آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
21-07-22, 02:37 AM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  (الجزء الثامن) الفصل الثاني كلامك يعطيني أمل انك تعنيني بكلامك...تجي وتروح وتاخذها معاك الروح.... قمت من النوم الساعه 2:00 الظهر...انا اصلا نمت عشان اقوم.. انام ساعه واصحى ساعه.. الي صار امس ماخلاني انام... غسلت وصليت وبدلت ملابسي ونزلت تحت.. كان في عمتي وريما.. :السلام عليكم.. عمتي:وعليكم السلام... :وين منار ومشاعل؟ عمتي:مشاعل بالمطبخ ومنار ما نزلت.. :ابوي؟ عمتي:اليوم بيتغدى هناك.. :ماامدى امس قالنا يجي اليوم يبدا.. عمتي:هذا عدل اجل تبينه يظلم بنت الناس.. :يروح يسكن عندها أحسن... ماردت علي عمتي.. :وين سلطان؟ ريما:جا منصور وسلطان راح معاه عشان يتغدون... :فجأة منصور..مشالله من متى العلاقه؟ عمتي:ولد خالته شلون من متى العلاقه.. :طيب.. مشاعل:صباح الخير نورة..وش هالنوم؟ :مانمت اصلا..الي صار خلاني انام..انا مو قادرة استوعب.. مشاعل:خليها على الله.. مشاعل الي فيها كافيها ولو بتفكر بزواج ابوي يمكن يجيها شي...مشاكلها مبعدتها عننا.. عمتي:كلمت اختك تو نايمه.. مشاعل:شكله بدا معها الوحم... :هو فجأة يبدا؟ مشاعل:ماجربته...بس اقول يمكن هذا وحم.. عمتي:انشالله تجربينه... مشاعل ماردت وراحت افكارها لدنيا ثانيه.. ريما:انا تعبانه يمكن وحم؟ :هههههههههههههههههههههههه� �ههههه..ياغبيه عمتي:عقبال مااشوفك تتوحمين..,الوحم لما الوحده تصير حامل يجيها.. جلسنا نسولف شوي وطلعت فوق عند منار.. دخلت وكانت منار جالسه على السرير وتصيح.. :منار وشفيك؟ منار وهي تصيح:وش فيني قولي وش مافيك.. :منار الي صار صار وابوي بيتزوج الحين الا بعدين.. منار:تقنعين نفسك والا تقنعيني..انتي على بالك امس مادريت وش صار فيكم..كل وحده بغت تموت من الصياح وتقولين بيصير الحين والا بعدين... :وش بيفيد الصياح..؟ منار وهي تصيح:يفيد والله يفيد..اصلا الي مايصيح هو الي يمرض..الصياح الشي الوحيد الي نقدر نطلع حرتنا فيه...اذا ما صحتي ما ترتاحين.. :عارفه.. منار:عمتي لها اسبوع مكلمته ولا جا خطب ولا كلم.. :وش دخل فيصل بابوي.. منار:خلاص الولد راح ومايبيني.. :ترا اسبوع مو سنه.. منار:انا خلاص ماراح اثق باي رجال.. :منار انا خلاص طفشت من هاذي السالفه مصخت وطالت..انتي لازم تفكرين صح..وبلا حب وبلا هم..انا اقولك من الحين ماراح تتزوجينه... منار:احسسسسن انا اصلا ماابي اتزوج...اتزوج وبعدين يجي يتزوج علي.. :منار انتي بسرعه تتاثرين بالي حولك..ابوي غير فيصل غير خالد غير فهد..كل رجال وله طريقة تفكيره.. منار ناظرتني وماردت.. :تدرين ابوي اليوم عندها...ماراح نشوفه الا بكرة.. ماردت علي.. :طيب انا بنـزل.. نزلت تحت وعمتي ومشاعل على قعدتهم.. سمعنا صوت الباب الداخلي ينفتح واصوات كانت لسلطان ومنصور.. وقفت من مكاني بسرعه وطلعت من الصاله وانا اركض..مالي خلق اشوف منصور أبداً يعني مو وقته..ومشاعل وراي.. دخلنا البيت انا ومنصور رحنا تغدينا...تعرفت على منصور اكثر..طيب وحكيه مرتب وباين عليه انه مثقف وفاهم.. تقدمت عن منصور ودخلت الصاله قبله..أنا ماتعودت اني استاذن قبل لا ادخل اذا المكان في حريم ... منصور تنحنح:ياولد.. لفيت عليه:تعال مافي احد.. سلم على امي وجلس ويسولف سواليف خفيفه عن الشغل وغيره.. سكوت عم المكان لثواني.. منصور:شخبار البنات؟ امي:الحمدالله بخير.. منصور:ونورة كيف اختباراتها,وينها مااشوفها.. ريما:كانت في قبل شوي ولما جيتو طلعت فوق.. منصور ابتسم.. فترة قصيرة ونزلت نورة...حطت شيله على راسها وشال على خصرها.. نورة:السلام عليكم.. منصور:هلا والله وعليكم السلام..,شخبارك؟ نورة:الحمدالله بخير..انت شخبارك؟ منصور:بخير دام انتي بخير.. ابتسمت نورة ابتسامه عريضه وجلست.. منصور نظراته لنورة شككتني بشي بينهم ماكان ينزل عينه الا اذا ناظرته والا نورة تجي عينها بعينه.. ماكانت نظرات تجي صدفه ابدا كنت اشوف بنظراته ان نورة لها مكانه خاصه عنده...ماحبيت هالفكرة أبدا ولا كنت ابي افكر فيها.. غيرت رأيي ونزلت يمكن تقولون كلامي متناقض قبل شوي ماكان لي خلق اشوف منصور بس الحين ابي اشوف منصور يمكن عشان اقهر سلطان شوي...مع اني احس ما تفرق معاه..منصور كأنه داري اني احب سلطان ويبـي يساعدني..كأننا متفقين انه يناظرني ويحكي معاي ويسأل عني.. بس لايكون منصور....لا لا مااتوقع انا من متى لمتى اشوف منصور... كنا كلنا نسولف الا سلطان يرد بكلمات مختصرة...ماكان باين عليه انه معصب والا منرفز بس باله مشغول... وقف من مكانه:انا بروح انام شوي.. وقف منصور الثاني:وانا بعد استأذن..سلطان خلينا نشوفك قريب.. سلطان:أكيد.. منصور:يلا مع السلامه.. سلم علينا منصور وطلع.. سلطان:بمه كلمني خالي محمد صديق ابوي الله يرحمه.. عمتي:اييه عرفته اذكرهم لما كنت بامريكا.. سلطان:جايين السعوديه زيارة وكلمني عشان اشوفه.. عمتي:زين علمتني عشان اكلم اعزمها.. سلطان:ايه..عاد بطلع اليوم انا وياه.. ريما:عمتو في وحده تبغى تكلمك.. عمتي:حوليها على الصاله الثانيه.. طلعت عمتي من الصاله..وكلنا كنا ساكتين ونتفرج على التلفزيون.. سلطان:ريما الي يفتش اغراض الناس ايش نسوي له؟ ريما:تزعل منه وتقوله لو فتشت اغراضي مرة ثانيه بزعل منك مررررة... سلطان:لا لا مايكفي بس ازعل... ريما:اعطيه بوكس على عينه.. سلطان:ههههههههههههههههههه� �هههههههههه...بوكس واااو ريما ايش الافكار الخطيرة هاذي.. ريما:ههههههههههههه.. يقصدني بكلامه اسلوبه منرفز ..احس اني بولع بعد شوي...عنده كلام مابعد قاله يجي يقوله بوجهي مو يقعد يتميلح كذا وش يحسب نفسه هو.. سلطان:لا ابي شي اقوى من البوكس.. ريما:اذبحوو.. سلطان:امممممممم فكرة.. :سلطان لو سمحت اذا انت للحين زعلان تعال وقلي مو تقعد تستهبل كذا... علامة تعجب على وجه سلطان استغرب من ردة فعلي وماكان متوقع اني برد كذا.. سلطان:نعم! عيدي وش قلتي.. حسيته انه معصب مو حسيته..الا كان معصب خفت صراحة ماتوقعت انه بيقول كذا.. سلطان بصوت عالي:عيدي الي قلتيه.. :لا ماراح اعيد.. كلامي ماينعاد.. كلامي ماينعاد والا خفت منه..تبغون الصراحه خفت وقلت كذا لاني مااقدر اعيد كلامي.. لف وجهه من الجهة الثانيه وقام يضحك:نورا انا مااقدر اتعامل معاك... جيت بتكلم قطع كلامي:اوش...انا ماابي اتكلم معاك.. :انا بعد ماابي اتكلم معاك.. لف علي:قلتي شي؟ صديت عنه ومارديت.. ريما:الا قالت انا بعد ماابي اتكلم معاك من زينك.. سلطان:اهاا كويس..انا كنت خايف انها تحكي معاي وانا ماابي احكي معها.. وش يحسب نفسه اني ميته عليه يعني... وحتى لو كنت ميته عليه ماراح احكي معاه... بعد فترة ماهي قصيرة كان كل واحد منا ساكت ومايحكي مع الثاني.. رن جرس البيت... مين بيجي بذا الوقت الساعه 3:00 الظهر... رفعت السماعه:مين؟ كان صوت بنت..الصوت لهاله..دايما تسويها وتجي فجأة بدون ماتتصل... هاله:افتحي انا هاله.. :هاله وش جابك بذا الظهر.. هاله:افتحي وانا اقولك.. فتحت الباب ودخلت داخل البيت.. هاله بصوت عالي وباين انها تصيح:نورة وينك... قمت من مكاني وقبل لا اطلع من الصاله جتني هاله.. هاله وهي تصيح:نورة الحقيني.. :هاله وجع وش فيك؟ ضمتني وبدت تصيح.. :هاله وش فيك خوفتيني ابوك امك اخوك فيهم شي؟ هاله وهي تصيح:لا ما فيهم شي.. ريما:هاله ليش تبكين؟ هاله سحبتني من يدي وطلعنا من الصاله ونزلنا تحت البيسمنت لمرسمي.. منظر هاله وهي تصيح يعور القلب مااحب اشوف أحد يصيح قدامي وبهالطريقه كنت ساكت واشوف هاله وهي تصيح وتضم نورة...علامات التعجب على وجههي وماادري وش اسوي اقوم واخليهم على راحتهم والا اجلس واسكت واشغل نفسي باي شي... نورة زاد في قلبي شي لها من هالموقف..حسيت انها ملجأ هاله ومنار..ويمكن بعد في ناس غيرهم..ياحظهم فيها نورة شكلها انسانه فيها مميزات وصفات ماهي عند غيرها...الي شفته ان الكل يحبها خواتها اقاربها امي...ويمكن انا بعد..تمنيت اكون بمكان هاله بهالوقت... دخلنا المرسم وجلست هاله على الكنبه وانا جلست قدامها وكنت اناظرها ومركزة نظري عليها ابي اعرف وش فيها هاله مو من عادتها انها تصيح وماهي من البنات الكئيبات الي بس يصيحون ويتشكون... :هاله وش فيك قولي والله طيحتي قلبي.. هاله:خطب خطب يانورة تخيلي..عبدالرحمن خطب.. حطت يدي على صدري وشهقت:احلفي.. هاله رجعت تصيح أكثر من أول:شفتي شلون يانورة طول عمري وانا احبه واخر شي يجي يخطب.. :آخر ما كنت اتوقعه ياهاله صدمتني.. هاله:حمار حمار...الله لا يوفقه... :استغفري..لا تدعين عليه... هاله:استغفر الله استغفر الله مو قصدي بس انا مقهورة..انا انجرحت يانورة...حسيت اني ولا شي حسيت اني كنت احلم واتوهم...انا غبيه اصلا..غبية.. غبيه.. :هاله ترا ما يساتهل تسوين بنفسك كذا.. هاله:انا اصيح على نفسي اتحسر على عمري...كنت عايشه بوهم احلم واتخيل واحب وهو مو معبرني ولا جاب خبري.. :شلون يخطب هو لسا صغير.. هاله:ماادري ماادري...اهلي كلهم عرفوا اني احبه.. :مجنووووونه انتي.. هاله:وش اسوي غصباً عني ماقدرت امسك نفسي.. :طيب وش قالوا؟ هاله:ما عطيتهم فرصه على طول جيتك.. :انتي تحبينه؟ هاله:وش رايك يعني؟ :الصراحه ما ينحب ثقيل دم مرة.. هاله:وش يعرفك انتي فيه.. :احس.. هاله:يعني هو ثقيل دم شوي.. :هههههههههههه.. هاله:يعني لازم احب واحد خفيف دم.. :انا اقصد ثقيل دم انه جامد وبايخ وتافه وماعنده سالفه.. هاله:لا مو لهدرجه..يعني هو كذا شوي.. :تصيحين عشانه بعد.. هاله:احبه.. :حبتك القراده..اعقلي بس وبلا حب وخرابيط.. هاله:خلاص راح الي احبه.. سكتنا شوي وكلن راح بأفكاره...أفكر بهاله ومنار وامي وابوي...منار الي تحبه ما تزوجته وهاله الي تحبه بيتزوج وابوي الي كان مايشوف الا امي قدامه تزوج... :هاله اقولك شي بس لاتقولين لامك.. هاله:ايش؟ :ابوي تزوج.. هاله:اماااااااانه..مااصدق.. :لا صدقي.. هاله:لا تضيقون صدوركم يانورة... ابتسمت:لازم تضيق صدورنا ترا الي صار صدمه بالنسبه لنا.. هاله:ياحياتي انتم.. انفتح الباب بقوة لفينا كلنا باتجاه الباب وكانت منار.. منار:هاله وش فيك..ليش تصيحين؟ هاله خنقتها العبرة:عبدالرحمن خطب.. منار:امااانه..ياحبيبتي ياهاله.. هاله:شفتي حظي الاغبر... منار:حظك انتي بس.. هاله:صح اني ماأقارن فيك بس حتى... جلسنا تقريباً الى المغرب هاذي تصيح وهاذي تتشكى وكلن يغني على ليلاه... ><><><><>< الساعه 6:00 المغرب بمكتب من مكاتب البنك فيصل جالس وبين يده اوراق يشتغل فيها..دخل بدر عليه.. بدر:احسبك طلعت.. رفع فيصل راسه ووجه نظراته لبدر:انهد حيلي من الشغل تعبت.. بدر:مو مثلي.. فيصل:وينك قبل شوي جيتك المكتب ومالقيتك؟ بدر:يمكن كنت عند مشعل.. رجع فيصل ونزل راسه يشوف الاوارق.. بدر:تتوقع لو اتقدم الحين لنورة الوقت مناسب؟ فيصل بدون ما يرفع راسه:ماادري.. بدر:وش فيك؟ فيصل:امي رفضت انها تكلم مرة ثانيه.. بدر سكت شوي:فيصل ماتدري وين الخيرة فيه.. فيصل:وش قصدك؟ بدر:يعني كل مانقول انحلت ترجع تتقعد اكثر من أول.. فيصل:بس مو معناته اني استسلم.. بدر:لا تستتسلم بس ارضى بالي بيصير.. فيصل:لااعتراض على قضاء الله.. بدر:ماودك نطلع؟ فيصل:الا بطلع خلصت... بدر:بتروح عند الشباب..؟ فيصل:لابروح النادي الحين.. بدر:اهاا.. فيصل:بعد بكرة بسافر.. بدر:بتاخذ اجازة من الحين؟ فيصل:لابروح عند ابوي انشالله يقتنع.. بدر:بتروح له عشان تقوله ابي اخطب! فيصل:اييه.. بدر:اهاا.. فيصل:كانه مو عاجبك؟ بدر:لا ابدا عاجبني.. اخذ فيصل شماغه وحطه على كتفه وطلعوا من المكتب... ><><><>< الساعه 2:00 الظهر قمت بعد ازعاج من عمتي وريما بدلت ملابسي وصليت الظهر ونزلت تحت.. لقيت سارة جالسه وشكلها تعبان لها ثلاثه ايام ماجتنا من بعد مااجتمع ابوي فينا ماجت.. سلمت عليها وجلست.. :شكلك تعبان مرة.. سارة:مرة تعبانه بعد. :وين الناس؟ سارة:لي ربع ساعه جايه وماشفت احد.. بوقتها دخلت عمتي.. عمتي:نورة ترا اليوم بيجون لنا ناس.. :مين؟ عمتي:وحده كانت معاي من ايام ماكنت بامريكا.. :الي سلطان طلع معاه هذاك اليوم؟ عمتي:ايه هم كلهم بيجون.. :مو لازم انزل وش دخلني؟ عمتي:الا عنده بنت قدك وقلت لها تجي.. :يعني لازم؟ عمتي:اييه لازم.. سارة:انا ماراح ادخل.. عمتي:ايه هذا انتم تفشلوني ولا وحده منكم بتدخل..لا انتي ولا مشاعل ومنار.. :انا بدخل.. سارة:ايه نورة تكفي.. عمتي:نورة تراهم بيجون الساعه سبعه من الحين تجهزي.. :عشا والا ايش؟ عمتي:الا عشا.. :احد يجي عشا الساعه سبعه! عمتي:عاد كذا سلطان قالي.. :طيب.. عمتي:لا تقعدين تكشرين الحين.. :طيب ماراح اكشر.. عمتي:مااتصل خالد على مشاعل؟ سارة:لا.. عمتي:الحين كذا الواحد يسفه وما يتصل..المفروض يتصل يتفاهمون يتكلمون.. سارة:لا احسن انه ما يتصل كل واحد يرتاح ويفكر وربي يسهل.. :والله لو انا مكان مشاعل بطلب الطلاق.. عمتي:مالك شغل انتي.. سارة:لاتقعدين تقولين كذا قدام مشاعل.. :ماراح اقول بس انتم المفروض تقولون.. عمتي:نوير اقتراحتك خليها لك.. :بخليها لي.. اخذت الريموت وبديت اغير من قناة لقناة وسارة وعمتي ما سكتوا.. تعرفون لي يومين مااحكي مع سلطان..انا عنيده وهو اعند وماراح احكي معاه الا لما هو يحكي معاي.. الساعه 7:00طلعت غرفتي بعد تهزيه من عمتي انا كذا طبعي باردة واذا كان الشي مو لي انسوا اني اخلص بدري وانزل استقبل...تححمت وسشورت شعري وبعد ماخصلت مكياج... دخلت سارة علي.. سارة:نورة عمتي تقولك انزلي بسرعه.. :بس بلبس.. سارة:بسرررررعه... لبست بسرعه وشفت شكلي بالمرايا نظرة اخيرة اتاكد انه حلو قبل لاأنزل.. مسكت كعبي بيدي وطلعت من الغرفه نزلت بسرعه وجلست على اخر درجه عشان البس الكعب.. سلطان وبيني وبينه خطوات قصيرة كان متردد اذا يوقف والا يكمل مشيه ولا كانه شافني... كنت متررد اني احكي معها والا اكمل مشيي..يومين ما حكيت معها خلاص عقاب كافي.. :نورا وش هالكعب العالي؟ رفعت راسها ووجهت نظراتها لي جت بتتكلم بس كانها تذكرت شي وسكتت.. :اييه صح نسيت انا مااحكي معاك.. ابتسمت وماردت علي.. :يالطيف ردي.. نورة:ماراح ارد.. :رديتي.. نورة:لا مارديت.. :شغلك بعدين خليني بس افضى لك.. نورة:ههههههههههههه.. ضحكتها كانت تضحكني وتخليني غصب اضحك... شفتوا شلون رضيت بسرعه...انا مااعرف ازعل وعلى طول ارضى..معذورة لاتلومني... دخلت الصالون الي فيه عمتي ونور وبنتها ميسون... سلمت عليهم وجلست... ميسون كانت بنت في عمري 19 20 مايتعدى عمرها هالحدود.. لاقصيرة ولا طويله شعرها طويل الى كتوفها ماحبيتها صراحه... بتقولون هاذي مين تحب؟..لا بس من جد شكلها مايريح... جلست جنبها وبدينا نحكي شوي..اغلب كلامها انجلش طبعا...قلت لها يااحكي عربي يااحكي شوي شوي..انا كذا ماافهم وانا ماكذبت صريحه معاها والبنت تقبلت هالشي وحسيتها انحرجت...كانت تحكي عن سلطان كثير وانه هو مثل اخوها الكبير وانها معجبه بشخصيته ومن هالحكي انا قلت لكم اني ماارتحت لها وحسيت ان وراها شي...حسيت ان شياطيني بتطلع هاذي الي اعرفها اكيد في غيرها بعد...لما افكر كذا احس ان الدنيا تسود بوجهي واني ولا شي عند سلطان...تدرون وش قلت لها ان سلطان خطبني انا مااحب اكذب ولا اعرف اصلا اكذب بس ماادري شلون قلت لها كذا...لانها قهرتني كانت تحكي عن سلطان وكانها هي قريبته مو انا...انا كنت ابتسم وماارد عليها مالقيت شي اقدر اقهرها فيه الا اني اقول ان سلطان خطبني...وجهها صار الوان والبنت فجأة كتمت وقامت من مكانها وسالتني وين الحمام...يمكن راحت ربع ساعه ورجعت والبنت انقلبت فوق تحت..انا خفت من الي قلته ياويلي انا وش سويت الحين بنكشف عند سلطان أكيد انها بتقول لابوها وابوها بيقول لسلطان وبعدين سلطان لا لا لا ياربي انا وش سويت... بعد ماراحوا طلعنا انا وعمتي من الصالون ورحنا الصاله كانت في سارة.. دخل سلطان وعلى وجهه ابتسامه.. سلطان:ها نورة كيف انبسطتي مع ميسون؟ انا ارتبكت:لا.. سلطان عقد حواجبه:لا!ليش؟ عمتي:مايعجبها العجب والله البنت حليله وتسولف ومبتسمه... :انا ما عجبتني متصنعه بزيادة.. عمتي:لا والله ماعندك سالفه.. سلطان:لا بالعكس البنت حبوبه وطيبه وماهي متصنعه مثل ما تقولين.. :هذا رأيي.. سلطان:مااسمح لك تقولين عنها كذا.. انا لما سمعته يقول كذا بديت اغلي من جوا... :وليش ما تسمح لي؟ سلطان:ابوها اعز صديق لابوي الله يرحمه..والبنت مو مثل ماتقولين انا احترم رأيك بكل شي... لكن انك تقولين شي عن الناس هو مو فيهم وغير كذا انتي ماجلستي معها الا مرة وحده شلون بتحكمين؟ عمتي:نورة مشالله عندها احساس من النظرة الاولى.. سلطان وسارة:ههههههههههههههه.. :اييه عمتي صادقه انا اعرف الناس من اول مرة اشوفهم.. سلطان:اجل الله يعين هالناس.. سارة:من جد الله يعينهم... قمت من مكاني وماكان لي خلق احكي معهم ولا اقدر اصلا احكي وخاصه مع سلطان..مااقدر احط عيني بعينه يافضيحتك يانورة... رحت عند منار وترددت اذا اقولها والا لا...بس ما قلت لها استحيت صراحه من الي سويته.. دلخت غرفتي وكلمت هاله وقلت لها على الي صار وطبعا هاله ما ترحم كل المكالمه وهي تتريق علي.. هاله:ايه نورة قبل مااقفل بكرة بنروح مزرعة عمي تعالي معنا.. :اييه اييه بـجي.. هاله:غريبه متحمسه؟ :لو تبين بعد اجي اسكن عندك.. هاله:ههههههههههههههههه يامصلحجيه... :اييه مصلحجيه قولي الي تبين تقولينه.. هاله:طيب ترا من الصباح بنروح... :لو تبين من الفجر ماعندي مشاكل.. هاله:طيب قولي لعمتك اكيد ماراح توافق... :لا لا ماعليك بقنعها انا بروح اشوف اذا نامت والا لا.. هاله:طيب وردي لي :اوكي..,ايه صح بيجي عمك الي بالكويت؟ هاله:لا الحمدالله اصلا لو بيجون ماراح اروح.. :طيب طيب..يلا بروح اقول لعمتي.. قفلت من هاله ورحت لغرفة عمتي ولحقت عليها قبل لاتنام...وقعدت ساعه وانا اقنع فيها والحمدالله اقتنعت..الاوضاع للحين في صالحي بروح المزرعه وماراح ارجع للبيت الا بعد بكرة...وبعدين ربي يحلها... رحت غرفتي واكذب عليكم ان قلت لكم اني نمت...الساعه 8:00 الصباح اتصلت علي هاله تصحيني...على طول قمت وجهزت اغراضي ولبست واخذت معاي شنطه صغيرة وحطيت فيها لبس يعني سبحان الله... وصلت لبيت خالتي ومليان سيارات عند بيتهم...هم يسكنون بمجمع مع عمانهم... دخلت كانت هاله والبنات جالسين سواليف وضحك وكانت في الجوهرة تتذكرونها الي شفتها بجده الي قلت لكم اني مااحبها او هي ما تحبني....سلمت عليهم وجلست وبعد ربع ساعه ركبنا كلنا سيارة وحده يعني حنا البنات هم طبعاً مبسوطين ويغنون وكل وحده اروق من الثانيه وانا ربي اعلم بحالي الله لا يبارك بالشيطان وهالميسون لو ماجت كان انا بخير الحين نايمه بغرفتي مرتاحه ومروقه وافكر بسلطان وافكر وش اقوله... صحيت من النوم وبدلت ملابسي وكنت مروق لابعد درجه...طلعت من غرفتي ورحت الصاله كانت امي صاحيه وجالسه تكلم بالتليفون وبعد ما قفلت.. :صباح الخير.. امي:هلا صباح النور.. :افطرتي؟ امي:لا انتظرك..,جاهز الفطور على طاولة الطعام.. :يلا اجل.. قمنا انا وامي وكنا نسولف عن اشياء كثيرة.. رن جوالي وقطع كلامنا شفت المتصل وكان خالي محمد او ابو ميسون.. :خالي محمد.. امي:اكيد بيتشكر على العزيمه.. ابتسمت:لا ماعندنا حنا هالاشياء.. قمت من مكاني ورديت عليه:هلا الله.. خالي محمد:هلا فيك..كيف الحال؟ :بخير.. خالي محمد:والله ما توقعتها منك ياسلطان.. :خير انشالله.. خالي محمد:توقعت اني اول واحد بعرف بهالخبر.. :اي خبر! خالي محمد:خطوبتك.. خفت صراحة..خفت لا تكون رانيا قالت شي لان صاير بينا مشكله وتوقعت انها تسوي اي شي.. :اي خطوبه؟ خالي:خطوبتك على بنت خالك.. :بنت خالي! خالي:اييه بنت خالك نورة..وصلنا الخبر.. :كيف كيف..وصلكم الخبر؟ خالي:امس نورة قالت لبنتي ميسون.. انا هنا انفجرت ضحك ماقدرت امسك نفسي لا نورة مجنونه.. تقول كذا لميسون هالبنت ماادري كيف تفكر.. خالي:الصراحه ما توقعتها ياسلطان انت تعرف اني اول واحد بفرح لك.. :لا ياخالي ماكان قصدي وانا آسف وحقك علي...الصراحه حنا في بداية الموضوع وماصار شي.. ماحبيت اطلع نورة كذابه قدامهم موقفي وموقفها بيصير بايخ لابعد درجه بمشي كذبتها بس والله يومها اسود.. خالي:مبروك مقدماً.. :الله يبارك فيك.. حكينا شوي وبعد ما قفلت رجعت لامي وانا اضحك من الي صار اخر شي ممكن يجي في بالي انها تقول كذا..بس ليش كذا قالت معقوله نورة......مااتوقع الله لايقوله انا الي فيني كافيني بس انا بعد انجذبت لها وحبيتها بس مافكرت وش نهاية هالشي...قلت لكم قبل نورة بتجنني... انا بصراحه للحين مصدوم من الي صار نوقف احسن... نهاية الجـــزء .. .. .. | ||||
|  |
|
26-07-22, 10:03 AM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (الجزء التاسع) كلام الي أنا قلته وهالورد الي أرسلته ولا حسيت أبد انتا تشطر عاد وافهمها.... بمطار لندن بين زحمة الناس فيصل بينهم يمشي ومعاه شنطته كان يسحبها وراه ويمشي بخطوات سريعه...فيصل جاي عشان يفاتح ابوه بموضوع منار ترك شغله واصر على رايه وقوى على امه عشان يجي لندن ويطلب ابوه..فيصل كان خايف ومتوتر والافكار ماليه راسه يمكن تكون آخر محاوله له اذا ابوه ماوافق بينتهي اخر امل له...كان باستقباله سواق لابوه اخذ شنطة فيصل وركب فيصل السيارة بالمرتبه الخلفيه كان يتأمل شوراع لندن ويسترجع ذكرياته...فيصل سكن بلندن فترة ايام الثانوي... وصل فيصل لشقة ابوه ونزل من السيارة على طول ودخل العمارة...ركب الاصنصير وظغط على الدور الثاني...ثواني وفيصل واقف عند باب الشقه رن الجرس وفتحت له حرمه كبيرة في السن... دخل فيصل وكان ابوه جالس بالصاله واول ماشافه وقف له.. سلم فيصل على ابوه وجلس بكنبه قريبه منه.. ابو فيصل:والله ياولدي ماودي اردك وانت جاي من الرياض عشان هالشي.. فيصل:نأجل الموضوع لليل انا تعبان ومافيني اتكلم.. ابو فيصل:براحتك,كم بتجلس؟ فيصل:بعد بكرة راجع.. ابو فيصل:وراك اجلس عندي من زمان ما جيتني.. فيصل ابتسم:امي واخواني بيجون الاسبوع الجاي انشالله..,وانا والله ودي اقعد بس انت تعرف الشغل.. ابو فيصل:انت لو تترك شغل البنوك اريح لك.. فيصل:انشالله.. ابو فيصل:وكيف الرياض واهلها؟ فيصل:الحمدالله بخير يسلمون عليك.. ابو فيصل:كلمت امك تطمنها انك وصلت؟ فيصل:ايه.. جلس فيصل يسولف مع ابوه بس ما فتح معاه موضوع منار ولا جاب له طاري... >>><<< الساعه 7:00 المغرب جالسين كلنا انا والبنات مشغلين المسجل ورقص وضحك كانت حلوة الجلسه ونستني شوي الي سويته...مع اني مو قادرة انسى بس اتناسى...اكيد سلطان عرف الحين... ابتسمت وانا اتخيل الصدمه لما قاله ابو ميسون..وعقدت حواجبي وانا اتخيل موقفي قدامه... قطع تفكيري هاله تصارخ باذني:نورررررررررة... :روعتيني..لا تصارخين باذني.. هاله بصوت واطي:امشي نطلع من هنا... :وين؟ هاله مسكتني من يدي:امشي وبس.. طلعنا من المكان الي كنا جالسين فيه بهدؤ عشان مااحد يلاحظنا من البنات... المزرعه كانت كبيرة وفيها بيت في بدايتها ومسطحات خضراء وملاعب واسطبل الخيول... بدينا نمشي انا وهاله بالممرات وبعدنا عن البيت الجو كان حار وفي هواء خفيف... كنا ساكتين وكل وحده من سرحانه...جلست هاله على عتبه بين الممر والزرع ماحسيت فيها وكملت مشيي... هاله بصوت عالي:نورة.. لفيت عليها وابتسمت:ماشفتك.. اشرت هاله بيدها بالمكان الي جنبها:تعالي اجلسي.. رجعت وجلست جنبها... هاله:تعرفين نورة انا متحسفه اني حبيت عبدالرحمن.. ناظرتها ومارديت اول مرة احس هاله تحكي بجديه.. هاله:لا تناظرني كذا..اصلا احنا ليش نحب!فضاوة..فراغ عاطفي.. طيش.. وبالاخير بنضحك على انفسنا.. :يمكن..اذا جربت اعلمك.. هاله:يعني انتي ما تحبين سلطان؟ :هاله انا اكره اتكلم عن هالمواضيع احس اني تافهه و فاضيه..انا عندي افكار واحلام وطموح بعيده عن الحب والخرابيط البنات تفكيرهم محصور بالحب والزواج انا مااقولك اني ماافكر بس بعد لازم نفكر باشياء ثانيه... هاله باستهزاء:اسمع كلامك اصدقك اشوف افعالك استعجب.. عقدت حواجبي:وش تقصدين؟ هاله:لا سلامتك.. اخذت نفس طويل ورحت بأفكاري.. هاله فجأة قامت تضحك وضحكها كل ماله يزيد... ناظرتها وانا مستغربه:هاله وش فيك؟ هاله وهي تضحك:اضحك عليك.. ضحكت لانه لازم اضحك والي قلته يضحك والي اسويه يضحك... قمنا من المكان الي جالسين فيه وكملنا مشي... هاله وهي تلفت لورا:نورة مرة بعدنا... ناظرتها وضحكت:وش دعوة بغابه حنا.. هاله:يااختي احس المزرعه مسكونه.. :اعوذ بالله... هاله:امشي بس نرجع.. :نكمل ونرجع من الجهة الثانيه.. كملنا مشينا والمكان بد يظلم الانوار هنا كانت مسكرة... هاله كانت تمشي على ورا وجهها قدامي...انا اشوف الي قدام وهي تشوف الي وراي.. هاله فجأة تجمدت تعابير وجهها وصرخت بصوت عالي وبدت تركض بسرعه...في شي وراي خوفها..لفيت بسرعه وشفت زول لشخصين ماميزت الملامح وماعرفت اذا هم رجال والا بنات...,صراخ هاله خوفني..بديت اركض وقلبي يدق بسرعه ماحاولت التفت مرة ثانيه اشوفهم...كنت اركض بسرعه وكأني بسباق,ماقدرت امسك توازني التوت رجلي اليمين وحسيت انها انفكت طحت بقوة على ركبتي ويدي احتكيت بالارض الي كانت اسفلت..بديت اصارخ باقوى ماعندي كنت خايفه بشكل, احس اني بموت من الخوف:هاااااااااااله هااااااااااااله.... وقفت هاله بعد ماسمعت صوتي ولفت علي وكان بينا مسافه قصيرة... رجعت عندي بسرعه وجلست على ركبتها.. هاله وباين على صوتها الخوف:نورة وش فيك؟ ماقدرت ارد عليها قلبي كان يدق بسرعه ونفسي سريع وبصعوبه:رجلي..رجلي.. وجهت هاله نظرها لرجلي:اي وحده؟ حطيت يدي على رجلي:هااذي.. مدت هاله يدها وفصخت جزمتي حطت يدها على رجلي وبدت تلمسها:نورة شكلها انكسرت.. :هاله احس اني بدوخ... بنطلوني انشق من مكان الركبه وجلدي انقشع الجرح كان كبير... هاله تناظرني وماهي قادة تسوي شي.. هاله بخوف:نورة تقدرين تمشين؟ بصعوبه رديت عليها:ماادري.. حطت هاله يدها على خصري ويدها الثانيه مسكت يدي فيها..حاولت انها توقفني بس ماقدرت.. بديت اصيح من شدة الالم.. هاله:نورة انا بروح انادي احد شوي بس..ماراح اطول..هنا الرجال شفتي الملعب الي قدامك جالسين يلعبون هناك.. :لا لا ماتروحين وتخليني بلحالي.. هاله:شوي بس..ثواني وارجع لك.. :رجلي..رجلي..بموت.. سمعنا صوت ضحك من ورانا كانوا يضحكون بصوت عالي...رفعت هاله راسها ولفيت بصعوبه عشان اشوف مصدر الصوت كانت الصاعقه..اثنين من عيال عم هاله اعمارهم 15 14 سنه.. هاله بصوت عالي وكان اقرب لصراخ:مشعل وعبودي ياقليلين الادب كذا تسون فينا..تعالوا بس ساعدوني.. جو وباين على أشكالهم الخوف من الي صار.. فقدت الوعي وبعدها ماادري وش الي صار ماحسيت الا وانا منسدحه بالسرير وجنب خالتي ومااذكر مين الي كان حولي... كانت غرفة من غرف المزرعه... خالتي:نورة رجلك للحين تعورك؟ بصوت مبحوح:ايه.. رجلي كانت منتفخه وماهي بحالتها الطبيعيه..والجرح الي بركبتي وبيدي يحرقني.. خالتي تكلم هاله:جيبي عبايتها وكلمي ابوك بنرجع لرياض.. سمعت هاله لتوجيهات امها بسرعه وراحت جابت عبايتي ودقايق واحنا بالسيارة انا وهاله وخالتي وزوجها.. الطريق كان بالنسبه لي طويل احسه دهر..واخيرا دخلنا الرياض واول مستشفى رحنا لها وعلى الطؤارى على طول... طلع عندي كسر ولازم يجبسون رجلي... انا على السرير جالسه والدكتور قدامي ومعاه ممرضات.. الدكتور:يابنتي انتي عندك هشاشة عظام المفروض تكونين اكثر حرص.. ناظرته ومارديت يعني وش اسوي بنفسي.. جت عندي خالتي:الحين وش بقول لعمتك يانورة.. مارديت عليها انا مالي خلق اسمع كلام من احد وماابي احد يكلمني.. خالتي:انتي الي جنيتي على نفسك.. هاله:يعني هي اول مرة.. :مااحد حاس بالالم..,ابي ارجع البيت ماخلصوا شغل فيني.. طلعنا من المستشفى ورجلي مجبرة ومعاي عكاز...انا ناقصه نكد... وصلنا البيت وقلبي يدق بسرعه واحس بحرارة..والافكار ماليه راسي..هالليله ماراح تعدي على خير.. نزلت هاله قبلي وجت فتحت لي الباب وساعدتني بالنزول..مسكت العكاز تسندت عليهم وبديت امشي... دخلت البيت...وهاله وراي.. وقفت عند باب المدخل الداخلي.. :هاله خايفه.. هاله:اقعدي صيحي وتبكبكي وادلعي ماراح يقولون لك شي...وعلى الاستاذ ماراح يقولك شي يمكن تكسرين خاطره..يمكن مو أكيد... :هاله ياحمارة... هاله:انا اقولك الصدق.. :تعالي معاي.. هاله:لا انا بجلس هنا بكرامتي اكيد كل اهلك بالصاله جالسين.. :وين امك؟ هاله:مانزلت,يلا ياحلوة ادخلي..مع السلامه حنا بنرجع المزرعه,وعيال عمي بسطر لهم لك ولا تزعلين,كلميني ابي اعرف وش صار.. كملت مشيي وللحين مااحد جاني..شكلهم ماعرفوا مين الي عند الباب.. في جلسه صغيرة رحت جلست وطلعت موبايلي عشان اتصل على منار... اول ماردت علي.. :منار بسرعه تعالي عند المدخل.. منار بخوف:ليش؟ :بسرعه تعالي.. سكرت منها وثواني وهي عندي... اول ما شافتني شهقت:نورة وش فيك...مجنونه انتي..ياويل قلبي.. :منار الله يخليك تعالي ساعديني عشان ادخل... منار:شلون كذا تكسرتي؟ :طحت.. منار:نورة ماادري متى بتعقلين.. :مين في بالصاله؟ منار:كلنا.. :وابوي؟ منار:لا.. :وسلطان؟ منار:ماادري..انا مو جالسه بالصاله...اتوقع انه طالع.. :طيب تعالي ساعديني... وصلنا الصاله واول مادخلت الكل صار يناظرني وردات الفعل مختلفه... عمتي وباين على صوتها الخوف:اللهم صلي على محمد..انتي رحتي سالمه ورجعتي مكسرة... :عمتي والله العظيم اني.. عمتي تقاطعني:اسكتي اسكتي..عارفه وش بتقولين.. سارة وهي تضحك:نورة انتي مجنونه.. مشاعل:شوي شوي على البنت.. قامت مشاعل ومسكتني وجلستني جنبها.. في انسان جالس بالصاله ماعبرني ولا كاني موجوده...اول مادخلت عطاني نظرة...ماادري اذا عرف والا لسا.. عمتي جت وجلست جنبي:يابعد قلبي انتي...عسا ماتعورتي؟ عمتي لو وش اسوي ترجع تحن علي.. :اكيد تعورت... مشاعل:كيف طحتي؟ بديت احكي وقلت لهم السالفه...وسلطان مايحرك ساكن ولا التفت علي ولا حتى حاول مافي اي تعابير الي صار لي ماهمه ابدا.. سارة وهي تضحك:عشان كذا شعرك منتفش والكحل نازل على وجهك من الروعه.. :كذا شكلي! منار:زين ماصار شعرك ابيض من الروعه.. وقف سلطان من مكانه وطلع من الصاله بدون ما يلف علي ولا حتى عيونه حركها علي.. جلسنا نسولف واقولهم على الي صار لي...وبعد ربع ساعه رجع سلطان وكان لابس وشكله بيطلع.. سلطان:يمه انا بطلع الحين.. عمتي:بتروح عند عمك؟ سلطان:لا عندي شغل..,يلا مع السلامه.. عمتي شكلها ماكانت تعرف شي عن شغله.. انا كنت معصب ومااتصنع تصرفاتي...نورة منرفزتني بشكل..وغير كذا تجي ورجلها مكسورة..انا افكاري مشوشه ومشاكلي بدت تكثر مااقصد على نورة لا ابدا..الشغل ورانيا وامي والوضع الي انا عايش فيه كله متعبني...كنت رايح اقابل واحد جاي من امريكا يشتغل عندي وبشوف اوضاع شغلي...ويعني في افكار براسي تدور عشان اسوي مشروع بالسعوديه ابوي قبل لايتوفى كان مخطط لهشي وقلت اكمل الي ابوي كان يبيه.. ><><><><><>< الساعه 12:00 الظهر بتوقيت لندن طلع فيصل من غرفته بعد ما بدل ملابسه واتجه لصاله جلس على الكنبه وفتح التلفزيون بدا يغير من قناة لقناة ماعجبه شي سكر التلفزيون وقف من مكانه وطلع للبلكونه المطله على الهايد بارك جلس على الكرسي طلع باكيت الدخان من جيبه فيصل بالفترة الاخيرة ترك العلاج ورجع يدخن مثل اول واكثر...بعد فترة ماهي قصيرة جا ابو فيصل.. ابو فيصل وهو يجلس:صباح الخير.. فيصل:صباح النور.. ابو فيصل:تبغى نفطر هنا؟ فيصل:الي تشوفه.. بعد سكوت شوي وبعد ماجا الفطور عندهم.. فيصل:يبه ودي افاتحك بالموضوع الحين.. ابو فيصل كان معاه كوب القهوة اشر بيده لولده انه يبدا.. فيصل:ودي اخطب.. ابو فيصل:ياليت والله انا ودي اشوف ولدي متزوج ومستقر بحياته.. فيصل:بس الي ابيها امي رافضه انها تزوجني اياها.. ابو فيصل:مو خطبتها لك ورفضوا! فيصل:الا.. ابو فيصل:خلاص الموضوع منتهي وامك مارفضت من اول مرة...بالعكس كلمتهم بس هم الي رفضوا.. فيصل:بس ما يمنع ان امي تكلم مرة ثانيه.. ابو فيصل:والله ياولدي امك كلمتني وقالت لي وجهة نظرها وانا معها.. فيصل:كيف يعني معها؟ ابو فيصل:انا بعد رافض هالزواج..مافي الا هالبنت.. فيصل:لا في بس انا ابي هالبنت.. ابو فيصل بلهجة استهزاء:وش حب وغرام وخرابيط مابعد كبرت على هالحركات.. فيصل سكت ومارد.. ابو فيصل:وش فاد هالناس الي متزوجه عن حب الا الغثا والمشاكل..ياولدي حنا اكبر منكم واوعى منكم وحنا نشوف شي انتم ماتشوفونه.. فيصل:يبه انا مالي علاقه بالي قاعد تقوله انا جاي لندن ابيك تساعدني وتوقف معاي... ابو فيصل:اذا وافقت امك يمكن انا اوافق وترا رفضي اشد من رفض امك...وزواج من دون رضانا مااظنك تسويها... فيصل:بتزوج برضاكم انشالله,والبنت الي ابيها.. ابو فيصل:يعني تحدي؟ فيصل ناظر ابوه ومارد.. ابو فيصل بلهجه جديه:اسألك تحدي؟ فيصل:تبيني اقولك تحدي!ماراح اقول.. ابو فيصل:انتهى الموضوع ولا تفكر تفتحه معاي مرة ثانيه ولا مع امك وتقدر ترجع الرياض.. فيصل:تامر امر.. قام فيصل من مكانه وراح غرفته حط الاشياء الي طلعها ورتب شنطته وطلع من غرفته حط شنطته عند الباب وراح لابوه بالبلكونه.. فيصل:يلا يبه انا راجع.. ابو فيصل:لقيت حجز بذا السرعه! فيصل:رايح على دبي.. ابو فيصل:على خير اجل.. سلم فيصل على ابوه وطلع من الشقه وراح جلس في اوتيل.. >><< جوالي يرن ويمكن هاذي المرة الخامسه الي يرن فيها بدون ماارد كنت نايمه ومالي خلق اشوف المتصل...رجع يرن مرة ثانيه مدت يدي واخذته وكانت هاله حطيته سايلنت ومارديت عليها..شفت الساعه وكانت 3:00 رفعت نفسي بسرعه حطيت رجلي وجيت بنزل من السرير وطحت على وجهي نسيت ان رجلي مكسورة رفعت نفسي واخذتي عكازتي ورحت الحمام بدلت ملابسي وصليت وطلعت لصاله الي فوق وماكان في احد كلهم تحت جالسين... وقفت عند الدرج وبديت انادي على منار وعمتي ثواني وابوي طلع فوق عشان ينزلني.. ابوي وعلى وجهه ابتسامه:اخخخخ بس منك.. ابتسمت:شفت وش صار فيني.. ابوي:بسم الله عليك فيني ولا فيك.. :لا بسم الله عليك.. حط ابوي يده على خصري وبدينا ننـزل بهدؤ وأخيراً وصلت اخذت عكازتي وكملت مشيي بدون مساعدة ابوي..بالدرج صعب النزول والطلوع بالعكاز.. دخلت الصاله وكانوا كلهم جالسين توهم خالصين من الغدا... ابوي:جاهزين اليوم المغرب لاستقبال زوجتي.. السكوت عم المكان ومااحد رد عليه,ابوي كان يناظرنا ينتظرنا نرد بس مااحد رد عليه.. عمتي:ايه جاهزين البنات.. ابوي:ان شاء الله انكم ترتاحون لها.. مااحد رد.. عمتي:ان شاء الله.. ابوي:اتمنى استقبالكم لها يكون طبيعي وبدون تكلف ومانبي النظرات الي من تحت لتحت اعتبروها اي حرمه جايه تسلم عليكم وحده من قرايبكم وحده من خالاتكم عماتكم مانبي حساسيه.. عمتي:ان شاء الله الي تامر عليه بيصير.. ابوي:اعرف بناتي وماراح يخيبون ظني... طلعوا ابوي وسلطان عشان يصلون العصر... منار:ماراح انزل.. :وانا بعد ماراح انزل.. عمتي:بتنـزلون وانتم ما تشوفون الدرب.. منار:يعني غصب الواحد ينزل.. عمتي:لا مو غصب بس عشان ابوك بتنزلين.. :عمتي انتي تحسبينه سهل علينا... مشاعل:مثل ماقال ابوي اعتبروها وحده من قرايبنا وانسوا هي وش تصير.. منار:نلعب على انفسنا يعني! مشاعل:ايه العبي على نفسك.. عمتي:المغرب ابيكم تصيرون جاهزين.. طلعت عمتي من الصاله.. ريما:وانا انزل؟ مشاعل:اكيد.. ريما:تعالي ميشو معاي اطلع لي لبس.. قاموا مشاعل وريما وطلعوا من الصاله.. قامت منار من مكانها وجت جلست جنبي وبصوت واطي:نورة فيصل ماجا ولا كلم ولا حتى عبرني بهالسرعه نساني.. :منار انا من جد ماادري وش اقولك.. منار:بتصل عليه بس بتطمن.. :لا يامنار انتي وعدتي عمتي ولازم تصيرين عند وعدك..بعدين عمتي ما قصرت وكلمته وقالت له يجي يتقدم بس هو الي ماجا.. منار:انا خايفه صار فيه شي.. :مافيه الا العافيه.. منار:قلبي ماراح يطمن الا لو كلمته,نورة انا مااقدر اصبر بروح اتصل عليه.. :والله يامنار لو اتصلتي بقول لعمتي.. منار بدت تصيح:انا احبه احبه انتم تبوني انساه كيف انساه علموني كيف انساه..علميني يانورة علميني انتم تعطوني اوامر وانا انفذها وللحين ما شفت شي... دخل سلطان بوقتها وجلس لا سلام ولا كلام...كانه داخل الصاله ومافيها احد.. منار لما شافته طلعت من الصاله بسرعه.. :لا لا منار وين رحتي.. اخذت عكازتي ووقفت من مكاني مشيت خطوتين وسلطان يناظرني وبصوت واطي وبحده:ارجعي مكانك.. مارديت عليه وسويت نفسي ما سمعت وكلمت مشيي.. سلطان:نورا.. لفيت عليه:نعم.. سلطان:ممكن تجلسين؟ :خير؟ سلطان:ابي اتكلم معاك.. قلبي بدا يدق بسرعه وارتبكت ماعرفت وش ارد عليه رجعت مكاني وجلست.. سلطان باستهزاء:ايوا يانورا متى الزواج؟ مارفعت عيني كنت العب بشعري:اي زواج؟ سلطان:زواجنا.. بديت اضحك او اتصنع الضحك:زواجنا!؟ سلطان:مو انتي خطيبتي نسيتي انتي قبل امس اعلنتيها بس كان المفروض تقولين لي قبل والا؟ عقدت حواجبي:وش قاعد تقول انت؟ سلطان قام من مكانه وجا جلس بالكنبه الي جنبي:وتعرفين تمثلين بعد.. :سلطان! سلطان بحده:نورا لاتقعدين تمثلين علي.. :سلطان ممكن تفهمني انت وش قاعد تقول؟ سلطان: I am beginning to lose my patience. :انت قاعد تقول حكي انا مو عارفته..ممكن تفهمني السالفه؟ سلطان:اوكي اوكي نورا انا اقولك..انتي ما قلتي لميسون انك مخطوبه لي؟ :انا! سلطان باستهزاء:لا انا.. :سلطان وش ذا الحكي؟ سلطان سكت وبدا يناظرني نظرات غريبه.. :ميسون كذابه.. سلطان:ليش تكذب ميسون بنت محترمه وماتكذب وماتعرف تلف وتدور.. :يعني انا مو محترمه وكذابه؟ سلطان:ايه.. ماأقدر استحمل اكثر من كذا احس اني بغرفة تحقيق ومسويه جريمه..سلطان اسلوبه يخوف ونظراته تموت.. جيت باخذ عكازتي اخذها قبلي ومسكهم بيده:ماراح اعطيكها الا لما تقولين الصدق.. :لا تعطيني انا بمشي بدونهم.. سلطان:يعني رجلك مو مكسورة جايه تمثلين علي وتبين تكسرين خاطري.. خنقني العبرة من كلامه احسه يكرهني بشكل:سلطان.. سلطان ابتسم:وقفي وامشي وتطيحين وتنكسر رجلك الثانيه.. :سلطان لو سمحت عطني العكازة.. سلطان:نو.. مديت يدي بسحبهم منه مسك يدي بيده وكانت باردة حسيت بحرارة وقلبي يدق ونفسي سريع سحبت يدي بهدؤ وماتكلمت ولا كلمه... ماادري وش الاحساس الي جاني لما مسكت يدها كانت حركه عفويه ولا شعورياً مديت يدي ومسكتها احس الحرارة الي بيدها انتقلت لكل جسمي..سكوت ونظرات بيني وبينها سحبت يدها بهدؤ وحطتهم بجيبها ابتسمت لحركتها...شفتوا وش سوت طلعت نفسها انها برئيه وان ميسون كذابه وتتبلى..المشكله اني اعرف الثنتين كويس وعارف حركات كل وحده, ميسون لا يمكن انها تسوي كذا وليش اصلا تقول كذا... بهدؤ اكثر وبصوت واطي:نورا الي صار احرجني.. ماردت علي وماكانت تناظرني تحاول تشغل نفسها باي شي.. : I think you are getting carried away عقدت حواجبها لكلامي ووجها صار احمر يمكن غلطت بالتعبير والمفروض اني مااقولها كذا.. نورة:سلطان انا ماقلت شي ولا انجرفت بعواطفي ولا بالغت ميسون تألف من عقلها وشكلها هي... سكتت وماكملت كلامها.. :شكلها هي ايش؟ نورة:اسألها.. سلطان:بسألها بس قلت قبل اقولك اخاف اسألها وتطلعين انتي الي قايله الكلام وتنحرجين.. ماكان عندي نيه اسأل ميسون ولا راح اسألها بس ابي اخوفها شوي.. نورة:سلطان ممكن عكازتي؟ :ممكن بس قبل مااعطيك بقولك شي.نورا انا ماابيك تحكين معاي ولو حكيتي ماراح ارد عليك انا رجال وماني مراهق بجلس العب معاك وامزح.. كلامي يمكن جرحها مو يمكن أكيد ان جرحها بس انا من جد ماابي احكي معها انا ماابي احبها وماابيها تحبني يمكن صعب علينا كلنا لكن لازم يصير كذا انا مااقدر اكون حبيب لنورة ولا بطل قصة حبها لاني عارف اني بالنهايه بجرحها عارف اني ماراح اتزوجها وبرجع لامريكا ويمكن ماارجع لهم مر ثانيه.. حسيت انها ماقدرت تحكي ولو حكت بتبكي وبصعوبه:انا..بعد..ماراح احكي معاك وماابي اصلا احكي معاك.. :يكون احسن..كذا حنا متفقين.. مديت لها العكاز وطلعت من الصاله كنت متضايق من الي صار كنت قاسي معها ومااهتميت لمشاعرها... انفجرت صياح دموعي كانت اقوى مني ,كلامه كان مثل السم سلطان ما يعرف هو بالنسبه لي ايش انا احبه وبهالموقف حسيت اني ماعني له ولا شي ليش ليش كذا يصير معنا كلنا ننجرح انا ومنار ومشاعل وهاله كلهم ما يحسون فينا كل واحد همه نفسه وبس واخر ما يفكر فيه الطرف الثاني..اكرهك اكرهك ياسلطان.. طلعت من الصاله ونزلت لمرسمي كنت انزل وانا جالسه مالقيت احد ينزلني وماكنت ابي احد اصلاً.. جلست بمرسمي الى الساعه 6:00 ,نصف ساعه ويأذن المغرب وزوجة ابوي بتجي بعد المغرب وانا للحين ماتجهزت...جتني مشاعل وطلعتني فوق تحممت وبدلت ملابسي ونزلتني عمتي وصرنا كلنا تحت الا منار.. عمتي:وين منار؟ سارة:الحين بتنـزل.. الكل ساكت وننتظر ابوي وزوجته دقايق ورن جوال عمتي وكان ابوي.. عمتي بعد ما سكرت:تراهم عند الباب.. تبادلنا النظرات.. عمتي:ريما روحي نادي منار وقولي لها تنـزل بسرعه.. قامت عمتي وراحت عند المدخل عشان تستقبلها... التوتر باين علينا وكل وحده منا تفكر واكيد بالي بتجينا بعد شوي... اقتربت اصواتهم وتوترنا يزيد.. وأخيراً جو عمتي وابوي وزوجته وراها.. تقدمت عمتي وتقدموا ابوي وزوجته وصاروا جنبها.. ابوي:بنات هاذي زوجتي سحر... ماكانت طويله ولا قصيرة طولها عادي شعرها كان قصير يغطي اذنها تعتبر بيضا مااقدر اقول عليها تميل لسمار كانت تميل للبياض اكثر عمرها 30 33 بالكثير وبطنها كان كبير تقريباً ومبين عليها الحمل.. وقفوا مشاعل وسارة عشان يسلمون عليها,مشاعل سلمت عليها زين اما سارة سلمت بدون ماتتكلم ولا كلمه وتحسبون ان سحر كانت تسأل وتسلم بادلت برودهم ببرود وكان مبين انها داخله وبقوة وماتبي تعطينا مجال نتمرد عليها..جت وسلمت علي بدون ماتنطق ولا كلمه وانا ماحاولت اتكلم... جلست جنب ابوي وعمتي كانت تسأل وتسولف اما حنا كنا ساكتين ولاحاولنا اننا نوجه انظارنا لها... دخلت منار وكانت لافه شعرها وصاير منفتش لان شعرها كيرلي ولابسه تي شيرت وبرمودا شكلها كان مرة مبهذل ولا بالبيت ماتجلس كذا منار مدت يدها وصافحتها بس وراحت جلست..ابوي تغيرت تعابير وجهه وباين انه تضايق من منار...جلست منار جنبي وماحاولت انها تناظرهم ابدا تشغل نفسها باي شي تفك شعرها وتربطه تطق اصابعه تتكلم معاي... منار ببرود وباسلوب منرفز:ايه صح وش اسمها يبه؟ عمت عطت منار نظرة وابوي نفس الشي بس حاول انه يجاريها ابوي جا بيتكلم قاطعته زوجته (معليش اسمحولي ماتعودت على اسمها وماابي اقوله):اسمي سحر ال........ منار:اول مرة اسمع بهالعيله.. ابوي هنا عصب وماقدر يمسك اعصابه وكان يبي يحط حد لمنار عشان ماتتمادى مع الايام اكثر.. ابوي:منار.. منار:وانا صادقه اول مرة اسمع فيها.. ابوي:اطلعي غرفتك.. قامت منار بوثوق وغرور وهي تمشي طالعه من الصاله.. سحر:تراني بنت ناس وعالم يامنار ولو اني مو قد المقام ابوك ماتزوجني... منار:مايهمني انتي وش تكونين واحتفظي هالحكي لنفسك,وياما ناس اخذوا الي اعلى منهم بكثير.. طلعت منار من الصاله بخطوات سريعه السكوت عم المكان وابوي ماراح يعدي هالليله على منار بخير.. مد ابوي يده على كتف زوجته يهديها ابتسمت بوجهه وبصوت مسموع:منار مثل اختي الصغيرة وانا عارفه انها متضايقه وماراح اخذ بحكيها... قامت سارة وطلعت من الصاله بسرعه... عمتي تحاول انها تسولف وتغير الجو المتكهرب... بعد فترة قصيرة جت فاطمه ووقفت عند طرف الصاله وبصوت عالي شوي:مشاعل عمي خالد عند الباب ادخله بالصاله والا بالخيمه؟ مشاعل تغيرت ملامح وجهها ونظرات صارت بينا كلنا ماادري تعابير مشاعل كانت ممزوجه بفرح واستغراب وتوتر.. عمتي:بالخيمه.. ثلاث اسابيع ومشاعل ماشافت خالد وحنا بالاسبوع الرابع يعني بيصير شهر وهي ماتدري عنه...مشاعل تحب خالد وحبه واضح بعيونها ماتقدر تخبي هالشي ولا تنكره...قامت مشاعل واستأذنت قبل لا تطلع وكانت تمشي بسرعه وكانها خايفه انه يروح.. قامت عمتي وراها... مشاعل وعمتي عند باب المدخل يحكون بصوت واطي.. عمتي:ماقالك انه بيجي؟ مشاعل:لا..عمتي انا خايفه.. عمتي:تخافين من ايش مشاعل هذا زوجك وان شاء الله انكم بتتفاهمون وبتنحل كل الامور.. مشاعل:خايفه يكون جاي يطلقني.. عمتي:مشاعل وش هالحكي؟ مشاعل:عمتي الافكار ماليه راسي.. عمتي باست راسها:يلا يابنيتي روحي وكل خير ان شاء الله بيصير.. مشاعل راحت عند المرايا تشوف شكلها.. عمتي:تهبلين وكلك ملح.. ابتسمت مشاعل وطلعت وبخطوات بطئيه... وقفت عند باب الخيمه الي كان قزاز والي داخل يشوف الي برا... دخلت مشاعل بهدؤ وبصوت واطي:السلام عليكم.. التفت عليها خالد الي كان واقف ومعطيها ظهره:وعليكم السلام... قرب خالد منها ومسك يدها وباسها:شخبارك مشاعل؟ مشاعل:الحمدالله,انت شخبارك؟ خالد:ماكنت بخير.. مشاعل سكتت.. خالد:انا بدونك يامشاعل مااسوى شي.. ناظرته مشاعل ومو مصدقه الي قاعد يقوله.. خالد:ليش كذا تناظريني؟ مشاعل:مو مصدقتك.. خالد اخذ نفس طويل:ممكن نجلس.. مشت مشاعل قدامه وجلست..جا خالد وجلس بمكان قريب منها.. خالد:مشاعل انتي رحتي بيت اهلك عشان ترتاحين وتفكرين... مشاعل:ارتاح!انا بحياتي ماارتحت ياخالد انا من تزوجتك وانا مو مرتاحه.. خالد:انا عارف.. مشاعل:شخبار امك وابوك؟ خالد:بخير يسألون عنك.. مشاعل:الله يسلمهم.. خالد:مشاعل انا جايك وابيك ترجعين لبيتك ولزوجك.. مشاعل:ماراح ارجع ياخالد.. خالد عقد حواجبه:كيف يعني ماراح ترجعين؟ مشاعل:ماراح ارجع واتعذب معاك اجلس في بيت اهلي معززة مكرمه عارفين قدري وقيمتي.. خالد:قدرك وقيمتك محفوظين... مشاعل:خالد انا..انا احبك بس مااقدر اعيش معاك خالد انت قلبك وعقلك مو معاي ابدا انت عايش بجسد بدون روح انا احس اني عايشه مع صنم مع جدار خالد انا صبرت ولصبر حدود... خالد:عارف.. مشاعل:مادامك تعرف ليش انت كذا؟ خالد:اوعدك يامشاعل اني اتغير.. مشاعل سكتت كانت تفكر بكلامه وماهي مقتنعه بالي يقوله.. خالد:انا اوعدك.. مشاعل:ماراح ارجع معاك الحين.. خالد ابتسم:انا ماراح ارجعك البيت..جهزي نفسك بعد اسبوع مسافرين.. سكتت مشاعل.. خالد:اتمنى انك توافقين؟ ابتسمت مشاعل:انشالله.. خالد:الاربعاء الجاي رحلتنا الساعه 6:00المغرب.. مشاعل:خالد ترا في كلام كثير ما قلته.. خالد:اذا على موضوع الحمل... قاطعته مشاعل:شايلته من بالي وماابي احمل مااحد يعرف الدنيا وش بتجي عليه.. خالد:يكون أحسن.. سكتت مشاعل وراحت بأفكارها لبعيد.. خالد مد يده وحطها على راس مشاعل:مشاعل وش فيك شكله ضايق صدرك؟ مشاعل خنقتها العبرة:ابوي...ابوي..تزوج.. خالد باستغراب:تزوج!! مشاعل بدت تصيح:اييه تزوج.. قرب خالد لها اكثر وضمها:لاتضيقين صدرك مشاعل.. مشاعل:غصبا عني ياخالد.. خالد:معليش مشاعل لاتبكين.. بوقتها دخلت عمتي وماحسوا فيها.. عمتي بصوت عالي:السلام عليكم.. بعدت مشاعل عن خالد ولفوا على عمتي.. خالد:وعليكم السلام.. وقف لها خالد وراح سلم عليها.. جلست عمتي تسولف مع خالد وبعد ماطلع خالد رجعوا مشاعل وعمتي عندنا...وابوي وزوجته طلعوا.. سارة:ها وش صار؟ عمتي وهي تحط يدينها فوق بعض:نصف ساعه وقلب راس البنيه ولا بعد.. مشاعل تناظر عمتي عشان ماتكمل حكيها وتحرجها قدامنا:عمتي.. سكتت عمتي وماكملت حكيها.. سارة:ههههههههههههههههههه... مشاعل سحبت سارة من يدها وطلعوا من الصاله.. عمتي توجه نظراتها لمنار:عجبك الي سويته؟ منار:ماسويت شي.. عمتي:ما سويتي شي!!نازله لي بخرقة وشكلك وحده كانها بعزاء وغير كذا سلامك زي وجهك مسلمه على رجال انتي لا وبعد ترمي حكي يدل على اخلاقك ماشاء الله لا اله الا الله.. منار:عمتي انتي ما شفتي كيف هي وقحه وداخله على شر...اصلا لو هي تحب ابوي كان ماردت كذا.. :وبعدين عمتي شفتي سلامها كيف هي الي بدت والبادي اظلم والله لاوريها نجوم الظهر... منار:وانا بعد مع نورة.. عمتي:زين تحنسدون على هالاخلاق...لا والثانيه بعد قامت وراحت تطلع كانها شايفه لها جني.. منار:سارة؟ :هههههههههههه ايه سارة.. منار:ههههههههههههه... عمتي:مافي شي يضحك...ابوكم الي بيتصرف معاكم مو انا.. ريما:انا بعد مااحبها شكلها شريرة... منار:حتى ريما ماحبتها.. عمتي:مين خواتها.. قامت عمتي وطلعت من الصاله... ><><><><>< طلع فيصل من فندق الشيراتون بدا يمشي بشارع اكسفورد والخليج مالين المكان بداية الاجازة ولندن تزدحم ماحاول فيصل يختلط بأحد كمل مشييه وصل البيكدلي وراح على طول لبلانت هوليوود وطلب له شي خفيف واكل بسرعه وطلع من المطعم وكمل مشي الجو كان بارد شوي وبدا ينزل مطر الي ماحسب له فيصل حساب ماأثر بفيصل وماحاول انه يرجع للاوتيل..فيصل كان يمشي ويسترجع أحلى ذكريات له بلندن... بلندن بداية منار وفيصل الشارع الي فيصل يمشي فيه بنفس المكان كان واقف هو ومنار ابتسم فيصل وهو يسترجع ذكرياته وكيف تعرف على منار.. قبل ثلاث سنوات تقريباً وقريب بتصير اربع سنوات... بدت اجازة الصيف وبدينا نرتب لسفرنا والي كان هالسنه للندن مثل السنه الي قبلها...كانت سفرة مثل اي سفرة قبلها لا تأثر ولا تزيد طلعنا كلنا انا وخواتي للقهوة جالسين ومعنا بنات عمتي القهوة كانت مليانه تقريبا...سواليف بنات الجلسه كانت هادية ومافي اي شي يعكر مزاجنا...منار جالسه جنبي وحاطه شنطتها على الطاوله بلحظه وبسرعه وبدون مانحس جا واحد وسحب الشنطه وبدا يركض منار لا شعوريا بدت تركض وراه ماتقارن سرعته بسرعة منار كان يركض بسرعه ومنار تحاول انها تلحق عليه..كانت وراه وتصارخ تبي احد يمسكه.. منار بصوت عالي:شنطتي شنطتي.. فيصل كان بوجهها ولما سمعها ركض وراه بس الي سرقها قد راح...ودخل على شارع ثاني.. منار وهي تركض لفيصل:رااااح..شنطتي ياحماااار ياحراامي...تجيك سيارة وتطيرك انشالله.. حطت يدها على خصرها:وانت ليش مامسكته؟ فيصل:آسف اختي بس مالحقت عليه.. منار بصوت عالي:ابييي شنطتي... فيصل:شنطتك فيها شي؟ منار:اكيد فيها.. فيصل:محفظتك فيها؟ منار:لا.. فيصل:اجل وش فيها؟ منار:مالك دخل وش فيها.. فيصل:اقصد فيها شي ثمين؟ منار كانت تسب الي سرق شنطتها وتدعي عليه وماردت على فيصل.. فيصل طل بوجهها:شكلها فاضيه.. :وخر عني.. فيصل:تبين نبلغ عنها بس مااتوقع بينمسك.. منار:لا شكراً.. منار جلست على الارض وربطت جزمتها زين لانها انفكت من الركض.. فيصل:فيها موبايلك؟ منار:نعم؟ فيصل:موبايلك فيها؟ منار:لا.. فيصل:هههههههههههههههههه يعني جايبتها كشخه بس؟ وقفت منار وكملت مشيهها وفيصل جنبها يمشي منار كانت قصيرة مرة بالنسبه لفيصل.. فيصل:مااتوقع فيها مكياج لان شكلك يروع.. منار لفت عليه:بعد قليل ادب.. فيصل:تبين مرايا تشوفين شكلك؟ منار:بعد عني.. منار صارت تمشي بخطوات اسرع.. فيصل من وراها:هذا محل يبيع شنط تين اشتري لك وحده؟ ماردت عليه وكملت مشيهها.. فيصل:بس ودي اعرف وش فيها..كسر خاطري الحرامي سرقها وهي فاضيه..بس اتوقع الحين بيجي ويرميها بوجهك..بعد تركض وراه ههههههههههههههههههه... منار:والله بالجزمه على وجهك... فيصل:بنت ديرتي تمونين... رجعت منار للقهوة الي جالسين فيها وكنا مايتين خوف عليها.. سارة بصوت عالي:منااااااااااااااار كذا تروحين وراه مجنونه انتي؟ فيصل كان وراها ويسمعنا نحكي معها راح فيصل عند ربعه وماصار شي بهاليوم... شهر كامل جالسين فيه وفيصل نظراته لمنار صارت واضحه وكل مكان نروح له نشوف فيصل فيه....ماحاول انه يكلمها ولا يتعرض لها.. بعد اسبوع بنرجع وفي يوم... قبل غروب الشمس وكنا راجعين لشقه انا ومنار بنغير ملابسنا وبنطلع مع ابوي وعمتي... مرينا من مطعم كان جالس فيه فيصل ومعاه عيال..اول ما شافنا فيصل قام من مكانه وصار يمشي جنبنا ما انتبهنا له انا ومنار..بعدنا شوي عن المطعم الي كان جالس فيه.. فيصل:منار ممكن شوي اتكلم معاك؟ لفت عليه منار والشر بين عيونها:تعرف اسمي ياقليل الادب.. فيصل:والله سمعته بالصدفه.. سحبتني منار من يدي وصرنا نمشي بسرعه.. فيصل:منار اسمعيني بس انا بكرة بطلع من لندن.. منار:احسسسن.. فيصل:منار يمكن ماراح اشوفك الا السنه الجايه ويمكن مااشوفك..لو سمحتي خذي هاذي الورقه بس.. منار:بععععععد عني زبالتك.. فيصل:قويه قويه يابنت عبدالاله..والله ماراح اطلع من هنا الا وانتي... قاطعته منار:لاتطلع من هنا عفن وموت واندفن بلندن وماراح اخذ منك شي.. وقف فيصل وماصار يمشي ورانا مافقد الامل ومن بكرة شفناه لوحده وربعه طلعوا من لندن... رجعنا الرياض وانتهة الصله الي بينا وبين فيصل... دخلت مرة على منار وكانت تكلم وارتبكت لما شافتني وسكرت الخط بسرعه واكتشفت انها تكلم فيصل منار كسرت كلمتها وكلمته... كانت صدمه بالنسبه لي صارت بينا مشكله انا ومنار وتركته بس رجعت له مرة ثانيه...منار حبت فيصل وهو حبها غيرت فيصل من واحد راعي بنات وشرب لواحد عاقل يصلي يخاف ربه...لكن وش استفادت مابني على باطل فهو باطل عدت الجمله اكثر من مرة ولي هدف ماراح اقوله هو واضح بدون مااتكلم انا فيه.... ><><><><>< مر اسبوع وانا وسلطان مانتكلم مع بعض...ابوي مايكلم منار عشان الي سوته بزوجته...سارة الوحم بدا فيها وحالتها حاله..اما مشاعل اليوم بتسافر.... منسدحه ساره بالسرير تنتظر فهد يرجع من شغله الساعه 5:00 العصر وفهد للحين مارجع ولا اتصل.. بعد فترة قصيرة دخل فهد وكان يكلم صحت سارة من صوته... سارة:وينك؟ فهد ياشر لها بيده انها تصبر شوي.. بعد ما سكر وهو يفصخ شماغه:هلا والله حبيبتي.. سارة:وينك,مو المفروض تكلم.. فهد:اتصلت وانتي مارديتي شوفي موبايلك.. سارة:ماحسيت فيه.. فهد:نايمه؟ سارة:ايه مليت وانا انتظرك.. فهد:تغديتي؟ سارة:لا.. فهد:امشي ننـزل نتغدى.. بدلت سارة ملابسها وظبطت شكلها شوي وبعد ماطلع فهد من الحمام طلعوا من الغرفه.. فهد حاط يده على على كتف سارة ويسوفون بصوت واطي,وهم نازلين من الدرج ام فهد كانت طالعه.. ام فهد:فهد جيت ماشفتك؟ فهد وهو يحب راس امه:تاخرت اليوم بالشغل.. ام فهد:سارة وينك ماشفناك بالغدا؟ سارة:قلت انتظر فهد.. كملت ام فهد وسارة وفهد نزلوا تحت... على سفرة الطعام.. فهد:حبيبتي ليش ما تاكلين؟ سارة:مااشتهي.. فهد:كيف ما تشتهين لازم تاكلين والا نسيتي انك حامل.. سارة:عشاني حامل مااشتهي.. فهد وهو يحط لها اكل بصحنها:عشاني طيب كلي الي تشتهين.. سارة:فهد والله مااشتهي.. فهد:عشاني.. سارة:شوي بس.. فهد:هذا شوي.. اخذت سارة الملعقه بس مااكلت تلعب فيها وتحرك الاكل فيها.. فهد:سارة وش فيك سرحانه؟ سارة:مافيني شي.. فهد:اييه ذكرتيني امس انا وبدر نسولف.. سارة:ايه. فهد:اصبري اكمل حكيي,يبي يخطب وله فترة يدور وعاد مذكورة له نورة اختك.. سارة تقاطعه:نورة؟ فهد:ايه نورة..كان يسألني عنها وقالي اسأل زوجتك اذا هم يوافقون يزوجنها قبل منار ويعني من هالحكي.. سارة:لانورة صغيرة بعدين منار قبلها وعمتي لو تبي زوجت نورة تقدم لها ناس مرة كثير وماينعابون,ومن ايام ماكانت بالثانوي وانا مخطوبه لك وهو يجيها... فهد:اسألي انتي طيب.. سارة:هاله بنت خالتي تجنن البنت وحبوبه وطيبه ومملوحه.. فهد:ايه صح تصلح له هاله.. سارة:قله عنها وشف وش يقول...انا اشوف هاله تناسب لبدر اكثر من نورة.. فهد:خير ان شاء الله.. سارة:بدر كم عمره؟ فهد:26.. سارة:وين يشتغل؟ فهد:بسم الله عليكم يالحريم الاسئله جاهزة.. سارة:ههههههههههههههه بعد بنت خالتي.. فهد:هاله كم عمرها؟ سارة:بثاني جامعه قسمها ترجمه وحيدة امها وابوها.. فهد:ههههههههههههههههه الاجوبه جاهزة بعد.. سارة:فهد عاد زواج هذا مو لعبه.. فهد:اقول لبدر اول.. سارة:انت شو قالوا لك عني قبل لا تخطبني؟ فهد:قالوا جمال ودلال واخلاق وطيبه قبل مافي احد مثلها وقالوا يابخت الي بياخذها.. سارة:هههههههههههههه...ماكذب وا فهد:لاوالله ما كذبوا.. بوقتها جت مضاوي.. مضاوي:هلا فهييد وينك اليوم؟ فهد:هلا والله تأخرت شوي.. مضاوي:سارة تنتتظرك وقالت ماراخ اتغدى الا مع فهد.. فهد:ماتقدر تتغدى بدوني... مضاوي:انت والله الي ماتتغدى بدونها.. فهد:اييه كلنا مانقدر نتغدى بدون بعض..,والا سارة؟ سارة حمر وجهها وابتسمت بوجه فهد.. مضاوي:الله يزوجني انشالله.. فهد:الله يعين زوجك.. سارة:لاوالله ياحظه.. مضاوي:ياحبيلك شف الذوق انت.. جلسوا يسولفون وجت شيخه معهم الى صلاة المغرب... ><><><><>< منسدحه بالصاله واتأمر على ريما روحي وجيبي وسوي طبعا كل هذا مصلحه من ريما يعني مو عشاني تبيني اروح معها عشان تشتري لها العاب... مشاعل توها طالعه هي وخالد رايحين للمطار اليوم سفرهم وان شاء الله خالد يتحسن مع مشاعل والله ما تساتهل الي يصير لها... ريما:نورة يلا متى نروح؟ :بعد شوي بتجي هاله واذا جت نطلع.. ريما:كلميها شوفي متى راح تجي..طفشت.. :ريما ترا والله مااروح معاك.. ريما:نورة انتي كذابه كذابه.. :قلت لك طيب بروح معاك اصبري شوي تجي هاله.. ريما:لو عمتي ماراح تروح لناس كان جت معاي.. :خلاص روحي قولي لمنار.. ريما:انا قاعده اجيب لك ماي وكل شي تبينه والحين تقولين كذا.. :اجل اصبري... ريما:صبرت صبرت صبرت... دخل سلطان وهو يضحك كان يكلم ومبسوط توه راجع اليوم من الظهر وهو مو بالبيت.. اول ماشافته ريما ركضت له وضمته شالها وكان يكلم وهي معاه بعد ما قفل جا لصاله وجلس وحط ريما جنبه.. ريما:سلطان شوف نورة.. سلطان:ايش سوت لك كمان؟ ريما:انا ابغى اشتري العاب وعمتو الحين بتطلع ومشاعل سافرت مع جوزها ونورة قالت لو سمعتي كلامي اطلعك وانا سمعت كلامها والحين تقولي اصبري شوي عشان تجي هاله ونروح كلنا..نورة كذابه.. سلطان:شلون توديك وهي مكسرة...بعدين نورة بنت كذابه ما يختلف عليها اثنين... ريما:ههههههههههههههههههه... سلطان:انا اوديك.. ريما:والله.. سلطان:اييه والله يلا تجهزي.. انا بصوت عالي:السواق بيصر مع عمتي والسواق الثاني انا ابيه... سلطان وهو يناظر ريما:انا اليوم جبت سواق وسيارة بيصرون لي ولك.. ريما:والله؟ سلطان:انا قد كذبت عليك؟ ريما:لا.. سلطان:خلاص يلا انا ببدل ملابسي ونروح للي تبين.. قامت ريما وجت عندي:سلطان يوديني من زينك انتي اصلا... وطلعت غرفتها بسرعه..وقام الثاني وراح غرفته.. انا مرة عصبت يقول علي كذابه..ماقدرت ارد عليه حقير والله لاردها لك ياسلطان... بعد فترة قصيرة وبعد ماطلعوا ريما وسلطان جت هاله.. هاله:بعد قلبي والله المكسرين... جت وسلمت علي وجلست جنبي.. :هاله انا مرة معصبه.. هاله:زعلانه للحين؟ :تخيلي بس سلطان تو يقول اني كذابه لريما.. هاله:يااختي هذا الانسان قليل ادب نورة لايصير اكبر همك.. :اسكتي بس.. هاله:ايه صح مو بنطلع الحين مع ريما؟ :راحت معاه الحمارة.. هاله:الله يعافيها امشي نطلع وين منار؟ :فوق... هاله:عمتك طلعت؟ :ايه,وين نروح؟ هاله:انا جوعااااانه وابي اروح مطعم.. :وانا بعد جوعانه.. هاله بصوت عالي:مناااااااااااااااااا� �اااار.. :ماراح تسمعك.. قامت هاله وجلست بالكنبه الي جنب التيلفون:كم رقم غرفتها؟ :23 هاله:منااااااااااااار انا وصلت تعالي تحت مرررة مشتاقتلك.. منار:يلا الحين بنزل.. ثواني ومنار تحت عندنا وعيونها منفخه من الصياح.. هاله:منار وش فيك؟ منار:مافيني شي.. هاله:كنتي تصيحين؟ منار سمعت هاله من هنا انفجرت صياح.. هاله راحت جلست جنب منار وضمتها:منار حبيبتي لا تصيحين وفيصل ان شاء الله بيجي ويتقدم لك.. منار:ماراح يجي ماراح يجي..تلقين الحين لقا له وحده ثانيه.. هاله:منار معليش لا تصيحين.. منار بعدت عن هاله ومسحت دموعها:يلا تبون نروح؟ :يلا.. منار:استأذنتي من عمتي؟ :ايه قلت لها.. منار:طيب يلا امشوا.. طلعنا حنا الثلاثه ورحنا تعشينا.... بالسيارة بدر يسوق وفهد جنبه طالعين من بيت ابو فهد الكبير ورايحين بيت فهد... فهد:وين فيصل يااخي من زمان ماشفناه.. بدر:انا والله مااشوفه الا بالشغل.. فهد:وراه تغير؟ بدر:ماادري والله فهد:قل ماابي اقول لاتقول ماادري.. بدر:ماابي اقول.. فهد:اييه سألت سارة عن نورة اختها.. بدر:وش قالت؟ فهد:قالت مااظن ابوي بيوافق يزوجها قبل منار,وقالت لي على بنت خالتها.. بدر:وكيف البنت؟ فهد:والله ونعم تمدح فيها وتقول تصلح لبدر,وانا بعد اقول انها تصلح لك.. بدر:وش اسمها؟ فهد:هاله ال.... بدر:كم عمرها؟ فهد:ثاني جامعه.. بدر:وكيف البنت؟ فهد:التفاصيل خواتي يقولونها لك.. بدر:طيب ابي اشوفها.. فهد:تشوفها!! بدر:ابي قبل لا اخطبها اشوفها..اروح اخطب البنت وانا ما شفتها.. فهد:مضاوي وشيخه اتفق انت معاهم انا مالي شغل.. بدر:طيب بالبيت الحين؟ فهد:ماادري والله.. بدر:اتصل شوف عشان انزل والا لا.. اتصل فهد على مضاوي وكانوا بالبيت..نزل بدر مع فهد عشان يشوف مضاوي وشيخه ويسألهم عن هاله امدحوها البنات لبدر واتفقوا انهم يعزمونا لبيتهم عشان بدر يشوفها طبعاً بدون علم هاله...يعني للحين حكي وماصار شي وياما بالخطب تصير هالاشياء ولكن ربي ما يتمم يعني هاله وحده من الي انذكروا لبدر ويمكن تصير من نصيبه ويمكن لا... ><><><><>< بعد مارجعنا من المطعم جلست هاله عندنا شوي ورجعت بيتها,طلعت منار غرفتها تبدل ملابسها وتنزل تحت عندي..عمتي للحين مابعد جت ولا سلطان وريما مالهم حس... بعد فترة قصيرة جو سلطان وريما... دخلت ريما والضحكه من هنا لهنا وشايله معها اكياس وسلطان وراها شايل بعد اكياس.. ريما جت جلست قدامي على الارض وحطت اكياسها.. ريما:سلطان جيب الاكياس هنا عشان نورة تشوف الالعاب الي شريتها.. :انتي شكلك شريتي المحل كله.. ريما:رحنا محل الالعاب وبعدين رحنا شفنا شقة الفيصليه بالكورة الكبيرة اكلنا وبعدين رحنا شفنا شقة سلطان هي بالفيصليه بعد.. وجهت نظري لسلطان وكأني بتأكد من كلام ريما.. صد عني وكأنه يتهرب...سلطان بيطلع من بيتنا معقوووووله لا لا مستحيييل عمتي ماراح توافق له لا يكون بياخذ عمتي معاه بعد لا مااتوقع..الافكار تعلب براسي وماكنت مركزة مع ريما.. وقف سلطان عشان يروح غرفته.. :سلطان.. ماالتفت علي ورد علي وهو معطيني ظهره:وش قلت لك انا؟ :سؤال وابي جوابه.. سلطان وللحين معطيني ظهره:مالك شغل اطلع والا ارجع لامريكا والا اجلس.. :انا اسأل بس.. سلطان:لا تسألين بس.. :يعني بترجع لامريكا اجل ليش شريت الشقه؟ سلطان:على بالك اني بجلس هنا؟ ريما:سلطان بتروح وتخلينا؟ لف سلطان علينا وكان يناظرني وهو يحكي:باخذك معاي.. ريما:لا انتا اجلس هنا.. سلطان ابتسم:انا عشاني احبك جلست هنا بس الحين خلاص.. ريما:ماصرت تحبني؟ سلطان:لا احبك بس... دخلت منار وقطعت حكينا..قلبي احسه تقطع ووجهي صار احمر ويدي ترتجف كلام سلطان احسه ماادري بس يمكن يقصدني يعني ماادري ماادري... ماادري انا وش قلت كنت اقصدها والحكي طلع مني بدون مااحس ماادري شلون قلت كذا مو لساني الي كان يتكلم قلبي انا مااقدر اجلس هنا ماابي تتطور الامور اكثر من كذا..احس اني اضعف قدامها المفروض ردة فعلي تكون اقوى على موضوع الخطبه بس يمكن كنت مبسوط او عاجبني الي صار لا تستغربون من كلامي نورة تصرفاتها بدون قصد وعفويه ومندفعه بعواطفها... منار دخلت الصاله وانا طلعت كانت فرصه لي اني انسحب.... رحت غرفتي وكلمت رانيا اليوم مكالمتنا كانت هاديه وبالي ماكان معها ابداً.. ><><><>< جالسين انا ومنار وسارة وريما بالصاله على نهاية المغرب تقريباً وعمتي بالصاله الثانيه تكلم... سارة:ماترد مشاعل ياثقل دمها.. منار:مشاعل مع خالد تنسى الدنيا,يااختي اموت واعرف وش يسوي بأختي.. :ههههههههههههه.. سارة:منار لو سمعتك مشاعل بتزعل.. منار:وانا صادقه.. :اذا تزوجتي نشوف بتردين علينا والا لا.. منار:من قال اني بتزوج... سارة:حكي قلنا قبلك وتزوجنا.. منار:انتم بس انا لا.. سارة:اييه طيب قابليني.. جت عمتي وعلى وجهها ابتسامه وراها شي,جت بتتكلم بس سلطان قطع حكيها ونادها اليوم سلطان بيروح زواج بنت عمه.. راحت عمتي لسلطان وماكملت حكيها.. سارة:نورة انتي ماعندك اليوم؟ ابتسمت:الا عندي,لا تقولين لعمتي نست مالي خلق اروح.. سارة:الا بقولها.. ريما:انا بقولها.. :والله الي يقولها... سارة قاطعتني:بطقينا بالعصا حقك.. انبلع لساني وماقدرت اتكلم عيوني كانت على سلطان الي كان ورا عمتي لا بس ثوب وشماغ.. عمتي:بسم الله عليك الرحمن الرحيم... سلطان ابتسم ومارد على امه.. عمتي:اقرا على نفسك ياولدي.. سلطان:ان شاء الله.. سارة:معرس ماشاء الله ياعمتي.. عمتي:اسمع ياسلطان.. سلطان وعلى وجهه ابتسامه:يلا على يدك ياسارة.. عمتي بصوت عالي:فااطمه وين البخور.. منار تناظرني وتضحك.. عمتي:والله ياسلطان انك بالثوب املح واحلى مية مرة.. ريما:كانك زوج ياسلطان.. سلطان:عجبك شكلي؟ ريما:اييه.. رن جوال سلطان وكان واحد من عيال عمه.. سلطان:دقايق وانا عندكم.. قفل منه ولف على عمتي:يلا يمه انا بروح.. عمتي:البخور يافااااااطمه..دقيقه بس ابخرك.. سلطان:مايحتاج يمه.. جت فاطمه وتمشي بخطوات سريعه ومعها البخور.. اخذت عمتي منها البخور وبدت تبخر سلطان.. عمتي:عقبال ماابخرك معرس.. سلطان:آمين.. رد سلطان على عمتي مجامله بس ماكان يحب يتكلم بذا الموضوع واحسه يتضايق يمكن امممممممممم ماادري.. طلع سلطان بخطوات واثقه وشكله كان حلو بالثوب والشماغ توقعت بيطلع عليه شين...عمتي للحين تسمي وتقرا عليه.. سارة:يلا ياعمتي عندك نورة لسلطان.. عمتي:يالييييييييت والله انا وجهي صار احمر الحمدالله عمتي رجعت مثل اول.. عمتي وهي تناظر منار:كلموا توا ناس يخطبون يامنار.. منار اعصابها انشدت وصارت تناظر عمتي بتركيز وتنتظرها تقول مين.. سارة:مشاالله وش قصة الخطاب هالايام.. ناظرت منار وناظرت عمتي:مين؟؟ نهاية الجزء.. .. .. .. التعديل الأخير تم بواسطة لامارا ; 26-07-22 الساعة 10:48 AM | ||||
|
| |
|
26-07-22, 11:07 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (الجزء العاشر) ما كل ما يتمناه المرء يدركه ....تجري الرياح بما لا تشتهي السفن.... منار اعصابها مشدودة وافكارها راحت لبعيد كانت تنتظر عمتي تنطق باسم فيصل هذا الي جا في بال منار ولا توقعت واحد غيره,منار حست ان احلامها بدت تتحقق وان الحظ صار معها هالمرة... عمتي:والله واحد ماجا في بالي ابداً ولا كنت اتوقع انه يجي.. سارة:عمتي عاد لعب اعصاب هو.. :من جد عمتي يلا قولي.. منار ماقدرت تحكي احس انها جمدت في مكانها.. عمتي:مساعد ولد سليمان صديق ابوك.. اسمه كان صاعقه لنا كلنا عقدت حواجبي:مساعد؟ منار وجهها صار اصفر والدنيا سودت بوجهها احلامها تبخرت بسرعه وتخيلاتها صارت سراب,تعابير وجهها جامده ومانطقت ولا كلمه.. سارة:بسم الله عليك عمتي يمكن اسامه,مساعد متزوج.. :ايه والله حاضرين زواجه بعد.. عمتي:مايطلق الواحد.. سارة:طلق فاتن؟متى ؟مادرينا..عندهم بنت ياعمتي.. عمتي:لهم سنه منفصلين.. سارة:الله,هم متزوجين قبل مشاعل.. عمتي:ايه قبل مشاعل بكثير.. :شلون يتقدم لمنار وهو مطلق ولا بعد عند بنت.. عمتي تناظر منار:ماعلقتي يامنار؟ منار:مايهمني الموضوع.. عمتي:واحد متقدم لك ما يهمك الموضوع؟ منار:لا ما يهمني.. عمتي:تراني مارديت عليها بقول لابوك اول.. منار:شايفني محروله والا ناقصه يد والا رجل عشان اتزوج واحد مطلق لا وعنده بنت بعد.. سارة:من جد عمتي مساعد كبير.. عمتي:عشانه مطلق نرفضه..مو عيب الطلاق والولد مشاء الله ما ينعاب واحسن من مية واحد ما تزوج.. سارة:والنعم فيه ما قلنا شي.. :ليش طلق طيب؟ عمتي:ماارتاحوا لبعض مو عيب لاحد فيهم.. منار:مالي شغل انا فيهم يطلقون يرجعون.. سمعنا صوت ابوي توه داخل للبيت.. وقفت منار عشان تطلع من الصاله:ولا أحد يفتح هالموضوع قدامي.. دخل ابوي وطلعت منار من الصاله بسرعه.. ابوي:اي موضوع؟ عمتي:اقولك بعدين.. سارة:هلا يبه شخبارك؟ ابوي:هلا سارة,ورا وجهك كذا؟ سارة ابتسمت:الحمل متعبني.. ابوي:اول الحمل وبعدين ترتاحين,نورة كيف رجلك؟ :احسن.. ابوي يناظر عمتي:وش الموضوع؟ عمتي:نروح الصاله الثانيه.. طلعت عمتي وابوي جنبها وراحوا الصاله الثانيه.. ابوي وهو يجلس:خير وش سالفتها منار.,الفترة الاخيرة البنت منقلبه فوق تحت.. عمتي:مافيها شي دلع,كلمتني قبل شوي منال زوجة صديقك ابراهيم.. ابوي:ابراهيم امس عندي..,وش تبي منك؟ عمتي:تخطب.. ابوي يقاطعها:منار؟ عمتي:ايه.. ابوي:اسامه؟ عمتي:لا مساعد.. ابوي:ايه هو قالي انه ولد يبي يخطب.. عمتي:عاد شفت بنتك ما تبي نطت بوجيهنا.. ابوي:مساعد والنعم فيه رجال بمعني الكلمه منطق واخلاق ودراسته ومحامي ناجح مشاء الله.. عمتي:مطلق وعنده بنت.. ابوي:مو عيب.. عمتي:معاك بس بنتك ماتبي.. ابوي:والله انا مساعد كنت اتمناه لوحده من بناتي.. عمتي:والله حتى منال تحس انها تبي منار وتبي تناسبنا.. ابوي:القرار يرجع لمنار.. عمتي:الله يكتب الي فيه الخير.. بالطرف الثاني انا وسارة جالسين نحكي وبعدها طلعنا فوق عند منار.. الساعه 11:00 جالسين بالصاله الي فوق انا وسارة وعمتي ومنار مع ريما بغرفتها.. ريما اليوم التعب رجع لها وحرارتها ارتفعت ووجها كان اصفر واطرافها باردة...عمتي ومنار كانوا عندها يحطون لها كمادات وخافض حرارة اما سارة اليوم بعد ما تعشينا تعبت مرة الوحم بادي معها هالايام وخاصه انها بتدخل الشهر الثاني... اما انا انتم اعلم بحالتي متمددة على الكنبه ورجلي مرة متعبتني... :سارة بتنامين عندنا؟ سارة:ايه شكلي..بكلم فهد بقوله.. اخذت عكازتي ورحت لغرفة ريما..دخلت بهدؤ عشان مااصحي ريما وجلست على طرف السرير وبصوت واطي:عمتي وديها الحين الطؤارى ترا الحرارة مو كويس ترتفع.. عمتي:لا الحمدالله خفت وبكرة بوديها المستشفى,مابعد جا سلطان؟ :ماادري والله.. طلعنا كلنا عشان ما نزعج ريما ورحنا لصاله.. سارة كانت تكلم فهد.. عمتي:للحين تكلمين رجلك؟ سارة:دقيقه فهد,لا عمتي قبل شوي لما كلمته مارد.. عمتي:تنامين؟ سارة:اييه بنام.. فهد من الطرف الثاني يكلم سارة:سارة لا تدلعين مافيك شي.. سارة:الا والله تعبانه.. فهد:طيب انا زوجك المفروض تجلسين عندي مو تروحين بيت اهلك.. سارة:فهد مالي خلق حتى امشي.. فهد:اخر كلام عندك؟ سارة:اذا حسيت نفسي احسن بالليل اتصل عليك.. فهد:يعني تصريفه..طيب حبيبتي انتبهي لنفسك يلا مع السلامه.. بنفس الوقت سمعنا صوت تحت وكان لسلطان توه راجع من الزواج.. دخلت الصاله وماكان فيها احد اكيد انهم جالسين فوق قطع افكاري صوت امي تناديني..رحت عند الدرج وامي كانت واقفه هناك.. :هلا يمه.. امي:شلون زواجكم؟ :حلو,غريبه جالسين فوق! امي:ريما تعبت اليوم مرة.. :وش فيها؟؟ امي:حرارة وصداع.. :وينها الحين؟ امي:فوق بغرفتها.. :بطلع لها فوق.. امي:نايمه.. :اوكي انا بروح ابدل ملابسي.. دخلت غرفتي واحس بتعب انسدحت عالسرير ماكان في شي في بالي.. افكار كثيرة جتني لثواني وقطعتها بسرعه واخذت موبايلي واتصلت على رانيا..كنت اسمعها وارد بكلمات مختصرة انتهت المكالمه بسرعه وتبيني اجي لبيروت بس حنا متفقين اننا بنتواعد في امريكا.. ><><><>< طلعت من غرفتي توي قايمه من النوم الساعه 2:00 الظهر تقريباً مشيت ورا الصوت وكان من غرفة ريما... دخلت وفي عمتي وسلطان.. :صباح الخير.. عمتي:الساعه 2 وصباح الخير.. سلطان مارد ولا كأنه سمع شي.. :ريما شلونك الحين؟ ريما:كويسه.. وجهت نظري لعمتي:تودينها المستشفى؟ عمتي:جالسين نقنعها ماتبي تروح.. :عمتي لا تشاورينها.. ريما خنقتها العبرة:مالك دخل انا ماابي اروح.. سلطان:لازم ريما تروحين وانا بروح معاك بعد.. عمتي:ماقاموا خواتك؟ :ماادري.. سلطان:انا بروح ابدل ملابسي وانتي ريما بعد بدلي ملابسك عشان نروح.. طلعت انا وسلطان من الغرفه انا رحت لصاله وهو نزل تحت وعمتي عند ريما عشان تبدل ملابسها.. بعد ساعه ونصف..انا للحين جالسه بالصاله انتظرهم يرجعون, سارة منسدحه بغرفتها ومنار للحين نايمه او تحاول تنام.. أخيراً رجعوا سمعت اصواتهم تحت وقفت ورحت اطل عليهم من فوق:عمتي وش قال الدكتور؟ ماردت علي لانها قد طلعت الدرج...رحت عند الدرج واول ماشافتني عمتي.. عمتي:ماقال شي عطانا خافض حرارة ومسكن لصداع بس يقول مافيها شي نفسيتها يمكن في احد مهبل فيها بالبيت.. :لاعاد عمتي صدق؟ عمتي:مااكذب عليك.. جا سلطان وكان شايل ريما.. ريما:نورة بعدي.. ناظرتها وبيني وبين نفسي والله لو ماكنتي تعبانه كان وريتك شغلك... بعدت شوي وكمل سلطان مشي وراحوا لصاله.. طيب ياسلطان انت الي بديت حركاته تنرفز برود واستحقار انت تعاملني كذا انا ماراح اعاملك كذا بعاملك اشين... بصوت عالي:فااااااااااطمه..فاااا� �ااااااااطمه.. كنت اناديها لاني ابي انزل لمرسمي...مانزلت عشان ارسم نزلت لاني ماابي اجلس مع سلطان بمكان واحد... جتني فاطمه ونزلتني تحت.... ><><><><>< نبعد شوي ونطلع من حدود السعوديه ونروح لمشاعل وخالد... مشاعل كانت جالسه في البلكونه والبحر قدامها الجو كان رطب وحار.. مشاعل تفكر بحياتها اذا بتتغير مثل ما يقول خالد والا كلام يرضيها فيه..بس مشاعل متفائله ان خالد بيتغير... خالد وهو يجلس بالكرسي الي قدام مشاعل وعلى وجهه ابتسامه:حلو المنظر.. مشاعل:مرة.. خالد:امشي نروح نمشي على البحر.. مشاعل:طيب.. خالد:مشاعل وش فيك؟ مشاعل:مافيني شي.. خالد:الا فيك شي,مشاعل انسي الي فات وخلينا نبدا حياة جديده.. مشاعل:توعدني ياخالد انك تتغير؟ خالد سكت شوي:اوعدك.. مشاعل ابتسمت:ان شاء الله.. خالد:حنا الحين معاريس وبشهر العسل.. مشاعل ضحكت:طيب انا بروح البس.. خالد:انتظرك.. ><><><><>< بعد مارجع ابوي للبيت نادى منار وعمتي وراحوا جلسوا بالصاله الثانيه... ابوي وهو يناظر منار:اتمنى الي صار ما يتكرر انتي اهنتيني بكلامك بعد مو بس زوجتي.. منار:ماكان قصدي. ابوي:كان قصدك والا ماكان قصدك كلامك يدل على قلة الادب والاحترام انا ماربيتكم على هالشي.. منار:انا ماقلت شي يزعل انا اول مرة اسمع بعائلتها.. ابوي:لو صاحبتك وسألتيها وش اسمك وقالت لك عائله اول مرة تسمعينها بتقولين لها كذا؟ منار سكتت شوي:على حسب.. ابوي:معناته انتي قليله ادب مع كل الناس..,عندك مشكله ولازم تحلينها.. منار ماردت.. ابوي:واذا تزوجتي بتصيرين قليله ادب بعد؟يجي زوجك يقول ماربيتو بنتكم.. منار:يبه.. عمتي:ابوك صادق يامنار وانا حكيت معاك لازم الواحد ينتبه لكلامه.. ابوي:منار وش رايك بمساعد؟ منار:لا انا ماابي اتزوج.. ابوي:مساعد رجال ماينرد..مشاء الله محامي ناجح وعلاقاته كثيرة واجتماعي... منار:يبه مطلق وعنده بنت.. ابوي:مافيها شي.. منار:بقعد اربي بنته؟ ابوي:بنته عمرها سنه او اكثر يعني مع امها الحين.. منار:وبعدين.؟ ابوي:منار انا بالنسبه لي هذا سبب مو مقنع... منار:انا احسه مقنع عشان مااتزوجه.. عمتي:انا معاك عبدالاله سبب مو مقنع يعني الولد واهله ينشرون,بس انه يسكن بالشرقيه.. ابوي:وابوه اعز اصدقائي واعرفهم زين.. منار ساكته وكنت تسمع كلامهم.. ابوي:ماراح نرد عليهم ابيك تفكرين.. منار:ليش طلقها؟ عمتي:ماارتاحوا لبعض.. منار:ياسلام سنتين متزوجين وحملت بعد وماارتاحوا.. عمتي:شوفي اختك مشاعل الولد مافيه شي ومشاعل بعد بس.. منار تقاطعها:الا خالد فيه شي.. ابوي:انا مرتاح لمساعد اكثر من فهد وخالد,الي تعرفه غير الي ماتعرفه.. عمتي:فكري انتي وحنا بعد وربي يكتب اللي فيه الخير.. ابوي:والزواج قسمه نصيب.. منار الافكار مالية راسها وتخيلات كثيرة جتها في لحظه.. منار وقفت:الي ربي كاتبه بيصير.. طلعت منار من الصاله وجت عندنا بغرفة سارة.. منار وهي تجلس:سارة انا ماابي اتزوج.. :ابوي عشان هالموضوع كان يبيك؟ منار:عشان زوجته بعد.. سارة:وش قالك؟ منار:يمدح في الولد يعني ماحكينا كثير.. سارة:وانتي ليش ما تبين؟ منار:انا رافضه فكرة الزواج اساساً..وبعدين مساعد عنده بنت.. سارة:ايه صح انا معاك.. :يعني انتي تفكرين انك توافقين؟ منار:ماادري..وفوق كذا يسكن بالشرقيه.. استغربت من منار مجرد انها تفكر بالزواج او تفكر بواحد متقدم لها.. راحت سارة الحمام ومنار للحين ساكته وسرحانه.. :منار من جدك تفكرين؟ منار وقفت:تعالي غرفتي.. طلعت منار من الغرفه بسرعه وطلعت انا وراها ورحت غرفتها.. :منار وش تفكرين فيه؟ منار:انا اقول اوافق وفيصل اكيد بيعرف وبيكلم وبعدين افك خطبتي وفيصل يجي ويتقدم لي.. :يعني تلعبين على ولد الناس..منار لاتصير افكارك كذا الولد خطب يبي يرتبط مو يلعب.. منار:فكرة بس.. :وبعدين فيصل نساك ولارجع اتصل منار وش تسمينه هذا,فيصل لعاب.. منار:لا مولعاب نورة انتي ماتعرفينه كثري.. :اوكي هو يحبك وعقل بس الا مايرجع لخرابيطه.. منار:نورة وش رايك انتي بمساعد؟ :مااعرفه ومنار لاتفكرين تسوين هالحركه... منار:ماراح اسويها.. :عارفه ماراح تسوينها بس مجرد انك تفكرين كذا مشكله.. دخلت سارة بوقتها علينا:ليش طلعتوا؟ منار:سارة انتي وش رايك؟ سارة:اروح اجلس مع عمتي واشوف وش تقول عن الولد.. منار:انتي لما خطبك فهد كيف وافقتي؟ سارة:كنت بس افكر واستخير واسأل وحسيت براحه,انا بروح عند عمتي.. :منار.. منار:نورة انا توقعت ردة فعلي تكون اقوى من كذا وارفض بشده بس ماادري احس في شي يمنعني.. :استخيري.. منار:اكيد بس اول شي بعرف كل شي عن الولد.. :منار وش الي غير رايك فجاة؟ منار:ماادري ماادري.. :يعني مو عشان تعلبين؟ منار:لاوالله يانورة الي تو قلته فكرة بس.. ><><><><>< بالسيارة بدر وفهد طالعين من البيت ورايحين يستقبلون وليد اليوم بيرجع من لندن... بدر:ربع وليد بيطلعون بعد.. فهد:يطلعون يسلمون عليه وحنا بناخذه.. مد بدر يده وفتح الراديو.. فهد حط يده وسكره:مااحب اسمع اغاني بكل وقت.. بدر:ايه فهد وش رايك ببنت خالة زوجتك؟ فهد:ياشين الي مايدري وش يسوي بعمره.. بدر:يااخي زواج هذا.. فهد:سألت خواتي ومدحوا لك البنت وقالوا خلاص نعزمها وتشوفها.. بدر:ومتى ان شاء الله خواتك يومهم سنه.. فهد:بدر والله توك عالزواج.. بدر:انا مستقر واحس اني قد مسؤولية الزواج.. فهد:ترا ان اخذت هاله ابي تعطيني حق التدوير بعد لقيت لك عروس.. بدر:يعني شغل خطابات.. فهد:هههههههههههههه عاد سمها الي تبي تسميها.. وصلوا المطار وباقي على وصول الرحله ربع ساعه جلسوا بصالة الاستقبال ينتظرون وليد..وكان في ربع وليد بعد جايين يستقبلونه.. اول ماوصل وليد كلم على فهد وقاله انه وصل دقايق ووليد عندهم.. وليد كان مبسوط انه راجع وبعد ما سلم عليهم.. بدر:وين شناطك؟ وليد:اوووه ذكرتني تعالوا معاي نجيبها.. فهد:ناوي الاخ يطلع وماعليه.. وليد:والله مع الفرحه.. راحوا عشان يجيبون شناط وليد وعربتين كلها شناط له.. بدر:وليد صاحي انتي وش هالشناط؟ فهد:انا توقعت شنطه صغيرة وملابسك مليانه هنا.. وليد:لا خلاص ماراح ارجع هناك جبت كل ملابسي وغير الي شريتهم وغير الهدايا وغير عاد الخرابيط. بدر:ماراح ترجع؟ فهد:قل ايه انت.. وليد:والله ماارجع حلفت..انا هناك تعبت نفسياً.. بدر:دراستك؟ وليد:ماابي اكمل سحبت اوراقي.. فهد:يصير خير..انت الحين فرحان ومبسوط انك جاي ماراح نقولك شي.. وليد:انا بروح مع ربعي وبعدين بجيكم على بيت ابوي.. فهد:امك وخواتك ينتظرون.. بدر:سووايق حنا جاين ناخذ شناطك ونرجع البيت وانت تروح مع اخوياك.. وليد:من زمان ما شفتهم بروح ساعه وبجي لبيت خلاص ماصار شي.. بدر:خذ شناطك معاك انا ماراح اركبهم سيارتي اصلا ماتكفي وش بيشيل هالعفش.. وليد:ليش ماخليتو السواق يطلع؟ فهد:انت ماقلت لنا ان معاك كل هالشناط.. وليد:اوكي يلا نشوفكم هناك مع السلامه.. راح وليد عند ربعه وترك فهد وبدر.. بدر:اخوك هذا قليل ادب والله ما يستحي على وجهه.. فهد:امش بس نروح عند الشباب.. ><><><>< جالسين بالصاله كلنا الا ابوي وسلطان.. :عمتي اليوم لازم اروح لمستشفى..قبل امس موعدي ومارحنا.. عمتي:ايه والله وراك ما ذكرتيني؟ :ماادري انا بعد نسيت.. عمتي:بروح اكلم المستشفى اشوف في موعد الحين والا لا.. راحت عمتي وبعد فترة قصيرة رجعت:يقول الحين تجون الدكتور بعد ساعه ينتهي دوامه.. :طيب يلا.. عمتي:طاهر رايح يقضي كلمي على مرزوق.. اخذت التيلفون واتصلت على غرفته ومااحد يرد.. :عمتي مايرد بغرفته كم رقم جواله؟ عطتني رقم جواله وطلعت فوق عشان تبدل ملابسها..اتصلت عليه وبعد مايرد كسرت جواله ومارد علي.. نزلت عمتي وهي لابسه عبايتها:يلا البسي عبايتك.. :مايرد علي مرزوق.. :اتصلي مرة ثانيه.. :كسرت جواله مايرد. عمتي:جربي بعد.. اتصلت ومارد.. :تلقين جواله بالغرفه وطالع برا.. اتصلت على المطبخ وسألت فاطمه وماتدري عنه.. :الحين هاذي زوجته وماتدري وين زوجها منقلع مو وقته ابدا.. طلع سلطان بوقتها من غرفته وكان لابس وباين عليه انه بيطلع.. سلطان:يمه انا بطلع.. عمتي:وين بتروح؟ سلطان:شغل.. اجوبة سلطان ما تعجبني مختصرة ومايبي يقول وين بيروح.. عمتي:نورة عندها موعد ولازم نروح للمسشتفى ومافي سووايق اخذ سواقك شوي.. سلطان:لنورا والا لريما؟ عمتي:لا نورة.. سلطان ناظرني ولف على امه:اوكي.. :لا عمتي مايحتاج خلاص بكرة نروح.. عمتي:وشو مايحتاج لازم تروحين مايصير يانورة.. كنت احكي واناظر سلطان:ماابي اروح مع سواق مو سواقي.. عمتي:هووو نوري وش ذا الحكي.. سلطان وهو يضحك وباسلوب منرفز:يعني كبرياء والا ايش الكلمه! منار وهي تضحك:عزة نفس؟ سلطان:اممم ايه يعني عزة نفس.. عمتي:كيفك رجلك واذا جاك شي انا مالي دخل.. :ماراح يجيني شي ان شاء الله,وين ابوي يوديني؟ عمتي:صباح الخير ابوك طالع.. سلطان:يمه اروح؟ عمتي:ايه كيفها ماتبي تروح ماراح اغصبها.. سلطان:اوكي يلا بباي.. وصلت معاه يكلمني كذا قدامهم حركاته واضحه ومنرفزة فشلني قدامهم وانا ماعرفت ارد انا الي اجيب لنفسي هالشي.. طلعت عمتي فوق وتركتني.. منار بصوت واطي:نورة وش عندك انتي وياه؟ :على باله يعني ,اصلا هو وش يبي جالس عندنا.. يطلع والا يرجع لديرته.. منار:بيرجع ماراح ينتظرك هو... :وش عرفك؟ :ماادري سمعته مرة يكلم.. :احلفي؟ منار:مو انتي تبينه يرجع.. :بس ماقد قالت عمتي شي.. منار:ماتعرف.. :هو قال مرة انه شرا شقه هنا.. منار:اييه سمعته بس شراها كذا هبالة مو عشان بيسكن هنا..يعني يبي يصير عنده بيت بديرته... جتنا سارة بوقتها نازله من فوق ولابسه عبايتها وباين انها بتطلع.. :وين بتروحين؟ سارة:مجتمعين اليوم اهل فهد ولازم اروح.. :ترا ما في سواق.. سارة:بيجي سواقي بروح البس في بيتي وبعدين بروح.. :شكلك تعبانه مو لازم تروحين.. سارة:كلمتني خالتي واستحي مااروح.. منار:وانا ان شاء الله بقعد اسمع كلام امه.. سارة:ايه يابعدي بتسمعين كلام امه,يلا جا سواقي مع السلامه.. طلعت سارة وبعد فترة قصيرة نزلت عمتي.. عمتي:ترا اليوم بنروح عند عمتك حصه.. منار:مالي خلق.. عمتي:كلكم بتروحون من زمان مارحتوا.. كلنا بنروح يعني كلنا بنروح وبعد ساعه ونصف تقريباً كلنا في بيت عمتي.. عمتي حصه:ياليت في مشاعل وسارة من زمان عنهم.. عمتي فوزيه:سارة حبيبتي بدا معها الوحم وكلمتها ام زوجها وقالت الا تجين للعزيمه.. :عمتي عبير وينها؟ عمتي:الحين بتجي.. جلسنا نسولف شوي وبعد فترة طويله شوي دخل منصور بعد مااستأذن.. سلم على عمتي وبعدها ريما كانت جالسه.. منصور:ريما صرتي سمراء مثلي.. ريما ضحكت من غير نفس لانها تعبانه:لا كذاب.. منصور:ايش فيك؟ ريما خنقتها العبرة:تعبانه.. منصور:حبيبتي والله سلامتك,عمتي وش فيها؟ عمتي:حرارة بس الحمدالله خفت.. لف علينا منصور انا ومنار.. منصور:الله الله الله سلامتك نورة ماتشوفين شر.. ابتسمت:الشر ما يجيك.. منصور:حادث سيارة؟ ضحكت:ليش شايفني اسوق,لا طحت.. منصور:قدامك العافيه.. :الله يسلمك.. سلم على منار وجلس جنب عبير اخته.. رن جواله بوقتها طلع من الصاله شوي ورجع.. منصور:كلمت سلطان وقلت له يجي وعاد هذا سواقه اوصف له البيت.. ياسلام سلطان بيجي,انا اوريك على بالك انك اكبر همي,مع اني مااحب احكي مع منصور بس عشان بتكلم اليوم معاه.. فترة قصيرة ودخل سلطان سلم على عمتي حصه ومنصور,قامت عبير وجلس جنب منصور.. خليتهم شوي يسولفون وبعد ماسكتوا اخذتها فرصه اني اسأل منصور اي شي.. منصور المنقذ دائما بدا هو بالسؤال:نورة كيف درجاتك ان شاء الله كويسه؟ :الحمدالله,وانت كيف الشغل.. منصور ابتسم ابتسامه حلوة بانت فيها غميزاته اكثر:الحمدالله.. :الحين انت بجدة والا بالرياض؟ منصور:لا تركت شغل الديوان.. :ليش؟ منصور:صعب..يعني انا على وجه زواج وماابي اتعب زوجتي معاي.. :ايه اريح لك.. منصور:اييه والله اريح لي,الجبس مطول برجلك؟ :ماادري والله عن الدكتور بعد ماحطه لي مارحت له... كنت اقول كلامي واناظر سلطان,هو ماعبرني ومسوي نفسه مومهتم انا عارفه انه معنا ويسمع حنا وش نقول.. منصور:انتي رايحه ثاني جامعه الحين؟ ابتسمت:ايه.. منصور:ترا ما قد شفت رسمك.. ياعيني عليك يامنصور وكأنك عارف اني ابي احكي معاك.. :ان شاء الله اذا سويت معرض تشوف رسمي.. منصور ابتسم:ان شاء الله... قلت لكم قبل نورة ومنصور بينهم شي في انسجام بينهم انا ماقلت كذا عشان كلموا مع بعض لا الوضع عادي عندي ومنصور ولد عمة نورة عيونهم تفضح في سر ورا عيونهم ابتسامات مو عاديه نظرات غير...اعجاب منصور بنورة واضح بس نورة بمنصور في حوله غموض واستفهام... انا اليوم مو على بعضي احس بتعب شوي واحسه باين على وجهي كنت قد مااحاول اصير طبيعي... الآلام خفيفه ويدي كانت تألمني وهالالم مايريح وبداية لشي اكبر ..لازم اطلع واروح البيت ارتاح..وقفت بحركه سريعه وابتسمت ابتسامه باهته:يلا عن اذنكم.. منصور:بدري.. :عندي شغل.. خالتي حصه:اجلس معنا سلطان من متى لمتى حنا نشوفك.. ابتسمت:معليش مرة ثانيه.. سلمت عليهم بسرعه وطلعت وانا بالسيارة كنت افكر اروح للمستشفى اخاف الالم يزيد وبكذا اكيد الكل بيعرف..قررت اني ارجع البيت والدكتور عطاني علاج لمثل هالآلام... وجه سلطان ما عجبني الافكار بدت تلعب براسي اكيد انه تعبان تخيلات كثيرة اخاف يصير له شي..سلطان الي فيه مو سهل والا كان قال لامه وعالاقل يقولي...قلبي مو مرتاح لازم نرجع للبيت لانه لو صار له شي ماراح اسامح نفسي.. ناظرت منار وبصوت واطي:يلا منار طفشت قولي لعمتي نطلع.. منار:انتي قولي.. :منار لو سمحتي.. منار:لو قلت لها عمتي حصه بتنط بوجهي.. :ريما كيفك الحين وجهك تعبان.. ريما:كويسه.. سكت شوي وكنت انتظر فرصه عمتي حصه تصير منشغله.. ناظرت عمتي وحركت فمي بدون مااحكي:يلا... عمتي:يلا عشان ريما اختك.. عمتي حصه:تونا اقعدوا.. عمتي:ريما تعبانه.. وقفت عمتي وانهت الحاح اختها لها.. وقفنا انا ومنار بعد وسلمنا عليهم وطلعنا... بالسيارة الافكار الشينه ماليه راسي..انا لو مااعرف عن مرض سلطان يمكن ماألاحظ... أخيراً وصلنا البيت احس الطريق كان مفتوح لنا والشوراع انطوت... اخر من دخل البيت انا...سلطان ماكان بالصاله.. وجهت نظري لعمتي وكانت بطريقها لغرفة سلطان لازم تمر عليه... انا بغرفتي وحالتي حالة ماكنت اتوقع هالشي ابداً انا الحمدالله بديت اعالج وحالتي بتطور للأحسن.. ماادري وش الي جاني.. الآلام فوق صدري وبجسمي كله يدي كانت تألم وكأن قلبي بيدي مااقدر احدد الالم وين بالظبط...ابي اطلع جوالي اكلم اي احد يجي فيها موت وحيا.. بوقتها دخلت امي آآآآه يايمه ربي ارسلك لي ماكنت اتوقع انها تجي.. لو اقدر اوصف لكم ردة فعلها كان وصفت صعب علي امي كانت مصدومه... جت عندي بسرعه وصوتها ممزوج بالصياح والخوف:سلطان يمه ولدي وش فيك.. ماقدرت ارد عليها احس اني مخنوق... امي بصوت عالي كانت تنادي على نورة ومنار ورددت اسماء كثيرة مع الخوف.. انا كنت واقفه ولسا مابعد جلست كأني واقفه انتظر شي بيصير الحين سمعت صوت عمتي وكان اقرب لصراخ لفيت على منار..الي قامت من مكانها بسرعه وركضت وراحت لمكان الصوت.. قلبي يدق بسرعه ماادري وش الي جاني سلطان سلطان سلطان كل شي الا سلطان..تجمدت رجلي بمكانها وكأني خايفه اروح... ركضت ريما من جنبي وانا للحين واقفه.. بخطوات بطئيه وثقيله كنت امشي رجلي احسها ترتجف...الصراخ يزيد انا ماادري وش الي قاعد يصير هناك... وصلت الى نص الطريق وعمتي ومنار ماسكين سلطان كان ثقيل عليهم ماراح يقدرون يكملون كذا.. رجعت لصاله بسرعه وكلمت على السواقين هم بيقدرون يمسكون سلطان.. راحت عمتي مع سلطان وكلمت منار على ابوي عشان يروح لهم بالمستشفى... الوضع بالنسبه لي اقرب للموت كنت خايفة ومتوترة..وريما تصيح ومنار تهديها.. مرت ساعه وللحين مااحد اتصل... :منار اتصل على ابوي؟ منار:اتصلي.. ريما:انا بكلم بابا.. مديت يدي على التيلفون كنت خايفه اكلم ماادري ايش الجواب الي بيجيني,مارد ابوي سكرت ولفيت على منار:مارد.. منار:الحين يتصل.. :والله خايفه يامنار يصير فيه شي.. منار:لا ان شاء الله.. بعد فترة قصيرة رن تيلفون البيت شفت الرقم وكان ابوي رفعت السماعه على طول.. :طمني على سلطان؟ ابوي:لا الحمدالله طيب.. :الحمدالله,ايش فيه؟ عنده القلب وهذا شي يجيهم ويسمونه كذا.. angina:ابوي صدمني الكلام الي قاله ابوي ماادري انا مااعرف ايش مرض القلب بس الي اعرفه انه شي خطير:عنده القلب!! ابوي:الحمدالله نورة هو طيب الحين وبينام بالمستشفى وبكرة ان شاء الله يطلع.. :طيب طيب عمتي شلونها؟ ابوي:بخير..يلا اخليك مع السلامه.. منار:عنده القلب؟ بديت اصيح غصباً عني دموعي نزلت مني:اييه.. منار:يعني توهم يعرفون والا من زمان عنده..؟ :لا من زمان عنده.. ريما:ايش يعني؟ منار:طيب بيطلع والا بينام بالمستشفى؟ :لا بينام.. ريما:ماراح يرجع.. ورجعت ريما تصيح.. ><><><><>< بالسيارة فهد وبيوصل سارة لبيتنا... سارة كانت تصيح وفهد يراضيها.. فهد:سارة حبيبتي والله امي ماكانت تقصد.. سارة:تقصد والا ما تقصد كلامها كان اهانه لي.. فهد:سارة والله تبالغين.امي كانت معصبه لما حاكيتها وقالت لك كذا... سارة:انا زعلانه على نفسي المفروض مااقول شي... فهد:والله ما يستاهل كل هالصياح.. سارة:فهد امك ماهي خالتي ولا عمتي علاقاتي مع امك مهم انها تكون صافيه وما فيها شي.. فهد:صدقيني امي تحبك.. سارة:خلاص فهد انتهت السالفه.. فهد:ماابيك تنامين وانتي زعلانه.. سارة تتصنع ابتسامه:عشانها امك ماراح ازعل.. فهد:ويلومني فيك بعد.. سارة سكتت.. فهد بادلها السكوت وماحب يتكلم اكثر.. وصلوا للبيت وفتحت سارة الباب بسرعه ونزلت وهي واقفه عند الباب:مع السلامه.. فهد:مع السلامه وبس كذا.. فتح فهد باب سيارته ونزل وراح وقف قدام سارة وحط يده على راسها.. فهد:سارة حبيبتي كل الناس يزعلون الا انتي.. سارة:فهد قلت لك اني مازعلت وبنسى الي صار.. فهد:وعد؟ سارة:والله.. فهد:طيب حبيبتي انتبهي لنفسك سارة:وانت بعد.. فهد:يلا مع السلامه وسلمي على اهلك.. بعدت سارة شوي عن فهد:مع السلامه.. دخلت سارة البيت وجت لصاله وجهها ماكان طبيعي.. وهي تجلس:شخباركم؟ منار:الحمدالله.. سارة:وين عمتي وابوي؟ منار جت بتتكلم قاطعتها ريما:سلطان تعبان وراح المستشفى وقلبه تعبان.. سارة بخوف:وش فيه سلطان؟ منار:طاح علينا وودينا المستشفى.. سارة:عنده القلب؟ منار:ايه.. سارة:اوف ياحياتي والحين شلونه؟ منار:طيب.. سارة ناظرتني:نورة حبيبة قلبي والله.. ناظرتها ومافهمت وش تقصد بكلامها.. قامت سارة وكلمت على ابوي عشان تطمن اكثر.. جلسنا الى الساعه 2:00 الفجر وابوي للحين مابعد جا بعد فترة قصيرة سمعنا صوت الباب وكان ابوي.. دخل الصاله ووجهه تعبان:السلام عليكم.. كلنا:وعليكم السلام.. سارة:شلونه الحين,وعمتي شلونها؟ ابوي وهو يجلس:اختي ضايق صدرها مرة... سارة:هو من زمان تعبان؟ ابوي:من ثلاث سنوات وماعلم احد,من اسبابه كثر التدخين..سلطان كان مدمن دخان وبعد ما تعب ترك التدخين.. :طيب متى بيطلع؟ ابوي:ان شاء الله بكرة... وقف ابوي وباين عليه التعب:يلا انا بروح انام بكرة عندي شغل... اول ماطلع ابوي من الصاله... منار:وانا اقول ليش ما يدخن يعني استغربت واحد عايش بأمريكا اكيد بيدخن.. :لا مو شرط اي احد يعيش هناك يدخن في ناس تكره الدخان.. سارة:مسكينه عمتي والله تلقين قلبها يتقطع على ولدها.. وانا بعد قلبي يتقطع عليه ياليت اقدر اشوفه الحين.. بعد صلاة الفجر كل وحده مننا راحت غرفتها... ><><><><>< في بيت فيصل بدر هناك جالسين بالخيمه والجلسه كانت رايقه... بدر:بكرة ورانا شغل والحين الساعه 2:00.. فيصل:انا لو انام ساعه تكفيني.. بدر سكت شوي وناظر فيصل الي كان يدخن ومن سيجارة لسيجارة:فيصل ارحم نفسك بتموت انت من كثر ماتدخن من جلسنا خلصت باكيت... فيصل:انا مالي حيله ماعندي الا الدخان اطلع حرتي فيه,تعرف بدر انا مليت من الرياض ومن السعوديه ومن الي فيها بعد انا افكر اروح للندن عند ابوي... بدر:صاحي انت.. فيصل:مليت مليت يابدر.. بدر:تترك اهلك وربعك يعني مو منطق يافيصل الي تفكر فيه.. فيصل:الله يخليك وش نفعوني اهلي وربعي فيه... بدر سكت شوي:انت الحين منظغط وافكارك سلبيه وكل الناس عندك واحد.. فيصل سكت ومارد على كلامه وفتح موضوع ثاني:انت بداية السنه بتبدا شغل جديد؟ بدر:ان شاء الله وانت معاي بعد.. فيصل:ماادري والله انا ابي اترك شغل البنوك كله.. رن جوال بدر وقطع كلامهم وبعد ما قفل طلع بدر وراح لبيته... ><><><><>< صحيت من النوم الساعه 12:00 الظهر غسلت وبدلت ملابسي بسرعه وطلعت بالصاله ماكان في احد صاحي جلست بالصاله وكنت مترددة اكلم عمتي اخاف انهم نايمين وماابي ازعجهم... جلست فترة قصيرة ورن تيلفون البيت شفت الرقم وكانت عمتي رفعت السماعه بسرعه:هلا هلا عمتي.. عمتي وصوتها كان تعبان:هلا نورة,شخباركم؟ :الحمدالله بخير كلنا..انتي شخبارك وسلطان ان شاء الله احسن الحين؟ عمتي:لا الحمدالله طيب.. :عمتي بتطلعون الحين؟ عمتي:الدكتور تو جا يقول بالليل احسن.. :اهاا,طيب عمتي اقدر اجي؟ عمتي:اييه انا مكلمتك ابيك تجين.. :وش تبين اجيب معاي؟ قالت لي عمتي اجيب لها ولسلطان اغراض.. قلت لفاطمه ورتبت الاغراض وحطتهم بشنطه صغيرة... بدلت ملابسي ولبست عبايتي وجت فاطمه ونزلتني ورحنا انا وياها للمستشفى... وصلت لجناح سلطان طقيت الباب بهدؤ ثواني وفتحت عمتي الباب.. اول ما شفتها ضميتها..وجهها كان تعبان وباين انه ضايق صدرها مرة.. حطت فاطمه الاغراض وطلعت.. للحين ما شفته كنت خايفه ادخل واشوفه كذا..قلبي ما يطاوعني.. مشيت بخطوات بطيئه وعمتي قدامي... دخلت وعلى وجهي ابتسامه..جت عيني بعينه رفع نفسه شوي لما شافني ورد لي ابتسامتي وجهه اصفر وعيونه كانت ناعسه شكله مرة تعبان.. عمتي اخذت الاغراض وراحت القسم الثاني بالجناح عشان تبدل ملابسها.. وقفت قدامه مديت يدي له صافحت يده وكانت باردة.. :ماتشوف شر ان شاء الله.. سلطان:مايجيك ان شاء الله.. :كيفك الحين؟ سلطان:مو زعلان منك.. ابتسمت مو وقته الحين الي يقوله مارديت عليه.. سلطان:تعبان.. جلست بالكرسي القريب من السرير:كان باين التعب لاحظته عليك وحنا في بيت عمتي.. سلطان:اول مرة يجيني كذا,امي زعلانه على الي فيني.. :كان لازم تعرف قبل..عمتي انفجعت.. سلطان:ماكنت ابي احد يعرف ابي اتعالج ويروح الي فيني.. :الحمدالله على كل شي.. سلطان:شكلك دعيتي على امس لانك مارحتي موعدك.. ناظرته وطيرت عيوني:من جدك.. سلطان ضحك:ما تسوينها؟ جت عمتي بوقتها وجلست بطرف السرير:ماتبي تتغدى الحين؟ سلطان:لا يمه مااشتهي.. :عمتي شكلك تعبانه.. عمتي:مانمت امس.. :انسدحي الحين شوي.. سلطان:لازم ترتاحين عالاقل انسدحي هنا عشاني.. قامت عمتي وانسدحت بالكنبه... كنت احاول اتكلم بصوت واطي عشان ماازعج امي وعشان ما تسمع بعد الكلام الي يدور بينا.. بصوت خافت:ليش جيتي الحين؟ ناظرتني نورة وعلامات التعجب على وجهها استغربت من سؤالي ويمكن فهمت اني ماابي اشوفها... نورة:تبيني اطلع اروح الحين.. ناظرتها وضحكت:لا لا اقصد ليش الحين جيتي؟ احرجتها بسؤالي بس كنت ابيها تجاوب بصدق... :جيت عشان عمتي تبي اغراض.. عقدت حواجبي:على بالي جيتي الحين تبين تتطمني علي ما قدرتي تصبرين تجين مع خواتك.. ضحكت باستهزاء:افكارك راحت لبعيد.. :امممممم كيف ريما؟ نورة:طول امس وهي تبكي.. :حبيبتي كان جبيتها معاك.. نورة:اصلا ماراح تجيك للمستشفى تعبانه ومناعتها الحين ضعيفه.. :اهاا.. سكت شوي وناظرتها بخبث:وانتي مو تعبانه رجلك مكسورة وعكازة وحالتك حاله.. كان ما جيتي وخليتي فاطمه تجيب الاغراض.. اخذت عكازتها ووقفت:اوكي سلطان ماتشوف شر وقدامك العافيه.. :وين توك جايه؟ نورة:جبت الاغراض وتطمنت عليك.. :اوكي براحتك نشوفك ان شاء الله اليوم بالبيت.. راحت عند امي وحبت راسها وطلعت... والله لو ماكان تعبان كان مسكت عكازتي وطقيته..سخيف لابعد درجه طيب ياسلطان الشرهه علي انا الي اجيك وانت كذا تعاملني... اسلوبه استفزازي درجه اولى... وصلت للبيت وكانت سارة صاحيه وجالسه بالصاله.. جلست معها وحكينا شوي.. سارة:مضاوي وشيخه يبون يعزمونكم انتي ومنار وهاله.. :متى؟ سارة:اليوم بيكلمونك ويقولون لك.. :وهاله بعد؟ سارة:اييه.. :ذكرتيني بروح اكلمها.. طلعت من الصاله ورحت الصاله الثانيه وكلمت على هاله وقلت لها الي صار... آخر العصر منار وسارة راحوا المستشفى ماطولوا لان جناح سلطان صار مليان رجال عمانه وعيالهم واهل ابوه..الخبر انتشر بسرعه ولازم يسون الي عليهم لو كان على حساب المريض.. مارجعوا اليوم البيت عمتي وسلطان ورجعتهم صارت بكرة... كلمتني شيخه عشان تعزمني عندهم بكرة واخذت رقم هاله... ><><><>< رانيا ماادري عنها الجوال ممنوع عني ومااقدر اكلم فيه...كنت متضايق وابي اطلع وارجع للبيت باسرع وقت الدكتور أجل طلعتي لبكرة ماادري ليش انا احس نفسي طيب الحين.. امي ماتركتني ولا دقيقه كأنها خايفه اني اروح منها باي لحظه...نفسيتها كانت تعبانه وماتنام الليل نوم المستشفيات يتعب... اليوم كل العائله جت زارتني الخبر هنا ينتشر بسرعه البرق ماكنت ابي احد يعرف مو كفايه امي عرفت... انا ماتعودت على هالطقوس والترابط وانا بامريكا ماكان في احد من اقاربي اصحابي هم اهلي... الساعه 11:00 الظهر جا خالي عبدالاله عشان يسوي اجراءت الخروج تجهزنا انا وامي وفترة قصيرة طلعنا من المستشفى وصلنا البيت وكان هادي الكل نايم دخلتني امي غرفتي وراحت هي غرفتها... طلعت جوالي وفتحته واتصلت على دكتور بامريكا وبعده اتصلت على سكرتيري يطمني على اوضاع الشغل واخر مكالمه كانت لرانيا... كانت خايفه ومن اول رنة ردت..يومين ماكلمتها وغير كذا موبايلي مقفل...طمنتها على حالتي وخاصه انها تعرف عن مرضي... نمت تقريباً الى 2:00 الظهر وبعد ما صحيت بدلت ملابسي وطلعت لصاله وكانوا كلهم جالسين الا امي.. اول ماشافتني ريما ركضت عندي.. ريما:سلطان وحشتني.. :وانتي كمان وحشتيني.. ريما:انا ابغى اجيك للمستشفى بس بابا مارضى.. :معليش حبيبتي انا الحين شفتك.. ريما:قلبك يعورك؟ ابتسمت:لا الحين كويس لاني شفتك.. ضحكت من قلبها احب هالبنت لما تضحك..مدت يدها ومسكت يدي ومشينا انا وياها لصاله.. سلمت عليهم كلهم ومعهم نورة بعد... ورحت الصاله الثانيه... كنا انا وسارة نسولف عن مساعد ومنار ساكته تسمع وش نقول.. سارة:الصراحه يامنار انا ماكنت ابيك توافقين قبل بس الحين لما سمعت كلام ابوي عنه ماشاء الله مرة زين الولد...ابوي يقول انه محامي شاطر وهو صغير الناس تطلبه ويشتغل في شركه كبيرة واخلاق مرة.. :نوري انتي استخيري.. منار ساكته وكأنها تفكر بكلامنا:انا طول الليل امس وانا استخير.. سارة:وكيف؟ منار:حسيت براحه بس ماادري.. سارة:لازم تخافين شعور طبيعي.. منار:اليوم بيجي هو وخالي ابراهيم عند ابوي.. :ايه ادري.. منار:واليوم حنا معزومين عند مضاوي وشيخه.. ناظرتها:طيب؟ منار:ماراح اروح بجلس ابي اشوفه.. سارة:لازم تجين.. منار:بنروح حنا بعد العشا وهم بيجون الساعه عشرة تقريباً.. سارة:حنا كلنا بنروح انتي اجلسي وشوفيه يمكن ما ترتاحين لشكله.. منار حسيتها متضايقه وشايله هموم الدنيا على راسها:ماادري ماادري..سارة ساعديني.. سارة ناظرتها باستغراب:منار وش فيك؟ منار:سارة الموضوع بالنسبه لي مو سهل والله مو سهل,ماابي اتزوج واصير مثل مشاعل.. :انتي لا تشوفين مشاعل بس شوفي الناس الثانين.. منار:والي مضيق صدري انه يسكن بالشرقيه.. سارة:لا تفكرين بهالشي الحين.. وقفت سارة:بروح المطبخ تبون شي؟ ناظرنها كلنا:لا.. :منار انتي متأكده انك تبين بمساعد؟ منار:نورة ماادري وش جاني..احس اني بحلم شلون قدرت افكر بغير فيصل.. :خلي فيصل على جنب.. منار:اخاف انساه يانورة وانا وعدته اني ماانساه.. :منار انتي فكري بنفسك وبمساعد وبس.. منار:ابي احد يساعدني يانورة انا مرتاحه وخايفه بنفس الوقت.. :ترا ما يضر لو الولد شافك وشفتيه يمكن تحسين بالراحه اكثر ويمكن ما ترتاحين ومايصير شي.. منار:وبنته؟ :يمكن مساعد احسن من واحد مااتزوج... منار:انا شايله هم البنت ماابي اصير زوجة اب.. رجعت سارة وسمعت اخر كلمه لمنار.. سارة:زوجة اب!! منار:انا ابي اتزوج واحد لي انا وبس مو اتزوجه هو وبنته.. سارة:امها موجوده,وبعدين لو جا وشافك وشفتيه وكلمك تتفهامون على هالاشياء.. منار:ولو ماتفهامنا؟ سارة:خلاص ما يصير شي,ماراح تعلنون خطبتكم انتم.. وقفت منار:الله يكتب الي فيه الخير.. راحت منار فوق لغرفتها.. سارة:انتي نورة وش رايك؟ :ماادري.. سلطان وريما يسولفون وريما مبسوطه على سلطان اسمع ضحكها من هناك.. سارة:الحين بيجي فهد بنتغدى انا وياه.. :يعني مشتاق يتغدى معاك؟ سارة:من زمان ماتغدينا انا وياه مع بعض.. :طيب روحي تحممي وغيري ملابسك.. سارة:مالي خلق كيفه هذا شكلي.. :شعرك مدهن.. سارة:لا مو مرة حرام عليك..,البس قبعه؟ :سارة منتب صاحيه تحممي,رجعتي لقبعتك. سارة:ياحبيلها من زمان ما لبستها.. قامت سارة وراحت غرفتها لبست جينز وتي شيرت وقبعتها ونزلت تحت.. سارة:كذا كيف شكلي؟ :زين.. سارة:والله اني تعبانه ماتشوفين وجهي اصفر.. :الا باين عليك التعب.. رن جوال سارة بوقتها وكان فهد.. طلعت له سارة برا ودخلوا من الجهة الثانيه.. جلست اتفرج على التلفزيون..اسمع اصوات سلطان وريما... بعد فترة قصيرة جو عندي بالصاله... مااهتميت وكنت طبيعيه و متحمسه مع الفلم... ريما:نورة غيري انا اتابع كرتون الحين يجي.. :انا قاعده اتفرج الحين روحي غرفة الفيديو هناك تشوفين الكرتون.. ريما:ابغى اجلس مع سلطان.. :خذي معاك سلطان.. ناظرني سلطان:هذا الفلم بايخ ومعيود 100 مرة خليها تشوف الي تبي.. :لا مو على كيفكم.. سلطان:ايش مو على كيفنا؟مين تقصدين؟ اسلوبه كان يخوف ماكنت ابي اناظره كنت احكي وانا مركزة عيوني على التلفزيون:مين اقصد يعني؟ سلطان:كيفنا يعني انا وريما مو؟ :افهمها مثل ما تبي تفهمها.. سلطان:نورا لما احكي معاك ناظريني.. :انا قاعده اتفرج على الفلم.. سلطان:اوكي..,ريما نروح انا وياك غرفة الفيديو.. وقفت ريما ووقف هو معها وطلعوا من الصاله.. امانه عليكم مين الي يبي يتهاوش مع الثاني...انا ماقلت له شي هو الي بدا..مايبي يحكي معاي لايحكي بس لا يكلمني بذا الاسلوب اكرهه... اليوم ابوي عند زوجته له ليلتين ينام عندنا ولازم يعطيها حقها...بيتغدى عندها وبعد العشا اكيد بيجي بيستقبل صديقه وولده وبعدها بيرجع لزوجته... الساعه 6:00 قبل آذان المغرب بنصف ساعه طلعت غرفتي عشان اتجهز اليوم بنروح عند شيخه ومضاوي مثل ما تعرفون.. تحممت ونشفت شعري حطيت ميك آب خفيف ولبست برمودا وبلوزة حلوة..طبعا انا مااقدر البس جينز عشان الجبس الي برجلي... اتصلت علي هاله وكانت جاهزة وبتجي تمرني وبنروح..ومنار بتجلس عشان تشوف مساعد من ورا الشبابيك...وسارة راحت لبيتها قبلنا.. نزلت تحت وكانوا كلهم في يعني عمتي وسلطان وريما ومنار.. عمتي:نورة ما يصير نازله طالعه...تعبين نفسك.. ابتسمت:وش اسوي.. عمتي:وانتي بعد ما رحتي الدكتور.. :بكرة ان شاء الله ابوي يوديني.. عمتي:هاله بتجي تمرك؟ :ايه.. عمتي:ترا من الحين اقولك مافي نوم.. :ماقالت شي بس يمكن انام عندهم... منار ناظرتني:لا لا تنامين.. :اوكي ماراح انام... رن جوالي رنه وقفل هاذي هاله تعلمني انها عند الباب.. بالسيارة... هاله:كيف سلطان الحين؟ :والله ياهاله انه الحين هو الي يدور الشر يبي يستفزني بأي طريقه.. هاله:ياغبيه معناته يحبك.. ناظرت هاله وصرت اضحك على كلامها.. هاله:ما يضحك,طيب كيف تعبان الحين؟ :لا الحمدالله.. هاله:يااختي هذا الانسان بحياته اسرار كثيرة..احسه قصه.. :ليش يعني؟ هاله:والله يانورة انه غامض ومليان اسرار.. :جتنا مشاعل الثانيه.. هاله:وش عندهم مضاوي وشيخه عازمينا,, :من زمان وهم بيعزمون.. هاله:عاد انا لي خلق اشوف ناس جدد مليت من الي اشوفهم كل يوم.. :هاله سواقك يعرف بيتهم؟ هاله:لا نسييييييييت اقوله..,جميل وين رايح انتا؟ السواق:رايح المطعم.. انا انفجرت ضحك... هاله:لا لا مانبي المطعم وقف وقف هنا.,نوير كلمي سارة اختك؟ :عطيني جوالك.انا جوالي استقبال.. طلعت هاله جوالها واتصلت على سارة وساعه على ما دلينا البيت... دخلنا بيتهم وباستقبالنا مضاوي وشيخه... فصخنا عبياتنا وقعدنا عند المرايا نتصلح شوي... وبعدها رحنا لصاله.. :وين اختي اجل؟ مضاوي:فوق.. شيخه:وين منار؟ :تعبانه.. شيخه:سلامتها والله كنت ابيها تجي.. :هي بعد كان ودها تجي..يلا معليش المرة الجايه عندنا ان شاء الله... نزلت سارة وشكلها كان تعبان... الجلسه كانت حلوة ..سوالف شيخه ومضاوي تضحك وماتنمل... وقفت سيارة عند باب البيت وكانت لبدر توه جاي حسب الاتفاق الي بينه وبين عماته.. اتصل بدر على مضاوي يعطيها خبر انه وصل وهو عندهم قامت مضاوي من عندنا... مضاوي وهي تسلم على بدر:وينك تأخرت؟ بدر:ماطلعت من شغلي الا الساعه 6:00 ويعني زحمه ماك شغل فيها. مضاوي:ترا والله مااخليك تشوفها.. بدر:ياشني الي يطلب منك طلب.. مضاوي:ماراح اخليك تشوفهم كلهم هاله وبس... بدر:انا ماابي اشوف الا هي.. مضاوي:طيب الحين بخليهم يحطون العشا.,وهم طالعين من الصاله ورايحين لسفرة الطعام تشوفها.. بدر:طيب طيب عمتي الي تبينه,لا تروحين وتسفهيني.. مضاوي:لا ماراح اسفهك لاتخاف.. رجعت لنا مضاوي وعلى وجهها ابتسامه.. بعد فترة قصيرة جت الخدامه تقول لمضاوي ان العشا جاهز... قمنا كلنا ورحنا لسفرة الطعام الوضع كان عادي ومالاحظنا اي شي... مضاوي راحت عند بدر.. بدر:طولتي.. مضاوي:كيف تشوفها الحين دخلوا لسفرة الطعام وجلسوا.. بدر:بشوفها بشوفها لا تقعدين تصعبين الامور. مضاوي:طيب انا بسكر الانوار الي حول الحديقه وانت تجي من هناك.. بدر:انتي خليك معاي.. طلعوا مضاوي وبدر وسكرت الانوار الي برا...سفرة الطعام حولها قزاز وعلى الحديقه... مضاوي:غمض عينك يابدير..عشان ما تشوف الا هاله,اصلا سارة ونورة ماراح تقدر تشوفهم انا خليت شيخه تجلس جنب هاله.. بدر:والله ماراح اشوف الا هي.. مضاوي: بدر:هي الي جنب شيخه؟ مضاوي:ايه هي.. بدر سكت شوي وكان يناظر.. مضاوي:بس بس خلاص.. بدر:بشوفها زين.. مضاوي وهي تحط يدها على عيون بدر:خلاص خلاص,وش رايك؟ بدر:مالك شغل وش رأيي.. مضاوي:بدر عاد الحين اخليك تشوفها وماتقولي وش رايك... بدر:بقول لامي عنها.. مضاوي:يعني عجبتك؟ بدر:عيب يلا روحي لهم.. مضاوي:يلا انت روح.. بدر وللحين يناظر:بروح بروح.. مضاوي:عجبتك؟ بدر:مالك شغل,يلا مضاوي مشكورة نشوفك على خير.. مضاوي:بدر ياسخفك عاد قلي.. بدر:مايصير مضاوي اقولك خلاص ماابي احكي بالبنت.. مضاوي:طيب يعني بتخطبها؟ بدر:اممممم بفكر.. مضاوي:يعني عجبتك.. بدر:يلا مع السلامه.. مشى بدر وترك مضاوي وركب سيارته وراح عند فيصل.... ><><><><>< من الجهة الثانيه بالرياض وتحديداً في بيتنا بغرفة عمتي منار واقفه عند شباك تطل على مدخل الرجال تنتظر مساعد وابوه... ملت منار الانتظار وبعد فترة قصيرة انفتح باب المدخل ودخل منه رجالين الاول كان باين شكله كبير وهذا خالي ابراهيم عرفته منار والي بعده مساعد...مثل ماتوقعته منار كان طويل تقريباً وملامحه حاده له سكوكه خفيفه حواجبه سوده و مقرونه بشكل خفيف... انا استغربت تصرف منار اكيد انتم بعد استغربتوا...مافي شي بهالدنيا نستغربه كل شي الواحد يتوقعه..وربي كاتب حياة كل واحد من قبل لايخلق والامور بيد الله سبحانه وتعالى...والواحد مايدري وين الخيرة فيه... حياتنا في تغير دائماً ومافي شي يبقى على ماهو عليه... نهاية الجزء ... .. .. .. | ||||
|
| |
|
26-07-22, 11:10 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| (الجزء الحادي عشر) الفصل الأول قولي لي كيف سأنقذ نفسي من أشواقي وأحزاني... قولي لي ماذا أفعل فيكِ..أنا في حالة ادمانِ... قولي لي مالحل فأشواقي وصلت لحدود الهذيان... اليوم رحنا بيت سارة او اهل زوجها العزيمه بالنسبه لنا كانت عاديه جداً لكن هم عازمينا لشي في بالهم انتم تعرفونه... وصلتني هالة للبيت وراحت هي لبيتها..دخلت الصاله وماكان في احد طلعت فوق ريما بالصاله منسدحه وتتفرج على التلفزيون.. :هلا ريما.. ريما:ماجت هاله معاكي؟ :لا,وين الناس؟ ريما:عمتو تحت مع سلطان ومنار بغرفتها.. :اهاا.. كملت طريقي ورحت لغرفة منار ابي اعرف الاخبار مو اليوم جانا مساعد وابوه.. فتحت باب غرفة منار بهدؤ وكانت منسدحه على السرير.. :هلا منوري.. منار:تأخرتي.. :افتح النور؟ منار:لا.. مشيت بهدؤ وجلست على طرف السرير.. منار:كيف البنات؟ :كويسين,انتي كيفك؟ منار:مو كويسه.. :شفتيه؟ منار:ايه.. ابتسمت:وكيف؟ منار:ماادري.. :كيف شكله؟ منار:مااعرف اوصف.. :يعني ارتحتي لمظهره الخارجي؟ منار:حلوة مظهره الخارجي,حسيته رجال.. عقدت حواجبي:اكيد رجال.. منار:حسيته كبير شوي.. :دب؟ منار:هههههههههه,لا.. :عمتي شافته معاك؟ منار:منشغله مع سلطان.. :منار تفاعلي معاي شوي.. منار:نورة والله احس راسي بينفجر من التفكير..,ماراح تجي سارة؟ :ماادري عنها.. رفعت منار نفسها بس ماكانت تناظرني كأنها تحكي مع نفسها:يعني احس اني ارتحت شوي لما شفته..امممممم ماادري.. تخيلته زوجي..(ضحكت منار لاخر كلمه قالتها وراحت بدنيا ثانيه).. سكت شوي وكنت اناظرها:وش تخيلتي؟ منار:تخيلت حياتي معاه.. :وكيف؟ منار ابتسمت:ماادري.. :خلي عنك الخيالات وفكري بجد,ماادري بس انا اقول انك ترفضين.. منار:ارفضه! :ليش التعجب هذا كله؟ منار:بشوف سارة وش تقول.. :تبين احد يقتعك؟ منار:لا لا بس انا مليت.. :مليتي من ايش؟ منار:ماادري مليت وبس.. :طيب انا بروح ابدل ملابسي.. ماادري موقف منار ماعجبني وكلامها مااقنعني..فيصل وين راح! انا صح ماابيها تتزوجه لكن تفكيرها يتغير بهالسرعه!! دخلت غرفتي وكنت افكر بكل شي كل شي حولي..فكرت انزل لمرسمي بس استصعبتها... جلست بغرفتي الى الفجر صليت ونمت... ><><><><>< رجع فهد لبيته على العصر تقريباً تو طالع من شغله... دخل البيت وكان هادئ وقت قيلولة امه...طلع لجناحه بخطوات سريعه... سارة جالسه بصالتهم تكلم مشاعل... فهد بصوت واطي:السلام عليكم.. سارة ابتسمت:وعليكم السلام.ميشو فهد جا خليني وانا بعد بخليك.. فهد جلس جنب سارة وبعد ما قفلت:شخبارك؟ سارة:كويسه.. فهد:ترا الساعه 5:00 عندك موعد.. سارة:اييه.. فهد:جوعااااان.. سارة:اخليهم يحطون لك الغدا.. فهد:اصبري شوي نسولف.. سارة:نسولف وحنا نتغدى.. فهد وهو يوقف ويفصخ شماغه:كيف البنات امس انبسطوا عندنا؟ سارة:ايه.. فهد:وهاله؟ سارة:ايش فيها؟ فهد:اقولك شي بس بيني وبينك ما يطلع لخواتك.. سارة:وشو؟ فهد:بدر امس شاف هاله.. سارة:من جدك؟ فهد:اييه.. سارة:وانا آخر من يعلم.. فهد:انا بعد ماعرفت بينه وبين خواتي.. سارة بعصبيه:بعد..!! فهد:ليش عصبتي؟ سارة:وليش ان شاء الله يشوفها؟ فهد:يبي يخطبها.. سارة:يقول لامه وهي تكلم ويروح يشوفها ماله داعي هالحركات.. فهد:يمكن ماحب يحرجها اذا ماعجبته.. سارة:لا اجل يشوفها وهو يقرر وهي يالغافل لكم الله.. فهد:لا تعقدين الامور.. سارة:باي حق يشوفها؟ فهد:لا تقعدين تتفلسفين سارة.. سارة:اسمحلي يعني خواتك حركتهم بايخه...مسوين العزيمه عشان ولد اخوك يشوف هاله.. فهد:سارة اكره هالاسلوب خواتك وولد اخوك اعتقد لهم اسماء.. سارة:اسلوبهم الي بايخ اسمه استغفال... فهد:سارة قولي لهم يحطون الغدا.. قامت سارة وماردت عليه... بدل فهد ملابسه ونزل تحت عشان يتغدى... جلس على سفرة الطعام ينتظر سارة تنزل.. طولت مانزلت وقف من مكانه وطلع فوق...دخل الغرفه وسارة كانت منسدحه... فهد بتعجب:نايمه!! سارة:لا.. فهد:انا انتظرك تنزلين تتغدين معاي.. سارة:مااشتهي.. فهد بحده:طيب قولي انك ماتشتهين.. جلست انتظر.. سارة ببرود:آسفه..بعدين عشر دقايق ماصار شي ماله داعي تعصب.. فهد:اسلوبك الي عصبني.. سارة:انا اسلوبي نرفزك!!والا انت الي تبي تتنرفز؟ فهد:الاثنين...بعدين لما تحاكيني لفي وناظريني مو تعطيني ظهرك.. سارة:انا منسدحه كذا من اول,انت تعال قدامي وكلمني.. فهد:لا جد مو طبيعيه... تنرفز فهد من الي صار نزل وماحب ياخذ ويعطي معها... بعد ماخلص غدا وروق شوي طلع فوق..دخل الغرفه وسارة قدام المرايا تعدل شكلها..ابتسم فهد وقرب لسارة..حط يده على كتفها:سوسو فكيها عاد.. سارة وهي تبعد عنه:فهد الله يخليك تعبانه والحين عندي موعد.. رجع قرب لها:روقي سارة.. سارة:مروقه والله مروقه.. فهد:والمطلوب مني الحين؟ سارة:تجي معاي المستشفى والا اروح مع السواق؟ فهد:لا طبعاً بجي معاك.. سارة:وبعدها بروح بيت اهلي.. فهد:امممممممممم اوكي بس الساعه 9:30 بجي امرك من بيت اهلك.. سارة:ليش؟ فهد:مالك شغل ليش.. ابتسمت سارة:طيب يلا بدل ملابسك.. فهد:اوكي... ><><><><>< قمت اليوم من النوم الساعه 2:00 الظهر بس ماشفت سلطان كان بغرفته جالس وعمتي كل شوي تروح له..الحين تقريباً آخر العصر.... دخلت عمتي وعلى وجهها ملامح التعب.. :عمتي اليوم موعدي ولازم اروح.. عمتي:كلمي ابوك يوديك انا تعبانه والله.. :مو مشكله اروح انا ومنار.. عمتي:تروحون بلحالكم للمستشفى! :لضرورة احكام.. عمتي:والله ماادري اتصلي على ابوك اول.. :ماراح اتصل خلاص انا ومنار وناخذ فاطمه معنا.. عمتي:الي تشوفينه.. نصف ساعه وانا ومنار بالمسشتفى جلست بصالة الانتظار ومنار راحت الكونتر تشوف موعدي... عشر دقايق ورجعت لي منار.. منار:الدكتور الي انتي عنده مو موجود الحين وبيدخلك على دكتور ثاني.. :لا اخاف مو زين.. منار:لا زين لا تخافين بعدين انت كلها كسرة رجل..بيسوي لك عملية هو.. :استشاري؟ منار:ماادري والله خلاص ندخل ونشوف.. ربع ساعه وجت الممرضه ونادت على اسمي ودخلنا على الدكتور.. كان جالس الدكتور ومنزل راسه وبين يده اوراق... تقدمت الممرضه خطوات وراحت جنب الدكتور رفع راسه قدرت اشوف وجهه...ملامحه حادة وكأنهامرسومه, شعره كان اسود داكن ولفتني سواده ومرجعه على ورا بالجل له سكسوكه يميل للبياض..ثلاثيني 35 33 بهالحدود يمكن اكبر بس هذا الي قدرت اعرفه من ملامحه... جلسنا انا ومنار كنا ساكتين وننتظره يتكلم... الدكتور والاوراق بين يده:موعدين عندك قبل وماجيتي... مارديت عليه ماله شغل اجي والا مااجي.. لف عالمممرضه وتكلم معها.. جتني الممرضه ومسكت يدي ووقفتني مشينا خطوات قصيرة وجلست على السرير... وقف الدكتور وقرب مني..لفيت وجهي من الجهة الثانيه ماحبيت تجي عيني بعينه والمسافه بينا قريبه.. وجه نظره على رجلي مكان الجبس كنت راسمه عليه رسمه صغيرة لاحظت انه كان يناظرها بس مافي اي تعابير بوجهه... ماادري وش سوى فيني ثواني ورجع مكانه... :دكتور متى افك الجبس؟ مارد علي ولف على الممرضه وكلمها...يمكن ماسمعني عليت صوتي شوي:دكتور لو سمحت متى افك الجبس؟ بدون ما يناظرني:بعد اسبوع الموعد الجاي.. ناظرت منار وعقدت حواجبي وبصوت مو مسموع:استغفر الله.. لفيت عليه و كانت على وجهه ابتسامه خفيفه اكيد انه شافني...انحرجت وحسيت نفسي بايخه... وقفت منار ووقفت معها.. :شكراً دكتور.. الدكتور:العفو.. قالها من غير نفس.. طلعنا انا ومنار ورحنا الكونتر عشان يسجلون موعدي الاسبوع الجاي... :منار مكتوب بالورقه اسم الدكتور؟ منار كانت تتكلم وماردت علي.. ناظرت الرجال الي كان يتكلم مع منار:لو سمحت ايش اسم الدكتور؟ الرجال:الدكتور عبدالمحسن ال....... :اهاا..قلتلي... وصلنا البيت ورحت عالطول لصاله وفي عمتي وسارة وسلطان... :السلام عليكم.. عمتي:وعليكم السلام,شلون الموعد؟ :ماعنده سالفه لو مارحت احسن.. عمتي:اجل انتي الي عندك سالفه.. :لا يعني ماادري طل برجلي ورجع مكتبه..ويلا يحكي ويناظر من طرف عين ضخمت صوتي شوي:بعد اسبوع الموعد الجاي... منار توها داخله الصاله وكانت تضحك علي:وش تبين يقعد يطق معاك سواليف والا يتبسم بوجهك! :عالاقل مايناظر من طرف عين وكأنه قرفان ويتكلم بثقل نرفزني.. سارة:وش عليك انتي منه دكتور هو مو رجلك.. منار وعمتي:ههههههههههههههههه.. سلطان ماكان يناظرني وعيونه على التلفزيون ولا شالها..ماادري البرامج المهمه الي قاعد يتفرج عليها والا سالفة عناد.. منار:اهم شي انه قاعد يناظر الرسمه الي بجبسك... :تجنن الرسمه.. سارة تتريق:تعالي اوقع لك.. منار:ههههههههههههه.. :مايضحك... كنت ابي الفت انتباه سلطان وابي اشوف تعابير وجهه:بس رزة الدكتور وكشخه يعني دايما الدكاترة يجون قصار ومو مرتبين... سارة:على كيفك.. منار ناظرتني وضحكت حسيتها فهمت وش اقصد... عمتي:ومتى موعدك الجاي مو تسفهين وماتروحين... :لا لا اكيد بروح... الكل سكت وكل واحد منا الله اعلم بالي في باله... :عمتي ماراح نسافر؟ عمتي:نخلص موضوع اختك وبعدين انا ماراح اسافر واترك سلطان وغير كذا سارة اختك تعبانه.. سارة:لا عمتي سافروا.. منار:وش فيه موضوعي بعد؟ سلطان:لا يمه انا بعد بسافر بعد اسبوعين.. عمتي بضيق:شلون تسافر وانت تعبان؟ سلطان وصوته تعب:بكون أحسن ان شاء الله... تقطع قلبي على سلطان...انا مو مستوعبه الي فيه..أحسه تعبان من كل شي حوله..عيونه شايله هموم الدنيا كلها... سرحت بعيونه وكنت اناظرها ومو حاسه بنفسي.. شفته يأشر باصبعه علي وكأنه يقول طولتي وانتي تناظرين صحصحي.. ابتسمت ووجهي صار احمر احسه بينفجر من كثر مادمي طلع لوجهي.. ابتسم بثقل وبدون ما يناظرني...انا دايماً احط نفسي بمواقف محرجه... الحين انا المفروض اصير جامده معاه مو اقعد اتنح بوجهه... منار وكانت تكلم عمتي بصوت واطي:ابوي وش رايه؟ عمتي:منار ياحبيبتي انا قلت لك مليون مرة ابوك شاري الولد انتي ماعليك من كلام ابوك ولا كلامي...سوي الي يريحك... منار:شلون ياعمتي لازم تساعدوني.. عمتي:انتي الحين ما تبين ولد ال....؟ عمتي كانت تقصد فيصل.. علامات التعجب بوجه منار وبدون تفكير:لا.. عمتي:استخيري يابنيتي..ترا هذا زواج.. سارة:منار فكري زين ترا هاذي حياتك..دائماً حطي هالشي في بالك... منار:ابغى اكلمه.. عمتي عقدت حواجبها:مين تكلمين؟ منار:مساعد...لازم اكلمه ابي اعرف منه اشياء كثيرة قبل مااوافق.. عمتي:تجي امه عندنا واسأليها الي تبي.. منار:لا انا ابي اكلمه..ابغى اعرف عن بنته وكيف بنعيش وبعدين لا تنسون انه بالشرقيه يسكن.. عمتي:انا هذا الي مخوفني ماابي بناتي يبعدون عني.. منار:بالعكس انا هذا الي شجعني وخلاني افكر بالموضوع بجديه انه يسكن بالشرقيه.. سارة:ماتبينا؟ منار:لا ماابي الناس الي هنا طفشت منهم.. :حكي مااحد يقدر يعيش بدون اهله.. منار:انا ابي ابعد عن الناس الي هنا ابي ابدا حياة جديده بتعرف على ناس غير... كلام منار أكد لي انها بتوافق ,تصرفاتها وقراراتها دائماً تصدمني... ><><><><>< مضاوي وشيخه جالسين بالصاله ينتظرون بدر, بيجي يمرهم ويطلعون... فترة قصيرة وبدر عند الباب... طلعوا البنات بسرعه..لما شافهم بدر نزل من سيارته وفتح الباب للي بتركب جنبه.. مضاوي:شيخه انا الكبيرة وانا بركب قدام.. شيخه:لا والله انا بركب.. بدر:ههههههههههه تتهاوشون مين بيركب قدام.. شيخه:ياسلام اجل تفتح لها الباب وش فرق هي عني.. بدر:افتح لك الباب ولا تزعلين.. ابتسمت شيخه:لا خلاص انا افتحه بس بالرجعه انا بركب قدام.. بدر سبق شيخه وفتح لها الباب:تفضلي ما عاش مين يزعلك.. رجع بدر وركب السيارة.. مضاوي:ياحظ زوجتك والله..ذووووق كلك ذووق.. بدر:عشان فتحت الباب..المفروض كل الرجال كذا يسون.. شيخه:ياحسرة وينهم يسمعون.. بدر:ههههههههههه,شخباركم بس؟ شيخه ومضاوي:بخير.. بدر:وين تبون نروح؟ شيخه:على ذوقك.. بدر:لا الطلعه لكم اختاروا الي تبون.. مضاوي:شيخه وش رايك؟ شيخه:امممممممممم الريف الايطالي او سبازيو.. بدر:مضاوي تبينه؟ مضاوي:اييه... بدر:تامرون امر.. مضاوي:طيب يلا قلي وش رايك بهاله؟ بدر:انا ليش عازمك اجل.. شيخه:عشانها؟ بدر:ايه ابي اعرف عنها كل شي وبعدين بقول لامي... مضاوي:يعني عجبتك؟ بدر:كل شي يكمل بعضه.. شيخه:طيب اسأل وحنا نجاوب... بدر:نخلي الحكي اذا وصلنا.. ><><><>< الساعه 12:00 وحنا للحين جالسين بالصاله, سارة فهد جا مرها بدري يعني حركات فهد... عمتي وهي توقف:سلطان انا بروح انام تبي شي؟ سلطان:سلامتك.. عمتي:وين ريما؟ منار:طلعت غرفتها قبل شوي.. عمتي:يلا تصبحون على خير.. جلسنا حنا الثلاثه ومافي اي كلام بينا... سلطان ماسك جواله وموجه تركيزه فيه.. منار معها الريموت وتغير من قناة لقناة... بعد فترة قصيرة دخلت ريما علينا...بس الشكل ماكان شكل ريما.. بصوت عالي:ريما وش حاطه بوجهك انتي؟ لفوا سلطان ومنار عليها.. سلطان:ريما ليش كذا شكلك؟ منار:والله اني حاسه انك بتجلسين تلعبين بالكريم.. ريما:حطيت كريم حق نورة التان... سلطان بحده مصطنعه:انتي شفتي شكلك؟ ريما بصوت عالي:ساعدوني كيف اشيله.. ضحكنا كلنا على ريما لا شكله كان يضحك وتعابير وجهها تضحك اكثر.. سلطان:تعالي تعالي بسرعه.. مد يده واخذ مناديل وبهدؤ كان يمسح وجه ريما.. لاتقولون ماينرفز وش هالدلع الزايد لريما..يعني ريما كبيرة تعرف تروح تغسل وجهها والا تاخذ منديل وتمسحه لكن هو يحب يدلعها ويسوي لها كل شي...انا مرات احسها بنته... ريما كانت واقفه قدامه وبهدؤ.. ويدها فيها كريم بعد... وجهت نظرها ليدها ورفعت عينها لوجه سلطان وبسرعه حطت يدها على وجهه..وارتفعت ضكحتها.. ريما:وجهك كله دبابيس.. سلطان:ريما كذا تسوين فيني.. ناظرت منار وبصوت واطي:الحين هذا هواشه!شاطر يطلع لسانه علي.. منار:هههههههههههههههه.. سلطان وقف:انتي لازم تغسلين وجهك... مسك يدها وتوسخت يده بعد من الكريم الي بيدها.. :بعدين انتي من اذن لك تستخدمين اغراضي؟ ريما:اصلا من زينه.. سلطان:ايه والله شوفي وش سوا في وجه بنتي.. مشوا بهدؤ وطلعوا من الصاله.. منار بلهجة فيها تريقه:هدي اعصابك يانوري.. :اسكتي بس.. منار:شوفي هو يحق لك انك تعصبين بحاله وحده بس اذا كنتي..... قاطعتها:اوووش اووش بس.. منار:ياالله عالكبرياء الي عندك.. :مو كبرياء...لو حبيت واحد بخلي كل الناس تعرف.. منار:ههههههههههه...لا يكثر بس.. :نطلع فوق؟ منار:تبين اساعدك يعني؟ :ياليت.. طلعت لغرفتي وراحت منار غرفتها... سكرت انوار الغرفه ووقفت عند الشباك...الهوا في رطوبه شوي غير عن العاده..السماء كانت سودة وانوار خفيفه منورة الشارع... الجو هادئ سيارات بين فترة وفترة تمر.. مافي شي اتأمله كنت اشوف شارع قدامي... مرت سيارة بسرعه الي يسوقها كان يمشي بسرعه جنونيه... يمكن معاه احد تعبان...او في احد صار له حادث...يمكن يبي يتابع مباراة...او يمكن زوجته حامل والطلق جاها...او يمكن شاب طايش....أحب افكر بكل شخص اشوفه قدامي.. مرت سيارة وصوت المسجل عالي والسيارة تهز من كثر ماكان الصوت عالي... ضحكت..وضحكتي بدت تعلى...شكله مبسووووط ومروق وماعليه من احد... تعبت وانا واقفه..مشيت بهدؤ واخذت لي كرسي وقربته من الشباك وكملت سهرتي معاه... ><><><>< مرت ثلاث أيام بهدؤ... منار محتارة وماهي عارفه وش تقرر بموضوع مساعد... سلطان حالته تحسنت... مشاعل للحين مارجعت وبكرة بترجع... سارة على حالها.. وانا كما أنا... جالسه بالصاله انا وعمتي... كانت تسألني عن منار اذا هي تبي مساعد ونست فيصل... انا مثلها ماني عارفه وش سر هالتغير ... دخل ابوي بوقتها توه راجع من صلاة المغرب... ابوي وهو يجلس:اليوم بنطلع كلنا نتعشى.. عمتي:اسمحوا لي انا بجلس عند سلطان.,وانا اقول تطلعون بلحالكم احسن.. ابوي:بتجي معنا سحر.. عقدت حواجبي وكشرت.. ابوي:بدون تكشير وبرطمه يانورة.. :ماسويت شي.. ابوي:الساعه 10 ابيكم جاهزين انا بطلع الحين عندي شغل.. :يبه انا مااقدر اطلع ورجلي كذا.. ابوي:ياسلام يانورة صحباتك تعرفين تطلعين لهم.. :يعني.. ابوي:عشاني تحملوا شوي.. عمتي:الي تبيه بيصير.. ابوي:جهزيهم لي ماابيهم يتأخرون بجي امركم وبعدين نروح نمر سحر.. :مين سحر؟ ابوي ناظرني بتعجب.. ضحكت:استهبل.. عمتي:والله من قل الملح بعد.. طلع ابوي من الصاله وحسيته تضايق من حركتي.. :والله ياعمتي اني نسيت اسمها.. عمتي:تحبون تضيقون صدر ابوكم.. :والله ماكان قصدي.. الساعه 9:30 ابوي كان عندنا..وحنا جاهزين انا ومنار وريما...سارة تعلثت بانها تعبانه وماجت...وطاحت علينا حنا... عشان ابوي لازم اضحي بهالامور البسيطه... ركبنا حنا الثلاثه ورا..الحين بنروح نمرها وهي طبعاً الي بتركب قدام... ابوي:مااوصيكم ابيكم تبينون لها الصورة الصحيحه عنكم وخاصة انتي يامنار ماابيها تقول بناتك ماتربوا... منار:هذا ماكان ينقصنا.. ابوي بحده:منار انتي على وجه زواج والمفروض تصيرين اعقل من كذا..وتراك بتتزوجين واحد عنده بنت..موقفك مثل موقف سحر...عامليها زين واحترميها عشان بنت زوجك تحترمك.. منار انقلب لونها وكلام ابوي كان مثل السم لها...المفروض ما يقولها كذا...كلامه بالصميم.. منار:بالعكس انا بحبها وبموت فيها بعد وبعتبرها مثل بنتي...اصلا يكفي انها بتصير بنت مساعد الي هو بيصير زوجي.. كلام منار صدمني اكثر.. ابوي ابتسم:يعني انتي موافقه؟ منار:مبدئياً بس..يعني يمكن اغير رأيي باي وقت.. ابوي:يصير بينا كلام ان شاء الله... السكوت عم السيارة...كنت افكر بكلام ابوي وكلام منار.. وصلنا لبيت ابوي الي هو بيت سحر.. اتصل ابوي عليها يعطيها خبر.. مرت خمس دقايق تقريباً وللحين ماطلعت..فتح ابوي باب السيارة ونزل.. منار:حلوة ذي نجلس ننتظرها.. :منار سمعتي كلام ابوي تو؟ منار:تحسبين اني مافكرت فيه؟ :وانتي من جدك وافقتي مبدئياً؟ منار:ايه.. مرت دقايق وحنا ننتظر سحر تشرف... منار:لها ربع ساعه وللحين مابعد نزلت.. ريما:اتصلي على بابا.. :الحين يجون... بعد عشر دقايق انفتح باب البيت... منار بدت تسب وتتحلطم.. :منار اوص جو.. فتحت الباب الي قدام:السلام عليكم.. كلنا:وعليكم السلام.. سحر:شخباركم بنات؟ مااحد من خواتي رد..سبقتهم ورديت:بخير.. ابوي:وين تبون نروح بنات؟ :الي تبي.. منار:مايهم... ابوي:ريما؟ ريما:ماني جوعانه.. ابوي:سحر؟ سحر:الي تبيه انا ابيه.. كنت اشوفها وماني مستوعبه ان هاذي زوجة ابوي...هاذي الي اخذت مكان امي بقلب ابوي...انابعمري ماشكيت بحب ابوي لامي حتى بعد ماتزوج...وغير هذا كله انها حامل...والي في بطنها بيصير اخونا.. رحنا المطعم وسحر كانت مستفزة لابعد درجه..ومنار تستفزها اكثر..اما انا الطرف المسالم ماكنت احب ازعل ابوي... هاله اتصلت علي خمس مرات ماادري وش عندها... رجعنا ابوي البيت وراح هو مع زوجته اليوم عندها... دخلت الصاله وماكان في احد... جلست ورفعت سماعة التيلفون واتصلت على هاله... رد علي طارق وقعد ساعه يسولف..وانا اسمعه مااحب اكسر بخاطره.. دخل سلطان بوقتها وشكله كان طالع وتو راجع.. جلس على الكنبه وبدون اي تعليق...استغربت انه كان طالع عمتي ماطلعت معنا عشانه...يمكن تصريفه من عمتي عشان نطلع حنا مع سحر لوحدنا او جت الطلعه مفاجأة.. تركيزي صار كله على سلطان...بالي كان منشغل.. اضحك واعلق وانا ماادري طارق وش جالس يقول... :طارق حبيبي ممكن تعطيني هاله؟ طارق بضحكه تجنن:كنت احسب انك تبغين تكلميني انا.. :ابغى اكلكم الاثنين انت وهاله... طارق بصوت عالي:هااااله هاااله نوري تبغى تكلمك.. ثواني ورفعت الخط هاله... هاله:وينك يادبه اتصل وماتردين؟ :كنت طالعه مع ابوي.. هاله:تخيلي في وحده اتصلت على امي اليوم تخطب.. :وش الجديد يعني؟ هاله:انا ماعلي منها انا علي مين ولدها... :عبدالرحمن؟ نسيت ان سلطان جالس عندي وجهت نظري له وبشوف اذا هو مركز معاي ماكان يناظرني ومافي اي تعابير على وجهه انا متأكده انه سمع وش قلت.. هاله:عبدالرحمن خاطب ياغبيه... :ماادري قلت يمكن فك.. هاله:واحد ماتتوقعينه ابدا.. :هاله ياحمارة مين؟ هاله:يعني يقرب لفهد.. :فيصل؟؟ سلطان ولا شعورياً رفع عينه علي.. هاله:لا لا قربتي قربتي,وفيصل مايقرب لفهد.. سكت لثواني افكر فيها:بدر! قلت اسمه كذا يعني هو صديق فيصل ويقرب لفهد بس ماتوقعت انه يكون هو.. هاله:ههههههههههههه ايييه.. :اماااااااانه مااصدق..احلفي ياهاله هاله:والله العظيم.. جت عمتي بوقتها.. عمتي:هلا نورة ...على طول مسكتي التيلفون.. لفت على سلطان وبدت تحكي معاه.. :هاله هاله دقيقه بروح الصاله الثانيه.. قمت بسرعه والي قالته هاله كان صاعقه بالنسبه لي...بدر صديق فيصل مو صديقه اقرب له من اخوه بعد...يعني الي يبون بعض ما يتزوجون والي مايعرفون بعض يتزوجون...الدنيا عجايب.. رحت لصاله الثانيه وجلسنا انا وهاله ساعه نسولف... نزلت منار عندي وقلت لها..منار انصعقت من الخبر... منار:الحين هاله متأكده انه هو نفسه بدر صديق فيصل؟ :بدر ولد اخو فهد مو يصير صديق فيصل؟ منار:الا.. :اكيد هو... منار:بتصل على سارة اكيد انها تعرف عن الموضوع.. :اتصلي.. اتصلت منار على سارة وأكدت لها سارة ان بدر الي خطب هاله هو ولد اخو فهد ومافي احد غيره اسمه بدر بالعيله.. منار:نورة لو تزوجت هاله بدر بيصير في شي يربطني بفيصل.. :لو تزوجته,مستحيل هاله توافق.. منار:افرضي.. :اذا وافقوا ذيك الساعه بفكر.. منار:وليش هاله ماتوافق؟ :لانها... قاطعتني: يعني تحب عبدالرحمن!!خطب الولد.. :بس حتى صعب على الوحده انها توافق انها تتزوج وهي تحب واحد.. منار:نورة انتي ما قد حبيتي ولا قد حبك احد,يعني لا تقعدين تتفلسفين بشي انتي ما جربتيه.. ماعلقت على كلام منار يمكن معها حق بالي قالته...انا عندها ما قد حبيت وانا مااقتنعت بحب سلطان وماادري اذا هو حب والا لا...يقولون الحب من طرف واحد اعجاب... انا مااتفق معهم الحب حب والاعجاب اعجاب... مشكلتنا اننا مانميز بين الاثنين ونخلطهم في بعض...ماراح اكثر عليكم فلسفه.. ><><><><><>< اليوم الي بعدو... مشاعل وخالد بالسيارة توهم واصلين لرياض ورايحين البيت... خالد يكلم بجواله ومشاعل كانت تكلم عمتي تطمنها وتقول لها انها وصلت... سكرت مشاعل من عمتي وكان عندها مسج.. فتحت المسج وكان من غادة صديقتها... :اهلين ميشو اتصلت عليك وموبايلك مسكر بطاقات زواج لميس عندي اذا انتي بالبيت ردي علي عشان ارسلك البطاقات.. ابتسمت مشاعل لما قرت المسج وخاصه انها ماتوقعت ان زواج لميس بيكون الحين... خالد بعد ما قفل:كيف اهلك؟ مشاعل:بخير.. السكوت الي ساد بين خالد ومشاعل بالسيارة...وصلوا البيت وسلمت مشاعل على ام خالد وابوه وبعدها راحت لبيتها وخالد جلس عندهم.. اتصلت مشاعل على غادة وقالت لها ترسل البطاقات وبعدها راحت تحممت وبدلت ملابسها.. طلعت مشاعل لصاله ولافه المنشفه على شعرها.. تمددت مشاعل على الكنبه وغمضت عينها وراحت بأفكارها بعيد.. قطع حبل افكارها صوت خالد.. خالد:مشاعل نمتي؟ لفت عليه:لا مانمت.. خالد:انا بدخل اتحمم.. دخل خالد الغرفه..ورن جرس البيت بوقتها.. دقايق والخدامه جايه ومعها كيس البطاقات.. وقفت مشاعل واخذت الكيس منها..فتحته بسرعه وطلعت البطاقات وكانت لها ولسارة ولعمتي.. بعد فترة ماهي قصيرة طلع خالد من الغرفه.. مشاعل:نعيماً.. خالد:الله ينعم عليك.. جلس خالد على الكنبه وتنهد تنهيده طويله:تعبااان.. مشاعل:اتعشى ونام.. خالد:مااشتهي.. مشاعل:ماراح تروح عند اهلك؟ خالد:ابوي طلع وامي عندها عزيمه... مد خالد يده عالطاوله واخذ باكيت الدخان وولاعته... لفت انتباهه الكيس الي كان فوق الطاوله..مد يده واخذه..ماانتبه للأسماء الي مكتوبه على الكيس اسم لميس وزوجها كانت مطبوعه بشكل خفيف ويمكن مو الكل يلاحظها... فتح الكيس وطلع بطاقه وبصوت مسموع:مشاعل ال..... فتح البطاقه وبدا يقرا وقف عند كلمة ابنتنا..... وكأن احد صفعه على وجهه...ماكان متوقع مثل هالخبر وبهالوقت خصوصاً.. مشاعل:زواج لميس صاحبتي بعد اسبوع... خالد مارد عليها ورمى البطاقه وبدات يتصنع انه يكح.. طفى السيجارة وقام بسرعه وراح المطبخ.. مشاعل قامت وراه وبسرعه راحت تجيب له كاس ماي.. مد خالد يده واخذ الكأس منها وبدا يشرب وعيونه كانت على مشاعل... مشاعل:خالد وش فيك؟ خالد:مافيني شي مافيني شي.. مشاعل:كل هذا من الدخان.. خالد:مشاعل مالي خلق هالحكي الحين.. ماردت عليه مشاعل ورجعت لصاله.. رجع خالد الصاله وباله كان مشغول...استرجع كل ذكرياته مع لميس..شريط وانفتح وماقدر يسكره.. مشاعل ماحاولت تحكي معاه..كانت ساكته وعيونها على التلفزيون... بعد فترة طويله شوي... خالد:بتروحين الزواج؟ مشاعل:أكيد.. خالد:كيف يعني أكيد؟ مشاعل استغربت من سؤاله ومافهمت قصده:ايش الي كيف يعني؟ خالد:بدون ما تستأذنين؟ مشاعل:بقولك قبل.. خالد:انتي خالصه ومقررة انك بتروحين.. مشاعل:المطلوب مني؟ خالد:ماراح تروحين الزواج.. مشاعل:خالد الزواج بعد اسبوع مو وقته الحين هالحكي..بعدين انت من متى ما ترضى لي اروح واجي؟ خالد:انا ماابيك تروحين... هالناس انا مااحبهم.. مشاعل:لميس صاحبتي من أيام الثانوي كيف مااروح عرسها.. خالد:انا زوجك..انتي بكلامك تبدين صاحبتك على زوجك.. مشاعل:خالد اذا تبي تتخانق أجلها لبكرة.. وقفت مشاعل عشان تطلع من الصاله.. خالد بعصبيه:وش شايفتني عندك ها بزر انا قدامك تقولين لي هالحكي... مشاعل:خالد لو سمحت حنا اليوم راجعين من السفر وتعبانين.. خالد:اجلسي اجلسي.. مشاعل وهي تجلس:تفضل قول وش عندك.. خالد:اولاً اسلوبك يتعدل معاي..ثانياً لما اقول شي تسمعين كلامي... مشاعل استغربت من طريقته بالحكي:خالد وش هالاسلوب؟ خالد:انتي تعدلي معاي عشان اتعدل.. مشاعل:انا ماقلت شي..يعني مو وقته هالحكي... خالد:روحة لزواج مافي.. مشاعل:بروح للزواج..يعني بروح.. خالد باسلوب مستفز:تو..مافي روحه.. مشاعل وهي توقف:الا في روحه.. طلعت بخطوات سريعه من الصاله... وخالد يناظرها في برود..رفضه على انها ماتروح عناد ويبي يرضي غروره..المفروض ان لميس زوجته...وهو على هالاساس يفكر... انا اصنف خالد من الناس الي اذا حبوا استحاله ينسون... ><><><><>< اليوم جو عندي صديقاتي فرح ولولو...كانت حلوة الجمعه وانبسطنا وخاصه اننا من زمان ماشفنا بعض.. بعد ماراحوا...جلست شوي أكلم هاله وبعد ما قفلت رحت لصاله وماكان في أحد..يمكن جالسين بالصاله الي بالبيسمنت... صعبه على النزله تحت وماكان لي خلق انزل..جلست بالصاله وفتحت التلفزيون... بعد فترة ماهي قصيرة سمعت صوت احد طالع من درج البيسمنت..وكان لسلطان الصوت...كان يغني..أول مرة اسمعه يغني..قصرت على صوت التلفزيون شوي..عشان اسمعه..مرة من الصاله وهو للحين يغني.. التفت علي ورفع حواجبه وعلامه الاستغراب بوجهه اني جالسه هنا...ابتسم ابتسامه باردة ولف عني ورجع يغني بس هالمرة اغنيه كانت عربيه ولكاظم الساهر.. قولي لي كيف سأنقذ نفسي من أشواقي وأحزاني... قولي لي ماذا أفعل فيك انا في حالة ادمان.. قولي لي مالحل وأشواقي وصلت لحدود الهذيان.. صوته ماكان حلو واللحن من جهة والاغنيه من جهة ثانيه....ماادري كلمات الاغنيه حسيتها دخلت بقلبي وجاني احساس غريب وقلبي بدا يدق بسرعه...واحس بحرارة بجسمي... مسكت الريموت وعليت على صوت التلفزيون..بدون أي تفكير سويت الحركه.. لف علي ولاحظت ابتسامه على وجهه وبدا يضحك بصوت عالي...كان يضحك من قلبه... من جد هالبنت تضحكني...حركاتها عفويه ومن غير قصدها أحياناً..فكرت لثواني امشي واتركها والا احكي معها... من زمان مااخذت وعطيت معها بالحكي... ماكانت تناظرني وعيونها على التلفزيون... ترددت وقررت اني اكمل طريقي واروح غرفتي ومااقولها اي شي..انا بديت ولازم اكمل..وانا اخذت عهد على نفسي اني مااحكي معها..ماابي يصير شي واندم عليه... دخلت غرفتي وكنت شايل هموم الدنيا على راسي...انا مرات اندم اني جيت ومرات اقول المفروض اجي هنا من زمان واشوف امي واهلي...صح ان الوضع ماعجبني ولا الحياة هنا عجبتني...بيئه مختلفه تماماً عن البيئه الي كنت عايش فيها وربيت فيها...انا امريكي اتكلم عربي...واللهجه النجديه بعد......انا مو سلطان الي هناك...شخصيتي مختلفه ولا اقدر اقارن...حياتي بأمريكا كانت مختلفه عن حياتي هنا.. كانت حياة ترف..مااحب اقول وش كنت... بعد ماعرفت عن مرضي...حسيت ان الدنيا ظلمت بوجهي..وحالتي ازدادت سؤ... موقف واحد غيرني وقلب كياني...مقابله لدقايق مع داعيه كان في واشنطن هذاك الوقت.. درست هناك في أحسن الجامعات وبنفس الوقت كنت اشتغل مع أبوي...اروح واجي معاه اجتماعات و لقاءات..ناس مختلفه وأجناس كثيرة...بآخر سنتين وقبل وفاة أبوي الشغل تقريباً كان كله تحت يدي.. حياتي هناك في حالة تغير مستمرة... ><><><>< اليوم الي بعدو.. الساعه 8:00 الصباح.. في مكتب من مكاتب البنك..فيصل جالس بمكتبه وبين يده اوراق وبيده الثانيه كوب القهوة... اليوم فيصل كان نشيط وحس ان الدنيا بدت تضحك بوجهه... دخل بدر على مكتب فيصل... بدر:صباح الخير.. فيصل وعلى وجهه ابتسامه:أحلى صباح.. بدر ابتسم لما شاف صديقه مبتسم:وجهك يبشر بالخير.. فيصل ضحك:تقدر تقول.. بدر وهو يجلس:عطنا الاخبار.. فيصل:رحت عندي جدي امس وقلت له يخطب لي منار.. بدر:جد؟ فيصل:ايه.. بدر:وافق؟ فيصل:وقال ماعاش مين يرد لك طلب.. بدر:حبيب جدك.. فيصل ضحك:ان شاء الله عاد يفيد.. بدر:وأهلك؟ فيصل:جدي اذا قال شي مااحد بيرده.. بدر:وليش توك تروح له انت؟ فيصل:ماأحب ادخله بكل شي ابوي يزعل..بس السالفه هالمرة اكبر وقلت لازم يتدخل.. بدر:الحمدالله,كيف الشغل؟ فيصل:كويس..ترا في اجتماع الساعه 10:00 مع واحد من كبار العملاء.. بدر:مين؟ قاله فيصل الاسم... بدر:ياثقل دمه بعد, فيصل يضحك:يلا بس روح مكتبك.. وقف بدر وطلع من مكتب فيصل.. فيصل اليوم متفاءل وخاصه بعد ماالتقى بجده وعطه لو أمل بسيط... ><><><>< نايمه وكنت غاطسه بنومي..انفتح باب الغرفه بقوة وكانت عمتي... دخلت وفتحت الستاير وسكرت المكيف وخلت الباب مفتوح وطلعت... فتحت عيني بصعوبه:عمتي سكري الباب.. أكره هالاسلوب ينرفزني... قمت من سريري ورحت غرفة منار...ماادري ليش رحت كنت اقدر اسكر كل شي وارجع انام.. انسدحت جنبها بالسرير وسحبت شوي منها اللحاف... كنت اسحب وهي تسحب... منار وهي ترفع نفسها وبعصبيه:وش تبين انتي جايه عندي؟ :عمتي خربت على نومتي.. منار وهي تسحب اللحاف:اطلعي برا الغرفه.. :منار بلا سخافه.. منار:نامي بدون غطا والا روحي جيبي لحافك.. تكورت على نفسي ونمت... بعد فترة قصيرة دخلت عمتي وبصوت عالي:اقومك تجين تنامين هنا..منار ونوير يلا قوموا يكفي نوم.. وتفتح الستاير وتجلس على الكرسي:منار ترا كلمت اليوم ام مساعد.. منار لما سمعت الاسم فزت ورفعت نفسها:ليش؟ عمتي:قلت لهم تعالوا عندنا.. منار:متى؟ عمتي:عاد هي قالت اليوم.. منار:لا لا لا عمتي اليوم لا.. عمتي:وليش لا؟ منار:بتجهز قبل.. عمتي:عندك العصر كله تجهزي فيه.. :بعدين اليوم بتجي مشاعل.. عمتي:مشاعل بتجي العصر وبتجلس الى الليل..هم بيجون المغرب بس.. منار:وش تبين فيهم يجون؟ عمتي:ابوك قالي..لازم تحكون معهم.. منار:انا ابي احكي معاه مو مع أهله.. عمتي وهي توقف:يلا قومي وتجهزي من الحين الى المغرب... طلعت عمتي من الغرفه ومنار للحين على جلستها.. منار:الحين من جدهم بيجون.. قامت منار من السرير وراحت الحمام..وانا رجعت ونمت.... صحيت بعد فترة ماهي طويله...وبدلت ملابسي وغسلت ونزلت تحت بمساعدة فاطمه... دخلت الصاله وكانوا كلهم الا سلطان...مشاعل وسارة جايين اليوم بدري.. سلمت على مشاعل وسارة وجلست.. :ميشو يجنن عليك اللون.. مشاعل ابتسمت:خالد ماعجبه مرة.. منار:وش يعجبه هو أصلاً ماعليك منه.. سارة:الرجال يبونا على كيفهم بيضا والا سمرة شعري قصير والا طويل..مالهم شغل فينا.. منار:اذا يبي يدخل بشكلي انا بعد بتدخل بشكله واخليه يسوي الي أبي.. عمتي:بسم الله علينا عاد.. :منار متى بتسوين حواجبك؟ منار من غير نفس:بعد شوي بروح.. يوم ام فيصل بتجينا منار كانت طايرة طيرة بحياتي ماشفتها مبسوطه كثر هاذيك المرة... مشاعل:ترا الاربعاء زواج لميس صديقتي.. سارة:ياحليها... مشاعل:معزومه تراك وانتي بعد عمتي.. عمتي:اسمحيلي يامشاعل.. سارة:وأنا بعد.. مشاعل:ليش عمتي؟سارة تعبانه وانتي وش عذرك؟ عمتي:انا قلبي تعبان وماأقدر اروح وأخليه.. مشاعل:بسم الله على قلبك.. عمتي كانت تقصد سلطان.. دخلت ريما وكانت ذابله مرة وناحفه عن اول بشكل واضح.. مشاعل:هلا هلا هلا.. ريما:وحشتيني.. مشاعل:ليش كذا نحفتي..عمتي وديتها دكتور؟ عمتي:ايه وديتها.. مشاعل:وش قال؟ عمتي بصوت واطي:يقول نفسيتها تعبانه..تعرفين انتي بعد ماطلعت سارة تغيرت..وزادها زواج ابوك وحمل زوجته.. ريما:طفشاانه عمتوو.. :وش تبين نسوي لك يعني عشان تنبسطين؟ ريما:ابغى أطلع.. عمتي ناظرتني:انتي بعد رجلك مكسورة والا كان خليتك تطلعين معها.. مشاعل:انا اروح معها,وين تبين تروحين ريما؟ ريما:الفيصليه..ابغى اروح الملاهي وبعدين ابغى اروح التعليم المبكر.. مشاعل وهي تناظر الساعه بيدها:بعد ساعه نطلع طيب؟ ريما:طيب.. سالفه ورا سالفه..وهاذي حالتنا طول العصر..وآخر العصر عمتي راحت تتجهز وانا وسارة مع منار فوق تتجهز ومشاعل وريما طلعوا... المغرب..وبعد الصلاة ام مساعد واختها واخت مساعد كانوا عندنا في البيت وعمتي ومنار باستقبالهم... وانا وسارة بالصاله.... وسلطان أكيد انك تسألون وين مختفي..طالع من الظهر وللحين مابعد رجع..بس انا عارفه وين رايح..أكيد بشقته..والا هو ليش شاريها... بعد فترة قصيرة دخل البيت..مر من الصاله واكتفى انه يسلم وكمل طريقه..كان بيده اكياس ماعرفت وش فيها.. بعد صلاة العشاء وبعد ماراحوا الي عندنا.. منار والكعب بيدها وتمشي بخوات بطيئه ومتجه لصاله.. سارة:وراك مكشرة؟ منار:مو مكشرة.. سارة:ها كيف؟ منار:عادي.. سارة:ماحكت امه عن طلاقه؟ منار:الا.. :وش قالت طيب؟ منار سكتت شوي وكأنها تفكر وش قالت امه.. مسكت سارة المخده ورمتها على منار:صحصحي.. منار:سارة بلا استهبال.. سارة:احكي.. منار:تقول والله ماارتاحوا مع بعض وماانفصلوا لعيب بأحد منهم..وان الحمل بالغلط وماعرفت انها حامل اصلا الا بعد ماطلقها.. :كم عمر بنته؟ منار:سنتين بهالحدود.. :وهو بيجلس طول عمره بالشرقيه؟ منار:هو شغله هناك.. عمتي:والله لو بناخذهم ناس يهبلون والنعم فيهم.. منار:حبوبين.. عمتي:وابوه صديق ابوك الروح بالروح.. طلعت منار من الصاله وحسيت انها بدت تفكر الحين جد وعرفت ان المسأله مو لعب... عمتي:ومشاعل وريما مابعد جو؟ سارة:تو كلمتها بالطريق.. عمتي:سلطان جا؟ سارة:ايه.. طلعت عمتي من الصاله واكيد انها راحت عند سلطان.. سارة:اليوم كلمتني خالتي نوال تسأل عن بدر.. :وش قلتي لها؟ سارة:قلت لها الي اعرفه.. :خالتي عندها نيه تزوج هاله؟ سارة:ايه شكلها موافقه على مبدا الزواج.. :منار وهاله مرة وحده حرام عليهم.. سارة:ماتدرين انتي بعد تلحقينهم.. :مافي أمل... مر اليوم وكل حكينا عن منار ومساعد.. رجعت مشاعل بيتها وسارة نامت عندنا... طلعنا كلنا فوق وجلسنا بغرفة سارة وكلمنا السوالف وبعد مانامت سارة طلعنا انا ومنار وكل وحده راحت غرفتها... اليوم الي بعدو... صحيت من النوم كالعاده بعد حركات عمتي الي لازم كل تسويها... نزلت بوقت الغدا وأبوي اليوم عندنا... تغدينا كلنا مع بعض وبعدها ابوي اخذ منار وعمتي اجتماع مغلق طبعاً وممنوع الدخول... بعد ساعه تقريباً او اقل طلعت منار وعلى وجهها في استفهامات واحس بعيونها حيرة.. جت عندنا انا وسارة... سارة بصوت واطي:وش طلعتوا فيه؟ منار:ابوي يقول بكرة ابي ارد لهم..ولو رد لهم بكرة..مساعد بيجي الخميس هذا الرياض عشان يشوفني.. سارة:منار استخيري مليون مرة قبل لا يتصل ابوي عليهم.. منار:اكيد..ومو معناته انه جا وشافني اني خلاص موافقه..يمكن مااعجبه والا هو مايعجبني.. :ماشفتيه هذاك اليوم؟ منار:اييه شفته بس مو مرة زين.,سارة خايفه.. دمعت عين منار وبدت تصيح.. سارة تهديها:منار هدي نفسك ماله داعي الصياح.. منار وهي تصيح:خايفه ياسارة.. سارة:الزواج قسمه ونصيب واذا كان مساعد مكتوب لك بتاخذينه انتي اذكري الله.. منار:لا اله الا الله.. سارة:روحي الحين توضي وصلي..وبتحسين براحه.. منار وهي توقف:طيب انتم وش رايكم؟ سارة:اقولك بصراحه..الولد مشاء الله كويس واهله بعد والنعم فيهم ونعرفهم زين...بس عيبه انه عنده بنت.. منار:اكثر شي مخوفني.. سارة:انتي بأول مكالمه ان ربي تمم على خير..تكلمي معاه بكل شي بس لا تفتحين موضوع طلاقه والا ليش طلق...يعني انتي اعتبري نفسك مخطوبه لواحد اول مرة يتزوج... منار:لا,لازم احكي معاه عن بنته.. سارة:عن بنته بس مو عن زوجته.. منار:طليقته.. سارة:طليقته ولا تزعلين.. منار سكتت شوي:فاتن طيبه وحبوبه اكيد بتكرهني لما بتعرف اني باخذ مساعد.. سارة:وش عليك منها بينك وبينها علاقه؟ منار:لا,وماقد حكيت معها الا مرة..بس حتى تعرفني يعني لو شفتها اسلم عليها.. :مو هم ماارتاحوا لبعض..ماراح تزعل.. منار وهي توقف:انا بروح غرفتي.. طلعت منار من هنا وابوي وعمتي جو عندنا.. :يبه اليوم موعدي يمكن افك الجبس... ابوي:الساعه كم؟ :الساعه 6:00 ... ابوي وهو يناظر الساعه:الحين 5 نصف ساعه وابيك جاهزة.. ابتسمت:ان شاء الله.. نصف ساعه وانا جاهزة انتظر ابوي ينزل... بالمستشفى... دخلنا مكتب الدكتور المتعجرف او عبدالمحسن.. سلم على ابوي وجلسنا بكراسي منفصله.. الدكتور كان محترم مع ابوي وذوق لابعد درجه بعكس لما كنا انا ومنار جايينه..تفسير واحد اكيد ان يحب زوجته ومايحب يضايقها حتى لو ماكانت تعرف عنه...يقولون الدكاترة اذا كانوا متزوجين لازم يلبسون خاتم بالمستشفى بس يعني عشان يبعدون عنهم الجنس الناعم...ناظرت يده وماكان لابس خاتم...يمكن من النوع الي مايلبس.. قطع حبل أفكاري صوت ابوي وهو يناديني:نورة.. ناظرته.. ابوي:الممرضه تكلمك.. لفيت عليها وكانت واقفه وراي...اخذت عكازتي ورحت جلست على السرير... بيدها كان شي حاد عشان تفك الجبس...وجت ممرضه ثانيه عشان تساعدها... شكله خوفني لفيت وجهي وسكرت عيني... ماادري وش صار بوقتها.. حسيت وكأن رجلي طلعت للحياة مرة ثانيه... فتحت عيني وناظرتها:اخيراً.. وقف الدكتور ومشى بخطوات هادية وبطئيه وقرب مني.. قرب يده ومسك رجلي..حسيت بقشعريرة لما مسكني... مسكها بهدؤ وبدا يظغط عليها اكثر.. بدون مايناظرني:في ألم؟ :لا.. الدكتور وهي يظغط اكثر:هنا؟ :يعني.. بدا يحركها يمين ويسار وبأقوى ماعنده مطلع كل حيله برجلي.. :آآي..شوي شوي على رجلي.. ابوي وعلى وجهه ابتسامه:استحملي.. الدكتور وهو يبعد عني ويلتفت على ابوي:بناخذ لها أشعه نتأكد.. ابوي:اوكي.. :مايحتاج..انا مااحس بألم مرة.. ابوي ناظرني:معليش.. طلعنا من مكتبه ورحنا لقسم الاشعه وسويتها وبعد ماخلصنا رجعنا مرة ثانيه لمكتبه... الدكتور ونظره موجهه على أبوي:لا الحمدالله كل شي سليم..ورجلها رجعت لوضعها الطبيعي..,والحين تقدرين تمشين بعصا في بداية الامر بس.. :لا انا احس نفسي اقدر امشي بدون عصا.. مارد علي ورجع يتكلم مع ابوي.. مسكينه زوجته والله...انا جد ابي اعرف من ايش يتركب..يعني انا مريضه وهو دكتوري..ماراح اكله ولا راح اسوي له شي...ليش هالتعامل... طلعنا انا وابوي من عنده وابوي طبعاً عطاني محاضرة عشان انتبه لنفسي ويعني من هالحكي... وصلني ابوي البيت وراح لشغله... دخلت الصاله وكانوا كلهم جالسين..الا سلطان.. بيدي كانت العصا ماسكتها كذا بس..عشان ابوي... سارة:مبروووك مبروووك.. ناظرتهم وانا مبتسمه:وأخيراً تعبت منه.. منار:وليش عصا معاك؟ :عشان اطق الي ما يسمع كلامي..ليش يعني بتصير معاي؟ عمتي:نورة انتي لازم تنتبهين لنفسك اكثر.. :والله ياعمتي ابوي توه معطيني محاضرة هالطول.. مشاعل:يلا عاد ارقصي لنا الحين.. عمتي:الله لا يخليك تنكسر الحين علينا مرة ثانيه.. :برقص لكم بس اصبروا على رجلي شوي.. سارة:اقعدي بس وارتاحي.. مر الليل بسواليف جتنا عمتي حصه وسهرت عندنا... وبعد مافضى البيت وكل واحد راح لطريقه...نزلت تحت لمرسمي.. فتحت الباب بهدؤ والغرفه مظلمه فتحت الانوار.وفتحت المكيف.. كان في اكياس عند كنبتي ومصفوفه بشكل مرتب... استغربت..يعني انا ماشريت شي جديد..ومااحد يدخل مرسمي ويحط اغراضه.. فضولي سبقني ورحت فتحت الاكياس.. كان فيها ألوان جديدة وانواع مختلفه.. مين بيجيبها لي؟ابوي عمتي مشاعل هم الي جو في بالي.. بس الالوان مو الي استخدمها وشركه مختلفه عن الي دايماً اشتري منها.. اممممممم أكيد مشاعل.. رجعت الاكياس مكانها وطلعت من مرسمي بسرعه ورحت فوق... لقيت سارة جالسه.. :سارة... مشاعل هي الي جابت الالوان الي تحت؟ سارة ناظرتني وعقدت حواجبها:اي الوان؟ :يعني هي ماجابت لي شي لما سافرت؟ سارة:ماادري..بس ميشو رايحه جزيرة ماراحت مكان في سوق... :عمتي؟ سارة:ماادري والله اسأليها.. طلعت فوق ودخلت غرفة عمتي بعد ما طقيت الباب.. :بس بسألك عمتي انتي الي جايبه الالوان الي تحت؟ عمتي:لا والله ما جبت شي,ليش؟ :اكيد ابوي.. طلعت من غرفتها بسرعه وكنت متأكده ان ابوي هو الي جاب لي الالوان... نزلت تحت وسارة على قعدتها جلست معها بنتظر ابوي الى مايجي واشوف اذا هو الي جابهم والا لا.. مر وقت طويل وابوي للحين ما بعد جا.. :سارة ابوي اليوم ماراح ينام هنا؟ سارة:هههههههههه من جدك ابوي جاي من زمان ونايم الحين.. باستغراب:متى جا ماشفته؟ سارة:ماادري والله وين كنتي فيه.. ناظرت الساعه وكانت 3:00 الفجر.. بوقتها دخل سلطان البيت...اول مرة يتأخر ويرجع بمثل هالوقت.. مر من الصاله ووقف بس مادخل:السلام عليكم.. انا وسارة:وعليكم السلام.. ناظرني وناظر رجلي بس ماعلق مشى وكمل طريقه لغرفته... ماكنت منتظرة انه يقول شي ومااستغربت حركته... سؤال يدور في بالي انا ايش بالنسبه لسلطان؟ احس اني نكرة ومااعني له اي شي... ونهاية هذا كله ايش؟ المفروض اسأل نفسي هالسؤال..امممم نهايته بيرجع سلطان لامريكا وتنتهي قصتي... شلت هالافكار من راسي ورزكت على الفلم الي كنا نتفرج عليه انا وسارة... :سارة الحين انتي لك يومين تنامين عندنا ورجلك ساحبه عليه.. سارة:ماني طايقه ريحه غرفتنا بشكل ماتتصورينه..حايمه كبدي من كل البيت.. :طيب الى متى بتجلسين كذا؟ سارة:الى ما يخف الوحم.. جلسنا الى آذان الفجر وبعدها طلعنا فوق وكل وحده راحت غرفتها ونامت... ><><><>< اليوم الي بعدو... دخلت علي منار:نورة... نوير..يلا قومي.. مارديت عليها... منار:نورة تو ابوي اتصل علي...عشان ياخذ اخر كلام لي.. رفعت نفسي ووجهت نظري لها:وش قلتي؟ منار:ايه.. طيرت عيوني:خلاص من جدك؟ منار:والله اني مانمت طول الليل امس وانا اصلي..وبعد الفجر ماجاني النوم.. ادعي ربي واقرا قرآن...ولما قامت عمتي رحت لها..وقلت لها اني موافقه.. :منار انتي مرتاحه؟ منار:احس براحه لكن بنفس الوقت خايفه.. :طبيعي تخافين بس اهم شي تكونين مرتاحه.. منار:ايه مرتاحه... :الساعه كم؟ منار:12:30.. :وجهك اصفر وعيونك حمرا.. منار:مانمت.. :طيب روحي نامي.. منار:ماني قادرة...نورة اختياري صح والا استعجلت؟ :ان شاء الله صح...وصدقيني حتى ابوي وعمتي مرتاحين لخطبتك لمساعد..يعني تذكرين خطبة مشاعل وسارة طولوا فيها...بس انتي كل شي جا بسهوله.. منار:ايه انا احس بعد كذا.. :اليوم الثلاثاء.. منار:الخميس هذا يمكن يجي.. سكتت منار شوي:ابوي اليوم بيدخل جوازتنا يسوي لنا فيز.. :بنسافر؟ منار: ايه,ايطاليا... :وابوي وعمتي مايبون يسافرون.. منار:ابوي ماراح يجي عشان زوجته طال عمرها...وعمتي تو تقول سلطان بيروح أمريكا بعد اسبوع.. :من جدك؟ منار:ايش الي من جدي؟ :سلطان بيروح أمريكا؟ منار:عمتي تو تقول.. :طيب حنا بنروح بلحالنا؟ منار:ابوي بيجي معنا يومين بس ويرجع.. :مشاء الله متى هالتخطيطات؟ بوقتها دخلت سارة وشكلها كان تعبان.. سارة وهي تنسدح بالسرير:مانمت من التعب..حتى الماي ماني قادرة اشربه.. :عذاب هذا مو وحم... سكتنا شوي.. :وسارة كيف نتركها ونسافر؟ سارة:لا ماراح اعطلكم اذا بتسافرون انا بجلس هنا.. :تجلسين بلحالك؟ سارة:اخلي فهد يجي ينام هنا..امه وخواته بيسافرون بعد اسبوع.. منار:صاحيه انتي تجلسين بلحالك.. سارة:انا بيتي ماني طايقته وفهد بيجي عندي... :ماعلينا..ممكن تخلوني انام.. طلعت منار وسكرت الباب وسارة كملت نومتها عندي... ><><><><>< طلع خالد من شغله بدري..عنده موعد بالمستشفى...وبعد ما يخلص بيرجع لشغله.. وصل خالد المستشفى وطلب منه الدكتور يسوى تحاليل.. وسوى التحاليل وبعد ثلاثه ايام بتطلع نتيجة التحليل.. الموعد مااحد كان يعرف عنه وخالد ماقال لمشاعل..شي من خصوصيته وماحب أحد يعرف.. غير مساره وهو بالسيارة وراح عند أحمد صديقه بمكتبه... جلس عنده ربع ساعه وبعدها رجع لبيته.. ><><>< صحيت من النوم الساعه الساعه 2:00 غسلت وصليت الظهر بدلت ملابسي ونزلت تحت...وأخيراً بنزل بدون مااحد يساعدني..احس بحريه الحين...نزلت تحت وعمتي وسلطان وريما جالسين بالصاله..سلمت ورحت للمطبخ سويت لي ساندويش مع كأس حليب..افطرت بسرعه ونزلت تحت لمرسمي الاغراض للحين شاغله بالي... اخذت الاكياس وفكرت اني أطلعها فوق..نفذت الي في بالي واخذتهم وطلعت فوق لصاله... جلست والاكياس للحين بيدي وعلامة استفهام بوجهي:شفتي عمتي هاذي الالوان الي قلت عليها..ماادري مين جابها؟ عمتي:بسم الله الرحمن الرحيم..مين بيجيبها يعني؟ :لا انتي ولا مشاعل ولا سارة,وابوي ماادري عنه اتوقع انه هو.. عمتي:يمكن صديقاتك يوم يجون عندك؟ :لا لا مااتوقع.. كنت طبيعي ومااهتميت للموضوع..بحرق اعصابها شوي...وخليها تفكر وماتخلي أحد ما تسأله..حركتها واضحه طلعت الاغراض فوق عشان توجه لي سؤال غير مباشر... انا الي جبت لها الالوان... انا كنت ناسي الموضوع تماماً ولا جا في بالي....يعني انا كنت طالبهم من سكرتيري من فترة طويله ووصلوا السعوديه من زمان بس توي اتذكر... جلست هي وأمي وريما بعد شاركتهم.. يفكرون مين الي جاب الالوان... وأمي طلبت من نورة انها ما تفتح الالوان ولا تستخدمهم...ماادري ليش بس اتوقع أفكار حريم... ابتسمت بوجه امي لما سمعتها تقول كذا:ليش ما تفتحها؟ امي:ماادري الحين يصير فيهم بلا.. عقدت حواجبي مافهمت الكلمه الاخيرة الي قالتها... نورة وهي تضحك:عمتي وش دعوة؟ امي:يعني يخاف الواحد,والا ارميهم بالزباله.. انا هنا بديت اضحك:اووف garbage!! نورة بدت تناظرني وحسيت من نظراتها انها عرفت انهم مني.. :طيب لو اقول اني انا الي جبتهم.. امي:انت جايبهم؟ :يب.. ماقدرت اعرف من تعابير وجه نورة اذا عجبها اني انا الي جبت الالوان او ماعجبها هالشي... امي:وراك توك تقول؟ :بشوف وش بتسون.. ريما:وانا ماتجيب لي شي؟ ابتسمت:انتي غير نورة..اذا صرتي رسامه بجيب لك الوان.. كنت انتظر منها عالاقل تقول شكراً.. طلعت نورة من الصاله والاكياس بيدها أكيد انها نزلت لمرسمها.. تحسفت اني عطيتها...يعني انا طول الفترة الي فاتت اتجنب معها الكلام.. اجي الحين واعطيها...الي صار صار..ومااحب اندم على شي سويته... طلعت امي فوق وريما للحين جالسه..مرت ساعه تقريباً كنت اتفرج على التلفزيون... قمت من الصاله ورحت لغرفتي..انسدحت بسريري اتصلت على رانيا.. كانت تحكي وانا اسمع مالي نفس احكي... سمعت طق خفيف على الباب: who? الصوت الي ورا الباب:نورة.. : ok ranya I will call back later. تنرفزت منه بشكل..هذا اسلوب يعطيني فيها اغراض جايبها...حركته بايخه ومن جد عصبت منه... كنت واقفه انتظره يفتح بعدت شوي عن الباب..عشان مااكون قريبه منه مرة.. انفتح باب الغرفه بهدؤ..وطلع سلطان وهو يناظرني وكأنه مستغرب ليش جيت.. حطيت الاغراض قريب من بابه:شكراً سلطان بس انا مااقدر اخذهم.. سلطان ببرود:اوكي لا تاخذينهم..بس على فكرة انا كنت بجيبهم لك من زمان يعني من قبل...انتي عارفه ايش ما يحتاج اذكرك...تذكرتهم قبل امس وقلت اجيبهم.. :شكراً مرة ثانيه.. سلطان:ماراح اخذهم بخليهم هنا أكيد بتحتاجينهم يوم... :لا ماراح احتاجهم.. قهرني بشكل..والله لو اقدر اطقه اقل شي بسويه..معاه حق يعصب مني عشان السالفه الي صارت بس مو معانته ان يعاملني باستحقار.. لفيت وعطيته ظهري سكر الباب قبل لا امشي...وهاذي حركه اسجلها عليك ياسلطان.. عارف ان ردي كان وقح شوي..طريقتها ماعجبتني شكراً سلطان مااقدر اخذهم منك... ماكنت مستغرب منها هالتصرف وهي لازم تسوي كذا...بخليهم لها انا متأكد انه بيجي يوم وبتاخذهم... الثلاثاء الجاي برجع لامريكا خلاص لهنا وكفايه انتهى دوري..مااعتقد اني برجع مرة ثانيه... ><><><><>< بعد الموقف الي صار بيني وبين سلطان ماشفته بالليل...واحسن اني ما شفته... و يوم الاربعاء مر بدون احداث تذكر.. اليوم الخميس... قومتنا منار بدري انا وسارة نطلع لها لبس..اليوم بيجي مساعد بعد صلاة المغرب... منار واقفه عند دولابها وتطلع الملابس وتورينا... منار:ها وش رايكم بهذا؟ سارة:حلو.. :لا مو حلو البيج أحلى.. منار وهي تاخذ لبس ثاني:انا عجبني هذا أكثر.. سارة:لا ماعجبني.. منار:حددوا انتي وياها واحد... :انا احس هذا مطلعك نحيفه مرة... سارة:اييه صح منار انتي نحيفه وهذا منحفك زيادة... منار:وهذا احس قصير بزيادة.. سارة:ايه صح... :البيج أحلى شي... سارة:خلاص البسي البيج.. منار:شكلي كذا اصلا هو رايق وناعم... سارة:جربيه طيب.. دخلت منار غرفة الملابس ودقايق ورجعت مرة ثانيه:حلو؟ سارة:ايه حلو.,تسشورين شعرك؟ منار:لا خلي يعرف ان شعري كريلي وكشه.. سارة وهي توقف:مجنونه... طلعت من الغرفه... منار:نورة مصدقه الي انا فيه؟ ناظرتها:لا.. جد يامنار بكون معاك صريحه ماتوقعت ولا واحد بالميه انك بتوافقين... منار:حتى انا ماتوقعت...نورة الي سويته صح؟ :يمكن مية مرة سألتني هالسؤال وقلت لك ايه.. منار:فيصل خلاص انتهى من حياتي من زمان,انا بحاول انساه قد مااقدر.. :منار المفروض انك ماتفتحين سيرته مرة ثانيه.. منار:وهذا الي بيصير.. سرحت منار بدنيا ثانيه ودمعت عينها غصباً عنها...ماحاولت أحكي..خليتها براحتها.. دخلت عمتي بوقتها:بتلبسين هذا يامنار؟ منار:ايه.. عمتي:نورة تو اتصلت وحده من المستشفى وتقول انك ناسيه سلسلتك هناك.. حطيت يدي على رقبتي:ايه والله سلسلتي.. عمتي:وليش فصختيها؟ :مو انا سويت أشعه ولازم افصخها.. منار:احمدي ربك انها اتصلت..والله لو اخذتها ماجبتي خبرها.. :طيب مين يجيبها؟ عمتي:العصر انتي روحي وجيبيها.. :لا مااحب اروح المستشفيات.. عمتي:تحبين والا ماتحبين هذا الي ينسى اغراضه.. بعد صلاة العصر طلعنا انا وريما ورحنا للمستشفى عشان سلسلتي... دخلت القسم وكان مليان ممرضات ماعرفت اي وحده منهم كانت ممرضتي رحت الكونتر وقلت لها السالفه وقالت انها ماتدري وين الممرضه الي انا اسأل عنها رفعت سماعة التيلفون وقامت تكلم وتسأل وماعطتني جواب صحيح.. اكره انحط بمواقف مثل كذا..ماادري وين اروح ومااعرف أحد هنا...وقفت حوالي ربع ساعه ابي اي احد يساعدني... رحت لها مرة ثانيه وقالت ان الممرضه طالعه وبعد شوي بتجي... مر بوقتها واحد ولفتني شكله...جلست اناظره زين كان لابس نظارة شمسيه ومغيرة شوي من شكله... الا هو دكتور عبدالمحسن...لابس كاجول واللاب كوت ماسكه بيده.. احترت اروح اسأله والا لا...وقفت لثواني وقررت اني اروح انا بس ابغى يقولي وين ممرضته الي تشتغل معاه... لا لا آخر قرار اني ماأساله... جا عند الكونتر وتكلم مع الممرضه وبعدها التفت علي.. بصوت رجولي وضخم:الآنسه نورة؟ :ايه...انا جايه..عشان.. الدكتور:ايه عارف..انتظري هنا دقايق بس الحين هي جايه.. ريما:طفشنا واحنا ننتظر... ابتسم ونزل نفسه شوي لمستوى ريما:دقيقه بس ياقمر.. ريما:طيب.. الدكتور:ايش اسمك؟ ريما وهي تبتسم:ريما.. الدكتور:عاشت الاسامي ياريما... رجع وقف ووجه كلامه لي هالمرة:دقايق وتجي..ارتاحوا هنا بالكراسي.. كمل مشييه بغرور وخطى واثقه وراح بممر من ممرات المسشتفى... اشوا ماقال اطلعوا برا..كنت ظالمته... دقايق وشرفت الممرضه ومعها سلسلتي اخذتها منها بسرعه وتشكرت منها وطلعنا من المستشفى.... دخلت البيت وكان هادئ واسمع اصواتهم فوق.. طلعت فوق.. عمتي:وراكم تأخرتوا؟ :ساعه انتظر حضرتها تشرف.. سارة:جبتيها عاد؟ :ايه.,وين منار؟ سارة:تتحمم... الساعه الحين5:30 بقى على المغرب شوي...ومنار بدت تستعد... 6:30 بالظبط منار خلصت... كان شكلها حلو وناعم...فكت شعرها ومسكته من الاطراف..حطت كحل ومسكرة وشي خفيف من البلشر... شكلها كان طبيعي... راح ابوي يصلي المغرب وبعد الصلاة جا وكان معاه مساعد... جلس ابوي معاه ربع ساعه تقريباً...ودخل علينا... منار كانت جالسه جنب عمتي وماسكه يدها والخوف باين عليها.. ابوي وعلى وجهه ابتسامه:منار جاهزة.. التفت منار علي بعدين على سارة.. سارة:منار ترا كلها خمس دقايق بس.. عمتي:قولي لا اله الا الله.. منار:لا اله الا الله.. ابوي وهو يمسك يد منار ويقومها:لا يابنيتي.. منار وهي توقف:يلا.. مسك ابوي يد منار وشدت على يده..وكان يكلمها بصوت واطي.. عشر دقايق او اكثر شوي...رجعت منار وهي تركض.. عمتي وهي تناظر ساعتها:شافك زين؟ منار:قلبي..احسه بيطلع...يخوف الموقف.. سارة:ههههههههههه...مجنونه حكينا وش صار.. منار وهي تاخذ نفسها:دخلت مع ابوي وجلست جنبه..والمكان الي جلست فيه ما يقدر يشوفني فيه زين...جا ابوي بصوت واطي قالي اغير مكاني..انا هنا بديت اعرق وخفت زياده...جلست بكنبه قبال وجهه..يعني شبع مني بعد.. :مجنونه ..وانتي شفتيه كويس؟ منار:يعني ماقدرت.. :وش قالك طيب؟ منار:كيفك وكيف الاهل.. عمتي:بس؟ سارة:تبين يطق معها سوالف.. عمتي:لا يعني يسولف أكثر من كذا.. منار:وانا يالله ارد عليه.. عمتي:ياليت شوي من هالحيا عندنا.. انا وسارة:ههههههههههههه.. منار:مافي شي يضحك... سكتت شوي منار وحسيتها تفكر بفيصل...مو حسيت الا أكيد تفكر فيه...سرحت عيونها بدنيا ثانيه... اخذت نفس طويل ورجعت ناظرتنا.. سارة:الحين بيطلع؟ عمتي:أكيد.. سارة:بروح اشوفه من الشباك امشي نورة معاي.. طلعنا انا وسارة بسرعه من الصاله ورحنا فوق.... ><><><>< مارجع خالد اليوم البيت..عنده عزيمة غدا بشغله وبعدها كان اجتماع...بعد ما خلص من شغله وبعد صلاة المغرب...راح للمستشفى ياخذ تحاليله... دخل مبنى المستشفى وراح لدكتور الي راح عنده المرة الي فاتت.... دخل غرفة الدكتور..دخل وهو ما يدري وش ينتظره.. نهاية الفصل ... .. .. .. | ||||
|
| |
|
26-07-22, 11:12 AM
| #15 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الحادي عشر (الفصل الثاني) لا يجمعنا لاموعد ولافرحه ولا أحلام لايمكن في يوم انا نتلاقى مع الايام... لكن ذا قدر عمري أحبك ليه أنا ماادري.. طلع خالد من الدكتور والدنيا مظلمه بوجهه حس بثقل برجله وماقدر يمشي..وقف لثواني وكأنه جالس يستوعب الي قاله الدكتور... عقم..خالد مايقدر يجيب عيال..هذا الكلام الي قاله الدكتور لخالد وأكد له هالشي..كان صدمه الكلام بالنسبه لخالد... مشاعل..لو عرفت وش بتكون ردة فعلهاوهي منيتها انها تحمل..أمي وابوي.. كان صعب على خالد انه يتخيل هالشي.. بخطوات ثقيله طلع خالد من المستشفى وتمنى انه مادخلها ولا عرف هالشي... ركب سيارته وأخذ نفس طويل..فصخ شماغه الي حس براحه لما شاله... سند راسه على المرتبه يبي يهدي نفسه شوي عشان يقدر يسوق... مد يده واخذ باكيت الدخان وسيجارة ورا سيجارة... خلص باكيت كامل..وحس نفسه طول وهو للحين بالسيارة.. حرك سيارته..وماكان يبي يرجع البيت... ..طلع من مواقف المستشفى...وكان يمشي ومايدري وين رايح...من شارع لشارع... راح لمكتبه..المكان الوحيد الي ماراح يشوف في أحد... الهدؤ يعم المكان وماكان في أحد...غير الحارس وبعض العمال.. جلس بالمكتب وبعد فترة قصيرة رن جواله وهاذي يمكن المرة الميه الي تكلم مشاعل على خالد.. قرر خالد انه يرد ماكان يبي يقلق اهله عليه... اول مارد.. مشاعل:خالد وينك؟ خالد:بالمكتب.. مشاعل:خوفتني عليك اكلمك وماترد.. خالد:ماسمعته.. مشاعل:اليوم الخميس وش مجلسك الى الحين بالمكتب؟ خالد:شغل.. مشاعل:خالد أبي اروح الزواج.. خالد وهو ياخذ نفس طويل:اوكي.. مشاعل:طيب انا اكيد بجلس الى الفجر وعمتي وسارة ماراح يجون...يعني تقدر تجي تمرني؟ خالد:اوكي.. مشاعل وهي مبسوطه:طيب انا اخليك.. اول مرة خالد يوافق انه يمرها من زواج...كانت مفأجاة بالنسبه لمشاعل.. الي بخالد الحين اكبر من لميس وزواج لميس...خالد كان تعبان وماهو عارف وش يسوي... ماهو عارف وش يقول لمشاعل...يقولها الحين والي يسكت ولا كأن صار شي... لو قالها مشاعل بتكمل معاه والا بتطلب الطلاق..الفكرة الاخيرة خوفت خالد...هو صح مااعترف بحب مشاعل..لكن لها مكانه بقلبه...وش السبب الي بيخليها تجلس معاي هاذي الفكرة الي كانت في بال خالد...انا مااعطيها من نفسي وتعاملي معها نوعا ما ومرات يكون قاسي وجاف... مرت ساعتين طويله على خالد...كان يبي يوصل لقرار.. قرر انه ما يقول لمشاعل هالفترة... هذا قضاء الله وقدره...اقتنع خالد بهالشي...وهو لا اول واحد ولا آخر واحد... طلع خالد من مكتبه ويحس براحه اكثر...راح لبيت اهله..كان محتاج انه يحكي مع امه... دخل خالد بيت اهله بخطوات هادئه وبطئيه.. دخل الصاله وأمه جالسه وكانت تكلم... ام خالد حست بالقلق والخوف لما شافت خالد وشكله كان مايطمن أبداً..سكرت ام خالد بسرعه من الي كانت تكلمها.. ام خالد بخوف:خالد يمه وش فيك؟ سؤال امه هد حيله ماقدر يمسك نفسه أكثر من كذا..جلس على الكنبه وحط يده على راسه وبصوت مبحوح:يمه انا تعباان..تعباان.. قربت امه منه وحطت يدها على كتفه:بسم الله عليك خالد وش فيك..صاير بينك وبين مشاعل شي؟ خالد وهو ياخذ نفس طويل:لا.. ام خالد بخوف واضح:أجل وش الي متعبتك؟ خالد:يمه انا مااقدر أجيب عيال...انا عقيم..عقيم.. سكوت لثواني ام خالد كانت تستوعب الكلام الي قاله ولدها.. خالد ولدها الوحيد..وجا بعد 10 سنوات من زواج امه وابوه... خالد بيعاني مثل ماعانا ابوه بفترات طويل من العلاج..جابوا خالد ولا قدروا يجيبون غيره.. ام خالد ماكانت تبي ولدها يذوق الي ذاقته هي وزوجها.. جربت مثل هالصدمه قبل...رجعت لها الذكريات لورا.. ام خالد وهي تشد يدها على كتف ولدها:هذا قضاء الله...والطب الحين تطور... خالد يقاطع امه:ست سنوات! عشرة! 15 سنه اجلس اعالج... ام خالد سكتت ولا ردت على ولدها.. خالد بتعب:يمه..لا أحد يدري... ام خالد وهي تاخذ نفس طويل:ان شاء الله.. خالد:يمه مشاعل انتبهي تقولين عندها شي.. ام خالد:لا ياولدي لا تخاف.. خالد:ولا تفتحين معها موضوع الحمل... ام خالد بحزن:ان شاء الله.. سكوت لفترة قصيرة بدت بالكلام ام خالد:ماراح تقولها؟ خالد مارد على سؤال امه... حست امه ان مو وقت مثل هالحكي والا سئله ولدها تعبان ومو قادر يركز ولا يفكر بأي شي.. سكتت ام خالد وسرحت هي الثانيه.. بعد خالد شوي عن امه وعدل جلسته..حط راسه على رجل امه واكتفى بالسكوت.. ام خالد دموعها كانت اقوى منها وهي تشوف ولدها بهالحال... مرت ساعه وخالد على حالته.. صوت الباب انفتح...رفع خالد نفسه بحركه سريعه وحاول انه يصير طبيعي قد ما يقدر.. وقف خالد:يمه انا رايح لبيتي.. طلع خالد من الصاله وابوه داخل.. ابو خالد:السلام عليكم.. خالد:وعليكم السلام.. ابو خالد:راجع لبيتك؟ خالد:ايه,تصبح على خير.. ابو خالد:وانت من أهله.. طلع خالد من البيت بخوات سريعه وثواني وهو في بيته.. ماغفت عين خالد..طول الليل وهو يفكر.. اذن الفجر...قام خالد وتوضى وراح للمسجد يصلي وبعد مارجع شاف مكالمه بجواله من مشاعل.. اتصل خالد عليها ومن اول رنة ردت.. مشاعل:نايم؟ خالد:لا لا..أجيك؟ مشاعل:ايه.. خالد:وين الزواج؟ قالت له مشاعل وين الزواج..وربع ساعه وخالد عندها.. فتحت مشاعل باب السيارة بهدؤ:السلام عليكم.. خالد وعلى وجهها ابتسامه متصنعه:وعليكم السلام.. مشاعل:آسفه اذا صحيتك من النوم.. خالد:لا ماكنت نايم.. مشاعل:ليش؟ خالد:ماقدرت انام بدونك.. مشاعل ضحكت:لا جد؟ خالد:ماجاني نوم.. سكوت لثواني.. خالد:كيف الزواج؟ مشاعل:حلو.. خالد:انبسطتي؟ مشاعل:ايه.. خالد:الحمدالله.. وصلوا البيت... بغرفة الملابس..مشاعل وهي جالسه على الكرسي وتفصخ كعبها... مشاعل:رجلي راحت فيها.. خالد:من الكعب العالي.. مشاعل وهي تحط يدها على ظهرها:ظهري احسه متكسر... خالد وهو يلبس بجامته وكان يناظر مشاعل:حلو شكلك.. مشاعل رفعت راسها وابتسمت:شكراً.. خالد كان يناظر مشاعل وكأنه اول مرة يشوفها.. خالد:وفستانك بعد حلو.. مشاعل استغربت من كلام خالد اول مرة يعلق على شكلها ويقولها هالحكي.. مشاعل:شكلك تعبان.. خالد تنهد ولف وجهه من الجهة الثانيه:يعني.. طلع خالد بسرعه من الغرفه... بدلت مشاعل ملا بسها ومسحت مكياجها..راحت للغرفه وخالد كان منسدح... مشاعل:الحمدالله بكرة جمعه ماعندك دوام.. خالد:ايه الحمدالله.. جلست مشاعل عالسرير وكانت معطيه ظهرها لخالد... نزل خالد من السرير..لفت عليه مشاعل:وين رايح؟ خالد:بروح ادخن.. مشاعل:خالد!!مو وقت دخان.. خالد:مافيني نوم.. طلع خالد من الغرفه..ومشاعل انسدحت وماحبت تروح له عشان ما تصير مشكله ويتخانقون على سبب تافه... ><><><><><>< اليوم الجمعه.. الساعه 2:00 الظهر.. نزلت تحت والبيت كان هادئ... سمعت صوت بالصاله الثانيه رحت هناك وطليت وكان في فهد وسارة.. بصوت عالي:سارة تعالي.. ثواني وسارة عندي..وكان شكلها مبهذل يعني انا ماقدر شفت سارة بهالشكل... :وين عمتي وابوي؟ سارة:راحوا عندي عمي عبدالمجيد.. :وريما وسلطان معهم؟ سارة:ايه.. رجعت سارة لزوجها... وانا رحت الصاله... نزلت منار عندي بعد فترة قصيرة...جلسنا نسولف وتغدينا انا وياها... وسارة مع زوجها طبعاً.. بعد صلاة العصر... وانا ومنار للحين على جلستنا..دخل سلطان من الباب الخلفي من البيت..وجهه ماكان طبيعي...باين انه صار له شي هناك..شكله كان معصب ومنرفز.. منار:عمتي وابوي ماجو؟ سلطان:لا.. كمل سلطان مشيه وراح من طريق غرفته.. منار وهي تناظرني باستغراب:وش فيه؟ :علمي علمك..انا جالسه هنا معاك.. مرت ساعه كامله وسلطان للحين بغرفته.. جتنا سارة بعد ماطلع فهد.. منار:سارة هذا شكل تطلعين فيه لزوجك؟ سارة:انا تعبانه ومالي خلق حتى اشوف وجهي بالمرايا ويستحمل شكلي مثل ماانا قاعده اتحمل هالوحم..والا بس انا اتعب بلحالي! :اوكي معاك حنا..بس يعني شوي ترتبي عالاقل ملابسك.. سارة ماعجبها حكينا وغيرت الموضوع:ماجو اهلي؟ :نو.. منار:جا سلطان بس.. دخلت بوقتها عمتي سلمت علينا وراحت غرفة سلطان على طول.. ابوي كان باين انه متضايق وفي شي صار في بيت عمي انا متأكده... منار:خير يبه وش السالفه؟ ابوي وعلى وجهه علامات تعجب يتصنعها:اي سالفه؟ منار:سلطان جا وهو معصب وعمتي بعد مو طبيعيه وانت بعد.. ابوي ماقدر يتهرب:مااعتقد انه يخصكم.. سكوت لفترة قصيرة... رجعت عمتي الصاله وشكلها كان ما يطمن... عمتي وهي توجه كلامها لابوي:انا ماادري اخوي ليش قال كذا لسلطان..مو زين له الانفعال..انا خايفه عليه.. ابوي:مو قدام البنات.. عمتي:يعني لو ماكان يحب سلطان ولا ابوه ماله داعي.. ابوي يقاطعها:فوزيه هناك نتكلم.. وقف ابوي ووقفت عمتي معاه..وبوقتها مر سلطان من الصاله اول مرة اشوفه بهالشكل..حواجبه كانت معبسه بشكل..واحسه كان ظاغط على اضراسه بقوة... سلطان:انا طالع عندي شغل... عمتي:سلطان اذا تحس نفسك تعبان اجلس ياولدي الشغل أجله.. سلطان:مافيني شي,مع السلامه.. طلع سلطان وماانتظر رد عمتي.. طلعوا ابوي وعمتي من الصاله...اما حنا جلسنا نحلل ونفكر ايش الكلام الي قاله عمي وخلاه يعصب بهالشكل.. بعد فترة رجعت عمتي وابوي طلع من البيت.. سارة:خير عمتي وش القصه؟ عمتي بعصبيه:ماابي اتكلم..بنات الله يخليكم لا تسألون وش صار.. زاد فضولي الحين أكثر..وخاصه ان الموضوع يخص سلطان...انا الي فهمته ان عمي عبدالمجيد قال كلام وجرح سلطان فيه... الوقت يمر وسلطان للحين ما بعد رجع... الساعه 1:00 الفجر.. عمتي اتصلت على سلطان كم مرة عشان تتطمن عليه.. سارة طلعت فوق عشان تنام...وريما بعد معها... انا ومنار جالسين مع عمتي.. فترة قصيرة وسمعنا صوت وأكيد انه لسلطان..ابوي اليوم مو عندنا... سلطان وهو يمشي:السلام عليكم.. ردينا السلام... سلطان:تصبحين على خير يمه.. عمتي:اجلس شوي معنا.. ماحب انه يرد طلب امه وجلس.. ساكت ولا تكلم وجه عيونه على التلفزيون يشغل نفسه شوي.. عمتي:سلطان متى بتروح أمريكا؟ سلطان وهو يناظر امه:الثلاثاء.. عمتي بخوف:الثلاثاء الي بيجي؟ سلطان:ايه.. الموقف كان صعب علي الثلاثاء سلطان بيرجع لامريكا...انا تعودت عليه..تعودت سلطان بينا وواحد منا..فكرة سفره ماكنت مصدقتها أبداً.. :السبت.. الاحد ...الاثنين.. الثلاثاء.. انت بتروح؟ غصباً عني تكلمت الموقف اجبرني اني اتكلم وبدون تفكير.. حسيت بعيونها خوف وماتبيني اقول اني الثلاثاء الجاي انا راجع...روحة ويمكن تكون بدون رجعه لسعوديه... استغربت انها سألتني مو المفروض انها زعلانه وماتبي تحكي معاي... يمكن مااشوفها مرة ثانيه..خلاص ياسلطان فكها كلها ثلاثه ايام وبترجع.. ناظرتها:ايه الثلاثاء هذا.. تغير لون وجهها وحسيتها تضايقت وكان باين على ملامحها وواضح وضوح الشمس...أمي كانت تناظرها وكانها عارفه وش الي بيني وبين نورة...اقصد مشاعرنا في شي يربطهم في بعض... ناظرت منار وبعدها امي وأخيراً انا...كانت تحاول انها تصير طبيعيه.. عدلت جلستها بارتباك وسندت ظهرها على الكنبه حطت يدها على صدرها وكأنها تتحسس دقات قلبها وتتأكد ان قلبها بمكانه...واكتفت بالسكوت.. تضايقت من الموقف..ماكنت ابي اعرف ردة فعلها..كنت ابي اي احد يوصلها.. سكت انا الثاني وحسيت ان لساني انربط ماقدرت اتكلم..كنت اناظرها..ومانزلت عيني منها... احسها كانت تعرف اني ماراح ارجع...ومتأكده من هالشي... اما امي ما حبيت اقولها الحين اني ماراح ارجع... وقفت نورة وبوصت هادئ:تصبحون على خير.. طلعت من الصاله بخطوات سريعه..وقفت انا الثاني وحبيت راس امي ورحت لغرفتي... ><><><><>< سلطان بيروح الثلاثاء..ياويل قلبك يانورة...انا مصدومه وللحين مااستوعبت الي قاله...ثلاثه ايام ويختفي سلطان عن عيني... شلون بعيش بدونه..سلطان صار جزء من حياتي...جا وغير حياتي مية وثمانين درجه...حياتي قبله كانت مثل حياة اي بنت عايشه بسلام وبعديه عن الحب...انا مرات أفكر كيف كنت عايشه قبله... موقفي تو كان صعب..صعب..سلطان بنفسه يقولي انه بيروح أمريكا..عمتي فيه..شافتني..واكيد انها عرفت...ولو ماعرفت حست.. انا ماادري وش كانت ردة فعلي ولا حتى وش كان موقف سلطان اتجاهي..كانت غارقة بأفكاري... صحت..وصحت..وبموت صياح بعد... وبس كذا يرجع..بكل برود..وبدون ما يحس فيني... دخلت منار بوقتها وشافتني أصيح...وماكان صياح عادي.. منار وعلامات الخوف والتعجب بوجهها:نورة لا لا حبيبتي.. قربت مني وضمتني وصياحي زاد عن أول... منار وهي تمسح علي:نورة يكفي صياح.. كنت ازيد مااخف... منار بعدت عني شوي وحطت يدها على كتفي:تحبينه؟ حسيت ان قلبي بيطلع من مكانه ..ناظرت منار:ايه.. منار ابتسمت:مرة؟ وانا للحين أصيح:ماادري.. منار:هو؟ ناظرتها ورجعت أصيح:بيجنني..بيذبحني يامنار.. منار:احسه يميل لك.. سكتت شوي ومنار ورجعت تحكي:ماشفتيه تو..تضايق مرة وقام بعدك على طول.. انا انبسطت من الحكي الي قالته منار:يعني كيف؟ منار:حتى عمتي حست انه فيه شي..وبعدين مو بس على هالمرة...انتي عند سلطان غير.. :كيف عرفتي؟ كنت أبي اسمع اكثر..يمكن يطمن بالي شوي... منار:حركاته..نظراته.. :مااحس.. منار:انا هذا الي أشوفه.. :طيب لو يحبني مايروح أمريكا.. منار:بيروح وبيرجع.. سكت ورحت بدنيا ثانيه.. منار:نورة كل هذا مخبيته عني..ليش ما قلتي لي من أول.. :ماادري.. منار:طيب يكفي صياح..اذا هو يحبك بيخطبك..واذا مايحبك.. قاطعتها:انا عارفه انه ما يحبني... منار:قومي غسلي وجهك.. قمت غسلت وجهي ورجعت لمنار وجلسنا نحكي انا وياها عن سلطان وعن خطبتها... ><><><><>< صباح يوم السبت.. الساعه 8:00 ...وقف فيصل سيارته عند مبنى البنك...وبدر جنبه بالبارك الثاني.... نزل فيصل من السيارة..وبدر بعد من سيارته.. فيصل على وجهه ابتسامه:صباح الخير.. بدر وشماغه ماسكه بيده وكان لابس الطاقيه والعقال:صباح النور.. فيصل:شكلك من السرير على السيارة.. بدر وهو يتثاوب ويحط يده على فمه:ايه ميت نوم.. مشى فيصل وصار جنب بدر وكملوا مشي لداخل البنك.. سلموا على الموظفين الي كانوا بطريقهم ودخلوا مكتب بدر.. بدر وهو يجلس:اسبوع ونرتاح من الشغل.. فيصل:ان شاء الله.. سكوت لثواني بدا بدر فيها الكلام:وش صار على جدك؟ فيصل:سافر..وعدني اذا رجع... بدر:اهم شي يكون عند وعده.. فيصل:نشوف اذا رجع وش يصير,انت ماصار شي على موضوعك؟ بدر:يعني قالوا نأجل لبعد الاجازة..الناس بتسافر ومو وقت خطبات.. فيصل وهو يقوم من مكانه:الله يكتب لك الي فيه الخير.. بدر:اليوم الشباب عندي لاتنسى. فيصل باستغراب:اليوم السبت! بدر:ايه السهرة الى 12.. فيصل وهو يضحك:اوكي... طلع فيصل من مكتب بدر وراح مكتبه... ><><><><>< قمت من النوم وانا احس بنشاط عن غير عادتي...احس في شي بداخلي وأبي اطلعه.. وقفت قدام المرايا وتأملت شكلي لثواني...مسكت شعري وربطته..حطيت كحل خفيف.. شكلي كانت مرتب..فتحت باب الغرفه بهدؤ..وبخطوات سريعه كنت امشي..نزلت تحت وصوت التلفزيون كان عالي... دخلت الصاله..وريما كانت جالسه ترقص وسلطان كان يضحك على حركاتها... عصبت بشكل..مبسوط وش عليه.. بعصبيه:ريما قصري الصوت مرة عالي.. ريما وهي ترقص:ماراح اقصر.. سلطان:خليها.. جلست وخليتها تسوي الي تبيه او مثل ما يبي الاستاذ سلطان.. ريما وهي تقرب مني اكثر وتميل نفسها علي... وراحت سوت نفس الشي لسلطان... مسكها سلطان وباسها وقربها منه وجلسها جنبه:شكلك تعبتي.. ريما:يعني.. شوي.. جت ريما بتوقف بس مسك يدها:خلاص يكفي رقص.. ريما وهي زعلانه:طيب.. بعد سكوت لثواني.. ريما:تلعب معاي؟ سلطان:اوكي..بس ماابغى اتحرك من مكاني.. ريما وهي تضحك:ماتتحرك, امممم تبي تلعب سبت أحد..؟ سلطان عقد حواجبه:ايش سبت أحد؟ مسكت يده وحطتها فوق يدها..ويدها الثانيه تحت يده.. ريما:انا اقولك السبت..انت تقول الاحد..واذا جا الجمعه وضربت يدك قبل ما تشيلها انا افوز.. سلطان وهو يضحك:مافهمت.. ريما عادت الشرح بس سلطان مافهم.. سحبت يدها منه وجت عندي:نورة العبيها معاي عشان يعرف سلطان.. :لا ريما مالي خلق.. سلطان وهو يبتسم:العبي معها عشان اعرف اللعبه.. كنت ابي اصير طبيعيه قدام سلطان قد مااقدر... :اوكي وان شاء الله تفهمها.. لعبنا انا ونورة وسلطان كان يناظرنا وعلى وجهه ابتسامه..وبعد ما خلصنا.. سلطان:مافهمت.. ريما ممكن تعيدونها مرة ثانيه؟ ريما بحماس:طيب.. :لا مو ممكن.. سلطان وهو يضحك:آخر مرة وعد.. :تو.. ماراح نعيدها.. سلطان:امممممممم طيب خليني العب معاك عشان افهم.. حسيت بحرارة ووجهي حمر..ماادري ليش استحيت وتلخبطت... سلطان لف وجهه من الجهة الثانيه وكان يضحك...حسيته انحرج هو بعد.. ريما:سلطان لا تصير غبي..سهله اللعبه.. سلطان:اوف اوف...طيب تعالي نلعب بس مااصير غبي.. رجعت ريما وجلست عنده...لف جسمه وصار قدامي... عدلت جلستي ووجهت عيني على التلفزيون...كنت احس بعيونه تراقبني..ماحاولت التفت عليه..ماابي عيني تجي بعينه... ريما وهي تضرب يد سلطان بكل قوة:الجمعععععه...خسرت.. سلطان وهو يضحك:لا لا ما يصير..انا ماكنت اعرف.. ريما:يووووووه..طيب.. عادوا اللعبه..وهالمرة يوم الجمعه كان على سلطان.. سلطان بحركه سريعه:الجمعه... بس ريما سحبت يدها قبل لا يمسكها.. ريما وهي تضحك:خسرت..انا الفايزة.. سلطان:تلعبين علي..انتي دايما تفوزين علي.. ريما:انت ضربت نفسك.. سلطان:انتي سحبتي يدك..اكيد بضرب يدي ريما وهي ميته ضحك:لازم اسحب يدي..عشان تضرب يدك وتخسر.. سلطان:ماعجبتني اللعبه..انتي تفوزين وانا اخسر... ريما:نلعب ايش طيب؟؟ سلطان:انتي تطلعين من الصاله وانا بخبي شي...واذا قلت لك خلاص تجين.. ريما:طيب..ايش بتخبي؟ سلطان:اممممممم.. ريما:موبايلك؟ سلطان:لا.. ريما:بنستي؟ سلطان:لا صغيرة.. ريما وهي تناظر حولها وتدور شي يخبونه:نورة؟ قالتها وهي ميته من الضحك...الحين الي قالته المفروض انه شي يضحك.. سلطان ناظرني وكان يضحك:لا نورة كبيرة مااقدر اخبيها.. ريما:عندي كورة صغيرة تصلح؟ سلطان:ايه.. راحت ريما بسرعه وجابتها.. سلطان وهو ياخذ الكورة من يد ريما:يلا روحي.. طلعت ريما من الصاله.. سلطان والكورة بيده وكان يدور مكان يحطها فيه..وبدون ما يناظرني سلطان بصوت واطي:نورا...انتي زعلانه لاني برجع أمريكا؟ سؤال قلته بدون تفكير...يمكن قلبي محتاج للاجابة...كنت ابيها تحسسني باهتمامها لي باي طريقه...تجيني لحظات اكون مستعد اضحي عشانها...لكن لما افكر بجد...احس اني علاقاتي معها استحاله...شي صعب الوصول له... نورة انا اتوقع منها اي تصرف..ومااستغرب منها اي رد... بكل برود ردت علي:ماتفرق معاي.. جوابها ماكان صاعقه بالنسبه لي..متوقع مثل هالجواب...لكن بنفس الوقت صدمتني...أقل شي تقدر تسويه لو كانت تميل لي انها تعبر عن مشاعرها...نورة ماتعرف عن رانيا..انا بالنسبه لها شخص مو مرتبط..يمكن تكون لي قصة حب ويمكن لا... امممممممم جوابها اقدر اعكسه والعكس هو الصحيح...لانها لو اعتبرت سؤالي مجرد سؤال من ولد عمتها الي تعتبره مثل اخوها..ماراح يكون هذا ردها...بتجامله وبتقوله الصدق..ماراح تقوله ماتفرق معاي... ضحكت من داخلي... انا ماادري وش ابي من نورة..مرة ابيها تبعد ومرة ابيها تقرب مني.. انا متلخبط وافكاري متصادمه...احس اني ضايع.. في هاذي اللحظه بس..خفت ماادري ايش الي خوفني... ابتسمت بكل برود..اتصنعتها مثل مااتصنعت غيرها..ردها كان قاسي وانا بصير اقسى معها... ريما من الطرف الثاني بعالمها الآخر...تنتظرني اخبي الكورة..انا وين وهي وين.. بصوت عالي:خلاااص؟ :لا لا دقيقه بس.. خبيت الكورة بسرعه وجلست بمكاني..وبصوت عالي:تعالي... سؤال ماكنت متوقعته أبداً...صدمني السؤال ورديت ببرود..مو لاني ابي ابين له اني مو مهتمه..استغربت من سؤاله وكنت في حالة ذهول وردي جا له بكل برودة.. ابتسم وبابتسامته كلام قريته وكأنه يقول مثل ما توقعت ياسلطان... فرصه ضاعت منك يانورة...عالاقل اسكت وماارد ..وتشطر عاد وافهمها ياسلطان... انا تعبت مااقدر استحمل اكثر من كذا...ليش سألني؟يبي يجنني بس... احس قلبي يبي يصرخ وبأعلى صوت يقوله اني أحبـــك...قلبي ماايقدر يتحمل.... هالكلمه ثقيلة عليه... حسيت بغصه بحلقي..ابي اصيح....كفايه لحد هنا وكفايه.. وقفت بسرعه وانا امشي طالعه من الصاله.. رمى سلطان الكورة بقوة ومرت من جنبي.. قهرتني..احس بقهر..ليش الكبرياء هذا كله...رميت الكورة بدون قصد..ابي اطلع الي فيني شوي.. كنت ابيها تجي عليها..ابيها تصحى..وخلاص يكفي...انا تعبت..تعبت من كل شي حولي.. رانيا..امي...نورة...الشغل..مرض ي..كل شي..كل شي... لفت علي...صديت عنها ولفيت وجهي من الجهة الثانيه...ماكنت ابي اناظرها..احس عيوني بتفضحني.. كملت مشيها..وطلعت من الصاله... وقفت انا الثاني وطلعت من الصاله.. ريما:سلطان ماتبي تلعب؟ لفيت عليها:لا حبيبتي... كملت طريقي ورحت غرفتي... ><><>< طلعت فوق ورحت غرفة منار وعندها عمتي وسارة.. :صباح الخير.. سارة:اي صباح..! مارديت عليها ولفيت على عمتي:شخبارك عمتي؟ عمتي بضيق:الحمدالله.. :منار وش عندك؟ منار:ماعندي شي... :موافقه؟ منار وهي تاخذ نفس طويل:ايه.. جلست على الكرسي الي قدام التسريحه..العب بشعري وافكاري بالي جالس تحت... منار وسارة يحكون وعمتي تشاركهم بالحكي...الموضوع عن منار وخطبتها..الي شاغلة كل البيت.. سارة:اليوم بالليل خالتي بتسافر.. :انتي قلتي الاسبوع الجاي.. سارة:قدموها..المغرب بروح لهم لازم اشوفهم قبل ما يسافرون.. بعد فترة قصيرة وكان الحديث عن اهل فهد... نزلوا عمتي وسارة وبقينا انا ومنار... قلت لمنار الي صار قبل شوي بيني وبين سلطان.. منار وهي تضحك:نورة انتي مجنونه وهو اهبل.. توقف منار عن الضحك وترجع تضحك اكثر من أول:لا لا لا نورة...الي سويتيه قمة الهباله...يعني في اسلوب احسن من كذا.. انا بعصبيه:يعني تبين اقوله بشتاق لك ياسلطان وانا ضايق صدري ومرة زعلانه... منار وهي تضحك باستفزاز:لا ياغبيه ياتقولين له كذا..ياتقولين ماتفرق معاي...يعني لو يسألني سلطان هالسؤال بقوله ايه والله بنفقدك وتعودنا عليك بس عاد هاذي الدنيا.. :ماراح يسألك.. منار وهي تغمز لي:ماراح يسألني لاني مو مهمه عنده...امممممممم..سلطان كان يبي منك جواب محدد حاطه في باله.. سكتت منار شوي تفكر فيها وتحلل سؤال سلطان وجوابي.. منار وهي تعدل جلستها:سلطان سألك ويبي منك تقولين له كذا...بالعكس انتي ذكيه يانورة.. ناظرتها وفكرت بالكلام الي قالته:مجنوووووووووونه..وال� �ه مجنوونه.. منار:شفتي شلون فايدة الاخت.. :يعني سلطان كان يبيني اقوله كذا.. منار سكتت شوي:نورة..أخاف انه سألك لانه يعتبرك مثل اخته..وسؤاله كان عادي ومايقصد فيه شي..وانتي جوابك كان قمة في الادب... :منار يرحم ابوك اسكتي..خلاص ارحميني من تحليلاتك...بتذبحني انتي.. منار:يعني عشان ماتنصدمين...الصراحه سلطان غامض..وماتدرين تصرفاته تدل على ايش..حب والا كره يعني على بلاطه طحتي بواحد... :اووش منار.. طلعت من عندها لاني ماكنت ابي اسمع كلامها الي ماراح يفيدني بشي... مر العصر وانا بغرفتي مانزلت تحت... ><><><>< بعد صلاة المغرب سارة دخلت بيتها... ماكان في أحد باستقبالها...الكل منشغل..اليوم سفرهم... دخلت الصاله واستغربت ان فهد ماكان جالس فيها... طلعت فوق ولقت خالتها جالسه بالصاله.. سارة وعلى وجهها ابتسامه:السلام عليكم.. ام فهد من غير نفس:هلا والله وعليكم السلام... سارة وهي تسلم عليها:شخبارك خالتي ان شاء الله بخير؟ ام فهد:بخير..,زين جيتي تسلمين علينا قبل ما نسافر... سارة ابتسمت:أكيد بجي.. ام فهد:فهد يقول انها ماراح تجي تعبانه وعلى سريرها..وانها ماهي طايقه البيت..عاد ماشاء الله مافيك الا العافيه..انتي تبين تجلسين عند أهلك وتعذرين بالوحم... سارة بهدؤ والابتسامه ما فارقتها:انا لو اقدر اجي هنا... ولا اترك فهد..صعبه علينا والله..ان شاء الله فترة قصيرة وارجع للبيت... ام فهد:عاد اقول لفهد يسافر معنا..وقال اسبوع واجيكم..تعرفين بالبيت بلحاله...اتزوج عشان احد يجلس معاه يوسع صدره...بس عاد.. قالتها وهي تضحك باستفزاز.. سارة ماقدرت تتحملها وتتحمل حكيها...يمكن البعض يشوف كلامها شي عادي ومايزعل... بوقتها جا فهد والابتسامه بوجهه وبصوت عالي:هلا هلا حبيبتي... سارة:هلا والله.. فهد ووهو يجلس جنبها ويمسك يدها:كيفك؟ سارة وهي تسحب يدها:كويسه.. فهد وهو يقرب منها اكثر ويبوس راسها:والله اشتقت لك.. سارة حست بالاحراج يعني فهد مو وقته أبداً... كل هذا تحت أنظار ام فهد.. وقفت سارة:انا بروح عند البنات.. طلعت سارة من الصاله بخطوات سريعه وراحت عند مضاوي وشيخه... جلست نساعدهم بترتيب الاغراض الي مارتبوها... مر الوقت بسرعه تحاول فيه سارة انها تتجنب الكلام مع خالتها...الساعه 11:00 الليل.. والحين اهل فهد بيطلعون للمطار..فهد وسارة وبعد ماسلموا عليهم... فهد وهو يسكر الباب ويلتفت على سارة:سارة وش فيك؟ سارة:مافيني شي.. فهد:الا فيك.. سارة:تعبانه..يلا انا برجع البيت توصلني والا اروح مع السواق؟ فهد:ماراح ترجعين.. سارة:فهد.. فهد:ماراح ترجعين يعني ماراح ترجعين..بتنامين هنا اليوم.. سارة:ماراح انام هنا..حايمه كبدي ويكفي اني استحملت كل هالوقت اجلس فيه.. فهد:سارة ورب البيت ان ماجلستي عندي بكرة بسافر وراهم.. سارة:يعني كلام امك صدق.. فهد:اي كلام؟ سارة:بتلحقهم بعد اسبوع.. فهد:تو بس الفكرة جت في بالي.. سارة:ايه العب علي..مخطط وحاجز ومظبط عمرك..روح حبيبي... فهد:سارة لا تقعدين تستهبلين.. سارة:انا اتكلم جد..انا تعبانه وجالسه عند اهلي..وانت هنا بلحالك سافر.. فهد:ماراح اروح واخليك.. سارة:انا ابيك تروح..عشان امك ماتقعد تقول جلس عشانها..وهي في بيت اهلها.. فهد:ماراح تقول كذا.. سارة:قالت وخلصت.. فهد:طيب ممكن نجلس؟ سارة:الحين 11..12 بطلع.. فهد:مو على كيفك.,اليوم بتنامين.. سارة:فهد حبيبي والله ماني طايقه البيت.. فهد بعد سكوت:اوكي انا عندي حل يرضي الطرفين.. سارة بحماس:وشو؟ فهد:باخذ غرفة بالاوتيل... سارة سكتت وماردت.. فهد:خلاص نروح هناك الى مايخف وحمك..عشان اهلك بعد ياخذون راحتهم اذا بيسافرون...وعشاني انا طبعا..مااقدر اجلس بدونك...اول اهلي في بس الحين البيت فاضي علي.. سارة:بس انا تعبانه فهد وماابي اتعبك معاي.. فهد:سارة اهم شي اكون معاك...انا بعيد عنك مو تعبان..ميت تعب.. سارة ابتسمت:الي تشوفه حبيبي.. فهد:امشي الحين نروح وبكرة نجيب كل اغراضنا.. سارة:طيب اكلم اهلي اقولهم.. هذا القرار الي فهد وسارة اتخذوه..او اتخذه فهد وماقدرت سارة ترد طلبه... ><><><><>< اليوم اتصلت ام مساعد..وانتهت المكالمه بالاتفاق...واعلنت خطبة منار لمساعد... مشاعل ماجت عندنا...في عزيمه لاهل خالد وماقدرت تجي.. سارة بتنام هي وفهد بالاوتيل... اما انا..ماصار بيني وبين سلطان اي شي...ماشفته بعد الي صار الظهر...شفته وهو راجع بالليل..دقايق وراح لغرفته... دخلت مشاعل بيتها توها راجعه من العزيمه وكانت مع خالتها.. دخلت الغرفه وخالد منسدح عالسرير.. مشاعل:السلام عليكم.. خالد وهو يرفع نفسه:وعليكم السلام.. مشاعل:طلعت من البيت؟ خالد:لا.. مشاعل:تعشيت والا اسويلك؟ خالد:لا مااشتهي.. مشاعل:خالد لك يومين وانت ماتاكل وجهك اصفر.. خالد ماعجبه كلام مشاعل وغير السالفه:كيف العزيمه؟ مشاعل:حلوة.. مشاعل وهي رايحه لغرفة الملابس وتتكلم بدون ماتشوف خالد:ولدت زوجة نواف ولد خالتك.. خالد ولاول مرة يتحسس من موضوع مثل هذا مارد عليها.. مشاعل وهي تلف عليه:أكيد كلمك نواف.. خالد بضيق:ماشفت جوالي... مشاعل:جابت ولد.. خالد ساكت.. مشاعل:وجدتك ياحبيلها مسكتني واسئله... خالد:عاد انتي الغاليه عندها.. مشاعل وهي بغرفة الملابس وتتكلم بصوت عالي:تقول يلا احملي واتركي عنك الحبوب... خالد وكأنه احد صفعه على وجهه وسوى نفسه ما سمع.. مشاعل استغربت سكوت خالد طلعت راسها من الباب:خالد ترا مااقصد شي بكلامي..انا فكرة الحمل الحين شايلتها من بالي... خالد ارتاح لكلام مشاعل مع انه عارف بيجي يوم بتعرف فيه مشاعل عن الي فيه... مشاعل:شكلك نمت!! خالد:ها..لا لا مانمت... بعد ما بدلت ملابسها طلعت مرة ثانيه...وهي تجلس عالسرير.. مشاعل:قلت لك منار اختي انخطبت.. خالد:ما شاء الله... بس احسها ماكبرت.. مشاعل:الوحده ما تكبر الا اذا تزوجت.. خالد:ولد مين؟ مشاعل:مساعد ال.......,ابوه صديق ابوي الروح بالروح.. خالد:اعرفه مساعد بس كبير...اتذكره كان معاي بالمدرسه..بس الظاهر هو اكبر مني بسنه..كم عمره؟ مشاعل:30 31.. خالد:لا 31 يمكن...مو كبير على اختك؟ مشاعل:مطلق بعد.. خالد باستغراب:وابوك يزوجها واحد مطلق؟ مشاعل:وعنده بنت بعد.. خالد:لا لا ماانتو صاحين..مشاعل الزواج مو لعبه.. مشاعل:الولد مرة زين واخلاق ومحترم,ابوي عاجبه الولد... خالد:اهم شي منار.. مشاعل:موافقه ومااحد جبرها... خالد:الله يوفقها..,مشاعل خليها تستخير مليون مرة ترا الزواج مو سهل.. مشاعل:اكيد.. خالد:لا تغصبونها يا مشاعل... مشاعل:خالد وش فيك؟ماراح نغصبها وحنا مو من هالناس... خالد وهو يطفي النور:تصبحين على خير.. مشاعل:وانت من اهله.. ><><><><>< هاله وهي تفتح الستارة وبصوت عالي:نورة قومي... رفعت نفسي بسرعه لما سمعت صوت هاله وش جابها بهالوقت...انا بحلم والا بعلم... هاله:صباح الخير.. الشمس على عيوني وماقدرت افتحها:وش جابك؟ هاله:مسوية لك مفأجاة.. بخوف:اليوم اي يوم؟ هاله وهي تناظر الساعه بيدها:الساعه 2:30.. :هاله اليوم اي يوم مو الساعه كم؟ هاله وهي تضحك:اليوم الاحد.. :احسبه الثلاثاء..خفت.. هاله:هههههههههههه..يلا صباح خير قومي بس.. :حلمت انه راح وقاعدين نسلم عليه... هاله:قومي غسلي انتي وكشتك.. :هاله صدق وش جابك؟ هاله:بسلم على سلطان قبل ما يسافر.. :ياخف دمك ياهاله.. قمت من السرير ورحت غسلت وبدلت ملابسي ورحت اصلي...هاله قدام المرايا تجرب المكياج...وتبخ من العطور.. بعد ما خلصت صلاة:تغديتي؟ هاله:تقبل الله اول.. :منا ومنكم.. هاله:لا ماتغديت..جوعااانه.. نزلنا تحت وتغدينا...وبعد ما خلصنا نزلنا تحت لمرسمي.. هاله وهي تجلس:لو انا مكانك يانورة مااتحرك من قدامه...بعد بكرة بيسافر.. ناظرتها وماردت على كلامها.. هاله:ماعجبك كلامي عارفه.. دخلت بوقتها منار.. هاله اول ماشافتها:هلا والله بالعروسه.. منار:هلا..من زمان عنك اشتقنا لك.. هاله:اتغلى عليكم..,كيف الخطبه؟ منار:ياساتر مسرع ماانتشر الخبر... هاله:الي تنخطب عندنا بدقيقه الخبر منتشر عند كل البنات.. منار سكتت وراحت بأفكارها بعيد...عرفت وش تفكر فيه الحين...فيصل... هاله:اهم شي تكونين مرتاحه.. منار:الحمدالله..,وانتي وش صار عليك؟ هاله:بعد الاجازة أجلنا الموضوع..الحين صيف وحنا بنسافر بعد اسبوع وهم بعد بيسافرون يعني مو وقت خطب... منار:والله ياهاله بدر مرة كويس اسألني عنه..اعرفه كثر مااعرف...... سكتت منار وما كملت كلامها... هاله:عارفه..عشان كذا اهلي ماخذين الموضوع جد.... :ايه وحيدتهم مايبون لها اي واحد.. سواليف بنات...سالفه ورا سالفه... المغرب جو سارة ومشاعل عندنا... سلطان طالع ورايح بيت عمه... اليوم ما شفته...اليوم الاحد...وبعد بكرة بيرجع...في احساس بداخلي يقولي انه ماراح يسافر...ان شاء الله يصدق هالاحساس... رجع سلطان البيت الساعه 12 وكنا كلنا جالسين بالصاله...دخل من الباب الثاني وراح على جناحه بدون مايمر من عندنا... بعد ماطلعوا خواتي وهاله...جلست الى الفجر بالصاله انتظر..يمكن يطلع..يمكن يحن علي ويطلع.... بعد ما فقدت الامل وتأكدت انه ماراح يطلع رحت لغرفتي... طلعت دفتري وفتحت صفحة جديدة...اخذت القلم الازرق الجاف...حسيت يدي تجمدت بمكانها...ماقدرت اكتب... يوم لاجديد فيه... اليوم الاحد تاريخ../.../... كتبت الي صار اليوم...واخر الصفحه بخط حلو كتبت...سأشتاق اليك.... ماادري ليش طلعت معاي هالكلمه بس...احس بداخلي كلام ماراح تكفيه صفحات...بس ماقدرت اكتب... سكرت الدفتر...ودخلته بالدرج... نومي اليوم كان متقطع..كل شوي اصحى...مااقدر انام وفي شي شاغل تفكيري... الساعه 12:00 قمت واحس نفسي شبعانه نوم...بس كنت احس بالتعب بعد...مانمت الا 7 الصباح... بدلت ملابسي بسرعه ونزلت تحت...كنت متأكده اني بشوف سلطان... دخلت الصاله..ومثل ماتوقعت كان جالس.. كنت خايفه اتكلم..بس لازم اقول اي شي..بصوت واطي:صباح الخير.. سلطان:صباح النور..غريبه قايمه بدري.. :ماادري وش فيني ماجاني نوم... سلطان:واضح عيونك تعبانه.. جلست والسكوت هو الي كان بينا..اكرهه لما يسكت.. :عمتي ماقامت؟ سلطان ببرود:ماادري.. سكتنا شوي..وكان قاعد يتفرج على فلم..ماني فاهمه قصته...ومالاابي افهم قصته...الي ابيه اني احكي معها... :سلطان لو سمحت ممكن تغير؟ لهجته بالحكي كان فيها ضحكه بس كاتمها:لا نورا مو ممكن... ابتسمت بيني وبين نفسي...كنت ابيه يرد علي كذا..عشان اقدر اخذ واعطي معاه بالحكي.. :الفلم بايخ وانا مو فاهمه قصته.. سلطان:افهمك قصته.. :سلطان عاد.. سلطان بنفس اسلوبي:نورا عاد.. ضحكت...وضحك معاي... سلطان وهو يناظرني وكنت اكرهه لما يناظرني كذا:ايش تبين احط لك؟ ابتسمت:ماادري بس غير.. بوقتها جت فاطمه:الفطور جاهز... سلطان:ثانكس فاطمة.. التفت علي:تعالي نفطر سوا.. سكت شوي افكر فيها..:اوكي.. سكت شوي اراجع جوابي:اروح اشوف عمتي..مو حلوة نبدا وهي صاحيه.. ابتسم سلطان ومارد علي..وقف وراح لسفرة الطعام.. اما انا طلعت فوق وناديت عمتي..نزلت تحت... سلطان:صاحيه؟ :ايه الحين بتجي.. جلست وثواني وعمتي جت.. سلطان:هلا والله صباح الخير.. عمتي:صباح النور.. سلطان وقف وباس امه:مايكفيني بس اصبح عليك.. عمتي وعلى وجهها ابتسامه:سلطان كم بتجلس هناك؟ حسيته ماكان متوقع هالسؤال او ماجهز جواب... ماادري ليش ارتبكت..انا مجهز جوابي..وكنت عارف انها بتسألني او اي احد ثاني..في احد ثاني كان ينتظر الجواب بحماس..مانزلت عيونها مني... : 3month سكتت امي واخذت نفس طويل:ماراح ترجع ياسلطان؟ ناظرت امي وناظرت نورا باترباك شوي:ماادري... امي وعيونها امتلت دموع:كنت عارفه انك ماتبي ترجع... قاطعتها:يمه انا لو بيدي ماافارقك..انا لو اقدر اخذك معاي..يمه انا هنا مااقدر اعيش...حبيت اهلي وحبيت الناس بس اعيش صعب والله صعب...وانا قلتلك قبل..يمكن مااقدر استقر.. امي وهي تحاول انها ماتصيح:هاذي حياتك..وهناك انت عشت وهناك تربيت...انا مااقدر اجي الحين وعمرك صار 30 اقولك ياولدي تعال وعيش عندي... ابتسمت للكلام الي قالته..اهم شي تكون هي راضيه..وقفت من مكاني وبستها من خدها وراسها..ومسكت يدها:اهم شي رضاك علي... امي:راضية عليك ياولدي... بوقتها حسيت بحركه من الطرف الثاني لطاوله...رفعت راسي وشفت نورة معطيتني ظهرها وتمشي بخطوات سريعه.. امي:رتبت اغراضك؟ :ايه رتبتها يعني باقي اشياء ماترتبت..بعد شوي بروح اسويها.. امي وهي توقف:بروح انا اسويها.. راحت امي غرفتي..ونزلت انا تحت لمرسم نورة...ماادري ليش نزلت..حسيتها تضايقت من الي صار... طقيت الباب بهدؤ:نورا انا سلطان ممكن ادخل؟ سلطان وش جابه..انا الحين بحاله مايعلم فيها الا الله...وقفت بسرعه كنت ابي مرايا اشوف فيها وجهي... مسحت دموعي وحاولت اني اصير طبيعيه قد مااقدر.. سلطان من ورا الباب:نورا.. بدون تفكير:ادخل ادخل...لا لا تدخل.. فتح الباب بهدؤ ودخل راسه:ادخل والا ماادخل؟ كنت اصيح..وللحين جالسه اصيح..عيوني متنفخه وخشمي احمر...مااقدر اخبي كل هذا...موقفي باين قدامه..اصيح لانه ماراح يرجع..اصيح للكلام الي قبل شوي قاله... بعصبيه وبصوت عالي:لا تدخل..وش تبي فيني؟ ماسمع كلامي ودخل:ابيك.. حطيت يدي على وجهي:وش تبي؟ بصوت حسيت فيه جديه:شيلي يدك من وجهك.. :ماراح اشيلها..سلطان بسرعه قول وش تبي؟ عطاني ظهره وحط يده على خصره:بتكلم بدون مااشوفك..شيلي يدك.. :شلتها.. اسمع دقات قلبه..احس اني كنت اسمعها..يتنفس بعصوبه وكأنه له ساعات وهو يمشي..:ابي لوحه من لوحك.. استغربت من طلبه:لوحه! بجديه:ايه لوحه.. :لوحي مو للبيع.. :من قال اني راح اشتريها...باخذ منك لوحه.. سكت شوي:ليش؟ سكت وكأنه يدور سبب ليش بياخذ مني لوحه:عشان..عشان..اتذ..(سكت وماكمل كلمته.. لا عشان انا كل دوله ازورها احب اخذ منها شي... ضحكت باستهزاء:اهاا قلتلي..اوكي انا عندي لك فكرة..خذ لوحه فيها صورة للحرم بمكه.. سكت شوي:حلوة الفكرة..,بس انا ابي اخذ شي من...ابي اخذ شي منك انتي.. خنقتني العبرة بوقتها ماادري بس كنت ابي اصيح..انا مقهورة احس اني بموت من بعده...في غصه بحلقي..ولازم اصيح... :ليش؟ لو بيدي يانورة كان اخذتك معاي انتي...ياليت اقدر..ياليت.. ماكنت ابي اشوفها وهي تصيح..انا عارف انها كانت تصيح...انا مااحبها تصيح...تجي تصيح عشاني...هي قاعده تصيح عشاني... حسيت بضيق..ماابي اربك نفسي ويمكن اتعب..انا قلبي مايقدر على الزعل... :لاني..لاني احب رسمك.. عارف انه مو هذا الجواب الي تبيه نورة...بس انا مااقدر اجاوب الجواب الي تبيه.. سكتت وماردت...سمعت صوت صياحها وكان مكتوم..ماادري وش الاحساس الي جاني بوقتها..صياحها ماكان صياح عادي... لفيت عليها غصباً عني...ماكنت اقدر اشوفها تصيح واجلس اتفرج عليها... :نورا.. قربت منها شوي:لاتصيحين عشاني.. يدها على وجهها وصياحها كان يزيد...وش سويت فيها ياسلطان..انشليت عن الحركه.. ياليت اقدر اضمك بين يدي...بس مااقدر.. حطيت يدي على راسها:نورا..ناظريني.. ماكنت ابيه يشوفني وانا بهالحاله...انا باضعف حالاتي الحين..انا لما اصيح مااحب احد يشوفني..فما بالكم اكثر انسان كنت ابي ابين قوتي عنده هو الي يشوفني... ماسمعت كلامه لاني ماكنت اقدر اشوفه:خذ اي لوحه تبيها واطلع برا.. ويده للحين على راسي:ابي لوحه على ذوقك... وقفت وبعدت عنه شوي..دورت له على أحلى لوحه عندي اخذتها ولفيت عليه..جت عيني بعينه.. مديت يدي له وبدون ماانطق اي كلمه... وقف وقرب مني مد يده واخذ اللوحه وكان يناظرني.. لفيت وعطيته ظهري:تقدر تروح... طلع بدون مايقول اي كلمه...سمعت صوت الباب يتسكر وغير هالصوت ماسمعت... من اصعب المواقف الي مريت فيها...عقلي يتحكم بقلبي...هذا الي صار لي... كنت اقدر اقولها كل الي في قلبي...بس عقلي كان اقوى من قلبي...انا مقتنع بالي سويته...وهذا المفروض الي اسويه..اتحكم بمشاعري..انا تعديت مرحلة العواطف الي دايما تكون اقوى..انا الحين افكر بعقلي وبس..وغير هذا مستحيل لانه اي تصرف بيكون خاطئ مية بالميه.. طلعت فوق..مالقيت امي بالصاله وتذكرت انها ترتب اغراضي... دخلت الغرفه...امي جالسه على طرف سريري بس ماكانت ترتب اغراضي... محفظتي بيدها ومارمشت عينها كانت مركزة نظرها فيها...لدرجة انها مارفعت عينها تشوف مين الي دخل.. باستغراب:يمه.. امي:مين هاذي ياسلطان؟ سكت ومارديت عليها قربت منها وجلست بالسرير واخذت منها المحفظه بكل هدؤ ناظرت الصورة وكانت لرانيا..تأملت الصورة لثواني..رفعت عيني وبصوت واطي:هاذي زوجتي... رفعت امي يدها وحطتها على كتفي بقوة...حسيتها طلعت منها بقهر.. دمعت عينها:ليش ياسلطان ليش.. مسكت يدها وبستها:يمه انا عارف انك زعلانه...وماتوقعتي هالشي..بس هاذي زوجتي على سنة الله ورسوله...صار لنا سنه او اكثر متزوجين...قبل وفاة ابوي تزوجتها...رفض زواجي وتزوجتها بدون علم احد..كنت اقدر مااتزوجها وارضيكم بس مااح ارضي رب العالمين...يمه الي ابيه منك تقدرين ظروف زواجي... امي وحسيت بصوتها زعل:تقوم تتزوج هاذي ليش قلوا البنات.. :انا تزوجت الي احسها تناسبني... امي:تناسبك هالحثاله!!لا والله عرفت تلعب بعقلك زين.. مافهمت معني الكلمه الي قالتها امي...بس حسيت فيها اهانه..:يمه هاذي زوجتي...وتراها عربيه ومن لبنان.. امي:زوجتك..لو انك تحس انها تناسبك كان اعلنت زواجك..ليش سكت عنه؟قلي ليش؟عشانها تناسبك؟انت اصلا عارف انها ماتناسبك ولا هي من مواخيذك.. :يمه انا كلامك ماافهمه...وانا تزوجتها وانتي لازم تعترفين بهالزواج... بعصبيه:اذا تبي رضاي ياسلطان طلقها...طلقها قبل ماتحمل ويطيح الفأس بالراس.. :اطلقها!!مستحيل..يمه انا سعادتي معها..واذا تبين سعادتي ادعيلي بالتوفيق..وانا من بكرة بعلن زواجي...وخلي كل الناس تعرف..عماني وخوالي واهلك كلهم...ابيهم يقولون سلطان متزوج وحده لبنانيه... امي وبدت تصيح:سلطان انت الي سويته لا يرضيني ولا يرضي ابوك الله يرحمه.. قاطعتها:انا مو اول ولا اخر واحد يتزوج من جنسيه غير جنسيته...يكفي اني تزوجت وحده مسلمه وعربيه...هاذي الي انا كنت ادور عليها..انا بحياتي مافكرت اتزوج وحده سعوديه...ولا ابي اتزوج وحده سعوديه...ومن سابع المستحيلات اخذ وحده سعوديه... امي:والكلام الي كنت تقوله..ايه دور لي على وحده...انا ابي اتزوج وحده من ديرتي..كله كذب..تبي تسكت امك..تبي تلعب عليها..تبي توهمها...انا كنت ابي اخطب لولدي احسن البنات.. قاطعتها:يمه مين بتوافق على واحد عايش بامريكا!والا تحسبين اني بجي واسكن هنا... امي:وش حبيت فيها هاللبنانيه؟! :يمه انا ماجيت من قريه واول وحده شفتها حبيتها وتزوجتها...انا ماكنت فقير وماادري وش الدنيا فيه..انا ماكنت اعمى وفتحت...انا قابلت كثير..كثير..كانت لي علاقات قبل..بس لما قابلت رانيا..اللبنانيه على قولتك..حبيتها...مو لاني ساذج وقدرت تلعب علي.. امي وهي تصيح:ونورة بنت خالك؟ ناظرت امي وآخر ماتوقعت انها تقوله..وش جاب نورة على بالها...لهدرجه حنا مفضوحين..سكت شوي افكر بسؤالها..الي يشوف دفاعي عن رانيا يقول ان هذا يعشقها...بس كلامي يمكن ردة فعل ودفاع عن موقفي انا ماكنت ابيها تعرف ولا اي احد ثاني.لاني عارفه زواجي من رانيا نهايته الفشل... نورة هي الي مسيطرة على بالي كله...رانيا حسيت انها مختلفه عني تماماً..تزوجتها لاني كنت ابي اصون نفسي..هي الي كانت قدامي بهاذيك الفترة.. :ايش دخل نورة بموضوعنا؟ امي وهي توقف:مالها دخل...واذا تبي رضاي طلقها..وغير هذا انا ماعندي..وفكرة انك تعلن زواجك انساها..وارجع ياسلطان لامريكا...ولاعاد تجي لاهلك..وعش حياتك بسعادة مثل ماتبي...وانسى امك...انا كنت اتمنى ان ابوك يرجع لسعوديه..وكنت اتمنى انه يترك خرابيطه..بس مانفذ الي ابيه..رجعت لاهلي وتركته...جا ولدي وبيسوي مثل ماسوا ابوه...تبي تتركني اتركني..وعش حياتك مثل ماتبي..انا مااوقف بسعادة اي احد...وخاصه ان كان ولدي.. قالت امي كلامها وطلعت من الغرفه...هذا الي كان ناقصني ان امي تعرف عن زواجي بهالطريقه... فكري مشوش ومااقدر افكر...بداية مع نورة وانهتها امي... ><><><><>< العصر الساعه 4:00 كنت بغرفة منار...الوضع بالبيت مرتبك..عمتي بغرفتها وسلطان طلع..مافي الا تفسير واحد ان عمتي ضايق صدرها لان سلطان ماراح يرجع... رن تيلفون البيت بوقتها...انسحب الخط من تحت وردت ريما... دقايق وجت ريما تركض ونسمع صوتها:منوووري زوجك يبغاك... دخلت علينا وبعد مااخذت نفس طويل:منوري حبيبتي زوجك يبغاك..ارفعي السماعه.. منار:احلفي؟ ريما:والله العظيم.. منار لفت علي:نورة مااستعديت اني اكلمه..وش اقوله؟ :لا تقولين شي هو الي بيقول... منار:انا كنت مخططه كلام اقوله..,نورة انتي كلميه.. :بلا غباء..اسحبي الخط وتكلمي معاه بهدؤ..خلي كلامك واضح واسأليه عن كل شي..لا تستحين..منار خليك واثقه من نفسك ولا تخبصين بالحكي... منار:اطلعوا برا بسرعه... اخذت ريما وطلعنا برا.... ساعه الا ربع تقريباً...وينفتح باب غرفتي بقوة:نورة.. :قفلتي؟ منار:ريما اطلعي برا.. ريما:لا ماراح اطلع.. :يلا قولي وش صار.. منار:ماتوقعته كذا.. :يعني كيف؟ منار:عجبني..نورة كلامه مرتب وماتحسينه يغلط بشي...متسلسل ويعرف وش يقول..وعارف هو انا وش ابي..ماطولنا لكن تكلمنا بكل شي...يعني كل شي عطيناه حقه...اسم بنته داليا..شكله مرة يحبها.. :اكيد بنته بيموت فيها بعد,طيب انتي وش قلتي؟ منار:اممممم مالك دخل.. :منار عاد.. منار:يااختي حسيته رجال جدي..شغلي وبيتي وبنتي... وهي تقلد صوته:من الشغل للبيت..مو كل يوم اروح الجم...يعني انا شغلي وبنتي هم حياتي...وطبعا زوجتي.. يجي الرياض كل شهر تقريباً...مايحبها ابداً..يقول اذا عشتي بالشرقيه بتكرهين الرياض.. :طيب كيف.. ارتحتي من كلامه؟ منار:ايه احس اني مرتاحه...بيسافر يوم الخميس.. :طيب تكلمتوا عن الزواج؟ منار:تخيلي يبي الملكه بعد الصيف..يعني اول اسبوع من الدراسه.. :من جده؟ منار:ايه..تعرفين انا بعد احس احسن..مايحتاج نطول.. :يعني لو صارت الملكه اول اسبوع من الدراسه متى الزواج؟ منار:يقول بعد شهر من الملكه... :يعني 3 شهور خطبه ملكه زواج؟ منار:ايه كفايه.. :طيب دراستك؟ منار:ماادري..قال لو تحبين تكملين دراستك بالبحرين..او انتساب.. :كويس طيب.. منار:ايه..نورة لما كلمته حسيت براحه..احسه مرة طيب.. :ان شاء الله ربي يوفقك.. شفت الراحه بعيون منار...يمكن ماتكون مقتنعه فيه كثر ماهي مرتاحه..توقعت تجي وتقول ماابي اكمل وبفك خطبتي..لكن توقعاتي دائما خطأ... ><><><>< رحنا اليوم عند خالتي وسهرنا عندها..رجعنا بوقت متأخر...ماكان في عمتي ولا سلطان... رحت غرفتي جت عندي منار سولفنا شوي وبعدها راحت غرفتها..وحطيت راسي ونمت...كنت ميته تعب... يوم الثلاثاء... الساعه 9:00 الليل... سلطان الحين بيطلع المطار... الكل كان بالصاله الا انا...عمتي حصه ومنصور بعد كانوا فيه... لازم الحين اطلع للمطار... بس نورة مو في...من المغرب وحنا جالسين وهي فوق.. امي كانت متضايقه..يمكن الكل فسر زعلها لاني بسافر.. منصور:سلطان شكلك ماتبي تطلع.. وقفت:يلا.. مشيت خطوات قصيرة وقفت قدام امي..وضميتها..كانت تصيح..تصيح بضيق.. ماادري اذا تصيح لاني بسافر او تصيح لان ولدها خيب أملها.. بصوت واطي:يمه سامحيني.. بعدت عني شوي:انتبه لنفسك ياولدي.. ريما هي الثانيه..كانت جالسه جنب امي.. وقفت على الكنبه عشان تصير بطولي..ضمتني وكانت تبكي.. ريما:سلطان حبيبي ارجع عندنا مرة ثانيه... ابتسمت:اكيد برجع..انا لو برجع هنا بجي عشان احضر زواجك.. وهي تصيح:ماراح اتزوج اصلا..يعني ماراح تجي ضحكت عليها.. قربت منها وبصوت واطي باذنها:روحي نادي نورة بسرعه.. سمعت كلامي من هنا وقامت بسرعه من مكانها... سلمت على خالتي حصه..رحت الصاله الثانيه وفي مشاعل وسارة ومنار..سلمت عليهم.. خالي:يلا يا سلطان.. نورة للحين مانزلت لازم اشوفها قبل مااطلع... ناظرت منار وكنت احرك شفايفي بس ماكنت ابي احد يسمع:نادي نورة.. قامت منار بسرعه وطلعت فوق... منار ورا الباب:نورة افتحي بسرعه... كنت اصيح سلطان الحين بيسافر وانا ماسلمت عليه..مااقدر انزل لاني لو سلمت عليه قدامهم بصيح..وانا ماابي هالشي.. قمت وفتحت الباب:نعم.. منار:نورة سلطان يبيك..هو قالي نادي نورة.. :تو ريما جتني وقلت لها ماراح انزل..منار مااقدر.. منار:نورة امسكي نفسك وانزلي..يمكن ماتشوفينه مرة ثانيه..نورة صدقيني بتتحسفين بعدين.. :بصيح يامنار بصيح..مااقدر.. منار:كان سلمتي عليه قبل..الكل تحت يقوله يلا ياسلطان وهو يحاول انه يجلس... جت منار واخذت منديل ومسحت وجهي...وجابت ربطة شعر ومسكت شعري فيها.. منار وهي ترمي لي شيله:يلا نورة تحجبي فيها وانزلي.. اخذت منها الشيله وتحجبت فيها زين.. طلعنا انا وياها من الغرفه ومنار كانت تمشي بخطوات اسرع مني وكأنها هي الي تبي تشوفه مو انا.. نزلنا لكن بعد فوات الآوان.. منار بصوت عالي:راحوا؟؟ سارة: مااظنهم يمكن قاعدين يركبون السيارة.. لفت علي منار وصوت واطي مايسمعه غيري:اطلعي برا سلمي عليه.. :وابوي ومنصور وش بيقولون؟ منار:اطلعي عالاقل يشوفك بس.. مشيت بخطوات سريعه وطلعت برا..رحت عند مواقف السيارات.. كانوا طالعين تأخرت شوي... جت بعد دقايق منار:شفتيه؟ كنت اصيح من القهر:لا ماشفته... منار:غبيه غبيه يانورة.. :منار لا تزيديني الله يخليك... ليش يانورة مانزلتي تسلمين...عالاقل اشوفك قبل مااروح... نهاية قصتنا بايخه..وسخيفه..حبينا بعض بس مااحد عبر عن مشاعره..كان كل واحد منا يبين العكس... انا السبب بكل الي صار..اتمنى اني انساك يانورة... نهاية الجزء ... .. .. .. | ||||
|
| |
|
26-07-22, 11:13 AM
| #16 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ( الجزء الثاني عشر) ماكنت أصدق تروح هانت عليك الجروح... أطلبك بالله تروح كفاك تجرح كفاك...قلب عطاك الوفا..مجنون لو مانساك... شهر وعشر أيام مرت وبقى على الاجازة اسبوع... اسبوع وتبدا الدراسه...مرت كل هالفترة بدون مااشوف سلطان ولا حتى اسمع صوته... سافرنا لايطاليا..السفرة كانت ممله بالنسبه لي..ومو لي يمكن للكل... عمتي من سافر سلطان وهي متغيرة في شي شاغل بالها.. الله اعلم فيه... ابوي كان باله مع زوجته الي بتولد هالايام..ماكان مقرر انه يجي معنا..بس على اخر شي غير رأييه... ومنار علاقاتها مع مساعد رسميه..كلمها ثلاث مرات تقريباً.. مرتاحه نوعاً ما... سارة مثل ماهي عليه... مشاعل..تعتقد تغير خالد من الخطه الي خططت لها عشان خالد يتغير...مااعتقد انه هذا التغير الي كانت تبيه... انا حالتي النفسيه تعبانه...خطبة منار يمكن اشغلتني شوي..لكن سلطان في بالي...تفكيري كله بسلطان...احاول اني الهي نفسي وافكر باي شي...بس مااقدر...كنت اتمنى اني اكلمه اسمع صوته بس...عمتي مكالمتها معاه قليله...بعكس اول ماادري ليش...يعني هو الي كان يكلمها دقايق وتقفل منه... بقى اسبوعين بس على ملكة منار...وبعد الملكه بشهر زواجها...احس كل شي قاعد يصير بسرعه ماادري اذا كان بمصلحة منار هالشي... مساعد مستعجل ويبي يتزوج باسرع وقت ممكن... قطع حبل افكاري صوت الباب وهو ينفتح...سكرت الدفتر بسرعه ورفعت راسي اشوف مين الي دخل.. منار:وش تكتبين؟ اخذت الدفتر وحطيته بالدرج:مالك شغل.. منار:توني مقفله من مساعد... :وش يقول؟ منار:ماله الا ساعه واصل لبيته...مو كان مسافر... :اييه وش قال؟ منار وهي تجلس:انا ساكته وهو يحكي..قفل مني عشان بينام.. ناظرت الساعه:تونا الساعه 10.. منار:بكرة عنده شغل.. جلسنا نحكي انا ومنار شوي.. وبعدها نزلنا تحت..عمتي رايحه عند عمتي حصه ومعها ريما.. جالسين انا ومنار بالصاله ونتفرج على التلفزيون وكل وحده مننا في عالم ثاني.... قطع افكارنا صوت الجوال...سكوت لثواني انا ومنار ناظرنا بعض فيها... جوال منار الي كان يرن...هاذي الرنه رجعتني لورا...النغمة الخاصه لفيصل... منار وقلبها يدق بسرعه ووجها انقلب لونه:نورة!! ناظرتها وبسرعه:لاتردين.. وقفت منار واخذت جوالها وكانت تمشي بخطوات سريعه.. انا بصوت عالي:منار ياويلك ان رديتي...منار ملكتك بعد اسبوعين...منار..منار.. ولا كانها سمعت وش قلت..طلعت من الصاله وردت...ردت بدون اي تفكير... منار كانت ساكته ونفسها كان مسموع..ماقدرت تتكلم...او كانت تنتظر فيصل يتكلم.. فيصل وكان سرحان بكل رنه يسمعها...يحس ان هالرنه خاصه بمنار...انقطعت هالرنه وحس بارتباك.. فيصل:الو.. منار:ا..ا..الو.. فيصل:منار؟ منار:ايه.. فيصل:كيفك؟ منار:بخير..انت كيفك؟ فيصل:الحين صرت بخير.. منار خنقتها العبرة وباستهزاء:فيصل للحين تقول هالحكي.. فيصل:وحشتيني.. منار سكتت وماردت عليه.. فيصل:والله وحشتيني... ماردت عليه...ماعرفت وش تقوله..وحشتني انت بعد..صعبه هالكلمه تقولها وهي الحين شبه متزوجه... فيصل:منار وش فيك؟ منار وهي تحاول تمسك نفسها:ممكن اعرف ليش متصل؟ فيصل مااتوقع ان ردة فعلها بتكون كذا:منار حبيبتي انا لو بيدي كان ماتركتك...انتي عارفه هالشي.. منار تقاطعه:لاتقول حبيبتي...فيصل خلاص الي كان بينا انتهى... فيصل بعصبيه:منار ماانتهى الي بينا ماانتهى وماراح ينتهي...انا للحين احبك والى مااموت احبك..انتي فاهمه انا وش قاعد اقول..انا.. تقاطعه وكانت تصيح.:انا انخطبت يافيصل...انخطبت.. فيصل سكت شوي ومااستوعب الي قالته وبصوت حاد:كذابه..تكذبين صح!منار..؟ منار وصياحها يزيد وماهي قادرة تتكلم:ملكتي بعد اسبوعين.. فيصل حس انه تشنج وماهو قادر يتحرك حط يده على راسه وكانه يستوعب الي قالته...دمعت عين فيصل..وحس انه مخنوق..وفي غصه بحلقه منعته من الحكي.. منار كانت تصيح بصوت عالي.. فيصل الصدمه كانت قويه بالنسبه له مااتوقع انها بهالسرعه بتنخطب..فيصل مكلم منار يقولها انه جده بيجي وبيخطبها من ابوها...بس خلاص كل شي انتهى...ضرب فيصل يده برف سيارته.. فيصل كان يصيح...ويمكن بعمره ماصاح...فيصل دائما الشخصيه القويه الكتومه...بالنسبه لمنار..ماكنت تتخيل ان فيصل بيصيح يوم من الايام عشانها...وغير كذا قدامها..كانت تسمعه يصيح..كان يصيح مثل ماهي تصيح..ماكانت دموع تنتهي بثواني.. فيصل الرجال الي مايهزه اي شي...يصيح عشان وحده يحبها وراحت من يده.. دقايق بهالوضع... سكر فيصل..وانهى مكالمته بعكس ماكان يتوقع...كان يتوقع انه اخر شي بيقوله..اكلمك اذا صرنا مخطوبين...يمكن هاذي الكلمه الي دارت في بال فيصل... منار وهي تصيح:فيصل..فيصل..والله اني احبك.. انا بعد كنت اصيح معهم...شفت كل الي صار..اصيح عشانهم واصيح على نفسي... ضميت منار وحطيتها على صدري وخليتها تطلع كل الي في خاطرها... منار:ليش كلمني يانورة ليش.. ماعندي اي جواب لاسئلتها... منار وهي تصيح:نورة كان يصيح...فيصل كان يصيح قدامي..احس اني اشوفه...انا بحياتي ماتخيلت اني بشوف فيصل بهالوضع..نورة انا خايفه عليه...كان منهار..كان.. ماقدرت تكمل كلامها ورجعت تصيح.. :منار خلاص يكفي..الله يخليك والله قطعتي قلبي.. منار:نورة ليش كلمني؟ :منار خلاص.. منار:ليش انا ابغى اعرف ليش..نورة انا بموت..قفل مني وهو يصيح..انا خايفه يصير فيه شي.. :منوري حبيبتي قولي لا اله الا الله.. منار:انا خاينه..انا حمارة..مااستاهله..كنت ظالمته طول هالفترة..طيب ليش مااتصل قبل... :منار لا تقولين كذا.. منار:انا احبه هو مااحب مساعد...مساعد جا وخطبني ووافقت وبس..مااحس قلبي تحرك له..احس اني بحلم..وقاعده اسوي اشياء انا ماني حاسبة لها... :منار وش هالخرابيط.. منار:خلاص...بسكت وماراح اقول اي شي..خلوني اموت..انتم تبوني اموت..وانا قاعده اموت بالبطئ..احسن شي..ياربي.. قاطعتها:منار استغفري ولا تكملين كلامك... منار:الله ياخذك يالندن...الله ياخذك يالي سرقت شنطتي...الله ياخذ الحب... كنت اناظر منار وانا منصدمه من الكلام الي قاعده تقوله... منار:لا تناظريني كذا...نورة لا تحبين سلطان...لا تتعبين مثلي..انسيه..خلاص شيليه من بالك..عيشي حياتك بدون حب..خليك مثل ماانتي... :منار اذكري الله.. منار:خليني بلحالي نورة...الله يخليك اطلعي وخليني.. :ماراح اخليك... منار وهي تمسك جوالها وترميه على الجدار بكل قوتها.. طاح الجوال على الارض وأجزائه متناثرة على الارض.. :منار صاحيه انتي.. منار:انا ماابي اي ش يذكرني بفيصل.. قامت من مكانها وراحت مكان ماطاح الجوال تدور على شريحتها... اخذتها ورمتها بالزباله... لفت علي منار:نورة اطلعي برا.. :طيب.. طلعت من عندها وسويت الي تبيه... منار ردة فعلها طبيعيه...بعد ايش يجي فيصل ويتصل...فيصل اتوقع ولا جا في باله حتى ان منار ممكن انها تكون مخطوبه...يعني الفترة الي تركوا فيها بعض ماهي كثيرة لدرجه انه يتقدم واحد لمنار وتوافق... أخليكم تعرفون ردة فعل فيصل احسن مما اسوي تحليلات من عقلي... فيصل كان يكلم منار وهو بالسيارة...وفيصل مو من النوع الي اذا عصب او تنرفز من اي شي يركب سيارته ويطلع..كان بالعكس يحب يرجع البيت...وفعلا رجع فيصل للبيت... الصدمه كانت قويه بالنسبه لفيصل وأثرت فيه...منار جابتها عالجرح..فيصل حس انه انجرح..او ماكان هذا احساس..فيصل بجد انجرح من منار...كل الي كان في باله...ان منار خانته يعتبر هاذي خيانه... دخل فيصل البيت الي كان فاضي..اهله مارجعوا من السفر...ماكان في بالبيت الا هو وفراس اخوه الي اصغر منه.... جلس في الصاله فترة قصيرة..كان يحس بضيق وماهو قادر يفكر.. خطر في بال فيصل شي..يمكن ينسيه شوي الي هو فيه...كان يحاول انه يشيل هالفكرة من باله..بس الشيطان كان اقوى منه... وقف فيصل وطلع من الصاله ونزل تحت لصاله صغيرة كانت خاصه بابوه اذا جا بين فترة وفترة لسعوديه... دخل الصاله وطاحت عينه على زاوية الغرفه فيها دولاب خشبي..هالدولاب خاص بابوه بس..ماكان احد يدخل هالصاله.. خمر...(wine)تقدم فيصل بخطوات بطئيه لجهة الدولاب..مد يده وفتحه...الدولاب فيه رفوف مليانه كان يمد يده ويرجع يشيلها مرة ثانيه...هو عارف ان الي جالس يسويه حرام... رجع فيصل يده واخذ له قارورة وسكر الدولاب بسرعه وراح جلس على الكنبه...حطها على الطاوله...وكانه يبي يرجع يفكر اذا يشربها او لا...ضعف الايمان بالله هو الي خلاه يلجأ لمثل هالشي.. مرت ساعتين وفيصل على حالته كان شبه فاقد وعيه..مو شبه كان فاقد عقله..وحده ورا وحده...شرب كميه كبيرة خلته بهالحاله.. بعد فترة قصيرة دخل فراس البيت..وهو بطريقه لفوق...شاف انوار مفتوحه وحس بحركه بس ماكان عارف من وين المصدر بالظبط... راح الصاله بخطوات سريعه...وكان مستغرب انها مفتوحه يعني مين بيجلس فيها..ابوه وبلندن وفيصل مستحيل يدخلها... دخل الصاله وكان منصدم من الي قاعد يشوفه... فراس مارمشت عينه من شده صدمته..معقوله فيصل يرجع لخرابيطه... فراس:فيصل وش تسوي انت؟! فيصل ناظر فراس ومارد عليه.. فراس يناظر القوارير الي على الطاوله:فيصل شارب كل هذا؟صاحي انت والا مجنون؟ فيصل كان لسانه ثقيل وماهو عارف وش قاعد يقول:فراس..اطلع.. فراس قرب لاخوه وجلس جنبه حط يده على كتفه وبدا يهزه وبعصبيه:فيصل يرحم والديك يكفي.. سحب من يده القارورة.. فيصل ماكان يقدر يتحرك.حركته بطئيه وبثقل..بعد يد فراس عنه وسند راسه على الكنبه وبدا يخربط عليه بحكي مو مفهوم.. فراس طلع جواله واتصل على بدر..يمكن عارف عن الي قاعد يسويه اخوه... بدر انصدم من الي قاله له فراس...فترة قصيرة وبدر عندهم بالبيت... بدر:فراس امش نطلعه فوق لغرفته عشان ينام.. فراس بضيقه:اموت اعرف وش صار له؟اليوم كان مبسوط ومافيه ولا شي.. بدر وكان مرة ضايق صدره من حال فيصل..:ماادري يافراس ماادري.. طلعوا فيصل فوق لغرفته... فيصل فجأة بدا يصيح وكان يخربط بالحكي وذكر اسم منار بين كلامه... بدر ناظر فراس:منار هي سبب الي فيه.. فراس:لا يكون صار شي للبنت.. بدر:وش الي بيصير لمنار بيخليه كذا..اخوك الي فيه مو طبيعي..فيصل ترك الشرب من زمان..فيصل تغير...يجي فجاة يرجع يشرب وبهالكميه هاذي..يعني اخوك الي شربه مو شوي... فراس:فيصل منار وش فيها؟ فيصل مارد عليه اكتفى انه يناظره ويمكن هالنظرة جاوبت لفراس.. فراس:تزوجت؟ بدر:من جدك مستحيل.. فراس:ليش يمكن انخطبت.. بدر:بس مستحيل فيصل يسوي كذا...انت عارف حجم الي اخوك سواه..سكران فاهم وش معنى سكران.. نام فيصل وبدون مايحس بنفسه..حط راسه بالسرير وعلى طول نام.. فراس يناظر الساعه وكانت 2:00... فراس:بدر خلاص روح بيتك بكرة عندك شغل.. بدر:فراس اسمحلي بس انا بنام هنا..ماراح اقدر اخلي فيصل وهو بهالحاله... فراس:لا بدر ماابي اتعبك.. بدر:مابينا يافراس.. فراس وهو يوقف:انا بروح ابدل ملابسي..,وهنا غرفة الملابس حقت فيصل خذ لك شي تلبسه.. بدر:طيب.. بعد فترة ماهي طويله راح فراس غرفته واما بدر انسدح بالكنبه الي بغرفة فيصل.. بدر كان باله مشغول بفيصل..وماهو قادر يصدق ان الي شافه قبل شوي هو فيصل... فترة قصيرة واذن الفجر... قام بدر وتوضى وهو طالع من الحمام فراس دخل الغرفه.. بدر:شكلك مانمت؟ فراس:لا,احسبك نمت قلت اجي اقومك.. طلعوا بدر وفراس وراحوا المسجد بعد مارجعوا كل واحد راح بطريقه... بدر ماراح الشغل..اما فراس راح لدوامه.. الساعه 11 قام بدر من النوم الي كان مقطع والمكان الي نايم فيه مو مريح... الساعه 1:00 الظهر قام فيصل اخيراً من النوم..بعد محاولات من بدر.. فيصل وهو يرفع نفسه ويحس بصداع شديد ويناظر بدر وهو مستغرب:وش جابك انت؟ بدر بلهجه جديه:ماتدري يعني وش الي جابني؟ فيصل:كثرت امس وانا اشرب..! بدر:كنت بحاله الله اعلم فيها..اتصل على فراس وجيت لبيتك بسرعه...وكان منظرك لا يوصف.. فيصل:مااتذكر.. بدر بعصبيه:ايه طبعا ماتتذكر انت كنت بعقلك! فيصل:الساعه كم؟ بدر:وحده.. فيصل:مارحت الشغل؟ بدر:نمت عندك.. فيصل سكت شوي وانحرج من بدر وحس بموقفه انه مرة بايخ.. بدر:فيصل ليش كنت تشرب امس؟ فيصل وهو منزل راسه وكأنه يتذكر وش السبب الي خلاه يشرب.. بدر:منار وش فيها؟ فيصل:انخطبت.. بدر ماانصدم من جواب فيصل لانه كان متوقع شي اكبر من كذا:وعشانها انخطبت تسوي كذا؟ فيصل:بدر الي صار امس انساه لو سمحت... بدر:اكيد تبيني انساه لانك متفشل من الي سويته...وندمان عليه..فيصل المفروض انك تلجأ لربك..مو تسوي الي سويته...يعني انت بتجلس تسوي كذا كل ماضاقت فيك الدنيا! فيصل بعصبيه:بدر احس راسي بينفجر... بدر:فيصل عشانها انخطبت تسوي كذا!!اسمحلي اقولك هالكلمه وان كانت بتزعلك..انت تافه.. فيصل بصوت عالي:انا عاجبتني تفاهتي..ممكن تقفل على الموضوع انا مااقدر اتكلم ومالي خلق.. بدر:ماراح اتكلم..بس فيصل الي صار امس ضيق صدري..انت تركت الشرب من زمان..انت غيرت نفسك مو عشان منار..انت غيرته بقناعه من نفسك ان الي تسويه حرام...يوم انخطبت منار ترجع تشرب! فيصل:انا ماتغيرت..امس كنت بضعف وماعندي حل الا اني اشرب.. بدر تنرفز من فيصل مرة:طيب فيصل انا بروح المكتب الحق على ساعتين على الاقل... فيصل:انا بجي معاك.. بدر:تجي وانت شكلك كذا..فيصل ارتاح اليوم.. فيصل سكت ومارد على بدر.. بدر حب راس فيصل..:يلا فمان الله.. فيصل:تعرف بدر..جدي وافق انه يخطب لي منار...ووعدني الخميس الجاي انه يروح ويخطبها لي...ماادري ليش قررت اني اكلمها واقولها اني الخميس جاي وبخطبك...صدمتني يابدر لما قالت لي انها انخطبت...جن جنوني بوقتها ماكنت اتوقع ان منار بهسرعه بتنساني...انا انصدمت لاني اكتشفت ان منار ماتحبني..يعني كل الي كان بينا مشاعر تطلعها لي..والسبب الفراغ العاطفي..يعني انا كنت تسليه..خطبتها ماخطبتها ماتفرق معها...شوفها انخطبت..ملكتها بعد اسبوعين..يعني مستعجله مرة..احس بضعف يابدر..احس اني انهزيت..احسها هزت رجولتي.. بدر:انا مااعرف وش اقولك..انساها يافيصل وبتلقى غيرها..صدقني منار ماتستاهلك... فيصل اخذ نفس طويل:الله يوفقها..هذا الي بقوله..هي اختارت طريقها بعيد عني..انا بشوف بعد حياتي بعيد عنها..,بدر روح شغلك..يلا مع السلامه.. بدر:قم توضى وصلي وادعي ان ربي يغفر لك... سكت شوي فيصل:بدر وش رايك نروح مكه؟ بدر:لو تبي نروح..انا بعد ابي اخذ عمرة.. فيصل:الويكند الجاي.. بدر:اكلم احجز اليوم..,يلا مع السلامه.. فيصل كان متضايق من الي سواه امس..حاس بتأنيب الضمير..ولازم يحس بهالشي واقل شي انه يحس بهالاحساس.... ان شاء الله ربي يغفر له ويصلح امره....انا ادعي هالدعوة لكل الشباب الي ماشين بطريق الضلاله... ><><><>< الساعه 4:00 العصر.. جالسين انا ومنار وهاله بالصاله الي تحت بالبيسمنت(القبو)... منار منسدحه وبعالم ثاني...وانا وهاله نسولف.. هاله:نورة وش رايك في بدر؟ :مااعرفه والله,اسالي سارة عنه.. هاله سكتت شوي:ابوي سأل عنه والكل يمدح فيه... :وامك؟ هاله:امي بعد حسيتها متقبله..يعني تبيهم... :ياسلام انتي ومنار تنخطبون مع بعض.. هاله:انا ومنار اكبر منك انتي وخشتك.. :الله يوفقكم,انا ماابي اتزوج.. هاله:توفرين عرسان.. :ياسخفك.. منار:يلا بنات تجهزوا..الحين بنطلع.. هاله:ماخلصتي سوق؟ منار:يعني بدور اشوف سوق الرياض..لازم اروح.. :جت مشاعل؟ منار:ايه دقت على رنه وقفلت.. طلعنا كلنا السوق..ومافي مكان مارحنا له..طبعا كل هذا عشان منار..ولو مشاعل ماقالت لمنار نطلع..كان طنشت منار الموضوع وماطلعت.. نومي ترتب وصرت انام بدري واقوم بدري...السبت الجاي تبدا الدراسه... متكورة على نفسي واللحاف مغطيني كلي..كنت داخله فيه...واحس بدفئ.وخاصه ان الغرفه باردة.. الافكار تدور في راسي..فكرة ورا فكرة...بعضها يعجبني وبعضها احاول اشيلها من بالي... الفكرة الي في بالي الحين... منار وهاله تخلوا بسهوله عن الي يحبونهم...منار وافقت على مساعد وهاله مبدئياً اقدر اقول انها موافقه على بدر..قبل فترة ماهي طويله...... منار وهاله رافضين فكرة الزواج...منار مجنونة بحب فيصل... وهاله ولهانه على حب عبدالرحمن... كنت اسمع كلامهم واقول معقوله في حب لهدرجه! في حب للحين كنت انبسط شوي لان الدنيا لسا بخير... انا مو مستغربه تصرفهم كثر ماكنت مستغربه هالحب... عبدالرحمن ماكان يحب هاله ولا يدري عن حبها وخطب وحده غيرها... وفيصل عند منار انه تركها ولا رجع خطبها...وشافت مساعد الانسب لها...(وانا اشوف بعد كذا..) يمكن هذا سبب لكل وحده منهم انها توافق على الي تقدموا لهم.... وانا وش بتكون نهايتي؟ بترك حب سلطان وبتزوج واحد ثاني؟يمكن.. انا ماراح استغرب اي تصرف اسويه ولا اي قرار اتخذه..مثلي مثل غيري...يمكن ماانسى سلطان...لكن بنفس الوقت بحب زوجي وبعيش معاه احلى عيشه.... ><><><><>< مر اسبوع بهدؤ وكآبه..بما انه السبت تبدا الدراسه فالاسبوع الي قبله دائما مايكون كئيب..وغير كذا أجواء بيتنا كئبيه نوعاً ما... اليوم الجمعه...الساعه 7 المغرب... جالسين بالصاله وعندنا مشاعل وسارة...كلامنا كان عن الملكه والزواج.. مشاعل:منار سوي زواجك عائلي احسن لك صدقيني..مو لازم تسوين زواج كبير... سارة:لا والله هاذي ليله بالعمر..الا سوي زواج كبير واعزمي كل الي تبين.. :ايه انا بعد مع سارة... عمتي:منار زواج عائلي.. 150 شخص يعني بهالحدود.. منار كانت ساكته وكأن الموضوع ما يهمها وحنا قاعدين نتكلم عن وحده ثانيه... سارة:منار انطقي قولي شي.. منار:الي تشوفونه.. مشاعل:حنا بنتزوج والا انتي! منار:انا اقول ماله داعي اكبر الزواج..يعني بعزم الي ابي..والي احس اني بفرح بجيتهم وهم بيفرحون لي...اما اقعد اجمع كل هالناس..ولو وحده شفتها مرة عزمتها..ماابي كذا.. رن تيلفون البيت بوقتها وقطع كلامنا...رفعت مشاعل السماعه... ماعرفنا المتصل..بس وجه مشاعل تغير وانقلب لونه... مشاعل:مبروك..والحمدالله على سلامتها..ايه هاذي عمتي عندي.. مدت مشاعل السماعه لعمتي... سارة:ولدت الي ماتتسمى!! لفينا كلنا على مشاعل ننتظر منها الجواب...حنا عارفين انها حامل بس يمكن ماقد فكرنا بجد انها بتولد وبتجيب لنا واحد ينضم لعائلتنا... مشاعل:ايه.. :وش جابت؟ مشاعل:ولد.. كلنا ناظرنا بعض وكل وحده منا ماكانت تبي هالشي...كنا نتمنى انها تصير بنت..كنا نتمنى ان كل خلفتها تصير بنات..فينا انانيه واكره اننا نكون كذا...حنا بشر وماراح نصير الناس المثالين.. سارة:الله ياخذها..اكرهها ماني قادره اطيقها.. مشاعل:استغفري.. :انا بعد اكرهها..جابت الولد عشان تلزقه بابوي.. مشاعل:انا بعد اكرهها لكن هاذي زوجة ابوي...ومايجوز اننا نقعد ندعي عليها ونحقد عليها بهالشكل.. سكتت منار وماعلقت على الموضوع...منار موقفها كان صعب..وخاصه انها بتتزوج واحد عنده بنت..ويمكن هالبنت في يوم من الايام بتقول مثل هالحكي.... بعد ما سكرت عمتي وكانت مبسوطه..عشان ابوي.. عمتي:بيسمونه فواز.. سارة تناظر مشاعل:خلاص راحت ابو مشاعل... مشاعل ناظرت سارة وماعلقت... عمتي:ترا بكرة بنروح نزورها من الحين اقولكم.. سارة:لا انا تعبانه وماراح اروح.. عمتي:لا بتروحين ان شاء الله... من بكرة رحنا كلنا..وزرنها واخذت لها عمتي بعد هديه لها ولولدها...ابوي طلب منا اننا نروح ونشوف ولده او اخونا...رفضنا هالشي..وماكنا نبي ابدا اننا نشوفه...ماادري ليش بس ماكنا نبي...ابوي باسلوبه المحرج والي فيه نوع من الامر..رحنا وشفناه... ماكانت ملامحه باينه..يعني طفل عمره يوم وش بيكون شكله! ><><><><>< ليه مكانك مو مكاني..ليه زمانك مو زماني.. ليه تاركني أعاني ليمتى والوقت سراق.. دامك انت مثلي مشتاق ليه دايم بينا فراق... اطلعكم شوي واخليكم تبعدون...تبعدون وتجون معاي لامريكا... وضعي مستقر واحس براحه اكثر...امي زعلانه علي ومن رحت لامريكا ماشفت منها اي اتصال..انا الي كنت دايماً اتصل..وتنهي المكالمه بسرعه...ماكانت تبي تكلمني وانتم عارفين ليش..انا الي نفسي امي تفهمه اني الي سويته مو حرام...ليش كل هالزعل منها...يارب مااطلب الا رضاها.. تبون نتكلم عن نورة او رانيا! خلوني احكي عن نورة..لاني مشتاق لها وابي احكي عنها باي شي.... مااتصلت ابداً ولاحاولت اني اكلمها...احس لو كلمتها بقلب المواجع...انا ناقص...بس في شي بداخلي يقولي كلمها اسمع صوتها على الاقل....بس مو المفروض انها هي الي تتصل...رحت ولا سلمت علي..اقل شي تسويه انها تتصل... علقت لوحتها في غرفتي..عشان تكون نورة دايماً معاي..ماانكر ان هالشي ضايق رانيا.. كل مااحس اني اشتقت لها واشتقت لحركاتها كنت اتذكر كل موقف صار بينا... رانيا كانت تتضايق لما احكي عن نورة.. انتقلت رانيا بهالفترة لبيتي..اعوضها عن الي راح شوي...كانت في كامل سعادتها..لكن انا ماكنت مبسوط...مشاكلنا كثرت لكن سرعان ماتنحل...انا كنت دايما الطرف الغلطان..بس رانيا هي الي كانت تراضيني... صحيت من النوم...ورانيا للحين نايمه..غسلت وبدلت ملابسي..ورجعت لغرفتي عشان اصحي رانيا :ranya...ranya wake up. وهي تفتح عينها بصعوبه: mmm..ok طلعت من الغرفه..رحت الصاله..جلست شوي انتظر رانيا عشان نفطر سوا...ناظرت الساعه وكانت 8:00 الصباح...يعني الوقت مناسب اني اتصل..طبعاً اتصل على السعوديه...قمت من النوم وانا احس بشوق لنورة..الاتصال كان لنورة... اتصلت..وانا ماادري وش بقول... انقطع صوت الرنين وانرفعت السماعه من الطرف الثاني:الو.. الصوت ماكان لنورة ارتبكت لاني مااعرف وش قول:هلا والله..منار؟ منار:ايه منار..سلطان؟ ارتحت لانها منار..يعني اقدر اقولها وين نورة:ايه,كيف حالك؟ منار:بخير.. :ممكن اكلم نورا؟ منار:ايه اكيد ممكن..ثواني بس... جت بوقتها رانيا وماكانت لابسه لبس الدوام.. good morning... مارديت عليها وحطيت اصبعي على فمي:اوش.. عرفت طبعا ليش سويت لها كذا... جت وجلست ملاصقه لي..ناظرتها وماعلقت... طال انتظاري ونورة للحين ماجت... وأخيراً... نورة:الو.. اخيرا سمعت صوتها:هلا نورا.. نورة ولهجتها فيها تعجب وخوف:سلطان!! :ايه سلطان.. سكوت لثواني... :كيفك؟ نورة:كويسه.. ماعرفت وش اقول بس كنت انتظر منها سؤال تسألني عن حالي.. :شخبار خواتك؟ نورة:الحمدالله.. ندمت بوقتها اني كلمت...ماتوقعت بتكون ردة فعلها كذا... :اوكي نورا حبيت اسلم عليك يلا باي.. نورة:باي.. قفلت الخط بس مو هاذي المكالمه الي كنت ابيها...كان في بالي كلام نفسي اقوله.. سكت شوي ورجعت اتكلم:دقيقه نورا..انا جد اشتقت لك..ونفسي ارجع لسعوديه عشان اشوفك...وان شاء الله باقرب وقت بجي...انتبهي لنفسك.. سكرت السماعه..وانا احس بخيبه... وقفت من مكاني..ووقفت معي رانيا..وبصوت عالي وبعصبيه: l am beginning to....lose my patience..sultan.. سكت ومارديت عليها كملت مشيي.. رانيا بصوت اعلى من قبل: That's disgusting!sultan.. لفيت عليها: ranya..i'm very upset..ok? ماانتظرت ردها كملت مشيي ونزلت تحت..الفطور كان على الطاوله..مااشتهيت..نفسي انسدت... ><><><><>< نادتني منار وماكنت اعرف مين الي متصل..سحبت الخط وعندي سارة... ماقدرت احكي..انربط لساني وعجزت اتكلم..نفسي اساله انت كيفك..يعني اخذ واعطي معاه بالحكي اكثر من كذا...بس سارة كانت عندي...حتى لو سارة فيه..هاذي اعذار جالسه اطلعها لنفسي...انا مقهورة من الي صار...بس فرحانه انه كلمني وسأل عني...عالاقل سمعت صوته... سارة سؤال ورا سؤال..ليش متصل؟ وش عندك انتي وياه؟نورة انتبهي منه؟وش معنى انتي بالذات يكلمك؟لايكون بينكم شي؟ومن هالاسئله واكثر..انا ماكنت مركزة معها واسئلتها بايخه..قمت بسرعه ونزلت تحت وكنت معصبه من منار.. دخلت الصاله وشيطايني كانت طايرة وبصوت عالي:منار حركتك مرة بايخه.. منار:وش قالك؟ :ليش ماقلتي انه سلطان الي متصل؟ منار:قلت اسوي لك مفاجأة.. :مرة بايخه يامنار.. منار:ليش؟ :اولا كانت عندي سارة ثانياً انا ماجهزت حكي.. منار:وش قال؟ :دقيقه..مو دقيقه ثانيه بعد..كيفك وكيف خواتك..حبيت اسلم عليك طراخ.. منار:وانت وش قلتي؟ :كويسه..الحمدالله..طراخ.. منار:نورة مرة اسفه.. مسكت المخده ورميتها عليها:وش يفيد الاسف انتي وخشتك.. طلعت من الصاله ومنار كانت وراي:نورة..والله اسفه.. ماكنت ارد عليها.. منار:نوري والله ماكان قصدي.. مشيت وسفهتها.. منار:وش تبين فيه اصلا..يجيب البلا.. لفيت عليها وبعصبيه:بلا يبيلي شيطانك ان شاء الله.. منار:اجمعين.. :منار انقلعي عن وجهي ماني طايقه اشوفك.. طلعت لغرفتي واتصلت على هاله.. طولت ماردت واخيراً.. هاله وعندها ازعاج:هلا هلا نورة.. :هلا وينك انتي؟ هاله:انا قاعده اسشور شعري؟ :ليش وش عندك؟ هاله:اليوم بيجي بدر يشوفني.. :هو...هو..هاله وانا آخر من يعلم؟ هاله:والله ماكان اليوم بيجي...بس ماادري صحتني امي من النوم وقالت بيجي اليوم يشوفك..مو هو كان بمكه بعد قلبي.. :شكله رايح يستخير..متردد الولد مرتاع منك.. هاله:..طيب بردها لك بس انا مشغوله الحين يانوير.. وبعدين والله اني تو بتصل عليك ابيك تجين.. :وش اجي اسوي..ادخل معاك؟ هاله:احش رجلك.. :اخسو بدينا نغار..بسم الله علي.. هاله:يلا بس تعالي..لاتتأخرين.. :طيب..طيب..تبين شي؟ هاله:لا شكراً يابعدي.. قفلت منها وماكنت مستوعبه الي قالته...يعني ماتوقعت صح ان سالفتهم من زمان صايرة وكان عندهم وقت كافي انهم يسألون..لكن ماتوقعت انها بتوافق... بعد صلاة المغرب طلعت على طول ورحت بيت خالتي عند هاله..وصلت قبل ماتدخل بدقايق.. دخلت الصاله وفي هاله وخالتي.. :السلام عليكم.. هاله:نورة والله اني خايفه.. ابتسمت:ردي السلام طيب.. هاله:وعليكم السلام..الحين بدخل يانورة.. :لا تخافين وقوي قلبك..ياما وياما حكينا وكنا نخطط وش بنسوي بهالموقف..وكنا نتمناه يجي.. هاله وعلى وجهها ابتسامه:عقبالك ان شاء الله.. خالتي:يلا هاله.. هاله:طيب يمه تعالوا معاي.. خالتي وهي تسمي عليها:يلا يابنيتي.. هاله وهي تمشي بخطوات سريعه وقابلها ابوهاعشان يدخلها... مرت فترة اعتبرها طويله تقريباً ربع ساعه او اقل بشوي.. خالتي:كأنها طولت.. :تلقينها طقت سوالف معاه.. خالتي وهي تضحك:الله يستر.. بوقتها نسمع صوت خطوات واكيد انها لهاله.. وقفنا انا وخالتي ورحنا لها بسرعه.. خالتي:ها شلون؟ :نمتي هناك.. هاله:والله ماكان ودي اطلع بس ابوي طلعني.. خالتي:انا بروح اشوفه اجل من الشباك.. خالتي كانت متحمسه مع هاله..والي يشوفهم يقول خوات مو ام وبنتها.. هاله:نورة والله اني حبيته.. :حكيلي وش صار بالتفصيل.. هاله:دخلت وعلى طول درعمت وجلست..وقف هو بس ماسلمت عليه..كان مستحي والله اني احسه مستحي اكثر مني... :هاله لا لا يابنت خالتي خليك اثقل من كذا.. هاله:لا تخافين كنت ثقيله..,ايه وسألني كيفك وكيف امك..وكيف الاجازة معاك..وانتي الحين رايحه لاي مستوى..يسولف الاخ ماعليه..احس ابوي يقول مابقى نجيب لهم الا شاهي وفصفص يروقون ويسولفون.. كنت اضحك على كلام هاله:ايوه وانتي وش سالتيه؟ هاله:ماسألته شي..هو الله يهديه سؤال ورا سؤال..بعدين ابوي ناظرني وحسيت بنظرته كأنه يقولي تقدرين تروحين يابنيتي.. :كيف شكله..؟ هاله: اصبري الشكل يبيله جلسه...اسمعي انا بوصف وانتي ابيك ترسمينه.. :مابقى الا هي بعد..مارسمت عمري عشان ارسمه.. هاله وهي تمسك يدي ونروح لصاله ونجلس..بوقتها دخلت خالتي.. هاله:شفتيه؟ خالتي:لا ماقدرت.. هاله:يمه تعالي بوصف لكم الشكل مرة وحده..منب جالسه كل شوي اعيد.. :والله من زين الاخلاق بعد.. هاله:الطول.. ماشفت طوله زين..بس يعني طوله زين اهم شي انه اطول مني...ماكان اسمر بس مو ابيض.. قاطعتها:حنطي.. هاله:ايوه حنطي..شفتي امه كيف ملامحها هو يشبه لها شوي..خشمه واقف وفيه عظمه بس مو كبير صغير..له سكسوكه خفيفه مرة.. :ايه السكسوكه نص شبابنا.. هاله توصف وتوصف وماعندها نيه تخلص الوصف... خالتي:ماعلينا من شكله يابنتي..اهم شي انك مرتاحه؟ هاله:ايه مرتاحه.. جلست عندها الى بعد صلاة العشا ورجعت البيت... كنت مبسوطه لهاله مرة...بعكس منار..صح اني فرحت لها لكن ماادري يمكن لانها هي نفسها مو فرحانه... الله يوفق الجميع... ><><><>< سارة جالسه مع مضاوي وشيخه..سالفه ورا سالفه... سارة وهي تناظر الساعه:الله الساعه وحده! مضاوي:ياسرع الوقت.. سارة:غريبه فهد مابعد رجع بكرة عنده دوام.. مدت سارة يدها واخذت جوالها واتصلت على فهد مايرد..اتصلت عليه مرة ثانيه وثالثه بعد مايرد.. سارة بدت تقلق والشيطان يلعب براسها... سارة بخوف:بنات مايرد.. شيخه:متخانقه انتي معاه؟ مضاوي:شيخه لا تتدخلين بشي مايخصك.. سارة:ايه بس مااحد زعل..بعدين الصباح.. مضاوي وهي تمسك جوالها وتتصل على اخوها بس مارد.. سارة بدت تصيح:اكيد صار فيه شي.. مضاوي وشيخه ينظارون سارة وهم مستغربين.. شيخه:سارة لاتصيحين..صدقيني مافيه شي.. سارة وهي تصيح:الا اكيد فيه شي..الحين الساعه وحده ولا رجع ولا حتى اتصل.. مرت ساعه كامله وفهد للحين مااتصل ولارجع.. مضاوي:بتصل على بدر.. شيخه:افرضي نايم تخوفينه.. سارة:وش تخوفينه فهد للحين مابعد رجع ولا قد صار..ايه الله يخليك اتصلي.. اتصلت مضاوي على بدر وطبعاً كان نايم وعلى آخر رنه رد.. بدر وصوته نوم:الو.. مضاوي:هلا بدر..تعرف وين فهد؟ بدر مااستوعب الي قالته مضاوي:لا.. مضاوي:ماشفته اليوم؟ بدر وصوته نوم:لا.. مضاوي:طيب مع السلامه... سارة:مضاوي تستهبلين انتي..كان قلتي له يدور عليه يتصل على اي احد يعرفه... مضاوي:نايم ماايدري حتى انا وش قاعده اقول.. سارة وهي تصيح:ياويل قلبي على رجلي...ترا ان ماشفتوا لي حل بلبس عبايتي وبطلع ادوره..والا بتصل على ابوي... مضاوي:يمكن صديقه تعبان والا صار له اي شي.. سارة:واذا صديقه تعبان ما يتصل يطمني..لا انا متأكده انه فيه شي.. شيخه:بتصل على احد من اخواني.. مضاوي:وليد هو الي اكيد قايم وماعنده دراسه ولا شي.. اتصلت شيخه على وليد وبعد مارد عليها..اتصلت عليه كم مرة وبعدها تسكر الجوال.. مر الوقت ببطئ..وسارة تصيح والبنات يهدونها... سارة:اذن الفجر وللحين مابعد رجع...وش اسوي بنفسي انا.. مضاوي:سارة الحين اذا مارجع بتصل على اخوي محمد... صوت خطوات احد ينزل من الدرج بسرعه... دخل فهد الصاله وهو لا بس بجامته ووجه نوم وماسك جواله بيده وبصوت فيه خوف:وش فيكم؟ وش صاير؟ مين مات؟ البنات يناظرون بعض ومو مصدقين الي قدامهم.. سارة وهي توقف وتروح لفهد:الحمدالله انك بخير... فهد سكت شوي وكأنه قاعد يستوعب..هو كان زعلان من سارة ولما رجع البيت ماراح لها ولاحتى كلمها..دخل غرفته ونام... فهد وهو يضحك ويضم سارة:مجنووونه والله مجنوونه.. الكل صار يضحك على الي صار... مضاوي:فهيد..بلا حركات قدامنا انت وزوجتك الي اغشى عليها من الصياح.. فهد:حبيبتي والله..بس تستاهلين...انا كنت زعلان منك.. سارة بعصبيه:والله يافهد لو كنت ذابحتك ماترجع البيت الا وانت قايلي مو كذا تخوفني عليك.. فهد:هههههههههههههه...اسمحول ي انكم اذكياء اطلعوا شوفوا سيارتي فيه او لا..تطلعين انتي للغرفه تشوفين..مو تقعدين تصيحين وتنحين وماتخلون احد ماتتصلون عليه.. شيخه وهي تضحك:لا وبعد كانت بتلبس عبايتها وتطلع تدورك.. فهد وهو يضم سارة اكثر:والله طلعتي قويه ياسارة...بعدين لهدرجه تخافين علي؟ سارة وجهها حمر وكانت مرة مستحيه... فهد:بروح اتوضى بتوفتني الصلاة وشغلك اذا رجعت.. سارة:انت شغلك والله اذا رجعت.. انقلبت هالليله لضحك ومااحد راح ينسى هالموقف.... ><><><>< اليوم الي بعدو... الساعه 4:00 العصر خالد توه داخل بيته راجع من شغله... مشاعل بغرفتها ترتبها وتنظفها.. دخل خالد وعلى وجهه ابتسامه:السلام عليكم.. مشاعل رفعت راسها:وعليكم السلام.. خالد:غيرتي اشياء بالغرفه... مشاعل:الطفش... خالد:حلو.. مشاعل:تأخرت اليوم.. خالد:كان عندي اجتماع.. مشاعل:اهلك تغدوا..تبي احط لك الغدا؟ خالد:انتي تغديتي؟ مشاعل:لا انتظرك.. خالد:اوكي خليهم يحطون الغدا... راح خالد يبدل ملابسه ومشاعل راحت تحط الغدا... بسفرة الطعام... خالد كان متررد يتكلم بس لازم يقول لمشاعل هالشي:مشاعل ابيك تتركين الحبوب.. مشاعل تناظر خالد وهي مستغربه:اي حبوب! خالد:منع الحمل.. مشاعل وهي مستغربه:اتركها! خالد:ايه مايحتاج تاخذينها انا سمعت ان اضرارها كثيرة... مشاعل:اذا تركتها بحمل.. خالد ارتبك:معليش اتركيها.. مشاعل:انت تبيني احمل؟ خالد بارتباك:ايه ليش لا.. مشاعل ابتسمت:اوكي..اتركها... خالد بعدها ماتكلم..كان يحس بتأنيب الضمير..يبي قولها بس مايقدر...الله يستر من الجاي.. ><><><><>< اليوم الاربعاء ملكة الرجال...تمت الملكه الحمدالله..وخطبة هاله وبدر اعلنت.. الحمدالله الاجواء الي نعيشها كلها فرح وسعاده...اهم شي الصحه والعافيه و راحة البال وراحة الي حولك...خطبة منار وهاله الكل فرح فيها...طبعاً الحين انا الي بالوجه..والكل يوقل عقبالك يانورة عقبالك يانورة..اجاملهم واقول ان شاء الله وان كانت بنت اقولها عقبالك انتي بعد..بس بداخلي كنت اقول مستحيل انا اتزوج...يمكن هذا شعور مؤقت ويتغير... جالسين كلنا بالصاله وهاله بتنام عندنا اليوم ...وسارة ومشاعل بعد.. نسولف عن بكرة..وعن التجهيزات ويعني مثل هالحكي... والحين الساعه 12:00 تقريباً... رن جوال هاله بوقتها... كلنا التفتنا عليها.. منار:مين؟ سارة:تراي مرت عمه.. مشاعل:لا وبعد يعرف يوقت.. تعليقات كنا عليها..وهاله وجهها حمر..ومن كثر ماكانت مستحيه ماردت عليه.. سارة:هو ردي عليه...تسفهينه ياحول كذا.. مشاعل:هاله بعد قلبي روحي اي مكان تبينه وكلميه.. هاله:مرة ثانيه بحط جوالي سايلنت..يمه منكم.. سارة:نسيتي وش كنتي تعلقين علي..ماتخلين فيني ولا تبقين..رجعت لك ومادارت السنه بعد.. هاله وهي توقف:بروح شوي بس..عن اذنكم.. طلعت هاله من الصاله بسرعه عشان تكلمه... هاذي المكالمه الثانيه الي بين بدر وهاله...اتوقع انهم بيصيرون ثنائي حلو... مشاعل:وانتي مساعد ورا ما يتصل عليك؟ منار:يتصل بس مو كثير..وانا ماابي اصلا اكلمه اربع وعشرين ساعه... سارة:عاد انتي رجلك كبير..تدرين انه اكبر من فهد..واكبر من خالد الظاهر.. منار كانت متضايقه وكلامهم ضايقها اكثر..انا ماكنت اشوف فيه اي شي يزعل..لكن منار اخذته بحساسيه زايده.. منار وهي توقف:عاجبني والي مو عاجبه يطق راسه.. طلعت منار من الصاله تبادلنا كلنا النظرات.. سارة:زعلت؟ مشاعل:ماقلنا شي يزعل.. :لا هي متوترة شوي.. سارة:ماادري مااحسها مرة مبسوطه...يعني شوفي هاله تحسينها مبسوطه مع ان مالها الا يومين خطبتها.. مشاعل:لا منار هي كذا من النوع الي يفكر ويضيق صدره ويخاف..صدقيني لو مو مقتنعه ماكان وافقت.. سارة:احس ابوي وعمتي ظغطوا عليها شوي.. :لا ماظغطوا بالعكس.. سارة:احساسي.. مشاعل:بعدين صدقيني اذا تعرفت عليه اكثر بتحبه.. طلعت انا من الصاله ورحت عند هاله وكانت جالسه على الكنبه وتكلم.. اول ماشافتني بدت تغمز وتأشر تبيني اطلع برا.. ابتسمت ابتسامه عريضه:ماراح اطلع بسمع وش تقولين.. هاله بصوت هادئ والي يسمعه ما يقول هاذي هاله:دقيقه بدر.. حطت هاله جوالها على hold او تحسب انها حطته على الهولد.. بصوت عالي:نوير ياحمارة اطلعي برا.. :ماراح اطلع هاله عاد بجلس اسمع وشو تقولين ودي اشوفك وانتي تكلمينه... هاله:نورة انتي صغيرة على هالاشياء.. مسكت المخده ورميتها على وجهها:يابنت مابعد تزوجتي وتقولين لي كذا.. هاله:نورة انقلعي الله يخليك طولت وانا حاطته على الهولد.. :احسن اثقلي ياغبيه.. هاله فقدت الامل اني اطلع...رجعت واخذت جوالها وبدت تظغط فيه ماعرفت انها ماكانت حاطه على الهولد قبل شوي.. هاله بصوت كله رقه وهدؤ:هلا سوري تأخرت عليك.. بدر كان يضحك...يضحك من كل قلبه.. هاله ماتوقعت انه يضحك لانه سمعها وهي تهاوش وباعلى صوتها... بدر وهو للحين يضحك:هاله اسف بس واحد تو كلمني ويقول لي سالفه وضحكتني.. هاله:لا عادي.. طبعاً هاله مثل اي بنت في البدايه بتكون مستحيه نوعاً ما وبتصير رقيقه وناعمه...واغلب الوقت ساكته وهو الي يحكي... طبعاً احسن علاقه بين الطرفين بايام الخطبه والملكه...اغلب الناس تكون هاذي الايام اسعد ايام حياتهم...لكن بعدين؟؟الله اعلم فيها.. يوم الخميس...اليوم نشاطنا زايد والكل كان يرتب ويساعد ويصلح... رحنا الكوافير كلنا الا منار وعمتي بتجي لهم وحده تصلح لهم... بعد مارجعنا وعلى اخر المغرب بدينا نلبس ونتجهز..كل عماتي وبناتهم وحريم عماني وبناتهم كانوا موجودين وخالتي وحريم خوالي وبناتهم يعني كل عائلتنا كانت موجوده...صديقات منار...وصديقاتي بعد..واهل مساعد طبعاً.. البنات عند منار بغرفتها تعليقات وسوالف معها... الساعه 10:00 نزلت منار عند مساعد...بعد ماصوروا دخلوا عندنا..لبسها الشبكه وصورا كم صورة... اليوم سويت مناحه ماكانت طبيعيه ابداً...منار بتتزوج وتتركني..وغير كذا بتسكن بالشرقيه... الكل راح..ومساعد للحين عند منار... خلونا نتكلم عن مساعد..اكيد كثير منكم يبي يعرف شخصيته... مساعد وهو يتثاوب ويناظر الساعه بيده:ثلاثه ونصف...الوقت يمشي بسرعه معاك.. منار ابتسمت وحست هالكلمه مجامله.. مساعد وهو يناظرنها نظرات فيها حنان ومشاعر صادقه.. منار نزلت عينها وكانت يدها متشابكه وتلعب فيها.. مساعد وهو يمد يده ويمسك يدها:خلي يدك مع يدي والعبي فيها.. منار وجهها حمر وارتبكت اكثر من اول.. منار:بكرة بترجع الخبر؟ مساعد:ان شاء الله..تعرفين حبيت الرياض اليوم بس.. منار ماعرفت وش ترد عليه واكتفت انها تبتسم.. مساعد وهو يوقف وللحين ماسك يد منار ووقفها معاه:يلا انا بمشي الحين.. منار:اوكي.. مساعد:بمرك بكرة ان شاء الله قبل ماامشي.. منار:ان شاء الله.. مساعد:يلا مع السلامه.. منار:اوصلك.. مساعد ابتسم مشوا الى الباب الخارجي.. باسها بكل هدؤ:تصبحين على الف خير.. منار:وانت من اهله.. حست منار بمشاعرها تحركت تجاه مساعد بس يمكن مو مشاعر حب...يعني ود او راحه... جتنا منار الصاله وكلنا كنا فيه..ننتظرها تجي لازم نسمع الاخبار.. سارة وهي تتثاوب:وه ما بغى يروح طقت كبدي.. مشاعل وهي تمسك يد منار:يلا قولي لنا وش قلتوا؟ هاله:منار علميني تكفين تراني بوجه زواج.. منار:الي متزوجين ماراح اقولكم وش دخلكم تعرفون..استحوا تراكم معرسين... :انا قولي لي..ماتزوجت.. منار:لا بقول لهاله.. هاله:يسلم راسك... سارة:الحين مانمنا نبي نعرف وش صار تجي ما تقولين لنا.. منار:ماصار شي وش بيصير مثلاً؟ سارة:يعني وش قلتوا وش علق.. منار:يسولف بس... مشاعل:ايه حنا نبي وش يسولف؟ منار:سواليف اتوقع ان رجالكم قالوها لكم.. :منور عاد قولي يلا.. منار:تكلمنا عن مواضيع تناقشنا فيها..طبعا بما انه محامي انا مااقدر اتناقش معاه..واحس انه ماعندي ماعند جدتي.. مشاعل:وش يقول عن بنته؟ منار:شفت صورتها.. :هو قالك تعالي شوفيها؟ منار:لا انا قلت له ابي اشوفها,خلفية جواله صورتها اصلا.. هاله:اخاف بعدين مايحب عيالك.. ناظرت هاله نظرة...منار حساسه من هالكلام وماهي ناقصه احد يزيدها.. مشاعل:وكيف شكلها؟ منار:كيوت.. سارة:تحبينها.. منار ابتسمت:ايه احبها..يكفي ان ابوها زوجي.. سالفه تجر سالفه...صلينا الفجر ورجعنا بعد نسولف... اليوم حسيت براحه لاني شفت هالشي بمنار..كنت قلقانه عليها مرة.. نهاية الجزء ... .. .. .. | ||||
|
| |
|
26-07-22, 11:45 AM
| #17 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثالث عشر... الفصل الاول.. اعود اليكم من بعد غياب...قد يكون طويلا على البعض.. ها أنا اقلب صفحاتي وأقف عند هذه الصفحه... مر اسبوع على ملكة منار... مكالمات شبه يوميه بينها وبين مساعد.. مر اسبوع واضيفه على الاسابيع الي قبل فترة بعدي عن سلطان... مر اسبوع وخالد ومشاعل في وضع مستقر... مر اسبوع وسارة يوم تعبانه ويوم احسن... مر اسبوع وفيصل يتحسر على الي فات... مر اسبوع وهاله وبدر الثنائي الجديد بأحسن حال واندماج فوق ما كنت متصورة... ><><>< ><>< >< يوم الاربعاء... مجتمعين اليوم في بيت عمتي حصه... كل عماتي وحريم عماني وبناتهم موجودين.. جمعة حريم سواليف تخصهم...لا تخلو من النقد..والقصص وقالت ويقولون... استمتع في بعضها ويمللني اكثرها... في ركن من المجلس بعض البنات جالسين وانا ومنار من ضمنهم...ونسولف بعيد عن الحريم... رن جوالي وما اهتميت ولا حاولت اشوف المتصل...كنت احكي مع بنت عمي ولا حبيت اقاطعها... رن مرة ثانيه وبعد ما حسيت ان المتصل مصمم اني ارد..طلعت الجوال من الشنطه وكانت هاله... طلعت من المجلس ورديت عليها كلمتين ورد غطاها وقفلت منها بسرعه... مشيت بخطوات هاديه ودخلت المطبخ اخذت لي كأس ماي وانا طالعه من المطبخ من الجهة المقابله منصور طالع من الصاله... ماكان لي مزاج اني اشوفه... لي فترة طويله ما شفته... رجعت بحركه سريعه بس بعد ما شافني.. منصور وعلى وجهه ابتسامه تبين غمازاته:هلا نورة... ابتسمت من غير نفس:هلا والله.. منصور:كيفك؟ :بخير... منصور:مبروك لمنار.. ابتسمت:الله يبارك فيك.. منصور:عقبالك... ضحكت بصوت واطي:عقبالك انت.. منصور:عقبالنا انا وياك ان شاء الله.. عقبالنا ماعجبتني كلمته كان يقدر يجيب كلمه احسن منها...حسيته خطيبي او شي مرتبط فيني... ابتسمت ومارديت عليه... جت بوقتها وانقفدتني منه عبير اخته.. عبير وعلى وجهه ابتسامه وباسلوب فيه شك:وش عندكم انتم الاثنين!! منصور ما عجبه سؤال اخته وشفت هالشي بملامحه... ناظرت منصور باستغراب وضحكت.. منصور تركنا بدون ما يقول اي كلمه..يمكن فهم من طريقه ضحكي...انه وش بيكون بيني وبين منصور!! ضحكت بيني وبين نفسي على تعابير وجه منصور... اسلوب عبير في السؤال يضايق نوعاً ما...انا ما تضايقت لان منصور مايعنيني...بس يمكن هو تضايق امممممممم ماادري ليش..الرجال مخلوقات نادراً ماافهمها... انتهت العزيمه وكل واحد رجع لبيته... دخلت غرفتي وانا ميته من التعب... دقايق وانا بسريري... اكره افكار وهواجس قبل النوم... سلطان... سلطان... سلطان.. هو الي ماخذ عقلي وقلبي... دايماً ماافكر وش الفايدة من كل هالتفكير... خلاص هو راح وماعنده نية رجعه... يعني الي بينا انتهى... مرات كثيرة اقول اشغل نفسي.. وهذا السبب الي اقنع نفسي فيه... وآخر قرار اتوصل له...اني أحبه.. اشتقت لك سلطان... ><><><><>< الجو بارد... وأحس بكل شي حولي متجمد... اطرافي باردة.. حطيت يدي على فمي ونفخت عليها... غطيت نفسي باللحاف..وخليت لي فتحة صغيرة اتنفس منها... مرت دقايق والغرفة هاديه ومافي صوت لرانيا.. بصوت عالي شوي وانا تحت الفراش.. ناديت عليها... :صباح النور.,بتروحين الشغل؟ رانيا:يب.. عقدت حواجبي:رانيا لبسك مو عاجبني.. ناظرت نفسها ورجعت ناظرتني: :شوفي نفسك بالمرايا وانتي تعرفين وش فيه لبسك! رانيا بعصبيه:سلطان لبست مابدي غير لبسي.. عطيتها ظهري:اوكي لاتروحين الشغل.. رانيا:سلطان.. :ماابي اي نقاش.. ماابي اي نقاش يعني ولا كلمه زيادة ممكن اسمعها... شخصيتي القويه الي اخذتها من ابوي الله يرحمه..كثير يقولون اني عبدالرحمن المصغر... شكلي وطريقة كلامي...تعاملي مع الناس... رانيا وهي تجلس على السرير:مابدي روح.. مارديت عليها.. رانيا بعصبية اكثر من اول:سلطان.. قاطعتها:رانيا كلمة زيادة ماابي... رانيا:سلطان شو بك؟شو الي غيرك؟وين الحب... قاطعتها مرة ثانيه وبكل برود:راح الحب... هدؤ عم المكان...صوت الباب ينفتح بكل هدؤ.. لفيت ومالقيت رانيا... حسيت ان رانيا خافت من كلمتي...خاصه اني اول مرة اعترف لها بهالشي...وقلت كلمتي بدون مااحس طلعت مني بدون اي تفكير.. اروح وراها والا اطنش!هاذي الفكرة تدور في بالي الحين..الحل الاخير احسن... ><><><><>< مشاعل وخالد بالمطبخ قاعدين يسون لهم عشاء..او بالاحرى مشاعل تحدت خالد يسوي عشاء...وهي دخلت معاه عشان تساعده... خالد وهو يلتفت على مشاعل:ميشو كيف اكسر البيضه؟ مشاعل انفجرت ضحك:من جدك ما تعرف! خالد:بحياتي ما قد سويت بيض... قامت من مكانها وراحت وقفت عند خالد واخذت البيضه منه:بكسر لك وحده بس.. كسرت مشاعل البيضه بكل سهوله... خالد:سهل والله..روحي اجلسي خلاص.. بدا خالد يكسر البيض ويطيح القشر معاه بالصحن.. خالد:لو طلع لك مع البيض قشر لا تستغربين.. مشاعل:اسمحلي خالد بس انت فاشل.. خالد:فاشل بالطبخ بس.. مشاعل:بس! خالد:امممممم بس.. مشاعل:وفاشل رومانسياً بعد.. خالد سكت ومارد على مشاعل... مشاعل:تعرف لي كم يوم وانا مشتهيه ورق عنب... خالد:ماادري شلون تاكلينه.. مشاعل:مشتهيته مرة...سارة تقولي لا يكون بس حامل.. خالد بخوف:وش دخل الحمل يامشاعل بورق العنب! مشاعل:قصدها اني... خالد يقاطعها:تعالي كملي بس انا طفشت.. مشاعل:خالد وش فيك؟ خالد:مافيني شي...انا برتب الطاوله.. مشاعل:اوكي.. خالد:ناكل هنا والا بطاولة الطعام؟ مشاعل:لا هناك.. خالد وهو يأشر على درج الصحون:هنا الصحون؟ مشاعل:ايه.. فتح الدرج ولفت انتباهه صحن مختلف عن الصحون الي كانت موجوده..عليه رسمات ولونه ملفت... مشاعل وعلى وجهها ابتسامه:وش فيك تنحت؟ خالد:هاا لا لا ولا شي.. مشاعل:هذا الصحن لبنتنا ان شاء الله...قبل امس كنت طالعه محل وعجبني طقم للبيبيات وشريته... خالد بعصبيه:مشاعل انتي حتى ما حملتي!! مشاعل:مايضر اني اشتري..بعدين لاتنسى اني تركت الحبوب خالد:واذا تركتي الحبوب مو شرط انك تحملين.. مشاعل سكتت وماحبت ترد عليه.. مد خالد يده يطلع الصحون وبيده الثانيه وبحركه مقصودة منه..دف الصحن الي شرته مشاعل لبنتها على قولتها... طاح على الارض وانكسر.. لفت مشاعل بحركه سريعه وعلامات الخوف على وجهها..حولت نظرها للارض ورجعت شافت خالد:جاك شي..؟ خالد بارتباك:لا لا... مشاعل:كسرت صحن بنتي.. خالد:سوري مشاعل بس انتي حاطته بالطرف.. مشاعل:يلا معليش.. خالد:مشاعل نادي الخدامه تساعدك وتحط السفرة...انا طفشت... مشاعل بضيق:اوكي.. خالد طول ماهم يتعشون وهو ساكت... مشاعل قاعدة تأمل وانا ماابي هالشي..لازم اقولها..مصيرها بتعرف الحين والا بعدين... افكار كثيرة مالية راس خالد.. ><><><><>< فيصل وبدر بالسيارة رايحين عند ربعهم... بدر يسوق وفيصل جنبه... صوت عبدالمجيد بكل ارجاء السيارة...وكل واحد منهم سرحان بافكاره... بدر وهو يغني:انت العزيز انت..انت المهم انت...انت اغلى ناسي كلهم... فيصل:شخبار خطيبتك؟ بدر ماكان يحب هالسؤال لانه بيجر اسئله ثانيه بدر مايبي يجاوب عليها.:الحمدالله... فيصل:شكلك ودك تكلمها..خذ راحتك.. بدر:من قال؟ فيصل:كل شوي ماسك جوالك.. بدر وهو يضحك:اذا وصلت كلمتها.. يرجع بدر يغني:مشيت في كل الدورب...ومرت على قلبي قلوب... بس انكتب اني اذوب واختارك انت بينهم... فيصل:بدر انا ماقد سالتك عن منار... بدر سكت ومارد.. فيصل وهو يسكر المسجل:اسمحلي اقطع عليك اغنيتك..بس ابيك تجاوبني.. بدر:انت ما سالت عشان اجاوب! فيصل:شخبار منار؟ بدر:بخير.. فيصل:اقصد شخبارها مع خطيبها؟ بدر:الحمدالله... فيصل:مافكت؟ بدر سكت شوي وبعد تفكير لثواني:فيصل انا ماكنت ابي اقولك بس لازم تعرف...منار تملكت الخميس الي فات.. فيصل سكت.. بدر:فيصل.. فيصل:ليش ما قلت لي؟ بدر:هذاني قاعد اقول.. فيصل لف وجهه لجهة الشباك..يبي يبتعد من نظرات بدر... بدر:فيصل الحياة تجارب واعتبر منار تجربه بحياتك مانجحت... مارد على بدر...وخلىّ افكاره ترجع فيه لورا... وصلوا عند ربعهم..نزل فيصل وجلس بدر بالسيارة يكلم هاله وبعدها بينزل... ><><><><><>< يوم الخميس.. على نغمات الموسيقى العاليه... وبعض البنات يرقصون..والبعض يصفق... مجتمعين في بيتنا صديقات منار ومسوين حفله صغيرة لمنار قبل زواجها... والكل كان مبسوط لان منار اول وحده من صديقاتها بتدخل عش الزوجيه... منار وهي تجلس حنبي وقربت من اذني:روحي شوفي وين عمتي..هي قالت بنزل اسلم على البنات... انسحبت من الصاله الي كنا جالسين فيها... هدؤ ومافي صوت لعمتي ولا ريما.. طلعت فوق وكنت انادي عليهم بس مااحد يرد... سألت الخدامه وقالت انهم طلعوا.. :متى طلعت؟ فاطمه:قبل ساعه.. عمتي ماكان عندها نية تطلع... فجأة تغير قرارها بدون ما تقولنا.. ماادري قلبي مو مطمن..بدون تفكير رحت واتصلت عليها.. ماردت علي.. اتصلت مرة ثانيه وثالثه ورابعه بدون فايدة.. الشيطان بدا يلعب براسي.. اتصلت على طول بمشاعل... سألتها وماتعرف عن اي شي.. رجعت للمكان الي جالسين فيه وناديت منار... منار:نعم وش تبين؟ :عمتي طالعه هي وريما!وماقالت لنا..واتصل عليها ماترد.. منار:يمكن راحت عند عمتي حصه.. :بدون ماتقول..وماترد على جوالها.. منار:حاولي طيب.. قاطعتها:كسرت جوالها.. منار:اتصلي على السواق اساليه اجل.. :ماخطرت على بالي الفكرة,كلمي من جوالك... اتصلت منار على السواق.. منار:الوو,طاهر وينك؟ طاهر:انا في البيت.. منار:عمتي وين راحت؟ طاهر:المستشفى.. منار وعلامات الخوف بوجهها:نورة عمتي راحت المستشفى.. سحبت الجوال منها:طاهر ليش عمتي راحت... مين تعبان؟ طاهر:ريما.. ناظرت منار بخوف:ريما اختي تعبانه... علامات الخوف بوجه منار:بورح اتصل على ابوي.. راحت منار وانا وراها.. في احساس بداخلي غريب...ماني مطمنه..احس فيه شي.. رد ابوي من ثاني دقة.. منار:يبه وينك؟ ابوي وصوته متغير ماكن طبيعي ابداً:بالمستشفى..مع ريما اختك تعبانه شوي.. منار:وش فيها؟ ابوي:مافيها الا الخير.. منار:يبه انا قلقانه.. ابوي:منار قلت لك ما فيها شي,انا مشغول الحين شوي وبنجي.. منار بعد ما قفلت من ابوي:يقول تعبانه شوي بس ماادري وش فيها.. :منار انا ماادري ليش خايفه..ريما من زمان وهي تعبانه..ومتغيرة.. منار:لا يلعب الشيطان براسك.. هاله من ورانا وبصوت عالي:وينكم انتم؟ :يلا جينا.. هاله:وش فيه؟ منار:مافي شي.. مشينا حنا الثلاثه راجعين للبنات..رن جوال منار.. :ابوي؟ منار:لا مساعد..مالي خلق ارد.. هاله:ردي ولا تطولين.. منار:ماابي ماابي.. :منار عيب.. منار:مااحب احكي معاه.. ناظرت منار وانا مستغربه من كلامها...ماقد قالت انها ماتحب تحكي معاه وبهالطريقه... :منار ردي.. منار وهي تظبط صوتها:هلا والله.. مساعد بصوت ضخم:هلا وغلا..,كيفك؟ منار:بخير.. مساعد:توني واصل الرياض.. منار:الحمدالله على السلامه..مو قلت انك ماراح تجي.. مساعد:يعني ارجع؟ ضحكت منار بتصنع:الظهر قلت انك ماراح تجي فاستغربت وش غير رأيك.. مساعد:لاني الويكند الجاي بسافر.طلعت لي سفرة..والي بعده بيكون الويكند الي قبل زواجنا..ماعندي الا هالويكند الي اشوفك فيه.. منار: اها,ان شاء الله ماتعبت؟ مساعد ببرود:لا الحمدالله..,انا الحين بروح اسلم على اهلي..وبتحمم والبس واجيك..اذا ماعندك شي؟ منار:انا الحين عندي البنات..اتوقع على وحده يطلعون او قبل بشوي... مساعد:اهاا..اوكي تكلميني اذا طلعوا؟ منار:طيب.. مساعد:يلا اخليك معهم..باي.. قفل مساعد على طول قبل حتى لاتكمل منار كلامها..تنرفز من برود منار...او انه هو حساس بزيادة...او هذا طبعه.. منار وهي تدخل علينا وباين عليها انها مو مبسوطه..وفي شي نكد عليها.. ماادري اذا منار تحس بتأنيب الضمير..وهذا الي يضيق صدرها...بعد ماتنتهي من كل مكالمه من مساعد تجلس اوقات طويله سرحانه.. بس انا بعد اقول...انها بتحب مساعد مع الوقت..هي لو بس تشيل فيصل من بالها..بينحل كل شي.. مرت ساعه..بالي منشغل فيها على ريما...للحين مابعد رجعوا.. منار بصوت واطي تكلمني:مساعد بيجي.. :جا الرياض؟ منار:ايه.. ابتسمت..بس بادلتني منار بتكشيرة.. دخلت بوقتها فاطمه وبصوت واطي عند اذني:عمتي جت.. نقزت من مكاني وطلعت بسرعه... رحت الصاله...عمتي جالسه.. وابوي كان بوجهي شايل ريما وهي نايمه...وجهه كان تعبان مرة..ماكان بحالته الطبيعيه أبداً.. :يبه وش فيها ريما؟ ابوي بضيق:تعبانه شوي.. ناظرت يدها و بلاستر على يدها:سوت تحليل؟ ابوي:ايه.. وجهت نظري لعمتي:عمتي طلعتي وماقلتي لنا..خوفتينا مرة... ماردت عمتي علي.. قامت من مكانها وجت عندنا:عبدالاله عطني ريما.. ابوي:لا لا انا ارقيها..صلحي فراشها... :عمتي وش فيكم؟ ابوي ناظر عمتي واشر لها انها تطلع فوق وكأنه ما يبيها تحكي معاي... طلعت عمتي وابوي وراها... ماارتحت ابداً...ريما فيها شي..احساسي يقولي كذا...اتمنى ما يطلع صحيح.. رجعت للبنات... مرت فترة قصيرة انا ماكنت بحالتي الطبيعيه ابداً ريما شاغله بالي... راحوا البنات ومابقى الا هاله...بتنام عندنا اليوم... منار وهي تتمدد على الكنبه وبصوت عالي:فيني نوم..مالي خلق مساعد.. هاله:منار ترا عيب الي تسوينه..له اربع ساعات ماسك خط والصباح تلقينه مداوم يعني ميت تعب...وبيجيك..ولا بكرة بيمسك خط.. منار:في اختراع اسمه طيارة..وفيه اختراع بعد انه يقولي..مو كذا يفاجئني... :منار وش تفرق يعني؟ منار وهي تأشر على عينها:فيني نوم..فيني نوم..وعيوني حمرة...تبون اقابله بهالشكل.. هاله:اسمحيلي يامنار..انتي مرة بايخه.. منار:ابدل ملابسي؟ :ايه بدليها.. منار وهي تقوم من مكانها وتمشي باتجاه الباب:مالي خلقه ياناس...ماابيه يمسكني...وماابي اشوفه على بلاطه..ماابي اتصنع.. منار كانت تحاكي نفسها وتخربط..خليها تطلع الي في قلبها... هاله:ماهي صاحيه اختك.. :الله يستر عليها بس.. رن بوقتها جوال هاله.. :هاله وش هالرنه المزعجه الي بقلاع وادرين يسمعها.. هاله:هذا بدر.. :الحين بجلس انا طول الليل بلحالي!! هاله:عاد اليوم خميس..اسمحي لي يانورة.. :انتي الحين ليش ما تردين؟ هاله:اثقل شوي..ارد اخر شي.. انا انفجرت ضحك...على افكار هاله:فاهمه الثقل غلط..ردي بس.. طلعت من الصاله..ورحت غرفتي...وخليت هاله مع بدرها... كنت احس بشعور بايخ..بالنسبه لي...شعور الوحده..يمكن يجي لاي احد مننا... احس بضيق..احس اني ابي اصيح...ابي اصيـــح الى ماتخلص دموعي سكوت للثواني.. نظرات بين الطرفين.. شالت عينها وسرحت بأفكارها.. اما هو عينه مانزلت منها... مساعد بصوت واطي:وش تفكرين فيه؟ منار رجعت تناظره:ولاشي.. مساعد وهو يناظر ساعته:لي نصف ساعه بس جاي.. منار ناظرته وماردت..وكأنه يقصد انه نصف ساعه وطفش بسرعه... مساعد وهو يمد يده وياخذ ريموت التلفزيون ويفتحه... منار بدون اي تعليق.. مساعد:ليش ماتحكين كثير؟ منار ناظرته وهي مستغربه من سؤاله:احكي.. مساعد:تستحين والا هذا طبعك؟ منار:لا مااستحي..ومو هذا طبعي... مساعد:أجل؟ منار:احب اسمع كلامك.. مساعد:تحبين تسمعينه؟ منار:يعني انا اخلي الشخص الي جالس معاي يحكي..واذا خلص كل كلامه..انا ابدا احكي.. مساعد وهو يبستم:حلو..بس احلى لما تحكي مع اي احد انت تقول سالفه وهو يقول سالفه..نتبادل افكارنا مع بعض...مو لما اخلص كلامي..يبدا الشخص الي جالس معاي يحكي..احس الوضع كذا يصير ممل..صح؟ منار:ممل بالنسبه لك يمكن... مساعد:يمكن.. رجع السكوت بينهم.. قرب مساعد لمنار اكثر..وصار ملاصق لها..مد يده على شعرها وكان يلعب فيه بكل هدؤ.. مساعد:حلو شعرك.. منار ابتسمت وكأنها مو مصدقته..:شكراً..من ذوقك.. مساعد عقد حواجبه:طيب شين شعرك.. منار وهي تضحك:من ذوقك بعد.. مساعد:لا يجنن...انا احب الشعر الكيرلي مررة.. منار:يتعبني.. مساعد:ليش؟ منار:بتصليحه..يعني مو مثل الشعر الناعم.. مساعد بصوت واطي:انا أصلحه لك.. منار ضحكت:خلك عند كلمتك.. مساعد:اعتبريه وعد..بس اذا ماعجبك مالي دخل.. منار:اوكي.. سكوت لثواني... مساعد كان يبي يفتح اي موضوع يتكلم فيه:منيار.. منار وعلى وجهها ابتسامه:ايش منيار؟ مساعد:قاعد ادور لك دلع....لي انا بس..وش رايك فيه؟ منار:اذا عجبك سميني منيار.. مساعد:خلاص بسميك منيار..,يلا عاد يامنيار ابي كاس ماي.. منار:وش تبي غير الماي؟ مساعد:بس.. راحت منار وجابت له الي يبي.. رجعت وكان مسند راسه على الكنبه وحاط يده على عينه.. منار بصوت واطي:مساعد.. على طول شال يده وعدل جلسته.. منار:نمت! مساعد وهو يمد يده ياخذ الكاس:لا مانمت,شكراً... منار كانت تناظر عيونه..تحسها ذابله من كثر ماهو تعبان وفيه نوم.. مساعد:عجبتك عيوني؟ منار استحت وبدون تفكير:لا...شكلك دايخ.. مساعد وهو يضحك:بعد تقولين لا..جامليني عالاقل.. منار حمرت خدودها..وانحرجت شوي.. مساعد وهويقرص خد منار:حمرت خدودك.. منار وهي تحط يدها على وجهها:لا ماحمرت.. مساعد انفجر ضحك عليها:طيب ماحمرت..,تعالي اجلسي بتبتلين واقفه! منار جلست بس بعيده شوي عنه..قرب لها مساعد وحط راسه على رجلها..غمض عينه وماتكلم باي كلمه... منار ماعرفت وش تسوي...ثواني تفكر فيها.. حطت يدها على راسه..ويدها الثانيه على كتفه...وماتكلمت ولا كلمه هي الثانيه.. بحاول اني اوصف شعور منار... كانت مرتبكه...مشاعرها اليوم بس تحركت لمساعد...عفويته..ابتسامته.. كلامه..طيبته..كل هالاشياء جذبتها لمساعد..بس مانستها فيصل طبعاً... محتارة بداخلها..ماتبي تحب مساعد..لان حب فيصل بداخلها... منار دايماً تقول..حب فيصل محفور بقلبي...مايقدر احد يشيله...فيصل بكفه والناس كلها بكفه... بيقدر مساعد يخليها تحبه؟ كل شي جايز بهالحياة... بعد سكوت لدقايق.. منار:مساعد عندك شيبه.. مساعد:الحمدالله ما شفتي الا وحده.. منار وهي تضحك:اجل بتزوج شايب.. مساعد:الحياة شيبت براسي.. ماردت عليه منار.. مساعد:ان شاء الله انتي تخلين هالشيب يروح من راسي... منار ابتسمت... مساعد تزوج منار على أمل انها تغير حياته وتنسيه كل الي فات...ويبدو ان حياة مساعد قبل كانت كلها مشاكل.... ><><><<<>< اليوم الي بعده..يوم الجمعه... الساعه 1:00 الظهر... فتحت باب غرفة منار..وهاله عندها نايمه... بصوت عالي:بنااات يلا قوموا... مااحد رد علي...شكلهم غاطسين..ماادري امس متى ناموا.. سكرت الباب ورحت الصاله... اول مادخلت عمتي وابوي سكتوا.. ناظرتهم وابتسمت:صباح الخير.. لفيت على ريما الي كانت منسدحه على الكنبه وباين انها تعبانه:كيفك ريما؟ ريما تهز راسها بانها طيبه... جلست جنبها بالكنبه وناظرت ابوي:يبه وش فيها ريما؟ ابوي:مافيها الا العافيه.. :شكلها تعبانه.. عطاني نظرة وكأنه يقولي خلاص اسكتي... سكت بعدها ومانطقت باي كلمه... انسحبت من الصاله بهدؤ..وطلعت فوق عند البنات.. دخلت الغرفة..ومنار جالسه على السرير وهاله بالحمام... :صباح الخير.. منار:صباح النور.. :كيف مساعد؟ منار:طيب.. :بيجي اليوم بعد؟ منار:بيجي يسلم علي قبل لايروح الشرقيه.. منار وهي تنزل من سريرها وتروح الحمام تطق على هاله:سااعه..يلا هاله اطلعي.. هاله وهي تفتح الباب:خلصت..ماتخلون الواحد ياخذ راحته.. منار:قلت لك روحي حمام نورة.. دخلت منار وطلعت هاله... :متى نمتوا امس؟ هاله وهي تنسدح بالسرير:بعد الفجر.. :بس يكفي نوم.. هاله:ماراح انام بس انسدح.. :شخبار بدر؟ هاله:طيب.. بصوت واطي:ماقد حكى عن فيصل ومنار؟ هاله:ولا قد جاب طاريهم.. :كويس.. ><><><><><>< فهد وهو يفتح باب جناحهم بقوة وبصوت عالي:سارة..سارة.. سارة كانت منسدحه بالسرير,رفعت نفسها شوي:خير فهد وش فيك؟ فهد وهو يفصخ شماغه ويرميه على السرير:عندي عزيمة غدا الحين..باخذ لي شاور وببدل وبطلع بسرعه.. سارة تناظره:طيب..تبي شي اسويه؟ فهد بعصبيه:وش رايك يعني...تعالي تعالي.. يمشي فهد وسارة وراه..راح لغرفة الملابس وفتح الدولاب وطلع لها ثوب:خلي الشغاله تكويه.. سارة:مكوي الثوب.. فهد:انا ابخص..والغترة بعد..اجلسي عندها وهي تكوي.. مد لها فهد ودخل الحمام على طول.. سارة:فهد ليش ما قلت لي انك ماراح تتغدى هنا..عشان اروح بيت اهلي.. ماانتظرت رده لانها عارفه انه مايحكي اذا دخل الحمام... راحت عطت الخدامه الثوب والغترة... بعد فترة قصيرة..طلع فهد من الحمام.. وبصوت عالي:وينهم ياسارة؟ سارةالحين بتجيبهم.. فهد بعصبيه:مو قلت لك اجلسي عندها.. سارة:تعبانه.. فهد:بسرعه روحي جيبهم..2 لازم اكون هناك... طلعت سارة بخطوات سريعه من الغرفه وهي تتأفف... دقايق..وفهد كان لابس ومخلص... سارة:مين عازمك؟ فهد:بعدين سارة اذا رجعت اقولك.. سارة راحت وجلست ومانطقت ولا بكلمه...اما هو طلع بسرعه عشان يلحق على الموعد... سارة تضايقت من تصرفه..بس مالها الا انها تمشي الموضوع...هاذي الحياة.. على الساعه 4:30 تقريباً.... ينفتح باب الجناح بهدؤ.. المكان هادي.. استغرب فهد...سارة ماقالت له انها بتطلع... فتح باب الغرفه وكانت ظلمه وسارة نايمه... فهد بصوت عالي:سارة..سارة.. سارة وهي تفتح عينها:مانمت.. فهد:والله انك صايرة كسلانه...اربع وعشرين ساعه منسدحه... سارة:تعبانه.. فهد:بسم الله عليك..,امشي ننزل عند اهلي... سارة:كيف العزيمه؟ فهد وعلى وجهه ابتسامه:حلووة... سارة:داخل البيت معصب...ورحت وجيت وانقلب المود..الضحكه من هنا لهنا..,الا ماقلت لي مين عازمك؟ فهد:فارس ولد خالتي وفيه كم رجال ومع حريمهم... سارة:وليش ماقلت لي اجي معاك؟ فهد:شغل..شغل.. سارة:ياسلام.. فهد:بعدين تراهم اجانب مو سعودين.. سارة:اتعرف عليهم..كل الناس كذا تسوي.. فهد:مو انتي تعبانه؟؟ سارة:خلاص قفل على الموضوع.,انا بروح بيت اهلي.. فهد:اصبري بعد المغرب روحي...اهلي تحت مجتمعين..انا احب جمعة العصر اكون جالس مع اهلي.. سارة:وانا بعد احب اجلس مع اهلي..وبعدين لي ثلاث ايام ما شفتهم.. فهد:ساعتين بس وروحي..وش تفرق؟ سارة:تفرق...انا عندي تفرق.. فهد بعصبيه:تحبين تعاندين..روحي وسوي الي براسك.. نزل فهد عند اهله...اما هي بدلت ملابسها وجت عندنا في البيت... اجتمعنا كلنا...وكلامنا كان عن زواج منار...هذا الموضوع الي نحكي فيه هالايام... الكل لاحظ..سكوت عمتي الغريب بالنسبه لنا.. ماعلقنا على الموضوع كثير ومااحد مننا سألها عن شي... بعد العشاء طلعنا انا ومشاعل ومنار... ><><><><>< صفحات كثيرة عديتها...محتارة وين اوقف...خلوني احكي شوي..وبعدها يوم زواج منار... يوم ورا يوم...وموعد زواج منار يقرب.. عمتي وابوي مخبين شي...تصرفاتهم واضحه... ريما تعبانه وحالتها سيئه...مراجعتها لدكتور كثيرة... عمتي تقول عندها فقردم..ان شاءالله انه فقر دم مو شي ثاني... اليـــوم الخميس... يوم ماراح ينسونه منار ومساعد...وفيصل بعد...هاليوم بيكون غير عنده...ماابي ادخل فيصل بكل شي...بس انا احس فيصل جزء من حياة منار....ماراح تنساه... هالليله ماقدرت انام..كل تفكيري بمنار..بفقدها...بفقد اقرب انسانه لي بالبيت...غير انها بتتزوج! بتسكن بالشرقيه.. انا لما افكر بهالشي..احس بضيقه... ناظرت الساعه وكانت 10:00... طلعت من غرفتي ورحت غرفة منار... فتحت الباب بهدؤ.. منار على السرير جالسه...ثانيه ركبتها...ومسنده راسها عليهم.. ناظرتها وانا مستغربه:تصيحين؟ منار وهي ترفع راسها:خايفه يانورة..خايفه... جلست بطرف السرير:ماادري وش اقولك..بس لا تخافين منار...يعني طبيعي انك تصيحين...بس.. منار:انا خايفه من حياتي الجديده...نورة حياتي كلها بتتغير.. :مشاعل وسارة تزوجوا الحمدالله مبسوطين... منار وهي تصيح:مساعد مرة طيب...واخاف مااسعده..هو يبي يتزوج ويرتاح بحياته..وانا احس اني بتعبه...انا ماني قادره انسى الماضي... منار مشوشه...ومواضيع كثيرة دخلتها في بعض..كل الي في قلبها طلعته...طول الفترة الي فاتت كنت احسها كاتمه الي بداخلها والحين انفجرت.... منار:نورة ساعديني...الله يخليك... ناظرت منار وماكنت فاهمه عن ايش تحكي... منار:تعرفين مساعد مانام ابد...كل شوي يكلمني... ابتسمت:اجل كلكم خايفين.. منار:يكلمني..عشان يهديني...انفجرت صياح وانا اكلمه...قعد يقول لي ادعيه..وقام يحكي علي يانورة...كلامه حلو..وارتاح لما اسمعه...انا احسد نفسي على مساعد...احسه يحتويني بكلامه...اضيع..لما يتكلم... :منار كل هذا وتخافين..انتي لو ماارتحتي له كان مااستمريتي...حافظي عليه يامنار...ولا تضيعينه من يدك..عشان ايام طيش عشتيها وماانتي قادرة تنسينها.... ماردت علي وراحت بدنيا ثانيه... :منار يادبه بشتاقلك... ضميتها..كنت اصيح..خلاص منار بتطلع من بيتنا..مثل ماطلعوا قبلها مشاعل وسارة.... سارة وهي تفتح الباب:لازم يعني تسون مناحه... :بعد اختي بتتزوج ما تبيني اصيح؟ولا بعد مو اي اخت.. منار تناظرني وتضحك... سارة:اهم شي منار نمتي؟ منار:ماغفت عيني.. سارة:حبيبتي...ذقتي ماذقنا..يلا عقبال نوير.. ناظرتها:لا الله يخليك..انا كذا مبسوطه.. رن جوال منار..وقطع كلامنا... منار:هلا.. مساعد من الطرف الثاني:هلا..كيفك؟ منار:كويسه.. مساعد وهو يضحك:كم مرة سالتك كيفك؟ منار:كل ماكلمتني سالت.. مساعد وهو يضحك:تعودت..,انا الحين رايح الحلاق بتظبط لك شوي... منار وهي تضحك:تتظبط لي انا!والا للمعزايم؟ مساعد:الصراحه لك انتي..ماهموني هم... منار:اشوا.. مساعد:وبعد ماأطلع من الحلاق..بروح اخذ بنتي..بلعبها وبتغدى معها..تعرفين بنشغل عنها الشهر الجاي.. منار:بوسها لي.. مساعد:ان شاء الله... يلا انا وصلت..انتبهي لنفسك.. منار:ان شاء الله.. بعد ما قفلت منار... انا وسارة نحكي..وقطعت كلامنا منار.. منار:ماابي اغار من بنته.. ناظرنها انا وسارة وانفجرنا ضحك... :من جدك تغارين؟ منار:غصباً عني..مااغار..بس احس انها شي ثاني بالنسبه له...ماادري كيف افهمكم... :ماراح تجي الزواج؟ سارة وهي تضحك:من جدك انتي!! منار:لا طبعاً...بيبي..,الظهر..بيروح يتغدى معها ويلعبها... :مو صغيرة؟؟ منار:بس تعرف.. سارة:مشاء الله عليه..فاضي... :بنته..بعدين اقل شي يسويه خاصه انها مو عايشه معاه..لازم يعوضها.. سارة:نوير مالي خلق اتناقش بمواضيع مالها داعي.... جتنا مشاعل بعد فترة قصيرة... مشاعل:صباح الخير..,كيفك منار ان شاء الله نمتي؟ منار:لا..,بسألكم عن شي؟ مشاعل:اسألي.. منار تناظرنا وتبتسم:امممممممم.. سارة:نوير روحي شوفي عمتي قامت والا لا؟ ناظرتهم:حركات مكشوفه...هاذي تسوينها مع ريما... مشاعل:اجلسي ما عليك.. تقريباً نصف ساعه واحنا نحكي..او هم يحكون...انا طرف صامت.. مر الوقت بسرعه... رحنا كلنا للفندق.. ترتيبات تجهيزات...منار مرتبكه...وانا بعد احس اني متربكه معها... هاذي تسوي شعرها..وهاذي تحط ميك آب... جالسه على الكنبه..خلصت شعري ومكياجي... سرحانه..كنت بعالم ثاني...عبرت بحار وقارات...ورحت عند سلطان.. وش قاعد يسوي الحين؟ كل مااتخيل ان ميسون هناك..وقريبه منه ماادري وش يجيني..وأكيد في غير ميسون... ماادري وش جابها على بالي هالبنت...حطتني بموقف بايخ مع سلطان... اتذكر حركاتي مع سلطان احس اني طفله.... أبي اشوفه الحين اكثر من اي وقت ثاني.. قطع افكاري صوت هاله العالي.:نورة شكلي شين... ناظرتها..وكان شكلها روعه..:هاله من جدك مرررة حلو شكلك.. هاله:ماعجبني... :والله يجنن..مرة كيوت.. هاله:وين الكريم بمسح مكياجي.. :من جدك انتي...هاله والله العظيم اني مااجامل شكلك حلو... هاله:احلفي.. :والله.. هاله وهي تاخذ العبايه:بروح اسأل امي.. طلعت هاله ودخلت مشاعل ومعها ريما.. ريما:نورة حلو شكلي؟ :يجنن..شعرك مرة حلو.. مشاعل:خليها تجلس عندك..لا تخلينها بلحالها.. :طيب.. جلست ريما وطلعت مشاعل... ريما:كلمني سلطان اليوم... ناظرتها على طول..كأنها عارفه اني افكر فيه.. :وش يبي؟ ريما:يقولي انتي بتجين عندي.. :بس؟ ريما:وقال..اممممم... بس.. ناظرتها:صدق ماعندك سالفه...,انا بروح هنا عند منار... ريما:مشاعل قالت لا تخليني وحدي.. :هنا الغرفه..باب بينا بخليه مفتوح... دخلت على منار.. منار:مالبستي؟ :احس تونا.. منار:الحين 8:30.. : 9:30 بنزل..مايجون الناس بدري.. سارة وهي تدخل علينا وباين انها معصبه:نورة مابعد لبستي؟؟؟ :الحين بلبس.. سارة:يابردك يانورة..قومي.. :سارة مرة حلو شكلك.. سارة:باين اني حامل؟ منار:باين شوي... :هذا الي محليك..صغنونه وحامل.. سارة:وين رجلي يشوفني.. قعدت اضحك على سارة...كلامها كانها عجوز.. هاله:هابنااات وش رايكم؟ سارة:هلا هلا بمرت ولدنا.. هاله وهي تضحك:حلو شكلي؟ كلنا:يجنن.. هاله:يلا نوير البسي... كل من شافني قالي البسي...احس الوقت بدري..رحت ولبست وسويت الي يبونه... >< > < > < > < > < > < >< الساعه 11:00 الصاله امتلئت بالحضور... البنات يرقصون على صوت المطربه... كنت احاول اني ارقص..كل ماافضى.. انا واعده منار من يوم كنا صغار..اني بزواجها ماراح اقعد..ياسرع الايام ماتمر... كنا نتمنى هاليوم يجي..وهاليوم جا...ونفذت وعدي لها... كنت كل شوي اروح لمنار..مو انا بس البنات كلهم... منار مرتبكه..ماكنت تحكي كثير..تبتسم لو احد قالها اي شي...فكرها مشوش... ليلة العمر... اشرت لي منار بيدها..قربت منها..بصوت واطي:نورة احس اني بنفجر صياح..لا تدخلين احد من صديقاتي.. ناظرتها بخوف:طيب.. انا وهاله عندها الحين.. حطيت يدي على كتفها:منار هدي نفسك... منار وهي تطق باصباعها:خايفه..خايفه... :منوري.. منار:خايفه ادخل على الناس.. :انا بمشي وراك..وبظبط فستانك...مثل مااتفقنا.. منار ضمتني وبدت تصيح:نورة والله اني أحبك.. خنقتني العبرة انا الثانيه:منار..والله بشتاقلك.. هاله:بنات بس...منار بيخرب مكياجك.. منار وهي تمسح دموعها:ياليت....أمي..في... انا زدت صياح...في لحظات بحياتنا..نبي الي نحبهم معنا...فما بالكم اعز انسانه ماتكون في... منار كانت ترتجف وهي تصيح:نورة..خلاص..يكفي صياح.. هاله:من جد ماادري وش اقول... دخلوا بوقتها سارة ومشاعل... مشاعل:منور مجنووونه..وش ذا الصياح.. هاله:تعالوا وعقلوا خواتكم..انا مااقدر صراحه.. مشاعل وهي تاخذ المنديل وتمسح وجه منار بهدؤ:منار كلنا سوينا كذا...بس هاذي الدنيا...كلنا صحنا نتمني ان امي تكون معنا...بس مانفع صياحنا...خلاص حبيبتي..هدي نفسك... غصب عننا نسوي كذا...دخلنا بدوامه من الصياح... كنا دايما نحاول نتجنب هالموقف... الساعه 12:30...موعد الزفه... تسكرت الانوار... هدا الوضع تماماً...الكل يدور له مكان مناسب عشان يشوف العروسه زين....والمعرس بعد... صديقات منار وبنات من اقاربنا.. جلسوا على اطراف الممرات...استعداد لا ستقبال منار.. من خلف الصاله وعند الباب..منار ماسكه يدي ويد سارة:خايفه يابنات..ادخلوا معاي.. سارة وهي تترك يد منار:انا بدخل الحين..بصير معاك خطوة بخطوة..من بعيد.. :منوري..صارت وحده الا ربع...مايصير خلاص.. منار وهي حاطه يدها على صدرها وتسمي.. فكيت يدي منها... انفتح الباب بهدؤ... توجهت الانظار كلها على الباب.. منار بينها وبين نفسها:بسم الله..بسم الله... خطوة بطئيه...التفت على يمينها...عماتي واقفين.. اشروا لها.. ابتسمت... خوات بطئيه تمشيها..وانا كنت وراها مثل ماوعدتها.. سارة كانت جالسه على كنبه بالممر... تأشر لها بيدها بانها تبتسم..تستجيب منار لسارة..وتبتسم ابتسامه عريضه... منار تناظر قدامها وبس... قلبها يدق بسرعه..وكل خطوة تمشيها كانت تاخذ نفس طويل بعدها وكانها مشت مسافه طويله... تعليقات صديقاتها..عشان يضحكونها.. منيرة:تزوجتي قبلنا يامنار ياخاينه.. مها:الله يحفظك..قمر.. قمر.. ووحده ثانيه:منار عطينا وجه...وش ذا الثقل؟؟ منار تلف عليهم وتضحك.. وأخيراً وصلت لكوشتها... جلست بكل هدؤ..مشاعل تصلح فستانها... منار الابتسامه ما فارقتها لكن احسها ماهي فرحانه من داخلها... تناظر الي حولها..وكأنها مو مصدقه ان هذا زواجها.. عينها تتنقل بينا.. الف الصلاة والسلام عليك ياحبيب الله محمد... البنات بأعلى صوتهم..ويعيدونها كم مرة.. بدت المطربه تغني... اجتمعنا كلنا بالمنصه وبدينا نرقص.. اجتمعنا كلنا...واخذنا كم صورة... حنا ومنار.. منار وصديقاتها... اهل مساعد بعد... مرت ساعه ومنار جالسه... الرجال بيدخلون.. الرجال بيدخلون.. دقايق وبعض الحريم معهم طرحهم...وبعضهم يروح يجلس ورا... وبعضهم لا طرحه ولا هم يحزنون..المعرس مو فاضي يناظرنا...قباله زوجته..هاذي حجتهم... يدخلون الرجال بخطوات سريعه كالعادة... ابوي على يمين مساعد...وثنين من اخوان مساعد الصغار... ضمت منار ابوي... ابوي:مبروك يابنيتي.. منار:الله يبارك فيك... مساعد وهو يمسك يد منار ويبوس راسها:مبروك لنا... منار:الله يبارك فيك.. صوروا مع بعض... ابوي طلع..اما مساعد جلس... تعليقات من مساعد...ومنار تضحك.. مساعد:تجلسين والا بتطلعين معاي؟ منار:لا بطلع.. مساعد مسك يدها ووقف هو وياها.. سلم مساعد على اهله..وطلع هو ومنار... ><><><><>< نهاية الفصل ... .. .. .. | ||||
|
| |
|
26-07-22, 11:57 AM
| #18 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثالث عشر... الفصل الثاني... فهد بسيارته توه طالع من الزواج..وبيروح عند ربعه.. رن جوال فهد بوقتها وكان بدر.. فهد:توني بتصل عليك.. بدر:تأخرت يااخي.. فهد:وين مجتمعين؟ بدر:بيت فيصل.. فهد:يلا شوي وانا عندكم.. قفل فهد منه..ودقايق ووصل عندهم... فهد بصوت عالي:السلام عليكم.. ردو عليه الشباب...وكل واحد سلم عليه بطريقته الخاصه... فيصل:تأخرت يارجال.. فهد:كنت بزواج... بدر يقاطعه:اييه انا قلت اكيد عنده شي... فيصل يناظر بدر وعلى وجهه علامات استفهام... فهد يوجه كلامه لفيصل:تلعب بلوت؟ فيصل:لا..مالي مزاج.. فهد:ثامر..صالح ؟ بدر:يلا يلا وزع.. فيصل ماقدر يحكي..قلبه حس ان في شي... كتم فيصل...وماقدر يركز مع الي جالسين عنده.. سوالف ولعب ونكت...وفيصل ولا هو معهم... مرت فترة طويله...تعشوا فيها..ورجعوا للعبهم...وفيصل يحاول انه يسأل بدر..بس كان يتهرب منه... بدر وهو يناظر ساعته...2:30... وقف..واخذ شماغه..وبصوت عالي:يلا شباب...فمان الله... طلع بدر بسرعه وكان خايف ان فيصل يجي وراه... الي خايف منه بدر..صار.. فيصل:بدر..بدر..وقف.. بدر وهو يلف عليه:هلا.. فيصل:وش فيه؟ بدر:مافي شي!! فيصل:انت كنت معزوم زواج اليوم..رحت شوي وماطولت..فهد بعد معزوم زواج..وشكل الزواج ناس قراب منه..لانه طول..ويوم جا بيقول قاطعته.. بدر:فيصل تعرف الي يدور الشر لنفسه هذا انت..وش عليك زواج مين!! فيصل وهو يناظر بدر نظرات خوف:زواجها؟؟ بدر سكت ومارد.. فيصل:بدر..تزوجت؟ بدر:ايه.. حس فيصل وكأن الدنيا تدور فيه...فقد توزانه..قلبه يدق بسرعه..:اعرف...كنت حاس... بدر:فيصل لا تسوي سواة... فيصل يقاطعه:بدر اسكت..ماابي اسمع ولا كلمه.. بدر وهو يحط يده على كتف فيصل:وش فيك؟ بقوة يبعد يد بدر عنه ويدفه:بعد عني..تقدر تروح.. بدر:فيصل..الشباب جوا..يعني روق شوي.. فيصل بعصبيه:انا ماابي اشوف احد..ماابي اشوف احد..ادخل وصرفهم... بدر وهو مرتبك:طيب..طيب..الي تبيه بيصير..بس يرحم والديك..سواة هاذيك المرة.. فيصل يقاطعه:بزر عندك..تقولي هالحكي..,اسمع انا بدخل البيت...وانت خلاص روح..فراس عندهم... مشى فيصل بخطوات ثقيله باتجاه البيت..وترك بدر يتصرف... عقله توقف عن التفكير...ماانصدم مثل صدمته لما انخطبت.. حس بالضيقه..ووحده..منار كانت عنده شي ثاني... حبهم لبعض متساوي..مااقدر اقول منار تحبه اكثر والا فيصل يحبها اكثر.. فيصل ماهو اول ولا آخر واحد..بيخسر الي يحبها... ><><><><>< الساعه 4:30 الفجر... بدوا الناس يروحون...وتقريباً كل الي موجودين الحين اقاربنا...وصديقات منار... بخطوات سريعه كنت امشي متجه للكنبه الي جالسين فيها البنات.. بصوت عالي:قربوا لي..قربوا لي.. بعدو شوي وخلوا لي مكان اجلس فيه..رميت نفسي من كثر التعب:انا خلاص استويت... هاله:افصخي كعبك.. انحنيت شوي عشان افصخ الكعب:آآه يارجلي...عذاب هذا.. رن جوالي بوقتها وكانت منار..رديت بسرعه:هلا هلا.. منار:نورة وينك؟يلا انا بطلع الغرفه الحين..تعالي بسرعه.. :ثواني وانا جايه.. هاله:وين بتروحين؟ :بروح عند منار الحين بتطلع غرفتها.. مسكت كعبي بيدي ورفعت فستاني شوي..وصرت امشي بخطوات سريعه اقرب لركض..رحت اخذت عبايتي وبعدها رحت لهم.. خواتي وعمتي عند منار.. قربت من عند منار..وبصوت واطي مااحد يسمعه غيرها: تذكرين مرة قلتي...انا كل شي عندي يهون الا اول ليله...بنام مع رجال غريب.. منار وهي تضحك وبضحكتها فيها خوف:نورة لا تخوفيني... مساعد:وش قاعده تقولك؟ منار تناظر مساعد وتضحك: أحسن لك ما تعرف.. مساعد:نورة..لاتخوفين زوجتي... :لا لا تخاف عليها..منار تخوف بلد.. منار عطتني نظرة..اما مساعد ضحك على كلامي.. عمتي بعد عطتني نظرة... سلمنا على منار...سارة ومشاعل ذكروها بالنصايح الي عطوها... :مساعد..حط منار بعيونك..ولا تزعلها..تراها عندي غير.. مساعد:بحطها بعيني وبقفل عليها... عمتي للحين تناظرني..وتبيني اسكت... :وابيك بعد كل اسبوع تجيبها الرياض... عمتي:ورا ماتكتبين طلباتك بورقه وتعطينها مساعد.. ضحك مساعد وحسيته يقول بنفسه..ايه والله... مساعد مسك يد منار...شفت الخوف بعيونها..دمعت عيني..عطيتهم ظهري..مشيت بسرعه وطلعت من المكان الي كنت فيه ورجعت للقاعه... ماراح اطول عليكم بتفاصيل ماهي مهمه... يوم الجمعه بعد صلاة الجمعه رجعنا لبيتنا... هدؤ بالصاله.. كل وحده منا منسدحه بكنبه..كنا تعبانين..وكل حده يالله تفتح عينها.. عمتي وهي تدخل الصاله وبصوت عالي:لا تتسدحون..جبتوا لنا الخمول..قوموا... قمت من الكنبه بسرعه:انا بروح انام بغرفتي واذا جت منار قوموني.. على الساعه 5:00 العصر تقريباً.. انا للحين نايمه وماني حاسه بالي حولي... انفتح باب غرفتي بقوة وبصوت عالي:يادبه يانوير..نايمه.. فتحت عيني بسرعه ورفعت نفسي وجهت نظري للي عند الباب وكانت منار...شكلها يجنن..حسيتها وحده متزوجه.. بصوت عالي:ياحمااااارة يامنور شكلك يجنن... ابتسمت منار لي.. :والله شكلك غير..احسك الحين جد وحده متزوجه...وش قال فيك مساعد؟ ناظرتني منار وضحكت:وش بيقول يعني؟؟ :ماقال شكلك حلو؟ منار:قال..وكل الرجال في بداية الزواج يقولون..يعني مو كل شي يقوله الرجال يتصدق.. اخذت المخده ورميتها عليها:يعععع منار...وش ذا الحكي..تراك توك متزوجه..,المهم كيف اهل رجلك؟ منار:يسلمون عليك.. :لا اقصد كيف كانوا؟ منار:ماتعرفينهم يعني!!تعالي بس نرتب الاشياء الباقيه.. :ثواني بس اروح الحمام واجيك.. راحت منار غرفتها..وبعد ما خلصت رحت لها.. :الا متى مسافرة؟ منار:الفجر.. :شين.. منار:يعني.. جلسنا نرتب شوي..نحط هذا ونشيل هذا..ومنار ساكته ومانطقت ولا بكلمه وانا احكي لها عن الزواج.. منار فجأة:نورة.. ناظرتها:هلا.. منار:احس عمتي ماهي فرحانه لي..يعني عكس زواج مشاعل وسارة...تحسينها بتطير من الفرحه... قاطعتها:لا يامنار وش ذا الحكي.. منار:انا اعرف ان عمتي ماتحبني كثركم وخاصه انتي...بس على الاقل تبين انها مبسوطه قدامي..يعني ماله داعي تضيق صدري... وتقولون انها مثل امنا...مافي احد مثل الام.. ضايقني كلام منار مرة...وماعرفت وش ارد عليها.. :الا مساعد وينه؟ منار:تحت.. رن جوالها.. منار:هذا مساعد..,هلا مساعد:انا طلعت..بروح عند لولو..وبعدها بروح اسلم على اهلي...متى تبيني اجي؟ منار:متى ماخلصت تعال.. قفلت منار من مساعد... مر الوقت بسرعه..ومنار متضايقه من عمتي مرة...صار بينهم حكي بس بشكل مو مباشر.. اتصل مساعد على منار عشان تطلع.. سلمت منار عليهم كلهم...يوم جا دوري.. :لا أنا بوصلك المطار مع ابوي.. منار:ايه اشوا... طلعت منار من بيتنا..وراحت مع زوجها... مشاعل اكثر وحده صاحت.. انا مخبيه دموعي اذا وصلتها المطار... ><><><>< بالسيارة انا وابوي...وصلنا منار ومساعد وراجعين للبيت.. ساكته ومانطقت باي كلمه... ابوي بادلني السكوت....بعد فترة قصيرة.. ابوي:نورة..يابنيتي ودي احكي معاك.. ناظرته بخوف:خير يبه وش فيه؟ ابوي كان خايف ومتردد واضح هالشي من طريقته بالكلام:الاحد ان شاء الله بنروح لامريكا..انا وعمتك وريما.. قلبي دقاته صارت اسرع..احس بحرارة بجسمي..حسيت بخوف... الموقف هذا معيود..نفس النبرة..نفس الكلام..ابوي قاله لنا لما امي تعبت.. يابناتي بسافر انا وامكم لامريكا... دخلنا بنوبة صياح..كنا نعرف ان امي تعبانه وبتسافر عشان تعالج... حسيت بغصه...وكأن الايام تنعاد...الايام الي راحت رجعت لي.. دمعت عيني وانا لسا ماعرفت السبب..عقلي الباطني يسترجع الاسبوعين الي فاتوا..تغير مزاج عمتي..تعب ريما..مواعيدها لدكتور.. :يبه..ريما وش فيها؟؟؟وش فيها ريما؟؟ انفجرت صياح..صرت ارتجف...انتظر الجواب من ابوي... ابوي فقد تركيزه... بحركه سريعه وقف السيارة على جنب الشارع.. ابوي بعد مااخذ نفس:تعبانه اختك يانورة.. عجز لساني عن الكلام...ماقدرت اتكلم..ناظرته وعيوني كانت تتكلم.. ابوي:تعب بسيط ان شاء الله ويخف.. مسك ابوي يدي..الي كانت ترتجف..كان يسمي علي.. بصعوبه:وش..في..ها..؟ ابوي:مشكله بالدم..العلاج هنا زين..بس نبدا بامريكا ونرجع ان شاء الله نكمل هنا.. ماادري وش الي يدور في راسي..كنت عاجزة عن التفكير..اتلقى الصدمات من ابوي.. ابوي:انتي بتجلسين هنا اسبوع..او اكثر..وبعدها بتلحقينا.. كمل ابوي طريقه...اما انا كنت بحالة هستيريا..ماوقفت عن الصياح.. وصلنا البيت...نزلت بسرعه..كنت اركض..ابي اشوف ريما.. دخلت الصاله وعمتي جالسه تنتظرنا... رميت نفسي بحضنها..وبديت اصيح.. عمتي:بسم الله عليك يابنيتي..اختك ان شاء الله..بتجينا كل فترة وفترة.. هزيت راسي:لا..لا.. دخل ابوي بوقتها..عمتي تناظره وهي مستغربه.. ابوي:قلت لها.. عمتي بدت تصيح...:بسم الله عليك.. :ليش ماقلتوا لنا..ليش..ريما اختي تعبانه واحنا اخر من يعلم..انا بموت ياعمتي لو ريما صار لها شي..امي راحت وريما بعد.. عمتي وهي تصيح:لا اله الا الله...يابنيتي الي باختك ان شاء الله يروح.. :كذاااابين...كل الدكاترة كذابين..قالوا امي بتطيب ومافيها شي..وراحت... عمتي:استغفري يانورة... بعدت عنها:انا بروح عندها.. طلعت من الصاله بخطوات سريعه...رقيت فوق.. فتحت باب غرفتها بهدؤ..وكانت نايمه... انسدحت جنبها بالسرير...حطيت يدي على شعرها ومسحت على راسها.. ذكرياتي ترجع لي... ضحكها...دلعها..زعلها... صوتها يرن في اذني...ماكان فيها شي..والله ماكان فيها شي.. قربت منها اكثر وضميتها..يارب..يارب انك تشفيها... ماذاقت عيوني النوم...ماتحركت من مكاني.. اذن الفجر..صليت..ورجعت انسدحت جنبها.. مر الوقت ببطئ... الساعه 10:00 الصباح... ريما توها قايمه..تناظرني وهي مستغربه.. ريما:نورة يادبه..ليش نايمه عندي؟؟ ابتسمت وقربت منها بستها من خدها ومن راسها:اشتقت لك... ريما:ماراح اروح المدرسه؟ :لا.. نزلنا انا وياها افطرنا...وبعد فترة ماهي طويله نادتني عمتي نرتب الشنط... من الكلام الي قلناه.. :عمتي.. ناظرتني:سمي.. :انا وين بروح؟ عمتي:عند هاله...اسبوع الى ماتطلع الفيزا وتجينا.. :كم بنقعد؟ عمتي:والله يابنيتي ماادري.. :وين بنقعد؟ عمتي:عند سلطان.. فز قلبي لما سمعت اسمه..معقوله القدر بيجمعنا مرة ثانيه وبسكن معاه بعد... :وش بتقولون لمنار؟ عمتي:اذا رجعت نقولها... :وخواتي؟ عمتي:اليوم نقول لهم.. جلسنا نحكي انا وعمتي..واحس اني بحلم..انتظر بس متى اصحى منه... ><><><><>< منار ومساعد توهم واصلين الاوتيل...بعد عناء يوم طويل... مساعد:اوكي..اوكي..ثانكيو...با ي.. منار جالسه على الكنبه وعلامات التعب على وجهها:وش يقول؟ مساعد:يقول بكرة ان شاء الله تجي تاخذها.. منار بضيق:ليش يعني شنطتي من بد كل الشناط.. مساعد:الحمدالله معاك شنطة ثانيه.. منار:بس هاذيك فيها كل ملابسي.. مساعد:ياليتهم ضيعوا شنطتي... منار وهي تضحك:ايه من جد.. مساعد:لا والله.. منار:اجل انت تلبس وانا لا.. مساعد:ولا تزعلين باعتبر شنطتي ضايعه.. منار ابتسمت.. مساعد:وجهك تعبان..يلا حبيبتي نامي وارتاحي..واذا قمنا ربك يحلها.. منار:ابي بجامه.. مساعد وهو يضحك:بتضيعين جوا البجامه.. فتح مساعد شنطته وطلع لمنار وحده من بجايمه:تفضلي..الشورت تقدرين تضوقينه الى اخر شي.. منار عقدت حواجبه وهي تتخيل كيف بيصير شكلها:شكراً.. دخل مساعد الحمام..وبدلت منار ملابسها ولبست البجامه وشلكها كان تحفه... ><><><><>< اليوم كان طويل...متعب..حزن..كآبه..سارة ومشاعل عرفوا بمرض ريما.. بيتنا انقلب من فرح لحزن..حالتنا كانت سيئه..صدمه قويه لنا كلنا..وريما المسكينه ماتدري وش الي فيها.. يعني ماادري ليش مااكتشفوا الي فيها من زمان...وخاصه انه اعراضه كانت واضحه... ريما مريضه باللوكيميا...مااحب اتكلم بهالشي...لو اقدر اشيل هالشي من ذاكرتي اشيله...اسوا ظروف مرت علينا... كلنا تعبنا..مو بس ريما..كلنا نعاني معها... كلمتنا منار وحاولت قد مااقدر امسك نفسي...كانت مبسوطه.. نوعاً ما...صاحت شوي وصحت معها... اليوم يوم الاحد... كلنا مجتمعين بالصاله..عمتي حصه وعبير بنتها... كانت جلسه تضيق الصدر...رحلتهم الساعه 11:00... الساعه 9:00 طلعوا للمطار...منصور الي وصلهم.. الوادع كان شي ثاني...احس ان عيوني نشفت..حمرة ومتنفخه من الصياح... ظروف صعبه الي قاعدين نمر فيها... رجعت كل وحده من خواتي لبيتها..وانا رحت بيت خالتي... ><>><<>><< دخلت مشاعل بيتها..وخالد جالس بالصاله.. لما شافها وقف:هلا حبيبتي.. مشاعل ضمته وبدت تصيح...خالد يمسح على راسها:بس حبيبتي..لاتبكين.. مشاعل وهي تشد بيدها:تعبانه..انا تعبانه ياخالد.. خالد بصوت مبحوح:ميشو لا تقطعين قلبي.. مسكها بهدؤ وجلسها على الكنبه:حبيبتي هذا قضاء الله..والحمدالله في لها علاج..وان شاء الله انها بتطيب وترجع مثل اول.. مشاعل:ياليتني انا ولا هي..خالد انت منت حاس بالي فيني..ريما صغيرة..حتى ماتدري وش الي فيها...تبكي معنا بس هي ماتدري وش فيها..خالد العلاج يتعب..الناس الكبار مايستحمولنه..شلون هي الضعيفه بتستحمله...انا بموت لو صار لها شي.. خالد يضمها لصدره:مالنا الا الدعاء يامشاعل.. مشاعل وهي تصيح:مبسوطه انها بتسافر وبتروح عند سلطان..ماتدري وش الي بيجيها هناك.. خالد:حبيبتي الله يخليك عشان ريما لا تبكين... مشاعل وهي تمسح دموعها:بحاول.. ><><><><>< نفسيتي الايام الي راحت كانت تعبانه..عشان ريما..احسها بنتي..أحبها حب ثاني والكل يعرف هالشي... جالس بالصاله..كان عندي كم اتصال...بعد ماخلصت من مكالماتي.. جلست اشتغل على الاب... رانيا توها داخله البيت:مساء الخير... حوارنا كان بالانجليزي.. :مساء الخير,ايش جديدك؟ رانيا وهي تبتسم:ولا شي.. جلست ملاصقه مني:اشتقت لك.. ماحاولت اناظرها.. رانيا:سلطان.. :جهزتي اغراضك؟ رانيا وباين انها زعلانه:ايه.. :كويس,اليوم ارجعي للشقه.. بعصبيه:من اليوم!! :احسن.. رانيا:سلطان..امك وعارفه..ليش بدك تخبي لهلا؟ ماكان لي خلق احكي بس مظطر اني ارد عليها:رانيا انا قلت لك امي رافضه زواجي منك..ولو اعلنته مو من صالحي...اوكي؟ممكن تروحين الحين تاخذين اغراضك وتروحين لشقتك.. رانيا بعصبيه:اوكي.. :اتصالات كثيرة ماابي.. قاطعتني:وامتى بدي شوفك؟ :ماخصلت كلامي...متى مااتصلت عليك اشوفك..انا وقتي مو لي..بصير مشغول.. رانيا وهي توقف:حياتنا صارت بتطفش... تركت المكان وراح للغرفه...انا مو كذا اسلوبي معها ابداً..تغيرت بشكل واضح ومااقدر اتهرب من هالشي..انا ماابي اطلقها..كذا بدون سبب...احترم مشاعرها..وماابي اجرها بمجرد ان قلبي مال عنها وحب وحده غيرها.... احس ببرود تجاه رانيا..ماابي ولا اشوفها حتى...عشان مااضايقها... ><><><><>< الجو بارد..وقارس البرودة بعد... منار ومساعد يمشون بخطوات بطئيه.. تعليقات من مساعد... تشاركه مرات..ومرات كثيرة تبتسم و الا تكتفي بكلمة ايــه... تشابكت اطراف اصابعه بيدها..كانت باردة وكأنها بفريزر.. مساعد:يدك باردة.! منار حطت يدها على خدها:من كثر ماهي باردة مااحس فيها.. gloves مساعد:امشي نروح نشتري لك منار:لاعادي..مايحتاج.. مساعد:لا يحتاج..حبيبتي يدك مرة باردة.. منار:طيب.. رجع ومسك يدها:بعطيك حرارة شوي عشان تدفى.. كملوا مشيهم يدورن على محل يبع هالاشياء.. مساعد:تتوقعين هذا المحل عندهم؟ منار:ندخل..مايضر.. بداخل المحل.. مساعد:عندهم الوان بعد...يلا اختاري الي تبين.. منار:احمر.. gloves اخذ مساعد قرب منها..مسك يدها اليمين..باسها بهدؤ..لبسها...سوى نفس الشي بيدها الثانيه.. منار تناظره ومستسلمه له:شكراً.. ابتسم:منيار!! منار بادلته الابتسامه:لانك لبستني.. مساعد وهو يضحك:اهاا..طيب عفواً.. طلعوا من المحل وراحوا يتعشون.. منار مرتاحه بداخلها...وانسجمت مع مساعد مرة...ماحست بتصرفاته اي تصنع..هاذي شخصيته وهذا طبعه عفوي..بسيط.. ><><><><>< اليوم الثلاثاء... لابسه عبايتي انتظر منصور...بروح السفارة عشان اطلع لي الفيزا... خالتي:خلي طارق يروح معاك يانورة.. :لا خالتي مايحتاج.. خالتي:تركبين مع ولد عمتك بلحالكم.. :خالتي منصور مثل اخوي.. هاله وهي تغمز لي: اصلا اخوكم من الرضاع.. خالتي:صدق!! :اييه مع سارة.. خالتي:اييه اشوا.. هاله بصوت واطي:نورة خذي معاك طارق.. :مايحتاج..بروح اتقهوى معاه!! هاله:كيفك.. بعد فترة قصيرة رن جوالي وكان منصور..طلعت على طول.. وقفت لثواني قدام السيارة محتارة وين اركب!!قدام والا ورا...موقف محرج..استحي اركب قدام..واخاف اركب ورا..يقول سواق عندها... بهدؤ انفتح شباك السيارة.. منصور:نورة اركبي بالمكان الي يريحك.. ابتسمت:طيب.. بدون تفكير فتحت الباب الي ورا وركبت... منصور:عسى ماتأخرت عليك؟ :لا عادي.. منصور:شخبارك؟ :يعني.. هدؤ بالسيارة...انا ساكته وبادلني منصور السكوت... وقفنا باشارة وكانت زحمه... ..اناظر السيارات....واتخيل حياة الناس الي بداخلها...كل واحد له مشاكله وهمومه...منشغلين بأنفسنا وبس وعسانا نلحق بعد... سيارة مليانه اطفال..فاتحين الشبابيك وهالشي قمة وناستهم.. ذكرتني بطفولتي..كانت حلوة نوعاً ما...بس مااتمنى انها ترجع ابداً... سيارة ثانيه...بداخلها ولد عشريني والي معاه واضح انها حرمه كبيرة.. الحرمه تتكلم..والولد يسمع وموعاجبه الكلام الي تقوله... وسيارة فيها شباب..معلين على صوت المسجل..كانت تهز السيارة من كثر ماكان الصوت عالي...والضحكه من هنا لهنا... ماادري وش المتعه لما الصوت يصير على آخر شي...يعني تبي تسمع براحتك..اما انك تسمع خلق الله معاك!! عدت سيارات وجت بدالها سيارات.. ملاصقه لنا سيارة فخمه...رينج روفر.. رفعت راسي شوي..اشوف الي بداخلها...رجال في نهايات العشرينات...واقدر اقول انه بالثلاثين...عليه النظارة الشمسيه..هيئته كانت حلوة... سماعة الجوال باذنه...يتكلم شوي ويرجع يضحك...كان يضحك من قلبه...حركة يده كثيرة.. .كثير ما نقابل ناس لما يحكون يدهم ماتنزل.. مو شرط انها تصف الشي الي قاعدين يحكون فيه..يعني حركه غير اراديه... قطع منصور حبل افكاري:وين وصلتي؟ عدلت راسي وجت عيني بعينه من مراية السيارة:حولك.. ابتسم منصور ومافهم وش قصدي.. وصلنا السفارة...نزلنا انا ومنصور..سوينا الاجراءت المطلوبه...مااخذ مننا وقت طويل مرة... وحنا بالسيارة راجعين البيت.. :منصور.. منصور:سمي.. :تتوقع متى تطلع الفيزا؟ منصور:لا تشيلين هم.. :اخاف تجلس شهر او اكثر.. منصور:لا ماعليك ان شاء الله السبت وهي طالعه.. :صدق؟ منصور:صدق...والاحد او الاثنين تروحين ان شاء الله.. انبسطت مرة...اليوم الثاني واحس بملل وضيقه صدر..ابي اروح عند اهلي.. وصلنا البيت..فتحت باب السيارة بسرعه..وقبل مااقفله:منصووووور مرررة شكراً.. منصور:وش دعوة نورة مابينا..انا حاضر واي شي تحتاجينه قولي لي ولا تستحين.. :ماتقصر.. منصور:نشوفك ان شاء الله على خير.. :ان شاء الله...مع السلامه... الحين بس ارتحت...ان شاء الله مايجي الاسبوع الجاي الا وانا بامريكا... ><><><<<>< الايام تمر ببطئ...انا خلاص احس اني بنفجر.. منار كل يوم تكلمني واحاول قد مااقدر اني اصير طبيعيه.. مشاعل وسارة كل يوم يجون بيت خالتي... أخيراً السبت طلعت الفيزا..مثل ماوعدني منصور... الاحد يوم سفري...كنت خايفه مرة اول مرة اسافر بلحالي...وياليت لشي قريب لامريكا... طلعت هاله وقضت لي اشياء تسليني بالطيارة على قولتها... اغراضي كلها جاهزة... الساعه 11 الاقلاع... هاله بتروح معاي المطار..ومنصور بيجي على هناك.. وداع لا يخلو من الدموع... ركبت السيارة ومعاي هاله... هاله:نورة كل يوم تتصلين فيني..واذا مااتصلتي مسجات تصير بينا...والله بفقدك..انتي ومنار بوقت واحد.. :ان شاء الله مانطول..ادعي ياهاله.. هاله:ان شاء الله.. :الحمدالله بعد عندك بدر.. هاله وهي تبتسم:اييه والا كان علوم... طول الطريق وحنا نسولف.. منصور وصل قبلي للمطار..اتصل مرتين يسأل ويني... وقفت السيارة عند بوابة المطار...وكان زحمه شوي... منصور واقف اول ماشافني جا عندي.. منصور:تأخرتي نوير..9:30 الحين...يلا امشي.. منصور قدامنا وانا وهاله نمشي وراه... راح منصور شوي وبعد فترة قصيرة رجع..:يلا نورة.. هاله:مااقدر ادخل معاك؟ :منصور هاله ماتقدر تدخل معاي؟ منصور:ايه..ادخلها.. دخلنا كلنا صالة الانتظار.. انا وهاله نسولف..ومنصور جالس جنبي..يكلم بجواله... هاله بعد ما قفلت من جوالها:نورة لازم اروح الحين...امي قالت يخوف الطريق.. وقفت هاله ووقفت معها.. هاله وهي تضمني:نورة بشتااق لك مرة.. :وانا بعد.. هاله وهي تبعد شوي:بوسي لي ريما..وسلمي على سلطان.. ابتسمت:ان شاء الله.. هاله:خفي عليه شوي وبلا حركات الاطفال حقتك.. ابتسمت:ان شاء الله.. هاله:اول باول الاخبار.. :اوش..منصور وراي.. هاله وهي تضحك وتصيح بنفس الوقت:طيب..يلا مع السلامه.. :مع السلامه.. راحت هاله..وانا جلست مع منصور... بعد فترة ماهي طويله... منصور:يلا نورة تركبين الطيارة الحين.. :طيب.. منصور:لاتخافين نورة..بس بالطيارة بتجلسين بلحالك... :هذا الي يخوف.. منصور:مين بيجي يستقبلك؟ ابتسمت:سلطان.. منصور:كويس..يلا امشي.. عند باب الطيارة.. منصور:انتبهي لنفسك واذا وصلتي كلميني..اوكي؟ :ان شاء الله..منصور شكرا.. ابتسم:يلا فمان الله..سلمي لي عليهم كلهم...وبوسي لي ريما... :ان شاء الله... دخلت الطيارة وكنت احس بخوف فظيع..الشيطان يوسوس لي...اوهام كثيرة جتني.. استغفر الله استغفر الله... ركبت بمقعدي..جنب الشباك والمقعد الي جنبي فاضي.. كنت ابي احد يجلس جنبي ..عالاقل احكي معاه..وبنفس الوقت ماابي.. كل مادخل احد..اقول هذا بيجلس جنبي والا بتجلس ويمرون من المقعد ومااحد يجلس فيه.. الطيارة..فيها انواع من الناس..الي علاج والي دارسه والي شغل.. وقفوا الركاب من الدخول... اذكر الله...وادعي...كلمت على مشاعل..وكلمت على ابوي.. مابقى على وقت الاقلاع شي.. يدخل واحد وباين انه كان يركض...طويل وعريض..كان جنتل اكثر من انه وسيم... اشرت له المضيفه على المقعد الي جنبي.. قلبي بدا يدق بسرعه..لا لا لا مو هذا يجلس جنبي.. حط شنطته..وجلس بهدؤ..ماكان يناظر..ولا انا كنت اناظر..بعدت شوي..احسه مرة قريب مني.. لفيت وجهي من الجهة الثانيه... بصوت واطي كان يكلم بجواله:اييه..ركبت الطيارة..الحمدالله لحقت...يلا اذا وصلت ان شاء الله اكلمك..فمان الله... دقايق..وتسكرت الانوار...هدا الوضع.. صوت الطيار من المكرفون... بعده دعاء السفر...وكنت ادعي معاه كلمه بكلمه... ربطت الحزام.. تحركت الطيارة... احس اني انخنقت..قلبي يدق بسرعه.. اما الي جنبي...باين انه مايقعد في ديرة..طلع علك..وبدا يعلك.. دمعت عيني غصباً عني...خايفه..وميته خوف بعد.. نظرات خاطفه من الي جنبي..احس فيها... مانطق باي كلمه... مرت ساعتين...وانا ماتحركت من مكاني..الي جنبي مانام ولا تسكرت عينه..معاه كتاب يقرا فيه.. اتفرج على التلفزيون...اوسع صدري شوي..طلعت لي شوكلت وشبس من الي جابتهم هاله.. مرت ساعتين... نمت فيها شوي...الوضع هادي... لنا اربع ساعات...الوقت يمر بسرعه...الله يوصلني بالسلامه... صوت رجولي وفي بحه واضحه:رايحه لامريكا دراسه؟ لفيت عليه وابتسمت:لا علاج.. عقد حواجبه:عسى ماشر؟ ماعرفت وش ارد عليه:اختي الصغيرة تعبانه.. ابتسم:مااشوف معاك احد؟ :اهلي رايحين قبلي..,انت؟ ابتسم:علاج..الوالد الله يشفيه ان شاء الله... من فترة طويله وهو يعالج في امريكا.. :الله يشفيه... بعد فترة كنا ساكتين فيها.. بدا هو بالكلام:من زمان وانتم هناك؟ :لا اهلي لهم اسبوع رايحين... ناظرني:اهاا..ان شاء الله ماتطول المده وترجع اختك بصحه وعافيه.. :ان شاء الله.. سكتنا بعدها ومااحد مننا تكلم.. الطيارة بدت تهز... شهقت بصوت عالي.. شديت بيدي على المرتبه... سمعت ضحك مين الي جالس جنبي:مطبات هوائيه..لا تخافين.. :اكرهها..تخوف.. ابتسم:شوي.. هدا الوضع ورجع مثل اول... مر الوقت...واحس فيه دقيقه بدقيقه... وأخيراً وصلنا... ابي اطير واروح عند اهلي..ياليت اقدر.. وقفت ووقف هو معاي:اهلك بيجون يستقبلونك؟ :ايه بيجي سلطان.. لاشعورياً..من الفرحه قلت له كذا.. ابتسم:كويس..خليك معاي الى ماتشوفينهم.. :مشكور.. مشى قدامي ومشيت وراه..طلعنا من الطيارة...دخلنا المطار.. عيني تدور عليه بين الناس..مافي هنا الا المسافرين...ابوي قال سلطان بينتظرك عند باب الطيارة... رجع لي الخوف وبديت اتخيل اني بضيع وخرابيط...اكره هالمواقف.. :وينه..وينك ياسلطان..؟! للحين وهو واقف جنبي:امشي معاي الحين..واذا شفتيه.. قاطعته:لا لا ابوي قالي سلطان بيجيك... هو:اوكي..ننتظر.. :تقدر تروح.. عقد حواجبه وبلهجه جديه:لا طبعا مااخليك..اذا لقيتي سلطان اروح.. عيني تدور على سلطان معقوله نست شكله..طيب وينه ياربي... صوت من وراي..صوته هو..صوت سلطان:نوراا... حسيت برجلي ترتفع..لفيت بسرعه وحطيت يدي على وجهي:سلطاااان.. هو نفسه ماتغير..ابتسامته..وقفته..قرب مني:الحمدالله على سلامتك.. :الله يسلمك.. مد يده يصافحني..ومديتها بدون اي تفكير...حسيت بحرارة لما لمست يده...حط يده الثانيه فوق يدي:وحشتيني.. انا اختفيت..احس كل دمي طلع لوجهي..نزلت عيني وماقدرت احطها بعينه...يقولي انا وحشتيني...عيدها عيدها ياسلطان.. سلطان وللحين ماسك بيدي:ان شاء الله ماتعبتي؟ هزيت رقبتي بالنفي:لا..لا.. نسيت الي كان معاي...لفيت بسرعه بس مالقيته...يلا كيفه..كان نفسي اتشكر له بس..سلطان عندي الباقي بكيفهم.. سحبت يدي منه بهدؤ... سلطان:يلا نورا.. مشينا جنب بعض..كان كل شوي يلتفت علي وكأنه يتأكد اني معاه او لا.. اخذنا الشناط...وطلعنا من المطار على طول... ركبنا السيارة..هو يسوق..وانا جنبه..هالمرة مافكرت فتحت الباب الي قدام على طول...سلطان غير غير...لاتلومني انا بوقتها كنت بطير من الفرحه... :كيف ريما؟ سلطان:الحمدالله... :مبسوطه انها بتجيك.. سلطان:ياليتها جتني بظروف غير كذا.. تنهدت تنهيدة طويله..وسرحت بعدها..افكر بريما.. سلطان:نورا..ايش فيك؟ ناظرته:مافيني.. سلطان:وجهك تعبان.. :الي جاني شوي.. سلطان:ان شاء الله ربي بيشفيها... سكتنا شوي.. سلطان:كنت مخطط اجي السعوديه بعد شهرين.. ناظرته:بكاش.. سلطان وعلى وجهه ابتسامه:ايش يعني بكاش؟ :يعني..امممم كذاب.. عقد حواجبه:انا كذاب..طيب يانورا.. :لانك لما رجعت كان واضح انه ماعندك نية رجعه.. سلطان:على كيفك!! ابتسمت:هذا الي واضح.. سلطان:نورا.. ناظرته.. سلطان:انتي عندي في امريكا!!انا ماني مصدق.. انحرجت من كلامه.. سلطان مو هذا الي كان عندنا..معقوله الواحد اذا جا السعوديه يتغير!! نهاية الجزء ... .. .. .. | ||||
|
| |
|
26-07-22, 11:58 AM
| #19 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الرابع عشر... انا أحبك واقولها لك كلمه خليها في بالك... انا ماني اي عاشق انا لما اعشق أغيــر والله لما أعشق اغير.. اليوم غير بالنسبه لي... نورة جالسه قدامي...بينا مسافه قصيرة...اشوفها بعيني.. بكت لما شافت ريما..جلست جنبها ويدها على كتفها مانزلتها... انا وامي بالكنبه المقابله لهم...وخالي يكلم بجواله... ماني قادر انزل عيني منها...وكأنها بتختفي بأي لحظه... اليوم بس قررت اني اصير شخص ثاني مع نورة... ليش اكتم حبي لها؟ عشان رانيا؟ انا لو احب رانيا كان ماحبيت نورة.... يمكن اكون عند بعضكم شخصية الرجال الي اي وحده يشوفها يحبها... والا الرجال الي مايعرف يحدد مشاعره... لا لا لا...أنا أبداً مو كذا...نورة غير قلبت كياني... كلنا نحب..لكن مين الي بيقلبك وبيلخبط حياتك!! اليوم اعترفت وقلت لها..وحشتيني...ولا شي من الي كنت ابي اقوله... مجهز كلام كثير...بس لما شفتها طار الحكي... وحشتيني هي الي طلعت وبس.... فجأة نورة شهقت:يوووه نسيت اتصل على منصور... طلعت منها لا شعورياً... غصباً عني ناظرتها وكأني اقولها انا هنا..احترميني... توجه كلامها لامي:عمتي عطيني جوالك برسله مسج... امي:تلقينه فوق الطاوله... قامت نورة وراحت لطاوله الي اشرت عليها امي واخذت جوالها... أرسلت لمنصور مسج .. ورجعت مكاني..كنت أحس بتعب...وثقل براسي.. هدؤ...كلنا ساكتين..مافي شي نقوله والا مااحد يبي يحكي... عمتي وهي تناظر جوالها وكان يرن:نورة هذا منصور يتصل.. :ردي عليه.. عمتي:لا تعالي انتي ردي اكيد انه يبيك.. ناظرت سلطان وكأني استأذنه اني ارد او لا...صد عني وماحط عينه بعيني.. اخذت الجوال من عمتي ورديت:هلا والله.. منصور:الحمدالله على السلامه.. :الله يسلمك.. منصور:كيف الرحله؟ :الحمدالله كويسه.. منصور:اهم شي ماخفتي.. ضحكت:يعني لازم.. منصور:يلا الحمدالله..سلمي عليهم وانتبهي لنفسك..طمنينا عنك.. :ان شاء الله..مع السلامه.. بعد ما قفلت منه.. رجعت جلست...قامت عمتي تشوف وين ابوي... سلطان:انتي ماارسلتي له مسج!! سكت شوي..استغربت منه..مو بالعاده يعلق.. :الا ارسلت.. سلطان:طيب ليش يتصل؟ ابتسمت:ماادري عنه..يطمن.. سلطان يناظرني وموعاجبه كلامي:اهاا.. ثواني افكر فيها اسأله ليش...لا لا أحسن خليه يانورة.. ابتسمت..وعدلت جلستي...والله وبديت اشغلك ياسلطان... ابتسامتها وراها شي...شلت عيني منها ووجهتها على التلفزيون... تناظرني كل ما سمح لها الوضع... تلعب بشعرها...وباين انها تعبانه وفيها النوم...كل ماتطيح عيني عليها اشوفها تتثاوب... :نورا.. ناظرتني:نعم.. :روحي نامي..شكلك تعبانه.. ضحكت:بروح.. امي:ايه والله نورة روحي نامي وارتاحي.. :انام عند ريما؟ امي:لا ريما عندي تنام..,تعالي معاي اوديك للغرفه.. قامت امي وقامت نورة معاها..وهي تحب راس ريما: تصبحين على خير حبيبتي... لفت علي وابتسمت:تصبح على خير سلطان... بادلتها الابتسامه:تلاقين مثله خير... مشت بخطوات هادئه وطلعت من الصاله... دخلنا انا وعمتي الغرفه الي بنام فيها..وكانت كبيرة ومكمله من كل شي.... :عمتي منار بترجع الاربعاء على الرياض انا خايفه عليها.. عمتي:مالهم الا اسبوعين.. :رمضان.. عمتي:ناسيه والله ان بالي مو معي,ابوك قال لمساعد وهو بيقولها.. بضيق:الله يعين بس... عمتي:نامي يابنيتي وربك يحلها... طلعت عمتي وخلتني بعالمي... ماقدرت انام على طول..راسي بينفجر من التفكير... ><><><><>< يدخل فهد جناحه..يروح لصالتهم سارة جالسه وتكلم... فهد:هلا هلا بالزين كله.. سارة تبتسم:هلا فهد... فهد وهو يجلس جنبها:كيفك ياقمر؟ سارة:الحمدالله..,ايه مشاعل خلاص اجيك اليوم...يلا باي.. فهد وهو يحط يده على بطن سارة:يازينك وانتي حامل.. سارة:باين؟ فهد وهو يبوس بطنها:هاذي بوسه لعزوزي..والا لبنتي وش بتسمينها؟ سارة وهي تضحك:ناديه على امي.. فهد:وش ادلعها..دودو؟ سارة:اذا جت يطلع الدلع.. فهد:طيب نتغدى؟ سارة:طيب.. فهد:سارة الله يخليك لا تضيقين صدرك..والله اني اتعب معاك.. سارة:فهد غصباً عني.. فهد:ان شاء الله بتطيب..كثير ناس يتعالجون منه... سارة:ان شاء الله.. فهد:وش رايك نسافر؟ سارة:لا مالي نفس.. فهد:اربع ايام تغيرين جو فيها..لبنان والا مصر.. سارة:معليش فهد مالي نفس..بعدين رمضان مابقى عليه الا كم يوم.. فهد:فكري...انا عشانك بسافر ابيك تغيرين جو... سارة:يصير خير يافهد..تجي منار وبعدها الي ربك كاتبه بيصير.. ><><><><><>< خالتي وهاله جالسين بالصاله وبينهم نقاش حار يخص هاله طبعاً... خالتي:هاله المكالمات الكثيرة ضرها اكثر من نفعها.. هاله:يمه هذا خطيبي وبيصير زوجي لازم اعرفه قبل لا اتزوجه.. خالتي:انا مااقولك لا تكلمينه.. هاله تقاطعها:تبين اقوله بدر تكلمني مرتين بالاسبوع بس!!لا يمه ما يصير.. خالتي:ياهاله انا امك واعرف مصلحتك زين..بايام الخطبه العلاقه تصير رسميه احسن... هاله:لا لا لا انا اعرف وش اسوي..يمه لو سمحتي قفلي على الموضوع.. خالتي بعصبيه:بتندمين وبتقولين ياليت سمعت كلام امي... هاله:شوفي مشاعل ماكانت تكلمه كثير وشوفي شلون زوجها الحين!اما سارة تكلمه كثير ومبسوطين...يعني لو مشاعل عرفت خالد زين كان فكت منه... خالتي ناظرتها وماردت.. رن بوقتها جوال هاله وكان بدر طبعاً.. ابتسمت هاله وقامت من الصاله بسرعه وردت:هلا.. بدر:هلا وغلا.. هاله:وينك اليوم مااتصلت؟ بدر:توني طالع من مكتبي.. ماكانت مكالمه طويله قفل بدر من هاله لما وصل البيت...طبعاً هذا مو اخر اتصال بينهم اليوم... ><>< مرت ثلاثه ايام..ماطلعت فيها من البيت.. اليوم ريما وعمتي وابوي رايحين من الصباح للمسشتفى.. وسلطان رايح لشغله.. جالسه بالصاله اتفرج على التلفزيون احاول اشغل نفسي... بعد فترة طويله.. سمعت صوت سلطان من تحت...أخيراً جا.. قمت من مكاني ورحت عند الدرج..طليت على تحت.. حس فيني سلطان رفع راسه:هلا نورا... ابتسمت:هلا.. سلطان:انزلي انزلي.. بخطوات سريعه نزلت.. سلطان وعلى وجهه ابتسامه:نتغدى؟ :ايه.. سلطان:والا شرايك نطلع نتغدى برا؟ ابتسمت:ايه نطلع.. سلطان:ابدل ملابسي ثواني.. طلعنا انا وياه لفوق..راح غرفته وانا رحت غرفتي..بدلت ملابسي وطلعت وكان ينتظرني بالصاله.. :انا جاهزة.. ابتسم:يلا.. ركبنا السيارة..طبعاً ركبت قدام... مد يده بهدؤ اتجاهي..لصقت بالمرتبه لا شعورياً...سحب الحزام وسكره..:انتي بامريكا مو بالسعوديه.. :ايش تحبين تسمعين؟ ابتسمت:اي شي.. :ترا عندي عربي.. ضحكت:اممممم وش عندك؟ :هاذي الاغنيه الي احبها.. شغلت المسجل وكانت اغنية فضل شاكر(ضحكت الدنيا)..اغنيتي المفضله لما صرت اسمع عربي... ناظرت نورة وابتسمت...بادلتني الابتسامه...هاذي الاغنيه لك يانورة... نظرته وابتسامته كان يقصد فيها شي...ماقد ركزت بكلمات الاغنيه بس الحين لازم اركز واسمعها زين... على الصوت اكثر..وكان يطبل بيده على دركسون السيارة.. حمرت خدودي وذبت..انا مااقدر على كذا.. ضحكت الدنيا وأخيرا لاقينك... حبيبي حياتي كل عمري فداك... والله ماننسا ان في يوم حبينك... حبك بقلبي على طول ماانساه... يااغلى الحبايب..الي دوم عندي غايب انا ملك ايديك.... يكفيني قربك وطيبة قلبك.. عمري انا اهديك... ياحياة الروح تفداك الروح...حبي وعمري وكلي فداك... وينك نصيبي ياعمري وحبيبي والله اشتقنا... دايما في بالي حبيبي الغالي وين اروح القاك... مين يقول العشق في الدنيا حرام..مااحنا عشقنا.. حبينا وتحبينا ونسينا وتناسينا وذبنا.. قلبي يدق بسرعه...ماحطيت عيني بعينه...انا قاعده اعيش قصة حب..بعمري مافكرت فيها... انا بعد ماكنت اناظرها...كنت منحرج وماابي احرجها بعد... نورة يانورة..وش سويتي فيني انتي... كنت اعيد الاغنيه كل ماخلصت.. احس بشعور اول مرة احس فيه... ساكتين طول الطريق والاغنيه هي الي تتكلم عنا... اجمل احساس لما يكون الي تحبه معاك...تحرك يدك وتجي على يده...تلف وتلقاه قدامك...تبتسم ويبادلك الابتسامه عيونكم هي الي تتكلم... وصلنا المطعم..نزلنا من السيارة..وقفت بمكاني ..انتظرتها تجي.. ومشينا بخطوات بطئيه ودخلنا المطعم... جلسنا بالطاوله متقابلين.. حطيت المنيو عالطاوله..عارف طلبي...كثير مااجي هذا المطعم...كنت اناظرها ومانزلت عيني منها..المنيو بيدها ومارفعت عينها.. تقلب المنيو..يمكن قرته ولا عشر مرات... بالي ابداً مو معاي..مرتكبه وخايفه وفرحانه..مشاعري متلخبطه...اقرا وماادري وش انا قاعده اقرا... سلطان:تبين اساعدك؟ رفعت عيني وابتسمت:وش احلى شي عندهم؟ سلطان:كل شي حلو..,تبين اطلب لك مثلي؟ :اوكي.. بعد ماطلب سلطان...سكتنا لثواني.. سلطان:شخبار منار؟ :الحمدالله.. سلطان:وكيف زوجها؟ :مساعد مرة طيب وان شاء الله بيسعدها... سلطان:ان شاء الله.. وقف سلطان وكان يضحك...التفت وكان في رجالين...رجعت عدلت جلستي.. قربوا مننا سلم سلطان عليهم...وعرفهم فيني..اكتفيت بابتسامه..مدوا يدهم..ماعرفت وش اسوي بس اظطريت اني اصافحهم... رجعت جلست..وسلطان يحكي معهم... حكيت معهم شوي ورجعت جلست:نورا يقولون انك حلوة.. حمرت خدودها وابتسمت وبدون اي تعليق.. :قلت لهم كل البنات السعوديات حلوات.. انفجرت هنا ضحك... :ليش تضحكين؟ نورة:اضحك عليك.. لو تدرين بعد وش قلت لهم...قلت بس هي احلى وحده منهم.... نورة حلوة في عيني..بس مو شرط انها تكون عند كل الناس حلوة..ويمكن بعد مااحد يشوفها حلوة غيري... ><><><><><>< سارة ومشاعل في بيتنا بانتظار منار...هي للحين ماتعرف ولا شي... سارة:والله يامشاعل اني خايفه عليها... مشاعل:الله يستر بس... وقفت السيارة عند باب البيت..فتحت منار باب السيارة بسرعه.. مساعد نزل معها.. منار:بتدخل؟ مساعد:ايه.. مساعد ماكان يبي يخلي منار بموقف مثل كذا... منار تمشي بخطوات سريعه...دخلت البيت..توجهت لصاله على طول..ومشاعل وسارة جالسين.. بعد ما سلمت عليهم..عيونها تنتقل بين مكان لثاني... منار باستغراب:وينهم؟ مشاعل وسارة ناظروا بعض ومااحد منهم تكلم.. منار:وش فيه؟ مشاعل:مسافرين.. منار وهي تضحك:بلا نصب... وبصوت عالي:عمتي..نورة...نويير بلا استهبال.. سارة:منار والله مسافرين.. منار حست ان الوضع مو طبيعي ابداً..:بنات وش فيه؟ مشاعل مسكتها بهدؤ وجلستها على الكنبه:منار...ريما تعبانه..والعلاج برا بيكون أحسن...ابوي وعمتي خبوا علينا لبعد زواجك..وبعده بيومين سافروا... منار بدت ترتجف..عيونها امتلت بالدموع قلبها يدق بسرعه:لا تقولين ان ريما فيها...... مشاعل تقاطعها:بس يقولون كثير ناس يشفون منه الحمدالله... منار وهي تصيح:وكثير ناس ما يشفون منه...ياليته فيني ياليته فيني ولا بريما... مساعد من الطرف الثاني..واقف عند الباب...محتار يدخل والا يطلع... قرر انه يطلع ويروح عند اهله...ركب سيارته...كان يفكر بحياته مع منار كيف بتصير... اسبوعين مرت كانت جافه معاي...ماادري اذا هذا طبعها والا هي مو مرتاحه معاي... اقدر يامنار اخليك تحبيني..ونصير زوجين يحبون بعض..والا نعيش مثلنا مثل كثير من الناس احترام وتقدير بينهم لكن حب مافيه... حياتي مااستمرت مع فاتن مو لعيب لاحد فينا..ماكانت فيه الراحه النفسيه..لاهي مرتاحه ولا انا مرتاح..بعد حملها حاولت اني اخلي حياتنا تستمر لكن ربي ماكتب..انفصلنا وكنت مرتاح لقراري..كثير مااندم واقول ياليتني ماطلقتها... ><><><><><>< الساعه 12:00..وخواتي للحين مجتمعين في بيتنا... يرن جوال منار وكان مساعد..يعطيها خبر انه بالطريق... منار وهي توقف:يلا بنات انا بروح الحين.. سارة:متى بتروحين لشرقيه؟ منار بضيق:بكرة.. مشاعل:لييش؟؟ منار:دوامه السبت ولازم نترتب.. سارة:تمرينا بكرة؟ منار:أكيد.. مشاعل:متى بتمشون؟ منار:العصر.. سارة:خلاص نتغدى هنا.. منار:بتغدى عن اهل مساعد... سارة:يووه نسيت انك متزوجه... منار:بعد الغدا.. سلمت عليهم منار وطلعت...ومساعد ينتظرها بالسيارة.. وهي تركب:السلام عليكم.. مساعد:وعليكم السلام..كيف خواتك؟ منار:بخير...,انت كيف اهلك؟ مساعد:يسلمون عليك.. فترة قصيرة ووصلوا للفندق... دخل مساعد الحمام..اما منار جلست على السرير..والافكار ماليه راسها... مساعد بعد ماطلع من الحمام...وهو يبدل ملابسه:منار.. رفعت عينها باتجاهه.. مساعد:بدلي ملابسك... هزت راسها بالموافقه... رمى مساعد نفسه بالسرير:تعبااااان.. رفع نفسه قرب شوي لمنار وحط يده على كتفها:منار بدلي ملابسك وبعدها بنحكي.. قامت منار وبدلت ملابسها وغسلت...وهي تجلس على طرف السرير:يعني كنت تعرف يامساعد؟ مساعد:ابوك قالي.. منار:وليش ما قلت لي؟ مساعد:وش الفرق لو عرفتي هناك والا لما ترجعين؟ منار:تفرق.. مساعد:منار ماتفرق وموهذا موضوعنا...ريما باذن الله انها بتشفى... منار:ان شاء الله.. مساعد:ارتاحي الحين.. منار وهي تنسدح:تصبح على خير.. مساعد:بدون تفكير يامنار... ><><><><>< يوم الخميس... راحوا مساعد ومنار عند اهل مساعد... وبعدها مروا على بيتنا عشان تسلم على سارة ومشاعل... الطريق من الرياض للشرقيه اربع ساعات تقريباً... مر الوقت بسرعه... وصلوا للخبر.. مساعد وهو يفتح باب الشقه الي بيسكنون فيها:تو ماتباركت.. منار ابتسمت:شكلها كبيرة.. مساعد:حلوة لاثنين توهم متزوجين.. مساعد يمشي ومنار وراه:هاذي الصاله طبعاً.. منار:والله يامساعد حلو ذوقك... مساعد:عيونك الحلوين..,هذا المطبخ.. منار:الي بنطبخ فيه انا وياك.. مساعد وهو يضحك:الشكوى لله انا وياك.. ضحكت منار معاه... دارو الشقه كلها...كانت حلوة ومرتبه ومكمله من كل شي... بعد ما ريحوا شوي وبدلوا ملابسهم... جالسين بالصاله.. منار:لازم نطلع نتقضى.. مساعد:يلا نروح السيفوي ونجيب لنا عشا.. منار:بتغير ملابسك؟ مساعد:لا.. منار:اروح البس عبايتي... ><><><><>< خلص الشهر ودخل رمضان... مرت خمسه ايام من رمضان بسرعه.. اجواء جديده ورمضان غير عن اي رمضان قبل... جالسين كلنا بالصاله..الا سلطان... نتكلم انا وعمتي بصوت واطي عشان ما تسمعنا ريما...كنت اسألها عن علاجها ومن هالحكي... دخل سلطان وكان باين انه مستعجل وبيطلع الحين.. سلطان:السلام عليكم.. كلنا:وعليكم السلام.. سلطان:انا بروح عند خالي محمد...مجتمعين فطور عنده..ترا ميسون كلمتني تقول خلي نورة تجي.. عمتي:سلم لي عليهم.. :لا تعذر لي منها.. سلطان وعلى وجهه ابتسامه:ليش..تعالي بتتعرفين على بنات كثير... عمتي:روحي معاه يانورة.. عمتي تبيني اطلع واروح عشان اوسع صدري... :يبه عادي اروح؟ ابوي:براحتك.. :بفكر.. طلعت من الصاله ورحت لغرفتي بشوف لي لبس مناسب... اخيراً طلعت لي شي البسه..تظبطت شوي... دخلت انا غرفتي ولبست بسرعه وطلعت جلست شوي بالصاله...ناظرت الساعه..لازم اطلع الحين.. وقفت ومشيت باتجاه غرفة نورة طقيت الباب وبصوت عالي:يلا نورا انا بالسيارة.. كملت مشيي...وسمعت صوتها من وراي التفت:كل هذا لبس! ابتسمت:ماقلت لي الا متأخر بعد.. :طيب اسف خذي راحتك... وحنا بالسيارة... نورة:سلطان مستحيه...اجلس مع ناس مااعرفهم.. :تعرفي عليهم حبوبين بعدين تعرفين ميسون.. نورة:بس حتى...شفتها مرة.. ابتسمت بخبث:ايه عرفتيها مرة ونصبتي عليها.. حسيتها انحرجت ولا ردت علي.. :ترا للحين ما صار شي بينا...اخاف احد يسألك.. ناظرتني وهي مستغربه:ايش؟ ابتسمت:على خطبتنا ماصار شي.. وجهها حمر وماعرفت وش ترد.. :سوري مو قصدي اضايقك..بس لو احد سألك.. نورة:سلطان رجعني ماابي اروح معاك... :قربنا نوصل شلون ارجعك.. نورة:ماابي اروح... :بتروحين.. نورة:غصب يعني؟ :لا موغصب بس خلاص طلعنا ومابقى شي..انسي ارجعك... نورة:ماراح انزل.. :انا بقفل السيارة.. نورة:سلطان الله يخليك.. :الله يخليك انتي يانورة بلا حركات اطفال... ماادري شلون قررت اني اروح...ابي ارجع للبيت ماابي انزل واشوف ميسون...واكيد في غير ميسون...وانا شكلي بيصير غلط بينهم... :سلطان احس شكلي بيصير بايخ.. ناظرني باستغراب:مافهمت!! :مو لازم تفهم ابي ارجع.. بعصبيه:قلت ارجعك انسي.. :وديني اي مكان.. سلطان:تحسبين نفسك بالرياض انتي... وقف السيارة وبعصبيه:هذا مكان يلا انزلي فيه.. :سلطان.. ناظرني:نورا.. :خلاص بروح... سلطان:صدقيني بتنبسطين حبوبين كلهم.. فترة قصيرة ووصلنا للبيت الي معزومين فيه... دخلنا وسلطان على وجهه ابتسامه عريضه..اما انا اتصنع الابتسامه... ميسون باستقبالنا:اهلين سلطان.. مدت يدها تصافحه..الوضع كان طبيعي وهذا شي متعودين عليه.. سلطان:هاذي نورة.. ميسون وعلى وجهها ابتسامه:هلا نورة كيفك؟ سلمت عليها.. سلطان:وين جالسين؟ ميسون تمشي قدامنا وحنا وراها... بصوت واطي:سلطان نجلس مع بعض؟ سلطان:ايه.. :من جدك؟؟؟ سلطان:ايه..ليش؟ :ليش ما قلت لي قبل.. سلطان:وش تفرق عندك!! ناظرته وانا مقهورة منه..جد عصبت.. دخلنا المكان وكان مليان..جالسين على سفرة الطعام..رجال حريم بنات شباب... كنت منحرجه لابعد درجه...واحس كان باين على وجهي اني منحرجه ومتضايقه... سلطان يعرفني بالموجودين:خالي محمد...خالتي نور...دكتور صلاح...زوجته منال...عادل وزوجته عروب... دلال..سوسو..مي..مازن..جاسم..وا ئل..مشعل.. ابتسم لما اسلم على كل واحد منهم...لو تعرف الاحراج الي انا فيه ياسلطان... جلس سلطان بكرسي بعيد عني..وانا جلست جنب البنات... دلال كان باين انها حبوبه..عمرها 25 او 26..اكبر البنات..جايه امريكا مع اخوها مشعل..هو يدرس جامعه وهي ماجستير.. سوسو اسمها سوسن بس هي تفضل ان الناس ينادونها سوسو...جايه مع اهلها...ماادري اذا دراسه والا شغل... مي عمرها 22 من الكويت..شكلها من الي من زمان بامريكا وعلاقتها قويه مع ميسون... والعيال الباقين جاين دراسه كلهم... فترة قصيرة جلسنا وبعدها افطرنا... كلهم مبسوطين وعارفين لبعض.. هذا يقول سالفه..وهذا يقول نكته... حوارهم مع بعض كله بالانجليزي...يعني تطلع بالغلط كلمه عربيه... انا ساكته وابتسم اذا قالوا شي ضحكني.. كانوا يحكون معاي البنات والعيال..يسألون عن كل شي...مافي تكلف ولا حواجز...هم كلهم عائله وحده... سلطان كل شوي يناظرني وكأنه يطمن على الوضع.. بعد فترة قصيرة.. وقف سلطان وبصوت عالي:يلا نشوفكم قريب.. الاصوات ارتفعت وكلها تطلبه بانه يجلس.. سلطان:عندي شغل ولازم اطلع..الجايات اكثر... خضعوا للامر الواقع.. سلطان يوجه الكلام لي:يلا نورا.. ابتسمت ابتسامه عريضه:يلا.. وقفت وسلمت على البنات... يمشي سلطان قدامي وانا وراه... ركبنا السيارة وبدون ما ينطق باي كلمه... :سلطان... مارد علي ولا حتى ناظرني.. :سلطان ليش طلعت بدري؟ سلطان:عشانك.. :اذا انت تبي تجلس كان جلست يعني.. يقاطعني:والحفله الي سويتها قبل ماندخل!! :ماادري بس كنت منحرجه.. سكت ومارد علي... :سلطان.. سلطان:نــعــم.. :البنات قالوا لي طلعي لك شريحه جوال اوفر لك من الشريحه السعوديه...من وين اقدر اطلع؟ سلطان:انا اجيب لك.. ابتسمت:شكراً.. سكت وماسألني اذا انبسطت والا لا.. :سلطان.. سلطان:وش تبين يانورا؟ :ماسألتني اذا انبسطت والا لا؟ سلطان:اكيد بتقولين انهم ثقال دم وماعجبوني وماادري ايش.. ناظرته وانا مستغربه:ليش يعني اقول كذا؟ سلطان:مو انتي مو اي احد يعجبك؟ :ياسلام..البنات كلهم حبوبات وخاصه دلال بس ميسون مااحبها وماراح احبها وقول الي تبي تقوله... سلطان:الحمدالله انهم عجبوك..وميسون ماهي محتاجه لحبك.. عصبت من كلمته نرفزتني بشكل..ناظرته ومارديت.. بادلني السكوت وماتكلم... وصلنا البيت ونزلت على طول..كلامه خلاني اعصب... ><><><><>< مساعد بصوت عالي ينادي على منار:يلا منيار بقى خمس دقايق ويأذن العشاء.. منار وهي تلبس عبايتها:جيت جيت.. مساعد:تأخرنا.. منار:ان شاء الله القى لي مكان.. مساعد:صغيرة انتي خليهم يدخلونك بينهم... منار وهي تضحك:مانفعني الصغر..لو اني طويله اخذ حقي عالاقل.. طلعوا مساعد ومنار من شقتهم رايحين للمسجد يصلون التراويح... هاذي عادتهم من بدا رمضان... دخل مساعد مسجد الرجال ومنار مسجد الحريم... بعد ما خصلت الصلاة..وركبوا السيارة.. رن جوال مساعد.. مساعد:هلا..بخير..ايه توني طالع من الصلاة بكلمك بس سبقتني...لا اسمحلي..الجايات اكثر ان شاء الله...بحاول..خلاص على خير مع السلامه.. منار:معزوم؟ مساعد:ايه.. منار:ليش ما راح تروح؟ مساعد:انا الحين شغلي عساني اروح ماابي اتركك اجي اروح عزايم! منار:لا مساعد روح... مساعد:منيار خلاص ماراح اروح.. منار:انا اشغل نفسي باي شي..يعني يمكن هاذي خامس عزيمه ولا تروح.. مساعد:وبعدين معاك؟؟ منار:خلاص براحتك... وصلوا الشقه..نزلت منار ومساعد راح لشغله... يمر الوقت ببطئ..منار تحاول تشغل نفسها بالمكالمات والتلفزيون... الساعه 12:00 ومساعد للحين ماجا... ترددت بانها تتصل او لا... رفعت السماعه واتصلت عليه.. منار:هلا مساعد وينك؟ مساعد:بالطريق.. منار:تأخرت.. مساعد:تبيني اجي..ثواني وانا عندك..وقبل شوي تقولين روح العزيمه اقعد بلحالي.. منار وهي تضحك:اذا بتروح استحمل الشكوى لله..,لا تسرع.. ><><><>< كلمتني اليوم دلال الي شفتها في بيت ميسون...بيطلعون وتبيني اطلع معهم..ماعطيتها الموافقه قلت اسأل عمتي اول... رحت الصاله...وسلطان توه داخل.. اكتفينا اننا نبتسم لبعض...يعني قدام ابوي وعمتي... :عمتي..كلمتني دلال الي حكيتك عنها... عمتي:ايه عرفتها وش تبي؟ :بيطلعون وتبيني اطلع معهم.. عمتي:لا والله يانورة اخاف عليك.. :ليش تخافين..يبه انت وش رايك؟ ابوي:والله الي تشوفه عمتك.. عمتي:خليهم يجونك البيت.. :لاعمتي..مرة ثانيه اقولهم انتم تعالوا.. عمتي:سلطان البنات ثقه؟؟ سلطان:ايه يمه محترمات.. عمتي:روحي مع اني ماارتحت.. :مشكورة... ريما:انا ابغى اروح معاك.. :عمتي اخذها معاي؟ عمتي:لا ريما تجلس عندي..وبعد شوي بنروح الملاهي مع سلطان.. وقفت عشان اروح الغرفه.. عمتي:نوير مين بيوديك؟ :هم بيمروني.. رحت غرفتي...وبعد ساعه وكنت جاهزة فيها اتصلت دلال تقولي انها تحت ومعها البنات ينتظروني... سلمت على عمتي وابوي عطاني توصيات لو اكتبها ماخلصت... فتحت الباب...والبنات نازلين من السيارة ويحكون مع سلطان... انا هنا فار دمي..بديت اغلي من داخلي..وش نزل سلطان وطلعه برا وخلاه يحكي معهم... حتى لو كان يعتبرهم مثل خواته وهذا شي متعودين عليه..انا اغار... وقفت بمكاني وكنت اناظرهم.. سلطان معطيني ظهره والبنات قدامه...يضحكون ويسولفون معاه...وميسون واقفه جنبه بعد.. سوسو وهي تأشر لي بيدها:هاي نورة.. :هلا... نزلت من الدرج بخطوات بطئيه... بعد عنهم سلطان وقرب مني وصار وجهي بوجهه:انتبهي لنفسك.. ناظرته ولفيت.. سلطان:نورا!! بصوت واطي:يعني مرة خايف علي!! سلطان طير عيونه واستغرب من كلمتي:اوش نورا مو قدام البنات.. :مايسمعون.. مشيت وتركته..هو بعد كمل طريقه وتركني ودخل البيت.. سلمت عليهم وركبنا السيارة.. دلال هي الي كانت تسوق وجنبها مي..وانا وسوسو وميسون ورا... وصلنا المطعم...كان باين عليه انه حلو...وكان مليان عرب...في اماكن معينه يكثر فيها العرب... توزعنا على الطاوله..الوضع للحين حلو.. بعد ماطلبنا.. طلعت ميسون باكيت دخان من شنطتها واخذت لها سيجارة... ناظرتها دلال وكأنها تقول مو قدامها... طنشت ميسون وعطت سوسن اما دلال ومي مااخذوا... ارتبكت وحسيت اني بنخنق..ماقدرت احكي..ماني مستغربه من الي قاعد يصير بس ماتوقعت...وكنت ميته خوف.. وقفت من مكاني:انا بروح الحمام.. وانا امشي...شفت وجه بين الجالسين مو غريب علي...وين شفتيه يانورة..ايـــه تذكرت هذا الي كان معاي بالطيارة.. جت عيني بعينه ابتسم ورديت له الابتسامه...وقف وجا باتجاهي:هلا اختي.. ابتسمت:هلا.. ...:كيفك وكيف الاهل؟ :بخير.. ...:وكيف اختك؟ :الحمدالله... ...:كويس اني شفتك مرة ثانيه.. :سوري على هذاك اليوم كنت ابي اتشكر لك بس.. قاطعني:لا وش دعوة ماسويت شي... :عن اذنك.. ...:نشوفك على خير.. هذا الي كان ناقصني..انه يشوفني وانا مع هالبنات... استغربت انه ماقال اسمه..المفروض انه يقول...يمكن اشوفه مرة ثانيه ويمكن لا.. رحت الحمام واحس اني ابي اطلع...انا اجلس مع بنات كذا...اكره اشوف نفسي بمواقف مثل كذا... رجعت لمكاني واول ماشافوني سكتوا... جلست ومانطقت باي كلمه... سوسن باسلوب منرفز:نورة شكلك متضايقه.. :من ايش متضايقه؟ سوسن:انا ماالومك لو تضايقتي..يعني انتي ماتعودتي على الحياة هنا..ولا على الناس الي هنا...فطبيعي انك بتنزعجين.. ناظرتها ومارديت... دلال:ماعليك منها يانورة.. ميسون:تتعودين بعد ما تتزوجين... تقصد لما اتزوج سلطان...انا اوريك ياميسون انتي والي معاك.. :من قالك بنسكن هنا!!عالعموم هاذا مواضيع خاصه ومااحب احكي فيها... مي:بنات خلاص.. سوسن:مين هذا الي تو سلمتي عليه؟ ناظرتها بطرف عين ومارديت... انا مااقدر اتعامل مع ناس اسلوبهم استفزازي بهالشكل...وغير كذا كلامهم يقولون كلام ..مااحب اذكره واستغني عنه... الحين هم الكول والناس الي فاهمين وانا القرويه والي مااعرف شي... معليش يانورة استحملي...كنت قاعده اصبر نفسي طول ماانا جالسه معهم... وأخيراً خلصنا والا خلصوا احسن..انا ماقدرت آكل شي..ابي اطلع وبس.. مي:وين نروح الحين؟؟ ميسون:وين تبغون؟ :لا معليش بنات بس لازم ارجع البيت.. دلال:نوصلك مو مشكله.. سوسن:بعيد البيت.. :خلاص انا اخلي سلطان يجيني.. مي:لانوصلك ماعليك من سوسو.. طلعت جوالي من الشنطه واتصلت على سلطان.. اول مارد:سلطان ممكن تجي تمرني.. سلطان وباين انه مستغرب:نورا وش فيك صار شي؟ :لا ماصار شي,بس انا ابي ارجع البيت وهم بيروحون اماكن ثانيه.. سلطان:روحي معهم.. :خلاص ارسلي السواق.. سلطان عصبيه:طيب طيب..وينك انتي؟ قلت له المكان الي انا فيه..ومسافة الطريق وبيكون عندي... :خلاص سلطان الحين بيجي..تقدرون تروحون.. دلال:ماراح نخليك لوحدك..اذا جا نروح.. :لا دلال روحوا معليش.. مي:مايصير نورة نخليج.. :لا حبيبتي روحوا...انا انتظر هنا.. سوسن:براحتها..امشوا نروح.. ميسون:نجبرها يعني كيفها.. يمكن بعضكم بيقول اني انا وقحه وغلطانه بالي اسويه..بس جد تنرفزت منهم بشكل.. راحوا البنات وتركوني بالمطعم...مااكذب عليكم كنت ميته خوف...اتحمل هالخوف ولا اجلس تحت رحمتهم.. نصف ساعه مرت وانا جالسه لوحدي... أخيراً رن موبايلي وكان سلطان..اول ماشفت الاسم على طول طلعت برا... فتحت باب السيارة وكنت مرة معصبه وسلطان معصب اكثر مني.. ركبت بدون ماانطق باي كلمه.. سلطان:ممكن افهم وش الي صار؟؟ :قال محترمات قال... سلطان:نورة لا تغلطين.. :اسفه استاذ سلطان.. سلطان:نورا ممكن تفهميني الي صار؟ :سوسن وقحه..وميسون اوقح...وانا مااقعد مع ناس كذا..يسون الي يسونه كيفهم بس مو قدام الناس.. نخلي هذا على جنب..كلامهم..سلطان كلامهم ماينقال.. سلطان:مافهمت شي!!نورا بدون الغاز..ممكن؟؟ :لا وبعد..قدام مين..الي كان معاي بالطيارة..فشلوني قدامه حسبي الله عليهم.. سلطان:نورا استغفري..كأني اشوف وحده عمرها 70 سنه وقاعده تحكي.. سكت ومارديت عليه... سلطان:الحين هم وينهم؟ :ماادري.. سلطان:راحوا وتركوك!! :ايه.. سلطان بعصبيه:مجنونه انتي..تجلسين بلحالك؟؟ :ايه,هم الي راحوا وتركوني..اقولهم اقعدوا.. سلطان:اوش اوش نورا حسابك معاي بالبيت... :مو انت الي تسكتني.. سلطان بعصبيه وبصوت عالي:خلاااص..مو كفايه اخرتيني عن موعدي.. تنرفز والا ماتنرفز...اسلوب نورة هذا ما يعجبني...مندفعه وانا مااحب الي كذا.. لو صار لها شي..بكون انا السبب....انا الي خليت امي توافق انها تطلع معهم... وياليت كل هالحكي فهمت منه شي...ماادري وش الي ماعجبها وخلاها تسوي كذا... تصرفاتها في بعض الاحيان تقهرني.. ساكته وماحكت ولا كلمه... وصلنا البيت..وفتحت باب السيارة على طول.. :نورا.. لفت علي بدون ماترد.. :ياليت الوضع يصير طبيعي عند امي وخالي... ماردت علي وكملت طريقها.. اما انا رحت موعدي الي نورة اخرتني عليه... ><><><><>< يمكن المفروض اني مااسوي الي سويته...وبالغت بردة فعلي..لكن هذا الي صار... وسلطان بعد زاد الي فيني...هو معاه حق انه يستفسر بس مو بهالطريقه المستفز... يعني انا قلت له يرسل سواق اذا باخره عن موعده بس هو الي جا يتحمل... دخلت البيت وماكان فيه احد..عمتي وابوي وريما راحوا الملاهي يلعبونها... جلست فترة طويله لوحدي...كلمت هاله ومنار... بعدها جو ابوي وعمتي...جلسنا مع بعض شوي..ابوي دخل ينام وعمتي راحت تنوم ريما وبعدها جت... يدخل سلطان الصاله وبيده كاس ماي:هلا يمه.. عمتي:هلا وينك تأخرت؟ سلطان وهو يجلس:عندي موعد.. ماناظرني ولا انا ناظرته.. عمتي:ورا وجهك كذا؟ سلطان:تعبان من الشغل وتعبان من كل شي.. عمتي:بسم الله عليك ياولدي... سلطان وعلى وجهه ابتسامه:لاتخافين يمه..امزح معاك..بس الشغل اليوم تعبني... عمتي وسلطان هم الي يحكون..وانا طرف صامت... وقفت من مكاني بروح لغرفتي... :يلا تصبحين على خير عمتي.. عمتي:وانتي من اهله.. سلطان:نورا انزلي تحت وخذي شريحتك...نسيت اطلعها معاي.. :مشكور.. امانه ما ينرفز..هو مانساها انا متأكده حطه تحت قاصد عشان انزل واجيبها... نزلت تحت واخذت الشريحه وطلعت مرة ثانيه فوق... سلطان:تعالي..تعالي..نسيت الفصل البايخ الي سويتيه.. عمتي وهي مستغربه:نوير وش مسويه؟ :ماسويت شي عمتي.. سلطان:ماسوت شي..انا الي سويت... عمتي:سلطان وش السالفه؟ سلطان:كلمتني وقالت تعال مرني من المطعم والا ارسل لي سواق..انا ابي ارجع البيت الحين.. عمتي:نورة ماقلتي لي شي.. :وش صار يعني لو كنت ابي ارجع البيت؟؟ سلطان:عالعموم انتي ماتطلعين مرة ثانيه الا مع امي والا معاي... :اجلس بالبيت احسن.. عمتي:نورة وش السالفه؟ :عمتي تخيلي بس ان البنات يدخنون..وحركاتهم مرة تقهر..ولو تسمعين كلامهم بعد.. عمتي:هو هو هو اللهم صلي على محمد... سلطان بعصبيه:واذا دخنوا يانورا..يعني موقاعدين يشربون هم والا مسوين شي يستحق ردة الفعل هاذي!! عمتي:لا والله تنتظرهم يشربون..هذا الي ناقص بعد ياسلطان..انا قلبي ماكان مطمن.. :لاوبعد ياعمتي الي معاي بالطيارة كان في بالمطعم...وش بيقول عني؟؟ سلطان:الا تعالي وش سالفة الي بالطيارة لك ساعه وانتي تحكين فيه.. :واحد كان جنبي ومرة محترم... سلطان:واذا شافك..نورا الي صار شي عادي.. عمتي:لا والله مو عادي...,عادي عندك اما حنا لا.. هو الي بدا وحكى قدام عمتي..يتحمل كلامها والي بتقوله.. سلطان وهو يوقف:يلا تصبحين على خير يمه.. انقهرت من حركته..على كيفه انا... طلعت من الصاله قبله ورحت غرفتي.. صعب صعب الي قاعد يصير...انا لو تزوجت نورة شلون بتتحمل تعيش هنا!! يمكن مع الوقت بتتعود...اكيد... ماخلتني امي اروح وقعدت تحكي عن الي صار.... انا مقدر ان هالشي مايعجبهم ولا يرضون فيه..بس نورة مبالغه بردة فعلها... دخلت غرفتي وماقدرت انام... استرجع كل الي صار اليوم.... انا بعد بالغت بردة فعلي وعصبت عليها.. قمت من سريري ورحت لغرفة نورة..طقيت الباب مرة ومرتين وثلاثه.. نورة:ادخلي عمتي.. :نورا تعالي ابغى احكي معاك...بالصاله ها... ماانتظرت ردها لاني عارف ومتأكد انها بتجي... رحت الصاله وبعد فترة قصيرة جت.. :كويس انك جيتي..توقعت انك بتطنشيني.. ناظرتني وماردت.. :الله الله كل هذا معصبه... نورة:لا يعني سلطان كمان الي سويته يقهر.. :اوكي يقهر..بس الي سيوته يقهر اكثر.. نورة:لا مايقهر..سلطان انا ماتعودت على كذا عشان كذا عصبت...يمكن انت تشوفه شي عادي...اوكي في مثلهم كثير بالرياض..بس مو قدام الناس..بتقولي هاذي البيئه الي متربين فيها...انا ماقلت شي..وانا اختلط مع بنات مثلهم في الرياض واردى بس محترمين انفسهم... :نورا يانورا...انا مقدرك والله مقدرك..بس انتي انفعلتي بزياده..وسويتي على قولتهم من الحبه قبه.. :سلطان انا امشي واسلك نفسي بس اذا كانوا محترميني... :طيب انتي الحين هدي بالك..وروقي وما صار شي..ولوتبين اطقهم لك اطقهم.. ناظرتني وهي معصبه:سلطان تستهبل!! :ههههههههههه...لا والله ابيك ما تزعلين.. نورة:خلاص الي صار صار... :اوكي انا بروح انام بكرة وراي شغل..يلا تصبحين على خير.. نورة:وانت من اهله... ><><><><><>< مر شهر رمضان بسرعه بدون احداث ومواقف تذكر... اقلب صفحات دفتري...خلونا نوقف عند يوم العيد... استعدينا كلنا... بنروح السفارة السعوديه.... تقريباً كل السعودين جاين.. الوضع كان حلو والواحد يحس انه في ديرته...وبين اهله... شفت الي كان معاي بالطيارة وأخيراً عرفت اسمه... جا سلم على ابوي وسلطان...وتعرفوا على بعض... الاجواء كانت رائعه..ومن الايام الي ماراح انساها في حياتي.... العيد بالرياض كان كئيب بالنسبه لخواتي.. منار ومساعد جو الرياض... اجتمعوا البنات في بيت عمي...وبعدين راحوا بيت خالتي... جالسين بالصاله..سالفه ورا سالفه... بيجلسون شوي وبعدها كل وحده تروح لاهل زوجها... رن جوال هاله وكان بدر... ردت على طول:بدري.. بدر:والله آسف...بس انشغلت..كل عام واحلى هاله بخير..عيدك مبارك ومن العايدين...ولا تزعلين علينا.. هاله:وانت بخير وصحه وسلامه...ورضيت عليك.. بدر:كيفك؟وكيف العيد؟ هاله:الحمدالله..والعيد كئيب شوي.,انت كيف عيدكم؟ بدر:عيدي انا هالسنه غير...دايماً عزوبي.. جلسوا يحكون وسالفه ورا سالفه... ><><><><>< العيال مجتمعين في بيت فيصل...كل شي مجهز... هاذي عادتهم كل سنه يطلعون للبر يوم العيد..يجلسون كم يوم... فيصل:شباب محمد يقول يلا اطلعوا... بدر:ننتظر فهد.. ثامر:فهد لازم كل سنه يأخرنا.. فيصل:كل واحد يركب سيارته على مايجي فهد.. مصعب:صادق فيصل... فيصل:شوي وراجع..اركبوا انتم.. طلع فيصل من المكان الي جالسين فيه وكلم على اهله يسلم عليهم..الي مسافرين من خمسه ايام تقريباً... توصيات من امه وخواته.. بعدما قفل منهم طلع فوق يسلم على اخوه.. فيصل بصوت عالي:فراس..فراس..وينك.. انفتح باب غرفة فراس الي كان يكلم:لحظه شوي.. فيصل:يلا يارجال انا بمشي الحين.. فراس:انتبه على نفسك.. فيصل:ان شاء الله ...ها ماراح تجي اخر كلام؟ فراس:لو بجي بعد يومين ان شاء الله بس مااظن.. فيصل:حاول..يلا نشوفك على خير.. فراس:انتبه لنفسك يافيصل.. فيصل:فراس وش قصتك؟ فراس:مافيها شي لما احرصك.. فيصل وهو يضحك:طيب..يلا فمان الله.. نزل فيصل بخطوات سريعه... يحس في شي ناقص ماسواه هالمرة... بالعاده يتصل على منار..وماترضى تقفل منه الا بالقوة... وبدر بمكان ثاني من البيت يكلم هاله.. هاله:مااوصيك يابدر انتبه على نفسك.. بدر:ان شاء الله.. هاله:ماودك تهون؟ بدر يضحك عيها.. هاله:يعني بتجلس اربع ايام كثير.. بدر:عشان تشتاقين لي.,يلا ياقمر بركب السيارة..انتبهي لنفسك انتي بعد.. ركبوا السيارة.. بدر يسوق وجنبه مصعب وفيصل ورا... وبالسيارة الثانيه فهد وثامر وصالح... راحوا للمكان الي تواعدوا فيه مع باقي ربعهم..يمكن يجون حوالي عشر سيارات... الطريق طويل ويبيلهم كم ساعه الى مايوصلون للمكان الي يبونه... فيصل:هالايام ماجد مايروح من بالي... مصعب بضيق:الله يرحمه.. بدر:له سنتين؟ فيصل:يكمل بعد شهر تقريباً.. مصعب:ياسرع الدنيا.. ماجد ولد خالة فيصل وكان مثل اخوه واكثر...علاقتهم كانت قويه...وقبل سنتين صار له حادث وتوفى... مصعب:بدر شكلك تعبت خلني اسوق.. بدر:اييه والله.. وقف بدر السيارة وتبادل هو ومصعب... فيصل:مصعب الله الله بالركاده.. مصعب:ماعليك... السيارات تمشي ورا بعض..بهدؤ...مرة هذا يسرع ويسبق ومرة هذا يعني الوضع تمام... تقرب سيارة من سيارة فيصل والي معه...ينفتح الشباك وبصوت عالي:ها مصعب قدها؟ مصعب يفتح الشباك:قدها.. تقدموا السيارتين عن الباقي...وهذا يسرع والثاني يزيد... بدر:ادعس مصعب.. فيصل:لا شباب تكفون انا الهبال مااحبه.. مصعب:ماعليك..مصعب يسوق فيك.. مصعب كل ماله يزيد سرعه... يرن جوال بدر وكان فهد... فهد:هدو هدو شوي.. بدر:مصعب الي يسوق.. فهد:حتى لو مصعب.. بدر:ان شاء الله.. مصعب سرعته صارت جنونيه.. فيصل تقدم شوي وبخوف:مصعب هدي...ترا عندك زوجه وبالطريق ولدك.. مصعب:فيصل يعني ما تثق بسواقتي؟ بدر:هدي شوي يارجال.. كفرات السيارة مااستحملت هالسرعه..انفقع الكفر..ماقدر مصعب يتحكم بالسيارة..انقلبت..وانقلبت..و انقلبت ثلاث مرات السيارة تتقلب...قدام كل السيارات الي كانت وراهم... فهد بسيارته وبصوت عالي:وقف وقف... وقفت السيارات.. انفتحت الابواب ونزلوا منها العيال بدون اي تفكير... السيارة انقلبت قدام عيونهم..اشبه بفلم وهذا مقطع منه قاعد يصير قدامهم..بينهم مسافه قصيرة... طلعوهم من السيارة وكانوا كلهم فاقدين الوعي وبحاله ربي اعلم فيها...مايدرون من الحي من الميت فيهم... بطريق مقطوع ومافيه مستشفيات..ويبيلهم ساعيتن على ماياصلون الرياض... فهد جالس بالمرتبه الي ورا وعلى رجله بدر مستلقي... فهد:اسرع ياثامر..بيموتون وحنا ماوصلنا.. ثامر:شف دقات قلبه.. فهد بخوف:ضعيفه...,لازم نسوي شي ياثامر..بيروحون من يدينا..ما يصير... ثامر:اتصل على العيال شف شلون فيصل ومصعب.. دخل فهد يده الي كانت مليانه دم وطلع جواله واتصل على واحد من ربعه بسيارة ثانيه ومعاه فيصل... فهد:ها وشلون فيصل؟ عمار من الطرف الثاني:ان شاء الله..ان شاء الله انه طيب.. الطريق اخذ منهم ساعه وربع تقريباً كانوا يمشون بسرعه قد ما يقدرون... وصلوا المستشفى...الي كانت مجهزة كل شي ومستعده لاستقبالهم... اتصل فهد على اخوه الي هو ابو بدر وقاله يجي المستشفى...واتصل على فراس اخو فيصل... فهد:هلا فراس.. فراس وصوته نوم:نعم..مين؟ فهد:انا فهد.. فراس وكان احد صفعه على وجهه وفز من مكانه:فيصل فيه شي؟ فهد:حنا بالمستشفى صار حادث.. فراس يقاطعه وبصوت عالي:فيصل معهم؟ فهد:فراس اذكر ربك..تعال انت.. فراس:باي مسشتفى؟ فهد:التخصصي... قفل فراس السماعه...وطلع بالي عليه..الافكار ماليه راسه...قلبه كان حاس انه بيصير شي... ركب سيارته وعلى طول عالمستشفى... العيال كلهم مجتمعين عند قسم الطؤارى... وصل فراس وعلى وصوله العيال كانوا يصيحون ويدعون لواحد منهم مات... فراس بصوت عالي:مين..مين الي مات؟؟ واحد من العيال:مصعب... فراس تسند على الجدار وكأنه ارتاح شوي:وين فيصل؟ صالح قرب لفراس:اخوك بهاذي الغرفه... طلع بوقتها الدكتور وكان يناظر حوله ماهو عارف يكلم مين... فراس:..دكتور طمني عليه...فيصل اخوي.. الدكتور وهو يحط يده على كتف فراس:الله يرحمه...تأخروا بوصلوهم للمسشتفى وفارق الحياة جاه نزيف حاد.. الله يرحمه..الله يرحمه...الله يرحمه..هاذي الكلمه الي سمعها فراس.. حط يده على راسه يبي يستوعب الي قاله الدكتور... انشل عن الحركه وماقدر ينطق باي كلمه...جلس على الارض...نفسه كان سريع امتلت عيونه بالدموع:فيصل..فيصل..راح اخوي راح...اخوي راح... رجعت الصجه بالمكان..صدمتين بوقت واحد..فيصل ومصعب راحوا بغمضه عين... طلع فهد من الغرفه الي بدر فيها وبصوت عالي:فيصل مات..لاحول ولا قوة الا بالله..لا حول ولا قوة الا بالله... بخطوات بطئيه راح فهد عند عمار ومسكه بقوة:شفت وش سويت ياعمار..فيصل ومصعب راحوا والسبب انت.. عمار كان منهار وهذا اقل شي..الكل بيحط اللوم عليه وعلى الي كانوا معاه.... بعد فهد يده ودفه بقوة على الجدار... ابو بدر يمشي بخطوات سريعه تو واصل المستشفى...اول ماشافه فهد راح له.. ابو بدر:ها يااخوي طمني.. فهد:الحمدالله..حالته مستقرة فيه كسور بسيطه... ابو بدر:الله يطمن قلبك..وينه الحين.. فهد وهو يأشر على الغرفه:هنا.. ابوبدر:معاه احد؟ فهد:الي معاه توفوا.. ابو بدر:لا اله الا الله... فهد:فيصل ومصعب.. ابو بدر انصدم لما سمع اسماء اقرب اصدقاء لولده:لاحول ولا قوة الا بالله... فهد:الله يرحمهم ويصبر اهلهم.. دخل ابو بدر عند ولده... مرت فترة ماهي قصيرة...ناس تجي وناس تروح.. ><><><><>< وصل الخبر لاهل فيصل بلندن..الخبر صعقهم..الصدمه كانت قويه...فيصل راح.. الوضع سيئ لابعد درجه...انهاروا اهل فيصل...قبل فترة ماهي طويله كلمهم..والحين يوصلهم خبر وفاته... لهم فترة ما شافوه... وبالفترة الاخيرة فيصل ماكان معهم ابداً الي صار له مع منار بعده عن اهله كثير... انتهت قصة فيصل بموته.... الحياة قصه وماتنتهي الا بالموت... الله يرحمك يافيصل ويدخلك فسيح جناته... نفقد الي نحبه بلحظه..بغمضة عين..يوصلنا خبر وفاته.. نصيح.. نتألم..ويمكن نحزن طول عمرنا على فراقه... ليش مانستغل كل لحظه مع الي نحبهم... يااحنا الي بنروح ياهم... هاذي حال الدنيا.... راحوا بسبب طيش... مصعب نسى زوجته الي حامل..الله يصبرها ويصبر كل من فقد احد عزيز عليه... ><><><>< سارة ومضاوي وشيخه وام فهد مجتمعين بالصاله وحالتهم كانت سيئه... سارة وهي تكلم مشاعل:هاله مابعد درت عن بدر..والله اني خايفه عليها... مشاعل:كلمي خالتي وقولي لها..احسن ماتنفجع وتسمع الخبر من احد... سارة بضيق:طيب مشاعل اكلمك بعدين.. مشاعل:طيب..مع السلامه.. ام فهد:الحين الساعه 9:00 وفهد مابعد جا... مضاوي:مايبي يترك بدر.. شيخه:الله يعين بدر اذا عرف عن فيصل... بعد فترة قصيرة...صوت الباب ينفتح... نقزت سارة من مكانها وبخطوات سريعه راحت عند الباب.. فهد واقف وشكله تعبان...ثوبه فيه بقع دم...وجهه كان اسود..عيونه ذابله..وحيله مهدود.. فهد وصوته مبحوح:سارة..امسكيني.. قربت سارة منه بسرعه ومسكته من يده... ام فهد:بسم الله عليك ياولدي...عظم الله اجرك بالي ماتوا.. فهد ناظر امه بحزن:اجرنا واجرك.. مشى فهد بخطوات بطئيه كان ماسك يد سارة فيها... طلعوا لغرفتهم.. فتحت سارة الباب واول مافتحته جلس فهد على ركبه... نزلت سارة وجلست جنبه حطت يدها على راسه ومسحت عليه..قربته لصدرها وضمته.. فهد كان يصيح..يصيح بحرقه..وكانت تصيح معاه:اذكر ربك يافهد..هاذي حال الدنيا.. فهد بصوت مبحوح:قدام عيوني ياسارة..قدام عيوني صار الحادث...ماتوا..ماتوا ولا قدرنا نسوي شي.. والله ياسارة حاولنا..بس مو بيدنا المسافه كانت بعيده...نزفوا الى مافارقوا الحياة... سارة:يابعد قلبي يافهد..هاذي حال الدنيا.. فهد وهو يصيح:مصعب متزوج وزوجته حامل...لو تشوفين اخو فيصل..منهار..خفنا على الولد لا يصير فيه شي..اهله مسافرين وماشافوه..ابوه يسكن بلندن وله فترة طويله ما شافه... سارة كانت تصيح على زوجها..تصيح وهي تشوفه بهالحاله.... يوم صعب على الكل...مااحد نام بهالليله... انقلب يوم العيد ليوم تعيس وحزين على الكل.... ><><><><>< نهاية الجزء ... .. .. .. | ||||
|
| |
|
26-07-22, 12:00 PM
| #20 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الاخــير.. (الفصل الاول) حرمتينا من الغالي يادنيانا حرمتينا..بقت كلمه فخواطرنا بعدنا لا ماقلناها.. وعلى غفله من الفرحه يافرقانا سرقتينا.. حكايتنا مع الغالي بعدنا ماكتبنها.. ولنا غنوة فرح عيت ظروفك لا تخلينا نغنيها وهو ياما بصوته قال وغناها.. رسمنا الحلم لعيونه وبالغنا بأمانينا...اثارينا نعيش اوهام بنتعب ماوصلنها.... ترا تو القلوب صغار ترا تو العشق فينا..حبايب مابعد شفنا الدموع وماذرفنها.. على صوت الخطى الغبطة البرئيه.. حزن جيتينا حكايتنا وأمانينا كأنه ما بدينها.. ************* لامست كلمات هذه الاغنيه قلبي.. وأشعر أنها تصف ما بهذا الجزء بكل احداثه... عرفت هاله بالي صار لبدر..كانت في حالة صياح متواصل وامها عندها تهديها... هاله وهي تصيح:يمه الله يخليك ابي اروح له.. خالتي:اسألي ابوك وشوفي وش بيقول..بعدين اصبري كم يوم يعني الحين اهله عنده ومحتاسين.. هاله:انا خطيبته ويحق لي اروح له... خالتي:وانا ماابيك تروحين وتشوفينه تعبان... هاله:ياويل قلبي عليك يابدر.... خالتي بضيق:الله يعين اهله ويعينه,هم بعد خايفين عليه اذا عرف بالي معاه.. هاله وهي تناظر امها بخوف:الي معاه توفوا!! خالتي:اثنين.. هاله دخل فيها الشك والخوف طلعت من المكان الي فيه و اتصلت على سارة تسألها مين الي كان معاه... هاله:هلا سارة.. سارة:هلا حبيبتي..كيفك؟ هاله:مين الي كان مع بدر؟ سارة:فيصل ال...ومصعب ال... هاله وكأنه احد صفعها على وجهها:فيصل مات؟؟ سارة وهي مستغربه:ايه.. هاله زاد صياحها:منار عرفت؟؟ سارة:والله ماكلمتها.. هاله:ياويلك لو عرفت ياسارة...وقولي لمشاعل.. سارة بخوف:ليش؟؟ هاله:لاتعرف وبس.. سارة:يعني عشانه تقدم لها!! سكتت سارة وكأنها تسترجع الي فات:هاله..منار تعرف فيصل؟؟ هاله:ماادري.. سارة بعصبيه:شلون ماتدرين؟؟كانت تعرفه صح..وجا تقدم لها واهلي ماوافقوا ومنار انقلب حالها... لا لا مستحيل...هاله هي تعرفه صح!! هاله:يلا سارة مع السلامه.. سارة:لحظه لحظه..شلون بنخبي عليها؟؟اكيد بتعرف وان ماعرفت مننا بتعرف من الناس ومن الجرايد.. هاله:ماادري بس لاتعرف..لا تعرف اخاف يصير فيها شي... سارة:طيب هاله انا بكلم مشاعل.. قفلت سارة من هاله وانقلب حالها...ضاق صدرها زياده على منار... اتصلت على مشاعل وقالت لها..وبعد ما قفلت منها اتصلت علي... اسمع جوالي يرن..قاعدين نتعشى كلنا... :الو.. سارة وصوتها ماكان طبيعي ابداً:هلا نورة.. :اهلييييييين سوووير كيفك؟ سارة:بخير..انتم شخباركم؟ :الحمدالله.. سارة:وريما؟ :الحمدالله.. سارة:كلمتك هاله؟ :امس مكلمتني.. سارة:ماعرفتي بالي صار؟ بخوف:لا وش صار؟؟؟ سارة:بدر صار له حادث.. :احلفففففي؟؟صار له شي؟ سارة:بالمستشفى.. :طيب صار فيه شي؟ سارة:كان بالعنايه بس الحمدالله طلع منها...وان شاء الله انه طيب.. :ياحبيبتي ياهاله... سارة:مو هنا المشكله.. دخل الخوف لقلبي من كلمة سارة في شي اكبر بعد صار:وش فيه؟ سارة:كان معاه اثنين.. قاطعتها:لا تقوليييييين!! سارة:فيصل.. سمعت اسمه..وحسيت برعشه بكل جسمي وقلبي نبضاته صارت اقوى قاطعتها:وش صار فيه؟ سارة:توفى.. شهقت باعلى صوتي:ياويل قلبي..لا اله الا الله... سارة بخوف:نورة.. قعدت اصيح..اصيح على فيصل والا على منار...بس دموعي كانت تنزل وبدون توقف.. سارة:نورة خلاص اذكري ربك.. وانا للحين اصيح:منار عرفت؟ سارة:لا..انا هذا الي مخوفني..هاله كلمتني وقالت لاتعرف..نورة وش نوع العلاقه الي بينهم؟ سكت وماعرفت وش ارد على سارة... سارة:يعني لو عرفت وش بتسوي؟نورة الله يخليك ردي.. :والله ياسارة ماادري...اخاف يجيها شي... سارة:لهدرجه؟ :واكثر.. سارة:ومساعد..!!منار متزوجه..اخاف يبين عليها.. :اجتمعوا في بيتنا وخلوها تجي..وانتم قولوا لها احس ماتسمع من احد... سارة:على قولتك..اخاف تعرف ومساعد يكون عندها.. :لا لا الله يقوله...سارة اتصرفوا...الله يخليك.. سارة:وش هالمصيبه الي حنا فيها.. :سارة انا بكلم هاله..طمنيني اول باول.. قفلت من سارة..وماني مستوعبه الي صار.. فيصل مات..يعني منار انتهت معاه... الله يستر عليها...قلبي مو مطمن.. انا ماصدقت انها بدت تنسى او عالاقل قدامي تبين انها ناسيه.. وفاة فيصل بتأثر فيها.. انا ماابي اتخيل حتى صدمتها اذا عرفت.. قطع حبل افكاري صوت عمتي:نورة وش فيك تصيحين؟ :بدر خطيب هاله صار له حدث.. عمتي:لا حول ولا قوة الا بالله.عسى ماجاه شي؟ :بالمستشفى..وماادري عن حالته.. عمتي:وهاله شلونها؟ :ماادري ماكلمتها..سارة كلمتني وقالت لي...,عمتي تعرفين مين كان مع بدر..!!فيصل ال.. عمتي بخوف واضح على وجهها:الي يبي منار؟ :ايه هو.. عمتي:عسى ماجاه شي الولد؟ :توفى.. ردة فعل عمتي كانت غير ماتوقعت..تضايقت مرة وصاحت عليه... يمكن انا جالسه اكتب وماني مستوعبه الي صار... حسيت بشخص واقف عند الباب...لفيت وكان سلطان وعلى وجهه علامات استفهام... سلطان:وش الي صاير؟؟ ناظرتني عمتي ومافهمت وش قصدها بهالنظرة.. عمتي:مافي شي..بدر خطيب هاله صار له حادث.. سلطان:هاله بنت خالتك؟ :ايه.. طلع سلطان وماسأل اي سؤال زيادة... كلمت هاله وحالتها يرثى لها... حاولت قد مااقدر اني اطمنها واهدي بالها... ><><><><>< منار:صباح الخير..اوه تكلم.. مساعد جالس بالكنبه ويكلم بجواله..عقد حواجبه مستغرب ان منار قايمه بدري.. مر وقت ماهو طويل..وقفل مساعد من مكالمته والسكوت هو الي كان بينهم... الله اعلم براس كل واحد فيهم.. مساعد:انا معزوم على الغدا مع واحد من الشباب... لفت عليه منار:وديني بيت اهلي اجل.. مساعد:نصف ساعه واطلع.. منار اكتفت انها تهز راسها بالموافقه.. مساعد:وش فيك؟ منار:مافيني شي.. مساعد ناظرها وكأنه يقول كل هذا ومافيك!! مساعد وهو يوقف:ماادري وش تاليتها!! منار ناظرته وهي مستغربه من اسلوبه..اول مرة يرمي عليها كلمه...وكلمته ماكانت عاديه وكأنه يقصد فيها شي.. ماردت عليه..وطلع هو من الصاله.. تنهدت منار..وحست بضيقة زيادة على الي فيها.. راحت وراه للغرفه.. هو يبدل ملابسه..وهي قدام المرايا تظبط شكلها.. محتارة بانها تسأله وش يقصد بكلمته..والا تمشي الموضوع... قررت انها تسأله..التفت عليه..مانزلت عينها منه..تتأمل شكله تراقب حركاته..او يمكن تتخيله فيصل الي قدامها.. مساعد:وش فيك؟ منار:هاا..لا مافيني شي...,مساعد وش تقصد بكلمتك؟ قرب منها مساعد وحط يده على كتفها وشد عليه:أخيراً سالتي.. منار عقدت حواجبها:مساعد.. مساعد:منار حنا في بداية حياتنا..والبدايه ماتطمن..انا شاريك وابيك..وابي اعيش حياة سعيده فيها تفاهم..ابيك تكونين قريبه مني..اقرب من اي شخص ثاني..انتي زوجتي..فاهمه وش معنى هالكلمه؟ منار جت بتتكلم..بهدؤ حط يده على فمها:مو لازم تبررين..منار احنا في البدايه..وقدامنا فرص كثيرة.. منار محتارة بالرد الي لازم تقوله..كلامه صح ميه بالميه ولا يختلف عليه اثنين... مساعد:نخلي كلامنا لليل..يلا استعجلي.. مسافة الطريق..وصلت منار بيتنا... البيت فاضي..هدؤ يعم المكان.. جلست بالصاله تتفرج على التلفزيون وبعدها طلعت لغرفتها.. فتحت باب الغرفه بهدؤ...وقفت لثواني تناظر غرفتها.. انسدحت بسريرها.. استرجعت ذكرياتها.. أحلى ذكريات..احلى غلطة واشينها... فيــصل.. ياترى وش قاعد تسوي الحين.. ناظرت الساعه..وكانت 2:00.. اكيد انه بالبر..هذا وقت طلعتهم..الله يحفظه.. السنه الي فاتت بنفس هالوقت.. ماقد خطر في بالي..ان السنه تدور وانا بعيده عنه...وياليت كذا..متزوجه بعد.. كثير مااحس ان زواجي اكبر غلطة سويتها بحياتي.. ياليت اقدر ارجع شهرين بس.. هذا الي يدور براس منار..تحس بغصه بحلقها.. دمعت عينها غصباً عنها... وقفت من سريرها..وراحت لدرجها الي محتفظه بكل شي من فيصل فيه.. ترددت بانها تفتحه او لا.. بفتحه وبرمي كل الي فيه..انا خلاص متزوجه وبذمة رجال..وفيصل لازم انساه.. هذا الي قررته منار... فتحت درجها..وطلعت الي فيه.. نثرتهم على الارض.. اشرطه اغاني كانت تسويها له...واشرطه منه.. مدت يدها واخذت واحد منهم..حطته بالمسجل.. عادته من الاول ورجعت لمكانها.. صوت رجولي..مبحوح... اهداء لاحلى منار.. يضحك..ويرجع يتكلم.. انا عارف انك قاعده تضحكين وانتي تسمعين... منور.. اسمعي كل كلمه..وكل حرف.. قفلت منار المسجل..وطلعت الشريط.. البوم صور..كلها كانت له.. تتفرج على الصور وتتأمل كل صورة.. انفتح باب الغرفه.. سارة:اهلين.. منار ارتبكت..وانقلب لون وجهها..:هلا هلا..لا تدخلين..الغرفه مرة حوسه.. سارة دخلت وماسمعت كلامها:وشو هالاشياء؟ منار وهي تلمهم:خرابيط..خرابيط ماعليك.. اخذت سارة البوم الصور... منار:سارة لو سمحتي.. سارة:لو سمحتي انتي يامنار.. سارة فتحت الالبوم..وتقلب من صورة لصورة.. منار وهي تسحبه:خلاص عاد.. سارة:هذا فيصل؟ منار ناظرتها وهي مستغربه:مين قالك؟ سارة:تعالي تحت ابي احكي معاك.. منار بصوت عالي:سارة مين قالك؟ سارة:تحت نتكلم.. طلعت سارة ومنار وراها.. منار:تعرفين شكله؟ سارة:لا.. منار:اجل؟ سارة:ادري انك كنتي على علاقه معاه.. منار وكأنه احد صفعها على وجهها:من متى وانتي تعرفين؟ سارة:اليوم بس عرفت.. منار وهي تجلس:سارة بلا استهبال.. سارة:منار ابيك تسمعيني.. منار تقاطعها:سارة وش فيه؟ سارة:انتي الي وش فيك؟انتي الحين متزوجه ليش محتفظه بصور لواحد كنتي على علاقه معاه.. منار بعصبيه:سارة يرحم اهلك..قفلي على الموضوع..فيصل ماضي وخلاص.. سارة:اكيد انه ماضي؟ منار:من قبل ماارتبط بمساعد وحنا تاركين بعض.. سارة:بس شكلك للحين... منار تقاطعها:والله ياسارة ان ماسكتي.. سارة:بسكت..بس.. منار:بس ايش بعد!! سارة:امس..امممم.. منار:امس ايش؟؟ سارة:امس بدر صار له حادث بطريق البر.. منار تجمدت بمكانها ولسانها انربط وماقدرت تحكي صدرها ينزل ويطلع.. نفسها صار سريع.. سارة:وكان معاه فيصل.. منار عيونها امتلت بالدموع وتنتظر سارة تكمل كلامها.. سارة دمعت عينها:والله يامنار ماادري وش اقولك.. وقفت منار من مكانها وصارت قبال سارة وبصوت عالي:فيصل وش فيه؟؟؟ردي علي..فيصل وش فيه.. سارة:منار اذكري ربك.. مسكت منار كتف سارة:سارة ردي..فيصل وش فيه؟ سارة:توفى.. صرخت منار باعلى صوتها:لاااااا..لااااااا..لا� �ااااااا..كذابه..انتي كذابه... حست بهزل بجسمها وضعف بمفاصلها...اطرافها ترتجف..اختل توزانها وطاحت على الارض... سارة:منار..منار. ارفعي نفسك.. مافي اي رد من منار..صياح اقرب لصراخ... سارة كانت تصيح معها..وتصيح على الي هي فيه.. شلون بترفعها وهي حامل.. سارة بصوت عالي:فاااااطمه..فااااطمه... بخطوات سريعه وعلامات الخوف باينه على وجه فاطمه:خير ايش الي صاير؟؟ سارة:تعالي ارفعيها معاي.. فاطمه وهي تنزل وتصير بمستواهم..وتمسك منار من كتفها..وترفعها مع سارة... دخلت مشاعل بقوتها وكانت تمشي بخطوات سريعه.. طبعا عرفت كل الي صار..سارة قالت لمنار.. مشاعل وهي تجلس جنب منار وتضمها:منار ياحبيبتي..هاذي الدنيا..وكلنا بنموت.. منار بدون اي تفاعل...تصيح وصياحها يزيد مايخف..ماابدت اي ردة فعل مع مشاعل.. شبه فاقده الوعي..ماتحس بالي حولها..صدمة فاة فيصل شلت تفكيرها.. مشاعل:منار الله يخليك ناظرني...ردي علي.. سارة:مشاعل اخاف يصير فيها شي..انا الحمارة الي اقولها.. مشاعل:سارة..كان انتظرتيني اجي..انتي دايما كذا.. سارة:مشاعل لا تزيدين الي فيني.. سحبت منار يدها من مشاعل ووقفت من مكانها وبخطوات بطئيه كانت تمشي وباتجاه الدرج.. وصلتها مشاعل الغرفه..وسارة طلعت معها عشان يجلسون بالصاله الي فوق ويصيرون قريبين منها.. مرة ساعه وساعتين وثلاثه..ومنار على حالتها بالغرفه..وماتبي احد عندها.. مشاعل:سارة الوقت يمر..ومساعد اتصل مرتين على جوالها... سارة:انا بالليل اكلمه واقوله انها تعبانه وبتنام هنا.. مشاعل:تمشي عليه..!! سارة:ماعندي حل.. ><><><><><< بالمستشفى..وتحديداً بغرفة بدر... هدؤ يعم الغرفه.. مجموعه من الحريم جالسين على الكنبه...يبكون بصمت على حال ولدهم... والرجال بمكان ثاني من الغرفه... يفتح بدر عينه بهدؤ..وهاذي حاله اليوم يفتح عينه...يتأمل الوجوه الي قدامه ويرجع ينام... بصعوبه قدر يتكلم:يمه.. هاذي اول كلمه نطق فيها..لشخص الي بيحس فيه وبيساعده.. قامت امه بسرعه من مكانها وراحت لولدها:ها ياضناي يابعد اهلي كلهم..وش تحس فيه انادي الدكتور؟ بدر وهو ياخذ نفس:وش الي صار؟ ام بدر تلف على الي قاعدين:نادوا ابوه.. راحت وحده من الجالسين ونادت ابو بدر وجا معاه فهد الي كان توه جاي من العزاء ابو بدر وهو ماسك يد ولده:صار لك حادث.. بدر وكأنه الذكريات بدت ترجع له..ويتذكر الي صار.. نفسه صار سريع وعينه امتلت بالدموع:ايه حادث..صار لنا حادث.. ابو بدر:بس الحمدالله انت بخير.. فهد:كل الي معاك بخير.. بدر:فيصل؟ ابو بدر:الحمدالله.. سكت بدر لثواني..سرحان فيها...ماادري اذا كان يفكر بشي والا يتألم على الحادث الي صار لهم... بدر:ابي..اكلم..ها.. امه تقاطعه:الجوال مو زين لك.. بدر:يمه..ابي اكلمها.. ابو بدر:خليه يكلمها.. فهد:بدر الجوال مضر وانت بهالحاله..اجلها شوي الى ماتتحسن حالتك.. بدر بتعب:لا.. ابو بدر:جيبي رقمها وخلي يكلمها..عشان يرتاح.. ام بدر:ان شاء الله.. ><><><>< يرن جوال هاله ويقطع حبل افكارها..تشوف الرقم..ماهو مسجل عندها وغريب.. هاله:الو.. بدر كان ساكت... هاله:الو.. بدر:هاله.. هاله بصوت عالي:بدر ايه والله بدر.. بدر:ابي اشوفك.. هاله:وانا بعد..والله ابي بس ماادري..بدر وشلونك؟ان شاء الله انك طيب..قلي انك طيب..طمن قلبي.. بدر:طيب.. هاله:متى اجيك؟ بدر:الحين.. نظرات من خالتي لبنتها.. هاله:عندك اهلك..بكرة الصباح اجيك.. بدر:لا..الحين.. هاله:خلاص الحين اجيك.. قفلت منه... هاله:يمه ترا بروح له.. خالتي:مجنونه انتي مجنونه..وش تبين يقولون عننا.. هاله بعصبيه:ماعلي منهم..وبروح يعني بروح..ويقولون الي يبون.. خالتي:هاله لا تخليني احلف انك ماتروحين.. هاله وهي تصيح:يمه حرام عليك.. خالتي:الحين كلمك وارتحتي..ماله داعي الروحه.. ابو هاله وهو داخل الصاله:وش الي صاير؟ ام هاله:بنتك تبي تزور خطيبها..وش تبي يقولون علينا الناس.. ابو هاله:من حقك تزورينه..وانا بوديك بعد... هاله:ياحبيلك يبه..,اروح البس؟ ابو هاله:اصبري يومين بس.. هاله:لا لا لا كثير والله كثير.. نقاش دام لفترة قصيرة مااقتنعوا اهلها بانها تروح له اليوم... مثلت هاله انها مقتنعه قدامهم..وبكرة الصباح بتروح له بدون مايدرون.. هذا الي قررته هاله... ><><><><><>< مشاعل:سارة تكلمين مساعد والا اكلمه؟؟ سارة:مشاعل ماراح يقتنع.. مشاعل:لازم نكلمه..كسر جوالها وهو يتصل.. سارة:عطيني الجوال.. مدت لها الجوال.. سارة وهي تطلع المكالمات:والله احسه ماراح يصدق.. مشاعل:ربك يحلها.. من اول رنة رد مساعد:وينك ياشيخه؟؟ سارة:هلا والله مساعد.. مساعد ونبرة خوف بصوته:هلا بك اختي..,خير وش الي صاير وين منار؟ سارة:كل خير...بس منار تعبت علينا.. مساعد يقاطعها:تعبت عليكم!! مشاعل بصوت واطي:انخفض الظغط عندها.. سارة:انخفض ظغطها.. مساعد:وينها الحين؟ سارة:نايمه.. مساعد:مايصير المفروض انكم تقولون لي..قلقت عليها.. سارة:اعذرنا بس انشغلنا معها.. مساعد:عساها ما تعبت مرة؟ سارة:لا الحمدالله..,اتصلت اقولك لو تخليها تنام اليوم.. مساعد يقاطعها:ليش تنام؟هي تعبانه لهدرجه؟ سارة:لا لا اطمن..بس عشان نهتم فيها.. مساعد:لا انا اجي عندها...ارتاحوا انتو في بيوتكم.. سارة:لا لا مايحتاج تجي..حنا في.. مساعد حس انه في شي مو طبيعي قاعد يصير:اوكي..اوكي..اقدر امرها؟ سارة:هي نايمه الحين.. مساعد:طيب..انا اكلمها بعد شوي..فمان الله.. قفل مساعد الخط قبل ماينتظر ردها.. سارة:اقطعي يدي ان كان مصدق.. مشاعل:لازم نخليها تكلمه..عشان يصدق.. سارة بعصبيه:انتي شايفه انها تقدر تكلم!! مشاعل بضيق:سارة نوديها المستشفى يعطونها مهدئ او اي شي.. سارة:لا..الحين اعطيها حبوب تنومها.. مشاعل:ان شاء الله ينفع.. يرن تيلفون البيت بوقتها..وكنت انا المتصله..ردت مشاعل.. :هلا مشاعل..شخبار منار؟ مشاعل:للحين على حالها.. :ابيها.. مشاعل:ماراح ترضى.. :اقولك ابيها.. راحت مشاعل لغرفة منار.. مشاعل:منار..نورة تبي تكلمك.. حطت مشاعل السماعه باذن منار.. سكت لثواني ماادري وش اقول فيها... منار وهي تصيح:نورة شفتي وش صار فيني..راح فيصل راح...انا السبب انا الي موته... انا حمارة..انا حقيرة..انا ولا شي...مات وهو زعلان مني..تعرفين وش معنى زعلان مني...فيصل حياتي وروحي وكلي مات وهو زعلان مني.. منار بصوت عالي:فاهمه وش معنى الي احبه يموت وهو زعلان مني...ياليتني انا الي مت ولا هو...انا ولا هو...انا وشو انا..ولا شي..ولا شي بدون فيصل... :منار وش هالحكي... منار:اكثر وحده تعرفين وش كان بينا...نورة فيصل مات..انتي مصدقه؟؟ :منار.. صياح منار كان يقطع القلب..ماقد شفتها بهالحاله ومااتوقع اني بشوفها.. منار:ليش تزوجت مساعد؟؟ليش ماقلتي لي منار انتي تحبين فيصل لاتوافقين على مساعد..ليش ماقلتي لي..ليش.. انا وش اسوي بمساعد..وش اسوي فيه..ماابيه..مااحبه..اصلا وشو مساعد..ولا شي بالنسبه لي...اكرهكم كلكم...ابوي هو السبب....ليش ماوافق ليش..وعمتي كانت تقدر تخليه يوافق..انتي بعد كنتي تقدرين..مااحد كان يبي يساعدني مااحد حاس فيني.. اكرهكم..اكرهكم.. سحبت مشاعل السماعه من منار وسكرتها بوجهي.. منار:اطلعي برا..ماابي اشوف احد.. مشاعل جلست جنب منار:الله يخليك هدي نفسك..عشان فيصل.. رمت منار نفسها بحضن مشاعل ودموعها تنزل بدون توقف.. مشاعل بهدؤ وهي تمسح على راس منار:هاذي الدنيا يامنار...كلنا بنموت..نهايتنا وحده..جدتي عايشه وجدي..امي..فيصل...وكثير كثير غيرهم..منار مايصير تسوين بنفسك كذا..ادعيله ادعليه يامنار..فيصل يبيك تدعين له.. منار وهي تصيح:مشاعل انا الي متعبني..انه مات وهو زعلان مني..تركنا بعض عشان الوضع يهدى..ولارجع اتصل..عمتي كلمته قالت له تعال اخطبها..بس ماجا..ماادري ليش بس بوقتها قلت خلاص اكيد انه مايبيني...وافقت على مساعد..وليتني ماوافقت.. مشاعل:منار الي راح راح... منار:مقهورة..مقهورة من نفسي.. ><><><><><>< ناظرت الساعه..3:00 الفجر... ابي انام وماني قادرة..لي ساعتين وانا اتقلب على سريري بدون فايده... الي صار مشوش لي تفكيري.. قمت من سريري وطلعت من غرفتي.. ثواني وقفت اشوف المكان.. رحت الصاله..التلفزيون مسكر وماحاولت افتحه... خليت افكاري تبحر فيني... من منار لفيصــل..وهاله وبدر.. صوت منار باذني..صوت صياحها..كلامها... علاقتها بفيصل... قطع تفكيري...صوت خطوات تطلع الدرج.. كلهم نايمين ومافي احد برا البيت.. سلطان بصوت واطي:وش مصحيك؟ مارديت عليه وكنت اناظره... خفت..لو صار لسلطان شي وش بسوي... اعوذ بالله... سلطان:نورا.. :هاا.. سلطان وهو يجلس:نورا وش فيك؟ اخذت نفس طويل:ليش كذا الدنيا ياسلطان؟ عقد حواجبه مستغرب من الي قلته وقدرت اشوف ابتسامته:وش تبينها تصير؟ :ماادري... سلطان:وش الي صاير؟ :كل هذا ومافي شي.. سلطان:نورا كلامك الغاز.. :فيصل الي تحبه منار... سلطان باهتمام:ايه.. :صارله حادث وتوفى.. سكت ومارد علي... رجعت بهدؤ وتسندت على الكنبه...دمعت عيني غصباً عني.. سلطان وهو يعدل جلسته ويتقدم شوي:تصيحين عشان منار؟ :اصيح على نهايتهم..تركوا بعض وكل واحد يحسب ان الثاني نساه...منار تزوجت وفيصل توفى... سلطان:نورا هاذي الحياة.. ناظرته ومارديت عليه...ماعجبني كلامه... بالي ماكان معاي ابداً...رحت لرانيا..وياليتني مارحت.. انا كل مااشوفها احس بضيقه...ليش انا اسوي معها كذا... راسي بينفجر من التفكير.. اطلقها... صعبه علي.. وامي..نورة... ماابي اجهد نفسي بالتفكير.. اليوم حسيت بتعب..وماابيه يتضاعف.. :نورا الوقت تأخر..ماتبين تنامين؟ هزت راسها بالنفي.. سكت وماتحركت من مكاني...انتظرها متى بتقوم.. مرت فترة قصيرة ساكتين فيها.. نورة:سلطان روح نام.. :خليني جالس معاك.. ابتسمت:نجلس ساكتين..وش الفايدة؟ :مايحتاج نتكلم..يكفي اننا جالسين مع بعض.. آآآآه ياقلبي...انت تعرف وش قاعد تقول ياسلطان.. اختلطت مشاعري بحزن وفرح وحب... الي قاعد تقوله من قلبك..يكفي اننا جالسين مع بعض!! حاولت اشغل نفسي باي شي..ماابي كل تركيزي يصير معاه.. فكيت ربطة شعري..وجلست العب فيه... اذا يحبني سلطان ليش ما يقول؟ انا اقول لو كان.. صعبه عليه!!مااتوقع.. يفصل بيني وبينه طاوله صغيرة... يدي اليسار على طرف الكنبه...ويدي الثانيه العب فيها بشعري.. عدل سلطان جلسته وقرب لطرف الكنبه اكثر... حسي بشي بارد يلامس طرف اصبعي..يده مو اي شي ثاني.. يده ملاصقه ليدي...طرف اصبعي يلامس طرف اصبعه.. رفعت عيني وناظرته وبعيني مية سؤال وسؤال... ماشال عينه مني...شفت فيها كلام كثير...واضحه..وش اكثر من كذا يانورة.. سحبت يدي بسرعه ودخلتها بجيبي... دقات قلبي صارت اسرع.. ليش سويت كذا ماادري... أحبها...هذا الجواب كافي..! ليش اخبي عليها واكذب على نفسي... تصرفي خاطئ وتفكيري ميه بالميه انه غلط... انا انسان وماني معصوم عن الخطأ.. لمتى بعيش وافكر مليون مرة قبل مااسوي الشي..واحسب حساب لاي شي.. وبالنهايه مو كل شي يطلع مثل ماابي.. زاوجي من رانيا فكرت بدل المرة مليون..والحين اكبر غلطه بحياتي.. ابتسمت لما شفت ردة فعلها.. ناظرتني وكأنها تقول سلطان تحبني.. دخلت يدها في جيبها..ضحكتني هنا اكثر.. قمت بهدؤ...ومانطقت باي كلمه... ><><><><>< مانامت هاله الليل..منشغل بالها على بدر... تحاول تشغل نفسها باي شي... الوقت يمر ببطئ بالنسبه لهاله..تنتظر متى تجي الساعه 10:00... واخيراً جاء الصباح...وعلى الساعه تسعه بدت تظبط هاله الوضع... حطت ورقه عند باب غرفتها بانها نايمه وماتبي احد يزعجها.. واتفقت مع الخدامه...انها تشيل الورقه اذا اتصلت عليها... ركبت هاله السيارة والخطه للحين ماشيه مثل مارتبتها.. وصلت المسشتفى... تمشي بالممرات وتدور على غرفة بدر..واخيرا لقتها.. وقفت عن الباب.. خايفه..ومن اصعب المواقف الي مرت فيها وبتمر فيها.. صعب عليها انها تدخل وتشوف خطيبها بهالحاله... دمعت عينها..ومسحتهابسرعه.. اخذت نفس طويل..وبهدؤ مدت يدها على الباب..وطقته.. ثواني وينفتح الباب.. صوت انثوي من ورا الباب:مين؟ هاله بارتباك:انا..انا هاله.. ام بدر:هلا يابنيتي ادخلي ادخلي.. دخلت هاله بهدؤ وسلمت على ام بدر... وقفت بمكانها ولا تحركت.. ام بدر:ادخلي.. هاله بخوف:صاحي بدر؟ ام بدر:اذا شافك بيصحى.. مشت ام بدر..وهاله للحين بمكانها.. تلف عليها:هاله يابنتي ادخلي.. هاله:.......... ترجع خطوات لورا..وتمسك هاله من كتفها وتمشيها معها.. هاله وهي تصيح:لا ماابي ماابي.. ام بدر:اذكري الله...بدر مافيه الا العافيه ان شاء الله.. هاله:صدق؟ ام بدر:ان شاء الله.. غمضت هاله عينها..وكانت خايفه تفتحها... قدام السرير واقفين ومايفصل بينها وبينه الا مسافه قصيرة... فتحت هاله عينها وشهقت وصارت تصيح اكثر من اول.. ام بدر وهي تقرب لها الكرسي وتجلسها:هاله يابنيتي..لايقوم بدر ويشوفك كذا...انا بروح لصاله وبتركك معاه... طلعت من الغرفه وتركتهم بلحالهم.. ثواني مرت وهاله على جلستها... وش الي تقدر تسويه..بدر خطيبها..للحين ماصار زوجها.. نست هاله هالشي ويمكن مافكرت وش نوع العلاقه الي بينها وبين بدر... وقفت من مكانها..وقربت منه اكثر.. بصوت واطي:بدر..بدر... علت من نبرة صوتها:بدر..بدر.. فتح عينه بصعوبه وبصوت مبحوح:هاله.. هاله:ايــه هاله..كيفك؟ يهز رقبته بحركه بطئيه..بانه طيب.. هاله:صدق؟ بدر:ايه,مااحب اشوفك تصيحين.. هاله وهي تتصنع الابتسامه:ان شاء الله.. بدر:اجلسي.. هاله وهي تجلس على الكرسي..بدر:لا بالسرير.. ابتسمت هاله ورفعت نفسها شوي..وجلست على السرير.. مرت ربع ساعه...السكوت هو الي كان بينهم..واكتفوا بنظرات بينهم مايفهمها غيرهم... هاله:انا لازم اروح.. بدر بتعب:شوي بس.. هاله:والله لو بيدي اجلس وانام عندك بعد... بدر:بكرة؟ هاله:نفس هالوقت..,يلا مع السلامه.. ><><><><>< مساعد ماسك يد منار..ويمشون بممر من ممرات المستشفى...توهم طالعين من الدكتور... ماتكلم مساعد وماحاول يسأل منار عن الي فيها... الكلام الي سمعه من الدكتور شغل باله... فتح لها باب السيارة..ورجع المرتبه شوي على ورا... بعد ماركبوا السيارة.. منار ملتفته على الجهة الثانيه ودموعها تنزل بدون اي صوت او انفعال... مساعد فكره تشوش..وماهو عارف وش الي صار بيوم وليله وقلب منار... مساعد:منار وش الي صار؟ منار تهز راسها بالنفي.. مساعد:شلون مافي شي.؟الدكتور يقول حالتها النفسيه سيئه مرة.. سكتت منار وماردت عليه... مساعد:اوكي براحتك..بس انا لازم اعرف وش الي صار... وقف السيارة قدام البيت..مرت ثواني..ومنار مانزلت.. مساعد:منار وصلنا.. فتحت باب السيارة بسرعه..ونزلت بدون ماتنطق باي كلمه.. مساعد يناظرها وبراسه مية سؤال وسؤال.. مرت فترة قصيرة وهو بالسيارة..ماقدر يتركها بهالحاله ويمشي..لازم يعرف وش الي صار.. نزل هو الثاني ودخل البيت.. سارة في بيتها ومشاعل فوق عند منار.. استاذن مساعد وطلع فوق عندها.. وقف مساعد لثواني يتأمل غرفة منار.. بخطوات بطئيه يمشي..ويجلس عالسرير قريب منها.. مساعد:ماادري بس انا مستغرب..متعجب من الي قاعد اشوفه...انا سويت لك شي..زعلتك..احد زعلك..؟ منار تعلب بيدها وكل تركيزها موجهته بيدها:تو.. مساعد بنبرة عاليه:ماانتي مرتاحه معاي؟مجبورة على الزواج مني..؟شفتي تصرف وضايقك؟ منار ماردت عليه.. مسك يدها وبعدهم عن بعض:ناظريني انا اتكلم معاك..لا تعيشيني بحيرة..انا ابي ارتاح وابي اريح الي تعيش معاي.. تبين الطلاق..مستعد للي تبينه..يرحم والدينك تكلمي.. منار دموعها تنزل..وماهي قادرة تتكلم..الي فيها اكبر من كلام مساعد.. مساعد وهو يفصخ شماغه ويرميه عالسرير ويقرب لمنار اكثر..مسكها من كتفها بقوة وبصوت عالي:انطقي..حسي فيني..انا قاعد اكلم جدار..!! منار انفجرت صياح وبعدت يده عنها:اتركني..اتركني..ابي ارتاح.. رمت منار نفسها على حضن مساعد وضمته وهي تصيح.. سكت مساعد وماتحرك من مكانه بالبدايه..كل الي قاعد يصير عليه استفهام.. مساعد وهو يمسح على راسها:بس حبيبتي..منيار خلاص..الله يخليك.. يزيد صياحها مايخف.. منار:لا تخليني يامساعد..الله يخليك..لا تتركني..انا مالي غيرك..لاتروح..لاتروح وتتركني ... مساعد:ماراح اخليك حبيبتي..انا معاك..والله معاك.. مرت فترة قصيرة...ومنار على حالتها... جلس مساعد عند منار..الى مانامت..بعد ماعطاها حبوب منومه طبعاً.. طلع مساعد من الغرفه...بعد ماتأكد انه مافي احد.. حاله انقلب..لما شاف منار بهالوضع... بخطوات بطئيه يمشي شماغه على كتفه..والعقال يلعب فيه بيده.. فكرة في باله تدور انه يسأل مشاعل عن منار...قرر انه يسألها..عشان يرتاح شوي.. بس مشاعل ماعطته الي يبي..تعذرت له باسباب كثيرة...مايستوعبها عقل مساعد.. مااحب يظغط عليها..وطلع من البيت... فترة طويله ومساعد للحين بالسيارة قدام البيت.. راسه بينفجر من التفكير... ليش كذا يصير لي...ادور الاستقرار والراحه بس الظاهر انا مكتوب علي الشقى... حس ان الدنيا تقفلت بوجهه...مايدري وين يروح ولا وش يسوي.. ارجع لشرقيه..هذا الي قرره... ><><><><>< مر اسبوع...بطئ على الكل... مساعد رجع لشرقيه ومنار للحين بالرياض..نفسيتها سيئه لابعد درجه... هاله بشكل يومي تروح لبدر...وضعه مستقر..وللحين ماعرف عن فيصل مصعب... اسئلته بشكل مستمر..وكأنه حاس... >< >< الساعه 4:00 العصر... مشاعل توها داخله بيتها... وباين على ملامحها التعب.. لها يومين ماجت بيتها.. خالد بالصاله جالس..وباين ان توه راجع من شغله.. خالد وهو يوقف:هلا والله.. مشاعل بتعب:هلا..كيفك؟ خالد:الحمدالله..كويس جيتي..,شكلك تعبانه! مشاعل:اييه تعبانه.. خالد:شلون منار؟ مشاعل:متعبتني مرة..ماادري وش اسوي.. خالد:انا اقول تروح لاهلك بامريكا.. مشاعل:ماادري والله مافكرت فيها.. خالد:تغير جو وتطلع مين الي هي فيه... مشاعل:وش بنقول لمساعد وابوي؟ خالد:اي عذر..بيقتنعون.. مشاعل:بكلم عمتي..,اييه خالد عندي موعد الساعه سته.. خالد:تبين اروح معاك؟ مشاعل:ياليت.. خالد:موعد ايش؟ مشاعل:دكتورة نساء.. خالد حس بغصة بحلقه وماقدر يتكلم مشى خطويتن لقدام وماصار وجه بوجها:الساعه سته امممم مااظن اقدر عندي موعد.. مشاعل:احط لك الغدا؟ خالد:الله لا يهينك.. كمل خالد خطواته لغرفته...وتضايق من الي صار..لمتى وهو بيخبي عليها.. مشاعل لازم تعرف..بس الظروف الي تمر فيها صعبه اجي انا وازيدها... راحت مشاعل لموعدها..وهاذي مو اول مرة تروح هالايام... بعد ماطلعت من موعدها راحت لمنار وسارة عنده اليوم هي الي بتنام...طول الاسبوع الي فات ومشاعل هي الي كانت عند منار... الساعه 12:00 رجعت مشاعل لبيتها... دخلت وخالد كالعاده جالس بالصاله يتفرج على التلفزيون والسيجارة بيده..والدخان مالي المكان.. مشاعل:كتمتنا بهالدخان.. ناظرها خالد ومارد...الاسطوانه هي نفسها بتعيدها مشاعل اذا رد عليها.. مشاعل:وين رحت اليوم؟ خالد:ماطلعت من البيت.. مشاعل:رحت لموعدي.. خالد:....... مشاعل:الدكتورة تقول مافيك شي..والمفروض انك تحملين.. خالد يقاطعها:بكيفها الدكتورة هذا كله بامر الله.. مشاعل:اييه انا اقصد انه ماعندي مشاكل.. خالد:حبوب منع الحمل تأثر... مشاعل:بس انا الحمدالله مااثرت فيني.. خالد:طيب مشاعل وش المطلوب مني؟ مشاعل ارتبكت:لا انا بس اقولك.. ناظرها خالد ومارد.. مشاعل:يعني... تسكت مشاعل وماتكمل كلامها.. خالد:يعني!! مشاعل:يعني الدكتورة قالت لو زوجك... خالد انقلب لون وجهه وماقدر يتكلم.. مشاعل:خالد مافيها شي لو تروح.. خالد بوثوق متصنع:اعرف ان مافيها شي..بس انتي كأنك مستعجله..يعني يتأخر الحمل سنه سنتين قدام.. مشاعل تقاطعه:سنه سنتين قدام..كثير.. الحين بيصير لنا ثلاث سنوات..وحنا متزوجين.. خالد:ماعندي مانع اروح بس انا هالفترة مشغول..وياليت ما تفتحين هالموضوع مرة ثانيه.. مشاعل:خالد ليش انت ماتبي تحكي بموضوع الحمل..انا لاحظتك اذا حكينا مزاجك يتعكر.. خالد:أنا!! مشاعل:ماادري وش الي في بالك صراحه.. خالد بنفس اسلوب مشاعل:انا مو متشفق على الاولاد صراحه.. مشاعل:غريب.. خالد:ليش غريب؟ مشاعل وهي تقوم من مكانها:نقفل عالموضوع احسن.. ><><><><>< اليوم الي بعده... الساعه 12:00 الظهر.. تطلع سارة من غرفتها وبخطوات بطئيه متجهة لغرفة منار..تفتح الباب وماتلقاها بالغرفه... بخطوات سريعه صارت تمشي..وراحت الصاله... منار جالسه على الكنبه ولابسه عبايتها.. سارة وعلامات التعجب بوجهها:منار وين بتروحين؟؟ منار تناظر سارة ولا ترد.. سارة:اكلمك ردي علي.. منار تناظرها بطريقه وكأن سارة السبب بالي صار.. سارة:منار وصمخ وين بتروحين؟ يرن جوال منار وترد:اييه انا جاهزة..عند الباب...طيب.. سارة:منار..اكلمك ردي.. منار بعصبيه:مالك شغل فيني.. سارة:حسبي الله ونعم الوكيل..منار لا تطيرين عقلي... منار قامت من مكانها وصارت تمشي بخطوات سريعه باتجاه الدرج.. سارة بصوت عالي:مناااااااار.. تلف منار بكل برود:برجع لبيتي.. كملت مشيها وسارة وراها:من جدك؟؟ومع مين ان شاء الله؟وليش توك تقولين؟ منار:سارة بس بس سؤال ورا سؤال..كلمت مساعد امس وقلت له اني ابي ارجع...جا امس بالليل الرياض...والحين رحلتنا..ارتحتي!!ريحتي فضولك!! سارة:تروحين وانتي بهالحاله؟؟مجنونه انتي؟؟ منار عيونها امتلت بالدموع:احسن من اني اجلس هنا..ماابي اشوفكم ولا ابي اتذكر شي..ابي انسى..خلاص ابي انسى..ابي انساكم انتم بعد..انتم سبب كل الي انا فيه الحين.. صاروا عند الباب...منار بكل برود:مع السلامه.. طلعت منار وسارة ماهي مستوعبه الي سوته منار... وقت قصير ووصل لي الي سوته منار... ماصدقت بالبدايه الا بعد مااتصلت عليها.. كلمتين وماامداني اكلمهم..وسكرت الخط... رجعت اتصل عليها مقفله جوالها... خوفتني حركة منار...كأنها بتروح وماتبي ترجع لنا ابداً!! معقوله كذا تفكر...انا مااستبعد اي شي عن منار.. هي تحمل الي صارلها بأبوي وعمتي...وحنا بعد معهم... ماقدرت انام...النوم طار من عيني... منار وريما...في بالي ومايروحون... احس انهم قاعدين يضيعون...وانا واقفه اتفرج ماني قادره اسوي اي شي... امتلئت مخدتي بالدموع.. بكيـــت لوقت طويل...وياليت الدموع تفيد..! ******** لماذا يحصل لنا هذا! دائماً مايدور هذا السؤال في اذهاننا... والجواب...هذه الحياة... لهذه الدرجه الحياة قاسية معنا؟ دائماً ماافكر بأن كل احد منا يعاني ويقاسي الحياة.. ليس شخصاً ولا اثنان بل الجميـــع... الجميع يشكون من الحياة وهمومها... هل يعيش أحد منا براحه... ومن عاش براحة يوم فغداً لن يعيشه.. اننا ضعيفون..من ابسط مايحصل لنا تنهار قوانا.. كلمات مبعثرة خطتها يدي... ******* نمت والدموع بخدي..جسمي ماقدر يتحمل اكثر... قمت الصباح مفزوعه..نزلت من سريري بسرعه..بخطوات سريعه اتجهت لباب..وتذكرت اني ماغسلت ولا بدلت ملابسي.. مايهم..فتحت الباب ورحت لصاله.. عمتي وجنبها ريما.. :عمتي مارحتوا للمستشفى؟ عمتي بضيق:سلطان من الليل وهو بالمستشفى.. بخوف:وش فيه؟ عمتي:تعب.. :وانتي توك تعرفين؟ عمتي:نمت امس وهو مابعد رجع للبيت..ولما قمت دريت.. :تعبان مرة؟ عمتي:لا ان شاء الله مافيه الا كل خير...هو الله يهديه ينفعل والانفعال مو زين له.. جلست على الكنبه وانا احس بتعب احس ان رجلي ثقيله... عقلي انشل من التفكير..احس انه بينفجر... عمتي:الحين بنروح المستشفى ريما عندها موعد.. :اييه صح اليوم لها جلسه..,طيب عمتي بروح معكم..ثواني بس ابدل.. قمت من مكاني بسرعه.. نصف ساعه وحنا بالمستشفى... ابوي لاقنا عند الباب.. عمتي:شلون سلطان؟ ابوي:الحين بيطلع...مافيه الا العافيه.. عمتي:انا بصير مع ريما..وخليك انتي مع سلطان..اكيد انه محتاج لك.. عمتي:طول هالسنين مااحتاج لي مااظنه بيحتاج لي ابد.. كلمات عمتي كانت قويه..انصدمت من الي سمعته..لهدرجه!! ابوي ناظر عمتي ومستغرب من الي قالته.. ماقدرت ارد عليها وماعرفت وش اقولها.. ليش كذا عمتي قالت..سلطان ولدها..وماعندها غيره..تضايقت من الموقف الي صار..تضايقت بشكل ماتتصورنه.. دخلنا القسم المخصص لمثل هالامراض.. امشي وراهم وبالي مشغول مع سلطان... الممرضه كانت بانتظار ريما.. ابوي يناظر ريما:يلا حبيبتي.. ريما وباين بعينها الخوف:عمتو!! عمتي:ايه بجي معاك.. ريما امتلت الدموع بعيونها:ماابغى اروح يابابا.. ابوي وهو ياخذ نفس طويل:مرتين بس باقي وخلاص.. ريما وهي تصيح:لا لا ماابغى.. عمتي بضيق:ياليتني انا ولا هي.. نزلت شوي لمستوى ريما:معليش حبيبتي..عشان تصيرين كويسه ونرجع لرياض.. ارتمت بحضني وكانت تبكي:انا اخاف يانورة.. ابوي وعمتي يناظرون ريما ومو قادرين يسون اي شي... مسحت على راسها:انا بقولهم اخر مرة.. ابوي:يلا حبيبتي.. ريما وهي تتمسك فيني بقوة:لا لا ماابغى...بليز بابا..نورة قولي لبابا.. شالها ابوي وحاول انها يقنعها..وكالعادة ترضخ للامر الواقع..وتستسلم... دخلوا كلهم الا أنا.. جلست بكراسي الانتظار... اتصلت على منار ماردت وهاله بعد ماردت... مر وقت طويل وانا بمكاني..سرحانه وماني حاسه بالي حولي... سمعت صوت احد يصيح جنبي..لفيت وكانت وحده عرفت انها عربيه لحجابها... حاولت اني مااناظرها واخليها تصيح براحتها وتطلع الي بقلبها... مر وقت..وهي للحين تصيح.. حطيت يدي على كتفها اواسيها شوي:معليش اختي هاذي الدنيا... رفعت راسها:تاخذ مننا الي نحبه ونقول معليش.. :امر ربي.. طلعت لها مناديل من شنطتي وعطيتها.. ابتسمت بتصنع:شكراً اختي.. :سعوديه؟ **:ايه.. سكت وماحاولت اني اصير متطفله وازعجها..مع ان كان ودي احكي معها.. باين انها في عمري او اكبر مني بشوي.. **:مين الي مريض لك؟ :اختي.. شفت بوجهها تعابير الاسى:وش فيها؟ :اللو كيمياء.. **:مثل زوجي.. عورني قلبي لما قالت كذا:من زمان وانتم هنا؟ **:خمسه شهور.. :العلاج يطول لهدرجه؟ **:ناس يكملونه كله هنا وناس يرجعون..والي ربي يشفيه والي ربي ياخذ بعمره.. :احنا لنا شهرين تقريباً او اقل شوي...,انتي بس الي جايه معاه؟ **:ايه..,اخوه وامه جو كم من مرة.. :الله يشفيه.. سرحت لبعيد...اكيد تفكر فيه..بيعيش او بيموت.. سرحت بعد انا.. كنت افكر فيها..باين انها صغيرة وشكلها قريب متزوجه...كسرت خاطري مرة... **:انا بروح اجيب لي شي اشربه تبين شي؟ :اجي معاك.. قمنا انا وياها وصرنا نمشي جنب بعض.. **:ماعرفت اسمك.. ابتسمت:نورة..وانتي؟ **:سماح... رحنا واخذنا شي نشربه...سولفنا مع بعض شوي..ورجعت هي لزوجها..وانا رجعت مكاني... يرن جوالي وكانت هاله..أخيراً احد اتصل علي.. :هلا والله.. صوت صياح هاله هو الي جاني.. :هاله وش فيك..بدر صار له شي؟ هاله وهي مازالت تصيح:عرف عن فيصل ومصعب.. :ليش قالوا له الحين؟؟؟؟ هاله:لازم يعرف...انجن يانورة انجن..مهدئات من امس وهم يعطونه...نفسيته تعبت..الدكتور قال لازم له علاج نفسي من الحادث الي صاره وفجعته باصحابه... :لاحول ولا قوة الا بالله..اذكري ربك ياهاله.. هاله وهي تصيح:انا خلاص بموت يانورة... :ادعيليه وان شاء الله بيرجع مثل اول.. هاله:والله ماوقفت عن الدعاء... استمرت المكالمه لوقت طويل...هاله تصيح وانا اهديها... ليش المصايب تجي بوقت واحد.. انا تعبت نفسياً من كل الي قاعد يصير حولي.. طلع ابوي اخيراً... :طولتوا؟؟ ابوي:ارجعي يانورة البيت..ريما بتقعد اليوم بالمستشفى.. :بتنام؟؟ ابوي:لا لا.. :طيب في احد يرجعني؟؟ ابوي:الحين اتصل على السواق يجي ياخذك.. :طيب.. طلع ابوي وجلس عندي..مكالمه ورا مكالمه... فترة قصيرة وجا السواق..وطلعت من المستشفى.. صار شي غريب غريب مرة...هذا الي ماكان على البال ولا الخاطر... نزلت من السيارة وامشي بخوات بطئيه متجه للباب الداخلي... انفتح الباب قبل لا افتحه.. وجهي بوجهها... وحده اييه كانت وحده..وماهي اي وحده..كانت حلوة وجمالها لفتني مع اني ماشفتها زين.. ناظرتني بطريقه غريبه.. لثواني وكملت مشيها.. انربط لساني وماقدرت احكي..جد ماقدرت احكي من هول الصدمه... مين هاذي؟؟وش مدخلها بيت سلطان؟ مايبيلها اي تفكير ولا اي ذكاء خارق عشان احد يجاوبني على هالسؤال.. هاذي وحده بينها وبين سلطان علاقه..ايش نوع العلاقه اعتقد انها واضحه مثل وضوح الشمس.. ماقدرت امشي.جلست بمكاني مااستوعب الي شفته.. لا لا لا مستحيل...سلطان يحبني..صح انه ماقال لكن باين حركاته وكلامه.. مستحيل اني كنت افسر حركاته غلط.. يلعب فيني..يلعب بمشاعري..ليش انا وش سويت له؟؟ قالوا لي خواتي سلطان غامض ومايريح.. بس انا ارتحت له!! ليش ماتكون له علاقه واثنين وثلاثه..سلطان عايش طول عمره هنا...وتربيته هنا غير تربيتنا.. ماخالطنا ولا يعرف عاداتنا ولا تقاليدنا... ليــش كذا يسوي معاي..معقوله انه من النوع اللعاب والي يحب اي بنت يشوفها.. لا لا مااتوقع... ليش مايكون كذا؟؟انا ماعرفته زين.. احد يرش على وجهي ماي..ويصحيني من حلمي.. ياليت كل الي قاعد يصير حلم...ياليت اقوم من نومي..والقى نفسي بسريري..وكل الي صار كابوس.. ماجا سلطان ولا صار كل الي صار... نهاية الفصل ... .. .. .. | ||||
|
| |
|
| أدوات الموضوع | |
| انواع عرض الموضوع | |
|
|
3Likes
العرض العادي
