقال بقهر : مدام خايفه عليه قلعتكم الاثنين لا اشوفكم بسام اعتدل بوقفته وهو يعدل ثوبه ويسبه بصوت واطي عواد صغر عيونه: لو رجال ارفع صوتك بسام مسك ابتسام وابتعد شوي وقال : يالله اعتذر عواد صرخ : وشهوووووو بسام بسرعة قال : أنا اعتذر منك ومبروك على رجوعك للرياض ابتسام بفرحة : صدق عواد رجعت هنا ومعاد برايح للحد عواد عض شفته بقهر منه يبيها مفأجاة كان خرب عليه :ايه حالياً جابو كتيبه ثانيه بس الله اعلم باي وقت يرجعونا بسام قال وهو يصلح اخلاقه : وأنتم قدها ياصقور العرب الله يحميكم عواد رفع حاجب :ايه اعتدل بسام مسك يد ابتسام وطالعه بنظره تقهر : امشي بس ذا بيضع وقتنا عواد هز رأسه بعجز من هذا الآدمي قال وهو يرفع صوته :الله يصبرتس وأنا اخوتس عليه بسام : انكتم بس وطالع ابتسام الحين لازم ننحاش العمر مش لعبه ابتسام بقهر : مدام جبان ليه تتحرش فيه بسام :هوايه أول ماطلعوا طالعها بخبث : بما انتس تعرفين تسوقين خذي سيارتي وأنا بزرف سيارة اخوتس عندي نسخه من المفتاح اخخخ بس نسوي فيه دقه ونرجعها له تمام ابتسام ضرتبه على كتفه : يالله من اللي ناوي يموت الليله بسام : تكفين خلينا نمقلبه شوي يقوم الصبح مايحصلها وينجن ابتسام وصلت معاها خلاص :والله كلمه ثانية برد البيت واشوف كيف تقدر ترجعني معاك بسام بقهر عض شفته : ماشي منتس نسخة اخوتس طلعتي نفس الحده ماتعرفون بالمزح والمقالب ابتسام فتحت عينها بصدمه : تسرق سيارته وتقول مزح ومقلب بسام بتصريفه : خلاص انسي المقلب واركبي ساكته ابتسام ودها تدخل تذبح شمسه والله هي السبب من مبطي ماستهبل تسذا @ @ @ دخلت جناحها وبيدها العشاء اللي أخذته معاها من تحت راحت للمطبخ وحطته وراحت غرفتها غيرت ملابسها ورجعت حطت لها عشاء وطلعت جلست قدام الشاشه تأكل ... طالعت عواد يوم دخل قالت وهي فرحانه : ربي جابك تعال تعشى هز وأسه بلاااا : لا شبعان غريبه انتِ ماتعشيتي شمسه : مامداني كرف ماشاءالله امك عزمت أهل الديرة كلهم عيني على بسوم ماتعشت زين وراحت مع رجلها رمى نفسه جنبها بتعب وقال :قلنا يسافرون شهر العسل وننفك منهم شهر بس لا رجعوا بعد اسبوعين ورجلها زايد بغثاه شمسه ابتسمت على كلامه : حرام عليك عواد والله البيت مايسوى بدونها وعضت شفتها بحزن عليها كان بعد كل عزيمه نتجمع أنا وهي واللحين شوفني لحالي بدونها عواد بسخريه : وتجلسون تبلعون وتحشوون بكل وحده جت للعزيمة شمسه : لا تظلمنا عواد قال بخبث : اففف ورايه طيارة الفجر تحس نفسها انسدت يوم ذكرها بالسفر : عواد ليتك تأخذ إجازة لما اولد بس عواد عض شفته وهو يمثل عليها : مقدر وأنتِ عارفه وشلون الوضع هناك شمسه: آه والله تعبت كل لليله أبيت وأنا قلقانه عليك وكل وقت اسأل نفسي وش يسوي الحين وش صار عليه وبذات يوم جوالك يكون مقفل هنا انجن عواد بثقه : عارف والله بدوني ماتسوي شيء تنرفزت من رده وقفت وهي تأخذ الأكل : عواد لا تبدأ واعطته ظهرها ودخلت المطبخ حضرت حلا وقهوة وطلعت حطته على الطاولة وجلست جنبه وصبت له فنجان قهوه وناولته وهي تقول : على الآقل حلي معايه عواد أخذه منها وهو يقول : يلاااا كملي شمسه عقدت حواجبها : وش أكمل عواد رفع حاجب بغرور : كملي كلامتس عني وهالله هالله ماوصيتس كثري من الكلام الزين شمسه ميلت فمها بسخرية و صبت لها فنجان قهوه وقالت بخبث وهي ناويه تكسر مجاديفه بعد ماشاف نفسه عليها : امممممم طيب اعطيني فرصه افكر شافت ابتسامته بدت تختفي وقال بصدمه : الحين عشان تمدحيني قبلها تفكرين شمسه أخذت رشفه من القهوة وحطت يدها على رأسها يقال تفكر :اممم طالعته شافته يطالعها وهو مقهور ابتسمت بخبث : سوري عواد ماحصلت شيء سويته لي ينذكر وامدحك عليه عواد قال بعصبيه وهو يقوم : اللحين بسافر ماراح انتظر لما الفجر شمسه مسكت يده وهي تضحك نفس ضحكته اللي قهرها فيها وقالت بسرعة : آسفه رجع جلس وهو ينتظرها تراضيه بس انقهر يوم شافها رجعت يقال تفكر وقف بقهر : أجل لهادرجة صعب عليتس تحصلين كلمة حلوه بحقي شمسه بضحكه : افف قطعت افكاري عواد بتهديد :ياوليتس تتكلمين عاد شمسه وقفت معاه وقفت بوجهه وهي تضحك عليه : خلاص مدام تبي المدح ابشر بس بظلمك والله شافته يطالعها وهو ماهو فاهمها كملت بصدق : عشان مهما مدحتك وقلت بكون ظالمه لك هي كلمة وحده أقدر اقولها لك أنت كل شيء صرت لشمسه عواد قال بسعاده : وعواد مايبي غير ذي الكلمة تكفيه عن كل شيء وعشان كذا عندي لك مفأجاة بس أتمنى تحبيها شمسه عقدت حواجبها : مفأجاة ايش عواد : اممم استبدلو بالكتيبه الي أنا فيها وبرجع لمقري هنا صرخت بفرحة : تقولها صادق عواد ابتسم على فرحتها :ايه شمسه وهي ماهي مصدقه : والله احسن خبر سمعته وضربت على كتفه وأنا مقطعه نفسي من الحزن وأنت جالس تمثل علي ليه مافرحتني من قبل عواد : كنت ابيها مفاجأة لتس ولأمي بجمعكم مع بعض واقولها بس بسام خرب علي وقال لابتسام قلت اقولتس قبل هي توصلتس وأمي بكرة ببشرها ان شاءالله اللحين مريت عليها حصلتها نايمه اعطيته دواء ..ومن وقت لوقت المس حرارته بس نفس الحكاية احسها ترتفع عليه زيادة قلبي وجعني عليه ..ومابي اروح واصحي أمي وأبوي وازعجهم ... أخذته بحضني وأنا أضمه ...بس لا لا احسه شوي ويروح مني من ارتفاع حرارته وقفت بسرعة وأخذته وطرت لغرفة أمي دقيت الباب وأنا متوتره ..أول ما أمي طلعت قلت وانا اصيح : يمه ولدي بيروح مني أم اصايل : بسم الله عليه وش ذا الكلام أخذته منها وقالت بخوف : حرارته مرتفه يمه وكملت وهي منحرجه : روحي صحي أبوي يوديه للمستشفى أم اصايل بقلق وخوف : أبوتس ماهو فيه راح للمزرعة دق عليه العامل معاه وحده من الحلال تعسرت وراح يشوفها اصايل صرخت : ماهو فيه ولدي بيضيع مني أم صايل وهي تهديها : لا تفاولي عليه ماعليه شوية سخونه ماتضره ان شاءالله وتعالي خلينا نكمد له على ماندق على أبوتس يجي يوديه اصايل أخذتها منها وقلت : بسرعة يمه روحي دقي أم صايل أخذت جوالها ودقت ...بس رن عندها بالغرفة عضت شفتها : ناسيه هنا اصايل صرخت معترضه : لااااااا ماهو وقت ينساه أم اصايل وتترتها حيل بصياحها قالت وهي تشوف وجهه عادل أحمر وعيونه ذابله حيل : هاتيه وأنت دقي علي شمسه سرعة خلي عواد يروح فيه اصايل أخذت الجوال من يد أمها ودقت رقم شمسه ..ماردت رجعت دقت ودقت ماترد .. قالت وهي تصيح : ماترد أكيد نايمه ذا الوقت ..آه بفقده يمه ليتني رديت لأبوه وتحملت كل شيء كانت قدرت الحقه وحصلت من يوديه ولا يروح من يدي أم اصايل : تعوذي من إبليس ودقي على عواد وكاد يرد اصايل بسرعة دورت اسم عواد ودقت وهي تدعي الله انه يرد ...بس نفس الحكاية مايرد ..رمت الجوال وهي منهار : يمه الناس نايمين مين بيرد علي الحين أم اصايل : اسمعي خلينا نجرب نكمد له وكاد تنزل حرارته اصايل لا لا مستحيل تسكت قالت وهي مجبوره : بدق على أبوه يجي ولا اخسره أم اصايل بصدمه : يجي من الرياض لرماح كم يبي له حول ساعتين اصايل : ساعتين نتظر ولا نجلس لما الصبح وبسرعة دقت رقمه بس حصلته مقفل صرخت : لاااااااا ماهو بوقته مصعب أم صايل توترت حيل من خوفها : يمه اهدي ولدتس ماعليه خلاف @ @ @ ( الإستراحه ) بعد ماطلع ياسر ..حط يده على كتفه وقال وهو يشوفه باقي معصب عليه : بكره شرفنا مع ياسر وسوي مثلي شوف وشلون كرمته الليلة عادل طالعه بتصغير : ماقصرت بالمضغوط اللي طلبته منيف بدون مبالاة : وش اسوي قالي لا تكلف على نفسك وبعدين تدري وشلون جاء غصب مابغى يرضى بالعزيمة عادل : ماشاءالله وأنت على طول قالك لا تكلف على نفسك نفذت الي قاله الله يفشلك دبلت سبودنا عشاء وعشاء وابشرو بعزكم الليله وجايب مضغوط وبعد حبه دجاجة يالبخيل منيف : أقول لا تبطر كلها نعمه عادل بقهر : بس اكرام الضيف واجب منيف قاطعه بقهر : ياخي شايف حاله متكبر نفس ولد عمته الكلمه نشحتها منه شحت بعدين هو قاللي ماحب أكل لحم وش تبي يعني اجيب له تونه عادل بصدمه :تونه منيف بضحكه : مدري عنك مافي إلاالدجاج بدل اللحم وبعدين والله هو حلف علي ومارضي يجي إلا يوم قلت خلاص بعشيك مضغوط عادل عض شفته وهو مقهور : حتى لو مايحبه حط لحم ودجاج وسمك وهو يأكل على راحته أفضل ما تحط لنا دجاجه بالنص وتقول تحاشروا عليها منيف : وليه التبذير والفشخره الكذابه قال مايحب اللحم اقوم احط له كله الاصناف وبعدين ليه ماهو حاب تفهم أقولك والله حلف علي عادل وقف وهو وده يذبحه ياهو تفشل يوم شاف العشاء : صدق وجهك وسيع منيف : ياخي ياسر يمون صديق أخوي عادي ماهو غريب علينا وقت ماكان يدرس هنا بس مقلط عندنا ويالله بس دق على مصعب واعزمه بكره خليه يجي وحشني ودي اغلس عليه اليوم كله وأنا ادق عليه وباقي جواله مقفل عادل كور يده بقهر : بعد بتعزمه منيف بضحكه: ايه وكنت بخبي له من الدجاجة بس ماشاءالله شوفة عينك انفرمت فرم منكم عادل لازم ينضرب بس لا بيضع وقته معاه قال بعصبيه :تصدق الحين حسيت اني غبي إلا لو كنت صاحي ماستمريت بصداقتي لك منيف ببرود مستفز : ايه ماتحب إلا اللي دمهم حار ويصفقونك من وقت لوقت بس اللي مثلي مبدئهم السلام هذولا مايجوزون لك عادل صفق يد بيد وقال وهو مقهور منه : اصلاً من بعد ماشفت الدجاجة غسلت يدي منيف وقف وقال : عاد لا تذلنا بذي الدجاجة ويلاااا بالله وصلني بطريقك صالح مطول وأنا وراي دوام ماهو ناقص خصم عادل بقهر : ليه ماجيب بسيارتك منيف تقدمه وقال بضحكه : البنزين غالي عادل بسرعة لحقة وهو يمسكه من وراء ويطرحة الأرض اعطاه كم بوكس يبرد قلبه فيه وقال وهو يزفر بقهر : الحقني السيارة منيف تألم من ضربه له قام وهو يعدل بلوزته وهو يسبه : الله ياخذكم نفسي يوم اطلع من ذي الاستراحه بدون ما أتعرض للعنف عادل صرخ عليه بعصبيه : اخلص علي بس منيف صرخ : والله لا تضمنون سكوتي وتستغلون ضعف جسمي ترى فيه حلول ثانية اسهلها ادق على الشرطة ويأخذون حقي عادل سفهه وطلع ودها يحرك ويخليه بس على طول جاء وركب وقال : والله كنت حبيب بس مع الآسف تطبعت بطبايع اللي مايتسمى عادل طالعه بتحقير : بعد ماتبي تذكر اسمه منيف: ايه الله يجيرنا من ذكر أسمه عادل عض شفته وهو يتحلف فيه : بعد الله يجيرك ابشر والله منيف طالعه : أكيد بتوصله يا أم مصلح عادل بصدمه : مين أم مصلح ذي بعد منيف بكل برود :جدتي الله يرحمها كانت ماتقدر تحفظ الكلام مثلك عادل : الله يرحمها حتى الاموات ماسلموا منك منيف طنشه وجلس يقلب بجواله أول ماوقف قدام بيتهم طالعه وقال بتحذير : لا توصل لمصعب اوكيه وترى ماهمني بس مابيه يتأثر من الكلام تدري فيه حساس ونزل وقفل الباب بقوه وركض يوم نزل عادل يركض وراه وهو يصرخ عليه ويسبه بسرعة دخل حوش بيتهم وقفل البوابه وهو يلهف بتعب نفسه انقطع سمع تهديد عادل وسبه عليه قال وهو يضحك : لا تنسى بس بكره بيض وجيهنا مع ضيوفك ولا تقلدني @ @ @ @ يوم العزيمة قال وهو يأكد على خواته : اللحين دق علي وقال جاين بالطريق تأكدو من اي شيء ناقص عشان اجيبه مابي اتفشل تكفون مابيكم تنسوون شيء ابيكم تبيضون وجهي معاهم سعاد بطفش : عادل اللي يسمعك يقول أول مره تعزم ماهو بس مشقينا بعزايمك أم عادل بحده : الحين ذا كرم الضيافه عندك ياسعاد سعاد بهمس لأختها : اوه لا بدينا بموضوع الكرم الحين مين يفكنا منه عادل طالع أمه وقال : ماعليك فيها يمه وأنا متأكد بسناعتها وبسناعة أم حمزة أخته الكبيره أم حمزه ابتسمت له بحب : ابشر يالسند باللي يبض وجهك واي شيء ينقص بنوصي عليه أنت روح الحين وخلك بستقبالهم سعاد بخبث : متى بس الله يفك عقدتك وتتزوج وننفك عادل رفع حاجب : بعد حطيتني معقد سعاده : ايه ولا وش سبب تأخيرك للزواج الي قدك قد عيالهم طولك وأنت مكانك سر ام عادل بعصبيه : بسم الله على ولدي من العقد لا تفاولين عليه وطالعته وقالت بضيقه صدق يمه ليه ماتزوج عيال عمك وخالك كلن فيهم فتح بيت وهم اصغر منك عادل عض شفته بقهر من أخته هوو وقت ذا الموضوع ينفتح الحين سلم فوق رأس امه وقال : يابنع الحنان خليه بوقته والحين خولنا بالعزيمه شوي ويوصلون أم حمزة قربت منه وناولته البخور وقالت : حطه بالمجلس لا هنت اخذه منها ورن جواله طالع الاسم قال بتوتر شكلهم وصلووا فتح الخط : هلا والله حياكم وطلع بسرعة يستقبله أشر لياسر مدخل الحريم ... بعدها نزلوا ورحبوا فيهم وضيفوهم ... شدن طفشت وهي ساكته : طفشنا خواته مره خجولين نوره : مؤدبين ماهو مثلش شدن وعينها من الشكولاته : يارب يرجعون يلفون فيها نفسي جايه عليها نور بفشله خايفه يسمعونها همست لها : الله ياخذش توش بالعه منها وبعدين كلي من الضيافه هذي قدامش شدن طالعت طاولتها وشافت عليها انواع الحلا هزت رأسها وقالت : مالي نفس في اللي قدامي نفسي جايه على سلة الشكولاته ودي امسكها وأكلها كلها نور هذي اللي بنفضحهم صدق .... أم عادل وهي ترحب : ياهلا والله نورتونا يا أهل الجنوب إلا ماعرفتينا عليك وعلى الحلوين الي معك نوفه ابتسمت لها : الله يسلمش يارب أنا عمة ياسر وبمقام أمه وطالعت لنور وشدن وهذي أخته وهذي زوجته أم عادل ابتسمت لهم : ماشاءالله تبارك الله الله يسعدهم طيب مين زوجته فيهن سعاد همست لأختها : وراء ذا التحقيق شكلها أمي اليوم ناويه تخطب وحده فيهن بس ماهي عارفة مين المتزوجه وماتبي تفشل وعمته ماوصفت بالتحديد أم حمزة : أول مره أمي تسأل كذا يالله احسهم انحرجوا فشله والله نوفه أشرت على شدن : هذي زوجته أم عادل : ماشاءالله تبارك الله ونور ماهي مخطوبه أم حمزة همست لأختها وهي متفشله : لالا زودتها أمي اليوم سعاد :شكل كلامي أثر فيها وحالفة تخطب لعادل نور همست بضيق : وش ذا التحقيق شدن بضحكه : مدري والله بس شكل مكياجك جاب فايدة وبعدين لا تجحدين أنتِ جايه وانتِ تدوري العرس نور انحرجت حدها.. ابتعدت لجنب عمتها أفضل مالخبله هذي تحرجها وبعد ودها تقول لأمه تفكهم من التحقيق ذا شوي وتوصل لشجرة العائلة كاملة .... طالعت جهة شدن اللي جالسه تتبسم بخبث البنت ذي فضيحه ...طالعتها بتهديد وهي تتحلف فيها الليلة مافي حد بيفكها من يدها ...هين بس نطلع من هنا بعد اسبوع ( بيت أبو مصعب ) دخل عليه بغرفته ....قرب منه وطالعه ..بشفقه من الحالة اللي وصل لها ندمان حده ...ليته ماقال له وكان صبر مثل العادة ...جلس جنبه يحسه بعالم أخر قال بخوف وقلق عليه خايف لا يصير مصيره مثل أمه اخرها جنون :مصعب لا تقهرني فيك أبد ماطالعه ولا التفت صوبه ولا تغيرت نظرته مسك يده وهو يتمنى يتجاوب معاه : الليلة نروح للديرة وبردكم لبعض سكت يوم طالعه ورجع صد كمل وهو عنده أمل موضوع زوجته ولده هم الي بيغيرون نفسيته : صدقني شوفة زوجتك وعادل بس ماقدر يكمل وهو يشوفه يغطي ..رأسه بالمفرش دليل معاد فيه يسمع منه اي كلمه ... وقف وطلع من الغرفة ...وهو متضايق ... فكر يخلي عادل يجي يمكن يطلعه من الي هو فيه دق على رقم عادل أول ماسمع صوته وهو منحرج : عذبتك يبه معي بس مصعب حالته ماتسر عادل : والله توني وبدق عليك بسألك عنه لان للحين جواله مقفول وجيت أكثر من مره ورفض يقابلني ... أبو مصعب وهو منحرج : تقدر تجي يبه تشوفه أنا بدخلك له عادل عارف مصعب ماراح يتقبل اي كلمة منه قال : ابشر بس قبلها بكلم ياسر عشان يجيب خالته وتشوفه يمكن تقدر عليه أفضل مني أبو مصعب بصدمة : خالته عادل معقول مادري بزيارتها له : ايه خالته جايه من ابها تشوفه وهذاك الاسبوع جت وشافته ماخبرك مصعب أبو مصعب للحين مصدوم من الي يقوله : لا وأنت ليه بعد ماخبرتني عادل عض شفته منحرج : والله فكرت تدري أبو مصعب زفر بضيق : لا لا تدق عليهم خايفه جيتها تزيد عليه قاطعه عادل : صدقني ماراح أحد يطلعه من اللي هو فيه غيرها أبو مصعب بضيق : والله يا أبوك مدري وش السوات طيب اعطني رقم ياسر أنا بنفسي بكلمه وبتفق معاه مدام باقي هنا عادل : ابشر اللحين ارسله لك وكلها ثواني وصله رقم ياسر دق علية وطلبه منه يجيب خالته .... وفعلاً كلها ساعة وجت .. أول ما الخادمة فتحت لها وقف وصد باحترام واعطاها ظهر وقال بضيق : رجيتك يابنت محمد مابي اخسره نوفه بغصه : الله كريم أشر للنانو تدلها لغرفته وهو طلع لياسر يقلطه للمجلس أشرت لها على غرفته قربت من الباب ودقت بتوتر ماسمعت صوته سمت بالله ودخلت شافته متمدد قدامها قربت منه وهي خايفة من رد فعله يوم يشوفها همست بحنان : وشلونك يمه طالعها وابتسم بسخرية : بعدك هنا نوفه جلست على السرير وهي تشوف شكله متغير عليها ونحفان غير عن يوم قابلته أخر مره قالت بضيق : ليه يمه كذا مسوي بنفسك وبعد شكل الزاد ماطب فمك مصعب طنشها ورجع سوى نفس الحركة اللي سواها مع أبوه .. وغطى نفسه بالمفرش عشان تفهم انه مافيه يتكلم او يرد وتطلع نوفه حطت يدها على كتفه وهمست : مصعب زفر بضيق ودف المفرش وصرخ : وش تبين بواحد أمه كانت استغفرالله ماقدر يكمل ...... صرخ منهار اتركيني بحالي نوفه نزلت دموعها من كلامه بس مسكت نفسها وقفت وهي تقول : بقوم اسوي لك أكل وبعد بذوقك بالعصيده الجنوبيه مصعب بحده : مابي شيء بنام طنشت كلامه : قوم وخلي النوم عنك والحين بجيب لك الغداء وبتأكل غصب عنك شافته يطالعها بقهر قالت بحده : يا أنا ي أنت ياولد النايفه قالت كذا تفكره مهما صار منها تظل أمه وفوق رأسه مصعب ابتسم بسخرية وكرر كلمتها : ولد النايفة ليته لحقها قبل يعرف حقيقتها وكاد كان ارحم له نوفه ضربت على صدرها مفزوعه : بسم الله عليك ورفعت يدها بتهددد لو تفاول على نفسك ثاني مره بذبحك أنت ناوي تقهرني باقي عمري مصعب ميل فمه بسخريه : من متى المعرفة طال عمرك عشان تنقهري علي نوفه طنشته وقالت :قوم وخذ دش وصل صدقني راح ترتاح وطلعت من الغرفة نزلت تحت وهي خجلانه خايفه لو تقابل صقر تحت ...اشرت للخدامة اللي تنظف بالصاله : وين المطبخ اشرت لها راحت له ...أول مادخلت شافت الخدامة اللي من توو طلعتها فوق ...ماشاءالله الخدم اكثر من اهل البيت .قالت : بسوي غداء لمصعب نانووو : ماما جاهز بس هو يرفض يأكل هزت رأسها : بسوي عصيده نانووو طالعتها مستغربه وش تقول ذي بدت تحضر لها اللي تطلبه منها ...وبعد ماجهزتها حضرتها وقالت وهي تناولها الحافظه : هذي ارسلي فيها للمجلس خلي أبو مصعب يذوقها هزت رأسها : طيب ماما أخذت االأكل وطلعت فيه لفوق ودخلت الغرفة عضت شفتها يوم شافته متسند على ظهر السرير ويدخن قالت وهي ناقده عليه : ليه تضر نفسك كذا مصعب طنشها ومارد نوفه تنهدت بصبر وقربت منه الأكل وقالت : طفي ذي البلا بيدك وسم بالله طالع الأكل وأشر بيده : مابي شيء قلت لك نوفه : طيب أنا جوعانه يمه مصعب ذي اللي بتجننه : كلي مين ردك نوفه يالله على العناد اللي برأسه : حلفت ان تذوقه قبلي مصعب جلس يكح نزلها من يده وطفاها نوفه بعتب : شفت وش تسوي بنفسك جالس الله يهديك بس مصعب هز رأسه بتعب وشلون تفهم انه مايبي يتكلم ويبي يجلس بلحاله .... وده يطردها بس ماهو قادر في شيء يمنعه ... نوفه بترددد سألت : عندك صورة لولدك بشوفه حلو مثلك مصعب طالعها وابتسم بسخريه على كلامها رجعت سألت : لو عندك بشوف حفيدي طالعته شافت بعيونه السخرية قالت ايه حفيدي مدام هو ولدك قفل عيونه بصبر : وقال حفيدك كان عندي له صور وش كثرها بالجوال بس مع الآسف تكسر وضاعت صوره نوفه الجوال تكسر يعني ماقفله قاصد مثل مافهمت اتاريها ظلمته ابتسمت له بحب : طيب ليه ماتروح وتشوفه صدقني شوفته بتنسيك كل شيء مصعب صد عنها وقال بغصه : يتربى بعيد عني أفضل واثق بتربية اصايل نوفه فرحت انه تجاوب معاها قالت بتردد : طيب ليه ماترد زوجتك وتربون ولدكم مع بعض مصعب بسخرية طالعها : هي رفضتني أول بس أنا اللحين اللي برفض رجوعها لي نوفه : ليه يمه ترفض رجوعها لك مصعب :عشان تستاهل اللي أفضل مني وسكت ماقدر يحس بحرقه بقلبه مايتخيل تكون لغيره نوفه اففف ماتبيه يرجع لسالفة أمه قالت تغير السالفة : أكيد قمر مصعب عارف انه تحاول تغير الموضوع : روحي لها وشوفيها بنفسك نوفه تقهرها ردوده الجافه عسر مره تحس ياسر يعتبر رحمه معاه قالت وهي تبي تستفزه أكثر : طيب ليه ماتبي تقولي أنت مصعب برد فعل عنيفه بسرعة ضرب صحن الأكل الي قدامه وصرخ : جايه تحرقين دمي اطلعي برااااا نوفه انصدمت من رده فعله هي قالت كذا ...عشان تخليه يطلع من اللي هو فيه ... بس ماتوقعت يصرخ عليها ويرمي الأكل كذا طالعت الأكل وشلون مرمي بالأرض هزت رأسها وهي تستغفر الله وطالعته بعصبيه : النعمه هذي رميتها تذكر غيرك يحتاجها ....وأنا بطلع يامصعب من غير ماتطردني وبسرعة طلعت من الغرفة ...ونزلت الدرج وهي تصيح ..لا لا صعب يتقبلها مهما حاولت أفضل شيء تنسحب من حياته ...ويمكن بعد هي زودتها يوم تبيه بالغصب يتقبلها ..وهو صعب التعامل معاه مهما... كابرت وقالت بتقدر ..بس مع الآسف صعب صعب وتخاف تزيد عليه اللي هو فيه أفضل شيء تنسحب من حياته ...مدام رافض يتقبلها ... وحرام ياسر تشغلها معاها أكثر من كذا الليلة آخر ليله لها بالرياض وماتمنت ترجع خايبه كذا ..... مسحت دموعها وربطت نقابها جت بتطلع بس انصدمت يوم حست فيه ينزل الدرج وجاء يمها ومسكها وضمها وصاح وقال بضعف :محتاجك لا تروحين @ @ @ ( الديره ) جلست جنبها وهي يالله تأخذ نفسها من الركض طالعت اصايل وقالت :أنا يحق لي اركض وزني كل مايجي يزيد بس الخبله ذي تركض ليه كلها عظمتين ولا ناويه بعد تبرزهم أكثر ضحكت لما عيوني دمعت على كلامها : خليها تركض مالتس دخل فيها كشرت بقرف : والله من التقليد العمى استغفر الله ماغير تقلد فييني وأنا ماطيق ذي الصفه احب اللي يكون تسذا مستقل اصايل ضربتها على كتفها وقلت : يالمستقله تقلعي سوي لنا شاي وجيبي بعد المهز حق عدول معتس وجعني كتفي وأنا شايلته ... قالت بعناد : معاد إلا هي اخدمتس فارقي بس اصايل رفعت عادل اللي بدأ يصيح : وينك ياحمودي شايل عني بسخريه : ليت أبوي ما أخذه للقنص الحين يدبل سبودنا بالكذب اللي يسطره اصايل بضحكه : جاي توني دقيت عليه قال دخلوا الديرة : الله يعينا بس على بطولاته اللي بيسردها لنا المهايطي جلست جنبها وهي تلهف :ليه وقفتي دفتها بقرف : والله يوم شفتس تهابدين وراي كرهت الرياضه طالعت اصايل وهي شوي وتصيح : شفتي وش تسوي فيني كل مره تسذا ماتحبني تدرين ليه عشان تغار مني لانها سمينه وأنا رشيقه وتسذا حلوة والبنات كلهن يمدحون جسمي وماينادونيي إلا يالبنانيه ضربتها على ظهرها بقوه : وجعه توجعتس اغار منتس ليه مخبوله وبعدين مين قالتس اني دوبه ليه شايفتني اصايل وانا مدري اصايل قهروني الثنتن : لا لا أنتم جالسين تغلطون علي ولا وش السالفه : اوه اسفين جينا على الوتر الحساس بس صدق اصوله قومي اركضي معي وقفت وهي تسحبها معاها وكاد ينزل وزنتس اصايل تحمست معاها اعطيتها عادل وقلت وانا اوصيها : انتبهي له طيب ياويلتس تلعبين بحسبته مثل عادتس هزت رأسها وبسرعة رفعته لفوق على طول نزلته يوم صرخت صايل : توني اصويتس حرام عليتس روعيته أشرت لها تروح تركض : خلاص اسفين وطالعت عادل اللي مفزوع أنت بعد بلى دراما اللحين لا اسطرك كف أول ماسمعت دق على البوابة على طول وقفت وهي تحمل عادل معاها وتافف اووف شكل محمد رجع ليت أبوي رقده بالبر الليله بصوت عالي : طيب طيب جايه لا تكسر الباب لا اكسر عظامك أول مافتحت شافت قدامها مره قالت وهي منحرجه : أمش موجوده عقدت حواجبه استغرب من لهجتها بعيده عن لهجتهم قالت وهي عاقده حواجبها : ايه تفضلي وصاحت بنات اصايل وقفت وهي تشوف اللي دخلت عقدت حواحبها : غريبه أمي ماقالت لنا حد بيسير علينا اليوم قربت منها وهي ترحب سلمت عليها وقالت : تفضلي اقلطي حياك وبسرعة أشرت للبنات يقولون لأمها دخلتها مجلس الحريم نوفه فتحت النقاب وهي متوتره حدها من جيتها كذا فجأة قالت : الله يسلمش يمه همست لاختها : وشلون ندخلها تسذا لا يكون هذي وحده من العصابه للي يحكون عنها والله بروح خذي ولدتس انا ابي عمري اصايل بقلق من كلام أختها وهي تطالعها بخوف نوفه تفشلت وهي تحسهم مستغربين وجودها اصايل طالعت جهة البنات ...يوم طلعووا انقهرت حيل منهم تركوها بلحالها معاها ..تطمنت يوم شافت أمها الي دخلت وبعد شكلها مستغربه منها قربت منهم وسلمت عليها وجلست وهي ترحب فيها أشرت لأصايل تروح تجيب ضيافه ... اصايل رحت للمطبخ وبسرعة حضرت القهوه والضيافه وطلعت وانا معصبه من خواتي اللي واقفين يألفون قصص اللي تقول وربي عصابه يدخولون البيوت ويسرقون الذهب والي تقول لا يكون اللي يسرقون البزران يقولون هابين هبه ذي اليومين ويبعون الاعضاء وضرخت يمه عدول وينه قلت بحده : توتس تدورينه : ايه خايفه عليه يسرقونه بقهر صرخت : وشلون يسرقونه قدامنا وبعد وشلون يدخلون البيوت ويسرقون الذهب وحنا موجودين : يمكن رسلوها عشان تخدرنا وتسذا يرشون علينا وهي تمثل قدامها وبعدها تدخلهم ويأخذون مقصدهم من السرقه اصايل تكذب لو تقول ماسببت لها قلق : أجل خلونا يد وحده وتقلعو قدامي وكاد نقدرعليها لو سولت لها نفسها ونفذت اللي تقولونه من تووو صرخت معترضه : لا الثنتين نروح مع بعض صعب لا زم وحده تروح وحده تجلس عشان لو رشت عليكم مخدر قد به وحده فينا صاحيه وتقدر تبلغ الشرطه ضربتها على كتفها : صح كلامتس يالله روحي : لا انتِ : لا انتِ اصايل : أنا استاهل جالسه ومعطيتكم وجهه : نسذوب والله إلا خايفه تروحين اصايل سفهتهم ورحت للمجلس وأنا أفكر بذي الضيفه الغريبه حتى لهجتها غريبه عليها ودليل لها انها ماهي من ديرتهم ... ارتحت يوم حسيت الخبلان ذولا وراي دخلت بالضيافه على كلامها : اعطيني الحلوو ذا نسلم عليه اصايل حسيت بقلق تبي ولدي طالعت أختي اللي طالعتني بنظره كانها ..تأكد الي قالته ...من توو بسرعة قربت بخوف : معليش الحين موعد رضعته وبسرعة أشرت لأختها تأخذه بس الغبيه ماتحركت من مكانها أشرت لها عشان تفهم بس وين مفهيه نوفه فهمت منها وقدرت خوفها وابتسمت وهي تذكر وصف مصعب لها عرفتها من بين خواتها من الوصف الدقيق اللي وصفه لها قالت : يجعله بالعافية وهي صاكه على سنونها :خذي عادل وتقلعي بقهر همست لها وهي تاخذه :بلشتينا بذا الولد لا تشغليني خليني اعرف ليه جايه اصايل انقهرت حدها ورفعت ضغطها. من توو خايفه وجالسه تفلم عليها حتى سببت لها قلق والحين رافضه تطلع أم اصايل طالعت اصايل وش تقولها هذي خالة مصعب أشرت لبنتها قربت منها همست لها : حضري ضيافه وارسليها للمجلس أبوتس الحين دق علي يقول وصل وعنده ضيوف .. هزت رأسها وطلعت .. نوفه ابتسمت وهي تطالع اصايل وحابه تلعب بعصابها : هاا أم اصايل وش قلتي موافقه على وليدي يأخذ بنتش وطالعت اصايل جايه من الجنوب مخصوص لش عشان اطلب يدي لوليدي اصايل طالعت اختها الي جنبها معقول جايه من الجنوب متعنيه تخطب أختها بس باقي صغيره عقدت حواجبها يوم شافتها تطالعها ماطالع أختها صعقت يوم نطقت أسمها : هااه ورايش اصايل اصايل وقفت بعصبية : لو ماتدرين اني متزوجة وذا ولدي وطالعت أمها تبيها تتكلم تقول شيء ماغير ساكته وتطالعها ... نوفه ابتسمت وهي تشوف وشلون عصبت : ايه عارفه كل شيء عنش بس وش اسوي ولدي مايبي غيرش لا لا هذي الي بتجننها ...شوي وتفقد ..اعصابها ولدها مايبي غيري وش ذا الحتسي اللي تقوله ودها تصرخ عليها وتقولها عيب استحي .. بسرعة وقفت بتطلع قبل تغلط عليها وتسبها هي ولدها ... بس حست بيد أمها تمنعها طالعتها قالت : هذي خالة مصعب فتحت عينها بصدمة ... خالة مصعب ...وش لم الشمل ...اللي تعرفه ان مابينهم وصل ... عضت شفتها ..ماينفع يامصعب لو ترسل مين لي .... طلعت بسرعة مافيها تسمع اي شيء عنه نوفه تضايقت حيل ...يوم طلعت ... ... أم اصايل بضيقه وزعل : والله يعز علي اقولتس تسذا بس والله البنت اعطته ردها من مبطي وخلاص تقفلت ذي السالفة نوفه وهي مقدره وضعهم : لا ماتقفلت وانا عارفه مافي اي أم تبي بيت بنتها يخرب ومتأكده بتفرحي يوم ترد له أم اصايل بزعل منه : والله ولدكم فعايله ماتسر عشان نفرح لو رد لها نوفه بحزن عليه : والله ياحاله بدونها مايعلم به غير ربي ام اصايل : خلاص مدام هو طلقها برغبته يتحمل نوفه حست انها عسره حيل قالت : ياليتش تخليني اجلس معاها بلحالها ام اصايل تفشلت تردها : حياتس البيت بيتس @ @ @ بالمجلس قال بعد مارحب فيهم وضيفهم : والله حنا جاين وأملنا ماتردنا يا أبومحمد أبو محمد بحده وهو يطالع بمصعب :والله جيتكم على عيني ورأسي ويعز علي ارد حد بمجلسي مير ذي السالفة انتهت مصعب قاطعه بسرعة قبل يكمل : لا مانتهت أنا شاري رضى أم عادل واللي تأمر فيه أنا حاضر وحط الظرف على الطاولة وقال : وهذا مهرها أبو مصعب انصدم من كلام مصعب والله ماهي هينه ذي الاصايل طيحتك عندها ابتسم : سمعت ولدي شاري رضى بنتك وياليت تحط لنا قدر وماتردنا خايبين أبو محمد بحده وهو يطالع الظرف : أنا عطيتك هي عطيه بس ماقدرتها والحين تبي تدفع مهرها عشان تحس بقدرها مصعب عض شفته لا فهمه غلط طالع أبوه يبيه ينقذه على طول أبوه قال : لا ي أبو محمد هذي رضوة اصايل أبو محمد قال بحده : قلتها لمصعب مدام بنتي ماهي راضيه برجعتها له والله مايطولها ولو رضت يأخذها معاه بس اهم شيء شورها لأني مع الآسف ماصبت في اختياري لولدك يكون زوج بنتي والحين لو تبي ترجع بشورها وبشروطها ولو رفضت وقالت ماتبينه يخسى ويعقب يطولها وأنا أمحمد مصعب كور يده بقهر ذا الشايب اللي بيجيب أجله صدق طالع أبوه ...وش السوات أبو مصعب طالعه شافه بدأ يعصب اعطاه نظره كلها تحذير مايبيه يتهور ويخرب على نفسه زود : يا أبو محمد وحنا نقدر كلمتك وعلى رأسنا ومانقدر نثني عليها ..بس مايضر لو تشاورها مره ثانية وكاد غيرت رأيها بس قبلها تكفى طلبتك تخليني أجلس معاها وكاد اقدر اصلح بينهم أبو محمد وهو منحرج يرده وقف وقال وهو يطالع مصعب بزعل : ابشر خليني اشوف وارجع لك أول ماطلع قال وهو معصب حده : والله كان حبيب بس انقلب فجأة وصاير يغلط واجد أبو مصعب ودها يقوله بسبب فعايلك بس مايبي يعصبه زود حط يده على كتفه وهو يطمنه : ماعليه أنا واثق اصايل ماراح تردني ... @ @ @ اصايل زفرت بضيق تعبت وهي تعيد وتزيد بنفس الكلام : معاد بيني وبين ولد أختس شيء وكل الحتسي اللي تقوليه معاد ينفع ابتسمت :خليش من المكابره يمه ترى ولدنا جاي متعني لش يدور رضاش بعد وشهوو يدور رضاي بعد ماانفاني من حياته بطريقة كلها ذل عضت شفتها وهي تحس قلبها مكسور : ولدكم مابيه نوفه : لا لا أنا جايه هنا وأنا واثقه بغلاه بقلبش صايل بعد قايل لها بحبي له اللي شاف نفسه زود بسبته قالت بقساوة : معاد له بالقلب غلا نوفه وهي تشوف دموعها اللي تحاول تخفيها عنها وتدري ان كل كلامها من وراء قلبها حبها له واضح :مصعب يحتاجش اصايل حيل جنبه اصايل بغصه شوي وتنهار : مدام طلعني من حياته صدقيني ماله حاجة فيني وخلاص لعاد تضغطين علي نوفه بحده : اقول ترى أنتم الاثنين بتقضون علي اصايل ابتسمت بألم يعني بعد هو جلست تقنعه عشان يردها : جاي مغصوب منتس وتقولين يدور رضاي نوفه فتحت عينها بصدمة :مين قال كذا اصايل بوجع : توتس قلتي نوفه هزت رأسها بلاااا : لا والله يمه فهمتيني غلط إلا يرتجي شوفتش وقبل نجي قالي قولي لها تامر على كل شيء وأنا حاضر بس ترجع لي اصايل ابتسمت بسخرية : آسفه أقولتس تسذا بس والله ذا أبد ماهو ب كلامه نوفه عقدت حواجبها :ليه يمه كذا والله انه ضايع دونش ونزلت رأسها بحزن مصعب لو ماترجعي له تأخذي أثمه تراه تعبان ويحتاجش بذات ذي الفترة وجودش وجود ولده قدام عيونه ينسيه تعبه اصايل قلبها عورها عليه سألتبخوف : من ايش تعبان نوفه ابتسمت بخبث يوم شافت خوفها عليه : وتقولين ماتبينه حرام عليش تضيعين حياتش وحياة ولدش بسبة مشاكل تحصل بين كل زوجين اصايل سبت نفسها على عدم تحكمها بمشاعرها قالت بوجع :اللي بيني وبينه ماهي مشاكل عاديه اللي بيني وبينه شيء انكسر خلاص نوفه :عارفه انه جرحش بس عاقبيه وأنتِ بوسط بيته خذي حقش كله منه اصايل هزت رأسها برفض : انتهى من وقت طلاقه لي نوفه : ردش له اصايل خلاص راح تنهار ...طالعت محمد اللي دخل وهو يقول بحماس : أبوي يبتس ياصايل بسرعة اصايل توترت ..حدها عارفة .. وش يبي فيها بيرجع يسألها نوفه مسكتها من كتوفها : طلبتش ماتردينه وتكسرين قلبه ويرجع مكسور مثل ماجاء اصايل قالت بسرعة : تكفين لا تحرجيني زود وفكت يدها مافيها تستلم للضغوط وترجع للذل والمشاكل اللي كانت عايشتها ..طلعت شافت أبوها واقف قدام الباب الرئيسي ويكلم حد جنبه توترت لا يكون مصعب لا لا تراجعت لوراء بس وقفت يوم قال : محمد تعال ارتحت يعني يكلم محمد طالعني وقال :تعالي يبه سلمي على عمك صقر ينتظرك بالمقلط شافها بتعترض قال : بلحاله مصعب المجلس عضت شفتها منحرجه وبعد مافيها تقابله بس ترده صعب ...مشت مع أبوها وهي متردده أول مادخلت ..قربت منه وسلمت فوق رأسه قال وهو حزين عليها : وشلونك يبه اصايل والعبره خانقتها : بخير أبو محمد بحده : جاي يبي يسمع رأيتس بنفسه قلت لهم بنتي معاد تبي ولدكم قاطعه أبو مصعب وقال : بنتك عاقله وماهي من النوع الي تخرب بيتها من أول مشكله تواجهها اصايل أول مشكله تواجهني حرام عليك أنت أكثر واحد كنت شاهد وحاضر ...مشاكل ولدك : ياعم والله مافيني اردك بس أنا اعطيت رأي بذا الموضوع لأبوي وخبره يوم جاء قبل وتكفى لا تزعل مني والله يعز علي زعلك وقف وجلس جنبه وهمس لها :اسمعي رجعتك له اعتبريها من باب الانسانية بعد الي دري فيه عن أمه كان بيفقد عقله على الآخر لو الله ثم وجود خالته والحين وعدناه نردك له كان حالة مايعلم فيه غير ربي وقال وهو يضغط عليها : عارف قلبك كبير على الكل ومابالك بمصعب اللي روحك متعلقه فيه ولا تحاولي تكابري اصايل يالله لهالدرجة مفضوحه قدامهم كلهم كل ما أحد كلمها ذكرها بغبائها وبغباء قلبها .. جت بتكلم بس صدمها يوم قال : يا أبو محمد اهنيك على ذي التربية وفديت البنت اللي ماتبي تخرب بيتها وتشتت ولدها جت بتكلم بتعترض بس ماقدرت يوم قال أبوها : مدام رضت من نفسها إنها ترجع له معاد أقول إلا الله يسعدهم و تذكري يبه اني ماغصبتس وهذا قرارتس أنتِ والبيت مفتوح لتس وقت ماتبين تجين ماتنضامين أبو مصعب بسرعة قال : تجي زيارة ان شاءالله اصايل جت بتصرخ بتقول لهم لا لا مستحيل اعطيكم عاد فرصه تتحكمون بحياتي بس ماقدرت جت تنطق مافيها بذات يوم قرب منها أبو مصعب وسلم فوق رأسها وقال بهمس : من وقت ماشفتك وقلت انك لولوة نادره حتى لو ماتبينه وقلبك حاقد عليه تذكري ولدك حرام يصير يتيم وأبوه حي وصدقيني مهما حولك مايقصر بس محد بيقوم بالمهه ذي غيره صدقني بخدمونك مره مرتين وبيعحزون فعلاً يوم مرض عادل جلست مقطوعه ماحصلت أحد إلا يوم صحي عواد الفجر وفعل فيها خير وراح فيه للمستشفى ...مافيها عاد تقدر تمسك نفسها صاحت بغبنه ...مقهوره من كل شيء ...خايفه فعلاً لو رفضته ولدها أكثر واحد بينظلم ولو رجعت له بعد هي أكثر وحده بنتظلم .... بس هي تبدي ضناها عن روحها وفعلاً مهما الكل ماقصر مصير الواحد ينشغل ...طالعت أبوها يوم طلع يعني خلاص بيعطيه موافقتي طالعت عمي يوم قال : آسف يبه لو احرجتك قدام أبوك بس عشانك وعشانه وعشان عادل قبلكم محمد دخل وبيده عادل : اصايل أخذت عدول بروح اوديه لأبوه يمكن يرضى عني ويجيب لي السووني اللي وعدني فيه ابو مصعب : هلا هلا بعادل جيبه جيبه وأخذ منه وقال ولا يهمك يامحمد يجيبه لك غصب عنه ولو ماجابه اعتبره عندي اصايل تفشلت حيل من محمد اللي يسمعه يقول محروم.. مير الشحاته تمشي ..بدمه اصايل انسحبت وهي مخنوقه ...ترجع له بعد الي صار صعب شافت خالته وأمها بوجهاا ...بالصالة لا لا معاد تتحمل ضغط أكثر ... نوفه بغصه : رفضتيه اصايل بسخرية : ولد اختس ذا حد يرفضه شدن من الصبح تحس بغثيان ...ورجعت أكثر من مره ...ماخبرت أمها عشان ماتقلقاها عليها .... طلعت شافت نور متمدده.. قدام الشاشه :وينش اليوم مختفيه وسألت عنش ياسر قال نايمة وبقهر شفتي عمتي وش سوت راحت ورفضت تأخذنا معاها يقال وش تبي فينا وهي رايحه تحل المشكله اللي بين ولد أختها وزوجته كان نفسي تكوني صاحيه ونتفق عليها ونروح معاها شدن بضيق : مالي نفس اروح مكان إلا وينه ياسر نور :جوو اخوياه له وطلع معاهم ..فلها احسن منا شدن تمددت على الكنبه وأنا احس جسمي متكسر قلت : ماكفتش تمشية امس نور : لا بذات وحنا ماشين اليوم لأبها شدن : لا ياسر قال نعتمر قبل نور : الحمدلله يارب اخيراً بروح أعتمر وماطلع كذابه قدام أبوي شدن سكت مافيني أخذ وأعطي معاها ... قفلت عيوني ... ومدري وشلون غفيت ماصحيت إلا على صوت ياسر وهو جالس على ركبه قدامي ويهمس: شدن وش ذا النوم اليوم شدن بتعب قالت : مدري ياسر عقد حواجبه وهو يمد يده ويلمس حرارتها شدن بعدت يده وهمست بتعب : لا لا ماهو حرارة بس كذا تعب مدري وشلون أول مره احس فيه ياسر : طيب اودش للمستشفى شدن : لا لا مايحتاج ياسر : طيب قومي كلي جبت عشاء يحبه قلبش شدن هزت رأسها وقامت ... نور وهي تفرش السفرة : الله أعلم وش صار معاهم عمتي راحت وهي تقول خايفين من أبوها يعقد السالفة ويردهم ..الله يستر لا ترجع متضايقه على حبيبها وترجع تبثرنا فيه والله كرهت أسمه ما كثر سمعته بذا الاسبوع ياسر جلس بالأرض وقال بحقد : والله ذولا الشايب هم الي يخربون ويكبرون السالفة اسأليني أنا عنهم ماحد تحملهم كثري الواحد يزوج بنته ويجلس ينشب لهم شدن طالعته بزعل أكيد يقصد حكايته مع عفاف عضت شفتها تمنع دموعها : مدام متحسف عليها ردها لذمتك ياسر عقد حواجبه ذي الخبله وش فهمت بس شافها بتروح للغرفة فز بسرعة وهو يمسكها وهو يبرر لها : لا والله ماهو قصدي اللي فهمتيه شدن حست بغثيان ..بذات وهي تشم ريحة الأكل وبعد ريحة عطر ياسر بسرعة فكت نفسها من يده وركضت للحمام . ياسر لحقها هو ونور وهم مفزوعين عليها طلعت من الحمام شافتهم بوجهاا على طول ياسر مسكها وقال بقلق :بسم الله عليش من ايش رجعتي شدن وهي تسند عليه مافيها تتكلم ... روحها منهده من الصبح وهي على ذي الحالة .. فكت نفسها منه وتمددت وهمست بتعب : مافيني شيء خلاص نور بخوف عليها : متأكده ياسر نزل نفسه شوي وهو عينه من ملامح وجها التعبان بقلق : ايش تحسين بالضبط شدن بلعت ريقها وهمست بتعب : خلاص بخيرر نور : طيب بحط لش أكل يمكن يوم تأكلين تتقوي وراحت غرفت لها من العشاء اللي جابه ياسر وقربته منها : قومي كلي حبيبتي شدن يادوب تجلس وتأخذ الصحن منها بس ريحة الأكل رجعت لها الغثيان رفضت وهي تردها لها : لا لا مابي ومسكت على فمها ياسر قال بسرعة وهو يأخذ المفتاح : لا لا لازم اوديش المستشفى نور بسرعة روحي جيبي عبايتها شدن جت بتعترض بس رفض يعطيها فرصه .... @ @ @ اصايل طلعت بعد ماودعت أهلي ...كل مره اطلع وخاطري مكسور ..وماهو راضيه ...شفته واقف ..وبيده عادل وخالته بالسيارة ..ابتسمت بسخرية غريبه ماعمره وقف واستقبلني تسذا ... والي ضحكني أكثر المهر اللي دفعه ...مية الف عاد .. مدري ليه على حبي له بس والله حاقده عليه ولأول مره احس تسذا قلبي شايل عليه حيل ...يمكن لأني انهزمت قدامه مثل كل مره .... وفعلاً اثبت لي انه اقوى مني ....وأنا ضعيفه حيل الكل ..يقدر يتحكم فيني .. مريت من جنبه ... فتحت الباب اللي وراء وأنا ناقده عليه وشلون يخليها تركب وراء قلت : انزلي ياخالة اركبي قدام مصعب : والله قلت لها بس رفضت اصايل سفهته وماردت عليه الملقوف نوفه : اي والله قالي بس أنا مرتاحة هنا وماغيرش يركب قدام اصايل ركبت جنبها واعتدلت بجلستي : والله حلفت عليتس مصعب زفر بضيق وهو متنسد على الباب وذولا يتعازمون قدامه : ياللليل لمتى طيب وانتم كل وحده فيكم تعزم الثانية اصايل طالعته بقهر خير ينافخ ..هذي أولها مديت يدي وحطيت يدي على كتفها وقلت باحترام لها ياناس حبيبه صدق وتدخل القلب : حرام عليتس ترا حلفت قبلتس نوفه ابتسمت وهي منحرجه تبيها تركب جنب رجلها بس ماتبي ... تغصبها خايفه تولع ..بينها وبين مصعب اللي شكله نسي كل كلمة قالتها وحذرته فيها طالعته بعتب ...نزلت وهمست له : مليون مره قلت لك امسك اعصابك وفكر بكلامك قبل تقوله مصعب : جالس انفذ طال عمرك نوفه عضت شفتها وضربته على كتفه : ماشاءالله عليك وركبت وقفلت الباب وهي تدعي الله يصلح بينهم مصعب فتح الباب جهة اصايل ونزل نفسه وناولها عادل وقال بهمس : خفي علينا ترى مانقوى الهجر اصايل تمنت خالته ماهي موجوده كانت صفقته ..على وجهه ...الحقير رجع لعادته طالعته بقهر تبيه يذلف بس ماغير فاتح الباب ويطالعها كأنه ينتظر جواب منها .... ابتسم وهو يشوف القهر واضح بعيونها ..من وراء النقاب تفشل يوم قالت خالته : حبيبي مصيرك تجلس معاها يلا يمه ورانا درب عض شفته وقفل الباب وراح لمكانه وركب وحرك السيارة وهو بقمة سعادته ..للحين ماهو مصدق انها معاه ..طالعها بالمراية خذي راحتك بالزعل اهم شيء انك جنبي ... اصايل طويل الطريق وأنا اسمعه هو وخالته يسولفون بس لفتني يوم قال وصوته فجأة تغير لحزن : لا لا زيارة للجنوب صعب نوفه بضيق : ليه يمه صعب وش قلت لك القطاعة ذي نبيها تنتهي مصعب بضيق : خليها بوقتها وقت ماكون مستعد بجيك وصدقيني ماراح اقطعك يمه اصايل ( يمه ) طيب وحبيبة قلبه النايفة شكله فعلاً صدق اللي شافه عنها .. وعرف حقيقتها ...أكيد إلا وش جاب خالته بذا الوقت بذات ... نوفه : فديت قلبك وبعد اصوله تجيبها معك وتشوف جنوبنا وشلون الله منعم عليه بالجووو اللي يرد الروح مصعب ابتسم وطالعها بالمراية : والله أم عادل ترضى بس علينا وحنا ندلعها ومانوديها بس الجنوب الصين لو تبي قليل الحيا ..يتمسخر ودي أقوله ليتك تسكت بس ... وتقلع أنت للصين بلحالك ... طالعت عادل ...الي بيدي نايم ...والله عشانه تنازلت .. وضحيت بكرامتي .... إلا لا خالته ولا أبوه يهموني ...... @ @ @ طلعووا من المستشىفى وهو بقمة سعادته وللحين مصدوم همس لها وعينه من نور مايبيها تسمع : ليتني ماتسرعت وخبرت أبوي .. نور قالت بعدم فهم : اللحين صدق حامل شدن بفرحه : ايه يعني ماسمعتي الدكتوره وش قالت يالله انبسطي سميتش جايه بالطريق نور وهي تفكر : وشلون حامل وياسر من اسبوع قايل لنا انه كذب تلعبون فينا أنتم ولا ايش القصه شدن طالعت ياسر وقالت عشان تخرسها : لا خايفين تحسدونا نور بقهر : واللحين يعني عادي معادش بخايفه عشان تعلني حملش شدن : ايه حصنت نفسي من شركم والله قادر يحميني وقلت لمتى يعني بنخبي نور : المهم شدون تنسين سالفة الأسم اوكيه ياسر رفع حاجب : يحصلش أنتِ انثبري بس شدن حطت يدها على بطنها : ياسر وش تتوقع اجيب بنت ولا ولد ياسر : يارب توأم نور بطفش : اوه وش يفكنا اليوم من عصافير الحب شدن بدلع : ياسر سكتها ياسر بتهديد : ياليتش ماتسمعينا حسش فاهمه نور بسخرية : طيب بسكت بس تكفون لاتغثوني برومانسيتكم @ @ @ ( مكه ) طالعها وهو يتنهد بضيق : الحمدلله حصلت مشتري للفله توقعت ماتنباع بسرعة وبعد اليوم اعجبني كم مكان بستأجرة مكتب ..الحمدلله بدت أموري تستقر هنا .... الشموخ تنهدت براحه وبدون حس قالت : اخيراً مابيغنا نفتك من ذي الفله يالله لك الحمد عناد رفع حاجب مستغرب ردها : لهادرجة ماهي عاجبتك كان الشموخ بغيره : ماحبها أبد بذات وهي جاية على ذوق بعض ناس عناد ابتسم :اوف معقول شايله بقلبك للحين الشموخ فعلاً كل ماتذكر سالفة زواجه تموت من القهر : بموت من القهر ضروري كان تتزوج علي وتحرق قلبي .. عناد عقد حواجبه وقال بصدمه من كلامها وش فتح السيرة ذي اللحين : شموخي توك تعاتبين الشموخ : من زمان ودي اعاتبك بس مالي وجه .. آه بذات وأنت تزفها ماتخيل يومها ايش صار فيني عضت على سنونها ودي كذا افرمكم فرم عناد ابتسم مبسوط وهي غيرانه عليه : لا ماصار لك شيء شوية دوخة بسيطه الشموخ بقهر منه : بعد تتمسخر علي عناد : لا والله يومها خفت عليك الشموخ : ايه بدليل كملت زفتك وأنا بالطقاق وبعدين تعال ليه كذبت علي وقلت ماتبي تنزف وفجأة شفت حضرتك مرتز داخل معاها وهي تخيل شكلهم مع بعض رفعت يدها وهي تخنقه : والله بذبحك ضحك من قلب عليها وهو ينزل يدها :شكل هاليوم تصفية حساب ولا وشهووو الشموخ : ايه بأخذ بثأري منك عناد : تصدقين كنت غبي تسرعت وظلمت طرف ثالث معنا ضربته بقهر على صدره وصرخت : بعدك تقول ظلمتها وهي الظالمة الي قهرت قلبي عليك عناد مسك يدها : وش ذا العنف اليوم بعدين قفلي ذي السالفة الحين خلينا من سيرتها البنت راحت بخيرها وشرها الله يستر عليها الشموخ عضت شفتها : بعد يدعي لها المهم ترى تصميم بيتنا الجديد على كيفيي أنا فاهم عناد بضحكه : والله صدق الغيرة كانت لاعبه فيك من كل صوب الشموخ : ايه بس كنت متأكده واثقه بحبك لي واقول اصبري والحمدلله ربي عوضني بصبري عناد حزن عليها : الله يعطيني عمر واقدر اعوضك فركت يدينها بتوتر خايفه يرجع يتضايق يوم تقوله اللي بنفسها بتردد : تتوقع لو رحت لأبوي يطردني ويكسر قلبي عناد انصدم ماتوقع تقول كذا الحين وهم مبسطوين مع بعض فعلاً مهما انبسط او حس بسعاده فيه شيء ينكد عليه ويذكره بالي صار معاه وصعب ...عليه وهو يحس ....انه بسببه خسرت أهلها :لو حابه ترجعي لهم ترى مستعد الشموخ وقفت بزعل : ليه دايم ترخصني وتحسسني ان وجودي معاك ولا عدمة مايأثر فيك عنادمسك يدها قبل تروح وقال بغصه : لا تفهميها كذا بس مابي أخذ ذنبك الشموخ فكت يدها من يده ...ودخلت الغرفة ..وهي متضايقه ..كله مره يقولها ..نفس الكلام ولو قالت شيء ..عن أهلها على طول يعرض عليها يرجعها لهم كأنها ماتفرق عنده ...شافته دخل الغرفة وجلس جنبها طالعها شوي وقال وهو يخربط شعرها : توقعين فراقك علي سهل ياخبله حتى لو أنتِ طلبتي تختاري أهلك أنا اللي برفض ونزل رأسه للأرض وبغصه وضحت بصوته ..مهما عشنا لحظة حلوة مع بعض في شيء ينغصها الماضي ومشاكله مستمره مدام مشكلتك مع أبوك مااانحلت ... مبسوطه من كلامة بس ماوضحت له مثلت عليه الزعل وصدت عنه : وش رأيك صدق نروح جدة وتجربي حظك وبعد نقضي لنا يومين على البحر مدام باقي مابديت انشغل بتجهيز مكتبي الشموخ طالعته بخوف ماتخيل يصدونها ذي المره ماراح تحمل : لا لا عناد خلي الأيام تعدي أكثر وكاد قلبه يلين ومايكسر قلبي يوم يردني عناد مسك يدها وقفها قدامه وقال وهو يطالع عيونها : تبين تريحيني خلينا نجرب يمكن الله يحنن قلبه وقفت وقالت برفض : لا واعتبر نفسك ماسمعت شيء مني وأنا أسفه لو ضايقتك بعد مااتفقنا ان الماضي مات بكل شيء فيه ونعيش حياتنا مبسوطين عناد ماحب يضغط عليها ...هي عارفة أبوها أكثر منه... فعلاً وده صدق يرمي الماضي اللي ماغير كسره وجع قلبه بس ليت يقدر فعلاً ينسى موتة أمه للحين حرقة قلبه وماراح يرتاح إلا لما يقصون القاتل ...بس مالها ذنب الشموخ ينكد عليها بيحاول بقدر المستطاع يكتم الي داخله من وجع وقهر ..ومايظهره لها همس لها : وأنا باقي على الاتفاق بس أنتِ خلي عنك الغيرة الي ماهي وقتها الشموخ ضحكت وقالت : لا لا كانت بس تصفية حساب على قولك لا أكثر ويلا خليك قد كلامك ونفذ اليومين اللي تبينا نقضيها على البحر عناد ابتسم لها : أكيد قد كلمتي ... @ @ @ وصل خالته ورجع ...وركب وحرك السيارة بدون مايتكلم ..الحمدلله مافيني اتحمل ..اي كلمة منه أول ماوصلنا الفله جيت بنزل بس قال: لا تنزلين بأخذ اغراضي وراجع لك استغربت وين بنروح ..طالعت الفله .. حسيت بضيق ..وبعد تذكرت الجوهرة ...وحياتي وشلون كان هنا... وبعد طردي من البيت ..كل شيء ينعاد قدامي ... شفته جاي ومعاه شنطة ...حاطها على كتفه ... ركب وحرك الحمدلله جت منه ... مستحيل كان تدخل البيت هذا ...بعد اللي صار طالعته يوم قال : آسف لا تشرهين علي يومها كنت اصايل هزت رأسها وهي تقاطعه : مابي اسمع شيء منك الحمدلله سكت وأحترم رغبتي ... وكلها دقايق ...وقف قدام الفندق ...اللي حجزه نزلنا أول مادخلت الجناح فخم فخم حيل مدري كم قيمته بالليلة الوحدة طالعته وابتسمت بستهزاء و كنت بقوله ....وأنا عروس ماحجزت لي ذا المكان وديتني لبيت أمك سبب لي رعب بس انسحبت للغرفة وأنا اسمعه يقول : لا تنامي بطلب عشاء اوه عايش دور العريس الأخ ..ردي له كان قفلت الباب بقوه عشان يفهم مابي منه شيء .. سدحت عادل على السرير ..وحاولت ارجع انيمه بس رفض أكيد ماراح ينام ...طول الطريق مقضيها نوم ...والحين الشيخ حضرته بيسهرني رحت للحمام غسلت وجهي ..وطلعت ..شفت الشنطه حقتي موجوده بالغرفة تنفست براحه يوم ماشفته كويس احترم نفسه وطلع قبل ينطرد .. قربت من عادل اللي بدا يصيح حملته وقلت بقهر : تكفى لا تبدأ بصياحك ترى ماهو فايقه لك يكفي أبوك : وش فيه أبوه عضيت شفتي مقهوره من نفسي مادخل إلا على أخر كلمه ..قلتها بس مارديت عليه ..تنهدت بضيق توني امدحه انه بيخليني بلحالي اتاريه بينشب رفعت حاحب يوم قرب مني كنت بصرخ عليه مابيه يتكلم أو يقول شيء بس مسكت نفسي يوم قال : جيبي عادل عنك اعطيته هوو وأشرت ....للباب يعني اطلع مابيك ....على طول انسحب وطلع .. جلست على السرير ...وأنا اتنفس بضيق ....تذكرت المهر اللي أبوي اعطاني هو قبل اطلع وقالي هذا مهرتس اعطاتس مصعب قلت له مابيه خذ لك ..بس رفض يأخذ منه ريال .. وقالي ماتبينه رجعيه له ... قمت وفتحت شنطتي اليد مكان ما أمي حطت الظرف ..... طلعت للصالة شفته متمدد ومرقد عادل على صدره ..نفس الحركة دايم ..يحب ينومه بذي الطريقه ...واللي يغبنها تسويها له ..يرفض ينام ومع أبوه ينام على طول .. رمت الظرف قدامه على الطاولة وقالت بحرقه : مابي منك فلوس كرامتي فلوس الدنيا ماتعوضها أنا يوم جيتك مابيك تحقرني جيتك ابيك تعز شاني بس مع الآسف ..ماشفت منك إلا العذاب عيشتني بعيشه مافي أحد يتحملها وأشرت على عادل : وهذا كسر ظهري واضعف موقفي ضدك ..ولا تفتكر انك ضغطت علي بخالتك ولا أبوك ورديت لك لا والله مافي حد همني رديت عشان هالطفل مابيه يعيش اليتم وأبوه حي إلا أنا قلبي مات من ناحيتك وجودك وعدمه واحد يطالعها بوجع .. لا اصايل ماهو متعود منك تقسين علي كنت مهمها غلطت فيك ماعمرك قسيتي تأثر حيل بكلامها توقع .. مثل العادة وقت ماتشوفه تحن عليه ..مهما غلط عليها ..يدور نفس النظره بعيووها ماحصلها صدق مثل ماقالت قلبها مات من ناحيته وده يقولها ...لا تصدين بذات ذا الوقت . محتاجك ... طالع الظرف اللي رمته قال بغصه : بس هذا مهرك اصايل ابتسمت بسخرية : معاد ينفع ترفع قدري بعد مانزلته خلاص وفلوسك اللي تفتكر انك تقدر تشري كرامة الناس فيها خليها لك ... وقربت منه بتأخد عادل بس منعها : طول ذي الفترة عندك مايضر لو بات الليلة معي اصايل انسحبت بدون مارد ...وأنا اسمعه يقول (بودع المبلغ بحسابك ) ابتسمت بسخرية ... رجعت للغرفة ..وجلست على السرير .. تفتكر المهر الي دفعته يداوي ..اللي صار ... @ @ @ من وقت ماصحت وهي مرتميه بحضنها وتدلع عليها نوفه فرحانه حدها همست لها : الحمدلله يمه ربي فرحني بش وبمصعب رفعت عينها لها : ثاني مرة لو سمعتش تجيبين سيرته رحت له وأخذت رشاش أخوش وفضيته برأسه ترى يكفي بعدش عني ذي الفترة نوفه ضمتها لصدرها :وأنا اقدر ابعد عنش نور طالعت ياسر اللي طلع وهو مأخذ شنطته قال بضيق وهو يطالعهم : ليه ماجهزتووو نور أشرت عليهم بسخريه : نتظر جرعة الحنان تنتهي ياسر قال وهو يستعجلهن : يلاااا ياعمه وشدن بنزل الأغراض على بال ماتجهزون شدن وقفت بدلع وهي تسند على أمها : سانديني يمه احس بثقل نوفه بضحكه : تونا فديتش على الثقل نور صرخت بقهر : قلت لكم هذي لا تحمل @ @ @ بعد مده زمينه مرت على ابطالنا عناد يحس براحه بعد ....ماستقر بمكه ... بذات وهو أموره زانت ... وقدر يفتح مكتب محاماة هنا ..وبدأ يرجع يمسك قضايا ...وينشغل فيها وطبعاً وجود الشموخ مغنيه عن كل شيء وبذات خبر حملها اللي اسعده ونساه كل همومه الشموخ ... رسلت لأميرة تخبرها بحملها بس عارفة مستحيل تقول لأهلها بيكشفونها... انها على تواصل معاها ..ودها بعد كانت تبشر أمها وأبوها بحملها مثل كل بنت .. بس مع الآسف قسوو..عليها كثير وهي مالها ذنب ذنبها بس إنها اختارت زوجها شدن دلعها طبعاً زايد وكأن مافي أحد حمل على وجهه الأرض غيرها""حتى أنا والله وأنا أمها انغثيت "" وياسر ياعيني عليه حاله مايسر لا عدوء ولا حبيب تعب... كل يوم تطلع له شيء تتوحم عليه واللي يقهره انه وقت مايوفر لها طلبها تطلع ميه عيب ...حقد على طفله وهو ماشافه بسبتها متحمل بس تولد ويأخذ حقه منها ....وبيكون أخر حمل لها .... صايل طول ذي المده مبتعده... كل البعد عن مصعب حتى هو معاد يتكلم ..معي بعد أخر شيء قلته له والحمدلله ماقالي نرجع البيت ...ولا جاب لي سيرة أبد كأنه هو بعد ماهو حاب يرجع له ... وبعد احس شخصيته متغيره حيل ..احس حقيقة أمه مأثره عليه ماهو مثل أول تذكره يجلس يغلس عليها بغروره وشوفة نفسه ....الحين تحسه انكسر .. واصبح إنسان ثاني غيره اللي تعرفه... ياترى ايش اللي عرفه عن أمه وخلاه كذا غير السي دي ...حاسه ان فيه شيء ثاني .... مصعب طول ذي الفتره يحاول يشغل نفسه ..مايبي يفكر في اللي صار واللي عرفة عن أمه كل مايضعف ويتذكر ويحس نفسه مخنوق ..يتذكر كلام أبوه وخالته ... وبعد يحس أبوه حمله رجع شغل الشركة كله عشان يشغله ...عارف مقصده كل مايتذكر تعامله معاه ..يحس بندم ..وعد نفسه معاد بيزعله بس بعد ماقدر يحقد عليها تظل أمه يحس بتعب لو رجع فكر بذا الموضوع ويتعب نفسيته .. طالعها وقال وهو يتمنى ترد عليه : اصايل حصلت فله تجي تشوفيها لو ناسبتك أخذها أنا صراحه اعجبتني توهاجديده ..ونظامها مره ... حلو قاطعته ببرود : مدام عجبتك خذها لا تشاورني ثاني مره بشيء يخصك مصعب عض شفته ..كسرت خاطره وهو جاي يفرحها ويبي يتشاورها بس أبد ماعطته وجه ..قال بضيق : أكثر وحده يخصك انتِ بيكون بيتك اصايل صدت : خذ اي بيت اهم شيء تبعدني عن بيت أبوك انسحب من الغرفة ... وصفق الباب بقوه شوي وسمعت شيء انكسر فزيت بخوف .. خير خير رجع لجنونه ...ولا ايش السالفة ...فز ولدها وصاح من الخوف طلعت وهي معصبه عليه .. طالعت الفازة مكسوره والزجاج منثر بكل مكان قالت بعصبية : لا تنسى انك بذي الحركات تفزع عادل وان ذي الاغراض كلها ماهي ملكك عشان تكسرها والله لا يدفعونك دم قلبك عليها صرخ بعصبيه : اصايل ابعدي عندي قبل حط يده على وجهه وهو يستغفر مايبي يغلط فيها اصايل ..خفت احسه معصب على الأخر ابتعدت وأنا اقول رجعنا صدق اللي به عاده مايغيرها جلست اهز في عادل عشان يرجع ينام فزيت بخوف يوم فتح الباب وقال بحده : قدامي يلااااا اصايل عقدت حواجبي وقلت مستغربه : وين مصعب بعصبيه : بتجي وتشوفي البيت غصب عنك اصايل ودها تذبحه صرخت بعصبيه : لا تخليني احقد عليك أكثر يكفي اللي جاني منك قرب منها ومسكها من كتوفها وقال وهو يطالع عيونها الناعسه أكثر شيء يعشقه فيها : لو تسمعي الكلام كان ماجاك شيء بس طول ماهو تعاندي راح تعصبيني وتضيعي حياتنا اصايل ابعدته بقساوه : حياة معاك مابيها رفع يده ومنعها تكمل وقال بهمس : خمس دقايق تكوني جاهزة وأخذ عادل احتريك بالسيارة أتمنى ماتطولي علي عشان خلاص بدت تقفل معي .. اصايل ابتعدت عنه ...،هذا هو مصعب مهما حاول يمثل قدامي ..انه ندمان ولا متغير بس ماينفع ينكشف ..في اصغر مشكله تحصل لبست عباتها ...وطلعت فكرت تعاند ..بس خايفه على ولدها أخذه معاه ..وبعد خايفه شوي ويحوس المكان كله ماهي ناقصه ... نزلت شافته بالسيارة ركبت جنبه علم طول ناولها عادل وحرك ..اتجهه للفله اللي ..يبيها تشوفها ... وقف قدامها قال بحده : انزلي اصايل أخذت نفس تهدي نفسها ..ودها ترفض بس عارفة ذا جبله ماينفع معاه العناد ..نزلت أول مادخلت ...انبهرت من نظامها ذويق الخايس ... بس مثلت عليه وحاولت تخفي انبهارها وكان تطالع كل شي ببرود وكأنه ماهو عاجبها وجهت نظرها له يوم قال : وش رأيك اوقع العقد سكت شوي وقال يوم مارديت عليه : لو ماحبيتها عادي في غيرها قالت وهي تبي تنقم منه :اهم شيء الراحة اللي أنا متأكده اني راح افتقدها فيها مصعب عض شفته ..وتنهد بقهر ...بس مسك نفسه يكفي من شوي ...فقد اعصابه ..اللي له فتره يحاول يقدر يسيطر عليها كبر عقله.. عشان اللي سواه فيها ماهو قليل ... اصايل احسن انكتم ...يستاهل أكثر بعد مشيت جهة المطبخ ...طالعته بعدها رحت شفت المجالس وطلعت للصاله مكان ماهو موجود شفت نظرة السخرية بعيونه ... رفعت حاجب ...خير وش وراها ..ذي النظره .. طنشته ورقيت الدرج ..شفت غرف النوم الي فوق ... صراحه شيء خيال ..طالعته يوم وقف قبالي وقال بسخرية : ماشاءالله مايهمك مره اشوفك تلفين كل شبر فيها اصايل بقهر منه كشفها الوقح : لا بس جالسة ادور عيوب فيها مصعب رفع حاجب : ياترى حصلتي عيوب اصايل مرت جنبه وببرود : واجد مصعب أشر لها تمشي بدون مايرد .. أول ماركبوا السيارة قال : بشوف غيرها أجل اصايل بسرعة قالت : لا حلوة خذها مصعب طالعها ..عجز يفهمها ...رن جواله ... رفعه شاف اسم منيف تنهد بصبر الله يعينه على ثقالة دمه فتح الخط ... وبعصبيه : نعم منيف بقهر : ياخي فيه اسلوب أفضل مصعب ماهو ناقصه أبد : منيف اخلص علي ولا بقفل منيف طالع عادل اللي منحرج ابتسم بخبث : أقول مصعبوه تعال تعال الحق عادل مسوي مصيبه مصعب بفزع : ايش صار معاه منيف قال بسرعة : بسرعة الحق خويك وقفل بوجهه مصعب طالع الجوال وهو يسبه بقهر ... اصايل طالعته بخوف ..ايش قاله اللي دق وبعد ليه يسب كذا مصعب دق على عادل أول ماسمع صوته بقلق : عادل ايش فيك عادل وهو يطالع منيف بقهر : مافي شيء بس لو فاضي مر علي أنتظرك بالاستراحه مصعب تنهد براحه : طيب طيب اوصل بس الأهل وجاي بس افتح الاسبيكر لا هنت بكلم الخايس ذا عادل فتحه وطالع منيف اللي يطالعه ضحك بشماته وهو يسمع مصعب يقول : يازفت انصحك يوم اجي ماشوفك منيف قرب منه وقال بستفزاز : ليه استراحة أبوك بس سكت يوم انقطع الخط بوجهه قال بعباطه : يقلدني صدق ماعنده شخصيه شاف ابتسامة عادل طنشه الحين همه ينسحب قبل يجي ...طالع عادل خايف يشمت فيه ويجلس يضحك عليه ... رفع ساعته وهو يحسب ...الوقت مشوار الإستراحه من بيته يأخذ ثلث ساعة ..أفضل شيء ..يجلس شوي بس وينسحب عادل طالعه وقال بضحكه وهو يشوفه كل وقت يطالع ساعته : ليه كل وقت تطالع الساعة منيف سفهه ومارد يخاف يرد يتورط وينكشف بس جلس دقايق وقف وهو يمثل ان فيه النوم : ياخي صدق من قال النوم سلطان شاف نظرة عادل اللي كلها عدم تصديق كمل وهو يحاول مايفضح نفسه :يلا عادل بروح النوم كبس علي وبالله سلم لي على مصعب وقوله كان مشتاق يشوفك عادل ابتسم بخبث :لا منيف توك طلبت عشاء واليوم متفقين نسهر مع بعض والحين جاي مصعب من زمان ماتجمعنا منيف بقهر.. يعني في الاخير ...يطلب ويتعب ويتعشون فيه هم ...بس مهما كان الروح غالية وتستاهل التضحيه قال والقهر واضح بصوته : عليكم بالعافية مافيني أنتظر لما العشاء يوصل النوم لاعب فيني لعب يالله اقدر اسوق لبيت عادل وهو ماسك ضحكته : يارجال وش نومه ومن شوي قلت لي يوم كامل مقضيه نوم منيف يالله من اللي ناوي يتسلط عليه قال بقهر : ياخي كبس علي فجأة عندك شيء عادل وهو يضحك : أقول أجلس يالبطل منيف رفع حاجب بقهر كاشفه الحقير رجع جلس غصب عنه ولا يجلس الخايس يعلق عليه .... عادل : افف مصعب تأخر منيف بهمس : يجعله مايوصل ورفع صوته ياخي الحين من جدك تبي مصعب يخطب لك والله بيخرب عليك وبعدين وش شايف في العائله عشان فتحووو نفسك للزواج فجأة وخربت العهد اللي بيني وبينك عادل : مالك دخل بعدين يكفي الغالية الي مختارتها لي ... وعقد حواجبه واي عهد تقصد منيف : نجلس عزابيه على طول عادل : ماتذكر اني عاهدتك منيف بيرد بس قلبه وقف من اللي يشوفه أقبل عليهم واقف يطالعه بعصبيه قال بتلكككك : حيا الله مصعب مصعب أشر لعادل يقفل الباب عشان مايشرد بسرعة عادل سوى اللي طلبه منه منيف وقف وصرخ وهو يقول : وش ناوين عليه مصعب قرب منه وقال وهو يسحبه من بلوزته :كل خير عادل جلس وهو مبسوط صب له بيالة شاي وتسند على المركى : تكفى اعطه اللي تقدر عليه تراه ذي اليومين فلت بزيادة منيف صرخ بقهر : لا تحرضه زود ماهو ناقص ترى ورفع نفسه وسلم فوق رأس مصعب تكفى طلبتك لا تأخذ ذنبي وأنا يتيم مصعب رفع حاجب : قلت لي يتيم هز رأسه بسرعة مصعب طالع عادل وقال : عادل أنا ينفع مع الاستعطاف عادل بسرعة قال : لاااااا مصعب طالعه وأشر على عادل : سمعت وش قال منيف هز رأسه : ايه سمعت بس أنت قلبك كبير يا أبو عادل يوم شاف نظرة عيونه صرخ وهو يطلب فزعة عادل : تكفى ياولد مطير عادل بسرعة فز وفكه من يده وقال وهو مأخذته الحميه : ابشر والله بفزعة ولد مطير وقف بوجهه مصعب وقال بوجهي .... منيف وهو يتنفس براحه قال بعباطه : الحمدلله باقي فيني روح والله اني قلت الليلة بنقبر وبخاوي جدي وأبوي مصعب بتهديد : صدقني المره الثانية بتخاويهم عادل : خلاص مصعب اترككك منه وخلينا في المهم منيف بسرعة جلس جنب عادل وهو يهمس :مهايطي ... عادل طالعه بقهر : يعني ماتوب ودفه ياخي ماهوب انك طلبت فزعتي ولبيت تلزق فيني كذا منيف وهو يطالع مصعب همس : ياخي عشان احس بأمان بسرعة تكفى قوله السالفة وخليه ينقلع عادل وهو منحرج حده ومايدري وش يقوله وذا وتره زيادة منيف شاف وجهه عادل عارف انه خجول بزياده بعد قال وهو يبي ينقذه : مصعب عادل يبي القرب منك ويخطب مصعب طالعه وطالع عادل بصدمه : يخطب ليه شايف عندي خوات ولا بنات للزواج عادل طالع منيف بقهر وده يعرف مين قاله اللحين يتكلم بداله : وش دخلك منيف : والله شفت وجهك اعطى سبعين لون قلت أبد بالموضوع مصعب بينجن : جايبيني هنا عشان تسهبلون صح وصرخ بعصبيه ماهو فاضي لكم فيني اللي يكفيني منيف : طيب اهدأ خلي عادل يكلمك دايم هاب في خلق الله الله يهديك روعت الرجال وهو خلقه متروع عادل عصبه حيل منيف قال بقهر : منيف كنت قبل شوي فيك نوم انقلع منيف هز رأسه برفض : لا والله وشلون اروح وماحضر خطبتك مصعب لا لا ستهبلون صدق اي خطبه الحين عصب حده وقف بيروح بس على طول منيف مسكه وهو يقول :عادل اخلص عليه مصعب طالع عادل اللي شكله منحرج عادل خرب عليه منيف وعصب مصعب الحين وشلون بيقدر يتكلم معاه قال وهو منحرج : ابيك تكلم ولد خالك مصعب عقد حواجبه مستغرب : أكلمة على وشهووو عادل منحرج حده بس أمه الليلة حلفت عليه يبدأ بذي الخطوة ولا بتزعل منه : ابيك تكلمه وتقوله ابي القرب منهم لو فيه مجال وموافقه مبدئيه بنسافر لهم ولو مافي خلاص من هنا تنتهي السالفة ولا أخذ أهلي ونتفشل مصعب بصدمة : تخطب أخت ياسر منيف بلقافه : ياخي عزمهم ونشب لهم أستغفر الله العظيم عادل طالعه بحذير عشان ينثبر مصعب ابتسم بخبث :العزيمة ماكانت لله عادل ابتسم وهو منحرج : لا تحطها بذمتك مصعب : بحاول اصدقك المهم الحين بقولك أنا ما أمون كثير على ياسر بكلم أمي لك شافه تضايق قال بسرعه : ولا تزعل ادق على ياسر منيف : حلوووو يلا كلمه الحين مصعب وهو صاك على سنوونه : بعرف مين اللحين الي بيخطب أنت ولا هو منيف أشر عليه :عادل انا باقي على العهد مصعب زفر بقهر وصرخ : أجل وشهوله مشغل نفسك منيف : مشاركة وجدانية عادل بحده : منيف خلينا من استهبالك مصعب مسك جواله ودور اسم ياسر ودق عليه أول ماسمع صوته سلم عليه بس حس بصوته متغير وبعد عنده ازعاج.. فضيع واصوات متداخله قال وهو منحرج : شكلك ماهو فاضي عندك زحمه أكلمك بوقت ثاني ياسر قال بحزن : عندنا عزاء مصعب عقد حواجبه : عزاء ياسر : ايه خالي محمد توفى زوج عمتي نوفه مصعب وقف وهو مصدوم امس بالليل وهو يكملها وتضحك مبسوطه : طيب وشلونها ياسر بضيق : تكسر الخاطر الله يصبرها ويصبرنا مصعب قال بسرعة : انا جاي ياسر انصدم ماتوقع يقول انه جاي الحين أبوه كيف بتوتر : حياك الله مصعب قفل وقال وهو يطالع عادل : سمعت ماينفع الحين أبد خال ياسر توفى وانا اللحين لازم أمشي للجنوب عشان أمي عادل بضيق : الله يرحمه ويصبرهم منيف : ياخي نحس من اللحين أقولك مصعب لا تأخذ أثم باقي العائله وتخطب له الحين يلا تبي تكلمهم مات خالها والله لو يطب مجلسهم ويخطب لا يموت أبوها ويوم العرس العروس وانتهت القصه بنهاية حزينه ضرب على كتفه وقال خليك على العهد ولا تأخذ أثم أحد عادل طالعه ودف يده بعصبيه .... مصعب أخذ مفتاحه وبكت الدخان وطالع عادل وأشر على منيف : مانت رجآل لو ماخليته ثاني ضحيه لك عادل بصدمة ..كرر كلمته ( ثاني ضحيه لك ) يعني بكلام مصعب هذا يأكد له انه نحس ومصدق كلام منيف طالعه وهو وده يذبحه ليت خلاه يروح يوم قال بيمشي ولا يقهره كذا واللي غبنه أكثر يوم قال :الله يفكنا شرك .. دخل عليها الغرفة شافها جالسة على جوالها وطبعاً مثل العادة ماعبرته حتى بنظرة ... قال : يلااا بسرعة تجهزي بنمشي لأبها من وقت مادخل عليها وهي متوتره بس حاولت ماتوضح ...وركزت بشاشة جوالها ولا عبرته بس يوم قالها بنمشي لأبها طالعته بصدمة كمل بسرعة وهو يقول : أمي محتاجتني حيل زوجها توفى جلست وقلت بحزن: يالله توفى حبيبتي الله يصبرها مصعب : تكفين بسرعة اجمعي كل اغراضك من هنا وخليني أنزل انهي حجزي من الفندق تمام اصايل هزت رأسها : ان شاءالله كلها دقايق ورجع أخذ الاغراض وأنا أخذت عادل وطلعت معاه أول ماحرك السيارة قال بصوت مخنوق : ليه الي يقرب صوبي لازم يتألم اصايل صدمني كلامة جيت بقوله لا تقول تسذا مايجوز بس مدري ليه الانتقام مسيطر علي طالعته وقلت : فعلاً القرب منك يقلب حال الشخص وأكبر دليل أنا أخذتني انسانه محبه للحياة وحولتني لأنسانه صارت تشوف الايام متساويه بعيونها كلها سواد مصعب تمنى يسمع كلمة تجبر خاطره بس ردها خلاه يتأكد انه فعلاً صار ماله مكانه بحياتها اصايل توقعت يرد ...يرمي كلمه تغثني ..لان مستحيل مصعب ينهزم لازم الرد الأخير يكون له ... بس هذي المره مسوي فيها يفتكر راح يخدعني ناسي اللي سواه من شوي في الفندق .... وقف قدام كوفي وطلب لنفسه ...من غير مايعبرني الخايس ..بس قلت أكيد راح يعزم ...مستحيل يتحرك قبل يطلب لي ..جلست انتظر واقول اللحين بيطلب ايه اللحين ..بس الحقير مد يده وأخذه من العامل وشكره وقفل الدريشه وحرك ...واللي قهرني ريحة القهوة شهتني زود ... والخايس يتلذذذ بعد وهو يشرب ... والله فكرت أمد يدي وأخذها منه بس لا لا اصايل ...هو تسذا بيشمت فيتس طالعته وأنا بدعي عليه مايتهنى فيها بس ماقدرت ...طالعني وكأنه حس فيني بسرعة صرفت نظري بس عضيت شفتي يوم مد يده قدامي بوقاحه وقال : تبين تذوقين خذي طالعته وأنا مقهوره ومتفشله وانقهرت زود يوم شفت باقي ربع القهوه يعني توه يفكر يعزم : لا مابي مصعب ابتسم بخبث :ليتك قلتي كان طلبت لك أشر على قدام وقال أقرب كوفي بطلب لك اهم شيء لا تزعلين اصايل لا لا يتمسخر عليه الحقير ... قلت لكم هذا مايخلي له حق ...لازم هو المنتصر بالآخر .ودي اسحبها من يده واسكبها فوقه يوم قال : خلاص اصوله بطلب لك لالا لا قمة الاستفزاز صراحه زودها حيل صرخت بقهر : مافي حد طلب منك تطلب ويجعله سم مصعب مد يده بستفزاز : طيب ذوقي اصايل برد فعل عصبيه دفت يده بس مصعب قدر يتحكم بالكوب صرخ بعصبيه : يامجنونه كان طاح وحرقني ولا وسخ السيارة بقهر : تستاهل عشان ثاني مرة ما تجلس تستعبط علي عض شفته وهو يأخذ فاين ويمسح يده : احمدي ربك بس انه مافي غير الربع إلا كان حاسنا وحستك بعده اصايل رجعنا للتهديد المستفز أفضل شيء ينفع التحقير ..ميلت رأسي وأنا اقفل عيوني ادور النوم عشان ارتاح ...بس والله المسافة طويله من الرياض لأبها طالعته بقهر : كان حجزت وريحتنا من البهذله هذي مصعب طالعها ورجع طالع الطريق: اكيد ماراح احصل حجز بنفس اليوم وصراحه مابي اتاخر عليها @ @ @ الجنوب نور الحمدلله أمي هدت ..كنا خايفين عليها لا تتعبب طالعت شدن بقهر ...من صياحها المبالغ فيه كلنا موجعين عليه ...وصحنا بس كل ما أمي تسكت رجعت شدن تصيح بصوت عالي تخليها ترجع تنهار علينا ..لا لا زودتها.. ماقدرت اسكت قربت منها وهمست : خلاص حنا يالله نبي أمي تسكت وبعد شوفي حالة عمتي نوفه وشلون تصيح هدي عليها بدل ذا الصياح شدن طالعتها بقهر وهي تمسح دموعها : صدق ماعندش قلب وهذا وهو خالش نور بقهر : قلتيها خالي أنت وش يصير لش عشان ذا الصياح شدن وهي تصيح : صح حزينه عليه لانه طيب مره معايه وحبيب بس أنا اصيح على أمي نوفه نور طالعت جهة عمتي نوفه قلت وأنا صاكه على سنوني : وليه ان شاءالله إذا هي صابره لحكم ربي شدن : قلبي موجوع عليها رملت مرتين نور ودها تفرمها يعني ذا الصياح كله ماهو على خالها مثل ما افتكرت ... عشان بس عمتها رملت مرتين همست لها وأنا عيني من الموجودين : هيا كفي دموعش ولا افلحي من المجلس وتقلعي اي مكان وصيحي حنا يالله قدرنا نسكت أمي شدن بقهر وهي تمسح دموعها : حسبي الله عليش جالسه على رأسي حتى ماتخلين حد يعبر عن مشاعره وقفت وسفهتها وجلست جنب أمها وحطت رأسها على كتفها وقلبها عورها عليه ...صح كان ماهو محرم عليها ...وتغطى منه ...بس والله موته كانت لهم صدمه جت مفأجاة لهم ... مافي شيء كان @ @ @ ياسر دق جواله برقم مصعب طالع أبوه بتوتر وهو جالس متوسط المجلس .... طلع ورد عليه قاله وصل أبها بس مايدل المكان بسرعة راح يستقبله بعد ماحدد له وين ..موجود يالله وش بيكون رد فعل أبوه يوم يشوفه أكيد يعرفه من وفاة أمه يوم رآح ...الحين بيعرف بينا وصل بذات وهو يشوفه معي ... رفع جواله ودق على شدن قاله تعطيه عمته ...كلمها وخبرها بجية مصعب .... أول ماوقف قدام البيت طالعها وقال بصوت مخنوق : احس بضيق مدري وشلون أقدر اتحمل وسكتت وش يقولها بيفضح أمه زيادة قدامها ... تكذب لو ماتقول شفقت عليه : أنت جاي تسوي الواجب لأخالتك وتطلع هز رأسه بضيق : الله يستر بس المهم انزلي وقولي لها بشوفها اصايل : ان شاءالله نزلت ..ودخلت ..كان فيه حريم حيل ..حسيت بتوتر وخجل ...طالعت حولي ماعرف أحد فيهم ماغير خالة مصعب ..أول مادخلت المجلس دورتها بعيوني شدن فزيت يوم أمي قالت : اصايل طالعت وين ماتطالع ...شفت قدامي وحده أول مره اشوفها ..وقفت مع أمي يوم وقفت واستقبلتها اصايل عضت شفتي منحرجه بس ارتحت يوم شفتها اقبلت علي وهي تسلم علي وتضمني : ياعمري والله اصايل سلمت عليها وعزيتها ... همست بحزن : الحمدلله يمه تعالي أجلسي اصايل : مصعب بيشوفك بس ماعرف مع زحمة النسوان وقت مايخفون يجي نوفه هزت رأسها : فديت قلبه شدن يعني هذي زوجة مصعب .. قربت منها وسلمت عليها ..وخليتها تجلس وجلست جنبها وأخذت ولدها وجلست ابوس فيه اصايل كنت منحرجه .. حدي . بينهم حور همست لنور وقت ماطلعت من المطبخ : مين هذي جت وجلست جنب عمتي وشدن نور : مدري أول مره اشوفها حور : روحي سحبي كلام من الخبله شدن وتقولش مين نور طالعتها بقهر : لو ميته عشان تعرفيها روحي لها بنفسك واسأليها ورجعت طالعت أمها ..وهمست لها : يمه تعالي للغرفة الثانيه وكلي شي وخذي علاجش قد مر ساعيتن من موعده وياسر موصي علي عشان تأخذينه .. هزت رأسها برفض بدون ماترد .. نور ..شكلي ماعندي إلا ادق على ياسر يجي يشربها غصب ... ( بمجلس الرجال ) طالع الي دخل مع ياسر سلم على الحضور ..وجلس شاف ياسر ...يضيفه بالقهوه والتمر .. عقد حواجبه وجهه ماهو بغريب عليه ..دقق فيه ...فتح عينه بصدمه وهو يتذكره ... هذا ولد ( النايفة ) ايه ولدها ...يحس نفسه بيقوم يثور فيه وبولده ... بس مهما كان مستحيل يفضح نفسه بيصبر حتى الكل يروح وبعدها يعرف وشلون يتصرف ...عصب زود من نظرته اللي يطالعه فيه اللي كلها تعالي ..وغرور ... صد.. وهو يتحلف بولده ... أكيد له يد بوجوده هنا ... بعد مافضي المجلس ..والكل قام للعشاء ياسر وقف وقال : تفضل مصعب مصعب هز رأسه : لا مشكور مابي ابو ياسر بعصبيه وهو يطالع ولده : هذا وش يسوي هنا ياسر وعينه من باب المجلس مايبي حد يدخل : يبه مايصير تذكر حنا وين مصعب عصب حده بذات وهو حتى مانطق أسمه سند ظهره على وراء وقال وهو يحاول يمسك نفسه لا يقوم ويخلي العزاء يكون فيه : والله جاي اعزي بزوج أمي مبارك بعصبيه من أخته وشلون تغدر فيه وتتواصل معاه : مالك أم هنا أمك ماتت من 30 سنه شد على يده وهو يقول بنفسه هدي مصعب هدي طالع ياسر اللي يحاول يهدي أبوه وقف قباله وقال بتحدي :لا تزعل نفسك كذا صدقني عزاك ماراح أجي بس شيء يخص أمي نوفه لا بجي وغصب عن الكل وأشوف وشلون تمنعني وطلع من المجلس ...شاف ياسر وراه ينادي عليه وقف وطالعه شافه منحرج : مصعب آسف والله بس ابتسم بوجع : لا تعتذر ياسر وهو منحرج : طيب حلفت عليك الليلة تبات هنا مصعب بسرعة قال : لا والله حجزت لي شقه لمدة ثلاث ايام وبعدها اطمن على أمي وبمشي ====== === بعد ماالبيت فضي ..والكل راح جاء مصعب ودخل على خالته نوفه ...وجلس معاها ...وعدها قبل يسافر يرجع يشوفها . ياسر وهو يحاول يمنعه مايروح لعمته نوفه : يبه الولد تسهل ليه تروح تزيد على عمتي وبعد تذكر امس دفنا خالي الدنيا ماتستاهل كل ذا الحقد والكره وبعدين ليه تحمله ذنب ماله فيه راعية الذنب قد سلمت روحها لربها أبو ياسر بقهر دفه وتوجهه لبيت نوفه صرخ بعصبية : نوفـــه شدن كنت جالسة ارتب المكان مع نور بعد مالبيت فضي بس انصدمت من صوت خالي مبارك فزيت بخوف وأنا امسك بنور : ايش فيه سكت يوم شفته داخل وهو مدرعم علينا وياسر وراه قلبي وقف خفت على أمي لا يمد يده عليها بسرعة طرت لها وقفت جنبها كانت تطالعه ببرود ومأكان ذا الشخص اللي قدامها شوي ويذبحها بعصبية صرخ : تغدريني فيني ياسر وهو خايف على عمته من أبوه : يبه تكفى نوفه طالعته وهي تعبانه حدها خلاص معاد فيها تتحمل ظلم وتجبر اخوها : ماغدرت فيك بس مابي اقضي من الدنيا وأنا مقاطعه اللي من دمي وبعدين ماجاء يمك جاي لي أنا واسمع مني يامبارك ولد أختي ماراح اقطعه عجبك ولا كيفك مبارك بعصبيه : بعد تتحديني عشان ولد ال******* نوفه هزت رأسها وهي موجوعه منه حتى ماقدر وضعها وانها توها فقدت زوجها ياسر أشر لنور وشدن يطلعون وقال بقهر : يبه وش تقول تذكر مهما كان تراه عارك نوفه وقفت وقالت وهي تترجاه : تكفى ياخوي افتح له قلبك وعده مثل ولدك ترى ماهو لحالك كسرتك النايفه حتى هو كسرت قلبه وحطمته على الآخر لمتي ياخوي ذا الحقد لمتى قولي مبارك بعصبيه قال : أجل اجمعي وصلش معاه ومن الساعة ذي تراش بحسبة النايفه نوفه بسرعة وقفت بوجهه وهي تترجاه : لا ياخوي لاتساومني على فرقى مصعب روحي تعلقت فيه وفراقه بيقضي علي ولا توجعني فوق الوجع اللي أنا فيه وفوق الوحده اللي أنا فيها تبي تقطعني من كله لازوج ولا ولد ولا أخ بعد ليه تبي تزيد القطاعه والدنيا ماهي دايمه لأحد شوف محمد مافيه شيء مات فجأة وجع قلوبنا عليه بس يابخته راح وقلبه نظيف والناس كلها ذكرته بالطيب ... وانهارت تصيح على فقده ابعدها عنه وقال وهو مايبي يشفق عليها : انتهى بسرعة طاحت عند رجوله وهي تقول : ارحم وحدتي ياسر حزن على منظر عمته طالع أبوه بعتب لمتى بيتحلمون قساوته جاء بينحني يرفعها ويقولها ماهي وحيده بس انصدم يوم أبوه سبقه نزل نفسه ومسكها ورفعها وسلم فوق رأسها وقال :افاااا نوفه توطي قدامي لا عشت والله وبعد مين قالش انش وحيده وأنا موجود وياسر ولدش ومصعب ولدش زادت بصياحيها يوم جمع مصعب معاهم ياسر انسحب عل طول لبرا شدن على طول طارت له وهي مفزوعه : ليه تركتها معاه الحين يذبحها ياسر طالعها وطالع نور وقال وهو للحين تحت تأثير الصدمة : لا لا أنا شوي وانجن من أبوي شدن بخوف وهي تطالع جهة باب الصالة: وش صار طمني على أمي ولا أقولك أنا بطمن عليها بوقف بوجهه إلا أمي ... ياسر مسكها وهو يمنعها تدخل: خليهم مع بعض سكت يوم أبوه طلع على طول شدن طارت لأمها قرب مبارك منه وقال : ودني لمصعب ياسر لا لا هذا اللي مايبه يخاف الحين طيب خاطر عمته عشان برأسه شيء يأذي فيه مصعب : يبه قاطعه بحده : تدل مكانه ولا تحاول تكذب مثل عادتك وتقول سافر ترى عمتك قايله لي انه هنا ياسر :ييه وش تبي فيه مبارك : دلني له ياسر بصدق : والله مدري وين مستأجر مبارك وقلبه موجوع فعلاً لمتى القاطعة هذي وبعد موت محمد أثر فيه ...الدنيا ماهي مستاهله وبعد طلعته من بيته اليوم كسرته ..وغصب حن عليه مهما كابر وعصب ..فيه شيء بداخله صوبه : بسبقك للسيارة وأنت دق عليه وخله يعطيك وين مكانه بالضبط ياسر لا لا مستحيل ينفذ اللي يطلبه منه قال بعتراض : يبه الله يطولي بعمرك خليك منه بس سكت يوم سفهه وطلع لحقه بسرعة دخل لعمته نوفه يخبرها مايبي يتصرف بشيء وبعدها ينرد عليه اللوم بس قالت له وهي تصيح : روح فيه ياياسر وكاد الله يجبر القلوب تعبنا خلاص ياسر انسحب وطلع شافه بالسيارة ينتظره مثل ماقال دق على مصعب ..وطلب مكانه وصف له العنوان وراح له ... ياسر بعد ماقفل طالع أبوه وهو ومتوتر حده بتردد : يبه لو نيتك شر تعوذ من إبليس أبو ياسر : سق وأنت ساكت ياسر عض شفته مابيده شيء ...كلها دقايق وصلووا مكان الشقه طالع أبوه يوم قاله : دق عليه خليه ينزل وده يمنعه بس مافيه تنهد بعجر ودق عليه وقاله انه برا كلها دقايق ...وشافه طالع ..من باب العمارة طالع ابوه يوم نزل ...نزل وراه بسرعة بس وقف بمكانه يوم شاف أبوه يأخذه بحضنه قال بصدمة : لا لا اليوم الوالد بيجيب أجلي .... الحين بعد ذاك التهديد يأخذه بحضنه ... مصعب صدمة عمره وهو يسحبه له ويضمه عقد حواجبه وهو يسمعه يقول : والله ياطلعتك وأنت زعلان الليلة كسرت قلبي وجيت قصاك اللحين أعتذر واقولك حقك علي يبه تكرررت الكلمة ... يبه وتعتذر ..... جاء بتيكلم قاطعه وقال : لا تجيب الماضي لو تبي وصلنا وبسرعة ابتعد وهو يأشر لياسر يلحقه ... مصعب مصدوم حده كل شيء صار بسرعة ضمه وبسرعة ابتعد طالع ... ياسر يبي يفهم بس شافه ماهو أقل صدمه منه بسرعة انسحب وراء أبوه طلع الشقه ...ودخل شاف اصايل باقي جالسة بالصاله انسحب للغرفة ....وقفل الباب دموعه اللي كابتها من وقت ماجاء هنا ..انزلت ... اصايل مانسحب كذا للغرفة واعتزل بلحاله إلا فيه شيء ...ياترى ايش قاله ولد خاله خلاه يرجع تسذا حالته ...صح هوو زعلان ومتضايق من وقت مارجعنا من بيت خالته ...انتظرته يطلع ... عدت ساعتين ...ماطلع أكيد نام ... أخذت عادل .... اللي كان نايم على الكنبه وفتحت الباب ..ومديت يدي وفتحت النور ومشيت على مهل مابيه يصحى بس على طول وقف وطلع ...ويصد بوجهه عني حسيته مايبيني اشوف وجهه ...بس اللي اتضح لي انه كان يصيح ..جلست أفكر ياترى وش قايله ذا خلاه تسذا ... تمددت جنب ولدي وقفلت عيوني ادور النوم بس على التعب.. اللي فيني ماقدرت انام وهو تسذا حالته ...ودي اطلع اشوفه جلست .. وأنا افكر ...لا لا اصايل ماعليتس فيه ... خليتس بعيده عنه ....لا لا قلبها مايطاوعها ... طلعت من الغرفة شافته متمدد على الكنبه وعلى طول يوم حس فيني رفع يده وحطها على عيونه الحين تأكدت انه قاله شيء وجعه بدون حس قربت منه وسألته بتردد: مصعب ايش فيك لا تخوفني بس صقعت يوم طالعني وقال بصوت مخنوق : ليتني مت معاها وكاد ارتحت من ذا العذاب بسرعة قلت وأنا اقرب منه واجلس جنبه : بسم الله ليه تقول تسذا الحين مارد علي همست وأنا امسك يده : ايش قالك مارد عليه أبد .. ماغير سحب يده من يدي ..وقال : حتى بعتذارهم يمننون علي عقدت حواجي بعدم فهم ... جيت بسأل بس قاطعني وقال : صدقيني موتي راحه لهم ولي بدون حس صرخت : لا تقول تسذا قدامي بس خفت يوم جلس ومسكني من كتوفي بصوت مبحوح : صدقيني راحه لك بذات اصايل طالعت عيونه اللي صايره حمراء من كثر ..الصياح دعيت من قلبي على ذا الياسر ..حسبي الله عليه وش قايله .. قلت بصدق : ماعليك فيني ولا فيهم تذكر بس ان عندك ولد يحتاجك ومافي احد بعوض مكانك طالعني بنظره وجعت قلبي ... عضيت شفتي مابي اضعف قدامه ..شريط طلاقي وطرده لي من حياته قدام عواد وشمسه كله رجع قدامي .. وقفت وانسحبت للغرفة ... @ @ @ { مكه } ضحكت من قلب وهي تشوفه كيف منشد يتفرج قالت وهي تبي تستفزه : متأكد راح يفوز عناد طالعها ورجع طالع المباراة : ياشيخه ذا الزعيم الشموخ رفعت حاجب : طيب وشهوله ذا التوتر مدام واثق كذا عناد أشر بيده : شموخي برا الشموخ بصدمه وقفت وهي تتظاهر الزعل : تطردني اوكيه عناد عناد ابتسم لها :تعالي بين الشوطين اوكيه الشموخ صغرت عيونها بقهر : وقت مايبدا الشوط الثاني ترجع تطردني عناد وهو عينه على الشاشه صرخ بقهر يوم ضيع اللاعب : لا لا وحط يده على رأسه لاااااااااا الشموخ حطت يدها على اذونها من صوته العالي يوم صرخ : هييي انتبه على عمرك ترى والله سمعت قصة انه واحد مشجع مات من كثر التوتر والتعصيب عناد بحرقه : وشلون ضيعه وشلون وهو دايم يجيبه وطالعها شموخي حبيبتي فارقي الشموخ بقهر : اللي فهمته منك ان عيني حاره عليه صح هز رأسه وقال : مع الآسف الشموخ وقفت وهي معصبه رفعت يدها : يارب مايفوز عناد صرخ معترض : لاااااااااااا تكفينننننننن @ @ @ طلعنا من عند خالته بعد ما جلسنا معاها شوي ودعناها ....طالعته وقلت : يازين جوهم ليت نستقر هنا طالعني وقال : صعب اخلي أبوي اصايل سبحان الله متغير حيل من ناحية أبوه الله أعلم ايش اللي صار وخلاه ..تسذا يتغير معاه ..لدرجة يكلمه بالجوال ..بستمرار تشوفه عكس أول ...معقول عشان السي دي ولا فيه شيء ثاني بينهم .. بس والله خاطري ضايق ودي اتمشى ماودي ارجع للرياض بدون مااستمتع بذا الجووو ... طالعته يوم قال : ولا يهمك ي أم عادل نمشيك ولو تبينا نمددد زيادة نمدد اصايل لا لا اليوم رايق غريبه توقعت تطول الحالة الي كان فيها قبل امس .. صدق ماينعرف له أول ماوصلنا السودة ...يالله صح متعه بس خوف بنفس الوقت طول الطريق وأنا ماسكه على قلبي على طول مصعب جهز الجلسه جلست وجلس مقابلني ... ومد يده أخذ عادل مني وقال : قول لماما من الذوق تشكرني اصايل بدأ والله بستفزازي بسخرية : اسفه ماعندي ذوق مصعب رفع حاجب : جوو الغلاسه والثقل ذا ماحبه اصايل صديت وقلت بقهر : مصعب أنا جايه ابي استمتع ياليت تخليك بحالك ولا تنكد علي مصعب بضيق : تصرفاتك تدل انك فعلاً بعتي ياصايل بس أنا شاري وبتحمل اصايل بغصه : موجوع قلبي منك ومن صدامتك له مصعب بندم : عارف والله بس متأكد ان مكانتي فيه بعد كبيره اصايل جيت بقوم اركب السيارة بس منعني اقوم ومسك يده وقال : لا لا خلاص لا ترمي نفسك من الجبل سامحتك فتحت عيني بصدمة شوفو الخايس وش يقول : ميته والله وراء سماحك لي مصعب ضحك وقال : مايجوز تنتحرين والله اصايل بصرخة : مصعب مصعب ابتسم : طيب سامحيني ولا انا اللي بنتحر اصايل أشر على الجبل وقلت : ياليت والله وانفك من وجهك وبعدها تدخل النار ان شاءاله يكون أخذت حقي منك كامل مصعب فتح عينه : اوف اوف عوذ من شرك لهادرجة وصل بك الحقد أستغفري ربك وش ذا الكلام صديت عنه ومارديت نكد علي ...بسخافته رن جواله استغربت يوم فتح الخط وقال : استح على وجهك لا يكون داق تبيني اخطب لك انثبر انتظر شهر على الأقل ولا معاد به تقدير للميت فعلاً ماتتت الإنسانيه ضحك بصوت عالي : لا ياشيخ طيب تقلع ايه جالس مع المدام ... ميلت فمي بسخرية المدام مالت بس .. طالعته يوم قال : تخيلي يبي يخطب نور عقدت حواجبي : مين نور مصعب : أخت ياسر اصايل حسيت انه مايبي يقول بنت خالي احسه للحين حاقد عليه سألته بفضول : وش عرفه فيهم مصعب : عزم ياسر وأهله وامه يقول اختارتها له اصايل وأنا اتذكر شكلها : الله يسعدهم مصعب : ويسعدنا بعد شافها تطالعه بسخرية رفع جواله وقال بتهديد قولي آمين لا ذا بوجهك اصايل : همجي تسويها مصعب نزل الجوال وقال : لا الحمدلله تبت اصايل فزيت بخوف يوم السماء بدت تمطر أخذت عادل وقلت برعب : يالله مشينا مصعب بسرعة مسك يدها وقال : حرام عليك توها زانت تكفين لا تحرمينا وتنكدينا على بخوفك اصايل فكيت يدي منه : والله لو تموت ماجلست ركبت السيارة وأنا قلبي يدق بخوف شفته جاء ركب وهو مقهور ..أول ماحرك السيارة قال بسخريه : بعد تبي تستقر هنا ماهوب حقك ذا الجوو يالجبانه واللحين تبينا نمشي للرياض ولا نمددد شوي طالعته وانا مرعوبه بذات وأنا اشوف البرد ينزل علينا : مشينا الله لايعوق بشر وانسى سالفة السكن هنا بعد مصعب ضحك عليها بصوت عالي: هههههههههه @ @ @ بعد مرور ثلاثه اشهر رن جوالها بيدها فزت بفرحة : أخوي فتحت الخط وعينها من ياسر اللي مكشر تدري فيه يموت غيره منه : اهلاً اهلاً : عماله ايه يابت والاهبل بتاعك عامل ايه شدن ضحكت عليه : بخير ياحبيبي والاهبل بعد ماعليه ..أنت اللي طمني عليك وعلى ماما والحجه وخالتووو : كلهم بخير وعاوزين يكلموكي بس مش راح اعطيهم شدن ابتسمت : ليه طيب : مايكلموو من مبوايلهم ولا هي عند فيني وخلاص شدن ابتسمت وأنا اسمع خالتي تقول: يابنت ياشدن عاوزه اجي عندك السعودية ابتسمت : قولها تنور السعودية : طيب طيب يلا مع السلامة ماما حضرت الأكل ولو مالحقتش مش هاحصل حاجه معاهم دي خالتي وجوزها مابقاش حاجه ويكلونا خذي ماما وماطوليش معاها ورايه مستقبل ضحكت على كلامه : ازيك ياروحي عامله ايه ابتسمت : الحمدلله وقلت اذكرها وعدتيني تجي عمره وتزوريني ابتسمت بحزن : قولي ان شاءالله ولو مقدرتش تعالي انتِ زيارة حاولي ياماما ماتحرمينيش منك شدن طالعت ياسر وعضيت شفتي متردده اروح زيارة قلت مابي اكسر بخاطرها : ان شاءالله بعدها كلمت جدتي وخالتي وقفلت وطالعت ياسر وقلت : ليه يوم اكلم أهلي تضايق ياسر طالعها وقال : لا مين قالش اضايق بس كل مافي الموضوع ماهو متعود بس ان لش أهل غيرنا شدن بتردد : ماما تبيني اروح لها وبيني وبينك وأنا بعد محتاجه اشوفها واشوف اخواني ياسر : ابشري تولدين وبعدها يصير خير شدن ابتسمت بحب له وقلت : الله لا يحرمني منك ياسر ابتسم وقال : يالله كان عندش فوبيا من موضوع مصر والحين بنفسش تطلبين تروحين شدن : ياسر احساس حلووو لما يكون عندك أهل يحبونك تدري أنا جلست فتره طويله كنت افكر بس أمي نوفه اللي تحبني ياسر رفع حاجب : يالجاحده وأنا ونور وأبوي وأمي وين رحنا شدن هزت رأسها بلااااا : انت توك حبيتني بس نور ايه ايه تحبني وبعد أبوك بس الحين طبعاً تغير الحال وصارت العلاقه بينا رسميه حيل بس أمك ...لا والله ماتحبني لازمان ولا اللحين ياسر حزن عليها وقاطعها : مفروض حبي لش يكفيش عن الخلايق شدن ابتسمت له : ايه يكفيني ياسر قال بجديه : شدن نور انخطبت شدن بصدمة صرخت : ايششششش ياسر فز من صوتها : اسكتي الله يفضحش شدن بحماس : صدق انخطبت ياسر : ايه و تخيلي مين شدن : مين ياسر : عادل شدن عقدت حواجبها وهي تحاول تذكر الأسم طالعت ياسر يوم قال :اللي عزمنا شدن ضحكت بصوت عالي : لا تقول ياسر ابتسم : اي والله ليتنا شلنا حور بعد شدن كشرت كان ودها تقوله حور نحسيه بس سكتت ماتبيه يزعل الحين .. ياسر : روحي نادي نور شدن فتحت عيني بصدمه : تبي تقولها الحين ياسر : ايه ابي اشاورها مصعب يقول يبي يضمن الموافقه أول شدن بضيق وأنا اذكر أمي : صعب اللحين اخاف يطلع الكلام وخالك توه يادوب كمل ثلاث اشهر ياسر : بشاورها ماقلت بزفها وأشر لها تروح شدن هزت رأسها وراحت دورتها بعيونها بالصالة مالها أثر راحت لغرفتها وقفت قدام الباب وقالت : نور كلمي ياسر وطالعت حور لا تجين معاها طيب يبيها بلحالها حور بقهر : ليه شايفتني ماسكه فيها شدن رفعت حاجب : لا ادري فيش راح تلزقين فقلت اكد عليش نور قامت بطفش : خير وش تبون فيني أنتِ ورجلش شدن اشرت بيدها : الحقني وحطت يدها على ظهرها ومشت بدلع ... وهي تحاول تبرر بطنها نور بسخرية : لو تتمايلي اكثر بعد باقي بطنش ماظهر شدن طالعت بطنها اللي يادوب برزت شوي سفهتها وأشرت له تدخل نور دخلت وطالعت ياسر رجعت طالعت شدن يوم قفلت الباب بالمفتاح حست بتوتر من جوهم : ايش فيه ياسر أشر لها تقرب شدن سحبت المفتاح بيدها وجلست جنب ياسر وهي تطالع نور ياسر عقد حواجبه وطالع المفتاح بيد شدن : ليه بيدش شدن ببرود : لا بس اخاف تشرد ياسر بقهر : ليه بنقتلها نور برعب : يمه بتقتلوني ياسر بقهر طالعها : يالله انتِ بعد عومي على عومها نور بقلق : والله ماسويت شيء ياسر أشر لها تجلس جنبه وهو يتنهد بقهر ليته ماكلف شدن تروح تناديها سوت جوو رعب ماله داعي نور قربت منه وجلست حط يده على كتوفها وهو يطمنها : فيه شخص تقدم لش نور طالعته بصدمه وصرخت قبل يكمل كلامه : ايششش وقفت متوتره لا لا شدن وقفت بسرعة وهي تمسكها : شفت قلت لك بتشرد الجبانه ياسر مد يده ومسك يدها وجلسها جنبه وقال بجديه : عادل خويي واللحين يبي موافقتش وتأكدي ماجيت وشاورتش إلا سأل عنه وبنفسي بعد عارف باخلاقه وطالع يدها اللي ترجف بيده ابتسم : خلاص شوي وتموتي شدن ضحكت عليها : ماعليك فيها ياسر الرجفه ذي من الفرحة نور متوتره حدها وقفت وقالت : لا لا ياسر مابيه ياسر عقد حواجبه : ماراح اخذ بردش الحين فكري وتعالي قولي لي نور انسحبت بسرعة بس وقفت وهي تطالع شدن عشان تفتح لها شدن قربت منها وهمست لها : وافقي عليه احسه اخلاق من كلام ياسر عنه نور ماردت عليها طلعت وهي متوتره حدها .. @ @ @ اصايل طول ذي الفترة ..علاقتي مع مصعب ...مثل ماهي ... حتى حسيته هو طفش بعض مرات يحاول يغلس عليه .. بس الفتره هذي معاد يحاول حتى يدور راضي ولا عليها ..جالس يعاندني بذوقي واختياراتي لديكور واثاث البيت ...واللي يقهر في الموضوع ...ذوقه صعب كله شيء مايحبه ...مدري السالفة عاند ولا فعلاً ماهو حاب اختياراتي ...احسه صاير مثل الرجال الي يتقاعد وينشب لأهل البيت .. كل شيء يعلق عليه ...وكل شي ينتقده وبعدها انشغلت بولادة شموس فديت قلبها أول مادق الجرس طالعت نانووو اللي جت وطلبت تشتغل عندي ... على طول وافقت ... لأني مافي أحد أثق على بيتي غيرها وبعد عيني ميري كان ودي بعد تجي ...بس سافرت نهائي .. وقفت يوم شفت عمي صقر ... تفأجات من جيته ذا الوقت ... قلبي عورني لا يكون مصعب فيه شيء قربت منه وسلمت فوق رأسه وقلت بقلق : هلا والله تفضل حياك أبو مصعب : الله يحيك يبه جلس وقال اخباركم واخبار حفيدي اصايل : الحمدلله كلنا بخير نايم نانووو حبيبي روحي جيبي عادل أبو مصعب : لا لا يبه خليه نايم .. أنا جالس هنا واحتمال اقامتي تطول الله اعلم متى يرجع مصعب من أبها ..ابتسم وهو يتذكر توصيته له وبعد وصاني عليكم وقالي يقول اصايل تخاف تجلس بلحالها غصب وافقتي بسفريته مع عادل إلا لما اجلس معاكم اصايل يرجع من أبها .. ... متى سافر ...وبعد الأخ ماقصر يوصي حضرته شوي وافضح نفسي اني مادريت بذي السفرية قلت وأنا احاول امسك نفسي : حياك ياعم البيت بيتك ايه مثل ماقالك اخاف بلحالي ويوم قالي أبوي بيجي يجلس معاكم تطمنت أبو مصعب وهو يضحك : والله يبه بيبني وبينك ماصدقت بذي العزيمة البيت عندي صار يجيب ضيقه بلحالي ماغير الخدم حولي اصايل حزنت عليه وقلت بصدق : ليتك تعيش معنا أبو مصعب : لا يبه صعب مارتاح إلا بيتي وبضحكه إلا زوجيني لو تبي تسوي فيني معروف اصايل ابتسمت وقلت : ايه هذا مقصدك ابشر بدور لك بس ذي المره بجيب لك وحده من ديرتنا وش رأيك أبو مصعب : ايه ابيها سنعه وبضيقه ماتوفقت ولا في وحده كلهن فيهن من العيوب اللي تكسر الظهر اصايل عضيت شفتي وأنا حزينه عليه : ابشر بعزك بجيب لك اللي تردك عشرين سنه وراء أبو مصعب : لا لا من الحين اقولك مابيها صغيره يكفي اللي صار لي منهم ابيها بأخر الاربعين وكاد تفهم علي وتريحني اصايل ابتسمت له وأنا اتذكر حريمه من الجوهره لسوسو ...كلهم في الأربعين ....مين لاعب عليه وقايل له انهم صغار... وقفت وقلت : ماعليك ارقد وامان بذوقي والحين ريح لما احضر الغداء أبو مصعب : الله يعافيك والله اني ميت جوع عساه بس انت اللي طابخه ماهوب نانوو اصايل وأنا اضحك : لا لا انا الي طابخه واسكت لا تسمعك نانوو وتزعل أبو مصعب : تزعل ولا كيفها دلبت سبدي بطبخها ذي السنوات متحمل وساكت ... اصايل رحت للمطبخ وأنا قلبي يغلي ..من الكذاب الحين أنا الي وافقت على سفريتك أنا دريت قبلها يالخايس ...عشان اوافق .. عضيت شفتي بقهر ..من نفسي ليه انقهر وازعل .. يسافر ولا يجلس مع نفسه هذا هو طبعه من زمان مصعب والصدمات كل مره يسوي شيء معي.... حضرت الغداء ..وتغدينا .. وعمي بعدها راح يريح ..وأنا طلعت لغرفتي ... مسكت جوالي ...توقعت احصل مكالمة منه @ @ @ الشموخ طالعته بطفش ... مشغول بذي القضيه له فتره : عناد رفع عينه من الورق الي قدامه : لبيه الشموخ وأنا اتذكر مكالمة عمي لي : متى بتفضى عناد قفل الورق اللي قدامه ورجع ظهره لوراء وقال : أمريني ايش تبين الشموخ خفت اقوله قلت بتصريفه : اممم والله طفشت وأنا وأنت ماغير ماسك بذا الورق عناد تنهد بتعب : ماعليه القضيه ذي مسكتها صعبه حيل وصاحبها واثق فيني الشموخ ابتسمت له بحب : وشلون مايوثق وهي بيد أبو قصي عناد بتوتر : تصدقين والله خايف ذي المره القضيه صعبه وهو طرف مظلوم وخصمه ماهوب سهل مدام قدر ينصب عليه بهذا المبلغ بس الله قادر يقويني ويقدر يأخذ حقه الشموخ : الله كريم وسكت شوي وقالت صعب ماتوصله سؤال عمها عنه : عناد عناد طالعها وقال وهو مصغر عيونه : عندك شيء من أول صح قوليه الشموخ بتردد خايفه ترجعه وتذكر باللي صار : عمي صقر دق علي يقول كل مره يدق رقمك وهو مقفول ... قلت له غير رقمه ..يبي يطمن عليك عناد عض شفته صعب يكلمه بعد الي صار وصعب يحقره مهما كان هذا أبوه الثاني ..ويكفي سؤاله عنه الحين قال بحب له : هو الوحيد اللي ماخيبني ويوم قلت عنه أبوي يستاهل الشموخ ارتحت يوم رد كذا ...الحمدلله مارجع تضايق ...وقفت بوجهه وقالت وهي تأخذ الاورق من قدامه : اقول مافي حد مظلوم مثلي يالله اجلس معي ولا طلعني ودي اروح المول بتسوق للبيبي عناد طالعها مصدوم : من الحين وتوك بالرابع الشموخ وهي متشوقه : ايه بأخذله كل شيء عندك مانع عناد هز رأسه بلاااا ووقف وقال وهو يمد يده : ابشري اوديك وتسوقي للبيبي بس قبلها اعطيني الاوراق الشموخ فرحت حدها ناولته وقالت :اخيراً بنطلع اعطني بس عشر دقايق اتجهز عناد أخذها منها وابتعد يركض للغرفه وهو يقول : تجهزي بس وقفل الباب بالمفتاح الشموخ بصدمه صرخت وهي تشوفه خدعها : بعد تقفل على نفسك هين عناد والله لا تطلعني غصب وادفعك اللي قدامك وراك ولا ماكون أم قصي انقهرت منه يوم قال : بدون ازعاج أم قصي @ @ @ نيمت بنتها بمهدها ...وطالعته شافته متضايق حده بعد مشكلته مع أخته حياة وقالت بصدق : شوف عواد أنا اشوف خليها على رأحتها مدام هي موافقه تسيفها عواد بزعل : وشلون توافق على شايب وش ناقصها هنا في بيت أبوها معززه مكرمه ولا قصدتس تصرفينها عاد هنا موضوع ثاني شمسه عضت شفتها وقفت وهي تقول : استاهل أنا تدخلت عواد بضيق : شموس يابعد رأسي والله مابيتس الحين تزعلين بس الموضوع ذا مايصير يتم قاطعته شمسه :تكفى عواد خلاص قفل على السالفة وطلعت من الغرفة وهي تحس بندم ليتها ماتدخلت ..دق باب جناحها وقفت وفتحت الباب شافت.. حياة قدام الباب استغربت .. ماتجي جناحها أبد قالت بنفس خايسه : أبي عواد أشرت لها على الغرفة ...دخلت ...له وقفلت الباب بقهر همست ليته صدق يوافق وتفارقي بشرتس عنا ...سمعت صوت بنتي تصيح ..وقفت بروح لها بش شفت عواد طلع وهي بيده وحياة بعد معاه أخذتها منه ...وجلست ..جلس جنبي وقال : على قولتس مدام موافقه الله يستر عليها ماعلقت أبد وقفت وناولته تالين وقلت :خلي بالك منها حتى اسوي لها رضعه أخذها منها ..وابتسم وقال :اوه ام لسان طويل زعلانه شمسه رفعت حاجب وقلت : ليت معاد تفكر تعتذر من أحد ثاني مره عواد ضحك وهو يرفع بنته يوبسها : سمعتي أمتس وش تقول ترى صابر عليها وعلى لسانها من مبطي بس وش نسوي لا القلب اختار شمسه ابتسمت بغرور وقلت : يازين ماختار بس وطالعته بتحدي ولا بوه كلام ثاني سيد عواد عواد ابتسم : وهو يجي بعد كلامتس كلام حضرت.. لعمي القهوه وحطيت من الرطب اللي جابه ...وجلست اتقهوى معاه ... طالعته يوم قال : دق عليك مصعب اليوم توتر وتفشلت وش ارد عليه من وقت ماسافر لا سأل ولا فكر ... قلت بتوتر : لا ماكلمني أبو مصعب بقلق : خليني اشوفه رفع جواله ودق نفس الحكاية مايرد ..دق على عادل جواله مقفل نزله وقال وهو مايبي يقلقها يدري فيها تنهبل اللحين : خايف مبارك يصعبها على عادل ويقوم مصعب يعصب وتصير بينه هو خاله وقف أول مأذن وقال بروح اصلي يبه تبين شيء اجيبه معي بعد الصلاة اكذب لو ماحسيت بقلق عليه ...وبعد ماصدقت عذر عمي ... وين مختفي ذا : لا سلامتك بس عمي بالله لو رد عليك دق طمني أبو مصعب : خير ان شاءالله اصايل ...جلست العب عادل ..ابش شوي التهي عن قلقلي ...بس ماقدرت .الله يسامحك ياعم شغلتني وطلعت ....أخذت عادل وطلعت غرفتي صليت ..وأنا عيني من الجوال أتمنى عمي يدق يطمني .. رن جوالي بيدي ..فزيت بفرحه يوم شفت اسمه بالشاشه حطيت يدي على قلبي وأنا أهدي شوي وامسك نفسي لا انفضح قلت بثقل : نعم :وشلونك وشلون حبيب أبوه رفعت حاجب ودي اقوله توك تسأل : بخير ماعلينا مصعب : أبوي يقول تبيني خير ايش فيه عضيت شفتي متفشله الله يسامحك ياعم قلت بسرعة : لا كنت اكذب عليه عشانك ماقصرت فشلتني ولا اعطيتني خبر بسفريتك مصعب : أخر وحده تشرهي أنتِ اوكيه اصايل بقهر : ماشرهت بس قولي عشان ماجلس اكذب مصعب : ماراح اقولك لاني عارف مايهمك اصايل : تبي شيء مصعب ولا أقفل مصعب : ابيك ترجعين اصايل اللي احبها اصايل توترت من رده قلت : ماتت خلاص بس الزفت قال بستظراف ماهو بوقته : ابي اثابت اصايل عضيت شفتي اثابت أجل صرخت بعصبيه: مصعب انقلع مصعب : افااااا تسبين والله لا ادق على أبوك يشوف حل اصايل قفلت عيوني بصبر : ايه دق وقولي وش يقولك مصعب بضحكه عارف انه رفع ضغطها بس تستاهل : ابشري عض شفته يوم قفلت بوجهه فتح الباب الرئيسي .. ودخل ...رقى الدرج وهو يطالع هديته اللي مغلفها بباقة ورد ...خايفه لا تحذفها بوجها الله يستر ...دخل الغرفة شافها وقفت مفزوعه تطالعه وصرخت : روعتني ضحك وقال وهو يمثل الصدمة :يلا ابيها مفأجاة كان اصايل ابتسمت بسخرية وأنا اشوف الباقة الأخ رمانسي راجع ... حط الباقة وقال :تعالي تعالي اقرى عليك وقرب منها وحط يده على رأسها دفت يده وصرخت : بلا استهبال اوكيه مصعب عض شفته :مين قالك اني استهبل شافها ودها تذبحه ابتسم بستفزاز .. ونزل نفسه واخذ ولده وجلس يبوسه قال : ذا احلووو صح اصايل رفعت حاجب : حلو من يومه ولدي مصعب : لا والله تكذبين اصايل : حتى لو ماهو حلوو اهم شيء ماطلع يشبهك مصعب ضحك على ردها وأخذ الباقة بيد واليد الثانية حامل فيها عادل ..طالعها وهو عارف بترده لو اعطاها قال وهو يكلم ولده : عدول حبيبي تتوسط لي عند أمك تقبل هديتي اصايل ضحكت غصب عني يوم عادل بسرعة مد يده يبي يأخذها منه .. بس نزلها مصعب وهو يقول : قلنا لأمك ماهي لك قرب مني وقال : قولها بعد ياليت ماتكسر خاطري ابتسمت بخبث وأنا اخذها منه : وشلون اردك يمه هذي أجمل هديه حصلتها بحياتي يكفي أنا منك ياروحي مصعب صرخ معترض: يخسى والله أنا الي جبتها وحط عادل على السرير استاهل أنا توسطت به اصايل وأنا ماسكه ضحكتي : الله يخليه لي حبيب أمه بار فيني وهو طفل بس ماقدرت عاد اتحمل ضحكت .. غصب عني يوم قال وهو يمسكني من عندي كتوفي : والله مني ماهو منه .. مصعب يوم شاف ضحكتها استبشر خير : افتحيها طيب اصايل ابتسمت وانا منحرجه فتحتها كان طقم الماس فتحت فمي مبهوره من ذوقه جيت امد يدي بطلعه بس أخذه قبلي وقال بهمس : أنا بلبسك هوو نزلت رأسي منحرجه مافيني ارده يادوب يبدا يلبسني إلا عادل صاح ...صرخ وهو مقهور : انكتم شافها تضحك صغر عيونه : ولدك ذا مستقعد لي ليه اصايل ابتسمت بتشفي وجيت بتحرك بأخذه بس مسكني وقال : والله ماتروحين له لما تسامحيني اصايل فتحت عيني بصدمة : مصعب بلا هبل الولد جيعان مصعب هز رأسه برفض : لاااااا يلا ياتسامحيني وتروحي لولدك ولا خليه يصيح اصايل قاطعته بقهر : وش ذا السماح اللي تحت التهديد مصعب : ماعليه سميها مثل ماتحبين أنا وصلت المنتهى من حقدك اصايل آه ودي اقوله انا اقدر احقد عليك وترني صياح عادل قلت بسرعة : طيب سامحتك مصعب هز رأسه بلاااا : ماوصلني احساسك الصادق اصايل دفيته بقهر بس رجع يمنعي : مجنون ولدك يصيح وأنت تثقل دمك مصعب فكها وقال بضحكه : لا ابشرك تعديت الجنون بمراحل اصايل ابتعدت عنه وأخذت عادل اللي يصيح جلست ابوسه عشان يرضى بس رافض حتى يرضع طالعت مصعب بقهر : شفت زعل لانه طول وهو يصيح حتى رفض يرضع مصعب : دلوع ذا خليك منه ودوري رضى أبوه احسن لك اصايل عضيت شفتي : آه من أبوه بس خلينا ساكتين مصعب وهو يأشر لها تجلس جنبه : تعالي تعالي اجلسي اعطيك دورس عن التسامح وشلون تسامحي من قلب اصايل رفعت يدها : لا مشكور مصعب قرب منه وجلس على ركبه قدامها وقال : أتمنى غلاي موجود بقلبك عشان اظمن انك راح تسامحيني بس لو معاد لي غلا ورجعتك لي مثل ماقلتي عشان خاطر ولدنا عاد هنا عرفت اني خسرت اللي أسرت قلبي اصايل حسيت قلبي بيوقف من فرحته بكلامة أشرت على نفسي وقلت :أنا اسرت قلبك .. مصعب بصدق : ايه من وقت ماشافك وسكت شوي شافها ساكته ماردت عرف انها ماهي قادره عاد تتقبله وقف وقال : والله معاد فيني اتحمل صدك قاطعته وقفت بوجهه وقلت : وأنا اقوى اصدك مصعب صرخ بفرح : يابعد حي والله @ @ @ { بعد مرور عام ) قال وهو منحرج بعد مامصعب طلع الدرج : يبه اصايل وش رأيك بخالة مصعب اصايل طالعته بصدمة اللحين يعني عينه من خالة مصعب كل مااخترت وحده رفضها وقال صغيره ومايبي يظلمها معاه ..لدرجة طنشت ذ الموضوع من فتره : من جدك عمي راح توافق ترجع تتزوج بعد زوجها أبو مصعب وعينه من الدرج : ماظنتي بسهوله بس توسطي لي عند مصعب واقنعيه يخليها توافق وعاد تدرين وشلون متعلقه فيه اصايل بخبث ابتسمت : بعد توسطت بالثقيل تدري فيها ماراح ترده وهمست له وهي تشوفه نازل ظمنت لك الموافقه مبروك أبو مصعب وهو يضحك : الله يبارك بعمرك مصعب عقد حواجبه وجلس مقابل أبوه : على وشهوو تباركون لبعض أبو مصعب طالع اصايل وقال : العلم عند مرتك تقولك بعد الغداء اصايل ابتسمت : متأكدياعم راح تصبر لما بعد الغداء وهمست بينها وبين نفسها عاد خالة مصعب مره وحده ... مصعب طالعهم بعدم فهم : اقول وش فيه اصايل طالعت عمها.. وقالت وهي تشوفه يلعب بالسبحه يقال اللحين منحرج ابو النسوان : والله أبوك حاب يخطب خالتك نوفه مصعب صرخ بصدمه : وشهووووو أبو مصعب وقف وقال :والله اني شبعان مالي بالغداء يبه بروح اصايل ضحكت من قلبي توه يعجل علينا بالغداء وهو ميت جوع ..يقول ..وقفت امنعه يطلع: لا والله حلفت ان تجلس مصعب للحين تأثير الصدمة : من جدك يبه الكلام الي قالته اصايل أبو مصعب جلس وهو متوتر ومنحرج : اي والله صادق شاورها أنت وشوف مصعب عض شفته وقال بقهر : بعرف أنا وش قصتك مع الارمل مافي ارمله إلا اعرست عليها اصايل مافيني اسكت والله ضحكت غصب عني : هههههههههههه بس سكت يوم شفت عمي منحرج قلت . : حرام عليك مصعب يبي الأجر أبو مصعب : اقول أنت ومرتك بتخطبون لي ولا دقيت على ياسر مصعب :دق على ياسر أنا متفشل أبو مصعب : افااا ماهقيتها منك والله مصعب قال وهو مايبيه يأخذ بخاطره منه : ماعليه انا اقنعها بس أنت دق واخطب وعاد ماشاءالله عليك خبره ماتبي حد يتكلم بدالك @ @ @ @ ( الجنوب ) رجع من الدوم ... حصلها نايمه ..وبنتها جنبها ابتسم بحب لهم...همسه لها : شدون فتحت عينها وهي تأشر له على نور : اوشش تكفى ماصدقت تنام ياسر : قومي طيب جايب معي فطور شدن دفيت المفرش وتسحبت... بشويش ..وقمت وهمست له بتحذير : والله العظيم تصحيها ذبحتك وذبحتها بعدك وريحيت عمري منكم الاثنين عيله هم ابتليت فيها .. ياسر : احمدي ربش بس وأنا وبنتي راضين تكوني أم لها وزوجة لي .. شدن رفعت يدها بتهديد : صحها وشوف وش يحصل بس اختفت من حوله على طوله نزل نفسه وجلس يبوسها يعشقها ويموت فيها ... شافهها طلعت وتطالعه بحقد قال بسرعة : مشتاق وش اسوي شدن قربت منه ومشته بيدها : امش بس يالمشتاق برا ...طلعت معاه ..وفرشت السفرة وحطت الفطور .. وجلسوا يفطرون .. بس غصت بالأكل وهي تسمعه يقول : تخيلي أبو مصعب دق علي وخطب عمتي نوفه يوم غصت ناولها المويه وقال وهو يشوف وجها أحمر : بسم الله عليش شربت مويه وكحت.. أكثر منه مره وقالت بصوت محبوح من الغصه : خطب أمي ذا الشايب خرف حده ياسر للحين مصدوم : ولا احرجني يقول مهد الطريق مع أبوك عشان نجي نحضر عرس عادل ونملك مره وحده شدن رفعت يدها وهي تحسب : لو وافقت أمي بيكون رقم 3 اخخخخ ياسر ضحك عليها وهي تحسب : ماهي هينه نوفه شدن ضحكت معاه وقالت : المصيبه مافي حد يجلس معاها غير سنه ويموت ياسر بضحكه : اجل جاء لمكتوبه ذا الشايب شدن عضت شفتها : والله لو تسمعنا تزعل ياسر : تبين الصدق والله ودي توافق عليه بدل وحدتها بعد خالي ... وبذات يوم حنا نقلنا ابعدنا شوي عنها شدن أشرت على الأكل : افطر بس ذي اليومين مشتغلي خطابه عضت شفتها يوم عصب وأشر على نفسه : خطابه صدق ماتستحين @ @ @ اصايل اليوم موعدنا نسافر للجنوب ..نحضر زواج نور وعادل ... وبعد نخطب ..لشيخ الشباب .. بعد ماجت الموافقه .. مصعب أخذ فترة يقنعها.. ويالله رضت ...سافر للجنوب عشان يخليها توافق بس بعدها ياهو ...لعب في حسبة أبوه ..لدرجة شفقت عليه الي يشوف وشلون متشوق وفرحان يقول أول مره يعرس ..طالعت نانووو يوم دخلت : ماما بابا صقر يقول يلااااا عضيت شفتي اشغلنا الله يسامحه مديت يدي واعطيت نانوو عادل : خذيه وروحي للسياره وقولي لهم الحين نازله شكيت على الشنطه ..وتأكدت على اغراضي للعرس وبعد من هدية العروس نوفه من خطيبها اخخخخخخ ونزلت ..ركبت السيارة وانا اسمعه يهاوش وشهوله أخرتينا وطالع مصعب : حرك وش تنتظر أنت بعد مصعب طالعه وهو ماسك ضحكته : أنتظر عادل قال نمشي سيرة وللحين باقي ماطلع أبو مصعب : وشهوله نحتريه آه ليتني سافرت طيارة مثل عادتي ولا تبهذلت معاكم وجلست تحت يدكم وصرخ بعصبيه دق واعجل عليه لا تجلس تطالعني كذا اصايل لا لا اتوقع يوقف قلبه ..بس ضحكت على مصعب يوم قال : ليتنا أخذنا لك ام عادل كان قد ربي يرحمك من السفر والبهدله توقعت يهفه بس صدمني يوم قال : كم عمرها شفتووو ياعالم قلت لكم انه ابو النسوان (في القاعة ) عرس نور وعادل همست لها :صدق مين قال المكياج يغير قبايح نور بقهر : كلي تبن شدن بوستها وقالت : وربي بفتقدش احسني ضايعه بدونش وأنا انتقلت بيت بعيد شوي مابالش اللحين بتسافري للرياض نور بغصه : اسكتي شدون والله كل ماتذكر اني بفارقكم وبفارق الجنوب تخنقني العبره وبذات سميتي شدن ابتسمت : اخيراً اعترفتي في سميتش نور وهي تحاول تمسك دموعها وقالت بمكابره : وش اسوي شيء وانكتب علي لازم ارضى شدن شافت عيونها وشلون بدت الدموع رفعت يدها : لا لا تكفين لا تخربين مكياجش ويطلع وجهش المتخبي ويتروع الرجال نور عضت شفتها وهي تطالعها بقهر ...ماراح ترد عليها تدري فيها ماراح ترتاح إلا تخليها تصيح طالعت حور يوم دخلت وهي تقول : شوي بس وتبدأ الزفه شدن تعالي بنتش تصيح وعمتي تدورش شدن عضت شفتها وطالعت نور : تكفين خذي سميتش معش للرياض اسمنها من ريحة أهلش ومعاد تحسين بالفراق و طلعت وأخذت بنتها من يد أمها وجلست جنب اصايل وهمست : اقنعي أمي نسوي ليلة قبل يأخذها شايبكم صايل ابتسمت لها : برسل لها حبيبها يقنعها حنا مانقدر لها شدن عضت شفتها : تصدقين رجلش ذا ودي اذبحه ماحد نافسني على غلا أمي غيره اصايل ضحكت من قلبي على كلامها البنت ذي ماخلت حد بحاله .. كلها دقايق وبدت الزفه وانزفت نور شدن طالعت نور بحب تحبها حيل وفرحانه لها وبنفس الوقت حزينه ... عليها ... بتسافر وتخليها @ @ @ أول ماوصلوا الفندق دخلت وهي خجلانه حدها منه ماشافته غير يوم ..النظرةوالملكه ...صارت قبل العرس بيوم .. نزلت رأسها يوم طالعها همس لها وهو متوتر أكثر منها : مبروك بخجل : الله يبارك فيك قرب منها وحط يده على رأسها وقال الدعاء نور توترت حيل .. عادل شاف وجهها قلب مية لون قال وهو مقدر وضعها : خذي راحتك وأنا بطلب العشاء وطلع ... نور تنفست بعمق .. طالعت جوالها يوم نور برسالة شافتها من شدن فتحت عينها بصدمه عضت شفتها بقهر ....ارسلت لها ( الحين ذي نصايح ولا خراب بيوت ) ثواني وصلها ردها ( شكلي الليلة بحظرش ولا تفشلينا بالرجال وانتِ منشغله بالجوال ) رمت الجوال بقهر توها تحرضها عليه والحين ماتبي تفشل فيه ... قامت غيرت فستانها وعدلت نفسها .. وطلعت شافته ينتظرها ..تحسه خجول أكثر منها ... @ @ @ قال بتردد يخاف يتضايق ويتذكر أمه : يبه طلبتك ماتردني ودني تحضر ملكتي على بنت محمد بكره وابيك بظهري وبعد الشموخ معك عناد يدري بموضوع زواجه بس انصدم انه يطلبه يحضر عض شفته مافيه يرده ويفشله طالع الشموخ الي تسمعه معاه على اسبيكر : ابشر بعزك والله الشموخ قربت منه وقالت : تستاهل ياعم مين يلبي لك وبعد مين عندنا أعز منك نحضرله أبو مصعب بحب لها : الله يرفع قدرك يبه @ @ @ بالمجلس همس لمصعب وهو يشوف عادل داخل وهو متضايق : والله ياعادل حاقد على أبوك حلف عليه يحضر ملكته وهو يبي يطير بعروسته ويهج يقضي شهر العسل مصعب بخبث ابتسم : تصدق انا سويت في ذي الدقه خليت أبوي يستلط عليه ياما ازعجني خليه اللحين يذوق ... منيف فتح عينه بصدمة :أنت وأنا اقول غريبه عم صقر نشب له كذا مصعب صغر عيونه بقهر وهمس : أكيد بتقوله منيف رفع نفسه وقال بحميه : افااا شايفني نقال وشيه وقف وهو يسلم على عادل وهمس له: ماعليه تصبر وأنا أخوك مصعب بسخريه وهو يسمع كلام منيف : ميت له حد لا سمح الله عادل بعصبيه: ماراح أجلس معاكم وابتعد وجلس جنب أبو مصعب .... مصعب ضحك عليه ..طالع أبوه وقت مارفع صوته يرحب ..انصدم من اللي دخل ورد السلام ... شاف نظرة أبوه الي وجها له كانت كلها ...تحذير لا يغلط عليه ..ابتسم بوجع وشلون يغلط عليه وهو ذاق نفس الكأس اللي ذاقه صح تختلف المواقف بس الاثنين تجرعوا العذاب والوجع من أمهاتهم ....تذكر وشلون يجرحه .. كان ويتشمت عليه بأمه يوم شافه ..سلم على الكل وقرب منه بس يحسه مترردد يقرب صوبه وقف وتقدم منه وسلم عليه وهمس له بغصه : ادمح الزله وأنا أخوك عناد طالعه افتكر يفشله مثل العادة بس انصدم يوم انه قام سلم عليه وبعد .. يعتذر .. ابتسم له وجلس جنب عمه صقر اللي رحب فيه وقال وهو يحط يده على كتفه : هذا ولدي عناد يا أبو ياسر أبو ياسر بحمود : حياه الله منيف همس لمصعب وهو مصدوم : لا لا اليوم شيء بيحصل أنت وعناد مع بعض مصعب طالعه بتهديد بس كمل كلامه ضامن انه مايقدر يسوي شيء قدام الحضور : ياخي ليه صاير حبيب مع الكل إلا معي بعرف ليه مصعب طالعه بقهر وهمس وهو صاك على سنوونه : أنا ودي اعرف أنت مين مخليك تجلس حتى ذا الوقت ليه مسافرت بعد عرس عادل منيف : ولووو اسافر قبل ماحضر لعموو صقر وطالع ياسر اللي قرب وهو يقهويهم : ياسر أخر مره شفتك فيها كنت نحيف اليوم اشوفك معضل تكفى ياخي وشلون تمرنت وصلت عضلاتك كذا يمكن الله قادر يفك فيني واقدر أخذ حقي من ذا المجرم جنبي ياسر ضحك عليه : ترى يبي لها صبر وجسم يتحمل وطالع جسمه النحيل وقال ياخي ماظنتي ذي الأمنيه بتحققق منيف ندم انه تكلم بقهر طالع مصعب يوم ضحك طالع ياسر وقال : ياخي الكلمة الطيبه صدقة @ @ @ دموعها رافضه توقف ...فقدت نور وبعد أمها شيء كبير عليها ... مهما تظاهرت بالفرح بس خاطرها مكسور ...حاولت ماتوضح عشان أمها ماتنكد طالعتها بحب وقفت وجلست جنبها وقالت : ليه كذا ساكته نوفه طالعتها والعبره خانقتها : ذي الزواجه كلها مابيها شفت نصيبي أكثر من مره وحظي واحد وبعد كبيره ولا انا حق عرس بس ياسر ومصعب اتفقوا علي ومقدرت اكسر خاطرهم بس والله بيني وبين نفسي متفشله ... شدن وهي تحاول ماتصيح : يمه وش ينفع الحين ذا الحكي وهم شوي ويعقدون نوفه مدت يدها وضمتها : مدري وشلون بفارقش شدن بغصه وهي تحاول تستظرف عشان ماتصيح : لا تخافي بخلي ياسر يأخذ لي طيارة خاصه وبقضيها رايحه راده حور بسخريه : ليه زوجة أمير وحنا ماندري شدن طنشتها ..وهي تخبي رأسها بحضن أمها ومعاد فيها تسكت خلاص دموعها اللي كاتمتها انزلت صاحت بصوت يقطع القلب اصايل انصدمت من صياح شدن ...بس يوم شفت وشلون خالتي نوفه ..بعد تصيح معاها عرفت وشلون متعلقين في بعض قربت منهم وأنا قلبي متقطع عليهم الثنتين : ليه ليه كل ذا تعوذا من إبليس والليلة ليلة فرح ليه تقلبوها تسذا نكد ونزلت نفسها لشدن وهمست لها : هذا وانتِ طول اليوم شايلته على رأستس وجايه بالاخير تسوين تسذا تكفين اسكتي عشان أمتس لو صدق تحبينها شدن رفعت راسها ومسحت دموعها وهي تطالع أمها اللي تصيح معاها : خلاص يمه ماراح اصيح وسكتت وهي تطالع البنت اللي دخلت مع أم ياسر وبيدها طفل عقدت حواجبها مستغربه بذات يوم صرخت اصايل وراحت لها تركض تسقبلها وهي تقول : الشموخ ضمتها وهي ماهي مصدقه وشلون جت هنا هسمت لها : وشلون الشموخ ابتسمت بتوتر وخجل : عمي صقر عزمنا واحمد الله اني شفتك قدامي دخلت وأنا خجلانه موت اصايل بسرعة مسكتها من يدها وانا ارحب فيها يالله ماتوقعت عاد نجتمع ... قربتها من خالتي نوفه وقلت : هذي عروستنا الي تعنيتي لها من مكه نوفه طالعته وهي ناقده عليها .. قالت بعد ماسلمت عليها : وش عروسه يمه عيب استحي اصايل ضحكت : واجمل عروسه شدن وقفت وسلمت عليها ورحبتت فيها ... همست لاصايل : مين ذي عرفينا عليها اصايل : هذي الشموخ بنت عم مصعب نوفه انصدمت صدمة عمرها يوم قالت بنت عم مصعب تذكرت الماضي ....هذي بنت راشد ... يالله شوفوا القدر كيف بنت رأشد موجوده بينا ... شدن ابتسمت لها : ماشاءالله نورتي الجنوب ياقلبي ضيفتها وبعدها جت نور وتجمعنا كلنا وبعدها جت لحظة الفراق ... نور سافرت من هنا وأمي من هنا ... @ @ @ وحنا رادين لمكه تفأجات بعناد يوم اتجهه لطريق جدة طالعته وقلت وأنا عارفه : معاد فيني اتحمل صدته قال بضيق : شموخي صدقيني ماراح يردك بذات وهو يشوف حفيده ذي المرة عندي أمل الشموخ هزت رأسها وقالت والعبره خانقتها : تذكر كيف رفض يقابلني أخر مره رحنا له حتى مافرح بحملي صدقني قلبه قسي خلاص إلا لو به أمل كان يوم ولادتي تمنيت اشوفه ..ماغير أمي باركت لي بالجوال ..دليل انه منعها تجي تشوفني ... قاطعها بضيق : عارف من داخلك غصه بسبة فراقهم وعشان كذا بسوي المستحيل عشان ترجع علاقتك مع أهلك صحت غصب عني ... صادق مهما كنت سعيده بحياتي بس فراق أهلي ..مأثر علي كلها ساعتين وصلنا ..أول ماوقفنا قدام البيت طالعته .. مسك يدها وقال بتوتر أكثر منها : ذي المرة ماراح انزل معك ويرفض يقابلك مثل أخر مره خذي ولدك وأنزلي أنا بكون بنتظارك أفضل صدقني لك الشموخ هزت رأسها برفص : لا مقدر ابيك معي عناد هز رأسه : عشاني اسمعي الكلام صدقيني وجودي معك بيعصب أبوك الشموخ عضت شفتها وهي حزينه عليه بس سوت اللي قاله ..ونزلت وحملت ولدها وقربت من البوابه ودقت الجرس .. شوي والخادمة فتحت لها وكانت جديده توها تشوفها عند أهلها قالت : مين دخلت وأنا احس قلبي بيوقف ... طنشتها و مشيت لداخل وأنا اقدم خطوه وأخر خطوه .. فكرت ارجع لعناد بس لا ذي المرة بسوي اللي قاله لي ..وكاد الله يحننن قلبه سمعت الخادمة تقول : ماما وقف مارديت عليها ...دخلت و شفت أمي وأبوي جالسين وقفت وأنا احس رجولي تضرب في بعض الخادمة وهي تعتذر : ماما هذي يدخل على طول أمها طالعتها بصدمه ورجعت طالعت زوجها بس مافيها عاد تتحمل بعدها ..راحت يمها وهي تضمها وتصيح معاها وتضم في ولدها وتبوسه شافت أبوها قام بيروح غرفته أخذت ولدها من يد أمها بسرعة وقفت بوجهه : عشان قصي بابا ماتردني أبو أميرة طالعها وطالع ولدها االي يطالعه ببراءة ماقدر يقسى أكثر هذي دلوعته اللي كان ..ياويل مين ينزل دمعتها ...اللحين هوو سبب دموعها عارف فراقه.. ماهو سهل عليها ..مثل مافراقها دمره نفسياً مهما تظاهر بالقساوة ..ضمها هي ولدها مع بعض وهو يقول والغصه خانقته :ماعشت لو رديته ورديتك وحرمتك وحرمت نفسي منك يابعد رأس أبوك الشموخ كانت تصيح وهي منهاره بس ذي المرة كل دمعه نزلت منها دموع فرح ... همست وهي بحضنه :بابا عناد قاطعها قبل تكمل وقال : وينه انصدمت وضمته زود وهي تقول : والله أحبك بابا ومسكت يده ورمت غطاها وطلعت معاه وهي تبي تفاجئ عناد ... أول ماشافها طلعت وهي ماسكه بيد أبوها ... ابتسم بدون شعور ..تمنى هذي اللحظه من زمان يوم شافهها وقفت قدام البوابه وهو قرب من السيارة .. على طول نزل بحترام له ..انصدم منه يوم قرب وسلم فوق رأسه وهو يعتذر حاول يمنعه وهو خجلان انه سلم فوق رأسه وهو أكبر منه : قدرك غالي والله أبو أميرة وهو متفشل منه : تفضل عناد ماقدر يدخل قال : اسف اعذرني والله حدي تعبان جاي من ابها توني قال وهو عارف انه باقي زعلان : أعتذر منك يبه اعتبر اللي صار لحظة شيطان ...وتفضل حياك عشان اعرف ان مافي قلبك شيء عناد حاول يعتذر بس ماقدر وقت ما حلف عليه إلا يدخل ويتعشى معاهم خجل يرده ...طالعة جهة البوابة شافها اختفت مالها وجود مشى مع أبوه ودخل شافه واقفه تنتظرهم قرب منها وقال بحده : طالعه معاه ليه للشارع ابتسمت له وقالت : تبيني افوت اللحظة ذي بس والله على طول دخلت عناد عض شفته : لا ياشيخه الشموخ وهي حدها مبسوطه : حياك بس يالغيور @ @ @ ابتسمت بخبث وهي تذكر تهديده لها لو تحمل مره ثانية بعد الي سوته فيه رفعت بنتها وهي تبوسها وقالت وهي ناويه تصدمه : نور حبيبي افرحي جاي أخوش بالطريق ان شاءالله ياسر صرخ معترض : لاااااااا شدن مسكت ضحكتها وقالت : ليه ياسر هز رأسه بصدمه : لا لا تكفين ماتقولين حامل شدن مسكت ضحتها : لها الدرجة تعقدت ياسر : ايه والله جتني فوبيا بعد شدن عضت شفتها : والله حامل ياسر قال وهو يتذكر اللي سوته فيه وقف وأخذ بنته منها وقال :أنا وبنتي بنختفي لما تولدين بشرينا قالت وهي ترفع صوتها وهي تشوفه يرقى الدرج : ماراح ابشركم ولااشوفك أنت وبنتك تجيون تباركون لي ياسر : تفعلين خير والله ضحكت عليه ... وحطت يدها على بطنها وهي تذكر وجع الولادة عافت الحمل والولادة بس وش تسوي ربي كتب تحمل مره ثانية الله قادر يهونها عليها @ @ @ @ اصايل اليوم مصعب مسوي عزيمة لأبوه وخالته ياهو مجنننهم .. ومنكد عليهم .. حياتهم تجمعنا بعد الغداء على القهوى ...مديت لعمي الفنجان أخذ مني وقال وهو متذمر : والله مالها داعي ذي العزيمة بذي القايله طالعت مصعب يوم قال وهو يتريق عليهم : والله خفت اسويها عشاء تسهرون والسهر يأثر عليكم وأنتم بذا السن قلت غداء افضل لكم أبو مصعب بقهر : والله اني اقوى منك يالهامل اصايل همست له وانا اضحك : حرام عليك مصعب الحين عازمهم عشان ناوي تتطنز عليهم مصعب همس لها : يستاهلون شيبان الفلس اصايل عضيت شفتي خفت يسمعون مصعب وقف وقرب من نوفه وجلس جنبها ولزق فيها وهو يطالع أبوه الي مقهور وقال : الليلة امي بتبات عندي اصولة خلي نانوو تجهز غرفتها أبو مصعب بحده : اقول اقطع واخس مصعب همس لها : تكفين يمه وافقي لا تفشليني نوفه طالعت صقر وقالت وهي ماتبي تفشل مصعب : وأنا أقدر يمه افشلك وهو وش بيضره يبات ليلة بلحاله مصعب صرخ وهو يضمها : فديتك والله اصايل حزنت علي عمي قلت : حياك معاها أبو مصعب وهو زعلان : مشكورة يبه ماقصرتي احسن من ولدي وطالع نوفه بزعل : خليه ينفعك نوفه طالعت مصعب وقالت : يعز علي اردك بس بعد أبوك غالي مصعب : مسرع خونتي فيني عض شفته بقهر غصب وافقتي عليه وهاتي يادموع .. وسويتي مناحه .. والحين غالي اصايل اخخخ احرجهم الاثنين والله عمي وجهه قلب وبعد خالته تفشلت .. واللي يغبن بعد ماولعها بينهم وقف وأخذ عادل من الأرض وناول أبوه وقال وهو يقرب اصايل منه : بالله خذوا عادل معاكم عشان يتعود عليك هذي الفتره عشان بأخذ الحلوة هذي وبنقضي شهر العسل ومانبيه معنا وبعد يسليكم ... اصايل همست له: توك تحس تبي شهر عسل ولدك صار يمشي مصعب أشر لولده وهو بيد أبوه : خلاص تخلصت منه وتبنوه الحلوين هذولا أبو مصعب بقهر : خذ ولدك أقول فاضين حنا تشقينا معاه ونزله بالأرض وهو يقوله روح لأبوك يلاااااا نوفه وهي تضحك على مصعب اللي يطالعها يبيها تأخذه : حرام عليك صقر خليه معنا وهم يأخذون راحتهم مصعب شاف عادل قرب منه وهو يمسك فيه يبيه يحمله ..بسرعة نزل نفسه وقال : روح لجدوو حبيبي يلاااا بس عادل لزق فيه غصب بسرعة رفعه ورماه على أبوه وقال : خلاص مدام نوفه موافقه أنت توافق تأخذه اصايل حزنت علي ولدي ..وأنا اشوف كل واحد فيهم يرميه على الثاني وبعد عادل ..يصيح ويمد يده وهو يبي مع مصعب ..مايبي جده ..متعلق فيه يس مصعب نذل حتى مع ولده ... قلت بسرعة وأنا أخذه منهم : ولدي مايبي واحد فيكم وطالعت مصعب تبيني اسافر معاك ولدي قبلي مصعب بعتراض : لا اصايل ولدك ذا ماهوب حق جزر المالديف بيحوسنا هناك اصايل : لا والله ماسافر بدونه مصعب : وشلون شوفي هنا ماخلى شيء إلاكسره تبينا نأخذه معنا عشان يشغلنا اصايل فعلاً حركته زايده كل شيء يروح له ارهقنا لدرجة حتى نانووو لأول مره أهلها يوحشوها وتطلب تسافر لهم وأنا عارفة بسبة عادل تعبت منه ابتسمت وأنا اضمه : فديته خليه يكسر الي يبي وصغرت عيونها ماراح بعيد طالع لك ولا ناسي مصعب عض شفته متفشل .....من ردها أبو مصعب وهو يطالع مصعب بشماته : ايه يبه حني عليه اليوم يبر فيك لاكبر وطالع نوفه : يلا ومشاها معاه وهو يقول : الغداء اللي ذلنا عليه اتاريه ماهو لله يبي يدبسنا بولده عضيت شفتي بقهر يوم عادل يحاول يفك نفسه مني ويبي مصعب يشيله ناولته هوو وقلت : المصيبه يحبك وأنت قاسي عليه مصعب بوسه وقال وهو يطالعها بحب : والله احبه بس اغار منه نساك مجنونك ابتسمت له بحب : ولا مليون نتفه مثله ينسوني ويأخذون مكان ( مجنوني ) ابتسم لها وهو يقول : لا أجل مدام مكاني محفوظ ومافي أحد يوصله نأخذه معنا ونزله وهو يأشر له يروح يلعب وطالعها بحب : والله ماشفت السعادة إلا بوجودك بحياتي وابتسم بخبث وهمس لها لدرجة أحب أبوك ياشيخه اصايل كنت مبسوطه بكلامه ..بس طالعته بصدمه وش دخل أبوي اللحين ... ولا خلاص هواية عنده يلعب بمشاعري : مشكور على حبك لأبوي مصعب ابتسم لها وهو يشوف الصدمه واضحه بعيونها : تدرين ليه لانه اعطاني أجمل إنسانه {{ تمت }} وانتهت روايتي ولله الحمد ويارب تكون ارضت الجميع جمهور .. مصعب كنت حابه انتقم من ولدكم المجنون ..بس للآسف خواتي توسطو له والكل فزع معاه ...وطبعاً مقدر اردهم وبعد أنتم ياجمهوره قدرت العشرة اللي بينا وقلت ماعليه نوني خليهم ...يذكرونش بالطيب ...بدل مايدعون عليش ... إلاكنت ناويه له .. وأتمنى.. كل وحدة تكتب لي رأيها بالنهاية ولا تحرموني تعليقكم على البارت الأخير متشوقه أشوف ردودكم..وراح ارد عليها ان شاءالله. .. ... وآلحين بالله قولوا لي أشلون ...بصبر .على فراقكم .بعد ماتعودت عليكم ..والله أكره الوداع ماطيقه أبد بس مالي حيلة .... ومشكورين يامتابعين نوني من الدول الخليجيه والدول العربية ردودكم كانت سعادة لي هنا وفي المنتدى المجاور وشكر خاص للي دعموني للأخير وقفوا معي لما ختمت روايتي والله لو قلت ماقلت ماوفيت حقكم وأتمنى من كل قلبي تسامحوني لو غلطت في وحده فيكم....واتمنى مافي أحد شايل علي بقلبه ودعواتكم لي يمكن يكون هذا آخر لقاء لنا وطلب أخير تطلبه منكم نوني لا تنسوا أمي حبيبة قلبي من دعائكم الله يرحمها ويسكن عظامها الجنة ويرحم جيمع موتى المسلمين استودعتكم الله الذي لا تضيع ودائعه سبحان الله وبحمده سبحان الله العظيم "الوتر أحبتي " "رحمك الله يامن اوجعني فراقك " والله طويل حيل وخايفه يرهقكم على العموم قراءة ممتعه للجميع وبالله اذكروا لي افضل مقطع عجبكم وأكثر مقطع ضحكتو عليه وأكثر مقطع ودكم تذبحوني عليه أنتظر تعلقاتكم الحلوة مثلكم | ||||
|
| |
|
23-11-19, 01:39 AM
| #1598 | ||||||||
| مراقبة عامة ومشرفة منتدى الروايات المنقولة  
| الذين يشاهدون محتوى الموضوع الآن : 178 ( الأعضاء 14 والزوار 164) فيتامين سي*, ss1408, Ichraklkh21, Rabiaaed, ابتسآمة, هيفاHA, أنفاس الأنين, Dody Mody, dodoalbdol, كيان ،،،, yasser20, dont worry, josy princess, ltoofsi قراءة ممتعة لكم ..... وردود ممتعة لنا............ وللغاليه نوني ........ | ||||||||
|
| |
|
23-11-19, 02:32 AM
| #1599 | ||||||||
| مراقبة عامة ومشرفة منتدى الروايات المنقولة
|  ألف ألف مبرووووووك   ألف ألف مبرووووووك & نوني بنت الجنوب & اكتمال روايتك الثالثه وإن شاء الله نرى لك روايه رابعه قريبا رابط لتحميل الروايه هنـــــــــــــــــــــــ ـا | ||||||||
|
| |
|
23-11-19, 03:13 AM
| #1600 | |||||
| اقتباس:
ألف ألف مبروككككك اكتمال روايتك💕💕 نهااااية رأااائعة بمعنى الكلمة والله العظيم أجمل رواية قريتها وأجمل كاتبة متواضعة وأسلوبك عسسسسل الله يحفظش ويسلم يدينتس كل المقاطع تجججنن لو بأذكرها لك ماراح أخلص الله يوفقك ويسعدك ويحقق لك أمانيك💘 الله يرحمعا ويسكنها فسيح جناته ويجمعنا وإياكم في الفروس الأعلى من الجنة .. ما بنساكم من دعواتي . واي صح تذكرت زعلانة منش أنتي وبنتش قلتم بتزوروني في جازان وما جيتو 👊 | |||||
|
| |
|
| أدوات الموضوع | |
| انواع عرض الموضوع | |
|
|
20Likes
.png)
العرض العادي
