|
#العروس_والسحر__ البارت التاسع #زينب_عبد_المطلب🦋 بعد مـ غفيت حسيت احد يتلمس بيه __حسين بدون هالحركات كتلك بقيت لخاطر بابا وخررر ايدك رجعت هم حسيت احد يتلمس بيه من ضهري لحد رجليه بس هالايد ناااعمه وصغيره مو ايد حسين بس لا هذه سوالفه اعرفه __حسيييين كتلك كااافي عاد __شبيج نجمه شكووووو شصاير __شنو شبيه هو اني لو انت بطل هالحركات اني ما احب احجي وياك فرجاءا لتحجي ويايه ولطخني _شبيج نجمه مو يمج اني ومطاخج اصلا لتكذب هسه كنت تكمكش بيه بطل هالافلام دا اكولج مطخيتج اصلا اني نايم يا افلام بس دكولي انتي الي دسوين هالافلام حتى نصالح __شنو شنو اني اصالحك وليش عيني اصلا بقيت لخاطر بابا وكتلك ما اريد اكبر السالفه وبعدنه عرسان __اروح فدوه لحبيبتي بداعتي لزعلين مني وباجر السبعه مالتج تريدين يجون ويشوفونه مزاعلين ليش هيجي تريدين تحطينه بهالموقف __انت الي حطيت نفسك بهالموقف مو اني الي حطيت __والله اسف وبعد ما اعيدها ان شاء الله ربنه يموتني اذا اعيدها __لا اسم الله عليك...لك فديت الي تخاف عليه تعالي بحضني مشتاق احضنج اصالحنه اني وحسين وحضني بس احس احد بنصنه يبعدني عنه اكو شي يدفعني عن حسين مهتميت وحاولت ارجع انام وهو هم غفه حسين واني هم بس اني من يوم الي ازوجنه صح انام بس نومتي بعدها قلقه لان مكاني متغير المهم من فزيت لكيت نفسي ع حافه السرير الا شويه واوكع استغربت شوصلني لهنا اباوع ايد حسين ع حطتها من حطيت راسي عليها بس ليش اني بالحافه وشوصلني اهنا ما اعرف يجوز تحركت بنومي ممممم يجوز حاولت اقنع نفسي لان ماكو غير هالتفسير للي صار الي حاولت اغفى وبلشت افكر باجر وبشنو حسوي لحد ما غفيت ثاني يوم كعدت من الصبح وحسين بعده نايم كمت ورتبت البيت وحضرت الشغلات الحلوه الضامتها للحفله وبالنسبه للاكل متفقين من بره نجيب الاكل لان هوايه حيجون من اهلي واهله __الحلو كاعد من الصبح __يسعدلي هالصباح اي حبي كعدت احضر علمود اليوم __باباتي لتعبين نفسج الاكل من بره والبيت نظيف بقى بس الصالون وحطي ابالج اليوم محضر الج مفاجئه شنوووو كول ....انسي اتحضري يله ورانه شغل هوايه واهم شي الصالون __هو حتصل ع اهلي وراها توديني امي وبيبي اول الناس اجوي ورحت وياهم للصالون وكالمتوقع سالت بيبي بس سكتتها حتى متدخل لان فعلا هالموضوع يخصنه بس احنه اخذنه حسين للصالون اني وامي وبيبي ورحنه ورجعنه وطبعا طلعت كلش حلوه كنت محضره بدلات 7 لان امي وبيبي هيجي كالو وكل وحده لونها وموديلها شكل رجعنه للبيت واول بدله لبستها لونها كان وردي فاتح وصدرها مسدود بس الضهر مفتوح وضيقه ع طول الجسم لما كملت كل التحضيرات وصلو اهل حسين كلهم وكل اهلي وحتى هذه الي كال عليها حسين مخبله اسمها صفاء هم اجتي ومن شفتها لا عاتبتها ولا سالتها ليش ذاك اليوم هيجي كلتي لان مقتنعه بخبالها بلشت الحفله والاغاني والبنات يركصن والي تكولي الزواج لايكلج والي تكول ضعفانه اكيد من السهر والي تكول حلوه ووووووووو شبعت تغازل منهم كاعده اصفك واضحك اجتني صفاء __حبيبتي نجمه اريد مرايه اعدل مكياجي __اي حبيبتي اكو بهذه الغرفه مرايه ادخلي وشوفي __هااا لا اريد مكياج هم اميد عندجب بالغرفه __اي بغرفتي اكو فوك امشي اخذج دا اكوم صاحت اخت حسين من يمها اسمها حنين كالت لا اني اخذها انتي عيب تكومين كلت صدك عيب اعوفهم واكوم ضليت كاعده وهوه صعدن فوك بعد مصعدو بيبي اجتني __حبيبتي كومي غيري البدله هسه....تمام هسه اصعد __يله حتى اساعدج ....ميحتاج اخت حسين فوك حنين وصفاء هم يساعدون صعدت فوك بس حس ماكو الهم فتحت الباب انصدمت من المنظر الي شفته شفت الكنتور مال ملابسي مفتوح وهنه كاعدات يرشن بيه مثل التراب ويلعبن بملابسي اتخبلت هايه شنوو __انتو شدتسون __هااا مدنسوي شي حبيبتي سدوه للكنتور واني نخرست اول ما رجلي دخلت للغرفه حتى مسالت ليش مفتوح اخته ركضت كدام المرايه وصفاء كعدت ع فراشنه __الله شلون فراش مريح وشلون شرشف حلو ونظيف واخشاب الغرفه طبعاا روعه كامن وحده ترفع والثانيه تمدح واحس اكو مغامز بينهم واني بس صافنه و ملصومه صح ضجت بس مهتميت لان اكو هيجي ناس حشريه واعتبرت اخته منهم انا صفاء فمقتنعه اني هي مخبله غيرت بدلتي ونزلنه جوه وكملنه الحفله وركصنه واكلنه وضحكنه وحيل فرحت بهاللمه الحلوه بعد ما خلصت الحفله والكل راح و كعدت احجي لحسين شلون تونست __حبيبتي الحمد لله اليوم فرحتي وتونستي وهسه وقت المفاجئه __اي صح تدري نسيت سالفه مفاجئتك _كوميي حضرري ملابسنه حاخذج لاربيييل __كول والله يااااااي حبيبي هسه طياره اكوم احضرها __اي حضري من هسه باجر نطلع الصبح ومنلحك اذا متكمليها هسه كمت وحضرت الجنطه واني منا منايمه البارحه زين ومنا الحفله وركصت فكلش بيومها تعبت بحيث ذبيت روحي ع الفراش محسيت الا وحسين يصيح عليه __خررب هايه شنو ولج كوووومي نجمه __هاااا شكوو شبيك __ادري نايمه لو ميته ....شبيك حسين والله تعبانه حييييييل __اي ادري تعبانه بس مو توصلين مرحله تبولين ع نفسج __شنووو عااا لا لا مبلت لااا هذا مي اني عركانه __اي اي عركانه كومي للحمام غسلي وبدلي وتعالي دخلت للحمام غسلت وبدلت وحييل خجلانه شلون نسيت هالسالفه من اتعب انام وما احس ابول ع روحي طلعت لكيت الفراش كله متغير وحسين مبين ضايج بس يحاول يغطي ضوجته __هااا كملتي __ااي كملت الفراش شلته وهسه حنزله جوه حتى ينغسل وانتي نزلي حضري لكمه ناكلها ورانه طريق نطلع __بعد وكت ساعه 3 ونص الصبح.....نجمه ب4لازم طالعين منا يله تحضري نزل حسين الفراش واباوع عليه طلعه بالكراج واني حضرت الاكل اكلنه كم لكمه وطلعنه ب4 الصبح الطريق كله مكدر انام متحمسه حتى نوصل وهم منا خجلانه من وره الي صار الصبح ومنا خايفه اول مره اسافر من غير اهلي فكلشي جديد عندي وصلنه بحدود ال9الصبح تقريبا حجزنه بفندق كلش حلو صعدنه للغرفه كانت حييل حلوه ومنضر كدامها كله جبال وخضار كان الفيو روعه __هاا حبيبتي عجبتج الغرفه __اي حبي كلش عجبتني بس ميته تعب واريد ادخل اسبح __لازم هم بلتي ع روحج.... هههههه ولك عابتلك تره الي صار اليوم والله مكنت حاسه ع روحي ____لتكملين حبي انت معذوره والكلام الي حكوله مو قصدي اهينج بيه بس انتي بعدج صغيره واذا بدر اي غلط منج او تصرف اعرف مو قصدج وصدكي كلشي راح اعلمج اني __لا حبيبي ما ازعل واتمنى كلشي تعلمني وخصوصا هالسالفه لان حيل مخجلتني __دروحي سبحي حتى تطلعين ناكل لان حييل جعت دخلت اسبح وطلعت لابسه البرنص تمددت ع الفراش كلششش تعبانه شافني حسين متمدده اجه وتمدد يمي وحضني صح تعبانه بس كلت هسه يحضن ويوخر كالعاده خطيه بس صار شي غريب حسيت حسين تغير احاول ابعده عني ميقبل خايف لا يرجع مثل قبل بس حنانه وحضناته تغيرو لمسته الناعمه صارت مؤذيه كانو ممصدك هو ديكدر يتجاوب هو رجع طبيعي كمت اصرخ واعيط حط ايده ع حلكي وووووو .... بعد ما تم الموضوع هو ارتاح وثبت رجولته واني الالم والوجع والنزيف دمروني كمت ادفر بيه وهو يحاول يحضني بس بوجهه نضره الفرح اعرف ليش وحقه يفرح بس الالم الي بيه كرهني بيه بلحضتها بس عرف شلون يشفيني ويضحكني ويرجعني احبه ولحضنه مرت ايام كانت من احلى ايام حياتي ويه حسين بس كان سؤال دائما يساله ليش بيتنه مكدرت واهنا اكدر ففكرنه السبب هو الحاله النفسيه لا اكثر ولا اقل بقينه اسبوع وهالاسبوع باب الفندق مشفته ممصدك بروحه واني فرحانه بيه وبحبه الي وحنانه ورومانسيته باخر يوم مرجع بيه قرر يطلعني شويه ونتريك بره طلعنه وافترينه واشتريت كم شغله الي عجبتني واخذت هدايا لاهلي ولاهله ورجعنه للفندق لملمت الاغراض والملابس بالجنطه ورجعنه ع بغداد الطريق كله نايمه وتعبانه محسيت الا لما وصلنه __يلا باباتي وصلنه نزلي وصعدي فوك للغرفه كملي نومتج نزلت من السياره بعدني بالكراج احس امو شي بهالبيت يخنكني ما اريد ادخل __حسين وديني لاهلي ما اريد ادخل للبيت __حبي يا اهلج يا دوب ادخل اغسل وابدل وارتاح وانام وره الغروب ورايه دوام __معليه هسه توديني ما اريد ابقى اهنا __زين باعي بس ندخل نغير ملابسنه ونسبح وارتاح وانام وعالليل واخذج ويايه اذبج يم اهلج واروح لدوامي دخلنه بس شنو ع عمه عيني دخلت احس شي قبضلي روحي دخلت للبيت صعدت للغرفه حضرت ملابسي ودخلت سبحت وتمددت ع الجربايه شويه واجه حسين تمدد يمي واني متمدده حسيت اكو شي يرفع بيه بس شلون ما اعرف وشنو ما ادري لمسات ع احد يرفعني ويدفعني شنو السالفه يالله باوعت هم وصلت للحافه بدون ما ادري يا ربي شنو السالفه باوعت ع حسين نايم زين منو الي ديدفعني ما اعرف التعب سيطر عله ونمت اول مغمضت عيني شفت مثل العيون داخل عيوني مفتوحه وتباوع عليه فزيت وفتحت عيوني بلمح البصر مثل المراه كانت كدامي واكفه واختفت اني هنا راسن كمت اعيط __شكوو شبيج تعيطين __يمه يمه شفتهاااااا والله دتباوع عليه يمممممه لحكوني هناك واكفه مريه تخوف واكفه اهنا وانهزمت __يمعوده يا مريه وين اكو احد غيرنه بالبيت يعني انتي لو تبولين لو تشوفين انوبه مريه يوميا سالفه مطلعتلي شنو هالخبال العندج ولج من كنت علاقه وياج مكنت تكولين هالسوالف العندج _هااا لا حسين سالفه البوله صارت صدفه بس من اتعب بس المريه اول مره اشوفها يعمي معقوله كل هذا تهيألي من وره التعب رجع حسين نام واني هم رجعت انام بس هالمره محسيت احد يسحبني لا حسيته هالمره يخنكني ضليت اردد اعوذ بالله من الشيطان الرجيم وكلما اردد هالكلمه احس الخنكه تقوه اكثر واتاذيني كانو ميريدني استغفر الله ارجع اجر نفس واختل بضهر حسين كمت اخاف اكوله لان كام يستهزا بيه وميصدكني فمن خوفي احضنه وهو نايم بس هم مرتاحيت هم حسيت مثل الايد المنمله تمسكني من ضهري وتتحرك خفت وجسمي كله يرجف حس عليه حسين شبيج نجمه...حسين اندار واحضني حباب هو عباله اريد اتحارش بيه ميدري الخوف مسيطر عليه __حبيبتي نجمه مو وكت احضان اريد انام وارتاح ورايه دوام اليوم بالليل لازم اروح وخفاره يعني ورايه سهر واريد اشبع نوم __ ومنو كال ادور احضان علمود اتحارش تره بس اريدك تحضني وتنام كلشي مرايده منك __ماشي حبيبتي تعالي احضنج حضني واطمنت حتى بعد محد يكدر يمسكني وغفيت هالحجي كان الضهر نمت وحسيت صوت الاذان مال العصر فتحت عيوني شفت كدامي مريه نايمه مطيتني ضهرها شعرها مكفش لونه ابيض عبالي بيبي نفس كفشتها بس هذه لااا مو هي كلت معقوله بيبيتي لهنا لحكتني لا شيجيبها ورغم مقتنعه مو بيبي بس مكنت خايفه لان عبالي هي الكفشه كانت نفسها بهالاثناء اندارت عليه المريه باوعت عليه راسن جفلت وجها عبالك بي بياض يعني بياضها كلششش طوخ حلكها بي سواد داير مدايره و عيونها بيها بس سواد ماكو بياض نفس العيون الي شفتها لمن غمضت و اذاناتها كولش كبار مو مال بشر و ايديها بيها هوايه اصابع من ندارت عليه احس كلبي كام يرجف وكل جسمي يرجف يربي شسوي الخوف سيطر عليه احس نفسي حينقطع اطرافي بردو من الخوف واحس وجهي حراره تطلع منه وجسمي يختض من الخوف حتى اريد اعيط ماكدر مثل الاخرس احد مسكني من زردومي فكرت اذا اغمض تروح من كدامي انوبه اغمض عيوني اشوفها افتح عيوني اشوفها كمت بس ارفس بدون صوت مرعوبه اريد احد يساعدني ويوخرها من يمي احساسي بوكتها غريب لان ما عندي احد الجاه اله متعلمه اذا اخاف اروح يم بيبيتي و اركض يمها واتحامه بيها بس هسه المن اريد فكرت بهاللحظه بامي اريدها حسين زوجي مأجه بالي ابدااا شويه وحسيت احد بس يهز هز بيه انوبه من حسيت بالهز كمت اعيط مثل لمخبله وصوتي يطلع مخيف اسمع صوتي عبالك مو اني صوت خشن بسبب الخوف والرعب الي بداخلي __نجمممممه و لج شبيج شبيج تخبلتي شكوووو شبيج فهميني ع صرخت حسين كمت من الفراش واركض بالغرفه __يمممه ماا ابقى اهنا فدوه فدوه خلصني هاي لمره يمه اريد اهلي اخاف اخاف ماعرف شحجي وجسمي كله يرجف وجهي اصفر وطاكه بجي عاد اهنا راسن حضني ويواسيني حتى ابطل بجي __ لج بس فهميني بلا خبال نجمه هاي شلون بيج باباتي انتي بيج شي قبل كوليلي حبيبتي حتى اوديج طبيب صخام يفصحج اني اهنا ارجف واختض والله شفت وحده والله __استغفر الله ماشي ماشي بهالاثناء دك مبايل حسين طلعو من الدوام كلوله باجر ضهر انزل ارتاح ليوم كعدت عالجربايه اذكر لصار وارجف اخاف بزايد بس لاحضت عليه ضاج كولش طلع من لغرفه طلعت وراه اتلفت يمنه ويسره اخاف تطلعلي ومجلبه بفانيلته __ لج بابا شبيج __ لتعوفني وحدي اخاف لا اشوفها ___ابويه انتي ماكو شي،والله وتره صدكيني ماعايفج بس اريد ادخل حمام __اي ميخالف اطب وياك __لج بابا شطبين كافي عاد _حسين والله اخاف استغفر الله شبيك متصدكني __ حعوف لباب مفتوح ماشي....تمام يله روحي اوكفي يم الباب بس ادخل للتواليت مو حعملها ع روحي __هااااا لاااا خليني كدامك اباوع بس ع وجهك حباب مو اخاف ادير وجهي واشوفها __باوعي عيني باوعي اصلا راحت الب.... كام غسل ايده و وكف كدامي واني حتى عيوني ترجف واخاف ابعد نضري عنه __حضلين هيجي خايفه... ااي مو بيدي والله خاايفه __تعالي نكعد بالصاله رحنه وكعدنه وهو كعد وحطني بحضنه وحسيته ضاج عباله طفله وتدلع واني ابداا هذا مو اسلوبي مال اتلوك بحجه الخوف ففكرت شويه اهدا واصير طبيعيه شغل التلفزوين ويسالني شيعجبني اشوف بهالاثناء اتصلت امه عليه حجه وياها شويه وسده __هاا حبيبي خير خوماكو شي __لا باباتي بس اني عازمتنه ع العشه اليوم وحابه نروح نشوفها فكومي بدلي منا دوامي اتاجل لباجر ومنا ما عدنه شي نسويه __يله كايمه هم اني جايبه الهم هدايا حتى انطيهم كمت رتبت نفسي وبدلت وتمكيجت وطلعت هدايه اهله وخواته ونسوان اخوانه حتى لجهال جبت الهم هدايا حتى محد يزعل مني فكمات كلشي وطلعنه و الطريق كله ساكته وبس افكر بالمريه الي شفتها اليوم و حتى حسين من يحجي ويايه بس اجاوبه ع كد السؤال يا اي يا لا __نجمه شبيج وضعج معاجبني حتى كلامج ويايه ع حد الجواب وين لسانج والي ابد ميسكت بشنو تفكرين حبيبتي __لااا ماكو شي حبيبي وظل يسال وبس يريد يعرف شبيه لان اعرف الموضوع الي كتله عليه عباله لواكه مني واعرف بداخله بفكر انو اني زعطوطه وحتى نساه لان لو فعلا مصدكني كان سالني عليه بس اصلا مسال و رجعت سرحت بهالموضوع لان فعلا شاغل كل تفكيري كلت زين هسه وان صدوك داحلم لحلم مره وحده ويروح واحتمال يتكرر مرتين بس موصار 3الى اربع مرات يتكرر لموقف ممعقوله وحتى احس بيه حقيقه مو بس حلم يعني احس بلمسه الايد ع طول جسمي احتمال لان مستغربه المكاان الووف يابيت اهلي وسريري وحمامنه ومطبخنه وصالتنه وحديقتنه كولشي بيه مشتاقتله حتى اشتاقيت الروحي ادور على روحي اهنا بلشت احس حسين ما اتقبله احس مليت اريد ارجع كافي حتى لحديث ويا ماعرف اتناقش مرات يحجيلي امور لو شغلات بشغله او بحياته ويريد مثلا رأي مشكلتي ما اعرف ارد بس اكول اي حتى اذا فكرت اجاوب فما اعرف صعب عليه الشرح لان اسلوبي طفولي على كد عمري اعرف اناقش بس ما اعرف بمواضيع مال كبار ماعرف ولا احب اصلا احس هالشي ميخصني اني وين وهالامور وين ومن يكون هيجي ردي هو يكوم و يباوعلي بنضره انتقاد فهالشي كلش كان يضوجني المهم وصلنه لبيت اهله والسكوت بالسياره كان سيد الموقف بس الي يدخل بعقلي وبداخلي صرااع صاير من خوف ع عدم امان ع كره ع طفوله دتتنمحي وتجي بمكانها مريه دخلت لبيت اهله كعدنه وسولفنه وانطيتهم كل واحد هديته وضحكنه وشويه حسيت نفسي ارتاحيت ونسيت ام حسين بعد ما عاشرتها صح ساعات تشمر كم كلمه تغث بس بصوره عامه هي كلش حبابه وفطيره استغربت من حسين من سال امه ع خالته علمودي لان كنت متوقعه هو ماخذ الموضوع شقه او لواكه مني __اكولج يمه خابري خالتي خلي تجي اريدها __ليش يمه شتريد من خالتك __ يمه اشو نجمه بس تفز وتخاف وتحجي اشياء غريبه ما افهمها وخالتي تعرف بهالامور اني فرحت من هو طلب منها هااشي فكتلها __اي والله خاله فدوه حتى لبيت يخنكني من ادخله شو هذه من كلت هيجي باوعتلي صفح ورجعت تحجي ويه حسين __عيني استاذ حسين تره هذه كلها اسمها عياره نسوان هنه امهات منطقه ال....... يتنعوصن هوايه ويخبلن زلم عليهن لصير قشمر افتهمت وليددي اني اهنا نصدمت منها وعبالي حتتفهم وضعي بس مال اطلعني كذابه لا ما ارضاها __لاااا خاله ماسمحلج اني مو كذابه وبعمري مكذبت بهيجي شغلات عاد باوعلي حسين اهنا خنزر عليه عرفت مقبل اردها لامه حتى لو تغلط عليه وظل طول كعدتنه هو ع هالخزره الى ان كمنه حتى نرجع للبيت و ودعناهم بس امه ضلت كالبه الخلقه صعدنه بالسياره و حسين اول محرك استلمني غلط و الطريق كوله بس يحجي عليه لان جاوبت امه واني بس ابجي لان قهرني كلامه واني مغلطت امه الي سوتني كذابه فوصلت حدها ويايه اسمعه يغلط واني ساكته فصرخت عليه __كااااافي بسسسسس اسكتتتتت تره مسببنه العنب الاسود ولا كتلها شي كتلها اني ماكذب لان فعلا اني ما اكذب كافي مليييت امشي وديني لهلي امشي كرهتك لزكت بيه خوما لزكت كافي ماريدك كافي صار الي تريده وزوجنه شلون نضل هيج يعني بعد ما ارجع لاهلي كااافي بعد ما اريد ابقى وياك رجعني لاهلي اندار عليه بعد ما وكف السياره ببريك سريع ردت انضرب بالجامه . __لج شنو بابا اني مشتري ماطور لو بايسكل شنو مليتي شنو رجعني بيج شي انتي سكتي لحد يسمعج ويضحك عليج امشي نرجع للبيت باجر عندي دوام وكافي يله سدي هالموضوع ضليت ابجي لحد ما وصلنه يم لبيت احس جسمي كله رجف اريد انزل احس رجليه مثل تخدر وروحي تعصرني وبطني توجعني ضليت صافنه ع البيت فزيت ع عيطه من حسين __ نزززلي عاااد شبيج صفنتي نزلت من السياره فتحت باب البيت اول خطوه خطيتها ع الكراج حسيت وروحي ترجف ضليت بس اباوع عالكاشي وامشي اخاف ارفع راسي وبايدي ماسكه حسين بس خطواتي ثكال حس عليه حسين ندار عليه __شبيح بابا شبيج فهميني ليش اهنا تتيبسين باوعت عليه مابيه شي والله امشي يله ندخل فكرت انو اقشمره بكم حجايه حتي يفك عني وليظل معصب بس لحتى ميتركني واضل مجلبه بي لان خايفه روحي ترجف وجسمي يطكطك __حسيييييين __هااا شبيج __تره اني احبك واموت عليك وماتحمل اقهرك والعفو _ههههههههه فديت الي تكول العفووو من كتله هيجي نزل ايده عليه و شالني جان يشاورني __يا لوتيه تسوين روحج خايفه دخلتي روحج بهيج درب عليه موحافضهم لسوالفج حتى اشيلج مووو هههههه ضل يمشي بيه للباب نزلني وهو دخل للبيت قبلي حتى يشغل الاضويه واني وراه دا ادخل للبيت باول دخلتي حسيت ندفزت حيل ووكعت صرخت اااخ ندار عليه __هاا ولج شبيج حبيبتي __وكعت اجه كومني ويضحك يكول شوكعج ضليت باهته بوجه ماعرف شكوله لان حتى لو حجيت محيصدك فكومني لزمت ايده حييل اخاف احجي بس من الزم حسين ارتاح حتى للحمام خفت ادخل رغم محصوره بس خفت اروح للحمام بدلنه ملابسنه وكعدنه بالصاله نتفرج تلفزيون احس عيوني بيها شي لان اشوف احد يوكف كدامي بس بحركه سريعه يختفي رجعتلي الخوفه ونفس الوقت ما اكدر احجي اباوع ع حسين يتفرج راد يكوم كمت وراه شافني رجعت الزك بيه عرف رجعت اخاف بس محجه شي بالعكس هالمره حضني ونومني بحضنه يريد هالخوف والتوتر الي بداخلي يروح ظل يلعب بشعري وحسيت نفسي اكوله نام يمي واحضني حتى احس بالامان __مو اذا انام يمج تعرفيني ما اكعد عاقل __لا حباب حسين فدوه بس انام اريد احس بالامان ولو بس هالليله __زين نصعد لغرفتنه ع الاقل __لااا لاا اهنا ما اريد بالغرفه __كيفج امري لله بس راح تنمردين اهنا ونضايق __ميخالف اتحمل حضني وكان نص جسمه حاضني بيه والنص الثاني ع الحافه مال القنفه نمت بسرررعه محسيت الا وحسين يصرررخ عليه حتى اكعد واحس __شكوووو حباب مو نايمه __حبيبتي كوومي للحمام ويايه حتى اغسلج وابدلج __ليش شسويت اني __مسويتي شي بس بلتي ع التخم __شنووو هااا لاااا لااا مبلت __اي مبلتي عركانه بس دكومي اغسلج __ااي كايمه بس لو تنتضر شويه اغفى __نجمه كوووومي اغسلج وصعدي فوك كملي نومتج __ااي كمت باوعت لكيت مغركه القنفه وهدومه مغيرهم عرفت حتى هو متبلل من ورايه حيييل خجلت كمت ودخلت للحمام بس امشي وراه اخاف امشي كدامه دخلني وسبحني واني واكفه نص نايمه ونص صاحيه وخااايفه وخجلانه كملت سبح وبدلت وهي نشفلي شعري ومشطته وهو واكف يباوع عليه لزمته من ايده وطلعنه من الحمام دنصعد للغرفه وكفني ع الدرج وراح للصاله شال دوشك القنفه وطلعه بره وسد الباب نفس حاله فراشنه الي اخذه للغسلل ورجعه وهذا هم حياخذه هم ويرجعه اشكد استحيت لا لازم بعد ما انام محصوره صعدنه للغرفه انكمل نومتنه نام حسين واني هم نمت بس بلشت احس اكو شي مو طبيعي خلاه لحسين يغلط ويسب روحه .... يتبع ... #زينب_عبد_المطلب🦋 توقعاتكم شنو الي صار لنجمه وشنو موقف حسين منها حيظل يكذبها لو يصير شي ويصدكها وشنو الي دشوفه نجمه وهل حيروح لو حيطور هوااايه اسئله احب اسالكم لان احب اقرا ردودكم انطلقووو بارائكم بهالبارت |
#العروس_والسحر__ البارت العاشر #زينب_عبد_المطلب🦋 بديت احس احد فوكايه نايم وحضني عبالي حسين زين هو هسه نام وكام يذمر لان بلت عليه شبيه رجع يحضن بيه فتحت تك عين حتى اشوفه وتفاجئت يمه هذه العجوز فوكايه وتباوع عليه مبتسمه وشعرها الابيض لمعطب راسن عطت وصوتي طلع وع صرختي فز حسين بس هالمره من. فز كان حيييل عصب وكام يحجي ويغلط __شلون يا الله بلزعاطيط شلون يعني مناااااام. اني استاهل كل الي ديصير بيه خرب حضي استاهل وطبني الف مرض اني هذا الي ردته خلي انجب واسكتتتتتت باوعت عليه ردت احجيله الي شفته بس هو باوع عليه ومنطاني مجال __اششششششششش ولا كلمه اريييد انام انطمري بحضني ونااااامي جرني بحضنه ردت احجي وافهمه عاط بيه مره ثانيه __ داكولج اشششششششش ناااااااامي سكتت بس مكدرت اوكف من البجي اشنهك وادعي عليه لان ميصدك بيه ونفس الوقت ميخليني احجي شكد كرهته بداخلي وقتها لان اتخبل اذا اني احجي الصدك والمقابيلي يكذبني بس كمت اردد اريد ابويه هو رجع غفى واني من يحضني شوويه ارتاح واكدر انام كعدنه الصبح ب8حسيت بي يبوس بيه ويعتذر لان صرخ عليه و .... طبعا مردت اتعارك وياه لان اني اذا احد يجي يكولي الي ديصير بيه مثل الي ديصير بيه حاليا اكيد وبدون شك ما اصدك بس نفس الوقت انقهر لان ممصدكني ما اعرف شريد وليش ازعل عليه وارجع طبيعيه الصراع الي بداخلي دمرني المهم كمت ونزلت جوه اسوي ريوك حتي يذبني لاهلي ويروح هو لدوامه _حبيبتي نجمه حضري الشاي بين ما ادخل اسبح __حطيته ع النار بس يتخدر شوي واصبلك بس بشرفك خلي ادخل قبلك تدري ورايه شعر شطوله شينشفه __تمام باباتي طبيت للحمام كملت سبح ونشفت جسمي ولبست البرنص وكفت كدام المرايه جان اشوف المره ورايه واكفه العجوزه اني اهنا روحي رجفت اريد اعيط ماكدر مثل ختنك صوتي ميطلع احس واحد لازم زردومي وميخليني اعيط حسيتها تقدمت عليه و حضنتني من وره وتعصر جسمها ع جسمي مثل الي تريد ادخل جسمها بيه بديت اعيط واصرخ بس صوت ماكو ممسوع صوتي وين راح ما اعرف اتخبلت ماكو حل غير بس ادفعها بلشت ادافع وياها حتى تبعد عني هي من شافتني ادفعها نومتني ع الارض ع ضهري وفتحت حلكي كله وراها اغمى عليه محسيت باي شي ما اعرف شكد بقيت بالحمام يمكن ثواني او دقايق واني مغمى عليه بس حسيتها سنين حسيت الباب انفتحت عليه واني كمت ارافس بمكاني وراسي ينضرب بالباب وبالحايط وبارضيه الحمام احس اكو صراع بين جسمي و روحي ضد شخص ثاني يريد يدخل بينهم شخص يريد يتملك جسمي وروحي بس اني احاول ارفس وارفضه بلشت احس عظام صدري تقلصت وجسمي يتقلص واسمع كل عظمه بجسمي اطك كانو تريد تنكسر اباوع ع حسين مثل الخايف من شكلي لان فعلا كنت بوضع مخيف احس رجليه اذا احد يحطها وره ضهري هم توصل من الليونه الي حسيت بيها شالني حسين وبشيلته حسيت مو جسمي الي نرفع ولا اني حسيت كانو احد ويايه اى كانو اني بس جديده ما اعرف شنو هالشعور شلون اوصفه ما اعرف احساس غريييب كلش حسين يحجي احس صوته كانو بغرفه فاارغه وبيها صدى احس شي بداخلي اكو بس ما افهم شنو هذا ومنو...؟ __لج نجمه شبيج فهميني والله حتخبل لج شبيج ليش هيجي شكلج ليش هيجي حالتج صايره فهميني باباتي يحجي وصوته بيه صدى احس وجهه اثنين منه اباوع عليه بنضرات مو طبيعيه يباوع عليه ويقرا ايات كمت اغمض احس صوته يحركني كام وفتح القران ع قناه المجد اول مسمعت صوت القران احس صارت عيطه براسي واعصاابي حييل توترت متحملت اسمع بعد كمت شلت السندانه وشمرته ع التلفزيون بس اريد يروح هالصوت __طفيييييييه خليه يسكتتتتتتت ما اتحمل اسمعه طفييييه __لج شبيييج لتكفريني نجمه عفته وكمت اصرخ حتى يطفيه وصعدت اركض ما اعرف وين اروح حتى ما اسمع هالصوت صعدت للسطح وكعدت ع الارض وسديت اذني حتى ماسمع الصوت صعد ورايه __ لج بابا شنو هالرعونيه شنو هالحركات تره لعبت نفسي نجمه امشي يله كدامي نزلي بدلي ديجرني حيييل وغصب عني حسيت بداخلي قوه تعادل الف رجال __مااااااا اجي بالاول طفييييييي عرفت مراح يطفيه والصوت براسي كمت وهجمت عليه حتى ادفعه لان القوه الي بداخلي كلش قويه دفعت حسين دفعه خلته يندفع لباب السطح اباوع عليه اتفاجاه لان هو ضخم بالنسبه الي وطويل فاستغرب مني ما اريده يمي ولا اريد اسمع صوته اتوتر اتعصب بلحظه هالانسان كرهت حتى نفسه وريحته وشكله مااا اريد اشوفه هو تخبل اهنا وتعصب اجاني يركض وجرني بالكوه رغم اني ادفع بي واحس نفسي قويه عليه بس بداخلي اكو شي مستسلم اله نزلني للغرفه لبسني دشداشه وشالني بسرعه و حطني بالسياره واني بس اطفر واضرب كعدني بالمقعد الامامي يمه كمت اضرب الجامه حيل واعيط __ لج نجمه خررب سكتي و لج خزيتيني لج حسج العالم منا شييكولون هسه عليه خطف مرته لو كتلها فدوه بس اهدي اني ما اهتم بكلامه اضرب واصرخ لحد ما حسيت ضربني على حلكي حيييل متحملت شنو يضربني راسن هجمت ونمت عليه و خرمشته يريد يدفعني ميكدر استغرب اباوع نضراته عليه كلها خوف واستغراب _ولج انتي شصايرلج بيج شي مو قانوني ولا مفهوم منين الج هالقوه لج نجمه شبيج باوعت عليه وحطيت راسي ع الجامه وسكتت الطريق كله اباوع ع الشارع بس احس سواد كدامي اريد انام عيوني ثكال اريد بس انزل نفس حسين موترني بس ردت اوصل لاهلي بعد ما وصلنه نزلتي وهو يسحل بيه صوت القران من بعيد اسمعه بيت اهلي همه النهار كله والليل قران مشتغل من وكف السياره حسين اجه صوت القران باذني ردت انهزم ولا ادخل نزلني حسين وهو يدفع بيه بكل قوته واني ما اريد ادخل سحلني سحل لحد ما دخلت صوت القران قوي وصار عالي و واضح باوعت ع التلفزيون ركضت عليه ورفعته بكل قوتي. ولزكته بالكاع كان وكتها جهاز البلازما توه نازل وبابا هسه مشتريه من شلت التلفزيون وشمرته ارتاحيت راح الصوت وماكو قران صرخ بابا __ولج ليش كسرتيه بنت الكلب شبيج دخلتي متحلفه علينه التلفزيون شعليه ليش كسرتيه كمت اشيله واركعه هو تكسر بس خفت ليرجع يشتغل مره ثانيه اهنا كولهم هجمو عليه حتى يلزموني بس احس قوتي اني وحدي اقوى منهم كلهم كوه كعدوني ديريدون يفهمون منه لحسين اني شبيه ولك حسين شبيها نجمه ليش هذا حالها جايه متحلفه علينه شصاير فهمنه كعد حجالهم كل الامور الصارت بيه وهمه فاتحين حلوكهم شبيها نجمه يعني تعبتني نجمه لا ليلي ليل ولانهاري نهار لا بالبيت مرتاح ولا بدوامي مرتاح الليل كله تصرخ وتبجي وتريدكم وتسوي افلام شفت وحده مريه وتخووف حتى بالحمام تدخل ويايه تخاف تبقى وحده يمعودين يكرم الله حتى بول بالت عليه اكعد من النوم جسمي يحركني من البوله اي مو بزعت وروحي هو يحجي واهلي مصدومين من الي يسمعوه كام من مكانه وبلش يصرخ عليهم __هي من جانت يمكم هيج غير دكولولي هيح بيها شي ومو طبيعيه نهدت بي امي __ علئ كيفك عيني استاذ حسين بنتي كولشي مابيها اخذتها بكامل صحتها وعافيتها __اي عيني انت الي قتلت روحك عليها واخذتها كولشي مابيها انتو شسويتولها البنيه بيها شي وانتو السبب كووم ابو نجمه اتصل ع اعمامها خلي كلهم هسه يجون وانت اكعد وطلعه ماكو ولتكول دوام ورايه اليوم كلنه نعرف شبيها نجمه اتصل حسين واخذ اجازه واتصل بابا ع كل اعمامي واجوي همه ونسوانهم واولادهم لان الكل يحبني واذا الموضوع يخصني فكلها تنخبص عمي الكبير اجه وجاب وياه دكتور لان بابا طلب منه يجيبه وياه دخل الدكتور وكان رجال كبير عمره يطلع بالاربعينيات كعدوه كدامي اباوع عليه مره اخنزر لو ادنك راسي لو ابتسمله محسيت غير بس طفرت عليه وامسح بخده بلساني حركه كانت جدااا مقززه ومقرفه وما اعرف شلون كنت اسويها (طبعا هالامور مكنت كلها اذكرها بتفاصيلها بس ماما وبيبي وبابا وحسين كنت اسالهم شسويت فيحجولي واهنا تجمعت عندي كل هالمعلومات كلها ) بعد ما سويت هالحركه ويه الدكتور وهو كان ديسالني طفر عليه حسين وضربني راشدي لان هالحركه برغم قرفها لكم عيب اسويها وكدام ابن عمي الكبير وبيبي وحسين فاخذوني بالغرفه فحصوني عاد بعد هالموقف الدكتور حلل شخصيتي انو بيه انفصام بالشخصيه __انت زوجها ....اي دكتور __زوجتك مثل مكلت بيها انفصام بالشخصيه جيبوها لمستشفى ابن الرشد وهناك نسويلها تخطيط الدماغ واشعه لراسها وكذلك فحوصات __انشالله دكتور وهسه شنو الحل حاليا لان مدتنلزم وبس تكسر وتكمز __هسه حنطيكم هالمهدأ الها وتنام وترتاح راح الدكتور وانطوني مهدأ بس مفاد ويايه لانمت ولا اكل وشرب بس لازمه ايدي واعض باضافري واطلع منها دم ياله ارتاح وراها احول ع اضافر رجليه والا اشوف الدم ياله ارتاح واي احد يحاول يجوزني من هالحاله اهجم عليه واعضه لو ادفره وصارت عندي ليونه بجسمي مو طبيعيه اهلي اتخبلو من شافو هذه حالتي لزمو حسين وكلها تلومه وحملوه كل المسؤليه وهو ساكت ميعرف شيرد الدنيا انقلبت بيتنه الكل اجه حتى اهل حسين وامه وخواته يباوعون عليه ويدعولي الي كضاها يبجي عليه والي يدعيلي بالسلامه واني ولا مهتمه لثاني يوم اخذوني للمشفى دخلوني وحطولي لجنه خاصه وسولي فحوصات واشعه وتحاليل وكلشي طلع تمام وفحوصاتي كلها سليمه زين الي بيه شنو معناه فكلها كامت تصيح من اهله هذه حياله وكل الي تسويه افلام وعياره بنات مدللات اهلي متقبلو هالكلام وقروو ياخذوني لشيوخ لان مرضي مو علاجه اطباء علاجه القران والادعيه طلعوني من المشفى واخذوني بوجهي للشيخ وهناك بس ادخل يبلش عياطي وصراخي والدفر مالتي يحاولون يربطوني ومحد يكدرلي صايره عندي قوه ادفع بيها اكبر واحد شكد ما يحاولون ينيموني او يسالوني ميكدرون ياخذون مني كلمه بسبب القوه العندي وضلينه ع هالحال لحد ما اخذوني لشيخ كانت صديقه بيبي تعرفه فدزتنه عليه وكالت مضبوط رحنه عليه وكدر يربطني بعد معاناه لاتقل عن ساعه شبعو مني ادفر وعض وضرب بلش الشيخ يقرا ايات واني احس نار تشتعل بيه سال شنو اسمي جاوبته اسمي ..... طبعا ما اكول اسمي اكول اسم ثاني (مكتبت الاسم لان مثل مكلت القصه حقيقيه والشي الي مرت بيه نجمه حقيقي ومردت اذكر الاسم حتى محد يذكره ) المهم بعد ما كمت انطي الاسم ضليت بس اكوله وهو يقرا عليه واني اعيط بوجهه وارفس وانشمرر وجهي كان كلشش مخيف الى ان دخل حسين عليه حتى يطلعني متحمل ابقى اتعذب واتاذه واهلي بس يبجون ع حالي لان وضعي كلش تعب وجسمي نحل وتجي ايام اكل ما احط بحلكي ولا انام ولا اشرب فحسين كام ميتحمل يشوفني اتاذه واصرخ وابجي يطلعني واهلي يحجون عليه وهو يكول ما اتحمل اشوفها تتعذب وضليت ع هالحال 8شهور من شيخ لشيخ ومن يبلش الشيخ يسالني ع اسمي اردد اسم ...... وما اكول اسمي طلع المريه الي كنت اشوفها طلع هو هذا اسمها وكل شيخ ياخذوني اله نفس المعاناه من ربط وصراخ ودفر بس جسمي نحل حييل وتعب حيل مظل عندي طاقه اكل ما اشتهي عايشه ع المغذي ونوم قليل كلش انام وكل وقتي اكل باضافري اما حسين فتعب مني كل هالفتره اني بيت اهلي ومن شيخ لشيخ وهو ترك البيت وكله يم اهله والدوام ويمي لحد ما بلش ميجي لا يمنه ولا يروح لاهله حتى امه اجتي وسالت عبالها حسين ديقضي كل وقته يمنه بس اهلي كلولها اصلا مديجي وعبالهم عنده انذار اهنا بيبي مذكره شغله من حسين وهي مره اجه عليه وكانت رقبته عليها علامه بس محجت محبت تسوي مشاكل واني بهالوضع خصوصا باخر فتره كان من يجيني حسين كنت اطرده ما اتحمل لا اشوفه ولا اسمع صوته كان ياخذني غصب بالغرفه ويكعد يحجي __حبيبتي نجمه اني حسين حبيبج وزوجج ولج ان الي تحديت الناس كلها حتى اخذج ولج انتي بنيتي وروحي وحبيبتي نجمه معقوله متذكريني ومتريدني اعرف اني قصرت وياج من مصدكتج بس والله عبالي تشاقين حبيبتي نجمه اني حسين الي كنت اغسلج من تبولين واتكوليلي مو اني البلت هذا انت وتذبيها براسي معقوله هسه كرهتيني ومتريديني والله اذا الي دسويه انتي بس علمود اعوفج والله اعرفج واريحج مني بس اصحي انتي جوعد مني يا نجمه بعد مشوفيني بس اصحي فدوه __انت منو وشتريد مني انت ليش دائما تجيني تره من اشوفك اضوج كلش ما اعرف ليش انت بالذات اضوج من اشوفه اطلع برررره ما اريد اشوووفك اكرهك اشمئز منك تلعب نفسي منك روووح اطلع بره وكمت اسوي حركات بحلكي ما اعرف شنو معناها وليش شغلات مقرفه ومقززه اسويها بروحي هو من شافني هيجي عافني وطلع وما اعرف كم يوم غاب وما اجاه امه تسال عليه وبيبي تكول ماكو مشفناه ومحد يعرف وين يختفي ويرجع يبين وضعه مكان مريح حالتي كانت من سئ الى اسوء بيوم واني الضهر نايمه احس براسي صوت يكعدني كمت وما اعرف شبيه و وين ناويه اروح رجلي هي الي تمشيني ما اسيطر عليها واوكفها دخلت للحمام وكفت اباوع ع روحي بالمرايه طلعت المقص وقصيت شعري واقص واقص بدون توقف كانو احد دينتقم منه وصلته لحد اذني امي وبيبي دخلو للحمام يركضن ويصرخن ميكدرون يلزموني والمقص بيدي لا اروح اسوي شي بنفسي ع صراخهم بيومها حسين اجه للبيت ومن سمعهم دخل يركض شافني اقص وممهتمه هو تخبل من شافني بهالمنظر لان اعرف حسين اكثر كان يكول جذبني الج هو شعرج لان اني قصيره وشعري طوييل جوه وركي وحيل ثخين فكان اكثر شي يحبه هو ومنا شافه راااح وانقص كدامه تخبل دخل للحمام وهجم عليه وسحبه مني للمقص وضربني راشدي فر راسي فر ع ضربته مثل الاغمى عليه ونمت لان كنت مسيره وما احس بشي حسين لاخر لحظه متوقع اني مرات اتقصد بتصرفاتي وعباله شعري والي سويته بيه مجرد عناد وياه فمن نمت طلع من البيت واختفى هالمره اسبوع كامل كانت هذه اكثر مره يختفي بيها بهالاسبوع هذا حالتي تعبت واهلي ايسو من حالتي لا شيخ فاد ولا طبيب وبابا ع تعبي ومرضي وكع وصحته صارت بالنازل اني بهالفتره عبالك كبرت هوايه وعجزت وجهي من قله الاكل والشرب صار جلد وعظم وجهي صار لونه ازرگ يشبه الميت لان نوم قليل كلش واكل شبه معدوم ع المغذي. اكثر شي امي وبيبي وكل اهلي كاعدين يبجون ع حالي ويدعون واحدهم يخاف يقرا قران بصوت عاليً حتى ما اروح اهجم عليه شغلتي صارت ميؤؤس منها وكلها تكول حتموت البنيه وبعدها صغيره لحد ما فديوم وامي كاعده يمي وتبجي عليه هي وبيبي اجتي صديقه امي واصلها خبر مرضي واجتي تشوفني __عزا العزاج نهى ولج شصاير بالبنيه ليش هيجي حالها ولكم البنيه حتموت كاضيه ومنتهيه سوده عليه كانت ورده مفتحه من شفتها بالعررس ليش هيجي صاير حالها فهموني اخذتوها لو لا لدكتور لصخاام وجها عبالك ميته يالله جاوبتها بيبي وهي تبجي اي وديناها ليش خلينه دكتور او مشفى لو شيخ يعتب علينه حتى مشفى مال مخابيل اخذناها وفحصوها وكالو عقلها سليم لامخبله ولا بيها حاله نفسيه وعلاجها مو يمنه وسوينه كلشي بس ماكو فايده البنيه منتهيه حتروح منه حنموت والله اني اركض عمامها يركضون زوجها يركض وهم خلف الله ع هالرجال غيره واحد يعوفها تصرقاتها صايره مال وحده مخبله رسمي __ليش شسوي __كولي شمسوت لج عيني اكو امور متنحجي بس حنموت من خوفنه عليها منامن عليها لو بالحماام يعني العفو منج اذا تجيها الدوره متخلي مكان متوسخه. قصدا شوفي شعرها بترته بتر وزوجها طلع منا يكمز من هيجي شافها لو مره ماخذه السكين ومندري بيها ومن اجه زوجها رادت تقتله لوما الله ستر وبس ايده اتاذت تلاحكلها بسرعه عبالك تحسين احد يوجهها لان من تشوف زوجها يتاذى او يزعل تظل تضحك فرحانه __هو ردت اسال ع شعرها دا اشوفه مبتور بتر استغفر الله يربي شعجب مانتبهون الها يعني من المقص او السكينه كدامها —-والله نراقبها يس لتنسن احنه كبار ومنا ابوها التهينه وياه ومنا هي ذكيه تراوغ بطريقه عجيبه عيني حجيه شغله حفيدتكم واضحه ومبين شنو بيها كومي نهى وبطلي تبجين البنيه علاجها موجود. يم ام عباس هذه شغلتها كلش قويه وتخبل خيرتها وتكشف وتنطي بالمكان __بعد ما اصدك باحد البنيه تعبت من العلاج والشيوخ الي اخذناها عليهم _نهى. والله هذه مضبوطه ومجربه لان هوايه ناس اعرفهم راحولها وطلعو منها يحلفون بشغلها ولج حتى اسماء تنطي انتي شخصرانه اخذي بنتج وروحي الها بلكي شفاءها ع الله وعليها __هاا حجيه شتكولين نروح الها لو نكعد ونسكت __والله ما اعرف شكولج هي البنيه جربت كلشي وميفيد خلي نروح بلكي هالمره ترتاح وتتعالج __لعد باجر نتوكل ع الله وناخذها بابا من عرف هم حياخذوني بالاول رفض خوفا عليه لكن عرفت بيبي شلون تقنعه واخذوني ثاني يوم طلعت ام عباس الي يروحلها لازم يحجز مو نروح مباشرتا لان مندخل اذا بدون حجز لان متكدر باليوم تاخذ خيره لاكثر من نسوان اثنين لان تتعب واذا بلغوها الحاله مثل حالتي متاخذ اي احد غيري فصديقه امي من كلنالها حنروح متصله وحاجزه النه وكالت ع باجر موعدنه ورحنه دخلنه الها وشافتني اول مكعدت صاحت __اعوذ بالله من غضب الله اعوذ بالله من غضب الله سلام قول من رب رحييييم لبنيه بيها جن ومسحوره و مدفون الها هالبنيه علاجها عد واحد بس وهو الي يشافيها بعد ربنه سبحانه وتعالى اخذوها و تودوها الكربلاء تربطوها بالامام العباس هناك علاجها مو يمي __زين فدوه متعرفين منو الي سوالها لان كالو حتى الاسم اطلعيه __حجيه اني اكدر اكوللكم منو لمسويلها بس يصير مشاكل وتوكع براسي بس كل الي اكدر اكوله الكم لمسويلها هالعمل نسوان 2من اهل زوجها ومو بس هيجي راح تكشفون شي سر مضموم وباذن الله بعد ما تصير زينه هالسر حيكسرها اكثر من مرضها هذا وهلبنيه حتبقى مشلوعه قلب طول عمرها وهسه كومو وتحضرو و وجهكم للامام العباس عليه السلام لان البنيه اذا بقت ع هالوضع منا لاسبوع اذا مو اقل تروح منكم لان مسيطيرين عليها تماما __فدوه لقلبك والله ينطيج ويغنيج واذا بنتي تشافت وطابت هديتج يمي __تسلميلي هديتي اني هالورده تشفى وترجع صحتها زينه وذاك الوقت اعتبريها وصلت __الف رحمه ع والديج طلعنه واتصلو ع حسين حتى باجر من الصبح يطلعون لكربلاء لثاني يوم من الصبح بعد اذان الفجر الكل كعد وتحضرو للروحه حسين من الليل اجه وبات يمنه ونام بالصاله حتى هو الي ياخذنه بدلولي والكل تحضر ومن دنطلع الي سمعته من اهلي كلولي انتي وكفتي بم الباب متقبلين تطلعين اكو شي ياذيج جوه بس تطلعين تصيحين اذا اطلع هسه اشتعل من جوه نااررر لزمني حسين وكتفني حيل وصعدني بالسياره الجام كلها انسدت وقفل كل باب بالسياره بس حتى لا اطفر وافتحها شبعت بيومها دفرات من بيبي لان اريد انزل اخر شي سويته من وكفنه يم السيطره واصرخ بعلو صوتي الحكولييي هذوله خاطفيني احس احد بداخلي يحجيني من صرخت بهالطريقه السيطره وكفت السياره ع صفحه وعبالهم فعلا مخطوفه حسين راسن طلع اوراقه والباج مالته والهويه مالتي ومالته ومال اهلي __عيني هذه زوجتي ومريضه وحالتها تعبانه ومتعرف شتحجي تفضل شوف هويتي وهويتها وهذه هويه اهلها وتكدر تتاكد _ نعتذر سيدي بس تدري هالوكت كله خطف وانت تعرف الاجراءات بعد __صحيح عاشت ايدكم اذا كل سيطره هيجي مركزه ومهتمه لكل سياره تمشي ولكل كلمه تطلع من الركاب وتاخذها بعين الاعتبار فاكيد ميصير اي تقصير لا منه ولا منهم __مشكور سيدي تفضل الطريق مفتوح طلعنه كملنه الطريق وباج حسين كلش سهل عليه تكمله الطريق لحد ما وصل لكراج التمار اهنا بلشت المعاناه واني لازكه بالسياره ما اقبل انزل بكل قوته يسحبني وافلت منه وارجع بالسياره لحد ما امي دخلت جوه تدفع بيه داخل السياره وهو من بره يسحب بيه .. اول مطلعت من السياره ركضت بكل قوتي انهزمت منه وهو واهلي يركضون ورايه عالم عبالهم مخبله وناس عبالهم مخطوفه وووو وبالاخير اتعب واوكع لان بنيتي ضعيفه يرجع يلزمني وياخذني وع هالحال نص ساعه ياله كدر يوصل للحضره من ورايه من وصلنه كان وقت الضهر واذن الاذان من سمعت صوت الاذان احس احد يضربني بكل قوته ع وجهي واغطي وجهي منه واخاف اسمع واعيط حتى يسكت التمو الناس عليه بالحضره وكم كيم وكف وكف حسين وشرحلهم حالتي اني اهنا جسمي كله يرجف واسمع صوت وحده تكولي ولج انهزمي لتبقين اهنا راح يضربوج وياذوج واحس هي تحجي ومثل واحد بالحزام يضرب بيه بالرغم محد طاخني .. كمت اصرخ اكوللها انتي وخريهم انتي اني ما اكدر تعبت من الركض اباوع عليهم كلها تباوع عليه واحس مثل الي ناوين ياكلوني كلوله لحسين هذه شغلته واضحه ومبين شبيها جيبووهاااا وكلها ورايه تردد اللهم صل على محمد وال محمد يتبع ... #زينب_عبد_المطلب وقفت البارت لهنا حتى اشرح حاله نجمه بعد ما اخذوها للحضره ببارت كامل والبارت الجاي حيكون جداا مؤثر ومتعب لنجمه |
#العروس_والسحر__ البارت الحادي عشر #زينب_عبد_المطلب🦋 كمت اصرخ اكوللها انتي وخريهم انتي اني ما اكدر تعبت من الركض اباوع عليهم كلها تباوع عليه واحس مثل الي ناوين ياكلوني الواكفين كلوله لحسين هذه شغلته واضحه ومبين شبيها جيبووهاااا وكلها ورايه تردد اللهم صل على محمد وال محمد اخذوني وربطوني بالحبل بالحضره جوه واني ارفس جوه ايدهم مثل الطلي حسين صار جسد بدون روح من يباوع عليه وصافن اباوع ع الوجوه كلها تبجي كمت اعيط واصرررخ باعلى صوتي لج خلصيني ما اكدر انهزم منهم خلصيني ...... بس انتي تكدريلهم ضليت اصيح باسمها وهي اسمعها تكولي انهزمي لتبقين اهنا الم فضيع احس بيه عذاب ميونصف احس بجسمي كان واحد هسه احس شي دينفصل عنه ويرجع يدخل بيه مثل ما حسيت بالحمام من عصرت روحها بيها هسه احس تطلع وترجع واني اركع روحي وارجعها تسحبني الها وترجع تتركني صرااااع جسدي وروحي صار بيه خلصوووني فدوه حتى لو اموووت بس خلصوني من هالعذاب تعبت بعد ما اتحمل .... امي وبيبي يبجون ويصرخون يريدون يفتحوني من الحبل الي مربوطه بيه صار العصر واني ع هالحال مربوطه وارافس اريد اطلع بدو يقرون قران وصوت القاري ياذيني نااار تمشي ع كل جسمي من اسمع القران احسها جووه تصارعني واني ما اكدرلها لابيه اخليها تتطلع لان اتاذه ولا بيه ابقيها لان دمرتني بيبي تصرخ يالعباااااس يا ابو راس الحار اني علويه سنيه وطابه دخيله عندك كلشي ما اريد منك بس شافيلي حفيدتي لخاطر ابوها المسكين حيموت دخيلك كومها لخاطر شبابها امي فقدت بالحضره وكامت تصرخ وهي تشوفني مثل المصروعه كدامها لاول مره كانت امي لهالدرجه ضعيفه يالعبااااس بنتي حترروح مني وشفاءها يمك هالبنيه طلبناها منك وانت تعرف ابوها شكد كان يتمنى اضفر طفل وتالي اجتنه هالبنيه يالعباس هذه وحيدتي وما عندي غيرها ترضاها وحيدتي تروح مني ترضاها اخسرها وما اعرف دواها علاجها يمك لتقصر يالعبااااس اذا بنتي مطابت بعد لا ازورك ولا اعتب حضرتك يخوووو زينب احضرنه بداعه زينب المسبيه المضلومه بخدر زينب احضرنه ولتقصرون ويه بنيتي فدوه لاهل البيت لتقصرون يررربي ساعدنه وساعد بنيتي يارب البنيه حيصير سنه متدري بروحها ياربي اخذ من صحتي وعافيتي وانطيها البنيه كانت ورده مفتحه حتروح منه ذبلانه مزركه النسوان التموو ع امي وعليه و وكفو يم راسي والي كعدو بصفي وكلها تدعيلي والي وكفت تبجي والي تتحسب ع الي سوو بيه هيجي اني من بعد هاللحظه فقدت وبعد محسيت ع شي مثل الواحد اتبنج ورحت بغيبوبه نمت وبنومي شفت نفسي اني كاعده بمكان واااسع وحدي وبهالمكان مابيه شي غير بس قبر ردت اكوم مكدرت لان مربوطه بالقبر بزنجيل من رقبتي مديت راسي اشوف بشنو مربوطه لان كان مفتوح كدامي و ممسدود ولا عليه تراب تقدمت اشوف داخله بس حذر لان اخاف لا اوكع جوه بعدني مشايفه شي بس تقدمت سمعت صوت انداريت شفت من بعيد حصان ابيض جاي عليه وصاعد بيه شخص ممبين وجهه ولا ملامحه زين حاولت ااشوفه مكدرت بالرغم من قرب يمي بس وجهه مواضح بس منورر بس كان حيييل طوويل وضخم من اريد اباوع عليه ارفع راسي ليفوك حتى اكدر اشوفه وحصانه هم كبير كلششش وما ادري شلون حامله وصل و وكف يمي ونزل من الحصان واول منزل لزم الزنجيل حتى يبعده عن رقبتي بس من يبعده كان ينعصر اكثر واكثر عليه ع رقبتي ويخنكني حسيت دا اختنك بالرغم اني نايمه ومحاسه ع الواقع لكن الحلم كانو حقيقي واحس بكل نفس اتنفسه من اغمى عليه اني كنت بحضن امي وبيبي وبحضنهك ديشوفوني شلون مختنكه و مثل الي دتطلع روحي وكل النسوان واكفات ويشاهدن عبالهم روحي دتطلع لان فعلا كلما يريد يبعد الزنجيل عني كلما عبالك اختنك اكثر وع اخرر انفاس الي انفتح الزنجيل بس من كنت بهالوضع واني اختنك امي وبيبي يصرخن يالعباس وينك احضررنه البنيه حتروح منه يا الله يا الله يا محمد يا عالم يا ناس بنتنه حتروووووح منه لحكونه حتمووت نجمه يا ابوو فاضل مو دزوني عليك بعد الله تشافوها كاعده بحضرتك احضرنه يا ابوووو فااضل وهنه يصرخن اني رجعت اتنفس طبيعي راحت مني الخنكه من شافوني رجعت اتنفس طبيعي ارتاحن بس بقو يبجون ع حالي لان بعدني مصاحيه بعد ما فتحلي الزنجيل الكان خانكني اجه تقرب عليه وكف يمي وان اشهك وهو وكف ويضغط ع بطني كان بايده يضغط وايده كلش كبيره كانو تعادل جسمي كله وهو يضغط ويكول يا الله المشافي يا محمد ويضغط ع بطني يا الله انت الشافي المعافي ويضغط ع بطني واخر ضربه ضربها ع بطني كانت اقوى ضربه صرخت بيها بكل قوتي ويه الصرخه طلع من حلكي و خشمي تقيأ كان لونه اخضر ريحته كانت كلششش مطيبه وضليت وبدون توقف اتقيا بحيث الزوليه الي جوانه مال الحضره اتوسخت كلها بالتقيا مالتي وحده من النسوان كامت تصرخ يمه شوفو هذه شدتطلع من حلكها انتبهو عليه متقيا حتى عكركه وحشرات ولعبان نفس واني بس ارجف نسوان يصيحن حتموت ونسوان ترد لا متموت زوعته للسحر الله ليوفقها الي سحرتلها وامي وبيبي مثل المشلولات من الصدمه واني اتقيا بدون توقف ما اعرف وين كان بالرغم ما اكل تعبت حييل ودبيت روحي ع وجلين بيبي حسيت بخفيه عبالك الي ذبيته كان نايم ع جسمي كله مو بس بمعدتي وذبيته احس الصوت البراسي راح صح راسي بعده ثقيل بس الصوت والزن رااح كنت اشوف مغوش لا هسه اشوف واضح رغم الصداع الي عندي غيمه كانت بيني وبين المقابيلي من اهلي والناس احسها راحت بس شخيرر يطلع من النفس مالتي ما اكدر اسيطر عليه ما اعرف كانو راكضه مسافه طويله بدون توقف صاحو ع النسوان حتى ياخذوني ويغسلولي ويبدلولي لان بعد ما اتقيات كل ملابسي وحتى شعري صار بيه وضليت بس اشخر واتنفس بسرعه امي وبيبي ع هالمنظر مالتي يبجوون ويصرخون وانهارو يالعباااااس مقصرت يالعبااااس يا ابو راس الحاار يا اخو زينب مقصرت هذه بنتي جبتها الك بعد ما عجزو كل الدكاتره والشيوخ اني ردتها من الله ومنك رجعها الي هذه عيونه اني وابوها اذا راحت منه عيونه تنفكس يخو زينب المضلومه احلفك. بخدر زينب متردنه وترجعلنه نجمه مثل قبل وبعد مترجع تتمرض وتوكع النسوان يبجون ع امي وبيبي وهنه ساعه يدعن وساعه يبجون حسين كاعد يبجي ويدعي عيونه مورمات من البجي وهو كاعد ويسمع الناس الي يكول بنيه جوه مسحوره والي يكول حتموت والي يكول الله لينطي لاهلها زوجها وهي طفله مزوجه ومسحوره وينها وين السحر والزواج ظل يلوم بروحه ع كل الي صار كاعد ومنتضر يشوفها بره لمح ناس هوايه طالعه ونسوان والزلم كلها تصيح اللهم صل علو محمد وال محمد دخيلك يالعباس مقصرت طفر مثل المخبل عليهم اخذ نجمه حضنهاحييل حبيبتي شمعه بيتي بنيتي وبنيتي من حضني وهو يبجي اني بعدني بس اريد استفرغ وضليت اتقيا عليه هو نزع قميصه ويمسح بيه واني ملابسي وملابسه كلها انترست والريحه كانت كلش مقرفه شالني ويصرخ عليهم __وين الحمامااااات بسرعه __تعالي خوويه ورانه شيلها وتعال اخذوني جوه للحمامات غسلولي وامي مشتريتلي ملابس جديده وبدلولي حسيت مو بس ملابسي تغيرت حسيت نفسي صرت خفيفه ونظيفه وراسي كان حييل يوجعني ودايخه اول مكملت كتلهم __ اريد انام نعسانه كلش __يمه بنيتي نعسانه من عيوني هسه اخذج واخليج تشبعين نوم بس سمعينه صوتج كوليلي جوعانه تريدين شي رفعت راسي شفت حسين واكف كدامي وعيونه مورمه من البجي استغربت من شفته محسيت اتجاهه باي لهفه ما اعرف ليش __كتلكم اريد اناااام فدوه كلشي ماا اريد __اي حبيبتي ادللي هسه نحجز فندق ونامي وشبعي نوم وحده من النسوان الي غسلولي صاحت __لااااخلوها بالحضره تنام احسن بحضره الامام تنام احسن من الفندق بيبي ايدتها الرأي انو انام بالحضره مقبلت احد يشيلني اريد امشي لان النحول العندي اريده يروح والمعنى الاصح مكنت اريد حسين يشيلني فكتلهم اني امشي دخلت الحضره النسوان كلها تمسح بملابسي وتبوس بيه وتتحمدلي ع السلامه احس نفسي كنت مسافره ورجعت الهم اذكر نفسي كانو كنت محبوسه بشي مقيدني وهسه تحررت كعدت ع الارض يم بيبي ونمت ع رجلها وتغطيت وحتى وجهي غطيته ما اعرف من شنو مهزومه من الظلام الي كنت بيه لو من حسين الي تركته بره يبجي ومقبلت حتى يمسكني لو من الي جاي والمجهول الي منتضرني بداخل هالضوضاء والصراع الي بداخلي صحيت ع صوت القران الكريم الي كنت مشتاقه اسمعه ضلت بيبي تقرا واني اسمع احس سكون بداخلي صار وجروحي هدأت ونفسي طابت بس دموعي كامت لحالها تنزل واشهك وابجي لحد ما غفيت غفوه احس نفسي صار سنه منايمه حسين ظل بره ينتضرني لان قسم النساء وحد عن الرجال وممنوع يدخل وامي راحت للسوك حتى تجيبلي كم شغله ضليت نايمه بحدود الساعتين فزيت ع صوت الاذان مال المغرب رفعت راسي كلها كامت حتى تصلي وامي وبيبي منتضريني اكعد __ها حبيبتي شبعتي نوم __هااا اي بس بعدني نعسانه __تروحين للبيت حتى ترتاحين هناك ونامي هم بالطريق __اي اريد اروح لان تعبانه هوايه بس بالاول ازور وراها نروح __تمام وانشالله المره الثانيه اجي وازور الامام واجيب ويايه ضحيه ع سلامتج حبيبتي __انشالله يله امشو __ يله امشي خطيه حسين هم بره دينتضرنه ما اعرف ليش من كالت اسمه ضجت طلعنه وشفناه عيوني ابد ما احطها بعينه وصلنه لكراج السياره ومقبلت اكعد يمه كتلها بيبي كعدي انتي اني حكعد وره حتى اخذلي غفه وكل قصدي كان اتهرب من حسين ما اعرف ليش بداخلي اريد مثل الي احطله حد ويايه اعرف هذا زوجي وما اله دخل بلي صار بيه بس اني من النوع الي عندي طنكوره ومن اقفل ع شي ما اريده كمت احسه حاله حال اي شخص غريب يمكن لان مصدكني مااا اعرف مااااا اعرف .... فكعدت وره يم امي وهو كل شوي يعدل بالجامه ويباوع عليه واني اتهرب من نضراته وطل طول الطريق هيجي واني اخذ غفه وافتح عيوني والكاه يباوع عليه كلش ضجت احس احد ديراقبني نزلت راسي ونمت ع رجليها لامي غفييت ومحسيت لحد ما سمعت صوت بيبي وهي تكول وصلنه فتحت عيوني ممصدكه بيتنه كدامي وبابا حبيبي جوه يا الله شكد مشتاقتله كسر صفنتي صوت حسين __حمدلله ع سلامتج حبيبتي __بيبي عفيه اريد اشوف بابا حس اني مرايدته واحاول اتهرب منه دخلنه جوه و وصلني اترخص من الكل وراح من شفته راح ركضت ع حضن بابا كان حيل تعبان حبيبي بابا اشتاقيتلك __حبيبتي بنيتي الغاليه نضر عيوني ممصدك انتي كدامي والله خفت مترجعيلي بعد بس اعرف الامام العباس ميردني خايب _بابا مصدك شكد مشتاقتلك ومشتاقه للبيت ولحياتي وياكم وغرفتي حتى الزبيب من ايدك اشتاقيتله __ربي ليحرمني منك انتي الهوه الي اتنفسه __ااي عيني تغازلو كدامي واني واكفه حايط انصيص مووو ولك مو اني امك عمرك مكتلي هالكلام الحلووو __يمه هذه بنيتي وقطعه مني افديها بروحي شلون ما اكول الها هالكلام __ربي ليحرمكم من بعض يله حبيبتي نجمه كوومي نزعي وبدلي ملابسج وارتاحي __اي والله اويد اول شي ادخل اسبح وراها اكعد وياكم وتسولفولي كل الي صار لان مردت اسال من رجعنه بالطريق __تمام روحي واي شي تحتاجين بس صيحي علينه واحنه نجي عليج صعدت فوك لغرفتي حتى اخذ ملابس اذكرت كل ملابسي هناك بذاك البيت بس اهنا مبقيه بجامتين ودشداشه حتى من اجي ابات يمهم بأي وقت يكون عندي شي البسه من اذكرت البيت الثاني انقبضت روحي احس بداخلي مثل الضياع هناك واهنا الكاها لنفسي احس هذا بيتي وذاك سجني اذكرت اول ايام من كنت اشوف اشياء واختنك واكول لحسين ميصدكني يعني اذا الزوج ميصدك زوجته لعد منو يصدكها بوقت وكعتها وشدتها ضليت بس اسمع منه عباره انتي كذابه وكل هذا الي دتسويه لواكه ودلع زين هسه ياله صدكتني يحسين من راحت ايام واشهر من حياتي اوووف القهر الي بقلبي لو احجي بيه دهر ميخلص واني بالعمر وهالكثر همومي وتاليتي شنو مااااا اعرف اخذتلي دشاشه ورحت الحمام اسمع بابا يضحك ويه بيبي لان رجعت شكد لعد كنت قاهرتهم بمرضي دخلت وانصدمت بشي مكنت شايفته ولا منتبهتله __لاااااااا لااااااااا هااايه شنووووو عفيه لااااا ماما بابا بيبي وينكم __يمه اسم الله شبيج احجي _يمه شعري وينه فدوه شوفو شعري مااكو يمه شعري منو كصه الي __حبيبتي يرجع يطول فدوه الج بس لتبجين __شلووون ما ابجي شوفوني حالي حال الكرعه ما اتحمل اشوف نفسي بالمرايه انتو شلون دشوفوني فهموووني منو كصه ليش هيجي شعري عفيه وفحطت من البجي وكعدت بالارض ابجي واضرب ع راسي __نجمه يمه بس اوكفي وسمعيني انتي كصيتيه او بالاصح الي كانت مسيطره عليج هي الي خلتج تكصيه اعرف انتي تحبين شعرج ومستحيل تفكرين يوم تقصيه بس الله ليوفقهم كانو مسلطيها عليج حتى تخرب شكلك وحياتج وبيتج وزوجج ولو ما احنه نلحك عليج كان الله اعلم شسوين بعد بروحج اصلا كان بعد اقصر بس هالفتره شويه طول.. —شقصدج __حبيبتي انتي كنتي بعالم ثاني متحسين بشي جسد بدون روح مسويلج عمل وهالعمل مسيطر عليج وكمتي تسوين شغلات وسخه ومقرفه __اني مستحيل انتو شدتكولون لا عفيه اني شمسويه بنفسي وين جسمي ليش صاير هيجي ذبلان وضعيف وجهي جلد وعظم احس روحي ممسوحه مسح __لان كنتي متاكلين عايشه بس ع المغذي كوومي حبيبتي سبحي وكملي سبح ونكعد نحجيلج بس منريدج تتاذين ولتنسين ربنه خلصج ونجاج منهم ومن سحرهم سبحت ودموعي عشره عشره تنزل حطيت الشامبو ع راسي مااكو شعر وين كان قبل اقسمه قسمين من اغيله هلكد ما طويل وثخين وهسه ماااكو صحت بيبي تغسلي شعري بسرعه حتى اطلع لان ما اتحمل امسكه وهو بالقصر طلعت وكلت لبيبي وامي وبابا يحجولي كل الي صار وكعدت وياهم وحجلو كل الي صار والي سويته بيهم وبحسين وحتى الي سويته ويه الدكتور والساده والشيوخ واخيرر الي صار بالحضره فعلا الي صار بيه ماساه بحقي وحق اهلي والسبب هو من وره سحر من منو وليش ما اعرف ؟حياتي انلعب بيها من اناس همهم يخربوها بس يجي يوم واعرف سلمتهم بيد الله والعباس يطلعولي حوبتي بيهم —————————— بعد ما عرفت كلشي امي وبيبي وبابا حاولو يواسوني واني ما اعرف شنو مصير حياتي الجايه الخوفه الي بداخلي انولدت وكبرت ما اعتقد يجي يوم وتروح مني كاعدين واندكت الباب وشفت زوجه عمي الكبير اجتنه خطيه اول مشافتني طشت عليه جكليت وتهلهل وتركص وراها الكل اجاه الي كان ناذر يذبح والي ناذر يروح مشي للكاظم ووووووو كل شخص بعائلتي ناذر علمودي صدك هذوله اهلي وعزوتي كلها تبجي ع سلامتي الي يشوفني كاعده يدخل يركض ويحضني ممصدكين كاعده كدامهم بعد ما الكل اجه وتحمدلي ع السلامه كلامي كان وياهم ع كد السلام لان كلش احس نفسي تعبانه لليل من راحو صعدت انام بعدني منايمه وسمعت الباب تندك __ادخل...حبيبتي نمتي لا بيبي بعدني خير اكو شي __لا ماكو شي بس باجر حنروح نضف بيتج لان تعرفين صار هوايه متروك وممنظف وحسين مكان يبات بيه هوايه كضاها اكثر شي بيت اهله وكل اغراضج ذبهم حتى ملابسج البيت فرغه كله وحروح انظفه حتى من نجهزه منظف __بيبي فدوه لجيبين طاريه ماريده عفيه شنو لزك بيه ماحبه ماواطنه ولا اكدر اتقبله بعد __يمعيني نجمه تره الرجال ابن الاوادم لمره متخسره بالعكس المره تحويه وتحافظ عليه وحسين مهما يكون الي سواه او الي شفتيه منه تره هو وكف وياج وتحملج ومبزع ولا مل يوميه ماخذج يم طبيب شكل و وين منكول يكول ميخالف غيره واحد يكول مشوها براسي وهي مريضه ومحد كال فيا حبيبتي يا بنيتي ستهدي بالرحمن وهذا نصيبج بالحياه وهذه قسمتج منكدر انكوله طلكها وانتي بعدج صغيره مو حمل لسان الناس فسمعي كلامي وباجر الصبح خلي مرت عمج تاخذج للصالون تسوين شعرج تعدلين روحج وتسويلج شعرج وترتبه و تحفين وجهج دشوفي شواربج اطول من شوارب ابوج والرجال يباوع ع هالخلقه زين منهزم هههه __لا بيبي لتقلدين عليه هههه اي غير كنت مريضه وبالنسبه لحسين صح بالاخير ياله صدكني من كنت اشوف واحس بخوف يكولي هذه لواكه منج __اي حبيبني صح لان منو يصدك احد ساحرلج وهسه والحمد لله من تعافيتي ورجعتيلنه وهسه سمعي الكلام ونامي وباجر حتى تروحين وتترتبين _تمام بيبي ان شاء الله كعدت افكر بكلامها صح هو تحملني واخذني و وداني بس لو مصدكني من البدايه مكان صار كل هذا كل الي صار بيه بسببه اووف شسوي ما اعرف شلون حواجهه يارب الهمني الصبر .... لثاني يوم كعدت واجتي عليه زوجه عمي اخذتني للصالون كالت اريدو شغله حلو رحت وياها ورتبولي شعري وصبغته وخصلته ثلجي ومرت عمي كالت حطي تاتو مؤقت وسويت تنطيف بشره وجسم وكلشي شفت روحي بالمرايه طالعه مو اني كلش حبيت النيو لوك الجديد رجعنه ع البيت بيبي ماكو رايحه هي وزوجه عمي الثانيه وعمتي وامي رايحين ومنضفين البيت كله وحسين مشتري اغراض كاامله للبيت وكلشي شامره حتى غرفه نوم جديده جايب لان القديمه لاكين بيها مثل التمثال صغير لونه اسود ومحوطته خرز صفره الخرز صايره ع شكل انسان ماشيه ويه التمثال ولكو وره الكنتور ورق ملزوك مكتوب بيه المرض والجنون والفساد حسين واهلي من شافو هالشغلات انصدمو واتاكدو من اهل حسين الي مسويلي سحر وحسين كان شاك بكلشي بس هسه اتاكد كملو ترتيب البيت واني كاعده ويه بابا انتضرهم يرجعون لل11 بالليل ياله اجوي كانو ميتين من التعب انتي كنت محضره الهم العشى لان اعرف حيجون جوعانين اتفاجئت حسين كان راجع وياهم واول مشفته لا اراديا ابتسمت ما اعرف ليش هالمره من شفته مضجت __سلام شلونك عمي...هلا بحسين تعال ادخل __لا والله يا عمي كول روح لان ميت تعب وخطيه اليوم بيبي وعمتي ومرت عمي هم مقصرو ويايه بالبيت تعبتهم __لا وليدي لتكول هيجي هذا بيتك وبيت نجمه اذا الكم منتعب المن نتعب المهم بنتي تحسنت الحمد لله وهذا عندي كلش كافي __الحمد لله واني هم اجيت حتى اخذها لمريتي بعد ما اعوفها يمكم اشتاقيتلها بيبي__اي حبيبي ليش لا تاخذها هي ام البيت وشمعته __هااا لا خليها ع باجر ما اروح اليوم __ولج يا باجر مو ابويه احترك اليوم وتالي تكولين باجر الكل ضحك ع حسين ديشوفوه شلون متلهف علمودي كعدنه تعشينه وضحكه منا وابتسامه منا كتلهم يله اليوم ارجع للبيت هو سمع اني حرجع وياه كام يركص بنص الصاله خزاني كدامهم وهمه يضحكون ودعتهم ورحت وياه الطريق كله ساكته احس بخجل ممزوج بخوف اما حسين فكان حييل فرحان ومشغل اغنيه كاظم (هل عندك شك ) [ينبغي أن يكون هناك gif أو فيديو هنا. قم بتحديث التطبيق الآن لتشاهد المحتوى.] ويباوع عليه ويغمزلي اضحك عليه اول مره اشوفه بهالفرحه هذه وصلنه للبيت نزلت من السياره جان حسين يوكفني عبالي صاير شي وصل يمي شالني ويشم بيه واضحك عليه دخلني جوه اول مدخلت محسيته بيتي ولا حسيت بخنكه بيه ولا انقبضت روحي بالعكس حسيت كانو بيت جديد ومريح واول مره ادخله دخل حسين وفتح كل الاضويه مال البيت ريحته كانت تخبل وصوت القران يريح القلب فعلا حسيته بيتي هالمره مو مثل قبل من اول مدخلتله انقبضت روحي اباوع ع الاثاث كان كلش راقي وجديد ..حبيت اروح للمطبخ بس وكفني حضن حسين من حضني انداريت عليه شفت عيونه كلها دموع حضني حيل ويبحي __ادري بيج متحبيني واحتمال بس تعودتي عليه بس والله احبج وروحي بيج لتضنين يوم اعشق او احب غيرج تره غيابج عني اذاني هوايه ادمرت بغيابج نجمه البيت بلياج مينعاش بيه والله دنيتي بلياج متسوه انتي السكون والهدوء لعالمي انتي ورده حديقتي انتي شمعه بيتي انتي تاج راسي انتي الي تكمليني وعديني مجمه متعرفيني ابدااا اسمعه ودموعي تنزل بهيجي مواقف مستحيل اعرف احجي بس ابجي بس كلمه وحده كدرت انطقها من كتله اوعدك ....... شالني وصعدني للغرفه __هاا حبي عجبتج ...صراحتا احلى من القديمه __لجيبين طاري اي شي قديم كعدت ع السرير اباوع واذكر ايامي اهنا سحبني حسين وحضني حيييل ويشم بيه __اووف يريحتج ترد روحي متدرين شكد مشتاقلها ومشتاق لسوالفج ولج حتى من تنكعين الفراش واكعدج اغسلج هم اشتاقيتلها __شنو قصدك ....قصدي شسوين سوي اني قااابل بيج مثل ما انتي __بس ما انسى من كنت اكولك حسين شفت شي وحسيت بشي وانت مكنت تصدكني __نجمه بهذه حقج ومتعرفين شكد ندمت لان مكنت اصدكج بس والله الشغله مكانت بيدي يعني اني ما امن بهالسوالف لذلك عبالي تدلعين عليه وهسه اريدج تغلقين هالموضوع ومتفكرين بيه بعد ومن اليوم اعتبري هذه اول ليله النه بهالبيت ونبلش من اليوم حياتنه الجديده... بعدما سمعت كلام حسين قنعني ونفس الوقت ما انيه من مصدكني لان مهما يكون الزوج لازم يصدك بمرته ولهالسبب بقى بداخلي شي عليه ومكدرت امحيه تركته للوقت هو الي ينسي اكبر جرح نمنه وحضني ونام هو هم كان فعلا مشتاقلي ومتركني ابد حضني ونام كاني اوكسجينه ويتنفسه ......... رجعت ايامي طبيعيه وحلوه وماكو مشاكل ولا احلام ولا اي شي بعد اسبوعين .... اتصلت بيبي عليه انو باجر من الصبح نطلع نزور لكربلاءحتى توفي نذرها وطلعنه كلنه من اهلي واهل حسين اخذنه سيارتين كبار وطلنه كلنه سوه وكل عائله جابت شي وياها حتى كلنه نلتم ونتغدى سوى اول موصلنه بيبي كالت اشتري ثور لان نذرته لنجمه من تصير زينه حسين//اني هم نذرت من تتحسن اذبحلها وحاخذ وياج واحد هم حگ سلامتها اباوع شلون فرحانين ع سلامتي لمحت امه مثل الضايجه ودردم لان حسين اشترالي ذبيحه عود بس بيبيتها تاخذ انت شكوو عبالي بس اني سمعتها طلعت بيبي هم سامعتها لان مسكتت الها __هذه الذبيحه حگ حفيدتي نجمه ع سلامتها من العمل والسحر الي سوه الها وربي ودخيل العبااس عسى كلمن سوالها او اله دخل بالموضوع او يدري وساكت كووون متفوته وسلمته بيد الله وبيد العباس ابو فاضل مثل ما كامت حفيدتي بالسلامه يطلع حقها وعن قريب الكل كان يسمع كلام بيبي ويدعي وياها اعرف اني احتركت قلوبهم عليه واعرف بيمن شاكين واني هم شاكه بس محبيت اتهم احد دعيت بالحضره اذا اي احد اعرفه اله دخل بلي صار بيه تطلع حوبتي بيه لان اني مماذيه احد ولا دايسه ع طرف احد اليوم كان كلش حلو بلمه اهلي واهله احس صار سنين مفاركه اهلي اباوع ع وجوه واحد واحد بيهم واحمد ربي واشكره ع بابا من شفته رجعت صحته وهو كدامي يضحك رجعنه بالليل بعد ما كملنه زياره وافترينه بالسوك واشترينه هوايه شغلات فعلا طلعه من العمر رجعت لبيتي واني مقرره هذه بدايه لحياه جديده الي نمت بحضن حسين واحس بداخلي طاقه ايجابيه كبيره وما اعرف بشنو حبدي __حسيين نمت __ممممم لااا بعدني ..اكولك ع شعله كوولي....اريد ارجع ادوام تدري هالسنه مداومت من وره مرضي __مو يدلل الحلو اداومين وتكملين دراسه مثل مطلب عمي وهاا تدريسج عليه حتى احضر زبيب من هسه __هههههه لااا عابتلك لتصير مثل بابا __اروح فدوه لهااضحكه هذه شو تعالي سمعيني بعد وبلش يدغدني واني فطست من الضحك وهنااك ورن مبايل حسين __ياساترر شكو ومنو بهالليل...اي دشوفه منو __هذه حنين اختي يا ساتر شصاير __الوووو شبيج شكوووو ولج لتبجين بس فهميني ..لااااا الله اكبر وانتي هسه وين ..وجهالج صار بيهم شي .. اي الحمد لله المهم انتو ..دكافي تبجين واني باجر من الصبح يمكم طبعا اني بس اسمع هيجي مثل الالغاز بس اريده يسده ويفهمني __شكووو شصاير __خطيه حنين بيتها كله محترك صاير بيه التماس بالكهرباء __ليش هي مو بيت عيالها _لا مو اشترت بيت جديد خطيه متنهت بيه تكول ذهبي وفلوسي وكلشي راح ملحكو يطلعون منه شي وخطيه بنتها الكبيره هم محتركه بس ملحكين عليها ومطلعيها وهسه الحمد لله احسن __مممم وانت شنو رايك...شقصدج __مقصدي شي بس يمهل ولا يهمل تصبح ع خير...عفته ونمت. حسيت بداخلي انتصار بس ما اريد اشمت ونفس الوقت حسيت هالشي ديثبتلي اخته واهله الهم دخل بموضوع السحر الي دمر حياتي وعزلني عن اهلي وناسي سنه كامله عرفو اهلي بلي صار بأخت حسين وهم كالو اتاكدنه منه اهله بس ربنه حيكشف الحقيقه بعدين ونعرف ليش هيجي سوو .... شو لا اذيتهم ولا واصله الهم حتى من ازوجت راسن كعدت بيت وحدي لو كاعده وياهم كان شنو سوو يمه يمكن كان قتلوني مو بس يسحرولي حتى حسين من راح لاخته يم اهلها مرحت وياه بحجه الدراسه لان فعلا رجعت ادرس وحسين هو ملتزم بتدريسي ويشجعني حتى انجح اسلوبه ويه الناس ملتزم وعصبي ونظامي بشكل اما ويايه يختلف تماما يعاملني كبنته يخاف عليه من الهوى من يشوفني ما اشتهي اكل يكعد يوكلني مثل الجهال حتى افتح حلكي واكل وهذه هي حياتي الي بلشت من جديد مع اهلي وزوجي وكلت حتجيني ايام حلوووه وسعيده وحسين ما دام شفته وعشت وياه هالفتره وكان كلش زين ويخاف عليه من الهوه الطاير فليش ما انطيه فرصه جديده حتى فعلا تكون بدايه جديده لحياتنه ومرووو شهرين ..... يتبع ... #زينب_عبد_المطلب بارت طويل لعينكم حتى تتفاعلون وتصوتون اكثر الكل يمكن حيفكر انو نجمه بلشت حياه حلوه وجديده لكن لكل بدايه جديده اكو بيها امور محد كان متوقعها تصير ونجمه عبالها بدايتها بلشت لكن ..... تابعوو وكل بارت حيكون بيه موقف يصدمكم من حياه نجمه |
#العروس_والسحر__ البارت الثاني عشر #زينب_عبد_المطلب🦋 بعد مرور شهرين __لج نجمه ميلام ابوج من يوكلج زبيب وجوز ولج عقل اكو براسج لو شنوو لج الف مره اشرح الدرس ليش متستوعبين __اي شسوي اذا انت طريقتك ممفهومه اتصعب عليه الماده اكثر من ما تسهلها __هاااااا صار الصوج بيه هسه مووو تمام حشوفلج مدرسه هي تستلمج واريد اشوف حجتج شنو بعد لج بزعتيني والله وابوج اكوله ع غباءج يكولي شفت بعد لا ويريدج تتخرجين كليه دطلعي الثالث وربج كريم —رجاءاا لتستهزء كلمن واستيعابه شوفلي مدرسه ادرسني ولا منيتك -اعرف وحده بس اسال اذا عدها مجال وتاخذج __وانت منين تعرفها __هاا مو هي ادرس جهال اخويه الكبير __تمام شوفلياها واروحلها شوف ساعه شكد صارت اخرتني ع الغده وفد شويه تكول جوعان __اي والله من هسه جوعان وانتي نفسج بالاكل تخبل تدرين نجمه اني مماكل بس من ايد امي واي احد اذا طبخ ما ا اكذب عليج اكل من اكله بس ما استلذ بيه بس انما انتي يبووووو حتى امي كسرتي عليها بنفسج الطيبه __صراحتا هو اذا فد اكله تريدها وما اعرفلها اتصل ع امك هي تعلمني _فدوه للي تتعلم دتعالي اعلمج درس وراج امتحان __كااافي حسين بشرفك اريد اكمل شغل __دتعالي وداعتج الشغل ميخلص ووووووو؟؟؟؟ ————————————————� � بعد ما حسين اتفق ويه مدرسه ادرسني وهي وافقت عدها كان ساعتي شاغره باليوم فاخذتني بيها كانت طريقتها بالتدريس كلش مفهومه وتوصل الماده وادخلها براسي ومن تكمل ترجع اسمعلي بس مره من كملت الدرس سالتني سؤال غريب __حبيبتي نجمه ممكن اسالج سؤال خارج نطاق الدرس __اي تفضلي ست __انتي صغيره بعدج شلون صار زواجج وشعجب اهلج انطوج وشلون اتاقلمتي وانتي بهالعمر ع بيت ورجال _لا ست بالعكس الموضوع مو بهالصعوبه يعني محسيتها فد معجزه وبعدين حسين هو الي غصب اهلي حتى ياخذني وجبرهم ولو ما اصراره مينطوني __اهااا الله سعدكم كملت درس ورجعت للبيت استغربت من سؤالها ليش سالت هالاسئله اي طبعا تسال هالسؤال هذا اذا بعدني بهالعمر ومزوجه و احد اكبر من ب12سنه طبعا يقتلها الفضول __هاا حبي الحلو وين صافن __ولا شي ولا شي هاا جوعان..لا انام ومن اكعد اتغدى ساعه وكعديني ااوف يعني تسالني ع حياتي شجاوبها بدل ما ارجع للبيت والكاه امي وبيبي وبابا منتضريني وتساللني امي جوعانه لو لا اصعد اتصل ع صديقاتي اسولف واضحك بس كل هذا رراح طبخ وتنطيف للبيت والرجال والتزم بطلباته وحقوقه هذه هي حياتي هسه مستحيل اخلي احد يعطف عليه فوك ما اني صغيره ما اريد يكولون خطيه متعذبه او وينها وين الزواج مستحيل اتقبل نضره شفقه من احد بخصوص هالموضوع مكافي عليه بالمدرسه البنات الي بكدي يخافن يلعبن ويايه لان مزوجه عبالك بيه جرب اووف كلما اريد انسى هالموضوع يصير شي يذكرني اااخ المن الوم ...لا والله محد الومه الوم نفسي لان اني السبب وانطيته مجال وصار الي صار كوومي نجمه كملي شغلج احسن ورايه مراجعه واكعد اقرا من كامت تاخذني هالمدرسه حسيت مستوايه صار احسن بس موضوع اسالتها بلش يزعجني كلما اروح يمها تستلني ع زواجي وحسين لحد ما يوم فاجئتني بكلامها __شلونه تعامل زوجج وياج نجمه __مو كتلج زين الحمد لله انتي ليش دائما تساليني عليه كتلج الف مره حياتي سعيده وياه __اي زين لعد روحي لزوجج حسين يالسعيده بحياتج كوليله يحترم نفسه بعد ويايه وتره هو ميحبج لو يحجبج ميباوع ع غيرج ويكول زعطوطه كاعده وتكذبين وتكولين مرتاحه وسعيده و هو وراج يشكي منج يالقشمر يله امشي طلعي وبعد لتجين اهنا لان ما احترم البنات الي مثلج ومثل زوجج الكذاب هي تحجي واني فاتحه حلكي __اااانتي شلون تحجين ويايه بهالطريقه وانتي وحده كذابه __هههه اني كذابه زين تحبين اكولج البارحه من رجعتي من يمي وهوًكان بالبيت اكولج بوقتها متغدى وكلج ريد اصعد انام مووو...؟ هههه حبيبتي صعد يحجي ويايه وانتي جوه تشتغلين وتدرين شيكول؟ يكولي لا تعرف تنظف ولا تعرف حتى تسوي اكل ويشكي منج وانتي تكولين عايشه بسعاده وبوجهج كل ملامح التعاسه بعد الي سمعته متحملت ابقى طلعت ومنتضرته لحسين واخذت تكسي واتصلت عليه وبوجهي لاهلي __الووووو حسين اني رايحه لاهلي هناك تعال. لتسالني اي شي الحكنييييي هنااااك مكنت متحمله منه اي كلمه بس ردت اوصل واشوفه __اختي محتاجه مساعده...لا اخي بس امشي بسرعه فدوه وصلت لبيت اهلي نزلت اركض اول مدخلت نزعت الجبه والحجاب وبس اصررخ __وينكم تعالووووو اريد الكل يشهد ويكون موجود قبل ميجي __يمه اسم الله شكووو شبيج ولج رجعت خبالاتج _اي اليوم اني تخبلت ورجعت مخبله اتصلي ع اعمامي اريدهم هسه يجون __ولج احجي شكوووو..... كتلج اتصلييييي لو احرك روحي وابليكم والله ماكو 10دقايق وكل اعمامي وعمتي وحسين بالبيت __انتو هسه كلكم موجودين وصحتكم حتى كدامكم يصير الكلام __حسين المدرسه الي وديتني يمها منين تعرفها __هذه مدرسه مال جهال اخويه الكبير...بسسسسسسس __اي بس ليش شسمعتي.... والله الي سمعته يخرري انت شلون مسوي علاقه وياها وتكول عليه زعطوطه وتكوللها متعرف كلشي تسوي وممخلي كلمه مو زينه مكايلها عليه ولك ملكيت غير هالمدوسه تصادقها بس انت واحد بدون اخلاق اني هنا احجي واعمامي واهلي كلها صفنت علينه حسين وجهه ينطي اللوان واني نااار ومشتعله __شبيج نجمه هههه يمعودين حضرونه تره هذه مخبله وفهمت الموضوع غلط شبيج ولج بس مره حجيت وياها علمودج حتى ادرسج زين وتساعدج لان تعرفين انتي استيعابج بطئ فحتى متركج كلت خلي اسايسها يمه من سمعت هالكلمه كمت اكمز زايد وهو يضحك انداريت ع اهلي واعمامي كلها كامت تضحك وياه __ااي شبيج نجمه هم صدك انتي ام الزبيب لو غيرج فوك ما يسايسها علمودج تزعلين من شفت كلهم صارو بصفه وهو لوتي من ينحصر بهيجي سالفه يقلبها ضحك حتى يطلع منها كمت و وكفت ع القنفه لان اني زقجه قصيره وهمه كلهم طوال فبيه هذه العاده من اتعارك او اصرخ اصعد ع اي شي يمي طبله قنفه كرسي حتى اصير اطول الكل __هااا فريت الموضوع ع اهلي مو. تريد تقشمرهم مثل متقشمرني امشي اطلع بررررره اني كرهتك من سوالفك كرهتك بعد ما اتحملك لا عبالك اني ما اعرف كلشي تره حتى بنت الجيران الي تتحارش بيها هم اعرف بهالموضوع رووح اطلع مو حياتي ماريدك بعد كافي لزكت كافي يابشر افهم ماااااااا اريدك حتي روحي كرهت وياك هالعيشه كرهت كلشي بحياتي فرضت عليه الحجاب واني تدري محابته هسه اذا افكر البسه فبرضاتي مو جبر منك وانت مسوي نفسك خايف عليه وانت تباوع ع بنات العالم فرضت عليه هوايه امور وتشوفني اسويها تره والله مووووووو برضاتي كللش تشوفني اسويه تره غصب عني لان اخااف منك مو لان احبك اطلع من حياتي اطلللللع جنت احجي وابجي وفعلا احس دارتاح من احجي اول مره اطلع الي بداخلي حتى من يوم الي تحسنت من السحر مكدرت احجي وياه بهالطريقه وسكتت حسين واكف يسمعني ومصدوم هو وكل الواكفين __هذا هو نجمه صار يابه صار ادللي كال هالكلمتين وطلع وكلها اندارت عليه و وكفو ضدي __لج شنوو هالكلام عموو ميصير هذا زوجج عيب هيجي تحجين وياه بابا راح ركض وراح ويصيح —ابني امسحها بوجهي هذه زعطوطه متعرف تحجي.. __لا عمي شمسحها بوجهك وهذا راسك ابوسه انت محشوم واني اصلا الاعتذر ع اي شي بدر مني __بابا عوفه لحد يركض وراه تره لوتي ويلعب عليكم ويسوي نفسه نبي تره لان انحصر هيجي يسوي خووش درب بحجه تساعدني بالتدريس يسولف وياها وانتو شلون تقبلون ما اعرف شلون تصدكون بيه اكبر كذااب عباله ما اعرف سوالفه تره اعرفها كلش زين حسيين كمت اكمز ع القنفه والطمم..ماااا اريده بعدددد __لج سكتي فضحتينه هالطول وكل البله بيج كعدي وسكتي عيب منا اعمامج وابوج احترميهم شيكولون هسه معرفت اربيج __يمه سكتي اخاطر الله انت كلشي متدرين ومتعرفين شمسوي هذا اعمامي طلعو يدخلون حسن لان خجلو من وره كلامي وصراخي عليه __ادخل حسين وليدي واليوم ميكون خاطرك الا طيب __اي ميكون خاطره الا طيب لعد واني وكرامتي شنو عدكم ...جاوبووووني __يا كرامه التحجين عنها كومي بوسي زوجج واعتذري منه نجمه بين الزوجين ماكو كرامه اني ابن عمج سمعي كلامي ونزلي __ماا اروحله ولا اعتذر ابن عمي ع راسي انت بس هو الي محترمني __نجمه الموضوع ميسوه وكلنه نعرف حب حسين الج واذا غلط انادبه بس مو بهالطريقه مالتج __ انتوووو معليكم ماصالحه والله لكم هذااا لوتي هااا حسيين فريت لموضوع عليه موووو ولك اني حافضتك خليتني اني لغلطانه كدامهم ونسيتهم سالفتك وصرت انت ابو الراهي اهنا ابن عمي متحمل علو صوتي وعنادي و كمز عليه يريد يضربني __لج انت الا بالضرب ياله تمشين عدل احترمناج وميفيد وياج كمز حسين ... __لاااا رجاءاا بدون محد يلمسها هسه ما اريد هي لصالحني تعاي وينه راسج اني اصالحج جر راسي ديبوسه دفعته __وخرر اكرهك لتلمسني ولطخني _ملازم ولا يهمج لتصالحتي حبيبتي الاب__عيني لتزعل منها والله انت ذهب __اي بعد طلع اخلاقك الحميده كدامهم محد يعرفك بس اني __لا عمي ما ازعل شنو جاهل اني وازعل من طفله وتركوها شنو تحجي براحتها اني قابل المهم هي ترتاح اباوع عليه شو مسوي روحه نبي كدامه واهلي مقصرو وين ما التفت تجيني غمه منهم ويكولون امداج اذا تخسرين هيجي واحد مثل حسين لعبتي بيه لعب وصوته مرفعه عليج بله شجاوبهم ..نزلت من القنفه حتى اروح لغرفتي لان مستحيل ارجع وياه __وييين نجمه تعالي باباتي يله اليوم ترجعين ويه زوجج وكافي زعل تجين خطار هلا بيج بس ما استقبلج زعلانه اذا انتي غلطانه بحق حسين __لا عمي لتضغط عليها اتركها ترتاح اليوم يمكم واني باجر اجي اخذها __لاااااا كلت تروح اليوم يعني تروووح يله امشي ويه زوجج مكافي لعب جهال __باوعت ع بابا اول مره اضوج وازعل منه معقوله كرامتي بالنسبه اله ولا شي يعني اجيت واكوله هيجي مسوي ومحد وكف ويايه وتالي يريدني ارجع وياه اول مره بعد زواجي احس هالبيت مو بيتي بعد بدون اي كلام وحتى مسلمت ولا ودعت اي احد طلعت قبله وكعدت بالسياره ودموووعي تنزل ركضت بيبي ورايه ملتفتت حتى عليها __نجمه حبيبتي لزعلين من ابوج يريد مصلحتج محبيت اردها ولا اجاوب سكوتي كان اكبر جواب لزعلي منهم بعدت عن جامه السياره واني بطرف عيوني اباوع عليها انكسر قلبي لان معزه بيبي تختلف عن الكل بس زعلي كان كلش قوي منهم كلهم اجه حسين وسلم ع بيبي وصعد حرك السياره وحركها بسرعه وضلينه ساكتين اثنينه مثل ميكولون الصمت كان سيد الموقف حسيت سكوته اكو شي وراه لان عصبيته كانت واضحه بسياقته وصلنه للبيت نزلت قبله حتى اصعد واقفل الباب بعدني بس كملت الكراج وفتحت الباب ودخلت للصاله حسيت احد لزمني من ايدي من وره انداريت عليه لواها الايدي ومسكها حييل وخزرني عيوونه كانت حمرره نار __باعي لج ثقي بربح بعد لو نحترك بهالبيت متطلع حجايه منا والله احركج لج باعي اذا تجاوزين بعد عليه لو تعلين صوتج اندمج والله فهمتي لو لاااااااا ولج اني تهينيتي كدام اهلج كلهم وربي لوما كاعدين لا الزمج من شعرج واسحلج سحللل بس احترمت ابوج وسكتت لخاطره كلامي مفهووووووم لو لااااااا جااااوبي __ااااي .....اااي شنووووو شجاوبيني....ااي مفهووم يله امشي ولي من جهرتي يله بقت بس المزعطه عليه بيومها صدك كرهت نفسي واهلي وحسين وحياتي اتمنيت اخلص من كل الي اني بيه اول مره بحياتي انهان بهالطريقه وارجع للي هاني والي يرجعني اهلي مع الاسف حسين كان مو هو عصبيته وصراخه وطريقه كلامه واوامره ويايه يعني فوك غلطه ويايه هيجي يسوي بيه كلش انقهرت عمري كله مراح انسه هالموقف ولا حنسى شكله وشلون صاك اسنانه ويصرخ عليه اول مره هيجي اخاف منه .. حسين __ولج اذا ماجيت وكسرت راسج شلوووون هيجي تحجين ويه مرتي هااااااا هذه الي حجيتي عليها هذه تاااج راسج فهمتي لووو لااا هذه مرتي وام بيتي وانتي خلگ وحده سا..... بس مو صوجج صوجي اني الي احترمت هيجي وحده مثلج وخليت زوجتي تجي تدرس يمج والله اذا بعد اتصلتي او اسمع طاري اسمي او اسم مرتي اجي لبيتكم واسوي كاع وانتي تعرفين حسين من يحجي ينفذ لو لااا يله ولييييي صعدت الغرفه سمعته يحجي بس معرفت ويامن طزز ولا يهمني صوته كان عالي حتى اخاف اروح اسمع اليوم فيوزاته طااكه فاحترم نفسي واروح انام ..... ______________________________________ بعد اسبووع علاقتي ويه حسين بهالاسبوع مثل الاغراب يدخل للبيت الاكل الي اسويه مياكل منه ونوم بالغرفه مينام كله ينام بالصاله ولا كلمه يحجي ويايه اذا يفوت من يمي حتى خطواته تهز الكاع هز احسه لو بيده يلزمني ويمردني مرد الحاجه الي ياخذها من يرجعها لمكانها يشمرها حيييل يعني اذا حاجه تجي براسي تفشخني مليت من هالحاله ممنوع اشكي وممنوع اكول لاي احد الي دنمر بيه لان اذا عرف اعرف مصيري شنو خصوصا بعد ما حذرني حتى دوامي مو هو الي يوديني اخذلي سايق كبير بالعمر هو ياخذني ويرجعني ارجع للبيت شنو الكاه كدامي اكله واذا ماكو اكل اسويلي بطاطا وفوكاها كجب ومايونيز اصعد اقرا شوي وانزل اتفرج تلفزيون وراها اصعد وانام هذه كانت حياتي خلال اسبوع صح احس نفسي ارتاحيت منه بس تغص بكلبي معاملته ويايه وبروده تعودت عليه ماحبه بس تعودت على حنانه لان بحنانه ممحسيني انو هو زوجي لااا كانما بابا من يعاملني تعودت ادلل عليه بطلباتي تعودت من انام يبوسني من راسي وايدي ويكول انتي لملكه مالتي اميرتي لو اذا اصيح باسمه يضربني يكول لصيحيلي حسين اني بابا ميقبل اكول اسمه حتى بعلاقتنه كامراه ورجل يعرف شلون يعاملني ويخليني ما اكرهه رغم كرهي لهالسالفه وخوفي منها تعودت عليه يعرف شلون يخليني اريده وبنفس الوكت جان كولش حريص ومراقبني بكولشي دائما يكول لخطوه لتخطيها اعرفها ديري بالج تحوصين منا او منا كل هالامور اذكرتها كانما كعدت اراجع نفسي بتصرفاته ويايه كعدت اذكر حنيته وايجابياته كلها رغم سلبياته الي اكرها وهي الخيااااااانه الي كانت مضيعه كلشي حلوو بيه بس رجعت واذكرت كل هالامور الحلوه بيه يعني بهالاسبوع صار عندي فراغ كبير منا اهلي ماحجي وياهم ومنا هو ميحجي ويايه ضجت ما اعرف شسوي ماكو غير بس اكعد واسكت لان حتى اذا حاولت اصالح اذكر سالفه المدرسه وارجع اضوج —————- بعد يومين حسيت بطني حييل توجعني توقعت الدوره حتجيني لان هي من تجي اعراضها وجع البطن بقى الالم مستمر نص نهار بس كلشي ماكو صفنت يااااااا صخام الصخمج نجمه انتي شلووون ناسيه هالشغله اذكرت صار شهرين ماكو بس لا حامل وعود اني الي اكوله لحسين بعدني صغيره مو مال جهال وبعدني ادرس وطلع يمشيني ع كد عقلي ويشتغل ع الي يريده وعكس الي اكوله واني مثل الثوله كلشي ما افتهم بس هالشغله حتفيدني بسالفه حتخلي حجه احجي بيها ويه حسين وبس يجي اكوله وبعد انتظار ساعه ع اعصابي اجه __اتاخرت اليوم.... مو احجي وياك ليش مترد عليه......شتريدين خيرج لازم احد شكالج مني __لا محد شكى منك كاعد عاقل هالايام... تعال وين رايح ....شرايده نجمه اريد ارتاح __اريد توديني للمختبر...ارتاح وراها اخذج __تمام حنتضرك للمغرب ورحنه للمختبر لبست عبايه اسلاميه واني قصيره امشي واتعثر بيها وهو يبتسم ويضحك عليه وصلنه للمختبر __مساء الخير.... تفضلي بنتي __اريد اسوي تحليل حمل .....تفضلي كعدي لحد ميجيج السره __تعالي نجمه يا تحليل حمل مكتيلي بالبيت تحليل حمل جااوبي مو احجي وياج ضليت ساكته وما ارد باوعت عليه صفح منتضره السره مالتي __نجمه صباح يله السره الج....دخلت انطيت دم ورجعت كعدت منتضره النتيجه اطول نص ساعه كانت بحياتي حسين يحجي ويسال واني خايفه لا صدك اطلع حامل يعني معقوله طفله تربي طفل هو اني لحد الان اذا ما ادخل للحمام قبل ما انام اعملها بفراشي لااااا النوبه طفل واربيه واحفضه وارضعه يمه الله ليكولها ان شاء الله ماكو شي __نجمه ليش مكلتيلي يعني معقوله شاكه بروحج حامل ومكلتيلي ليش هيجي _من تحجي ويايه ذاك الوكت اكلك وبعدين منو كال حامل مجرد اجيت حتى اتاكد لا اكثر ولا اقل .... —هسه مبقى شي ونتاكد متدرين شكد متحمس وفرحان معقوله اصير اب يا الله ممصدك باوعت عليه بطرف عيني يعني فرحان وممصدك واني اتمنى اطلع غلطانه معقوله مشاعري لهالدرجه معاقه وحتى ما اتمنى ان اكون ام ...اووف __نجمه صباح... نعم _تعالي اخذي نتيجه التحليل كمت ورجليه كووه تشيلني عبالك ماخذيني للاعدام ومنا العبايه اطول مني اخطب خطوه واعثر بالثانيه مسكني حسين من ايدي ورحنه اخذته التحليل مقبلت افتحه __شبيج يمعوده انطيني اشوف شطلع __انتضر دقايق بس اريد استوعب قبل ما افتحه __نجمه شنو تستوعبين هو وحده من الاثنين لو حامل لو لا انطيني اني اكولج __هااك شوفه بس مباشرتا كول لو اي لو لا مو تعكسها بملامح وجهك __اتكول عبالك داخلين حرب انطيني حبابه يله انطيته وعيوني ع عيونه لو تنزل ع شفايفه اريد اشوف اي رده فعل من وجهه حتى اعرف النتيجه رفع راسه وبنظره منه عرفت النتيجه وكلشششششش ...... يتبع ... #زينب_عبد_المطلب اكييد كلكم تعلمتو ع اسلوبي بقفل نهايه البارت بموقف لان احب اتركم تنطوني توقعاتكم فشنو تتوقعون نجمه ح اامل لو لاااا..؟ اصواتكم حبايبي 😘وانتظروني بالليل مع بارت جديد |
#العروس_والسحر__ البارت الثالث عشر #زينب_عبد_المطلب🦋 من نظره عيونه عرفت النتيجه عيونه تضحك والابتسامه الي بوجهه حتشك حلكه وجهه صاار احمررر من الفرحه واني احس بوري وانضرب ع راسي يعني اني من طبعي اكره الاطفال ومنا مدرستي ودراستي ومنا ما ادبرها لااا مستحيل لاااا __حسين هسسسه اروح اذبه ما اريده ماااا اريده __لج شذبين صدك تحجين واني ممصدك انتي حامل ولج حصير اب لطفل منج وتكولين اذبه __مااااا اريده كتلك __اشششش نصي صوتج منا العالم تعااي ويايه.....وييين __امشي وسكتي طلعنه من المختبر صعدنه بمعماره للاطباء دخل لعياده نسائيه صايره لحم من وره النسوان دخل متحلف عبالك ع السكرتيره __اريد حجز اليوم __اي بس اكو كدامكم هوايه __مو مشكله هااج 25ودخلينه وره الفاتت __ااي مو تدلل الكشفيه 25 غير الي هذه ال25وانطيني اسم المريضه __نجمه صباح وهذه الكشفيه __عيني نجمه كعدي اهنا انتي وره المريضه من تطلع انتي وراها صاحت وحده من الكاعدات __عيني خيه شو هي هسه اجتي وحدخليها __البنيه حاجزه من التلفون من البارحه مو مثلكم اليوم اجيتوو __من التلفوووون خوش لعد احنه هم بعد من التلفون نحجز عشتوووو بله اني بيا حال وهذني حيتمالخن اذا اكوم اسحلهن من شعرهم منو يلومني كاعده واباوع هذه الي بطنها عبالك بالعه واحد و وحده كاعده وتصيح حتقيا و وحده كاعده وبحضنها واحد ويم رجليها واحد ويجر بالعبايه ويييع اذا اني هيجي يصير بيه غير اتخبل... _نجمه صباح...نعم...تفضلي __كوم ويايه شمعرفني ليش جبتني وشسوي جوه __هو اصلا داخل وياج دخلنه سوه شفت الدكتوره الكاعده مو صغيره بالعمر حتى تفهم حالتي من اشرحها وتخلصني من هالطفل __تفضلي بنيتي شبيج __هااا ..التفتت ع حسين انت احجي اني استحي....ليش تستحين اني مثل امج __دكتوره هذه زوجتي وهسه سوت تحليل تحمل وطلعت حامل فجبتها حتى تفحصيها وتتاكدين من الحمل مالتها وصحتها كمل حسين كلامه اباوع ع الدكتوره وجها اصفر صار كوه طلعت منها كلمه تعالي صعدي ع السرير كمت وتمددت __رفعيلي ملابسج حتى افحص بطنج الجبه نزعتها وبقيت بالبجامه رفعت البلوز وحطت ع بطني ماده بيضه كانت حيل بارده وكامت تمشي ع بطني وتباوع ع الشاشه اليمها ..اني كلشي ممفتهمه شنو الي دسويه اسئله براسي تكومت حتى فكرت انو هي حاليا دتموته فسالتها بدون تردد __دكتوره اريد منج شغله __تفضلي ....اني هالطفل ما اريده __ليشش ...بعدني صغيره وعندي مدرسه __نجمه شنوووو اذبيه مو من حقج. اني ابوه ومستحيل اخليج تسقطين __اسمعني اخ ...... __حسين اسمي —اخ حسين اني من اول مدخلتو عليه عبالي اب وبنته واتفاجئت من كتلي زوجتي لا وحامل بعد وهي تريد تخلص منه ومتاكده اصلا هي متعرف شنو كنت اسوي لان مبين عليها الخوف يعني صدمتوني صراحتا طفله بهالعمر شنو تزوجها بعدها صغيره مو مال زواج انت شلون تتقبلها ع نفسك ماخذ وحده هالصغر حتى رحمها شلون يتحمل الحمل بعدها مو مال حمل لااا وهي تريد تسقط ..ماما تعرفين اذا سقطتي مو بس االطفل يروح حتى انتي تخسرين حياتج معقوله اهلج يفكرون بهالعمر يزوجوج يعني هيجي لكمتج عليهم صعبه وتخلصو منج....؟ طبعا اني اسمع كلامها ودموعي تنزل شلال __يعني ما اكدر اخلص منه __حبيبتي انتي داخله بالشهر الثالث يعني الطفل بيه نبض حاليا وما اكدر لان انتي عليج هالموضوع جداا صعب _عيني دكتوره اني اجيت حتى تفحصيها واطمنينه لو ترزلينه كووومي نجمه كووووومي وحطي ابالج الطفل هذا متذبيه __اخ حسين اني دكتوره وبحكم وضيفتي نصحتكم واصلا اكبر خطر عليها انو هي تسقطه زوجتك صغيره وقصيره والحمل بهالضروف جدا صعب وبالنسبه الي اكدر اكولك روح ع غير دكتوره بس نجمه وضعها خاص واريدها كل بدايه شهر تجي عليه اما اذا حست بالم او اي شي حست بيه مو طبيعي فهذا رقمي الخاص تتصلين عليه واني ابلغكم تجون او شنو تتصرفون __اشكرج دكتوره يله كومي نجمه كمت واني بصدمه يعني كان تفكيري انو بس اتخلص منه طلع خطر عليه اذا بقيته او ذبيته يعني احتمال اموت من وره هالحمل ..كرهت حسين والطفل الي بطني حتى من قبل ما اشوفه طلعت واني بحاله صدمه وحسين فرحان ويبوس بايدي ويضحك عبالك كان ميكدر يصير اب وهسه صار الطريق كله يغني ويركص اخذني لاهلي حتى يفرحهم بالخبر والصدمه الي شفتها يمهم انو. همه كلهم فرحو يعني بابا يبجي وامي تضحك وبيبي فرحانه متحملت فرحهم احسه ع حساب موتي كمت اصررخ __ع شنووووو فرحانين هالطفل مااااااا اريدددده هذه حيكووون سبب موتي تعرفون يعني شنو الحمل خطر عليه اصلاااا الزواج كله ع بعضه خطرر عليه التفتت ع حسين...كله من وراك لوما انت الي خطفتني وجبرتني ما ازوجك انت السبب وهالطفل ماااا اريده ضليت اصرخ لحد ما اغمى عليه وحسيت وراها كلها فوك راسي واني بغرفه بيبي اذكرت الي صار وبلشت ابجي __كلكم تطلعون بره اريد احجي وياها كلهم طلعو وبقى بابا حبيبي وسندي وحزام ضهري __حبيبتي وغاليتي انتي صدكيني اني ع عمه عيني نطيتج وزوجتج بس من وره خوفي من الفضيحه عليج وافقت حتى من بيت اعمامج خفت لا يوم يكولون خطفها ويجوز سوه شي بيها وشمرها كان لازم اقبل و ذاك اليوم من زعلتي علمود المدرسه واني جبرتج تروحين اعرف ضجتي مني بيومها بس كان لازم تروحين لان لو باقيه كلها حتلوم حسين وتحجي عليه ومراح اكدر ادافع عنه كدامهم ففضلت الغلط منج وبحكم انتي طفله فكلها نست الموضوع باباتي حسين هسه زوجج وابو بيتج اعرف انتي مرات تضوجين من الزواج بس تره كل مريه مصيرها تزوج وتخلف ويصير عدها جهال اني من الناس ازوجت وعمري كبير وشوفي ربنه بس رزقني بيج مع العلم كنت اتمنى درزن جهال بس ربج كان اله اسبابه وكلت حيعوضني بيج وانتي الي تفرحيني بدرزن احفاد وما اكولج ع حساب صحتج فرحنه لا حبيبتي وبما انو انتي هسه حامل والدكتوره دتكول خطر عليج وحسين سولفلنه كل كلامها من تخرطبتي فاحنه كلنه حنكون وياج ونساعدج حتى متتتعبين لحد ما تولدين بالسلامه اما الطفل فصدكيني منخليج تحسين بيه ادرسي وطلعي براحتج واني وامج وامي حنكون مسؤلين عليه ونربيه بس كوميلنه بالسلامه كلام بابا نوعا ما ريحني فحضنته ورجعت ابجي وهو يسكتني صاح الكل دخلو وكانو حيل خايفين عليه حسين واكف ويتفرج يخاف لا اعيط بيه __حبيبتي هسه تكومين بالسلامه ومن تشوفين الطفل صدكيني تنسين كل الامور __انشالله بيبي وهسه اريد ارجع لبيتي عندي دراسه __لااا تبقين يمنه...لا بيبي مو مال ابقى لتخافين عليه وعندي رقم الدكتوره اذا صار شي يله حسين امشي نرجع للبيت __براحتج اني حاضر شتريدين اسويه طلعت و ودعت اهلي وحسيت اكو داخلي صار هدووء مو طبيعي ما اعرف اذا من كلام بابا واطمنت لو من وره ما عرفت حامل وهذه احد اعراضه وصلنه ع البيت _نورتي بيتج يعمري ومن هسه اكولج شغل ماكوو ابداا وحجيب وحده بالبيت هي تنطف وطبخ ماكووو نهائياا اجيب من بره اتكومين ع كد الحمام وترجعين تنامين وبالنسبه للمدرسه دوامج يكون ع كد الامتحان حتى متتعبين اليوم اول شي اسمعه خلاني احب هالحمل يعني كعده الصبح للمدرسه ماكوو وشغل ماكو وما احير بالغده وحضيكها بس نوووم ياا بويه هوايتي المفضله النوووم __هاا حبيبتي شو صفنتي ...هااا لا وله شي تمام لعد اروح اتمدد وانام وبلشت حياتي بالحمل كانت عباره عن دلال في دلال الخاشوكه ممنوع اشيلها وضعي كان رغم بس نايمه لكن كلش تعبت وصار اكثر من مره عندي نزيف و الدكتوره منعت حسين عني لحد ما اولد امي وبيبي سوو مناوبات عليه يوم بيبي تبات ويوم امي حتى ما ابقى وحدي دخلت باخر شهر ورحت يم اهلي لان حسين لاحضته من عرف حامل لحد الان صح مدللني بس دوامه هوايه يروحله واجازاته كلش قلت لذلك اروح يمهم احسن ونفس الوقت موعد ولادتي قرب __هاا حبيبتي اهنا مرتاحه اكثر يم اهلج موو حتى اني اطمن اكثر لان تدرين دوام واهلج تعبو يوميا احد يمج ع الاقل اهنا امان اكثر اخاف لتولدين __اي صح وباجر هم من الصبح اروح للدكتوره اشوف وضعي بس حاول تجي ويانه لان دوامك صاير اهم مني __من عيوني حبيبتي اكيد اكون وياج باجر ثاني يوم __صباح الخير بيبي حسين موصل لحد الان __لا حبيبتي مااكو هسه شويه ويبين تعرفين منا خفاره كان ودوام وتعب الله يساعده __والله يا بيبي وضعه معاجبني من عرف حامل لليوم دوامه كثر اشمعنه ما اعرف __هااا نجمه حيشتغل خبالج ع الرجال كعدي وسكتي ننتضره ونروح __ضلينه ساعه ننتضره وهو ماكو والموعد حيروح عليه قفلت بعد طلعت ومنتضرته وبيبي ورايه تركض وتصرخ __ولج مخبله اوكفي ولج بطنج مو زين تمشين سريع ع كيفج ولج نجمه __مااا اوكف مو حضرته ما ادري وين واني عندي موعد وفوكيها نبهته من البارحه __زين بس اوكفي رجليه متتحمل امشي بسرعه مثلج انتضريني نروح سوه __يله تعااي رحنه اني وبيبي للدكتوره واني نار صايره ومنا الدكتوره كالت اي توسع ماكو وخافت عليه من الطبيعي لان صاعد عندي الضغط __بعد احسن دكتوره اصلا اني اخاف من الطبيعي ولديني عمليه وخلصيني __تمام وبما انو انتي بشهرج الج اسبوعين ونص يعني كلشي تمام عندج بعد اسبوع نحدد موعد الولاده ونتوكل ع الله __زين دكتوره كوليلي بيه بنيه لو ولد حسين ميقبل يكولي من كتيله انتي وهو ايكولي بالولاده تعرفين __مو ما اريد اخرب مفاجئته الج بس اهم شي الطفل بصحه وعافيه وابوه فرحان بيه __هاا يعني ولد...مكلت ولد ولا حكول بنت انتضري اسبوع وشوفي كملت فحص واخذت موعد ولاده اول مطلعنه من عماره الدكتوره شفت حسين __هااا حبيبتي عذريني اتاخرت ازدحام وتعرفين انتي بعد __وخرررر من كدامي لا اكفر بيك تعرف وين كنت وافلامك مو عليه وشوووف حسيييين والخلقك اذا عرفت يوووم انت دتخوني الا ادفعك الثمن غااالي لا بلشت اشم ريحه وساخه منك وتعرف شنو معنى كلاامي __شهالحجي هذا يا خيانه ولج هو اني عندي مجال احك راسي حتى افكر اخون __اني كتلك بعد.... يله بيبي امشي نرجع للبيت __هوووب وين رايحه بيبي حضرينه هذه تخبلت عليه امشي ويايه اوصلكم __والله يا وليدي هي مال تخبلت فتخبلت خلتني الييوم اركض وراها من وره عصبيتها وخبالها ولدخلني بيناتكم لان هي حاليا الحق يمها __بيبي تمشين لو اعوفج واروح __يله امشي وانت الحكنه للبيت وتعال صالحها تره عمليتها بعد اسبوع __صدك تحجين يعني بعد اسبوع __اشششش لتسمع وتفضحنه بالشارع ع ابو ليش كلتيله يله الحكنه وصلنه البيت بعد ما اخذت تكسي وهو ورانه يمشي __اوكفي نجمه ...شرايد __وداعتج اتاخرت بالازدحام شتدرين بيه منتضر موعد ولادتج اليوم قبل باجر __حسين اني كلت وبعد ما اعيد هالكلام اذا اعرف بيك دتخوني صدكني ادفعك الثمن غاللي كلش دخلت لغرفه بيبي واسمعها تكوله __حقها المفروض هالايام متتركها وحدها وهي منا خايفه ومحتاجتنه كلنه __والله حقكم بس ان شاء الله احاول منا لولادتها ما اداوم هههههه ضحكني ميداوم ليش ما اعرف سوالفك وما ادام كاعد تتاسف وتضحك وتركع بالسالفه يعني دسوي شي انتضري ينجمه يجي يوم وكلشي تعرفين بعد اسبوع حسين مداوم بس مرتين وبقى مكابلني وكاعد وحضرنه كلشي من اغراض الي وللطفل وحسين مقبل اعرف شنو الي بطني الا يوم الولاده باجر من الصبح موعد ولادتي وكلش خايفه __حبيبتي كلنه وياج لتخافين كوومي ويايه اخذج للصالون اتسوين تنطيف جسم وبشره وتحفين حتى بعد الولاده انغير لون شعرج ورحت ويه امي وبيبي وكان اكو حمام مغربي اخذتلي ساعه بالحمام كاان روعه من عطور وشامبوات وموسيقى فعلا راحه نفسيه كملت تنطيف بشره لجسمي و وجهي وحفيت رجعت للبيت حضرت جنطتي اني والطفل وبيومها ما اذكر نمت من وره الخوف خايفه لا ما اكعد بعد وحتى ع الطفل كنت خايفه ضليت سهرانه للصبح ولعد ما سمعت بابا كعد ويصيح عليهم حتى يكعدون اهنا عيوني ثكلت وحسيت بنعس بس حسين فتح عيونه __ياا صباح الخير مستعده اليوم __هاااا لااا اقصصد ااي __شبيج خايفه حبيبتي .....لا مخايفه بس نعسانه __دكومي تحضري وتعرفين ممنوع تاكلين اي شي لان وراج عمليه وحتى نطلع من وكت ونامي بالغرفه لحد ما تدخلين بالعمليات __هاااا ديله كايمه...لح شبيج هاا وهااا حبيبتي اني واهلج واهلي هم حيجون وكلنه يمج لتخافين يله كوومي سباعيه كمت وغسلت وبدلت وكملت كل اموري وماكلت شي واصلا لو مسموح الاكل هم ما اكل من الخوف الي مسيطر عليه طلعنه كلنه للمشفى وصلت قبل الموعد. واخذلي غرفه خاصه لان مشفى اهلي مو حكومي لكيت امه واخته الثانيه مو حنين ومرت اخوه الكبير موجودات و امي وابويه وبيبي ومرت عمي الكبير وهو حسين كلنه بالغرفه كاعدين وسوالف وضحك واشتياق للطفل واني اباوع عليهم ولازمتني الرجفه من الخوف نمت محسيت الا يكولون يلا __هااا وين...يلا موعد العمليه هسه حسيته موعد اعدامي مو ولادتي من الخوف كعدوني بكرسي متحرك ودعت الكل وحسين بابا وماما وبيبي كضوها بجي واني وياهم ودعتهم ودخلت جوه كوموني من الكرسي ونوموني بسرير العمليات مكان الكانونه الي بايدي حطو جواها مثل الخشبه وشكلو بيها مغدي اني اباوع عليهم وجسمي كله يرجع وكف واحد فوك راسي سالني شنو اسمج _اسمي نجمه...هلا بنجمه باعي عليه راح احطلج هذا الجهاز ع خشمج وانتي حسبي لل10 وراها حتنامين باوعت عليه ديحضر جهاز الاوكسجين ديريد يحطه ع خشمي و واحد واكف يم ايدي ديريد يحط دوه بابره ع ايدي بلش يدفع بالدوه واني احس بيه يمشي بعروكي لحد ما وصل لصدري وراها نمت ملحكت حتى احسب للواحد حسين بعد ما دخلت نجمه للعمليه انتضرنه ساعه انباوع الي دخلت وراها طلعت وهي بعدها كمت اصرخ __وين الدكتوره مرتي وينها ليش لحد الان مطلعت __اخي ليش تصرخ هذه مشفى مو شارع زوجتك ولدت والطفل هسه حتستلموه انما هي لحد الان بالبنج لان كانت العمليه عليها صعبه البنيه بعدها طفلله وانتو الي سويتوه وياها جريمه بنيه بهالعمر شلون تزوجوها اني كل هالفتره اباوعها من تجي وتراجع يمي اتمنيت يوم اشوف ابوها وامها وابوك وامك وهسه هذه اعتبرها فرصتي بس اريد اعرف شلون تقبلون ع نفسكم تزوجون طفله بهالعمر اذا صار بنتكم شي انتووو بس من يتحمل المسوليه وخصوصا انت حسين من سمعت كلام الدكتوره وعافتنه وراحت اني كلت نجمه راحت مني لان خوفوتني ندمت انو جبرتها ع الزواج وندمت لان حبلت مني وندمت ع كلشي سويته بيها كلشي ما اريد بس اريدها تطلعلنه بالسلامه بعد صراع نفسي مرينه بيه كلنه طلعو نجمه وهي تصرخ __ااااخ بطني يمه لحكيني شكوها لبطني اااخ بطني توجعني اني سمعت صوتها وكلامها بجيت عليها اااي بجيت ع زوجتي وام بنتي. ااي اجتنه بنوته .. دخلت وراها للغرفه رفعوها وحسبو لل3 وحطوها بفراشها بدلو ملابسها وهي تصرخ من الالم قهرتني كلش معقوله هيجي الولاده تاذي صدق من قال الجنه تحت اقدام الامهات بعد مرور ساعه الحمد لله صحت نجمه ورادت تعرف شنو جنس الطفل __كلولي هسه شنو جبت __جبتي بنوته تخبل تكولين عبالك وجهها نور هلكد ما بيضه ومنوره __ممممم عبالي ولد __ولج ماكو احلى من البنات وحنينهم شسوين بالولد اتمنى تجيبيلي درزن بنات ولا ولد __اي احجي هيجي بس كدامي كلكم هيجي تكولون بس بداخلكم تتمنوه للولد __حبيبتي هسه مو وكتها المهم ولدتي وكوميلنه بالسلامه وربج الي ينطي البنات ينطي الولد __شنو حتسميها __حسميها نور من جمال وجها ونوره المنور _تمام حلو اسم نور بقيت بالمشفى يومين وراها طلعت لبيت اهلي الكل فرح بيها كانت حلوه حييل وبيضه واحنه عدها قله بالبنات فمن اجتي نور كانت فرحه كبيره للعائله مالتنه بس اهل حسين محسيت بيهم فرحو بيها كانو يريدون الولد لحسين حسين كان فرحان لدرجه هو الي يكمط ويشيل وينومها امي تشيل وبيبي تحط حتى وهي نايمه يشيلوها بابا يباوع ع وجها ويصيح تشبهني مكنت متوقعه لهالدرجه يحبوها ويتمنون الطفل بالبيت سمعتها تصرخ اخذها حسين وجابها الي __نجمه رضعيها خطيه جوعانه __حسين ما احب ارضع احس روحي بقره وكاعده ترضع انطيها ممه وخلص هي تتعود عليها __لج الامهات يكيفن ع الرضاعه هذه تزيد ترابط بين الطفل وامه وتخليه يعرف امه من ريحتها ويميزها عن الكل __حسين اني مكلت ما اريدها دا اكولك ما احب ارضع وبعدين ورايه دوام اذا تعودت عليه شلون يعني خوما تظل جوعانه __زين هسه الرضاعه وفهمنه الطفله كمطيها ع الاقل او شيليها من تبجي مو كله اهلج لو اني __انت ليش متفهمني تره مااااا اعرف والله اني ما اعرف اربي طفل واذا بقيتها للولاده لان انت سمعت كلام الدكتوره لو ذابتها بذاك الوقت كان اني وياها متنه سوه بنتي ما اكولك اكرها لااااا بس ما اعرف اسهر وارضع واربي افهمني رجاءااا __تمام نجمه براحتج بقينه ع هالمنوال شهر ونص لحد ما طلعت ال40 ورجعت لبيتي واهنا بلشت معاناتي الحقيقيه __باجر ادوام تبقين وحدج ويه نور يعني لا اني ولا امج ولا بيبي ولا ابوج يعني تحملي مسوليتها وحدج واعتمدي ع نفسج __حسين فدوه ورايه دراسه __اي حبي عادي درسي ع نومتها ومن يكون عندج دوام اخذها لاهلج بس انتي هسه ممداومه لذلك انتي تتحملين مسوليتها __ما اعرف والله ما ادبرها....لا انتي سباعيه وادبريها راح الدوام وبدت حفله نور تبجي واني كل هالفتره معتمده ع اهلي وحسين ينوموها فدوه نور لتبجين حبابه والله ما اعرف شسويلج بعد اي مو رضعتج بعد ليش تبجين حبابه بس سكتي كمت اصفك الها مسكتت ركصت هلهلت وكمزت شو عذه سكتت وتباوع عليه عزززه يمكن عبالها اني مخبله وهم رجعت تبجي يبووووووو حطيتها وكعدت ابجي وياه لحد متصل حسين __هاا حبي بشري لج شنو هالصوت ليش نور تبجي شبيها __حسييين ما اعرررف شتريد عفيه تعال والله رضعتها وبعدها تبجي __ولج دسكتي انتي بالاول لتبجين وكوليلي شبعت من وضعت __ااي __غيرتي حفاضتها.....هاااا لاااا ليش مو غيرتها انت قبل متطلع __حبيبتي اي بس يجوز موسخه ع روحها يجوز مسربه روحي عليها وغيري حفاضتها وكمطيها مثل معلمتج وهسه تنام والله سويت الي كال عليه والبنيه طلعت خطيه حفاضتها متروسه ومبلله غيرت كلشي وكمطتها ونامت بسرعه ضليت اباوع ع وجها وانقهرت عليها لان عدها هيجي ام كلشي متعرف ——————————————— مرت الايام وبلشت اتعود ع نور ارضعها وانومها واكمطها وباليوم الي عندي امتحان اتركها يم اهلي ومن ادرس انتضرها تنام واقرا مكنت اعرف الطفل هيجي يحتاج اهتمام وحب و وقت فراغ وخصوصا من بلشت شويه تكبر كامت تعرفني وتعرف حسين بس حبها لحسين اكثر صح اني مهتمه بيها لكن حسين اكثر مني صار عمرها 4شهور بلشت احس بتعب ونحول توقعت من السهر وقله النوم لان نور تحب تنام بحضن ابوها وبيوم الي يكون خفاره متنام وتظل تبجي تريد ابوها فكل اعتقادي بسبب السهر وابداا متوقعت شي ثاني __هاا حبيبتي شلونج وشلونها نور __الله يساعدك حبيبي الحمد لله زينه بس الليل كله مخلتني انام تريدك وهيه بالكوه نومتها __ياً عيني فديتها الي تحب ابوها __حسين احس بخمول وتعب مو طبيعي __من السهر حبي اكيد روحي نامي اني حبقى كاعد __لا حسين حاسه مو سالفه سهر وصار اسبوعين موعدها وماكو __صدك تحجين مو دتاخذين مانع __اي بس اخر اسبوع خلصت حبوب المانع وكلت متسوه اكولك تجيبلي جديد وانت كنت بالدوام وراها نسيت وفكرت هي ايام وتجي وراها صار الي صار ولحد الان ماكو __اي وشكو بيها اذا صار حمل فهذا نعمه من الله __انت صدك تحجي حسين نور بعدها عمرها 4شهور يا حمل هذا منا دراسه ومنا هي واني وحدي لااا مستحيل اصلا اذا اكو حمل هالمره صدك اتخلص منه __اني مو مجرم حتى اخليج تتخلصين منه وبعدين كل هذا تخمين يجوز مو حامل كومي بدلي واخذلج تحاليل ونتاكد اذا حامل لو لا بدلت وطلعنه واني ادعي الطريق كله ماكو حمل وصلت للمختبر واذكرت من اجيت احلل بحملي بنور وشلون تفاجئت وردت اتخلص منها وهسه انعاد نفس الموقف بس اتمنى النتيجه تختلف دخلنه ونور بس تصرخ تباوع ع الوجوه وتبجي تستغرب من العالم سويت اختبار حمل وكاعده انتضر النتيجه __نجمه صباح...نعم تعالي اخذي النتيجه __هاا نجمه اروح اجيبها اني بمكانج واشوف __لا حسين اني الي هالمره اروح وباذن الله مو حامل كمت واخطي خطوه كدام وخطوه وره اخاف اروح واشوف النتيجه لحد ما اخذت التحليل وفتحت الورقه وعرفت النتيجه الي كنت متوقعتها.........؟ يتبع .. الحمل حلوو لكل متزوجه حتى تجرب شعور الامومه لكن خطا من يكون بعمر نجمه والخطا الاكبر من تكون عدها طفل صغير وتحبل مره ثانيه اتمنى من خلال هالبارت اوصل الكم فكره انو تحاولون تحطون عمر مناسب بين كل طفل حتى لا انتي تتعبين بالتربيه ولا تتعبين جسدياا اما نجمه فاحداث قصتها مستمره متابعه شيقه #زينب_عبد_المطلب🦋 |
#العروس_والسحر__ البارت الرابع عشر #زينب_عبد_المطلب🦋 اخذت التحليل وفتحت الورقه وعرفت النتيجه الي كنت متوقعتها حاامل ...حااامل ..حامل..حااااااااامل هالكلمه اسمعها ترن باذني من قريتها حكم اعدام مو تحليل حمل انداريت ع حسين وهو شايل نور ويهز برجله ويكول اشششش وهي تبجي تريد يكوم يشيلها متحب يظل كاعد لان مستغربه الوجوه الكدامها يعني معقوله بهالعمر واجيب طفل ثاني واني بنور ما الحك زين هي بعدها تريد حنان واهتمام منين واني حجيب طفل ثاني صخاام بوجهج ينجمه عفتهم وطلعت ع الدكتوره مالتي الي مسكت حالتي بحملي بنور قريبه ع المختبر __لجج نجمه وين__تعال ورايه للدكتوره مالتي دخلت ولكيت العياده فول يمكن نسوان بغداد كلها حبله اعرف شلون ادخل بسرعه __هااج 25الج و25 مال حجز ودخليني هسه __احممم ااي اوكفي ع صفحه هسه ادخلج ربع ساعه ودخلت جوه __دكتوره فدوه حللت وطلعت حامل فدوه ما اريده __تالي وياج نجمه تعرفين الحمل عليج خطر وذاك اليوم ولدتي مصار كم شهر وحذرتج تحبلين بعد وكتلج لازم تستخدمين حبوب منع الحمل بانتظام شلون حبلتي اكيد نسيتي تاخذيهم __لا والله بس اخر اسبوع خلص عندي الحبوب ونسيت اوصي حسين وصار الي صار وما ادري باخر ايام يصير حمل __منو كال ميصير ع العموم هذا مو مهم هالكلام هسه اهم شي هسه افحصج ...يله نزعي وصعدي ع السرير __حبيبتي نجمه كيس الحمل موجود والطفل بيه نبض اني مستحيل افكر اخلصج من الطفل لان حرام عليه حكتبلج مجموعه فيتامين الج حتى تاخذيهم ونرجع نفحص كل شهر مثل نور __دكتوره يعني ماكو امل اخلص منه __نجمه ليش تخليني اسمعج كلام يزعلج وهالكلام كلته من قبل وتعرفين اني معتبره نفسي امج ونصحتج ومفاد وياج فحاولي تكملين هالحمل لان كتلج الاسقاط خطر عليج والحمل والولاده جربتيهم الج والحمد لله كدرنه نسيطر ع الحاله مالتج فالافضل انو تكملين الحمل ولتعبين نفسج كملت الدكتوره كلامها واني بس اسمع ما اكدر احجي عرفت نفسي تورطت بهالحمل اخذت منه الراشيته مال علاج وطلعت __هاااا بشري طلعتي تركضين شصار __شكولك اكيد عرفت من رده فعلي اني حامل __وداعتج متعرفين فرحتي ولج الطفل نعمه من ربج ليش ترفسيها وغيرج يتمنون اضفر طفل امشي نروح لاهلج ونفرحهم وصدكي كلنه نساعدج والله طلعت وياه واني مستسلمه شبيدي بعد والفاس وكع بالراس انجب واكمل هالحمل وراها اتوووب __سلاااام اليوم اجينه انبشركم بخبر __خير انشالله __نجمتي حااامل __يا صلوات كلوووووش __شبيكم يمعودين تره مصار شهور من جبت ع شنو هالفرح __ولج انجبي لا الزكج بالنعال متعرفين شكد تمنيت اجيب الج اخ او اخت بس شسوي الله مكتب هالشي النه من وره ابووووج __وشبيه ابني عيني اصلا منطاج خلفه بعد من سوالف الخايسه وفتانتج والدموم الي تسويها بين ولدي ونسوانهم وجهالهم ولج انتي بنتج متحملتيها وتكولين محبلت وراها ع شنوووووو تحبلين بس فهميني نجمه بله انتو صدك تحجون لو تشاقون سوالف مر عليها كومه هسه اذكرتو تتعاركون يعني لا انتي الي هسه تكدرين ولا بابا ع شنو هالكلام هسه وبيبي فدوه سكتي تعرفين امي من واحد يحجي وياها بهالموضوع بعد متسكت كووم حسين اني منا نفسيتي تعبانه وهذني منا يتعاركن كوم اخذني للبيت ما بيه حيل وتعبانه __يااا وين رايحه كعدي شفتي ارتاحيتي هسه البنيه ضاجت من حسبي الله عليج كعدي حبيبتي حتى نور مشبعنه منها __لا بيبي فدوه ع غير يوم اجي من عندي امتحان اذبها يمكم وشبعو منها هسه كلش تعبانه وحابه انام يله كوم حسين وسلمولي ع بابا هوايه طلعت حتى ارجع للبيت روحي مطايقتها صعدت مباشرتا للغرفه ونمت ما اعرف نور وضعها اذا جوعانه او لا حسين هو يتصرف وياها مرت الايام واني هذا وضعي كمت ما اروح للمدرسه من وره تعب الحمل عندي لعبان نفس كلش قوي وبس اتقيأ لا الي حيل لا لنور ولا ادرس ومنا الحمل ما اريده كمت شكو شغل بالبيت اطلعه يعني اذا البيت نظيف اكوم واشيل الزوالي واطلعهن بالكراج اغسل البيت وارجع افرش اصعد للسطح اغسله وما استخدم الصونده لااا اخذ سطل واترس من جوه واصعد فوك شايلته واغسل السطح فد 20مره صاعده ونازله وكل هذا مصار شي بس احس بتعب وضهري يوجعني لا فاد تكمز ولا صعده ونزله لحد ما يوم ردت اشيل شي ثكيل لان قناني الغاز احسها مو ثكيله عليه رحت للصاله وباوعت ع التلفزيون هو كبير حيل وبيه من وره مثل الحدبه كلت اشيله وامسح الجواه وارجعه هم تنظيف وهم منا وزنه ثكيل يفيدني شلته كلششش ثكيل يعني احس شايله سياره رفعته بكل قوتي وحطينه ع القنفه يمه شثكله بس صدك الي يريد شي لازم يسويه مسحت جوه التلفزيون مكانه بالبوڤيه واجيت حتى اشيله بعدني اول مرفعته سمعت صراخ __ولج بنت الكلللللللب حقيرررره اذا اكسرج هسه منو يلومني فهميني ولج شلون شايلته وحدج وانتي حااامل ولج هذا رياحيل 2ميكدوون يشيلوه انت مخبله لو متقصده __اووي لتصرخ شبيك شلته امسح الجواه لان اكو تراب يعني شلون اتركه وسخ __شوفي اني اعرف شتريدين بس والله ما اخليج تسوين الي براسج امشي حضري اغراضج اخذج يم اهلج هناك اطمن واني اصلا خفاراتي زادت ع الاقل هناك احسن مكدرت اعراضه لان يخبزني اذا اكوله لا حسين كلشي ولا الجهال عشقه بالحياه همه لميت غراضي ورحت لاهلي ذبني حسين يمهم وراح للدوام بحجه خفاراته زادت هالايام وصار اصلا دوامه اكثر من وجوده بالبيت اني نبهته اذا عنده شي بس هو حلف ماكو ولو ممصدكته بس ابدا ما الي خلك اله وتصرفاته واهتمامه النه من يجي ميخليني اشك بشي بس شسوي هذا طبعي. ما امن ولا اثق اذا الشخص خان وهو ما شاء الله مبطل من سوالفه وخيانته الي بس اعرفها مدوم كم يوم ويبطل لان من يعرفني احس بشي يخاف وخصوصا من ارجع انبهه بيت اهلي مشاكل امي وبيبي متخلص ابداا وبابا عازل روحه عنهم حتى ميدخل ويتخربط واني حايره بروحي وبحملي وبنور اشهر حملي تمشي بسرعه اهله يجون يزورون ويروحون وحسين بين الدوام وبينه هالحمل تعبني اكثر منا امشي وره نور لان بلشت تخطي واني من ولدت نور سمنت اكثر وهسه حامل فكلش ثكلت يعني كومتي وكعدتي كلش صعبه دخلت بشهري الي بيه اسبوع وحسيت الم مو طبيعي استغربت اني فتح بطن وبين نور وهالحمل فتره كلش قليله __بيبي ماما بابا وينكم فدوه لحكوني اتصلو ع حسين يجي ياخذني فدوه ولكم كعدو لحكوني _شكوو شبيج بيبي __بيبي فدوه وجع مينحمل حموووت فدوه اتصلي ع حسين يجي ياخذني _وولج انتي مو طبيعي ع شنو هالاوجاع __ما اعرف بيبي عفيه بسرعه...هسه حتصل انتضري __الووو حسين بسرعه تعال نجمه وضعها مو تمام عدها ولاده يمكن __هسه جاي مسافه الطريق واذا متحملت اخذو تكسي اهناك اجيكم __لعد اطلع قبلنه لمشفى....... واحنه وراك __بيبي ليش خليتيه يروح ع هالمشفى __ليش مو هناك دكتورتج اداوم __اي بس مموجوده مسافره والاسبوع الحاي تجي ع موعد ولادتي شمدريني اليوم اني راح احس بوجع __ميخالف هسه اذا هي ماكو اكو غيرها وبعدين بلكي مو ولاده __بيبي فدوه يا مو ولاده م انترست مي _يااا دخيلك يا ربي الطفل حيروح من عدنه يمه لج بسرعه يله وجيبيها لنور اعوفها يم امج لان هي اذا اجتي ويانه هالطفله مو يهتم بيها وكل هالصراخ والالم مالتي وماما وبابا نايمين محاسين بصراخي همزين بببي نومها خفيف وسمعتني صعدنه بالتكسي جيرانه همزين موجود وهو يشتغل تكسي اصلا وين يروح بهالليل ساعه2ااصبح اكيد بيته __لتخافين حبيبتي شويه ونوصل تحملي بنيتي __بيبي اخاف يصير بالولد شي __يا ولد نجمه ...اني حاسه ولد مو حسين مقبل الدكتوره تكولي شنو مثل نور بس اني حاسه هالمره ولد __نجمه فدوه ولد او بنت نعمه المهم اتمام الخلقه بطلي هالسوالف شنو يجي نعمه __هسه نوصل وتشوفين اااااااااخ بطني _شفتي رجعت توجعج سكتي يله وصلنه نزلت من السياره وشفنه حسين منتضرنه هو و وياه كرسي متحرك كعدت ودخلنه للمشفى بس فااارغه شعجب ومنا دكتورتي ماكوو رحنه ع غرفه لكينه وحده واكفه والثانيه متمدده ع القنفه __عيني وين الدكتوره __ليش شعندج __احجي ويايه اختي مرتي تعبانه عدها ولادها ودكتورتها مسافره اسمها....... __اي عرفتها بس مسافره هالدكتوره يله اكو غيرها تعالو ورايه بغرفه الفحص وانت اخي روح وسوي الها طبله حتى تحجز غرفه __تمام اني رايح ما اتاخر طلع حسين واني كوموني ع السريد تفحصني سونار __عيني بلا زحمه وين الدكتوره الي حتولدني عيني ليش اني شنو كدامج لو ممليت عيونج __هااا لا العفو بس شفتج لابسه دشداشه معبالي انتي الدكتوره __اي مو خلصت دوام وبدلت ارتاح وانتي اجيتي _نجمه سكتي شبيج عوفيها انتي معليج بالدكتوره شتلبس فحصيها بنيتي لان ذبت هوايه مي __يااا صدك تحجين كوومي كووومي مو زين ع الطفل __يا بيبي شبيها هذه طفرت __لج كووومي كاعده تصنفين وانتي بيا حال كوموني للغرفه الي حجزها حسين ونزعوني ملابسي ولبست صدريه مال عمليات كعدت ع الكرسي ما اكدر امشي علكد ما بردانه ورجليه ترجف ومتكدر تحملني دخلت للصاله لكيت هالدكتوره و وياها بعد وحده و ورجال واكف عرفته هذا المخدر الي حيخدرني صعدت وبلشو حطولي الكانونه وحطلي البنج وضربوني ابره بالكانونه وحسيت مثل ما حسيت بنور بعمليتي ونمت حسين اجاني اتصال من بيبي علمود نجمه خفت عليها بدلت واجيت عليهم بسرعه لان هي فتح بطن وهي تكول دتتوجع طلعت للمشفى قبلهم ومنتضرهم اجوي وشفت نجمه وجها اصفر ومبين عليها تعبانه دخلنه و طلبو مني اسويلها طبله وحجزت الها غرفه وراها دخلت للعمليه خلصت اول نص ساعه منتضرين شي ماكو خبر ليش اتاخرت واكف اريد احط يطلع من صاله العمليات بعد ربع ساعه طلعت وحده وشايله بنتي بيدها اخذت الطفله وسالتها __وين نجمه ليش اتاخرت...المريضه صار عدها نزيف وسيطرنه عليه لتخاف بس نكمل نحطها بالافاقه و بعدين نصعدها اخذ هسه بنتك ومن نكمل نصعد المريضه يمكم __اي الحمد لله هسه حنصعد يله بيبي امشي ننتضرها صعدنه فوك ننتضر وره ساعه الا ربع صعدو نجمه بس تصرخ وتصيح بطني وجعها كان اقوى من وجع ولادتها بنور انتضرناها تصحى كلش وتركز بس ضلت تصرخ من الالم وكلشي منطوها من طلعت من العمليات __عيني دكتوره فدوه ليش تصرخ ..انطيها مهدئ مسكن او اي شي __اي دكتوره فدوه شو بس تتوجع ومن ولدت بنتها الاولى انطوها علاج __هاااا لا متحتاج اي علاج هي شويه تنام وترتاح وراها شويه تمشي وكله تمام __هاااايه شنووو دكتوره ليش راس بنتي بيه ضربه وكله دم امها اذا شافتها شكوللها __عيني ع كيفك لصرخ بنتك كان مي الراس ناشف عدها وملتصقه بالام فاضطرينه نسحبها بالملقط السحب وهي راسها تعور __حسيييييين شبيه الطفل شصاير شكو تعيط __لا حبيبتي ماكو شي بس راس الطفله متعور __يا طفله ليش جبت بنيه اني __اي فدوه بنوته تخبل هااج تشوفيها __لااا ما اريد ما اكدر هسه اريد مسكن فدوه ومنا بطني كلها توجعني __حبيبتي الدكتوره تكول ميصير ننطيج علاج او مسكن __حسين شنو ميصير بنور مو انطوني شنو هالمره ليش لا ولكم بطني توجعني وينها الدكتوره خلي تجي تشوفلي حل ___هسه حشوفها الج هسه كلها بلشت تجي الدوام طلع الصبح حتى لو تكتبلي علاج من بره اجيبه مو مشكله بس يمكن صيدليه المشفى بعدها معزله بقيت اتالم من الوجع وما اكدر انام كتلها لبيبي تكومني للحمام لان ما احب احط كيس بعد الولاده دخلت وبيبي انتبهت __نجمه شو بطنج ملفوفه من العرض كلها..و بنور بس من جوه كانو حاطين البلاستر __شنو قصدج بيبي ......ما اعرف بس يمكن بطنج كلها شاكتها مو ع الجرح القديم ماشيه وفعلا بالكوه كدرت اشوف بطني وطلعت الدكتوره الا ليوفقها شاكه بطني كلها بالعرض ومولدتني ومنا بنتي راسها مشكوك وعلاج منطتني كتلهم اليوم تجيبوها الي رجع حسين ايكول ملكاها __لك شنو ملكيتها الحكني حسين اشوهت بطني __ياا شلون.. __هالكلبه الي مسميه روحها دكتوره شاكه بطني كلها بالعرض __اليوم احرك اهلها هي يمكن صاحولها اسم سوسن مووو __ااي سوسن اسمها طلع حسين يدور عليها وياهو الي يساله ع دكتوره سوسن يكوله ماكو هيجي دكتوره اتخبلنه منو هذه الي سوتلي العمليه وشوهتني وكان ماتت الطفله وراسها متعور سالو شكد اخذت ع العمليه كلنالهم مليون وربع وطبعا هو لازم اقل اني شكيت بوضعها من شفت لبسها وطريقه كلامها مو مال دكتوره يمكن تطلع ممرضه او مساعده دكتوره وحتى اسمها مو سوسن ومتفقه ويه البقيه حتى يشاركون بالفلوس لان حتى علاج مقبلت تكتبلي كلوله لحسين تكدر ترفع دعوه ع المشفى نفسها ويعوضوك بس هو مو بعينه فلوس اهم شي صحتنع اثنينه صرخت عليه يشتكي مقبل __وبطني الي اشوهت... طيبي وصيري زينه وسوي تجميل وترجع احلى __عيني ابني يا تجميل كان راحت بنتي مني بيد هالثوله __ميخالف بيبي المريه منكدر نوصل الها والمشفى شلون اخذ تعويض وهي بيها مرضى والحمد لله اني ممحتاج __وراس بنتك شلون...الحمد لله المهم صحتها زينه (طبعا هالحادثه صارت حقيقه ويه بنت نجمه الثانيه ولحد الان تكول اتمنى الكفها للي سوتلي عمليه يمكن تطلع الفراشه واني ما ادري واكييد كل حدث بالقصه حقيقي لكن ينكتب باسلوبي )) مكلتيلي شنو حنسميها..بكيفك. شسميها سميها __ولج حرام عليج لام بنيه متريديها والله عدال الف رجال __اني المفروض اعرف من مقبلت تكول شنو الي بطني كان لازم اعرف بنت __وشبيهن البنات صلوات يخبلن اذا متحبين تسميها اني حسميها نرجس لان تشبها ومثل بياضها لورده النرجس __كيفك اذا عاجبك اسم نرجس سميها __دهاج رضعيها __بيبي اخذيها انتي مااا اريد اني اريد انااام ولكم الوجع ديموتني جيبولي علاج خلي يضربوني ابره وانام __وليش تبجين هسه اصيحهم وينطوج علاج ضلت هذه حالتي بس ابجي لان بالبدايه متقبلت نرجس بنتي اريد ولد وطلعت من المشفى بقيت يم اهلي وهم كلما يشوفوني ابجي يرزلوني امي وبيبي وبابا وحسين ع البنات نعمه ومحبوبات اكثر من الولد مرت الايام واجه موعد امتحاناتي مال ثالث متوسط شمرتهم للبنات يم اهلي حتى ادرس وانجح ونرجس هم مقبلت ارضعها وتعلمت ع الممه وامي هم اختصاص اكل للطفل تجيب وتحشي بيهن تكول مو بنات بستوكه وتعبيها كل وحده شسمنها صارت امتحنت ونجحت عبالي اقدم معهد تجاره وره الثالث مرهمت لان التهيت ويه البنات صارت حياتي عباره عن اطفال و اكل وشرب وطبخ وتنظيف ومسؤليه احس كبرت سنين ليكدام وحسين وقت الي ينزل للبيت لو عنده اجازه يتصلون عليه ويروح للدوام يكول اتصلو عليه يكولون لازم تلزم خفاره اليوم تعب من الدوام بالبيت ميقصر ويه البنات ابد بحيث اذا كعد ياكل نور يحطها يمه من صفحه ونرجس من الصفحه الثانيه اباوع عليه شلون حنين عليهم وشلون يوكلهن مرات احس بغيره منهم لان اهتمامه صار بيهم اكثر مني بيوم الي اكوله تعبانه هو يسهر وياهن ويكولي روحي ارتاحي ونامي اذا وحده تمرضت يروح ينطي نص الراتب حتى يبقى بالبيت حتى هو الي يعتني بيهن وهيجي كانت حياتنه ويه البنات صح حسين يساعدني بس احس الحمل والتعب عليه بعده مرت ايام وبلشت نرجس تمشي بيومها امه لحسين اتصلت __هلوو خاله شلونج..الحمد بخير تسلميلي حسين كلج باجر الحنه مال اخوه مرتضى الصغير متحتاجين عزومه جيبي البنات وتعالي __ان شالله خاله اجي ليش لا ......... __هاا حبي منو اتصل __امك عزمتنه ع حنه مرتضى __اي باجر والله كبر وحيزوج الفصعون __اي ليش لعد ميزوج معتمد ع نفسه وبستاهل __لعد بشرفج نجمه كومي طلعي قاطي الاسود حتى اذامعقج اخذه لوندري (غسل وكوي) __هو الافضل تاخذه ....تمام حضرت ملابسنه وللبنات هم فساتين وردي مشجره واني فستان اسود طويل حتى ما ابين قصيره ولثاني يوم تحضرنه ورحنه ما اعرف ليش من دخلت انكربت اذكرت ايام المرض من اتمرضت من السحر والي لحد الان منعرف منو سوالي بس تخمين انو اخته الي سوتها دخلت وتمنيت بسرعه اطلع حسين حس بيه مسك ايدي حيل وعصرهاحتى يحسسني هويمي امه من شافتنه كامت وتحضن بالبنات وتبوس بيهم اخته حنين مسلمت عليها ولا باوعت بوجها اصلا بس شافتني انهزمت وصفاء كاعده من دخلت وكفت وعيونها منزلته عني __حبيباتي شلونكم مشتاقتلكم شلونج نجمه __حبيبتي خاله الحمد لله بخير _بشري محبلتي بعد...... لا فدوه خاله يا حباله هو نرجس وبالغلط حبلت بيها تريدين بعد احبل خليني اربي البنات والله كريم كامت من يمها صفاء تحجي __لا عمه شتحبل حتى تجيب بعد بنيه ثالثه لا كافي عليها اثنين ام البنات ومرت اخوه جاوبتها __اي والله اني اخاف لتحسدنه ع ولدنه شكد كنت اضوج منها وشكد كنت متحسسه من هالموضوع مال خلفتي بنات بس اول مره احس احد يكره ويحقد عليه وع بناتي لهدرجه اتمنيت اكوم واسحلها كدام امه محمد بس سكتت ودرت وجهي عنها اتمنيت بس تخلص الحنه ضلو طلقات يرمون ويركصون دبكه وفرحانين واني صاير صراع جوايه وحفله ثانيه من وره صفاء ومرت اخوه خلصت الحفله ودعناهم وطلعنه الطريق كله ساكته والبنات تعبانات ونامن __ شبيج نجمه مو ع بعضج... لا ماكو شي وصلنه ع البيت شلت نرجس وحسين شال نور وصعدناهم للغرفه كلمن بمكانها دخلت للغرفه مالتنه مسكني حسين __تعال يحلوو وين رايح طالعه كيكه اليوم __اي بس هالكيكه اليوم مبقى احد مضحك عليها __ليش منو ضحك شكووو.....صفاء اليوم تعيرني تكول ام البنات لان خلفتي بنات ومرت اخوك تخاف ع جهالها مني لا احسدهم لان ما عندي الولد وعندي بنات __وشبيهن البنات نعمه من الله تكفي حنيتهم علينه من يكبرن __معليه حسين اني اريد ولد باجر تاخذني لدكتورتي حتى تشوفلي حل __لج اتقي الله وحمديه ع هالنعمه يا ولد يا دكتوره كله بيد ربج وهالموضوع مال خلفه البنات تره مني الصوج مو منج انتي كاع واني ازرع بيج يعني مو صوجج __حسين تكولي كاع تكولي حديقه لو ثيل معليه اني تاخذني باجر __امري لله اخذج وحتصدكين كلامي بقيت ع هالمنوال ورحت للدكتوره ونفس كلام حسين __خلي نسوي تحليل لحسين ونتاكد من نسبته __يعني دكتوره اكو امل...احنه من نشوف زوجج اذا نسبته الانثويه عاليه ننطيه مقويات ذكريه __تمام دكتوره اليوم اخليه يسوي رحت لحسين وتوسلت بيه __لج انتي مخبله لو عاقله ما اسوووي لتلحين __لخاطري فدوه اذا تحبني __حسوي نجمه بس اذا وراها مهما تكون النتيجه تكعدين وتسكتين __اي قابله بس سوي نزل للمختبر كتله سوي تحليل وطلعت نسبه البنات عنده 80% شفتي نجمه يعني ايس يعبيس واذا تريدين تحبلين فهم حتكون بنت واني راضي واي احد يحجي كولي الصوج مني بس ارحميني وسدي هالموضوع لاااا ماكو هيجي حجي اني اذا ما اجيب الولد ما ارتاح ولا يصيحولي ام البنات ومعليه بيك اني حظل اروح لكل الدكتورات لحد ما تنطيني شي او علاج او طريقه حتى احبل بولد وكمت يوميا يم دكتوره ملاييين ذبيت ع العلاج وطرق وادويه وحسين ولا يمه تركني براحتي وهو عايش حياته ويه بنانه مرات يرزلني ويكول العنده نعمه وانتي رافستها ومرات يضحك عليه كان حنين على بناته كلش ودائما يردد عندي 3 بنات مو اثنين اتمنيت اصير مثله واتقبل الموضوع بدون ما اضوج واتحسس وضليت شهور ع هالمنوال لحد ما تعبت وايست حتى حمل كام ميصير عندي ونسيت هالموضوع وبعد لا اروح دكتوره ولا اخذ علاج حتى حسين بطلت انطيه اكلات كانت الدكتوره توصفهم لحسين لان اخر مره سويت بيه شغله كام يكفر من ورايه ومن ضمن الامور الي سويتها بحسين ::: مره جيرانه كالت استخدمي نوه التمر (الفصم)وانطي لزوجج يشرب منها اني عبالي انطيه النوه يشربها ويه المي يبلعها ويوميا اجبره الا يشرب وحده لحد ما صار اسبوع وحسين يشكي من بطنه وصار عنده قبض لو يطلع بس فصم منه بالحمام __لج نجمه فدون بطني دتموتني من وره نوه التمر بعد ما اخذ اساليها لهذه الكلتلج ليش هيجي اتوجع _اي حبي هسه اكوللها شو هذه كالت بلع تبلعهم وانت دتتاذه هسه اتصل عليها __هلو خاله اكولج فدوه شو حسين من وره النوه الي يشربهم بطنه توجعه وقبضت __شيشرب شنووو النوه شنو يشربهم ماما اني كتلج مي النوه يشربهم __عززه بعينج نجمه حيموت الرجال من ورايه زين هو صار اسبوع اوكله __لج انتي عقل براسج لو شنوو امشي انطيه ملين وبعد لتصرفين بكيفج والشي الي متفهميه اساليني عليه واعلمج يله روحيله سديته من يمها وما اعرف شكول لحسين __هاا شكالت __هااا كالت انطيك ملين مو زين بطنك توجعك __شنو ملين ليش هي كالت ابلع وتالي من هيجي يصير تكول ملين _مو طلع مو بلع طلع المي مالته تشربه _لج من الله يطيح حضج ع هالسوايه من الله ياخذني ويخلصني اني استاهل امدايه الف مره هو هذا الي ياخذ زعطوطه __شنو قصدك اني غبيه __سكتي الله يخلي الجوز والزبيب اكوم اجيبلي ملين بطني موتتني _جيبلي وياك صودا __شسوين بيها ....من تجي اكولك —————- هااج هذه الصودا والصيدلاني كال الي اشرب ملين منا لساعه اذا مصار شي اشرب مره ثانيه الله يطيح حضج ع هالعمله وصدك مكلتي شسوين بالصودا __هااا مو الدوره اتاخرت وكالو اذا تريدين تعرفين نفسج حامل استخدمي الصودا __ولج حرام نعمه الله انتي شدتسوين معليك انت اني اعرف شصرف دخلت اجرب بالصودا وكلشي ماكو خررب يمكن سويتها غلط ورجعت دزيت حسين هم جابلي ونفس الشي __لج بس فهميني منو كلج ع الصودا ولج حرااام يبنت الناااس __اني شعليه همه كالو واذا حرام ليش كل النسوان اجرب اني هم مثلهم اجرب __نسوان ميخافن الله ومن نعمته انتي شكووووو __لااا حتى بالكوكل هم مكتوب ... __شكاتبين استخدمو الصوداا لاختبار الحمل __لا مكتوب بيكوربونات الصوديوم لان اسمها المختصر هو صودا __نجمه كووووووووووووومي من يمي ولا والله ارتكب بيج جرررريمه كوووووومي ولج شلووون البيكوربونات نفس الصودا لج امداها للمدرسه الي درستج يا غبيه ولج حتى الزبيب والجوز بجوو هلكد متاكلين بيهم ومتعلمتي ااااخ هسه لو اكوم بالنعال ودك دك ع راسج هم ما يبرد قلبي بيج انتي حجلطيني __اوووي دكافي كافي اروح اصب غده هوايه احسلي حتى انام وارتاح منك __ااي نامي فدوه نوم الكافر عباده ————————- وهذه كانت احد الامور الي كنت اسويها من وره هوس الحمل لحد ما قررت اترك كلشي للزمن والله كريم مرت الايام وحياتي بنفس روتينها كاعده بالمطبخ اطبخ وحسين متمدد ع القنفه يتفرج تلفزيون والبنات يمه ديلعبن مبايله رن مس كول وراها اجه مسج كلت افتحه واشوف منو فتحت المسج مكتوب اجه ابو البيت شوكت تجي تدفع الايجار باوعت استغربت كلت يا اجار والرقم مكتوب عليه عقيد جاسم __حسييين تعال لحظه _خير شبيج باباتي __ اكولك هذا عقيد جاسم كاتبلك على ايجار يا ايجار يقصد __هاااا مووو هو عنده محل مواد حتياطيه وناطيني ايجار ادفعله لان هو واجب عنده وحاط عامل ويخاف العامل يبوك لفلوس __اهاا فهمت لعد ادفع الايجار لتنسه خطيه معتمد عليك يتبع ... بدايه جديده لحياه نجمه بلشت من بعد هالمسج تابعو ويايه حتى نشوف ونعرف شنو من وره هالمسج توقعاتكم #زينب_عبد_المطلب |
#العروس_والسحر__ البارت الخامس عشر #زينب_عبد_المطلب🦋 مشى موضوع العقيد جاسم عندي بس دائما هذا لعقيد هوايه يتصل بي واكول صديقه ولان وياه بالدوام يتصل هوايه اني صح ادري بحسين عنده سوالف مكسره بس من بعد سالفه المدرسه الي كانت ادرسني بطلت لا احاسب ولا ابحوش بس اهدده وادري يخاف ويبطل ويكعد كلت اكسب راحه بالي لان اعرف حسين يحبني ويمووت عليه وميفرقني عن بناته حالي من حالهم الي دائما يردد عباره عندي 3بنات فموضوع انو يخوني كلش مبعده الفكره عن راسي فكنت احاسبه بغير شي وهو الراتب بعد ما ازوجت حسين كبرت بتفكيري وتدبيري فصار عندي نوع من الحرص مو بخل انما حرص ما احب ابذر ولا اذب فلس ع شي ميسوه او ممقتنعه بيه فحسين كان راتبه خيير من الله يستلم حكم رتبته بالدوام فكان راتبه عالي صح هو كان مسيطر عليه بالطبه والطلعه واللبس والحركات وكلشي بس موضوع الراتب اني الي مسيطره عليه وحتى ع حسين كلمتي متصير اثنين وياه الي اكوله يتنفذ حرفيا فكان كل شهر كلما يستلم راتبه ناقص 500 ومن اسال عليهم كل شهر يطلع حجه شكل ويتحجج بامور سخيفه يخليني اكمز مليت من اعذاره بس اسكت لان ميفيد الكلام وظل هالشي ابالي حطيت عليه علامه استفهام اذا هسه مراح اعرفه اعرف بعدين حينكشف لان الله دائما واكف ويايه لان اني صح وياه وماشيه عدل اما بالنسبه لموضوع الحمل لغيته تماما من راسي لحد ما يوم حسيت بلعبان نفس رحت ركض للحمام متحملت ضليت وقت وطلعت رحت ع المطبخ حاطه رزنامه ومسجله شوكت اخر موعد دوره لاحضت موعدها من اسبوعين وهي ماكوو معقوله حااامل لااا ما اصدك يربي بس مراح اكو لحد ما اتاكد __حسين تاخذني باجر لاهلي __شعجب مصار يومين من اجيتي من يمهم __هاامو بيبي وامي حيروحون للسوك وكالو تعالي ويانه نغير جو سويه __تمام باجر من الصبح اوديج ادللي __تسلملي حبيبي للصبح مكدرت انام من التفكير حامل لو لا واجابه هالسؤال باجر الكل كعد الصبح كملت الريوك و وكلت البنات وبدلتلهم وتحضرنه لاول مره اشوق لهالدرجه لبيت اهلي وصلنه حسين كعدت شويه سلمت عليهم وردت اطلع __وين رايحه هسه اجيتي __يمه مراجعه للبيت خلي البنات هنا رايحه بشغله ومن ارجع اكوللكم __ياا واذا حسين اجه وسال ___يمه ميرجع واذا اجاه كولي راحت لعمتها وخابريني ارجع يله رايحه ما اتاخر نص ساعه واجي رحت ركض للمختبر بيتنه كان بفرع ومن اطلع راس الشارع السنتر مال المنطقه كله بوجهي يصير وصلت للمختبر واني اتمنى ميخيب ضني اتفائلت اول شي مو نفس المختبر الي كل مره احلل بيه وهالمره وحدي مو خسين ويايه فدخلت وحللت ومنتصره النتيجه __نجمه ....اي نعم تفضلي...ايدي ترجف اخاف افتح واشوف رجعت التحليل للبنيه __فدوه ممكن انتي تقريه اليه __اي ادللي ليش لاا انطيني التحليل __مممم نتيجه التحليل حاامل الف مبروك __صدك والله حامل صدك تحجين يعني حاامل يارب الحمد لله والشكر هذا اول حمل فرحت بي لان جان بأرادتي واني الي ردته منجبرت عليه بس بلحظه اذكرت وخفت لا اكون حامل بنت وشلون حصبر كم شهر حتى اعرف لو هم حسين حيمعني وميكول بشنو حامل الا لمن اولد لاا مستحيل اقبل لو اعرف اروح وحدي واشوف هالمره الحمل اني الي ردته وحعرف بالوقت المناسب رجعت لبيتنه فرحانه اول مدخلت __متكوليلي وين صرتي هذه بنتج نرجس فرفحت عليج __يمه سوده عليه تعالي.يمه ليش هيجي البنيه هدومها كلها اكل وسخه __اي غير وكلتها ميته جوع يمه البنات ريكتهم واجيت فدوه يمه بناتي صارن فياله من وراج لضلين توكلين يعني من اجي يمكم لحد ما اروح حلوكم متوكف تكولين طليان وتعلفين بيهم __عيني هسه لتغيرين الموضوع وكوليلي وين رحتي لا اصيح بيبيتج هسه اتقررج __اي صيحيها اصلا اريد ابشركم سوه __خير ان شاء الله __لحظه اوكفي يمه ..بيبي وينج تعالي شوي __يله احجي اجتي __احمم احممم .....غير تحجي اصاله نصري __يمه اوكفي اعدل الاوتار احمم اني حاااااامل __صدك تحجين يمه فدوه صلوات كلوووووش اي يمه بعد وبعد ترسي البيت كله احفاد __الف مبروك حبيبيتي كلوووووووش __هاااا شبيكم شكو تهلهلن فرحونه وياكم __اي نفرحك ويانه ليش لااا نجمتنه حااامل __صدك باباتي الف مبروك حبيبتي متعرفين شلون افرح من تحبلين تعوضينه بيج لان ننقهر من ماعندج اخوان وجهالج اعتبريهم هم جهالج وهم اخوانج __هاا بابا شنو هالكلام مو وقته لتكول هيجي بعد الله فرحكم بيه واني افرحكم بالاحفاد بس ادعولي بالولد __هااا رجعنه ع نفس الموضوع ولج الي يجي من ربج نعمه اهم شي اتمام الخلقه واهم شي نشوف رده فعل حسين —لا حسين مو هسه اكوله وانتو هم لتحجون اريد اسويله مفاجئه __تمام ادللي انتي الي بلغيه احنه معلينه بقيت بيت اهلي يومين اتصلت عليه يرجعنه كال خفاره عنده وبقيت واني هم منضره ارجع حتى ابلغه بيتنه بعد يومين اجه اخذنه بهاليوم كان حاار كلش واعصابه لحسين فالته يصرخ من وره الحر عبالك اني الشمس وديطلع حركته بيها __شبيك متكولي الجو حار اني شذنبي حط ايده ع حلكه وكال اششششششششششش اني هم سكتت وبعد محجيت الطريق كله ساكته اول موصلنه نزل لجهال وجنطه ملابسنه وعلاليك ويدردم من لحر __انطيني الاغراض اني افرغهم __العلاكه هذه بيها اكل حضريه لان كلش جوعان وعرفت مراح تلحكين فجبت ويايه __تمام هسه احضره انت ادخل اسبح وارتاح بين ما احضره __اي والله هي مال حمام هسه ع هالحر الاكشر دخل للحمام وحط اغراضه الي بجيبه فوك الثلاجه محفضته ومبايله ومفاتيح السياره دائما يحطهن فوك خصوصا اذا ميريدني ابحوش بيهم بس اني مو بحالهن لان كاعده احضر وافكر شلون اكوله هسه اني حامل البنات بالصاله ديلعبن واني ملتهيه احضر ونفس الوقت افكر انقطعت سلسله افكاري بصوت اهتزاز من مبايله باكثر من مره اشتغل عندي الفضول بس شلون اوصل للثلاجه واجيبه دفعت الكرسي مال مطبخ وصعدت وجبته للمبايل اخذته واني اعرف الرمز ماله كان بوكتها حسين جهاز مبايله كان كلش راقي هالجهاز وخصوصا الواحد ياخذ بيه صور وفديرات المهم فتحته للجهاز لكيت هم الاتصال والمسج من عقيد جاسم اويلي عليك يجاسم ضرتي صار مو صديق هالكد ميراسل حسين كلت اشوف شرايد منه هالمره فتحت المسجات طلعن صور بس مو واضحات لان بعدهم ممحملات ضغطت عليهم حتى يحملن ونفس الوقت صعدت اقرا الفوك محادثاتهم بين ميحمل اتفاجئت مكتوب رساله من حسين وكان ديكفر بيها ويرزل وكاتب لزكتي انتي خوما لزكتي كافي بابا حسي ماريدج اني وغلط وفشار عليها مو طبيعي حسيت بدوخه اريد اوكف ما اكدر واني منا صاعده ع الكرسي نزلت ع كيفي وكعدت اكمل باقي المسجات لكيت هي مجاوبه الكاتب عليها عقيد جاسم كاتبتله __مثل ماتنطي حقها كزوجه اني هم اريد حقي اني مرتك و انت حبيبي وحياتي وحتى لو تضربني بنعال هم ابقى احبك وادري بيك يجي يوم الي ترجع بس الي ولحضني لحضن حبيبتك بين ما كنت اقرا كلامها الصور عندي كملت تحميل وانفتحن نزلت ع الصور وايدي وجسمي حتى قلبي يرجف فتحت اول صوره وانصدم بوحده مو غريبه عليه عزززه هذه بنت خاله صفاء بس هذه شنو وشجابها اهنا ..وشعلاقتها ويه حسين وهي مزوجه ..وشنو هالكلام والصور.. زين هي مخبله ..معقوله مستغل خبالها.. لو هي عاقله الف سؤال براسي صار رجفه بجسمي خضتني خض والعرگ الي ينزل من جسمي كانو سبحت ما اعرف اذا من الصور لو المسجات لو من الحر دموعي تنزل بدون وعي مافرزن كمت رجعت اسال نفسي شنو حقي ياحق تريد وشنو اني هم مرتك حتخبل لاااا لااا مستحيل هذه مو مخبله والكلام الي كالته قبل الي كان تحدي بينها وبيني ومو مخبله خبال مال مجانين هذه مخبله بحسين بداخل هالصراع الفكري سمعت صوت حسين وهو يصيح __نجمه منشفه جيبيلي صعدت ع الكرسي شمرت مبايبه ونزلت رحت اخذتله المنشفه باوعت باب الحمام نور واكفه تنتضره ونرجس ع الارض وتصيح بابا معرفت شسوي شصرف شكول البيه هسه لو اطلعه بهاللحظه من صرخه احس العالم حتطرش من صوتي دكيت باب الحمام ومديت ايدي حتى ياخذه هو مسك ايدي وسحبني جوه للحمام اول مدخلت حصرني ع الحايط ويبوس بيه ويحضني __حياتي باباتي مشتاقلج ومشتاق لريحتج يوميين انتي بعيده عني عدريني كنت معصب من وره الحر وطلعت بوجهج اني كدامه مثل الجثه واباوعله وساكته ما اريد ابين اله اني عرفت شي او بيه شي اريد اصدمه مثل مصدمني شاف ماكو مني امل وما اجاوب وياه سالني __شبيج باباتي ليش واكفه مثل الحايط وعبالك صنم كدامي __هاا لا مبيه شي __لعد شبيج حبيبي معقوله مشتاقيتيلي اباوع عليه احس بلعومي يريد ينفجر لحجي الي بداخلي هوايه بس ماكدر كول او احجي كلمه كل الي خطر بالي هسه بيبي اريدها __نجمتي شبيج وين صفنتي معرفت شلون اصرف وياه لازمه روحي بالكوه ومستحيل اتقبله بعد الي شفته سمعنه مبايله يرن ويفصل ويرجع يرن ويفصل هو بلش يحوص يمكن هذه هي وهذه اشاره بينهم راسن وخر من يمي ونشف روحه وبدل وطلع اول مطلع طكيت بجي وارجف مثل السعفه كعدت بارض وهي مبلله ومحاسه بشي اذكرت بيبي مبايلي بصدري حاطته طلعته واتصلت عليها __بيبي هي عززه ما اصدك طلع هوو يعني من شوكت هذه تتحداني مو مخبله __لج شكوووو ع كيفج كلشي ما افهم شوي شوي فهميني او لااا مبين حالتج مو مال تلفون تعالي هسه يمنه وفهميني بين ما ارجع عندي شغله اكملها وارجع سديته من يمها وفعلا ما اعرف شحجي بناتي فاتن للحمام يباوعن عليه وكامن يبجن حاولت اسكتهم حتى ميحس عليه وغسلت وطلعت طلعت للمطبخ حسين ماكو ياا وين راح وحتى مكال الاكل ماكل منه شوي جبت الكرسي حتى اشوف اغراضه ومبايله ملكيتهم ياا شنو السالفه حسيت رايح الها اتصلت عليه __انت وين —شغله اجتني هسه اكملها واجي -لااا تعال وبعدين كمل شغلتك اتصلت بيبي تكول بابا تعبان اريد اروح اشوفه __هاا خوش لعد حتى وراها اتفرغ ايجوز اتاخر ع الاقل انتي يم اهلج سديته من يمه واني احس روحي بحلم بدوامه اذكر تصرفاتي وياه وحبي اله ومداراتي وشلون اخاف عليه وع بناتي وبيتنه اذكر شلون كنت وشلون صرت تغيرت علموده ولاجله ..كنت رافضته وجبرت نفسي واكول زوجي وابو بيتي وحبيته اي تقصير ماكو مني ليش هيج سوه بيه زين شصرف هسه زين ليش متعاركت وياه ليش انخرست يربي كاعده افكر وسمعت صوت هورن السياره اخذت البنات وطلعت والطريق كله حرف منطقت بس لشتي ترجف واحس اذا احجي انفجر عليه وصلنه للبيت كعدت انتضر بيبي نص ساعه تقريبا واجتي اول مشفتها نهاريت واحجي مخربط اريد بس اطلع الي بداخلي حتى لو ممفهوم وبسرعه المهم احجي لان احس اذا بقى بعد شوي حيخنكني __ولج يمممممه ع كيييفج فهميني وحده وحده تره دخت والله وكلشي ما افهم هاج شربي مي وفهميني بديت افهمها بهدوء وحجيت الها كل الشفته __ لا لا عيني مستحيل يحبج وحتى لو اكو هيجي شي فتراه اكيد نزوه نوبه قفلت ومصدك كلامي اريد اقنعها عقلها قافل على انو يحبني وغلطانه وماكو هيج شي وفاهمه الموضوع غلط واني منا احجي و ارجف و اريد بس اقنعها واذكرت الخطوبه __ اوكفي اذكرت شغله حقنعج بيها بالخطوبه داست ع رجليه وبالحنه كالت اخذتيه مني لشلع عيونج واخذه منج مره ثانيه كان تحدي منها من سالت حسين كال مخبله تركيها وهسه شفت الصور وهي بدون ملابس عاريه وكاتبتله جسمي يريدك وحجي بديئ كلششش حتى استحي اكوله والله يا حبيبتي مدى استعب الي تكوليه __لا استوعبيه وصدكي صدكووني من اكول خاااين وابو بنات واني بس ارجع حراقب جهازه واي مسج او شي اطك صور بتلفوني واشوفج حتى تصدكين __لااا بس كافي صدكتج لصورين __هاا وشلون صدكتي هيجي فجاءه __ شغلات خلتني هسه اربط الاحداث واذكر كعدي اسولفلج ونزلي من القنفه هالعاده مالتج من تعصبين تصعدين ع القنفه وتكمزين بطليها __يله نزلت احجي كلشي تعرفيه قبل فتره من اجه و ذبج يمنه جان عنده دوام علساس شافه ابن عمج بعماره بمنطقه ،،،،،، طابكه سيارته هناك فنسال ابن عمج ع العنوان ونتاكد __اي وبعد شنو __ومن كنتي مريضه امه اجتي اكثر من مره واتصلت تسال عليه تكول لا بالدوام ولا بيته ولا مر عليها ومتعرف وين فكتلها مو يمنه ومن اجه ثاني يوم رقبته كانت كلها علامه سكتت كلت حقه هم رجال ويريد ومرته متدري الله وين حاطها من وره مرضها __يعني صوجي اني مووو ..لا يمه مو صوجج بس اني عذرته وقتها وهاا ااذكرت ام عباس الي اخذناج عليها هم كالت من اطيب راح تكشف سر مضموم حيكسرها اكثر من مرضها هذا يمكن هو هذا السررر يعني كل هذا صار ومحاجيتلي ليش فهميني ليش والله احس حطك شلون اتاكد هسه لحظه اذكرت شغله قبل فتره راسله واحد يكوله ادفع الايجار وكانت هي بس هو كال هذا العقيد وسوالي فلم مرتب وصدكته يعني هي الي بالشقه وكل شهر اطير 500يدفعلها طلع الايجار __شووفي عندي فكره فديوم هو يمج ومتخليه يطلع واني حاخذ العنوان وادز جماعه بحجه ياخذون عدد الافراد الاسره او معلومات ع سكان العماره وهي راح تحجي اكيد وتكول شنو اسمه الزوج __تمام بس والله اذا طلع الي شفته والي خمنته صحيح اكسره و اندمه والله بس هااا اريد واحد انامن بيه _اي ندز احد عسكري من جماعه عمج بحجه اجرائات امنيه و يصورون جنسيتها او فد اثبات مال زواجهم وراها نتصرف على ضوء ذلك بس انتي هدي شوي ولتنسين انتي حامل وهاا اياج تبينيله انتي عرفتي شي او حاسه بشي كوني طبيعيه و لج بنتي دائما اعلمج من يغلط الرجال ابداا لتفكرين تعاقبي بعياط وصياح تريدين اتادبيه حركي قلبه وخلي يذكر عقابج اله لان العصبيه والصياح ميفيدون وحقج يروح __اي __خوش لعد هسه اريدج تكومين وتتحضرين وترجعين لبيتج ومن يجي يشوفج اريدح طبيعه واحسن من اي وقت تكونين ويا __صدك تحجين ماكدر اليوم اقلب الدنيا ع راسه __لعد يطبج مرض خلي هو يستكوي عليج وذاك لوكت يكولج طبج مرض وبكيفي واني رجال ومن حقي ازوج و الله حللي اربعه انتي تحرمي رجعت صعدت ع القنفه اكمز احس نار تصعد من معدتي لزردومي حتى فج حلكي بده يتقلص ويوجعني __يااا لعد تريديني استسلم الهاا __لج بت لحمار مثل امج انتي متفتهمين من تعصبين داكولج بس خلنتأكد من الموضوع كله. واصلا اني مابقيج يمه لوعندج ميت جاهل هلكلب ابن لكلب بس اريدج تلزمين اعصابج وتهدين لحد منتاكد وهسه كومي حاخذلج تكسي ورجعي لبيتج وبوستني وهدتني ورجعت للبيت بتكسي مال جوارينه الله يهديج حبيبتي ويريح بالج سوده عليه من ازوجت لحد الان ولا تهنت هالبنيه رجعت للبيت واني جوايه احس نااار تسعر بيه كاعده واقرض باضافري افكر شلون هو هسه يمها وحتى مهتم من كتله رجعت تكسي لللمغرب واتصل شفت اسمه ع الجهاز يمه روحي تحترك اذا اسمك شعوطت من قريته اذا اشوفك شلوون مردت ارد بس لازم اظل متحمله لحد ما اكشفه جريت نفس ورفعت الخط الووو __هلا يقلبي اكولج سويتي عشه تره ميت جووع واذا ممسويه اجيب من بره لا مسويت شي. رجعت تعبانه انت جيب وياك تمام حبيبتي سديته من يمه احس صوته ينرفزني كلشي بيه كرهته اتمنى من يدخل طلقه براسه واخلص وابرد النار الجوايه بس وعد مني يا حسين اذا مخليتك تندم ع اللحظه الخنتني بيها ما اكون اني نجمه وصل البيت وجايب وياه بيتزا وشاورما لحم حطهم ع الميز ودخل مباشرتا للحمام واني كعدت بالصاله وكمت اربط واذكر الاحداث كان مرات يرجع يركض للحمام يسبح حتى من الجو بارد استغرب بس ما اهتم واركز ع هالسالفه ولا اساله بس هسه عرفت ليش حتى اليوم سبح وطلع ورجع هم سبح معقوله هيجي وسخ وطاب وطالع وهو يسبح لاا طبعاا اكيد كان يمها ورجع يذب قذارته منها بالحمام وهم اذكرت هو كلما ينزل من دوامه اذا مطلع بيومها بالليل يركض ورايه ويتغازل بس من يرجع من ودامه يرتاح شوي ويطلع ويرجع متاخر يدخل يسبح و وراها يلف راسه وينام وحتى ميباوع بخلقتي لعد خلي اجرب اليوم واذا اتقبلني اوخره بس اريد اتاكد منه اذا كان وياها لو لا لان الصبح من رجعنه حصرني بالحمام ودفعته اريد اشوف هسه بعده لو هي كفت و وفت لان حسين هذه قابليته اعرفه طلع من الحمام وكعدنه تعشينا وشرب الشاي وكعد يتفرج تلفزيون وبيده مبايله وعينه عليه اني اخذت البنات ونومتهن ودخلت للحمام جوه الدوش واني اشهك وابجي يعني اخذني غصب وصغيره وانلعب بيه طوبه بسحوره اهله خلفت واني زعطوطه اي تكسرني ليييييش تحملت كلشي واكول هذه قسمتي واسكت بس هالموضوع مو قسمتي انت الي سويته ولا اسكت عليه فرغت كل دموعي وهمي بالحمام وطلعت لفيت المنشفه ع جسمي وطلعتله بابتسامتي الكذابه الرسمتها بوجهي حطيت اكثر عطر يحبه بيه شعري منثور وبعده يذب مي مثل ما هو يحبه و كلما اخطي خطوه اله واردد ياربي قويني ماريد انهار ياربي اريد منك القوه حتى ما انفجر عليه واخرط الاكوو والماكوو تقربت يمه وضليت واكفه كدامه عيونه مرفعها عليه سبحت من ايده المبايل وكعدت بحضنه واحضن واشمشم بيه هو اتجاوب ويايه بس لثواني وراها دفعني __حبيبتي نجمه تدرين شتمنه هسه واني تعبان __اييي بله شتتمنه __اتمنى احطج بحضني واشم ريحتج ونغفه سوه صرت نار ومفوره عرفت واتاكدت صفاء منطيته حقه كزوج وراجعلي شبعان ضليت صافنه بوجهه وجوابه نااااار تغلي شالني وصعدنه فوك حطني ع السرير والتف من الجهه الثانيه تمدد وسحبني عليه وحضني حييل ويشم اني مثل اللعابه جوه ايده من برودي يحطني منا ويسحبني منا بس متحملت اسكت لازم اعرف شحيطلعلي كذبه وسالته __تدري حسين توقعتك مشتاقلي لان صارلك كم يوم بعيد عني __اروحلج فدوه حياتي بس بالنسبه الي عندي حضنج يسوه الف نومه __ كذبت والله كام يضحك بصوت عااالي __مو اكولك كذاب هو انت مال احضان __لا جديات حبيبتي تره تعبان كلششش __تمام عيني نااام وارتاااح نام واني نار ومشتعله بودي اكعده واصرخ عليه يالكذاب بالخاين والنكس واصررخ بعلوو صوتي بس لزمت نفسي وسكتت يا الله حتى نفسه اليمي كمت ما اطيقه سحبت نفسي وبدلت ولميت شعري ورحت لغرفه البنات حضنت نور ضليت ابجي للفجر كمت واستغفرت الله وذبيت حمولي عليه غسلت وتوضيت وصليت حسيت سكينه دخلت جوايه وبعدها كدرت انام بقيت ايام ع هالحال من ينام اسحب نفسي واروح يم نور اغفى لان يمه وبنفس الغرفه كلش مستصعبتها النفس الي يتنفسه ما اكدر اشمه ما اعرف اذا بسبب هالموضوع لو من الحمل هو لاحظ عدم وجودي اكثر من مره ويجي يلكاني بغرفه البنات اطلعله حجه انو نجمه او نور بجت واجيت اسكتهاوغفيت وراها طبعا بيبي مبلغه عمي ع السالفه وبيوم هو موجود يمنه اتصلت __نجمه عمج حيدز هسه مفرزه لتخلين حسين يطلع ليروحها وننكشف __لا بيبي ميطلع لان متواعد ويه اخوه حيجيله فد شويه فاخذو راحتكم واي شي يصير اتصل __تمام حبيبتي يله انتبهي ما اوصيج بعد بلشت الخطه الي حطتها بيبي تتنفذ ما انكر خفت من هوايه شغلات اول شي لننكشف واكثر شي خوفني ليروح يطلع فعلا مزوجها مو بس خريط مسج من عدها رغم تاكدي بهوايه امور صارت بس اتمنى كله يطلع غلط راحو مفرزه عالعماره مالت صفاء عمي دزهم بحجه معلومات و اجرائات امنيه تخص هالعماره داكين لباب عليها وساليها ويامن عايشه __عيني اني مزوجه وزوجي عسكري وعنده بيتين مو بس هالشقه __جنسيته او اي شي مستمسك مالته عندج؟ _ما عندي صراحتا بس عندي عقد سيد بس مو مصدق بالمحكمه _تمام انطينه العقد مستنسخ وهويتج وشوفيلنه بلكي هويته موجوده __ما عندي هويته بس اي هويتي موجوده وعندي عقد مستنسخ __تمام جيبيهم __تفضل نسخه من العقد وهذه هويتي واتاكد __تمام مشكوره اختي العقد حناخذه بس نتاكد من الاسم لاجل الاجراءات ونرجعه الج __تمام اخي مشكورين العقد وصل لعمي وهو شافه منا وصاير نار منا راجع لبيبي وهو يكفر ويصرخ __هالكلب الناقص مزوج ع بنتنه والله لخليه يندم ع الساعه الي عقد بيها ويطلك بنتنه هالعار __طول بالك وليدي لازم نحل الموضوع بوجود نجمه هي صاحبه القرار ونحله بيناتنه منريد الكل يعرف اتصل ع اخوك ونروح يمه ما دام بيته فارغ مرته وجهاله بالدوام وهو مجاز واهناك نتفاهم متصلين ع عمي الاصغر منه ومجتمعين بيته مرادو بابا هسه يعرف ليروح يتخربط وخصوصا ميريدوه يشوفني وهذا وضعي واتصلو عليه طلبو اجي فوراااا رحت ع حسين وديني عندي شغله عد اهلي __مو تدرين اخويه يمي شلون اخذج هسه __حسين صايره هناك مشكله كبيره ولازم اروح حتى البنات حتركهم يمك خليهم يم اخوك وانت وصلني وارجع __كومي تحضري بين ما ابلغه كمت بدلت بسرعه وطلعت ليشوفني البنات مبدله ويلزكن بيه ويبجن طلعت ركض وبالطريق اريد بس اتقيأ بالكوه لازمه نفسي من وره الحمل وما اريده يحس ويعرف لان قررت ميعرف بحملي وصلت لبيت عمي لان كتله هناك المشكله صايره __لعد انزل اسلم عليهم عيب __حسين مو وكتها اكيد جوه صايرين اعصاب روح هسه ومن تجيني ادخل وسلم اني حكوللهم راد يدخل واني كتله لا __كيفج لعد اني رايح...دير بالك ع البنات دخلت جوه واستلموني يغلطون ويسبون حسين شفت العقد بعيوني كمت الطم واصرخ __شفتووو هو هذاا الي كنتو ادافعون عنه وتكولولي اتحملي وحسين ذهب و ورده وين تلكين واحد مثله كتلكم ابو نسوان وميجوز واجيتكم من سالفه المدرسه والجيران وكمتو تضحكون وتكولون زعطوووطه اشتراني بالمهجوم مالته البيت ولازم شيسوي اصبر واسكت واتحمل وكلما اكوللكم ع اي شي او اي تقصير منه تكولون سكتي ينجمه لوما يحبج ميكتب البيت باسمج من انعل ابو البيت الي طيح حضي وخله كرامتي بالارض __كافي حبيبتي بنيتي الغاليه كافي فدوه خلي يولي ولتنقهرين وعيونج الي تريديه احنه حاضرين حتى لو نطرده من البيت ونلعب بيه طوبه من محاكم حتى يطلك وخلي تفيده صفاء __بيبي يا بيت يا اطرده حسين ما الي مهرب منه وكعدو كل واحد ينطي اقتراح الي يكول اطلكي والي يكول لا بقيه بس يطلكها ويحلف ميخون وبيبي اتكول طرديه من البيت واني دموعي عشره تنزل واباوع ع العقد ومصدومه منه __كملتو كلامكم واقتراحاتكم لان اني عندي الحل وعرفت شسوي حسين مو مال اتعارك واصرخ واطلعه من البيت او اطلك لاااااا اول شي راح احرك قلبه وراها اصرف صفنو بوجهي كلهم وشحسوين......... يتبع .. باًرت حلوو لعيون احلى متابعات مقصرت وياكم بالبارت فلتنسون تصوتون ونجي هسه ونسال ..؟ لو كنتي بموقف نجمه شنو حتسوين توقعاتكم |
#العروس_والسحر__ البارت السادس عشر #زينب_عبد_المطلب🦋 __كملتو كلامكم واقتراحاتكم لان اني عندي الحل وعرفت شسوي حسين مو مال اتعارك واصرخ واطلعه من البيت او اطلك لاااااا اول شي راح احرك قلبه وراها اصرف صفنو بوجهي كلهم وشحسوين. نجمه ...؟ سمعوني اول شي راح اسحب كل الصور والمحادثات مالته هو وصفاء واسوي حساب فيس بوك واسميه عقيد جاسم وادز طلبات لشكو واحد صديق عند حسين بالفيس __اي بيبي وبعدين شسوين بهذا الفيس __هذا حيكون تهديدي اله اذا حاااول او فتح حلكه ويايه __ليش عمو شحسوين _راااح اهج وما ابقى بالعراق __يااا وين ترحين ويه منو وبناتج شلون ومنين تصرفين __ميخالف ااي خلوها تسافر اني اروح وياها وما اتركها وبالنسبه للصرف كلكم تجمعون ونتعاون وتنطوها وكل راس شهر تحولولنه اني وياج حبيبتي نجمه وكتلج شنو ميكون قرارج اني وياج وانعل ابوه يابو اليوم الاسود الشفناه بيه __تمام وما دام سالفه السفر وافقتو عليه ومقتنعين فحسويها بس سالفه الفلوس انتو معليكم بيهااني اعرف شصرف __ليش منين حتتصرفين __عمو بدايتا ما اريد اثقل عليكم وبعدين مو عندي بيت وهو من حقي فالبيت نويت ابيعه وفلوسه اسافر بيها واعيش واكون بيه بدايه لنفسي ولبناتي لان ويه حسين بعد مااا اعيش صفنووو صار هدووء مو طبيعي اذا اشمر ابره اسمع صوتها حتى انفاسهم انكتمت رجع عمي باوع عليه __ بس بنيتي نجمه اريدج تفكرين زين بخصوص البيت تره العالم تتمنى شبر واحد باسمها وانتي تبيعين بيت شكبره ماشاء الله وبناءه حديث يعني بيت العمر وضمان الج هذا ولبناتج كالتله بيبيتي خليها صح فكرتها الرجال ميحرك قلبه غير جهاله ضناه وبيته خصوصااا اذا جايبه بتعب __اي بيبي لذلك اريد ابيع البيت تذكرين قبل كم يوم من كلتيلي الرجال من اتعارك وياه ما اخذه بالصراخ والعياط لان اذا الي حق حيروح بس بحركان قلبه تاخذين حقه وحسين اول شي ححرك قلبه بناته والطفل الي بطني والبيت __يااااا ليش انتي حامل...اي عمو حامل وباليوم الي ردت اكوله ع حملي كشفت المسجات والصور كانو ربي راد يكشفه الي قبل ما اكوله استغفر الله يا ربي واتوب اليه الله يهديكم وصدكي نجمه احنه وياج بكلشي تقرريه تعرفين معزتج عنده ومننسه من كم مره نبهتينه بهالموضوع واحنه نضحك ونكول طفله وغيرانه بس هو استكلف الوضع وازوج __مشكور عمي متقصرون والله __لعد ما دام هذا قرارج حتصل ع ابو سيف المقاول كرايبنه حتى يجي ونحجي ع موضوع البيت قبل ميجي حسين اجه المقاول تفاوضنه ويا وطبعا بعتباره مقاول راد يستفاد اخذه مني باقل من قيمته لان كنت مستعجله واريد هالاسبوع اطلع اتفقنه ع كلشي وكتله مده اسبوعين افرع الببيت وبعد يومين نسوي المكاتبه وابيع البيت بهالاثناء اتصل حسين وكال راح اجي اخذج البنات فحطو من البجي عليه سحبتني بيبي للمطبخ لان المقاول بعده كاعد __سمعيني ماما اريدج هالايام تسايسيه ولتخليه يحس بشي __وموضوع السفر شلون اكوله لان تعرفين البنات الا بموافقته يطلعن __شبيج يحضي كوليله حروح سياحه واخذ البنات ويه اهلي شويه نغير جو كم يوم ونرجع وهو اصلاا حيفرح حتى يكابلها لصفاء ويكعد ويشبع منها اني اهنا نزلت دموعي لا اراديا من كالت هالكلمه __لج ضحكي يعوبه باوعيلي اذا نزلت دمعه منج مره ثانيه تخسرين كولشي وتعيشين خدامه لصفاء ويخليج حسين امام الامر الواقع وبس تفتحين حلكج بكلمه حيكولج والله حقي انتي معليج وبذاك الوقت حتى احنه منكدرله لان هذا ملعون يعرف شلون يفر السالفه فهمتيني وهسه يله بنتي اريدج بطله تريدين تاخذين حقج وتبردين كلببج ضحكي عليه واستغفلي مثل مستغفلج وضحك عليج كلام بيبي ريحني مثل ليبرد اعصابي ويحسسني اني اقوه من اي ضرف امر بيه سمعت صوت الهورن مال السياره __بسرعه طلعيله ليروح يدخل ويشوف ابو سيف لان يعرفه هسه يكول اشجابه اهنا ومنا اعمامج ليكبون عليه وتخرب كل خطتنه __واذا راد يدخل شكوله __كوليله بس النسوان جوه كلهم طلعو.......تمام طلعت بسرعه وراسن صعدت السياره البنات كمزن عليه ويبوسن بيه __هاا حبيبتي منو جوه انزل اسلم واجي __هااا محد وره متصالحو اعمامي طلعو سوه للصلاه وبس النسوان جوه __اهااا اي زين حتى ليكولون اجه ومسلم __لا كتلهم وعذروك __يله لعد كعدي البنات بمكانهم حتى نتوكل وشنو رايكم نتعشى بره هااا باباتي شنو رايج انداريت عليه بس ما اكدر اباوع بوجه ااخاف ماسيطر ع نفسي واهجم عليه كضيتها ابتسم اله __بكيفك _لعد نتعشى بره والبنات يصرخ هيييبيييييي الطريق كله يسولف ويحجي واني ع عمه عيني ارد واتناقش ويا بس بداخلي نار وصلنه للمطعم وتعشينه ولو اني ما اكدر اكل عندي لعبان نفس كلش قوي وحركه بالمعده بس مبينت اله وبحجت اكلت بيت عمي حتى ليحس عليه ويشوف اكلي قليل كملنه عشه ورجعنه البيت صعدت البنات نامن واني دخلت للغرفه مثل كل يوم بحجه انام ومن يغفى اروح يمهن واكمل نومتي هالمره اول متمددت اجه يمي بده يتقربلي احاسيس مخربطه حسيت بيها لعبان نفس ع اشمئزاز ع كرهه بس ما اكدر انطيه الوجه الثكيل و لازم امشي اموري ومن اكوله بعدين ع السفر يوافق وميرفض خليته ياخذ حقه مني ولاول مره وخلال كل فتره زواجي من حسين شفته حيوان وينهش وياكل بيه طبعا الي صار بينه يصير مثل كل مره لحظه رومانسيه وحب وغزل وكلشي حلو نحس بيه بس لان اني وهلكد مكارهته احسه حيوان شي مقزز وهو يعرفني ويحس بيه من اكذب عليه بموضوع العلاقه الزوجيه وخصوصا اذا اكون محابه او تعبانه فانتبه عليه وع برودي بعد عني وسالني __شبيج اكو شي صاير احسج مثل البارده ويايه __هااا لا مو مساله برود بس محتصره ضايجه اذكرت سالفه السفر وتركيا كلت خوش درب حطلعله هسه __شبيج ضايجه حبيبتي ليش محتصره تعالي نامي ع صدري وحط ايده بشعري ويشم بي __ والله مختنكه لاطبه لاطالعه لاشايفه دنيا والله بلشت اكره روحي هلكد ما مليت من هالروتين ويوميا نفس الشي __شرايده كلبي بس كولي واني حااضرر _ اهلي حيطلعون سياحه واريد اطلع وياهم شويه نغير جو اني والبنات وهم حتى ليروحون وابقى وحدي اهنا انتضر رجعتهم __هذا هو يجرالج ويبوس بكف ايدي __يعني بس هذا الضايجه منه __ اي بس هالشي الي مضوجني وبداخلي احترك من اسمع كلامه يعني معناتها وياها هم يحجي هيج يعني اني محطه ثانيه بحياته حاطني يعني هسه اني صرت فضاله مال ذيج الك ..... البارحه كان يمها وشبع وليوم اجه دوري لا لاااا مستحيل ما اكدر استوعب تعبت ما اكدر اضل امثل نار وشاعله بيه صعبه حييل عليه زوجي مزوج عليه ويخوني ويكذب ويمثل ومسويني بس اني وبس وباقل غلطه اسويها يعيرني بالماضي مالتي ميصدك كنت طفله وما اعرف اصرف طفله محد يوجهها طفله محد مهتم بيها زين وانت هسه شكبرك ويوميااا تخون وهسه وصلت. مرحله تزوج عليه ليششش وشلون ومن شووكت اااي اااي صح من شوكت من خطبتني لو من ازوجنه لو من سحرولي لو من حبلت وجبت شوووووكت بس او اعرف شوووكت هو دائما يبات بره ويتاخر من ازوجنه لليوم يعني من شوووكت يربي حتخبل مليووون سؤال براسي واعرف شوكت راح اعرف كل هالاجوبه اصبرلي شووي وصدكني وراها يحسين الا اندمك ع كلمه دمعه نزلت مني وانساك راح اعتبرك محطه مرت بحياتي وراحت للابد [ينبغي أن يكون هناك gif أو فيديو هنا. قم بتحديث التطبيق الآن لتشاهد المحتوى.] __نجمتي وين صافنه وضعج معاجبني ابداا اليوم بس تصفنين لا وبحضني صافنه شجاوبه يا حضن الي تحجيه عليه صار لغيري هالحضن بعد ما كان الي وحدي كان ملجأي ادمنته لهالحضن حتى لو ما موصلت مرحله العشق الجنوني لحسين بس هذا زوجي وابو بناتي __لااااا تره انتي صدك مو طبيعيه هيجي الملل والضوجه مخليج دايخه شبيج ولج احجي وياج ترجعين تصفنين بااعي باجر من الصبح ابلش بجوازات البنات اطلعهم وجوازج اجدده وانطيج فلوس السفر روحي غيري جو لان حالتج مبين كلش ضايجه واحنه حاضرين وبالخدمه ست نجمه تؤمريني بشي ثاني __ فديتك مقصرت راسن وخر ايده من جوه راسي وكام باوع ع وجهي وقرب وجهه عليه __هااا رضى حبيبي هسه لو بعدج ضايجه ابتسمتله لان مكدرت انطق ولا كلمه حتى بس امشي الوضع وادعي ربي يقويني وما انذل بعد اكثر لان كلش تعبت انتضرته لحد مينام ويغفى ورحت وسحبت نفسي رحت سبحت ورحت وراها لغرفه البنات ونمت يم نور بعد ايام علاقتي وتعاملي ويه حسين مثل ما هو واهم شي مخليته يشك بشي بعت البيت وكل ذهبي و ضميتهم يم بيبي وشفت عنده لحسين فلوس ضامهم بالكنتور باوعتهم يطلعن دفترين كلت خلي اعوفهم قبل ماسافر بساعه اخذهم لان هسه اذا اخذهم راح يحس هو بلش باجرائات السفر والجوازات ملتهي يطلعهم ولان المعاملات ازدحام وتتاخر فنطى فلوس حتى يطلعن بسرعه واني عيوني عليه وع روحته وطلعته واتصالاته عبالك ممصدك حنروح حتى ياخذ راحته وياها نفسيتي تعبت واني اشوف زواجي دينخرب وبيتي راح مني بس الحمد لله اهلي ويايه وديساندوني كان باقي ع سفري يومين اتصلت عليه بيبي __نجمه حبيبتي احنه حنسافر ونعرف اذا الفلوس حينكرطن لو حنستفاد منهم ويجوز منتوفق هناك فانصحج تشوفيلج بيت حتى لو صغير تشتريه وع الاقل يفيدج باجر عكبه فكرت بكلامه واقتنعت بيه __تمام بيبي اتصلي ع ابو سيف اليوم يشوفلي بيت حتى اخذه وبسرعه لان مبقى بس يومين ونروح انتضرت ساعه واتصلت بيبي وكالت اكو بيت __تمام اريده اشتريه الفلوس يمج وكتبيه باسمي والاوراق يم ابو سيف بس اجيكم اوقعها __لا لتجين ليروح يشك اني اشوف البيت وانطي الفلوس واكتبه باسمج واجيب الاوراق توقعين وحسوي وكاله امشي بيها باسمج لان ما اكدر اظل اجيج وانتضرج توقعين وحسين يكشفنه __تمام حبيبتي وضليت كاعده ع نار منتضره بيبي تجي ولليل اجتي بحجه كانت قريبه يمنه ومرت علينه __تعالي بسرعه وقعي ليجي يشوفنه __ااي انطيني القلم و وقعت.... __شلونه البيت زين __هو صح مو مثل هذا بيتج وبكد مساحته وكبره بس هذاك هم حلوو وملموم ومرتب وحديث بناءه __هذا هو الحمد لله المهم بيت لبناتي باجر عكبه يفيدهن __يلا اني حروح ابو سيف دينتضرني حتى باجر من الصبح نكمل كل المعامله __الله وياج كضيت اصعب ايام بحياتي عشتها ويه حسين بهالفتره لان حييل صعبه تحس وتشوف شخص كنت معتبره سندك ويطلع مستغلك وماذيك ولاا يحسسك انت وبس الي بحياته شكد ما كام يحجي ويتغزل ويحب ويحلف ما اصدك بيه ثقتي بيه رااحت انزالت انعدمت من الوجود ضليت ع نار بس اريد يجي موعد السفر حتى اروح واخلص من هالتمثيليه .... —يوم السفر— موعد السفر اليوم الساعه 6 العصر وحسين من قبل يومين لا يداوم ولا يتركنه مكابلنه وكاعد اما اليوم كاعد ويحضن بالبنات ويبووس بيهم واني اباوع عليه وفحطانه من البجي حسيت هاهي حياتي بدت تنتهي لهنا تنطوي صفحتي ويه حسين متحملت ركضت للغرفه وابحي حسيته دخل وحضني من ضهري انداريت عليه احس بلعومي يريد يطك لخنكه بلاعيمي موقف صعب كلش متوقعت هيجي حيصير بيه __نجمه ليش صدري احسه مختنك تره منتعود افاركم وانتو حتتروحون 20 يوم اخاف لطولون اكثر هناك كووه كمت احجي واحاوله __لاا منتاخر اكثر __صح اذكرت منطيتج فلوس راح فتح الكنتور وطلع من الفلوس الضامهن __هاج حبي هذه 75 ورقه تكفيكم لو لا __لا تكفي جاوبته واني مبتسمه __نجمه ليش داحسج مو طبيعه ما اعرف بيج شي غريب ومن اباوع ع وجهج اختنك لزم خدي ونزل بطولي __ باوعي عليه نجمه وجاوبيني متحملت اباوع عليه او اجاوبه لكيت نفس واني اشمر روحي عليه وحضنته واشهك بركبته __ خلاص نجمه ماكوو روحه اسمعه يحجي واني اشم بي واحس اخر مره هذا لجسم المسه اخر مره اشمه اريد اشبع منه احساس اشبه بالموت __لج مو احجي وياج كااافي لتبجين وماكو روحه متروحين __لاا حبيبي لتكول هيجي ميصير ما اروح عيب __لا يصير هذوله اهلج مو غربه اذا كتيلهم ما اروح و وعد مني اني اخذكم نهايه هذا الشهر واخذ اجازه بدون راتب اخذكم واونسكم وشتريدين اسويلكم __لا حسين ميصير بس صدكني اني وياك بعدين نعيدها من ارجع رتب الك اجازه ونروح لغير دوله مو تركيا حتى كل سفره نروح دوله __هذا هو براحتج حبيبتي لعد ارطد منج تنتبهين ع البنات وانتبهي دائما ع مبايلج وخلي دائما مفتوح وبيه شحن ولسويه صامت حتى من اتصل تجاوبين ومتخلين بالي هزيت راسي اله بمعنى اااي __تمام حبي لعد هسه اني حطلع وساعه واجي حتى وراها نتوكل و اوصلكم حسيت من طلع ارتاحيت بحيت نهيت روحي بالبجي طلعت بره الغرفه و اباوع عالبيت اكول صدوك عود بعته صدوك عود كلشي راح مني بيتي رجلي حياتي حتى دراستي راحت مني وكله بسببه هو الي هيجي سوه بحالي ليش عود ليش ليش ياربي ماذيت احد ليش هيح توني بعز شبابي يزوج عليه زين ليش هالسوال موتني ودمرني امشي واصيح ليييش اذكرت ابن عمي انطيته وكاله علمود الطلاق حتى يمشيلي بالمعامله اتصلت عليه قبل ميجي حسين __الوو هلو هيثم اكولج من باجر تمشي بالمعامله لان اليوم حسافر واتنازل عن كلش بس حتى يطلك __تمام يبنت عمي يجرالج واي جديد يصير بالمعامله اتصل عليج واكولج __مشكور خويه يله من رخصتك وسلملي ع الاهل وهسه كملت كلشي وكل اموري تمام اذكرت شغله حابه اسويها لحسين مفاجئه ويشوفها من اسافرر كمت وطلعت ورقه مال دفتر رسم وقلم جاف احمر بس هذا الكان كدامي وكتبتله :- ادري بيك حتستغرب من تشوف الرساله وبالبدايه تضحك عليه وحتفرح نفس الوقت بس من تقرا مضمونها حتنصدم مثل ما صدمتني وعرفت شلون تكسرني وتصدمني . .. بس قبل كلشي اسالك سؤال بشنو لقصرته وياك صرت لعبه بايدك من ايدك هايه لايدك الثانيه زين شنو البيه الي خلاك تزوج عليه بشنو اذيتك اني حتى انت اتاذيني. لك ضيعت احلى ايام عمري من وراك حابسني كدام عينك وكل هذا واكول هذه هي القسمه والنصيب تاليتها تزوج عليه وحده متسوه وسخ رجليه ومنووو هههه اكثر انسانه كرهتني وكنت اكولك حسين هذه هيجي تكولي وتغلط شبيها تجاوبني وتكول مخبله ليش المخبل هم يزوج لييش ازوجتها عليه زين من تحبها ليش اخذتني ليش ضلمتني وخليتني اكره نفسي لان عشت هالايام اكذب وصرت مثلك لك عسى كل دمعه من عيني تحركك يحسين لك داحترك نار ومشتعله بيه واحب اكولك شي مثل مستغفلتني بزواجك واتوقعت ان اني مراح اعرف فاني هم استغفلتك بسفري والقادم اسوء ياحقير يانذل الله ليوفقك ويبين حوبتي بيك لك اخذتني من حضن امي وابويه ورده ورجعتني متحطمه شفت يمك السحر والتعب والبجي كبرتني الف سنه كدام خليتني حتى دراستي ما اكملها من وره البنات وهو اني الي احتاج احد يهتم بيه خليتني انسه نفسي واركض وراك و وره خياناتك والبنات والبيت بس صدكيني يحسين بعد تحلم تشوفني وتشرف البنات وهااا نسيت اكولك من تقرا هالرساله احسب وراها لثاني يوم حتنتضرك مفاجأه وخلي تفيدك الي كلتلي عليها عقلها مو تمام ربي يحرك كلبك دنيا واخره ومامقهوره غير على بناتي شايلات اسم واحد نذل مثلك مع السلامه وماراح اكولك اشوفك بخير بس اكولك انشالله اشوفك وانت باسوء حال وهذه كانت رسالتي لحسين طبكتها وخليتها بدلته العسكريه جنت كاويتها واعرف باجر حيلبسها من يروح للدوام كمت وحضرت البنات وبدلتلهم واني بدلت وتحضرت وهو رجع للبيت وبس يمشي ويبوس بينه وصار وقت نروح للمطاربس بالاول نمر ع اهلي حتى نطلع سيارتين سوه طلعنه ووصلنه للمطار ودخلنه جوه لان حسين عنده باج يكدر يدخل جوه اجه وقت الوداع ولاخر لحظه يبوس ويحضن بيه حييل ما اعرف عبالك حاس حتركه ... انتبهت ع بابا سلامه كان كلش ثكيل ويه حسين وبالكوه لازم روحه يريد بس نطلع ادري بيه يريد بس يتعارك وياه ومن الاحظه الي عرف بيها بابا خيانه حسين الي مخليته يواجهه لان اعرف بابا مراح يتحمل يسكت ع خيانته الي ودعانه وصعدنه بممر المسافرين وطلعنه ع الطياره الناس كانو هوايه واني اباوع شنو كلها ناويه تهج لو شنو السالفه صعدنه وامشي وره المضيفه حتى اكعد بالمقعد مالتي ونرجس شايلتها ونور بابا شايلها ورايه وبيبي ورانه طبعا كلهم اجوي ويايه ومتركوني اسافر وحدي لان يعرفون بعد ما نسافر ونكعد وحسين حيكشف مخططي راح تشتعل الحرب بينه لذلك متركوني اواجهه وحدي فكانو ويايه يساندوني اما امي فكتلها القي تعرف الاخبار شنو وراها تلحكنه كعدت بمقعدي باوعت من الشباك الساحه الكبيره الي واكفه بيها الطياره والمدرج والعمال والطيارات صفنت انو هذه اخر طياره اصعدها من العراق بلشت تنزل دموعي ما اكدر اسيطر عليها واوكفها احس روحي داخل متاهه روحي ضاعت او بالاصح حسيت تركتها يم حسين [ينبغي أن يكون هناك gif أو فيديو هنا. قم بتحديث التطبيق الآن لتشاهد المحتوى.] مكنت اصور نفسي هلكد حتأذه لان كل الي سويته هسه بقناعتي ومحد جبرني اتركه بس من اذكر لحضاتي ويا وذكر شلون مداريني اذا اتمرض يضل لصبح يداري بيه اذا اعطش مي وهو بعز نومته يكوم يجيبلي مي اذكر دلاله خوفه عليه اذكر ميقبل حتى لفرن مال لطباخ ميقبل افتحه واشتغل بيه بدون ميكون هو موجود يخاف ليگب عليه الصوبه ايام لبرد يخاف اعلكها اذا تطفى وهو ماكو يكول خاف علييج من النار خابريني من تطفا لو اعرف اجي من دوامي اشعلها لحد ما جابلي كبرائيات وترس البيت كله حتى يدفأ اذكر واذكر واكول معقوله هذا جان يكذب عليه زين معقوله يحبها اكثر مني اي صح كال هو قبل خطبه ومصارت يعني هي نفسها كان يقصدها يعني معناتها يحبها يمكن هوايه حيلوموني ع قراري ويكولون فوگ ميحبج ومدللج ومشتريلج بيت ويخاف عليج وحاسبج بنته اي صح هالكلام بسسس شنو احساسكم من تكتشوف الانسان الي مدللكم ويحبكم وحاسبين نفسكم بس انتو وبس بحياته يطلع خااااين وكذاب وكل الي ديسويه مجرد تمثيل حتى مينكشف ومحد يعرف بسوالفه انسان كل يوم يخوون انسان بدمه الخيانه كل مره اكشفه ونتعارك ويحلف ميعيدها وراها يسوي الاتعس لحد ما وصل مرحله يزوج يا ناس الخيانه توووجع حييل وتكسر قلب الواحد وثقته حتى بروحه بهالموقف هذا احس صرت بكد امي من هموم وتعب وحمل تعبت اريد ارتاح اريد بالي يصفى وما افكر بشي بعد نمت من التفكير والتعب وكعدتني بيبي __يله حبيبتي وصلنه شويه وتوكف الطياره وننزل __تمام بيبي حمد لله ع سلامتنه وصلنه لتركيا وهذه كانت زيارتي الاولى الها نزلنه بالمطار كان حييل كبير ويتيه من كبره اخذنه جنطنه وطلعنه بره المطار الجوو روعه واهوايه ناس مو مثل بالعراق المطار ممنوع يدخله فقط المسافرين والي عدهم باجات والموضفين لا اهنا يختلف الكل يكدر يدخل لذلك ازدحام طبعا بتركيا كان عد بيبي اقارب وكانو منتضرينه من نوصل ياخذونه يمهم وكفنه بالشارع شويه وسمعناهم يصيحون علينه كانو ساكنين بعين تاب رحنه وياهم والمنطقه اباوعها كلشش حلوه والمناطر تخبل ذكرتني باربيل من رحنه اني وحسين وره السبعه مالتنه واذكرت ايامنه هناك كسرت صفنتي وذكرياتي بصيحه من بابا يله وصلنه نزلت وياهم وبقينه بالشقه وياهم وخطيه مقصرو ويانه صدقاا ناس ذهب كاعده واذكرت حسين من كال بس توصلين فعلي نت حتى اتصل عليج اني اصلا غلقته لمبايلي وبابا كال منفتحهم بس من نريد نتصل ع اعمامي لان بعد ميربطني شي وياه غير بس البنات وابن عمي هيثم حيبلش بمعامله الطلاق طبعاا بابا من النوع الي ميرتاح يم احد فطلب من باجر يشوفله شقه اياجرها فمباشرتا سالهم اذا اكو شقه قريبه يمهم حتى اياجرها وفعلا كان اكو شقه قريبه عليهم معروضه للايجار واتفقو باجر يروحون يشوفوها بقينه كاعدين وتعشينه وسوالف وذكريات ومن هالامور واني بالي مو يمهم افكر بحسين واذكر كلشي صار بينه __هاانجمه باباتي وين صافنه حبيبتي هاا عجبتج تركيا __اي بابا عجبتني وان شاء الله نبدي حياتنه الجديده بيها __نجمه اريد قول وفعل من تكولين حياه جديده بطلي تذكرين الماضي لان صار ماضي وميستاهل تذكريه واني حساعدج وحظل وياج لان اني هم اعتبر سبب بكسرانج وسبب لان خليته يتقوى عليج المفروض من اول ما اجيتي وكلتي ع علاقته ويه المدرسه اوكف وياج ضده حتى يفكر الج اهل رافضين الخيانه بس هو الضاهر عباله الموضوع عادي عدنه وسكتنه __لاا بابا لتكول هيجي انت ما الك دخل الخيانه بدم حسين وحتى لو حجيتو او ادخلتو تره عاادي يتركها ويروح ع غيره بدون متحسون لان ياما وياما شفته يخوون الي يجيبها صديقه اله ويكضيها حب وغزل وياها ومن الكفه ينكر وراها الله يوكعه بيدي لو بنت الجيران الي شفته بالسطح يأشر الها لو صديقه اخته وغيررها كوومه وكنت اسكت وما احجي الكم لان هددني اي مشكله متطلع بره البيت وانتو هم من سكتو كلت اسكت وياكم بس من وصلت زواج ولا ويه منو ويه بنت خاله الي كال مخبله عليها والله اعلم من شوكت ماخذها __كاافي وغلقي الموضوع اجينه نبدي حياه جديده مو ترجعين وتذكرين الماضي __ان شاء الله بابا وهسه يله كومي وارتاحي ونامي ومن باجر نبدي بدايه حلوه باذن الله ويه هالبنوتات الحلوات تمام باباتي تصبح ع خير اخذت بناتي وكمت نمت كلام بابا ينطيني طااقه مو معقوله ومباشرتا وبدون تفكير نمت //////////////// ثاني يوم طلع بابا من الصبح وشايف الشقه وكامت مفروشه اجرها حتى منبقى يم الناس ونثقل عليهم بين ما نستقر اكثر وبعدها نشوف غيرها براحتنه وهسه نرجع لحسين بعد ما كعد حتى يروح للدوام ومدخل ايده بجيبه وشاف الرساله؟؟؟؟؟؟ يتبع ... احداث قوويه سوتها نجمه وشنو رده فعل حسين حتكون البارت القادم حنكتب القصه من لسان حسين وحيشرح النه من بدايه زواجه من نجمه وشلون ازوج صفاء ووين كان يختفي بمرض نجمه ولحد ما قرا الرساله سمعوني رايكم بتصرف نجمه كان صح لو غلط #زينب_عبد_المطلب |
وجهة نظر يسعدلي صباحكم ومساءكم🌹 ع احلى متابعات ومتابعين وين ما كنتو من البارحه لليوم بعد تنزيل البارت وكشفت عن خطه نجمه لقيت كم هائل من التعليقات الي بيها تايد لتصرفها والي معارضين تصرف نجمه وطبعا نجمه كاعده اتابع تعليقاتكم وتتصل عليه تجاوب ع كلامكم لان اكو بعض التعليقات شويه مستفزه هذا رايكم احترمه بس اتمنى بدون تجريح احب اتناقش وياكم بتصرفاتها الي لحد الان انذكرت لان بعد امور كثيره حتقروها من نجمه واكيد هم نتناقش بيه اما اليوم فنقاشنه ع تصرفهامن باعت البيت وحرد عليكم ع بعض التعليقات من وجهه نضري كصديقه نجمه قبل ما اكون كاتبه القصه وكذلك من وجهه نضر نجمه اكو كالو حقها ويستاهل لان خانها وهذا كان احسن عقاب اله والبيت بيتها ومن حقها تبيعه وتكسر قلب حسين وتشوفه معاناه الخيانه وتشربه نفس الكاس واكو بعض مرو بنفس موقف نجمه وحيوها لان همه سكتو واستسلمو للخيانه وهي قويه وكدرت ترده وهي اهلها وياها وساندوها مو مثل بعض الاهالي يكولون تحكلي الخيانه وكعدي احسن متطلقين وكثر سؤال كان منسأل اذا حسين يحبها ليش يخونها...؟ اما البعض الاخر الي كالت حرام تعتبر سرقه لان سرقت البيت وباعته والي كالت شدعواها مدللها وياخذها مطاعم ويطلعها ومعتبرها بنته ويغسل بولها بدون ميجرحها والعتب ع اهلها الساندوها وبعض كالو يجوز حب صفاء او سحرته مثل نجمه او تواجهه وتسال ليش خانها وراها تتطلق وتتركه والي كالو ماخذه دور المظلومه ولا تتحمل زواج ولا اطفال ولا رجال وانانيه تفكر بنفسها ولازم تتحمل المر وتسكت واغرب تعليق كان انو نجمه بارده وجامده وياه وهو حقه من يدور غيرها لان ولا يوم بدلت واحتفلت وكاضيتها وياه مصالح....؟ هذه كانت اكثر التعليقات الي جذبتني ونفس الوقت اكو متكررات بغير اسلوب وكذلك هالاسئله اذا منرد عليها حتاخذون مجرى ثاني عن نجمه حتكلم بصوره عاامه من نضري ونضر نجمه لان اني مختلفت وياها الا بشغله وحده وهي بيعه البيت صراحتا من عرفت هي باعتها رزلتها وحتى مسبه سبيتها لان هذا يعتبر ضمان الها ولبناتها وهي كذلك ندمت من هالتصرف وكان ردها وقتها قلبي محروك كان ولتنسين بعدني طفله بتفكيري فسكتت وكلت خلص ماكو داعي اجرحها بعد انباع وصار الي صار نجي ع البنات الي ساندو نجمه اني وياكم انو المراه بهيجي موقف ومن تعرف زوجها خانها وازوج عليها مو تكعد تبجي وتندب حضها وتكضيها ليش واني شسويت وشقصرت وتكعد وتسكت تخاف تواجه وكاضيتها مراقبه مشتغله محقق كونان لو تستلمه بالصراخ والعياط وانت وانت كذاب وخاين وما اريدك وحتو لو بيدها تضربه وحقها يروح لا حبيبتي بهيجي موضوع لا الصراخ يفيد ولا البجي اصلااا كوني بارده المشاعر كدامه ومن جوه اغلي وعااااقبيه العقاب هو الي يخلي الرجال يحرم يخون وكل امراه تعرف شلون تعاقب زوجها وتعرف بشنو تحرك قلبه وتخليه يندم ونجمه اتبعت هالسياسه وانشالله اتكون وصلت الفكره اما البنات الي لاموها سؤال نجمه الكم هل تعرضتو للخيانه زوجج خانج وازوج عليج وكضاها كذب وياج واعتبرج مجرد جسم يريحه وقت ما هو يحب حتكولون مو مدللها ويطلعها مطاعم وانطاها فلوس سفر بس عرف ضايجه ارجع واكول غصبااااا ما عليه يطلعني ويسهرني ويوديني مطاعم هو مزوجتي ع كد الخدمه والتنظيف والتربيه لااااا اني انسانه ومن حقي اطلع واروح واشتري بزوده اذا هو متمكن وحتى سفر وافق اسافر لان يعرف نفسه خاااين والي يخون دومه يحس بالنقص اتجاه زوجتها لو يشعل الها العشره شمع هم يكول مقصر لان ضميره ايأنبه بسبب خيانته اما من كنت ابول وهو يبدلي ومتحملني وميجرحني يعني طفله سادس ابتدائي ورحت للاول وازوجت وكلششششي ما اعرف وهو اخذني طبعا من يشوف هيجي موقف يسكت ويتحمله هو الي ازوجني وخطفني اني مضربته ع ايده طفله ماا افهم شي حتى مبدا الزواج ما اعرفه ونحطيت بغرفه ويه رجال شمعرفني شسوي وشلبس وشحط مووو برود مثل متكولون او جامده لاااا انما ما اعرف استحي واخجل وتعرضت لسحر ومرض واني طفله وهو بهالفتره كاان وين ... حتعرفون اليوم طفله تحملت زوج وبين واطفال ليش معتبريني انانيه وادور مصلحتي واني لهالعمر المفروض العب بالالعاب مو ويه بنات اثنين و الرد ع التعليق انو اني بارده وجامده وما البسله ااي ما انكر اول مزوجنه ما اعرف بس بعدين مقصرت وياه ودللته وكلشي سوت بس حسين من طبعه يخوون اكو بيكم تسكت وتتحمل وتكول ابوجهالي ومرده الي واكو بيكم الي تكول ما الي غيره المن اروح فانجب واسكت واكو تطلق وتعيش حياتها اني لااااا طبعي وشخصيتي تكونت يم حسين مراهقتي صارت وياه علمني اشياء ومشيت عليها واولها حقي ما اعوفه ابداااا وحتشوفون بعد شغلات سوتها نجمه بالبارتات الجايه لان عقابها مو بس البيت لااا كان اكبر من هالشي لان جرحها كبير وعلاجه كان باذيه حسين وبالنسبه الي كالت سرقته فهو بيتي وباسمي لا اني الي جبرته يكتبه باسمي ولا لعبت عليه واخذته هو تنازل برضاته وبعته حتى احرق قلبه وابداا مكانت بيوم السرقه من قاموس حياتي واعتقد ذكرت الكاتبه انو اني احاسبه ع الفلس ومو بخل انما حرص فكيف اسرق شي مو من حقي فاتمنى من تعلقون يكون تعليق مراجع من قبلج قبل مينكتب واخر شي اوضح موقف اهلها ليش ساندوها وبعضكم كال همه خربو بيتها نجمه كانت هالبنت الهم ومدلله وكسرو بيها من مسمعو كلامها من اجتي وكالت خاني اخدو الموضوع ضحك لو بوقتها ادبو حسين ورزلوه يمكن كان مغلط هالغلطه ويواجهه بس هو اتخذ الخوف والهروب ملجأ اله فلذلك اهلها هالمره ساندوها بقرارها واما حسين فكان يحب نجمه وبجنون لكن بنفس الوقت حسين عنده طبع الخيانه الي بعض الرجال يعتبروها مرض وميكدرون يشفون منه ولهنا ينتهي نقاشنه واتمنى منكم كلكم تشاركون بارائكم و وجهه نضركم وخصوصا بعد ما عرفتو رائ نجمه من هالموضوع واكيد حنرجع اناقش بعد ما نجمه نقرا ارائكم تحياتي الكم...🌹 العروس والسحر البارت السابع عشر # زينب_عبد_المطلب🦋 هالبارت حيكون من بدايه مرض نجمه وشنو كان حسين يسويه وين كان يختفي حسين:- بدايتا اريد احجيلكم عن صفاء وشنو علاقتي كانت بيها صفاء بنت خالي وحماتها لاختي حنين احبها من بلشت صباي يعني من صغري ولحد ما صار عمري 18سنه تصغرني بسنه بس البنت ملامحها وجسمها يكبر اسرع من الولد وتبرز اكثر فالي يشوفها يكول مريه من طولها وجسمها وملامحها صفاء كنت كلش مهتم بيها واحبها بس ادري ييها هي مو راحه وتنطي بجال بسرعه بس مكنت شايف بعيني شي بس اعرفها مثل ميكولون خفيفه وتضحك للرايح والجاي لحد ما لكيت عدها مبايل وتحجي بيه ويه الولد لزمتها وموتتها ضرب __ ولج شلون تقبليها ع نفسج وتصادقين ولد وتحجين وياهم __ اااااي دجوز عني ومعليك انت بيه اي صح احبك اني بس ممستعده ابقى وياك وانت بعدك حتى ممكون نفسك وبعدك طالب وحتى اذا تشتغل نص راتبك لاهلك واني شراح احصل بعدين..؟ كلشي ماكو كله يروح بخت اهلك وحتبقى ع فكرگ هذا فرحان بالحمره لو العطر لو القراصه الي تجيبهم الي وتريد تزوجني ع شنو يحضي __بعني تعيريني صفاء موو ماشي بس حطي ابالج لو تصيرين بعد حوريه ما اخذج ولا اباوع عليج وانسي كل الصار بيناتنه ولتنسين كنت حاسبج حبيبتي ومرتي بس هسه انتي بنت خالي وبس ومن اليوم انتي صفحه وانطوت عندي __شبيك انت شنو صفحه وانطوت شنو بنت خالي وبس والي بيناتنه شنوو متكدر تنكره __ هههه صفاء هسه كمتي تكولين الي بيناتنه شنوو مو اركض وراج منا ومنا وانتي ولا مهتمه واسمع كلام واطنش واكول كذب لحد ما شفت بعيني المبايل والاتصالات والمسجات الي بينج وبين الولد والي يخون مره يخون الف مره واني بعد مااا اثق بيج ابداااا وما اريدج بعد __حسين لتكول هيجي واني منو الي وبعدين انت هم تخوون وتصادق وتسهر ويه بنات وتتطافر من السطوح ع البنات لو الك حلال والي حرام __ لج انجبي شنو الج حرام والي حلال انتي بنيه احترمي نفسج من تحجين كدامي طلعتي وحده صدق متستحين وفوك كل هذا انتي ماديه واني ما افيدج ع كولتج فگر ولا القراصه ولا العطر يفرحوج بكد ما اني افرح من اجيبهم الج واذكرج وهذه هي امكانيتي ولهنا بعد كلشي ينتهي بيناتنه ولهنا كانت نهايه علاقتي ويه صفاء صح حاولت ترجع الي باكثر من طريقه بس بعد نفسيتي متتقبلها ومن اسمع اسمها او يجيبون طاريها تلعب نفسي بلشت اهتم لدراستي واجتهدت لحد ما وصلت رتبه ضابط تعبت هوايه ع نفسي وكونت روحي من الالف للياء بهالفتره هذه كلها كانت اخبار صفاء اسمعها من الاهل كالو بالبدايه متعرفه ع واحد اموره توب وحالته كلش زينه وهي فرحانه بيه وتتباهى بعلاقتها بيه و وراها ازوجت منه واكتشفته وره الزواج طلع واحد حااافي وحالته مو زينه بس مكدرت تتطلك ويشمتون بيها وحبلت منه وجابت 3 بنات ووضلت وياه لحد ما ملت منه ومن الفگر الي عايشه بيه هي وجهالها وطلبت الطلاق وطلقها واهنا هم رجعت وشافت اموري اني كلش تحسنت وصرت اجمع واشتري وانطي ومركزي بالدوام كبر وصارت الي هيبتي كدام الكل بس رغم كل هذا كانت مطمنه لان بعدني ممزوج وتدري بيه بس اصادق بنات واتركهم وكل اعتقادها انو اني بعدني احبها لان هي عشقي الاول لحد ما عرفت بحبي بنجمه واجتني __ حسييين شنو هذا الي سمعته صدك انت تحب وحده غيري وتريد تزوج __نعم وانتي شعليج اذا حبيت او لا موقعج من الاعراب شنو بحياتي __ اني عشقك وحبك الاول واذا ناسي اذكرك الي كان بيناتنه روووح صادق واطلع وطب مثل قبل ومثل ما اسمع عنك 24ساعه مطول علاقتك ويه بنت وحده بس مال تحب ما اقبلها لان اني احبك وما اتحمل تروح لغيري اطلكت علمودك وانت تريد ترتبط بوحده غيري __ كملتي العندج ...؟سمعي العندي اصادق احب ازوج انتي معليج وما الج حق تحاسبيني انتي مخبله لو خبله لو ضارب عقلج بشي ولج وانتي بنيه صادقتي عليه بتلفوووون تعرفين شنو بتلفوووووون ولعبت نفسي منج وهسه تريديني اخذج وانتي مطلقه وعندج 3 مكاميع دروحي بابا روحي رجعي لزوجج تره اني ما افيدج __لااا ما اروح واعوفك لهذه الي لافت عقلك وفرته فرر لا عبالك ما اعرف شلون ذابح روحك عليها ويوميا داز ناس من اهلك واعمامك علمودها تريد تاخذ زعطوطه بكد بزرك لو مزوجين اني وياك من ذاك الوقت كان هسه بنتك بكدها نايم بشارعهم وصاير مراهق مكابل مدرستها هالقزمه __ اكسر اسنانج وافرك حلكج اذا تجيبين طاريها تسوه راسج ع الاقل اشرف منج يله امشي اطلعي برررره __ ماشي يحسين اني الك //////////// __ الوو حنين انتي وين ..خووش اتحضري جايتج حتى تاخذين ع هذه الي تسوي عمل __ ليش شعندج وياها... اجي وافهمج وراحت هي وحنين وسوت عمل لحسين حتى يبطل يزوج بس مكان يفيد لان حسين كان يشرب والنجم مالته قوي ويكلولها مياثر بيه اي سحر وضلت هي وحنين يفترن بهالدروب بس شغلهم يفشل ومياثر عليه بعد ما وافقو اهل نجمه ع زواجي منها وبعد ما خطفتها لان هالبنيه دخلت بعقلي وقلبي الكل يلومني شلون تحب زعطوطه ولو مزوج تطلع بعمر بنتك واهوايه سمعت غلط واهانه الي بس مهتميت الهم قفلت ع نجمه والحمد باجر حيكون المهر مالتنه و وصل خبر لصفاء واكيد من اختي حنين كاعد بغرفتي واندكت الباب __ تفضل ....اهوووو هم انتي __ اي اني اليوم والبارحه وباجر وكل يوم اني حبقى بحياتج وبقلبك وبروحك __ صفاء اطلعي بره لا انزلج سحل __ ويرضيك تسحل هالجسم الحلو رفعت راسي لكيها نازعه العبايه وكلشي ملابسه جواها __هااا حبيبي ممشتاق لهالجسم __لج من تفوووووو عليج وع اخلاقج وتربيتج السگط مع الاسف انتي بنت خالي اااايع شهالقرف هذا امشي اطلعي بره وسخه قذره رخيصه __ تطردني يحسين ماااشي اذا مدفعتك الثمن غالي انت ونجمه وما اخليك لا انت ولا هي ترتاحون ولا تتهنون طلعت ورايحه لبيت اهلها ع اختي حنين لان اختي ماخذه اخو صفاء ابن خالي __ لج شبيج مثل المخبله شكوو شصايرلج __اني اخوج يرفضني وعلمود منوو وحده زعطوطه رااح اتخبل __ يمعوده لتخافين ع حسين يومين ويمل منها __لج مو رحتله لاخوج وسويتله الي عمري مفكرت اسويه ومباوع عليه __انتي تعرفين حسين صاحب رغبه وهالبنيه لان صعبت عليه هسه يومي وراها يرجع لسوالفه ونسوانه __ يعني هذا رايج......... ااي ومتاكده منه خوش لعد اني حروح بالمهر حتى اشوفها لست الحسن وصار المهر ورحت وشفتها صح حلوه بس اني احلى منها اباوع عليها شاون فرحانه وتركص كمت متحملت ودست ع رجليها بكد حقد وغل شفتها عيونها دمعت بس مكالت لاحد ولا اجه احد وسالني ليش تحارشتي بيها اهل حسين شافوني شلون اباوع عليها بس محد يكدر يحجي ويايه لا افضحهم اني الج يالقزمه اذا مخليتج تندمين لان اخذتي حسين مني حاولت وراها ارجع حسين واتحارش بيه ومفاد والعينتين مستعجل ع العرس ومتحملت اسكت الها بعد بيوم الحنه لزمتها وهددتها علني وانتضرت اي رده فعل منها وهم ماكو طلعت رايحه لحسين وشاكيتله عني واتصل عليه لعب بيه لعب وهو مسويني مخبله كدامها اني الج حشوفج المخبله شنو حسوي رحت ع حنين لان هي الوحيده التكدر تساعدني __ هاا شفتي من كتلج ميعوفها وتالي حيزوجها __ شمدريني هيجي اخويه مستقتل عليها __ شوفي حنين عندي خطه الها وهالمره الشغل حيكون تووب لان عرفت وحده كالت لو مو يشرب لو النهار كله يضرب ركعه الا اخليه يصيرلج طلي __ اي وشنو الخطه هالمره تره اني اخاف ليروح حسين يعرف اني مساعدتج __ لتخافين واذا ساعدتيني انطيج ارض مكتوبه باسمي اتنازلج عنها __ وانتي منيلج هو طليقج وطلع حاافي منين عندج ارض __ لتخافين عليه قطيت هوايه ولد وجمعت واشتريتها عرفت حتفيدني بيوم وهسه اجه وكتها __ وعادي تكتببها باسمي وانتي بس هالارض عندج __ لتخافين عليه اذا حسين رجعلي حتى بيت يصير باسمي مو بس ارض __ لعد اذا هيجي اني وياج للوحه __ لعد باجر من الصبح نروح قبل ميصير العرس ونبلش بشغلنه ثاني يوم راحت حنين وصفاء لوحده صبيه شغلها كلش مضبوط __عيني اليوم زواج حبيبي واريد اخرب عليهم ويتركها ويرجعلي ومرته اريدها بعد متشوف دربها كون شغل مضبوط __ شوفي عيني هالعمل حيكلفج هوووايه __ اني حاضره من الالف للمليون __ اذا هيجي اتفقنا اول شي تاخذون هذا التراب وتذبوه بفراش العريس وبغرفتهم اليوم وبملابس العروسه __وشيسوي هذا __ هذا مفعوله اسبوع الرجال مراح يكدر يتقرب لمرته ابدااا لو شكد ميحاول مراح يكدر بس اذا طلع بره الغرفه يكدر وهالشي حيخلي يكرهه لان حيتوقع السبب منها __لعد نرشه بالبيت كله __اي يصير بالبيت كله بس اذا طلعو خارج البيت حيكدر __ لا ما اعتقد حياخذها خارج البيت وهو اصلا اذا شاف نفسه ميكدر يومين حيجي عليه يركض وحكوله من وراها __ لهنا تمام اما زوجته حسويلها عمل يوصلها للجنون وتتمرض ميلكون دواها ابداا وتسوي شغلات محد يتوقعها منها بس لازم هالشغلات الي حنطيكم اياها تحطوها بالغرفه بمكان بعيد محد يشوفها وسخر الها وحده تخاويها وتتلبس بيها __شلون يعني فهمينه __لج صفاء مو لهالدرجه فدوه مو تلبيس __ سكتي انتي معليج الارض وانكتبت باسمج فسدي حلكج ومعليج __ اي عيني كملي __ دشوفون هالتمثال بهذا راح تتلبس البنيه طلعته لونه اسود وكعدت تحاوطته بخرز ع شكل انسان لونها اصفر وتردد اسم نجمه بنت نهى وبعد ما كملنه كلشي طلعنه لبيت حسين وكان البيت مترتب ونظيف وحنين كدرت تاخذ المفتاح من امها ودخلنه حطينه الاوراق وره الكنتور لزكناها والتمثال جوه السرير ميبين الا اذا شالوه للسرير كله ورشينه الغرفه كلها والبيت وطلعنه نركض __ ولج يغبره نسينه ملابس نجمه نذب عليها تراب __ والله يصفاء لو اموت ما ارجع ليروح احد يجي ويشوفنه __ مو مشكله اهم شي البيت والغرفه وراها من تصير النه فرصه نروح ونرش بملابسها وفعلا صار العرس وحسين كلشي مكدر يسوي بس مراح لصفاء وهي تخبلت من هالشي عبالها يجي عليها وعرفت حيسون حفله السبعه وقررت ترش بملابس نجمه وفعلا كدرت ورشت بس رغم كل هذا متوقعت حسين حيروح سفره لاربيل وهناك يكدر لان المريه كالت خارج البيت يكدر فمبقى غير بس السحر الثاني وهو الجنون والفساد والمرض وتتلبس واخلص منها لان هالعمل يموتها ومراح تتحمله وبقيت انتضر وانتضر لحد ما وصلني خبر بمرض نجمه و وصلت مرحله الخبال حسين من تمرضت نجمه تعبت حييل واني اشوفها كدامي تذبل وضليت الوم بروحي لان مصدكتها ما اعرف ليش ومنين اجاها هالمرض والسحر فضليت اقضي وقتي بره واروح يم نسوان وبالدوام وبالبيت يعني كضيتها منا ومنا بيوم اتصلت عليه اختي حنين حتى اروح ازورها. __حسين تعال يمي ارتاح واسبح وغير ملابسك ادري بيك تعبان من الدوام تركض وترجع لمرتك تروح تزورها وتنقهر وبيتك محد بيه دتعال يمي هم تاكل وتسبح وترتاح __ اي والله وهم اشوف خالي شويه صار هوايه مشايفه __ يله تعالي منتضرتك رحت لبيت خالي يم اختي وكنت ميت من التعب واريد بس ارتاح ورحت وخالي مكان موجود صعدت فوك بيت اختي الفوك كله الها غرفتين وهول غرفه الها وغرفه لجهالها بس المطبخ مشترك جوه وره مكملت غده كالت اصعد ارتاح صعدت وتمددت بغرفه جهالها واول ما غمضت عيوني اندكت الباب __ تفضل يوووو هايه هم انتي لحكتيني لهنا __ شنو لحكتك نسيت هذا بيت اهلي __والي تجي يم اهلها هيجي تلبس لبس عاري __ لاا طبعا بس لحبيبي هيجي البس __طلعي بره صفاء تعبان اريد ارتااح __ومنو كلك اني جايه لغير غرض اكيد جايه اريحك انت بس انسه نفسك ويايه __ كتلج طلعي بره __ اششششششششش وووووووووووو....... وصار الي صار اني منا تعبان ومنا نجمه مريضه وهذه اجتني بهاللبس والمياعه اكيد افقد وياها رغم كرهي الها بس ما اعرف شجاني وغلطت وياها اني ما انكر ضعيف كدام النسوان وخنت نجمه من قبل الزواج ولحد الان بس مردت هالشي يصير ويه صفاء وحاولت ما استسلم الها بس صار الي هي تريده واني اعرف غلط وبالي يم نجمه بس عرفت شلون تسيطر عليه __ شفت حبيبي شلون خليتك تنسه همومك __ الي صار هسه انسيه واعتبريه مصار ما انكر ريحتيني بس انسيه __ شنوو شنوو لا بله شنو مصار بابا انت متكدر بليايه __ لج باعي تره ا..... بعدني ممكمل كلامي وانفتحت الباب __عزززه بعينكم هايه شدتسون يلي ما تستحي ع نفسك يا الناقص مرتك بفراش الموت وانت اهنا تتونس ويه بنتي __ خاله هي اجتي وتحارشت __انجب ولا كلمه اي مو انت صغير وتتحارش بيك والله الا افضحك واروح لاهلك واهل مرتك واخليك عبره لليسوه والي ميسوه تلعب ع بنتي وع المسكينه نجمه يبوووووووو عليه اليوم الا افضحك __ فدوه خاله بس نصي صوتج وسمعيني ومعليج باهل نجمه فدوه لتروح تسمع وهالمره صدك اخسرها __ اذا انت هيجي تخاف من اهلها وتحبها ليش تلعب ع بنتي لو لان مطلقه وما الها احد كلت اتونس وياها ومحد يدري ولااا وجاي يم اخته حتى محد يحس __ خاله هسه لو احلفلج منا لباجر مصدكين بنتج تحارشت بيه وهي الي تركض ورايه بس اعرف مراح تصدكين بيه __ اي طبعا ما اصدك يا الناقص ابو النسوان والله لفضحك علساس انت شلون شريف لو ما سمعتك سابقتك بالخيانه __ اروحلج فدوه تركي سالفه الفضيحه والي تريديه اني حاضر صح اني ابو نسوان بس ما اريد يوصل خبر لاهل نجمه لان يحترموني __ اذا متريد اروح لاهل نجمه اليوم تكطع مهر لبنتي حتى تبقى بنضرهم محترم __ شنوو شنووو انتي صدك تحجين لاا مستحيل اخذها هذه الي مخلت احد ملعب بيها واله لوما بنت خالي اني الي افضحها خاله هي قبل زواجها مأخذتها تريديني هسه اخذها وبركبتها 3بنات لاا واني مزوج بعد __ سالفه بناتها معليك بيها لان انطتهم لابوهم اذا هذا عذرك واذا بنتي مو زينه مثل متكول شخلاك تسوي هالسوايه الخايسه وياها وبعدين تره اني اعرف قبل بعلاقتك ويه صفاء كلشي سولفتلي وبعدين اعتبرها حالها حال كل البنات الي يوميه مصادقهن وتاركهن بس هذه زواج فاسمع كلامي حسين هذا اخر كلام عندي لو تكطع مهر اليوم لصفاء لو انزل هسه واروح لاهل مرتك وافضحك __ ماشي خاله حاخذ بتج بس حتى ماخسر مرتي وسمعتي كدامهم ولتصورين فديوم راح احترمها واحطلها حگ ولا عبالكم اني اثول سويتو هلعبه عليه حتى اخذها بس العتب مو عليكم العتب ع اختي بت امي وابويه الي عبالي شايله همي وخلتني اجي ارتاح تالي متفقه وياكم خلف الله عليج حنين ما انسالج هالدكه وانتي باعي يالزباله اخاف عبالج حعتبرج مره الي لاوالله لبزعج بعيشتج واخليج تندمين ع الساعه الي لويتي ايدي بيها اخذتهم ورحت عقدت يم سيد مقدم 5الاف موخر 25الف حتى لشيخ منصدم وهنه ولا كلمه نطقو اهم شي ازوجتها مثل مرادت امها رجعتها يم اهلها مكدرت اتقبلها ابداا اعرف نفسي غلطت بس كلت اطيب نجمه واعرف شلون حتصرف كمت لا ابات بيتي ولا يم اهلي ولا يم نجمه لان من اروح الها اشوفها عبالك متعرفني او متتقبلني فبقيت بالدوام ابات ومحد يدري بيه وين اني بعد فتره من زواجي بصفاء اهلها ضلو يزنون عليه __ لازم تاخذلها بيت ميصير تبقى يمنه واذا متقبل نروح لاهل مرتك و نكللهم ع زواجك فانجبرت اجرلها شقه __ شوفي صفاء دير بالج تفكرين اعتبرج مره لو تفكرين تساوين راسج ويه نجمه انتي مرتي بس ع الورق لان ما اشرف تكونين مرتي كدام احد __ميخالف قاابله لو شمسوي بيه اقبل اتحمل كولشي منك __خوش لعد هذه الشقه الج ومراح اقصر لا مسواك ولا ايجار ولا كهرباء يعني متحسين بشي كعدي معززه مكرمه __ وانت...؟ __ اني اعتبريني مااكو مو اهلج كالو لازم تاخذلها بيت هذه اخذتلج شقه فكعدي وسكتي يله رايح وهذا مفتاح الشقه مااشي يحسين رووح هسه بس وداعتك اليوم بالليل حتبات اهنا وما اكعد بين النسوان اذا مو اليوم مخليتك تبات اهنا وبحضني بعد __ الووو هايه يمه شلونكم __ شبيج تبجين مو اتصل وكال اخذلج شقه شصاير بعد __ يمه حسين بس ع الورق زواجنه يعني مستفادينه شي وكال يجيب بس المسواك ويطلع وابد ميبات اهنا __ هااا هيجي صارت روحي اني اصرف __ الي يمه فدوه اريدها منج اليوم __' واتصلت ام صفاء عليه __ الوووو اكولك عيني تره بنتي مرتك ع سنه الله ورسوله مو وحده من الشارع ومستكعدها وانطيها مصرف وتطلع لا عيني لااا اذا ع لكمتها وسكنها كان بقيتها يمي ع شنو ازوجها الك باوع حسين اليوم اوو لا هسسسه ترجع يم صفاء لا وربي اتصل ع اهل مرتك وتروح يمها وتنطيها حقها منك كأمراه وتبات يمها فهمت لو لا هومنا اصلا مرتك مريضه وصارلك فتره بالاسم مزوجها فروح يم مرتك صفاء احسلك __ااخ يخاله مع الاسف عليكم والله __ شقصدك عيني __ مقصدي شي يله رايح ورجعت للشقه يم صفاء واني متحمل عليها لان اتصلت بامها اول مدخلت ذبت روحها ع رجليه وتبوس بيها ذلت روحها ذله مصايره لان عرفت حضربها لان مو حسين الي يلزم من ايده التوجعه وينضغط عليه نزعت النطاق و وكعت الها ضرب طلعت قهر قلبي بيها ومتركتها لحد ما شفت جسمها صار ازرك من الضرب تعبت ذبيت روحي ع القنفه اباوع عليها تسحل بروحها وتجي باتجاهي اجتي ونامت ع رجليه وتبوس بيها بعمري مشفت وحده تحب الاهانه مثلها باوعت ملابسها متشككه وحلكها كله دم شلتها وذبيتها بالفراش وغطيتها انداريت اطلع مسكت ايدي وسحبتني وكعت عليها وووو.... صح صفاء مرتي صارت بس ما احسها صدك مرتي مثل نجمه ويه نجمه احس برجولتي ع كد ايدي ملكي مرتي ومحد مسكها وشافها غيري شي خااص بحسين صح هوايه خنت نجمه ويه بنات بس بالنسبه الي يبقن شي عابر ورايح اعرف نفسي غلطت وهوايه اخون بس مو بيدي هالشي نجمه ممقصره ويايه تلبيلي كل طلباتي علمتها شنو احب وشنو اكره تمشي ع مرامي بس اني ضعيف كدام النسوان اي وحده تمر من يمي اذا حلوه ما افوتها حتى ويه نجمه من اطلع مرات ما اكدر اسيطر على نفسي واباوع من احسها بلشت تحس اكعد عدل ورغم كل هذا كنت مرتاح واموري ماشيه بس صفاء زحمه من هي محسوبه عليه واعرف بيها كانت بحضن واحد قبلي وصارت هسه فضالته واني اخذتها كلش استصعب هالموضوع من اذكره يعني بس كانت علاقه ويه ولد بعد مردتها وهسه مطلقه وكانت ويه غيري باكثر من اربع سنوات صعبه حييل متحملت كمت من يمها وطلعت بالصاله نمت اسمعها تبجي بس مو بيدي قلبي ميحن ولا يرف عليها ابداا بقيت اروح واجي وابات يم صفاء حاولت هوايه اتخلص منها بس تهديد امها كان هو المانعني امي بلشت تشك لان ما ابات لا بيبتي ولا امر ع نجمه ولا بالدوام كنت يم صفاء اروح بس محد يدري بس حنين اختي ومو من مصلحتها تفتن نجمه بلشت ترفضني ومتقبل حتى ابقى يمها فكانت صفاء تستقبلني بكل حب واهتمام واني هم وقتي صار كله يمها وصرت كلش نبهه جتى محد يحس بهالموضوع وخصوصا نجمه بس مره صفاء يوت علامه برقبتي وممنتبه عليها لحد ما شفت بيبي تباوع عليه حسيت اكو شي مو طبيعي بيه طفرت للحمام وشفت بالمرايه العلامه __ نعلعلا غيرتج صفاء كان انفضحنه بله اذا سالت بيبي شكول هسه يله اغلس واسكت وراها نبهت صفاء متعيدها حتى محد يحس بشي وبعدهاتحسنت نجمه وصارت زينه وتعالجت ورجعت صحتها زينه والحمد لله ربنه فرحني بنور ونرجس وبقيت ويه صفاء اروح يمها شوكت ما اريد مرات اكول لنجمه عندي خفاره واروح يم صفاء ومرات من ارجع من دوامي امر يمها وابقى كم ساعه وارجع نجمه مرات كانت تبسمرني اذا عندي علاقه او اخونها تهددني بتصرفها بس اني كنت جداا حذر ومااخليها تشوف شي لحد ما مره سالتني ع رساله من عقيد جاسم كمزت عليها معرفت شكول لان الثوله صفاء دتسال ع الايجار عرفت شلون افر السالفه وخليتها تصدكني بسالفه العقيد والايجار ولازم بعد اكون حذر اكثر بس وره هالموقف احس نجمه دائما شارده ومرات عيونها حمره اسالها تكول ماكو شي وراها عرفت نفسيتها تعبانه وتريد تسافر و وافقت تروح هم تغير جو وهم اروح يم صفاء بدون ما اخاف لا انكشف ودعت نجمه والبنات وبالي يمهم هذه اول مره يبتعدون عني بس شسوي احاول اتحمل هال20 يوم المهم تتونس خطيه محبوسه بهالبيت واذا تطلع اكثر شي يم اهلها ودعتهم ورجعت للبيت عبالي اروح يم صفاء بس رايحه لاهلها رجعت لبيتي انتضرت نجمه تتصل عليه ماكو احتمال وصلت تعبانه ورجعت اومحصلت نت ونامت يله باجر انشالله انتضرها تتصل واطمني ضليت افتر بالبيت مكدرت انام افتر وحدي ضجت طلعت اشتريت شرب وكعدت وحدي مرات من اضوج اشرب ومنا ماكو احد فاستغليت السالفه وشربت بالبيت ضليت لوقت متاخر كاعد وراها نمت من التعب محسيت الا والمنبهه يدك كمت اتحضر للدوام حبيبتي فدوه ملابس الدوام غاسلتهم وكاويتهم ما اعرف شلون حدبر حالي بغيابها دخلت للحمام غسلت وبدلت لبست ملابس الدوام وطلعت بدون ما اتريك عود بالدوام اكل اي شي طلعت للكراج دا احط محفضتي بجيبي لمحت اكو شي طلعته لكيت ورقه رجعتها مفتحتها لان ماكو وقت و ورايه دوام ما اريد اتاخر يا دوب الحك اوصل ويه الازحامات الطريق كله افكر شلون حدبر روحي بغيابهم البيت مينراد بلياها وبليه البنات خطيه جانت متخليني اطلع اذا متريكني وهسه طلعت لكمه محطيت بحلكي ما اشتهي وصلت للدوام وره ساعه تقريبا التهيت اراقب وسويت تعداد وهالسوالف للوحده ياله دخلت لمكتبي كعدت دخل عليه صديقي مصطفى __ابو نور فدوه محتاجك بشغله __ أمرني مصطفى شرايد __ فدوه سيارتي بعتها متنطيني سيارتك اروح بيها بشغله وارجع والله تبهذلت بلا سياره __ وانت ليش بعتها __ مو اشتريت ارض وكلت خلي احط الاساس فحتاجيت بعد كم فلس فبعتها __ زين تسويت مبروك حبيبي تستاهل مديت ايدي بجيبي اطلع مفتاح السياره واجتي هالورقه بايدي __ شنو هذه __ لك اي اذكرت هذه الورقه من الصبح شفتها بس مفتحتها مكان عندي وقت بله اوكف لحظه خلي اشوف شنو بيها فتحت الورقه و......... يتبع... رجال ويلكي ورقه بجيبه من زوجته وهي كاشفته ونفس الوقت تهدده شنو شعوره واما نجمه شنو رايكم بكل تصرفاتها لحد الان ورجاءاا لحد يكول بارت قصير كتبتلكم كل الامور الي واجهت حسين من زواجه وشنو علاقته لصفاء البارت الجاي حيكون ع رده فعل حسين بنجمه من عرفت وشنو حيصرف اما بخصوص منشور الصبح من بلغتكم بخيانه حسين فهسه وضحت الكم علاقه حسين بصفاءوشلون بدت بس منتهت انتضروني غدااااا بارت جديد ورجاءااا لضغطون عليه ببارت زياده اني اذا يصير عندي مجال انزل الكم بدون تردد وتدللون عليه #زينب_عبد_المطلب |
العروس والسحر البارت الثامن عشر زينب_عبد_المطلب🦋 بعد ما لكيت هالورقه بايدي فتحتها وشفت خط نجمه هذا كلش فرحت من عرفت تاركتلي هالرساله وبديت اقرا بيها واقرا واقرا واحس الارض بلشت ادور بيه احساااس كلش غريب حسينه شلون المجرم من يمسكوه الامن وماعنده فرصه للهرب بعد او مثل الشي الي تعبت عليه وحافضت عليه سنين وبلحظه يختفي ويروح منك كنت خااايف انو يوم راح انكشف وماكو سر يظل مخفي ولذلك كنت كلش حذر بس مو بهالطريقه تكشفني نجمه وتحاسبني كمت ودفعت مصطفى من كدامي صعدت السياره متهستر مرتين ردت اسوي حادث احس حتى السياقه ما اعرف شلون اسوق الطريق امشي واتصل عليها مغلق الخط وصلت للبيت ودخلت جوه ما اعرف شسوي دخلت مثل المخبل ششوف كدامي اكسره ردت بس اعرف شسوي هسه والحل شنو ونجمه شلوون عشت بحاله هستيريه مثل المخبل اطفر منا ومنا معرفت ليش اجيت اهنا وشعندي بيتنه طلعت لبيت اهلي مثل الخبل دخلت لكيت امي كاعده ويمها حنين ركضت يم رجليها لامي واصيح وابجي مثل الطفل __ يمه نجمه عرفت يمه نجمه عافتني وراحت مني خسرت نجمه للابد يمه كمت اشمر بالاغراض واضرب بالباب حنين//شبيك عيني شدعواك فد نمونه هي طبها الف مرض اصلا صفاء تسواها وتسوه عشيرتها متحملت كلامها كمزت عليها مثل الاسد من يصيد فريسته وهجمت ع حنين صارت جوايه ملختها ضرب من بوكسات وكفخات وجلاليق اباوع ملامح وجها راحت امي تصرخ منا ونسوان اخوتي منا واني فاقد موخرت منها الا لما فقدت الوعي ياله ارتاحيت ميدرن النار الي جوايه من حنين شكبرها وميدرون شحطتني بموقف وهي الها دور بلي صار بيها هسه عفتهم وطلعت اتصل عليها مغلق لو غالقته لو نت ممفعله اتصلت ع بيبي فايبر رن عدها بس مترد ضليت اتصل لحد ما ردت نجمه نجمه كاعده واصفط بملابسي اني والبنات بشقتنه الجديده فاجتي بيبي عليه __ اكولج هذا الحيوان ديتصل عليه لازم ممحصلج __ لازم بعده ممفجرع برسالتي ومتصل يطمن جريته منها اول مكلت __ الوووو __ وجعوووو بت الكلب نهزمتي منووو تنهزمين مني اني مووووو تاخذين بناتي وتروحيييين لج لو صعدين ...........(كام يكفر )هم اجيبج لج ليش مكتيلي عرفتي ليش مفهمتي مني السالفه ليش مواجهتيني لج احجي جاوبيني لضلين ساكته نجمممممممممه __ الله شكد مرتاحه من داشوفك هيجي منهار اااي هسه بلشت البروده تنزل ع صدري بعد ما حركتني حرك بيها و بعد وبعد حيل بيك دتحس دتحس شلون الجذب يحرك بس على كيفك استاذ حسين وما خفي كان اعظم باجر وراك صدمه ثانيه واقوى من هذه يله توكل لان اشمئز اسمع صوتك يااااا زوج الست سديته منه غلقنه للنت لان اعرف حيرجع يتصل بس الجهاز بيه خط تركي اخذنه كل واحد خط تحسبا اذا احد يتصل ع الثاني اى اذا اعمامي يتصلون هم نطيناهم الارقام وامي هم طبعا امي بقت بالبيت كالت ما اتحمل بهذله اجرو انتو وكعدو وراها اجيكم ونفس الوقت تسمع الاخبار وتوصللنه اي معلومه من حسين بعد ما كملت المكالمه انفجرت بجي اباوع ع بناتي مبرطمات وخايفات من منضري لان ممعوده اشوفهم ضعفي ودموعي كمت حضنتهم من شفتهن ارتاحن صحت بيبي تاخذهن يمها مردت ابجي كدامهم طلعتهم وسديت الباب عليه و رجعت افكر ودموعي تنزل اكول شقصرت ويا خسرني شبابي خسرني دراستي خسرني كرامتي كانت اكو حرگه بروحي مصايره لدرجه كمت اعاتب ربي اكوله ليش وياها بذات لو ويه غيرها يمكن ما انقهر بس هايه تحدتني هوايه عرفته يخون وهوايه شفت وغلست بس هذه لااا ما اتحمل بقيت ابجي لحد مغفيت بمكاني حسين بعد ما غلقته بوجهه رايح لامي مثل متوقعنه __فتحوووو الباااب اليوم احرك الدنيا ع راسكم __ اشششش اصيح صوتك نصيه ولصيح افتهمت __ ااي هزمتو مرتي وبناتي وتريديني اسكت مووووو __ من عمايلك هجت من خيانتك ابو النسوان صار شكد ساكته اني واكول ما ادخل وما اريد اخرب بيت بنتي بس من الشغله توصل للخيانه لاااا لهنا وخط احمر سكتنالك كوومه ودافعنه عنك هوايه ولك ولد عمها يشوفوك من تدخل بشقق الدعاره ويجي ويكول ونكوله معليك اسكت لتدخل شقصرت وياك فهمني حرمتنه منها ومن طفولتها بزواج وجهال وتالي تخون وتريد نسكت اني كووومه غلطت بحق نجمه وقصرت وياها بس ماذيتها بكد ما انت اذيتها خيانه ومرض وسحر كلشي شافت منك وتريد هسه تلومها لان تركتك والله لو بيدي اني احركك مو بس اهج واعوفك ولا عبالك اصرفت بكيفها لاا متوهم العشيره كلها تدري بيها سافرت وكلها ايدتها ع الي سوته بيك وكلها درت بخيانتك فنصيحه مني الك روح منا ليشوفك واحد من اعمامها وميرحمك وهاا اذكرت من لسان نجمه اكولك انسه عندك مره وبنات حسين واكف ويسمع كلامها ويعرف كل الي دتكوله صح بلحظه وكع ع الارض منهار ومتحطم ويصيح __ لج وينج نجمممه والله اسف واعتذر اعرف كوومه خنتج بس تووبه لتعوفيني لج البيت بلياج مينطقاق ولج من اجي تتلكيني بضحكه وينج لج محبيتها والله محبيتها مجرد نزوه اعتبريها اعرف غلطت من ازوجتها اعرف هوايه خنتج بس سامحيني الدنيا عندي بصفحه وانتي بصفحه اذا تركتيني انتهي حتى بناتي ما اريدهم بس انتي رجعيلي وظل يصرخ وامي داخله جوه وفاتحه كامرا واني اباوع عليه وابجي ليش هيجي سويت ودمرتنه ليش خربت كلشي حلو بنزواتك قلبي حن اله واني اباوع عليه وهو يصرخ يريدني بس فجاه شفته طلع مبايله __ ماما بسرعه فتحي الباب اريد اشوف منو ديصل عليه __ الوووو هااا صفاء يله جايلج كافي تلحين وتتصلين اني سمعته رد عليها ورايح الها رجعت كرهته من جديد وسديت الخط بوجه امي لو ممتصله عليه ومكعدتني لو مخليتني كارهته بدون ما اشوفه وارجع اضعف وانصدم بعد كل الي صار يجاوبها ويروح الها تعبت حيييل شوكت حرتاح من هالموضوع وينحل شوووكت.....؟ اتصلت عليه صفاء واني منا روحي بخشمي وبسببها الي صار بيه رحت الها واول مدخلت شفتها لابسه سيت نووم اسود مغري جداا ومكياج احمر صارخ بلون غضبي عليها باوعت اكو واير مال التلفزيون المربوط بين الرسيفر والتلفزيون سحبته حييل وهجمت عليها شطبت جسمها تشطب وكلما تعيط اكولها ابد ماسمع حسج __بردتي عافتني لج بردي راحت مني نجمه ارتاحيتي هسه اخذتي حقوقج مني صرتي باسمي وكلها كامت تعرف بيج صرتي مرتي هااا وهسه بعد شنو مخططه اله فهميني ضليت اضرب بدون وعي ذره رحمه مضل عندي شكد مااني قلبي طيب ويه النسوان وحنين بس يم هالانسانه صرت ضالم من شفتها فقدت ياله تركتها اتاكدت بعده تتنفس وطلعت من البيت طلعت واخذت شرب للبيت يمكن اول مره بحياتي هلكد اشرب شربت لحد ما فقدت واني اصرخ باسم نجمه نمت ومحسيت الا ع دكه الباب مابيه اكوم وراسي يموتني وصار لعبان نفس عندي __ خرررب منو يجي من هالصباحيات لحظه يمعودين حركتو الباب نزلت فتحت الباب لكيت 4رياجيل واكفين كدامي __ تفضلووو المن رايدين __ اخي احنه ملاچه البيت اشتريناه من صاحبته __هههههه يا بيت عيني تحجون عنه لازم بعده الشرب ضارب براسي رووحو منااا يللله __ اخي هذا البيت بيته واحنه اشتريناه وهذه هي اوراق البيع والشراء من صاحبته __ شنووو انتو شدتحجون اوكفوو احس راسي حينفجر صار خدر براسي من سمعت كلامهم __ هسه اتاكدت من كلامنه وننطيك مجال عكب باجر نجي نستلمه الضاهر ماعندك علم ضليت بس ارد براسي ما احجي وياهم ولا كلمه __يله احنه نترخص اخذ راحتك وانشالله عكب باجر نجي سديت الباب بلحظه خسرت نجمه وبلحظه خسرت بيتي وطني البيت هو الوطن خسرت بناتي ورودي الي يوميا اشمهم وابوسهم وما اكل اذا يكعدن بحضني ضيعت سعادتي وفرحتي ومملكتي واميراتي بخياناتي ورغباتي طلعت مبايلي واتصلت ع كل اقاربي ___ تعالو اكو اغراض بيت كامله بلاش شتريدون حملو واخذو بالبدايه ضحكو عليه بس من صرخت وحلفت صدكو باقل من ساعه اجوي وصحت الجيران وكلها التمت ودخلتهم جوه اباوع ع الاغراض مال البيت كلها تروح كدامي والبيت شوي شوي يفرغ واني دمي يحترك احس كلشي بحياتي حلو ديطلع ويه كل حاجه لييش هي ينجمه امنت بيج وكتبت البيت باسمج وخليت حالي ومالي يمج هيجي اجازيني وتغدريني شنو الي تنطقيه بلسانج تلكيه كدامج عجينه بيدج اصيرر من حبي الج ولج اكول عليج فقيره ومتعرف شي تالي هيجي يطلع منج تعب عمري ونصيبي بهالبيت وهيجي يتفرهد ويروح من ايدي احس قطعه من دياخذوها مو بس البيت متحملت ابقى بعد واني اشوفه ديروح مني صعدت اخذت كل ملابسي وملابس نجمه الباقيات وملابس البنات وحطينهن بالجنط وانطيت المفتاح للجوارين ينطوه لاصحاب البيت وطلعت بسيارتي ما اعرف وين اروح لا بيت ولا عائله ولا شي صفيت وحدي ضليت اسوق بالشوارع اشتريت شرب اشرب واسوق لحد ملكيت نفسي كدام القاطع مالتي نزلت واني دايخ ودخلت بغرفتي عبالهم عندي دوام ميدرون بوضعي شنو بس استغربو من خالي __ خويه حسين شبيك ليش هذا حالك انت المرتب الي من تجي تهز القاطع هز والكل تهابك شبيك اليوم شصاير بحالك __ معلييييكم بيه عووفوني بحالي __ شبيك ابو نوررر شنو نتركك بحالك انت اخونه غير نفهم شبيك __ كتلك معليكم ليش تلحون احسلي اطلع منا ما اريد ابقى __وين رايح يمعود وانت هذا حالك تعال منسال بس ابقى ابووو نووور عفتهم وطلعت وما اعرف وين اروح تبهذلت بعدج ينجمه وكفت بالشارع اريد اركز شوي واذكرت وحده اعرفها من زمان عندي علاقه وياها هي صح اكبر مني وسمعتها مو زينه يعني بنت ليل بس كانت تسمعني من اكون باصعب حالاتي رحت يمها واستغربت من حالتي دخلتلها بوقت متاخر بدون موعد وسكران __شبيك ليش هيجي حالتك __ عااافتني وحركت قلبي زين هسه كلشي ما اريد والله بس اريدها ترجعلي بلياها امووت بس اريدها ترجعلي طز بكلشي والله بس هي لااا __ هسه غير افهم منو هي __نجمتي مرتي بنتي __دمشي ارتاح ونام وصفي بالك الشرب مراح يرجعها ولا يحل المشاكل __ ااي لازم احجي وياها واخليها ترجعلي __ انشالله بس امشي غسل ونام بقيت بيتها يومين لا اروح لاهلي ولا دوامي وصفاء تخاف تتصل لا اروح اكتلها وبقيت احجي واطلع الي بداخلي وهي تسمعني وطمنتني نجمه حسامحني وقررت اليوم اتصل ع نجمه احجي وياها واعتذر منها ونتفاهم وشنو تريده مني حااضر بس ترجع بقيت اهنا احجي وهي تسمعني احس من اطلع الجوايه ارتاح لحد ما اتصلو عليه من الدوام وصدموني بخبر مكنت ابدااا متوقعه __ الوو ابو نور اجه للدوام بلاغ __ بلاغ شنووو احجي __ بلاغ محكمه __لك اااي مال شنو هالبلاغ اعرف من المحكمه بس لشنو __ طلاگ سمعت هالكلمه اتهسترت بدلت ورحت بسرعه للدوام اريد اشوف البلاغ بهالاثناء اتصل محامي __اخي اني محامي نجمه ونطتني وكاله امشي بقضيتها __ وانت منين عرفت نجمه __ من ابن عمها هيثم _ غيرت طريقتي ورحت لبيت عمها وناوي اليوم اسحله لهيثم سحل اول موصلت لكيته بالباب __ بس اسالك شلون ترضاها ع نفسك تسعى تخرب بيت بنت عمك المفروض تهديها مو تقويهاع الطلاق __ شوف يالحبيب اذا تشوفني كدامك هااادي وساكت فلخاطرها والاانت اي احترام متحصل مني نجمه طلبت مني شغله سويتها الها __ اشكرك ع هالاحترام انطيني رقم نجمه الجديد العندي مغلق __ حنطيك الرقم مو حباا بيك بس حتى ما اشوفك اهنايوميا ونفس الوقت اعرف من تحجي وياها حتوافق اطلقها نجمه بعد ما سمعت حسين وشفته من راح ع صفاء بعد متصلت عليه نفسيتي ادمرت وكتله لبابا امي انتهى دورها لان اعرف حسين بعد ميروح الها خليها تجي بس اتمنيتها مجتي يعني الوحده من تكون بحاجه اهلها لازم يوكفون وياها اني امي من اجتي لتركيا اول يوم زينه وتشوفني مدمره نفسيا لا اكل ولا اشرب وهي بلشت تنگ براسي __طلعيني ضجت اني مجيت اهنا انحبس _يمه فدوه احد كال الج اني جايه سياحه دشوفين حالي بالضيم ومنا البنات يريدن ابوهن وانتي ادورين طلعه __ هلوو عيني ام الضيم ليش ضيم بايعه بيت وجايه ع تركيا شتريدين بعد __ بله اذا انتي امي وتعرفين حالي شنو هيجي تحجين فما اعتب ع الغريب __ دكومي اخذيني وطلعيني بلا كثره كلام __كوومي امري لله __ لج انتي متستحين البنيه بيا حال وانتي هيجي تحجين وياها وحايره بونستج __ رجاءاا لتدخلين من اطلب منج اطلعيني عود ذاك الوكت احجي ويله انتي الثانيه كوومي يله __ يله امشي طلعت واخذتها لبحيره صايره مقابيل شقتنه كعدت وتباوع ع الرايح والجاي وادردم ع لبسهم لو من تشوف اثنين متحاضنين تكول خوما مثل حضي ابوج ولا بيه حيل بله شجاوبها اني منا اعصابي نار وتعبانه وصفاء ماخذه كل تفكيري افكر هسه يمها كاعد ويضحكون ومتونسين واني ولا مذكرني زين اذا يحبها ليش اخذها وره مزوجني ليش ورايه ليش مو قبلي معقوله مرتاح ويايه لو لان احلى مني واطول زين اذا عاجبته لهالدرجه ليش اخذني وهو يعرف هذا شكلي وهذا طولي والله حتى كرهت شكلي من وراكم وصلتوني لمرحله حتى ثقه ما عندي بحالي كاعده وافكر اتصل عليه هيثم __هلا بهيثم هاا بشرني __ التبليغ وصل لحسين و اجاني هاد وراد رقمج وصراحتا نجمه الوكاله الي سويتيها الي علمود الطلاق انطيتها لغير محامي __ ليش يول __ صراحتا ما اريد اتفاشل كدام احد من وره زوجج وسوالفه ويصيح هذا ابن عمها طلقها وكلها حتكول هيثم سبب طلاقهم __هذا هو المهم تثق بيه ويكمل المعامله بس كملي ع حسين شكال بعد __ شكال كام يتمنطق براسي وثبرني ع رقمج وما اريد اكذب عليج صراحتا انطيته الرقم __ ليييش انطيته ليييش هو اني غيرت خطي حتى ميتصل عليه وانت تنطيه الجديد رووح هيثم راسي كام يوجعني بالزايد سديت الخط وحيل عصبت __ماما اخذي البنات ورجعيهم للبيت __ وانتي وين رايحه __للكبووور رايحه عوفيني شويه بحالي اخذي البنات وصعدو شويه وارجع تركتهم وضليت امشي وابجي اريد اعيط اريد لبداخلي يبرد بس نار وتسعر كمت وكفت يم شجره واباوع عليها وادعي يااااربي طلعهم من راسي طلعها وطلعه لحسين مااتحمل تفكيري بس بيهم ربي طلعهم راح انجن حتى بحلمي اشوفهم سوه تعبت والله تعبت ضليت كاعده بمكاني بلشت الدنيا تظلم والناس كلمن بحاله بقيت كاعده وصافنه ع الرايح والجاي سمعت مبايلي يرن باوعت رقم عراقي غريب عرفته هو حسين بلا شعور نزلت دموعي شهكت شهكه قويه وكلت __الوووو ___ اسمعيني بس اسمعيني فدوه ولسديه للخط لحد لبارحه متخبل من سالفتج مال بيعه لبيت وبودي اشرب من دمج على هالبهذله لبهذلتيني اياها بس اسمعيني هسه كله يروحلج فدوه الج بس لتفكرين اعوفج وماطلكج انسي لج انتي روحي والله احبح واعشقج اني مريض بيج ومافرط بحبي الج لو يقتلوني وصدكي كله فدوه الج __ خلصت كملت لغوتك لو بعد اكوو...؟ ما دام سكتت يعني كملت اسمعني لعد __اول شي انت كلت نتفاهم وحكولك شغله والله لو تبقه بس انت بهالدنيا مابارع بجهرتك بعد وانسى بعد نجمه وبناتها لك انت هم وانزاح مني فروح للفضلتها علينا تدري حسين شنو الشي لقاهرني بكل هالموضوع حجاوبك بدون مترد الي قاهرني انو اخذتها عليه كسرت خشمي بيها لك لو مزوجها قبلي عندي اهون من وحده وسخه تكسرني وتزوجها عليه وتساوي راسها براسي ولاا ماخذلها شقه وماثثها ويصيحولها مرت الضابط بالعماره لك ليييش بس فهمني حركتلي قلبي ليييش والله لندمك وكتلك قبل حسين دير بالك تخوني لان اندمك وهسه بلش انتقامي الك وبعد تحلم اطول اضفري واضفر بناتي وهاا لا اخذ سيد سيدك وتاج راسك __ هااا صار هيجي الكلام __ اي نعم واذا عندك ذره كرامه وذره رجوله اتركني وطلكني هاي اذا اكو كرامه لان انته متعلم عالسحل ع النسوان الخايسات مثلك سديته للخط وشكد ما كان دمي محروك واعصابي نار احسهم بردو لان اعرف حركت اعصابه وشعلت النار جواه واعرف حيسوي الي اريده لان اعرف طبع حسين يتخبل ولا واحد يهينه ويهين كرامته __ اني الج ينجمه اني هيجي تحجين ويايه الا اكسر خشمج وثاني يوم من الصبح رحت للمحكمه وحضرت الدعوه وطلكتها بدون ميرفلي جفن طلعت من المحكمه ورحت للسفاره اطالب بناتي اريدهم والا اكسرج ينجمه بلشت الحرب وياج وهذه اول معركه نجمه اتصل هيثم استغربت البارحه الا شويه اغلط عليه وهسه يتصل __ هلا هيثم خيير __ كل خيرر حبيت ابشرج تره حسين طلك سمعت هالكلمه حسيت شعور قاتل احس روحي تريده بس عقلي يكولي انتي الي ردتي هالشي وصار __الووو وينج نجمه __ وياك هيثم مشكور خويه تعبتك ويايه __ ادللي خيتي وقرار المحكه تستلميه من السفاره _ان شاء الله __ بابا ماما بيبي وينكم تعالو ابشركم __هااا خيرج يا بشارع __ حسين طلگني __ باباتي شلون يطلكج وانتي حاامل تره سالت ع هالموضوع وكلولي يعتبر الطلاق باااطل __يااا ليش باطل طلاق اصولي وبالمحكمه _ بنتي اني مشككت بالطريقه مال الطلاق ....لعد شنو بابا مو قلقتني __ بنتي انتي حامل وما دام حامل فيعتبر الطلاق بااطل فتحت حلكي يعني احس رجعت لنقطه الصفر __ ويعني شنو هسه فهمني يعني ما اكدر اطلكگ __ لااا متكدرين الا تولدين وزوجج يدري بحملج وذاك الوكت تطلكين __ زين بابا هو ميدري بالحمل يعني هسه هو يعرف اني طليقته __ ااي هو هسه يدري انتي بعد اطلقتي منه __ تمام المهم هو يحس انو فقدني واطلكنه هذا اهم شي عندي وموضوع الحمل والطلاق خليه بعدين يصفى اهم شي عندي انتو تتكتمون ع الحمل ولذاك الوقت يحلها الف حلال بعد كم يوم البنات ديتعبوني يلحون يريدون ابوهم امي اتصيح طلعيني ضايجه ومن ما اقبل تكول عليج الي ردتيه صار احس نفسي تعبت من وراها رغم هي امي بس متشيل هم بنتها مثل باقي الامهات كمت اخذ بناتي واكعد بالغرفه احاول اغلق فراغ ابوهم فكاعده ودخل بابا عليه وجهه اصفر وبيده ورقه __ بابا شبيك شكووو شصاير __ نجمه هذه اوراق من السفاره وصلتنه حسين طالب بالبنات يريدهم بحضانته ميقبل يبقون يمي __شنوووو مو هو بكيفه اجتي ابالي صفاء وهي الي تربي بناتي يمه غير اموت ولا انطيهم لهالكلبه مالته والله يحلموون وما انطيهم هذني الي الي حبلت بيهم وجبتهم وتعبت بيهم مااا انكر عليهن بس هذني بناتي هنه الي يشافون جروحي هنه الي وجعولي طفولتي وحياتي وضحكتي مستحيل انطيهم تلفوووني وييين __شسوين بيه....هسه حتعرف ضليت اتصل مره ومرتين وع المره الثالثه رفع الخط __ نعمممم لازم وصلج التبليغ واتصلتي هههه شفتي شلون خليتج انتي الي تتصلين والااا اخليج تتوسلين بيه __ كملت حتى احجي واسده لان وقتي مهم مو مال اضيعه ع مواضيع واناس تااافه مثلك __ احترمي لج واحجي عدل __ تمام يعني كملت اسمع لعد رووح وابحث بالفيس واكتب اسم عقيد جاسم طبعا هالحساب الي اني مسويته وهو حساب وهمي هالحساب ضايفه بيه شكو نقيب و واحد زباله مثلك ومصادقتهم بالحساب يعني شنشر يطلع عدهم ويشوفوه فشنو رايك اروح انزل صور الدايحه مالتك والعقد مال زواجكم واسويله مشاركه وياهم واخزيك فأحترم نفسك وگف عني وعن بناتي وطلعنه من قااموس حياتك __ يا كلبه يا حقيره يا س __ اششششش ولتكمل ولتغلط تره صياحك ومسباتك ميمشن عليه بعد احجي بادب تره اغلقه للخط وتحلم ارد __ اووك لعد اريد البنات اشوفهم بين فتره وفتره لتحرميني منهم نجمه اني ابوهم _سامع بكلمه تحلم فاني اكولك هسه تحلم والله تشوف اضفر منهم وحط ابالك يوم الي تخلي رجليك بتركيا اعتبر بلحضتها متخزي عرضك السگط __ هههههه والله ينجمه من خره بي للوكت الي صوتج يعلى ع صوتي وتهدديني بعد من خره بي الف مره للوكت الي راسح براسي تحطيه لج نسيتي من كنت اباوعلج و تضلين ترجفين لو لا لج نسيتي من كنتي اذا مسويه مكسوره تتختلين وره بابكم وتخافين تواجهيني بسيطه ينجمه اله اخليج تكولين انه الله حق __ هههههه ياا متدري مو كنت حماره ...وعلى نيتي لو اعرف من قبل انت هيجي كان من زمااان خليت هيجي اخلاقي سكط وياك وهسه يله روح روح بحضن ذيج لسافله الوسخه __هههه غيرانه موو __ ههههه دروح بابا روح غيرانه روح تعالج مريض انت ع شنوووو اغار يحضي عليك او ع السعلوه اليمك __ اصلا حتموتين بغيرتج عبالج اذيتيني بس انتي اذيتي نفسج و دتموتين باليوم الف موته من سمعته هيجي كام يحجي حسيته دك عالوتر عصرتني روحي بس محبيت ابين اله __ غلطان حبيبي موجود اجه الي يعوض بمكانك __ شنوووو ولج من سمعته هيجي يصررخ خفت واذكرت شكله من يصير عصبي فغلقت الخط بوجهه من خووفي واصرخ شسويييت اني شسويت رجع يتصل ويتصل ويرسل مسجات غلط وفشار ورزايل ذكرني من كنت اكذب عليه بعلاقتنه ويتصل وما ارد ويبلش يرسل مسجات غلط ومسبات بعد ما ايس مني ارد عليه وخصوصا موضوع البنات منحل رجع واتصل ع بيبي اسمعها تكوله يمكن دخلت الحمام نجمه رحت يمها اشرتلها منو كالت حسين حجيت بصوت ناصي _فتحي مايك حتى اسمعه فتحت المايك سمعته يكول __بيبي انتي تخافين الله وحقانيه ماكولج حاخذ لجهال والله بس كل الي اريده لو بليوم مره افتح كامره وياهم هاهي هذا كل الاريده __ هذا هو حسين ماشي اتصل ع الفايبر حتى افتح كامرا __ مشكوره ورحم الله والديج هسه اتصل سد الخط منا واني اصرخ واهلس بشعري منا ليش هيجي بيبي ليييش منو كلج اني اقبل ليش وافقتي اني ما اقبل وكتله اضفر ما اخليك تشوف منهم وتالي انتي تكوليله كامرا __ لج حررام عليج هذا من حقه وحق بناتج يشوفون اابوهم ليش تمنعيهم منه ودتشوفين شلون متنحسات عليه بس اكولج اذكري من كنتي صغيره وانحرمتي من ابوج من كالت هيجي اذكرت كل الي صار بيه بطفولتي بيت اهل امي وشلون كنت اتمنى اشوف بابا وهالشي سكتني وعفتهم وكمت عرفت بيبي اني اقتنعت كامت وكعدت البنات وحطتهم بحضنها وجاوبت حسين وشافوه وضلو يصرخون بابا بابا اتكول بس شافهم وخر وجهه من الكامرا وصوته صار مخنوك وبالكوه يحجي نور اسمعها تصرخ بابا تعا حبك ليدك اني(تعال احبك واريدك اني) كعدت باب الغرفه وحطيت راسي بين رجلي واسمع شلون يبوسون بالتلفون ويكلوله هااك بوثه (بوسه) اتهسترت واني اذكر طفولتي وعرفت بناتي حيكونن نفس مأساتي ضليت ابجي بخنكه اضغط ع بطني و مكرفصه روحي حسيت شي تحرك بطني وكانت حركه قويه كل هلفتره نسينه لحمل اني واهلي نسينه اروح لدكتوره وافحص واسال ع هالحمل و وسط كل هالهوسه وصراخ البنات ع ابوهم بالتلفون اذكرت بت عمتي دكتوره بين لعراق وبين تركيا هي وزوجها كانت وتعرف الدكاتره الي هنا اتصلت بيها بسرعه لان هالحمل حيييل قصرت بيه عكس حملي بالبنات وسالتها بعد ما سلمت __ فدوه رهف اريد افحص صارلي هوايه مرايحه دكتوره او بالاصح هالحمل هذا ولا رحت لدكتوره وع ما اعتقد حاليا اني حدخل بالرابع _مو تدللين من عيوني اني اعرف طبيه بورد سونار وطبيب ولد زوجه صديق زوجي يولد بس حاليا بمشفى تاب يداوم اكثر شي لمنضمه حاطيه علمود لاجئين العرب والسورين ومناوبته عكسي بس ادللي اساله الج __ زين اكولج عادي اذا باجر اروحله _ اي شكو بيها روحي واني حتصل بيهم واشوف منو باجر اكو موجود بيهم _ اي فدوه حتنتضرج هسه اتصلي ...،تمام بقيت انتضر بحدود الربع ساعه ورجعت اتصلت __حبيبتي نجمه باجر دكتور مصطفى موجود روحي و اني كتله حتجيك وحده من طرفي بت خالي هذه واسمها نجمه و تفحصها لان حاامل ولحد الان مكدرت تزور اي دكتوره و وصيته عليج وباجر هم من قبل متروحين اذكره واوصيه مره ثانيه لان بنيه من كثره المراجعات تشكرت منها وطلعت لكيت البنات ديلعبن ويضكن ارتاحن من شافو ابوهم امي كامت تصرخ من يمها لان داخت منهم يكمزن اخذتهم وطلعت خطيه ما اريد تنغص فرحتهن طلعت بنفس الحديقه الي مقابيل الشقه عفتهن يلعبن رن مبايلي باوعت طلع حسين __ خيرررر __ وين لبنات دكيت ع بيبي كالت مطلعتهم __ صدك اني صوجي خليتك تحجي وياهم صوجي والله __ فتحي كام بله لغوه زايده __استغفر الله فتحتت لكامره طلع وجهي خطف بدون ما انتبهه ونطيته للبنات شو اسمعه يصررخ ك.... بر...... بلا حجاب لج حقيره كلبه وانواع الغلط والمسبات فضحنه صوته شعلاته سحبت المبايل وغلقته الخط وكمت ارجف اريد ارجع للبيت كلت يمه هذا هو حيجيني والله يخبزني اسحل بالبنات وامشي سريع بعدين انتبهت كلت شبيه اني هسه هو مو مطلكني حتى لو هو ميدري الطلاق باطل بس شنو هلسخافه تعوذت من لشيطان بس مانكر ليهسه من اسمع صوته افز واخاف منه كملت مشواري ورجعت للبيت كالت بيبيتي خابر خبصنه وغلقنا الخط __والله يايمه بلوه و منخلص منها __ اي والله __ صدك بيبي اذكرت باجر صبح اروح دكتور افحص __ يمه خيرج ليش شبيج __ طلعت مو بس اني ناسيه موضوع لحمل __يبوووو والله لوما حرام كان كتلج ذبي احسلج بس حرام علينه هذا رزق الله __ والله يا بيبي مااعرف هذا اول حمل اريده وهيجي يصير بيه اروح انام احسلي لان تعبت من التفكير وكل مشاكلي بصفحه وامي بصفحه ما اعرف حاستها مستثقلتني اني والبنات __لا حبيبيتي بالعكس لتكولين هيجي هي تحب بناتج كلش وبعدين لان انتي متعلمه كنتي بيت وحد وهسه كلنه سوه __ والله ما اعرف يجوز اروح انام باجر ورايه موعد من الصبح _ روحي حبيبتي واني اجيب البنات وراج خطيه نامن ع القنفات انتي حامل مو زين تشيليهم دخلت للغرفه وبيبي ورايه جابت البنات غطيتهم وتمددت واني افكر باجر واذكرت كلام حسين من خابر وشافني بلا حجاب كلت لروحي شهل غباء شبيه مرزلته ليش هيح اضعف من اصير كدامه ليش من هو بعيد عني اكدر اجاوبه من هو كبالي اخرس الله ياخذه زرع بيه لخوف. ومشاني على نضام لعسكريه حالي حال الجندي واني افكر اجاني مسج توقعته هو ديكمل رزاله بس شفته لاا هذا رقم غريب فتحت المسج مكتوب بيه هاا نجمه تذكرين لوعد لوعدته الج لولا كتلج مثل مأخذتي ارجعه وبس اكولج بعد شغله او بالاصح حابه اشكرج لان كنتي عائق بحياتنه وجودج زاعجنه اني وحبيبي وهسه .كولش مرتاحين من سافرتي وخلصنه منج ومن العلل الاثنين الوياج .... اقره واحس روحي تحترك بس مكدرت اسكت الها — من طاح حضج وحظ حبيبج هو سكط مثلج واعرف كل كلامج كذب وعندي استعداد باتصال واحد مني اخلي يطلكج ويشمرج مثل الجلب بس اني ماريده وعفته الج لان انتو واحد راهم للثاني سديت لتلفون والدموع موكفت خليت ايدي على وجهي واشهك كمت احس روحي دتتكطع اريد اعيط اريد انفجر روحي مخنوكه كمت فتحت لشباك. واجر بنفس واشهك الهوه بسررعه حتى ارتاح كمت احس حتى لهوه يخنكني شنو ذنبي شسويت اني كوله عمري 16سنه رجلي مزوج عليه زين ليش شسويتله ليش معفته من قبل كمت اضرب بروحي والوم نفسي شبيح معفتي شبيج خضعتيله زين اني ليش ابجي عليه اني مو اكرهه خليت راسي ع مرايه الحمام وعي بارده وراسي حطيته عليها حتى ابرده احسه حينفجر كمت اشمر مي بارد ع راسي اول مره احس بنفسي اني ادمنته واشتاقيت لحنانه لريحته حتى فراشي الي هنا ما اكدر بيه انام عليه تعودت عليه ايده هي مخدتي حتى لو اتحرك واغير نومتي يجرني على ايده معقوله حسين لحب لتطينيا نفسه تنطي الها وبعدين ليييش هيجي رجعت افكرر بيه بس لج كافي تفكرين بي هو هذا الي باعج وهو الي سحل بكرامتح بالكاع والله بعد لو تصير روحي بايدك هم ماريدك [ ينبغي أن يكون هناك gif أو فيديو هنا. قم بتحديث التطبيق الآن لتشاهد المحتوى.] رجعت لفراشي غمضت عيوني وكل شوي تجيني شهكه لان هذا طبعي من ابجي هوايه اظل اشهك وراسي لزمني من كثر البجي ضليت افرك براسي لحد مغفيت صحيت ع صوت المنبهه كمت غسلت و بدلت لبست فستان ردن جوه لركبه بشويه لونه وردي فاتح قماشه نااعم و لبست ترانشوز فلات ابيض كعدت بيبي حست عليه من الصبح __ هاا حبيبتي كعدتي وقتت مبايلي حتى اجي وياج __ لا حبيبتي بيبي ميحتاج لمشفى قريبه علينه متيه بس عينج عالبنات __ مو اخاف تحتاجين شي _ لا بيبي واذا ردت شي اتصل __طلعت للمشفى من وكت لان حبيت اتمشى وتقريبا نص ساعه مشي و وصلت الها دخلت لكيت دكتور واكف وعينه ع الباب الضاهر هو الي دينتضرني __ عفواا انت دكتور مصطفى وانتي نجمه ...اي _تفضلي ويايه كنت انتضرج لان وهف هوايه وصتني عليج — اي نعم دكتور بت عمتي __ اهلا وسهلا تفضلي ست نجمه — دكتور اني حامل وماضابطه لحساب صراحتاا ولا اعرف بالضبط با شهر هسه نزع مناضره كال __ انتي حامل..؟ __ نعم دكتور ليش مكالتلك __ اي كلتلي بس صراحتا من شفتج نسيت انتي حامل شكلج حييل صغير توقعتج اكبر المهم هسه كومي حتى افحصج نمت عالسرير. كعد هو عالكرسي حط لجل على بطني والتفت ع الشاشه وبلش يسال __ نجمه عندج طفل سابق __ نعم دكتور 2اطفال عندي __صدك مدكوليلي شوكت جبتيهم توقعت اول حمل الج و هسه نشوف شغلنه ضل يمشي ع بطني و ابتسم __ نجمه __ نعم دكتور __ هذا اول سونار الج __ اي نعم ليييش دكتو __ لعد اول شي حكولج انتي بعد اسبوع تدخلين بالرابع وثاني شي انتي حامل ب........ يتبع... توقعاتكم ورايكم بكل هالبارت من تصرفات نجمه وحسين وصفاء واهل نجمه # زينب_عبد_المطلب |
| الساعة الآن 09:16 PM |
Powered by vBulletin®
Copyright ©2000 - 2024, vBulletin Solutions, Inc.