آخر 10 مشاركات
|
| |||||||||||||
| مشاهدة نتائج الإستطلاع: تمنياتكم لنهاية خذني بقايا جروح؟؟؟ | |||
| نهايه سعيده ؟؟ |     | 1,311 | 95.83% |
| نهايه حزينه؟؟ |    | 57 | 4.17% |
| المصوتون: 1368. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
06-09-19, 01:53 PM
| #1041 | ||||
 
|  - ابشري بنتي ..دحين اكلموا... قربت اشواق وبسمه ... - نجلا وش ناويه ؟؟ علمينا .. رفعت يدها تبعد خصلها ...عن مبسمها ...مشرقه عينها ..بفكر فعل بتسويه ....!! - بروح لها العصريه ..برتبها انا !!!.. ضحكت اشواق .. - ياربي حماس ...!! بس وش بتسوين وش عرفك بالتراب والحوس !! ابتسمت نجلا ...بهادي الصوت .. - سهل ..اذا رحت شفت ..!! مب هي لي انا ابي اعيد ترتيبها من جديد ...!! التقت عين اشواق ببسمه ... شاركت اشواق .. - حتى انا بساعدك !!!.. تكلموا البنات بحماس ....يباري... .اشراق الضي بعيونها .... اسنطردت ..شريفه ...بحماس - كلنا حنشارك ...!!! ..يسعد جوك ....يارب ..احوب حماسك ..وقوتك ..لمن تامري وتققرري!.. شبكت نواظرها بعين عفاف... ضاحكه .....بهزيج انفاس ... - انا قويه ؟؟!!.....هزت راسها ...بنفي ... - عز الله ماصدقتي !!!..لكن !!! ماحب احد يتعدى على اشيائي الي احب !!! وقفت ...بعجل ..مبتسمه ... - بروح لاخواني ....بجلس معهم شوي .. قبل يمشون ... - روحي الله معك ... طلعت من عندهم ...تحس بشعور غريب ...حيل غريب....يشابه ..شروق الشمس بعد ليل..اغبر ..طويل ...وكن قلبها يطمنها ..ومرتاح ..للقرار الي اتخذت ...وبنفس الوقت ...صور ..ليلها الاغبر ..عيت تفارقها ... شعور فرقى الرياض .. اتعب قلبها ..وفكرها .... نظرة عيون ام سلطان ...وصورتها الي شافت... مرهقه حد الانين ... .................................................. ............. الرياض .. جناح ام سلطان ... سمر تفرفر بجوالها ....عين على أمها وعين ..عالجوال ...مادقت ...نجلا امس الليل ....تركت الجوال ..متأمله أمها ..المستكينه ...رجع لها اللون ...بس مازالت تعبانه ضعيفه ..وتحتاتي سلطان ..... لمت رجولها ...تتذكر ..امها بصحتها ..وحلاوة وجودها ...وروحها الطيبه ..الي ماليه البيت عليهم ...تذكرت ...يوم قابلت الوليد ...شلون استقبلته ايما استقبال ...وتذكرت ..ثوران سلطان ...عليها ...وهدووؤها ...الواثق .. هي الي خلتهم يحبونه ..هي الي طمنتهم ...ثقتها فيه ...هي امانهم ..بعد الله .................................................. ............. قصر جدان الجوهره .. الجوهره بغرفتها ...ماتطلع ...حابسه نفسها ...بفكرها الأسود ....حمدان يضغط عليها ...وعمها ...عيونه تراقبها ...وتترقب كل رمشة عين ...ترمشها ...وهي بالها مع الاثنين الغايبين ...تبي تعرف ..اش الحاصل ...هي متأكده ...هي بنفسها قرت الرسايل ...ماغلطت ...!! صحيح ..كانت تبي تخرب حياتها ..وتبعدها!!! لكن هي طلعت خسيسه ...ومو نظيفه ولا تشرف ...ولد خالها الغبي !!! الا ماتكشفها له ...وبيشكرها ...وبيعرف ..انه كان مغفل ...!!! ... دق جوالها ....رفعته شافت رقم أمها .. - هلا امي ...!! - هلا بنتي اخبارك ...مالك حس !! ولا تكلميني ..وش عندك !! - ليه اكلمك ؟؟ انتي فاضيه لي !!! ..يكفيك الي عندك ..!! وصراحه يمه ..اهلك مايحبوني !! ولا يتقبلوني !!!! ...ويصدقون كل شي فيني !!! ماحب اكلمك واسمع طاريهم !!! ردت حصه باستنكار .... - هذا كلام تقولينه ؟؟؟ من مايحبك ..!!! الا كلهم يسالون عنك ...امي والله انها تسال عن اخبارك وتقول معد تدورني !!! اما الباقين لاهين بام سلطان ...عشان كيذى !!! قامت الجوهره ...تتمطى بخطواتها ... - لا والله الا ينتظرون ست الحسن تشرف ..!!! ..هم وبنات خالي رنا وسمر ...!! عاد سمر هذي ماتتقبلني خير شر !!! - يتهيألك ...!!! ماعليك انتي خل اشوف احد مسوي لك شي ..بتصرف انا !!! - وش بتسوين يعني ؟؟؟ هم مغسوله روسهم ..!!! من كثر ماتغار نجلا مني ..غيرتهم علي يمه !!! كله ببالها اني بخرب عليها او عيني على رجلها !!!منهبله !!! كل مشكله لها معه يحطونها فيني !!!! استطردت حصه ..بحمق .. - ليه قايلين لك شي ؟؟؟؟احد جايب لك طاري !!!! - لالا بس احس انا !!! ..اجل رنا !!! تقلب علي انا !!! تخبرين بنت اخوك شخصيتها ..تابعه !!! الحين شوفي معد تتواصل معي !!! وتتهرب مني !!! - ماعليك منهم انتي ...بنتي ,,,هذا الي قاطعك عني يعني ؟؟؟ بس هالسبب !!! تعالي عندي ..مب لزوم بيت امي !!!..وهم مصيرهم يعرفون ..وتنفتح عيونهم !!هذا الشبل من ذاك الأسد ...الولد تبع حظ ابوه !!! الله يستر من الخافي !!! قطبت الجوهره هدب عينها ...جالسه ...فجأه . - اش تقصدين يمه ؟؟؟؟ من هذا !!! قصدك الوليد ..؟؟ يعني او مين !!! - ماقصدي احد شين طرا لي ....المهم ريحي راسك انتي ..!!! واهم شي لاتقطعين ..خبرك مرت خالك تعبانه ..مب حل انك ماتجين عشانهم !!! عضت الجوهره شفتها ..منذكره نظرات ام سلطان ..لها ...وتوترها ... - مني جايه ..اذا طلعت من المستشفى فيها حلاّل !!! ..وبعد عندي عمي راكان ...مستقعد لي !! هالايام !!! كله عشان قلت له ان خالتي ماتبيه !! قبل يعني ... -.. هذا عاد فاضي ...!! عمك ذا بعد !! - عادي عادي امي ...وش اسوي يعني خليه يخطب من جديد ..وترفض عشان يعرف ان الله حق !! أصلا ..بتجيب له الكأبه ... - بنت !!!! احشمي خالتك عيب !!!! - عاد يمه هذا هو !!! ماكذبت ....اه بس ..!! انا أصلا افكر اروح لعمتي مرام !!! اغير جو واتم عندها فتره !!! - وين وين ؟؟؟ عند عمتك ؟؟!! وتتركين امك عشان خرابيط !!! - لا يمه ابي اغير جو وارتاح ....بس مو الحين قدام شوي ..عندي شي ..بخلصه ..واتممه ..شغل لي يعني ...!! ..ثم بروح !!! لاتشيلن هم برجع ...هو بس تغيير جو !!!وبعد يمه مالي خلق اشوف مرت شيخكم ...معد اتحمل وجودها ...خلتني اكره حتى بيت جديده وخالي ...!! - حسبي الله ونعم الوكيل ...!!!بيطيرونك بعد ...!! .. سمعت دق عالباب .. ينادونها تنزل .. - بستاذن امي حبيبي ...يبوني تحت اكيد امي هيا . من قبل تبي انزل ..!! مع السلامه .. - مع السلامه بنتي الله يحفظك ...لاتقطعيني عاد ..!! - طيب طيب .. .................................................. ........................... مر الوقت ...متهادي ...مابين ..بطئ وعجل ....يختلف حسب كل شعور ساكن بخفوق ...كل ...انسان ... الساعه .. 5 المسا ... جده ... نادت بعالي الصوت ..الضاحك ..مستنكره ... - لااااااا ....الله منك يانصوري ..!! كيف كيذا !!! التفتت لشيهانه .. - خذيه ؟؟؟ تشوفيني من اول ارتب هينا !!!!...تعبت اجمع ..!! وينثرهم !!! جت شيهانه ...بخطواتها العجلا وراه .... - تعال تعال !!!! ترا بتطردنا اختك الحين !!! صوت ضحاته ....وهو يركض ...يسابق ..شيهانه ..متوجه لمنصور ... - خلاص خلاص سيبيه !!....انا حنتبه لوه!!!...تعال هيا دحين حيجي عمو وليد ....!!! وقفت نجلا ...ترمش بعينها ...تشوف الي سوته ...معهم .... شالت كل الاحواض المتكسره ...جامعتها على... جنب .... والتراب ...انشال ..والورد المتضرر ... بالها أساسا ..مو رايق تذكرت كل خطوه له هينا ...!! ...وكل كلمه وكل صوت منه صدر ... حتى سواليفهم ...ماسمعتها ولا شاركت ...اشغلت نفسها بالشيل والحط ...تبتسم بدون ادراك لهم ... - ترا صدق يمكن يجي الوليد ...!!؟؟بروح انا ادخل ....على وشك نمشي نايف يقول من يجي يسلم ونمشي !!! وقفت نجلا متنهده ... مدت يدها تبعد خصلها المتهاديه ... التفتت لبسمه واشواق و البنات ... - تعبتوا صح ؟؟؟ !!.. - أي والله خلينا نريح وارتاحي انتي بعد !! لو مخليه العمال ينظفونها ازين لك !!! ارتخت كتوفها....... - خلاص خلونا نريح بروح اتحمم انا بعد ...!! استطردت بسمه ... - وش فيك نجلا ؟؟ من دخلنا وانتي هاديه ...عكس حماسك الصبح !!! -مافيني شي ..بس تعبت ...يلا ..نطلع عادي برجع لها انا بعدين لما اروق ....!! قربت اشواق تنفض يدها ... - وش فيك نجول ؟؟؟ شكلك شايله همه ان جا ...وشافها مثل ماهي !!! ابتسمت ...بخفه ...وعينها تلتقي بعين اشواق المرتقبه ... - لااا ..مو كيذا .. قاطعتها شريفه ...بعجل .. - ضايقه حبيبي عشان اهلك صح؟؟؟ التفتت لها نجلا بسرعه ... - ايووووه هذا هو ...!!! .. جاها منصور ...يركض ... - نجلا....نجلا ....!!! ..اختك تقول تعالي حيمشوا دحين !!! ... التفتت له..بصدمه .. - يمشون ليه ...جا عمك وليد ؟؟؟ هز راسه ... - ايوه تقول قرب ..حيسلموا ويمشوا تقولك تعالي قوام !!!.. ارتبكت ...وهي تنفظ يدها ..متحركه .... سمعت ..عفاف ... - منصور ؟؟؟ ..عمك وليد جا او لا ؟؟؟ انتا شوفتوا !!!! .. - لا لا هما قالو ...انو قريب !!.. التفتت عفاف لشريفه ... - انا رايحه البيت اتحمم ....اذا حصلت مصيبه ..خبريني عشان مااخرج ؟؟!!الين تنتهي !!! ضحكت ..بسمه ... - يوه منك يعفاف ..غريبه انتي لو شريفه ممكن بس انتي تحبين الاكشن !!! غمزت عفاف لبنات .. - اكشن عن غيروا يفرق !!!..وربي أخاف كل حاجه تجي في راس ابويا !!! لفت لها نجلا ... - ليه ؟؟ عشان قلت خلوها ؟؟؟ مب صاير شي ...يلا بطلع انا اخر وحده تطلع تقفلها ...وتجيب المفتاح معها ...!! ... طلعت عنهم ...بفكر يهوجس مشغول .... - اشبها نجلا هاديه مره !!! تحركت بسمه ....بتطلع .. - ضعيفه عشان اخوانها بيمشون تعودت عليهم ...انا بعد بطلع ....يلا اشواق ...!!.. تركوا المكان ....جميع ... بعد دقايق ....وصلت نجلا ...لهم ... ضحكت شيهانه ....لمنظرها .. - نجلا ..وش بك حتى ماغسلتي يدك ....التراب واصل لوجهك !!! ابتسمت ...بارتباك ..تتلفت تدور خوانها ... - جيت بسرعه ...منصور ..قال بتمشون ؟؟!! اخواني وينهم !!! - يحملون الشنط ... تنهدت ...مرتابه ... - جا الوليد ؟؟ - مدري اكيد جا ....لان نايف قال ...هاتي الشناط ...وعطيته !! - طيب سعد وينه ؟؟؟ كلهم برا ؟؟ - ايه كلهم وش فيك انتي مرتاعه ؟؟؟!!! ..تعالي غسلي يدك ...!! مشت نجلا للمغاسل .... - ابي اتحمم ...بس قلت بجي اشوفكم اول ...!!! شمعت صوت سعد ... - يلا شيهانه ؟؟؟ التفتت له .. - على وين ؟؟؟!!! ...جا الوليد ؟؟؟مب قايل لكم انتظروه !! ناظرها سعد بحنانه ..الي تحب ...فاهم كل ارتباك حاصلن فيها .. - برا هو ..!! .. رجفت شفتها ..مبعده عينها تغسل يدها ...تدور الما البارد لجل ..تبرد رهبتها ... نثرت الما على وجههاا ..غاسله نحرها ...المستليظ ..ويدينها ... قرب منها ...سعد ... - نجلا ... قفلت المويه ...ملتفته له ... - لبيه ... - أتوقع انه يحسبك معنا !!! ماوضحنا له شي !!! سحبت ..مناديل ...تمسح بعجل .. - ليه ؟؟؟وش قال ؟؟ قايل شي هو ؟؟ ضحك يهز راسه .. - يابنت الحلال اهدي ...وراك متوتره ؟؟؟ قال وداعتكم مرتي !!! التهبت نواظرها ...مبعده عينها عن سعد ...الي يترقب ..نظرتها الوجلى ... - اسمعي نجلا ...اسمعني ياوخيتي ...!!..كثر ماكنت متخوف من هالزيجه في زمانن فات كثر ماني متطمن عليك الحين ..!! ..طمنيني ياحبيّبتي !! .. انتي متأكده ..من الي تبين ؟؟؟ لاتقولين سعد اجبرني !! سكت مبتسم ..لها ..مدرك انها تتهرب من عيونه الي تقرا كل إحساس فيها ... - ناظريني ..وعلميني .. رفعت عينها له... ابتسمت ....بدمعة عين ...مدركه تكرار الموقف ..ومدركه ....يقينها وتكرار اختيارها ...من جديد... يخالجها شعور منزوي ..من بعيد ...وكن الخوافي ..تترقب فيها ..تسعد وتبتسم .. لجل ..تعيشها نفس الحزن من جديد .. غمضت عينها مبعده سود الهواجيس ...هذا قرارها ...عقب ..كل الي عرفت .. ابتسمت له ..هازه راسها .. - ماني قايله ياخوي ...!! مالك دخل بقراري.. قرب لثم راسها ...متباهي ...ومسلم .. - كفو بنت غازي ...!!! ..الله يسعدك ياخوك ...ويبيض وجهك ..مثل مانتي رافعتن روسنا ..بزين طبوعك !!! تنهدت بضحكة سرور ..مخنوقه ...غافلتها دمعه ..مطرفه ... رفعت يدها تمسحها ..بعجل ... سمعوا شيهانها ..وراهم .. - الله الله كل هذا السلام والتوادع من نصيب سعد ..؟؟؟ وانا الضعيفه !! جارتن نفسي وجايتك من الرياض ...ومطنشتني بعد ...!! حتى السلام ..ماتسوين لي زيه !!! ضحكت نجلا ...بعبره .. - شيهاانه ...بتوحشيني ..انتي وحنتك ...!!! ... توجهت لها ..فاتحه ذرعانها ...بتحظنها ... بادلتها شيهانه ... - وانتي اكثر اختي الصغيره ...الملسونه .... - ياربي حتى وانتي تودعيني !! تظنزين ؟؟ -بتجين انتي ان شاء الله بكرا او بعده ...!! ..تعالي لنا ...ترا امي متضايقه خلها شوي تنتعش ان شافتك !!! تشعللين قلبها شوي !! ضحكت نجلا ... -..ماظنيت !!!.. علا صوت نايف وراهم .... - يلا يلا ...توكلنا ......قرب منهم ..تركت نجلا شيهانه ...متوجهه له .. - مع السلامه ...ياخوي ...توصلون سالمين يارب ,, - يلا ياالغاليه ..نستودعك الله ...رجلك يحسبك بتجين معنا !!! .. هزت راسها بحرج مزعج .. - أي ادري ... وين نصوري اجل ؟؟ - معاه برا ...معييي يتركه ...!! ..يلا تامرين شي ؟؟ هزت راسها ..ودها تشوف نصوري ...بس تراجعت ..ماتبي لحظة المواجهه معه ..تقرب ...ماتعرف السبب ...بس خايفه حتى من شوفته ...بعد الي سمعته منه البارح ...تحس ..بغرابه ..تحتوبها ... - لا ياخواني ..ابي سلامتكم بس ...اذ وصلتوا طمنوني ...!!! طلعوا ...واحد ورا الثاني ...اخرهم شيهانه الي سلمت ...عليها ..مره ثانيه .. - وصلي سلامي للبنات ...نتحراكم ....مع السلامه ... - مع السلامه ... تنهدت وهي تشوفها تسكر الباب وراها .... تحركت بعجل بتروح ..تتحمم ...وتهدي نفسها بعيد عن قربه ...الي تحسه ... .................................................. ...................... خارج فيلا بن عامر ... واقف ....مبعد عينه عنهم ....سمع نصوري ينادي اسمها ...ولف قد مايقدر يبعد ..نواظر عينه ..عنها ... - يلا فمان الله يالنسيب ... التفت ...يمد ناصر لنايف الي جا يأخذ نصوري يتبعه سعد ... - فمان الله ..الله يسهل دربكم ...!! .. - تعال ..نصور يلا ..نركب سياره ؟؟ قرب سعد ..ماد يده ..من جديد .. - وداعتك الله ...نشوفك على خير ....!! شد الوليد يد سعد ..وعينه ..مركزه ..ومحواطه نواظر عينه .. خاطبه بهادي الصوت .. - أبو غازي .. ؟؟ لاوصيك ..!! بنجلا ..!!..ترفقوا !! ضحك سعد ... - توصيني على طيرك ؟؟؟ طيرك انت عيى لايطير !!.. ابتسم الوليد ...لذكر كلامه ..الي قد قاله لهم ... لو هي غير نجلا ..ولو قلبه ..لها ماسلم ..كان صح الكلام ...البلا ان كل قرار او قول يتبدل..!!..ينمحى ويتغير ..!!!..بس من عرفها ...ودخلت حياته ..وسكنت وسط الخفوق ... - الله يعين ..حنا نريد والله يفعل مايريد ..!! سكت سعد ..مدرك ان الوليد مافهم مقصود منطوقه ... سلم ومشى مبتعد ... تارك ..توأم روحه ...اخته ..الحنون ... ركبوا السياره ...اطرفت عين نايف يم الوليد الي معطيهم ظهره ...ويوم حركوا ..التفت ...يترقب مسير سيارتهم ..وابتعادها عن مد النظر الين طلعوا من البوابه ... تم يرقب ..الين اختفوا عن نواظره ...قلبه .ضايق ..ومستكين ...ومسلم ... تركها ..لقلبها ...عل وعسى ...يردها ...له ...!!!.. عجز لها يجبر ...ورغم هذا ...احتواه الهم والضيق ... تنهد ..شاد على عصاه ...بيدخل ...بيته ...هالمره ...وحسها غايب ... دخل متوجه لمكتبه ...مايبي يشوف احد ...بينفرد بنفسه ...بعيد عن العيون .. .................................................. ..................... بعد ساعه جناح نجلا ...طلعت من دورة المياه ... وهي تجفف شعرها المسترسل ...تمت تحت المويه ..ماتدري كم ... قربت للمرايا ..وهي مقطبه ..هدب عينها تجفف بعجل ..متوتره ... جت عينها على سلسالها الي لابسه ....تلمسته ...بوهن .....تذكرت ..يوم يدخلون على ام سلطان ...وهي جايبه معها من المزرعه ..حليب .... ابتسمت برجفه ...مبعده متوجهه للدولاب ...نثرت اغراضها تدور لها ..عيونها عالملابس بس ماتشوف ..الا فكرها الضايج ... نفضت يدها ..هامسه .. - ياربي منك نجول وش فيك ؟؟؟!!..ليه متوتره انا ؟؟!!!.. سحبت ..فستان قطني خفيف ...يمكن يبرد ..احساسها الثاير الي تحسه ... قربت من تسريحتها ...منتبهه لخاتمها ...الي فصخته قبل تنزل للحديقه ... دق الباب ..ارتعبت ..ثواني .. - نعم ؟؟ - انا نجلا ...تعالي امي بتكلمك من جوال بسوم !!!.. - تعالي اشواق .. فتحت اشواق الباب ...مبتسمه .. - وين اختفيتي ؟؟ انتي ؟؟ تعالي احنا بغرفتنا امي تبي تكلمك !! اجيب لك الجوال او تجين ...!!؟ هزت راسها ...بنفي ... - لا بجي معك ... طلعت تاركه مشطها وخاتمها ...وغرفتها ... وقافله الباب وراها .... - امي ..عند خالتي ندى ... - ايوه ؟؟؟ صاير شي .. هزت اشواق راسها .. - مدري والله بس تقول انها بتجلس عندها كم يوم ...واحنا بنجلس عند الوليد ؟؟؟ سكتت اشواق ..وصوتها رايق ومرتاح ... وصلوا لغرفتهم .. - جت جت ....نجول تعالي ...امي تبيك خص نص ...!! .. دخلت نجلا تابعه اشواق ... - كان جففتي شعرك نجلا ...بيلفحك المكيف ... - عادي انا محتره أصلا ... مدت يدها للجوال .. - هلا خالتي ... - السلام عليكم .. - وعليكم السلام ... - اخبارك نجلا ؟؟؟ مارحتي اجل ؟؟؟!! شدت نجلا مسكة الجوال ... - لا ... - ليه ؟؟؟وش غير رايك ؟؟ - جت عين نجلا عالبنات المنشغلات ...عنها وعن كلامها ... - عشان خالتي ام سلطان ... قاطعتها ام طلال ..بصوت حاني حازم .. - كنت أتمنى تكونين شجاعه وتجاوبين بصراحه ..!!! ... جمدت نجلا ...ثواني ...ثم استكانت ..ليه تخفي ..عليها شعور هي خابرته .. تحركت مبعده ..يم البكونه ...تبي تبعد شوي .. - وعشانه بعد ...!! ردت ام طلال ...تسأل ...بحاني الصوت .. - عشان الوليد ؟؟؟ بس هو مب حاجة مره متذبذبه ؟؟ يحتاج امراه قويه ..توقف معه !!!.. ردت نجلا باستنكار ..حاني ..معاتب - ماهمني ولا ابي اعرف ....مين مفترض يحتاج ...اهم شي عندي انه يبيني انا !!! بغض النظر وش أكون ..يمكن تشوفيني ضعيفه ..... قاطعتها ام طلال ... - لا ماشوفك ضعيفه ..!! انا متأمله فيك ..خير ..بنتي ..!! كنت ابيك تفكرين زين ...وفرحت يوم قالوا البنات انك موجوده ...ولا بينتي لاحد شي !!! ..انا مضطره ..ابعد عندي شغل ..والبنات بيجلسون عندكم...!! ..كلمتهم وانا متوقعه اسمع عنك اخبار تفرحني ...!!..وماخاب ظني !!.. سكتت نجلا بدون تعلق ... فكرها وعينها..توجهت للي واقف ...ببلكونتها .. واقف بصمت ..مانتبه لها ....ابد ...تراجعت ...خلف الستاير ...تتامل وجوده ..الهادي ...قطبت هدب عينها ...انغرف قلبها ...لشوفته ...ماتدري هو حنين ..او رحمه ..او شوق ...او تعب ..من الهجر والبعد ...ولاتدري روحها ..الضايعه ..والمتمسكه فيه لوين بتوديها ...معه ... شافته يرفع كفه يمسح ملامحه ...بصمت ..بدون مايحرك ...ساكن ... - نجلا ؟؟؟ تنبهت للجوال بيدها .. - هلا خالتي ..مانتبهت وش قلتي ؟؟ - أقول...الله يريح بالك يابنيتي ... !! ويهدي سركم ... ويسخركم ..ويبعد عنكم كل حاقد ...!! وتاكدي اني انا دايم وراكم ومعكم ...!! ..دام انتي متمسكه فيه ..انا سند لك ...ومعك ..ضد كل من يحاول يفرقكم !!!.. ابتسمت نجلا ..بصوتها المختلج المازح .. - بس عشان انا متمسكه فيه ؟؟ - لا وحتى لو تركتوا كنت بتواصل معك ولا راح اقطعك بنتي !!!.. لكن انا أقول هالكلام عشان اطمنك ...!!ابي ترتاحين ...وتدرين ..ان وراك ظهر ..وام ..!! اختلجت مشاعرها ...غصب ..كلهم ..الا يبكونها ...كثير المحبه الي لقتها بدنياه .. - فيك الي كافيك خالتي .....بعد بتشيلين همي انا ؟؟ - انتي مو هم ..انتي سعادة ..يانجول ..!!..الله لايحرمني منك..بنتي !! دمعت عينها ..مقدمه ...تترقب ..عاشقها المستكين ... - امين ولايحرمني منكم .. يارب ... - يلا بخليكم ...ندى تسلم عليك .. عضت شفتها .. - الله يسلمها ... - وتقول لك ..اعذري البندري امس ...مرره منحرجه منك ..والله .. - وش دعوه خالتي ...عادي ...الله يهديها البندري كبرت الموضوع من أساس.. - امين بنتي ...متى تمشون الرياض ... تنهدت ..وعينها... للواقف من بعيد ... - مادري خالتي ..لحد الان ماتكلمت مع الوليدد ... تمت ثواني صمت ... ردت ام طلال بتفكير .. - نجلا بنتي ؟ لاتتوقعين ..منه ..رد ..يعجبك ..الوليد مضغوط ...وممكن ..يسمعك كم كلمه ... ردت هامسه .. -اعرف ...قالتها موقنه ...ومتاكده ...من تصرفه ...الي بيصير ... صارت تعرف كل خوافيه ...وتعرف شعوره الي يحس فيه الحين ... وموقنه ..تصرفه ..شلون بيكون ... - يلا فمان الله انتبهوا لانفسكم ...مع السلامه ... سكرت مبعده جوالها ..متسانده على طرف الباب ...مازالت عينها عليه ... -نجلا !!! تراجعت يوم سمعت اشواق مقربه .. - اوششش ..الوليد برا ببلكونتي ...لايسمعك .... حركت اشواق حواجبها .. - اكيد درا عن الحديقه ..؟؟ الحين ...ينتظرك ...!!! ليه كسرتي كلمته ...الله يكون بعونك !! دخلت نجلا ماده لجوال لبسمه ... - عاد حقتي ...وابيها ... خذت بسمه جوالها ....مستطرده .. -وش تبي امي ؟؟جابت طاري البندري ... هزت راسها نافيه ... - يعني ..شي بسيط ...مب مره ... - وش نسوي اليوم ؟؟؟؟ قرروا الحين ....!! أي وام عمار تقول وش تبون عالعشا قلت اسالكم بعد ... التفتت لها نجلا ... - الي تبيه ...شوفوا انتم وش تبون ...انا مجهده هالايام ماانام ...وتعبت تحت ...ماتوقعت ..هالكم الهايل من التراب ...!! استطردت اشواق .. - قلنا لك خلي العمال ...انتي ماتبين ... - كنت ابي افرز الي مابغاهم !! عشان مايشيلون كل شي ..بعض الشتلات ... حرام زينه ...!! ..الحين بشوف ...ممكن أقول لام عمار يشيلون الي حطيناه على جنب .... جلست اشواق ... - انا والله كني تخدرت بشرب لي كوفي ..!! ..ليت الوليد يودينا فلته بأبحر ...نسهر عالبحر ..ونشوف الاشراق المنظر يجنن ان كانها على خبري ... اطرفت لها نجلا ...مكشره بضحك ..باسم - الحين يمكن معصب عشان ...حديقته ...مب مودينا ...!!! خاطبتها بسمه ...ببهجة صوت .. - والله عقب امس ...وكلامه .واسلوبه ....!!؟؟ معاد بشيل هم شي !!! ربي لك الحمد .. ابتسمت نجلا مرخيه هدب عينها ...جميل الشعور الي يحسونه ..له ... واكيد هو ..مسعده ...ومبسط ..مكنون قلبه ... رفعت يدها ..تبعد شعرها المتهادي الرطب ...بتوتر مخفي بسيط .... - بروح اريح شوي ...وانزل ...نتقابل تحت ... ردت بسمه ... - اوكيشن !!... التفتوا لاشواق الي انعست بدون تحس ... - هه نامت شواقه ..تبي تعاكس النوم بالكوفي ...ههههه .. ردت بسمه النظر لنجلا ... - كيذا اختي اشواق اذا كانت فرحانه ماتبي تنام ابد ...طبعا قليل هاللحظات عشان كيذى ...!! - الله يديمكم مبسوطات ...يارب .. - امين ...والله يديم وجودك الحلو بينا ... طلعت ...منهم بسكات ...كاتمه العبره ..والاحساس الحلو ...معهم ... مجبوره من رهبتها الي مصاحبه فكرها ... خطواتها حتى ..تباريها بمّه ...راحت له ...مسلمه ..وراضيه ...ومسامحه ...رغم الخوف الي ساكنها ...ماتركت ....اكتشافها خوافي حياته ...المظلمه ...انورت ..بصيرتها معه ..يستحيل تتركه ....مو من قل فعوله لكن من ..عشقن سكن له ..في حنايها ... .................................................. ................................. قبل نص ساعه ... الوليد جلس بمكتبه ...تواصل مع هيثم ...وعرف ان سلطان بدبي ... وتمم التواصل مع زناد ...بيتطمن على أحوال ام سلطان ...والي سمع ..اراح فيه القليل ..من غمّن مظلم ..في سماه ... تساند ...يهوجس ...بها حتى ..مالتفتت له ولا سلمت ...ولا أي شي ..!! ..شد شفته ...بصمت ...يعاكس مر احساسه ...وادراكه ..هروبها الصامت .. قام من مكانه متوجهه لجناحه ...يبي يريح ...اجهاده واصلن حده ... ماشاف احد ....المكان خالي وهادي ..اطرف بعينه ..لم الجهه الي كانت منوره ..واحيان يسمع حسها فيها ...مع اخوانها ..... والحين خاليه من كل حس ..وصوت ...حتى هم استفقد وجودهم ...ونصوري الي يستقبله ...ويدوره ..رافض يتركه .. ابعد نواظره بصمت مميت .. ..ماشي ...للمصعد ... ثواني ..وصل ...متوجه لجناحه ..بس عجزت خطواته ..الا تلف للجناح الي سكنت فيه امه قبلها ...والي منع أي احد يدخله ...سواها ... نوره ..موجود ...وحس الحياه خالي ...امسك مقبض بابه ..بزيد اتساع مسافة الباب .. مطرف بنواظر عينه بالمكان الخالي ...لمح خاتمه على تسريحتها ...تهادى النظر بكل مكان ...تركته بكل مافيه ...وتركت كل شي ممكن حتى يذكرها فيه ...ابتسم بحزن ..مضني ... مجحف بحقه الي يصير ...منها ...هو ظلمها وهي ..مثله مارحمت ..ابعدت ..وهي تدري انه ..لها شاري ..!!...تقدم لدواليبها ...فاتحها ..شاف ملابسها ..وكل شي ..كل شي ...كل شي ... ضل موجود ... عايفه ..هي ..وبايعه ..كل ماجمعهم يوم ...شد مسكة عصاته ...يباري ..حرارة جوفه ..المقهور ...وادراكه ان الي جمعهم ...اغلبه ..ضيم ..مثل ماقالت .. حس بختناق ..انفاسه ...ابعد بخطواته العرجا لم البكونه ...يبي يسرق من هواها انفاس ..موزونه ...ويبعد الضيق الي ..احتوى كل خافيه وظاهره ...وكل مايتمثل فيه ..!! .................................................. .............................. اقبلت على جناحها ...والتوتر ...مالي كل كيانها ... ..والشوق ..لروحه ..المضيومه ..تفوق كل ..عبراتها ...وكل وعودها ...!! حتى كل جروحها ...وكل الخوف ...والضيق ..وشعور ..الغبن ..والبعد .. والهجران ...الي هددت وارعدت فيه ...وماقدرت ... خسرت للمره الثانيه ...امام قلبها قبل قلبه ... واقفه عند بابها ..مرتبكه ...وش بتقول ؟؟ ..وكيف تعلمه انها عجزت تفارق ...وانها تعرف ..عن حياته ...الي هو حتى مايعرف ... شدت شفتها متقدمه ....بتصميم ...وصوت نبضها ...يضيج بالصمت الي محاوطها ..سكرت الباب وراها ..بهادي الصوت و فصخت شبشبها ...مع انها عارفه انه بيحس فيها بس مع ذلك ماتبي يسمع لها صوت ...تقدمت بخطواتها ..الهاديه ...شافته مازال واقف ....نفس حظوره ..المهيب لقلبها ..ونفس شعورها ...الي يتججد معه سوا ظلم او عاشق او ..مظلوم ... رقّت نظراتها لمتنه ..المنحني ..المستكين ...عجز لسانها ينطق ..تمت بدون أي حس ..متأمله ..وبس ...تساندت ...تتابع صمته ...وانفاسه ... قطع الصمت صوت نغمة جواله ...رمشت بارتباك ... سحب جواله ...من جيبه ...وعينه عالرقم ...مو مسجل عنده .. - نعم ؟؟؟؟ سمع حسها الضايق الباكي .. - صحيح حرقت الحديقه ؟؟؟ !!! قطب هدب عينه مستدرك راعية الصوت ... - أي نعم !!!! ردت ...بضيق ...وحشرجة انفاس .. - ليه يعني ؟؟؟ !!! ..وش صار ...!! كل هذا عشان انا غلطت ..على بنات ام عمار انت تعاقبني !!! ابتسم بهزة راس ....هذا الي ناقصه ...!!! رد بصوته الحامي ... - مايخصك ؟؟؟ أي شي اتخذه في بيتي مايخصك يالبندري !!!!... قاطعته ...بعلو الصوت المستنكر .. - الا يخصني ....مب انا الي تعبت عليها ...ومب انا الي تميت انتظرك فيها دايم !!! تنهد بقل صبر ...وضيق .. - البندري !!! انا تساهلت معك كثير ...كثير !!! جا الوقت الي توقفين فيه وتعرفين حدودك معي !!! ..عمري ماوعدتك !!...واخلفت وانتي تعرفين من البدايه !!!! انا وش موقفي ...!!! ردت بعجل ..ضايق .. - ادري ادري بس هالحديقه ..تعني لي !!! قطع كلامها ..بحدة صوت .. - تعني لي اكثر منك !!! ...واصلا ..مايعنيك احرقها ادفنها ...اسوي فيها الي ابي !!! ..الين هينا وخلاص !!! اوقفي !!! واركدي !!!.. سكت يسحب انفاس ...وتابع .. -اش الجرآئه الي تخليك تدقين تحاسبيني !!!!! ...صبري معك بدا ينفذ البندري !!! سكتت منصدمه من هجومه الحاد ..رفعت يدها تكتم عبرتها .... تابع ...لها ..موجهه..انذاره .. - بعد هالمره ان حاولتي بس تتدخلين بالي مالك فيه ...مب حاصل لك خير !!!..وان كان تفكيرك مثل ماهو ماتغير ...!!! فابعدي عن حياتي ...لاتتوقعين مني ..اني بكون لك مرحب !! كبري عقلك !!! انتي مثل بسمه واشواق لا اكثر ...فلا تتعدين حدود هم حتى مايجسرون ...عليها !!!! قفل جواله ...مبعده بحس نافر ...شد عليها ...يدري ..بس هذا الي لازم يصير ...!!..من زمان ....تعب هو بعد ..يراعي مين ولا مين ... شد بيده ...متضايق ...مختنق ... رفع جواله ...ضاغط على رقم ... - الو !!!! ..ابو عمار ...ماشوف سويت شي !!! ... قطب هدب عينه ..مستمع ... - متى هالكلام !!! رجع تابع .. - اياً ..كان الي قال ..مفترض تنفذ كلامي انا !!! ...بكرا تخلي العمال يشليونها ...المبنى كله ينشال ..والارض ..تفضيها ...من كل شي !!! ...بكرا من الفجر يشتغلون عليها !!!.. قفل مبعد الجوال ...باحساس ثاير ..منها ولها ...ومخاطب نفسه ..بهزء يمثل شعوره .. - عجيب !!! ام صخر عيت !!!! ... تمت ثواني صمت ...وهي متابعه ...معه ...احساسها مثل الطير ...يتبارى ..مابين فرح ..وشوق ..وخوف ورهبه ....شلون كانت ناويه تبتعد .. عنه ..وهي له ..تحس بهالشعور ...صحيح فعوله لها ..فاضت ..واستلاظت .. لكن قلبها !!؟؟ الي ..يضج بنبضاته ...ومازال ...... واحساسهاالمعتلي فيه..احساس الطيور ...كل الي عرفت ...عنه ..وكل الي شافت وحست ....اجبر كل مافيها ان يكون ساكن ضلوعها هو المنتصر ... همست له ...ولنفسها ...بليا شعور .. - مب هي لي !!! ليه تحرقها ؟؟..وليه تشيلها !!!.؟؟ عضت شفتها...منتبهه..لجموده ...وثبات حتى أنفاسه ...من سحب .. الهوا التفت ...بعجل ..للهمس الي سمع ...... تشابكت ..نواظر عينه المجفله ...والمصدومه ...مع نظرتها ...المستقبله ..منه حتى ..اعمق ..اعماق ..اعماق ...اعماق ...كسوره ...وجراحه ..وضيقه ..وعجزه ..البادي ... رجفت شفتها ...هامسه ..له ..بعبرة صوت ... - ماقدرت ..!! ..ماعرفت حتى شلون ابعد ..!! نسيت الطريق الي يبعدني شلون اخطيّه !!!..... سكتت ..تلمح ...نظرته ..المركزه بكل تواصيفها ...مخفي ..احساسه ..عنها ... لف بكامل متونه ...لها ...منصدم من وجودها ببيته ...تذكر كلام سعد ... ناظرها...بصمت ..مخفي كل مافيه .. - ليه مارحتي ؟؟!! ردت بهادي الصوت الحاني ...مستدركه قوة حظورها وتأثيرها ..لو مابين ..لها ..ولو انه يكابر ... -..ماقدرت !! شافته يتقدم ...جهتها ....مبعد عينه عنها ...ومبعد باحساسه الي ..احتواه يوم شافها ..شوفته لها انفاس الغريق ..الي انسحب .بآخر اللحظات ......مايبي ...ولا يقدر..يسمح لنفسه ..انه يتمادى معها من جديد ...يكفيه بس وجودها ....!!..يدري قلبها ماقوى يكسر ام سلطان من جديد ...!! انتبهت انه ..حتى مايناظرها .....رمشت ...تترقب ..قربه منها ...بصمت ..يخفي ..حرب الروح ...ابعدت ..تشوفه يمر من جنبها ...بعجل ... لحقته ... - الوليد ؟؟ - ماكنت ادري انك مارحتي !!! لو داري ماجيت غرفتك من أساس !!! - وقف طيب ..بكلمك !! وقف ..ملتفت لها ... - بتكلميني بايش !!! الي تبين وصار !! ..والي جالسه تجبرين نفسك عليه الان ...تشكرين عليه !! ..وام سلطان تستاهل من يتحمل عشانها ..ويصبر ...!!! مشت بخطواتها مقربه ..تبي تواجهه ...مخاطبته برجى ..هامس - اسمعني ...طيب ... قاطعها بصوته الحاد ... - نجلا !!! اسمعيني انتي ..!!!! ناظرها ..مركز ..بعينها ..ورافع اصبعه ..موجهه لها .. -انتي !!!خليتيني انطق الي ماكنت ابي أقوله !!!.وقلته عشانك !!..انتي خليتيني اخلف واتراجع عن قرارات ...مالها اول ولا تالي ...!!! انتي شتتيني !.!! ...وماقصرتي !!..كلامك الي تبين تقولينه مابي اسمعه ..وصلت حدي ..ومعاد اتحمل منك أي كلمه ...!! .. ادري بتعلميني عن سبب جلوسك وان ام سلطان غاليه ..وعشانها بتصبرين !!! كله اعرفه قبل تقولينه وفري الكلام !!! انا حافظك ...!! مب تشبهيني صرتي !!؟؟ انا ظلمتك معترف ....!! ..بس هذا انا ...!! ماني معصوم من الغلط ..!! انا انسان !!..اغلط مره ومرتين وثلاث ...!! والحمد الله انتي قدرتي تنفذين وتبعدين !!! ..الايام الجايه ماراح تشوفيني ...اساسا الا أوقات قليله ..ثقي اني ماراح اجبرك على شوفتي الا للضرو.. قطع كلامه . .وعينه على سلسالها ...الي يعرفه زين ... قطب هدب عينه ....وهو يرجع بنواظره لها ... - من وين خذتيه !!!؟؟ تأملت ملامحه من قريب ...والتعب والاجهاد ....وعيونه المرهقه ...نواظرها .... - لقيته طايح بحديقتي الي عطيتني !!! جمدت نظرته لها ... - انتي وش تبين توصلين له نجلا ؟؟؟ !! .. - ابيك تهدى وتسمعني !!!...تعال اجلس ... أبعدت تفسح له طريق ... تم يناظرها مستغرب ....ومستنكر ..وضايج ..من قربها ..السهل الممتنع... - ان كنتي بتكلمني عن خواتي ...ماني سامع لك لانه مايخصك !!! وكل مشاكل في حياتي ماتخصك ..ولا ابي منك حتى تتذكرينها ..كل شي سمعتيه انسيه ...!!....سكت...يباري أنفاسه الخامده ... ثم تابع ..بدون يعطيها مجال ..بعالي صوته .. - اهربي !!! وابعدي ..عن حياتي ..الي كلها عقد ومشاكل ..!!! ردت ..بعجل هامس .. - طيب انا ماقدرت ...اهرب ..ولا قدرت ابعد بالوليد افهم !!! انا حاولت ...بس ماقدرت ...!! .. - ليه ماقدرتي !!! ..انا ماقلت لك ووعدتك ..اني ماراح اتعرضك لا انتي ولاهلك ولا اخوانك !!! ..لهالدرجه منتي واثقه بكلامي !!!انا مابي منك الا شي واحد نجلا !!!ارحميني من .. نظراتك الي تشكك بكل حركه تصدر مني !! انا اذيت نفسي قبلك !!! ...ويوم اجيبك هينا بعيد عن العالم ...لاني ماقويت ولا استوعبت الي وصلني !!! عنك ..افهمي ليه عجزاه تعرفين ..انا شلون افكر !!!! .. سكت ...عن الكلام ...كاره للي يقول ...وكاره لضعفه الي بدا يستاضح لها اكثر واكثر ... وقفت مكانها ...تسمع له ...تاركته يقول الي يبي .....شلون تفهمه ...وهو ..مغتلق ..حتى نفسه مارحم فيها الاجهاد ... فاجئها بسؤاله ..الثاير - ليه لبستيه ؟؟؟ !!! ..وايش تقصدين بحديقتك الي عطيتك !!!! وليه منعتي كلامي الي امرتهم فيه !!!...قولي !!! ....؟؟..وش تبين نجلا !!! قرب منها ...باحساس مكبوت ...ثاير .. - لاتناظريني بعيونك ..وتسكتين !!! ..؟؟؟ و لاتصيحين ...كلميني ...!! وجاوبي !!..وش تبين ؟؟؟؟..!!.. وقفت مكانها ثابته ماتراجعت ...تترقب ..قربه الي ..بان ...حست ..بعدم قدرته على ضبط اعصابه ... ارتبكت نواظرها ...برهبة احساسها الظاهر ...تكلمت بصوتها الواضح ... - ابيك انت !!!!.. وقف عن تقدمه ...لها مابينه وبينها الا خطوه ... تابعت ...توجه له كلماتها .....بدون قيود ... - ماقدرت ابعد عنك ...!!..كنت احسب اني قادره ..بس لا !! ..كنت أقول انك عجزت تعطيني الأمان ..والي صار اني انا ..الي عاجزه ..القاه بعيد عنك ...!!!..كنت احسب جية خواني ..وشوفتهم ...بتنصرني عليك !! والي صار ..اني اخسر كل يوم ...!!..وانا مادري !!.. سكتت تبي تهدي رجفة شفايفها ...وتدفن الدمعه المقبله قبل تظهر له ويشوف ... خاطبها ..بصوته اللايم ... - ايش؟؟ أبعدت عينها عنه .... - ناظريني ؟؟؟!!! لاتبعدين عينك !!! رفعت راسها له ... تابع ...يجاري فيها ...الضيق ..والكبت ... - تدرين انتي امس وش اجبرتيني اسوي ..عشان تسمح نفسك وتطيب !!!؟؟ - وش قلتي امس بهالمكان ؟؟؟؟ هينا نفس مكاني الي انا واقف فيه !!!...قولي وش قلتي !!؟؟ مب قلتي انا انجبرت ..اتعايش معك !!!! ... تسارعت أنفاسها ...وهي له تسمع ....وتشوف ..قريب منها حيل ...حيل .. - قولي نجلا ؟؟؟ وش نيتك معي !!!؟؟ انا ماني لعبه بين ايديك !!!.. ترك عصاته ..من يده تنفلت لجل يقرب ويلمسها ... وتراجع .. - ردي !!! ؟؟ لاتسكتين .....رفع يده ...عشان تشوفها .. - شوفي انا باللياله ماسك نفسي عنك ..لاتجبرني ..على شي ماتبينه ولاابيه انا !!!..عشان كيذا تكلمي وقولي الي عندك ...!!...ليه نجلا ليه !!؟؟ليه اجبرتيني ..اطلق ..وانتي بتتراجعين !!!؟؟ وش نيتك قولي !!! انهى كلامه ...بصوت عالي .... شهقت ...بعبره ...من صراخه ..الي زاد رهبتها ..منه .. - كنت ابي اوجعك !!؟؟!! ..مقهوره انا امس !!..كثر الي راح واكثر مقهوره !!..هزت راسها ...بصدق ..شعور .. - وكنت بروح ...تحسب اكذب والله نيتي اروح ...!! بس ماقدرت يالوليد ..قلبي عيا لايطاوعني !!!..شفت انت يوم ..ركبتني السياره وجبتني هينا !!! كيف نفسك ماخلتني ...!! انا مثلك طيب !! لكن الفرق اني تمسكت بك رغم انك ظلمتني واخطيت بحقي !!! تم يناظرها بصمت ...مركز ...بكل ملامحها .... خاطبها ..بهادي الصوت ...المختلف عنه قبل لحظات ... - وش تبين مني الحين نجلا ؟؟؟انا تعبت !!! ..تعبت من كل شي !!!وبموضوعي معك معد لي طاقه ..ولا صبر !!! عندي الي كافيني واكثر ..!!وانا اقولك من الحين !!! اذا نيتك تتلاعبين بي مانصحك !!! انتي الي بتحترقين بالاخر !!..انتي ماتعرفين وش تبين تايهه ومتخبطه !!.. اختاري ..اما حياتن معي ..!!! او بدوني !! لكن !! اعرفي اني ماطلقت وجاريتك الا لانك وعدتيني ...مايدخل حياتك غيري رجال !!!وان حصل وصار ...!!فاعرفي وقتها انك ماوجعتيني وبس !!! الا ذبحتيني !!!....سكت ..يتامل ملامحها ...من نواظر عينها ورمشها المعكوف ...الممتلي دمع ومزون ... تابع بهادي الصوت الرصين ..المحتزم .. بكل محاولاته لضبط روحه ..قدامها .. -ان كنتي بتنتقمين مني سويها !!جلوسك معي مجبره ..مب قاهرني كثر الي قلته لك !!!! سكت مبعد عينه عنها ....منتهي من كل الكلام ...احنى نفسه ماخذ عصاته .. ولاف عنهاا تارك لها المكان بكبره ...وصل معها لنقطة عبور ..ياخساره ياانتصار ...!!!...وش اكثر من انه ..يخبّرها ..شلون منه تأخذ حقها المسلوب ...!!معد بقى ..به ..حيل ...!! قدامه من الهموم الي تجبره يكمل عقبها المشوار !!.. تابعت .....بعينها ...مسيره ..لين طلع ...ضحكت بشهقه وجلى .....رافعه يدينها تمسح دمعها المتحدر ...حتى بضيقه يعترف لها ...بخافي مكنونه ..المستور ..وش تبي بعد اكثر !!... .................................................. ................................. سكرت بسمه الباب ...مبعده عنه ... مقربه من اشواق ... - اشواق ؟؟؟ شواقه قومي !!..شكلها مولعه بين الوليد ونجلا !!! فتحت اشواق عينها ... - وش تقولين ؟؟؟ وش صار ؟؟؟ ..تلفتت ..متابعه .. - وين نجلا ..؟؟ - نجلا راحت وانتي ..غفيتي !!...توني اسمع صوت الوليد ..يصارخ !!!..ثم اختفى الصوت ....!! فزت اشواق .. - يصارخ ليه ؟؟؟؟ وش صاير ؟؟ ابوي جا اجل !!! سكتت بسمه ...تناظرها برحمه ... - ماجا قومي بسم الله عليك ...انا غلطانه روعتك !! ..اقولك نجلا طلعت ...الصوت اسمعه من جناحها جناح خاله سلطانه الله يرحمها ....الوليد عندها ..فهمتي !!!! مسحت ملامحها ...بارتياح .. - أي أي فهمت ...ان شاء الله مافيهم شي ...!..كم الساعه كم نمت انا !!! - ساعه ونص ممكن ...!! سمعوا دق عالباب ...التفتوا بدخلة نجلا ... - سلام ...وش تسوون ؟؟؟ .. ناظروا بعض ...والتفتوا لها من جديد .. - ولا شي توني قمت ...من نومي ...!! .. دخلت ..وبسمه تتامل محاجر عينها ..المورده ... تنهدت ... - صايحه نجلا ؟؟؟ فيه شي ؟؟ ابتسمت نجلا ...ماصدقت توقف دموعها ... - يعني شوي ...كلمت خالتي ام سلطان ...وتأثرت ..!! هزت اشواق راسها غامزه لبسمه ..تسكت .. - الله يشفيها يارب ... قربت نجلا منهم ... - وش رايكم نسوي العشا ...ودي اطبخ تنزلون معي ؟؟؟ استطردت ..بسمه باستغراب .. - تعرفين تطبخين ؟؟؟ ردت بفخر ...ضاحك .. - اجل ؟؟ اكيد ..واعجبك بعد !!! اغلب عشيات ابوي كنت اطبخها انا !!! .. - يلا قدام ...والله فاجئتيني ...!!! وقفت اشواق...تتمطى ... - انا أتوقع منها كل شي ...!!..طيب وش بنسوي ...!! .. - تعالوا ننزل ونقرر ...نشوف البنات تحت بعد ...!! بنزل انا الحقوني ...!! تركتهم ...نازله من باب المطابخ ....مطرفه بعينها يم جناحه المظلم......ونازله ....مو مستعده ...تروح له تبي تتركه ..الين يهدى ..شوي ..الي تبيه وصلت له ...وهذا يكفيها ... التفتت اشواق ...لبسمه .. - ليه تحرجينها .. اكيد قال لها شي بخصوص ..الحديقه ..وضاقت ..!!! - اها ..يمكن والله ... .................................................. ............................... الساعه ...9... نجلا وبسمه واشواق ..بالمطبخ ...ومعهم ام عمار وشريفه وعفاف ... أصواتهم ..وضحكاتهم ...ومزوحهم ...ملت المكان .....نجلا سوت ..كذا صنف ....والكل شارك وساعد .... - خاله فاتن ..هينا بناكل معاكم ...!! ... استطردت اشواق ... - والوليد ؟؟؟ ..مايبي عشا ...!! التفتت لها نجلا ...مقطبه .. - تروحين تسالينه ..؟؟... وقفت اشواق ...ببسمه خفيفه .. - أي اكيد .... ..مرت ربع ساعه ...ورجعت ...معلنه ... - مالقيته ...محد يرد ...!!متى طلع ؟؟؟ ماحسينا فيه ؟؟ هزت نجلا راسها .. بتفهم ..... - تلقينه مريح .ماسمع هو مجهد مارقد..زين ... بببقي له وارفعه !!! ... - عطوني اغرف لابو عمار وعمار .... - مالو داعي يابنتي غلبانكي ؟؟؟!!! وقفت نجلا عن حركتها ...تناظرها ..بعتب .. - والله ماسويت الا شي بسيط انتم خليتوني حتى اتحرك ؟؟؟ ...سكتت ..مبتسمه تناظرها بعين ..حانيه ... -هاتي لازم يذوقون طبخ ام صخر !!.. تشابكت عين عفاف ...بنظر أمها .... متذكرين ...انها ماتحب احد يناديها بهالاسم ....والحين اختلف ...الي كان .. قربت شريفه من عفاف هامسه ... - نجلا متغيره مالاحظتي ؟؟فيها شي ..كيدا مبهج ...!! - ايوا ايوا ..هو كيدا الحرمه لمن ..تفوز ..باسد الغابه !! . تنتعش !! زيها تمام !!!!.....انهت جملتها ضاحكه ...مع شريفه ... - ضحكونا معكم ..؟؟؟ لفت عفاف لاشواق .... - يابنتي نكته حضريه ماحتفهميها ....!!! عدي عدي !!! تعشوا ....جميع وام عمار راحت تتعشى مع أبو عمار وعمار....قضوا وقت العشا ...مابين ..ضحك ..وحس خالي من القلق ...والضيق ....تأملت نجلا ..ملامحهم ..جميع ...اول ماجت ..ماتقبلت نفسها بينهم ..ووسطهم ...ضايعه كانت .ومكسوره ...والحين ؟؟؟ كل وحده فيهم ...لها بالقلب مكانه ...حتى المكان ...عشقت فيه ..حسهم ..ووجودهم .. صاروا لها اهل ...مثلهم مثل ..اهله وناسه بالرياض ..... - نجلا ؟؟؟ اشبك ..ماتاكلي ؟؟ بس تتفرجي علينا ؟؟!! حركت حواجبها بحس مازح .. - مسممتكم ؟؟؟!!! ... استطردت اشواق .. - انتي الورد وهو الورد ..عيتي يشيلونه ويرمونه !!!..تبين تذبحين اوادم ؟؟؟ كثري منها !!! شاركتهم بسمه .. - انا اعرف ليه تتفرج علينا ..بتفقدنا ان رجعت الرياض !!! فهي جالسه تحفظ هااللحظات ...بعقلها !! .. التفتت نجلا لها ...مبتسمه ...هازه راسها بصمت ...مخنوق ..وهامسه .. - صدقتي .... - لاااانجلا ...من قال بتفقدينا الوليد قايل بيجي هينا دايم وانتي اكيد بتجين معه ... - ان شاء الله .....عضت شفتها ...مستطرده .. - انا برقى ....اتحمم عقب هالطبخ والحمس...ويمكن اريح عقب ...لاتستبطوني ... - روحي ياقلبي ...خودي راحتك ...بحياتي ماشوفت ..ست بيت زيك ؟؟!! مااطيبك ..واطيب قلبك !! . تنهدت ...رافعه كفوفها تغطي ملامحها .. - الله منكم تحرجوني ..بهالكلام ...!!! .. تابعت شريفه تكمل عن اختها .. - صدقت عفو يانجلا ...انتي نورتينا ...وربي البيت صار فيلوا حياه !!! ... علقت اشواق ...وتبعتها بسمه ... - انا معهم بعد ... - وانا بعد .... وقفت نجلا محرجه ...مبعده يدينها ومرجعه الكرسي مكانه .. - انا بقوم او بيكبر راسي عليكم ...!!!.. طلعت وسط ضحكهم عليها ....متوجهه لجناحها ...مرت من جناحه ...مظلم ...قربت ب خطوات هاديه ... ما حست بلفحة براد تحت الباب ... قطبت هدب عينها .....اكيد نايم .. بس بهالحر !!...تركت المكان .. متوجهه ..لغرفتها ...تبي تاخذ دش ...وتنفض ..عنها ..روايح الطبخ والحمس ... .................................................. ........................... يضرب بيده ...يسابق أنفاسه ...رغم اجهاده ....الا انه ...نزل ..لحمام السباحه ....يمكن يقدر بالجهد الي يسويه يهدي اعصابه الثايره المحبطه منها .. ومن حالهم الي وصلوا له .....تم ..يتبارى مع نفسه ...وياخذ أشواط العبور اكثر من ساعتين....بدون توقف ...يبي يوصل حد الهلاك الجسدي الي ..يرغمه ..يستسلم ...وينام ...وينسى ...احداث ..مرت ..وضرّت .... قد ..مااسعد نظر عينه ...شوفها ..قد ما اوجع قلبه ...ترددها ...وتخبطها ...اعطاها ..حتى ...الطريق لجل غلّها ...يبرد ... معها وضّح حتى ...انكساره ...والطريقه ..لجل تأخذ حقها منه ..معها ..تنازل حتى عن كبريائه ..عطاها اخر الحلول ...وقدم لها ...نفسه ..بليا شعور ...اما غرامٍ يشرح الصدر طاريه ...واما صدودٍ..وعمره ماعشق !!!..... كان لازم ..يخيرها ...!!..من جديد ...قدامه ..مشوار وطريق ...لازم يخوض..فيه ..بكل مايقدر ..معها او دونها ...لازم يمشي هالطريق ... وقف ...يسحب انفاس ...يعيون ترقب المكان ...كم له ماجا صالة الرياضه ...من سنين ...مازالت ..مثل ماهي ...رفع يده يشوف الوقت ... توجه ...للسلم بيطلع ...لف متنه ...بمنشفته ..متوجه لحمام تبديل الملابس .... .................................................. ................................. طلعت نجلا ...ماخذه دش سريع ومتوضيه .. ...متوتره ...ودها انه يسمع لها ...حتى وان كانت اختارت وجوده ..لازم يسمع لها ..ويفهم مكنون قلبها ....هي بعد لها مخاوفها ...من مجهول حياتها معه ....تاملت نفسها ...وكنها تخاطب روحها ...بصمت ...هامس - وش تبين اكثر ؟؟ .......رفعت يدها تتلمس مهرتها ..المتمثله فيها ...تنهدت ..متحركه تختار لها لبس ...اساسا ماتدري هو وين ...وكنها تهدي توترها ...ثاني مره بتروح له ...برجلها ...وثاني مره بتسلم ...له نفسها ...وحياتها ...وعقلها الثابت الين الان ....وبتتركه ..يخيط لها كل جرح ..بيده ..جرحه ..وبتشوف اخرتها ..مع هالقلب ..الي عجز يتوب ..منه ...يايموت .بسبتّه ..او يحيا به ... .. اختارت ...بجامه ..حرير ..بلون ..الصدف ..العاجي ..تاركه شعرها الرطب ..بعد محاولات تجفيف ..عجلا بيدها ...اطرفت بعينها لخاتمها ...سحبته ..محطيته بجيب الصدر للبجامه ...متوجهه لسجادتها ...بروح هايمه ..تبي الراحه ..صلت ركعتين ....لباريها ..ورفعت يدها ..تدعي ..وتطلب وترجي ....حسن الختام ..مع قلب عاشقها الي تحب .. طوت سجادتها ...ساحبه الجوال ....تدور رقم ...تبي تسمع صوت راعيه .. رفعته تترقب الرد .. - هلا وغلا .. - هلا سعد ...اخباركم .. انا نجول .. - هلا بالحبيبه ممدا اشتقتي لنا !!!.. - اكيد بشتاق ...اخبار الطريق ونصور عسى هادي ؟؟ ماشفته قبل يروح ..الخسيس حتى ماسال عني !! سمعت ضحكته .. - لا ماسال ..بس ماكان يبي يترك الوليد ..صراحه ..خلاص راحت عليك !! ابتسمت .... - اوريه خليني ارجع الرياض ..! جاها صوته ..الحاني .. - اخبارك ياخوك !! ؟؟ اموركم تمام!!..تكلمتي مع رجلك !!؟؟ ترددت ثواني ... - لا لسه ... - درا انك ماجيتي معنا ؟؟؟ - ايه عرف ..بس لين الحين ماتكلمنا ..زين .... رد بحماس | ||||
|  |
|
06-09-19, 01:56 PM
| #1042 | ||||
| - روحي انتي تكلمي معه ...وناقشيه بدون ماتعصبين او تتنرفزين ..انتبهي تتذكرين أي شي شين ...تذكري انه كفو لك ..وان الانسان خطاء ياخوك ... كلنا نغلط ..ونتراجع ..والحياه تستمر وتمشي ...لو محد يغلط مكان به حياه من أساس ولاجنه ونار ..!!!الله يغفر الذنوب ..شلون الانسان ..!!وانا لو ماشوف ان الي بتسوينه صح ..والله ماخليك ..!! قاطعته ..بهمس .. - سعد !!؟؟ - لبيه !! - الله لايحرمني وجودك ياخوي ... - امين ولا منك ....سمعت أصوات ...ورد سعد .. - يابن الحلال تسال عنك تقول ليت نايف جلس ماراح ...عشان اقدر ارقد !! قطبت تسمع اكثر ...وصلها صوت شيهانه ... - اوهه خوانك اشتبوا ...!!! الرازق بالسما والحاسد بالأرض ...!!! ضحكت ...بحبور ...ابعد الخوف والقلق عنها ...سماع حسهم يغنيها عن كل الأصوات ...وجودهم كفيل بانه ..يشرح لها صدرها الضايق ... يكفيها من النعم هم ... - عساه .. دوم الضحكه ... - امين ...يارب ..يلا بخليكم اول ماتوصلون علموني ...حتى لو مارديت ارسل رساله انككم وصلتو ... - ابشري ..ابشري ..يلا فمان الله .. - مع السلامه .. قفل منها ...تركت الجوال شابكه يدينها ...رهبه خوف ...ماتدري هي قد ..انها ..تاخذ بيده ..وتبتدي معه خطوه بخطوه ..الين يستكين .. عطت نفسها نظره اخيره .. - يالله يانجول ..اش هالتوتر ..الي حاشره نفسك فيه ...!!!اوف اوف اوف ...وبس ...مايسوى عليك ..!!!.. قسمت شعرها من منتصف الجبين ...تاركه الخصلات ..مسدوله حوالين مبسمها ..المرتعش ..المتوتر ...متقصده عشان تخفي ...ملامحها ..عنه .. تقدمت ...فاتحه باب جناحها ...متوجهه لجناحهه ... عضت شفتها النور مازال مطفي ... يمكن ماجا ...بس كلها إصرار ماتبي تتراجع ...بتدخل تنتظر الين يجي .. تقدمت ..واقفه قدام الباب ...تنهدت بعزم ..قابضه على مقبض الباب فاتحته ..بهددووء يعاكس ..ضجيج ..احساسها ....المتوتر .. الظلام مالي المكان ...قطبت هدب عينها ...واصلتها ....روايح عطوره الي تعرف ... تقدمت بخطواتها المتهاديه ...استكانت نظراتها وبدت تدور له زول وسط الظلام ..سريره مثل ماهو ...وباب دورة الميه مسايف..بس مافي صوت .. اطرفت عينها للستاير ..مفتوحه ...والهوى ..يحركها اول مره تدري عنه عنده بلكونه ..مانتبهت لها قبل ...فصخت شبشبها ...وبدت تخطي بخفه ...حاسه بانغراس مواطي اقدامها ..وسط ..فرش الأرض...لمحته ..بنور البدر واقف ...بصمت ...مابين أي حركه ...او ادراك ..لوصولها .. ..وكن فكره مسافر ..لمكان بعيد ..وصلت للستاير ...ووقفت .. واقف ....بهدوووؤ ...وقلبه ينتظر ...ماغمضت له عين ...الصراع الداخلي الي يعيشه ..انكهه ...مابين لايم ..وناصح .. وده لها يروح ...تعب يستمهلها ...تنطق ...بينفر لها ...ويهزها الين تدرك ...الي هو يعرفه وهي تتعامى عنه ... تمت واقفه ثواني ...تتأمل ..رسم متنه ..الشامخ ...تعودت عينها على ظلام المكان ...لمحت لمعة شعره الرطب ..من النور الخافت ....مابينه وبينها الا كم خطوه ...تقدمت .. مخاطبته بهمس ..من روحها ..قبل لسانها ... - الوليييد .!! ظل ثابت مكانه ...بجمود مفاجئ... لكل ..تفاصيله ....لدرجة ..عقله الباطن شك ..بجنونه ..وخلاه ..يسمع صوتها ... قربت تكسر الصمت ..وتزيد القرب ...رفعت يدها ...بلا شعور لكتفه .. - الوليد ؟؟ ... لف متنه ...لها ساحب ...كفها يمّه ... مخاطبها ..بلهيب ..انفاس .. - مجرمه ..انتي ...!!! مجرمه ....!! لمها له حاظن ...بدون يترك لها مجال ...حتى له تشوف ... همست ..بعجل .,, - الوليد ..لحظه ..!! .... بكلمك...!! دفن.. راسه ..بين حنايها ...متغافل ...عن حسها ...المرتجي .. ..سمعت حسه ..المختلج ... - اسكتي ...نجلا اسكتي !! ماتعبتي من الكلام ؟؟؟... ماترك لها مجال حتى ..تشرح ...ولا روحها تركت بعد مثله هي تعبت ..واشتاقت .. رفعت يدينها ...تحظنه اكثر ..حست ..برجفته ..الي غالبها الثبات ... همس لها من بين أنفاسه ... -..اجرمتي فيني ..!! يابنت غازي ..!! .... لمست كتوفه ....هامسه ... - الوليييد ...!!! تراجع ..بهجوم ....دفاعي ...ثاير ... ماسك كتوفها ...شابك نواظره ...الضايعه فيها ... - نجلا !!! انتي مب غبيه لدرجة تجيني برجليك اليوم والحين بالذات عشان تتكلمين !!!! رمشت عينها مجفله ..الم مسكته الي مو حاسس ..فيها ... ثبتها ..قدامه ...اقوى واكبر من الي توقعت ... تكلمت بصوتها ..الثابت الهامس .. - الا جيت عشان أتكلم !!! وبتسمعني الين اخلص ...!!! وههالمره بتفهمني ...وتستوعب كل كلمه بقولها زين !!!.... ناظرته بتركيز ...مهمله يدينه الي قابضه ذرعانها ..مثل القيد ... - انا ماجلست عشان تخيرني ..!! انا اخترت خلاص وانتهيت !!! مثل اول ..اخترتك انت ...رغم خوفي منك جلست !!..مابي ..الا شي من حقوقي ....وبعلمك وشهي ... !! ...اولا ...معد ابي لك تواصل مع البندري ...!.. سكتت تترقب ملامحه الثابت نظرها فيها ....بلا حراك .. سمعت صوته ..الامر .. - غيره ؟؟؟!! رطبت شفتها ...رهبه ...لذكر..اسم ...تدرك سماعه له ..بيثيره .. - ثانيا ..زناد بن عبد الرحمن ..مايعني لي شي !!! وللمره المليون اخوك مايعني لي شي !!!! ولا احد يعني لي كثر اخواني وكثرك انت ..!!! ركز بعينها ..متابع ...بصمت ..مخفي كل هزيج احساسه ...المتضارب بعنف ... مانتظرت يسال عن الباقي تابعت ...بحسها ..الخافت ..المرتجف .. - ثالثا ... ...الجوهره بنت عمتك ..معد ابيها تدخل لي بيت !! ولا ابي عاد اشوفها بحياتي !!! ولا اسمع عنها حتى ...!!!...ان دخلت لي مكان طردتها ...!!! حتى لو دخلت بييت ابوك بالرياض !! !! المكان الي بعيش فيه لاتقرب منه هي !!! سحبت انفاس ..من توتر قربه ..وذكرها لطاري شخص ..قلب حياتها ..واوجعها ..كارهه .. تكلم برخيم الصوت الهادي .. - خلصتي !!؟؟ رطبت شفتها المرتجفه .. هامسه بوجل .. - لأ!!!.. أبعدت عينها عن عينه ..تتأمل ملامحه المجهده.. ..من جبينه ... ..ورسم هدب نواظره ..الين مبسمه ...وسوالف ذقنه النابته باهمال ... رجعت شبكت عينها بعينه ...مرحبه ..بسيل دمعها ..المتسابق ... شدت شفتها ..بتنهيد .. هامسه ..برأمر يشابه ..في سماعه الرجى ..اليائس .. - مابي تظلمني من جديد ...!!...اهتزت متونها ...غصب ...حست بنحلال قبضة يدينه ...وهو لها متامل وسامع .. تابعت .. - ولا ابي ..تشك فيني ...!! .ولاتصدق يالوليد !! ...تكفى !! ثق فيني .... رفعت يدها تمسح عينها ..تبي تركز فيه النظر اكثر واكثر ... تابعت ..بحاني الصوت .. - ثق بنفسك وثق انك ..انت كل الي لي !!! لاعدم انجابك ..ولا عرجك .. ولا ..يتمك ...!!..ولا ماضيك ..بيعيش فيك كثري انا !!..انا الي بعيش معك ...وانا الي اخترت اليوم ..والحين ...وكل حين ...!!...اني أكون معك ..شوفني انا ...رغم خوفي ..من الي جاي بحياتي معك ..جيت ...ووثقت بك من جديد ...!! ..سكتت ..مبعده عينها .. وماده يدها لكفه ...فاتحته ..ومتلمسه لمكان ..تخبره ..زين ويخبره هو ... اثر حرجن جمعهم يوم ...قبل ..يعرف وتعرف هي مكتوبهم الي يعيشونه ..تابعت ..مستدركه صمته ...المقصود .. - اخر شي بطلبه منك ...لاتسترخص جيتي الين عندك برجلي ...!!... رفعت راسها له ...مركزه بعينه ... - ماجيتك الا وانا شاريتك ...رغم كل شي صار !!! سكتت ..منهيه همس ..مكنون قلبها ...له ..ومنتظره منه الرد .. رفع ذقنها ...لجل يواجه نظرها ... - شفتي اثر هالجرح !!!؟؟...مثل وجودك ..بدنياي ..!! ..قلت امس واعيد اليوم ...انتي أساس كل شي ...!!.. ابعد يده ..المرتجفه ..مايبي تحس بها ..كثير !!! الليله والامس وقبل وقبل .. عطا وقدم .رغم كثر..العطى الموجع ..عطا وماقصر ..حسب شخصه ..الضايج ..عطى !!!....وبعد لازال من داخله ..يرجف ..وبعصف ...كثر ..مااوجع وجرح ..بليا حساب ...هو بعد انجرح ...وهو بعد يحاول لجلها يتعلم ...ويفهم ..ان شخصه ..الصعب ..وفكر روحه المعقد ...لقى ..له روح تفهمها ..بدون شروح ... تأمل ... ثغرها المرتجف ..ونظرة عيونها النجلا ...تطالب ...منه يعلن شعور الاستسلام ...ويسلم لها كل موازينه ..وكل ..بيادي حربه الضروم ...تجاه نفسه قبل كل الخلق ... تكلم ..يقطع.. لهيب صمتهم ...الملهف التعبان ... - تجنيت عليك ومارحمتك....انا غلطان !!!يعلم الله ..اني ..كثر ..ماجرحتك ..سال دمي !!.. تلفت متحرك ..بثقل ...و.بختناق انفاس .. - تعالي ندخل تعبت من الوقفه ... مسك كفها ..ساحبها ..تتبعه بكل ..خطوه ...قرب من مفتاح النور ...يفتحه ...يضوي ..الجناح ...من ظلامه االمستزان ...بوجودها ...معه ... اشرقت عينه بشوفتها ...وسط النور ...ضيّها.. يياري شعاع النور .. ماكذب يوم قال انها له ضي عين .. لمح ..في ملامحها ...وهج الحمار ...الخجلان ...تم ماسكه ..و تقدم ..يجلس ...بالمكان الي جته فيه بيوم ناصيته تعطيه مكتوبها ...مد رجله .. جلست ..بجنبه .....تتبع حركته .....الين جلس ..مبعثر شعره بيده .. ... غرس أصابع كفه ..بشعره ..يبعثر ..ترتيبه ...متوتر ..احساسه ..ولذيذ.. ..شعور ..الرجى فيه ... التفت لها...مثبت انظاره ...لنحرها..وبالضبط.. على سلسالها .....الين ارتقى لعينها ..ناطق ... برجفه ..ماغفلت عنها ..وبحس ..مختنق ..شاحب الصوت .. - انا اسف ...!!!..الله يحرمني انفاسي....ان عاد عدت وظلمتك ..!! .. تابع ..بتشديد .. -هذا الي تبين تسمعينه !! سكت مترقب منها لفته لو بسيطه ..مالقى غير ..الصمت ..وعيونها ..الي ابعدتها عنه .. تنتظر ..يوافق ..على كل طلباتها ....ماقال تم ...ولا قال حاظر .. لاطرى البندري ولا الجوهره ...استنزفت...شعورها ..انتظار ... نادها بصوت ..يرتسم فيه الملل والضيق .. .. - نجلا !!!؟؟ التفتت له والشرار متطاير من عيونها ... - لاتتوقع اني برضى ...بس بحرمانك من انفاسك !!! حبيباتك الي بكل ديره !! معد ابيك تتواصل معهم ..اعتقد كلامي واضح يالوليد !!!. لاتقولي بنت عمتي بنت خالتي ...!!! .رفعت اصبعها مهدده .. - ان كنت مجنون فانا اجن منك ..!!..ولسه ماشفت من جنوني شي !!!.. فاجئها بضحكه مدويه ... - صحيح انك مجرمه ...تركتي اعتذاري لك !!! وذكرتي التافه !! استطردت باستنكار ... - التافه هذا؟؟؟!! هو الي ..وصلنا للي احنا فيه ....!!!! ..هو الي وصل ام سلطان لهالمواصيل !! اختفت بسمته ...متذكر ..... - كله بأمر الله ... تابعت ... - ونعم بالله ...بس فيه أسباب تسببت بهالشي ...!!..لاتقول تافه ..!! اسند نفسه ...على ظهر الكرسي ...يسمعها ..بفكر سارح بمناغشاتها الي فقدها من صار الي صار ... ...سعيد الإحساس ..الي يعيش ... تابعت ...مسترسله ... - صحيح ان جيتنا هينا ...لها إيجابيات وصارت أشياء زينه شفت امك واخواتك وتعرفت على ام عمار وبناتها ....ترا صدق ازين شي صار لي ..اني تعرفت عليهم ...انت جبتني تبي تحرمني الناس ...لكن لقيت .. لي اهل ...!! التفتت له ... شافته مغمض عينه ...تمت تتامل صمته ...وانفاسه المتهاديه ...وملامحه المستكينه ...رقّت نظرتها ...وهي تلمح ..رسم الاجهاد ...فيه ... واضح عليه التعب ...وواضح اكثر استهلاكه طاقته عشان يجلس ..ويسمعها ...كأنه ينتظر جيتها عشان تسكن روحه ..وتهدا ... ماتدري كم جلست ...تتأمله ...اكثر من نص ساعه ...وهي مستكينه ...تتابع أنفاسه ... عضت شفتها ..متحركه بخفه بدون مايحس ...وقفت ..متوجهه تسكر باب البلكونه .... فقلتها زين ساحبه الستاير العاتمه ....قربت منه ...تبي ترفع رجله ..لجل يرتاح ...رجفت مشاعرها ...بقربه ...وصلت للجزء الصعب ..تبيه ينسدح ..بكامل متنه ...بدون يحس بها ... أبعدت شعرها ...مقربه اكثر .....ماده يدينها لمتنه... وهامسه ... - الوليد ؟؟؟ ..انسدح ...نام زين ...!!... راحت تجيب خداديه ...ورجعت ... - الوليد ؟؟؟ حط راسك هينا ... مارد ...عليها ...ولا حتى سمع ... عضت شفتها وهي تحاول تسحبه ...ينسدح زين ...رفعت راسه ...منحنيه تبي تحط الخداديه بعجل ...انفاسه الحاره لفحت نحرها .... حطتها ..ورجعت راسه ...ببطئ.... همست .. - الوليد لازم تصلح ظهرك ...انسدح زيييين !!!!... فتح عينه ...بتقطيب ....كنه ناسي وجودها ....كررت عليه ... - يلا صلح نفسك ....ونام ... انحنى بثقله ....مثل ماطلبت ....حاساس بثقل عينه ...مسك معصمها قبل تبعد .. التفتت له .. - نام يالوليد بكرا نكمل ..كلامنا انت مجهد ..!! همس لها ..بصوت ناعس ...آمر ... - لاتروحين !!! ابتسمت ...بهزل ...مخالط ...الرحمه ...حتى بقمة تعبه ...يتأمر ...!!.. - ماني رايحه ... همس متابع يخاطب نفسه ...وفكر...عقله ...الباطن ... - ان رحتي ...ضعت عقبك ....... قالها ....هامس ..بصوت مرتجي ..ضايع ... وقفت ...مبهوته ...تناظره ..بصمت ...قلبها ... يلتوي لشوفة ضعفه ... واعترافه ...جالت بعينها صور ثورانه ..وهو يكسر ...كل ماصلت له عصاه ...وينهي وجود ..ذكرا امه ...بسبب الضيق الي يحسه ... ارتخت يدينه ...حوالين معصمها ....ابعدتها بخفه ...جنبه ...رافعه يدينها تسمح عيونها .....قد مافرحت ..لرجعتها له قد مانقهرت ...وكرهت ماضيه الأسود ...وكرهت سلطان ... والجوهره وأبو طلال ...وكل من اذاه ..!! سحبت لحافه ....ولحفته ...ماقدرت الا تلثم جبينه ...ومتراجعه ..بعجل ...تبي تطلع ..متضايقه ..... كارهه شوفته ..كسير ..لو مابين ..بس المدفون بالقلب وصلها .... وصلت جناحها ...سكرت الباب ...وفي بالها شي واحد ... دورت عالجوال ...خذته ودورت ...الاسم الي تبي ...قد ..قرت لها رسايل ..الي أرسلتها اشواق من رقمها ...تعرف الرقم ... رفعت منتظره ...تسمع حسها ..الملهوف .. - هلا ؟؟ ... الوليد ؟؟ - لا نجلا ...خالتي !! تابعت ام طلال بنفس اللهفه ... - هلا بنتي فيكم شي ؟؟؟..البنات فيهم شي ؟؟ ردت بتطمين ... - مافينا شي خالتي كلنا بخير .... - واهلك ؟؟ اخبارهم ...!! - ماعليهم بالطريق ... - خفت يابنتي ....وانا مب ناقصني روعات ...!! رطبت شفتها ... - خالتي ؟؟ - أي بنتي معك ....وش فيك ؟؟؟ صوتك مب عاجبني ...!!! رجفت شفتها ...بعبره .. - ودي اقولك شي .....ليه ماتقولين للوليد ...وتعلمينه ؟؟ مو حرام الي يصير !!! ليه تخلينه مقهور ماهو عارف ..انتي ليش ترفضيته دايم !!! - لا نجلا !!! انا اسوي الي اشوفه مناسب له !!! لاتفكرينه سهل علي مابيه يضيع !!..انا ادرى !!! رجلي انسان كريه ..مجرم مايخاف الله !!! هالاشكال مابي الوليد يقربها يكفي الي صار قبل !!! اول هو صغير ومراهق الحين لا !!! ..ان عرف ان رجلي مدبر فراق ابوه وامه ..زودن على اهله ...مااضمن وش بيصير !!!! شهقت نجلا تبعد غصتها ... - طيب لا تعلمين عالاقل ..انتي ..تغيري !!! ..مايعورك قلبك ..عليه !!! ..رجال طول بعرض ..مازال نبذك القديم مأثر فيه !!! حرقت جفنها دمعه ساخنه ...كرييهه .... ماسمعت حس ام طلال ... - ليه ماتردين ... انا ضايقه ...خالتي ...مقهوره ...كثير اشيائء صدمتني بحياته ...!! - اسمعيني نجلا .... - هاه... - المفترض انك يوم عرفتي الحين وش تسوين ؟؟؟ توقفين معه ...حتى لو ماشكى لك وقال يكفي وجودك ...!! وانتي تدرين ليه !!! هذا خالصين منه !!! كون انك قررتي تسامحينه على زلاته معك هذي اول خطوه ...!!الباقي خليه علي ..الا مايجي يوم وأقول له بنفسي ...!!! الين يجي هاليوم انتي اسنديه ..بنتي ...!!..لاتضعقين ..ولا تسمحين لاحد يفرقكم ...!! اوقفي معه وقفه ترا الجاي اصعب بنتي !!!... - اش تقصدين ؟؟ وش فيه اصعب ..بعد ...!!.. - خذي مني نجلا ... واسمعي ... واتركي الباقي لاتسألين ...!! ..انا مرتاحه انك موجوده .. ياامي ... وجودك جبر كسر ..بيني وبينه ...!! الباقي خليه للايام تجبره ...!!!.. اهتز متنها ...برجفه .. - انتي تحبينه خالتي ؟؟؟ تحبينه صدق ؟؟ جاها الرد ..بصوت حاني ..هادي ..مريح لاعصابها المتهاويه .. - كثر ماتحبينه واكثر ....!!وكثر ماحبيتك انا واكثر ...!!! .. شهقت بضحكه ..مكتومه ... تابعت ام طلال ... - لاتضيقين ..كل شي راح يتحسن مع الأيام ...اهم شي انكم مع بعض ...ويارب لك الحمد خواته واخوانه حواليه ...وانتي ...يهون الي بعده ..بنتي !!!.. - الحمد الله .. - وسعي صدرك الحين وانبسطي ... كيف البنات عندكم يقولون طابخه اليوم بتروحين ماذقت اكلك ... - ايه طبخنا كلنا ...مو بس انا ...ان شاء الله ان زرتينا طبخت لك ...!!انتي بس تعالي !! - ان شاء الله ...الله كريم ...طلال بيجي بكرا ... - مادري ماعندي علم ... - الا بيجي ..مكلمني ..ان شاء الله خير يمكن عشان بتروحون ..الرياض ...ويبي احد بجده ..مع البنات ..حريص هو عد الام بيحرص ان ابوهم مايقرب لهم .... الله يعينا !! - أي يمكن ..مدري متى نلروح ماقال لي شي ..يمكن يومين ..مدري !! - اخبار ام سلطان ان شاء الله احسن .. - يقولون افضل ...اذا رحت شفتها تطمنت ...الله يعافيها ويحفظها ..كله بسببنا !!! - لاتقولينه نجلا هذا مكتوب ...ابعدي عن التشاؤم ...بنتي توكلي على الله ...وادعي الله يشرح لك صدرك ...اهم شي تصافيتوا ...هذا اسعد خبر سمعته اليوم ...لو تدرين وش كثر فرح قلبي .. ابتسمت نجلا ...بتنهيد ..وهي ترد - يارب دايم تفرحين ...عقبال ..افرح انا ...فيكم انتي والوليد ...يارب يجي اليوم الي اشوفك فيه معه متصافيه وقلبه خالي من القهر ..جهتك !! - امين ...ياحبيبتي امين ... - يلا خالتي بخليك ضيقت خلقك بهالليل !! - لا عادي ...الا فرحتيني ...يلا تصبحين على خير ... - وانتي من اهله ... قفلت ..مبعده الجوال ...وحاذفته عالسرير .... رفعت كفوفها تمسح ....رسم ملامحها ....متنهده ......حتى هي مجهده ...حد السهاد ....راحت تدور براد الما .. نثرت المويه ...على مبسمها ... ونحرها .....تبي نار قلبها تطفى ...غريب الحال الي انعكس ... قبل نارها منه والحين عليه وله ... طلعت من جناحها ...مطفيه انواره .....متوجهه لجناحه . ..ماراح تتركه مثل ماوعدته ...بتنفذ ... فتحت الباب ... هدووووء ...مازال نايم ...المكان مظلم الا من نور باب دورة المياه ...الخافت ... مشت حافيه ...تتلمس طريقها الين وصلت للسرير ...منسدحه عليه ...راميه متنها المجهد ...ضايعه عينها ...تحاول تركز بالظلام ...للمكان الي هو فيه ... ماخذت وقت ...لجل تغفى عينها .... جسمها مهلك من كثر التفكير وكثر الاحداث المتضاربه والمتشربكه .... اسدلت رمشها ..بخفوت ...مستسلمه ...للنوم ... .................................................. ................................. فجر الخميس ... صوت ...الاذان ...يصدح ...منادي للصلاه .... متعوده تفوق ...متبرمج ...نظامها ...هالوقت ...تفتح عينها ...نومتها ...كلها أحلام ...وسوالف ...واحداث ....بس ماقومتها ....كل هالاحلام ... ثبتت ثواني تتذكر مكانها ...اللحافالي كان مغطيه ...مغطيها الحين ......استقعدت ... هامسه .. - الوليد ؟؟!! ... سمعت صوت الاذان ... اكيد رايح ..يصلي ...تحركت تنفض اللحاف عنها ...ماسمعت له حس ... لبست ..شبشبها ...طالعه بتصلي بجناحها ..... اول ماسكرت الباب ... سمعت صوت يناديها متفاجئ ... - نجلا ؟؟؟!!! لفت شافت ..بسمه ... قطبت هدب عينها ...باحراج .. - صباح الخير ... ابتسمت بسمه ... - صباح النور والسرور .... قالتها مترقبه ملامحها ....اول مرا تشوفها طالعه من جناح الوليد ...اساسا ماقد لمحتها تدخله حتى ... - الوليد طلع ن شوي راح يصلي .. هزت نجلا راسها ... - أي ادري ...مايصلي بالبيت ابد ..بروح انا بعد اتوضا واصلي .. - انا بعد ...اشواق توها راقيه سهرنا ..تفرجنا على فلم ...وخذتنا السوالف ... - زين اجل انا رقيت معد دريت عن نفسي ... نمت ..بعمق... ابتسمت بسمه ...بمحبه ...عشان كيذا اخوهم ...نازل بهالحال ...المبهج ... اتاري هي سبب ..بسمة عيونه ...الجديده عليهم ... - نوم العوافي ... يلا بنحاول ننام ....اي صح !!! وقفت جلا ويدها على مقبض بابها .. - ايش ؟؟ - الوليد يقول بنروح اليوم لفيلا ابحر ...ماقالك !! - لا .. - يوووه حماس تجنن نجلا من زمان مارحنا لها تدرين تقريبا ست سنوات ....!!...لها شاطي خاص ...والله مقابل البحر بحريه ...يبهج الروح .. ابتسمت نجلا ... - نروح ونشوف ..حمستيني ... - لا والسباحه عاد شي جميل ..ترا سباحة البحر تختلف عن المسابح ...اكيد يوم سافرتوا جربتيها .. ... كشرت نجلا مبعده شعرها ..المتهادي ...متغافله عن ذكر ماضيهم ... - كلش الا السباحه مااااحبها ....يمكن اغطس رجولي ...بس ..!! ضحكت بسمه ... - نشوف نشوف ... راحت تاركه نجلا ....تدخل جناحها ...بشعور مهيب ..يشابه ..زوال ..الغمام ...الباهت ... ويشابه ولوج الصبح من بعد ...ليل اسود طويل ... لفت شعرها رافعته ....عنها ...متوجهه لدورة المياه تتوضا ... بعد دقايق ...وصلت لسجادتها ...بشوق ...وصمت ..مبهج ...لروحها .. صلت ..بسكون ...وشكرت ربها ...لعمق الحساس المفرح الي تعيش ... مع انها متخوفه ..قبل الا ان الخوف ..فارقها .....ام طلال قالت لها توكلي على المعبود ... وارمي حمولك له ...وعيشي .... تمت على سجادتها ...تقرا وردها اليومي ...ومنشغل فكرها ...بالرجى الي ..يرتجي باريها ... تنهدت ...براحه ...وهي توم تفك شرشفها ...وترتب سجادتها ... مشت بخطوات عجلا ...تاخذ الجوال من السرير ...فكرها مع اخوانها ... ماقرت رسايل ...تبلغ وصولهم بالسلامه ... قطبت هدب عينها ...وهي تفرفر بين الأرقام ...تدور ..رقم سعد ..باخر الأرقام ... - وصلوا للرياض سالمين ..!!! رجفت ملتفته ...لراعي الصوت ...هاتفه ..برهبه .. - من متى انت هينا ...!!!! متساند عالباب ...بنفس مكانه ...الي ..اوجعته ..فيه ...لابس ثوب ..ومكتف ايدينه .. ...ظل واقف ...يتاملها .. خاطبته بعجل .. - كلموك ؟؟ ماكلموني ...مع اني قلت لهم !! ومنبهه عليهم ...!! - أي سعد ونايف كلهم ...بلغوني !!!... وصلو ويسلمون عليك ... - الحمد الله ...شلت هم والله ..يوم ماشفت رسايل ...ماني ناقصه .. ضلت تفرفر بالجوال ... - تعالي ..نجلا ؟؟؟!!.. رفعت راسها له ..مكرره ..منتبهه لنظرات عينه ...لها .. خف الحمار الي كان صابغها ...وارتخت خطوط الاجهاد ...شوي .. - متى جيت انا ..ماحسيت بك ..!! هز راسه ... - جيت من شوي ....لو تنبهتي ماعرفتي تصلين ... رفعت حاجبها ..ببسمه ...خجلا ... - واثق انك بتشتت انتباهي ...!!..؟؟؟ خاطبها بهادي الصوت ... - ماني واثق من شي !!.تعالي .. ..ابي اقولك حاجتين .. ...لازم أقولها لك ... قربت بخطواتها ... - تعال انت اجلس طيب ليه واقف ... - لا انتي تعالي .... تقدمت منه ...مبعده عينها ...مرتبكه ..ومتذكره ..حالهم بنفس المكان ...قبل بوقت ... رفعت راسها له ...مترقبه ...لاي شي يجي منه ... - تذكرين سالفة دين ابوك ..؟؟ ..اكيد مانسيتي ..!! - وش فيها ؟؟ - ابوك ماعليه دين ...ابوي.. مسامحه بكل الي عليه ...من قبل بتوفى ..وعندي اثباتات بهالشي ...ورغم ههذا انا بنفسي ..ومن حسابي دفعتها ...من ملكت عليك ...!!..مب عشان تزوجتك ؟؟ لا راحه لروحه ولنفسي ..عشان مااكون مشكك ..!! او يسطى احد يجيب طاريك بالشينه ..!! رجفت شفتها ...متابعه ..مبسمه ...وحركة شفايفه وصوته ... تابع ..وهي له تسمع .. - جاني نايف كاتب تعهد بالدفع ..ووريته الاثباتات ...وطلع ناسي يأخذ ورقته ...وخليتها عندي على أساس بتلفها ..وبقت ...!! همست .. - الين جا الوقت واستخدمتها ضدي ؟؟ .ليش يالوليد ..؟؟ سكتت عارفه ..الاجابه ...بس حبت تسمعها منه ... ركز بعينها ..وهو مازال مكتف ..يدينه ..وعينه هايمه فيها .. - لجل ماتبعدين ...كنت احتاج وقت ...!!..عشان اهدى ...وماني مستعد افارقك ..ذيك الأيام !!! - مع انك كنت متأكد اني خاينه !!..؟؟ .. تاهت بعينه تدور جواب يشفي غليلها ..لو شوي .. رد ..بصوته الثابت .. - ماكنت متأكد لكن كنت ثاير ...وعيني ماتشوف ..!! ولاتعرف الصح وين ؟؟!! ..انا مب دايم كيذا ولاهذي طبوعي ...انا صرت كيذى معك انتي يابنت غازي !!!صرت اتخبط ..من كل جهه ..اعادي كل من له طرف ..بذكر اسمك بس ...اولهم سلطان ...!!! واخرهم الي كان يرسل هالرسايل ..بخليه ..ينسى..حتى حليب امه !!!!.. عضت شفتها ...وصوت فكرها نطق له ...قبل تمسك ..لسانها ...نطقت .. - والبندري ؟؟؟!!! انسدلت خصله ...رفعتها بعجل ... انتبه ان شعرها ملموم ..مد يده ...له ساحب ... كررت ..بهمس مهدد... - والبندري يالوليد ...؟؟؟!!!! عينه على شلالها ...المتهادي ...رجع يناظرها ... مركز فيها ... - البندري ماتعني لي شي!!...لها وضع خاص اجبرني ..اخطبها ..!! لكن هي مثل سمر ورنا وبسمه واشواق ..لااكثر ولااقل !!!... عاجلته ...بالسؤال .. - هي الي صممت الخاتم الي عطيتني ؟؟؟ قطب هدب عينه ... - مادري .. انا اخترته لان الألماس الي فيه ...حجمها كبير ...والتصميم ...جاز لي ...بغض النظر هي او غيرها من المصممين الي متعامل معهم ...!!!..رميتيه اجل ؟؟؟ رفعت يدها لجيب صدرها ...تحسسته باناملها .. سحبته قدام عيونه الي تتابع حركتها ..... - لا ...مارميته ...اي شي يجي منك ...اعجز ارميه ...!!..الله ..خلق لك بقلبي ..مكان مايسده مخلوق ..حتى لو سطيت ...!!! ....قبل امس ..قلت لي ...اذا تبين تذبحيني ..دخلي بحياتك رجال غيري ...!!!..وانا اقولك ان عاد عدت وشكيت بي يالوليد ...ماراح انتظر واجيب لنفسي الهم من جديد .. ...بذبحك من أولها !!! ..هزت راسها بتاكيد .. هامس باسم .. - بذبحك صدق ...صدق ...!!! يسط كفه ..يبي تعطيه خاتمها ..لبت مطلبه ..تاركته وسط كفه ... قبض على يدينها ...حاظن ...وقف ..باستقامه ...تلهب فيها الشعور ...حظوره ..ووجوده ..ووقوفه امامها ...منتظر منها اشاره لجل تحتوي فيه ..جروح روحه تكفيها عمر ...وفوق العمر عمرين ...!!!! لبسها خاتمها ..من جديد ...حاسه برجفة أصابعه ..ماقدر يثبتها ..ولا يهمه لها تبان - يعني انتي ماذبحتي !!! ...انتي ..عزرتيبي !!!... لا انتي الي قصيتي ولا انتي الي تركتي أعيش ...!!.. رفع عينه لها هامس ..ببحة صوته ..المضني .. - اجرمتي بي ... ودفعتيني الثمن ..اضعاف ..!!!..عرفتي قدرك عندي وكويتيني به !!! برقت عينها ...بدمع ساخن ...تذكرت ...جملته الي قالها ..عن قدرها ..واصتنقاصه لها مُوجع و..متعني .. همست .. - وش قدري عندك؟؟ يالوليد ..!! ..فهم مكنون عينها ...وتذكر مثلها ...الجرح الي جرحها ...ومنطوقه لها ... ترك كفها ...ابعدت يوم شافته ينحني ..يسحب شنطته ..قطبت هدب عينها ... باستغراب ... شافته يتقدم ويسند شنطته عالتسريحه ...فاتحها سحب اول ملف ..... فتحه ..امام مرأئى عينها المترقبه ...شافته ..يحرك الأوراق ...ويسحب كذا ورقه ... التفت لها ... - تعالي ... - ايش ؟؟ !! ..اش هذا ؟؟ سحب قلمه ..وعينها على تحركات أصابعه .. ...مطرفه بنواظرها ...لفص ..خاتمه ..الليلكي ... شافته ..يمسك قلمه بثبات ...وتحكم ..ويخط توقيعه ..على اكثر من ورقه ... لف لها ..وهو حيل منها قريب ... ماد لها القلم .. - اش هذا ...؟؟ يالوليد ؟؟؟ مد الورقه ..وعطاها .. - خذي اقريها كلها ثم وقعي ..!! مدت يدها ..برجفه ...وعينها تسابق أنفاسها ...تقرا ... تنازل ..منه هو شخصيا الوليد بن صخر آل جلمود ..بكامل املاكه ...لها نجلا بنت غازي آل مجفل ... التفتت له ..هاتفه .....بضجة شعور .. - ليه يالوليد ...!!؟؟ - لو علي صك انا بعد ماقصرت ...!!..كل مااملك ..عند وجودك بحياتي ..ولا شي ...!! رجفت ...بموجة بكا ..غازيها ... تكلمت بعبره خانقتها .. - مابي فلوسك ...!!! مابي الا انت ...!! ابي حبيبي ...وبس !!.. مد يده .. يحاوط خصرها ..جاذبها يم متنه ... - حبيبك لك ..من اليوم ..الي ..شافك فيه ...وتعلق بك !!!.... عطاها قلمه .. - وقعي نجلا !!!.. أبععد شعرها ...الي مخفي ملامحها الي يعشقها ... قريب حيل ...منها ...يبي يثبت لها ...اكثر واكثر ..وشهي له ...!! لفت له ...مدركه قربه ... - مابي هذا كله ابي الوافي بس !!! هز راسه ... - الوافي لك ..بدون تطلبين .. ....!!!.. تأمل رسم ملامحها والحمار الي رسم عينها ...وكحلّها ...وثقل الدمع ..بوسط رمشها ...المعكوف ... بادلته النظر ...عن قرب ...ياكم ....اشتاقت ...تتلمس ..مبسمه ...وشعر سوالفه ...الي تجذبها ... همست ... - وان خذتها ...وآذيتك ...فيها ...بعتها ا عطيتها ...او أي شي ... رد ...بعيونه لها ... - انا اثق فيك ...انتي اماني ...وضييّ...ماتسوينها !!!! تحدرت دمعتها ...لفها يمه اكثر ...واكثر ..تارك القلم ...ينسل من بين ايديه ... هامس لها ... - كافي ارحميني ..من هالعيون ..!! وهالدموع !!!.. لعاد تصيحين ...!!..ارحميني يانجلا ...انا تعبت ..من فرقاك ..ومن بعدك وانتي قدام عيني !!!.. رفعت يدها بصعوبه ...من وسط حظنه ..... تبي تمسح دموعها الي عيت توقف ...كل تصرف منه ..فوق احتمالها ... مايتحمله ..قلبها الملهوف ... مسك كفوفها ...مبعدها ...مالت براسها معترضه ..بصوتها المختلج ...عشق له .. - بمسح دموعي طيب ..!!! رفع كفوفه يحاوط ..ملامحها ... لاثم ...كل دمعه ...من مبسمها الين العين ... هامس ..بختلاج أنفاسه ...يشكي ...ضيم ..كبتها ...الشاقي... - لا عاد ...تنزل ....دموعك ياضي عين الوليد ...!!! همست ..بارتجاف ..هايم ....راده على فكره الباطن ...وسط الاجهاد .. - انا الي بضيع عقبك ان رحت ... وقف ..جامد ...متامل عيونها ...بتركيز .. هامس لها ...بضجيج ...كل إحساس فيه ...ومتذكر ..همسه الي نطقه ..قبل بوقت مثل الحلم .. - نجلا؟؟؟؟!!! - عيونها لك ... سمعت ..ونته ..المكتومه ...وهو ينحني .لاثم ....ثغرها ..المرتجف ..شوق له ..ولوجوده ...بين حنايها .. ... كفاه ...وكفاها ..زحام .. البعد ...والهجر ..والضيم ....وشوق الياس ...وقهر ..الحاجه ...ونوح ..الروح ... رفعت يدينها ...تحظنه اكثر ...واكثر ...تلاقي فيه صدق البوح ...... جاته ...مثل ضي شعاع ..ساطييّن نوره ...ومتجلي .... جاته مثل سحابة صيف ...كلها مزون ...وبروق ... هي ..ضي عينه ..هو .. وروحه هو .. وعمره هو ... وقلبه هو ... ودنياه هو .. \ / وانا لا..غدى جوي ..بعيني جناح غراب نصيتك لعلك من همومي تواسيني .. \ / تعال اسكن بصدرن غدا لك ذرا وحجاب عشقتك مثل مايعشق العز شلفا ذياب وحشمتك حشمة عيال السلاطيني \ / احبك كثر ماشفت في الليل نجم وغاب .. وعدد من دخل مكه حجيجن ملبيني تمسكت بك حتى يجي مفرق الاحباب .. عسى الله ..مايخلي ..احبالك من يميني .. \ / انتهى البارت ... قرائه ممتعه ..شيقه ... مع لقاء عشاقي .. الوليد ونجلا | ||||
|
| |
|
06-09-19, 02:13 PM
| #1043 | ||||
| الذين يشاهدون محتوى الموضوع الآن : 89 ( الأعضاء 28 والزوار 61) قال الزهر آآآه, أم مُعاذ+, ألين ♡, اهات الانتظار, ^_*, ام احمد ورؤى, Soo2003, روعتي, Almaha 222, Lovec1, ريوفة بنت فهد, ابتسآمة, صمت الهجير, MS_1993, دموع عذراء, Lazy4x, الدرة المكنونة, Arw2, غصن ياسمين, Arjoana, البتول22, Efttan0, eman90, suzan11, •Abeer•, ريما الشريف, zjasmine, amana 98 يامرحبا ...كثر حمل المزون الي ارعدت في سما عشاقي.... نورتوا الصفحه ياحبايبي .... بانتظار تواجد الجميع .... وتعليقاتكم ... وشعوركم ...  لاتحرموني لايكاتكم ...ورفع مركب خذني ...بالمشاركه .... اهلي وارحب ...بالزوار واطالبهم يلبون نداي ....وينورون صفحتي بالاسماء .... دمتم لي ....يااحباب قال ... | ||||
|
| |
|
07-09-19, 05:46 AM
| #1045 | ||||
| كلمة روووعه قليل عليها الله يسلم هالانامل اللي خطت وتعبت ويبارك لك في جهدك ووقتك بصراحه بارت فوووق الخيااال ويستحق الانتظااار دام انهم رجعوا لبعض الله لايفرقهم ويبعد عنهم كل حاسد وحاقد وبانتظااار التكمله على نااار 💋♥️ | ||||
|
| |
|
07-09-19, 09:12 AM
| #1046 | |||||||||
| | |||||||||
|
| |
|
07-09-19, 02:00 PM
| #1048 | ||||
| وااااااو تسلم اناملك حبيبتي وااااااو واخيرا نزل الباااااارت.... شو هالجمااااااااااااااااال قال الزهر فعلا ابدعتييييييييييي.... واحلا شي في البارت رجوووووع الوليد ونجلاء... رجاء قال الزهر لا عاد تفرقيهم مرة ثانية قلبي الصغير ما راح يتحمل ابي اشوفهم دووم مع بعض ❤️ | ||||
|
| |
|
| أدوات الموضوع | |
| انواع عرض الموضوع | |
|
|
73030Likes
العرض العادي
