09-10-18, 10:45 PM
| #1 | |||||||
 
|  حبيبتي الصغيرة * مكتملة * بسم الله الرحمن الرحيم السلام عليكم ورحمة الله وبركاته ليكو متل العادة قاعد عم يشتغل ورا هل مكتب بس شو بدكون بلحكي لابقلو اسامة: افففففف ميت مرة قلتلو لايلعب بوراقي تركون ما برد ماااشي انا علي : السلام عليكون (لك هروب اسامة معصب ) اسامة : وعليكم السلام ورحمة الله وبركاته ولله انك ابن حلال هلى كنت بسيرتك. علي : { بسم الله الرحمن الرحيم ارجع احسن لي } ههه طيب سلام~_~ ( اي اي صدقني احسن ) اسامة : وقف محلك احسن لك , كم مرة قلتلك ما تلعب بوراقي ؟! علي :{ ولي عرف } اي ..ا..انا ما لعبت بالورق (لك يا علي لا تكذب) اسامة : طيب مين البني ادام او الجني يلي نقط زيت على الورق ؟ لا وياريت حيلا ورق او زيت ... زيت سردين والمخطط يلي لزم سلمو بكرة صفن اسامة دقيقة وقال : انت لزم تنضف البيت لشهر كامل { انا بورجيك كيف بحسن خرب كلشي نضفتو } علي: طيب امري لالله هي بسببك رح اتاخر بالتسليم ورح اجل روحتي عند عمتي يا دب الجائع ( حلوة هي الدب الجائع ) علي : .... عندي فكرة رح ساعدك تخلصو وازا سلمتو ورحت على عمتك بالموعد المتفقين عليه انا ما بنضف شو رايك ؟! اسامة : طيب وازا ما خلصت بصيرو شهرين علي : موافق يلا نبلش ! وبلشو الشباب شغل. طيب رح عرفكون على الشباب. اسامة شب اسمر البشرة عمرو 23 سنة طويل عيونو بني شعرو بني وعندو عمازات عاطين ضحكتو جمال كبير هو عايش بفرنسا هو واهلو بس مع هيك هو عايش مع علي ببيت واحد لا لاتفكرو انو متقاتل مع اهلو بلعكس بس هو عاش مع علي فترة طويلة منشان هيك ما تركو واهلو عايشين بنفس المدينة معو اما علي فكل الموصفات يلي حكيتها عن اسامة موجودة في يعني فولة وانقصمت نصين مع انو هنن التنين مو اخوة بس سبحان الخالق وهنن التنين مهندسين. اما هلى رح اخدكون على غير مدينة بفرنسا ***************************** سمعانين صوتها كيف بتضل تصرخ ولي سمعتني ... ماسة:اتوتة سكتي ! (ولي سمعتني ... ) انا : طيب ماشي سكتت كملي .! ماسة : ماماااا علوشتي حبابة قوليلي ايمتا رح يجي ( ماسة بتقول لامها عليا مزح بس) عليا (ام ماسة): لك انتي شو دخلك ايمتا ما بدو بيجي . ماسة :نعم...؟! كيف يعني شو دخلني انتي بتعرفي انو انا وهو رفقات وكمان بدي اعمل سمبوسك . ماسة بصوت واطي : منشان علمك كيف تتحداني استاذ اسامة . عليا : لك رجعتي تحكي مع حالك متل المجنونة احكي بصوت عالي منشان اسمع يلا ! ماسة : اه .. لا ولا شي يامي انتي بتعرفي ابن اخوكي يادوب يفضة يحك راسو وبالشهر مرة بروح عند اهلو منشان هيك حرام خلينا نعمل سمبوسك >_< انا : لا خالتي عم تكذب هي ... ماسة :هههههه يا مسكينة يا اتوتة ماحدا بيحسن يسمعك غير كملي كملي حكي عادي انا : بلا حتى اسامة وعلي لا تنسي هل شي اوك هه... ماسة : يعني بدك تحكيلو ؟! انا :لا عليا : انتي ملبوسة يعني بتضلي عم تحكي مع حالك الله يعين الي بدو يعلق انا رايحة لعند زينا باي. ماسة : يعني مارح تقوليلي ؟ عليا : لا باي . ماسة : اصلا عادي معي رقمو بحسن دق ~_~ ماسة عم تحكي مع حالها :{اي وشو بدي قلو بلكي طلع مشغول ..} اتوتة ! انا :والحلو حلو ش... خير ؟ ماسة:حبابة مو انتي رفيقتي قوليلي هو مشغول شي؟ انا : ما دخلني . ماسة : ماااشي انا رح دق . لعرفكون عليها على السريع هي ماسة بنت عمة اسامة عمرها 15 سنة عيونها بني وشعرها بني بشرتها بيضة وعندا غمازة بخدها اليسار مانها طويلة ومانها قصيرة طولها متوسط طيوبة وحنونة كتير وبتعز اسامة كتييير بالنسبة الها هو قدوة . ***************************** رن موبايل اسامة هو وعم يشتغل وبتسم اكيد عرفتو مين ... اي صح هي بس شوهل ابتسامة خيو ؟! اسامة : اتوتة هوووس انا :... اسامة : الو .. ماسة : الو ورحمة الله وبركاتو كيفك سمسوم ؟ ( ولله سمسوم !!) اسامة: هلا وغلا تمام الحمدلله وانتي ميسو ؟ ( شو هاد خيو ميسو وسمسوم شو القصة ؟!) ماسة واسامة : اتوتة سكتي انا : اففف ماسة: الحمدلله بخير سؤال انت بكرة ايمتا بتصل ؟! اسامة : ليش ؟ ماسة : اه ... لا بس سؤال . اسامة : ايوا اي خلص خليها مفجاه ماسة بصوت عالي : نعمممم ؟! شلون يعني مفجاة؟! اسامة مصدوم ومو فهمان شي : لك شبك تحولتي فجاة خلص الساعة 4:30 منيح هيك ؟! ماسة انتبهت لحلها وقالت : اسفة بس لانو بكرة عندي لوقت طويل مدرسة قلت شوف انت ايمتا رح تجي اسفة اسامة : لا ماصار شي ميسو لا تعتذري ... اي ايمتا رح تجي بكرة من المدرسة ؟ ماسة بفرحة بصوتها : بكرة رح اخد اذن واجي على ال12 اسامة : اوف.... علي قاطع الحكي منشان يتزانخ وقال :اي لكن بتتروك الشغل كلو علي وبتحكي بالموبايل وضحكتك واصلة لادنك >_< اسامة عصب منو وقال بصوت رعب ماسة كمان : لك ... انت.. انا بورجيك ستنا. ماسة بصوت مرتبك وخايف بنفس الوقت:اسفة ا.. اخرتك عن شغلك باي بشوفك بكرة وسكرت الخط قبل ما يرد . ولي اسامة معصب كتيير . انا:اسامة اهدا شبك ماصار شي عادي هو كان عم يمزح . اسامة : عم يمزح مو انا بورجيك... علي هرب وتخبا بالحمام وصار يضحك واسامة عم يدق الباب ويهددو علي : شو خيو ههههه زعلت لانوحبيبة القلب سكرة ههههههه ! ( لك يا علي لا تستغزو ) اسامة : حبيبة القلب مو لك هي بنت عمتي يا دب انا بورجيك بس تطلع ماااشي علي بصوت جدي شوي : اي اكيد هي ماسة ما ؟! بعدين ما بتعرف الغنية شو بتقول قلبي وبعرفو لو بكزب كاشفو وانت بتعرف انك متل قلبي فورا بكشفك هههههههههه وعلى فكرة ماني طالع . اسامة بارترتباك خفيف : شو .. شو بدك تكشف هي بنت عمتي وبس اسامة منشان يغير الحكي قال : اي وخليك نام مع الجن والشياطين ولا تنسا الضو كبستو برا رح اطفي... لسا ماكمل جملتو الا وعلي طلع بسرعة وهون بالش اسامة يضحك عليه. وعلي منشان يزعجو ضل طول الوقت يغني ... قلبي وبعرفو لو بكزب كاشفو ما بيقلب مزاجو هيك لو ماعجبو الشيفو قاعد ومركاز و كانو صدري مئزز عادي عليكي يتنئواز حركاتك بترجفو قلبي وبعرفو لو بكزب كاشفو ما بيقلب مزاجو هيك لو ماعجبو الشيفو قاعد ومركاز و كانو صدري مئزز عادي عليكي يتنئواز حركاتك بترجفو لا خلاص هي خبرتك من اولا لا خلاص مش عم بستوعب هل حلا لا خلاص هي خبرتك من اولا لا خلاص مش عم بستوعب هل حلا عيونك بدا صير ما ارمش على الوحدة غير والتم الاحمر الصغير عم يقلي قطيفو عيونك بدا صير ما ارمش على الوحدة غير والتم الاحمر الصغير عم يقلي قطيفو قلبي وبعرفو ........ ........ ........ ........ ........ الحلو حلو شو عبالي اسالو القمر الي بالسما كان على الارض شو منزلو عقلي مش معي عم احكي من دون وعي لا بقا تدلعي غنجك ما عد احملو الحلو حلو شو عبالي اسالو القمر الي بالسما كان على الارض شو منزلو عقلي مش معي عم احكي من دون وعي لا بقا تدلعي غنجك ما عد احملو لا خلاص هي خبرتك من اولا لا خلاص مش عم بستوعب هل حلا لا خلاص هي خبرتك من اولا لا خلاص مش عم بستوعب هل حلا عيونك بدا صير ما ارمش على الوحدة غير والتم الاحمر الصغير عم يقلي قطيفو عيونك بدا صير ما ارمش على الوحدة غير والتم الاحمر الصغير عم يقلي قطيفو قلبي وبعرفو ... اسامة اول ما علي شغل الغنية وبلش يغني حاول يسكتو بس بعدين... اسامة عم يحكي مع حالو . { هه علي المجنون ... ليش مجنون ليش هي في احلا منها او من ضحكتها ... اسامة لا تجن انت ما بتزبط مع هي البنت هي اصغر منك بكتير يعني انسا ..! كيف بدي انسا ...لالالا اسامة لزم تنسا البنت معتبرتك متل اخوها ما بصير كلو من هل غبي ( اسفة على الكلمة ) لا مو منو انت من قبل وقت بتحكي معها بتنبسط وكمان انت ... لا خلص سكوت انا رح روح نام خليك انت عم تحكي مع حالك } لعما ماسة خلت اسامة يجن قال خليك عم تحكي مع حالك قال .! ***************************** انا : وااااو ماسة انتي فايقة الساعة ستة لسا عجيب هل شي !xd ماسة : لا تخافي مو فايقة منشانك بدي روح شوي ابكر منشان احسن اخد اذن . انا : اي وهن رح يعطوكي ما لانو الشغلة لعبة ما ؟! ماسة : لا انا عندي بس اول حصتين مهمين منشان هيك رح اكتب ورقة انو لزم روح جيب اخي الصغير من الحضانة لانو ماما مريضة وبابا بالشغل وبخلي ماما توقع . انا : ماشاء الله شو زكية امك رح توافق ما ؟! ماسة : ولله محدا غيرك الزكي هي مارح تعرف هل شي رح قلها انو هي الورقة منشان احسن روح لحالي تالت حصة على البيت وهي رح تصدق لانو هن دايما بيعطونا هيك ورق . انا : ولة كم مرة عملتي هل حركات احكي يلا !! ماسة:ولا مرةانتي بتعرفي اني بحب المدرسة بس اليوم جاية اسامة وكمان ولله ماعندي شي مهم عندي اول حصة فرنسي والتانية رياضيات وبعدا رسم وبعدا شغل بالفخار وبعدين برجع على البيت الساعة 5 يادوب اكول لقمة وروح على درس الانكليزي بخلص الساعة 8 وهيك ما بلحق شوف اسامة ولا احكي معو. انا : اوووف كل هاد الحمدلله ياربي اني خلصة دراسة اووف . ماسة : شفتي بينما اني اجي الساعة 12 وهو يجي 4:30 بشوفو وباكول وبروح يعني هيك احسن . انا : طيب بس اليوم ها او بحكي لاسامة .! ماسة : يسس يا احلا رفيقة >_< انا : شو رح تلبسي اليوم ؟! ماسة : ها... بسم الله الرحمن الرحيم رعبتيني مام ! عليا : مع مين عم تحكي ؟! ماسة بنرفزة : مع جني ... مع مين بدي احكي يعني مع حالي والموبايل ليكو على التخت شوفي .! عليا:يافتح ياعليم .. انتي بدك تجننيني يعني ؟! لك مابصير تحكي مع حالك بتنجني اكتر مو انتي مجنونة ! ماسة : طيب شو رايك احكي مع الخزانة او دورلي على شي جني احكي معو منشان ما جن ؟! عليا : لا اله الا الله لك ... انا ليش عم احكي عند هل صبح انا جيت فيقك بس يلا لبسي وروحي ! ماسة تزكرت الورقة : علوشتي اليوم عندي فراغ وقعيلي !! عليا : هاتي خلصيني ليش ما قلتي لابوكي قبل ما يروح بتعرفي ما بفهم فرنسي ؟ انا : ههههههههه يلا ردي يا شاطرة ماسة :... ما انا فقت منشان هل شي بكير بس بابا طلع قبل ما قلو. انا : يخرب بيتك !!!! عليا : اي اي ضلي تحججي يلا انا رايحة ودي اخوكي على الروضة لا تتاخري بالطلعة ! ماسة : ماشي علوشتي وباستها . انا:يخرب بيتك كيف لاقيتي الكزبة فورا ماسة : عادي كنت متوقعة هل سؤال منها المهم رح البس البنطلون الاخضر والتيشرت الابيض والخلخال تبعي اكيد ورح افلت شعري حلو هيك ؟ انا : قمر يا روحي يلا انا رايح! ماسة : لا امشي معي بدي عرفك على رفقاتي. لبست ماسة وطلعنا ونحنا على الطريق هي كانت عم تسمع اغاني فسالتها : ميسو . ماسة:لا تقولي هل اسم ما بحبو انا : بلا اسامة دايما بقلك ميسو ليش مابتقوليلو انك ما بتحبي هل اسم ؟! ماسة : افففف انتي شو كان بدك تقولي ؟ انا : شو عم تسمعي؟ ماسة :قلبي وبعرفو انا : ... خههههههه ماسة : شبك ؟ انا : لا ولا شي ليكنا وصلنا ما ؟ ماسة : اي هلئ بيجي القطار ... هه هي رفيقتي ايفون ! ( هن هلئ رح يحكو فرنسي انا رح ترجم فورا اوك ؟) ايفون وماسة حضنو بعضون بعدا قالت ايفون : اووووي طالعة كتيير حلوة اليوم شوفي احكي؟! ماسة: يعني قبل كنت بشعة؟ ايفون : لا ميس انتي دايما حلوة بس اليوم طالعة احلا شوفي ؟ ماسة : اجا القطاربحكيلك جوة خلينا نفوت هلى . ايفون : تعي هون نقعد يلا احكي شوفي .! ماسة: مافي شي صحي اليوم رح روح بكير لا تزعجي جودي ها هي ما بتحب وقت تتساقلي عليها ! ايفون : ليش رايحة بكير ؟ ماسة : جاية اسامة ولازم روح حضر الاكل و... لك صحي نسيت قلها ما تطبخ رح دق عليها ايفون : اووو عرفت في شي معنها واخيرا رح نشوف الشخص المعتبرتي قدوتك وما بتخلي حدا يحكي عنو . ماسة : اي ... الو علوشة عليا : شو في خير شو نسيتي ؟! ماسة : ولا شي بس لا تطبخي انتي اليوم انا رح اجي اعمل سمبوسك ويفضل تروحي لعند زينا عليا : ولة انا امك عيب عليكي هيك تحكي معي ... وبلناقص طبخي حدا ماسكك بس ازا حرقتي الاكل او خربتي شي رح بهدلك قدام اسامة فهمانة ماسة : اوك باي وسكرة الخط ايفون : شو قالت؟ ماسة :قالت اي بس ازا خربت شي رح تبهدلني قدام اسامة! ايفون : اووو ... بدك اجي ساعدك ؟ ماسة : لا شكرا انا رح اهتم بكلشي وبس خلص بصورو وببعتلك الصورة ايفون : وبدي صحن هههه ماسة: اوك وصلو البنات وماسة سلمة على الباقي سنا جودي لورا ورد دينا يوليا سوفي ونور كلهون رفقاتها لورا وجودي وسنا معها بنفس الصف يعني صف 10 ورد ودينا ونور صف11 وهن كمان مع بعض اما ايفون ويوليا وسوفي كمان صف 11 بس بغير صف . هلئ اكيد انتو مستغربين بس عادي لانو ماسة شخصيتها بتخلي الكل يصيرو رفقاتها ماعدا الناس الخبيثة وهن تعرفو على بعض بالكورس تبعي الغة يلي عملتو المدرسة منشان الناس يلي من غير بالد . لورا : شو ماسة شوفي ؟ ماسة مستغربة : شوفي ؟ لورا : ليش مبسوطة ؟ ماسة بفرح : اليوم جاية اسامة منشان هيك رح روح بكير . جودي بمزح: نعم ؟! بكير وبدون ماتاخدي ازني ؟! ماسة : تضربي ازا اخدت ازنك بتضلي بازن وحدة . جودي بجدية : ولو وازا بدو يجي ليش لتنقلعي انتي بكير ها ؟! ماسة : واحد محدا غيرك بينقلع تنين لانو بدي اعمل سمبوسك وخسرو الشرط تلاتة سنا ولورا هون وتركتلك كل انساة المدرسة جودي : تضربي مين بدو يكملي القصة ها ؟ ماسة : ولله عرفت انو مصلحا, انسة الرسم والفخار بكملوها . جودي . لا هلئ رح تقعدي جنبي وتحكيلي . ماسة : لا منشان الانسة ما تعصب بعدين ما بتخليني روح بس وعد رح احكيلك بكرة اوك ؟! جودي : اففف اوك . ماسة : سناااا .. سنا : اي ليش عم تصرخي ليكني جنبك شوفي ؟! ماسة : تعي سمعي معي ! ماسة غمزة سنا منشان تجي وتسالها شبها : شوفي شوصار عملك شي هل مجنون او هي حكة معك شي ؟ سنا عيونا تعبو دموع وقالت : هل حقير اجا يجاكرني هو ويها وعطوني دعوة على خطبتون . ( اسفة على مسطلح حقير ) ماسة بعصبية : هيك لكن وانتي فرجيتي دموعك ما ؟ سنا : ما حسنت امسوك حالي .... وكملت بكي ماسة : وحيات عيونك مارح خلي يتهنا روحي انتي والبنات فوتو على الصف هلى الانسة بتعصب عليكون انا معي ورقة . سنا وهي عم تبكي : لا حبابة ماتعملي شي ولله بيحكي لاخي . ماسة : لاتخافي واحد هو ما بيعرفني تنين اخوكي مارح يصدقو وبعدين بتعرفي ليش . ماسة غمزت سنا ومسحتلها دموعها والبنات راحو بس كلون عم يسالو سنا وين راحت ماسة. ***************************** انا : صباحو شباب ! اسامة وعلي : صباحو شو وين كنتي ؟ انا : هون بالرواية عم اتفتل من شخصية لشخصية . اسامة : خير صاير شي ؟! انا : { هه قول في شي موصاير } لا سمسوم مو صاير شي ايمتا رح تطلع ؟ اسامة : لا تقولي سمسوم ماني ولد صغير , هلئ بس تصير 8 طالع . انا : بلا خيو ., ماسة دايما بتقلك سمسوم . علي : هديك ماسة لا انا ولا انتي بس ماسة خههههه اسامة : سكتو انتو التنين ! علي وانا : ههههههههههه ***************************** ماسة راحت لعند الشب هو شب عندو سوبر ماركت صغيراسمو حاتم وهو شب كتير حلو من النوع يلي بيستخدمو جمالون منشان يضحكو على البنات وهو كزب على سنا انو بحبها وبعد ما هي حبتو تركها وراح لعند غيرة ودايما بحاول يبكيها ويجرحها بس هل مرة الظاهر هو يلي رح ينجرح ... ماسة : السلام عليكوم. وغمزتو وبمانو هي حلوة شدت انتبهو شوي حاتم : وعليكوم السلام تفضل يا قمر . ماسة بالطف كبييير : انا جديدة بهي المنطقة وضيعت الطريق على المدرسة اسمها مدرسة .... بتعرف وينها شي ؟ حاتم : انا الي بعرف وازا مابعرفها لزم اعرفها منشان القمر شو رايك وصلك لهنيك ؟ وغمزها . ماسة عصبت بس ضلت ماسكة اعصابها وقالت: هاد من لطفك شكرا. وابتسمت . هو انبسط وبلش يحكيلها كلام حلو انو بدو رقمها وهيك فهو وعم يحكي ماسة عم تسجل كلشي فيديو وهو مو منتبه ومنشان يكون في اسبات قوي انو هل فيديو جديد سالتو : بلا اليوم شقد بالشهر ؟ حاتم : اليوم 15\7\2018 ماسة ابتسمت هون والتفتت عليه وقالت : سمعت انك رح تخطب ! حاتم اتطلع فيها وضل ساكت . اما ماسة كملت حكي : بس مو واحد متلك بيحسن يخلي رفيقتي تبكي ياحقير وما ياخود جزائو . وفجاة ماسة صاحت : هااا . ونطت بالهوا وضربتو بنص صدرو وبعدها على وجهو ,وهو ما عم يحسن يعمل شي لانها كتير سريعة وبعد كمية كبيرة من الضرب كتبت على ورقة : واحد خاين مابيسستاهل اي بنت تحبو ولزقتها عليه وصورتو وهو بهل منظر وقالت : ابقا سلملي على خطيبتك اي حتوم باااي . وتركتو وراحت بسرعة على المدرسة فاتت على الصف وعتزرت من الانسة انو تاخرت وطبعا حطت اخوها حجة : اسفة اني تاخر بس رحت وصلت اخي على الحضانة ماما مريضة وبابا بالشغل منشان هيك انا الي رحت وهي ورقة اني تاخرت ( طبعا جهزتها وهي بالطريق ) وهي التانية منشان ارجع بكير الانسة اتطلعت فيها وقالت : همم طيب الساعة 11:30 بتطلعي من المدرسة . ماسة شكرت الانسة وراحت قعدت جنب سنا وقالتلها : جبتلك حقك هلى بس نطلع بتشوفيه . وخلصت الحصة وماسة اخدت سنا وطلعو ركد وهي فرطانة ضحك سنا : لك شوعملتي احكي .؟! ماسة : خدي تفرجي هون على الفيديو وبعدو في صورة شوفيها ! وراحت ركد وصارت تصيح : محمد .. محمد .. لك وقف في شي مهم بدي احكي منشان اختك تعا. طبعا ماسة ومحمد عندون مشاكل وما بيحكو مع بعض ابدا بس لما سمع سيرت اختو وقف وراح لعندا وقال : خير شو بدك ؟! ماسة وهي عم تحاول تكون "اليفة" : في شي مهم لزم تعرفو ممكن تجي شوي لبعيد منشان الشباب مايسمعو ؟! محمد اتطلع ورا وراح معها وهي بلشت تحكي ... لا تخافو مارح تحكي الحقيقة منشان ما يحكي لامو وابو وسنا تنضرب هي حكت غير شي : سماع هاد حاتم بكرة خطبتو وخطيبتو بتكره سنا اكيد بتعرفها راما ! محمد : اي بعرفها بس هاد شو دخلو باختي ؟ ماسة : رح قلك هي بتكرها وبتقول انو اختك عم تحكي عليها منشان هيك انا وجاية اليوم هي كانت عم تقول لحاتم انو يجي لعندك ويقلك انو اختك كانت عم تحكي معو ومع كتير شباب وهيك منشان هديك راما ترضا يعني بدو يفضح اختك مع انو هي ما حكت معو وممكن يجيب اسبات عادي انا بحسن اعمل حساب متل حساب سنا وقول انو هي سنا منشان هيك خود هي الصورة هددو فيها وكمان قول للشباب هل شي ازا بدك منشان مايصدقو بس وانا هلئ رايحة باي محمد اتطلع بالصورة وقال : من وين جبتي هي الصورة ؟! ماسة هي وعم تمشي : انا عملت هيك لما سمعتو عم يحكي ! محمد صفن بالصورة شوي وقال : معقول ؟! بعد كل يلي عملتو فيها تدافع هي عن اختي ؟! سنا: يخرب بيتك كيف عملتي هيك ؟!!! ماسة : بدال ما تقوليلي شكرا , واصلا عادي ليش عم اتدرب بودو (تيكوتندو) انا لكن؟ سنا وعيونها ملانة دموع : شكرا يا احلا رفيقة بلعالم ماسة : ... وجع فتي بالدور زيادة عن الزوم وبعدين ليش اسمي رفيقتك ؟! وضمتها جودي ولورا اجو لعندون معصبين : شو خيو ليش تركتونا ورحتو ركد ؟ سنا مسحت دموعها بسرعة بس جودي انتبهت وسالتها ؟ سنا كنتي عم تبكي ؟؟ شوفي شو صاير احكي ؟! ماسة ادخلت فورا وقالت : اي... ههههههه هي الهبلة قال امبارح محمد جاب على البيت جرو صغير وامها ماوافقت منشان هي ! لورا وجودي : جد منشان هيك ؟ سنا : اي كان كتير حلو وماما ماخلتو يفوت . طبعا اكيد انتو مفكرين ماسة من النوع يلي بكزب وما بقول الحقيقة ابدا , بس بصراحة هي اكتر انسانة صادقة مابتحب يلي بيكزبو ابدا ولما هي بتكزب بتكزب منشان تحمي شخص بتعزو كتير مو اكتر او منشان تحمي حدا من مشكلة كبيرة بس . خلصت ماسة ورجعت على البيت معها كتير غراض شترتون منشان السمبوسك وبالشت شغل ***************************** بغير مكان هو كان قاعد مع رفقاتو بايدو الموبايل عم يتطلع على الصورة يلي بعتتلو يها ماسة مصدوم ضميرو عم يانبو عقلو طار ما عم يستوعب شي كيف كيف عملت هيك لا ومنشان مين منشان اختو . هو كان عم يفكر بكل هدول بس قاطع تفكيرو بسام وقت سحب الموبايل منو وقال : شو خيو شو عم يصير معك من وقت ما حكت معك هديك وانت شارد شو قالتلك لتكون عترفتلك ! وصار يتمسخر عليها لانو هو اكتر شخص بيكرها . محمد عصب ومسك بسام من قميصو وقلو : ازا بتفتح تمك من اليوم ورايح بحرف عنها مو بس انت لا كلكون حسابكون رح يكون معي كبير فهمانين ؟ بسام مستغرب: اووف شو هل الرجولية كلها ومن ايمتا انت بتهتام فيها شو صاير احكي ولا تخاف مارح نحكي عنها ازا هل شي بيزعجك وانت بتعرف هل شي ! محمد : لاول مره بحس حالي واحد غبي واحد حقير كيف انا كنت عاملها وكيف هي عاملتني اليوم ؟ بسام مستغرب : لك احكي شوفي ؟ محمد : بتعرف انو هي اليوم ضربت حاتم منشاني ومنشان اختي او بالاحرا هي ... هي ... بسام : هي شو ؟! محمد: فيك تقول سترت على اختي ! الكل اتطلع عليه متفجاين انو شو يلي عم يحكي هاد بس هو ماهتم وقال : اليوم خطيبت حاتم كانت عم تقلو انو يجي لعندي ويقول انو اختي عم تحكي مع شباب وانو هي بنت مو منيحة وبعدين يجي لعندكون ويحكي بهل قصة ويفضح اختي وكل هاد لانو خطيبتو بتكره اختي . الكل مركز على حكيو وقال بسام : اي وماسة شو دخلها ؟ محمد : ماسة وقت سمعت هيك ضربتو ... شوفو شو عملت فيه ! ( محمد فرجة الصورة للكل ) بسام : مستحيل ! محمد : طيب هلئ بخليكون تسمعو . محمد طلب من اختو رقم ماسة وهي عطتو ياه لانو ماسة قالتلها : وقت اخوكي رح يطلب رقمي عطيه ياه لانو اكيد بكون خبر الشباب ومو مصدقين وانا بتصرف اوك ؟ اتصل عليها وهي عم تطبخ ماسة كانت متوقعة الاتصال بس عملت حالها مو عرفانة مين : الو ؟! محمد : ماسة ؟! ماسة وهي وعم تشتغل : ايوا مين ؟ محمد : انا محمد... ماسة انتي كيف عملتي هيك ؟ ماسة : ليك انا هلئ مو فاضية رح ابعتلك فيديو تشوفو وبتمنى تحذفو بعدين لانو حاتم مابيعرف مين انا اوك ؟ محمد: اكيد وعد رح احذفو! بعتت ماسة الفيديو لمحمد وبهل وقت دق اسامة : الو اسامة : هلو ميسو كيفك ؟ ماسة : هلا تمام وانت ؟ اسامة: عال العال احمدو واشكرو .. بدي اسالك ليش انتي طوال الوقت بتنزلي صور قطط عندك ؟ لانو انا واتوتة عم نتقاتل هي بتقول لانو مافي شي حلو تنشري وانا عم قلها لانك بتحبيهون . انا : انا هيك قلت ؟ اصلا ايمتا انا كنت ... اسامة اتطلع فيني وغمزني منشان اسكوت وانا لاني زكية فهمت فروا شفتو (: ماسة : اسامة هلئ مو وقتك انت واتوتة عمدي شغل باي . اسامة : وقفي لا تسكري جاوبي بسرعة ! ماسة : افففف ... لاني بحبون وبزكروني بقطي القديم فارس . اسامة : اوك باي . ماسة : باي ***************************** نرجع لعند الشباب بسام : اوووف كيف عملت هيك ؟ محمد : ما بعرف حتى انا هي اول مرة بشوف الفيديو . بسام اتطلع على الكل بلكي في حدا عندو رد بالكي حدا بيعرف كيف بس الكل مصدوم من يلي شافو . في واحد منون ابتسم وقال : جد الحجر الما بيعجبك بفجك ***************************** انا : اسامة ... اسامة ... لك اسامة رح يمشي الباص ليش جبتنا لهون اسامة : ههه هاد حلو ... لاتخافي مارح يمشي وبعدين خلص خلصت امشي يلا . انا : بلا وهاد يلي بايدك وين اخدو ؟ اسامة اتطلع على يلي بايدو وقال : حلو ما ؟! انا : اي حلو وكيوت بس شوبد... لا تقلي بدك تاخدلها ياه معك ؟!! اسامة : اي انتي شو دخلك هي رح تنبسط كتير لما تشوفو وبعدين هاد القط نسخة عن القط يلي كان عندها وقت كنا ببلادنا . انا : همممم ... جد ؟! اسامة : اي جد . انا : اي طيب امشي انا رح احكيلون كيف شكلو ... لك صحي لاتنسا تاخدلو البيت وغراضو . اسامة : اي اخدتون امشي ندفع حقو ! انا : همممم .. قولتك شو رح تسمي ؟ اسامة : اكيد فارس . انا : ليش متاكد ؟ اسامة : لانو القط هيك كان اسمو يلا بقا حاج اسالة امشي ! انا : هممم اوك طيب رح قلكون كيف شكل القط هو ابيض ادانو لونون اسود وديلو كمان عيونو خضر ورجليه من تحت بس لونون اسود بصرحة كتيير كيوت ***************************** الساعة 4:30 الكل كان عم يستنا اسامة وماسة عم تزبط طاولة الاكل طبعا خالة عليا لازم تجي وتعطيها ت"توجيهات" : شو هل منظر طولة الكل مو هيك بتتزبط و... ماسة بصوت عالي : باااابااا ... باااابااا ... ابوها (عمر ): شبكي شوفي ؟! واجا يشوفها شبها . ماسة : عمور هي عليا اجت هلئ تقلي شو اعمل وشو ما اعمل والصبح كانت عم تهددني ازا خربت شي بدها تبهدلني قدام اسامة ولما ما لقت شي خربان صارت تقلي انو هيك منظر الطاولة مو منيح بالله عليك شوف فيها شي الطاولة ؟! عمر اتطلع على عليا وقال : شبها الطاولة كتير انيقة ... ولا لاتكوني غرتي انو ماسة عملت الاكل طيب وانتي بالعادة بيخرب معك السمبوسك؟ عليا : اصلا هي زبط معها السمبوسك لانو مافي حدا بالبيت غيرها يعني مافي ولد يعبي الدنيا مي ومافي زلمة يضل يقول جوعان . ماسة ضحكت وقالت : اي هاه انتي قلتيها بعدين انا من مين تعلمت اعملو مو منك .. هن كانو عم يحكو واندق الباب ماسة طارت فورا على الباب بدها تفتحو فابوها قلها عيب هي تفتح هي لزم توقف جنب امها لابين ما يفوت هو بعدا بتسلم عليه طبعا ماسة وافقت لانو هو معو حق وقفت جنب امها وابوها فتح : اهلا وسهلا ... منيح تزكرتنا وابتسم وسلم عليه اسامة : ولله انتو دايما بالبال بس ولله عندي كتير شغل ما عم افضة اعمل شي ماسة نكشت امها وقالتلها : شو هدول رح يضلو عم يعتبو بعضون على الباب ؟ عليا راحت سلمت على اسامة : اهلاااا سامو الغالي ليش واقف برا تفضل فوت . دخلو كلون ونطو اخوات ماسة وائل وعماد سلمو عليه وطبعا هي واقف بالغرفة عم تستنا دورها . اسامة ضل واقف بالصالون وقال : عمو وينها ماسة جبتلها شغلة! ماسة اول ما سمعت اسما طلعت سلمت : هلا ولله ليش واقفين هون فوتو يلا على المطبخ قبل مايبرود الاكل يلا ! اسامة : هلا فيكي انتي تعي شوفي شو جبتلك ! ماسة : ياعني فرجيني شو جبت يلا اسامة فرجاها القط لا ماسة وهي طارت من الفرحة : ياااااي... بووووا... هاد .. هاد بيشبه فارس كتيير ياااخ ماما شوفي عماد وائل شوفو واااااخ... من كتر فرحتها عيونها تعبو دموع الكل ستغرب من ردت فعلها انو لهل درجة . اسامة قلها بالمزح : ازا بتبكي برجعو من محل ما جبتو ... صحي شو بدك تسمي ؟ ماسة بفرحة كبيرة : اسامة ! اسامة : شو ... هههه بدك تسمي اسامة او بدك مني شي ؟ ماسة : لا رح سمي اسامة ! اسامة ضحك من كل قلبو لانو ردت فعلها كانها بنت صغيرة جابولها لعبة بتحبها : ياستي ماشي سمي اسامة بس سالي بالكي ما عجبو ! ماسة صدقت من كل عقلها وصارت تسال القط اما ابوها اتطلع فيها بعدين باسامة وقال : لاحولا ولا قوة الا بالله .. يعني يا ابني نحنى وقت كان في عندها عقل ماكنا مستحملين جنانة و انت رحت جبت هل قط اي شوف ماضل في ولا نتفة طار عقلها على الخالص الكل صار يضحك وفاتو على المطبخ منشان يكلو وماسة لحقتون ومشت جنب اسامة وقالت : شكرا على القط ... اي صح هلئ بس تاكول جهز حالك للعقاب منشان تعرف كيف تتحداني. وغمزتو . اسامة ضحك وصار بدو يتغالظ عليها وقال : اووف ليش معزبة حالك كل هل قد عمتي ولله مافي داعي . عليا : مو انا يلي عملت الاكل ماسة عملتو ومجبورين ناكول من تم ساكت منشان ما تقعد تبكي ههههه وصار الكل يضحك وهو كان عم يطلع على ملامح وجها كيف صارت ويضحك وطبعا هيك حديث لزم يدخلو في الاخوة التنين عماد يلي عمرو 14 و وائل يلي عمرو 13 عماد هو وعم ياكول : كان لزم تكتري ملح وبقدونس . وائل : اي ولو مكترة سمبوسك جبنة كان اطيب عمر : انو التنين سكتو اصلا انتو ما بيعجبكون العجب ولا صيام برجب اسامة عم يحاول يعصبها اكتر : جد مستحيل تكون هي عملتهون لحالها اكيد عمتي ساعدتها . ماسة عصبت وقالت : الحق مو عليكون الحق علي انا , واصلا يا استاز اسامة لو عمتك مساعدتني كنت شفت وحدة محروقة ووحدة فاضية وكمان ما حدا جابركون تاكلو هاتو لشوف رح اخدو للبنات احسن . وشالت الاكل حطتو بالبراد وراحت على الصالون شغلت التلفزيون هون الكل صار يضحك اما اسامة استأذن من عمر منشان يروح يصالحها وراح لعندا شافها مشغلة التلفزيون على مسلسل وماسكة الموبايل وحاطة سمعات عم تسمع اغاني اسامة كان بدو يضحك بس بيعرف انو ازا هلئ هو ضحك في احتمال كبير تضربو بالموبايل لذالك ضل ماسك ضحكتو وقلها : ماسة اسف ولله كنت عم امزح معك . ماسة ماردت ضلت ساكتة وماسكة الموبايل هو فكر انو ما عم تسمعو منشان هيك شال السمعات من ادنيها وقال : ماسة.. ميسو.. ماسو.. بطوطة.. هلو.. اسف خلص ولله كنت عم امزح . ماسة ما كان بدها تحكي معو منشان هيك حكت مع القط : تعا سمسومي حبيبي امشي ناكول . اسامة عم يحاول يلطف الجو : يعني انا هلئ بحسن اكول ولا رح تخليني جوعان ؟ ماسة : تعا بسبسبس برافو يلا امشي ناكول احسن مانضل هون مع ناس ما بقدرو تعبنا يلا سمسوم . اسامة ضحك وقال : هلئ انا ما بقدر تعبك ؟ ماسة : في حدا حكى معك انت ؟! اه صح نسيت كل واحد بيعرف حالو . اسامة : طيب ماشي انتي روحي طعمي القط وتركيني انا جوعان اصلا عادي يعني ... انا هلئ بقلها لعمتي بتطعميني ماسة ضحكت بصوت عالي على طريقت حكيو كانو ولد صغير امو منعتو يعمل شي شغلة وهو عم يحاول يقنعها بهل طريقة الطفولية ماسة : هههههههههههههههه اخ بطني ههههههههه ولي رح موت شو هاد ههههههههههه كانك ولد صغير ههههههههه ... اسامة: عم تحكي معي ولا مع القط؟ ماسة : لا ههههه معك تعا تعا ههههه وراحو اكلو كلون وشالت صحن لايفون لانو ازا راحت بكرة على المدرسة بدون الاكل ايفون بتعتبرها سمبوسك وبتكلها وبعدين لبست بدها تروح على الدرس اسامة قال انو بدو يروح معها لانو بدو يشتري كم شغلة ويتفرج على المدينة واكل وافق بس ماسة قالت :انا رح فوت على الحصة وانت رح تستنا برا لحالك خليك اليوم هون بكرة باخدك معي على المدرسة وبعدا على حصة الغيتار ! اسامة: مامشكلة بروح معك بكرة كمان بس انا بدي اتطلع هلئ كمان . عمر : خدي الانسة مارح تحكي شي ازا راح عادي . ماسة : اوك تمام امشي . اسامة : يلا تعي وطلعو التنين اسامة كل شوي بيتطلع عليها وهي دايما عم تكون شاردة فسالها : شبك ميسو بشو شاردة ؟ ماسة حكتلو فورا شو عملت اليوم لانو هي ما بتخبي عنو شي وهي بتحكيلو كل اسرارها . اسامة : همممم هيك لكن وكيف ضربتي ؟! يعني يلي بقصدو انتي تضربي؟ ما عم تزبط معي ما بعرف ليش! ماسة : افففف ... شوف ! ماسة فرجت المقطع لاسامة وهو انصدم كيف عملت هيك بس هو شافها انو هي مدايقة فقال : اي منيح هيك محمد ما بعود بدايقك ورفيقتك بترتاح شوي ! ماسة : يعني انا ما عملت شي غلط ما ؟ اسامة : العالم بتسال قبل ما تعمل الشغلة مو بعدها , ولا تخافي ما عملتي شي غلط ! بس قوليلي كيف بدك تفضحي ؟! ماسة: تروك هل شغلة علي انا بعرف شو اعمل . اسامة سمعان صوت الاغاني من سمعات ماسة فسالها شو عم تسمع . ماسة : عم اسمع اغاني كورية وعربية ! اسامة : لساتك عم تسمعي غنية لانني غبي ؟ ماسة : اي كتير حلوة وكمان انا بحب هيك نوع من الاغاني حلو, يلا هون بدنا ننزل رح نكمل مشي هلئ ! اسامة : طيب ! بعد مانزلو اسامة قلها لاماسة منشان هي تغني بس هي ما عم تقبل ! وهن عم يمشو شافو واحد قاعد عم يعزف على الغيتار فاسامة قال : ميسو بتحداكي تروحي تعزفي على الغيتار وتغني مع الزلمة هداك ازا عملتي هيك انا رح كون تحت امرك يوم كامل يعني 24 ساعة ,موافقة؟ ماسة :وازا ما عملت ؟ اسامة : هممم رح تكومي انتي تحت امري 24 ! ماسة بصوت واطي : لعما شو نجس ! سامة : سمعتك ! ماسة: اوك موافقة بس شوبدي غني؟ اسامة: يلي بدك بس مو اقل من اربعة ! ماسة: اففف ... طيب. ماسة راحت استاذنت من الزلمة وهو وافق وبلشت تغني اول غنية غنتها كانت كورية اسما قلبي سيئ من مسلسل ايام الزهور وما مر غير دقيقتين والعالم كلها التمت صوتها كان بجنن وكانت عم تعزف كمان الكل كان عم يسمعها ومستمتع اول ما خلصت الكل صار يصفق وبعدا غنت شو بحبك لما بتحكي وبعدين غنت مازلت اراك بهي الغنية في عالم بكيو لانها حزينة مع انهون مو فهمانين بس حنيت الصوت خلتهون يحسو وبعدين غنت خانك حبيبك ترة ماسة بتحب هل غنية كتير مع انها ما حبت حدا بس بتشوف مزيج الصوت بين محمد السالم ونصرت البدر كتير حلو , وطبعا الكل كان عم يصور وصفقو وفي عالم صارو يحكو معها وبهيك بتكون ماسة فازت ! ماسة : ولي تاخرنا يلا ! وهيك بكون خلص الجزء الاول والجزء التاني رح نزلو بكرة وبتمنى تكون عجبتكون روابط الفصول الفصل الأول... اعلاه الفصل الثاني... بالأسفل الفصل الثالث ... بالأسفل الرابع ... بالأسفل الفصل الخامس والاخير التعديل الأخير تم بواسطة كاردينيا الغوازي ; 15-02-19 الساعة 12:34 PM | |||||||
|  |
|
10-10-18, 12:19 AM
| #2 | |||||||||||
| مشرفة منتدى عبير واحلام والروايات الرومانسيةومنتدى سلاسل روايات مصرية للجيب وكاتبة في قسم قصص من وحي الأعضاء 
|   مرحبا بكِ عزيزتىمكان القصة غير مناسب سوف أنقله لقسم قصص من وحى الأعضاء وأتمنى تجدى هناك كل اهتمام ومتابعة | |||||||||||
|
| |
|
10-10-18, 01:07 AM
| #3 | ||||
| اشراف القسم 
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا73, rola2065 ، رغيدا ، ebti ) ارجو منك وضع ترقيم المشاركة في الاعلى من اجل التنسيق والترتيب... اشراف وحي الاعضاء | ||||
|
| |
|
10-10-18, 07:18 PM
| #5 | |||||||
|  حبيبتي الصغيرة 2 بسم الله الرحمن الرحيم السلام عليكم ورحمة الله وبركاته كيفكون ؟ انشالله يكون عجبكون الجزء الاول من الرواية بتمنى تعطوني رايكون ^_< الفصل الثاني انا : هههههههه منشان تعرفي تردي عليه هل مجنو.... اسامة : احم احم ماسة : اتوتة سكتي . انا : اننن >_< ماسة : افففففف وصلنا ! واتطلعت على الساعة يلي بايدها ! اسامة : هههههههههههه اخ ياربي ههههههه ... ماسة اتطلعت عليه وقالت : ههه ليش عم تضحك؟ اصلا كلو منك ,منيح لسا في خمس دقايق وتجي الانسة كان هلئ عاقبتني وخلتني اشرب الشاي هداك يلي بطعمت عسل اووووو كتير حلو انا بكره الحلو اووه استغفرك ياربي ! اسامة : اتزكرت وقت كنت اتاخر على المدرسة هههه وخلي رفقاتي يلهو الاستاز وادخل وبعدين بيلقطني الاستاز وباكول بهدلة ههههههههه .... انا : وااات ؟! انت ؟ بدك تقنعني انو انت كنت من هاد النوع ! اسامة : اي ليش مستغربة ؟ يعني انا كنت ولد لسا وطايش متل كل هل الولاد. انا :اووك ؟! ... بس دقيقة يعني انت كنت تهرب وتتاخر وكلشي ك اي ولد ؟ اسامة : اي شبكي مصدومة وكانو انا كائن فضائي ؟ انا : بصراحة يعني ... انت... همم كيف بدي قولها ؟... قلك شي لاتحكي لاي حدا هل شي لانو صدمة ! اسامة : هههههههههه شو انا عم قلك قتلت حدا شبكي حسستي كاني عامل شي ... شو بعرفني انتي مجنونة ! ماسة : انا رح قلك ليش مصدومة لانو انت كتير جدي بهيك شغلات والواحد مابيصدق انو انت كنت كنت ولد طبيعي متل كل هل الولد ,{وهل صرت مجنون واهبل } ماسة قالت هل شي بصوت واطي . اسامة اتطلع عليها وكتف ايديه قدام صدرو : ليش انا هل شو انسة ماسة مختل عقليا ؟ ماسة بصوت واطي : {هيك شي }....لالا ولو يعني انك صرت راكز اكتر وجدي بس ^-^ اسامة : اي لكن صدقتك ! ماسة : اجت الانسة خلص ! فاتو كلون على الصف وماسة وقفت مع الانسة منشان تحكيلها على اسامة وطبعا عم يحكو فرنسي : هلو انا اليوم جبت مع ابن خالي لانو هو كان محتاج يشتري كم شغلة منهون وهو من غير مدينة مابيعرف يرجع لحالو على البيت بتمنى تسمحيلو يفوت يحضر الحصة اليوم معنا ! الانسة : هممم يعني هو من غير مدينة واجة لعندكون زيارة منشان يشتري كم غرض منشان هيك رح يحضر الحصة ؟ انا : ليش هي عم تعيد الحكي ؟ ماسة : هي هيك منشان تتلئمن >_< الانسة : صح او لا ماسة ؟ ماسة : صح انسة . الانسة : طيب مامشكلة بس لزم تشربي كاستين شاي عسل وكتري سكر اوك ؟! ^_^ ماسة : بس ... انا ما عملت شي ليش لاشرب ؟ الانسة : ازا بدك ياه يحضر الحصة بتشربي يلا على السريع قرري رح تبلش الحصة بعد 10 9 8 7 6 ماسة : اوك رح اشرب ! الانسة :طيب روحي عبي بسرعة ماسة : حاضر . انا : لك هي شو مفكرة حالها ليش كل هل شوفت الحال هي انا بورجي... ماسة : سكتي ولا حرف ممنوع تقولي لااسامة انا بس تخلص الحصة بعرف شو اعمل . انا : اففف متكبرة ... اوك بس ازا ما عملتي شي انا رح اعمل ! ماسة : انتي بتعرفي انا ما بسكوت عن حقي لذالك سكري على السيرة هلئ . بلشت الحصة وماسة واسامة قعدو جنب بعض اسامة ما بيعرف شو صاير بس هو شايف كيف تعابير وجها ومو قادر يخفي ضحكتو وماسة كانت عم تحاول تشربو بدون ما تنزعج من الطعمة بس هي ما عم تحسن لانو هي بكل بساطة بتكره الحلو وطبعا استاز اسامة وكل يلي بالحصة ما حسنو يمسكو ضحكتون : هههههههههههههه اووه ماسة شو عم يصير معك كل هلقد بتكرهي الحلو ...ههههههه اسامة : ههههههه اسف بس ليش عم تشربي ازا ما بتحبي ولا هاد عقاب هههههههه شو عملتي للانسة ؟! ماسة : مو عقاب هاد هي ... انا حابة اليوم اشرب ! اسامة : انتي ... الانسة قاطعة الحكي وقالت لماسة : صارو تلاتة ! ماسة ما تماسكت حالها وكبت الشاي فوق الانسة وراحت صاحت المدير وهي عم تعيط ومعصبة كتييير المدير : شوفي شو صاير ليش كل هل صياح ؟ اتطلع على الانسة وقال : لك شو صاير مين عمل فيكي هيك؟ ماسة : انا هيك عملت عندك مشكلة ؟ المدير : انتي كيف بتعملي هيك ؟ ماسة :متل ما هي بتعمل فيني وبكل الاجانب يلي هون ... اانا مو عبدة عندها لحتى تخليني اشرب شاي العسل وتكتر فوقو سكر كل هاد يا لاني حكيت او لاني زبطت قعدتي كل حصة هيك ولوتشي كمان بتخليه يكتب ميت مرة على الوح انو هو حمار ( اسفة على المسطلح ) وايرا كمان بتخليها تمسح المكياج تلت مرات وترد تحطو وووو شو بدي احكي لاحكي ! المدير : صحي هل حكي يا انسة ؟ الانسة ضلت ساكتة وفي وحدة من البنات القاعدات صارت تبكي فسال المدير : هي ليش عم تبكي ؟ ماسة: لانو الانسة المحترم اخدت ساعت امها المتوفية وما عم ترضة ترجعها ! المدير سال الكل : صح يلي عم تقولو هي البنت ؟ ( هو قال هيك لانو ما بيعرف ماسة ) الكل قال اي فماسة سالتو : ممنوع نحنا نجيب حدا معنا على المركز ؟ المدير : لا مو ممنوع بس ليش هل سؤال هلئ ؟ ماسة : لانو انا اليوم جبت قرايبي معي ومنشان هي تخليه يدخل يحضر معنا الحصة خلتني اشرب كاستين شاي من هل شاي هاد ... وانا متاكدة انت مستغرب انو ليش هل شاي بالتحديد ومنشان هيك تفضل دوقو رجا ! المدير داق الشاي وماحسن يبلعو من كتر مو تقيل وحلو , اتطلع على الانسة وقلها :انتي اكيد مجنونة هدول الاساليب مابتتعملي فيهون مع الاطفال لك حتى مع الكبار ما بصير ممنوع . واتطلع على الكل وقال :في حدا بدو يشتكي ازا حدا منكون شتكى بتفوت على مشفى الامراض العقلية. الكل رفض والمدير سمح للكل يرجعو على بيوتون . انا : يخرب بيتك شو صاير معك اليوم مو متحملة حدا وكيف عملتي فيها هيك وما خفتي ؟ اسامة عم يتطلع عليها انو كيف عملت هيك ومعقول منشانو شربت هل شاي هاد . انا : لتكوني انتي هيك كنتي مخططة تعملي ؟ ماسة : لك شو هل جنان هاد انا اصلا كنت بدي بس ارجع قول لبابا مو اعمل هيك ... بعدين انا مجنونة فورا بعصب وما بحسن امسك حالي لعما على هل جنان هاد افففففف ولو . انا : ولله انتي المجنونة ليش زعلانة هلئ يعني ؟ ماسة : لانو هي مانها من جيلي لحتى اعمل معها هيك مهما كان, كان لزم احترمها شوي قدام الطلاب يعني .... افففف ولو ... وانتبهت كيف اسامة عم يتطلع عليها وقالت: اففف حباب لاتضل تطلع انت وساكت سا احكي شي يالاتطلع عم تحسسني بالزنب اكتر !: اسامة : ليش انتي ما عملتي شي ,صح كان لزم تتعملي باحترام شوي بس انتي كنتي كتير معصبة والمعصب ما بيحسن يصيطر على عصبيتو غير لما يكون معصب على شخص بحبو او بعزو الخ الخ... ماسة : انا هلئ رح قول لعمر كلشي احسن ... وصلو على البيت وماسة فاتت فورا على ابوها وبالشت تحكي معو ابوها مافهم ولا كلمة منشان هيك قلها : اكيد جبتي مصيبة بمانو عم تحكي بسرعة فوتي شربي مية وتعي احكي يلا ! ماسة : مابدي مية سماع انا شو عملت وليش ! وبلشت تحكي و ابوها عم يسمعها منيح وكل شوي بيتطلع على اسامة , واسامة بكون بدو يضحك بس بيسكوت فورا ويعد ماخلصت قالت : وهيك عملت فيها ولا فوق كل هاد بزعل عليها بالله عليك يا بابا هاد مو جنان يعني انا هيك عملت ليش لازعل بالله نو لاني هبلة الهبلة ؟ عمر : اخ يا راسي , لك بنتي انتي بنت بنت بتعرفي شو يعني بنت الشباب هن يلي بيعملو عملتك انتي لزم تكوني لطيفة وعاقلة مو مجنونة وعصبية ! ماسة : يابابا انت بتعرف انو انا لطيفة بس مجنونة يعني , بس مع هيك ما بحسن يعني مابتحمل مابتزبط براسي شوف شخص عم يخبص ويفكر حالو شغلة علي وعلى البقية وهو شقفت جردون وما تحملتها يعني ! عليا : عمر لا تحاول , فالج لاتعالج وبعدين احكي هل حكي لحالك انت وقت حدا بيعمل شي بتعمل متل ماسة يعني ماسة طالعة متلك بالضبط مابتحب الغلط ولا الناس يلي بتضل تكزب والي اخره . عمر : شايف عمتك يا اسامة وبنت عمتك؟ بس يلا منيح عملتي هيك احسن ماتضلي تصرعيني كل يوم فيها , اي ومن اليوم ورايح لما تعصبي تمالكي حاللك شوي لانو انتي بنت فهمانة ؟ ماسة : بحاول ان شالله ! عمر :لنشوف! ماسة قالت انو هي تعبت كتير بدها تروح تنام وقبل ماتروح : اسامة جهز حالك لبكرة اوك يا خسرااان >_< اسامة : اي بجهز ليش لا >_< وراحت على غرفتها ! عمر :شوفي بكرة وليش خسران ؟ اسامة : تحديتها تحدي ازا هي بتفوز انا بعمل كلشي بدها ياه 24 ساعة وازا انا فزت العكس بس للاسف خسرت وهي عم تقول انو بكرا رح تفرجيني مدرستها وبعدين تاخدني على حصة الغيتار وهيك .... ماسة عم تحكي من غرفتها : اسامة ... سمسوم تعا لك سمسوم اسامة : شبها هي؟ عليا : روح شوفها بكون بدها شي هل هبلة ! اسامة راح دق الباب وماسة فتحت وعملت حالها مستغربة : خير شوفي ؟ اسامة : انتي شوفي انتي كنتي عم تندهي علي ! ماسة : انا ؟ ايمتا ؟ انا كنت عم احكي مع سمسومي ! اسامة : ايوه ا كنتي عم تحكي مع القط ؟ ماسة : اي ^_^ اسامة : اي ماشي ابقي بعتيلي رسالة لما بدك تحكي معي منشان اعرف انو انا المقصود مو القط ! ماسة ا: اي تكرم اسامة التفت بدو يمشي فا ماسة صارت تحكي: اسامة تعا خود هي اسامة ... سمسوم ! اسامة التفت عليها وقلها : مع مين عم تحكي معي ولا معو ؟ ماسة: عم احكي معو انت فيك تروح! { رح تخليني جن هل بنت الحق علي انا } وهي بكون خلصت هاد الجزء اسفة كان قصير بس لانو وعدتكون انو نزلو اليوم منشان هيك انشالله الجزء الجاية رح نزلو ب 12\10\2018 بتمنى تعطوني ارائكون وازا في شي مكتوب غلط سامحوني باااي بحبكون كتيير اتوتة التعديل الأخير تم بواسطة um soso ; 11-10-18 الساعة 09:28 AM | |||||||
|
| |
|
13-10-18, 01:56 AM
| #6 | |||||||
| حبيبتي الصغيرة 3 السلام عليكوم حبايبي كيفكون انشالله يكون عجبكون الفصل الاول والثاني الفصل الثالث انا : اسامة انت الحق عليك هلئ شوف شو رح تعمل فيك ! اسامة : اكتر من هيك لسا شوبدها تعمل ؟ عليا وعمر عم يشوفو اسامة عم يحكي مع حالو او بالاحرة معي بس هن ما بيسمعوني ولا بشوفوني منشان هيك فكرو عم يحكي مع حالو . عليا : عمر ... شوف ... انا بصراحة صرت خاف على ابن اخي بنتك بتجنن الي ما بجن ... لك شوف كيف خلتو يحكي مع حالو ! عمر : ولله طب الجرة على تمة بتطلع البنت لامها xd عليا : اي لكن شفنا مين كان يقلي يئبرني جنانك انا ولا انت؟ عمر : شفتي هيك جنان حلو تركيهون . عليا : شو قصدك ؟... عمر : مابعرف مع الايام ببين ! عليا : ولله انت واثق من اسامة اكتر من ما انا واثقة منو . عمر : شب متل اسامة جدير بالثقة وبعدين ابو حكا معي ! عليا : شو قالك احكي عترف ! عمر : مادخلك !>_< اسامة اجى وهو عم يلعب بشعرو ويفكر فعليا سالتو : شوفي شو بدها هل هبلة ؟ اسامة : ولله ياعمتي الانسة ماسة كانت عم تحكي مع القط ! عمر : ههههه اسف بس قلتلك ماضل عندها عقل طار ! عليا : لك بلعكس على الاقل هلئ بتطمن انها مو ملبوسة بالعادة بتحكي مع حالها ولله ! اسامة : هلئ هي مجنونة اي يعني بتدلع بهي الطريقة ولما تعصب كمان بتحكي بس مو لهل درجة ! عليا : لا ولله متل ما عم قلكون ومسمية اسم للشخص يلي عم تحكي معو احيانا بخاف منها وبروح بقرا قران! عمر : لا عليا مو لهل درجة ! اسامة : اسم ؟! عليا : اي بتضل بتقول اتوتة وكانها عم تحكي عنجد مع حدا ! اسامة :ههههههههههههه اووف ياعمتي قال ملبوسة قال لك هي ... انا: اسامة سكوت مالزم تعرف مين انا هوووس ! عليا : هي مين ؟ اسامة: هاد .... برنامج ... اي برنامج على الموبايل ك صديق الكتروني يعني بتعطي الموبايل اسم وبتحكي معو وهيك انا : يخربيتك طلعت اكزب من ماسة >_< اسامة بصوت واطي مع ابتسامة مستطنعة : انا بورجيكي^_^ انا : باي رايح انا^_< والكل صار يحكو مع اسامة و يسالو كيف شغلو وكيفون اهلو ومن هل شغلات ***************************** محمود : صرعتني لك انا اخوك مو متحملك كيف متحملك اسامة ما بعرف عنجد الله يعينو عليك ~"~ علي : اننننن اصلا اسامة احسن منك وازا مو عاجبك فيك تروح ... اصلا انت ليش هون ولا غاب القط العب يا فار >_< محمود : مين الفار ولاا ؟ علي : انت ليش في غيرك ؟ محمود: اي كول هوا انا ماني هون لاني ميت لاقعد معك اسامة طلب مني اجي نام عندك ! علي : بلا ؟! واسامة ليش لحتى يطلب هل شي ؟ محمود بمونتها الاستفزاز : يمكن خايف على غراض البيت >_< علي : يا صبر ايوب ... انا رح دق على اسامة هو بيصرفك ! انا : هلووووو! علي : اهلين منيح انك جيتي اسامة شو عم يعمل ؟ انا : ولا شي قاعد شو محمود عندك ههههههههه محمود : ولااا عم تحكي مع حالك >_< علي : تضربي اصلا مو اسقل منو الا انتي >_< .... اي مع حالي عندك مشكلة انا : بلا ... هلئ انا سقيلة هيك صار باي >_< علي : تعي هبلة عم امزح شبك ؟ هاد اخو لعلي على قد ما بحبو بعض على قد ما بيستفزو بعض وبمقلبو بعض هو اكبر من علي بسنة بس وعايش مع رفيقو التاني بالبيت يلي فوق بيت اسامة وعلي وطبعا ما حدا منون بيسترجي يطلع برا الباب قبل ما بتاكد انو ما في شي مقلب او اي شي محطوط ***************************** اسامة : الو ... علي : انت رحت لعند حبيبة القلب الصغيرة وجبتلي هل بلوه قلو يروح على بيتو يلا بسرعة اسامة ضحك وقلو : لك شبك شو صاير ...لتكونو عملتو مقالب بالبيت ولله بدبحكون انتو التنين ! علي : تضرب منك للبيت لمحمود قلو يروح على بيتو منشان الله احسن ما احرقلك البيت اسامة : لك خلص هات قلو ... محمود فرطان ضحك : الو اسامة : وجع انا قلتلك تروح تسلي مو تجلطو محمود : لا تخاف رح دير بالي عليه منيح ورح طعمي وشربو علي : ااااخ يا راسي اسامة : خلص بقا حاج جلطو روح على بيتك وممنوع تروح لعندو غير ازا هو قلك ... رجا محمود لا تدايقو محمود : ولااا انا الكبير ولا انت خلص سكوت المهم خلص رايح بس على شرط ! اسامة : شو ! محمود : بتجبلي كفر للموبايل لانو رد انكسر هداك اسامة : تكرم احط هلئ علي : اي ... انت ليش قلتلو يجي ها ؟! اسامة : قلت منشان يسليك ^_^ علي: مالقيت غيرو هاد اجا جلطني مو سلاني اسامة : يلا معلش وهلئ احط ! علي : وين ولا لتكون الانسة الصغيرة ماسة قاعدة اسامة : الله ياخدك .. هلئ شوف ازا ما بدق لمحمود يجي يفلجك عيب علي ستنا بس علي : لا منشان الله خلص اصلا مين ماسة مابعرفها انا ^_^ اسامة : اي وبلا ماتعرفها ... يلا احط ! علي : تمام بررا اسامة : ديربالك على حالك . وسكرو التنين علي راح فورا على المطبخ بدو ياكول الدب الجائع متل ما بسميه اسامة تاني نهار الصبح الساعة 6:30 الكل فاق عماد ووائل راحو على مدارسهن عمر راح على الشغل وعليا الساعة 8 رح تروح على درس الخياطة واسامة فاق ولبس وجهز حالو وعم يستنا الانسة الصفيرة لتفيق عليا : صباح الخير سامو ^_^ اسامة : صباحو عمتي . عليا : ليش فايق بكير ؟ اسامة : رح روح مع ميسو شو نسيتي ؟ عليا : لا ما نسيت بس الانسة مابتفيق للساعة 7 اسامة : ليش هي ايمتا بتطلع من البيت؟ عليا : هههههه الساعة 7:20 اسامة : وبتلحق ؟ هي قالت انو مدرستا الساعة 8 وانو هي بدها 20 دقيقة لتصل . عليا : ولله مابعرف يا ابني بدك تسال هل مجنونة اسامة : طيب عمتي مابتحسني انتي تفيقيها ؟ عليا : ولي لا دخيلك بينعل قلبي وانا عم فيقها وما بتفيق غير الساعة سبعة بالضبط يعني بعزب حالي على الفاضي . اسامة: هههههه انا بفيقها هلئ شوفي ! اسامة راح جاب موبايلو ووقف قدام باب غرفتها شغل اغاني فرنسية ووصلهون بمكبر الصوت وصار يدقلها ويدق على باب غرفتها . المسكين مابيعرف انو ايا حدا بيشغل اغاني فرنسية عند الصبح وبخلي ماسة تسمعهون بموت لانو هي مابتطيق الاغاني الفرنسية ابدا اي في كم غنية بس بكونو عرب يلي مغنينها . عليا اجت وطفتها فورا وقالتلو : ليك ابني ازا بدك ترجع على بيتك وشغلك واهلك سالم لاتسمع ماسة اغاني فرنسية ولا بتتحول لوحش فتاك وبتنتفك وبتنتفني . اسامة : ايوا حلو هل حكي صار معي سلاح ضد الانسة ماسة طيب شو نشغل ؟ عليا : ايا شي يكون عربي . اسامة ابتسم لانو عرف شو رح يشغللها بس بعدين قال لحالو : لا هي بتحب هل غني بلا خليني شغل غيرها . (المشكلة يا اسامة انت مابتعرف انو ماسة ماعندها اي مشكلة مع اي غني عربية وانو هي الغنية يلي عم تفكر فيها انت هلئ وبدك تشغلها رح تخليها مبسوطة وتكمل نوم .) وطبعا الاخ شغل اغاني محمد رمضان وبعدين شعراتا ولو وهيك لبين ماصارت الساعة 7:10 وماسة فتحت الباب مبسوطة ومروقة وقالتلو : الله شو هل روقان عند هل صبح يعني هاد احلا صباح بالنسبة الي اول مرة بفيق على صوت الاغاني مو صوت اخواتي يعني جد شكرا >_^ اسامة مصدوم من ردت فعلها ومن حكيها وعم يتطلع على وجها ليعرف ازا هي عم تحكي عنجد او عم تتمسخر بس ماشاف غير الجدية :ماسة ... انتي من ايمتا فايقة وكمان ليش مافتحتي من الاول ؟ ماسة وهي عم تحضر اكل المدرسة : الساعة 7 فقت على صوت الاغاني لبسة وزبطت حالي وشعري وطلعت . اسامة : وماسمعتي صوت الاغاني قبل وبعدين كيف خلصتي بهل سرعة؟ (طبعا الاستاز اسامة لهلئ مو منتبه هي شو لابسة لانو لو انتبه كان خلها تغير .) ماسة : لا لانو انا بنام حاطة سماعة ومشغلة اغاني بس بعدين سمعت الاغاني لانو وقع الموبايل , وكيف خلصت بهل سرعة تعودت منشان هيك^_< اسامة هي وعم تحكي انتبه شو لبسة فصار يلعب بشعرو بارتباك وقالها : انو ... احممم ... يعني بدك تطلعي هيك ؟ ماسة : اي ليش لا موحلو ؟ اسامة : امبلا بس انو ... يعني مو كانو كتير ديق الفيزون ! ماسة فهمت شو قصدو وتطلعت على الساعة وشافت انو بتلحق تغير وفاتت على غرفتها تغير . اسامة ابتسم انو فهمت عليه وهو مبتسم قال :{ الله لايوفقني يارتني ماحكيت} . بصوت واطي لانو الانسة ماسة طلعت لابسة فستان نص كم وطويل بس مفتوح من الركبة للكاحل على جنب اليمين وعلى جنب اليسار ولونو اسود ويلي لفت انتباه اسامة اكتر الخلخال يلي لابستو كان خلخال الماسي وكتير حلو وناعم من النوع الفخم وهي انتبهت انو اسامة هلئ انجن وبدو يخليها تغيرو , ومنشان ما تعطي فرصة يحكي شي اخدت الشنتة وقالت: يلاماضل معنا وقت وطلعت بسرعة وهو لحقها وعلى الطريق ماسة شافت شب واقف وركدت لعندو بسرعة اسامة ستغرب ليش راحت . ماسة : صباحو سامر اسفة تاخرت عليك وعزبتك بنفس الوقت ^_^ اسامة عم يسمع مستغرب انو شوفي ؟ سامر :ولو كم ماسة عنا نحنا تفضلي خيتو هاد الغيتار انبسطي . ماسة حضنت الفيتار بقوة وقالت : شكرا انا مابعرف كيف نسيتو كان عندي كتير شغل وعم جهز للفحص منشان هيك منيح انك اخدتو ولله كنت جنيت لو ضاع . سامر : ايوا خلص معنها وقت يكون بدي مصاري رح اخطف الغيتار ودفعك الفدية . ماسة ضحكت وقالت : اصحك تفكر بدبحك >_< التنين ضحكو وبعدها ماسة استاذنة وكملت طريقها وقالت لاسامة : الاسبوع الماضي كان عندي حصة موسيقة بمدرستو ونسيت هنيك الغتار وهو اخدو وجبلي ياه . اسامة : ايوا وانا عم قول شبها عم تركد لعند الشب ... بصرحة عصبت شوي . ماسة: اي بعرف انك عصبت منشان هيك حكيت بتفصيل شوي ^_^ اسامة : هههه مجنونة ... اي ليكي هديك البنت ! ماسة : وين ؟ اي هي ايفون هه اجا القطار كمان يلا ايفون : هلوووووو ميس ^_^ ماسة : هلوو خدي هاي حصتك! ايفون : شكراا ... ميس مين هاد >_^ ماسة اشرت على اسامة وقالت : هاد اسامة ابن خالي ^_^ ايفون : اووووووووو واخيييرا شفت السيد اسامة قبل ماموت >_< اسامة : ههههههههه واخيرا ما >_^ ماسة صارت تحكي مع حالها : {اخ ياربي ساعدني رجا اخفي صوتها خدها اي شي المهم تضل ساكتة بترجاك!:} ايفون : اي لك طول النهار بتحكيلنا بتقلنا اسامة قلي واسامة عملي واسامة واسامة عملتك شخصية خارقة حاريقة لدرجة انو نحنا فكرناك شخص من مخيلتها ~،~ اسامة اتطلع على ماسة وبعدين على ايفون : اي كملي كملي شوبتحكي كمان . ماسة : يارب خدني لعندك يارب خلي القطار يقلب يارب ايا شي المهم اطلع من هل موقف هاد . اسامة : قلتي شي ؟ ماسة حطت ايدها على قلبها وابتسمت ابتسامة مسطنعة وقالت : هون مطرح بلقلب هيك كنت عم قول ’,’ ايفون : بتضل بتقول جد مستحيل يكون في شب متلو لك اخلاق ودين وتربية ومحترم وحلو ولطيف وزكي وشغيل ويااااي . اسامة هز براسو وقال : هممم كملي لشوف كملي ! ماسة : يارب يكون كابوس ياااارب ! ايفون : وبتقول انو انت قدوتها وانو وانت كتير بتساعدها وكمان طول الوقت بتنشر صورك ووقت بتعمل شي مصيبة و حدا بيسالها كيف حكيتها بتقول اسامة يعني بصراحة نحنا كلنا كل البنات صار بدهون يتعرفو على هل شخص يلي بتحكي عنو ماسة وهلئ اكيد رح يفرحو انو انت هون . ماسة حكت معهون بردت فعل : اي وليش ليفرحو شو انا اخدتو لعندون نحنا رايحين على المدرسة على صفي على مقعدي يعني مارح يشوف غير جودي ولورا وسنا ... لك صحي سنا سنا .. انا نسيت المسكينة سنا !!! اسامة: شبكي ميسو شو صارلك؟ ماسة اخدت موبايلها واتصلت بسرعة على سنا . سنا بصوت مرتجف : الو ماسة : كيفك ؟ سنا : مو منيحة وانجبرت اجي على المدرسة شو اعمل قوليلي شوبدي قول للبنات ازا شافوني لك ماسة انا عم ادمر بتعرفي ... بتعرفي شويعني حبيبك يكون لغيرك بتعرفي قديش بيوجع هل شي ؟ ماسة : سنا لا تفوتي على المدرسة ستنيني على المحطة انا دقيقتين وبصل ولاتخافي البنات انا بتصرف معون وكمان اليوم لزم يصير يلي انتي بدك ياه مو يلي هو بدو ياه صح ممكن مايكون الك بس مارح يكون لغيرك صدقيني . سنا : ماسة عم حس كاني عم موت بتعرفي هلئ هو شوبكون عم يعمل بكون عم يلبس ويجهز حالو منشان الخطبة ماسة انا ... انا رح جن مافيني بدونو ابدا انا يا بموت يابكون معو . ماسة : لا تجني ليكني وصلت انا بهاد القطار سنا اصحك تعملي شي يغضب ربنا اصحك . وان فتح الباب ونزلت ماسة ركد اول ماشافتها سنا صارت تبكي انهارت على الاخر ماسة ضمتها فورا وصارت تهديها بعد شغلت 10 دقايق هدت سنا وطلعو هنن التلاتة على الصف هن ماكانو متاخرين دخلو وماسة قالت لسنا : سنا بحيات اعز شي على قلبك حاولي تمسكي حالك وازا ما حسنتي رفعي ايدك وخدي ازن تروحي على الحمام وانا بالحقك اوك ؟ سنا : اي ماسة : اسامة انا رح احكي مع الانسة انت دخول قعود على المقعد الاول اوك ؟ اسامة هز براسو متفهم وماسة راحت على الانسة وقالتلها انو ابن خالها بدو يحضر معا اليوم وانو ازا سنا طلبت تروح على الحمام تسمحلها لانو عندها مشكلة وتسمحلها تلحقها , الانسة وافقت فورا لانو هي كتير لطيفة وقالت انو هي وقت بدها تروح بلا ماتسال خلي تطلع فورا وماسة قالت هل حكي لسنا وسنا هزت برسها اي, طبعا البنات لسا ما انتبهو على سنا انها مقهورة لانو اسامة كان اخد الاضواء . جودي: واخيرا شفتو للمعجزة اسامة. لورا :اي ولله وانا كمان بس جد طلع حليوة احلى بكتير من وصف ماسة ! جودي : اي جد .. سنا شوفي اسامة واخيرا شفنا سنا هزت راسها بدون اهتمام . طبعا في وحدة ماسة بتكرها كتييير وبتتمنى انو ماتشوفها طول عمرها بس للاسف كل يوم لزم تشوفها ويلي هي جني . جني هي اكتر شخص بتكرهو ماسة وهي بتكرها لماسة كمان . لانها حقودة وبوجهين ومن تشوف شخص"شب" حلو بصير بدها تعمل اي شي لتلفت انتباهو وهي فرنسية , وطبعا اسامة هو الفريسة بالنسبة الها اليوم . جني راحت لعند اسامة وحكت بكل دلع : هااي انت اكيد الاستاز يلي رح يساعدنا اليوم سح؟ اسامة بابتسامة بعد ماشاف انو ماسة عم تطلع عليهون وهي واقفة مع البنات قال : لا انا جاي هون شوف المدرسة وخترت صفكون . انا : اسامة ليش ماقلت انت مين ؟ اسامة اتطلع فيني ورد اتطلع على البنت وابتسم هل مجنون . جني : تيب تعا على مقعدي في محل . اسامة : معلش انا مرتاح هون المرة الجاي . جني : كيف يعني مرتاح هون ؟ وخصوصي جنب هي البنت ليك هي بتحكي كتير وكمان مو حلوة . اسامة لما شاف انو ماسة جاية قال : اي ليش لا بقعد جنبك ^_< ماسة عصبت ورجعت على سنا واخدتها تقعد معها . اما جودي ولورا فراحو فورا لعند ماسة وقالولها : ياااخ اختو هل حقيرة لو اني مكانك بموتها . ماسة اتطلعت على سنا كيف حالتها وقالت : لا معلش انا اصلا بدي سنا تقعد معي وكنت رح خلي يقعد جنب لورا . لورا : في فرق لما يكون جنبي ولما يكون جنب هي البنت ! ماسة بعصبية : خلص بقا اففف روحو على محلاتكون رح تبدا الحصة . وبدات الحصة سنا عم تحاول تتماسك وماسة عم تهديها وكمان تطلع على اسامة وجني فجأة سنا صارت تضحك بصوت عالي الصف كلو صار يتطلع عليها ماسة عيونها تعبو دموع والانسة فكرة انو ماسة حكت شي بضحك منشان هيك سنا عم تضحك بهل شكل المجنون هاد بس لما شافت انو ماسة رح تبكي هي وعم تحاول تسكت سنا فهمت انو هي ماحكت شي اما سنا صارت تضحك و تبكي بنفس الوقت ماسة صارت تحاول تهديها اكتر بس كمان ما تحملت حالت رفيقتها وصارت تبكي وبالزور اخدتها على الحمام وجودي ولورا لحقوهون . ماسة هي وعم تبكي : سنا منشان الله اهدي خلص هلئ بتنجني خلص ! سنا : اي وازا جن احسن والاحسن من هيك بكتييير اني موت . ماسة ماتحملت حالها وضربت سنا كف وقالتلها : اي موتي منشان شخص باعك موتي مفكرا هو هامو ان متي او لا ؟ سنا صار تستوعب شوي وقالت : ماسة منشان الله قوليلو انا كتير بحبو خلي يضل معي ولله بعمل كلشي بدو ياه وما بزعلو ابدا . ماسة : سمعي لقلك انا رح احكي معو مع اني متاكدة هو رح يرجعلك بدون ما احكي بس بالاول لزم اخرب هي الخطبة . سنا بكل ترجي : اي بوس ايدك خربيها خلي يرجعلي امانة ! البنات عم يسمعو فسالو ماسة شو القصة وماسة حكتلون وهيك صار السر معهون هن الاربعة وبعدها ماسة قالت : اجتني فكرة بس بدكون كلكون تساعدوني !وماسة حكت كلشي اتفقو انو اليوم الكل رح ينام عند سنا منشان يحسنو يزبطو الخطة وماسة طلعت برا الحمام وراحت لحالها على الصف الكل صار يسالها شوفي ماسة ماردت غير على النسة وقالتلها انو هي بدها اسامة شوي اسامة راح معها وطلبت منو يحكي مع ابوها منشان تنام اليوم عند رفيقتيها سنا واسامة اتصل فورا . اسامة : مرحبا عمو ! عمر : هلا ابني . اسامة : عمو ماسة و البنات اليوم بدون ينامو كلون عند رفيقتهون سنا لانو هي بدها تسافر بعد بكرة على بيت عمتها شهرين فبدهون يودعوها ممكن ماسة اليوم تنام عندها كمان ؟! عمر : مين سنا ؟ اسامو اتطلع على ماسة وقلها: مين سنا ابوكي عم يسال! هي اخدت الموبايل وقالت : عمور سنا اختو لمحمد هديك البنت الهبلة الطويلة ! عمر: ايوا طيب عطيني اسامة ! اسامة : اي عمو ؟ عمر: انت متاكد انو الكل؟ اسامة : عمو هن تلاتة جودي ولورا وماسة ! عمر : هممم طيب خليها بس خلي ترجع تاخود غراضها اليوم ! ماسة : عمور ممكن تدق على حصة الغيتار وتقلهون انو انا مارح روح اليوم ؟ عمر : طيب ماشي , غيرو انسة ماسة ؟ ماسة : سلامتك بااي ^_^ وسكر اسامة اتطلع عليها وقلها : شو عم تخططي ؟ ماسة اتطلعت في باهمال وقالت : مادخلك ! اسامة : اي عادي هلئ بدق لابوكي وبقلو انك كزابة ! ماسة بكل عصبية ونفاد صبر : لك شوبدي اعمل يعني مانك شايف حالت البنت يعني كيف بدنا نتركها بالكي عملت بحالها شي ها ؟ اسامة فهم ليش ردت الفعل هيك وحب انو يستدرجها بالكلام : اه بالله وانت شو دخلك انتي امها ولا ابوها ؟ ماسة : لك انت يلي شو دخلك ؟ روح رجع عند الانسة , تشؤ تشؤ قصدي المدام جني وخلصني!!! اسامة منشان يستفزها اكتر : اي ليش انا جاي معك او معها ؟ ماسة: ولله قول لحالك هل حكي انت اجيت معي بس مع هيك اول ماشفت وحدة تانية ركدت فورا لعندها ولااااا طول الوقت بتقلي انا مابحكي مع ولا وحدة من قرايباتي غيرك , اي اكيد مارح تحكي ما انت راكد واره الفرنسيات ومو فاضي ولو مو انا هبلة وحمارة لاني ببعتلك كنت اصلا ما حكيت معي انا الغبية الحق علي ! اسامة عم يتطلع على ملامح وجها كيف معصبة وهو مبتسم وقالها : اي ؟ ماسة : ليش عم تبتسم هلئ فهمني انا حكيت شي بضحك يعني؟ لك انت جد بتخلي الواحد يعصب ... لك انا الحق علي اني واقفة عم احكي معك ولفت بدها تمشي اسامة مسكها من ايدها وسحبها لعندو وقلها: انتي هبلة وحمارة اي بس مو لانك بتبعتيلي لا لانك هلئ عم تفكري بهي الطريقة , وانا مابحكي مع ولا بنت لا من قرايبيني ولا فرنسيات انا عملت هيك قصادا منشان عصبك وليكك عصبتي ولا شو رايك انسة ماسة ؟ ماسة بعدت عنو وقالت وهي خجلانة : ا...أ..صلا انا ما .. عصبت منشان هيك انا معصبة منشان سنا . وركدت فاتت على الحمام والبنات بلشو يتغالظو عليها جودي: شو خيتو شو هل حكي يلي سمعناه؟ لورا : ولله شكلك وقعانة يابنت >_^ ماسة : اي بقا خلص خلونا بقصة سنا اف! سنا : لا تركي قصتي انا صرت احسن بسبب الخطة وبسبب الكلام الحلو يلي سمعتو صار عندي امل >_< ماسة : لك تضربو كلكون افف وانتي يا ام الاحساس والموت التهي بموتك احسن ! سنا :لا بطلت بدي اعرف شو عم يصير وشورح يصير وهيك بكون خلصت الفصل الثالث بتمنى يعجبكون لاتنسو تعطوني رايكون وكمان بدي اسالكون شو بتتوقعو يعملو ماساة والبنات وان شالله الفصل الرابع رح ينزل بي 15/10/2018 | |||||||
|
| |
|
14-12-18, 11:43 AM
| #7 | ||||
| اشراف القسم
| تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء (rontii ، um soso ، كاردينيا73, rola2065, ebti ، رغيدا) تحياتنا اشراف وحي الاعضاء | ||||
|
| |
|
24-12-18, 02:04 PM
| #9 | |||||||
|  حبيبتي الصغيرة 4 السلام عليكون حبايبي كيفكون ان شالله تكون بخير على طول ^_< اسفة لاني طولت بس ولله صارت معي ظروف منعتني اكتب هل فترة اسفة من كل قلبي بحبكون الفصل الرابع ماسة : كيف يعني شو عم يصير ؟ سنا غمزتها : ولله يعني كانو يلي هون دق ^_< واشرت على قلبها لماسة. ماسة : شو هل جنان هاد اكيد رح يدق ازا ما دق بموت ! لورا : اي اي عملي حالك موفهمان عادي انا بشرحلك منشان تفهمي ^_^ جودي: لا انا هي قصدها انو انتي ياخانوم بتحبي للسيد اسامة ! ماسة : حبك برص الهي وجع , انا بعزو اي بس ما بحبو سنا : اي لكن باين كتيير كنتي قاعدة معي وعيونك عليه كيف قعد جنب الحية الشقرة هديك ( قصدها جني ) انا : ماسة كانو رفيقتك صارت منيحة . ماسة:شوبعرفني انا رح روح على الصف تسطفلو انتو خليكون هون>_< ولفت وطلعت اما البنات ضلو واقفين عم يتضحكو عليها ,(بس ياترة عنجد هي بتحبو ؟ وهو ليش عمل هيك معقول هل مجنون وقع ؟ لعما !!) ماسة رجعت على الصف والبنات كمان بس اول مارجعت شافت اسامة قاعد جنبها مكان ماكانت سنا قاعدة وغراض سنا على المقعد لورا . الانسة : انتي منيحة سنا ؟ سنا: اي منيحة ^_^ ماسة عم تحكي مع حالها : لك انا يلي مو منيحة موهي اخ ياراسي !)": الانسة : طيب انتي رجعي على محلك وانتي ماسة كمان يلا يا بنات بدنا نكمل الحصة . البنات راحو كل وحدة على محلة بس ماسة ماتحركت من مكانها وصارت تطلع على اسامة بزيق عينها وهو عامل حالو ملاك وبقلها : تعي يلا ! الانسة : حابة تكملي الحصة واقفة يعني ؟ ماسة : بكون احسن ^_^ الانسة : نعم ؟ ماسة : عم قول انو رايحة انا على مقعدي ^_^ الانسة : اي تفضلي ! ماسة راحت شوي شوي وقعدت وبعدت الكرسي تبعها عن الكرسي يلي قاعد عليه اسامة , اسامة بدو يضحك بس مع هيك عامل حالو الملاك الطيف اما الانسة سنا فرطانة ضحك عليها هي ولورا وجودي >_< انا : اسامة بست اسامة ! اسامة هو وعم يمسك ضحكتو : شو ...؟ انا : ليش هيك عملت ؟ اسامة : منشان عصبها ! انا : وانت شو عرفك انو هي رح تنزعج ازا انت حكيت مع هديك الحية قصدي البنت ! اسامة : لانو هي كانت طوال الوقت عم تطلع علينا لما هي اجت لعندي منشان هيك انا عرفت انها رح تعصب ^_^ انا : اي وانت شو حددت نوع التعصيبة ؟ اسامة التفت علي بدون ما حدة ينتبه وقال : شو قصدك ؟! انا : شو قصدي برايك ؟ ... انت فهمت علي ! اسامة : لك شو عم تخبصي انتي خلص سكتي. انا : يعني بربك انت سحبت البنت بطريقة يعني... بس العشاق يلي بوقفو هيك وقفة او العاشق بيحكي مع حبيبتو هيك ! اسامة : انا ما كان قصدي وهي بتعرف هل شي ! انا : معقول يلي قالو علي صح^_< اسامة: تضربي منك الو شو هل تخبيص هاد هي بنت عمتي وبس وهلئ سكتي ماتحكي ولا حرف لانك عم بتخبصي واصحك تحكي هل حكي لالها هي صغيرة ومنشان تفهمي انا اكبر منها بتسع سنين يعني حرام اخد بنت بهل عمر وكمان حتى لو انا بحبها هي بتعزني كاخ وبس ! انا : متاكد؟ اسامة : ليكي اتوتة انتي في شي بدك تحكي لذالك احكي بسرعة وخلصيني! انا : يلي بدي قولو انو حتى لو هي "مابتحبك " متل ما انت عم تقول فيك تخليها تحبك وبس باااي >_^ اسامة : تعي اتوتة ستني .... { اففف ولو } الحصة خلصت والكل طلع وماسة صارت تمشي شوي شوي وراه وسنا والبنات اتفقو يخلو اسامة يحب ماسة وماسة تحبو ...الله وكيلكون متل الشياطين بيوسوسو هل بنات >_< سنا : جودي ... هلئ !! جودي :هلئ؟ سنا : اي >_< جودي دفشت ماسة هي وعلى الدرج وماسة وقعت على ضهر اسامة كان رح يوقع لو مو ماسك السور تبعي الدرج واتطلع على ماسة وقلها : انتبهي هل مره مسكتك المرة الجاي ممكن تقعي وكل يلي هون يتضحكو عليكي وجني تشمت فيكي انك وقعتي ! انا : يخرب بيتك يا اسامة ! ماسة : ما حدا قلك تمسكني كلو من هل بقرات يلي واراي هن دفشوني انا بورجيهون ,وكمان ماحدا بيسترجي يتضحك علي ~_~ وكملت طريقها اسامة ضل عم يتطلع وقال لحالو : {الظاهر انو هل الصغيرة رح تجنني عنجد !} جودي : لك الله ياخدها هل هبلة ولا هو بدل مايحكي شي كلمة حلوة صار بدو يعصبها اهبل ~"~ لورا : مشتهية اضربو كتير مستفز كيف كانت تقول انو رائع مابعرف ! سنا كانت مركزة هي وعم تحكي :لا القصة مو متل ما نحنا مفكرين انا يمكن عرفت اي نوع من الشباب هو ! جودي ولورا : اي نوع ؟ طيب برائيكون معقول هي عصبت منو ؟ ما بظن يمكن لانو خجلت خلونا نعرف ^_< { اففففففف ولو شو هاد طيب انا شو اعمل هلئ احكي معو عادي كانو ماصار شي او رح يفكر اني بنت مو منيحة وكمان طريقت كلامو من شوي ... افففففف خلص لا تفكري انتي مادخلك هو يلي سحبك لعندو مو انتي } اسامة اجا لحتى يحكي معها و"يعتذر " :ماسة ليكي يمكن انتي زعلتي مني يعني ... ماسة قاطعتو وقالت : لا خلص ماصار شي ... ومنشان تغير الموضوع قالتلو :لك صحي كنت رح انسا انو انت اليوم رح تعمل كلشي بطلبو منك لانو انا فزت وانت ... شو بسموها هممم اي خسرااان >_< اسامة : عفكره انتي وحدة هبلة متل ما بتقول عنك عمتي ... يلا روحي شوفي رفيقتك حلي يلا ~_~ ماسة باستفزاز : ليش انا امها او ابوها ؟ اسامة قرب منها خطوة وقال : ولله مابعرف يا انسة ميسو شو رايك انتي؟ ماسة : اتطلعت بسرعة حوليها وقالت: لك سنا بنتي تعي ~"~ اسامة قعد يضحك عليها وقال لحالو { الظاهر انو الانسة الصغيرة رح تخليني جن فيها } ومشي وراها : لك يا صغيرة ستني >_^ واجو لورا جودي سنا ورد دينا ونور الكل عم يحكي مع اسامة ويسلم عليه طبعا لانو هو الشخص الاسطوري يلي نسختو ماسة براسون ... وهي واقفة شوي بعيد عم تطلع عليهون بغيظ . انا : ولله ياروحي ماحدا قلك تجيبي الدب لكرمك^_^ ماسة : شو قصدك اسامة الدب ؟ انا : ماسة انتي ليش غبية ... لك لاولله مو بس انتي حتى هو انتو حابين تجلطوني اكيد ,انا قصدي انو انتي يلي حكيتيلون عنو ونسختي براسون انو هو شخص اسطورة ! ماسة : اي وازا هل شي ما بيعني انهون يوقفو كلون معو ... وكمان الحق عليه هو هو يلي عاطيهون وجه >"< انا : ماسة اكيد يعني لو انا كمان بلاقي شخص متلو كمان كنت عملت متلون واكتر . ماسة اتطلعت علي كانها بدها تدبحني لذالك اختفيت : {اي اصلا انا ما بهمني يسطفل انا جبتو منشان التحدي } وراحت وقفت جنبو اتطلعت فيهون كلهون وقالت : شو بنات نسيتوني ؟ ورد : لك لا بس كنا عم نحكي معو تخيلي قال هو عمرو 23 !؟ ماسة منشان تزعجو : لك اي بعرف ببين عمرو بال30 بس شوبدنا نحكي هو هيك الله خالقو ^_^ اسامة اتطلع عليها وقال : شو شايفتيني مشوه ولا في خريطة بوجهي البنت عم تقصود اني مبين اصغر من عمري :/ ماسة بابتسامة مسطنعة : اي عم تجاملك سمسوم مو معقول تقولها بوجهك وهي اول مرة بتشوفك ^_^ اسامة عم يتطلع عليها وماسة شافت من ملامح وجهو انو انزعج وقالت بينها وبين حالها { خرجك الله لايقيمك } وبهل وقت بتجي جني عم تركد هي والحية التانية ووقفت جنب اسامة : وينك كنت عم دور عليك ... واتطلعت على ماسة وقالت : اوو ماسة هاي, ماسة اتطلعت عليها من فوق لتحت وبعدا على اسامة وعلى انجلينا (انجلينا نسخة عن جني شقرة متلها وبتشبها بكل تصرفتها ): هاي ~"~ اسامة : واقف هون مع البنات وماسة ^_^ جني قربت من اسامة وقالت : يووو كيف قادر توقف مع هيك بنات يوو ماسة اتطلعت عليه وقالتلو بعد ما وقفت قبالو : يلا سمسوم نروح نتمشى ^_^ اسامة مستمتع بالحظة وعم يقول لحالو { ههههه كما تدين تدان } جني مسكت ايدو بدلع هي وانجلينا وقالت : نوووو تعا معنا بدنا نروح نشرب ئهوة وبعدها نتفتل بالمدرسة شورايك ؟ اسامة اتطلع على ماسة وقلها بصوت واطي : شو رايك ؟... حلوة ما ؟اي شب بمكاني رح يروح صح ؟ ماسة اتطلعت في وقالت بستفزاز كبير : اي كان راح ورجع مفلس وبعد مايروح بيقعدو بحكو عنو بكل المدرسة كيف تضحكو عليه مامشكلة حب روح >_< اسامة : يخرب بيتك شو مستفزة ! اتطلع على البنات وقال: غير مرة انا هون مع ميسو المرة الجاي بجي منشانكون^_< انجلينا قالت وبتكبر : واات انت هون منشان هي الفار !؟ جني بتعرف هل شي وهي شايفة انو ماسة مزعوجة ومنشان تزعجها اكتر كتبت رقمها ورقم انجلينا على ورقة منشان تعطيها لاسامة ومديت ايدها منشان ياخدها فماسة اخدتها واتطلعت فيها وقالت بكل دلع : خت حلو بس للاسف اسامة مابيحكي مع بنات غيري سح هو واقف هلئ بين كل هل بنات بس لانو انا هون موجودة برايي روحي لعبي برا لانو هو مابحب يديع وئتو مع بنات امسالك منشان هيك بااااي^_^. واتطلعت عليه منشان ياكد كلامها وهو ضل عم يتطلع بوجها. واخر الشي قال : اي صح انا هون لانو هي موجودة . الحيات التنين عصبو منشان هيك راحو بسرعة وهو اتطلع عليها وقلها : بلا انا شو لزم سمي يلي صار ؟ غيرة؟ ماسة هي وعم تزبط مكان قعدة منشان تعزف قالت : انا مابدي هي البنت تقرب من اي شي بخصني وكمان انت حاليا نفذت طلب من التحدي لما اكدت كلامي وهل شي مابيتسما غيرة{ بيتسما بس انو بدي موتك بس } ماسة قالت الجملة الاخيرة بينها وبين حالها . البنات اتطلعو على ماسة وبعدين ابتسمو وجودي قالت : مين عم تفكر متل ما اناعم فكر ؟~ـ^ البنات (سنا ولورا ): الظاهر انا >ـ^ بعدين ماسة والبنات واسامة فاتو على الصف كان عندون رياضيات وبما انو اسامة غريب بالنسبة للانسة قعدة تحكي معو وسالتو هو مع مين اجا وليش وشو بيشتغل وبما انو هو مهندس بعني شاطر بالحسابات وطلبت منو يساعد الطلب وبعدين راح قد جمب ماسة واتطلع عليها . اسامة : شبكي مزعوجة ؟ ماسة : مو مزعوجة بس ... بس انو ... ليك منشان من شوي انا ما قصدة شي يعني انا حكيت هيك وعملت هيك لانو هي البنت كتيير بتنرفزني وانت هلئ لو انك حاكي اكتر معها كان عملتك حبيبها وبتعرفك من ميت سنة وانو انت كنت عم تركض ورها وهي شفقت عليك وحكت معك ... يعني انا منشان هيك عصبة.:! اسامة ضل عم يطلع عليها وقال :انتي هبلة شي ؟ ليش عم بتفكري هيك انا قلتلك شي اني انزعجت وبعدين قلك الصراحة هي كتير غليظة >_< ماسة ابتسمت وبعدين بلشت تحل المعادلة يلي عطتهون ياها الانسة بالكتاب اسامة انتبه كيف مركزة وعم تحل بسرعة بس في وحدة ما عرفت تحلها فرفعت ايدها منشان تجي الانسة , اسامة بدون شعور مسكلها ايدها ونزلها هي اتطلعت فيه بستغراب فهو بلش يشرحلها طريقت الحل وبنفس الوقت هو وعم يشرح ضل ماسك ايدها بدون ما يحس على حالو وقامت جني تكب ورقة فشافتو كيف ماسكلها ايدها فصرخت بالصف : واااااا انتو .. انتو مع بض يعني مرتبطين ؟!!!!! هون انتبهت ماسة انو هو لسا ماسك ايدها كان بدها تسحبها بس هو مسكها قوي وقال : لا بس هي بنت عمتي يعني عادي ازا مسكت ايدها وحتى لو مرتبطين انتي شو دخلك ؟^_^ هون ادخلو الشياطين ( سنا و جودي ولورا) وقالو: اي صح اصلا هن لابقين لبعض ولا انتي شو رايك مدام جني ؟! جني : يييي ذوقك كتيير بشع يعني هي... وقبل ماتكمل كلمتها الانسة قالت : جني انتي مادخلك بهل شي رجعي على مكانك اصلا انتي كيف بتقومي بدون ما تساليني ؟ جني : اووووه مااان ohh mann ماسة مابقت تعرف شوبدها تقول اتطلعت حوليها بارتباك فالانسة قالت: لاتهتمي كملي^_^ وكملت الحصة وقبل ما تخلص الانسة طلبت من ماسة تحل على الوح وخلصت الحصة وبعدها كان في عندها حصة وحدة خلصتها وطلعت تزكرت انو اسامة مافيه يروح لحالو على البيت وقالت :انا لزم روح مع اسامة على البيت لانو مابيعرف الطريق بوصلو بجيب غراضي وبجي . جودي : طيب ماشي لا تنسي الكتب منشان بكرة كمان غراض الحفلة . ماسة : اي لا تخافي رح جيب كلشي ... لك اي انتو عندكون اقنعة ؟؟ سنا : اقنعة ؟!! شو نحنا رايحين ندبحو يعني ؟! ماسة: اااخ ياربي شو اعمل بهل غبية انا ؟!!.. رح فهمك هو هلى صار بيعرفني منشان هيك انا لزم البس قناع على اساس انا وحدة من العازفات وجودي ولورة كمان ! لورا: بس نحنا على شو بدنا نعزف؟ ماسة: على راسي شو رائيك انتي ؟! ...انتي جودي رح تعزفي على الاورغ وانتي على الطبل اوك ؟ البنات ( جودي ولورا ) : اوك ^_^ سنا: وانا شورح اعمل ؟ اسامة واقف وعم يتطلع عليهون وقال : بسم الله الرحمن الرحيم .. ابليس بذاتو واقف قدامي !!... ولة كيف هيك عم بتخططي بالكي صار شي وانتو لحالكون وابوكي مابيعرف انو انتي بالحفلة وبعدين شيلي ابوكي انا شورح قلو ازا صار شي ؟ ماسة ضلت ساكتة شوي وقالت :لقيتها ... رح نرجع انا واسامة على البيت وبعدين اسامة رح يحكي مع ابي ويقلو انو نحنا رايحين نتعشا بالمطعم وبمانو نحنا بنات لحالنا ورح يكون العشا بين الساعة 6 لل 10 اسامة رح يروح معنا , شو رايكون صبايا ؟^_< اسامة : عم تسالي البنات ؟! ولا كانو انا يلي رح احكي ! بلكي انا ماردت!! ماسة :مو عكيفك اصلا حميد ربك انو ما خليتك تعمل شي^_^ اسامة : بلكي ... يعني انتي عم تحكي على التحدي, وهل شي انا لزم اعملو غصب!! ماسة : لا .. لا يعني انت اكيد رح تساعدني صح ؟ مو انت دايما بتقلي انو رح تساعدني بكل شي  اسامة اتطلع عليها كيف عاطيتو نظرة الملاك الطيف وعم تحكي بطريقة كيوت منشان يقبل فقال : اي انا قلت منشان هيك رح ساعدك ياصغيرة ماسة غيرت وجه الملاك ورجعت لابليس وقالت : معنها ... انت رح هممم شورح تعمل شورح تعمل ..؟ اها لقيتها , غني لشوف صوتك! اسامة : واحد اسمها اسمع صوتك تنين مارح غني تلاتة انتي صوتك حلو غني !: ماسة : لك اي صح انت بتدخل بتوصل الفلشة منشان تطلع على الشاشة ^_^ اسامة : مستحيل رح يطلع وجهك فيو مارح حطو ولا رح خليكي تحطي ! ماسة: انت شفت الفيديو مو مبين في وجهي وانت بتعرف انا مابحط حالي بمشاكل وكمان هو مارح يحسن يفرجيه لحدا منشان ماينفضح اكتر ^_^ سنا : صح ماسة ماتحطي ماسة : لا اله الا الله , لك يا عيني عم قلك مو مبين حتى فيكون تردو تشوفو ... وبهل وقت اجا اخوها لسنا وقال : احم ... ماسة ... انا ...يعني ... ماسة قاطعتو وقالت : انت احسن واحد فيهون فيك تساعدني ؟! محمد اتطلع حواليه انو عم تحكي معو الو :ا.. انا ؟! ماسة : اي انت ! محمد : اي بساعدك بس كيف وبيشو ؟ ماسة : بدي افضح حاتم وخربلو خطبتو ! سنا انصدمت انو كيف عم بتقول لاخوها والبنات واسامة كمان بس ماسة ماهتمت وقالت : هو كان بدو يحكي على رفيقتي ويخرب سمعتها منشان وحدة حقيرة متل راما بس هل رح يصير العكس بتساعدني ؟ محمد عم يتطلع عليها انو هي ليش بدها تعمل هل شي ليش ماتترك كلشي متل ماهو وقال: كيف ؟ ماسة منيح انت شفت الفيديو يلي بعتو صح ؟ محمد: اي شفتو ! ماسة : كان مبين في وجهي ولا لا ؟ محمد : لا بس شعرك لانو انتو كنتو واقفين عم تحكو بس صوتك كان مسموع ! ماسة التفتة على اسامة والبنات وقالت: شفتو ! اسامة: مع هيك ماسة ... يعني ... ماسة : حباب مو انا ميسو الصغيرة الملاك يلي بتحبها حباب وغمزتو اسامة : لا اله الا الله . طيب ماشي امري لالله بس ! ماسة :{ لعما في بس !} اسامة بس ازا حسيت انو رح يصير شي مارح حط الفيديو! ماسة : مو انت يلي رح تحطو محمد هو رح يشغلو انت رح تغني معي ! اسامة : ... محمد : انا كمان مارح شغل الفيديو ازا حسيت رح يصير شي . ماسة افففف اوك هلئ روحو جهزو حالكون انا رح اجي الساعة ستة .. اصلا هلئ الساعة خمسة يادوب نلحق ! محمد : طيب الساعة ستة منلتقي! الكل باي بصارحة الشي يلي رح تعملو ماسة خطير واحد لانو ماقالت لابوها تنين بسبب الفيديو ممكن يعرفها ... لنشوف الله يستور ***************************** الساعة صارت 5:30 ماسة جهزت حالها واسامة حكى مع عمر وعمر وافق بمانو اسامة رايح ماسة : اسامة يلا رح نتاخر ! اسامة نزل بس هو مانو حابب يعمل هل شي لانو مو سهل وممك يصير اي شي هن مو حاسبين حسابو منشان هيك وقف عند باب البناية ومسك ايدها وقلها : ميسو سمعيني مابتعرفي ممكن يصير شي يخرب كلشي او يعرفك او يكون في حدا بيعرفك وبيعرف ابوكي وانتي بتعرفي شو رح يصير انا عرف ابوكي منشان هيك بلاها ! ماسة لاتخاف حسبت حساب كلشي صدقني وهلئ بتشوف خلينا روح تاخرنا! كلون التقو عند الباب غمزو لبعض وفاتو ولا كانو بعرفو بعض بي لورا وجودي واسامة وماسة كانوعم يحكو اما محمد وسنا ولا كانو بيعرفوهون وطبعا " العازفين " كانو اطين اقنعة , بعدين راحو وقفو مكان العازفين وبلشت الحفلة منشان هيك ماسة بلشت حكي وقالت : مرحبا كيفكون اول لشي بدي قول انشالله الف مبروك على الخطبة { ازا تمت طبعا } نحنا مبعوتي لاهون من قبل بنت قال هي بتعرف الانسة راما والاستاذ حاتم وبتقلكون الله يتمم على خير هي بتتاسف لانو ما قدرت تجي تحضر الحظات السعيدة منشان هيك بعتنا نعزفلكون بتمنا يعجبكون عزفنا اي وكمان بعتتلكون فيديو حبة هي انو انتو تشوفو عطتو للاستاذ محمد , مين الاستاز محمد ؟ محمد رد : انا هون ! ماسة: طيب استاذ انت رح تشغل الفيديو بعد ما نغني تاني غنية ! حاتم قال بسرعة : لا الفيديو ما بيتشغل ! الكل اتطلع عليه وراما قالت : ليش ؟ حاتم : لانو ... يعني أنو منشان ما ياخود وقت طويل ! راما : اي عادي حبي ما مشكلة ماسة : الاغاني ختارتون الانسة يلي بعتتنا .... سوووو 3..2..1 اول غنية غنتها ماسة كانت محمبوبي ظاع الكل كان عم يتطلع انو ليش هيك عم يغنو وفي ناس صارو يحكو : معقول تكون شي بنت من هل بنات يلي اتضحك عليهون هي بعتت الفرقة ؟! رد عليه شخص : لك ركزلي على القمر يلي عم يعزف على القيتار! بعدين غنة ماسة انشالله طوال العمر ,هو بلش يعصب وسنا عم تحاول ماتبكي على امل تخرب الخطبة. خلصت ماسة وقالت: تفضل استاز محمد شغل الفيديو! محمد قام من محلو وشغل الفيديو الكل مصدوم انو قبل بيوم من خطبتو يعمل هيك, وماسة صارت تحكي : لما بتجي بدك تحرق قلب حدا ضعيف بس لانو بحبك تزكر انو ممكن يكون في حدا بيكرهك جمبو وقت تحاول تفضح بنت ما عملت شي بس منشان هل كلبة يلي وراك تاكد انو انت يلي رح تنفضح وقت تحكي ع بنات العالم تاكد انو رح يرجع على اهلك وشرفك انت واخواتك او بناتك مرتك شو ماكان رح يرجع ماتفكر انو في شي بيضع .. وهلئ رح قلكون انو انا البنت يلي ضربتو وانا اجيت لاحتى افضحو , انا ما بعرفو ولاشفتو غير مرة بس انا جيت منشان رفيقتي وانتي ياااا شو كان اسمك يا خطيبتو مابكون عندك كرامة ازا بتضلي معو ...هههههه شوفو على غبائي عم قول هل حكي لوحدة كانت بدها تفضح بنت على كل حال انا خلصت انبسطت كتير محمد عطيني الفلاشة لو سمحت وهلئ باي .نزلت ماسة ومشت شوي شوي لبين ماوصلت لجنبو وضربتو بنص وجوه وشدت راما من شعرها وضربتها كف الكل حاول يحجز بس ما حدا حسن بعدين هي تركتها وقالت: هي منشان تتزكريني باااااي. الخطبة خربت راما تركتو لحاتم والعالم راحت حتى اهلو تركو . اما والشباب كانو عم يسالو ماسة ليش بالاخير ضربتو وانو هن ما كانو متفقين هيك بس ماسة كانت عم تطلع على سنا وقالت : بيستاهل وهلئ انا كتيير تعبت وجعت شقد صارت الساعة ؟ محمد : الساعة 8 ماسة : تعو رح اعزمكون على شاورما . وهيك بكون خلصت الفصل الرابع اسفة كتيييييييير على التاخير بس صار معي ظروف منعتني اكتب انشال الفصل الخامس بنزلو هل اسبوع بس انتو كمان فرجوني التفاعول منشان نزل اكتر | |||||||
|
| |
|
08-01-19, 10:44 AM
| #10 | ||||
| اشراف القسم
| تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء (rontii ، um soso ، كاردينيا73, rola2065, ebti ، رغيدا) تحياتنا اشراف وحي الاعضاء | ||||
|
| |
 |
| مواقع النشر (المفضلة) |
| الكلمات الدلالية (Tags) |
| اتوتة |
| أدوات الموضوع | |
| انواع عرض الموضوع | |
|
|
العرض العادي
