آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-09-17, 03:35 AM
| #11 | ||||
| كاتبةفي قسم قصص من وحي الأعضاء
|  في المكتب سكر اللاب توب ورجع لكرسيه ورا الحين عنده نص ساعة قبل الاجتماع المالي الربع سنوي ومال ع المكتب بيطلب قهوه .. هنا دق جواله الخاص ناظر نفس الرقم رفع حواجبه .. ورد .. اول ماحط الجوال ع اذنه سمع ضحكة مبحوحه عذبه وناااعمة وخلفها اصوات بنات ماجد : آلووو غادة مصدومة من الصوت القوي ماتوقعت يرد ؛ امم مرحبا~ ماجد ( وابتسامة خفيفة هذي جديده وصوتها هاديء ) : مرحبتين من معي غادة مرتبگة ؛ قل كلمتين ماجد بتقطيبة ؛ كيف كلمتين عادة وهي تناظر صديقاتها ؛ قل كلمة وكلمة بس ماجد بضحكة ؛ كلمة وكلمة وسكرت الخط .. غادة : هه كسبت التحدي صديقاتها بضحك : مجنونة مشاعل ؛ تلقينه انصدم ريما ؛ هههههههههههه انتي لو معنا من البداية كان علوم مها وهي تضحك ؛ الرجال انصدم لنا ٣ ايام نتصل فالاخير قل كلمة وكلمة غادة : كسبت الرهان والا لا مشاعل : وبجدارة بس اول حللي لنا شخصيته غادة ؛ امم مسيطر .. قوي ،، واثق .. جاد .. مافيه في حياته مرح ريما ؛ الله كل ذا من كلمتين .. في المكتب ،، ماجد يناظر جواله : الحمدلله ويتصل ع السكرتير ؛ اطلب قهوة عربي في صالة الاجتماعات ويرجع يناظر الجوال بتفكير وهو يتذكر الصوت الي بضحكة ؛ قل كلمة وكلمة بس ورجع يدق الجامعة .. مها ؛ دق الجوال مشاعل : هو هو عطوه غاده عادة : لااا لا خلاص ريما ؛ هاتي الوو ماجد : صباح الخير ريما : صباح النور ماجد بتفكير ؛ انتي مش صاحبة كلمتين ريما وهي تأشر لغاده ؛ تاخذ السماعة الثانية وتسمع : لا انا صاحبة كلمة ماجد : انا ابي صاحبة كلمتين غادة تفكر في الصوت العميق الي تتلذذ وهي تسمعه ريما : للأسف غير متوفرة ماجد : امم يعني هي التسويق وانتم البضاعة غادة ؛ تفتح فمها وتسكره وتحاول تكتم ضحكتها من وجه ريما ريما : هي تسمع الحين المكالمة قل لها وش تبي ماجد بدون اهتمام ؛ ابيها حست غادة ان كلمة ( ابيها ) وعد ! اخذت السماعة الثانية من ريما وردت : قول ! ماجد : لصوتك مواعيد وسكرتاريه غادة ؛ ولصوتك حد وينتهي ! ماجد : ومتى ينتهي غادة : انتهى بكلمتين ماجد : والحين وش بيصير يآنسة كلمتين غادة : امم اعتقد خُلص الگلام .. وسكرت الخط .. ماجد وهو يناظر الجوال ويفكر بسرعة ردودها وصوتها العذب من زمان ماستمتع بشي بسيط زي كذا وبابتسامة سجل الرقم بـ " كلمتين " وارسل رسالة نصية ( مرتين سكرتي الخط .. انتبهي من الثالثة ) وطلع للإجتماع مها تقرأ الرسالة بتعجب : كنه يهدد مشاعل : تكفين بيحسسننا انه مهم غادة ؛ احس انه شخص مهم مدري ليه ؟ امم في صوته سلطة وواضح ان الأنا مرتفعة عنده لاحظتوا لما شدد على كلمة ( انا ابي ) گأنها قانون ،، الا انتم منين جبتوا رقمه ريما ؛ الي اسمه ناصر الي شغال في شركة لما ذاك اليوم نستهبل ونقول مشتهين بيتزا عطانا الرقم وقال يجيب لكم البيتزا من ايطاليا بطيارة خاصة .. وبتفكير اعتقد قال اسمه ماجد او خالد ... | ||||
|  |
|
12-10-17, 04:19 AM
| #15 | ||||
| كاتبةفي قسم قصص من وحي الأعضاء
| مساء /صباح سعيد للجميع .. : اعتذر عن التأخير وأشكر المشرفات لتعاونهم .. ان شاء الله بيكون موعد الفصول كل خميس يومي المُفضل في الأسبوع : : : [/] " الفصل الثالث " " " ما سألته .. اسمه .. وعنوانه .. مكانه ومرني أجمل زمانه .. مرّ في قلبي وراح .. خطوته ,, مسّت جراح آهـ .. مديت النظر وآهـ .. جرحني النظر ,," : : غاده : أنا يا عمي ما بي أتزوج ألحين !! وبقى لي سنتين في الجامعة غير كذا صعب أترك أمي واخواني واستقر في الشرقية .. أبو فايز ( عبد المحسن ) : يا بنيتي فكري .. وانا معك في قراركـ انتي مثل بناتي وأبي مصلحتك وفايز شهادة حق يا أبوك رجال كفو ويخاف الله ولدي وانا اضمنه .. وبيكون السند لك بعد الله .. غاده : ( تحب راس عمها ) : الله يطول بـ عمرك هذا ردي النهائي .. ما ودي تزعل علي لا أنت ولا عمتي ,, وانا متأكده ان فايز إذا احتجته بيكون اخو وسند لي .. : كلامها الواضح والمؤدب اقنع عمها رغم تمنيه تكون غاده زوجة ابنه ولذلك حاول اقناعها بنفسه : ....................... ماجد وهو في الأستراحة الخاصة مع أصدقائه .. تفكيرهـ مع صاحبة الكلمتين ..!! صوتها العذب .. كأن احد مرر قطعة مخمل على مسامعه ,, ابتسم وهو يتذكر ارتباكها الي اخفته بـ ردود حادة .. معقولة من كلمتين تثير فضوله !! فتح جواله ( ادق ! ) او لا !! قطع أفكاره صديقة فهد : ولد وين وصلت ؟ ماجد : أحاول أوصل لمكان فارغ في راسي ياخوك مالقيت .. فهد : سبع سنين وانا اخوك وانت تركض كأنك في سباق تزيد في أرصدتك كأنك خايف من الجوع ونسيت تعيش زي الناس .. ماجد : تصدق فعلاً يبي لي اغير جو وارتاح شوي .. فهد : اوك خلنا نطلع نقنص في الجزائر والا نروح زيرمات نتزلج ما اشتقت لأيامها .. ماجد : لا يا فهد ابي شي غير .. وفكر لو يحصل لي بس مكالمة مع هـ البنت اشوف هل فعلاً تستحق فضولي .( ودق لكن الرقم مقفل !!) : مرّ الويكـ اند سريع وصباح الاحد في الجامعة مها : تخيلوا من الي لقيت له مكالمة ؟ مشاعل : مين ؟ مها : الي كلمته غادهـ رفعت غاده راسها وناظرت في مها غريب كيف صوت الشخص علق في مسامعها وكيف حست ان ودها تسمع الصوت مره ثانية : رديتي ؟ مها : لا كان مقفل الجوال وما دق الا مره تبين تكلمينه ؟ غاده: عادي تعطيني الجوال يعني بـ أشوف وش عنده وكذا .. مشاعل : طيب المحاضرة ؟ غادة : مالي خلق احضر.. اعطتها مها الجوال بعد تبادل النظرات مع مشاعل الي يفوز بانتباه غاده شخص غير عادي ... : ماجد طالع من الاصنصير الخاص بالإدارة وجواله على أذنه كان يكلم ويمشي بسرعه ويرد على تحية موظفيه بصمت : دقت غاده ومارد اخذت نفس ..خلاص انتهى فضولي هنا أصلا وش بـ أتكلم معه فيه ..!! كويس الي مارد ..! : ماجد كان تجيه مكالمة انتظار وهو داخل مكتبه ناظر شاشة الجوال وأول ما قرأ " كلمتين " رفع حاجب وانهى المكالمة بسرعه ودق .. : غاده تناظر شاشة الجوال والرقم المميز الي يتصل حست بخوف وترقب و بإحساس لذيذ وردت : آلو ماجد : صباح الخير غادهـ : صباح النور ماجد : كيفك ؟ غاده : الحمدلله ماجد : انتي عايشه في الجامعة غاده بـ ضحكة : تقدر تقول ان وقت الفراغ القاه فيها ماجد : يعني انتي طالبة فراغ ! غاده : انا طالبة جواب ..يقولون اتصلت الخميس ؟ ماجد : يقولون !! ليه عندك سكرتارية غاده : لا , للأمانة صاحبة الجوال هي الي تقول .. ماجد : طيب عطيني رقمك وماعاد نزعجها ! ضحكت غاده : كذا ما عندك مقدمات .. ماجد بصوت عميق كأنه يهمس لها : الي خلاني ادق الخميس وخلاك تدقين اول ماعرفتي اختصر المقدمات والا لا يا آنسة كلمتين غاده ( حست بحرارة في وجهها وبللت شفتيها ) : مادري عن الي خلاك تدق لكن الي خلاني ادق الفضول ! ماجد بنفس النغمة : وأرضيتي فضولك ؟ فكرت غاده انها زادت فضولها لهذا الشخص أبداً ما آرضته ماجد : طيب خلينا نبدأ بداية مختلفة ونتعرف بشكل حضاري نبدأ بالأسماء .. غاده: بما أني ماراح اعطيك اسمي الحقيقي فـ أترك لك هـ المهمة تقدر تختار لي اسم ماجد : اذن خليك آنسة كلمتين حتى إشعار آخر الآن السؤال الأهم من اعطاك رقمي ؟ غاده : صدقاً ما دري كنت مجرد رقم ماجد : وألحين ؟؟ غاده : مازلت مجرد رقم ..! ردها أغضبه وحست بذلك .. ماجد : طيب أي جامعة تدرسين ؟ غادة : الحياة .. ماجد : ( يضحك ) صدقيني لو الحياة علمتك صح مادقيتي على هذا الرقم غاده : انت مغرور طول اليوم والا بس في الصباح معك هـ المتلازمة .. ماجد : كلميني في هدوء وتعرفين .. غاده بدلع بعد ما حست انها تفوقت عليه : هذا الضجيج هو ما ستحصل عليه .. ماجد : ههههههههههههههههههههه انتي تخافين تكلميني في مكان هاديء تحسين بـ الأمان وسط الزحمة صح ؟ غاده : ليه ممكن تطلع من الجوال وتخطفني ؟ ماجد : ممكن اخطفك بدون ما أطلع وهذا الي مخوفك غاده : مش معقوله .. انت أخذت نصيب البشرية من الغرور وثقة النفس !! ماجد : طيب من باب ما جاء في الثقة بالنفس متى انتظر مكالمتك الثانية , غاده : الأبد وقت مناسب لك .. ماجد بـ إبتسامة : اذا بـ اسمع صوتك في هدوء.. الأبد وقت اقدر اتحمله .. وألحين عندي شغل للأسف ,, للغد يا آنسة .. : سكرت غادة الجوال وناظرت البنات وسمعت الضجيج يالله ماكانت حاسه في الإزعاج .. : : ماجد يطق زاوية جواله ع طاولة مكتبه ما طلع بمكالمتها بشيء لا أسم لا كنية ولا وعد . ولا من عطاها الرقم .. فقط عرف انه في طريقة لإدمان صوتها .. : : : : ........................ مها : مستحيل اتزوج لين اتخرج !! أمها : منصور يقول تأجل ترم مها : يمه ملاحظة انك كل شي تقولين منصور يقول هو متفضل عليكم بـ هالزواج والا انا محد يأخذ رايي ,؟ والدتها : يا بنتي تعرفين ابوك أقتنعتي ما قتنعتي الي يبيه ماشي مها : على الأقل خلوني اكمل دراستي يمه وش هـ العبودية ؟؟ زمجر صوت والدها الذي سمع نهاية الحديث : العبودية ..؟؟ انتي ماعاد حشمتي احد اسمعي والله مارد اخوي وولده عشان دراستك .. والموعد الي يحددونه تراه ثابت من ألحين .. (مها ناظرت والدها بـ صمت لاتستطيع الرد ولا الأحتجاج كبرت مسامعها على زمجرته ووعيده وصراخه وخنوع والدتها وخوف اخوتها .. من أنا لأقف في وجه هذا الطاغية ..؟؟؟ ) في منزل غاده نجد : يمه جوالك يدق رقم غريب ردي يمكن فيصل تأخذ الجوال بلهفه : الو ..... نعم ...... لا ياولدي مشكور غادة الي واقفه عند الشباك وتراقب الباب : مين يمه ؟ ام فيصل : مدري يعلن عن مؤسسة مدري وش!! ازعجوني حتى الصباح .. غادة : طيب روحي نامي وانا با انتظر فيصل ام فيصل : ماجايني نوم وفيصل برا نجد بقلق : يمه اتصلي على صديقه ريان غادة : لا طبعاً ماراح نصغر فيصل وندوره عند احد إذا هو بخير بيجي يمكن نسى الوقت وإذا فيه شي بنسمع بدون ماندور .. : السلام عليكم نجد ؛ فيصـــــــل ام فيصل : تأخرت يمه قلقنا عليك .. غاده : وين كنت ؟ فيصل : ريان تعب علينا في الطلعة ووديناه المستشفى طلع معه هبوط سكر وماقدرت اخليه لين يجي اخوه ( وطلع جواله من جيبه ) جوالي طافي خذي نجد اشحنيه ام فيصل : بسم الله عليه يا ولدي عساه طلع فيصل : طلعت وهو في المستشفى بعد ماجاء اخوه فهد تأخر لان عنده رحله واضطريت انتظره غاده : طيب باجيب لك عشاء عشان تتعشى وتنام حبيبي .. فيصل : اوكي شوفي جوالي اذا فتح باكلم فهد اتطمن على ريان راحت غادة تحط عشاء فيصل وهي تحس بـ غضب من عجزها لما تأخر فيصل وقلة حيلتها .. غمضت عينها الحمدلله انه بخير الحمدلله : في منزل ماجد روان : مليت من الجامعة باتركها وادرس حاسب او انجلش او أي شي ام سلطان : نعنبو بليسك عشعشتي فالجامعة وفـ الأخير تطلعين .ماخذتي الشهادة . روان : يمه ماحب الدراسة وماراح افلح اعرف نفسي ..خلي ماجد يدور لي وظيفة .. ام سلطان : وش تبين وزيرة والا سفيرة روان بضحكة : أمم ابي سفيرة .. بس بشرط كل شهرين في دولة .. سلطان : السلام عليكم : وعليكم السلام : من فيه في الديوانية ام سلطان : مدري والله ( وتنادي ) ليزا يس مدام : من فيه هنا ليزا : سير ماجد ويذ هيز فريند سلطان : اجل يالله باطلع لهم ..... ماجد : اذا السكر ثبت فيه اول حاجة تسويها انقل مدرسته جنب بيتكم فهد : اول مانقلنا بيتنا رفض يغير مدرسته تبيه يوافق ألحين أن شاء الله ماعليه خلاف صديقه فيصل كان معه في المستشفى وأتوقع بينتبه له عطيته رقمي وأذا تكررت الحالة قلت له يتصل فيني على طول .. ماجد : وعطه وأنا اخوك رقمي إذا كنت في رحلة انا اروح له تراك أنت وريان اخواني مثل سلطان ومحمد سلطان داخل عليهم مبتسم : ماتوقع مثلي أحد ياماجد عندك السلام عليكم .. فهد :هلا والله أبو عبدالعزيز .. ماجد ابتسم وهو يعرف قصد سلطان .. : : ................. صباح الأثنين في الجامعة مها : تخيلوا باقعد تحت رحمة قرار زوج المستقبل ريم : معقولة يامها يكون همجي لدرجة ينسف جامعتك ودراستك وياخذك الدمام ؟؟ غادة تأشر لريم تهدي اللعب : طيب ممكن مايصير الي خايفه منه لاتجهزين العصابة قبل الفلعة مشاعل : غادة وأمثلتها الغريبة مها : يالله يومي كان سيء الحمدلله مافيه محاضرة اليوم.. مشاعل تغير الموضوع : غدو كلمتي امس الشخص المهم ذاك غادة بارتباك : أي ريم : بنت وجهك تغير ايش الهرجة غادة : احس فعلاً ان هالشخص غريب أسلوبه كلامه طريقته في الكلام موب شخص عادي مها : اذا قلتي انتي مش شخص عادي معناه بالنسبة لنا شخص فضائي هنا دق الجوال .. وكلهم ناظرو الرقم المميز مها : الزين على طاريه غاده وعينها على الجوال : خليه ماراح ارد اخذت ريم الجوال وفتحت المكالمة وحطتها على اذن غادة وهي تتحداها ماتتكلم : فز قلبها لسماع الصوت العميق : ألوو ماقدرت ترد وصديقااتها يناظرونها : ماجد بتقطيبة : الووو غادة : مرحبا ماجد بارتياح لسماع صوتها : احد قالك انك تنطقين الراء غين غادة : لا هذا السبق انت صاحبه ماجد : عندك احد صح ؟ غادة : صاحباتي ماجد : واتوقع قاطين في المكالمة غادة تضحك : نوعاً ما للأسف الفضول صفة مشتركة ماجد : والخصوصية مالها مكان عندكم غادة : معك مالها مكان ماجد : باكلمك لحالك ممكن ؟ وقفت غادة نبرة التسلط في صوته خلتها تقوم وأشرت لصديقاتها دقايق راحت على طاولة لحالها في مكان شبه فارغ : انا لحالي ألحين وش عندك ماجد : ابي اعرف انتي مين ؟ ومن عطاك رقمي ؟ غادة : انت فعلاً شخص مهم وألا عايش الدور .. ماجد : تقدرين تقولين شكاك نوعاً ما غادة : واذا قلت ماعرفك باجرح شعورك ؟ ماجد : بتجرحين شعوري اذا قلتي مابي أعرفك !! غادة حست فجأة بخوف وقالت بـ جدية : اسمع !! انا فعلاً ماعرفك انا وصحباتي كنا نستهبل وكنت انت الموجود .. والا هذا مش نظامي .. ماجد يسترخي على الكرسي وبدأ يحس انها تتكلم بصراحه : اعطيني نظامك طيب .. غادة : مايصلح لك باسكر ألحين وأعتذر إذا أزعجناك . ماجد : انتي فيك شيء اليوم صوتك حزين ؟ غادة : لا. يتهيألك ماجد : اسمعي عندي ربع ساعة فاضي بما أنك قمتي عن صاحباتك خلينا نسولف .. وبعدها قرري غادة : بعد ربع ساعة بتختفي ياسندريلا ماجد : هههههههههههههههههه انتي السندريلا ماتطلع الا الصباح وبكذا مرّت الربع ساعة بسرعه تكلموا باشياء عامة لكن سكرت غادة وهي مبتسمة .. مر الأسبوع على هذا المنوال غادة كل يوم تكلم ماجد تستمتع بصوته العميق الرجولي ..ذكائه... ثقته .. حتى عباراته ومصطلحاته ادمنتها .. صوتك كـ قطعة اكملت نقصٌ روحي .. أخاف التعلق به وأخاف حرماني منه .. شيء احتاجه .. وأخاف منه ..أجد نفسي معك حُرة رغم الحدود .. : : ماجد بدأ فعلاً يكره الويك أند لانه بيفتقد مكالماته معها .. فكر : لازم ألقى حل وأوصل لها .. : " تسولف .... كن الحكي منها طرب وتروي ظمأ عوج الحنايا بـ صوتها " :: / يتبع | ||||
|
| |
|
12-10-17, 05:28 AM
| #16 | ||||
| كاتبةفي قسم قصص من وحي الأعضاء
| مرّ أسبوع آخر ومكالمات ماجد وغادة في تطور " مع اقتراب الويكـ أند الثاني ماجد : انا فعلاً هذا الوضع صعب علي عطيني رقمك او باحط لكـ جوال في أي مكان وأخذيه وكلميني منه إذا رقمك سر من أسرار الدولة : غادة : لا شكراً انا كذا الوضع عاجبني .. ماجد : انتي غريبة..!! ألحين حتى اسمي ماتعرفينه ولاسألتيني عنه .. غادة : تعودت ما اسأل سؤال اعرف انه بينقال لي ؟ ماجد : طيب انا ودي اسمع اسمي بصوتك .!! غادة ( تقتلها نبرته الحنونة أحيانا ) : طيب وش اسمك ؟ : ماجد غادة : اسمك الحقيقي : لا اسمي الفني !! غادة :هههههههههه طيب عاشت الأسامي ماجد : طيب عطيني اسمك ؟ غادة : ماقدر !! ماجد : يابنت هذا ثاني او ثالث أسبوع نتكلم سوا وانتي تحفظك عجيب ..!! غادة : العادات لا تموت بسهولة ,, ماجد : طيب خذي الجوال معك للبيت انا ترى كل يوم أخسر ملايين عشان مكالمتك . غادة : ( تضحك ) : ويحبون المال حباً ! ماجد :المال والبنون زينة الحياة ..وش قلتي انتظر مكالمتك الليلة ؟ غادة : لا ماجد : إذن الوداع ياآنسة غامضة انا مُش مراهق أكلم وقت عملي متخفي عن الموظفين !! ومُش تسلية بنت دلوعة ماتلقى لي وقت إلا في الجامعة بين المحاضرات .. وسكر الخط .. : الغصة الي حست فيها غادة ارعبتها ,,طعم الخسارة .. واحساسها ..جديد عليها .. اخذت نفس ومشت باتجاه صاحباتها .. ريم : وش فيك غادة : اسمه ماجد ريم ؛ يعني بعد ثلاث أسابيع عرفتي اسمه إنجاز ..!! غادة : يعني تقدرين تقولين الحلقة الأخيرة ريم : منك او منه غادة : يبي رقمي ريم : اخذي لك رقم ثاني وكلميه غادة : لا بيطلع نوع من التنازل ماتحمله على نفسي .. ريم : غادة انتي متزمتة جداً .................... سكر ماجد الخط .. بتدق لازم تدق . موب معقولة ثلاث أسابيع ماعرف أي شي عنها مستحيل أرضى اتعلق في وحدة ماعرف عنها شي ..وفي المقابل ماتبي تعرف عني شيء .. لكن لو ماتصلت .. باتحمل ماسمع صوتها .؟؟!!!.. لا . لا بتتصل اللهفة الي اسمعها في صوتها بداية كل مكالمة بتخليها تتصل .. / / : في بيت غادة نجد : غادة من يوم جيتي وانتي سرحانة تكفين اقنعي أمي نروح لتجمع الفود تراك كل البنات يتكلمون فيه خلينا نطلع غادة : روحي انتي وفيصل بـ اقعد انا مع أمي.. المكان مايصلح لها نجد : طيب قولي لفيصل .... في منزل ماجد في جناحه يحس بغضب من الصباح الا الآن الساعة تسع ما أتصلت !! وهو الي جالس ينتظرها لبس وطلع للأستراحة وفي السيارة دق على رقم : ألو هلا ماجد يارجل وش اخبارك ؟ ماجد : هلا عبد الكريم كيفك : الحمدلله ماجد : عبد الكريم باطلب منك خدمة : انت تآمر : بارسل لك رقم ابيك تحدد لي موقعه الآن وصباح الأحد وابي برنت بـ الأرقام الصادرة و الواردة واسم صاحب الشريحة ومعلوماته عبدالكريم : ابشر ما طلبت شيء سكر ماجد وهو يفكر انها بغموضها جنّت على نفسها .. وش يثبت له انها ماتكلم غيره وانها مو لعابه ..ألحين يبدأ الحساب : غادة : طيب جيبوا لي معكم عشاء .. استودعتكم الله .. رجعت وجلست ع الكنبة ومدت رجولها تسمع تسمع أغنية بصوت آمال ماهر " ليه خليتني .. آحبكـ لاتلومني ,, ولا آعاتبكـ فين تهرب من ذنبكـ .. روّح منّكـ لله ,, " راح تفكيرها لـ ماجد .. معقولة انا هشة لدرجة التعلق بـ صوت فقط : : في زواج وعلى طاولة ام سلطان : والله ياسمر ماجد مايجلس في البيت حتى ابوه مايمره .. سمر : خالة لايكون متزوج بـ السر ام سلطان : ماتعرفين ماجد !! هذا لو يبغى الزواج من أي وحدة ماخباها جابها وجلسها على روسسنا وهذا الي مخوفني .. سمر : خالة انتي عارفه مشاعري تجاه ماجد .. ماتحمل هـ الكلام والله ام سلطان : اسمعي , ارجعي معي للبيت خليه يشوفك بهالزين والكشخة وباخلي روان تناديه ,, واجتهدي ياسمر في كسب وده والله نذر لو يتزوجك لاشريلك هدية مالبستها عروس .ز سمر ابتسمت مجرد فكرة كونها عروس ماجد يخلي يومها سعيد .. : : في الأستراحة ماجد : كيف ريان فهد : ماعليه طيب على حمية غذائية وان شاء الله امورة تمام ..ألا انت وش فيك ماجد : ارهاق عمل ووقف يالله انا باروح البيت وقف فهد : وانا بعد عندي رحلة للمغرب الساعة 11 ماجد : كحل عيونك اجل بالزاف فهد : يضحك انت عارف عيني وقلبي مليانه ماجد : أي الله يخليلك ام تركي فهد : وعقبال ماشوفك معرس ماجد لاشعورياً ناظر جواله مجموعة مكالمات ورسايل هي مش من ضمنها .. : : يوم الأثنين .. غادة في الجامعة ماودها تسأل مها اذا ماجد اتصل أو لا كبريائها ماتسمح .. هو الي أنهى المكالمة .. وهو الي بيبادر من جديد .. مها : لا تناظرين ماتصل ! غادة بابتسامة واثقة : ماذكر اني سألت مها : طيب لا تكابرين يا حلوة طحتي ومحد سمى عليك ..! غادة بـ تستفزها : ألا وش اخبار منصور ؟ مها : ابشرك لاحس ولاخبر وابوي يناظرني رايحه جايه كني مطلقة .. ضحكوا من تعبيرها الغريب .. ...... صبر ماجد نفذ اربع أيام ما سمع صوتها .. اذا هو حسّ كذا كيف يتهمون المدمن على المخدرات بـ ضعف الإرادة .. القوي هو الي يبادر وقبل لايغير رأيه اتصل على الرقم الي اضعفه واقلق راحته : فز قلبها لسماع نغمة الجوال .. واخذته من يد مها بسرعة حاولت ماتبين ملهوفه بتخليه اربع رنّات ..بعدها بـ ترد ! لكن شوقها سبقها :الو غمض ماجد عينه يبي الصوت يدخل خلايا راسه يالله كيف فكر يقطع صوتها عنه غادة :الوووو ماجد : تهزمني النجلاء وأنا ندّ فرسان .. : : الى لقاء جديد | ||||
|
| |
|
12-10-17, 04:05 PM
| #18 | ||||
| مشرفة منتدى قصص من وحي الأعضاء 
| مساء الورد والجوري... فصول حلو تسلم الأيادي عليهم... غادة في النهاية انجرت واستهبلت مع صديقتها اعتقد لولا انها كانت مرعوبة من الحلم وانها كانت تريد تغير جوها ونسيان الحلم وتفسيرها ما كانت انجرت في اللعب لكن هو المكتوب والمقدر للقاءهم وهاهي تقع وتتعلق ب ماجد بمجرد سماع الصوت وهاهو الآخر يبادلها نفس التعلق والمشاعر ولكن قد تكون بداية اللقاء نقطة سوداء ل غادة يوماً ما، الان ماجد طلب معرفة كل الاتصالات ومع انها اخبرته انها تستهبل مع صديقاتها لكن لا يعلم انها المرة الاولى والوحيدة لها في كل الاستهبال الذي حدث وانها كانت مستمعة فهل سيصدق انه الاول الذي حدثته من طابور من كانوا يستهبلون عليهم بالانتظار ، بصراحة بدأت اضع سيناريو عندما علمت بعلاقة فيصل وريان وان لقاء ماجد وغادة سيكون بسبب ريان وفيصل عندما فهمت علاقة فهد ب ماجد وان اللقاء ممكن يحدث في المستشفى ف ماجد طلب ان يعطي فهد رقمه ل فيصل او ممكن غادة ترد على اتصال من ماجد ل فيصل ف الشريحة لن يعلم منها ماجد الا مكان الجامعة واسم الهندي سانتظر كيف سيتم اللقاء ... ام سلطان لا اعلم ماذا اطلق عليها ولكن العيب ليس فيها العيب في ابو ماجد يعلم انها سبب موت اختها وايضاً يعلم انها تزوجته طمعاً في فلوسه ولا اعلم كيف قبل ان يتزوج واحدة مثلها لو تغاطينا عن انها السبب في موت اختها لان من الممكن انه معجب بها او اراد ان من تربي ماجد خالته لكن الذي لا يدخل العقل ولم اقبله كيف يقبل على نفسه ان يتزوج واحدة تفكيرها مادي وتريد ان تتزوجه من اجل فلوسه فقط!!! يعني ليس من اجل ابنة اختها وماذا وقحة اختها لازالت على قيد الحياة ومريضة وتتصل تطلب منه ان يطلقها ويتزوجها هي من اجل ان تبقى فلوسه عندهم لم اجد كلمة تناسب ام سلطان وافضل عقاب لها ما يفعله خالد مع انه قليل المفترض حتى معاش لا يعطيها... ماجد من كلمتين سلم او انه النصيب الذي كتبت ومن صوت تعلق واكيد جمال الشكل سيجعله صريعاً في الهوى واعتقد ان الشعر الاخير وصف به غادة دون ان يعلم انه اجاد الوصف، لكن عندي سؤال لو غادة كانت قبيحة ما رد فعل ماجد وقتها هل سيكتفي انه تعلق بصوتها وشخصيتها ولن يهم شكلها اكيد لن نعلم الا لو عملوا فيه البنات مقلب واعتقد ان غادة نفس الأمر افكر فيه بالنسبة ل غادة لو كان ماجد ذميم... موفقة بإذن الله تعالى... في حفظ الله ورعايته... | ||||
|
| |
|
12-10-17, 05:36 PM
| #20 | ||||
| نجم روايتي 
| روايه رائعه وجميله سعيده بمتابعتك🌷 مع انى رافضه ما قامت به غاده وأصدقائها ولكن أكيد له نتائج وماجد تعلق بالمكالمات وسيريد المزيد فلن تكفى أما ام سلطان دى مش انسانه كيف تفعل ذلك باختها وكيف يتزوجها ابو ماجد يعنى اكيد ليس لاجل أن تربى ابن أختها اذا كانت أختها هانت عليها دى تبيعه فى لحظه عجيب تصرفه ده حق ماجد يولع فيها وليها عين تتكلم وتطلب المال من ماجد شدنى هذا الحدث فهو غير طبيعى اعتقد انها ستحارب اى واحده تقرب من ماجد ولا تكون من الأقارب هى عندها مبدأ أن الثروه لا تخرج بعيد عنها بالتوفيق بالقادم 👍 | ||||
|
| |
|
| أدوات الموضوع | |
| انواع عرض الموضوع | |
|
|
222Likes
العرض العادي
