خانني من أجلك(2) *مميزة ومكتملة*.. سلسلة بين قلبي و عقلي

[نغم]

المشاركة الأصلية كتبت بواسطة sohyla246

السلام عليكم
هتهربي على فين يا نغومة دا انا قاعدالك هنا لحد ما باقي الفصل ينزل 😈😈 . انا امبارح عملت اني فالحة وهقرا الفصل اول ما ينزل بس عالساعة 8 كنت نمت قبل ما اعرف حتى انه هيتاجل 😂😂
نرجع بقا للكارثة اللي كتبتيها 😲😤 . انا مش عارفة اقول ايه والله 😥 اعيط على فرح ولا عصام ولا منى ولا اخاف على شاهيندا ولا ادعي على مؤيد ولا افرح في شادي . انا كل ما اقول ان مؤيد وصل للحضيض يثبتلي ان فيه اوطى من كده 😱👿 روح يا شيخ وانا مش عارفه ادعي عليك ازاي ولا بايه ولا عشان ايه 😣
كلام منى لفرح مؤثر جدا. انا حسيت ان الكلام ده فوقها فعلا وخلاها تشوف الصورة كاملة. تصرف عصام ومنى معاها كان صح معادا حتة الضرب دي كان قلم واحد كفاية 🤗 .
شادي يستاهل واكتر انا كان نفسي ياخد علقة سخنة 😣😤
انا عايزه اعرف حالة منى بالتفصيل لو سمحتي حتى لو هتكتبيهالي في كومنت انا كنت عايزه اسال من زمان.
شاهيندا يا عيني عليها شكلها منحوسة مفيش حد بيعمر معاها 😭😭😭😭🤧 انا فعلا معنديش فكره عصام هيعمل ايه معاها.
عصام كتير عليه كدة يا نغم هيبقى اخته وحبيبته انا من الاول بقولك كله الا عصام 😣👿
انا عايزه اعرف هيحصل ايه ومش هقدر استنى

" عيط على فرح ولا عصام ولا منى ولا اخاف على شاهيندا ولا ادعي على مؤيد ولا افرح في شادي " اعملي كله يا جميل
" مؤيد وصل للحضيض يثبتلي ان فيه اوطى من كده " سافل جدا مش كده ما يستاهلش اكتب جزء عنه ، احسن
" انا حسيت ان الكلام ده فوقها فعلا وخلاها تشوف الصورة كاملة " و احساسك في محله زي ما هنشوف مع بعض
" قلم واحد كفاية " يعني اقولك ايه ، هيا اختها و ادرى بيها
" حالة منى بالتفصيل " هحاول ابعتلك ملخص بس مش دلوقتي ، خليني افوق شويه من الجزء ده الاول
" عصام كتير عليه كدة يا نغم هيبقى اخته وحبيبته انا من الاول بقولك كله الا عصام " متشوقه اعرف موقفك منه بعد تصرفه الاخير
تسلميلي يا قمر على حماسك و اهتمامك

[نغم]

المشاركة الأصلية كتبت بواسطة رفعت حسن

مشهدين ولا اروع يمكن الموقف الى حصل لفرح يخليها تصحى وومش تضعف تاني شاهنده داخلة على معركه طاحنه غضب عصام حيكون ليها نصيب كبير فيه الله يستر

شكرا على رأيك يا قمر ، توقعاتك صحيحه فعلا
إلى لقاء قريب إن شاء الله

[نغم]

المشاركة الأصلية كتبت بواسطة سميرة احمد

مثل واقعية الأحداث أتمنى واقعية الخاتمة بما ان عنوان اللسلسة القلب والعقل

اعتقد و الله أعلم ان الخاتمه هتنول رضاكم و اتمنى اطلع صح
شكرا على متابعتك

[تالا الاموره]

تسلمي ع الفصل الجميل

عصام ليس مجرد شك بل متيقن من اتهامه لشاهيندا،، لكن للاسف هي جابتها على نفسها تساهلها معاه وعدم مقاومتها جعلته يتاكد
حزينه على شاهيندا

[قلب من ورق]

جميله كالعاده نغم

فرح زعزعت ثقت عصام في كل البنات
لكن السؤال عصام راح يتحمل بعد شوشو

أتمنى تثقل عليه شويه لأنها طايحه في دباديبه

فشاف حاله وصار يطلق احكام من غير ما يتأكد

أتمنى نغم تأدبيه على تهاونه بمشاعر شاهيند وكسرها 😭

[منو6]

نغممممممممم
هو ايه اللي حصل
ماله الزفت الثاني يادوب قلنا بسم الله بنمدح فيه
هم الصنف ده مافيهم ولا واحد عدل
طبعا لانها سلمت نفسها له فهو حيشوفها سهله
تستااااهل لو اعطته صفعه على وجهه كان عرف ان الله حق بس رخصت نفسها ورخصها
وياسلام شايف اخته الملاك الطاهر وهي اسوأ من شاهيندا ع الاقل شاهي واضحه لكن اخته من تحت لتحت جاتها مصيبه هي واخوها وشادي الحيوان معاهم
نغم لاتخلصين الروايه وكل يوم بارت لاننا صرنا نتنفس روايتك يعني حيكون ذنبنا في رقبتك لمن ننخنق

[Asmaa mossad]

ليييه بسسسس كده

[Sohyla246]

السلام عليكم
اكتر حاجه اثرت فيا الفصل ده بصراحة موقف ابو شادي. انا حسيت فعلا باحساس شادي ساعتها. يا ريت بجد شادي يتوب بس انا عارفاكي يا نفم شريرة 😑 اول ما الواد يتعدل (دا لو اتعدل يعني) ونحبه تيجي مطربقاها عليه وعلينا. العقاب بييجي في وقت ما الشخصية تبقى مش مستحمله اصلا ( بس ده الواقع بقا ) اللهم لا اعتراض.
عصام الصراحة رد فعله خذلني جدا. طبعا انا مكنتش مستنياه يعدي الموضوع كده عادي لانه كان هيبقى معندوش دم كده. بس رد فعله كان جبان جدا وندل. انا توقعته يغضب يشتم يولع في شاهيندا حتى لكن طريقته في انهاء العلاقه حطته مع كل الرجاله اللي اول ما تلاقي غلطه تهرب على طول. عايزين البنت بدون اخطاء مطيعة و بريئة وهم يغلطوا براحتهم. صاحبه اللي بيقول عليه ده عينة موجوده فعلا. شايفين انهم ممكن يتوبو عادي لكن البنت مش مسموحلها تغلط ولو غلطت ملهاش توبة خلاص . مع ان الشرع قال الزانية والزاني مقالش الزانية بس. وحطلهم نفس العقاب وفتحلهم نفس باب التوبة. لكن بجد الازدواجية دي موجودة عند العرب كلهم وحتى عند الستات نفسهم في نظرتهم لبعض. انا عاذرة عصام في احساسه لان الموضوع فعلا صعب. ولو شاهيندا شافته مثلا مع واحده كانت هتحس بنفس الطريقة. لكن برضه هو دخل معايا القايمة المنيلة مع ماهر باشا ( دي طبعا غير القايمة بتاعت مؤيد) . يعني الصراحة هو وماهر محترمين بس والله قاسيين جدا 😣😣 . بالذات ماهر اللي فقع مرارتي ربنا يسامحه بقا .
شاهيندا صعبت عليا جدا بس هعتبره تكفير عن ذنبها في حق ليلى. بجد يا نغم انا نفسي يبقا فيه موقف مصارحة بين ليلى وشاهيندا تعتذرلها فيه. انا لسة بزعل لما افتكر موقف الاكل بتاع الكلب اللي حطوه لليلى . عجبتني شاهيندا لما قعدت تضرب عصام يا ريت والله كانت ادته بكعب الجزمة كمان ( انا برده كنت عايزاه يستنى شوية لحد ما تطلع كل الضرب اللي جواها عليه . تبقى شاهيندا فعلا بقا لو طلعت على مؤيد الزفت ده عملته السوده وردتله القلم قلمين. ( على فكرة انا حاسة ان نغم بتحاول تهرب من الجزء بتاع مؤيد وعمالة تكرهنا فيه بس انا وراكي والله انا لازم اشوف الواد ده وهو بيتربى بطريقتك الفظيعه دي. مش تدي شادي الاهبل على قفاه وتسيبي ده. على فكرة كرهنا ليه هيدي مذاق خاص للجزء بتاعه)
شادي انا حاسه ان فرح مش هتنفعله يا نغومة. شخصيته ضعيفه وحاساه تايه كده وفرح انيل منه. هو محتاج وحده شخصيتها قوية تعرف تتعامل مع ضعفه وتخاذله ده.
ابدعتي والله ربنا يوفقك يا رب ويسعدك زي ما بتسلينا باسلوبك ( رغم النكد برده 😂😉)
😍😍😍😍😘😘😘😘😘

[نغم]

السلام عليكم ورحمة الله وبركاته
في نقطه ما حدش خد باله منها هو ان عصام شاف اخته في وضع شبه حميمي مع مين ؟ مع شادي الي هو مين بقى ؟ الي هو اخو شاهيندا فتصرف عصام له عدة دوافع
اولا : غيرته الغير محدوده على شاهيندا و خصوصا انه ما عرفش ياخد بتاره من مؤيد
ثانيا و ده الاهم ان الانسان زي ما انتو عارفين محكوم بالوعي و باللاوعي
في اللاوعي بتاع عصام لو هو صدق شاهيندا يبقى كده ظلم فرح او يبقى شايف شاهيندا افضل و اطهر من فرح فهو عاوز نوعا ما يساوي بينهم ،
السؤال الأخير الي عاوزه اطرحه هو ايه سبب الازدواجيه الي لدى الرجل الشرقي : هل السبب هو انه شايف نفسه احسن من المرأة عشان كده بيحب يمتع نفسه في الحرام و بعد كده عادي يتوب أو هو الموضوع اعمق من كده و ليه اسباب ممكن تفاجئ المرأه ؟؟
ده الي هحاول اجاوب عنه من خلال تجربتي و تجارب الي حواليا في الحياة و نعرف هل هو مجتمع ذكوري متعفن أو هيا حاجه تانيه .
بالنسبه لجزء مؤيد و لقاء فهو هيتناول موضوع صعب شويه الي هو الإلحاد و الخيانه الزوجيه عشان كده متردده جدا اني انزله .
اضافه الى ان البطل هتكرهوه تقريبا طول الروايه و ده شيء القراء غير معتادين عليه .

[نغم]

المشاركة الأصلية كتبت بواسطة زهرورة

ايه ده يانغومة 😱😱😱حرام عليكي ياشيخة تعملي في شاهي كدة يعني الواطي مؤيد خرب ع الكل من لقاء،وفرح و دلوقتي شاهي وعصام وياترى ياعصام حتصدق كذبة الحقير 😞وايه حتعمليلو جزء خاص عشان تحرقي دمنا من الاخر احنا ااقل من اننا نشوف دم مؤيد مهدوور مش حنقبل الواطي حرق دمي 😤😤 ده قاعد يلعب بأعراض بنات الناس ويتهمهم بالباطل .شادي الحمار نفسي يتعلم ويفوق ويلحق نفسه زي شاهي ..فرح غلطت بس الي عملته منى غلط اكبر تضربها ازاي المفروض تقعد معاها وتفهمها مش تضربها وهي كبيرة ياترى رد فعل عصام ايه ع كلام مؤيد وشاهي لو حست ان عصام عنده شك من كلام مؤيد حتسكت مااعتقدش هي حساسة جدا واخيرا اهل عصام لو عرفوا الي عمله شادي حيقفوا ضد جواز عصام من شاهي ..منتظرينك الفصل الجاي بشوق ..بس ليه الفصل قصير يعني اسبوع ينشف ريقنا واحنا بنستنى 😥ويطلع فصل صغنون ..بارك الله فيكي حبيبتي ودمتي بخير 😘😘

اهلا بيكي تاني يا قمر
" هل عصام لو عرفوا الي عمله شادي حيقفوا ضد جواز عصام من شاهي " بالنسبه للنقطه دي فانا وضحت قبل كده ان عصام مستقل جدا بذاته و ما بيسيبش حد يتدخل في قراراته
بالنسبه لمؤيد فانا الاغلب هضيف مشهد موته و نخلص
شكرا على مرورك