آخر 10 مشاركات
|
| |||||||||||||
| مشاهدة نتائج الإستطلاع: تمنياتكم لنهاية خذني بقايا جروح؟؟؟ | |||
| نهايه سعيده ؟؟ |     | 1,311 | 95.83% |
| نهايه حزينه؟؟ |    | 57 | 4.17% |
| المصوتون: 1368. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
09-07-21, 11:03 PM
| #10824 | |||||||
 
|  اقتباس:
السلام عليكم جميعًا، ومسائك نور قبيلية {كلما دخل عليها زكريا المحراب وجد عندها رزقًا*قال يا مريم أنى لكِ هذا*قالت هو من عند الله إن الله يرزق من يشاء بغير حساب*هنالِك دعا زكريا ربه*قال ربّ هب لي من لدُنك} - سورة آل عمران أجزم باختلاف مشاعر فئة المتابعين لنسخة خذني الأولى، وبحالتك تعيشين روعة استجابة أمنيتك في نفس هذا الموضع الشاهد على أنعُم الله أتسوّل الذي رزقك ورزق الكثير غيرك تحقق رغبتكم، أن يكرمنا كلنا من لدُنه بأجزل من استحقاقنا وأوسع من مُرادنا وإنطلاقًا من حلاوة مشاركتك، ببتدي تعليقي على أجزاء من الفصل الثالث والعشرون أي صيغة مخاطبة بعد هذي بتكون موجهة للكاتبة زهر . . . بدر الدريع عبّر عن الجمال بقول: "سطا حُسنًا فأذعنتُ اضطرابًا .. حَريٌّ بالمحـاسِنِ أنْ تُهابا" وهذا الفصل يجبرنا على التعامل مع جماله مثل قوة طاغية حق الجمال أن يُهاب مُهيب مذهل رهيب مبهر و والله .. آه منهم آه بإذن الله بنقطع عن المنتدى خلال العشر من ذي الحجة وإن صار وغبت من غير شر، فأنا تاركة وراي ذيابة تاركة مهرة تحصن صقّارها مع كل صلاة ما يطوله سلطان ولا غيره وهو يقول لها احنا في معيّة الله يخسي سعود يوصلنا تاركين الاثنين عند اللي نثق فيها أكثر من ثقة رنا بزناد، هنا أمانة تعنينا وتخصنا .. وبعون الله أنتي أهل لهالأمانة أكثر من العنود المؤتمنة على نجلاء (١) نطق بعد صمت وجيز معترف بصوت جزل مهيب ممتلي قوة شعور وثقل -انا رجعت لك ولكل شي اكرهه بهالمجال !! عشان الي اغلى من ضناك!!! همست بحس مبحوح متماديه وهي تعرف الاجابه من أساس لكن تبي تضرب توقعاتها واحلامها برده عليها المتوقع -مين؟! تكفا قول مين ؟! جاها رده المنتظر بصوت زاخم ممتلي بنبرته مشاعر استملاك فخور وظلال محبه عميقه تتمازج مع كل حرف -مرتي !! سترتك عن أطراف الحديث وقفلت الباب مع أن الكلام اللي يجي عنك أهلّي به نطق متابع .. -انا اتضايق .. بس أي ضيقه تمر علي مايكون وقعها زي قبل تجين ! وانتي فيه .. ماتستمر !!واصلا تصرفاتك تجاه هالضيقه كفيله انها تطردها وماتبقيها ! أحبك ولو عادت جميع الوجيه أغراب خذيتك أمان، يشرّد الخوف من طيبه سمعت حسه الي تبدل واصبح حاني وهادي.. - صبرت صبرت وجازاني الله بك !! اقولها لك دايم واكررهها وبكرررها !! انتي جزى صبري !!! بتملين من كثر ماتسمعينها مني بس هذا واقعي الي ماكنت احلم فيه !! اشوف الحياة اللي مع الناس، ملح وذاب واشوفك يقين يقطع الشك والريبة ابتسم ..بسمه جانبيه .. خففت حدة نظرته .. رغم الغضب الي استفحل صدره .. -لاتشغلين نفسك بأحد فكري بس فيني !!! هالراس ذا وهالمبسم الحلو لايهذري الا بي !!.. انا جاي هينا ..استراحة محارب ! ابي معك انساهم كلهم !!. أبيع السنين اللي بدونك برخص تراب وأساوم على اللحظة معاك أنتي باللي به - صالح بن حمد لو قلت ارتجف قلبي فهو شوي لقول الوليد أعشق تراب نجلاء، لدرجة تمنيت الجملة تنمحي الوليد يقصد رسم الحدود مع البقية في إظهار صراحة حبه لنجلاه لكنه بهالطريقة يشعل فتيل النار في صدورهم أكثر وضوح جنونه فيها، يغذي جنونهم وأمراضهم من جهة ثاني بمرة أشفقت على البندري وهي تدعي تتعافى من مرض حبه لكنها ما أخلصت النية ولا استعانت بالله على هوى نفسها حقًا بالعكس كل مالها تتمادى وراضية بانغماسها في ضلال تشوفه وتبرر له بكونها هي اللي بتتحمل الوليد بعكس نجلاء الضعيفة على حسب ظنها البندري لو حتى يطلع من الرواية نسخة ثالثة ما بتتحمل ثورة من ثورات الوليد كيف بتاريخه مع نجلاء (٢) معد عرفت توقف بسمتها الي تشع ضي ونور .. متلفته والنسيم يناغش خصلها .. تساندت على يدها متأمله الاطباق والوورد والتنسيق .. قربت من ورده حمرا بنفس لون فستانها سرقت من عطرها انفاس بعمق وهي تغمض عينها لامن غديتي شمس وشلون اعذلك لابد ما يظهر مع طلّتك نور اشر بعينه لها مركز و مقطب هدب عينه -مزيونه انتي نجلا!! اكتسى ملامحها الحمار الضاري وكن حمار الدم تبادل الأدوار مع بشرتها المشرقه كما ضي الاشراق ..تابع كلامه ومنطوقه بلا رحمه لقليبها المختلج -جميله تسرين النظر !! ما الومهم لو لدّت عيونهم لك من ناظرك ياربة الحسن معذور مبتديه باناملها .. تتلاعب بشعرات ظاهر الكف .. -أي بغتر !! انا مغروره ويحق لي بعد !!! شدت يده ..اكثر .. ساحبتها لصدرها .. وضاغطتها عليه .. -الوليد بن جلمود يحبني انا !! ويعشقني انا !!! كيف مااغتر !! تلطفي وان كحل التيه نجلك وتواضعي لو بك غدى الحسن مغرور انحنى يم مسامعها هامس .. -ابي تعلميني شلون اجدل شعرك!! وكل شي سواه لك سعد انا ماسويته!!؟ رفعت له نظراتها ببسمه مصدومه همست بليا شعور -تغار انت من سعد !!؟ احتدت نظرته بعتب .. مخفي وهو ينطق كاذب -لا ماغار منه ولاااغار من احد !! بس ابي اسوي الي قد سواه لك!! أغار لو بالزين قد ذكر مثلك وأغار لو غيري سبقني لك شعور مرت ثواني صمت ثم تابع .. -ودي ماتحتاجين مخلوق ابد!! يوم اقولك ابيك قويه انا صادق اطلبها وانا اتمناها صدق !! مابي احد او جنس مخلوق يشوفك ضعيفه ابد!! لانك مب ضعيفه قويه شخصيتك فيها قوه وجلد رغم صغر سنك الا انك صدق قويه !!واعرف ليه انتي كيذا !! لانك قريبه من الله لدرجة اني اشوف الرضا والسماحه على وجهك كله !! مابي تسنتندين على أي مخلوق بعد الله !! الا انا !! دموعك ابيك تتعلمين وتوقنين بداخلك انها غاليه قلتها لك قبل واعيد الحين لاتبخصينها عند أي احد !! الا ربي هو الاحق يشوف ضعفنا نجلا !! فهمتي علي !! لاصار لي قلبك و روحك و وصلك لا قافلٍ بابٍ ولا بانيٍ سور - بدر بن عبدالمحسن هل الثناء على قوة نجلاء و (ودي ما تحتاجين أحد) من الوليد هي تسخير من الله لمواساتها مُسبقًا وتطبيب قلبها من ألم قادم؟ هل هي تدابير الله في مراجعة نجلاء والوليد لمفاهيم الإتكاء على الأشخاص وتحضيرهم لفواجع تُقارب على الحدوث تتمثّل في سعد ومرض نجلاء ومن بعدهم غياب الوليد عن ساحة مواجهتها مع العنود -الأنثى الأخرى الوحيدة المرتبط اسمها ومكان تواجدها بالوليد- (٣) تبسم وهو يشوفها مقبله ببسمه مبهوره وعينها مشرقه فرح نسيم الليل يتلاعب بخصل شعرها المسترسل .. فوق اكتافها الثابته شموخ..عاشق لها ويعشق تفننه في رسم خيالاته فوق هالغصن الي يتحرك مقبل له .. كما عادته اختياره للون وللتصميم ارعد في سماه رعود وبروق وعواصف تظغى شرار مايطفيها الا مطرها هي !! يا فتنة الحفل زيدي مشيتك بخترة كل خطوة بروق وكل نفحة صهيل تسمعه يتابع بحس سمعته هي جهور لكنه عكس السمع وعكس الإحساس!! -مثل دايم تسرقين مني كل شي حتى العقل الرزين الي تميزت به تسرقينه!! باقي بين عقلي والجنون شعرة اقطعيها! ياشييييينه .. عاشقٍ مو هبيل نطق بثبات هامس اجش -تذكرين يوم اسمعك اغنية عشقت الليل ؟! همهمت بخفه -اممم -صدق انا انتظر الليل من جيتي لاني احب المكان الي انام فيه ! من قبل تحبيني حتى !! كان يكفيني انك موجوده بالجناح! .. مع ان الليل هذا قبل اكرهه واتهرب من النوم !! من كنت صغير !! من غدى الليل شعرك قلت أنا بسهره ومن غدى الصبح وجهك قلت مالي مقيل ابتدى يتبادى لسمعه حس دندنتها الهامس مشى بهدوووء الين وصل لغرفة الملابس المجهزه لهم مانتبهت له رفع هدب عينه متأمل هز اكتافها وهي واقفه امام المرايا سادله شعرها على متونها باريحيه قطب هدب عينه وهي مستمره تغني وتدنن باغنيه يعرفها شلون ينساها .وهو الان وبهالحظه انرسم جيدها المتراقص قبل وأول بدايتهم .. ارقصي بين حد الذنب والمغفرة واثبتي كنك الفضة بعين البخيل ثم انحنت ..فجأه تاركه شعرها .. ينجذب للأرض .. تمسكت ..بحوض المغسله حاسه بدوخه .. وتشتت ..همست عاتبه .. - يووه نجلا ..توك طابه بالبحر وجايعه ..تحركين راسك ليه !!! وانحني مثل غصن في طرفه ثمرة واوقفي مثل فزعات بدوي اصيل تأمل محيط جبينها الصغير ..ورسم هدب عينها المبروم ..رموشها محيط اجفانها والي كان يشك انه كحل وهي خلقه مكحوله ..وسع عينها واسوداد سوادتها لدرجة يبرق بياض العين حوالين بؤبؤتها ..المستاسعه حاليا لانها تترقبه برهبه ..وترقب .. لذييذ يثلج غروره ويبرق مباديه ..وينعش رجولته الي ماعشقت الا هي ! -اطلب منك طلب ؟؟ همست ببسمه .. عاشقه له.. -آمر !! -لاتفكرين فيهم كلهم ! في عيونك سواد يستحيل اخره كامن ٍفي بياض ٍ .. أوله يستحيل سحب معصمها مرخي مبسمه يلثم باطن المعصم مستنشق انفاس من رذاذ عطرها المتوسم فيها بلا بخل نطق ببحة صوت -اه منك اه !! آآه ولا لمحتك مقبلة مدبرة شفت مثلي: نحيلٍ زمّ حملٍ ثقيل قامت تتبادى خطواتها بعجل وعينه ترجع تقرا جمال رسم كل حرف كتبوه الاثنين ويستدرك معانيهم الاعمق جت بثواني تلهث -هه خذه ؟! معليش كنت اركض .. مد يده مبتدي يفتح صفحه جديده ويكتب باشة الغيد زيدي مشيتك بختره لجل أطاول بحرفي شامخات النخيل مرت دقايق وهي تترقبه وتتأمل استحكامه لممسك القلم !! كان يخط بيده لها دون الخليقه .. حتى بسكونه يغمرها كما السيل ...ومايرحم !!! رفع راسه منتهي -حلوه خلاص تم !! تبسم كامل ابتسامته وهو يشوف ترقبها تبي تقرا شاعر تلمّس ايدينك على دفتره تغرق في اوسط اوزانه بحور الخليل - فهد عافت يا الله عسى دفترهم ما تتقفل صفحاته بيوم ولا يتراكم عليها غبار يا رب يظل شموخ ضحكتها هو حبر أشعار يكتبها للمعة عيونها مثل هذا البهاء ما يضيف له تعليقي أي شيء وتواجدي ليس بعبء أتخلص منه أو تعليق أرمي ثِقله أنا معاهم أتنفس الجمال وأسبّح ذي الإكرام والجلال (٤) هز راسه بثبات واستاقف ..داس يدينه بجيوب الشورت .. -عطيني من عمرك هالايام المقبله انا احتاجها وابيها !! خلي هالاوقات لنا دون غيرنا !.. تبسمت ... بسمه ضايجه شعور يعتلي بها بهجه .. -انا بعد ابيها هالايام ! وابي أيام عمرك كلها كلها !! هنا ماطلب أيام معاها ولا مجرد كلمة حُب تبعث ضحكاته الطلب ليس ببساطة (عطني وجودك .. ابغى وجودك) بهالمرحلة المتقدمة يعيش أعذب صورة رسم أبعادها بدر بن عبدالمحسن في: (عطني المحبة كل المحبة عطني الحياة عطني وجودي .. ابغى وجودي) يا كيف معنى وجود شخص ينطلب من شخص آخر وينربط فيه؟ (٥) {وآتاكم من كل ما سألمتوه، وإن تعدوا نعمة الله لا تُحصوها} - سورة إبراهيم هل يمكن تكون حامل !؟ وهذي اثر الوحم!!؟ دورتها لها فتره خالصه شلون تحكم من بدري !! زادت بسمتها وهي ترجع ترخي راسها وسط توهانها متخيله رسمات تواجد هالنطفه برحمها صدق همست بجفاف حلق وبحة لسان ويدها تتلمس بطنها بخفه -ليتك !! تجي ليتك!!! المقطع الأخير له طعم فكرتين يتجاوزون الزمن الراهن الأولى هي بأن وجود العنود بالقرب من الوليد بيكسر صورة تهفو لها نفس نجلاء ويسرق رنين ضحكتها، نجلاء تمنت وتخيلت تكبر عائلتها الصغيرة لتتكوّن من ثلاثة أفراد أو أربعة ما يهم العدد بقد طمعها تكون سبب يولّد ما يُشابه ضحكة ملاعبته للطفلة الأجنبية رطبت شفتها هامسه -يارب تجي ! ركز فيها النظر اكثر .. وبنفس اللحظه اعتلى حس المنادي ينادي للحق ويصدح به تم ثواني مستمع معها لندا الرحمن بهالديار ثم نطق لها بثبات -وحق الله الي يناديه المنادي !! انك يانجلا تكفيني وتغنيني عن كل مخلوق !!! ان كنت ابي فمب عشاني !!! انا بك اكتفيت عن الدنيا ومافيها !! ابيهم لك انتي وعشانك انتي !! الثانية والأهم .. معرفتنا بتحقق دعوات مُصادِفة للنداء الحق، أحق من كل اللي عاشوه وأصدق من المقبلين عليه .. لا بسبب استحقاق العبيد ولا بمجهوداتهم لا بالمنطق الجامد ولا بالعاطفة الجارفة وإنما هو فضل الله يؤتيه من يشاء إن يمسسنا بضرٍ فلا كاشف له إلا هو وإن يُرِدنا بخيرٍ فلا رادّ لفضله هو العليم بمرضٍ ينتشر وألمٍ يستبدّ وهو الرحيم المغيث الرزاق ليس لِوافر هِباته عدد ولا لجزيل آلاءه حدّ اللهم صلّ وسلّم على من بلغ الرسالة وأدى الأمانة، اللهم أنعم وبارك على نبينا محمد وآل محمد | |||||||
|  |
|
09-07-21, 11:16 PM
| #10825 | |||||
| . اقتباس:
ولا ندخل في متاهات احنا في غنى عنها😭 | |||||
|
| |
|
09-07-21, 11:18 PM
| #10826 | |||||
| اقتباس:
اي حتى انا متحمسة احبها لما تغار وتقلب اسدة 😂😂 ايي نبغى نشوف ابداعها وسعادة الوليد 😂♥ | |||||
|
| |
|
09-07-21, 11:21 PM
| #10827 | |||||
| اقتباس:
اييي ان شاءالله ياقلبي تشوفين كيف صابرة تتعب وياعمري مفكرة انها حامل 😭💔 الله ياخذك ياجوهرة | |||||
|
| |
|
10-07-21, 01:24 AM
| #10828 | ||||
| أجزم باختلاف مشاعر فئة المتابعين لنسخة خذني الأولى، وبحالتك تعيشين روعة استجابة أمنيتك في نفس هذا الموضع الشاهد على أنعُم الله أتسوّل الذي رزقك ورزق الكثير غيرك تحقق رغبتكم، أن يكرمنا كلنا من لدُنه بأجزل من استحقاقنا وأوسع من مُرادنا وإنطلاقًا من حلاوة مشاركتك، هلا والله بالمها 2 فعلا متابعات خذني من ارقى الناس والله اثلجتي صدري بردك الله يعلي مقامك حبيبتي | ||||
|
| |
|
10-07-21, 01:36 PM
| #10830 | ||||
| الذين يشاهدون محتوى الموضوع الآن : 130 ( الأعضاء 17 والزوار 113) Maha bint saad+, مريم عبدالرحمن, فياصل, Sarah Sarah, farah mum, الميان, Masc6, عواشه الكويتيه, أم عبدالل+, الربيع الجميل, هالة الذكرى, noura 203, NJN, بسمه أمل, غوايش, الرُبى, قبيلية+ يسعد صباحكم بكل خير … | ||||
|
| |
|
| أدوات الموضوع | |
| انواع عرض الموضوع | |
|
|
73037Likes
خلقت من ضلعي الاعوجا 
العرض العادي
