آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-07-18, 10:38 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  السلام عليكم ورحمة الله وبركاته البــــ5ـــارت قبل ســنــ2017ـــة طلعت من المستشفى وهي تمشي بـ خطواتها السريعة وكل مأشرت لـ ليموزين مايوقف لها تمت تمشي على الرصيف وبالها مشغول على اهلها دخلت يدها بشنطتها تبي تتصل بـ ساره بس للأسف مكان جوالها بشنطتها قطعت الشارع وهي تركض بعد ماشفت ليموزين مبين انه فاضي بس كانت السياره اسرعه منها وصدمتها انقلوها لقرب مستشفى وكان مستشفى بدر كان موجود الدكتور ثاني واستقبلها رغم ان بدر مـحرص عليهم مايستقبلون مثل ذي الحالات وجلست عندهم يومين وهي في غيبوبه وبعد التحاليل اتضح لهم مرضها فلا بد ان يجرؤ لها العمليه بقرب وقت ممكن توصلو لعمتها عن طريقه بطاقتها المدنيه بعد ما جبتها لهم الشرطه فابحثو عن اَهلها وما حصلو غير زوجة عمها تواصلو معها دكتور : البنت محتاجه نسوي لها عمليه في اقرب وقت فوزيه: طيب سوو لها العمليه الدكتور: مدير المستشفى رافض تدخل غرفة العمليات قبل تندفع تكاليف المستشفى فوزيه: وكم يوليدي تكاليف الدكتور: 80 الف ريال تنهدت فوزيه بضيق من وين لها المبلغ بس قررت تدبر المبلغ وتنقذ حياة ياسمين بعد ما عرفت ان امها ماتت بالحريق، خلال يومين قدرت تدبر المبلغ بدر رفض ان يدخل غرفة العمليات وزين لها العمليه لان تفكيره مشغول ويفكر وين راحت ياسمين وكان أيظن في ذي الفترة مايمر على المستشفى كثير اغلب وقته في حي ياسمين ينتظرها ترجع أو يسمع عنها اي شي من الحي بعد 3 ايام من العمليه صحت من العمليه وهي فاقده الذاكره تماماً زوجة عمها قررت تأخذها وتعيش معها ياسمين مع الوقت بدت تعرف زوجة عمها فحكت لها اللي صار بدت ياسمين ترجع لها الذاكره شوي شوي وصارت تذكر اَهلها من خلال كلام زوجة عمها بس زياد وساره ماتذكرتهم لان زوجة عمها ماتعرفهم ولا حكت لها عنهم فصارت ياسمين ماتعرف الا الأشخاص اللي تشوفهم او احد يحكي لها عنهم الان2018 يـزداد خـوفي اذا الليـل قرب خايـف من الوله والشوق أتعذب بس وين من عذاب بعـدك أتهرب .. حس فيني وافهمنـي .. تكفه لا تضيعنـي .. الدقيقه بدونك دهـر والليل يمر علي شهـر من وين أجيب الصبر وكيف أرضى بالقـدر .. ياخي افهمنـي .. يكفي لا تجننـي .. الساعه تقترب لمنتصف الليل كان منسدح على سرير ويقلب أيفون5 بيده كان أيفون ياسمين نسته على الكنب لمى كانت نايمه هنا قبل سنه صحت ومن العجله مانتبهت له رجع الجوال مكانه وطلع لحديقه وجلس هناك لين الصبح ماقدر ينام مخــه مليان افكار مو لاقي صفاء الذهن اللي يخليه ينوم مرتاحه.. تركي: صباح الخير ايش تبي هذاني جيتك بدر: ليش جاي انا ابي الفواتير بس تركي فاهم مزاجه ودرى من يوم أرسل الموظف عليه يطلب الفواتير انه يبي يلهي نفسه باي شي حتى ينسى تفكيره بـ ياسمين: بدر لين متى بتظل كذا ياما مرو عليك حالت بدر: الحالات اللي تتكلم عنها قدرت اعالجهم وطلعو وعاش حياتهم بس ياسمين ماقدرت ما قدرت أنقذ حياتها تركي: لا تلوم نفسك انت كنت بتسوي لها العمليه بس هي اللي هربت من المستشفى خلاص أنسى وشوف حياتك ولا يروح عمرك وانت تدور عليها بدر: من قال ان اذا دورت عليها بتوقف حياتي تركي: لا توقفت حياتك بس انت مو حاس بدر: تركي ايش تقصد ؟؟؟ تركي: انت أجلت ملكتك من امل بعد ما ظهرت ياسمين بـ حياتك بدر : ياسمين من سنه عرفتها وانا صارلي 5 سنوات اجل في ملكتي يعني ياسمين ماله دخل بتأجيلي انا اللي مابي اتزوج الحين تركي: احسك ما تحب امل وانت خطبتها على علشان ترضي أمك وقف بدر وهو يقول: براحع الفواتير وارسلهن لك مرت 3 ايام وخلص العزاء وقبل ماتطلع ياسمين لدوامه طق باب الشقه وكان ابو سعد ياسمين: هلا أبوسعد ايش بقيت أبوسعد: ابي فلوسي ياسمين: بس انا ماعندي الحين وراتبي يروح على الايجار ومصاريفي أبوسعد: طيب تتزوجيني ياسمين فتحت عيونها ع الاخر : ايش اتزوجك ابو سعد: ايه ياسمين: انت مجنون شايف عمرك كم ابو سعد: عندك حل من اثنين ياتتزوجين و لا تدفعين فلوسي ولا بتلقين نفسك بالسجن نزل والاوراق على طاوله وطلع وهو يقول معك يومين تفكرين و بـ امرك وأخذ جوابك ياسمين خذت الورقه وهي تذكر قبل أشهر أبوسعد: والله انا ابي فلوسي فوزيه: من وين اجيبلك ماعندي أبوسعد: انا راح اصبر عليك بس وقعي لي على ورقه انك تسلفتي مني فوزيه: هات الورقه وينهي ياسمين: لحظه انا اللي بوقع الفلوس انا اللي بسددها لك عمتي مالها دخل فوزيه: وانتي من ويلك فلوس تسددين ياسمين: اقبلوني بالوظيفة ومن راتبي راح أسدد له جالسه على جلسه الموجودة بالحديقه وكانت لبسه بنطلون مثل عادتها ماخذه راحته كأن البيت مافيه ولد غريب حاطه سماعاتها بإذنها وداخله جو مع الغنيه وتردد معها بصوتها نشاز بس هي مره عاجبها صوتها في هذي الحظه طلع نواف من الملحق وهو يسمع صوت بالحديقه كانت الأنوار هاديه مو واضح له شي قرب لها وكانت معطيته ظهرها وترقص وهي جالسه على الكرسي وداخله جو مع الغنيه تم واقف وهو يطّلع فيها وماقدر يشيل عينه عنها تم دقايق على ذَا الحال قطع عليه سرحانه صوت سلمان وهو يناديه راح بخطوات سريعه وهو مرتبك سلمان وهو واقف على باب الملحق: وين كنت نواف مايعرف يكذب وخصوصاً على سلمان: كنت رايح بجلس بالحديقه بس كانت امل هناك سلمان: ادري انك مو قادر تأخذ راحتك بالبيت وامل موجوده بس بكرا تتزوج ويفضالك البيت نواف: امل بتتزوج سلمان: ايه بياخذها بدر القاسم صار لهم سنين وهم مخطوبين لبعض نواف بلع ريقه بقصه وهو كان يدري انها مخطوبه لبدر بس ماصدق الموضوع بيصير صدق حاول يسيطر على نفسها: ايه وش كنت تبي مني سلمان: سلامتك بس جئت بجلس معك شوي لعبة معك شطرنج من زمان ملعبنا | ||||
|  |
|
07-07-18, 10:39 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| . . . . دخل مكتبة وراها سكرتيرة معها ملف بدر جلس وهو يقول: ايش عندنا اليوم سكرتيرة: عندك عمليه بعد ساعه وبعد الظهر عندك اجتماع وبعد اجتماع بـ ساعه عندك زياره مجمع الملك سعود الطبي بدر: طيب ارسلي ليه كشوفات المرضى مع تقارير الطبيه تبع الجمعيه الخيرية سكرتيرة وهي تمد عليه الملف: تفضل هذي جميع تقارير المرضي المحتاجين للعمليه اللي جايين من طرف الجمعيه دخل الدكتور وليد: الله يعطيك العافيه بدر: الله يعافيك اشوفك مداوم ماسفرت وليد: باقي كذا ساعه على طيارتي اسمعني انا جايب لك حاله انسانيه شاب يحتاج الى عمليه سريعه في رجله عنده اصابه وفاعل خير متكفل بجميع تكاليف بس يـــــبي منك تقبله بالمستشفى بدر: اوك مر على سكرتيرة وترك بيناته عندها وليد: بس هذا الشاب مجهول الهويه بدر: لا اسمحلي مقدر استقبل مريض مجهول الهويه وانت تعرف رايي زين وليد: بس حرام الولد مره تعبان ومستشفيات الحكوميه رفضت استقباله سو له العمليه وخذ اجره بدر: أسف شوفو اي مستشفى غيري وليد: انت مخصص سراير لمرضى الجمعيه اعتبر هذا واحد منهم بدر: مرضى الجمعيه ناس لهم اسماء لهم وجود بس هذا مجهول وقد يسبب لي مشاكل وليد: بس حرام امه تقطع القلب بدر: أسف بس مقدر أسوي لها شي وليد: طيب واللي يقول لك فاعل الخير راح يدفع لك نص مليون مقابل العمليه بدر ناظره بطرف عينه: ترى انا ماتهمني الفلوس كثر مايهمني النظام ثبتلي ان الشاب وأمه ماعندهم مشكله وانا مستعد ادخله المستشفى وعلى حسابي وليد: اللي عرفه ان والد الشاب رفض تسجليه بـ اسمه لـ أسباب ومشاكل عائلة بدر: وليد اطلع ولحق على سفرتك وخلتي اشوف شغلي وليد: مراح اسافر قبل ما تدخل الولد مستشفى بدر: انت ما تفهمني ليش مهتم فيه وليد: لو شفت امه وهي تبكي كان حن قلبك وافقت تدخله وعلى حسابك بعد بدر: طيب ممكن استقبله بس بالاول تأكد لي من اسم امه او اسم فاعل الخير وليد: حنا علينا من الولد ايش نبي بالام بدر: يارجل افهمني يمكن الولد له اسم بس امه واللي اسمه فاعل خير يتسترون عليه وليد: خلاص لا تعصب اتأكد لك من كل شي وافهم شي انك وفقت وأسافر وانا متطمن بدر: انت لو تقسي قلبك شوي كان عشت بخير وليد: اذا قدرت تقسي قلبك اقسي قلبي المهم انا طالع على المطار وبتصل بالرجال وخلال ساعات بتكون معلومات عندك باسل جالس في الصاله جت بتول وهي تقول: ماهي بالعاده اشوفك راجع بدري للبيت باسل: لا غريبه انتي ماهتي اليوم عسى خير بتول جلست وهي تقول: معندي احد اطلع معه ريم ورغد ذبحات نفسهن بالمذاكره بس ماخلي شي بخاطري بطلع لو لـ وحدي باسل: اشطر منك حريصات على مستقبلهن بتول: وانا ليش اتعب نفسي وذاكر وأجيب معدل زين ترى انا بـ النهايه بنت القاسم وكل مكان يتمنون توظف عندهم اذا فكرت انا اشتغل بعد ما تخرج باسل: انتي لو تخلين غرور عنك تعشين بسلام شوفي ريم ما شاء الله عليها تكافح مقالت خالي سعود القاسم بتول: تعالي ريم شوفي ايش يقول عنك فارس أحلامك كان نهبلتي من فرحه باسل ناظر فيها بنظره كلها استغراب: فارس أحلامها ؟؟ بتول نتبهت لكلامها: انا قلت فارس احلامها أكيد كنت اقصد موضوع ثاني باسل شافها توترت: بتول لا تلفين وتدورين أظن كنتي تقصد الكلام اللي قلتيه من تو بتول: ريم معجبه فيك وتحبك باسل: ريم تحبني انا لا أكيد تمزحين بتول: والله صادق ميته عليك وتبي تلفت انتباهك باي طريقه بس انت مثقل نفس عليها باسل طلع لغرفته وهو مو مستوعب شي من كلام بتول جلس على طرف السرير وهو يفتح ازارير قميصه: ماصدق ريم البنت الثقيله وكل شي عندها بالحياة جد تحبّني انا مستحيل رمى قميصه على السرير توجهه لحمام فتح الدٌش ودخل تحت الماء للحين تفكيره يتمحور حول ريــــم ساره تفكر بكلام بدر وانه ممكن يساعده رحت على غرفة اخوها تدور كرته بس قلبت الغرفه فوق تحت ماحصلته تذكرت المحل حق اللي بالمول طلعت بسرعه من البيت وبعد نص ساعة وصلت المول دخلت المحل وسئلت عن بدر وقالو مش موجود بس شريكه تركي موجود بالكوفي تحت طلعت ساره مع الموظف لـ الكوفي وجلست بعد ماسمح له تركي بالجلوس ساره: اقدر اشوف بدر تركي: بستغراب: ايش تبين منه ساره: فيه موضوع بيني وبينه تركي: جاء باله ممكن تكون ياسمين ناظر فيها وقال انتي ياسمين ساره منصدمه حتى ذَا يعرفها: من وين تعرفها تركي: بدر صديقي وحكالي عنها ساره: بدر صديقك طيب عطني رقمه تركي: اوك بس بالاول من انتي وايش تبين منه ساره: انا ساره صديقة ياسمين وبدر قال بيساعدنا علشان نحصل ياسمين تركي مندمج معها وهي تتكلم ولحظ عليها تتحرك كثير وهي تتكلم ذكرته بوحده بس هذي الوحده طفله وكانت صديقته لمى كان طفل ابتسم لمى جت صورة البنت في باله كانت دايم تلبس لَبْس رياضة وشعره قصته ولدي وتلعب معهم كره بالاحــي واختفت ابتسامته لمى لف على مصدر الصوت بعد ماخلص اجتماعه طلع من مكتبه مستعجل نزل الملف عند سكرتيرة: ارسلي بيناتهم لمكتب المواعيد خدمات المرضى وصل لدور الأرضي وهو طالع مع الاصنصير صدم بنت وناظرها بطرف عين: ناظري طريقك طلع وركب سيارتها رِن جوالها رد باستعجال وليد: اتصلت بالرجال بس رفض يعطيني اسمها شكله كلامك صح وراها بلوه بدر: اوك قل له راح نستقبل ولدها بالمستشفى بس بشرطه يرفعون المبلغ شوي وليد منصدم منه بدر الحريص على النظام يقبل يُستقبل شخص مجهول الهويه وأمه رافضه تفصح عن اسمها ونسبها: ايش صار لك ولا طمعت بالفلوس بدر: انت سو اللي قولك عليه ولا تتدخل بشغلي اوك ياسمين واقفه عند الاصنصير وتفاصيل وجهه وصوته مو غريب عليها ،وجهه مو غريب علي فين شفته انا ياربي فين......جلست تحاول تذكر بس للاسف ماقدرت تذكر عنه اي شي انفتح الاصنصير مره ثانيه وطلعت منه سكرتيرة بدر: أهلاً ياسمين ياسمين فاقت من سرحانه: اهلا سكرتيرة: زين حصلتك هنا خوذي هذا ملف مرضى الجمعيه احجزي لهم مواعيد على حسب ترتيبهم لان الدكتور مرتبهم على حسب تقاريرهم وخطورت المرض ياسمين خذت الملف ورجعت لمكتبها مدت الملف على زميلتها هند وجلست على مكتبها هند: ايش فيك سرحانه وتهوجسين ياسمين: لا مافيه شي بس احجزي للمرضى اللي عندك أسماءهم بالملف وعطيني القائمة علشان ارسل عليهم خبرهم بيوم الموعد هند وهي تدخل اسماء المرضى بالكمبيوتر: تدرين اشتغلت في مستشفى خاص قبل اشتغل هنا مكان يستقبلون مرضى بالمجاناً فعلاً دكتور بدر يحب يساعد الناس معاً مو باين عليه ياسمين: الله يكتب له الأجر قول هند كيف اخذ سلفيه على راتبي وكم بيعطوني هند: يمكن 35 الف بس بيخصمون ربع راتبك ياسمين: بس 35 الف هند: ايه على قد راتبنا كم محتاجه انتي ياسمين: 80 الف اقدر اخذهن دفعه وحده هند: اذا 80 الف بيخصمون 75% ياسمين: مو مشكله راح ادبر نفسي فيه المهم اخذ القرض وافتك من ابو سعد طيب وين اروح وايش مطلوب مني هند: كلمي المدير المالي مكتبه في الدور الثالث ياسمين قامت: بروح أكلمه الحين هند ماتدري ايش مشكلتها بضبط بس شفقت عليها: الله يكون بعونك ريم طالعه من غرفتها شافت خالد لَبْس وطالع من غرفته : خالد وين رايح لف عليها خالد: نعم ايش قلتي ريم: قلت وين رايح خالد: وتعدينها بعد كم مره قائل لك لا تسئلين وين رايح ومن وين جاي ريم: طيب مراح أسئل بس انا طفشانه خالد: سؤلك هذا بيؤدي طفشك ريم: لا بس يعني اذا فاضي بطلع معك نغير جو خالد: ماني فاضي لك شوفي رغد ولا بتول وطلعي معهن ولا أقول لك روحي ادرسي احــسن لك طلع وتركها تتحلطم دخل السياره مع باسل: أسف تأخرت عليك باسل: لو ماطلعت كنت ناوي امشي وتركك خالد: كنت واقف بـ تحقيق قبل ماجيك باسل: يحليلها عمتي لحين تخاف عليك خالد: لا مو امــي البزر ريم باسل: وليش زعلان احمد ربك فيه احد يسئل عليك مو مثلي اطلع ودخل البيت محد درى عني خالد: الله يعينكم أمكم اربع وعشرين ساعه برى البيت باسل: خلاص تعودنا من وعينا على دنيا وامي ما تجلس بالبيت يا مسافره أو معزومه على حفله وبتول طالعه عليها ما تجلس بالبيت خالد: تزوج وحده مثل ريم وأبشر بنكد وين رايح ومنين جاي رجعت لمكتبها مكشره جلست على كرسيها .... وهي تتأفف هند: اها بشري وش صار ياسمين: رفض يعطوني يقول راتبك مايسمح نعطيك سلفه 80 الف هند: كم بيعطونك ياسمين:40 الف هند: حلو خوذيهن وإذا خلص أقساطه خوذي مره ثانيه ياسمين: مراح يصبر ابو سعد سنه ونص على باقي فلوسه هند جاها فضول تعرف ابو سعد هذا: من ابو سعد ليش مايقدر ظروفك ويصبر عليك شافتها ساكته قالت: أسفه تجاوزة حدودي ياسمين كانت محتاجه احد تفضفض له: فاقلت لها عن ابو سعد وايش يـــــبي منها هند:حقير شلون يفكر يتزوجك بالطريقه ياسمين: هذا أبوسعد واحد مايحب غير نفسه حتى اخته كانت تعاني منه الله يرحمها بس ان شاءالله يرضى بنص المبلغ هند: طيب مالك احد يقدر يساعدك ياسمين: لا كان عندي امل بدكتور وليد يساعدني بس طلع مسافر هند: تعرفين د. وليد ياسمين: لا لفت على الكمبيوتر وهي تكمل شغلها: ايش فيني وهذا وهو موصيني مايبي احد يعرف موعد البارتااات يوم السبت والثلاثاء باْذن الله بس ابي منكم تفاعل وردود بعد كل بارت الله يعطيكم العافيه | ||||
|
| |
|
10-07-18, 10:12 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| صباح الخير على الناس الغير صباح الخير على من يقراء سطوري بحب صباح الخير على من ينتظر البارت بلهفه وشوق البـــ6ـــارت تركي اختفت ابتسامته لمى لف على مصدر الصوت بتول: انا ماتعطيني وجهه بس هذي القرويه جالس تضحك معها ومستانس ساره نحرجت منها ومن تركي وقامت بسرعة بس وقفتها يد تركي وهو يمسكها ويناظر بـ بتول هذي القرويه اللي تقولين عنها خطيبتي ساره فتحت فمها من تحت النقاب وناظرت فيه بدهشه وهي كلها صدمه من كلامه بـ بتول وهي تناظر فيها ورافعه حاجبها: لايقه عليك أصلاً واحد مثلك هذا مستواه وهي تأشر على ساره بـ إصبعها اسبابه شافتك ولد منعم الله عليك واستقلتك مثل ما أبوك استقل جدي ومن بعده انت استقليت أبوي واخوي تركي أنصدم فجئة صار يضحك: اذا عندك جرئه روحي واجهي اهلك ونبهيهم أني جالس استقلهم مو جايه ليه تقولين الكلام بتول مكان عندها شي تقوله وراحت تركض لبرا تركي ترك يد ساره: وهو يقول أسف على اللي صار بس لو ماسويت كذا كانت مراح تخليني بحالي ساره تحس ان بيغمى عليها من الموقف ماعرفت ايش تقول فـ فضلت تنسحب من عنده تركي: لحظه ما تبين رقم بدر ساره توقفت لفت عليه وهي تطالع الارض قالت بصوته القريب لهمس : ايوه مده عليها رقم وبسرعه البرق اختفت من عنده رجع تركي لطاولته و هو حاس بغلط اللي سواه اتجاه ساره كيف يمسك يدها تنهد ورفع يده لـ جرسون طلب يجيب له قهوة جديد لان اللي على طاولته بردت دخلت البيت تركض على طول راحت على غرفتها ورمت شنطتها بقوه على على السرير وهي تقول بكل غضب: ايش اللي أعجبه بالقزمه هذي ما أكون بتول القاسم اذا ماخربت خطبتكم انا اوريك تركي ولا تخليني انا وتروح وتخطب هذي جلست على كرسيها الهزاز اسمها ساره من تطلع ذي ومتى خطبها وكيف عرفها ابتسمت بخبث وهي تقول أيه مها اكيـد تعرف كل شي في عمارة ابو سعد عند باب شقتها كانت تبي تدخل بس وقفها صوت ابو سعد وهو يقول: فكرتي بالموضوع ياسمين: كم يوم ويكون المبلغ عندك أبوسعد أنصدم كيف قدرت تأمن هالمبلغ بظرف يوم قال: طيب هاتي فلوسي وظفي وجهك عن بيتي ياسمين: لامو على كيفك اطلع انا مستاجره ودافعه مقدم سنه أبوسعد: الايجار رفعته وصار دبل بتجلسين ادفعي زياده ياسمين: ليش من حلات شقتك عاد أبوسعد: والله عاد حلالي وانا حر فيه واهم شي فلوسي تاصلتي بـ اقرب وقت ياسمين: طيب بس راح اعطيك 40 الف الحين وباقي اصبر عليه لين مايصير عندي ابو سعد ضحك وستانس في نفس الوقت لانها ماقدرت تأمن كل المبلغ : لا ياتعطيني فلوسي كامله ولا انتي عارف ايش بسوي الا اذا حطيتي عقلك برأسك وافقتي تتزوجيني ياسمين: مراح تزوجك لو تموت اذا بتشتكي روح أشتكي السجن اشرف لي من ان أعيش تحت رحمة واحد مثلك وسكَّرت الباب وجلس في الصاله، وهي تذكر كلام المدير المالي وهو يقول لها هاتي موافقه من مدير المستشفى ونعطيك المبلغ اللي تبين بنفس اقساط المبلغ السابق أرسلت على هند تطلب رقم مدير المستشفى بس هند ردت عليها انه مو عندها وقالت لها تقدين تتواصلين مع سكرتيرته وهي تساعدك وبرسلك رقمها الحين ساره جالسه في مكانها المفضل على عتبة الباب في الحوش لبسه قميص ازرق نص كم كان الجو حلو كأنها بتمطر ، كلام تركي يدور برأسها ابتسمت :لو احد قائل صار معه مثل مصار معي ماصدقته فاقت على نفسها ايش قاعده اقول الرجال كان قصده يصرف البنت وانا بسرعه خقيت عليه خذت جوالها اللي كان بحضنها واتصلت بـ بدر اكثر من مره بس للأسف مارد عليها ارسلت عليه بدر انا ساره رد عليه ورجعت تفكر بـ تركي وكلام بتول عليه: معقوله كلامها صدق مستقل اَهلها بس احس من وجهه طيب وعلى نياته قامت وراحت تصلي وهي تقول: انا من وين اعرفه حتى أقول عنه طيب جلست عند أمها بالصاله: يمه ترى مها بتجي عندنا بعد شوي ام بدر كانت حاطه رجل على رجل وتحط مناكير عنابي لفت على بنتها: وإذا كان تبيني تجي تبيني استقبلها على الرد كاربت ليش تبي تجي ؟ بتول: أنا عزمتها ام بدر : إنتي تعزمينها !! بتول: أيه من زمان عند سعود ام بدر: ومن متى صرتي تحبين الأطفال روحي بس شوفي مليكا جابت فستاني من المصممة بتول: بتطلعين يمه؟؟ ام بدر: أيه معزومه على حفله بتول: يمه اشتهي اشوفك يوم جالسه بالبيت ام بدر قزتها بعيونها: ما باقي الا إنتي جايه تحاسبيني قومي شوفي هذي جابتت فستاني قامت بتول وهي تقول بهمس علشان أمها ماتسمعها: مدري كيف أبوي قادر يعيش معك وانتي حياتك كلها طلعات وسفرات ما ستبعد ابوي يطلع متزوج عليك بس ان شاء الله مايطلق عنده عيال ويناشبونا بحلالنا كان جالس مع الشباب في الشاليه حقهم وكل شوي يرن جواله وهو مطنشه شاف رساله وكمان طنشها واندمج مع الشباب بعد العشاء كان جلس وهو وتركي عند المسبح تركي: مرت عليه اليوم ساره وعــطـيتها رقمك بدر: منهي ساره وانت على كيفك تعيطها رقمي تركي حب يهبل فيه شوي: البنت ترجتني اعطيها رقمك مبين انها معجبه فيك واجد بدر نحنى لطاولته و نزل كاس العصير ومشى من غيري لا يعلق على كلام تركي تركي: تعال وين رائح البنت ساره صديقة البنت اللي تدور عليها لف عليه وهو يقول: ساره سحب جواله من جيب بنطلونه ورن على اخر رقم كانت منسدح على الكنب وهي تنتظر متى يجي بكرا وتروح وتقابل الدكتور بدر مبين انه يحب الخير واكيد بيساعدها رِن جواله وردت عليه: هلا دكتور بدر: أسف كنت مشغول ماقدرت ارد عليك ياسمين: لا عادي مو مشكله بس زين انك رجعت واتصلت فيني وانا متأمله انك تقدر تساعدني بدر: اكيـــد ساره بس عطيني اسمها بالكامل ياسمين: عفواً بس انا مو ساره انا ياسمين مالحق يسمع ايش تقول سكر الخط وهو يتصل بالرقم الثاني ردت ساره بدر: هلا ساره ساره: هلا دكتور معندي وقت أطول معك اخاف زياد يجي في اي لحظه بدر:طيب اوك بكرا تعالي للمكتب ونتكلم اذا ماعندك مانع ساره:اوك راح أجي وجيب بيانات ياسمين معي بس عطني العنوان في بيت بندر دخلو غرفتهم وكان يحمل سعود ولدها حط بـ سريره وعينه على مها وهي تفسخ عباتها قال: فيك شي مها وقفت إقبال المرايا تمسح مكياجها قالت بهدوء: لا بندر: أكيد أمي ما قلت لك شي يضايقك مها: لا أصلاً أمك مكانت موجودة بس كانت فيه بتول جلست معي شوي بعدين طلعت لغرفتها ولا شفتها بندر : كل ذَا الوقت كنتي جالسه لحالك ليش ما تصلتي عليه اجي اخذك مها: ماكنت بخرب عليك سهرتك مع الشباب بندر جاء وقف عندها: انتي ليش كذا تفكرين براحت الناس قبل راحتك مها سحبت المنشفه وهي تبي تروح للحمام بس بندر مسك يدها: ليش ما تشتكين لي من تصرفات أمي وبتول معك مها لفت عليه وقالت بهدو مثل عادتها: ليش اشتكي اذا مجاني شي منهن بندر: انا مو غبي ادري أمي كيف تعاملك مها: مهما تسوي تظل أمك ولازم انك تاقف بصفها لو انها غلطانه بندر: أمي تبي تدمر حياتي وتزوجني وحده ثانيه مها بصدمه: تبيك تتزوج وانا بندر مسكها من كتوفها وبأس جبينها: انا مستحيل اطاوع أمي باللي تبيه وافرط فيك مراح احصل وحده بـ حنانك وطيبة قلبك راحت للحمام وهي تقول بقلبها: كنت ادري انك ماتحبني وما كنتي مواقفه على زواجنا بس ماتوقعتك انك تخططين تزوجين بندر مره ثانيه جلست على طرف بالبانيو وهي فاتح الماء وتمرر يدها عليه وتفاصيل ديك الليله تمر قدامها وكيف ام بدر حولت اجمل ليله بحياتها الى اسوى ذكرى ممكن تذكرها بـ حياتها مها كانت لبسه فستانها الأبيض وجالسه على الكوشه تنتظر عريسها مكان جنبها احد في ذي الليله غير صديقتها وأختها الذي لم تنجبها امها هند كانت متوترة حيل وزاد توترها نظرات الكره في عيون ام بدر ببساطه مكانت موافقه على زواجها من بندر مكانت تبي ولدها يتزوج بنت بسيطه من عائله كأنو يشتقالون عندهم ابوها كان صديق ويشتقل عند الجد قاسم وامها كانت تجي وتساعد الخدم في طبخ وقت مناسبات القاسم لان فنسها طيب في الاكل والكل يحب يأكل من تحت يدها جت وجلست جنبها على الكوشه وقربت لا إذنها وهمست فيها: لاتحلمين في يوم من الأيام احبك اول اعتبرك زوجة ولدي راح تظلين بنت الخدامه في نظري حتى يطلقك ولدي لا تنصدمين من كلامي لان بندر مثقف ومتعلم ولد عز فآمن المستحيل يظل متزوجك طول العمر انتي نزوه وطيش شباب بكرا يمل منك ويتركگ ويدور على غيرك فاقت من سرحانه على صوت الباب يندق وبندر يقول من ورى الباب: مها صار لك 10 دقايق بالحمام ايش فيك مها حاولت ترد عليه بهدو وتخفي القصه اللي فيها: مافيه شي أخذ شاور حبيبي | ||||
|
| |
|
10-07-18, 10:13 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ..... .... .. . عند ياسمين تتأفف: ايش فيه سكر بسرعه وانا ليش حظي كذا لمى اتصل يطّلع غلطان بس ماعليه بكرا امر عليه في المكتب واكيد راح يساعدني مثل ماقلت هند ناظرت الساعه وكانت 1:30 راحت تنام ورآها قومه من بدري بعد ربع ساعه فزت من نومها وهي متخرعه بِسْم الله الرحمن الرحيم الحمد الله كابوس بس وجهها الشخص كأني العرفه من قبل وشايفته في مكان بس وين ياربي ماقدرت تنام طول الليل فزت لمى شافت الصبح طلع لبست بسرعة وصلت المستشفى قبل كل الموظفين دخلت مكتبها وهي متحمسه متى يداوام الدكتور وتكلمه دخلت هند: صباح الخير ياسمين: صباح النور متى يداوم د.بدر هند: الساعه 9 تقريباً اذا ماعنده عمليه او مراجعين ايش تبقين فيه ياسمين: بكلمه يمكن يساعدني هند: ترى انتي ماتعرفين د. بدر زين مستحيل يسمح لك تشوفينه من غير موعد سابق ياسمين: وين المشكله اخذ موعد بس اهم شي أقابله قبل ما يمر أسبوع هند: ايه خوذي يبيلك شهر على ماتشوفيه ياسمين: شهر ليش هند: لانه مره مشغول مراجعينه مايخلصون ريم وصلت بيت خاله وتكلم رغد: انا طلعت بس لا تنسين تكتبين مع دكتوره رغد: يعني قلتلي شي جديد حضرتك من متى تكتبين مع دكتوره ريم: أهم شي خطك وضحيه مو مثل كل مره سكرت من رغد وفسخة عباتها ورمتها على الكنب ولفت على الصوت اللي جاي من الدرج كان باسل نازل من الدرج تصنم على الدرج لمى شافها واقفه اقباله بتنوره استرتش وقميص ابيض ماسك على جسمها وفاكه شعرها الحريري الاشقر ونازل على كتوفها حاطه قلوس احمر طالع شكلها مره كيوت ويخفق صحى من سرحانه لمى اختفت وصار يطالع فراغ كمل خطواته وطلع من البيت على الجامعه ريم بعد ماتأكدت انه طلع طلعت من ورى القوس اللي يروح للمطبخ وطلعت الدرج بهدو وهي تفكر بـ باسل كيف طالع شكله يخفق بالثوب وشماغ دخلت غرفة بتول مدرعمه مثل كل مره بس نصدمت لمى مالقتها نزلت تحت وسئلت عنها مليكا قالت لها طلعت اوف منك يا بتول تجبيني من صباح الخير وتطلعين جلست على الكنب في الصاله وصلت المول على طول راحت على الكوفي اللي يجلس فيه تركي في كل مره تأففت لمى ماشافته جلست وهي تقول: ماعندي شي انتظرت لين ماتجي كانت لبسه نقاب بدل اللثام ماحطت شي على عيونها لاكحل ولا مسكره علشان مايعرفها لانه اظــن حفظ شكله كثر ماشافها في المستشفى وفي الاصنصير تحديداً كانت تطالع فيها وتشوف عيونها من ورأى النقاب تذكرت عيون صديقتها ياسمين وانفتح الاصنصير ونزلن ومشن مع نفس الاتجاه دخلت ساره قبلها وقالت انه تبي تشوف بدر على طول دخلتها سكرتيرة لان بدر مـحرص عليها اول ماتجي تدخل على طول ياسمين شافت حرص سكرتيرة على ساره قالت: من ذي زوجته سكرتيره: لا بس اظــن شخص مهم لانه دخلها من غير موعد المهم انتي ايش بقيتي ياسمين: ابي أقابل الدكتور سكرتيره: ماظن تقدرين تشوفيه من غير موعد ياسمين: انتي بعد ماتطلع هذي قولي له في مكتب بدر ساره: هذي صوره من بطاقته اظــن تفيدك وهذي صوره من وثيقة التخرج بدر: ايه تذكرين شي عن الادويه اللي كانت تأخذ ساره: لا ايش راح يفدنا فيه بعدين هي تركتهن بدر: ليش تركتهن ساره: لان مستشفى الحكومي مصار يصرف لها وماعندها الفلوس تقدر تشتري من صيدليه بدر: وامها ليش سمحت لها تتركهن سارة: ماكانت تعرف وانا عرفت بصدفه وكنت ناويه خبر امها بس مالحقت بدر: وهي ليش مخبيه عن امها ساره: لان ماتبي تحمل امها مصاريف زياده وهي أصلاً كانت مو منتظمه عليهن لان قاعدات يزيدن وزنها بقوه مرت نص ساعه وتتفتح باب المكتب وطلعت ساره وهي مبين انها حزينه ياسمين جتها رغبه تقوم من كرسيها وتضمها صارت تتابعها بعيونها لين ماختفت سمعت الصوت الطلع من المكتب بدر:أساعدها شايفتني جمعيه خيريه سكرتيره: بس هي تبي قرض على راتبها بدر: تروح لقسم المالي وهم يحلون مشكلتها المهم انا خارج الحين وألغي كل اجتماعات اليوم ومرضى حواليهم على دكتور سمير وعلى ساعه 8:30 جهزو غرفة العمليات للولد اللي بجناح 244 ياسمين: بعد ماسمعت كلامه وهو معصب كأنها بدت تتذكر صوته بس سرعان مااختفى طلع مستعجل ومر من عندها ولا كأنه شايفه سكرتيره: ايش هذي اللي بيدك ياسمين وهي كاسره خاطر نفسها كيف متحمسه جايبه معها الأوراق علشان يوقعهن وترفعهن لمدير المالي: أوراق خذتهن من القسم المالية ويحتاجن توقيع دكتور بدر سكرتيره تعاطفت معها: خليهن عندي وانا بحاول أكلمه بس يهدئ في الكوفي صار لها ساعه تنتظره وماجاء رِن جوالها ردت: اها ايش تبين ريم: خير ايش اللي وش ابي مكلمتني وتعالي بسرعة وتختفين بتول: عندي شغله اخلصها واجيك ريم: مو تطولين ترى ساعه اذا ماجيتي ابمشي بتول: ايش عندك مستعجله ريم: ترى انا رايح للجامعة مواصله وخلصت اختباري وطلعت وسحبت على المحاضرة علشان بروح للبيت انام ومريت عليك بعد مااصريتي بتول: خلاص صدعتي برأسي روحي نامي بغرفتي لين ما أجي وان جيت صحيتك سكرت منها وشافته جاي يمشي وجلس في مكانه استعدت لخطتها اما ريم ملت وهي جالسه بالصاله والبيت هدوء محد يمر فيه غير الخدمات تنهدت بملل والهدوء زاد نعسانها قامت وطلعت فوق لغرفة بتول دخلت على طول توجهت لدولاب خذت لها بجامه من بجايم بتول نسدحت غمضت عيونها بسرعه ونامت من التعب الان صار لها اكثر من 24 ساعه مانامت الضابط سيف: متى موعد العمليه بدر: بعد المغرب سيف: الفلوس بأسم مين تحولن بدر: سلموهن لنا كاش هذا اللي خلاني أشك ان وراهم قصه غير اخفاء هويت الام سيف: انت كمل شغلك معهم حنا راح نقبض على الام وفاعل الخير ونحقق معهم بدر: عساكم على القوة بـ الإذن عندي شغله بخلصها قبل موعد العمليه سيف: قام وهو يصافح بدر مر علينا لا تقطع فينا بدر: ان شاء الله وانت اذا حصلت لك فرصه مر علينا تعرف مستشفى وشليه سيف صديق بدر قديم ولازالت صدقتهم موجودة بس ظروف شغلهم خلِّتهم مايشوفون بعضهم من فتره لين فتره بتول قامت مشت جنب طاولة تركي وطاحت على الارض اما تركي قام مفزوع وجاء عندها بسرعه بتول رفعت عيونها لها وطلعت دفتر الصغير من شنطتها وكتبت وهي ماسكه راسها تمثل التعب: ساعدني ياخوي اظــن انخفض معي السكر مدت الدفتر عليه تركي استغرب ايش جالسه تسوي بس لمى قراء المكتوب لف على طاولته وخذ من مكعبات السكر بتول خذتها من يده ومدت يدها له شافته يناظر هو فاهم ايش تبي كتب بالدفتر: ساعدني بجلس على الكرسي مو حلو جالسه بالأرض قدام الناس تركي ساعده وجلسها على الكرسي اللي إقبال كرسيه وجلس من غير مايناظر فيه مرت دقايق وهمم في حالت صمت بتول كتبت: مشكور يا أخوي على المساعده تركي كان مركز نظره على الملف اللي قدام قطع تركيزه الدفتر لمى نزلته على الملف لف عليها وهو يقول: العفو ما سويت شي بتول: اول مره تجي هنا تركي: لا بتول: غريبه اول مره اشوفك معني صار لي اكثر من سنه ما خلص شغلي الا في ذَا المكان تركي اكتفى بـ ابتسامه ماعنده تعليق على كلامها ورجع يناظر الملف اللي قدّامه بتول: كل يوم أجي هنا وخلص أوراق شغلي ياخي مــدري احس المكان يساعد على الشغل ونزلت الدفتر قدامه تركي رفع راْسه بعد ماقراء المتوب: على بالي بس انا اللي ماعرف اشتغل الا هنا طلع فيه ناس مثلي بتول: انا احب الهدوء المكان وأحب القهوة الأمريكية تركي ناظر فيها بتعجب: اطلب لك قهوة بتول ميته وناسه وهي تشوفه بدى يتفاعل معها: قد شربت قهوتي مع كيكة السنكرس اللي ماقدر اقاومها لازم اطلب منها كل يوم المهم الحين لازم اروح وشكراً مره ثانيه على المساعده تركي سكر الدفتر ومده عليها: مع السلامه قامت ورفعت يدها بمعنى مع السلامه ناظر فيها لين طلعت مع الباب: غريبه البنت تشبهني في كل شي بس ليش ما تتكلم يعني طرما حرام مبين عليها صغير في العمر وزود على هذا معه سكر الله يكون بعونها باسل خلص محضراته ورجع للبيت ماله خلق يروح لـ الوكاله دخلت البيت هدوء مثل كل مره طلع فوق على طول متملل يـــــبي يجلس مع احد راح على غرفة بتول فتح الباب شافها نايمه متغطيه نداها من عند الباب: بتول مره مرتين ماردت ايش فيها هذي ماترد قرب لعندها وخر اللحاف عن وجهها وهو: يصرخ بتول اصحي طارت فتح عيونه على الاخر وهو يشوفها كيف رميه نفسها على المخده وشعرها الحريري المفرود ومبعثر ع المخده كان شكلها حيل يجنن وهي نايمه اما ريم صحت على الصوت وماكانت مثبته على الصوت: بتول اطلعي برى خليني انام باسل انسحب من الغرفة وراح على غرفته وتمدد على السرير وهو يفكر بـ ريم وصوتها الجميل والناعم وشعرها الحرير متناثر على المخده زاد اعجابه فيها اكثر تنهد بتشتت: ايش فيني دايم أشوفها بس ليش المره أشغلت تفكيري يمكن بعد ماعرفت انها تحبني ريم بنرفزه: قلت لك اطلعي خليني اعرف انام بتول: ايش فيك توني جئت ريم عدلت نفسها تذكرت الصوت اللي قبل 5 دقايق كان صوت حاد شوي لفت على بتول وهي طالعه من غرفة الملابس: ايش كنتي تبين مني وليش مغيره صوتك بتول جت عندها ولمست جبينها: ايش فيك حرارتك مرتفه ريم: مقابلك ذي قديمه بتول: ايش فيك والله هذي دخلي الغرفه شكلك كنتي تحلمين قومي بدلي وخلّينا ننزل تحت نتغداء ريم سحبت نفسها من السرير بكسل: طيب دخلت ولبست من ملابس بتول بنطلون جينز سكيني ازرق وتيشرت قطني رصاصي نص كم طلعت من الغرفه راحت سريع الاصنصير سمعت صوتها يكلم بالجوال عرفة واستنتجت ان هذا صاحب الصوت اللي دخل عليها لفت مع الزاويه شافته بطوله وهيئته واقف عند الاصنصير رجعت وراحت تركض مع الدرج لمى نزلت اخر درجه طلع مع الاصنصير خق عليها وعلى لبسها كان ضيق مطلع مفاتن جسمها لانها اسمن من بتول بشوي ولا عادتن هي ماتلبس ضيق أكلها بنظراته خذت عباتها اللي على الكنب وصدت وراها وهي تلبسها اما باسل متصنم في مكانه وفاهي فيها قطع عليه سرحانه صوت بتول لمى قالت: انت هنا باسل: جئت أبدل وبطلع مع زياد بتول: من زياد هذا ؟؟ باسل: ولد يشتغل معي من فتره صرنا اصحاب بتول: غريبه تصاحب شغيله عندك باسل: وين المشكله بتول: يعني علشان برستيجك المهم أنسى اطلع خلنا ناخذ وحتنا انا وريم باسل قبل لا يطّلع رفع راسه وشاف ريم متلثمه بطرف طرحتها ابتسم وطلع بتول: ايش فيك مستحيه من حبيب القلب تعالي تعالي نتغداء تراني ميته جوع بعد مرور أسبوعين سيف : الله يعطيك العافيه لو مساعدك لنا كان ماقدرنا نمسك المشتبه فيه بدر: الشكر لله وثم لكم على جهودكم سيف : لو انت عديم امانه كان خذيت المبلغ تسترت عليه زين باقي الناس هذا لنا شهر وحنا نلاحقه وخر مره أطلقنا عليه النار بس ماقدرنا نمسكه هرب وأمه اللي تقول امه اثناء التحقيق اعترفت بان الرجل دفع لها بمقابل ان تمثل دور الام علشان تكسر خطركم وترضون تدخلون ولدها عندكم في المستشفى بدر: وفاعل الخير ماقبضتو عليه؟ سيف : للأسف لا بس وين بيروح مننا مثله مثل مروجين المخدرات اللي قبله راح يجي له يوم ونقبض عليه تركي مضايق وهو يشوف البنت اختفت من يومين ماتجي للكوفي لف وهو يشوفها داخله وتجلس على طاولتها فز قلبه لمى شافها جلست وعيونها عليه وهي تشوفه يترك طاولته ويتوجه لها: تسمحين اجلس معك دقايق بتول اشرت بيدها بمعنى تفضل تركي وهو يجلس: عسى ماشر ماشفتك من يومين بتول ابتسمت لخطتها مشت صح وبدى تركي يفقدها: طلعت دفترها وكتبت: كنت بالمستشفى اثر غيبوبة سكر تركي: سلامات بتول: الله يسلمك وكانت تتمنى لو سئل عن السبب بس فاجئه تركي سكت ناظرت وكتبت : كله مني وثقتي بالناس انضحك عليه تركي: ليش ايش صاير معك بتول: انا عندي مشغل متعاقده مع شخص يوفر لي مستلزمات المشغل بس الشهر هذا سحب عليه ورفض يرسل ليه معني دافعه مقدم مثل كل مره تركي: بسيطه اشتكي عليها واسترجعي المبلغ بتول: ماعندي إثبات عليه الفلوس مهي مشكلتي مشكلتي ماحصلت احد اشتري منها مستلزماتي تركي: امك داعيه لك انا عندي محل أدوات تجميل بتول تمثل الفرحه: صدق وين فيه تركي: هنا بدور الثاني بتول: اوك عطني اسمه وانا بأمر وخذ أغراضي تركي: انتي ارسلي قائمه الأغراض وانا اخليهم يوصلونهن لحد باب المشغل بتول: انا بجي وأخذ اغراضي بنفسي في المستشفى في مكتب بدر ساره: كيف ما حصلت له اثر وين راحت بدر: كل مستشفيات الرياض الخاصة والحكوميه سئلت فيهن سئلت بالامطارات وأي مكان ممكن تروح له ساره: يعني خلاص ياسمين اختفت بدر: تذكري ساره يمكن له احد بس انتي ناسيه ساره: ماله احد بالرياض بس ممكن راحت لـ الشرقية بدر: ليش تروح لـ الشرقية ساره: قبل كانت في الشرقية بس انا متأكده ماله احد بالشرقية بدر: طيب خوالها أعمامها وينهم ساره: ماله خوال ولا خالات وعمه متوفي اللي كان زوج امها بس زوجته موجودة في الرياض بدر بفرحة :وين بيتها ساره: مدري بس توقع ساكنه مع اخوها بدر: طيب وايش اسمها ساره: ماعرف غير اسمها فوزيه بدر: طيب خلاص انتي روحي وان حصلتي شي يدلنا على فوزيه اتصلي فيني دخلت سكرتيره: فيه موظفه صار لها أسبوعين وكم يوم ماتداوم وخبروني من قسم الموظفين اخبرك بدر: المشكله هذي حلوها من عندكم مو لازم ترجعون لي سكرتيره: تواصلنا معها ماترد على جوالها ورحنا للعنوانه بس للأسف ماحصلنا احد بشقتها والبنت كان عندها مشكله وتبي تأخذ قرض في الفترة الأخيره بدر: ماعندي وقت اضيعه اسمع مشاكل الناس اذا رجعت تداوم او مارجعت قسم موارد البشريه يتصرفون معها يعوفون الإجراءات وإذا ماعندك شي ثاني تفضلي على مكتبك كان جالس في مكتبه ويقلب الأوراق بدون هدف ويفكر بـ ريم مايدري ليش صاير يفكر فيها بزياده دخلت زياد ونزل الملف على المكتب: يحتاج توقيعك باسل: اوك اسمع زيادالاسبوعين الجايه مراح امر على الوكاله وشغل بـ امانتك تدري مافيه احــد كثـــرگ اثق فيه زياد: معليك تطمن ودرس زين للاختبارات نبي نشوفك متخرج باسل: ان شاءالله كلها أسبوعين واتخرج دخل بندر: سلام عليكم باسل+زياد: وعليكم السلام باسل: أعرفكم وخوي بندر وزياد بندر مد يده لزياد وصافحه: تشرفنا زياد: أشرف لي باسل وهو يأخذ مفاتيح وجواله: انا بطلع وزياد بياخذك جوله على السيارات الجديده زياد: حياك تفضل طلعو لصاله السيارات صار يشرح لبندر ايش موجود عندهم بدر وهو يرجع ملفات المرضى فتح اخر ملف ومنصدم بالاسم ياسمين محمد عبدالله: فز من كرسيه لا مستحيل يكون تشابه اسماء نادى سكرتيره بقوه دخلت وهو يلف عليها الملف من ياسمين محمد سكرتيره: هذي البنت اللي قلت لك عنها قبل شوي بدر: متى توظفة هنا سكرتيره : من 8 شهور تقريباً بدر: عطيني عنوانها بسرعه كانت لبسه عباتها باللون ابيج وحزام عند الخصر مطلعه جمال جسمها جت بتطلع مع الباب وتفاجئت باللي حاط يده على الباب ويمنعها من الخروج امل ناظرت فيه برود: وخر عن طريقي ايش تبي نواف كان خاق على نظراتها وفي نفس الوقت سرح في بعيونها الوساع ورموشها الكثيفة اما امل حست انها مرتبكه من نظراته وفيه شي جذبها له وصار تتأمل في تفاصيل وجههه كأنه ماجد المهندس واقف إقبالها قطع عليهم سرحانهم صوت سلمان وهو جاي صوبهم بعد نواف عنها وهو يتمنئ الارض بلعته ولاشافه سلمان واقف كذا مع بنته سلمان: ايش فيه نواف: كانت امل بتطلع وانا وقفت بوجهها سلمان: وش تبي فيها أمل كانت تشوف الاحراج بعيون نواف وتفاجئت لمى قال ..... وصل على العنوان وطلع مع الدرج وصل شقتها طق الباب اكثر مو مره مطلع احد ابو سعد شافه طالع مع الدرج مستعجل وبين من لبسه ولد نعمه فـ استغرب ايش جابه هنا طلع وراها على طول وشافه واقف قدام بابها: نعم ايش بقيت بدر لف عليه: ياسمين ساكنه هنا أبوسعد: ايه ايش تبي فيها بدر: طيب وينهي فيه الحين أبوسعد: ايش تبي فيها بدر: ابيه انت ايش عليك ومن انت أبوسعد وهو يضحك: من انا الا انت مين بدر تنرفز من ضحكته وكان وده يضربه بس مسك نفسه: تشتغل عني وصار له فتره ماتجي لدوام ونبي نتطمن عليها ممكن الحين تقول وينهي فيه ابو سعد نزل مع درج وهو يقول ماظن تداوم مره ثانيه الحسن تفصلونها بدر لحقه ومسكه مع كتفه: انت تعرف مكانها ضحك ابو سعد مره ثانيه: اكيـــد اعرف مكانها اذا ماعرفت انا من بيعرف بدر: طيب قول وينهي أبوسعد: سفه وكمل خطواته مع الدرج لحق بدر وطلع مع باب العماره ولتقى بـ وليد هناك بدر بصدمه وليد ايش تبي هنا وليد: لحقتك بعد ماعرفت انك جاي تدور على ياسمين بدر: انت تعرف ياسمين وليد: ايه طبعاً اعرفها بس انت ليش جاي تدور عليها دمتو بود لنا لقاء في يوم السبت مع بارت جديد واحداث جديده ولا تنسون بان ردودكم تسعدني لا تحرموني منها | ||||
|
| |
|
14-07-18, 07:44 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| . . . . الصباح لا يتغيّر ولكن اليوم يأتي بشكل أجمل مع بارت جديد من روايتي صباح الخيـــر💐 البـــ7ـــارت سلمان: ايش فيه نواف: كانت امل بتطلع وانا وقفت بوجهها سلمان: وش تبي فيها أمل كانت تشوف الاحراج بعيون نواف وتفاجئت لمى قال: كانت بتطلع بالمنظر هذا بس انا منعتها سلمان ابتسم على حرص نواف عليها وناظر في بنتها: هو صادق ايش العبايه اللي انتي لبسه هذي وانا ابوك تفضح اكثر من ان تستر امل وهي تناظر بنواف بطرف عين: والله هذا ستري واللي مو عاجبه عمره لا يعجبه سلمان: عيب عليك تكلمين نواف كذا احترميه ترى بحسبت اخوك الكبير نواف تضايق من كلام عمه لمى قال بحسبت اخوك لانها وهو مايناظر لها نظرت اخت انسحب من عندهم ودخل الملحق سلمان عرف انه متضايق: روحي اعتذري منه امل: كيف اعتذر منه بعدين انا مقلت شي غلط سلمان: الا قلتي والحين روحي على غرفته وعتذري امل منصدمه من ابوها: كيف تبين اروح عند ولد غريب في غرفته سلمان: نواف مو غريب بحسبت اخوك ويخاف عليك امل وهي تذكر نظراته مستحيل تكون نظراته نظرات اخ ماحست الا بيد ابوها يسحبها صوب الملحق ،فتح الباب نواف ونصدم فيهم سلمان: امل جت تعتذر منك امل ماحبت تخجل ابوها: أسفه مكان قصدي اضايقكگ نواف تنهد وقال بقلبها مستحيل أتضايق منك ابتسم: لاما تضيقت ولا شي غلاتك من غلات رغد مستحيل أزعل منك سلمان: اذا منت زعلان منها وصلها المشوار اللي تبي امل: لا أسواق يوصلني سلمان: أسواق بخذه معي مشوار نواف: انتظريني بس أبدل واوصلك امل قالت بصيغة امر : انتظرك لا تطول ترى مشواري ضروري ما يحتمل اتأخير نواف: حاضر كم امل عندنا امل لفت عليه: نعــم اَي قلت نواف شاف نظراتها قال وهو يدخل الملحق: سلامتك ماقلت شي بدر بصدمه وليد ايش تبي هنا وليد: لحقتك بعد ماعرفت انك جاي تدور على ياسمين بدر: انت تعرف ياسمين وليد: ايه طبعاً بس انت ليش جاي تدور عليها بدر بـ حالت صدمه: ايش عرف فيها وليد: كانت مريضتي وانا اللي سويت له العمليه قبل سنه بعد ما رفضت تسويها لها اذا تذكر لمى جيتك وترجيتك بدر بصدمه: كانت ياسمين؟ وليد: ايه بس انت ليش تدور عليها بدر طنش سؤاله: انت من وين تعرفها وليد: قلت لك كانت مريضه عندي بدر: اشرح لي بالتفاصيل كيف صارت مريضتك وليد دخلته على مسؤوليتي لمى ألامن كلموك ورفضت تدخلها كانت بغيبوه تامه اثر الحادث اللي صار لها بدر: صار لها حادث وليد: ايه اللي صدمها وهو اللي جابها لمستشفى يقول كانت بتقطع الشارع اللي قدام مستشفى وهو كان مسرع ما انتبه لها وصدمها من غير عمد بدر يحس انه بيفقد توازنه من الصدمة جلس على كرسي اللي خلفه تنهدوهو يذكر لمى كان طلع من المستشفى باستعجال بيروح لحارة ياسمين شاف الحادث بـ الشارع القريب للمستشفى ولا وقف يساعدها لان مستعجل يـــــبي يلحق على ياسمين ضرب يده وهي مَقْبُوضَة بقوه عدت مرات بالكرسي الحديدي اللي هو جالس عليه وهو يقول: كنت رائح أدور عليها وهي كانت قدام عيني غبي غبي ورجع يضرب بيده مره ثانيه وليد مسك يده وهو مو فاهم اللي قاعد يحصل: بدر ايش اللي حصل لك بدر: ليش ما قلت ليش وليد وليد مو فاهم حاجه تقرب لك ياسمين بدر طنشه وهو يقول : كيف استقلت عندنا وليد: بعد ما طلعت من المستشفى كنت امر عليها هي وعمتها وتطمن عليهن لمى دريت انها تدور وظيفه معها بكالوريوس اداره اعمال ساعدتها تتوظف في المستشفى بدر: كيف توظفة وانا ماعندي خبر وليد أنحرج من بدر وماعرف ايش يقول بدر: ايش فيك سكت وليد: انا وظفتها بنان على سيرتها الذاتية فقط من غير شهادتها الجامعيه ولا شهدات خبره ولا شي بدر عَصّب: نعم من عطاك الحق تتصرف كذا وليد: لانه حالتها كانت تصعب على الكافر وانا حبيت اساعدها وتقدر تصرف على نفسها وعلى عمتها من غير ميحتاجن لحد بدر : مراح أمرره لك بس الحين قول تعرف مكانها وليد: لا لان علاقتي نقطعت معها لمى توظفت بتول في المحل ومعها رغد وريم بتول: خوذن كل اللي ناقصكن رغد: ايش الكرم اللي نازل عليك اليوم بتول: اذا مادلعتكن ادلع من اجل كل شهر بنجي هنا وخوذن اللي تبن وعلى احسابي بعد نص ساعه خلصاً وخذن نص المحل تقريباً وصلت عند الكشير وحاسبت وطلعت ريم: بتول انتي مجنونه فيك شي وش بنسوي بكل المكياج بتول: بنحط بسطه ونبيع يعني ايش بنسوي فيه بعد بـ نستخدمه رغد: تدري ايش اللي انا مستغربه منه خلتينا ناخذ لــ أمل بتول: تستأهل بتصير زوجة اخوي عن قريب ريم: انا من شفتك لبسه نقاب ومغطيه عيونك وانا شاكه فيك وش تخططين له ي بنت بتول: امشي بس استر زين عقبالكن رغد: اذا على بالك في ذي ألطريقه بتلفتين انتباه تركي ويتزوجك اغسلي يدك بتول قالت بغرور: انا تزوج تركي خلصة الرجال ريم: اجل ايش تبين فيه تلحقينه بتول وهي تأشر على راسها: بكيفي اتسلى وصل البيت معصب من كلام أبوسعد ومعصب من نفسها كل المده تشتغل عنده وهو ماخلى مكان مادورها فيه وهي قريبه منه وتحت عينه نزل وقبل ما يدخل البيت شاف نواف واقف قدام الباب نزل ونزلت امل مكان مركز يحسبها رغد بس عرفها من صوتها،،امل بكل نعومه ورقه: سلام انقهر منها كيف راكبه قدام ومع نواف بدر: ليش جايه مع نواف لحالك وراكبه عنده نواف: انا اصريت عليها تركب عندي بدر كان معصب من الأساس بس مشاف قدّامه غير نواف وحط كل حرته فيه: وبصفتك ايش تجيبها وتركبها قدام عندك نواف ماعنده جواب له طنشه وطلع سيارته ومشى اما امل كانت فرحانه وهي تشوف بدر معصب تحسبه معصب لانه شافها مع نواف قالت بدلع: خلاص حبيبي لاتشغل بالك فيه تعال ندخل داخل امك تنتظرني بدر بنفس عصبيته: ادخلي عند أمي انا ببدل وطالع امل: ارحم نفسك من الشغل ورتاح شوي في البيت وتركها واقفه لحالها من غير اَي تعليق رِن جواله برساله (اذا خلصتي ارسلي عليه اوصلك للبيت نواف) دعست الجوال بشنطتها ودخلت فسخت عباتها على طول وجلست على الكنب وحطت رجل على رجل تنتظر ام بدر مرت دقايق وأم بدر مابينت نادت الخدامه وقالت لها طلعت من ساعه قامت وهي متنرفزه من حركات ام بدر قالت له تجي وسحبت عليها وماهي اول مره تسويها فيها وقفت وهي تقول: مو مصبرني عليك غير زواجي من بدر بس انتي اصبري لين ماتزوجه بتشوفين زوجة الابن على حقيقتها طلعت مع الدرج وهي مقرره تروح لجناح بدر فتحت الباب ودخلت على الصاله اللي قبل غرفة النوم شافت باب الغرفه فاتح ودخل وكان طالع من الحمام لاف الفوطه على خصره وصدره فكشوف نسى نفسه وتم يطالع فيها هو خاق على جمال جسمها كانت لبسه فستان قطن قصير مكشوف الكتوف فكان شكله يخقق رغم انها مو جميله بس جسمها يخقق امل نحرجت من نظراتها رغم انها كانت خاق على جسمه المعضل وقذلته المبلوله نازله على وجهه قطع عليها صوته وهو يقول: من سمح لك تدخلين جناحي امل: امك مكانت موجوده وجئت اشوف بدر: وعادي جايتني ولبسك كذا امل تناظر بنفسها: ايش فيه لبسي طنشها ودخل غرفة الملابس وهو متنرفز منها لبس بنطلون اسود وتيشرت رصاصي وطلع وشافها جالسه على الكرسي بخ من عطره المفضل و طلع من غير لا يناظر فيها أمل نتبهت لا اصابع يده ملفوف عليهن شاش لحقته وهو ينزل مع الدرج وهي تمشي بسرعه زلت رجلها وطاحت على ورا لف بدر وشافها ماسكه رجلها وتتألم نحنى عليها: تؤلمك ؟؟؟ امل وهي تفسخ كعبها: ايه احسها منكسره بدر مسك يدها وقومها وساعده تنزل الدرج اما امل مشت معه وهي تستنشق ريحة عطره جلسها بالصاله ونادى الخدامه تجيب تلج امل: ايش فيها يدك بدر: مافيها شي رِن جواله ورد ابتسم وهو يقول: حصلتوها وين ؟؟؟ اختفت ابتسامته وقام وراح يمشي امل شافت وجهه تغير: ايش فيك ؟ ومن ذي اللي حصلوها ؟؟ طنشها وكمل بخطواته ونسى رجلها اللي يمكن تكون مكسورة امل نقهرت منه كيف طلع وتركها بذا الحال واللي اكثر قهرها انه طلع علشان بنت | ||||
|
| |
|
14-07-18, 07:45 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| - - - وصلت بيت اخوها بندر فسخت نقابها ورسمت عيونها وتلثمت وشالت الاكياس ونزلت تركي شايل بحضنه سعود ولد اخته مها ويبوس فيه ويلعبه رِن الجرس فتحت الخدامه بعد ثواني دخلت الصاله ومعها اكياس دخلت بعدها بتول مها اول ماشفتها قامت وهي تقول: حي الله بتول بتول: سلمت عليها وعيونها على تركي تركي نزل سعود وطلع بسرعة مها وهي تشوف الاكياس: ليش كلفتي على نفسك بتول: لا كلافه ولا شي وهي تقول بقلبها أصلاً ماتستهلين اللي يجيب لك بس ماحصلت غيرك دخل بندر: عندنا اليوم ايش الطاري بتول: يعني طرده أقوم بندر: امزح معك البيت بيتك مهاوي بنام وبعد ساعتين صحين عندي اجتماع مهم بتول شافت اخوها راح زحفت عند مها: بشري طلع اخوك خاطب ذيك البنت مها: مدري لسى ماسئلته بتول كانت تبي ترفع صوتها بس مسكت نفسها وهي تذكر انها لازم تبين لـ مها انها تغيرت وصارت تحبها ابتسمت وهي تقول: ليش ما سئلتيه مها: كنت بنشده قبل شوي بس جيتي نزل من السياره وهو خايف بعد ماشافها تعرج فتح الباب لها: سلامات ايش فيك امل: زلت رجلي نواف سكر الباب بعد ماركبت وراح وركب: أكلم بدر يجي يشوفك امل وهي تذكر كيف طلع وتركها: لا بنرو للمستشفى بدر جلس على الكرسي قدام غرفة المختبر والاوراق التحاليل بيده حس ان الدنيا ضايقه فيه تنهد بضيق وضرب يده بقوه بالكرسي تذكر ابو سعد قام وهو يقول: اكيـــد هذا يعرف شي عنها ومخبي عني طلع برا المستشفى وهو متوجه لسيارته شاف نواف وهو يساعد امل تنزل من السياره جن جنونه وراح يمشي بـ خطواته السريعه وسحبه مع زنده ولفه عليه: بصفتك ايش جايبها نواف منصدم من عصبيته وسكت لانه ماعنده جواب امل: نواف مثل اخوي انا اللي طلبت منه يجيبني بعد ماحضرتك طلعت وتركتني اتألم بدر ذكرت عليه رجلها لف صوب الباب ونادى عليهم يجبون كرسي متحرك ساعده تنزل من السياره نواف تصنم بمكانه وهو يشوف بدر يدفها ركب سيارته وتنهد بضيق وضرب يده بالدركسون بقوة وكلمة امل تردد في مخه نواف مثل اخوي قال بصوت كله قضب وقهر منها: لا ماني مثل اخوك متى بتفهمين أني مغرم فيك وعيني ما تشوف غيــــرك امل بغرفة الشاعه ونست زعلها من بدر وفرحانه وهي تشوف بدر مهتم فيها اما بدر نسى وين كان يـــــبي يروح جالس قدام الجهاز ويتابع تصوير الاشاعه بنفسه بعد نص ساعه خلصو وطلعو من المستشفى بدر: اتصلي بـ السواق يجي يأخذك امل: السواق مع ابوي علشان كذا نواف وصلني بدر ماحب طاري نواف قال: اطلعي خليني اوصلك بعد ماركب لفت على بدر: خلنا نطلع نتعشى برا بدر: انتي قادره تمشي علشان نطلع نتعشى امل: ايه عادي اقدر بدر: لا انتي لازم تخففين من طلعاتك ولا تتحركين كثير علشان رجلك امل هزة رأسها بـ اوك وهي مستانسه من اهتمام بدر فيها جالس في الكوفي وكل شوي يطالع بالساعة تأخرت اليوم كثير تفاجئ باللي رمى الملف بقوه على الطاوله: من متى وحنا نبيع بالكميات الكبيرة من غير فواتير واسم المشتري تركي: هد أعصابك وحنا ايش علينا من المشتري فلوسنا وخذناها ان شاءالله يحرق فيهن بدر: لا علينا ايش تسوي فيهن يمكن تخلط معهن تقليد وتبيعهن على أساس اصلي تركي: معليك البنت هذي عندها مشغل وتشتري للمشغل بدر: اذا عندها مشغل تتعامل منا بعقود رسميه وحنا نورد لها مثلها مثل المشاغل ثانيه اما مسئلت انها تأخذ مننا بكميات كبيره من غير عقد وفواتير وتعرض اسم ماركتنا للخطر مستحيل اسمح له تخرب تعبنا على الماركه تركي حس انه تسرعه وثق فيها: كلامك صح راح أكلمها ورد لك خبر بدر هدء من نرفزته: من وين تعرفها تركي قال له اللي حصل بدر: وخقيت عليها بس علشان اشتركت معك في بعض الأشياء ماني خابرك تهتم في ذي السوالف تركي: تدري اني منصدم من نفسي اكثر منك احسها شاغله تفكيري بس ماحس بشي اتجاها بدر: شـ أسمها و اسم عيلتها تركي: ماعرف اسمها ولا اعرف عنها ايش شي بدر تنهد وهو يذكر نفسه كيف ياسمين اشغلت باله وهو مايعرف غير اسمها قام طلع بسرعه بعد ماتذكر التحاليل اللي مسويتها ياسمين تركي لف وشافها جالسه على كرسيها ابتسم وراح لها وجلس قبل ماتقول له يجلس بتول بتطير من الوناسه وهي تشوفه بدا يقرب منها تركي: كلموني وقال جئتي وخذتي أغراض من محلنا بتول: ايه الحمد لله وجربت الماركه ومره تهبل زبائن مره حبوها الحمدالله صار الخلاف مع المورد السابقة وعرفة محلك وماركتك تركي: بس انا معي شريك ورفض نتعامل معك من غير عقود رسميه بتول ما فهت شي وهي مو عارفه بالتجاره شي بس حطت نفسها فاهمه: ايه من حقكم اكيـــد تركي: اوك اذا حبيتي ماركتنا عطيني اسمك بالكامل واسم المشغل وجهز العقد بتول حست انها توهقت بس حاولت تبين انها عاديه: انا معي شريكات في المشغل اذا وافقن اتصل فيك انا مسافره جده وبجلس لفتره هناك تركي مايدري ليش سئلها: بتطولين بجده بتول: اصراحه مــدري للحين تركي: اوك طيب نتعرف على اسمك اذا ممكن بتول اختارت اسم عشوائي: لميس وكتبت رقمها تركي حفظ رقمها بالجوال طلعت من الكوفي وهي تقول من وين لي مشغل بس اصبر عليه بعد الاختبارات اتفرغ لك بخطه جديده يا تركي انتظروني يوم الثلاثاء مع بارت جديد باْذن الله دمتو بود | ||||
|
| |
|
17-07-18, 10:26 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| جعلني مـن قرب مروركم ما اخلا ،، وجعلني من دون تعليقاتكم ما.أكون ❤ صباح الخير البــــ8ـــارت في مكان ليس من دخله يعتبر مجرم ياما خلف القضبان مظاليم وابرياء تتحرك بحيره داخل الزنزانة الصغيرة مرتديه ملابس السجن وتفكر ايش بيصير فيها ومتى راح تخرج من ذَا المكان تذكرت كلام ابو سعد تبين حريتك وافقي تتزوجيني ولا راح تبقين هنا طوال حياتك تنهدت بضيق: أسبوع عجزت اصبر اكيـــد فيه حل غير ان تزوج ابو سعد وادخل في سجن ثاني سجن ابو سعد ايه موضوع القرض ليش استسلم لـ ابو سعد لازم ارجع أكلم دكتور مره ثانيه واذا فقدت الأمل منه أكلم دكتور وليد واكيد بيساعدني بس بالاول لازم اطلع من هنا ومافيه غير ابو سعد يقدر يطلعني من هنا اذا عرف اني موافقه عليه قبل أسبوع كانت جالسه في مكتبها والدنيا ضايقه فيها اليوم اخر مهله لها اما ان تدفع وتحرر نفسها من ابو سعد او ترفض ابو سعد وتدخل السجن نتيجه واضح بنسبه لها ماتقدر تدفع لها عندها خيارين أزواج من ابو سعد او تدخل السجن شافت الحل ان تتزوج ابو سعد قامت بسرعه وتوجهت للمختبر وسوت التحاليل ماقبل الزواج قالو النتيجه بعد أسبوعين وهي في الطريق راجعه لشقتها خطرت في بالها فكرة :ليش ما استقل الاسبوعين لصالحي وحاول مره ثانيه مع الدكتور يمكن يحن قلبه ويوافق على القرض بنسبه لـ ابو سعد راح يسكت ولا يهددني بسجن لـوفقت على الزواج منه نزلت من الليموزين وهي مبسوطة من افكارها الخطيره لكن المفاجئة كانت تنتظرها عند شقتها لمى وصلت هناك لقت الشرطه تنتظرها وخذوها على طول قبل تشوف ابو سعد وتحكي له شــي بدر كان واقف عند بيت ابو سعد شافه طالع مبين عليه مستعجل نزل من سيارته بعد مامشى طق الباب فتح له ام سعد بدر: سلام ام سعد: وعليكم السلام بدر: بسئلك عن ياسمين تعرفين وينهي فيه ام سعد تنهدت بضيق: الله يكون بعونها ايش تبي فيها بدر: هي مسويه فحوصات عندي جيت اعطيها النتيجه ام سعد: ياسمين بالسجن بدر: بالسجن ليش؟؟ نواف جالس بالحديقه ويراجع بعض الملفات شافها جايه تمشي ولابسه عباتها وتعرج وقفت عند ظهره: نواف تعال خلنا نخرج مشوار ونتغداء برا نواف فرح بس رد عليها بعدم اهتمام: لا ماقدر مشغول شوفي خطيبك يطلعك امل بتتأفف: بدر مشغول وانت مشغول ورغد لاهيه بالمذاكرة وانا جالسه لحالي ومحد مهتم فيني نواف محد يكسر خاطره بسهوله بس لان امل لها مكانه خاصة بقلبه كسرت خاطره لف عليها وهو يبتسم: وين حابه تروحين امل بفرحة: مــدري اي مكان بس اهم شي اطلع بعد 3 ساعات وصلو على مكان يحب يجي له نواف اذا صار منضايق كان عباره عن شاليه صغير في الشرقية على البحر، نزلو من السياره دخلو من الباب الرئيسي لـ الشالية، امل كانت منبهره بالمكان كأنه جنة نواف: اذا تبين تجلسين لحال وتخذين راحتك اكثر اشوف لي مكان ثاني اروح له امل: لا خلك انا ابي احد معي وانت مثل اخوي نواف تضايق منها وهو يشوفها تعامله مثل اخوها مشى معها وشافها مستانسه ونسى ضيقته لانه بـ بساطه يوم تكون مستانسه ينسى كل شي بسبب وناستها جلسو عند حوض السباحه بـ الكراسي وكل واحد على كرسي ويفصل بينهم الطاوله امل: ذكرني المكان باخر مره طلعت فيها مع أمي قبل مايصير عليها الحادث وتتوفى كانت كل بعد فتره تحجز لنا يومين وتقضيها وحدنا من غير محد يشاركنا فيها نواف: الله يرحمها كانت تحبك كثير امل: كانت تحبّني وتحاول تسوي كل شي علشان سعادتي حتى لو كان قصب عنها بس انا فاشله ماقدرت اعترف لها انها كل شي بنسبه ليه، كنت دايم اعاتبها وألومها ليش تطلقت من ابوي وخلتني أعيش بعيد عنه بس بيني وبين نفسي حاسه فيه مستحيل تقدر تعيش مع واحد باع العشره بسهوله وراح وتزوج زوجة السائق نواف: تكرهين امــي ؟؟ امل: تبي الصدق ايه ولمى ماتت بالسرطان فرحت وحسيت بنصر وان الله أخذ حق أمي منها نواف: بس أمي ماخذت ابوك من أمك كان مطلقها لمى تزوج أمي امل: أمك مفهمتك ذَا الكلام نواف: أمي محكت شي اناكان عمري 10 سنوات واذكر كل شي انتي اللي مفهمتك غلط امل: أمي مقالت لي سبب طلقها من ابوي انا اللي ستنتجهت ان أمي ماقدرت تتحمل خيانة زوجها وتركته مرت ساعات في نفس المكان امل تحكي ولا سكتت لحظه ونواف طول الوقت يسمع بصمت، مو قادر يعلق ، مو قادر يحتج على كلامها شافت نواف قام: شكلك زعلت من كلامي ترى مجرد فضفضة ولا انا مااكرهك بس ما أنكر اني اكره أمك لف بكل جسمه لها وهو بمكانه: أمي ماتت بخيرها وشرها وانا مستحيل اصدق ان أمي كان عندها شر أو يمكن تقدر تأذي احد بنسبه لكلامك مازعلني بالعكس فرحت لانك فضفضتي ليه وشاركتك بعض اهموهك امل: انا شخص مستفزه ونكديه ومحد يتحمل يجلس معي علشان كذا معندي صديقات لان محد يتحملني انا معندي مشكله اعترف باني انسانه تهمني مصلحتي مستحيل أتحمل شخص بحياتي اذا ماكنت ابي من ورآه مصلحه بس تدري ايش الغريب في الموضوع جالسه اقرق معك من الصبح وانا مابي من وراك شي نواف ابتسم لانه يحس ان امل صارت ترتاح له وتتكلم معه بصدق تنهد وهو يقول بقلبه : هانت ي نواف قرب اليوم اللي تطيح فيه امل بهواك وتنسيها بدر امل: ايش فيك تجمدت بمكانك ؟ نواف: بروح أزين الغداء وانتي استمتعي بوقتك امل: تعرف تطبخ ؟ نواف: أعجبك بالمطبخ طلع ابو سعد ومعه ياسمين فتح لها باب السياره ياسمين: لا بروح لحالي عندي كم شغله بخلصها ابو سعد: شغل ايش ياسمين خذت ابو سعد على قد عقله: بروح لسوق اشتري كم شغله مو انا عروس ابو سعد استأنس: معك فلوس ياسمين: ايه ابو سعد: خلاص على ماتجين بيكون الشيخ قد وصل ياسمين خافت يمكن ما يقتنع بدر يعطيها القرض لفت على ابوسعد: ليش مستعجل فيه تحاليل قبل الزواج ويبي لهن فتره على ماتطلع النتيجه ابو سعد ضحك وهو يقول: ما يلزمني ياسمين: كيف ما يلزمنك ما فيه شيخ يرضى يملك قبل ما يشوف نتائج التحليل ابو سعد: ماعليك الفلوس تسوي كل شي بس انتي لا تتأخرين في السوق وراحت وهي تقول يارب يرضى بدر يساعدني وافتك منه ساره كانت تمشي بالحارة وقفت قدام بيت ياسمين تنهدت ياترى وينك ياسمين حيه ولا ميته كملت بخطواته لـ بيتها وصلت وشافته واقف عند باب بيتهم: تركي لف عليها وهو منصدم كيف عرفت اسمه: نعم ساره: ايش جابك عند بيتنا تركي: عفواً انتي مين كيف عرفتيني ساره: انا ساره اللي جئتك بالكوفي وخذت رقم بدر منك تركي: ايه عرفتك ايش تسوين هنا ساره: انت ايش تسوي هنا هذا بيتي تركي: جيت مع اخو صديقي يخذ شغله من اخوك ساره: تعرف اخوي تركي ابتسم على أسئلتها البريه: لا باسل اخو بدر يعرفه طلع باسل: يالله تركي تأخرنا تركي: على إذنك ساره دخلت بيتهم وهي مندهشه اخوها يعرف اخو بدر ايش قد الدنيا صغيره باسل: ايش عندك واقف مع البنت تعرفها تركي: لا انت من متى تعرف زياد باسل: من سنه تقريباً ليش تركي: لا بس ماتوقعت تعرفهم باسل: انا عرفته لانه اشتغل عندي انت من وين تعرف اخته تركي: عرفتها من اخوك بدر باسل: بدر ؟؟ تركي: تدري عشت اجمل ايام طفولتي في ذي الحاره باسل: انت ماصدق تركي: وليش ماتصدق بس احاول تذكر اسماء الأطفال اللي كنت العب معهم وذيك البنت المسترجله باسل للحين مو مصدق انه من ذي الحاره: كيف عرفت بدر تركي: كنت ادرس معه ابوي صديق جدك كان يحبني حيل ودخلتي مدرسه خاصه ولمى توفى وصى ابوك عليها وكملت دراستي على حساب القاسم باسل: تبي الصدق تستاهل كل ريال اندفع عليك تركي: تسلم ولو بعيش الف سنه ماقدرت الرد جمايلكم عليه بالاول جدك ثم ابوك والحين صديق عمري بدر باسل: طيب قول من وين بدر يعرف البنت تركي مايبي يخون ثقة صديقه فيه: تدري بدر يحب يساعد الناس وهذي احد العوائل اللي يساعدها طلع بدر من عند الضابط بعد ماسئل عن ياسمين وقال له طلعت قبل نص ساعه انقهر من نفسه دايم متأخر بعد ساعه وصل المستشفى ودخل وهو معصب بعد ماراح لشقتها وما حصلها دخلت مكتبه وسكر الباب بقوه ورمى بجسمه على الكرسي وهو يتنهد بضيق وهو كل ماوصل لها تختفي مره ثانيه انتفتح الباب ودخلت وهي تقول: دكتور بدر يمكن اخذ من وقت دقايق قام من كرسيه وهو كل عصبية الدنيا فيه: انتي من سمح لك تدخلين مكتبي كذا اما ياسمين تصنمت مكانها وهي تشوف العصبيه على وجهه كأنه يذكرها في ملامح احد خافت من عصبيته ما قدرت تنطق بكلمه طلعت بسرعه وهي تركض طلع بدر وناوي يطرد سكرتيره بس شافها وهي تركض ورآه تناديها: ياسمين ياسمين بدر: ايش قلتي ياسمين ؟ سكرتيره: ايه ذي ياسمين البنت اللي قالت لك عنها راح يركض مالحق عليها دخلت وسكر باب اصنصير ضغط على عليه مافتح راح يركض مع الدرج وصل دور الأرضي تلفت ماشافها خرج برا المستشفى سئل حارس الأمن شفت بنت طلعت الحين الحارس: ايه فيه وحده طلعت تبكي وراحت من هنا بدر نسى نفسه ونسى مكانته في المجتمع رواح يركض مع طريق اللي قال عنه الحارس شافها تقطع الشارع: نداها بـ اعلى صوت: ياااااســـمين سمعت احد يناديها وقفت بنص الشارع ولفت على مصدر الصوت شافته جاي يركض لها بس كانت فيه سياره جايه مسرعة وكانت بتصدمها ونفس الموقف اللي قبل سنه كان بيتكرر لو ماسحبها بدر سحبها بكل قوته وطاحو على الرصيف بعد ثواني عدل جلسته وهو يلتقط بعض انفاسه اما ياسمين التوت رجلها ماقدرت تحركها قام بدر ومد يده بيساعدها تقوم ياسمين عرفت انه يـــــبي يساعدها تقوم مدت يدها وسحبها طلعت صرخة قويه من ياسمين: رجلي مو قادره اتحرك منها انحنى بدر لها وخر يدها عن رجلها وكانت لبسه بنطلون ماسك على رجلها ماقدر يرفعه عن ساقها لان البنطلون كان ضيق ناظر فيها: مو قادره تمشين ياسمين: لا مو قادره احرك رجلي بدر قام واقف وحملها وراح فيها للمستشفى ياسمين تمنت صدمتها السياره ولا صارت في ذَا الموقف ودخل فيه ونزلها على السرير في قسم الإسعاف وقص بنطلونها بالمقص وخرج ساقها الأبيض انبهر من بياضها وده مايشيل عينه عن ساقه بس اخلاق المهنه ماتسمح له يناظر فيها | ||||
|
| |
|
17-07-18, 10:27 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تركي واقف على الشباك وتفكيره بـ سارة ولميس ثنتينهن أشغلن تفكيره ساره فيها برآء ويحس قلبها نظيف وكلامها فيه أدب ويحس انه متربيه فعلاً اما لميس يحس بنت مثقفه وقويه ومعتمده على نفسها واللي اكثر شده لها نسخته بكل شي تنهد وهو يطّلع رقم لميس ارسل لها: مرحبا بتول كانت تذاكر رِن جوالها الثاني برساله فتحت المحادثة شافتها من تركي طنشته وقفلت الجوال وسحب الدرج مكتبها ونزلته ورجعت تكمل مذاكرتها وهي تقول: ماني فاضيه لك الحين دراستي اهم منك تركي ينتظر ترد عليه طولت ماردت اتصل فيها بس تفاجئ جوالها مغلق: ايش فيني نسيت ان البنت ماتتكلم لف على صوت اخته مها: تعال اجلس الشاي جاهز تركي: مره ثانيه اشربه معك الحين بطلع مستعجل مها: ايش مستعجل على خطيبتك تركي متفاجئ من كلام اخته: خطيبتي؟ مها: ايه خطيبتك ايش فيك مستغرب تركي: مها من وين جايبه الكلام مها: بتول شافتك بالكوفي معها تركي تذكر لمى طبت عليه بتول مع ساره: وانتي تصدقين البرز هذي مها: ايه أصدقها وليش ماصدقها تركي قرب لها وبأسها على رأسها: مستحيل أخطب من غير لا أقولك وتختارين لي العروس بنفسك مها صار مو فاهمه شي وليش بتول تكذب او لا ليش تركي يخبي عنها طلع مع الشباك الزجاج الفاصل بين الصاله والمسبح كانت منزله طرحتها على رقبتها وعباتها مفتوحه وجالسه على حافت المسبح ومغطسه رجولها بالماء طالع شكلها خيال تصنم بمكانه وماقدر يشيل عيونه عنها رفعت رأسها شافته واقف وفاهي كانت نظراته بنسبه لها تسحر بس بعدت التفكير من رأسها وقامت بسرعه وسكَّرت عباتها ولفت طرحتها على رأسها وجت لعنده: ايش صار على غداك نواف: جهز الغداء ادخلي تغدي وانا بجلس هنا امل: ليش ماتبي تاكل نواف: بعدين اكل انتي الحين خوذي راحتك امل: تبيني اكل وانا مرتاح اتعال اكل معي ترى مراح استحي منك انت بحسبت اخوي نواف تضايق وهي كل مره تذكره انه مثل اخوها كره نفسه لانه مو قادر ينظر لها نظرت اخت امل: ايش فيك اليوم كله سرحان من اللي ماخذه عقلك وتفكيرك نواف ماحس بنفسه وهو يقول: انتي امل بصدمه: انا ؟؟ وافق ورا الستاره وهو يفكر كيف تغيرت وصارت وحده ثانيه ياسمين اللي يعرفها كانت سمينه وتقربياً وزنها بـ 90 واللي قدّامه وحده بوزن 45 تقريبا كيف تقدرت تخسر نصف وزنها بـ سنه فاق من سرحانه على صوت الممرضه وهي تقول: خلصت لافه رجلها ياسمين تفكر وجههه الشخص مو غريب عليها كأني شايفته من قبل بس ياترى وين شايفته دخل من ورا الستاره وجلس بالكرسي وقال: الحمد الله على سلامتك ياسمين: الله يسلمك بس ليش لحقتني بعد ماطرتني من مكتبك ومن وين تعرف اسمي بدر عرف انها ماذكرته: انا ماطردتك انا كنت معصب وانتي طلعتي بسرعه بنسبه لاسمك عرفته من ملفك اللي صار له أسبوع على مكتبي بس ماقدرت أتواصل معك لانك مختفيه ياسمين بفرحه: يعني انت بتساعدني بدر: ايه بس بالاول اعرف ايش تبين في مثل المبلغ الكبير ياسمين تنهدت: ابي ادفع لـ ابو سعد وافتك منه بدر: طيب ابو سعد ايش يقرب لك وليش يبي منك فلوس ياسمين: اخو زوجة عمي وقالت له ليش يـــــبي منها الفلوس وش يمكن يسوي اذا ماسددت بدر: يتزوجك وانتي ليش توافقين ياسمين: مكان عندي حل بس هو سبقني ودخلتي السجن بدر: أحسن انه دخلك السجن ياسمين: ليش أحسن؟؟ بدر طنشها وهو يقول : طيب بعد ماتدفعين له وين بتروحين لك احد تروحين عنده ياسمين: لو عندي احد ما وصلت لذا الحال، بعد مادفع له ديني ماله شي عندي برجع اسكن بشقتي بدر: شقتك اللي بعمارته ؟ ياسمين: ايوووه بدر: مستحيل أخليك ترجعين تسكنين عند واحد مثل هذا ياسمين: انت ايش عليك بدر نرفزته بكلمتها رجع بدر المتكبر اللي مايحب احد يسئله ليش تسوي كذا قام وهو يقول: اوك مراح أتدخل وحلي مشكلتك لحالك مع ابو سعد انا حبيت اقدم لك مساعده بس انتي ماتبين ساره: زياد تدري ان باسل يطّلع اخو بدر زياد: وانتي ايش عرفك بعد فيه فرق بـ اسماهم ساره: يعني كيف بدر مو اخو باسل زياد: لا بدر احمد وباسل سعود بس كلهم القاسم وانتي من قالك يطلعون اخوان ساره خافت من اخوها: محد قالي بس توقعت انهم اخوان لمى شفتهم كلهم القاسم راحت لغرفتها وهي تفكر بكلام تركي ليش قال بدر اخو باسل اذا هم مو اخوان معقوله تركي يكذب عليه ايه كل شي جايز مثل ماكذب على ذيك البنت قال اني خطيبته مو بعيده يكذب عليه من انا علشان مايكذب عليه عذراً على قصر البارت بس أودعكم في بارت طويل في الأسابيع القادمة ، وطنشو اذا كان فيه اخطاء إملائي لان نزلت البارت من غير مادقق فيه | ||||
|
| |
|
21-07-18, 09:47 PM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| مساء الخيِر لكل شخص حاضن أفكاري دائماً. •┈┈┈┈┈┈┈┈┈┈┈┈┈┈┈• عذراً على التأخر الـــبـــ9ـــــارت امل: ايش فيك اليوم كله سرحان من اللي ماخذه عقلك وتفكيرك نواف ماحس بنفسه وهو يقول: انتي امل بصدمه: انا ؟؟ نواف انتبه لنفسه ابتسم وهو يقول: فكر فيك شلون طول الوقت جالسه في البيت لحالك ليش ماتشتغلين امل: لا مستحيل انا اشتغل نواف: و ليش مستحيل امل تضحك بكبريا: انا بنت سلمان السالم اشتغل نواف: وإذ يعني منتي انسانه مثل باقي الناس عندها طموح بالحياة بتاصل له امل: من قال ماعندي طموح بس مو ضروري يكون طموحي اني أصل منصب او أكون ثروه لأَنِّي ببساطه مو محتاجه لشي ولو انا افكر في ذي الأشياء كان كملت دراستي بعد ماتخرجت نواف: ايش طموحك امل: أكون حرم الدكتور بدر القاسم نواف: مو حرام بنت بعمرك أقصى طموحه الزواج امل: من يوم كان عمري 10 سنوات لمى احد يسئلني ايش بتصرين اذا كبرتي اجاوب بكل بساطة بصير زوجة بدر المهم خلك من ذي السوالف وتعال نتغداء نواف راح يمشي في اتجاه الحديقه وهو يقول: ادخلي شوي وجااايك وقف عند السور الحديدي الفاصل بين الحديقه وحوض السباحة وهو يناظر صفاء الموية بالحوض العميق ..تنهد تنهيد طويله ..سنين وانا اقول لك بطيحك في هواي بس فشلت ماقدرت امحي من رأسك فكرة باني مثل اخوك انا إنسان فاشل بالحب لازم اعترف باني فاشل ماقدرت اعترف لها ولاقدرت اثبت لها بان بدر مايحبها مثل ما تظن هي ياسمين وهي تدوس على رجلها بصعوب وتمشي ورآه مع الممر حاولت تلحق فيه بس هو أسرع منها وصلت لعنده شافته يدخل الاصنصير ودخلت معه بدر بنبرة هااادية جامدة تعور قلب: ..نعم ايش تبين لحقتني ؟؟ ياسمين بنبرة أخفض مع المعتاد: ابيك تساعدني وتخلصني من ابو سعد بدر: متأكده تبيني أساعدك ياسمين بهدوء وهي ضامة يدينها بقوة : ايووه بدر: انتظريني تحت ياسمين ناظرته بنظره كأنه تعرفه : ليش تبي تساعدني وتخلصني منه طالعها فترة من الوقت بنظرات غريبة طويلة، وهي متوترة ما تدري وش سرها، انتظرته يقول له شي لكن خيب ظنها وصد عنها وقال واصبعه على زر : انتظريني تحت طالع لمكتبي شوي وراجع طلعت من المصعد وجلست على الكرسي إقبال المصعد وشافته يطالع فيها من وروا زجاج المصعد ماتدري ليش يناظرها كذا وكأنه يعرفها،صعد المصعد وصارت تطالع فراغ مرت ساعة وساعتين وهي جالسه بنفس المكان تنتظره ، رأسها مشوش تحس انها تعرفه والهم من هذا ليش يـــبي يساعدها ايش اللي غير رأيه وهي لمى حاولت تكلمه مارضى يسمعها لفت على صوت هند: ياسمين وين كنتي وين اختفيتي خوفتيني عليك ياسمين: هلا هند اخبارك هند: الحمدالله ايش فيها رجلك ياسمين زلقت عليها هند: ماتشوفين شر، وين كنتي ياسمين طنشت سؤالها وقالت بفرحة: هند د: بدر قرر يساعدني هند: كنت واثقه بأن بيساعدك مو غريبه عليه يحب يساعد الناس ياسمين: بس شكله ومظهره يوحي انه شخص مغرور مو مقتنعه انه يحب يساعد الناس هند: لا بعكس مافيه أطيب من قلب الدكتور بدر يحب يساعد الناس بس مايحب يظهره قدام الناس انفتح باب المصعد وطلع وقال من غير مايلتفت عليها: يالله ياسمين مشينا هند: وين بتروحين معه ؟ ياسمين وقفت: مدري بس مو مهم دامه قدر يساعدني ، مشت ورآه ببطء وهي بالموت تدعس على رجلها طلعت مع الباب الخارجي شافته واقف عند باب السياره ويأشر لها تركب قدام ياسمين: ليش اركب عندك ابي اركب ورا بدر عَصّب وهو يقول: كم مره قول لك ماني سواق عند ابوك ياسمين: ليش انت تعرفني بدر تأفف بنرفزه : لا بس اركبي وخلصيني ركبت وهي مو فاهمه ايش اللي يحصل بس المهم عندها تتخلص من ابو سعد ركب بدر ومشى ياسمين تحس بأنه مو غريب عنها داخلها احساس انها تعرفـه ، وبنفس الوقت ما تعرفه تنهدت وهي تشوفه ماشي بـ طريق غريب: وين ماخذني بدر: بخذ لك غرفه بفندق لين ماتحصلين لك مكان غير عمارة ابو سعد ياسمين: لا مابي اروح لفندق بدر: وين بتروحين اجل عندنا بالبيت !! ياسمين حست بكلامه مسخره: ابي أروح لشقتي بدر: قلت لك مستحيل أخليك بعمارة ابو سعد ياسمين: وانت ايش عليك مني وتفرض عليه كلامك بدر وهو يأشر على راْسه : بكيفي مو انا بساعدك آخذك بـ المكان اللي انا أقرره ياسمين: هيه انت لا تظن اني وحده هايته ترى ماني من البنات اللي تضحكون عليهن بدر: ادري انك وحده مؤدبه ومتربيه مانتي مثل البنات اللي نعرف بس الحين لازم تروحين للفندق وتختفين عن ابو سعد ياسمين: من وين تعرفي حتى تعرف اني متربية زين بدر: الحين شلون كل ما قول لك شي بتسئلين أعرفك ياسمين حست انه طفش منها وخافت يتركها بنص الطريق ولا يساعدها :طيب بمر شقتي بخذ اغراضي بدر: نمر السوق فضل وخوذي اللي تبين ياسمين: لا ابي اغراضي جالسه بجلسه في البلكونة وتذاكر شافت شخص واقف بالحديقه نزلت كتبها وقربت لسور وشافته عن قرب: واو من هذا يهبل ايش جابه عندنا زياد حامل الملف بيده وينتظر باسل لحظات ونفتح باب القصر وطلع منه باسل: أسف تأخرت عليك زياد: لا توني جاي هذي فواتير اللي طلبتها هذا الملف يحتاج توقيعك بتول شافت اخوها طلع وتخبت لمى شافته دخل رجعت تبي تناظر زياد بس للأسف طلع مع باب القصر راحت بخطوات سريعه الا تبي تعرف منهو باسل كان يـــــبي يدخل غرفته بس وقفه صوت بتول: من وين جاي وايش الملف اللي معك باسل: ملف جايني من الشغل بتول: من جابه لك باسل: زياد وليش تسئلين بتول: كذا بس ايه منهو زياد ذَا باسل: روحي ماني فاضي عندي شغل لفوق راســي بتول: زياد راحت لغرفتها على طول سحب جوالها وبحث عن موظفين الوكاله دوره على اسم زياد ابتسمت وهي تشوف اسمه زياد عبدالله مسؤول مبيعات ومشتريات امل وهي تدخل مع الباب بيتهم لفت على نواف: شكراً كان يوم جميل وممتع نواف ابتسم: ولو ماسويت شي امل: اول مره احس اني مبسوطه بعد وفاة امــي نواف فرح لانه قدر يخليها تنبسط اذا حبيت تروحين ثاني مره انا مستعد اوديك رغد كانت بالحديقه وشافتهم واقفين ومندمجين بسؤالف استغربت من امل تضحك ومستانسه غير عادتها مشت لعندهم وهي تقول : عسى دوام هالوناسه من وين جايه الأخت والأخ امل لفت عليها ورت بكل بروده: قولي ماشاء الله لاتنصليني، كنت جايه من برى وشفت نواف وسلمت عليه، على فكره ترى ماحب أسئلتك رغد كانت تناظر فيها لين دخلت وهي مستغربه قلب مزاجها فجئة : ايه وين كنت طول اليوم تقول الخدامه طلعت مع امل نواف: لا ليش اطلع مع امل كنت مع واحد من العيال مكان يـــــبي اخته تعرف انه كان طول الوقت مع امل رغد: ايه انا أقول مستحيل امل تطلع معك معني احس ان مافيه شي انت اخوي واكيد بتخاف على اخت اختك وكأنها اختك نواف: ايه كيد راح على غرفته وهو متنرفز الكل يــنطر لها مثل اخته محد حاس فيه وهي ايش تعني له كان واقف عند سيارته شافها طالعه تسحب شنطتين راح لها وخذهن منها وحطهن بالسياره اللي يشوفه مايصدق ان هذا بدر اللي بالقصر حوله خدم ويخدمونه وهو الحين بنفسه يشيل شنطتها فتح لها الباب فـ ياسمين خلاص تعودت تطلع عنده قدام من غير ماتتكلم قبل تركب لفت على الصوت اللي جاي من بعيد ابو سعد: خير ان شاءالله وين رايحه ماخذه أغراضك بدر: ومن حضرتك علشان تحاسبه وين تروح ابو سعد: دقايق وبصير زوجها بدر: اذا صرت زوجها حاسبها اطلعي ياسمين ابو سعد يناظر بـ ياسمين من ذَا من اهلك ياسمين تطالع في بدر تنتظره يجاوب عليه ويقول ايش يقرب لها يمكن يطلع من اَهلها بس خيب املها بدر وهو يقول: مو شغلك ايش أصير لها فا ياليت تؤخر عنها ابو سعد وهو يأشر بالورقه: اذا رحتي معه بتعرفين وين بيكون مكانك بعد ساعات بدر طنشه وركب السياره ومشى ياسمين بصوتها خوف: هذا بيدخلني السجن مره ثانيه والله اموت اهناك مقدر تحمل اروح آهناك مره ثانيه المكان يخوف بدر: اهدي مايقدر يسوي لك شي ياسمين: بس معه ورقه انا موقعه عليها بدر: هو مايبي فلوسه اذا خذهن بيسكت نزلت ونظمت لهم على طاولت العشاء وهي تبتسم سلمان شاف وجهها متغير وباين عليها مستانسه فرح لانه اخيراً شافها تبتسم ومستانسه امل: ليش نواف مايجي يتعشاء معكم رغد: مايقدر لانك مو محرم له امل: اذا عليه انا بطلع لغرفتي سلمان: بس انتي ماكلتي شي امل: مو مشتهيه اكل الحين بعدين اكل اذا جعت دخلت الخدامه معها صنية العشاء سلمان: ليش رجعتي الصنيه الخدامه: نواف يقول مايبي عشاء سلمان فز من كرسيه وراح يشوف ايش فيه نواف كان منسدح على سريره وتفكيره يتمحور حول امل وكيف تعلق فيها وهي مو له تعلق فيها وهي خطيبة بدر كيف قدر يحبها ولكل ينظر لها انه مثل اخته رغد سمع صوت عمه سلمان وعدل جلسته سلمان: ايش فيك ياوليدي عسى ماشر نواف ابتسم رغم الالم اللي يحس فيه: مافيني شي تعبان شوي من الشغل سلمان: غسل وجهك وتعال تعشاء معنا نواف: شلون ادخل وأمل موجوده سلمان: امل ماتبي تتعشاء نواف انشغل باله عليها: ليش ايش فيها سلمان: مافيه شي بس ماتبي تعال لا تتأخر علينا | ||||
|
| |
|
21-07-18, 09:48 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ،،،،، ،،،، ،،، ،، ، تركي وخالد وبندر طالعين يتعشون برى خالد: ايش فيك تركي مكلت شي تركي يفكر بـ لميس وين اختفت وليش جواله مغلق وساره كمان مو قادر يطلعها من رأسها وخصوصاً بعد اخر مره شافها عند بيتهم فز من مكانه وطلع بندر: ايش فيه ذَا خالد: والله مــدري كمل كمل عشاك بكيفه وراك سفر بندر: ليش ماتروح معي خالد: لا ماقدر خلي خالي لحال بالشركه بندر: بتفهمني ان ابوي مايقدر يستغني عنك خالد: ايه عندك شك بندر: لا وكان مسمحت لك تتوظف عندنا تركي بـ خلال نص ساعه وصل حارة ساره وقف إقبال الباب ونزل من سيارته وقف جنبها وهو يتأمل بيتهم المظلم ويتذكر لمى كأنو ساكنين هنا لمى كان يلعب مع أطفال الحاره تذكر المدرسه اللي ملحق يكمل الابتدائي فيها ونقل من الحاره تذكر ولد كان أطول منه دايم يضربه ويسرق فلوسه وبعدين صار صديقه قطع عليه زياد: خير ايش تبي واقف قدام بيتنا تركي ابتسم له: انا جيت أسئل عن واحد اسمه زياد عبدالله على فاظن كان اسمه كذا زياد بصدمه: انا زياد عبدالله ايش تبي تركي ابتسم وهو يناظر فيه تذكر كان طويل من يوم كان صغير زياد مستغرب من نظراته: خير ايش بقيت تركي: ماعرفتي انا تركي راشد زياد: لا والله يخوي ماعرفتك تركي حاول يذكره في موقف علشان يتذكره زياد بصدمه : لا مستحيل تكون انت ايش ذكرك فينا تركي: جيت قبل كم يوم مع باسل القاسم وتذكرت الحاره زياد: تعرف باسل تركي: فيه صداقه بين عائلتين وبدر اخوه صديقي زياد: تفضل ليش واقف حياك تركي: الوقت متأخر بعدين امر عليك زياد: مستحيل أخليك تروح قبل ما نجلس مع بعض في الفندق وصلها لغرفتها وجى بيطلع رِن وجوال ياسمين: ابو سعد يتصل بدر سكر الباب وخذ الجوال منها ورد: نعم ايش تبي ابو سعد: اسمعني اذا مارجعتها الحين ولا اوديك ورى الشمس تراك ماتعرفني زين بدر: وايش تقدر تسوي حط الجوال على مكبر الصوت علشان تسمع ياسمين ابو سعد: ببلغ عليكم الهيئه وانت تعرف شغل الهيئه زين بدر: اذا عرفت وين مكانا فيه لا تقصر ابو سعد وهو يضحك بسخريه: انا وراكم ومراقب خطواتكم ولو غيرتم الفندق انا وراكم اسمعني لك يوم اذا مارجعتها وبتلقى الهيئه على بابك ياسمين ردت عليه: ايش تبي مني فلوسك بتاخذها ابو سعد: انا مابي الفلوس ابيك انتي وانت يادكتور اذا تهمك سمعتك رجع البنت قبل تجي الهيئه وتنفضح قدام الله وخلقه وانتو ناس معروفين وفضايح مهي زينه لكم وراح تدمر سمعتكم وسمعت فنادقكم المحترمة زياد: ايش ذكرك فينا و بالحارة تركي: من زمان كان ودي أجي للحاره زياد: ابوك وأمك اخباركم تركي: العمر لك متوفين من زمان زياد: الله يرحمهم ويجمعنا فيهم بالجنه عندك اخت صح تركي: ايه تزوجت ومعها ولد وانت من بقى من اهلك زياد: بقيت انا وختي ساره تركي ابتسم لمى ذكرت عليه ساره: ايه ساره كانت تلعب معنا وهي والبنت اللي تجي زياره من الشرقيه زياد: ياسمين الله يفرحنا بخبر زين عنها تركي: ليش ايش فيها زياد قال له قصة ياسمين تركي بصدمه: ياسمين اللي يدور عليها بدر زياد: تعرف بدر انت ؟ تركي: ايه صديقي ومن اختفت ياسمين وهو يدور عليها ولازال يدور عليها وان شاءالله يحصلها عايشة زياد: وليش لازال يدور عليها مو قائل لها لا يتدخل تركي: ايش فيك البنت كانت مريضه وهو كان يعرف بمرضها فطبيعي الحين يدور عليها زياد: بس علشانه مريضه مافيه شي ثاني تركي: شي ثاني مثل ايش زياد: مدري بس هي كانت رائح له لحاله تركي: زياد لو تعرف بدر زين كان نقلت عنه كذا زياد: مابي اعرفه ساره كانت جالسه بالصاله وتطالع التلفزيون شافت زياد داخل الصاله: مشى ضيفك زياد: ايه ساره: منهو زياد: تركي راشد صديقنا لمى كنّا صغار ساره: اللي كنت تستقله تروح مع البقاله زياده: ايه وعلى الأساس انتي كنتي بريه بس صار اشطر مننا وصادق بدر القاسم ساره بصدمه: تركي صديقنا وهو نفسه صديق بدر زياد وهو يقوم بيروح ينام: ايه نفسه ساره حطت يدها على فمها بحراج اكيـــد عرفني وتذكر زمن طفوله يفشله ساره ايام الطفوله مافيه احد من عيال الحاره مايعرفها كانت مع اخوها دايم حتى كانت تلعب معهم كره وكانت تروح معهم للبقاله يعني ماتهجد بالبيت كأنه ولد تعرف كل اسماء اولاد الحاره مالها صديقات بنات بالحارة كلهم اولاد كانت متمدده على السرير الفخم في الغرفه الواسعه والفخمه تحاول تنام بس النوم مجافيها بعد مطاوعة بدر وافقت على الحل اللي اقترحه عليها فزت جالسه : ياربي ايش أسوي بعد ان حطيت نفسي في ذَا الوضع باي شجاعه قلت له موافقه ليش وثقة فيه يمكن يكون نفس ابو سعد ويبي يستقلني وبعدين يرميني خلاص انتهيت لو انتظرت لين بكرا وكلمت د: وليد أكيد بيساعدني من غير مقابل على الأقل وليد اعرفه مو هذا بدر احس غامض ورآه الف سؤال وسؤال الى لقاء اخر دمتو بحفظ الله سبحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
