شال ، للكاتبة / هاجر اسامه "عراقية" (مكتملة)

[فيتامين سي]

الجزء العاشر

#⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ‏՞:هاجر ٲسامهه?

رفقه..عزه اني اسفه
مهند..اني الاسف بداخلي خرب ليش مخيلتها تدخل هي بالاول شكد مااستحي
دخلت رفقه وضوت اجواء العرس معرفت الاضويه منها لو من اضويه الحفله تدرون ردت اخذها انهزم بيها واحضنها قوي واروح بعيد كلشي ماسوي وياها والله بس احطها بصوره واكعد اتفرج عليها بغرفتي يوم بعد يوم دتاكد انو اني دحبها وماعرف شسوي هي مرح تفكر بيه اعرف يكفي انو اشوفها حتى لو لحضه واسمع صوتها الدافي
وطلعت ركض بس وصلتهم
رفقه..جنت اتمنه هذا اليوم يكون يومي اباوع هالعروسة جمالها مايوصف لو مصاير الي صاير جان اني صرت بمكانها وعيوني دمعت
متحملت نفسي رحت للحمام ابجي ونور وايه حاضنيني

مهند..رجعت على نور اخذها ووصيت زيد لايجي حتى اني ارجع رفقه للبيت وي نور كمت انتهز اي فرصه حتى اشوفها
من طلعوا من العرس
رفقه..زيد بعده مااجه
مهند..اني راح ارجعج زيد مرح يجي
رفقه..ماريد منك شي
مهند ..بعد ماتحمل وكتلها ..تالي وياج كتلج اني ارجعج
جان تعثر واني لزمتها من ايدها
رفقه..وخر اني زينه مابي شي
حبيت اعتزازها بنفسها بعد كل الي صار
بالطريق جان اكو مره تبيع ورد وكلايد مال ورد
اصرت نور الا تشتري
مهند..وكفنه ..يانور كم وحده تردين
نور ..اخويه وحده اريد واشترت نور وحده كلاده
المره..وزوجتك الحلوه
متشتريلها وحده
رفقه..اني مو
مهند..راح اشتري وحده الها
نور ..ضحكت
رفقه..ماريد
مهند..منو كال الج
رفقه..بداخلها شكد ميستحي هاي ليش هيج يحجي
مهند..اشتريتلها كلاده كلش حلوه
ولفت من وراها وجان البسها الها بس مالزمتها هي فزت
مهند..لاتخافين اني مااذيج
رفقه..هاي شنو
مهند..الج
رفقه .. سكتت ومحجيت ولا كلمه
نور..تبتسم
مهند..شونكم بالامتحانات
نور..منال تره مهند مدرس انتي موكلتي عندج الرياضيات عندج بي مسائل مده تعرفيها
رفقه..لالا كلها اعرفها ماريد شي
مهند..ضليت اباوعلها خطف من تندار ادير وجهي وضلينه هيج طول الطريق
ورجعنه للبيت بعد ماوصلناها وكتلها لامي لازم تتعرفين على ام منال
نور..طبعا يابه طبعا هاي ام الحب
مهند..انجبي
نور..وين تلكه مثلها اصلا صديقتي واموت عليها
الام..صدك مهند صدك تحبه والله يوم المنه افرح بيك
مهند..حيلج حيلج يوم هاي بنيه اقارب ابويه من بعيد انتوا متعرفوهم
الام ..منو هذول وابوك محاجيلي بيهم معقوله ماعرفهم
مهند..ها لالا متعرفوهم
وره فتره خليت امي تعرف امها وفهمت ام منال انو ادكول لامي انو احنه اقاربكم من بعيد حتى لاتعرف الي صار وكلش كبرت بعين ام منال جانت تسميني الشهم
وامي حبت منال حيل بس اني الوحيد الي جانت تخاف مادري تضوج مني منال خرب بحضي
المهم مره امي عزمتهم نطلع ونجيب اكل ويانه ونروح نغير جو ووافقت ام منال ورحبت بالفكره وجنت اعرف منال مغصوبه عالطلعه بس هاهيه اريد اشوفها واطلع وياها بعد ماتحمل
رحنه وأخذتهم بسياره صديقي وفرشنه وجانت امي جايبه دولمه وام منال جايبه برياني ومقبلات كعدنه واكلنه
نور..صدك مهند انت ليش ويانه احنه بس نسوان
مهند..دغها كعدي فضحتيني بنت المصموط وضحكوا الكل
مهند ..اني جاي وي زيد موصح زيودي
زيد..اي صح ليش اني مورجال
نور..اي اي علمود زيد صحيح لو علمود وضحكت
مهند..كفخها شنو اصلبج يوم
نور..اخ
رفقه كامت وراحت تتمشه بعيد واتبعدت واني اكل واراقبها الى ان اختفت رحت بدون ميدرون رحت اتمشيت وراها شفتها تشتم بالورود وتغني الله ياصوتها شكد حلوو
اجوي ولد مراهقين من يمها ذبوا حجي
جان اصير ركض وراها
مهند..اني موبعينكم مو
واحد من الولد ليش منو انت بله
مهند..اني الي يعجبك
ضحك الولد وكال..انت سكران لو شنو
مهند..كاله اي عندك شي ويايه تعال تكدر ادكول اني اخوها لو زوجها لو ابوها الي يعجبك
رفقه..مهند كافي الله يخليك
مهند..سكتي انتي
وضربهم وضربوه وادخلوا ولد هم وكبرت السالفه الى ان انتهه الموضوع مهند قميصه انشك شويه
رفقه..انت زين
مهند..مابي شي
بس انتي المفروض متمشين وحدج ولاتبتعدين انتي الغلطانه
رفقه..شنو وبعدين انت ليش تحاسبني منو انت
انت ولاشي
مهند..جرها من ايدها سمعي زين اني مسوول عنج وكافي تعامليني هيج اني ماشتغل عندج
رفقه..عوفني
مهند..ماعوف الا ادكوليلي حاضر
رفقه..كلكم مثل كرم كلكم مثله انت وهذاك والكل
مهند..خرب بيومي ان شاء الله اموت اني مومثل كرم افتهمتي وضليت أهز بيها ولازمها حيل من ايدها اني موكرم موكرم
رفقه..كمت ابجي كلش وماحجيت شي
مهند..ليش دتحجين وكمت اعيط اني موكررررررررررم ياعالم ياناس راح على واحد ميعرفه وسأله اني كرم اني كرم ياعالم اني كرم وكلسع يسال واحد عبالهم مخبل بالشارع
رفقه..ضحكت من كام يسوي هيج
مهند..اموت على حياتي كلها من تضحكين
رفقه ..ليش
مهند..لان لان
وجان أغير الموضوع دتشوفين هذا العصفور الفوك جان اخلي ورده وره إذنها
رفقه..هاي شنو لاتسوي هيج بعد وبعدين رجعني اريد ارجع
مهند..حاضر تفضلي خل يرجعج الخدام الي يشتغل عندج
رفقه..باوعت عليه وعفته وجنت امشي قبله وهو ورايه ويغني وجنت اسمع صوته كلش حلوو
وعلى غفله كامت تمطر واشوف الناس تتراكض والضحك صار بفلس هذا الي نسه حذاءه وهذا الي نسه الجدريه
على غفله جان يمشي ورايه شفته يمشي يمي ونزع سترته حطها فوكانه لان شعري اتبلل شويه
جان يكول مهند..

# يٰٖت?ٰ۫ب?ٰ۫ﹻܷؖـــــــــــــ؏ ،🍟🍫”

[فيتامين سي]

الجزء الحادي عشر
#⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ‏՞:هاجر ٲسامهه?

اتفاعلوا اذا ماشوف تفاعل قوي مانزل اي بارت
مهند..احب احب خفت احجيها
رفقه..الدنيا دتمطر قوي
مهند ..اي اي اركضي
رفقه..شنو
مهنداتقربي حتى لاتتبللين
رفقه..ماتقرب
جان يحط سترته على راسي
رفقه..لا
مهند..بطلي عناد
رفقه..وانت
مهند..امشي امشي

عزلنه الاغراض وكمنه وصلتهم للبيت
رجعت للبيت مراحت من بالي هالرفقه
رفقه..سترته بقت يمي يوم
الام..ميخالف هسه من تجي نور عليج عود تاخذها
رفقه..نشفت نفسي ولبست هواي هدوم وكعدت اقره بس جان شكل مهند بالكتاب وتصرفاته مكدرت انسه الي ديسويه وياي بس بداخلي جرح مده يتوقف نزف مكدرت اقره بذاك اليوم
مهند..من حطيت راسي عالمخده افكر بيها واعطس آثاري تمرضت بقيت تلاث ايام بالبيت مريض

رفقه..من جتي نور سألتها على امها ومسالت على مهند ماكدر اسال عنه
نور..كالتلي ومهند
رفقه..شبيه

نور..مهند كلش مريض
رفقه..شنو
نور..اي استبرد
رفقه..سكتت محجيت ولا حجايه لان عرفت بسببي هالاستبراد غطاني بسترته واتمرض
هسه شجابه هذا بحياتي ليش دخلت بحياتي موجان صدري كله خيوط عنكبوت احس بيه وگلبي أنسد بسبب هذي الخيوط
اجيت انت ودتحاول توخر هذي الخيوط واني دتاذه
هذا الكلام حجيته بداخلي جنت دنزف وانزف وانزف
رفقه..رحت على امي كتلها راح اسوي شوربه واكل لمهند لان كلش مريض وكوليله انتي الي سويتيه
الام..الله يهديج بنتي ليش دتناقضين روحج
رفقه..شتقصدين يوم
الام..تعرفين شقصد شكو بيها
رفقه..مستحيل يوم مستحيل عوفيني بحالي متريدين ادكولين انتي ممسويه الاكل لاتسوي
الام..خلص خلص راح اكول
ضلينه نقره اني ونور الى ان راحت حملنه وياها شوربه ومعجنات وسويتله برطمان بي زنجبيل وليمون وعسل حتى يشربه
نور..انتي الي سويتي مو
رفقه..لا مو اني امي
نور..امممم
رفقه..نور بلاهالسوالف
انتي متعرفين قصتي بعدج
نور..شنو
رفقه..روحي هسه
نور..كرصتها وبستها وشلت الاغراض وطلعت
مهند..من كالتلي رفقه سوتلي الاكل طرت من السعاده خسئت روحي دخلت الجنه خلص طفرت من الفرح
نور..اي الي يشوفك البارحه ميشوفك هسه هاا صرت زين مو
وامي تضحك عليا
رفقه..نجحنه اني ونور وكلش كيفنه
بهاي المناسبه مهند اشترى هديه لنور وهديه الي واني انصدمت من الهديه جابلي كناري كلش حلوو
من جنت دحجي وي الكناري شفت امي صافنه
رفقه..شكو يوم
الام..ماكو شي بنتي بس ام مهند تريد تشتغل وتريدني اني اشتغل وياها
رفقه..اي حلوو شنو الشغل
الام..عالطبخ نطبخ لسوبر ماركتات ونبيع
رفقه..اي يوم كلش حلوو
الام..لان فلوسنه خلصت تقريبا
رفقه..سوده عليا شايله مسؤوليتي ومسؤوليه اخوي
الام..لاتحجين هيج بنتي انتوا روحي من الدنيا
رفقه..يوم ان شاء الله ادخل معهد مال معلمات واساعدج حبيبتي وحضنتها
ثاني يوم عزمنه مهند على مطعم امي كامت كلش تحب مهند وتريده الي وجنت متوقعه هالحجي بس مجنت اتصور راح يصير هذا الشي الي صار اليوم
من طلعنه لبست بلوز وتنوره وحطيت مكياج وحمره واضحه وشديت شعري نص
آتسالمنه اني وام مهند ونوره واجه هو سلمت عليه وطلعنه
مهند..من شفتها صرت احمر
من وصلنه اني جنت لابس قاط ومكيف بنفس
ومن كعدنه
رفقه..حمدلله عالسلامه كالوا مريض
راد يكعد يمي جان اصيح على زيد
رفقه..تعال زيد حبيبي اكعد هنا
برغم جرحي العميق مادري ليش جنت اقبل بتوسلات امي على الطلعه وي بيت مهند الولد كلش حباب بس اني مذبوحة
جنت
مهند..كلش ضجت من حطت زيد بيناتنه
رفقه..ضليت طول الكعده ضايجه وتالي من طلعاتنه المستمرة شيريد مني برغم حبي لامه ونور
ام رفقه..كومي ام مهند خل نجيب المقبلات
تعال زيد ويانه انت ونور حتى تشيلون ويانه المواعين
رفقه..يوم ووكفت
مهند..كعدي اريد احجي وياج
رفقه..ماكدر
مهند..امج وافقت
رفقه..ماكدر اكعد وحدي وياك
مهند..كلمتين وبس
رفقه..حسّيت گلبي راح يوكف مادري ليش خفت هالخوف وحسيت نفسي صرت حمره كلش
بالمطعم جانوا حاطين ورد بمواعين وشموع ومگلوب الجو ماعرف ليش
جبت الماعون الي بي الورد وطشيته على راس رفقه
رفقه..ضحكت
مهند..كعدي بت الكيكه بت الجكليته بت البسكت بت النستله
بس افهمج
رفقه..شتريد
مهند..بالحقيقه والواقع ياربي شلون احجيها شلون اجيبها شوفي منال اني اريد اكولج يعني شنو هو الموضوع باختصار يعني
رفقه..ابتسمت
مهند..ليش تضحكين أمده هالخدود الحلوه
رفقه..لاتحجي وياي هيج
مهند..حطيت ايدي على كرسيها واندمجت جان هي تبعد الكرسي وجان اوكع اني
هي واتبعدت من الطاوله كمت وكتلها منال احبج
بصوت ناصي
وراها غمضت عيني وكتلها احبج بصوت اعلى
وراها علّيت صوتي وصيحت احبج منال واريد..
متحملت
رفقه..انداريت عليه مصدومه
وراها رحت اركض
مهند ..كمت اركض وراها
رفقه..طلعت من المطعم بردانه ومصدومه وطلعت رحت وابتعدت ماريد اسمع احد ولااشوف حنى امي عفتها وعفت اخويه خفت وردت انهار معبالي يحبني عبالي بس ديساعدني وبس اعجاب ياربي هاي شلون يألفه هم حرجع انذبح من جديد
ماحسيت غير شخص ورايه اعرف ريحه هالشخص مهند ورايه
مهند ..تزوجيني
رفقه.....


# يٰٖت?ٰ۫ب?ٰ۫ﹻܷؖـــــــــــــ؏ ،🍟🍫”

[فيتامين سي]

الجزء الثاني عشر
#⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ‏՞:هاجر ٲسامهه?


اتفاعلوا قوي تره ماانزل اي بارت بعد والله تره ازعل
رفقه..تزوجني تريد!
مهند..اي
رفقه..انت شدتحجي اني مذبوحة من جوه اصدقاءك نهو على حياتي وانت جاي على وحده انتهت اني موبنيه تعرف يعني شنو اني مو..
مهند..خليت ايدي قريب لحلكها سكتي سكتي ولاكلمه انت اميره الأميرات لج لو بيدي افرش الكاع ورد الج
وكل شخص اذاج راح اشرب من دمه منو كالج اني راح اعوف كرم ولاذاك
رفقه..انت مخبل مو
مهند..لج مده انام ده اكل بس طرشي مده احس بالاكل عايف المرك والتمن وكلشي دعوف أكل خيار او مده اكل دنسه اشرب ماي دنسه الشغل والتدريس وج راح اتخبل
رفقه..مستحيل
مهند..بس انطيني فرصه
رفقه..الله يخليك كافي
مهند..لاتحبيني هسه بعدين حبيني خليني اني احبج
رفقه.. انت لاتشعر عقده ذنب اتجاهي انت مالك علاقه بالموضوع
مهند..احبج اني احبج افتهميني
رفقه..مهند خلص
مهند..منال حصرتها بالزاويه متحملت واتقربت لاذنها
رفقه..شدسوي وخر عني راح اعيط
مهند..احبج ريحتج صوتج ضحكتج البجي مالتج خجلج عصبيتج كلشي بيج احبه
وبعدين اني وياج دائما
رفقه..شتقصد
مهند..الشال الي بيدج هذا مالتي
رفقه..شنو وخر صرت عصبيه ودفعته وردت انزعه
مهند..بعد صارت ريحتي بيج تدرين هذا الشال جنت يوميه اعطره واخلي بيدي وانام الى ان هديته الج
رفقه..اني الج يانور
مهند..وشالج بيدي شوفيه
رفقه..كتلك وخر عن طريقي
مهند..نجوم السما اقربلج وراح تحبيني فد يوم من الايام وراح اطيح حظ كرم وعافني وراح
وره فتره رجع كرم من السفر ورفقه عرفت وحلفت الا تنتقم منه بس جانت تريد تخطط حتى اتاذيه مثل مااذاها
قررت تروح تدخل معهد معلمات
ردت اصير اقوه واقوه وأصرف على اهلي وبليلتها جنه دنتعشه وجتي ايه لبيتنه
الام..تفضلي ايه حبيبتي
رفقه..ايه تعالي تعالي بستها وطكت من البجي
الام..شبيج بنتي
رفقه..عزه شصاير
ايه..راح اتزوج رفقه
رفقه..شنو
الام..شكو بيها بنتي هذا الموضوع يبجي شجرالج
رفقه..وديتها لغرفتي وحضنتني وتبجي
وج شبيج
ايه..متعرفين مشكلتي يارفقه اني مده اكدر انسه مهند
رفقه..صار وجهي يكلب الوان وهو بارحه متقدم الي ماكدر اخون صديقتي اني مونذله مثل ماكرم خان حسام
قررت انو
ايه..اني اعرف
رفقه..شنو تعرفين
ايه..بحبه
رفقه..حب منو
ايه..حبه الج
رفقه..بس بس ايه بس
ايه..كامت تبجي كلش
رفقه..انتي متوهمه صدكي اني بس اشرحلج الموضوع
ايه..لاتشرحين اني اعرف مهند يحبج وهذا الموضوع كلش مبين مشفتي من شالج مشفتي شلون يباوع عليج مشفتي لهفته عليج من جئتوا للعرس
رفقه..اني موحقيره ايه اسمعيني
ايه..اني مزعلانه منج اني زعلانه من الدنيا هوايه
رفقه..الله يخليج حضنتها بحذر وضلينه نبجي سوه
راحت ايه
وقررت انو مااتقدم اي خطوه وارفض مهند نهائيا حفاظا على صداقتي وي ايه حتى او تزوج غيره
مهند...من جيت اوصل نور يم رفقه ماطلعت حتى تسلم عليا
استغربت
وجتي امها على امي وهم ماجتي
مجانت تعرف هالرفقه انو اني من فتره حاجي عليها يم امها وطلبتها من امها
معقوله هيج تكرهني معقوله هيج متحبني
رفقه..بقه بداخلي بس سالفه الانتقام خسرت كلشي الحب والزواج وحتى اي شخص بحياتي مده اكدر ادخل قررت انتقم من كرم
مهند..جنت رايح للمدرسه بس تدرون اتحولت شنو..
رفقه..ثاني يوم كعدت الصبح رحت اجيب أغراض من البگال

انصدمت من المنظر الي شفته
مهند كاعد يبيع
رفقه..فتحت عيني وفزيت ..بابا هاي شدسوي
مهند..طماطه بخمسميه خيار بالف وربع
رفقه..عزه بعينك كمت اضحك على سوالفه
انت مخبل والله
مهند..احبج يالطماطه احبج
رفقه..وين ابو المحل
مهند..اني
رفقه..اني بعينك وعفته ورجعت للبيت
مرت فتره
نور قررت تحتفل بعيد ميلادي واني بحياتي ممحتفله بي اصلا أنسى هذا اليوم بس هي تحب هاي السوالف جنت اعرف اليوم هو عيد ميلادي بس مجنت مصوره انو راح يحتفلون بي امي تريديني بكل الطرق اتقرب من مهند وأمه كذلك بس اني مثل التعقدت
بنفس اليوم رحت اقدم على معهد المعلمات وقبلوني من رجعت للبيت شفت شالات مشدوده بالباب شال وره شال وره شال وصاير مثل الحبل
رفقه..يوم شنو هذا
محد جان يجاوب
خفت عبالي امي بيها شي ورحت اركض عالمطبخ الي صار بي الحادث عبالي صار شي طبيت للمطبخ شفت نهايه الشال بايد مهند ويباوع عليا ويبتسم
رفقه..شنو هاي
مهند..شنو شنو
رفقه..شنو هاي السوالف
نور..سنه حلوه ياجميل وشايله كيكه بيدها كل عام وانتي بالف خير
سوينالج مفاجاه
رفقه..صرت كلش عصبيه انت شتريد مني شتريد
ليش دتطلعلي بكل مكان وتلاحقني وتحاول بكل الطرق تخليني كبالك رايد تذبحني من جديد وتذبح ايه وياي
اي اي ايه الي محبيتها تريد أخونها مثل ماخان كرم صديقك اللاخ
اني بنيه شريفه اذا امي قابله هالشي لان تريد تستر بنتها بكل الوسائل اني ماريد واحد يشفق عليا افتهمت
الام..بس سكتي بس كافي عاد رحميني
اني موكرم اني موكرم الي اعتدى على مرت زوجه
نور..شنو انتوا شدتحجون
مهند..سكتي
رفقه..تريدني أخونها
مهند..سكتي
رفقه..اني موكرم
مهند..كتلج اسكتي اسكتي وكلش ضربت على الطاوله باوعي زين اتحملتج هواي اتحملت عصبيتج اتحملت تجريحج الي اتحملت مقارنتج الي بيهم واني كلشي ممسوي انعل اليوم الجيت بي زين هسه رايح لكرم هسه رايح لو اني اموت لو اموته ويصير كاتل ومكتول افتهمتي حتى تخلصين مني اني دخطط وعرفت جاي ودراقبه تريدين اموت هسه صار ادللي
نور..كامت تلطم مهند كافي الله يخليك لاتروح انت ابويه لاتيتمني الله يخليك لاتروح وكعت نور بالكاع وكامت بس تبجي
رفقه..نور لاتبجين وكامت تبجي
نور..ليش هيج دتسوين بي هو يحبج ليش هيج دتعذبيه ليش
مهند..طلعت ورحت امشي ورجلي احسها نار وكلشي بيه ينتفض من العصبيه وعيوني تجدح
وابتعدت عن البيت
لازم انتقم الها حتى لو تكرهني لازم اموت كرم
حسّيت حس من بعيد يصيحني
منداريت
رفقه..مهنننننننند لاتروح اوكف
مهند..وكفت بمكاني جامد
رفقه..الله يخليك لاتروح
انداريت
رفقه..مهند ودسمع نهتاتها ونفسها ردت احضنها قوي وأكسر ضلوعها
مهند..شتردين كلتها من وره گلبي
رفقه..لاتروح
مهند..ليش
رفقه..هو هيج
مهند..شنو هو هيج لزمتها من ايدها ليش مترديني اروح
رفقه..كافي تضغط عليا لايصير بيك شي
مهند..تخافين علّيا
رفقه..طبعا لا
مهند..ماشي ماشي رايح
رفقه..لزمت ايدي لاتروح
مهند ..تدرون من لزمت ايدي والله والله ردت اصيح بالشارع مرت نسمه هوه خفيفه
رفقه..بعدت ايدي عالسريع
مهند..اموت على ربج
جان تسوي شي رفقه ماجنت متوقعه بحياتي

# يٰٖت?ٰ۫ب?ٰ۫ﹻܷؖـــــــــــــ؏ ،🍟🍫”

[فيتامين سي]

الجزء الثالث عشر
#⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ‏՞:هاجر ٲسامهه?


رفقه ..كمت اضرب بيه على صدره واكوله وخر عن حياتي ليش الا تخليني احبك وتروح
مهند..شكلتي
رفقه..مكلت شي مهم بِعدين شنو اطرشيت
مهند..اتقربت كلش الها وكتلها حسي بيا الله يخليج
رفقه..بديت احس انفاسه على رگبتي اتقربت انفاسه دافيه وبديت احس هذا الدفا انتقل لكل اجزاء جسمي وجمدت بمكاني مكدرت اتحرك
رفقه..عوفني
مهند..شكد احبج حتى لو متحبيني لو تدرين شنو بداخلي لو تدرين لزمت ايدها وضليت احجي
تعرفين انتي شنو بالنسبه الي انتي الخلاص انتي ضحكه طفل انتي خبزه بايد الفقير العايز انتي عم❤️ري الي ماعشته بعد انتي فرحه عرس حبيب وحبيبته انتي روحج جايه ومربوطه بالجنه
رفقه..خلص مهند خلص وضربته راجدي
بس بداخلي كلت ياربي لاتروح لاتخليه يروح ياربي انت تعرف بحالي شصاير بيه ياربي تعرف عذابي وشنو ده احس دحس بالضعف والعجز دحس انو اني ماعايشه ياربي بس هذا الشخص الي خلاني احس انو اني عايشه ياربي لاتوخره من حياتي ياربي ديحسسني بالراحه ديحسسني انو اني اكدر استمر واكدر اكون مستقبل ياربي خدوش كرم الي سواها بوجهي ويبدي خفت على ايد مهند يارب لانستغني عني
مهند..ماروح افتهمتي عن حياتج واذا مديتي ايدج بعد راح اكسرها لزمت ايدها قوي وباوعت بعيونها بعصبيه
رفقه..ضليت ابجي وعفته ومشيت بعيد وكلت بداخلي الحمدلله ماعافني هو مده يشوف وجهي كمت ابجي واضحك دشكر ربي بداخلي لان مراح فبجيت وبجيت قوي
مهند..بعدج تحبيه
رفقه..اسكت
مهند..بعدج تُحبين حسام تره موجود بعده وماسافر واني الغبي عبالي سافر
رفقه..وكفت وماتحركت ولاحركه
مهند..روحيله اذا تحبيه روحيله كلتها بكل عصبيه وعيني دتجدح
رفقه..ماسافر انت صدك تحجي
مهند..روحي شوفي بمزرعه كرم اذا متصدكين
رفقه..بعده ماسافر صدك وعافني وحدي شكد مورجال لعد هيج يستغني عني بكل سهوله زين ليش القدر مجابلي مهند من البدايه ليش دائما يجولنه الناس الغلط وبعدين من نضل نتعذب يجيلنه الشخص الصح بعد ما صدّرنه تخلع من الداخل وضلت الدنيا تشرب من گلبنه المذبوح حتى نكوِّم منحس مشاعرنه تعبانه ومالنه حتى خلك نحب مارين بهذا الاحساس مو كانوا المشاعر تصير شي مستعمل تعبان مومشاعر جديده نجربها اول مره حتى هاي المشاعر تعبت من الخداع والكذب والشك والعصبيه

مهند..ضلت تمشي وعافتني ودخلت لبيتها مثل المصدومه من وجود حسام الي بعد فتره ظهر بمزرعه كرم ويشتغل عادي هو ميعرف الي سوه هيج برفقه بس كانوا مسحها من حياته كانوا ماتت وتابع حياته بطريقه عاديه وحبه وكلامها عنها يوميه يمي ويم كرم ويمي بالاخص شتحب شتكره شنو هالحب الي بس انخدشت البنيه ينسى كلشي ويعتبر البنيه ماتت بسبب المجتمع هيج المجتمع مهم زين احنه دنعيش وي المجتمع لو دنعيش وي حبيبتنه وزوجتنه احنه دنام وي المجتمع وناكل ونضحك وياه لو وي زوجتنه
ليش البنيه لازم اول متجي ينكتب على گصتها ممنوع الاقتراب خطر سريع الاشتعال سمعه شرف ليش لازم تندفن من عمرها يصير عشر سنين وفوك اول متبدي يصير عدها فتى احلام اول ماتبدي تحط عطر اول ماتبدي تباوع على روحها بالمرايه وتفل شعرها اول ماتبدي تسال امها انتوا شلون تزوجتوا وشلون وشلون
ينحكم على البنيه بالإعدام

رفقه..تدرون ضليت إبجي طول الليل مو على حسام على ايامي وياه على مشاعري الي تعبت وياه ومتعبت وي مهند
كعدت الصبح وكلت حنسوسه الكناري مالتي سميته هالاسم و سويت ريوك من وره خشمي حطيت هالزيتون وسويت بيض وخبز الله مشتاقه لايام التنور وايام الكليجه بالرغم انو امي رادت تشتغل وي ام مهند بس ليش مااحنه نشتغل ونبيع للناس
معهد المعلمات موهسه بعد عندي وقت ماحسيت نفسي غير رحت على امي فززتها
يوم يوم كومي
الام..بنتي شبيج من الصبح
رفقه..كومي نشتغل
الام..شنشتغل
رفقه..نسوي اكل ونبيع انتي موحلم حياتج هذا جان وعلمتيني الاكل
الام..شلون نبيع
رفقه..هسه نبيع بالبيت وراها من تصير حالتنه تسمح ناجر مكان
الام..صعبه بنتي
رفقه..صدكيني ماكو شي صعب اني الي صار بيه وراها كدرت اعيش جنت ميته يوم وبعدني نص الميته بس كدرت ادرس وو
الام..ومهند
رفقه..شبي
الام..مهند طلبج مني
رفقه..اني زعلانه عليج ماكلتي على هذا الموضوع ليش
الام..مهند كالي انو مااكولج ماراد تزوجيه غصب راد تحبيه صدكيني اني مراضيه على هذا الشي وطباته وطلعاته بس اريد الستر ولو ما اعرف امه وأخته وشكد خوش ناس ولان طالبج مني واني وافقت
رفقه..يعني شنو وافقتي واني شنو خريعه خضره
الام..اسمعي زين تزوجيه ورجلج فوك رگبتج
رفقه..صارت غصب السالفه تمام يوم خل نشوف منو راح يتزوجه وراح نفتح مكان وراح ادخل معهد حتى ادرس وراح اصير قويه بدون رجال زين
الام..دنجبي انجبي يله روحي شري الهدوم غسلتها الفجر
رفقه..ماشي يوم ماشي كلتها وجنت كلش عصبيه ورحت اخذت الهدوم حتى اشرها واخذت زيتونه واكلتها وغطيت الاكل جنت الصراحه ميته من الجوع
فكرت انو البنيه ليش لازم يكون بحياتها رجال حتى تكدر تعيش علمود شنو يعني جنس؟اني مااذاني غير هالسالفه بس ليش مهند من يتقربلي احتر شنو السبب ليش يكّوم جسمي يرجف يعني الجنس حلووو لو موحلوو بس هو موكلشي بالحياه بس الحنيه انو شخص يهتم بيج ويتغزل ويسمعج كلام حلوو ويذكرج حتى لو بشال جان اشوف شال مشرور على الحبل شال جديد ماعرفه
بالمناسبه اكولكم انو اني فتحت محل مال شالات تعالوا اشتروا مني صارتلي كوام من الشالات وكل وحده الها قصه ماعدا الشالات الي كطعتهن مال حسام زين ليش كلما يدخل بحياتي رجال تبدي القصه بشال
صدك هذا الشال الجديد منين مده اعرف زين
مهند..مني
رفقه..شفته جان شعره مبلل يمكن جان غاسل وريحته يبوووووووو على ريحته ومزين وواكفلي مثل ناطور الغابه
وكتله..العفو انت شنو تبات ببيتنه لو شنو ماعندك اهل
مهند..انتي ليش لسانج طويل
رفقه..انت شلون تحجي هيج وياي
مهند..بكيفي
رفقه..لابله شنو صفتك
مهند..زوجج وانتي تحبيني وتريديني وتشتاقلي وانتي
رفقه..تحلم
عفته ورحت
ثاني يوم ضليت كاعده افكر وقررت اروح لبيت كرم حتى اشوف قدري ومكلت لاحد حتى لامي وو

# يٰٖت?ٰ۫ب?ٰ۫ﹻܷؖـــــــــــــ؏ ،🍟🍫”

[فيتامين سي]

الجزء الرابع عشر
#⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ‏՞:هاجر ٲسامهه?

رفقه..اخذت سياره واني بالطريق مادري شصار بيه خوف على تعب على دوخه عود ليش اني رايحه ده اخذ حقي بس جنت كلش خايفه من مواجهتين موبس مواجهه وحده كرم الي دمر كل حياتي ومن مواجهه حسام الي عافني بنص الطريق شلون راح اشوفهم بس نار الي بگلبي مرح تروح الا اشوفهم بعيني

وكفت السياره
ابو التكسي يكولي ..وصلنه
رفقه..اني بداخلي دحجي ..اني ليش هنا شنو جايه اسوي شنو اريد اثبت لروحي انو اني مثل الولد حالي من حاله زين اذا اعتدى عليا مره لوخ شلون
وهذاك حسام اذا ضربني شلون
ليش المتعذب من شخص يتمنى الا يشوفه ويواجهه حتى يكدر ينساه ليش البنيه لازم يدخل شخص بحياتها حتى تكدر تنسه جرحها
ليش ماتعتمد على نفسها بشغل او طموح وتصير شي حتى ماتعتمد على احد او اي رجال
ابو التكسي..اختي وصلنه اختييي
رفقه..ها العفو العفو انطيته الاجره ونزلت
رجلي جانت دترجف وحسيت الدنيا ابرد غطيت نفسي بالشال ومشيت ردت ارجع بس فضولي موتني والحرگه الي بگلبي خلتني اتقدم ملكيت احد ديشتغل بس رجال بعيده دتمشي

الام..وين منال زيد شنو بره
زيد..ماعرف يوم انتي موكتيلها تشر هدوم
الام..اي ابني كتلها اطلع شوفها لخاطر الله ضَل بالي
زيد..يوم ماكو
الام..شنو هاي وين راحت عزه مكالتلي
زيد..حروح اشوفها بره البيت ويم السوبر ماركت انتي متاكده مكايلتلج وين رايحه
الام..عزه بعيني مكالتلي
ومر الوقت والام كامت تلطم وتبجي
الام..زيد روح على مهند روح كوله روح فدوه لعينك
وراح زيد ركض على بيت مهند
وطلع مهند على الباب
مهند..شنو شدكول
مهند احنه ماعدنه غيرك الله يخليك روح شوفها
مهند..حتى نسيت البس حذائي ضليت بالشحاطه ورحت اركض اني وزيد اخذنه سياره وركض على بيت ام رفقه
اول مافتت
الام..بنتي ضاعت مهند وين بنتي انت موكتلي اني ماعوفها لكي بنتي
لمن شفت ام منال دتبجي بهالطريقه گلبي انذبح وعلى منو على البنيه الي مصدكت لكيتها منال ليش عفتيني ليش رحتي اني حبيتج وردتج تنطيني فرصه وحده ليش ذبحتيني
مهند..خاله اني مرح اعوفها راح اجيبها
واني بداخلي دنزف ودايخ وگلبي معصور وأكول بداخلي هاي وين راحت منين ابدي ادور ومنين انتهي بيا مكان ومنو اسال ومحد يعرفها ضليت ادور بالمحلات وداير مداير البيت وبعد نص ساعه اذكرت
من كالتلي رفقه
اني لازم اخذ حقي من حسام وكرم
مهند..فتحت عيني وجمدت وكلت ..معقوله راحت هناك مستحيل بس ماكو غير مكان تروحله وعلى غفله كمت اعيط ورحت ركيض على المزرعه وكلت مرح اعوفج مرح اتخله عنج ومرح اخلي يصير بيج شي ياربي ساعدني

رفقه..ضليت كاعده وره الشجره انتظر واحد منهم يبين واحس روحي شبه فقدت لان بارده الدنيا وأبو المزرعه خلاني انتظر بحجه انو هو يعرفني ويعرف حياتي كلها وعلى غفله شفت سياره كرم جتي ووياه بنيه ماشفتهم كلش زين جنت وره الزرع خاتله والدنيا دتبرد
بس المنظر الي انصدمت منه هو من سايق السياره نزل فتحلهم الباب واصواتهم جانت عاليه ديضحكون بصوت عالي بس السايق ياربي وين شايفته مده يبين شكله كلش

مهند..صرت مثل المخبل بلاها وادور منا ومنا ماكو الى ان وصلت للمزرعه ميت خوف عليها
دخلت للمزرعه شفت من بعيد كرم واكف وبنيه دتدخل ووياهم واحد هم واكف
وادور على رفقه ماكو كمت اركض عبالي يمهم وادور وماكو بالاخير كلش اتقربت الهم حتى ماينتبهون اني على شنو ده ادور كمت امشي على كيفي ودخلت بين الأشجار ماريد اواجهم هسه وينفضح كلشي اريد اشرب من دمهم ماعرف شلون لزمت نفسي

رفقه..جنت كلش خايفه لدرجه انو جنت ماخذه سجينه من المطبخ اني ماردت اكتل احد ردت بس اواجهم ويخلص كلشي عندي ردت احجي الي عندي ردت هذاك الواطئ حسام يعرف صديقه الي مسوي سايق على حقيقته
بس جبت سجينه لان جنت خايفه لايسوولي شي
ماحسيت على نفسي الا اريد اطلع عالسريع واواجههم
بس شعري جلب بالشجره وكلسع اريد اطلع وشعري دينجر واباوع لوره مده اكدر اباوع بس دنجر ودارجع يم الأشجار الى ان انجريت كلي ردت اعيط بس واحد لزم حلكي
رفقه..منو منو
مهند..اش ولاكلمه
رفقه..مهند مهند كمت بس ابجي
مهند..لاطلعين صوت هاي شدسوين لزم على ايدي كلش قوي حتى انزل السجين
عوفي السجين عوفيه
رفقه..مهند هاي شجابك مهند
مهند..كتلج صبري كتلج صبري شنو جنتي تريدين تسوين بروحج اني ماعوفج اني مرح اعوفج
رفقه..الله يخليك اريد النار الي بگلبي تنطفي
جنه دنحجي بصوت واطي كلش حتى لاحد يسمع
مهند..كتلج راح اخذ بطارج بس موهيج كتلج مرح اعوفج تاذين روحج
رفقه..ليش عوفني وكمت أنوح من البجي
مهند ..احبج وحضنتها وهي مضربتني مدفعتني ضلت تبجي بحضني وسويت شي هي محست بي
وره دقايق
رفقه..هاي شنو وخر ايدك من خصري عوفني
مهند..اني ملازمج انتي الي لازمتني
رفقه..اسكت اني ملازمتك ليش لازك بيه
وراها انتبهت رفقه انو اني جار شالاها وشادها وشاد روحي بالشال مالتها وصرنه واحد
رفقه..بهاي الدقايق ماعرف شصار بيه ذبت من الحراره برغم بروده الطقس معقوله اني احب مهند معقوله حتى نسيت حسام وكرم ونسيت اني ليش جايه اصلا خرب بحضي
على غفله سمعنه حركه اني وياه ووو

# يٰٖت?ٰ۫ب?ٰ۫ﹻܷؖـــــــــــــ؏ ،🍟🍫”

[فيتامين سي]

الجزء الخامس عشر والاخير
#⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ‏՞:هاجر ٲسامهه?


انتظروني بالجزء الثاني من القصه ☺️

رفقه..سمعنه صوت وره الأشجار جان يطّلع چلب اني محسيت بروحي لزكت بمهند وكلت..ماما

مهند..كمت اضحك على تصرفاتها الطفوليه شكد حلوه وشكد عفويه هالرفقه عبالك عمرها عشر سنين
ريحتها ريحتها اويلي كلما تخاف ريحتها تصير احلى وكلما تضحك ريحتها احلى وكلما تعصب ريحتها احلى تعبني بعدها عني وبعز لحضات وجودها بحضني هسه خايف لاتروح هاي اللحضات وتبتعد عني خليها اريدها بحضني طول العمر

رفقه..هذا مرح يروح
مهند..لاتخافين اني وياج ماعوفج
رفقه..شكد اكو فرق بين ماعوفج مال مهند وماعوفج مال حسام شكد تفرق ماعوفج مال مهند تحس بيها لهفه وصدق وألما عوفج مال حسام طلعت كلها كذب وانانيه تدرون نسيت اني ليش جايه والتهيت شلون راح نطلع من هذا الجلب الزقنبوت وهذا رادها من الله الزك بي وفعلا جنت لازكه بي من الخوف

مهند..طلعي على كيفج ولاتحسسيه انج خايفه
رفقه..ما اطلع انت بالاول
مهند..لازم اني وراج حتى احميج راح اخليج بين ايدي
طلعنه على كيفنه واحس الدنيا كامت تمطر ورد مهند حاط ايد منا وأيد منا حتى لايجيني الجلب ومشينه على كيف وطلعنه من المزرعه حتى نتخلص من الجلب
طلعت ماحاسه على روحي ونسيت موضوع حسام وكرم شنو هالحب الي يخليك تنسه انك مذبوح شنو هالحب الي يخليك تنسه انت منين طلعت ومنين جيت ولوين رايد تروح
حطلي ورده وره أذني وطلعنه نمشي
مهند..شايفه الغروب من هاي المنطقه يجنن
رفقه..لا مشايفت
بعدني ممكمله الحجي اتبعدنه مسافه عن المزرعه وماحس بنفسي غير شايلني مهند وحاطني على حايط حتى اشوف منظر الغروب
ياربي ليش تختلف عن شيله حسام الي بصراحه مجنت احس ذاك الاحساس جنت مستحيه وبس بس هسه من شالني هالمهند حسّيت انو گلبي كام يدك سريع شبسرعه شطبت حسام من حياتي صار بالنسبه الي ذهب مع الريح
اني خجلت نصيت راسي وكام هو هم صعد ويباوع عليه ويبتسم
طلع من جيبه حب ويكرز ويذب عليا
رفقه ..شنو هاي منو كاعد يمي ببغاء
مهند..هاج
رفقه..ماريد
مهند..هاج جكليته
رفقه..هم ماريد
مهند..هو ميصير جكليته تاكل جكليته
رفقه..ضحكت
مهند..يالله ضحكت فديتج فديت الخلقج
رفقه..اسكت
مهند..هاج خياره
رفقه..شنو حاط بيتكم وجاي بابا نويل كلسع مطلع شي
مهند..عندي خس صغير تريدين
رفقه..طكيت ضحك
مهند..جبت ورده من يم المزرعه وفلستها وذبيتها فوك راسها
مهند..اتقرب عليا وكالي شكد احبج
اليوم اتاكدت انج متحبين حسام
رفقه..لادكول اسمه ماريد اسمعه والمفروض انت تعرف هذا الشي
رجعنه للبيت كلنه امال بالمستقبل هي تباوع گبل واني اباوع عليها وارجع اباوع كبل وهي تباوعلي خبيثه عبالها ماعرف متعرف اني أخبث منها
من رجعتها للبيت هم تلازكنه مكدرت تروح
رفقه..هاي شنو
مهند..معليه اني انتي لازكه بيه
رفقه..ضحكت اني لازكه بيك مو
مهند..جنت رابط ايدي بيدها بالشال وهي خبله مده تحس بس احلى خبله بالوجود
وكلما تريد مني الشال ماانطي الها
من رجعت للبيت محاسه انو اني مكلت لامي اصلا
بعد ماودعت مهند اول ماطبيت للبيت
الام..منال
كلش عصبيه جنت
رفقه..ها يوم
هاي وين جنتي متستحين هاي اني هيج ربيتج اطلعين ومدكولين الي اول مره تسويها ليش هيج تسوين بيا
مهند ..مد راسه ها خاله موكتلج راح ترجع
الام..الله يوفقك ابني ويحرسك ويستر على اختك
مهند..يله اروح اني
الام..مهند اوكف
الام..شوفي رفقه الناس تحجي طلعاتج وطباتج وي الولد بعد ماتنراد العالم اكيد كاموا يحجون وبصراحه اني كتلهم هذا خطيب بنتي
رفقه..شنو
مهند..رحمه الله والديج شكد فرحتيني شايف خير ومستاهله جان اكعد رجل على رجل وكلت..يله منال جيبيلي استكان جاي
رفقه..امشي كوم
مهند..شايفه خاله شلون تعامل خطيبها
الام..حسابج وياي بعدين بس وين رحتي
مهند..جانت دتتمشه يوم
رفقه..شنو هالمهند الي ينقذني من كل موقف بحياتي
مهند..يله شوكت شايف خير ومستاهله
رفقه..اكعد بابا
مهند..يله خاله الاسبوع الجاي
الام..اي ابني
رفقه..هاي شنو حاطيني كبال الامر الواقع انتو الاثنين ماكو هيج شي
مهند..كسبي بيه اجر وضحك
رفقه..ضحكت كلش
الام..مهند راح اجيبلك كيك ومنال ماالها لان متستاهل
مهند..احبج منال
رفقه..طلعت لساني عليه وعيبتله
مهند..جان اضحك كلش
واتفقنه على موعد الخطوبه بيوم....

# يٰٖت?ٰ۫ب?ٰ۫ﹻܷؖـــــــــــــ؏ ،🍟🍫”

انتظروني بالجزء الثاني من القصهه?...🌻

[فيتامين سي]

البارت الٲول
الجزء الثاني
#⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ‏՞:هـاجـر ٲسـامهه?


رفقه..هااا نسيتوني لو بعد اني صديقتكم الي صار بيه الي صار اعرف اكو ناس بيكم تاثر لقصتي بس اني وحده منكم واني حياتي جزء من كل وحده بيكم اني وعذابي وفرحي ودموعي من راح تابعون على نفسكم بالمرايه راح تشوفوني دائما وحتى الي صارلي وشلون اعتدوا عليا قضيتي موبس قضيه قضيتي البنيه العراقيه الي مغبون حقها بكلشي بالطلعه بالطموح بالدراسه حتى بالحب والزواج واذا اكو ناس بيكم مقروا القصه من البدايه اني بنيه مثل كل البنات ردت اتزوج بمجتمع محافظ وداير مدايري تلاث اصدقاءواحد اعتده عليا وواحد حبني وانهزم وواحد اتزوجني وكل واحد بيهم شد الشال على جسمي بطريقه شكل الي جمعني بيهم موبس الشالات الي جمعني بيهم قضيه اغتصاب

مهند..اني موبس اتزوجتج اني حبيتج رفقه وضحيت وذبت بيج شايفين اب الي عمره ٢٥ صغير مو اني جنت احس نفسي اب لرفقه اخاف عليها من نسمه الهوه الي اتحرك شعرها حتى
اطلعلها مثل ظلها دائما وين متروح
اهاا اسف عرفتوني موو الي معرفوا القصه من البدايه اني الصديق الثالث لحسام الي حب رفقه وعافها وكرم الي اغتصبها احنه جنه مثلث داير مدايرها بس قضيتهم ماتت وياها حتى تنولد قضيتي

مهند..اني اتقدمت لرفقه وردت اخطبها هي ماحجت بالبدايه جانت خايفه وعدها رده فعل من الزواج بحيث عافتني وطبت للغرفه من جنت دحجي وياها عالخطوبه وجان تقفل الباب
اجيت عليها من وره الباب وكلت..اني موكرم ولا حسام اني احبج انتي لازم اتصدكيني واول شي يخلصج من العذاب الي انتي بي وكسره الگلب هو الزواج مني
رفقه..انتوا الولد شنو شايفين نفسكم ليش لازم الكون داير مدايركم وانتوا الي تنقذونه دائما بس لاتنسه انتوا الي تكسرونه بكلشي تأخذون حقنه وتاذونه ووو جنت اريد اكمل

مهند..راح اتزوجج رفقه وغصب عنج وراح تصيرين مرتي وراح اتجيبين مني اطفال وراح احضنج واعصرج عصر افتهمتي لو لا

رفقه..جنت وره الباب ذبت من كلامه بصراحه بعد كل رفضي لكلامه وهو مصر على كلامه باستمرار
مهند اني احبك اي اني احبه كلتها بيني وبين نفسي
سمعته ودع امي وجان امي تسد باب البيت وتجي على بابي ادك وتصيح..فتحي الباب
رفقه..راح يوم
الام..اي
رفقه..جان افتح الباب على كيفي جان اشوف ايد أجرني من شعري
الام..لشوكت عاد مو طيحتي حظ الرجال راح يطّلع بالشارع يشك هدومه ويتصلخ من وراج

رفقه..اخ يوم دتاذيني يوم اني ماريد اتزوج
الام..دنجبي انجبي روحي سوي العشه يله
ثاني يوم اجتي ام يوسف جاره بيت ام رفقه الجديده بالمنطقه ناس أغنياء وبس عايشه هي وابنها يوسف بنتها متزوجه اللوخ اول مادكت الباب رحبت بيها ام رفقه وجابت رفقه المعجنات المالحه والحلوه لفه الخميره ومعجنات الجبن حطتهن بماعون جانت امي دائما تضمه حتى لاينكسر حاطته للضيوف
المهم اني ده اكمل الكم ودشرب جاي
ام يوسف..شونج حبيبتي ام رفقه
الام..زينه الحمدلله اخبارج ام يوسف ياهله بيج والله نورتينه
رفقه..هي المقدمات بكعدات النسوان ليش طويله هيج بحيث راسي يصدع المهم
ام يوسف..بصراحه اني مره وحدانيه اريد وحده تساعدني بالبيت ويوسف هم وحيداني ومحد اله من بعدي مثل متعرفين اخته اتزوجت فاني اريد زوجه طيبه وحلوه اله مالكيت احسن من بنتج لابني
رفقه..بنتج شنو كالت بنتج موو خرب بحضي

الام..اهاا رايده بنتي تزوج ابنج
لمن سمع مهند هذا الكلام من اخته نور كسر البيت تقريبا
نور..اخويه ليش اختصاص تكسير ماعرف بس والله ياجماعه اتخبل خبال من عرف منال اجالها واحد وحتى طبعه اتغير

رفقه..من جنت طالعه دشتري من المكتبه ضليت افكر هي البنيه ليش تزوج شخص متحبه وشلون تكدر تحبه بعد الزواج اصلا وتجيب منه اطفال زين الجنس شلون ينفع بيناتهم وهمه ميحبون بعض
جان احس صوت ورايه انداريت
رفقه..مهند
مهند..راح تزوجيه وتعوفيني مو
راح زيد ركض عالمكتبه
رفقه..زيد تعال وين رحت لحضه
مهند..اني الصديق الخاين الثالث مو
رفقه..ردت اضوجه محسبت راح يصير هيج جنت اريد انرفزه وبس فكتله..اعوفك ليش شنو اكو بيني وبينك حتى اعوفك استاذ مهند
مهند..شنو اكوو ماشي تعالي
رفقه..جرني قويه
واكوله..عوفني شدسوي
رحنه وره بنايه قديمه نكمل حديث بس هو جرني وضربني حيل عالحايط
رفقه..اخ مهند
حصرني قوي بزوايه والحائط وانشخطت ايده
رفقه..اتعورت انت
مهند..شايفه هذا الدم
رفقه..شكو
مهند..هذا انتي
انتي الي مرح اتكونين لغيري انتي بنتي ومرتي
رفقه..اني مومالتك
مهند..حصرني اكثر بالزاويه
رفقه..مهند وخر وخر مهند
مهند..ضرب الحايط بيده ..انتي مالتي افتهمتي
بكد عذابي والالم الي بداخلي على فقدان ابويه وعلى لعبان النفس الي سووا اصدقائي احبج عفتهم واختاريتج انتي حسي بيا عاد مومنحقج ادوسين على مشاعري وترحين
احبج ياغبيه احبج
دفعته
رفقه..كامت دموعي تنزل مهند اني موحقيره هيج اني مريضه نفسيا يمكن صارتلي رده فعل من كلشي بالحياه
هي ودتحجي لبسها محبس مال خطوبه بيدها اليمنه هذا المحبس جان رخيص موغالي بس جان شفاء الها من العذاب الي عايشته بس موقصه زواج وبس
رفقه..لالا
مهند..اش اش ولاكلمه منال حبيبتي ومسح دموعي بيده
رفقه..اختنك منه
مهند..لا هذا المحبس راح يطوي صفحه مره جانت بحياتج
رفقه..لا مهند ماريده
مهند..احبج احبج اني اموت عليج اني
من طب المحبس كله باصبع رفقه حس مهند انو الدنيا كامت تمطر ورد
بس رفقه مثل الي جانت تريد تتخربط
لزمها وحطلها شال على ركبتها جديد
رفقه..راح اصدر شالات للخارج
مهند..احسن وضحك ههههه
لمن رجعت رفقه للبيت وكالت لامها الحجي الصار وشافت المحبس الام كامت تهلهل
رفقه..يوم كافي لاتخوفيني
الام..ليش تخافين بنتي هذا مهند موغريب
وكامت امي تغني وتضحك والتهت بالناس الي راح تعزمهم والاكل الي راح تسوي وضليت افكر هل راح تنجح علاقتي بمهند


# يٰٖت?ٰ۫ب?ٰ۫ﹻܷؖـــــــــــــ؏ ،🍟🍫”

[فيتامين سي]

البارت الثاني
الجـزء الـثـاني
#⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ‏՞:هـاجـر ٲسـامـهه?

رفقه..سوينه اني وامي دولمه رحنه جبنه الاغراض وسوينه معجبنات وسوينه برياني امي من كامت تشتغل وي ام مهند صارت الحياه افضل وكدرنه ندبر فلوس وجبنه الفواكه وجاب مهند كيكه جاهزه اصر مكتوب عليها منال ومهند لونها جوزي اشترينه كوابه تخبل لونها ذهبي واشتريت من السوك نفنوف ماروني وبي لماعي فضي ودانتيل من فوك وطويل من جوه مثل التول بي جبته من مكانات موكلش غاليه بس جان يبين كلش غالي واول مره بحياتي البس كعب فضي اخذته من نور وردت أفل شعري واحط حمره فاتحه ومكياج طوخ عالعين ونور زينت المكان كلش حلوو النفاخات والورد عبالك صار عرس موخطوبه ونور لبست نفنوف بنفسجي وامي وخالتي بالصايات طلعوا وفرحانين ووحده تضحك وي اللوخ ويهلهلون وبس عائلتي وعائلته

بدت مراسيم الخطوبه اني كاعده بالغرفه وگلبي راح ينفجر والدنيا تلوف مادري تفر بيا وهذا زيد ديصور بالكاميرا مال مهند لعاباتي واغراضي وبيتنه مثل الارشيف يصير النه حتى نتفرج عليه بعدين وكلسع يجي يبوسني واني اخاف اكثر
اجه مهند لابس قاط وطالع كلش حلوو هذا كلام زيد الي بالبوگه
حط الكيكه والبقلاوه والببسي على الميز والورد وجان جايبلي شي ومغلفه مثل الصندوك صغير
جتي امي عليا واني اخاف اطلع مهند وأمه وأخته كاعدين بالهول ينتظرون وجبنه مسجل من نور وشعلنه اغاني قريت ايات وطلعت اول مشافني ظل فاك حلكه عبالك مشايف بنيه واني جان ادنك راسي وطبيت كعدت بعيد فام مهند كالتلي بنتي تعالي كعدي يم خطيبج جان تضحك نور فاني گرصتها وكتلها انجبي

صارت الخطوبه ولبسني الحلقه من جديد بعد مانزعني اياها من جديد اكلنه كيك وكلسع يقرب الشوكه لشفتي ويبعدها وكلسع يدوس على رجلي بالشقه وكلسع يتقرب الي واني اتبعد بالاخير انطاني هاي العلبه الصغيرونه فتحتها طلع زنجيل ذهب
نور..خل البسها
مهند..انجبي اني ردتها من الله حتى البسها كالها لنور بصوت ناصي بس اني اذني اذن فاره سمعت كلشي
شال شعري حطه على جتفي الثاني وأصر هو يلبسني الزنجيل كام گلبي يدك سريع خليت ايدي على گلبي فهو اقترب وكال..اعرف گلبج راح يتوقف موبيدج تحبيني
رفقه..اسكت ما
مهند..ضحك شنو هالگيمر الي طالع اليوم حبيبي طالع كيكه بيضه
رفقه..مهند بطل
مهند..شنو ذنبي اني هالجمال يمي اكولج شوفي هاي النفاخه
رفقه..شبيها
مهند..راد يبوسني اكتشفت الشي الي يريد يسويه جان ابعد نفسي
معقوله صرت خطيبه مهند فرحتولي موبس اني ياحبايبي جنت كلش خايفه وفرحانه اي جنت فرحانه
من راحوا مهند ضَل يباوع عليا حتى انضرب بالباب وضحكوا الكل واني هم
من خليت راسي عالمخده ولبست دشداشه جنت كلش فرحانه والبسمه متفارق وجهي
واباوع على المحبس
جان ضوه الغرفه مطفي وضوه الممر ديجي لضوه الغرفه فجان المحبس ديلمع وضليت اباوع عليه الى ان نمت
ثاني يوم اجاني مهند طلعنه وداني للمطعم واتمشينه واول مره يلزم ايدي بعد الخطوبه واني اجاوبت وياه حسّيت بجسمي اكو حراره تصير من جسمه لجسمي
وهو يضحك عليا ويباوع عليا ومن جان كايدني ويعبرني الشارع اباوع عليه حتى عثرت وكالي..الله الله
وردت انضرب بالعمود بعدني وحضني قوي حتى لانضرب
مهند كام يحجيلي عن نفسه شنو يحب شنو يكره شنو لونه المفضل واني ضليت اقارن بينه وبين حسام
شكد هذا دافي وشكد ذاك كذاب
كامت تبرد الدنيا اكثر واكثر وحط سترته على جتفي وضلينه نمشي اشترالي ورودواكيد شال اشترالي دبدوب وملابس حسيته ابويه وكعدنه على مصطبه وضلينه نضحك
على غفله صار شي ماصار بالحسبان شفت حسام ديعبر الشارع وي اخوه وجماله شافني ودار وجهه وراها من عرفني رجع اندار عليا بحيث وكف بنص الشارع والسيارات كامت ادكله هورن
مهند انتبه باوع عليه وعليا مجنت محسبه لهذا اليوم
رفقه..مهند
مهند..لاتخافين ضلي كاعده
السيارات جبرت حسام يعبر للجهه الثانيه وصل يمشي ويباوع لكن وكف يباوع علينه بالصفحه الثانيه ومهند لزم ايدي بالزايد بس مر باص كلش جبير غطانه وهو ظل يدور علينه من مشه الباص شفناه ماكوو
رفقه..هذا وين راح

# يٰٖت?ٰ۫ب?ٰ۫ﹻܷؖـــــــــــــ؏ ،🍟🍫”

[فيتامين سي]

البارت الثالث
الجزء الثاني
#⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ‏՞:هاجـر ٲسـامـهه?

رفقه..جمدت بمكاني من شفت حسام تدرون من جنت اشوفه جنت اجمد بمكاني من المستحه اليوم تغيرت حاله الجمود عندي تحولت من المستحه للخوف سبحان الله حسام الي جنت اشوفه حبيبي وزوجي المستقبلي هيج تنكلب الحياه فجاه وأصير اباوعه من بعيد ويفصلنه شارع وزوج ثان
جلبت بيد مهند اكثر من شفته ماكو ارتاحيت كلش راح حسام وراحت أيامه

كام مهند وكومني وكمنه نتمشه بدون منحجي ولاشي اشوف مهند متجمد من العصبيه بمكانه واني اباوع عليه
رفقه..مهند شبيك
مهند..ماكو شي
رفقه..لأبيك
مهند..كتلج ماكو شي وحجاها بعصبيه
اني كلش خفت منه واتبعدت
مهند..حبيبتي لا تعالي
رفقه..لا
مهند..جرها تعالي يمي لزم ايدي قوي وحضني ومشينه
مهند..احبج
رفقه..رجعلي الأمان من جديد اني هم دست على ايده بيدي ومشينه
مهند..اوكفي راح اشتري جكاير
رفقه..ادخن
مهند..اي
رفقه..ممنوع
مهند..عود ليش بله
رفقه..موزين على صحتك
مهند..وج احبج يالحنينه خرب اريد اشيلج واحطج ب
رفقه..وين
مهند..هنا أشر على گلبه
رفقه..هاا هسه توعدني تقلل شويه شويه وتعوف
مهند..حاضر احترامي سيدي وحياني
رفقه..ضحكت
رفقه..ارتاحيت اكثر وكفت يم باب المحل وراح مهند يشتري جكاير
على غفله حسّيت بحركه يمي ضليت واكفه عادي واحد ديشتري شي عصير او شي دائما ثلاجه الماس والعصير يخلوها بره بس انتبهت ديباوع عليا
انداريت طلع حسام
رفقه..جمدت بمكاني ماكولكم شصار بيه رجعت باقدامي حتى ادخل للمحل
حسام..اوكفي
رفقه..ضليت ارجع بس احس أطرافي بارده وترجف كل قطعه بجسمي
حسام..كتلج اوكفي بعصبيه
طبيت للمحل
رفقه..مهند
مهند..ها حبيبي
رفقه..خفت اكوله تدرون كمت اني ماريد اخذ حقي منهم اخاف لايسون شي بمهند ياربي احبه وماريد احد يسوي شي بيه بالرغم من حقدي عليهم هو وكرم ردت الكاع تبلعهم بلع بس خفت اكوله لمهند اخاف ياذوه اخاف يروح عليهم من يعرف وعبالي هو نسه الموضوع حتى نعيش حياتنه
رفقه..ماكو شي حبيبي
من رجعنه للبيت جنت بارده مثل الثلج يسلم عليا مهند واني ولايمه دفكر بحسام شراح يسوي وليش لحكني هو مو ميريدني خفت لايعرف مكان بيتي واكيد عرفه
مهند استغرب من تصرفي الاخير
المهم صار الصبح كعدت اسوي الريوك زيتون وبيض وخبزت وغسلت الهدوم وشريتها وساعدت امي بالطلبيات لحم بعجين سويته نص الطلبيات تقريبا اسوي بالعجين واللحم والخلطه واحط بالفرن حطيت عصبيتي كلها بالشغل
اجه موعد تقديمي على معهد المعلمات قررت اروح كلت اكيد حسام من مجاوبته راح وعافني وفكرت هو العافني شيريد مني بعد اكيد يريد يرجعلي ومتندم من مشاف مني قبول راح لعد ليش مده يطلعلي اني من اكون وي مهند
المهم رحت للمعهد حتى ابدي اشتغل
مهند حبيبي اشترالي تلفون صغيروني زيد مات حتى يستخدمه ومقبلت هههه
المهم اول ماطلعت من المعهد داتمشه حتى ارجع للبيت
حسام..اني موكتلج اوكفي ليش متسمعين كلام
رفقه..انداريت شفته ديدخن ومنتجي عالحايط
كمت اركض
حسام..لزمني وضربني راجدي
رفقه..عوفني عوفني هاي شسويت عوفني
حسام..سمعي كلام افتهمتي
رفقه..الك عين تحجي وتضرب راجدي كمت ادفع بي
ياحقير ياسافل
حسام..انلصمي
رفقه..الك عين تحجي بعد ماعفتني وين جنت عفتني وطلگتني وصرت موخوش بعيون الناس يانذل واهلك هم ساندوك
حسام..هيانج مكبله وي اللاخ
رفقه..اسكت اني مونذله مثلك اني اشرف منك
جان جسمي ديرجف كله من الخوف والحقد والصدمه
مهند طلع اشرف منكم كله بعد ماعفتني وصار اسمي على كل لسان بدون سبب ستر عليا وخطبني وراح نزوج
حسام..شنو وفك حلكه

# يٰٖت?ٰ۫ب?ٰ۫ﹻܷؖـــــــــــــ؏ ،🍟🍫”

[فيتامين سي]

الجزء الرابــ؏
#⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ‏՞:هـاجـر ٲسـامهه?


رفقه..اي خطيبي وراح يصير زوجي جنت اريد اغوره انو هذه البنيه الي ذبيتها صارللها حياه وحسيت بشعور غريب ومريح صح ضربني راجدي بس ارتاحيت من الحجي الي حجيته
الانسان لمن يواجه شي راح يكدر يتخلص منه وبالاخص اذا جان القدر جابه النه يعني رب العالمين هو رايد انو احنه نتواجه واكدر أتخلص من الموضوع
حسام ..انتي شدتحجين
رفقه..حبه وحنانه وخوفه عليا والشالات والهدايا الي يجيبها الي كلها انت جنت تسويها بس طلعت كلها جذب ومزيفه بس مهند سواها من گلبه
حسام..مكتسبج عقده ذنب اتجاهه لان ستر عليج مو وضحك
رفقه..شلون الك عيون گويه شلون جنت مخدوعه بيك هيج
حسام..رفقه اني ماقصد اضربج
رفقه..لادكول رفقه اني منال
وجان يتقدم اتجاهي واني ارجع خطوات لوره والنَّاس تباوع
لادكول اسم رفقه على لسانك هذا الاسم المشؤوم
حسام..بس اسمعيني اني من شفتج وي مهند انهاريت كمت ماباوع من العصبيه
رفقه..اسكت اكرهك
حسام..رفقه
رفقه..اكرهك اي اني اكرهك يانذل
حسام..انلصمي اني مقصدي اعوفج بس الناس
رفقه..الناس الي اكلتني وشربتني هو هذا حبك وخوفك هو هاي المستقبل الي حجيت بي والوعود وين وعودك الي
جان تجي نور تركض عليا لان جنت دصيح وعصبيه
حسام عافني وراح
نور..هاي شكو وشبيج
رفقه..ماكو شي
نور..لأجنتي دتعيطين
رفقه..جنت درجف وكتلها..كتلج ماكو شي
ضلينه نتمشه ومحجينه شي
رجعت للبيت شفت مهند كاعد ويضحك
من رجعنه
الام..شبيج وجهج جنج بومه
رفقه..ماكو شي يوم
مهند..شكوو
رفقه..ماكو شي
نور..لااكو
مهند..شنو
رفقه..سكتي
مهند..جريتها شكووو كلتها بعصبيه
نور..اكو واحد اجه واتعارك وياها
مهند..حسام موو
رفقه..عوفني جان دايس على ايدي كلش قوي ودتقوه ايده وخشونتها عليا
مهند..ليش متحجين
تحبيه مو بعدج تحبيه
رفقه..هاي شدتحجي انت
مهند..خايفه عليه بسيطه
رفقه..انت مخبل هذا حسام الي عافني وانت سترت عليا انت اتخبلت شحب بيه؟
مهند ..الا طيح حضه بسيطه
رفقه..مهند وين رايح مهند
الام..صلوا عالنبي من طاح حضك حسام رجعت وتريد تاذي بنتي من جديد لك ابني وين رايح
مهند..مراح أسمحلك تاذيها من جديد حتى لو جانت بعدها تحبك
رفقه..ردت اركض وراه بس امي منعتني
مهند..صعدت تكسي ورحت لبيت حسام من دكيت الباب طلعت امه وكالتلي..اتفضل اتفضل ابني ملكيته بالبيت ضليت انتظر الى ان يجي
رفقه..اني متحملت اعوفه وحده اني الوحيده الي اعرف انو هو يشتغل سايق لكرم فرحت ركض عالمزرعه عبالي يعرف مهند انو حسام سايق اله فعبالي راح للمزرعه
مجنت اعرف انو مشكله راح تصير من جديد من طبيت للمزرعه جان كرم ديمشي يدخل للبيت مالتهم شافني وشفته ياسبحان الله معقوله مواجهتي الهم حتكون بيوم واحد بس اني جيت لحسام مجيت لكرم بس هو شافني وضحك ضحكه خبيثه ابوه جان بالمزرعه اول مشافني كالي..شلونج بنتي شلونج هله هله اتفضلي
رفقه..ها حتى مكلت شلونك ضليت جامده من وره كرم
ابو كرم جان كلش حباب وافضاله علينه اني وامي مصايره كعدنه ببيته وشغلنه بمزرعته
بس مجان يعرف بالسالفه الي سواها ابنه كرم بيه
تدرون مكدرت اتقدم ولاخطوه جمدت بمكاني شفت المطبخ اذكرت شسوه كرم بيا هناك شفته جان عبالك مصاص دماء كريهه عطره صح من افضل الماركات بس جنت اشم منه ريحه عفن كل داخل انسان سيئه تعكس على خارجه يخوف جنه وحش
كرم ..شونج رفقه
رفقه..نزلت دموعي هذا الحقير لااكدر اكول لابوه لان مرح يصدكني ولا راح يسجن ابنه وماعندي دليل اروح للشرطه وبوقتها من جنت متاذيه امي مقبلت اروح للمركز اشتكي مثل اي ام عراقيه تريد تستر بنتها
ظليت ارجع لوره وهو يضحك
خربت كمت بس اعيط وابجي وحسي مخنوك ماكدر احجي شي
ابو كرم..بنتي شبيج بنتي
رفقه..فتحت عيني بغرفه بييت ابو كرم وام سعيد يمي الخادمه مالتهم
واذكرت الي سواه كرم وحاطيني ببيته جماله
كمت اعيط واكولها اريد مهند جيبولي مهند اني خايفه
الخادمه..ماشي حبيبتي بس اهدي هسه راح اخذج اوديج لبيتج بس هي متعرف بشي
الخادمه ام سعيد جانت تعرفني جنت اشتغل اني وامي بالبيت يمهم نطبخ اخاف نسيتوا
كادتني بسكوت حتى توديني للبيت
كعدتني عالدرج وراحت اتجيب عبايتها
رفقه..لاتعوفيني
الخادمه..لاتخافين بس اجيب عبايتي
اني وكاعده عالدرج لزمني جرني بالممر لزم حلكي اي كرم لزمني من جديد
كرم..اخاف عبالج تحجين حجايه
رفقه..حسي مخنوك وجسمي يرجف وهو لازم حلكي حسّيت روحي راح اخرب من جديد
كرم..اموتج افتهمتي
وجان يهدني من حس صوت اقدام الخادمه راح تجي
جرتني الخادمه شايفين الذبيحه بالكوه ووصلتني للبيت
اول مادكت الباب وامي فتحت
الام..بنتي
حضنتني قوي وكامت تبجي معقوله اني التقيت بيهم اثنينهم سوه
رفقه..يوم راح اخرب ساعديني وفقدت
اما مهند ضَل كاعد الى ان

# يٰٖت?ٰ۫ب?ٰ۫ﹻܷؖـــــــــــــ؏ ،🍟🍫”