03-09-18, 05:55 PM
| #1 | ||||||||||
|  بسم الله الرحمن الرحيم انا حبيت اشارككم أول رواياتي" صدفة غيرت حياتي " و كلي أمل ان تنال هذه الرواية اعجابكم البداية صحيت من النوم على صوت منبهي العزيز و توجهت للحمام اخذت شاور و خرجت علشان اشرب كوب الشاي اللي ببدأ فيه صباحي كل يوم ، شربته في هدوء لا يشوبه الا صوت العصافير لبست و نزلت من العمارة و ركبت العربية علشان اروح الشغل هذا هو روتيني اليومي و حياتي لم تتغير من سنتين اعرفكم على نفسي انا روان عايشة لوحدي في شقة في الدور الاول عندي 30 و مش متجوزة مع ان معظم البنات في سني عندهم كبشة عيال عندي اخت وحدة اكبر مني ،متجوزة و عندها بنتين اما اخي اصغر مني و مسافر مصر يدس . بشتغل دكتورة في مستشفى لا ارتدي اللثام تحبوا اوصف شكلي انا مش حلوة جدا و لا وحشة جدا انا فوق المتوسط بشرتي بيضا شعري اسود و عنيا كمان و عندي حسنة في دقني نرجع لليوم اللي غير حياتي وصلت المستشفى و اخدت كوب الشاي المخصص ليا و توجهت لمكتبي و انا في الطريق اتكعبلت و خبطت في كتف راجل لفيت و تأسفت منه لكنه بصلي بنظرة غريبة كان باين انه مندهش جدا و باستفهام قال روان ؟؟ *لمن يريد نقل الرواية الرجاء ذكر اسمي اما بالنسبة لمواعيد البارتات فانا لست من النوع الذي يلتزم بالمواعيد الدقيقة و لكني سأحرص على الكتابة كلما وجدت نفسي متفرغة و قد يصل عدد البارتات لخمسة في اسبوع واحد  لمن يريد مني ان اكمل الرواية ارجوا التفاعل لأعلم إن كانت تستحق ان اكمل كتابتها ، و شكرا روابط الفصول البداية .. اعلاه الفصل الاول .. في الاسفل الفصل الثاني .. في الأسفل التعديل الأخير تم بواسطة ebti ; 07-09-18 الساعة 02:34 AM | ||||||||||
|
|
03-09-18, 08:53 PM
| #2 | ||||
| اشراف القسم 
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا73, rola2065 ، رغيدا ، ebti ) اشراف وحي الاعضاء | ||||
|
|
|
03-09-18, 10:39 PM
| #4 | ||||||||||
| فصل 1 الرجل: روان ؟؟؟؟ انا: نعم هل تعرفني هو: بالتأكيد روان منير مش فكراني ولا ايه انا: للاسف لا اتذكر انني قابلتك قبل اليوم هو: انا سامي جاركم زمان لما كنتي لسه في اعدادي نزل عليا الخبر كالصاعقة اصل انتم مش عارفين سامي ده مش اي جار دا كان فتى احلامي لما كنت في اعدادي" 'و طبعا هو مش عارف" و هو نفسه اللي كبرت و كبرت و انا بضحك على نفسي اني اتنيلت و حبيته اصله كان اقصر مني و اصغر كمان و لحد الشهر اللي فات لسة السؤال ده بيتكرر في بالي. هو انا كنت عبيطة في اعدادي علشان احب واحد زي ده؟ بس دلوقتي انا شايفة حد تاني دبقى طويل و عريض و انا اللي كنت اطول منه بقيت فتفوتة جنبه تصدقوا حتى ملامح وشه اتغيرت ده بقى بينقط وسامة و رجولة الصراحة عمري ما كنت اتخيل ان اليوم ده ييجي ، طبعا سرحاني ده ما غابش عن سامي سامي: ايه للدرجة دي انا اتغيرت انا: صراحة ايوة الا صحيح انت عرفتني ازاي ده احنا متقابلناش من لما كان عندي 15سنة يعني قبل 15 سنة سامي: بس زي ما انتي تصدقي حتى اسلوبك لية زي ما هو انا: على العموم اخبارك ايه سامي: تمام انا: عملت ايه في السنيندي كلها و اهم سؤال بقى عندك كام عيل سامي : دلوقتي انا رجل اعمال اما بالنسبة للعيال انا اعزب انا: بجد سامي: و انتي؟ انا: و الله انا صحابي بيسموني عانس و انته افهمها بقى سامي: ههههههه يعني لسة ملاقيتيش فارس احلامك اللي هييجيو يخذك على فرسه الابيض انا: و مين قاللك اني عاوزة فارس احلامي ييجي على حصان انا عايزاه يجي على بورش و مش مهم لونها حتى لو سودا سامي: ههههههه و الله دمك خفيف في اللحظة دي افتكرت ان عليا شغل و لازم امشي انا: يلا يا سامي انا استأذن ورايا شغل سامي: انتي دكتورة هنا انا:للدرجة دي البالطو الابيض مش باين ده انا قعدة جنبك من 5دقايق سامي: هههههه اوكيه ده الكرت بتاعي علشان انا عايز اكلمك في شغل و يبدو انك مش فاضية دلوقتي انا: اوكيه مع اني مش عارفة ايه اللي جاب شغلي لشغلك بس مافيشمشكلة يلا باي سامي: باي واصلت طريقي و انا تقريبا بارتعش. ،هو انا فرحت ليه لما قال انه لسه مش متجوز معقوله يكون حبه لسة موجود في قلبي ، انا ماانكرش اني معجبة بشكلة و شخصيته بس مش كإن اعجابي المرة دي زايد عن حده ، هو انا رجعت مراهقة ولا ايه عيب يا روان انتي بقيتي في الثلاثين و بتفكري زي المراهقات اعقلي شلت الموضوع ده من بالي و رحت على شغلي و نسيت موضوع سامي خالص لغاية لما خلصت دوريتي خرجت من المستشفى و ركبت عربيتي و اتوجهت لشقتي العزيزة دخلت شقتي و عملت كوب شاي و توجهت لغرفتي العزيزة و قعدت في الشباك لارى مشهدا غريبا ، عربية بورش راكنة تحت العمارة! ! ايه ده هو فارس الاحلام سمعني النهارده و راح يجيب البورش علشان يبهرني ولا ايه لحظة وحدة الباب بيتفتح اهو و السواق بينزل ايه ده ،ده ابراهيم ابن طنط سماح الواد الغلس اللي لازق فيا من سنتين تحديدا من اول يوم سكنت فيه في العمارة دي ، و يبدوا انه هيخليني اغير رأيي في ان البورش تكون من مواصفات فارس الاحلام ، ايه ده ابراهيم بيبص عليا وبيبتسم ابتسامته اللي زي وشه هيفتكرني ملهوفة عليه و هيعمل السيناريو بتاع كل مرة بيييجي يزور فيها امه و اللي بيتضمن محاولة اقناعي بالجواز و تحديدا منه هو عاوزني اصوم و افطر على بصلة و اللا ايه ده لو اخر واحد في العالم مش هفكر فيه، المهم خليني اخش جوا احسن دخلت و رحت للسرير بتاعي و قعدت افكر في حياتي انا ليه رفضت كل اللي اتقدمولي مع ان في منهم اللي ميترفضش و هل ممكن في يوم من الايام اوافق على حد ، فجأة جا في بالي سامي ،هو لو في يوم اتقدم لي انا هوافق عليه ولا لأ مش عارفة ليه مش قادرةاحدد رأيي المرة دي مع اني في كل المرات اللي فاتت كنت برفض العرسان بمجرد ما بيقولوا انهم عايزين يخطبوني ، باين ان التفكير ده مش هيجيب فايدة اروح انام احسن و كدا رحت مباشرة على الحمام اغسل وشي و رجليا و سناني و بعدين رحت المطبخ اشرب ماء بارد ، #متسألوش ليه دي طقوسي اللي بعملها كل ما باجي انام # ثم توجهت الى سريري العزيز لانام و اكمل بذالك يوم اخر من ايامي المتشابهة و لكن هذه المرة كان شعوري غريب حتى انني و لاول مرة منذ عشر سنوات انام بهاذا العمق بذالك انتهى الفصل الاول اتأسف عن صغر حجم الفصل و لكني كتبته ليكون كملخص للقراء يأخذون فيه فكرة عن الرواية و يعلمون ما تحتويه الرواية من حبكة التعديل الأخير تم بواسطة كاردينيا الغوازي ; 03-09-18 الساعة 11:21 PM | ||||||||||
|
|
|
04-09-18, 11:13 AM
| #6 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
| الف مبروك روايتك الاولى واضح ان فيها لمسه كوميديه ان شاء الله تستمر ومتنقلب الدنيا بينه ههههههههههههههه عندي سؤال الروايه مصريه او خليجيه او احداثها بالخليج اخي اصغر مني و مسافر مصر يدس . بشتغل دكتورة في مستشفى لا ارتدي اللثام لان اللثام فقط بالخليج والسعوديه بالذات ونزل مصر .. يعني هي ليست بمصر او تقصدي مصر القاهره وروان بغير محافظه س اللي اعرف اللثام غير موجود بمصر بانتظار ان نعرف من صاحب البورش هل هو ابراهيم ام سامي عندي رـيي وانت حره اسم الروايه اسم مستهلك جدا وكثير من الروايات بهذا الاسم بصراحه انا دخلت فقط لاتاكد هي روايه منقوله وليست جديده لان الاسم مر علي سابقا وبالبحث وجدت عدد كبير من الروايات بنفس الاسم الاسم الشائع المكرر لي بمصلحة الروايه لان هناك من قرأ روايه بهذا الاسم ولن يدخل على روايتك اعملي بحث وخذي فكره عن الروايات بنفس الاسم بالتوفيق | |||||||
|
|
|
05-09-18, 09:44 AM
| #9 | ||||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| اقتباس:
هو سؤال سببه ان الروايه باللهجه المصريه .. وكنت ارغب ان اعرف اين مكان الاحداث هل الابطال مصريين في دوله خليجيه لان موضوع اللثام هو ماحيرني او القصه مصريه بحته درس تعليمي اتبرع به مجانا للاعضاء الجدد هند الرد على اضغطي هذه الايقونه  سيظهر لك التعليق ثم اكتبي تحته الرد لكي يعرف العضو انك رديتي عليه بالصدفه انتبهت انك رديتي على تعليقي بالتوفيق | ||||||||
|
|
|
06-09-18, 03:39 PM
| #10 | ||||||||||
| الفصل 2 صحيت من النوم بنشاط و حيوية النهاردة يوم الخميس و هو اليوم الوحيد غير الجمعة اللي مبداومش فيه في المستشفى لان الدكتور ادم بياخذ الشفت بتاعه في اليومين دول و في ال8 ساعات اللي بكون فيهم في البيت كل يوم بس انا النهاردة زي كل يوم خميس و جمعة حسيت اني زهقانة و م عارفة اعمل ايه فتوجهت للحل اللي بتوجه ليه دائما و هو اني اروح المستشفى اقضي كام ساعة ، لبست و شربت كوب الشاي و اتوجهت لباب الشقة و فتحته في خلقة ابراهيم ، مش انا قلتلكم ان الموال نفسه بيتكرر كل مرة ، انا بس عايزة اعرف هو ازاي بيعرف اني خارجة كل مرة مع ان مواعيدي مش ثابته باين انه بيقضي اليوم كله قدام الباب ، ما علينا خلينا نخلص من البلوة دي ابراهيم: صباح الخير يا انسة انا: صباح النور "طبعا اخلاقي متسمحش اني اطنش واحد بيوجه لي الكلام و ياما تمنيت انها تسمحلي يمكن يفهم اني مش طايقاه " ابراهيم: ايه رايحة فين النهاردة انا: هكون رايحة فين يعني ، اكيد للمستشفى ابراهيم: انتي غيرتي جدولك ولا ايه ، ماما قالتلي انك في اجازة النهار ده و انا الصراحة كنت جاي اعزمك نخرج سوا النهارده انا :انا فعلا في اجازة بس ملاقيتش حاجة اعملها قولت اروح المستشفى "برضه اخلاقي متسمحليش اني اكذب " ابراهيم: في حد يكون في اجازة و يروح الشغل ، على العموم بما انك فاضية ايه رأيك تيجي معايا ناكل حاجة في مطعم و بالمرة تبقي لاقيتي حتجة تعمليها في اليوم الفاضي ده ، و اكيد المستشفى مش مستنيه منك تروحيها دام انك في اجازة انا: موافقة ابراهيم: همر عليكي الساعة ثلاثة انا: ماشي ابراهيم: سلام هتستغربوا ليه انا وافقت ، انا هقول لكم ، اصل انا قررت اني النهار ده اقول له رأيي بصراحة و مشش هدور حجج علشان ابرر موقفي انا بس هقول اني مش موافقة و عمري ما هوافق ترررررررررررن ترررررن رحت بسرعة للتلفون الطرف الثاني: السلام عليكم ، انا مش اديتك رقم تلفوني و قلتلك اني عايزك ضروري ليه ماتصلتيش عليا انا: و عليكم السلام ، اصل انا نسيت موضوع الكرت ده اولا ثانيا حتى لو افتكرت مكنتش هاتصل بيك لاني مبحبش التلفونات و بعدين انت اللي عاوزني يعني انت اللي تتصل سامي: طيب يا ام العريف مجبتيش رقمك ليه و انتي عاوزاني انا اللي اتصل انا: لانك مطلبتوش اديهولك بالعافية ، و بعدين انت جبت رقمي منين سامي: جبته من موظفة الاستقبال في المستشفى انا :و هي كدا بتوزع تلفونات الدكاترة لاي حد سامي: لا بس انا قلت انك خطيبتي و عادي انا: و هي كدة اي حد يقول لها اي حاجة تصدقه ، و بعدين انت يا عبيط بتكذب ليه دلوقتي اكيد الخبر انتشر و مش هقدر اكذبه سامي: عادي مش لازم يصدقوكي انا الصراحة اتنرفزت و ما كان مني الا ان اقفل السكة في وشه عند الساعة ثلاثة الا خمس دقايق كنت جاهزة تماما و ما تبقى سوى ان انتظر ابراهيم ، بعد خمس دقائق تماما دق ابراهيم الجرس ، رغم كل عيوبه الا انني اعترف بأن التزامه بمواعيده هو احد مميزاته ، توجهت الى الباب وفتحته خرجت و لاقيت ابراهيم في ابهى طلة "صراحة احيانا بيصعب عليا " و توجهنا للمطعم طبعا انا كنت حاطة في بالي مطعم بسيط طاولاته على الرصيف و قدام الناس لكن لما وداني لمطعم راقي كان الموضوع بالنسبة لي مش مقبول لكن انا كنت عازمة على اني اول ما اقعد على الكرسي اقول له رأيي فيه بكل بساطة يعني متفرقش اذا كان جوا ولا برا اهم حاجة انه مكان عام ، هتسألوني ليه مقلتلهوش رأيي و انا في البيت هقول اني مش عارفة ايه هي ردة الفعل اللي هيبديها و اكيد انا مش عايزة امه تشوفه و هو مكسور الخاطر ، نرجع لابراهيم اللي كان بيكلمني و انا مش سامعاه ، ايه دا احنا قعدنا فعلا ، يلا يا روان بدأت المهمة الصعبة. انا: ابراهيم بص انا مش ناوية اكل حاجة انا جيت معاك علشان اقولك انساني يا ابراهيم لاني فعلا مش متخيلة نفسي متجوزاك ، انا صحيح بعزك بس مجرد معزة اخت لأخوها و مش متخيلة نفسسي مراتك ، فلو سمحت يا ابراهيم انساني و قول لمامتك كمان تدور لك على عروسة حلوة و صغيرة ، مش واحدة اكبر منك بخمس سنين زيي لاننا فعليا مش مناسبين لبعض اخذت نفسي برا المطعم و رحت للمكان اللي بروح ليه كل ما بحس اني انسانة حقيرة ، انا فعلا حقيرة لاني بفكر بمصلحتي و بس عمري ما فكرت بمصلحة حد تاني اخيرا وصلت ، لشقتنا القديمة لما كنت لسة صغيرة و عايشة مع ماما و بابا و اخواني هنا بحس اني طفلة من اول و جديد هنا و بس ، قعدت في الشقة ساعة و بعدين اتوجهت لشقتي العزيزة اللي انا ناوية اغيرها لاني مش هقدر ابص في وش ابراهيم و مامته بعد كدا،دخلت الشقة لبست البجاما غسلت اسناني و وشي و رجليا و شريثبت ماء بارد و توجهت لسريري العزيز و نمت ن مة كلها كوابيس التعديل الأخير تم بواسطة um soso ; 06-09-18 الساعة 04:20 PM | ||||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
