17-08-18, 09:26 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  وانتهت قصة هوانا / للكاتبة أثير بنت ناصر
التعديل الأخير تم بواسطة لامارا ; 18-08-18 الساعة 01:09 PM | |||||||||||||
|  |
|
17-08-18, 09:28 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاتة أهلاً و سهلاً بكم آحبتي من جديد .. عدت لكم من جديد ومعي ورودة تريد معرفتكم ولقاكم .. (وانتهت قصة هوانا ) . .  .... بعد كتابتي للرويتان السابقة .. مرت الأيام والسنين آلى أنا أقف الآن بينكم .. كنت ذات عقل غير ناضج لم أعرف أدق التفاصيل والحظات الحامسة كتبنا أنا واختي الأميرة الهلاليه سابقاً رواية استهبال ورجة بنات ؤشباب وكانت أول رواية لنا .. والحمدلله حققت ما كنا نتمناة نالت إعجاب منكم ورضاكم .. وانتقلت إلى أكثر من منتدى .. وبعض انتحلة باسمة بعد انتهانا منها .. كتبنا رواية ثانية جئت وش جابك حبيبي .. الخ وللأسف لم تعجبنا .. رغم أن بعضكم نالت إعجابة سرعنا بالأحداث نريد التخلص منها وانتهينا منها والحمدلله بعد مرور أيام وعدة سنوات قمت بقراءة كل من روايتنا السابقتان ووجدت بعض الأخطاء والتخيلات المستحيله وبعد معرفتي لهاذي الأخطاء قررت بأن أعود لكم من جديد برواية أو بوردة أخرى . (وانتهت قصة هوانا ) روايتي هنا تتكلم عن إلقضايا في مجتمعنا بسلبياتة وموجباته ، وعن ماننحرف إليه مالا يرضي الله سبحانة وما واجبنا فعله من حلول نحو ذلك ، واتمنى تنال إعجابكم ورضاكم ملاحظة : لااحلل ولا أبيح من ينقل روايتي أو ما من قلمي وينتحله باسمة ، ورجاء .. رجاء .. لاتلهيكم الرواية عن أوقات الصلاة . '''''''''''''''''''''''''''''''''' التعديل الأخير تم بواسطة لامارا ; 18-08-18 الساعة 01:12 PM | ||||
|
| |
|
17-08-18, 09:29 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البداية عشق .. والنهاية شوق (1) في كل بدايه تبتدي بسم الله وسلام وتاليها شوق وغزل واحلى كلام في هالحكايا بأحكي لكم عن قصه غرام علقت بها قلوب صارت بالعشق حرام وبحكي قصه هوى ،لكل عاشق ماينام خوفً ينام ، ويلقى بها في المنام ويزيد عقله بالهواجيس والكتابة بالأقلام يضن من حولة مجنونً وهو واصله مايلام وكم من حكايه انتهت ب خطبة وخاتم وفستان ، واصبحت ملكة والنهايه ختام بقلمي * ـــــــــــــــــــــــــ ـــــــــــــــــــــــــ ــــ فِ مدينه الرياض ~ في فندق الريتز كارلتون ، يقام فيه حفل زواج الشاب سلطان &الآنسة فجر صوت المطرب يصدح المكان ، همس من هنا ومن هنا ! .. رقص ، وضوضاء ، وطرب ! أما عند تلكا الأميرة لإتملك بأي شعور الآن ! ، روح تخطى على الأرض بلا إحساس ، دقات قلبها تضرب ، وحرارة جسدها تولع .. جميله بِ فستانها الأبيض المطرز بالكرستلات المرصعه عند الصدر ، ومسكة يدها بالورد الأحمر الناصع يتمايل منه الولو وكرستلات جميله ! ومكياج يبرز ملامحها الحادة الأنثوية ، حمرة خديها ارتفعت من الدعاوي والتباريك لها ولفارس أحلامها ! ، آاتت المصورة وقامت بتصوريها بمفردها ، وصور لها مع والدتها ؤاخواتها ، ! .. التهت معهم إلا أن دقت الساعه ! لتنزف تلكا الأميرة الجميله ! نغمة كلاسيكية جميله اندمجت معها شعر باسمها واسم ذاك الأمير ! أنزفت بهدوء ، واعين الحضور إليها معجبة ونور الكاميرا يلاحقها ، وصلت إلى الكرسي المخصص لها جلست برقه وهدوء ! تزايد عدد الحضور إليها ليباركوا لها ، من أقاربها ، وصديقاتها .. والخ. ، بدأ صوت المطرب يطرب من جديد باسمها ، خطاوي الحضور تتراقص من هنا وهنا ! إلا أن دقت الساعه الثانيه ! لتذهب إلى ذاك الأمير ! أنزفت من جديد ذهبت لغرفه مخصصة لهما ضربات قلبها عادت بشدة ، عندما أخبرتها والدتها بحضورة ! ، دخل بهيه الأمير وبجانبة والدة و والدها واخوانها سندها وعزوتها إحساسً تملكة غريب ! أقبل إلى أن أصبح أمامها وقبل جبينها بهدوء همس لها / مبروك علينا .. صافحوها إخوانها و والدها تممو بالوصايا لبعض والدعاوي والتصوير ! .. إحراج شديد تملكة الآن ! عند خروجهم وبقيت معه لوحدهم .. اقترب منها إلا أن لاصقت كتفة بكتفيها ! همس لها/ وتحقق حلمي ياكل أحلامي ابتسمت بارتجاف .. مسك كتفها إلا أن صارت قباله ! .. عينها منزلتها للورد آلذي بيديها ! ، قرب منها بهدوء وبأس جبينها / آحبك ! سطام عبدالله 29 فجر محمد 24 ـــــــــــــــــــــــــ ـــــــــــــــــــــــــ ـــــــــــــــ مكان آخر ! ، على بعد مسافات طويله ! طبقة أقل من مستوى المعيشة ، بذاك الحي الفقير ! أطفال في الشوارع ، بيوت مهدومة ، وبيوت متصدعه جدرانها ، شارع ضيق ! عاشوا هنا أكثر من 50 عامً تربوا هنا ، عاشوا هنا ، آكلوا هنا و وناموا هنا ! في ذاك البيت ~ على فراشها تفكر بعرض زميلتها لتساعد أهلها عقوبته خطيرة ، فضيحه ، ارتكاب معاصي ، زنا ! ولاكن ! ، تلخبطت عندها الأفكار ! تنهدت بعمق ، اتخذت قرارها الأخير والاخرى بجانبها النوم يجافي عينها تفكر بأحلامها الوردية فستان أبيض جميل وياتيها فارس أحلامها بالحصان الأسود ! .. انقطعت أفكارها بصوت أختها / شهد / الله يهديك ملاك خربتي أحلامي ملاك / أقول قومي بقولك على شيء مهم عدلت جلستها / ؤشو المهم بله عليك ! ملاك / لقيت لي شغله تكسب لنا فلوس ، منها أسدد دين إبوي واشتري داوء لاامي واشتري لك جوال وسيارة ل سامي ! طارت عيونها / أحلفي بالله ، ؤش الشغل ! تنهدت / فاطمة قابلتها في البقاله قالت لي في شغله تساعدك وتطلعك من الفقر إلي إنتي فيه شهد / لأيكون بتصيرين مدرسة ضحكت على حالها / لا وين مدرسة ! .. الشغله من ?? إلى ? الليل شهد / ؤشو ليل ، صاحيه إنتي ! ملاك / أي صاحيه وفكرت فيها أتعبنا الفقر ، لا نأكل زي الناس ؤلا نشرب زيهم حتى ملابس ماعندنا أمي علاجها من وين نجيبه وأبوي وديونة الرجال يجي كل يوم ويهددة وسامي عمرة 29 إلي كبرة متزوجين وعندهم سيارة ! شهد والدمعه بعينها / طيب ؤش الشغله ! ملاك / شغله عادية ! ، وبخبر فاطمة بكرا أني موافقه وببدأ من بكرا ماراح يدرون لا إبوي ؤلا أمي ؤلا سامي! سامي حمد 29 ملاك حمد 24 شهد حمد 20 ـــــــــــــــــــــــــ ـــــــــــــــــــــــــ ـــــــــــــــ شارع ! ، يوجد به كثير من الحضور والمشجعين ليشاهدو إلسيارات تلعب باحتراف ! سيارة مضلله بالأسود ، لا يوجد بها لوحة لشخص مجهول ! يلقب ب ( عاشق الدانة ) ! يلعب بالسيارة باحتراف ! ، بسرعه جنونية ويتمايل بها يسار ويمين ، أغنيه أجنبيه تصدح السيارة ورفقاء السوء بجانبة يقومون بدور التشجيع ! آتى مسرع وهو يتفنن وختمها بلفات أو مايسمى بِ خمسات وراء بعض ! .. أبدع سمع التشجيع من رفقاءة والجمهور بالتصفيق ! شرطة أتت مسرعه أقام أحدهم بالتبليغ ! ، ضحك (أجمل شيء ) .، طاردتة الشرطة وهو بفنة وذكاءة أقام بتضيعيها ! (1) / ههههههههههههههههههههه الله عليككك يابطل ! (2) / ههههههههههههههههه ؤإلله يخسون يجوبونك / ها مأوصيكم بكرا نبي فله بكرا خميس والي مايفلها يبقى الأول والثاني / مخيس الكل / هههههههههههههههههههههههه (1) / طلالوة يقطع شكلك طيرت قلبي مع الفات شوي وبننقلب طلال / ياجبان ! (2) / يله ودني للبيت إبوي زعجني خرب أبو جوي يوسف / وأنت أبوك مأزال على حركاتة يأخي انت خلاص كبرت لا متى يعاملونك زي البزر راكان / أسكت بس لا رجعت البيت وقفت ذا المهزلة يوسف / أقول ياعاشق دندون ؤش فيك سأكت ! طلال / لاتجيب الاسم على لسانك لاأكفخك هنا يوسف /ههههههههههههههههه خلاص اسحبها طلال / أيه وبكرا أحلى خشة لعيونها راكان / كفو ؤإلله ، يأخي انت متئ عرسك من سنتين أخبرك خاطبها تنهد / إعنبوها تقول بدري على الزواج يوسف / ههههههههههههههههه مو إذا تزوجت تسحب علينا طلال / آفا ؤانا أقدر رن جوالة / يله ودني شيبة إبليس زعجني طلال / قفله وارتاح طلال عبدالله 27 يوسف خالد 28 راكان ناصر 27 ـــــــــــــــــــــــــ ـــــــــــــــــــــــــ ـــــــــــــــــ في بيت مشابة بالقصر ، بجماله ، وتصميمة ، والانوار يدمج الون السكري وإللولي والكحلي ! يحيط بحوأفه بِ زهور وأشجار .. الخ ، بتصميم ملكي من الداخل والخارج ، يدل على ذوق المصمم ! في ذلكا الغرفه ! .. الكل في حاله هستريا من البكاء لفقد أختهم الحنونة ، رغم مضاربتهم معها إلا أنهم يعشوقونها ! دخل عليهم مستغرب من الأصوات البكاء ! / الحين ؤش فيكم أنتو ؟ /أهى راح .. ت فجر ليه تت ..زوج أهى ضحك / هههههههههههه يا المجانين إنتي وياها أجل لا تزوجت بتسون كذا شهقو كلهم ورجعو يبكون / آفا شوق أخبرك عاقله تصيحين ! شوق / هى غصص ب عني صح أهي بثرة بس أحبها أهى فيصل / ؤنتي ريما دمعتك ماتطيح على أي شيء ! تصيح سأكتة ريم شهقت وراحت لاامها فيصل / أن لله خلاص عاد أسكتو البنت وتزوجت صياحكم موب مرجعها أسكتو مإخلتوني أنوم سكتت ريما ومسحت دموعها / فييصصل فيصل / نعم ريما / تكفى ودني لها ! طلع عيونة / أقول إنتي صاحيه ؤلا مجنونة شوق تكمل وتصيح / تكفى .، فيصل هء ماسملت عليها فيصل / بكرا بتجي مجانين أنتو أقول أروح أنوم أبرك لي راح وكملو بكاءهم وريم راحت تكمل عند أمها. ! فيصل محمد 30 شوق محمد 22 ريما محمد 20 ريم محمد 16 ـــــــــــــــــــــــــ ـــــــــــــــــــــــــ ــــــــــــ هاذا آالبارت الأول من تعريف الأشخاص أول بارتين تعرفين بالأشخاص ، .. أتمنى أن تنال إعجابكم ورضاكم ! إذا عجبتكم راح أكمل واذا لم تعجبكم أعذروني بالانسحاب ~ دمتم بخير ? ?و ب ذكرك ربي أتنفس و أرى الحياة ب ربيع ألوانها لا اله إلا انت سبحانك إني كنت من آلظالمين ? ' #ethoo.n | ||||
|
| |
|
17-08-18, 09:31 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (٢) '''"""""""""""""""""""""""""""""""""" صباح يوم جديد ، يختلف عن صباح الأمس بهدوءة وجماله .. رن المنبه ! قامت من نومها مفجوعه تاخرت على دوامها خدت جوالها وشافت الساعه ٧:٣٠ شهقت ! كانت بتروح مواصله للداوم بس خذاها النوم غصب ، مسكت راسها من زواج امس اخوها وبنت عمها ابعدت الأفكار من راسها وتوجهت لدورة المياة ، توضت وصلت الفجر ولبست ملابس الدوام خذت الأب كوت واسرعت بخطواتها لخارج غرفتها وجوالها بيدها تتصل على السواق ! من الخبصه ما انتبهت لامها جالسه في الصاله وتفطر .. امها / سما وش فيك لابسه عباتك وين رايحه ؟ سما/ رايحه الدوام رفضعو يعطوني اجازة امها / يا ماما كان ما رحتي انتي تعبانه ومرهقه سما رفعت كتوفها / عشان المدير يفصلني غيابي كثير واليوم الله يعين عندي حالات كثيرة يبي لها تشخيص يالله يمه مع السلامه واسرعت بخطواتها خارج الفله متوجه لسيارة السواق .. ما كانت المسافه بين بيتهم وبين المستشفى بعيدة كانت قريبه ما تاخذ تقريبا الا ١٥ دقيقه ! وصلت وراحت للااستقبال استقبلها الموضف / مرحبا دكتورة سما غريبه متأخرة ماهي من عوايدك عسى ما شر ؟ / مابه شر أستاذ ثامر بس امس زواج اخوي وقمت متاخر ثامر / ما شالله الف مبروك سما وقعت جمب اسمها لحضورها وجاوبت وهي تمشي / الله يبارك فيك راحت لعيادتها اكيد المريض وصل تأخرت مرة ! ومثل ما توقعت المريضة جالسه تنتضر .. سما / تفضلي اختي معليش تاخرت ! جاوبت / مو مشكله مالي هنا الا ربع ساعه .. ابتسمت لها ودخلوا للعيادة المريضة جتها قبل واليوم تشخص حالتها وتبدأ معها ، تشتكي من زوجها وضربه لها .. سما / ايوة قلتي لي اسمك حنان حنان / اي حنان خالد ال.. سما / طيب يا حنان ابيك تقولين لي كيف كان زوجك يعاملك ؟ حنان ودموعها تحيط عينها / يصبحني على ضرب ويمسيني على ضرب حياتي صارت مضلمه وكئيبه قلت خلاص نهايتي الجنون ولا الموت اترجاه اذا بيضربني لا يضربني قدام أولادي يبكون ويخافون منه صارو يسونها على أنفسهم ما يخليني اروح ولا اجي حتى أهلي ما اشوفهم لشهور بس يشرب ويسكر علينا .. وبدت تبكي .. خلتها تفضفض الي بقلبها وتبكي تتالم من جوا من الحالات الي تجيها بس تحاول تقوي نفسها تساعدهم هاذي رغبتها انها تصير اختصائيه اجتماعيه ! امها كانت رافضه وخايفه على بنتها من التعب ، وتحدت اشياء كثيرة وخسرت اشياء بسبب وظيفتها ! ..... سما عبدالله ٢٥ سنه ------------------------------ في بيت اخر ، بتصميمه وجماله الراقي .. نزل بهدوه وهيبته المعتادة له احترامه من الكل يجبر الكل يحترمه بهيبته وقوته ! قبل راس امه / صباح الخير يمه ابتسمت امه له / صباح النور والسرور / غريبه وين ابوي لا تقولين مداوم ؟ / اي داوم الله يهديه ان قايله له ريح ولاحق على الداوم بس رفض قال انا مواعد شخص / الله يعين / صاحي بدري وين رايح ؟ / بطلع النادي وبمر على بيت عمي محمد بسلم على جدتي هيا / خالتي امس في العرس ما شالله ما جلست من الرقص قلت وين ذياب يجي يشوفها ذئاب/ هههههههههه الله يهديها وين ترقص واهي ما تقوى تمشي ام ذياب / عمتك الجوهرة تقول اجلسي تبين تطيحين علينا وتقول أبد ما عليكم مني ذياب/ يا حليلها نبهم صوت احد نازل من الدرج مغمضه عين ومفتحه عين / ما شالله قايمين بدري ام ذياب / اي قائمين وش قومك ماهي عادتك كشرت / كله من دانه الا قومي نروح بيت عمي محمد فجر بتجي هناك قبل ما تسافر ذياب / تقومون من الصبح ؟ صوت دانه ورآها / ايه رحلتهم العصر وبتجي بيت عمي الضهر كلها ساعه ونص وياذن الضهر تعرفها ذا الخيشه متى بتقوم رنا / دانوة مو فاضيه مشاكل اقبضي لسانك وجلست على الكنب وعبايتها بيدها ام ذياب / الله يوفقها ان شالله ويرزقها وعقبال دانه وطلال انحرجت وقلب وجها احمر ضحكت رنا / هههههههههههههه يا ربي ما تخيل دانه متزوجه ولا من الخبل طلال ههههههه دانه نغزتها على جنبها وبهمس / بذبحك ! ابتسم ذياب / لو تشوفينه امس كانه المعرس مو اخو المعرس ! ام ذياب / وانت متى تتزوج مفروض انك متزوج قبلهم كلهم ذياب/ ما بعد لقيت الفارسه رنا / والله ذياب عندي لك وحدة تطير الطير بس انت قل تم وقف بيطلع / خلي الي تطير الطير لك ! انا ابي الي تطيرني انا موب الطير ضحكوا عليه كلهم وعلى كلامه استغربوا منه عادة ما يحب مثل هالمواضيع .. ام ذياب / الله يجيبها الي تطيرنا كلنا والله ان نطير من الفرحه عندك ما شالله بنات عمك وعمتك وبنات اخوي أشر بس انت ! ذياب ضحك على امه / لا انا باعد فكرة اقارب من راسي ابي من بعيد يله تامرون على شيء ام ذياب / سلامتك وسلمني على جدتك ذياب / يوصل ان شالله .. ..... ذياب خالد ٣٢ دانه خالد ٢٩ رنا خالد ٢٢ -------------------------------- في فله آبو فيصل ( محمد) .. ................ الساعه ١:٣٠ الظهر مجتمعين كلهم يودعون فجر وفيصل الي بتكون رحلهتم لفرنسا الساعه ٤ العصر .. شوق / فجر انتبهي على نفسك وكلي كويس لا ينغمى عليك ويتورط سطام ضربتها على كتفها وبهمس ما يسمعه الا البنات / عمى بعينك ان شالله ريما بصوت شبهه عالي / فجير تراني امس بكيت عشانك لا تنسين هديتي الجدة هيا / وتبينها تفكر فيتس يا الثعلبه ما عليتس منها يمه لا تجبين لها شيء ريما بهمس سمعوة البنات / بتسكت ذي ولا اكفر فيها ! فجر ناضرت اختها وهزت راسها وهمست/ ريما عيب مهما صار هاذي جدتك ام ابوي احترميها شوي .. كشرت / خلها تحترمني وتحترم امي عشان احترمها وانا ما عندي الا جدة وحدة والله يرحمها سمر تغير السالفه / وربي ما في اروق من سما مداومه اليوم ! ام سطام / رفضوا يعطونها اجازة ام ذياب / ما شالله سما مثل عمها تعجبني مكافحه ومجتهدة ام سلطان / انا ما عجبتني فكرة المستشفى لو انها في مدرسه ابرك انفصلت ويا زوجها بسبه ذا المستشفى ام فيصل / بيعوضها الله ان شالله اهم شيء وظيفتها ماشالله سما الف واحد يتمناها في هالحظه دخلت عمتهم الجوهرة ومعها بناتها .. / السلام عليكم الكل/ وعليكم السلام / واخيرا لحقت قبل ما يروحون الجدة / وراتس تاخرتي ؟ الجوهرة / الله يهدي ربى وسجى تأخروا علي وراشد متى رجع من الداوم سوالف بين الامهات والبنات يوصون سحر انها ما تناسهم بالهدايا ! رن جوالها ! رفعت وبهمس وعيون البنات عليهم ويبتسمون / اهلين / يا هلا والله بها الصوت حمر وجها والبنات يراقبونها / هلا فيك / يله نمشي عشان ما نتاخر الرحله بعد ساعه ! / اوكي بسلم عليهم واطلع / يله حبيبتي انتضرك .. سكرت منه وقفت تلبس عباتها / يله احنا ماشين ! سلمت على الكل وأمها وجدتها يوصونها على نفسها وعلى سطام ، ودموع امها وخواتها خلتها تبكي .. ام سلطان / الله يهديكم وين رايحه كلها كم اسبوع وبترجع لا تخافون عليها اهي بعيون سطام انحرجت من كلامها وابتسمت رن جوالها مرة ثانيه يستعجلها تطلع ! طلعت من هنا ، وريما وريم بدوا من هنا يبكون .. الجدة عصبت عليهم /سنين عندكم ما حشمتوها ما غير ترافسينها يا الثعلبه ويوم اعرست تبتسين عليها !! ريما ما نقصها الا هي بعيد عن المشاكل وتهديد من امها طلعت فوق لغرفتها .. سمر / الحين ابي اعرف جدتي هيا ليه حاقده على ريما ! شوق / والله مدري حتى انا استغرب معنا كلنا غير بس قولي يمكن ريما لسانها طويل حبتين رنا / يحق لها ترفع لسانها عليها هاذي سوات جدة تسوي بحفيدتها ! دانه / رنا عيب عليك ! تكلمت ربى وبا استحقار من حركات ريما / ماما هيا حنونه وطيبه مع الكل الا مع ريما اكيد ريما مسويه لها شيء ! رنا / لا حبيبتي انا اعرف ريما ما تجي الا الي يجيها ! رفعت رجل على رجل وكشف ساقها / ممكن !! كشرت في وجها وقفت تلحق ريما .. سجى تهمس ربى / ربى وش دخلك انتي ؟ ربى/ شب انتي ! بعد المغرب راح الكل لبيته ! .... سمر عبدالله ٢٠ ربى صالح بنت العمه ٢٤ سجى صالح بنت العمه ٢١ ..................... في استراحه الشباب ! مخصصه لهم ، سوالف وضحك ولعب بلوت وبلاي ستيشين .. / يله قم جب العشاء يا ورع ! / لا يا حبيبي مفروض العكس الي فايز يجيب للخسران .. فيصل / اقول ياسر لا تعلب على ام امي متفقين من البدايه يله بسرعه جوعان !! ياسر / يا ذا النشبه مطفر وين اجيب لك منه ؟ فيصل / ما علي منك تجيب عشاء يعني تجيب لو تروح تطر من الناس ! تركي / هههههههه ياسر بالاهِ انا ابي وجبتي دبل ياسر /اقول تقلع انا موب جايب الا لذا الثور فيصل / انا ثور اوكِ مقبوله بس يله العشاء ياسر / والله ما فيني حيل تبي اطلب لك ولا خل راكان ونواف يجبون لك بدال ذا الدوجه دخلوا دياب وسلطان / السلام عليكم فيصل يبتسم / لا تتعشون ياسر بيباشر علينا ياسر / طل في عينك جيبي ما فيه الا ٢٠ ريال تبيها ولا اذلف فيصل / وش كان بدايه الاتفاق يا الخسران قلت تعشينا كلنا ذياب / افا ابو خالد يخسر ! ياسر / وش اسوي يا اخوي ذا راسه صاحي فيصل / هاها يا حبيبي ما احد يلعب معي سلطان / ايوة وش عندة الكنق ! فيصل / انت يا خي ما وراك حرمه ولا عيال وش قعدك معنا هاذي جلسه عزاب سلطان / اقول تلايط بس ! ، وين عشاكم بيتاخر ياسر / ما معي الا ٢٠ تجيب نص دجاج وزر تبون ولا ؟ تركي / يا البخيل تعزمنا على نص دجاجه رح اصرف تراي شايف صرافك معك ياسر / يقطع ابو شكلك وش دخلك ؟ ذياب / ههههههههه ياسر ما خبرتك بخيل ياسر / ما يستاهلون أحط فلوسي عشانهم فيصل / اقول لا تقعد تتفلسف انت قايل الاتفاق هاذا من البدايه وهو يقلدة الخسران يجيب العشاء لنا ء! سلطان / وشلون بتجيب ولا اتعشى في بيتي ؟ تركي / رح يا اخوي لبيتك في النهايه موب جايب الا لوزين وعصير ياسر قام وبكسل / اذا لقيت صراف قدامي جبت لكم وإذا ما لقيت بتعشا في بيتنا فيصل / يالزول تراني خابرك لا تنحاش خلك قد الكلمه وجب العشاء ضحك عليه / يا فاهمني ! .... سلطان عبدالله ٣٤ تركي عبدالله ٢٢ ياسر خالد ٢٩ راكان محمد ١٧ نواف خالد ١٨ ............................. وبكذا انتهى البارت الثاني .. تعرفنا على الأبطال وراح تبدا الأحداث في البارت القادم باذن الله .. قراءة ممتعه للجميع .... صلاة واحده على النبي ترفع للسماء وتهبط بعشر فعجباً لِمن يبخل {اللهم صل وسلم على نبينا محمد} 💜 #ethoo.n ---------------------------- | ||||
|
| |
|
17-08-18, 09:38 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (٣) ...................... يتيم وصل ومالي الا الذكريات فقير حظ ولي مع الدمعه سنين 💔 ............ صحت بدري النوم مجافي عينها من التفكير والهواجيس .. التفت لاختها النايمه بسلام جنبها ابعدت الأفكار واستعانت بالله .. توجهت لدورة المياه وغسلت وجها ناظرت وجها في المرايه تتامله لحظات ! غمضت بقوة واستنشقت هواء لداخلها ، خايفه من هاذا الشغله بس الظروف حدتها تسوي كذا ! شغلتها تروح وما تتعدى حدود الله ! ، رد بداخلها صوت بس انتي بتروحين لمكان من ابغض الأماكن لله .. سالت دمعها على خدها ! غصب عني غصب .. تنهدت وطلعت من دورة المياه ما زالت اختها نايمه ! .. همست بخفيف خليك طاهرة مثل ما انتي لا تمشين بالطريق الي بمشي انا فيه ! طلعت لصالتهم الصغيرة شافت امها والراديو عند أذنها وصوت القارئ يقرا القران الكريم جلست جنبها والايات تردد في اذانها حست با انشراح يشرح صدرها انتضرت القارئ ينتهي من آيات الله ! والتفت لامها وتاشر بيدها / هلا يمه شخبارك اليوم عساك احسن ؟ التفت لها تبتسم وتهز راسها بمعنى بخير .. مجرد ابتسامه من امها نستها همومها ، دخل اخوها وجلس / ما في غداء ؟ التفت عليه وشافت حاله ملابسه وسخه وغبار عليها / وانت بس ما تسال الا وين الغداء والعشاء ؟.. عمرك جلست مع امي وابوي شفت حالهم وش يبغون وش مسوين ؟ رفع حاجبه / اقول انثبري على أساس الفلوس تنقط مني وحالهم واخبارهم معي نفس البيت ليه اسأل ؟ هزت راسها / الله يهديك ويبعدك عن عيال الحرام غمض عيونه ورجع يفتحهم/ فيه غداء ولا ادبر لي ؟ ملاك / ام راشد مرسله لنا قرصان تبي ؟ هز راسه بلا / وذي ما ترسل الا قرصان ملينا مله وليته طعمه حلو يا مالح يا ناشف ! فتحت عيونها بصدمه / ياخي استح على وجهك احمد ربك ترسل لنا غداء موب عاجبك رح دبر لك ! وقف ناوي يطلع / انا اساساً وش جابني هنا جاي بس انكد على نفسي .. وطلع هزت راسها ترحمه احياناً مو لاقي له شغله ولا وظيفه ولا سيارة ولا فلوس ! تنهدت على حالهم وعزمت اليوم تروح ، لو تروح روحها ! ------------------------------ فِ مدينه (باريس ) فرنسا ~ في فندق بولمان باريس المطل على برج ايفل ، فتحت عيونها واستقبلها وجه النايم بسلام ، ابتسمت من ذكرى امس في الطيارة وخوفه عليها تحس بجسمها متكسر تعبوا من المشي ! تحركت بشويش عشان ما يحس وتوجهت لدورة المياه خذت لها شاور يريحها وينعشها ، لبست الروب وطلعت ما زال نايم ! تكلمت بداخلها : يا عمري شكلي اتعبته ! توجهت لشنطه سفرها ما امداها ترتبها امس ناموا على طول من التعب .. خذت لها فستان قصير وردي ناعم يبزر بياضها ونعومه جسمها لبسته ونشفت شعرها وتركته طايح ومموج ، حطت لها مسكرا وروج وردي وبلشر وتعطرت .. طلعت لصاله الصغيرة وطلبت لهم فطور على بال ما يصحى ! ، جلست تتفرج على التي في ! بعد خمس دقايق وصل الفطور خذته ورتبه على الطاوله ، وتوجهت للغرفه فعلاً صحى سمعت صوت الدش في دورة المياة .. طلعت الصاله تنتضرة ! طلع من دور المياه ، الشاور خلاه يصحصح ونشيط بدل ملابس ولبس شورت اسود وقميص ابيض ومشط شعرة بستايله المعتاد بعدها تعطر وراح لمكانها استقبلته بكامل اناقتها ابتسم لها وتوجه لها قبل راسها وخدها / يسعد صباحك .. ابتسمت بحرج / ما تبي تفطر التفت لمكان الفطور مرتب على طاوله الطعام بشكل مرتب اغراءة الترتيب اكثر من الفطور مسك يدها وتوجه لطاوله الطعام / ابي أفطر من يدك جلست في الكرسي المقابل له وبحرج منزله راسها وتفرك يدها / سطام أرجوك لا تحرجني ! تكى على الطاوله ويدها تحت خده يتفرج عليها تجذبه با ابسط تصرفاتها / يا عيون ويا روح سطام ، ارفعي رأسك لا تحرميني من هالوجه رفعت راسها له وصوت خفيف / خلاص افطر ابتسم على حياها ما حب يحرجها اكثر / هههههههه طيب بس شسوي بعيوني غصب تخورها رفعت راسها وتبتسم / ما قلت شيء بعيونك كيفها خلها تطالع ، بس لسانك يحب يحرج الواحد ضحك عليها / ههههههههههههه طيب شرايك اسكت وبس اطالعك وبهون عن الفطور عشان لساني ما يتكلم ابتسمت بحرج / سسسطام تنهد وبصوت أسير / عيونه بعد ما افطروا وخلصوا وفجر ما كلت الا شوي استحت من نضرات سطام ، طلعوا يتمشون ولا يبون يضيعون وقت .. طلعوا من الفندق ومشوا على اقدامهم لبرج ايفل المقابل للفندق جلسوا وانبسطوا ولا يخلوا من احراج شطام لفجر وفجر بدت شوي تتعود عليه وتتجراء على سطام ، طلعوا لقمه برج ايفل وفجر خايفه مغمضه عيونها / سطام والله احس اني بطيح ! سطام / هههههه يا جبانه شوفي شلون الناس يتصورون وانتي خايفه فجر متمسكه في سطام وهو يصورها بالكاميرا كيف خليفه / لا تصور ! حاوط كتفها / ليه خايفه انتي ؟ لا تخافين انا معك نزلوا من حنه فجر وخوفها بعدها مشوا لقوس النصر وتصورا مع بعض ويعلقون على الناس ويضحكون / طالعي ذا العجوز كيف تحضن زوجها تعلمي منها فتحت عيونها / عشانها قليله ادب تحضن زوجها عند كل من هب ودب ! سطام بعجله / يله قومي قومي طالعته با استغراب والتفت لحولها / ليه وين ؟ سطام / للفندق عشان تحضنيني بدون ما يناضرنا من هب ودب ! حمر وجها / سطااام وبعدين معك ضحك عليها / ههههههههه يا زينك اذا حمرتي بعد ما تمشوا وانبسطوا وصوروا راحو يتعشون في مطعم الديوان مطعم عربي مطل على نهر السين .. ---------------------------------- في بيت ابو سلطان في شقه سلطان وزوجته جنى ~ متشتت مخها وتفكيرها ، وزاد عليها أطفالها رايحين جايين عصبت عليهم / يززززززن وسسسسسن بس وقفوا لعب وقفوا التوأم توجهوا لا أمهم / عقاب لكم ما تروحون معي بيت ماما فاطمه تجلسون عند ابوكم وسن / لا ماما نبي نروح جنى/ ليه من ساعه اناديكم تلبسون ما تجون يزن / خلاص نلبس احين هزت راسها تلقاها من ابوهم النائم ولا من عيالها لبستهم وجهزت اغراضهم / اجلسوا تفرجوا على الكرتون ولا توسخون ملابسكم بلبس انا واجي هزوا راسهم / طيب راحت لغرفتها شافته مثل ما هو الغرفه باردة من المكيف و نائم على بطنه والبطانيه تغطي جسمه هزت راسها متاخر امس سهران ما رجع الا أذان الفجر ! قفلت المكيف وتوجهت له تقومه هزته مع كتفه / سلطان .. سلطااان كشر بوجه وانقلب لجه الثانيه / هممم جنى / قم يالله تأخرنا على امي تذكر ان خالته عازمتهم اليوم على الغداء / كم الساعه الحين ؟ جنى / الساعه الحين ٢ ونص يله تاخرنا جلس عين مفتوحة وعين مسكرة / يالله قمت جهزي لي ملابس دخل دورة المياه يأخذ له شاور ، طلعت له ثوب ابيض وشماغ وعطرتهم وجهزت باقي أغراضه ، وطلعت لها فستان لنص الساق مخصر عليها بنفسجي غامق وفتحت شعرها البندقي يوصل لنص ضهرها لبست عقد مع حلاقته ذهبي وحطت ايلاينر وماسكرا وبلشر وروج وردي .. طلع ولاف الفوطه على خصرة ناضرها واهي تحط الروج باتقان وترتيب توجه لها وحضنها من وراء .. شهقت مرتاعه /سلطان وش تسوي جسمك مليان مويه ! قبل خدها بهدوء ودفن خشمه بشعرها يستنشق ريحته ، حاولت تبعد وبارتباك/ سلطان تاخرنا !! ابتعد عنها / وانتي مو هامك الا بطنك ؟ شهقت بروعه / يمه منك تفكيرك غبي ، امي كل شوي تدق وصلوا خالاتي وخواني حتى خالتي راحت من ساعه وانت حضرتك نائم ! رفع كتفه / خليهم ينتضرونا وش عندهم ؟ سجى عصبت عليه / يا بردك ! .. خذت عباتها انا انتضرك تحت ومعي وسن ويزن نزلت تحت بيت خالتها سلطان يصير ولد خالتها شافت سما توها داخله / اهلين سما توك راجعه من الدوام ؟ جلست على الكنب سما وهي مرهقه / اي والله اليوم تعب رايحه مواصله فيني نوم جنى / مو رايحه معنا بيت أهلي امي عازمتنا كلنا على الغداء خالتي منيرة وسمر راحو سما / لا والله مرة تعبانه بالعافيه عليكم واعتذري لي من خالتي جنى / ان شاء الله سما تناضر عيال اخوها وتضحك/ غريبة وسن ويزن هاجدين ! سجى تضحك / ههههههه وتغمز لسما كل ما هجدوا وعقلوا نروح بيت امي سما / ههههههههه ها عشان كذا ! سمعوا صوت سلطان نازل/ يله جاهزين ؟ سجى / سما مو رايحه توها راجعه من الداوم سلطان / اي سما ما طلعت عليك تحب بطنها فتحت عيونها / احب بطني انا !!! سما تضحك عليهم / ههههههه حرام عليك وش تحب بطنها شف شلون جسمها من ولدت وسن ويزن واهي ناحفه ! التفت عليها وناضر جسمها من فوق لتحت وغمز لها / اي ملاحظ مع ها البنفسجي انحرجت من نضراته خذت عباتها ولبستها سما / ههههههههههه حرام عليك احرجتها ابتسم وخذا يزن و وسن وطلع / يله انا في السيارة سما وقفت / يله انا بطلع غرفتي انوم سلميني على هنا وسارة وخالتي جنى / ان شالله يوصل .. طلعت وركبت السيارة بهدوء جنى عبد الهادي ٢٧ .............. ---------------------------- في بيت العمه الجوهرة ~ ......... جالسه تنتضرهم في الصاله هاذا واهي مخبرتهم من الصبح انهم بيروحون بيت عمهم ! شبه صراخ / سسجى ، رببى وبعدين معكم سمعت صوت سجى / يله يمه جايين ! تنهدت من بناتها لازم في كل طلعه ياخرونها ، دخل وشاف امه سرحانه / ايوة وش عندها الغاليه سرحانه ؟ لا يكون تفكرين با ابوي / يمه وين دخلت معه انت ! ضحك عليها / من وين الله يهديك من الباب ! الجوهرة / موب رايح معنا بيت عمك ؟ راشد / لا والله بطلع مع تركي الجوهرة / الله يديم محبتكم يارب ابتسم / امين .. والله يوفقه ويعرس أهو ودانه الجوهرة / هههعهههه يا هالدانه مقطعه قلبه من يومه صغير الله يجمع بينهم على خير نزلت وهي تلبس عباتها / انت بتودينا راشد ؟ الجوهرة / لا السواق وينها ربى ! سجى / بنتك هاذي رفعت ضغطي ما اخرني الا اهي! الجوهرة / الله يصبرني عليكم ثنتينكم والله يجيبهم عيال أبوهم يادبونكم راشد / هههههه ربى خالصين منها خلها توافق على سعد ولد عمي سمعت كلامه واهي تنزل / وشوووو والله لو انه اخر واحد ما اعرست عليه وع ما بقى الا ذا الاعرج ! راشد / عيب عليك تتطنزين على خلقه الله ، وسعد ما نقصه شيء الف وحدة تتمناة ربى بغرور/ وانا ماني من ها الاف ! انا مستواي وطبقتي عاليه راشد / خفي علينا يا ام طبقه عاليه سجى / يمه مشينا اذا تناقروا متى بيسكتون ؟ الجوهرة / يله اركبوا السيارة جايه وراكم طلعوا وركبوا السيارة ! التفت لولدها / راشد راشد / لبيه الجوهرة مدت الي بيدها له / من هاذا له ؟ رفع عينه ليد امه شاف خاتم بناتي صغير تزينه كرستاله ، بلع ريقه / مدري الجوهرة / اليوم وانا انضف غرفتك لقيته تحت المسندة ! ، سالت ربى وسجى قالوا موب حقنا ! راشد يا ولدي ما خبرتك راعي بنات .. ضحك بارتباك / الله يهديك يمه وش بناته ما عمري شفت ذا الخاتم وش يسوي بغرفتي ! خذت شهيق لداخلها / عموما حصل خير وما راح ادور وابحث من ذا خاتمه ! رمته في الزبالة ( وانتوا بكرامه ) وطلعت للسيارة ! اما عندة ارتبك ! سرع بخطواته للزباله وطلع الخاتم حطه في مخبى الثوب وطلع لغرفته ! ............................... في صاله ابو فيصل ...... جالسه قبال التي في وتغير من قناه لقناه بملل ! متجاهله وجود جدتها وأختها ريم .. ريم / ريما رجعي القناه الي تو أتابع هاذا المسلسل ! ناضرتها بطرف عينها / من جاي قبل انا ولا انتي ؟ ريم / طيب حطيه ما تتابعين شيء انتي ! ريما / مالك دخل أتابع ولا لا ! ريم / امي هيا شوفي ريم ! التفت الجدة الي باذنها الراديو وتسمع / وش بتس ؟ ريم / خلي ريم ترجع المسلسل ريما / اقول انتي ياالبزر شكلك من زمان من انطقيتي الجدة هيا / وانتي وش بلاتس عليها ما تكفين شرتس ! ريما بااستهترار / اوهو أقول خليك على ذا الراديو المعفن الجدة / محدن معفن غيرتس يا قليله الادب ما ربتس امتس زين ريما / امي مربيتني احسن تربيه الحمدلله انتي ألي والله ما عرفتي تربين ! شهقت ريم / ريما والله لا اعلم ابوي عليك تكلمين جدتي كذا رمت الريموت على اختها وصاب ضهرها / روحي علمي جدك بعد ! بكت وقفت / خل امي تجي والله لا اعلمها ! الجدة / وليه تضربينها خلي يجي ابوتس واعلمه عن سواتس يا قليله الحياء ريما رجعت تغير بالتي في وبنفخه / علمي الي تبين ! رن الجرس ! الجدة / ميرري يا ميري افتحي الباب ! رن بتكرار ولاحد فتح .. الجدة / قومي افتحي جعلتس الصمخ يمكن احد من عمانتس ! قامت وبكشرة / الساعه ١١ في الليل من ذا البثر الي جاي ؟ وطلعت برا / طيب طيب عمى ان شالله ! فتحت الباب وحطت يدها على خصرها / من ذا البثر ! / بثر في عينك ! انصدمت وش جابه ذا شهقت وتخبت وراء الباب / نعم خير ؟ ذياب / خير ! ، وين عايشين فيه كذا تكرمين الضيف ؟ ريما / الله يخلف وش ضيف الضيف يجي سنه وراء سنه موب ضيف مبثرنا كل يوم عندنا جاي تشوف جدتك خذها تسكن عندكم أريح لك وأريح لنا ! انصدم من كلامها يدري ان لسانها طويل وقليله ادب بس تتكلم عن جدته كذا تكلم بغضب / احترمي نفسك وفارقي جاي اشوف جدتي مو جاي أشوفك ! تكرهه من الله خلقها زوردها تكلمت بعصبيه من وراء الباب / هيئ هيئ يا دلوع الجدة فارق انت موب انا هاذا بيتنا , على أساس قبل بتموت علينا يوم رفضتك ! انت قل بس من بيرضى فيك معقد ومريض وفيك انفصام الله يعينها بنت ابوها .. دج الباب عليها ضرب في وجها ومن قوة ضربه للباب طاحت على وراها ودخل متوجه لداخل / يا حقققققيرررر !! ـــــــــــــــــــــــــ ـــــــــــــــــــــــــ ــــــ نهايه البارت الثالث نزلته اتمنى اشوف تفاعل لا تخيبون ظني فيكم يا غراميين , الى اللقاء باذن الله في البارت الرابع | ||||
|
| |
|
17-08-18, 09:40 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| تعريف الشخصيات الجدة هيا ابنائها : ابو سلطان (عبدالله ) ابنائه : سلطان عمرة34 سطام عمرة 29 طلال عمرة 27 سما عمرها 25 تركي عمرة 22 سمر عمرها 20 ابو ذياب (خالد ) ابنائه : ذياب عمرة 32 ياسر عمرة 29 دانه عمرها 25 رنا عمرها 22 نواف عمرة 18 ابو فيصل ( محمد ) ابنائه : فيصل عمرة 30 فجر عمرها 24 شوق عمرها 22 ريما عمرها 20 راكان عمرة 17 ريم عمرها 16 ام راشد ( الجوهرة ) ابنائها : راشد عمرة 28 ربى عمرها 24 سجى عمرها 21 _______________ ابو سامي (حمد) ابنائه : سامي عمرة 29 ملاك عمرها 24 شهد عمرها 20 هاذي الشخصيات المذكورة في البارتات السابقه وراح تظهر شخصيات جديدة مع البارتات الجايه اتمنى تفاعل عشان اكمل الرواية , الى الان ما شفت تفاعل واعجاب .. | ||||
|
| |
|
17-08-18, 09:44 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (٤) ........ رغم الملام اللي بصدري جمعته لو ترجع وتسال من تحب قلت انت ! كل ما ارتفع صوت الاذان وسمعته دعيت ربي يحفظك وين ما كنت ! ........ انصدم من كلامها يدري ان لسانها طويل وقليله ادب بس تتكلم عن جدته كذا تكلم بغضب / احترمي نفسك وفارقي جاي اشوف جدتي مو جاي أشوفك ! تكرهه من الله خلقها زوردها تكلمت بعصبيه من وراء الباب / هيئ هيئ يا دلوع الجدة فارق انت موب انا هاذا بيتنا , على أساس قبل شوي وتموت يوم رفضتك ! انت قل بس من بيرضى فيك معقد ومريض وفيك انفصام الله يعينها بنت ابوها دز الباب عليها ضرب في وجها ومن قوة ضربه للباب طاحت على وراها ودخل متوجه لداخل / يا حقققققيرررر !! دخل صاله بيتهم وتكلم بصوته الرخيم / يا ولد ! الجدة هللت واستانست / ادخل يمك ذياب ما حولك احد .. دخل وقبل راسها ويدها وجلس قريب منها / وش اخبارك ان شالله طيبه .. الجدة / ايه الحمدلله بخير وش اخبارك انت وأبوك وأمك وش حالهم ؟ ذياب / الحمدلله كلهم يسلمون عليك .. .... اما عند ريما ما زالت جالسه تفرك ضهرها عورها من الطيحة ووجها عقب خبطه الباب قامت ببط ما تقوى من ضهرها متوجهه داخل بتدخل ! بس تذكرت ان ذياب جوا وما عليها شيء يغطيها وقفت عند الباب وتكلمت بصوت عالي عشان يسمعها / غط عيونك جعلها العمى بروح لغرفتي ! وصلها صوت جدتها / يا عسى عينك الي تعمى يا الي ما تستحين ريما بنفخه / يا جعلك قبلي ان شاء الله ، وانت لف وجهك ولا فارق ! ذياب ماسك اعصابه ونفسه عليها من كلامها لجدته وتحقيرها له / اذلفي ما انتي اكبر طموحي عشان اطالع فيك ! ريما دخلت رقت مع الدرج بسرعه وبصوت عالي تكلمت / على فكرة تراك مأخذ بنفسك مقلب تحسب انك الكل في الكل وانت ما عندك الا الخرطي وراحت لغرفتها الجدة / ما عليك يا ابوي منها ذي سوسه ثعلبه على امها ذياب / بسالك عمي محمد يشوفها تتكلم عليك كذا ! الجدة / أية تتكلم ما تهاب من احد ولا تخاف ذياب / مرت عمي طيبه من طالعه عليه الجدة لحقد / الا امها أساس البلى اهي الي تشوشها علي رفع حواجبه باستنكار ! ذياب / مرة عمي على خبري طيبه وما شفنا منها الشينة الجدة هيا / والله يا وليدي انك على نياتك هاذي عفريته وبنتها ما راحت بعيد ثعلبة ابتسم وبصوت كله حنان / ما علينا قولي انتي وش اخبارك ؟ عساك مستانسه فيك شدة تروحين معي الأسبوع الجاي المزرعة انشرح صدرها من ذكر المزرعه/اه يا ذا المزرعه تكفى يا وليدي لا رحت لا تنساني ينشرح صدري فيها ذياب بحب / ابشري دخل أبو فيصل وبترحيب / يا مرحبا ذياب موجود عندنا منور البيت يا ابوي وقف وتوجه لعمه يقبل راسه / يا هلا فيك منور با اهله أبو فيصل / افا وين القهوة ؟ ما قهوك ! ذياب / لا ما تقصر يا عم جاي اسلم على امي هيا وماشي تامرني على شيء أبو فيصل / افا اجلس تعشى معنا ذياب / تسلم يا عم اخليكم على راحتكم انا ماشيء .. يله فمان الله وقبل راس جدته وطلع .. أبو فيصل / يمه ما رجعت ام فيصل من بيت اختها ؟ الجدة / لا ما رجعت الله يخلف الحريم السنعات يهجعون في بيوتهم وحرمتك ما غير تفرفر بذا الليول ابتسم / وهي رايحه لاختها تعرفينها نفاس ويبي احد معها يساعدها الجدة / الله يخلف بس انت بذا الشركه وحرمتك تدور ومخليني لحيلي فيذا أبو فيصل / افا يمه وين البنات ؟ الجدة / الله يخلف عليك انت جايب بنات ؟ الا جايب ثعلاب اعوذ بالله وخاصه ريموة الله يكفينا شرها حتى ولد عمها ما سلم منها أبو فيصل هز راسه / الله يخليك يمه انتي تعرفين ريما من صغرها الجدة / الا أمها تحشي راسها وتنجسها علي أبو فيصل تنهد من تفكير امه / الله يصلحها الجدة / عشانك راخين لها تستقوى حتى على خواتها لو انك قاص لسانها ومادبها أبو فيصل ابتسم / ابشري مع اني ما اقوى عليها ـــــــــــــــــــــــــ ـــــــــــــــــــــــــ ـــــــــــ فستان اسود طويل مخصر على جسمها النحيل وروج احمر غامق يزين شفاتها وتركت شعرها المموج مثل ما هو ! شهد ببراءة / ملاك الشغله الي بتروحين لها لازم تلبسين فستان ملاك / لا مو ضروري بس فاطمه اعطتني إياه تقول البسيه شهد / طيب بسرعه روحي ولا تتاخرين واذا سامي سال بحاول اغطي ملاك مسكت يد اختها وبحنان / تكفين ادعي لي شهد / امين الله يوفقك بوظيفتك حتى انا لازم ادور لي وظيفه نتساعد ملاك حضنت اختها وبحنان / تكفين خليك مثل ما انتي ! فهمتها غلط / لالا بدور وظيفه وكلمي فاطمه تدور لي ملاك وهموم الدنيا فوق راسها / ابشري , يله انا بطلع وانتبهي يحس احد اذا رجعت برمي حصاه على الدريشه وافتحي لي شهد / طيب بحتريك مو نايمه ملاك هزت راسها وطلعت بخفه من الباب وركبت بجانب فاطمه فاطمه / ساعه وينك تاخرتي ؟ ملاك / ارتب الوضع فاطمه / اسمعي بقولك توجيهات اذا احد ناداك انتبهي تروحين معه ولا تشربين أي شيء ممكن مسكر او مخدر ! مسكت يد فاطمه / فاطمه انا خايفه فاطمه / طبيعي بس اذا شفتي الفلوس صدقيني يروح الخوف هزت راسها وبدت تقراء المعوذات وادعيه حافضتها .. نص ساعه و وصلوا المكان المطلوب ! عبارة عن عمارة عزاب .. .. نزلوا وبدا قلبها يرجف اكثر / فاطمه هونت برجع بيتنا ! فاطمه / ملاك بلا بياخة بعد ما وصلنا تقولين برجع , ادخلي !! ملاك بصوت مرتجف / تكفيين برجع ما اقدر فاطمه / اوص اسكتي شوفي هذا شكله هنا بالحفله لا يسمعك ! ملاك ناضرت الي نزل من سيارة بنتلي ودخل للعمارة فاطمه / يمه يا ويلي وشذ هذا شوفي سيارته شكله ولد عزز.. امشي يله لازم اشبكه ملاك مسكت يد فاطمه وسمت بالله ! رن الجرس ! وفتح لهم شاب لابس بدله رسميه / يا مرحبا بالحلوين تفضلوا دخلوا وانصدمت من المنظر بنات وشباب اشكال وأنواع ! توجهت الانظار كلها عليهم ينتظرون الاشكال الي خلف العبايه فاطمه بهمس / لا تفشلينا افسخي العبايه ملاك فسخت العبايه بارتجاف ومسكت فاطمه الي بدت تعرفهم على ملاك / معاكم الحلوة أحلام ناضرت بفاطمه بصدمه ! بدا الكل يرحب وفيها ويناضرونها باعجاب جلست قريب من فاطمه ! طاحت عينها بعين الي شافتها قبل شوي ينزل من السيارة شافته يتفحصها بهدوء ! نبضات قلبها زادت ! شافت فاطمه تروح وتجلس قريب منه ! انصدمت من فاطمه كيف جالسه قريب منه , بعدها شافته ياشر عليها وكانه يسال فاطمه من هاذي ؟ اشرت فاطمه لها بمعنى تعالي ملاك هزت راسها بلا بصدمه ! بعدها فاطمه همست له وابتسم !, وقف متوجه لها ! ارتجفت في مكانها , وجلس قريب منها.. ناضرت فاطمه تبيها تجي وتبعدة وشافت فاطمه مع شخص ثاني سوالف معه ! غمضت عينها بارتجاف مسك يدها ارتجفت وتحاول تبعد يدها عن يدها همس لها / وش جابك لهنا ؟ ناضرته بصدمه ! / من حركاتك اول مرة تجين هنا صح هزت راسها بنعم ! / ليه جاية هنا هذا المكان مو مناسب لك وقفت تبي تطلع تحس نفسها بينقطع ! مسكها مع يدها ورجعها مكانها بقوة / اجلسي وين رايحه ؟ نزلت دموعها وبرجفه / ابعد عني بطلع ! / ليه تطلعين ؟ مو انتي الي جايه برجولك تحملي الي يجيك ! ملاك / تكفى ابعد عني انا تاخرت وبطلع جت فاطمه وبا ابتسامه / ها عساف عجبتك أحلام ! ملاك ناضرتها وبدموع / فاطمه امشي نرجع ! عساف / اسمك فاطمه ؟ مو انتي تقولين اسمي صفا فاطمه بضحكه ارتباك / ههههه الا انا كان اسمي فاطمه وغيرت لصفاء ب أحلام ما تحب تناديني الا فاطمه هز راسه / وهاذي شفيها تبكي ! يعني ما تدري ان الحفله كذا فاطمه / لا اهي خجوله مرة عشان كذا وراحت كذا حفله ملاك ناضرتها بصدمه ما تقدر تستحمل مستحيل تجي هنا ثاني مرة ! خذت عبايتها ولبستها وطلعت بسرعه ! ما انتبه علها احد الكل مشغول , فاطمه بفشله / انا رايحه اشوف وشفيها وطلعت وراها ! فاطمه وتمشيء وراء ملاك / وقفي ! ملاك بهسترياء / مابي ابعدي عني ابعدي وقفت عند الشارع توقف لها تاكسي ! فاطمه لفتها وصارت مقابلتها / يا الغبيه فضحتينا وش بيقول الرجال ملاك مدت يدها وعطت فاطمه كف ! / يا حقيرة تف عليك وعليه ... اما عند عساف ! بعد ما طلعوا لحقهم بفضول , ركب سيارته وراقبهم وكيف عطت صاحبتها كف ! استغرب وش قصتهم ها لبنتين ؟ حرك سيارته وقف قريب منهم / محتاجين توصيله ؟ شهقت ملاك وش يبي هذا ! فاطمه بحرج / لا مشكور عساف الحين السايق بيجي ؟ عساف ومعلق نضرة على ملاك / بس انا ملزم كلها توصيله , ونتعرف اكثر على هالحلوة الي معك ! ناضرتها بصدمه / انت وش تبي ملاحقنا ليه !, اذلف ماحنا محتاجين توصيلتك رفع حاجبه باستنكار / وأخيرا سمعنا صوتك الحلو , بس عيب تخربينه بها الالفاظ ! ورجع تكلم / اوكيه اتركم انا وأتمنى تنورونا مرة ثانيه وتجيبين هالحلوة معك يا فاطمه ! فاطمه بارتباك / هههههه الله يهديك معلق على فاطمه ! عساف وعينه على ملاك / نسميك مثل ما تسميك هالحلوة يله باي ! وحرك سيارته ! ملاك / الله ياخذك انتي وياه ! فاطمه بعصبيه / ملاك تراها موصله معي منك , بعدين حبيبتي انا يوم اقولك علمتك على كل شيء ! ملاك ببكاء / ليتني ما طاوعتك وصلت السيارة وركبوا راجعين لبيتهم ! ـــــــــــــــــــــــــ ــــــــــــــــــــ في نفس هذا الوقت ! شارع طويل ممتليء بالمتفرجين ومعجبينه يشجعونه بحماس ! طلال مركز عيونه ويلعب بفن واحتراف راشد / الله عليك يا بطل يوسف / وربي ملكك , ملكك العب يا كايدهم ! وبدا يتتحاد ويتسابق اهو ومفحط ثاني بأفضل تفحيط ! طلع مواهبه كلها بالتفحيط واخذ يلف يمين ويسار وختمها بخمسات ! وكالعادة يحصل على اللقب ! راكان / الله الله عليك يا بطل هزمته طلال يبتسم / غريبه الشرطه ما جاو ؟ راشد / ههههههههه عاد هاذي احلى متعه طلال / أي والله راشد/ يله مشينا نكمل السهرة في الاستراحه والفجر ناخذ خشه حلوة طلال / يله مشينا رن جوال طلال ! المتصل كانت اخته سما ! طلال / هلا والله بدكتورتنا سما / طلال بلا استهبال وينك فيك ؟ امي قلقانه ساعه ندق ما ترد طلال / يعني اذا ما رديت خلاص مت ! سما / فال الله ولا فالك , اسمع لا تتاخر تعال الحين طلال / انا بالاستراحه وقولي لامي لا تخاف شايب وش كبري ؟ سما / أقول الحكي معك ضايع كلم امي وقولها هالكلام ! طلال / اسمعي قولي لامي بعد الفجر باجي سما بعصبيه / لا تجي نم في الاستراحه ابوي قفل الباب وسكرت في وجهه ! طلال / اخ يا القهر اكبر منها وتصك بوجهي ! راشد / كفو والله بنت خالي طلال / أقول تلايط انت ! راشد / هههههههههه ارجع البيت احسن لك قبل ما توصل السالفه لدانه وتخرب السمعه طلال ضيق عيونه ما يحب احد يجيب طاريها وخصوصا عند اصدقاة / اوص ان رايح أصلا وراح لبيتهم وضل يترجى سما تفتح له , لاكن سما رفضت ! دق على سمر ! ردت / خير طلالوة مقومني من النوم وش تبي ؟ لا تقول صلحي اكل والله ما اصلح طلال بقهر / سمر افتحي الباب سمر تتكلم بنوم / وش بابه؟ طلال / باب الشارع انا عند الباب مقفل سمر شوي وبتبكي / حرام عليك والله فيني نوم طلال / قومي وبكرا اعشيك على حسابي ومطعم الي تبينه سمر / تكذب !! طلال / والله ماكذب اسرعي كفخت برا سمر / يله نازله طلال / انتبهي لا تسمعك امي! سمر / طيب نزلت وفتحت له / ليه متأخر؟ طلال بعدها من قدامه / اذلفي نومي سما نزلت لانها سمعت صوت الباب بعصبيه وبهمس / سمر ليه تفتحين ل كان خليتيه ينطق برا ! طلال بهمس / انا اوريك يا الزرافة ساعه منطق عند الباب ولا تفتحين سما / أقول رح لغرفتك لا تطلع عليك امي وتوريك هذا وانت قريب بتتملك وتتزوج الله يعينها دانه قرب منها ومسك شعرها بخفيف / اوش يا الزرافه واسمع انك قايله لها شيء ! وطلع لغرفته ! ـــــــــــــــــــــــــ ــــــــــــــــ في فرنسا عند معاريسنا ! ... سطام / يله حبيبتي تاخرنا ! فجر وهي داخل الغرفه / يله دقايق سطام جلس في الصاله يتفرج على التي في / شكلك مطوله يا الاميرة فجر طلعت لابسه بنطلون وتيشرت وفوقه بلاطو طويل اسود لااخر ساقها وتعدل حجابها ولثمتها / يله خلصت سطام تنهد براحه / وأخيرا يله وصلوا لعند الباب ! فجر/ اوة نسيت الكميرا ثواني اجيبها سطام / بتصير ساعه ماهي ثواني ! طلعت وباسته مع خدة من فوق اللثمه / سوري والله ما اكررها! سطام انهبل اول مرى تسويها من تزوجوا / فجر وش رايك نهون ؟ فجر/ ليه ؟ لا تكفى والله خاطري اشوف قصر فرساي واجلس في الحديقه سطام / عقب عملتك الي تو ما ضنتي نروح ؟ فجر نست / والله ما اكررها ولاعاد اتاخر سطام تنهد / اه يا قلبي ناويه تذبحيني فجر/ ليه ؟ سطام / يا انك غبيه يا غبيه , اطلعي اطلعي بسرعه فجر توها تستوعب/ ههههههههه عشان البوسه ! سطام / عيديها ثاني مرا فجر حمرت / سطام خلاص سويناها مرة وحدة تكفي سطام / لا والله ما تكفي ولا تصبر سويها ثاني مرة فجر طلعت بسرعه/ لا أخاف تهون وما نروح وهي تسبقه متجهه للاصنصير بسرعه يله عشان ما نتاخر ! سطام / ماخذها منك ماخذها فجر استحت / حلم ! ركبوا الاصنصير وهو يناضرها نزل فيهم للطابق الي تحتهم وركبت معهم بنت لابسه قصير كاشف ساقها وتوب مخصر على جسمها ! فجر تطالع سطام يطالع فيها / سطام وقص ان شالله ابعد عيونك عنها التفت البنت الاجنبيه وبتسمت لهم وتكلمت بالانقلش / هل انتم من السعوديه ؟ سطام يبي يقهر فجر/ نعم نحن من السعوديه وبالتاكيد انتي فرنسيه الاجنبيه / ههههه لا لست فرنسيه انني من إيطاليا ؟ سطام ويناضر فجر / انا احب إيطاليا واحب سكانها انهم جميلون مثلك تماما الاجنبيه ابتسمت بحرج / يا الهي وانا أيضا أتمنى زيارة السعوديه , التفت لفجر هل هاذي زوجتك ؟ فجر بعصبيه / نعم زوجته ! الاجنبيه / جميل بالتأكيد انتي جميله عيناك جميله ! فجر ابتسمت لها / وانت جميله جدا سطام حط يدة على كتوفها وهو يناضرها بحب/ نعم اهي جميله جدا وليس قليلا انفتح الاصنصير ابتسمت لهم / سعدت جدا بلقاكم الى اللقاء سطام / اللى اللقاء فجر / ما كانك دقيت سوالف معها لا بعد وهي تقلدة ! احب إيطاليا انهم جميلون مثلك تماما .. سطام / ههههههههههههههههه يازين الي يغارون فجر كشرت / من قال اغار ! سطام باس يدها / صديقني عيني غيرك ما تشوف ولا بتشوف انتي يا مجنونه ملكتيني فجر استحت / أي العب علي بكلمتين ! سطام / افا ليه العب عليك وربي احبك يا غلاة هالكون! حمر وجها وسبقته تبعد عنه .. قرب منها ومسك يدها وهو يضحك / هههههههه تكفين لا تستحين تدرعمين وتضيعين الدرب ! فجر بحرج / سطاااام سطام بضحكه / عيونه وقلبه وروحه .. راحو لقصر فرساي وتفرجوا عليه وما يخلى احراج سطام لفجر بعدها جلسوا في حديقه فرساي جلوا يسولفون وضحك وحش بالاجانب ! سطام / شرايك بكرا نروح ديزني لاند ! فجر / اوكي نروح بس مستحيل العب العابهم يمه تروع ! سطام / يا خوافه ! .. اجل ما نروح دامك مو لاعبه العابهم فجر / لا نروح بس نركب العاب ما تخوف ولا تطيرني فوق ! سطام/ هههههههههههه تطيرك فوق اما انتي عليك مصطلحات موب على كيفك الي بركبه انا بتركبينه انتي ! فجر/ لا اجل مو لازم نروح سطام / وبهاذي بعد مو على كيفك ! فجر/ سطام والله أخاف ! سطام / تخافين وانا معك فجر ابتسمت بحرج سطام بصوت عالي / ياربييي الي يستحون تكفين ما ابي اتهور ! بعد ما جلسوا وسولفوا راحوا مطعم قريب تعشوا و رجعوا للفندق وراهم بكرا قومه بدري بيروحون كذا مكان ! ـــــــــــــــــــــــــ ـــــــــــــــــــــــ وبكذا انتهى البارت الرابع لنا لقاء قريب في البارت الخامس ... خير من الدنيا ما فيها : سبحان الله , الحمدلله , لا اله الا الله , الله اكبر .. | ||||
|
| |
|
17-08-18, 09:45 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (5) ... تدري ان موطني قلـبك و لا غيره وطـن؟ و إنتمائي للـوطـن يعني الرضا ! كل ما جيتك لقـيتك لي حـضن يَا رحابة صدرك وضيقّ الفضاء .. ... من هذاك اليوم والهواجيس والتفكير ما بعدت عن عينها ، حمدت ربها ان ما صابها شيء واستحقرت اكثر فاطمة لعنت الفلوس والحاجة الي تذل وتهين ! بكت على حظهم وعلى حالهم وعلى حياتهم ، وش تبتدي فيه بعلاج امها او ديون ابوها او ايجار بيتهم او احلام اختها وحاجه اخوها ، ماكان في بالها ابداً تسعد نفسها اهم شيء اهم ! قطع تفكيرها صوتها / ملاك وش فيك تبكين !! مسحت دموعها بسرعه / مافيني شيء شهد /لا تكذبين قولي لي وش صاير وش فيك ؟ شهقت من بين دموعها وبصوت عالي بكت راحت لها وضمتها بصوت كسير / تكفين لا تبكين ملاك انا اخذ قوتي منك تكفين ملاك بعدت عنها ومسحت دموعها الي ذرفت ولاكن الدمع يتجدد / شهد مافيني شيء بس ضيقه شوي شهد / انتي من ذاك اليوم يوم رجعتي الليل وانتي موب بخير احد سوى لك شيء او تعرض لك ملاك/ لا والله محد تعرض بس فيني ضيقه وما عجبني الشغل متعب شوي واوقات الدوام مختلفه شهد ابتسمت بين حزنها لها / قومي غسلي وجهك وابتسمي صدقيني الدنيا ما تستاهل مالنا الا الدعاء والله بيرزقنا سبحانه ابتسمت لها وراحت تغسل وجها طق بابهم ! راحت تفتح الباب / ميين / شهد افتحي انا فاطمه فتحت لها فاطمه / وين ملاكك؟ شهد / هاذي هي جايه جت بعصبيه / وش جابك !! فاطمة / لا تقعدين تحطين اللوم علي انا شرحت لك كل التفاصيل وانتي قبلتي من نفسك ملاك / كذابه ما قلتي كل التفاصيل اصلاً انتي طحتي من عيني ولا اتشرف فيك في بيتنا ابداً فاطمه بعصبيه / لا انتي اساساً الشرف كله فيك لو انك شريفه ما رحتي معي وتدرين ان في رجال ملاك بعصبيه / بس يا حيوانه شهد تناضر اختها بصدمه ملاك / انقلعي ولا اشوفك معتبة باب بيتنا فاطمة بحقد / طيب يا ملاك طيب انتي الي جبتي لنفسك كذا هاذا جزاتي ابي لك كم ريالين ولاكنك ما تستاهلين حتى الريال ملاك توجهت لها بغضب وطلعتها برا بيتهم / الله لا يبارك فيك يا الحقيرة مو ان مو وراك رجال وامك مريضه تلعبين بذيلك وصكت الباب في وجها شهد بصدمة / ملاك صدق الي قالته ملاك / تكذب قالت ان في رجال بس قالت اهم بجهه واحنا بجهه ولا يتعرضون لك شهد مو مستوعبه /احد تعرض لك ملاك بدموع / لا والله محد تعرض لي اصلا من شفت المكان والاشكال على طول طلعت شهد ضمت اختها / الحمدلله ملاك بعدت عنها / امشي نشوف امي وابوي راحو لغرفتهم ابوهم جالس على الكرسي المتحرك ونايم وامهم جالسه وتخيط ملاك راحت لامها وجلست قبالها / يمة تبين اساعدك ام سامي بصوت حزين وكسير / لايمة بس ابيك لا خلصت من القميص تاخذينها لام محمد واذا عطتك الفلوس روحي البقالة سددي منها اجتمعت الدموع بعينها / يمه انتي تتعبين حالك وما تنامين زين عشان الخياطة اتركيها وانا ادبر كل شيء ام سامي تنهدت /يجيب الله خير شهد/ يمة كلى ابوي علاجه ام سامي / اي عطيته قبل لا ينوم ماقصرت ام حمد كلمت فاعله خير وجابت منها حبوب لك الحمد تكفي ابوتس شهرين شهد /الحمدلله دخل عليهم وشكله معفوس وبخوف / خبوني خبيني يمه فزت ام سامي / وش فييك سامي يلهث / يلحقوني يلحقوني ملاك بخوف / من تكلم ؟؟ سامي / الشرطة ام سامي بانهيار / وش تقوول انت صاحي ؟ شهد / وش مسوي غير هالمرة سامي بلع ريقه طق الباب بقوة !! ناضروا بعض بصدمة --------------------------- في بيت ابو فيصل نزلت وهي تغني بصوت عالي / اقصري ذا الصوت يا قليله الحياء كشرت من صوتها / يا شين يومي يوم اصبح على صوتها الجدة هيا / عساك من الحال واردى ريما جلست بتافف وشغلت التلفزون وخلته بصوت عالي نزل وصك اذنه من صوت التلفزون العالي / ريمااا عمى بعينك ادوشتينا على هالصبح ريما قصرت عليه / خير اخ فيصل لا تجي تنكد علي بعد انت الجدة هيا / ابوي فيصل ما عليك من هالحية تعال يا ابوي تقهوى معي كشر في وجه ريما وراح لجدته قبل راسها وجلس عندها يتقهوى / وشلونك يمة؟ الجدة/ بخير جعل ايامك كلها بخير فيصل / جعلنا ما نفقد حسك ريما بصوت قصير / اللهم لا امين فيصل / وش تقوليين ؟ الجدة / اتركها ذي تتمنى موتي اليوم قبل بكرا جعلها قبلي فيصل يضحك / امين جعل يومها قبل يومك ريما / جعلك انت وياها بيوم واحد فيصل وقف بغضب متىجه لها / وش تقولللين ريما ببردو / الي سمعته ما حست الا بالكف على خدها / اسمعك تتلفظين كذا ثاني مرة ريما بعصبيه / انت تمد يدك علي يا حقير مسكها مع شعرها وشدة / انتي كل مالك وتتمادين شفتينا نضحك وعطيناك وجة ما زلتي تتمادين ركلت رجلها بكل قوتها على بطنه ، تركها وانحنى على بطنة متوجع / لاتفكر تمد يدك علي ثاني مرة !! وركضت لغرفتها الجدة / حسبي الله عليك من بنت حس بالم في بطنه ضربتها كانت قوية ما قدر يتحرك تماسك نفسه وقف بغضب ! الجدة / اترك هالشيطانه اتركها فيصل بغضب / لا متى نتركها وما زالت تتمادى حتى معك تتمادى نزل بهيبته / وش بلاك ؟ الجدة / تعال شف مسودة الوجه ضربت اخوها ابو فيصل / من ؟ الجدة / ريما جعل ما عاد في ريما فيصل بغضب / هاذي تربيتها على يدي والله ما تركها ايو فيصل / اتركك منها انا ادبها لك اجلس في مكانك انا طالع اشوفها الجدة / امحق تادبها اشك انها ساحرتك اهي وامها فيصل لف لجدته / مالها دخل امي يا جدة الجدة كشرت رقى لغرفتها ودق الباب ! ابو فيصل / ريما افتحي الياب فتحت لبوها بشموخ ولا كنها سوت شيء تكلم بعصبيه / انتي وش بلاك وش جايك هالايام تمشين وتتضاربين مع اخوانك وتتمشكلين مع جدتك ريما / اهم الي يبدون علي وجدتي تحرشهم علي ابو فصيل بصوت غاضب/ اسمعي قسم بالله لو اشوفك ترفعين صوتك على جدتك او اسمع انك متضاربه ويا اخوانك انك تشوفين شيء ما شفتيه شفتيني ساكت عنك وتتمادين ريما / انت ما تشوف جدتي كل ما شافتني تذب علي كلمه ذابحه انا احد من عيالها ابو فيصل / لو تذبحك هاذي جدتك وامي يا قليله الادب ، شوفي انا مخليك على راحتك وقلتي بفصل من الجامعه وفصلتي وما زال مصروفك يمشي لك كل شهر وقلتي بدخل نادي وملاكمة دخلتك وجايه تستعرضين قوتك على اخوانك ، عنبو بليسك اخوك الكبير ما سلم منك ضاربتة! ريما بدموع / اهو الي بدا جا وعطاني كف ابو فيصل / تستاهلين عشان ماعاد ترفعين صوتك انا ساكت على مطاوله صوتك وقله ادبك لولد عمك بهوايي ولا والله لا اوريك كيف الضرب على اصوله وطلع من غرفته غاضب منها صكت الباب بعصبيه وبصياح / هين يا فيصل تمد يدك علي انت وعجوز النار هيين ! ... نزل بعصبيه وطلع متوجه للشركة فيصل بغضب / ودي اروح واذبحها ام فيصل بعد ما درت بالسالفه / اجلس ابوك خذا حقك خلاص فيصل / يمه انتي مستوعبه ولا لا هاذي موب صاحيه مجنونه الجدة / مابها عقل الله لا يبلانا ما اقول الا حسبي الله ام فيصل / لا تتحسبين يا خالتي الجدة / الا بتحسيب واتحيسب عليك وانتي معها بعد ماعرفتي تربينها وقفت بغضب وصعدت لغرفتها ! فيصل / امي مالها دخل يا جدة كشرت وشغلت الراديو وحطته باذنه تنهد فيصل وطلع من البيت متوجهه للنادي ! ----------------- في بيت ابوذياب جالس الكل يتغدا على طاولة الطعام رنا / تسلم يدك يمة على الغداء ام ذياب / بالعافيه دانه / يبه وش رايك في الاجازة نسافر من زمان ماسافرنا مكان ابو ذياب بابتسامه / شاورو ذياب انا وراي شركة تدخل نواف/ صدق والله ملينا ودنا نغير روتين ذياب بصوت هادي / بما انكم تبون تغيرون جو بنطلع الاسبوع الجاي المزرعه دانه/ اي والله مشتاقين لها ذياب ابتسم / الكل مشتاق وما حن علي الا امي هيا نواف / تسلم لنا امي هيا ام ذياب / الله يطول بعميرها بس الله يهديها في كل جمعه تجرح ام فيصل المسيكينه ابو ذياب يتنهد / الله يعدل الحال رنا / حتى على ريما مدري وش سوت لها ؟ دانة / مدري ممكن تكرة خالتي ام فيصل بسبه مناقرة اهي ورينا دايم بس الغريب ما تكره فيصل ولا فجر وشوق وريم وراكان مثلها ساكت بهدوء يسمع حوارهم عنها نواف / اصلا ريما ما تخاف من احد مجنونه بس تعجبني ذاك اليوم يوم نمت عندهم راكان مدري وش ماخذ منها والله قدام عمي وفيصل وجدتي حتى دخلت ولا تغطت عني جلدت راكان وراحت لغرفتها رنا / ههههههههههه داخله كراتيه ونادي وتجي تطبق على اخوانها يمه اخاف امزح معها بعد هدوءة تكلم / وانتم تعجبكم حركاتها ؟، الي ما يحترم لا ابوة ولا جدة وامه كذا يعجبكم !! ابو ذياب بابتسامه / اخوي يتشكى منها ويقول ماقدر عليها هالبنت شيطانه تسحرة الله يهديها ام ذياب / امين الله يصلحها ويرزقها الزوج الصالح تو ة طالع من الدوام ودخل / افاا ما تقولون عندنا واحد ننتظرة لكن لو انه ذياب جلستو تنتظرونه ! ذياب ضحك / لا تقارن القمر بالشمس !! جلس بمكانه / الله الله من متى وانت قمر رنا / من يوم يومة ياسر/اوة تكلم المدافع ؟ ام ذياب ابتسمت / كلكم عندي بالغلا واحد وكلكم قمر دانه/ لا تكبرين راسهم يمة يقولك القرد بعين امه غزال ياسرباستهبال / الو طلال تعال خذ قردتك الكل / هههههههه انحرجت وحمر وجها / سخييف ابو ذياب / ياسر خل عنك اختك والتهى باكلك الدور جايك ترى ياسر/ يبه خلاص بودع العزوبيه بثلاث زوجني ذياب/ كفو باخو الذيب رح خلك تلهى عني شوي ابو ذياب ابتسمت / اختر من تبي وانت يا ذياب راجع لك خلني اخلص من ياسر نواف بضحكه /زوجووة ريما رنا ودانه / هههههههههههههه ياسر / ريما عاد مرة وحدة ،ابي اختها! رنا / رييم توها صغيرة ! ياسر / بلاخبال ابي الي اكبر منهم دانه / ههههههههههه والله اني حاسسه ياسر ابتسم / وش حاسة فية ام ذياب / زين ما خترت شوق ذوق وعقل وسنعه ابتسم / الزبدة ابييها يممممه يبببه ذياب/ كلم عمي ياسر / يبه كلم اخوك دبرني ابو ذياب ابتسم / ابشر اليوم الليل نروح لبيته وانت معي دانه / بروح معكم لبيت عمي مشتاقه للبنات نواف / تراهم يقصدون بيت عمي ابو فيصل موب ابو سلطان !! دانه حمر وجهاا / نواف يا قليل الادب وطلعت فوق لغرفتها ذياب بضحكة / نواف لا تعيدها ولا تحرجها ياسر/ يا حليها تحمر بسرعه ام ذياب / ياسر يابوي ترى ذا زواج موب لعبه يابوي كانك صادق ياسر / هو يمه وانا امزح هاذا كبري بصك الثلاثين وامزح بامر الزواج ام ذياب / الله يسهل عليك ونفرح بالي جنبك ذياب/ ههههههه لاحقين يمه نواف/ وش لاحق عليه يا بعدي انا عمري 18 وحان على امي وابوي ابي اعرس ياخي طلق العزوبيه مثل اخوك ياسر / اقعد يا البزر تبي تعرس رنا / الله يرزقك عقل محد قابل بك الا وحدك عمرها5 سنتين نواف كشر بوجها / وش ناقصني يا العصا اليابسه رجال وش ملحي وش زيني رنا / امحق والله نواف / يبه زوجني !! ابو ذياب بضحكة / باذن الله اذا الله احياني مافي زواج الا بعد 10 سنوات نواف / اح لا يبه مابي اعنس مثل ذياب وياسر الكل / ههههههههههههههه ----------------------- في بيت ابو سلطان / تكفى طلال ودني لبيت عمي محمد خلاص مابيك تعشيني ودني لهم طلال / سمر لا تقعدين تقروشيني روحي مع السواق سمر / والله اخاف تكفى كل البنات بيجتمعون حتى دانه بتجي لف عليها بشوق / لا تكذبين!! سمر / قسم بالله اهي قالته بيني وبينك ما تقول لاحد لمى يتم كل شي رفع حاجبة / تخيل ياسر بيخطب شوق والليله عمي وذياب وياسر بيروحون بيت عمي يخطبون لياسر !! طلال بصدمة / وانتي من قالك ؟ سمر / دانه ورنا واهم رايحين بيت عمي ، تكفى ودني طلال بدون استعياب من حركة ياسر / يله امشي وعلى الطريق بسلم على جدتي طلعت مسرعه لغرفتها وقابلت اختها / سمر وش فيك مطيورة شوي شوي !! سمر وقفت وهي تلهث / بلحق لا يروح عني طلال سما / وين بتروحين ؟ سمر باستعجال / بيت عمي محمد تروحين بيجون البنات ؟ سما / راسي مصدع بس بروح اغير جو سمر / يله البسي بيروح طلال اما عند طلال جاس ينتظر سمر تجي ! دخل سلطان وبيدة عياله يزن و وسن / غريبه طلال جالس بالبيت ؟ كشر طلال / انتظر سمر بوديها لبيت وعمي واسلم على جدتي مرة وحدة سلطان / الا وين امي ؟ طلال / مدري يمكن بغرفتها من جيت ما شفتها نزلت وهي مسرعه / اشوى على بالي رحت طلال وقف / ما بغيتي سمر / انتظر باقي سما تجي !! نزلت سما وجنى بنفس الوقت سمر / جنى سلميني على خالتي والكل ضحكت جنى عرفت من تقصد / ابشري سما / يزن وسن ما سلمتو علي اليوم راحو لها وحضنوها وقبلتهم .. طلعو الكل طلال معه سمر وسما متوجهين لبيت عمهم وسلطان خذا زوجته وعياله لبيت خالته .........……… في بيت ابو فيصل الكل مجتمع الرجال بمجلس والبنات وام فيصل بمجلس شوق باستغراب / رنا وش فيك تناضريني وتضحكين وراك بلا انتي ؟ دانه تاشر لرنا بمعنى لا تفضحينا بدون ما تنتبة شوق / ما تعرفينها هاذي مجنونه تمشي وتكركر ضحك شوق بضحكه / في هاذي ما كذبتي نزلت ريما / اوهوو مجتمعين الحلوات هنا وانا مدري رنا / عنبو بليسك كل ذا نوم ادق عليك من اليوم كله ابيك بسالفه خطيرة !!! دانه استغفرت ربها بينها وبين نفسها من اختها الغبيه الي بتفضحهم / اتركيها عنك هاذي اكبر كذوب !! دخلت ام فيصل / هلا والله بالغالين سلموا عليها وجلسوا ام فيصل / ليه ما جت امكم كان خليتوها تجي وتوسع صدرها دانه / امي راحت لخالتي نورة عازمه صديقاتها امزفيصل / الله يوسع صدرها بالعافيه ، قومو يا ريم وريما كرمو ضيوفكم !! دانه / وش دعوة خالتي قامت شوق / انا بروح اجيب القهوة وجايه وراحت اهي وامها الي استاذنت ،، نطت رنا لريما /تخيلي اخوي ياسر بيخطب شووق عشان كذا جاين هنا ابوي و ذياب وياسر جالسين يكلمون جدتي وعمي !! رمت دانه كرتون المناديل على راس رنا / اسكتي يا الفضيحه يالملقوفه ياويلك من ياسر !! ريما بصدمه / احلللفي دانه / اسكتو لا تسمع رن الجرس فتحت الخدامه سمر وسما / سلام رحبوا فيهم وجلسو وجابت شوق القهوة جلسو يسولفون شوق / سما مابغينا نشوفك مع دوامك الخايس !! سما ابتسمت / لا اليوم قررت خلاص اغير جو والله شغل كثيرر وحالات كثيرة تنصدمون منها يا بنات !! ريما / يختي وش له الشقى اجلسي في بيتكم وريحي ريم / تبينها مثلك تنفصل من دوامها !!! سما بصدمه / ريما فصلتي من الجامعه ؟ ريحت راسها على وراء / ايه دانه / غلطانه يارريما ريما / بوسع صدري والله واتفضى لوناستي وش ابي بالدراسه خلاص عرفت الحروف الهجائيه والارقام واعرف اكتب واحسب الحمدلله وش ابي اكثر شهادة ! ، الله اكبر باخذ الشهادة وبتقعد تقطن لا وظيفه ولا شيء خصوصا تخصصي الاغلب الي متخرجين عاطلين ولا احد استقبلهم وانا ما تعجبني حركه الواسطات !! هزت سما راسها / مدري كلامك نص صح ونص خطاء بس الله يرد لك عقلك وترجعين تكملين الشهادة الحين اهي الكل بالكل الواحد مايضمن عمرة ولا وش راح يحصل له وترى الوظيفه حظ ونصيب ادعي ربك وبيرزقك ريما براس يابس / لا تقنعيني !! عند الرجال ابو ذياب / ياخوي احنا جايين اليوم نطلب يد بنتك شوق لولدي ياسر .. ابو فيصل / ونعم في ياسر ياخوي بس قبل اسبوع متقدم لها ولد خالتها ولابعد شاورتها ، وانا مابي بعد اضلمه واقول ولد اخوي ابدا بشاورها اول في ولد خالتها وان رفضته بشاورها بياسر والله يكتب الخير للكل .. مرت دقيقه والكل بحاله هدوء وصمت ! برتباك / بس ياعمي انا خاطري فيها من زمان اسالها اهي وتختار من بيننا !! ابو فيصل / ياولدي ياسر مايصير الا الي كتبه ربي والله ان خالتها كل يوم تدق على ام فيصل وانا رافض اقولها الحين لمى اسال عن الولد وسالت عنه ونعم فيه وفيك بس ياولدي ما ارضى بالظلم القرار بيدها ولا ودي اخيرها بينكم بيكون ظلم بعد بشاورها بالي متقدم لها قبل والله يكتب الخير استاذن بهدوء وطلع من المكان وحاس نفسه بيختنق من عمه ومن ثقافته وعدم ضلمه للغير انا ولد اخوك انا ابدى منه !! ................ الى هنا نهايه البارت قصير شوي لكن اتمنى ينال اعجابكم ورضاكم ولي لقاء باذن الله .......... لا اله الا انت سبحانك اني كنت من الضالمين اثير بنت ناصر 💕 | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
