ﻏﺪﺭ ﻳﺒﻨﻲ ﻃﺮﻳﻖ ﺍﻟﻌﺸﮓ ‏/ للكاتبة إﻗﺒﺎﻝ ﻣﺤﻤﺪ ، عراقية مكتملة

[لامارا]

37

(غدر يبني طريق العشگ)
#بقلمي_اقبال_محمد
اعتذر جداً عن الانقطاع بس ان شاءالله اعوضكم

&&&&&&&&&&&&

عسل شتسوي بالبيت وحدك

..

حيدر هيج عاجبني ابقى وحدي

..

حجه وسمعت صوت بنيه تكوله حيدر سده تره راح ازعل عليك .. تحجي بدلع وبمياعه

..

عسل اهاااااا خوش حيدر ابقى يم اكحا

***

سديته بوجه ودموعي تجري يعني يمه وحده الحقير انعل ابوك لابو الجابك عليه .. هستوني اريد اطلع اكول لبابا واكلبها عليه .. اتصل ع الواتساب كامره

..

ومبين وجه يضحك جاوبت

..

كبل فر الكامره الاماميه واخته كاعده وامه ويضحكون

..

حيدر هاا ولج

..

عسل عبالك تضحك عليه هاي سوالفك ليش عفتها خطيه بالبيت ارجع يمها ماحاجه تروح لبيت خطاب علمود تضيعها

..

اخذت الموبايل منه ام مها اخته

..

ام مها حيدر سده تره راح ازعل

...

عرفتها هاي اخته

..

عسل هههههههه عذريني والله ماعرفت صوتج

..

ام مها معذوره خيه بس تره هذه حيدر ابو كرار مايدور غيرج

..

عسل ههههه

..

اخذه الموبايل وطلع من يمهم .. سديت الكامره وحاجيته
حيدر ياكحا***هذني ولج

..

عسل شعرفني مادري بيها عبالي وحده

..

حيدر ولج اني جايب امي وام ومها لبيتي بالعمارة

..

عسل اها يمته تجي

..

حيدر يهمج

..

عسل اكيد

..

حيدر جاا باجر اجي واجي اخذج

...

عسل لاا

..

حيدر ليش

..

عسل اطلب طلب منك

.

حيدر كولي

..

عسل بابا راح يروح لايران وكال اذا رجلج يوافق اخذج وياي

..

حيدر شنووو يمه تسافرين وحدج

...

عسل مو وحدي والله بابا وياي وهناك اخواتي ثنين

...

حيدر ابددد مارضه شنو اني لبيت اهلج غصبن عني جبتج انوب لايران واخاف ع حملج مو زين عليه السفر

..

عسل فدوه حيدر والله ضايجه

..

حيدر عسل ماقبل سدي الموضوع

..

عسل شلون يعني تحبسني من تزوجنه لليوم مطالعه بس مره وياك

..

حيدر زين عندي الج خيار

..

عسل شنوو

...

حيدر ارجعي ومن تجيبين ونسافر اني وياج لاي دوله تعجبج

..

عسل هااا

..

حيدر ايي شكلتي

..

ضليت ابلع ريكي شلون اني مو زعلانه .. ارجع ونسافر اني وياه لو ابقه ابيع ثكل

..

عسل لا مارجع عوفني

..

حيدر هو شنو ماترجعين انتي اول وتالي راجعه بعد شكو

..

عسل ومنو كلك ارجع اصلا اليوم ردت احجي ويه ابوي

..

حيدر اكلج مو كلمه والثانيه كلتي اكول الابوي وماتكوليله شنو خايف منه شو هو رجال واني رجال راح يذبحني قابل مرتي ومحد اله حق يمي اذبحج اصلخج اريد اشوف رجال يوكف بوجهي واني وعدتج ماامد ايدي عليج بعد شكوو ..؟؟؟

عسل ايي مو مكفخه مالتك تذبحني وتصلخني

..

حيدر باعي اخر مره اكلج ترجعين ونسافر اني وياج

..

عسل ماعرف

..

حيدر بطلي غرور تره ماينفع صدك اليوم شفت الهام وكالتلي سلملي ع عسل

..

عسل شنوووووو وين شفتها

...

حيدر ههههههه رحت لبيتهم اشوفها شمحتاجه مامحتاجه وكعدنه نتذكر ايامنه سوه

..

عسل حيدرررررر تره وصلت حيدها وين شفتها

..

حيدر شبيج مو اكلج رحت لبيتها خطيه المره بشارب الخير وتدرين بيه شلون خير كتلها يابه خاف محتاجه شي اني بالخدمه

..

عسل اخخخ يابه بطني

..

حيدر شبيج ولج يمعوده وداعتج لا شفتها ولا شافتني وينج لج عسل

..

هههههه ضليت ساكته واسمعه يسئل شبيج

..

عسل اخ بطني وجعتني

..

حيدر هسه هم كولي من وراي لا يمج ولا واصلج

..

عسل ايي من وراك قهرتني

..

حيدر بالقران الكريم ماشايفها يمعوده اخذتي علاجج

..

عسل ايي اخذته

..

حيدر باجر اجي واخذج

..

عسل صدك نسافر سويه

..

حيدر ايي والله .. ماضل شي وتجيبين

..

عسل عندك جواز

..

حيدر ايي

..

عسل يله لعد باي راح انام

..

حيدر وين بعد وكت .. مشتاقلج

..

عسل جذاب

..

حيدر شلون ويه لسانج اني ولج شنو جذاب

.

عسل اوو مو قصدي واني مشتاقتلك

..

حيدر فتحي الكامره خلي اشوفج

.

فتحت الكامره

..

حيدر تنكسر ايدي كون التنمد ع هذن الخدود

..

عسل اسم الله عليك

..

حيدر باجر من الفجر جايج

..

عسل هلا بيك

..

حيدر وربج احبج واموت ع كل شبر بيج

..

ضل يتغزل ويسولف يحاول ينسيني

..

للفجر يالله سديته منه ونمت

..

كعدت الصبح داومت من رجعت لكيت حيدر ابيتنه كاعد هو وبابا

..

دخلت للستقبال سلمت عليه

..

ورحت بدلت .. ورجعت يمه

..

بابا عافنه وطلع

..

جرني حضني وشمني مثل اليشهك

...

حيدر اؤيليي اشعل اهلج واحد واحد بعد اذا تباتين بره بيتنه

..

عسل ليش تغلط بله

..

حيدر من نار كلبي يله بدلي علمود نرجع

..

عسل ماشي رحت لغرفتي لبست عباء ... امي اجتي امي وراي

..

ام احمد بطلي ملاسن ولا تضلين ابوي وابوي تره المره سندها زوجها لا ابوها ولا اخوها محد دايملج غير زوجج وبيتج .. والحسن لاتلتقين بي تره هذه بعده نفسه بيج ويدور خراب

..

عسل ان شاءالله يمه .. اخذت جنطتي وطلعت

تسالم هو وبابا وطلعنه

..

وصلنه للبيت محد بي

..

عسل لعد عمتي وين والبنات

..

حيدر البيت النه عفتهم بالعمارة واجيت

..

عسل ههههه صدك

..

حيدر وداعتج

..

تقرب يبوسني بلهفه وشوق بادلته واني واكفه ع اصابعه

..

ضلينه وحدنه ومتونسين ماطلع للشغل ضل مكابلني

..

ثاني يوم وداني للكلية وراح للعمارة جاب امه واخواته

..

خلص الدوام وهو تاخر خابرني كالي خلي عبدالله يجي ياخذج اني اتاخر

...

صدك خابرته واجه اخذني وضل يمي بالبيت لان وحدي

..

الى ان اجوي وراح

..

مشت الايام بين الدوام والبيت وحيدر الحمل تعبني ودراستي صعبه والبيت بس الحمدلله حيدر مقدر وضعي لان يخاف ع الطفل

..

الدكتورة كالتلي تولدين عملية خفت بالزايد من الولاده

..

　

واجه يوم الولاده واني الخوف ماكلني حيدر كوه مصبر روحه .. ابوي واخوتي وعمتي كلهم فوك راسي دخلت للعملية وحيدر باس راسي

..

حيدر طلعيلي بالسلامه ياروحي انتي

..

اخذت البنج وبعد ماحسيت بشي

..

وين وصحيت نصف واعيه واهذي بحيدر وبابا

..

اول مافتحت عيني شفت حيدر لازم ايدي وجه اصفر باسني براسي

..

حيدر الف مبروك عمري جبتيلنه عسل مثلج

..

عسل وينه ابنا

..

حيدر حبيبتي بالخدج هسه يجيبونه

..

دخلو اهلي تحمدولي بالسلامه

شويه وجابو يمه وليدي لحظه فرح ودموعي تجري هذه ابني ممصدكه اني ذيج الطفله الخبله اجيب طفل شبسرعه كبرت

..

خلو ع صدري وطلعو اهلي بس امي وحيدر يمي

ام احمد رضعي يمه خطيه جوعان

..

عسل هاا

..

ام احمد شبيج يمه رضعي وليدج

..

عسل ماعرف

..

اجتي امي وعلمتني وحيدر يمي مسبل عيونه

..

همس بصوت ناصي حظوووظ

..

كملت رضاعه ودخل بابا كال لحيدر انته كبرت باذنه

..

حيدر لا بعد

..

اخذه مني بحذر وكبر باذنه وسماء كرار

..

شويه وهاج الوجع عليه

..

عسل حيدر بطني راح اموت من الوجع

..

راح صاح الدكتورة انطتني مسكن

..

ضليت يومين بالمستشفى وطلعوني للبيت امي ىادت تاخذني يمها بس حيدر ماقبل

..

وصلت للبيت وعمتي تلكتني بالهلاهل والبنات مزينين الغرفه بالنشرات

..

والكاروك مالت كرار بصف سريري

..

تمددت وحيدر ساعدني

..

الطفل كلشي ماعرفله حتى ماعرف الزمه اخاف عمتي حارت بي بس اني ارضعه

..

حيدر بس يباوع وعيونه تلمع بفرح

..

　
طلعو وعافونه وحدنه تمدد يمي وحضني ..

حيدر ياروحي انتي

..

عسل حبيبي

.

حيدر ماتعرفين شكد خفت عليج من دخلتي ضليتوالوب والوم بروحي لان انتي ماقبلتي نسوي طفل واني اصريت

..

عسل هههههه يله اجانه هيج ولد حلو

..

حيدر حبيبي يشبهني

..

عسل ههههههه لا بعد هسه مايبين من يكبر يصير يشبه امه

..

حيدر هه دشوفي شلون بقلاوة مثل ابو

..

عسل ليش اشبيها امه مو عسل

..

ضلينه نشاقه

..

الحمدلله طبعاً صادفت ولادتي بالعطله

..

بس خبلني عايق بس يبجي ويصرخ وحيدر من يشوفه يصرخ يكوم يصيح وياه شبي يبجي ليش ماديرين بالج عليه مجوعته ويبجي

...

وع هلرنه

..

وقتي كله شايلته وافتر بي لو ارضعه

..

عسل مو كتلي من تجيبين نسافر

..

حيدر ان شاءالله وين تريدين

..

عسل ايران

..

حيدر شعندج بايران نروح تركيا

..

عسل لا فدوه اخواتي هناك

..

حيدر ان شاءالله احجز ونسافر

..

العصر جنه كاعدين بالصاله واخته ام مها يمنه

..

ام مها عسل بعد نريد منج ابنيه

..

عسل لا يماا التوبه ماريد

..

حيدر مو هيه بكيفج اريد بنيه اني عايقه مثل امها وتمشي وتصيح بابا وبابا

..

عسل هههههه هاي اني عايقه

..

حيدر لا حبيبي اتشاقه .. بس جيبيلي ابنيه

..

عسل شتسوي بالبنيه عندك كرار

..

حيدر لا يابه اريد ابنيه اسمها غزل

..

صاحت ام مها والمايحصل ع النصيب يسمي ابنه ع الحبيب

.

كمزت اني شنوووو شنو ياغزل انوب كافي عليه اصخام والطام قصدي (نبراس والهام

)

حيدر ههههههههه

..

ام مها ليش ماتعرفيها غزل

..

عسل لا والله حبيبه ماعرفها منو ..؟؟

ام مها غير حبيبته من الطفوله

..

عسل شنووو اكلك اني ماخذه رجال لو مكتب مال رعايه اجتماعيه كل النسوان يمك المطلقه والارمله والشابه والبنيه

..

حيدر ههههههه شسوي اني حلو والنسوان تلتم عليه

..

ام مها خيه غزل عمره خمس سنين ويبجي يريد ياخذها

..

عسل تهييي لعد كرار من هسه اشد راسي هذه يطلع اضرب من ابو يزوج اربعه ويطلك اربعه ويزوج اربعه

..

حيدر ههههههه لا ولج والله ظالمتني وين شتيف صار اسبوعين اصلا اتحسر ع ريحه مره

.

عسل ليش اني نايمه يمك رجال

..

حيدر همسلي يمته طلعين الاربعين مو اهلي حركتيهم الا احجي بالقلم العريض

..

ضحكت وكلت الاخته ومنو انوب غير غزل

..

ام مها اوكفي خلي اتذكر هنه هواي

...

عسل عمه بروح اهلج حيدر وين ذابه صرته

..

ام حيدر عمه تريدين الصدك انطيت صرته الخطاب كتله ذبها بالمدرسه عود كبل يكولون يكوم يحب الدراسه وخطاب ذابها بالمدرسه مال البنات وهذه طلع من يوم يومه يدور لنسوان لحد ماشيبني وانتي جيتي ضبيتي

..

عسل عزااا

..

حيدر بس يضحك

...

حيدر اكلج لعد صرت كرار وين

..

عسل ذيج عندي ليش

..

حيدر اريد اذبها بالكاولية خلي وليدي يتونس يشوف نعمه الله

..

عسل يماا لا هاهيه حرام شبيك

..

حيدر لعد خوما يطلع مثل ابو يمشي وره كلبه

..

عسل اصلا راح اوديها ابيت اهلي خلي يروح يم ابوي

.

حيدر ليش يمه متت واهلج يربونه .. ايي واحمد يربي خوش يربي علمود يطلع استاذ بالنسوان

..

عسل يااا وشبي احمد اصلا ثلثين الولد ع الخال خلي بالك طلع لو ع احمد لو ع عبدالله

..

ضلينه نتناكر لحد ماعاطت بينه عمتي

.

ام حيدر شبيكممم ولكم زعاطيط واحد يرفع واحد يكبس

..

شوبه وكللها

..

حيدر يمه كم يوم وطالعين اني وعسل لايران

..

ام حيدر شكوو

..

حيدر عندي شغل هناك واكدر اعوفهم هيه وكرار

..

ام حيدر ترجعون بالسلامه يمه

..

بليل خابرت هدى ودزيت الها صور كرار

..

فرحت من كتلها راح اجي

..

حيدر شنو رايج نسوي اخت لكرار

.

عسل لا عفيه حبيبي والله ماكدر هذه وهسه شالع كلبي انوب تريدني احبل

..

حيدر انسوي ان شاءالله بس من تتخرجين ..وبس نرجع نكعد ابيتنه علمود تشدين حيلج ماتكدرين هنا هوسه البيت وكرار والدراسه

..

عسل فديت الي يفكر بيه

..

حيدر شعندي غيرج ومافكر بيج ان شاءالله من نكعد ابيته كرار اخلي بحضانه من تداومين نعوفه بيها

..

عسل خوش

..

حيدر بس بيتنه من نرجع نروح اني وياج وبراء انضفه ونشوف شمحتاج نواقص نكمل الاثاث ونشيل

..

عسل غرفتنه ناخذها لو نعوفها

..

حيدر لا نعوفها هنا هناك مو اشتريت وحده

..

عسل صح

..

حضني ونام اني احمد ربي ع حيدر يفكر بيه ويشيل همي ومن يوم الوعدني مايمد ايده ابد ماضربني لو تعاركنه

..

حجزنه وسافرنه تلكانه بالمطار ايسر زوج اختي

..

تسالم هو وحيدر واخذنه لشقتهم .. لكيتهم ينتضروني حضنتي اخواتي وحبايبي شكد مشتاقتلهم من يوم العرس ماشفتهن بس بالكامره من اتصل

..

سلمت ع عيالهن هدى تضحك عليه

..

هدى كالها احمد الزعطوطه تخلف زعطوط

..

عسل يمعوده والله كلشي ماعرفله خطيه عمتي حايره بي

..

هدى هم زين مساعدتج

..

حيدر ماعجبه الوضع بشقه سماء لان عيالها موجودين وحماها

..

صاحلي يمه

..

حيدر امشي نروح فندق

..

عسل ليش فندق نروح لشقه هدى بس هيه وزوجها

..

حيدر زحمه ماترهم

..

عسل براحتك

..

صدك تغدينه يمهم وطلعنه لزمو بينه حيدر ماقبل

..

رحنه فندق قريب ع هدى وسماء

..

دخلنه خليت كرار بالسرير ودخلت سبحت طلعت شفت حيدر متمدد وغافني .. تمددت يمه حس عليه جرني بحضنه

..

حيدر ميت شوك عليج

..

عسل واني هم مشتاقتلك والله

..

حضني ويبوس بيه ويشم عبالك حبيب والتقى بحبيبه بعد سنين

..

ومثل كل مره من يتقربلي كلمه احبج ماتوكع مم لسانه يهمس باذني احبببج اعشقج

..

ابتعد وحضني ع صدره

..

حيدر من اول ماحبيتج اول مره وصلت براء للمدرسه ولمحتج بعد مانتهيت اني ونبراس

..

حسيت املكلج مشاعر من سنين ضل كلبي يوميه يجيبني يم المدرسه شهر وانتي ومافاركتي خيالي لو دقيقه افكر شلون ترهم وهيه بنت خال نبراس مافكرت تكونين نفس نبراس لان اني متاكد من اخلاقج وعفتج .. كلت لروحي اخاف نزوه وانساها وحرام عليه اكسر بنت الناس .. بس تاكدت اني رايد روحج مارايد بيج جسم لو رايدج فراش حبيت ضحكتح وعيونج اكثر شي حبيته بيج هو لمعه البرائه الي بعيونج .. حبيت خصله الغرور البيج من تمشين ورفعه الخشم ... تاكدت اني ماكدر اعيش من دونج واجيت وصارحتج صح رفضتيني وكلت حقها مو سهله

.. ..

ضليت وراج لحد ماوافقتي

..

عسل حبيبي صح جنت رافضه فكره انو ارتبط بيك بس هسه انته النفس البيه احبك واموت بيك

..

حيدر واني حبيتج اضعاف من تزوجنه وخلفتيلي هيح عسل

..

مرن اربع ايام واحنه يوميه نطلع لو يعزمونه هدى وسماء بشققهم لو نطلع كلنه سويه نتغده ابمطعم

..

حيدر مايهتم للصرف ماخله شي بنفسي حتى كلاده ذهب خذلي... كتله ليش خو اخذلي من نرجع من محلك يكلي لا هذي عجبتني عليج

..

اخذت ملابس اليه ولكرار وهو هم اشتره اخذت هدايه لعمتي والبنات هو اخذ الاخوانه ولاخته ام مها

..

حيدر اكلج اذا هذه الشهر ماطلعتي حامل جيبي حبوب مانع

.

عسل عزاااا حيدر شنو حامل الله عليك

..

حيدر شعرفني كتلج اني انتي ليش ماتاخذين حبوب مانع

..

عسل صخام حتى كرار صغير بعده مابيه حيل طفل انوب

..

جاي نحجي ودك موبايلي ابوي يتصل

..

اخذته جاوبته

...

ابو احمد الووو

..

عسل هلوو بابا شلونك

..

ابو احمد هلا حبيبتي الحمدلله انتي شلونج مشتاقلج يمته ترجعون

..

عسل كم يوم ونرجع ان شاءالله شلونك انته وين

..

ابو احمد ترجعون بالسلامه اني بالدوام والله بس اشتاقتلج كلت اشوفها شلونها

..

عسل تشتاقلك العافيه حبيبي ان شاءالله بس نرجع اجي عليكم

..

ابو احمد هلا بيج حيدر وينه يمج انطينيها

..

عسل ايي هذه

..

حيدر هلا عمي شلونك

..

ابو احمد هلا يابه ع الله انته اخبارك

..

حيدر الحمدلله

..

ابو احمد وليدي

..

حيدر امرني عمي

..

ابو احمد مايامر عليك ظالم وليدي عسل امانه بركتبك مثل ماتراعي جهالك راعيها تراها طفله وتربات دلال

..

حيدر عمي لا توصي حريص ابطن عيني والله

..

ابو احمد سالمه عينك
ثاني يوم كعدت الصبح فتحت موبايلي شفت اربع مكالمات من احمد وكومه مكالمات من هدى وسماء من الفجر يتصلون لزمت كلبي ياستار استر شكوو

..

حيدر شبيج حبيبتي وجهج اصفر

..

عسل انطيني موبايلك اتصل ع احمد داك عليه هواي واني ماعندي رصيد

..

راح هو اتصل ع احمد ضل يدك بعدين جاوب

..

شفت وجه اصفر

حيدر لا اله إلا الله ان لله وان اليه راجعون

..

عسل حيدر شكووو شبيهم اهلي

..

سده منه واني دموعي تنزل اهلي ياربي لا تفجعني باحد بيهم

..

حضني قوي حيدر

..

حيدر البقيه بحياتج عسل ابوج انطاج عمره

..
&&&&&&&&&&&&&

اصعب شي بحياة البنيه من تفقد ابوها وسندها

#اقبال محمد

[لامارا]

38

(غدر يبني طريق العشگ)
#بقلمي_اقبال_محمد

&&&&&&&&&&&&

حيدر البقيه بحياتج ابوج انطاج عمره

..

كمزت من حضنه وايدي ع حلكي

..

عسل لاااااا حيدر الله عليك الا بابا حيدرررررررر

..

عطت وكعت حسيت ع حيدر يضرب بخدي ويشممني عطر

..

عسل جنت حلمانه موو جنت نايمه

..

فرك وجه وحضني عيونه مدمعه ع حالتي

..

حضنته واني اصرخ الزم بقميصه

..

عسل حيدرررر منو اليه منو سندي بعده حيدرررر انكسر ضهري شلووووووون يعوفني حيدررررر ولك ابوي ررررراح

..

حيدر اش عمري اني اني زوجج وابوج واخوج اني سندج

..

ضليت اصرخ واشيل بروحي واركعها . الى ان فقدت

..

وصحيت اسمع صوت حيدر يحجي ويا سامر علمود نرجع للعراق اني كل طاقه ماعندي احس روحي نسلبت راح راح ابوي وسندي وصديقي واخوي

..

صافنه ودموعي جامده بعيني

..

اجه يمي حيدر

..

حيدر حبيبتي كومي بدلي علمود اخذج يم اخواتح واروح احجز علمود نرجع

..

هزيت راسي وكمت ماطلع مني حرف .. لبست العباء بكل هدوء

..

شال هو كرار وطلعنه تمشينه لشقه هدى وهو كايدني يخاف اوكع

..

وصلنه للشقه واسمع صريخ هدى

..

دخلت وذبيت روحي بحضن سماء

..

عسل لج سماااااء عافنه وراح شلون بينه ولج ابووووووي راح

...

سماء اؤيلييي عليك بويه ولج عسل بالنعاش ويوصي احمد بيج

..

وجع احسه يشلع قلبي من مكانه وشعور ماتمناء لعدوي شعور انو تخسر اعز ناسك انو تخسر الانسان الي جنت تزامط بي

..

راحو حيدر وايسر حجزو طيارة

..

واني ضليت اون وانوح

..

عيوني مانشفت حضانه سماء وابجي .. بيومها بتنه بشقه هدى حيدر بليل حاضني ويبجي ع حالتي

..

الليل كله ابجي واكله حيدر راح عافني

..

ثاني يوم من الصبح طلعنه ورجعنه للعراق اخذنه تكسي من مطار بغداد لبيت اهلي اهناك فقدت من شفت الجادر منصوب وامه لا اله إلا الله موجوده الفرع يروش زلم .. دخلني حيدر للبيت وراح للجادر

..

دخلت للصاله واباوع بالوجوه اريد الكه امي

..

شافتني براء اجتي عليه انطيتها كرار واباوع اريد امي
لكيت امي كاعده والوجه ماينعرف من الطم والخراميش والنسوان داير مدايرها

..

شفتها وعطت

..

عسل هاااا يماااا

..

اسمع صوت النسوان خطيه هاي بنته .. ياا هاي الصغيرة

..

وحده تكول خطيه جانت مسافره

..

ذبيت راسي بحضن امي واعيط

..

عسل ولج يمااا بعدني صغيره ع اليتم

..
(حزن كبير ماكدرت اعبر عنه بالاحرف والسطر بس كلمه فقدان الاب كفيله بمعرفه كميه الحزن .)

مرن ايام الفاتحه ثلاث ايام واني لا ليلي ليل ولا نهاري نهار مادري بابني وين ماوين كله يم عمتي حيدر يجي يكعد يمي دقائق ياواسيني ويروح للجادر ويه اخوتي

..

الاكل قاطعته يتوسلون بيه اكل لكمه مااكل كرار صارو ينطونه مميه

..
..

بيوم الرابع كعدنه بالاستقبال اني واخواتي واخوتي وحيدر

..

عسل احمد شلون مات

..

يمكن جنت اسمع من يحجون بالفاتحه بس بالي مو يمي

..

ضرب ايده احمد بالكاع

..

احمد كتلوو مامات

.

عسل شنوو منو قتله

..

احمد كتلو بسامراء مترصديله بالطريق

..

حيدر الوضع مو امان تره والارهاب انتشر بالانبار والفلوجه .. تحت اسم الثوار

..

احمد همه كامو يترصدون بمناطق الغربيه شكو منتسب شكو ضابط كتلوهم ...واحنه كناله يابه خلي حمايه يابه خلي حمايه انته تروح لمناطق خطره ورتبتك عقيد مايسمع يكول الحمايه راح تحاميني من ملك الموت لو راد ياخذ امانته

..

عسل الله يتنقم منهم كتلو لان شريف كتلو لان عايف اهله ورايح بواجب شريف

..

احمد وحق كل دمعه نزلت من عيونج اخذ حقه .. وراس القتله اجيبه بيدي

..

حيدر يله عسل خلصت ايام الفاتحه لازم انروح لبيتنه

..

احمد لحظه ابو كرار ابوي قبل لا يموت يوصي بعسل وخبرنه كلنه البيت الي بالعظميه باسم عسل مخلي

..

عسل سوده عليه قبل لايروح بليل خابرني ويوصي حيدر بيه

..

رجعت ابجي والطم حروره بصدري اريدها تروح

..

حيدر خويه عسل عدها بيتها ابغداد وبيتها ثاني بالعمارة الحمدلله مامعتازة

..

احمد ابو كرار مو قصه معتازة بس هاي وصيته ولازم نوصلها مات وهو مابلسانه غير عسل

..

اسمعهم واحس روحي تريد تطلع .. ياعالم راح الجان خيمه فوك روسنه رااااح

..

اخذني حيدر لبيتنه مو لبيت عيالي

..

وصلت دخلت سبحت وتمددت وحضنت نفسي مثل الجنين

..

اجه يمي حيدر خلاني ع صدره

..

حيدر كافي بجي راحت عيونج

..

عسل ماريد عيوني اريد ابوي

.

حيدر كافي حبيبتي لخاطر ابنا اكعدي اكلي

..

عسل ماريد

..

حيدر ياعمري مايصير هيج كلنا ماتو ابائنه

..

عسل بس اني ابوي غير جان صديقي ورفيقي مايوم طلبت منا وكال لا لو اطلب ماي عيونه يكلي غالي والطلب رخيص .. جان صديقي كلشي يصير وياي احجيله

حيدر ادعيله بالرحمه لا تعذبينه هيج صلي وادعيله اقريله قران .. ميصير تهملين ابنج خطيه شوفي ضعفان حليب القواطي مابي فايده

..

　
محد يحس بنار قلبي ........
*****

مرن خمس اشهر واني حالي من سيئ الى اسوء

..

استلمت النتيجه ناجحه وصرت مرحله ثانيه جنت مقرره ائجل سنه بس داومت لان ابوي جانت امنيته اصير دكتورة ويكولون الدكتورة عسل حسين

..

داومت وذبيت كل حيلي بيها الضحكه مفاركتها من يوم الجنت بيران وسمعت خبر وفاء ابوي

..

بس للاسف هملت بيتي وزوجي صارت حياتي عبارة عن دوام بيت وكرار والدراسه بس حيدر مايجمعني بي بس الفراش تالي الليل ماعرف شنو الصار اعرف هو ماله ذنب بس اني مالي خلك لكلشي الحياة صارت عندي بلا طعم

..

صارت بينا فجوه جبيره وبرود وهو هم مل مني خلص صبره وهو يكلي ميصير هيج اهتمي لنفسج اني ابوج واني اخوج لا تحزنين مل وعافني لان شاف مامني جدوه صار لو راد يتقرب مني ع كد حاجته وبس .. واني مالي طاقه احجي

..

حيدر يريدني كون من يرجع يلكلني عروس مو واجب وخلص لا يكول انتي مو بس زوجتي انتي حبيبتي

..

فكام يضوج من يجي يوميه ولكاني نفس مااني وثوبي النيلي

..

بيوم رجعنه من الدوام اني وحيدر وبراء ورشا وجبنه كرار من الحضانه

..

حيدر كال لرشا ..شصار ع موضوعج انتي وعبدالله

..

لان همه جان اتفاقهم من تصير مرحله ثالثه ياخذها وهيه هسه مرحله ثالثه بس استشهاد ابوي وقفت كلشي

..

رشا يكول انتضري تعدي سنويه ابوي اذا اخذج هسه بلا عرس

..

حيدر شنوو بلا عرس قابل ناهب

..

عسل خلي تصير سنويه ابوي شنو مستعجلين

.

حيدر شنو صار سنه ونص معلك البنيه

..

عسل هو علكها لو انته كلت اله تصير مرحله ثالثه يالله ليش الله يرحمه بابا مو كلك ناخذها هسه ماعدنه شي وانته ماقبلت .. حجيت بصوت عالي
حيدر صوووتج

..

عسل لعد لا تذبها براس عبدالله كافي علينه فراك ابوي

..

سكت ويخوزر بيه

..

وصلنه للبيت بدلت وطلعت حميت الغده

..

تغدينه ودخلت سبحت وسبحت كرار وبدلتله خليته بسريره وكعدت ادرس

..

حيدر طلع لشغله

..

كملت دراسه وغفيت للساعه 12 حسيت عليه ينام يمي ويحاول يتقربلي

..

اخذ حاجته وكام مني راح للحمام .. حتى مابقى يمي .. هيج صرت رخيصه ويجيني بس وكت اليرغب

دموعي كامت تنزل احس حبنه انتهى ليش هيج

..

ابجي وماعرف عليمن ابجي ع ابوي الراح كمت احس روحي بدون سند كمت من امشي ادنك بعد ماجنت امشي وراسي مرفوع .. جنت مغروره احس هسه غروري انكسر احس من امشي العالم تحجي خطيه هاي يتيمه

..

ابجي ع البرود الصار بيني وبين حيدر الفجوه الصارت بيناتنه ع حبنه الاحسه انتهى كلمه احبج صار ثلاث اشهر مسامعتها من حيدر بعد ماجانت ماتوكع من السانه

..

طلع من الحمام شافني ابجي اجه يمي

..

حيدر شبيج

..

عسل وين راح حبك ..؟

حيدر حبي بعده موجود بس انتي القررتي تنسحبين

عسل يعني ميحقلي احزن ع ابوي ..!؟

حيدر بس مو تهملين بيتج وزوجج اكثر من مره كتلج اني مو بس زوجج اني حبيبج انتي حتى من الفراش يجمعنه ماعندج مشاعر اتجاهي حتى كرار هملتي .. ابوج صح غالي عليج وفراك الاب صعب بس زوجج بحاجتج وابنج بعده صغير ميصير هيج

..

عسل وبسرعه مليت مني انته لازم تساندني اني بحاجتك فراك ابوي مو بس صعب فراكه دمرني

..

حضني لصدره

..

حيدر حبيبتي انتي بس ادعيله بالرحمه انتي تعذبينه هيج بدموعج هو مات ويوصي بيج اكيد ينقهر هسه من يشوفج هيح مدمره صيري قويه واكفي ع حيلج وارجعيلي حبيبتي عسل الاعرفها ابوج يرتاح بضحكتج مثل مااني هسه ارتاح من اشوف ضحكه كرار

..

عسل ليش مليت مني ليش يعني باول محنه اليه تخليت عني وما وكفت وياي واني محتاجتك

..

حيدر لا دكولين هيج تدرين بيه ماتخله عنج بس انتي كلشي بيج تغيير اكول حقها وموت ابوها اثر عليها بس انتي صارت حياتج للدراسه وبس ليش اني مو زوجج والي حق عليج انتي وكفتي ع حيلج ورجعتي لدراستج بس ما رجعتيلي .. اني رجال ومن اطلع اشوف اشكال البنات بس وربج كل الصار بس ماحلت بعيني غيرج اوكول عندي مره التسواهن

..

عسل حيدر اني بعدني احبك والبرود الصار بيناتنه موتني وكل ماريد ابدي وياك ونرجع مثل قبل احس الحياة بلا طعم وماتسوه

..

حيدر اني ماسوه ترجعيلي

..

عسل لا تسوه بس اني بحاجتك اريد اتخطه هاي المحنه اوكف وياي حسسني انته مساندي لان احس روحي بلا سند من مات ابوي

..

حيدر واني وياج وماعفتج

..

خليت راسي ع صدره تمدد واني ع صدره

..

عصرني بحضه جنت محتاجه هذه الامان البحضنه

..

كعدت الفجر سبحت وكعدت حيدر وصلينه سويه ... وهو رجع نام واني ضليت اقره قران ختمته طبعاً من زمان اقره بيه وهديته لابوي

..

حبيبي جان كل مايكعد يضل يقره بالقران يكول نفسيتي ترتاح وصلاته مايفوت لو فرض حاج بيت الله هو وامي ورايح عمره

..

كملت القران وكمت رجعت يم حيدر اباوعله هو نايم .. نايم بسكينه .. حضنته ونمت

..

كعدت الصبح حيدر مو بالفراش كمت لميت شعري وطلعت شفته بالمطبخ واكف يسوي ريوك

..

عسل صباح الخير

.

اجه تقرب يمي

..

حيدر صباح العسل ياعسل

بوسني وابتعد

..

حيدر تعالي سويتلج ريوك بيدي

..

كعدت وهو يحضر بالريوك

..

عسل لعد كرار ماكعد

..

حيدر كعد وكتله امك نايمه ارجع نام اشو هذه صدك نام

..

عسل راح اروح اجيبه واغسله

.

رحتله كاعد بس يلعب

..

عسل يماا حبيب امه .. شلته

..

رحت غسلتله وبدلتله .. وجبته يمنه كعدت اتريك وكرار بحضني

...

حيدر من اروح فدوه لضحكته ..سويلنه واحد مثله ولج

..

عسل لا فدوه هذه تعبني

..

كملنه ريوك اخذت كرار سبحته وخليتله بوطره وخليته الفراش نضفت البيت اليوم جمعه

..

حيدر حبيبتي راح اطلع للسوك اتسوك واجيب امي والبنات ع الغده

..

عسل هلا بيهم

..

طلع واني قفلت الباب وراه ودخلت بدلت لبسي نيلي كلنه مانلبس الاسود بس النيلي للسنه يالله ننزعه

..

طبعاً خواتي استقرن بالعراق رجعن وبيتهن بصف بيت اهلي كل ماروح اشوفهن .. اني صرت كل اسبوع واالثاني اروح لان البيت بي ريحه ابوي احسه موجود

..

واحمد صار نقيب صح الخلف مامات بابا الله يرحمه راح وبمكانه احمد كاضيها شغل بشغل ويريد ياخذ رتبه العقيد مثل ابوي .. ونقل شغله لسامراء ..بس امي تخاف عليه تكوليه الكتلو ابوك لا يكتلوك شالع كلبنه

..

دائماً يخابرني امانه شمحتاجه بس كولي تره اني مو بس اخوج وابوج هم

..

يتبع،،،،،،،،

&&&&&&&&&&&&&
#

اقبال_محمد

[لامارا]

39

(غدر يبني طريق العشگ)
#بقلمي_اقبال_محمد

&&&&&&&&&&&&&

كملت تنضيف .. واجه حيدر متسوك وياه اهله

..

استقبلتهم واخذت المسواك منه

..

جاي ارتب بالسواك واسمع صوت حيدر عالي رحت يمهم

..

رشا تبجي وتحجي ويه حيدر

..

رشا تقبلها يكولي انعل ابوج واني ابوي ميت

..

تدخلت اني

..

عسل شنو السبب عبدالله مايكولها اذا ماكو سبب

..

رشا شنو تجذبيني

..

عسل ممجذبتج بس كتلج شنو السبب من سبج قابل خابرج كلج هيج وسده

...

رشا علمود العرس وتعاركنه

..

حيدر عسل خابري عبدالله خلي يجي

..

رحت جبت موبايلي وخابرته

..

عسل الووو عبدالله

...

عبدالله هلا عسوله حبيبتي شلونج

..

عسل الحمدلله بخير عبدالله وين انته

...

عبدالله والله طالع لشغلي

..

عسل اهااا

..

عبدالله خوما اكو شي كولي خويه

..

عسل لا والله ماكو شي بس حيدر كال خلي يجي

..

عبدالله فهمت خويه بربج اني بحال عرس ولج ابوي ياعالم ابوي مصارله خمس اشهر من دفناء ورشا تريدني اخذها واسوي عرس شنو لهلدرجه ماعندي غيره .. كتلها انتضري تعدي سنه واخذج واسويلج احسن عرس تكولي صار سنه ونص مخطوبين .. كتلها اخذج هسه بس بلا هوسه وعرس ماتقبل طلعت روحي تزن وترن ع العرس طلعت روحي

..

عسل بس مايصير خويه تسبها وابوها ميت

...

عبدالله مو اكلج طلعت روحي وطلعت مني بلا قصد

..

طبعاً اني فاتحه سماعه ويسمعون

..

اخذه من حيدر وحجى وياه

..

حيدر الووو

..

عبدالله هلاا ابو كرار شلونك

..

حيدر الحمدلله بس عبدالله مامرجيه منك هاي

..

عبدالله اعذرني خويه وحقك عليه بس بالله طلعت بلا قصد .. بس تقبلها بداعت كرار تريدني اسوي عرس وهوسها وسنويه ابوي بعدها والله جرحه لسه ماشفه

..

حيدر لا مااقبها والله ان شاءالله تطلع السنويه وهيه مرتك

..

ختمها وياه وهيه تكمز لان جانت رده فعل حيدر زينه ويه عبدالله

..

رشا شنووو هيج هينه عندك من يسب ابوي

..

حيدر لعد هو هينه عنده من تريدنه يسويلج عرس وابو ذاك اليوم دفنو

...

رشا اني بنيه ومن حقي

..

عسل رشاا خافي ربج رجال دافنين لج بعدنه لهسه دمعنه مانشف

..

رشا واني شعليه بيكم عبالك بس انتو ابوكم مات .. يريد سب ابوي براحته

..

عسل هيج صارت رشا ليش اني مو حيدر سب ابوي قبل وفاته اكثر من مره وسكتت وماطلعتها لاحد

..

رشا بس اني غير اني اختلف عنج

..

عسل ليش يابه غير ابوج نبي وابوي كافر لو ابوج سلطان وابوي عبد تره ابوج رجال وابوي رجال اني هم مطالعه من فطر الحايط عندي اهل ياخذون حقي من حلك السبع بس سكتت علمود احافض ع بيتي كدامكم وحيدر ضربني وماطلعتها لاحد ولا حجيت ليش انتي هسه وكفتي لعبدالله مثل السجين بخاصرته

..

رشا لا تكعدين تقارنين بيني وبينج اني صارله سنه ونص معلكني

..

عسل ولج وهو منو الاخرها مو انتو الكلتو اله تصير مرحله ثالثه .. واذا مستعلجه ع العرس مالازم كوليله يعوفج لان حتى اني ماقبلها يسوي عرس وفرح قبل السنويه
حيدر جان بالحمام وطلع وبقى واكف ياوعلنه

..

اخر شي عاط

..

حيدر هششش ولا نفس تطلع سنويه ابو احمد وكتها ياخذج

...

سكتت ورحت اني للمطبخ مغثوثه حضرت الغده وكمنه نشيل بالمواعين اني وبراء

..

كملنه وكعدو ياكلون اني رحت للمطبخ خليت القوري مال الجايةع الطباخ ورحت ارضع كرار

..

اجه حيدر

..

حيدر كومي تغدي

..

عسل ماريد

..

حيدر دكومي حبيبتي لا تضوجين نفسج

..

عسل لا ماكو شي عمري بس ارضع كرار

..

حيدر يله كملي وتعااي يمنه وجيبي

...

راح واني كملت واخذته كعدت بس ماشتهي نفسي مسدوده

..

بس هيج كعدت وكرار بحضني

..

كملو الغده لميت السفره وصبيت جاي

..

رشا ماده بوزها عشتو

...

للصعر واخذهم حيدر رجعو لبيتهم .. اني دخلت سبحت وسرحت شعري .. وكعدت ادرس وانتضر حيدر

..

صارت الساعه ب9 بليل واجه شافني منتضرته ضحك ودخل للحمام سبح واجه يمي

..

حيدر اويلييي حبيبه شكد مشتاق لملكاج من اجي والكاج كاعده تنتضريني

..

ابتسمتله

..

عسل ان شاءالله يوميه انتضرك

..

نمت ع صدره والعب شعر صدره

..

عسل حيدر

..

حيدر هاا عمري

..

عسل شصار ع موضوع براء

..

حيدر والله ماعرف حبيبتي هو بعد ماحاجني ولا دز اهله

..

رفعت راسي بسته

..

جرني من راسي ويبوس بيه ويشمني بكل قوته

..

حيدر احبج واعشقج

..

عسل واني اموت بيك ..من تبتعد عني اذبل ومن ترجع مثل الورده وسكوها ماي ارجع اعيش

..

حيدر ماعاش اليذبل وردايتي

..
........الصبح كعدت سويت ريوك وكعدته .. واخذت كرار سبحته ..

عسل حيدر اريد اروح لاهلي

..

حيدر ماشي اوديج هسه وارجع عليج الضهر

..

عسل لا تعال العصر

..

حيدر شنو العصر الضهر من ارجع من السوك

..

بدلت واخذني وصلني وراح

..

دخلت سلمت ع امي واحمد جان موجود كام باسني براسي واخذ كرار مني

..

احمد شلونج ام كرار شخبارج

..

عسل الحمدلله انته شلونك

..

احمد ع الله

..

عسل اشو كبران ومشيب

..

احمد خويه فراك ابوي كبرنه عشر اسنين

..

عسل ايي والله

..

احمد شبيها حماتج تنطنط علمود العرس

..

عسل اني اعرف شبيها هاي انوب

..

احمد شوفي عسل مال عرس مااسوي لو تنطبك السماء ع الكاع وابوي ترابه مانشف كلت العبدالله وهسه اكولها كدامج اذا تريد عرس ومستعجله ماصار شي مثل مادخلنه بالعروف نطلع بالمعروف

..

عسل ولا اني قابله واليوم كتلها حتى اني مااقبل .. تطلع السنويه وعود ياخذها

..

احمد تطلع السنه وره السنه بخمس اشهر عود بيها خير وتدلل احسن عرس نسويلها وهم اخونه ونريد نفرح بي

..

عسل انته شغلتك شنو صار بيها

..

احمد اني سالفتي طويله بعد

..

عسل شلون سولفلي

..

احمد البنيه طلعت علويه ولج وكلمه مااحصل منها كتلها يابنت الناس احبج وهاويج .. كالت تعال من الباب كتلها واني جاي من الباب من قررنه نخطبها استشهد ابوي رجعت كتلها ماكدر اخطبج هسه هيج وهيج صار كالت البقيه بحياتك اخر الاحزان ان شاءالله ومن ينفك حزنكم تعالو واهلا وسهلا بيكم بس لا تتصل لوكتها عود

..

عسل يااا

..

احمد انتي ماجاي تشوفيها

..

عسل مرات اشوفها صدفه ..ومره اجتي عزتني
احمد اذا تشوفها كوليلها احمد يحبج وبعده رايدج وبس ينفك حزنه ان شاءالله يخطبج بس كون تنتضري

..

عسل ان شاءالله

...

شويه واجتي هدى وسماء سلمت عليهن

..

تخبلن ع كرار لان مدنفش وابيض وعيونه رصاصيه
نسخه من ابو

..

سوينه الغده وكعدنه نتغده

..

كملنه الغده واحمد راح لغرفته شويه واجه يريد يطلع ومستعجل .. ولابس الزي العسكري وشايل سلاحه

..

عسل خيرك خويه

..

اجه باس راسي

..

احمد كتلج اجيبه راس القتله

..

عسل خويه لا تخوفنه عليك

..

احمد لا تخافون ماكو شي طالع اني والوحده مالتي

..

باس راس امي وطلع

..

　
دموعي نزلن واني اباوعله ..

اجه حيدر عليه

..

حيدر شبيج عيونج حمر

..

سولفتله

..

حيدر لا تخافين ماعليه شي احمد سبع

..

رحنه لبيتنه واني بالي يم احمد للساعه ب1:ونص

وصلتني رساله ع الواتساب من احمد شريط فيديو طويل مبين بغرفه ظلمه ورساله اخيج ابن ابو وجاب دم ابو . فتحت الفيديو وحيدر يباوع وياي

..

غرفه وبيها واكف احمد وظباط ثلاثه بس واكفين بعيد عن احمد واحد كدامه مجتفف

..

احمد كاله اسمك كاله فلان . احمد شغلك

..

كاله ضابط احمد لعد شنو شغلك زيه الدواعش

...

كاله جماعتي وياهم واعرفهم وصار بيناتنه لقائات وكمت اطلع الهم هويات ويندسون بين الجيش

..

ضربه بوكس وكعه بالكاع رجع رفعه

..

احمد الرائد مهدي ******* والعقيد حسين منو كتلهم بسامراء بقضاء كذا

.

كاله فلان سيدي

..

احمد منو فلان وشنو شغله

..

كاله انطاء اسمه الثلاثي وشغله امير وقيادي بالدواعش

..

ضل يحقق وياهم

..

اخر شي احمد صاح دخلوهم دخلو ثنين لحاياهم طويله وصخين

..

كاله كوم منو بيهم فلان

..

كام واشر ع واحد

..

جره احمد كال وين هويات هذه .. الضابط انطاهيا

.

قره الاسم .. وجره كعده ع كرسي

.

احمد العقيد حسين منو ترصدله

..

كاله سيدي راقبه فلان وفلان وبكذا يوم راقبته اني وفلان ومن طلع بسامراء طبكنه عليه واني وفلان رمينه عليه

...

دموعي كامت تجري ليششش كتلو شمسويلهم

..

هجم عليه احمد راشديات وبوكسات وجلاليق

..

اجه ضابظ بعده عنه

..

كاله احمد اهدئ لا يموت جوه يدك لا توصخ ايدك بي راح يصعد محكمه ويتحاسب

..

دفنت راسي بصدر حيدر وابجي عبالك اليوم مات

...

ابجي واصرخ .. ليشششش كتلو ليششش شمسويلهم ليششششش

..

حيدر اهدئي حبيبتي خطيه كرار فز من صريخج

..

ضليت ابجيي وحيدر كام شال كرار

..

اتصل احمد كامره جاوبت وحيدر طلع واخذ كرار

.

احمد مسحي دموعج

..

عسل شلون لزمتهم

..

احمد ربج مايضيع دم المسلم

..

عسل شلون احجيلي

..

احمد تعرفين رائد مهدي

..

عسل اييي اعرفه جان صديق بابا

..

احمد رائد مهدي جان يداوم بتكريت ومن انقلت لسامراء اجه عليه وكعدنه كال نسولف ع الوضع لان هسه الفلوجه منتشر بيها الارهاب وكولون همه الثوار وكومه من الشرطه والجيش انكتلو بيها .. رائد مهدي جان ويه ابوي من جانو يراقبونه وعارف واحد منهم وبنفس اليوم كتلو ابوي اجاني وحجالي

..

قبل كم يوم جان رايح لدوامه وطابكه عليه سياره ورامين عليه وصاير بينهم اشتباك وهو مصوب واحد منهم لكن للاسف همه ضاربينه خابرني وهو بالسياره كال اتصوبت وانطاني رقم السيارة واوصاف الضربو واحد عارفه انطاني اسمه كال هذه شفته .. ناقلينه للمستشفى بس ماحلكت عليه استشهد

اني عممت رقم السياره واسمه البارحه من انتي يمنه شايفينهم بسامراء واحد وياهم مصوب وخبروني رحت كلبت عليهم سامراء والحمدالله لزمتهم واحد خبر ع الثاني هسه همه مسجونين وجبت بيهم نقل لمحكمه اني وراهم وان شاءالله مايطلعون من المحكمه الا وهمه اعدام

..

عسل عفيه عليك تربات ابونه

..

احمد يله حبيبتي راح اروح اني ديري بالج ع نفسج

..

عسل الله وياك انته دير بالك ع نفسك .. اجه يمي حيدر

..

حيدر عفيه عليه ماضيع دم ابو هدر

..

عسل احمد حييل متاذي من وفاء ابوي لو تشوفه البارحه عبالك شايب عمره خمسين سنه

..

حيدر مجرب موت الاب

..

خلاني ع صدره ويسولف ع ابو

..

حيدر ابوي مات واني عمري ١٦ سنه جنت حيل متعلق بيه جان مدللنه جنه كاعدين بالعمارة ومن مات ابوي امي جابتنه اهنا لبغداد يم خوالي لان هناء ابوي عنده بيت وهناك ماعنده بس بيت جدي فاجينه اهنا خطاب رفض يجي ويه امي ضل ويه عمامي

وعلي من اجينه اشتغل وعزل ضلينه بس اني وعمر واخواتي ثلاثه وامي راتب ابوي ماجان يكفي مال التقاعد واحنه كلنه طلاب بطلت اني واخذت الراتب مال ابوي بوكتها امي كامت تحجي وترزل بيه ماهتميت اخذت الراتب ورحت لصديقي بالسوك كتله اريد افتح محل وياك اهنا .. كالي تشوفلك محل

..

صدك شافلي محل صغير كلش ويجارة بسيط اجرته وكلت نعمه طلعت اني وصديقي وتسوكنه للمحل بالراتب فتحت محل صغير مال مواد منزليه

..

والحمدلله اول يوم اشتغلت ب9 الاف جنت فرحان وماسايعتني الدنيا اخذت علاكه مسواك للبيت ورجعت

..

امي شافتني واستلمتني بالرزيل لان ماجانت تعرف عبالها اخذت الراتب وصرفته

..

كعدت وياها وحجيتلها كامت تبجي وتكولي ابوك جان يكول ولدي مو حمل شغل ومايخليكم دوسون ع الكاع

..

كتلها الحمدلله يمه اني اريد اعتمد ع روحي

..

مرن الايام واني اشتغل ليل نهار اني كاعد بالمحل ومفتح صار شغلي زين وكمت انطي لامي وتجمعلي ويه راتب ابوي تلملي وتسوي سلف

..

المحل البصفي انعرض للبيع كلت الامي كالت اشتري كتلها معندي كالت اني عندي صدك كامت جابتلي فلوس واشتريته ارتاحيت من الايجار والمحل جبير صار كمت اجيب مسواك اكبر

والعالم كلها كامت تشتري مني لان اسلوبي حلو

..

شويه شويه صار شغلي كلش زين وصارت فلوس بيدي بس بني ادم مايحب الراحه من صارت الفلوس فتحت عيني ع النسوان وكمت امشي بالحرام بيوم جنت راجع بالوحده بالليل لكيت امي كاعده بالطرمه تنتضرني دخلت وعرفت وين جنت من حالتي كامت وضربتني راشدي كالتلي ماتستحي انته داخل نص الليل للبيت لو شايفاتك خواتك شيكولن

جوز من هذه الدرب ياحيدر لا والله اتبره منك ليوم الدين مو ابني اليمشي بطريق الحرام مو صارت بيدك فلوس وكمت تعربد بكيفك تره الله الي نطاك ياخذه منك

..

عافتني ودخلت .. دخلت اني سبحت ونمت قررت صدك بعد مااوصل للحرام .. كعدت الفجر صديقي حارك الموبايل بالتصالات اتصلت عليه كالي الحك محلك احترك

..

كمزت طلعت واني استغفر ربي بدلت بسرعه وصلت لكيت المحل صاير فحم كلشي محروك

..

كعدت ع الحديده ماعندي كلشي رجعت للبيت شفت امي كاعده تنتضرني نمت ع رجلها واني كلبي محروك تعبي كله ماعندي فلوس جنت الاشتغله انطي الامي مصرف الها ولخواتي والباقي مسواك والي يضل بجيبي اصرف ع النسوان هههه كالتلي لا تهتم يمه ربك يعوضك

..

كتلها يمه من ايدي صدك ربي الانطاني ورزقني اخذ مني كلشي

..

كالت المهم ماترجع لهذه الدرب والاذان اذن كوم توضه وصلي وربك يرزقك

..

كمت صليت ورجعت يمها

..

كامت وجابتلي مليون كالت من الصبح تطلع تنضف محلك وتتسوك

..

فرحتي جانت لا توصف كمت بست راسها وكتلها اني من ايدج هاي الايدج هاي

.

صدك طلعت من الصبح ثاني يوم نضفت المحل وصبغته وتسوكت ع كد فلوسي

..

الحمدلله رجعت لشغلي وهلمره الرزق زاد بيدي صلاتي ماتركتها لليوم هذه اشتغلت واجمع الفلس ع الفلس واشتريت السوبر ماركت جان قطع ارض صغيره بس ترهم سوبر ماركت ضليت بالمحل اشتغل واجمع وامي وياي الى ان بنيته وسويته ورحت تسوكت ماخليت شي ماخليته بي

..

عمر اخوي جان وياي وياي ماشتغل وحده وين مااني اشتغل هو وياي عاد خليته يلزم المحل واني كعدت بالسوبر ماركت وخليت عامل واحد

..

هنا عمي جان يشتغل ابغداد صايغ ذهب بس اتوفه ولده مايعرفون بهذه الشغل كتلهم اني اخذه واشتري منكم

..

بس شلون فلوس مو مال اشتري كلت الامي كالت يمه اني هذن العندي طلعتلي ثلاث ملايين ضليت افتر وافكر اخر شي بعت السوبر ماركت لان جنت هاوي المحل

..

صدك كعدت وياهم واشتريته اول مره مو كلش اعرف بهذه الشغل بس بعدين شويه شويه وعرفت الزمه واسس شغلي .. اشتغلت واشتريت السوبر ماركت هذه العندي هسه

..

وشويه شويه صارت حالتي الماديه توب واشتريت المحلات .. بيوم الحبيتج اجيت الامي وسولفت والها

..

كالت هيه طالبه وتريد تدرس طب واذا صارت دكتورة تره تشيخ عليك ع ابو اني دكتورة وانته ممكمل سادس اعدادي

..

كتلها لا يمه ماتسويها اعرفها مو هيج

..

كالت وانته تضمنها منا السبع سنين تبقى نفس ماهيه

..

كتلها لعد شلون كالت ارجع لدراستك

..

كتلها يمه يادراسه واني عمري 30 سنه

..

كالت الدراسه مو بالعمر واكو اكبر منك ويدرسون قدم ع كلية وانته بعدك شاب وصغير الزم شهادة بيدك ومرتك هم عدها شهادة علمود محد اعلى من الثاني

..

ضليت افكر وصدك قدمت ع كلية وكلت ادرس ماجستير واصير دكتور جامعي .. عاد كلت الامي يمه تره ابوها عقيد خوما تريديني اصير عقيد

..

كالتلي ولك يمه انته منين عرفتها هاي اشو هيه تريد تصير دكتورة وابوها عقيد

..

كتلها يمه صدك ماعرفتها .. كالت لا والله ماعرفتها

..

كتلها يمه عسل شبيج صديقه براء

..

كالت يااا تاخذ الزعطوطه عسل بنت البابا .. كتلها اشبيها بنت البابا

..

كالت ولك يمه لو اجتي وكعدت سوالفها كلها بابا اشترالي وبابا جابلي وبابا سوه وبابا حجى عبالك ابوها نازل من زحل

..

كتلها هههه ماعليج بيها اني حاب بنت البابا

..
..واخذتج ياعسل انتي ..

اسمع وبتسمه

..

نمت ع صدره وجهي بوجها

..

عسل حبيبي ياعمري شكد تعبان بحياتك

..

حيدر المهم انتي تالي تعبي

..

عسل احبببك

..

حيدر واني ميت بيج وعليج

..

نمت ع صدره وغفينه كعدت الصبح تريكنه وطلعنه راح لبيت اهله اخذنه براء ورشا وصلني يم كليتي كملت واخابر ع حيدر مايجاوب ضل بالي يربي شبي

..

خابرت براء كالت حتى اني اخابر عليه ومايجاوب خلصت راح اجي عليج

..

صدك اجتي عليه شويه واجه حيدر وجه احمر ومحتقن ورشا ليوره تبجي

..

صعدنه اريد احجي رفع ايده وصاح ع رشا ولا نفس

..

من يمي خنست .. مر جاب كرار من الحضانه .. انطانياه وصلني لبيتنه وراح هو واخذ اخواته

..

شكوو يربي شصاير دخلت سبحت وبدلت

..

خابرته انطاني رفض

..

شويه وخابرني عبدالله

..

عسل الووو هلو

..

عبدالله هلا عسل رجلج وين

..

عسل ابيت اهله يمكن

..

عبدالله خابرته مايجاوب كوليله العصر جايب السيد وجاي اطلك

..

عسل شكووو عبدالله ليششش شصاير

...

عبدالله بعدين تعرفين

..

سده واني افتر يربي شصار

..

يبتع،،،،،،،،

&&&&&&&&&&&&

يشـتاگ گلـبي الشـوفتك

..💔

مو هـين فـراگ الحنين

..😔

لاويــن انـــاطر جيـتك

..🥀

يالعلمــتني اعله الونين

..😢

نلتقي غداً بالبارت الاخيرر

#اقبال_محمد

[لامارا]

40

(غدر يبني طريق العشگ)
#بقلمي_اقبال_محمد
صباح الخير والسعادة
&&&&&&&&&&&&&&

دقائق وسمعت صوت سياره حيدر كمت وكفت اباب الصاله

..

تلكيته

...

عسل حيدررر شكوو شصاير

..

بعدني بيده وطب للحمام .. ياربي راح اتخبل شكوو

..

صاح منشفه انطيتها .. طلع ينشف شعره

..

واتصلت عمتي

..

حجى وياها واسمعه يكول الها طبها مرض خلي تموت مااجي

..

انوب كالها مرتي شنو شدخلها مرتي كللتها نزلي راس اخوج مرتي لا دخلونها والعصر جاي يطلكها

..

ضليت افر باذاني اني شنو طلاك شنو .. رشا شبيها شمصخمه .. سده ودخل للغرفه

رحت وراه

..

عسل فهمني شكوو يمعود راح اتخبل

كام يفتر ويكسر ويفتر ويصيح

..

حيدر العار رشا تتواعد بالكلية من ورانه وتريد عبدالله يطلكها علمود اتديح بكيفها ولج نزلت راسي خلت راسي بالوحل كدام عبدالله اني وين انطي وجهي

..

عزااا خليت ايدي ع حلكي

..

ضليت ساكته ومصدومه

..

صار العصر وهوه عيونه براسه ويفتر

..

اندكت الباب

..

حيدر هذه عبدالله روحي انتي فتحي الباب بس البس واجي

..

رحت فتحت الباب .. دخل باس راسي ودخل للستقبال

...

عسل عبدالله شكو صدك العرفته

..

عبدالله ولج نزلت راسي كدام احمد واج اني مرتي تكعد بسيارة الزلم وتتواعد اخخخخخخ

..

دخل حيدر سكت عبدالله وكامو تسالمو

..

حيدر ماعرف وين اودي وجهي منك عبدالله وحقك ع راسي والي تريده يجرالك

..

عبدالله سالم راسك ابو كرار مرايد شي غير اذب عليها يمين الطلاك وبس الصراحه بعد ماترهملي المره اليحلى بعينها رجال غيري تحرم عليه

..

حيدر هاهيه خويه اجيبها هسه وتذب عليها يمين الطلاك وفضلك ع راسي من سكتت وماشهرت بعرضي

..

عبدالله لا ابو كرار عرضك عرضي

..

حيدر راح اجيبها اكعد انته البيت بيتك

..

عبدالله عز الله

..

كام حيدر طلع طلعت وراه سديت الباب

..

ورجعت يم عبدالله شفته مخلي وجه بين اديه

...

كعدت يمه بلكاع

..

شال راسه وخلا ع رجلي

..

عبدالله ليش هيج سوت بشنو قصرت وياها ..والله حبيتها وعشكتها تالي طلعت تلح عليه بالعرس علمود اطلكها

..

عسل شلون عرفت اخاف ظالمها

...

عبدالله احمد اليوم بالجامعه وشايفها صاعده ويه واحد بالسيارة وقريبه عليه يعني وضعهم مشبوه

..

اتصل عليه واني جنت قريب عليهم .. رحت للكلية وشفتها . ردت اروح واجرها واجرم بيها بس قيدني احمد كال يصير الحق وياهم خلي يجي حيدر وهو اخوها ويتصرف انته بس طلكها وخليها تولي لا توصخ ايدك

..

اجه حيدر لان احمد مخابر عليه تخبل من شافها راح جرها لان جان الكراج فارغ.. ذاك من شافها نزلت شغل سيارته وفلت وبكل صلافه اعترفت تحبه احمد خبر اهل الكراج مايخلون السيارة تطلع ولزمه

..

جابه يم حيدر وكال اني عندي علاقه بيها بس ماكالتلي متزوجه او مخطوبه

..

لزمته شبعته كتل وفلت وحيدر كال اختي عوفها احسابها يمي اخذها وراح ماحجيت وياه

...

وهسه شوفت عينج

..

عسل هاهيه خلي تولي ماتستاهلك والله خلصك منها

..

ضل يسولفلي جان يجي حيدر .. وهيه وياه

..

دخلت لابسه عباء وجها ازرك باحمر

..

اول مادخلت شمرت نفسها ع عبدالله تبوس بيده

..

رشا عبدالله لا تطلكني فدوه والله ماعيدها والله التوبه والله احبك عبدالله الا الطلاك والله اموت

..

كام عبدالله عصر عيونه

..

وابتعد منها

...

عبدالله مدام حلى بعينج غيري واني مامالي عينج هاهيه كلمن يروح بطريقه واخذي اليملي عينج يمكن اني مو كدها وماعندي شهاده ومامكمل اخذي اليلوكلج .. طالك طالك طالك

عافنه وطلع

...

حيدر من طلع عبدالله كعد ع التخم وهيه ولا نفس ينسمع منها

...

اني سمعت كرار يبجي رحت عليه وعفتهم

..

رضعته ونومته

..

سمعته يكللها كلية بعد تحلمين توصليها موبايل ماكو تكعدين هنا وتنجبين الضاهر ماعرفنه نربيج اريد اعيد تربيتي

..

هيه سمعت هيج كامت تعيط .. تريدني اكعد بالبيت خدامه لمرتك علمود ترضيها هيه الجابت اخوها ولزكته عليه

..

طلعت اني عليها

..

عسل الحمدلله مامحتاجه احد يخدمني اني اخدم نفسي بنفسي والصوج مو صوجج صوج اخوي الحبج ودللج وماكلج ع عينج حاجب الحمدلله اخوي حلو ومتمكن وعنده شغله والف من تتمناه مايموت عليج تره

..

عفتها ودخلت لغرفتي تمددت

..

شويه واجه حيدر تمدد

..

شويه كعدت ع صوت الجرس يندك

..

كمت كعدت حيدر كاعد بس مغمض

..

راح فتحه اني لميت شعري ورتبت الغرفه وطلعت شفت عمتي وبراء كعدات بالصاله

..

عسل السلام عليكم

..

سلمت ع عمتي

..

وكمت جبت الهم عصير

..

وعمتي تحجي ويه حيدر ع رشا وتريد عبدالله يرجعها.. صدت عليه

..

ام حيدر يمه عسل مايرجعها جاهل وغلطت والله ماتعرف تتصرف

..

عسل عمه اني مالي دخل لا دخلوني لا اكدر اوكف ويه رشا ضد اخوي ولا اكدر اوكف ويه اخوي وهيه اخت زوجي

..

سكتت واني كمت جبت كرار

..

كعدت اوكله سريلاك

..

عمتي رادت تاخذ رشا يمها وحيدر ماقبل

..

تالي كالت اليوم اجوي اهل امجد وبعدهم رايدين براء

..

حيدر هاهيه اذا هيه موافقه

..

ام حيدر ايي يمه بعدهي موافقه

..

براء بس عندي شرط

..

حيدر وهوو

.

براء تطلع سنويه ابو عسل لان ادري اذا صار هسه عسل مراح تحضر واني اريد عسل وياي هيه اختي وصديقتي

..

ابتسم حيدر

..

حيدر هاهيه ع راحتج حبيبتي

..

كمت اني حضنتها

..

عسل حبيبتي برو

..

براء شعندي غيرج ولج اذا انتي ماتحضرين لعد شعندي مزوجه

..

فرحت بحجيها وانو اتاخر عرسها علمودي

..

وخرت منها

..

عسل فدوه الاختي

..

حيدر راح اروح اتسوك

..

ام حيدر انتضر نطلع وياك وصلنه

..

حيدر لا يمه ابقي تعشي يمنه اليوم

..

ماقبل يروحون راح تسوك واني نضفت البيت وكعدنه نسولف اني وبراء رشا ماطلعت ابد كاعده بالغرفه ساكته احنه .. بيتنه بي غرفتين وحده مالتنه وبطنها غرفه لكرار مسويها حيدر بس مااخلي ينام بيها اله يمي وحده مخلينها مال خطار

..

اجه حيدر كمت سويت العشه وحضرت العشه

مدينه السفره

..

حيدر براء اخذي عشه واكعدي اكلي انتي ورشا
كملنه عشه وعمتي كالت يله يمه كوم وصلنه للبيت

..

حيدر يمه تبقي باتي

..

ام حيدر دكوم ياوليدي ماارتاح اذا مو ابيتي

...

حيدر وهذه هم بيتج وبيت ابنج

..

ام حيدر بيتي والله وديني اهناك

..

كام راح وصلهم واني دخلت سبحت وبدلت وكعدت انتضر حيدر

..

شويه واجه تعبان تمدد ع بطنه

..

حيدر فركيلي جسمي تعبااان

..

كعدت افرك بضهره وكتوفه واسمعه بس يتنهد

..

عسل شبيك عمري لا تقهر روحك

..

حيدر ماتوقعتها هيج تسوي ولج ع ذمه رجال وتخونه هيج لعد لو صارت ابيته شتسوي

..

عسل غلطت وان شاءالله تتعلم من غلطها

..

فتحلي اديه نمت بحضنه

..

كعدت الصبح سويت ريوك ودخلت كعدت حيدر بدلت وغسلت لكرار وبدلتله وطلعت

..

حيدر يله عسل

.

عسل لعد ورشا تضل وحدها

..

حيدر راح اقفل الباب

..

راح دخل عليها ماعرف شحجى وياها وطلع

..

رحنه اخذنه براء .. وصلني لكليتي وراح

..

دخلت محاضره وطلعت للكافتريه شفت رند

..

رحت يمها سلمت عليها

..

عسل رند احمد بعده هاويج ورايدج وان شاءالله بس ينفك حزنه يجي ويجيب اهلي ويخطبج بس كون انتي تنتضري وماتصيرين لغيره

..

رند الله كريم عسل

..

كملت الدوام واجه حيدر اخذني

..

اخذنه كرار ورحنه لبيتنه

..

دخلت بسرعه بدلت وطلعت سويت غده خفيف

..

حيدر كومي صيحي رشا

..

كمت دكيت الباب

..

رشا ادخل

..

عسل تعالي تغدي ويانه حيدر يصيحج

...

كامت واجتي كعدت

..

تغدينه وكملنه غسلت المواعين اني ودخلت لغرفتي نضفتها وكعدت ادرس

..

حيدر طالع اني لشغلي

..

عسل الله وياك حبيبي

..

كملت دراسه وارتاحيت شويه طلعت نضفت البيت وغسلت الملابس

..

اجه بليل جايب بيتزه وياه وببسي وحلويات وغراض للبيت .. رحت رتبت الغراض ورتبت الصينيه وكعظنه بالصاله ناكل

..

حيدر كومي صيحي رشا

..

عسل وماتجي هيه شنو يوميه الا اصيحها

..

خزرني

..

حيدر رشاااااا

..

اجتي

..

رشا هاا حيدر

..

حيدر كعدي اكلي

..

اجتي كعدت وكعدنه نتعشه اني مثكله عليها لان السوته مو قليل بعبدالله

..

كملت وكت غسلت المواعين ونضفت المطبخ

..

ودخلت سبحت .. رجعت للغرفه شفت حيدر نايم .. تمددت بالسرير حس بيه جرني بحضنه وغفينه

..

مرن كم يوم ورشا بدت تسوي مشاكل علمود ترجع لبيت اهلها ماتريد تبقى يمنه وكلت لحيدر رجعها ماقبل ماعرف شبي

..

بيوم كعدت الصبح لكيت امواعين ع السنك اني بليل
منضفه كلشي .. عفتهن وسويت ريوك تريكنه وطلعنه للدوام .. من رجعت هدومها عايفتهن بالحمام اخذت بس ملابسي وملابس حيدر غسلتهن شسويلها ماتغسلهن هيه كملت ودخلت للمطبخ اجتي للمطبخ خلت ع السنك كلاص عصير وماعون كيك ودارت وجها تريد ترجع للغرفه

..

عسل غسل المواعين لا دورين وجهج

..

رشا ماتغسليهن انتي

...

عسل ايي مو خدامه واغسل وراج

..

رشا لعد شنو انتي

..

عسل اني اكلج شنو اني اني مرت اخوج وام البيت الكاعده بي انتي تغسلين مواعينج وهدومج مو اني الاغسلج

..

رشا والله حلوه ومصدكه روحج ام البيت تره البيت الاخوي وبيت اخوي بيتي

..

عسل لا ماحزرتي بيت اخوج مو معناها بيتج .. تغسلين المواعين مو اني الاخدمج

..

رشا اشو تخدميني وراسج فوك رجليج وكلشي مااسوي لا والله اخلي حيدر يكسر راسج

..

عسل تعاي هنا ولج منو التخدمج عود خلي حيدر يكسر راسي زوجي ومايضربني مخايفه منج لج

..

عافتني وراحت لغرفتها رجعت اني لغرفتي سبحت كرار .. اجه بليل حيدر هيه بغرفتها دخل للمطبخ يشرب مي واجه عليه

..

　
حيدر كل عقلج عايفه المطبخ جايف ونايمه ..

عسل اختك تريدني خدامه الها تخلي مواعينها ع السنك ودور وجها ومن احجي تكولي لعد شنو انتي

..

حيدر وشنو من يمته صارت مواعينج ومواعينها احنه مو ناكل بصينيه وحده

..

عسل هيه تكعد بليل تسوي اكل من انضف اني المطبخ وتريدني الصبح اغسل وراها وملابسها عايفتهن بالحمام هم تريدني اغسل الها تره اني مو خدامه الها

..

عافني وراح عليها وهيه تعيط

..

رشا شسويلها اني مااشتغل خوش ماتريديني رجعني لبيت اهلي

..

حيدر رجعه ماكو وحالج حال عسل تساعدين بالبيت

.

رشا هيجتك عليه بنت ابليس

..

يما اني سمعتها هيج كالت وهديت عليها

...

عسل ولج منو بنت ابليس ابوي يشرفج ساقطه من تجيبين اهلي ع السانج اكصه

..

حيدر يدفع بي للغرفه واني اعيط

..

رشا وابوج نازل من غير كوكب بس ابوج معصوم من الغلط

..

عسل ولج رشا الا ابوي ومحمد السانج اكصه كلبه

..

دفعني حيدر حييل للغرفه وقفل الباب

..

راح عليها حيدر ضربها راشدي

..

حيدر موو اني التهيجني مره كلبه راسج اسحكه من تتجاوزين عمره كله ما ماد ايدي عليج بس الضاهر جنت غلطان وماعرفت اربيج حس مااسمعلج بالبيت

..

دخلت الغرفتها تبجي

..

واني افتر بالغرفه وافور الحقيره الكلبة

..

دخل حيدر عطت بوجه

..

عسل انته ليششش ماتوديها لبيت اهلك هيه كامت تسوي مشاكل علمود ترجعها انيي مااستحملها ومحمد اذا جابت اهلي ع السانها مره ثانيه السانها اكصه

..

عاط بيه وهو يخوزر

..

حيدر حيوووانه صوووتج مايعلى بوجهي

...

عفته ودخلت للحمام ابجيي

..

غسلت ولميت شعري وطلعت شفته متمدد

..

تمددت وانطيته ضهري ونمت كعدت الفجر لكيته حاضني ودافن راسه بركبتي

..

كمت توضيت وصليت رجعت نمت وهو رجع حضني

.

عسل وخر وكوم صلي

..

حيدر ليش اذن

..

عسل ايي

...

كام توضه وصلى ورجع نام

..

كعدت الصبح حيدر مو بلفراش طلعت شفته كاعد بالمطبخ ورشا جاي تسوي ريوك غسل وكمت اسوي بلريوك بدون مااصبح

..

كملنه ريوك وكمت بدلت

..

داومت خلص الدوام واجه اخذني

..

دخلت للبيت فارغ رشا ماكوو

..

صديت ع حيدر

..

عسل رشا وين

...

حيدر وديتها لبيت اهلي

..

عسل صدك

..

حيدر ايي امي خابرتني وكالت ميصير تعوفهغ وحدها بالبيت

..

عسل هاا عفته ودخلت بدلت

..

اجتي سنويه ابوي ورحنه اني وحيدر وعمتي ..كملنه السنويه ذبحو وزعو ع الفقراء وذبيحه للعزيمه

..

طبعاً اني قبل بيوم داومت وامنت ع رند تجي للسنويه ردت امي تشوفها

..

صدك من وصلت هيه وصلت وراي وصلها اخوها

..

دخلت للصاله كمت تلكيتها

..

ودخلتها يم امي

...

عسل شلونج شخبارج

..

رند الحمدلله بخير حبي ان شاءالله اخر الاحزان

..

عسل ان شاءالله ..كمت واخذتها يمي بغرفه احمد لان غرفتي بيها بنات عمي

..

رند ولج عيب امشي نكعد يم النسوان

..

عسل لحظه بس ابدل لكرار

..

صدك كعدت ابدله .. فتح الباب وكف بي احمد لابس دشداشه سوده وجراويه

..

احمد شلونج علويه

..

رند الله يسلمك بخير

..

احمد دومج بخير ان شاءالله

..

ضل شويه يباوع عليه وهيه مرتبكه تالي فرك وجهه وراح

..

رند هيه هاي الردتيها امشي كدامي يم امج

..

عسل ههههه والله محروك كلبي ع اخوي صارله شكد ماشايفج وملتهي بالشغل

..

كمت رجعت يم امي ..وحجت وياي

..

ام احمد اريد اخطب العبدالله

..

اباوع لعمتي انضرب لونها

..

عسل بيها الخير يستاهل عبودي

..

ام احمد واحمد يريد ياخذج يكمل ورقه التنازل الج مال البيت ابوج وصه بي

...

عسل يمه ماريد الحمدلله مامعتازه كاعده ابيتي

..

ام احمد نعرف مامعتازه بنيتي بس هذي وصيه ابوج من قبل مايلتحق كال اسجل بيت باسم عسل ولو صار بيه شي لو افترت بيها الدنيا عدها بيت ملكها وتكعد بي

..

عسل عمت عيني عليه يفكر بيه وبليل بيومها خابرني وحاجه حيدر يوصي بيه

..

ام احمد من يوم يومه ابوج يحسبلج الف حساب ويفكر بيج وبمستقبلج

..

كمانه السنويه وللعصر رجعنه

..

اجتي امتحانات اخر السنه وامتحنت وكل جهدي ذييته بيها حتى حيدر عنده امتحانات وهو مرحله ثالثه مادرس كعد وياي ويساعدني

..

امتحنت والحمدلله نجحت .. من استلمت النتيجه .. رحت لبيت اهلي

..

شافتني امي وجهي لا حفافه لا مكياج

..

ام احمد ولح شبيج ليش هيج وجهج وجه العجوز الله يساعد رجلج عليج ولج الزلمه يطلع ويطب وكلية مية الف وحده كدامه وتتمناء

..

عسل يمه مالي واهس لكلشي من وفاء ابوي

..

ام احمد وابوج صار شهر من طلعت السنويه يمه اهتمي برجلج لا تلف عليه وحده وتاخذه ساعتها شتسوين

..

عسل شسوي مالي خلك الكلشي

..

ام احمد مايصير كومي وياي كومي

...

عسل وين انروح

..

ام احمد ماعليج لبسي عباتج وتعااي

..

عسل لحظه اكول لحيدر

..

رحت خابرته

...

عسل الووو

..

حيدر هلا عمري

..

عسل هلاو حبيبي اكلك

.

حيدر كولي

..

عسل امي تريدني اروح وياها للسوك اروح

..

حيدر ليش

..

عسل مو مو شتفتني بلا حفافه وجهي باهت كالت ميصير وماعرف شتريد تسوي بيه

..

حيدر بالقران بس اجي ابوسها من راسها

..

عسل هههههه

..

حيدر روحي وياها خايبه شعدنه غيرر ام احمد

..

عسل ماشي

..

رحت لبست عباء .. وامي خلت احمد يوصلنه

..

اول شي اخذتني للسوك وتنضيف مال عروس من فوك ليجوه

..

كملوني دفعت فلوس امي وطلعنه

..

عسل هسه وين يانبع الحنان

..

ام احمد معليج ولج رجلج يحبج ويريد خاطرج صارلج سنه وشهر وانتي مكابله وجه وجهج وجه عفريت

..

عسل ههههه هسه صار وهي وجه عفريت

..

ام احمد ايي وجهج وجه عفريت بس كالوها القرد بعين امه غزال وهو شايفج غزال

..

عسل بس يمه انتي امي المفروض انتي تشوفيني غزال

..

ام احمد ههههههه
تمشينه لمجمع مال ملابس جبير بصف الصالون دخلت

..

اخذتلي دشاديش الوان كومه وحلوات

..

وملابس النوم تمشي وتشتري .. ومكياج وعطور

..

عسل يمه رحمه لاهلج تره مو عرسي صار ثلاث سنين من تزوجت .. بعدين تعالي يوم ناويه تخبلينه عليه

..

ام احمد سدي حلكج

..

كملتلي واتصلت ع عبدالله اجه اخذنه

..

عبدالله لكك هاي شنووو يمه وين موديه اخونه الصغير عسلان

..

عسل عسلان بعينك اني عسلل

..

عبدالله ولج بس لو اعرف المره من تدخل الصالون شيسولها وتتغير

..

وصلنه للبيت تغدينه واجه الضهر عليه حيدر

..

دخلت عليه للستقبال

..

شافني وكام وكف وعيونه تلمع

..

لزمني من وجهي بثنين اديه دنك يبوس بيه بلهفه وشوك

..

حيدر ولج ليش ضامه هذه الوجه الحلو عني

...

عسل لو ما امي ابقى ضامته

..

حيدر لا حبيبتي مايصير هيج ابوج اقريله قران وشدي حيلج بدراستج وحققي حلمه وصيري دكتورة

..

عسل ان شاءالله

..

حيدر يله حبيبتي نروح لبيتنه

..

عسل ماشي

..

رحت بدلت وطلعنه اول مادخلت شالني واخذني لغرفتنه .. كعدت العصر حيدر كاعد يلاعب بكرار

..

حيدر صح النوم ياحلو ..اليوم كاعدلج ركبه ونص

..

عسل ههههه احسن

..

كمت كعدت يمهم ونلاعب بكرار

..

عسل هم تخوني

..

حيدر باعي حبيبتي اني ماخونج مو لان حبيبتي بس مو رجال اليخون المره التصونه وتحفظ عرضه ..واضافه الى هذه اني ماتحلى بعيني غيرج

عسل تحبني

..

حيدر اموت بيج

..
. عسل شنو تحب بيه ..

حيدر اول شي اخلاقج لان من حبيتج حبيت اخلاقج وثاني شي لسانج وغرورج

..

عسل امممم

...

حيدر وغرورج صار فتره ماكو جنت اشوف لمعه الغرور بعيونج

..

عسل من مات بابا انكسر غروري لان هو جان مسويلي غرور

..

حيدر لا حبيبتي هيبه المره بزوجها وبشهادتها .. مدام اني عايش يبقى راسج مرفوع ..ليش ينكسر غرورج واني موجود واحبج وصاينج وشاهدتج دكتورة بعد شكو صح ابوج جان مدللج ويحبج ورافع راسج بس مااتصور اني مقصر وياج ابوج جان مدللج مااتوقع اني مقصر وياج وطلبتي شي ماجبته واحبج اضعاف ابوج جان عنده ثنين بنات اني ماعندي غيرج ارفعي راسج بيه وبشهادتج

..

فرحت بكلامه كلشش

..

عسل حبيبيييي ..حضنته

عسل اليوم اني مرحله اخيره كلية طب وحيدر انكاني وعد تكملين ماجستير جراحه عامه

..

حبيبي اتخرج كلية التربية قسم انكليزي بس ماتعين كال من انتي تدرسين ماجسيتر اني وياج هم اكمل المجاستير ضل بمحله مال الذهب مرتاح بي وارده جيد

..

براء تزوجت ورشا رجعت لكليتها بعد ماتركت سنه

..

احمد اخوي تزوج العلويه رند وهيه تخرجت وصارت دكتورة احمد اشترالها عيادة

..

وهسه يمشي بالترقيه مال الرائد

..

عبدالله تزوج يمامه اخت الحسن

..

الى هنا وتنتهي قصتي معه حبيبي وزوجي وابو ابني حيدر

..

مالكه رجال مثله يحبني ويصوني لو شما يصير رجال صاحب كلمه ولو انطاني وعد لو ع كص ركبته مايخلف بي اليوم اني اشكر القدر واشكر نبراس الحسن ع الغدر لان شكد ماانجرحت واشكد مابجيت ربي عوضني بحيدر

..
&&&&&&&&&&&&&&

اتمنه كدرت انطي حق القصه وانطي عبره من خلالها

..

احب اكول للمتابعين لا تثقون بالاشخاص اكثر من الازم لان كلشي يزيد عن حده ينقلب لضده

..

وللشاب لا تخون البنت الخلت قلبها بين اديك

..

حب وحده وانطيها قلبك واسعدها بالف طريقه لا تحبها وتحب وياها الف وحده

..

الى هنا وتنتهي قصه غدر يبني طريق العشگ

التقيكم بقصه اخره وان شاءالله تنال اعجابكم

واحب اشكر صديقتي اوزيدا لان ساعدتني هواي بيها ودعمتني واشكر كل من دعم القصه

😘😘😍

تمت 2019/4/15
الساعه 12 ص

الى القاء

#اقبال_محمد

[فيتامين سي]

[توتووووووووووووت]

روووووعه الروايه موفق بإذن الله .

[ندى تدى]

رواية جميله جدا وقمة الروعه


تسلم ايدك حبيبتي ووفقك الله