آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-05-19, 05:57 PM
| #21 | ||||||||
| مراقبة عامة ومشرفة منتدى الروايات المنقولة  
|  #نقطة_ضعفي #ام_مصطفى البارت 21 بارت لعيونكم مثل ماوعددتكم اليوم البارت بلسان أمجد أمجد اجتني ليلى للمدرسه شفتها اهووووووووووووووووو شجابها هاي هلو أمجد هلو ليلى شلونج خير اشو هنا اجيت احجي وياك ليلى رجائا انسيني وعوفي ربا ابتعدي منها واطلعي من حياتنا اني أحب ربا كولش ومااريد اأذيها أمجد انطيني مجال بس اشرحلك أمجد اني جاي اموت مت يوم العفتني أحبك مو بيدي شنو مشاعري لعبه بيدك ليش خليتني أحبك ليش علقتني بيك ليلى لاتغشمين روحج انت بديتي وياي وجرتني الج وإني مااعرف شلون كدرت اخون ربا بيج بعدين هنا عندي درس وطلاب ياريت ترحين مااروح اذا مااحجي وياك اووف خلي اطلب اجازه واطلع أخذت وطلعت تفضلي اصعدي نروح مكان اعزمني مطعم عفيه مااكدر ربا منتظرتني ع الغده أمجد عفيه ليش هيج تسوي بيه بقت تبجي والله أحبك اموت عليك كافي لاتبجين قهرتيني يله نتغده سوه أخذتها غده بقت تحجي أمجد رفضت هذا الشهر اثنين ع مودك والله علقتني بيك وعفتني ليش أمجد متخاف الله بيه والله أحبك مااكدر انساك أبد أذكر كلامك غزلك ضحكك سوالفك طلعاتنه هداياك مااكدر انساك كلش سوي بيه بس لاتعوفني مااكدر وربا شبيها ربا عايشه احسن عيشه وصدك مراح اخليها تحس وعلاقتنه متأثر ع زواجكم ليلى وتالي علاقتنه شنو نزوج حبيبي شلون اي نزوج بالسر ولو ابقى الف سنه مراح اكول بس لاتعوفني والله أحبك ضلت تبجي أخذت كننس ومسحت دموعها كافي لوله علقتني بيك وعفتني ليش أمجد متخاف الله بيه والله أحبك مااكدر انساك أبد اني هم حبيتج وماناسيج بس ربا أحبها ومااريد اذيها واكسر كلبها ثق مراح تعرف ولا اخليك تأثر عليها أفكر لاتفكر والله اموت حس بيه احبببببك وإني هم لولي وأخيرا اعترفت حياتي أمجد راح اخليك أسعد انسان مراح تحس انت مزوج اثنين والله حتى لاتنام باليل يمنه كافي علي ساعه وحده باليوم الي اقتنعت بكلام ليلى ورجعت للبيت تلكتني ربا حبيبي اصبلك غده لا متغدي مردت اباوع بعيونها اخاف عيوني تفضحني عفتها ونمت استمرت علاقتي باليلى شهر ضلينه نسولف أخذت سيم كارت ثاني ومبايل جديد واتخابر وياها بالنهار وباليل اضمه بالجكمجه مالت السياره لحد يوم خابرت ليلى تبجي أمجد فدوه الحكلي اخوي الجبير يريد يزوجني لصديقه وإني مااريده. فدوه سوي شي شسوي مثلا تعال تقدملي. ها اي لعد شون الله انتحر اذا متجي شوف أمجد الك لباجر اذا متجي انتحر وخطيتي بركبتك وسدته اخابر ماكو مغلق لثاني يوم مغلق هاي خبله اخاف تسويها اوف شورطت نفسي وياها كله منج ربا انت جبتيها اكبالي ثاني يوم رحت وخطبتها وفهمت اخوها سر زواجنه لأن زوجتي مريضه وخاف عليها إذا سمعت تتأزم حالتها وافقوا اهلها اجرت الها بيت يم اهلها وازوجتها لمن أكون يمها أنسى ربا وبناتي ومن اجي يم ربا انقهر عليها وأشعر بذنب جبير حملت ليلى ومثل الصاعقه الخبر اجاني اوف شلون لو ربا درت راح اخسرها اكيد وراها جابت ربا بنيه سويت نفسي فرحان بيها أحاول اعوضها وبلكت أخفف من تأنيب الضمير اتجاها بس البنيه كولش حلوه هالمره فدوه ملاك وتخبل علاقتي بليلى بدت تبرد بسبب تأنيب ضميري اتجاه ربا دائما أذكرها وبالي إلى أن دخلت ليلى الشهر الخامس وسوت سونار هنا اني الفرحه مشالتني كمت اداريها. وأبقى لنص الليل يمها هملت ربا والبنات وبالي يم ليلى والولد وأخيرا ولد يعوضني عن حمودي اه الف الحمد لله ليلى طايره فرح بس بدت تغار مت ربا وتضوج من اروح تريدني ابقى يمها اكولها مو هذا اتفاقنه دكلي مااكدر ع بعدك وخاف يصيرلي شي والولد الي ابطني وانت مو هنا ابقى وياها لنص اليل وربا اتحجج الها بالمحل دخلت ليلى بشهر الثامن حبيبي أريد اشتري جهاز للطفل أخذني اوكي العصر اخذج أخذتها اشترت نص المول واحنه نطلع نضحك ع ملابس الاطفال شكد حلوه وجنت فرحان كلش بالولد واغرلضه صارت عيني بعين ليلى شافتني وكعت بالكاع ومن...الحب..الجنون.. ومن..الاهات....حلم...العيون.. ليت..عينيه..تكذب..وتقول.. بل...قالت..هذا..هو..الفنون... فنون...الغدر...والظنون.. لماذا...خنتني..؟؟؟ اأهي...اجمل..مني..؟؟؟ اين...كلامك...عني..؟؟؟. بحر...الاشواق...رسمتها.. بفني...؟؟؟ اين...حبك..عني..؟؟؟. وها..انا..اجد..من..يسخر.. مني..... اين...الشوق..والغرام...؟؟؟ ام..كانت...حياتي..كلها.. عباره.....عن..اوهام... لما...ياقلبي....افزعتني... برؤيه...حبيبي...ومهجتي.. غادراً...طاعناً...بمحبتي!!! ولا...ادري...ما..هو..السببي... فيا...العجبي...؟؟؟؟ خاطرة #همسات_الذاكرين | ||||||||
|  |
|
19-05-19, 06:00 PM
| #22 | ||||||||
| مراقبة عامة ومشرفة منتدى الروايات المنقولة
| #نقطة_ضعفي #ام_مصطفى البارت 22 الاخيرررررررر متحملت رحت ركض عليها كوه تحجي وخر أمجد ربا بيج شي احجي ليلى حجت اوف اشتغل الفلم الهندي ماحاجيتها بالي يم ربا رباوي كومي حبيبتي اني آسف بس كومي افهمج انتهت بله وعي شلتها للسياره ليلى تصيح شنو وين درت وجهي عليها انت شبيج ماعدج إحساس أمجد سوالف وعبارة النسوان أعرفها شنو وين نأخذها وعايفني باعي مالي خلكج اخذي تكسي ورجعي اهووو يعني شلون اشيل كول هاي الغراض متخاف عليه هسه خاف ع الولد لو أم البنات احسن مني انت صدك ماعدج إحساس ولا رحمه عفتها وشغلت السياره طول الطريق احجي رباوي احجي ربا سامحيني ادري غلطت بحقج بس انت خليتها كدامي كتلج ابعديها مني ربا أصحي فدوه لعمرج وصلت للمستشفى دخلوها طواري ربا عدها مرض هستيريا الي هو حاله نفسي حاده جلبت الها من عركتي وي يوسف وراها حادثة حمودي فاخاف عليها كلش اووف كله مني شجاب ليلى براسي اخخخ شلون بيه خابرت علاوي كتله جيب شفاء وتعال للمستشفى شكو تعال ربا تخربطت ولاتسئل زايد ربع ساعه اجوي شكو شصاير شفاء طبي شوفي ربا شصار عليها جوه مااكدر أفوت خاف تشوفني وتتعب زايد ليش شصاير فهمني بلا اسئله فوووتيييييييي عطت بيها علاوي يخزر بيه تعال اخذلك راشدي احسن هالمره مراح اسامحك أمجد أبد شنو قصور البنيه وياك مو عبالك محاس بيك واعرف عندك علاقه بغيرها من تاخيرك ومخابراتك بالمحل علااااااوي كافي لا مو كافي ومااسكت انت كافي اصحى ع حالك شجاك ها شجاك هيج تسوي بمرتك خلي نشوف ويا ك...ة خنتها أنجب لك ضربته راشدي عافني ودخل جوه طلعت شفاء كالت فاقده كلش وهسه خلولها مغذي اووف باربي شسوي هسه اني شسوي ضربت الحايط بوكسي جان او برغي بالحايط ضرب أيدي طلع دم كام يجري شفاء امج شصارلك صاحت الممرضه عفيه ايده كالت خلي يكص باص ويروح يضمدها تعال أمجد وخري مالج شغل روحي يم ربا أمجد شنو مسوي كول ازوجت شلوووون صدك تحجي معقوله ضلت تباوع علي ها أنت هم عدج محاضره الي سكتت وطبت مصدومه يعني شنو كفرت هسه واذا ازوجت نص العراق مزوج 2و3 و 4 شنو بس اني طلعت شفاء تركض أمجد صحت وكامت تصرخ اروح أصيح الدكتور ارجعي اني أصيحه دخل الدكتور مااكدر ادخل خاف تشوفني اجه علاوي يركض شصار دخل ضربها ابره مهدء اسمعها دكول خابروا امي أريد امي خابرت الو خاله تعالي ربا بالمستشفى ليش شصار مصار شي تخربط واخذتها هسه اجي بسرعه ليلى حركت المبايل اووف خلي اجاوب هااا شكو مخلص الفلم الهندي ليلى شتردين شبيك اني هم زوجتك مو بس ربا مالي خلك سديته وغلقته صدك ليلى اتمسكن لحد ماتتمكن كامت تتمادى هواي اجت امها بسرعه صحت ربا الدكتور كال طلعوها احسن صاير انفجار وماكو مكان والمستشفى مخبوص خبص طلعت شافتني واكف كالت علاوي اجرلي تكسي كأنما اني مموجود ركض أشر للتكسي وكف صعدها وصعدوا اني رجعت للبيت وبقيت اخابر وتواصل وي شفاء مااريد اجي واحاجيها هسه خلي اعصابها ترتاح وراها نتفاهم ربا تحبني واكيد راح تسامحني ......................... ربا شفت أمجد ولازم ايد ليلى ويضحكون ومبين الحمل ع ليلى اوديهم غراض اطفال وملابس متحملت المنظر وكعت بالكاع شفت أمجد تقرب كوه احجي وخر مني وراها محسيت بشي مااعرف حلم اسمع أمجد يكول إنت خليتيها كبالي حقيقه مااعرف هههههه خوش حجه نص الجامعه جانت بنات وكبالك اشو مشفتك رحت لوحده وشيماء وتالا جانن كبالك نهار كله اشو مخنتني وي وحده صحيت نفسي بالمستشفى شفت شفاء بوجهي اذكرته كمت اصرخ اطلعوا مني مااريدكم اكرهكم كلكم من صدك تعبت نفسيتي تعبت كلش اذكرت اني حامل كلت مااكول لأحد مااريد يعرف لازم يطلكني اي مابقى وياه أبد لليل انطاني علاج الدكتور كتله دكتور اني حامل بالاشهر الأولى كال لعد زين كلتي غير العلاج كال أفضل اطلعين من المستشفى احسن مااعرف منين جبت القوه حاولت ماانكسر يمكن القهر والمصايب تقوي لو أني تعودت طلعت صار أمجد بوحهي عفته كلت لعلاوي اجرلي تكسي فكرت اروح لهلي دخل علاوي كال رباوي ادري بيج تعبانه نفسيتج والصار مو قليل بس ياريت ماطلعين من البيت هسه شويه ارتاحي واخذي قرارج وإني وياج اخوج بكل الأحوال مااعوفج واعوف بنات اخوي علاوي انت اخوي من صدك أحبك ويعز علي ارفضلك طلب بس والله مااكدر مو بيدي مااريد اشوفه فدوه أعصابي تنهار وماتحمل اذا تحبني كلي روحي زين واذا هو مراح يجي هنا أبد شلون يعني بيته هذا قابل أحرمه منه مترهم علاوي انت عوفيها علي منا لليل احلها بس اوعديني اذا قبل أمجد ميجي للبيت أبد راح تبقين ماادري رباوي هذا بيتج وبيت بناتج لاتعوفينه تجي وحده تأخذ مكانج اخذته وراحت بعد لا مكانج محفوظ بهذا البيت الله كريم علاوي راح ابقى لباجر أفكر بس فدوه اذا دخل البيت اطلع اوكي معليج عوفيها عليه علاوي. الو أمجد رحمه لهلك لاتجي للبيت بعد ولك انت تطردني من بيتي شنو اشو طالعه عينك مو اطردك بس اني مااتحمل ربا تطلع وتعوف البيت اي وتتحمل اطلع اني أمجد يعني تقبلها ع نفسك بناتك يتبهذلن بالبيوت وليش تبهذلن تكعد أبيتها وتسكت شنو اول آخر مره زوجها يزوج عليها هسه شنو يعني متقبل شوف اني ناوي ها لأسبوع مااجي حتى نفسيتها ترتاح وأكدر احاجيها وافهمها بس مال ابقى مااجي هاي واكفه زين يله باي اوكف احاجيك طوووط طاح حضك اني اعلمك علاوي اجه علاوي للغرفه ربا هذا الي صار وهذا الي كاله أمجد مااريد اكذب عليج بس أمجد يكول فتره وارجع خلص علاوي شوفلي سياره دنك رأسه خطيه وضاج ع راحتج البنات خابرن حاجني قنعني مفاد امي متعرف شنو السالفه بس متعاركين وبس لملمت غراضي وملابس البنات وطلعت اباوع ع البيت وابجي كل ركن بالبيت النه ذكرى بيه رحت لهلي وبدت معناتي وي هادي من أول يوم أاقول...احبك..ياحبيبي... اه..لو..كان..بأمكاني... فاانا..انسان..مفقود... لا..اعرف..في...الارض.. مكاني... ضيعني....حبي... ضيعني...شوقي... اسمي...ضيعني... عنواني.... تاريخ...مالي..من..تاريخ.. اني..نسيان..النسياني.. اني..مرساة...لا...ترسوا... جرح..بملامح..انساني... شكرا...ياحبيب....اليوم.. وغدا...وكل...ايامي... ما..لهذا...الغدر...من...الاامي. ... انه...موت...المشاعر... والحناني.... خاطرة #همسات_الذاكرين #ام_مصطفى توقعاتكم بنات للقصه باجر البارت الأخير #نقطة_ضعفي #ام_مصطفى البارت الأخير الجزء الأول أن شاء الله أكمل الكم باجر الجزء الثاني من البارت الأخير كلام..امجد..ال..ربا.. ................................................ ردي...الي...يامن..كنتي.. مني.. ردي....الي...وارجعي...بعضي.. ياامن...اخذتي....كل...شيء.. حتى..نفسي... مااعدت..اعرف..من..انا.. اين...قلبي... ردي...الي..ودعيني...انظر.. الى..الشمسي... فبعدك...ظلام..دائم...ولليل.. ما..بعده...فجري... ردي..الي...يااحلما..امسى... بخاطري...وعمري..... يااعشقا..ملكته...وضاع..مني.. في....زحمه...الهمي... يا..بلسما...لجراحي.. يا...غنوة...صبري.. ردي...الي...فانا..طفل.. ظاع..من...الاهلي.. لايعرف..طريقه..الرجعة.. ولا..السكوت...فلا...يجدي.. ردي...الي...يابسمة..فارقت.. الشفتي.. بعدك...ما..عرفت..البسمة.. سوى...الحزني.. اخطات...اعترف...؟؟؟. فااطلب...السماح..منكِ.. جئتك...تائبا... ارجوا..التوبه.... فااغفري..واصفحي...عني.. خاطرة #همسات_الذاكرين أول يوم صعدلي فوك خير جايبه غراضج وجايه كتله هادي فدوه نفسيتي زفت شنو شبيج يوميه جايه جاهل انت شحجي وياه هذا شكله شلون يهمني أساسا هو نفس الطينه هادي فدوه تعبانه كلش خلي اكلك مختصر مفيد أمجد مزوج طلع وزوجته حامل وإني ماارجع اله لو ع كص ركبتي واذا أثقل عليك اطلع أخذ بناتي وأجر اهووو انت شبيج بابا عايفه بيتج شكبره شكده وجايه ازوج خلي يزوج تردين ازعلين منه ازعلي ابيتج انت غبيه شنو امي حجت كالتله اطلع مالك علاقه باختك وهذا هما بيتها الها حصه بي مثل ماالك ها كمتن ادورن حصص اي اس كافي ولا كلمه اطلع شنو من بشر انت اختك اذا طلعت اطلع وياها سمعت سمع الصياح عماد شكو حجيتله كال خويه بيتج هذا معليج بهادي شنو طالعه من فطر الحايط انت اذا ميجي هنا ويعتذر ونشوف ليش هيج سوه مراح ترجعين وانت هادي اطلع منها باوع علي وطلع اجتني ساره تعووج بحلكها هلو ربا هاي اول مره اشوفها جايبها للبيت وماخذه غرفتي كاعده بيها كتلها هلوو بيج شنوو صدك ازوج عليج أمجد هذا تالي الحب والاكشن مالتكم يزوج عليج اي حبيبتي عادي هواي نسوان اكو هجامات بيوت يحبن ياخذن الرجال من بيته باوعتلي بطرف عينها وراحت ووجع الله يخلصنه منجن ومن امثالجن متنه منجن دنقرضووا هجامات البيوت امي استلمت البنات يمها أخذت غرفت امي كعدت بيها كلت لأمي يمه تره اني حامل بس مااحد يدري ومااريد احد يعرف شلون يمه الحمل مينضم يوم مؤقت رحمه لله مااريد أمجد يعرف ويتحجج بالحمل ومايطلك وانت صدك تردين طلاك اي لعد شعندي باقيه وياه ماما حرك كلبي ماما لاشوفيني كدامج كاعده تره اتظاهر القوه كدام بناتي ماما نار تسعر بكلبي مقهوره راح اموت قهر كمت ابجي يوم أمجد حبيبي وزوجي وأبو بناتي تعلقت بي هواي وحبيته هواي ليش هيج يسوي ليش يخوني ليش شنو قصوري وياه هو أكثر الناس يعرفني مااكدر أعيش بدونه ليش يستغل حبي اله معقوله لهدرجه هنت عليه ويخوني ويزوج علي ومنو صديقتي ع اساس يوم يوم راح اموت والله اختنك من أذكر اثنينهم خانوني يمه اسم الله عليج ربج مينسى عبده عبالج ادوم الها هاي ليلى والله مدوم الي أساسه غلط ينهدم ميضل خلي عينج بعين الله وربج يأخذ حقج منها والنعم بالله ماعدي غيره نامي يمه نامي والله كريم .................... مر أسبوع واسبوعين أمجد كام يخابر مااجاوب يدز رسائل بس انطيني فرصه رباوي والله احبج مو ازوجت معناها مااحبج بالعكس انت حياتي كلها والله أحس حياتي فارغه وماالها طعم بدونكم احبكم هواي وانت أدري بيج هم تحبيني لا تكابرين ربا ردي اذا ع ليلى ليلى نزوه ورغبة وردت أعيش الرغبة وازوجتها تعرفيني مااحب الحرام وحملت بولد مااكدر اعوفها بعد ولد يعوضني حمودي وراح أسميه حمودي وووووووهوايه رسائل يدز يعني ليلى مكافي عليها باكتك مني حتى اسم ابني اخذته حسبي الله ونعم الوكيل عليج اقره وابجي عذر أقبح من فعل يا أمجد هالمره مراح أضعف حتى لو تعرف نقطة ضعفي راح اسويها نقطة قوه هالمره بقى يدز اخواته دز زوج بيداء حجوو هواااي وياي رادوا قفلت ع الطلاك اجه هو أخذت بناتي وقفلت الغرفه علي اتوسلوا بس اطلع احاجيه مقبلت أبد راد يشوف البنات مقبلت كتلهم كلولوا هذن بناتي خلي يروح للولد الي ركض وراه بقى يصيح ميصير صار شهر محروم من بناتي شنو كفرت اني محد مزوج غيري هادي اجه يدك الباب اطلعي بس خلي يشوف بناته كتلهم أحرك روحي تره والله بس اجبروني اطلع خلي يطلع مااريد اسمع صوته هو جان يسمعني كمت اصرخ بحركه طلعوه طلعوه منا شلت مزهريه جانت ع الميز شلتها ضربتها بالكاع طلعوه طلعوه صار هدوء خافوا لاترجع علي الحاله امي يمه افتحي الباب راحوا يمه لاسووين بنفسج هيج بناتي يصرخن اتلاثتهم ماما ماما تخبلوا فتحت الباب لأمي اخذتهم سكتتهم من يومها محد فتح الموضوع وياي مرت 3 أشهر خلصت العطله رحت للمدرسه ردت أقدم نقل مصار المدرسه قريبه ع بيت أمجد مااريد اشوفهم عرفت أمجد صاير عنده ولد سماه محمد اني بطني كبرت صرت شهر الخامس غيرت خطي جبت غير خط مااريد شي يذكرني بيه خليت محاميه ع الطلاك بس أمجد ميقبل يطلك مخلي محاميين اثنين فد يوم اجه علاوي حماي راد يشوفني طلعت اله تلكاني كام يبجي حضن البنات ويبجي عليهن وهنه يبوسن بي ويسئلنه اجه بابا مشتاقيله ملوكه صارت تخبل عمرها 6 أشهر اخذلهم صور وجايب هدايه كومه الهن كتله علاوي ذن منين كال والله مني بقى يحجيلي ع وضع أمجد وشلون متأثر بفراكنه وصاير عصبي كتله ليش شدعوه متأثر الولد الي كتل روحه اجاه بعد شكو تصورته هسه بقمة السعاده ياسعاده والله منتهي وروحه طالعه مو ذاك أمجد التعرفيه ها كل نفسه كلش وكوه يحجي وحتى علاقته بليلى متوتره متوتره سعيده ميهمني اني بعد شي انتهه وراح وذا قصدك من وره ها لأخبار اغير رأيي فوفر عن نفسك التعب لل ربا فهمتيني غلط اني بس معاتبرج اختي واشكيلج اجيت اكولج بعد أسبوعين زواجي ولازم تحضرين لخاطري اعتذر منك مراح اكدر اجي علاوي لاتحرجني الله شاهد أحبك أكثر من اخواني واتمنالك الخير بس مااكدر اجي اكيد أمجد راح يجي واكيد راح يجيب ليلى وياه اعفيني من هذا الموقف فدوه دنك رأسه وضاج كلش حقج بس والله محتاجج كلش دك تليفون علاوي الو اي اني شنوو تغير لونه بسرعه وشفته صارت بيضه شنو متأكد من الخبر جاي جاي انخمش كلبي علاوي شكوو ربا انفجار بجميله يم المحل وسيارة أمجد موجوده ومحتركه يكولون ضربت وجهي يعني شنو أمجد بي شي ماادري ركض بسرعه وعافني أمجد يمه كلبي كام يدك سريع ونفسي انكطع أيدي ترجف لا ياربي مااريد يصيرله شي أبو بناتي هذا لا زوجي هم وحبيبي يزوج عشره ولا يصيرله شي بله وعي احجي وي نفسي واملخ بيها ركض لبست عباتي يمه يمه البنات امانه يمج ولج شكوو وين يمه أمجد يكولون بالانفجار اسم الله صارله شي ماادري يمه اذا يصيرله شي اموت وراه ماارجع بعد أركض واحجي مااعرف وين اروح طلعت بله فلوس ولا مبايل رجعت يمه انطيني فلوس عماد طلع وراي وين رايحه يمعوده هسه شفته الانفجار بالتلفزيون ولج صايره لحم والدخان والنار مغطي المكان يعني شنو مات أمجد ميخالف وديني مااكدر ابقى وين اوديج وديني لبيتي أخذت البنات وصعدت وي عماد ورحت للبيت تلكني البنات رباويييي ولج أمجد لا تكولنها لادكلولي مات لا عفيه ماكو ربا لسه منعرف ميت لو عايش ماله أثر وسيارته مفحمه وللحكايه بقيه بنات شنو توقعاتكم للنهايه #نقطة_ضعفي #ام_مصطفى البارت الأخير الجزء الثاني كتبتُ...حياتي...فوفق.. الاوراقي... وطلبتُ..منك...الاتي.. اقرا..بقلبك...لا..بعينيك.... فعينيك...سريعة..النسياني.. كنتبُ...بدمي..لا...بحبري.. نثرتُ..اشواقي....وحزني.. لعلك...تعرف...آلمي... وعدتُ..نفسي..الا..اعود.. فعدتُ.. وعدتُ...عيني...لاتنزف..دمعاً.. . فاغرقتُ...حزناً... وعدتُ...ان..لا..اقترب.. منك... وجدت...نفسي..نائمه..فيك.. واحضانك...موطني... خاطرة #همسات_الذاكرين يعني شنو هسه نبقى كاعدين ننتظر خبر مات اويلي عليك أمجد عماد رايح ادور مستشفيات نخابر علاوي يكول مكو 3ساعات كاعدين ع اعصابنه دك ولطم وبجي ياربي فدواتك رده سالم اه مااتحمل يصيرله شي تعبت ياربي ارحم بحالي وحال البنات دك المبايل فزينه كلبي كام يدك ونفسي يصعد وينزل سريع اباوع ع شفايف بيداء شنو تحجي هااا شنو لكو بالمستشفى اي شنو عايش بس حالته خطره عنده حروق بجسمه يمه رايحه اشوفه بله وعي وبله تفكير صارت مشاعري تقودني نسيت كل شي سواه وياي معقوله هالكد أحبه معقوله هالكد خايفه عليه كلشي نسيته نسيت خيانته نسيت خذلانه أي كلشي يهون ويصلح المهم هو موجود ماتخلى عنه بهيج ضروف هو زوجي أبو بناتي من سابع المستحيل أتخلى عنه طلعت اجتي بيداء وياي بقوا البنات والجهال كولها يم شفاء اخذنه تكسي وللمستشفى بقينه اندور المستشفى ازدحام والدكاتره تركض والصريخ والدمايه تارسه المستشفى والاسعافات اتجيب جرحى وشهداء وضحايا إلى متى ياوطني تنزف إلى متى شببابك واطفالك ونسائك يدفعون ثمن حبهم لهذا الوطن شنو ذنب الي ارتكباناه حتى هيج يصير بينه بركبت منو هاي الدماء و لصالح منو آسفي عليك ياعراق طارت الدمعه من عيني ع كد ماشفت كدامي جثث واشلاء محتركه أجساد بلا روس لو بله رجلين ولا أدين مااعرف شلون تحملت المنظر كمت اصرخ بس بلا صوت أحس صوتي ميطلع شفت علاوي من بعيد ملابسه مدمايه وشايل جثة مكطعه ويركض وعماد هم نفس الشي علاوي كوه طلعت مني أمجد أمجد وينه يركض ويحجي أمجد جوه بشعبة الحروق انتظري هنا هسه راجعلج بيداء ضاعت مني راحت ادور ومشفتها حسيت ها ليوم مثل يوم القيامه كل واحد ملتهي بنفسه اسمع مره جبيره تصرخ يومها جثث محروكه بس مبين ملامح وجهم شباب 3 ادنيت يمها خاله منو ميتلج خاله ولدي ذول اتلاثتهم يشتغلون حماميل بالعلوه هذا ابني الجبير مزوج عده 3 جهال وهذا خاطب وهذا طالب جامعه تحجي وتلطب وجها وتصرخ والناس كلها تباوع عليها تزين راسي تزين راسي ولدي راحوا مني ابوهم شهيد بحرب إيران وكبرتهم بدموع عيني تالي يرحون مني بيوم وليلى ليش شنو ذنبهم شباب بعمر الورد طالعين ع لكمتهم اويلي عليكم يمه تزين راسي يمه متحملت ابقى يمها شلون اواسيها مااعرف يمكن هالمره هونت مصيبتي صدك اليسمع مصيبة غيره تهون عليه مصيبته خاله الله يصبرج من صبر زينب ع عفتها ورحت لشعبة الحروق لكيت علاوي وعماد واكفين وين جنتوا جنه نشيل بالجرحى ونجيبهم لهنا كلولي شنو وضع أمجد عنده حروق بجسمه بالغه ومتأذي هواي يعني منكدر نشوفه لا هسه ممنوع ارجعن للبيت ادعوله احسن من وكفتكم هنا مااكدر اروح بيداء عيني صدك خلي نرجع شوفي وضع المستشفى شلون صاير الولد هنا وراح نتواصل وياهم بالمبايل رجعت للبيت نفسيتي تعبانه من الحالات الي شفتها دخلت لغرفتي لسه ع حطتها أخذت ملاك رضعيها ونومتها البنات اجوي بيداء وشفاء ربا انت حامل دنكت اي بوشهر السادس معقوله ومدكولين زين اخذتي سونار لا والله اخاف أخذ خليها ع الله فدوه بنات تعبانه أريد انام أخذت مهدئات ونمت ع ريحة أمجد بالفراش شفت حمودي بالحلم عنده جانحات وطاير واكف فوك أمجد بابا بابا تعال اشيلك بناتي يمه دفعنه ونامن ع ابوهن فزيت ياربي دخيلك خابرت علاوي ها بشر كال راح نحوله مستشفى اهلي هنا ماكو علاج ولا مداراه زينه اي زين تسوون من تنقلوه كلي أن شاء الله مر يومين أمجد تحسنت حالته نوعا ما أخذت البنات ورحت دخلو البنات بابا بابا شبيك جان جسمه كوله ملفوف بشاش دمعت عيونه عليهم مكدر يتحرك ولا يحرك حتى اديه يبجي بابا مابيه شي لاتخافون بابا احنه نحبك لا تعوفنه بعد اشتاقينالك كتلهم وخروا من بابا هسه كال ربا سامحيني احسها هاي حوبتج حركتني أسس كلشي لاتحجي لا دكول هيج ربا فدوه تروحلك بس كوم بالسلامه كلشي مااريد بعد مااعرف الكلام كام يطلع وحده بساعتها اووف شكد أحبه دنكت بست ايده الملفوفه دخلت ليلى وهاي اول مره التقي بيها مااعرف اهس جنت بحلم وصحيت بسرعه طلعت من الغرفه. بقت هي جوه واني بره. شويه وطلعت عيني ست الحسن يريدج اخذيه اشبعي بي هاي شبيها صدك متستحي عفتهم وطلعت من المستشفى رجعت للبيت بعد مارحت بقيت اتواصل وياه بالمبايل بقى شهر بالمستشفى طلع أمجد للبيت بس مقعد ميمشي يكدر كالوا بمرور الزمن وي العلاج الطبيعي احتمال يرجع يمشي أمجد كايل الهم لبيتي ودوني جابوه يمي التمو الأقارب كلها تتحمدله بالسلامه للعصر ليلى اجت للبيت جايبه ملابسها وابنها وجايه اووف شنو هاي من بشر علاوي كال ربا ميخالف تحملي خلي نشوف تاليتها وياها مااكدر اتحملها ومااكدر اعوف أمجد بيهيج وضع أمجد صاحلي ربا تعالي كال ربا اني غلطت وياج هواي أتمنى تسامحيني واتمنى تتحملين ليلى هاي الفتره لخاطري كلشي محجيت بس دموعي تنزل صرت مجرد هيكل فارغ من كل شي بقت ليلى تقريبا شهر بالبيت هي بحال وإني بحالي بقت تلح ع أمجد انو يسافر للعلاج بره أمجد ميقبل توترة علاقتهم كلش كل يوم عركه وصياح إلى فد يوم كعدنه الصبح ملكينه ليلى ولا حمودي خابر أمجد ع اهلها ماكو للعصر كالوا ليلى طلعت خارج العراق هي وابن اخوها شاب. كام أمجد يدك ويلطم ع حمودي شلون أخذت الولد استغلت ضعفي ومااكدر امشي علاوي راح سئل ماكو بقت فترة عشرين يوم ماكو خبر منها وراها اتصل اخوها بأمجد كاله ليلى عابره لألمانيا ع اساس وغركان القارب بيهم وحمدي وابن اخوي غركانين وليلى ناقذيها وبعد متكدر ترجع بقت هناك مثل الصاعقه نزل الخبر ع أمجد كام يون ويبجي ع حمودي ويلعن بليلى واليوم الي عرفها اخذله فتره يبجي ويون عليه اني كد مداراه وياه. أبو بناتي وبس مااريد بناتي يكبرن يكولن امي عافت ابوي معوق شكد حاول أمجد يقربني منه ماكو صدك اني أحبه ورجعتله لكن تبقى مسافات كبرت بينه شكد يحاول يعتذرلي اكوله اني مسامحتك ماعدي شي وياك بس علاقتنه تبقى بحدود أمجد بقى فتره مقعد وراها كدر يمشي ع عكازات علاوي ازوج وصار عنده ولد ليلى اطلكها أمجد غيابي لأن سافرت بله علمه وبقت هناك يم اخوها الي مستقر بألمانيا اني جبت ولد يخبل يشبه ملاك سميته موسى لأن طلبته من الإمام الكاضم وماقصر وياي. أمجد شكد حاول يرجع علاقتنه لكن صعبه ترجع احتمال بمرور الوقت أنسى بعد الله العالم . .............لهنا انتهت قصتي مع أمجد العبره من القصه مو كل زواج الحب ناجح وهاي ربا كدامكم حاربت حتى تزوج أمجد عبالها راح تعيش اميره وترتاح لكن العكس صار لو كانت مزوجه يوسف كان احتمال حياتها تكون أفضل والحب يجي وره الزواج بمجرد مانكطع مهر لأن الله تعالى يقول وجعلنا بينهم موده ورحمه هم اكول الكم ديرو بالكم من أصدقاء السؤ ولا تأمنون بأي شخص وانت يازوجه الرجال مثل الطفل يريد الزوجه اداريه ودللهه ودمتم في أمان الله الكاتبه أم مصطفى انتظروني في قصة جديدة | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
