آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-09-18, 11:28 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  مــا بيــن النســـر والشــيخة / للكاتبة زهــراء العــراقيـة ، مكتملة
| |||||||||||||
|  |
|
25-09-18, 11:31 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته القـصـة جميلة جداً •👌🌹انــصح بقرائتها ويــــــــن محـبيـن قصــص الـــــشــيوخ (مــا بيــن النســـر والشــيخة ) مــن كتــابات زهــراء العــراقيـة  | ||||
|
| |
|
25-09-18, 11:33 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الاول بعض الشخصيات نسرد لكم ما يدور بداخلها من خلال الاحداث والتصرفات التي تصدر منهم فلا تتعجبو اذا اكثر من شخصية تحدثت في القصة .. يقين جنت داكه اغنية تامر حسني قرب حبيبي قرب كمان ليه سايبني بنار ياحبيبي واني اتذكر شكل محسن بأخر مرة شفته بيها وبس ريحة عطرة تارسة المجمع ااااخ يا جماله شفت الباب انفتحت واعيون عمتي عليه متوجهة خازرتني ابسرعة غيرتها على قدك المياس قدك المياس يا عمري يا غصين البان كاليسر أنت أحلى الناس في نظري جل من سواك يا قمري نظراتها اتغيرت وكعدت كبالي على سريرها الفخم صوت اسواراتها الذهب يرن رن من فلت شعرها الحرير الاسود ... وكأنها تتأمل الأغنية وهي تلعب بشعرها من وصلت الاغنية لمقطع قدك المياس مد مالا لحظك الفتان قتالا هل لواصل خلد لا لا لا لا فاقطع الآمال و انتظري وكفت كدام مراية الكتنور اللي على خانه منه وبطولة شعرها نازل جوة وركها وهي اتحرك براسها على جوانبها تتفحص شكلها انا و حبيبي في جنينة و الورد مخيم علينا إن طلب مني وصالو يا رب تستر علينا عيونك سود يا محلاهم قلبي تلوع بهواهم صار لي سنتين بستناهم حيرت العالم في أمري دارت وجها علية وكالت -من جنت ازغيرة اتمنى لون عيوني زرك .. اهه غبية يا عمة جنت ما ادري عيوني السود.هي مثل المغارة الظلمة اللي يدخلها يتيه بيها ضحكت واخذت المشط ورجعت شدته مثل اول رغم هو مجان محتاج ... بس هي من تسمع هاي الاغنية تتغير احوالها ... ** محسن باحد الصبحيات المشرقة بالنسبة الي ولأي فرد من عائلتنا .... رحت لغرفة اخوي حسين دخلت شفته نايم وساعده على اعيونه حسين اصحى ابسرعة فتح .... شتريد من صباحيات الله ههههه بعدك حقنة اول ماتكعد من النوم ... دكوم يخيوي اليوم اريد السنتر ينور بجيتك كام طلع لبرة للحمام يغسل ..واني غيرت راح وياي حسين وصلنا اختنا رغدة للكلية ورحنا للجزائر ،وكفت السيارة كدام سنتر طابقين بناء حديث وتصميم اغرب بالنسبة للمجمعات المجاورة .. كان من تصميم اخوية حسين صممة ورسله الي من جان ببرطانيا .هاي مو اول مرة يدخل المحل اخوي بس من يدخله استبشر بخير لأن بالحقيقة كله من خير ومن خير ذكائه من بعد رب العالمين لو لا هو مهندس ناجح وتباع تصاميمة بمبالغ مبالغة مجان وصلنا للي وصلنا اله العاملين فاتحين السنتر اللي هو عبارة عن الطابق ارضي للعطور والاكسسورات والثاني مكياج وملابس داخلية نسائية يعني كوزمتك كبير والثالث مخزن ** يقين رجعت من الكلية ب 3 ونص ورة الضهر لكيت مرت عمي اتلاعب ببنها بالصالة الجبيرة - هلووو باوعتلي وهزت ايدها -وعليكم الهلو ورحمة الله وبركاته ههههه ضاهر الشيخة اليوم هازة جذعها ومخليتها هيج ما طايقتني ههههههه عفتها ورحت لغرفة عمتي لكيتها كاعده على الجرباية ورجليها على الكاع .. مبينه من شكلها توها كاعدة .. فركت اعيونها وكالت - ها يقين توج اجيتي - اي والله عمة فد هلكانه .... اووف المدرسة جانت اهون على الاقل قريبة مو هاي ساعة ادك بيه السيارة كامت غسلت وجها ورتبت شعرها ... عادت تمشيطه كدامي واني ابدل ... كملت ظفيرتها اللي توصل لجوة خصرها جانت ثخينه شعرها مال نسوان كبل ثخين واسود فحم يسرسح اسرسح يكول جدي عمتج تشبه جدتج يقصد امه . حيل بشموخها و شكلها وحتى صوتها يكول هاي من نسوان كبل بطيبة كلبها و قوتها وحزمها عمتي الارملة من سبع سنوات رافضة الزواج رغم اولاد الحمولة اللي يتقدمون الها حتى البعض منهم ممزوجين عزاب يتقدمون اظن هو وفاء لزوجها المرحوم .. نزلت اتغدة لكيت امي خطية دزاة اللي غده من عدهم تبقى گلب والدة رغم ان بيت جدي هو بيت الخير ... كعدت اكل بالمطبخ وجانت الساعة داكه الاربعة . دخلت علينا امي شفتها من الممر اللي يطل على المطبخ .. اخوية الصغير يمشي وراها عمرة سنة ونص .. - يقونه يمه اكلتي .. لكفتني بالجرم المشهود -يا ولج ليش ما تاكلين من غدانا هااا مو دزيت الج -يوم حاطة كشمش على البرياني ما احبة غمتني وراحت ...خلصت رحت وراها ... اليوم امي مسيرة خير انشالله .. لكيتها بغرفة مرت عمي الوسطاني .. يسولفن .. اربعتهن چنات بيت ابو عزيز ... و ثمرة الحديث هي كالعادة عمتي ماسة ... امي كالت بدم محترك -ولجن الرجال ما يتعيب وما ماخذ مرة من قبل وهي ثيب وما قبلت بيه هاي حماتجن صدك شاخت ردت عليها مرت عمي حوراء -اي عيني سبع احظوظ والوجه سماوي سمر - اوف يابة ظاله امرمرة عيشتنا ومتسلطنة علينا بت الاوادم والثانية اترد وتحجي على عمتي على انها ما اتريد رجال يشكمها اتريد اظل اهنا مدللة وتتامر حتى على مرت ابوها مكدرت اتحمل اكثر من كالت عليها عايبة وشايخة من يكلبها هي لو ما عمي الشيخ - يوم ترة عمتي الف من يتمناها بعدها اصغيرة و معدلة مشهورة بين النسوان بقيافتها واخلاقها الطيبة خزرتني امي -امشي انت خو ولا يكلك بت بطني وثول والله ثول سمر - انت اسكتي بعدج ازغيره .. ما اتعرفين شي هي الي سابق الها زواج وين تلكه اللي يجوها عمتج هاي البطرانة عفتهن بالناقص كعدتهن اللي كلها حش يمكن هذا الشي اللي مخليني اشوف تناقض امي ما اكدر اكول نفاق لأنها امي .. بس هيج من تكعد ويه نسوان عمامي او مرت جدي بس بحضور عمتي تتغير مية و80 درجة .. اني يقين عمري 19 طالبة كلية حقوق عندي عندي خمس اخوان ولد جبير قيس و اخت اكبر مني مرام والباقين اصغر مني عقيل و حنين و حمودي من وعيت واني بحضن عمتي اتعس ايام طفولتي قضيتها من عمتي تزوجت جان عمري 9 سنوات .. ورة ثلاث سنوات رجعت عمتي لبيت جدي ارملة .. بصراحة كعقل طفلة حيل فرحت برجوعها وما فكرت بحجم مصيبتها بوقتها .. اني ماعندي شي يستحق يروي بنية عايشه حياة عادية وكلش واضحة مابيها شي ملفت او متخبي .. عكس عمتي اللي اراقب الها اقل تفصيله بيها لهذا راح يسعدني القاء قصتها.وقصتي العادية عمتي جواهر ... الارملة الحسناء او شيخة ال علوان مثل ما يصيحها جدي .. من ابوية بنى بيت وحده وعزل ... هو بنفس المنطقة يم بيت جدي بس عمتي ما قبلت ياخذوني وخلتني يمها بصراحة اني بت عمتي جنت اموت عليها هي امي وابوية و دنيتي الي دوم تدعمني ..لولاها ما جنت احلم ادخل كلية لأن ابوي جان رافض بس هي قنعت جدي وادخل و خلاني ... جواهر عمرها 30 سنة حاليا . طويلة جاثمة و بيضة مثل الغيوم بسما صافية واعيونها السود الواسعة تزين وجها المدور الابيض لو كصيبتها المتينة عود مثل شعري مهلس .. جسمها متروس مثل الساعة الرملية خصرها ينحلف بيه .. يمكن ابالغ لأن بصراحة اذا تحب شخص ما اشوف بيه عيب وشكلة يصير كامل حتى عيوبه اجمله !! جنت اقرة بالهول واسمع بأمي اشلون تطري بعمتي من نزلت من غرفتها واتكول الها والله يا جواهر اجيت اشوفج حيل اشتاقيت الج !! ما سمعت رد منها واجتني .. - يقين شفتي عمج قحطان ؟؟ - اي بالحديقة ... عافتني وراحت اله.. واني وراها - اشعندك كاعد اهنا بالحر والبك - جواهر الله عليج حاجي ابووي والله النفس ضاك ... اذا ما قبل اعوفلكم البيت واهج .. - يااوثل عوفها ... بت فيصل اتفيدنك اكثر ابوها عنده نفوذ قحطان - اني اريد وحده احبها يا نفوذ لخاطر ربج جواهر انت مثل ابوج عوفيني بحالي وانتي اشعندج اهنا واكفة خزرني ... - هاا شعليك بيه شمسوية اني عمي قحطان الابن الاصغر والعام تخرج .. يحب وحده بالكلية وياه وجدي ما قابل صارله اشهر يتوسل وعمتي بس تتفرج .. ردت اروح لفيت بس وكفت بمكاني من سمعت عمي يكول - والعباس ابو فاضل اذا ما اخذت رغدة اهج للسويد والجواز حاضر ترة بس افيز وهذا اخر كلام عندي لو هي لو اسافر عاد اشوف الدنيا ردت عمتي - لا حول ولا قوة الا باله .. .... امي زوجة الابن الجبير للشيخ .. ابوية عزيز.... و عمي عايد الوسط زوج سمر وعمي علوان مزوج حوارء وعمي احمد مزوج رسل .وعمتي قبل الاخير و قحطان اصغر واحد .. الوحيد بيهم من مواليد التسعينات الباقين من جيل الثمانين والسبعين ... وبيبي متوفية من سنوات .. وجدي مزوج بعد وفاتها واللي زوجه عمتي جواهر!!!!! .... ع العشا هم فتح الموضوع عمي قحطان . وانتهى بزعلة عمي وما اتعشة .. ، جنت ارسم وامارس هوايتي .. - هم اشخبطين ولج شنهاي النسوان اللي اترسميهن لازم احلوكهن عوجه ضحكت على تعليق عمتي ما فديوم شجعتني ع الرسم .. نزلت واني وراها مثل ظلها .. -عمة خل انشوف فلم .. - ولي ولج .. طلعت برة ...شافت اخوية عقيل كاعد مكنك يمنا - ولك تعال عمة .. اجاها يركض -امري - اوليدي السباعي باجرمن الصبح اتروح تسأل عن بيت ابو حسن ... ناس جدد حاطين بالشارع اللي ورانه قريبين ع المخبز ... -هااا صار عمة . تم -اشوفلي اصلهم وفصلهم - اووك طلعت خمسة وحطتها بجيب اخوية المراهق عمره 14 سنة ..وراحت واني اتبعها -عمة عمة منو ذولة هاااخطابة الج وكفت وخزرتني وراحت -عممممة حبابة ردي ...شنو خطابة اللي لعد بصوت هادئ السانج طولان بت عزيز .. روحي ارسمي سعالوا وكفي شرج عني تركتني الفضول ينهش بيه ... ، طلعت عمتي ثاني يوم الصبح للسوك .. اتوسلت اروح وياها مقبلت كالت عشر ساعات ما اتخلصين انتي اكتبي اللي ترديه اني اجيبه .. ** حسين دا البس و محسن فوك راسي .. -يلا دخلص .. - دقيقة لبست ساعتي ورحنا .. للسوك - جيد همزين غيرت الرف . - اي كلة من خيرك - خيري خيرك اخيي حط ايده على متني وكال -والله يا خويي احنه من غير مساعدتك ما جنا ننحسب عايشين انت الخير والبركة ..من مجهودك تشتغل وادز النا طلعتنا من البيت اللي كعدنا بيه ابوك و رجعتنا لمنطقتنا .. ابتسمت واني اذكر طيف الماضي .. اشلون ابوية انذل ما ظل زغير ولا جبير ما نخاه يساعده ويقرضة كم فلس يعوض خسارته ويفك بيته عن الرهن .... صفينه ببيت تجاوز بعد ما جانا مستورين جنت اني توني طالب سادس ما شايل من الحمل شي اخوية حسن الجبير وابوي تعذبوا حيل ... خالي الوحيد اللي وكف ويانا وهو ببلاد الغرب دز مبلغ سد شي من الدين ودز عليه اخذني ... كملت دراسات لكن احوالي ما دوبها تطور و اجاني خبر ابوي وحسن شلني شل رجعني للعراق دموعي بعيني على فقدهم اثر انفجار وجانت منيتهم ودتهم لبغداد.وما رجعوا الا وهمه بالتابوت .. ظليت حاير باهلي و بروحي واني بعدني طالب .. تاليها سافرت شفت حالي وتزوجت وحصلت على الجنسية بعد معاناة و ظليت ادز لهلي منا من الله وفقني بمجالي وصرت اطلب بالاسم عند اكبر الشركات المعمارية ... بنيت نفسي بنفسي وما انكر مساعده خالي الله يرحمة اما باقي الاقارب داسونا دووووس على روسنا من وكفوا لأبويه على الدين ولا يكلك ابن عمهم من كسروا گلب حسن وما انطوه المرة اللي نفسه بيها بسبب فقرنا .. قاطع افكاري وتألمي محسن -حسين وين رحت - وياك وياك ...بس وداعتك يا حسون اذا ما اخلي اكبر واحد ياخذلك تحية ما اسمى حسين ضحك محسن وكال -تصدك ابن عم ابوي البارحة دك يسأل عني ومسوي نفسه حيل مشتاق النا ومقصر ضحكت وياه وكمل -وتدري حسن من الله غير أحوالنا لهسة الناس تغيرت احس نظراتهم النا تغيرت -شوف يا خوي الفلوس هي اللي اتغير النفوس وداعتي تشتري اكبر واحد ... بين ما احنه نسولف والعاملين اللي يستقبلون الزبائن الطابق الارضي بيه اثنين واحد واكف على جهة العطور والثاني على الاكسسوارات والطابق الثاني بيه ثنين بنات من عمر غدير اختي جنا كاعدين ونسولف ورة الميز الفضي من فوك وزجاجي من اسفل اللي بيه تحفيات وانتيكات بجانب العطور .. انسحبت الباب ودخلت مرة بعباية تهفي بأيدها والعرك يضخ من وجها احجي ويه اخوي وعيني عليها جنها داخيه اعيون محسن اتبعت نظراتي وشافها وكف الها رغم هو مكان مهتم للزبائن العاملين يتولوهم -يا اهلا وسهلا .. -السلام عليكم -وعليكم السلام يا اهلا وسهلا نورتي اختي اني طلعت تلفوني و اكلب بيه .. بس رفعت راسي عليها من طلبت كرسي من اخوي وكعدت عليه - اشوية برة الحر يموت ب اكولك جبت طلبي .. -قصدك تركيبة العطر اي اي جهزتها الج ابتسم الها وهي دارت وجهه عنه اتباوع لعطور ثانية ... - وصدك جبت العطر اللي طلبته يقين خزرته بنظرها وهو مثل اللي ارتبك وتلعثم -اقصد بت اخوج برر ههه عرفت اسمها من صحتيها -ما شاء الله ذاكرتك قوية شنو طلبت شو ما اذكر اني ؟؟ تلعثم بالزايد وكال لا اشلون هي طلبت ودفعت افلوس هم بس جان ماعندي العطر راح طلع الها ماركة ما يشتريها الا الناس الواصلة والمقتدرة ... راقبته بصمت ابتسمت المرة برزت وجناتها الريانه اشكد شايف شكر و بيض بحياتي لحد الزهك بس هاي بيه ملح ملامحها حادة واعيونها سود هي اللي مخلية بياضها يضوي ونظراتها احد من السيف كالت -ها بيها الخير كامت للدرج وهو مثل المهتلف يريد يروح وراها وكفته وين رايح يالنجر ابتسم واجه يمي وكال -هاي عمة الحب -هااا وهذا العطر للحب هدية -اي والله ابتسم واعيونه تلمع لمع والله ما الومة اذا العمة هيج كمر بت اخوها الصغيرة اشلونها !!؟؟ -بس دربالك اذا اظل اتوزع هدايا للحب مالتك نفلس ضحك وحك لحيته ...نزلت اللبوة اي احنه الزلم تهوينا حيل الثلاثينية المربربة وخاصة اني صارلي ثلاث اشهر من تارك النسوان شصاير بحالي يعني !! فخيلت على المرة بصراحة، عين على التلفون والثانية عليها .... بيدها اكياس و الوصول اجت يمنا وكالت -اكولك ذني مراح اكطع وصلهن دفعت الحساب يقين وابتسمت اله بكيد. خلته صافن عليها ما يعرف شنو يجاوب بيدها كيسين ما نعرف اصلا شبيهن !!؟ واتكول يقين دفعت و موصية عليهن خرب بفصولك يا محسن طلعت من ذولة اللي يستغلون اشكد احتقرتها .. ابتسمت واخذت العطور وراحت للحساب ... وباوعت لاخوية من حطت العطور والاكياس كدام المحاسب وكالت - اكطع ذني وياك احنه ما ندفع قبل لا نستلم الشي ... اخوية طب بنص ملابسة بعد ما يعرف شنو يكول كام ينطي وجهه الوان .. واني بصراحه اتعجبت على نچارتها و وكاحتها رزلت اخوي و حرجته ودفعت وراحت .. ** يقين ظليت ارجف رجف من محسن دزلي مسج. وعرفت شنو صخم ... دزيت اله مسج خرب خرب محسن اشبيك انت ويامن علكت هاي جواهر محد يكدر يعلب من وراها وربي اليوم راح اتكطع اتكطع ظليت اضرب على خدي شسوي ياربي شسوي كشفتني ورب الكعبة اصلا هي من زمان شاكه بيه وماتقبل اروح وياها من اخر مرة نسينا نفسنا واحد يباوع للثاني بهيام هي شكت بينا .. عزة العزاج يا يقين ...لميت ملابسي شمرتهن بجنطة و لبست عباتي ... ودا اريد انزل من الدرج واشوفلك عمتي دا تصعد وصارت عينها بعيني اشرد للسطح لو اشمر نفسي وانتحر عززه نظراتها اكلتني اكل وبيدها اكياس ماركة الله يسامحك يا محسن عليمن تضحك انت ومكيف اتريد اتوصل الي هدية وبيد منو جووواهر !؟؟؟؟؟؟؟؟؟؟؟؟ لفيت ردت اروح كالت بهدوء مخيف يتوعد اللي وين يا ست الحسن واتباوع لجنطة مالتي مالحكت اشرد.لبيتنا يتبع...... | ||||
|
| |
|
25-09-18, 11:41 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثاني صعدت ببطئ جمدلي أطرافي واتعدتني وراحت واني وراها .... -عمة !!! ا شسمة ردت بس يعني - رايحة لهلج شاردة مني ؟؟ ظليت امتمت حطت الغراض وكالت تعاي اكعدي كبالي ... كعدت يمها - شنو نوعية علاقتج بيه - هااا منو هوووو - اعيونج من اتفريها هيج معناها اجذبين يا بت امج ...اخذي جنطتج وروحي لهلج ...بلكت يربوج من جديد ... دمعتي اسرسحت ... -عمة !؟؟ اروح ؟؟؟ - اي روحي .. واخذي كتبج وياج .. نزعت عباتها واني بعدني كاعده كدامها على سريري اللي ابصف سريرها ... شالت كيس وشمرته بحظني .... - هاي هدية بس مو مني تركتني وراحت للحمام ... - عمة بس ...... وكفت يم الباب وقاطعتني بنرفزة وباوعت الي بعيون مليانه قساوة وبرود - اطلعي برة ماريد اشوف خلقتج ولا اصعديلي بعد ...يلاااااااا طلعت شاردة من قساوتها ماكو مسافة تذكر بين بيت جدي وبين بيتنا دخلت ابجي ...... * حسين -يلا يوم خلصت -اشعندك تنتظرني يوم ما تسوة جان كلت لاخوك يوصلني لو المضيف بعيد بس هو هذا وينه .. -لا يوم الدنيا حر وين تتحملين ضحكت وكالت -يمة انت تعودت على جوة الغربة ونست ارويحتك حر البصرة صعدت يمي بالصدر و رحت اوصلها ... صدك ماتسوة بس فرع واحد.بينا وبين المضيف اللي فاتحه شيخ دين و مخلي مدرسات دين ينطن دروس وامي مشتركة بيهن .....نزلت امي واني سقت من غير واجهه عجبني افتر بالمنطقة اللي رجعت الها بعد كل هاي السنين .....جاي اسوق واشوف مرة واكفة بالشارع الخدمي وسيارتهم سادة الشارع من باب النخوة نزلت ... شفت الرجال فاتحها وحاير بيها ... -الله يساعدك اخيي تحتاج شي ... رفع راسه وكال الله يحي اصلك اخوية بس عاد ايدك وياي نحركها عن الشارع سالفتها تحتاج تصليح ... انداريت وخلعت يلكي جنت لابسه فوك القميص واجيت احط ايدي وياه وادفعها واهنا المح ذيج ام خدود الريانة واكفه على صفحه وجنطتها على معصمها باوع الها الشاب وكال - عمة بس نوخرها منا واخذلج تكسي .. هزت راسها واني كلت هاي عمة صاحبة محسن دفعناها وعركت نسيت نفسي وحكيت شعري ماسح قطرات العرك ...وخرب شعري الواكف ... تنهدت وباوعت لكترهم شفته اتقرب عليها وبكل تهذيب وكف يمها اوووف هيج ترافة واكفة عركانه والله مو وجه حر هااي الاخدود ما اعرف شجاني هي هيج حلوة لو حرماني من الجنس اللطيف خلاني هيج نفسي دنية واباوع لعرض العالم ... رحت لسيارتي ...وكلت من باب الرجولة اطلب منهم اوصلهم .....!!!! بالفعل عرضت عليهم بس كأن الشاب ما اله اي كلمة وهي الأمر الناهي .. صوتها ما وصلني بس كانها كالت لا فالشاب اشكر مني وكال ننتظر تكسي .. اصريت اني .... واخيرا سمعته لصوتها - لا راح اتصل خوية باخوية ...نشكر منك .. - ها على راحتكم .... مدري شكال الها الشاب وهي صوتها وصلني -يا عدهم كعده ولك اهنا ماكو تكاسي هلكد اتمر خط خدمي ... اتفهة بمشيتي واسمع حوارهم ... ما ودي تنتهي هاي الشوفة .. واسمع الشاب يكول الي خويي ... بلا زحمة وين طريقك ...ابتسمت اله ورديت بطريقكم وين ما جان ... - الله يوفقك راح نزحمك ... وراح الشاب فتح الباب .. وهي اجت مثل الملكة كعدت ..... اني جنت لازم الباب مالتي وصافن عليهم ....الشاب التاف و صعد يمي ومشينا ...مو من طبعي اباوع من المراية رغم الرغبة موجودة ......... هي مرة وحده لبيت الرغبة شفتها لابسة نظارات طبية وتقرة .... وصلنا ابسرعة ... وما كدرت احجي وياها اي شي .... نزلت هي والشاب ....ولفت نظري هي دخلت لنفس المضيف اللي دخلت اله امي ! اذن تدرس اهنا ..... ** يقين اجيت لبيت جدي واني حالفة اراضي عمتي واعتذر منها وما اروح منا بعد ...طبعا عاتبت محسن ...كل ظنه عمتي سبورت و مراح تحس عليه رغم سوايته مبينه مفضوحة .. صدك بس اجت من الحوزة اللي تنطي بيها دروس رحت ركض ، اجهالتني وهي تمشي بالصالة وصلت يم غرفة عمي .... وكفت يمها وكالت -سدي بابج سمر ترة حماج توه فات منا وانتي مهلعه وبابج مفتوح .. - هاا والله ما انتبهت عافتها وراحت ....من صعدت ...شافت طفل عمي يريد ينزل صاحت لأمه رسل تجي اتراقبة لا يوكع ودخلت لغرفتها واني وراها كأني عدم كعدت نزعت حجابها و جواريبها واني كعدت على الارض يم اقدامها -عمة والله بعد ما اظم عليج شي ... والله اني احبج اشلون اهون عليج اطرديني ...اهون عليج ما تحجين وياي .. مو اتكولين اني نفسج بهاي الدنيا !!! ليش قاسية وياي ؟؟؟ سكتت وايام ظلت ما اتباوع لخلقتي واني فارضه نفسي رجعت لغرفتي لان امي ضغطت عليه اتريد تعرف ليش رجعت ... وعمتي ما حاجتني وطردتني بس ما تحجي وياي مايجيني نووم والسبلت يدك عليه واني مطروحه بنص تلليل واحس الغطى صار عليه ... غمضت اعيوني من حسيتها يمي لمست شعري و راحت لسريرها ...!!!! ، بيت جدي دوم يضج بالخطار وحيل جبير بالمساحة بيه الاحفاد والابناء اللي يريد يطلع يطلع ...بس همه يحبون ابوهم عمامي وباقين وياه حتى ابوية ما راح بغير منطقة من فكر يعزل ....... .. جانت عمتي يم جدي بالديوان كاعده وهو يتعشى وحده لان جاي متأخر .. رحت يمهم .. كتلتني عمتي هم ما باوعت لوجهي واني كاعده ... - بوية عوفك من بت فيصل .. اني اخذت عنوان البنية اللي يريد يزوجها ابنك سألت عنهم وعرفت عنهم كلشي جاوبها -ماندخل غرب النا ... ضحكت وكالت غربيش بوية عليه هذا الحجي .. لعد مرتك هسة مو غريبة ؟؟ ههههه بوية انت تفكر لبعيد واتريد تاخذ بت فيصل لأن والدها مدير عام للهيئة ويفيدك اذا اترقى بس فكرلها لقريب من سألت واطقس عن اهل البنية اللي ابنك هاويها ...عرفت اخوها مشتري الكاع اللي ابصف اراضينا الي بال** ما فهمت عليج يعني ابو ناصر الكلب باع قطعته اللي كاطعه علينا الري ويحاربنا بيها واخيرا ..! يا حقير اشكد ردتها وسمتها اله بسعر ما تسواه ورفض من اشوكت هذا الحجي ليش انه ما اعرف ؟ انت تدري بوية اشكد يكرهك ويكره جدي الله يرحمة حاسبكم اعداء اشلون يبيعك ...المهم بوية اخوهم جاي من الخارج وجيبة متروس بعدين هم مو غرب يا بوية هم من نفس عشريتنا من غير فخذ ...ويجوز تعرفهم صدك عمتي من كالت اله على تفاصيلهم تذكر جدي وكال اعرفهم ابوهم خوش ابوو وخوش ناس وامهم من مدري يا نسل ذكره جدي من نفس عشيرتنا ... بس هم كال جدي ذوله بعيدين عنا ... باوعت الي واخيرا عمتي .. وامرتني اطلع بس طلعت ....سدت الباب وقفلته .... وارها طلعت من الاستقبال ....وبشرت اخوها جدي وافق يروح بنفسه يخطبله المرة اللي يريدها .... عمي لكف وشبك عمتي ... - صدك يعني قبل واخيرا الحجي دكت على ضهرة وخر عني ولك ...اتريد اتروح للسويد موو خلها اتفيدك هاي ام المخابرات تالي الليل اشوف اتفيدك لو لا .... ضحك و بيومها صدك فرح واني هم فرحت اله ... صارله سنتين كل ما يفتح موضوع الزواج جدي يكله تاخذ من اللي اني اشر عليهم ... وعمتي اتباوع الهم من بعيد ولا تدخل رغم توسلات عمي الها تاليها بكعده وحده اتقنع جدي ااااه يا عمتي ابد مراح افهمج ... بالليل جانت اتريد اتنام اجيت يمها على سريرها عمة .. عمتوووووا اشوكت السماااح .. جانت صافحة على يمنتها ... اسطحت على ضهرها وكالت شفتي عمج .... راح ناخذلة اللي رادها .. مجاوبت .. ما دخلت من سنتين ما راغبة بيها ...... لأن تحجي وياه من ورة اهلها اشكد ردته يعوفها بس بعد هي قسمته .. لعد ليش قنعتي جدي؟؟ بعدين الحب مو حرام .. باوعت الي بالتفاته حانية وكالت ياما بنات كسرن ضهروة اهلهن بالحب الحلال مالتج ...... صارلها سنتين تتوسل بعمج يخطبها ..حتى تثبت حبها حلال .. لا اصيرين مثلها بيوم يا يقين الحب الحلال هو اللي يدك بابنا غير هيج اللي يشله من الشباك وكلام التلفونات هذا يرخص من البنية حسيت الكلام اخترقني - بس اني ممسوية شي غلط ... - اذا ماكو غلط ظلي يمي ..... بس اذا عندج علاقة بيه روحي لهلج من باجر ... سكتت -شو سكتي ؟ على العموم مراح افتش بتلفونج ولا احاسبج ...كلمة وحده منج اصدكها .... عندج علاقة بيه بالتلفون لو بس نظرات ؟؟؟ صفنت كأنها اتريد. تكتلني اكو واحد يهدي وحده وهو بينهم بس نظرات ؟؟ جاوبت واني حانية راسي - اوعدج عمة والله العظيم حتى الرسائل اللي بينا تتوقف ... انطتني ضهرها وكالت بنزعاج - روحي اريد انام -والله عمة .... ما ردت ... مع ان اني ما مقتنعة ليش يحرمون الحب وخاصة اني واعية وفاهمة لا يمكن اوكع بالغلط واللي احبه يخاف عليه مخابرة ما يخابر .. احنه علاقتنا ابتدأت من هو جان سايق خط خاص وشكلت اني وياه من جنت بصف الخامس اعدادي بدت بنظرات ... من خذت رقمه حتى يرمش علية من يجي صار تبادل الارقام ...بعدها صار موقف وبانت غيرته عليه واحرجني من تعارك مع شاب واني عابرة الشارع والشاب اتقرب مني ينبهني محفظتي وكعت .... بعدها بينت اله اني ضجت وكتله راح اعوف الخط ... بس بيني وبين نفسي ميته من السعاده ... من رجعت للبيت اتصل واعتذر ومنا بدا حبنا ..... وهو بعدها احوالة تغيرت ما شاء الله اشلون اوفي بوعدي لعمتي وهو صاير النفس ... دزيت رسالة الة "" محسن منا وجاي ما نسولف مع بعض رجائا صارت عندي مشاكل واني ما اريد اهز ثقة اهلي .... "" عارض و خابر وما رديت انطيته حضر واني ابجي .... بالفعل كلامها لو يريدني جان بس من رسلت اله الرسالة كال اخطبج ...بس اضاهر ما ناوي ومو اني الي اتوسل اله يجي ... بس حيل انتهيت وبان عليه التعب النفسي ... ** حسين .. طلعت من الشقة .. وطلعت نغم وراية .. ما كولت الي اشوكت اشوفك حسين .. اشوكت ما اتصل بيج ... اوك بس حباب لا تتأخر .. حسب المزاج غمزتوصعدت السيارة ووصلتها .. . احس بفراغ لأن لهسة ما بديت بمشروعي الخاص كل الي سويته هسة لهلي .. وكفت يم البيت وشفت امي طلعت واجتني كعدت يلا يمة امشينا وراية عشا اي بس اشوية .. جنت اريدها تطلع ... ما اعرف ليش حبيت اشوف ذيج اللي دوم ذايبة من الحر ... طلعت من بين النسوان ...الشابة الوحيده بيهن .. حجابها اسود ما يتغير قريب حيل على اعيونها اجفوف سود تغطي اديها وجنطتها اللي على معصمها اشيلها .. نفس الشاب ينتظرها فتح الها الباب واختفت واني صافن عليها امي ندستني يا يمة دسوق لو ادري ماشية للبيت . ها يمة امشينا ... * يقين عمتي راحت وية جدي ومرته للزيارة بكربلاء ويظلون يومين اهناك ... صارت عركة جهال بين جهال عمي عايد و جهال عمي احمد .. اجت عمتي سمر زوجة عمي عايد كتلت اولاد عمي احمد واخذت بناتها بعصبية .. رسل - يا ليش هيج كرصتي الولد خده صار احمر وانتهت السالفة بسكوت مرت عمي احمد من مدت لسانها سمر .. اوف اجه الليل واني ما اكدر افهم كلمتين من دروسي اوووف اوووف كل فكري وية محسن ... ...... فرشنا السفرة الطويلة و حطينا بيها ما لذ وطاب ... كل مرة كلنا نتعاون على العشا بس بغياب جواهر لا سمر طلعت ساعدت ولا حوارء بس رسل واني وبت سمر طلعت وامها صاحت الها دا اكل سمر كالت - ابو عبدالله ترة مايصير هيج بناتي ما يكدرن يلعبن من ولدك لا وبعد ما اكدر اطلعهن من غرفتهن حصرة تجيني مرتك تعد وتصف .. جانت مرت عمي احمد اتجيب دوالك الماي حطتهن وكعدت يم رجلها... ضربها ع متنها .. جم مرة اكلج لا تدخلين ويه الجهال .. الدفعه صارت قوية طخت بية ... كلها كاعده.... والزجرة قوية ..سكتت ودمعتها اجت تطلع من عينها اباوع لسمر مبتسمة .. اشكد اكره هيج شي يصير كدامي واكره ضعف عمتي رسل اللي سكتت وبلعت الرزالة اللي رزلها الها ** ليان كاعده وصافنه على حركات هاي المجنونه رغدة بعد ما راحوا اهل حبيبها وخطبوها اله .. اتخبلت وكفت تركص وتتمضحك ولج ليان خطبني خطبني ....ههههه وجان اجيب ابن الشيخ للدرب وصار خطيبي ههههه قحطان خطيبي الف مبروك حبي والله تستاهلين اكثر بس شنو هاي مال وكعته ما عجبتني اي ولج وكعته بثكلي واني جنت حيل معجبة بيه ووكعته بخطط مرام انت وصديقتج مرام داهية المهم خلصت منج ومن مخابراتج تالي الليل والحمدلله عدت وما كشفج محسن جان هسة طلعناج جنازة ضحكت وهزت ايدها واستمرت تركص ** يقين عمي اتلكه مرت جدي و امي من اجن من بيت الناس ها بشرن مرت جدي شنو قضيتك همه لاكين مرت الشيخ تدخل بيتهم لو نخطب منهم يحمدون ربهم ضحك وكال هسة شفتوها ..عجبتكم امي كالت اي زينه شايلة نفسها ... جانت عمتي بالمطبخ تشرف على الطبخ جدي عازم اصداقائة .. وما اعرف ليش ما راحت للخطبة ..... ** حسين جنا نتعشا وامي كالت النا خبر خطوبة اختي .. جنت اسمع من غير انتباه لأن رغدة صغيرة وبعدها طالبة وهم ما عاجبني تزوج قبل ليان محسن وشعرفهم بيها... امي جاوبته يا يمة اليسأل ما يتوه ... شنو دارس .... ؟ جاوبته ليان .. محسن ... يعني اتخرج العام من نفس كلية رغدة وباوع الها خزر ....خلاها ما تعرف تاكل حسيت راح يكوم يضربها كدامنا .. صحت بيه محسن ... كملت امي واني ضجت اريدهم يسدون الموضوع اي يا يمة خوش قسمة جاوبتها لا يوم سدي السالفه رغده اصغيره .. صغيرتج يا يمة اختك جبيره 20 سنة عمرها والولد ما يتفوت .. ولك يمه ابن الشيخ علوان .. محسن وهو يباوع لرغده لو ابن الملك فيصل ما يا.... قاطعته مرته عدنا ... صفن عليه محسن شنو مرته عدنا شنعرف عنهم ولك انت ما تعرف الشيخ علوان ما اعرفه بس سامع بيه وادري بيهم كاعدين بنفس المنطقة بس شعرفني بيه حتى احنه من غير فخذ يوم انتظري يومين وردي الهم خبر بموافقتنا .. باوعت لرغدة وكلت .. هاي اذا هي وافقت طبعا .. خجلت وكامت ... ، طالع من مكتب الxxxx ... واجه بالي اروح لأمي عسى ولعل اشوفها ... من اشوفها احس ودي الوكت يتأخر ويوكف حتى بس اركز بملامحها واخزنها بثكلها وجمالها اخذتلي فكري ...احاسيسي ما حاسهم من قبل حتى وية مايا ... اووف يا مايا .. طلعت امي .....و وياها هي .. دخلت وامي وكالت يوووم اريدك اتوصل بطريقك الست جواهر .. ما ركزت بالاسم جان الراديو عالي طفيته واتمنيتها اتعيده ما عادته .. كالت سواقها متمرض ابتسمت اللبوة وكالت السلام عليكم ... عرفتها امي علية هذا ابني الوسطاني حسين ... اصغر من حسن اللي سولفت الج عنه بسنة .. كعدت وسدت الباب .. وين اهلج كاعدين يا يمة جاوبت . لبيت خالي ... اطلعوا كبل .اهنا همه ....لو ما الحر جان مشيت الهم مشي ... امي يمي وهي وراية ... اتنازلت وباوعت الها من المراية .. شفت عينها على قرأن صغير وتقرأ . استغفرت ونزلت نظري عنها واني اكول انت وين يا حسين وهي وين ..... الله يستر عليها ويكفيها شر اعيوني ونفسي اللي دنت عليها !!!!!!!!! يتبع....... | ||||
|
| |
|
25-09-18, 11:53 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثالث حسين -ما توقعتك حسوني اتاخبرني وتطلبني هسة؟ جاوبتها وهي بين احضاني يعني اعوفج ؟ اووي اشبيك وين اتعوفني .......هو اني اخليك تهدني هههههه ضحكت بغنج واني اصابعي مشربكة بشعرها الاصفر نغم ليش ما اتخليه اسود كلت الها واني اتخيل ذيج اللي صعدت وياي العصر وعينها على كتابها تقرأ طول الطريق اتخيل شعرها اسود حرير اكيد اسود الي مثلها مستغنية عن اي شي مصنع بوجهه اكيد. شعرها بعده اسود ... من نزلت من السيارة و ودعت امي ونست حافظة نظاراتها واني ابسرعه لمحتها ورايه .. اخذتها ونزلت ما اتحركت عن الباب - اختي بلا زحمة .. نسيتي هااي التفتت علية بعيونها الحادة .. واتقربت عليه ... خطت رجليها يمي ... نظرتها وهي تشكرني وتوجه كلام الي و هي بهذا القرب مني ... خلاني ما صد نظري عنها خوية هدها .. همست عايده كلامها هدها حسين الحافظة خزرتها غصبا عني من نطقت اسمي مطالبها بنظرتي اتكرر اسمي واتظل واكفة .. بس وعيت على نفسي و انطيتها الحافظة هي راحت واني هزيت راسي اشبيك حسين تخبلت ليش هاي البني ادمة تفقدني صوابي هيج ؟؟ اول ما وصلت امي خابرت على نغم الليلة تجي يمي .. تعرفت عليها من عشرين يوم آفة مال افلوس بس مو مهم عندي اشكد تطلب الاهم تريح مطالبي وبس .اصلا زين من لكيتها بهذا الوقت مصارلي شهر من رجعت للعراق وماعندي صداقات من الجنس اللطيف .. اخذت نغم مرة ثانية لأحضاني واني اتخيلها ذيج المرة !!! .. من عرفت المرة طلعت مدرسة بالحوزة وملتزمة تركت عادتي وما رحت للمضيف مرة ثانية .. التهيت بتحديد موقع لمشروعي ... اما اختي رغدة تمت مشيتها وشيخ عشيرة اجه خطبها مني ... .... كاعد وامي اجتني يمة والله عيب من عمامك . خابروني يعاتبون ليش ما كلنا الهم وليش انت ماترد عليهم .. اكل لوز واباوع للعبة بالتلفون يوم اخوتج كافي مو زين من كلت الهم والله لوما العيب من الناس اللي جايين جان حتى اخوتج ما كلت الهم .. مو يمة حادثة ابنهم صارت ويه المشية يوم قابل اني عندي علم الغيب واجل المشية اشمدرني يسوي حادث بالليل .. لا حول ولا قوة الا بالله .. والله يا يمة ما اعرف شكلك انت راسك يابس بس جان قصدي اتعلمهم مو يتفاجئون ومناك حادثة ابنهم زودتها علينا هم يبقون عمامك ... ، .. ورة ايام اتوفى ابن عمي .. بس احنه ما ندري لأن جانوا مسفريه للخارج وهم احنه ملتهين بخطبة رغدة و عقدت شيخ بس محسن جان ضايج من العريس ... اعرفه شيفكر . اختي عدها علاقة بيه سابقة وظال كاتلته الغيره على اخته اما اني مدام دك الباب مراح احاسبها لمجرد شك محسن ... اما عمامي احنه اصلا شبه المنقطعين عنهم فما عرفت الا بعد ما جابوا الجنازة للعراق . وجان ثاني يوم من عقد رغده ورحت للفاتحة اني و محسن وامي لفاتحة النسوان ** ليان بغرفتنا كاعده واسمع كلام ست رغدة وية زوجها او خطيبها ولا كأن ابن عمنا متوفي وحسين هم ما خلانا انروح بس امي .. مممم يعني عجبك الفستان اكولك صدوك شو اختك الوحيده اللي دوم اسولف عنها ما اجت .. هااا خطية .. معافاية انشالله خلصت مكالمة وسألتها - عنده اخت ؟ ليش ما اجت يكول لزمتها الباردة .. اكولج وين اكو بارده بالحر ........ يقين طلعت من الغرفة استحي انطرح وجدي بيها كاعد ومكابل عمتي يقرة الها ايات وهي نايمة اصلا . مصخنه وتعبانه ما ادري اشبيها تلفونه ما سكت جدي ومايرد على احد. باله مشغول عليها بس نامت مريضة استلمت البيت مرت عمي عايد سمر ... تختار الغديات والعشيات ... صارت عود هي النادرة وكالت طبخ الزلم محد يلزمه غيري قصدها طبخ الخطار جان عدنا جايين من محافظات وكلهم رجال .. ساعدناها وقطعنا وياها عشرين دجاجه وجبنا الجدر ونصبنا الجدورة عمتي رسل وعمتي حوارء وحده للتمن والثانية للخضرة اللي ما تخلص منا لباجر واني اثرم زلايط.و بت عمو عايد اسمها فرح اكبر مني بسنتين تسوي المرك و الباقي البنات المراهقات هم كلمن تسويلها شي وعمتي بغرفتها نايمة .. طبخنا وخلصنا و عمتي سمر نبهت محد يدخل بالتشريب والدجاج .. فتحت الجدر رسل اجتها تركض شسوين انت هااات عوفي لا يصير يجرجر لحمة وبعد ما يستوي اذا طلع البخار وحدها تفتي سدته ابسرعه .. خلصنا من الطبخ اني صعدت اسبح ... طلعت من الحمام بطرك الاتك واتراجعت من شفت جدوا منحني على بته .. رجعت احترمت نفسي ولبستي ثوبي اللي نزعته لأن ممدخله شي وياي معبالي جدي يشغل الغرفة حتى من عده خطار . .. - بوية هاي انت صحت عمتي من مسد شعرها . حاولت اتكوم بس جانت مكسرة ساعدتها تنتچي على المخده .. -ها بوية اشلون صرتي -اووف اشلون مرضه هدت حيلي .. عبالي مرضة موت سكتها وضاج من ذكرت الموت . وكال الها تطلع لا اظل اهنا كامده نفسها حتى يطلع الفايروس لبرة .. نزل وصاح لحوارء اجته تركض اني نزلت وراه اجيب ماي بارد لعمتي لأني بكل فهاوة نسيت اشكل كيبل البارد اللي يمنا من حطيت شاحنتي -حوارء اصعدي فوك هوي غرفة جواهر ونضفيها باوعت الي حوارء بغل لأن ما يصخرني جدي ابد ... وراحت لفوك .... ورة اشويه اجت كالت عمتج اتريدج .. صعدت لكيت حوارء فاتحه الشباك والبرد وانتظف وتمسح بالاثاث وعمتي بالحمام .. وكفت وره الباب هااا عمة .. صحتي الي ... حضري اللي المبخرة وحطي العود الي جابة ابوية من الكويت ... اظني انحسدت على هاي النومة مالتي ... حاضر عمة نزلت عمتي بعد ما بخرتها .... جانت لابسة زي باكستاني طويل بيه فتحات بس وية ستريج وكردانه طوويلة من الذهب صبوا الغدة بعد الصلاة .. دناكل وعمتي اول من مد ايده على الدجاج طبعا احنه النساء بالهول صبينا والزلم بالديوان البراني عدنا اثنين واحد براني للزلم والكعدات كلش فخم ولو هو بيتنا كله فخم والثاني استقبال عادي حجمة وهم ما قاصر هذا للخطار اللي منا وبينا .. ذبت عمتي سهم الدجاج وكالت وهي اتصوب نظرها بين نسوان عمامي منو طبخت كالت بكل فخر سمر اني كلها من اكلت من الدجاج ظلت مخترعة .. رسل عزة عزة يوكع من الحلك ..شنو سمر ما حاطة ملح ... اكلت اشوية عمتي تمن ومرك وكامت ما حجت اي شي .. سمر وجهه صار اصفر الزلم مصبوب الهم .. خرب بالحظ لا والشاطرة ماخلتنا نضوگ لو نفتح الجدر تخبصنا وهي ناسية الملح المعدلة -والله بالي احط وعبالي حطيت وترستها من حطيت البهار .. مرت جدي دردمت وسكتت هي لحظات واجه ابوي اليوم اتغده بالديوان وياهم ... شنو هذا السم مالتجن ... وجانت اعيونه على مرت جدي ... جاوبته ابسرعه هاي مرت اخوك اللي طبخت .. راح معصب وياهو اليجي من عمامي يكول اكلكم خزانه منا من راحوا الخطار واجانه جدي بنفسه مثل الاسد الهايج - يالفاهية ليش االاكل ماصخ اتفشلت كدام الوادم .. مرته والله هاي جنتك وانت شنو شغلج هاااا شنو شغلج . والله طبيت جوة اهدومي من الناس .. باوع لعمتي جواهر اللي كاعده وساكته ولا كأنه هي عايشة بعالمنا و ويانا شفتي جواهر شصار بينا خلافج .. يومين البيت ضاااع .. ابتسمت اله بوية لا تعصب انت ابو الكرم والجود ... تتعوض انشالله بعزومه الهم ثانية نبيض وجهك وبنفسي اشرف عليهم اشوية امتصت غضبه وراح .. شفت نظرات مرت جدي الها تجدح غيرة وشرر بس ما حجت وراحت لغرفتها طاكه روحها .. مرت ايام وعمتي اتحسنت .. عقد عمي محكمة و عمتي كالت اله اني اطلع اجهز وية خطيبتك .. كيف عمي حتى يعرفها على اخته ... .... حسين كاعد.بالهول وانسطر راسي من رغدة كاعده هي وامي و ليان وختام وتدرم - يوووم اني اللبست بس اخته الشور شورها ... تاخذ رأي بشي واذا ما عجبني هم تاخذه واتكول هذا هدية مني .. يعني هيج فرضان رأي ما شفت .. فد.وحده حشرية و متسلطه ما شفت جاوبتها امي يمة انه اعرفها بت الشيخ والله وردة ومرة مصلية و متدينة واخلاق .. هي كريمة قابل االلي اخذته انحسب من مهرج هم عوزة واني حجيت ويه قحطان بهذا الموضوع بالمرة الجاية ما اتروح وياي .. بس اريد اعرف يوم هي مو الاصول اتكول ينطوني افلوسي بيدي واني اختار ؟؟ يوم اريد افلوسي .. رغده سكتني حسين بصيحته عليه معبالي منتبه النا -اش ولج شنو ما شايفة خير .. هااا عدي هاي الخزعبلات على خير شنو انتو اللي عدكم تزوج لو اتحارب واتحضر عتاد انتم العراقين ...فد شغلات عدكم شنو اجهز شنو اتظل تشرط ... اهناك لا مهر ولا دوخه الراس هاي هو ثوب ابيض وهم مو شي اساسي فلا اظلين ثابرتنا مشيها هيج .. سكتت ليان اشبيج راح تبجين ترة المرة والله ذوقها جنان وبصراحه انت ذوقج عجيب همست الها عبالها ما سمعت اكو وحده اتريد روب ليلتها اسود ؟ امي هم مدحت المرة كدامي -يوم هاي اخته شنو ضروفها سمعت عنها أرملة ؟؟؟ - اي يمة ارملة وخوش مرة معدلة كمزت رغده -شمعدلة وحده شايلة خشمها ومتكبرة واتباوع للناس بعين مرفوعة . -يعني هي هيج يوم امي -والله ما ادري يمه اني اشوفها خوش مرة ومعدلة بس بعد اختك راحت وياها اكثر من مرة شو هيج اتكول عليها ! ليان -ليش تسأل حسين -لا هيج بس اريد اطمن على بتنا عدهم امي كالت يمة انت ما قبلت نسأل عنهم كلت الشيخ علوان معروف وما يحتاج سؤال عن اصلهم واخلاقهم .. اجيت هسة تسأل عن دواخلهم !؟ .. وهاي ايام خطوبة رغده بس اسمع شكاوي منها على اخت العريس بيوم عزمنا قحطان عدهم .. محسن كال ما اروح .. اتروح يا محسن وراسك فوك رجلك. حسين اشعندي رايح انت كااافي اتروح اتروح .. نقوي علاقتنا بيهم بعد صرنا نسابتهم مو هذا اللي اتريده واجهة كدام الناس .. ضحكت على فكرة المحدود ولك انت غبي شنو فايدة النسابة اذا نستبعدهم لازم نقوي العلاقات ومو بعيد ازوجك ببتهم الارملة حتى اثبتها اكثر كلتها واني مبتسم واعدل بقيافتي .. فز محسن كانه اذكر شي ... كولك حسين صدك على الطاري اني دا اعاني من شي .. وهو الي احبها ما اكدر اتوصل الها اشلون ؟؟ خطها اتصل عليه يطلع مغلق اتصلت من ميت رقم ويطلع مغلق .. وما عندي اي وسيلة اوصل الها انت مو كلت جنت تشتغل عدهم سايق شنو سايق هاي ضحكت كمل بحيرة اكلك جنت انزلها وية صديقتها براس الشارع لأن جانت اخر وحده ما اظل وحدها وياي فما اندل هي وين بيتها بالضبط هي مو من منطقتنا ؟؟... اذن تكدر توصل الها من خلال اسمها او اسم عائلتها دنك راسه هذا .. التفتت عليه شنو ولك ؟؟؟ لا تكولها اي والله حسين ما اعرف احد من اهلها اللي اتكفلني وحجى وياي من جنت سايق على كولتك .. اخو صديقتها سجلهن اثنينهن يمي وهي الله يستر عليها حيل خوافه ابد ما انطتني شي غير اسمها ايا مطي صدك غبي صديقتك سنوات وياك وماتعرف عنها شي ...بعدين هي اخاف ما اتريدك وجانت تلعب وياك حتى تاخذ منك ومن انكشفت من قبل عمتها بطلت كمز وكال بنفعال لا ابد والله بت خير وعمرها ما اخذت مني شي بالعكس اني اللي اخرني عن خطبتها ضروفي السابقة وهي مبينة بت عز وترافة .. من انفرجت عليه كلت ارتب اموري وجنت انتظرك انت تستقر اهنا حتى اخطبها ... .. رحت للشقة لنغم واني افكر بسالفة محسن .. اني اكدر اتوصل اله عنها اصلا اعرف عمتها تدرس امي الحوزة ومن السهولة احصلها اله ...بس ما اعرف اني اريد محسن يناسب وحدة من عائلة الشيخ علوان فالسكوت افضل .!!!!! ... يقين ..ثاني يوم من صباحيات الله اتحزمت و رحت للمطبخ شفت عمتي لابسة كلبيه هاشمية شبابية سمائية و كلاده ام الدولارات الكبار واصلة لخصرها . و تراجي كبار ظافرة شعرها وبس خاطه كحل ووكاعده بالمطبخ .. وتحجي واتوجه بيهن .. خلتهن يحضرن المائده قبل الساعه تسعه هي جهزت و البيت اللي خلتهن ينظفنه هم قبل العشرة ويبخرنة عن ريحة الطبخ .. هنه بينهم يدردمن عليها وعلى تسلطها ما تحط ايدها بس اتوجه .. بس والله خلتنا نخلص من وكت وانروح نعدل نفسنا .. مرت جدي مريضه ما تشتغل ولا عليها بشي وشخصيتها مو قيادية ... مدري ليش دكات گلبي تخفگ حيل .. بدلت ولبست بنطرون ممزك مع بدي سمائي و سويت شعري كعكة ومكياج خفيف .. ونسوان عمي كذلك بدلن ... نزلت من كالو وصلووا ... ** ليان دخلنا لقصر يجنن بس حديقته تفتح النفس بس محسن سودها علينا دنكن لا اتضحكن واركضن للبيت !! اخير وحده ما سويناها شنو بات مان نركض احنه وعبينا حتى بس لا احد منهم يلمحنا طبعا هاي الوصيات الي ولختام المراهقة عمرها 16 سنة . دخلنا لصالة جبيرة واستقبلتنا مرت ابو العريس والكنات . واالحفيدات هم اشكد حبيت لمتهم حسيتهم عزوة لبعض كعدنا بالاستقبال اول مرة اشوف بيت بيه اثنين غرف للخطار هي مو غرف هي دلهيز اشعرضة من يوم يومج يا رغده اترسمين للعالي .. كاعده ونافخه ريشاتها هههه ضحكت من اذكرت اشلون جانت اتحط اجدورة من الجذوع اللي بيتنا التجاوز اتخر علينا من المطر وجانت ماخذتها لعبة اطب ابنص الجدر جانت طفلة ..وهسة اشلون مسوية نفسها ولا هامها العز ... امي همست الي بودي اشوف جواهر وهي بلاية حجاب و ما تدرس اشلون شكلها .. بعد?ا ما مكلمة دخلت علينا وحده ....يعني ظليت صافنه عليها كأنها شي تحفة مكملة لهذا القصر مالتهم .... الجسم قالبة مسقول ساعة رملية .. والشعر مرفوع ذيل حصان اشثخنه واشطولة لو الكحل الخفيف اللي خاطته خط اني ابنية وصفنت بجمالها صدك لا كالو بنات البصرة حوريات جنة صدك اني شايفتها من طلعنا للسوك بس هسة وحده ثانية سلمت على امي -اشلونها والدة حسن باستها بس بوسة وحده .. ! واحنه هم .. وصلت لرغدة.. شفت رغدة اغتصبت الابتسامة كعدت كدامنا وتسأل عن الاحوال . بينما حسين ومحسن يم الزلم . اني ليان عمري 26 سنة عزباء حسن الله يرحمة اخوي الجبير و حسين الوسطاني عمرة 32 سنة مهندس معماري ماخذ الماستر.. و اخوية محسن كيميائي عمرة 28 سنة واني اجيت وراه و رغده عمرها 20 سنة وراية واخر العنقود اختي ختام ... ................ يقين تغدينا ... وخلصنا . واني كلبي بعده يدووك حيل ما اعرف ليش ....... * حسين رجعنا اللبيت دخلت لأمي اريد احجي وياها على انفراد ها يمة بشري عدهم بنات شابة . ي يمة عدهم ليش تسأل اريد ازوج ابنج منهم يا قصدك محسن اي اشبيج شنو ما ترديه يزوج يمة منى عيني بس ردتك انت بالاول هههه مو جربت اني لو نسيتي مايا يمة هاي شنو الانكليزية انه ما حسبتها زواجه ولا فرحت بيها ولا شفتها اريدلك وحده من اهنا هسة عوفج مني وكولي عدهم بنات شابة غير الارملة ...اذا ماكوا ترة ازوجها اله .. ماعده قحطان خوات مو كوتلك من قبل بس وحده .... بس عنده بنات اخوته .. عدهم بنات صالحات للزواج وحده مخطوبة والثانية بت الجبير هم مخطوبة باقية بس الوسطانية بت الجبير بعدها والله خوش ابنية جمال واخلاق من شفتها ردتها الك .. لا يمة اني شنو .. راح احاجي محسن ويخطبها انشالله ... كلتي حلوة ؟؟؟ ...... اول مرة يعصب محسن هيج بوجهي ويكول لو تنطبق السما ع الارض يا حسين ما ازوج بهاي الطريقة - ولك اصيح بوجهي ؟. - حسين وخر عني الله يخليك اني اكلك عاشك وحده واريدها انت اتريد تخطبلي الثاني والعباس اذا تفتح هذا الموضوع لا... ** محسن جنت معصب واصيح واحلف فاجئني من لزمني حسين من ياختي وجان يبتسم بهدوء ويحجي شوف ولك اني حلفت اجيب نسب و جاه الكم وارفعكم لفوك يالغبي ...لا تجي انت تخرب كلشي ...... الكوزمتك بعدها ما مداورة بأسمك والله لهدها واهدك وياها اذا ما سويت اللي طلبته منك كأنه واحد ثاني مو اخوية . اشلون يساومني هيج ويذلني .... طلعت من البيت زعلان ..ردت اركب سيارتي تذكرت هاي من ماله سديت الباب بقوة ودفرتها ورفعت نظري للسما جزعان وجان المحه يباوع الي ويدخن من الشباك .... ما رحت ثاني يوم للكوزمتك . خابرني ما رديت ...دك عليه رقم غريب اتمنيت تطلع يقين ..رديت طلع هوو شوف ولك والله اذا ما اجيت اليوم للبيت احسب كلشي حاسبة الك انباع انباع يا محسن حتى تلفونك اللي بيدك وسد الخط .. لزمني من ايدي التوجعني .... رجعت للبيت كاره نفسي وكارهه حيل .. اباوع بعيونه حتى يحس بيه ... شمرت التلفون بوجه - اتعيرني يا ابن ابوية سكت مجاوب اخذ كلشي ومراح اذلني .. عفته ردت اصعد لغرفتي ما الك غرفة اهنا ببيتي ... والكوزمتك احسبة باجر ملك غيرك ... يدخن ويحجي جانت الساعه متأخرة والكل نايم الا هو .. عفته وطلعت للشارع رحت لبيت صديقي . ** حسين .. جنت معزم ابيعه بس داخلي يدري مراح ابيعه وبالفعل دخل عليه محسن الصبح للكوزمتك خاضع ... اخوية واعرفة ما يواطن عشية الفكر ... انطيت علم لأمي اتروح تخطب اله بتهم . وراحت واخوية من يومها ما يتواجد هلكد بالبيت وبس تنفتح السيرة يكوم شارد .... امي كالت انطونا وقت نفكر .... ........ يقين من اجوني خطابة كلت لعمتي اتكول الهم ما اقبل اريد اكمل دراسة جنت اشخبط بالسجل عمتي كعدت يمي وافقي يقين ... عمة شوافق انت مو جنتي اتكولين الي لا تزوجين قبل لا اكملين دراسة ؟؟ شغيرج سكتت جاوبتها اني لا يكون صدك انت خليتي عمي يخطب بتهم بس على مود قطعه الارض وهسة هم على مود مصالحكم راح اتخلوني ازوج ؟؟؟ -جب ..كافي لا اتوافقين محد يجبرج اني ما حابة الج الزواج هسة اصلا ...ردتج صدك اكملين ... بس غير انت الغبرة موتني ذبولج على هذا ابن الاوادم .... صفنت .. معقولة اتريدني انساه بخطبتي من غيره لا تجنين علية عمه ضحكت بثكل يا عمة تدرين العريس منو ؟؟ اخو حسين ..اتعرفين حسين منو .ابن ام حسن ام خطيبة عمج ..تدرين شسمه ....؟ محسن ويشتغل بسنتر وتدرين يا سنتر ...اللي خلاني صاحبة همزة وصل وارادني اوصلج هدايا ... ضليت مثل المضروب صعقة .... محسن متقدم الي .... تنومت مغناطيسيا ...... يتبع....... | ||||
|
| |
|
25-09-18, 11:59 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الرابع يقين لا عمي ....صدوك عود صدوك لا لا ما اصدوك ابد .. خزرتني اثكلي اشوية الثكل هيبة .. اي هو علان محسن .. لو ما سألين على الناس ونعرف اصلهم وفصلهم لو يحفي هذا محسن ما يلوح ظفرج .. راح اقنع جدج وابوج ...عود اذا انت موافقه من غير شعور اي اي وجع راحت عمتي واني فكري سرح ... شعور العشك اخذني لدنيا ثانية حبيبي .. رغم تجاهلي اله ورغم تخليي عنه اجه وخطبني .... ااااخ هاي اهواي على گلبي مگدر اتحمل اكثر ... اشوية ابوية چان متردد بعدة گعدات عمتي قنعتهم من الله يخليها الي .. وبمرة جنا نشرب چاي و كلنا گاعدين حتى اهلي مسيرين علينا . ابوية فتح الموضوع .. -هسة بوية نرد الهم خبر موافقة باوع جدي لعمتي و رد -مدام السمعة زينه واحنه اصلا ماخذين منهم مرة هاي هي عمي عايد كال اي وهمه ناس مقتدرين ابنهم رجال ينحلف بيه اقصد الجبير حسين هو اللي سواهم أحوال و مدام يريحها لبتنا ماكو مانع مرت جدي بس اشعجب جواهر قبلتي تنطيها مو ردتها لابن ابن اخوي شو كلتي ما انطيها صغيرة قبل لا اجاوب عمتي جاوبها جدي اتقارنين حفيد اخوج اللي ما يعرف يفك القلم بهذا العريس ..خريج و معدل غير هذا كلنا نعرف ابوهم خوش رجال الله يرحمة بس هو تعذب بحياته واشوية عائلته عانت .. سكتت مرت جدي اني مسوية نفسي الموضوع مو يمي عود خجلانه بس بالحقيقة گلبي دگاته الفرحانه اخاف تضهر على اعيوني وانفضح ... واخير نطقت عمتي بس اني اخابر امهم واكول الها على شروطنا اولها ماكو زواج الا ما يقين تتخرج او على الاقل توصل للمرحلة الرابعة ...... من ردت انام بالي يمه اني غيرت خطي بس حافظة رقمه ادوك عليه لو لا ... محتاجه اسولف وياه .. بس ميالخف خل اصبر اشويه منا من ننخطب رسمي وانطيه رقمي واني خطيبته مو اسحب بالليل عن عمتي واراسله ماحبيت اعيدها .... ** محسن ردوا الناس الخبر موافقين انوب يشرطون البنية طالبة واتريد اتكمل دراسة بس اشوية لان گلبي عليها كله من ورة حسين ورطني واني بالي ويه يقين اللي مدري ليش قست فد نوب واختفت من حياتي .. شنو تلعب جانت ؟؟ * حسين جنت امشي راجع من مشوار قريب علينا وحبيت امشي على رجلية من غير سيارة الدنيا عصرية والجو زين مو حار اليوم لحد الآن كلشي ردته صار رغده و وحدها من غير تخطيط مني وراح تاخذ ابن الشيخ .. و اخوية و همه وافقوا عليه مبدأيا ... بقيت اني .. اني هم لازم اتكون اللي صفة اقوى وياه .. هو يلمح على قطعة ارض ال*** كأنه يريدها مايدري اني اتعمدت اجاورة واشتريها بسعر يعلى سعرها الاصلي ... اذا بيعها اله ينتهي كلشي بس اذا اشاركه ابقى وياه ... بس هذا مو كافي .. بنته ....اي بنته الوحيدة اذا اخذها راح اصير مثل ابنه ... فتت من الشارع العام وصادفني عمي محني الضهر و مبين عليه تعب السنين واللي سوته بيه ... بودي اتعداه وما اسلم ...بس ما كدرت هو كف و اجاني مثل الملهوف ابني حسين اشلونك وحضني ادية ما بادلته الحضن ..ابعدته بخفة عني اوليدي حسين اشلونك ....للحظة كسر خاطري ...ابنة توه متوفي و جرحة بعده مفتوح ... باوعلي واعيونه انترست دموع -اشكد تشبه لياسر .... عافني وراح يحسين ...عافلي اطفاله يتمهم وراح ... اني ساكت جامد العواطف بس هو تأثر حيل من شافني .. اني بيه شبة قوي من ابنه اثنينا طلعنا بينا شبه من جدي ملامحنا نفس بعض ..بس اني اطول واخشن من ابنه .. وحتى من نفس الكصة ... جان حاضن وجهي باديه وخرتهن اشلونك عمي .... والله يا عمي لا ليلي لليل ولا نهاري نهار ... كسرلي ضهرلي ياسر من راح ... الله يرحمة ويحفظك حسين ...عود مر النا ... زورنا لا تكطع ... وانسى الفات يا ابني ... الله كريم .. يلا ادوعناك عمي .. هو بيته اهنا .. راح واني هم رحت .. انكسر ضهرك يا عمي .... و اعيونك انكسرن بفقد ابنك .... بس ما اكدر انسى ...صعب حيل صعب جنت ولد توني جاي خيري ... العب بلي وان وية ياسر .. اجيتهم من غير ما اكول لابوية الضهرية ... دنلعب والباب اندك تفاجأت من طلع ابوية جاي بهاي الضهرية ..ما خليته يشوفني ....شفته من شباك الهول لابس دشداشه وعركان حيل بيها .... دخله عمي .. رحت اريد اعرف شريد ابوي بهذا الوقت بس لا كاشفني وجاي عليه ... وكفت يم الباب وابصبص بعيوني .. ما انسى انحنائة ضهره وهو يتوسل بعمي ابو ياسر يداينه يا خيي سمعت بيك بايع دكانك اللي بالفاوة ... بس انطيني كم فلس اسد بيهم رهن البيت راح يروح مني ... بيتنا جان يمهم بينا دربونتين .. ابو حسن منو كلك تدخل هيج طبة وتخسر الاول والتالي ... اني هذا رزق اطفالي صدكني لو عليه انطيك وما اريدك اترجعهم بس والله اريد افتح مشروع ... أجل مشروعك اني ما اتأخر عليك اذا فكيت رهن البيت ادبرهن الك بس اشوية افك ازمت البيت على الاقل ابو حسن امنين وانت مطلوب .. ما اكلي منين هاي جزاتي ابو ياسر واني انطيتك وساعدتك تاليها ما توكفلي بشدتي شوف خوية من الاخير ما اكدر انت ما مظمون ترجعهن ونعم منك حزام ضهري ونعم منك اخوي كام ابوية وشافني كدامه وهو خاطرة مكسور .. لزمني من ايدي وطلعنا من بيتهم .. من وصلنا للباب باوع لأخوه بنظرة ما فهمتها بوقتها ..بس هسة ادركت نظرة خيبة وانكسار . كسرته يا عمي ما اظن اكدر اني اوگفلك .. ... ليان صبيت الاكل وحطيته بصينية وصحت للولد . رحت لرغده يلا ولج عوفي خطيبج وتعاي اكلي لگمه ما طاير كعدنا دناكل .. حسين ياكل ببطئ هالمرة وهاي مو عادته ... يووم يوم ها يمة حسين قررت اسمع كلامج وازوج يا صدكگ عافت الخاشوكه وكيفت واحنه هم .. رغده واخيرررااا اي رغده وانتي المستفيدة شنو حسين ليش اني ؟؟ هههه راح اخذ حماتج الارملة غصت رغدة بالاكل سألته اني ابسرعه هااا اشمعنه .. باوع لمحسن وكال بت خير وناس واصلة ليش ما اخطبها ... محسن ناوي اكوش على العائلة ...اذا انت رايد بتهم ليش ورطتني .. امي يوم صدك اتريد تاخذ ثيب ...يمة ردت الك بت بيت هههه لعد هي بت شارع لا يمه بس ردت الك ابنية ماسابق الها الزواج و ازغيره يوم مال اخذ طفله واربيها على ايدي هاي سوالف اهل كبل ما اسويها واذا هي ارملة فأني مطلق ..لو نسيتي مايا لا تذكرني يمه كامت رغده حتى ما كملت اكل اني خلصت غسل مواعين وسويت جاي للولد ورحت الها اول ما دخلت اجتني شفتي اخووج يريد ياخذ العجوز * حسين ...شربت الجاي وصحت لختام ما اجت فرحت واني بيدي الكلاص اريد واحد ثاني ردت ادخل عليهن وحده منهن تحمي الي الجاي ..سمعت رغده اتكول ولج عجوز هاي الارملة المعقده تاخذ اخوية الجبير غير اتخبل دخلت هاج ليان صبي الي واحد حبابه رغده ارتبكت ... ليان كامت وطلعت.. اي رغده سولفي الي عن حماتج .. يبوو حسين حباب اذا اتحبني لا تاخذها تتورط .. والله وحده متسلطة واتعبك و بس اتريد تفرض رأيها تصور اني وخطيبي اتفقنا على خشاب تركي هي معارضة اتكول لا جيب عراقي تسگام ... لا تدلعين رغده اكسبيهم ذوله راح تتعايشين وياهم مو دلع والله زين مو بس اني حتى نسوان حمويني الثانيات والله دخلت وياهن بكروب ماسنجر كله يحجن عليها ويكولن ما شفتي شي واخوتها محد ينطي بيها .. لعد خوش راح اخلصج منها ضحكت بس انت مراح تستقر وياها هاي ما اتفيدك . مو بعيد علاقتكم اتاثر على زواجي .. هي اشكد عمرها ما ادري ... يمكن اربعين سكتت وعفتها .. صدك اذا هي هيج صعبة حقها رغده اتخاف منها تاثر على زواجها بس لا تاخفين يا رغد اخوج ذيب الين الحديد .... بس اكبر مني اشوية هاي ما راهمة ... .... اتفقت ويه امي بس اتفض سالفه محسن ونخطب رسمي الا تفتح موضوعي الهم وهم ردت وقت افكر بيه اكثر ... جنت توني جاي ويه محسن تعبان واسمع صوت رغده تبجي شفتي يمه مشت هي كلمتها عليه راح وصى النجار ومراح يجيب الي التركية كسرت خاطري دموعها .. بيومها طلعتها هي وخواتي لبرة ارفه عنهن وضجت من خطيبها ليش يخلي اهلة يدخلون من هسة شعب العراقي كلش متخلف هو مشروع زواج بين اثنين يدخلون بيه اهلة ليش .. ! ... اجتني امي بيوم وكالت يوم .... اترخص منك اختك راح تمر عليها حماتها من الباب تاخذها واتروح للسوك عدهن عرس وعزومنا و كالت الي المرة ناخذ رغده ويانه نشتري الها منا هدية لبسها قابل يمه احنه ما عدنا وهمه يلبسوها .. لا يوم مو هيج بس المرة معدله وصاحبة واجب واخر مرة اختك قابلتها بوجه زعلان يمكن اتريد اتراضيها خوش مرة يمه معدلة والله اني بديت ارتاح لقرارك من الزواج منها ما ادري يوم بس عمرها بالاربعين مو جبيرة يا منو كال الك البنية سألتها حتى اشوفها موالمة الك كالت 30 عمري هااا صدك جائز اتبين اكبر من عمرها لعد ما ادري يمه ..اكولك هسة اكول الهم يجون اي رحت للهول شفت رغده ومحسن وليان طلبت من رغدة من يرحون للسوك اليوم اتمر عليه اتحاول و اجيبهم اريد اشوف خطيبتي اي اوك اجيبهن الك وصدوك خطيبة محسن هم حتجي وياها باوعت لمحسن وغمزت ضرب كصته واستغفر .... يقين العصر اخذنا السايق لبيت اهل رغدة اني جايته بعقد عمي سابقا .... عرفت هسة ليش دكات كلبي تغيرت من اجيت الهم او همه يزورنا ... دكيت على رغده كلت الها اجينا .. عزمت علينا ندخل كلت الها ما نكدر نتأخر عدنا خطار وتدرين بت عمي العروس وبيت جدي خبصة خطار نسوان سديت الخطو هي طلعت من البيت سلمت على عمتي دوم جنت ما استلطفها احسها مصطنعة بس من عرفتها اخت المعشوگ لا والله حبيتها وحبيت بيتهم من رحتله فدوات حبيب الروح اني يم بيتك يا ترى تدري اليوم اجي لاختك زين ليش ما شوفتني وجهك يروحي ... مممم يمكن زعلان وماخذ بخاطره مني .. حقة .. بس اتمنى احجي وياه واعرف منه اشلون عرفني اخت خطيب اخته واتقدم الي؟؟ رحنا للسوك ابسرعة عجبني ثوب اصفر اويلي منفش مال باربي .. كلت اريده وما اريد غيره اخذته الي عمتي ... اما رغدة شلعت باب كلبنا ما رضت بأي شي من المجمع ... طلعنا وفرينا السوك فر .. اني ادري بعمتي ما تتحمل حر ولا مغثة .. وهاي رغدة هي المغثة بذاتها تعبت المرة وما اختارت شي .. صارت عمتي حمرة جمرة من الحر .. بس مع هذا بالها طويل وما حبت ازعلها .. واخيرا اختارت نفنوف كله فصوص ومايعرف للبساطة عنوان همست لعمتي -ولا عجبني هووسة وهي ثبرتنا احب البساتة واريده بسييييت ما جاوبت عمتي وكفتنا فجأة صدك جواهر اريد انروح لكوزمتك اخوية كولشي عنده وهاي احنه صرنا قريبات عليه ظلينا اني وعمتي نتبادل النظرات ادري بيها ما اتريد اتخليني اشوف محسن قبل لا يصير كلشي رسمي ....اووف من جدو اجل كلشي الا بعد ما تفض هوسة بت عمي وعرسها .. عمتي جاوبت بلا ما انريد نتأخر والبنية لحت الحاح على عمتي جواهر والله ما اخركم بس اريد انطيج هدية من المحل شوفي رغدة انتي من عمر يقونه ... صيحي الي عمة بلا أمرة عليج ها بس ما اريد اكبرج لا هاي الكلمة اتريحني اكثر .. اما محل اخوج غير مرة انشالله .. ضاجت وانگلب وجها گلاب .. اني نطقت بعفوية شفتها راح تبجي عمة خل انروح لا نكسر بخاطرها ... باوعتلي بزجر عرفت راح اكلها بالبيت شفتي عمة حتى يقين وافقت يلا ترة تأخيرنا بالهوكفة ... تنهدت عمتي وكالت يلا امشينا الهم ... عود رغده ادلي بينا ماتدري احنه زبونات والفضل الي جنت اجرجر عمتي الهم حتى اشوفه ... وصلنا يم محل اكسسوارت ابصفهم وكفت اتفرج عليه ..واني بس اريد دگات گلبي تستقر حموت من مواجهة محسن اريد اخذ انفاسي واستعد وكفت يمي رغدة عمتي اتعدتنا ودخلت .. رغده كالت عمتج دخلت يلا يقين .. اي اي * حسين اتعمدت اجي وية محسن اليوم . ومحسن اتحجج و طلع من وكت مطنكر حتى بس لا يشوف خطيبة المستقبل ..... اما اني جنت متربص لبت الشيخ هاي اللي نزلت دموع اختي ... واللي قررت اخذها واخلص اختي منها !!!!! لا اجذب على نفسي ما تهمني سوالف النسوان ولا سوالف اختي .. المهم عندي اخذ بت الشيخ اللي راد يناسبوهم اللي ذلوني وما حصلوها .. قاطعت افكاري المرة الترفة من دخلت عليه ......ابسرعه العامل كال الها اهلا وسهلا ... اما اني عيني عليها اكلتها بشوقي يگلك اعرفها من دهر وهي مألوفة علية ... وراها دخلت اختي و ابنية شابة سلاما عليكم رديت بثگل عليها . لساني ثگل غصبا عني .. چنت واگف يم المدخل بس لا بت الشيخ راح تدخل وراهن ... اشلون موقف راح انحط بيه من اقارن اللي ماخذه عقلي باللي فرضتها على نفسي .. بس هي وينها بت الشيخ شو محد دخل وراهن رغدة .. اخوية حسين الجبير .. وهاي حماتي جواهر و يقين خطيبة محسن !!!!!!!!!!!!!!!!! يتبع..... | ||||
|
| |
|
25-09-18, 12:14 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الخامس يقين ... هذا حسين واخيرا شفته على أرض الواقع جنت شايفته بالصور اللي يرسلها الي محسن . مدري اشبيه احس نظراته مفاركت عمتي نظرات تخوف بصراحه جان عاقد احواجبة ووجهه ما يتفسر...... * حسين الترفة نفسها بت الشيخ علوان .......!! هذا الشي مو ابسرعة استوعبته ... عافني وراحن و يفترن ويه اختي واني اضرب صفنات ساعة اباوع عليها بين المصدك و بين لا صدفة كلش غريبة ... لزمت بايدها سنسلة حيل رفيعة ... بيها سمكة صغيره حيل ... اخذتها ... دكيت على محسن ... الوو محسن تعال ابسرعة الي .. خير صاير شي حطيت ايدي على حلكي تعال شوف خطيبتك دتسرح كدامي ... حباب حسين فك ياخه عني .... والله اني لحد لآن ما مقتنع بالسالفة ويمكن ابطل واخليك تتفشل ويه الناس ....... شنو ازوج وحده لا اعرفها ولا تعرفني .... هااا شعرفني بيها هاي بت الشيخ ... بعصبية عوفني حسين لخاطر ربك ومو بعيد تطلع وحده حبيب ثاني لو عشرة .. انجب ولا تحجي على بنات الناس وخاصة هي اصير نصيت صوتي كلش بت اخو زوجتي حسين جية ما جاي جرب لا تجي .... واني اجيك اكسرك ....ولك تعال خطيبتك گمر .. سديته واباوع للغزالة اللي كعدت تعبانه . واقارن بيها وبين مايا ... ليش اني هلكد مأخوذ بيها ...لو اركز بيها الف ابنية من اللي قابلتهم عدهم اللي عدها من جمال بطريقة تفرق ...بس هاي ليش اعيوني متشبع منها ...... كعدتها هيبتها حشمتها شنو اللي جذبني الها .....الله يسامحج يا رغده اذا هاي اتبين اكبر من عمرها ..... * يقين عفت رغدة وكفت يم عمتي ... عمة هذا الصاك ...ليش كلساع يباوع ناحيتنا اشمدريني يمكن يريد يشوف خطيبة اخوه المستقبلية .... خجلت حيل دخلت جوة وهدومي ...نص وجهي غطيته بعباتي ... اثكلي اشبيج ولج جنج بدوية طلعي وجهج مو انتي جبتينا اهنا .. * محسن .. جانت روحي طالعة ...... وما رحت لهذا المستبد ....المغرب الا رحت اله . ها اجت شفتها بت الشيخ اي ولك فاتتك الفوتة .. حسين الله يخليك لا تحجي وياي صدك كاره اسلوبك ...اشكد جنت فرحان بيك من اجيت واستقريت اهنا بس هسة تمنيتك لو ما جاي ..... هو جان بالخارج حتى من اتغيرت احوالنا يجي جيات قصيرة يشتري الxxxxات ويروح واني ادير كلشي ... باوعلي صفح .. يلا اني رايح ....محسن ...فاتتك والله الشوفة غمزلي وراح ... * يقين اوف صارت ارادة عمتي وما شفته ...شدعواه ...اني عبالي هو متفق ويه رغدة اختة اسحولنا حتى نروح الهم ليش ماهو اهناك ليش ..... شنو قضيته ...اذا هيج زعلان مني ليش خطبني ؟!صدك دخت حيل واحتاريت .... المهم التهينا بعرس بت عمي ..وخبصة اخذت ابن خالتها .... خلص العرس بس اني اتمرضت من الهوسة ...وعمتي اداريني ... كومي ولج لا اظلين نايمه علينا مشية الزلم عليج ما بقى الها بس عشرة ايام ... جاوبتها واني اكح عمة عود صدك راح ازوجيني ضحكت بثكل وكعدت على سريرها عمومة اش كافي نامي ... لا اذكريني بساعة السودة اللي امج اتمرضت بيها بعد ولادتج وظلت مصاحبة المستشفى اتلاثين يوم انت يمي وبحضيني اتعلقت بيج حيل واني بعدني طفلة بس جنت اخض المميات ....ضحكت وكالت ياما سويتيها على فراشي لان البسج الحفاظة صفح ضحكت عمة خرب اكلج حزوج اذكريني ببولتي !!! دنامي نامي ... نامت عمتي احسها ابسرعة اول ماتحط راسها تغفى هنيالها فكرها فارغ ماكو حب يشغلها ويعذبها مثلي كوة لازمة نفسي وما متصلة بحسوني اللي اجه خطبني وظم نفسه عني ..هو يكدر بكل سهولة ياخذ رقمي من اخته قابل تصعب عليه .. * حسين ... ضوجتني وهي تبجي .. نغم ترة احنه متفقين زواجنا زواج مؤقت .. يعني اصلا لو لا البيئة الي احنا بيها ما فضل يكون بينا زواج ..احنه اثنين بالغين جنا محتاجين بعض و.......... قاطعتني اني بعدني محتاجتك ليش راح اتعوفني قبل المدة ...انت كلت انظل شهرين اتلاثة ...هسة بعد وكت ... تبجين وكأن بينا حب هو احنه كل علاقتنا احتياج .. بعدني احتاجك حطيت الضرف يمها وهذا احتياجج .... تفتحين مشروعج ...مو تردين محل حلاقة نساء .. ابدي من جديد نغم واجتهدي و عوفج من هذا الطريق .. جنت اقصد الركض ورة الزلم المريشة واصطيادهم ... نهيت كلشي وياها .مدام فكرت بالزواج ... لا والله مدام طلعت اللي نفسي بيها هي نفسها اللي اريدها ...هاي تكفيني وتكفيني ... جواهر ...اسمج جواهر .. شسوين هسة يا جواهر ...هم اخذت فكرج مثل ما خطفتي شي مني شسويتي بيه بت علوان هي كلها مرات قليلة شفتج بيها ...؟؟ مدري كل الممنوع مرغوب سويتي الي ما سوتة الانكليزية !!!!!!!! ** يقين اريد انام مكدر واباوع لعمتي بسابع نومة ...نايمة رغد * محسن عدت الايام مثل البرق ... ومشينا على البنية ...اشوية من شفت الكعده و ااني منو راح اناسب اتكيفت ويه الوضع ... حاولت اتناسة يقين او اسوي نفسي نسيتها ...وراحت لحال سبيلها هي قسمة وما مقسومة الي لو مقسومة اللي اخذها من حلك السبع ...!!! طبعا اخذنا خوالي وجدي ابو امي وكم عكال ويانا جهة عمامي كلش اخذوا على خاطرهم منا لأن بعده ابنهم توه طالع الاربعين وهم احنه عود بس انريد نظمن البنية النا مثل ما كال اخوية العود الهم ماكو حفلة عقد وهاي الامور الخميس الجاي نجي ونخلص لان عود مخلي خاطر لعمامي اللي كل اشوية عكال منهم سألنا عليهم ...حسيت بدأت تسأولاتهم بس هاي بعد حكم حسين يريد يطلعهم من حياتنا ...... ** يقين صح ضجت لان ماكو حفلة عقد وية حظي شو بتهم سوة حفلة ولو همه كالو مجنا ندري بالوفاة اووف بس يلا هذا ما يمنع البس فستان واروح لصالون اخلي حبيب الروح يشوفني شي ثاني ...يووومه فديت الثكيل .. .... عمتي جانت حيل حزينة ..واكفة يمي واني بالفستان .. شفت اعيونها لألأت وحضنتني وهمست باذني لا وحده من الواكفات تسمع -والله لو ما گلبج متعلق بيه لكعدتج يمي .. اول مرة عمتي اتحسسني هي تهتم للحب .. حضنتها بس وخرت عني اااه يا ويلاااه اشكد اتكابر راحت تمسح دموعها من المدمع قبل لا تطلع كدامنا !! بدا الشيخ يقرأ شروط.العقد و اني مبتسمة تحت الغطى الابيض وكاعده كدام الباب . ورجلية بطشت بيه ماي وياس ... وامي وعمتي وراية .. .. اسمع حس محسن يرد ورة الشيخ واني الضحكة واصلة لأذني لو لا العيب اطفر من مكاني واصيح ااااحبككك رحت للهول انتظرة يدخلوه عليه يلبسني الحلقة * محسن من الشيخ راد يبدا بالعقد شاورت حسين ترة شوف لا اكعد يمها ولا البسها ذهب ولا فستق يخلص منا اني اروح وياكم منا ضحك ضحكة مستفزة -يصير خير محسن اااخ لو ما اخوي الجبير ...جان هسة كسرت اسنونه على هذا الاستبداد .. ... هي صدفة لو شنووو الشيخ من ذكر اسمها يقين عزيز اتعجبت شنو من صدفة نفس الاسم اثنينهن نفس الاسم ... اريد اكول وراه الحجي الساني انعقد باوعت لحسين مبتسم وهز امتونه ... لا لا ممعقولة رددت الكلمات وراه وبس اريده ينهي واريد اركض اتأكد كلبي ما يتحمل بعد ..ضحكات حسين عليه خلت الشك يقوة عندي خلص الشيخ ... واني طاير اريد ابوها يأذن الي ادخل لو امي اصيحني ...الناس مشت وحتى حسين اترخص وكف يمي قبل لا يروح يلا تعال وياي باوعتلة هااا اروح وياك .. حسين !؟ لا يكون اللي بالي صح .. -اي هي بت اخو الترفة حبيبتك .. يلا تعال وياي قبل لا اصيحك امك ... اروح وياك !! ولا الخلق الكون اذا ما اشوفها بعيني ولك اني احلم ..؟ حسين راح واني كعدت انتظر صاحوا الي واخيرا ..... رحت اركض اي هرولت الهم واسمع همسات النسوان يا مستعجل .. ما شفت اللي كبالي . بس اباوع ناحيتها ابنية لابسة بدلة وردية وزنودها طالعه تلمع ومدنگه .. ما اعرف من ارتباكي و انشداهي وخوفي لا تطلع مو هي رحت راكض الها واكف كدامها لزمتها من حنچها ورفعت راسها بقوة ..طلعت منها اهة خفيفة . اعيوني انفتحت عليها امي كالت ولك يمه بوس راسها واكعد اشبيك صافن ** يقين كاعده والخجل والتوتر سيد الموقف وين ذيجسة اللي اتكول اصيح احبه شو مثل النعامة ظميت راسي و عمتي فوك راسي واكفة كالت -ارفعي راسج بت عزيز اشبيج كالو دخل واسمع الهمسات وحده اتكول يركض والثانية يخبل .. حسيت رقبتي اجت تنملص من انرفع حنچي حيل نززني وخرعني اتخرع . صافن علية بجمالة اللي ما اشوفه عند رجال ثاني .. واعيونه دمعت امه نبهته واقرب راسة باسني من كصتي بس شو اشفافه لزكت بيها وانفاسه اخترقت شمي عمتي همست ابو الشباب البنية .... شنو صار وياك هي كالت هيج واني متت من الخجل وهو هم حس على نفسة ووخر عني .. كعد يمي واسمع ضحكات ولهثات خفيفة منة باوعت عليه شفت اعيونه مدمعة و متخربطة احوالة يضحك لو شنو ؟ اخذونا صور وسط الهلاهل .. و جابو الذهب جان بس حلقات لان بعدنا ما مشترين شي لبسته وهو هم لبسني ابسرعه واعيونه بعيوني همس والقران مال واحد يذب عليه ماي بارد اني احلم لو شنووو الله ياخذك يا حسين شسويت بيه شنو كلت ؟؟؟؟ هاي انتي يقين انتي ؟؟؟؟؟؟ اني اي ههه ضحكت برتباك الكل عينه علينا ... مجان غير اهله واهلي .. عمتي راحت شاورت امي ... مدري شنو كالت الها بس لا راح يطلعن محسن عني .... راحت امي واني بالي وياها . كومت امه وخواته .. وراحن للاستقبال .. وبوسط التصوير والبنات يمي و نسوان عمامي وخلاتي اثنين هم صاحت عمتي يلا عيني انتهى المشهد يلا يا بنات للاستقبال . راح نكص الكيك ..راحوووا منفذين اوامر الشيخة اللي اموت على اللي خلقها الي .. وطلعت هي هم بس قبل لا تطلع جابت كيكة حجم صغير وكالت وكل خطيبتك ترة صارلها ايام ما تاكل .. ضحكت واني خجلت طلعت وصرنا اني وياه وحدنا حتى الباب انسد محسن يقين صدك هاي انتي عروستي ... انتي اللي حفيت على اثرج .. شنو محسن ...ليش متعجب ملهوف عود ..لعد ليش مخابرت ولا خليتني اشوفك ابد .؟؟؟ هاااا اشوية من طلعن انزاح خجلي وعاتبته * محسن -ما جنت اد.... سكتت شريد اكول الها ...ما جنت ادري اني مغصوب عليج لخاطر اهلج وعشيرتج خطبتج ؟؟؟؟ سكتت وما اريد شي يعكر فرحتنا .. بعد العتاب .. - يقين ...الله عليج كولي والله احنه صرنا مزوجين شرعا والله ولج اموووت على ربج ...عود صدك انتي مرتي لا والله ولا اصدك هههه محسن اشبيك يقين شغلة وحده اتخليني اصدك ههه ايييه اضحكي ...بس خليني اصدك و خليني باوعت الي بمعنى شنو ؟ ما اعرف امنين اجتني الجرئة انحني عليها واخذ الكرز اللي كدامي واضوگ طعمة ريحة جنة.... بس هم ممستوعب هاي مرتي صارت اللي جنت اشوفها فوك وهي مو الي ... هي انصدمت ... -عزة شسويت ...؟؟ محسن !!!!!!! اهنا دخلت عمتها وامي رجعت اتهلهل ** يقين اني مصدومة ودخلوا علينا اباوع لعمتي بصدمة ... همزين حمرتي ماركة جان اتلطخ وانفضحت ... راح وية اهلة واني طاااايرةة اول مرة اجرب الحب عن قرب هيج كل اشوية الزم شفتي وومصدكه الي صار ... وكلساع اضحك لان دخلت محسن علينا مهرول صارت حديث الساعة الله يجازيك يا محسن سجلتها علية بالتاريخ ... ** محسن رجعت للبيت ويه الاهل واشوف حسين كدامي ببرموده ومنصب ارگيلة وحاط جمر ومعسل وداخل المود .. كدامهم نسيت نفسي واجيته جان كاعد بالصالة الي بيها الدرج ولك حسين ليش هيج ...تدري مووو تدري هي نفسها موووووو باوعلي ويضحك ... ولك جبرتني وسحلتني مثل الخروف الها ليش ما كلت نفسها اللي احبها هي يقين بتهم امي شهكت هز امتونة بستفزاز اكثر حسين ايام واني الوج يمك ... ودي احفر الكاع واطلعها .... اعاني اكلك ما اريد اللي خطبتها الي .... وانت هيج دمك بااارد بالله عليك جنت تدري لو لا جاوبني ... بصراحة دريت ...بس اني نذل ضحك وراح وكف يم الدرج - محسن جيب وراية المزاج ... واشر على ارگيلتة صفكت بدية واخذتها اله شسوي هو خلاني استوي على الاخير بس والله احبه وحبيته اليوم اضعاف من هدة الي اللي احبها . لو المهر اللي كسر ضهرة ما اعرف اشلون اجازيه البارحه جنت اريد اخلص منه ويرجع لبلاد الغربة و اليوم ودي انطي روحي !! ** يقين من فرحتي .... امشي على الدرج وسرحانة ممصدكة شي من اللي صار .. جانت الدنيا غروب بالي مو يم خطواتي وما احس نفسي غير واني فاقده السيطرة على نفسي.. بس احد لزمني من ايدي ورجع ضهري لكدام ...... جان عمي علوان ... عمووو ولج اشبيج على كيفج هو اسمة على جدي . ابوه بس ما يشبها يلا المهم نقذني من سرحات الحب المميتة .... ومرن شهرين عسل عليه واني على تواصل شرعي وبالحلال مع خطييبي لكن لحد الآن ما تجرأ واخابرة كدام عمتي واتصل وهي يمي افصلة !!!!!! من تلتهي بأمور البيت اغافلها واروح اخابرة ... و صار موعد عرس عمي لأن ما شرطوا علينا الا اكمل الا ياخذها بس اجت العطلة بدينا نحضر للعرس .... بيوم الحنة رحنا للقاعة وحضرناهه بس بيوم العرس ما رحنا بالبيت وية قوافل الخطار جدي اجر عاملات الا اشوية كدرنا نتنفس عاد هنة ينظفن ورة الخطار .. العصر ... بالصالة جوة الدرج نهوس ونركص وعمي هو اخوته جوة بغرفته يلبسوه قاطه .. انزل واني والبنات نهوس ونكمز .. صاح بينا ولجن مو عيب اتهزن هاااااا كدامي كلنا وكفنا ..ونزل اخر درجاية وهو صار بوسطنا وحط ايده على متنه وكمز زفوني ما اريد العشة واحنه متنا ضحك وكمزنا وياه وامي تكفل كفلات هي ومرت جدي ....بس عمتي مكتفية ببتسامة وصفكة و واكفة على صفحة .. اجاهة عمي قحطان -ليش ما اتركصيلي جوهرتي ... باس راسها الله يحفظج الي خيتي خيتك خل اشوف اذا عرست راح اظل خيتك انت خيتي وعلى راسي احطج اني ومرتي خل اشوف تكدر اشيلني اذا طحت وعندك مرة ابتسمت اله -ما مصدكة مووو لعد شوفي اشلون راح اشيلج من هسة ... شو صدك حطها وشالها احنه توقفنا اصلا جنا نتفرج على مشهدهم ... من شالها كلنا ضحكنا -نزلني ولك ....ولك لا اهد حيلك انت مسلعم واني شثخني ...يضحك وهي حاوطت ركبته وباسته من خده .. عمي علوان دنزلها يمعود لا يطلكك عرج والليلة عرسك اتروح اتفشلنا .... نزلت وهي تضحك .. طبعا كلنا اتمكيجنا ..عمتي جانت ولا اجدع صالونه مكيجت نفسها وطكت الحمرة ورحنا وية الزوافيف نگفل ونغني .. جمووع لا قوافل راحت لبيت العروووس . ** حسين ... وكفت اني وجدي ومحسن استقبلنا الولد واخوانه وربعة .. دخل الولد طلع اختي دتطلع وانتبهت لذيل البدلة لزك بالباب من جوة ... اجيت ردت اوخرها ...فجاءة من اللي واكفة يمها اساعدها هم اضاهر انتبهت .. ورفعت بوشيتها .. وصارت اعيوني على شفتها الحمرة لوبتي المثيرة كدامي وبكامل استعدادها ...ناقصها بس سريري ؟؟؟؟؟؟!!!!!!!! ابسرعه هي جرت الثوب.... ونزلت البوشي اللي بكل ودي اسده وتمشي منا لا عين ثانية تلمحها وهذا شعور ثاني معتري منه من زماااان !!!!!!!!! يتبع..... | ||||
|
| |
|
25-09-18, 12:16 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السادس يقين رجعت اني ونسوان عمي وكلنا معدا عمتي تأخرت لأنها صعدت بسيارة العريس وصعدت العروس وية اختها للجناح اما احنه زفيناهم ورجعنا ... دخلت عمتي وذبت البوشية اووف يا يقين يعني صدك لا كالو العرسان اثنين والمجانين ألف .. لو ادري ما حاطة هذا المكياج اتورطت ضليت لازكة بالبوشية بالكوة امشي مدري اساعد العروس مدري اساعد نفسي كعدت على كرسي الاستراحة ها عمة اشلونه السويد يا يابة فد تعبت لا وبعد اخت العروس كلشي ماكو كلتلها الزمي ثوب اختج لا ينعدم من ورة واني الملم بيها من كدام ... عافت البدلة اجلب بالباب زين ما انمزكت .... اكلج عمة السويد اشلونه اشلونه زين حالة حال غرف الفنادق يعني اشلونه .... على هالتعب راح انام بعد ما اصحى اسم الله عليج عمتوا اههه تسأل على الفندق ام الهلس تردين اتعرسين بيه فد خجلت .... راحت للحمام ...صدك اريد بيه عجبني من خارج شكلة ههههههه طلعت عمتوا من الحمام .. هاي الحمرة فد فضيحة ما راحت الا بعد ما شلعت كلبي .... سكتت اشوية .... وهي تمشط شعرها سألت اكلج صدك هذا اخو العروسة الجبير ما مزوج لهسة ؟؟؟ جنت اشيل بثوب عمتي اكتره .. لا بس هو مزوج جان انكليزية ومطلك اهااا اي يكول محسن امها لبنانية وابوها برطاني ها لعد كولي هيج هذا شابع من الاجنبيات ...شسوي بمغثة العربيات عا عمة احنه مغثة ابتسمت وانطرحت ... ... ثاني يوم الضحى وصلوا العرسان احنه محضرين الذبايح وانريد.نذبح ونطبخ غده للخطاطير وعمي تأخر الا جه ما خلونه نطلع للحديقة نستقبلهم مليانه زلم دخل هو وعروستة ومرت جدي اطش جكليت واتهلهل هي وبيبياتي خالات عمي وعمتي جواهر اجته عمتي بوسته ..بس شو هو وجهه مكلوب وضايج .. واهنا بدت همسات بين عمامي ونسوان عمامي وعمتي مدري اشبيها اتروح منا وتجي منا محتارة وضايجة .. !!! اهنا اجو اهل البنية عازميهم ... عمتي اول ماكعدت ام البنية كالت الها خالة تعاي واخذتها وراحت لغرفة البنية ..... عمي طالع ويه الخطار .... اني كمت احوس شكوو شكوو اجتني رنيم بت عمي الي قبل فترة تزوجت ولج يكولون لهسة مماخذها .. وين ياخذها . غبرة يعني ما داخل عليها ها فهمت فهمت ما مسوين احم احم اي ههههههه انفصحوا شافتنا امها سمر نضحك عاطت بينا عرفت حتى احنه وصلت السالفة النا .... التهينا بالطبخ والنفخ ... اليوم عمي عايد وية اثنين طباخين طبخوا بالحديقة .... و احنه علينا هم كم صنف ثاني ... واخيرا اجت رباب او خالة رباب ..بت خالة ابوي ....يعني بت خالة جواهر ... مزعطتها البنات كدامها يتراكضن و الولد اضاهر يم ابوهم عدها ثلاث بنات واربع ولد بس اتخلف فصاير جسمها سمين من تراكمات الولادات والاكل ...! دخلت علينا من الباب الخلفي .. لأن الباب الامامي متروس زلم .... هلهلت و طكت اصبعتين ... الي يشوفها ويشوف خفتها وضحكتها العايقة ما يصدك ابد هاي صديقة عمتي الروح بالروح الاثنين على نقيض من بعض .... كالت صيحونا العريس و عزمت الا اشوف العريس واتبارك اله هي ما اجت على العرس بس بيوم الحنه حضرت .لأن عمتها مريضة .... اجه وضلت تكفل واتهوس واله واتهفي بعبايتها و اجتي امي اتهوس وياها ... نسيت اذكر امي هم اصير بت خالتهن لجواهر و رباب ... اجتها عمتي .. واخيرا شرفتي ست رباب ما جان خلصتي ايام العرس نزلت عبايتها .. وراحت يمها .... يمعوده حتى بصباحية اخوج مبوزة . وطكتها ضحكه بادلتها عمتي بخزرة .. سكتتها اما عمي مثل اللي صارت بكلبة غصة من ذكروا الصباحية يمكن هي شغلة جدا عادية واتصير بس عدنا بالعراق وخاصة عمي ابن الشيخ لا هاي جبيرة والناس كلها تصير اسولف بيها ومنو اللي يطلعها ..النسوان و بالاخص الكنات .. فكلنا ندري هذا العريس ما ماخذ مرته !!!!! اخذت عمتي رباب وراحن على صفحه وكفن بممر الهول .. واني وراهن احب لقائهن يونس !! وكفت يم الدرج متحركت وجه رباب عليه شافتني وعادي وكفتي البيت يضج بالناس عمتي همست الها وردت بشهكة رباب يا عزة ... ما ماخذها رباب عود انت ما تدرين ؟ لا والله يا جواهر ادري بس اغشم نفسي قبل ساعة وصل النا الخبر اخيج ما داخل عليها ههيييي وحطت ايدها على حلكها رباب !!!؟؟ مو ادري خواتج راح ينشرنها جا انه غريبة والله انت بطرانة ... اروح اشوف الجدورة ... لا تعاي خل نحاجي عروس البين .. يا اشبيج عليها ادري بيها عايقة هنه ويصعدن واني ردت اصعد وراهن صدتني عمتي بنظراتها .. ما يمكن خايفة البت واخوج هاجم عليها وما ماخذه عليه فصدته ما ماخذه علية ام التلفونات ..لو تتعيقل عمتي حيل مغثوثة منها كملن الدرج واني رحت ..واكول صدك هي بعد ماخذه عليه وحب بيهنم ليش هيج صار اني سمعت من الهمسات هي تبجي الليل كله وكاسرة خاطرة و عايفها مممم اني شو حيل متلفهة على حسوني .. وحدي خجلت خدودي صارن ورديات لكيت رنيم تغمز الي بمعنى اشبيج تتبسمين وحدج .. ... دا انصب للنسوان جابونه جدر اللحم من كمل الطباخ .. نحط فوك التمن الوذر... عمتي حاطو تخته وكاعده اتصب تمن وابصفها رباب اللي اتخلي .. عمتي كالت رباب كثري اللحم .. يا شدعوة بعد ناقص اكطع من كرشي واحطلهم كلنا كركرنا معدا عمتي ابتسمت كريمة من يوم يومج جواهر جان اتكرمتي ع ذاك الرجال ابسرعة ضربتها سكتتها هيههههه اقصد رجلي واخذتج ضره اللي دسكتي اسكتي سكتتها عمتي بس اني احلف مجانت تشاقة جانت تقصد بالفعل رجال و لزكتها لزك علينا بسالفه الضرة .. واتأكدت من فرغ المطبخ والخطار يتغده بقت بس هي و رباب .. جنت اريد اخذ علب ماي .. هيهيهي اي وشفتيه مطك على شفتج هيهيهي ابسرعه شافتني عمتي وانخطف لونها هاااااا شرايده ؟؟ من سالت دارت عليه وجها رباب وبلعت الضحكة اريد ماي اطلعي من المجمده رباب حطت ايدها على حلكها .. اخذته وطلعت واني جسمي كزبر من سوالف المزوجات بس شنو هاي مال مطك وخالتي رباب كالتها يعني المقصودة عمتي !!! رجعت اني وصينية العلب مال الماي يصير كلاص صغير ومسلفن .. البيه ما خلاني اروح واريد اسمع تعقيب عمتي على العبارة سمعتها اتلوم برباب .. يووه اشمدريني المفعوصة بلكت ما سمعت انه صوتي ناصي انت صوتج ناصي يا خالة رباب اني سمعته قبل لا اوصل الباب ... رباب كافي ساعة السوده الكتلج بيها قبل اشوية ولمحتي ... وتعاي صدك شنو قصدج من كلتي اتكرم عليه هااا ... خربت عليه الجو مرت جدي طلعت من الاستقبال وجايه ناحيتي رحت الها ليش تأخرتي دتعاي رجعت ورحت وياها حطيت الماي وطفرت للمطبخ كل النسوان مطشرات قسم بالهول وقسم بالاستقبال و قسم بالصالة الجبيرة يتغدن اما الزلم المضيف البراني وبيتنا احنه بيت ابوي اقصد هم مفتوح وبس للزلم وخاصة الي عدهم مبيت يمنا .. امي وخواتي اهنا اجن بيت جدي وكفت .... وهنه ساكتات .. واسمع صوت خواشيك ..اخذتلي نظرة ..عمتي اتنصب بقواري الجاي و رباب مربعة وتاكل ... ردت اروح بس الله خلى رباب اتكول اكلج وانت اشمالج متعجبة لان هيج باوعلج هم رجعت لنفس الموضوع رباب عندي غرفة وانسولف بيها ما اصبر بعد وانه ورة الضهر رايحه .. انت ليش هيج اتفكرين بالسالفه اهنا الأنة اني اكلج .. بصراحة رباب نظرته خجلتني حيل واني بس اشوية رفعت البوشية ... بس هو نظرته مال واحد واحد يعني افهمي يريد مرته هيج شي دا تحجي واجت مرت عمي سويت نفسي اريد ادخل بس وجهي صار اصفر . . من خلصوا اكل رجع البيت ضج بالناس بكل كتر بعد ما انفردن سوية عمتي ورباب واني ما شبعت فضولي .... ترة اني مو فضولية بس بأمور عمتي اي شي يخصها اتمنى يكون عندي علم بيه حتى غرت من رباب اتمنيت اني صديقتها واسولف الي مو رباب ... اريدها كصديقه مو ام بس ما فاتحه كلبها الي .. ما عرفت منو هذا اللي مباوع الها بنظرة شهوانية ..!؟ وانتهى اليوم وجان حيل يونس رباب تحلي الكعدات بتصنيفها ...هي اصغر من عمتي بسنة ومزوجه من عمرها 16 سنة .. بس هي سينما تخرب ضحك بالتصنيف بس حيل طيبة ..ترست اكدورتها وراحت هي هم بت خير بس اتكول حتى ما اطبخ باجر ... .............. مرت اربع ايام والبيت صار لا يطاق كلها تحجي بسالفة رغدة وعمو حتى جدي الصبح شفته صاير اعصايب يصيح كام ويه مرته بالهول يكول خل يفضها الناس اكلت وجهنا يقصد اخوته وابوي هم كلساع جاي واعرف على مود هاي الشغلة وكلهم خايفين لا بيه شي...... بالليل ع العشا طبعا هي ما تنزل اكلها يصعد الها تستحي نزل هو ديغسل ومر للهول يريد يسلم ع خاله توه اجه من النجف هو جان يدرس اهناك بالحوزة العلمية وازوج منك علوية من عشرين سنة وشيخ طيب هو اللي شار على عمتي تدرس .. عمي عايد هاااا بشر .. جنا بس احنه ماعدنا خطار غير خالي باوع قحطان اله بمعنى مو وكتها ... ذكر جدي بالسالفة وجدي هم يحب خالي اقصد خال ابوي يعتبرة منا وبينا ولك قحطان سودت وجهنا .... اشوكت اتفضها عود يحجون بالالغاز فاض بعمي الصبر وصاااح يابة عوفوني على راحتي شسوووي تردون اكتلها لو اغصبها اعيط ويصيح وطلع لحديقة صاير اعصاب .. اخوته سحلووه لا يطاول ع ابوه .. احنه عود البنات والصغار هم كلنا اطشرنا بالغرف عيب نسمع وكاموا يعقدون جلسات ...واحنه اني رنيم واختي مرام كلساع وحده تطلع تسلل لكعده الكبار .. طبعا الكعده تشمل الزلم وبس و مرت جدي و عمتي جواهر مابيها چنات .... العريس طالع خارج البيت هج من الملامة اجت مرام اتكول ولج يقين ابوي يكول البنية مو صاحية ليش ما تخلي وجدي الشيخ رضى (خال ابوي) يكله حرام الشك عالكة يا اختي .... بس سمعت عمتي جواهر اتكول ممكن اتعوفوني اني اصرف ...ردت ادخل من اول يوم بس قحطان ما خلاني يخاف على زعلها ... سألتها ولج مرام شراح اسوي عمتي رنيم - بلكت تكتلها والله غاثتني اوووف نفسية ولا حبيتها اسكتي رنومه هاي اخت الحوووب مالي دطيري انت الحوووب ماااالي عيبت عليه رنيم انفتحت الباب من قبل مرت عمي سمر وكالت انتفح الحصار اطلعن ...رحت لغرفتي دصعد وشفت عمتي واصلة لاخر باية رحت اتمركض وراها . غرفة رغدة كدام غرفتنا .... دخلت عليها هجم .. وقفلت الباب سمعت دورات القفل ..... انتظر وانتظر بغرفتي بعد ساعة الا طلعت عمتي .... بالليل اني مغفية واسمع هلاهل بالبيت هاي شنو الهلاهل كلتها واني مطفية باوعت سرير عمة فارغ ... دخلت عليه جانت برة عمه وين جنتي وليش اتهلهون ..؟؟ اش معليج انت خرستني وراحت لفراشها الصبح احنه المراسلات وحده تسأل الثانية ليش الهلاهل ...اجت رنيم وكالت النا ولجن اخذها كمنا نضحك بعدين تذكرت دخلت عمتي عليها ساعة كاملة شنو سوت ؟؟؟؟؟ صار السابع وسوينا الها حفلة بيتنا ... واجتي رباب .. اني ورنيم و مرام نتمكيج بغرفة ام رنيم . ... ع المراية وحده ادفع بالثانية اجت رباب دفعتنا و لطخت وجها بالاساس اجت مرت جدي ... اكلج رباب انت رفيجة جواهر اشسوت جواهر وخلت رغده تخاف وتمكن رجلها منها مطت بشفتها وكالت يااا سودت عيشتها هددتها بيومها اخر يوم الها اذا ما تمكنه توصل السالفه لاخوها حسين هااا خوش سوت يا عمة عيارة هاااي جبانه وهذا قحيطين رهيف الكلية ما طلعته سبع مثل اخوته يسولفن واحنه وحده تباوع للثانية وتضحك غمتنا رباب ولجن انتن كلجن على وجه زواج مخطوبات وانتي رنيمة ماخذة رجل مو الج الكلام بس انتن مو تخزنا مثلها تقصدنا اني واختي كالت الها رنيم خالة رباب انت من اول ليلة اخذج ؟؟ لا يعيني انه اللي اخذته هي كالت هيج واحنه متنا ضحك وجان اعيونا اصير على عمة اللي متخوصرة وتخزر برباب يم الباب ما تقبل ابد نحجي بهيج مواضيع اوف عمة مو بس شكل بيبي لا حتى سوالف نسوان قبل ...هسة وين اكو بنية اظل مغمضة لليلة الدخلة ؟ عمة لابسة فستان سهرة والشعر برم رفيع على طولة وتاتوا ع شكل فراشة صغيرررة حيل بحنجها جنها غجرية ... مرام اكولج يقين شو ام حسن عينها كله على عمتج اشمدريني بس عمة مبهرة ههههه ** ليان كاعدين ع العشا وامي كلش مبهورة بجواهر يمة الحك اخذها كعدت يمي اليوم بت خالتها وسولفت الي جم عريس ترفض بالشهر اني استغربت شو اشوي مبالغ بالامر لو هنه بنات الشيوخ هيج سوكهن مرغوب * حسين يوم اني مخطط لكلشي بوقته هي اتكول هيج واني بدا الخوف يسلل بداخلي لا اتروح الجوهرة بيد واحد ثاني بس هي صارلها سبع سنين كاعده من اجيت اني كل شهر صارت تنخطب !؟ اووف يوم بكيفك ليان كالت يمة هي منو كالت الج بس لا هاي الضحوكجية اللي اسمها رباب ماخذ الجوة بضحكها شفتج اسولفين وياها اي يمه هاي السمينه بت خالتها اظن ** يقين ومرت فترة ... وانتهت العطلة وبديت اداوم حاول محسن يقدم موعد الزواج بس فشل كدام قرار عمتي الصارم ...... ... بيوم البيت هم ما عنده سالفة غير عمتي جواهر والخطيب الجديد اللي رفضته بس هالمرة جدي اهواي الح عليها وضغط وجابوا الها رباب تقنع وهي لا يعني لا ... بصراحه حيل متحسفة على عمرها اللي دا اضيعه هيج ... وجدي اتأخر الا انطى الناس الرفض .. ومثل الزعل منها مثكل وجهه عليها .. وهي على رأيها كعدت على صوت حركة هدفون يطكط ...صحيت بس الضوة مطفي فما شافتني عمتي عبالها نايمه جان الوقت متأخر ... اسمعها مثل اللي تحجي دكعدي رباب ها صحصتي اني حيل مضايكه ... ومناك ابوي زعلان علية حيل زودها عليه ... ما اسمع ردود رباب بس كلام عمتي وبكل ودي اعرف علتها عسى ولعل اوخر هالة الحزن من عيونها .... كل ما يجي واحد هيج اختنك ....يا رباب مدا اتحمل اللي يصير حست على نفسها ورجعت نصت صوتها لان على ما اكدر اتخيل نفسي ازوج مرة ثانية .. الموت اهون ...انوب شفت صورته كدامي ... اي اي يارباب اني لهسة احبة وفراكة صعب جان عندي امل ...بس من راح ماتت روحي الألم اللي بيها انتقل الي وحدها طلعت دموعي مو هين ابد وحده تخسر زوج حبته ... معذورة يعمتي .... اسمع بس اهاتها و ودي اروح امسح دموعها بس اخاف منها ما تتقبل اشوفها تبجي ادري بكبريائها وشموخها ... اي والله اقبل . اقبل يا رباب ويمكن هذا اكبر ذنب اللي احس بيه مافهمت هاي العبارة الي انختمت بيها المكالمة بيمن تقبل وبشنو تقبل وشنو الذنب و شنو القضية يا عمتي ..... * ليان رحنا اني وامي اليوم نطلب ايد جواهر لأخوية حسين طبعا انطينا الهم علم بس ما كلنا الهم شنو سبب الزيارة ...بس رغده بس ادك على امي واتلح لا يجن ما تحبها ما اتريدها تاخذ اخوها ..... من امي طلبت الطلب الوجوه اتكلبت .... والعيون كلها صارت صوب جواهر بت الشيخ اللي كاعدة ويانا ... * يقين اجونا اهل محسن واتأنقت وكعدت يمهم اني ونسوان عمامي ورنيم و عمتي جواهر ورغده كأي خطار ... بعد الكلام والاحاديث الجانبية انصعقنا بطلب ام حسن والله يا ام عزيز (يصيحون لمرت جدي بام عزيز بس هي معدها جهال منه اخذها ع كبر ) اجينا وكلنا عشم بيكم ما اتردونا اذا طلبنا ايد بتكم جواهر !!!!! كلنا لا أراديا باوعنا لعمتي اللي كاعده على صفحة وهي هم بان عليها الاستغراب ... مرت جدي ها والله انتم ونعم منكم ...بس الرأي رأي جواهر ...شكولين يمة .. اتعمدت مرت جدي تحرجها .... ام حسن .. اوليدي حسن مهندس خبير والكل تحلف بيه ورجال ابن رجال .. ما يتعيب يا يمة واني شفتج بت اصول وبت ناس اجاويد حسيت بتردد عمتي ... لكنها واخيرا نطقت يتبع....... | ||||
|
| |
|
25-09-18, 12:18 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل السابع يقين خابرني محسن بالليل جنت ماخذتلي زوية بغرفة بنات عمي هلو يقين اشلونج ممم زينة احس صوتك بيه ملامة ليش رفصتوا اخوية !؟ قابل اني اللي رفضته ..... عمتي رافضة الزواج ولو انت متكرم وكايل الي مجان انحطيتوا بهذا الموقف ..... ليش عود ما كلت الي هااا ؟ ها ....... ما صار وكت مناسب شنو محسن البارحة اني مخابرتك كولت الي ع جية اهلك ليش ما كلت الي السبب ؟؟ الاهل ما قبلوا ....خاف اتكولين الهم ...واحنه نريد ندخل بالموضوع من غير بدايات .... المهم عمتي ترة هي ما اتريد تزوج ... وماتدري اشلون صارت اجواء البيت ..من عرف جدي بالموضوع ورفضها المسرع عاتبها وزعل .... ها ما ردنا نسبب الكم مشاكل اووف محسن لو كايل الي الله يسلمك جان ما نحطت عمتي بهذا الموقف زين ليش ما تتزوج شو بعدها صغيرة ... ما ترضى حيل اتحب زوجها المرحوم * حسين من كال الي محسن سبب رفض جواهر اللي حسيت بقالب ثلج وانكفخ بيه وجهي ...... تحب زوجها .... يا زوجها وهي حرة .... معقولة اكو مرة تقيد نفسها وتوفي لواحد ميت .... ؟؟ جان وفت الي مايا واني عايش حتى انت توفين لواحد ميت .... ادري شطلعج بطريقي يا جواهر اني من صعدتي وياي بالسيارة قررت اجنبج عرفت طريقج وعر ...ليش طلعتي انت بت الشيخ لو هو الحظ رافض يكمل .. بعد رفضها الي قبلت بعرض عمل و رجعت سافرت لأن حفيت من كل الجوانب .. إذا اروح هسة افاتح ابوها بالشراكة اكيد راح يعرف سبب طلبي لبته وما اريد اصغر بنظر اي احد ... خابت احلامي جنت مخطط لمشروع دور سكنية كبير لكن السيولة اللي عندي اكيد ما تكفي هيج مشروع كبير الا بدخول شريك وياي ....... واني بالمطار كاعد يمي محسن .. خابرني قحطان ... سلم عليه... سديت الخط و اجه بالي وجه اخته وكته خابر وذكرني بيها ...... حيل حاز بنفسي سبب رفضها خلاني احس بالنقص من ورة سواية مايا حسين اكلك اول ما توصل خابرني ... ها اي ميخالف باوعت اله .... ياترى يا حسين اذا عرف اخوك بأحد اسباب رجعتك للعراق راح يضل هيج محترمك ....! سافرت حتى بس اشوف الموقع ..يعني سفرة قصيرة اسبوع وراجع للعراق .... ** ليان صارلة حسين يومين من سافر ....حيل ضجت علية .... ما اعرف حسيت عليه اتأثر حيل من انرفض وسفرة هذا بهيج وكت مو بس شغل هو هروب .... جنت ملتهية اثرم باللحم بالمثرامة دسوي كباب عروك .... و اندك الباب .... دكات قوية ...... ختام راحت فتحت ... رحت اشوف اشبيها رغد تبجي وجاية وكت الغروب النا ...؟؟ دخلت للهول شفتها حاضنه امي وتشكي وتبجي طلعت متعاركة وية زوجها و ضاربها ..وهي طلعت من البيت وهو نبه عليها لا تطلع مخليته يطلع وجاية النا ... يا يمة والله ما يصير ...هيج اتطلعين اكلج ضربني يمه كسرلي اسنوني .... وتبجي كلت الها شو اشوفج لزمت وجهه شو ماكو اثار ضرب ولا بيها شي غير وجهه مغسول بالدموع واعيونها حمر بسبب البجي ... يمة فهميني ليش ضربج والله كلشي ما مسوية ....كله منها هاي اخته الحية ... تبجي واتصيح ما ارجع الا اعزل ... اجه محسن ضاج حيل من تصرفها ... كللها لازم اترجعين ... كالت اله اترجعني وهو ضربني وغلط سبكم ! اني جانت نظرتي لقحطان غير شي ... رجل صاحب اخلاق وشاب معدل ...استغربت حيل وضجت على حال اختي بعدها ما صار الها اهواي من تزوجت لو هي ماعدها حظ مثلي .. سولفت النا سبب المشكلة ان جواهر مصخرتها ومن متأخرة اشوية غالطه عليها وهي رايحه كايله لقحطان وهو سابها وضاربها ماقابل على اخته....عافها محسن وراح لغرفته * محسن راجع تعبان واتلكتني رغدة بمشكلتها .. ومناك طالعه روحي وقلقان على حسين من سافر لليوم ما خابر وما احصلة ع خطة الدولي ... ؟ كعدت على الكاع من التعب وطلعت تلفوني ..... دكيت على يقين يقين شصاير بيتكم .....ليش رغده جاية زعلانه ... هااا منو زعلانه ؟!!! يقين اختي منو يعني ... ها شو ما ادري اشلون ماتدرين مو صايرة عركة بينها وبين عمتج ؟؟ عمتي ؟؟؟ دقيقة دقيقة والله مدا افهم شي ترة اني ما شفت لا عركه ولا غيرها وشنو رغده يمكم ..مو بغرفتها يا غرفتها اكلج اهنا عمج ضاربها ... صدووووك؟؟؟؟؟ * يقين رحت اركض طلعت من غرفة جدو وصعدت للطابق الثاني ....عمي ادري بيه طالع شفته ... دكيت الباب .. ودخلت من محد رد محد ماكو والكنتور مفتوح ..يا هاي عود صدوك طالعة نزلت بلغت عمتي . تعجبت خابرت زوجها ......كال الها لا ما وديتها اني عفتها وحلفتها لا تطلع اجه للبيت خطية ابسرعه .... يكول ادك عليها ماترد .... بالمطبخ عمتي كاعده كدام ميز الطعام هي ورسل وحوراء وسمر . يلفن كبة و بت حوراء و اني ناخذ منهن ونكلي بنفس الوقت ... اجه عمي وكف يمنا اي قحطان ليش مرتك طلعت من غير علمك ؟؟؟ جنها زعلت .. حتى الزعل يا اخي اله اصول مايصير تغافل كل اللي بالبيت وتطلع ... سمر مو كافي من وراهه أتأخرنا بالكبة .. باوعت الها عمتي بمعنى اسكتي .. سألته قحطان شصار بينكم ليش زعلت ؟؟ سكت مو مهم اذا ما اتريد اتكول .. جانت تشتغل على السريع لان حيل متاخرين .... رغده حركت التمن وخلتنا نتاخر .... قحطان جاوب بعد سكوت مطول منه لأنه ضايج حيل ... غلطت واجاوزت علية ... صرت عصبي وضربتها راشدي لا اراديا عمتي سمر كالت حيييييل باوع الها عمي وراح صعد فوك وعمتي وراه .... عرفنا ان رغده متعاركه وية قحطان لان من راجع من الشغل اتلكته بالنكد وتحجي على أخته وهو اصلا ما مهتم .. . سبب شكوتها اليوم من عمتي لأن كالت الها شغلج لا تتاخرين بيه ولا تنسين شغلج ع النص لأن حاركه التمن هاي العبارة اني سمعتها كالتها بهدوء عمتي .. المهم عمي عاند لان خجلته كدام اهلة بطلعتها ...وفاتت ايام وهي اهناك .... شار جدي كله عوفهه تجي وحدها ... نفس راي عمتي كالت اله لا تخطي هسة اي خطوة او مبادرة ........ اما محسن واكع بيها لا يكدر عليها وهي اتبالغ ما ترضى تعترف بغلطها حتى اتعارك وياها ... * محسن واكف وحاير شسوي الها هاي كدامي تبجي واتصيح اتريدني ارجع بس لخاطر همه اهل خطيبتك ما تفكر بيه وامي ساعه وياها ساعه وياي ....واني رحت حاجيت قحطان الرجل كلمته معدلة خلاني اخجل من نفسي من كال ترضاها اختك تكلي انت مو رجال زين شواربك !!! اجيت اضربها و صدك ضجت من تصرفها بس امي وكفت بينا وهم كسرت خاطري تبقى اختي ... ما كدرت احله للموضوع و حسين راح وماكو خبر عنه * حسين ضيعت خطي الدولي وما همني اخابر هو اسبوع .... خلصت قطعت تذكرة للبنان و مناك رجعت للعراق ..تعبان اريد انام وبعد وما اصحى من تعبي وارهاقي النفسي ...المبنى مراح اشتغل بيه يرادلة كعده هناك سنة كاملة واني ما اطيق اكعد اهناك وهم امي واكفة بعيني .. وصلت للبيت ما اشوف الكدامي من التعب ....... ليان حسين .... حمدلله على سلامتك ... الله يسلمج والله قلقتنا عليك ... ليش قابل هي جديده عليكم سفراتي ..وين امي سلمت على الاهل وجانت رغدة مسيرة يمنا من سلمت علية .....فقدت شعوري الا اشوية واجيت أسألها عن جواهر ااااخ يا جواهر سبب رفضج خلاني اتعلق بيج اكثر .. رحت نمت وكلت الهم لا يصحوني * ليان اجه حسين تعبان ...ما كلنا اله على زعلة رغدة .... للعصر الا صحى من النوم ..كال اريد غدة كعد بالهول .... جان مشتاق النا هم زين تعود علينا .... محسن هلا والله حسين سلم عليه وعاتبة كله خطي ضاع وانشغلت ... كعد محسن ياكل وياه جان يريد يروح للسنتر ... طلعت رغده ... ليان ما شفتي تلفوني .. لا حسين ها رغدة اشلونج وية زوجج واهلة ... جان مدنك ياكل .... ما ردت اصلا ارتبكت بس هو ما مركز وياها زوجج اشلونه اهلة اشلونهم * حسين .. لحيت على اهلة واني اتخيل جواهر ... محسن يا خويي شيل الهم عني ...اختك زعلانه .. رفعت راسي ودنيت الصينية عني انسدت نفسي ليش ؟ ابسرعه كالت ضربني وغلط علية وسب اهلي .. ليش هيج والله كلشي ممسوية !!!!!!. جنيت وصرت نار تاكل اللي كدامها .... * يقين اووف عمي اليوم كال ع الغده راح ارجعها بعد ما اكدر اخاف تكبر السالفه اليوم اروح الها وماسمع نصيحة عمتي من كالت اله غلط اتروح وهي طلعت من وحدها .... وكال ميخالف اني اعرف اصرف وياها من اجيبها .... جدي كله بكيفك بس ترة إذا رحت راح انت اللي تخضع ومو بعيد تشرط عليك...سكت عمي ما رد ..بس العصر كال اروح الها واشوف وصار العصر اجتنا خالة رباب ... هي و ولدها .. وين جوهرة ؟؟؟ كلت الها خاله هسة على جية بعدها بالدرس .... جان ديوانه فارغ وجدي بالغرفة مالته هو والحجية ... ها لعد تعاي خل اروح لهلج انسلم ع امج ما طول اجيت رحت لبست عباية واي شال من شالاتي طلعنا من البيت وصلنا للحديقة ... اندكت الباب ......... جان عمي قحطان يباوع لنفسه بمراية سيارته اللي بالكراج ويريد يروح لمرته ركض ابن رباب فتحها كلها سحبها هي سلايت .... وجان محسن وحسين يصيرون اكبالنا ووراهم عباية واكفة ....اجتني الابتسامة ومحسن هم ابتسم ... يبووو اني لافة الشال بطريقه مخربطة وبلا جواريب وطالعه بجامتي الزركه واخرب ضحك .... عمي ابسرعه راح الهم .. يا اهلا وسهلا ... حسين حمدلله على سلامتك اشوكت وصلت رباب بهمس ولج ذولي منو ... هذا المصروع الاثرول المهرول خطيبج اعرفة الثاني منووو منو خالة هذا اخوه عززززززه اشوية العزة مالتها اظن سمعوها لأن حسين اشوية انتبه النا وهو يسلم ... طلعت رغده من وراهم ... رباب سبحان من خلى هذا اخو هاااي الك ارادة يخالق الجرادة واشرت على رغده احنه بوسط سلامهم سلموا علينا بشكل عابر ... عمي سد الباب حسين ادخلي انتي ليش واكفة اهنا روحي لغرفتج ..... راحت رغده من غير كلام وهي اتباوع لزوجها .....اللي ممصدك نفسة حسين عدنا كلمتين وياك ... بصراحة ....صدك شخصية حيل عجبني ... كلامة ورزانته حتى نظراته مال واحد عنده خبرة بالحياة .... رباب يلا يقينة امشينا .... فتح النا الباب ابنها واهنا دخلت عمتي جواهر وية ما الولد رادوا يدخلون ... السلام عليكم ... من سلمت داروا وجوهم عليها ... هي باوعت النا ..اشرت بأيدها ارجعن ... و رجعت التفتت على محسن اللي وكف يريد يسلم عليها وقحطان هم كأنه يريد يكول الها رجعت مرتي وحدها ممصدك نفسة فحسين هم وكف اشلونك محسن اشلون صحتك سلمت عليه سلام قوي وهو رد التفتت بجانبية للاخوه اللي يمه اشلونك خوية الحمدلله رد عليها من غير ما يرفع عينه وعمي دخلهم للاستقبال الداخلي ..... دخلنا من ممر المطبخ ورباب اتهفي بعبايتها ولج يقين هذا حماااج يالثولة ولج هذا يسوة خطيبج عشر مرات خالة شنو هاي والله محسن هم ما قاصر كعدت على الكرسي وكابلت عمتي اللي نزعت عبايتها وهم كعدت بالله انتي زعطوطة شفهمج ... عتبي على عمتج ... جواهر هذا يرفض هذا اكول شنو قحطان جابهم وياه؟ لا عمة همه اجووو و جابوا اختهم وياهم اهاا بهذا الوقت راسلت محسن كلت اله شنو جد؟ اشعجب اجيتوا رد حسين بس اجه من السفر وعرف جابها واجه ...... نزلت التلفون وقاطعت عمه ورباب جانن يسولفن .. عمة عمة ...هذا حسين بس رجع من السفر سحلها وجابها لرغده . صدوك ؟؟ ليش خطيبج ما سوة هاي الخطوة ؟؟؟مايعرف بالاصول رباب هي هاي رغيده يفيد وياها الفاهي خطيب هاي الفاهية ..... لا يعيني ما اجيبها الا الزلم المعدلة .....ولجن دخيلة اشلون شخصية والله حرامات لايك الج حيل گلبي انفتح اله دخذيه لخاطري حل سكوت واتبادلن النظرات اللي ما افهمها ابد ... قطعت السكوت عمتي طلع بالفعل ابن اصول اني نطقت بعفوية ويخبل و معضل اووي فدوة رباب هم ما سكتت وعبرتها اي ناقصهن عضلاته بس جواهر تمرغهن اله باوعت لعمتي شالت عبايتها وهزت ايدها بسخرية وراحت ..... جدي و عمي علوان وعايد هم طلعوا الهم ... صاحوا لرغده ..... دخلت عليهم ومدري شصار .. بعدين عرفنا اخوها جابها ومعتذر عن تصرفها اجانه عمي علوان كال حضرن عشا مرتب سالته عمتي ها ابو ايمن شصار .. هذا حسين فشلنا ....خلانا جوة اهدومنا من ورة قحطان مرت جدي .... شسوووة جا هو مو عود رد اخته ردها بس فشلنا من كال احنه نفهم بالاصول وخلاها تنزل تعتذر لرجلها بس بالمقابل كال المرة ما تعرف اشلون تحجي تبقى مرة كلمتها ما ينمشي بيها بس ما اترجيتها منك تسب اللي رباها وهو بگبرة ...... عمتي .... اخوك ما قصده الواحد ساعة عصبية كلشي يطلع منه ....بعدين اخته من ساسها لراسها غلط ..هم غلطت على رجلها وهم طلعت من بيته وظلت ايام اهناك .... اي هو جابها ورجعها وسوة بأصلة راح عمي علوان وحضرنا الهم العشا . * حسين اصروا نظل ع العشا واني احس روحي تعبان اريد ارتاح بس ماكدرت اروح الحاحهم خجلني ..... وهذا محسن مكيف .... راح كعد بالهول وية خطيبته واني يم جدها رجعت للبيت ... لكيت امي كاعده بالهول اتلكتني هايمة شصار ويه اختك شصار رجعتها خو ما يأذوها يوم وين موديها اني غير لبيت رجلها بكلبي كلت اشلون سالفة طلعتها الي بتج اني ما صدكت انسى شكلها توديني الها برجلية ... يلعن الحظ هي وسبحتها كدامي انطبعت صورتها بالي من دخلت .. هسة عوفني من جواهر كون رغدة ما اتغير من طباعها و تعقل * ليان رجع حسين رغدة لان ابد ما اقتنع بكلامها ومن محسن سولف اله الاسباب اخذها غصب ورجعها * يقين رباب شسوت بجواهر بس اشوفها اكوم تحجي بسيرة حسين * حسين دكيت بابها .. فتحت استغربت جيتي واكف ساند ايدي ع الباب . و لازم جاكيتي بيدي والجكارة مورثة حسين !!!! اي حسين ادخل لو الا اعقد شيخ .... عقدت اديها على صدرها وكالت وين تلكه هسة ..المهم الشوك جابك لو جاي تنسى همومك يمي تفرق عندج اي تفرق تنهدت الشوك جرتني من ايدي وكالت دتعال طب وباجر جيب الشيخ وامج ؟ نايمة بسابع نومة دتعال شصاير بحالك .. دخلتني نغم ... ما اعرف اشجابني الها ...بس بليلتها بس دخلت غرفتها ذبيت نفسي على السرير ونمت .! ثاني يوم كعدتني هي دكعد حسين روح لا امي تصحى ... رحت والضخى التقينا وعقدنا مثل المرة السابقة بس شيخ و دبرت اشهود من يمة .... باحد الليالي دفعتني عنها اصحى حسين اني مو جواهر .. وخرت عني ولبست روبها مسحت جبيني ...ما اعرف اشبيه ما اذكر اني ذكرت اسم جواهر ... طلعت باكيت الجكاير وطلعت يبلكونة شقتي ادخن بقهر واهنا سمعت صوت اذان الفجر رجعت اراضي نغم واخذتها بين احضاني * يقين نايمة واسمع تسبحيات عمتي دخلت لحلمي فززتني فاتحه الضوة وكدامها قرأنها اتسبح .. والاذان اذن كومي يقين كومي صلي وارجعي نامي كامت هي وكبرت اتصلي .... ٠٠٠ ثاني جان عندي عطلة حايرة شسوي اريد اشوف حسونه بس كال استحي اجيكم قبل يومين جنت يمكم .. واهنا الله رحمني من الملل ودخلت علينا رباب صعدنا اثنينا لعمتي .. اليوم هم معدها دوام والساعه ب٤ العصر جانت تقرة دعاء القدح لأن اليوم خميس جوهيران خل نطلع اليوم مجاوبت عمتي خلصت الدعاء الا سلمت عليها .... اخر جية لخالة رباب قبل فترة بيوم رجعت رغدة ... اكلج عمتي اليوم بناتها يمها وانه اريدن اشتري لجهالي والي هم ملابس و شغلات روحي وياي لزكت رباب لعمتي وقبلت واني هم لزكت ورحت ... دنطلع عمتي سبقتنا وكعدت بالسيارة ..وكفتني رباب اكلج اليوم اذا نمر بمحل مدري سنتر خطيبج نلكة اخوه يمه ؟؟ اي هو كال العصريات حسين يمر بيه يكعد يمه بس ماله علاقة بالشغل اهناك هو ها خوووش والله لعد .... حسين خابرتني نغم ها حسوني اني وصلت كولت الي شسم المجمع ؟؟؟ كلت الها يلا تعاي لا تتأخرين محضر الج هدية .. * يقين عرفت رباب مسوية كمين لعمتي من اشترينا كم غرض نفذت الخطة وياها والله يستر من العواقب كلت الها محسن جايب الي خوش مجموعة عطور رفضت انروح وكالت هو يجيبهن لا عمة فدوة خل انروح نتونس رباب اخاف اخوه اهناك وعيب يعني خطية عمتج رفضته لا نخليه بموقف محرج عمتي هم صدك لا عمة ماهو بمكتبة رباب بتمثيل ها اذا هيج يلا بينا ..رجعنا للسيارة واتوجهنا الهم بس عمتي مو كلش مقتنعة ما حابه الروحة ... دخلنا .... وشفنا نسوان وبنات بيه الحمدلله محسن مرزوق .. ومحسن كاعد على المحاسبة لان عليهم لود العمال .. دورت بعيوني على حسين .....واخيرا شفته .....اي شفته منطينا ضهرة و اكف ويه بنية هم ما شفت شكلها بس هي سافرة وشعرها اصفر قصير ورشيقه .. صعد للطابق الثاني وما شافنا حتى عمتي ما شافته ..... رباب ولج يقينه هاي منهو وياه طلعت رباب مثلي شايفته ما ادري خاله طبعا احنه سلمنا على محسن ومثل اللي انشده من شافنا .. بس ما فارغ النا التهى يمشي الناس واني رباب سحلتني لفوك ورة الوسيم عمتي ما قبلت كالت روحن واني وراكم .. ظلت ادور گلادات بلون ملابسها خالة ليش مهتمة هلكد وثول الج يقين اني اريد عمتج تنسعد ما اظل هيج لا رجال ولا جهال ... وهذا انسب واحد ليش لأن اخو محسن راح اظلن سوة بس اااخ من عنادها لعمتج صدوك اني هم انقهرت جان ما فاركتها لو قابلة ... صعدنا و شفنا واكف يم قسم الالبسة الداخلية لا هسة تاكدت تخصة ليش يرافقها من دون الزبونات .... * محسن لا والحظ اليوم حسين كال مواعد نغم تجي لهنا يراضيها اضاهر مزعلها تجي يقين واهلها خرب اشلون صدفة ... * حسين دختار الها ثوب حسين اريد هذا الوردي واني حنطاوية يطلع علية جنان غمزت وانسيك ام جواهر هم * يقين خالة شو ذولة يتهامسون اشمدريني اضاهر العصفور طار ..من يومها عمتج حظها عثر صعدت اهنا النا جواهر ها عيني شسون بقسم الالبسة ال ال ها تباوع الي وتحجي كأنو ذنب عليه اذا اباوع لملابس النوم رباب اريدن اشتري واحد تعاي شيريني * حسين هم رجعنا لهاي السالفة ممم نسيت انت هذا الاسم سبب زعلتي كال جواهر كال وية جملتها وعيني اتصيدها وكفت كدام الميز وكلمت العاملة ... هذا كم سعرة جاوبتها ... جانت تاشر على ثوب نوم اسود ... واجتها قريبتها وسولفن سوة اااااخ يا قدر نغم وين صفنت ... باوعت لوين ما اباوع ... * يقين عمتي ولا انتبهت اله لان اهواي زبائن ... و حجت وية العاملة بس الثوب وين يصير لرباب ... انوب بس المرة اللي وياه تفصل بينهم وهي ما التفتت عليه ... لا ظلت تدور ثوب قياس رباب ... رفعت راسها وكالت وهذا ما بيه قياسات لو سايد واحد كملت عبارتها بخجل قووي من لمحته يمكن عبالها عامل مجانت مهتمة ... نزلت راسها و عافت العاملة اسولف .... وراحت شاردة من الطابق كله ... واني ورباب وراها . وصلنا للدرج رادت تصعد تعثرت ولوت رجلها كالت ااخ اشبيج عمة رجلي .. رباب اوكفي اوكفي ياا رجلج لا تمشين اكعدي اكعدي كعدت ع الدرج اظاهر رجلها من يم القدم حيل توجعها ...رباب راحت ... واني يمها .. اشو رجعت ست رباب وياها الرجال باوع لعمتي وكال سلامات سلامات عمتي غطست بعباتها غطت نص وجهه رباب اشلون هسة خوية ...عاد عدكم ماي بس تشرب اتقربت يمنا رباب وعمتي همست الها الله ياخذج شسويتي رغم الوجع ووجهه صار احمر ...كامت هو راح جاب من البراد ماي واجه ويه وكفتها اتفضلي ... مشكو مشكورة .. زين اكدرين تمشين عليها ؟؟ اجتنا ام شعر الاصفر عمتي اي خوية مشكورة روح لشغلك لا نعطلك ...اشوية وانزل رباب لا يا جوواهر انت مو بخير * حسين نغم اجت وراية من صاحتني قريبة جواهر اني فقدت ورحت الها راكض شفتها اشلون هالهيبة والوقار كاعده وتتألم ودي اخفيها عن الانظار و محد يشوفها وهي كاعدة هاي الكعدة مو من مقامها شيخة گلبي اللي ماخذة فكري .. ما اعرف شسوي الها .. جبت الماي وسط انظار نغم ..... بس من ذكرت صديقتها اسمها ... وكعت الاكياس من ايد نغم ونزلت ابسرعة ....! وجواهر هم كابرت ومشت على رجلها وهي تتألم ...اني رجعت للعاملة وكلت الها تنزل الي الثوب الاسود !!!!!!!! يتبع..... | ||||
|
| |
|
25-09-18, 12:22 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الفصل الثامن حسين رجعت للبيت دايخ ياالله كل ما اريد انساها تطلع الي ادري شنو من صدف تلاگيني بيچ لا انتي اللي مريحتني ولا انت اللي عايفتني ....كل يوم اشوفج بشكل وكل شكل بيج حبيته للنخاع تفاصيلج من دون البشر تنخزن وما تمر علية عابرة حتى وانت تتألمين بكبرياء ماشفته عند مرة قوتج يجواهر اخذت تفكيري ...... مشكلتج صعبة ومشكلتي اعشق الصعب ..!! * يقين دخلت للبيت ... تتألم وكفتني گدامها وكالت احلفي ما متفقة وية رباب ...احلفي . هااا باوعت لرباب اللي تاشر بلا احلفي يقين اهااا م م م ظليت امتمت هيج لعد .... رباب راح اتخليني اقسم ما اطلع وياج بيوم بعد سحولتيني لحد عنده ...... ليش خليتيني بهذا الموقف ..... غير لمصلحتج .... مصلحتي ...رباب ...كلمة منج و بعد صدك افقد اعصابي عليج اتفقدين ما اتفقدين راح اظل وراج وراج منا من ازوجج على صوتهن اجتي مرت جدي وحوراء ورغده جانن بالمطبخ اشرت عمتي عليها وهزت ايدها بمعنى كافي جزعت منها جاوبتها رباب المهم هسة لا اظلين تزعلين عليه خوش من اخابرج ردي راجعه لبيتي اني وها صدك رجلج اذا ظلت توجعج كلي لابوج يزوجج خزرتها يوووه خربطت اقصد ياخذج للطبيب اخاف بيها شي صار تدرين احنه العراقين جنه دمية ام الف دينار اقل زلكه نتفسخ مرت جدي سألت اشبيها رجلها رباب يلا اودعناكم عمتي سكتت مجاوبت مرت ابوها او رباب وراحت يا شدعوة عمتج ما تتحاجة لا جدة بس هي تعبت ... رجلها توجعها ..... خابرت على محسن سألته على ام شعر الاصفر ...تهرب بعدين كال خطيبته ..!!!!! كولت اله ع الخير ... .. سألت رغدة هم تلكات وكالت اي اي بس شو اكو شي مريب بيهم * محسن جذبت وكلت خطيبته واكلت ذيج الرزالة من حسين لأن ما بلغته بوصولهم .. المهم وصيت رغده هم من غير ما افهمها بس كلت الها صديقه اله بس حفاظا على سمعتنا كولي خطيبته مرت فترة تقريبا شهر وكلت اتكول الهم فسخ .... رغده هم سوت هيج لخاطر صورتها كدامهم شسوي اخونا البرطاني خلانا بهذا الموقف السخيف بس يا خوفي يوصل الكلام لأمي يبووو اذا تعرف ابنها خطب وفسخ مصيبة شخلصنا ...... كتله اشلون تتصرف اذا وصل الخبر لأمك .....هو راح سبقهم وكال الها جان بالي مشروع زواج والتقيت بالبنية و ما اتفقنا وما صارت !!! امي هم الفطيرة صدكت ....واني كلت الها اجتنه ويه اهلها للسنتر و التقت بيقين شافتها خلصنا نفسنا من الفلم التعبان هذا * حسين مرن شهرين تقريبا واني استقريت بمكتبي الهندسي مو شي الشغل بس على الاقل شكليا منا من افكر بمشروع جديد ... اتصلت بيه نغم اجي اليوم للشقة ..ما رديت ..... ضايج ومالي مزاج امي مريضة واريد اخذها للطبيب للعصر.. رحنا احالها عملية عاجلة وجع بطنها طلع من الزائدة الدودية * يقين ام حسن سوت عملية ومن الواجب اني كنتها اروح ازورها . طلعنا من اللبيت اني ومرت جدي وامي و مرت عمي سمر وحوارء ورسل و عمتي جواهر عمي قحطان ودانا اني وامي ومرت جدي وسمر وعمتي و نسوان عمامي ورباب لزكت روحها اتكول اعرفها المرة من نهد عرس عمج مدري اشعدها من سمعت بينا اجت تركض المهم راحن وية السواق و رباب كاعده بالصدر نسيت اذكر ان عمتي السيارة اللي تاخذها وين ما اتروح جدي مشتريها الها مخصوص وحاطلها سواق وهي صاير للبيت كله هم بس الاهم لعمتي ومحد يدز السواق لمكان اذا ما تأذن اله عمتي اما عمامي كلمن وسيارته وعمتي المرة الوحيده من بين النسوان عدها سيارة وصلنا سوة اصلا همه مو بعدين .. طلع عمي صناديك العصائر الفاخرة * حسين جنت غاسل سيارتي وخلصت وجاي اغسل بالكراج لاف البجامة والماسحة بيدي .... ندكت الباب واني مورث الجكارة بيد وبالثانية انزح بالماي للبلوعه ... غلست واجه محسن جان لابس يريد يطلع ... * يقين ما كلت لمحسن اشوكت نجي نشوف امه هي صارلها ثلاث ايام من سوت العملية كلت اسويها اله مفاجاءة ... فتح النا هو الباب والبسمة زارت وجهه فديته كاشخ ومعطر سلم على عمي وابسرعه دخلنا مثل القضا المستعجل على اخوه بالكراج واويلي يابة رباب كالتها من شفنا كدامنا حسين لابس فانيلة تك تعلاكة رصاصية حاصرة عضلاته حصر و شعرة ما صاعد هالمرة بجل نازلة على كصته كذلته السرحة السودة .. و بجامته المصرفنه هيأته مخربطة بس والله جذاب خيوط شمس العصرية منطيته جاذبية فوك جاذبيته حتى الجكارة حلوة بيده ... جدتي جبيرتنا سلمت عليه رباب هم همست لا وبعد يغسل الهم الحديقة ...خوش اتربية اوربا مال ادز الهم كويظم دنخدل وهو وكف مدنك بس ولا مهتم لمظهرة عادي عندة رحب ذاك الترحيب بقحطان و صاح لرغده تستقبلنا ... واصلا محسن دخلنا بعد هو واكف يم الباب الداخلي ... واحنه ندخل دخلت اني ووكفت انتظرهن عمتي ورباب اخر شي رباب اشلونك خوية الله يسلمج يا اهلا وسهلا زارتنا البركه وشفته بعيوني رفع نظرة على عمتي عمتي رادت تنطق تسلم رباب يا جوااهر انت وراية غشمت نفسها ع اساس ماتدري تعاي ادخلي مايصير عمتي شدخل ادخلي يمعوده اللوتية ما مطيه مجال يكفي تدخل عمتي رباب لا والله الا ادخلين مايصير انت الجبيرة جواهر لا عزيزتي ادخلي انتي حسين وخر من يمهن وفات من يم جواهر اشلونك خويه حمدلله على سلامة امك ما شوف شر الله يسلمج .. رباب حرنت اتباوع الهم حسين راح رجع للماسحة ويمسح بالماي واحنه دخلنا ... كعدنا يم المرة ..... نص ساعة زمن .... اجتنا رغدة .. عمة بس اريدج اتعلميني اشلون اسوي كهوة ..؟؟ كهوة !!!! كالتها سمر بتعجب اي عمة جواهر خوش اسويها كلنا استغربنا يا كهوة وهمه ضايفونا كليجة و عصائر مع كب كيك و معجنات هم عمتي مو من طبعها تحرج احد واتكول لا .. رغم عدم ارتايحها واضح عليها بس كامت هي وعابتها على راسها ولج خاف اخوتج اهنا عمة بالمطبخ محد ماكو راحن واني عيني عليهن .... دزلي مسج محسن يكول تعاي اني بالحديقة .. صدوك.. استأذنت من امي ورحتله بالحديقة تعاي يقونة اشوفج غرفتنا سحبني ودخلنا من باب الهول ويسحول بيه لا عفية دمشي لا اشيلج ... اخذني محسن لفوك وياريت ما صعدت حتى ما خلاني اشوف الغرفة عدل ...ظليت اركض وهو وراية !!! * حسين دخلت لغرفتي لبست قميص واي بنطرون من الكنتور لا اللبوة مالتي اتروح مني ... ونزلت امشط بشعري متجه للمطبخ شفت رغدة واكفه يمها شافتني .. وجواهر مطيتني ضهرها وتحجي بهدوء و اتحطين كيلتين ...بس اهم شي اتكون الكهوة اصلية اني والدي كله يجيبها من الامارات ... لهذا اصير طيبة ومرارتها تعدل الراس .. تحجي وتحجي واصلا رغده راحت من يمها واني اللي يمها صارلي اقل من اللحظة ... رغده حضري الفنجان .. رفعت راسها شافتني اني واكف وحاط ايدي على خدي صافن عليها وعلى هدوئها من تحجي ... ارتبكت اعيونها ظلت دور على احد بالمطبخ ....وهمست وين اختك ... اختي راحت ... الكهوة گلبت على الطباخ طفيت عنها .... هااا راحت ... ? اجت اتروح .. انتظري جواهر .. خوية شنتظر ترة الي دا يصير مو من الأصول وحسابي ويه اختك ... عندي وياج كلمتين بس .. لا خوية وخر عن طريقي مابينا كلام واخوي اللي توه وصلنا وراح رجل اختك لازم تخلي اله حساب وما تحجي ويه اخته بهاي الطريقه اشبيها طريقتي وخر خوية دفوت اسمعيني ترحين منا ما اسمعين نظل هيج منا من يجي احد ويفهم غلط .... تنهدت وظلت ساكته غاضبة اعيونها وهي ضايجة تبث لمعان رهيب ... زين اسمعك بس نزل اعيونك عني مايصير هيج تباوع ... اااخ يجوهرتي ودي اضمج بوسطهن .. اكعدي اشرت الها ... بغضب هادئ اشلون اكعد وانت واكف بالطريق .. وخرت اشوية عنها فاتت كعدت قابلتها بالكعدة ... ليش رافضة الزواج .... اني ردتج بالحلال سكتت زين بس اسمعي مني هالكمتين اليوم انت بعز شبابج واهلج محاوطينج وابوج حاميج لا صغرا باخوتج بس اولوياتهم اولادهم وبيتهم ابوج مهما طال العمرة والله يحفظه الج ما دايم .. خوية كعدتي وياك غلط و الموضوع هذا خاص ...... خل اكمل مايصير هيج ...لا يغرج شبابج باجر يروح .. حاجتني بأنفة كملت .... لا ما كملت انت يرادلج حضن دافي يلمج الكلمات وحدها طلعت اللي بگلبي مو برأدتي مجنت ناوي اكول الها هيج اعيونها انفتحن عليه وبثن شرر على خجل كامت لبوتي .. مع الاسف والله ... اوكفي فهمتي غلط اقصد من اكبرين تحتاجين ولد يسندج زوج يكمل وياج المشوار ..... اشوية كفت عني نظرات الغضب وبعدتهن عني ... خوية ماكو نصيب بينا .. ليش .. لا يكون لأني اروبي . اقصد عشت سنين اهناك وعبالج مو خوش .. لا والله ترة اني اوفي وما اخون شايف وعايف واريد أستقر بحياتي ... خوية خل اروح احسن اني شعلية بيك راح اخطبج مرة ثانية من ابوج هالمرة بنفسي لا تعب نفسك خوية السبب مو بيك اني رافضة الزواج اخذت نصيبي من الدنيا والحمدلله على كل حال .. يلا اترخص منك ... وصلت للباب جواهر ... وكفت وما دارت وجهها فكري زين لو انت اللي سابقة المرحوم جان هو مزوج من اول شهر . همست ادري ... شو ما راحت ظلت واكفة .. وبس ظهرها اشوف .. لزمت الحايط ... اتقربت عليها بيج شي . جواهر . اش لا تكول اسمي .. توء يوه انت تعبتني ما اريد اشوفه لوجهك ... عافتني وراحت بس جنها دايخه ... بس كلماتها رصاص حار وعلى گلبي .. * يقين نزلت مرتبكة من الدرج اعدل بشالي ... دنزل ركاضي و هذا وراية گال يا يقونه بعدج ما شفتي شي من الغرفة صارت بوجهنا عمتي طالعه من مطبخهم اجمدت على الدرج بعد رجلية ما اشيلني ..فاتت من يمنا ولا باوعت ناحيتنا ولا كأني على الدرج على يمنتها رجعت لغرفة ام حسن وكعدت ... واني وراها لازمة جبينها وساكته ورة اشوية دخلت رغده وبيدها صينية بيها فناجين كهوة هاي الكهوة من اديني علمتني عليها عمة اتكولها وتبتسم لعمتي اللي وخرت ايدها وتباوع الها بغيض واضح .. خالة يلا بينا انروح اتأخرنا وجهة كلامها جواهر لمرت ابوها . مرت جدي ابسرعة كامت من غير نقاش وياها ... وكمنا اترخصنا ورحنا لبيتنا ورجعت ويانا رغدة ... عمتي من دخلنا كالت الها تعاي وياي عندي وياج كلام رغدة بعدين عمة تعبانه .. تعاي مراح اشغلج .. اخذتها وراحت ...ما صعدت اني لحد ما مر وكت كلت اكيد خلصن كلامهن السري .. واكتشفت عمتي من طلعت من المطبخ اصلا ولا شافتني !!!!!!!!! ..... الو محسن شنو هذا الي صار ... اخوك ليش رجع طلب عمتي من جدي والله بعد هذا الي صار اني هم نفسي تفاجأت بصراحة ... لا والله اخوك يخطب وماتدري اي والله ما دريت الا بعد ما حجى وية جدج ....بعدين تعاي جنه ما عاجبج اخوي لا مو هيج بس انت صاير اضم عليه والله ما ضام شي صدكتك بس ليش اخوك مصر على عمتي العشگ يا يقين يااا صدوووك اي صدوك.اخوية يريدها ويحبها يقونة حاولي اتقنعيها ... دخل استوعب الصدمة شحب منها وهو مرات قليلة شايفها مرات الحب ما يجي بالكلام ...تكفي هاي النظرات ما اومن بيه بس راح اتقنعيها لخاطري ممممم احبج اي اقنعها ههههههه ............ سديت الخط.وكلت شقنع والمغرب جدي شبه اللي اتعارك وياها واعصابة بالكوة لازمها من هم رفضت عمتي .... علاقتهم انشحنت يومين همه مو على بعضهم وجدي ما يحجي وياها فما اكدر افتح لساني واحاجيها هي صايرة نار ... من خلصنا عشى .. رادت مرت عمي تاخذ صينية الجاي ..عمتي اخذت منها استكان وكالت اني اقدمه لابوية ... راحت اله وانطته اله اخذه منها من غير ما يباوع بوجهه .. بنظرة منها امرت قحطان يكوم .كام وكعدت هي مكانة يم ابوها واني اخذت استكاني واباوع الهم .... رغده توها نزلت من غرفتها واخذت استكان وكعدت لوتية اتعشت وشردت لغرفتها خلتني وحدي اغسل مواعين ومن خلصت نزلت ... بوية زعلك مو هين علية ... لا تضغط علية بيه .. اسكتي جواهر لا اتفتحين الموضوع ضغطي يصعد ... مرت جدي لكت الها فرصة اي جواهر سدي السالفة احسن ما باوعت جواهر لمرت ابوها .. بوية ياريت بعد ما نفتح هذا الموضوع ..بس لا ظلك زعلان عليه .. عايد لمصلحتج يا جواهر الولد ما يتعيب علوان انت الى متى اظلين هيج كلمن عنده كلمة كالها الها وهي بس اتباوع لأبوها بعدين جدي كال الها اني ما دايم الج ومن هذا الحديث اتوقعو راح اتلين لكنها وكفت وكالت بوية اني زواج ما ازوج رجلي مات المعنى محد دايم لاحد حتى لو ازوجت ومحد ياخذ اكثر من نصيبة عمي علوان استغفر جدي هم وكف و شمر الاستكان نززنا وكال بعصبية ترعد شوفي يا جواهر انت هاي السنة اشوفج بيت رجلج ... والله تعبت كل همي بيج .. جانت مصدومه من ردة فعلة هدا اشوية من شافها خايفة منه لزمها من زندوها وباوع الها بحنان والد جواهر اريد اشوف اولادج ... يا وحيدتي .. حققي الي مناي ...اسعدي ابوج باخر سنينه ... جانت ساكته وساكنه .. دموعها اجت تمطر عافتنا وراحت .. وجدي كعد وكال لا اله الا الله . بعد عدة دقايق رجعت بوية حتى لا اصير عاق راح اسمع كلامك واني موافقة ازوج ... ابتسم يعني ارد للولد خبر اي بس مو لحسين ... لصاحب كلها كالت شنو والي كال صاحب !!! حتى اني اتعجبت اي بوية مو طلبك مني بعد ما طلك ورفضت .. ابن عمي اولى بية اذا اريد ازوج عافتنا كلنا بحيرة صافنين بس حوراء شكت الضحكة صاحب اخوها اووف يعمة صاحب ولا اطيقة سمين و عكرة وغير هذا يلبس كله دشداشة صح صاحب خير بس ولا احبة .. خابرت محسن وذبيت عليه الخبر الي صدم الكل هو تعجب وضاج وعاتبني اخوي اشبي وهيج اترفضة .. * محسن ضجت حيل صح اعرف بحسين يريدها بس حتى يقوي العلاقات و سند وضهر النا قوي بس حيل ضجت يقين مكالت الي شي غير ماكو نصيب وابن عمي يريدها ... بس رغده اخ يا رغده كالت الي اشلون بدت ابن عمها اللي صارلها اشهر من خطبها ورفضت على اخوي * حسين خابرتني رغده وسولفت اللي شي خلاني افقد صوابي ... توكف كدام ابوها واتكول ابن عمي اولى بية شنو شايفتني هااي !!؟؟ خلصت علية الليلة واني اغلي من القهر ... انتظر وانتظر بسيارتي بالشارع الخدمي اتفوت من يمي سيارات على شكل متقطع .. واخيرا شفت سيارتها ... دست بانزين واتحركت ....كطعت عليهم الطريق .. نزل السواق خير اخيي شكووو اذكرني الولد .. واني واكف كدام سيارتي ... اتقدمت عليهم ... واتعديته .. وفتحت بابها كال الي خير خير انزلي الولد انت احجي وياك وين تنزل جانت اتباوع الي بتعجب وسبحتها وكتيب صغير بيدها لا تدخل انت خوية شنو مو بعينك تكطع علينا و تنزلها طلعت سلاحي كلمة وحده منك يطشر دماغك اهنا ابسرعه هي نزلت بس من الباب الثاني لتجنب قربي منها .. واندارت علينا وهي تتباوع للشارع ادخل انت للسيارة انتظرني وانت ضم سلاحك لا يفوت احد ضميته امشي كدامي مشت خطوتين كدامي .. خير اشبيك شنو هذا الاسلوب الا اندمك والله زمخت بيها تعبني غرورها وتكبرها اش مو حسين اللي اتهددة مرة اهاا ليش هيج سويتي ... هااا ليش بالوقت اللي خطبتج بيه بديتي ابن عمج .هااا لو تردين توصلين الي شي .. اتباوع لسيارتها واللي كاعد بيها رفضتك لانك غريب لاني ما اعرف طباعك اللي يمكن غيرتها الدولة الاجنبية ... وتوجسي طلع بمحلة انت الغربة خلتك ما تعرف الاصول ....والله لو ما اخاف الله لا اختك تطلك واتروح بذنبك جان كلت لأخوتي ينفوك على هاي عملتك .. تحجي بهدوء وصوتها ناصي بس كلامها قوي ويجرح ... وخرت من يمي ..فقدت اعصابي ولزمتها من معصمها اجت عينها تطلع من مكانها صكيت على اسنوني يا مرة اني عاشگج ......بس هاي هي يا بت الناس ولا يهمج .....اعتبريني عدم رحت من يمها ابسرعة لسيارتي واخذتها شحط .... يتبع آرائكم | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
العرض العادي
