آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
25-06-19, 02:26 AM
| #31 | ||||||||
| مراقبة عامة ومشرفة منتدى الروايات المنقولة  
|  #سجينة_الظلم_والانتقام 🍂🥀 #البارت السابع والخمسون الكاتبة : سارة الشمري🖤 رأيـت بهـا بدراً على الأرض ماشـياً.......ولـم أر بـدراً قـط يـمشي عـلى الأرض. قـالوا الفراق غـداً لا شك قـلت لهـم.....بـل مـوت نـفـسي مـن قبل الفراق غـداً. غزوان ... دخلت للديوان مالتنة وشفت ابوي وعمامي وولد عمامي كاعدين وهذا العار كاعد بصف ابوه .. سلمت بوجه عصبي والكل ردو السلام .. كعدت بصف ابوي .. عمي بدة يحجي ويعتذر واني اباوع لهذا العار كلبي ما شفة منة .. التفتت لعمي وكلت : عمي خصم الحجي .. انت عالعين والراس .. بس هذا العار اذا شفتة معتب اباب بيتنة والله بوكتهة لحد يلومني على الاسوي .. لان انة من سالفتة مال خطبة اختي وراح يدور بنات وهو حاجي بيهة وادور هسة هاي عملتة انة ترة كوة كاظ روحي لا هسة اكلب وجهة .. ابو عمران : عمي دصلي على محمد .. ما تشوف وجهة انت وحمزة شمسوين بي بعد شتكلب منة .. حمزة : والله عمي ابنك محذرينة من كبل وجم مرة ماخذ مثل هالدكات بس هوة ما يتوب .. والما يتعلم الدرس من اول مرة هذا ما ينعدل بعد .. كمت ووكفت : بوية من رخصتك انة اروح لان رائد جاي هو واخوتة يردون يتباركون لمؤيد وجايين مشية هم وانة طالع اتلكاهم .. ابو غزوان : اووو انة هم خابرني وكال جايين مشية بس نسيت وراحت من بالي .. كوم ولك مؤيد جيب ذبايح وخل يسوون الغدة واطيهم خبر ان حتى امهاتهم تجي يشوفن البنات .. طلعت من يمهم وتذكرت ان ما كلت لميامين .. خابرت عليهة وبعد رنتين جاوبت .. : الو .. ابتسمت وكلت : بعدة زعلان الحلو .. ميامين : ليش داك .. غزوان : عندي الج خبر متأكد راح يفرحج .. اهلج هسة جايين مشية علينة يخطبون البنات .. وازيدج من الشعر بيت حتى نسوان يجن .. ميامين بصدمة : شنوووو صدك تحجي لو تتشاقة .. غزوان بأستغراب : اي والله راح يجون شبيج مصدومة .. ميامين بعصبية : اكو واحد براسة عقل هسة يحجي .. ليش ما كتلي من البداية .. هسة همة شكد ويوصلون .. غزوان : ميامين عليمن عصبتي نسيت ما كتلج وهمة هسة تقريبا ساعتين ويوصلون .. ميامين : لا يعني ما تريدني اعصب .. جايين خطابة عالبنات ونسوان يشوفنهن ولازم يتجهزن وانت هستوك يلة تحجي .. غزوان : وشكو بيهة يعني هنة عرايس شنو ويتجهزن .. ميامين : لا والله .. ترة البنات مو مثل الولد يعني بس تلبس دشداشة هايهية طلعت كشخة .. البنات يرادلهن تعديل ولبس وتنسيق خو ما تدخل عالخطابة بهذا شكلهة .. واصلا اني ليش هسة احجي وياك .. سدت التليفون بوجهي .. بسم الله اكلتني بكشوري .. &&&&&&&&&&&& ميامين .... من خابرنة غزوان والبنات خايفات وعمتي محتارة ودزت على نسوان جوارينهم يساعدنهة بالطبخ .. اني وجوري و مها وخاتون صعدنة لغرفة جوري نجهز البنات لان جوري هم راح تتجهز جايين يباركولهة .. اني اسوي بشعر مها .. وجوري تسرح بشعر خاتون .. طبعا البنات جانن متوترات ومها كل شوي تريد تبجي من الخوف .. واني وجوري نضحك عليهن ونصنف ... سوينالهن المكياج وما كثرنة يعني شي بسيط وخفيف .. خاتون لبست تنورة قصيرة ضيقة لونهة احمر وفوكاهة سترة حمرة وجواهن بدي ابيض وطلعت تخبل .. مها لبست فستان قصير لونة نيلي وبي حزام احمر يصير ضيق عالجسم ولبست طوك ابو الفيونكة لونة احمر وطلعت كيوت .. طبعا اني جددت مكياجي وجنت فرحانة ان راح اشوف اهلي لان مشتاقتلهم .. عفت البنات ونزلت اشوف خاف عمتي تحتاج مساعدة .. سويت السلطات لان ماريد ادخل للمطبخ وانترس ريحة طبخ ههه ... نضفت البيت عالسريع لان هوة اصلا نضيف لان الخطار يطب ويطلع يتباركون لمؤيد .. عطرت البيت وشغلت من بخور الحجية ريحتة تجنن ... ورة نص ساعة كالو اجو .. كمزت ورحت اركض انطيت خبر للبنات ونزلنة اني وجوري نستقبلهم .. شفت اخواتي جايات فرحت كلش وخاصاً بشهد لان كولش مشتاقتلهة .. سلمت على امي وخالتي ام خالد وكعدت بصف جوري .. هنة سلمن على جوري وتباركلهة .. كعدناهن بالصالة وبدن يسولفن عالخطوبة ومدري منين يرهمن الحجي يعني سوالف عجايز .. لحد ما كالت عمتي ام غزوان : ميامين عمة روحي صيحي البنات خلي يجن يسلمن على ام رائد وام خالد .. كمت بسرعة ودخلت عليهن للغرفة : يلة كومن يردونجن .. مها وهي تحط ايدهة على بطنهة : يممة بطني مغصتني .. ماريد ادخل بطلت .. خاتون وهي تفرك بيديهة : اكلج هنة هواي لو لا .. تنهدت وكلت : اذا ما كمتن هسة اروح اصيح عمتي عليجن .. كامن هنة ومها كوة سحلناهة مدري شبيهة وخاتون متوترة بس بصمت مو مثل مها كلساع وتسأل .. مثلا على منو اسلم قبل .. هنة كاعدات بيا جهة .. شكم وحدة جاية وياهن .. شيبت راسي .. انطيت صينية عصير بيد خاتون والصينية الثانية بيد مها .. واني شايلة صينية الكيك .. دخلت خاتون ووراهة مها واني بالاخير .. ام خالد : يا مية هلا .. تعاي عمة يمي .. ام رائد : هلا عمة خاتون .. شو تعاي بصفي اشوفنج .. كل وحدة اخذت جنتهة بصفهة واني واكفة اباوعلهن شلون حطت العصاير عالطبلة الجبيرة بدون ما يقدمن وراحن كعدن يمهن وهنة مستحيات .. حجيت واني رافعة حاجبي : اييي كل وحدة اخذت جنتهة يمهة والعصاير منو يقدمهن غير شغلتهن هاي .. ام رائد : جا وانتي شني شغلج .. فتحت عيوني : يمممة شبسرعة بعتيني .. جوري كامت وهي تضحك : تعاي اقدمهن وياج .. هنة كل وحدة تاليهن رايحة لبيت رجلهة بس اني ابقى يمج .. ضحكت واني شايلة الصينية وهي تاخذ وتحط كدامهن ... كعدت وبدت السوالف .. اباوع لخاتون مدنكة ومستحية ومبتسمة .. ومها مو ليكول نفسهة الي جانت برة .. انطلقت بالسوالف وخالتي مكيفة بيهة .. تذكرت بسرعة رفعت تليفوني واتصلت على غزوان ... ££££££ غزوان .... كاعد بالديوان الي كلة زلم وكاعد ابو زياد وابو خالد ورائد وخالد وحسان ويسولفون ويضحكون وية ابوي وعمامي .. دك تليفوني رفعتة وشفتة ميامين .. ماكدر ارد عليهة كدامهم .. سديت الخط وكتبتلهة رسالة .. غزوان : ماكدر اجاوب لان الكل موجود .. كولي ؟ ميامين : اريد اشوف اخواني العرسان .. صيحهم خل اسلم عليهم .. تنهدت وكتبت : ماشي روحي للبيت واني اجيبهم واجي .. طفيت التليفون وكمت وطلعت .. دكيت على رائد وطلبت منة يجيب حسان وخالد ويطلع وراي .. وفعلا دقيقتين وهمة طلعو .. اخذتهم وتوجهت لبيتنة دخلتهم للصالة وخالد اجاه اتصال وطلع يخابر وكال هسة اجي .. طلعت ميامين من المطبخ صاحت بفرحة : رااائد.. حضنتة وهو يضحك : على كيفج خنكتيني .. وخرتة وكالت : اي عيني صرنة نخنك وما نعجب .. حضنت حسان وهي تصنف على رائد .. سحبتهة وحطيتة جوة ايدي : انتي تعجبيني اني شعليج بيهم .. وجهة صار احمر ورائد وحسان يضحكون عليهة .. ميامين : وين خويلد ليش ما اجة وياكم .. خالد من ورانة : خويلد بعينج .. ميامين كمزت ووخرت ايدي بسرعة من كتفهة وراحت تركض لخالد .. فتحت عيوني واني اشوفة شايلهة من خصرهة ويفتر بيهة .. ميامين : اااه نزلني خالد لا اطيح .. خالد وهو ينزلهة : يمة شني هاي صايرة شسمنج ... ميامين بزعل : يعني لازم كل ما تشوفني اتكلي هيج .. وخر مو صوجك .. افر بسبحتي وحسيتهة راح تنكطع بيدي .. حسيت بغيرة من خالد ورائد لان اشوفهة تضحكلهم وتتشاقة وياهم وتحضنهم واني اتحسر على شي من ذني .. خالد وهو يكرصهة من خدهة : يحلو تصير مو حلو من تزعل ترة .. سويتهة بشقة واني بس اريدة يوخر سحبتهة منة : وخر عنهة شلعت خدهة .. ممنوع احد يلمسهة هاي بس الي .. ميامين وهي تفرك خدهة وكالت بزعل ودلع : غزوان شوفة شسوة بخدي .. بلعت ريكي من دلعهة حجيت بالكوة : خالد عوفهة .. خالد وهو يقلد طريقة كلامي : اووي دير بالك لا تذوب علينة .. رائد : خاالد مو وكتك .. يلة اموني احنة نستأذن راح نروح لان تأخرنة عليهم .. ميامين هزت راسهة بأبتسامة : الله وياكم .. £££££££££ ميامين ... بعد ما راحو اهلي كعدت وية البنات واني اتذكر من حجيت هيج كدام رائد حتى لا يشك بالموضوع .. حصرتني الضحكة على شكل غزوان شلون تفاجأ ... دخلت علينة خالتي : عمة خابرتني ام نورة اتكول باجر معزومين يمنة عالغدا علمود العرسان .. الحجية : اي يمة ليش لا .. ميامين : عمة اني مالي خلك اروح .. انتو روحو واني ابقى هنا .. الحجية : ليش حبوبة شني بيج شي ليش مالج خلك .. حجيت بكذب : حبوبة دايخة وراسي يوجعني يمكن من ورة الهوسة مال النسوان يومية .. مها بفرح : ياا ولج خاف حامل .. رديت بسرعة : لا مو حامل والله بس وجع راس شوية .. الحجية : يلة حبوبة شني جا طايرة عالحبالة .. &&&&&&&&& جوري .. بعد ما راحو اهل ميامين وحددو موعد العقد الاسبوع الجاي بقيت كاعدة يم البنات جوة لان كعدتهن ما تنمل وسوالف حبوبتي وهي تصنف عالبنات وتعلم بيهن ... صعدت لغرفتي وفتحت باب الغرفة .. مؤيد باقي بس بالبجامة وما لابس بدي ونايم على بطنة بعرض الجرباية .. وجهي صار احمر من المستحة .. شلون اكعدة هسة .. ما يصير يبقة نايم هيج .. تحمحمت وكلت بصوت خفيف حتى لا يفز : مؤيد .. عليت صوتي من شفتة ما تحرك : مؤيد .. مؤيد .. طبكت حواجبي وخفت .. شبي ليش ما يرد .. حجيت بصوت عالي : مؤيد كوم .. غوركت عيوني من الخوف .. حطيت ايدي على كتفة المكشوف وهزيتة حيل : مؤيييد الله يخليك كوم .. فز بسرعة من نومة وكعد على حيلة وهو مخترع. ..: هاه شبيج شكو .. تخوصرت وكلت بعصبية : يا سلام .. طلع نومك ثكيل واني كلبي صار بحضني .. وبعدين ليش نايم هيج .. مؤيد وهو يفرك عيونة : هي هيج التكعد رجلهة .. وبعدين اجيت تعبان وشمرت روحي عالجرباية وغفيت ما حسيت على روحي .. جوري : ماشي البس اي شي ونام عدل .. انتبهتلة استوعب لنفسة ان ما لابس شي .. طفر بسرعة وجر البدي مال النوم ولبسة .. مؤيد : تكدرين تجيبيلي فراش .. جوري : اكيد .. رحت للغرفة الثانية جان بيهة اكثر من فراش .. جبت واحد وفرشتة ورتبت اللحاف وحطيتلة مخدة .. تمدد عالفراش واني دخلت لغرفة التبديل لبست تراك طويل وطلعت تمددت عالجرباية .. حاطة راسي عالمخدة واجة ابالي طيفة .. هذا حالي كل ما اريد انام .. قطع سلسلة افكاري : جوري .. ما تحركت : هممم ؟ مؤيد : شسويتي اليوم .. تونستي وية اهل ميامين .. حجيت بحماس واني اباوع لفوك : اييي كلش .. همة حبابين وسوالفهم حلوة .. واني وميامين صفينة سوة ومها وخاتون سوة ... بقيت اسولفلة على الي صار اليوم واني متحمسة وهو يضحك وياي .. مادري ليش فرحت من سألني عني او اهتم ليومي شلون جان .. يمكن لان من قبل محد جان يهتم لامري لان جنت اغلب الاوقات بغرفتي وما اسولف وية احد لهالسبب حتى اهلي صارو مو دائماً يسولفون وياي ... &&&&&&&&& ميامين .. اليوم الثاني عمتي اصرت علية ان اروح وياهم واني ماكدرت اخجلهة مع ان كلش مو طايقة الروحة لهناك .. توجهنة الهم والعزيمة جانت زلم ونسوان .. دخلنة الهم ونورة وامهة يسلمن علية من ورة خشمهن وعبالك بايكة حلالهن .. ما اهتميت الهن ودخلت وكعدت وية البنات وخاصاً بسمة موجودة لان حتى همة عزموهم .. بسمة بهمس : اكول بنات .. شوفن نورة شلون راح تاكل ميامين بعيونهة .. رفعت عيوني وباوعتلهة ببرود وفعلا تباوعلي .. نضراتهة احسهة ودهة تكوم وتجرني من شعري .. صار وقت الاكل .. دخلت ام نورة : كومن بنياتنة الشابات ساعدنة بترتيب الاكل .. البنات كامن واني ردت اكوم بس الحجية كعدتني : انتي اكعدي ميامين حبوبة تعبانة لا تشتغلين .. نورة بسرعة : وليش ما تشتغل شنو حامل .. الحجية : وانتي ياهو مالتج .. اي انشالله حامل .. نورة وجهة صار احمر والبنات ضحكن عليهة .. عافتنة ومشت وعيونهة كلهة غضب .. الله اليستر منج .. خلصنة غدة وجابو الجاي والعصاير .. حطيت العصير كدامي لان كلش مالي واهس وضايجة من الكعدة بس اريد ارجع .. نضرات ام نورة ونورة اكلتني .. نورة بطرف خشمهة : شنو ميامين لازم العصير ما عجبج .. لو متشربين من عدنة عيني .. مالي خلك لسوالفهة سحبت الكلاص وشربت نصة : عاشت ايديكم كولش طيب .. كعدن هنة يسولف بفلان وفلان واني راسي احسة صار شكبرة وكمت افرك بي .. نورة بترقب : شبيج ميامين .. حجيت بأبتسامة مزيفة : راسي صار يوجعني .. نورة : اها .. سلامتج عيني .. يربي ما اطيق هالمخلوقة ... ورة نص ساعة كالو راح نروح اني ما صدكت كمت اول وحدة .. رجعنة للبيت واني طول الطريق احس بمغص ببطني يروح ويرجع .. مع ان ما ثكلت بالاكل بس احس شي واكف على معدتي ... رحت للبيت مباشرة بدلت وتمددت .. اخذت حباية بندول لان الالم زاد علية .. دخل غزوان للغرفة .. تمدد وراي وحاوط خصري بيدي .. همس يم اذني : ليش نايمة والساعة ٥ العصر .. مريضة شنو .. ردت احجي بس فجأة حسيت بالالم عبالك سجينة ودخل ابطني .. صرخت : اااااااه ... الكاتبة : سارة الشمري🖤 | ||||||||
|  |
|
26-06-19, 01:04 AM
| #32 | ||||||||
| مراقبة عامة ومشرفة منتدى الروايات المنقولة
| #سجينة_الظلم_والانتقام 🍂🥀 #البارت الثامن والخمسون الكاتبة : سارة الشمري✍🏻 إذا شكا لك شاب من قسوة امرأة ، فاعلم أن قلبه بين يديها... همس يم اذني : ليش نايمة والساعة ٥ العصر .. مريضة شنو .. ردت احجي بس فجأة حسيت بالالم عبالك سجينة ودخلت ابطني .. صرخت : اااااااه ... غزوان ... رجعت للبيت واستغربت ميامين نايمة هالوقت .. حضنتهة وعرفت ان مانايمة لان نفسهة مضطرب وطابكة حواجبهة .. فجأة صرخت .. كمزت بسرعة من الخوف : شبيج ميامين .. لمت نفسهة مثل وضعية الجنين وحطت ايدهة جوة بطنهة وهي تصرخ : اااااه .. غزوان فدوة بطني موتتني .. تخبلت .. ماعرف شسوي .. سحبتهة وحطيتهة بحضني : ميامين حبيبي اهدي .. بس فهميني شيوجعج .. دموعهة صارت تنزل واني حاط ايدي فوك ايدهة وكلشي ما افتهم احس روحي انثولت من الخوف عليهة .. ايدية صارت ترجف .. تمسكت بية وهي تبجي : غزوان فدوة احس بطني تتكطع من الالم .. اول مرة احس هيج والله .. كمت ما اعرف شسوي ... حبيبتي وروحي جاي تتألم بين ايدية واني ماعرف شبيهة .. سحبت التليفون واتصلت على خاتون وايدية ترجف .. مادري شحجيت وسديت التليفون .. ورة شوية دخلن خاتون ومها وبسرعة .. ميامين حاطة المخدة بحلكهة وكاتمة صرخاتهة .. خاتون بخوف : شبيهة ليش هيج تبجي .. حجيت واني افرك وجهي بخوف عليهة ومتوتر : مادري والله .. بس اجيت هي كامت تصرخ وتكول بطنهة توجعهة .. مها : شوفهة انتة مو دكتور .. غزوان : ماعرف شسوي .. والله احس انثولت .. خاتون بسرعة : كوم خل ناخذهة للمستشفى .. مها راحت جابت عباية كتف مال ميامين واني حاطهة بحضني وهي تتلوى من الالم .. لبستهة مها الحجاب والعباية وخاتون اخذت عباية ميامين .. حسيتهة ارتخت بيدي وثكل جسمهة .. هزيتهة بس ما تحركت .. مها صرخت : بسررعة استعجل .. احس ايدية ماتت من الخوف .. كوة شلتهة .. مستحيل اخسرهة .. هاي النفس مالتي .. ما راح تعوفني والله اموت وراهة ... دخلتهة للسيارة وحطيت راسهة بحضن خاتون .. ومها كعدت بصفي ... صعدت بمكان السايق وطرت عالمستشفى .. دخلتهة مباشرة لغرفة الطوارئ وصحت عالدكتور .. الكل يباوعون علية لان يعرفوني وبيهم متفاجئين اول مرة يشوفوني بهالحالة .. ما اهتميت لنضراتهم وكل همي لحبيبة كلبي النايمة كدامي ومادري شبيهة .. اجت الدكتورة وسألت عن حالتهة كتلهة صارت تتوجع من بطنهة وبعدين اغمى عليهة .. الدكتورة من شافت حالتي : دكتور غزوان ممكن تتفضل برة .. حجيت بعصبية : ما اطلع .. ما اعوفهة وحدهة .. الدكتورة : دكتور الله يخليك تفضل ماعرف افحص اذا اكو توتر يمي .. مها سحبتني واني عيوني عليهة شلون نايمة ووجهة شاحب : غزوان امشي ننتضر برة .. وكفتك هنا مالهة فايدة .. طلعت برة البنات كاعدات واني افتر بالممر وعقل ما ضال براسي .. خاتون : غزوان اهدأ انشالله ما بيهة شي .. ميامين قوية وتكدر تتحمل .. غزوان : شلون تتحمل .. انتي ما شفتيهة تتألم وتبجي .. خاتون برفعة حاجب : ترة هي تحملت الاقوى من هالشي واكثر من مرة .. انشالله هالمرة هم تكدر تتحمل .. باوعت عليهة بعصبية : هسة وكت هذا الحجي ست خاتون .. ابد ما راح تتغيرين .. خاتون : ديلة هسة اني شحجيت .. وبعدين اني ما سألتك .. شسويتلهة حتى صار بيهة هيج .. غزوان بعصبية : ما سويتلهة شي .. دخلت للغرفة وشفتهة متمددة وفجأة صرخت .. قاطعنة صوت تليفون مها : هاي امي تتصل .. خاتون : ردي اكيد هسة قلقت علينة .. كامت مها تحجي وية امي واني كلبي نار عليهة واريد اعرف شبيهة .. ورة نص ساعة طلعت الدكتورة .. رحتلهة بسرعة : شبيهة ميامين .. الدكتورة : دكتور غزوان ماعرف شنو اكولك بس الله ستر وكدرتو تتلاحكون .. غزوان : شنو يعني .. شبيهة ميامين احجي .. الدكتورة : المدام ماخذة حبوب (...) ... فتحت عيوني بصدمة : بس ليش تاخذ هالحبوب وهي اصلا مو حامل .. الدكتورة : وهذا الشي الي خلاني اكول همزين تلاحكتو .. دكتور هذني الحبوب مال اجهاض وهالنوعية كلش قوية يعني اذا جانت حامل راح يوكع الطفل من حبة وحدة .. واذا جانت مو حامل راح يأثر عالرحم مالتهة وممكن يسبب عقم .. بس الحمدالله كدرتو توصلون قبل ما يفوت الاوان وكدرنة ننطيهة مضادات لهذا العلاج وهو منضف للرحم .. غزوان : وهسة هي شلونهة كعدت لو لا .. اريد اشوفهة .. الدكتورة : راح ننقلهة لغرفة خاصة وتكدر تشوفهة هناك .. راحت الدكتورة واني كعدت مصدوم .. ليش حتى تاخذ هذا النوع من الحبوب .. مها بصدمة : يعني ميامين جان عبالهة ان هي حامل واخذت ذني الحبوب حتى تجهض .. بس ليش تريد طفلهة يموت .. غزوان بغيض : ميامين ما عبالهة هي حامل .. مستحيل اصلا تشك بهالشي حتى .. خاتون بعصبية : وانت شمدريك .. غزوان بعصبية : تستغبين بية خاتون .. شنو مادري بمرتي اذا ممكن تكون حامل لو لا .. مستحيييل تكون حامل ... ولازم اعرف شلون اخذت هالعلاج .. اكيد بالغلط اخذتة... انفتح الباب وطلعو السرير المتحرك ميامين نايمة بي ... مشيت وياه بخوف وكلبي عصرني واني اشوف وجهة اصفر .. وصلت لحد غرفة خاصة ودخلوهة للغرفة .. الممرضة ركبت المغذي وراحو .. كعدت يم راسهة واني اباوع لوجهة وانفاسهة المنتضمة .. اباوع لخاتون كاعدة عالكرسي اليمهة من الجهة الثانية ومها صافنة وكأنهة تفكر .. حسيت بحركتهة وطبكت حواجبهة .. كمت بسرعة ولزمت ايدهة .. فتحت عيونهة وصارت تدور بأنحاء الغرفة وبعدين ارتكزت علية .. ابتسمتلهة وكلت : الحمدالله على سلامتج يروحي .. بلعت ريكهة وكالت بصوت خفيف : اني وين .. شصارلي .. غزوان : انتي بالمستشفى .. تعبتي وجبناج هنا .. خاتون : الحمدالله على سلامتج ميامي .. مها : سلامتج حياتي شتحسين هسة .. ميامين : ما احس بشي بس دايخة .. غزوان : اكيد يروحي من العلاج راح تدوخين .. ميامين طبكت حواجبهة وكالت : شبية ليش هيج صار وياي .. مها : الدكتورة اتكول انتي ماخذة علاج اجهاض قوي واني اصلا مو حامل وهالشي اثر عالرحم .. ميامين بأستغراب : يا علاج هذا .. ليش اخذ علاج اجهاض واني ادري بنفسي مو حامل .. طبكت حواجبي وكلت : لعد شلون وصل هالعلاج الج .. ميامين : مادري والله .. ورة ثواني ومها صاحت : نورة .. استغربت وكلت : نورة ؟؟ مها بأنفعال : ايي .. اليوم بالعزيمة مو حبوبتي رادت تضوج نورة وكالتلهة انشالله ميامين حامل وهي عيونهة صعدت لراسهة .. خاتون وهي تستوعب وتحجي وية ميامين : اي صح .. ومن اصرت عليج الا تشربين من العصير .. اني حتى بوقتهة استغربت كلت ليش هالكد مهامة ان ميامين تشرب من العصير .. وكفت بعصبية واني اريد اطلع ولزمتني خاتون : غزوان لحضة وين رايح .. شلون تهد عليهم وانت ما عندك دليل .. دفعتهة وطلعت : انعل ابو الدليل .. &&&&&&&&&& خاتون ... بعد ما طلع غزوان معصب التفتت لمها : يعني لازم تحجين كدامة .. ميامين : صح مها .. يعني تدرين بي ما راح يسكت .. مها : خل تولي تستاهل .. انفتح الباب بسرعة ودخلت بسمة ..: اموون حياتي شجاج مو مساع جنتي مثل الحصان .. خاتون : واني اكول البنية شبيهة .. ثاري جايتهة عين بسمة : هيهيهي بايخة على فكرة .. ميامين صدك شبيج فجأة .. مها حجتلهة شبيهة ومن وصلت : واني اعرف منو سوة بيهة هيج .. اندك الباب وفتحتة وطلع مؤيد وحسنين : شلونج خاتون .. خاتون : الحمدالله انتة شلونج .. حسنين : الحمدالله .. تكدرين تسويلنة طريق بس نتحمد بالسلامة لمرت غزوان .. خاتون : اكيد تفضلو .. سويتلهم طريق لان اصلا ميامين لابسة حجابهة ... تحمدولهة بالسلامة ومؤيد اجاه تليفون من امي تريدة يجي يجيبهة لميامين وهو طلع راحلهة .. بسمة للمرة الالف : مهااا .. مو اسألج منو انطة الحبوب لميامين .. مها بنفاذ صبر : نوورة .. ارتاحيتي .. بسمة بغيض وهي تتوجه للباب : ايا بنت اللذينة اليوم اموتهة على ادية .. حسنين لزمهة : وييين انتي ما عندج غير الطلايب والعرايك .. بسمة وهي تريد توخرة عنهة : عوفني هاي البنية زادت عن حدهة ولازم اربيهة من جديد .. محد يأدبهة غيري .. بس اطيني المجال .. حسنين بعصبية : بسسسمة صووتج احنة بمستشفى .. وعوفي هالسوالف مالج شغل بيهة .. بسمة بقهر : معليك انتة .. حسنين وهو طابك سنونة : لسانج لا اكصة .. بسمة بعناد : ماا اسكت .. مها وهي تريد تهدي الوضع : بسمة ماكو داعي لهالعصبية .. اساساً غزوان راح يحل الموضوع .. بسمة وهي تتخوصر : غزوان الفاهي يحل الموضوع .. حسنين : بسسسسمة .. شهالصلافة تحجين عالولد بغيابة .. انطمي بمكانج احسلج .. بسمة : انتة منو داسلك على طرف وصاير محامي .. حسنين يفرك بوجهة بعصبية : بسمة خليني ساكت لان ماريد احجي ويطلع صوتي وكلهة تعرفني بالمستشفى ... بسمة خافت : ماشي اصلا بعد ما احجي وياك .. شنو هاي صاير تعصب على اتفه الامور .. حسنين : لا تحجين بعد احسن .. المهم ماسمع حسج .. دخلت ممرضة للغرفة وانتبهت لحسنين : اوو استاذ حسنين .. شلونك .. حسنين : هلا رؤى .. الحمدالله رؤى : سمعنا بيك تزوجت .. بصراحة انصدمت .. اباوع لبسمة رافعة حاجبهة وتباوع للبنية من فوك ليجوة وماعاجبهة الوضع .. حسنين : وليش انصدمتي .. اني من زمان خاطب اصلا .. رؤى : لا يعني ما توقعت تتزوج زواج تقليدي .. حسنين بأبتسامة وهوة مل من عدهة مبين : لا مو تقليدي .. حبيتهة اربع سنين وبالكوة رضت بية .. بسمة ابتسمت واخفتهة .. رؤى : شنو هالغبية هاي .. اكو وحدة ترفض واحد مثلك .. بسمة وهي تتخوصر : ننننعععععم .. الغبية التحجية عليهة ترة اني .. وبعدين اذا كاتلة روحج علي وهيج متلزكة ليش ما اخذتي .. لو ما حلة بعينج الا من تزوج .. رؤى تفشلت ونزلت راسهة .. بسمة التفتت على حسنين المبتسم على غيرتهة الواضحة ..: حبيبي اذا خلصت زيارتك تكدر تروح وبعدين مر علية .. حسنين ضحك لان قبل شوية كالتلة بعد ما احجي وياك ..: ماشي حياتي تدللي .. يلة في امان الله .. هو طلع والممرضة من خوفهة من بسمة طلعت تركض .. احنة طكيناهة ضحكة على شكل بسمة المعصب .. ميامين : اذا هالكد تحبينة ليش تسوين مشاكل .. بسمة : هوة يدور مشاكل مو اني .. &&&&&&&&&&& غزوان .. طلعت من المستشفى واني ماشوف كدامي من العصبية .. اتصلت على اركان وكتلة على الي صار : غزوان خاف يتهيألك .. يعني عندك دليل على هالشي .. غزوان : تريد دليل مو .. اليوم اجيبلك دليل .. سديت التليفون بعصبية ورحت لبيتهم ... توجهت لاقرب صيدلية عليهم ودخلت .. حجيت وية الشاب : خوية تكدر تخدمني بشغلة .. الولد : اي تفضل انشالله اكدر .. غزوان : تكدر تتذكرلي منو اخر شخص اشترة منك علاج اجهاض اسمة (....) .. الولد بجدية : خوية هذا العلاج نادراً ما يشتريه احد من عدنة واذا احد اشتراه ما انساه لان انصدم منهم من يشترونة .. غزوان بسرعة : تكدر توصفلي شكلة الي اشتراه منك .. الولد بتفكير : جانت مرة لابسة عباية اعتقد ومتوسطة العمر يعني مو جبيرة ولا زغيرة وجانت سمرة كلش يعني حتى تميل للسواد .. هذا الي اكدر اتذكرة من اوصافهة .. تنهدت وكتلة : شكرا الك .. اني ممنون منك .. الولد : بالخدمة خوية .. طلعت من الصيدلية واتصلت على خاتون .. : الو .. غزوان : خاتون راح اطيج مواصفات وكليلي تعرفين وحدة بهالشكل .. خاتون بتركيز : ماشي اسمعك .. حجيتلهة المواصفات وهي تفكر .. بعدين صاحت : عرررفتهة ... غزوان بسرعة : منو احجي .. خاتون : هاي هدية ... غزوان : هدية منهي .. خاتون : هاي وحدة مطلكة وجوارين بيت ام نورة وهي تشتغل عدهم يعني تجي تنضفلهة وتطبخلهة وعمتي تطيهة فلوس .. غزوان : متأكدة هي جوارينهم يعني نفسهة .. خاتون : اي متأكدة .. اصلا من كلت سمرة كلش عرفتهة هي .. غزوان : خوش لعد .. خاتون .. خاتون : ها ..؟ غزوان : ميامين شلون صارت .. خاتون : الحمدالله احسن وهاي تسولف وية البنات .. غزوان : خوش لعد ديرو بالك عليهة بين ما احل سالفة عالعلة .. سديت التليفون وتوجهت لبيت هاي الي اسمهة هدية .. £££££££££££ جوري .. طلعت عمتي وية مؤيد وراحو لميامين واني بقيت هنا يم حبوبتي .. خطية ميامين بالي يمهة .. اتصلت على خاتون وسألت عليهة وتطمنت .. صعدت لغرفتي وكعدت ارتب بالملابس .. من الملل رتبت ملابسي من جديد ورحت ارتب ملابس مؤيد .. طلعت ملابسة الشتوية لان البرودة راحت والجو صاير حلو .. طلعتهن واخذتهن لكنتور الغرفة .. وخرت الملابس الي بي وطلعت حتى ارجع ارتبهن لان جانن محطوطات بأهمال .. الباب الاول جان مقسم لاربع خانات وحدة فوك الثانية .. طلعت الملابس مال مؤيد وكعدت ارتب بيهن خانة خانة .. الخانة الاخيرة جانت عالية .. رفعت اطراف اصابعي ومديت ايدي ادور بدون ما اباوع بي لان ماشوف منة شي كلش عالي .. تلمست شي بيدية .. سحبتة وشفتة .. عقدت حواجبي : شنو هذا ..؟ الكاتبة : سارة الشمري✍🏻 | ||||||||
|
| |
|
27-06-19, 02:39 AM
| #33 | ||||||||
| مراقبة عامة ومشرفة منتدى الروايات المنقولة
| #سجينة_الظلم_والانتقام 🍂🥀 #البارت التاسع والخمسون الكاتبة : سارة الشمري ✍🏻 الذي يحب يصّدق كل شيء أو لا يصّدق أي شيء مأساة الحب تتلخص في أن الرجل يريد أن يكون أول من يدخل قلب المرأة... تلمست شي بيدية .. سحبتة وشفتة .. عقدت حواجبي : شنو هذا ..؟ صندوك زغير لونة جوزي .. شكلة وتصميمة قديم .. كعدت بالكاع وفتحت الصندوك .. جان اكو ورقة مطبوكة ليفوك .. فتحتهة بفضولة .. جانت رسمة عادية .. يعني رسمة واحد بالابتدائية .. عبارة عن شجرة وملونة بالاخضر وطيور بالسما وبصفة بيت زغير .. استغربت شنو الحلو بالرسمة حتى يضمهة انتبهت لأسم اسفل الورقة وخفيف كوة يبين مكتوب رسم مؤيد عبدالله .. ضحكت اوف يالفنان ومكيف بروحك راسم لوحة الموناليزا .. حطيت الرسمة على جهة ورجعت للصندوك ادور شبي .. استغربت من شفت ملهي (مصاصة الاطفال) او البعض يسمونهة اللهاية او اللهاو المهم .. رفعتة وجان مبين قديم ولونة ولونة ازرق ومثبتة بي ورقة مكتوب بيهة (مؤيد عبدالله بعمر ٩ اشهر) .. ابتسمت فدوووة .. حلووو ان الشخص يحتفض بهيج شغلات من طفولتة للذكرى من يكبر يبتسم عليهة .. طلعت صورة وشفتهة وضحكت .. خاتون وبسمة واني ومها ... جنت اني الجبيرة ووراي خاتون وبعدين بسمة وصايرين مثل الدرج واحنة واكفين ومها كاعدة بالكاع لان جانت زغيرة وما تمشي .. والمضحك بالموضوع ان كلنة لازمين ككاو بيدينة مادري ليش .. حطيت الصورة على جهة ورجعت للصندوك العجايب .. شفت سلسلة فضية مقطوعة وبيهة مدالية على شكل وردة .. استغربتهة بس ما اهتميت ورجعت ادور واني كلي فضول بهالصندوك .. شفت دفتر حجمة وسط وملفوف حوالينة خيط متين ومشدود .. سحبتة وتربعت بفضول .. فتحت الخيط وحطيتة على صفحة .. فتحت اول صفحة وجان مكتوب اعترافات كل من ( فارس , حمزة , مؤيد ) بتاريخ .... جا التاريخ قبل وفاة فارس بأسبوع .. الاول .. فارس .. اسمي فارس عمري ٣٠ سنة .. اعترف ان اكثر من مرة سويت مصيبة وذبيتهة براس مؤيد وهو جان ياكل الرزالة من ابوي اسف مؤيد حبيبي نردهة الك بالافراح انشالله .. واعترف ان اكثر من مرة اعزم حمزة عالاكل واخلي هوة يدفع بحجة نسيت فلوسي .. اسف ابو اسد عود سجلهن عالحساب بعد اخوك .. اعترف اهم اعتراف وهو فلوس حبوبتي خاتون نصهن صارن بجيبي لان اسوي روحي مفلس وهي تنقهر علية وتطيني هالمقسوم .. والاعتراف الاخير الي اصرو علي اولاد قيس وليلى وهوة هم حبيت لو لا والجواب اي حبيت وعن قريب راح تعرفون منهي من اخطبهة وهسة خليهة حرشة بدمكم .. اقرة بكلماتة ودموعي تنزل مادري ليش .. اشتاقيت لصوتة .. ارجع وحقق الي تريدة مو تريد تخطب .. يلة تعال بس المهم اشوفك ... مسحت دمعتي وكملت قرائة ... الثاني .. اعتراف مؤيد.. اسمي مؤيد وعمري ٣٢ سنة .. اعترف مرتين سافرت بدون محد يدري بية بحجة عندي شغل ابغداد لان ادري بأبوي مايرضى اروح وحدي .. اعترف حبيت مرة وسمعت عنهة شي وبعدين نسيتهة .. يعني من الماضي .. اعترف مرة ردت اغرق ووصلت الموت بس انقذوني لان جنت ماعرف اسبح وهالشي قبل ٦ سنوات ولحد هسة محد يدري بهالشي من اهلي ... ............ اقرة بيهن ومصدومة مؤيد يحب وحدة ومن سمع عنهة شي نساهة .. منو هاي الوحدة .. كلبت للورقة الثانية بلكي اكو تكملة بس جان اعتراف حمزة .. تركتة واني كلي فضول اعرف منو هاي الي يحبهة مؤيد .. شفت ضرف مسدود .. فتحتة بسرعة وجان بي صور .. اول صورة شفتهة وفتحت عيوني .. هاي اني بحفلة التخرج الي سونهة البنات الي من تخرجت لان ابوي ما قبل اروح للحفلة والبنات ما رادن يكسرن بخاطري سولي حفلة بالبيت .. جنت لابسة فستان احمر قصير وربع ردان وفاتحة شعري الاشقر واصل لنهاية ضهري .. انصدمت واني اشوف الصورة .. شجابهة لمؤيد وليش محتفض بيهة وية هاي الاشياء .. طلعت الصورة الثانية هم جانت الي من جنت بالسادس اعدادي تقريباً ولابسة صدرية المدرسة وشعري ضفيرة صفح .. الصورة الثالثة هم اني بس هاي بحفلة الحنة مالتي .. شوكت لحك يسحبهة .. واخر صورة جانت الي اتذكرهة اول يوم رحت بي للمدرسة الابتدائية وجنت ابجي لان خايفة من المدرسة وماخذيلي صورة ... اباوع للصور مصدومة .. شجاب هاي الصور هنا .. ليش عند مؤيد صوري .. ليش محتفظ بيهن .. وشلون كدر يحصل عليهن .. لحضة .. بدة عقلي يستوعب ويربط شي بشي .. كاتب بالاعتراف جان يحب وحدة ومن سمع عنهة شي نساهة .. وهو بنفسة كال ان سمعني واني احجي وية فارس .. ونضراتة الي من جان يوصف حالتي وعبالك هو هم مجرب شعور الحب من طرف واحد .. والدليل الاكبر هاي الصور الي محتفض بيهن وكل وحدة عن فترة معينة من حياتي .. وبعدين اني جنت اسأل نفسي ليش حتى مؤيد يساعدني وينقذني من الزواج من الي خاطبني معقولة لان بس بنت عمة هيج جنت اسأل نفسي .. بس هسة فهمت .. طاحت الصور من ايدي من الصدمة .. لا يربي ليش هيج .. يعني مؤيد يحبني ومن زمان .. بس هو كاتب ان نساني من عرف بية احب اخوه .. يارب يكون هالكلام صحيح .. فزيت بسرعة من سمعت صوت سيارة جوة .. بسرعة رجعت كلشي مثل ما كان ورجعت الصندوك والغراض .. £££££££££££ غزوان .. توجهت لبيت هدية .. دكيت الباب وطلعلي ولد زغير ..: تفضل منو انت .. غزوان : هدية موجودة .. الولد : اي عمتي هدية موجودة بس انت منو .. غزوان طلعت خمسة من جيبي وانطيتهة الة وكتلة : روح صيحها وكللهة يردونج برة .. دخل الولد يركض .. ورة شوية طلعت وحدة سمرة مثل ما كال الولد .. هدية بس شافتني : يااا هذا الدكتور غزوان .. مية هلا بيك .. تفضل .. غزوان بغيض : هلا بيج .. سوتلي طريق ودخلت للأستقبال .. هدية : امرني .. حجيت بسرعة : بدون لف ودوران وجاوبيني على سؤالي .. انتي الحطيتي الدوة لميامين بالعصير .. فتحت عيونهة بصدمة وبعدين كامت تفر بيهن وتفرك بيديهة ... : هذا يا دوة دكتور .. كمت بعصبية : احجييي لا والله هسة اتخذ شغلي وياج وانت ما تعرفين شني الاكدر اسوي .. هدية بخوف : لا دخيلك والله مالي شغل بشي اني عبد مأمور ... غزوان : منو امرج بهالشي .. احجيي .. هدية : نورة بت عمتك .. جنت يمهم بيوم العزيمة وطبت علية عصبية وهددتني بأبني اذا ما رحت هسة للصيدلية وجبتلهة دوة اجهاض اقوى مفعول موجود .. ومن رحت ما رضى يطونة الا بوصفة دكتورة وكتلهم ضاعت الوصفة .. وكوة اطونيا .. عيوني صارت بكصتي واني اسمع حجيهة ..: كومي بسرعة وياي .. هدية : وين اروح .. عطت بيهة وهي كمزت : كووووميي .. طفرت لبست عباتهة واجت .. طلعت من بيتهم وتوجهت لبيت عمتي الي جان يبعد عنهم كم خطوة ... دكيت الباب وطلعلي رجل عمتي : خير غزوان صاير شي .. حجيت واني روحي طالعة : عمي سويلي طريق بعد اذنك .. ابو نورة : اي تفضل ابني محد غريب .. دخلت لبيتهم وكعدت بالصالة وهدية تمشي ومنزلة راسهة .. كلت بصوت عصبي : عمي انة اجيت حتى اشوفك عمايل بتك .. ابو نورة : شمسوية بتي .. غزوان شنو هالحجي ... غزوان : بالاول صيحهة عمي وتعرف السالفة ... راح ابو نورة وصاحهة ودخلت هي وامهة .. نورة دخلت بأبتسامة وولاعبالك مسوية شي : هلا غزوان .. شعجب جاينة اليوم .. طبكت سنوني وكلت : ما جاي لسواد عيونج .. جاي اخلي ابوج يكشف حقيقتج .. بلعت ريكهة وكالت : هاي يا حقيقة .. التفتت على ابوهة وكلت : عمي هاي بتك المصون حاولت تموت مرتي اليوم .. حجيتلة كلشي من البداية ومن جانت تحط الكلينس والعطر بجاكيتي .. نورة وهي ترجف : جذاب لا تصدكة بابا اني مستحيل اسوي هيج .. ابو نورة : غزوان انت منتبه لكلامك هذا .. حجيت بعصبية : عمي اذا ما مصدك اسأل هاي الي تشتغل عدكم .. التفتت على هدية وكلت : احجي وكولي منو الخلاج تشترين هالعلاج .. هدية وهي منزلة راسهة : اي عمي والله هي جبرتني اروح للصيدلية واجيبلهة الدوة .. غزوان : صدكت هسة وترة عندي شاهد ثاني وهو العامل اليشتغل عندي واجتة نورة طلبت منة يحطلهة العطر على هدومي توكع بيني وبين ميامين .. عمي انة سكتت عن اول مرة وكلت لأركان يعقلهة وما كتلك الك .. بس توصل بيهة ان تأذي ميامين لا والله اموتهة بيدي .. ابو نورة كعد عالقنفة وهو يفرك راسة : والله مادري شأكلك بوية غزوان .. فدوة سامحني .. غزوان : عمي انت مالك ذنب .. بس اريدك توقف بنتك عد حدهة .. التفت على بنتة وكال بعصبية : لا تخاف من هالناحية .. هسة اخابر اركان انطي الموافقة ويجي يخلصني منهة .. نورة كامت تبجي : لا بابا فدوة لا تجبرني ماريد اتزوج اركان .. عفتهم وطلعت عسا نارهم تاكل حطبهم .. توجهت للمستشفى اريد اشوف حبيبة روحي بالي يمهة .. وصلت للمستشفى وانصدمت من شفت سيارة رائد بالكراج .. رائد هنا ؟... &&&&&&&&& خاتون .. جنة كاعدين يم ميامين .. امي هستوهة طلعت هي ومها ورجعن للبيت وبس اني بقيت يمهة .. فجأة انفتح الباب وفتحت عيوني بصدمة .. هذا رائد شجابة هنا .. بسرعة وحتى بدون ما يباوعلنة وراح لميامين حضنهة وهو يلهث وحجة بخوف : اموني يبعد اخوج شبيج .. بس سمعت بيج بالمستشفى اجيتج واني جنت قريب اصلا لان عندي شغل هنا ... ميامين وهي تبتسم : ما بية شي لا تخاف .. بس خربطت بالعلاج واخذت الغلط واثر علية .. انصدمت .. ليش ما كالتلة الحقيقة .. رائد : غير تنتبهين شلون تاخذين علاج مو الج .. ميامين بخبث : يلة ما صار شي .. وبعدين المرة الثانية من تدخل دك الباب بالاول .. شوف اكو ناس وجوهم صارت طماطة .. باوعت بصدمة عليهة .. عزة العزاج خاتون اني ليش بقيت واكفة اصلا .. التفت علية بأستغراب ومن شافني انفكت حواجبة وطفر من الجرباية .. اني بسرعة طلعت من الغرفة وكعدت عالكراسي البرة .. يمممة يالفشلة ليش ما طلعت من البداية .. اففففف .. وجهي صار احمر من المستحة .. سمعت صوت غزوان : ليش كاعدة برة .. باوعتلة بتوتر وماعرف شحجي : هوو لأن .. قاطعني بأبتسامة : رائد جوة .. نزلت راسي : اي .. £££££££££££ ميامين ... طلعت خاتون واني التفتت على رائد : شبيك طفرت مثل الملسوع .. رائد وهو يحك راسة من ورة : شمدريني ما انتبهتلهة من دخلت .. ضحكت وكلت : امممم شبيك اختصبت مرة وحدة .. دكعد ترة طلعت هي شبيك مرتبك .. انفتح الباب ودخل غزوان .. تقرب مني وباسني براسي : شلون صرتي يروحي .. ابتسمتلة وكلت : الحمدالله احسن شوي .. رائد التفت لغزوان : شكالت الدكتورة .. غزوان وهو لازم ايدي : اتكول لازم ترتاح كم يوم لحد ما ترجع صحتهة ... رائد : ماشي لعد لازم ترتاحين .. التفت لغزوان وكال : شتكول غزوان لو اخذهة وياي للكوت هم ترتاح وهم تحضر تجهيزات العرس لان اني قبل شوي خابرت الوالد وكتلة نخلي الزواج بعد اسبوعين هوة عقد وهو زفة ... باوعتلة بصدمة وتخوصرت : وليش اني اخر من يعلم بهالقرار .. رائد : اصلا هسة تقرر لان خالد طلعتلة سفرة مهمة وما يكدر يحضر العقد واجلناه للزفة .. ميامين : على هالحجي اني لازم ابقى وية البنات حتى اساعدهن بتجهيز اغراضهن .. رائد بحدة : لا .. اني اريدج تجين وياي لان ادري بيج ما تكعدين وتضلين تفترين .. شتكول غزوان .. غزوان وهو يباوعلي وكأنة تورط .. : يعني شكد تريدهة تبقى .. رائد : شوف هي اول وتالي راح تجي بيوم العرس .. ف شتكول لو تبقى منا للعرس .. غزوان فتح عيونة : لا هواي هيج .. رائد : غزوان هونهة .. ترة هنة اسبوعين واذا تريد بيوم العرس اخذهة .. غزوان واضح من شكلة ما عاجبة بس ما كدر يرفض : ماشي اخذهة بس دير بالك عليهة .. رائد : عيب عليك ترة هي اختي قبل لا تصير مرتك .. £££££££££ جوري ... كاعدة وافكر بالشي الي اكتشفتة ... يعني مؤيد مثلي حب من طرف واحد .. يربي ليش هيج يصير ما جنت اريدة يحبني اصلاً .. انفتح الباب ودخل هوة والتعب مبين بي .. حجيت بهدو : الله يساعدك .. كعد وبأبتسامة : يساعد بختج .. مادري ليش تغيرت نضرتي الة ما اكدر اشوفة مؤيد اليضحك ويتشاقة وياي .. حجة بصوت : شبيج جوري وين صفنتي ... هزيت راسي وكلت : ولا شي .. عفتة ونزلت للمطبخ احضرلة العشا واني تفكيري يمة .. اعرف شنو شعورك مؤيد .. اني جنت اعيش نفس الشي .. حبيت الشخص الي ما جان حتى يباوعلي غير كأخت الة .. وهسة اني جنت معتبرتك اخ الي بس انت جنت تحبني .. يربي والله عقلي مشوش وما جاي اكدر استوعب شي او افكر بشي .. اخذت الصينية وصعدت للغرفة .. لكيتة مبدل ملابسة وفارش السجادة ويصلي .. حطيت الصينية عالطبلة وكعدت استمعلة وهو يصلي ويحجي بصوت عالي ويردد القرءان بترتيل وبطيئ .. صفنت بوجهة المسالم ويحمل رجولة وبنفس الوقت طيبة .. اكتافة العريضة وعضلاتة البرزت من البدي الضيك شوي علي .. حطيت ايدي على كلبي الي صار يدك بسرعة من كال : جوارتي بيج شي اليوم .. شو بس تتصفنين .. حجيت بفهاوة : جوارتي ..؟. مؤيد وكأنة انتبه : اسف يعني هيج طلعت لا ارادياً .. حجيت واني اكوم واشيل السجادة مالتة واريد اتهرب من نضراتة : لا عادي بس افكر بميامين .. يلة تعشى بين ما اسويلك الجاي .. دخلت لغرفة الملابس واهوي لوجهي .. شبية يربي ليش هيج كلبي يدك بسرعة .. افففف ££££££££££ خاتون ... كاعدة بالسيارة وية غزوان المعصب الي خلاني ارجع حتى احضر جنطة ميامين لان راح تروح وية رائد .. وغزوان شكلة ما قابل .. وصلنة ورحت حضرت الجنطة وانطيتهة لغزوان ياخذهة لميامين واني رحت لبيتنة .. رحت لغرفتي وتمددت وافكر برائد اول مرة اشوفة عن قريب هالشكل واركز بي ... قاطعني الباب الي انفتح بسرعة ودخلت مها مثل الاعصار الهايج ..: استللمي الحجي الزين .. باوعتلهة بأستغراب : شبيج طابة علية جنج ثور فاكين حبالة .. احجي شبيج .. مها : لا سلامتج حبيبتي .. بس العقد التغى هالاسبوع وصار بعد اسبوعين هو عقد وهو عرس ويعني تعاي تجهزي .. كمت بسرعة : شنووووو .. ليش بهالسرعة .. مها بقهر : اندري .. اجة بابا وكال هيج .. وخلاني كمت اتشلوط .. بربج شألحك واني لهسة التعب مال عرس مؤيد بية .. كعدت بأحباط عالجرباية : شلون يربي والله مابية حيل اتسوك .. £££££££££ غزوان ... عصبت من طلب رائد مني ياخذ ميامين بس ماكدرت ارفض لان اول مرة يطلب مني شي .. اسبوعين شلون اكدر بدونهة .. والله حالة يربي .. اخوانهة يتزوجون واني ابتلي .. دخلت عليهة للغرفة من بعد ما جبت الجنطة مالتهة .. شفتهة كاعدة ورائد ما موجود .. باوعتلهة بقهر : يعني راح ترحين .. ابتسمت : وانت ليش معصب .. عصبت بالزايد : شلون ما اعصب وانتي تردين ترحين اسبوعين .. شلون اكدر اتحمل اسبوعين بدونج .. ميامين : غزوان الله يخليك والله مشتاقة لبيتنة واحس راح ارتاح اذا رحت كم يوم هناك .. كعدت يمهة ولفيت ايدي على كتفهة وسحبت ايدهة وبست راحة ايدهة (باطن كفهة) وكلت بحب : واني شأريد غير راحتج .. بس لا تطولين علية .. ميلت راسهة وحطتة على صدري . الكاتبة : سارة الشمري ✍🏻 حبايبي شلونكم اتمنى عجبكم البارت 😘😘 | ||||||||
|
| |
|
28-06-19, 01:08 AM
| #34 | ||||||||
| مراقبة عامة ومشرفة منتدى الروايات المنقولة
| #سجينة_الظلم_والانتقام 🍂🥀 #البارت الستون الكاتبة : سارة الشمري✍🏻 مأساة الحب تتلخص في أن الرجل يريد أن يكون أول من يدخل قلب المرأة . و المرأة تريد أن تكون آخر من يدخل قلب الرجل بست راحة ايدهة (باطن كفهة) وكلت بحب : واني شأريد غير راحتج .. بس لا تطولين علية .. ميلت راسهة وحطتة على صدري .. للحضة كلت نامت بس من حجت استوعبت : لا تخاف ما راح اتأخر .. تنهدت من كلبي وحطيت خدي على شعرهة .. ما طلعت الحنية الا هسة من رادت تروح .. ورة شوية انتضمت انفاسهة وجسمهة ثكل .. عرفت ان نامت .. حطيت راسهة عالمخدة وبستهة بكصتهة وطلعت وصار بوجهي رائد .. غزوان : شوكت راح تروح .. رائد : باجر الصبح انشالله .. عفتة وتوجهت للمكتب مالتي .. مددت عالقنفة واني احس بتعب مو طبيعي .. من هسة شايل هم شلون راح اعوفهة تروح وابقى بدونهة هالكد ... £££££££££ ميامين ... مادري ليش حسيت بخنكة من كال رائد اخذج وياي .. يعني تعودت على غزوان وعلى حضنة .. بس حسيت ان مشتاقة لبيتنة ولازم ارتاح وافكر بحياتي الي جاية .. ماريدهة تبقى هيج .. من حضني حسيت ان محتاجة لهالشي .. غمضت عيوني واني اشم عطرة مثل كل يوم تعودت ما اغفى الا على عطرة .. &&&& جوري ... عفت مؤيد يتعشى وجان عدنة مطبخ تحضيري زغير بالجناح مالتنة يعني للأشياء البسيطة .. شغلت القوري الكهربائي وحطيت بي مي وجاي .. بقيت واكفة وافكر .. ليش يربي من عرفت بي يحبني ونضرتي تغيرت وصرت بس افكر بي .. يا ريتني ما تليكفت وفتحت الصندوك .. شلت القوري من شفتة كام يفور .. اريد احطة بالكلاص بس اختل توازن ايدي وطاح القوري من ايدي .. صرخت بألم : ااااه رجلي .. صرت اطفر لان القوري انكلب على جف رجلي واحترك من فوك ومن جوة .. كعدت بالكاع لان ما اكدر اوكف عليهة .. دخل مؤيد مفزوج وبسرعة كعد كدامي : جووري .. دموعي نزلت وكلت بألم واني اهفي على رجلي : رجلللي احتركت بالجاي .. حط ايدة على جف رجلي واني كمزت وهو بسرعة وخر .. اباوعلة مرتبك واني رجلي الالم صار يزيد بيهة وتحركني .. : اااي يممة رجلي موتتني .. ما حسيت غير مد ايدة جوة رجلية وايدة الثانية ورة ضهري وشالني من الكاع .. شهكت بس من الالم ما اكدر احجي .. دخلني للغرفة وحطني عالجرباية وكام بسرعة للحمام وطلع جايب وياه خاولي مرطب بمي بار .. اني صرت انافخ من الالم : فدوة مؤيد شنو رجلي راح تتشوه .. باوعلي بعصبية : بعز الالم والبجي تفكر بجمال رجلهة .. انتي بس لا تبجين واني اعرف شلون اعالج رجلج .. مسحت دموعي وحطيت ايدي بحلكي .. هو لف الخاولي على رجلية وطلع بسرعة .. ورة دقايق رجع ووياه خاتون وبيدهة علبة الاسعافات : شجاج يا جوري .. غير تنتبهين .. مؤيد اخذ العلبة منهة وطلع عصارة الحروق .. حجيت واني اريد ابجي : شمدريني بالي ما جان يم الجاي .. مؤيد سحب رجلي وحطهة بحضنة : اكيد هو انتي شوكت بالج يصير عندج .. طول النهار بس تتصفنين .. سحبت رجلي من حضنة : شجاي تسوي .. رجع سحب رجلي مرة ثانية : شسوي يعني خليني اعالج الحرك .. خاتون تباوعلنة بأبتسامة ما فهمتهة وكالت : مادام مؤيد موجود لعد اني اروح .. مؤيد بدون ما يرفع عينة : اي روحي شكراً .. راحت خاتون واني نزلت عيونة الة .. حاط رجلي بحضنة ويوزع بالعلاج على الحرك بحذر وبخفة اصبعة حتى لا يأذيني .. طابك حواجبة بتركيز وعبالك عندة عملية .. ابتسمت على شكلة المتوتر وكلساع ينفخ على رجلي .. الخوف مبين علي .. حسيت بقشعريرة من لمسة اصابعة على رجلي وهو ينزلهة ويرفع الثانية ويرجع يحطلهة العلاج نفس الشي .. حجة بهدوء بدون ما يرفع عينة علية : تأذيج ؟؟... حجيت بأبتسامة : تأذيني بكد خوفك علية هسة .. رفع عيونة الي وضحك : مو صوجج .. اني خفت عليج وانتي تتمضحكين علية .. ابتسمت : لا والله ما اضحك بس شكلك حلو وانت تهتم .. طبك حواجبة بأستغراب : عادي يعني اي مريض اني اهتم بي هيج .. باوعتلة برفعة حاجب : يعني كل مريض انت ايديك ترجف وهيج متوتر وخايف .. فرك كصتة وكال وهو يكوم : ديلة لا تاخذين دور المحقق هسة .. اخذي من هذا العلاج هسة تنامين لان الحرك ماراح يخليج تكدرين تنامين .. هزيت راسي وكلت بأبتسامة : شكراً .. عافني وراح للغرفة مال الملابس وورة دقايق طلع وبيدة تراك الي .. حطة كدامي وكال : اني طالع وانتي بدلي ملابسج بين ما ارجع .. طلع من الغرفة واني ابتسمت علي .. بعدين اختفت ابتسامتي وحطيت ايدي على كلبي .. يربي شبية بس اشوفة كلبي يصير يدك سريع .. اول مرة احس هيج بتوتر وما اعرف شتصرف .. لا لا لا مستحيل هالشي يكون صحيح .. هزيت راسي ونفضت هالافكار من بالي وبدلت ملابسي بسررعة وتمددت واحاول انام بس ما اكدر .. ££££££ بسمة ... كاعدة عالقنفة واتابع فيلم هندي اسمة (sanam re) حسنين دخل وشافني مدموجة وية الفلم .. كعد بصفي واني حتى ما التفتتلة على اساس زعلانة يعني .. لازمة بيدي السنيكرز واكل .. حسنين : يعني هسة انتي ليش زعلانة .. يعني بربج زعلتي لان حجيت وية الممرضة .. هاي هم حاسبتهة سالفة .. انقهرت من كلامة .. لا ويحجيهة بكل بساطة .. سويت نفسي ما سمعتة اصلا وحطيت ايدية جوة حنكي واباوع عالممثل بهيام وعبالك كدامي واحجي وياه : ايييه ياخي انت منين مصنوع .. امك بشنو تنست من حملت بيك .. انت سنيكرز لو نوتيلا .. والله حقهن الاخوات ثنينهن يموتن عليك.. ما حسيت غير الريموت انسحب مني والتلفزيون طفى .. باوعتلة بعصبية : ليش طفيتة .. ما تشوفني جاي اتابع ... باوعلي بغيض وعصبية : جاي تتابعين لو تتغزلين بالممثل .. بسمة : وانت شعليك بية .. حجة بعصبية اكثر : شلون شعلية .. تردين اشوف مرتي تتغزل بواحد واسكت .. لا وكدامي هم .. كابتلة وتربعت وتخوصرت وكلت بقهر : لعد وين راح كلامك قبل ثواني .. شلون شلون بربج زعلانة لان حجيت وية الممرضة وهاي هم حاسبتهة سالفة .. وين راح كلامك هسة واني اصلا حجيت على ممثل يعني من ورة الشاشة مو انت داكلهة سوالف وية الممرضة وكدددااامي هم .. رفع حاجبة وكال : وحدة بوحدة يعني ؟.. كتفت ايدية بعناد : اي وحدة بوحدة .. العين بالعين والسن بالسن والبادي اضلم .. واصلا بعدة كلبي ما شفة منك .. واريدك تتعاقب اكثر .. ضحك هوة : شتردين تسوين يعني .. باوعتلة بقهر يا برودة اعصابك .. قربت منة وبسرعة عضيتة من كتفة بكل قوة .. بقيت متمسكة بي حيل وهو دفعني بقوى ويفرك بكتفة : يااحيوانة .. شهالتصرفات مال المزعطة .. حجيت بتشفي: تستاهل .. هسة ارتاح كلبي .. حسنين تحولت تضرتة للخبث : ما دام كلتي وحدة بوحدة لعد جبتيهة لروحج والبادي اضلم .. فتحت عيوني اريد استوعب بس ما لحكت احجي الا وهو شايلني عالجرباية .. £££££££££££ ميامين .. فتحت عيوني الساعة ٧ الصبح احس شبعت نوم .. التفتت شفت عالقنفة الطويلة غزوان متمدد ونايم والتعب مبين بوجهة .. كمت بهدوء ونزلت من الجرباية ماريد ازعجة .. دخلت للحمام وغسلت وبدلت ملابسي لان اليوم اطلع .. طلعت من الحمام شفتة كاعد .. كام وكال بأبتسامة : صباح الخير .. شلون صرتي .. رديت علي واني اكعد عالجرباية : صباح النور .. الحمدالله احسن بس شوية دوخة من العلاج ... غزوان : بس تتريكين تصيرين احسن .. ابتسمت واني اعدل حجابي .. اندك الباب وبعدين انفتح : صباح الخير يروحي .. ابتسمتلة : صباح النور حبيبي .. رائد وهو يحط الطبلة كدامي : جبتلج ريوك يحبة كلبج .. يلة تريكي .. حتى تصيرين زينة .. غزوان : واهم شي تشربين الحليب كلة .. لان مفيد باوعتلهم ثنينهم : ترة اني مو طفلة حتى تعاملوني هيج .. رائد كرصني من خدي : لا طفلة واحلا طفلة هم .. اباوع لغزوان ما عاجبة الوضع والضيقة مبينة علي .. وكف وهو يريد يطلع : اني رايح اجهز اوراق الخروج بين ما تخلص ريوك .. طلع من الغرفة ورائد كعد كدامي .. حجة بأبتسامة : تدرين هم وانزاح عن كلبي من شفتج مرتاحة وياه ... ابتسمتلة وكلت : الحمدالله .. رائد : غزوان مبين علي يحبج ويخاف عليج .. البارحة ماكدر ينام وهو بالة يمج واجة طلب مني هو يبقى هنا واني وحت نمت بالمكتب مالتة .. يعني ميامين غزوان يحبج ديري بالج علي ولا تخسرينة بسبب بعض تصرفاتج .. باوعتلة بتوتر : ليش شمسوية اني .. ابتسم بوجهي : ما مسوية شي بس مرات تعاندين وتقفلين عالسالفة والرجال ما يحب الي تعاند على كلشي وبالتالي يمل منهة ويدور غيرهة .. لهالسبب اكلج حافضي علي وبطلي من عنادج شوية .. هزيت راسي وبديت اكل وافكر بكلام رائد وتصرفات غزوان .. كملت اكل وحضرت نفسي واجة غزوان .. رائد : اني طالع كدامكم واخذ الجنطة وياي .. غزوان جيبهة وتعال وراي .. غزوان هز راسة ورائد طلع .. باوعت لغزوان وهو تقرب علية واخذني بحضنة بدون ما يكول اي شي .. رفعت ايدية بتردد وحضنتة وهو تمسك بية اكثر .. غزوان : يعني لازم تروحين ؟.. هزيت راسي : اي اكيد رائد ينتضرنة ... حط شفايفة على كصتي وباسني بوسة طويلة وبعدين وخرت .. لبست عباتي واريد اطلع .. شفتة ماد ايدة الي وينتضرني .. مديت ايدي وحطيتهة بأيدة وطلعنة .. نمشي بممرات المستشفى وكل الممرضات يباوعلة مستغربات وجودي وهو ما مهتم وما باوع لاي وحدة .. يمشي وهو رافع راسة وايدة لازمة ايدي .. اباوع لطولة ومشيتة وتفاصيل وجهة وجسمة .. احبة هالشخص .. اي احبة .. مهما حاولت اقنع نفسي ان اكرهة واحقد علي ماكدرت .. حقدي جان عامي على عيوني .. تعودت على وجودة بحياتي .. تعودت اسمع صوتة كل يوم .. ما ينام الا يشم عطري كل يوم بس هو ما عرف بهالشي خلاني اني صرت ماكدر انام الا هو حاضني .. طلعنة من المستشفى وجان رائد بأنتضارنة .. صعدت بالسيارة وغزوان سلم على رائد وبعدين تحرك رائد بالسيارة وتوجه للكوت .. اباوع لرائد مبتسمة واني اشوفة يغني وية ياس خضر مشغلة بالسيارة .. يم داركم .. صدفة واخذني الدرب من يم داركم .. والتمت بروحي المحنة واشتهيت اخباركم ... انتبهت لنبرة الحزن بصوتة وتنهيداتة العميقة ... عرفت ان يقصد فارس بهاي الكلمات ومو خاتون .. الله يرحمك يا فارس .. £££££££££ جوري .. كعدت من النوم وباوعت للساعة ٨ ونص .. نزلت رجلية واني ناسية الحرق تماماً .. حسيت بالضغط على رجلية بسرعة كعدت بألم : ااه .. اففف شهالغباء جوري .. طلع من الحمام وهو ينشف شعرة بالمنشفة ويحجي : الحمدالله من عرفتي بنفسج غبية .. صفنت بشكلة .. لابس كيمونة سودة وايدي بارزة عضلاتة .. وشعرة لان مبلل نازل على كصتة والباقي مخلبص لان جان ينشف بي .. قاطعني وهو يكول : ادري بروحي حلو بس لا تصفنين زايد ترة كثرة الحلاوة تسوي سكر .. دنكت بفشلة .. فجأة حسيت نفسي مرفوعة .. شايلني ومتوجه بية للحمام : مؤيد نزلني شجاي تسوي .. مؤيد : مو تردين ترحين للحمام .. شلون ترحين وانتي رجليج ما تكدرين تمشين عليهة .. خلص كلت اني امشي بمكانج .. حجة هالجملة مادري ليش اثرت بية .. مع ان هوة كالهة بدون تعبير بس حسيت بيهة .. قربة مني خلة كلبي صار يدك بسرعة واحس نفسي صخنت .. وكف كبال الحمام ونزلني بهدوء وايدي بعدهة محاوطة خصري : تكدرين تمشين على كعب رجلج .. هزيت راسي بأي .. تمسكت بالباب ودخلت وقفلتة .. رجعت جسمي عالباب وحطيت ايدي على كلبي .. شبية من البارحة واليوم .. صرت اهفي على نفسي واني احس بحرارة خدودي .. غسلت وجهي وفرشت اسناني وطلعت .. شفتة مبدل ملابسة ولابس دشداشة بيضة ... باوع بوجهي وكال بأبتسامة وهو يخبص شعري : وهسة نكول صباح الخير .. ابتسمت : صباح النور .. رجع شالني واخذني لغرفة الملابس واني مادري ليش مستمتعة .. سحب الطبلة من جوة المراية برجلة وكعدني عليهة .. صار يكلب بملابسي بتفكير : اليوم اختارلج على ذوقي .. ضحكت وكلت : ترة كلهة دشداشة شتختار منهة وبعدين اني رجلية محتركة يعني مو مكرمة حتى تختار بمكاني .. مؤيد: اسكتي وخليني اختار بكيفي .. سكتت وهو يكلب الملابس وشي تعجبة وشي ما تعجبة .. اول شي طلع دشداشة صفرة وحطهة كدامي بس بعدين وجع شالهة وكال : لا هاي تطلعين بيهة ابو صفار .. ضحكت علي .. رجع طلع دشداشة حمرة حلوة بس هم رجعهة وكال : لا انتي بيضة وهاي حمرة تبرز عليج .. يربي شبي هذا .. طلع دشداشة زركة وحطهة كدامي وابتسم : هاي حلوة .. بلون عيونج .. ابتسمت : تمام راح البسهة .. طلع هو من الغرفة واني لبستهة جانت خليجية بيهة خرز وحلوة .. ورة دقايق هو دخل .. طلعلي شال ... اخذ العطر ورش منة على رگبتي .. اني بسرعة قشعر جلدي وانكمشت على رگبتي .. باوعلي بأستغراب : شبيج ؟ جاوبتة واني امسح رگبتي : ماحب العطر يجي على جلدي مباشرةً .. احس روحي وصخة .. ابتسم وكال بشقاوة : فعلاً عطر فوك عطر ما يرهم . بلعت ريكي من كلامة .. هو يحجي بشقة واني كلبي صاير طبول مادري شبي ... لبست الشال وردت اكوم .. رجع شالني مرة ثانية صحت بي : وووين نزلني اريد انزل جوة .. مؤيد : اي اني اوصلج .. فتحت عيوني : شنووو .. لا فدوة والله عيب منهم .. مؤيد : وشنو العيب بالموضوع .. عادي ترة انتي مرتي كدامهم .. وبعدين شلون تنزلين هيج ورجليج .. ما انطاني مجال احجي ونزلني جوة واني اريدة ينزلني بس ما يقبل ... دخلني للصالة وجانت بس حبوبتي موجودة .. الحجية بخوف : يا يمة شبيهة البت .. مؤيد وهو يكعدني عالقنفة : الشاطرة كلبت القروي على رجليهة البارحة .. الحجية ضربت صدرهة : يا يمة شجاجن من البارحة هم انتي وهم ميامين .. والله هاي عين وما صلت عالنبي .. لازم ابخرجن .. دخلت عمتي علينة : ها يمة جوري شلون صرتي .. البارحة خاتون كالتلي عليج .. غير تنتبهين زين .. باوعتلهة بأبتسامة : شسوي عمة الحمدالله ... £££££££££ خاتون ... بلشنة تجهيزات من ثاني يوم سمعنة الخبر .. يعني بكل مرة لازم نجهز لعروستين .. بس شعور حلو ومختلف لمن تتجهزين لنفسج كعروس .. جوري ما كدرت تطلع لان رجليهة احتركت خطية .. طلعنة اني ومها وبسمة .. وميامين جانت على تواصل ويانة واحنة نصور وندزلهة .. ميامين .... صارلي ٣ ايام من اجيت .. غزوان كل يوم يتصل علية ويتطمن وذعدين يسد التليفون .. اني الي صرن ماكدر انام وبكل لحضة بس افكر بي تعودت علي وماكدر اغمض عيوني بدونة .. الساعة هسة ١ بليل واني اتكلب وماكدر انام .. طلعت تليفوني ولا اراديا اتصلت على رقمة .. ثواني واجاني صوتة متلهف : ميامي .. حجيت بصوت هادئ : غزوان .. ازعجتك صح .. بسرعة جاوب : لا والله بالعكس اصلا ما جنت اكدر انام وبس اتكلب .. حجيت لا اراديا : اني هم ما جاي اكدر انام والله .. غزوان بخوف : ليش يروحي شنو السبب .. تعبانة من شي .. ميامين : لا مو تعبانة بس .... غزوان : بس شنو .. ميامين .: غزوان ..؟ غزوان بتنهيدة : ها يروح غزوان ... ميامين :..... الكاتبة : سارة الشمري ✍🏻 هلو حبايبي طبعاً مثل ما طلبتو خليت القصة الابطال يحجونهة مو اني .. اتمنى تستمتعون بالبارت حبايبي رأيكم 😘✍🏻 | ||||||||
|
| |
|
29-06-19, 03:16 AM
| #35 | ||||||||
| مراقبة عامة ومشرفة منتدى الروايات المنقولة
| #سجينة_الظلم_والانتقام 🍂🥀 sara_zead #البارت الحادي والستون الكاتبة : سارة الشمري ✍🏻 الحب زهرة ناضرة لا يفوح أريجها إلا إذا تساقطت عليها قطرات الدموع ميامين .: غزوان ..؟ غزوان بتنهيدة : ها يروح غزوان ... ميامين : ابقى عالخط وياي .. ماكدر اغفى .. غزوان : يغالي والطلب رخيص .. انتي ما طلبتي غير الاريدة .. ابتسمت : شجاي تسوي .. غزوان : والله كاعد وحاضن مخدتج بلكي تعوض شوي منج .. ابتسمت على كلامة : عادي تحمل كم يوم بعد .. غزوان : اني ساعة ماكدر بدونج .. شلون لو هالكد .. بقة يسولف وياي وشصار وياه اليوم وما حسيت على نفسي من غفيت .. غزوان ... بقيت احجي وياهة طول الليل .. ماكدرت انام لحد ما حسيتهة غفت واسمع صوت انفاسهة .. ابتسمت وسديت التليفون .. شيجيب النوم لعيوني .. طلعت كعدت بالبلكونة والجو جان حلو بداية صيف وبي نسمة باردة شوي .. مشتاقلهة يربي .. شكول عليك رائد .. كمت من مكاني ورحت للغرفة وتمددت وبالكوة غفيت .. ££££££££££ جوري .. صارلي ٣ ايام من احتركت رجلي وبدت شوية شوية تتحسن والبنات خطية يتسوقن وحدهن يعني ابد مو وقتهة رجلي .. مؤيد كل يوم يضمد رجلي وينطيني العلاج ومهتم بية .. واني احس بشعور من اشوفة اول مرة احسة .. ارتبك بس اشوفة وكلبي يصير يدك سريع وعيوني تتبع كل حركاتة .. مادري ليش من فتحت هالصندوك وعبالي كلبي الي انفتح من بعدهة ... نضراتي تغيرت وماكدر واحس ماكدر ارفع عيني بوجهة .. كاعدة بغرفة مها وهي تشوفني بملابسهة الي اشترتهن .. كعدت بملل وهي تأفف .. : تعبت يربي حتى ما اعرف شنو النواقص بعد ... ابتسمتلهة : اخذي استراحة شوية .. ترة بعد هواي وقت للعرس .. مها عفست وجهة : اسكتي لا تذكريني .. كل ما اتذكر احس بمغص ببطني .. وعلى لحضة احس راح اغير رأيي وماريد اتزوج .. ضحكت عليهة : ترة عادي بعدين تتذكرين هالخوف وتصيرين تضحكين على نفسج .. مها : يعني هيج برأيج .. هزيت راسي : طبعا هيج .. غمزتلهة وكملت : وبعدين انتي تحبين خالد .. بعد من شنو خايفة .. شهكت هي وضربتني على كتفي : منين جايبة هالحجي هو اني شعرفت منة حتى احبة .. ضربتهة بعكسي : اممم بس الولد خطية من اول نضرة ذايب بيج شكلة .. ابتسمت هي وصفنت .. كرصتة من ايدهة وهي كمزت : وتكوولين ما احبة هااا... تفرك بيدهة : اييي شبيج .. تردين تزوركيني واني عرسي قريب .. باوعتلهة بخبث : ما يحتاج اصلا نشوف بالعرس وين حتصير زركة .. شهكت هي ودفعتي : كومي اطلعي برة يا قليلة الادب ... ££££££££££ ميامين ... نحضر للعرس والدور الفوك صار كلة لرائد لان هو اصلا جهزة الة .. وخالد اخذ بيت زغير على كدهم كبال بيت اهلة واثثة .. ابقى على تواصل وية البنات واعرف شنو اغراضهم وطلعت هم منا تسوكتلهن كم شغلة ورتبتهن بغرفهن ... رائد وخالد خطية فرحانين ومتحمسين وحسان واكع بيهة وذابين نص الشغل علي .. وهو كال بعد توبة حتى كرهتوني بالعرس من وراكم .. غزوان كل يوم يخابرني وايكول شوكت ترجعين واني بيني وبين نفسي اضحك علي لان فعلا بدة ينزعج صدك ويضوج .. واني اصلا اشتاقيتلة كلش وما مصدكة شوكت ارجع وحسيت اشتاقيت لبيتي .. وقررت ان انسى الماضي وابدي صفحة جديدة لان ما جاي يجيني منهة غير الهم والتعب .. مرن هالاسبوعين حيل بطيئات وباجر هوة يوم الحنة والعقد ... وعكب باجر الزفة .. حضرت نفسي وكل التجهيزات خلصت .. امي خطية مخبوصة وفرحانة لان ابنهة الجبير راح يتزوج وخالتي ام خالد نفس الشي ... اليوم العصرية كلهة اني كاعدة فاتحة كاميرا وية البنات وهنة يسون بتقديمات العقد .. اشتاقيت للمة مالتهن .. بليل غزوان خابرني وكال باجر من تجين ممنوع ترجعين وية اهلج .. ابتسمت وكتلة : بكيفك .. واني اصلا هذا الي جنت مقررتة ... ثاني يوم الصبح الكل كاعدين من وقت ... اول شي سويتة طبعا سويت تسريهة لشهد وحطيتلهة مكياج لان صارلهة اسبوع هي بس تلح علية .. سويت اني تسريحة بسيطة وورود خلتلي مكياج حلو .. ولبست فستان طويل ورداناتة طوال بس حلو وبي فيونكة جبيرة من ورة .. صارت الساعة ١١ الكل واكفين بالصالة منتضرين العرسان ينزلون من غرفة رائد لان اتفقو يتجهزون سوية ... نزل رائد وخالد ...وحسان وراهم والهلاهل بدت اني وامي وخالاتي وورود .. كمنة نهوس ونصفك .. حسان ذب هوسة لخالد : كلنة خواتة ولا تكولون وحيد .. خالد ضربة على راسة : شتحس عليك الله .. حسان باوعلة بطرف عيونة : اسكت ابو القاط الرصاصي .. حسان استغرب شبي القاط الرصاصي مالتي .. بس فجأة استوعب قصدة وضرب حسان على ضهرة .. رائد حط ايدة كتفي وكال بأبتسامة : الحلوة اليوم ترجع ويانة لو تبقى هناك .. حجيت بأبتسامة : لا ابقى هناك لان هواي طولت واشتاقيت لبيتي هم .. كرص خدي بخفة : على راحتج لعد .. يلة خل نمشي هم يلة نلحك نرجع .. صعدنة بالسيارات وتوجهنة للبصرة .. الطريق كولة احنة نصفك ونركص وخالد مدري منين اجاه المستحى وانصدمت منة بصراحة .. صار بس يضحك خطية ... الساعة ٢ تقريباً وصلنة لبيت عمي .. شفنا الكل بأستقبالنة .. الزلم واكفين برة كلهم .. شفت غزوان واكف ومبتسم .. فدوة لكلبة شخصية لابس دشداشة نيلي ولاف الجراوية بطريقة خليجية .. دخلت السيارات لداخل الحوش واحنة نزلنة ... دخلنة وجان بأستقبالنة عمتي ام غزوان والحجية خاتون ونسوان عمامهم .. سلمت عليهن ودخلت بسرعة شفت البنات كاعدات عالكوشة .. ماشالله طالعات يخبلن .. سلمت عليهن وحضنتهن وهنة خطية مستحيات وخايفات .. كمت اهوس واركص بما اني اخت العرسان وخواتي هم وياي وبسمة طبعا شاركتني الرقص .. بقينة نركص لحد ما كالو راح يعقد الشيخ .. اخذنة خاتون اول بداية وجانت متوترة وخايفة .. كعدناهة يم الباب والشيخ بدة يحجي ويردد الايات القرآنية وبعدين طلب منهة الموافقة وهي ردت وصوتهة بالكوة طلع .. واعتلت العلاهل والجكليت صار من كل مكان ... واجة دور مها وخالد نفس الشي بس مها خطية خايفة وترجف ولازمة ايدي واني اضحك عليهة .. عقدو وكملو وكالو لازم يدخل يلبسهة الذهب .. اخذنة مها ودخلناهة للغرفة بين ما يطلع رائد .. دخل رائد وعيونة تلمع من الفرحة ومبتسم .. كعد بصفهة واحنة نهوس ونصفك .. بدة يلبسهة الذهب وهي مستحية ومنزلة راسهة .. ورة شوية طلع لان لازم يدخل خالد .. وسوينة العكس دخلنة مها وطلعنة خاتون .. دخل خالد خطية مستحي كلش .. كعد يمهة وهو كلساع يسحب كلينس ويمسح وجهة .. لبسهة الكلادة وشكلت بشعرهة وهو خطية انحرج .. راد يلبسهة الحلقة ووكعت من ايدة بالكاع .. دنكت جبتهة وحجيت بأذنة بضحك : خاالد حبيبي شجاك ركز .. ابتسم هوة وشكلة مستحي من كثرة النسوان .. طلع خالد وابتدت موجة الرقص مرة ثانية .. اخذت تليفوني اريد اصور بي وشفتة مخبوص مكالمات من غزوان .. دخلت لغرفة عمي ودكيت علي .. غزوان : ويينج صارلي ساعتين ادك .. جاوبتة : شبيك معصب غزوان .. ويني يعني اكيد جنت يم العرايس .. غزوان : وشلون بلة اني اريد اشوفج ومشتاقلج .. ابتسمت وكلت : بليل تشوفني لان هسة مشغولة .. غزوان : وشيصبرني لليل .. حجيت بطرف خشمي : والله عاد هاي مشكلتك .. سديت التليفون بوجهة وضحكت .. طلعت يم البنات شوية وكالو اهلي راح يرحون لان الطريق بعيد .. والساعة هسة ٦ ونص ... راحو اهلي واني بقيت يم البنات وصارت الساعة ١٠ تقريباً والخطار الزلم بعدة ما رايح .. استأذنت من البنات اريد اروح لبيتنة .. فكرت بشي ولازم انفذة ... لكيت اغراض زايدة من العقد .. شموع وورد واخذتهن ولبست عبايتي وتوجهت لبيتنة .. دخلت للبيت ..افيش والله مشتاقتلك .. توجهت لغرفتي عالسريع .. بدلت الفرشة مال الجرباية وحطيت وحدة لونهة احمر .. شغلت الفواحات مال العطر بالغرفة وصارت الريحة تجنن .. دخلت عالسريع سبحت وطلعت .. عفت شعري مفتوح لان هوة يحبة هيج .. حطيت مكياج خفيف كولش بس الحمرة لونهة احمر .. شغلت الشموع بالغرفة ووزعت الورد عالجرباية .. شغلت اضاءة لونهة احمر .. الساعة هسة ١١ وهو ما اجة .. ورة دقايق سمعت صوت خطواتة عالدرج .. وكفت ورة الباب بسرعة ... انفتح الباب وهو دخل وبقة واكف ومصدوم ومستغرب من الغرفة .. ما شافني لان جنت وراه .. حضنتة من ورة وحطيت خدي على كتفة ... غزوان ... ما صدكت شوكت مشو الخطار لزكو فرد لزكة .. رحت للبيت واني مشتاقلهة وبس اريد اشوفهة .. فتحت الباب واستقبلتني ريحة العطور والغرفة لونهة احمر والشموع مشغلة بالغرفة .. انصدمت .. وين ميامين .. ردت اصيح عليهة بس فجأة حسيت بأيديهة حاوطتني من ورة وحطت راسهة على كتفي ... حجت بصوت هامس : اشتاقيتلك ... بلعت ريكي واني مصدوم واحس هالشي حلم .. وخرت ايديهة ووكفت كدامي .. فهيت بوجهة من جمالهة وشوقي الهة .. حجيت بصوت همس : ميامين .. رفعت ايدهة ولفتهن على ركبتي وعيونهة بعيوني وكالت بدلع : يا عيون ميامين .. بلعت ريكي بالكوة : كرصيني لان احس جاي احلم .. ابتسمت ورفعت نفسهة على اصابعهة وما حسيت غير شفايفهة على خدي .. فتحت عيوني وهسة استوعبت .. همست يم اذني : وهسة صدكت .. رفعت ايدية وحاوطت خصرهة وحضنتهة بكل قوة واحس اريد ادخلهة بين ضلوعي من الفرحة .. حضنتني هي وهمست يم اذني : احبك غزوان .. وخرتهة بسرعة واباوع بوجهة بلهفة : يبنت الناس حرام عليج وحدة وحدة علية ترة كلبي رجيج ... ضحكت وضحكتهة خلت كلبي يرفرف : خوش لعد يعني بعد ما اكولهة ... سحبتهة الي : اي مو هي بكيفج ... شو تعاي .. احتضنت شفايفهة بشفايفي وهي بادلتني بنفس الحب ... احس كلبي يرفرف وما مصدك حبيبتي كالتلي احبك ... اخذتهة بكل حنية وكلام حب بس حتى ما تتذكر هذيج المرة .. واخيرا رويحتي ردت الي وصارت بحضني برضاهة .. نمت واني احس اخيراً الدنيا ضحكتلي ... &&&&&&&& جوري ... متمددة عالفراش وكلساع انافخ وما منتبهة لنفسي لان كل ما اتذكر زينة بت عمتي من تسولف وية مؤيد وماخذة راحتهة بالضحك مادري ليش اعصب مع ان ادري بيهة هي طبعهة دوم وية الكل تضحك وتسولف هيج .. بس ليش تضحك وتسولف وياه .. فززني صوت مؤيد : شبيج تنافخين صارلج ساعة .. التفتتلة : ولا شي بس افكر .. مؤيد : بشنو تفكرين .. جوري : بيك .. باوعلي بأستغراب : وليش تفكرين بية ... حجيت واني اباوعلة بتفحص : يعني اكول انت مو كلت تتزوج وحدة ثانية .. شوكت تتزوج ؟؟ باوعلي برفعة حاجب : اول مرة اشوف وحدة تكل لرجلهة شوكت تتزوج .. وبعدين يالفاهمة احنة حتى شهر ما صارلنة من تزوجنة .. تردين هسة اروح اتزوج .. حكيت شعري : امممم .. يعني اذا فكرت تتزوج منو راح تختار ... مؤيد وهو يتمدد على فراشة : ما ابالي وحدة اختارهة .. كلشي بوقتة حلوة .. رجعت راسي عالمخدة : اهاا .. اختنكت من كلامة .. يعني بعدة يريد يتزوج .. واصلا ليش يغير رأية .. افففف .. شفتة كام من مكانة ويريد يطلع .. باوعتلة بأستغراب : وين رايح بهالليل .. التفت علية برفعة حاجب : رايح ادورلي عروس مو انتي ترديني اتزوج .. باوعتلة بغباء : هاااه .. ضحك هوة وبعدين كال : شنو الهاه .. صدكتي يعني رايح بهالوقت ادور عروس .. وبعدين الناس شتكول علية اذا تزوجت .. العندة هالجمال شيسوي بوحدة ثانية ... ضحك وكمل : رايح اشوف البنات لان باجر يرحن واكيد ما الحك اشوفهن .. طلع وسد الباب وراه واني مصدومة وفرحانة من كلامة .. رجعت ضهري لورة ..: اوووف شسويت بية يا مؤيد .. حالي ينكلب بكلمة منك ... مؤيد .... تصرفات جوري هالايام غريبة .. بصراحة مادري شكلبهة بس صايرة هواي تهتم واليوم شفت نضراتهة اكلتني من شافتني اسولف وية زينة .. ماريد اوهم روحي بشي وبعدين يطلع جذب .. ما راح احاول بأي شي او المح لشي لحد ما اشوف هالشي منهة .. بس طول هالفترة واني كوة انام .. من اشوفهة كبالي وضحكتهة وسوالفهة بس ماكدر اكللهة احبج وماكدر اتصرف طبيعي لان مو بيدي هالشي .. اخاف عليهة من اقل شي ومن احتركت رجلهة حسيت كلبي الي احترك ... ماريدهة تتأذة او تتألم .. تعلقت بيهة بالزايد وحبيتهة بعد اكثر من صارت قريبة علية .. صح الكلوب متنافرة بس اني كلبي يريدهة ... توجهت لغرفة خاتون ودكيت الباب وهي فتحتة و دخلت وهي مستحية مني .. باركتلهة وكعدت اوصيهة ومن ذني السوالف ع اساس ان اخوهة واكبر منهة ... خاتون باوعتلي بأبتسامة : مؤيد دير بالك على جوري لان هي تحبك واني متأكدة من هالشي .. باوعتلهة بصدمة : ها ... خاتون : اي مؤيد لا تنصدم ... حب جوري لفارس جان مجرد وهم او افكار مراهقة ومو اكثر .. بس هي لكت وياك الاهتمام واني جاي اشوف هالشي بعيوني وخصوصاً هي حبتك بهالسرعة وهذا دليل ان هي مجانت تحب فارس بس جانت حاطة ابالهة هالشي .. هزيت راسي بأي وبقيت افكر بكلام خاتون ورحت لمها وباركتلهة واني بالي ابد مو يمهة .. رجعت للغرفة ودخلت .. شفتهة نايمة وعبالك طفلة وملاك .. شعرهة الذهبي متناثر على مخدتهة ووجهة البرئ وملامحهة المرسومة رسم .. تنهدت من كلبي وتمددت على فراشي بالكاع ... كل كلمة كالتهة خاتون والي كالة حمزة صارن يدورن ابالي .. بس هم ماكدر اكللهة لان ممكن يكون ضنهم خطأ ... فزيت بسرعة واني اسمعهة : مـــؤيـــد .... طفرت من مكاني بسرعة ورحتلهة : شبيييج .. تأشر عاللحاف وهي مغمضة عيونهة : شييلة .. باوعت للحاف وشفت صرصور زغير يطير وواكف عاللحاف ... ضحكت من الصدمة : هذا الخوف من الصرصور والله .. جوري بخوف : مؤيد وخرة عني فدوة .. شلت الصرصور من شنبة ورفعتة وهي عاطت .. مؤيد : شبيييج ... جوري : اكتلة برة مو هنا .. ضحكت على تفكيرهة .. تخاف من الصرصور .. ذبيتة برة ورجعت دخلت للغرفة ..: وهسة نامي .. تمددت هي وغطت راسهة .. اني تمددت على فراشي ورجعت افكر مرة ثانية .. شلون بية يعني ما انام اليوم ... ورة نص ساعة سمعتهة رجعت صاحت : مؤيييد .. رفعت راسي الهة بملل : شكو هم صرصور .. كمزت بسرعة بخوف واني اشوفهة ...... الكاتبة : سارة الشمري🖤 اتمنى عجبكم البارت حبايب كلبي رأيكم بي 😘 | ||||||||
|
| |
|
30-06-19, 02:38 AM
| #36 | ||||||||
| مراقبة عامة ومشرفة منتدى الروايات المنقولة
| #سجينة_الظلم_والانتقام 🍂🥀 #sara_zead #البارت الثاني والستون الكاتبة : سارة الشمري✍🏻 الحب يستأذن المرأة في أن يدخل قلبها ، وأما الرجل فإنه يقتحم قلبه دون استئذان ، وهذه هي مصيبتنا (برنارد شو) ورة نص ساعة سمعتهة رجعت صاحت : مؤيييد .. رفعت راسي الهة بملل : شكو هم صرصور .. كمزت بسرعة بخوف واني اشوف وجهة احمر ومغمضة عيونهة .. رحتلهة بسرعة وكعدت يمهة ولزمت ايدهة : جوري فتحي عيونج .. واضح ان جاي تحلم وتردد بس اسمي .. كصتهة عركانة .. : جوري اصحي هذا حلم .. شفايفهة ترجف وفجأة شهكت وفتحت عيونهة .. شافتني كدامهة وبسرعة حضنتني وتمسكت بية .. لنصدمت بس خضنتهة من صارت تبجي : مؤيد لا تروح فدوة ... صرت امسح على راسهة : اششش ما رايح اهدي .. صرت اقرى ايات قرءآنية بصوت وهي هدأت شوي ... وورة ربع ساعة غفت .. ££££££ يوم الزفة ... الصبح .. غزوان ... فتحت عيوني واباوع بالغرفة تأكدت ان مو حلم .. ابتسمت واني اسمع صوت المي بالحمام .. رفعت تليفوني الي يدك .. شفت المتصل خاتون .. رديت بصوت رايق : صباح الوررد .. خاتون بصياح : بععععد وووكت همزين جاوبتو .. من الصبح لهسة ادك على ميامين وما تجاوب .. ممكن تكلي وينهة ... وخرت التليفون من اذني من صوتهة العالي وخليتهة تكمل ورديت : ميامين بالحمام وهستوهة كعدت .. ليش اكو شي ؟؟.. ردت بقهر وعصبية : شنو اكو شي .. اليوم عرسي واحنة متفقين نروح سوة للصالون وحضرتهة هسة كعدت والساعة ١٠ .. كللهة عفناهة ورحنة وهي خل تبقى تتجهز بالبيت ومشكورة .. سدت التليفون بوجهي واني اباوع للتليفون واضحك .. حتى نسيت اليوم عرس خواتي .. انفتح باب الحمام .. طلعت بالبرنص وشعرهة المبلل وطويل نازل على وجهة ... ابتسمت من شافتني : صباح الخير ... كمت وسحبتهة من خصرهة الي وحطيت وجهي بركبتهة اتنفس عطرهة واتنهد : صباح الخير والمسك والعنبر والكادي والياسمين والقرنفل ... ضحكت وهي تحاول تفك نفسهة مني : غزوان وخر والله تأخرت عالبنات اكيد ينتضروني هسة .. باوعتلهة بضحكة : خاتون كالت كول لميامين تجهز نفسهة بالبيت ومشكورة .. وهنة عافنج ومشن .. فتحت عيونهة بأعتراض : لاااا مو متفقين نروح سوة .. غزوان : وانتي راحت عليج نومة .. ضربتني على كتفي بخفة : كلة من وراك ما خليتني انام البارحة .. باوعتلهة بخبث : ليش شسويت اني البارحة ... وجهة صار احمر وتحاول تدفعني : غزووان وخررر خل احضر نفسي .. قربت وبستهة من خدهة : شنو رأيج تعوفين العرس وتبقين يمي اليوم ... فتحت عيونهة : لاااا طبعا .. اني اخت العرسان وانت اخو العرايس وعيب ما نحضر .. درت وجهي عنهة : قنعيني لعد ... حطيت ايدهة ورة ركبتي وايدهة الثانية مشت على لحيتي وكالت بدلع : غززوووان .... ذبت وياهة كبل : اقتنعت ... باستني بخدي واني ضاعت احوالي : يلة هسة عوفني خل اجهز نفسي حباب .. وخرت عني وراحت تبدل ملابسهة واني دخلت للحمام .. ميامين ... نشفت شعري وبدلت ملابسي وحضرت ملابس غزوان .. كعدت احط مكياج وغزوان طلع من الحمام وكلساع يتحارش بية .. كوة خلصت المكياج .. ولبست فستان طويل لونة اخضر طوخ .. ولفيت شالي بفيكة حلوة ... غزوان لبس دشداشة بيضة ولف جراوية لونهة رصاصي وطلع يخبل ... اتصلت عالبنات واعتذرت منهن وخاتون كوة قبلت تراضيني .. جوري .. من كعدت من النوم لهسة واني الحلم مال البارحة مجاي يروح من بالي .. كاعدة عالكرسي والمصففة تسوي بشعري ومها وخاتون ام الصالون تسويلهن بالمكياج .. ما ردت اجي لان حاسة بضيقة مو طبيعية بس البنات اصرن علية ان اجي وياهن .. صارت الساعة ١١ وخلصنا كلنا .. البنات طلعن يخبلن ماشالله .. اجة مؤيد مر علينة للصالون وطبعاً بأمر منة كلنة نلبس بواشي لان حاطين مكياج .. كعدت بصفة جان مبدل وكاشخ طالع يخبل ... وصلنة للبيت ودخلن البنات ولبسن بدلاتهن جوة لان كالو الزفة راح توصل .. صعدت لغرفتي واخذت فستاني ولبستة .. واكفة كدام المراية اتأكد من مكياجي ودخل مؤيد.. شافني وبقة واكف بمكانة .. بعدين ارتبك ونزل عيونة .. وكال بتوتر : جيبيلي طباقات مال دشداشة لان هاي انكسرت .. دخلت للغرفة وجبتلة طباقات .. اخذهن مني وباوع بوجهي : هيج راح ترحين وحمرتج طوخ ... حطيت ايدي على حلكي : ليش مو حلوة شنو .. مؤيد بسرعة : لا بالعكس ... يعني قصدي ما يصير ترحين وحمرتج طوخ .. حطي لون خفيف .. هزيت راسي وابتسمت وهو طلع ... ضحكت يغار علية يعني ... مسحت الحمرة مالتي وحطيت لون خفيف .. نزلت كعدت يم البنات .. ميامين ... رحت لبيت عمي وطبعا من بعد عركة وية غزوان ومنعني اروح وياهم بالزفة لان هستوني رجعت من يمهم .. بس بعدين وافقت يعني ماعندي خيار ثاني .. كعدت يم البنات وشغلت الديجي وكمنة نركص اني وبسمة وجوري وورة ربع ساعة كالو اجت الزفة ... طبعا دخلن النسوان اول شي وبدينة بالهوسات والركص .. وغزوان كل شوي يخابرني يريد يسولف وياي ايكلي اشتاقيتلج .. كاعدة عالدرج واحجي وياه واجت اختي زينب : ميامين ويامن تحجين هسة وكتهة .. دكومي عود انتي اخت العرسان .. هزيت راسي واشرتلهة بمعنى هذا غزوان .. ضحكت وهزت راسهة ومشت .. بقيت احجي وياه وصوت الهلاهل مالتهن طرش اذني .. ورة ربع ساعة رجعت اختي اجت : انتي بعدج تحجين وية غزوان .. دكومي شنو ما عدكم بيت وهستوكم تحجون .. ما مليتو .. غزوان سمعها وحجة : الله واااكبر .. منو هاي الحاسدتنة .. حجيت بضحكة : هاي اختي زينب ... غزوان بعصبية : كليلهة صلي عالنبي احنة ما صدكنة .. حجيت بصوت خفيف : فشلة .. ورة ربع ساعة كالو راح تروح الزفة ... دخل رائد وخالد واخذو العرايس وصعدوهن بالسيارات .. واني شوية واريد ابجي لان غزوان منعني من الروحة .. مشت الزفة وكعدنة اني وجوري وبسمة نبجي على مها وخاتون .. يعني طقوس ورة كل عروس .. الي يشوفني مو عبالك اخت العرسان .. بس الي مطمني ان راح يوصلون متأخرين ويزفون مباشرةً .. وحتى عمتي ما راحت لان عمي ما قبل وما متعودين ان تبقى برة البيت ... بسمة ورة العشى مشت لبيتهم وبقينة اني وجوري .. كعدنة نسولف ... خاتون ... وصلنة للبصرة وطول الطريق رائد لازم ايدي واني وجهي يكلب الوان من الخجل لان ما متعودة علي .. طبعا وصلنة الساعة ٨ بليل لان الطريق طويل وهم زفة والسيارات كلساع توكف واكو شباب ينزلون يركصون بالشارع .. يعني تأخرنة .. اخذونة اني ومها وكل سيارة توجهت للبيت العريس .. يعني سيارة خالد راحت لبيتة وسيارتنة راحت لبيت اهل رائد .. نزلت من السيارة ودخلني اخواتة وبدن يهلهلن ويركصن ويهوسن .. ورة نص ساعة صعدوني للغرفة .. جانت كولش حلوة والبنات يرتبن بملابسي بالكنتور لان الجنط هستوهة اجت .. ورة شوية سمعنة صوت الهلاهل والركص اقتربت من يمنة ودخل رائد للغرفة .. اني جنت افرك بيدية من التوتر .. مدنكة راسي وشفت رجلي صارت كدامي .. رفع الطرحة عن وجهي .. حسيت بأصابعة على فكي ورفع راسي برقة .. عيوني اجت بعيونة ... نضراتة جانت تحجي مو لسانة .. الحب جان واضح بيهن .. نضراتة تتأمل عيوني بحب وابتسامة .. حاوط وجهي بأيدي وقربني وباسني بكصتي .. حجة بهمس حب : نورتي بيتج ونورتي كلبي وعيوني .. ابتسمت بخجل .. حط ايدي على اكتافي وكعدني عالجرباية : ليش جسمج بارد .. شنو بردانة .. حجيت بتوتر : لا .. يعني مو كلش .. ابتسم وكام فتح المجر الي يم راس الجرباية وطلع علبة حمرة .. كعد على ركبة كدامي بالكاع .. وفتح العلبة وطلع من عدهة حجل ذهب ابو السلسال ونازلة منة وردات زغار كلش حلو ونازك ... رفع البدلة ولزم رجلي .. حسيت بقشعريرة مشت بجسمي من لمستة .. رفع الحجل ولبسنياه برجلي .. رفع ايدي وباسهة : واخيراً صرتي الي .. ما تدرين شكد انتضرت هاليوم ... بلعت ريكي واني احس راح يغمى علية من التوتر .. رفعت بدلتي وكلت : اني راح ابدل ملابسي لان البدلة ضايقتني .. ردت اروح بس سحبني بسرعة وضربت بصدرة .. حجة وهو يحاوط خصري بأيدي : ما يحتاج اني اساعدج بيهة .. ما لحكت استوعب الا وهو باسني من شفتي وايدة انمدت للبدلة مالتي ... ££££££££££££ مها ... كاعدة بالغرفة ودخل خالد واني شوية واريد ابجي من الخوف .. يربي اني ليش وافقت اتزوج .. يعني لو باقية ابيت اهلي شجان صار .. وكف كبالي ورفع الطرحة مالتي ..: مبروك يالزركة .. انصدمت ونسيت نفسي وباوعتلة : نعععم ..؟ منو الزركة .. خالد بأبتسامة : انتي ام عيون زرك .. عيونج زرك لهالسبب اسميج الزركة .. رفعت حاجب وكتلة : بس الزركة تنكال للمو حلوة .. لزم ايدي وكال وهو عيونة تمشي علية من فوك ليجوة : والله اذا عالحلاة ف انتي من اول يوم شفتج بي واني كلت ماكو بحلاتهة .. دنكت راسي بخجل .. حضني لصدرة وهمس : انتي تدرين شسويتي بية من اول مرة شفتج .. اخذتي كلبي وعقلي وراحة بالي .. ابتسمت على كلامة ورفعت ايدية وحضنتة .. حطيت خدي على صدرة .. ورة ثواني كال : شلون يعني راح نخلصهة هيج .. وخرت كتلهة بأستغراب : هاا .. سحبني الة مرة ثانية : دتعاي واني اعلمج شنو الها .. باسني بشفتي واني فتحت عيوني ما مستوعبة ... £££££££££ زياد ... صاعد سيارتي ومتوجه للمطار ... اليوم الكل فرحان ومحد حاس بنار كلبي .. شنو السويتة اني حتى اتعاقب هيج .. ذنبي لان حبيت هيج صار بية .. عمري كلة راح واني انتضرهة .. ما جاي اكدر اطلعهة من كلبي .. ليلي ما انامة من وراهة .. وهي ولا على بالهة .. ليش اني حضي هيج يربي .. وكفت سيارتي على جهة ورفعت تليفوني وشفت رقم اختي ورود تتصل .. جاوبتهة بهدوء : ها ورود .. ورود : زياد وين انتة .. ليش تأخرت .. جاوبتهة بأبتسامة الم : لا تنتضروني ما راح ارجع .. ورود : ليش ما ترجع .. وين انت زياد احجي .. زياد : ورود اني مسافر ومادري اذا ارجع لو لا .. ديري بالج على اهلي بغيابي .. ورود : شنوووو .. زياد شنو هالحجي وين راح تسافر .. جاوبتهة واني روحي طالعة : ورود ماكدر اكلج وين بس الاكدر اكولة ان تعبت وماكدر اتحمل اكثر .. خليني اروح يمكن اذا ابتعدت اكدر انساهة .. ورود وهي تبجي : زياد الله يخليك ارجع .. صدكني راح تكدر تنساهة وتحب غيرهة .. ابتسمت : السنين ما تكدر تمحيهة ايام .. مع السلامة ورود .. سديت التليفون وتنهدت من كلبي ... طلعت تليفوني الجديد واتصلت على رقمهة لان ماتعرف هذا رقمي .. ردت علية بصوتهة .. ابتسمت ونزلت دموعي ... : الوو.. الووو .. ليش محد يرد ... اففف .. سدت التليفون بوجهي .. ذبيت التليفون ورجعت راسي عالكشن ومسحت دموعي بسرعة ... شغلت سيارتي وتوجهت للمطار واني اريد ابتعد عن كلشي بلكي تطلع من كلبي .. وصلت للمطار وورة نص ساعة اقلعت الطيارة واني ابتعدت عن كل هالناس واريد ابعدهة من كلبي .. £££££££ ميامين ... كاعدين بالصالة ودخل عمي علينة .. شافنة نبجي عالبنات .. كعد عالقنفة : دكافي ولجن انة كوة لازم روحي .. هسة حسيت بأخوي من زوج بناتة ثنينهن بيوم واحد ... كمنة اني وجوري وكعدنة يمة .. جوري : احنة بناتك ... ميامين : هنة اثنينهن تزوجن اعتبرنة احنة الاثنين مكانهن .. جوري : احنة ما راح نعوفك وراح نبقى يمك .. حضنة وباسنة براسنة : انتن اصلا بناتي .. الله يحفضجن يا بوية .. التفت على عمتي : عليمن تبجين وعندج هالوردات ذني .. انشالله يعوضنج عن بناتج .. عمتي بأبتسامة : الله يحفضهن انشالله جا شعندي غيرهن .. دخل غزوان وهو يباوعلي بأبتسامة .. كعد يم الحجية : كواج الله حجية .. الحجية : كواك الله .. دكعد ولك عندي حجاية وياك .. غزوان : امريني .. شمسوي هالمرة بعد .. الحجية : جا ولك هاي سواية تسويهة .. تمنع البت من عرس اخوهة ... غزوان : جا حبوبة غير صارلهة اسبوعين عدهم .. الحجية : جا ما كلت خواتي يستاحشن غاد وحدهن .. لو رايحة هي وياهن جا ضالة يمهن .. غزوان : حبوبة خواتي ما عليهن .. كل وحدة يم رجلهة وااني تردين تودين مرتي يمهن .. جا ما تكولين علية خطية .. الحجية : دكوم غاد كوم .. انت زلمة شطولك شكدك .. جا ما تكدر بدون مرتك .. غزوان : حبوبة انتي ليش دومج واكفة ضدي .. الحجية : عبنك موش ادمي ودومك مهور ما ينكدرلك .. غزوان بضحكة : لا والله حبوبة مو مهور بس هي هالبت سودنتني بعشكهة شسوايتي بعد .. فتحت عيوني ووجهي صار احمر .. يمة ولا يستحي .. دك تليفونة ورفعة : ها ابو اسد .. طفر بسرعة من مكانة وكال بخوف ووجهة صار احمر : شلوون مؤيد مسوي حادث .... الكاتبة : سارة الشمري🖤 حبايبي ادري البارت قصير بس والله البارحة اكتب بالبارت وافتح عين واغمض عين من النعاس والله 😂 يعني اذا شفتو اخطاء غلسو عليهن فديتكم 🤫 #سجينة_الظلم_والانتقام بقلم ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🖤 #بارت٦٣ ﺍﻟﺤﺐ ﻫﻮ ﺍﻟﻠﻌﺒﺔ ﺍﻟﻮﺣﻴﺪﺓ ﺍﻟﺘﻲ ﻳﺸﺘﺮﻙ ﻓﻴﻬﺎ ﺍﺛﻨﺎﻥ ﻭﻳﻜﺴﺒﺎﻥ ﻓﻴﻬﺎ ﻣﻌﺎً ﺃﻭ ﻳﺨﺴﺮﺍﻥ ﻣﻌﺎً ﺩﻙ ﺗﻠﻴﻔﻮﻧﺔ ﻭﺭﻓﻌﺔ : ﻫﺎ ﺍﺑﻮ ﺍﺳﺪ .. ﻃﻔﺮ ﺑﺴﺮﻋﺔ ﻣﻦ ﻣﻜﺎﻧﺔ ﻭﻛﺎﻝ ﺑﺨﻮﻑ ﻭﻭﺟﻬﺔ ﺻﺎﺭ ﺍﺣﻤﺮ : ﺷﻠﻮﻭﻥ ﻣﺆﻳﺪ ﻣﺴﻮﻱ ﺣﺎﺩﺙ .. ﻛﻠﻨﺎ ﻭﻛﻔﻨﺔ ﺑﺨﻮﻑ ﻭﻋﻤﺘﻲ ﻟﻄﻤﺖ ﻋﻠﻰ ﺻﺪﺭﻫﺔ .. ﻏﺰﻭﺍﻥ ﺳﺪ ﺍﻟﺘﻠﻴﻔﻮﻥ ﻭﺭﺍﺩ ﻳﻄﻠﻊ ﺑﺴﺮﻋﺔ ﺑﺲ ﻋﻤﻲ ﻭﻛﻔﺔ : ﻏﺰﻭﻭﻭﺍﻥ ﻭﻳﻴﻴﻦ .. ﺷﻨﻲ ﺗﻌﻮﻓﻨﺔ ﻫﻴﺞ ﺷﺒﻲ ﻣﺆﻳﺪ .. ﻏﺰﻭﺍﻥ ﺑﺴﺮﻋﺔ ﺍﻟﺘﻔﺖ ﻋﻠﻰ ﻋﻤﻲ : ﺑﻮﻳﺔ ﺣﻤﺰﺓ ﺧﺎﺑﺮﻧﻲ ﻭﻛﺎﻝ ﻣﺆﻳﺪ ﻣﺴﻮﻱ ﺣﺎﺩﺙ ﻭﻫﺴﺔ ﻫﻮ ﺭﺍﻳﺢ ﺍﻟﺔ .. ﻭﻃﻠﺐ ﻣﻨﻲ ﺍﻟﺤﻜﺔ ﻭﻧﻔﺘﻬﻢ ﺍﻟﺴﺎﻟﻔﺔ .. ﻋﻤﻲ ﻭﻫﻮ ﻳﻄﻠﻊ : ﺍﻣﺸﻲ ﻧﺮﻭﺡ ﺍﻧﻲ ﻭﻳﺎﻙ .. ﻋﻤﺘﻲ ﻛﺎﻣﺖ ﺗﻀﺮﺏ ﻋﻠﻰ ﻭﺟﻬﺔ ﻭﻛﻌﺪﺕ ﺑﺎﻟﻜﺎﻉ : ﻳﻤﻤﻤﺔ ﻭﻟﻠﺪﻱ ﺭﺍﺣﻮ ﻣﻨﻲ .. ﺷﻤﺴﻮﻳﺔ ﺑﺤﻴﺎﺗﺞ ﻋﻔﺎﻑ ﻭﻫﻴﺞ ﺍﻟﻠﻪ ﻳﺨﺎﺫ ﻭﻟﺪﺝ ﻣﻨﺞ .. ﻳﻤﻤﺔ ﺩﺧﻴﻠﻚ ﺭﺑﻲ ﻻ ﺗﺤﺮﻣﻨﻲ ﻣﻨﺔ ﻭﺍﻟﻠﻪ ﻣﺎﺑﻴﺔ ﺣﻴﻞ ﻭﺟﻌﺔ ﺛﺎﻧﻴﺔ .. ﻛﻌﺪﺕ ﺑﺎﻟﻜﺎﻉ ﻭﺗﻨﻮﺡ ﻭﺍﻟﺤﺠﻴﺔ ﺗﺤﺎﻭﻝ ﺗﻬﺪﻳﻬﺔ : ﻭﻟﺞ ﻛﻮﻟﻲ ﻳﺎﻟﻠﻪ ﺍﻧﺸﺎﻟﻠﻪ ﻣﺎﺑﻲ ﺷﻲ .. ﻓﺠﺄﺓ ﺍﻟﺘﻔﺘﺖ ﺑﺴﺮﻋﺔ ﻭﺻﺮﺧﺖ ﻣﻦ ﺷﻔﺖ ﺟﻮﺭﻱ ﻭﻛﻌﺖ ﺑﺎﻟﻜﺎﻉ ﻣﻐﻤﻲ ﻋﻠﻴﻬﺔ : ﺟﻮﻭﻭﻭﺭﻱ ... ﺭﺣﺘﻠﻬﺔ ﺑﺴﺮﻋﺔ ﻭﺭﻓﻌﺘﻬﺔ ﻭﺍﺿﺮﺏ ﻋﻠﻰ ﻭﺟﻬﺔ : ﺟﻮﺭﻱ ﻓﺘﺤﻲ ﻋﻴﻮﻧﺞ ﻓﺪﻭﺓ .. ﺟﻮﺭﺭﺭﻱ .. ﺭﺣﺖ ﺭﻛﺾ ﺟﺒﺘﻠﻬﺔ ﻣﻲ ﻭﺣﺎﻭﻟﺖ ﺍﻛﻌﺪﻫﺔ ﻭﻫﻲ ﺑﺲ ﺟﺴﻤﻬﺔ ﻳﻨﺘﻔﺾ ﻭﺗﺮﺟﻊ ﺗﻮﻛﻊ .. ﺟﻴﺮﺍﻧﻬﻢ ﺳﻤﻌﺖ ﺻﻮﺕ ﻋﻴﺎﻁ ﻋﻤﺘﻲ ﻭﺍﺟﻦ ﻳﺮﻛﻀﻦ ﻭﺣﺎﻭﻟﻦ ﻳﺴﻜﺘﻨﻬﺔ .. ﺍﺟﺖ ﻭﺣﺪﺓ ﻣﻨﻬﻦ ﻭﺷﻠﻨﺔ ﺟﻮﺭﻱ ﺍﻧﻲ ﻭﻳﺎﻫﺔ ﻭﺻﻌﺪﻧﺎﻫﺔ ﻟﻐﺮﻓﺘﻬﺔ .. ﺍﺑﺠﻲ ﻋﻠﻰ ﺣﺎﻟﻬﺔ ﻭﺍﺩﻋﻲ ﺑﻜﻠﺒﻲ ﺍﻧﺸﺎﻟﻠﻪ ﻣﺎ ﺑﻲ ﺷﻲ .. ﺑﻘﺖ ﻫﺎﻱ ﺍﻟﺒﻨﻴﺔ ﺗﻘﺮﺓ ﻋﻠﻴﻬﺔ ﺍﻳﺎﺕ ﻭﺗﺴﻤﻲ ﻋﻠﻴﻬﺔ .. ﻭﺍﻧﻲ ﻻﺯﻣﺔ ﺗﻠﻴﻔﻮﻧﻲ ﻭﺍﺗﺼﻞ ﻋﻠﻰ ﻏﺰﻭﺍﻥ ﺍﺭﻳﺪ ﺍﻋﺮﻑ ﺷﺼﺎﺭ .. ﻧﺰﻟﺖ ﻋﻠﻰ ﻋﻤﺘﻲ ﻟﻜﻴﺘﻬﺔ ﻣﻨﺘﻬﻴﺔ ﻣﻦ ﺍﻟﺒﺠﻲ .. ﻭﺍﻟﺤﺠﻴﺔ ﺣﺎﻃﺔ ﺷﻴﻠﺘﻬﺔ ﻋﻠﻰ ﻭﺟﻬﺔ ﻭﺗﺒﺠﻲ ﻭﺷﻜﻠﻬﺔ ﺍﺳﺘﺴﻠﻤﺖ ﻟﻜﻼﻡ ﻋﻤﺘﻲ .. ﻛﻌﺪﺕ ﺑﺼﻔﻬﺔ : ﻋﻤﺔ ﺍﻫﺪﻱ ﺍﻟﻠﻪ ﻳﺨﻠﻴﺞ ﺍﻧﺸﺎﻟﻠﻪ ﻣﺎ ﺑﻲ ﺷﻲ .. ﺍﻛﻴﺪ ﻫﺴﺔ ﻳﺠﻮﻥ ﻭﻫﻮ ﻭﻳﺎﻫﻢ .. ﻋﻤﺘﻲ ﻭﻫﻲ ﺗﺪﻙ ﻋﻠﻰ ﺻﺪﺭﻫﺔ : ﺷﻴﺠﻮﻥ .. ﻣﻦ ﻣﺎﺕ ﻓﺎﺭﺱ ﻫﻢ ﻛﻠﺖ ﻫﻴﺞ ﺑﺲ ﻣﺎ ﺍﺟﺔ ﻭﻳﺎﻫﻢ .. ﻳﺮﺑﻲ ﻭﺍﻟﻠﻪ ﻛﻠﺒﻲ ﺧﻠﺺ ﻣﺎ ﺑﻴﺔ ﺣﻴﻞ ﻟﻮﻋﺔ ﺛﺎﻧﻴﺔ .. ﺑﻘﻴﺖ ﺍﺣﺎﻭﻝ ﺍﻫﺪﻳﻬﺔ ﻭﻛﻞ ﺷﻮﻱ ﺍﺭﻭﺡ ﺍﺷﻮﻑ ﺟﻮﺭﻱ ﻭﻫﻲ ﻋﻠﻰ ﺣﺎﻟﻬﺔ ﻣﻦ ﻧﺤﺎﻭﻝ ﻧﻜﻌﺪﻫﺔ ﺟﺴﻤﻬﺔ ﻳﻜﻮﻡ ﻳﺮﺟﻒ ﻭﺗﻨﺘﻔﺾ ﻭﺑﻌﺪﻳﻦ ﺗﺮﺟﻊ ﻳﻐﻤﻰ ﻋﻠﻴﻬﺔ .. ﺣﺮﺕ ﺑﻴﻦ ﻋﻤﺘﻲ ﻭﺑﻴﻦ ﺍﻟﺤﺠﻴﺔ ﻭﺑﻴﻦ ﺟﻮﺭﻱ ﻭﺍﻧﻲ ﻛﻞ ﻟﺤﻀﺔ ﺗﻤﺮ ﺍﺗﺬﻛﺮ ﺍﻟﻴﻮﻡ ﺍﻟﻲ ﺗﻮﻓﻰ ﺑﻲ ﻓﺎﺭﺱ ﻭﺧﻮﻓﻨﺔ ﻋﻠﻰ ﺭﺍﺋﺪ ﻭﺍﺗﻤﻨﻰ ﻳﺮﺟﻊ ﻣﺆﻳﺪ ﻣﺜﻞ ﻣﺎ ﺭﺟﻊ ﺭﺍﺋﺪ .. ﻭﺭﺓ ﺳﺎﻋﺘﻴﻦ ﺗﻘﺮﻳﺒﺎ ﻭﺍﻟﻮﺿﻊ ﻋﻠﻰ ﺣﺎﻟﺔ .. ﻟﺤﺪ ﻣﺎ ﺍﻧﻔﺘﺢ ﺍﻟﺒﺎﺏ ﻭﺩﺧﻞ ﻏﺰﻭﺍﻥ ﻭﻋﻤﻲ .. ££££££ ﻣﺆﻳﺪ .. ﺟﻨﺖ ﺍﻣﺸﻲ ﺑﺎﻟﺴﻴﺎﺭﺓ ﻭﻣﺘﻮﺟﻪ ﻟﻠﺒﻴﺖ .. ﻓﺠﺄﺓ ﺍﺟﺖ ﺳﻴﺎﺭﺓ ﻣﺴﺮﻋﺔ ﻣﻦ ﺟﻬﺘﻲ ﺍﻟﻲ ﻋﺎﻟﺴﺎﻳﻖ ﻭﺑﺴﺮﻋﺔ ﻭﺑﺬﻛﺎﺀ ﻓﺮﻳﺖ ﺍﻟﺴﺘﻴﺮﻥ ﻭﺍﻟﺘﻔﺖ ﺍﻟﺴﻴﺎﺭﺓ ﻭﺻﺎﺭﺕ ﻋﺎﻟﺠﻬﺔ ﺍﻟﻌﻜﺲ .. ﺍﺻﻄﺪﻣﺖ ﺍﻟﺴﻴﺎﺭﺓ ﺑﺴﻴﺎﺭﺗﻲ ﻭﻫﺰﺕ ﺍﻟﺴﻴﺎﺭﺓ ﻫﺰ ﺑﺲ ﺍﻟﻀﺮﺑﺔ ﺻﺎﺭﺕ ﻋﻠﻰ ﺍﻟﺠﻬﺔ ﺍﻟﺒﺼﻔﻲ ﻻﻥ ﻟﻔﻴﺖ ﺍﻟﺴﻴﺎﺭﺓ .. ﺣﺴﻴﺖ ﺭﺍﺳﻲ ﺍﻓﺘﺮ ﻣﻦ ﻗﻮﺓ ﺍﻟﻀﺮﺑﺔ .. ﻫﺰﻳﺖ ﺭﺍﺳﻲ ﺑﺴﺮﻋﺔ ﻭﻏﻤﻀﺖ ﻋﻴﻮﻧﻲ ﻭﻓﺘﺤﺘﻬﺔ ﻭﺻﺤﺼﺤﺖ ﺍﻟﺤﻤﺪﺍﻟﻠﻪ ﻣﺎ ﺻﺎﺭ ﺑﻴﺔ ﺷﻲ .. ﻧﺰﻟﺖ ﺑﺴﺮﻋﺔ ﻣﻦ ﺍﻟﺴﻴﺎﺭﺓ ﻭﺭﻛﻀﺖ ﻟﺼﺎﺣﺐ ﺍﻟﺴﻴﺎﺭﺓ ﺍﻟﻲ ﺿﺮﺑﺘﻨﻲ .. ﺳﻴﺎﺭﺗﺔ ﻣﻦ ﻛﺪﺍﻡ ﺗﺤﻄﻤﺖ ﻭﺍﻟﺠﺎﻡ ﺗﻜﺴﺮ .. ﺣﺎﻭﻟﺖ ﺍﻓﺘﺢ ﺍﻟﺒﺎﺏ ﺑﺲ ﺷﻜﻠﺔ ﻣﻘﻔﻮﻝ ﻣﻦ ﺟﻮﺓ .. ﺩﻛﻴﺖ ﺍﻟﺸﺒﺎﻙ ﺍﻛﺜﺮ ﻣﻦ ﻣﺮﺓ ﺑﺲ ﺍﻟﻮﻟﺪ ﻣﻐﻤﻲ ﻋﻠﻲ ﻭﺭﺍﺳﺔ ﻣﻠﻴﺎﻥ ﺩﻡ .. ﺣﺎﻭﻟﺖ ﺍﻟﻜﻰ ﻃﺎﺑﻮﻛﺔ ﺣﺘﻰ ﺍﻛﺴﺮ ﺍﻟﺠﺎﻣﺔ ﺑﺲ ﻣﺎﻛﻮ .. ﺳﻤﻴﺖ ﺑﺎﻟﻠﻪ ﻭﺿﺮﺑﺖ ﺍﻟﺠﺎﻣﺔ ﺑﻴﺪﻱ ﺍﻛﺜﺮ ﻣﻦ ﻣﺮﺓ .. ﻭﻻﻥ ﻫﻲ ﺍﺻﻼ ﺟﺎﻧﺖ ﻣﻜﺴﺮﺓ .. ﻳﻌﻨﺐ ﻛﻢ ﺿﺮﺑﺔ ﻭﻛﻊ ﺍﻟﻜﺰﺍﺯ ﺑﺲ ﺍﻳﺪﻱ ﺍﻧﺘﺮﺳﺖ ﻛﺰﺍﺯ ﻣﻦ ﻭﺭﺓ ﺍﻟﻀﺮﺏ ﻭﻣﻊ ﺫﻟﻚ ﻣﺎ ﺍﻫﺘﻤﻴﺖ .. ﻣﺪﻳﺖ ﺍﻳﺪﻱ ﻣﻔﺘﺤﺖ ﻗﻔﻞ ﺍﻟﺴﻴﺎﺭﺓ ﻣﻦ ﺟﻮﺓ ﻭﺑﻌﺪﻳﻦ ﻓﺘﺤﺖ ﺍﻟﺒﺎﺏ .. ﺷﻔﺖ ﺍﻟﻮﻟﺪ ﻳﻄﻠﻊ ﺗﻘﺮﻳﺒﺎً ﻋﻤﺮﺓ ﺑﺎﻟﻌﺸﺮﻳﻨﺎﺕ ﻭﻭﺟﻬﺔ ﻏﺮﻛﺎﻥ ﺩﻡ ﻭﺍﻟﻜﺰﺍﺯ ﻧﺼﺔ ﺑﺮﺍﺳﺔ .. ﺳﻤﻴﺖ ﺑﺎﻟﻠﻪ ﻭﻣﺪﻳﺖ ﺍﻳﺪﻱ ﻭﺭﺓ ﺿﻬﺮﺓ ﻭﺍﻳﺪﺓ ﺣﻄﻴﺘﻬﺔ ﻋﻠﻰ ﻛﺘﻔﻲ ﻭﻧﺰﻟﺘﺔ ﺑﺎﻟﻜﺎﻉ ... ﺗﻔﺤﺼﺖ ﻧﺒﻀﺔ ﺑﻌﺪﺓ ﻋﺪﻝ .. ﻛﻤﺖ ﺑﺴﺮﻋﺔ ﻟﻠﺸﺎﺭﻉ ﺍﺗﻠﻔﺖ ﺑﻠﻜﻲ ﺳﻴﺎﺭﺓ ﺗﻤﺮ .. ﻭﺭﺓ ﺧﻤﺲ ﺩﻗﺎﻳﻖ ﻣﺮﺕ ﺳﻴﺎﺭﺓ ﺗﻜﺴﻲ ﻭﻛﻔﺘﺔ .. ﺍﺟﺔ ﻳﺮﻛﺾ ﻭﺷﻠﻨﺔ ﺍﻟﻮﻟﺪ ﺳﻮﺓ ﻭﺗﻮﺟﻬﻨﺔ ﻟﻠﻤﺴﺘﺸﻔﻰ ﻣﺎﻟﺘﻨﺔ .. ﺣﺎﻁ ﺍﻟﻮﻟﺪ ﺑﺤﻀﻨﻲ ﻭﺍﻳﺪﻱ ﺗﻨﺰﻑ ﻭﻫﺪﻭﻣﻲ ﺍﻧﺘﺮﺳﺖ ﺩﻡ ﻣﻦ ﺭﺍﺱ ﺍﻟﻮﻟﺪ .. ﻭﺻﻠﺖ ﻟﻠﻤﺴﺘﺸﻔﻰ ﻭﺑﺴﺮﻋﺔ ﺻﺤﺖ ﻋﻠﻴﻬﻢ ﻭﺟﺎﺑﻮ ﺳﺮﻳﺮ ﻣﺘﺤﺮﻙ ﻭﺣﻄﻴﺘﺔ ﺑﻲ ﻭﺭﻛﻀﺖ ﻟﻘﺴﻢ ﺍﻟﻄﻮﺍﺭﺉ .. ﺍﺳﺘﻠﻤﺔ ﻣﻨﻲ ﻭﺍﺣﺪ ﻣﻦ ﺍﻟﺪﻛﺎﺗﺮﺓ ﺍﻟﻲ ﺑﺎﻟﻤﺴﺘﺸﻔﻰ : ﺩﻛﺘﻮﺭ ﻣﺆﻳﺪ ﺧﻠﺺ ﺍﺣﻨﺔ ﺍﺳﺘﻠﻤﻨﺎﻩ .. ﺍﻧﺖ ﺧﻞ ﻳﻌﺎﻟﺠﻮﻥ ﺍﻳﺪﻙ ﻻﻥ ﻣﺠﺮﻭﺣﺔ .. ﻛﻌﺪﺕ ﻋﺎﻟﻜﺮﺳﻲ ﻭﺍﻟﻬﺚ .. ﺣﺘﻰ ﻣﺎ ﺍﻋﺮﻑ ﻫﺎﻟﻮﻟﺪ ﻭﺍﻫﻠﺔ ﻣﻨﻴﻦ .. ﺑﺎﻭﻋﺖ ﻟﻴﺪﻱ ﺗﻨﺰﻑ ﺩﻡ .. ﺻﺤﺖ ﻋﻠﻰ ﻭﺍﺣﺪ ﻣﻦ ﺍﻟﻤﻤﺮﺿﻴﻦ ﻭﺍﺟﺔ ﻳﻀﻤﺪﻟﻲ ﺍﻳﺪﻱ .. ﻭﻭﺭﺓ ﺭﺑﻊ ﺳﺎﻋﺔ ﻃﻠﻊ ﺍﻟﻤﻤﺮﺽ ﻣﻦ ﻏﺮﻓﺔ ﺍﻟﻮﻟﺪ ﻭﺍﻧﻄﺎﻧﻲ ﺗﻠﻴﻔﻮﻧﺔ ﻭﻣﺤﻔﻀﺘﺔ ﺟﺎﻧﻮ ﺑﺠﻴﺒﺔ .. ﺍﺗﺼﻠﺖ ﻋﻠﻰ ﺍﺧﺮ ﺭﻗﻢ ﺟﺎﻥ ﻫﻮ ﻣﺘﺼﻞ ﻋﻠﻲ ﻭﻣﻜﺘﻮﺏ ﺍﺑﻮﻱ ﻭﺑﻠﻐﺘﺔ ﻋﻨﺔ ﻭﻫﻮ ﺧﻄﻴﺔ ﺍﻧﺨﺒﺺ ﻭﻛﺎﻝ ﺭﺍﺡ ﻳﺠﻲ .. ﺧﻠﺺ ﺍﻟﻤﻤﺮﺽ ﻣﻦ ﺍﻳﺪﻱ ﻭﻓﺠﺄﺓ ﺷﻔﺖ ﻏﺰﻭﺍﻥ ﺍﺟﺔ ﻳﺮﻛﺾ ﻭﻭﺟﻬﺔ ﺍﺣﻤﺮ ﻭﺍﻟﺨﻮﻑ ﻣﺒﻴﻦ ﺑﻲ .. ﺍﺟﺎﻧﻲ ﻳﻠﻬﺚ : ﻣﺆﻳﺪ .. ﺣﻀﻨﻲ ﺣﻴﻞ ﻭﺑﺨﻮﻑ ﻭﻫﻮ ﻳﺘﻨﻔﺲ ﺑﺴﺮﻋﺔ : ﺍﺍﺍﺥ ﺍﻟﺤﻤﺪﺍﻟﻠﻪ ﻭﺍﻟﺸﻜﺮ ﻭﺍﻟﻠﻪ ﻛﻠﺒﻲ ﺭﺍﺩ ﻳﻮﻛﻒ .. ﺣﺠﻴﺖ ﻭﺍﻧﻲ ﺍﻃﺒﻄﺐ ﻋﻠﻰ ﺿﻬﺮﺓ : ﻏﺰﻭﺍﻥ ﺍﻫﺪﺉ ﻭﺍﻟﻠﻪ ﻣﺎ ﺑﻴﺔ ﺷﻲ .. ﺷﻮﻓﻨﻲ ﻛﺪﺍﻣﻚ ﻛﻠﺸﻲ ﻣﺎ ﺑﻴﺔ .. ﻭﺧﺮ ﻭﻫﻮ ﻳﺘﻠﻤﺴﻨﻲ ﻭﻳﺘﺄﻛﺪ : ﺍﻛﻴﺪ ﻣﺎ ﺑﻴﻚ ﺷﻲ .. ﺷﻨﻮ ﻫﺬﺍ ﺍﻟﺪﻡ ﺍﻟﻲ ﻋﻠﻰ ﻣﻼﺑﺴﻚ .. ﻣﺆﻳﺪ : ﻫﺬﺍ ﻣﻮ ﺩﻣﻲ .. ﺍﻟﻮﻟﺪ ﺍﻟﻲ ﺿﺮﺑﻨﻲ ﺑﺴﻴﺎﺭﺗﺔ ﺗﺄﺫﺓ ﺧﻄﻴﺔ ﻭﺟﺒﺘﺔ ﻟﻠﻤﺴﺘﺸﻔﻰ ﻭﻫﺬﺍ ﺩﻣﺔ ﻋﻠﻰ ﻫﺪﻭﻣﻲ .. ﺗﻨﻔﺲ ﺑﺮﺍﺣﺔ : ﺍﻟﻒ ﺍﻟﺤﻤﺪﺍﻟﻠﻪ .. ﺍﺟﺔ ﺍﺑﻮﻱ ﻛﻮﺓ ﻳﻤﺸﻲ .. ﺭﺣﺘﻠﺔ ﺑﺴﺮﻋﺔ ﻭﺳﻨﺪﺗﺔ : ﺑﻮﻳﺔ ﻋﻠﻰ ﻛﻴﻔﻚ .. ﺍﺑﻮ ﻏﺰﻭﺍﻥ : ﻭﻟﻚ ﻫﺪﻳﺖ ﺣﻴﻠﻲ .. ﺗﺮﻳﺪ ﺗﻠﻮﻉ ﻛﻠﺒﻲ ﻣﺜﻞ ﻣﺎ ﻟﻮﻋﺘﺔ ﻋﻠﻰ ﺍﺧﻮﻙ .. ﻣﺆﻳﺪ : ﺳﻼﻣﺔ ﻛﻠﺒﻚ ﺑﻮﻳﺔ .. ﺷﻮﻓﻨﻲ ﻛﺪﺍﻣﻚ ﺳﺎﻟﻢ ﻣﺎﺑﻴﺔ ﺷﻲ .. ﺣﻤﺰﺓ : ﻭﺍﻟﻠﻪ ﺧﻮﻓﺘﻨﺔ .. ﺩﻛﻮ ﻋﻠﻰ ﺍﺑﻮﻱ ﻣﻦ ﺍﻟﻤﺴﺘﺸﻔﻰ ﻛﺎﻟﻮﻟﺔ ﺍﻟﺪﻛﺘﻮﺭ ﻣﺆﻳﺪ ﻣﺴﻮﻱ ﺣﺎﺩﺙ .. ﻭﻛﻠﺸﻲ ﻣﺎ ﺍﻓﺘﻬﻤﻨﺔ .. ﻋﺒﺎﻟﻨﺔ ﺷﻮ ﺷﺒﻴﻚ .. ﻣﺆﻳﺪ : ﻣﺎ ﺗﺄﺫﻳﺖ ﺑﺲ ﺍﻟﻮﻟﺪ ﺍﻟﻲ ﺗﺪﺍﻋﻤﺖ ﻭﻳﺎﻩ ﺧﻄﻴﺔ ﺗﺄﺫﺓ .. ﺍﺑﻮﻱ ﺷﺎﻝ ﺍﻳﺪﻱ : ﺷﻠﻮﻥ ﻣﺎ ﺗﺄﺫﻳﺖ .. ﺟﺎ ﻭﻫﺎﻱ ﺍﻳﺪﻙ .. ﻣﺆﻳﺪ : ﺑﻮﻳﺔ ﻣﺎ ﺗﺄﺫﻳﺖ ﻭﺍﻟﻠﻪ ﺑﺲ ﺍﻳﺪﻱ ﺍﻧﺠﺮﺣﺖ ﺑﺎﻟﻜﺰﺍﺯ ﻣﻦ ﻃﻠﻌﺖ ﺍﻟﻮﻟﺪ .. ﺭﺑﺖ ﻋﻠﻰ ﻛﺘﻔﻲ : ﺍﻟﻠﻪ ﻳﺠﺰﻳﻚ ﺍﻟﺨﻴﺮ ﺑﻮﻳﺔ ﻭﻳﺪﻓﻊ ﻋﻨﻜﻢ ﺍﻟﺸﺮ ﺍﻧﺘﺔ ﻭﺍﺧﻮﻙ ﻭﻳﺤﻔﺾ ﻛﻞ ﺍﻟﺸﺒﺎﺏ ﻻﻫﻠﻬﺔ ﻭﻻ ﻳﺸﻮﻑ ﻓﻜﺪ ﺍﻟﻮﻟﺪ ﻻﺣﺪ ﻻﻥ ﺗﻤﺮﺩ ﺍﻟﻜﻠﺐ .. ﺍﻟﻜﻞ : ﺍﻣﻴﻦ ﺍﻧﺸﺎﻟﻠﻪ .. ﻏﺰﻭﺍﻥ : ﻳﻠﺔ ﻛﻮﻡ ﻧﺮﻭﺡ ﻟﻠﺒﻴﺖ ﺍﻛﻴﺪ ﻫﺴﺔ ﺍﻣﻲ ﻛﺎﻋﺪﺓ ﻋﻠﻰ ﻧﺎﺭ .. ﻣﺆﻳﺪ : ﻻ ﻣﺎ ﺍﺭﻭﺡ .. ﺍﻧﺘﻀﺮ ﺍﻫﻞ ﺍﻟﻮﻟﺪ ﻳﺠﻮﻥ ﻳﻠﺔ .. ﻣﺎ ﻟﺤﻜﺖ ﺍﻛﻤﻞ ﺍﻻ ﺷﻔﺖ ﻭﺍﺣﺪ ﺟﺒﻴﺮ ﺑﺎﻟﻌﻤﺮ ﻭﻭﻳﺎﻩ ٢ ﺷﺒﺎﺏ ﺍﺟﻮ ﺑﺴﺮﻋﺔ ﻋﻠﻴﻨﺔ .. ﺍﻟﺮﺟﺎﻝ : ﻭﻳﻴﻨﺔ ﺍﺑﻨﻲ .. ﺣﺴﺎﻡ ﻭﻳﻦ .. ﺭﺣﺘﻠﺔ : ﻻ ﺗﺨﺎﻑ ﻋﻤﻲ ﺍﻧﺸﺎﻟﻠﻪ ﻣﺎ ﺑﻲ ﺷﻲ .. ﻫﺴﺔ ﻳﻄﻠﻌﻮﻥ ﻭﻳﻄﻤﻨﻮﻙ ﻋﻠﻲ .. ﺣﺠﺔ ﺑﺨﻮﻑ : ﺷﻠﻮﻥ ﺻﺎﺭ ﺍﻟﺤﺎﺩﺙ .. ﺣﺠﻴﺘﻠﺔ ﺷﺼﺎﺭ ﻭﻫﻮ ﺻﺎﺭ ﻳﺘﺸﻜﺮ ﻣﻨﻲ .. ﻋﻔﻨﺎﻩ ﻭﺭﺣﻨﺔ ﻟﻠﺒﻴﺖ .. ﺩﺧﻠﺖ ﻭﺍﻣﻲ ﻣﻦ ﺷﺎﻓﺘﻨﻲ ﺣﻀﻨﺘﻨﻲ ﻭﺻﺎﺭﺕ ﺗﺒﺠﻲ ﻭﺗﺒﻮﺱ ﺑﻴﺔ .. ﺑﺴﺘﻬﺔ ﺑﺮﺍﺳﻬﺔ : ﻳﻤﺔ ﻻ ﺗﺨﺎﻓﻴﻦ ﺍﻧﻲ ﺑﺨﻴﺮ ﻭﺩﻋﻮﺍﺗﺞ ﻣﺎ ﺭﺍﺣﺖ ﺑﻼﺵ .. ﺭﻓﻌﺖ ﺍﻳﺪﻳﻬﺔ ﻟﻔﻮﻙ : ﺭﺑﻲ ﻓﺪﻭﺓ ﻻﺳﻤﻚ ﻭﺍﻟﻠﻪ ﻻﺫﺑﺢ ﻃﻠﻲ ﻟﻮﺟﻬﻚ ﻋﻠﻰ ﻫﺎﻟﺒﺸﺎﺭﺓ .. ﺳﻠﻤﺖ ﻋﺎﻟﺤﺠﻴﺔ ﻭﻋﻴﻮﻧﻲ ﺗﺪﻭﺭ ﻋﻠﻴﻬﺔ .. ﻭﻳﻨﻬﺔ ﻟﻴﺶ ﻣﺎﻛﻮ .. ﻣﻴﺎﻣﻴﻦ : ﺍﻟﺤﻤﺪﺍﻟﻠﻪ ﻋﻠﻰ ﺳﻼﻣﺘﻚ ﻣﺆﻳﺪ .. ﺧﻄﺎﻙ ﺍﻟﺸﺮ .. ﻣﺆﻳﺪ : ﺍﻟﻠﻪ ﻳﺴﻠﻤﺞ ﻣﺎ ﺗﻘﺼﺮﻳﻦ ... ﺑﺲ ﺟﻮﺭﻱ ﻭﻳﻦ .. ﻣﺎ ﺍﺷﻮﻓﻬﺔ .. ﺍﻣﻲ ﺭﺩﺕ ﻋﻠﻴﺔ : ﻳﻤﺔ ﻣﺮﺗﻚ ﻣﻦ ﺳﻤﻌﺖ ﺑﻴﻚ ﻭﻫﻲ ﺍﻧﻐﻤﻰ ﻋﻠﻴﻬﺔ ﻭﻫﺴﺔ ﻧﺎﻳﻤﺔ .. ﺭﻭﺡ ﻃﻤﻦ ﻛﻠﺒﻬﺔ ﻳﻤﺔ .. ﻛﻤﺖ ﺑﺴﺮﻋﺔ ﻭﺍﻧﻲ ﺧﺎﻳﻒ ﻋﻠﻴﻬﺔ .. ﺩﺧﻠﺖ ﻟﻠﻐﺮﻓﺔ ﻭﺭﺩﺕ ﺍﻛﻌﺪﻫﺔ ﺑﺲ ﺷﻔﺖ ﺷﻜﻠﻲ ﺑﺎﻟﻤﺮﺍﻳﺔ ﺍﻛﻴﺪ ﺭﺍﺡ ﺗﺨﺘﺮﻉ ﺍﺫﺍ ﺷﺎﻓﺘﻨﻲ ﻛﻠﻲ ﺩﻡ .. ﺩﺧﻠﺖ ﻟﻠﺤﻤﺎﻡ ﻭﺳﺒﺤﺖ ﻋﺎﻟﺴﺮﻳﻊ ﻭﺑﺪﻟﺖ ﻣﻼﺑﺴﻲ ﻭﺭﺣﺖ ﻛﻌﺪﺕ ﻳﻤﻬﺔ .. ﺍﺑﺎﻭﻉ ﻟﺸﻜﻠﻬﺔ ﺗﻌﺒﺎﻥ .. ﺻﺮﺕ ﺍﻟﻌﺐ ﺑﺸﻌﺮﻫﺔ ﻭﺣﺠﻴﺖ ﺑﻬﻤﺲ : ﺟﻮﺭﻱ .. ﺟﻮﺭﻱ .. ﻋﻘﺪﺕ ﺣﻮﺍﺟﺒﻬﺔ ﻭﺗﺤﺮﻙ ﺭﺍﺳﻬﺔ : ﺟﻮﺭﺍﺗﻲ ﻛﻮﻣﻲ ﺍﻧﻲ ﺍﺟﻴﺖ .. ﻓﺘﺤﺖ ﻋﻴﻮﻧﻬﺔ ﻭﻛﻤﺰﺕ ﺑﺴﺮﻋﺔ ﺷﺎﻓﺘﻨﻲ ﻭﺩﻣﻮﻋﻬﺔ ﻧﺰﻟﺖ ﻣﺒﺎﺷﺮﺓً .. ﺣﻀﻨﺘﻨﻲ ﻭﺗﻤﺴﻜﺖ ﺑﻴﺔ ﺣﻴﻞ ﻭﺗﺸﻬﻚ : ﻭﻳﻴﻨﻚ .. ﻭﺍﻟﻠﻪ ﺧﻔﺖ ﻋﻠﻴﻚ .. ﻋﺒﺎﻟﻲ ﺻﺎﺭ ﺑﻴﻚ ﺷﻲ .. ﺣﻀﻨﺘﻬﺔ ﻭﺍﻧﻲ ﺍﺣﺎﻭﻝ ﺍﻫﺪﻳﻬﺔ : ﺍﺷﺸﺶ .. ﺍﻫﺪﻱ ﻣﺎ ﺻﺎﺭ ﺷﻲ .. ﺟﻮﺭﻱ ﻭﻫﻲ ﺗﻠﺰﻡ ﺍﻳﺪﻱ : ﺷﻠﻮﻥ ﻣﺎ ﺻﺎﺭ ﺷﻲ ﻭﺍﻳﺪﻙ .. ﺳﺤﺒﺘﻬﺔ ﺑﺴﺮﻋﺔ : ﺟﺮﺡ ﺑﺴﻴﻂ ﻭﻳﺮﻭﺡ ﻻ ﺗﺨﺎﻓﻴﻦ .. ﺟﻮﺭﻱ : ﺷﻠﻮﻥ ﻣﺎ ﺍﺧﺎﻑ .. ﻭﺍﻟﻠﻪ ﻟﻠﺤﻀﺔ ﺗﺨﻴﻠﺖ ﺑﻌﺪ ﻣﺎ ﺍﺷﻮﻓﻚ ﻭﻣﺎ ﺗﺤﻤﻠﺖ .. ﻃﺒﻜﺖ ﺣﻮﺍﺟﺒﻲ ﻭﺑﺎﻭﻋﺘﻠﻬﺔ : ﻭﻟﻴﺶ ﻫﺎﻟﻜﺪ ﺧﻔﺘﻲ ﻋﻠﻴﺔ .. ﻃﺒﻜﺖ ﺣﻮﺍﺟﺒﻬﺔ ﻭﻣﺴﺤﺖ ﺩﻣﻌﺘﻬﺔ : ﻫﺎ .. ﺷﻠﻮﻥ ﻣﺎ ﺍﺧﺎﻑ .. ﺍﻧﺖ ﺍﺑﻦ ﻋﻤﻲ ﻭﻫﻢ ﺯﻭﺟﻲ .. ﻫﺰﻳﺖ ﺭﺍﺳﻲ : ﺍﻫﺎﺍﺍ .. ﻛﺎﻣﺖ ﻫﻲ ﻭﻭﻛﻔﺖ : ﻳﻠﺔ ﺍﻧﺘﺔ ﺍﺭﺗﺎﺡ ﻫﺴﺔ ﻭﺗﻤﺪﺩ .. ﺍﻛﻴﺪ ﺗﻌﺒﺎﻥ .. ﻓﺮﻛﺖ ﺭﺍﺳﻲ : ﺍﻱ ﻭﺍﻟﻠﻪ ﺗﻌﺒﺎﻥ .. ﻓﺮﺷﻴﻠﻲ ﻓﺮﺍﺷﻲ ﺑﻼ ﺍﻣﺮ ﻋﻠﻴﺞ ﻭﺧﻠﻴﻨﻲ ﺍﺗﻤﺪﺩ .. ﺟﻮﺭﻱ : ﻧﺎﻡ ﺍﻧﺖ ﻋﺎﻟﺠﺮﺑﺎﻳﺔ ﺍﻟﻴﻮﻡ .. ﺍﻧﻲ ﺍﻧﺎﻡ ﺑﺎﻟﻜﺎﻉ .. ﺭﺩﻳﺖ ﺑﺴﺮﻋﺔ : ﻻ ﺷﻠﻮﻥ ﺗﻨﺎﻣﻴﻦ ﺍﻧﺘﻲ ﺑﺎﻟﻜﺎﻉ .. ﺟﻮﺭﻱ : ﻭﺍﻟﻠﻪ ﻫﺬﺍ ﺍﻟﻲ ﻋﻨﺪﻱ ﻭﺭﺍﺡ ﺍﻧﺎﻡ ﺑﺎﻟﻜﺎﻉ ﻭﺍﻧﺖ ﺗﻨﺎﻡ ﻋﺎﻟﺠﺮﺑﺎﻳﺔ ﺍﻭﻙ .. ﻫﺰﻳﺖ ﺭﺍﺳﻲ : ﺑﺄﻣﺮﺝ .. ﺭﺟﻌﺖ ﺿﻬﺮﻱ ﻭﺣﻄﻴﺖ ﺭﺍﺳﻲ ﻋﺎﻟﻤﺨﺪﺓ .. ﻭﺑﺲ ﻏﻤﻀﺖ ﻋﻴﻮﻧﻲ ﻏﻔﻴﺖ ﻣﻦ ﺍﻟﺘﻌﺐ قصص عراقيه حقيقيه من واقعنا.روعه الطائي ﺟﻮﺭﻱ .. ﻛﻌﺪﺕ ﺑﺎﻟﺼﺎﻟﺔ ﻭﺍﻓﻜﺮ .. ﺍﻧﻲ ﺣﺒﻴﺖ ﻣﺆﻳﺪ ... ﺍﻱ ﺣﺒﻴﺘﺔ .. ﺍﻟﻲ ﺻﺎﺭ ﺍﻟﻴﻮﻡ ﺍﺛﺒﺘﻠﻲ ﻫﺎﻟﺸﻲ .. ﻭﺍﻛﺒﺮ ﺩﻟﻴﻞ ﺍﻥ ﻣﺎ ﺻﺮﺕ ﺍﻓﻜﺮ ﺑﻔﺎﺭﺱ ﻣﺜﻞ ﺍﻻﻭﻝ .. ﻭﻛﻞ ﺗﻔﻜﻴﺮﻱ ﺑﻤﺆﻳﺪ ﻭﻫﺎﻟﻤﺮﺓ ﺑﻄﺮﻳﻘﺔ ﻣﺨﺘﻠﻔﺔ ﻭﺷﻌﻮﺭ ﺍﻭﻝ ﻣﺮﺓ ﺍﺣﺲ ﺑﻲ .. ﻣﻌﻘﻮﻟﺔ ﺣﺒﻲ ﻟﻔﺎﺭﺱ ﻣﺎ ﺟﺎﻥ ﺣﺐ ﺣﻘﻴﻘﻲ .. ﺣﺴﻴﺖ ﺍﻟﻴﻮﻡ ﺍﻥ ﺭﻭﺣﻲ ﺍﻧﺴﻠﺒﺖ ﻣﻨﻲ ﻣﻦ ﺳﻤﻌﺖ ﺍﻥ ﻣﺆﻳﺪ ﺳﻮﺓ ﺣﺎﺩﺙ .. ﺍﺫﺍ ﺻﺎﺭﻟﺔ ﺷﻲ ﺍﻧﻲ ﺍﻣﻮﺕ ﻭﺭﺍﻩ .. ﻣﺎﻛﺪﺭ ﺑﺪﻭﻧﺔ .. ﺍﻛﺘﺸﻔﺖ ﺍﻥ ﻣﺆﻳﺪ ﺧﻼﻧﻲ ﺍﺣﺒﺔ ﺑﻬﺎﻟﻔﺘﺮﺓ ﺍﻟﻘﺼﻴﺮﺓ ﻭﺑﺪﻭﻥ ﻣﺎ ﺍﺣﺲ ﺑﻬﺎﻟﺸﻲ .. ﻭﺍﻧﻲ ﻣﺘﺄﻛﺪﺓ ﻣﻦ ﺣﺒﺔ ﺍﻟﻲ ﺑﺲ ﻣﺎ ﺍﻛﺪﺭ ﺍﻋﺘﺮﻓﻠﺔ ﺑﺤﺒﻲ ﻻﻥ ﻛﻠﻤﺎﺗﺔ ﺑﻌﺪﻫﺔ ﺑﺄﺫﻧﻲ ﻣﻦ ﻣﺎ ﻋﺠﺒﺔ ﺗﺼﺮﻓﻲ ﻣﻦ ﺍﻋﺘﺮﻓﺖ ﻟﻔﺎﺭﺱ ﺑﺤﺒﻲ .. ﻣﺎﺭﻳﺪ ﺍﻋﻴﺪ ﻫﺎﻟﺸﻲ ﻣﺮﺓ ﺛﺎﻧﻴﺔ .. ﻣﻴﺎﻣﻴﻦ ... ﺭﺣﺖ ﻟﺒﻴﺘﻨﺔ ﻭﺩﺧﻠﺖ ﻟﻐﺮﻓﺘﻲ ﺷﻔﺖ ﻏﺰﻭﺍﻥ ﻛﺎﻋﺪ ﻋﺎﻟﻘﻨﻔﺔ ﻭﻣﺮﺟﻊ ﺭﺍﺳﺔ ﻟﻮﺭﻯ ﻭﻣﻐﻤﺾ ﺑﻀﻴﻘﺔ .. ﻛﻌﺪﺕ ﺑﺼﻔﺔ ﻭﻫﻮ ﻓﺘﺢ ﻋﻴﻮﻧﺔ ﻭﺑﺎﻭﻋﻠﻲ .. ﺣﻄﻴﺖ ﺍﻳﺪﻱ ﻋﻠﻰ ﻛﺘﻔﺔ : ﺣﺒﻴﺒﻲ ﺷﺒﻴﻚ .. ﺩﻧﻚ ﻭﺣﻂ ﺭﺍﺳﺔ ﻋﻠﻰ ﺭﺟﻠﻴﺔ .. ﻣﺪﻳﺖ ﺍﻳﺪﻱ ﻭﺍﻟﻌﺐ ﺑﺸﻌﺮﺓ ﻭﺍﻳﺪﻱ ﺍﻟﺜﺎﻧﻴﺔ ﻋﻠﻰ ﻛﺘﻔﺔ .. ﺣﺠﺔ ﺑﺼﻮﺕ ﻣﺨﻨﻮﻙ : ﺧﻔﺖ ﺍﺧﺴﺮﺓ ﻣﺜﻞ ﻣﺎ ﺧﺴﺮﺕ ﻓﺎﺭﺱ .. ﺧﻔﺖ ﺍﺻﻔﻰ ﺑﺪﻭﻥ ﺍﺧﻮ ﻭﻻ ﺳﻨﺪ .. ﺩﻧﻜﺖ ﻭﺣﻄﻴﺖ ﺭﺍﺳﻲ ﻋﻠﻰ ﻛﺘﻔﺔ : ﺍﻟﻠﻪ ﺳﺘﺮ ﻭﻣﺎ ﺻﺎﺭ ﺑﻲ ﺷﻲ .. ﺍﻧﺸﺎﻟﻠﻪ ﺍﻟﻠﻪ ﻳﺤﻔﻀﻜﻢ ﻟﺒﻌﺾ ﻭﻳﺨﻠﻲ ﺳﻨﺪ ﺍﻟﻚ ﺩﺍﺋﻤﺎً .. ﺭﻓﻌﺖ ﺍﻳﺪﺓ ﻭﺣﻄﻴﺘﻬﺔ ﺟﻮﺓ ﺧﺪﻱ : ﻭﻳﺨﻠﻴﻚ ﺳﻨﺪ ﺍﻟﻲ .. ﻛﻌﺪ ﻋﻠﻰ ﺣﻴﻠﺔ ﻭﺳﺤﺒﻨﻲ ﻟﺤﻀﻨﺔ .. ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﺓ ﻭﻫﻮ ﺍﻳﺪﺓ ﺗﻠﻌﺐ ﺑﺸﻌﺮﻱ ﻭﺧﺪﺓ ﻋﻠﻰ ﺭﺍﺳﻲ .. : ﺍﻟﻠﻪ ﻻ ﻳﺤﺮﻣﻨﻲ ﻣﻦ ﻫﺎﻟﻜﻼﻡ ﻫﺬﺍ ﻭﺻﺎﺣﺒﺘﺔ .. ﺍﺑﺘﺴﻤﺖ ﻭﺭﻓﻌﺖ ﺭﺍﺳﻲ ﻭﺧﻠﻴﺖ ﺑﻮﺳﺔ ﻗﻮﻳﺔ ﻋﻠﻰ ﺧﺪﺓ .. ﻫﻮ ﺗﻨﻬﺪ ﻭﻛﺎﻡ : ﻛﻮﻣﻲ ﻛﻮﻣﻲ ﺍﻧﻲ ﻧﻌﺴﺎﻥ .. ﺍﺑﺘﺴﻤﺘﻠﺔ : ﺍﻱ ﺣﺒﻴﺒﻲ ﻧﺎﻡ ﺗﺼﺒﺢ ﻋﻠﻰ ﺧﻴﺮ .. ﺑﺎﻭﻋﻠﻲ ﺑﺮﻓﻌﺔ ﺣﺎﺟﺐ : ﻻ ﻭﺍﻟﻠﻪ .. ﺷﻠﻮﻥ ﺍﻧﺎﻡ ﺑﺪﻭﻧﺞ .. ﺑﺎﻭﻋﺘﻠﺔ ﺑﺄﺑﺘﺴﺎﻣﺔ : ﺍﻧﻄﻴﻨﻲ ﺛﻮﺍﻧﻲ ﺍﺑﺪﻝ ﻣﻼﺑﺴﻲ ﻫﺬﻧﻲ ﻭﺍﺟﻴﻚ .. ﻛﻤﺖ ﻭﺑﺪﻟﺖ ﻣﻼﺑﺴﻲ ﻭﺗﻤﺪﺩﺕ ﻳﻤﺔ .. ﺣﺎﻃﺔ ﺭﺍﺳﻲ ﻋﻠﻰ ﺻﺪﺭﺓ .. ﻏﺰﻭﺍﻥ : ﻣﻴﺎﻣﻲ .. ﻣﻴﺎﻣﻴﻦ : ﻫﻤﻤﻢ .. ﻏﺰﻭﺍﻥ : ﺍﺣﺒﺞ .. ﻣﻴﺎﻣﻴﻦ : ﺍﻧﻲ ﺍﻛﺜﺮ ﻣﻨﻚ .. ﺿﺮﺑﻨﻲ ﻋﻠﻰ ﺭﺍﺳﻲ ﺑﺨﻔﺔ : ﻻ ﺗﻘﺎﺭﻧﻴﻦ ﺍﺻﻼ .. ﺍﻧﻲ ﺍﺣﺒﺞ ﺍﻛﺜﺮ .. ﺭﻓﻌﺖ ﺭﺍﺳﻲ ﺍﻟﺔ : ﻻ ﻭﺍﻟﻠﻪ .. ﻭﻟﻴﺶ ﻋﻮﺩ .. ﻏﺰﻭﺍﻥ ﻭﻫﻮ ﻳﻘﺮﺑﻨﻲ ﻣﻨﺔ ﻭﻳﺤﻂ ﻭﺟﻬﺔ ﺑﺮﻛﺒﺘﻲ : ﻫﻴﺞ ﻣﻦ ﺍﻟﻠﻪ ﻋﺸﻜﺘﺞ ... £££££££££ ﺑﻌﺪ ﻣﺮﻭﺭ ﺷﻬﺮ .. ﺟﻮﺭﻱ .. ﺣﻴﺎﺗﻲ ﻣﺎ ﺗﻐﻴﺮﺕ .. ﻧﻔﺲ ﺍﻟﺸﻲ .. ﺑﺲ ﺻﺮﺕ ﺍﺗﻌﻠﻖ ﺑﻤﺆﻳﺪ ﺍﻛﺜﺮ ﺑﺲ ﻫﻮ ﻟﺤﺪ ﺍﻻﻥ ﺣﺮﻳﺺ ﻣﻦ ﻧﺎﺣﻴﺘﻲ ﻭﻣﺎ ﻳﺒﻴﻦ ﺣﺒﺔ ﺍﻟﻲ ﻻﻥ ﺍﻛﻴﺪ ﻋﺒﺎﻟﺔ ﺍﻧﻲ ﺑﻌﺪﻧﻲ ﺍﺣﺐ ﻓﺎﺭﺱ ﻭﺭﺍﺡ ﺍﺭﻓﻀﺔ ﻭﻫﻮ ﻟﻬﺴﺔ ﻣﻠﺘﺰﻡ ﺑﻮﻋﺪﺓ .. ﺟﻨﺖ ﻛﺎﻋﺪﺓ ﻋﺎﻟﻘﻨﻔﺔ ﺑﺎﻟﻐﺮﻓﺔ ﻣﺜﻞ ﻛﻞ ﻳﻮﻡ ﻭﺍﺑﺎﻭﻉ ﻋﺎﻟﺘﻠﻔﺰﻳﻮﻥ ﻭﺑﻴﺪﻱ ﻃﺎﺳﺔ ﺑﻮﺷﺎﺭ .. ﺧﻞ ﻣﺆﻳﺪ ﻟﻠﻐﺮﻓﺔ ﻭﺫﺏ ﺍﻟﺠﺎﻛﻴﺖ ﻣﺎﻟﺘﺔ .. ﺍﺟﺔ ﻭﻛﻒ ﻭﺭﺍﻱ ﻭﺩﻧﻚ ﻳﻢ ﺭﺍﺳﻲ ﻭﺍﺧﺬ ﻣﻦ ﺍﻟﺒﻮﺷﺎﺭ ﺍﻟﻲ ﻛﺪﺍﻣﻲ .. ﺣﺠﺔ ﻳﻢ ﺍﺫﻧﻲ : ﺗﺪﺭﻳﻦ ﺍﻟﻴﻮﻡ ﺑﺸﻨﻮ ﻓﻜﺮﺕ .. ﺑﻠﻌﺖ ﺭﻳﻜﻲ ﻣﻦ ﻗﺮﺑﺔ ﻭﻋﻄﺮﺓ ﺍﻟﻲ ﻣﻸ ﺍﻧﻔﺎﺳﻲ : ﺷﻨﻮ .. ﻣﺆﻳﺪ : ﺑﻤﺎ ﺍﻥ ﻣﺮﺕ ﻓﺘﺮﺓ ﺯﻳﻨﺔ ﻋﻠﻰ ﺯﻭﺍﺟﻨﺔ .. ﻛﻠﺖ ﻳﻤﻜﻦ ﺍﻓﺎﺗﺢ ﺍﺑﻮﻱ ﺑﻤﻮﺿﻮﻉ ﺯﻭﺍﺟﻲ .. ﻳﻌﻨﻲ ﻗﺎﺑﻞ ﺍﺑﻘﻰ ﻫﻴﺞ .. ﺍﻧﺼﺪﻣﺖ .. ﻭﻛﻔﺖ ﺍﻟﻠﻜﻤﺔ ﺑﺒﻠﻌﻮﻣﻲ .. ﺭﻓﻌﺖ ﺭﺍﺳﻲ ﺍﻟﺔ ﻭﻋﻴﻮﻧﻲ ﻣﻐﻮﺭﻛﺔ .. ﺑﺎﻭﻋﻠﻲ ﻭﻃﺒﻚ ﺣﻮﺍﺟﺒﺔ : ﺷﺒﻴﺞ ﺟﻮﺭﻱ .. ﻧﺰﻟﺖ ﺭﺍﺳﻲ ﺑﺴﺮﻋﺔ : ﻭﻻ ﺷﻲ .. ﻣﺒﺮﻭﻙ ﺗﺘﻬﻨﻰ .. ﺭﻓﻊ ﺭﺍﺳﻲ ﺑﺄﺻﺎﺑﻌﺔ : ﻛﻠﺖ ﺷﺒﻴﺞ .. ﻟﻴﺶ ﺗﻀﺎﻳﻘﺘﻲ .. ﻭﺧﺮﺕ ﺍﻳﺪﺓ ﻭﻛﻤﺖ ﺑﻌﺼﺒﻴﺔ ﻭﺩﻣﻮﻋﻲ ﻧﺰﻟﺖ : ﻛﺘﻠﻚ ﻣﺎ ﺑﻴﺔ ﺷﻲ .. ﺭﻭﺡ ﺗﺰﻭﺝ ﺷﻌﻠﻴﺔ ﺍﻧﻲ .. ﺗﻮﺟﻬﺖ ﻟﻠﺒﺎﺏ ﺍﺭﻳﺪ ﺍﻃﻠﻊ ﺑﺲ ﺣﺴﻴﺖ ﺑﺄﻳﺪﻱ ﺣﻀﻨﺖ ﺧﺼﺮﻱ ﻭﺳﺤﺒﻨﻲ ﺍﻟﺔ ﻭﺿﻬﺮﻱ ﺿﺮﺏ ﺑﺼﺪﺭﺓ .. ﻫﻤﺲ ﻳﻢ ﺍﺫﻧﻲ : ﻟﻴﺶ ﺍﻟﺪﻣﻮﻉ .. ﺍﺩﻓﻊ ﺑﻲ ﺍﺭﻳﺪ ﺍﻭﺧﺮ ﻋﻨﺔ : ﻣﺆﻳﺪ ﻋﻮﻓﻨﻲ .. ﻟﻴﺶ ﻫﺎﻟﻜﺪ ﺗﺤﺐ ﺗﻌﺬﺑﻨﻲ .. ﺩﺍﺭ ﺍﻟﺔ ﻭﺷﺪ ﺍﻳﺪﻱ ﺍﻛﺜﺮ ﻋﻠﻰ ﺧﺼﺮﻱ ﻭﻫﻮ ﻃﺎﺑﻚ ﺣﻮﺍﺟﺒﺔ : ﺷﻮﻛﺖ ﻋﺬﺑﺘﺞ ﺍﻧﻲ .. ﺑﺎﻭﻋﺘﻠﺔ ﺑﻀﻌﻒ ﻭﺣﺠﻴﺖ ﻭﺩﻣﻮﻋﻲ ﺗﻨﺰﻝ : ﻳﻌﻨﻲ ﻣﺎ ﺣﺴﻴﺖ .. ﻣﺎ ﻓﻬﻤﺖ ﻣﻦ ﺗﺼﺮﻓﺎﺗﻲ ﺍﻧﻲ ﺷﻜﺪ ﺍﺣﺒﻚ .. ﺑﺲ ﺍﻧﺖ ﻭﻻ ﻋﻠﻰ ﺑﺎﻟﻚ .. ﻭﺍﻧﻲ ﺍﻟﻐﺒﻴﺔ ﺍﻟﻲ ﻋﺒﺎﻟﻲ ﺗﺤﺒﻨﻲ ﺑﺲ ﻃﻠﻌﺖ ﺗﻨﺘﻀﺮ ﺷﻮﻛﺖ ﻳﻤﺮ ﺍﻟﻮﻗﺖ ﺣﺘﻰ ﺗﺘﺰﻭﺝ .. ﺍﻧﻔﻜﺖ ﻃﺒﻜﺔ ﺣﻮﺍﺟﺒﺔ ﻭﺗﺤﻮﻟﺖ ﻋﻴﻮﻧﺔ ﻟﻠﻔﺮﺡ : ﺍﺫﺍ ﺍﻧﺘﻲ ﻣﺎ ﺣﺠﻴﺘﻲ ﺍﻧﻲ ﺷﻠﻮﻥ ﺭﺍﺡ ﺍﻋﺮﻑ .. ﺑﺎﻭﻋﺘﻠﺔ ﺑﻌﺼﺒﻴﺔ : ﺷﻠﻮﻥ ﺍﺣﺠﻲ ﻭﺍﻧﺖ ﻛﻠﺘﻠﻲ ﺍﻟﺒﻨﻴﺔ ﺍﻟﻲ ﺗﻌﺘﺮﻑ ﺑﺤﺒﻬﺔ ﻫﻲ ﻭﺗﺒﺎﺩﺭ ﻗﺒﻞ ﺍﻟﻮﻟﺪ ﻣﺴﺘﺤﻴﻞ ﺗﺤﺘﺮﻣﻮﻧﻬﺔ ﻭﺭﺍﺡ ﺗﻌﺘﺒﺮﻭﻧﻬﺔ ﻣﻮ ﻣﺘﺮﺑﻴﺔ ﻟﻬﺎﻟﺴﺒﺐ ﻣﺎ ﺭﺩﺕ ﺍﻋﻴﺪ ﻫﺎﻟﻐﻠﻄﺔ ﻣﺮﺓ ﺛﺎﻧﻴﺔ ﻭﻧﻔﺬﺕ ﻛﻼﻣﻚ .. ﺗﻨﻬﺪ ﻭﻫﻮ ﻳﺒﺎﻭﻉ ﻟﻌﻴﻮﻧﻲ : ﻭﺍﻧﺘﻲ ﻣﺎ ﻧﻔﺬﺗﻴﻬﺔ ﺍﻻ ﻋﻠﻴﺔ .. ﺑﺎﻭﻋﺘﻠﺔ ﺑﻌﺪﻡ ﻓﻬﻢ : ﻫﺎﺍ .. ﺿﺤﻚ : ﻫﻮ ﺷﻨﻮ ﺍﻟﻬﺎ .. ﻭﺍﺧﻴﺮﺍ ﻧﻄﻘﺘﻴﻬﺔ .. ﻭﺍﺧﻴﺮﺍً ﻃﻠﻌﺘﻲ ﻫﺎﻟﺠﻮﻫﺮﺓ ﻣﻦ ﺣﻠﻜﺞ .. ﺣﺠﻴﺖ ﻭﺍﻧﻲ ﺍﺩﻓﻊ ﺑﻲ : ﻋﻮﻓﻨﻲ ﻣﻮ ﺗﺮﻳﺪ ﺗﺘﺰﻭﺝ .. ﻣﺆﻳﺪ ﺑﺄﺑﺘﺴﺎﻣﺔ : ﻭﺍﻧﺘﻲ ﺻﺪﻛﺘﻲ ﺍﻧﻲ ﺍﺗﺰﻭﺝ ﻋﻠﻴﺞ .. ﺍﻧﻲ ﻟﻮ ﺍﻛﻌﺪ ﻋﻤﺮﻱ ﻛﻠﺔ ﺍﻧﺘﻀﺮﺝ ﻫﻢ ﻣﺎ ﺍﻣﻞ .. ﻓﻬﻴﺖ ﺑﻜﻼﻣﺔ : ﻛﻮﻝ ﻭﺍﻟﻠﻪ .. ﺿﺤﻚ ﺑﺼﻮﺕ : ﻭﺍﻟﻠﻪ .. ﻭﺍﻟﻠﻪ ﺍﺣﺒﺞ ﻣﻦ ﺯﻣﺎﺍﺍﺍﻥ ﻭﺍﻧﺘﻲ ﻣﺎ ﺗﺪﺭﻳﻦ ﻋﻦ ﺣﺎﻟﻲ .. ﺣﻄﻴﺖ ﺭﺍﺳﻲ ﻋﻠﻰ ﺻﺪﺭﺓ ﻭﺍﺑﺘﺴﻤﺖ ﻭﺍﻧﻲ ﺍﺳﻤﻊ ﺩﻛﺎﺕ ﮔﻠﺒﺔ ﺍﻟﺴﺮﻳﻌﺔ : ﺍﺳﻔﺔ ﻭﺍﻟﻠﻪ .. ﺍﺑﺘﺴﻢ ﻭﻫﻮ ﻳﺒﻮﺱ ﺷﻌﺮﻱ : ﻣﻮ ﻣﻬﻢ ﺍﻟﻲ ﺭﺍﺡ .. ﺍﻟﻤﻬﻢ ﻫﺴﺔ ﺍﻧﺘﻲ ﻭﻳﺎﻱ ﻭﻫﺬﺍ ﺍﻟﺸﻲ ﻳﻜﻔﻴﻨﻲ .. ﺍﻟﻜﺎﺗﺒﺔ : ﺳﺎﺭﺓ ﺍﻟﺸﻤﺮﻱ 🏻✍ ﻫﻠﻮ ﺣﺒﺎﻳﺒﻲ ﺷﻠﻮﻧﻜﻢ 😘 ﻃﺒﻌﺎ ﺍﻟﻘﺼﺔ ﻋﻦ ﻗﺮﻳﺐ ﺭﺍﺡ ﺗﺨﻠﺺ ﻭﺍﺗﻤﻨﻰ ﻋﺠﺒﺘﻜﻢ 😘 ﺭﺃﻳﻜﻢ ﺑﺎﻟﺒﺎﺭﺕ ﺣﺒﺎﻳﺒﻲ التعديل الأخير تم بواسطة فيتامين سي ; 02-07-19 الساعة 03:49 AM | ||||||||
|
| |
|
02-07-19, 03:15 AM
| #37 | ||||||||
| مراقبة عامة ومشرفة منتدى الروايات المنقولة
| #سجينة_الظلم_والانتقام 🍂🥀 #sara_zead #البارت الاخير الكاتبة : سارة الشمري🖤 إذا أحب الرجل امرأة سقاها من كأس حنانه ، وإذا أحبت المرأة رجلاً أظمأته دائماً إلى شفتيها (بيرون) ميامين .... صارلي نص ساعة كاعدة كدام التلفزيون ومنتضرة الفيلم على نار ل جوني ديب ممثلي المفضل .. بعدة الفلم ما بدة ودخل غزوان للغرفة واجة كعد بصفي .. سحب من العصير من ايدي وشرب منة : شجاي تتابعين .. حجيت بحماس : راح يبدي فيلم للممثل المفضل عندي هسة .. حجة بهدوء وهو ينزل العصير عالطاولة : جوني ديب ؟؟ التفتتلة مستغربة : اي .. بس شمدريك اني احب جوني ديب .. باوعلي بطرف عينة : انتي كاتبة بدفترج تحبينة .. فتحت عيوني ودرت علي : قريييت دفتري .. واني اكول وين راح هالدفتر .. باوعلي بأبتسامة : قريتة كلة من اول يوم رحتي لاهلج .. وعرفت كلشي عنج من خلال هالدفتر .. تخوصرت وكتلة : بس هالشي عيب لان هذا دفتر ذكرياتي .. ما يصير تقراه .. رفع حاجبة وما عاجبة كلامي : واذا دفتر ذكرياتج .. اني زوجج يعني عادي اقراه .. وبعدين احمدي ربج بعدني ما حاسبتج لان كاتبة انتي تحبين جوني ديب .. شحالة هوة جنة بنية .. طبكت حواجبي بعصبية : رجاءً لا تحجي علي .. هذا احبة من طفولتي .. وبعدين اصلا كلة رجولة وكاريزما وشخصية وادوارة مختلفة .. يعني يجنن .. باوعلي بعصبية : بعد بعد كملي .. سحب الريموت مني وطفى التلفزيون وضمة .. حجة بعصبية : حتى تتعلمين شلون تكولين احب شخص كدام رجلج .. يلة كومي ماكو فلم .. لا جوني ديب ولا غيرة .. باوعتلة بصدمة : غزوان بلا هالسوالف .. جيب الريموت .. باوعلي بعصبية : وخري ما اطي الريموت .. باوعتلة بعصبية : غزوان الفلم راح يبدي صارلي اسبوع انتضرة ... غزوان : وشنو يعني واذا صارلج اسبوع تنتضرينة .. اكو وحدة تكل لرجلهة احب واحد .. ميامين : يعني هسة انتة غرت من الممثل .. عادي يعني حالي من حال باقي المعجبين الة .. طبك حواجبة : وشنو يعني واذا ممثل .. مو بشر يعني .. جريت نفس واني اباوع للساعة اكيد بدة الفلم .. رسمت ابتسامة على وجهي وقربت منة .. حطيت ايدية على صدرة وقربت وجهي من ركبتة .. حجيت بهمس وخشمي لامس ركبتة : اسفة حبيبي .. اصلا ما احب احد غيرك .. باوعلي بعيونة وذاب وياي رفع ايدة يريد يحضني .. سحبت الريموت منة بسهوووووولللة .. وخرت بسرعة واني اضحك وشغلت التلفزيون وهو يباوعلي مصدوم .. ££££££££ بعد مرور اشهر ... باقي يومين لعيد رأس السنة .. حسان اقترح عالشباب ان يعيدون هالسنة بتركيا .. الشباب اقتنعوا ووافقو يرحون وحدهم ك لمة شبابية .. ميامين .. من بعد ما حجة وياي غزوان عن روحتهم لتركيا واني افكر شلون اخلي ما يروح .. اجت ابالي فكرة ودزيت رسالة للبنات عالكروب .. ميامين : بناات راح اطك من التفكير .. ساعدوني .. البنات بردود متفرقة : خير .. شبيج .. بشنو .. شكو ميامين : اكيد تدرن بالولد يردون يسافرون صح .. خاتون : اسكتي لا تذكريني .. ماكدرت اكلة لا تروح . بسمة : والله حتى اني كتلة روح شعلية بيك وطنكرت ونمت من وقت .. جوري : اني من شفت اسلوبة من يحجي بهدوء وود ما كدرت اعترض .. مها : والله اني ردت اتعارك وياه بس تعبان اجة واليوم الصبح ما كدرت احجي وياه .. ميامين : والله اني مثلجن .. جاي ادور طريقة اخلي يبطل الروحة بس مو اني اكلة .. خاتون : اي بس شلون .. مها : اي طريقة بس المهم ما يسافرون .. والله اموت قهر هنا .. هاي اول سنة النة سوة وهو يريد يروح يعيد يم الحلوات .. بسمة : بنات اني عندي طريقة ولازم كلنة نسويهة .. الكل ..: شنوو هي .. بسمة : اول شي همة ابيش الساعة طيارتهم .. جوري : مؤيد كال الساعة ١ ونص بليل طيارتهم تطير .. وهمة يطلعون منا الساعة ٩ ويرحون لمطار النجف حتى يتلاكون همة ورائد وخالد وحسان هناك بالمطار .. بسمة : حلووو .. اسمعن زين لعد .. ميامين ... اجة الليل وصارت الساعة ٨ ونص .. اجيت للبيت بسرعة واسوي مثل ما كالت بسمة .. سبحت وطلعت نشفت شعري .. سويت مكياج خفيف وحطيت حمرة حمرة وحطيت صبغ اضافر احمر .. لبست سيت نوم ماروني وعكس لون بشرتي .. اخذت العطر مال غزوان الي يحبة وابتسمت بخبث ورشيت منة علية .. دخلت جنطة غزوان لغرفة الملابس .. اكيد هسة يريد يجي ياخذهة حتى يروح للمطار .. ورة دقايق دخل غزوان .. باوعلي بأبتسامة ورفعة حاجب .. رحتلة واني امشي كدامة بدلع : حبيبي اجيت .. اخذت السترة مالتة وتعمدت اكون قريبة منة .. سحب نفس وهو يغمض عيونة وبعدين تنهد : لا وحاطة من عطري هم .. ابتسمت وكلت ببرائة : اممم حبيت اجربة .. حلو علية .. سحبني من خصري الة : انتي كلشي يلوك الج .. انتي التحلينة مو هوة .. مشيت اصابعي بخفة على لحيتة وانزل على ركبتة : اكيد مو مثل لما يكون عليك .. حطيت خشمي على ركبتة واني اجر نفس : يصير يرد الروح .. باوعت بعيونة : تعال حبيبي اكيد تعبان .. سحبتة وكعدتة عالجرباية .. اخذت السترة مالتة اريد اعلكهة وطلعت تليفونة وسويتة صامت وبسرعة حطيتة عالميز .. رحت وصرت وراه وافرك بأكتافة .. تعمدت شعري ينزل علي .. سحبني لحضنة بسرعة وكال : شجاي تحاولين تسوين اليوم .. قربت شفتي منة وكلت بهمس : ليش شمسوية اني .. قرب شفتة مني وباسني بسرعة وسحبني للجرباية .. £££££ جوري ... جهزت نفسي ولبست سيت نوم قصير لونة احمر .. حطيت مكياج خفيف .. باوعت لنفسي بالمراية .. ابتسمت برضى .. انفتح الباب ودخل مؤيد باوعلي وفتح عيونة .. وكفت كدامة ولفيت ايدة على ركبتة : اشتاقيتلك .. باوعلي بفهاوة : ها .. حجيت واني اقلدة : هو شنو الها .. اكلك مشتاقتلك .. حاوط خصري بأيدي وباوع بعيوني بخبث : شهالجرأة .. ما عرفتج .. ضحكت بدلع وهو بسرعة باسني من شفتي وهو يمشي بية للجرباية ... £££££££ بسمة ... كاعدة عالمراية وارتب بنفسي قبل لا يجي حسنين .. وادندن ناويالك على نية بس انت اصبر شوية اذا ما اعلقك فيني وهواك يصير بيدية .. وكفت كدام المراية ودزيت لنفسي بوسة : والله تخبلين .. جنت لابسة سيت نوم وردي وشعري حاطتة صفح .. وحاطة مكياج طوخ شوي لان يلوكلي .. سمعت صوتة وبسرعة رحت فتحتلة الباب قبل لا يفتحة هوة .. شافني وباوعلي بأستغراب وبعدين دخل للغرفة .. باوعتلة بدلع : هلو يروحي .. باوعلي برفعة حاجب وهو يحط ايدة على كصتي : بسومي حبيبتي شبيج .. مصخنة شنو .. مو البارحة انتي مطنكرة .. وخرت عنة وبرطمت بزعل : مو صوجك .. حضني من ورة وحط حنجة على كتفي : اسف يحلو .. بس وراي سفرة .. وهسة اذا نمت تدرين بية ما اكعد للصبح .. تذكرت بسرعة والتفت علي وتمسكت بركبتة وحجيت بدلع : يعني تريد تعوفني واني متجهزة الك .. باوعلي بعيون ذايبة : شلون اكدر اعوفج .. سحبني الة واني ابتسم بأنتصار .. ££££££££ مها ... جهزت نفسي وسويت مثل ما كالت بسمة بالحرف الواحد .. واكفة كدام المراية واحط بالحمرة ودخل خالد .. شافني وصوفر بأعجاب .. ذبيت الحمرة ورحتلة بدلع .. اخذ ايدي وفرني وعيونة تمشي علية : خفي علية .. حرام عليج شايلة كل هالجمال .. لا وحاطة كحلة واني بدون كلشي العيون حاركات اهلي .. باوعتلة بضحكة : شعندي غيرك حبيبي .. مشيت كدامة بدلع واني لابسة قصير : تعال حبيبي محضرتلك العشى .. سحبني الة ..: شو تعاي هي مال عشى .. اليوم اتعشى بيج .. £££££££££ خاتون ... فعلا مشيت بخطة بسمة .. لبست سيت نوم اسود .. حطيت مكياج خفيف .. رشيت من العطر الي يحبة رائد .. باوعت لشكلي بالمراية : هذا وجهي اذا خليتك تروح .. ثواني وانفتح الباب ودخل رائد .. باوعتلة بحب ومشيت الة وصوت الحجل يرن وية مشيتي .. وكفت كدامة : الله يساعدك .. قرب راسة من ركبتي وسحب نفس قوي : خرب بليسج على هالعطر .. ابتسمتلة : ادري بيك تحبة .. وحطيتة علمودك .. حجة وهو يهز راسة بتنهد : ولج مو وراي سفرة .. هسة وكتهة .. باوعتلة بزعل واني امشي : خلص براحتك .. تريد تعوفني علمود السفرة .. سحبني الة وبثانية صرت بحضنة .. حجة وهو يحط راسة بركبتي : لا يا بوي .. الا مسودن واعوفج .. £££££££ (البنات .. كل وحدة خلت رجلهة ينام وسوت تليفونة صامت .. حاسباتهة زين ) حسان .. منزل جنطتي وحاطهة بالباب وواكف انتضر رائد ينزل حتى نمر على خالد وننطلق لمطار النجف ومن هناك نتلاكة وية الشباب بالمطار .. صارلي ساعة انتضر بالصالة .. امي نامت خطية لان ما متعودة تسهر .. افففف وين صار هذا .. اتصل علي ما يرد .. اكيد هسة خالد يعصب لان خليناه ينتضر هواي .. دكيت على خالد اكثر من مرة .. هذا الثاني هم ما يجاوب .. يربي هسة اني شسوي .. حتى عيب اروح ادك علي الباب .. تمددت عالقنفة واني انتضر الافندي يشرف .. غمضت عيوني وما حسيت غير رحت بسابع نومة .. ( هههه هاي عاقبة الي يضل بدون زواج .. ينام بالصالة ) الساعة ٧ الصبح .. ميامين ... نايمة وحاطة راسي على صدرة .. تحرك هو وسحب تليفونة .. فتحت عيوني على حركتة .. كلت بصوت نعسان : حبيبي شجاي تسوي .. غزوان : اريد اتطمن عالشباب وصلو لو لا .. فتحت عيوني بسرعة وشلت راسي : شلون يعني الولد .. وانتة ما جنت راح تسافر .. غزوان : لا كتلهم ما اسافر .. لان تدرين بية ماكدر ابعد عنج كم يوم .. وهم كلت ابتدي السنة الجديدة بشوفة عيونج .. رجعت راسي وفرحت اكثر لان ما سافر علمودي .. بقة يدك عليهم بس محد يشيلة .. عقد حواجبة وحجة بخوف : ليش محد يجاوب .. خاف صاير عليهم شي ... ابتسمت وحابسة ضحكتي : لا تخاف عليهم .. كلهم نايمين هسة .. باوعلي مستغرب : وانتي شمدريج .. حجيت بضحكة : لا كل وحدة مسوية على رجلهة خطة .. يعني احنة متفقين ما نخليكم تسافرون .. وانتو كلبكم رجيج ما يتحمل هالجمال هذا .. طبك حواجبة : يعني هاي خطة منجن .. زين خاف الولد سافرو وصارلهم شي .. شمدريج بخطتجن نجحت .. ابتسمت : اتصل على حسان وتأكد بنفسك .. فعلا سحب تليفونة واتصل على حسان .. ورة كم رنة رد علي حسان : ها غزوان .. غزوان : ها حسان ما سافرتو .. حسان وكأنة تذكر وطفر : لا يربي راحت علية نومة .. اكيد عافوني ومشو .. لان يدرون بية كوة اكعد .. غزوان بضحك : رد نام يكلبي رد نام .. كلهة منومة اليوم مو بس انتة .. سد التليفون من حسان والتفت علية وهز راسة : ما جذب الكال ان كيدهن عضيم .. جوري ... ابتسمت بخبث واني اشوفة يطفر من النوم ويشوف تليفونة صامت : راحت الطيارة .. سويت روحي نايمة وما تحركت .. اسمعة يحجي وية روحة .. غزوان داك علية واني شلون صار تليفوني صامت .. ضحكت بكلبي وكملت نومتي وهو نفس الشي .. باقي الشباب حالهم نفس حال مؤيد .. والبنات فرحانات ان حققن غايتهن ... ££££££ بعد مرور ٨ شهور ... رائد ... رجعت من المجمع ودخلت للبيت .. صعدت فوك واني ادور بعيوني عليهة بأستغراب لان اسمع صوتهة بس ماكو .. حجيت بصوت : خااتوون .. اجاني صوتهة من ورة القنفة : اني هنا .. باوعتلهة وطبكت حواجبي : شتسوين هنا .. لمت شفايفهة وعبالك بس تريد احد يحجي وياهة حتى تبجي : ماهوة .. ضاع مني .. كامت من ورة القنفة وتمشي جنهة بطة وبطنهة بارزة لان بشهرهة السابع .. رائد : شنو هوة الضاع .. ما حاجتني بس وجهة احمر من العصبية ونفشت المخاد مال القنفات وتشمرهن بالكاع وتدور بأطراف القنفات .. رائد : خاتون ما راح تكليلي عليمن تدورين .. نفخت كذلتهة وكالت بقهر : الحجل مالتي ماكو .. مادري وين حطيتة ... كلبت علي البيت بس ماهوة .. باوعتلهة بعصبية : وهسة انتي تفترين علمود حجل .. انعل ابو الحجل .. تعاي اكعدي .. تخوصرت وكالت وعيونهة مغوركة : ماا اكعد .. هذا الحجل انتة جبتة الي بيوم عرسي .. شلون ما افتر علمودة .. باوعتلهة وورحت كعدت يمهة بأبتسامة ..: انتي دورتي زين وما لكيتي .. جوري : اي دورتة ما تشوف شلون كالبة البيت .. رائد : انتي تدورين وهو وياج طول الوقت .. طبكت حواجبهة : وينة .. رفعت ايدهة .. جانت لابستة على شكل سوار .. حكت راسهة ببرائة : نسيتة .. ££££££££££ خالد ... كاعد العب دومنة اني ومها .. خالد : مهااا .. راح اموتج .. لا تغشين .. مها بضحكة : ما اعرف متعودة عالغش .. خالد : لا حبيبتي اني ما تغشيني .. تأففت وشمرت الدومنة : خلودي حبيبي شنو رأيك تجرب تطبخلي اليوم .. باوعتلهة برفعة حاجب : كولي والله .. ما اعرف اطبخ .. مها كامت بملل : زين اني مليت شسوي .. خالد : اي كولي هيج من البداية .. مليتي مني .. مها : لا مو مليت منك .. بس مليت من كعدة البيت .. اخذني لبيت اهلك اريد اشوف عمتي .. خالد بأبتسامة : كومي امري لالله .. كمزت من مكانهة واني صحت بيهة : على كيفج ترة اريد ابني ... باوعتلي بعصبية : والله من ورة ابنك اني محبوسة بالبيت لان الدكتورة كالت لا تتحركين هواي .. هالمرة لو مو ابنك اطلع اطلع ... ضحكت عليهة بطنهة هستوهة بدت ترز لان بشهرها الرابع .. الله يسهللهة .. &&&&&&&& حسنين ... كاعدين وية اهلي على سفرة الاكل .. دخلت دعاء وبيدهة طاسة كزاز وحطتهة كدام بسمة .. بسمة فتحت حلكهة وهي متحمسة تريد تاكل .. اختي شمس عاطت : وييييع .. شنو هذا .. بسمة كمزت : شبيييج .. عادي زلاطة وفوكاهة نوتيلا ومايونيز .. حوراي اختي الثانية حطت ايدهة على حلكهة : بسمممة صدك راح تاكلين هذا .. والله احس راح استفرغ بس بمجرد المنضر ... شوق اختي الثالثة : بسمة شوكت تخلص فترة النساوة مالتج ونرتاح .. باوعتلهن وهي تباوعلهن من وحدة لوحدة .. حسنين : شعليجن بيهة .. خل تاكل بكيفهة .. باوعتلي بأبتسامة وعبالك شجعتهة وكامت تاكل وهي تتلذذ .. اباوع لاخواتي طابكات حواجبهن بقرف واني حالي اردئ من حالهن بس ماريد اكسر بخاطرهة .. بسمة من ابتدت فترة النساة وهي تشتهي اشياء غريبة عجيبة .. ودعاء ما تخلي شي ما تسوي الهة .. ££££££££ مؤيد ... كاعد بالغرفة واشتغل عالابتوب ... طلعت جوري من الحمام وهو مدنك تباوع لشي بيدهة .. اجت وكفت كبالي .. حجت بصوت حزين : مؤيد يعني اذا خطين مو حامل صح .. باوعتلة بسرعة .. يا حمل .. كمت وكفت : شنوو .. انطتني اختبار تحليل الحمل المنزلي ..: اشتريت هذا من الصيدلية لان شكيت ان حامل .. بس طلعلي خطين .. يعني مو حامل .. اباوع للأختبار وايدية ترجف .. باوعتلهة وكلت : جوري اذا خطين حامل .. واذا خط واحد مو حامل .. باوعتلي وعيونهة شعت بفرح : و والله .. حجيت بفرح : والله .. بقيت واكف : لحضة خل استوعب .. راح اصير اب .. راح يصير عدنة بنت او ولد صح .. هزت راسهة وهي تضحك ... حضنتهة لصدري حيل .. نزلت ابشر اهلي بهالخبر .. £££££££££££££££££££££££ ميامين : كاعدة بالبلكونة والجو حلو لان دنيا الليل .. السما صافية والنجوم متناثرة بكل جهة .. حسيت بأيدين حاوطتني من ورة بدفو وهمس بأذني ..: ليش كاعدة برة .. حطيت ايدي فوك ايدي ورجعت راسي لصدرة : الجو حلو .. تعال اكعد يمي .. كعد بصفي وحضني لصدرة .. حجيت بهمس : غزوان .. غزوان : هممم .. ميامين : تتذكر اول يوم اجيت بي لهالبيت .. تنهد وكال : شذكرج بهاليوم .. حجيت بأبتسامة : لا والله صدك .. تدري بيومهة جنت ميتة من الخوف بس حاولت ما ابين هالشي .. تخيلت هالمكان راح يكون سجني طول العمر .. غزوان بهدوء : ندمانة ؟؟ التفتتلة بسرعة : ابداً .. اصلا احمد الله واشكرة كل يوم الي جمعنة مهما جانت الضروف .. واذا جان حضنك سجني فهو احلا سجن .. حضني لصدرة اكثر ..: الله لا يحرمني من هالعيون .. ابتسمت وكتلة : غزوان شنو اكثر شي تحبة بية .. غزوان وهو يباوع للسما : جمال السماء في نجومها وجمال حبيبتي في شعرها ... ......النهاية ..... الكاتبة : سارة الشمري🖤 ولهنا تنتهي القصة حبايبي اتمنى حبيتوهة ونالت اعجابكم .. وسامحوني اذا فد مرة زعلتكم بالبارتات .. هواي بنات كالو حرامات راح تخلص وتعودنة عليهة 😘 شنسوي يا كلبي كل قصة والهة نهاية والحمدالله نهاية ابطالنة سعيدة 😘 اعذروني اذا خليتكم تنتضروني هواي واسفة اذا مرات اتعصب على البعض .. بس والله اكثركم كلامكم زرع بكلبي التفائل ومحبتكم خلتني استمر بهالقصة 😘 دمتم سالمين حبايب سارة 👍🏻❤️ | ||||||||
|
| |
|
10-08-19, 07:10 PM
| #38 | ||||||||||
| مشرفة منتدى الروايات والقصص المنقولةومنتدى الـروايــات الـعـربـيـةوعضو مميزفي القسم الطبي وفراشة الروايات المنقولةومشاركة بمسابقة الرد الأول ومحررة بالجريدة الأدبية 
|   | ||||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
