آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-05-19, 12:34 AM
| #11 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب  
|  الحلقه العاشره اخر النهار عند شوق الباب خبط وفتحت اتفاجئت بحازم قدامها حازم: بلغوني انك عيزاني؟؟؟ حازم كان ساند علي الحيطه وجاكت البدله ماسكه بايده علي كتفه وشكله زي ما يكون نجم غلاف حازم: هتفضلي تبصيلي كده كتير؟؟؟ شوق: اه اسفه اتفضل طبعا دخل حازم وهو بيحاول يمشي طبيعي قدامها رهف اول ما شافته جريت عليه ونطت وشالها واتفاجئ انها وحشاه جدا رهف: وحشتني قوي حازم: انتي اكتر يا قمر رهف: لا لو وحشاك كنت جيت تشوفني حازم: عندك حق اسف يا ستي بس من هنا ورايح هشوفك علي طول او اكلمك بالفون رهف: بس احنا مش عندنا فون حازم: هيبقي عندك ما تقلقيش حازم طلع علبه موبيل وطلع منها موبيل غالي جدا وعطاه لشوق حازم: موبيلك شغال وفاتوره يعني اتكلمي براحتك فيه ورقمي متسجل لو احتجتيني بحيث تكلميني علي طول من غير مرسال بينا شوق: وبعدين؟ حازم: وبعدين ايه؟ شوق: انت بتعمل كل ده ليه؟ حازم نزل رهف: رهوف سيبني انا وماما لو سمحتي شويه ممكن؟ رهف: ممكن بس اوعي تمشي من غير ما اشوفك حازم باسها: لا يا قمر مش همشي ما تخافيش راحت رهف اوضتها وسابتهم لوحدهم حازم: ها يا شوق عايزه تقولي ايه؟ شوق: الشقه دي ايه؟ وليه مشينا من التانيه؟؟ حازم: التانيه كانت بتاع واحد صاحبي كانت مؤقتا لحد ما جبت دي شوق: وبعدين؟ حازم: وبعدين ايه؟ عايزه توصلي لايه؟ شوق: جبتلنا شقه ليه؟ وبعدين؟ متخيل مثلا اني هقسطلك تمنها ولا ايه بالظبط؟ ايه المقابل لمساعدتك دي؟ حازم: مقابل؟؟ امممم... طبعا انتي متعودتيش تعملي حاجه من غير مقابل فمتخيله ان كل الناس زيك!! علي العموم متخافيش انا مش مستني منك مقابل شوق: انا مش فاهمه انت بتتكلم عن ايه؟ واه متعودتش من الناس انها تدي حاجه من غير مقابل فعايزه اعرف ايه المقابل اللي هتطلبوا مني وهقدر عليه ولا لأ؟ ؟ حازم: معتقدش ان في شئ انتي متقدريش عليه؟ شوق: انت ليه بتتكلم كده؟ انا عملت كل اللي اقدر عليه علشان اعرف اعيش انا وبنتي بس عمري ما عملت حاجه غلط غير مره واحده ودفعت تمنها غالي قوي ولحد دلوقتي لسه بدفع تمن غلطتي دي حازم: وايه هيا غلطتك دي؟ شوق: وثقت في انسان مكنش لازم اوثق فيه.. سلمته كل حاجه وهو خلي بيا وعلي الرغم ان اللي بينا رابط كبير قوي بس ده ما منعوش انه يسيبني ويتخلي عني حازم فهم انها تقصد ان رهف الرابط الكبير بس فهم ان الكلام ده كان علي جوزها مش عليه هو حازم: عندك حق لما بتحط ثقتك في مكان غلط بتتألم كتير وتتوجع اكتر... انتي اتطلقتي ليه؟ شوق: وانت ما اتجوزتش لحد النهارده ليه؟ حازم: مكنتش فاضي للجواز شوق: مفيش حد مش بيفضي للجواز حازم: كنت بتعالج ويدوب راجع من السفر من كام شهر شوق: يعني دلوقتي هتتجوز؟؟ حازم: اكيد... انتي برضه مجاوبتنيش علي سؤالي اتطلقتي ليه؟ شوق: حب غيري حازم: بس كده؟ شوق: كان ابن عمي واكتشفنا ان احنا اخوات واولاد عم مش زوجين فكل واحد شاف طريقه حازم: هو اتجوز يعني؟ شوق: وخلف كمان تؤام ملك وعمر حازم: عمرهم قد ايه؟ شوق: خمس سنين!! سته!! كده يعني حازم: انتو معشتوش كتير يعني مع بعض؟؟؟ شوق: لا يدوب كام شهر حازم كان لسه هيسأل تاني بس خرجت رهف بدفتر رسم واستأذنت حازم يساعدها وبدأ يساعدها وشوق قامت تجهز غدا لبنتها ولحبيبها اذا فضل معاهم مكنتش مصدقه انها في بيت واحد هيا وحازم وان الزمن جمعهم تاني مع بعض... حازم مع رهف بيتكلموا ويرسموا واكتشف انها ذكيه جدا وعرف منها انها مش بتروح مدرسه فقام راح لشوق المطبخ فضل يراقبها من بعيد واتمني.. بس اتمني للحظه ان دي تبقي مراته وان رهف بنته وان ده بيته الدافي فاق علي صوت شوق بتكلمه حازم: هاه قولتي حاجه؟ شوق: بقولك انت عايز حاجه؟؟ الاكل كلها دقايق ويجهز حازم: لا كنت بس هسألك عن ايه خطتك في مدرسه رهف؟ في حاجه معينه في بالك ولا ايه؟ شوق وقفت: نفسي ادخلها احسن مدرسه في الدنيا بس مش بايدي من غير ما ارجع اشتغل مش هقدر ادخلها مدارس كويسه حازم: طيب هاتيلي ورقها وصورها وانا هتصرف شوق: حازم لو سمحت حازم: لو سمحت ايه؟ مش عايزه بنتك تتعلم؟؟ اكيد عايزه... هاتيلي انتي بس شهاده ميلادها وشهادات تطعيمها وصور ليها اعتقد مش بيحتاجوا اكتر من كده؟؟ وانا هشوفلها حاجه كويسه رهف جت شدته بره يرسم معاها قعد معاهم واكل معاهم وهو في قمه انبساطه واخيرا لازم يروح فقام يمشي وشوق معاه علي الباب شوق: انا مش عارفه اشكرك ازاي؟ حازم: مش مستني منك شكر شوق: عارفه بس برضه انت عملت معايا كتير حازم: انتي برضه عملتي قبل كده معايا كتير... شوق!! شوق: عيوني حازم: سؤال واحد محيرني شوق: اسأل وانا اجاوبك حازم: انتي دخلتي بيتي علشان تشتغلي ممرضه... ليه خليتيني اح قاطعه تليفونه بيرن فطلعه وبصله وكانت شاهندا بتتصل شوق بهمس : كمل حازم بيبصلها ويبص لتليفونه واخد قراره ورد حازم: الو ايوه شاهندا: انت فين من بدري وحشتنيييييي قووووووي حازم: ربع ساعه وهكون في الفندق اتفقنا؟ شاهندا: انا مستنياك اصلا انت فين بقي؟ حازم: طيب اديني عشر دقايق سلام قفل الموب وبص لشوق: نكمل كلامنا بعدين سلام شوق: طيب اسأل سؤالك الاول حازم: لا بعدين سلام سابها ونزل وراح لشاهي ودخل كانت منتظراه وقابلته باجمل ابتسامه تسحر اي راجل اول ما شافته وقفت تستقبله وسلموا علي بعض وقعدوا حازم: هو انتي حلوه زياده ولا بيتهيألي؟ طيب كنتي قولتيلي كنت لبست رسمي زيك!! شاهندا: النهارده هنتعشي مع بعض عشاء عمل وبعدين انت لابس بدله شيك اهو مش محتاج تغير حازم: لا برضه القمر ده لازم يتلبسله مخصوص شاهندا: خلاص بقي ما تكسفنيش اكتر من كده حازم: ماهو ده المطلوب ما تتخيليش انتي بتحلوي قد ايه وانتي مكسوفه.... اهو اهو وطي وشك في الارض وابتسامه بسيطه تجنن و شاهندا: كفايه!! هسيبك وامشي؟! حازم: واهون عليكي؟؟؟ شاهندا: طيب كفايه بقي علشان خاطري وبعدين قولتلك ده بزنس حازم: خلاص ماشي نتكلم في البزنس اوامرك!! شاهندا: علي حد علمي انت بتشتغل في ال design صح؟ حازم: اه صح... عايزه تعملي ايه؟ شاهندا: طيب يا حبيبي... انا عندي مجموعه محلات جنب بعض عايزه افتحهم كلهم علي بعض واعملها صيدليه حازم: طيب يا ايه؟ شاهندا: حازم لو سمحت حازم: تمام وبعدين؟ شاهندا: بعدين دي عندك انت حازم: عندي انا ازاي؟ انتي عيزاني اعمل ايه بالظبط علشان مش فاهم معلش؟؟؟ شاهندا: بص انا هسلمك المحلات دي هما دور ارضي وكبار جدا يعني مفتوحين ممكن يوصلوا ل 150 متر حد ادني انت بقي تسلمهملي صيدليه يدوب علي فرش الادويه حازم تنح: انا ايه؟ شاهندا: مش ده شغلك ال design حازم: حبيبي... انتي فهمتي غلط انا بعمل design لفنادق،، قري سياحيه،،، مولات،، حاجات زي كده شاهندا: انا عارفه وفاهمه بس اللي يعمل تصميم لمول يعمل لصيدليه حازم: لا يا حبيبتي الصيدليه دي بيبقي ليها مقاييس وشروط وحاجه مشتغلتش فيها قبل كده نهائي شاهندا سندت علي التربيزه وقربت منه قوي شاهندا: ولو قولتلك علشان خاطري اعمل exception ليا انا وصمملي دي هتقول ايه؟ حازم: لو بقربك ده مني هعمل اي حاجه مش صيدليه بس..... بس زي ما بقولك دي حاجه مش بفهم فيها شاهندا: هو انت مش مهندس ولا ايه؟ حازم: اوكي اوكي بس مشتغلتش في الموضوع ده قبل كده شاهندا: انا واثقه فيك وفي شغلك... حازم: ربنا يستر... المهم مواصفتها ايه بقي الصيدليه اللي بتحلمي بيها؟؟؟ شاهندا: شوف يا سيدي..... بدأت تحكيله وهو بيسمعها واكتشف انه مستمتع جدا بكلامها وحماسها وطموحها واكتشف كمان ان الوقت بيمر بسرعه جدا وهيا معاه شاهندا: هيا الساعه كام دلوقتي؟ حازم: الساعه واحده شاهندا وقفت: اتأخرت جدا يا حازم وبابا هيتضايق مني حازم: طيب يالا هروحك نادي علي روح شاهندا ودخل معاها يعتذر لباباها علي تاخير بنته روح بيته وطول الطريق صمت مسيطر علي العربيه لاهو اتكلم ولا علي اتكلم تاني يوم حازم نزل شغله وجمع فريق مهندسين علشان يصمموا صيدليه شاهندا وكلهم استغربوا لان ده مش مجالهم حازم نزل مع شاهندا شافوها علي الواقع وحازم استلم منها المحلات شوق نزلت تجيب اوراق رهف بنتها وقابلت محمود يساعدها وحكتله كل حاجه حصلتلها شوق: بس يا سيدي ومش عارفه اتصرف ازاي معاه؟ محمود: مبدئيا انتي لازم تقوليلوه ان رهف بنته مع انه احتمال كبير يكون هو عارف او شاكك وعلشان كده بيساعدك كده... عاملها جميله وهو عارف انها فرض عليه... شوق: بس انا مش عايزه مساعدته محمود: متبصلهاش انها مساعده ده فرض عليه... شوق بنتك ابوها مليونير حرام تعيشيها في فقر لان مسيرها هتعرف وساعتها هتكرهك... هتكرهك انك حرمتيها من ابوها وفلوسه وكل حاجه.... ده حق بنتك... دي اقل حقوقها اصلا شوق: يعني ايه يا محمود؟ محمود: يعني فكري في بنتك وبس مشيت شوق تفكر في كلام محمود وازاي تقول لحازم ان رهف بنته.... حازم بدأ يشتغل في الصيدليه وبدأ يصمم ديكوراتها بنفسه نادرا ما كان بيشتغل بنفسه بس المره دي مختلفه حازم كل يوم بيروح لشوق يقعد معاهم ساعتين تلاته يتغدي معاهم ويساعد رهف في الهوم ورك بتاعها بعد ما دخلها المدرسه وبعدها يروح شغله ويقابل شاهندا حاسس ان حياته مزدوجه.. احاسيسه متلخبطه... مش عارف يرسي علي بر او ياخد قرار او يستقر الاسبوع مهله شاهندا هيخلص وهو خوفه بيكبر من المستقبل.... اخيرا طلعت شمس الخميس وصحي حازم علي موبيله فرد عليه شاهندا: صباح الخير نايم لسه؟ امال انا مجاليش نوم ليه؟ حازم بابتسامه: صباح النور لاحلي قمر في الدنيا... ايه اللي مصحيكي بدري وليه مش جايلك نوم؟؟ شاهندا: انت مش عارف؟؟ لا كده انا زعلانه وزعلانه كتير كمان حازم اتعدل: لا استنيني كده... اتعدلت اهوه وصحيت.. واحده واحده عليا وقوليلي في ايه؟ كله الا زعلك انتي!!! شاهندا: النهارده الخميس حازم: اهه وبعدين؟ شاهندا: ده انت مصر بقي تزعلني؟؟ حازم: ليه بس يا قمر؟ في ايه النهارده مش واخد بالي منه؟ شاهندا: النهارده المفروض تيجي تقابل بابا علشان تخطبني حازم: ومين قال كده؟ شاهندا: مش انت قلت الخميس واهو الاسبوع عدي والخميس جه حازم: انا قلت الخميس اسمع ردك انتي مش اقابل باباكي... صح ولا ايه؟ وبعدين انا لسه مسمعتش ردك شاهندا: وانا بقولك المفروض النهارده تخطبني من بابا يبقي ردي ايه؟ حازم: لا دي لازم اسمعها صريحه ومباشره ومن غير اي تزويق او لف او دوران شاهندا: ماشي يا حازم انا موافقه حازم: موافقه ايه؟ شاهندا: موافقه اتجوزك واعيش معاك علي الحلوه والمره واكمل عمري كله معاك... اعتقد مفيش صراحه بعد كده؟ حازم: فعلا مفيش صراحه بعد كده.... طيب ايه رأيك نتعشي مع بعض الليله ونظبط امورنا ونتفق علي كل حاجه قبل ما اقابل باباكي؟؟؟ شاهندا: اوكي ماشي الساعه كام نتقابل؟؟ حازم: الساعه 8 يناسبك؟ شاهندا: يناسبني هستناك قفل معاها وفضل كتير مكانه يفكر الخطوه دي صح ولا غلط؟؟ وهو بكده بيظلم مين؟؟ نفسه ولا شوق ولا شاهندا؟؟ مين ظالم ومين مظلوم؟؟ ولو هو ظالم امال احساس الظلم اللي جواه ده ايه؟ احاسيس كتيره متلخبطه ملهاش قرار.... اخيرا بالليل راح يتعشي مع شاهندا وكان مجهزهلها جو رومانسي رائع اتعشوا مع بعض وسهروا كتير يضحكوا ويرقصوا واتفقوا علي كل حاجه حازم راح قابل باباها ورحب بيه جدا وحددوا معاد الخطوبه عم عبد المنعم زي ما قلنا كان في العزبه بتاعت حازم بيتابعها وفي يوم سافر بلد جنبهم يشتري حاجات للعزبه وهناك اتقابل صدفه بعم خليل عبد المنعم: ازيك يا راجل يا عجوز... بقي كده يا راجل تمشي مره واحده؟؟ طيب حتي اسال علينا؟؟ بذمتك حازم مش واحشك؟؟ خليل: حازم زي حفيدي بس انا ما ينفعش ارجع الفيلا تاني هو ما سألش ليه لو مهتم او فارق معاه الراجل العجوز؟؟ عبدالمنعم: هو الله يعينه كام سنه مسافر يتعالج.. ده حتي انا تعبت من الغربه ولما هو حس بده خلاني ارجع وفضل هو لوحده واهو رجع ومن ساعت ما رجع ما شوفتوش لسه... بس انت ليه ما ينفعش ترجع الفيلا؟؟ ده بيتك خليل: بعد ما اتهموني بالسرقه ارجع ازاي؟؟ وازاي بيتي بقي؟؟ يالا ربنا يسامح اللي كان السبب؟؟ عبدالمنعم: سرقه؟؟ مين اتهمك بالسرقه؟؟ لا انت لازم تفهمني كل حاجه؟؟ مع الحاح عبد المنعم عم خليل حكاله كل حاجه وهنا كل الخيوط وضحت قدام عبدالمنعم وفهم ليه شوق اتجوزت بسرعه عبدالمنعم: انت ليه سكت طيب؟ ليه مقولتش لحازم؟ انت عارف حازم اتعذب قد ايه؟ ده بعد شوق عنه هو اللي طفشه من مصر كلها خليل: اقوله ازاي؟ ما انا كنت في السجن ولما طلعت كان هو سافر واديك اهو بتقول لسه راجع عبدالمنعم: حازم لازم يعرف كل حاجه انا هسافرله النهارده وانت يا راجل يا طيب.. حازم مش هيرضي ابدا باللي حصل ده طلع عم عبدالمنعم علي العزبه وبيجهز نفسه للسفر واتفاجئ بتليفونه بيرن ولقاه حازم حازم: ازيك نسيتني انت صح؟ عم عبدالمنعم: مين اللي نسي؟؟ انت كام شهر اهو راجع؟؟ حازم: معلش كنت بس بظبط اموري واستقر المهم ينفع تيجي النهارده القاهره انا عايزك معايا ضروري عبدالمنعم: انا اصلا بجهز نفسي اهوه وكنت جاي ليك في موضوع مهم لازم اكلمك فيه حازم: وانا كمان في موضوع مهم عايزك معايا فيه. في انتظارك بس ارجوك اوعي تتأخر.. تعال علي الفندق علي طول لانك كده يدوب تلحق عبدالمنعم: الحق ايه؟ حازم: تعال بس ولما توصل هتعرف يالا في انتظارك فضل حازم كتير مش عارف يعمل ايه؟ علي الساعه 2 كان فاضي وزهقان ومش عارف يعمل ايه لقي نفسه قدام شقه شوق بيدق بابها مستغرب ايه اللي جابه هنا؟ وجاي ليه؟ وعايز ايه اصلا؟ وليه لما بتضيق الدنيا بيرتاح هنا؟ في البيت الصغير ده؟ ولو راحته مع شوق ليه مش عارف يفضل معاها؟؟ فاق علي فتحه الباب ورهف بتنط عليه وبترحب بيه اهي رهف دي لوحدها كفيله تغير مزاجه 360 درجه ومش عارف ليه؟ بس ابتسامتها وضحكتها بتسعده جدا وبتخرجه من اي مود.... دخل وقابلته شوق باحلي ابتسامه وقعد معاهم ونسي الدنيا واللي فيها نسي مشاكله وهمومه والوقت عدي بسرعه اتغدي معاهم وقام يساعد شوق وهيا بتشيل الاكل وفضلوا كتير يتكلموا في المطبخ وشوق بتدور علي لحظه تقول لحازم كل اللي حصل وتقوله ان رهف بنته حازم: مالك بتفكري في ايه؟ شوق: رهف: زوما!! فين الشيكولاته بتاعتي؟ ليه مش جبتلي؟؟ حازم: لا طبعا جبتلك يا قمر هو انا اقدر انسي اصلا!! في جيب الجاكته هاتيها منها راحت رهف تقلب في جيوبه علشان تطلع الشيكولاته بس طلعت علبه صغيره وفتحتها وكان فيها خاتم رهف: وااااو تحفه قوي... زوما جميل قوي الخاتم ده ده خاتم ايه؟ شوق بتبص لحازم مستنيه رده وهو بيبصلها عايز يشوف رد فعلها علي كلامه حازم: ده خاتم خطوبه يا رهوف.. النهارده خطوبتي.. حفله خطوبتي النهارده شوق بصتله بصدمه وهو مش عارف يفسر صدمتها دي بايه؟ ليه مصدومه ماهي قبله اتجوزت وخلفت؟ ليه مستكتره عليه يعيش زيها؟ رهف: انت هتخطب يا زوما؟ مين هيا؟ ممكن اتعرف عليها؟ حازم: اه هخطب بنوته حلوه كده وان شاءالله هبقي اعرفك عليها يا قمر رهف: اسمها ايه؟ حازم: اسمها شاهندا عندك طلبات تانيه؟ رهف: اه عندي حازم بابتسامه: طلباتك مش بتخلص ابدا يا رهف صح؟ رهف ضحكت وقامت شدته يقف معاها وقام معاها بص لشوق كانت في عالم تاني هو مستغربو!!!! سابها ودخل مع رهف اوضتها واتفاجئ بحاجات كتير حازم: ايه ده كله؟ رهف: ده اكتفيتي مطلوب مني في المدرسه واشترينا الحاجه انا وماما بس هيا مش عارفه تعمله معايا حازم: ايوه ماشي ايه المطلوب بقي؟ رهف: Zoo مطلوب نعمل Zoo حازم: اممم نعمل Zoo؟؟ دي هتاخد وقت يا قمر وانا قدامي ساعه بس علشان الحق اروح واجهز رهف: خلاص ابدألي فيها وماما تكمل بس نعمل حتي فكرتها. ايه رأيك؟ حازم: مقنعه انتي.. ماشي يا قمر تعالي قعد حازم معاها ونسي نفسه تماما.... شوق قعدت مكانها بره ودموعها جامده مش راضيه لا تختفي ولا تنزل وتريحها ليه ظهر في حياتها تاني لما مش هيكون ليها؟؟؟ عايز يعذبها مثلا؟؟ طيب ليه؟ ذنبها ايه؟ كل ذنبها انها حبته وبس وسلمتله عمرها كله؟؟ ليه مش قادر يحس بحبها ليه؟ ليه مش قادر يحس بقهرتها وعذابها؟؟ ليه مش شايف دموعها؟؟ الوقت بيعدي وشاهندا في فيلاتها وكل ضيوفهم وصلوا حتي صفيه ام حازم وصلت ماعدا حازم نفسه الكل بيدور عليه بس محدش عارف يوصله تليفونه مغلق ومحدش عارف نهائي راح فين؟ شاهندا خافت انه يكون غير رأيه واختفي وهيسيبها ماسكه نفسها بالعافيه علشان ما تنفجرش في العياط ابوها دخلها مكرم: وبعدين هنعمل ايه يا شاهي؟ رد عليكي؟؟ شاهندا: لا يا بابا مردش... قدامه نص ساعه لو مظهرش نلغي الحفله مكرم: مش يمكن يكون له عذر؟؟ شاهندا: كان اتصل وقال عذره ومهما يكون بسيط هقبله بس مش كده حازم مع رهف بينسي الكون كله ومش بيفكر في اي شيئ تاني نهائي رهف: انا هقوم ادخل الحمام انا تعبت خالص حازم: انتي تعبتي؟؟ امال انا اقول ايه؟ ربنا يسامحك!! ياتري الوقت ايه دلوقتي؟؟ روحي حمامك وانا هطلع اشوف الدنيا ايه مش عايز اتأخر قام حازم وخرج بره لقي شوق مكانها ما تحركتش واستغرب هيا يا تري لسه مكانها من ساعتها؟؟ طلع تليفونه ولقاه مقفول حازم: يا الله التليفون فاصل شحن.. هو الوقت ايه؟ شوق مردتش فحازم راح ناحيه البلكونه ورفع الستاره واول ما رفعها اتفاجئ ان الدنيا ظلمه تماما للحظه مش عارف يعمل ايه او يقول ايه؟ ومفيش قدامه غير شوق..... حازم: طبعا ده قصدك هاه؟ اتاخر علي خطوبتي صح؟ وسيادتك قاعده ولا علي بالك اصلا؟؟ طول عمرك انانيه ونكمل بكره ياتري حازم هيلحق شاهندا وهيعرف يفسرلها تأخيره؟ شاهندا هتتقبل عذره؟ عم امين هيلحقه ويقوله؟؟ شوق هتتنازل عنه؟؟ توقعاتكم ShiMoOo | ||||||||||
|  |
|
11-05-19, 12:35 AM
| #12 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه 11 حازم: يا الله التليفون فاصل شحن.. هو الوقت ايه؟ شوق مردتش فحازم راح ناحيه البلكونه ورفع الستاره واول ما رفعها اتفاجئ ان الدنيا ظلمه تماما للحظه مش عارف يعمل ايه او يقول ايه؟ ومفيش قدامه غير شوق..... حازم: طبعا ده قصدك هاه؟ اتاخر علي خطوبتي صح؟ وسيادتك قاعده ولا علي بالك اصلا؟؟ شوق مش عارفه تنطق او ترد!!! او حتي تقول اي حرف!!! حازم: وبعدين انا بلومك ليه؟؟ مش فاهم انا؟؟؟ طول عمرك انانيه مابيهمكيش غير نفسك وبس... تقدري تقوليلي اعمل ايه انا دلوقتي؟؟؟ شوق: انا مش فاهمه انتي بتلومني انا ليه؟؟ انا ما شفتش الوقت زيك!! حازم بيكلم نفسه: عقبال ما اوصل البيت فيها نص ساعه واجهز في نص ساعه كمان واوصل الفندق في نص كده علي الاقل محتاج ساعه ونص،... ياالله شوق: انت ممكن.. حازم قاطعها: محدش طلب رأيك شوق: مش انت بتلومني انا؟؟ حازم بصلها وساكت شوق: اطلع من هنا للفندق علي طول احسن ما تتاخر والكل يمشي.. اعتقد كده هتوفر وقت كتير؟ حازم بيدرس الموضوع وفعلا ده انسب حل حازم: بدلتي في العربيه اصلا.. شوق: طيب محلوله اهي.. ادخل انت خد شاور بسرعه وانا هنزل اجيبلك البدله من العربيه بسرعه.. هات مفاتيحك!!! مدت ايدها وهو بيبصلها بيدرس الموضوع ومش عارف يعمل ايه او يتصرف ازاي؟؟ ومش راكب في دماغه اصلا انه يجهز لحفله خطوبته في بيت حبيبته!!! شوق: انت بتضيع وقت علي فكره هات المفاتيح واخيرا عطاها مفتاح عربيته وهيا دخلته اوضتها تبقي تحت امره بحمامها الخاص... نزلت شوق جابتله بدلته وحاجته الخاصه من العربيه وطلعتها وحطتهاله علي السرير وهو كان في الحمام خرجت بره وحابسه دموعها انها تنزل او تبين ضعفها او شوقها او قهرتها.... حازم خرج وشاف حاجته علي السرير وبدأ يلبس ويدوب لبس بنطلون البدله ولبس القميص ولسه هيقفل زرايره بس حس بتعب جامد. قعد علي حرف السرير وبيحاول يستجمع قوته لان مش وقته نهائي انه يتعب دلوقتي..... شوق بره وشيئ جواها خلاها تقوم وتروح لحازم خبطت عليه ودخلت ولقته قاعد علي حرف السرير وباصص للارض.. شوق: انت بتعمل ايه؟ انت متأخر جدا... قاعد ليه كده؟ حازم بصلها وماردش عليها... هيا اخر حد عايزو يعرف بتعبه... مش عايزها تشوفه تعبان تاني!!! شوق: انت تعبان صح؟ بتحاول تداري تعبك عني؟؟ كل ما بتيجي هنا بتحاول تخبي تعبك... وما بتصدق تنزل من عندي تجري علي عربيتك او سواقك يسندك.. ويناولك عكازك... ليه؟؟ انت ليه.... انت ليه شايفني وحشه قوي كده؟؟؟ انا اكتر واحده في الدنيا دي بحس بيك وبحس بألمك حتي لما بتضحك علي نفسك وتحاول تداري عني... انا شيفاك.. انت مش محتاج تداري عني. انت فاهم؟؟ حازم بيبصلها ومش لاقي كلام يقوله.. كل اللي في دماغه حاليا شاهندا... مش عايز يحطها في الموقف ده!!!! مش عايز يتخلي عنها بالشكل ده!!!! شوق مدت ايدها لحازم وهو مستغرب عايزه ايه؟ شوق: مستغرب ليه؟ انا هساعدك قوم اوقف شدته ووقفته ووقفت قصاده قفلت قميصه وظبطتله هدومه ولبسته الكرافت وجاكت بدلته كل ده وهيا بتهرب من عنيه.. لحد ما خلصت خالص رجعت خطوه لوري وبصتله واتقابلت عنيهم في نظره كلها استفسارات والف سؤال وسؤال شوق بابتسامه باهته : بقيت عريس زي القمر... يالا روح لعروستك حازم: انتي حليتي مشكله واحده فاضل مشكله اهم؟؟ شوق: مشكله ايه تاني؟؟ حازم: هوصل هناك ازاي؟ انا مش هقدر اسوق والحته دي نادرا ما بيعدي فيها تاكسيات شوق: انا هوصلك يالا حازم: انتي بتعرفي تسوقي؟؟ شوق: اه بعرف يالا حازم: بس كده شوق قاطعته: ما بسش اتحرك خرجت واخدت رهف وسندت حازم لحد العربيه واتحركت واتفاجئت انه نفس الفندق اللي اشتغلت فيه قبل كده بس سكتت لانه مش وقته حازم: لفي من ورا عند الباب الخلفي وقفت ونزلوا كلهم حازم: انا متشكر يا شوق... خدي تاكسي من هنا وروحي علي طول... حازم دخل للفندق وعلي اول واحد شافه لانه كان بيدور عليه شاهندا راحت لابوها شاهندا: بابا إلغي الحفله لو سمحت كفايه كده مكرم: يابنتي نصبر شويه شاهندا: لا يا بابا خلاص حازم اتأخر اكتر من ساعه كده يبقي مش جاي والناس كلها بتتكلم كفايه بقي إلغي الحفله لو سمحت خلصت جملتها ويدوب لفت تمشي اتفاجئت بحازم وراها تماما حازم: خلاص مش عايزاني!! لحقتي بسرعه غيرتي رأيك؟؟ كل ده علشان اتأخرت شويه؟؟ شاهندا بفرحه مخلوطه بحزن: مش شويه... كتير.. افتكرت انك غيرت رأيك؟ حازم: انا مغيرتش رأيي بس الظاهر انك انتي نسيتي وضعي وظروفي ونسيتي اني لو اتأخرت يبقي اكيد غصب عني.... شاهندا: اتأخرت ليه؟ وتليفونك مقفول ليه؟ حازم: تليفوني فصل شحن واتأخرت لاني تعبت شاهندا: كان ممكن تكلمني من تليفون البيت.. او تبعتلي حد من الشغالين او اي حاجه حازم: مكنتش في الفيلا اصلا... شاهندا: امال كنت فين؟ حازم سكت لانه مش عايز يكدب عليها وفي نفس الوقت مايقدرش يقولها الحقيقه حازم: كنت في شقتي... وبالتالي كنت لوحدي وتعبت وعلشان كده اخدت وقت طويل لحد ماقدرت اجهز واوصل لهنا... انا اسف اعذريني بس ما اوعدكيش انها تكون اخر مره اتأخر عليكي فيها... او اكون موجود في حاجه مهمه!!! وكويس ان الموقف ده حصل علشان يفهمك انتي مستنيكي ايه معايا!!! شاهندا: انا ما اتضايقتش لانك اتأخرت... انا خفت تكون سيبتني... انت فاهم؟ انا خفت تكون سيبتني حازم شدها عليها وضمها يطمنها انه جنبها حازم: ارجوكي خلي عندك ثقه فيا!!! انا مش هبعد عنك ابدا... انا محتاجلك زي ما انتي محتاجاني ويمكن اكتر كمان هنا ابوها اتدخل: ايه هنخرج للناس بره ولا هتفضل هنا كتير!؟؟؟ شاهندا بعدت عن حازم وابتسموا حازم: لا هنخرج يالا بينا مسك شاهي وايديهم في ايدين بعض وخرجوا للناس بره وبدأت حفله خطوبتهم وسط تهاني وفرح شوق روحت بيتها وطلعت شقتها هيا وبنتها ودخلوا رهف: مامي انتي زعلانه ليه؟ شوق: لا ياحبيبتي مش زعلانه رهف: انتي زعلانه علشان حازم هيتجوز واحده تانيه صح؟ شوق بصت لبنتها باستغراب انها فاهمه رهف: انتي فكراني عيله ومش فاهمه؟؟؟ ماما لو انتي زعلانه من حازم انا كمان هزعل منه شوق: لا يا حبيبتي انا مش زعلانه منه... وبعدين هو ساعدنا كتير صح؟ ماينفعش نزعل منه اصلا... وبعدين هو حر اصلا دي حياته... مش معني ان انا بحبه انه هو كمان يحبني فاهمه؟ بس انتي حبيه لان هو كمان بيحبك كتير قوي رهف: طيب... انا هدخل العب شوق: روحي حبيبتي رهف يدوب هتدخل: الحقي ياماما شوفتي حازم نسي ايه؟ وكانت ماسكه علبه خاتم الخطوبه والاتنين بصوا لبعض بصدمه!!!!! حازم في الحفله ومندمج مع خطيبته وهنا عم عبدالمنعم دخل واول ما حازم شافه راحله بسرعه واخده بالحضن حازم: كل ده تأخير يا راجل انت؟؟ تعال هعرفك علي مفاجئتي حازم شد عم عبدالمنعم اللي مش فاهم حاجه خالص بس عايز حازم لوحده يحكيله كل اللي عرفه عن شوق حازم: شاهي تعالي... ده ياستي عم عبدالمنعم او عبدو اللي حكيتلك عنه وده في مقام والدي الله يرحمه شاهندا: اهلا ازي حضرتك يا عمو حازم حكالي كتير عنك عم عبدالمنعم مش فاهم مين دي اصلا ويبص لحازم باستغراب حازم: هفهمك حاضر... دي يا سيدي دكتوره شاهندا والنهارده حفله خطوبتي عليها عبدالمنعم معرفش يرد او ينطق او حتي يبارك بس مصدوم حازم: ايه مالك؟؟ مفيش مبروك حتي؟؟ عبدالمنعم: لا لا... مبروك طبعا.. مبروك يا بنتي.. مبروك يا حازم حازم استغرب موقفه بس عدي الموقف عادي وجه ابوها بيسأل حازم امتي هيلبسوا الدبل حازم حط ايده علي جيبه بس اتفاجئ ان الخاتم مفيش.. دور في جيوبه كلها كلها بس مفيش وافتكر رهف وهيا مسكاه وافتكر انه محطوش تاني في جيبه.. فضل يبص حواليه يدور علي علي علشان يلحقه او يروح بسرعه يجيبله الخاتم شاهندا: في ايه مالك؟ في حاجه؟ حازم: لا ما تشغليش بالك انتي اخيرا حازم لمح علي جاي ناحيته فراحله بسرعه حازم بنرفزه : انت فين هاه؟؟ المفروض تكون قريب جنبي فاهم ولا لأ؟ علي بضيق: المفروض اسف... افندم حازم مستغرب من نبره علي معاه: الخاتم انا نس قبل ما يكمل جملته كان علي حط العلبه في ايده وحازم مستغرب ازاي وصل لعلي اصلا وبيبصله علي: اللي انت نسيته عندها جابته بعد اذنك انسحب علي من قدامه ووقف بعيد بس في متناول حازم... شوق اول ما شافت العلبه اخدتها شوق: انا هنزل اديهوله بسرعه وارجع هتخافي تفضلي لوحدك؟؟؟ رهف: لا يا مامي روحي بس ما تتأخريش شوق: ماشي حبيبتي نزلت جري ووقفت دقيقتين بس فعلا مفيش اي تاكسي بيعدي هنا!!! فاخدت قرارها.. الفندق قريب ولو جريت هتوصل في اقل من عشر دقايق وفعلا اخدت الطريق جري لحد ما وصلت للفندق وهناك معرفتش تعمل ايه؟ او ازاي توصله لحازم؟؟؟ اخيرا طلبت من بتوع الامن ينادوا علي لانه بتفكيرها مدير الفندق وقالتلهم يقولوله ان شوق عيزاه ضروري وطبعا اول ما علي سمع الاسم نزل يجري لانه خاف انها تعمل اي شوشره في حفله حازم علي: افندم خير؟ شوق: خير.. النهارده في حفله للبشمهندس حازم صح؟ لو سمحت قاطعها علي: انا اسف مش هقدر ادخلك دي حفله خاصه شوق: لا لا انت فهمتني غلط انا مش عايزه ادخل علي: امال انتي جابه ليه؟ عايزه تبوظيله الحفله صح؟ شوق مستغربه هجوم علي عليها: لا ابدا... انت ليه بتقول كده؟ علي: امال جايه ليه خطوبته؟؟؟ شوق: علشان اديله ده... لو سمحت وصلهوله حطت العلبه في ايد علي ومشيت ودموعها سبقاها وعلي مش فاهم اي حاجه نهائي... فتح العلبه لقي خاتم الخطوبه وبص لشوق اللي ماشيه ودموعها سبقاها واستغبي هجومه عليها واستغبي نفسه واستغبي حازم اكتر... مش قادر يصدق ان دي انسانه ممكن تكون خاينه ابدا... طيب ليه حازم بيظلمها كده؟ وشاهندا كمان انسانه كويسه جدا... علي في اللحظه دي كان نفسه يضرب حازم لانه واقع بين اتنين احسن من بعض والمشكله انه بيظلمهم الاتنين وقبلهم بيظلم نفسه جامد.... حازم في ايده الخاتم ومش مستوعب او مش عايز يفكر ازاي شوق جابت الخاتم؟؟ اخيرا لبسوا الخواتم ورقص معاها وكان الفرح باين عليه وشاهندا في حضنه وعبدالمنعم بيراقبه ومش عارف يقوله ولا لأ؟ حازم اخد شاهندا واختفوا من الحفله وعبدالمنعم انتهزها فرصه يدور علي حازم ويستفرد بيه!!! عبدالمنعم: علي.. علي.. علي: افندم يا عم عبدو عبدالمنعم: ما تعرفش حازم فين؟ علي: اعتقد في مكتبه بيريح شويه وهينزل عبدالمنعم: طيب كويس كنت عايزو في موضوع مهم علي: طيب اطلعله تحب اوصلك؟ عبد المنعم: لا متشكر يا ابني انا عارف الطريق كويس طلع المكتب وكان الباب مفتوح مش مقفول وهناك شافهم مع بعض.. حازم كان قالع قميصه وراقد علي الكنبه علي رجلين شاهندا وهيا بتدلك في ظهره وصوت ضحكهم واصل لبره شاهندا: علي فكره انت بتستغل الظروف حازم: انا؟ انا غلبان؟؟ طيب والله فعلا تعبان شاهندا: انا مصدقه انك تعبان بس انت بتستغل تعبك ده وبتدلع حازم اتعدل وبصلها وعنيهم اتقابلوا: وان مكنتش هتدلع معاكي انتي هتدلع مع مين؟ هاه؟ شاهندا سكتت بس قربوا قوي من بعض وهبا بصت للارض بس هو رفعلها وشها تبصله تاني ويدوب لمس شفايفها برقه عبدالمنعم: احم احم الاتنين بعدوا بسرعه عن بعض وشاهندا جت توقف بس حازم مسك ايدها وخلاها قاعده جنبه حازم: اتفضل يا عبدو انت مش غريب ادخل عبدالمنعم: يعني لو انا هضايقكم حازم: يا راجل ادخل تعال... دخل عبدالمنعم محرج وشاهندا وقفت وحازم بصلها شاهندا: هغسل ايدي من المرهم ثواني ورجعالك سابتهم ودخلت وهو وقف يلبس قميصه عبدالمنعم: يعني يدوب اتخطبتوا واديك اهو!! عمري ما تخيلت انك ممكن ترتبط بواحده من الوسط ده!! حازم باستغراب: قصدك ايه؟ ووسط ايه؟؟ عبدالمنعم: الوسط الغني حازم: افندم؟؟ ومالهم اللي في الوسط الغني؟؟ ايه اعتراضك عليهم؟؟ وبعدين ما انا منهم عبدالمنعم: انت كنت غير حازم: كنت؟؟ ودلوقتي؟؟ وبعدين برضه مالهم الوسط ده؟ عبدالمنعم: عادي بقي حازم: لا وضح ايه اعتراضك علي شاهندا؟ رأيك يهمني جدا عبدالمنعم: ما انا قلتلك من الوسط الغني حازم: وانا مش فاهم تقصد ايه؟ ومن امتي الغني عيب؟؟ عبدالمنعم: الغني مش عيب ابدا بس الوسط ده ماعندهمش خطوط حمرا وعندهم استعداد لكتير وعادي بقي حازم: برضه مش فاهم ايه اعتراضك؟؟ عبدالمنعم: اقولك ايه؟ يعني انت اهو يدوب لبستها دبله واهي معاك لوحدكم في مكتبك وانت عريان والله اعلم قاطعه حازم: لا انت فهمت غلط وغلط جدا كمان شاهندا مش كده خالص هنا خرجت شاهندا وحست ان في توتر في الجو شاهندا: في ايه مالكم؟؟ في حاجه حبيبي؟ حازم: لا يا قمر.. بقولك اسبقيني انتي وانا شويه بس مفعول المرهم يشتغل وهحصلك وبالمره نتكلم انا وعم عبدو شويه شاهندا: اوكي حبيبي بعد اذنكم سابتهم وخرجت وسط حاله صمت غريبه من الاتنين حازم: شاهندا مش زي البنات اللي في دماغك نهائي عبدالمنعم: اللحظه اللي انا دخلت فيها مكنتش بتصلي فيها ولا ايه؟ حازم: لا مكنتش بصلي بس مش لمجرد اني كنت هبوسها انها تكون مش محترمه!!! احنا نعرف بعض من فتره طويله وعدينا باحداث كتير مع بعض.. علاقتنا مش عابره وبعدين احنا اتخطبنا عبدالمنعم: اتخطبتوا؟؟ وهل ده يديك حقوق عليها؟؟ الظاهر ان الغلط عندك انت مش عندهم هما حازم: تقصد ايه بقي؟؟ وغلط ايه اللي عندي؟؟ عبدالمنعم: قبلها كانت شوق بس اديك رميتها وقفلت صفحتها وشوفت غيرها ودلوقتي بقت شاهندا والله اعلم بكره مين؟؟؟ عبدالمنعم كان بيتكلم بهجوم جامد علي حازم اللي مستغرب موقفه تماما ومش مصدق كلامه!! ده اكتر واحد شافه اتعذب قد ايه؟ دلوقتي بيهاجمه؟؟ حازم: نعم؟؟؟ انت جاي دلوقتي تكلمني انا عن شوق؟؟؟ شوق؟؟ شوق اللي قبضت تمن حبها وجريت علي راجل تاني؟؟ شوق اللي رجعتني مشلول تاني بعد ما قدرت اقف؟؟ شوق اللي حنتلها ورجعتلها كانت شايله عيل من راجل تاني؟؟؟ سبع سنين وانا بتعذب بذكرياتها جاي انت يوم خطوبتي تفكرني بيها وتلومني؟؟؟؟ ده انت اكتر واحد عارف انا اتعذبت قد ايه وحبتها قد ايه واتوجعت قد ايه؟؟؟ جاي النهارده تلومني اني اخيرا قدرت اقف علي رجليا وبدأت اعيش زي باقي البشر؟؟؟ انت ازاي قدرت تقول كده؟ عبدالمنعم: مش يمكن تكون مظلومه؟؟؟ حازم: مش هرد عليك؟؟ مظلومه ولا مش مظلومه شوق صفحه واتقفلت ومش هفتحها تاني لاي سبب... وشاهندا انسانه محترمه وكويسه وبتحبني ومستعده تقف جنبي مهما تكون ظروفي ومش هتخلي عنها... اتمني كده تكون الصوره وضحت!! مش عايز اسمع اسم شوق تاني لو سمحت بعد اذنك عبدالمنعم: حازم استني حازم: لا ياعبد المنعم مش هستني اسمع منك تاني... وعلشان ضميرك يستريح اني ما ظلمتش شوق... انا قابلتها وساعدتها وانتشلتها من الفقر اللي كانت فيه وعوضتها عن كل يوم اتعذبت فيه... وحاليا هيا عايشه معززه مكرمه وكل طلباتها مجابه هيا وبنتها.. وبنتها دخلتها احسن مدارس وعايشه احسن عيشه وده كله لان في يوم امها عطتني امل ايوه هيا دمرته بس حتي دمارها عطاني القوه اللي اقدر اكمل بيها... شوق مش عايز اسمع اسمها تاني منك عبدالمنعم: يعني انت قابلت شوق بعد ما رجعت من السفر؟؟ حازم: امال انا بقولك ايه؟ ايوه قابلتها وساعدتها عبدالمنعم: ومقالتلكش حاجه؟ حازم: هتقول ايه؟ انا مكنتش متخيل منك انت بالذات كده... انا كنت عايزك تشاركني فرحتي زي ما شاركتني وجعي بس متخيلتش ابدا انك انت بالذات هتستكتر عليا الفرح ده عبدالمنعم قرب منه ومسكه من اكتافه عبدالمنعم: اوعي تقول كده.. انا بحبك زي ابني واكتر وانت عارف ده كويس.. انا بس خفت تكون بتحاول تداري جرح بجرح مش اكتر لكن لو فرحتك وسعادتك مع شاهندا يبقي ربنا يسعدك... انا خايف بس تندم حازم: ما تخافش عليا... علشان كده انا قابلت شوق الاول علشان اشوف اذا كنت تخطتها ولا بمجرد نظره هحن!! فهمت بقي؟؟ انا عايز اعيش مع شاهندا وبس عبدالمنعم: يبقي ربنا يسعدك حضنه وباركله ونزلوا مع بعض حازم: ومن باب العلم بالشيئ انا كنت تعبان ومش قادر اتحرك وعلشان كده انسحبت من الحفله علشان اقدر اخد ادويتي وشاهندا حصلتني وساعدتني بالمرهم لان المرهم ده اختراعها هيا عملاه زي تركيبه فيها نسبه مخدر عاليه فبتساعدني اكمل.. فهمت؟؟ مكناش بنعمل اللي في دماغك عبدالمنعم: ماشي ماشي... بس بذمتك مكنتش هتبوسها لما دخلت؟؟ حازم بصله: ولما انت شوفتني هبوسها بتدخل ليه؟ هاه؟؟ يا هادم اللذات عبدالمنعم: انا هادم اللذات؟؟ حازم: فوق ما تتخيل حازم سابه وراح لشاهي ووقف معاها وسهروا سهره رائعه شاهندا: في حاجه؟ حسيت بتوتر بينكم حازم: لا بس عم عبدو بيقلق كتير وكان يتأكد من قراري شاهندا بدلع: واتأكد؟؟ حازم: تحبي اجيبهولك يبصملك بالعشره؟؟ شاهندا: لا وعلي ايه بس مفيش مانع تبصملي انت ضحكوا الاتنين واخدها يرقصوا مع بعض علي انغام الموسيقي الرائعه... حازم في قمه سعادته ومبسوط وبيرقص بس في حد تاني بيتعذب وبيبكي من قلبه... شوق في بيتها بعد ما بنتها نامت عاشت مع ذكرياتها ودموعها وسؤال واحد جواها ليه رجعلها لما مش هيكون نصيبها؟؟؟؟ افتكرت كل ايامها اللي فاتت... افتكرت غلطتها معاه... افتكرت اكتشافها حملها.. سفره وانتظارها.. طرد امه ليها.. ابوها.. محمود ووقفته معاها... طرد ابوها ليها.. عذابها طول السنين اللي فاتت.. عذابها لما الدنيا كلها اتقفلت في وشها وضاق بيها الحال... افتكرت الايام السودا اللي عاشتها والليالي الطوال اللي مروا عليها.. افتكرت جوعها هيا وبنتها... افتكرت لحظات عدت اتمنت ولو بس لحظه راحه.. افتكرت ايام كان اقصي امانيها لقمه تسد بيها جوع بنتها.. افتكرت وافتكرت وافتكرت... بس حازم ظهر تاني في حياتها وعالجها وداوي جروحها وسندها كل ده ليه لما مش هيكمل معاها،؟؟؟بس لو تقدر تقوله انها لسه بتحبه؟؟ لو تقدر تقوله ان رهف بنته وحته منه؟؟؟ ليه لسانها بيتربط كل ما يكون معاها؟؟؟ حازم مروح وعلي سايق العربيه وصمت مسيطر علي العربيه حازم : مالك يا علي ساكت ليه طول الليل وبتبصلي بطريقه غريبه ؟؟ علي فضل ساكت شويه ومره واحده اخد فرامل جامد ووقف علي جنب ونزل من العربيه ووقف بعيد حازم فضل شويه يستناه وبعدها نزله وراح وقف جنبه وفضلوا ساكتين ومره واحده علي انفجر في حازم علي : يعني خلتني اجيبلك عنوان شوق وقولت ماشي وفضلت تخليني وراها اطردها من مكان لمكان وبعد ما كنت هسيبك وارفض لما العربيه كانت هتخبطها لمحت خوف وحب في عنيك قولت يبقي حب قديم وجرح وبتحاول تعالجه وكملت معاك وخلتني وصلتها لمرحله انها بتشحت اكل بنتها وقولت يا واد اسكت هو هيصلح كل حاجه وفعلا عوضتها وصلحت كل حاجه بس دلوقتي انت مع شاهندا والمفروض بتحبها واديك خطبتها وبتقابلها كل يوم بس برضه بتروح لشوق وتقعد معاهم وكل ده وانا ساكت واقول اهو هيقرر ..هيختار .. هيكمل مع واحده ... لكن لأ ويا برودك في يوم خطوبتك تروح لعشيقتك وتنسي سيادتك الخاتم هناك وهيا من طيبتها تجيلك جري علشان تديك الخاتم اللي هتلبسوا لخطيبتك ... انت ايه يا حازم ؟؟ شوق انسانه رائعه انسانه بكل معانيها .. بتحبك وبتعشقك بس برضه شاهندا مفيهاش اي عيب بنت مثقفه محترمه بتحبك بجد وعندها استعداد تتقبل اي ظروف وتعيش معاك تحت اي وضع ... انت بين اتنين اروع ما يكون وللاسف يا حازم احب اقولهالك في وشك حتي لو هتطردني بعدها انت كده خاين ... اللي بتعمله ده مالوش غير مسمي واحد الخيانه وبس ... شوق غلبانه وضعيفه ولهاش حد فبتستغل احتياجها ومخليها عشيقه ليك وشاهندا ليها وضعها وبالتالي علاقتك بيها في النور وخطبتها .... بس الوضع ده غلط والف غلط كمان فانت اختار يا شاهندا يا شوق انا قولت اللي عندي اتفضل اوصلك ..... من غير ولا كلمه ركبوا العربيه وسكتوا لحد ما وسلوا ونزل علي يساعد حازم بس حازم وفض حازم : متشكر هطلع لوحدي وسابه وطلع اوضته فضل كتير يفكر في كلام علي ويفكر هل اللي بيعمله خيانه ؟؟؟ وبعد تفكير وتفكير وصل لقرار وحيد هو مع شاهندا وبس اما شوق فمجرد حاله خيريه بيساعدها تاني يوم حازم صحي بدري واول حد جه في باله كانت شاهندا فاتصل بيها حازم: صباح الحب لاجمل حد في حياتي شاهندا: صباح الخير حبيبي ايه اللي مصحيك بدري كده؟ حازم: بتمني شاهندا: بتتمني ايه؟ حازم: ان امبارح كان فرحنا والنهارده اصحي تبقي في حضني شاهندا بفرحه: بجد؟ ان شاءالله قريب.. قريب حبيبي حازم: ان شاءالله يا روح قلب حبيبك عدي الوقت وهو بيكلمها وبيضحك معاها.. عبدالمنعم كان طالعله ووقف بره اوضته مستنيه يخلص كلامه قبل ما يدخله بس انتظاره طال.. مش عارف ياخد قرار... يقوله ولا لأ؟ اول مره من سبع سنين يشوفه مبسوط.. مش يمكن فعلا يكون تخطاها وحب شاهندا بجد؟؟ لو قاله يبقي كده هيجرحه من تاني لان ساعتها هيضطر يسيب شاهندا ويكمل مع شوق غصب عنه.. هيفترق تاني غصب عنه عن حبيبته!!! طيب ايه الصح؟ العقل بيقول انه لازم يعرف ان ممكن تكون بنت شوق بنته هو؟؟ لازم يعرف ان شوق سابته غصب عنها وان امه بعدتها؟؟؟ بس لو بنت شوق بنته ولو شوق لسه بتحبه ليه ماقالتلوش بنفسها لما قابلته؟؟ ليه لما راحلها وساعدها وساعد بنتها ليه مقالتلوش ان دي بنته؟؟ مش يمكن تكون مش بنته؟؟ مش يمكن تكون شوق كمان تخطته وعاشت حياتها؟؟ يبقي بكده هو بيقلب التربيزه فوق حازم وبس.. هيدمر حياته الجديده ويفتح جروح جديده.......... حازم: ااااااااايييييه... انت فين؟ بقالي ساعه بكلمك وانت مش بترد فاق عبدالمنعم علي حازم قدامه عبدالمنعم: هاه بتقول ايه؟ حازم: لا انت حالتك صعبه؟؟ انت واقف كده ليه بره؟ عبدالمنعم: علشان ما تقوليش هادم اللذات تاني قولت استني لما تخلص لذاتك حازم ابتسم: ماشي المهم عايز حاجه؟؟ انا نازل عبدالمنعم: رايح فين؟ حازم وقف ولفله وبصله باستغراب حازم: نعم؟؟ عبدالمنعم: مش اقصد.. اقصد رايح الشغل اجي معاك ولا رايح مكان خاص؟؟ كده يعني حازم: رايح الشغل بس ورايا مشوار سريع كده الاول اسبقني انت علي الشركه عبدالمنعم: مشوار ايه؟ حازم: انت بقيت حشري بطريقه فظيعه عبدالمنعم: علي فكره انا اسئلتي عاديه وطول عمري بسألهالك بس انت دلوقتي اللي مستغربها حازم: ماشي ياسيدي رايح عند شوق... رهف كانت محتاجه مساعدتي في حاجه وانا وعدتها هساعدها.. اي اسئله تانيه؟؟ عبدالمنعم: مين رهف؟؟ حازم: بنت شوق عبدالمنعم: شاهندا عارفه بعلاقتك بشوق؟؟ حازم: شاهندا تعرف حكايتي كلها مع شوق عبدالمنعم: مش ده سؤالي.. شاهندا تعرف انك بتقابل شوق دلوقتي؟؟ حازم: انت عايز ايه بالظبط؟ ؟ لا ما تعرفش وبعدين انا بساعدها وبس مفيش بينا علاقه.. يعني زي اي عمل خيري بس ده بالذات لو اتعرف هيتفهم غلط عبدالمنعم: عمل خيري وبس؟؟ حازم: اه بس... شوق كانت قدامي ولو حسيت ناحيتها باي مشاعر مكنتش هرتبط بشاهندا... اي اسئله تانيه؟ عبدالمنعم: حازم انا بس مش عايزك تندم او تاخد قرار غلط مش قصدي اتدخل والله حازم: عارف وعلشان كده بجاوبك وبمنتهي الصراحه عبدالمنعم: مش هقولك غير ربنا يسعدك مشي حازم وراح عند شوق دق بابها شوق فتحت واتفاجئت بيه علي الباب واتمنت لو من حقها ترمي نفسها في حضنه وتعيط حازم: ايه مش هتدخليني ولا ايه؟ فاقت علي صوته ففتحت الباب وشاورتله يدخل حازم: مالك؟؟ شوق: مفيش حازم: امال مستغربه ليه؟ شوق: ماتخيلتش انك هتيجي تاني حازم: اشمعني يعني؟؟ شوق: علشان خطبت وكده حازم: وايه علاقه خطوبتي بده... لو انتي متضايقه من وجودي مش هاجي؟؟ سكتت كتير ونفسها تقوله انها نفسها تحبسه هنا علي طول وما تسمحلوش يمشي ابدا من جنبها حازم: للدرجه دي!! خلاص ياستي همشي ومش هاجي تاني يدوب هيتحرك فمسكت ايده شوق: لا خليك... انت فهمت سكوتي غلط... بس انت خطبت فمش من حقي اتكلم مش اكتر فسكت حازم: ولو من حقك هتقولي ايه؟ حازم اتمني اي كلمه منها... اي كلمه تبرد حرقه السنين اللي فاتت.. اي حاجه تبرد ناره... رهف طلعت واول ما شافت حازم جريت عليه رهف: زوما حبيبي حازم: اهلا بحبيه قلبي شوق: هعملكم فطار سابتهم وانسحبت وهو قعد مع رهف اللي سيل اسئلتها ما بينتهيش ابدا شوق حست بحازم معاها في المطبخ حازم: انا جاي اشكرك علي وقفتك معايا امبارح.. لولا انتي مكنتش الخطوبه هتم شوق: طيب الحمد لله انها تمت علي خير حازم: انتي جبتي الخاتم ازاي ورجعتي ازاي؟ شوق: لما رجعت لقيته فاخدته ونزلت والفندق قريب من هنا فاخدتها جري حازم: جري؟؟ انتي مجنونه؟؟ بس الحمد لله انك مجنونه اول ما اكتشفت انه مش معايا عقلي وقف تماما عن التفكير شوق ابتسمت: طيب الحمد لله عدت علي خير.. الفطار جاهز تفطر معانا؟؟ حازم: ماشي هفطر معاكم قعدوا يفطروا في صمت ما بيقطعوش غير رهف وبس حازم: شوق ساكته ليه؟ شوق: لا عادي.. صح مش الفندق ده انا اشتغلت فيه قبل كده واعرف صاحبه حازم: تعرفي صاحبه؟؟ ومين صاحبه؟؟ شوق: اسمه علي حازم: علي ده مدير الفندق مش صاحبه شوق: امال مين صاحبه؟؟ كنت مفكراه هو حازم: الفندق بتاعي انا شوق استغربت حازم: ايه مستغربه ليه؟ شوق: لا ابدا بس اصل انا اشتغلت فتره في الفندق ده من فتره كده قبل ما تجيلنا انت حازم: وسيبتيه ليه؟ شوق: انا ما سيبتوش هو اللي طردني زي ما شغلني.. اصلا الفتره دي كانت صعبه قوي حازم: كانت صعبه ازاي؟؟ شوق سكتت كتير وكأنها بتفتكر اللي حصلها في الفتره دي واتكلمت وكأنها تايهه شوق: كانت فتره صعبه قوي... كنت بطرد من اي شغل مش فاهمه ليه؟ بس كل شغلانه اشتغلها تاني يوم اطرد منها وصلت لمرحله.... مكنتش لاقيه لقمه احطها في بوق بنتي... تخيل انت متعرفش تأكل بنتك او تسد جوعها دموعها نزلت وحازم كان عايز يضمها ويفضل يتأسفلها كتير علي اللي عمله فيها.... بص لرهف واستغرب هو ازاي قدر يجوعها في يوم من الايام وازاي قدر يبقي قاسي كده ومن امتي هو قاسي كده؟؟؟ حازم: انا اسف قوي يا شوق شوق: علي ايه؟ ده انت انتشلتنا من اللي كنا فيه... واهو بقي بيتقفل علينا باب وبناكل وبنشرب وبنلبس احلي حاجه وبنتي في احسن مدارس... مش عايزه حاجه تانيه من الدنيا سكتوا الاتنين هيا سكتت لانها افتكرت جمايله عليها قد ايه؟ وما ينفعش لما يخطب تبقي انانيه وتبوظله حياته!!! هو سكت لانه ضميره بيعذبه علي اللي عمله فيهم... هو اللي شردهم ورماهم في الشارع فطروا وهيا انسحبت تلم الفطار وسابتهم لوحدهم فحازم قام وراها تاني.. راح يحاول يلطف الجو بينهن وينهي التوتر والقلق اللي محاوطينهم حازم وقف وراها وشدها ناحيته ومسك ايدها ووقفها قصاده تماما حازم: هو انا ليه حاسس انك بتتجنبيني النهارده؟ شوق باصه للارض: بيتهيألك حازم رفعلها راسها: طيب بصيلي وانتي بتكلميني.. مالك؟ شوق: ماليش حازم: لا في انتي مش بطبيعتك النهارده في ايه؟ ايه اللي مضايقك؟ خطوبتي مضياقاكي؟ شوق لنفسها دي فرصتك احكيله يالا كل اللي حصل.. قوليله ان رهف بنته.. قوليله انك اضطريتي تتجوزي علشان الفضيحه وبس.. قوليله ان هو حب العمر كله.. شوق: حازم في حاجات كتيره انت لازم تعرفها حازم: طيب انا قدامك اهو قولي ايه الحاجات اللي لازم اعرفها.. شوق: الاول رهف... رهف تبقي رهف: زوما موبيلك بيرن كتير دخلت رهف بدوشتها وعطت الموبيل لحازم اللي ابتسملها وكانت شاهندا اللي بتتصل فبص لشوق وبص لتليفونه وعايز يقرر يكلم مين فيهم؟ حازم: لحظه هرد علي الفون هنكمل كلامنا اوكي؟ شوق ابتسمت وماردتش وهو كلم خطيبته ورجعلها حازم: بقولك يا شوق انا مضطر امشي دلوقتي وهجيلك تاني نتكلم براحتنا تمام؟ ومتشكر مره تانيه علي وقفتك معايا امبارح شوق ابتسمت له وما ردتش وهو مشي الدنيا كانت ضيقه قوي في عنيها وحاسه انها بتتجرح من تاني وهيا اصلا جروحها القديمه ما طابتش اخدت بنتها وخرجت وراحوا عند صاحبها الوحيد سميه قابلتهم بترحاب شديد لانهم بقوا اصحاب جدا وطول الوقت سميه حاسه بتأنيب ضمير لان امها كانت السبب في طرد شوق بالطريقه دي رهف لعبت مع عيالهم ملك وعمر وكلهم مبسوطين مع بعض. محمود رجع من شغله ورحب ببنت عمه محمود: اخبارك ايه؟ شوق: انا كويسه الحمد لله سميه: مش باين انك كويسه نهائي من ساعت ماجت ما نطقتش كلمتين علي بعض يا محمود شوق: ما تشغليش بالك محمود: قولتي لحازم؟؟ سميه: هو رجع من السفر؟؟ شوق: اه رجع محمود: قولتيله يا شوق؟؟ شوق: مجتش مناسبه محمود بنرفزه : يعني انتي قاعده في بيته وبيصرف عليكي وكل يوم والتاني عندك وتقولي مجتش مناسبه؟؟؟ ايه الهبل ده؟؟ امال انتي ايه مقضياها معاه تاني ولا ايه؟؟ سميه: اهدي يا محمود مش كده محمود: لا مش ههدي... انتي سبق وغلطتي معاه ومن ساعتها بتدفعي تمن الغلطه دي ومش علشان انا وقفت جنبك ابقي متقبل غلطك ده... وانتي جايه دلوقتي بتعيدي الماضي تاني ايه مستنيه تخلفي منه عيل كمان ولا ايه؟ بس لعلمك المره دي مش هتلاقي حد يتجوزك تاني شوق بتعيط : لو سمحت كفايه... احنا مش بينا العلاقه دي محمود: امال لما بيجيلك بيعمل ايه هاه؟ شوق: بيقعد مع رهف مش معايا وعلشان تتطمن اكتر هو يا سيدي بيحب وخطب وهيتجوز خلاص ارتحت؟ محمود: لا ما ارتحتش... هو لازم يعرف ان رهف بنته شوق: اه علشان يقول اني عايزه ابوظله جوازته فجايه في الوقت ده اقوله؟؟ محمود: ما تولع جوازته المهم يعرف الحقيقه شوق: لا مش بالطريقه دي محمود: خلاص طالما انتي مش هتقوليله انا هروحله وهقوله كل حاجه شوق: لا يا محمود انت مش هتكلمه اصلا... فاهم ولا لأ؟ مالكش دعوه بالموضوع ده محمود: لا ليا ونص... رهف مكتوبه باسمي لحد النهارده يبقي ليا ونص فاهمه؟ شوق: وانا اسفه يا سيدي بس انا مطلبتش منك تكتبها باسمك انت اللي اصريت ومن هنا ورايح مالكش دعوه بيا وبنتي وما تخافش مش هنزعجك تاني بمشاكلنا بعد اذنك... رهف.. رهف... يالا بينا سحبت بنتها وخرجت وسميه حاولت توقفها او تهديها بس معرفتش ومشيت شوق لبيتها سميه: في ايه يا محمود مالك؟ وليه كل ده؟ هيا ملهاش غيرك محمود: في انها متخلفه وغبيه... مستنيه ايه؟ ما بتقلوش ليه الحقيقه وتريحنا وترتاح سميه: الموضوع مش سهل تقوله ايه؟ هاي علي فكره رهف دي بنتك!! محمود: ايوه هو عارف هو عمل ايه وهو اصلا متعلق بالبنت يعني حاسس بعلاقه بينهم ولو قالتله قلبه هيعرف انها فعلا بنته لكن هيا بغبائها سيباه يحب ويخطب ويتجوز اهوه.. تبقي غبيه ومتخلفه ولا لأ؟ حازم راح شغله وهناك شاف علي اللي برضه ساكت حازم وقف جنب علي ومن غير ما يبصوا لبعض حازم : شوق حبتها وحبتها بجنون كمان بس هيا سابتني .. هيا اختارت انها تمشي واكتشفت انها كانت قابضه تمن انها تمثل الحب عليا ومثلت وقبضت ومشيت واتجوزت وخلفت وانا اتجرحت واتهنت ورجولتي اتهانت وحسيت اني عايز انتقم لرجولتي وفعلا انتقمت بس اكتشفت ان الانتقام ده معمليش اي شيء وحسيت انه مالوش لازمه ده ماضي وانتهي وظهرت شاهندا في حياتي والدنيا فتحت ايديها اخيرا ليا فحاليا انا مع شاهندا وبس اما شوق فهيا فاهمه كويسه اني بساعدها ماديا وبس ومش مخبي عنها حاجه ومش بعاملها كعشيقه لأ وشاهندا عارفه حكايتي مع شوق بس ما ينفعش اقولها اني بشوف شوق لانها مش هتفهم علاقتي بيها ايه ومش هتتقبل مساعدتي ... اعتقد كده جاوبتك علي : طيب اقطع علاقتك بشوق حازم : بحب رهف ومش عارف افسر حبي ليها بايه وبعدين انا هتكفل بيهم ... تحب ارميها في الشارع تاني ؟؟؟ علي : لا مقولتش ترميهم في الشارع ساعدهم وبس حازم : وده اللي بعمله بس بشتاق لرهف وبروح اشوفها وهناك حتي الكلام مع شوق بيبقي بحدود ... شوق عارفه حدودها كويس ومفيش خيانه في الموضوع زي ما سيادتك قولت علي : انا اسف اني اتعصبت عليك بس حازم قاطعه : انا فاهم وعلشان كده جاوبتك بس مش هسمحلك تتكلم تاني في الموضوع ده او تكلمني اصلا بالطريقه دي .. بعد اذنك عدي كام يوم وشوق في احزنها غرقانه وحازم غرقان مع خطيبته وتقريبا طول الوقت بيقضوه مع بعض بيجهزوا فيلتهم اللي هيا فيلا حازم بيفرشوها من جديد علي زوقهم في يوم الصبح بدري حازم راح لشاهندا وصحاها من النوم مع استغراب ابوها ومامتها حازم: مستغربين ليه؟ انا بس عندي مفاجأة ليها اخيرا نزلت شاهندا بابتسامه عريضه هو بيعشقها شاهندا: صباح الخير حبيبي مش عوايدك تيجيلي بدري كده؟ حازم: عندي مفاجأة ليكي يالا بينا؟ شاهندا: يالا ساميه: هوا احنا الاتنين صح؟ مش شايفينا؟ حازم: لا يا ست الكل انتو الخير والبركه... طيب ايه رأيكم تيجوا معانا تشوفوا المفاجأه؟؟ هتعجبكم قوي يالا كلنا مكرم: وايه هيا بقي؟ حازم: ولو قولتلها هتبقي مفاجأة ازاي؟؟ يالا بس كلنا ساميه: وتدعي علينا في سرك ان احنا طابقين علي نفسك صح؟ حازم: لا لا ابدا والله... لا بالعكس انتو هتنورونا وبعدين اصلا غلطي من الاول لان المفاجأه هتبسطكم انتو كمان يالا بقي كلنا شاهندا: يالا يا بابا يالا يا ماما يالا اخدهم حازم وركبوا عربيته وساق هو وفي عنين مرقباه ومراقبه كل حركه بيعملها... ياتري ايه مفاجأة حازم؟؟ مين اللي مراقب حازم ومراقب كل خطواته؟؟ شوق هتقول لحازم الحقيقه ولا محمود اللي هيقوله؟؟ توقعاتكم انتو ShiMoOo | ||||||||||
|
| |
|
11-05-19, 12:36 AM
| #13 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه ال 12 حازم اخد خطيبته واهلها وراحوا يشوفوا مفاجئته وكانت في عنين مراقبه حازم.. مراقبه خطواته.. حركاته حتي انفاسه تقريبا بتعدها والعنين دي كانت عنين ساميه ام شاهندا ساميه: هو انت عادي تسوق يا حازم؟ حازم باستغراب: اه عادي ليه؟ ساميه: مش بتقولوا انك تعبان ومش بتقدر حتي تسوق حازم: لا مش للدرجه دي ما تقلقيش ساميه: يعني انت مش بتتعب؟؟ شاهندا: ساعات يا ماما مش كتير... وبعدين مش وقته اسئلتك دي حازم: لا عادي يا شاهي بتطمن مش اكتر مكرم: ربنا يسعدكم يا ابني.. عندك اسئله تانيه يا ساميه؟؟ ساميه: انتو بتهاجموني ليه؟ كل ده علشان بطمن علي خطيب بنتي؟؟ حازم: لا يا ست الكل محدش بيهاجمك براحتك انتي شاهي؟ شاهندا: ايه حبيبي؟ حازم: افتحي تابلوه العربيه... ايوه... هاتي غطي العنين ده شاهندا: ايه عايزو ليه؟ هتنام ولا ايه؟ حازم: لا يا قمر ده ليكي البسيه شاهندا: ايوه بس انا مش هنام دلوقتي حازم: انا عارف انك مش هتنامي ايه الفصيحه دي ركن علي جنب ولبسها الغطا علي عنيها وسط اعتراضها حازم: دقيقه بس اوك... علشان بس اعرف افاجئك شاهندا: ماشي براحتك حازم: عمي مش عايزكم انتو بقي تتكلموا ماشي؟ مكرم: مش هنتكلم بس انا تقريبا عرفتها المفاجأه شاهندا: ايه هيا يا بابا؟؟ مكرم: خطيبك هيوريهالك دلوقتي صبرا وصلوا ونزلوا من العربيه وحازم ماسك شاهندا ووقف وراها وشد الغطا من علي عنيها شاهندا بصت حواليها واول ما لمحت المفاجأه صرخت وفضلت تتنطط كتير وحماسها وفرحتها معديه للكل شاهندا: اخيرا خلصت؟؟ حازم: خلصت اهي بس يارب تعجبك شاهندا: تعجبني؟ انت بتهرج؟ دي احلي من اللي كان في خيالي... دي احلي صيدليه في الشرق الاوسط كله حازم: الشرق الاوسط مره واحده؟ مش للدرجه دي شاهندا: بجد يا حازم انت كأنك دخلت جوا دماغي حازم: ماهو انا فعلا دخلت جوه دماغك... امال انا كنت بسألك كتير ليه واسمعك اكتر ليه؟ هاه؟ مكرم: رائعه يا حازم... انت مصمم رائع حازم: متشكر يا عمي.... يالا انتي بقي مطلوب منك تفرشيها ادويه وتشوفيلها اصطف محترم يشتغل فيها وانطلقي.. شاهندا: متشكره قوي حبيبي متشكره متشكره لحد بكره حازم: علي فكره مش دي بس المفاجأه شاهندا: ايه بقي تاني قولي قول قول قول حازم: طيب اصبري عليا تعالي اخدها عند الباب وخرجوا وباباها ومامتها وراهم شاهندا: احنا خرجنا ليه؟ حازم: هتعرفي شايفه المبني ده كله؟ شاهندا: اه مبني اللي فوق الصيدليه ماله؟ حازم: عارفه هيبقي ايه؟ شاهندا: اعتقد فندق حازم: كان هيبقي فندق بس حاليا لأ شاهندا بصتله: امال هيبقي ايه؟ حازم: هيبقي مستشفي خاص من اكبر المستشفيات في القاهره كلها شاهندا: مين قالك؟ حازم: ايه مين قالي دي؟ ؟ مكرم: بجد يا حازم؟ طيب ازاي؟ حازم: عميل عندي في الشركه عايز مكان كويس لمستشفي ضخم والمبني ده لسه ما اتحددش وصاحبه مش عارف يكمله فاشتريته منه ورشحته للعميل وعجبه جدا وفوالا اكبر مستشفي وتحتها اكبر صيدليه يالا بقي ورينا شطارتك يا قمر... مالكيش اي حجج شاهندا لسانها مربوط ومش عارفه تقول ايه؟ رمت نفسها في حضن حازم: انا بحبك قوي قوي فوق ما تتخيل حازم اتحرج من ابوها وامها وانهم في الشارع فشدها ودخلوا كلهم الصيدليه حازم: علي فكره انا ليا كومشن في الموضوع ده مش عاملهولك لله في لله كده؟ شاهندا ابتسمت ويدوب هتتكلم بس ابوها سبقها مكرم: حدد عمولتك ايه وانا جاهز... اللي انت عملته ده ما يتقدرش اصلا.. فالنسبه اللي تحددها انا موافق عليها حازم باستغراب ان ابوها اصلا اتدخل او سامعهم حازم: علي فكره انا كلامي مع شاهندا مش مع حضرتك ساميه: الشغل مع مكرم مش مع شاهندا... انت عايز عموله قد ايه؟ حازم: اولا الشغل ده هيبقي بتاع شاهندا وده مجالها هيا مش مجال ابوها... ثانيا العموله اللي بتكلم عليها بيني وبينها ساميه: مفيش حاجه اسمها بينك وبينها... ولا انت فاكر انك هتتجوزها وتبقي تحت طوعك وعلشان كده عملت المستشفي دي علشان تضمن المكسب؟؟ شاهندا: ماما!! ايه اللي بتقوليه ده؟؟ حازم: لا استني انتي يا شاهندا.... اولا علشان بس تبقي الامور واضحه انا لو عايز اشتري المستشفي دي كلها هشتريها مش بس الصيدليه... ثانيا مش انا اللي هبص لمكسب مراتي ابدا... ثالثا بقي انا لو اتكلمت عن عمولتي كنت بتكلم عن حاجات معنويه بيني وبينها مش ماديه ابدا مكرم: حازم معلش اهدي ساميه التعبير خانها مش اكتر هيا ما تقصدش المعني اللي وصلك حازم: تقصد او ما تقصدش انا بس حبيت اوضح الامور كلها ساميه: انت ليه اخدت الموضوع علي اعصابك كده انا مش اقصد حازم: انتي بتتهميني اني حاطط عيني علي فلوس مراتي او مستني منها مكسب ومش عايزاني اخد الموضوع علي اعصابي!؟ طيب ازاي؟؟ ساميه ببرود : اسفه حبيبي مش اقصد كده ابدا بس انا كنت خايفه عليك انت لاحسن حبك لشاهي يضيع حقك فاقصد ان البزنس يبقي مع باباها بحيث تاخد تعبك بس زي ما مكرم قال التعبير خاني حازم: امم حصل خير يا حماتي وبعدين دي كانت هديه لشاهي مش اكتر وتعبي راح بابتسامه منها شاهندا: ربنا يخليك ليا حبيبي المهم انا جعانه حاليا هتأكلوني ولا ايه؟ حازم: طبعا انتي تشاوري بس علي المكان اللي يعجبك راحوا كلهم اكلوا مع بعض وطول الوقت حازم حاسس انه محطوط تحت الميكرسكوب وان حماته بتراقبه وبتراقب حتي انفاسه حازم بهمس لشاهندا : هيا مامتك مالها النهارده بتراقبني قوي كده ليه؟؟ شاهندا: لا عادي بس يمكن تكون معجبه ولا حاجه ضحكوا الاتنين بس برضه حازم مش مستريح ابدا وشويه و مكرم انسحب لان عنده شغل وسابهم التلاته مع بعض راحو يشتروا باقي عفشهم لفرش الفيلا وطول الوقت ساميه بتختار حاجات تتطلب مشي او وقوف كتير وحازم بدأ يتعب وحاسس ان ده اللي حماته مستنياه خلصوا كذا حاجه حازم: شاهي كفايه كده النهارده ايه رأيك؟ شاهندا: اه كفايه انا اصلا ورايا مشوار مهم مع اصحابي علشان نشوف اخر صيحات الموضه في اللبس والميكب ومواعداهم اخرج معاهم ممكن توصلني النادي؟؟ حازم: اه طبعا يا قمر ساميه: وانا لو مش هتعبك وصلني الشركه عند مكرم حازم: طبعا يا حماتي حازم وصل شاهندا الاول لانها ااقرب وبعدها وصل ساميه واول ما وصلوا الشركه ساميه: انا اسفه يا حازم بس مكرم كلمني وقالي انه في الفندق عندك ممكن توديني هناك؟؟ حازم كان بدأ يجيب اخره تماما وشويه وهيغمي عليه من التعب وباين علي ملامحه التعب الشديد حازم: وماله حاضر يا حماتي.... وهما في الطريق ساميه وقفته تنزل تشتري حاجه بسرعه ضروريه من الصيدليه وحازم استناها في العربيه واتحجج ان مفيش ركنه واول ما نزلت اتصل بعلي وكلمه حازم: علي استناني علي باب الفندق واول ما اوصل اخترع اي مصيبه بس تاخدني من حماتي انت فاهم؟ علي: للدرجه طابقه علي نفسك؟؟ حازم: علي انا مش بهزر انا هيغمي عليا واعتقد انها مستنياني انهار قدامها فهمت ولا لسه؟ علي: حاضر حاضر يا حازم انا اهو هنزل قدام الفندق ما تقلقش قفل حازم وحماته رجعت العربيه وحازم اتحرك ناحيه الفندق واخيرا وصلوا وشاف علي فعلا مستنيه ساميه: هو علي متعود يستناك قدام الباب كده؟؟ حازم: لأ الا اذا كان في حاجه مهمه تستدعي ده ساميه: اسفه لو اخرتك نزلوا الاتنين ويدوب حازم اعتذر من حماته ومشي خطوه الا انها نادت عليه تاني ساميه: استني يا حازم حازم وقف وبص لعلي اللي قرب عليهم علي: اخيرا وصلت في مشكله فوق ولازم تكون موجود حازم: حاضر لحظه.. افندم يا حماتي ساميه: انت عامل ايه دلوقتي؟؟ ويا تري بعد يوم عادي جدا زي ده هترجع بيتك ازاي؟؟ حازم: انا كويس ومش فاهم انتي تقصدي ايه؟؟ ساميه: لا انت فاهمني كويس قوي يا حازم... انت التعب باين علي كل ملامحك وبتكابر فسؤالي بقي يوم زي ده لما ترجع بيتك هيكون عندك اي طاقه لمراتك؟؟ هتقدر تخرجها لو حبت تخرج؟؟ هتقدر تقوم باي واجب من واجباتك الزوجيه؟؟ ولا انت كده خلاص يومك انتهي؟؟ يا تخرج بالنهار وتطلع شغلك يا تقعد في البيت وتشوف مراتك؟؟ مش ده هيكون نظامك؟؟ حازم: برضه عايزه توصلي لايه؟؟ شاهندا عارفه حالتي الصحيه كويس ساميه: شاهندا بتحبك والحب اعمي بس للاسف حاله العمي دي بتختفي بعد اول شهر جواز واعتقد في حالتك دي مش هتكمل اسبوع وهتكون اتحسبت عليها جوازه والسلام.... حازم: اعتقد ان ده شيئ يخصنا انا وهيا ساميه: دي بنتي اللي انت بتتكلم عنها دي... ولا ده مش شيئ يخصكم ابدا... شاهندا كبيره قوي عليك... ما تختار بنت علي قدك ترضي بقليلها ..ليه بنتي؟؟ انا عارفه بنتي كويس وعارفه طموحها واحلامها وبقولك اهو انت بحالتك دي مش هتقدر تجاريها!!!! مش هتقدر تسعدها... مش هتقدر تكون ند ليها... حازم: مين قالك هاه؟؟ حكمتي عليا بناءا علي ايه؟؟ تعرفي عني ايه انتي؟؟ ساميه: اعرف انك مش هتقدر تقف علي رجلك خمس دقايق كمان وهتقع من طولك قدامي وهتحتاج حد يشيلك ويحطك في سريرك والمفروض ان الحد ده يكون مراتك صح؟؟ دي الحياه اللي بتقدمهالها؟؟؟ اوقف قدامي خمس دقايق كمان... هتقدر؟؟ حازم: انا مش مضطر اثبتلك اي حاجه!!!! بس هقف قدامك الخمس دقايق اللي انتي عيزاهم وقف حازم قدامها ودعاء صامت جواه ان رجليه ما تخذلوش زي كل مره... كل مره كانت بتتخلي عنه... يوم فرح شوق... يوم ولادتها لما شافها راجعه بالبيبي..يوم خناقته مع شاهندا وحب يقوم وراها.... يوم خطوبته هو واحتاج شوق تلبسه حتي هدومه... فيارب مش قدام حماته كمان.... يارب وقفني علي رجليا بس قدامها حتي يارب..... يارب اوقف جنبي يارب... رجليه بتترعش وهيوقع خلاص.. مش حاسس بيها نهائي وهينهار ساميه: ماشي يا حازم بس خليك عارف مش انت الراجل اللي حلمت بيه لبنتي.. انت اه كويس بس مش لبنتي وهقولهالك لاخر مره انت غني وعندك ملايين كتير واي واحده هترضي بيك مش لازم بنتي.. بعد اذنك اخيرا مشيت وهو واقف وعلي جنبه مش عارف ينطق لحد ما اختفت من قدامهم هنا حازم انهار ورجليه ماعدتش شيلاه وقبل ما يوصل الارض كان علي سانده وحازم اتعلق فيه حازم: روحني بسرعه ركبوا العربيه واتحرك بيه حاول يتكلم بس ملقيش اي حاجه ممكن يقولها حازم: وديني عند شوق علي: هروحك البيت احسن حازم: مش هعيد كلامي تاني روحني عند شوق ومش عايز مخلوق يعرف انا فين مهما كان علي: وشاهندا اكيد هتسأل عليك؟ حازم: اعتقد ان كلامي واضح ولا انت بتحب تتعبني وخلاص؟؟ علي لو سمحت علي: حاضر يا حازم حاضر وصلوا عند شوق وسنده لحد فوق ورن الجرس وشوق فتحت واتفاجئت بالمنظر بس من غير اي كلام فتحت الباب شوق: تعال جوه ساعدت علي لحد ما حطت حازم في السرير من غير اي اسئله نهائي.. علي واقف مش عارف يعمل ايه او يتصرف ازاي؟؟ رهف: حازم انت تعبان؟؟ حازم: شويه بس ما تخافيش اوكي... شويه وهبقي كويس رهف: ينفع اقعد جنبك؟؟ شوق: هنسيبه يرتاح شويه وبعدها اقعدي معاه براحتك شوق سحبت بنتها وخرجت وسابتهم علي: محتاج حاجه مني قبل ما امشي؟ حازم: معاك تليفون شوق او لو مش معاك خده منها ولو في حاجه ضروري كلمني لاني هقفل تليفوني علي: ووالدتك؟؟ حازم: ههه والدتي؟؟ مش هتسأل ولو سألت قولها انا سافرت يومين في اي مكان علي: وعبدالمنعم؟؟ اكيد هيسأل؟ حازم: عبدالمنعم سافر علي العزبه معجبوش الجو هنا.. هاتلي انت بس ادويتي كلها واتفضل يالا علي سابه وخرج وشويه وشوق دخلتله وقعدت جنبه حازم: عايزه ايه يا شوق؟ شوق: اطمن عليك بس... محتاج حاجه؟؟ او جعان؟؟ اي حاجه؟؟ حازم: لا متشكر بس لما علي يبعت ادويتي هاتيها شوق: انت تعبان؟؟ حازم: تعبان؟؟ تعبان دي كلمه قليله قوي علي اللي انا حاسس بيه؟؟ انا تعبان من الدنيا كلها يا شوق شوق: طيب ارتاح ما تفكرش في اي حاجه وارتاح جرس الباب ضرب فقامت شوق تفتح وكانت دي ادويه حازم مع علي عطاهالها ومشي وهيا دخلت لحازم عطته ادويته وحطتله المرهم المسكن اللي بيريحه شوق: عايز حاجه تانيه؟ حاول تنام شويه حازم: ينفع تنوميني زي العيل الصغير؟؟ ينفع تاخديني في حضنك زي ما بتاخدي رهف في حضنك وتنوميها؟؟ شوق ما ردتش بس قربت منه ونامت جنبه واخدته في حضنها زي ما بتعمل مع بنتها بالظبط... ضمته وفضلت ساكته ايوه في حرب جواها بس حاليا عاطفتها اقوي من اي حاجه تانيه... احتياجه ليها اهم من اي اعتبارات تانيه... بس صوت واحد جواها بكره هيرميكي تاني ويروح لخطيبته!!!! مش مهم المهم حاليا انه محتاجني وانا هفضل جنبه ويمكن تكون دي فرصتها..... حازم نام لتاني يوم الصبح وصحي للحظه مش عارف هو فين وايه المكان ده؟؟ بس اول ما سمع صوت رهف وضحكها ابتسم وقام وخرجلهم رهف: زوما انت نمت عندنا؟؟ حازم: عندك مانع زئرده هانم!؟ رهف: لأ انا نفسي اصلا تفضل معانا علي طول حازم: ماشي يا ستي.،. هتروحي مدرستك؟؟ رهف: ايوه هنزل اهوه وارجع هتلعب معايا اتفقنا؟؟ حازم: اتفقنا مشيت رهف وسابتهم الاتنين في صمت محدش عارف يقطعه شوق: ايه رأيك نفطر اكيد جعان؟؟ حازم: ميت مش جعان شوق: طيب تعال نفطر مع بعض.. شدته ودخلت المطبخ وهو قعد علي التربيزه الصغيره وهيا بتجهز الفطار وبتعمل حاجات هو بيحبها شوق: نفطر هنا ولا اطلع علي الصفره بره؟؟ حازم: لا هنا كويس.. الجو دافي هنا قعدوا يفطروا مع بعض.. حازم تفكيره كله في شاهندا وبيسأل نفسه ياتري حالتها ايه دلوقتي،؟؟ _ليه بتفكر فيها فكر في اللي قدامك اللي بتتمنالك الرضا اهي؟؟ +لا ما انت سبق وحبيتها وكانت بس عايزه فلوسك ايه اللي اتغير؟ ولا حاجه هيا بس محتاجه راجل يصرف عليها وعلي بنتها وانت بتأمنلها ده اوعي تفهم الامور غلط علشان بس ما تتوجعش تاني _وايه يعني هاه!! ماهيا دي توبك علي رأي حماتك واحده تقدر تعوض عجزك معاها بمادياتك.. هيا شوق اخرك.. هتديها فلوس وهترضي ومش هتطلب منك فوق طاقتك + لا شاهندا بتحبك وانت عارف كده كويس ومستعده تعيش معاك تحت اي ظروف وبعدين ما يمكن تتحسن _ ايه تتحسن؟؟ انت بتضحك علي نفسك صح؟؟ كام سنه بتتعالج؟؟ كله الا تضحك علي نفسك بالطريقه دي... شوق لايقه عليك قوي مش شاهندا... انسي شاهي انساها تماما شوق: لو مضيقاك اسكت؟؟ حازم: ايه؟؟ بتقولي ايه؟؟ انا اصلا كنت سرحان ماسمعتكيش شوق: بقولك انت زعلان مع خطيبتك؟؟ حازم: لا مش زعلان معاها شوق: امال... يعني ليه... حازم: ليه جاي هنا؟؟ ده قصدك؟؟ الدنيا ضاقت بيا قوي وملقتش مكان غير بيتك... لو وجودي مضايقك او حاسه اني فارض نفسي عليكي قولي شوق: ايه اللي انت بتقوله ده؟؟ وبعدين في الاول وفي الاخر ده بيتك وانت اللي فاتحه حازم: وانا مش عايزك تفتحيلي البيت لمجرد ان ده بيتي او انا فاتحه... شوق: حازم.... وجودك في بيتي اقصي امل ليا... جاوبتك كده؟ حازم ابتسم وسكت بس صوره شاهندا مش مفرقاه قعدوا قدام التليفزيون بس الصمت قاتل وكأن الكلام خلص او نسيوا ازاي يتكلموا!! كل واحد غرقان في افكاره الخاصه. قطع افكارهم جرس الباب فقامت شوق تفتح ولقته علي اللي دخل لحازم وواقف مش عاجبه منظره وقعدته كده قدام التلفزيون باسترخاء .. حازم: خير؟؟ علي: انت قاعد قدام التليفزيون ولا علي بالك الناس اللي بره!! شاهندا بره مموته نفسها وانت ولا علي بالك اصلا صح؟؟ هيا مش في بالك... هيا حياله مسكن مش اكتر حازم: الحاجه اللي ما تفهمش فيها ما تتكلمش فيها وبعدين اعتقد ان ده شيئ ما يخصكش علي بصوت عالي: لا يخصني يا حازم... في مره قولتلي اني مش مجرد واحد شغال عندك واني اكتر من اخ وعلشان كده يبقي حالك يخصني حازم: طيب يخصك عايز ايه انت دلوقتي؟؟ علي: تقوم معايا وتقابل شاهندا... هيا خطيبتك وليها حقوق عليك وبتحبك وانت عارف كده كويس حرام تسيبها كده مش عارفه اي شيئ ومش فاهمه حاجه حازم: لأ غيره عايز ايه؟؟ علي: شاهندا ما تستهالش منك كده.. شاهندا بترن عليا كل خمس دقايق وهتموت عليك وهو بيتكلم تليفونه رن وبص لقاها شاهندا فبص لحازم وفتح التليفون وفتح الاسبيكر شاهندا: عرفت اي حاجه عنه يا علي؟؟؟ علي؟؟ ارجوك انا بس عايزه اطمن عليه مش اكتر؟؟ انا خايفه يكون تعبان في اي مكان ارجوك طمني عليه شاهندا بتتكلم وهيا بتعيط وشوق كانت سمعاها ودموعها نزلت هيا كمان لانها حاسه بيها وافتكرت لما حازم سافر اول مره وافتكرت خوفها وقلقها عليه كان نفسها بس لو تسمع حرف منه!!! شاهندا: علي ارجوك علي: شاهندا ما تقلقيش حازم قدامي اهو وسامعك حازم بص لعلي وكان عايز يضربه شاهندا: بجد!؟؟ حازم!! حازم حبيبي!! ارجوك بس سمعني صوتك!!! طيب في ايه مالك؟؟ يعني لو حاجه حصلت قولي نحلها مع بعض!! حازم انت وعدتني ما تسيبنيش ارجوك يا حازم... بص انت لو محتاج فتره تبعد براحتك بس طمني عليك بس... حازم حازم قام ومسك التليفون من ايد علي وقفله وحطهوله في ايده تاني حازم: انت بتحطني في امر واقع؟؟؟ طيب انا كنت محتاج فتره ابعد واهدي بس بما انك مش عاجبك الحل ده فعندي حل تاني هيعجبك خلع دبلته من ايده وحطها في ايد علي حازم: روح لعندها دلوقتي واديها دبلتها وقولها ان كل شيئ انتهي واني مش هكمل معاها علي: انت مجنون ليه كده؟ هيا ذنبها ايه ؟؟؟ قولي ذنبها ايه؟؟ مامتها زعلتك هيا ذنبها ايه؟؟ حازم: بالظبط انت جبت المفيد هيا ذنبها ايه؟؟ ذنبها ايه تعيش مع واحد زي؟؟ هاه رد!!! امها كان عندها حق في كل حرف نطقته... مغلطتش في اي كلمه ولا اتبلت عليا مثلا ولو كانت وقفت لحظه كمان كنت هقع من طولي قدامها... فذنب شاهندا ايه تكمل مع راجل زيي... راجل one operation حاجه واحده بس في اليوم يا اخرج يا اقعد في البيت.. وكمان ممكن اقعد في البيت وبرضه ابقي تعبان.. فايه اللي يجبرها تعيش مع واحد زيي؟؟ واحده مليانه طاقه وحيويه واحلام وطموح.. انت ماشفتهاش وهيا بتتكلم عن الصيدليه واحلامها وطموحها وانا مش هقدر اجاريها علي: انت بتجاريها اهو انت فتحتلها اكبر صيدليه في الشرق الاوسط باعلي مستوي حازم: بفلوسي... تصميم عملته وانا قاعد... لكن هل هقدر اساعدها في ادارتها او في فرشها او في اي حاجه تحتاج مجهود؟؟؟ لا طبعا... وبعدين شاهندا غنيه وابوها غني يعني مش محتاجه لفلوسي علي: بس بتحبك ومحتاجه لحبك ده ومتقبله وضعك حازم: علشان لسه علي البر... لكن لما تصطدم بالواقع هتفوق وعلي رأي امها هتتحسب عليها جوازه علي الفاضي علي: هيا بس اللي من حقها تقرر مش انت او امها حازم: انت ليه ما بتفهمش... انا مش هقدر استحمل ده. مش هقدر ابسط حاجه اخدها شهر عسل زي اللي بتحلم بيه... هيا عايزه تلف العالم وتروح اي جزيره وتلعب وتتنطط انا هقدر اعمل ده؟؟ اه انا ممكن احجزلها تروح لوحدها ايه رأيك بقي في شهر العسل ده!؟ ودي ابسط الامور علي: في الالاف ما بيعملوش شهر عسل وبيقضوه في بيوتهم الدنيا مش هتتهد حازم: معاك... بيعملوا ايه في بيوتهم؟؟ هاه؟؟ انا اي مجهود بيتعبني... يعني علاقتي بيها هتكون زي اتنين متجوزين مثلا بقالهم عشر سنين.. وده في شهر العسل فمابالك بعد سنه مثلا؟ وما بالك لو انا حالتي اتدهورت وبقت اسوأ؟؟ علي: برضه يا حازم مش ده الحل... وبعدين ايه يعني؟ في بنات كتير صغيره بتتجوز رجاله فوق الستين فهل دول بيبقوا زي الشباب؟؟ لا طبعا بس اهو الحياه بتستمر حازم اتصدم من علي واتجرح بس علي ما اخدش باله حازم: روح يا علي من هنا علي: لا مش هروح انت قاطعه حازم بزعيق: انت لسه مشبهني براجل فوق الستين بيتجوز عيله!!! انت عارف انا عمري قد ايه؟؟ بس معلومه بسيطه العيله اللي بتتجوز راجل فوق الستين وبتعيش معاه غالبا بتبقي طمعانه في ثروته وبتتمناله الموت النهارده قبل بكره علشان تورثه وسبق وقولتلك شاهندا غنيه... عندك اسباب تانيه او تشبيهات تانيه؟؟ علي: انا اسف يا حازم ما اقصدش بس مش انت برضه اللي تاخد القرار ده هيا بتحبك حازم: عارف انها بتحبني وعلشان كده مش هستحمل منها ان الحب ده يتحول لعبء وحمل هيا مضطره تستحمله... مش هستحمل احس بندمها او اني بقيت عاله... انا سبق وحسيت الاحساس ده ووجعني قوي وماعرفتش اتخلص منه لحد النهارده فاعذرني مش عايز احسه تاني علي: ولما انت موجوع من الاحساس الاولاني بتعمل ايه هنا؟؟ حازم: الظروف اتغيرت وبعدين شوق حاليا اللي محتاجاه انا اقدر احققهولها علي: اللي هو ايه؟؟ حازم: مستقبل كويس ليها ولبنتها... هيا محتاجه فلوس وانا عندي فلوس كتير اقدر اقدمهالها.. هيا لايقه عليا وانا لايق عليها علي: انت بتنزل من قيمتك قوي حازم: رحم الله امرئ عرف قدر نفسه... وانا عارف قدراتي ايه انت بقي مش متقبلها دي حاجه ترجعلك... انا قولت اللي عندي ومعنديش كلام تاني... اتفضل روح لشاهندا وانهي كل حاجه اتفضل سابه حازم ودخل اوضه النوم لشوق اللي سابتهم من بدري لوحدهم وقعد جنبها علي السرير من غير ولا حرف وفضلوا ساكتين لحد ما سمعوا قفلت الباب واول ما حازم سمعها غمض عنيه ورقد علي السرير حازم: ممكن تسيبيني لوحدي شويه يا شوق؟؟ شوق: حازم انا حازم: لو سمحتي خرجت وسابته وهيا مش عارفه ان كانت تفرح ولا تزعل انه ساب خطيبته؟؟ جزء منها بيقولها افرحي بس كسرته دي بتدمرها هيا... وفجأه حست انها مش هتكون مبسوطه حتي لو هو عاش معاها لان هو قلبه مكسور... الظاهر انه بيحب شاهندا قوي.... علي خرج من عند حازم وهو موجوع قوي عليه ومش عارف يعمل ايه؟ بس حازم منطقه صح جدا؟؟ لكن شاهندا برضه بتحبه ومستعده لاي حاجه معاه.... هو مقتنع تماما ان الصح انهم يتقابلوا ويتكلموا مع بعض الاول وده الصح راح لبيت شاهندا اللي اول ما شافته جربت عليه واتعلقت فيه زي الغريق وابوها وامها قاعدين شاهندا: هو فين؟ عرفني مكانه ارجوك يا علي علي: انا اسف يا شاهندا.. هو باعتلك حاجه معايا فرحت للحظه: باعت ايه؟؟ وريني بسرعه علي طلع دبلته وحطها في ايدها وهيا مش مستوعبه اصلا ليه كل ده؟؟؟ امبارح بس كانوا في قمه سعادتهم؟؟ امبارح كان بيتغزل فيها؟؟ امبارح كان حبيبها النهارده بيبعتلها دبلتها طيب ليه؟؟ امبارح كان عايز وعدها انها تفضل في حضنه النهارده هو اللي بيسيبها طيب ازاي ؟؟؟ مكرم: ايه ده؟ هو لعب عيال ولا ايه؟ ولما هو مش هيكمل كان بياخد خطوه من الاول ليه؟؟ انا كنت بحترمه وبقدره بس الظاهر انه قاطعه علي: قبل ما تغلط فيه ياريت تبقي عارف ايه ظروفه مكرم: واعرفها منين ظروفه وهو مستخبي وهربان كده هاه؟؟ علي: هو لا مستخبي ولا هربان هو بس محتاج وقت لوحده شاهندا: طيب ليه؟ قالك ايه؟ ماهو مش معقوله امبارح يبقي في حضني والنهارده يبعتلي دبلته تيجي ازاي دي؟؟ احنا حتي ما اتخانقناش علي: ليه دي تسأليها لوالدتك واعتقد هيا عارفه ليه؟؟ مكرم وشاهندا الاتنين بصولها ساميه: بتبصولي كده ليه؟ انا ماليش دعوه... انت ما ترميش بلي صاحبك عليا شاهندا: تقصد ايه يا علي؟؟ ارجوك فهمني علي: اقصد ان والدتك امبارح طول النهار بتلف بحازم علشان عيزاه ينهار قدامها كانت مستنياه يتعب ويوقع من طوله... ساميه: انت كداب علي: حضرتك بعد ما وصلك للفندق اتحديتيه قدامي يوقف خمس دقايق لانك كنتي حاسه انه تعب وانه علي اخره كنتي مستنياه يوقع... احب اقولك انك بعد ما مشيتي هو انهار ووقع فعلا زي ما قولتي واقتنع بكل حرف قولتيهوله واهو ساب بنتك لانه مش كفؤ ليها وزي ما اثبتيله انه مش هيقدر يقوم بواجباته كزوج بعد عنها وعرف انها ما تليقش بيه واقتنع انه معندوش اي شيئ يقدمه لبنتك غير فلوسه وبما انها مش محتاجه لفلوسه تبقي مش محتاجاله هو... واهو بعد من دلوقتي بدال ما تتحسب علي بنتك جوازه والسلام مش ده كلامك... هو نفذهولك بالحرف.. هو اسف جدا بس مش هيقدر يحس ان حبك ممكن يتحول لعبء وانك ترمي حبه في وشه هو سبق واتجرح ومش عايز يتجرح تاني فالخطوه دي دلوقتي اسهل من بكره والجرح اخف شاهندا: انتي ليه بتدخلي بينا؟؟؟ انا قابله ظروفه دي ساميه: انتي غبيه ومش فاهمه؟؟ كويس ان هو فاق وانسحب كويس انه عاقل.. هبدأ احترمه مكرم: انتي مالكيش حق تاخدي القرار ده نيابه عن بنتك هيا مش صغيره وتعرف هتتقبل ايه وايه لأ ساميه: دي بنتي وانا مش شيفاه لايق عليها ولا يناسبها اصلا شاهندا: انا حره دي حياتي انا وانا حره فيها... علي انا لازم اقابل حازم لازم علي: سيبيه يومين يهدي الاول ويسترد ثقته في نفسه شاهندا: لا مش هقدر اسيبه بيفكر بالطريقه دي... علي انا بحبه هو لازم يفهم ده... اللي بيحب عنده انه يقضي لحظه واحده في حضن حبيبه علي انه يعيش عمر كامل بعيد عنه ليه مفهمتوش ده... قربه مني بالدنيا وما فيها علي: والله قلتله كل ده بس حاليا هو مشوش سيبيه يرتب اموره ويهدي وانا هاخدك عنده لكن حاليا هو قافل عقله تماما علي سابهم ومشي وشاهندا اتخانقت مع امها جامد وابوها معاها في كل خطوه حازم في بيت شوق في اوضتها بيفكر في كل حرف شاهندا نطقته.. عياطها.. ترجيها لعلي... حبها اللي كان ظاهر في كل حرف بتنطقه... بس لا قراره صح... كفايه عليه شوق خرج لشوق وقعد معاها بصمت كالعاده بس وجود رهف خرجه من حالته وفضل معاها اليوم كله بيحاول يخرج صوره شاهندا وصوتها وعياطها من دماغه وبيحاول يلهي نفسه مع رهف وبس الليل جه ورهف نامت وسابت حازم لافكاره ولشوق اللي مش عارفه تعمل ايه؟ او تخفف عنه ازاي؟؟ كان قاعد جنبها وبيحاول يقنع نفسه انها هيا وبس وانها حبيبته وان شاهندا مجرد دخيله في حياته شوق: حازم.. اتكلم.. بتفكر في ايه؟ قول اي حاجه حازم: مفيش... ممكن اسألك سؤال وتجاوبيني عليه؟؟ شوق: طبعا اسأل حازم: هو انتي حبيتيني قبل كده؟؟ شوق: انت مش فاهم حاجه في حاجات كتيره لازم تفهمها حازم: مش عايز افهم حاجه انا عايز كلمه واحده بس وبامانه اه ولا لأ؟؟ بس شوق اتنهدت : اه حبيتك حازم قرب منها قوي: يبقي مش هتمانعي لو عملت كده مفهمتش بس هو فهمها بسرعه يقصد ايه لانه حط شفايفه علي شفايفها وباسها... فضلت معاه مش عارفه تعمل ايه؟ تبعد ولا تفضل في حضنه؟؟ هيا مشتقاله قوي واللحظه دي استنتها من زمان قوي بس حاليا هو مجروح واحتمال كبير تكون هيا وسيله مش اكتر.. حاجه بيحاول ينسي بيها.. هيا شيفاه اليوم كله بيفكر في خطيبته وبيتجاهلها برهف... وافتكرت محمود وهو بيقولها مستنيه تخلفي عيل كمان منه!!!! جمدت وهو حس بده فبعد عنها حازم: هو انا فارض نفسي عليكي؟؟ شوق: لا ابدا بس حازم: بس ايه؟ عايزاني امشي؟؟ شوق: هو انت ليه صعب كده؟؟ اسئلتك صعبه... لا انت مش فارض نفسك هنا وانا عيزاك تفضل ومش عيزاك تمشي ابدا ممكن بقي تبطل اسئله صعبه؟؟ حازم: حاضر هبطل... بس اخر سؤال انا ضايقتك؟ شوق: لا يا حازم ما ضايقتنيش اسكت بقي.. حازم: طيب مالك؟؟ ماهو ما ينفعش ما اسألش شوق: انت اه بتبوسني بس تفكيرك وكيانك وكلك علي بعضك مع شاهندا مش معايا وده انا حساه وشيفاه... انت بقي ليه بتكابر؟؟ حازم: .احنا اللي بينا انتهي شوق: مين قال كده؟؟ هو بالسهوله دي؟؟ مكنش حد غلب ابدا حازم: لا مش بالسهوله دي بس اهو حصل وخلاص شوق: حازم ما تظلمهاش.. انت ليه بتفكر ان علاقتها بيك ذنب؟؟ الواحد لما بيحب بجد بيكون اقصي امانيه قرب حبيبه منه تحت اي وضع واي شكل واي مسمي.. بتتمسك باي حاجه حتي لو كانت وهم شوق كانت تقصده هو بكلامها ده بس حازم فهم انها تقصد جوزها اللي بتخلصله وبتحبه ومتمسكه بيه بدليل انها مسمحتلوش يلمسها حازم: انتي شايفه كده؟ شوق: شاهندا بتحبك وده واضح قوي وواضح من صوتها وقهرتها وعياطها النهارده.. اعتقد انها مستعده تكون معاك باي شكل السؤال هنا بقي انت ليه بتبعد عنها؟؟ ما بتحبهاش كفايه مثلا!؟ بعدك عنها مالوش تفسير تاني قالت كلمتها وسابته ومشيت وهيا مستغبيه نفسها بدال ما تقنعه بحبها بتقنعه يرجع لخطيبته ده ايه كميه الغباء دي؟ ؟ حازم فضل كتير يفكر ومش عارف فعلا ياخد قرار يسيبها ولا يرجعلها؟؟ يفضل مع شوق ولا يرجع لخطيبته؟؟ حيره ملهاش اول من اخر الفجر كان علي اذان وشاهندا قاعده في اوضتها تعيط وماسكه تليفونها كل دقيقه ترن علي حازم تتأكد فتح تليفونه ولا لسه؟؟ اخيرا تليفونها رن ومصدقتش عنيها اول ما شافت اسمه شاهندا بلهفه : حازم اخيرا قاطعها: انزلي واطلعيلي بره انا قدام البوابه وشكل البواب نايم شاهندا: لحظه واحده نزلت تجري بلهفه بحب بشوق وكان نفسها تطير مش بس تجري ابوها حس بيها وراقبها بس كان متوقع بتجري ليه بس ووقف من بعيد يشوفها رايحه فين؟ شوق حست بحازم نازل وعرفت ان كلامها جه في الجون وانها اقنعته يرجع لحبيبته وابتسمت بوجع وتيقنت ان حازم خلاص مش ليها هيا مجرد ذكري او وهم او حاجه عدت وانتهت شاهندا نزلت وفتحت الباب لحازم واول ما بقي قدامها رمت نفسها في حضنه وفضلت تعيط كتير قوي... حازم ضمها قوي ليه واكتشف انه هو كمان مفتقدها جدا فوق ما كان متخيل.. اخيرا بعدها عنه شويه ومسح دموعها حازم: ممكن نتكلم؟؟ شاهندا بعياط : لا مش هتكلم.. مش هتكلم معاك ومش هسمحلك تسيبني... مش هتكلم رجعت لحضنه تاني تعيط وهو شويه وبعدها تاني حازم: طيب مش هينفع نفضل واقفين علي الباب كده ممكن ندخل حتي الجنينه!؟ وبعدين لازم نتكلم شاهندا دخلته وقعدوا علي كنبه في الجنينه ومسحت دموعها شاهندا: هاه؟ عايز تقولي اني كويسه واني ما استهالش كل ده واني استاهل واحد احسن منك والكلام الفاضي ده؟؟ حازم مسح دموعها: انتي فعلا تستاهلي واحد احسن مني بس انتي غبيه شاهندا: انا مبسوطه بغبائي حازم: خلاص وانا هستغل غبائك ده وهفضل معاكي لحد ما انتي تكتفي مني خلاص؟ شاهندا بفرحه: بجد؟؟ بجد يا حازم؟؟ حازم: بجد يا قلب حازم شاهندا: علي فكره لو انا غبيه قيراط فانت اغبي مليون قيراط لانك اعمي مش قادر تشوف وتميز حبي ليك حازم: خلاص يبقي احنا الاتنين اغبيه ولايقين لبعض ضمها جامد قوي وسند راسه علي راسها شاهندا: لو سمحت ما تسمعش من اي حد تاني.. وما تاخدش قرارات نيابه عني.. واوعي تسيبني بالشكل ده تاني حازم: حاضر شاهندا: اوعدني انك مش هتختفي تاني كده؟؟ حازم: اوعدك شاهندا: فرحنا زي ما هو بعد اسبوع؟؟ حازم: فرحنا زي ما هو بعد اسبوع شاهندا: انت ازاي مش قادر تشوف حبي ليك هاه؟؟ شاهندا قربت منه قوي وكأنها بتدعوه دعوه خفيه يطبع اسمه علي شفايفها وهو لبي الدعوه دي وتخيل انه هيفتكر شوق او ضميره هيأنبه بس الشيئ الرحيد اللي ضميره أنبه عليه هو بعده عن شاهندا من الاول وانه راح لشوق... هنا مكانه في حضن شاهندا وبس اكتشف انه في حضنها طاير وانه عايز يفضل كده علي طول وان اجمل شيئ في الدنيا هو دعوه شاهندا ليه.. شاهندا: صح؟ حازم: ايه؟ شاهندا: ايه هيا عمولتك علي الصيدليه؟؟ حازم: انتي لسه فاكره؟؟ شاهندا: اه فاكره ايه هيا ببقي؟؟ حازم: انك كل يوم تنامي في حضني حتي لو زعلانه مني وانك ما تبعديش عني وما تختفيش زي ما انا اختفيت كده واني اصحي ديما علي ابتسامتك اللي بعشقها. وانك ديما تديني فرصه تانيه.. ممكن؟؟ شاهندا: طبعا ممكن وده اقصي امل ليا... تاني يوم حازم راح لشوق يشكرها علي وقفتها معاه ويبشرها بمعاد فرحه اللي قرب وبيحكيلها بحماس عن شاهندا وتجهيزاتهم للفرح وهيا بتسمع بابتسامه مصطنعه وبوجع كبير قوي جواها واخيرا جه يوم الفرح.. اليوم الموعود... حازم صحي من نوم مليان قلق وتوتر وخوف... وحاسس انه بيخطي خطوه هو مش قدها بس سبق ووعد شاهندا انه مش هيتراجع... قام نزل وراح لشوق اللي استغربت وجوده وحست بقلقه وتوتره وخوفه... وفضلت معاه تهديه وتطمنه ان قراره صح وانه يستاهل يعيش بقي في سعاده حازم قام مشي من عندها وراح لمشوار اهم... راح لدكتوره الخاص اللي بقاله زمن ما راحلوش واول ما الدكتور شافه استغرب وجوده بس رحب بيه حازم: انا محتاج منك حاجه ضروريه جدا وطلب منه الحاجه اللي محتاجها الدكتور: اللي انت بتطلبه ده غلط جدا... من كل النواحي غلط وما انصحش بيه حازم: انا ما طلبتش رأيك الطبي الدكتور: وانا كدكتور ومطلع علي حالتك بقولك اسف قرارك ده غلط وخصوصا في يوم زي ده.. النهارده فرحك... روح اتبسط حازم: لما تنفذلي طلبي الاول والانبساط يجي بعدين الدكتور: غلط يا حازم غلط والف غلط ونكمل بكره ياتري حازم عايز ايه من الدكتور؟؟ الفرح هيتم ولا حد هيوقفه؟؟ شوق خلاص استسلمت؟؟ توقعاتكم ShiMoOo | ||||||||||
|
| |
|
11-05-19, 12:36 AM
| #14 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه ال 13 حازم: انا محتاج منك حاجه ضروريه جدا وطلب منه الحاجه اللي محتاجها الدكتور: اللي انت بتطلبه ده غلط جدا... من كل النواحي غلط وما انصحش بيه حازم: انا ما طلبتش رأيك الطبي الدكتور: وانا كدكتور ومطلع علي حالتك بقولك اسف قرارك ده غلط وخصوصا في يوم زي ده.. النهارده فرحك... روح اتبسط حازم: لما تنفذلي طلبي الاول والانبساط يجي بعدين الدكتور: غلط يا حازم غلط والف غلط حازم: ايه اللي غلط فيه؟؟ كل الرياضين لما بيتصابوا بياخدوا الحقن دي وبيكملوا الماتش بتاعهم عادي الدكتور: وبعد الماتش؟؟ متخيل انت كميه الألم اللي بيواجهوه؟؟ حازم: اديك اهوه قولت بعد الماتش المهم انهم لعبوا ماتشهم كويس والماتش بالنسبالي هو الفرح الدكتور: وبعد ما الفرح يخلص وتروح؟؟ متخيل كميه الالم اللي هتواجهها؟؟ انت اصلا تعبك بيكون جامد جدا تخيله متضاعف وفي ليله فرحك؟؟ يعني بدال ما تعيش مع مراتك هتكون في قمه الالم حازم: الالم ده شيئ انا متعود عليه وبعدين بعد ما اروح اتعب او ما اتعبش مش مهم المهم الفرح يعدي الدكتور: ايه المنطق الغريب ده؟؟ معظم الرجاله بيهتموا بليله الدخله وانت بتهتم بالفرح طيب ليه؟ حازم: لان الفرح ده بيكون مره في العمر وبس ما بتتعوضش سواء ليا او ليها اما ليله الدخله اللي بتتكلم عنها مش اساسيه اول يوم في ناس كتيره جدا بتأجلها لمختلف الاسباب وبعدين محدش هيدخل معايا اوضه نومي لكن الكل هيحضر فرحي وبعدين في كتير مستنين الفرح ده وفي منهم اللي عايز يشمت سواء فيا او في شاهندا.. اعتقد كده وضحت الامور كلها الدكتور: محدش بيشمت في التعب والمرض حازم: لا في وفي كتير قوي كمان واولهم حماتي.. انا انتهيت من اقناعك... انا حاليا محتاج حقنه تخليني واقف علي رجليا طول وقت الفرح ومش واقف بس كمان بغض النظر عن اضرارها فيما بعد الدكتوره: انا مازلت مش مقتنع حازم: انا عايز مراتي تعيش ليله فرحها زي ما تحب وتعمل كل اللي نفسها فيه من غير ما تشيل هم جوزها يوقع منها او ينهار او ينهي الليله بسبب تعبه... ايه الغريب في كده؟ ... انا حاليا المفروض اكون بلبس واجهز فانجز يالا... انت عارف اني اقدر اجيبها من غيرك فلو سمحت؟ الدكتور: حاضر يا حازم براحتك..... جاب الحقنه المطلوبه وعطاها لحازم في ظهره مكان الالم وهيا قضت علي الالم تماما وكأنه ملوش وجود الدكتور: مفعولها هيستمر في حدود 4 ساعات +or- حازم: متشكر بعد اذنك... اشوفك في الفرح مشي حازم وهو حاسس انه منطلق خفيف وجهز وراح لعروسته ياخدها من الكوافير اول ما شافها ما تخيلش انها هتكون بالجمال والرقه دول وكأنها اميره خياليه طالعه من قصص ألف ليله وليله... قرب منها ومسك ايديها وباسها شاهندا: اخيرا؟؟ خفت تغير رأيك وما تجيش حازم: هو انا مجنون اسيب القمر ده؟؟ ازاي ما اجيش هاه؟؟ ازاي؟؟ يالا بينا شاهندا: يالا اديهم في ادين بعض وطلعوا علي قاعه فرحهم المزحومه فوق العاده.. للحظه تخيل ان اللي معاه دي شوق وان هيا عروسته بس استغبي نفسه ولغي الفكره من دماغه تماما وبص لمراته وابتسملها اصحاب ساميه # هو بيعرج؟؟ +مش بيتهيألي بيعرج ساميه: لما بيتعب بيتشل خالص مش بيقوم اصلا من مكانه.. مره واحده تلاقيه انهار كده.. ياعيني عليكي يا بنتي وعلي بختك "" بس ده مز قوي ساميه: وهو بالشكل؟؟ # والله لو مش عايزاه عرفيني عليه وانا اخده لبنتي ساميه: خديه يا اختي + بقي ده راجل يتساب يا ساميه؟؟ ده كفايه فلوسه اقل حاجه فيه؟ وبعدين اعتقد انه محترم جدا وله مكانته ساميه: ونعمل بيه ايه الاحترام وهو مشلول مالوش لازمه هاه؟؟ # علي كده بقي هو بيخلف ولا؟؟ ساميه: الله اعلم بقي عم عبدالمنعم كان موجود في الفرح وبارك لحازم واتمناله حياه سعيده مع اللي قلبه اختارها بس هو كمان فضلى يراقبه طول الوقت ومستغرب ايه سر قوته الليله دي؟؟ ممكن يكون الحب؟؟ ايه ياتري السر؟؟ حازم داخل ولاحظ نظره حماته ليه وكأنها مستنياه يوقع وعرف ان قراره كان صح. دخل ورقص هو ومراته علي انغام الموسيقي وشاهندا طايره من فرحتها وبترقص مع عريسها شاهندا: لو تعبت امانه عليك تقولي؟ حازم: لو!! ما تقلقيش شاهندا: لو مش هقلق عليك انت اقلق علي مين؟؟ حازم: انا بقولك اهو النهارده اعملي كل اللي نفسك فيه ما تعمليش حساب لاي حاجه او اي حد.. النهارده يومك انتي وبس شاهندا: مش انا بس يومنا احنا الاتنين.. النهارده بتاعنا حازم: النهارده بس؟؟ كنت فاكر ان انا متجوزك العمر كله مش النهارده بس ضحكوا الاتنين شاهندا: عندك حق.. النهارده وبكره وكل يوم... من هنا ورايح محدش هيبعدنا عن بعض ابدا حازم: بإذن الله فضلوا يرقصوا كتير والموسيقي بتتغير عليهم والكل طالع معاهم علي الاستيج والجو كان كله جنون حازم كان بيرقص معاها تاني سلو وشالها المره دي وفضل كتير يلف بيها وكل الشباب بتهيص وبتصرخ وحاله جنون مسيطره علي الكل https://www.facebook.com/unique.fema...1867596049248/ # قولتيلي يا ساميه لما بيتعب بيتشل؟؟ ده مش شكل واحد مشلول ابدا ده شاب في قمه نشاطه... انتي بتخذي العين عن بنتك ولا ايه؟؟ + تلاقيها خايفه نحسدها علي المز اللي واخداه ساميه: ولا بخذي العين ولا حاجه انا زيكم مش فاهمه هو النهارده كده ليه؟ "" ما تسيبوا الواد في حاله بقي.. عريس وفرحان مع عروسته.. انتو ايه؟؟ حازم تقريبا ما قعدش هو ومراته نهائي مقضينها رقص قطعوا التورته وقعدوا يتعشوا مع بعض عم عبدالمنعم راحلوه عبدالمنعم: مبروك يا عيال ربنا يسعدكم حازم وشاهندا: الله يبارك فيك عبدالمنعم: عيني عليك بارده النهارده حازم: فرحي بقي هو انا كل يوم بتجوز عبدالمنعم: ياريتك كنت اتجوزت من زمان علي كده بقي يالا ربنا يسعدك ويعوضك خير بمراتك وتعيشوا متهنين ببعض حازم وشاهندا: اللهم امين سابهم ومشي وهما فضلوا مع بعض شاهندا: ايه السر بقي؟؟ حازم: سر ايه؟ شاهندا: انت بتتنطط من اول الفرح وانا خايفه تتعب حازم: واتعب ايه المشكله؟ المهم ان انا حاليا مبسوط شاهندا: بس انا مش عيزاك تتعب حازم: ماهو مش باللي بنعوزه ولا ايه؟ كده كده هتعب ان مكانش النهارده بكره او بعده المهم اني حاليا كويس والنهارده عايزك اسعد انسانه في الكون كله شاهندا مسكت ايده :انا بقيت اسعد انسانه بمجرد ما اسمي اتربط باسمك.. مش باني ارقص او اتنطط معاك اه ده شيئ كويس بس مش ده الاساس حازم: عارف ان مش ده الاساس بس اهو يوم من نفسنا نعيشه شاهندا: انا بحبك قوي حازم جاوبها بانه طبع بوسه رقيقه علي شفايفها واتمني انه يفضل بصحته لحد ما النهار يطلع.. اتمني انه يفضل كده علي طول.. اتمني ان الحادثه اللي غيرت حياته تطلع كابوس وهيصحي منه... اخيرا انتهي الفرح وحازم اخد مراته وروح وراحوا بيتهم واتقفل عليهم باب واحد.. حازم كان خايف يتعب بس اتفاجئ انه مش تعبان وانه كويس جدا ومستغرب انه فات اكتر من خمس ساعات وما تعبش واعتبر ان ده تعويض من ربنا او مكافأه علي صبره علي قضاؤه وعدم اعتراضه.. عاش هو ومراته ليله العمر باحلي معانيها واخد مراته في حضنه وناموا لحد ما النهار طلع فتح عنيه كانت في حضنه فاتعدل وفضل يراقبها وهيا نايمه: قد ايه جميله وهيا نايمه؟؟ واجمل وهيا صاحيه؟ قد ايه هو مبسوط؟؟ بقاله زمن محسش بالسعاده كده!! حاسس انه اكتفي من الدنيا بشاهندا وبس ومش عايز حاجه تانيه غيرها!!! عنده استعداد يعيش عمره كله كده في سرير واحد وهيا جنبه وفي حضنه.. وفجأه صوره شوق قدامه وتخيل ان اللي في حضنه دي شوق مش شاهندا حاول يطرد صورتها بس مش عارف ومستغرب ليه فجأه كل شويه صورتها تهاجمه كده ؟ هو ما صدق اخد قرار ونفذه وطردها من تفكيره ؟؟ شاهندا فتحت عنيها ولقته مراقبها فابتسمت شاهندا: صباح الخير لاحن راجل في الدنيا دي كلها حازم: صباح النور لست الحسن والجمال.. شاهندا: بتراقبني ليه؟ حازم: ماتخيلتش ان في حد بالجمال ده وهو نايم شاهندا: يعني بكون جميله وانا نايمه بس؟؟ حازم ابتسم: وانتي نايمه وانتي صاحيه وانتي زعلانه وانتي فرحانه.. انتي في كل الحالات رائعه مش جميله بس شاهندا: ايه ده كله؟ ده علي كده انت بتحبني بقي؟؟ حازم: وهو انتي كان عندك شك في ده؟؟ شاهندا: لا يا حبيبي.... تقوم نفطر؟؟ حازم: نقوم حازم اخد شوق وسافروا شهر عسلهم وكان في مجمله جميل او رائع اه حازم بيتعب بس شاهندا بتساعده يتخطي الالم .. زي ما يكون بحبها بتعديه او بتديله قوه غريبه.. او وجودها بينسيه الالم وبيخففه كتير... خلص للاسف شهر العسل ورجعوا الاتنين لفيلتهم ولاشغالهم.. باباها ومامتهم جم يسلموا عليهم اول ما عرفوا برجوعهم مكرم: حمدالله علي السلامه يا عيال وحشتونا ساميه: عامله ايه حبيبتي؟؟ مبسوطه حبيبتي ؟؟ شاهندا: اتبسطت؟؟ ده انا كنت عايشه في وهم.. في حلم جميل مكنتش عيزاه يخلص ابدا حازم: ليه وهم؟؟ انا وانتي لسه مع بعض شاهندا: ايوه بس هنرجع للشغل والحياه الغلسه حازم: والله احنا براحتنا يوم ما نزهق نطلع علي اي مكان نغير جو شاهندا: اعتبر ده وعد منك قدامهم؟؟ حازم: وانا من امتي برجع في كلامي معاكي؟؟ ماشي يا ستي اعتبريه وعد مكرم: ربنا يسعدكم يا عيال... المهم صحتك اخبارها ايه يا حازم؟؟ ساميه: اه طمنا عليك تلاقيك كنت بتتعب كتير؟؟ شاهندا: لا اطمني يا ماما.. تقريبا حازم ما تعبش واحنا في شهر العسل... الا صح يا حازم هو اشمعني انت نادرا ما كنت بتتعب؟؟ حازم: انتي عايزاني اتعب ولا ايه؟ شاهندا: لا اخص عليك بعد الشر بس مستغربه بس حازم: انا زيك مستغرب ومعنديش اجابه مكرم: ساعات الانسان لما يكون مضغوط سواء ضغط عصبي او مجهد من شغله يصدع مثلا باستمرار او يتعب او يكون مرهق لكن لما بيرمي كل الضغوط دي من علي كتفه ويسافر مثلا يغير جو فكل ده بيختفي هو الحكايه كلها بتبقي ضغط عصبي.. فاعتقد انه بسفرك مع حبيبتك رميت كل الضغوط والاحمال من علي كتفك وبقيت حر نفسك فبالتالي مرتاح نفسيا وجسديا وبالتالي نادرا ما كنت بتتعب حازم: تحليلك رائع يا عمي مكنتش اعرف انك فيلسوف كده بس اعتقد فعلا ان عندك حق.. من ساعت ما رجعت من السفر وانا حاسس اني في دوامه مش عارف اخرج منها وحرب ما بين امبارح والنهارده بس الحمد لله كل ده اختفي ولاول مره من سنين احس فعلا ان مفيش حمل عليا او ضغوط شاهندا: طيب ربنا يديمها نعمه... فعلا راحه البال دي من اهم النعم المفروض نشكر ربنا عليها كلهم: الحمد لله حازم رجع لشغله وشاهندا راحت لصيدليتها المطحونه فيها علشان تقدر توقفها علي رجليها حازم بيخلص شغله او اي وقت فاضي بيروحلها هناك يقعد معاها او يخفف عنها ضغوطها لانه حاسس انها واخده الموضوع علي اعصابها جامد قوي وفي مره وحازم مع علي في الشغل علي: ممكن اسألك سؤال؟؟ حازم: اسأل علي طول هو انت محتاج تستأذن؟ علي: هو انت نسيت شوق؟؟ حازم ساب كل اللي في ايده وبصله حازم: شوق؟؟ شوف يا علي شوق كانت ماضي وماضي مهم قوي واثر كتير عليا وجرحني قوي بس ظهور شاهندا في حياتي واحده واحده عالج الجروح دي وقضي علي وجع الماضي... فهمت؟ علي: طيب ومصيرها ايه دلوقتي؟ حازم: مصيرها ايه ازاي؟؟ علي: يعني هتفضل كده؟ هتمشيها؟ ايه ناوي علي ايه؟ حازم: مش ناوي علي اي حاجه مش بيت شوق بس اللي انا فاتحوا ولا ايه؟ اشمعني بقي شوق اللي بتسأل عنها علي: ماشي انت فاتح بيوت كتير بس مش كلهم زيها ولا يربطك بيهم علاقه شخصيه ولا لو مراتك عرفت بيهم هتزعل؟؟؟؟ حازم: انت قصدك ان لو مراتي عرفت اني متكفل بشوق هتزعل وانا اطردها مثلا؟؟ علي: مثلا ما انت سبق وطردتها من الدنيا كلها حازم: زي ما قولتلك دي كانت فتره وعدت... وبعدين طمن بالك يا سيدي شوق انا متكفل بيها وببنتها لحد ما شوق تموت وبنتها تتجوز او انا اموت هاه ايه رأيك كده؟ ضميرك مستريح؟؟ علي: جدا.. بس نصيحه عرف مراتك بدل ما تعرف بطريقه مش لطيفه حازم: ان شاءالله شوف شغلك بقي فكر حازم انه فعلا لازم يعرف مراته بشوق ويعرفها انها ما تعنيلوش اي شيئ احسن فعلا ما تعرف بطريقه تانيه... بس هل فعلا شوق ما تعنياوش شيء ؟؟؟ هل هيا ماضي وانتهي ؟؟ ولا ده وهم وخيال ؟؟ وده ده تمني منه ؟؟ الكلام عن شوق فكره قد ايه رهف وحشاه وبالتالي راح يزورهم دق الباب وشوق فتحت واتفاجئت بيه علي بابها.. فضلت كتير واقفه مش مصدقه انه واقف قدامها.. كانت خلاص ودعته واقنعت نفسها انها مش هتشوفه تاني.. ياتري جاي ليه؟؟ ممكن يكون اتخانق مثلا مع مراته؟؟ او يخليها عشيقه في السر؟ او او او فاقت علي صوته حازم: ااااااااايييييه.. هنفضل كتير علي الباب؟؟ شوق: لا طبعا اتفضل.. اخبارك ايه؟ حازم: الحمد لله انا كويس شوق : باين عليك حازم: ايه هو اللي باين عليا؟؟ شوق: انك كويس.. باين علي وشك انك مبسوط حازم: في قمه الانبساط بقالي سنين كتيره قوي ما عشتش السعاده زي دلوقتي.. عقبالك شوق بحسره: عقبالي ايه بالظبط؟ حازم: تعيشي السعاده يا شوق.. انتي لسه صغيره وجميله والف مين يتمناكي كان نفسها تصرخ وتقوله انها مش عايزه من الالف دول غيره هو وبس.. مش عايزه غيره.. ولا حبت ولا هتحب غيره هو كمان بعد ما قال الجمله دي استغباها قوي وتخيل للحظه انها هترتبط براجل تاني !!! والاحساس ده معجبوش حازم: رهف فين؟؟ هنا طلعت رهف وشكلها صاحي من النوم واول ما شافته صرخت وجريت عليه رهف: اخيرا افتكرتني؟؟ انا قولت مش هتيجي تاني حازم: وانا اقدر برضه ده انتي روح قلبي.. ما اقدرش استغني عنك ابدا انتي روح قلبي انا رهف: لو انا روح قلبك مكنتش تسيبني كل ده حازم: حقك عليا كنت مسافر رهف: في شهر العسل مع شاهندا بتاعتك دي صح؟ حازم: صح وبعدين شاهندا مراتي وعايزك تحبيها زي ما بتحبيني مفهوم؟ شوق قلبها اتقبض فجأه وخافت وجه في بالها انه ممكن ياخد بنتها منها لو عرف انها بنته... حازم مش لازم يعرف ابدا ان رهف بنته مهما يكون الثمن!!!! قضي باقي اليوم معاها وروح اخر النهار وجواه قرار انه لازم يعرف مراته علي رهف ويحكيلها الوضع كله وهو واثق من حكمها علي الامور..... بس لازم تعرف اخيرا مراته رجعت ولقته مستنيها في البيت شاهندا : معدتش عليا النهارده ليه؟ حازم اخدها في حضنه: شكلك تعبانه النهارده؟ شاهندا: تعبانه دي كلمه قليله علي اللي انا حساه.. المهم هو احنا عندنا ضيوف النهارده ولا ايه؟ مامتك عازمه حد؟؟ حازم: لأ مامتي مش عازمه حد ولأ مش عندنا ضيوف شاهندا: امال البيسين منور ليه وتقريبا في تربيزه بتتجهز عليه؟؟ حازم: ده انا وانتي هنتعشي تحت من باب التغير بس لو تعبانه قوي كده بلاش واخليهم يطلعوا العشا هنا؟ شاهندا: لا لا كله الا كده اديني عشر دقايق وانزلك اوك حازم: اوكي يالا مستنيكي ما تتأخريش عليا حازم سبقها ونزل يشوف العشا اخباره ايه وهيا فعلا شويه وحصتله كانت اخدت شاور ولبست فستان بسيط بس بيزيد جمالها ومن غير ميكب نهائي وبشعرها مبلول ومفرود.. حازم اول ما شافها فضل كتير باصصلها شاهندا: سوري حبيبي لو حطيت ميكب كنت هتأخر عليك فاعذرني حازم: اعذرك؟؟ انا اول مره اشوف واحده رائعه الجمال وهيا بطبيعتها كده... انتي بتحطي ميكب ليه اصلا؟ انتي متتخيليش انا شايفك ازاي دلوقتي؟ شاهندا بابتسامه: شايفني ازاي؟؟ حازم بابتسامه: كفايه اقولك اني حاليا بتخانق مع نفسي علشان ما اشيلكيش ونطلع فوق واقولك انا شايفك ازاي؟؟ شاهندا ضحكت: لا والنبي اجلها لبعد ما ناكل لاحسن هموت من الجوع حازم: ماشي هأجلها اتفضلي قعدها وقعد قصادها وكشف الاكل اللي كان عباره عن مكرونه وشاورما بيتي وشاهندا مذبهله حازم: مالك؟؟ شاهندا: مش عارفه بس كنت متخيله اصناف اشكال من الاكل حازم: طيب ولو قولتلك ان انا عامل دول بإديا حاله الذهول والاحباط اللي عندك دي هتروح؟؟ شاهندا فتحت بوقها واذبهلت اكتر حازم: الظاهر انها ليله مضروبه من اولها شاهندا: بجد انت عامل الاكل ده ليا؟؟ حازم: اه بجد... مفيش غيري انا وانتي وحبيت اعملك حاجه مميزه واعذريني بقي معرفش اعمل حاجات كتير شاهندا: هشششش اسكت.. انت بجد وقفت في المطبخ وعملت ليا انا اكل؟؟؟ انت ازاي كده؟ حازم: علي فكره انا عملتلك مكرونه وشاورما بس يعني حاجات بسيطه جدا شاهندا: مجرد تفكيرك نفسه يا حازم.... عارف لو حتي سلقت بيضه بس..ما تتخيلش انا حاسه بإيه دلوقتي.... دلوقتي بقي انا بتخانق مع نفسي علشان ما اشدكش ونطلع فوق حازم ضحك وهيا: طيب ما طالما بنتخانق احنا الاتنين ما تيجي نطلع وخلاص شاهندا: وافوت الاكل اللي انت عملته؟؟ انا قتيله الاكل ده انت فاهم؟ حازم: بالهنا يارب يعجبك بس اكلوا وشاهندا الفرحه مش سيعاها وبتبص لجوزها بطريقه احترام.. تقدير.. شكر.. حب.. مشاعر كتيره متلخبطه جواها ومش عارفه تعبرله عنها واول ما خلصوا اكل شدته من ايده وطلعوا اوضتهم علشان يمكن تعرف تعبر بطريقه تانيه عن مدي حبها ليه؟ اخيرا هينامو بس حازم مش عارف ينام وعايز يقولها ويحكيلها عن شوق وفي نفس الوقت الليله كانت خيال ورائعه ومش عايز يعكر صفوها وخايف انها تفهم انه عمل كده علشان احساسه بالذنب او تأنيب ضمير حب يعوضه بحاجه تانيه.. لا لازم يقولها واللي يحصل يحصل... حازم: شاهندا انا عايز اقولك حاجه مهمه وعايزك تفهمي وضعي وتقدريه وما تعلقيش او تردي غير لما تسمعيني للاخر... انا من فتره قابلت شوق وكان الغيظ والحقد ماليني وكنت عايز انتقم لكرامتي المجروحه وعلشان كده ضيقت عليها الدنيا وخليتها بقت زي خرم الابره في وشها ووصلتها لمرحله اني خليتها تشحت اللقمه علشان تأكل بنتها... وبعدها صعبت عليا او مش هيا لأ بنتها هيا اللي صعبت عليا وبالتالي قررت اني اتكفل بيهم فاخدت شقه وحطتهم فيها وانا بصرف عليهم ومتكفل ببنتها ومن وقت للتاني بروحلهم بس الموضوع ده عرفني اني تخطيت شوق وتخطيت حبها واتأكدت ان انتي وبس في حياتي ومش عايز غيرك.. انا حبيت اقولك الموضوع ده علشان مايبقاش في حاجه عني انتي ما تعرفيهاش.. دلوقتي بقي تقدري تردي.. بس ارجوكي افتكري ان انتي وبس اللي اخترتك في حياتي شاهندا :....... ونكمل بكره ياتري رد شاهندا هيكون ايه؟ وهل هتفهم علاقه جوزها بشوق وبرهف ولا لأ؟ توقعاتكم ShiMoOo | ||||||||||
|
| |
|
11-05-19, 12:37 AM
| #15 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه ١٤ حازم حكي كل حاجه لشاهندا ومستني منها ترد عليه بس مفيش اي رد حازم : شاهي قولي اي حاجه ارجوكي متسكتيش كده شاهندا برضه ساكته. حازم : شاهي ... شاهندا ... شاهندا شاهندا : هاه. هاه بتقول ايه ؟؟ حازم : انتي نايمه ؟؟ شاهندا : ايوه. عايز حاجه ؟؟ حازم : لا خلاص نامي شاهندا : طيب تصبح علي خير نامت شاهندا وهو فضل كتير يتقلب ... اخيرا قدر يقولها وفي الاخر تطلع نايمه !! طيب يعمل ايه بقي ؟؟ النهار طلع وقاعدين يفطروا مع بعض شاهندا : هو انت صحتني ليه بعد ما نمت ؟؟ حازم : لا ابدا شاهندا : امال هيا رخامه وخلاص ؟؟ بتصحيني ليه لما مش عايز حاجه ؟؟ حازم : انا مش قصدي ارخم. انا بس كنت عمال ارغي وارغي وفي الاخر ملقتكيش بتردي فناديت عليكي فاكتشفت ان سيادتك نايمه وانا بكلم نفسي شاهندا ضحكت : انا اسفه حبيبي بس فعلا كنت تعبانه علي العموم انا اهو قدامك قول كنت بتقولي ايه وانا نايمه فكر حازم يقولها ولا ايه ؟؟ تليفونه رن ورد فكان محتاجينه في الشغل حازم : بعدين بقي نرغي سلام انا عندي شغل مهم شاهندا : انا كمان عندي طلبيه مهمه المفروض استلمها يالا اشوفك بالليل بقي سلام كل واحد نزل شغله والايام بتعدي وحازم شال الموضوع من دماغه وقرر انه ملهاش لازمه تعرف ،، هو ضميره مستريح .. بيحب مراته وبس اما علاقته برهف مش هتفهمها فالافضل ما يقولهاش وده الصح كان في شغله فتليفونه رن ورد عليه حازم : شوق ازيك اخباركم ايه ؟؟ شوق : الحمد لله بس لو تهمك اخبارنا كنت سألت علينا ؟؟ حازم : والله مشغول جدا جدا الفتره دي شوق : ربنا يعينك بس الاول اسفه لو اتصلت في وقت مش مناسب حازم : لا عادي انا اصلا في الشغل مش البيت خير في حاجه ؟؟ شوق : كنت عايزه استأذنك لو انت تجيب رهف النهارده من المدرسه ورايا مشوار مهم حازم : مشوار ايه ده المهم ؟؟ شوق : مشوار وخلاص هبقي اقولك لما اشوفك المهم هينفع ولا ايه. ؟ حازم : ماشي حاضر هيا اصلا وحشاني جدا شوق : خلاص خليها معاك وانا اول ما اروح هكلمك تجيبها البيت ومتشكره قوي يا حازم حازم : اهو فرصه نقعد انا وهيا مع بعض ما تقلقيش عليها شوق : انا مش بقلق عليها معاك يا حازم قلبه دق لما شوق قالت جملتها دي وللحظه خايف يكون بيغلط كده او بيغلط في حق مراته بس هو فعلا بيحب رهف وبس ومش قادر يفسر حبه ليها ايه ؟؟ راح واول ما رهف شافته جريت عليه ونطت عليه وهو حضنها جامد حازم : وحشتيني يا اغلي من روحي رهف : كداب بس انت كمان وحشتني قوي حازم : طيب ولازمتها ايه كداب دي بقي ؟؟ رهف : علشان انا لو وحشتك كنت جيت تشوفني ؟؟ حازم : كان عندي ظروف منعتني ومضغوط قوي في الشغل فسامحيني بقي والنهارده هنتغدي انا وانتي لوحدنا هاه ايه رأيك ؟؟ رهق : ههييييه. بجد يا زوما حازم : بجد يا قلب زوما اخدها ورحوا يتغدوا مع بعض وكانوا بيهزروا ويضحكوا وللحظه حازم فكر ممكن حد يشوفه ويعرفه في المكان ده بس بعدها وقصاد ضحكه رهف مش مهم اي حاجه تانيه المهم الضحكه دي تفضل علي وش رهف وبس حازم : قوليلي يا رهوف هو باباكي مش بيجيلكم او بيسأل عليكم ؟؟ رهف : وهو فين بابايا ده اصلا ؟؟انا معنديش بابا حازم : امال محمود ده مين بقي ؟؟ رهف : محمود مش بابايا حازم اذبهل وللحظه مش عارف يقول ايه ؟ حازم : امال مين باباكي ؟؟ رهف : انا معنديش بابا انا عندي ماما بس .. حازم : انتي ازاي بتقولي كده ؟؟ رهف : هو الاب ده بالاسم بس ؟؟ انا ما بشوفوش ولو احتجت حاجه مش بلاقيه هو عنده عياله ومهتم بيهم لكن انا مش مهمه عنده .. انا عندي ماما وبس وهيا بتحاول وبتشتغل وبتتعب علشاني لكن معنديش بابا فهمت بقي حازم : هو كمان مشغول وبعدين هما انفصلوا رهف : طيب وانا ؟؟؟ ايه ذنب ماما تتبهدل بيا كده ؟؟ لما مش هيهتم بيا بيخلفوني ليه ؟ حازم : ماهما مكنوش عارفين انهم هينفصلوا واي حد معرض لده رهف : طيب واهم انفصلوا وانا مع ماما افرض ماما مثلا تعبت مني هعمل انا ايه ؟؟ عارف اقولك حاجه محدش يعرفها ؟ حازم : قولي رهف : كل مره ماما تتأخر فيها وانا في المدرسه بخاف قوي انها تكون زهقت وانها مش هتيجي ومش هشوفها تاني بخاف قوي يا حازم حازم شالها واخدها علي حجره حازم : حبيبه قلبي ماما عمرها ابدا ما هتسيبك ابدا رهف : مش هيبقي بمزاجها عارفه بس ممكن تتعب زي قبل ما انت تيجي كانت علي طول بتعيط وحتي الاكل مكنتش بتعرف تجيبه وكتير بننام من غير اكل حازم : حبيبتي الفتره دي مش هترجع تاني ابدا اوعدك انا بده انا دلوقتي موجود رهف : لا انت مش موجود انت دلوقتي متجوز وعندك مراتك وبكره تخلف ويبقي عندك عيال وتنساني خالص زي محمود بالظبط الاول كان بيسأل وبيجي لكن بعد ما بقي عنده عيال خلاص رماني انا وماما وكل فين لو افتكر بيسأل انت برضه هتعمل زيه هتفضل تبعد وتبعد لحد ما تبعد خالص وانا هرجع تاني لفوق السطوح ونقعد انا وماما لوحدنا وترجع تتبهدل تاني وارجع انا عند كل جار شويه وكل واحد بكلمه وارجع لوحدي تاني حازم : رهف بصيلي اوعدك اني عمري ابدا ما هبعد عنك وطول ما انا عايش عمرك ما هتحتاجي حاجه ابدا انا موجود رهف : ولما تخلف ؟؟ حازم : ولما اخلف هتفضلي انتي برضه في قلبي من جوه انتي متعرفيش انا بحبك قد ايه ؟؟ رهف : وانا كمان بحبك قوي ... وبتمني لو انت تبقي بابا !! حازم : اعتبريني بابا واي حاجه تتمنيها بس تشاوري وبعدين معاكي تليفون ماما وفي اي وقت تحتاجي حاجه كلميني اتفقنا ؟؟ رهف : اتفقنا شوق اتصلت وقالت لحازم يجيب رهف وفعلا روحها علي البيت شوق : متشكره قوي يا حازم تعبتك معايا حازم : لا بالعكس انا اتبسطت جدا انا وهيا وعايز كل كام يوم كده اخدها ونخرج انا وهيا مع بعض بس المهم مشوار ايه المهم قوي ده اللي اخرك كل ده ؟؟ شوق : مشوار شغل لقيت شغل قريب من هنا وبراتب حويس بس النهارده علشان اول يوم اتاخرت لكن بعد كده هيبقي في ساعه في النص كده اجي اخد رهف واغديها واهو الامور تتسهل حازم بيبصلها باستغراب وسايبها تتكمل براحتها لحد ما خلصت وبصتله وهو مستغرب ليه رافض فكره شغلها ؟؟ ماهي مراته بتشتغل ليه دي رافض خروجها او بهدلتها او اختلاطها مع اي حد ؟؟ احساس غريب جواه مش عارف يفسره ... شوق : بتبصلي كده ليه ؟؟ حازم : خلصتي كلامك ولا في هبل تاني عايزه تقوليه ؟؟ شوق : ايه الهبل في كلامي ؟؟ هو احنا هنفضل عاله عليك لامتي ؟؟ حازم : لحد ما اموت ... شوق : بعد الشر عليك بس كده كفايه انت مش ملزم بينا حازم : بصي يا شوق اولا انتو مش عاله ابدا وثانيا انا متعلق برهف جدا وهفضل متكفل بيها لحد ما اجوزها او اموت ..لأ حتي لو مت هأمنلها مستقبلها بحيث ما تحتجش لاي حد في يوم من الايام .. فريحي نفسك من حوار الشغل ده لاني مش هوافق عليه .. انتي شغلك هو بنتك وبس مش مطلوب منك غير كده وانسي خالص حوار الشغل شوق : يا حازم بس حازم : ما بسش مفيش شغل شوق بتبصله بحب وحست ان ده انسب وقت تقوله سر حبه لرهف ايه ؟؟ شوق : حازم انا عايزه اقولك حاجه مهمه عن رهف حازم : قولي سامعك شوق : رهف تبقي قاطعها تليفونه بيرن فطلعه وكانت مراته بتتصل فبص لشوق شوق : رد عليها الاول رد حازم علي مراته شاهندا : انت فين يا حازم ؟؟ حازم : ايه انت فين دي ؟؟ من امتي بتتكلمي كده ؟؟ شاهندا : طيب ممكن اذا سمحت تيجلي حاليا البيت ؟؟ حازم : خير في ايه ؟؟ شاهندا : لو سمحت يا حازم تعال علي البيت ممكن ؟؟ حازم : حاضر يا شاهندا جاي سلام قفل وبص لشوق : طيب انا هضطر امشي حاليا ونتكلم بعدين بس لو حاجه مهمه قوي قوليها محتاجه حاجه لرهف ؟؟ شوق : لا يا حازم ده مجرد كلام يتأجل عادي حازم : طيب خلاص اشوفك بعدين يالا سلام روح حازم لمراته اللي كانت زي الاسد المحبوس رايحه جايه واول ما شافته عنيها كانت بتطلع شرار حازم : في ايه اللي حصل مالك ؟؟ حد جراله حاجه ؟ شاهندا: لا محدش جراله حاجه حازم : اتخانقتي انتي وماما ؟؟ شاهندا : انا من امتي بتخانق مع مامتك ؟؟ حازم : امال في ايه ؟؟ جيباني علي مالا وشي كده ليه ؟؟ شاهندا : كنت فين سيادتك ؟؟ حازم : انتي جيباني كده علشان تسأليني كنت فين ؟؟ شاهندا : اه يا حازم جيباك علشان اسألك كنت فين ؟ حازم : كنت في شغلي يا شاهندا شاهندا : لا يا حازم مكنتش في شغلك حازم : وبعدين ؟؟ شاهندا : كنت بتتغدي فين تحديدا ؟ حازم : وانتي مالك بتغدي فين ؟؟ انتي عايزه ايه يا شاهندا ؟؟ شاهندا : عايزه اعرف مين اللي كنت بتتغدي معاها وبتضحك وبتهيص وواخد راحتك قوي معاها وما تكدبش عليا لو سمحت حازم فهم ان اللي بلغ شاهندا تعمد ما يقولهاش عمر اللي كانت معاه وان حد من صحباتها شافه وعايز يولعها بينهم حازم ضحك شاهندا : انت بتضحك يا حازم ؟؟ بتضحك عليا حازم : ايوه طبعا بضحك لانك هبله وبترمي ودانك لاي حد شاهندا : انا مش برمي وداني لحد .. انت بتنكر يعني انك اتغديت مع حد النهارده ؟؟ حازم : لا مش بنكر يا ستي بس اللي وصلك الكلام نسي يقولك ان اللي كنت بتغدي معاها عندها سبع سنين بس شاهندا مستغربه : ايه ؟؟ سبع سنين ؟؟ حازم : ايوه سبع سنين شاهندا : ودي مين دي وتعرفها منين وفين اهلها ؟؟ حازم : عيله متكفل بيها شاهندا : ايوه ماشي مين دي ؟؟ وتعرفها منين ؟؟ جت لحظه المواجهه والحقيقه لازم تتقال مع ان حازم مش متفاءل بس لازم هتعرف فيبقي منه احسن حازم : البنت اسمها رهف وتبقي بنت شوق شاهندا : وتطلع مين شوق دي ؟؟ حازم بتردد: شوق الممرضه اللي حكيتلك عنها شاهندا : تقصد حبيبتك ؟؟ دي بنت حبيبتك ؟؟ حازم : مش حبيبتي ... كانت ..في فرق لحظات صمت كتيره وشاهندا مش عارفه تقول ايه ؟ الكلام هرب منها ومش لاقيه حاجه تقولها حازم : ساكته ليه ؟؟ اتكلمي شاهندا : قابلتها من امتي ؟؟ حازم : من فتره طويله شاهندا : ايوه يعني قبل ما نتجوز ولا بعد ما اتجوزنا ؟؟؟ حازم : قبل ما نتجوز ... قبل ما اتعرف عليكي اصلا .. شاهندا : طيب امال اتجوزتني ليه لما حبيبتك رجعتلك؟؟؟ حازم : ايه اتجوزتني ليه دي ؟؟ وايه حبيبتي رجعتلي ؟؟؟ شاهندا حبيبتي علاقتي بشوق سبق وقولتلك انها انتهت بجوازها واتقفلت صفحتها شاهندا : انت علي علاقه بيها لحد النهارده يبقي ازاي اتقفلت ؟؟ انت بتضحك علي مين ؟؟ حازم : انا متكفل بيها وببنتها ده مش معناه اني بحبها او اني علي علاقه بيها شاهندا : امال معناه ايه ؟؟ لما تجيب حبيبتك القديمه وتتكفل بيها وتكون مسؤل عنها وعن بنتها يبقي اسمه ايه ده ؟؟ حازم : شوق مش البيت الوحيد اللي فاتحه وانتي عارفه ده كويس شاهندا : ايوه ما اعترضتش بس شوق الوحيده اللي بتحبها حازم : ما بحبهاش .. شاهي انا لما رجعت كنت متخيل اني بحبها وعلشان كده حبيت انتقم لكرامتي المجروحه وفضلت وراها اطردها من كل شغل تمسكه ووصلتها لمرحله كانت بتشحت علشان تجيب لقمه لبنتها وخلتها اسوأ من المتشردين والشحاتين وتخيلت ان كده هرتاح بس لقيت نفسي مش مرتاح ومش مبسوط والانتقام ضايقني اكتر وحسسني اني مش انسان فبالتالي قررت اني اساعدها فتكفلت بيهم واتعلقت برهف وبس ده كل الموضوع شاهندا : وانت متخيل اني هقبل العلاقه دي ؟؟ حازم : انا مش هتخلي عنهم يا شاهندا شاهندا : يعني ايه يا حازم ؟ اخبط انا دماغي في الحيط واتقبل علاقتك بحبيبتك ؟؟ حازم : قولتلك مش حبيبتي ... انتي بس حبيبتي .. شوق ماضي مش اكتر وحاليا بعطف عليها وعلي بنتها وبس شاهندا : حط نفسك مكاني يا حازم ... لو ظهرلي حبيب قديم وانا بروحله واقعد معاه في شقه لوحدنا واقولك سوري اصل بحب ابنه ولا بنته هتعمل ايه ؟؟؟ هتتقبل الوضع ده ؟؟ حازم : الوضع مختلف انتي غير شاهندا : لا مش مختلف واوعي تكلمني بقصه راجل وست حازم : مش هكلمك بقصه واجل وست بس اللي انتي بتقوليه ما ينفعش شاهندا : وليه نافع معاك ؟؟ حازم : انا بصرف عليهم وبس شاهندا : بس يا حازم !! مش بتروح البيت عندها ؟؟ مش بتقعد وتاكل معاهم مثلا !! مش بتقعد وتحكيلك همومها ومشاكلها !! مش بتحبك هيا حتي لو انت مش بتحبها ؟!! هيا العلاقه ايه غير اهتمام !!! وانت مهتم بيها وبمشاكلها وببنتها عايز ايه تاني ؟؟ ناقص ايه تاني ؟؟ حازم : شاهندا انتي بتصيغي الامور غلط .. انا ما بحبهاش شاهندا : امال بتحب مين ؟؟؟ حازم : هقولك انا بحب مين قفل حازم الكلام وسكت شاهندا بطريقته الخاصه اللي ما بتعرفش تقاومها او ترفضها ... حاول يقولها بحبك بطريقه غير الكلام ... حاول يعيشها الحب ده ... بس طول ما هو معاها شوق صورتها بتطارده ومش عارف يفسر ده بايه ؟ هو تخطي حبها وحاليا بيحب مراته وبس ....بعد فتره طويله وهيا جنبه شاهندا : انا موافقه علي علاقتك بيهم بس عندي شرط حازم : وانا موافق عليه شاهندا : مش تسمعه الاول ؟؟ حازم : مهما يكون .. انا المهم اني مش هتخلي عنهم وهأمنهم ماديا وبس شاهندا : اوكي وده شرطي حازم : سوري كده انا مش فاهم شاهندا : يعني يا حازم انت هتصرف عليهم وهتفتح بيتهم بس زيهم زي اي حد انت متكفل بيه .. لا هتروحلهم ولا هتقابلهم ولا هتشوفهم .. شرف انت هتخصصلهم مبلغ قد ايه ويتبعتلهم زيهم زي اي حد حازم اتعدل وبصلها باستنكار شاهندا : ايه معترض علي ايه ؟؟ حازم : انا قولتلك بحب رهف وعايز اشوفها تقوليلي اقطع علاقتي بيهم نهائي ؟؟؟ شاهندا : وانا اسفه انت بتيجي عليا قوي واكتر من كده مش هتحمل .. مش قادره افهم حبك لعيله ... أمنلها مستقبلها لكن اكتر من كده معنديش الكره في ملعبك حازم : يعني ايه الكره في ملعبي ؟؟ شاهندا : يعني يا حبك لرهف يا انا ؟؟ حازم : انتي اتجننتي ولا اتهبلتي ؟؟؟انتي ما تتحطيش في مقارنه مع حد اصلا شاهندا : خلاص يبقي انت موافق ؟؟ حازم : انا عايز افهم علاقتي برهف مضيقاكي في ايه ؟؟ شاهندا : رهف وشوق في كفه واحده مش مفصولين عن بعض دي هتجيب دي وانا معترضه علي علاقتك بشوق ... حازم اللي عندي قولته حازم ما ردش عليها وسابها وخرج ... مش عارف يفكر ده يدوب لسه واعد رهف انه مش هيسيبها .. وعدها ان محدش هيقف بينهم ، وعدها انه هيكون اب واهو بيفكر يتخلي عنها ... راح شغله وفضل سرحان مش مركز نهائي علي : حازم ... حاااااازم ... ايه فينك ؟؟ حازم : معلش مش مركز خلي الشغل بكره انا هقوم اروح علي : طيب الاول قولي مالك في ايه ؟؟ حازم :شاهندا عرفت بشوق وعايزاني اقطع علاقتي بيهم يا تسيبني علي : هترميهم في الشارع تاني ؟؟ حرام يا حازم وبعدين شاهندا طيبه ما ترضاش بكده حازم : لا مش هرميهم في الشارع هيا موافقه اني اتكفل بيهم هيا شرطها ان انا اقطع علاقتي بيهم تماما علي : طيب حقها وعداها العيب ايه مشكلتك انت بقي ؟؟انت قولت انك تخطيت حب شوق ليه معترض بقي ؟؟ حازم : هو انت هتقولي زيها ؟؟ علي : ماهو اي حد هيقول كده ،.. انت احمد ربنا اصلا ان مراتك عاقله وما قالتش ارميهم في الشارع حازم : انتو مش قادرين تفهموا ليه ؟؟؟ علاقتي برهف هيا المهمه مش شوق ... انا بحب رهف ... وعدتها اني هفضل موجود في حياتها علي : دي عيله !! حازم : عيله واتعلقنا ببعض فين المشكله ؟؟ علي : المشكله ان امها حبيبتك حازم : يووووووه ما تتكلمش زي شاهندا علي : حازم كلامك ملوش معني ... ايه اللي يعلقك بالبنت غير امها ؟؟ حازم : معرفش اللي اعرفه اني بحب رهف وما بحبش شوق علي : اسف بس كلامك مالوش معني ... السؤال هنا بتحب مراتك ولا لأ ؟؟ ده المهم حاليا سابه وخرج وهو معرفش يقرر .. اخر الليل روح ملقاش مراته في البيت وده جننه فاتصل بيها تليفونها مقفول اتصل بابوها وعرف منه انها موجوده عنده فضل هيتجنن من تصرفها وعايز يعمل اي حاجه بس مش عارف ؟؟؟ طيب يروح لشوق هيا بتريحه ؟؟لاأ لأ شوق لأ !! نزل وهو نازل قابل مامته راجعه من بره يدوب حازم : كنتي فين لحد دلوقتي وازاي تتأخري بره كده ؟؟ صفيه : وانت مالك يا حازم ؟؟ يخصك في ايه كنت فين ؟؟ حازم : يعني ايه انا مالي ؟؟ انت امي صفيه : بالظبط امك مش مراتك علشان تسألني كنت فين ؟؟ وبعدين انت فين مراتك بقي ؟؟ حازم :مراتي في بيت ابوها صفيه : بتعمل ايه ؟؟ اوعوا تكونوا زعلانين ؟؟ حازم : يفرق معاكي ؟؟؟ صفيه : لا ما يفرقش تصبح علي خير انا تعبانه وعايزه انام سابته وطلعت وهو فضل كتير مكانه مستغرب من امه وتصرفاته ... عمره ما حس ابدا انها بتخاف عليه او بتحبه زي اي ام .. عمره ما حس بالحب والاهتمام غير من شاهندا ... حبها صادق وحقيقي وبتهتم بيه واهو هيضيعا من ايديه علشان خاطر واحده سبق وباعته بالفلوس ... شاهندا هيا اهم حد في حياته شوق اتخلت عنه وباعته وجرحته وده شيء مش لازم ابدا ينساه ابدا خرج من بيته وراح لبيت ابوها وطلعلها اوضتها كانت راقده في سريرها والمفروض انها نايمه دخل براحه ونام جنبها وضمها جامد وهمس في ودانها حازم : ولا انا ماليش غيرك في الدنيا دي ... اوعي يا شاهي تسيبيني وتبعدي عني .. انا مش هستحمل بعدك عني ... وكل اللي انتي عيزاه هعمله بس انتي اوعي تتخلي عني .. انا محتاجلك قوي لفت شاهندا ليه وضمته لصدرها بحب : وانا بحبك اكتر من الدنيا وما فيها انا بس كنت خايفه لتكون لسه بتحبها حازم : انا ما بحبهاش ... ساعتها افتكر كل ضحكه .. لحظه .. ابتسامه.. كل حاجه مرت بيه مع شوق ... افتكر وجعه والامه ... وحس انه بيكره شوق قوي قوي ومحتاج لشاهندا وبس ضمته وناموا الاتنين وحازم حسم قراره انه هيختار مصلحته هو وبس وشوق هيأمنها ماديا وبس ورهف ربنا ارحم بيها منه كل يوم بيعدي قلبه بيوجعه وبيفتكر رهف واخر حوار دار بينهم ووعده ليها ودلوقتي اهو بيخل بوعده ده يوم وري يوم بيعدي وهو بعيد عنهم تماما وشاهندا حاسه ان جوزها في حاجه مضيقاه ومنغصه حياته بس معندهاش الجرأه انها تسأله ايه هيا لانها خايفه من الاجابه .... وفي يوم حازم رجع من شغله الظهر كان تعبان شويه ودخل ياخد شاور ..شاهندا كانت موجوده فساعدته وهو ريح في البانيو يمكن الميه السخنه تهدي الالم شويه وهيا بره تليفون حازم رن فمسكته ولقت مكتوب قدامها رقم غريب فردت عليه @ الو تليفون الاستاذ حازم شاهندا : ايوه يا افندم مين ؟؟ @ احنا هنا مدرسه رهف محمود وحاولنا نتصل بمامتها بس تليفونها مقفول ورقمه هو مكتوب في حاله الطواريء شاهندا : وايه وبعدين ؟ @ انا اسفه بس البنت اتعرضت لحادثه ونقلناها المستشفي ومحتاجين نوصل لمامتها ونبلغها شاهندا : اه اسفه والف سلامه للبنت بس حازم مش مسؤل عن البنت دي هو بس متكفل بيها ماديا من ضمن ناس كتير فمش معقوله كل حد يجراله حاجه هو هيجري عليه ... اسفه مره كمان بس حاولي توصلي لامها وما تزعجينيش تاني قفلت السكه وهيا قلبها بيدق بسرعه هنا حازم خرج حازم : تليفوني كان بيرن مين ؟؟؟ شاهندا : رقم غلط ونكمل بكره توقعاتكم ShiMoOo | ||||||||||
|
| |
|
11-05-19, 12:38 AM
| #16 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه ١٥ حازم خرج وقالتله ان الرقم غلط ونزلوا الاتنين يتغدوا مع بعض كل واحد ساكت وسرحان في ملكوته الخاص بيه شاهندا هتتجنن ازاي عملت كده ؟ دي مجرد طفله عندها سبع سنين ؟؟ من امتي هيا وحشه كده ؟؟ من امتي انانيه كده ؟؟ ايه يعني لما يقابل عيله او يهتم بيها ؟ هيجري ايه يعني ؟ حازم : شاهي !! مالك حبيبي ؟ شاهندا : مفيش سلامتك .. اللي قولي يا حازم هو ابو رهف فين ؟؟ حازم سكت شويه وافتكر رهف اللي اصلا مش بينساها ابدا حازم : سابهم من زمان واتجوز ومخلف توأم ونسي دول تماما شاهندا : هو في حد بينسي عياله ؟؟ حازم : الحياه خدته ... عارفه رهف دي طفله جميله ذكيه لماحه احساسها عالي قوي وفوق كل ده خايفه شاهندا : خايفه ؟؟ خايفه من ايه ؟؟ حازم : من كل حاجه حواليها .. خايفه علي امها .. خايفه من امها لتزهق وتتعب وتسيبها .. اخر مره لما اتغدينا مع بعض قالتلي انها بتعتبر ابوها ميت لانه ملوش وجود في حياتها وقالتلي انها بتخاف كتير وقالت انها في المدرسه لو امها اتأخرت شويه بتفكر انها سابتها لانها تعبت .. خايفه ان امها تستسلم وتسيبها او يجرالها حاجه مثلا .. تخيلي ده تفكير عيله ؟؟ ولما انا حاولت اطمنها وعدتها اني مش هتخلي عنها عارفه ردها كان ايه ؟ شاهندا : ايه ؟ حازم : ان انا بكره اخلف انا كمان وانساها ( ضحك بوجع ) ما تعرفش اني هتخلي عنها حتي من غير ما اخلف ... بس اعمل ايه ؟؟ انا كمان خفت زيها .. خفت من الوحده خفت انك انتي تتخلي عني وارجع لوحدي تاني فكنت اناني واخترت نفسي وسيبت العيله دي لوحدها لخوفها ولوجعها .. يالا ما علينا ليها رب كريم يتولاها شاهندا دموعها نزلت وسابت الاكل وطلعت لاوضتها وحازم وراها بيكلمها بس مش بترد عليه بتعيط وبس حازم : طيب بتعيطي ليه ؟؟ شاهي ... انا مقولتش كده علشان ازعلك او احملك ذنبها ... شاهي ردي عليا ارجوكي شاهندا بعياط: انا انسانه وحشه قوي حازم : ليه بس ؟ كل انسان بتجيله لحظات يكون فيها اناني ويبص لنفسه شاهندا : انا اسفه يا حازم سامحني حازم : علي ايه بس ؟؟ مالك في ايه ؟؟ شاهندا فكرت تقوله بس تخيلت نظرته ليها هتكون ايه فتراجعت شاهندا : مفيش يا حازم بس اتضايقت علشان البنت حازم : ما علينا سيبك من السيره دي المهم اخبار شغلك ايه ؟؟ ببتكلموا مع بعض وشويه وتليفونه رن فقام يرد بس اتردد لانه لقاها شوق فبص لمراته ومش عارف يرد ولا لأ .؟ واخيرا رد وسمع صوت عياطها بهستريا وكلام مش مفهوم ابدا بس في كلمه رهف وبس حازم : اعدي يا شوق وفهميني في ايه ؟؟؟ مش فاهم ولا كلمه ؟؟ شوق حاولت تتماسك : رهف عملت حادثه واحنا في المستشفي ارجوك تعال حازم اتصدم : مستشفي ايه ؟ دقايق وهكون عندك قفل وقام بسرعه يلبس ومراته وراه مش عارفه تعمل ايه ؟ شاهندا : ايه اللي حصل ؟ حازم: رهف عملت حادثه وفي المستشفي وانا هروحلهم شاهندا : طيب انا هاجي معاك علي الاقل اسوق انا راحوا الاتنين المستشفي واخيرا وصلوا كان تعبان جدا فساعدته هيا ينزل وسندته لحد ما دخلوا وصمت رهيب مسيطر عليهم من ساعه ما خرجوا من البيت لحد ما وصلوا .. دخلوا وسألوا وراحوا لرهف كانت شوق قاعده بتعيط اول ما سمعت يوت حازم قامت هتجري عليه بس وقفت اول ما شافت مراته في ايده حازم : هيا فين يا شوق ؟؟ شوق : اخدوها ومحدش قالي حاجه حازم : ايه اللي حصل اصلا ؟؟ شوق : انا اتاخرت عليها شويه واول ما وصلت قالولي انها هنا معرفش ايه اللي حصل حازم : خافت انك تكوني سيبتيها ... شوق بصتله باستغراب حازم : قالتلي انها بتخاف لما بتتأخري انك هتسيبيها وتمشي ... خافت مديره المدرسه كانت موجوده لانها مسؤليه عليها فحازم بصلها حازم : انتو ازاي تخرجوها لوحدها من المدرسه ؟ مفيش رقابه ؟ المديره : في طبعا بس البنت جريت مره واحده والموضوع حصل بسرعه وبعدبن البواب هيتجازي وهياخد جزاته شوق : وهيفيدني بايه ؟ وهو ذنبه ايه ؟ ده راجل غلبان وعلي قد حاله ؟ ده قدر حازم : وسيادتكم ما اتصلتوش بيا ليه وعرفتوني المفروض ان اسمي متسجل في الطواريء؟ مدرسه كانت جنب المديره اتدخلت المدرسه : لا يا فندم انا اتصلت برقم حضرتك وردت عليا المدام وقالتلي ان رهف حاله خيريه وسط حالات كتير ومش كل مشكله انت هتجري عليها وقفلت في وشي السكه حازم بص لشاهندا وافتكر توترها لما سألها علي اللي اتصل وافتكر عياطها لما انكلموا عن رهف شاهندا : اسفه يا حازم بس ما تخيلتش ان الموضوع كده حازم : امال تخيلتي ايه ؟ شاهندا : اي حاجه غير كده انا اسفه سامحني حازم مردش بس بصلها بوجع ... كل واحده انانيه وما بتفكرش غير في نفسها وبس ... شوق كانت بتحب نفسها وعايزه فلوسه علشان تتجوز حبيبها وادي شاهندا ما فكرتش في وجع عيله بس فكرت في نفسها وانانيتها ...قاطع افكاره نزول الدكتور حازم : حالتها ايه ؟؟ الدكتور : احنا عملنالها اشعه والحمد لله معندهاش نزيف داخلي شوق اتنهدت بارتياح بس حازم لأ حازم : وبعدين ؟؟ هات اللي عندك ؟؟ انا اكتر واحد بيعرف يقري ملامحكم كويس هات اللي عندك الدكتور : عندها كسر في العمود الفقري بين الفقره الرابعه والخامسه بالتحديد هنا حازم كان هيوقع لولا شاهندا سندته واتعاد شريط حياته قدامه ... الحادثه اللي سابته مشلول .. العمليات .. الدكاتره ... الالم... بس هو كبير لكن هيا يدوب عيله ... لسه ما عاشتش ... لسه ما لعبتش ... لسه ما استمتعتش بطفولتها حازم : انت ناوي علي ايه ؟؟ايه الحل ؟؟ الدكتور : هتدخل العمليات بس الخطوره عاليه ونسبه الاصابه بالشلل كبيره شوق عيطت بحرقه من قلبها وشاهندا كمان حازم : انا هتصل بالدكتور بتاعي يجي الاول ما تعملش اي حاجه لحد ما يجي حازم اتصل بالدكتور بتاعه وطلب منه يجي بسرعه علي المستشفي وعطاه عنوانها وفعلا خلال ربع ساعه كان الدكتور بتاعه جاي يجري لانه خاف يكون حازم جراله حاجه واتنهد اول ما شافه كويس حازم : انت هتدخل للبنت اللي جوه دي وهتكشف عليها وتطمني انت فاهم ؟ انت هتطمني اتفضل الدكتور دخل لرهف وكشف عليها وشاف اشعتها وطلع لحازم الدكتور :العمليه صعبه وفيها خطوره عاليه بس مفيش حلول تانيه قدامنا .. حازم : انا ممكن اسفرها بره الدكتور : ما ينفعش تتحرك اصلا بحالتها دي الحركه ممكن تشلها تماما حازم : وبعدين ؟؟ الدكتور : تخلي عندك ايمان بربنا انا هدخلها وربنا معانا حازم : طيب عايز اشوفها الاول دخلوا كلهم لرهف وعياطهم زاد اول ما شافوها رهف بتعب : زوما حبيبي وحشتني هنا شاهندا عيطت قوي حازم قرب منها ومسك ايدها وباسها حازم : وحشتيني انتي يا روفا ... حاسه بإيه ؟؟ في حاجه وجعاكي ؟؟ رهف : لا مفيش بس انا مش حاسه برجليا اكن معنديش رجلين اصلا حازم دمعه منه نزلت ورهف مسحتها رهف : انت بتعيط ليه ؟؟ انت تعبان تاني ؟؟ طيب ارتاح انت حازم : انا مش تعبان يا قلبي ... ايه اللي حصل ليه خرجتي من المدرسه ؟؟ رهف سكتت وبصت لامها : خفت ... خفت تكون مشيت وسابتني فقلت اجري والحقها انا قبل ما تمشي .. انا عارفه البيت وحافظه الطريق ... كنت عايزه الحقها شوق : انتي بتقولي ايه ؟؟ انت روحي وعمري ... حد يسيب روحه ؟؟ انا عمري ما اسيبك ابدا ابدا رهف :انا اسفه ما تزعليش مني حازم : المهم دلوقتي تبقي كويسه وتقومي بالسلامه رهف : حازم يعني ايه مشلوله ؟؟ حازم : انتي سمعتي الكلمه دي فين ؟ رهف : الممرضات والدكاتره بيقولوا اني ممكن ابقي مشلوله حازم باسها : بعد الشر عليكي انا مش هسمح بده ابدا ما تخافيش رهف : لو انت موجود انا مش هخاف حازم : وانا سبق ووعدتك اني مش هتخلي عنك ايوه انا بعدت شويه بس من هنا ورايح مش هتبعدي عني ابدا مهما يكون التمن وده وعد مني بص لمراته بلوم وهيا بصت للارض دخل الدكتور العمليات وكل واحد ساكت شاهندا حاولت تقف جنب حازم وتمسك ايده بس رفض بصمت ووقف بعيد عنها شوق عياطها مستمر وخايفه بنتها تروح منها شاهندا الندم هيموتها انها بعدتهم عن بعض عدت ساعات العمليه بطيئه ممله مخيفه بس عدت وطلع الدكتور وكلهم بصولوا بخوف الدكتور : الحمد لله العمليه عدت حازم : يعني مش هتكون مشلوله صح ؟ الدكتور : اجابه سؤالك بدري عليها وانت عارف ده كويس من غير ما تفوق ونشوف هتتحرك ولا لأ ماقدرش اجاوبك فضلوا كلهم قاعدين جنبها مستنينها تفوق ... شاهندا بصتلها لقتها عيله مجرد عيله .. معقوله غارت من دي لبه منعت جوزها انه يشوفها ؟؟ ليه مثلت ما طلبتش تتعرف عليها وتروح معاه ؟؟ ليه قلبها مش كبير ؟؟ دعت من قلبها ان البنت تقوم بالسلامه بصت لشوق بتمعن تدرسها لقتها انسانه ابسط من البساطه .. هيا كمان مجرد عيله... لو كانت شافتها مكانتش غارت منها اصلا ... شوق كانت دبلانه مفيهاش حيويه ولا جمال هيا احلي منها مليون مره ... معقوله غيرتها مكانتش في محلها ...قامت وراحت لجوزها شاهندا : ممكن تقوم ترتاح شويه ؟؟ حازم : لو انتي عايزه تروحي روحي وجودك مالوش لازمه هنا اصلا شاهندا : انا عايزه افضل معاك حازم : ليه شوق هتخطفني مثلا ولا هتغريني ؟؟؟ روحي يا شاهندا الله لا يسيئك شاهندا : حازم انت فاهمني غلط انا بس قاطعها حازم : مش وقته تبريراتك روحي انتي شاهندا : انا عايزه اتطمن عليها حازم : لما تفوق هبلغك اتفضلي مشيت شاهندا مع اصرار حازم وفضل الصمت مسيطر علي شوق وحازم فتره طويله جدا حازم قام وقعد جنب شوق ودي كانت اشاره هضرا ليها انها تترمي في حضنه وتعيط علي بنتها او بنتهم حازم : ما تخافيش هتبقي كويسه وهتشوفي شوق : ولو ما بقتش هعمل ايه ؟؟ حازم : هتبقي لازم تبقي يا شوق لازم اخيرا رهف فاقت جريوا الاتنين عليها والدكتور جه بسرعه وحاولت تحرك رجليها وفعلا قدرت وهنا الكل اتنهد بارتياح وخصوصا حازم حازم مكنش بيفارقهم ابدا من المستشفي وشاهندا كانت بتجيلهم كل شويه سواء بأكل او بهدوم او اي حاجه ممكن يحتاجوها وجواها خوف كبير انها تكون خسرت جوزها وحبيبها وخصوصا والكلام يكاد يكون معدوم بينهم شاهندا كانت بتزور رهف وتقعد معاها واكتشفت فعلا انها انسانه رقيقه جميله محبوبه رهف : هو انتي بتحبي زوما قوي ؟؟ شاهندا : انا طبعا بحبه مش جوزي رهف : يعني انتي بتحبيه علشان جوزك ولا بتحبيه علشان بتحبيه حازم ضحك وشاهندا كمان شاهندا : انا بحبه علشان بحبه وبعدها حبيته اكتر علشان بقي جوزي حازم : خلي بالك مش هتخلصي من اسئلتها نهائي رهف : مش انت قولتلي نبقي اصحاب ؟ لازم اسألها علشان نبقي اصحاب شاهندا : اسئلي يا قمر في اللي يعجبك رهف : هو انتي ممكن تبقي صاحبه ماما ؟؟ شاهندا وشوق بصوا لبعض والاتنين محدش فيهم عرف يجاوب حازم : وليه لأ يا روفا عادي يعني بكره يبقوا اصحاب .. المهم يالا بقي انتي اخرجيلنا من هنا رهف : لا مش عايزه اخرج حازم : ليه بقي ان شاء الله ؟؟ رهف : علشان هنا انت علي طول معايا في البيت بتنساني حازم : لا يا قمر مش هنساكي ابدا ابدا مش احنا اتفقنا علي كده ؟ رهف : ما احنا بنتفق وانت بتنسي حازم : لا مش هنسي ابدا رهف : ابدا ابدا ؟؟ حازم : ابدا ابدا وفي مره حازم روح بيته وهيا كانت موجوده شاهندا : اخبارها ايه ؟؟ حازم : الحمد لله احسن واحتمال كبير تخرج بكره شاهندا : ان شاء تقوم بالسلامه بسرعه حازم : والدعوه دي بجد ولا كلام والسلام ؟؟ شاهندا : حازم انا غلطت بس لدقايق الغيره عمتني وحبي ليك غما عنيا حازم : بس دي عيله وكانت في ازمه شاهندا : عارفه واسفه واستوعبت ده وجريت وقولتلك اسفه سامحني اعذرني علي غبائي في اللحظه دي اسفه بجد ... انا عمري ما اذيت حد ابدا فأكيد مش قاصده أذي عيله حازم : اوكي يا شاهندا هسامحك بس لعلمك اتفاقي معاكي لاغي رهف تحت مسؤليتي ومش هبعد عنها تاني مهما يكون التمن الكوره دلوقتي في ملعبك انتي شاهندا : انا شفت قد ايه هيا متعلقه بيك ومش هتدخل تاني بينكم بس اوعدني ... حازم : اوعدك بإيه ؟؟ شاهندا : انك هتفضل تحبني وانه لو في يوم حنيت لشوق او حبيتها تقولي ما تسيبنيش عاميه حازم مسك ايدين مراته وضمها : امتي هتثقي في حبي ليكي يا شاهندا .. انا معاكي انتي وبس شاهندا : بس ارجوك اوعدني حازم : حاضر اوعدك اني لو حنيت لشوق هتبقي انتي اول حد ابلغه هاه مبسوطه كده ؟ استغرب حازم من نفسه انه عمره ما قال لشاهندا انه بيحبها ومش عارف ليه مش قادر ينطق الكلمه دي تاني ابدا ؟؟؟ نطقها لشوق وبس رجع حازم لشوق ورهف وفضل معاهم واخر النهار شاهندا راحت تزورهم لانها هيا كمان حبت رهف حازم مع شوق في اوضه رهف ورهف نايمه حازم : الحمد عدت علي خير وبكره ان شاء تطلع بالسلامه شوق : ولما تطلع هتيجي تزورها ولا هترجع لعادتك وتنسانا ؟؟ حازم : انا بتشغل مش بنساكم في فرق شوق : انت بجد يا حازم بتحب مراتك ؟؟ حازم باستغراب : ايه السؤال الغريب ده ؟ طبعا بحبها شوق : امال انت هنا ليه ؟؟ حازم : علشان رهف شوق : رهف بس ؟؟ امال ليه كل يوم والتاني تجيلنا وتقعد معانا ؟؟ ليه كل ما بتضايق او تزعل بتجري علي حضني ؟؟ ليه حازم : امتي اخر مره جريت علي حضنك يا شوق ؟ قبل ما اتجوز صح ،؟ كنت موهوم بحب قديم وفقت منه ... شوق :متأكد انك فقت منه ؟؟ متأكد يا حازم ؟؟ حازم : طبعا متأكد والا مكنتش اتجوزت شاهندا شوق : يعني انا لو قربت منك كده مشاعرك مش هتتحرك قربت منه قوي ووقفت قصاده تماما وحازم بصلها بتحدي حازم : مشاعري ما بتتحركش الا لمراتي وبس فما تتعبيش نفسك يا شوق انتي ماضي وانتهي شوق : بجد يا حازم ماضي ؟؟ قربت منه قوي ولمست شفايفه استغرب من رد فعلها ده ويدوب هيبعدها كانت شاهندا فتحت الباب ووقفت قصادهم مش مصدقه عنيها حازم بعد عنها بسرعه وشوق عطتها ظهرها حازم : استني انتي فاهمه غلط شاهندا : انا فعلا فاهمه غلط بعد اذنكم علشان ما اعطلكمش سابتهم وجريت وطبعا حازم ملحقهاش فوقف مكانه شوق : انا اسفه يا حازم حازم : بجد اسفه ولا انتي ديما بتحبي تبوظي حياتي ؟؟ انا قولتلك انا بحب مراتي شوق : امال بتهتم بينا ليه هاه ؟؟ حازم : بهتم برهف مش بيكي .. في فرق كبير ودلوقتي بعد اذنك اروح الحقها سابهم وراح وري شاهندا وطبعا ملقهاش في اي مكان .. فضل كل شويه يتصل بيها ومش بترد عليه اخر النهار ابوها كلمه وطلب يقابله وراحله مكرم :شاهندا حكتلي اللي حصل حازم : وايه هو اللي حصل ؟؟ مكرم : علاقتك بماضيك حازم : يا الله ... انا ماليش علاقات اوك ممكن بقي اتكلم مع شاهندا لو سمحت ؟ مكرم : شاهندا طالبه الطلاق يا حازم حازم اتصدم باللي سمعه .. معقوله تكون عايزه تسيبه لمجرد سوء تفاهم ؟؟ لا مش هيسمح بده ابدا هنا ساميه اتدخلت : مش قولتلك انها مجرد وقت وهتطلب الطلاق ؟؟ حازم : حضرتك مش فاهمه حاجه ... فلو سمحتي ما تدخليش بينا ساميه : بنتي مش مبسوطه معاك وعايزه تتطلق يبقي ازاي ما اتدخلش ؟ حازم : عمي انا لازم اتكلم انا وهيا مكرم : يا ابني انت سبق واكدت قبل ما تتجوز ان ماضيك انتهي فليه مصر تخليه جنبك ؟؟ انت بتهد بيتك بإيدك حازم : انتو مش فاهمين حاجه انا مفيش في حياتي غير مراتي وبس ... هنا مراته دخلت واتكلمت واتفاجئ بصوتها وراه شاهندا : واللي انا شفته ده كان ايه ؟؟ حازم لفلها : لوسمحتي ممكن نتكلم انا وانتي شويه ؟ شاهندا : لا يا حازم احنا اتكلمنا كتير حازم : وهنتكلم اكتر واكتر وطول ما احنا مع بعض هنفضل نتمسك ببعض مش هنتخلي عن بعض بالسهوله دي شاهندا : انت اللي بتتخلي عني حازم : انا عمري ما اتخليت عنك ابدا انتي مش فاهمه حاجه يا شاهي ... شاهندا : انا كنت بعمل نفسي مش فاهمه حازم شد شاهندا واخدها في اوضه لوحدهم حازم : شاهي حبيبتي اسمعيني هنا شاهندا عيطت جامد : كانت في حضنك وبتبوسها حازم : لا مكنتش في حضني يا شاهي ولا مكنتش ببوسها شاهندا :امال اللي انا شفته ده كان ايه يا حازم .. ازاي عايزني اكدب عنيا ؟؟ حازم : اللي شفتيه كان شوق بتحاول تقربني منها هيا زي ما انتي قولتي بتحبني وكنت بحاول افهمها اني بحب مراتي ومره واحده لقيتها بتبوسني ويدوب هبعدها انتي دخلتي الموضوع ما اخدش اكتر من لحظه .. لحظه دخولك بس صدقيني يا شاهي ...انتي في كفه والدنيا كلها في كفه شاهندا :لا يا حازم انا مش في كفه ... انت معندكش استعداد تبعد عنهم وعلاقتك بيهم هتفضل مستمره وانا كنت متخيله اني هقدر اتحمل الوضع ده بس مش هقدر حازم : للمره الألف هقولك ارجوكي خلي عندك ثقه فيه ... ثقي في حبي ليكي شويه .. مفيش حياه هتستمر من غير ثقه ... المفروض هنا يقولها انه بيحبها هيا وبس للاسف مقدرش ينطق الكلمه دي حازم : شاهندا ارجوكي انا محتاجك في حياتي شاهندا : حازم .. ارجوك .. ارجوك سيبني حازم : مش هسيبك ومش هديكي فرصه تبعدي عني انتي مراتي وشريكه عمري .. اما شوق انا هعرف ازاي اوقفها عند حدها واعرفها قيمتها ومكانتها في حياتي ... اما بقي لو انتي مش مبسوطه معايا وبتتلككي زي ما امك بتقول فدي حاجه تانيه ساعتها هنسحب من حياتك وشوفي سعادتك مع راجل تاني غيري شاهندا : ايه الهبل ده ؟ انا اعتراضي علي شوق وعلاقتك بيها بس انا بحبك ومبسوطه معاك حازم : يبقي يالا نرجع بيتنا وخليكي معايا في كل خطوه وخلي علاقتي برهف تبقي قدامك وشاركيني حبها واهتمامنا بيها ... انتي شفتيها واعتقد انك انتي كمان حبيتيها صح ؟؟ شاهندا : ايوه حبيتها بس حازم : ما بسش يا شاهي انتي رافضه علاقتي بشوق وانا بقولك علاقتي برهف بس يبقي من هنا ورايح في اي وقت اروح لرهف تكوني انتي موجوده وفي الصوره وده انسب حل يرضي كل الاطراف يالا بيتنا يا شاهي يالا ما تسيبينيش لوحدي مد ايده وهيا اترددت بس حطت ايدها في ايده واخد مراته ومشي وراحوا بيتهم طول الطريق محدش فيهم اتكلم شاهندا بتحاول تقنع نفسها ان فعلا جوزها بيحبها وحازم بيحاول ما يفكرش في اللحظه اللي شاهندا قطعتها وبيسأل نفسه لو مراته مكنتش جت كان ايه اللي هيحصل ؟؟ هيرفض شوق فعلا ولا هيصحي ماضي مات وانتهي ؟؟ وهو مات فعلا ولا بس مدفون وسط كبرياء وجرح ؟؟؟ روح بيته وهناك كانت امه يدوب داخله هيا كمان صفيه : مالكم شكلكم غريب كده ليه ؟ حازم : لا ما تشغليش بالك انتي صفيه : طيب صح يا حازم نسيت اقولك انا هسيب الفيلا حازم : هتسيبيها وهتروحي فين ؟ صفيه : هتجوز وهروح اعيش انا وجوزي حازم اتصدم ومعرفش يرد علي امه وضغط علي ايد مراته اللي ساعتها حست بألمه حازم : تتجوزي ؟؟ مين وامتي وليه ؟انتي بتهزري صح ؟ صفيه : لا انا مش بهزر طبعا .. هو انسان كويس وبيحبني وبحبه حازم : ب ايه ؟؟بتحبيه ؟؟ صفيه : ايه ؟ هو انت بس اللي مسموحلك تحب ؟؟ حازم : ويطلع مين بقي ده ؟؟ صفيه : هو هيجي هنا بكره يتغدي معايا لو تحب تتعرف عليه اسمه حسام عبدالله حازم : انتي بتتكلمي بجد بقي ؟؟ صفيه : تصبح علي خير يا حازم بكره الساعه ٢ هيكون موجود لو حابب تتعرف عليه واخر النهار هعمل حفله صغيره علي الضيق قوي هنكتب فيها الكتاب حازم : تكتبي الكتاب ؟؟ مش لما اشوفه الاول واشوفه مناسب ولا لأ ؟؟ صفيه : انا شيفاه مناسب ومن عيله محترمه وله وضعه انا مش هختار حد مش علي المستوي عرف حازم انها بتلمح عليه وعلي اختياره لشوق حازم : انتي بجد عايزه تتجوزي ؟؟ صفيه : اه هتجوز يا حازم تصبحوا علي خير حازم فضل كتير واقف مكانه لحد ما شاهندا شدته وطلعوا اوضتهم وفضلوا ساكتين معقوله امه هتتجوز بعد ابوه الله يرحمه ؟؟في السن ده عايزه تتجوز تاني ؟؟ طيب ليه ؟؟ تاني يوم حازم راح خرج رهف من المستشفي ومشي علي طول علشان يلحق عريس امه شوق : اقعد شويه ماشي علي طول ليه ؟ حازم : معلش مشغول شويه شوق : حازم انا اسفه امبارح قاطعها : امبارح محصلش اي حاجه فيه تمام ولا حصل ولا هيحصل وانا ومراتي الحمد لله كويسين بس انا فعلا مشغول وعندي ضيوف في البيت او تحديدا عندي عريس في البيت شوق : عريس ؟؟عندك مين هيتجوز اصلا ؟ حازم : امي ... امي عايزه تتجوز وجايبه عريس عرفتي بقي انا ليه مستعجل بعد اذنك اشوفكم بعدين لو في حاجه ابقي كلميني سلام نزل وراح بيته وهناك قابل حسام اللي من اول وهله ما ارتحلوش نهائي وكان غدي مغلف بالبرود حاولت امه تلطف الجو بس معرفتش نهائي لحد ما قام مشي عريسها صفيه بهجوم : تقصد ايه هاه ؟ عايز تضايقه ببرودك ده ؟ عايزتطفشه؟ لعلمك بقي احنا هنتجوز بغض النظر انت وافقت او لأ حازم : ولما كده كده هتتجوزيه بتعرفيني عليه ليه ؟ صفيه : قولت مش هتكون اناني وهتتمني السعاده لامك بعد عمري اللي ضيعته في تربيتك هنا حازم اللي انفجر : عمرك اللي ايه ؟؟ بتهرجي صح ؟ ده انتي مضيعتيش لحظه معايا ... انتي كنتي بتسيبني من وانا عيل صغير للخدامين .. انا علاقتي بالخدامين كلهم احسن منك مليون مره .. انا في عز ما كنت تعبان وبتنقل من عمليه للتانيه كنت بتتنقلي من حفله للتانيه .. حتي لما سافرت سافرت لوحدي .. عمر ايه بقي اللي جايه تقولي ضيعتيه عليا ؟؟ صفيه : بس ما جبتلكش جوز ام حازم : لا تشكري لا بجد تعبتي قوي شاهندا : حازم اهدي الكلام مش كده صفيه : انت اعتراضك عليه في ايه ؟ حازم : اولا صغير عنك ده شكله في اول الاربعين صفيه : وهو انا عجوزه بقي ولا ايه ده يدوب سنه ولا حاجه فرق حازم : امي !! انتي عديتي الخمسين بدري صفيه : شكلي ما يعديش الاربعين وبعدين فرق السن ما يخصكش حازم : طيب ماشي .. بارد ودمه تقيل وشكله انتهازي واعتقد انه عايز فلوسك مش عايزك انتي صفيه : انا غلطانه اني بكلمك اصلا ... علي اساس ان انا ست كركوبه ووحشه فلو حد بصلي يبقي عايز فلوسي !! انت وحش كده ليه ؟؟ حازم : انا وحش !!!! طيب بكره اجيب لحضرتك تاريخ حياته صفيه : انت مالكش دعوه بيه نهائي مفهوم ؟ سابتهم وخرجت وهما فضلوا مكانهم يبصوا لبعض حازم : بتبصيلي كده ليه ؟ شاهندا : انت متخيل شكلنا قدام الناس ايه ان امك تتجوز في السن ده وحد اصغر منها ؟؟ حازم : والنبي يا شاهندا مش نقصاكي اصلا انا خارج شويه اشم هوا مخنوق شاهندا : طيب ما تتأخرش خرج يلف كتير وشويه واتصلت بيه رهف واترجته يجيبلها شوكولاته ويجيبها وهو ما قدرش يقولها لأ راحلهم وكان باين عليه الضيق قوي شوق : مالك ؟؟ حازم : مفيش شوق : اخبار العريس ايه ؟؟ هنا حازم انفجر وقال كل اللي جواه .. فضل يتكلم كتير قوي وهيا سمعاه وساكته لحد ما خلص كلامه حازم : بتبصيلي كده ليه انتي كمان ،؟؟ شوق : لانك بتفكر كابن مش عايز امه تتجوز مش بعقلانيه حازم : انا غلطان في اللي قولته ؟ شوق : اولا فرق السن مش باين لان مامتك ماشاء الله شكلها صغير انت علشان عارف عمرها لكن غيرك مش هيعرف اما بقي دمه تقيل وبارد فده تجني منك او علشان انت مش طايقه حازم : يعني انا بتبلي عليه مثلا ؟؟ شوق : الراجل مش بيتحكم عليه كده .... حازم رفضك للفكره نفسها مش للشخص حازم : المفروض اعمل ايه ؟ارسم ابتسامه علي وشي واباركلها واقولها بالرفاء والبنين ؟؟ شوق : لا يا حبيبي تعمل زي ما قولت ... تجمع معلومات كفايه عنه بحيث تتكلم وانت عارف بتقول ايه مش تقول بارد ودمه تقيل !! حازم : بكره يبقي عندي تاريخ حياته واما نشوف بس برضه انا مش طايقه شوق : معلش استحمل .. حقها يا حازم حقها ... ليه تعيش في وحده طالما ممكن حد يحبها ويراعيها ؟؟ حازم اقتنع بكل حرف قالته شوق وفعلا كلف علي يجيبله تاريخ حياه حسام وفعلا جابهوله علي : كل المعلومات اللي طلبتها موجوده واوعي تقولي ارفده حازم ابتسم : لا ياريت اقدر اقولك اقتله مش ارفده علي : انا عارف اخرت شغلي معاك سودا حازم : المهم ايه مخلص الكلام ده ؟ علي : شوف يا سيدي ... عنده تقريبا ٤٣ سنه عنده شركه سياحه فاشله جدا عايش تقريبا علي الستات حازم : يعني ايه عايش علي الستات ؟؟ علي : يعني كل ما بيقع وشركته تخسر بيدور علي واحده متريشه كبيره صغيره مش تفرق يتجوزها شويه وينفضها ويقولها امك في العشه ولا طارت ده نظامه حازم : ااااهه انا كنت عارف ... علي : انت عايز ايه منه ؟؟ حازم : انا عن نفسي مش عايز علي : امال ايه ؟ تعرفه منين ؟ حازم : ده يا سيدي امي عايزه تتجوزه علي : ايه ؟؟ اتجننت ؟؟ سوري يا حازم مش اقصد بس هو حازم : عارف هو عايز فلوسها علي : طيب انت لازم تمنع الجوازه دي حازم : امي رافضه تماما مجرد النقاش حتي علي : هتعمل ايه ؟؟ حازم : طيب بص يا علي انا عايزك تجيبلي المحامي وبسرعه علي : اوك وقابل حازم المحامي وقعد معاه قعده طويله حازم : يعني ايه بقي مش هينفع ؟ المحامي : يعني مش هينفع تاخد حاجه بتاعت والدتك الا بموافقتها او انك تحجر عليها حازم : والمفروض اعمل ايه ؟ المحامي : مش بايدك حاجه غير انك تلغي التوكيل اللي كنت عاملهولها وبس حازم : ولو اخد نصيبها في الشركه ونطلي هنا اعمل ايه ساعتها ؟ المحامي : نصيبك اكبر فبالتالي مش هيقدر يتدخل كتير وربنا يسترها اي خدمه تانيه ؟؟ حازم : اه ... علي اديله بيانات شوق ورهف .. عايزك تفتح رصيد في البنك باسم رهف رتكون والدتها شوق وصيه عليه ... علي هيديك البيانات كامله وبعد ما تخلص تبلغني بحيث احطلها مبلغ محترم في حسابها اوك المحامي : حاضر يا افندم بعد اذنكم حازم : خلص اوراق والدتي النهارده تمام ؟ المحامي : تمام حازم روح وواجه مامته اللي كانت بتجهز لفرحها صفيه : خلصت اتهاماتك ؟؟ هو قالي كل الكلام ده ؟؟ وقالي ماضيه كله ،.. وعايز يبدأ من جديد وانا بحبه وهبدأ معاه حازم : تبدأي ايه ؟؟ انتي فاكره نفسك عيله ؟؟ صفيه : حازم !! انتي بتتخطي حدودك ... عيله ولا مش عيله ... انت مش قلت اللي عندك ؟ اتفضل بقي ... عايز تكون موجود وقت كتب الكتاب اهلا وسهلا مش عايز انت حر اتفضل بقي سابها وخرج وقابلته مراته شاهندا : رايح فين استني هنا حازم : خارج. انتي لابسه كده و رايحه فين ؟ شاهندا : انا رايحه عند بابا استحاله احضر المهزله دي بعد اذنك سابت حازم ومشيت وهو كمان ساب البيت وراح لملجؤه الامن عند شوق شوق : انت بتعمل ايه هنا ؟ مش النهارده فرح مامتك ،؟ حازم : المفروض اروح ارقص يعني ولا ايه ؟؟ شوق : انت عملت ايه الاول في المعلومات اللي. طلبتها عنه ؟ حكالها كل اللي حصل شوق : وبعد كل ده عايز تسيبها لوحدها وجاي هنا ؟ حازم : والمفروض اعمل ايه ؟؟ شوق : شوف يا حازم .. انت عملت كل اللي عليك ودلوقتي تقف جنب مامتك مش تسيبها وتمشي دي مهما كان مامتك ... هيا شايفه انها صح اوقف معاها حتي لو انت شايف انها غلط ... المهم ما تسيبهاش لوحدها وخصوصا لو هو فعلا وحش ... لازم يعرف ان وراها رجاله مهياش لوحدها ده واجبك كابن ... يالا قوم وروح علشان تجهز يالا شدته علشان تمشيه وهو معترض بس مشي معاها لان نوعا ما كلامها فيه شيء من الصح عملوا حفله ضيقه وكتبوا الكتاب وحازم قاعد بالعافيه مش طايق نفسه استفرد بحسام حازم : اوعي تتخيل للحظه ان قصه الحب دي داخله دماغي ،.. انا وراك هاه خلي بالك حسام : انا مش عارف انت بتتكلم عن ايه بس انا بحب والدتك بجد حازم : افلح ان صدق .... سابه ومشي وحسام اخد صفيه ومشي علي بيتهم والبيت فضي علي حازم ومراته رجعت اخر الليل وحازم رفض يكلمها وسابها وطلع اوضته تاني يوم راح لشوق يشكرها علي رأيها وخبط ودخل وهناك اتفاجئ بمحمود ومراته وعيالهم واتقابلت العيون كلها وحاله من التوتر والقلق دخل حازم وشوق عرفتهم علي بعض مع انهم كانوا عارفين بعض بمجرد النظر والاتنين مش طايقين بعض نهائي وعداؤهم كان واضح حازم : هدخل انا اطمن علي رهف الجو هنا خنقه سابهم ودخل ومحمود هيتجنن محمود : يا تناكه اللي خلفوه شوق : ارجوك محمود ما تتهورش محمود : انا نفسي افهم فاتحه بابك ليه ؟ سيبيله البيت وتعالي شقتي القديمه مقفوله افتحيها واقعديها فيها معززه مكرمه يا اما تقوليله الحقيقه ؟؟ لكن الوضع ده غلط حازم مع رهف وملك وعمر وهيا بتعرفه علي اخواتها ملك :هو انا ينفع يا عمو اخد العروسه دي ؟؟ حازم : دي بتاعت رهف هيا حره ملك : بس هيا بتقول انها هديه منك ومش ينفع علشان انت ماتزعلش حازم ابتسم : اديهالها حبيبتي وانا مش هزعل وهجيبلك احلي منها كتير رهف : بجد زوما مش هتزعل ؟؟ حازم : بجد يا قلبي انا عمر : طيب وانا مش هتجيبلي حاجه ؟ كل اللي هنا لعب بنات ؟؟ حازم : اممم طيب انت عايز ايه ؟ عمر : عايز عربيه كبيييييره برمود حازم : بس كده حاضر يا سيدي هجيبهالك ورهف هتديهالك اتفقنا ؟ عمر : هيييييه اتفقنا طلع عمر وملك يجروا لابوهم وامهم يبلغوهم بالالعاب رهف : شفت اخواتي وبابايا !!! هما كويسين مش وحشين حازم : حبيبي اللي قلبه كبير ده .... تسلميلي يا قلبي انتي ... هما كويسين فعلا ... هقوم انا اروح واجيلك وقت تاني يبقي البيت فاضي وانتي العبي مع اخواتك اوكي يا قمر رهف : بس مش تتأخر خرج حازم وسابها ونسي مفاتيح عربيته وقامت رهف وراه بعكازتها تديهالوا حازم : شوق لو احتجتي حاجه كلميني ؟؟ شوق : ماشي بسرعه يعني ؟؟ حازم : الجو زحمه وانا مبحبش الزحمه محمود : بابن عليك يا ابن الاكابر انك مبتحبش الزحمه حازم : ابن الاكابر ؟؟؟ انت بتتدخل ليه في الكلام اصلا ؟؟ وبعدين انت بأي عين جاي هنا ؟ هاه ؟؟ شوق : خلاص يا حازم امشي انت دلوقتي حازم : لا مش همشي بقي ... هو سيادتك لسه عارف انها كانت في المستشفي وكانت بين الموت والحياه ؟؟؟ ولا هيا ما تفرقش معاه اصلا ؟؟وبعدين حتي لو عرفت انت هتهتم ليه ما انت سبق ورميتها هيا وامها علشان تتجوز وتعيش حياتك ... محمود : انا رميتها ؟؟؟ انا ؟؟ واللي انت عملته ده يطلع ايه ؟ هاه يا ابن الاكابر شوق : محمود اسكت ... حازم امشي حازم : ايه اللي انا عملته ؟؟؟ رميت مراتي وبنتها ورحت اتجوزت وما عبرتهمش ؟؟؟ هاه ؟؟ شوق : محمود اسكت محمود : لا يا ابن الاكابر انت بس خليت واحده تحبك وتحمل منك ورميتها ورحت سافرت ورجعت بعد سنين بتتفضل عليهم وبتتفضل علي بنتك انك بتصرف عليها ... لو في حد واطي وندل فده مش انا .... الندل هو اللي مطلعش راجل وخلي بحبيبته بعد ما سلمته نفسها ونكمل بكره توقعاتكم ShiMoOo | ||||||||||
|
| |
|
11-05-19, 12:39 AM
| #17 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه ١٦ حازم : ايه اللي انا عملته ؟؟؟ رميت مراتي وبنتها ورحت اتجوزت وما عبرتهمش ؟؟؟ هاه ؟؟ شوق : محمود اسكت محمود : لا يا ابن الاكابر انت بس خليت واحده تحبك وتحمل منك ورميتها ورحت سافرت ورجعت بعد سنين بتتفضل عليهم وبتتفضل علي بنتك انك بتصرف عليها ... لو في حد واطي وندل فده مش انا .... الندل هو اللي مطلعش راجل وخلي بحبيبته بعد ما سلمته نفسها لحظه صمت رهيبه سيطرت علي الكل واخيرا حازم نطق حازم : افندم ؟؟ انت بتقول ايه ؟؟ كدبه جديده دي كمان ؟؟ ولا مسرحيه عاملها انت وبنت عمك ؟؟ انا سبق ولعبتو بيا زمان واتجوزتوا علي قفايا لكن ده كان زمان انا النهارده غير زمان ؟؟ محمود : مين ده اللي لعب عليك ولا اتجوز علي قفاك ؟؟ ولا مكسوف تقول انك مش راجل ومش قد عملتك ؟؟ حازم : انا راجل غصب عن انفك محمود : اه وعلشان انت راجل روحت نمت معاها وبعدها هربت وسافرت صح ؟؟ ورمتلها شيك وقولتلها بخ !! حازم : انا سافرت علشانها ... علشان اقف علي رجليا واروح اطلبها من ابوها وانا واقف مش راقد مشلول ،.. ما هربتش ابدا محمود : امال ما رجعتش ليه ؟؟ ولما رجعت ما روحتلهاش ليه ؟؟ ولما كلمتك في التليفون قولت لامك تطردها ليه ده انت كمان طلبتلها الخدم يطردوها ويمنعوها تضايق الست الهانم والدتك ؟؟؟ حازم : ايه كميه التخاريف دي ؟؟؟ ما تتكلمي انتي ساكته ليه ؟؟؟ انا كنت هموت واسمع حرف منك بس انتي بعتيني ب ١٠٠ الف اللي قبضتيهم ورحتي اتجوزتي بيهم ، كنت بتعذب واقصي امنيه ليا اسمع صوتك ... كنت بكلم امي مليون مره اسألها عنك وتقولي انك قبضتي ومشيتي محمود : اتفضل بقي ... انت فاكرنا مختومين ولا داقين عصافير ؟؟؟ طيب معاك بتحبها ما رجعتش ليه ؟؟؟ حازم : رجعت ... رجعت اول ما قدرت اقف ..قطعت علاجي ورجعت علشان اخدها واجيبها تبقي جنبي واول حاجه عملتها روحت بيتها شوق : انت عمرك ماجيت بيتنا حازم : لا جيت ... جيت بعد شهرين بالظبط جيت وكان توقيتي رائع الصراحه ... جيت وشوفتك بفستان فرحك وانتي في حضنه وهو ضامك ومخبيه وشك في حضنه وناسيه العالم باللي فيه .... رجعت يا شوق بس انتي اللي استعجلتي قوي شوق بصتله باستغراب وبنظره تايهه محمود : اضحك بقي عليها ... دموعها مافارقتهاش طول الفرح واستعجلت لانها كانت حامل وكان لازم نلحق قبل ما الفضيحه تبان .. وبعدين لما جيت زي ما بتقول كده محدش شافك ليه؟؟ حازم : انت كداب... انطقي قولي حاجه ... احنا مكنش بينا العلاقه دي ... انا مالمستكيش كده محمود : مش بقولك ندل ؟؟ حازم : شوق فضلت محتفظه بشرفها انا ما لمستهاش كده محمود : اه وانت متخيل لانك ما لمستش شرفها انها مش هتحمل ؟؟ واهي حملت هتفضل تنكر لامتي حازم : شوق اتكلمي انتي عايز اسمعك انتي مش البني ادم ده .... رهف بنتي ؟؟؟ شوق : انت لسه بتسأل ؟؟ مسألتش نفسك انت متعلق بيها كده ليه ؟؟؟مسألتش نفسك انت بتحبها كده ليه ؟؟ رهف حته منك حازم قعد في مكانه لما تخيل كل اللي عمله في شوق وبنتها.... بنته بس رافض يصدق حازم : استحاله .... لما انتي رجعتي البيت امي مقالتليش ليه ؟؟انا ياما كلمتها واترجيتها حتي تروحلك البيت وتطلب منك تيجي انتي حتي جوابي ليكي اللي سبته مع منيره قطعتيه ورميتيه شوق : مفيش حاجه وصلتني من منيره وانا روحت لامك كتير واترجيتها حتي تخليني اسمع صوتك بس هيا رفضت وكل مره تطردني وفي مره سمعتني صوتك بتقولها تديني قرشين وتمشيني وتفهمني حدودي ايه حازم : محصلش ابدا انا كنت بتمني اسمع صوتك شوق : انا سمعتك بودني بتقولها ارمي الممرضه دي بره ومستغرب هيا ازاي مش عارفه تتعامل معايا ولما قولتلها اني حامل كلمتك وقالتلك اني حامل انت ساعتها اتجننت وقولتلها ان انا بتبلي عليك واروح ارمي بلايا علي حد تاني وطلبت خليل ومكرم يرموني بره وهددتهم لو دخلوني تاني هترفدهم هما ومنيره دي معطتنيش اي حاجه وموصلنيش منك اي جواب ابدا ولا كنت هربت واستنيتك ترجع حازم افتكر امه لما قالتله ان نجوي مضيقاها وافتكر الكلام اللي قالهولها حازم : انتي بتقولي ايه ؟ الكلام ده اه حصل فعلا بس الكلام ده كنت بوجهه لنجوي الممرضه مش ليكي ابدا ... امي قالتلي ان نجوي مضيقاها وانا جربتها وبالتالي كنت عايز اطفشها علشان متضايقش امي شوق : انا كنت الممرضه اللي انت كلمتها حازم : لا لا انا مش مصدق شوق : طيب ما حنتش ابدا ؟؟ مرجعتش تاني ليه كنت عرفت اني اتطلقت حازم :حنيت ورجعت بس ساعتها لقيتك شايله بيبي فمحبتش اتدخل في حياتك تاني وبعدت تماما علشان اعرف اعالج نفسي من وجعي منك ،، كنت مقهور وموجوع منك قوي شوق : كنت شايله بنتك ومقهوره منك قوي حازم : ازاي كل ده حصل ؟؟ ازاي امي تعمل كده ؟؟ لا امي ما تعملش كده ابدا لا بس من جواه عارف ان امه تعمل اكتر من كده شوق : طيب اسأل خليل هو اكتر واحدوقف جنبي افتكر خليل وانه إختفي وانه مسألش عليه ابدا حازم : خليل ساب البيت وسافر بلده من بدري شوق : وانت ما سألتش عليه ؟؟ روح يا حازم اتأكد من خدمك وهما كلهم يقولولك ... كام مره جيت بيتكم اترجي انك بس كلمه ليك وكام مره رمتني بره ... انا كنت حامل ومعرفتش اعمل ايه ولا اروح فين وكنت عايزه اموت نفسي اولا محمود لحقني وساعدني واتخلي عن حبيبته اللي قدامك دي علشان يتجوزني وحبيبته انهارت لما هو سابها من غير سبب لانه محبش يفضحني واتجوزني ويوم الفرح اللي انت بتتكلم عنه كان اسوأ يوم في عمرنا كلنا .. انا اللي موجوعه منك وهو اللي ساب حبيبته وحبيبته اللي جالها انهيار عصبي ان حبيبها سابها واتجوز من غير سبب ،.. وبعدها روحتلك تاني بيتك وسألت عنك يمكن ... لقيتك سافرت بعد ما قعدت اسبوعين ... اسبوعين بحالهم ما سألتش عليا مره فثدقت انك فعلا نسيتني حازم : كنت راجع واقف علي رجليا وبعد ما شفتك رجعت مشلول تاني ورجليا مقدرتش تشيلني تاني وعلشان كده سافرت تاني شوق : فضلت كتير مستنياك ترجع وخصوصا بعد ما ولدت روحتلك تاني ... دخلت لامك ببنتي يمكن تحن بس طردتني وقالتلي انك رجعت وفضلت كتير وسافرت تاني بس مش ناوي ترجع ابدا حازم : لما لقيتك في حضن جوزك وشايله بيبي في ايدك عرفت اني خسرتك تماما فقررت اني اسافر وما ارجعش تاني وده اللي حصل سافرت ورجعت ساعه ما شفتني في الكافيه واول حاجه عملتها جيت اشوفك .... ااااه انتي ما تتخيليش عملت ايه ؟؟ شوق : وانت ما تتخيلش جرالي ايه ؟؟ وخصوصا لما الكل عرف ان رهف مش بنت محمودوطرد ابويا ليا وتبريه مني .... العيله كلها اتبرت مني ... واستنيتك علي امل ترجع تاني ورجعت بس رجعت بحب جديد واديك اهوه اتجوزت حازم : انا مش مصدق اي حاجه ... انتي بتقوليلي ان السبع سنين اللي فاتوا دول انا عشت كدبه كبيييره قوي ... انتي متخيله انتي بتقولي ايه ؟؟؟ وان الراجل ده بطل وضحي بحبه مش اخد مني حبيبتي وكل ده بسبب امي ... وان البنت اللي جوه دي بنتي ... انتي عارفه انا عملت ايه ؟؟ عارفه انا عملت فيكي ايه ؟؟؟ انا كنت بكرهك قوي وكنت عايز اوجعك زي ما وجعتيني ... انا يا شوق اللي كنت وري طردك منوكل شغلتنه اشتغلتيها !!! انا اللي جوعتك انتي وبنتك ،،، انا اللي عملت فيكي كل ده .... سامحيني انا اسف انا لازم امشي يدوب قام ومشي خطوتين سمع رهف : بابا ......مفاتيحك الكل بص لرهف اللي واقفه في المدخل وسامعه كل حرف اتقال والكل واقف متجمد ومحدش عارف يتكلم رهف : علشان ما تنزلش وتطلع تاني وتتعب حازم قرب منها وقعد قصادها مش عارف يعمل ايه ؟؟ بيفتكر كل كلمه قالتها وخصوصا اما قالتله ان ابوها ميت !!! افتكر خوفها ... افتكر منظرها بهدومها المتبهدله ... افتكر لما كانت بتشد امها علشان جعانه وامها معهاش فلوس تأكلها وهو كان السبب ... افتكر عذابه طول السنين اللي فاتت دي .... رهف : انت زعلان علشان انا بنتك ؟؟؟ بس انا مش زعلانه ... كنت زعلانه ان محمود بابايا لانه بيحب عياله بس اه بيحبني بس مش زيهم لكن طول ما هو مش ابويا فمش هزعل .. انا بحبك انت وانت بتحبني ودي حاجه حلوه ولا انت زعلان ،؟؟ حازم : هو انتي كبيره كده ليه وكلامك كبير قوي .... بصي انا ورايا مشوار مهم بس هرجع وهنتكلم اتفقنا ؟؟ شاورت بدماغها وهو باسها وخرج والدنيا كلها بتلف بيه كل لحظه وجع وألم سببها لشوق حسها دلوقتي ... فضل كتير مش عارف يروح فين ولا يعمل ايه فضل سايق عربيته كتيييير قوي لحد ما لقي نفسه بالليل في البلد عند عم عبد المنعم اللي اول ما لمح العربيه جري عليه ولقاه في العربيه وكأنه مغيب فخرجه وسنده احد ما دخله اوضته وطلب منه ينام والغريبه انه غمض عنيه ونام بس كوابيس بتهاجمه طول الليل بيحلم بشوق وبرهف وبيتخيل نفسه شيطان بيعذبهم اخيرا النهار طلع وهو نزل لقي عبدالمنعم مجهز فطار وقعدوا مع بعض بصمت عبد المنعم : ايه اللي حصل مالك ؟؟ انت تايه ليه ؟ حازم : رهف تبقي بنتي ...... عبد المنعم فضل كتير ساكت وما ردش حازم : انت ما اتفاجئتش ؟؟؟ ليه ما اتفاجئتش ؟؟؟ عبد المنعم : لاني كنت شاكك حازم : شاكك ازاي وايه اللي خلاك تشك ؟ ولما شكيت ما قولتليش ليه ؟؟؟ عبد المنعم : عرفت الحقيقه من فتره وجيتلك علشان اقولك بس للاسف حازم : كان يوم خطوبتي صح ؟؟ وعلشان كده كنت بتهاجم شاهندا ؟؟ طيب ليه ما قولتليش ؟؟ ليه خبيت ؟؟ عبدالمنعم : انت بتسأل ليه بجد ؟؟ هو مش انا جيت افتح سيره شوق انت اتجننت ولا نسيت ؟؟؟ انت سميتني هادم اللذات ... كنت عايزني بعد سبع سنين براقبك بتتعذب وتتوجع واول مره اشوفك بتضحك ومبسوط افتح كل جروحك تاني ؟؟ وبعدين كان شك فخفت يطلع سراب ويبقي كل اللي عملته اني صحيت جروح قديمه وخلاص ... مكنش ينفع اقولك ... كان لازم انت يا حازم طالما رجعت وقابلتها كان لازم تسألها ليه سابتك ؟؟ ليه خانتك ؟؟ليه باعتك ؟؟؟ حازم : كنت عايزني اسألها ؟؟؟ اقولها انت ليه فضلتي ابن عمك عليا وانا مشلول وعاجز ؟؟ كنت عايزني اقولها ليه فضلتي الفلوس عني ؟؟ كنت عايزني اقولها ايه ؟؟؟ متخيلتش ابدا ان الروايه لكون ليها جانب تاني جانب موجع قوي ... بس انت عرفت منين؟؟ عبد المنعم : قابلت خليل صدفه وهو اللي قالي حازم : وخليل ما قاليش ليه ؟؟ليه هو كمان اتخلي عني وبعد ومشي ؟؟ عبدالمنعم : هو كمان نابه من الحب جانب حارم : قصدك ايه ؟؟ عبدالمنعم : قصدي ان والدتك عرفت انه استحاله يخبي عنك واول ما هيشوفك هيقولك ومش هينفع تشتريه او تطرده لانه برضه هيوصلك فاتخلصت منه خالص حازم : عملتله ايه ؟؟ اوعي يكون جراله حاجه ؟؟ عبد المنعم : اتهمته بالسرقه واتقبض عليه واتحبس تقريبا سنه لحد ما اتطمنت انك مش هترجع ف اتنازلت وخرجته حازم بصدمه : هو للدجه دي انا اعمي ولا غبي ولا قليل الاصل .. انا اتشغلت بنفسي لدرجه اني عمري مازفكرت اسأل عليه مع اني بعتبره زي جدي .. هو انا وحش يا عبدو ؟؟ عبد المنعم : لا يا ابني انت مش وحش بس الظروف هيا اللي وحشه حازم قام من مكانه وخارج عبد المنعم : انت رايح فين ؟؟ حازم : رايح لعم خليل عبد المنعم راح معاه ووصله لحد بيته وهناك نزل قابل الراجل الطيب اللي استقبله احسن استقبال وكأنه حفيده اللي غايب حازم : سامحني يا عم خليل اني اتشغلت عنك الفتره دي كلها واعذرني انا معرفتش باللي حصل غير امبارح بس خليل : يا ابني اسامحك علي ايه ؟ انت كنت فين كتر خيرك وبعدين خلاص ده موضوع وخلص وانت مالكش ذنب حازم : ماليش ذنب ازاي وكل اللي حصلك كان بسببي ؟؟ خليل : لا يا ابني ما تحملش نفسك فوق طاقتها وتشيل ذنب مش ذنبك وبعدين خلاص خلص وعدي حازم : خلص ازاي وانا لسه بعاني من الماضي ده لدلوقتي ؟؟؟ خليل : شوق صح ؟؟؟ حازم : هو في غيرها اكتر حد وجعني خليل : وانت وجعتها ... وخصوصا لما طلبت مننا نرميها بره وما ندخلهاش الفيلا تاني ... كان نفسي اعرف انت ازاي قولت كده ... انا كنت علي طول بشوفكم في الجنينه مع بعض وبشوف ضحتك اللي هيا رجعتهالك وكنت فاكرك بتحبها حازم : انا فعلا كنت بحبها ... عم خليل انت لازم تحكيلي كل اللي حصل في غيابي بالتفصيل ارجوك حكاله خليل كل حاجه ... ازاي شوق كانت بتيجي كل يوم وامه بتطردها ؟؟ وازاي منعت منيره تديلها الجواب وقطعته وازاي رمتها بره لما عرفت انها حامل وازاي هو خلاهم يطردوها ؟؟ وازاي هو اتقبض عليه وتلبيسه قضيه السرقه حازم بيسمع وهو حاسس انه قدام فيلم مش حياته اللي كان مخدوع فيها ... خليل : بس وبعدها اتسجنت وهنا اتفطعت اخبار شوق عني بس كل اللي عرفته انها اتجوزت ابن عمها علشان يحميها حارم : يااااه يا عم خليل با ريتني كنت جيتلك اول ما رجعت من السفر يا ريت ... خليل : هو انت ليه بقي سيبت شوق ؟؟ ليت اتخليت عنها ؟؟ دي مش اخلاقك ابدا حازم : امي لعبت علينا كلنا ... فهمتني انها كانت مأجراها علشان تمثل عليا الحب وانها قبضت ومشيت خليل : وانت ليه صدقتها ؟؟ كان لازم تثق فيها حازم : وثقت فيها عبد المنعم : وثقنا كلنا فيها بس يوم رجعنا كان فرحها فالعبه اتسبكت صح خليل : طيب ليه قلتلنا نطردها ؟ حازم : فاكر نجوي الممرضه ؟؟ خليل : المجنونه دي ؟ حازم : ايوه هيا ... امي فهمتني ان شوق هيا نجوي وان هيا بتضايقها وطلبت مني ان انا اتصرف خليل : يعني انت يومهاكنت فاكر ان دي نجوي ؟؟ حازم : بالظبط ؟؟؟ خليل : يا الله وشوق فين داوقتي وايه اراضيها ؟ حازم :شوق موجوده هيا وبنتها او بنتي خليل : طيب وهتعمل ايه ؟؟؟ انت اتجوزت صح ؟ هتعمل ايه مع مراتك وهتفضل مع مين ؟؟ وبنتك هتعترف بيها ولا لأ ؟؟ ده المهم حاليا حازم : انا مش عارف حياتي كلها اتلخبطت وادربكت ومش عارف اعمل ايه ولا فاهم كل ده ليه ؟؟ ومراتي اعمل فيها ايه وشوق ذنبها ايه ؟؟ ورهف ؟؟؟انا مش عارف حازم مشي من عند خليل وروح بيته وعبد المنعم اصر يروح معاه لحد ما اموره تستقر كلها دخل بيته كان مراته موجوده وابوها وامها وامه كمان فدهل قعد بس ساكت تماما بيبص لامه وكأنه اول مره يشوفها اخيرا حماه وحماته مشيوا وفضل هو ومراته وامه صفيه :انت ساكت ليه كده؟؟ في ايه؟؟ حازم : تخيلي تبقي عايشه مع شخص عمرك كله وتكتشف فجأه انك ما تعرفهوش نهائي ؟؟ صفيه : ازاي بقي ؟؟ حازم : انتي ازاي كده ؟؟ ازاي قادره تنامي الليل ؟؟ وبجيلك نوم ؟؟ صفيه : اه بنام ليه بقي ؟؟ كنت عملت ايه انا علشان ما يجيليش نوم ؟؟ حازم : عملتي ايه ؟؟ بجد بتسألي عملتي ايه ؟؟ وفف وبدأ يتنزفز وصوته يعلي وكلهم وقفوا حازم: عملتي ايه ؟؟ ابدأ منين ؟؟ ابدأ بشوق واللي عملتيه فيها ؟؟ ولا بخليل؟؟ ولا بيا انا ؟؟ انت دمرتيني شاهندا : هو احنا مش هنخلص بقي من قصه شوق وبنتها ؟؟؟ لحد امتي يا حازم ؟؟ حازم : مش بنتها لوحدها يا شاهندا !! بنتي انا كمان شاهندا مش مستوعبه هو بيقول ايه ؟؟ وامه مصدومه ان لعبتها هتتكشف شاهندا : انت بتقول ايه ؟؟ حازم : ده اللي عرفته امبارح ان رهف بنتي وان امي لعبت بينا لعبه دنيئه صفيه : انت هتصدق الكدابه دي !!! دي قبضت ومشيت وباعتك واتجوزت غيرك حازم : بجد باعتني ؟؟ ولا انتي لعبتيها صح !!!فهمتيني ان نجوي بتضايقك وخليتيني اشتمها واهينها واقول اديها قرشين واطرديها وانادي الخدم يرموها بره وهيا كانت شوق .. لا برافو لعبتيها صح ... طب لما قالتلك انها حامل ما صعبتش عليكي ؟؟ حفيدتك مصعبش عليكي !!! صفيه : انت كنت مشلول عايزني اصدق حته ممرضه انها حامل منك ؟؟ انت متخلف ولا اهبل ولا بتصدق اي حاجه وخلاص ؟؟؟ دي بتنصب عليك واحده مطلقه ومعاها عيله واستغلت علاقه قديمه علشان تأمن نفسها وبنتها بطل هبل بقي حازم : لحد امتي هتفضلي كده ؟؟ انا ايوه كنت مشلول بس مكنتش عاجز ،.. مكنتش مسلوب الاراده زي ما انتي كنتي بتعامليني !! مكنتش عيل صغير مالوش اي حق يقرر اي حاجه ... وبعدين انا عارف عملت معاها ايه كنتي سألتيني ؟؟؟ لا وحجزتيلي علي يوم فرحها واصريتي اجي اليوم ده كنت مستغرب اشمعنا اليوم ده اتاريكي بتخططي تقتليني ... دبحتيني بيكينه بارده وتلمه كنتي عارفه اني مش هستني لتاني يوم وهروحلها وهشوفها بفستان فرحها ... كل ده ليه ؟؟ طيب وخليل الراجل الطيب تحبسيه ؟؟ كنتي عارفه انه هيقولي فكان لازم تخلصي منه هو كمان صفيه : خليل كداب وحرامي وانا مرضيتش اقولك علشان بتحبه و حازم : كفايه بقي ضيعتي سبع سنين من عمري هتضيعي ايه تاني ؟؟؟ انتي عندك ادني فكره انا عملت في شوق ايه ؟؟ وعملت في بنتي ايه ؟؟؟ انا فضلت وراها اطردها من شغل وري شغل لحد ما خلتها معهاش تمن رغيف عيش تأكل بيه بنتي !! انتي متخيله ؟؟ كانت بتمسح مداخل العمارات والسلالم علشان تاخد عشره جنيه تأكل بنتي !!! وانا اللي عملت كده ... بعتلها علي علشان يعرض عليها فلوس وينام معاها !!! مش عارف كنت هعمل ايه لو جوع بنتها خلاها توافق ؟؟؟ شغلتها خدامه في الفندق ... انا عذبتها وكل ده ليه علشان هيا مش عاجبه سيادتك وانتي اخدتي قرار انها ما تنفعش صح ؟؟؟ صفيه : ايوه ما تنفعش ولو الزمن رجع تاني هعمل نفس اللي عملته والبنت دي مش بنتك انت عاجز ومشاول متخليش واحده تضحك عليك حازم : انا مش عاجز ورهف بنتي .. من اول مره شفتها وحسيت بحاجه ربطتني بيها صفيه : اوعي تتخيل اني هسمحلك تكتبها باسمك ولا تفكر ترجع للمرضه دي ؟؟ حازم : هتمنعيني ازاي ؟؟؟ انتي اتجوزتي صح ؟؟ كنت زعلان انك اتجوزتي بس دلوقتي لأ انا فرحان جدا لانك اخترتي واحد نسخه منك بالظبط ... اخترتي نصاب واللي عملتيه في شوق وبنتها هيطلع عليكي كله ودلوقتي بقي اتفضلي بره ببتي روحي لجوزك لايقين علي بعض صفيه : اوعي تنسي ان ده بيتي ؟؟ حازم : لا سوري الفيلا بتاعتي اتفضلي بره صفيه : بكره هتعرف قيمه اللي انا عملته مشيت صفيه وهو فضل واقف كتير وبعدها بص لمراته اللي نسي تماما انها موجوده حازم : قولي اي حاجه شاهندا : اقول ايه ؟؟ حبيبتك اللي كنت فاكرها خاينه طلعت بريئه ومعاها بنتك في ايه يتقال ؟؟ مبروك عليك روحلهم حازم : اروحلهم ؟؟ انتي متخيله اني مبسوط بالوضع ده ؟؟ انا موجوع فوق ما تتخيلي شاهندا : حاسه بوجعك لاني عايشه نفس الوجع ده حاليا روح لحبيبتك عوضها السنين اللي فاتت حازم : انتي حبيبتي مش شوق ... شوق ماضي انتي مش عايزه تفهمي ليه ؟؟انتي الحاضر والمستقبل شاهندا : طيب هصدقك وبنتك ؟؟ هتعمل فيها ايه ؟؟ حازم : بنتي هكتبها باسمي وتاخد حقوقها شاهندا : انا تعبانه وعايزه انام بعد اذنك .. فكر هتعمل ايه وابقي بلغني بقرارك سابته وطلعت وهو فضل طول الليل دماغه هتنفجر وذكريات كتيره بتحاول اطلع وهو بيكبتها اخيرا النهار طلع خرج وراح للمحامي بتاعه المحامي : خير با باشا كنت كلمتني وانا جيتلك حازم : لا الموضوع مستعجل .. لو واحدعايز بكتب عيله باسمه يعمل ايه ؟؟ المحامي : اخطار ولاده وقسيمه الجواز حازم : اخطار ولاده ايه بقولك واحد اكتشف ان عنده عيل المحامي : والعيل عنده قد ابه ومكتوب باسم مين ؟ حازم : باسم حد تاني نعمل ايه ؟؟ المحامي : هتغير نسبه ممكن بتحليل ال DNA يثبت ان العيا ابنه ويغير النسب حازم : بس كده ؟ المحامي : اه بس كمان مطلوب قسيمه جواز للام حازم : قسيمه جواز ؟؟ودي ضروريه ؟؟ المحامي : امال هتكتب اسم الام ايه ؟؟ حازم ؛ متشكر المحامي : انا مش فاهم حاجه حازم : بعدين سلام قام مشي وروح بيته لمراته اللي كانت في حاله يرثي لها حازم : شاهندا انا محتاجك قويه وواقفه جنبي وفكري معايا هنعمل ايه ؟؟ شاهندا : لا ده قرارك انت حازم : طيب علشان اسجل رهف باسمي لازم اتجوز شوق شاهندا : طيب روح اتجوزها حازم : شوفي انا دماغي هتنفجر من التفكير واللي وصلتله اني هتجوز فعلا شوق بس جواز صوري لحد ما اكتب البنت باسمي وبعدها هطلقها شاهندا : وبعدين ؟؟والبنت ؟؟ حازم : براحتها عايزه تفضل هنا براحتها عند امها براحتها شاهندا: انت عايزني اربي بنت حبيبتك ؟؟ انت مش شايف انك بتطلب مني كتير قوي ؟؟ حازم : شاهندا اوعي تتخلي عني خليكي جنبي شاعندا : ربنا يسهل بعد اذنك عندي شغل هيا خرجت وهو راح لشوق دخل عندها وفضلوا كتير ساكتين حازم : رهف فين ؟؟ شوق : راحت عند محمود يومين تريح اعصابها من المشاكل دي لحد ما نشوف هنعمل ايه ؟؟ حازم : انتي عايزه تعملي ؟ شوق : معرفش يا حازم معرفش حازم : انتي ليه مقولتليش ان رهف بنتي ؟؟ ليه خبيتي عني ؟؟ شوق : مش عارفه ... كنت متردده ... كنت خايفه ... حازم : خايفه ؟؟ خايفه من ايه ؟؟ شوق : انك تاخدها وتختفي وانا معرفش اوصلك تاني زي زمان ومعرفش ارجع بنتي لحضني حازم : وهو انا اعملها يا شوق ؟؟ شوق : بالنسبالي عملتها اما سافرت وسيبتني حازم : ده كان غصب عني وكان قاطعته : بالنسبالي كان بتتخلي عني حازم : وبالنسبالي كنتي بايعاني شوق : وبعدين ؟؟ حازم : مش عارف ... عقلي عاجز عن اي قرارات بس اللي اعرفه ان رهف لازم تتكتب باسمي شوق : حقك وحقها حازم : علشان اعمل كده لازم قسيمه جوازنا انا وانتي علشان اسجلها باسمنا شوق : انت عايز تتجوزني ؟؟ ومراتك موافقه ؟؟ شوق مستنيه اجابه السؤال ده من زمن طويل ... قلبها هيخرج من مكانه ... عايزه تسمعها منه ... انه قد ايه اشتاقلها ؟؟؟ حازم : الجواز هيبقي صوري .. علي الورق بس علشان اعرف اكتبها باسمي وشويه وتشوفي حياتك براحتك .. بس نحفظ حق رهف وتتكتب باسم ابوها شوق احلامها اتكسرت علي صخره الواقع وحست بالدنيا كلها بتنهار قدامها ... بعد كل ده عايز يتجوزها صوري ؟؟ بعد العذاب ده دي اخرتها ....هيا متستاهلش كل ده ابدا وفاقت علي صوته حازم : هنشوف محامي يكتب عقد جواز ويخلص الموضوع ده كله هاه قولتي ايه ؟؟ شوق : حازم ............ قوم اطلع بره حازم بدهشه : نعم ؟ شوق : اللي انت سمعته .. اطلع بره .. حازم : في ايه يا شوق احنا بنتكلم شوق : في ان انت اناني مابتفكرش غير في نفسك وبس .. انا ازاي حبيتك اصلا في يوم من الايام ؟؟ انت من زمان اناني ... بتوجع كل اللي حواليك وما بتهتمش ... كنت بتجرحني واقول معلش علشان تعبان وراقد واسامح وارجعلك وانت تتمادي واسامح ... انا سامحتك علي تجويعي انا وبنتك ... سامحتك علي كل حاجه ... وانت بتتمادي .. كل ما تتعب تيجيلي هنا وانا افتح درعاتي ليك واضمك.. كل ما بتتخانق مع السنيوره بتاعتك بتجري عليا وانا بسمعك وانصحك واخليك ترجعلها ... انت يوم خطوبتك جيتلي هنا وانا لبستك لخطيبتك ويوم فرحك جيت هناواستقبلتك بابتسامه انت ايه يا اخي ما بتحسش ... بعد كل ده جاي تقولي جواز صوري وعلي الورق .... انت عارف انا اكتفيت منك وبنتي مكتوب باسم راجل .. راجل بيتحمل المسؤليه حتي لو مش مسؤليته ... وانا راضيه بالراجل اللي هيا مكتوبه باسمه ... اما انت انا مش عيزاك في حياتنا اكتر من كده فلو سمحت اطلع بره شوق كانت بتنهج بعد كل الكلام ده ... اخيرا انفجرت وثار البركان اللي جواها .. وفعلا المثل بيقول اتق شر الحليم اذا غضب حازم : شوق اسمعيني شوق : اطلع بره لو سمحت يا اما هطلع انا حازم :هسيبك تهدي ونبقي نتكلم خرج حازم وهيا انهارت تعيط علي كل احلامها اللي اتفتت وانهارت .. كل امل ليها انهار واتحطم ... حازم خرج من عندها مستغبي نفسه بس برضه مش فاهم هيا معقوله تكون لسه بتحبه كده ؟؟ بس هو بيحب مراته ولازم يكون مخلص لها .. مراته علي طول واقفه جنبه وسنداه .. مش دي جزاتها انها حبته ... بس شوق اتظلمت كتير قوي ... واتحملت اكتر واكتر ... ومن حقها .... من حقها ايه ؟ تعوضها ؟؟ شوق خلاص مجرد ماضي خليك في الحاضر والحاضر فيه شاهي مراتك شوق راحت تشوف بنتها وهناك حكت لمحمود كل اللي حصل وعيطت كتير وهو مش عارف يعملها ايه ؟؟؟ محمود : اقولك رأيي وتنفذيه ؟؟ شوق : قول ارجوك محمود : تروحي بيته تلمي كل حاجتك وحاجه بنتك وتطلعي علي شقتنا القديمه وتفتحيها وتعيشي فيها وترجعي للشغل اللي رفضتيه ده وتقفي علي رجليكي انتي مش ضعيفه انتي قويه .. اللي تقف قصاد العالم كله وتربي بنتها ومهما تبقي الظروف عمرها ما تغلط تبقي قويه وقويه جدا كمان ليه مع حازم بقي بتبقي بمنتهي الضعف والانكسار ؟؟ شوق : انا بحبه محمود : عمر ما كان الحب ضعف او انكسار ... لو الحب يا شوق مش هيوقفك علي رجليكي ويسندلك ظهرك يبقي مالوش لازمه .. الحب اللي يكسر ويأخر ويضعف مالوش قيمه في حياتنا وقلته احسن .. خليكي شوق اللي رافعه راسها طول عمرها وماتوطيش ايوه غلطتي بس كفايه بقي دفعتي التمن كفايه ربك بيسامح ويغفر ... كفايه يا شوق كلام محمود عطاها دفعه امل كبيره فقامت فعلا لمت كل حاجتها وحاجه بنتها وراحت علي الشقه اللي اتجوزت فيها لقت سميه وامها هناك نظفوها وجهزوها ليها .. استقرت هيا وبنتها وروقوا حاجتهم وقفلوا بابهم عليهم ... رهف : مامي احنا هنعيش هنا ؟؟؟ شوق : ايوه حبيبتي ... انتي عندك مانع ؟؟ رهف : لأ ... طيب وحازم ؟؟ شوق : اه من حازم يا رهف ... بصي بما انك كبيره وبتفهمي انا اسفه الاول اني خبيت عليكي ان حازم يبقي باباكي ... رهف : انا مش زعلانه منك ... بس هو احنا سيبنا بيته ليه ؟؟مش المفروض ان احنا كلنا نعيش مع بعض ؟؟ شوق : المفروض بس هو متجوز وعايش مع مراته اه هو بيحبك وعايزك بس مش عايزني انا رهف : يعني ايه ؟؟ شوق : مش عارفه ....يعني هو عايزك انتي بس انا لأ لانه عنده شاهندا مراته .. لو انتي حبيبتي عايزه تروحي تعيشي معاه عند شاهي صحبتك وتعيشي في بيتهم الكبير ده حقك انا مش همنعك .... رهف : لا يا مامي انا وانتي مع بعض وعلي طول هنفضل مع بعض ولو هو مش عايزنا مع بعض يبقي مش هياخدنا من بعض ... انتي وعدتيني هنفضل انا وانتي مع بعض صح يا مامي ؟؟ شوق ضمتها : صح يا قلب ماما صح حازم رجع بيته كانت مراته قاعده في اوضتها بتلبس وتجهز وهو راجع علي اخره تعبان موجوع متلخبط شاهندا : اخيرا رجعت ؟ ادخل خد شاور سريع واحلق دقنك واجهز بسرعه حازم : ليه ان شاء الله ؟؟ شاهندا : هنسهر بره مواعده صحباتي نسهر معاهم .. احنا مختفين من ساعه حادثه رهف حازم : يوم تاني النهارده تعبان ... شاهندا : بقولك مواعده صحباتي حازم : وانا بقولك تعبان شاهندا : خد مسكن ويالا ساعتين ونرجع حازم : شاهندا !! تعبان ومش قادر اخرج ومش عايز اخرج اصلا اشوف حد او اسهر مع حد .. انتي عايزه تخرجي اتفضلي سيبيني في حالي بقي شاهندا مش عاجبها الكلام : شوق قالتلك ايه ؟؟ هتتجوزها امتي ؟؟ حازم : رفضت الجواز اصلا شاهندا : رفضت الجواز عامه ولا رفضت الجواز الصوري ؟؟ ههههههه كانت عايزاك انت كلك علي بعضك ..صح ؟ حازم : الله اعلم هيا عايزه ايه بعد اذنك انا هدخل اخد شاور وانام شاهندا : وانا هخرج مع صحباتي هنسهر بره تصبح علي خير سابته وخرجت وهو فكر كتير ينزل يروح لشوق بس افتكر انها مجروحه منه وزعلانه ... الصبح يدخل رهف بنهم .. الصبح قام كانت مراته نايمه جنبه لبس ونزل وراح لرهف وشوق .. خبط كتير بس محدش فتح ،،. - اكيد راحوا المدرسه .. رهف اتحسنت ممكن تكون ودتها وراحت مشوار مثلا ؟؟ بيكلم نفسه حازم.. طلع مفتاحه وفتح يستناهم .. دخل اوضه رهف ولقاها مرتبه زياده عن اللزم فقلبه اتقبض وراح ناحيه الدولاب فتحه واتفاجئ بيه فاضي ... رافض يصدق فراح اوضه شوق وفتح دولابها ونفس الحكايه ... شوق سابتله البيت ومشيت .. اخدت بنته ومشيت ... اتصل بتليفونها بس مردتش عليه ... كان هيتجنن ومش عارف يعمل ايه ؟؟ راح علي شغله وطلب علي واول ما دخله حازم : تقلب الدنيا كلها وتعرفلي شوق فين هيا وبنتي علي : بنتك ؟؟ بنتك مين ؟؟ حازم : رهف ... رهف بنتي علي بصدمه : بنتك ازاي ؟؟ ولما هيا بنتك كنت بترميهم في الشارع وتجوعهم ليه ؟؟ حد عاقل يعمل كده في بنته ؟؟ حازم : مكنتش اعرف اكيد ... لسه عارف انها بنتي علي : وقلبك ما قالكش؟؟ بس عارف تستاهل وكويس انها طلعت بنتك علشان انت تتعذب بكل اللي عملته فيهم ... كويس انها طلعت بنتك اللي انت جوعتها بايدك حازم : علي !! والله ما نقصاك انا فيا اللي مكفيني ... عايز اعرف مكان شوق فين ؟؟ علي : علشان تاخد منها بنتها صح ؟؟؟علشان كده هربت منك ؟ حازم : علي !!! علي : انا اسف يا حازم ... مش هساعدك تحرم ام من بنتها حازم : هو انت بتتكلم وترد علي نفسك ؟؟؟انا مش هاخد رهف من شوق انا بس عايز ارجعهم البيت ويبقوا تحت رعايتي علي : طيب وهيا سابتك ليه ؟ حازم : طلبت منها نتجوز علشان اكتب البنت باسمي رفضت واهي سابتلي البيت علي : هيا بتحبك كلامك مش منطقي ... عمرها ما ترفض تتجوزك .. ليه مشيت يا حازم ؟؟ حازم : جواز صوري علي الورق بس علي ضحك : لازم فعلا ترفض وتمشي ... انت مش معقول علي العموم حاضر هعرفلك مكانها المهم حاليا في اجتماع لمجلس الاداره ووالدتك موجوده تعال نحضره الاول حازم : والدتي ؟؟ والدتي ايه اللي جابها ؟؟ علي : مش لوحدها حازم اتنفض واقف : هيا وصلت انها تجيبه هنا ؟؟ ده اللي كنت عامل حسابه راح علي الاجتماع واول ما دخل الكل وقف ماعدا مامته حازم بص لحسام جوزها حازم : سيادتك ايه اللي جابك هنا ... حسام : انا من هنا ورايح اللي هحضر الاجتماعات حازم :ده في الاحلام صفيه : حازم !!! هو هيحضر نيابه عني ... انا عملتله توكيل وهو مسؤل عن الاسهم بتاعتي في الشركه .. من هنا ورايح هو معاك في الاداره حازم وقف واتصدم ومعرفش يقول ايه ؟ ده اللي كان خايف منه بالظبط .. امه تدخل نصاب شركته ..... حازم :.........،،،،، ونكمل بكره ؟؟ ShiMoOo | ||||||||||
|
| |
|
11-05-19, 12:39 AM
| #18 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه ١٧ حازم امه قالتله ان جوزها هيستلم مكانها في الشركه معاه وده جننه حازم وقف : نعم؟؟ دي شركتي انا .. مش معني ان ليكي اسهم فيها انك تدخليلي اللي يسوي واللي ما يسواش فيها صفيه وقفت قصاده : والسنين اللي انت كنت راقد فيها مين كان مشغلها .. هاه ؟؟ انا حره اعمل اللي يعجبني وانت غصب عنك تتقبل وجوده هنا لان ده بقي امر واقع مش بمزاجك حازم : هتندمي وبكره تشوفي .. بعد اذنكم سابلهم الاجتماع وخرج ومش عارف يروح فين ؟؟؟ لشوق اللي سابته واختفت ولا مراته ؟؟ واخيرا راح لمراته دخلها كانت الدنيا زحمه عندها ومشغوله بكام طلبيه بتستلمهم ومش شيفاه اصلا ولا سمعاه منهمكه تماما في شغلها وهنا اتمني لو شوق موجوده اللي بتسمعه بكل جوارحها مهما تكون حالتها ... يا تري هو خسر شوق ؟؟؟؟ مكنش عارف يعمل ايه او يروح فين او يتصرف ازاي ؟؟ شاهندا : ايه مالك ؟؟ حازم : مخنوق حبتين شاهندا : خير ؟؟ شوق ؟؟ولا شغل ؟؟ حازم : الاتنين .. شوق اختفت ببنتي وامي سلمت جوزها الاسهم بتاعتها في شركتي وانا هضطر اشارك النصاب ده في شركتي شوفتي بقي اللي انا فيه ؟؟؟ شاهندا : شوق اول ما الفلوس تخلص معاها هترجع ما تقلقش .. اما والدتك بقي فانا قلتلك حاول تمنع الجوازه دي حازم : كان بإيدي ايه اعمله وما عملتوش ؟؟؟ شاهندا : تمنعها بأي طريقه مش تسيبها وتروح كمان تحضر فرحها .. اتفضل بقي ولسه بكره تلاقيه في الفيلا معانا حازم : هو انتي بقيتي كده من امتي ؟؟ ولا انتي علي طول كده وانا مكنتش واخد بالي ؟؟ شاهندا : كده ازاي ؟؟ حقانيه ومش بزوق في الحقيقه !! من يومي بس انت مش واخد بالك حازم : فعلا انا مكنتش واخد بالي نهائي يالا انا هقوم ورايا مشوار مهم خرج حازم من عندها وكلم علي حازم : علي وصلت لايه ؟؟ عرفت مكانها ؟؟ علي : ليه معايا مصباح علاء الدين انا ؟؟ لا طبعا اصبر عليا حازم : طيب علي في ابن عمها اسمه محمود ممكن تعرف عن طريقه اوك ؟ علي : ماشي ان شاء الله خير بس انت مش هترجع ؟؟ حازم : ارجع ليه خير ؟؟ علي : النهارده اجتماع مشروع الاسكان اللي انت هتقوم بيه خلاص بدأنا شغل وخلال فتره بسيطه هنبدأ نسلم الوحدات السكنيه حازم : طيب كل ده حلو انت عايزني ليه بقي ؟؟ علي : علشان اللجنه اللي هتختار مين له حق يسكن ومين لأ هتبقي موجوده وانت تختار معاهم حازم : لو اللي مقدمين عايزين شقق قد اللي الشقق يبقي اديهم كلهم المشروع ده كله للمساعده فمش عايز حد يرجع زعلان وبعدين الاولويه للي هيتجوزوا من الاسر اللي احنا متكفلين بيها تمام ؟؟ علي : يعني انت مش هتيجي ؟؟ حازم : علي مش قادر وتعبان هروح ارتاح شويه يوم عدي والتاني وحازم مش عارف يوصل لشوق نهائي كان في مكتبه في اليوم الثالث وعلي دخل عليه فجأه علي : عرفت عنوانها وعرفت عنوان شغلها كمان حازم : برضه اشتغلت ؟؟؟ فين في مستشفي ولا مستوصف ؟؟ علي : لا ده ولا ده شغاله في شركه سكرتيره .. شركه الصناعات الدوائيه بتاعت امجد السمري حازم : اه طيب وهيا ايه دخلها بشغل السكرتاريه؟؟ علي : اعتقد انها مرت علي كله المهم اتفضل عناوينها حازم اخدهم وقام نزل راحلها بس خبط ومحدش فتح فكر يرجع شغله بس معرفش ففضل مستنيهم في العربيه .. ساعه اتنين تلاته لحد ما لمحهم راجعين.... شوق وشايله بنتها نزل من العربيه ووقف قصادهم باصصلهم وهما شافوه ..رهف كانت عايزه تجري عليه بس نظره لامها فاستكانت مكانها شوق : خير ؟؟ حازم : انتي بتسألي ؟؟ معناه ايه ده ؟؟ بتخبي بنتي مني مثلا ؟ شوق : لا طبعا بس بخرج من بيتك حازم : ليه؟؟ايه اللي ضايقك في بيتي ؟؟ شوق : انت وبعدين كنت هكلمك واقولك بس قولت لما استقر حازم : طيب ممكن نطلع ولا هنفضل نتكلم في الشارع ؟ شوق : خلي بالك ان هنا منطقه شعبيه يعني ما ينفعش تروح وتيجي علينا كل شويه حازم : قولي للناس ان انا ابو بنتك وهنا هيستنتجوا الباقي شوق: يالا بينا وفعلا طلعوا شقتها الصغيره المريحه دخلت وهو دخل وراها بيتفرج علي المكان ورهف دخلت ورايحه علي اوضتها شوق : المكان مش قد مقام سيادتك طبعا؟؟ حازم : وانا من امتي يفرق معايا الكلام ده ؟؟رهوف ايه ما وحشتكيش ؟؟تعالي رهف بصتله : انا عايزه انام يدوب هتدخل بس حازم وقفها حازم : قولتلك تعالي هنا .. في ايه مالك ؟ اول مره تعامليني كده ؟ رهف : انا مش بحبك حازم بوجع : ليه مش انا زوما حبيبك ايه اللي اتغير ؟؟ رهف : زوما كان حبيبي لانه كان مجرد واحد بيحبني وبس وهو مش مطلوب منه حاجه لكن انت بابا وانت مطلوب منك كتير وانت ما بتعملش اي حاجه وعلشان كده انا مش بحبك حازم : ايه اللي مطلوب مني وانا اتأخرت فيه ؟؟ رهف : مطلوب تحبني انا ومامتي وتبقي بابا بجد حازم : ما انا بحبكم وانا بابا بجد رهف : لا انت ما بتحبناش انت بتحب شاهندا بتاعتك روحلها وخليك معاها بقي ومالكش دعوه بينا حازم بص لشوق بلوم وعتاب انها هيا المسؤله عن تفكير بنتها شوق : ما تبصليش يا حازم انا مش مسؤله عن تفكيرها ده حازم : امال مين ؟ شوق : انت مسؤل عن ده ما تلومش غير نفسك حازم وقف قصادها وطلب من رهف تدخل اوضتها حازم : هاه اتفضلي سيادتك قولي بقي .... شوق : اقول ايه ؟؟ حازم : الاول سيبتي البيت ومشيتي ليه ؟؟ شوق : رجعت بيتي .... حازم : ده مش بيتك شوق : ده بيتي اللي اتجوزت فيه .. دي شقتي حازم : وكانت فين شقتك دي لما كنتي قاعده في عشه فوق السطح ... هاه ؟؟ ولا دلوقتي بقت شقتك ؟؟ شوق : انت عايز ايه يا حازم ؟؟ حازم : ترجعي شقتك شوق : قولتلك مش شقتي اسفه ... غيره ؟ حازم : فكرتي في عرضي ؟؟ شوق : جوازك مني علي الورق ؟؟ لا متشكره ما يلزمنيش حازم : امال ايه اللي يلزمك ؟؟ عايزه ايه ؟؟ شوق : عايزه اعيش حياتي بقي ... سنين وانا مترمطه ومتبهدله وعايشه علي وهم رجوعك واديك رجعت اهوه تقولي صوري فلا يا حازم كفايه كده ... انا اكتفيت منك ومن هنا ورايح هشوف حياتي واشوف نفسي بقي حازم : تشوفي حياتك ازاي ؟؟ شوق : معرفش بس هنطلق ... مبدئيا هشتغل والحمد لله الراجل وافق يرجعني حازم : وانا سبق وقولتلك اني متكفل بيكم شوق : لا متشكره ... انت مش هتصرف عليا تاني انا شغلي مكفيني حازم : شوق وبعدين ؟؟ شوق : بقولك ابه انا تعبانه وعايزه ارتاح ... انت عرفت عنوان البيت اهو وقت ما تحب تشوف بنتك اتفضل برجع من الشغل في نفس الوقت ده ... ممكن بقي ؟؟ حازم : ماشي يا شوق براحتك هسيبك دلوقتي بس كلامنا ما خلصش لان بنتي هكتبها باسمي وبأي طريقه شوق : انت بتعددني يا حازم ؟؟ حازم : لحد دلوقتي لأ بعد اذنك سابها وخرج وهو مستغبي نفسه واسلوبه معاها وقرر تاني يوم يروحلها يلطف الجو معاها وفعلا رحلها وبنته نفس الطريقه رافضه تحن عليه او ترجع لطبيعتها معاه حازم : وبعدين يا شوق ؟؟ اتصرفي مع بنتك شوفي حل شوق : حل لايه ؟؟هيا مالها ؟؟ حازم : متغيره معايا مش دي طبيعتها شوق : هيا مصدومه فيك اعملها ايه انا ؟؟ حازم : اتصدمت منين هاه ؟؟ مش من سيادتك شوق : لا طبعا هيا كانت متخيله انك علشان ابوها يبقي كلنا هنبقي عيله ونعيش مع بعض واتصدمت بالواقع حازم : وانتي كان لازم تقوليلها الواقع شوق : هيا مش صغيره وفاهمه ،، المهم انا هحضر العشا هتتعشي معانا ؟ حازم : لا متشكر بعد اذنك حازم مش عارف يصالح بنته ولا عارف يهتم بشغله ولا عارف يبقي مع مراته زي الاول وكل اموره متلخبطه في شغله علي : وبعدين المشروع الخيري هيوقف حازم : يوقف ليه ؟؟ هتتسلم الوحدات السكنيه بعد ما تكمل وهنحدد معاد فرح جماعي وهيتجوزا وخلاص علي : بالسهوله دي ؟؟ الوحدات دي هتخلص ازاي ؟؟ حازم : واي قريه ولا منتجع ولا مول بيخلص ازاي ؟؟ علي : انت بتابعه وبتتفق مع المقاولين وبتفضل وراه لحد ما يخلص المره دي انت مهمله تماما وسايبه لجوز والدتك بيعك حازم : بقولك ايه سيبه يعك المهم الوحدات تخلص انا حاليا دماغي مش رايقه خالص للشغل ،. مراتي وانا مش متفاهمين خالص وبنتي ما بتكلمنيش وشوق .... شوق بدأت تعيش علي : وده مضايقك ؟؟ ما انت عايش اهوه حازم : روح شوف شغلك شويه ودخله حسام جوز مامته حسام : وبعدين المشروع كله هيوقف حازم : خير ؟؟ ليه ؟؟ حسام : مفيش سيوله .. والمقاولين عايزين فلوسهم علشان يكملوا شغل حازم : طيب ما تسحب من الخزنه علي ذمه المشروع حسام : ماهو حضرتك موصيهم انا ما اسحبش ولا ناسي ؟؟ وبما انك صاحب اكبر نصيب فكلامك هو اللي بيمشي حازم بصله كتير ويدوب هيتكلم شوق كلمته وطلبت منه يروح للبنت المدرسه ويخليها معاه ويجيبها بالليل حسام : هاه وبعدين هنتصرف ازاي ؟؟ شوفلك حل قبل ما تمشي حازم رفع التليفون : ادي للاستاذ حازم اللي عايزه من الخزنه للمشروع السكني الجديد خليه يقدم فواتير ويسحب للمشروع قفل وبصله حازم : هتقدم فواتيرك وعايز ايه وهيدولك المبلغ بالظبط بعد اذنك راح لبنته واخدها بيته تقضي معاهم اليوم .. مراته رجعت وقعدت شويه معاهم وتنسحبت لانها تعبانه ومحتاجه ترتاح حازم فضل مع بنته واتخنق من مراته اللي انسحبت بسرعه كده والجو ةله كان خنقه وافتكر اخر مره قعد فيها مع لنته يصحكوا ويهزروا وبيسأل نفسه ايه اللي اتغير ...اخر النهار روح علي بيت شوق اللي كانت جميله بغير العاده ولابسه حاطه ميك اب وفي منتهي الجمال حازم : انتي جايه منين؟؟ كنتي في فرح ولا ايه ؟؟ بس بدري علي الفرح شوق : لا مكنتش في فرح كنت معزومه علي الغدا ويدوب راجعه .. متشكره حازم بعد اذنك جت تمشي شدها من ايدها وقفها حازم : معزومه مع مين وفين ؟؟ شوق : مع امجد حازم : امجد ده اللي هو امجد السمري ؟؟ صاحب الشركه ؟؟ شوق : ايوه هو انت تعرفه ؟؟ حازم بغيظ : اه اعرفه بس هو من امتي بقي امجد وبتتغدي معاه ليه ؟؟ شوق : اعتقد ان ده شيء ما يخصكش ولا ايه ؟؟ حازم : يخصني ونص يا شوق بتتغدي معاه ليه ؟؟ شوق : قولتلك ده شيء ما يخصكش ... هاه عندك اسئله تانيه .. بعد اذنك سابته ودخلت وهو هيتجنن ومش عارف يعمل ايه ؟؟ تاني يوم راحلها شغلهاوهناك ملقهاش في مكتبها وعرف انها عنده فراحلهم وطبعا بما ان هيا السكرتيره فالطريق فاضي لمكتبه ... وقف بره الباب هيتجنن من صوتهم وهزارهم وضحكهم... واقف مخنوق لحد ما شافه بيقرب وبيحط ايده علي خدها .. هنا هو دخل حازم : مكتب ده ولا حاجه تانيه ؟؟ امجد : حضرتك تبقي ؟؟ شوق : حازم باشا امجد : اه ده ابو بنتك صح ؟؟؟ شوق : ايوه هو. حازم : ايوه ابو بنتها .. عايز انت ايه بقي؟ امجد : والله سيادتك اللي في مكتبي فانت قول حضرتك عايز ايه ؟؟ حازم : ارفع ايدك من عليها واياك تلمسها تاني شوق : حازم انت جاي ليه وعايز ايه ؟؟؟ حازم : جاي اخدك علي البيت وانتي مش هتشتغلي تاني شوق : وبصفتك ايه سيادتك بتتكلم ؟؟ حازم : ابو بنتك شوق : مش كفايه حازم : يالا بينا شوق : اسفه و اتفضل بقي من هنا وروح او روح هات بنتك حازم مشي هيولع في نفسه ... ومش فاهم ليه متضايق ان شوق هتعيش حياتها ... وصورتها الجميله مش مفرقاه كل يوم علي يكلمه عن الشغل وهو مركز مع شوق وامجد وحياتهم الخاصه واكتر حاجه جننته انه شوق كلمته بالليل علشان ياخد رهف لانها هتتعشي بره شاهندا : خير مالها ؟؟ حازم : سيادتها عندها date بره وعايزاني افضل مع رهف شاهندا : وانت متضايق كده ليه ؟؟ فين المشكله ؟؟ حازم : بقولك خارجه مع راجل شاهندا : ايوه وبعدين ؟؟ انت غيران عليها ولا ايه ؟؟؟ حازم : لا وانا اغير ليه بس الواد ده مش نازلي من زور شاهندا : مش باين عليك المهم يالا نخرج ؟ حازم : يعني بقولك مخنوق ومتضايق وبقولك شوق عايزاني اخد البنت وانتي بكل برود تقوليلي يالا نخرج شاهندا : ايوه مشاكل شوق دي مليش علاقه بيهاانا عايزه اخرج مع جوزي وده حقي حازم : مش وقته معلش انا هروح لرهف بعد اذنك ساهندا : انت هتسيبي وتروحلهم حازم : بقولك والله ما ناقص ارحميني سابها ونزل وهيا علي اخرها ... وصل كانت شوق لابسه وجاهزه وفي منتهي الجمال حازم : انتي خارجه معاه ؟؟ شوق : اه يا حازم امجد طلب ايدي وانا وافقت حازم الدنيا كلها لفت بيه ومش عارف هو اتهيأله ولا سمع صح ؟ حازم : افندم ؟؟ قولتي ايه ؟؟ شوق : قولت اللي انت سمعته امجد بيحبني وهنتجوز حازم : وانتي متخيله بقي اني هوافق ؟؟؟ شوق : انا مش قادره افهم انت بتفرض اراءك عليا ليه ؟؟ بتتدخل في حياتي ليه ؟؟ انت ملكش هنا غير رهف وبس حازم : ماشي بس لعلمك رهف مش هتعيش مع جوز ام شوق : بمعني ؟؟ حازم : اعتقد كلامي واضح شوق : هتاخدها مني ؟؟؟ قولها يا حازم هتاخدها مني ؟؟ حازم : انتي بتتضريني لده شوق : يعني ايه ؟؟ يعني ايه تاخدها ..، انت رمتنا من سنين وسافرت وراجع دلوقتي تطلب حقوق غريبه حازم: انا ما رمتكيش انا مكنتش اعرف ببنتي شوق : واديك عرفت عملت ايه ؟؟؟ جاي عايز جواز صوري ؟؟ اعمل بيه ايه ؟؟ هو انا مش بني ادمه في نظرك ومن حقي اعيش بقي ولا انت بس اللي من حقك تعيش ؟؟؟ انا بنت صغيره ما فرحتشوما عشتش وفجأه لقيت نفسي حامل ولوحدي والدنيا كلها عطتني ظهرها بس وقفت وواجهت واتحملت وعندي امل ترجع تشيل الحمل مني بس انت رجعت وحطت حمل زياده ودلوقتي جاي تفرض اراءك عليا ؟؟ انت ايه يا حازم ؟ ايه كميه الانانيه دي ؟؟؟ حس بغيرك بقي يدوب هيرد بس قاطعهم امجد اللي طلع امجد : هو في ايه هنا ؟؟؟ شوق : مفيش حازم كان جاي يفضل مع وهف لحد ما نرجع .. بعد اذنك يا حازم يالا يا امجد اخدها ونزل وسابوه واقف مكانه هيتجنن فضل كتير واقف باصص للسلم لحد ما فاق علي صوت بنته رهف : ايه متضايق ؟؟؟ ده كان نفس احساس ماما لما بتيجي وتنزل لمراتك .. كانت بتبقي زيك كده دلوقتي تفضل واقفه كتير باصه للسلم او الاصانصير اللي انت مشيت منه ومش عارفه تعمل ايه ؟؟؟ سابته ودخلت وهودخل وراها حازم : هتفضلي مخصماني لامتي ؟؟ رهف : انا مش مخصماك .. انا بس مش عارفه احبك تاني حازم :رهف كلامك ده بيقتلني انا بحبك قوي رهف : ومش بتحب ماما ليه ؟؟؟ فجأه افتكر اول مره شاف شوق فيهاوحياته كلها مرت قدامه وفضل ساكت ورهف قامت من قدامه لان مفيش فايده فيه هو فضل كتير سهران لحد ما شوق رجعت اخر الليل دخلت وهو بصلها ... قد ايه جميله ورائعه ؟ هو ازاي ما شفش جمالها ده ؟؟ ازاي يابها تروح من ايده ؟؟ امتي بطل يحبها اصلا ؟؟ ليه شاهندا بيحاول يفتكرها بس صورتها باهته مشوشه قدامه؟؟ ليه حاسس ان الدنيا دي كلها تتلخص في تلات حروف ( شوق )وبس ؟؟سبع سنين بيتعذب من بعدها وخيانتها ليه بس اهي الحقيقه بانت وهيا مخاناوش وفضلت تحبه امال ايه غباؤه ده ؟؟؟ دنيته بتبدأ وتنتهي بشوق وبس .. حياته بدأت اليوم اللي هيا دخلت فيها اوضته ...... فجأه بقت الحقيقه واضحه وضوح الشمس قدامه هوه متخطاش حب شوق ابدا .... هيا حبه الاول والاخير ولا حب ولا هيحب غيرها ..شاهندا كانت مجرد مسكن للالام وبس .. شاهندا كانت بديل لحب كبير قوي وفراغ رهيب مالي قلبه حاول يحط فيه شوق بس معرفتش تسد فراغ شوق ،... اكتشف ان شوق بتتكلم حازم : ايه بتقولي ايه ؟؟ شوق : بقولك ممكن تروح دلوقتي حازم قام وقف قصادها ويدوب هيتكلم لمح في ايدها خاتم حازم : ايه ده ؟ شوق :ده زي اللي انت حطيته في ايد مراتك فاكرو ولا ؟؟ حازم : انتي بتحبيه ؟؟؟ شوق : ما يخصكش حازم : يخصني ... انتي كلك علي بعضك تخصيني ... كنت متخيل حاجات وحاجات وكنت هايش في وهم وصحيت منه واكتشفت ان انتي الحقيقه الواحده في حياتي ... انا بحبك انتي وبس سكت واتقابلت عنيهم في لحظه صمت طويله كان نفسه هو تقطعها او تقول اي حاجه بس هيا ساكته اخيرا بصت للارض شوق : احنا هناجوز قريب انا وامجد و قاطعها حازم بشفايفه ومنعها تتكلم وصحي رغبه مكبوته من سنين ... صحي نار كانت متأججه بس مغطيها الرماد ... نفس الرماد وشعلل النار من تاني اخيرا بعد عنها واستناها تنطق او تقول اي حرف شوق : حازم انا .......... ونكمل بكره توقعاتكم الحلقه صغيره بس معلش اعذروني ما لحقتش اكتبها نهائي يالا شجعوني اخلصها بقي لانها طولت قوي وانا مش قادره اخلصها ولا لاقيه وقت اكتب دعواتكم يا حلوين ونكمل بكره ShiMoOo | ||||||||||
|
| |
|
11-05-19, 12:40 AM
| #19 | ||||||||||
| مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| الحلقه ١٨ حازم كان مستني شوق ترجع من عشاها مع امجد سكت واتقابلت عنيهم في لحظه صمت طويله كان نفسه هو تقطعها او تقول اي حاجه بس هيا ساكته اخيرا بصت للارض شوق : احنا هناجوز قريب انا وامجد وقاطعها حازم بشفايفه ومنعها تتكلم وصحي رغبه مكبوته من سنين ... صحي نار كانت متأججه بس مغطيها الرماد ... نفس الرماد وشعلل النار من تاني اخيرا بعد عنها واستناها تنطق او تقول اي حرف شوق : حازم انا ..........حازم ضاممها بايده وكأنه فجأه لقيها ومش عايزها تبعد عنه تاني حازم : انتي ايه يا شوق ؟؟ قوليها ... قولي اني كنت عبي وكنت متخيل نفسي تخطيت حبك بس انتي الاولي والاخيره انتي الحب كله ... انتي عمري كله شوق بترجع لوري وهو بيقرب زياده ... هيا خايفه تضعف تاني .. خايفه تحن تاني .. خايفه من جرح جديد... امجد فرصه ومش هتتعوض جاي ومادد ايده ليها وبيعرض عليها الامان والحب وبيعرض عليها انها يصالحها مع عيلتها ويروح لابوها يطلبها منه وحازم بيعرض عليها الحب اللي استنته سنين طويله .... حازم متجوز وبيحب مراته شوق : حازم انت متجوز حازم : ايوه متجوز بس بحبك انتي وبس ولا حبيت ولا هحب غيرك ومش فاهم انا ليه مكنتش شايف الحقيقه دي قدامي .... شوق كفايه بقي ارجعيلي حازم باسها تاني وهيا مره واحده بعدت عنه وكأنها اخدت قرار حازم : شوق في ايه ؟؟شوق : في اني لابسه دبله راجل وراجل محترم كمان في ايدي وهو بيحبني وهيعوضني فلو سمحت حازم : انتي بتحبيني انا وانا هعوضك انا يا شوق مش حد غيري شوق : يااااه اتمنيت كتير اسمع الكلام ده منك حازم : واديني اهوه قدامك بقولهولك شوق : اتأخرت كتير .... كتير قوي حازم : شوق شوق : حازم ارجوك انا رتبت حياتي لو بتحبني ابعد عني وسيبني بقي اعيشها ارجوك ...حازم : طيب ما تفكريش فيا انا فكري في رهف شوق : رهف شايفه كل حاجه وبعدين هيا اتعرفت علي امجد وعلاقتهم كويسه زي علاقتها بيك اول ما اتعرفتو وحابه انو بيحب مامتها حازم : وانا ؟؟؟ شوق : انت الوقت اللي تحب تشوف بنتك تتصل بيا وتاخدها وترجعها وقت ما تحب حازم : بعني انتي مصره علي طول تحرميني منك ومن بنتي ؟؟شوق: مش انا والدتك الاول اللي حرمتك مننا وبعدها انت بنفسك .. انت ضيعتنا من ايدك ما تلومش غير مامتك ونفسك ... ارجوك بقي تصبح علي خير سابته ودخلت اوضتها وهو فضل واقف كتير نش عارف يعمل ايه ؟؟ مشي وفضل يلف كتير بالعربيه واخيرا لقي نفسه قدام بيت مامته الجديد نزل وراحلها وخبط عليها وفتحله جوزها حسام : خير ؟؟في حاجه ؟؟حازم : عايز اشوف والدتي ولا ممنوع ؟؟حسام : والدتك الفجر ؟؟ هو انت مش متجوز !؟؟ ما تروح لمراتك ؟حازم : هينفع ادخلها ولا لأ سؤال بسيط ؟؟؟حسام : طبعا اتفضل حازم دخل وحسام طلع اوضته ينام وينادي مراته حسام : قومي شوفي الننوس بتاعك عايز ايه ؟؟صفيه : حازم ابني هنا دلوقتي ؟ حسام : ايوه قومي وما تصحنيش صفيه : حاضر نزلت لابنها اللي كان تايه صفيه : خير يا حازم في ايه حبيبي مالك ؟؟؟حازم : هو انتي ليه ما بتحبينيش زي اي ام ما بتحب عيالها ؟؟ مش ابنك مثلا ؟؟صفيه قربت من ابنها ومسكت وشه بايديها صفيه : حبيب قلبي انا بحبك اكتر من الدنيا وما فيها حازم : بصراحه مش باين صفيه : يا عمري انت ايوه انا مش زي كل الامهات في الاهتمام والحاجات دي ومش بعرف اعبر عن الحب ده بس انا بحبك اكتر من اي حاجه .. حبيبي انت ابني الوحيد وماليش غيرك وبعمل علي قد ما اقدر ممكن مايكونش كفايه بس بحبك حازم : ليه بعدتي شوق عني ؟؟؟ ليه حرمتيني من بنتي ؟؟صفيه : كنت خايفه انها تكون نصابه بتستغل ظروفك وبتمثل الحب عليك وبعدين انت كنت مشلول .. ازاي عايزني اصدق انك عملت علاقه معاها وكانت نتيجتها الحمل ده ؟؟حازم : طيب ليه ما سألتينيش ؟؟صفيه : كنت فاكره اني كده بحميك ... ما تخيلتش ابدا انها فعلا حامل منك وخفت اسألك اجرحك وعلشان كده اتصرفت من دماغي حازم : وعم خليل ؟؟صفيه : مكنتش بنام ابدا وهو محبوس وطلعته وعوضته وعوضت عياله حازم : امتي هتفهمي ان الفلوس مش كل حاجه وان ملهاش اهميه كده ؟؟ امتي هتفهمي المشاعر والاحاسيس ؟؟ امتي بقي هتحسي وتبقي زي باقي البشر ... امي انا بتعذب وبتخبط في الظلام ومش عارف اعمل ايه ؟؟كل حاجه بتضيع من ايديا ... ولا قادر افضل مع شاهندا واحبها زي الاول ولا عارف ارجع لشوق حتي بنتي زعلانه مني .. حياتي بتنهار حواليا صفيه ضمت ابنها : كل حاجه هتبقي كويسه ما تخافش .. اهدي حبيبي وبنتك هتسامحك دي عيله لسه ... وشوق لو بتحبك بجد هترجعلك حازم : شوق هتتجوز يا امي صفيه : ممكن تكون بتهددك بس حازم انتعش امل جواه : بجد ؟؟صفيه : ليه لأ ؟ بتحاول تخليك تغير فتجري عليها ....تعال ارتاح هنا والصبح ربك يحلها تعال حبيبي اخدت ابنها ودخلته اوضه وقعدت جنبه في السرير لحد ما نام ورجعت لجوزها اللي كان صاحي حسام : قالك ايه ماله ؟؟ في حاجه في الشغل ؟ اشتكالك من حاجه ؟ قالك ايه انطقي ؟صفيه : براحه في ايه انت مالك ؟؟ وبعدين هو مقالش حاجه كان تعبان بس ومحتاج يرتاح حسام : يرتاح !!! ننوش امه ... تصبحي علي خير قلقتو نومي طلع النهار وحازم اول حاجه راح بيته كانت مراته نازله علي الشغل شاهندا : كنت فين كده ؟حازم : كنت عند امي ونمت هناك شاهندا : اممم ابقي كلمني بعد كده عرفني .. انا نازله عايز حاجه ؟؟حازم : سلامتك نزلت وهو غير هدومه ونزل راح لشوق شغلها وهناك لقاها مع امجد في مكتبه بيشتغلوا بس بيضحكوا امجد : خير استاذ حازم حازم : عايز حبيبتي امجد : ما اعتقدش انها موجوده هنا ...دور عليهازفي مكان تاني حازم: شوق يالا ... علشان خاطر بنتنا تعيش بينا شوق : اسفه يا حازم انت صفحه وقلبتها ومش هرجعلها تاني ... سوق هتتربي بينا بس بينا كلنا انا وانت وشاهندا وامجد وبدال اب وام اتنين هيبقوا اربعه .. لو سمحت بقي ما تضايقنيش تاني حازم اتصدم من كلام شوق ومهما يحاول يعمل شوق بتصده المشروع السكني بتاع حازم خلص علي : الفرح بكره جهز نفسك لان وجودك مهم حازم : ماليش نفس احضر افراح علي : كل العيال عايزينك وسطهم هم بيحبوك .. وبعدين وجودك مهم انت ومراتك حازم : ربك يسهل روح وقعد مع مراته حازم : بكره الفرح المجمع لكل العيال اللي انا متكفل بيهم اكتر من ١٠٠ عروسه وعريس ده غير تسليم الوحدات السكنيه شاهندا : طيب كويس وبعدين ؟؟حازم : هيتعمل فرح كبير ووجودنا مهم شاهندا : تقصد وجودك ... انا ماليش في الافراح النوعيه دي سوري بيبي .. تصبح علي خير حازم : تصبح علي خير وخارجه رايحه فين سيادتك ؟؟شاهندا : بابا عامل سهره في البيت وانا رايحالهمحازم: وناعزمونيش ليه ؟؟شاهندا : انت بترفض كل اليهرات هيعزموك ليه بقي ؟حازم : برضه كان المفروض يعزموني وانا اقرر احضر او لأ شاهندا : عايز تيجي يالا وما توجعش دماغي حازم : لا متشكر تصبحي علي خير هيا نزلت وهو نزل وراح لشوق وهناك قابل رهف اللي كانت عايزه حد يساعدها في الهوم ورك بتاعها فهو ساعدها ونوعا ما بدأت تحنله وتشتاقله خلصت وفضلت معاهم حازم : شوق ممكن اطلب منك طلب ؟شوق : لأ اسفه حازم : مش تسمعيه الاول ؟شوق : هتقولي نرجع لبعض حازم : لا يا ستي شوق : طيب اتفضل حازم : انا سبق وحكيتلك عن المجمع السكني الكبير وقولتلك اني هجوز ١٠٠ شاب وشابه صح ؟شوق : ايوه صح حازم : طيب المجمع خلص الشغل فيه وبدأنا نسلمه كمان شوق : بجد والله كويس ربنا يعينك يا وب حازم : وبكره الفرح المجمع شوق : اهمممحازم : عايزكم تبقوا موجودين انتي ورهف ايه رأيك ؟؟شوق : ومراتك ووالدتك وعيله مراتك ؟؟حازم : الناس دي كلها ملهاش في الاعمال الخيريه ... قولتي ايه ؟؟شوق : اكيد هاجي معاك ... دي حاجه جميله قوي انك تدخل الفرحه في قلوب الشباب دي وتساعدهم .. طبعا هاجيحازم : خلاص الساعه ٧ هعدي عليكي تبقي جاهزهشوق : ان شاء الله حازم مستني الفرح يجي بسرعه علشان يشوفها واهي فرصه يقرب منهم ويرجع الميه لمجاريها ... الساعه ٧ بالدقيقه كان بيخبط علي بابها واتفاجئ بأمجد بيفتحله بصله من فوق لتحت ودخل امجد : مبروك علي المجمع ده .. فكره رائعه وياريت كتير يعمل زيك ... انا عن نفسي هساعد علي قد ما اقدر ... انت هتلخم كتير قوي بمشروعك ده حازم حاول يكرهه او يرد بعصبيه او باستهزاء بس الراجل محترم وبيفرض الاحترام حواليه هنا خرجت شوق ورهف قمرات جميلات خطفوا ابصار الرجاله شوق : احنا جاهزين حازم : طيب يالا شوق : يالا بس اتفاجئ بيها بتمسك ايد امجد وبصلها باستغراب حازم : ايه ده ؟؟شوق : ايه ؟ امجد هيجي معانا وكمان عازم كذا واحد من رجال الاعمال بحيث الفكره تلهم الكل هنروح انا وهو وانت معاك رهف ،، اتمني مش تمانع ؟؟حازم بخيبه امل : براحتك يا شوق اخد بنته ونزل وشوق نزلت مع امجد وطول الفرح بيراقبوا بعض من بعيد لبعيد والاتنين مش مركزين نهائي امجد جاتله مشكله واضطر يمشي ويسيب شوق لحازم يروحها ودي كانت فرصته .. روحوا وبنتهم نامت في العربيه وصلوا وشالها لحد ما حطها في سريرها وفضل واقف جنبها يتأملها وشوق جنبه حازم : معقوله بطلتي تحبيني ؟؟ شوق : مش عايزه جروح تانيه حازم : بتحبي امجد ؟؟شوق : مش عايزه جروح تانيه حازم : دي مش اجابه .. بتحبيه ؟؟ بيحرك مشاعرك زيي ؟؟؟ ايه المميز فيه ؟؟شوق : مش هيجرحني وحتي لو سابني برضه مش هيجرحني حازم : يعني مش فارق معاكي !! ودي تبقي حياه دي ؟؟شوق : ارحم من الجرح مليون مره حازم : انا ليه بحبك يا شوق ... ب ح ب ك ... بحبك شوق بصتله وهنا هو قرب وباسها برقه وهيا محاولتش تبعد هيا فعلا بتحبه ... باسها بعنف وبشوق وبلهفه ومره واحده بعدت عنه شوق : لو سمحت تصبح علي خير سابته وخرجت ويدوب هتدخل اوضتها كان مسكها جامد حازم : انتي ما بتحسيش ولا ايه ؟؟ انتي ايه ؟؟؟ انتي هتسيبي البني ادم ده انتي فاهمه ولا لأ؟؟شوق بتحدي : لا مش هسيبه ووريني هتجبرني ازاي ؟؟؟حازم : هاخد رهف منك شوق : هكرهك لاخر يوم في عمري حازم : اكرهيني بس مش هخليكي تتجوزيه شوق : لا هتجوزه وهخلف منه وبكره رهف تكبر وتكرهك اكتر واكتر هيا كمان حازم مردش عليها وخرج ... النهار طلع وصحي علي تليفونه ومراته شاهندا : اقفل بقي الزفت ده .. مش عارفه انام حازم قفل التليفون وماردش فتليفون البيت رن المره دي شاهندا : يووووه رد لاحسن تكون السنيوره بتاعتك حازم اتعدل فعلا ورد وكان علي علي : مصيبه يا حازم مصيبه جرس البيت بيرن وخبط مزعج جدا شاهندا اتعدلت : يوووووه في ايه النهارده حازم : علي في ايه ؟؟علي ملحقش يرد لان الباب اتفتح ودخل ظباط كتير قبضوا علي حازم وخدوه بهدوم نومه حافي وسط ذهول من الكل شاهندا اتصلت بأبوها وبلغته وطمنها انه هيروح بنفسه .. اتصلت كمان بأمه وبلغتها اللي حصل صفيه : حسام يا حسام حسام : عايزه ايه ؟؟صفيه : انت بتعمل ايه وايه الشنطه دي ؟؟حسام : وانتي مالك انتي عايزه ايه ؟؟صفيه : حازم اتقبض عليه ليه ؟؟ حسام : وانا اعرف منين انا ؟؟صفيه : انت مالكش يد في الموضوع ده ؟؟حسام : لا طبعا .. ننوسك المسؤل عن كل حاجه ..... في القسم حازم : طيب فهموني في ايه وقابضين عليا ليه ؟؟ الظابط : هتعرف كل حاجه عند وكيل النيابه اتفضل يا حلو حازم اخيرا وصل لوكيل النيابه اللي نوعا ما عامله باحترام شويه وكيل النيابه : اتفضل اقعد حازم : يا ريت لو حد يفهمني ايه اللي حصل وانا مقبوض عليا ليه اصلا ؟؟؟وكيل النيابه :: انت ما تعرفش ولا بتستعبط ؟؟حازم : لا طبعا معرفش انا جابوني من سريري علي هناوكيل النيابه : اسف بس ده لان امثالك بيعملوا عملتهم دي ويهربوا بره البلد فعلشان كده جابوك بسرعه حازم : ايه هيا بقي عملتي ؟؟؟ وكيل النيابه : المجمع السكني اللي سيادتك عاملو حازم : ماله ؟ وايه الغلط فيه ؟؟وكيل النيابه : الغلط ان اكتر من نصه انهار وحاليا بينتشلوا الجثث من تحته وفي حاله هرج ومرج قالبين الدنيا بعملك الخيري ... مش فاهم انت ازاي اصلا قدرت تعمل كده ؟؟؟ اللي زيك اللي بيلعب باعمار الناس وحياتهم المفروض يتشنق في ميدان عام علشان يبقي عبره لامثاله حازم ما سمعش ولا كلمه غير ان المجمع تنهار. وان في جثث مش مستوعب ايه اللي حصل ؟؟ معقوله هو مسؤل عن موت ناس ؟؟ معقوله عمله الخيري يتقلب شر بالشكل ده ؟؟؟ مهما وكيل النيابه يتكلم الا ان حازم في دنيا تانيه خلص وكيل النيابه وحبسه علي ذمه التحقيق ... الدنيا كلها اتقلبت محامين من صفيه وعلي ومكرم حماه والكل مصر انه يخرج بس الطابط رافض لانه خايف انه يهرب ويرفض يخرجه لاي سبب حازم رفض يشوف اي حد غير علي ومحاميه الخاص حازم : علي ازاي ده حصل ازاي ؟؟؟ ازاي ؟؟؟علي : هو مش سيادتك سيبت المشروع لحسام باسا كنت متوقع ايه ؟؟حازم : بس ده عمل خيري علي : انت فتحتله الخزنه يسحب منها .. يبقي يحط للمشروع ولا يملي جيوبه ؟؟حازم : يملي جيبوبه علي حساب ارواح الناس ؟؟علي : اللي زيه ما يفرقش معاهم الكلام ده ... المهم حاليا نحاول نثبت ان انت مالكش يد في الموضوع ده وان حسام هو السبب حازم: لا طبعا المهم حاليا تروح المجمع وتساعد علي قد ما تقدر وتعوض الناس دي وتعالج المحتاج معالجه قوم اتحرك ..علي : انت هتاخد اعدام لو معرفناش نخرجك حازم : وايه يعني ؟ انا استاهل الاعدام انا سلمت ارواح ناس لكلب معدوم الضمير واهملت شغلي علي : بس ده مش جزاته الاعدام حازم : علي ما تشغلش بالك بيا روح ساعد الناس انا مش فارق معايا نفسي علي : ليه يا حازم حازم : هفرق مع مين هاه ؟؟ امي ؟؟ مراتي ؟؟ شوق ؟؟ بنتي ؟كل دول انا ما افرقش معاهم فبالتالي حياتي مش مهمه فروح بقي ساعد الناس اتفضل شوق تاني يوم اول ما راحت شغلها ودخلت لامجد امجد : شفتي البيه بتاعك طلع فشنك شوق : بيه مين ؟؟امجد رمي الجرنال من ايده قدامها وصوره حازم كبيره في نص الصفحه وعنوان انهيار المجمع الخيري شوق : ده حصل امتي ؟؟امجد : الصبح .. تصدقي كنت فاكرو محترم بجد شوق : طبعا حازم محترم بجد .. انا لازم اروحله بعد اذنك امجد : تروحي فين ؟؟ لا مش هتروحيله شوق : لا طبعا انا لازم اقف جنبه انت ما تعرفش حازم ... حازم ما يعملش كده ابدا امجد : هو انا بيتهيألي ولا انا شايف خوف ولهفه عليه ؟؟شوق : ده ابو بنتي وده رابط بينا طول العمر امجد : ابو بنتك بس ولا ابو بنتك وحبيبك ؟؟شوق : مش وقته يا امجد بعد اذنك جريت شوق لحبيبها تقف جنبه بس طبعا رفضوا يدخلوها وقالولها تيجي معاد الزياره راحت لعلي واترجته يخليها تشوفه ووعدها انه هيحاول يجيبلها زياره استمرت التحقيقات وصفيه خايفه ان جوزها يكون له يد في اللي بيحصل لابنها راحت تزوره صفيه : حازم ايه اللي حصل ؟؟حازم بضحكه : انتي بتسأليني ايه اللي حصل ؟؟ ما تروحي تسألي جوزك ولا صح ده انتي بتشوفيه ملاك باجنحه صفيه : جوزي قال مالوش علاقه بحاجه خالص حازم : امال عيزاه يقول ايه ؟؟ مستنيه ايه من نصاب زيه ؟؟صفيه :انت ليه نصر انه نصاب ده انسان كويس حازم زعق : امي انا هتعدم بسببه وانتي واقفه قدامي تدافعي عنه ... بقولك ايه روحيله وما تجيش تاني هنا وروحي انسي ان ليكي ابن اتفضلي ...صفيه : حبيبي انت بتقول ايه بس استني قاطعها : روحي لجوزك ومالكيش دعوه بيا ... انتي عمر ما كان ليكي دعوه بيا فما تدخليش دلوقتي .... اتفضلي حازم نهي الزياره وراح زنزانته بيفكر ايه اللي وصله لكل ده جه معاد اول محاكمه وراح حازم واتفاجئ بكميه صحافه مستنينه وهجوم فظيع عليه قدام المحكمه والبوليس قدروا يدخلوه بالعافيه كل حاجه ضد حازم في اول جلسه لان كل حاجه كان عليها امضته وكل الظروف ضده ومحدش متفاءل ابداالكل كان حاضر بس هوه ما شفش غير شوق اللي كانت موجوده بعيد بس هو شافها ما سمعش ولا كلمه من المحاكمه بس كان شايف شوق وبس وده اللي هامه اتأجل الحكم في القضيه بناءا علي طلب محامي حازم اخدوه تاني للسجن بس عدي من جنبها فمدت ايدها لمسته ومسكت ايده فلمحه خاطفه بس كانت كفيله انها تشجع حازم رجع زنزانته واول زياره لشاهندا مراته ومعاها حد ما يعرفوش حازم : مين ده خير ؟؟شاهندا : ده مأذون هيطلقنا انا اسفه حازم بس مش هقدر افضل علي ذمتك حازم مكنش بيحب شاهندا بس تصرفها ده وجعه قوي حازم : ممكن اسأل ليه ؟؟ انتي مصدقه اني نصبت علشان اهرب بالقرض اللي اخدته ؟؟؟شاهندا : لا طبعا بس السمعه ... صيدليتي هتتأثر وشغلي ومكانتي .. ده غير بابا وشغله ... مش هينفع لازم حل جزري حازم : صيدليتك ؟؟ مش دي اللي انا عملتهالك ووقفتهالك علي رجليها !!! وشغل بابا ... للدرجه دي انا رخيص عندك وماليش قيمه نهائي ؟؟؟شاهندا : لا طبعا بس ده لازم ولو طلعت براءه ممكن ساعتها قاطعها حازم :: ممكن ايه تتعطفي وترجعيلي شاهندا :حازم افهمني حازم : انا فاهم صدقيني ومقدر ... علي العموم انتي طالق ابدأ اجراءات الطلاق مشيت شاهندا وهو فضل لوحده واخيرا جاتله زياره تانيه طال انتظارها حازم : انا مش عايز اشوف حد لو سمحت العسكري : بتقولك ان اسمها شوق ومعاها عيله اسمها رهف حازم طار عليهم وهنا رهف قابلته زي ما كانت ديما تقابله حازم : ليه جيتو هنا ؟؟رهف : علشان كان لازم اقولك اني بحبك قوي واني مش بحب حد غيرك واني عيزاك تطلع من هنا بسرعه .. انت لازم تطلع يا بابي من هنا حازم بدموع : انتي جايه تقولي بابي هنا ؟؟؟ ليه مقولتيهاش بدري يمكن لو كنتي قولتيها !!!شوق : انت قدها انت فاهم ... حازم : انا ماليش علاقه باللي حصل يا شوق شوق : عارفه طبعا ... بس انت حاليا في اختبار من وبنا ولازم تتحمل وربك مهما الحقيقه بتستخبي بتبان في الاخر المهم الصبر والثقه بقضاء ربنا حازم : ولو فضلت سنين لحد ما بانت ؟؟؟شوق : المهم انها تبان انت مش لوحدك مسكت ايده فبصلها وملقاش الخاتم فيها حازم : كان فيها خاتم ؟؟شوق : رجع لصاحبه انا قلبي وروحي وعقله سلمتهم لراجل واحد بس ومش عايزه غيره حازم : الراجل ده عمره ما اتمني غيرك ابدا شوق : طريقته غريبه في اظهار الموضوع ده حازم : معلش استحملي غباؤه شوق : استحمل وانا ورايا غيره !حازم : انا بحبك شوق : وانا بعشقك ضمها حازم ليه وبنتهم اتعلقت بينهم علي فضل وري حسام وجاب الموضوع من اوله وجاب كل الصنايعيه والمقاولين واثبت ان كل اللي الافاقات كانت مع حسام وان هو اللي دبر كل حاجه وطبعا مع الحساب اللي اترفع رصيده فجأه كان اكبر دليل واتقبض ليه وهو بيحاول يهرب اما صفيه فطلقها ورماها بعد ما خلاها علي الحديده وطبعا لان ابنها محبوس اتحطت في دار مسنين لان حالتها النفسيه اتأثرت جدا ودخلت نوع من انواع الانكار ..... ابنها محبوس وثروتها ضاعت وجوزها رماها ....،حازم فضل محبوس فتره طويله احد ما براءته اخيرا ظهرت واثبتوا ان حسام المسؤل واخيرا خرج براءه كانت شوق في انتظاره ورهفخرج حازم واتفاجئ بيهم في انتظاره واتفاجئ كمان بشاهندا واقفه منتظراه قربوا كلهم منه مسك ايد شوق وشال بنته وقربت منهم شاهنداشاهندا : حمدالله علي السلامه حازم : الله يسلمك شاهندا : انا اسفه يا حازم بس انا كنت مضطره حازم : اسفك مقبول بعد اذنك شاهندا : استني انا بحبك حازم : بتحبيني ؟؟ طيب تيجي ازاي ؟؟ انتي اتخليتي عني في كل مشكله حصلتلي ؟؟ المره دي انا اقولك اسف شاهندا بعد اذنك اخد شوق ورهف وعلي كان في انتظارهم واخدهم علي : نروح فين ؟؟حازم : اي مكان يا علي المهم يفضلوا جنبي شوق : اطلع علي شقتي يا علي طلع علي علي شقتها وطلعوا وحازم كان جعان نوم فضل نايم كتير وصحي علي ريحه اكل ورته قد ايه جعان خرج وقابلوا باحلي ابتسامه قعد وسط عيلته الصغيره واتعشوا مع بعض وبنتهم شويه ونامت حازم شد شوق عليه وضمها حازم : يااااه اخيرا يا شوق ؟؟شوق : اخيرا حبيبي حازم : انتي قولتي ايه ؟؟؟عارفه كنت بحلم بيكي ليل نهار وانا في السجن شوق : انسي بقي ... انسي كل اللي فات المهم ان احنا مع بعض وبس حازم ضمها وبس وبعدها عنهشوق : انت بتبعدني ليه ؟؟حازم : لاني عاهدت نفسي مش هلمسك غير وانتي مراتي وفي بيتي واوعدك اني هعملك فرح ما اتعملش لحد قبلك وتاني يوم نزل وراح لابوها وحكاله حكايته كلها من ساعه ما عمل الحادثه لحد ما خرج من السجن ابوها كان جامد مش بيرق ولا بيحن ولا بيتهز حازم : اعتقد ان حضرتك جربت القسوه وعدم الحنيه علي بناتك واعتقد انك اكيد لاحظت انها فاشله وان القسوه بتجيب نتيجه عكسيه ... يمكن لو كنت اب حنين كانت بنتك ما استسلمتش لاول راجل حبها وبمكن كانت قالتلك اللي حصل وكنت انت تفهمت اللي حصل وكنا اختصرنا سنين طويله بس انت مازلت مصر علي القسوه ... بناتك بيبعدوا عنك اللي بتتجوز ما بتصدق تخرج وتمشي بعيد عنك واللي انت طردتها راجع نفسك بدال ما تموت لوحدك .... اتفضل دي دعوه فرحي علي بنتك اتكني تكون موجود وكفايه قسوه وعقاب وسامح ده ربك بيسامح سابه ومشي وراح يجهز لاحلي فرح لاحلي عروسه وفعلا اتعمل فرح وهم حضره كل اللي بيحب حازم وكل اهل شوق اللي حازم عزمهم كلهم راح اخد شوق وغمالها عنيها ودخلها قاعه الفرح وهناك شال الغمامه من علي عنيها واتفجئت بأهلها كلهم واهم ابوها اللي حن ورق وعيط في حضن بنته وضم حفيدته ....صفيه فضلت في دار المسنين تعاقب نفسها علي غباءها بس حازم وشوق ورهف بيزوروها كل شويه ....،تسع شهور عدوا بالظبط كان في نونو جديد بيعيط في بيت حازم وفرحت رهف ان بقي ليها اخ جديد وهتبقي هيا الكبيره عليه ..... وتوته توته خلصت الحدوته ... حلوه ولا ملتوته ؟؟؟انتظروني قريبا مع العنيد ٢ ShiMoOo | ||||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
