آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-05-19, 09:33 AM
| #1 | |||||||||||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب  
|  رواية ساري / للكاتبة شيماءمحمد ShiMoOo، مصرية
| |||||||||||||||||||
|  |
|
03-05-19, 09:42 AM
| #2 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه الاولي كان يجري وراء هدفه لم يهمه ابدا ان يتوقف عندما دخل اراضي محرم دخولها ...اراضي مقابر يعرف عنها انها مسكونه ولكنه لم يهتم فهو لم يؤمن ابدا بمثل هذه الخرافات... كان الجو مظلم جدا ولم يكن يري امامه بابعد من مترين فكان يجد نفسه يقف فوق قبر ما او يقفز فوق شاهد ما ولكنه لم يتوقف فمهنته كظابط للقبض علي المجرمين تمنعه من التوقف لمثل هذه التفاهات.... في ناحيه اخري الملك: مين ده اللي تجرأ وبيهين منطقتنا من غير خوف او احترام ...مين هيعلمه الادب علشان يبطل يدخل لاماكن مش مسموحله دخولها؟؟؟ ساري: انا هوقفه وهخليه يخاف من ضله بعد كده اتحولت ساري لهيئتها المخيفه ...فكانت بعينان سودوان تماما وشعر مثل الثعابين الحمراء التي تلف علي نفسها وتنفث سمومها وبيضاء متوهجه وكأن النار تخرج من جسدها وصوت مثل صوت الرعد يخلع القلوب ولها اظافر طويله حمراء طويله مثل السكاكين الرفيعه التي تقطع ما يقابلها ذهبت لتوقف من تجرأ ودخل اراضيهم في مثل هذه الساعه..... ظهرت امامه كهاله من نار واتكلمت بصوت مخيف جدا ساري: انت ازاي قدرت تدخل اراضينا كده؟؟؟ محمود: سوري بس انا حاليا مش فاضيلك فابعدي عن طريقي حالا ..وبعدين ايه اللي جاب واحده جميله زيك في مكان زي ده في الساعه دي؟؟؟ استغربت ساري جدا ازاي بيقول عليها جميله؟؟؟بصت لنفسها هيا ظاهره بشكلها الحقيقي ولا بهيئتها المخيفه؟؟؟ولقت نفسها بهيئتها المخيفه؟؟ امال ازاي هو مش خايف منها؟؟ حاول محمود يتحرك من مكانه بس مقدرش في حاجه مثبتاه في الارض محمود: ايه ده؟؟انا مش قادر اتحرك ليه؟؟ ساري: لان انا مثبتاك..انت ازاي تدخل ارضنا؟؟ محمود:: ممكن تسيبني اتحرك مش وقته خالص؟؟؟ حركت ايدها وهو اتحرك من مكانه محمود: هقبض عليه وارجعلك اشوف حكايتك ايه؟؟ ساري: انت مش هترجع هنا تاني ابدا مفهوم محمود لمح حاجه وراها وبصلها لقاه المجرم اللي كان بيجري وراه ورافع مسدس ومصوبه ناحيته بس المشكله ان البنت دي قصاده.. اتحرك بسرعه ووقف قدامها وحماها بجسمه محمود: حاسبي... طبعا الرصاصه جت في صدر محمود ووقع علي الارض بين ايديها ساري: يا مجنون عملت ايه؟؟ انا اصلا محدش يقدر يأذيني محمود: ما ينفعش اشوف واحده زيك بتتعرض للخطر وما افديهاش بروحي؟؟ هنا حاجه غريبه جدا حصلت.....قلب ساري دق...حطت ايدها علي قلبها واستغربت جدا..هما الكائنات دي بتعيش من غير قلب او بيعيشوا بقلب ميت ومش بيدق ابدا الا لو حب..وده نادرا ما بيحصل..معقول تكون حبت؟؟وحبت بشري؟؟؟ ساري: انت ازاي شايفني اصلا جميله؟؟ محمود مش قادر يتكلم: بدر منور في ليله ضلمه ازاي مشوفوش؟؟؟ ساري ظهرت بشكلها الطبيعي وهو ابتسم ابتسامه ضعيفه محمود: لا مش بدر ابدا انتي شمس بدأ يكح ومش قادر يتنفس لان الرصاصه تقريبا في الرئه..ساري خافت عليه ومعرفتش تعمل ايه ممنوع تستخدم قدراتها مع اي حد بره عشيرتها بس لاول مره قلبها بيدق..في داهيه كل قوانين العشيره المهم هو يفضل عايش لانه لو جراله حاجه هتكون حياتها الثمن ساري: انا اسفه دخلت ساري ايدها في صدره وهو مش قادر نهائي يتنفس ورفعت ضلعه من فوق الرئه علشان يقدر يتنفس وعالجت رئته كانت في هاله من النور محوطاها وهيا بتعالج جرحه من بره حست باصوات كتيره جايه فاختفت الاصوات: محمود محمود؟؟؟؟ انت فين ؟؟احنا خلاص مسكناه محمود مش قادر يتكلم وغاب اصلا عن الوعي وهما مش شايفينه...هنا ساري نورت نور صغير علشان اصحابه يلمحوه علشان يخرجوه من هنا قبل ما اهلها يؤذوه وفعلا شافوه واخدوه..واول ما شالوه فاق للحظات محمود: هيا فين؟؟راحت فين؟؟ اصحابه: مين هيا مفيش حد هنا نقلوه المستشفي وفي المستشفي وهما بيعالجوه كانوا مستغربين جدا من حالته..المفروض انه اتصاب برصاصه ومكان دخول الرصاصه وخروجها موجودين بس جوه جسمه كل حاجه سليمه امال ازاي الرصاصه عدت في جسمه؟؟؟ وبعدين في اثار حاجه داخله صدره كأنها ايد برضه معروفوش دي ايه؟؟؟ اول ما فاق في المستشفي كان احمد صاحبه معاه ووالدته كمان كانت موجوده بس كانت جنبه ونايمه احمد: محمود انت كويس ؟؟انادي للدكتور؟ محمود: انا كويس...احمد هيا فين؟؟ احمد: هيا مين بس؟ محمود: البنت اللي كانت معايا لما اتصبت احمد: مفيش حد كان معاك...المنطقه اللي هناك دي كلها مسكونه ..انت قصدك انت شفت.... محمود: شفت ايه؟؟انت عبيط؟؟؟بقولك بنت ..بنت عاديه احمد: والبنت العاديه دي ايه اللي هيجبها في المقابر في نص الليل... محمود: معرفش بس انا شفتها ولما اتصبت حطت ايدها في صدري تقريبا حاولت تعالجني احمد: تعالجك؟؟؟ الدكاتره قالوا ان الرصاصه المفروض انها دخلت من صدرك وخرجت من الناحيه التانيه.. بس مالقوش اي اثر للرصاصه جواك محمود: يعني هيا عالجتني فعلا؟؟ احمد: محمود فوق بقي ..مين دي اللي عالجتك؟؟؟مفيش حد هناك غير العفاريت محمود: يعني انت عايز تقول ان عفريته ظهرت وعالجتني؟؟ احمد: لا طبعا عايز اقول انه اتهيألك ..يمكن حد فعلا ظهرلك علشان يأذيك لان بالليل بالذات المنطقه دي محدش بيدخلها الا اللي عارف يمشي فيها فين وحافظها ..وانت دخلت تجري وخلاص..طيب هيا شكلها ايه؟ محمود: البنت؟؟ اجمل شكل شفته في حياتي ملهاش مثيل اصلا..بدر منور في بياضها وعنين سودا جميله وشعر احمر زي كتله من نار منوره علي شعرها وكلها بتنور احمد: الظاهر انك مت ودخلت الجنه وخرجت تاني وشفتلك واحده من الحور العين؟؟ محمود: انت بتتريق؟؟؟ احمد: محمود نصيحه ما تحكيش لحد اللي حصل بدل ما يقولو عليك مجنون... محمود: طيب سيبني لوحدي بقي سابه يرتاح بص فضل يفتكر اجمل بنت شافها في حياته وبيفكر هيشوفها تاني ازاي نروح للعشيره ساري الملك ايتو كان :: ساري قمتي باللازم؟؟ ساري: ايوه خرج ومش هيرجع تاني هنا الملك: بنتي الجميله اللي هتكون ووريثه العرش بعدي ساري الجميله هو ايه الصوت ده؟؟ايه الدوشه دي الام تاسهيك: ده صوت دقات قلب ..الصوت ده جاي منين؟؟ الكل بص ناحيه الصوت لقوه جاي من ساري.. الملك ايتو كان: ده قلبك يا ساري؟؟؟قلبك دق؟؟ودق لمين يا تري؟؟مين سعيد الحظ اللي هتربطي روحك معاه موات(دي صديقه ساري وخليفتها في كل شيئ..كل شيئ تعجز عنه ساري او تتغيب عنه تقوم بيه هيا لو ساري جرالها حاجه تكون هيا وليه العهد مكانها) موات: قلبك دق يا ساري؟؟ طبعا ساري مقدرتش ترد عليهم ....تاسهيك كان عندها مقدره انها تدخل عقل اي حد او تسيطر عليه او تتحكم في ذكرياته قربت من بنتها وحطت ايديها علي دماغها وشافت ذكريات كل اللي حصل وفجأه سابتها الام تاسهيك: للبشري؟؟؟قلبك دق للبشري؟؟ الاب ايتو كان: ايه دق للبشري؟؟؟ ساري: مش بأيدي ابدا الاب ايتو كان: وقفي قلبك حالا وخليه يبطل يدق ..وقفيه ساري: انت عارف ده معناه ايه اوقف قلبي؟؟؟ معناه ان قلبي عمره ما هيدق تاني ابدا وهفضل عمري كله محكوم عليا بالحزن والشقا..ابدا عمري ما هوقفه كل واحد قلبه بيدق لما يلاقي حبه الحقيقي وده نادر جدا بس عندهم المقدره انهم يوقفوا قلبهم بس عمرهم ما يحبوا ابدا ويعيش في كابه وسواد علي طول ويتحكم الشر فيه تماما وساري كانت جنيه بس جميله وروحها جميله مش بتحب ابدا تأذي اي حد بس ديما برضه بتحاول ترضي ابوها لانه شايف ان طيبتها دي ضعف مع انها قويه جدا وقدرتها كتيره بس هيا بتفضل ما تظهرهمش ابدا الاب ايتو كان: انت هتوقفي قلبك والا هحبسك ساري: الحبس افضلي ديما من اللي انت بتطلبه الاب: خدوها للحبس...وانتي يا موات انتي هتكوني وليه عرشي اخدوها الحراس للحبس والعذاب وكل ده علشان قلبها دق للشخص الغلط موات: دي برضه بنتك يا سياده الملك ما ينفعش تكون قاسي كده عليها..اديها فرصه وهيا هترجع لعقلها وهتختار مصلحه العشيره فوق قلبها ..واديني فرصه اقنعها بان اللي حصل غلط ايتو كان: روحيلها ولو عرفتي تقنعيها يبقي ده جميل منك هتتكافئي عليه راحت موات لساري في حبسها كانو مسلسلينها موات: ساري ازاي عملتي كده؟ ساري: عملت ايه انا؟؟؟فجأه لقيت قلبي بيدق ..عملت ايه انا؟؟ موات: ليه واشمعني ده؟ ساري: معرفش بس هو شافني علي حقيقتي..ما شافش هيئتي المخيفه ..اول ما بصلي شافني علي حقيقتي وبعدها فاداني بروحه وفي اللحظه دي قلبي دق موات: فاداكي ايه؟؟انتي اتجننتي ؟؟انتي اصلا محدش كان شايفك غيره ومفيش شيئ كان ممكن يصيبك او يأذيكي يبقي فاداكي من ايه بالظبط؟ ساري: هو كان فاكرنيي بنت عاديه ومكنش يعرف ان مفيش شيئ يأذيني ومن غير تردد وقف وحماني بجسمه.. وحسيت بقلبه بين ايديا لما عالجته..قلبه بيدق بطريقه جميله وغريبه..موات انتي لازم تساعديني.. موات: اساعدك في ايه؟؟انك تنهي حياتك انتي مجنونه؟؟ ساري: اني اشوفوه تاني..لازم اشوفه تاني موات: تشوفيه؟؟ازاي؟؟انتي محبوسه هنا ساري: برضه لازم اشوفه باي طريقه موات: مش قدامك غير احلامه...زوريه في احلامه ساري: احلامه؟؟بس انا عايزاه يشوفني ويحسني مبقاش مجرد حلم موات: ارضي بالحلم مؤقتا لحد ما نشوف هنتصرف ازاي مع ابوكي الاب ايتوكان والام تاسهيك كانوا بيتكلموا يشوفوا حل في بنتهم ايتوكان: هنعمل ايه دلوقتي؟؟؟ تاسهيك: نديها فرصه تعقل والحبس هيرجعلها عقلها ايتوكان: ولو معقلتش؟ تاسهيك: ساعتها هدخل انا؟؟؟ ايتوكان: هتعملي ايه؟ تاسهيك: لو هيا مش هتنساه هو هينساها وده هيخلي قلبها يموت شويه شويه ويبطل يدق لوحده ونكمل بكره نشوف ساري هتعقل لوحدها ولا هتكمل جنونها؟؟ ابوها وامها هيعملو ايه قصاد الحب الغريب ده؟؟ تفاعلكم بقي يا حلوين لانه هو اللي بيشجعني اكمل وكل ما التفاعل يزيد الحلقه تزيد مستنيه ارائكم علي احر من الجمر ShiMoOo | ||||||||||
|
| |
|
03-05-19, 09:43 AM
| #3 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه التانيه ساري كانت مصره انها تشوف حبيبها تاني باي طريقه..هما كده الجن لما بيحبوه بيحبوا بجد وهيا قلبها دق ليه..... فعلا سمعت كلام موات وراحتله احلامه....كان لسه في المستشفي ومعاه اصحابه وفجأه حس باحساس غريب ..كأن روحه بتسسحب منه والدنيا كلها ظلمت فجأه ونفسه بقي تقيل محمود: بعد اذنكم انا عايز انام سيبوني لوحدي الكل استغرب منه ده من لحظه كان فايق وبيهزر ايه اللي حصله؟؟؟ احمد: خلاص يا محمود هنسيبك ترتاح ونجيلك في وقت تاني محمود مش رد. هو رقد وغمض عنيه قبل حتي ما يمشوا من عنده محمود لقي نفسه في مكان غريب لوحده فيه ..مكان مالوش ملامح اصلا مكنش فاهم هو فين ؟هو في حلم ولا حقيقه؟؟بس الحلم مش بيكون ملموس بالطريقه دي ..وفجأه ظهرت هاله من النور قويه وجتله بس برضه في هيئتها المخيفه كانت عايزه تتأكد هو هيشوفها علي حقيقتها ولا لأ وعرفت اجابة سؤالها من ابتسامته اول ما شافها محمود: انتي تاني ؟؟جميله الجميلات ساري: انا مش عارفه انت ازاي شايفني جميله؟؟؟ علي فكره انا بظهرلك بهيأتي المخيفه وانت بتشوفني علي طبيعتي محمود: مش يمكن طبيعتك هيا نفس هيئتك او هيئتك مش بتعكس اللي جواكي علشان كده بشوف حقيقتك؟؟؟ ساري: تفسيرك غريب محمود: اسمك ايه؟ ساري: اسمي ساري وانت محمود: محمود ساري: عارفه محمود: ولما عارفه بتسألي ليه؟ ساري: كنت عايزه اسمع اسمك منك محمود: ايه المكان الغريب ده؟ ساري: مش عاجبك؟؟؟ تحب تكون فين؟ محمود: هو انا اصلا فين دلوقتي؟؟وانا في حقيقه ولا حلم؟؟ ساري: احنا في عقلك حاليا...وده مش حلم بس برضه مش حقيقه محمود: مش فاهم ساري: مع الوقت هتفهم غيرت المكان وفجأه بقم في جنينه جميله كلها ورد محمود: كده افضل ..انا جيت المكان ده قبل كده ساري: انا جبته من ذكرياتك...حلو فعلا المكان محمود: بس ما زلتي انتي اجمل ورده في المكان كله ساري ابتسمت وهيا معندهاش فكره مدي جمالها بيكون ايه لما بتبتسم محمود: طيب انتي روحتي فين ساعتها وانتي ايه اصلا؟ ساري: انا اختفيت لان اصحابك كانوا بينادو عليك...اما انا ايه فاستني شويه وهتعرف... محمود: طيب ليه مش بتيجي في الواقع ؟ ساري: لو اقدر كنت اجي بس اسفه غصب عني محمود: ليه انا؟؟؟وايه الاحساس اللي انا حاسه دلوقتي ده ساري: ليه انت ما اعرفش ..بس احساس ايه اللي بتتكلم عنه؟ محمود مسك ايدها وحطها علي قلبه محمود: ده اول مره يدق بالشكل ده ساري مسكت ايده وحطتها علي قلبها ساري: وده اول مره يدق اصلا ..احنا بنعيش بقلب ميت ومش بيدق غير لما يلاقي تؤامه وقلبي دق اول ما شفتك ومش عارفه ليه انت؟ محمود: قصدك ان انتي بتحبيني؟ ساري: لدرجه عمرك ما هتقدر تتخيلها ابدا محمود: ومعني قلبي اني برضه بحبك صح؟؟ ساري: ده سؤال اجابته عندك انت بس...انا لازم امشي سلام محمود: استني هشوفك تاني؟؟؟ ساري: هجيلك في احلامك لحد ما الاقي طريقه اشوفك بيها لسه هتمشي فمسك ايدها محمود: ما تتأخريش عليا ابتسمت واختفت وهو صحي وهو مش فاهم ايه اللي بيحصل وده كان ايه؟؟ ومين البنت دي؟؟وهو ليه مش فاكر ملامحها كويس ..ملامحها بتوه منه...بس لو هيا صادقه يبقي هتجيله تاني وهيستناها عشيره سالي __________ دخل ابوها ايتوكان عندها ومعاه امها ساهيك الاب: فوقتي من اوهامك ولا لسه؟؟؟ ساري: ارجوك يا بابا انا بنتك سيبني ايتوكان: هسيبك لما تفوقي وترجعي لعقلك ولعشيرتك..يا بنتي اخر الحب ده ايه...البشر عمر ما كان ليهم امان ابدا ولو اندمجتي معاه ونسيكي او سابك لاي سبب هتخسري روحك للابد ومحدش هيقدر يرجعلك روحك تاني ابدا وهتفضلي عايشه كده جسد من غير روح وهتعيشي في حزن مطبق هيقضي علي حياتك وهتخسري كل قواكي وهتخسري عشيرتك وكل شيئ ساري: ولو وقفت قلبي برضه هعيش في حزن يبقي اخاطر بالحب ايتوكان: بس هتفضلي محتفظه بروحك وعشيرتك وكل قواكي ومع الوقت هتتغلبي علي الحزن جواكي.... ساري سكتت لانها مش عايزه تتنازل عن حبها ايتوكان: هعذبك لحد ما تنسيه وفعلا بدا يعذب في روحها ويسلط عليها اسوأ كوابيسها تهجم عليها..ده كان اعظم قوه عند ايتوكان انه كان بيسلط علي عدوه اسواء كوابيسه وهيا تقضي عليه لوحده واستخدم قوته دي ضد بنته ..طلب من الحراس انهم يزودوا السلاسل عليها علشان ما تهربش او كوابيسها تخليها تقضي علي حياتها... فضل محمود مستنيها تظهر تاني في احلامه بس ما ظهرتش...اتحسن ورجع لشغله ومحكاش لاي حد عن اللي حصل حتي احمد ما حاولش يحكيله تاني..بس كان ديما مشغول سرحان مش مركز ..الام خافت عليه واتكلمت مع احمد .فاضطر احمد يحكيلها اللي حصل واللي محمود حكاهوله ..الام كان اسمها فاطمه خافت جدا علي ابنها وراحت لشيخ وحكتله اللي حصل الشيخ: شوفي لو اللي حصل ده بجد في احتمال كبير يكون ابنك ملبوس ..لان المنطقه دي معروف عنها انها مسكونه والجن ذكر في القران فمينفعش ننكره فاطمه: يعني ايه يا سيدنا ..يعني هيؤذوه؟ الشيخ: هو بيقول انها بنت اللي ظهرتله يعني دي اكيد جنيه ولو اعجبت بيه؟؟ فاطمه: هتعمل ايه قول؟؟؟ الشيخ: هتاخده فاطمه: يالهوي تاخده ازاي وتعمل فيه ايه؟ الشيخ: هتاخد عقله تخليه ملكها وهيكون معانا جسم بس من غير عقل .. فاطمه: طيب انا لازم اتصرف قولي نعمل ايه؟وبعدين ازاي يعجب بيها هما شكلهم ايه الشيخ: هيا بتظهر في اي شكل يعجبها...لازم نتصرف قبل ما تسيطر عليه خالص او تدمج روحها معاه ..لان لو ده حصل مفيش قوه علي الارض تقدر تبطل الاندماج ده فاطمه: طيب قولي نعمل ايه وانا معاك الشيخ: لهنصرفها بالقران بس لازم يكون هو عنده الرغبه اننا نصرفها عنه ..وصلينا انا ليه وهنحاول نقنعه وربنا يسهل روحت فاطمه وهيا خايفه اصلا علي ابنها ومش عارفه تتصرف ازاي محمود كان في البيت ومستغرب انه امه مش موجوده فدخل اوضته وبيكلم نفسه: ياتري يا ساري روحتي فين وخليتي بيا ليه؟؟ هنا حس بقلبه بيتقبض والدنيا بتظلم ففهم انها جاياله..راح نام علي سريره وفعلا لقي نفسه في نفس المكان بتاع الجنينه محمود: الظاهر ان المكان ده عجبك؟ بيتلفت حواليه يدور عليها سمع صوتها بس مش شايفها ساري: طالما عاجبك لازم يعجبني محمود: انتي فين عايز اشوفك .......وحشتيني هنا ساري ظهرت فجأه قدامه ساري: بجد وحشتك؟ محمود: انتي عندك شك؟؟اسألي قلبي يقولك حطت ايدها علي عقله محمود: بتعملي ايه؟ ساري: بسأل عقلك محمود: وقالك ايه؟ ساري: قالي انك كنت بتفكر فيا كتير وكنت فعلا وحشاك مسك ايدها وباسها محمود: يبقي تصدقيه بعد كده من غير ما تشككي في كلامه ساري: مش بشكك بس بحب اسمعها كتير محمود: تسمعي ايه اني بحبك ولا انك وحشتيني ساري بابتسامه طيرت عقله: الاتنين قولهم الاتنين محمود: بحبك ووحشتيني وتاني مره ما تبعديش عني كده مفهوم؟ ساري: لو بأيدي مش هبعد بس انت مش عارف انا بيحصل معايا ايه؟؟واول ما بلاقي فرصه اشوفك مش بتأخر ابدا محمود: طيب احكيلي ايه اللي بيحصلك؟ حكتله ساري عن اللي بيحصلها باختصار وان اهلها رافضين حبها ده وبيحاولو يمنعوها منه محمود: طيب انا ممكن اساعدك؟ ساري: هنضيع الوقت في الكلام؟ محمود: انا ملك ايدك هما ساري قربت منه وهو كمان قرب ولمست شفايفه..بوستها مكانتش عاديه كانت بتسحب روحه وقلبه بيدق بسرعه وبيتنفس بسرعه كأنه مخنوق هنا امه فاطمه كانت دخلت عليه وبتنادي عليه مش بيرد وبتحاول تصحيه بس مش بيستجيب ليها ابدا ومكنتش عارفه تعمل ايه وفجأه لقته زي ما يكون بيتخنق ومش عارف يتنفس وهيا بتصرخ وتقول ابني هيموت هتموته محمود اول مره يعرف ان البوسه ممكن تخطف روحه كده لحد ما هيا اخيرا بعدت عنه هنا جسمه هدي وامه مستغربه حطت راسها علي صدره تشوف قلبه بيدق ولا مات بس لقته لسه عايش محمود: اول مره اعرف ان البوسه ده تاثيرها ساري: مش ده تأثيرها لو مع حد زيك بشري ده علشان روحين مختلفتين بيتقابلوا فبيكون اندماجهم اقوي بكتير من اندماجتكم انتو البشر ساري: انا بحبك وانت هتعرف مع الوقت انا بعمل ايه علشانك بس ارجوك اوعي تتخلي عني ابدا اوعدني محمود: عمري ما هسمح لاي شيئ يبعدني عنك..اوعدك ساري: ..انا لازم امشي خلي بالك من نفسك لسه هيتكلم بس كانت اختفت وسابته وهو فتح عنيه لقي امه جنبه وميته من العياط محمود: امي في ايه مالك؟ فاطمه: ابني ابني رمت نفسها علي صدره وهيا بتعيط وتقول الحمد للله انك رجعت محمود: رجعت منين ..مالك يا امي في ايه؟ فاطمه: انا بقالي ساعه جنبك بصحي فيك وانت مش حاسس بيا وجسمك من شويه كان بيتنفض وكأن روحك بتتسحب منك وكأنك مش قادر تتنفس خفت لتموت ولا تاخدك مني محمود ابتسم لما افتكر اللي حسه لما باسها بس اخد باله من كلام امه محمود: مين دي اللي تاخدني منك؟؟ فاطمه: الجنيه اللي بتحبك محمود: جنيه ايه؟؟انتي بتجيبي الكلام ده منين فاطمه: ما تكدبش عليا احمد حكالي عن اللي حصل معاك وانا رحت لشيخ وقالي.. قاطعها محمود: وقالك ايه بقي الدجال اللي روحتيله فاطمه: بقولك شيخ وده الشيخ عبدالله امام المسجد وانت عارفه تقدر تقول عليه دجال؟؟ محمود: امي ما تدخلينيش في حوارات فاطمه : وتفسره بايه اللي بيحصل ده؟علي العموم ساعه كده والشيخ جاي وابقي قابله واتكلم معاه محمود: لا يا امي ... قاطعته فاطمه: علشان خاطري لو بتحب امك يبقي قابله وفعلا قدام اصرارها ودموعها ما اقدرش يقول لأ جه الشيخ وقابله وقعد معاه وطلب منه الشيخ يحكيله كل اللي حصل من الاول وحكاله محمود من الاول لحد من شويه لما جاتله بس طبعا ما قالوش انه باسها الشيخ: يا بني انت لازم تبعد عنها وتصرفها بعيد عنك صدقني انت مش عايز تتورط مع العالم ده ابدا..وبعدين مين قالك ان الشكل اللي بتظهرلك فيه ده شكلها الحقيقي محمود: هيا نفسها لما ظهرتلي اول مره استغربت جدا ان انا ما خفتش من شكلها وبعد كده قالتلي انها ظهرتلي بهيئتها المخيفه وهيا مش عارفه انا ازاي بشوفها علي حقيقتها وازاي ما خفتش منها؟؟ الشيخ: وليه بتظهرلك في احلامك ليه مش بتظهرلك حقيقه؟ محمود: مش عارف بس تقريبا ان اهلها رافضين حبها ده وعلشان كده منعوها تخرج فهي بتضطرتجيلي في احلامي الشيخ : انت عارف انها ممكن تاخد عقلك في عالم الاحلام ده وماتفوقش تاني منه وتفضل عايش كده نايم وبس كأنك في غيبوبه محمود: وعايزني اعمل ايه؟ الشيخ: تسيبني اساعدك تخلص منها محمود: ايه؟اخلص منها؟ولو انا مش عايز اخلص منها ولو انا كمان بحبها؟ الشيخ: يا ابني دي جنيه مش بني ادمه هتحبها وتتجوزها...هتستفيد ايه من الحب ده؟؟ محمود:................ الشيخ: سيبني اساعدك ..لو مش عشانك علشان والدتك انت عارف انها ملهاش غيرك...انت لا عند اخوات ولا عندكم قرايب ومن ساعه ما ابوك اتوفي وانت المسؤل عنها لو جرالك حاجه هيا هتعمل ايه من غيرك؟؟ محمود: ماشي موافق وافق محمود ان الشيخ يحاول يخرجها من جواه وفعلا بدأ الشيخ يقري قران عليه وهو قاعد سامع ومش متأثر خالص ...القران عادي بيسمعه زي اي مره بيسمعه لكن هناك في العشيره ساري كانت بتصرخ ..بتصرخ بصوتها كله كأنها بتتعذب.. ياتري ايه اللي هيحصل لساري؟؟ هتخرج فعلا من حياه محمود ولا؟؟ رد فعل ساري لما تعرف ان محمود وافق يخرجها من حياته بالسرعه دي؟ استنوني بكره هتعرفو ShiMoOo | ||||||||||
|
| |
|
03-05-19, 09:44 AM
| #4 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه الثالثه وافق محمود ان الشيخ يحاول يخرجها من جواه وفعلا بدأ الشيخ يقري قران عليه وهو قاعد سامع ومش متأثر خالص ...القران عادي بيسمعه زي اي مره بيسمعه لكن هناك في العشيره ساري كانت بتصرخ ..بتصرخ بصوتها كله كأنها بتتعذب.. سمعت تاسهيك صوت ساري بتصرخ وبصت لجوزها ايتوكان تاسهيك: انت لسه بتعذب فيها كفايه كده؟؟؟ ايتو كان: مش انا اللي بعذبها تاسهيك: امال ايه ده؟ طلعوا الاتنين يشوفوا بنتهم مالها ؟كانت متعلقه بالسلاسل وبتصرخ فقربت منها امها وحطت ايدها علي راسها علشان تشوف مالها ...شافت محمود والشيخ جنبه وبيحاولو يتخلصوا منها ..خافت وشالت ايدها بسرعه ايتوكان: ايه مالها؟؟ تاسهيك: الظاهر ان حبيبها بيتخلص منها... ايتوكان: وده ممكن يضرها ؟؟ تاسهيك: لا مش هيضرها ...هيتعبها شويه بس...لكن اللي هيضرها ان حبيبها هينساها وده هيخلي قلبها يموت شويه شويه ايتوكان: وده شيئ كويس صح؟ تاسهيك: ده بالظبط اللي كنا عايزينه ايتوكان: فكوها وودوها اوضتها ترتاح ..السجن خلاص مالوش لازمه ودوها اوضتها وجابوا موات تقعد جنبها لحد ما تفوق.... عند محمود الشيخ خلص محمود: كده خلاص مش هتيجي تاني؟؟ الشيخ: لا مش هتيجي الا اذا انت سمحتلها تيجي محمود: ازاي؟ الشيخ: تفكر فيها مثلا او تتمني انها تيجي ..ساعتها هتيجي لكن طول ما انت مش بتفكر فيها مش هتقدر تقربلك سابه الشيخ ومشي وهو فضل مع نفسه ..مش قادر يكون مبسوط من اللي حصل ...وعدها انه مينساهاش وفي اول فرصه باعها...احساس غريب بالخيانه ماليه...حاول يقنع نفسه ان ده الصح بس فشل تماما بدأت ساري تفوق وهيا في منتهي الضعف موات: ساري انتي كويسه؟؟ساري ردي عليا ساري حطت ايدها علي قلبها وبتعيط ساري: دقاته ضعفت قوي...هيموت....قلبي هيموت وفضلت تعيط وتعيط وموات تحاول تهديها ومش عارفه...دخلت امها تاسهيك وطلبت من موات تسيبهم لوحدهم تاسهيك: انتي لازم تكوني قويه يا ساري..ده الاحسن ليكي ولعشيرتك وليه هو كمان ساري: الاحسن ليا ان قلبي يموت؟؟ تاسهيك: مكنش المفروض تسمحيله يدق من الاول للشخص الخطأ ساري: وكنت اعمل ايه يعني؟ تاسهيك: كنت توقفيه في اللحظه اللي دق فيها وساعتها كان هيكون سهل ساري: انا مش عايزاه يقف..مش عايزه قلبي يموت...ساعديني يا امي تاسهيك: اساعدك علي ايه؟؟؟تنهي حياتك؟؟؟وتتخلي عننا ؟؟؟وبعدين ده كان اختياره هو ...هو اختار يبعد سيبيه ساري: اكيد حاجه اثرت عليه؟؟؟ تاسهيك: هو بشري وانتي جنيه فوقي بقي من اوهامك ..هو فاق انتي كمان فوقي ...وقومي استلمي واجبك ناحيه عشيرتك انتي وليه العهد ولازم تقومي بواجبك.... ساري: سيبيني ارجوكي....سيبيني لوحدي وابعتيلي موات سابتها تاسهيك وجتلها موات موات: امك عندها حق انتي لازم تقومي بواجبك ناحيه عشيرتك ساري: انا مش عايزه اسمع اي حاجه دلوقتي انا عايزه ارتاح بس...عايزه اشوفه...شوفيلي طريقه اشوفه بيها موات: ازاي تشوفيه؟؟؟هو صرفك ومش هينفع تشوفيه الا اذا هو سمحلك بده ساري: يعني ايه؟؟؟مفيش طريقه؟؟؟شوفيلي اي طريقه في كتب التعاويذ والسحر اي حاجه موات: مفيش...في حاجات معموله ومحدش يقدر يتخطاها ابدا..دي طرق البشر بيحموا نفسهم بيها مننا ومفيش اي تعاويذ او سحر يقدر يتخطاها.. قررت موات انها تحاول تساعد ساري علشان تشوف حبيبها تاني بس مكنتش عارفه ازاي محمود رجع لحياته الطبيعيه او اللي بيحاول يقنع نفسه انها طبيعيه ومش بيحول يفكر فيها تاني... في اخر يوم متعب طويل دخل ينام وحط راسه علي المخده ويدوب غمض عنيه..حس ببروده فظيعه في الاوضه وحس ان جسمه كله مشلول ومش قادر يتحرك او يتنفس ابدا ..كأنه جوه كابوس مش قادر يصحي منه...بص شافها مخيفه جدا طايره في السقف وبتبصله من فوق وبتتكلم بصوت يوقف القلوب ونار حواليها بتقرب تحرق فيه وهو مش قادر حتي يتحرك..معقول ممكن تكون بالبشاعه دي ؟؟؟بقي ده شكل حبيبته؟؟؟ ** انت اخترت تنساها بعد ما وعدت تحبها..كل البشر خاينين ..وهتدفع ثمن خيانتك ليه** محمود: انتي مش ساري صح؟؟؟؟ ***ساري بتتعذب بسبب خيانتك ليها وانت هتتعذب زيها لازم تدفع الثمن ** فجأه محمود لقي نفسه في المقابر اللي شاف فيها ساري اول مره..اول مره قلبه يحس بالخوف كده ..القبور كلها بتتفتتح وبتخرج منها مخلوقات غريبه وكلها بتحاول تخنق فيه وهو مش عارف يجري ..كل ما بيجري بيقع...وكلهم بيشدو فيه وبيحاولو يدخلوه معاهم تحت الارض وهو مش قادر يقاومهم ولا عارف يعمل ايه ؟ اخيرا دخلوه تحت الارض وواخدينه مملكتهم معرفش يعمل ايه غير انه يصرخ وينادي علي حبيبته وفضل ينادي بصوته كله ساري ساري ساري ساري ساري ساري هنا اخيرا فاق من نومه وفتح عنيه وجسمه كله بينقط عرق وبينهج كأنه كان في سبق ومش قادر ياخد نفسه... كان عارف من جواه ان ده مكنش حلم ابدا ابدا لان جسمه كله كان كدمات مكان شدهم ليه وحروق مكان لمسات ايديهم ...فضل فتره مش عارف يعمل ايه او يتصرف ازاي استني النهار اول ما يطلع خرج وراح للشيخ الشيخ: ازيك يا ابني اخبارك ايه؟ محمود: انا مش كويس ابدا..انا بحلم بكوابيس فظيعه او مش كوابيس دي حقيقه الشيخ: لا مش حقيقه ..دول كوابيس ...انت بس شغل قران قبل ماتنام ونام علي وضوء وحصن نفسك محمود: بقولك مش احلام دول حقيقه وعندي الدليل الشيخ: وايه هو الدليل خلع محمود قميصه علشان يوريه الاثار اللي علي جسمه بس اتفاجأ ان مفيش حاجه خالص في جسمه محمود: الاثار راحت...اختفت..كانت موجوده بس اختفت الشيخ: اتهيألك انها موجوده ...لكن مفيش شيئ محمود: كانت موجوده انت عايز تجننيني؟ الشيخ: استعيذ بالله انت واعمل اللي قولتلك عليه في نفس الليله محمود عمل زي ما الشيخ قاله وحاول ينام بس معرفش حتي يغمض عنيه وهو منتظر حاجه تحصل...راح تاني يوم شغله وهو في منتهي التعب من السهر وقضي يوم كله شغل ومطارادات ورجع بيته مهدود حتي ما قدرش يغير هدومه ونام زي ما هو ونفس اللي حصل اتكرر تاني بس اصعب من الاول ..المره دي دخلوه معاهم وسلسلوه وبدؤا يعذبوا فيه بسلاسل من نار وفضل برضه يصرخ وينادي عليها ساري ساري ساري ساري ساري فاق من النوم مفزوع اكتر واكتر وكان لازم يشوف حل ...مش هينفع يفضل صاحي ؟؟لازم يمنع الموضوع ده...لازم يشوف ساري بنفسها غمض عنيه وبدأ يتخيل شكلها وينادي عليها تجيله محمود: ساري انا محتاجلك تعالي...ساري ارجوكي تعالي ...ساري محمود حس ببروده فظيعه وحس بقلبه هيقف والمكان بيظلم وبيحصل نفس اللي بيحصله في الحلم...وسأل نفسه معقول ساري هتتخلي عني وهتعمل فيا زي الحلم...خاف وقلبه بيدق بسرعه ومستني انه يروح القبور زي الحلم وفجأه....... ونكمل بكره يا حلوين نشوف ايه اللي هيحصل؟؟؟ ساري هتتخلي فعلا عنه؟؟؟ مين اللي بيعذب محمود؟؟؟ايتو كان ولا تاسهيك؟؟ولا ساري نفسها بتنتقم ؟ انتو توقعاتكم ايه؟ تفاعلو معايا ShiMoOo | ||||||||||
|
| |
|
03-05-19, 09:45 AM
| #5 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه الرابعه غمض عنيه وبدأ يتخيل شكلها وينادي عليها تجيله محمود: ساري انا محتاجلك تعالي...ساري ارجوكي تعالي ...ساري محمود حس ببروده فظيعه وحس بقلبه هيقف والمكان بيظلم وبيحصل نفس اللي بيحصله في الحلم...وسأل نفسه معقول ساري هتتخلي عني وهتعمل فيا زي الحلم؟؟...خاف وقلبه بيدق بسرعه ومستني انه يروح القبور زي الحلم وفجأه.......كل شيء رجع لطبيعته وشافها واقفه قدامه جميله حلوه وقلبه رجع يدق تاني بعنف...ازاي فكر ينساها ولو للحظه؟؟؟بس ده مش وقته هو عايز يفهم منها ايه اللي بيحصله؟؟؟؟ ساري: عايز مني ايه؟؟انت مش نسيتني؟عايزني ليه تاني؟ محمود: انتي كدبتي عليا فكان لازم اتصرف كده ساري: انا ما كدبتش عليك ابدا محمود: ماكدبتيش ممكن بس خبيتي عني الحقيقه ساري: حقيقه ايه اللي خبيتها عنك؟؟؟ محمود: ان انا لو اخترت احبك وافضل معاكي..هفضل هنا جسم من غير روح وروحي هتكون معاكي انتي...انا ليا حياتي هنا وليا والدتي مسئول عنها ومش عايز.... قاطعته ساري: ايه اللي انت بتقوله ده؟؟؟مين طلب منك تتخلي عن حياتك هنا؟؟؟...ومين قالك اني هاخد روحك؟؟؟ محمود: هتكدبي تاني؟؟؟ ساري: مش بكدب...لو حبيتني انا اللي بخسر روحي ...انا اللي روحي هتفضل معاك هنا...انا اللي المفروض اخاف منك مش انت محمود: يعني ايه؟؟؟لا انتي بتكدبي عليا...وبعدين لو بتحبيني اصلا مكنتيش تعذبيني كل يوم وتاخديني في رحلتك للمقابر وتعذبي فيا انتي واهلك ساري: ايه؟؟؟مين بيعذبك؟؟؟ محمود: اعملي نفسك مش عارفه حاجه بقي ساري: وحياتك انت ما اعرفش اي حاجه محمود: احلفي بحاجه غير حياتي ..احلفي بحاجه ليها قيمه عندك ساري: انت اغلي حاجه عندي..وعلشان كده حلفت بيك محمود بصلها ومش عارف يصدقها ولا يكدبها؟؟؟حاسس من جواه انها صادقه...بس خايف يخاطر تاني ساري حست بيه وطبعا عرفت تقري افكاره لانها عندها المقدره دي غير امها اللي لازم تلمس الشخص علشان تقدر تدخل عقله محمود: ما تحاوليش تدخلي عقلي لو سمحتي ساري: اسفه...بس اسمعني الاول....وانا مش هكدب عليك في كلمه واحده اوعدك محمود: قولي اللي عندك ساري: عشيرتنا بتعيش بقلب بس قلب ميت بيدق مره واحده بس لو قابل تؤام روحه وبأيدنا نوقفه لو حبينا بس لو وقف مش بيدق تاني ابدا وبيعيش الواحد في حاله مراره العمر كله وعمره ما بيحس باي شيء تاني بيفقد احساسه بكل اللي حواليه...لو اختار ان قلبه يفضل يدق يبقي بيدمج حياته معاه وبيبقوا روح واحده هما الاتنين..ده لما بيحصل في عشيرتنا بيبقي شيئ جميل جدا لان احنا مش بنخون ابدا ولو اتنين اندمجوا بيفضلوا مع بعض عمرهم كلوا وبيفضل الحب ديما موجود بينهم محمود: ولو حصل زي كده بين اتنين مختلفين انا وانتي مثلا؟؟؟ ساري: ساعتها بيكون قدامي اختيارين يا اما اوقف قلبي وساعتها هعيش في مراره عمري كله زي ما شرحتلك او اختار اني افضل احبك وساعتها هتكون حياتي بين ايديك محمود: يعني ايه حياتك بين ايديا؟؟؟ ساري: يعني لو انت اخترت تحبني ووافقت تندمج معايا هكون اسعد مخلوق في الدنيا ..ولو نسيتني بعدها هعيش انا من غير روح لان روحي هتفضل معاك هنا وكل لحظه تعدي اتعذب انا فيها وكل ضحكه تضحكها بالف الف طعنه ليا وافضل عايشه جسم مش بيتحرك ولا عايش جسد من غير روح زي ما انت قلت محمود: ولو فضلت احبك علي طول؟؟ ساري: هكون قويه وسعيده ولو عايز ممكن اعيش معاك هنا ..ده طبعا لو عايز؟ محمود: يعني ايه تعيشي معايا هنا؟؟؟وتعيشي ازاي ؟؟جنيه؟؟؟ ساري: مش لازم حد يعرف اني جنيه...هظهر بشكلي ده ومش لازم ابدا حد غيري انا وانت يعرف محمود: قصدك انك انتي ممكن تعيشي معايا هنا زي اي انسانه عاديه؟؟؟ ساري: لو انت عايز كده ايوه؟؟ محمود: ولو بطلت احبك او نسيتك؟؟ ساري: اليوم اللي تبطل تحبني فيه برجع لعشيرتي محطمه مدمره من غير روح زي ما قولتلك محمود: وانا؟؟؟هيكون مصيري ايه؟؟؟كوابيس مدي الحياه واشد انواع الانتقام من اهلك....صح؟؟؟؟؟ ساري: لا محمود: لا؟؟؟؟ده اللي بيحصل دلوقتي ..بمجرد ما صرفتك وانا بتعذب ايه اللي هيخليهم يبطلوا؟؟ ده بالعكس دلوقتي علي الاقل انتي لسه محتفظه بقوتك وقلبك وحياتك امال لما تخسري ده كله هيعملوا فيا ايه؟؟؟؟ ساري: محدش يقدر يلمسك او ياذيك....لو تم الاندماج بيننا محدش ابدا يقدر يأذيك باي شكل من الاشكال....اندماجي معاك هو بوليصه تأمينك محمود: انت عايزه تفهميني ان اندماجننا بيديني انا كل الصلاحيات وبياخد منك كل حاجه؟؟؟طيب وده ليه؟ ساري: ده امان للبشر مننا دي قوانين عليا محدش يقدر يدخل فيها..دي حاجات اللي خلقنا عملها علشان يحميكم انتو مننا ...الظاهر ان الانسان الكائن المفضل .....مهما يكون ضعيف الي ان مش اي مخلوق يقدر يأذيه..ديما ليكم وسائل حمايه بتحميكم مننا محمود: يعني دي قوانين ربنا حطها علشان يحمينا منكم؟؟؟؟وانتي ايه اللي يخليكي تخاطري بكل شيئ كده؟؟؟؟؟؟ ساري: علشان بحبك هنا محمود قلبه كان بيدق بعنف لانه هو كمان بيحبها ومش عارف ليه؟؟ الاحساس اللي جواه محسوش قبل كده محمود:ده برضه ما يمنعش انك بتعذبيني.. انتي عارفه انا بتعذب قد ايه؟ ساري:اسفه هحاول اتصرف...محمود انت مش محتاج لشيخ علشان تصرفني..انت مش عارف انت بتعذبني قد ايه؟؟؟؟لو مش عايزني كفايه كلمه منك وانا هبعد وهمنع اي حد يقرب منك... دمعه نزلت من عينها غصب عنها ساري: لو عايز ابعد عنك نهائي هبعد وومكن كمان اوقف قلبي وساعتها محدش ابدا يقدر يأذيك...قرر انت بس محمود: للدرجه دي بتحبيني؟؟؟لدرجه انك توقفي قلبك وتعيشي في مرار ساري: لو ده ثمن سعادتك مستعده ليه؟؟؟ محمود: ولو انا بحبك وعايزك تفضلي معايا هنا وعايزك تندمجي معايا علي الرغم اني مش عارف يعني ايه اندماج بس حاسس انه حاجه حلوه ساري ضحكت ضحكه مخطوفه محمود: ياه اخيرا ضحكتي ساري: بجد يا محمود بتحبني؟ محمود جاوبها بانه باسها ..قد ايه كان مشتاق للحظه دي ..رعشه قلبه بين ايديها دقات قلبه بالطريقه دي...مكنش عارف هيا واحشاه قد ايه غير لما لمس شفايفها ..كانت بوسه شوق طويله مليانه حب وعتاب ولهفه واخيرا بعد عنها بس ماسكها كأنه خايف انها تختفي تاني من قدامه محمود: مختلفه؟ ساري: ايه هيا اللي مختلفه؟ محمود: بوستك المره دي مختلفه...روحي ما اتسحبتش مني ساري: وده كويس ولا لأ؟ محمود: طبعا كويس ...كنت خايف ان كل ما ابوسك احس ان قلبي بيقف وروحي بتتسحب مني..لكن المره دي كانت متعه صافيه..متعه وبس لدرجه اني مش عايز ابطل ابوسك ابتسمت ساري ساري: اول مره كانت صعبه... محمود: خليكي معايا هنا علي طول ساري: حاليا مش هينفع..في امور لازم تتسوي الاول مع اهلي وبعدها اكون ملك ايدك محمود: مش هتقوليلي يعني ايه اندماج ساري: اندماج بلغتك انت يعني جواز محمود: تكوني مراتي؟؟؟امي لو عرفت ان مرات ابنها هتبقي جنيه ممكن قلبها يقف فيها؟ ساري: خلاص متعرفهاش محمود: طيب ينفع نتجوز امتي؟ ساري: محتاجه وقت اتصرف فيه مع اهلي ..وبعدين لازم اعرف مين اللي بيعذبك علشان اعرف احميك..لو حسيت باي شيئ نادي عليا وانا هاجي محمود: خلاص اتفقنا............استني رايحه فين؟ ساري: لازم امشي دلوقتي وهجيلك تاني سابته ومشيت وهو حس انه اسعد انسان في الدنيا رجعت ساري لعشيرتها وموات كانت معاها ساري: انا لازم اتصرف يا موات موات: ايه ده قلبك بيدق كده ليه؟؟؟انتو رجعتو لبعض؟؟؟انتي مجنونه ابوكي هيعمل ايه لو عرف؟؟ ساري: ابويا بيعذب فيه وانا لازم اقف قصاده موات: تقفي قدام ابوكي؟؟؟الملك؟انتي متخيله نفسك ايه؟ده ممكن يقتلهولك ببساطه ساري: ايه يقتله؟؟؟موات اعمل ايه؟ موات: معرفش ..دلوقتي بتسألي ؟كان لازم تعرفي هتعملي ايه قبل ما قلبك يرجع يدق بالطريقه دي تاني ساري: وبعدين موات: اولا قلبك لازم يبطل دق ساري: لايمكن ابدا انتي فاهمه لايمكن موات: انا مش قصدي توقفيه..انا قصدي نلاقي طريقه نخبي بيها دقات قلبك..لحد ما نشوف هنعمل ايه..وانا هشوف اي تعويذه بس انتي مش لازم حد ابدا يشوفك حاليا ساري: خلاص محدش هيشوفني بس انتي هاتي التعويذه بسرعه..... طيب ومحمود؟؟ موات: لو قلبك بطل يدق محدش هيفكر يأذيه جابت موات كل تعاويذ السحر وبدأت تدور علي تعويذت تخفي بيها دقات قلب ساري موات: لقيتها ولسه بتقراها سمعوا صوت ايتوكان وبينادي علي ساري بصوا لبعض بخوف لو سمع قلبها هيحبسها تاني وهيأذي حبيبها..خطواته بتقرب وتقرب لحد ما اخيرا دخل وفتح الباب ايتوكان: انتي مش بتردي ليه؟؟؟ ونكمل بكره ياتري ايتوكان هيأذي محمود ولا ساري هتعرف تحميه؟؟؟ موات هتلحق تقري التعويذه بسرعه ولا هيتكشفوا؟؟؟ محمود هيندمج مع ساري ولا حاجه هتمنع الاندماج ده؟؟ انتو ايه رأيكم؟؟؟ انا مش عايزه حلوه وتحفه انا عايزاكم تتحاوروا معايا وتقولو متوقعين ايه يحصل مستنيه تعليقاتكم ShiMoOo | ||||||||||
|
| |
|
03-05-19, 09:45 AM
| #6 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه الخامسه جابت موات كل تعاويذ السحر وبدأت تدور علي تعويذة تخفي بيها دقات قلب ساري موات: لقيتها ولسه بتقراها سمعوا صوت ايتوكان وبينادي علي ساري بصوا لبعض بخوف لو سمع قلبها هيحبسها تاني وهيأذي حبيبها..خطواته بتقرب وتقرب لحد ما اخيرا دخل وفتح الباب ايتوكان: انتي مش بتردي ليه؟؟؟ موات كانت بتقري في التعويذه بسرعه علشان تحمي صاحبتها وفي لحظه فتح الباب كانت انتهت بس مش عارفه هي نجحت ولا لأ؟ ايتوكان: انتو بتبصوا لبعض كده ليه؟؟؟ساري اتكلمي ساري: لللا ابداااا ايتوكان: المهم تعالي عايزك سابهم وخرج وهما الاتنين خلاص هيموتو من الخوف موات: روحي بسرعه وراه ومتنسيش انتي المفروض قلبك وقف يعني انتي في حاله مراره حاولي تخفي السعاده دي وتظهري المراره علشان محدش ياخد باله وابعدي تماما عن لمسات امك..اوعي تاسهيك تلمسك ساري: حاضر فعلا ظهرت ساري بمظهر المراره كانت كل شويه تتخيل محمود لو نسيها او بطل يحبها وده كان كفيل بانه يتعسها تاسهيك اول ما شافتها تاسهيك: بنتي حبيبتي معلش استحملي ومع الوقت الالم هيقل لسه هتقرب منها تحضنها فبعدت ساري ساري: لو سمحتي خليكي بعيد عني...الالم عمره ما هيقل ابدا وانتي عارفه كويس تاسهيك: حبيبتي ده الصح..ومع الوقت كل شيئ بيقل ساري: الوقت ده اللي هو قد ايه؟ سنين ولا قرون؟؟؟ارجوكي بلاش تمثلي الحنيه دلوقتي..لما احتجتك موقفتيش جنبي تاسهيك: كنتي عايزاني اعمل ايه؟؟؟ ابارك حبك واقولك روحيله وعيشي تحت رحمته...هيفضل يحبك لامتي؟؟؟البشر خاينين ساري: مين قالك؟؟؟تعرفي منين انهم خاينين؟؟ مش يمكن يفضل يحبني؟؟ تاسهيك: فعلا يمكن..وعلشان كده صرفك عنه بسرعه ساري: كانت هتسأل امها مين اللي بيعذبه بس افتكرت انها لو سألت يبقي شافته تاني ومسكت نفسها في اخر لحظه ايتوكان: كفايه كلام عن الموضوع ده..طالما قلبها وقف خلاص وهو صرفها من حياته يبقي كل واحد يكمل حياته هو في حاله واحنا في حالنا وده الاحسن للطرفين....دلوقتي انتي لازم تجهزي علشان تستلمي واجبك ساري: دلوقتي انا محتاجه وقت ابعد فيه عنكم وعن كل شيئ..دلوقتي انا عايزه احزن..انتو مستكترين عليا الحزن؟؟؟ سابتهم ومشيت ولسه ايتوكان هيروح وراها تاسهيك: سيبها ...اديها وقت تحزن علي حبها المفقود...اديها وقت تقف فيه تاني علي رجليها وترجعلنا ساري راحت لموات واول ما شافتها موات: عملتي ايه؟؟كنت خايفه من تاسهيك ساري: الوضع ده مش امان ابدا مش هقدر افضل كتير ابعد عن لمساتها..تاسهيك ذكيه وهتشك وهتعرف موات: يبقي لازم تندمجي معاه بسرعه..وبكده محدش هيقدر يعمل اي شيئ ابدا ولا تاسهيك ولا ايتوكان نفسه ساري: فعلا عند حق ..لازم اندمج معاه بسرعه..بس لازم الاول اجهزه للاندماج والا مش هيستحمل وممكن يموت مني موات: مفيش وقت يا ساري لازم الاندماج يحصل بسرعه والا فعلا هيموت منك ساري: طيب وهعمل ايه؟؟؟ موات: انتي سبق وشفتيه..استخدمي قدراتك دي ساري: في وقت الاندماج مش هقدر اركز علي قدارتي دي وومكن يروح مني وساعتها ابقي قتلته بايدي موات: انتي قويه ولازم تفتكري ده كويس...لازم يا ساري مش هينفع ترددي دلوقتي محمود بالليل رجع بيته واتعشي مع امه وهما بيتعشوا محمود: الا قوليلي يا امي هو انتي بتخافي من الجن؟ الام كحت واتخضت فاطمه: سلام قولا من رب رحيم..ايه يا ابني السيره دي...اعوذ بك من همزات الشياطين واعوذ بك رب ان يحضرون...بسم الله الذي لايضر مع اسمه شيئ في الارض ولا في السماء وهو السميع العليم محمود فضل يضحك بصوته كله وهو متخيل امه لو عرفت ان ابنها عايز يتجوز واحده منهم محمود: خلاص يا امي انتي هتقري القران كله ولا ايه؟؟ فاطمه: انت ليه بتسأل سؤال زي ده؟؟؟ محمود: لا ابدا سؤال عادي..اصلي عمري ما حسيت انك خوافه ..ولما جيبتيلي الشيخ فوجئت بالموضوع ده مش اكتر فاطمه: ايوه يا ابني مش خوافه قوي بس بخاف برضه وربنا يسترها معانا محمود: المهم انا هقوم انام عايزه حاجه مني يا ست الكل فاطمه: لا يا حبيبي سلامتك باسها علي راسها ودخل اوضته ..غير هدومه ونادي عليها محمود: ساري انتي فين تعالي بقي...وحشتيني ظهرت ساري قدامه ..كل مره بيقول انه اتعود علي جمالها بس في كل مره بيشوفها بيحس انه بيشوفها لاول مره وان جمالها ده بيزيد..ابتسم ساري: ايه بتبتسم ليه؟ محمود: هو انتي مش بتعرفي تقري الافكار؟ ساري: وانتي مش طلبت مني ابطل اقري افكارك ابتسم محمود: وانت بتسمعي الكلام صح؟ ساري: طبعا مش حبيبي لازم اسمع كلامك محمود: طيب حاليا مسموحلك تقري افكاري قرت ساري افكاره ووصلت لنقطه فبعدت عنه وراحت بعيد محمود: ايه بتبعدي ليه؟ ساري: علشان افكارك بتروح لبعيد...واللي بتفكر فيه مش هيحصل غير بعد الاندماج ضحك محمود: وانا مقولتش غير كده....موضوع قرايه الافكار ده مش حلو متقريش افكاري رجعت في كلامي ضحكت ساري: خلاص مش هقراهم غير لما تتطلب مني اتفقنا؟ محمود: اتفقنا...المهم انتي فعلا بتحلوي ولا انا بيتهيألي؟ ساري: كل ما حبنا يزيد ويكبر بحلو اكتر فعلا محمود: يعني مش بيتهيألي؟؟المهم عملتي ايه مع اهلك؟ ساري: عملت تعويذه تخبي دقات قلبي عنهم بس مش هتحميني كتير محمود: والعمل ايه؟؟انتي مش قلتي لو اندمجنا محدش يقدر يعمل حاجه بعدها طيب مستنين ايه؟ ساري: خايفه عليك ..كان لازم اخد فتره اجهزك للاندماج ده انت من بوسه واحده وقلت قلبك كان هيقف وروحك بتتسحب منك تخيل الاندماج ارواحنا هيكون ازاي؟؟ محمود: ساري حبيبتي ..انا مستعد اخاطر ..انا مش عايز حد يقدر يفرق بينا تاني ساري: وانا مش عايزه اخاطر بيك محمود: ولو ما اندمجناش مش هتكون برضه مخاطره بس نتيجتها سيئه جدا لكن لو اندماجنا هتكون المخاطره لحاجه تستاهل وبعدين انتي سبق وعالجتيني قبل كده..لو جرالي حاجه عالجيني تاني.. ساري: ولو مقدرتش؟؟؟ محمود: يبقي خلاص عملنا اللي علينا مش عارف مصيرك ايه لو مت ساري: اششش متكملش محمود: ليه هو انا مش هموت في يوم من الايام؟؟انتي قلتيلي مصيرك لو انا نسيتك بس مقولتيش لو انا مت..وعايز اعرف لو انا مت هيحصلك ايه ساري: هحزن عليك محمود: عارف بس ده مش قصدي وانتي فاهماني ساري: الحياه والموت حاجه مش بايدينا ..فلو مت بطريقه طبيعيه هكمل حياتي عادي محتفظه بكل حاجه بس قلبي هيموت معاك ويبطل يدق..هعيش بس من غير المراره اللي بتحصل لو وقفت قلبي بس طبعا مش بتفرق كتير لان احنا مش بننسي حبنا فهيفضل حبك جوايا لحد ما انا اموت محمود: طيب يبقي خلاص خايفه من ايه ؟؟لو عشت هنعيش مع بعض اسعد اتنين ولو مت هيفضل حبي جواكي..متخافيش بقي ساري: انت مستعد بجد للاندماج؟؟ محمود: اكتر من اي شيئ...شوفي عايزه تعملي ايه وانا مستعد ساري: خلاص تعال نبدأ..محمود مفيش تراجع بعد كده..حياتي انا هتكون الثمن محمود: مفيش تراجع عارف...وحياتك في امان معايا ما تخافيش قعدت في الارض وهو قعد قصادها ساري: هات ايدك وعايزه سكينه محمود: سكينه ؟؟؟انتي هتعملي ايه بالظبط؟ ساري: خايف؟؟؟ محمود: لا مش خايف كملي طلع مطواه بتاعته واداهلها واخدت ايده وشقت ايده بالسكينه في كف ايده ساري: اسفه سامحني محمود: ما يهمكيش كملي ساري: اكتب بدمك علي دماغي اسمك محمود فعلا بدمه كتب اسمها علي دماغها فوق عنيها ومجرد ما كتبه الدم اتمص لجوه جسمها ساري: اكتب اسمك كمان علي قلبي كشفت صدرها ليه..وهو عمل كده كتب اسمه ونفس اللي حصل حصل تاني الدم اتمص لجواها محمود: وبعدين؟؟ ساري: دوري انا عورت ايدها بنفس الطريقه ولما شاف دمها ابتسم ساري: ايه بتبتسم ليه؟ محمود: لا ابدا بس كنت متخيل دمكم ازرق مش احمر زينا ساري: ازرق؟؟؟لا مش احنا اللي دمنا ازرق دي عشيره تانيه خالص احنا دمنا احمر كتبت ساري اسمها علي وش محمود واستغرب محمود جدا لما الدم برضه اتمص جواه..كان قلبه بيدق بسرعه ساري: اهدي يا محمود واقلع قميصك لو سمحت محمود فعلا قلع قميصه وهيا كتبت اسمها علي قلبه وبرضه الدم اتمص جواه محمود: مش صعب اهوه كل حاجه تمام ساري: الصعب لسه جاي..دلوقتي هحط ايدي المجروحه علي نفس جرح ايدك ودمنا هيختلط ببعض وجسمك هيرفض دمي لان احنا فصيلتين مختلفتين تماما وده ممكن يوقف قلبك بس انا هحاول اساعدك واحميك دمعه نزلت من عينها خوف عليه..محمود مسح الدمعه دي محمود: ايا ان كانت النتيجه عايزك تعرفي ان انا بحبك ومستعد ...بطلي خوف بقي..يالا مستعد بعد لحظات تردد استعدت ساري وحطت ايدها علي ايده وبمجرد ما دمها لمس دمه جسمه كله بدأ يتشنج بس ماعدش ينفع تتراجع او تسيب ايده لازم تفضل ماسكه ايده لحد الاندماج ما يتم ...حاولت تهدي تشنجاته بس ما عرفتش وما قدرتش تركز او تعمل اي حاجه...قلبه بيدق بسرعه جدا كأنه هينفجر وجسمه كله بيرفض دمها وبيموت بين ايديها وهيا مش عارفه تعمل ايه او تتصرف ازاي؟؟؟كل اللي بتفكر فيه انها بتقتل حبيبها بايديها عماله تعيط وتصرخ ساري: ارجوك خليك معايا ما تسيبنيش ارجوك وتعيط تعيط وجسمه بيهدي وقلبه بيهدي وبيقف شويه شويه وبيموت بين ايديها وهيا عارفه انه بيموت وبتعيط وبس ياتري هيموت فعلا؟؟؟؟ ساري هتتصرف ولا حد هيساعدها؟؟؟ الاندماج ده هيغير حياه محمود؟؟ولا كلام ساري صح؟؟ مين فيهم اللي اللي محتفظ بروحه هو ولا هيا؟؟؟ كالعاده مش عايزه حلوه وتحفه عايزه اراء ونقد وتفاعل وتخيل للاحداث استنوني بكره وهتعرفوا ShiMoOo | ||||||||||
|
| |
|
03-05-19, 09:46 AM
| #7 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه السادسه ساري وهيا بتندمج مع محمود حست انه بيموت بين ايديها ومش عارفه تعمل ايه ساري: ارجوك خليك معايا ما تسيبنيش ارجوك وتعيط تعيط وجسمه بيهدي وقلبه بيهدي وبيقف شويه شويه وبيموت بين ايديها وهيا عارفه انه بيموت وبتعيط وبس وفجأه نادت علي موات ساري: موات تعالي بسرعه انا محتاجاكي...موات ...موات موات ظهرت وجاتلها لان ساري اقتحمت افكارها وخلتها تظهر عندها موات: انتي اتجننينتي ازاي تجيبيني كده ؟؟؟افرضي كنت مع ابوكي ولا امك؟ ساري: مش مهم المهم هو الحقيني بيموت مني وقلبه وقف موات قربت منها موات: انتي مش محتاجاني انتي عندك القدره تساعديه...ساعديه ساري: مش قادره...............وبتعيط موات: بصيلي ...ساري انت تقدري تنقذي حبيبك حاولي علي الاقل .. سبق وساعدتيه ...ساعديه تاني ساري: انا محتاجه اكون اقوي علشان اقدر..انا هحتاج قوتك ساعديني موات: ماشي استعيري قوتي وقوي نفسك بيها ساري مسكت ايد موات وبدأت تسحب قوتها منها وبايدها التانيه ماسكه ايد محمود وفعلاحست انها اقوي وبدأت تساعد محمود انه يفوق مسكته بايديها ساري: محمود حبيبي فوق ..اوعي تفكر تتخلي عني ..يالا خلي قلبك ينبض تاني موات قاعده جنبها ضعيفه مش قادره تعمل اي شيئ ومستنيه معاها قلبه يدق تاني ..وفجأه قلبه بدأ يدق تاني ..هنا ضحكوا الاتنين ساري: انا متشكره يا موات لمساعدتك ..انا مش عارفه من غيرك كنت هعمل ايه؟؟ موات: احنا اكتر من الاخوات وانا علي طول هفضل اساعدك ودلوقتي انا لازم امشي علشان اغطي علي غيابك ولو في حاجه هستدعيكي ساري: خلاص روحي انتي وانا هفضل جنبه لحد ما يفوق مشيت موات وهيا فضلت جنبه نقلته علي سريره بسحرها وفضلت جنبه بتستمع بدقات قلبه اللي بتعشقها....لحد ما اخيرا فاق محمود: ساري ساري: انا جنبك اهوه يا حبيبي انت كويس محمود: انا كويس بس حاسس بقلبي بيدق ..اول مره احس بدقاته بالشكل ده ساري: لان قلبي بيدق مع قلبك فعلشان كده انت مستغرب الوضع ..شويه وهتتعود عليه وهيكون عادي محمود: احنا اندمجنا؟؟؟صح؟ ساري: ايوه اندمجنا وانت كويس ماتخافش محمود: مش انا اللي كنت خايف ساري: كان لازم اخاف مش بخاطر بحياتك..ولولا اني خايفه عليك مكنتش خاطرت ابدا بس كان لازم احميك... محمود: كده خلاص ساري: مش خلاص قوي لازم الاندماج يكمل علشان اكون ملكك فعليا محمود: فاضل ايه؟؟؟ ساري: لا الصعب عدي خلاص..فاضل الجزء اللي ديما افكارك بتروحله محمود ابتسم: اخيرا جه دور الجزء ده؟؟؟ اعتقد ده هيكون احسن جزء في الموضوع كله ساري: ده فعلا احسن شيئ ممكن يحصل .... لسه محمود هيقرب منها فبعدت محمود: بتبعدي ليه بقي؟؟؟احنا مش اندمجنا وبقيتي من حقي بتبعدي ليه؟؟؟؟ ساري: لانك حاليا ضعيف ..وانا عايزه اول مره لينا تكون مميزه وعايزاك في كامل صحتك مش لسه فايق وقلبك كان واقف محمود: انت بتعذبيني ليه؟؟؟ ساري: انا بحبك مش بعذبك ولو انت مصر انا مش هقولك لأ..انا ملكك انت وبس قربت منه تاني وقعدت جنبه مسك ايدها وباسها محمود: وانا كمان عايز اول مره تكون مميزه خليها بالليل اتفقنا ساري: اتفقنا..انا همشي دلوقتي وهجيلك بالليل محمود: ما تتأخريش ساري: مش هتأخر باسته واختفت...شويه وامه خبطت عليه فاطمه: محمود حبيبي مش هتصحي تصلي الفجر محمود: هصحي يا امي هصحي قام وجهز ونزل يصلي الفجر وهناك قابل الشيخ عبدالله الشيخ: محمود ازيك يا ابني...اخبار كوابيسك ايه؟ محمود: انتهت الحمد لله..هو انا ممكن اسألك سؤال؟ الشيخ: اتفضل محمود: هو ممكن حد مننا يتجوز حد من الجن؟؟ الشيخ: ممكن وليه لأ محمود: طيب وده بيكون جواز شرعي؟ الشيخ: انت بتسأل ليه؟ محمود: فضول عنهم مش اكتر الشيخ: لو تم الجواز بصوره صح يبقي شرعي ايه اللي يمنع اعتقد انهم ممكن يظهروا ويعيشوا بينا ويتجوزوا مننا...بس بصراحه ماشفتهاش حصلت قبل كده..لاني مش عارف هل ده فعلا ممكن ولا لأ؟وبعدين لو خلفوا هيكون العيل تابع لمين للانس ولا الجن..بصراحه علمنا كله نقطه في بحر من العالم اللي حوالينا..اتمني اكون فيدتك محمود: طيب هما ممكن يسلموا الشيخ: اللي اعرفه انه في جن مؤمن وايمانهم قوي جدا.. فليه لأ؟ محمود: متشكر جدا علي وقتك الشيخ: لا يا ابني خلينا بس نشوفك محمود: ان شاء الله سابه ومشي طلع بيته نام شويه وصحي راح شغله وهناك اعتذر ومشي ولقي نفسه واقف قدام محل دهب ومتررد واخيرا دخل محمود: سلام عليكم لو سمحت كنت عايز اشتري دبل البائع: اتفضل نقي حضرتك فضل محمود وقت طويل لحد ما اخيرا اقتنع بدبله جميله واشتري لنفسه كمان دبله محمود: عايزك تكتب عليهم لو سمحت البايع: من عنيا اسم العروسه ايه؟واسم حضرتك محمود: محمود وساري البايع : سالي؟؟؟لأ مش سالي اسمها ساري كتبله اسمها علي الورقه والبايع طلب منه يستني عشر دقايق هيكتب عليهم وفعلا كتب الاسماء عليهم واداهمله اخيرا جه الليل وفضل مستني ساري تيجي وكل شويه ينادي عليها لحد ما اخيرا ظهرت محمود: ايه بقالي قد ايه بنادي عليكي ؟ ساري: مكنش ينفع اجي كنت مع ابويا واول ما عرفت اجي جيت علي طول اسفه مش بايدي محمود: ساري انا عايزك هنا علي طول ساري: وانا كمان عايزه افضل معاك علي طول بس اصبر عليا محمود: المهم انا جايبلك هديه ساري: جايبلي انا بجد؟؟ محمود: اه بجد طلع العلبه الصغيره واداهلها محمود: افتحيها فتحتها ساري لقت فيها خاتمين بس هيا معرفتش دول ايه ساري: حلوين بس ايه دول؟ محمود مسك دبلتها ومسك ايديها محمود:دي اسمها دبله دي رمز الجواز هنا عندنا ..ممكن تلبسيها وعلي فكره عليها اسمي شوفي ساري فرحت جدا جدا بهديته وهو فرح لفرحها ده..لبسها الدبله وهيا مبسوطه جدا..وطلب منها هيا تلبسه دبلته وفرحت لما لقت اسمها مكتوب علي دبلته ساري: كده خلاص اتجوزنا بطريقتكم؟ محمود: مش بالظبط ساري: فاضل ايه؟؟تعال نعمل كل حاجه عنكم عشان يكون الاندماج من الناحيتين صح محمود: انتي رأيك كده؟؟بس هنحتاج حاجات ساري: ايه هنحتاج ايه؟ محمود: بطاقه ليكي او بسبور ساري: بطاقه يعني ايه طلع محمود بطاقته ووراهلها محمود: حاجه شبه دي كده ساري عملت حركه بايدها وفي لحظه كانت معاها بطاقه زي بتاعته بالظبط ساري: اتفضل اهي محمود: اه يا حلوه بس المفروض يكون عليها صورتك مش صورتي وعليها اسمك انتي وبيناتك انتي مش انا...انتي عملتي نسخه من بتاعتي ساري: انت قلت زي دي عملتلك زيها محمود: بصي يا قلبي كل واحد هنا معاه بطاقه زي دي عليها اسمه وسنه وعنوانه ووظيفته وتعليمه...فهمتي؟ ساري: اه فهمت...طيب انا اكتب فيها ايه عنواني مثلا ايه؟تعليمي ايه؟وظيفتي ايه؟ محمود: قوليلي كده بياناتك وهنشوف نكتب ايه ساري: اسمي ساري ايتوكان ماركوس وعندي 450 سنه ووظيفتي وليه العهد لعشيرتي ومش عارفه تعليمي المفروض اقول فيه ايه وعنواني تحت المقابر اللي انتي شوفتيني فيها........محمود حبيبي مالك؟ محمود: اسمك ساري ايه؟؟ ساري: ايتوكان ماركوس محمود: اه وسنك 450 سنه انتي بتهرجي صح؟ ساري: لا يا حبيبي مش بهرج محمود: انتي عرافه انا عندي كام سنه؟؟؟انا عندي 30 سنه ساري: انت ندمان انك اندمجت معايا؟ محمود: لا يا حبيبتي بس مكنتش متخيل ده...المهم طبعا احنا مش ينفع نكتب الكلام ده احنا هنألف بيانات جديده وربنا يسامحني ويسترها معايا علي التزوير اللي هنعمله ده ساري: شوف انت عايز تقول ايه وانا معاك محمود: اسمك ساري علي عبد السلام سليمان اوك؟ ساري: علي عبدالسلام سليمان ماشي براحتك محمود: عندك 23 سنه حلو...وهنقول مثلا انك خريجه فنون جميله اوك وهكتبلك اي عنوان...ثواني هدخل علي اللاب واشوف ليكون في حد بنفس بياناتك دي دخل محمود علي اللاب وبدأ يتأكد من البيانات اللي هيحطها لساري ودخل علي شبكه البوليس يتأكد من كل حاجه ويظبط كل حاجه محمود: خلاص كده كله تمام بكره انا هحاول اعملك كل الاوراق المظبوطه ..ماشي ؟ ساري: طيب اعملها انا زي الاولانيه محمود: مش هينفع لازم يكون في اوراق تانيه زي شهاده ميلاد وورق كتير انا بكره هحاول اظبطه ما تقلقيش انتي ...دلوقتي كفايه كلام وحشتيني ساري: انت اكتر باسها وكالعاده بوستها بتكون فوق الخيال محمود: انتو بتلبسوا ايه في حاجه زي كده؟ ساري: لحظه وهلبسلك وفي لحظه اتفاجئ محمود بمظهرها ووقف متنح ساري: ايه مش حلوه؟ محمود: لا احممم حلوه طبعا بس متخيلتش انك هتقلعي كده مره واحده ساري: انا مش قالعه انا لابسه لبس العروس محمود: انت بتسمي السلاسل دي لبس؟؟؟ ساري: دي مش سلاسل ده لولي ...اعقاد من اللولي محمود: لولي؟؟؟ اه بس انتي مش مغطيه حاجه ساري: وفيها ايه؟؟انتو اللي بتلبسوا كتير قوي محمود: احنا بنلبس كتير؟؟؟احنا بنغطي مش اكتر ساري: وتغطوا ليه؟؟؟الجمال لازم يبان والجسم جميل بطبيعته.. محمود: ده عندكم لكن هنا الوضع مختلف...ومش مسموحلك سواء هنا او عندك ان جسمك يظهر قدام حد تاني فاهمه ابتسمت ساري: فاهمه...مش هظهر كده قدام حد غيرك...خلاص؟ قربت ساري منه وحاسه ان قلبه بيدق بسرعه جدا ساري: اهدي.. محمود: اهدي ازاي وانتي كده بالشكل ده؟ ساري: تقرب مني وتعيش معايا لاني هدخلك الجنه وفعلا ساري دخلته الجنه ...عمره ما تخيل ابدا ان في متعه بالشكل ده ابدا...كل حاجه معاها كانت مختلفه..كل حاجه ليها طعم تاني ...احساسه فوق الوصف وهيا في حضنه...احساس مفيش اي كلام ممكن يعبر عنه ابدا...اتفاجأ محمود باللي حصل بعد كده...اتفاجأ جدا... ياتري ايه اللي فاجئ محمود؟؟؟ ايه اللي هيحصل بعد كده؟ عشيره ساري هيعرفوا بالي حصل ولا لأ؟ جاوبو انتو ونشوف مين هيتخيل صح؟ ShiMoOo | ||||||||||
|
| |
|
03-05-19, 09:47 AM
| #8 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| القصه يا حلوين خيال في خيال ومعرفش انا ان كان في جواز فعلا بين البشر والجن ولا ده كله تأليف لمجرد ان يمشي مع الاحداث اللي انا عايزاها لكن مفيش حاجه حقيقيه الحلقه السابعه محمود كان مع سالي بس تخيل انه في الجنه لانه مهما نوصف عمره اللي حصل بينهم تقدر كلمات تعبر عنه .... حس بيها جوه روحه وهيا في حضنه كان مالك الدنيا كلها مش عايز اي شيئ تاني خلاص هيا كفايه عليه....ساري كمان كانت معاه باحاسيسها وقلبها ومشاعرها كلها كانت ملك ايديه...متعه خالصه وبس...اتفاجئ محمود بعد كده ان ساري اول مره حد يلمسها مكانش متخيل انها هتكون كده.. محمود: ايه ده هو انتي؟؟؟؟ ساري: انا ايه؟مالك؟ محمود: ماليش بس مكنتش متخيل انك... ساري: اني ايه؟انا مش فاهماك ابدا محمود: ان محدش لمسك قبل كده ...انك عزراء لسه؟ ساري: هو انا مش قلتلك ان احنا بنحب مره واحده وبس وبنرتبط مره واحده وبس وبنخلص للي بنحبه جدا حتي لو مات محمود: بس برضه متخيلتش انك لسه... ساري: امال تخيلت ايه؟؟؟انا مش قلتلك اني اول مره احب محمود: احساس تاني خالص اني اعرف انك ليا انا بس ساري: ليك انت بس ...انت اول حد في حياتي واخر حد برضه مفيش قبلك ولا هيكون فيه بعدك هنا محمود سكتها بشفايفه مكنش عايز يسمع اي كلام تاني اللي هو فيه ده حلم لازم يستغل كل لحظه فيه لانه خايف يصحي في اي لحظه من الحلم ده وميلاقيهاش جنبه محمود: ايه مالك؟ ساري: انا لازم امشي محمود مسكها جامد وضمها ليه محمود: لأ مش هتمشي تاني من هنا ...انتي مكانك هنا في حضني ساري: يا ريت يا محمود مش هقدر لازم امشي محمود: احنا اندمجنا خلاص بكل الطرق يعني محدش يقدر يعملنا اي حاجه خليكي بقي واللي يحصل يحصل ساري: لا يا حبيبي انا لسه مش مستعده انهم يعرفوا دلوقتي محتاجه وقت لسه....ارجوك سامحني محمود: لا مش هتمشي بعيد عني خليكي بس الليله نامي في حضني ساري ضعفت قدام محمود لانها هيا كمان عايزه تفضل في حضنه ساري: هفضل معاك الليلادي نامت علي صدره وضمته جامد وشويه هو راح في النوم وهيا فضلت تبصله وهو نايم...قد ايه بتحبه؟؟؟ عمرها ما هتستحمل ابدا حد يلمسه .فضلت تلعب في شعره وتحفظ كل ملامحه ساري: احلام جميله يا حبيبي بس انا لازم امشي باسته وهو نايم وقامت لبست هدومها خلعت دبلتها وحطتها جنبه وحطتها علي المنديل اللي كان عليه دليل عذريتها وكتبتله رساله ساري: احتفظ بيهم انت لاني مش هقدر وكل ما هكون معاك هلبس الدبله لحد ما يجي اليوم اللي مش هخلعها فيه ابدا ساري خفتهم بتعويذه بحيث محدش يشوفهم غيره هو ومشيت صحي محمود من النوم علي صوت امه بتنادي عليه واول ما فتح عينه كان بيدور عليها فاطمه: ايه يا حبيبي بتدور علي ايه؟ محمود: هاه؟لا مفيش فاطمه: اصحي بقي الساعه 9 انت مش هتروح شغلك ولا ايه؟ محمود: لا هروح لمح محمود الخاتم والمنديل والرساله واستغرب ان امه مش شايفاهم فاطمه: يا حبيبي انت من امتي بتنام عريان كده؟؟؟ تاخد برد في جسمك محمود: لا ما تخافيش ..الجو كان حر شويه بس فاطمه: طيب قوم البس محمود: خلاص يا امي روحي انتي خرجت امه وهو قام بسرعه اخد الرساله وقراها ومسك الخاتم والمنديل وكان متضايق جدا انها سابته نايم ومشيت محمود: ساري تعالي هنا حالا فاهمه حالا؟ دقيقتين عدوا وهيا ماجاتش محمود: انا كنت عارف انك مش بتحبيني والامكنتيش تهربي كده من جنبي هنا ساري ظهرت قدامه ساري: اياك تشكك في حبي ليك انت فاهم؟؟؟ محمود: وانتي اياك تسيبيني وتختفي بالشكل ده تاني؟ في كل مره بتختفي فيها بخاف اني ما اشوفكيش تاني او يجرالك اي حاجه ومش هعرف جرالك ايه؟ما تبعديش تاني كده ساري: حبيبي انا مش هيجرالي حاجه ومهما اختفي هظهر تاني ماتخافش عليا محمود: لو مش هخاف عليكي انتي هخاف علي مين؟؟؟ ردت سالي بانها ضمته قوي ليها ودي كانت دعوه منها بانها تعيشه في الجنه تاني جنتهم هما الاتنين .. ..كان بيحس بسعاده الدنيا كلها وهيا في حضنه وهنا بقي امه دخلت عليه فاطمه: محمود.... مكملتش كلامها وصوتت وخرجت لما شافت ابنها عريان كده محمود: امي وبعدين؟ ساري: هيا ما شافتنيش ما تخافش محمود: هيا مش متعوده تشوفني كده ساري: مش فاهمه برضه محمود: ولا هتفهمي ..اعمل ايه انا دلوقتي ؟؟؟اواجهها ازاي؟؟؟؟ ساري: خلاص انا هتصرف ما تقلقش انت محمود: هتعملي ايه؟ ساري: نادي عليها انت بس وانا هتصرف محمود: ساري....دي امي ساري: ما تخافش ثق فيا محمود نادي علي امه ودخلت وهيا وشهها في الارض..ساري وقفت قدامها ومسكت دماغها ساري: انتي ما دخلتيش هنا وما شوفتيش حاجه..انتي هتنادي علي ابنك من بره وتقولي عايزه ايه وتمشي من غير ما تفتحي الباب ...اطلعي بقي دلوقتي طلعت الام ولحظه وخبطت وقالت لابنها من بره ان شغله اتصل وعايزينه ومشيت محمود: خلاص مش هتفتكر اللي حصل؟ ساري: اه خلاص ما تخافش اخيرا بعد وقت طويل في احضان بعض قدر محمود انه يقوم علشان يروح شغله محمود جاب صندوق صغير حطوا فيه دبلهم والمنديل بتاعها وخباه فوق الدولاب واتفقوا يلبسوا الدبل وهما مع بعض بس لحد ما يلبسوها قدام الكل محمود راح شغله واستأذن وقضي اليوم كله وهو بيحاول يعمل ورق لحبيبته الجنيه نادي عليها علشان تكون موجوده وهو بيعملها البطاقة والموظف مكنش عارف يشيل عينه من عليها من جمالها لدرجه محمود كان هيتخانق معاه سابته ومشيت وهو كمل الباقي عملها شهاده ميلاد وعملها عنوان وشهاده تخرج وطبعا عملها بطاقه وعملها كل الاوراق المطلوبه واخر النهار وهو في عربيته محمود: ساري تعالي ...ساري حبيبتي عايزك دلوقتي لحظات وساري ظهرت جنبه..باسها واخدها في حضنه محمود: ما تعرفيش بتوحشيني قد ايه؟؟ ساري: وانت كمان بتوحشني قوي..المهم عايز ايه؟احنا معادنا بالليل محمود: عايز اتجوزك رسمي بطريقتنا ساري: انت مش قلت في اوراق مطلوبه؟؟ محمود: كل اوراقك جاهزه... ساري: يعني هنعمل ايه دلوقتي؟ محمود: حاليا انا عايزك تلبسي الهدوم دي عطاها كيس فيه فستان ابيض جميل وعجبها جدا ساري: البسه ازاي؟ محمود: تلبسيه ازاي؟؟؟؟ ساعدها محمود انها تلبس الفستان وفردت شعرها الجميل كان طويل وجميل جدا كانت جميله بطريقه فوق العاده ساري: ايه رأيك؟؟ محمود: هو مش باين علي وشيي رأيي ..لو احنا في البيت كنت وريتك عملي؟ ضحكت ساري وهو قلبه اتخطف بضحكتها محمود: ناقص حاجه واحده بس ساري: ايه هيا؟ طلع محمود علبه وفتحها كان فيها صندل ابيض كعبه صغير لانه خاف متعرفش تمشي لو لبست كعب عالي ساري: جميل بس ايه ده؟ محمود: احلي حاجه فيكي ان كل حاجه بتعجبك..ده اسمه صندل ساري: اي حاجه انت تجيبها لازم تعجبني..المهم ده البسه فين؟ محمود: هات رجلك ساري: رجلي؟؟؟؟ محمود: ايوه هاتي ما انا لو شرحتلك ساعه تلبسيه ازاي مش هتعرفي برضه لبسها محمود الصندل وهيا كانت معجبه بشكلها قوي محمود: دلوقتي بقي نروح للمأذون ساري: وده مين ده؟ محمود: ده اللي هيجوزنا..بس عايزك تظهري نفسك ممكن؟ ساري: ممكن ظهرت ساري نفسها وراحوا للمأذون ..دور محمود علي اتنين شهود وقعدوا كلهم ...الاتنين الشهود والمأذون كمان مش عارفين يشيلوا عنيهم من علي ساري ومحمود قاعد هيتجنن منهم محمود: ايه يا سيدنا انت مش ناوي تكتب ولا ايه؟ المأذون : لا يا ابني ناوي..بس عروستك باسم الله ما شاء الله ..تبارك الخلاق فيما خلق..ماشفتش زيها ابدا كأنها مش انسيه محمود بتوتر: مش انسيه ازاي يعني؟؟ المأ>ون: لا يا ابني مش قصدي حاجه ربنا يخليهالك بس هيا اقرب للملاك الشهود: فعلا مفيش واحده بحلاوتها دي محمود: طيب خلاص عرفت انها حلوه ممكن نخلص بقي علشان بدأت اتضايق وانا لما بضايق مش حلو كتب المأذون كتابهم وخلصوا كل حاجه واخيرا بقت مراته رسمي من الناحيتين والمأذون قاله يومين وهيجيبله القسيمه بعد ما يوثقها في المحكمه اخدها محمود ومشي وماسكها جامد لانها بتقع كل خطوه وكل ما يمشوا في مكان الكل بيبص عليها محمود: شكلي مش خليكي تظهري تاني يأما هلبسك نقاب؟ ساري: يعني ايه نقاب؟ محمود: حاجه بتغطي الوش علشان محدش يشوفك ساري: مش مهم مين اللي يشوفني المهم انا شايفه مين وانا مش شايفه غيرك انت محمود: وانا عارف بس نظراتهم مضيقاني ساري: طيب انا لازم امشي دلوقتي وبالليل هجيلك محمود: ساري ساري: عيوني محمود: عايزك تقضي يوم كامل معايا نروح اي مكان وهوريكي دنيتنا شكلها ايه ساري: هحاول بكره لو قدرت هخلي موات تغطي مكاني وانا هجيلك اختفت علي وعد انها تجيله بالليل .. جه الليل ومحمود ينادي ويستني وهيا مجتش...الليل كله بيستناها وهيا ملهاش اثر الليل كله معرفش ينام او يغمض عينه حس ان روحه بعيد عنه وكان احساس مش حلو نهائي ..حس انها غايبه من سنين ..اخيرا النهار طلع وقام فطر مع امه وبيلبس هدومه علشان يروح شغله وفجأه حس بايدين حواليه ساري: وحشتيني قوي ضمته جامد ساري: حبيبي اسفه اني مجتش بس كان لازم اكون موجوده محمود:............. ساري: زعلان؟؟؟ طيب هصالحك محمود:............ باسته ساري بس برضه ما اتحركش علي الرغم انها سحبت روحه وهيا بتبوسه بس برضه ماظهرلهاش اي حاجه ساري: خلاص طالما زعلان قوي كده امشي وبلاش اليوم اللي كنت ناويه اقضيه معاك محمود: ايه؟هتقضي اليوم كله معايا؟ ساري: لو انت عاوز محمود: عاوز طبعا بس لسه زعلان ساري: اديني فرصه اصالحك محمود: صالحيني تفننت ساري وهيا بتصالح محمود دخلته عالم تاني مختلف تماما عن العالم اللي دخله قبل كده..كل مره بتدخله جنه مختلفه ..علمته يعني ايه عشق يتعدي كل الحدود والعقل والمنطق...علمته الحب ازاي بيكون محمود: انتي ازاي خايفه اني ممكن انساكي في يوم؟؟؟؟عمر ما في واحده ممكن تحسسني باي شيئ من اللي بحسه معاكي...احساسي معاكي مالوش وصف اصلا انا بعشقك يا ساري ساري: وانا كمان يا روح ساري وقلبها..هنقضي اليوم هنا ولا هنخرج؟ محمود: انا كده بفكر اقضيه كله هنا ساري: وانا معنديش مانع طالما في حضنك محمود: عايز اخرج معاكي تعالي جابلها هدوم تانيه ولبسهالها..كان مجهزها من امبارح والمره دي لبسها جزمه خفيفه علشان تعرف تمشي بيها وطلب منها تخفي نفسها لحد ما يخرجوا من البيت خرج من البيت واخدها وطلعوا وسافر بيها علي اقرب بحر جنبهم قضي معاها يوم فوق الخيال مكنش بيضايقه غير نظرات الرجاله والستات لحبيبته الكل بيبصلها والكل بيتفرج عليها اخيرا اليوم خلص ورجعوا وهيا كان لازم ترجع ..تاني يوم اتصل بيه المأذون وقاله ان القسيمه وصلت راح محمود واخدها وحطها في صندوق اسراره ..جه الليل واحتفلوا هما الاتنين بقسيمه جوازهم وفضلوا لحد شروق الشمس وبعدها ساري مشيت...علي وعد تجيله بالليل راحت ساري لعشيرتها لقت ابوها وامها في انتظارها وشخص ثالث دخلت عليهم وبدأ ابوها يتكلم ايتوكان: ساري بنتي ووليه عهدي تعالي اعرفك ده الامير تسوتي ساري: اهلا بالامير تسوتي تاسهيك: الامير تسوتي مش مجرد امير وبس ده طالب الاندماج معاكي هيكون ولي العهد معاكي وتحكموا مملكتنا بعدنا انا وابوكي هنا سكتت ساري ومعرفتش ترد ونكمل بكره نشوف ايه اللي هيحصل؟ ساري هتعمل ايه؟؟ المستخبي هيبان ولا ايه اللي هيحصل؟ هتخرج ازاي ساري من ورطتها؟ استنوني تعرفوا ShiMoOo | ||||||||||
|
| |
|
03-05-19, 09:49 AM
| #9 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه الثامنه راحت ساري لعشيرتها لقت ابوها وامها في انتظارها وشخص ثالث دخلت عليهم وبدأ ابوها يتكلم ايتوكان: ساري بنتي ووليه عهدي تعالي اعرفك ده الامير تسوتي ساري: اهلا بالامير تسوتي تاسهيك: الامير تسوتي مش مجرد امير وبس ده طالب الاندماج معاكي هيكون ولي العهد معاكي وتحكموا مملكتنا بعدنا انا وابوكي هنا سكتت ساري ومعرفتش ترد معرفتش تقولهم ايه او ترد بأيه؟؟؟ ايتوكان: ساري انتي ساكته ليه ؟ عايزين نجهز لاندماجكم في اسرع وقت ساري: انا مش هندمج مع حد لأ لأ لأ تاسهيك: ايه اللي انتي بتقوليه ده ؟لأ ليه؟ ساري: مش هندمج مع اي حد لسه هتمشي فأمها مسكت ايدها وحطت ايدها التانيه علي دماغها ودخلت لافكارها شافت كل مقابلاتها مع محمود لحد ما وصلت للحظه اندماجهم .. سابت ايدها بسرعه ووشها لونه انغير وبتنهج بسرعه تاسهيك: انتي عملتي ايه؟؟؟؟انتي عملتي ايه؟؟؟انتي عملتي ايه؟؟ ايتوكان: في ايه ؟عملت ايه؟؟؟انطقوا هنا تسوتي انسحب لانه حس انه وجوده حاليا مش مرغوب فيه تاسهيك: بنتك اندمجت مع الانسي ايتوكان: انتي بتقولي ايه؟؟اندمجت ازاي وهيا قلبها وقف؟ تاسهيك: معرفش...انا شفت اندماجهم بعيني وسلمته نفسها كمان ايتوكان: انتي بتقولي ايه؟؟انتي فعلا اندمجتي مع الانسي؟؟ ساري: ايوه اندمجت ..اعملكم ايه؟انتو ما سيبتوليش طريقه تانيه وكان لازم احميه منكم وكان لازم افضل جنبه ...كان لازم تتقبلوا حبي ايتوكان: نتقبل ايه؟؟؟ده انا اقتلك بايدي ساري: اقتلني بس ده مش هيغير من حقيقه اني اندمجت معاه ومحدش فيكم يقدر ياذيه ابدا ...محدش يقدر يأذيه ايتوكان: مين قالك كده ؟؟..ده انا هقتلهولك قدام عينك ساري: مش هتقدر ..محدش هيقدر ايتوكان : هنشوف وهنا فتح زي نافذه وفيها صوره محمود ايتوكان: اتفرجي علي حبيبك وانا بقتلهولك ساري: لأ مش هتقدر حاولت تتحرك بس لقت نفسها متثبته في الارض وابوها راح لمحمود حاول انه يقتله او يقرب منه بس كأن في هاله حول محمود بتحميه مقدرش يلمسه او يقرب منه او حتي يدخل افكاره او يلمسه بأي طريقه ساري ابتسمت واتطمنت ان حبيبها هيفضل ديما بخير مهما يحصل رجع ابوها وهو في قمه غضبه ايتوكان: انا ممكن مش هقدر المسه بس اقدراعذبك انتي هنا بدأت ساري العذاب بجد ..ابوها وراها كل انوع العذاب محمود كل ليله يستناها وهيا مش بتظهر..احساسه كان بيقوله ان في حاجه حصلتلها بس مكنش عارف يتصرف ازاي..حس بالعجز وهيموت من الخوف عليها ابو ساري وامها بيدورا علي طريقه ينهوا بيها الاندماج ده ومش عارفين ايتوكان: يعني ايه مش هنعرف نعمل اي شيئ؟ تاسهيك: باندماجها حميته من اي شيئ ومحدش يقدر يلمسه ايتوكان: يعني ايه؟؟اتصرفي...هنسيبها تروحله وتعيش معاه طيب واحنا وعشيرتنا ...هيا مكانها هنا وسطنا..انتي لازم تشوفي طريقه تاسهيك: مش لاقيه طريقه... ايتوكان: ابعديه هو عنها تاسهيك: ابعده ازاي؟اعمل ايه؟ ايتوكان: خليه يخونها...خليه ينساها تاسهيك: لو بيحبها بجد مش هيخونها ايتوكان: جربي ابعتيله احلي من ساري وخليها تغريه..طول عمر البشر بيضعفوا قدام الحلوين تاسهيك: هنجرب..بس ممكن نلاقي احلي من ساري فين؟ ايتوكان: مش شرط تكون احلي منها..المهم تغريه وفعلا تاسهيك جابت واحده من وصيفاتها جميله اسمها بوني وفهمتها تعمل ايه وراحت لمحمود تغريه وهما بيراقبوه من النافذه بتاعتهم وجابوا ساري كمان تراقب معاهم علشان تشوفه بيخونها بعينيها راحت البنت لمحمود ووقفتله في طريقه بالليل وهو مروح وقعت قدام عربيته فوقف بسرعه ونزل يشوفها واتفاجئ من جمالها وحس للحظه بساري ..جمالها يشبه جمال ساري محمود: انتي كويسه ؟؟؟اتكلمي انتي بخير بوني: انا كويسه انا اسفه انا دوخت بس حاولت تقوم بس وقعت تاني وهو مسكها وسندها محمود: انا هوصلك ..هوصلك المكان اللي هتروحيه اخدته لمكان خاص بيها وهو وصلها استغرب هو من المكان اللي فيه لانه معرفش هو فين كأنه مغيب ..مش عارف هو وصل هنا ازاي معاها كل اللي شايفه انه معاها في مكان مقفول يشبه بيت غريب حاول يمشي بس هيا عملت نفسها هتقع تاني فمسكها وشاورت علي اوضه يدخلها فيها..شالها محمود ودخلها في اوضه من اجمل ما يكون...فيها سرير ملكي في وسط الاوضه..سرير بيدعو للنوم فيه حطها في السرير ولسه هيمشي بوني: لو سمحت ممكن تجيبلي كوبايه ميه..هتلاقيها بره خرج محمود يجيب الميه ورجه لقاها عريانه في سريرها وده كان اكبر امتحان لحبه قرب منها واداها الميه طلبت منه يسندها لحد ما تشرب وفعلا سندها كل ده محاولات منها تخليه يقرب وبس مسكت في رقبته وبتقرب انفاسها من رقبته وبتحاول تغريه يلمسها ..بصلها محمود بصه طويله بس كل اللي شايفه صوره ساري قدامه وابتسامتها وضحكتها ودلعها محمود: انا اسف بس انا مش مهتم باللي عندك ..بعد اذنك لسه هيخرج فمسكته وحاولت تبوسه غصب عنه بحيث تسحب روحه بطريقتهم بس محمود زقها بعيد عنه محمود: قلتلك اسف مش مهتم ..انا مرتبط وحبيبتي ماليه حياتي سابها ومشي ومقدرتش توقفه او تخليه حتي يبصلها ساري: قولتلكم ان حبنا حقيقي ومحدش فيكم هيقدر يعمل حاجه ايتوكان: خدوها للحبس الحراس اخدوها تاني وحبسوها ايتوكان : هنعمل ايه؟؟هو بيحبها ..اتصرفي يا تاسهيك تاسهيك: مفيش غير حاجه واحده ..انه ينساها غصب عنه ايتوكان: وهينساها ازاي بقي؟؟..محدش يقدر يلمسه او يقرب منه وانتي مش هتقدري تلمسيه او تقربي منه... بنتك حمياه تاسهيك: اقدر اقرب لو هو سمحلي اقرب ايتوكان: وهو هيسمحلك ليه؟ تاسهيك: علشان انا ام حبيبته ايتوكان: قصدك ايه؟؟؟انتي هتخدعيه؟ ايتوكان: عندك حل تاني ؟؟؟ ايتوكان: بس ده هيعمل ايه في ساري؟ تاسهيك: هو مش هيبطل يحبها هو هينساها فبالتالي ماعتقدش انها هتضطر قوي...الا اذا حب غيرها ايتوكان: اعمليها واللي يحصل يحصل فعلا راحت تاسهيك لمحمود بالليل وايتوكان بيراقب وجاب بنته تراقب هما الاتنين بيراقبوا محمود وتاسهيك معاه محمود كان في اوضته وحس ببروده فظيعه في الاوضه وحس بحضور حد معاه محمود: ساري ده انتي ؟؟ساري تاسهيك ظهرت هنا قدامه وهو للحظات حس بقلبه هيقف من سرعه دقاته تاسهيك: انا مش ساري محمود: انتي مين وعايزه ايه؟؟وفين ساري؟؟ تاسهيك: ساري محبوسه ..ابوها حابسها محمود: ايه محبوسه؟؟بس هيا قالت اننا لما نندمج محدش يقدر يأذينا تاسهيك: محدش يقدر يأذيك انت لكن هيا نقدر وبسهوله..هيا بس كانت بتحميك مش اكتر ايتوكان ومعاه ساري ساري: انتو هتعملوا ايه؟؟..ارجوكم سيبونا في حالنا ارجوك يا بابا ايتوكان: كان لازم تفكري قبل الاندماج ده...دلوقتي انتي ما سيبتليناش حل تاني ساري: محمود ارجوك ما تسمعهاش ارجوك يا محمود ايتوكان: مش هيسمعك ولا هيحس بيكي تاني محمود: انتي برضه مقولتيش انتي مين وعايزه ايه؟ تاسهيك: انا ام ساري وعايزه اساعدكم محمود: تساعدينا؟؟؟وليه تساعدينا تاسهيك: علشان ساري بنتي مهما يحصل ..ومش هتهون عليا انها تخسر روحها او قلبها يقف دي مهما كان بنتي محمود: واستنيتي كل ده ليه علشان تساعدينا؟ تاسهيك: علشان مش مستحمله عذاب ابوها ليها..ابوها بيعذبها بكل طريقه ممكنه وانا بنتي مش مستحمله انها تتعذب كده محمود: ايه بتتعذب...طيب انا ممكن اعمل ايه اساعدها بيه؟ تاسهيك: مش مطلوب منك غير انك تثبتلي حبك ليها وبس محمود: انا بحبها اكتر من اي حاجه في حياتي ... اثبتلك ازاي؟ تاسهيك: تسمحلي اقري افكارك..افكارك مش هتكدب عليا..كل اللي محتاجاه انك تسمحلي ادخل افكارك محمود بتردد: وبعدها هتعملي ايه؟؟؟ تاسهيك: لو أتأكدت انك بتحب ساري بجد وتستاهلها هقنع ابوها بحبك وهساعدها تعيش معاك هنا ومحدش يقدر يفرقكم تاني من بعض محمود: كل اللي محتاجاه تدخلي عقلي وتتأكدي من حبي وبس تاسهيك: مش محتاجه اكتر من كده ساري هناك بتصرخ بس مين هيسمعها ومين هيساعدها؟؟؟ ساري: اوعي يا محمود اوعي تثق فيها اوعي تتدخلها افكارك بس طبعا محمود مش سامعها ولا حاسس بيها تاسهيك: متردد ليه؟؟خايف انك تكون مش بتحبها كفايه ولا ايه؟؟ محمود: انا بحب ساري ..بعشقها كمان مش بحبها بس مدت تاسهيك ايدها ليه تاسهيك: اثبتلي حبك ...مش بالكلام ..عمر الحب ما كان كلام ابدا مد محمود ايده ليها وهيا قربت منه ومسكت دماغه بأيديها الاتنين ودخلت افكاره بعد ما سمحلها تدخل ...ساري بتصرخ وتصرخ وتصرخ وتاسهيك محمود بقي تحت ايديها .... تاسهيك شافت كل ذكرياته معاها وكل لحظه حب عاشوها مع بعض وفجأه بدأت تمسح ذكرياته دي..محمود حس بحاجه غريبه بتحصله محمود: لأ انتي بتعملي ايه؟؟؟لأ ابعدي عني ..حس بذكرياته بتضيع منه وهيا ما اهتمتش ابدا وهو بيصرخ تحت ايديها وهيا بتمسح كل ذكري ليه مع ساري ..فضل محمود يصرخ ويصرخ ويصرخ وساري كمان مكانها قلبها نبضاته بتضعف مع كل ذكري بتتمسح وبتصرخ هيا كمان ... واخيرا كل شيئ هدي تماما ولحظه هدوء سادت في المكان...محمود وقع في الارض واغمي عليه وساري وقعت علي الارض وروحها بقت متعلقه ,,عايشه من غير روح او قلب الاتنين اتعلقوا بعيد عنها وهيا بقت في منتهي الضعف بعد ما حبيبها نسيها تماما..هنا تاسهيك رجعت وشافت بنتها وحست للحظه انها غلطت في حق بنتها غلطه كبيره جدا...حاولت تقومها بس ما قامتش بقت جسد من غير روح او اي حياه ايتوكان: هيا مش بتقوم ليه؟؟انتي قلتي انها هتقوم ؟؟هو ما كرهاش هو بس نسيها تاسهيك: معرفش .. حطت ايدها علي دماغها وقلبها بس ما حسيتش بأي شيئ تاسهيك: انا مش حاسه فيها بأي حياه...ايتوكان انا مش عارفه بنتنا جرالها ايه؟ ايتوكان: يعني ايه؟؟؟فوقيها حاولو يفوقوها او يقوموها بس كل محاولاتهم كانت فاشله وهيا بقت جسد هامد ما فيهوش اي مظهر للحياه الحياه بالنسبه لساري انتهت..هنا دخلت موات موات: انتو عملتو ايه؟؟؟كان لازم تسيبوها تمشي معاه..عملتوا ايه؟ تاسهيك: انا كل اللي عملته اني خليتوه ينساها موات: وكنتي متوقعه ايه يحصل ؟؟؟انها تفضل طبيعيه...هيا عايشه بحب حبيبها ..لو الحب ده مش موجود::يبقي كأنه اتخلي عنها بالظبط انتي نهيتي حياتها بأيدك شالوها وحطوها في اوضتها لحد ما تفوق وموات جنبها محمود فاق تاني يوم الصبح وامه بتصحيه فاطمه: محمود محمود قوم يا حبيبي..انت نايم في الارض ليه؟؟ محمود فتح عنيه وهو مش عارف هو فين او ايه اللي حواليه فاطمه: محمود مالك؟؟في ايه؟ما تخوفنيش عليك محمود: لا انا كويس ما تخافيش قام من مكانه هو احساسه غريب حاجه جواه ناقصه فاطمه: مالك يا محمود فيك ايه؟ محمود: مش عارف بس حاسس كأني خسرت حاجه كبيره قوي جوايا حاسس بفراغ فظيع جوايا..حاسس ان دماغي فجأه بقت فاضيه فاطمه: محمود انا مش فاهمه يا حبيبي ..انت تعبان؟ محمود: لا مش تعبان..المهم انا جعان ..هتفطريني ايه النهارده يا جميل خرج محمود مع امه وهو عادي تماما وساري اتمسحت من دماغه نهائيا عدت شهور وشهور وساري مكانها مش بتقوم ولا بتتحرك او بتعمل اي شيئ ساري كل شويه بتقعد تصرخ وتصرخ ومحدش عارف هيا بتصرخ ليه كده وايه اللي بيعذبها بالشكل ده موات: ساري انا عارفه انك سامعاني بس انتي لازم تقومي بقي ساري:.................... موات: ماهو مش هينفع تفضلي كده..انا عارفه انك موجوده وقواكي موجوده انتي ما خسرتيش كل حاجه لسه... دموع ساري كانت بتنزل بصمت وهيا مش عارفه تعمل ايه؟؟؟ موات: ساري انا عندي طريقه ممكن اساعدك بيها هنا ساري بصتلها موات: ايوه يا ساري انا ممكن اخرجك من هنا وتروحيله وتفكريه بكل حاجه بينكم وهو هيفتكر لان حبه موجود جواه..هو محتاج بس حاجه تفكره ساري: وهخرج ازاي من هنا؟؟؟انتي ناسيه اني محبوسه هنا موات: انتي فعلا محبوسه بس لو حولتك لاي كائن تاني مش هتبقي محبوسه ساري: قصدك ايه؟؟؟تحوليني ازاي يعني؟ موات: احولك لاي كائن تاني وبعد ما تخرجي من هنا هرجعك تاني وساعتها تروحي لمحمود وتحميه بنفسك ومحدش هيقدر يلمسكم تاني ساري: ولو معرفتيش ترجعيني؟؟؟افضل محبوسه جوه الكائن ده موات: لو مش واثقه من نفسي مكنتش عرضت عليكي مساعدتي من امتي انا بخذلك هاه هنا ساري فضلت تصرخ تاني وتصرخ وهيا بتتعذب وموات جنبها وامها جت ومحدش عارف ايه بيعذبها كل شويه لحد ما هديت اخيرا امها مشيت وفضلت موات جنبها ساري: محمود هيكمل حياته من غيري ..انا موافقه حوليني المهم اخرج من هنا وبس لازم الحقه بسرعه هنا موات ابتسمت ابتسامه غامضه ..ابتسامه انتصار موات: حاضر هحولك وبدأت تعمل تعويذتها وتحول ساري تاسهيك وهيا مع ايتوكان مره واحده حطت ايدها علي قلبها ايتوكان: في ايه مالك؟؟؟تاسهيك مالك؟ تاسهيك: في سحر اسود بيتم ...في شر هيحصل ..شر عظيم هيحصل ايتوكان: فين؟؟هيحصل فين؟؟ تاسهيك: هنا ...........ساري جريوا هما الاتنين عند ساري وفضلوا يحاولو يفتحوا الباب ومش قادرين لحد اخيرا مادخلوا موات وساري ملهمش وجود ....تاسهيك وقعت في الارض وايتوكان وقف مصدوم من اللي شافه..معقول فين بنته؟؟؟؟؟ ساري اختفت نهائيا ياتري ساري هحصلها ايه؟؟؟ موات عايزه توصل لايه؟؟؟ ايه اللي هيحصل بعد كده؟ استنوني هتعرفوا ShiMoOo | ||||||||||
|
| |
|
03-05-19, 09:50 AM
| #10 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه التاسعه تاسهيك وهيا مع ايتوكان مره واحده حطت ايدها علي قلبها ايتوكان: في ايه مالك؟؟؟تاسهيك مالك؟ تاسهيك: في سحر اسود بيتم ...في شر هيحصل ..شر عظيم هيحصل ايتوكان: فين؟؟هيحصل فين؟؟ تاسهيك: هنا ...........ساري جريوا هما الاتنين عند ساري وفضلوا يحاولو يفتحوا الباب ومش قادرين لحد اخيرا مادخلوا وما لقوش حد نهائي في الاوضه لا ساري ولا موات موات كانت اخدت ساري وطلعت بيها بره المملكه بشكلها الجديد موات: بكده محدش هيعرف مكانك ابدا ولا هيقدروا يوصلولك ساري: طيب رجعيني لشكلي بقي موات: لو رجعتك دلوقتي ابوكي هيرجعك بسهوله للملكه وهيحبسك تاني ده غير انه هيعرف اني ساعدتك وهيحبسني معاكي ..لكن كده مش هيعرف يوصلك ابدا..روحي اوصلي لمحمود الاول وفكريه بحبك ساري: افكره ازاي وانا بالشكل ده...انا بقيت قطه..تفتكري هعرف اروحله او اكلمه او هو هيفهمني ...انا معنديش اي قدرات نهائي موات: بمجرد ما ترجعي لشكلك ابوكي هيحدد مكانك بالنافذه بتاعته وهترجعي..يبقي تخاطري كده ولا نرجع من دلوقتي؟؟؟ سكتت ساري وهيا مش عارفه تقول ايه؟؟حست انها غلطت قوي لما سمعت كلام موات وسمحتلها تحولها موات: انا لازم ارجع ابوكي بينادي عليا والمملكه كلها اتقلبت وبتدور عليكي وانتي لازم تبعدي بسرعه ساري: استني وانا هحمي نفسي ازاي كده .؟ من البشر او الحيوانات او اي شئ حواليا.؟؟؟انتي مش هتسيبيني كده؟ موات: انا اسفه انا لازم اروح دلوقتي ابوكي بينادي ولو عرف مكاني ؟؟ هرجعلك تاني ومشيت ساري في العالم الواسع تدور علي حبيب مجهول واتفاجئت قد ايه العالم بقي كبير قوي من مكانها ...هتدور فين وهتلاقيه ازاي؟؟؟ وموات اتخلت عنها بعد ما حولتها كده...وبقيت وحيده في عالم كبير جدا عليها... عدت سنه كامله و ايتوكان وتاسهيك مش بيقوموا من قدام النافذه السحريه بتاعتهم بيفتشوا عن بنتهم اللي ملهاش وجود ابدا ايتوكان: ده معناه ان بنتنا ماتت صح؟؟؟ تاسهيك: حاسه بقلبها لسه بينبض ...نبضاته ضعيفه بس موجوده ايتوكان: لو عايشه كنا شفناها هنا ..كنا قدرنا نحدد مكانها؟ تاسهيك: يمكن تكون عامله تعويذه تخفيها عننا؟ ايتوكان: مفيش تعويذه بالقوه دي تقدر تخفيها الفتره دي كلها مفيش تعويذه تخفي حد سنه كامله ...سنه كامله عدت وبنتنا ملهاش اثر هنا دخل حد عليهم :::مولاي الملك الاحتفال قرب ولازم نجهز ليه علشان تنصيب وليه العهد لمملكه ...هيحضره كل مملكه الجن وكل العشائر ولازم التتويج يتم ايتوكان: مفيش تتويج هيتم وبنتي مش موجوده ::::لو بنتك ما ظهرتش لحد يوم التتويج يبقي نائبتها تتعين مكانها ده القانون وحضرتك عارفه كويس يوم وري يوم بيعدي واخيرا جه يوم التتويج وساري ملهاش اثر نهائي واتضطروا يتوجوا موات وليه للعهد ... تاسهيك كانت من اتعس ما يكون يمكن لو كانت ساعدت بنتها بدال وقفتها ضدها كانت هتكون موجوده دلوقتي...فيها ايه لو سمحتلها تستمر مع حبيبها ؟؟؟كان ممكن تعيش بين العالمين ...مع حبيبها وبرضه ملكه في مملكتها ؟؟بس الغباء كان مسيطر عليها وضيعت بنتها من ايديها بعد الاحتفال ايتوكان قفل النافذه المفتوحه تاسهيك: قفلتها ليه مش ممكن ساري؟؟؟ ايتوكان: ممكن ايه؟؟ترجع؟؟ولا تسترد عرشها ولا ايه؟؟؟خلاص كل شيئ انتهي خلاص تاسهيك: انت هتفقد الامل في بنتك؟ ايتوكان: هيا اختارت طريقها واحنا اهملنا المملكه كتير وجه الوقت اللي كل واحد لازم يقوم بدوره..موات استلمت منصبها ومحتاجه تدريب علشان تستعد انها تكون ملكه في يوم من الايام تاسهيك: طول ما ساري عايشه عمر ما موات هتبقي ملكه بنتي هترجع وهتستلم مكانها وحقها الشرعي ايتوكان: احلمي ...احلمي برجوعها وتتويجها لكن انا خلاص اكتفيت من عالم الاحلام وهرجع للواقع ..والواقع مفيهوش ساري تاسهيك رفضت تسلم بالامر الواقع ..من جواها حاسه ان موات ليها يد في الموضوع..موات هيا السر في اختفاء ساري...وموات هيا اللي هتوصلها لساري:::لازم تقري افكار موات فعلا راحتلها وبدأت تتكلم معاها تاسهيك: مبروك يا موات علي منصبك الجديد موات: متشكره تاسهيك: اخيرا وصلتي للي بتتمنيه من زمان...واختفاء ساري فتحلك الطريق موات: مش انا اللي خفيتها او انا اللي هربت من عشيرتي علشان حب مالوش امل ..انا اخدت حقي الشرعي تاسهيك: حقك الشرعي؟؟؟انتي كنتي خدامتها موات: انا كنت بقوم بكل حاجه..انا اللي استحق المنصب ده مش هيا وبعدين هيا اختارت كل حاجه بنفسها..هيا حبت الشخص الغلط تاسهيك: انتي ليكي يد في حبها ده موات: انتي عارفه ان مفيش حد ليه قوه علي قلب انه يدق..ده كان مجرد حسن حظ مش اكتر..انها تحب انسي تاسهيك: بس الانسي ده صرفها من حياته ايه اللي خلاه يرجعلها تاني؟ موات: كام كابوس..وصرخ ونادي علي حبيبته تلحقه من كوابيسه ضحكت ضحكه خبيثه عاليه تاسهيك: انتي عملتي ايه يا موات موات: انا ما عملتش اي حاجه...هما اللي عملوا انا كنت بتفرج من بعيد بس ضايقني لما صرفها فاضطريت ادخل لافكاره واعيشه في اسوء كوابيس وهو ما استحملش وفضل ينادي عليها وهيا لازم تلبي نداه وكنت عارفه انهم لو اتقابلوا تاني هيضعف قدامها وقلبه هيدق تاني وفعلا قلبه دق ومقدرش يستغني عنها تاني...الباقي بقي انتي عملتيه بأيدك..انا بحب ساري وكنت عايزاها تعيش في حب مع حبيبها وتتخلي عن عرشها ..لكن اللي انتو عملتوه هو اللي بعدها ولا طالت ده ولا طالت ده وبقت روح معذبه وبس تاسهيك قربت منها وكلها شرر بيتطاير من عنيها تاسهيك: انتي عملتي ايه في بنتي؟؟؟؟؟؟ مسكت ايدين موات جامد وخلتها تركع قدامها ودخلت افكارها ووصلت لحد ما حولت ساري لقطه وهنا صرخت ووقعت في الارض تاسهيك: انتي عملتي فيها ايه؟؟؟ انتي لازم تبطلي السحر ده موات بضحك: اسفه بس مفيش شيئ يبطل السحر ده غير حبيبها الضايع حبيبها بس.. لو قلبه رجع يدق تاني ساري هترجع..وطبعا بما انك مسحتيها نهائي من ذكرياته فعمر ما قلبه هيدق لقطه ...ههههههه ضحكتها كانت شريره جدا ..كل ده كان تخطيط موات علشان توصل للعرش وهيا بغبائها ساعدتها وحطتها مكان بنتها خرجت واصرت انها لازم تلاقي بنتها وترجعها تاني ..فضلت ايام وايام تدور عليها وكلها اصرار انها تلاقيها ..طبعا راحت لمحمود تراقبه من بعيد يمكن تكون راحتله ..بس شافته مع واحده تانيه...واحده قريبه جدا منها.. محمود استمر في حياته وتقريبا قلبه دق تاني لحد غيرها وده بسببها كل ضحكه وكل لحظه فرح بيعيشها بنتها بتتعذب الف عذاب وعذاب كل ضمه بيضمه لحبيبته الجديده بنتها نار بتضمها وتحرقها.. فضلت تدور اكتر واكتر علي بنتها لحد ما اخيرا لقتها ماشيه وحيده وحزينه فقربت منها تاسهيك: ساري؟؟؟انتي ساري؟ رفعت لقطه راسها تشوف مين ...شافت امها ودموعها في عنيها تاسهيك: سامحيني يا بنتي سامحيني انا اللي وصلتك لكل ده سابتها القطه وكملت طريقها ماشيه بتجر رجل وري رجل جريت وراها تاسهيك ومسكتها وشالتها تاسهيك: استني انتي لازم تسمحيلي اساعدك ساري: تساعديني؟؟انتي جايه دلوقتي تساعديني؟؟؟انتي افتكرتي دلوقتي انك امي وجايه تساعديني نطت ساري بعيد عنها تاسهيك: ارجوكي انا من ساعه ما اختفيتي وانا بدور عليكي ومش لاقياكي ولولا اني قريت افكار موات مكنتش عرفت الاقيكي ابدا ساري: موات؟؟؟موات اللي حولتنيني واتخليت عني ..هيا كمان اتخلت عني تاسهيك: موات كان كل همها عرشك ووصلتله كانت عايزه تبعدك باي طريقه وانتي سمحتليها تبعدك ساري: عرشي؟؟كانت بتساعدني علشان عرشي؟؟لو طلبته كنت اديتهولها انتو ليه كده؟؟سيبيني في حالي ..سيبني وامشي وارجعي لعرشك قبل ما موات تاخده منك انتي كمان ..سيبوني كلكم وانسوني زي ما هو نسيني وكمل حياته مع اللي قلبه اختارها ...انا هفضل كده لحد ما اموت وحياه القطط هنا مش بتفضل كتير... سيبيني وامشي تاسهيك: اسمحيلي اساعدك يا ساري ارجوكي ساري: ماشي هسمحلك...رجعيلي محمود ..رجعي قلبه يدق تاني ليا تاسهيك: مقدرش مفيش قوه علي الارض تخلي قلب يدق ساري: شوفتي يبقي ما تقدرش تساعديني تاسهيك: انا ممكن احميكي من مخاطر الدنيا ساري: ومين قالك اني عايزه اكون في امان..طالما حياتي هو مش فيها يبقي الموت اهونلي من كل شيئ ..بس مش عارفه ليه الموت مش عايز يجيلي..كل يوم بشوف قطط كتير بتموت وانا مش عارفه اموت زيهم سابتها ساري ومشيت في طريقها وتاسهيك رجعت لمملكتها تبكي وتبكي وحست انها مهما تبكي عمرها ما هتكفر ذنبها ابدا ابدا في حق بنتها قالت لايتوكان علي اللي حصل ..وطبعا هو كمان شاركها ندمه بس حس انه لازم ينتقم لبنته من موات فراحلها ايتوكان: مواااااااااااات..انتي ازاي تعملي كده في بنتي ؟؟..انا هحبسك موات: ما تقدرش ..كل شيئ تم بموافقتها ايتوكان: انتي خدعتيها جرب يستخدم سحره ضدها او يأذيها باي طريقه بس معرفش كل ما يوجه ناحيتها سحر يرجع تاني ومايأثرش فيها موات: قلتلك كل حاجه تمت بموافقتها وعلشان كده مش هتقدر تعملي اي شيئ ايتوكان: انتي لا يمكن تقعدي علي العرش موات: لا انا هقعد علي العرش وهاخد مكانك انت كمان بدأت موات تعمل تعاويذ وترفع ايديها لفوق وتعمل سحر غريب موات: ودلوقتي يا ملك ايتوكان بما انك فقدت كل قواك وبقيت ضعيف العرش ما بقاش من حقك ..العرش من حقي انا ايتوكان: لا يمكن هنا موات استخدمت كل قواها ضده وسحبت التاج من راسه وحطته علي راسها ولبسته وهنا كل قوي ايتوكان بقت ملكها اتحركت وراحت قعدت علي العرش وجمعت العشيره كلها موات: الكل يسمع من دلوقتي انا الملكه هنا لان الملك بقي ضعيف وما ينفعش يبقي قائد لمملكه عظيمه زي مملكتنا ..الكل يركعلي واللي مش هيركع هيواجه غضبي.... هنا الكل ركع الا تاسهيك وقفت فموات وجهت سحرها ناحيتها والسحر خلاها تركع غصب عنها وتوطي تاسهيك: انتي ممكن تجبريني اوطي بس مش هتقدري ابدا تجبريني اتقبلك ووضعك ده مش هيستمر ضحكت موات: ومين هيمنعني..انتي؟؟ولا ايتوكان؟؟؟ولا ساري القطه؟؟ مملكه الجن كلها بقت تحت امر موات واخيرا موات قعدت علي العرش اللي بتتمناه .... ساري كانت ماشيه كالعاده في طريقها بتدور في كل الوشوش يمكن تلمحه او تشوفوه كانت اقصي امنيه ليها انها بس تشوفوه وهيا بتعدي الطريق فجأه لقت عربيه جايه عليها بسرعه ولسه هتجري لقت نفسها بتقف وهتجري ليه ؟؟وهتعيش لايه؟؟مش يمكن دي فرصتها وتنهي حياتها ؟؟؟كفايه جري ..استسلمي للواقع...محمود مش ليكي ابدا وخلاص نسيكي واستمر في حياته وانتي خلاص فقدتي كل حاجه غاليه يبقي استسلمي للموت ..قدامك اهوه بينك وبينه خطوه... فعلا غمضت عنيها واستنت العربيه تدوس عليها ونكمل بكره ونشوف ساري هتموت ولا لسه في امل؟؟ موات مين هيقف قدامها ومين هيتصدالها؟؟؟ محمود فعلا استمر في حياته ولا لسه جواه شعاع امل؟؟ استنوني تعرفوا ShiMoOo | ||||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
