|
#العروس_والسحر__ البارت الاخيرر #زينب_عبد_المطلب🦋 __السلام عليكم __وعليكم السلام خيتي __صراحتاا ما اعرف منين ابدي بس الامانه متحملها جبال شبيه هذا يحجي وعيونه بدت تحمر وجر نفس قووي باوعت ع بابا عاكد حاجبه ومستغرب ونفس لوكت قلبي عصرني معرفت ليش __اااي متحجي شكوووو يا امانه شكووو _انتو تعرفون بالوضع واحوال جرف الصخر وقتها اجانه امر انو نلتحق هناك __اااي وانت وياه بالدوام __اني مو بس وياه بالدوام اني اقرب صديق اله واعرف بكلشي ر بكل المشاكل الي مر هو بيها بيوم الي لازم نلتحق بيه شفته كان كلش تعبان كتله لتحي انت تكدر تضبطها وتبقى اهنا وقتها هو مقبل وكال لا اروح احسن لان الدنيا طالعه من عينه __اااي فدوه اختصر تره قلقتني __اعتذر بس لازم اوضحلكم الي صار هو ميثق بأحد غيري وانطاني هالورقه وكال تنطيها لام حمودي بيوم الي يكون مبايلي مغلق وتحسبلي 10ايام اذا مبيت تروح وتنطيها هالورقه __ااي وهسه انتت شنو قصدك يعني مبايله مغلق وصار 10مختفي تره هو صار شهر ماكو __اختي اني انتضرت فوك ال10 انتضرت شهر وتمنيت ينفتح خطه او يبين بس مع الاسف لا الخط انفتح ولا بين منه خبر والي عرفته هوايه اشتشهدو هناك من عدنه ضباط وعساكر __يعني شقصدك تره دخت حسسسسين وين _باباتي اهدي وكولي يا الله احتمال حسين استشهد وبالغافيه عليه __لاااااا لاااااا مو بكيفكم لااااا حسين ميتركني لاااااا صح كتله روحه بلا رده بس مو من كل قلبي كلتها كان دمي محروووك حسين ميعوفني لا اني ولا جهاله هو وعدني من اول معرفته يظل يحبني و ويايه العمر كله لاااااا لاااااااا روحو دورو عليه هذا ضابط ومو بسهوله متبحثون عنه وتتركوه __اختي ام حمودي صار شهر حسين نبحث عنه حتى لو جثه هم ماكو والمشكله هوايه استشهدو بعبوات ومكدرنه نجمع منهم غير كم قطعه من جسمهم والي ويه حسين كلها مستشهده اني اجيت ابلغكم وانطيج الامانه مال حسين __ياااا امانه اني اريد حسين رجعولي حسييين __ابني انطيني الضرف اشوف شمكتوب بالورقه و شنو بيها اباوع ع بابا فاتح الظرف ويقلب بالاوراق وصفن __شكوو بابا __بنتي اول ورقه هذه تنازل من البيت مالته الج وهذه الثانيه تنازل عن شقته الج وهذه يمكن رساله الج لان كاتب الى نجمه اخذت الرساله وضليت ماسكتها ما اريد افتحها بس شفت مكتوب الى نجمه __بابا اني رايحه لغرفتي من رخصتكم __واني هم اترخص عمي ..والله ما اكدر انطقها بس اكول الله يرحمه اذا ميت من سمعته هيجي يكول عفته وطلعت لغرفتي اركض __شبيج نجمه شكو تركضين يمه __بيبي فدوه عوفوني هسه وحدي روحي لبابا يفهمج قفلت الباب وكعدت اباوع الرساله لا بيه افتحها ولا بيه اتركها اخاف شعور الخوف تملكني بس مردت ابقى بحيره والفضول الي بداخلي بلش يشتغل فتحتها واني كل كلمه اقراها اراجعها مرتين نجمه نجمتي ..بنتي..حبيبتي..طفلتي ام بيتي ... ام جهالي ...يا تاج راسي اليوم الي حتقرين بيه هالرساله معناتها اني رحت يم علاوي وما اريدج تبجين عليه ولا تنقهرين بالعكس عيشي حياتج وكمليها بدوني ولو اعرف انتي كارهتني بس بداخلج حبي بعده موجود بيوم الي شفتج وكتلج العصر اريد اجي عليج وانتي مقبلتي كنت ناوي انطيج امانه وهي سند البيت والشقه بس انتي رفضتي اجي وتشوفيني كلت افضل حتى اذا رجعت بسلامه انطيهم الج واذا مرجعت فصديقي مصطفى هو حيسلمهم الج بس بذاك الوقت اكون مموجود باباتي البيت والشقه هذوله الج ولجهالي لتفرطين بيهم لاي احد لان بيتج راح وهذا اعتبريه بمكانه والشقه صح الج ذكريات بيها فبراحتج اذا تحبين تبيعيها او تبقيها بس البيت لاا نجمه هذا الج ولجهالنه حتى متعتازين احد وحيكون الج راتب واني نطيتج دفتر البنك وحاطلج بيه مبلغ محترم حتى متعتازين اي مخلوق وانتي سباعيه ومينخاف عليج واخر شي اوصيج بالجهال وارجع واكولج احجيلهم عني و لتخليهم يكرهوني واتمنى ينجمه تبريني الذمه عليج هو الله ابريني الذمه لان هوايه اذيتج وانتبهي ع نفسج وصحتج لان انتي اذا اتاذيتي يعني اذيتيني وياج ولتنسيني ابداا امانه عليج حسين ابو حمودي قريت الرساله واني ممصدكه رجعت اقراها اريد اتاكد من كل كلمه كاتبها دموعي متخليني اقرا كرهته للدمع ما اصدك حسين راح وكعت ع الارض واصرخ __حسيييييييييين لاااااا فدوه لتعوفني حسييييين والله مبري الذمه قلبااا ولسانااا ارجعلي فدوه والله سامحتك بس ارجع __نجمه شكوووو افتحي الباب ولج شبيج —عوفوني وحدي ما اريد احد __ولج بس فتحي الباب شكوووو فهمينه سحلت روحي للباب واريد اوصل لليده حتى افتحها ما اكدر حيلي انهد اصرخ وره الباب عفيه شلوون فهموني شسوي هسه اني حياتي ادمرت فدوه شسووي راح ابني وهسه حسين لحكه ولك علاوي ردت ابوك يجي يمك ومردتني ليييش اني شتحمل هسه بعده جرح قلبي مطاب وهسه حسين رجع فتحه من جديد __باباتي نجمه فتحي الباب اريد احجي وياج __بابا ما اكدر والله رجليه متشيلني لعد وخري من يم الباب حنكسرها سحبت جسمي عن الباب واسمعهم يدفعون بيها واني ايدي ع راسي وابجي __يمه بنيتي كوومي كوومي لسوين بروحج هيجي __بيبي حسين راح واني مودعته راح واني كتله روحه بلا رده وصدك راح وبعد ميرد يربي سمعت دعوتي واخذته يمك والله مكان قصدي والله __بنتي كاافي انتي مريضه مو زين عليج __لتخليني اسب روحي اني استاهل مراضيته لعد مصالحته كان بقى من ورايه راااح كاعده ابجي وسمعنه بره صراخ __لج ينجمه ابني مااات من وراج الله ليوفقج الله لينطيج ضيعتي ابني بعنادج ولج بقى بس يبوس رجليج وانتي مرضيتي عليه تهمتيه بموتت ابنه وخليته يحمل ذنبه اسمعها تصرخ واني احاول اسدها لاذني لان اعرف من ورايه حسين مات طلعولها اهلي وبيبي تصرخ عليها __اشششش لصرخين اذا هو ابنج فهو زوج بنتنه وابو جهالها اذا اتكولين ابنها مات والله اخذه فحسين هم الله الي اخذه مو نجمه عييب عليج مريه شكبرج وتعرفين الله شلون هيجي تحجين __لااااا من وراها وقشمرت عليه وخلته يكتب البيت باسمها بعد ما باعت اول بيت هسه قشمرته واخذت الثاني __لج انتي صدك متستحين ابنج رااح وانتي ابالج البيت والاملاك طلعت للصاله واني ممصدكه اسمع كلام امه وانفجرت عليه __بس اريد اعرف انتي هم حاسبه روحج ام ابنج منعرف شنو وضعه اذا ميت او عايش وانتي كل همج البيت __لااا ابني مات اني حاسه بيه هو بعد راااح __اااخ لوما انتي ام حسين وحجيه وكبيره بالعمر والله كان مقصرت بيج __اااي احجي وطلعي لسانج الطويل __اخلاقي متسمحلي اجاوز ع وحده هي باعتبار امي بس اكولج شي بنتج وبنت اخوج هنه الي دمرن حياتي وهنه الي هجمو بيتي وبيت حسين لتجين هسه وتصيرين حنينه خليتي ابنج يزوج صفاء ام السحوره الخاينه الي مخلت شي مسوته حتى تظل تسحر بينه فرجاءااا خلي اسكت لان كلامي تره يجرح __اااي شكوو عليج عيني يا هو الي يحجي وياج وكلتي سحررر لعد ومن بعتي بيت ابني هم سحر ومن كتبه باسمج هم مو سحر ___يووووووووو لتسوين روحج متعرفين ليش بعته وبالنسبه لهالبيت احب اكولج مو بس بيته باسمي لاااا بيت وشقه ورصيد وراتب بعددد شتريدين وهاااا كل هذني امانه من حسين ولو امووووت ما اتنازل عنهم __ماااشي نجمه اني وياج والزمن طويل طلعت ودفرت الباب وراحت اااخ ينجمه انفتحتلج باب جديده شحيخلصني حرجع للعذاب وحتى يمكن للسحر شفتووو شلون ام كل همها الاملاك وابنها ممهتمه بيه وتلوموني ليش محاولت اكسبها او احبها ع شنو احبها وهي كل همها الفلوس __تركيها حبيبتي ولتهتمين احنه وياج وشحده الي يمسج بكلمه واني وابوج وكل اهلج وياج __ما اعرف اني هسه بداومه وممصدكه حسين راح قلبي بعده يكول هو عايش __نجمه تقبلي الوضع حبيبتي كلنه نتمنى يكون عايش بس اذا اتاكدنه هو ميت اتمنى تتقبلين هالشي __لااا لا اتقبل هالشي ولا اصدك حسين ماات عفتهم وكعدت بالغرفه وجهالي يمي اباوع عليهم ما اتحمل احد بيوم ينقهر عليهم او يكول يتامى هالكلمه ما اتحملها ادعي من ربي يكون حسين عاايش وممتوفي ولا اسمع هالكلمه ثاني يوم سمعت خبر انو اهل حسين مسوين فاتحه اله اتخبلت وتهسترت يعني شلون اعتبروه ميت اشلون يسوله فاتحه شلوووون لبست حتى اروح اتعارك واخرب الفاتحه ع راسهم __وييين وييين رايحه __شنووو وين اليوم احرك الدنيا ع راسهم __كعدددي وسكتي ما الج طلعه منا همه ابنهم ومسويله فاتحه انتي شكووو __شلون يسوون فاتحه بدون جثه وحتى قبر ما اله __هوايه عوائل خسرو اولادهم وسولهن فاتحه بدون قبور حبيبتي تره قلوبهم محروكه ع ابنهم وانتي لتكمليها عليهم تركيهن حبيبتي خليهم يبردون النار الي جواهم الام//نجمه كعدي وسكتي الولد رااح واهله نصبوله فاتحه شتكدرين تسوين يعني والله اذا رحتي ياكلوج ويطلعوج بالدفرات هي امه منا تهمتج انتي بايكه بيته واملاكه كلها انوبه تروحين تخربين عليهم الفاتحه __تدرين نهى اول مره تحجين كلام بيه خيرر __هااا هم بدينه مو ساكته وما احجي حتى لتكولين ادخلت وخربت عليه __هو انتي خربتي من زمااان وهذه نتائج لسانج __هااا هم رجعنه مو اعتذرت بس انتي شينسيج هتضلين عمرج كله تعيريني __لا عيني لا اعيرج ولا افتح حلكي وياج البيه كافيني خليني حايره بهم نجمه كاافي حييل عليه نجمه//شووكت تبطلن مناكررر تره قلبي خلصان والله البيه كافيني __لا عيني سكتنه وانتي يله امشي اتريكي من صباح الله خير وطافره تتعاركين وبعدين ليش لابسه اسود مو كلتي حسين مميت __ايي ممات بس اني حظل لابسه اسود لحد ما يرجع وحنتضره يرجع ايااام وشهورر وحتى لو سنييين....... بعد خمسه شهور مرت خمس شهور وثوب الحزن منزعته كلما يمر يوم اتاكد بيه انو حسين راح وبعد ميرجع هالفتره بقيت بالبيت ومطلعت لان بابا كال انتي بعده وميصير اطلع او احد يشوفني هو اني اصلا مردت لا اطلع ولا اشوف احد احس نفسي مكسوره من جوه ومن بره وحتى بعد ما خلصت عده محبيت اطلع وبابا طلب مني ارجع اكمل دراستي بس ما الي واهس كل وقتي لجهالي وبس وحموي كبر وبلش يفهم يصيح لابويه بابا و من يشوف صوره حسين يصيحله بابو حطيت صورته بالغرفه حتى يعرفون هذا ابوهم ومينسوه ابدااا __نجمه وينج __نعم بابا _عمتج اجتي هي وحماج الصغير __وشكو جااين __ما اعرف امشي نزلي حتى نعرف شصاير __يا الله بلكي خبر عن حسين يله بابا بسرعه بسرعه يا الله يارب سمعت دعوتي واستجابها نزلت جوه واني بكل تفائل استقبلتهم اباوع وجه عمتي منفس وميتفسر وحمايه يباوع عليه من فوك ليجوه __السلام عليكم هلا عمه بشري عدكم خبر من حسين __ابني حسين الله يرحمه راح لدار حقه __لعد شكو خيرر كل هالفتره مشفتج وحتى احفادج مأجيتو تشوفيهم او حتى تسالين عنهم __هو اجيت بخصوص احفادي __خير شبيهم جهالي __انتي تعرفين حسين راح والجهال جهالنه من لحمنه ودمنه وانتي بعدج صغيره واكيد حيجون يطلبوج للزواج خصوصا بعد ميعرفون عندج بيت وشقه وفلوس وانتي ما شاء الله مشغلتهم لفلوسج وديزين مينقصن __شنو حجيه لازم حاطه عينج ع رزقه جهالي __لااا ليش احط عيني هذا اصلا خير ابني حسين الله يرحمه .. تحجي وتبجي __ليش تبجين حجيه ربج كريم متعرفين ربنه شكاتبلنه بيبي//لتبجين حاسين بيج وتعرفين كلنه نفس جرحج __ااي صح كلامج كلنه نفس الجرح ونجمه جربت هالشعور وتعرف معزه الضنه وجربت لوعه قلبي __لطفااا لتفتحين مواضيع جروحها بعدها مملتأمه لتشوفيني عايشه تره اني بس نفس اتنفس __اعرف بنيتي واني اجيت احجي وياج بموضوع مهم وكدام امج وبيبيتج __اي تفضلي __ارجع اكمل كلامي وياج بنتي نجمه مثل مكلت انتي بعدج صغيره والعمر كدامج وهوايه حيجون عليج واني مستحيل اقبل احد يربي جهال ابني واني عايشه __ومنو كال اني حزوج اصلا __لا حيجي يوم وحتفكرين بهالموضوع فالافضل من هسه نحل الموضوع __وشلون نحله بله __ازوجج ابني حيدر _شنووووو حيدر هذااا حيدر الكاعد يمج حيدر حمايه هههه انتي صدك تحجين __ااي حيدر ابني هو اصغر من حسين وهو موافق ياخذج __لاا قصدج حيدر الي مزوج وعنده طفل __ااي واذا مزوج وعنده طفل احسن من ما يروحون جهال اخوه يم واحد غريب هو الي حيربيهم __ممممم وشعجب مختاريتي حمايه الكبير لو الصغير لو حيدر هو صار كبش الفداء الج اووو لااا حيدر لان انتي تمشيه بايدج مثل مكان حسين تمشيه بايدج وشرطتي عليه ياخذني لان ذولاك متكدريلهم بله حيدر عندي سؤالين واتمنى ترد زوجتك تعرف بنيه خالتي وشكد وعدتك تنطيك من هالزواج __هاااا لا زوجتي متدري __اششش اسكت انت لتحجي وياها بيبي//هييييي انتي الي اسكتي وكافي تمسلتين كاعده بيتنه واحترمناج كلنه عيب مريه كبيره وقدرناج بس مال تكعدين وتحجين هالكلام لااا ابدااا منسكتلج امي كامت و وكفت تصرخ//كوومي ولج انتي طلعتي مو مال احترام خلوني اكوم اضربها واطلع قهري بيها هالسحاله __عوفيها يمه محترميها لخاطر حسين وخليها تحجي اني اصلا كلامها ما انفذه لو ع كص رقبتي __لااا تنفذيه والا اخذ الجهال منج __اي يله تفضلي وجربي تاخذيهم مني يله حسين بحياته مكدر ياخذهم مني حتاخذيهم انتي هسه ههههه صدقا ضحكتيني اكوم اروح لجهالي والعب وياهم احسلي من هالخريط الي اسمعه __ولح انتي صدك متستحين __لاااا لهنا وكاافي ولزمي حدج اني استحي ومتربايه ولو ما تربيتي كان شفتي مني غير تصرف وانتي لو تستحين مكان طلبتي مني هيجي طلب يله من رخصتكم هاا اذكرت حيدر عود سلملي ع مرتك عفتهم وصعدت فوك واني نااار جوايه تشتغل وتخمد اااخ يحسين وينك لو تشوف اهلك شيريدون مني يريدون ينهشون بيه اعرف مو حبا بيه ولا بجهالنه همه علمود الفلوس والبيت حسين انت نطيتني شي زاد فوك حملي حملين منا الجهال ومنا البيت وهسه اهلك عليه اااخ شتحمل بعد __شفتو تربيتكم شلونها صعدت ومحترمت وجودنه __احنه هم نريد نروح نرتاح تعرفين ام نجمه تنام وره الغده اني مره كبيره مو مال اتعب واصرخ ويصعد ضغطي __شقصدت تطردينه __والله فهميها مثل متفهميها __واني اعتب ع تربيه نجمه اذا انتو هذه اخلاقكم السگط اكيد البنيه تطلع عليكم لسانها زفر نهى//__مو كتلج خلي اضربها ليش مخليتيني حيدر//يله يمه امشي هذوله مو مال احترام __اي والله طلعنه احنه مو مال احترام وانتو لعد شنووو عيش وشووف كومي نهى سدي الباب وراهم __شفتي بله شلون عين صلفه تكول اريد ازوج حيدر لنجمه اي هذا هو علساس شكد حابتهم __خليها تحلم اتمنيت صباح مطالع وباقي وسامع كلامها والله مان سحلها للباب __مو كتلج اكوملها حتى اقطعها غير انتي الي مرضيتي __اي حتى تروح تشتكي وتكول اعتدو عليه تره هذوله يتمنوها للعركه حتى يسولنه مشكله وياخذون الجهال فكعدي وسكتي __خيرر شبيكم تصارخوون صوتكم لبره هم تعاركتن _يا ريت ع نهى ومصايبها ___هااا شقصدج اني اسوي مصايب __ولج الصمي خلي اسولفله لابني شفت انت ام حسين اجتي __اي هو سلمت عليها وصحت نجمه وطلعت __لو مطالع وباقي كان بالنعال ع حلكها تضربها __شكوو يمه احجي __ام حسين تريد تزوج نجمه لحيدر _شنووووووووووو نجمه المن....؟ __لحيدر حماها __ومنين اجتها هالفكره __حتى اخاف نجمه تفكر تزوج فالجهال ميربيهم غريب يربيهم عمهم __اي هذا هو اني انطي نجمه لحيدر لازم اتخبلت لا يلدغ المؤمن من جحر واحد مرتين راح حسين الله يرحمه انوبه ازوجها حماها ليش شنو مضروب ع راسي لووو شنو نجمه وينها هسه __صعدت فوك ترتاح __عوفوها ولحد يزعجها بعد وهالموضوع مينفتح بعد كدامها وتركوه بعد يمي اني اعرف شصرف وام حسين بس تجي للبيت بعد هي او اي احد من طرفها ممنوع يدخل للبيت الا اذا اني موجود __اي احسن انت بعد تطلعلهم ومن يجون حتى اني اتصل ع اخوتك ويجون حتى يعرفون منو وره نجمه نجمه// كاعده واتصل عليه رقم غريب __الووو منووو __اني لازم معرفتيني حقج عيني شكو تعرفيني وانتي كل همج زوحي شسوين بيه __اهاااااا انت ساره مووو سمعي حبيبتي اكولج الي عندي وبعدها الله وياج اني لا اريد حيدر ولا مفكره بحيدر ولا عندي اي اتصال ولا اي مشاعر ويه حيدر غير معتبرته اخويه واخو حسين تريدين تحاسبين روحي ع خالتي هي الي اجتي وساحلته وراه مثل الطلي وهو ساكت مو تجين عليه وهذا كل الكلام العندي ورجاءااا لدخلوني بمشاكلكم وطلاباتكم مخططاتكم __شقصدج يعني اني اخطط _ساااره رحمه لاهلج الي بيه يكفيني رووحي لخالتي وذبي عليها غضبج وشوفيها هي شيدور براسها وحليه يله مع السلامه اوووف شهالمله يربي والله تعبت ناس كل همها تاكل بناس سبحان الله ولا عبالك حسين ابنهم شكد عوينچي وزير نسوان وخاين بس عمره مفكر بالفلوس ——————————— ام حسين شفت شلون هالكلبه هي وامها وبيبيتها شسوو بينه ولا احترمونه وطردونه كاظم//اي يمه شتتوقعين يستقبلوج بالاحضان وانتي تريدين تزوجين هذا لنجمه __الي اذا اخوك مو بعينك لعد انت مو اخوه الكبير لو قابل تروح ويايه كان وافقو __يمه لا اني ولا حيدر ولا اي احد حيقبلون بيه يزوج نجمه __لاااا مو بكيفها تقبل يعن.... كوم شوف منو بالباب حيدر الباب دتندك كاظم//حيدر تره مرتك منتضرتك اليوم تخبزك خبز هههه افتح الباب واطفر بدربك عععععععع __انت ظل اضحك وصنف ع اخوك __يمه انتي مكبره الموضوع يعني مكافي علينه اخونه راح اتريدين انوبه اطفرين نجمه والجهال __منو كال اطفرهم اني اريد اجييهم يمي اهنا بالبيت __يمه اعرف انتي قصدج شنو لا جهال ولا نجمه انتي كل هم ... _هلووو عمه هلوو كاظم شلونكم __صفاء هلا بيج شلونج __شلوني يخاله عگب حسين لحد يسال ع صحتي اخذها وياه لعافيتي __سوده عليه حبيبتي شوفي حالج شلون صايره نوميه من الحزن كعدي ارتاحي رجليج شلون صارت _مثل مشوفين كمت اعرج المرحوم سكطتلي رجليه بالكوه اكوم واكعد عندي رجليه اليمين متاذايه اكثر لان وحده باللحم وهذه الثانيه بالعظم بعد ما اكدر ارجع امشي عدل __شسويلج غير انتي مكعدتي راحه كم مره سحلج وراد يطلقج واني احلفه واكوله لا وارجعه الج بس انتي سطرتيه بسحورتج __عمه فدوه لتفتحين دفاتر عتيكه واصلااا ميفيد الكلام العزيز وراح ع شنو بعد الاعتاب صدك شبيه حيدر يكول خلي اطفر من ساره لتعلسني وطلع يركض وانتي اسمعج تكولين اجييهم يمي بالبيت __ههههه هذا الجبان طفر من مرته هههعع __شبيك كاظم ماخذ الموضوع ضحك اليوم ااااخ لو تعرفون النار الي جوايه _عمه احجي شكووو كاظم//اني رايح لبيتي من رخصتكم __الله وياك دحجي عمه شكوو __تدرين حسين كاتب شكو عنده ملگ باسم نجمه وحتى فلوسه وراتبه الها __اي كلتي بالفاتحه شنو الجديد __لج انتي شكد عوبه لوما مسويه سوايتج الخايسه كان هسه وكعلج كم فلس __عمه شبيج واكعتلي اليوم رزاله غير تحجين شكو __ولج مو هذه صغيره وحلوه ولتروح تزوج والحلال كله يروح للغربه اخذت حيدر ورحت حتى اطلبها اله وازوجهم بس البربوك هي وامها و بيبيتها اكلوني بكشوري __ياااا واكول حيدر طفر من ساره __وانتي تركتي السالفه كلها وركزتي ع حيدر وساره ولج شلون ارجع الاملاك والفلوس النه متريد حيدر وهددتها بالجهال تكولي حسين مكدر انتي حتكدرين __اي هي جهالها متنطي بيهم __والحل شنووو لان ناويه اربيها لام لسان __والي يخلي البيت والفلوس كلها ترجع الج __يااا غير ابوسه من راسه __لا عمه البوسه خليها الج اني اريد كاااش __انتي ليش شتكدرين تسوين وشلون اكدر اخذ كلشي النه __اول شي نتفق انطيني كااش انطج حل ___تم اعتبريهم بجيبج بس شلون __تذكرين من سافرت نجمه لتركيا وقتها حسين صار اعصاب ورجعها __اي اذكر ورجعت تركض هي واهلها ما اعرف شلون قنعهم هو يكول لان طلعت حامل وجابت الولد ومكلتلي ورجعتها __لا حبيبتي اني هالموضوع مدخل بعقلي وبحوشت وعرفت السبب __وهالسبب بشنو حيفيدنه __شلون ميفيدنه الي رجع نجمه من تركيا اكيد هو نفسه الي حيخليها تتنازل حتى عن ملابسها __دحجي ولج يغبره شنووو __صورررررر __يا صور __صورها هي والدكتور . ضربت ع راسها ...يمه يا دكتور __الدكتور الي بتركيا عنده صور ويه نجمه ما اكولج صور فاضحه بالعكس صور عاديه بس هالصور تفيدنه بس كوليلها اقدم الصور للقاضي وانو انتي مو خوش ام وغير مؤهله لتربيه اولاد ابني لان انتي بحياته خنتيه واني ما امن عليهم وياج هسه تتنازل __زين والقانون صدك ينطونياهم __صراحتا ماا اعرف لان هي هسه ارمله وحسين مات يعني ميعتبروها هسه خاينه ومن حقها تزوج __هاااا يعني بس اهدد __اااي وحصريها ع الرد حتى متلحك تسال احد __زين انتي منيلج الصور __اخذتهم من جهاز حسين وحفضتهم برام وضميتهم عرفت حيجي يوم ويفيدوني __والله انتي ذيبه __تربات ايدج عمه __دكومي جيبي الصور وحتى باجر من الصبح اروح عليها حتى انطيها مهله لليل وتنطيني الرد __طياااره اروح اجيبهم واجي نجمه بعد مراح حسين كانت حياتي بعده جداا فارغه طلب بابا ارجع للدراسه مقبلت رادو اجر البيت واستفاد منه هم مقبلت شغل مفكرت اشتغل حياتي بعده توقفت مشروعي ويه الدكتور بتركيا فركشته وبعثلي فلوسي رجعتهم بالبنك شفت الي يريد مصلحتي والي يريد ينهش بيه اجوي طلبوني من بابا الي كال بس هي بدون الجهال والي كال ازوجج ومن تحبلين الطفل يروح لزوجتي وراها تبقين زوجتي بس بالورق واكو بعد هوايه اجوي وكلهم رفضتهم تفكيري محصور بالجهال واريد افتح مشروع يجيني منه وارد استفاد منه اما موضوع خالتي فصح راحت بس بداخلي اكو احساس ممطمني ابدااا لان اعرفها انسانه ماديه ومتستسلم بسهوله ثاني يوم كعدت حتى ملحكت اريك الجهال سمعت خالتي ام حسين هم جايه و وياها حيدر __يا فتاح يا عليم هذه هم اجتي شعدها شتريد __ما اعرف شتريد دكت الباب مفتحتاها صرخت انتي سمعتيها __يمه فدوه فتحيها لتفضحنه __اني شكوو ابوج كال متدخل اذا اني ماكو __وبابا وين راح من الصباحيات __خطيه راح يجيب كيمر وكاهي __يعني قريب.. دتخليهم بين متشرب الشاي بابا يكون بالبيت __نجمه اني معليه ابوج بس يعرف هو لو بيبيتج يطلع لسانهم عليه روحي انتي فتحيها __عينج ع الجهال اني رايحتلهم طلعت للصاله وصوتها يلعلع اريد اوصل للباب احس الطريق صار شطوله عمتني بصراخها بله العالم شيكولون __خاااااله لخاطرر الله شبيح فضحتينه شبيج __ااي صار ساعه ادك الباب لا عبالكم تحرموني من احفادي __منو مال نحرمج ليش مو البارحه اجيتي واستقبلناج __لعد ليش متفتحون هذه سوالف امج وبيبيتج __خاله باوعي ع الساعه وحتعرفين ليش مفتحنه يعني بشرفج اكو زياره بهيجي وقت __دوخرري ولج تعلمني الاصول فووت حيدر __اللهم الهمني الصبر __شتشربون بين مياكلون الجهال ويجي بابا _لا جاين نشري ولا ناكل انتي شقررتي ع موضوع حيدر __ممممم لازم ساره وافقت اكون ضرتها مو حيدر لااا لتنزل راسك حاوبني بله انتو شنو من مله مو كتلج لاااا لا ازوج ولا انطيكم جهالي __يعني هذا اخر قرار الج _ااااي اخررر قرار ومن رخصتج اروح ازقنب __لااااا وين رايحه يلي عفتي ابني ورحتي تتمعشكين __شقصدج __قصدي واضح عفتي ابني ورحتي لتركيا وصادقتي الدكتور __منو كال الج هالكلام الماصخ لا تمعشكت ولا غلطت كل ما في الموضوع هو اخ وصديق ودكتوري _اي مبين من هالصور اباوع جوه رجليه صوري اني والدكتور بس شجابها يم خالتي معقوله حسين نطاهياه لاا لو حسين كان من راح هددتني بيهم بس مبين من منو اخذتهم __هااا شو صفنتي __خاله الصور حسين شايفهم ويعرف ما عندي شي ويه الدكتور والموضوع انسد بعد __هههه حسين لو ممهتم للصور مكان رجعت من تركيا من وراهم واجيتي تتراجفين __الظاهر التفاهم ضايع وياج كولي من الاخير شرايده __اي هيجي من الاول انكشفي وسكتي شوفي نجمه لووو تزوجين حيدر وتاخذيه هو ومرته لبيتج والجهال هو مسؤل عليهم والبيت ينكتب باسمي اووو اخذ الجهال من المحكمه حتكولين ميصير حكولج بالصور كلشي اسوي واكول انتي ام غير مؤهله لتربيتهم __يعني انتي تشرطين عليه شروط واحد اصعب من الثاني لا بيه انطي الجهال ولا بيه ازوج __لعد شتريدين عيني شوفي نجمه غير هالشرطين ما عندي واذا موافقتي حنطيج مهله لليل تفكرين وراها تعذريني ___لاااا ياا ليل غير اموت منا لليل زين انتي مو تريدين البيت .......اي __خلص اكتب البيت باسمج والفلوس مال حسين اسحبهم وانطيهم الج هااا شكلتي بس فدوه لا زواج ولا تحرميني من جهالي وانطيج وعد ما ازوح ابداا وبس ازوج اخذيهم مني __ااي هذا خوش اقتراح لعد باعي باجر سبت عطله الاحد اجيج من الصبح نروح لكاتب عدل وتتنازلين عن البيت والشقه وراها نروح للبنك تنطيني الفلوس وهاااا اهلج ميعرفون منا لحد ما كلشي يتم __لييش __لان اي احد منهم يدخل بهالموضوع ويحجي ويدوخ راسي بوجهي للمحكمه __تمام هذا هو ما اكول __يله اني رايحه هسه والاحد اشوفج يله يمه حيدر طلعت وكعدت ع الارض ابجي اسفه حسين هي هذه امانتك اسفه حفرط بيها واردها لاهلك لان اني مستحيل افرط باضفر من جهالي __لج نجمه هذه شدتخرط لج شلون تقبلين تنطيها امانه حسين __بيبي فدوه هالموضوع لتفتحوه ولتخلون بابا او احد من اعمامي يدري اهم شي جهالي والباقي ميهموني __هاااا وينكم تعالوور گيمر وكااهي وصمون حار يله __امشيييي بسرعه لتخليه يحس __والله غلط تصرفج خلي يعرفون كلهم ويروحون يطيحون حضها __اروحلج فدوه اسكتي ولتحجين حاولت ما ابين لبابا ع الي صار ولا اريد امي تعرف لان متسكت وتحجي عشت بقلق وعيني ع جهالي واخاف لا اخسرهم رجعت اذكر الايام من حسين هددني بالصور علمود جهالي وفضلت اكون خدامه ولا ياخذهم مني وهسه اتكرر الموقف بس ويه امه عشت يومين وكانو من اسوء ايام حياتي حضرت سند البيت والشقه ومستمسكاتي كلها من الليل وابد منمت وافكر اذا بابا سأل شنو اكول اله اذا عرف مراح يخليني اروح كاعده وانتضر وادعي يااا رب سهلي امري وخليني اخلص من هالسالفه رن مبايلي...هااا خاله _يله اني بالباب __هااا اي جاهزه هسه حنزل نزلت واني امشي ع كيفي انزل الدرج والتفت اخاف لا اشوف بابا كاعد رحت لبيبي ..بيبي اني حروح اجتي خالتي فدوه عينج ع الجهال من يكعدون _وابوج شكوله اذا سال __من ارجع اسولفله هسه بس خلي اروح ادعيلي _الله وياج حبيبتي __هااا خاله حيدر مو وياج __وشعندي بعد بيه يله صعدي مو ابو التكسي انشتل صار نص ساعه ننتضرج __يله امشي صعدت والطريق كله خايفه اتمنى تصير معجزه تمنعني ومتخليني اتنازل الها او يتوقف الزمن ومتاخذ تعب حسين ومال جهالي الها بس مع الاسف وصلنه وتنازلت الها بالشقه والبيت ورحت للبنك سحبت فلوس حسين الي حطهم بحسابي بس فلوسي وفلوس مشروع تركيا منطيتهيا سلمتها كلشي __هااا خاله تمام __ااي كله تمام وهااا بس تفكرين تزوجين جهال ابني اخذهم يمي _ااي مثل ما اخذتي امانه ابوهم منهم __لااا لااا انتي لا عبالج اخذت الاملاك والفلوس الي لا حشى اخذتهم حتى ميروحن للغريب هذا تعب ابني __اي خاله صحيح كلامج يله اترخص __تعالي اني ارجعج __لا خاله اني اروح وحدي مشكوره رجعت واني اتحسب عليها وشايله هم ابويه بس الافضل اكوله __انتي وين كنتي ومبايلج عايفته اهنا بابا رحت ويه خالتي ام حسين __لييش ولج لتكولي عقدتي ويه حيدر ولكم اني مووووو كلت محد يستقبلهم __بابا هي مدخلت اني رحت وياها ولا عقدت ولا شي لتخاف اني ما اغلط هيجي غلطه __لعد شكو رحتي __اكعد احجيلك كلشي ولتقاطعني لحد ما اكمل راح ع القنفه وكعد وعكف حاجبه __بابا نضرتك تقلقلني دفكها للنونه حتى احجي __ولج بنت النهال احجي مو حكوملك __لاااا بابا لطفااا ما اسمحلك تحجي ع بابا __هههههههه خرب غيرتج شكد اداهرين كعدت كدامه وحاولت اضحكه قبل ما اسولفله اعرف حيعصب بس احاول اهديه وحجيتله كلشي __لج يا كلبه يا ثوله ولج شلون تغلطين هالغلطه ولج مو من حقها تاخذ الجهال ولا من حقها تزوجج ابنها ولكم مو كلت لحد يدخلها الا لما اني اكون موجود شنو اني طرطور ولكم سالت وكالو متكدر لو حاجيتلي كان عرفت شلون اخرسها __بابا لطفاا اهدا واذا ع البيت فطززز اني كلشي مااا اريد حسين وراح شلي بالبيت والفلوس بابا اني عايشه بس نفس اني بعد مراح علاوي ماتت مشاعري وبعد حسين قلبي مات اني هسه حياتي فارغع لو ما انتو والجهال كان انتهيت من زمان اترجاك بابا الي يربطني بيهم هسه بس الجهال واني اعرف شلون بعدين احرمهم منهم هذا اذا اصلا اجوي وسالو عليهم امه انسانه ماديه وطماعه همه عائله فگر شفت اخته باعتني وسحرتلي بس علمود قطعه ارض وامه رادت تهجم بيت ابنها حيدر بس علمود الاملاك بابا اني كل همي انتو وجهالي وبس وبزودك اني وجهالي عايشين ما اريد شي منهم وكف واجه باتجهاهي ومد ايده عليه مديت ايدي اله و وكفت باسني من راسي __الله يرضى عليج وع تربيتج الاصيله الحمد لله الي شفت بنتي كبرت وتفكر بس بينه وجعالها ومهامها وسخ الدنيا __حبيبي بابا شعندي غيركم اني صح حسين راح مني بس الله عوضني بيك انت ابويه واخويه وسندي بعد ما ام حسين اخذت كلشي ولدها تعاركو وياها حيدر راد الشقه بس كاظم مقبل ع موقفها واخوه الوسطاني لا يحل ولا يربط واما خواته فيريدون فلوس اعتبروه ورث حسين ولازم يتقسم واما صفاء فنطتها فلوس لان هي الي جابت الرام وضلو يتعاركون ع الفلوس واني ادعي عليهم واكول عسى ناركم تاكل حطبكم مر شهر واني بلشت اقرا قررت ارجع للدراسه لان الدراسه هي الي حتضمنلي مستقبلي حتى اتخرج وبشهادتي اشتغل ما دامي بعدني صغيره وجهالي صغار قرايتي تكون بالليل لان بالنهار التهي اطبخ لان لحد الان امي متعرف تطبخ وبيبي تساعدني وامي عليها البيت ومرات الجهال اكمل طبخ وراها التهي ويه الجهال او خطار المهم قرايتي بالليل بيوم كاعده اقرا كانت ساعه 2 تقريبا سمعت احد يضرب حجار ع الشباك خفت منو الي يجي بهالوقت وليش يشمر حجار يمه ليطلع حرامي كمت طفيت الضوه ورحت ع الشباك بالحافه مال البرده اباوع خيال واحد وره الباب واكف رف قلبي من الخوف ضليت اراقب حركاته واكف صفح وره الباب ع جهه شباكي ويروح للباب يوكف بالنص يرفع راسه وينزله ويرجع يشمر حجاره عطت فز حمودي ركضت رجعت نومته رجعت للباب ماكو احد ارتاحيت دا اسدها للبرده لمحته كاعد ع رصيف البيت المقابيلنه يمه هذا منو ولو حرامي ميكعد ينتضر قررت انزل اني صح جبانه بس بهالامور لااا جرئتي تصير قويه نزلت فكرت اروح ع بيبي اعرف لا بعدين اترزل بس مو مال انتضر قررت افتح باب المطبخ واصيح منو بدون ما اروح ع الباب الرئيسيه __منو ...محد رد خررب ما اريد اعيط __منوووو .... __اني اني.... يمه هالصوت مو غريب عليه __انت منوووو وليش واكف يم الباب وتشمر حجار __ولج فتحي الباب ام خشم البطه __يااا هذا شمدريه خشمي مال بطه هذا لازم عرف __ولك انت شلون هيجي تقلد عليه ما اسمحلك __انجبي ام بوله متسمحلي ولج تعالي فتحيلي الباب مو متت من البرد __ام بوله يااا هذا شمدريه ان.... يااا هذا هذا ااااا ننننننت حسسسين مو كول جاااوبني عليك الله ااانت حسييين __اي يروح حسين يا عمره لحسين يا نفس حسين اي باباتي اني حسين بس فتحيلي الباب مو حصير مثلج ابو بوله من البرد __ركضت ع الباب احس الكراج صار شطووله اريد اوصل للقفل وافتحها فتحتها واشوف حسين ااي انت حسين والله انت حسين [ينبغي أن يكون هناك gif أو فيديو هنا. قم بتحديث التطبيق الآن لتشاهد المحتوى.] __ولج شلون تفتحين الباب وتصيحين منوو فرضي حرامي __يااا لعد لو عايفتك بره وتموت برد انت صدك تحجي حسين هذا انت كدامي __لج تعالي بحضني يمكموعه شالني ودخل بنص الكراج ويفتر واني اصرخ من الفرحه وابجي وهو يبوس بيه واني حاضنته حيلل __صدك يعني انت كدامي اني عرفت والله انت مميت والله قلبي حس __ولج ع لهفتج هذه لو اعرف من زماااان مختفي وميت حتى اشوف لهفتج عليه وحبج هذا وتسامحيني __اسم الله لتحجي هيحي شحدك بعد تتركني __لوووو امووووت ما اتركج مو كتلج قبل عمري كله ما اعرفج وحظل للموت وياج سمعنه الباب نفتحت وبابا وبيبي واكفين وصافنين __خررب نزلني حسين انفضنه ولك استحي __ليش تستحين حلالي وشايلها __ولكم فهمونه وعوفو المحاضن __اااي بابا هذا حسين مو كتلكم عايش اني حاسه بيبي كامت تهلهل هي وامي والجيران يمكن كلها فزت مسكني حسين من ايدي ودخلنه جوه اباوع عليه لحيته طويله ومبين تعبان حيل __بس فهمني وين كنت صار 6شهور __كعدو وافهمكم __متحملت ومكدرت اكعد صعدت ع القنفه واصرخ عليه _ يعني كل هالفتره عااايش ليش متكول ليش مراسلتني __لج قزمه بس دنزلي واحجيلج __ههههه ابني بعد شيخلصها والله متعرف شلون فرحان برجعتك كوووم احضنك كوووم __عمي الغالي والله اني الي مشتاق لكل واحد بيكم حتى عمتي ومشاكلها بيبي__عهههههههههه شفتي كلها تعرفج ام مشاكل ام/هااا حسين مو هسه بوستك وتحمدتلك بالسلامه وتالي هيحي تحجي عليه __لا عمه انتي الاصل وهذا راسج ابوسه وراس بيبي حتى متزعل وراس عمي __وراسي اني لو خراعه خضره __انتي الاصل انتي تاج راسي متعرفين شلون كنت منتضر الساعه الي اشوفج بيها انتي والجهال صدك وينهم اشتاقيتلهم __عوفهم فوك نايمين بس احجيلنه وين كنت هالفتره __بعد ما التحقت لجرف الصخر هناك كانو مسوين النه كمين ومندري واني والسريه كلها طلعولنه وتولونه رمي ورمانات اني وره الجدار واكف وشمرو علينه رمانه وتعرفون هناك الابنيه تعبانه واغلبها اتضررت وكفت وره جدار وشمرو رمانه و وكع الجرار عليه والي ويايه صارو طشار اهنا بعد محسيت ويمكن همه عبالهم متت لان الجدار عليه وراسي انشك فعبالهم متت __شو شوفني راسك __كعدي ولج خلي يسولفنه __بس خلي اشوف __تعالي شوفي اصلا بقى الاثر وبعد ميروح كنت و وكفت وراه اباوع ع راسه __اووووي هذا شكبره مكان الجرح بس ملتأم __اي طبعا صارله شهور __اي ابني كمل __والله ياعمي بعد محسيت الا واني بالمشفى صدري متاذي ورجليه مكسوره وراسي مفتوح و وجهي كله دم خشمي مكسور يعني الي يشوفني ميعرفني اي ملامح مباقيه بيه الي فهمته وقتها اني شهرين بالعنايه وحالتي خطره وضليت متكسر وباقي بالمشفى _زين صديقك كال دورو عليك وماكو __نجمه انتي لو تشوفين حاله المشافي الجثث بالالف منو يكعد ياخذ اسم منو يدور دخلت هناك حمدت الله حاطيني بسرير __سوده عليه والله عرفت بعدك __والله حاولت اتواصل وياكم بس وضعي ميسمحلي وكلت ما دام ماكو جثتي حيعرفون مميت وحاولت ابعث الكم جماعه بس الي ادزه بعد ميرجعلي ويطمني __والله محد اجه ولا سال __والله دزيت لهنا ولبيت اهلي وبيتنه كلت ايجوز هناك سكنتي ورجعتي لبيتنه __هاااا لااا اني ابد متركت بيت بابا __اي زين تسوين نجمتي لزعلين مني عيشت بقلق وخوف اعرف هالشي __صدكني شوفتك هسه نستني كلشي بس انت وره مكعدت وتحسنت ليش متصلت وطمنتني __نجمه والله مكسر لحد الان صدري يوجعني والله اني بس علاج رجلي 4شهور وغيبوبه شهرين __بس هذا مو عذر ويخليك تقلقنه واخلينه نتاذى ع غيابك __نجمه حبيبتي كافي متشوفين الرجال تعبان يعني لو راجع بعد سنه هم نكول الحمد لله المهم رجعلنه بالسلامه __اي بيبي فدوه احجي وياها عرفت مراح اخلص من لسانها هسه فدوه الجهال وين __ابني ادخل اسبح وارتاح ونام ومن تكعد وانت مرتاح شوفهم هسه اذا كعدو خطيه يجفلون وخصوصا حمودي اذا مشبع نوم يظل يبجي ويصرخ __تمام عمي اروح اسبح حضريلي الحمام نجمه هاليوم كان من اسعد يوم بحياتي خسرت حبيبي واليوم رجعلي بروحته عرفت قيمته بالنسبه الي ولحياتي شفت الناس الذيابه الي بعد حسين شلون ياكلوني فررحانه وسعيده والماضي بشوفه ورجعه حسين نسيته قررت افتحله صفحه جديده مع بدايه جديده النه وهو كذلك من شاف الموت وحس بفراقنه وفراق الدنيا حس بقيمتنه وتغير طبعا الجهال من شافوه حييل فرحو بشوفته وحمودي بالبدايه خاف منه لان متعلم ع ابويه وبس يعرف حسين بالصوره بس بعدين تعود عليه وعرفه حسين حجيتله ع اهله وتصرف امه واخوه حيدر وهو مخلاني اكمل كلامي وراح الهم __يمه وينكم يمممممه __يمه يمه يمه انت حسين انت كدامي صدك لو اني اتخايلك __اي حسسسين الي كلتي ماات ورحتى اخذتي امانه جهاله ومرته حسين الي ردتي تزوجين مرته لاخوه حسين الي سويتي اله فاتحه بليه قبر حسين الي استخصرتي ع مرته وجهاله حتى فلوس يعيشون منها __اسمعني ابني اني معليه هذه صفاء هي نطتني الصور خلتني هيحي اسوي __اي مو انتي صغيره حتى صفاء تلعب عليج يمه اني اعرفج وكل هالسنين عمري مخالفتلج امر هيجي اجازيني واجازين مرتي شوفي يمه اني هسه طالع ومنا للعصر شكووووو فلس اخذتوه يرجع وحضري روحج باجر تتنازلن عن كلشي اخذتيه ولهنا وكلامي انتهى وياج __اوكف يمه وين رايح __رايح لمرتي وجهالي بيت عمي الي استقبلوني بيتهم لان بيت ما عندي رايح للناس الي مصدكو اني ميت وبقو منتضريني ومنتضرين رجعتي عرفتي وين رايح طلعت وسديت الباب اعرف هذه امي وغلط الي سويته امي الي مشتاق لحضنها وبركاتها امي الي مشتاق لريحتها بس لازم اخليها تعرف الي سوته غلط صح الفلوس والبيت مو بعيني بس الي قهرني وخلاني اتنرفز يعني لو ميت صدك كان هسه شنو حالها لنجمه وجهالي الله يسامحج يمع مريت ع درامي وشافوني وحجيت الصار ويايه ورجعت للبيت اشتاقيت لنجمه __سلام __ها حبيبي بشرني شصار امانه لتكول اتعاركت ويه امك __نجمه هالموضوع يمي انتي هسه الي عليج تسويه هسه تنطيني بوسه __يااا استحي بابا وماما وبيبي والجهال كلها اهنا __يله ويكولون ليش تتوازى __شقصدك __لاعيني ولااا شي باجر نرجع للبيت وكل الايام والشهور الراحت اطلعها من خشمج __يااا مكلولك....لا مكلولي __مو كالووو هالايام لا يجوز __لا يجوز شنوو __هو هذا لا يجوز __ومنو فتاها بله لا يجوز __ههههه اني...اني الج شووو تعالي....... احلى ايام بلشت بحياتي برجعته حسيت رجعنه ازوجنه من جديد الماضي راح وبلشنه بدايه جديده البيت رجعناه والشقه بس الفلوس من رجعوها كال هذا درس الكم وخليتكم ترجعوها بس اخذوها ممحتاجها و وزعها ع خواته وامه لان حسين مهما يصير باقي حنين ع امه وخواته صفاء من عرفت بعده عايش بعثتله مسج وهو شوفنياه وبايدي مسحته ثقتي بحسين رجعت ماااا انكر سوالفه مبطلها لان ابو طبع ميجوز من طبعه لكن صار يحسبلي الف حساب وخيانته ع كد النضره ومن اشوفه اخرب ضحك لان من يبرر موقفه مثل الطفل الوقت الحالي بناتي وحمودي كبرو ولحد الان منسيت علاوي ولحد الان ميقبل حسين يدليني القبر شكد حاولت اقنعه واقشمره مفاد يكولي تتاذين ادعولي الله يفرحني بولد اخ لحمودي اهل حسين علاقتي وياهم ع كد السلام وجمعات المناسبات حنين اخته ابداا مسامحتها بالرغم انو حسين سامحها صفاءلحد الان رافضه اي احد يتقدم الها وبعدها تريد حسين واخر مره تواجهنه بعرس اني وياها وكالعاده مكافش من الشعر وحسين راح لبيتهم ضربها هي واخوها و هم بعدها تركض وراه بيبي وبابا الله يخليهم الي ويطول بصحتهم اما ماما فحاليا متعاركه ويه بابا ويريد يطلق بس اني ما اقبل لان هذه الطلقه الثالثه اما السبب فاكيد من ورايه لان راحت لحسين وكلتله ع بيتي الي اشتريته من فلوس البيت الاول واخذت ايضا شقه بمكان فلوس مشروع تركيا صح المفروض اكول لحسين بس من موقف امه والي سوته خفت اكول بس امي مقصرت وكلتله رده فعل حسين كانت جدا صدمه بالنسبه الي كام كدام امي وحضني وكال ااي اعرف نجمه عدها بيت وشقه ومن فلوسي اندار عليه نجمه امانه الله شكد متكدرين اخذي مني وجمعي واشتري ولتكوليلي شنو اخذتي ومحلله بكل فلس اخذتيه مني طبعا اسمع كلامه ودموعي موكفت مدري ابجي عليه لو ابجي ع امي وسوالفها هي من شافت رده فعله هذه وبروده غلطت عليه وطلعت وبابا بعدها طردها ولحد الان ميقبل ترجع ورافضه ينفصلون لان اعرف محد يدوم الها غيرنه اما علاقتي ويه حسين فكلش تغيرت وصارت حييل قويه حبي اله زاد اكيد واتعودت ع وجوده بحياتي صح من يروح للدوام واذا عنده خفاره امووت بدمي لحد ميرجع بس ابقى اكول ربي حيظل حافضه الي ولبناتي..... النهاية انتهت قصتي واتمنى استمتعتم بقراءتها اتمنى من كل ام لتفكر وتزوج بنتها بعمر صغير ارجو من كل ام تكون حضن لبنتها وابنها واتكون صديقتهم قبل متكون امهم ارجو من كل اب انو يحب اولاده ويظل سندهم بالحياه واوجهه كلمه اخيره لكل زوج واكول زوجتك هي امك هي اختك هي بنتك عاملها مثل متعامل شي تخاف عليه لينكسر وحاول ان تكول اول من يقدم دعم الها وتصدك كل كلمه تكولها ولتستخف منها ولهنااا وانتهت حكايتي واتمنى انو تعجبكم بموضوعاتها وسردها اتمنى محد زعل مني واما اكون قصرت وياكم و وصلت الكم القصه بدون تقصير نلتقي مع قصه جديده بعد ما اخذلي ريست وتحياتي الكم كاتبتكم #زينب_عبد_المطلب وتحياتي لكل المتابعين والمتابعات ودمتم برعايه الرحمن وحفظه |
|
رواية مميزة جدا استمتعت وانا بقرأها ... ⚘⚘⚘⚘⚘⚘⚘ |
اقتباس:
|
الف الف الف الف الف الف شكر |
قمة الروعه جميله وممتعه ومؤثر ه شكرا حبيبتي ويعطيك العافيه |
| الساعة الآن 01:14 AM |
Powered by vBulletin®
Copyright ©2000 - 2024, vBulletin Solutions, Inc.