آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
18-09-18, 11:15 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  شال ، للكاتبة / هاجر اسامه "عراقية" (مكتملة)
التعديل الأخير تم بواسطة فيتامين سي ; 19-09-18 الساعة 05:16 AM | |||||||||||||||||
|  |
|
18-09-18, 11:18 AM
| #2 | ||||||||
| مراقبة عامة ومشرفة منتدى الروايات المنقولة
|  رابط لتحميل الرواية https://www.rewity.com/forum/t425016.html#post13636383 قصة شال #⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ՞:هاجر ٲسامهه? القدر هو اغرب شي بالوجود عندما تهرب من الحب الى صحراء قاحلهه? حتۍ تنتهي من عذاب هذا الحب لڪن ..تتفاجئ بوجود ورده? صغيره? بوسط هذه الصحراء نمت لتولد حبا اڪبر من الحب السابق لايوجد حب اول بل يوجد حب حقيقي للمتابعين الاحبه قصهه? جديده? باْذن الله اتمنۍ ٳن تعجبڪم 😘😘😘😘😘 الجزء الاول قصهه? شال جنت دسوي فطائر حاره بالفرن مال مطبخنه القديم وجبت الجاي والقوري الي جنت حاطته على المنقله الي بيها فحم مجمر صبيت عالسريع ووديت تلاث استيكانات واخذت والفطائر قبل ماروح باوعت على شالي او ربطتي الي اتوصخت بالطحين من جنت دعجن الفطائر لازم اغسله حتى يبقى حلوو مثل كل مره ريحه شعري جانت برتقال وحتى ملابسي من وره البرتقال الي جنه نقطفه اني واخوي من أشجار مزرعه بيت سعيد تاجر كلش غني الي جنه نشتغل عنده بالمزرعه رحت اركض بس طلعت بشحاطه البيت عزه شكد عيب نسيت البس حذاء وفكرت شكو بيها اذا شافني وردتي هيج المهم اني عاجبته وردتي نسيت اكولكم منو وردتي هو حسام الضلع مال اني وعقدنه قبل اسبوعين ودنكمل كل اغراضنه حتى نزوج جنت دنمشي ودفكر شنو الشي الي بعدنه مامشتريه اشترينه الغرفه والفرشه لونها ازرك وردتي جان يحب هذا اللون ولحد هسه يحبه اشترينه الدولاب والميز تواليت وصبغنه وحده من غرف بيت اهله هدوم وروب نوم والسوالف هاي ماريد المهم البس اي شي وانام بحضنه مكياج انطتني صديقتي ايه بيت جوارينه من جنه ساكنين ببيتنه القديم من جان ابويه عايش مات قبل سنتين وعافته وحدنه بيت ام تحسين دبروا لامي هذا الشغل لان جان ابو تحسين صديق ابويه الي جانوا يشتغلون بالنجاره الشغل يم ههذا تاجر الفواكه سعيد توفيق امي جانت من ديره بعيده واخذت ابويه عن حب واهلها جانوا اهلهاممقتنعين بالزواج لان ابويه فقير وأعمامي اتبروا من ابويه مات بعدني دمشي ودفكر شنو الي مأشتريته نسيت شنو شنو اني ودفكر على غفله رفقه وج رفققققققه صوت يصيح انداريت لكيت وردتي وياه اصدقاءه الثلاثي المرح بالمنطقه اربعه وعشرين ساعه سوه اصدقاء افكارهم مختلفه كل واحد بيهم من غير بيئه بس واحد گلبه عالثاني اممممم هذا الي جنت اتوقعه اني المهم اني عدلت ملابسي جانت طويله وعريضه وعدلت شالي غطيت مكان الطحين ووكفت نزلت راسي حسام..رفقه جبتي الجاي رفقه..اي اني ومنزله راسي شفت حذاء يلمع وبنطرون كشخه ماكدرت اعلي راسي ابد خجلت من اصدقاءه اني جنت اجيبلهم الاكل واروح اركض حتى ماشايفه اصدقاءه بس من بعيد وقليل او جان اخويه الصغيروني زيد يودي الجاي هذا ابو الحذاء الحلوو مبين عليه غني جان ديمسح حذاءه اتوصخ بالطين مال مزرعه حسام..اي نظف نظف طبعا مزرعه ابوك هي واحنه نشتغل بيها ونطين بس انت متتحمل الطين عيني مومن مستواك كرم هذا الي سمعته رفقه..جنت اسال نفسي ليش احنه الفقراء نشتغل وهمه اصحاب الارض الي هي ارضهم ميشتغلون بيها ضحك كرم ...هههههههههه انطيت الجاي لحسام ورحت ركض جان اكو صديق ثالث ماشفته اصلا احنه جايين جديد لهاي المنطقه امي تخدم عند بيت ابو سعيد واني واخويه الي عمره١٠سنين نشتغل بالمزرعه اوووووو اني ودركض هم سمعت صوت يصيحلي رفقه رفقققققه .. اوكفي..كالي حسام مشتاقلج الله ريحه البرتقال فايحه منج صدقه للي هدومه متوصخه جان اضحك اني رفقه..شتريد حسام خل اروح حسام ..ليش ايدج بارده بطلتي تحبيني رفقه..لا لاتحجي هيج بس يمكن بردت لان جيتكم سريع والجو بارد حسام..اني مواسمي حسام رفقه ..اسمك وردتي ادري حسام..اتخربط على ربج رفقه..خجلت ومعرفت شنو اجاوبه جان طويل واسمر عيونه خضر واني كلش ناعمه بالنسبه اله ماحسيت غير اصدقاءه اتبعدوا ويصيحون ويصفرون كرم..اييييي اييييي منو كدك ايييييي يومه الحب يومه وصديقهم الثالث الي حتى ماعرف اسمه يضحك ويجر بكرم شالني حسام خلاني عالحايط صرت حاره كلش رفقه..شتريد مني ليش خليتني عالحايط حسام..حتى اتفرج عليج سبحان الخلقج رفقه جنت احس حسام يبالغ اني صح بيضه وعيوني سوده كبااااار وشعري طويل بس مجان شايفه اصلا اربعه وعشرين ساعه شادته يمه بس مجنت اهتم بنفسي خدودي جانت حمره من البرد الجوو بارد وحسام جان دافييييي مثل الجمر الي جبت منه الجاي قبل شويه حسام..دتدرسين رفقه..اي وراح اقدم امتحان الخارجي ان شاء الله صح جنت اني واهلي فقراء بس جنت احس عندي مستقبل بالدراسه الي عفتها من راح والدي جان يخلي ايده على خدودي اني صرت حاره على بارده مده اعرف الإحساس الي صار بيه گلبي كام يدك سريع جان يجرني عليه نزل جسمي وراسي عليه لان جان حاطني اعلى منه على الحايط وباسني دفعته ركض ونزلت اركض هو ضحك وعافني كلشي بي جان دافي جنت احسه يحبني هوايه ويخاف عليا من شافني دشتغل وي اخويه بالمزرعه ضَل يراقبني الى ان اتقدملي وراح لسعيد ابو المزرعه شخصيا حتى اتزوجه احنه جدد ومنعرف شي هنا امي وافقت حتى انستر جنت اخر البنات الي يتزوجون من اقاربنه عم❤️ري ١٩ لان ضروفنه جانت صعبه والدي مات ومقبلت اتزوج ضليت وي امي واخويه الى ان اجه حسام الي هم يشتغل ويانه بالمزرعه وافقت عليه جنه كاعدين ببيت صغيروني بنفس المزرعه بسبب ضروفنه قبل سعيد ابو المزرعه نكعد صح جنت فقيره بس جانت حياتي حلوه جنت ادرس واشتغل وعندي وردتي يخبل راح اتزوجه وامي موجوده واخويه صح اتيتمت بس اني احسن من هواي ناس رفقه..ياااا نسيت شالي وينه وينه هذا الشال كلش عزيز عليا وينه ياربي جابلياه حسام وين راح صاحتني امي ونسيت موضوع الشال اني ودحط الفراشات على الكاع حتى انام بعد ماغسلت المواعين مال عشه ولفيت الخبز الباقي وضميت الكيمر اسمع طگطگه مال شباك اباوع خيال من وره شباك آثاري حسام وراه حسام..ولج عوبه افتحي رفقه..حسام روح زعلانه منك حسام..اني زوجج يولي احنه عاقدين رفقه..شتريد لو تموت بعد متبوسني بصراحه جنت فرحانه بس جنت اثكل بروحي كباله حتى لايحس انو اني شامره روحي عليه حسام..عندي شي مالتج يمي رفقه..شنو حسام..شالج رفقه..ياا انطينياه حسام..فتحي الشباك واخذي رفقه..راح افتح على كد ايدي وانطينياه زين حسام..زين اول ماطلعت ايدي حسّيت شفته صارت على ايدي وباسها حسّيت كل حنيه الدنيا بي آثاري جايبلي شال جديد يخبل لونه بنفسجي حسام..فديت ام عيون حلوه صدك الكل جان يكولي عيونج حلوه سمعت صوت امي ادكول رفقه هاي وي منودتحجين سديت الشباك بوجهه حسام..اخ خشمي بسيطه رفقه بنت المصموط اني ضحكت حيل وكتله ..حيل تستاهل كعدت بفراشي باوعت الشال اكثر وحضنته ونمتا # يٰٖت?ٰ۫ب?ٰ۫ﹻܷؖـــــــــــــ؏ ،🍟🍫” التعديل الأخير تم بواسطة فيتامين سي ; 21-09-18 الساعة 12:03 PM | ||||||||
|
| |
|
18-09-18, 11:22 AM
| #3 | ||||||||
| مراقبة عامة ومشرفة منتدى الروايات المنقولة
| الجزء الثاني اريد تفاعل اقوه تره ازعل عليكم كلما تقوون التفاعل را ح انزل البارتات أسرع #شال كعدت الصبح جنت كلش فرحانه حلمت بحسام جاييني على حصان ابيض ونزل من الحصان حتى ياخذني وهو ويريد يحضني وهو جرني جان تجيني لطخه من ايد اخويه رفقه..اخ زيد اكعد شبعتني راجديات اكعد اكعد زيد..ماشي ماشي راح اكعد كمت وكومته بالكوه يله كام رفقه بداخلها..خرب بيومك كعدتني من احلى نومه وديته يم النافورة ماقبل يكعد جان اكوله..زيد شوف هذا الطير الفوك راح يوكع زيد..وين وين جان ادفعه بنص النافورة زيد..اخ الا اسمطج اليوم رفقه..ههههههه حيل تستاهل كام يذب عليها ماي رفقه..كافي ولَك كافي واشتغل الضحك اتبللت كولي شعري طلع طويل كلش جان اشوف من بعيد سياره داخله للمزرعه وزيد بعده يذب ماي عليا بالسياره جان كاعد كرم نزع مناظره وكام يباوع عليا حسّيت بشعور غريب خفت منه حيل باوع عليا خطف من فوك لجوه بس وراها كلت لا مستحيل هذا الشخص مقرب كلش لحسام ماحسيت غير زيد لاطشني بالنافوره سمعت حس امي تصيح..تعالوا صار الاكل من جينه شفت امي جايبه خبز من التنور ومركه باميه من فتح زيد الجدر كال..وين اللحم الام..باجر باجر ناكل لحم زيد..يوميه ادكوليلي باجر اللحم ومايطلع اكو لحم حضنته حيل وكتله حبيبي الله كريم راح آسويلك سمسميه وساهون انت موتحبهم؟فرح زيد ..الله صدك راح تسويلي جان زيد كلما يذكر سالفه اللحم اصبره بالساهون والسمسميه بيتنه بي غرفتين وحمام غرفه نكعد بيها وغرفه بيها فراشاتنه وكتبي والمطبخ ههههه مطبخنه جوله بالمخزن مال المزرعه وتنور على صفحه بعد ماكملنه اكل لبست شحاطتي ورحت اسويله الساهون بره بالمطبخ ورحت اخبز بنفس الوقت حطيت الشكر على النار مجان عدنه فستق لو لوز اخلطه وياه ياحبيبي يازيد سوده عليا وعفت الطاوه ورحت اخلي الخبزات بالتنور وشديت شالي بشعري رفقه..ياااا الشكر رجعت للمطبخ حتى اشوف الشكر شفت كرم بنص المخزن الي هو نفسه مطبخنه واكف يباوع عليا وابتسم ابتسامه كلش خبيثه رفقه..يومه عزه كرم..شبيج شفتي بعبع رفقه..لالا ماقصد بس شدخلك هنا محد يدخل هنا درت وجهي كرم..هذا بيتي ليش متعرفين رفقه..لا ماعرف انت بهذا البيت كرم..معرفتيني اني كرم رفقه..صديق حسام اي اي عرفتك بس اطلع بدون زحمه رحمه لوالديك لايشوفنه احد كرم اتقرب الي كلش هو ويريد يطّلع ماشفت شكله كلش بس خطف جان اشكر حسّيت بشعور كلش مخيف من يوم الشفته بالسياره هذا شيريد بس هم ماصور يريد شي رحت ادرس ونايم يمي زيد وامي دتخيط جان بيتنه بارد بس بيتنه دفه بطيبه امي وعدم اذيتي وي الناس جانوا يسموني ام كليجه جنت أوزع كليجه للناس بين فتره وفتره بالرغم من جنت اخبط اشياء بسيطه شويه طحين ودهن وسكر وتمرات من المزرعه بكل شي جنت اسوي جنت أشد شعري بالشتا او ايدي او رگبتي من اخبز من اسوي كليجه من ادرس من الم البرتقال والخضره من المزرعه حسام بعده مااجه وصار الليل ضليت انتظره الى ان غفيت يم الشباك يوميه يجي يدك الشباك بس ماجه كعدت الصبح سويت الريوك مربت المشمش والكيمر وشويه الخبزات وطلعت بدون ريوك اتوسلت امي بيا اكل وماكلت رحت الم البطاطا من المزرعه وجنت ضايجه حسام مااجه وطلعت امي لبيت ابو كرم تخدم هناك اخويه راح لمدرسته بعد مادرسته كل دروسه ماحسيت غير اني وده الم شي خاتل بالزرع فزيت جان يطلعلي حسام رفقه..يومه حسام..بخ يومه بعينج رفقه..فززتني حسام..احبج رفقه..اسكت كلش خفت ليش هيج تسوي جرني صرت فوكاه رفقه..عزه اسكت لاتفضحني عزه العزاك عوفني شدتسوي غركنه بنص الزرع حسام..احبج يولي لاتصورين اني راح اذيج انتي مرتي وحياتي وروحي من الدنيا بس اريد اشم ريحتج الي تنطيني طاقه وحمل لهاي الحياه حضني قوي وبقيت فوكاه وضلينه غركانين حب وحنيه وألهوه يحرك الزرع ومرت نسمه من ريحه البرتقال وريحه الزرع ماحسينه غير شخص ديصيح حساااااام حساااااام وينك حسام..لاتتحركين هذا مهند رفقه..مهند منو حسام..وج صديقي الثالث رفقه..ها ماعرفه مهند اكبر من حسام بسنتين عمره ٢٥سنه هذا الي عرفته من حسام بعدين كمل كليه وديشتغل مدرس جان مثقف اصدقاءه صار حسام فوكايه وكالي ..ابقي متمدده اني بس راح اطلع اخذه أبعده وانتي روحي ضليت متمدده قبل لايروح شد شالي كلش قوي على راسي وطبع بوسه على ركبتي وأخذه وراح رحت اركض للبيت وشالي يطير ودغني ومن بعيد شفت امي دتودي خبز لبيت ابو كرم وكرم طلع بسيارته وهو وديمر غمزلي وضحك وسوه حركه بيده يعني ديكولي بيباي اني كلشي محجيت لحسام كلت اخاف تصير مشكله او ديشاقه وكلت خل اروح اشتري لَبْس جديد من ام لطفيه الدلاله الي بيتها قريب عالمزرعه وبالفعل رحت واشتريت ثوب احمر من فلوسي الي جنت مجمعتهن بالقاصه مالتي الي مسويها اخويه جانت من الطين هداها الي بعيد ميلادي وحبيتها كلش ههههه حتى مفطره كعدنه اني وامي نسوي الكليجه والدولمه وباجر نشوي الكباب ابو سعيد جان ماعنده مره متوفيه وبنته بالخارج متزوجه بس هالكرم وأخوه سليم المهم وراها كلت خل اعشي اهلي لان باجر العيد وحتصير عزيمه جبيره راح تصير بنص المزرعه وقررت لأول مره حسام يشوفني حلوه فلازم ارتب نفسي وحتى رحت للحفافه ام عشتار وجان يصير الصبح مال عيد و | ||||||||
|
| |
|
18-09-18, 11:23 AM
| #4 | ||||||||
| مراقبة عامة ومشرفة منتدى الروايات المنقولة
| الجزء الثالث لمن كعدت الصبح اني وامي واخويه بست امي وعايدتها وكذلك اخويه طلعنه ركيض على بيت ابو كرم حطينه الجدر على النار مال الدولمه وسويت المقبلات واخويه يبجي جوعان بعدني مامريكته انطيته خبزه حاره ياكل وبدت امي تشوي علمود الغده مال يوم ببيت ابوكرم بيت ابو كرم غير كل بيت الاثاث الزين والمطبخ من كبره جنت العب وي اخويه بي ختيلان ههههه بيتهم كلش فخم بس فارغ يصوصي وبااااارد البنت بره وحتى كرم جان بره ورجع قبل فتره وصار صديقي لوردتي ومهند هذاك الثالث كملنه كلشي ورجعت البس هدومي الله على هدومي لبست ثوبي الاحمر ومشطت شعري ولأول مره اخلي مكياج خليت حمره وكحله وسويت شعري نص و خليت الشال على رگبتي ريحه الشامبو بشعري رحت أودي الكليجه اليوم عطله ومحد مداوم ولايشتغل وديت لجوارينه وديت لصديقتي ايه وسلمت على امها وبستها انطيت بالطريق للأطفال الله شكد احب الاطفال ورجعت للبيت اول مافتحت الباب شفت وردتي كاعد دينتظرني كاعد يم اخويه زيد ديلعب وياه اني كلش خجلت جتي امي جابت الجاي بعد مارجعنه من بيت ابو كرم الام..تعاي بنتي سلمي على حسام اجه يريد يعايدج رفقه..ش شلونج شلونك حسام سحكت هواي حسام..كل عام وانتي بخير عم❤️ري رفقه..كلش خجلت وخليت سله الكليجه بحضنه ورحت رحت عالغرفه وركضت كعدت ولزمت كتبي وشالي قوي هم شديته وغمضت عيني وكلت بداخلي الله شنو هالحب الي يخلي جسمج يرجف الي يخليج تحترين بنص الشته الي يخليج تسامحين ألذ اعداءئج الي يخليج متتعاركين وتتغاضين عن كل المشاكل الي يخليج بريئه وطيبه وي كل الناس عبالك طاقه ايجابيه ديتعبى بيها جسمج وعقلج وگلبج كله اسمع من بعيد خاله ام زيد متجين اشتاقيتلج هذا صوت حسام ديحجي حتى يسمعني حتى اجي حسام..فديتج ام زيد شكد احبج تره جبتلج شال جديد متريديه متحبين الشال وهذا الشال الي برگبتج راح اخذه احطه بيدي حسام..زين وهاي الگليجه شنو اخباره حتضل بحضني تره مانطيج ولا قطعه اخ احتركت سمعت حس عيطه مال حسام جينه نركص اني وامي رفقه..احتركت صدك خوما اتاذيت جبت شالي بسرعه حتى انطفه حسام..اتقرب كلشي مابيه كلت هيج حتى تجين اروح فدوه للي يخاف عليا بعدين شنو هالجمال حاطه حمره حط إصبعه على شفتي وراها حط إصبعه على شفته هو وكال..هاي تصبيره ضحكت امي وكالت..ولَك حسام حسام..طالع خاله والله طالع راح يركض وسد الباب ضليت اضحك اني جانت حياتي عباره عن حسام ودراسه ودراسه وحسام اجوي الناس عبالك حشود موناس وراحوا ياكلون احنه جنه نطبخ اني وامي ونخبز وبس بس اكو خدم غيرنه بالبيت اخذنه من الدولمه قبل ناخذ ابو كرم وكعدنه ناكل وراها غربت الدنيا كعدت انظف بالمزرعه نزعت هدومي طبعا لبست هدوم البيت كمت احيش بالبرتقال وبالخضره واصعد عالدرج بس الدرج وحده من الدرجات انكسرت اني كمت اعيط ردت اوكع بس شفت نفسي بعدني بالهوه نصيت راسي شفت صديقهم الثالث مهند شايلني رفقه..عزه مهند..اسف رفقه..اتبعدت ركض عنه هاي شدسوي هنا مهند..جنت جاي على حسام اني جدا اسف بس شفتج ردتي توكعين رفقه..شفت ولد طويل اسمر وشعره فاتح وعيونه صفره جان مودب وداير وجهه هو ويحجي وياي رفقه..شكرًا لان ساعدتني مهند ..العفو وهذا واجبي انتي زوجه صديقي الي هو اخويه اعتذر شلتج بس خفت عليج الدرج عالي حيل لمن رجعت اني وبالطريق فكرت ليش هذا هيج وكرم هيج وحسام هيج همه مواصدقاء ليش واحد يختلف عن الثاني وهذا كرم ليش هيج ارعن كلش يختلف عن حسام ومهند حتى حسام جان كلش محترم ويحبوه الناس رجعت للبيت اقره امتحان الخارجي قرب لازم انجح بس نمت عالكتاب وغطيت اخويه امي جانت ببيت ابو كرم بعدها دتحضر العشه بس اني ضليت افكر همه ليش هيج مختلفين دورت على شالي مال الشغل الي اشتغلت بي اليوم ماكو وين ضيعته مهند..اوووو حسام هاي وين صرت صارلي ساعتين هنا حسام..والله ياهنودي جنت دشتغل وتعبان حيل مهند..ابن المصموط كل عام وانت بالف خير ان شاء الله تزوج وترتاح عمي حسام..يوم الك حبيبي شكد احبك تعال اشرب جاي واتعشه وياي مهند..لا امي تنتظرني بالبيت ونور اختي خطيه ماعوفهم في امان الله حسام..بيباي تعال باجر ياول حتى نروح للسوك علمود الاغراض مهند ..اووووو هذا شالها بقه يمي من ساعدتها لرفقه زوجه حسام هاي شلون سالفه انطي الها لو لحسام اخاف يفهمني غلط خرب اخاف تصير مشكله شسوي ديخلي هسه يمي ماريد مشاكل ولااريد اتقرب للبنيه اخاف يشوفها وياي مجان يعرف مهند انو احتفاظه بالشال مال رفقه انو هاي البدايه # يٰٖت?ٰ۫ب?ٰ۫ﹻܷؖـــــــــــــ؏ ،🍟🍫” | ||||||||
|
| |
|
18-09-18, 11:24 AM
| #5 | ||||||||
| مراقبة عامة ومشرفة منتدى الروايات المنقولة
| الجزء الرابــ؏ اتفاعلوا قوي هسهه? تفاعلڪم ڪلش حلوو بذاك الجزء أشكركم حبايبي الاحداث ڪلش مشوقه راح تصير 😉 اتفقت اني وحسام بعد شهر ليله الدخله مالتنه امي كامت تهلهل وجتي ايه جوارينه تباركلي وكعدنه نضحك ونسولف جبت فطائر الجبن وجاي بنعناع جانت تحبه ايه هواي ايه..عالخير حبيبتي شكد تستاهلين كل خير راح تنامين باحضانه وگرصتني رفقه..تسلمين ايوو يوم الج حبي وخجلت وج سكتي عيب ايه ..لا اني ماريد اتزوج رفقه..وج ليش هالحجي ايه..هو هيج ماريد اتقربت الها وكتلها وج اكو شي اخاف تطلعين عاطله عن العمل وضحكت بس شفت ايه ماضحكت وصارت بعيونها دمعه وره دمعه رفقه..عزه ايه لاتزعلين والله اسفه جنت دشاقه حضنتها قوي وكامت تبجي بحضني رفقه..وج ايه شبيج ايه..ميحبني الي احبه رفقه..عزه بعينج منو الي متحبي وج انجبي لاحد يسمعج يكتلوج هنا ايه..محد يعرف غيرج كمت امسح دموعها بشالي الي انمله دموع فكرت بيني وبين نفسي ليش شالاتي متعبيه هموم وتعب نفس ممليه بجي ايه وطحين وكد امي ودم حسام من انجرح مره بالمزرعه شالاتي صارت انسان يشكوله الناس ويخفف من حزنهم شنو السر خايفه لايلف الموضوع عليا وتصير شالاتي انسان يخفف من همي اني فد يوم رفقه..منو هو ايه..مهند رفقه..منو مهند رفقه..شبيج مهند حارث رفقه..شمدريني اني منو اصلا اني جديده هنا ايه..مهند حارث هذا المعلم الي يمشي وي حسام رفقه..هاا اذكرت اذكرته ماكتلها انو اني بارحه شالني من على الدرج ايه..شبيج رفقه..هاا لالا ماكو شي ايه..حبيته من جنت صغيره مهند يخبل ثكيل وحباب ونظيف ومره كتله اني احبك اي متحملت لان اهلي يردون يزوجوني رفقه..عزه بعينج اشتعلوا اهلج لج شون ترحين ادكوليله هيج موعيب وشكال ايه..لو تدرين شسوه رفقه..شنو ايه..ضربني راجدي كالي اني حبيني مثل اخوج وروحي رفقه..عزه صدك صخام ايه..ولهسه ميقبل يباوع بوجهي رفقه..ايه هذا التصرف غلط انتي بنت ناس نظيفه مايجوز اتذبين روحج عليه احنه ودنحجي سمعت احد ديدك الباب فتح زيد الباب طلع وردتي ايه..نيالج على حسام كلت بيني وبين نفسي اي والله نيالي من دخل شفته حاط الشال مالتي على ايده فرحت حسام..دار وجهه السلام عليكم رفقه وايه..وعليكم السلام ايه..يله اني اتاخرت حروح حسام..كعدي كعدي ايه اني جاي على خاله ام زيد رفقه..كعدي ايه معليج ايه..لا لا ميخالف ماكدر اتاخر انكمل بعدين رفقه حسام خل اصيح زيد يوصلج ايه..ميحتاج حسام والله اني اروح طلع حسام حتى يصيح زيد يوصل ايه لبيتهم بيتهم قريب بس احتراما الها راح يصيحه جان ديلعب وي الجهال يم المزرعه بالشارع رفقه..اني رحت انهزمت للمطبخ اسوي جاي وفرحانه حسّيت ايد على خصري اني احتريت كلش وخجلت وبصراحه فرحت اكثر واكثر عرفت انو حسام يريد يحضني حسّيت روحي طايره من السعاده اول منداريت لكيت كرم ورايه سكران اني نكزت رجعت اربع خطوات وره رفقه..اطلع بره شتريد شتريد مني راح گلبي يتوقف من الخوف كرم..اريد جاي وجان كلش سكران مداري بنفسه رفقه ..شتريد مني تره والله اذا مطلعت راح اصيح وألم عليك كل الدنيا كرم..متكدرين انتي ببيتنه نسيتي هذا المطبخ هذا مخزنه الا اكولهم انتي الي جنتي تتحارشين بيه رفقه..كرم اصحه انت سكران شنو اتخبلت روح منا كمت ابجي كرم جرني وجاب شالي سد بي حلكي قوي ونزل ذيل الشال شد ايدي بي وجماله امي بره يم جوارينه طلعت اتجيب طحين وتجي هو وديشدني واني ارفس وأحاول أبعده اذكرت شكل حسام الحلوو اذكرت غرفتي اذكرت حضن حسام حسام حضنه دافي وهذا حضنه بارد برد مصاير حسام انسان كله رحمه من كالي يم الزرع اني مرح اذيج وهذا جنه ثور هايج يريد غريزه وبس اذكرت من جنت طفله من جلبت گصيبتي بالشجره وهسه مجلبه بيد كرم هو وكاعد يجرني مثل بقره يريد يذبحها جان اكو شباك ومر حسام من بعيد اني اصيح وحسام ميسمع جنت دصيح بگلبي صوتي ميطلع لان شاد شال حسام الي جابلياه على حلكي مجنت اعرف ياحسام انو شالك الحلوو هو حبل المشنقه بالنسبه الي حسام دصيحك اول مره بحياتي ماتسمع وأحاول أشر وأتحرك حتى بس يلمحني حسام واول ماتقرب حسام من المخزن اني شويه فرحت حتى يجي ويساعدني صاحه مهند ودار وجهه وبدون رجعه نيمني عالكاع اني فقدت من الحسره والبجي راح سندي حسام انت وعدتني ماتعوفني انذبحت بشالك وبيد صديقك ايقنت بحينها انو حياتي انتهت مجنت اعرف انو تنتظرني حياه جديده # يٰٖت?ٰ۫ب?ٰ۫ﹻܷؖـــــــــــــ؏ ،🍟🍫” | ||||||||
|
| |
|
18-09-18, 11:25 AM
| #6 | ||||||||
| مراقبة عامة ومشرفة منتدى الروايات المنقولة
| الجزء الخامس ۦ ⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ՞:هاجر ٲسامهه? اتفاعلوا الاحداث مشوقه راح تصير ماحسيت نفسي الا على فراشي امي تبجي واخوي كاعد بعيد بس يبجي رفقه..يوم شكوو كلتها بانين ووجع كلتها بصوت ناصي جان اكو شي على ركبتي مشدود اتحستته طلع شالي الي شده على حلكي كرم امي..بنتي طيح الله حضي اني السبب اني عفتج وحدج اني جبتج هنا وكامت تلطم على وجهها لمن شفت امي سوت هيج اتاكدت وعرفت انو كرم اعتدى عليا تصورون اخويه زيد يخاف يتقربلي كانوا البنيه الي يعتدون عليها تصير وسخه او نكسه على الرغم انو هي مالها اي ذنب مجرد اجه سافل عليها دمر كلها حياتها كأنو هي تفاحه ماكوله انذبت خلص جسمي مكسر خلاص مثل الواحد الي بي افلاونزا وره ماصحصحت اباوع بمرايتي المكسورة اشوف ايدي مخرمشه وبيها دم ومقسمه اجزاء اجزاء جسمي مصار متوحد اما بسبب ذبحه الي او بسبب مرايتي المكسورة امي..لازم اوديج مستشفى لالا هسه شيكولون عليج وظلت بس تبجي ماعرف اني كمت أخفف الوجع عن امي لو هي لازم تخفف الوجع عني واني مده تكدر اتحرك بسهوله وره نص ساعه اندك الباب امي..لا لا زيد لاتفتح نسمع صوت حسام..يااهل الدار وينكم كلنه جفلنه بمكانه امي ..دموعه ضلت تنزل اني دموعي بدت تنزل زيد..دموعه توقفت حس انو حسام هو الي راح يطلعنه من هاي المشكله دائما الطفل يحس انو الرجال الجبير فورا من يجي معناها انحلت كل القضايا مجان يعرف زيد انو اغتصابي هو مومثل لمن رحت وياه واني شخص جبير واجلت امتحان الرياضيات الي يكرهه وانحلت القضيه اغتصابي ياحبيبي يازيد هو هجمان بيوت مافتحنه الباب وسمعنه صوت الباب راح ضلينه كاعدين ساعات نفكر واني متوجعه قررت امي اصيح خاله ايه صديقتي هي دكتوره مال اطفال بس اكيد تعرف بحالتي رجعت غفيت شويه وراها فتحت عيوني شفت نفسي بحضن ايه الي دتمسح دموعي الي دتنزل بدون ماحس بشالي ياربي انعكست الأدوار بارحه جنت دمسح دموع ايه بشالي ياريت قصتي ياايه حب مهند وبس مثلج اني مشكلتي هجمان بيوت ومستقبل اظلم الدكتوره..بنتج ام رفقه ماعرضه لاغتصاب وكلش متاذيه لازم تنقل للمستشفى الام..عزه بعيني راح ننفضح دكتوره الدكتوره..يا حقير الي سوه هيج جاوبي ايه..ياميخاف الله الي سوه هيج كلب نذل احجي خاله كالتها بصوت يبجي مذبوح خافت امي تحجي هذا بيت ابو كرم الي نشتغل عنده طبعا يذبونه بالشارع كلتها بصوت مذبوح اني كر جان امي تسد حلكي وكالت ماكو شي ومنكدر هسه نحجي شي وكامت تبجي الدكتوره..زين عالاقل ننقلها مستشفى ايه..حسام لازم يعرف رفقه انتي ممسويه شي حبيبتي همه الاذوج وتبجي رفقه..حسام وينه هو وينه كله بسبب صديقه صار هيج على غفله رجع حسام دخل لان شاف الباب مفتوح دخل يضحك من شافني هيج وكف حلكه مفتوح رجع خطوتين لوره كانوا حس انو اني معتدين عليا حسام..شصاير ام رفقه..حسام وكامت تبجي الدكتوره..حسام رفقه لازم نوديها للمستشفى لان.. حسام..لا لاتكملين حتى حسام خاف من العار خاف من منظري المدمه خاف من المجتمع موكالي مرح اذيج موكالي انتي روحي من الدنيا هسه روحه دتموت وهو يخاف يواجه الي صاير بروحه اتسجلت هسه بالقائمه السوداء حتى مادخل للبيت ضَل كاعد بعتبه الباب لأحس لايبجي لانفس كانوا جثه حتى عينه مترمش لبستني امي ورحنه للمستشفى اكو جانت ممرضه حاجتها الطبيبه وكالتلها ميخالف سرج ببير عالجتها الطبيبه بس المشكله الممرضه ماخلت السر ببير خلت السر بحلكها وحجت اجه الضابط جتي الدنيا الوسخه كلها تريد تعرف شنو السالفه حسام راح راح راح من شاف الضابط راح بعيد ماتحمل يشوف اي احد راح انهزم حسام..حسّيت الدنيا اسودت بوجهي ودايخ مصدوم كانوا طابوكه جبيره على صدري كانوا البيت الصغيروني الي بنيته وفرحان بي اجتي عليه الشرطه فلشته كله لان ممنوع هنا نبني جدار لان المنطقه صناعيه هذا الاحس الي صار بيا رحت دكيت الباب على بيت مهند اول مافتحلي الباب وكعت بحضنه كمت أنهت كمت اصيح بصوت ناصي كمت ابجي مهند..خرب ولَك شكو شبيك شصاير حسام ..كام يكفخ على راسه ماكدر احجي ماكدر ماعندي غيرك اثق بي يساعدني حسام ..روح للمستشفى اني انتهيت الڪاتبهه?:#HagerUsama # يٰٖت?ٰ۫ب?ٰ۫ﹻܷؖـــــــــــــ؏ ،🍟🍫” | ||||||||
|
| |
|
21-09-18, 11:05 AM
| #7 | ||||||||
| مراقبة عامة ومشرفة منتدى الروايات المنقولة
| الجزء السادس #⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ՞:هاجر اسامهه? اتفاعلو حبايب حتى انزل بارت بالليل همم مهند..انت شدتحجي يامستشفى شصاير بس اهده وفهمني حسام..دكولك روح للمستشفى اني ماكدر اروح ماكدر احجي وي اي احد دحس نفسي اخ الميت الله يخليك روحلها مهند..هي منو متفهمني رحمه لاهلك شصاير شمبهذلك بهاي الطريقه حسام..كلشي انتهه مهند..خرب بحضك غير تحجي شصاير حسام..روح لرفقه وامها بس روح لاتعوفهم اني وجهي صاير اسود ماكدر أواجه اي شخص وهي مرتي مهند..شواجه شكول شحجي غير يفهمني مهند..من حجالي شنو صار حسام ومعرف منو السافل الي مسوي بيها هيج ضليت أفر براسي اني البنيه ماعرفها بس اعرف حسام حسام ورده مال الله ومرته متاكد مثله المنطقه كلهم حبابين منو الحقير الي سوه هاي العمله رحت اركض للمستشفى اساعد هالمسكينه وجماله اني ماعرفها بس شايف امها مرتين بس حتى يمكن متذكرني والبنيه شفتها بيوم الدرج نسه مهند موضوع شال رفقه الي يمه نهائيا مجان يعرف شال رفقه راح تصير بي قصه بدايه بيناتهم وراح يكون هو سبب لقاءهم من جديد مهند..طبيت اركض رحت عالسكرتيره اندل بغرفتها ورحت اركض لاتنفضح البنيه واتسالت شلون اذا حسام يحبها كل هذا الحب مقبل يجي يساندها بأول محنه بحياتها المهم نسيت كلشي ودكيت الباب فتحت على كيفي لكيت ضابط وام رفقه ورفقه ممده اخت الجثه على السرير مال مستشفى ديسال بيها الضابط وهي بالكوه اطلع الكلمه من نقذتها من رادت توكع من على الدرج لمحتها خطف ودرت وجهي شميت ريحتها بس ولزمت خصرها ركزت بريحتها وخصرها حتى لاتوكع ريحتها مثل ريحه الجنه من يوصفوها بالروايات بس هسه من شفتها ذبلانه مثل البرتقاله من تقدم وتتاكل بس بعد ريحتها طيبه ومنتشره بكل ارجاء المكان باوعت عليها هي فزت سالتني بعينها وين حسام ودمعها نزل على خدودها حست انو طريق حسام بعد مسدود بحجار جبير وعواصف الضابط..اختي احجي شلون هيج صار وياج اريد اكولكم على شغله هاي المنطقه كلش محافضه اذا انعرف موضوعها معناها عمامها راح يعرفون ويمكن يكتلوها مهند..شفتها ترفس خفيف ودموعها مثل الدم على عينها وكانوا مخنوكه بالشال الي على ركبتها واذكرت مره هذا نفس الشال الي جان شاده حسام على ايده حسام جان يحجيلي على رفقه هواي الام..مابيها شي حضره القاضي الدكتوره قررت ماتدخل وايه لصمت حلكها وكامت تبجي كلش هواي الضابط..اذا ماحجيتوا راح اضطر انقلها لطبيبه تفحصها صارلي تلاث ارباع الساعه واكف منو مسوي بوجهها هيج البنيه مضروبه اذا ماحجيتوا هسه بساع راح اسوي اللازم الام..استري عليها دكتوره شنو راح اسوي مهند..ضليت مجمد بمكاني معرفت شنو اسوي منظرها عصرني عصر زين اكول حسام زوجها اصيحه زين شيسوي زين اكول حسام هيج سوه بيها راح يدخل السجن وهو واكع يمي بالبيت زين البنيه راح تنفضح لاكدر اصيح زوجها ولااكدر اسوي شي متحملت وماحسيت على روحي الا وكايل مهند..سيدي الضابط اني زوجها وتعاركنه وهي وكعت من على الدرج لان اني دفعتها صرت كلش عصبي واني اتحمل كل النتايج الكل انصدم الام والدكتوره وايه الي تحبني من جنه صغار اهل رفقه جانوا جديدين بهالمنطقه كلت حتى بس انطلعها من المستشفى وتنسد السالفه بدون كشف من قبل الطبيبه لان البنيه اكيد متاذيه وحتى ميشوفون جسمها جنت اريدها ترجع للبيت وترجع لزوجها الي عافها حاليا من وره صدمته بس اكيد راح يرجعون لبعض حسام ميعوفها والمستشفى بعيده محد يعوفنه هنا ماحسيت غير ماخذيني للتوقيف رفقه..مجنت اعرف هالولد ومجنت اعرف انو راح يصير بيه هيج كابوس اسود بحياتي اريد اكعد منه # يٰٖت?ٰ۫ب?ٰ۫ﹻܷؖـــــــــــــ؏ ،🍟🍫” | ||||||||
|
| |
|
21-09-18, 11:06 AM
| #8 | ||||||||
| مراقبة عامة ومشرفة منتدى الروايات المنقولة
| الجزء السابــ؏ ⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ՞:هاجر ٲسامهه? رفقه..دشوفون الصوره هاي هيج حياتي صارت كلها سوده وحتى داخلي انترس ظلمه وحقد على بيت ابو كرم هاي الصوره هي صوره صح لحياتي مهند..مجنت اعرف هيج راح يصير شنو توقيف شنو هالمشاكل جنت اريد أنقذ البنيه وبس من الفضيحه اخاف لاتنكتل حطوني تلاث ايام هناك جانت هاي الايام ظلمه بحياتي بتهمه اني ماسويتها اتاذيت هواي بس هالشي الي سويته منادم عليها نهائيا اكثر احساس مشرف بالنسبه الي من تنقذ واحد من الموت وهو برئ رفقه..اني بقيت يومين بالمستشفى طلعت ركض هذا الولد المسكين شنو ذنبه وليش حطوه بالتوقيف ليش هيج سوا الضابط امي..هذا لان كال هو الدافعج فهو السبب بحساب بوكعتج على الدرج الضابط اتعاطف وياج سوده عليا مهند وهذا حسام الله لاينطيه لأبين لاأحد شافه مثل عليا دور الحنيه عليج وهو من اول صخام عافج يلي ميخاف الله رفقه..لايوم هسه يبين متاكده حسام راح يبين الام..سكتي جان استحه على نفسه شخص غريب يخاف عليج من الفضيحه وهوولاعباله ولابين حتى ماجابج من المستشفى وحتى هذاك السافل مابين الام..احنه لازم نروح نحجي وي الضابط حتى هذا المسكين يطّلع رفقه..اي يوم اي شنو ذنبه الام..كعدي وسكتي اني اروح وي زيد زيد جان بعده مصدوم من الي صار ماحسيت غير الباب اندك ايه جتي تسال عني ومتاذيه من الي صار باءت محاولات امي بالفشل الضابط الا رادني أني حتى اجي أوقع وحتى اتنازل وحتى يطّلع مهند من التوقيف وثالث يوم بالكوه مشيت حتى اطلعه وحسام لابين ولاشفته فص ملح وذاب رجعت للبيت والولد طلع راح لبيتهم مهند..ماكولكم اهلي شنو صار بيهم لغيابي ضَل بالهم واتاذوا وعرفوا اني موقوف اختي نور وامي وكتلهم ماكو شي قضيه اشتباه وبس ورجعنه لحياتنه الطبيعيه وره يومين بعد ماكمت من صدمه التوقيف طلعت شال رفقه ضليت اباوع عليه بتمعن اني ونايم ليش هيج صار بهاي البنيه وشلون ادمرت حياتها منو السافل الي سوه هيج بيها وبعدين سمعت انو حسام ماكو فطلعت إسال عليه الناس واصدقاءه ومنهم كرم اي رحت لبيت ابو كرم اسال عليه جان يكلولي انو كرم صارله ايام مسافر شنو القصه هذول الاثنين ممبينين معقوله بنفس التوقيت! وضليت اني بنص الطريق لأبيه حيل امشي بموضوع مواني السبب بي ولااخلاقي تسمح انو اعوف البنيه رفقه..مر شهرين حياتي صارت سوده مثل هاي الصوره الي ناشرتها الناشره وصاحبه القصه مالتي هيج صرت حياتي صارت ظلمه وجوه عيوني اسود وحلكي هيج ديطلع هم وقهر وسواد وظلام كمت مااكل ولااشرب امي تتوسل بيه وايه تسال نفسها هاي هيج صار بيا اني الي جنت جنت اصبر ايه جنت متفائله بالحياه مهند ماعافني ضَل يسال عني شنو هالمهند ليش ديساعد انسان مذبوح بهالطريقه وهو غريب عنه وحتى بداخلي جنت ماحجي على حسام الي امي يوميه تدعي عليه هيج عافني صارله اشهر بدون لاحس ولاخبر واني ممسويه شي بس خاف من الفضايح الى ان وره فتره يندك الباب علينه من المحكمه ورقه طلاقي يااا شنو لاديشاقه الدنيا دتتشاقه وياي اكيد هاي الكاميرا الخفيه اكيد الشي الي اني دعيشه كابوس يكلون الواحد الي يشوف فلم رعب بنفس الليله يحلم بهيج كوابيس هسه ساعتين تلاثه اربعه خمسه اكعد من النوم وينتهي كلشي بس شو ماكعدت شو روحي دتطلع وماكو فايده اني زواجي جان بعد شهر ودراستي بقت اشهر وامتحن كلشي راح ووردتي عافني الي عافني بنص الطريق ليش جنت انتظر منك غير شكل على شكد ماحبيت حسام على شكد ماحقدت عليه اذكرت كل لحضه حلوه وياه وصارت بكلبي كره وحقد عليه استغنه عني وعافني وبقه لاحس ولاخبر هذا كلامه وحنيته من كالي ماذيج ودور الحب الي مثله عليا هيج يعوفني بكل هالسهوله معقوله كلمه حب هيج سهله وارجع وأكول مستحيل ميرجع اخاف صار بي شي مستحيل يعوفني بمحنتي معقوله مده استوعب الي صار بحياتي بديت افقد بديت ماسيطر على روحي عفت الدراسه وحتى بيت ابو كرم طلعنه منه وشكد اتوسل ابو كرم بينه نبقه امي ماقبلت ووجهها كله حقد عليه وعلى ابنه رحنه بغير منطقه اخو ايه دبرلنه مكان نكعد بي بس المشكله انو امي عافت بيت ابو كرم فشغل ماكو وبدت تخلص فلوسنه حتى زيد كام يخاف يتقرب الي ويكعد بعيد اني عفته بهالاثناء امي بدت تتمرض انذلينه وماعدنه فلوس كافيه اول شي اخو ايه دفع فلوس الايجار برغم توسلات امي انو مايدفعها بس وبعدين شراح نسوي اعمامي منريد يوصل الهم اي شي لان راح يكتلوني بس خل احجي عن البيت بالاول هذا البيت بيتنه جان شويه احسن من البيت الي جنه كاعدين بي جانت تلاث غرف ومطبخ بداخل البيت تدرون كمت اخاف من المطبخ اتعقدت لان ذيج السالفه بذيج الليله صارت بالمطبخ المهم وغرفه جلوس جانت المنطقه احسن وأحدث من مزرعه بيت ابو كرم وحتى جانت بي صوبه حطتني ايه وامي بالفراش ماانسه وكفه ايه ويايه وراحت تسويلي شوربه وحتى مسوكين اكل للبيت بس مثل ماكتلكم الطمه الكبرى انو الفلوس بدت تخلص شايفين الغابه السوده الي تمشون بيها ومابيها بس ظلام وكلسع توكعون ورجلكم تزرلك بالطين او تدخل بالطين اهلكم راح يشردون وانتوا السبب بس مده تعرفون شلون تصرفون والنَّاس تريد بس تعرف قصتنه بالمنطقه الجديده وعيونها مترحم من تشوف نفسك هيج صاير بعائلتك فراح تقرر ادكوم وغصب ماعليك بس لازم تعرف شلون ادكوم بس صدك شلون راح اكوم وين ومن يامكان # يٰٖت?ٰ۫ب?ٰ۫ﹻܷؖـــــــــــــ؏ ،🍟🍫” على غفله بنهايه الطريق اكو بصيص امل ضوه بعيد ينتظرك تركض عليه وتوكع وتجفض بالطين بهاي الغابه المتعبه تركض تركض الى ان توصل لنهايه الغابه وتلكه الضوه وتريد تعرف شنو مصدر الضوه وهو مهند | ||||||||
|
| |
|
21-09-18, 11:09 AM
| #9 | ||||||||
| مراقبة عامة ومشرفة منتدى الروايات المنقولة
| الجزء الثامن #⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ՞:هاجر ٲسامهه? مهند ..كمت اروح اطمئن على رفقه اني واختي نور كمت المح كل الخدوش دتروح من ايدها ووجها يا كلب سووه هيج بهاي الخدود وبهاي الايد الي جانت تحيش البرتقال وتترس الدنيا ريحه الجنه صوتها كله حنيه كلما جنت اشوفها اكره نفسي جسمي يكّوم كله يرجف شفقه عليها لو شنو راح اتخبل جانت حلوه والاحلى شالاتها الي جانت تحطها على راسها وجانت اغلبها من حسام يعني مناسيته بعدها معقوله بعدها تحبه اي اي شكو بيها ليش ادخل اني غير جان زوجها واني شكو اووف ياربي بس لو هاي الرجفه الي بجسمي تروح هاي البنيه بداخلها جرح جبير ولونها احمر دم من جنت اجي من العصبيه كلما تشوفني رفقه ادكولي شتريد شعندك ممحتاجين شي تروح تنام تسوي روحها تقره متقبل تباوع بوجهي شكرًا مع السلامه ووعدت نفسي اخذ حقها رفقه..مرت اشهرحسام اتبخر بعد مااجه كلت بيني وبين نفسي انو حسام مات عافني بنص مأساتي ولا اتحرك اله جفن وحتى ماشاف الي صار ولاحاول يعرف معقوله العادات والتقاليد هيج تمحي كل حب وحنيه بالانسان ليش هالتقاليد الي تسوينه عبالك هذول الألعاب مادري العرايس الي يحركوهم بالخيوط قنعت روحي انو حسام مات لاكرهه اكثر وحتى تخف صدمه انو هو اتخلى عني بس بقت حزه بگلبي وبصدري وبعدني احبه احب نظافته وياي احب گلبه الدافي الطيب وياي ووي الناس ليش تخليت عني ليش مهند..حسّيت هاي البنيه انو اني مسوول عنها لان أعز اصدقائي جان زوجها وجان اخوي واكلنه زاد وملح ببيت واحد وبعدني مصدوم من تخليه عنها راح اكولكم سر هاي البنيه جنت ممفكر بحياتي انو اباوع عليها لان محرمه عليا ليوم الدين هاي زوجه اخوي وصديقي الي احترمني بس من شلتها حتى لاتوكع من على الدرج حسّيت بشعور غريب عركت وكام گلبي يدك ريحتها ريحه الجنه جانت بنظري اتصور هاي البنيه جان حبلها السري من جانت صغيره مربوط بالجنه ريحتها تخبل من راحت هي بعد مانقذتها ضليت الوم نفسي حتى ضربت گلبي قوي وحجيت وياه كتله انجب هاي زوجه اخويه لادك صدكني أطلعك من صدري ولااذي حسام واخونه حتى لو بيني وبين نفسي من رحت لبيت رفقه وره فتره هم حتى اسال عن احوالها جبت هم اختي وياي نور نور عمرها١٥وجانت ام گرايبي محمد خوش ولد هم معلم وياي بنفس المدرسه وجان صديقي تريد نور لمحمد وجانت نورمنه عينها هي وامي يشوفوني مزوج بس اني مجنت اقبل اتزوج اي بنيه جنت اريد اكون مستقبلي وابد ماافكر بالزواج دكيت الباب فتحتلي الباب ام رفقه ..اتفضل ابني هله بيك يالغالي حسّيت امها كامت تحترمني كلش على مساعدتي الهم وراها صفنت وكلت..صرت غالي بعد اول ماجتي رفقه جانت بره بالحديقه طبت فزت من شافتني وكالت..ال🌹سلام🌺عليك🌸م عليكم مهند..صرت احمر من شفتها خايب شبيك شنو السالفه اني مجرد نقذتها وهي جانت زوجه صديقي وبس انجب يگلبي نور..مهند هي هاي اقاربنه الي كتلي عليها شو مشايفتهم شنو الامانه الي تريد توصلها الهم مهند..ها ها بعدين افهمج بعدين نور..اريد اعرف مهند..كتلج بعدين لاتلغين زايد اني محجيت يم امي ونور عالصار وي رفقه الام..تفضلي بنتي الجاي على نور نور..شكرًا خاله اني احب الببسي ماحب الجاي مهند..اسكتي الام..ها خاله ماعدنه ببسي نور اختي جانت على نيتها حيل ضحكت رفقه اول مره اشوفها تضحك يالله شكد حلوه ضحكتها مرسومه رسم واني ضحكت واختي ضحكت وحتى ام رفقه سمعنه دكه باب رفقه..اجه زيد اخويه من المدرسه رجع زيد وصارت المدرسه كلش بعيده عليه لان انتقلنه لغير منطقه بده شويه ترجع نفسيته بالرغم هو صغير بس عرف انو اني اتاذيت بس معرف شلون عباله رجال كتلني بس ميفهم شنو اغتصاب ومحاولنه انفهمه اصلا حتى لايتعب اكثر زيد..مشتهي شعر بنات الام..منين اتجيبلك مهند..اني اجيبله ماعرف ليش حسّيت روحي مسوول عن هذه العائله يمكن عقده ذنب على تصرفات حسام وهو أعز اصدقائي ويمكن مقهور على البنيه يمكن ...لالا مستحيل افكر بيها غير تفكير رفقه..منريد شي منك مهند..شفت عين رفقه تجدح جدح من العصبيه عبالك عيون غزال عصبي على اطفاله متريد احد يأكلهم الام..بنتي عيب هالحجي رفقه..يوم لاتتدخلين هو الصاحه هو الام..صاح منو نور..شنو الموضوع وادغ بيد اخوها رفقه..هو الصاح حسام وابتعد حسام بسببه ومآحد ساعدني لو هو مصايحه جان كدر حسام يساعدني ومصار بيه الي صار مهند..انتي شدتحجين الام..عزه رفقه..الاصدقاء الاثنين ذبحوني يوم رفقه جانت تقصد على حسام من باعها وراح هج وعلى كرم الي اعتده عليها مجان قصدها على مهند الام ..سكتي رفقه..ماسكت الا افضح كلشي مهند..انتي شدتحجين تفضحين شنو قسما بالله اني مشايفج اصلا بس مره عالدرج تذكرين رفقه..اقصد.. الام..سكتي لاتفضيحنه سكتي مهند..خاله خليها تحجي نور..شكو بس فهموني اخويه انت مسوي شي مهند..كلشي ممسوي اني رفقه اني مرح اعوفج اني موابن كلب اتخله عنج افتهمتي اني ماعوفج رفقه..شتريد مني كلام مهند الخارجي..لان انتي انظلمتي كلام مهند الداخلي..يمكن احبج يمكن خرب بگلبي بس شفتها اليوم گلبي كام يدك سريع وايدي ترجف واختي ادكولي بردان شبيك واكولها بداخلي لا اني مو بردان اني احب يمكن # يٰٖت?ٰ۫ب?ٰ۫ﹻܷؖـــــــــــــ؏ ،🍟🍫” | ||||||||
|
| |
|
21-09-18, 11:10 AM
| #10 | ||||||||
| مراقبة عامة ومشرفة منتدى الروايات المنقولة
| الجزء التاسع اتفاعلوا هواي تره ازعل اريد تفاعل قوي طولت الجزء لعيونڪم والاحداث دتصير مشوقه اڪثر واڪثر #⁽ آلَٰـُـٰٓڪآتَٰـُـٰٓبَٰـُـٰٓۿۿ?ۿۿ? ? ՞:هاجر ٲسامهه? مهند..رجعنه اني واختي للبيت ونور تسالني وبالي مويمها نور..منو هذي منو حسام دحجي موتتني طلعت روحي دحجي عاد جرته ن بلوزه مهند..كفشتها كفشه مصاير وكلت..روحي نور من وجهي روحي سوي اكل نور..ما الا ادكولي مهند..اكولج نور صرصر نور..يومه باوعت لفوك مهند..ضربها جلاق بالشقه جتي امي تضحك على سوالفنه نور فرق عني عشر سنوات اني ابوها صرت وصديقها من كعدنه ناكل نور..ماما تدرين اليوم مهند..كفخها على راسها واتقرب الها انطيج عشره نور..متكفي مهند..عشرين نور..متكفي..ماما صارت سالفه وي مهند مهند..بنت المصموط خمسه وعشرين مهند..جان اخلي لكمه بحلكها حتى لاتحجي ماكو شي يوم ماكو شي اليوم وكعت بدون مادري امه..خوما صار بيك شي عزه مهند..لالا مصار شي نور ساعدتني مونور نور..اي اي يوم الام..شوكت امتحانج الخارجي مهند..امتحانج خارجي كلش فرحت اذكرت انو رفقه هم امتحانها خارجي بداخله نور..شبيك ودغته بالشوكه قوي مهند..اخ خرب انلصمي ماكو شي رفقه..صفطت كل الاغراض الي جابها حسام الهدوم والشالات والهدايا صفطتها وحده وحده كانوا شريط ذكرياتي وي حسام ديمركمت اشكك باغراضه وحتى الشالات شكيتها وضليت ابجي وقافله الباب على روحي ردت أتخلص من كلشي جابها بس ايامي وياه شلون راح تروح رحت للحمام غسلت وجلفت نفسي قوي لمسات ايده مده تروح مني بالعكس ده اذكرها اكثر واكثر ردت احس نفسي ورقه حتى اشك نفسي واذبها بالزبل واخلص يوم بعد يوم دحقد عليه وعلى صديقه قررت انسه الماضي وقررت ادرس وبس مهند ..كمت يوميه ادز نور الها نور أتضحك وعلى نيتها مره ادز بيدها كيك مره فواكه مره اكل من امي ومره ملابس ومقبلت تاخذها من نور بحساب نور جايبتها اني جنت اعرف هواي اشياء عن شخصيتها بدون ماشوفها من حسام هي تحب كيكه الكاكاو هواي والشالات شالات لالا اخاف اجيب وتتعقد لا بس هي تحبها راح اجيب ومره راحت اختي بيدها شال كلش حلوو وحبته كلش رفقه بكلام نور الحلوو وضحكها صاروا صديقات وحتى كامت يدرسون سوه على امتحان الخارجي ومره جيت اخذ نور هاهيه اتشجعت وجيت اخذها جانت يوميه ترجع لو وي امي لو وي محمد اني انقطعت عنها لان صدتني هواي ماراحت عن بالي عيونها الي كلها دموع شعرها الناعم صوتها المبحوح من الحزن وخدودها الوردي لمن جيت دكيت الباب رفقه فتحتلي مهند..صرت ثلج ماعرف شنو صار بيه خرب شفتها اي ولحضه حاطه الشال الي جابته نور بيدها صدك حاطه شالي بيدها كلش كيفت واحجي وياها واباوع عالشال مهند..شلونج رفقه رفقه..منال اسمي منال مهند..شنو رفقه..اسمي منال بس صديقك الزباله جان يسميني رفقه بسبب صداقتكم رفقه يعني جمع رفيق صديق جان يحبكم هواي والطيور على اشكالها تقع مهند..كافي ليش دتحجين هيج وياي اني معليا حاولت افهمج بكل الطرق بكل الطرق انطيني فرصه افهمج رفقه..تحب تعرف منو الي اعتدى عليا الام..تفضل ابني تفضل باوعتلي بشرار هالرفقه يوم سكتي خلي يعرف صديقك الحقير الزباله كرم هو سوه هيج مهند..كامت تعيط صديقك الله لاينطيه الله لايوفقه كامت تلطم على وجهه ووكعت بالكاع الام كامت تعيط وتبجي ونور كامت تبجي شلتها كانوا شلت الجنه كانوا كان هذا اليوم قبل العيد بيوم لمن انت طفل فرحان قبل العيد راح ياخذ عيديه وفرحان بهدومه بس شلتها حطيتها عالفراش باوعت عليها خطف شلتها وحضنتها يمكن مامرت دقايق حتى أساعدها واشيلها عالفراش بس اتاكدت انو اني دخلت الجنه واتاكدت انو اني حبيتها حبيت منال حبيتها جان راسها على صدري بالرغم انو راسها ثابت بس گلبي هم راد يوكف بس فهميني بس حسي بيه بس انطيني فرصه اني ماسويت شي هذا الكلام جان كله بداخلي من جنت اباوع عليها حطيتها عالفراش وطلعت من الغرفه وجريت اختي وطلعت ردت اشرب من دم كرم مشيت مثل السكران حتى ماجنت متوازن مصدوم معقوله كرم هيج يسوي ايا كلب ايا حقير الا اموتك بيدي ياخاين جنت صديقك يا نذل اني هيج اصدقائي يسوون ومادري واحد باعها وواحد اعتدى عليها واني الثالث الي مكدرت اسويلها شي وجماله شالي بيدها رفقه..كعدت من النوم على حس امي واخويه الام..حبيبتي انتي بخير رفقه..اي يوم اني بخير ولاتسميني رفقه بعد اني منال كمت اكره هذا الاسم الام..ماشي حبيبتي ماشي هدي نفسج حروح اصبلج شوربه صار موعد الامتحان الخارجي جتي نور لبيت رفقه حتى يروحون للامتحان مهند وصلها وراح حتى ماطب ورفقه استغربت راحوا لمكان الامتحان وجاوبوا زين رفقه..شبيج نور ضايجه نور..مهند يوميه ديكسر شي بالبيت وضايج من روحه ماعرف ليش هيج ديسوي رفقه..سكتت وماحجيت شي جنت متاكده انو هو بسببي ديسوي هيج من رجعنه للبيت اجه مهند ياخذ نور مهند..شونج منال رفقه..اول مره احد يصيحلي منال اول مره بهاي الفتره ارتاح ماعرف ليش حسّيت نفسي بعد مايرتبط اسمي باسم حسام الي باعني وهو ويريد يروح حته ماانتظرني اسلم عليه انضرب وأيده انجرحت مهند..اخ نور..شنو صار مهند..ماكو شي رفقه..ايدك دتنزف مهند..مصار شي رفقه..شنو مصار شي ايدك دتنزف نور..عندج شي أشد ايده رفقه..فلت شالها من شعرها وشدت ايده الله اني نفسي الكاتبه حبيت هاللقطه شاله بيدها وشالها بيده صدفه رهيبه تجيبنه وتحطنه وتودينه مهند..انتفضت من هذا المشهد شالاتنه بيد بعض بعد ماكدر اشوفها عفتها ورحت ركض مده اكدر اباوع بعيونها واني اصدقائي خلوني بالوجه الاسود حتى ماكتلها شكرا مهند..رجعنه للبيت ونور بس تتحارش بيا وادكولي نور..حلوو الشال مو والله تنحب هذي البنيه منال تجنن مهند عيني عيني تستاهل الشال ليش لا مهند..راح تركعين الام..منو هاي منال رفقه ..كعدت بغرفتي وفكرت ليش هيج اتصرف ليش هيج عصبي مومثل عادته صاحتني امي عالعشه واكلت شويه وافكر بي صحت اخويه عالعشه وضل يشاقيني جان اكوله بكل عصبيه لان جنت افكر اسكت كافي مهنننننند امي وزيد صفنوا امي..مهند زيد..وج منو مهند رفقه..هاا اني كلت مهند غلطت اني اسفه وضلت نور تجي بس مهند ماكو وره فتره صار عرس اخو ايه ومردت اروح بس امي غصبتني اروح وكالتلي نور اكيد راح تجي ايه عزمتها لان ايه اصلا جانت تحب مهند واعرف هذا الشي بس ماعرف ليش غلطت باسم اخويه زيد وكلت مهند عزه المهم لبست نفنوف وردي وفليت شعري وحطيت حمره وردي وكحل خفيف ثاني مره ارتب نفسي بعد يوم العيد ومن جنت دمشي وي اخويه زيد لمحت ولدين ديمشون لمن اتقربنه على بيت ايه اتحارشوا بيه واحد من الولد مهند من بعيد هو ونور ديمشي ماحسيت غير مهند اجه وضرب الولد اني فزيت ونور هم وزيد جان ينهزمون الولد مهند..دخلوا يله عالسريع نور..اتمصخت مهند..لا لا عادي رفقه..اني مرح اسلم عليه لان هو مسلم مهند..شونج منال بس بداخلي شونج يالحب يالضلع بالكبد بالمعلاك بالكون بس سويت روحي ثكيل لان حسيتها ضايجه مني رفقه..شون صارت ايدك مهند..گلبي كام يدك سريع مهند..زين اني زين همه ويردون يدخلون دخلوا سوه اثنينهم حركه لااراديه فانطخ واحد بالثاني ووو # يٰٖت?ٰ۫ب?ٰ۫ﹻܷؖـــــــــــــ؏ ،🍟🍫” | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
