ﻏﺪﺭ ﻳﺒﻨﻲ ﻃﺮﻳﻖ ﺍﻟﻌﺸﮓ ‏/ للكاتبة إﻗﺒﺎﻝ ﻣﺤﻤﺪ ، عراقية مكتملة

[لامارا]

17

(غدر يبني طرق العشگ)
#بقلمي_اقبال_محمد
من الاول جنت خايف گلت راح وياي تغلط
گلت راح تروح هيج ، وهيج ما تثبت عالخط

&&&&&&&&&&&&
اندك الباب وطلعت فتحه شفته الحسن وياه يمامه ..
ضليت صافنه اجتني يمامه سلمت عليه ..
الحسن يمامه دخلي ..
دخلت يمامه اريد ادخل ..
الحسن عسل ..
صديت عليه وساكته ..
الحسن شلونج ..
عسل زينه ..
ضليت اباوع بوجه ضعفان حيل ..
الحسن بس اني مو زين عسل مشتاقلج ..
عسل الله وياك ابن عمي ..
الحسن لا تقسين عليه هيج ..
عسل شتريد ..؟؟؟!!
الحسن نرجع ..
عسل ماكو رجعه بينه الحسن انته بطريقك واني بطريقي ..
الحسن بس اني طريقي ماكدر امشي بي اذا مو انتي وياي ..
عسل بس انته ختاريت الطريق التمشي بي وحدك وبدوني ..
الحسن بس تندمت ومايوم كدرت انساج ولا يوم حبيت غيرج ..
عسل الله وياك الحسن طرقنه ماتلاكه بعد ..
ردت ادخل بس لزم ايدي ..
الحسن ماكدر والله ماكدر انساج تندمت ودفعت الثمن غالي الندم ينهش بيه نهش خلي نرجع حبيبتي ...
عسل روح الحسن لو اريد نرجع جان ماخليت الطلاق يصير بس النفس طابت منك ..
سديت الباب ودخل دموعي عشره عشره ليش هيج يالللهي ..
شفت يمامه ..
عسل ليش خليتي يجي هاا تدرين بي ماريد اشوفه ..
يمامه والله هوه اصر اله يجي شبيدي اني ..
عسل استغفر الله ناقصني هم اني ...
اريد انساه انوب يرجع بدربي ..
ضلت كاعده يمي شوي واني كل شويه اتصل ع امي اسئل ع هدى .. اذن المغرب واتصلت امي كالت جابت ...
خطيه فرحنالها حيل .. كمنه ركبنه العشه اني وسماء وانطيت العباء ليمامه .. وياها من المقبلات الجبناها ويانه ..
شويه وجابو هدى فدوه جابت ولد كبر باذنه ابو و سما
يزن ..
فدوه يخبل ابيض وشفايفه حمر ..
دخلناها للغرفه ارتاحت ونامت وضلينه اني وامي يم الطفل ..
مرت الايام وخلصت العطله وراحو اخواتي ..
هدى اول مره كالت تروح سماء واني اضل اجيب واروح بس جابت قبل لاتروح سماء همه وما يصدكون مال تضل للربعين يالله تطلع الها عشر ايام جايبه واراحت ..
اجه الدوام وداومت استلمت النتيجه طالعه بدرس بالانكلش .. كلت ميخالف اعوضه ..
انوب الحسن كام هوه يجيب يمامه ويوديها اعرف قصده يشوفني .. كمت اطلع بالاخير وره يمامه ..
والخط مليان اول ماصعد يمشي ..
جانت براء وياي نفس الصف وقوت علاقتي بيها ..
خوش بنيه حبابه وخلوقه ومتدينه الى درجه هذه الخلاني احبها واثق بيها لان اكتشفت التخاف من ربها كل خطوه تخطيها تفكر بربها قبل كلشي ..
بس نبراس جانت لا دين ولا ديانه ابد ماملتزمه ..
فاذا هيه ربها ماتخافه تجي تخاف مني وتحسبلي اكيد لا ..
مشت الايام واني ماكدر انسى بس احاول اتناسه ..
الاحلام وره الزيارة بعد ماحلمت شي بس من شفت الحسن حلمت مرتين .. وبيوم جنت طالعه ويه امي وبابا للكرادة مناك اشتري ملابس .. كملنه ونريد نصعد بالسيارة شفت الحسن ونبراس طالعين من الكراج ومادري وين راحو هنا متت ..
يعني بعد وياها ويطلع وياها واله عين اجه ذاك اليوم ويكول متندم واضح كلش زين خوش متندم ..
طلعه واني كوه حابسه دموعي ..
اول ما وصلنه دخلت لغرفتي شبعت بجي ..
ونمت وحلمت بيها وياه بالفراش كعدت واحس شي خانكني طلعت غسلت وشربت مي ..
رجعت اقره بالقران ..
ومن يومها هم مافاركتني الاحلام لو احلم عندي ملابس وتريد تاخذهن لو المحبس الي لكيته بس ولا مره خليتها تاخذهن .. حاجيت امي .. كتلها ع الاحلام .. وكالت البابا نزور انوب ..
رحنه زرنه واخذت وياي جدر جبير مال دولمه وزعته وذبيت فلوس بالحضره ..
ومن رجعنه هم كلت البابا دائماً احلم احلام مو زين وذبح طلي كال فجران دم ..
زين تحسنت وما كمت احلم واضبت ع قراءة القرآن قبل لا انام ..
اجنتي امتحانات نهاية السنه واني مستواي نازل ..
امتحنت وعطلنه بالعطله رحنه يم اخواتي لايران ..
اسبوع .. خطيه فرحو بينه ...
خلصنه اسبوع هناك ورجعنه ..
حسنت نفسيتي شويه .. ورتاحيت .. لاحضت بهلاسبوع حماء سماء الصغير عينه عليه بس اني ماهتميتله .. هو طالب كليه هندسه ...
ماهتميتله رجعنه لبيتنه ودائما تجيني يمامه بس اني ماروح ابد ..
بيوم اجتي وجابتلي خبر خطوبه الحسن ..
انصدمت ..
عسل منو منين تخطبوله ..!! ؟؟
يمامه بنيه وياه بالمحكمه كاتبه يم القاضي ..
عسل اهاا بيها الخير الله يهنيهم ..
يمامه خوما ضجتي ..؟؟
عسل لا ليش ماكو شي حبيبتي ...
راحت يمامه واني صافنه يعينها الراح يخطبها ..
استلمت النتيجه واني خايفه لان ماجنت زينه ..
استلمتها طلعه بدرسين انقهرت كلش جنت اطلع الاولى ع شعبتي ومعدلي كلش عالي ..
ضليت ادرس ومتحنت دور ثاني ..
ونجحت الحمدلله اول يوم بالدوام تقصد الحسن وعرفت خطه منه علمود اشوفه ..
يمامه رجعت للخط ومرينه عليها بالخط وكف ابو الخط بالباب وطلع الحسن هوه وخطيبته ايد بيد ..
شافنه وفتح الباب سلم .. عاد نزلت ..
الحسن شلونج بنت عمي ..
عسل بخير الحمدلله ع الخير سمعنه خاطب ..
الحسن ايي والله اعرفج زينه خطيبتي ..
سلمت عليها
عسل هلاوو الف مبروك ربي يسعدكم ..
باوستني بس مبين من وره خشمها ..
زينه هيه حنطاويه عيونها بنيه مواصفاتها عاديه ..
اجتي يمامه وصعدنه ..
صرت سادس علمي ولازم اشد حيلي واطلع معدل
مرت الايام واني اضغط ع روحي علمود اتفوق ..
الحسن نسيته ونسيت كلشي
"لا أؤمن بفكرة أننا بِحاجة إلى شخص يكمل نقصنا ،
الإنسان بِحاجة إلى طموح ،
إلى شغف يدفعهُ للحياة ،
بِحاجة إلى شيء لا يجِدهُ إلا في نفسه"
________
وبيوم خلص الدوام اريد اصعد بالخط
وشفت حيدر واكف يم سيارة ولابس نضارات يمه براء اخته صعدت بالخط وماهتمت كلت يمكن جاي ع اخته ..
مر شهر ويوميه اشوفه يم المدرسه .. وانوب عرفته مو علمود اخته لان اشوفها تصعد بخطها ماترجع وياه دائماً بيوم ابو الخط اتصل كال سياره عطلانه ..
كلت ارجع اتمشه احسلي ضليت امشي صرت بعيده عن المدرسه حسيت سيارة وراي وصارت كدامي هذي سياره حيدر ياا .. وكف ونزل الجامه ..
حيدر عسل ..
باوعتله ..
عسل هلا خويه شلونك ..
حيدر بخير انتي شلونج عسل شخبارج
عسل الحمدلله بخير ..
حيدر صعدي اوصلج اني ..
عسل لا تسلم ماتقصر خيي بس ماضل شي وصلت ..
حيدر عسل صعدي عندي موضوع وياج ..
عسل خويه صعبه صعدتي وياك وحدي خوما اكو شي .. اني طبعاً بيه طبع من احجي اباوع بوجه الواحد مادنك بس من اخجل حيل ...
حيدر دصعدي محد اكو شغله اكولها واروح ..
ضليت متردده .. تالي فتح الباب اليمه وصعدت ..
عسل خيير خويه خوفتني ..
حيدر عسل صح الشغله غريبه بس شسوي مو بيدي والله ..
عسل كولي اسمعك ..
حيدر عسل فرك وجها ودنك عسل احبج ..
عسل شنوو صفنت وضحكت ..!!!!؟؟؟؟؟
هذه شبي تخبل ..
حيدر سمعتي الكلته احبح ورايدج بحلال الله ورسوله ..
عسل خويه تره اني نفسي عسل وانته حيدر يعني ماترهم ..
حيدر ليش ليش ماترهم لا انتي محرمه عليه ولا اني محرم عليج رجال وحب بنيه ورادها بالحلال شكو بيها ..
عسل انته تعرف ليش ماترهم ..
حيدر بس ذاك ماضي واني مالي شغله بالماضي عليه بالحاضر عسل احبج والله اني من حبيت نبراس حبيت شكل حبيت جسمي مادورت اخلاق ابد جنت اشوفها خفيفه بس اكول بعدين نزوج اني اخليها تمشي ع مايي .. بس انتي غير حبيت اخلاقج حبيت طيبت كلبج ..
عسل حيدر لاوتخليني اتندم لان صعدت وياك خيي كتلك ماترهم وطرقنه ما تلاكه عفته ونزلت ..
الله يالله انوب عليه حيدر اني عفت الحسن لان دريت عنده علاقه بيها انوب واخذ حيدر الجان يحبها ورايد يخطبها اله تخبلت ضليت امشي واحس بي يمشي وراي بالسياره ..
وصلت البيت دخلت ميته حر لان صيف ..
شافني ابوي ...
ابو احمد اشو ماسمعنه صوت الخط ..
عسل مو عطلانه السيارة ..
ابو احمد وليش مادكيتي عليه اجي اخذج ليش جيتي وحدج ..
عسل امم مادري نسيت وماضل وحد يم المدرسه واجيت ..
عفته ودخلت سبحت وصليت ونمت كعدت للعصر..
رحت للمطبخ اخذت فواكه وكعدت بغرفتي اكل واقره سمعت صوت احمد يصيحني ...
رحتله نازل من والواجب ..
عسل هلا من شوكت نزلت ..
احمد هلا هستوني حضريلي الحمام ..
عسل تدلل حضرتله الحمام وملابسه وطلعت غسلت ملابسه الجان ماخذهن وياه .. حضرتله اكل اجه اكل وراح لغرفته وانطاني فلوس الي والامي للبيت مستلم راتب وهو يشارك بمصرف البيت كل مايستلم راتب .. رجعت لغرفتي وصفنت ع حيدر هذه كل عقله يحجي اليوم زين شلون هو جان يحب نبراس واني نبراس جانت بمثابه اختي شلون ارتبط بي ..
بس نبراس انقطعت عنها اني واصلا اكرها وهو عافها اكيد شكو بيها خوش رجال وبيته وحده وشغله زين وحلو ..
تهي بهي اله صدك انجنيت .. لميت كتبي وحضرت ملابسي ولفيت راسي ونمت ..
كعدت الفجر صليت ورجعت نمت كعدت الصبح ماشهي نفسي مسدوده غسلت وبدلت اجه ابو الخط
ورحت للمدرسه التقيت براء ..
عسل جاي اشوف اخوج دائماً يم المدرسه شنو يجي عليج ...!!؟؟
براء لا اصلا مو دائماً ارجع وياه ..

　
عسل لعد ليش يجي ..؟؟
براء ماعرف والله اسئله يكول عندي شغل . بس ..
عسل غردي بس شنو ؟؟؟
براء البارحه شفته من مشيتي مشه وراج بالسيارة شعنده .. حجت وغمزت ..
عسل شعرفني شعنده اصلا مادري بي ماشفته ..
براء اهااا عكب باجر تجين موو ..
عسل ليش وين اجي ..؟؟
براء غبيه غير عيد ميلادي شنو ناسيه ..
عسل يااا نسيت والله وين تسوي ..
براء بالبيت وين ..
عسل واني وين اندل بيتكم مره اجيت وبيت اخوج سويتي مو بيتكم ..
براء هم صدك جنه كاعدين ويه اخوي علي ...
عسل ايي وبيتكم الجديد وين
وصفتلي وماندليته تالي كتلها اخلي احمد يجيبني وهو واصفله بلكي يندل ..
خلص الدوام ورجعت للبيت والعصر اخذت امي ورحنه للسوك اشتريت هديه لبراء اخذت الها ساعه ذهبيه تخبل وياها سوارها حلوه وعلبه هديه
ثاني يوم داومت خلص الدوام ورجعت سبحت وشفت احمد بالصاله ..
عسل احمد العصر توديني الصديقتي فدوه ..
احمد تدللين بس وره الاربعه اطلع تره ..
عسل لا فدوه شويه وانروح ..
دخلت الغرفتي طلعتلي فستان من فوك وردي وضيق وبي حزام ومن جوه نيلي ونفوش وشال نيلي ومورد بورد وردي وحذاء كعب نيلي .. وجنطه نيليه ..كعدت اقره صارت ساعه 3 واتصلت ع براء ..
عسل هاا سويتو الحفله ..؟؟
براء ايي تعالي ..
عسل منو موجود ..
براء بس اخواتي وجنتنه ويمامه كالت اجي ..؟؟
عسل اها يله شويه واجي ..
جنت متحمسه للروحه لان صار هواي مطالع ولا حاضره حفله ..
بدلت ولبست كاب وردي جوه الشال ..
ومكياج خليت كحل وحمره واحمر خدود واني سمنانه شوه صايرات عندي خدود ..
خطيت حواجي صارن يخبلن صرت اخبل ..
رحت لاحمد شفته كاشخ ..
عسل يله حمودي ..
احمد يله ..
طلعنه وصفتله اندله بسرعه ..
ذبني بالباب وضل واكف دكيت الباب طلعت ام براء تعرفني ..
دخلت واحمد راح سلمت عليه وباوستني ..
دخلتني للستقبال شفت براء طالعه تخبل سلمت ع خواتها ونسوان اخوتها كعدت يم براء انطيتها الهديه تشكرتني شويه واجت يمامه وبدينه الحفله شغلو الدي جي واني انطلقت احب الركص كومتني براء وركصنه اني وياها ..
شويه وكعدنه جابو الكيكه وكصتها .. صار عمرها 20 سنه .. اختها رشا هم ممزوجه اكبر منها كليه تربيه مرحله ثانيه قسم انكلش .. وهيه ماعدها صديقات غيري اني ويمامه
كملو الحفله ويمامه اجه الحسن اخذها .. واني تصلت ع احمد كال شويه واجيج ..
اشو هستوني سديته من احمد ودخل حيدر ..
حيدر السلام عليكم ..
عسل وعليكم السلام خويه ..
عقد حواجبه وضاج يمكن من كلمه خويه ...
حيدر رشا شو شويه تعالي ..
راحت وياه شويه واجت حلكها مشكوك من الضحكه .. شاورت امها مادري كالتلها ..
امها ضحكت ..
ام حيدر يمه عسوله شنو رايج بحيدر ..
عسل يعني من ناحيه شنو خاله ..
ام حيدر يمه وليدي حيدر يحبج ويريدج يعني شنو رايج اخطبج اله ..
عسل خاله ممفكر بموضوع الزواج حاليه ...
ام حيدر وليش ممفكره يمه وليدي شاريج ويصبج ذهب لو ريحتي باله ..
عسل خاله اكمل دراسه يالله اكدر افكر بالموضوع واني الشغله مو بيدي اصلا بيدي اهلي ..
ام حيدر يصير خير بنيتي ..
شويه واتصل احمد كال صارتلي شغله راح ادزلج ابوي
كتله ماشي ..
اشو شويه وكامو براء وامها ودخل حيدر ضليت مصدومه ..
اجه كعد يمي ع القنفه ..
حيدر ليش معارضه عسل ...
عسل خيي والله ماترهم اني ماشوفك غير اخوو ..
حيدر بس اني مو اخوج اني رجال غريب بالقران حبيتج لج ..
ضليت ساكته ..
حيدر ليش ساكته عسل جاوبيني ريحي قلبي ..
عسل شلون ترهم ونبرا...
قاطعني ..
حيدر خرب بنراس اني كرهتها ولج قلبي مايرف يم غيرج بالقران الكريم حبيتج لج مايهمني لا نبراس ولا عشيره نبراس ..
عسل وتتوقع تعوفنه بحالنه اني لا يمكن اجازف و اوافق عليك وادري بنبراس تحوم عليك .. ماريد اعيد السيناريو نفسه انته تدري عفت الحسن لان عند علاقه بيها شلون ارضه بيك وادري بيك تحبها ..
حيدر خرب بيهم ومنو كال احبها اني جنت يعني فعل ماضي واني حاضري ومستقبلي وياج انتي ..
شكلتي عسل ..
عسل انطيني وقت افكر ..
حيدر اخذي وقتج وفكري بس خلي بالج اني احبج .. كام واجه يمي رفعت راسي شفته دنك وخله ايده ع راسي وباسني براسي من فوك ..
وراح عجبتني حركته وعجبني تصرفه ماستغل الفرصه وتقرب لو سوه شي كعد بعيد عني ..
اجتني براء ومصدومه ..!!!!
براء صدك السمعته ..!!!!.؟؟؟
عسل شنو السمعتي ..
براء حيدر يحبج ويريد يخطبج ..!!؟؟
عسل مادري علمي علمج ..
براء زين هوه من سئلته منو تخطب كالي بنت خالج اشو هسه كلب عليج ..!!!!!.؟؟؟؟
عسل مادري شعرفني ..
براء وانتي شنو رايج وعندج وياه شي ..؟؟؟
عسل مثل ماسمعتي ممفكره بالموضوع هسه وماعندي وياه شي شعندي لو عندي انتي اول وحده تعرف ..
براء لعد هسه شحجيتو ..؟؟؟؟
عسل كالي ليش ممفكره بالموضوع وليش ترفضين واني كتله علمود دراستي ..
براء وافقي لج ماتلكين مثل حيدر وفوكاها تصيرين مرت اخوي ياااي ..
عسل سكتي خيه ممخليه بالي الزواج هسه ..
براء ليكون بعدج تحبين الحسن ..؟؟؟؟
عسل لا والله اصلا ناسيته .. وزواجه صار غريب ..
براء اهاا ..
اجه بابا وطلعتله شفت حيدر واكف باب المطبخ ..
طلعت وراي ام حيدر ولزمت عليه ابقه للعشه وع بابا بس ماقبله سلمت ع ابوي واني صعدت يمه ورحنه ..
رجعت للبيت لكيت امي تصب عشه بدلت وكعت يمهم وامي تسئلني ع الحفله ..
عسل اجتي يمامه واخواتها محد غريب ..
ام احمد هاا خوش بنيه هيه وحبابه ..
ثاني يوم صادف خميس داومت شفت يمامه ..
يمامه باجر خطوبت الحسن ..
عسل اها صدك ..
يمامه ايي والله وراها اسبوع العرس ..
خلص الدوام وكلت لبابا كال ممسوين حفله ..
ضليت افكر بسالفه حيدر ليش ماوافق واعيش حياتي هياته الحسن رغم هوه الخان بس راح يزوج ويعيش حياته ليش اضل اني واكفه بمكاني ونبراس هم يجي يوم وتتزوج واذا كان يحبها المهم اليوم يحبني اليه ... ساعه هيج افكر وساعه اكول انوب اخذه وجان يحبها لو يكوم يذكرها بيه لو وره الزواج يرجعلها اشيل الفكره من بالي احسلي ..
السبت العصر جنه بالسوك من رجعنه اندكت الباب بعدني بالعبايه وطلعت فتحته وانصدم ..

يتبع . . . . .
&&&&&&&&
......... ها آشكَلتي ؟ .........
فدوه يا بت الحلال ،
لا تورطيني تراني آوحيّد آمي ،
من زغر شابع دلال .
كون ترديني أحبج ، دلّليني ،
كَولي آعاين لك هلال .
كون متكَلّيلي فوك العين حاجب ،
وماكو هيج وهيج ،
كون الحب زلال .
آنا طبعي بساع أزعل .
كلّش آزعل وآبجي ، لكن ...
أرضى لو كَلتيلي يزغيّر تعال .
يا بعد عمري تعال .
ها آشكلتي؟
صباح الخير حبايب

#اقبال محمد

[لامارا]

18

(غدر يبني طرق العشگ)
#بقلمي_اقبال_محمد
شيعوضني الدمع وانه الخسرتة هواي
و على رملة امل كل عمري وشلته
&&&&&&&&&&

ثاني يوم السبت العصر جنه بالسوك اني وامي واحمد من رجعنه اندكت الباب طلعت اني وبعدني بالعبايه .. فتحته وانصدمت ام حيدر وجنتهم ورشا اخته وحيدر وياهم ..
عسل هله خاله تفضلو تفضلو ..
دخلتهم للستقبال وحيدر يباوعلي بترجي فهمت نضراته يريدني مارافض لان مبينه جايين يخطبوني ..
دخلتهم للستقبال ودخلت اني ع امي
عسل ماما اهل براء صديقتي ..
راحت عليهم امي واني دخلت سويت جاي ..
اجاني احمد ..
احمد خير منو اجه .. ؟؟
عسل اهل براء صديقتي ..
احمد اهاا ..
امي اجتني ..
ام احمد حضري اضيافه وتعالي قدمي جايين عليج ..
احمد شنو عليها ..
ام احمد جايين يخطبوها الابنهم ..
عقد حواجبه بس ماحجه ...
صبيت جاي وكعك وقدمته الهم ..
فاتحن امي بالموضوع ..
ام احيدر ام احمد عيوني رايده عسل لوليدي حيدر .. ضل بس هلواحد واريد افرح بي ومالكيت احسن من بنيتكم عسل واسمها عليها ...
ام احمد والله حبيبه الشغله بيد ابوها واخوتها اشوفهم واردلكم خبر ..
ام حيدر ان شاءالله خيه بس لا تتاخرون تره وليدي شاريها ..
امي سئلت ع عمره وشغله وحالته الاجتماعيه يعمي مطلك ارمل ..
ام حيدر حبيبه عمره 30 سنه وصايغ مال ذهب وعنده محلات خير من الله وسوبر ماركت جبير .. واعزب مامزوج .. عنده بيت بالعماره ...
اشويه وترخصو وراحو .. اني دخلت الغرفتي ..
اسمع احمد يحاجي امي ..
عرف هو نفسه حيدر العنده علاقه بنراس .. طبعاً احمد مايدري بي عافها
احمد يمه كنسلي الموضوع من يمج ماعدنه مره الهم ..
سئلته امي ليش وسامع عنهم شي ماحجه طلع ..
عرفته ماينطيني اله لان يدري بي عنده علاقه بنراس وعباله بعده وياها ..
لليل واجه اني بغرفتي جاي اقره وندكت الباب كلت ادخل ... دخل احمد ..
اجه كعد يمي ..
عسل هلاوو حمودي ..
احمد هلا بيج شجاي تسوين ..
عسل جاي وادرس ..
احمد عفيه شدي حيلج ..
عسل ان شاءالله ..
احمد عسل شنو رأيج بحيدر الدز اهله اليوم ..
عسل مادري بكيفكم بس اني ممفكره بالزواج هسه ..
احمد تره نفسه عنده علاقه بنبراس ..
عسل ادري ..
احمد كلت الامي ترفضهم ..
عسل احسن زين سويت ..
احمد يعني رايج من رايي ..
عسل ايي وياك ..
احمد عفيه لعد انتي باجر خبري اخته ..
عسل ان شاءالله ...
راح واني قريت شويه قران ونمت .. طبعاً ختمته حاي اقره بي نوب ... بس هلمره حلمت عندي طفل نبراس هم تريد تاخذه واخذته وضليت اركض وراها ..
فزيت بليل حلكي ناشف شربت مي وضليت اقره ايات ونمت كعدت الفجر صليت حضرت ملابسي وسمعت صوت رحت للمطبخ شفت امي جاي تحضر ريوك واحمد جاي يصلي ..
ام احمد اخوج كال ارفضو ليش لج خوش قسمه ..
عسل ماريد ماما ..
اجه احمد وتريكنه بدلت وصلني احمد ..
داومت وشفت براء ويمامه حاجيت براء وكتلها خبري اهلج رفضنه كوليلهم اهلها مايرضون وهيه تريد تكمل دراسه ..
خلص الدوام وهم شفت حيدر يم المدرسه صعدت بالخط وضليت اباعله حاجته يمامه وعقج وجه ..
رجعت للبيت واتصل هوه حافضه رقمه ..
جاوبته ...
عسل الوووو. ...
حيدر الؤؤؤ عسل شلونج ..
عسل تمام ...
حيدر عسل مو كلتي انطيني وقت افكر وعفتج تفكرين تالي ترفضين ..
عسل موو شما افكر اشوفها ماترهم ..
حيدر خرب لا تكفريني ليش ماترهم ..
عسل ماعرف بس اشوفها ماترهم وماراح نكدر ننسه الصار وان بيوم كانت علاقه بينك وبين بنت خالي ...
حيدر بس عسل الصار جان ماضي شنو تورطت كل شاب اله ماضي بس من يزوج يبدي صفحه جديده ..
عسل بس هذه مو حي الله ماضي حيدر افهمني ماكدر ارتبط بيك واضل اتذكر بيوم حبيتها بيوم غازلتها صعب عليه لو بنيه غريبه ممكن اكدر اتجاوزها بس صعب هيه بنت خالي وجانت اختي وصديقتي ماكدر ارتبط بيك وافتح جروح كوه كدرت اطيبها ..
حيدر عسل واني شلون ثقي بالله حبيتج زين انطيني فرصه مراح تخسرين شي والله ...
عسل ماعرف واصلا اهلي ماينطوني ..
حيدر ليش ..؟؟؟؟
عسل اول شي لان احمد يدري عندك علاقه ويه نبراس ومايعرف انت تركتها وثاني شي بيتك بالعماره فيخافون تاخذني هناك ...
حيدر شعرفه احمد بصخام ...!!؟؟؟
عسل لان اني شوفته الحساب من ردت اطلك ..
حيدر عوفي كل هذه اني ماعليه بغيرج والتردي انتي يصير ..
عسل اجل الموضوع شويه ..
حيدر ليشش عسل ..؟؟؟؟؟
عسل لا بعدني ماعرفك زين خلينه نتعرف بعض ..
حيدر صار تامرين ...
عسل ما يامر عليك ضالم ..
حيدر يله شويه واحاجيج بعدني بالمحل ..
عسل ماشي ...
ضلت ادرس وافكر ممكن ابني حياتي وياه وياتره راح يكدر ينساها زين اني راح اكدر احبه ..
ساعه واتصل ..
حيدر الوووو خوما تاخرت ..؟؟؟
عسل لا ماتاخرت ..
حيدر شجنتي تسوين ..؟؟؟
عسل جنت ادرس ..
حيدر ياكليه ناويه دخلين ..؟؟؟
عسل كليه الطب ..
حيدر حلوو بالتوفيق ..
عسل تسلم ...
حيدر اذا تزوجنه تكعدين بالعماره ..؟؟؟
عسل اذا صارت القسمه ايي ...
حيدر شعجب ..!!!!؟؟؟
عسل احسن وحلوه احب المناطق الجنوبيه ..
حيدر صار .. سولفي عنج اريد اعرف كلشي الجبيره والصغيره ..
عسل اممم عمري راح يصير 20 عندي اخوات ثنين واخوان ثنين تعرفهم انته مغروره شويه وعنوديه طموحي كليه الطب واخذ الدكتوراه .. اممم هاهيه ..
حيدر حلووو بس ممبين عليج مغروره ..
عسل ايي شويه .. سؤال يمته حبيتني ..
حيدر اذا اكلج تصدكين ..؟؟؟؟؟
عسل كول ..

　
حيدر بيوم الاجيتو للمحل اشتريتو الذهب شميت عطرج وضليت افكر بيج وادبج واخلاقج وكمت اقارن بينج وبينها بس عرفت تحبين ابن عمج ونبراس جانت تدزلي صورج وركبتج مكطعه وهمت نفسي اني انعجبت بادبج بس لا اكثر من عرفت الصار استحقرت روحي سلون جنت غبي واحبها شلون ماكشفت خيانتها حسيت روحي مغفل وردت اخليها تصون عرضي ... ورجع الاعجاب وبعد ماعرفت انتي فصختي ضليت اجي يم مدرستج شهر تالي اجيت وصارحتج ..
عسل امممم جنت اشوفك يوميه من تجي وعرفت مو علمود براء لان جانت ترجع بخطها بس انته تضل واكف ..
حيدر اييي جنت اجي علمودج يا ام شفايف نار ...
عسل شنو هاي حيدر عيب ..!!!!
حيدر هم صدك عيب اسف دكتورة ..
عسل شنو تستهزه ...؟؟؟؟
حيدر لا حشا .. اصلا تلوكلج الدكتورة انتي شخصيتج قويه ..
عسل هاا ..
حيدر تدرين عطرج يخليني ماعرف احجي ..
عسل ههههههه ليش ..؟؟؟!!!
حيدر مميز وحلو ويدوخ صح احسه فاهي مو قويه بس حلو ..
عسل هههههههه
عسل اييي انته ياصف وتركت ...
حيدر تخرجت من السادس وبطلت ..
عسل ليشش حرامات ..
حيدر والدي توفه واخواني كل واحد حاير بيته واني جانت نيتي ادخل كليه زينه بس معدلي ما ساعدني وتركت ..
عسل ارجع هسه مادام حالتك الماديه زينه وتكدر توازن ..
حيدر الصراحه مفكر بالموضوع هذه .. واريد اقدم ع التربيه احسن ..
عسل اييي عفيه ..
حيدر ان شاءالله
عسل يله باي ..
حيدر تمام الله وياج
ختمتها وياه ورحت للمطبخ شفت امي جاي تسوي دولمه يما واني اموت عليها خليت امي توخر واني كعدت اثرم بالمواد ولفيتها .. هستوني اريد اخليها ع النار واندكت الباب اجتي براء طبعاً جياتها كثرن وعرفت حيدر كام يسمحلها تجي عليه بي وقت ..
براء هلو حبي ولج هاي مسويه دولمه ..
عسل ايي سويتها انيي ..
همستلي لعد اريد منها ..
عسل تدللين ..
براء اخوج خوما هنا ..
عسل لا طالع واجب بس اني وامي بالبيت ..
براء خوش ..
اخذتها ودخلنه لغرفتي ..
براء ولج شمسويه بحيدر ...
عسل شمسويه ..!!!!.؟؟؟
براء خايبه غير متخبل مرت اخوي كالتله خلي تولي ناخذلك الاحلى منها .. عاط بيها كاللها خايبه دولي انتي همه شكم يوم ونرجع نخطبها ويوافقون ..
واليوم اجه عليه يكلي كومي ماترحين لصديقتج. ..
عسل هههههههه لعد اني شويه ..
براء لا والله مو شويه .. صدك بينج وبينه شي ..
عسل لا ماعندي شي خطبني واهلي رفضو واني مثل ماتعرفين ممفكره بالزواج حاليا ..
براء براحتج حبيبتي بس فكري زين تره مبين حيدر يحبج ..
عسل ان شاءالله ..
شويه ورحت شفت دولمتي مستويه طفيتها ..
عسل اصبلج هسه .. صبيت مواعون لان اني جوعانه ومامتغديه ..
براء لا عوفي من اروح ..
اكلنه اني وياها ونسولف ..
صارت ساعه ب6:30 وغوربت الدنيا ..
براء عزا بعيني صارت الدنيا غروب واني اخذني الواهس خلي اتصل بحيدر يجي ياخذني ..
اتصلت عليه شويه واجه ..
اني لبست شال وطلعت وياها للباب لان امي بالحمام ..
شافها شايله حافضه يباوع عليه وع الحافضه ..
حيدر شنو بالحافضه برو هديه اليه لازم وغمزلي ..
ضحكت وصديت بصفحه ..
براء لا عيوني هاي اليه مانطي منها دولمه ..
حيدر خرب والله مانطي منها جرها من ايدها وصعد بالسياره ..
عسل هههههه عود انطيج اني غير مره ..
برطمت وصعدت وياه ...
راحو ودخلت جوه لكيت امي تباوعلي من شباك الباب ..
عزا بس لا شافتني واني شاكه الحلك ..
ام احمد يمه عسل ..
عسل هاا ماما ..
ام احمد يمه اذا تردينه للولد مابيها شي وهو خطبج ..
عسل ماعرف ماما بس بس اخاف ..
ام احمد من شنو تخافين يمه احجيلي فد مره فتحيلي كلبج اني امج ...
عسل ماما اخاف من الغدر مره ثانيه ..
ام احمد يمه اصابعج مو سوه وحيدر مو نفس الحسن ..
عسل صح اصابعي مو سوه بس من المهن تساون ...
ام احمد ماما لا تفكرين هيج اذا يحبج صدك يصونج وللموت مايفكر مجرد تفكير بغيرج ..
عسل ماعرف ماما تفكيري مشتت الحسن مو جان يحبني ويموت عليه ليش من شاف احلى من راحلها شيفرق حيدر اذا لكه شنو اليضملي مايخون ويصوني...
ام احمد اذا واثقه من حبه تاكدي لو تجي حوريه من الجنه يشوفها رجال لان عيونه وقلبه معميات ومايشوف غيرج .. الحسن من حبج حب بيج شكل يمكن ماحب روح وخان ..
عسل الله كريم ماما مايصير اله الكاتبه الله ..
رحت لغرفت ولكيت رساله من حيدر ..
(الدولمه انتي مسويتها لو امج )
(اذا انتي صدك عاشت ايدج تخبل مثلج )
دزيتله (اني سويتها)
--------
تفكيري بحيدر مشتت ماكدر احبه احس شي صعب ..
خاصه اني قبل جنت شاهده ع حبه لنبراس واسمعه شلون يتغزل بيها ومن يصير شي يخابرني ويسئلني عليها شلون اجي اليوم واحبه واني كنت بيوم شاهده ع حبه لغيري .. صح كل شخص اله ماضي ..
بس هذه مو حي الله ماضي هذه بيوم حب بنت خالي وجان يعتبرني اخته اني ماشوفه جنت غير اخ وشخص اكن اله الاحترم بين ليله ويوم يجي يكلي احبج وخلي نزوج شلون اقتنع واحبه وابني حياتي وياه واني اعرف بنت خالي مو هينه اخاف بيوم تغري ويرجع الها ساعتها اني شاسوي وبيا حايط اركع راسي اخاف من هذه الموضوع واخاف ارجع انغدر ساعتها صدك اموت لان ماكدر اتحمل نفس الوجع مره ثانيه اني صح جنت ابين قويه لاكن نفسيتي تدمرت ليلي مانامه واحاول ابين انو اني ممهتمه .. ضل تفكيري منقسم نصين نص يكلي لا تحبي لا توكعين بغرامه راح يغدرج راح ترجع تاخذه منج لا دمرين الباقي من عمرج ونص الثاني يكلي لا مو كلهم سوه هو يحبج مراح يسوي السواه الحسن حبي وعيشي حياتج مثل ماهمه عاشو حياتهم ..
....
ضل يوميه يخابرني وكلام عادي بس اني جافه وياه .. ويوميه اشوفه يم المدرسه .. ضل يباوعلي لحد ماصعد بالخط ويمشي ورانه انزل وادخل للبيت يالله يروح
الثلاثه داومت ورجعت من رجعت اتصل حيدر ..
حيدر الؤؤؤؤؤ
عسل هلوو
حيدر شلونج اليوم ..
عسل بخير انته شخبارك ..
حيدر مو بخير ..
عسل ليش ..!!!.؟؟؟
حيدر يمته تحنين عليه مو كافي تعرفني عليه وعرفتي كلشي عني اريد اخطبج ..
عسل لا مو هاهيه وانته كتلي كل الوقت الج ومصار سبوع ومليت ...
حيدر مامليت ولا يمكن يجي يوم وامل منج بس جاي اشوف نفسل اسلوبج ماتغير وياي مجاي تحبيني مثل ما اني احبج ..
عسل صح لانو بعد سبوع ممار ع علاقتنه وين الحك احبك ...
حيدر عسل اليحب يحب من اول يوم مايحب بمرور الايام انتي صار اسبوع وجاي الاحض نفس اسلوبج وجافج بالحجي ..
عسل هذي اني حيدر ومراح اتغير كتلك مانرهم بس انته اصريت شتريد مني اكلك احبك واموت عليك واني ماكنك اي مشاعر واجذب عليك اذا انته متعلم نبراس جانت تجذب عليك اني ماجذب ..
انصدم من حجيي وانو عيرته بحبه وخيانت نبراس اله ..
يتبع . . . . .
&&&&&&&&&&&&&&
خوفي يشعلني اويه كل نجمة گمر ،
هلبت .. وعينك تصدلي !
اليوم تعبت كلش كتبت بارتين وطوال كلش باجر مو اكيد انزل اذا كدرت بعيوني اكتب وانزل واذا ماكدرت تعذروني ..
توقعاتكم ..؟؟؟
#اقبال_محمد

[لامارا]

19

(غدر يبني طرق العشگ)
#بقلمي_اقبال_محمد

&&&&&&&&&&&
عسل هذي اني حيدر ومراح اتغير كتلك مانرهم بس انته اصريت شتريد مني اكلك احبك واموت عليك واني ماكن اي مشاعر الك واجذب عليك اذا انته متعلم نبراس جانت تجذب عليك اني ماجذب ..
انصدم من حجيي وانو عيرته بحبه وخيانت نبراس اله ..
حيدر تعيريني عسل تعيريني لان بيوم حبيت نبراس تعيريني لان خانتني ماعرفت اكشفها هاهيه عسل براحتج يمكن اني وهمت نفسي بيوم تحبيني الله وياج ..
سده واني صافنه ليش هيج سويت ليش عيرته بحبه الها .. هوه هسه يحبني اليه ليش نهيت كلشي ..
ضليت افكر اخر شي كلت شسويله هوه ماصبر ومل بسرعه ....
كمت سبحت واذن الضهر صليت وصبيت غده تغديت .. اجتي امي يم وتاكل وياي ..
ام احمد الخميس حنه الحسن .. ترحين ..
عسل همه عزمونه ..
ام احمد ايي عمزمو ابوج البارحه من نزل ..
عسل لعد نروح شكو بيها ..
ام احمد ان شاءالله ...
عسل واريد اشتري ملابس لعد ...
ام احمد عوفيها ع باجر نطلع اني وياج واشتري ..
عسل تمام ..
كملت ودخلت لغرفتي ادرس بس تفكيري بحيدر .... ليش هيج حاجيته حتلو ماحبه بس ميصير هيج احاجي واذكره بخيانه نبراس ..
زين شسوي ماكدر ابادله الحب مثل ماهو يحبني
اريد ادرس ماكدر ماعندي تركيز لميت المكتب وضربتلي صفنه ع حيدر ع عرس الحسن ..
بسيطه اذا ماخليته يعض ادينه ندم لان فرط بيه اني الك الحسن ..
سمعت صوت بابا طلعت يمه وكتله اريد اشتري ملابس علمود العرس ..
ابو احمد شعندج رايحه باباتي ..
عسل وليش ماروح بابا ..
ابو احمد لا تضغطين ع روحج اذا ماراغبه الروحه حتى اني ماروح ..
عسل لا بابا اني اريد اروح عادي ..
ابو احمد لعد عند امج فلوس اخذي واشتري التردي ..
ثاني يوم داومت خلص الدوام ورجعت اول ماطلعت ماشفت سياره حيدر .. كلت يمكن خلص مل مني وبعد مايجي .. ضجت بس ماعرف ليش ..
اريد اصعد بالخط ولمحت سيارته دخلت بفرع المدرسه مشه ابو الخط وشفته يمشي ورانه ع كيف مايريدني اشوفه ...
من نزلت يم بابنه شفته هو بالسيارة ..
دخلت للبيت شفت امي بالمطبخ رحت لغرفتي شفت موبايلي عبالي متصل ماكو مكالمه منه ليش ماتصل اليوم .. دخلت بدلت وامي بعد شويه وابجي تعودت عليه ويمكن حبيته ..
بدلت وطلعتي تنوره بيجي وبدي بيجي وبليره طويله جوزيه وشال ككوي وجنطه سوده وحذاء اسود .. دخلت سبحت ماتغديت نفسي مسدوده ..
عندي فلوس طلعتهن خليتهن بالجنطه ...
عسل ماما ساعه بيش نطلع للسوك ..
ام احمد بالاربعه هيج وشو اليوم محوله ع السوك ليش مو للكراده مناك تاخذين ملابس ..
عسل ماعرف بس شفت ملابس حلوه بي ..
صارت بالاربعه .. ولبست ملابسي وخليت كحل ومسكاره برزت عيوني حييل وحمره جوزيه بس خففتها صارت حلوه بس برزت شفايفي ..
طلعنه بس اني وامي ..
ضليت افتر ماعجبني شي او بلحره بالي يم حيدر ..
مشتاقتله .. رجليه اخذتني لمحله بس امي وياي اشلون اخاف تعرفه والله دخلنه مطعم مال مثلجات .. وكلت الامي هسه اجي بس اشوف هذه المحل بي فساتين حلوه ..
اخذت جنطتي وتمشيت لمحله ..
دخلت ماكو بس ولد بالمحل يمكن بعده ماجاي ضليت اعامل ع السوارات والولد يطلعلي شويه وسمعت صوته دخل للمحل كال السلام عليكم ..
صديت عليه وردت السلام .. انصدم بيه ..
من دخل هوه الولد طلع ..
حيدر هلا والله اشو اليوم جايه للسوك .. شنو وحدج ..!!!!؟؟؟؟
عسل هلا بيك لا وياي امي بس ضليت بالمطعم ..
حيدر اهاا وليش جيتي مو احنه بينه كخه ...
عسل لا دكول هيج تدري الكلام طلع بلايه قصد انفعلت .. اسفه ..
حيدر اهاا وهسه جايه تراضيني ..
عسل اييي ليش اليوم اجيت وماخليتني اشوفك ..
حيدر لانج خبيثه ..
عسل مو خبيثه بس انته لحيت عليه ...
حيدر ماشي حبيبتي هسه اختاري التردي وروحي عيب بس اني وياج بالمحل ...
عسل ماريد شي بس اجيت علمودك واريد اشتري ملابس ..
حيدر ميصير .. طلعلي اساور وساعات .. اختاري ..
عسل ماريد ..
حيدر استغفرالله وتالي ..
عسل تمام شفت اسوار حلو ونازلات من ليرات اخذته .. شكد سعره هذه .. وفتحت الجنطه اريد اطلع فلوس ..
حيدر ايي عيني هذه ب200 ولج كتلج اختاري هديه مني ..
عسل لا عيب مايصير ..
حيدر عسل لا تعاندين ..
اخذه من ايدي وخلا بعلبه وشوفني ساعه كلش حلوه وفخمه كال حلوه .. كتله ايي حلوه اشو هذه خلاها بعلبه وخلاهن علاكه مال هدايه ..

　
عسل شنو هاي حيدر تره اتوب بعد ماجي لمحلك ..
حيدر عسل اخذي العلاكه وروحي العالم جاي تباوع ..
اخذتها منه وفتحت جنطتي طلعت فلوس خزرني خزه خلاني اطلع من المحل ركض ..
رحت الامي
ام احمد وينج ولج تاخرتي ..
عسل ااا مو شريت من هذه الصايغ سوار اني شايله فلوس ..
ام احمد هاا بلعافيه يمه امشي اخذي ملابس علمود نرجع لبيت ..
افترينه واني مزاجي فول فرحت لان فك الزعل ..
اخذت فستان ماروني طويل وبي جاكه من وره من امشي تبين بينصل يصير وردانه شيفون .. واخذت وياه ستره فرو حمره وشال احمر موج باسود ..
واخذت فستان قصير اسود ربع ردن وبي فتحات بردانه الجتف يطلع منهن وشالات واحذيه ..
اخذت مكياج كومه اني ماخلي مكياج هواي بس احبه دائماً اشتري ..
بالرجعه مريت من يم محله شافني ابتسملي ..
رجعنه شفت ابوي بالبيت واحمد جاي وبابا كال عبدالله بالطريق ..
فرحت اليوم نلتم كلنه ..
صفطت ملابسي بالكنتور وطلعت السوار والساعه اباوع عليهن يخبلن والساعه فخمه وحلوه ..
قررت باجر البسهن ..
بليل اتصل عليه ..
وغيرت اسلوبي وياه يعني بي لين خليت ..
سئلني ع مشاعري كتله عوفها للوكت لا تلح عليه .. وتفهم هو
حيدر وليش جيتي اليوم للسوك ..
عسل اجيت اشتري ملابس علمود عرس ابن عمي ..
حيدر منو منهم ..؟؟؟
عسل الحسن ..
حيدر شنوو وانتي شعندج رايحه ..
عسل غير عزمونه ونروح عادي...
حيدر عسل لا ترحين ..
عسل حيدر شيل الافكار هاي من راسك اني رايحه لانهم بيت عمي لا اكثر ولا اقل بصفتي بنت عمهم وبسس ..
سكت ماحجه شي بس كال هلله هلله بلبسج عود ..
ثاني يوم الخميس داومت اول ماوصلت للمدرسه شفته ضحكتله ودخلت .. من طلعت شفته واكف يم براء .. اباوع خطي ماكو عزا ..
اجتني براء
براء خطج عافج وراح تره ..
عسل عزاا ليش عافوني ..
باوعتله ضحك عرفت ملعوب منه ..
براء امشي ويانه احنه نوصلج ..
عسل شكرا ماريد ...
براء لج امشي وين تضلين يم المدرسه ..
عسل هسه اخابر بابا يجيني ..
جريت فوني اريد اتصل واجه حيدر ..
حيدر عسل امشي اني اوصلج ويه براء ..
عسل شكرا هسه بابا يجي عليه ..
خزرني ماهتميتله واتصلت ع بابا كال ابقي بمكانج راح يجيج احمد ..
حيدر هاي ليش هيج سويتي ..
عسل احسن شنو ارجع وياك عيب وبابا كايلي لو ويه الخط لو اتصل عليهم مايرضه ارجع وحدي ...
حيدر ماشي امشي براء صعدي ..
عافني وراح صعد بسيارته بس ضل واكف ماراحو ..
دقائق واجه احمد . صعدت وياه وانتبه لحيدر ..
احمد هذه شعنده واكف بسيارته مايمشي ..
عسل ماعرف يمكن ينتضر احد او اخته لان وياي بالصف ..
احمد ذيج اخته وياه بالسيارة ..
عسل ماعرف ..
وصلنه للبيت كبل دخلت تغديت بسرعه وسبحت وصليت الضهر ..
طلعت شفتهم جاي يتحضرون علمود نروح للحنه ..
دخلت بدلت لبست فستاني الماروني والستره ولبست السوار والساعه لفيت الحجاب برخاوه ..
وخليت مكياج حمره لون احمر مات وبرزت عيوني بالمكياج ورموشي بالمسكارة واحمر خدود طلعت اخبل ولبست حذاء كعب ولبست عباتي ..
طلعت شفتهم جاهزين ابوي لابس دشداشه بنيه ..
واحمد قاط وعبدالله قميص ابيض وبطرون بيجي ..
طلعنه اريد اصعد بسياره بابا وشفت حيدر و اكف بالركن شافني وراح ..
وصلنه هناك مخلين كراسي بره .. وحنه جبيره مسوين ..
دخلت شفت الحسن بالباب شافني وانصدم يمكن عباله ماجي .
عسل الف مبروك ربي يسعدكم ومنك المال ومنها الجهال ان شاءالله ...
الحسن الله يبارك بيج بنت عمي ..
دخلت بسرعه وضجت من نضراته الكصتني كص ..
اجنتي يمامه سلمت عليه .. وسلمت ع مرت عمي ..
نزعت العبايه وبقيت بالفستان شافت مرت عمي لبسي والسوار والساعه ..
ام الحسن يمه عسل هاي ساعتج ذهب ..
شفت امي مو يمي ..
عسل ايي عمه ذهب ..
ام الحسن ولج يمه مبينه هاي غاله وفخمه بيش ماخذتها ..
ضليت حايره شجاوب ..
عسل عمه هديه من بابا ماعرف سعرها ...
كلهن تعجبن عليها .. وفخامتها ..
وره اذان المغرب صلينه وبدت الحفله جايبين مطرب .. صدك حلوه سووها وابوي واخواني ولد عمي كامو سوو جوبيه حلوه .. صار العشه وصبو وره العشه رحت للحمام اريد ارجع للصاله يم امي شفت الحسن وراي ماهتميتله ..
اجه يمي وجرني لغرفه وسد الباب ..
وكف كلبي ساعتها ....
يتبع . . . . .
&&&&&&&&&&
ول يابه حدرو هين كلبي مانطاني مانشرلكم ولان واعدتكم يوميه بارت فكتبت الكم اليوم
توقعاتكم ..؟؟؟

#الك كلبي فتحته ورتك اتفوت
وكفت انته اعله صفحه وخنجرك فات

#اقبال_محمد

[لامارا]

20

(غدر يبني طرق العشگ)
#بقلني_اقبال_محمد
&&&&&&&&&&&&&
رحت للحمام وداريد ارجع للصاله يم امي شفت الحسن وراي ماهتميتله اجه يمي وجرني لغرفه وسد الباب .. ساعتها حسيت كلبي وكف ..
عسل وخرررر شتريد ..!!!!..؟؟؟؟
الحسن اخخخخ ياعسل ضليتي حسره بكلبي ..؟؟؟
عسل الحسن وخر عني لا الم العالم عليك ...
الحسن ليش بسرعه نسيتي حبي الج ليش غلط واحد غلطت ليش دمرتي كلشي من وراه ...
عسل بس ماينغفر السويته .. ومثل ما انته نسيت اني هم نسيت وخر وخلينه ولد عم لا تخرب كلشي بسبب طيشك ..
الحسن بس اني عندي كلشي انتهى بيوم الخسرتج كلشي طلع من عيني عسل محد تاخذ مكانج بكلبي لا نبراس ولا زينه الراح تصير زوجتي انتي سكنتي كلبي وصعب طلعين منه ...
عسل وشنو التريده هسه الحسن انته ماتحبني ولا بيوم حبيتني بس كنت تعرف بيه صعبه المنال ومن حصلتني رحت لغيري وتريد ابقى بس الك .. وهسه وخر وخليني اطلع انته محرم عليه وحرام وكفتي وياك هسه وحدنه ..
تقرب لزم حنجي ويريد يبوسني ..
ماعرف ليش بوقتها وكف حيدر بين عيوني .. دفعته بكل قوتي .. وطلعت اركض رحت يم امي .. لبست حجابي ولفيت روحي بالعبايه ..
شافتني الهث ..
ام احمد خير بنيتي شبيج ...
عسل مابيه شي ماما بس تعبت اريد ارجع ..
ام احمد خابري ابوج حتى اني راسي كام يوجعني ..
خابرت بابا كال اني بالباب اطلعو ..
لفلفت روحي وسلمنه ع العالم وطلعنه ..
صعدت بالسياره واني راسي يوج من الوجع ..
اول ماوصلت البيت اخذ ملابس اليه ودخلت سبحت .. كملت ورجعت لغرفتي اريد انام بس شفت موبايلي حيدر متصل عليه ..
اتصلت عليه بسرعه انطاني رفض واتصل هوه ..
حيدر الؤؤؤؤؤ وينج ...
عسل هلوو ..
حيدر شلونج ..
عسل تمام انته شلونك ..
حيدر زين وينج اليوم ضل بالي يمج ..
عسل جنت بالحنه قبل شويه رجعنه مو تدري انته ..
حيدر ايي خوما احد ضايقج ..
عسل لا محد ضايقني وين انته ...
حيدر بالسوبر ماركت ..
عسل لهسه ساعه عشره ونص ..
حيدر ايي هسه اعزل وارجع للبيت .. عسل ..
عسل اممممم ..
حيدر خلي اخطبج ..
عسل مو هسه ..
حيدر ياعيوني ليش ..
عسل عوف هذا الموضوع هسه ..
حيدر براحتج ..
حسيته ضاج ..
عسل وين السوبر ماركت مالتك ..
حيدر قريب ع المدرسه الفرع الثاني اليمها ...
عسل اهاا ..
حيدر مشتاقلج ..
عسل اليوم شفتني ..
حيدر واذا اني من اشوفج اخاف ارمش واشتاقلج ..
عسل هههههههه صدك ...
حيدر ايي بالله ..
عسل عمرك 30..
حيدر ايي شويب ..
عسل هههههه اكبر مني بهواي ..
حيدر 10 سنوات ...
عسل عزا صدك ..؟؟؟!!!
حيدر ايي والله حسبيهن انتي 20 واني 30 ..
عسل صدك والله .. بس ممبين عليك تره ...
حيدر عمري شويه واخابرج اني امي جاي تتصل ضل بالها راح اعزل وادك عليج ..
عسل بس اذا ماجاوبت كول نامت ..
حيدر تمام ..
سديته منه واني صافنه ع حالي معقوله حبيته ..
زين شلون وليش وشوكت ..
ماعندي جواب الذني بس احس كلبي يريد يطلع من مكانه من احاجي لو اشوفه هذه الحساس اول مره احس بي حتى ويه الحسن ماحسيته .. مانكر حبيته الحسن وكان حبي صادق وعانيت يالله تجاوزته بس احس شعوري ويه حيدر غير ..
شويه واتصل جاوبته ...
عسل هلا ..
حيدر هلو ..
عسل وصلت البيت ..
حيدر اييي وهستوني دخلت غرفتي ..
عسل لعد ارتاح ونام ..
حيدر مارتاح اذا ماسمع صوتج لا تسدينه ..
عسل حيدر ..
حيدر كلبه ...
عسل لا تخذلني ولا تخيب املي بيك بيوم ...
حيدر ولج ياعيوني انتي اموت ولا اخذلج بيوم انتي اغلى من عيوني الاشوف بيهن عسل احسج شي غالي ولازم احافض عليه حتى هذه علاقتنه اخاف عليج منها اخاف عليج من الحرام اريدج بحلال رسول الله عسل اكو برائه بعيونج ماريدها تروح
.. حبيت قبلج صح وهواي مافتخر بهذه الشي بس انتي اصدق حب اعتبر كل الراح وانتي مابي ماضي اسود حتى نبراس حبيتها ايي حبيتها بس مو مثل حبي الج هسه ..
عسل ومنو مايكول هم بيوم تجي غيري واصبح حالي حال الراحن ..
حيدر مستحيل لان حبي الج صادق ومستعد اثبته الج بي شي تريدينه .. وبدايه كل حب صادق هوه الزواج ..
عسل عوفها للزمن بس اريد اعرف كلشي عن علاقتك بنبراس وماريد بيوم اسمع من غيرك ..
حيدر ليش تريدين تعرفين هيه ماضي وماعليج بي ..
عسل اريد اعرف حيدر ..
حيدر خادم يابنت الناس نبراس تعرفت عليها مره اجتي لمحل اليه بالسوك وانعجبت بيها ضلت يوميه بين يوم ويوم تجي عرفتها خفيفه فد يوم ..
اجتي تسوكت وماخذت منها فلوس وخليت الها رقم ويه المسوك نص ساعه واتصلت بيه مرت الايام واني
وياها ع علاقه فد يوم اعترفت الها بحبي اني جنت احس وياها برغبه ماكلج حب وشوق لا حالي حال كل رجال ارغبها ارغب جسمها بس ردت كلشي بالحلال مادورت بيوم وياها حرام مرت ع علاقتنه
سنتين تقريبا تعلقت بيها كلش وحسيتها مخلصه اليه حبيت بيها طبع مايوم رفضت اليه طلب بس ودائما هيه تاجل موضوع الزواج مره خطبتها واهلها رفضو لان جنت ناوي اذا تزوجنه اخذها للعمارة ماضل ابغداد وو اي الحد ماانتي كشفتيها كدامي ...
عسل اكو شي ردت تكوله وبطلت احجي ..
حيدر ماكو شي هاهيه ..
عسل واني شنو الختلف يعني شيفرق ..
حيدر عسل لا تقارنين نفسج بيها يفرق هواي هواي اشياء قبل جنت غافل عنها نبراس جانت تنتضر اسوي علاقه وياها بينما انتي لليوم انتضر كلمه حلوه منج ماكو ههه نبراس جان لبسها طافر من تطلع واتعجب هسه مايوم غرت عليها مايوم نبهتها ع لبسها وماجنت اشتاق الها بينما انتي اتمناج لليل ونهار كدام عيوني وماريد حتى ارمش ..
عسل ولا اني احب اقارن نفسي
حيدر لانها مستحيل توصلج وتقارن بيج
عسل امم نعست راح انام ..
حيدر نامي حياتي ..
عسل تصبح ع خير ..
حيدر وانتي من اهله ..
سديته منه واني احس راح اسيح بكاعي معقوله هيج يحبني شكد ضليت ويه الحسن مايوم حاجاني هيج يبووو .. لفيت راسي ونمت ..
كعدت الصبح اليوم جمعه وعرس الحسن ماروح اكعد واسكت لو اخلي بابا يوديني لبراء ..
غسلت ورحت للصاله كاعدين ماما وبابا ..
عسل صباح الخير ..
ابو احمد صباح النور والسرور ..
امي مسوي ريوك كعدت اكلت ..
ابو احمد اليوم عرس الحسن ترحون ..؟؟
ام احمد روح انته والولد شعدنه رايحين ..
ابو احمد شدكولين عسوله ..؟؟؟
عسل ماروح اني اريد اروح لصديقتي ..
ابو احمد براحتج باباتي ..
شويه واجو احمد وعبدالله سويت الهم ريوك ونضفت البيت وامي سوت الغده .. كملت تنضيف ودخلت سبحت للعصر واحمد كشخ وعبدالله هم ..
شافني احمد مامبدله ..
احمد لعد انتي ماتروحين ..!!؟؟؟
عسل لا ماروح ..
احمد شنو تضلين وحدج ..!!!!

　
عسل لا امي راح تضل واني اريد اروح لصديقتي عدنه امتحانات ..
احمد براحتج ..
راحو احمد وعبدلله واني طلعتلي ملابس بنطرون اسود وبدي اسود قصير وبليره سمائيه للركبه وشال سمائي ..
بدلت وطلع بابا مبدل لابس دشداشه ..
ابو احمد يله اوصلج اني ..
عسل يله ..
وصلني للباب بابا وراح ..
دكيت الباب وطلعلي حيدر ..
طبعاً اني اليوم من الصبح ماحاجيته لان يدري باخوتي بالبيت وماكدر اخابره ..
فمن شافني انصدم ...
حيدر شجابج ولج ..
عسل ارجع يعني ..
حيدر خايبه محد بالبيت بس اني ..
عسل عزااا ليش وين براء ..
حيدر بيت اختي هذه البصفنه عيد ميلادي بنتها ..
عسل وانته شعدنك بالبيت وحدك ..
خزرته وحجيت ..
حيدر ههههههاااي دخلي لج ددخلي ..
عسل ياا وين ادخل راح ارجع لبيتنه ..
حيدر ولج وين ترجعين وحدج دخلي هسه اصيحلج براء ..
عسل اني واكفه هنا روح صيحها ..
حيدر خايبه وين وكفه بنص الشارع دخلي بين مالبس شي واروح اصيحها ..
هستوني انتبهت هوه مالابس غير بجامه التراكسود يمااا عضلات صدره مبينه باوعتله وفترت عيوني يبووو انتبهلي وضحكت ..
حيدر ولج عسل دخلي عيب من العالم رايحه جايه ..
ترددت ادخل اني وياه بالبيت وحدنه .. تالي دخلت وكفت بالطرمه وهو راح يركض لبس قميص واجه ..
حيدر اكلج شلنه براء اني موجود ..
عسل شنوووووو لا تخليني ارجع للبيت روح صيح براء ساعه السود الاجيت ...
حيدر ههههههه رايح رايح اعصابج ..
راح واني افتر بالطرمه مالتهم جبيره ومسوي مثل الكراج بي السيارة رحت عليها مقفله ضليت اباوع بيها حلوه وحديثه شويه وحسيت الباب انفتح درت شفت براء دخلت وراها حيدر شايل طفله صغيره ..
براء ياهلا وغلا ..
عسل هلا بيج حياتي .. هلا البيت بيتج دخلي حياتي
ورحت سلمت عليها ..
براء هههههههه صارت هيه ام البيت ..
حيدر وليش ماتصير واحلى ام بيت هم ..
عسل ههههه منو هاي الطفله ..
حيدر بنت اخوي مهاوي ..
عسل فدوه ..
دخلنه للستقبال وحيدر مكابلنه وكاعد ..
براء خويه اشو مارحت لشغلك ..؟؟
حيدر وشنو كاعد ع كلبج ...
براء لا ماكاعد ع كلبي بس بنات وكاعدات شعندك كاعد بنصنه ..
حيدر والله اني صوجي جبتج اشو ماروح اليوم للشغل ويله شوفينه عرض جتافج جيبي عصير كيك لمرت اخوج ..
هوه يحجي واني خربانه ضحك وخجلانه من براء ..
براء هههه والله مادامها مرت اخوي روح لعد انته جيب لمرتك عصير ...
حيدر خاب برو جيبي ضيافه للبنيه عيب ..
براء صدك ماعدنه شبيك مخلصين ..
حيدر بعد اخوج لعد روحي جيبي من بيت ام مها يله خيتي ..
عسل شنوو وين تروح ..
براء يبووو اليوم ولا يطلع .. عدنه يابه هسه اجيب ..
خطيه كامت هيه للمطبخ
عسل حيدر عيب من براء والله اخجل روح ..
حيدر ولج وين اروح شمالج انتي اليوم غير الكمر كاعد بنص بيتي اعوفه واروح ...
عسل حيدر لا توبني بعد ماجي يمعود غير مارحت للعرس علمود اجي ..
حيدر اؤيلي هيج مشتاقتلي ..
عسل لا تفر السالفه وكوم روح لشغلك ..
حيدر حتى شغل ماعندي السوبر ماركت اليوم مافتحه وباجر اروح اتسوك بعد وين تكلعيني ..
اجتي براء عاد كام مادري وين راح ..
براء ومن اكلج شعنده حيدر وياج دكولين ماعنده شي هاا وهسه ماعنده شي مووو ...؟؟
عسل هههههههههه ماعرف بس هيه قسمه لو تصير لو لا ..
براء وليش ماتصير بس انتي وافقي وكلشي يرهم ..
عسل الله كريم ..
ضلينه اني وياها نسولف وحيدر طلع .. وامها بالعمارة
ورشا ماجت ضلت بيت اختها ضلينه بس اني وبراء
للمغربو واتصلت ع بابا مايجاوب هسه مشغول بالعرس .. زين شلون اني لازم ارجع راح تصير دنيا الليل .. اتصلت ع عبدالله هم ماجاوب واحمد فونه مغلق
اجه حيدر شافني بعدني وحايره
حيدر كومي اوصلج اني ..
عسل شلون لاا ..؟؟؟
براء خلي يوصلج يمعوده لو تردين تباتين يمنه ..؟
عسل لا هاهيه ابات يمج ..
حيدر دكومي راح اوصلج لو اكلج ..
كمت وياه من لا جاره ..
فتح الباب وصعدت يمه بالصدر ..
اجه صعد وشغل السيارة .. عين ع الطريق وعين عليه ..
وصلني للباب وراح دخلت للبيت شفت امي بالمطبخ ..
ام احمد منو جابج يمه ..
عسل ماما وصلتني ام حيدر لان اتصلت ع بابا مايجاوب واحمد فونه مغلق ..
ام احمد اهاا ديله دخلي ...
دخلت لغرفتي بدلت وطلعت ويه امي نسولف ..
وين واجو بابا وعبدالله ..
عسل بابا خابرتك ليش ماتجاوب ..
ابو احمد ماسمعته والله منو جابج لعد ..
عسل جابتني ام براء صديقتي وصلتني للباب وراحت ..
ابو احمد لعد لو متصله باخوتج ..
عسل اتصلت ومحد يرد شسوي ..
شويه ورحت لغرفتي خابرني حيدر ضل يسولف عن حياته .. ثاني يوم السبت خابرني العصر حيدر كال صايره مشكله بالعمارة ولازم اروح وامي هناك ..
عسل يعني هسه راح تروح ..
حيدر ايي حبيبي راح اطلع هسه ..
عسل تبات يعني ..
حيدر ايي وباجر اذا كدرت اجي الصبح اجي علمود اشوفج يم المدرسه بس ماتوقع اكدر يله حياتي راح اطلع ودير بالج ع نفسج ..
عسل انته دير بالك ع نفسك الله وياك ولا تسوق سريع ..
حيدر ان شاءالله ..
سديته من .. ثاني يوم داومت خلص دوامي وشفت الحسن واكف بالباب وعاقد حواجبه ..
عفته وصعدت بالخط .. اجتني يمامه ..
يمامه عسل تعالي الحسن يريد يحجي وياج ..
عسل شيريد خلي يروح .. كوليله ماجي ..
راحت واجه هو ..
الحسن عسل عندي موضوع وياج تعالي ..
نزلت من السيارة لان السايق انتبه علينه ..
عسل شرايد ؟؟؟!!!
الحسن انتي مخبره زينه جنه مخطوبين وفصختي لان خنتج وبيوم الحنه ردت اتقربلج ..
عسل لاا ولا شايفه زوجتك غير مره وحده وانته حاضر جنت ولا خبرتها لان شي مافتخر بي حتى احجي ..
لزمني من ايدي قوي ..
الحسن اذا طلعتي انتي المخبرتها ماتلومين اله نفسج ..
عفته وصعدت بالسياره ...
صعدت وشفت حيدر واكف يم سيارته وعيونه يتطاير منها الشرار .. وقابض جف ايده قوي ..
يتبع . . . . .

&&&&&&&&&&&

سامحيني بـداعت أول كلمة كاتبلچ
أحبچ
من يدگ شباچكم عَصفور
والدنيا مطر
گولي مَحبوبي أجه وفلّي الشَعَر ،
من تجي نَسمة خفيفه أتناغي ترچيتچ بَرد
گولي مَحبوبي گعد
گولي محبوبي برد
#اقبال_محمد

[لامارا]

21

(غدر يبني طرق العشگ)
#بقلمي_اقبال_محمد

&&&&&&&&&&&
صعدت وشفت حيدر واكف يم سيارته وعيونه يتطاير منها الشرار .. وقابض جف ايده قوي ..
كمت ارجف يمه عزا العزاني هسه عباله اني واكفه وياه يفسر وكفتي غير تفسير .. بعدين شسويله اني ليش هيج خايفه الحسن راح لسيارته صعد وراح وحيدر طلع فونه اتصل عليه .. جاوبته ..
حيدر الووو . .عسل شعنده الحسن يمججج ..؟؟؟!!!
عسل اجه يستفسر ع شغله وراح ..
حيدر شنو هيه ..؟؟؟
عسل بالخط اني ماكدر احجي ..
حيدر يصير خير ..
وصلت للبيت وهو ورانه يمشي .. نزلت واشرلي بالفون عود جاوبي ..
دخلت كبل سلمت ورحت لغرفتي ..
اتصل جاوبته ..
حيدر شراد الحسن عسل لا تخبليني شعنده جاي لمدرستج وشفته الازم ايدج ..
عسل شعندي وياه قابل حيدر اجه يكولي انتي مخبره زينه زوجتي جنه مخطوبين وفصختي لان خنتج هيه هاي كتله لا ممخبرتها لان شي مافتخر بي ..
حيدر وشعنده لازم ايدج ..
عسل حيدر جاي تحسسني جاي تحقق وياي ..
حيدر ماحقق وياج عسل بس الغيره تنهش بيه نهش ..
عسل لزم ايدي يكلي اذا دريت بيج مخبرتها ماتلومين اله نفسج ..
حيدر عسل ماريد تلتقين بي فدوه ..
عسل اني شبيدي والله حتى بيت عمي ماروح الهم من يوم الصار الطلاق مارحت لحد يوم الحنه وانته تدري ...
حيدر يعني اني اليوم رجعت باسرع وقت علمود واجي الكاه واكف وياج ولازم ايدج شيصير بيه عسل اني احبج واغار عليج لج غيرتي تذبحني ..
عسل تخلين سجين ع ركبتي وتذبحيني ولا اشوفج واكفه ويه هذه ..
عسل حيدر اني لا مخليه سجين ع ركبتك ولا واكفه وياه بكيفي .. نزلت من السيارة وحجيت وياه لان السايق انتبه علينه ..
حيدر يصير خير وهسه ارتاحي واني راح اروح للبيت ارتاح ..
عسل صدك يمته رجعت من العمارة ...
حيدر اجيت كبل من العمارة للمدرسه عليج ..
عسل ياا لعد روح ارتاح ..
ختمتها وياه ورحت صبيت غده وكعدت اتغده اني وامي وتسئلني ع الدراسه ..
كملت وغسلت المواعين ورجعت لغرفتي ادرس حضرت كل المواد .. راسلتني يمامه ودزتلي صور العرس ..
عسل وشبي اليوم اجه عليه وين شايفه اني مرته ..
يمامه ماعرف والله ..
عسل الله كريم اني اذا ماجاز مني اكول لبابا تره ..
يمامه لا توصلينها لعمي وهو مادام تزوج بعد مايوصل يمج ..
عسل ان شاءالله ..
ختمتها وياها وخابرني حيدر ..
حيدر الؤؤؤؤ
عسل هلوو ..
حيدر شلونج ..
عسل زينه انته شلونك ..
حيدر الحمدلله عسل ..
عسل نعم ..
حيدر ليش ماتلبسين عباء مو عندج ..؟؟
عسل اييي عندي بس مامتعلمه عليها وهذه لبسي متعوده عليه ..
حيدر بس العبايه تلوكلج احلى ولبسج يبرز جسمج ..
عسل تره اني لبسي مو ضيق ..
حيدر انتي تشوفينه هيج بس اليباوعلج يشوفه ياكل ويشرب عليج ..
عسل وانته شعندك تباوع ..
حيدر ما باوع بس عيني تنجبر تباوعلج ..
عسل يعني شلبس اني اذا البس التنوره البس طويله واذا البس بنطرون البس فوكاه شي طويل ..
حيدر دلبسي العباء وشوفي شلون حلوه عليج ..
بس التنوره لا تلبسيها فدوه تره تاكل وتشرب عليج ..
عسل ماشي و ان شاءالله البسها اني مرات تره البسها ..
حيدر ايي شفتج بيها تخبل عليج ..
عسل منو عدكم بالعمارة ..
حيدر عمامي واخواتي ثنين مزوجات هناك ..
عسل اها ..
حيدر انخطبتي للحسن عن حب ..
عسل لا ..
حيدر يعني خطبه تقليديه ..
عسل ايي ابن عمي وخطبني واعترفلي بحبه ..
تنهد وحجى ..
حيدر حبيتي ..
عسل الصراحه ايي حبيته ..
حيدر اؤؤؤف ويمته تريحين كلبي وتحبيني ..
عسل حيدر عوفني ع راحتي ..
حيدر براحتج بويه براحتج ..
عسل اخذ راحتك اروح اني ..
حيدر ماشي ..
سديته منه وطلعت يم امي ابوي نايم واحمد بدوامه بعده مجاي وعبدالله طالع لكربلاء .. عنده شغل ..
ضليت اساعد امي بشغل البيت ورتبت غرفتي ..
ام احمد بارق ابن خالج خاطب ..
عسل اها ع الخير ..
مر اليوم وبليل خابرني حيدر شويه وسديته قريت شويه بالقران ونمت ..
ثاني يوم داومت وهم شفت حيدر من خلص الدوام ..
مرن شهرين ع علاقتنه وتاكدت من مشاعري اتجاها احبه واعشقه هم بس ماعترفتله ابد .. طبعاً
حيدر قدم ع كليه تربيه قسم انكلش ويه اخته رشا لان معدله مايساعد وانقبل الحمدلله
وقربت امتحانات نص السنه ولازم اشد حيلي ..
حيدر اخابره بليل شويه وانام .. وكام يجي الصبح يم المدرسه علمود يشوفني يروح لدوامه لان مايكدر يجي من يخلص الدوام دوام الكليه لل2:30 اقل شي .. ..
بدت الامتحانات وشديت حيلي .. ذبيت كل جهدي بالامتحانات .. بيوم بالامتحانات شفت حيدر الصبح اجه اشرلي تعالي هزيت راسي لا واشرتله بيدي روح .. راح ع محل يم المدرسه اشرلي تعاي ..
رحت يمه ..
واكفت اشتري عود ..
همس اؤيلي شكد مشتاق لهذه الوجه اشوفه عن قريب ..
وكف وراي وخله بيدي علبه وراح ..
واني دخلت ركض للمدرسه خلصت امتحان وطلعت .. فتحت العلبه بيها كلاده ناعمه ونازكه بيها اسمي واسمه بالانكلش عسل حيدر .. فرحت بيها ولبستها بس ماخليتها تبين لان الزنجيل طويل ..
خلصت امتحانات .. واجني اخواتي .. سماء وهدى .. حبيباتي .. سوين الغده وره الغده سوينه اجتماع مغلق ..
سماء عمري هاي جيتنه صايره احسن ولج صايره تخبلين ومورده ..
عسل ههههههههه عندي كومه سوالف الج ..
هدى نستلم اول سالفه ونكول الوووووو ..
عسل الووو وياج اول سالفه يامحفوضه السلامه يوم من الايام .. بس قبل لا اسولف الزمن اعصابجن ولا تعيشن دور الاخوات الكبار ..
هدى غردي خيه وتحفينه ..
عسل تعرفت ع ولد اسمه حيدر ..
سماء صخااام كملي ..!!!؟؟؟؟
عسل دخلي اكمل والولد يحبني وخطبني مره بس اني رفضت ..

　
هدى ليش رفضتي ولج .. !؟
عسل ماعرف ماجنت مفكره بالزواج ..
سماء وهسه مفكره بالزواج لو لا ..؟؟؟؟
عسل لا بعدني ممفكره بالزواج بس حبيته ..
هدى اعترفتيله لو لا ...؟؟؟
عسل لا ماعترفت راح يصير تقريبا ثلاث اشهر ..
سماء منو احنه نعرفه ..
عسل اخو صديقتي براء هدى شايفتها مره اجت عليه ..
هدى ايي ذيج جيتنه شفتها .. وافقي عليه ولج مدام يحبج لا تضيعينه من ايدج ..
سماء شنو توافق غير نعرف اصله فصله شغله عمله ..
عسل ايمه حيدر .. عمره 30 سنه .. صايغ مال ذهب وعنده محلات بالسوك وسوبر ماركت .. ورجع للدراسه وهسه يدرس طالب كليه انكلش ..
هدى اذا عنده شغل وخير ليش رجع يدرس ..
عسل يريد شهاده ..
سماء منين اهله اصله منين ..
عسل من عشيره ال ....... ومن اهل العمارة اصله عنده بيت هناك ..
سماء اهاا خوشش .. وافقي عليه ولج ..
هدى خلي نشوفه عندج صور اله ..
عسل لحظه ..
طلعت الهن صوره اله كاعد ع قنفه لابس قميص رصاصي وبنطرون اسود طالع يخبل وعضلاته بارزه ...
هدى لج يخبل عزااا ..
سماء حلووو حياتي يلوكلج لج ..
عسل هههههه فديته ..
هدى لج احترمي اخواتج الاكبار يمج شنو فديته ..؟؟
عسل عشتووو ..
ضلينه نسولف ونحشش ونشاقه ..
صار العصر واجتي يمامه سلمت عليهن وبراء هم اجتي ولتمينه لمه حلوه جانت نفسيتي مرتاحه وفرحانه كلش بحيدر وبكلشي ..
بليل خابرني كال افتحي كامره مشتاقلج ..
اني من ثولي نسيت البس حجاب اتصل راسن جاوبت ..
باوعلي مبتسم ودنك بسرعه ..
حيدر حبيبي البسي حجابج ..
يمه متت خجل هسه عباله اني مالابسته ذبيت الفون بسرعه وجبت حجاب لبسته رجعت اخذت الفون ..
شفته يضحك ..
عسل نسيت والله ..
حيدر عادي حبيبي ..
عسل وين انته ..
حيدر بغرفتي .. فتح الكامره الاماميه وشوفني غرفته ..
عسل حلووه ..
حيدر يمته يجي اليوم التنوريها ..
عسل الله كريم ..
حيدر يمته تريحيني وتسمعيني كلمه احبك ..
ضحكت ودنكت ..
عسل بس اله اعشقك ..
حيدر اؤيلييييييي ولج شعلتي شيب الخلفني بيها عيدها ..
عسل اعشقك واحبك ...
حيدر واني ميت بيج وعليج ..
عسل ههههه ..
حيدر مشتاقلج موت ..
عسل حتى اني مشتاقتلك ..
حيدر تعالي ع براء ...
عسل ماكدر اخواتي اجني اليوم ..
حيدر ماشي تعالي للسوك ..
عسل ماشي ..
حيدر يعني تجين باجر ..
عسل اذا كدرت اجي بس اذا تخلي شي اتوب مادخل محلك ..
حيدر لا والله هاهيه ان شاءالله اصوغلج بعد بس النيشان ..
عسل ان شاءالله ..
حيدر اذا تجين بس دزيلي مسج كوليلي ..
عسل ماشي العصر تفتح انته مو ..
حيدر ايي العصر من بديت بالدوام غيرت وقت افتح المحل العصر والسوبر ماركت مخلي اخوي والعمال ..
عسل هااا ربي يرزقك ويفتحها بوجهك ..
حيدر احلى دعاء وربي لانه منج ..
عسل هههه يله حبيبي راح انام ..
حيدر نوم العوافي ياروح حبيبج ..
ختمتها وياه واني فرحانه لان اعترفتله قريت بالقران ونمت ..
ثاني يوم كعدت من الصبح نضفت ويه امي وحضرت الها مواد مال دولمه وكبه وهيه سوت كل الهدى نروح العصر للسوك .. كالت لعد اكول لرجلي يروح ويانه ..
عسل ميخالف ..
للعصر دخلت سبحت ودخلت لغرفتي طلعت نطرون اسود وبدي ابيض وعباء .. لان من كالي البسي العباء ولا مره شافني لبستها بعد ... سماء ماجت كالت غير مره يعني بس اني وهدى ورجلها سامر ..
صارت ساعه بالخمسه وطلعنه ماخليت مكياج غير الكحل ..
وصلت للسوك افترينه وهدى تشتري ملابس الها ولجهالها واني افتر وياهم .. دخلنه مطعم شربنه عصير وطلعنه ..
عسل هداوي اريد اشتري الامي شي ذهب خلي ندخل لمحل مال ذهب ..
هدى يله ..
صرنه كبال محله شافني ابتسم وعقد حاجبه من شاف سامر ..
دخلنه رحب بينه ..
ضليت اتعامل وياه ع المحابس وسامر راح ع محل ملابس رجاليه .. وهو يهمسلي بيش ماتردين المحل كله اخذي وصاحبه هديه .. ضحكت وكلت الهدى يله امشي معاجبني شي .. طلعنه من المحل
هدى ماعجبج شي لو اجيتي تشوفينه لج حقيره عبالي صدك اجت علمود سواد عيون امي تشتريلها شي ..
عسل هههههههههاي يله عيني صيحي لزوجج خلي نرجع .. اجه سامر ورجعنه ..
وهدى فضحتني كالت لسماء وهاي صارت شيخ عليه ..
بليل هم خابرني ضلينه نسولف وتنغزل بعض كالي العباء اليوم مطلعتج كمر لج تخبلين بيها ..
خلص يومي وثاني يوم كعدت الصبح شفت كومه رسائل واصله من رقم غريب ع الفايبر ..
فتحتهن وانصدمت صور ..
حيدر ونبراس بمطعم كاعدين ولازم ايدها ...
وحده يم الامام الكاظم هو وياها ...
وحده بيت طاكينها سلفي ..
ورساله (كتلج هذه مالتي ومستحيل اعوفه الج ورجعته الحضني انتي مجرد لعبه لعب بيها وتالي مل وذبها بس اني ابقى حبيبته وام بيته)
اتخبلت انجنيت احس خناجر وجاي تصوب بكلبي .. والي خلاني اصدك الصور انو حيدر قبل اسبوع جان بالكاظم معقوله ......؟؟؟؟؟؟؟؟
يتبع . . . . . .
&&&&&&&&&&&&&&
همزين عندك دمع من تخلص اعذارك
جذاب ماتشتعل
طافي وثلج نارك
والله طبعك طبع صرت اني اشوفك نبع
بس هيه غلطت عطش
جابتني يم دارك
#اقبال_محمد

[لامارا]

22

(غدر يبني طرق العشگ)
#بقلمي_اقبال_محمد
مساؤؤؤ حبايب

&&&&&&&&&&&&
احس خناجر وجاي تصوب بكلبي .. والي خلاني اصدك الصور انو حيدر قبل اسبوع جان بالامام الكاظم معقوله ......؟؟؟؟؟؟؟؟
ابجي ودمعي تنزل تيزاب ع خدودي معقوله يلعب عليه عود صدك هيج يخوني يعني ماعندي حض بالحب ابد ..
دخلت عليه هدى واني حالتي حاله
هدى حبيبتي شبيج حياتي عسوله ..
عسل شوفي ولج خايبه نبراس تضل وراي مراح اخلص مراح ارتاح شلون ولج هدى كااااافي كااافي تعبت والله تعبت كلبي خلص من الخيانه راااح اموت .. يااااربي اخذ روحي وخلصني ولج خيانه وره خيانه الله اكبر شلون متريد تعوفني بحالي شلون يعني تريد تعدم حياتي ....
حضنتي وتهدي بيه دخلت سماء ..
سماء خير يولي صوتج طالع شكووو ...؟؟؟؟
ماحجيت شي هدى كالتلها ماعرف خليها تهدى .
ابجي واسولف .. اريد ارتاح ياربي والله تعبت .. ياللهي خلص كلبي من الخيانه ..
انتفضت بسرعه لازم اواجها واسمع منه مستحيل اعوفه الها الحسن عفته الها بس حيدر مستحيل اعوفه .. واخلي وحده حثاله مثل نبراس تنتصر عليه .. جريت فوني ودزيتله الصور واتصلت عليه ..
جاوبني ..
حيدر هلا حياتي شلونج ..
عسل حيدر شعندك ويه بنراس ..
حيدر شبيج عسل شعندي وياها انتي تعرفين كلشي ..
عسل افتح نت وشوف الصور وانطيني تفسير ..
حيدر خايبه شكوو ..
عسل حيدرررر اعصابي تلفانه شوف الصور وفهمني لان راح انجن والقران .. سده واني دموعي تتجارة ..
شويه واتصل .. جاوبته بسرعه ..
حيدر وانتي كل عقلج تصدكين بيها لج عسل الصور تدرين راح يصير عليهن سنه ..
عسل لا تكذب قبل اسبوع انته كنت بالامام الكاظم .. حيدى راح اموت تعبت شنو يعني ماخلص منها العمر كله ..
حيدر ولج لا تبجين حركتي كلبي خايبه بالقران الكريم ماعندي شي وياها من يوم الكشفت خيانتها نسيتها وماضل براسي غيرج ولج شلون تشكين بحبي الج .. عسل لا تتوقعين بيوم اكدر اباوع لوحده غير ابددد ...
عسل حيدر ..
حيدر كلبه ..
عسل عوفني هسه خليني ارتاح ..
حيدر ماعوفج واخلي الافكار السوده تملي عقلج .. العصر تجين لبراء احجي وياج وجه لوجه ...
عسل حيدر ماجي عوفني ..
حيدر عسل كلمه ماثنيها تجين العصر
عسل حيدر استحي من اهلك والله عيب ..
حيدر امي ماموجده بس براء بالبيت ورشا يم ام مها اختي ..
عسل تمام ..
حيدر يله ارتاحي وكومي تريكي لا تخلين وحده مثل نبراس تلعب بعقلج وخلي ترجيه باذنج مستحيل يرف كلبي لو اباوع لغيرج تمام ..
ختمتها وياه وهدى وسماء صافنات ..
هدى ولج خلاج تهدئين بكلمتين واني صار ساعه يمج واهدئ بيج ..
عسل ماعرف هدى دايخه ..
سماء زين فهمينه السالفه تره اني مثل الاطرش بالزفه ...
شوفتها الصور ..
هدى صخااام هاي مو نبراس ولج ..؟؟؟؟؟؟؟
سماء ولج عسل شتسوي نبراس ويه حيدر ..؟؟؟؟؟؟
فركت وجهي وخليت ايدي جوه خدي ..
هدى ولج احجي خرسيتي ..؟؟؟
عسل جانو ع علاقه ..
هدى شنووووو شلون ولج ..!!!!!؟؟؟
عسل حيدر جان يحب نبراس ومن كشف خيانتها عافها ..
سماء ولج هاي شلون صايره ولج انتي وبنت خالج جان يحبها وهسه يحبج خايبه شلون تصير ..
عسل صارت سماء صارت هسه كوللي شاسوي ..؟؟؟؟
هدى هو مبين يحبج مبين من كلامه بس اخاف من نبراس عليج هاي ماتخاف ربها ..
سماء صح كلام هدى الولد مبين يحبج وثبت حبه واجه خطبج بس هاي المصيبه نبراس راح تضل تحوم عليج وشوفي هسه بحركه وحده شسوت بيج ..
عسل وتالي سماء وتالي تضل ملاحكتني نبراس مو عفت الها الحسن شتريد بعد .. وحيدر هيه خانته وهيه فرطت بيه ..
هدى هذي يراد الها كرصه اذن زينه ..
سماء شلون ولج هاي منو يكدر الها ..
هدى ابوي يكدر الها بس شلون ولج تبقى بنت خالنه ومايصير نفضحها كدام بابا حتى امي ماترضه ..
عسل زين دكولون الصور قديمه لو جديده ..
هدى مبينه قديمه اني من شفته متغير كلششش وهذن الصور مبينات قديمات ..
سماء صح مبينات قديمات اني ماشفته بس بالصوره بس تختلف الصور العندج عن الصور الدزتهن ..
عسل الله كريم اروح العصر واشوفه شيريد ..
سماء ولج شلون ترحين ..!!!!!؟؟
عسل ليش واذا ..؟!
هدى يعني ترحيله للبيت شبيج تخبلتي ..
عسل مو وحده البيت بيت اهله واخته صديقتي وتدري ..
هدى بس عيب من اهله هيج ياخذون نضره محلوه عليج ..
عسل اهله طلعين بس اخته صديقتي براء .. واني اريد اشوفه واحاجي لان مخي هسه منقسم نصين ..
هدى اذا هذه الشي يريحج روحي ..
سماء بس ديري بالج ع روحج ..
عسل ان شاءالله ..
كمت غسل ورجعت لغرفتي ماشتهي ..
افكر افكر الافكار نخرت عقلي اخاف من الغدر اخاف بيوم يتركني عمري ماخفت من شي بس هسه خايفه خايفه من خسارة حيدر .. خايفه من الخيانه ..
خايفه من الغدر .. للعصر واني افتر لحالي عقلي طايش ..
رحت الامي ..
عسل ماما اريد اروح لصديقتي ومحد موجود شلون ..
ام احمد ياصديقه ..؟؟؟
عسل براء ..
ام احمد عبدالله وين ..
عسل طالع ..
ام احمد لعد انتضري يجي ويوديج ..
سمعت صوت ايسر ..
ايسر عمه اني طالع وين اتريد اوصلها ..
عسل خويه اريد اروح لصديقتي ..
ايسر يله اني اوصلج ..
رحت لغرفتي بدلت لبست بنطرون وبدي والعباء وشال اسود ..
طلعنه صعدت بالسياره وياه وصفتله الطريق ..
من دخلنه الفرع شفت حيدر بالركن واكف شافني وعقد النونه ..
وصلني للباب وراح .. دكيت الباب طلعتلي براء ..
سلمت عليها ودخلتني دخل وراي حيدر ...
حيدر السلام عليكم ..
عسل وعليكم ..
دخلتني براء للصاله ..
حيدر براء عوفينه وحدنه شويه ..
اجه كعد يمي ..
حيدر منو هذه الجابج ..
عسل زوج اختي وشرايد .. نترت
حيدر لا تنترين لا السانح اكصه ..
عسل حيدر لا تجاوز وياي وتخليني اتخبل عليك ..
حيدر وانتي لا تنترين واحجي باحترام ..
عسل ليش كتلي تعاي ..
حيدر عسل تدرين نبراس اكثر من 100 مره تجي تتوسل للمحل وللسوبر ماركت ..
عسل شنوووو وشتريد ..
حيدر تريدني ارجع وياها ..
عسل وانته عاجبتك الشغله مو ..
حيدر ايي واحطلي كرون واخذ وحده ك *****....
عسل والصور هذن يمته ...

　
حيدر الي يم الامام قبل لاتنتهي علاقتنه بشهر والي بلبيت قبل سنه تقريبا والي بالمطعم اول ماتعرفت عليها ..
عسل بس انته قبل اسبوع كنت بالكاظم والصوره ممبينه قديمه ..
حيدر عبالي ذكيه طلعتي اكبر غبيه ..
طلع فونه وطلع الصوره ... عايني هنا ماعندي شعر وبعد شويه واصير اكرع وعايني هسه شعري شلون طويل ..
عسل اول شي اني مو غبيه وثاني شي مو اثبات هذه ..
حيدر وشلون تردين اثبتلج خاتون ..
عسل ماعرف ..
حيدر اخطبج ..
عسل لا مو هسه ..
حيدر ولج يمته عسل يمته يعني عاجبتج علاقتنه هيج لا خطوبه ولا عقد .. راح يصير عمري 31 سنه واني ممزوج يمته اخطبج من ادخل بالاربعين ..
عسل ومنو لازمك ماتزوج ..
حيدر اهااا هيج لعد خوش شايفلي بنيه بالكلية اتوكل بالله واخطبها مدامج بايعه ..
عسل عشتو ومنو تاخذك اصلا لو تنطي روحك وفوكك بيت هم محد تكلبك ..
حيدر والله ..!!؟؟
عسل اشو مكيف حضرتك ..
حيدر انتي ماترديني ودكولين منو لازمك اشو محد لازمني واتزوج ..
عسل هيج صارت روح اتزوج لعد .. ححيت وهميت اريد اكوم ..
اجه جرني كعدني ..
حيدر خايبه كعدي شمالج اشو بس تردين تعوفيني ..
عسل لان كلبي متشعوط من الصبح ..
حيدر اؤيلي ع كلبج ياحبيبه .. وحتى اطمن كلبي ..
كام جاب قران .. يريد يحلف بيه ..
عسل لاااا حيدر فدوه عوف القران كلام الله يكسر الضهر ..
حيدر واني محالف جذب ولا باطل ..
اجه كعد مقابيلي ..
حيدر وحق هذه كلام الله البيدي ياعسل من يوم الحبيتج ماحلت مره بعيني ابد ولا راح تحله وماملتقي بنبراس وره ماكشفتها غير من هيه تجي تتوسل بس صار شهرين مشايف شكلها .. واذا كلامي كذب لو حرف واحد حوبت القران كون تطلع بيه ...
عسل اسم الله عليك ..
حيدر ارتاح كلبج هسه ..
عسل ايي ..
حيدر وهسه يمته اخطبج ..
عسل بكيفك بس احمد تره مايوافق لان يدري عندك علاقه بنبراس ..
حيدر عوفيها عليه ..
عسل شراح تسوي ..
حيدر ماعليج حبيبتي ..
عسل ليش ماتكمل كلية وتتخرج وتخطبني ..
حيدر اربع سنين ياظالمه ولج اني ميت عليج وتريدين اصبر اربع سنين ..
عسل ليش الحسن مو جان موافق ينتضر سنتين ..
حيدر اكلي تبن واياج وياني تقارنين بيني وبينه ..
الحسن من وافق ينتضرج سنتين جان يطلع ويلعب ويشبع عود يجيج بس اني اريد اصونج ومستحيل اباوع الغيرج ..
عسل حيدر مو قصدي اسفه ..
حيدر اخطبج ونزوج بالعطله .. باوعي بعيوني واحجي ..
ردت ارفض بس من باوعت بعيونه شفت لهفته وحبه ماعرف ليش غيرت رئيي ..
عسل ان شاءالله ...
حيدر فديتج .. تدرين شنو يدور بعقلي هسه ..
عسل شنووو ..؟؟؟؟
حيدر كون بوسه من شفايفج العسل واشفي غليلي ..
عسل عززا ..
حمريت وصفريت ..
باسني من راسي من فوك وطلع ..
اجتني براء ركض ..
براء هاا لج شسويتو صار ساعه وحدكم قليلين الادب ..
عسل انجبي شنسوي قابل بس جنه نتفاهم ع موضوع الزواج ..
براء اييي وليوين وصلتو ..
عسل راح يخطبني وبالعطلع نزوج .. هاي اذا اهلي وافقو ..
براء يوافقون ليش مايوافقون هو اكو احسن من حيدوري ..
عسل هههه ان شاءالله ضليت شويه يمها واتصلت بامي كتلها منو بالبيت دزي يجيبني ..كالت محد اجه اشوف ايسر بلكي يجي يجيبج ..
سديته منها واجه حيدر ..
حيدر اوصلج اني ..
عسل لا ماحاجه هسه يجيني ايسر ..
حيدر ومنو ايسر انوب ..
عسل شبيك زوج اختي الجابني ..
هز راسه وشمرلي جلكيته .. وكال لبراء جيبي كيك هسه جبته وخليته بالمطبخ راحت ..
فتحت الجكليته واكلتها .. اشو هذه مسبل عيونه عليه .. وعض شفته ..
عسل شكوووو ... !؟
حيدر اشعلو اهلج ..
عسل شبيك هاي ليش ...؟؟.!!
حيدر مو كاضني الحرام ليش تجيبين اجلج ..
عسل يااا شبيك حيدر اليوم اشو منحرف ..
حيدر اكوم اطلع احسلي لا اشوفج الانحراف ع اصوله .. فرك وجه ويستغفر وطلع ..
هههههههه شبي هذه اليوم ..
اجتني براء جايب قطع كيك جاهز وعصير زبيب ..
عسل اكلج انتي من تروحين تجيبين شي تجيبينه من الصين لو من اليابان ..؟.
براء لا عيني لا من الصين ولا من اليابان استود من امريكا 🇺🇸 ...
عسل ههههههههه خرب صدك اشو تنامين ..
براء مو صوجج صوجي اني الاقدملج
شويه واجه ايسر طلعتله وحيدر واكف بالطرمه ..
حيدر هاا حياتي راح تروحين ..
عسل ايي حبيبي ...
حيدر الله وياج عمري وديري بالج ع نفسج ..
عسل ان شاءالله ...
طلعت صعدت ويه ايسر .. وصلنه للبيت نزلت شفت امي واخواتي بالصاله ..
سلمت ودخلت الغرفتي لحكني هدى وسماء ..
هدى هاا ولج شسويتي ..
عسل ماسويت شي وفهمني الصور قديمه وحلف بكلام الله من يوم الحبني ماحلت بعينه مره ولا راح تحله وانو ماملتقي بنبراس ..
سماء باعي شلوني ظلمتي الرجال من الصبح ونصبتي عزا ...
عسل شسوي ولج تخبلت من شفت الصور ..
هدى الله يسعدكم حبيبتي ..
عسل راح يخطبني وان شاءالله بالعطله نتزوج ..
هدى احسن حبيبتي بيها الخير ..
سماء خوش مدام يحبج وتحبي تزوجو ليش باقين هيج ..
عسل ان شاءالله ..
خلص يومي ثاني يوم العصر اجوي امه واخته وبراء وعمته اخت ابو ..
حجو ويه امي وجان ابوي بالبيت وعبدالله بس احمد بالواجب .. من طلعو كالت امي لبابا ...
ام احمد العالم الاجو ذاك اليوم هم رجعو هسه ع عسل يردوها .. يكولون بعدنه رايديها ..
ابو احمد اسئل اني عليه واذا خوش ولد انطيها ليش موكف قسمتها وانتي شوفيها اذا موافقه عليه ..
سئلتني امي من طلع بابا كتلها موافقه ..
ضل بس احمد ماعرف شلون حيدر يقنعه ..
مر اسبوع وابوي سئل ع حيدر الكل تمدح بي ..
كال اشاور اخوتها وانرجع الهم خبر اشوف شيكولون ...اجه احمد .. والعصر بابا حجه ويه احمد وعبدلله .. وبحضور ايسر وسامر بعدهم مارحو ..
يتبع . . . . . .
&&&&&&&&&&&&

ومن سير عليه الليل جنت مناطرج نجمه
خفت احجيج واتخلصين
هنه سوالفج نعمه

#اقبال_محمد

[لامارا]

23

(غدر يبني طرق العشگ)
#بقلمي_اقبال_محمد

&&&&&&&&&&
مر اسبوع وابوي سئل ع حيدر الكل تمدح بي ..
كال اشاور اخوتها وانرجع الهم خبر اشوف شيكولون ...اجه احمد .. والعصر بابا حجه ويه احمد وعبدلله .. وبحضور ايسر وسامر بعدهم مارحو ..
ابو احمد اهل صديقه عسل اجوي خطبوها مره ثانيه ومبينين شاريها احمد بس انته جنت معارض بوقتها من خطبوها اول مره شنوو السبب الولد مابي عيب ..؟؟؟؟
احمد بويه انطيها سئلت اني عنه هم وخوش ولد صايغ مال ذهب وطالب كلية حاليا شوفو رأيها واذا موفقه رجعو خبر الهم موفقين ..
ابو احمد سئلتها وموافقه ضلت بس شغله دراستها اشوفهم شكولون .. ام احمد رجعي خبر الهم موافقين بس اكو شغله يجون ونتفاهم عليها ..
كامت امي وخابرت ام حيدر لان اخر مره عافت رقمها يم امي ..
ام احمد الوووو ..
ام حيدر هلا منوو ..
ام احمد عيني اني ام عسل ..
ام حيدر هلا عيوني شلونج خيه ..
ام احمد بخير الحمدلله انتو شلونكم ..
ام حيدر ع الكريم عيوني ام احمد مارجعتوخبر النه والله الولد ينتضر ..
ام احمد حبيبه موافقين بس اكو كم شغله تعالو ضيفونه ونتفاهم عليها ...
ام حيدر بعيني هسه اجيب الولد واجي لان تدرون انتو ابو متوفي وعمامه بالعمارة ..
ام احمد هاهيه خيه ..
ختمتها امي ويه ام حيدر واني كلبي يكمز .. طبعاً كاعده بغرفتي واسمعهم كمت اكمز بسرعه جريت فوني واتصلت عليه ..
حاوبني ويحجي بلهفه ..
حيدر الووووو عمري ..
عسل حبيبي وافقو وافقوو ..
حيدر ادري ولج جاي ابدل خمس دقائق واني يمكم يعمري ..
عسل تمام حياتي ..
كمت اني شسورت شعري بسرعه ولبست تراكسود وردي وخليت كحله واحمر خدود ..
شويه واجوي استقبلهم ابوي واخوتي .. دخلوهم للستقبال . هوه وامه وابراء اجتي عليه للغرفه ..
حضنتني ..
براء ولج راح تصيرين مره اخوي ..
عسل ايييي ولج فرحانه ..
براء حتى حيدر ولج من سمع موافقين كام يوزع فلوس ههههه ويمشي وركص ..
عسل هههههههههه فديت كلبه ..
براء احترمي اخته يمج عيب واني حديقه راعي مشاعري ..
عسل لا تخافين عود اخذج الاخوي ..
براء ههههههه ...
شويه واجتني امي كالت تعالي ودي الضيافه ..
كمت لبست عباء اسلاميه ..
واخذت عصير وقدمت الامه اول شي واله والايسر وسامر وابوي ..
بابا كلي تعالي كعدي يمي بنيتي .. كعدت يمه ..
امه حجت كالتله خيي ابو احمد رايده بنيتك عسل لوليدي ومثا ماعرفت موافقين .. وشنو تردون احنه .. تامرون امر ..
ابو احمد مايامر عليج ظالم ام حيدر بس شغله دراستها اذا هيه تتنازل عنها اني ماتنازل تعبت عليها واريد افتخر بيها ..
حيدر عمي تامر دراستها تكملها واحتى اذا تريد تدرس ماجستير ماعندي مانع ابد اني هم بعدني طالب واريد اخذ شهاده ..
ابو احمد هاهيه بس حسب معرفتي بيتك بالعمارة ..
شلون يعني تاخذها للعمارة ..
حيدر عمي اذا هيه ماعدها اشكال نكعد بيتي واذا ماتقبل تروح ابيعه واشتري ابغداد ..
ابو احمد وليدي اني عندي هاي اغلى من روحي وين تريد تاخذها بعيد عني ماعدنه اشكال حتلو تكعد ويه اهلك بس مال تاخذها للعمارة صعبه ..
حيدر هاهيه عمي مثل ماتفضلت .. نكعد بيت اهلي ابغداد بين مارتب اموري واشتري بيت واتثثه هيه ..
ام حيدر لعد نقره الفاتحه ..
قرو الفاتحه واني ودي اركص من الفرح ..
حيدر عمي الجمعه تجيكم مشيه عمامي ونخطبها ع حسب الاصول .. والذهب وهاي الشغلات يمته ماتريد تطلع تجهز وتشتري الذهب ادزلها فلوس ..
ابو احمد ع بركه الله ..
كمت اني طلعت حضنت سماء وهدى يمااا حبيبي حيصير زوجي وابو بيتي ..
شويه وطلعو اني بغرفتي خابرني وفرحان ..
حيدر الجمعه ان شاءالله اجيب المشيه ونعقد سيد ..
عسل ان شاءالله حبيبي ..
حيدر ولج فرحتي اليوم احس ملكت الدنيا ومابيها ..
عسل حتى اني حياتي ..
شويه وختمتها ويه طلعت ويه امي بالمطبخ كالتلي الله يسعدكم ومبين الولد شاريج .. احمد شفته كلي مقنتعه .؟؟ كتله ايي ..
مرت الايام وطلعت اشتريت بس فستان احمر منفوش من جوه وضيق من فوك وبي شغل مثل الؤلؤ واجتي الجمعه جاب عمامه كومه واخوته .. قرو الفاتحه مره ثانيه واجه الشيخ ..
وتم العقد ..
يمااا احس كلبي يكمز ويركص من الفرح ..
شويه وراحو ضلت بس اخته براء ويمامه اجتي وعمامي هم اجوي احنه ممسوي حفله بس هيج مال مشيه جريتهم لغرفتي واطك اصبعتين واركص ..
براء تصور بيه دكول اله اشوفه لحيدر ..
عسل عاتي عاتي رجلي انننننن ..
شويه وتعبت .. وكعدت دخلن سماء وهدى ..
حضنني وباركلي ..
هدى الف مبروك حياتي ربي يسعدج ويهنيج .
سماء مبروك يكلبي الله يسعدكم يوم الاشوفج باعلى المراتب ..
عسل تسلملي حبيباتي ..
طلعن وبدلت وطلعت باركولي اهلي ..
وعمامي باركولي وراحو ..
براء قبل لاتروح خلت بيدي 100 الف كالت حيدر دزهن ..
راحت ودخلت سبحت ..
وطلعت ضلت بس يمامه يمي ..
كعدنه بالغرفه ونسولف ..
يمامه لو تدرين الحسن شصار بي من دره بخطوبتج ..
عسل شسويله يمامه سدي السيره ..
سكتت واني جريت موبايلي .. شفت حيدر مراسل ..
دزيتله (هلا مبروك حبيبي)
جاوبني بسرعه (مبروك عليه انتي افف وصرتي مريتي)
عسل وانته شلونك صرت رجلي ..
حيدر اؤيلي اموت عليج ياروح رجلج ...
عسل ههههه وين انته ..؟؟
حيدر كاعد بغرفتي ومخلي موبايل براء بحضني بعد شويه واحضنه وانام ..!
عسل عزا يعني شفت التصوير ..
حيدر ايي ولج غير ذابه لحم طالعه تخبلين يعمري ..
عسل من كد فرحتي ..
حيدر يمته تاخذين الذهب ..
عسل ماعرف ..
حيدر الاحد اخابر ابوج واكله ..
عسل براحتك ..
شويه وراح .. خلص يومي والسبت بليل خابر ع بابا كله اريد اجي اخذها علمود نشتري علمود نشتري الذهب .. كاله براحتكم ..
صدك الاحد خابرني الصبح كال خمس دقائق واني يمج بسرعه لبست تنوره سوده وبيدي زيتوني وستره سوده وشال اسود مورد زيتوني وماروني ..
لطخت وجهي حمره مارونيه وخففتها وكحل ومسكارة .. طبعاً امي كالت روحي انتي وياه اني ماروح ..
طلعتله شفته مرتجي ع السيارة .. شافني اجه عليه ..
حيدر هلا بعمري ..
عسل هلاا بيك كلبي ..
حيدر طالعه تخبلين بس لو تلبسين العباء طلعين احلى ..
عسل ليش والله حلو لبسي ومستور ..
حيدر هو مو حلو انتي محليته بس ماتطلعين بي..
عسل مااا عاجبني والله ..
حيدر حبيبي ولج تحركين كلبي وتمشين هيج بالسوك غير اشتعل ..
عسل وشبي مستور وعريض ..
حيدر وتالي نضل هيج واكفين بالشارع ..
عسل ماروح روح ..
حيدر اهاا هيج .. اشو طبي لبيسي عباء ..
عسل ماااا ..
حيدر لا تعصبيني عسل واني اليوم فرحان بيج ..
عسل اذا فرحان بيه عوفني فرحانه ولا تجبرني ..
حيدر بله شفرق العباء عن هذه البس هذيج والله تطلعج كمره ..
عسل واني مايريد اصير كمره عوفني ..

　
عاط ونزيت من صوته ..
حيدر اشو دخلي لبسي عباء وستري روحج لا تخبليني ..
دخلت بسرعه كمت اخاف يماا عيونه صارن حمرر .. عزه جريت العباء من الكنتور لبستها وامشي وا بالطبقات وادردم ..
ام احمد هاا لبسج العباء يمه ..
عسل شسوي مايرضه اطلع وياه هيج ..
ام احمد حبيبتي يحبج ويغار والغيره دليل الحب ..
عسل خرب حظي ..
طلعتله شافني وابتسم صعدت يمه وكالبه خلقتي ..
جر راسي وباسني براسي ..
حيدر اروح سبع فدوات للزعلان انه ..
عسل ابتعد رجاءً ..
وخر ويسوق ويدندن .. يا زعلانه ويا زعلانه بيج بوسه يازعلانه ..؟؟
عسل ههههههه تموت وماتحصل بوسه ..
حيدر واني ماريدها اذا مو بليله عرسي ..
اريد ابقى متلهف عليج وع شفايفج وع كلشي بيج ماضوك شي منج اله بليله عرسنه وقتها لهفتنه لبعض تصير اضعاف ..
عجبني كلامه وحبيته ..
وصلنه للسوك صف السيارة ونزلنه اني وياه ..
ويمشي ويهمس دنك ولج الزلم كبالج ..
ماعرف ادنك وامشي .. وكل شويه وهمس خايبه عيونج لا طيريها ..
لحد ماوصلنه محله .. طلع روحي ...
حيدر من اكلج دنكي ليش مادنكين هاا ..
عسل ماعرف ادنك وامشي ..
حيدر زين عيونج ليش مطيرتها ..
عسل حيدر شسوي غير اباوع دربي منين خوما اغمض ..
حيدر من تمشين دنكي عيب تضل عيونج طايرة ..
عسل والله ماعرف ادنك اعذرني من يوم يومي امشي وراسي مرفوع وماعاش اليدنكه ..
حيدر والله والنعم ..
جاب مجموعه مال كلايد وتخومه ذهب وكعد يمي ع القنفه الي بالمحل ..
حيدر اختار شنو يعجبج ..
كعدنه اني وياه نختار ويشاقيني اخر شي ثبتنه ع طقم طبعاً اني وياه واختارينه ..
ويجني نسوان يريدن يشترن يروح يمشيهن ويرجع اني محد يشوفني بس اليدخل للمحل وبيهن يجن يتموعن بدي اخنكهن .. يكلي غير رزقي هذه
كلنه
حيدر يله راح اخابر عمر يجي يكعد بمكاني ..
عسل اخوك غير ..
حيدر ايي بين ماوديج وارجع يكعد يسد بمكاني ..
عسل هاا ..
شويه واجه اخو ..
عمر السلام عليكم شلونج خويه ..
عسل وعليكم السلام بخير خيي ..
طلعنه وضل يفتر بيه ويجهزلي يكلي جهزي من هسه ..
انوب يشوف محلات ملابس نوم يدفع بيه تدخل اختاري اشبيج .. غصب دخلني واني شعرفني بهلشغلات عاد امشي واختار وهو يحاسب ..
دخلني مطعم مثلجات طلبت بس عصير رمان ..
رجعني للبيت كال اريد ارجع للمحل .. دخلت وراح ...
كعدت اشوف امي الشغلات الاخذهن اليه وفرحانه ..
خطيه فرحت ع فرحت دكول وجهج يمه مورده الله يديم السعاده .. ثاني يوم ودعت اخواتي راحن كالن نجي بالعرس ..
راحو الصبح .. العصر خابرني حيدر ..
حيدر هلا حبيبي شلونج ..
عسل هلا بعمري تمام ..
حيدر فدوه لعمرج حياتي اريد اشوفج مشتاق ..
عسل تعال ..
حيدر عيب من اهلج ..
عسل لويش عيب تعال وجيب براء وياك ..
حيدر صدك ليش عيب مرتي وبكيفي ..
عسل يله تعال مشتاقتلك ..
حيدر اؤيلي .. دقائق واني يمج ..
ختمتها وياه وكمت طلعت بس فانيلي جوزيه وبيها سمايلات بصدرها حلوه حليه وطلعتلي شال بيجي ..
وحمره وردي ..
طلعت اربت بالصاله والستقبال احمد بغرفته وعبدالله مكنك وكاعد يشرب جاي بالمطبخ ويمه امي وابوي نام ..
شويه واندك الجرس ..
طلع عبدالله فتح الباب واستقبل حيدر ..
باوعت ماجايب براء بس فديته طالع يخبل لابس بنطرون اسود وقميص زيتوني ..
كالي عبدالله جيبي ضيافه ..
رحت طلعت كليجه وعصير زبيب اعرفه يحبه ...
قدمت ويكصني من فوك ليجوه ولا كانو عبدالله بعينه ..
كعدت امي بابا واجه كعد يمه ويسولفون تراهمو هو وبابا يحجون ع البلد لو الxxxxات ..
شويه كام كال اترخص اني ..
لزم بي بابا ..
ابو احمد بالله العظيم ماتطلع ..
وماخلاء يطلع ..
فرحت ويييي .. ركضت لامي ..
عسل ماما شنوو نسوي عشه ..
ام احمد خير من الله ماما وهسه يكعد اخوج هم يروح للمطعم يجيب شي ..
عسل تمام كعدت سويت احلى زلاطه لحبيبي ومقبلات .. انوب كعد احمد ضايج لان امي كعدته ..
غسل وبدل وراح سلم ع حيدر شويه وكام راح للمطعم جاب كباب واحنه عدنه تشرب مرك وباميه ..
ص
ارت صلاة العشه .. وكام يريد يتوضه ..
كمت وياه دليته ع الحمام .. لزم ايدي يم المغسله ويشم بيهااا ..
حيدر اؤيلي ربي مايحرمني من هلريحه ..
عسل بله ايدي هم بيها ريحه .. اصلا ممخليه عطر
حيدر لج عطرج انتي عطر جسمج افف اروح اتوضه
احسلي يصير بنصنه الشيطان ..
عسل ههههههههه مرتك ماكو شيطان ..
حيدر اؤيلي لازم مشتاقه كلش اشو تعالي لعد ..
عسل لااا لا يله توضه وروح صلي حرام ..
كام يضحك وتوضه وراح يصلي واني توضيت وصليت ..
ساعه 9:15 تعشه وراح ..
من وصل خابرني ..
حيدر حبيبي باجر من الصبح انه طالع للعمارة لا يضل بالج ..
عسل شعندك حبيبي ..
حيدر مشكله ويه عمامي ..
عسل دير بالك ع روحك ..
حيدر ان شاءالله .. فتحي كامرة خلي اشوفج ..
فتحت كامرة .. يباوع بعيوني بحب ..
حيدر اروح سبع فدوات لعيونج .. عسل
عسل عيوني ..
حيدر تحبيني ..
عسل اموت عليك وربي ..
حيدر ديري بالج ع نفسج ..
عسل شكوو حيدرر ..
حيدر ماكو شي حبيبتي بس اوصيج وادري بيج سباعيه ..
شويه وراح كال اريد انام علمود اطلع من الصبح ..
نمت وكعدت الصبح ساعه ب 8 خابرته مايجاوب ..
ضل بالي دزيتله رساله من يصير لك محال خابرني .. خابرت براء ..
كالت اخوي هناك ساكن الجبير ومتعارك وصاير السالفه جبيرة ومفشر عليه وحيدر من سمع تخبل وراح اليوم من الفجر ..
قلقت اكثر ادري بي رزن ويعرف يتصرف بس تبقى خوفه بكلبي ..
وانوب اخابر مايجاوب ..
للعصر خابرت براء جاوبتني وتبجي ..
براء ولج خايبه عسللل ضاربين حيدر سجينه ..
عسل شلوووون براء فدوه احجي منو ضربه ليش ..
براء احنه بالطريق رايحين للعمارة هو بالمستشفى ولج عسل اخوي يكول حالته خطرةةةةةة ..
يتبع . . . . .
&&&&&&&&&&&&

گظت روحي
گظت گظية جگارة مورثة بحرگة
شعلها وما شربها احد

#اقبال_محمد

[لامارا]

24

(غدر يبني طريق العشگ)
#بقلمي_اقبال_محمد

&&&&&&&&&&&
براء احنه بالطريق رايحين للعمارة هو بالمستشفى ولج عسل اخوي يكول حالته خطرةةةةةة ..
وكعت من طولي وماحسيت بشي جان الخبر كلش مؤلم لدرجه حسيت كلبي انشلع من مكانه هيح يروح ويعوفني معقوله اهون عليه ..
صحيت ع ضربات بابا ع خدي خفيف ...
فتحت ودموعي جرن ..
عسل بابا حيدر باباااااااا .. احجي واناشغ ..
ابو احمد شبي بابا حبيبتي احجي ..!!؟؟
عسل بابا ضاربينه ولك بويه حالته خطرةة ..
ابو احمد شلوون منوو كلج ولج ..؟؟؟
عسل اخته والله اخته كالت راح يروح بابا هنت عليه ..
ابو احمد ولج بس احجي عدل خلي افهم منج وينه هسه هو مسحي دموعج بنيتي .. ؟؟؟
عسل بالمستشفى بالعمارة ..
ابو احمد اروح اني عليه واشوف شبي وان شاءالله مابي اله العافيه ..
جلبت بيده ..
عسل فدوه بابا اروح وياك الله عليك ..
ابو احمد بابا وين ترحين العمارة هنا هنا ..
عسل الله عليك بابا فدوه ابوس ايدك ..
ابو احمد كومي كومي يابويه لبسي شي ويله قبل لا تظلم ..
رحت ركض لغرفتي ودموعي يجرن افتر بالغرفه مثل الخبله جريت العباء وشال اسود ذبيته ع راسي وطلعت فكري بي ياربي احمي اليه ياللهي اموت بعده .. حضنتني امي ودكولي والله مابي شي وهسه يطيب ..
لكيت بابا لابس دشاشه وجاي يلف بالجراويه ..
طلعنه واني بس ابجي ساكته ..
ادري بي حبني مايعوفني شلون اهون عليه ويعوفني هيج بعدنه ماتزوجنه بعد ماشبعت منه ياللهي ..
الطريق طويله وبابا يسوق بسرعه كبيرة ماوكفنه ابد لان السيارة حكوميه ..
خابرت براء ..
عسل الوووو وين انتو شلون صار ..
براء هستونه دخلنه المستشفى وفاقد الوعي هوه ..
عسل اني بالطريق اني وبابا اجينه يامستشفى ..
براء مستشفى ال . . . . . . من توصلون اخلي عمر يطلعلكم ..
عسل ماشي ..
سديته منها احساس صابني انو راح اخسرة ..
تعوذت من الشيطان وفركت وجهي الطريق كله ادعيله .. ويين وصلنه اتصلت بيها وطلعلنه عمر ..
تسالم هو وبابا ..
ابو احمد منو ضربه شنو الصاير ..
عمر والله يابو احمد صارت عركه ويه اخونه الجبير هوه اجه هنا وحده والعركه صايرة جبيرة وفازعين العمام . . ذاك الرجال حيدر ضاربه بوكس والنذل ساحب سجينه عليه مغافله وضاربه بطنه وصاير ضرب نار وجايته طلقه طايشه ..حجاها وبجي وفرك وجه
اسمع وابجي اؤيلي عليك حبيبي ..
عسل خويه شلونه هسه فدوه ..
عمر والله ياخويه ماعرف شكلج بس الاطباء كالو حالته خطره لان صايرة من جه الكلى ..
حضني ابوي ويهدي بيه باسني براسي ..
ابو احمد صيري قويه بابا ...
عسل بابا فدوه اريد اشوفه ..
ابو احمد وين بابا الاطباء مايرضون اصبري ..
ضليت مكابله غرفته شفت امه منتهيه ومشكليلها مغذي .. وعمامه يتعايطون ويهددون نذبح ونصلخ ..
شافتني امه وحضنتني وتبجييييي ..
ام حيدر شفتي يمه شسوو بيه ولج خايبه حيدر بين الحياة والموت يماا عسل ..
كمت ابجي وياها والطم واكله شلون هنت عليك تريد تروح وتعوفني شكالتلك روحك من رحت من الصبح لحد مافقدت .. كعدت نص الليل حلكي ناشف وبابا نايم هو كاعد .. همست بابا ..
ابو احمد هاا بنيتي شلون صرتي ..
عسل شلون صار بابا ..
ابو احمد زين والله طمنه الدكتورة عليه ..
عسل الحمدلله اني شبيه ..
ابو احمد صار عندج نهيار عصبي وفقدتي ..
سكتت ضليت افكر بيه باوعت للساعه ساعه 1:20 بليل ..
ماكدر انام بابا شال المغذي من ايدي لان خلصان .. لحد مااذن الفجر اجتي الممرضه كالت مابيج اله العافيه .. كمت كتلها دليني ع الحمامات ودتني وبابا انطها اكراميه خمسه .. خله بيدها ..
توضيت وصليت الفجر وادعيله .. بكلب محروك وركعتين لوجه الله ..
الصبح رجعو عمامه وامه كابلت الغرفه وكعدت ..
الدكتورة كال زال الخطر عنه بس انخاف تصير عنده مضاعفات دخلت شفته حبيبي اؤيلي عليك ..
لافين بطنه وايرات بصدره هواي وصونده مدخليها بحلكه
لزمت ايده وابجي ابجي طلعت كل دموعي ..
واكله كوم هذي النومه مو الك كوم علمود نجهز لعرسنه ..
بوست راسه وطلعت لان امه تريد تدخل خطيه ..
دخلت امه شويه وطلعت ..
ابو احمد يله بابا للبيت ترتاحين ..
عسل ماا والله ماروح اله يكعد ..
ابو احمد مايصير بابا عمامه مالين المستشفى ..
عسل فدوه بابا والله مارجع لبغداد واعوفه هيج حالته ..
سمعتني امه وحجت ..
ام حيدر روحي ماما حبيبتي ان شاءالله يكوم ومابي شي ..
عسل خاله شلون هيج اعوفه فدوه عوفوني يمه ..
عاد صدت ع بابا ..
ام حيدر ابو احمد عوفها وخلي ترجع ويه براء ورشا لبيت خطاب ابني ..
ابو احمد ماشي بس لا تضل بالمستشفى والزلم رايحه جايه .. وين بيته ..
ام حيدر هناا بمنطقة ****** هسه عمر يرجعهن ..
ابو احمد لا اني اوديهن بس وحده تندل كون ..
ام حيدر براء تندل ..
اجني وطلعت ويه بابا غصب ..
بس المهم يمه بالعمارة مارجع لبغداد اذا مو هو وياي ..
ذبنه بابا بالباب دكيت الباب طلعت بنيه شابه اول مره اشوفها سلمت ع براء ورشا ..
منوو هذي الحلوة ..
براء مرت حيدر عسل .. هذي مرت خطاب زمن ..
اجتي سلمت عليه ..
زمن مابي اله العافيه ان شاءالله تفضلي حياتي ..
دخلنه للصاله وحابت مي وعصير .. اني العسل ماشتهي .. ودموعي كل شويه تنزل ومسحها
زمن كولي يالله حبيبتي لا تفاولين عليه ان شاءالله يكوم بالسلامه ..
عسل ان شاءالله .. حجيتها وشهكت ..
حضنتني رشا وتبجي وياي ..
زمن خايبات شمالج الزلمه كالو زال الخطر عنه هاهيه .. ياا دهر ..
سكتت شويه بس ضليت اشهك ..
عسل احس كلبي يوجعني عليه والله ..
زمن فدوه تحبينه ..؟؟
عسل ايي ..
زمن الله يديمكم خيه ويكوملج بالسلامه وتسوون احلى عرس ..
عسل امين ..
حسيت بالغربه وحدي هنا لا هو يمي ولا اهلي ..
بابا ويه عمامه وكاومو عشيره الضربه .. لان بابا رتبته وكذا راح وياهم ..
اخذتني زمن لغرفه كالت ارتاحي ونامي ..
عسل ماريد انام بس فدوه شيليلي الكانونه اذا تعرفين ..
زمن ياا شبيج شو كانونه ؟؟
اجتي براء .. كالت صار عدها انهيار عصبي بالستشفى وشكلولها مغذي ..
اجتي تشيله وتحجي وياي ..
زمن يااا شكد تحبي ..؟؟
ابتسمت .. كومه ماعرف شكد بس احس يومي اسود بدونه ..
ضلن يضحكن عليه ..
زمن ولدنه كلهم مايتزوجون اله عن عشك .. ودير بالج تره عشگهم بخبال ..
عسل لا تره حيدر زين ..
زمن بالعكس اصعب واحد بيهم حيدر عصبي ولو عصبي يكوم الكاع ومايكعدها بس حنين وايده مو اله ..

　
عسل امممم انتي كرايبهم ..
زمن لا غريبه ..
عسل منين ..
زمن من بغداد ..
عسل لعد شجابج للعمارة ..!!؟؟
زمن الحب الجابج جابني ..
عسل ههه ..
شالتها واتصلت ع بابا كتله شلون صار ..
ابو احمد زين وبلش يصحصح بس يمه عمامه هسه ..
عسل فدوه بابا تعال اخذني اشوفه ..
ابو احمد عيب بنيتي لازم اضل ويه عمامه خوما اضل رايح جاي ..
عسل ماشي ..
سديته منه واتصلت بيه امي تطمئن عليه ..
ام احمد شلونج يمه حبيبتي ابوج كال مو زينه البارحه ...
عسل بخير ماما زينه اليوم انتي شلونج ..
ام احمد الحمدلله بنيتي حيدر شلون صار ..
عسل زين خابرت بابا كال زال الخطر عنه ..
ام احمد خابرتي لعد انتي وين وهو وين ؟؟!!!
عسل اني جابني بابا لبيت اخو حيدر لان يم حيدر انملت عمامه ..
ام احمد هااا دير بالج ع روحج احمد يريد يجي عليكم اليوم يمكن ..
عسل لا ماحاجه صار زين
شويه وسديته منها خليت راسي ع المخده بسرعه نمت ماشبعانه نوم من البارحه ..
ماعرف شكد نمت وكعدت ع صوت براء تكعد بيه .
براء كعدي خايبه حيدر كعد ويصيح جيبوها اشوفها ..
عسل بالله عليج صدك ..؟؟
براء ايي والله اجه خطاب راح انروح عليه ..
عسل يله يله ..
لبست شالي والعباء ..
وطلعت اخو خطاب واكف بالطرمه ..
عسل السلام عليكم خويه ...
خطاب هلا خويه هلا بيج ..
اجتي براء وصعدنه وياه وصلنه للمستشفى ولو بيدي جان ركضت اله .. شبه اهرول ..
وصلنه غرفته بره بابا واكف وعمتي وثنين من عمامه دخلت لغرفته ..
وركضت اله ..
حيدر هلا بعمري اؤيلييي هسه حييت وربي ..
عسل حبيبيييييي كمت ابجي واكله ليش هيج تسوي بيه ماتدري شصار بيه من دريت ..
حيدر مسحي دموعج يولي والله تيزاب ع كلبي ..
عسل اوعدني ماتعوفني ابدد ..
حيدر وعد مايفرقني عنج بس الموت ساعتها هذي الشغله لا بيدي ولا بيدج ..
عسل اسم الله عليك من عمري ع عمرك ..
حيدر ولج اخر شي فكرت بي انتي .. صورتج مافاركت خيالي خفت اموت واني ماضايگ شفافج خفت اموت وبعدني ماشابع من عيونج ومنج ..
دنكت عليه هوه ويحجي وبوسته بخدوده وبكصته وبوسه خفيفه بشفايفه ..
حيدر بعد وحده رحمه الاهلج ..
عسل هاهيه عيب
حيدر منو كلج ..
عسل براء ..
حيدر اخخخخ منها ام لسانين ..
عسل يمته يطلعوك ..
حيدر ماعرف ماحجو شي كدامي .. وانتي روحي لا تضلين هنا والمستشفى مليانه رياجيل ..
عسل مادام تطمنت عليك اروح لعد ..
اندكت البات كلت ادخل دخل بابا ..
ابو احمد هسه شلون صرت يابه ...
حيدر الحمدلله ..
ابو احمد لعد مادام صرت زين واطمنه عليك اني اخذ عسوله واديها لبغداد وان شاءالله اجيك ..
حيدر تسلم ماتقصر عمي جيتك هاي كافيه .. مشكور
ابو احمد ولو واغصبن عليه اجي يله يابه مابيك اله العافيه ودكوم بالسلامه وتسالم هو وياه ..
كالي انتضرج بره بابا علمود نطلع قبل لا ينزل الغروب ..
جر ايدي باسها وسمها وسحب راسي باسني بي ..
حيدر ديري بالج على نفسج حبيبتي .. ولا تبجين تره والله مابيه شي ..
عسل تمام حبيبي ادري بيك سبع ..
حيدر فداج حبيبج يله حبيبتي روحي ..
بوسته بكصته وطلعت ..
رحت ع عمتي سلمت عليها كتلها راح نروح ..
وطلعنه اني وبابا ..
بنص الطريق ونمت ..
كعدت بابا وكف السيارة ونزل لمطعم ..
شويه واجه جايب اكل ..
ابو احمد صح النوم كعدي اكلي ..
عسل اي والله جوعانه .. اكلنه وفتح قواطي ببسي كملنه ولملمت العلاليك ورجع يسوق ..
وين يالله وصلنه دخلت ميته تعب تلكتني امي ..
سلمت وذبيت روحي ع سريري يمه ..
وين كعدت نص الليل الفون يرج يمي ..
حيدر جاوبته ..
حيدر الوووووو .
عسل الووو هلا ..
حيدر نايم الحلو ...
عسل ايي من وصلنه بسرعه نمت .. شلونك هسه خوما متوجع ..
حيدر الحمدلله لا زين حبيبتي لا تحاتين ..
عسل الحمدلله
حيدر تدرين ماتوقعت هيج تحبيني ..
عسل صدك تشك بحبي الك ...
حيدر لا ماشك بس ماتوقعت لهدرجه ..
عسل واكثر حيدر يروحلك عمري كله فدوه ..
حيدر فدوه لعمرج حبيبتي .. يله رجعي نامي ..
عسل وانته نام ..
حيدر ايي نعساني بس ماجني نوم اله سمعت صوتج ..
عسل تصبح على خير عمري ..
حيدر وانتي من اهل الخير ..
نمت بعد ومادريت باادنيا شصار ماصار ..
ماكعدت اله ثاني يوم الساعه ب9 وييييي .. كمت مطيت جسمي ..
رحت غسلت واسمع صوت بالصاله رحت واشوف نبراس كدامي انصدمت كلش شجابها ..
يتبع . . . . . .
&&&&&&&&&&

كون اتوب من المحنة الرخصتني
و كون اتوب من الوجوه التعبتني

#اقبال_محمد

[لامارا]

25

(غدر يبني طريق العشگ)
#بقلمي_اقبال_محمد

&&&&&&&&&
اسمع صوت بالصاله رحت واشوف نبراس كدامي انصدمت كلش شجابها ..
دخلت .. باوعتلي وكامت ..
نبراس شلونج عسل ..
عسل شرايده ..؟؟؟!!
نبراس مارايده شي اجيت اعتذر منج واريدج تسامحيني ..
عسل الله يسامحج منو اني واسامح ..
نبراس صدك انخطبتي لحيدر ..
عسل نعم وانتي شكوو ..
نبراس انتقام اخذتي موو تردين تنتقمين مني ..
ام احمد وحيدر شدخله فوك شينه كواه عينه ..
نبراس حيدر اخذته مني حيدر جان حبيبي اليه ..
ام احمد عسل شجاي تخرط هاي ..
عسل طلعي بره وشكلج ماريد اشوفه حيدر انتي فرطتي بي واجاني لان لكه بيه الاخلاق الماشافها بيج واليوم هو حبيبي وزوجي يله بره تره هواي مطوله خلك وياج ..
نبراس عسل عوفي اخر مره اكلج ياعسل عوفي لا والله اندمج اندمج واخليج تبجين دم بمكان الدمع ..
عسل اعلى مابخيلج اركبي واليجي بيدج لاتقصرين .. بضهري رجال واثقه منه ماتخوفني حثاله منج يله بره ..
طلعت وهيه تتوعد ماخفت منها لان واثقه من حب حيدر اليه ..
راحت وامي تستفسر منين تعرف حيدر وشعدها ويه وحيدر ..
عسل ماعرف ماعرف ماما عوفيني ..
ام احمد اشوو ماعوفج اني مو رجل كرسي بالبيت هسه تفهميني شنو علاقه نبراس بحيدر جاوبي عسل ..
عسل جانو ع علاقه هسه عرفتي خوش جان يحبها وتحبه ..
ام احمد شنوووو وشجابه عليج لعد ..!! ..؟؟؟
عسل حبني وخطبني بعد ماكشف مكرها وغدرها ..
ام احمد ولج يمه خايفه عليج لا تغري ويرجع الها ..
عسل مايرجع يحبني ومايروح الها وراح يصير زوجي ..
ام احمد دشوف ليمته تضلين راكبه راسج ..
عافتني وطلعت من الغرفه بعصبيه ..
.. بس ادري بي يحبني مستحيل يتخله عني ..
ايي يحبني اليه مايحبها هوو مايحبها ..
بجيت واحس راسي راح ينفجر من التفكير ..
شلون ياللهي اريد ارتاح ..
اتصل عليه جاوبته ودموعي تجري ...
حيدر هلوو حياتي ..
عسل الووووو ..
حيدر شبيج حبيبي شنو تبجين ..؟؟!!
عسل نبراس اجت قبل شويه ..
حيدر شنوو شنو شعندها جايه صخام انوب .
عسل تريدني اعوفك دكول اندمج ..
حيدر تاكل وحل وانتي شبيج تبجين شنو ع كلشي تبجين صيري قويه ولا تخلين دمعتج رخيصه ..
عسل ماكدر ماكدر خايفه ..
حيدر منو شنو خايفه شبيج ..
عسل خايفه تاخذك مني حيدر ..
حيدر عسلل تشكين بحبي يعني ..
عسل لا بس خايفه بيوم تغريك وتاخذك ..
حيدر واني حيوان يعني اركض وارها لو غرتني ..
عسل لا مو قصدي ..
حيدر جاا اسكتي ومسحي دموعج وفتحي كامره ..
فتحت الكامره شفته بعده بالمستشفى ..
حيدر اؤيليي شكد مشتاقلج .. بس ليش مذبله هلعيون بالبجي يعمري ..
حجاها ورجعت بجيت ..
عسل مو بيدي ..
حيدر اهووو مسحي دموعج كافي عاد تدرين بيه احبج ولو ع كص ركبتي ماخونج ..
عسل شوكت تطلع من المستشفى ..؟؟
حيدر يومين ان شاءالله حبيبي .. انتي شوكت تجهزين ..؟؟
عسل بعد مو هسه خلي يقرب العرس تنزل موديلات جدد ..
حيدر براحتج واني بس اجي لبغداد ادزلج فلوس ..
عسل اريدك سالم حبيبي ماتعرف شصار بيه من دريت بيك ..
حيدر اؤيلي عليج حبيبه مابيه شي كالتلي امي صاير عندج انيهار ..
عسل ليش ضربوك شيردون منك .. ؟؟
حيدر لا تهتمين حبيبتي عمامي فضوها وياهم ..
عسل غير اعرف ليش ياذونك ..
حيدر حبيبتي همه عركتهم ويه اخوي خطاب ومفشر ع عرضه ومن كتلج راح اروح للعمارة رحت كبرت العركه وتلازمت ويه ذاك واعرف هو الضربني بالسجين بس الطلقه ماعرف منين اجتني ..
عسل سوده عليه حبيبي ..
حيدر لا تحاتين حياتي ان شاءالله يومين واجي ..
عسل انتضرك يعمري ..
شويه وختمتها ويه اجه احمد دره بنبراس اجتي .. وصاحلي لغرفته ..
احمد شتريد منج هذي ..
عسل ماتريد تريدني اسامحها كتلها الله الي يسامح ..
احمد تريد حيدر موو ..
عسل اي ..
احمد عسل اني اخوج وحزام ضهرج سولفيلي انتي تحبي الحيدر لو وافقتي عليه كسران خشم لنبراس ..
عسل دنكت وكتله احبه وهو خطبني ..
احمد لعد مو جان يحب نبراس شخلاه يتركها ..
عسل كاشف خيانتها وعافها ..
احمد عافها واجاج الج وانتي بنت خالها شلون صايرة هاي .. زين هو يحبج لو خطبج كسران خشم الها ..
عسل يحبني والله وهيه فرطت بي وخانته شاف بيه اخلاق وهيه ماعدها الاخلاق ..
احمد اني وافقت لان امي لمحتلي هو يحبج وانتي موافقه والولد حاجاني تره بس ماكال جانت عندي علاقه بس كال اني شرايها وكل رجال اله ماضي ومن يزوج يبدي صفحه جديده وشتامرون اني حاظر ..
ضليت ساكته حرت شاكله ..
كام باس راسي ..
احمد لو شما يصير وحتلو تزوجتي تذكري اني اخوج وحزام ضهرج وياج والياذيج بس انطيني اسمه قسم بالله اخلي يبوس رجليج .. الي يرشج بماي ارشه بدم
عسل ماتقصر حبيبي ..
احمد شعندي غيرج شكم عسوله هيه .. اخذي راحتج حبيبتي ..
عفته وطلعت صدك عرفت عندي سند لو شما يصير يوكفون بضهري ..
خلص يومي وقربت العطله تخلص فرحت علمود اشوف حيدر يوميه ..
ثاني يوم بليل ضليت اتصفح بلفيس ..
شويه واتصل حيدر ضلينه نسولف ونتغزل بعض ..
يكلي من اشوفج احس روحي كاعد بنص الجنه ..
يوم ثاني اجه من العماره بس بعده مايكدر يتحرك كلش ..
العصر رحنه عليهم اني وامي ..
دخلتنه امه للصاله ومخليله جربايه بيها كام سلم علينه ..
تحمدتله ع السلامه شويه وكام ورجع جايب فلوس انطاني مليونين كال جهزي ملابس وشغلات العرس ..
وراح وغمزلي مافهمت شي ..
شويه واجتي براء كالت كومي شوفي غرفتج تبقى نفسها لو يبدلها ..
رحت وياها دخلت اشو هيه مدخلت راحت شفت حيدر متمدد ع السرير كام اجه عليه وبوسني براسي ..
حيدر شلونه حبيبي ..
لزمت وجه بثنين اديه ..
عسل بخير من شفتك ومابيك شي ..
حيدر يعمري ..
حضني وعصرني بحضنه ..
ابتعد وكعدني ع السرير وهو متمدد ع النص ..
حيدر ماتدرين شكد مشتاقلج ..
عسل شدعوه هنه ثلاث ايام ماشفتني ويوميه تشوفني بالكامرة ..
حيدر خايبه كلبي مايصبر اذا مايشوفج يوميه بالحقيقه ماريد الكامره حاجز بينه ..
عسل فديت قلبك حبيبي ..
حيدر خلي نقدم زواجنه ..
عسل لا حبيبي ع العطله والله احسن ..
حيدر اووووف ..
عسل لا تافف حياتي ..
حيدر ميت شوق عليج ..
عسل ههههه يله حبيبي اروح يم امي ..
حيدر انتضري شوفي الغرفه اعوفها لو ابدلها ..
عسل الصراحه بدلها لان مابيها لمسه انوثه محلوة ..
حيدر تامرين ..
عسل ما يامر عليك ظالم حياتي ... شلونه جرحك هسه ..
حيدر زين مايوجعني ..
كمت وكفت ..
عسل يله لعد حياتي اروح يم ماما عيب ..
حيدر روحي حياتي شويه واجي اني اوصلكم ..
عسل لا حبيبي ارتاح هسه يجي بابا ياخذنه اخاف ع جرحك ..
عفته وطلعت كعدت يم امي ضلينه انسولف علمود اجهاز العرس والوازم .. شويه واجه حيدر كعد يمنه ..
حيدر عمه العرس اسوي بالقاعه واول يوم بالفندق ..
ام احمد براحتكم يمه ..
فرحت كلش من كال اسوي بالقاعه ..
اجه بابا ورجعنه طلع هو تسالم ويه بابا ..

　
مرت الايام بسرعه ويه حبيبي وخلصت العطله رجعت اني اداوم وهو طاب جرها وفتح الخياط ورجع يداوم ..
كمت اجهز للعرس ومرات نطلع سوه اني وياه الجمعه .. بيام الدوام قليل نتخابر بس يوميه يجي الصبح يشوفني ويروح لكليته ..
شديت حيلي بالدراسه علمود اطلع معدل يقبلني ع الطب وخليت مدرسه خصوصي ..
اخاف ع حيدر من بنات الكلية خاصه اشوفه يوميه شلون يكشخ وروح موتتني الغيره وهو حاس بيه
فديوم اجه الصبح علمود يشوفني ويروح شفته شلون كاشخ لابس قاط رسمي اسود وقميص ابيض بس هو ابيض طالع يخبل ويه لون عيونه الرصاصي ..
الغيره كامت تقره 1000 هاي هيج بنات الكليه يشوفنه اول مادخلت للمدرسه دخلت للحامات خابرته ..
حيدر الؤؤؤؤ حبيبي ..
عسل اكلك رايح انته للدوام لو لعرسك ..
حيدر شبيج حبيبي ..
عسل خرب بيه شبيه شعندك حيدرررر ..
حيدر غير افهم شبيج ولج ..
عسل شعندك هيج كاشخ ها لو ماشايفلك وحده وياك ماتتكشخ يوميه ..
حيدر اله صدك تخبلتي خايبه شمالج شعندي ..
عسل تره الكلية تدخل تاخذ محاضرات وتطلع مو عرض ازياء وكشخه ..
حيدر لا والله اكول حبيبتي يمكن اليوم مصخنه .. كملي دوام وعود نتخابر ..
عسل مستعجل موو تنتضرك خطيه ..
حيدر ولج منو تنتضرني راح اوصل الكلية باي ..
عسل روووح روووح الها عساك لا رديت ..
سديته بوجه ودموعي تجري .. مسحت دموعي ودخلت لشعبتي ..
البنات يسئلني شبيج عيونج حمر ..
ماجاوبت احد ..
براء شافتني ..
براء شبيج ولج شنو باجيه ..
عسل كله منه اخوج الحقيرر ..
براء شبي ولج ليش هيج تحجين ..
عسل لازم ماتدرين خطيه الحقير ابو النسوان الخاين الله ياخذه ..
براء هسسسس شبيج ولج مصخنه اليوم ..
عسل اييي مصخنه وطاكه فيوزاتي بعد امشي ولي جنج اخوج الحقيرر مستعجل حبيبه الكلب تنتضره ..
براء ولج ياحبيبه ..
عسل حبيبته بالكلية ماتشوفينه عبالك رايح لعرس مو دوام ويريد بس يخلص مني بحجه الدوام الكلب ..
براء لاا انتي اليوم مو طبيعيه ..
خلص دوامي كوه واني متخبله اتخليه يحب وحده بالكلية لو يطلع وياها ..
رجعت للبيت راسي طبل .. ويوجعني ..
دخلت الغرفتي كبل ماتغديت شفته يتصل ماجاوبت نمت كعدت العصر غسلت وسمعت صوته يمنه ..
عسل ماما منو يمنه ..
ام احمد حيدر تعالي ..
رحت للغرفه رتبت نفسي دخلت للستقبال ..
سلمت وكعدت يم ابوي ..
شويه وحجي .. كال اريد اخذ عسل وياي للجامعه عدنه حفله وكل واحد يجيب مرته ..
ابو احمد براحتك بس دوام عدها مو باجر ..
حيدر اروح اني واخذلها اجازه مرضيه ..
ابو احمد براحتكم وليدي مريتك هيه ..
ضل شويه وراح واني مطنكره عليه بس فرحت بالروحه ..
بس طلع اتصل عليه جاوبته ..
عسل الوو ..
حيدر الوووو شبيج ولج متخبله اليوم فد مره ..؟؟!!!
عسل اسئل نفسك ..
حيدر لا والله اسئلج انتي لان ادري بروحي ماعندي شي ..
عسل لا ماعندك وكشخاتك يوميه كاشخ ع الاخر ورايح عبالك عرسك لو ماعندك وحده هناك ..
حيدر تهييييي والله خبله ولج يادوب اخذ محاضرتين واطلع علمود ارجع للمحل واجيك ع السوبر ماركت ..
عسل لعد شعندك هيج كاشخ اليوم ولا مستعجل بس تريد تسده مني خطيه خاف تزعل الخاتون ..
حيدر احلف عليج اليوم مو ناصحه ع العموم علمود
ترتاحين باجر اخذج وياي للكلية شوفي شعندي ..
عسل ومنو كلك اروح ..
حيدر ولا تروحين اروح اشوفلي وحده تروح وياي ..
عسل سويها وشوف اذا ما اكلبها ع راسك كربلاء ..
حيدر ماتخوفيني لو ردت اسوي شي خوششش ..
ماعرف شبيه كمت ابجي كبل ..
عسل رروح رووح بس تريد تقهرني ..
حيدر استغفرالله واتوب اليه ولج شبيج بابا ..؟؟
عسل ليش هيج تسوي بيه ..
حيدر خايبه شمسوي كولي والله وداعتج ماعندي شي ولا مباوع بوجه مره ..
عسل كول والله ..
حيدر والله وكلام الله ..
عسل اممم خوشش ..
حيدر وتلوميني من اكول مو ناصحه ...
عسل يله يله باي اكعد ادرس واحضر ملابسي لباجر ..
حيدر الله وياج عمري ..
ختمتها وياه وكعدت ادرس بواهس مادري شبيه ..
قبل شويه ابجي ومقهوره وهسه مرتاحه .. اله صدك تخبلت ..
كملت واجباتي وكعدت انسق بملابسي ..
طلعتلي بنطرون بيجي فااتح وبدي هم وبي رسومات وفوكاه قميص وردي ومربع بنيلي ينشد من الخصر وجنطه نيلي وحذاء وردي وشال وردي ونيلي ..
لبستهن حلوات عليه .. ونضارات وياهن ..
نبهت الفون وكعدت ثاني يوم من الصبح ..
دخلت سبحت وبدلت وخليت مكياج حمره واحمر خدود وكحل برزت عيوني بالمكياج ..
لفيت الشال لفه حلوه ..
اتصلت عليه كال شويه واجي ..
ضليت ارتب بروحي .. رحت للمطبخ امي جاي تسوي ريوك ومحد بالبيت ابوي ملتحق من الفجر وحيدر طال لدوامه وعبدالله من البارحه رايح لشغله ..
شويه واجه اندكت الباب طلعتله بس شافني باوعلي من فوك ليجوه ..جان لابس قاط رصاصي طالع يموت
حيدر يله حبيبي ..
عسل ايي حياتي بس اجيب فوني والجنطه ..
حيدر وتبدلين موو ..
عسل ليش شبيه مبدله ..
حيدر حبيبي بدلي احسن ..
عسل شبيك حيدر من البارحة مجهزه ملابسي وتالي دكولي بدلي شنو هاي ..
حيدر دكيتي واخذتي رائيي لا فبدلي ياعمري ماضل وكت ..
عسل شلبس ..
حيدر عندج جبب وعندج فساتين وعندج عبي البسي اليي يعجبج ..
عسل فدوه حبيبي والله هذه لبسي عاجبني ..
حيدر بس ماعاجبني اليه خمس دقائق اذا ماتبدلين اروح واعوفج ..
دخلت اركض اريد اروح وياه طلعت فستاني الي لبسته بعيد ميلاد براء .. من فوك وردي وضيق ومن جوه منفوش ولونه نيلي وشال نفسه والحذاء والجنطه بس رجعت رتبت مكياجي والشال ..
طلعتله اجه يم الباب وباسني براسي ..
فتحلي الباب صعدت يمه .. وفتر صعد ..
يسوق ولازم ايدي .. ساكتين ماحجينه شي ..
وصلنه دخل للكراج ورتب شعره اني رتبت شالي ردت انزل كال لحظه ..
عسل هاا حبيبي ..
اخذ كلنس وانطاني ..
حيدر خففي الحمره ..
عسل لويش ..
خزرني حييل وهمس خففيها .. اخذت خففتها ونزلت ..
شبك ايدي بيده ودخلنه للكليه اخذني لكليته للسنتر وخابر رشا اجتي سلمت عليه ضليت مطيره عيوني البنات شنو من لبس شنو من مكياج يبوووووو ..
وحده احلى من الخ ..
عسل حيدر الله عليك خلي نروح لكلية الطب ..
حيدر بعيده بعدين اني اخذج ..
عسل فدوه هسه ..
حيدر دكومي نفتر واخذج الها ..
صدكه اخذني افترينه وشربنه نسكافيه ..
ورحنه لكلية الطب .. ضليت افتر ع الاقسام والقاعات ..
لحد ماتعبت .. عاد رجعنه لكليته وشاف صديقه عدهم حفلة تخرج انطاه الهديه واعتذر منه كاله ماكدر احضر الحفله .. شويه واجتي رشا رجعت يمنه كالت ماعندي محاظرات ..
حيدر جااا كومو اغديكم ونرجع ..
كمنه اخذنه لمطعم قريب ع الجامعه ..
تغدينه وذب رشا ابيتهم .. عبالي راح يرجعني لبيتنه ..
اشو اخذني لمكان عام ونزلنه نتسوك كال جهزي التريدينه تره ماضل شي ويخلص الدوام ..
ويدخل يختار وياي وفرحان بس ضايقني بالملابس الطلعه هذه ضيق وهذه قصير وهذه كصيف ..
هففف ..
كل ماكله هاهيه يكلي دخذي يمعوده شوفي ملابس حلوه ..
اخذلي ملابس نوم اكثر من الجهاز كله ..
اشتره هو ملابس اله ..
كملنه وطلعنه ..انوب دخلنه مجمع مال غرف نوم ..
وحده احلى من الخ اخر شي استقرينه اني وياه ع وحده .. لونها رصاصي و ماروني البردات ماروني ورصاصي كلش حلوه .. حتى فراش نسق وياها ..
دفع مقدمه فلوس ومن توصل يدفع الباقي وطلعنه .. وصلني لليت وراح دخلت فرحانه واشوف امي الغراض ..
مرت الايام واجتي الامتحانات ذبيت جهدي ومجهودي بيها وحيدر انقطعت عنه فد مره وهو هم امتحانات .. خلصت الامتحانات وحان وقت يتم زواجي ..
كمت اجهز وحجزت صالون وبدله والقاعه طلعنه اني وحيدر حجزنها ..
واجه يوم العرس؟؟؟؟؟؟؟
يتبع ...
&&&&&&&&&&

الماله يمك مصلحه
يكطع وياك الســلام
والله لو يمك شغلتـه
ابنادم يسـويك إمـام
مساء الخير

#اقبال_محمد

[لامارا]

26

(غدر يبني طريق العشگ)
#بقلمي_اقبال_محمد

&&&&&&&&&&&

اجه يوم العرس وجهزت كلشي وحبيبتي يمامه ماعافتني ابد هيه وبراء

..

كعدت الصبح يوم الحنه الاربعاء

..

دخلت سبحت وتريكت اهلي كلهم مجتمعين وخواتي واخواني وخلاتي اجوي حضرنه الريوك وكعدنه نتريك شويه واجتي يمامه .. كملت ريوك كمت بدلت وسماء وهدى وياي .. بدلن

..

واخذنه احمد لمركز التجميل

..

اول ماستلمني تنضيف من فوك ليجوه

..

شعري ما لعبت بلونه ابد .. عفته اسود

بدن بالمكياج ولبخ .. وشعري طلبت بس تسريح وتبرمل وترفع شويه منه

..

للساعه ب1 كملني وساعدتني هدى لبست بدلتي

..

جانت ماروني ذابه نفسها من جوه ومن فوك تول وشغل بي .. الردان شيفون

..

كملن خواتي مكياج ..اجه احمد هم اخذنه

..

وصلنه للبيت كعدوني بالستقبال وملتمات عليه خالاتي وبنات عمي

..

شويه ودزلي رساله حيدر .. (حبيبتي شويه ونجي

)

كلت الهدى

..

صدك ربع ساعه واجوي دخل هو وامه وخواته

..

امه وخواته يهلهلن ويسون كولات

..

وبراء تهوس بالشيله

..

كعد يمي ويباوعلي بوكاحه وعيونه تلعب

..

جابو صينيه الكيكه كصها وكلني .. واني واكلته

..

وحناني واني خليتله شويه حنه مايقبل اخليله بالكوه خله

..

انوب طلب من اخته يطلعون ونضل بس اني وياه وهيه تصورنه .. ضلت بس براء

..

ضلت تاخذلنه صوره وهو مستقل الفرصه

..

اخذنه هواي صورت .. تالي كال يله هاهيه

..

اشويه وراحو ضلينه بس احنه بنات عمي وخواتي وبنات خالتي اخذنه صور هواي سوه ودخلو ابوي واحمد وعبدلله اخذو وياي صور باسني ابوي براسي وهدى اخذت وصوره

..

انوب طلعو اخوتي و ابوي وشغلن الدي جي وكامن يركص

..

للساعه ب 7:30 يلله طفو .. لحد ماراسي صار طبل .. رحت لغرفتي وياي هدى ساعدتني نزعت بدلتي وبدلت وفتحت شعري .. اتصل حيدر وطلعت هيه

..

جاوبته

..

حيدر هلا عمري

..

عمري هلو حبيبي

..

حيدر باجر حبيبي بحضني افيشششش ولج ممصدك باجر عرسنه

..

عسل حبيبي انته ان شاءالله باجر عرسه ونضل طول العمر سويه

..

حيدر ان شاءالله ربي يقدرني واكدر اصونج واسعدج طول العمر

..

عسل يعمري غيرك ماريد من الدنيا

..

حيدر يله حبيبي اخذي راحتج اني مسوي حفله مال حنه بيت اهلي

..

عسل اها ماشي حبيبي

..

سديته منه وطلعت غسلت ورحت للصاله ناس تحجي وناس تاكل

..

كعدت يم هدى

..

حجت خالتي ام صفاء من سليمانيه جايه

..

ام صفاء بيت رجلج مسوين حنه

..

عسل ايي خاله مسوين حنه وجوبي

..

ام صفاء مبروك يعمري عسوله تستاهلين كل الخير

..

عسل تسلمين خاله .. ابوي وين

..

سماء اول مادخل جان طالع صعد لغرفته وروحه طالعه

..

عسل ياا ليش شبي

..

هدى ضايج لان راح تتزوجين وتعوفين وجه بارد

..

عسل حبيبي والله صعب عليه فراكه

..

هدى احنه مو هم عفناهم وتعودو ع غيابنه

..

عسل لا عيني اني غير شلون اعوفهم

..

سماء ليش بويه احنه ولد البطه السوده

..

عسل لا عيوني بس اني اخر العنقود وعسوله مو شويه

..

سماء اممم

..

شويه ودخلو اخوتي جانو طالعين

..

كعدو يمي واحد منا واحد منا

..

احمد وباجر نخلص منج

..

عبدالله اييي فكه دفعه مريدي والهوى شرجي

..

عسل ياااا هيج صارت .. حجيتها وبجيت

..

احمد يااا ولج شبيج

..

عبدالله دعوفها خلي تبجي

..

عسل كومو مني والله اصيح بابا

..

احمد اله البابا ستري علينه

..

عبدالله اله الحجي خايبه هسه انتي عزيزه انوب يجحتنه بهليل

..

عسل جاا كومو

..

عبدالله ولج عوفينه كاعدين يمج هو بس اليوم يمنه

..

عسل حبيبي يوميه اجي عليكم والله

..

احمد حجي يفيدج هذه بعد دكومين تجين بالسنه حسنه مثل هدى وسماء

..

هدى احنه بكيفنه هيه يمكم ابغداد خوما احنه بايران اهنا اهنا

..

احمد وشعبالج هسه عسل هم يومين وياخذها للعماره

..

عسل لا راح يشتري بيت اهنا

..

احمد ايي احسن

..

ضلو يمي وداهروني ويشاقون

..

عبدالله يكول هسه شهر وتجينه عسل لازمه ضهرها وحامل يبوووو والزعطوطه تخلف زعطوط

..

عسل هههههههههههه لا عيني ماخلف اله اكمل الكلية

..

احمد بالقران ازين شاربي اذا ما خلفتي وجبتي قبل لا تكملين كلشي

..

عسل ياااا هههههههه

..

راحو ورحت لغرفتي اريد انام ولحكني هدى وسماء

..

كعدن يمي وينصحني ويعلمني .. صارت الساعه وحدنه واتصل حيدر .. جاوبته

..

وهنه طلعن

..

حيدر هلا عمري كاعده

..

عسل اييي حبيبي

..

حيدر شلونج حبيبتي

..

عسل اكثر يوم زينه بي

..

حيدر دومج زينه ان شاءالله

..

عسل شجاي تسوي

..

حيدر كاعد بالصاله واخواتي جاي يرتبن بالغرفه مالتنه

..

عسل اممم

..

حيدر ؤيلييييي شوكت يجي باجر

..

عسل يجي .. حيدر

..

حيدر كلبه

..

عسل هم يجي يوم وتمل مني

..

حيدر ههههههههه .. تدرين امل من روحي واهلي وماامل منج

..

عسل يعنيي ابد ابد لو شما يصير .. ماتمل وتعوفني

..

حيدر لو ع كص ركبتي ماعوفج ولج اني اموت بلايج

..

عسل اسم الله عليك .. حيدر احبك واموت بيك

..

ماتخيل حياتي بيوم من دونك

..

حيدر وانتي النفس البيه مايوم حبيت بنيه هيج انتي اول وحده تملك كلبي وعقلي وجسمي وكياني

..

ضلينه نسولف ونتغزل بعض ونشرح حبنه وشوقنه .. للساعه ب2:30 يله سديته منه اول مره اسهر هيج

..

الصبح جروني كوه من الفراش

..

غسلت وتريكت .. دخلت سبحت

..

طلعت بدلت بسرعه واخذنه عبدالله للصالون

..

استلموني تنضيف وشمع سوولي ومكياج طلعني غير وحده

..

وجهي طلع يلمع

..

سوللي وشم موقت بجتفي عسل حيدر .. وزخرفه

..

وساعدني هدى وسماء بعد ماكملن هنه هم مكياج لبست البدله

..

طلعت تخبل عليه .. هيه ضخمه ضخمه بمعني الكلمه

...

من الصدر ضيقه كلش ومن جوه ضخمه وبس تعلاكه شي شفاف .. هيه خلاعيه فاضحه ماتستر

...

كملني واتصل حيدر صوته فرحان ومنطلق

..

كال شويه واجي اخذكم علمود ناخذ صور

..

لبسن عبيهن ولبسني البرنص الابيض

..

شويه ودز رساله انزلو اني بالباب

..

ماعرف ليش لزمنتي الرجفه جان الموضوع عادي عندي وفرحانه هسه يالله حسيت اجاك الموت ياتارك الصلاة

..

حست عليه سماء

..

سماء هدي حبيبتي شبيج ترجفين

..

عسل ماعرف ولج خايفه يمااا

..

سماء لا تخافين حبيبتي لو ما تحبون بعض

..

رتبني ونزلنه دخل وياه امه هوه رفع البرنص ع وجهي وباسني براسي .. ورجع غطاني .. وشبك ايده بيدي

..

مشاني للسيارة وفتحلي الباب وصعدت يمه بالصدر

..

وامه واخواتي ليوره

..

ويسوق ولازم ايدي ابد ماهدها

..

وصلنه للمصور .. اجه فتحلي الباب ونزلني اني كلشي ماشوف مغطين وجهي كله

..

دخلونه للصاله وياي هدى وحيدر نزعتني البرنص وحيدر رتب نفسه هستوني يالله انتبهت اله حبيبي طالع يخبل

..

لابس قاط لصاصي

..

طلعو وضلينه بس اني وياه اجه يمي

..

لزم وجهي بثنين اديه منا ومنا من خدودي وبوسني براسي وبخدودي

..

حيدر الف مبروك يعمري

..

عسل ومبروك الك

..

دخلت المصوره .. وكامت تاخذلنه صور صوره اخذتها وهو واكف وراي ومدنك ويبوسني بجتفي

..

وصوره اني رافعه نفسي ابوسه بخده وهواي لقطات كلش حلو .. بعدين دخلو اخواتي وامه واخذنه صور جماعيه وصوره اني وياه وامه
واني واخواتي .. من طلع ونزعن العبي

..

كملنه وطلعنه للقاعه دخلوني من الباب الوره

..

اجتني امي وعيونها مغوركه

..

حضنتها وكوه منعت دموعي

..

دخلوني للقاعه والهلال اشتغلت عماته موجودات يهلهلن ويسون كولات اجني بوسني وباركلي .. كلهن

..

كعدوني ع الكوشه

..

اجتني يمامه حبيبتي ماعافتني ابد رغم الحسن معارض جيتها .. حضنتني وباركتلي

..

صارت ساعه ب8:10 واتصل حيدر ع براء كللها راح ندخل

..

لبسن النسوان حجاباتهن .. واني خلو البرنص ع اجتافي وشعري

ودخلو ابوي واحمد وعبدلله وحيدر واخو خطاب الجبير

..

اجمل لحظه بعمري رغم ممزوجه بالخوب والارتباك

..

تقدم بابا حضني باسني براسي

..

خله ايدي بيد حيدر وقفلها

..

ابو احمد صونها وحافظ عليها

..

حيدر لا تخاف عمي اخليها ابطن عيني والي يرشها بماي ارشه بدم .. وكف يمي بابا واخو صور النه واني وبابا وحيدر .. شويه وغطوني بالبرنص وزفونه ابوي طلع عيونه غدرته ونزلت دمعته .. طلعونه واني بالي يم بابا حبيبي شلون راح اعوفه لو بيدي افصخ ايدي من حيدر واركضله

...

كمت اشهك بالبجي

..

حيدر يفرك بيدي .. صعدني بالسياره .. واني فاقده بالبجي

..

شويه وانتبهب تحركت السياره

..

حيدر شبيج صدك جذب يمعوده سكتي

..

عسل حقك مراح تفارك اهلك مثلي

..

حيدر حبيبي اني كل اهلج منا ورايح وعد ماخليج تشتاقيلهم اجيبج عليهم دائماً

..

ضل يهدي بيه ويقنعني

..

شويه هديت .. اخوته يمشون ورانه بالسيارت ويرمون ويطبلون حيل فرحانين

..

وصلونه للفندق نزلني واجتني هدى وبراء صعدوني لغرفتنه وهو ضل بره يم اخوانه

..

دخلنه غرفه مال عراسان مزينه بالشموع والنشرات .. كعدني ع السرير ورتبن مكياجي لان خرب من .. البجي

..

وضل يهدن بيه وينصحني .. شويه وسمعت صوت هوساتهم راح يزفونه طلعن وبقيت بس اني افرك باديه

..

دقائق وانفتح الباب ودخل .. يماا اجه يغمه عليه

..

دخل وهو يضحك سد الباب وتقرب يمي لزم اديه ورفعني ... اني مدنكه ومايسمعلي نفس

..

فرك اديه وبوسهن وجه وكفه ولزم وجهي يبوسه بلهفه

..

　
وتقرب لشفايفي ويبوسني بلهفه اول مره يبوسني هيج بشفايفي .. اني عبالك اتجمدت بيده مدنكه وخانسه ..

ابتعد ويتنفس بقوه .. همس .. اخخخخ يابوست الحلال عسل مثل صاحبتها .. ابتسمت

..

رفع وجهي بايده

..

حيدر وينها بزونتي شو خانسه

..

عسل ها

..

حيدر ولج تره مراح اكلج

..

عسل هاا

..

حيدر خرب هههه حبيبي ارتاحي راح اطلب عشه واجي

..

راح واني عبالك هسه يالله تنفست

..

كعدت ع السرير كل حيل مابيه

..

كمت فتحت الجنتطه الجابتها هدى .. طلعتلي سيت النوم ابيض وحلو زين مو فاضح

..

كوه فتحت البدله نزعتها ودخلت لحمام لبست السيت وفتحت شعري ابسرعه انفتح لان تسريحه بسطه .. وخففت المكياج ..جان اسمع صوت الباب انقفل مال الغرفه .. وييييي يما لحكيلي

..

مشطت شعري وطلعت لكيته محضر الاكل ع الطبله صغيره

..

حيدر تعالي حبيبي

..

رحت كعدت يمه ع القنفه يم السرير

..

حيدر نتعشه لو تنتضريني اسبح واجيج

عسل روح اسبح انتضرك

..

حيدر ماشي عمري .. باسني كام نزع ودخل للحمام .. كمت اني رتبت وجهي الحمره طوختها لون وردي

..

رتبت شعري .. هيه مال خوف ع كولت سماء عيشو هيه لليله من العمر

..

شويه وطلع بس بالشورت اجه وكف وراي ويمشط بشعره ..ويعطر .. لف ادينه ع خصري وفرني عليه

..

حيدر تعالي نتعشه عمري

..

هزيت راسي ومشيت وياه كعدنه ناكل

..

جرني وخلاني ع رجليه ويسوي لفات يوكلني وياكل منها .. لحد ماشبعت .. بقيت اوكله اشو مايشبع .. هههه

..

اشو خله اديه جوه رجليه وشالني

..

خلاني ع السرير وتقرب

...

ووووووووووو

💑💑💑💑💑💑

صحيت نص الليل ع الالم خفيف مو كلش .. باوعتله نايم وحاضني ومخلي راسي ع ايده وايده الثانيه الافها ع خصري .. ردت اكوم للحمام حس عليه

..

تحرك

..

همس .. هاا حبيبي

..

عسل هاا عمري

..

فتح عيونه وجرني لحضنه

..

حيدر وين شارده يحلوه

..

عسل هههه ماشارده بس اريد اروح للحمام

..

حيدر خوما موجوعه

..

عسل شويه قليل

..

حيدر كومي روحي واذا موجوعه كولي اوديج للمستشفى

..

عسل لا حبيبي مايحتاج

..

كمت للحمام غسلت ورتبت شعري

..

طلعت لكيته كاعد دخل للحمام سبح .. وطلع ينشف بشعره

..

تمددت بالفراش بردانه .. باوعت ساعه ب1
اجه يمي

..

حيدر شلونج هسه

..

عسل زينه حبيبي

..

حيدر جوعانه اجيبلج اكل

..

عسل ايي شويه جوعانه اكو اكل

..

حيدر ايي حياتي بعده مااخذو

..

كام جابلي الصاج ضال منه وقوطيه ببسي من البراد

..

ضليت اكل وهو متمدد يمي واني كاعده يمه

..

كملت ولميته ورجعت تمددت يمه بس بحركتي شويه اتوجع فتحلي ايده نمت عليه وغفيت وهو يلعب بشعري

..

كعدت الصبح ع حركته وهو يسحب ايده من جو راسي

..

عسل صباح الخير حبيبي

..

رجع يمي باسني

..

حيدر صباح النور حبيبتي .. احلى صباح بعمري

..

عسل حبيبي

..

حيدر كومي غسلي علمود نتريك

..

بسته بخده ورحت للحمام سبحت فد مره

..

وطلعت صليت مال الفجر راحت عليه البارحه

..

كملت وحيدر طلع طلب ريوك

..

شويه واجه جايب صينيه الريوك

..

رحت يمه ويوكلني بيده حبيبي

..

عسل يمته نرجع

..

حيدر نخلص ريوك ونرجع

..

عسل تمام

..

ضلينه ناكل ونتسامر واحد يتغزل بالثاني ويوكلني بيده واني اوكله مرت اجمل لحظات بعمري كله

..

كملنه وكمت غسلت طلعتلي فستان ارجع بي

..

وهو بدل لمينه الغرفه وطلعنه

..

سلم المفتاح ورحنه للبيت

..

وصلنه للبيت اول مدخلنه فشخونه بالجلكيت والهلاهل مادري منين

..

دخلتني للصاله وهو راح للستقبال يم الزلم

..

اجتي امه كعدت يمي وتسئلني شلونكم .. كتلها كلشي تمام

..

شويه واجني اخواته باركلي .. واجتي زمن مرت اخو خطاب سلمت عليه وباركتلي

..

ودتني براء للغرفه كعدت ارتب بملابسي وهيه يمي

..

براء ولج صرتي مرت اخوي

..

عسل بعد وكت هسه تذكرتي ولج مو صار شهور احنه عاقدين

..

براء بس هسه صرتي مرته فعلاً

..

جاي نسولف واتصلت هدى .. حبيبتي

عسل الوووو حبيبتي

..

هدى هلاو عمري شلونج شخبارج

..

عسل بخير حبيبتي شلون اهلي بابا شلونه

..

هدى كلهم زينين بس بالنه يمج شلونج انتي

..

عسل تمام زينه

..

هدى احنه شويه ونجي حبيبي لان باجر لازم نرجع

..

عسل يااا بعد وكت ليش ترجعون هسه

..

هدى شنسوي بعد لازم نرجع

..

عسل يله ماشي ننتضركم

..

سديته منها ودخل حيدر طلعت براء

..

عسل هلا حبيبي راح يجون اهلي

..

حيدر هلا بيهم

..

اجه يمي ويشم بيه ويبوس ... وييي غفيت بيده

..

بادلته بشووق .. خليت اديه وره ركبته وكفت ع رؤس اصابعي علمود اوصله وابادله

..

ماعرف شكد مر وقت واحنه سارحين بشوقنه وحبنه .. فزيت ع صوت الباب يندك . . واني نايمه ع صدره وهو شبه غافي

..

صحت منو

..

براء اني حبي اهلج اجوي تعالي

..

عسل هسه لحظه

..

كمت بسرعه باوعلي

..

حيدر وين ..؟؟

عسل اهلي اجوي خلي اطلع

..

حيدر عوفيهم امي يمهم

..

عسل لا حبيبي شلون والله مشتاق الاهلي

..

حيدر روحي بس لا تتاخرين

..

كمت وجريت ملابسي لبست ورتبت نفسي اريد اطلع صاح وين ..؟؟؟

عسل هاا شنو .؟؟

!!

حيدر بره الغرفه شالج مايوكع من راسج

..

عسل شنو هاي حتى بالبيت البس حجاب

..

حيدر لا بس من اخواني موجودين مااقبل تفرعين كدامهم

..

عسل ماشي حبيبي

..

رجعت لبست حجاب وطلعت ركض للصاله رحت الامي حضنتها ودموعي تجري يماا حبيبي مشتاقه الها .. بعدت عنها وسلمت ع اخواتي

..

كعدن وجابت براء ضيافه

..

عسل شلونه بابا سماء

..

سماء لو تشوفينه البارحه اجه ينجلط يدخن ويحرك بروحه ويسولف اني شجاني ونطيتها هلكدها شلون انيطها وينها وين الزواج واعصابه تلفانه عبالك ماخذين روحه

..

عسل حبيبي مشتاقتله كومه ليش مااجه وياكم

..

ام احمد وين يجي اليوم من الصبح التحق .. هو واحمد

...

عسل يااا

..

هدى مسحي دموعج حبيبتي كلنه مثلج اول مره وبعدين تعودنه

...

ضلن شويه وترخصن قبل لا يكومن امي انطتني علبه مال ذهب وبيها اساور ثنين ذهب .. وهدى انتطتني ضرف هيه وسماء .. وطلعن

رجعت لغرفتي شفت حيدر طلع من الحمام لان الحمام من ضمن الغرفه هيه مثل السويت غرفه ابطن غرفه وبيها حمام .. وغرفتنه جبيره كلش

..

دخلت اني للحمام سبحت وطلعت مشطت شعري وشسورته

..

خليت مكياج خفيف .. هو متمدد ع السرير ويراقبني .. كملت ورحت يمه

..

حيدر اموت بيج وعليج

..

عسل واني ميته بيك

..

تمددت بحضنه ونمت لان نعسانه وهو يمكن هم نام .. كعدنه ع صلاة الضهر صلينه سوه وطلعنه .. رحت للصاله شفتهم جاي يصبون .. كمت وياهم اودي بالمواعين بس عمتي مارضت كالت كعدي يمه البيت مليان نسوان

..

كعدت يمها .. وتسولفي ع حياتهم وشلون جابوها وتسولف ع حيدر .. دكولي مايمد ايده ع مره ابدد لو شما تسوي بس يايمه ساعه اعصابه صح مايضرب بس يكوم يسربت ويمسلت مايعرف شيطلع من حلكه

..

اني اسمع واكول بكلبي لعد شكم رزاله راح احصل . بس احسن مايضرب ..

كعدنه نتغده واني استحي اكل ضليت شويه شويه

..

شويه واجه حيدر كال جيبي غده وتعالي للغرفه

..

كمت وكامت وياي رشا

..

رشا تعالي حبي هذه صاج ونص دجاجه اخذيها

..

خليتهن بصينيه .. وديتهن للغرفه خليتهن كدامه ع الطبلة

..

عسل ليش ماتغديت وياهم

..

حيدر ادري بيح تستحين تاكلين كدامهم واجيت اتغده وياج وحدنه

..

عسل فديت عمرك حبيبي

..

كملنه غده وشلت الصينيه وديتها للمطبخ وكفت اريد اغسلهن اجتي رشا اخذتهن مني

..

رحت اشيل بالمواعين وياهم واودي للمطبخ كملنه وعمتي كالت يمه روحي يم رجلج

..

صدك رحت للغرفه شفته كاعد يكلب بفونه تمددت يمه فتحلي ايده

...

يتبع

. . . . . .
&&&&&&&&&&&

صباح الخير والسعادة حايب

...

شما تهب نسمه شمال بليل

..!

يـــــفلانه أهب

...!

الشوگ بضلوعي رطب كلش رطب

.🌿
#اقبال_محمد