|
يسعدلي مساءكم حبايبي صوت قبل القراءه لطفا منكم وقبل ماتقرون احب اسالكم انو اني اول بارحه بلغت انو ماكو بارت البارحه فليش هالتهجم بالتعليقات لان منزلت البارت والله اني انسانه وحالي من حالكم عندي بيت وزوج واطفال يعني هم الهم حق عليه وكتلكم مراح انزل بارت حتى اخذ ريست بس مع الاسف بعض البنات ميقدرون هالشي المهم اتمنى تنتبهون من اكول باجر اخذ ريست وما انشر فمعناتها ما انشر فديتكم اتمنى تقدرون وضعي والله يشهد عليه ما احاول اقصر وياكم واكتب البارت ع فراغي فاتمنى تعذروني اذا اقصر وياكم بالبارتات اعرف طولت عليكم وهسه للبارت #العروس_والسحر__ البارت التاسع عشر #زينب_عبد_المطلب🦋 __نجمه __نعم دكتور __هذا اول سونار الج __اي نعم ليييش دكتور __ لعد اول شي حكولج انتي بعد اسبوع تدخلين بالرابع ثاني شي انتي حامل بتوأم كمزت من عن السرير وكفت الا شويه وراسي بطخ السقف الدكتور انصدم رفع واسه فوك ويباوع عليه _توأم شنووو لاعفيه اريد بس واحد شسوي ب2 شنو هالمصيبه واله شويه ابجي نتبهت على نفسي كعدت __العفو دكتور. الضاهر تحمست شويه __ لاعادي __ دكتور يعني جهال 2بطني __ نعم و هسه ممكن تنامين اشوف احجامهم. نمت واحس طابوكه وكعت علي راسي اني واحد ردت اضمه عن حسين بس توم شلون حضمهم عنه ينجمه كنتي شايله هم هسه همين __الاطفال كولش ناعمين حجمهم اقل من عمرهم واصور بيح فقر دم او سوء تغذيه ميصير لازم تاكلين زين وحنطيج فيتامينات بيها اومغا3 هم مفيده للحامل هو يحجي واني بالي بغير دنيا بس دمعتي تنزل من طرف عيوني سارحه بضيمي وافكر شنو حسوي وشحكول __يله كملت فحص كومي نجمممه وين سرحتي __هااا اي اي دكتور وهسه __ههه هايه انتي شنوو وين رحتي تعالي عمي رجعي اهنا لتفكرين بعيد وهسه حفتحلج فايل مراجعه باسمج وان شاء الله نبدي انتابع حالتج وحكتبلج مجموعه فيتامينات ومثل مكتلج اوميغا 3 ورجاء انتبهي ع اكلج لان الفقر دم ويه وضعج وحامل بتؤام جدا مو زين هوو يحجي واني بس اهز براسي اخذت الراچيته وطلعت امشي احس مثل الي انضربت ع راسي امشي واني بغير عالم ما اعرف المن اروح واشكي همي اريد شخص لا اعرفه ولا يعرفني اكعد واحجيله واكوله احكم وانطيني حل لان اني تعبت مشييييت لحد ما رجليه بعد متحملني ورجعت للبيت كان قريب عليه دكيت الباب طلعتلي امي __هلاا عيني بالخانم خوش موديل الخواره مالتج واحنه نخدم الج ولبناتج __يمه رحمه لربج جوزي عني تره قلبي خلصان والله والبيه يكفيني طبيت كعدت عالتخم اجت بيبي يمي __ها بشري شكال الدكتور __ شبشر سامعه المثل الي يكول يا ام حسين جنتي بورطه صرتي بثنين هو هالمثل يتطبق عليه __ دحجي شكو يا ساتر شنو اثنين لج شسويتي اجه بابا ع صوت بيبي هاا باباتي بشري سالت عليج الصبح امي كالت رحتي للدكتور بشري شكال __شبشركم بابا همي كبر _ خوفتينه شصاير وياج __ طلع بيه توأم اباوع ع الوجوه كلها انصدمت و علامات لحزن مبينه بيهم عكس بحملي سابق البنات اسمع هلاهل وركص منهم بس هسه بسبب الضروف الي دنمر بيها وخصوصاا اني وبلشو يحجون بيبي تكول استعجلتي ع الحمل وامي تكول ذبحتي روحج حتى تحبلين وكت خلفه هسه بالهالضروف وبابا صفنه تاخذه وصفنه تجيبه عفتهم وطبيت للغرفه حالي مو احسن من حالكم لا والله اتعس و هناك واذكرت شغله يااااا اني نسيت اسال الدكتور شنو عندي اخاف يطلعن بنات 2شلون مصيبه ويصيرن بمكان ال2 يصيرن 4 والله راضيه ع رزق الله بس بنفسي هالولد مو لابوه اريده الي اوووف شكد ثوله غير اسال طلعت اركض ااتصل ع رهف تنطيني وقم الدكتور واساله اكيد هو يعرف هسه ولد او بنيه المهم ما اظل بهالقلق هذا بعدني ممتصله وسمعت بيبي تحجي ويه حسين يمه كمت ارجف بس لا حتكوله طلعت اركض للصاله شفتها فاتحه كامرا وهو يحجي ويه البنات بحضنهااشرتلها متكوله ع الحمل كالت اي اووف حظل ع هالهباطه اني رجعت الغرفه اتصلت ع رهف __هلو رهوفه فدوه اريد منج رقم الدكتور مصطفى نسيت اساله ع شغله وطلعت مستعجله __تمام حبي ادللي هسه ابعثه الج رساله __مشكوره قلبي مقصرتي ثواني واجتني رساله برقم الدكتور اتصلت عليه __الووو هلو دكتور مصطفى اني نجمه __عفوا يا نجمه صراحتا حتى شكلج نسيته تعرفين هوايه مراجعين باليوم اخذ واهوايه حالات تجيني فميبقى احد بالي __اني نجمه ام الطفره الي طفرت من السرير من كتلي حامل بتؤام __ههههههههه ااي اذكرتج __اي دكتور انت كتلي بعد اسبوع ادخل بالرابع __اي اذكرتج صراحتا مبين عندي جنس الطفل وحتى اذا وضح عندي هم ما اكول الا بعد شهر ياله ابلغج يعني بالخامس حتى يكون واضح اكثر ومتاكد منه فتعالي بنهايه الرابع او بدايه الخامس __تمام دكتور مشكور سديته من يمه يبووو شيصبرني شهر اتصل ع رهف بلكي تعرف احد __هلوو رهوفه __هاا بشري شنو محصلتيه __لا والله حصلته بس السالفه وما بيها طلع بيه تؤام ومن عرفت طلعت اركض ونسيت اساله شنو عندي __حيااتي الف الف مبروك __يا مبروك رهف حيصرون اربعه شدبر اني _كولي يا الله انتي سباعيه واهلج وياج وبعدين اذا تحبين تعرفين الجنس مال الاطفال اني باجر حروح يم دكتوره صديقتي واخذلج موعد ع الخميس هي كاعده بهاليوم هي طبعا دكتوره نسائيه اختصاص بور اضبط من الدكتور مصطفى يعني متكول شنو بيج الا اذا متاكده 100% __اي فدوه والله ما انسالج هالوكفه وحنتضرج __لا حبيبتي مسويت شي انتي تدللين الحمد لله كم يوم ولا انتضر ولا شهر طلعت ابشر بيبي همزين حسين راح تعلم حضرته كل شوي يتصل وفتحولي كامرا __بيبي وين البنات وامي وابويه وين __امج نامت نوم الظالم عباده وابوج اخذ البنات يلعبن بره عبالنه نمتي ومراد يزعجج __هههههه ضحكتيني ع نوم الظالم المهم ابشرج يوم الخميس حروح ع دكتوره تعرفها رهف وحشوف وضعي وجنس الاطفال __خير انشالله لعد خطيه دعزميها يمنه تره رهوفه مقصرت __اي والله بيبي مقصرت رهوفه ع عمتي طالعه كلش خدومه __هي بنتي حنينه وحتى بناتها مثلها وخصوصا رهف _اي مو بس الحنيه اصلا اكثر احفادج يشبهج شكلا وطباعاا هي رهف __ الله يخليكم كلهم ويحفضكم كلكم احفادي وحبي الكم نفس المعزه لا بالشكل ولا بالاطباع ما اعز من الولد غير ولد الولد __فدوه لقلبك يا اعز بيبي بهالدنيا حروح اتصل ع رهف حتى باجر تحسب حساب وتجي تتغده يمنه رحت ركض اتصل عليها لكيت حسين دازلي اغاني واشعار ويتوسل بله هذا شجاوبه كعدت اقرا كلامه وشلون يتوسل ويريد ارجعله طلع يمه اشاره انو اني شفت الاشعار وكل مسجاته انتضرني ارد واني كاعده اقرا واسمع الاغاني الي حاطها ومن ضمنها (يالرحت من ايدينه ارجع الينه ) [ينبغي أن يكون هناك gif أو فيديو هنا. قم بتحديث التطبيق الآن لتشاهد المحتوى.] ضليت اسمع بالكلمات وهو منتضر رد مني شافتي مرديت عليه رجع يرسل بس هالمره مو غزل ولا اشعار لاااا هالمره استلمني رزاله ومسبه لان مرديت وربي هذا مريض نفسيا عفته واتصلت ع رهف __هاا نجمه خير خومابيج شي __لاااا ما بيه اسفه هوايه اتصلت عليج اليوم وزعجتج بس صراحتا كتلها لبيبي علمود سالفه الدكتوره وخطيه كالت خلي تجي باجر يمنه ع الغده عازمتج ع اكلات روعه من ايدي __لك فديييت اني بس عذريني والله لان باجر الدكتور مصطفى هو والدكتوره دنيا الي راح احجزلج يمها باجر عازمتنهم __ااي لعد ما دام انتي عازمتهم دجيبيهم وتعالي هم اتعرف ع الدكتوره واشكر الدكتور مصطفى وهم نبيض وجهج ونشوفهم الاكلات العراقيه الاصيله اكيد صار هوايه مماكليها __هههههه لج هو اني المشتاقه مو همه هذا هوو ولا يهمج باجر يمكم __تمام ع الساعه 12 منتضرتكم __بيبي باجر حتجي رهف بس وياها الدكتوره دنيا الي راح اروح الها والدكتور مصطفى الي فحصني __يا عيني كل الهلا بيهم _لعد ما دام البنات ويه بابا حروح انزل للاسواق وابو المخضر اليمه واجيب كل الي احتاجه لباجر __دروحي بسرعه لتكعد امج وحتكول هااا هم طلعت تخور __هههههه اي والله نزلت بسرعه واشتريت كلشي احتاجه ورتبت البيت حتى باجر من الصبح بس طبخ عندي نومت البنات وامي بس ادردم متريد احد يجي وبابا يصرخ عليها عفتهم ورجعت يم البنات نمت يمهم ورايه كعده من الصبح ساعه 8الصبح فريت ع المنبهه كمت غسلت دخلت المطبخ اسوي ريوك دخلت بيبي ورايه __يصباح الخير __صباح النور هاا كعدتي __اي تدرين بيه اكعد من وكت وسمعت طكطكه عرفت انتي كعدتي __اي مو ورايه طبخ __تمام بلشي انتي بشغلج واني حسوي ريوك النه قبل ميكعدن البنات حتى اريكهم وما اخليهم يضوجوج _اي والله بيبي لعد حبلش وانتي هم سوي الريوك بلشنه نهارنه وشغلنه اني الاكل الي اسويه كلش طيب تعلمت اضبط الاكل من ام حسين نفسها كلش طيب وتعلمت منها سويت دولمه وبرياني وبابا وصه ع سمك مشوي قبل ميجون بنص ساعه كلشي كملت البنات بدلت الهم وكعدنه ننتضرهم امي اهنا اسمعها تصرخ بالغرفه ويه بابا __هاا شكو شصاير _عيني ابوج تكولين التركيا مال الخلفوه خابروني اهلي يريدون اهنا يجون يكضون الصيف وحضرت ابوج ايكول شكو يجون وحينامون ع راسنه __والله يا ماما اهلج رب المصلحه ومن هسه اكولج دينار احمر ميشوفون من عدنه __بنت ابوها عيني لتخافين مناخذ منج خليهم الفلوس نايمات ع قلبج اني حطلع هسه واروح اشوفلهم شقه واجرلها الهم قبل ميجون حتى اهنا ما اخليهم يجون ويزعجوكم __وانتي شلون حتتفاهمين وياهم وتاجرين __طبعا ما اعرف انت حتجي ويايه مو شفت هالشقه لبنتك شوف لاهلي هم __بابا وين تاخذها هسه حيجون الدكاتره ورهف __بابا خلي اروح وياها هذه متعرف تصرف وليروحون يقفصون عليها وبعدين ما اريد ادور يم منطقتنه اخذها لمكان بعيد حتى ليضلون يومياا رايحين وراجعين __انت شكاعد ادردم ويه بنتك __اكوللها احسن اجي وياج يله كومي ابويه وامي طلعو صراحتا احسن راحت لان كان ضلت معاجبها الوضع __لج همزين امج طلعت تعرفين طبعها متكعد راحه كدام العالم الغربه وتجفص بالكلام وخطيه تطلع بوجهه رهف وموضوع اهلها عبالج بكيفهم حيجون لااا حبيبتي اليوم الصبح سمعتها تكول لابن اخوها هذا الحافي رعد __ويييع لجيبين اسمه تلعب نفسي __اي حبيبتي تكوله تعال اهنا مرتاحين والوضع زين وشنو تحتاجون علينه __والله كتلها دينار احمر ما انطي خليها تجيبهم وتحير هي بيهم اندكت الباب __يااا وصلو والله نسيتهم __هي امج اصلا تخلي الواحد عقل براسه كوومي بسرعه فتحي الباب __يااا هلا برهوفه حبيبتي __حبيبتي فدوه شلون محلوه ولج الغربه محليتج __ دفوتي فوتي الي يسمعج شيكول هسه يااا لعد الدكاتره وين _شويه ويجون ورايه انطيتهم العنوان الدكتوره اجتها حاله كالت روحي قبلي والحكج والدكتور مصطفى ديجيب ابنه من النادي ويجي __تمام لعد ننتضرهم __هلا بيبي شلونج حبيبتي __هلا بالغاليه بنت الغاليه _لعد خالو وينه ومرته _طلعو يشوفون لاهل امي شقه والعصر يجون عذرينه امانه بس لوما مستعجلين كان مطلعو __عادي ولج شبيج احنه اهل المهم ولج كلنه عليج محلوه بله من الحمل محليج بس ليش هيجي حواجبج و وجهج __شسوي ماكو وحده تحف قريبه واني نحسه بحاجبي متشوفين استغربت من كلتي محلوه __هههه غير اتلوكلج اذا ريحه الدولمه ضربت بخشمي __يا لوتيه سمعتي بيبي __عوفي بيبي بحالها وكومي احفلج بسرعه حواجبج تره حييل محلوات وطوال كمت ورتبتني وسوت وجهي صدك كنت محتاجه احف باوعت وجهي بالمرايا كام يضوي واني لابسه تراك رياضي وردي وشعري ضافرته صفح طلعت غير شكل بعد مكملنه بثواني اندكت الباب الدكتوره والدكتور وطفل يطلع عمره ب8سنوات استقبلناهم وضحكنه وتغدينه وححييل تونست وياهم الدكتور كان كلش مرح عكس ما شفته بالعياده وكل شوي ويصيحلي ام طفره ويضحكون عليه كلهم كاعدين واجتنه نور بنتي تريدني افتح خط جهازي بيدها كان حسين ديتصل فتحت الها الخط كتلها روحي هناك بالغرفه احجي وياه اخذتهم بيبي وراحن بالغرفه يحجون وياه ويشوفوه ويشوفهم بيبي تركتهم واجتي دكومي ينور وتعالي يمنه والكامرا مفتوحه موجهه علينه انداريت عليها اخذ المبايل توقعت راح وسد الخط بعدني اول ممسكته واسمع الغلط والفشار والمسبه الي مينحط عليها ثووب صدك كرهته وقتها ولا يحترم ولا يكول عيب اغلط انوبه اريده يسكت اريد اغلق المبايل ارتبكت مينغلق اخذته للجهاز ركض للمطبخ من الفشله وهذا مستمر بالسب والشتم بكل انواعه دخلت وغلقت الخط وجسمي كله يرجف بودي اخنك نور شلوون تجيبه وهو بعده ع الخط صح طفله شمفهمها عتبي عليه الي ميكول عالم كاعده خلي احترم رجعت للصاله بيبي تخزرني من الفشله الصارت اعتذرت منهم وغلسنه ع الموضوع وحاولنه نغير الاجواء رجع الدكتور وسالني __نجمه شكد عمرج وتزوجتي حسيت وقتها فشله وكلش خجلت من هالسؤال رجع لتفت على بيبيتي __حجيه مو بعد وكتها عالزواج __شنسوي بعد وليدي قسمه ونصيب حسيته يريد يعرف اكثر بعد هيجي اجابه مقنعته او مكفته لان من سالني ومرديت سال بيبي يعني يريد يعرف كلشي عن هالموضوع رهف حست بالهالشي وشافتني شلون احمريت من الخجل فغيرت الموضوع و ضلت تبوس بابن الدكتور __تدري دكتور ابنك رامي ابد ميشبهك __ اي يشبهه لمرحومه __اي صح كلش يشبها بيبي طفرت من يمها ليش زوجتك وينها....؟ __ والله يحجيه زوجتي متوفيه يمه من كال هالكلمه اني وبيبي انصدمنه وتعاطفنه ويه الطفل خطيه بدون ام __يا عيني الله يرحمه طيب اذا ما بيها احراج شلون توفت __توفت منتوله بالكهرباء من كان عمر رامي 8شهور وبعد وفاتها امي ربته وقبل سنه امي هم توفت ومكدرت اعيش بالعراق بعد جبته واجيت اهنا وصار سنه مستقرين والحمد لله شغلي ماشي وهو تعود طبعا اني بهيجي مواقف اكون جداا معوقه واتاثر سحبت رامي يمي وبوسته واخذته يم البنات يلعب وياهم لان كان يباوع ويستحي يروح رجعت كعدت يمهم كانت رهف دتتفق ويه دنيا علمود ازورها بالعياده وتشوفلي بالسونار حملي __اي دنيا فشنو انسب وقت الج حتى اجيبها لنجمه اني كلت الها راح احجزلج الخميس يعني بعد 3ايام هم اني فارغه وهم انتي بهاليوم مراجعين مو هوايه عندج شكلتي..؟ __تدلل نجمه اي وقت تريد اني حاضره بس انتي بيا شهر هسه ___بعد 6ايام ادخل بالرابع الدكتور مصطفى عرف مقتنعت بكلامه __بس اني كتلج نجمه الجنين حتى لو نعرف جنسه بهالوكت حيكون مو اكيد فالافضل بالخامس __لااا مصطفى اني من الشهر الثالث اعرف ويكون عندي واضح ولا مره غلطت بتشخيصي ضلو يتعاندون بهالموضوع و واحد يشرح للثاني بالانكليزي واني صافنه عليهم المهم عندي اعرف انتبهت تلفوني حسيت اهتزاز سريع وراح عرفت مسج مو اتصال فتحت المسج ولو اني اعرف من منو بس الفضول العندي من زمان ما ارتاح اذامااقرا الرساله حتى لو اعرف مضمونها قريت الغلط والفشار والتهديد لان شافني ملابسه حجاب وشلون تنزعيه وهذا كاعد طلع منتبه عالدكتور احس بطني من الخوف تكطعني اكره روحي وخوفي منه بعدين اذكرت صح اني اعرف طلاقنه باطل بس هووو طلكني بنضره ويعرف هسه اني طليقته ااي ليش يدخل بحياتي لحد الان ويفرض عليه رأيه لييش يدخل ويتحكم بيه لحد الان شمرت مبايلي و مجاوبته خليه يرسل ويحرك بدمه وحده ويحس بالغيره شلون تحرك صاحبها صار العصر شربنه شاي واكلنه كيك كالت رهف __ تره ضوجه امشو نطلع نغير جو مادام البنات نامن حتى نجمه تجين ويانه __اذا تحبون تتونسون اني اخذلكم لدللوك منطقه سياحيه ونغير بيها جو __يله امشووو وصيت بيبي ع البنات وطلعت طلعنه بسياره الدكتور مصطفى كعدنه كلنه بالخلف وابنه كعد يمه وكضيناها سوالف بالطريق وهو يشرح كل مكان يمر من يمه لحد ما وصلنه اتمنيت لو جايبه البنات ويايه خطيه كان تونسو المكان كان روعه نمشي ونباوع ع العالم وشلون متونسين ويضحكون وشلون الاب ماسك زوجته وجهاله يركضون قبلهم اذكرت حالي وحال بناتي وحسين اليضحى بكلشي لخاطر ونسته وراحته __يبوو ينجمه لازم كل شوي وتصفنين واعرف وين بالج يروح دكافي عاد فكي عن نفسج شوي __ان شاء الله حبيبتي __ليش شبيها نجمه ام طفره __اووو نجمه فلمها طويل __ خلينه نشوفه لهالفلم شكو ورانه بداخلي ضجت اووف شكد فضولي كعدنه بدت تحجيلهم رهف للدكاتره قصتي وشنو الي صار ويايه من زواجي احد الان بس بمختصر وتحجي الاحداث المهمه فقط __اوووي لج شنو من حياه عشتيها بهالعمر وبعدين طزز بيه خلي يولي ولا تفكرين بعد بيه يعني بعدج بهالعمر وطفله ويزوج عليج اذا تكبرين بالعمر شيسوي __لحظه دنياا شويه لتحمين يجوز اسف على هالكلام بس يجوز شاف قصور منج __دكتور لو اكو قصور مني ميضل يتوسل حتى ارجعله بس هو متعود على الخيانه والكذب والناس الوسخه __زين لحظه اكو سوال دوخني __ااي تفضل اسال __ من خطفج انتي اكو بينكم اتصال لو هيج اجه ع باله و كال اريدها واجه خطفج اتمنى يكون جوابج صريح ملحكت ارد جاوبته رهف __لا مصطفى تره نجمه كانت جاهله وين تعرف تلفونات وخرابيط وهالسولف ومحد رضى ع هالزواج هي بنفسها مراضيه على زواجها منه بعد ما عرفت الزواج شنو وبعد ما مرت من ضروف متعبه وياه من سحر وخيانه باوع عليه كال وصل لرد بس بصوت ناصي كالها تبلعمت همزين ردت رهف كان شصخمت وارد بس شمعرفه كنت احجي ويا والله لو يدرون اهلي لو بت عمتي كان عندي علاقه بي هذا الي الله كتبه عليه لان كلهم يدرون هو الي رادني واستقتل عليه حاولت اغير الموضوع لان ما احب اتناقش بيه بلش الجو يغرب دنيا اترخصت وراحت بيتهاكان قريب واني ورهف رجعنه ويه الدكتور __اوصلكم ماطولني قريب بيتنه منكم __تمام صعدنه ابنه بالصدر واني ورهف هم نفس كعدتنه بالخلف بس هالمره اكو شي صار غريب وهو نضرات الدكتور الي كلما اباوع ع المرايه انتبه اشوفه يباوع عليه حتى تضايقت منه ردت بس اوصلل نزلنه واتشكرنه منه وبوست ابنه رامي وراحو اول محطيت رجلي ع العماره و اسمع هوست امي من لباب اول مطبيت كامت امي تلعلع بصوتها وتصرخ __دايحه ادب سز حقه من ازوج عليج مابيج خير وووووووووو __بس شبيج بس تصرخين صوتج للشارع شصايرر __عايفه زعاطيطج وديحين واني احير بيهن _متركتهم يمج تره اني تركتهم ين بيبي شبيج انتي شبيج حتى مو مثل باقي الامهات عفتها وطبينه اني ورهف للغرفه همزين تعرف امي واطباعها كان تخزيت __نجمه ممكن تسمعين مني __كولي رهف شنوو __اريد انصحج نصيحه واتمنى تسويها ___اي.....؟ يتبع.... #زينب_عبد_المطلب رايكم وتوقعاتكم🌹 |
يسعدلي مساءكم 🌹 اصواتكم للبارت قبل القراءه لطفاا منكم حبايبي اعرف هاليومين دا اقصر شويه وياكم واكو احتمال باجر وبعده ما انزل بارت واذا كدرت انزل فابلغكم لان ابني الصغير عنده لقاح وانتو امهات وتعرفون الطفل من يتلقح يبقى يومين حراره ويصير نحس وهو بعده صغير عمره 4شهور فلازم انتبهله واخصص وقتي اله واتمنى تعذروني فديتكم وهسه حنزل الكم بارت وانشالله يعجبكم متابعه شيقه❤️ #العروس_والسحر__ البارت العشرين # زينب_عبد_المطلب🦋 عفتها وطبينه اني ورهف للغرفه همزين تعرف امي واطباعها كان تخزيت __ نجمه ممكن تسمعين مني __كولي رهف شنوو __ اريد انصحج نصيحه واتمنى تسويها __ ااي __ شوفيلج شقه واجريها ولمي بناتج وكعدي هنا تره الشقق مزبلات والايجارات رخيصه ولحمدلله وضعج ممحتاجه احد تريدين اني الاشيل الاجار عنج هم ما عندي مانع والله انتي بنت خالي وغصبا عني اساعدج بس تره كافي بناتج شنو ذنبهم كل شوي و امج مخبلتهم بالعياط ولتنسين تره اعرف طبع امج متتحمل الواحد ابداا وما دام بلشت هيجي تصرخ بهالطريقه يعني متريدكم بعد __ صح كلامج و اصلا هذا لبالي اخذ بيبي واطلع __ وبعد متنتقلين هم الكي شي تلتهين بي و عيشي واشتغلي وفتحيلج مشروع كافي عاد تره اعرف بيج عايش جواج رعب حسين وتحكمه وقوانينه مسالتي نفسج ليش مناسيته لحد الان وتفكرين بيه وبصفاء لان هو ممتلكج ومخليج محبس بايده صدكي اغلبيه الضباط يعتبرون المره والسلاح نفس الشي محطوطين بجيبهم ومحد يكدر يطلق الزناد مالتهم غيره بس هو وكذلك يعتبرج كجندي عنده ولازم كل الاوامر تنفذ عنده بالحرف الواحد نجمه تره مقصد كلامي اني مو اكولج حسين محبج بالعكس تره كل وحده تتمنى واحد مثله يحبها ويدللها بس انتي عيبج هو كسرتي شخصيتج كدامه وشيكول تكولين حااضر بدون نقاش حتى لو كان الشي الي يطلبه غلط هم تسكتين لدرجه هو منفصل عنج يعني صح احنه الي نعرف هالطلاق باطل بس هو يعرف انتي هسه طليقته بس رغم كل هذا هو يتحكم بيج وبكلشي يخصج لحد الان وحنطيج مثال صار اليوم انتي شفتي شكلح ليوم من عيط وصرخ وفشر بالتلفون وجهج تغير نكلبتي ليمونه ليش خايفه كافي حبيبتي تره كلنه سمعنه غلطه وفشاره والمفروض مو انتي الي تخجلين المفروض هو نجمه صيري قويه واعتمدي ع نفسج وتحملي مسؤليه قرارج متعرفين منا للولاده شنو حيصير يجوز ترجعين ويجوز هو حيبلش حياه جديده متعرفين مستقبلا شنو حيصير بس هسه ركزي ع الحاضر واعتمدي ع نفسج __ كلامج صح واني من باجر ادور على مكان صدقا كنت محتاجه احد يدفعني __ اوك اني هم حخلي مصطفى يشوفلج هو هم يعرف اهوايه اماكن وشقق مفروشه للايجار __ الله كريم والله متعرفين وجودج يمي شلون مريحني __حبيبتي احنه حسبه خوات لتكولين هيجي وامانه شتحتاجين اني حااضره __ فدوه لاحلى اخت بقينه نسولف لحد ما اخذتنه الغفوه ونمنه بيومها رهف باتت يمنه نمت مرتاحه واحس فعلا حبدي بدايه جديده لان كلام رهف كلش ريحني صار فتره معرفنه وضع حسين او بالاصح مسولفتلكم عن حسين حسين كان وضعه ميختلف عن نجمه من الضياع والانهزام والخوف قضى ايامه بين الشغل والنوم يروح للدوام ويرجع للبيت الي وياه بالدوام اغلبهم كرهو لان تعامله وياهم بكل قسوه ومن يرجع للبيت ميقبل يسمع صوت اي طفل او اي احد بالبيت امه وكل الي بالبيت بوجوده يضوجون بيوم وهو كان بالدوام كانت ام صفاء جايه ع امه تشتكي منه لان تاركها وهاملها من اخر مره متصله عليه ورايح ضاربها وطالع وتريد حل لهالوضع __ ولا يهمج هسه اخابر وانعل والديه وميكون خاطرج الا طيب __ الووو هلا يمه __لا سلام وياك ولا كلام __ خيرررر يعني لازم كلما تتصلين اسمع منج موشح شكل خيرر شكو اليوم شصاير __ هسه ترجع للبيت فهمت حسين منا لنص ساعه انت يمي __ يمه عندي دوام احجي شكووو __ الدوام تكدر تعوفه انت ضابط والقاطع كله تمشيه بكلمه معقوله متكدر تجيني هسه __ اي ع الاقل اذا اجي ع شي يسوه مو اجي وما اعرف ع شنو __ كتلك منا لنص ساعه انت يمي وغلقت الخط __ لا حول الله اروح واشوف شكو وبعد ساعه رجعت للبيت __ خيير شصاير فهميني بالگوه كدرت اجي غير الازدحامات __ اكعد استاذ انت شنوو فهمني بيتك راح منك وباعته وبناتك اخذتهن وراحت وطلاق وطلقتها بس فهمني تركض وراها بعد ليشششششششش كعدتك ع الحديده وانت مقصرت وياها بشي من تجي تكول شيخه مجلجله بالذهب وتتفيك بيه ونكول بالعافيه خير ابنه وسكتنه ونكول تحبها وسكتنه اخذتها بكد بزرك وكنالك متفيدك بعدها طفله خلي تولي متستاهلك ومقتنعت وسكتنه وهسه تاليتها شسوت هي .وينها هسه هااا جاوب وينها هسه راحت ببلاد غريبه وانهزمت وهذه بنت خالك الي موتت روحها علمودك عايفها حررام عليك ميصير هيجي المفروض تحطها ع راسك لصفاء كلما تروحلها تصلخها صلخ ومتطلع الا وانت مدميها وشوفها لحد الان متركتك لان اصيله ولك نعاااال مكلفت نفسك تاخذلها تستنكف تطلع وياها قبل كنت ذابحني بيها صفاء الي ومحد ياخذها شجااك هسه فهمني مو صارت مرتك ليش هيجي تسوي بيها بس حقك بنات منطقه .....ياكلن راس الواحد بدلعهن ومصاختهن محد يكدر لست نجمه عرفت شلون تفر راسك اسمع حسين وهذا اخر كلام عندي اذا محترمت صفاء واذا مرحت الها وتبطل تضربها وتعاملها باحترام مثل ما كنت تعامل هذيجي اتبرى منك الي يوم الدين فهمت لو لااااااا __ كملتي كلامج يمه يعني هسه انتي مقتنعه بت اخوج تره بالقندره ماشتريها واصلا داريد اطلكها وانت اتريدين اروح وانطيها حقوقها هههههههه لا صدقا ضحكتيني __ شنووووو شحدك يوم لطلكها اغضب عليك الى يوم الدين __ كاااااافي كاااااافي تره حراااام عليكم خبلتوني بعيد وممرتاح منكم اجيت يمكم وممرتاح ماريدها ماريدها جلبتو اخذتها غلطه وعالغلطه حدفع ثمنها عمري كله واول ثمن دفعته هو من طلكت نجمه ولتقارنون نجمه بصفاء ولجيبون مقارنه بين الزوجه والعشيقه لان بكل الاحوال الزوجه هي الشايله اسمي وصاينه بيتي وصفاء عمرها كلها تحلم احد يكول عليها مرت حسين صفاء عشيقه حسين وبالعافيه عليها هالتسميه لان ما اعتقد اكو مره تشرف بهالتسميه __ خووش لعد انت مو تكول ما اريدها لعد مطلكها وتروح يمها ومتضربها وتحترمها __ والله ما گلبها وماشتريها بزبانه __يا حسين اذا مترووح اليوم تنسه عندك ام __ انتي شنووو من ام حطي ابالج مو بس اهناك ما اروح وحتى اهنا بعدما اجي وتحلمون تشوفوني دفر الطبله وصعد لم ملابسه كلها ونزل دفر الباب وراه وطلع __ اااي اااي خوفنه بصراخك وروح وين متروح المهم صفاءمتطلگ طلع حسين وهو اعصاب ميعرف وين يروح ظل يسوق لحد ما رجليه اخذته ع بيته القديم وصل يمه ونزلت دموعه __هذا هو بيبتي هنا كانت احلامي وسعادتي وتعبي كله راح حرك سيارته وكالعاده رجع للانسانه الي فضلها ع كل هذا رجع لصفاء لان شكد ميحس نفسه يتهرب منها يلكه روحه رجع الها اول منزل من السياره وصعد للشقه فتحتله الباب حضنته بكل اشتياق __ حبيبي ابو بيتي عرفت راح ترجعلي دفعها حيل ولزمهامن شعرها ويسحل بيها للصاله اخذها _ لج انتي المن شاكيه بت لكلب يعني من تروحين وتشكين عبالج ارجعلج ولج ماااا اريدج شنو انتي من بشرر شنوو انتي ماعندج كرامه لج هذيجي بكد زرج اذا احجي وياها كلمه تزعل و تلعب بحالي لعب وانتي كيس مال اهانه شجلبتي بت القندره __ فدوه بس لتضربني والله بعد ما اعيدها اني غلطانه حجيت لامي والله حجيت لان بس اريدك ترجع وترتاح وتنسى همومك اهنا والله علمودك حتى لظل متبهذل بالدوام ويم اهلك هذه رجلك ابوسها فدوه سامحني بس. لتضربني __ شوفي صفاء اني صح رجعت بس مو علمودج ولا لان امج رادت لاا رجعت بس لخاطر امي لان حلفت والا انتي بزبانه ما اشتريج فهمتيييييييي __ اي اي ميخالف المهم ترجع للبيت اخذ فراشه ومخده وراح للصاله تمدد ع القنفه __ هايه تتوسل وهذيجي تكضيها عزومات وكعدات وبلا حجاب اااخ منج ينجمه لو الزمج الا اكسر اسنانج بحلكج كاعده كدام واحد بلا حجاب بس والله لو وحدكم كان حسبي الله مخلقج بس مبين مرته وابنه وياهم حتى لو طلكتج الا اندمج حياتج الا اخليج تندمين ع الساعه الي عرفتيني بيها الا اكفرج عيشتج بسيطه وينج انتي الثانيه صفااااااااء __ هاا عيني هياتني __سويتي غده لو لا __ اي مسويه باميا وتمن __ صبيلي جوعان اتغده وارجع للدوام اخذت اجازه للمغرب __ اي شويه والاكل يمك ااي يحسين اكل مره وحده من اكلي وحخليك متستغنى عني نجمه كعدنه ثاني ع ضحك نور ونرجس __ لك يمه فدوه للبنات احلى صباح ع احلى وجوه حلوه ولج نجمه وتكولين ما اريد بنات دشوفي هالخلقه __ اي فدوه لعيونهن هنه الي مصبراتني ع ضيمي __ماما ثوفي نردس ثثوي (ماما شوفي نرجس شسوي) __لج تعالي اكلج اروح فدوه لهالحلك ضلينه نلعب ويه البنات ونضحك لحد ما سمعنه صوت هوسه بره __ لج نجمه شنو هالهوسه بيتكم __ ما اعرف اذا احنه صار ساعه نصرخ ولا منتبهه ع البره حروح اشوف شكوو كمت لفيت شعري ذيل حصان ولبست روب لان كنت لابسه دشداشه فانيله قصيره ربع ردن وكانت بطني شويه ضاهره _ لج نجمه اكولج صوت ولد بره غير صوت ابوج __ اي اني هم سمعت شنو السالفه منو اجه علينه من الصباحيات __ ولج يا صباحيات صار الضهر واحنه نايمات __ لا بشرفج __ لج دروحي وقت اسئله دشوفيلنه منو طلعت وانصدمت لكيت مرت خالي وابنها الحقنه رعد فتحت عيني ع كبرها هلووو هي كانت عايزه والتمت بله هذوله شجابهم والبارحه نسيت اسال بابا اذا اجر الهم شقه لو لا بس حتى لو مكالو اليوم يجون __ عيني شبيج صفنتي بوجهنه ع الاقل سلمي رحت عليها __ هلو خاله مو اتفأجئت من شفتكم ومكالت امي انتو اليوم تجون __ اي صح علساس الاسبوع الجاي نجي بس امج كالت تعالو ع اليوم اجرت النه شقه يمكم وكلنه بعد ع شنو ننتضر اجينه اليوم من الصبح اني وخالج وامه ورعودي بس انتي نايمه ومحسيتي علينه صار رعد كدامي راد يكوم ويسلم اشرتله يكعد مع ابتسامه كلش سخيفه وكاذبه __ شلونج نجمه صرنه هسه جيران ولتنسين بعد شنو تحتاجين اني حاضر وحق الجار ع الجار __ اكولك رعد لو تبقى اخر واحد بهالدنيا ما افكر اطلب منك __ هااا بدينه نجمه اصلا رعد راح يفيدنه مو تطلعين وحدج بعد وتخورين هذا ابن خالج يمج وهو يروح ويجي وياج __ ماما لا اني صغيره ولا محتاجه احد يجي ويروح ويايه وبعدين اني مراح..... او لا خليها كلشي بوكته حلو من رخصتكم اروح اتريك رهف يمي —روحي عيني مرخوصه __لج رهف لحكي بيت خالي اجرو يمنه وهذه امي فد وحده ولج اجرتلهم يمنه ولاااا اتريد رعد هو الي ياخذني بعد ويرجعني __ وانتي ليش ضايجه عووبه شتفقنه احنه تطلعين وتاخذين بيبي وبناتج وتركيهم همه تصير العيطه بيناتهم ويرجعون ولزعلين مني امج جابتهم حتى انتي تصرفين عليهم وبما انتو انتي حتروحين فتلتفت ع ابوج وابوج تعرفيه من هالناحيه ليره مينطي __ اي صح كلامج دكومي نريك تره فطسانه جووع ومنا ورانه طلعه نشوف الشقق _ اي والله اني هم جوعانه بس شلون حنطلع كدامهم __ شبيج رهف وانتي شعليج منهم امشي وسلمي وطلعي گبل _ ديله امشي طلعنه ورحنه للمطبخ رهف سلمت ع الكل وكعدنه نتريك __ اكولج نجمه تره الوضعيه مو مال واحد بعد يبقى اهنا __ اي بله شفتي كله من وره امي وسوالفها بس انتي معليج بيهم __اي ذكرتيني ولج ورايه حجوزات قديمه __ياا عبالي نطلع سوه __ ليش شعندج __ شبيج وهف شنو نسيتي سالفه الشقه __ لا طبعا ما انسه بس مراح اتعبج اوكفي __ شحسوين.....سمعي وسكتي __ الوووو هلوو دكتور صباح النور..اي ههه مو بعدني نعسانه ونسيت اصبح عليك هههههه اي سهرنه اني ونجمه ..المهم مصطفى محتاجه منك تشوفلي شقه بنفس هالمنطقه عنتاب صدك يا الله لعد دتعال انت اذا تكدر بس فدوه كون قبل الساعه3 لان ندي شغل ...اي تمام منا لساعه جاهزات مشكو مقصرت الله معك __ كوومي بسرعه بدلي لبناتج حيجي دكتور مصطفى __لج اوكفي فهميني السالفه __ مو كتلج مصطفى يحلها اكو شقه قريبه يم بيته قبل كم يوم فرغت وارضيه ونظيفه كانو سورين عايشين بيها و كلوله اهل العماره اذا احد يريد اياجر فالشقه فرغت شفتي القسمه __ اوكفي رهف اني صح اريد اجر اني وبيبي من وره امي وهسه اسبابي زادت من وره اهلها اجوي بس مو معناتها اكعد بعيد عنهم __ لج انتي صدك ثوله مو تعرفين مصطفى بيته قريب مو دا اكولج قريبه ع بيته واني كتله اصلا اريدها بعينتاب فاكيد اهنا يم اهلج كوومي اكلي زبيب وجوز ع الاقل عقلج يرجع يستوعب والاطفال الي ابطنج يستفادون منه _ كوومي ولج لذكريني لا بالزبيب ولا بالجوز خاست معدتي منهم كومي يله نبدل __ وخلي بيبي تجي ويانه خطيه من شفتها بالصاله كاعده كانت مبينه ضايجه بس خطيه متحمله كلشي علمودج ع الاقا من تعرف بسالفه الشقه تفرح __اي والله تدرين رهف احسها هي امي واشتاقلها وافتقدها عكس امي ولا حسيتني بحنيتها ابدااا __ الله يساعدج ع امج كومي لتروح تجي تشتغل امج ع الريحه بس نذكرها تجي تركض كمت بدلت لبست بنطرون جينز ستريج وبدي ابيض وستره سوده ولفيت شعري كعكه ضليت ادور ع قراصه ماكو مو مال افتحه بهالحر حطيت ماشات وكملت تبديل البنات وطلعنه __ هااا وين ع الخير وين طالعه وينه رعد يروح وياج __ دشوفيني مبدله وماخذه بناتي يعني اطلعهم __ اي اعرف حطلعيهن بس ويييين وكل هالكشخه __ وليش تصرخين صوتج منا ذولي كاعدين __ عود خجلتي مووو اي مو اكولج انتي جلبه لو احد من عمامج كاعد كان صرتيلهم نعال ولواكه ومكابلتهم وكاعده بس لان بيت خالج تعوفيهم وطلعين حضرتج __ استغفر الله ربي واتوب اليه فدوه يمه وخري من يمي تره بعد ماعندي طاقه والله يله بيبي كملتي حنتضرج جوه _لا بيبيتج متجي دتسوي غده لابوج خوش لعد اخذت جهال سلمت وطلعت نزلت جوه وادردم شفت الدكتور طابك سيارته ومنتضرنه سلمنه وصعدنه كعدت رهف يمه واني داصعد رفعت راسي ليفوك وشفت رعد ابن خالي ديباوع كتلت بكلبي كبور والله كبور __ هلا بالصبايا يله ننطلق __يله توكل __ بس صدك نجمه شعجب دتشيلون هذا مكانكم حلوووهم جبير __ لا منشيل الشقه رايدتها الي ولبيبي __ هااا يمشي بالسياره واني ويه كل مسافه يمشيها اغلط واسب صفاء كل هجولتي من وراها __يله وصلنه __زين مو بعيده عن شقتنه __ اي ربع ساعه تقريبا _ اي وهو المطلوب لا بعيده ولا قريبه حيل مدخل الشقه كان باب اول مندخلها تصير كدامنه درجات 2 وبالوجه باب الشقه ويمها اكو حديقه صغيره تابعه للشقه فتح الدكتور الباب ودخلنه كان بيها هول واسع كولش و غرفتين نوم كولها مؤثثه وحلوه ونفهه __ هذه شكد اجارها —تقريباا تطلع ورقتين _ هالشقه اريدها هاهيه واليوم انقل ملابسي __ ولج اصبري شلون اليوم __ رهف كلت اليوم يعني ليوم __زين منو ينقلج اغراضج اليوم __ميخالف تدبر حتى لو اليوم اجمع وباجر اجيبهم __ انتي اكيد لعندح بس نواعم وملابس غير __ اي دكتور كلشي ما عندي بس ملابس وكم حاجه _لعد ولا يهمج اني انقلهم الج __ لا فدوه ما اريد ازحمك لاميصير __ شنو هاايه تره ازعل وبعدين احنه صرنه بعد جوارين يعني حق لجار علجار ضحكت واذكرت رعد من يكول حق الجار وهسه الدكتور شلون فرق __ هااا شو تضحكين __لا ولا شي اذكرت شغله بهل اثناء رن مبايل رهف __ يله يجماعه العمل ينادي حروح بسرعه منا وانت فدوه مصطفى نجمه امانه يمك ترجعها __ادللي من عيوني نجمه والفراشات مالتها __ وهسه اريد اسوي عقد الشقه حتى اليوم كلشي اكمل __ يله تعالي ويايه هو بيته يم العماره طلعنه ورحنه ع صاحب الشقه ودفعتله اجار وسوينه عقد يله هسه كلشي تمام وكملنه العقد نروح لبيتكم حتى تكملين جمع الاغراض واجي اخذهم ديحرك السياره _لحظه دكتور ماكو داعي للسياره خلينه نتمشى __ لعد حطبك لسياره يم لباب واخذ ابني حتى يجي ويمشي ويانه — اوك ركن سيارته و تمشينه مسافه واتصل بالمربيه مال ابنه حتى تجيبه ويانه ضلينه واكفين شاف شعر بنات للبنات __ اجيبلج __ لا ماحبه __ لعد حاخذ للبنات ورامي هزيت براسي بمعنى ااي بين ما واح وجاب شعر البنات نزلت لمربيه ورامي اني بطبعي ماحب الجهال هههه بناتي بالبدايه استصعبت فكره كونهم بناتي وتعبت باله تعودت عليهم فكلش نحسه بحبي لاي طفل وممتخيله يوم احب طفل غير جهالي بس ابنه كولش حبيته وتعاطفت ويا بسبب وضعه لان امه متوفيه بوسته وابوه انطاه شعر البنات كلش فرح بيه وصارو الجهال كدامنه واحنه وراهم نتمشى __ نجمه مستعجله لو نوديهم للحديقه __ والله ياريت شويه البنات هم يغيرون جو ويلعبون __ خوش لعد بيج حيل تمشين للحديقه لو ارجع اجيب لسياره __ لاا ماكو داعي نتمشى احسن كنا نمشي والصمت سيدنه لحد ما هو كسر هالصمت بسؤاله نجمه ممكن اسالج سؤال __ تفضل دكتور __ هااا قبل كلشي شيلي الرسميات احنه مو بعياده فصيحيلي مصطفى لان احنه حاليا اصدقاء مو دكتور ومراجعه __ صحيح اصدقاء وتفضل اسأل سؤالك __ اي السؤال ذكرتيني انتي شعجب متنطين لزوجج فرصه رفعت راسي لان هو هم تقريبا بطول حسين __ صعبه ماكدر __ زين ليش متحاولين لخاطر بناتج ع الاقل ___ مستحيل __نجمه اخاف فضول مني وتضوجين من تدخلي __ لاعادي اصلا محتصره واني كنت محتاجه احجي لشخص ميعرف قصتي حتى اسمع وجهه نضره __ لعد انتي صغيره و بناتج صغار و اطفال جاين بالطريق __ مصطفى ولو محد يموت بس لكرامه اذا ماتت متعيش الانسان يعيش لخاطر كرامته وشرفه اطفالي مراح يموتون بس اني اموت من بعدين انهان كدام اطفالي ويمكن الانسان كلشي يتحمل بحياته بس من تروح كرامته لاجل الخيانه تره كلش صعبه اني انخنت من زوجي اكذب عليك اذا اكولك مكنت ادري بخياناته بس كنت اكول يله ميخالف مرجعه الي اسكت وما احجي صراحتا كنت ابسمره مثل ميكولون واخوفه اذا عرفت بخيانته وكان يترك واكول اي زين هذه نزوه وارجع اكول ليش خان يمكن الغلط والتقصير مني واسوي واعدل بروحي ومااا اقصر ابدااا بس مال يزوج عليه لاا هذه ما اتقبلها وكفت والتفتت عليه تصدك اذا اكولك اتمنى حتى جهالي يكرهو __ لاااا مو من حقج همه هم محتاجي بس نجمه حاولي تنطين لروحج وقت وكعدي واذكري حسناته ممعقوله ماعنده صفات زينه وياج او لحضات مرت بينكم يعني انتي هسه كلتيلي ع خيانتته معقوله ماكو شغلات حلوه صارت بيناتكم او شغلات حلوه تذكريها منه __ ههههه ضحكتني والله تدري اللحضات لحلوه الي شفت منه اذتني حتكول ليش وحجاوبك يمكن لو جان يهيني او متعوده ع اسلوبه الموخوش او يقلل من قدري واحترامي يمكن يكون هالشي طبيعيي لان حكون متعوده على اذيته بس شخص ينطيك كولشي عنده وبلحضه تلكي ماخذ كولشي منك وانته متحس فشنو حيكون شعورك زين تعرف شنو لقاتلني بعد اكثررر انو هي تحدتني لان الي اخذها عليه تكون من اقاربه مو مره غريبه واكول علاقه عابره مثل الي راحن بس هذه كرايب يعني حتظل طول العمر تنذكر بين الاهل. ويعيروني بيها بقيت احجي ومحاسه علي روحي غير دموعي تنزل واشر بايدي علي روحي واضرب ع قلبي واحجي بكل حرگه [ ينبغي أن يكون هناك gif أو فيديو هنا. قم بتحديث التطبيق الآن لتشاهد المحتوى.] __ نجمه تحبي ..؟ __ لا بس متعوده عليه لان اخذني طفله وعلمني عليه __ زين معقوله هي احلي منج واخذها تره صراحتا وبدون مجامله انتي مقاصره __ صراحتاا اي احلى مني بس اني مجبرته ياخذني ويزوجني اذا هو يحبها تره هو الي رادني __ تدرين لبارحه سالت سوال وتهربتي منه بس اكولج شي اني قبل ما اكون دكتور نساء اني طبيب نفسي واعرف الانسان واعرف شنو بداخله من قبل ميحجي وخصوصاا اذا كذب __ ع يا سؤال قصدك __ من سالت من خطفج كنتي ع اتصال بي باوعتله __ اي مالي اتصال بيه __ اتمنه يكون لحديث بينه بكل صراحه وشفافيه واعتبريني مرايه وتحجيلها همج ولتنسين انتي كلتي اتمنى يكون عندي شخص ميعرف قصتي واحجيله وهو يحكم فهسه اني اعتبريني هالشخص الغريب الي ميعرف قصتج وتركيني اني احكم لطفاا __ اكولك شي محد سالني هذا لسؤال وكلي هل ياترى انتي الج يد بالوصلتي اله بس حكلك هسه كل الي صار بيه كوله مني __ شوفي نجمه انتي من نوع محبوبه وراسن تدخلين للقلب وليحجي وياج مره ميمل وحسين مبين مضروب بوري قبلج وبحكم عمله هو شايف وعايف وماعنده ثقه بأي احد فكال اخذ وحده مغمضه وصغيره وكلشي متعرف وشاف بيج لصفات ليريدها واخذج __ خليني افرض كلامك صح وهو بعد الزواج اتاكد اكثر مني وعرف اني مثل ميريد ليش يخوون من اول مزوجنه لحد ما تركته و وصل مرحله انو ازوج عليه __ نجمه تره حسين عنده نوع من حب التملك ويحب كلشي يكون اله يعني مثلا اذا مشى بالشارع وشاف وحده حلوه والكل يباوع عليها ويريدون بس نضره منها فهو اهنا حيطلع عضلاته وياخذها ويتباهى كدام الكل انو هو اخذها وبعد ما الكل عرف وحسده عليها وعرفو كلهم انو حسين حصلها وراها يتركها وينتهي الموضوع عنده هذا هو حسين شخصيه حسين هوايه اكو منها عدنه واغلب المزوجين عدهم هالخاصيه بس اكو بيهن الي كشفن واكو لااا __ ههههه ومن تعاسه حضي اني الي كشفت __هههههه لا لتكولين هيجي نجمه انتي بديتي بدايه جديده عيشي طبي طلعي كافي كابته علي نفسج وعايشه بدوامه الماضي حاولي تبنيلج كيان انتي قويه، وصيري بعد اقوى __ بس شنو بيدي اسوي تره كل الي بيدي سويته وبعد مابيه حيل مصطفى انته متعرف هوايه امور اني تعبانه منها __بس انتي بلشتي باول خطوه وهي الاستقلاليه وحتكدرين ادبرين كلشي بعدها وحتى شغل هم حتشتغلين _ هههه اني اشتغل ما اعتقد وبعدين ممحتاجه الحمد لله اكدر اعيش __ يعني عندج راس مال وتكدرين تفتحين مشروع كلش زين لعد نشوفلج شي تلهين روحج بيه وتكونين تحبيه واشتغلي بسسس هاااا المهم استقري وراها كلشي يدبر وخطوه خطوه تعبريها لحد ما تكونين مسيطره بس اهم شي عرفته من خلال كلامج هو انو انتي تريدين تنزعين خوف حسين منج مثل لقفص الي هو محوطج بيه ولازم تتحررين منه متعرفين مستقبلا شيصير يجوز ترجعيله بس حتكونين قويه هالمره ويجوز مترجعين بس هم حتكونين وقتها قويه لخاطر بناتج استغربت بيني وبين نفسي كلت حقها رهف من تمدح بي ينطي طاقه ايجابيه رهيبه __ زين بما انو احنه اصدقاء ممكن اسال سؤال _ههههه اسالي ياب __ شعجب لحد الان بعدك ممزوج و شفت حياتك من جديد __ لحد ما الحجيه كانت عايشه هذا الموضوع ابد مكان يخطر ع بالي والمرحومه كانت مو بس زوجتي كانت كولشي بحياتي حب 7سنوات بس مع الاسف متهنيت بيها غير بس سنه ونص وتوفت وبعد متوفت ابداا مفكرت انو ازوج حتى لو علمود ابني وامي هم كانت موجوده وهي الي تكفلت بتربيته ونفس الوقت مترهم وره متموت مباشرتا ازوج لازم اكون وفي وياها وهذا اقل شي اسوي بحقها ولازم بوقتها اضل اصبربس من توفت والدتي صرت افكر بهيج موضوع بس اخاف على ابني ماريد اخذ وحده كدام عيوني تكون ام لرامي وحنونه و من اطلع تكون اله مرت اب وصراحتا هالموضوع تاركه للزمن __ الله كريم الجهال صاحو احنه جوعانين اشترالهم لفات واخذوها ياكلون ويلعبون واني وياه كعدنه ناكل ونباوع عليهم __ صدك نجمه مجاوبتي ع سؤالي شوكت اول مره حجيتي ويه حسين __ صدقا تره اول محجيت ويه حسين و اني من اول سبوع اخاف منه كمت __ هذا بروسلي مو حسي __ هههههههههه والله شبيك وكعدت احجيله بسوالفه واضحك واذكرله خبالاته عبالي مسجل وانفتحت __ تدررين من تحجين بي عيونج تلمع راسن خليت ايدي علي وجهي وبجيت __ باعيلي كافي بجي خلص سدي الموضوع بعد ما احجي يله يجهال تعالووو __بابا وكلني انت __ يااا هايه شنو ولا واحد منكم مكمل الاكل مالته __ جيبهم اني اوكلهم __ ااي احسن من ما تبجين وكلي الجهال هههههه __ كااافي لتخجلني بعد ما ابجي وبعدين انت صوجج انت بجيتني __ سكتي يله ما اريد البنات يشوفوج __ يله تعالو ماما توكلكم كعدت اوكل لجهال قبل ماحط لكمه بحلك بناتي اوكله لرامي اكول ماريد يحس بالحرمان ماعنده ام وخصوصا هو يفهم حتى ليفكر انو انطي لبناتي قبله كملنه شفت لجهال تعبو __ مصطفى اريد ارجع خطيه الجهال كلهم تعبو اخذلنه تكسي مو مال نرجع مشي __من عيوني يله امشوو اخذنه تكسي ورجعنه للشقه نزلت اني وبناتي وهو وابنه راحو صعدت للعماره استغربت لان كان هدوء بالعماره شعجب امي مدتغرد طبيت ماكو احد هدوووء مو طبيعي طبيت نيمت البنات وراها سمعت صوت طلعت للصاله لكيت بيبي __هلو بيبي انتي موجوده لعد وين البقيه __ امج اخذت اهلها وطلعو وابوج بالكهوه __ كولش زين يعني بس اني وانتي اهنا __ ليش شعندج كووولي __ بيبي اني اجرت مكان بعد ماتحمل امي سوالفها متنجرع واني اخذت مكان نكعد بي اني وياج وبناتي ما اعرف اذا حزعلين من تصرفي او تفرحين بس هذا انسب حل شفته بدون ما اخذ رايج __ تصدكين نجمه اني صابره هنا بس علمودج تره يوميه ضغطي ديصعد يفول من وره امج وسوالفها __والله ادري وهذا احد الاسباب الي فكرت اطلع من وراها __ عاد خوش مكان لكيتيلنه مثل هذا __ باجر تشوفي وحيعجبج وهسه اني حبدي احضر اغراضي واغراض لجهال وانتي هم بلشي وجمعي كل اغراضج __اكولج نجمه الشقه موثثه __ااي بيبي كامله و كولشي منحتاج الها بس ملابسنه ناخذها ونكعد __ عاشت ايدج هي هايه بنيتي السباعيه دروحي ارتاحي قبل ميجون وحتى راحه متكدرين ترتاحين اليوم __ اي والله بيبي هم صدك بعدني مدخلت للغرفه اندكت الباب ورجعت امي وامها ومرت خالي ورعد __ هااا ست نجمه وين كنتي تخورين __ طلعت البنات وتمشينه ورجعت __ مو كتلج تاخذين رعد وياج بس انتي مسمعين كلام صاحت من يمها ام امي __ كله صوجج خليتيها تجي اهنا وتلفس بالفلوس مال البيت وانتضري اذا مخلصتهن وكعدت __انتو شعليكم عساني احركهم ليش تدخلون رجاءااا لحد يدخل بحياتي اجيتو تتونسون وتطلعون ويه امي اني معليكم بيه لطفااااا عفتهم ودخلت للغرفه يم بناتي احسلي بس اتحملهم اليوم وراها عساهم نارهم تاكل حطبهم ندكت لباب منووووو ادخل رفعت راسي و اشوف رعد كبالي __ نعم تفضل __ اكدر ادخل __هو انت بعد دخلت تفضل كعد عالكرسي و اني عالسرير كاعده __ نجمه سمعت بيج طلكتي من حسين وحطي ابالج شنو تحتاجين اني موجود ولصدكين بيوم اعرفج اباوع عليه وبيني وبين نفسي اكول اللهم صبرني حلزكه بعجل __ مشكور متقصر _ لا نجمه مو مساله اقصر هالشي غصبا ما عليه اسويه وصراحتا اول معرفت بيح اطلقتي قررت اجي حتى زوجتي وبنتي نجمه عفتهم __ ليش بنتك اسمها نجمه __ههههه اي سميتها ع اسمج ضحكت بيني وبين نفسي الله يطيح حضك على هلدكه __ اشكرك ولحمدلله اني ممحتاجه احد بس اريدك اخ للعوزه مباشرتاا الابتسامه لبوجه تحولت نضره متتفسر __ شوفي نجمه اني من زمان مراضي علئ زواجج من هذا لعار __ رجاءااا ماقبل احد يتكلم عليه او يذمه ولو بحرف واحد الي بيني وبينه يخصنه حتى لو كانت حروب ومعارك ما اسمح لاي شخص يذمه _تمام نجمه فهمت يله اخذي راحتج الله وياك زين هيجي تفشلت والله يا الله وين ماكو حافي ع قلبي لافي بقيت بس انت عليه لا ومسمي بنته نجمه امدايه اي والله كمت قفلت الباب هذا ما اثق بيه ورجعت اتمددت يم بناتي حتى انام سمعت المبايل صوت اهتزاز وراح عرفت مسج مو اتصال شهاليوم الي مراح يخلص اكيد هذا حسين مو اليوم منغص عليه بالنهار فلازم ينغص هسه فتحت المسجات كانت صور دتحمل انتضرتهم تحمل وانصدمت من منضرهم كان بيهم صور ل....... يتبع ... رايكم بمصطفى وشنو تتوقعون حيكون دوره بحياه نجمه وشنو تتوقعون موجود بالصور ولحكايتنه بلاوي اقصد بقيه # زينب_عبد_المطلب |
مساء الخير عليكم 🌹 صوت قبل القراءه لطفا منكم قبل متقرون احب ابلغكم انو القصه حيكون نشرها بين يوم ويوم يعني يوم انزل بارت ويوم لا فرجاءاا بالليوم الي ما انزل بيه لتلحون عليه وتسالون ع البارت لان القصه بيها كثير احداث جايه ومشوقه فحتى اكدر اربطها الكم وارتبها بسرد ممتع الكم اتمنى تتحملوني بنشرها بين يوم ويوم واتمنى تتفاعلون باصواتكم وتعليقاتكم حتى تصعد القصه باعلى نسبه مشاهده لتقصرون فديتكم😘😘 ونرجع هسه لبارت اليوم الي مملوه بالمشاعر واليوم نزلت الكم صور مشابهه لابطال قصتنه بعد طلب من البنات متابعه شيقه # العروس_والسحر__ البارت الواحد والعشرين # زينب_عبد_المطلب🦋 فتحت المسجات لكيت صور كانت دتحمل انتضرت الصور وكعدت اقرا بالمسجات بين ميحملن وهنا كانت الصدمه الرسائل من صفاء وكاتبتلي بيها هاا نجمه يحبج وميكدر يعوفج مووو لعد هو هسه وين و ويه منووو لج هو لكه يمي الي ملكاه عندج ولتنسين اني حبه الاول والاخير كلامها صدمني شنو هالثقه العدها ومسيطره بكل كلمه كاتبتها حملن الصور و انفتحت اول صوره كان بيها حسين وهو نايم على بطنه بدون ملابس والثانيه مسويه هي علامه لنصر بيها يم راسه وهو نايم هذه صوره شبيهه لصفاء https://upload.rewity.com/uploads/156171507237031.jpg كان بلحضتها شعور قاتل معدتي تتكطع خواصري موتتني ابجي بخبال كلبي محروك من حلاه روحي اطفر بالغرفه وما اكدر اصرخ ابجي بخنكه حتى لحد يسمعني صارت حتى بجيتي حسره عليه مكدرت بعد جريت جاكيت فوك لتراك الي لابسته وطلعت مخنوووكه احس واحد لازمني من ركبتي وينطيني الهوه بالقطاره فطلعت صاحت امي وين مجاوبتها ضليت افتر من فرع لفرع وماعرف وين رايحه اسحب النفس واحسه يحرك صدري بعد ما اكدر اريد يطلع صوتي اريد بجيتي تطلع من جوه ما اظل خانكتها نتجيت على حايط وصحت اااااااااااااااااااه اااااااااااااااااااه اااااااكرهك الله ياخذكگگگ الله ياخذج صفااااااء شتريدين مني بعد اخذتيه واخذج تركوني بعد بحااالي كااااافي الي بيه يكفيني والله تعبت كعدت ع الارض وصوتي شويه شويه ينصى النار الجوه بلشت تخمد العالم عبالهم مخبله كعدت ودموعي بعدها تنزل [ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.] اتصل الدكتور مصطفى مره و مرتين لثالثه حاولت اكون طبيعيه __ نعم __ يا هلا بس لا نايمه طبعا كوه كامشه روحي حتى مااحسسه بشي __ لا __ نجمه بيج شي __ لا __ اسف ع الازعاج بس انتي اليوم هويتج نسيتيها يمي __ اوك __ نجمه شبي صوتج متحملت بعد احجي صوتي يفضحني فغلقته بوجهه رجع اتصل بس هلمره كنت منفجره بجي __ نجمه بس فهميني شبيج صاير شي مو زين __ تعبت تعبت والله تعبت __ انتي بالبيت....لا طالعه __ وين طالعه حتى هسه اجيج __ لااا لتجي __شنو هالكلام شنو ما اجي دشوفين حالتج شلونها وبعدين انتي حامل وكتلج مو زين عليج البجي ولا الضغوطات النفسيه ليروح يصير بيج شي جاوبيني انتي وين __ ماعرف اني وين حتي تيهت بيا شارع اني بس اكو مقابيلي نافوره صغيره مو نفس الي اخذ عليها البنات __ عرفتها دقايق واني يمج تمشيت من قرب لحديقه وامسح بدمعي كعدت علي مسطبه وطلعت مبايلي وفتح الصوره وكل شوي اباوع عليها واحترك حتى اذا احن او افكر بيوم احن هالصوره تكفي وتخليني بعد اكره وانساه __ شكوو شبيج تركتج ويه البنات تضحكين شصار انتبهت هذا اجه ولا حسيت بيه كنت صافنه ع الصوره __ ماااكو شي حطيت ايدي على وجهي مثل الي واحد يريد بالكوه يمنع عيونه انو تشوف __ نجمه اترجااج احجي ارتاحي تره انتي حامل وهذا لقهر اذا تكتمي بداخلج صدكيني يطلع شي بالطفل تره القهر هم يأثر عليه احجي منو وياج شنو الشي الي وصلج لهالمرحله __ اريد منك مساعده __ امريني اني حاضر __ اريد اسقط __ شنوووووووو انتي شبيج تخبلتي عندج اطفال 2وبيهم روح شلون هيح تحجين شلون هيجي تفكرين الله شتكوليله حرام عليج و ثاني شي هذه اهنا تعتبر جريمه يعاقب عليها لقانون اذا اسويها الج وبدون اي سبب او موافقه من الطرفين فهالموضوع انسيه تمامااااا فهمتي نجمه __ لعد حموت والله حمووت تعبت طاقتي خلصت حيل مظل عندي انفحرت بالبجي __لطفاااا بطلي تبجي بس فهميني شصاير __ هاااك شوف اخذ المبايل مني وظل يباوع ويهز برجله __نجمه.....نعم __ تدرين انتي مابيح خير ولج شبيج صدك تحجي تبجين ومدمره وهسه هي فرحانه لان منتصره عليج __ليش شنو اكدر اسوي ادزلها صوره واني اضحك عود ممهتمه __ ههههههه لا جديات يعني تره الشغله واضحه دازه الصور بدون علمه فاخذي سكرين لكل المحادثه والصور وادزهم اله حتى يعرفها هي شنو ومره ثانيه من يجي يتوسل بيج ذكريه بهالمنظر مالته فحيسكت وراها نارهم تاكل حطبهم وهذه ليلتهم الحمره سويها سوداء او اكولج جيبي المبايل __ لااا شسوي بيه __بس اصبري وشوفي ادري بيج انتي فاهيه اخذ المبايل وسوه سكرين ودز لحسين الصور والكلام ورجع دز رساله صفاء كتبلها ليلتج الحمراء حسويها سوده عليج هو يدز وخربام ضحك واني اصيح لااا عفيه شسويت لااا هسه عباله اني مقهوره احتمال يطلع هو ايكوللها صوري ودزي __ لا بابا مبين هي تصور بدون علمه هسه يتخبل من يشوف الصور خليهم هسه يحتفلون بعد هلمسج ويضحك نجمه تره محد يسوه كاعده و تفترين وتبجين وحاركه روحج علمودهم ولا تهتمين طبهم مرض فكري بناتج بحملج هذا صدوك اذكرت باجر تفحصج دنيا موحتى تعرفون جنس الاطفال __ ااي _ ان شاء الله ميبين حتي متعاندوني بعد لا انتي ولا هي __ لافدوه لدكولها اني اريد يبين حموت قلق لعد بهالمناسبه حشتريلج ايس كريم وراح يجيب من سياره ايس كريم تمشي ومشغل موسيقى الاطفال يعرفوها من صوتها ويجون يشترون ضحكت عليه الحمد لله عندي صديق اكدر اشكيله همي سمعته يصرخ __ نجممممه .....نعم — بطعم شنو تحبيها... شوكلت وستروبري __ لعد حسوي اني هم مثلج ضليت اضحك عليه تصرفاته مثل الاطفال جابها وكعدنه ناكل شويه ورن مبايلي اباوع طلع حسين حرك مبايلي حرك يتصل وما ارد خليه يحترك قلبه بعد وبعد __ يله تره هوايه لعبتي باعصابه هسه جاوبي بس بدم بارد احجي ويا ابد لضعفين واياااج تبجين وابدااا لصرخين اخذت نفس عمييق بس ليطخني احس اوكع من طولي من الخوف __ من رخصتك مصطفى __عادي اخذي راحتج اذا تحبين اني اكوم __ لا خليك كاعد اني اتمشى واحجي مشيت مسافه حتى اخذ راحتي بالكلام ونفس الوقت حسين طبعه يغلط ويفشر فعيب اخلي الدكتور يسمع هيجي كلام منه __ نعم __ بس اسمعي دافهمج __ لحظه لحظه صح شفتهم للصور بس تره معليه بس حتى توكفها للزباله اليمك __ والله ماحبها والله احبج وتعبان اني نجمه تعباان __ اسكت كافي ممليت من هلخرط مكافي عاد اني دزيتلك الرساله لان دتجاوز وعبالها اضوج تره انته وياها مااشتريكم بزبانه فرجاءااا ضبها لدايحه مالتك موجنت بس عليه مسوي روحك رجال وادور ورايه واني الحمد لله ما اقدر نفسي بس كلها تعرف شلون كنت صاينتك __لج بت لقندره سمعيني بت لخره حتخبل اني تره بهذلتيني انعل ابوج لابو ليوم شفتتج بي لج وين تولين الزمج الزمج والله لخليج تتندمين عاليوم لشفتيني بي __ لك فوك شينك صلافه عينك انت واحد همجي مصيرلك جاره ابدااا واني صوجي جاوبتك يله ولي سديته الخط و رجعت وكفت يم الدكتور __جداا اعتذر يمكم سمعت صوتي اصرخ __ شنو هالكلام الاصدقاءماكو بينهم اعتذار __ طيب انت مو كلت هويتي يمك وينها __ هياتها شايلها بجيبي __تمام انطينياها حتى بس من ارجع للبيت اشتري خط جديد واخلص منهم __ نجمه اذا انتي ناويه اتركيه وتبردين راسج فتغير خطج يكون افضل حل الج وهو اكيد عنده رقم الاهل حتى اذا اكو شي ضروري يتصل عليهم وهم تخلصين منها وتبطل تضوجج __ لاتعبت بعد منهم خليني اخلص ومن هسه طلعت السيم كارت وكسرته __دكومي لعد نتمشى وارجعج للبيت واخذلج سيم كارت جديد لان هذا انغلق ليروحون اهلج يتصلون عليج تمشينه للبيت واخذتلي سيم كارت سيفه يمه الدكتور للرقم الجديد و ودعته ورجعت الشقه صعدت مكانو اهل امي موجودين الحمد لله راحو وماما يمكن نامت اي طبعا من التعب والركض ويه اهلها دخلت لغرفتي لان بناتي مالهم حس __بابا بيبي شدتسون اهنا __ ليش هيجي باباتي خليتي بالنه يمج طلعتي بسرعه وبناتج تركتيهم ومكلتي وين رايحه اتصلت عليج محصلتج ومنا امي كالت انتي ماجره شقه الج والها شسالفتكم __ بابا اني وامي منتوالم وانت تعرف بهالشي وبناتي متعباتها اني حولد وحجيب بعد اثنين يعني متتحملنه ابد والشقه كذلك متكفينه وغير كل هذا اهلها مااا اطيقهم واني متاكده شغلتهم اهنا مطوله لا عطله لا هم يحزنون فخلينه اني وبيبي نطلع واكيدد المكان مرحب بيك بأي وقت واذا تحب تبقى يمنه ع راسي احطك بس ما اريد تبقى امي وحدها _ تمام باباتي ع راحتج اني حجتلي امي ومتفهم الوضع هذه امج شسويلها __ زين مكلتيلنه ليش طلعتي __بيبي لو تعرفين شصار بيه طلعتلهم المبايل وشوفتهم الصور والمحادثه __ياااا عار يا ميستحي ولج هذا سگط وميستحي وهذه الزباله شلون ترسل هيجي حضريها خليها تولي __ لا ميحتاج غيرت رقمي وهسه انطيكم الرقم الجديد __ والله هالحسين نقمه واجتي فوك روسنه ساعه السوده الي شفته بيها وكتله سويلي معاملتي مال السفر للعمره __ لا بيبي مو صوجج صوجي اني __ كافي حبيبتي انسيه ولتفكرين بيه وبيبي كالتلي باجر تعرفين شنو الي بطنج ومن هسه باباتي اذا طلعن بنات مو تزعلين وتكولين ما اريدهم تره البنات نعمه من الله شوفي انتي شلون تحبينه وتخافين علينه وبناتج من تكبرين هم يحبوج ويخافون عليج ويحطوج ع راسهم __ انشالله بابا صح تعرفني بنفسي هالولد حتى لو ولد واحد وبنت بس اذا طلعن بنات اثنين هم احمد ربي واشكره __عفيه ببنيتي يله كومي نامي يم بناتج وارتاحي باجر ورانه هوايه امور انسويها __ تصبحون ع خير الحمد لله والشكر ياربي الي انعمت عليه بهالاب وبيبي الي مدلليني بحنانهم وحبهم نمت واني مرتاحه رغم البجي الي بجيته بس باجر عندي اهم حيكون بدايه جديده الي ........ونمت لكن بعد ما نمت بدقايق فزيت واني عركانه وضليت بس ابجي من فزيت واذكرت كنت احلم باوعت ع الساعه كانت ب3 الفجر استغربت شبسرعه مر الوقت ع نومتي وكانو دقايق بس الي استغربتله اكثر هو الحلم الي من شفته واني مقشعر بدني وبس ابجي حلمت كانو لعالم دتركض اصرخ و اكولهم شكو شبيكم تركضون كالو حضره لرسول اجه اني هم كلت معقوله مشيت اباوع واكفين 3وهو كان بنصهم واحد باليمين واحد باليسار اريد اشوف وجهه بس ممبين بس ضوه يصير بعيني بس احس هو من دون كل الناس يباوع عليه اشرلي تقدمت نطاني قاط مال ولد والثاني مثل لعابه بس مكمط حتى الراس ممبين كتله شنو هذا كال هذولي الج اشر علي القاط الي نطاني اياه و كال هذا الاحمد والقاط الثاني اشر للطفل الي مكمط و كال هذا لعلي كتله صدوك انته لنبي كال اي ردت اكمشه اختفى وفزيت شعور كان مينوصف معقوله هذا الرسول اجاني ويبشرني انو الي بطني 2 ولد زين حتى الاسامي انطانيهم يعني واحد اسميه احمد والثاني علي نذر عليه اذا اجاني ولد واحد اسميه ع اسم الرسول والثاني ع اسم الامام نمت وكانو اني اخذت البشاره من رسولنه (طبعا كل احداث القصه مثل مبلغتكم حقيقيه وحتى هالحلم حلمت بيه نجمه ) حسين :- بعد ما تغديت حسيت بنحول مو طبيعي جسمي صار ثكيل اريد انام __هااا حبيبي شبعت شنو رايك بالغده __هااا طيب بس نعست __اي حبيبي مو انت شربت هوايه لبن ونعست دكووم لغرفتنه نرتاح __لاااا خليني اهنا و بعدين ورايه روحه للدوام __حبي انت ضابط هناك يعني اذا مرحت محد يحجي __لاااا يحجون واذا ضابط لازم ارجع __دكوم يا عيني شوو بس كووم كامو ودخلو للغرفه ونام حسين ع السرير بلشت تنزعه بلوزه __انتي شدتسوين __اششششششش لتحجي اي شي اليوم اريدك تتركلي روحك وحنسيك كل همومك __اااي صفاء اريد انسه همومي اهنا صفاء كانت نيتها تخلي نجمه تشوف وتصدك الي بينها وبين حسين شي انتهى وراح لان هي متوقعه انو نجمه هي الي تنطي مجال لحسين وتخليه يركض وراها متدري هي رافضته وهو الي لازك الها وبعد ما صار بينهم الي تريده نام حسين وبلشت تاخذ صور ورسلتهم لنجمه وهي تخبرها ع الحب وينه الي كان يجمعهم وهسه هو وينه رسلتهم ورجعت اتمددت يم حسين ونامت فديت ع صوت مبايلي يهتز اذكرت ورايه دوام باوعت اني وين خرررب بغرفه صفاء ولااا من غير ملابس عرفت صار شي بس مهتميت لان هي مرتي بعد ع شنو اضوج كمت غسلت وبدلت وهي بعدها نايمه اخدت مبايلي وفتحته اتفاجئت رساله من نجمه حسيت قلبي يريد يطلع من مكانه ممصدك هي مراسلتني فتحت الرساله والصدمه الي شفتها هذا اني يااااااا وبدون ملابس هذه شوكت و وين انتبهت نفس الفراش مال صفاء نفس لون المخده اسود وابيض وهذه ايد صفاء هي مصبغه اضافرها بلون احمر قريت الكلام كمت اكمز واكفر واصزخ طفرت للغرفه وسحبت صفاء من فراشها للصاله جلاليق __شكووو شبيك ااااااخ دتاذيني والله بس فهمني شكوووو __ولج ساقطه بربوك ولج شلون تاخذيلي هيجي صور وادزيهم لنجمه ولج شلون هيجي تسوين ع الاقل كوولي عيب ولج شلون ادزيهم لنجمه ليش هيجي ولج اذا اكووو امل تحجي ويايه من وراج هسه بعد احلم ولج ليش لييييش انتي بعد متبقين اهنا كووووومي لمي كل ملابسج اخذج لاهلج وانتضري ورقه طلاكج يا عااار اتخبلت اتهسترت معقوله نجمه تحجي ويايه بعد لا ما اعتقد اخذت المبايل ونزلت جوه بالسياره واتصلت ضليت اتصل واتصل لحد ما ردت برودها دمرني جلطني وفوك كل هذا تعيرني حاولت افهمها طلعت اصلا ممهتمه وتريد اضب عرضي هذه الساقطه الثانيه والله الا اندمهن اثنينهن نزلت صفاء من الشقه اباوع عليها وجها مزورك من البوكسات صعدت وكلمه محجيت وياها وشمرتها يم اهلها ورجعت للدوام رجعت اتصل ع نجمه كله مغلق عرفت زعلانه وهالمره مراح ترضى كلت باجر اخابرها واحاول افهمها ولو ادري راسها يابس وتستفزني امي استلمتني اتصالات علمود صفاء بس مرديت عليها لان اعرف شتريد تركت مبايلي ورجعت لشغلي ع الاقل اشغل نفسي وما افكر بلي صار كعدت ثاني يوم الصبح واني كلي نشاط خصوصا من اذكر الحلم ومردت احجيه لاحد الا لما اتاكد طبعا ملابسنه واغراضنه كلها جمعناها بس بقى ننقلهم واتفقت ويه مصطفى هو الي حياخذهم الي بعد ما ارجع من الدكتوره كعدت ويه بيبي والبنات اتريك بابا وامي بعدهم نايمين واهلها لحد الان مأجوي رن مبايل بيبي __هذه رهف تتصل __يااا نسيت انطيها رقمي الجديد خطيه لازم متصله ولكته مغلق __الووو هلا رهف __لج وينج شنو لحد الان نايمه وغالقه مبايلج مووو __لااا والله كاعده بس غيرت رقمي بعدين افهمج المهم انتي وين __شويه واوصل بس قلقت لان مغلق فاتصلت __دتعالي بين ما اكمل وابدل __تمام بدلت وكملت بين ما اجتي رهف سلمت ع بيبي وطلعنه لان كان موعدنه اول الناس ندخل وصلنه للعياده __رهف جسمي كله ديرجف من الخووف ممصدكه حعرف الي بطني شنو تدرين هذه اول مره حسوي سونار واعرف __يااا ولح ليش تخافين وبعدين شلون ممسويه سونار لجنس الطفل لعد بناتج شلون __وجعه ابوهم كان ميكولي بيوم الولاده اعرف _يااا بس تدرين هيجي حلو يبقى مفاجئه __ولج انجبي واذا تفكرين هالمره هم اسوي مفاجئه فترى اكوم اسحلج __ههههه لا عيني ما اكول اصلا اني مشوقه اكثر منج __نجمه ورهف يله تفضلو الدكتوره دنيا تريدكم __اجاك الموت يا تارك الصلاه __ولج شبيج ياااا اعرفج قويه شبيج اليوم __رهف متعرفين معاناتي ع هالموضوع وخصوصا عالحمل متعرفين شكد عانيت حتى احبل والله وزقني ب2بس اتمنى ولو واحد منهم ولد وتكمل فرحتي __نجمه قبل مندخل من هسه اكولج تره احتمال بنات 2 فمن هسه حطي ابالج هالفكره وشنو يجي من ربج نعمه المهم اتمام الخلقه __والنعم بالله دمشي ندخل عيب اتاخرنه والبنيه جوه تنتضر __هلاااا بالصبايا __اهلاا دكتوره __ يله ادري بيج قلقه ومتوتره وما اريد اخليج تننضرين بعد اكثر تعالي وصعدي تمددي اهنا طفت الاضويه وكانت اكو شاشه مقابيلي غير الشاشه الي تشوف منها الدكتوره وحده الها و وحده الي تمددت ورفعت بلوزي حطتلي جل محسيت بأي بروده من الحراره الي حاستها بجسمي احس الحلم حيتحقق بس اريد اتاكد من الدكتوره بدت تحرك على بطني واني اباوع ع الشاشه المقابيلي وخطيه اجتي وكفت يمي رهف مسكت ايدي __حبي نجمه الطفلين ماشاء الله كاملين و واضحين __ااي يعني واضح جنس الطفل __اي بين عندي __اي دحجي مو نشف دمي اريد اتاكد __من شنو تتاكدين __شغله ابالي __زين انتي شنو تتمنين يكونون __لو واحد منهم ولد اكول الحمد لله __ بس ربج حيرزقج ب2 ولد __فدوه دنياا احجي صدوك لتقشمرين عليه __ والله ممكذبه عليج ومتاكده الي بطنج 2 ولد تؤام احس لكاع مشيلني كمت ابجي واضحك لفرحه مشالتني اريد اركص فدوه لاسمك يا رسول الله بشارتك ما انساها والله ومثل مكلت الي حيكون واحد احمد والثاني علي وكل سنه اسويلك مولد ع هالفرحه الي فرحتها اليوم اباوع بالشاشه الكدامي وجهه طفل واضح بس مفهمت شلون عرفت __حبيبتي الف مبروك الحمد لله ادعي من ربنه تكومين بالسلامه وتقر عينج بيهم —حبيبتي رهوفه يوم الالج بس دنيا شلون بينو عندج مفهمت بس الراس مال طفل __حبيبتي هسه اشرحلج بالشاشه وكامت وتشرحلي وتشوفني ايد واحد من الاطفال والثاني راسه وتشرحلي واني بس اردد الحمد لله تمنيت بهاللحظه ارجع للبيت حتي افرحهم ويايه حبيبتي نجمه الاطفال مثل مواضح عندي كلش احجامهم صغيره حاولي تنتبهين ع اكلج وتاخذين مقويات __اي الدكتور مصطفى هم كال وكتبلي وبلشت اخذه المقويات __تمام لعد بعد ما اوصيج وحاولي تاكلين زين واكل صحي لان انتي عندج طفلين مو بس واحد __ان شاء الله ومشكوره مقصرتي والله الفرحه الي عندي انتي هم الج فضل بيها __لاحبيبتي هذا واجبي طلعت من العياده واني بودي اطير فرحاااانه حيييل هذا الحمل كنت اتمناه من رب العالمين حتى يعوضني بولد وربنه كرمه كان كبير وفرحني وعوضني ب2 فرررحانه بودي اطيرر هالخبر حيكون بدايه حياتي الجديده وصلتني رهف للبيت خطيه مقصرت ويايه وراحت فعلا تمنيت ربنه يفرحه عن قريب __بيبي بابا ماما وينكم __هلا هااا بشري شسويتي يم الدكتوره __اول شي امي وبابا وين __امج راحت يم اهلها وابوج نزل للگهوه __لعد حفرحج بس انتي استعدي للخبر اااااانيييي حاااامل ب2 ولد __اللهم صل على محمد وال محمد كلووووووووش صلووات حبيبتي شفته ربج من يلتفت ع عبده ويفرحه دائما ارضي بقسمته وهو ينطيج الي تتمنيه يارب تكومين بالسلامه واشوفهم بحضنج __امين حتصل ع الدكتور حتى يجي ياخذ اغراضنه وننتقل اليوم __وامج شلون __علساس اذا حتعرف شنو حتسوي اصلا هي حتفرح بطلعتنه __اي والله دتصلي بين ما نجهز ///////////////////////////////////////// بيومها كنت كلش فرحانه بلشت عندي حياه جديده خصوصا من عرفت حامل بولد2 وحنتقل لمكان جديد وبدايه جديده حابه اعتمد ع نفسي اتصلت ع مصطفى واجه اخذ اغراضنه للشقه اخذ بالاول الملابس وبعدين رجع للاغراض اجه ثالث مره حتى نروح اني وبيبي والبنات نزلت العماره صارت امي بوجهنه __هلا هلاا وين رايحات تعلمتي ع الخواره مووو سويتي غده نظفتي الشقه اكيييد لا __لا والله لا نظفت الشقه ولا طبخت من الصبح ملتهيه رحت دكتوره ورجعت لميت اغراضنه لان اجرت شقه جديده __شنوو شقه شنو شووكت اجرتي __صار يومين من اخذتها واليوم حنتقل بيها لو انتي تهتمين بينه بكد ما تهتمين باهلج كان عرفتي __وليش اهتم كلشي ما عليج اخذي راحتج ويه بيبيتج بس لا عبالج محد حيحاسبج لا حبيبتي هسه رعد حيجي ورايه خلي يروح وياكم حتى يندل الشقه وين __انتي صدك تحجين لو تشاقين __نجمه لتخليني هسه الم العالم عليج انتضري واخذي رعد وياج __امري لله وينه الشفيه __هسه ثواني ويجي شكد ما كنت فرحانه من وره هالنخصه رعد كرهت يومي انتضرناه وامي وكافه تتاكد حتى ما اعوفه وكلش مستحيه من الدكتور شحيكول علينه بس هذه امي وسوالفها واكفين واجه رعد فهمته امي واجه ويانه __هااا رعد اندليت الشقه وعرفت وين يله الله وياك ارجع لامي و وصللها الاخبار __شقصدج اني فتان __فتان كذاب شتسمي حالك سمي المهم روووح __ماشي ينجمه الله كرريم شوفي شحسوي اعتبرته منه تهديد ع الفاضي ومهتميت واعتذرت من الدكتور ورتبنه الشقه وكنت كلش مرتاحه بيها اني والبنات بلشت اجهز اغراض للاطفال حتى من اولد كلشي يكون متوفر بابا كان يوميا يمنه ويرجع للبيت ع كد ينام ويرجع امي ملتهيه ويه اهلها ورعد توقعت تهديده فاضي بس كان فعلا ديهدد واتفق ويه امي واجر شقه يمي وظل كبالي 24ساعه مراقبني و واكف بس بالنسبه الي ما اهتم لان ما عندي الشي الي اخجل احد يعرفه او سر ضامته ع احد فكنت ممهتمتله ومجاهلته ومعتبرته مااكو امي تجي يمي تتعارك لان ممهتمتله اتركها تحجي وتطلع بالنسبه لمصطفى هووايه صداقتنه قوت وكام يعلمني ع كثير امور اعتمد بيها ع حالي وما احتاج احد وابنه ترك المربيه وكان اغلب وقته يمنه يلعب ويه بناتي هذه حياتي الجديده لا هم ولا مشاكل ولا دوخه راس من حسين او صفاء حسين خلال هالفتره كان يتصل ع بيبي ويشوف البنات كنت حريصه من يحجون وياه حتى ليكولون ع الحمل اخاف لا نور تكوله بطن ماما كبيره فكنت اراقبهن من يحجون وياه بعادهم عنه تعبه حييل واكثر من مره عرفت بيه متمرض بس مهتميت حااول بكل الطرق يحصل ع رقمي لكن كنت ما اقبل ياخذه حتى من يكول لبيبي اريد احجي وياها كنت ارفض لان اعرف اذا يشوفني حيعرف بالحمل واني حملي كلششش اسمن بيه واذا فقط صوت هم رفضت حتى احجي وياه لان يبدي بكلام معسول وينهيها بفشار وغلط وسب لان يعرف محد يمي فكنت ابتعد عنه بكل الطرق علاقته بصفاء منتهت ولا تركها ورجع يمها يبات بطلب من امه الي مستحيل يرفض الها طلب لان كلمتها كالسيف عنده احساس صفاء كالانتصار عليه لان اعتبرت حسين صار الها ورقمي ميعرفه واطلكنه وكلمن عاش حياته بالرغم من تعامل حسين الها بعدم الاحترام والضرب والاهانه بس كانت راضيه اهم شب عدها حسين ميتركها صوره شبيهه لحسين https://upload.rewity.com/uploads/156171604901961.jpeg مرت الايام والشهور ودخلت بشهري كان مصطفى هو الي متابع حالتي بالحمل وزني وصل ال100 يعني صرت كلش سمينه وثقيله بحركتي وكومتي طلعاتي جداا قلن ع كد المراجعه وارجع يا هو الي يشوفني يضحك عليه هلكد ما ثقلت وسمنت اجه موعد العمليه بيومها تحضرت ورتبت امري وبيبيتي سوتلي النواقص مال الاطفال وفرشتلي لغرفه حتى من اطلع اتكون الغرفه دافيه لان الجو بلش يبرد و بليلتها امي اجت وباتت حتى تبقى يم البنات واني اروح للمشفى ويه بيبي ورهف بس هالمره احس روحي مقبوضه هالمره اكو شي ناقصني الي ناقصني حسين لان كنت كل ولاده اذكر لاخر لحضه يضل ويايه ويوكف باب صاله مال عمليات اول ماطلع يبوس راسي واذكر من اصحى من البنج ويصعدوني للغرفه هو ويايه ومن يحولوني للسرير مالتي هو يساعدهم ويصرخ حتى ما اتاذه كل هالامور اذكرتها لس هالمره مو هو الي حينتضرني ولا هو الي حيرفعني للسرير ولا هو الي حيصرخ عليهم لان اتوجع افتقدته حييل بس حاولت اتناساه واذكر باجر حيكونون اولادي بحضني نمت كم ساعه وكعدنه وتوجهنه للمشفى __ صباح الخير هاا نجمه مستعده __اي __اهم شي جايبين المستمسكات مال الاب __ اي كولهم موجودات __طيب حتى احضر الاوراق كلها بين ما انتي تتحضرين صارت ساعه 8 موعد عمليتي كعدوني ع الكرسي وتوجهنه للصاله مال العمليات كان الدكتور واكف هو والدكتوره دنيا هي الي حتسويلي العمليه __ هاا نجمه شلونها معنوياتج لتخافين انتي هسه حدخلين واني هم وراج حدهل واطمنج وعمليتج حتكون ع ايدي فلتخافين ابداا __ لااا شنو تخااف نجمه سباعيه و ماكو حاجه تخاف انشالله ماكو شي فلتخافين ابدااا هذه مو اول ولاده وبعدين لازم تفرحين عالاقل ترتاحين تخلصين شوفي حالج جنج بالونه صايره هسه اذا ازرفج طيرين فوكانه — ههههه يله هسه حندخلج و راها تلكين اولادج بيدج __ انشالله ودعت بيبي ورهف و وصيتهم ع البنات وتوكلت ع الله ودخلت نوموني ع السديه جسمي كله يرجف __ دكتور مصطفى بلغهم يجيبون الكيس التلبيس الحراري حتى ندفيها لان بردت من الخوف وجسمها كله يرجف __ان شاء الله جابولي كيس يلبس من الايد وينحط ع الصدر وبيه زرف من هالزرف دخلو بيه خرطوم وهالخرطوم يذب حراره كلش دافيه بلشت احس بدفو واعصابي ترخى والقلق والخوف يقل مصطفى وكف يراسي ويطمني __نجمه هسه حنرفع الكيس حتى ننطيج مخدر _ لاا عفيه مو بارده __ لعد بس من جهه الايد اليمين علمود الكانونه __ اي ميخالف ولو بس انام وراها شيلوه اجه المخدر ورفعو الكيس من جهه اليمين وضربني ابره وحطو الاوكسجين ع خشمي باوعت ع مصطفى وراها طفيت ونمت ومحسيت اله واني اسمع بجي جهال وضحك اباوع عيوني تغوش بس بالي بعده ممركز __ حسين بطني حسين حموت __ والله لنعل ابوج لابو حتى حسين كلنه يمج وصيح صخمان نتبهت على نفسي شويه صحصحت __بيبي وين لجهال __ هياتهم يمه يمج شالت رهف واحد وبيبي واحد شفتهم صغار كولش ويشابهون __ اكولكم ذولي ولد خاف دجذبون عليه انتو اتاكدتو __ اويلي على عقلج هسه اشوفج واتاكدي فتحت كماطهم والحفاضه واتاكدت الفرحه كانت متوسعني __ الحمد لله والشكر انطونياهم بيدي مسكتهم وكل واحد حطيته بايد __ انت اسمك احمد وانت اسمك علي اشاورهم باسماءهم واضحك ممصدكه هذوله ولدي بحضني تمنيت واحد وربي فرحني باثنين احلى هديتين [ ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.] ربي لتحرمني منهم العمر كله __جيبيهم حبيبتي احطهم بفراشهم انتي ارتاحي __هاج اخذيهم وانتبهي عليهم فدوه اكولج رهف وينها دنيا فدوه بطني حييل توجعني __ هسه تجي لان بلغتني من تصحين اصيحها __ هاااا كعدت الجبانه __ هه ما بيه اضحك اي اعترف جبانه وبطني حيل توجعني __ اي حبي طبعا توجعج ولاده هذه مو لعب جهال وبعدين عندي خبر الج يفرحج __ خير شنو __ تذكرين التشوه الي بطنج من كتيلي من جبتي نرجس شكو بطنج بالعرض __ اااي — سوينالج تجميل اثناء العمليه ورجعت طبيعه وحلووه __فدوه لقلبك متعرفين شلون فرحتيني والله لوما عمليه توجعني اكوم اركصلج __ ههههه لا ع بختج لينفتح الجرح ناامي ورقصتج واصله __ شكوووو منو حيركص —- شنو انت تشم ريحه الانحراف وتجي تركض __ ههههههههههههه اي طبعا بيها ركص طبعا اجي ركض __ هسه عوفو الركص انطوني مهدا دنيا/اي حبيبتي كتبلج ع علاج والممرضه حتجي وتنطيج بوقته مصطفى/ الاطفال يريدون الاسماء مالتهم رهف/ كمت تشتغل مختار ههههه __ شسوي غير لخاطر نجمه تستاهل التعب ولان اعرف هالاجواءات مو مال وحده منكم تسويها ولا هي شغلتي بس لازم اليوم تكمل __ والله يا مصطفى ما اعرف شلون اجازيك ع هالوكفه __ جازينه بدولمه وبرياني من ايدج __ اي مو تدللون .... هسه شنو اسماء الاطفال مكتلولي __ احمد وعلي بيبي/وشعجب هالاسمين وحجيتلهم الحلم والحمد لله وفيت نذري وسميتهم مثل ما شفت بالحلم __ حبيبيتي الله يخليهم الح وتشوفيهم عرسان __تسلميلي حبيبتي دنيا مقصرتي __ انتي تدللين وهااا حتبقين بضيافتنه لمده 3ايام لحد ما نتاكد من سلامه حمودي وعلاوي وراها تروحين __تمام لعد بيبي انتي اليوم متباتين يمي اتفقت ويه رهف حتبقى __ اي بيبي اني باقيه يمها مصطفى/واني هم موجود لتخلين بالج بيبي رجعت للبيت و رهف ومصطفى متركوني ابداا الحمد لله ربنه عوضني باخت وصديق وكفو ويايه وحتى دنيا ما انسه وكفتها ويايه ومساندتها الي صوره شبيهه الدكتور مصطفى https://upload.rewity.com/uploads/156171648217391.jpg بقيت 3ايام والاطفال لقحوهم البنات كنت اشوفهم بالكامرا ومنعت اي اتصال بينهم وبين حسين وهذا كان احد الاسباب الي مخليت بيبي تبقى يمي لان اخاف لا امي تنطيهم حسين ويخرطون الاول والتالي مرت 3ايام وهو يتصل ومترد بيبي عليه الا بيوم ما طلعت وحجه وياهم وعلمتهم ميحجون اي شي ولا يجيبون طاري الجهال بتاتا وهنه كانن يسمعن الكلام وبلشت حياتي الجديده ويه جهالي الي كانو همه كل حياتي بعد مرور ثلاثه اشهر يتبع... رايكم بالبارت ونلتقي بعد غدا باذن الله #زينب_عبد_المطلب |
يسعدلي مساءكم حبايبي 🌹 صوت قبل القراءه فضلا منكم يعني فوك ال5000متابعه للقصه والاصوات متتعدى الالف ليش يعني ع الاقل تقديرا لتعبي انطو صوت لكل بارت الي ممنطي صوت لكل بارت يرجع ويصوت من جديد فديتكم 🌹 #العرىس_والسحر__ البارت الثاني والعشرين #زينب_عبد_المطلب🦋 بعد مرور ثلاثه اشهر تربيه الاطفال متعبه جدااا وخصوصا التوأم بالرغم من مساعده بيبي الي بس طلبت مربيه هم تساعدنه نور ونرجس كبرن بس طلباتهن هم كبرت ومو مثل قبل من تكولين لطفل اكعد يكعد لااا من يكبر يناقش وياج ع اي طلب تطلبيه منه وكل وحده شخصيتها ورايها يختلف ع الثانيه حمودي وعلاوي تعبوني يبجون سوه ويسكتون سوه كلش مشابهين لكن الاختلاف هو علي اسمن من حمودي من لما ولدته وعلاوي اسمن واخشن من حمودي لكن شكلهم ابداا ميتميز وكلش مشابهين بس احس اني انو علي يشبه ابوه بالرغم همه اثنينهم مشابهين بس اني اشوف علي ينطي لابوه اكثر بس بصوره عامه ماشاء الله كلش مشابهين علي ومحمد كلولي لان تؤام متماثل لان المتماثل يكون من بيضه وحده ملقحه باكثر من حيوان منوي واحد فيكونون متشابهين اما الغير متشابهين فيكونون غير متماثلين فكل طفل يكون بيضه ملقحه من حيوان منوي منفصل (حبيت افيدكم بمعلومه) رعد دمرني من يوم الي طلعت من المشفى ولحد الان يوميا بالبيت كاعد ويسال شكو وماكو اني اظل حابسه روحي من وراه بالغرفه اني والجهال __شعندج اهنا واني ورعد بره كاعدين __ماما لطفااا اخذيه وطلعي بدون ما اطلع واجاوز عليه __دجربي وشوفي شلون اخزيج هذا لو الدكتور مو تطلعيله __ماما مو حرام عليج هيجي تحجي الي يسمعج شيكول الدكتور من يجي بكل ادب واحترام مو يجي يتغزل ويبصبص __اي تعرفين رعد يحبج __ماما اذا ناسيه اذكرج تره اني بعدمي بذمه حسين __اي بس ولدتي بعد __واذا ولدت ابقى بذمته _دكوومي عيني ام ذمته الولد بره كاعد _ما اكدر اكوم الجهال محد يمهم __اني حبقى يمهم وانتي روحي كعدي شويه يمه __اللهم طولج يا روح اريد اشوف تاليتها وياج ويه استاذ رعد. . . . __هلا رعد __واخيرا اتكرمتي وشوفتينه طولج __يعني تدري جهال وبيت ولا واحد ولا اثنين فكل وقتي وياهم __ليش من يجي مصطفى شو يصير عندج وقت واشوفكم تضحكون ولباب الشقه توصليه __اي طبعا هو صديق ولازم نرحب بيه وهو دكتور يعني ع الاقل استشيره بشغلات الي او للاطفال وبعدين انت شكوو __شنو اني شكوو معقوله متعرفين غيرتي عليج معقوله لحد الان متعرفين شكد احبج وشلون رايدج ممصدك من اطلكتي من حسين _لك انجب يا عار يا متستحي منو سمحلك تحجي ويايه بهالطريقه وانت لو تعرف الله ودينه كان عرفت اني بعدني بذمته وما تسمحلك نهائيا تحجي عليه وثانيا وان كنت مطلقه فانت حتكون اخرررر واحد افكر بيه بحياتي رعد حط ابالك لا انت ولا غيرك مسموحله يدخل بحياتي اني عندي واولادي وبس ومن بعدهم الطوفان يعني لتفكر بأي شي ثاني وهسه اتمنى تطلع بره وهالبيت متدخله بعد وخليك بره تراقب وتوصل اخبار لامي وهااا لا عبالك حتحصل شي منها لان هي ايدها والحايط يله برررره __لج شنو هالعياط وينه رعد __طرررته وربي اذا شفته بعد الا اشتكي عليه والفلم الي دترتبيه انتي وابن اخووج انسيه بزماني الراح مباوعت عليه تريدين هسه اباوع ع هالاجرب وهسه اذكر يرجع ويحبني لو عباله يحصل شي يمه تره اني مو ثوله ولا طفله يتقشمر عليه مثل قبل ولا رعد ولا الي سلط رعد يكدرولي __ماااااشي ينجمه هيجي صارت مووووو بسيطه واني الج شوفي شنو حسوي بيج __يمه رجاءااا انت امي وما اريد يعلى صوتي عليج او اجاوز بأي حرف وياج مهما تكونين انتي امي واحبها فاذا حابه تبقين احطج ع راسي بس موضوع رعد مينفتح واذا مصره ع هالموضوع فجوابي هو لااا وشتحبين تسوين بيه سوي __بس اكولج بسيطه ينجمه الا اربيج من جديد __شكووو هالصياح واصل للشارع وشبيها امج طلعت ودردم __بزعتني والله بزعتني كاعده ترسم وتخططحتى ياخذني رعد شفتي بله ولان طردته ومقبلت كامت تهدد وتتحلف __لج هذه صدك متستحي شنو من مريه الله بلانه بيها يعني ويانه نكول هذا طبعها بس مو ويه بنتها هيجي تسوي وياها لا حول الله لتبجين حبيبتي شتسويلهاهذه امج وهذا طبعها وبس تهدد معليج منها __اي اعرفها وتعودت ع سوالفها صدك انتي وين كنتي __رحت انظف جيفه امج الشقه وسخه واكل ماكو والمطبخ خايس حتى الشراشف يمكن صار شهر ممبدلتهم __لا حول الله وهذا بابا شنو ذنبه __ابوج اني وياه وهي خليها ويه اهلها حايره _شكول بس غير الله يهديها الباب ادك __روحي شوفي منو اروح ارتاح وراها اسوي اكل ......... هلا بمصطفى شلونك _الحمد لله انتو والجهال شلونهم __بخير تفضل __ما اريد اطول بس فكرت الج بمشروع يفيدج __وهوو..؟ __نجمه انتي الج نفس طيب بالاكل والمعجنات وهالمنطقه بيها مطاعم كثيره بس قليل كلش المعجنات شنو رايج نفتح محل بالمول القريب يمنه وانتي تكونين اسطه مثل ميكولون انتي تسوين معجنات وجوه ايدج كم عامله وحتى لتفكرين وتخافين من الخساره ومتشيليها وحدج ولو اعرف هالمشروع ناجح فحدخل اني شريك وياج حتى لتكولين اذا خسر اكل الخساره وحدي فاني وياج نتقاسمها هااا شكلتي...؟ __صراحتا الفكره حلوه واني كاعده بالبيت لا شغله ولا عمله وع الاقل هالشغله اعرفها وناجحه بيها فعلا الله دزك الي بوقت كنت محتاجه لواحد مثلك ما اعرف بدونك كان شسويت وشنو كان حالي __نجمه انتي لو تريدين عيوني متغلي عليج __رحم الله والديك اعرف متقصر والله __تمام اني حترخص هسه واذا ما عندح شي ليوم اريد اعزمج شويه طلعي وغيري جو من ولدتي لليوم حابسه روحج بالبيت __ بس اشوف وضعي واردلك خبر __يصير خيير حبيت فكره محل المعجنات وماكو شي كان يمنع انو نبدي بيها خصوصا نفسيتي مرتاحه حسين كان هادئ حتى من يتصل ويه البنات ويحجي وياهم مرات اسمع صوته اجي امد راسي حتى اشوفه بدون ميشوفني انتبه المكان الكاعد بيه غريب مو بيت اهله ولا بيت خواته او اخوانه لان اعرف اغراضهم شكيت هذا بيت صفاء الي اخذه الها مبين عايش حياته وياها مثل مكان يريد البنات اظل وياهم كاعده من يحجون ويه ابوهم حتى ليجيبون طاري اخوانهم وهو يسال اسئله غريبه للبنات وهنه كلشي ميفهمن كلش اضوج من سوالفه واسئلته هذه الي يسالها لبنات صغار ميجوز عباله اني صفاء وادخل واطلع ولد بيتي حاولت بكل الطرق ما افكر بيه ولا ازعج نفسي وخطيت كل تفكيري بالمشروع الي فتحته اني ومصطفى طبعا هو دخل شريك والشغل كان عليه لان يعرف بيه اخاف من الخساره فحتى لا اتحملها وحده ففتحنه المحل واليوم كانت الافتتاحيه مالته اليوم كانت الحلويات والمعجنات كلها مجانا حتى الي يعجبه الطعم يحجز ويجي يااكل ويشتري وهو مطمن من الطعم __الوووو هلا بمصطفى __هلا بالغاليه هااا بشري شلون الافتتاحيه __الحمد لله كلشي تمام بفضل الله وفضلك __هااا رجعنه مو كتلج انتي لو تطلبين عيوني ما اعزهم الج __ادري بيك متقصر والله __طبعا جدااا تعذريني تركتج ومكملت الافتتاحيه وياج تعرفين حالات طارئه تجبرني ارجع للمشفى بس هااا اليوم بعد الافتتاحيه عازمج __معذور اعرف طبيعه شغلك وبالنسبه للعزومه اردلك خبر من اكمل __بكل الاحوال اني اليوم حرجع للمحل اريد اضوك الحلويات والكيك مالتج ملحكت اضوك __ هو مو ميه بالميه مالتي بمساعده لشيفات الي ويايه هم ساعدوني __ميحتاج احكمع اكلج اني ضايكه واعرفه شنو وهسه اترخص وان شاء الله افتتاحيه خير __ اشكرك سديته ورجعت التهيت ويه العاملات بتعديل المكان وما شاء الله هوايه اجوي واذوقو الكيك والمعجنات واكو بيهم حجزو وطبعا مكان المحل اله تاثير لجذب العالم كان داخل مول واحنه سوينه نشرات وترتيبات حلوه جذبت العالم كلش فرحت وارتاحيت حسيت بداخلي راحه مو طبيعيه اتصلت ع بيبي __شلونج وشلون الجهال __الحمد لله بشري _شعجب مطمنج بابا __اي ولج بس اريد التفاصيل منج ابوج بس كال العالم صارو هوسه ومنلحك عليهم __اي والله بيبي متوقعت الكل حيجي وحيعجبهم الطعم —-الحمد لله ان شاء الله يرزقج ويفتحها بوجهج يارب __امين.بيبي ليوم لتنتضريني اتاخر __ان شاء الله حبيبتي روحي ليظل بالج ع الجهال صار العصر كملنه تقريبا كل الي سويناه حتى الي بقيناه عرض ع الجام خانه مال المحل قدمناه اجتي رهف ودنيا ومصطفى وباركولي وضيفناهم سولفنه وضحكنه لحد ما صار الليل وكلمن ع بيته عزلنه المحل وطلعت ويه مصطفى يرجعني __نجمه حترجعين هسه للبيت لو نطلع شويه __والله تعبانه وليوم حتي الجهال مشفتهم اريد ارجع للبيت __ ماشي ع راحتج لعد اوصلج للبيت بالطريق راجعين للبيت حسيت بجوع __مصطفى جوعانه _ مو كتلح اعزمج كمتي تتفيكين مو وجهه نعمه انتي __دشوف حالي والله جهرتي مو مال مطعم وعزومه فكلت ارجع للبيت اشرفلي __انتي اووووووف انتي استغربت لان مكال اوف انتي جر حسره وياها وكفنه يم مطعم __ لابربك مصطفى مو كتلك مو شكول مطعم هسه اريد لفات شاورمه لو بركر وطاحضك يارجيم __مو تدللين وبعدين هي مال رجيم اكلي وفرحيها للمعده __اي والله يله انطلق واخذلنه سفري شترينه لفات وطلعنه نفتر بالسياره __شنو رايج نروح للبحيره هناك ناكل __ والله انت كاعد بعقلي __ غير اعجبج اخذنه لفات والكعده كانت اجنن على الهوه مال البحر تحسه من يتلمس بشرتك كانو يدغدني كعدت اكل وحسيته لمصطفى يباوع عليه __شبيك تباوع عليه تره ما استحي ولا عبالك اخجل من اكل واحد يباوع عليه عندي الاكل اهم شي بالحياه خصوصاا من اكون جوعانه __هههه اكلي الف عافيه وحسبي حساب وره متكملين مو تكولين رجعي للبيت لان عندي موضوع مهم اريد احجي بيه وياج __يا ساتر شكوو طبعا من طلعنه معاجبني وضعك حاسه اكو شي كوول شصاير وياك اشرتله بيدي واغمزله هااااا اشر ع قلبه وكال —هذا حب _اهااا خوش كلام دحجي لعد مو شوقتني انتي بالاول كملي اكلج __كملت الحمد لله والله كنت جوعانه من الصبح ع الريوك هسه بربك كولي شلون اغسل ايدي __ كومي بسياره اكو ويڤس (كلينس مبلل) جبته مسحت ايدي يله هسه سولفلي بما انو المعده فول احجي بويه احجي __نجمه حسالج سؤال بدون ما الف وادور شحسوين ويه حسين __حسين ورقه ونطوت __ كلام اكيد __ ميه بالميه اكيد —نجمه انطوه من كلبج لو بس علمود كرامتج طويتي __ اني كتلك كبل محبيته —لاحبيتي ودموعج هي الي فضحتج خصوصاا من شفتي الصور __ تكدر تكول تعويد ومن بجيت ذاك اليوم لان كتلك لو مزوج اي وحده بس صفاء لااا ومن ترسل الصور ثبتت انتصارها عليه لان تحدتني __طيب وهسه __هسه اكولك تره محد يموت وره واحد القافله تمشي يعني تعودت عليه وخاني وتركته وحاليا عايشه حياتي بلياه يعني كملت حياتي بدونه __صراحتا اني سالتج لان . اوووف نجمه ماعرف منين ابدي وياج بس صراحتا نجمه اني حبيتج ومستعد اضحي بكلشي لخاطرج واربي اطفالج واعتبرهم اطفالي وكلشي تريدي اني حاضر نصدمت من كلامه مكنت متوقعه هيجي حيكول __شبيك مصطفي شدتحجي انت ياحب ياصخام صدمتني انت وخليتني اصحى على نفسي تره كلشي متوقعه بس صراحتا ممتوقعه منك هيجي تحجي لان اني معتبرتك صديقي المقرب داكوم مسك ايدي راسن وخرت منه __ شبيك __ بس سمعيني اني حبيتج ورايدج علي سنه الله ورسوله ومستعد كولشي اسوي علمودج انتي وجهالج نجمه حسين دفنج اني احيج واخليج اسعد انسانه انتي انسانه قويه من بره ومن جوه كنتي ضعيفه وخليتج تقوين ومستعد اخليج توكفين بوجهه اكبر واحد بهالدنيا جهالج همه جهالي يشهد ربي ما افرق بينهم وبين رامي حتكونين انتي ام لرامي واني اب لاطفالج __مصطفى اذا انت ابنك بدون ام فاني اطفالي ابوهم موجود واني يعتبر طلاقي بااطل لان ميدري بيه حسين انو اني حامل وما اعرف اذا عرف شنو حتكون رده فعله وهو اصلا عايش حياته الجديده مع زوجته __شووفي انتي تكولين حياته الجديده ويه زوجته يعني مزوج ويجوز باجر عكبه يصير عنده اطفال منها وبعدين اذا هو ميعرف بالجهال نكدر نبلغه بوجودهم وانتي تبلغيه انو متريديه ومترجعين اله ويرجع يطلك __انت كاعد تحجي عبالك فلم وكاعد اتسويله سيناريو ع مزاجك انت متعرف حسين وباليوم الي يعرف بيه اني ولدت وعندي اطفال منه مراح يهتم بهالموضوع بكد ما حيهتم انو اني بعدني زوجته فسد هالموضوع لطفا و رجعني للبيت __ نجمه رجاءاا انطيتي فرصه اكون بحياتج و فكري بكلامي زين __رجعني هسه والله كريم رجعت للبيت واني مسطوره رحت ونمت يم بيبي وحضنتها من ضهرهاونمت حست عليه غطتني وياها بدون متحجي شي تعرفني من هالحركه يعني هربانه من موضوع مدوخني ضليت اليل كله اتقلب يمين ويسار ادري شبيه غير انام __ شبيج تحوصين كولي شنو الي مدوخج ومهزومه منه __ مابيه شي نامي حبيبتي __احجي يوم شبيج __ بيبي الدكتور فاتحني بموضوع الزواج اليوم ورديته جواب مقنع بس ما اعرف شبيه كعدت بيبي وانتجت __سمعي نجمه راح اكولج كم كلمه اذكريها دائما انتي عندج 4اطفال لاعبالج زوج الام يحب اطفال زوجته تره قبل الزواج شكل بعد الزواج شكل و لتكوليلي اخلاق وحباب و ورده مال الله ويحبهم ويداريهم تره كلهم نفس الشي فخلي بالج مهما يكون حسين نكس واخلاقه تعبانه وخاااين فاحسن الف مره من زوج الام وهو احن على جهالج مهما يكون احسن من شخص تقابليه بحياتج __بس تعرفين انتي حسين انتهى من حياتي __اذا انتهى لعد عيشي لجهالج باعي نجمه حكلج شي اني امي جانت مزوجه واحد قبل ابويه وتره اخويه جهاد مو من ابويه لا هو اخويه من امي ابويه اخذ امي وخلف منها اخويه زياد وخلفنه احنه كل فتره زواجه بامي محب جهاد كان حتي اذا يريد شي يدز جهاد ميدز اخويه زياد تدرين ليش لان مو ابنه يعتبره صبي عنده ونفس الوقت يخاف ع ابنه ليصير بيه شي فيا حبيبتي مقصد كلامي عيشي لجهالج صح صغيره وبعدج وحاسه بيج بس ذولي منو الهم نجمه اذا ازوجتي حسين ياخذهم من عينج وخصوصااا لتنسين من يعرف بجهاله ويثبت طلاكه منج باطل فحيكون زواجج ايضااا باطل وذاك لوكت تربيهم صفاء اعتبري كفخه يكومون كفخه يكعدون ترضيها هيج تالي جهالج يكونون طبعا بيبي تحجي وتبجي اكول بكلبي شدعي عليك كمت حتي استحي اكوللهم بعدني متعلقه بيك بعدني افكر بيك بعدها روحي تريدك يوميه اضل الوب بحسره حضنك هيح نسيتني هيج مريحتك الله ياخذكم اثنينكم ان شاء الله شكوللها لبيبي هجولتكم حيصير سنه بس بعدني احبه اسكت احسن وخليني عايشه لجهالي وبسسس وقررت اغلق موضوع مصطفى وابلغه قراري بالرفض القطعي ثاني يوم من الصبح رحت المحل وانتضرته يجيني حتى ابلغه للعصر ودخل وهو يضحك يا الله هالانسان فعلا ما اريد اخسره كصديق اتمنى يتفهم قراري __اعرف انت منتضر مني الرد ويمكن متوقع انو غيرت رايئ عن البارحه صطفى لطفا انسى هالموضوع اني اصلا عمري مراح افكر بالزواج اني اريد اربي اطفالي وهذا كل همي حاليا _براحتج وانتي جدا احترم قرارج وصراحتج بس اتمنى منج شغله نجمه __تفضل __انو نبقى اصدقاء ومتتغيرين عليه بسبب هالموضوع تره صدكي ممرتاح بحياتي لشخص بكد ممرتاح وياج اني الي انطي التفائل للعالم وانطيهم لطاقه بس بعمري محجيت لبقلبي لاحد انتي الوحيده لهيج ارتاحيتلها __اصلا اني مو ناقصه اصل حتي اعوف انسان مثلك واني الي تمنيت بعد ما يكون ردي بالرفض متكون زعلان مني وبعدها تبتعد من حياتي والحمد لله هالشي ما اريده اياثر ع علاقتنه __اكييد بعد مرور ثلاثه شهور اخرى صار عمر اطفالي 6شهور علاقتي بمصطفى ابدا متغيرت وظل مثل ما هو الصديق المقرب الي اني اعرف لوما حبي لحسين بعده بداخلي كان من الممكن انو افكر ولو شوي بمصطفى لكن عمري منسيت ولا خنت حسين ولو حتى فكرياا ضليت صاينته وحابته حتى لو بداخلي وجدا احترمت مصطفى بعد هالموقف رغم رفضي اله اليوم كان عطله وكاعده ويه بيبي والجهال ورامي يمنه لان مصطفى خفاره واليوم ينزل الضهر كاعده احضر الغده قبل ميجي مصطفى وياخذ رامي حتى من ياخذه يكون شبعان ومتغدي دخلت امي وسمعت صوت رعد وياها اهووو هذا شجابه مو انطرد بس فعلا كرامه يوك __هاا ماما خير اكو شي وجايبه هذا وياج اباوع عليه يباوع عليه من فوك ليجوه ونضراته كلش حقيره اذكرت لابسه دشاشه قصيره رحت للغرفه ولبست روب وطلعت امي//عود ليش بدلتي شنو استحيتي ولج يغبره هذا حيصير زوجج __انتي صدك تحجين لو تشاقين رعد//ااي ازوجج حتى اهنا يكون عندج سند وضهر ومحد يكدر يلعب عليج __ومنو كلك احد لعب عليه لو محتاجه سند عكب ابويه وهو موجود وممقصر بابا انت بيك شي اني مزوجه بعدني يا زواج روح ارجع لمرتك وبنتك واتمنى مو بس منا تطلع لاااا من تركيا كلها تطلع وترجع للعراق بيبي//لج انتي صدك متخجلين وساحله وراج هذا الصعلوك وجايه ع بنتج اعرف ليش تريدين تزوجيها عبالج تحصلين شي منها موووو __انتي لتدخلين فهمتي اني وبنتي وانتي ولج نجمه بنت القندره لسانج هذا اكصه تركيا مو مال الخلفوج فوك ما خايف عليج وع جهالج وشغلج هيجي تكولين __يمه اخذي ابن اخوج وعوفوني تعبتيني ساعه السوده من جبتج بيها لهنا لو اعرف عايفتج يم اهلح وكل شهر ادزلج. لتردي ولا جايبتج كرهتيتي بعيشتي والله __تطرديني ولج وتعيريني بالمصرف تهجمت عليه ضربتني دفعتها بيبيتي عني بهالاثناء اجه مصطفى من المشفى علمود ابنه رامي حتى ياخذه دك الباب رغم هي مفتوحه بس مدخل راحله رعد __ لك شعندك اهنا بعد اذا توصل اهنا انعل والديك هالبيت اله حرمته وانت لتظل يومياا اهنا تجي فهمت لو لا.... __راااامي تعااال بسرعه اخذ رامي وطلع بدون ميحجي اي كلمه تخبلت من شفته اخذ رامي و نزل عفتهم وركضت ورا نزلت اصيحله ميجاوبني كولش تعصب وصل يم السياره لزمته من كتفه __ اعتذر والله معليك بيهم اسفه والله هذا ابن خالي ميحترم __نجمه بحياتي مصاير ويايه هيج موقف تره اعصابي نار وخري رجاءااا ركب لسياره وراح تخبلت صعدت ادفع بي وهو يغلط ويسب وطردته امي//اذا تطرديه يعني تطرديني __براااااااااحتج اذا تريدين تروحين وراه روحي بس رعد بيتي بعد ميدخله ابدااااااا __ماشي ينجمه الا اندمج وهذه ثاني مره تسويها اني الج عافتنه وضربت الباب وطلعت كعدت بالكاع ابجي وبيبيتي تبجي عليه كمت اصرخ __تعبت ياربي ليش هيجي اني حضي لا ام مثل الناس لااخ عندي اشد بي ضهري لااخت اشكيلها لارجال بي حظ ليش هيج حضي لييييش كعدت يمي بيبيتي تبوس براسي __ والله لو ما انتي اموت والله انتي سبب صبري نمت علي رجليها وابجي بيبي//يمه وانتي من وراج حموت من القهر انقهر عليح ع حضج ع جهالج اووف ينجمه مطلعتي حضج مثل حظ امج اخذت رجال خركه ولاعبه لعب محد و يحجي وياها مطلعتي عليه اني الي كنت حجايتي متثنه علي جدج عليمن يمه حضج اسود تبجي واني ابجي علي رجلها اجوي بناتي قلدو نومتي نامو علي رجلها بوستهم وكمت اكمل الغده خطيه جاعو للمغرب ورجعت امي اجتي علينه واني كنت ابدل للجهال شفتها و استغفرت الله عرفت جيتها وراها شي من سالفه الضهر __باوعيني ينجمه ع هالطرده اني اعلمج ياكلبه ياحقيره وحطي ابالج كدامج خيارين لو ترضين برعد يا افضحج كدام حسوني افندي هذا صكارج __بس فهميني انتي الله خالقج حتى اتأذيني بس كوليلي انتي مو تدرين اني طلاكي من نعل باطل مو تعرفين هالشي فهميني اني شلون ام اول مره اشوف ام تريد اتاذي بنتها ع حساب ابن اخوها __هالخريط مالتج وفريه لنفسح و دبري روحج وفكرري زين __ لعد يا يمه كلمه خليها باذنج لو يبقى بس ابن اخوج هلفكر لعار ماخذه واي احد نا اريد اشوف من ملت اهلج لنكسه ماريدهم اكرهكم كلكم __ صار ينجمه من عيوووووني سمعت صوت رعد يغلط طلعت فاتحه خط ودسمعه __سمعت يرعد وارجع اسمعك لو تبقى اخررر واحد بهالدنيا ما اباوع ع خلقتك الزفره واذا متصلت ع مرتك وفضحتك ما اكون اني نجمه وانتي يا امي اصلا كلمه امي صارت هوايه عليج روحي لابن اخوج خلي يفيدج طلعت وهي تصرخ وتغلط عليه ااوف والله لو احجي لبابا سوالفج هسه يطلكج بس ما اريده يشيل خطيتها لان اعرف ما عدها احد واهلها عار مصلحچيه كعدت عالكرسي و اذكرت مصطفى والله وجهي اسود منه تصلت عليه مجاوب رجعت اتصلت ورد __ليش مجاوبتي __كنت مشغول __انت بالبيت .......اي __تمام سديت الخط ورحت للمطبخ اخذت لرامي كيك ومعجنات وحلويات ورحت للبيت مالتهم دكيت لباب فتحتها لمربيه طبيت لكيته كاعد ابتسم من شافني سلمت واول مسمع صوتي رامي اجه يركض بوسته __اركض جيب مواعين جبتلك كيكه الي تحبها وحلويات جاب المواعين حطيت لكل واحد قطعه كيك ومعجنات قطعه وقدمتله لرامي كعد ع الميز ياكل وقدمت لمصطفى __تفضل هايه حصه لزعلانين ضحك واخذها __ما دام ضحكت امانه مصطفى احسبها عليه والله حييل مستحيه منك __لتكولين هيجي بس امانتا ممار بهيج موقف __شسوي والله امي تعبتني متحملت وبجيت __ميخالف نجمه هذه امج مالج مهرب منها امج هاي لازم تتحمليها __مصطفى ماكو هيج ام وصلت مرحله تهددني ومن انطيها فلوس تسكت مانطيها تهددني وهسه تريدني اخذ رعد __ ايع هذا ابوحلك ههههههه __اااااي شفت بله حضي __هههههههه حتي هلمره اني اتخبل عليج __ ليش بله ضحك بس عرفت قصده ومحبيت اسمع منه شي خليه يبقى صديقي وبس سولفنه شويه وترخصت __هم ياله اروح اتاخرت ع الجهال __امشي اني اوصللج وطبعاا اشكرج ع الكيك والمعجنات فعلا طيبه وشكراا لان فرحتي رامي __لااا لتكول هيجي رامي حسبه ابني وتره ماكو حاجه توصلني الشقه قريبه هي خطوتين — ميخالف صارت ضلمه هسه طلعنه دانزل الدرج جان تزلك رجلي كمشني هوه صار وجه قريب ع وجهي وشعري نفتح لفيته بس لعبت نفسي كشت روحي من نفسي ماعرف مجرد ما صار هيج تقارب بدون قصد احس روحي وسخه اعرف هو ماله قصد بس اني جسمي وروحي ونفسي متتقبل بس حسين اي احد احس نفسي وياه وسخه تمشينه للشقه مالتي والسكوت كان هو سيد الموقف كسر سكوته __نجمه اني تعبان __ان شاء الله مشوف شر __نجمه اني تعبان منج والله حقه حسين من مضيعج من ايده نجمه اني استاهلج والله اعيشج اميره بس خلي الله يهديج __مصطفى انته تستاهل احسن مني اني واصله مرحله ماتقبل اي رجال بحياتي مستحيل اكدر اتقبل رجال بعد جرني من ايدي بعصبيه __ بس تتقبلين حسين مو تتقبلي لان تحبي موووو جاوبي نزلت دمعتي حسيت حركني بحجايته __حتى حسين ماريده اريد روحي وجهالي كلشي ما اريد من هالدنيا بعد __نجمه بس انطيني فرصه وحده __مصطفى لطفاااا عوفني وخرت من يمه ضليت امشي ليكدام وهو ورايه وامسح بدموعي الهوه بي نسمه بروده من اشمه يحركني اكول بكلبي مين اتلكاها من اهلي من هذا لشخص الي اعتبرته صديق من ذولي بناتي الي متنحسات ويتبجبجون لو من التؤام الي ماعرف مصيرهم لو من خوفي لومن الغضب اذا دره ضامه عليه جهال يربي تعبت كلما اريد اطلع من حفره اوكع بالثانيه وصلت للبيت وهو بعده ورايه نداريت باوعت لمصطفى مكسور يباوع عليه ابتسملي بكذب وعفته ودخلت للبيت لكيت بيبي كاعده والبنات نايمات والصغار فاتحتلهم طيور الجنه مدنفشين بيض شكر يشبهون ابوهم كاعدين بالحجله . كعدت يمهم و ابوس بيهم اباوع على علي نسخه من ابو بالرغم همه يشابهون بس علاوي كان يشبهه ابوه كلش ضليت صافنه بملامحه نزلت دمعتي __حبيبتي روحي ارتاحي اني شويه وانيمهم امج اليوم مقصرت وياج بغلطها والله لوما حابسه البنات بالغرفه ويبجن من صراخها كان طلعت وطيحت حضها __تركيها يمه شسويلها الله يعرف بحالي و يوكف ويايه رحت لغرفتي نزعت ملابسي ونمت فتحت تلفوني دخلت ع بروفايل حسين شفت صوره خليت راسي بالمخده وابجي واعاتب بي لحد ما انتهيت من البجي وغفيت فزيت من النوم ع صراخ وعياط بيبي بس ويامن ما اعرف __يا فتاح يا عليم عفيه امي متهجع يوم واحد لو الا تسوي مكسوره كمت اسمعها تحجي بالتلفون و وجهها اصفر كركم __لاااا ممسموح الك هيجي تكول ماكو هيج حجي وشسوي سوي تره احنه مخايفين يله ولي __لج هايه الناقصه اذا خليتها على ذمه ابوج لحضه اني ك،، __ شكو فدوه بس فهميني تره قلبي انقبض __امج الرعنه حاجيه لحسين عليج وكايلتله كانت حامل وطلاكك باطل منها وهذا يهد وينثني ويكول باجر جايك لا العب بحالكم كمت احس بطني ترجف من الخوف احس رجعت لنقطه لصفر رجعت الايامه رجعت لسجنه الي مالي مهرب منه رجعت لايام خوفي من كان يوكفلي يم لباب ويهدد ويمشي ورايه واني اكذب الله ياخذه بسببه كمت اغرك بالكذب يوم بعد يوم ومازلت خليت ايدي على صدري نخطف لوني حتى معدتي ترجف من لاشعور حسيت خشمي يخر دم الضغط علك عندي نتبهت بيبيتي __نجمه هسه اجي رايحه لامج عينج على جهالج لبست وراحت لامي عافت تلفونها وهذا يتصل ويتصل بدون توقف خليت ايدي على اذني حتى ماسمع صوت التلفون احس حيطلعلي منه بس ارجف جريت مبايلي واتصلت ع مصطفى ابجي وارجف __ الحكلي فدوه عرف راح يموتني __ شبيج لج شبيج فهميني __مصطفى امي كولشي حجتله لحسين __ اوكفي اني طالع هسه بالعياده صبريلي نص ساعه واني يمج سديته اباوع ع الجهال يبجون البنات يبجون كمت اصيح بس بس اسكتووووو بس دفرت الطبله وحسين موكف اتصال جريت المبايل __ الوووو __ هااا ك،،، لج ضامه عليه جهالي لج والله لخليج دكولين اااااخ شسويت بروحي واعلمج ويامن تلعبين يا سافله __لتهدد فهمت لو لا صح كنت احجي وياه واجاوب بس مبين صوتي منكسر __لج شلون اضميييييين عليه جهاااااالي __ مو جهالك اصلا مو منك همه بلحضه خوف رجعت كذبت حتي ابرر ماعرف هلحجايه حتتوثق عليه وتخليني اندم لان حجيتها بلحظه خوف __يعني تخونيني وانتي على ذمتي بت لنعال ماعرف شحجي وشنو اجاوبه كمت اعيط واغلط عليه وسديته وابجي احس عياط الجهال براسي وماعرف شسوي منتضره بيبي ترجع __لججججججج نههههههههى ولج وينج من ساعه السوده الي اخذتج لابني الاب__شكو شكو شبيج يمه من الصبح __لك هذه العار الحيه الي ملفيها يمنه ولك هجمت بيت بنتها ولك حجت لحسين كلشي الام__هههههه هااااا لازم اتصل عليكم حسين وفضحكم حيييل بيكم مرضيتو برعد موووو درجعو ع حسين بس هو الي يضبكم __لج انتي شنو من ام شو دتعالي اطلع قهر السنين الراحت كلها بيج __ااااااخ لحكوني ولكم عجوزه البين ضربتني ااااخ يمه الاب/عوفيها يمه خلي تولي هذه الله نطانياها غضب ع راسي من اليوم انتي تحرمين عليه انتي طااااالق امشي اطلعي برررره __لك اني اطلكني علمود نجمه وامك والله الا افضحكم طلعت امي تركض وراحت لاهلها ولكم لحكوني طلكني صباح من وره بنته وامه __شدتحجين عمه __ولك اااي علمودك لان نجمه مرادتك حجيت لحسين ع جهالها وابوها طلكني __اني الهم شوفي شحسوي ////////// رعد/ لج نجمه هيجي سويتي بعمتي وخليتيه تطلق وتتبهذل تالي عمرها كله علمود حجت الحق وكالت لحسين لو قابله بيه كان كل هذا مصار __ولك تفووووووووو عليك يا عار والله لفضحك يا نذل سديت الخط بوجه واندكت الباب __منوووو __اني مصطفى فتحي __مصطفى فدوه الحكني شسوي عرف بالجهال واني اجيت اكحلها عميتها وكتله مو جهالك __لااا غلط شلون هيجي تكولين وتجيبين لنفسج تهمه وحيكول هم كذبت وهم خاينه ليش نجمه غلط تصرفج حاولي تهدأين ولازم يعرف هذوله اطفاله ومن يعرف اكيد شويه حيعصب بس من تتفاهمون ينحل الموضوع __هذا رايك __اي ومثل مكتلج اهم شي متخافين __مصطفى هذا ديتصل ع رقمي هذا من عرف رقمي __جاوبي __غلقه مدري انفصل مااا اعرف بس دزلي صور شنو السالفه __فتحيهم وشوفي شنو ديرسلج فتحت الصور واباوع طلعت اني ومصطفى لطمت على وجهي كمت اكمز والطم عزه عزه بعيني اول صوره كانت لازمته من كتفه وقت لعركه هو ورعد من طلع واخذ رامي واني رحت وراه طلع الكلب رعد ماخذلي صوره وصوره دنمشي سوه وصوره دنضحك واحد للثاني __لج شبيج تكمزين بس فهميني __هاااك شوف صورنه هذا الكلب رعد مصورنه من تجي يمنه علمود رامي من تاخذه لو تتركه يمنه طلع الناقص مو بس يراقب طلع يصور هم __خرب يومه شنو عندج اهل لو واويه جاوبي لحسين هذا ديتصل واذا سال منو هذا الي وياج عادي انني مراح تكذبين كوليله دكتور الي ولدني وبقينه اصدقاء وانتي ممكذبه بهاالشي __اي صح حجاوبه لعد __نعممممم تفضل هم حصلت رقمي وراح تخبصني مووو _ولج هو هذا ابو جهالج بت لكلب باجر اخذ بناتي والله لخليك بحسرتهم عار شبسرعه نسيتيني شبسرعه نكسه __ والله كذب لجهال منك والله وتكدر تسوي تحليل وتتاكد والله منك كام يعيط ويصرخ عليه __ لج فهميني من منو هذوله النغ.... __ والله منك والله اشهك وابجي __لج يعني علي ذمتي وتخونيني وين تروحين مني ولج جايج لا مثل النعجه اسحلج والله لخليج قندره بالبيت سحب لتلفون مصطفى مني وغلقه __ولج شبيج بابا شبيج حتموتين خلي يولي هذا ماخذكم بعياطه اندكت الباب ودخلت بيبي اول مدخلت علينه بس كالت ضربت امج واخذت حقج وابوج طلكها وراسن وكعت ع الارض __بيبي فدوه كووومي كلش طرز بيه بس كومي مصطفى شوفها عفيه شبيها __لتخافين ما بيها شي بس الضاهر ضغطها مرتفع هسه ناخذها للمشفى اتصل مصطفى ع المربيه مال وامي واجتي هي ورامي وبقت يم الجهال رحنه للمشفى وراسن بيبي فحصوها وفعلا طلع ضغطها مرتفع بذاك ليوم كلش تعبنه وانخبصنه بمشاكلي حسيت نفسي من جوه فراااغ ماكو شي بداخلي اي مشاعر غير الضياع حسين كاعد واجتني رساله من رقم ام نجمه كنت بالدوام انتضرت اكمل شغلي وافتحها وياريتني فاتحها من اول مراسلتها شفت صوره جهال ولد 2 يا الله هذوله يشبهوني ويشبهون نور ونرجس شنو السالفه اتصلت ع ام نجمه __هلو خاله اكولج شنو هالصور ومنو هذوله __معقوله دمك محن ومعرفت هذوله منو __خاله متحجين وتفهميني لخاطر الله تره صرت نار __عيني اول شي احب اكولك زواجك من نجمه بااطل لان بنتي الكلبه ضمت عليك حملها وجابت ولد اثنين وهسه عمرهم 6شهور __خاله انتي شدتحجين تره جسمي ديرجف وممصدك شنو طلاقنه باطل شنو صار عندي ولد اثنين ونجمه شلون مكالت وليش ضمت عليه وانتي شعجب هسه اجيتي تكوليلي __اول شي اني مكذبت عليك وهذوله جهالك وليش هسه كتلك لان بنتي بعد ما اكدر الها وبالنسبه لسؤالك ليش مكالت فاتصل واسالها ليش مكلتلك اني عزر بيه الاكل الي اكلته وياك وجيت وحجيتلك كلشي الووووو وينك حسين الووووو يااا هذا غلق الخط بوجهي حييل خلي يروح ويطيح حضها ويسحلها من تركيا //// اني الج ينجمه ولج كل هذا يطلع منج ششوف منج بعد لج مبقى شي بعد مسويتيه والله الا اسحلج اوكفيلي اتصلت عليها والسافله تكول مو جهالك بس الله كشفها وابن خالها دزلي صورها هي والك...الي خانتني ويااه __ _ولج هو هذا ابو جهالج بت لكلب باجر اخذ بناتي والله لخليك بحسرتهم عار شبسرعه نسيتيني شبسرعه نكسه شنووو مو جهاله ولج فهميني جهال منو هذوله النغ..... اني الج ينجمه تعلبين عليه ساعه تكولين مو جهالج وساعه جهالي اني الج شوفي الامهات شجابت والله لو اعرف ادخل للسجن من وراج المهم اندمج __الووو عم نجمه// حسين تفضل _عمي انتي بالبيت اريد جايكم هسه __خير صاير شي __اي وشي كلش كبير __اي دتعال خير ان شاء الله اني الج ينجمه الا افضحج واخلي موتج حلال بيبي حالتها مستقره لحد الان الحمد لله ضغطها رجع طبيعي بس مطلعناها وبابا لحكنه ويغلط ويفشر ع امي لان هيجي سوت بينه مبايلي غلقته ما اريد حسين بعد يتصل لان تعبت اعصابي وكلشي عندي ميهمني بكد ما همي وخوفي ع بيبي رحت لبيت عمها ولكيت هيثم واكف هو الي سوه معامله طلاقنه __ابوك وين _ع الاقل سلم __ما اسلم ع واحد عار مثلك __ولك هايه عليمن شو دتعال __هيثثثم ادخل جوه وانت شبيك جاي تتعدى ع ابني اتصلت عليه وباحترام كتلك تعال ع شنو هالتجاوز مالتك __طبعا اجاوز لان هو هذا ابنك الي ركض ورايه حتى اطلك _وانت هسه اذكرت طلاقك من نجمه _اكولك عمي اسالك سؤال واتمنى تجاوبني بصراحه _اسال الضاهر اليوم انتى فاضي __انتو تدرون نجمه حامل __اي ندري بيها حامل قبل مسافر كالت النه __اللللللللللله اللللللللله طلعت كلها تدري واني مثل الزمااااال كلشي ما اعررررف __ليش هي مكلتلك __لااااا طبعا مكالت وطلاكنه هسه بهالحاله يعتبر باطل واني اجيتك حتى ابلغك انو منا ليومين اذا نجمه وجهالي مرجعو للعراق اروح اني لتركيا وهناك اقتلها وخلي ادخل بيها سجن يله فيمالاه __شبيه هذا يابه __كول شنو مابيه امشي جيبلي مبايلي اتصل ع عمك _الووووووو هلا صباح. خير انت وين __اني بالمشفى امي متخربطه صاعد عدها الضغط __صدك تحجي لا حول الله وشلون هيجي صارت اكيد من وره حسين طمني شلون صارت هسه __الحمد لله استقر ضغطها كله من وره نهى الكلبه العار هي متصله عليه بس انت شمدريك __يمعود اجه وراد يضارب ويه هيثم بله بشرفك نجمه زعطوطه انت شلون مكتله علمود جهاله اني كل اعتقادي الرجال يدري وطلك تدري هسه يحقكم بالقانون وبالعشاير صبااح هالايام ترجعون تره ناوي يجي ويسوي جريمه ارجع واچفه الشر __تتحسن امي ولكل حادث حديث رجعنه بيبي للبيت وصار هدوء محد يحجي كل واحد حاط همه بداخله وساكت رجع اجه مصطفى يطمن ع بيبي __شلون صارت __احسن وكلتها شوربه ونامت __نجمه طبعا اني اعتذر اذا سببت الكم مشكله لان بسببي وبسبب الصور كبرت مشكلتكم __لا مصطفى انت شعليك __زين انتي شنو شحسوين __اكو غير الرجعه اكيد حرجع __صدك تحجين وين ترجعين __مصطفى مالي مهرب منه ماطول الصور بيده وهو هددني بمسج كال مشوفت لصور لعمامج لخاطر شيبات ابوج ترجعين اخذ بس لجهال واخلي صفاء تربيهم __هذا شنو من بشر وانتي صدك تنطين جهالج اله ولصفاء __طبعا لا واعرف مخبل ويسويها بكل الاحوال ويشوف الصور حتي ينتقم اني مخايفه من شي اعرف بنفسي بريئه بس العالم مترحم متصدك اتشوفلها شي اتظل تحجي بي فلازم اكون موجوده واعرف ادافع عن نفسي بوقت ميعرض الصور __نجمه ماعرف شكلج صراحتا زين والشغل _مصطفى اني خسرت عمري بقت عالشغل __زين عوفي نشوف وحده بدالج وكل شهر تجيج منه وارد احسن من ما تبيعيه اني اريد اظل ضامن الج ولبناتج خبزه تعيشون منها لان ما اعرف حسين شنو ناوي يسوي __ الله كريم __تهون تهون الله كريم يله لعد اني اترخص __الله معك ومشكور ع وكفت ويه بيبي _هم رجعنه ع الشكر مو كلنه احنه اصدقاء راح مصطفى ورحت يم بيبي لكيتها كاعده هاا حبيبتي شلون صرتي _الحمد لله بخير ابوج وين __بابا اخذ الجوازات حتى هليومين نرجع اي احسن حتى هناك اعرف شلون اصرف ويه امج واكمل انتقامي منها زين صدك وجهالج شلون الولد ماعدهم جوازات بابا اتصل ع حسين ودزله البيانات وهو كال حيسويها للجوازات عن طريق ضابط يعرفه ويدزهن هاليومين __ويلحك __طبعا حيلحك ما دام شغله بيها رجعه لنجمه ويطيح حضها اكيد يسويها بسرعه وداعتج لوما متاكد من عمي انو اني حامل قبل ما اسافر كان كال هذوله مو جهالي __ينجب شحده يشك بيج اشرف منه ومن مرته العار __لتصيحين ليروح ضغطج يرتفع من وراهم هدي فدوه اني الله ويايه ويعرفني لا غلطت ولا خنت وهو مينساني __والنعم بالله ربج كريم /////// بعد يومين موعد السفر............يتبع رايكم بأم نجمه وشنو اكثر موقف اثر بيكم بهالبارت وماهي توقعاتكم للبارت الجاي #زينب_عبد_المطلب مقصرت وياكم بالبارت اتمنى الكل يصوت لكل بارتات القصه |
صوت قبل قراءه البارت لطفاا منكم ورجاءااا اني بلغت البارت بين يوم ويوم اي ليش تحرجوني بالخاص وتسالون وين البارت ياعيني والله ما الحك يوميا ودشوفون البارت من انزله شلون بارت طويل واحداثه حلوه فاتمنى متحرجوني فديتكم #العروس_والسحر__ البارت الثالث و العشرين # زينب_عبد_المطلب🦋 بعد يومين حسين كل دقيقه يتصل ع بيبي ويغلط واذا منرد يبعث مسجات ويهدد حتى نرجع وصلت جوارات الولد وحددنه موعد سفرنه اتصلت بيبي وكلتله باجر طيارتنه مثل هيجي وقت احنه بمطار بغداد امي من راحت لاهلها لا اتصلت عليها ولا اعرف اخبارها ورعد حلفت الا افضحه كدام مرته رهف ودنيا رحت ودعتهم ورهف كالت يومين وترجع واشوفها ومصطفى كان اكثر شخص اتاثرت بوداعه خصوصا رامي يبجي ويكول اخذوني وياكم انتي مثل امي يعني فعلا حسيت ابني وحتركه بس كتله فتره وارجع ياله سكت مصطفى حنبقى ع تواصل اني وياه وخصوصا علمود المحل حيبقى شغال وهو كل شهر يبعثلي الربح فكرت اخلص من المحل بس قنعني انو اني ما اعرف شنو حتكون ضروفي بالعراق بابا سلم الشقه واليوم حيبات يمنه واني بلغت صاحب العماره انو باجر مسافرين وحترك المفتاح يم مصطفى صفيت كل شي ما اريده غير الملابس اخذت ويايه البيت كان كئيب محد حاب يرجع لا اني ولا بابا ولا بيبي بس حكم القوي كله صوج امي وعمري كله مراح انسه الي سوته بيه اجه الليل ومحد نام بابا كاعد يتفرج وباله مو يم التلفزيون بيبي ملهيه روحها ويه الجهال واني كاعده يمهم جسد لكن روحي ضايعه ما اعرف وين افكر شنو حيصير بحالي مكنت متوقعه هاليوم حيجي وانكشف كنت مفكره باليوم الي حيعرف بيه حسين بالجهال حنكون اني وياه احتمال مصالحين او متفاهمين واشرحله مكنت متوقعه انو امي تكشفني وعلمود بس تكسر خشمي من وره رعد العار منمت وبقيت للصبح كاعده ومنتضره الكل يكعد حتى نطلع للمطار اجه مصطفى وحمل الجنط واخذنه هو للمطار من وصلت اذكرت باليوم الي نزلت بيه وكنت كلشي ما اعرف شنو حسوي كان طريقي وقتها مجهول بس هسه صرت بالعكس راجعه للمجهول ودعت مصطفى وعين تبجي وعين تضحك اول مره ما اشوف الابتسامه بوجهه ماكو اختفت اول مره اشوف دمعه بعينه اول مره احسه عاجز عن مساعدتي محبيت اضغط عليه واحسسه بضعفي طمنته انو حظل قويه وشنو احتاجه حتصل عليه ركبت الطياره واني منكسره مدمره كل تعبي الي تعبته راااااح و رجعت لنقطه الي كنت بيها وانكس هم رجعت لا اعرف شنو الي حيصير بيه وبجهالي ولا اعرف وين راح اعيش ولا حليت مشكله حسين وخيانته يعني كل الي صار حاليا هو الاوراق انكشفت يعني كان مزوج بالسر صار علني وما اكدر افتحي حلكي ولا اسوي شي انحطيت كدام الامر الواقع والسبب امي وصلنه مطار بغداد نزلنه ديشوفون الجوازات واني ذولي خبلوني واحد اني شايلته واحد بيبي ولبنات لازمهم بابا وميقبلون يمسكهم وبس يصرخن __ بااااباااا بااا باااااا تركو ايد ابويه وركضو ع ابوهم وهمه يصيحون عليه اهنا حسيت حيلي نهد نداريت واشوفه كبالي بدلته العسكريه وحمايه وراه وبكامل اناقته واكف و وجهه ميتفسر حضن البنات وكعد يبوس بيهن من وجهن وشعرهن وايدهن وهنه يتعاركن ع حضنه كل وحده تريده الها واكفه واباوع عليه حاولت ابين القوه ودرت وجهي عنه ما اريده يلمحني واني اباوع عليه كملنه واخذنه الجنط وطلعنه نمشي لصاله الخروج لان عمي العميد ابوهيثم واكف هناك ينتضرنه الضاهر شايف حسين ومدخل وياه مشينه بصفحه وهو بصفحه ويه البنات شايلهن ويمشي ويبوس بيهن وطبعاا ولا سلم ع بابا ولا ع بيبي حتى ولده مسال ولا تقرب عليهم كانو بس يعرف بناته واحنه غربه شفت عمي سلمنه عليه وبوسنه واتفقنا نروح يمه __ عمو بس كوله اريد بناتي __ خليه شايلهم __ لا عمووو مو ما اريده ياخذهم وياه __هااا اي فهمت قصدج __ حسين عيني اليوم ننتضرك بيتنه __ان شاء الله عمي __ بس البنات اكيد مراح تاخذهم وياك __ اااي طبعااا اخذهم هذني بناتي صار كوومه مشايفهن __ حسين ممنعناك منهم ومثل مطلبت الكل رجع بس انت وراك داوم ملابسك العسكريه منازعها وين تاخذهن وياك للقاطع مثلا وبعدين اليوم العصر حنجتمع يمي ونحط النقط ع الحروف و وراها اشبع من بناتك __تمام عمي صعدت بسياره عمي واباوع عليهم يسولفون خايفه ليعاند وياخذ البنات بس شويه وشفته جاي يمي ع السياره انطاني البنات وهز راسه بمعنى بسيطه مهتميت المهم البنات مياخذهم هنه صعدن يمي وصراخهن وبجيهن عليه اشتغل شفته صعد سيارته وراح __هاا عمي نتوكل بابا/اي خويه توكل بيبي/صدك ميستحي ولا سلم __ يمه عوفيه تره جاي وديشوفنه عضلاته خليه واحد زعطوط المهم بنته متضوج مو صح نجمه __ اي عموو ابداا مضجت بس كرهت اليوم الشفته بيه __ لعد اليوم حشبعين منه شوف _ شلون __ اليوم حتصير كعده العصر ونشوف طلباته وطلباتج وان شاء الله كلشي ينحل __ عموو انت دتسمعني وبيبي وبابا اذا هالموضوع انحل اني كلشي ما افهم حسين واعرفه __خلونه نرجع للبيت ونرتاح والله كريم __ زين عمو ليش منروح لبيت بابا مو هناك احسن وماكو احد ليش بيتك __ اذا رايده بيت ابوج حاضرر اني فكرت لان البيت كان مقفول وانتو تعبانين ويحتاج تنظيف بيبي/ااي نجمه صح البيت هسه ماكله التراب اسمع ابو هيثم فدوه خلي مرتك ونسوان اخوتك واختك وكل البنات ينضفون البيت تعرف اني ما اخذ راحتي بس بيتي حتى اليوم نبات بيه __ تدللين يمه ميكون خاطرج الاطيب وصلنه لبيت عمي مكان اكو احد بس مرته ومرت ابنه سلمت عليهم واخذت جهالي بغرفه همه حاطيها للضيوف لان اول مكعدنه كلها كامت تحجي بموضوع حسين وشلون حينحل الموضوع تعبت اني بعدني شلون حتفض ما اعرف دخلت للغرفه الجهال نايمين ذبيتهم ع الفراش البنات بره يلعبن ويه الجهال طلعت من جنطتي السيم كارت العراقي محضرته حتى مباشرتا استخدمه دزيت الجهال يجيبولي رصيد حتى اتصل ع حسين لازم هالموضوع ينحل بيني وبينه بيبي/نجمه انتي دازه الجهال ع رصيد __ اي ليش _ عمج سالهم واستغرب كتله اني وصيتها __ وشعليه اذا اشتريت او لا __ اي مو شسوين بيه وانتي يمنه ع منو تتصلين اكو غير حسين __ اي صح كلت لازم احجي وياه بيبي حسين حيكعد يشرط ويعذبكم ويوصل مرحله يذل الكل فرصه واجتي عنده فاني لازم احجي وياه لان ويايه القناع الي لابسه مكشوف خلي اشوف شيريد بلكي طلباته معقوله واكدر احلها وياه __ براحتج حبيبتي اهم شي انتي مضوجين __لا صارت عندي مناعه من كلامه هسه الرصيد وينه __ هذا اخذيه وانتبهي ليسمعوج __ تمام طلعت بيبي من الغرفه واتصلت عليه طل يرررن ويررن بالاخير رد بكل برود __ نعم _اريد اتفاهم وياك __ عذريني مشغول حاليا العصر ياله عود من افرغ اجي يمكم وذاك الوكت ننفاهم __ شويه من وقتك لثمين فرغ منه حتى اتفاهم وياك __ وشنو عندج تتفاهمين بيه خيانتج الي لج كولشي صار وسويتيه بصفحه ودكتج مال تتمعشكين بصفحه لج وفوكاها على ذمتي انتي __ محترك مووو متأذي دتحس بالوجع الحسيت بيه يعني هسه انت مغلطان ودتحاسبني موووو __ لج انجبي لتقارنين روحج بيه اني رجال __ علي نفسك حبيبي صير رجال اني حالي من حالك بشر واحس واتالم وابجي بشر مثلك احس بالخيانه واحس بالاهانه واحس بالغيره مثل ما انت هسه دتحس بكل هالامور اني حسيتها بيك سابقاا __ كافي عاد هسه احجي شرايده من الاخير __ مو اني الي رايده كولي انت شرايد....؟ __ هاااا اجينه هسه ع الكلام المضبوط باعي لج عندج خيارين الاول هو انو اطلكج مثل ما انتي تريدين بسس الجهال اني الي اخذ حضانتهم وتتنازلين واخليج بالاسبوع مره تشوفيهم شفتي شلون اني ارحم منج وحخليج تشوفيهم مو مثلج حرمتيني من شوفتهم واذا اشتاقيت اشوفهم كامرا __بس حضانتهم الي شلون تفكر اتنازل عنهم من كل عقلك __ حلكج متفتحيه من احجي والحضانه اخذها تدرين شلون تذكرين من كعدتي تهدديني بصور صفاء وعقد الزواج وتفضحيني بالفيس هالمره اني افضحج بس مو بالفيس شفتي ابقى احسن منج فضيحتج حتكون كدام عشيرتج كلها واكوللهم شووفو هذه هي بنتكم الشريفه العفيفه كانت تتمعشق وهي بذمتي وراها اخذ الصور للقاضي واكوله شووف هالام الخاينه وتطلعين انتي غير مؤهله لتربيتهم وهااا غير دعوه الكذب من كذبتي ومكلتيلي انتي حامل وانصدمت عندي 2 ولد اعمارهم 6شهور واظل اجرجر بيج بالمحاكم كمت ارجف كلشي ولا الجهال اموت بلياهم حسيت الدنيا طلعت من عيوني __ شكد خسيس ونذل __ حبيبتي انتي الي لعبتي بالنار فأنجوي بيها وحدج وكتلج من احجي لتقاطعيني لان مكملت الاختيار الثاني صراحتا اني كلشش عجبني سمعي اختيارج الثاني يالشريفه __ غصبن عليك شريفه __ ايي واضح من صادقتي واحد وانتي ع ذمتي وهسه الصمي وخلي احجي واكول الاختيار لثاني هم اخذ لجهال بس اخذج وياهم خدامه فقط الهم وجهرتج ماشوفها وعتبه الباب متشوفيها وتلفون ماكو وهااا اهلج هم ماكو وتحترمين حالج وتكعدين وتسكتين ___ باوع حسين تهديداتك متمشي ويايه فهمت لو لا __يا حبيبتي هذا لموجود عندج منا لساعه قرري يااا اختيار تريدين لان بس هذني العندي واني كنت ناوي اليوم من اجي اطرحهن لاهلج واطلع بس انتي كنتي مستعجله ع رزقج وحجيتلج شروطي سكتت من بين كل شروطه مذكر صفاء لازم اعرف شنو موقعها من الاعراب بحياتي __ والكلبه مالتك __ ههههههه محد موتج غير الكلبه مالتي حتموتين منها بس ابشرج اخاف ابالي اطلكها بعد دكتج هاي ابداا واخليج خدامه الها __ شنوووو تخسه وتعدم انت وياها خدم الي __ تماااام ينجمه الاااا اربيج علي خيانتج ولسانج الزفر __ باوع راح اكولك كلمه ومراح اعيدها لان الواثق من نفسه ميظل يعيد ويصقل بالكلام فاسمعني للمره الاخيره __ وداعت جهالي وداعت ابويه وبيبي الي ما عندي اعز منهم واحلف بكتاب الله عليه وع راس جهالي اذا خنتك ولو بنضره والي شفت صوري وياه هذا دكتور لا اكثر ولا اقل ساعدني هوايه و وكف ويايه باكثر من مره وتجمعني بيه صداقه فقط اما الي كانت نضرته الي وسخه وحقيره وممصدك انو احنه انفصلنه ويحجي عليك بالرايحه والجايه فهو رعد ولان منطيته مجال ورفضته وطردته اتصل عليك وبعثلك الصور تدري شوكت اخذ هالصور اخذهم من طردته من بيتي ومن شاف الدكتور صرخ عليه رحت اعتذر منه صورنه وهالكلام الله يشهد عليه لا زياده بيه ولا نقصان __ ااااااش خره عليج كاااافي كاااافي فد قندره انتي ورعد راكض وراج __احترم نفسك وسديته شكد ضايج من موضوع الصور وهي الله يشهد كلها صور كانت نيتنه صافيه لا صور حب وغرام ولا صور فاضحه و مصدكتني وانت صورك اغلبها ربي كما خلقتني وخياناتك وبوقتها اتكولي لتفهمين الموضوع غلط وكان لازم اصدكك شكد حقير لعد شلون يربي شسوي هسه شلوون لاا عيني لاااا مستحيل انطي جهالي مجرد تفكيري بهالموضوع يشل حالي لااا والنوبه يريد اعيش ويه الساقطه مالته واخلي جهالي يمها اي حتى تفسدهن مثلها يررررربي شلوون والله بعد ما اتحمل شلون اذا اعمامي شافو الصور منو يصدك ضحكتي وياه و وكفتي بريئه اكيد حيصدكون كلامه ويكولون هذا حبيبها وخانت زوجها وياه __ شبيييج تحجين ويه روحج ولج ليش تبجين شكووو شصاير فهميني بشري شصار ويه حسين __بيبي شبشر فدوه لحكيني هذا يكولي لو اخذ الجهال واطلكج واذا فتحت حلكي يشوف لعشيرتي الصور لو اعيش وياه وخدامه لجهالي و ويانه الست صفاء تعيش ويانه وانجب اني واسكت __ ولج متشوفيني هالصور الي ثابرنه بيها __ هااااج شووفي __ صخاااام ينجمه ولج واكفه يمه وتضحكين وهالصوره لازمته من كتفه __ بيبي والله وكفات بريئه هذه من دنضحك هو بيومها اخذ رامي وضحكت وياه لان كال رامي يكول خاله حبابه يصير اصيحلها ماما بوقتها ضحكت وهالناقص ماخذلنه صوره وهذه تذكريها من رعد طرد مصطفى وطلعت وراه وقتها مندار عليه مسكته من كتفه __ولج ينجمه بس اعمامج تعرفيهم اذا شافو هالصور وين تمشي عدهم صداقه ورامي ورعد وصخام ولج هذوله يصدكون الصور الكدامهم واذا كعد حسين كدامهم هلاااا هلاااا ابد ميقصر راح يسويكم عشااق هالكلب الناقص __ يمه لتخوفيني لعد شسوي __ انطي مكاميعه وطبه مرض __ ماكدر يمه شلون انطيه جهالي شسوي بلياهم والله ما اكدر وبعدين اهل حسين ميلفوه وماطول ميحبوني فمراح يحبوهم ولا يقبلون يخلون جهالي يمهم واذا حطهم يم صفاء يعني اغسل ايدي من جهالي اربعتهم __ والحل شنووو __ ماعرف دخت اني محطوطه بين اصعب خيارين بحياتي صفنتلها شوي وبيبي كاعده وتدعي عليه وع صفاء وادردم __عرفت شحختار __ شنووو ولج لتروحين تقتليه __ اااخ يمه ليش لو عندي جرئه كان قتلت صفاء مو هو بس راح اختار الخيار الثاني واروح وياه و ويه جهالي واصير الهم خدامه لجهالي مثل ميكول بس اعرف شلون العب لعب بحسين هو والكلبه مالته __ ماخليج والله تروحين يمهم هذوله العار __ يمه تدرين بي حقير ويريد ينتقم وراح يجرب كل الطرق حتى يخليني اروح وياه __نجمه ما اطمن عليج وانتي يم هاي لبربوك __ يمه لعد كل هذا لسويناه مو من وراها اتهجولنه واتبهذلت وطاح حضي كله من وره صفاء حسبنا الله ونعم الوكيل عليها يمه اني لازم اروح لان اذا حسين دك الناقصه وشوف الصور لاعمامي وربي محد حيصدكني وكلها اتصدكه __ طبهم مرض ماطولج خام ابيض ومسويتي شي انعل ابوهم لابو اني وياج واشهد ع كلشي صار هناك وشلون علاقتج كانت ويه مصطفى وشلون الكلب رعد هو الي كان طمعان بيج __بيبي جهالي ما استغنى عنهم هذوله قطعه مني ومثل ما انتي تخافين عليه ومتفرطين بيه اني هم اخاف عليهم وما افرط بيهم فليش اخليه ياخذهم ويبعدون عني وتعرفين الصغار بعدهم محتاجيني خصوصا حمودي وعلاوي فعلى الاقل اروح وياه ويكونون كدام عيوني و ويايه واني اشتغلهم صح لحسين وصفاء والا ادمر عيشتهم بس خلي يصبرولي __ لعد اذا مصره تروحين فخلينه نشرط عليه متعيش ذيج وياج __ لااااااا هو شرط من شروطه صفاء تكون موجوده واعيش وياها يمه شسوي لعد حاجتي يمه وكلشي ولا جهالي وكعدت ابجي __ لتبجين حبيبتي ربج موجود ويحلها خليه اليوم يجي وهم نسمع رأي اعمامج والله كريم صار العصر وكاعده انتضره ع نار سمعت صوت جرس البيت احس صارت صدك وحروح خلص بعد انتهى فتره حريتج ينجمه وهسه لازم ارجع لسجن جديد ونفس السجان سمعت اصواتهم يسلمون وبدا بابا يسال _ اسمع حسين نتيجه خيانتك لبنتي وزواجك عليها هذه نتيجتها كل الي صار بينه من ايدك كومه دافعنه عنك كدامها كوومه سمعنه بخيانتك وسكتنه امنتك بنتي وابسط شرط طلبته منك منفذته ومكملت دراستها دمرتها اذيتها ذليتها الك و لبنت خالك اني ساكت ومتحمل ما انكر طاوعتها بسالفه مكالت ع حملها لان كلت كاافي اجبرها عاشت وياك ع امور اني ابوها مجبرتها عليها خليتنه نرجع مثل الحمير نركض ركض مو خوفااا منك ابداااا بس خفت ع بنتي كل همهااطفالها وانت هسه صرت حنين وتفكر بيهم من خنت وتزوجت عليها مكلت جهالي من ادور ونستك متكول جهالي __كل كلامك الكلته صح واعترف بيه بس بنتك منطتني فرصه ادافع عن نفسي اني صفاء صح ازوجتها بس مجبور ومااحبها وكل الي يربطني بيها ورقه __ ورقه مووووو ولك انت عليمن دتكذب والصور الي دزتها مرتك لنجمه وانت ربي كما خلقتني شنو كنت تسوي تلعب وياها ختيلان لتخليني احجي عيييب حتى ع شيباتي احجي وياك هالكلام لتكول يربطني بيها ورق واني اعرف كلش زين بنفسك الدنيئه اااااخ لو يرجع بيه الزمن اني الي اشهر بنتي واكول خطفها حسين وخلي تشوه سمعتها وشتكول العالم ع نجمه خلي تكول ولا منطيها الك ياعار يله فضنه واحجي شنو الي تريده لان مطايق اباوع ع خلقتك __ ممنون منك عمي وانت تمون وشتكول عليه قابل لان انت حسبه ابويه بس بنتك ما اسامحها ع السوته بيه باعت البيت وحرمتني من جهالي وطلعت حامل وما ادري وطلعت ممطلكها واواسي روحي وطلعت بعدها ع ذمتي فلتتوقعون بعد كل هذا اسكت فكدام نجمه اختيارين الاول اخذ جهالي واطلكها واخليها تشوفهم بالاسبوع مره وهااا تتنازل عن الحضانه واذا مقبلت اشتكي عليها اما الخيار الثاني فترجع ويايه للبيت وتحط عينها ع جهالها وبسسس وهذا كل العندي ابو هيثم//زين شلون تطلب تتنازل عن جهالها بأي حق هي مسوت شي حتى تطلب التنازل الاطفال من حقها وشرطك الثاني بله بيا بيت تكعدها ومرت الثانيه شلون __ لعد من سافرت ومكالت اني حامل عبالك القانون ميحاسبها وبالنسبه للبيت اشتريت واحد واخذت قرض من الدوله وكل شهر ادفع وبالنسبه لمرتي هم حتعيش ويانه ما اكدر ادفع للشقه 500 كل راس شهر ومنا عندي تسديد قرض البيت __يعني قصدك مرتك الي بس ع الورق حتبقى ع ذمتك __ اييي تبقى وهذا عقاب نجمه لان اذا اختارت الاول اعاقبها بجهالها واذا اختارت الثاني اعاقبها بصفاء __ متكدر تاخذ الجهال مو من حقك وبعدين شنو هو لعب جهال شنو اعاقب شهالخرريط __ شتعتبروه اعتبروه وبالنسبه لاجهال من حقي اخذهم واكدر بس اشو.... اهنا اني لازم ادخل لان اعرف حيحجي ع الصور دخلت للصاله وشفته واكف وهو بدلته العسكريه وبكامل اناقته وحاط المسدس بصفحته ومتخصر باوعت عليه بلحظه اذكرت ايامنه سوه شافني واكفه وعيوني عليه درت وجهي عنه وجوهت كلامي لبابا وعمي __ عموو بابا اني موافقه ع الاختيار الثاني اروح وياه واحط راسي ع راس جهالي واعيش __ بنتي شتحجين الاطفال من حقج بعدهم قصر بابا/شوف حسين اني حنطيك خيارين يا اما اطلك نجمه والجهال يبقون يمها وانت الي تجي وتشوفهم شوكت ميعجبك او اطلك صفاء ونجمه والجهال يرجعولك __ والله يا عمي ممجبور اوافق ع طلباتكم وانتو بنتكم الغلط ويايه هي الي كدامها اختيارين وتدري كلششششش زين شنو اكدر اسوي مو صح نجمه يا كلب يا عار شلون يهدد ويعيرني كدام اهلي ويريد يذلنه بس اني الك يحسين اذا مندمتك رحت يم رجلين بابا كعدت واباوع عليه واحجي __بابا حبيبي خليني اروح مو لخاطري لخاطر اطفالي انت شفت البنات شلون متعلقات بيه وخصوصا من شافوه هناك تعلمن ع الكامرا ورغم كلشي كانن نحسات عليه تريد اهنا عكب مشافوه ميتنحسون __ ميخالف بنيتي هو شوكت ميحب يجي ويشوفهن تعبنه وتبهذلنه من وراه وتالي ترجعيله ابداااما ارضى __ بابا اني جربت من بعدت انت عني وشلون ابجي وراك واريدك قبل كنت اكول البنات بعدهن صغار وممتعودات عليه بس هسه كبرت ومااريد يعيشون الي اني عشته __ بس بنتي ممجبوره تعيشين ويه وحده مثل صفاء خلي يطلك ذاك الوكت روحي __ لا بابا خليها ولتخاف ع بنتك حتونس عليهم وصدكني راح اندمهن اثنينهم قبل انهزمت من المواجهه بس هسه خليني اواجهه مصيري وياهم باوع عليه بابا...يعني متاكده من قرارج نجمه بست ايده ..اي متاكده بس انت ظل ادعيلي باسني من راسي..الله يرضى عليج حظل ادعيلج كمت انداريت ع حسين نضرتي كانت كلها تحدي باوعت ع عمي وبابا وبيبي ومرت عمي كلهم كاعدين اعرف انتو كلكم تحبوني وتخافون عليه بس اني لازم ارجع لخاطر اطفالي بلشوو يصيحون ميريدوني ارجع واباوع حسين بوجهه ابتسامه استهزاء الي مهتميت صرخ بابا __خلوها تروح اني موافق ع روحتها بس باوع عليه حسين والخلقك اذا مسيت شعره من بنتي انت لو مرتك وربي هالمره لو اعرف ادخل بيك سجن هم ما اهتم فهمت لو لا ... حسين ساكت اعرف بيه كلامهم ميصرفله واذكرت من كذب كدامهم وسوه روحه خايف عليه وبوسني وصالحني وكت ما كشفته ويه المدرسه وبس دخلنه للبيت عرف شلون يطيح حضي فكلامهم كان عالفاضي سلم ع اهلي وطلع كعد بالسياره سلمت ع الكل و ودعتهم وعين تضحك وعين تبجي طلعت اني ويه البنات وشايله علاوي وبابا شال حمودي مرت عمي وبيبي سحبو الجنط ورايه وطلعنه بوست بابا وهو يبجي متحمل ودخل جوه باوعت عليه صارت عيني بعينه مسحت دموعي وصعدت كعدت وره كعدو البنات وكعدت يمهم والولد بحضني اثنيننهم نداريت اباوع على بيبيتي هي تبجي واني ابجي حرجع افاركها بعد ما رجعت بحضنها منو حيهتم بيها هي وبابا ااوف يمه لا بيه ادعي عليج ولا بيه ادعيلج حطمتينه اندار عليه حسين:-صعدتي سلاباتكم عفت الجنط بره ومصعدتهم ولا خليت بيبي ومرت عمي يصعدوهن __ غصبنا ما عليك انت تصعدهم هز راسه وباوع عليه __ لج شكد صلفه بس دواج عندي خشمج هذا الا ادوسه برجلي ضحكت بستهزاء وهو نزل صعد الجنط باوعت ع بيبي غمزتلها وضحكت مدت راسها من الجامه وشاورتني __ تدرين كنت خايفه عليج بس هسه لا والله اطمنت طلعتي ذيبه ضلي قويه ___لتخافين عليه ترباه ايدج يله فوتي جوه وامانه خلي بالج ع بابا كلشي ولا هو يضوج __ لتفكرين بينه فكري بروحج صعد حسين اندار علينه __يله بيبي مع السلامه دخلت جوه وهو بقى يباوع عليه __ خيرر ناسي شي يله اتوكل __ لازم اني الشوڤير مال خلفوج تعاي كعدي ليكدام باوعت عليه وجاوبته بكل بروود...ميشرفني اكعد يمك صرررخ عليه جفلو الجهال __ لج تعاااااي كعدي ليكداااام __ شوف والله لوما بعدني باب بيت عمي والا ورب العباد ما اكعد يمك وهذوله جفلو الجهال والا تحلم اكعد يمك نزلت والجهال كل واحد بايد شايلتهم مكدرت اكعد وهمه بايدي رجعت علاوي يم نور وكعدت وحمودي بحضني انداريت ع نور واخذته منه ورجعته بحضني درت وجهي ع الشارع وروحي تريد تطلع سمعت علاوي يناغي وهذا ممحرك السياره بعده انداريت لكيته يباوع ع ابوه ويناغي وحسين لازمه من خدوه ويضحك وياه شافني اباوع عليه تركه درت وجهي عنه وحرك السياره البنات فرحانات ويضحكن وهو كل شوي ويصيح باباتي مشتاقلكم واني اذكرت شغله اساله عليها __اكولك انت صدك حتحطني ويه السافله مالتك بنفس البيت باوعلي صفح ورجع يسوق..اااي انتي بغرفه وهي بغرفه __ والله وساويتنه يحسين اني وياها __ شكلتي __مكلت شي سلامتك انعصر قلبي صدك يعني حعيش وياها بيت واحد يعني حصير هسه اني الضيفه عدها هي هايه تاليتي شصار بيه اووف يحسين شسويت بيه وصلنه يله نزلو وكف كدام بيت حلوو وكبير بس مو بكد بيتنه القديم ولا نفس المنطقه بقيت صافنه واباوع ع الباب ضليت صافنه استصعبتها ع نفسي بس دموعي تنزل واباوع يله نزلي شمنتضره __ مباوعت عليه نزلت راسي... مانزل __ نزلي هي مو اهنا عد اهلها نزلي __ مااااا اريد عفيه حسين فدوه ابويه عنده بيت خلي اكعد بي __ داكولج نزلي لتخليني اسبه لبوج __ شكد همجي ولا تحترم __ حقج مو دكتور اني واتفيك فصرت همجي مو...؟ والله لربيج من جده وجديد بس صبريلي __ قصدك معدنك الحقيقي الي انكشف وبعد ميفيدك التمثيل __ نجمه نزلي لا بالعضيم اسحلج __اي هذا هو بس سحل وسب نزلت واباوعله صفح __ لج باوعي عدل لا افكس عيونج مشيت كدامه ادري عصبته بس بعد وبعد والله لو اعرف تموتني الا ادمركم هسه نزلنه و وكفتنه يم الباب اي غير تفتحها __لحظه انزل الجنط مالتكم لو متريدين سلاباتج __اي صح نزلهم ليروح يصير بيهم ريحه بانزين مال السياره تدري ملابسي ماركات كلها ومن تركيا __ اي ليش لا ماركات موو اشوف شلون حتلبسيهن والمن يله فوتووو فتح باب البيت بدايته طرمه ع كد السياره دخلنه جوه اكو باب حديد ونصها جام هذه مال المطبخ وباب ثانيه خشب لصاله الاستقبال دخلنه من الاستقبال يمه كان هول ويطلع منه درج والغرف فوك تقريبا جديد بس اصغر من البعته حتى من جوه مأثث البيت باثاث كله حديث وجديد والله زين مرقيها لبنت صبيحه من لهوش للماكنتوش حجيتها بصوت عالي سمعني ومرد ولا علق ع كلامي ضجت كلش يعني هالبيت الي ماخذه هي كاعده بيه ومساويها ويايه قبل من كان فاتحلي بيت ويجوز هي الي مأثثته ضجت حييل __ وين حنطمر اني وجهالي جاوبني تررره تعبت من شيل الجهال __ جيبي واحد منهم وصعدي ورايه صعدت درج 3غرف كبالي كانت غرفه بالوجه و وحده وعاليمين وعاليسار اخذني ع الغرفه عاليمين فتح الباب ودخل اني اجت عيني عالغرفه الي بالوسط حسيت احساس اشبه بالموت بالنار التسعر وتجوي بيه من جوه بس كان لازم ما ابينله لازم ماابجي ولا ادمع اخذتني رجلي للغرفه باوعت غرفه نوم كمت اصك سنوني واسحب نفس حتى ما ابجي واكول يعني هنا ينام وياها هنا مملكتهم زين اني واني واني ليش هيج فزيت ع صوته وهو ورايه __ اي هنا غرفتنه اهنا احضنها وانام ويه حبيبتي الام بيتي غمضت عيني واحسها تحركني واكفه لدمعه بيها بس ما اريدها تنزل نداريت عليه اباوعله ليفوك لان طويل اطول مني __من يطبك مرض انت وياها صدكني انت متهمني ولا تعنيلي بعد شي تعرف من شوكت من عرفت بيك خنتني وتزوجتها __ اي كلش واضح اني لا اعنيلج ولا اهمج من عيونج الي حينفجرن صايرات دم ضحكت ومن كل قلبي .......انت مريض وربي عفته ودخلت للغرفه واجه هو ورايه كان بيها اسره 2صغار وسرير واحد طابقين للبنات ومفروشه الغرفه وبردات وكنتور 4 ابواب __الاثاث جديد __ اي لبارحه جبته __ بس ما اريده كل الي ابالي انو هي على ذوقها ماخذته صاير حرب وصراع نفسي بيه وبداخلي كلشي بالبيت احسه هي مشتريته ومنسقته احس كلشي بهالبيت الها بيه بصمه لذلك مكنت متقبله اي شي لجهالي منها __ شنوووو شنو متريديه __كتلك مااا اريده اليوم اروح اجيب غيرهم باوع عليه وكف صفح وحط ايده ع الباب ورجليه حطها وحده فوك الثانيه اني درت وجهي عنه وانطيته ضهري اعرف هالحركه اتضوجه من يحجي واني اندار بس عمدا سويتها حتى احرك اعصابه سمعته يستغفر بصوت ناصي __باوعي باباتي انتي هنا مجرد مربيه لجهالج فقط سابقا كنتي سيده هذا لبيت من كنتي ملاكي لطاهره. هسه لو يصبوج ذهب نفسي متتقبلج اكدر هسه طلقه براسج واخلص منج لان انتي وحده خااااينه بس ما اريد جهالي اتصير عليهم بصمه بسبب وحده قذره مثلج بس خلي الجهال يكبرون وذاك الوكت اسرحج واخلص منج طبعا هو يحجي واني مغمضه عيني و كل كلمه منه تذبحني ادمرني تقتلني من جوه لان مغلطت اني متحملت اسكت ولا اتحملت يتهمني هالاتهام الباطل هو الي مفروض اكوله انت خاين وكذاب مو هو الي يكول عليه انداريت عليه ومشيت لحد يمه خطوتين ومديت ايدي ومسكته من ياخته نزل راسه عليه واني رفعت راسي لان هو اطول مني وبكل حده وعصبيه جاوبته لك كافي كاااااااافي حجيتلج وبررت الك كل الي صار وكتلك وحرجع اكول اني انضف منك انت الوسخ وكلمن يشوف الناس بعين طبعه اني انضف من عشيرتك يااا حقير مو اني الي اخووون الخيانه بدمك انت اني تربيت اصون وما اغدر من اخذتني لليوم ربي يشهد عليه مخنتك لا بكلمه ولا بلمسه ولا بنضره والي عبالك عندي شي وياه هذا المفروض تشكره لان وكف ويايه وساعدني بلحظه ردت اخلص من الحمل وهو الي نصحني ابقيهم هو الي اكثر من مره كال انطي فرصه الك واني الي قافله عليك حتكول مو من حقه حكولك اي صح بمجتمعنه حتكول ماكو صداقه وهذه كوا.. حكولك اي صح بس اني كنت محتاجه لشخص اشكيله همي من ابجي ومن اذكرك ومن اشوف صورك انت والمحروسه مالتك كنت اختنك واتعب وهو كان يسمعني كنت اكره حالي تدري ليش لان رغم كل الي سويته بيه اكول اكرهك بس مكرهتك اكول ما احبه بس حبيتك اكول ممحتاجته بس متعوده عليك بس هسه اني اكولك اي اكرهك وما اطيقك وعمري كله بعد ما احتاجك اتمنى تطلع من حياتي انت وياها احجي واصرخ واضرب ع صدره وهو مثل الصنم كدامي وبعيونه الف سؤال مسكني من ايدي وطلعني بره الغرفه وسد الباب والجهال جوه __ ليييش طلعتني خليهم بناتك يسمعون لو متريد تشوه صورتك كدامهم خليهن يعرفن دموعي وقهري منك لك انت موتتني دفنتي واني عايشه انت مو تهدد وتكول طلقه براسج يا خاينه مديت ايدي وره ضهره لابس جراب سحبت المسدس منه هاااااك اضربني هااااك اطلقها للطلقه وخلصني من هالعيشه الي حعيشها وياك و ويه مرتك هاااااك الله ياخذك هاااااك اتهسترت واني ابجي واصرخ بجنون سحبني لحضنه ويعصر بيه وبكل قوته لاهي حضنه ولاهي عقاب مسكني من كتفي بكل قوته. __ليش تريدين تخلصين من حياااتج لازم متكدرين تعيشين بليااه حبيتي احجي عجبج ومتكدرين بعد ع فراكهه لزم وجهي يعصر بي .... احجي لج احسن مني هو موو احجي دفعته بكل قوتي... وخر من جهرتي وخر مو كتلك كلمن يشوف الناس بعين طبعه وخر عني ياااا متخلف __ متخلف موووووو اراويج المتخلف شنو حيسوي بيج. جرني من ايدي بكل قوته ودفعني ودخلني بغرفه صفاء شمرني ع السرير ونزع سترته ويفتح بازار القميص وعيونه عليه كلها غضب __ همجي اني مو بس ذاك مثقف واحسن مني احجي شنو الي نطاج اياه وصرت اني مو بعينج اباوع عليه واني حيلي احسه انهد من الخوف منه لان اعرفه من يفقد يسوي شغلات مو بوعيه نزع قميصه بده يقترب مني __شتريد اتسوي حسييييين دير بالك __ لييش لازم صرت ماعجبح. يحجي بهدوء بس العصبيه والشر مبينه بعيونه بياض عينه صار احمر __ حسسسين محد عاجبني وشرحتلك علاقتي وياه بس صداقه والله ليش مصدكنيييي دفعته وبعدت عنه ردت اوصل يم الباب سحبني من وره من شعري ورجعني ع السرير ورجع يصرخ عليه وهو ماسك ايدي فوك واني مثل السعفه جواه ارجف ومغمضه __ والله وكت الي خلاج طفرين مني اخره بي فتحي عيونج وباووووووعي بعيني لج باوووعي بعيني فتحت عيني واني خايفه منه شتحسين من تباوعين عليه جاوووبي شتذكرين شتريد اجاوبك وانت منومني على فراش هاي لقذره صح الي كاعده امر بيه مو هين بس كله هذا بصفحه ومن اني نايمه ع فراش صفاء بصفحه احس روحي واكعه بخيسه ومتنكسه متحملت ابقى ابجي واصرخ عليه واشهك __ وخرني فدوه من فراشها وخرني بس وخرني __ لااااااااا خليني اتونس بيج على فراشها هو هذا الي تستحقيه لان هالفراش صاحبته انظف منج بدا يتقربلي صكيت اسناني واعصر بروحي ومغمضه محسيت الا وراشدي ع خدي بكل قوته احس اذني اتصفر وخدي خدر فتحت عيوني يمسكني من كتفي ويخضني حيل ويرجع يضرب راشديات ويصرخ.....ولج روحج كامت متريدني احس راسي حينفجر وجسمي ينخض و خشمي احس ينزل منه مي بارد وع حلكي ينزل دخل المي جوه بلساني طلع طعم دم كمت اتفله اختنكت دفعته حييل وهو بعد عني بسرعه _ نجمه شششبيج شبيج شنو هالدم رفع راسي وسحب كلينكس ويصرخ لج ليش هالدم كووومي اوديج للمشفى كووومي بعدت ايده عني وكمت وهو ورايه ما اكدر احجي الدم مستمر ينزل من خشمي خفت ادخل للغرفه الجهال اصلا كانو يصرخون ونور سكتتهم __ حسين جيب جنطتي من الغرفه __شسوين بيها __ ما اكدر احجي وما اريد الجهال يشوفوني ويخترعون رووووح جيبلي الجنطه دخل جوه والجهال من شافون رجعو يصرخون خايفين اني ماكو يمهم والمكان جديد عليه صحت عليه...يله الجنطه وينها عرفت اني ضغطي ارتفع هالحاله صارت بيه مرتين بتركيا و وقتها انطوني علاج تينورمين اخذ منه من يرتفع ضغطي جاب الجنطه سحبتها منه وطلعت الحبوب واخذت وحده ركض هو جابلي بطل مي وشربته شبيج وشنو هالحبايه الي اخذتيها __ حبايه الضغط ارتفع ضغطي من وراك تريد انجلط وترتاح من وره سوالفك السخيفه رجاءاااا حسين اتركني بحالي __ يله ولي نازل جوه اني نزل واني غسلت ودخلت يم الجهال كعدت ع الارض وركضو يمي ونامو ع رجليه يبجون كانو خايفين حضنتهم وحاولت ما ابين الهم خوفي انطيت للولد كلمن الممه مالته و ناموو وسمعت الباب تندك لان اني قفلتها __ شتريد __ليش قافله الباب تعالو نزلو اتعشو كمت فتحت الباب ع النص طلعت البنات وسديتها حيلل __ وانتي شنو متاكلين __ لاا راسي يوجعني شبعانه ضيم __نجمه لطلعين خبالي عليج بهالليل نزلي تعشي __ واني كتلك مااا اريد البنات يمك اخذهن وكلهن جوعانات سمعتهم نزلو جوه كعدت ع الارض ابجي اباوع حتى فراش ما عندي وحتى فراش مكلف نفسه يحطلي وانام بيه نهضمت حيل هذا تالي العز الي اني بي بقيت متمدده ع الارض منتضره البنات يصعدن سمعت صوت عرفت كملو اكل وصعدو كمت بسرعه وكفت وره الباب وفتحتها شويه دخلن وسديت الباب بس مقفلتها هالمره لان نور تكعد تروح الحمام بالليل باوعت عليهم بدون ملابس __ولجن ليش هيجي نازعات وين ملابسكم __ مو بابا غسل النه وتبللت ملابسنه __ تعالن لتروحن تستبردن خلي ابدللكم بدلتلهن وكل وحده نامت بفراشها حطيت نور فوك ونرجس جوه لان نرجس تتحرك بنومها واخاف لتوكع تمددت اني يم الصغار وسحبت لحاف من علاوي وغطيته ويه حمودي وحطيت ايدي جوه راسي حتى مخده ماكو عفيه بنيه شكد بعد تتحملين شكد بعد تاكلين كفخات من هالدنيا العوجه ويايه نمت ومحسيت الا وع صوت الباب وهي تنفتح سويت روحي محسيت لمحت حسين دخل بس ما اعرف شيسوي وشنو شايل بيده يمكن بواري يحاول ميطلع صوت حتى الجهال ميكعدون سمعت صوت كانو كيس نايلون او كيس ما اعرف شديسوي وصوت غريب شي يوكع منه وهو يدردم ظل تقريبا نص ساعه يطكطك شنو السالفه ناوي يذبحني ويحطني بالكيس رجع يدردم وصوته قرب يمي غمضت عيوني شو هذا حط ايده جوه راسي والثاني جوه رجليه وشالني صارت ريحته بخشمي ياااااا هالريحه صار شكد مشامتها ردت ابقى اشم بس ما اريده يحس بيه كاعده حطني ع مكان كان بارد عرفتها هذه جربايه وسمعت صوت سحاب فتحه عرفت هذا غطه بقيت اسمع اصوات واحلل بكيفي حط عليه غطه وايده اجتي ع شعري يتلمس بيه و يتنهد بقى دقايق وطلع فتحت عيني وره طلعته باوعت جربايه خشب ومبين كله جديد عرفت هالاصوات كلها من وره الجربايه يمكن يحط خشبه ويركبها وتوكع الثاني ويدردم انتجيت عالحايط وافكر بيه عاط علاوي يمكن جوعان كمت سويت ممه اله وكلت احضر لحمودي هم لان هم حيكعد وراه لان هذوله توقيتهم سوه بس المي مال الترمز قليل ميكفي لازم انزل وافور الهم مي قبل ميكعد حمودي نزلت ادور على شي احمي بيه المي مااكو حتى القوري ما اندله ياربي ممرتاحه لامكاني لاغراضي كلشي ما اندل __ شبيج ادردمين شتريدين __ ميخصك باوع عليه ومرد رجعت ذكرت البراد بيه مي حار وبارد فتحت الحار و جبت كلاص واترس المي من لبراد افرغه بالترمز كل هذا وهو واكف و يراقب تحركاتي واني ولا معبرته عفته وصعدت سمعت حمودي يبجي ركضت بسرعه وسويتله ممه وانطيته اضايقت من ملابسي ما اعرف اذا ما انام بدشداشه قصيره اخذ راحتي بيها فتحت الجنطه وطلعت الدشداشه وبدلت ونمت والنومه نومه محسيت غير بس ع صوت عياط حسين ويغلط ويفشر... يتبع... رايكم بحسين وبنجمه ولحد الان مو بيهم تصرفاته كانت غلط ولتنسون صوت البارت #زينب_عبد_المطلب يتبع... |
صوت قبل القراءه لطفاا منكم ملحكت اصحح من كثر المسجات والاشعارات علمود القصه يعني بشرفكم اذا انتي كاعده وتكملين كتابه بارت ويجي زوجج ويكول كومي نطلع نغير جو شكوله مثله ...؟ انتضر اكمل البارت لااا طبعا بدلت وتمكيجت وطلعت بس الطريق كله افكر بالبارت واجيت كملته بدون تصحيح اتمنى من تقروه اذا لكيتو خطا علقو بمكان الي بيه خطا املائي حتى اصححه وشكراااا لتفهمكم واكو بعد ملاحظه حتقروها بنهايه البارت 😌 متابعه شيقه 🎀 #العروس_والسحر__ البارت الرابع والعشرين #زينب_عبد_المطلب🦋 حسين من رجعت نجمه من شفتها مكنت مصدك هي كدامي فرحت من رجعت لان برجعتها كسرت خشمها برجعتها حرجع اربيها من جديد شفتها وبعدها تكابر بقوتها وعنادها ويايه تمنيت من شفتها بالمطار اخذها من ابوها وبيبيتها واسحلهاا ومتبرد النار الي بداخلي صعب الرجال من مرته تعانده وتعرف. عدها علاقه ويه واحد غريب بمسمى الصداقه احنه مجتمع شرقي منتقبل هيجي شي واحنه الرجال اذا نريد وحده وتصعب علينه ندخل الها من درب هي تريده اتكول اريده صديقك اصير صديق وشويه شويه اوصل للي اريده هذا كان شعوري من شفت الصور وتحي ست نجمه تتصل وتكول اصدقاء واحتاجيته يعني اني اعرف الحاله واعرف هالدروب وهيتحلف اعرف هي نيتها شنو واثق بيها بس الي سوته اكبر غلطوالا اندمها عليه نجمه خلتني انهان وادمر ولازم ادفعها الثمن وكان ماكو كدامي غير بس اهددها بالجهال لان اعرف نقطه ضعفها الجهال وحتى تجي يمي للبيت استخدمتهم كوسيله وجبتها بس مو نجمه الي اعرفها قويانه اكثر وصلفه اكثر وتعاند اكثر اتهسترت بلحظه كان غلطت بسبب رفضها الي كان سويت شي اعرف نفسي حظل عمري كله تندم وتخبلت من شفت دم بوجها هذه بنتي شلون اذيها بيدي متحملت بعد اخليها تبجي وتتاذى تركتها ونزلت واذكرت مماكلين وهم عاندت ومأجتي اذكرت غرفتها مناصبها صعدت ومنضرها فعلا يقهر نايمه ع الارض ومتغطايه بغطه الجهال حاولت اركبها بسرعه بدون الجهال ميحسون عطرها كان تارس الغرفه سطرني اريد اركز كا اكدر كل شوي وموكع شي كملت وردت اكعدها بس حمدت ربي مكعدت حتى اشيلها واشمها ااااخ يهالريحه شكد مشتاق الها شميتها واني اتمنى ابقيها بحضني تمنيت الساعه توكف وهي بحضني حطيتها ومسكت شعرها ااااخ ينجمه شحرمتيني وشحرمت روحي منه متحملت ابقى طلعت من الغرفه ونزلت جوه كاعد بالصاله ادخن واني ممصدك نجمه وجهالي فوك نايمين فتحت التلفزيون اتفرج حسيت اكو احد بالمطبخ شفتها هي واكفه وادردم __شبيج ادردمين __ميخصك اخخخ منه للسانج شطوله حبيت اباوع عليها مشتاق لوكفتها كدامي بس متاخرت اخذت المي وصعدت رجعت ع القنفه اتفرج تلفزيون وتمددت ونمت محسيت الا واحد ينفخ بوجهي فتحت عيوني لك هذه صفاء __ولج منووو كلج تجين مو كتلج اجازه مفتوحه ولتجين الا لما اتصل عليج شجابج ليييش اجيتي امشي اتصلي ع امج خلي ادز احد يجي ياخذج ومااااا اوصيج خليها تتصل ع امي حتى ارجعج نجمه فزيت ع صوت صياح وفشار من حسين يافتاح ياعليم لازم اكعد مخروعه يعني هناك امي واهنا حسين طلعت روب من جنطتي لفيته على نفسي و نزلت جوه وشلون شفت شووفه يا يمه شوفه مشايفتها عرس حمايه من كانت هي كاعده وعيرتني بالبنات لان خلفتي بنات واليوم شفتها كدامي واكفه وتلطم وتملخ بروحها وتصررخ __اااي من وراها من وراها متريدني واكول ليش وديتني هناك عبالك ما اعرف لو ميوصلني الخبرر بس عرفت نجمه رجعت عرفت انت الي مرجعها وبعدين وين اكو هيجي كلاوات طلاك باطل ومدري شنووو وهي شلووون تضم عليك الجهال __ولج الصمي الله ياااخذج اش ماسمع حسج انكتمي وانتي معليج ومن احجي كلمه تتنفذ كتلج متجين يعني متجين نجمه//الله واكفه وهي تترزل وحضرتها تشحنه عليه باوعتلها صفح ولج حيل بيج لعد ماطول اجيتي خلي شويه اخبلج لعد نزعت الروب وبقيت بالدشداشه القصيره الخفيفه وشعري فتحته تقصدت لان اعرف بي نقطه ضعفه شعري وهو ديحجي ويصرخ وياها وهي عيونها عليه واني انزل من الدرج باوعت حسين هم اندار عليه بعز عياطه وياها بدأ يهدأ وعيونه طلعت بره ابتسمت ابتسامه خفيييفه الها صفاء// بعد اشلحي بعد شكو لابسه هدوم حقج تعلمتي ع الصلخ من تركيا هي حجت هيجي واجتها لطمه ع حلكها من حسين وعاطت عفتهم ولا نداريت عليهم ولا عبرتهم طبيت غسلت صح اكو فوك حمام بس لازم اشوفها روحي كملت وصعدت لكيت كاعدين الجهال __حبيبتي نور اخذي اختج ونزلي جوه حتى بابا يسويلكم ريوك __وانتي _ما اريد حبيبتي نزلو انتو واكلو نزلو البنات كمت ارتب فراشهن وهذوله الصغار يلعبون يم رجليه انفتحت الباب انداريت حسين ورايه __شنوو لازم مناويه تزقنبين ليش منزلتي رحت وكفت يمه و جريته من هدومه ورفعت اصبعي واحجي بعصبيه __ دير بالك بحرف تغلط عليه كدام هلكلبه ثق بالله هلمره صدوك اعوف كولشي فهمت كلت الي بينه حاليا الجهال فقط واني مربيه لا اكثر ولا اقل _دنزلي اصبعج مادام لنفس عليج طيبه __لعد وديني لاهلي اني ما ابقى اهنا ويه هالكلبه ماكدر ابقه وهاي موجوده __ تمام لعد اعاملج مثل متريدين لعد تطلعين وحدج ماكو مربيه تاخذ جهالي معرفت شنو اجاوبه __حسين انزل جوه رجاءاا __يعني مناويه تنزلين __كتلك لااااااا __طبج مرض نزل ودفرت الباب وراه كعدت خليت ايدي على وجهي وابجي احس حتى الدموع مضلت عندي بس حرك احترك من جوه وهذوله جاعو خطيه شذنبهم كلمن سويتله ممه وشربها انفتحت الباب بس ماكو احد كمت ع حيلي مديت راسي ماكو احد انتبهت ع الارض صينيه بيها بسكت بالشوكلاه وحليب حار ابتسمت بعده يذكر شنو احب اتريك الصبح اخذت الصينه وكعدت اكل بسكت لان صراحتا مماكله من البارحه الجهال كعدتهم ويايه واموع البسكت وانطيهم سويته مثل السريلاك سوده عليه جوعانين اكثر مني وكلتهن وشربت الحليب وكمت حتى انزل الصينيه وممات الجهال اعقمهن واغسلهن طلعت من غرفتي باب غرفتها مفتوح باوعت عليها واكفه ع المرايا دتعدل بشعرها ومكياجها اوووفر ولابسه دشداشه مال مصريات مشافتني اباوع عليها نزلت ومهتميت بس بداخلي صرااااع و نار تحركني من جوه لان منضرها مغري كلش وهي اطول مني واضخم يعني اني من اوكف يمها اصير فاره بس كان كولشي بيها يدل عله هي بنت شارع نزلت جوه للمطبخ شفت حسين كان كاعد عالميز والبنات يمه و يوكل بيهم ويبوس حطيت الصينيه ع السنك والبنات يصيحن ماما فرحانات شافوني ابتسمت الهن دخلت صفاء تباوع صفح عليه وع بناتي وكفت وره حسين ونزلت راسها يمه وتدلع بصوتها __ابويه شسوي غده اليوم امرني حياتي رفع راسه عليها .... سوي غده لنفسج ياوكت اكول يمج اني طن شلون فشله يمه ردت انفجر من الضحك متحملت درت وجهي ع السنك اغسل الممات بعدها هي واكفه ومتحركت شلون اغثها اذكرت حسين يمي يكون كلش ضعيف ولو هو ضعيف مدام الجنس الاخر بس ويايه تحديدا يضعف اكثر خصوصا هالسنه ونص كلش تغيرت من ملامح وجهي وجسم فتقصدت انزع الروب واحطه ع الكرسي ورجعت اغسل الممات اجتي وكفت ورايه __بلازحمه انتي مو محرمه عليه شو متشلحه خير نداريت عليها وحسين كدامي كان لابس فانيلا سوده وبجامه رصاصي ويباوع عليه فاااصل والجكاره بايده نضراته محاوطتني صح ما اريد هالشي بس كل همي اغيضها __ميخصج انتي لتدخلين بيه وبلبسي حسين//والله وتركيه محليتج يمكموعه باوعتله صفح وهي عيونها عليه تريد تاكله تشيل بروحها وترجعها من الغيره مني رجعت كملت شغلي انداريت وهي ع وكفتها ورايه غمزتلها وابتسمت وكفت يم حسين __حسين اريد لفون __ماكو تلفون اتقربت عليه وصار وجهي بوجهه وعيوني بعيونه وحجيت بكل بهدوء __تره والله محتاجته __و لج انت طيحتي حضي اليوم روحي اخذي فوك الكاونتر. ابتسمتله وسحبت الكرسي وصعدت اخذت المبايل حسيت بالانتصار من مرفضلي هالطلب صدقاا سعاده لا توصف صعدت فوك واخذت البنات ويايه اسمعها هي تغرررد جوه وهو رد ميرد عليها صعدت لغرفتها وركعت الباب وراها واني فرحانه بعدكم مشفتو شي الا اللعب بيكم لعب اتصلت ع بيبي __شلونج حبيبيتي __يا هلا بنجمه شلونج يمه شخبارج من البارحه اتصل ع خطج مغلق وظل بالي __ليظل بالج حبيبتي ماكو شي مهم ومبايلي كان يم حسين بس رجعلياه انتو شلونكم بابا شلونه __والله يا نجمه شكولج ابوج من رحتي ضاج ويكول لو ادري مدازها واعمامج اكلو راسه اخذته ورجعنه للبيت وامج اجتي من الصبح تصرخ وتعيط تكول انطيني مصرف ماعدها __اااي وانطاها مووو __ااي انطاها استحى من الجوارين وامج تعرفين صوتها وصراخها __ولا اجوز من سوالفها خزتنه والله شحجي عليها كل الي هسه اني بيه من وراها __سكتي لوما ابوج اسحلها بس سكتت لان وضعه تعبان ليروح يتخربط __لا تركيها فدوه اهم شي صحه بابا __سولفيلي انني شلونج صفاء اجتي لو لا حسين شلونه وياج __اني الحمد لله زينه والجهال زينين السعلوه اجتي وطلعت عضلاتها بس حسين لصمها وهو مثل ما هو لسانه الزفر والغلط بس لتخافين عليه لحد الان الامور تمام _عفيه عليج بنيتي صيري قووويه ولضعفين الدمعه متخليهم يشوفوها بعينج ولسلمين نفسج بسهوله نجمه ترى الي يحصله بسهوله يرجع يفرط بيه بسهوله انتي انطيتي درس بسفرج كملي الي بديتي بيه وعاقبيه بطريقتج ع زواجه من صفاء تره حسين يحبج وكتلج من قبل تره محد يحوي جهالج ويخاف عليهم مثله __اعرف بيبي كل الي يربطني هسه بيه بس الاطفال ومثل ما هو كال اني مجرد مربيه __اي بنتي ميخالف المهم انتي يمهم لان اعرفج بلياهم تتخبلين واهم شي متخلين هذيجي توصل يمهم __لا شحدها كلشي ضاع مني بس جهالي مستحيل اخليها توصل الهم _صدك اذكرت بيتج البارحه رحت عليه وشفته وان شاء الله ترتيبه وتاثيثه عليه ونقفله متعرفين شوكت تحتاجيه __اي فدوه بيبي اني متاكده راح احتاجه لهالبيت __حسين عرفت بالبيت __لا مكتله عليه ولا راح اكول لان ما اعرف لحد الان مصيري وياه شنو __اي انتضري ونشوف شيصير __الله كريم يله هسه اروح الجهال صارو مكافش من الروس _روحي حبيبتي سديته من بيبي نومت الولد والبنات نزلن يلعبن نزلت وره منومتهم وسويت الغده صفاء منزلت ابد وحسين بالصاله ولا صعد يمها كملت الغده وغديت الجهال وكعدت اكل وياهم حسين:/ع الاقل صيحيني اجي اكل وياكم جوعان __اني شغلتي اهتم بالجهال وبس انت جوعان صبلك اكل واكل __لسانج هو الي حيطيحلج حضج حلكج مال افركه حتى تنتبهين من تحجين ويايه ومتلاسنين __شبعت الحمد لله يله كووومو __عوفيهن يمي اخذي ولدج وصعدي باوعت عليه ردت احجي بس ما اريد اعصبه وهذه موجوده ليروح يغلط وهذه تسمع وتشمت اخذت الولد اثنينهم وصعدت فوك بقيت لليل فوك ما انزل ع كد الحاجه مرت الايام واني وحسين وصفاءع نفس المنوال هو كام من يروح خفاره ياخذ صفاء يم اهلها واذا بقت بالبيت ابداا مكانت تحجي ويايه ولا تتحارش بيه يمكن محذرها لان تعرف نفسها تنطرد بس تجاوز عليه وانتبهت خلال هالايام ولا مره صعد ونام وياها بالغرفه هي وحدها تنام مكنت اهتم بس اعرف حالي اذا شفته بيوم صعد يمها يمكن اتخبل واتمنى ما اشوف هالموقف كدامي كانت الحياه جدااا طبيعيه لحد ما يوم كنت بالحمام البنات وصيتهم ع اخوانهم واني دخلت اسبح طلعت من الحمام لمحت صفاء تذب شي يم باب البيت وريحه كانت من المطبخ تطلع ما اعرف شنو شاعله هالريحه دائما اشمها من يكون حسين ماكو بس خفيفه بس هالمره كلش قويه ومقرفه صعدت بسرعه للغرفه شغلت الرقيه ولبست حجاب وقتها ام عباس انطته لبيبي وكالت ابدااا ما انزعه بس بأي مكان نكس ميصير ادخله فكنت بالحمام من ادخل انزعه فمن شفت صفاء هيجي تسوي اذكرت السحر الصار بيه واني شاكه منا فتاكدت هي فلبست الحجاب اخاف لتسوي بيه شي صفاء :/ من عرفت من حنين حسين مرجع نجمه تخبلت واني اكول اخر فتره صاير ناار حتى كام ميتقربلي بالرغم من السحر الي اسويه اله بس مااكو ميفيد لان يشرب وانوبه طلعت حضرتها جايبه ولد اثنين واني ضليت عمري ادعي متشوف الولد مثل ميصيحولي ام البنات اتمنيتها هي متحضى بالولد عمرها كله وراحت هي والعلتين الوياها ورجعتلي ب4 لا و ولد اثنين وهذا من عرف لليوم رجع تغير عليه __حنين فدوه مو كل تعبي حيروح ساعديني مثل متخلصنه منها قبل هسه هم __شوفي صفاء ساعدتج قبل والبنيه وصلت للموت واني حتى الارض الي اخذتها منج وبنيت عليها البيت راحت وكان خسرت بنتي ولحد الان محد عرف تريدين تورطيني مره ثانيه حتى الي معرف بالاول حيعرف بالتالي عذريني صفاء هالمره يذبحوني اذا عرفو اني وياج مشتركه خليني ساتره ع روحي __ااي ضلي جبانه لو اكولج انطيج فلوس تركضين ورايه مثل الطلي __لا عيني لا فلوس ولا كيعان هذه مسلمتنه بيد العباس وحوبتها متتعدانه مشفتي شصار بيه __اووي دروحي مو صوجج صوجي اني الي اتصلت عليج اعرف عليمن اروح ما عندي بس محمود هو الي يساعدني ولو صار هوايه ممتصله عليه وطلباته تضوج بس ميخالف اقبل بس خلي يسوي الي اريده اتصل عليه قبل ميجي حسين __هلوووو ....منو تفضلي لازم نسيت صوتي.....تحجين منو لو اغلق الخط ع كيفك يالحبيب اني صفاء __يا هلاااااا بصفصف وين هالغيبه كلمن تزوج تغير رقمها وتختفي __اي حقك متعرف شصار بيه هذا الي اخذته اتزوج عليه __ياااا نذل شلون يزوج عليج شو جمال ولسان وجسم يسطر __والله محد يقدر غيرك __زين شعجب اذكرتيني لازم عندي مصلحه __لك لتحجي هيجي شنو مصلحه انت الحب الاول مستحيل استغنى عنك __اي مبين من غيرتي الرقم وبعد متصلتي __موو اني وداعتك هو زوجي يغار حتى اهلي بالشهر مره اروح الهم __والله حقه هو انتي منو يكدرلج __صراحتا محد بس مرته كدرتلي واريد اخلص منها __اي كولي هيجي رايده احجي من الاول __انت شبيك محمود حتى لو رايده شي اكدر اروح لغيرك بس صراحتا اذكرتك ونفس الوقت نرجع سوه وتساعدني __اي هذا الكلام المضبوط اذا نرجع ايام قبل فعيوني الج __اريد وحده من طرفك تسويلي عمل اطفر منه هذه الي ازوجها واخلي يرجع ميشوف غيري وتره هاااا اموره تووب يعني الخير الك والي __لك هو هذا الشغل المضبوووط هم فلوس وهم ونسه. تدللين وطلبج عندي اليوم انتضري مني تلفون __فديت اني بس اسمع متتصل الا لما اني ارمشلك ابداااا لتتصل __حااضررررر بس انطينه تصبيره __من تضبط كلشي ذاك الوقت تستلم الي تريده بعد مرور ايام حصلت من رحت لاهلي هناك انطاني السحر الي استخدمه بالبيت وانطيته فلوس وبلشت ارش بالبيت وحسين كان مبتعد عن نجمه وميروح يمها ومن يروح هي ترفضه ومتتقبله وهذا هو المطلوب وجربت اروح يمه من ينام بالغرفه الفوك وحده مره رفضني بس وراها عرفت شلون اخلي يقبل ومخليت نجمه تحس حتى متخرب الشغل لان اذا عرفت وزعلت راح تطلع وهو من يشوفها تطلع حيرفضني فكمت لا اسوي مشاكل وياها ولا اتحارش بيها هالفتره لان مو لصالحي هالشي حاليا الا لما يكره نجمه وهي تكرهه ذاك الوقت اكشف اوراقي نجمه استغربت حال صفاء كانت كلش بعيده عني ومتتحارش تنظف البيت والكراب كله عليه ومتشكي ابدا واني راسي بارد حاطه جهالي بالغرفه وكاعده بيوم كنت سابحه وصعدت ابدل ملابسي دخل حسين بس كان وضعه مو طبيعي __خير شرايد ع الاقل دك الباب قبل متدخل سحب الكرسي وكعد كدامي __تحجي شبيك لو تتفضل بره كام وكف كدامي لزمني من شعري ويشم بيه وخرت ايده عني __رجاءا بلا هالحركات شيل من بالك اصيرلك مره واتمدد بطولك انت بالنسبه الي صفحه ونطوت رفع راسه وباوعلي محسيت غير شعري نلف على ايده وصاك سنونه __ولج من ياوكت هلصلافه صارت عندج ولج كنتي جريدي تصيرين من اباوعلج لازم من وره حبيبج هيج خلاج تتمردين عليه اااي شعري اااااي وخرررروووو لزمني ضربني وراشدي فر راسي فررر وكعت ع الارض عاطت نرجس خافت منه من وكعت نزل عليه __اعرف شلون حتعامل وياج ليهسه بس خايف الله بيج واكول اذيتها بس انتي مو مال احترام خفت منه وسحبت روحي عنه ابتعد عني وراح ع نرجس بوسها وطلع ضليت على نومتي وابجي بالكاع انفتحت الباب شفت صفاء كدامي وتتمضحك __ ها علسج ههههههههه حيل يله لج مو بس اني اكرب كومي سوي سم الج ولجهالج والنه لان جعت مجاوبتها مكرفصه بالكاع وايدي على وجهي جنت قبل اروح لاهلي واشكي هسه صرت تحت رحمته حتى اهلي ما اكدر اروح الهم واشكي لان حيكولون انتي الي ردتي ترجعين ياااارب والله تعبت يااارب انت شاهد عليه اني مغلطت بس من كفخات لوكت غلطت بتصرفاتي شدعي عليج يا امي خليتي كرامتي بالحضيض تصير عمت عين الزمن الاغبر الي يخلي حسين هيج يضرب بيه وابقى ساكتتله وصفاء تجي تتامر عليه واسكت اااخ كامو جهال يبجون عليه واني دموعي بسكته تنزل خطيه شذنبهم يشوفون اب حقير هيجي يسوي بامهم كمت واخذتهم ويايه جوه ونزلت اسويلهم غده نزلت اسوي غده هي واكفه وهو جان كاعد بصاله جان اسمعه يصيح حبيبي حبيبي —شبيه هذا شهالخبال توه ضربني راشدي وهسه ويصيح حبيبي حبك جلب ان شاء الله ضل يصيح مجاوبته واكفه يمي لصخله تراقب تحركاتي عود دتتحسسني بيتها واني امشي والوص عناد بيها شو هذا صااح صفاء مو داصيحج اباوع هاي فتحت عينها وطفرت ابتسمت بداخلي بس هالكلمه مالته كانت تجوي ضنيت الي يصيح حبيبي تالي قصده صفاء اذكرت عمره كوله مصاحلي باسمي كله يصيحلي باباتي لو حبيبي وهسه صارت هالبقره حبيبته قربت يم ياب المطبخ حتى اسمع شيريد منها __هااا حبيبي صحتني غميتها من بعيد كبور ممصدكه صاحلها حبيبي __اي حبيبتي تعالي عمريلي الاركيله __ صار يعمري مو تدلل هسه ثواني بعدت من يم الباب و رجعت يم الطباخ اجت تركض و الوجهه مبتسم لفرحه مسايعتها متحملت اسكت __ كبر صدك لا كالو الطيور ع اشكالها تقع __وانتي شدعوه هيجي مفلفله زوجي. ويدلعني ويحبني وانتي خليج للطبخ والنفخ والضرب __ههههه لازم نسيتي الواير الي مشطبج بجلدج لا عبالج ما ادري __ايااام وراحت هسه اني الكل بالكل يله وخري لتعطليني عن شغلي زوجي دينتضرني __من صخونه بيج انتي وزوجج عفتها ورجعت كملت الغده سويت معكرونه بس الي ولجهال خلي هي تحير بروحها وبحبيبها الي لحد الان ميقبل ياكل من ايدها كملت الغده وصبيت الي وللجهال شفته صار كدامي كاعد بالصاله لان المطبخ مقابيل الصاله فكعد وهي يمه ويتغزل بيها ويسمعني شافني ممهتمه ومستمره اكل __حبيبي كومي ركصيلي __يااا مو تدلل شغلو الاغاني وهي كامت تهز وممصدكه روحها وحلكها حينشك من الابتسامه الي بوجها عاد جابت شال وربطته بخصرها وكامت تهزززز هززز فلم عربي كدامي اكل واتفرج وهو متمدد ع القنفه والاركيله يمه ويصفك الها نور بنتي سالت.. ماما هاي شبيه __ماما هذه الله مخبلها ومخبل ابوج وياها ضحكت وهزيت بأيدي هي تركص وهو يراقب تحركاتي يشوفني اباوع لو لا شافني اهز بايدي مستهزئه ابتسم بوجهي وكام شالها وهي وجها صااار دم اخذها وصعد للدرج كم بايه صعد وذبها كام يفحط من التعب كال كملي انتي اني سمعت هيجي وشفته شلون يلهث انفجزت ضحك __اي طبعا الهايشه متنشال اله بكرين ههههههههههههههههه اباوع عليه يباوعلي ونضرته بيها ضحكه __ااي عيني موتي غاري مني امشي حبيبي امشي __ صعدي انتي اني جاي وراح صعدت هي وهو واكف منتضرها تروح للغرفه واجه تقرب يمي ويهمس باذني _مووتي واعرف ضحكتج وراها دمووع بس اني اعلمج __ههههههههه دروح بابا ررروح انت مريض وربي روح لفيفي عبدو دتنتضرك كطعيه تكطعكم عيله مسخره __ خوووش نجمه اله اندمج عفته ولملمت الاماعين واخذت الجهال فوك اسمعها تتمضحك وياه دخلت للغرفه واني لعبانه نفسي منه وكرهته فوك ما اني كارهته نامو الجهال الصغار والبنات يلعبن واني الوب اروح يم باب الغرفه افتحها شويه حتى اسمه و نار تشيلني وتركعني بالكاع و كلما اوخر من لا شعور ارجع اتسمع الهم وارجع اكمززز متحملت الوضع لازم اليوم الكه حل بس خلي ينزل جوه ما اريد هسه اروح ويكول غيرانه منها فتحت مبايلي واذكرت مصطفى فتحت الفيس ودت اراسله بس بطلت خلي تهدا الامور واسال ع الوضع مال المحل كعدت اتفرج ع الصور شفت بابا وبيبي والله اشتاقيتلهم كعدت ابجي واذكر من تركتهم ويبجون عليه والله محتاجتلكم هوايه بقيت ابحي وحابسه نفسي بالغرفه كارهه البيت وحسين والبلوه مالته مقبوضه روحي من هالبيت بقيت كاعده للعصر الجهال ضاجو من الحبسه واني منا اريد احجي وياه اخذتهم وطلعت من الغرفه شفت صفاء طلعت من غرفتها وصارت بوجهي واكفه وتتمضحك وتاشرلي ع ركبتها كلها علامات عود دتراويني مانكر احس كل وحده بركبتها موجوده هي نغزات بقلبي عفتها ونزلت ادور ع حسين مااكو وين راح ما ادري ولا اريد اتصل ولا اريد اسالها طلعت للكراج اريد اشم هوه احس جو البيت يخنكني صار 3اسابيع محبوسه بهالبيت مخنوووكه لاطلعت ولا شفت اوادم اخابره احسن حتى يحي ونتفاهم دخلت جوه حتى اخذ مبايلي شميت هذه الريحه الخايسه نفسها رحت المطبخ لكيتها حاطه جدر ويمه فحم وبداخل الجدر اوراق وكفت يمها اندارت عليها واتفاجئت من شافتني __انتي شنوو شدسوين دفعتني حييل __وخري لج وخري لااخليه لحسين يركعج ميت نعال ولي يله روحي صعدي بغرفتج صراحتا خفت منها الصمت كدامها وما اعرف شنو احجي وياها و اعرف اذا لحيت عليها حتحطني وتهطرني واني مو كدها براشدي اتخربط اعترف باسرائيل دوله عفتها ومشيت انخرست بعد و التهيت ويه جهال ديلعبون اذكرت المبايل فوك مصعدت جبته صعدت بسرعه اخاف اترك الجهال جوه وهي يمهم وهو شفتها واكفه بالصاله ترشرش ما اعرف شنو يمه تخبلت هذه شدتسوي __لج تالي وياج هاي شنو انوبه شدسوين انتي تره وصلت حدها شدصخمين كل شوي وراشه شي علينه ونتنفخين وترشرشين _ولج اني مو كتلج سدي حلكج تره علي عمى عيني متمحملتج ابيتي __ والله يبنت صبيحه صارت مره وتزامط وتصيح بيتي وبيتي عمت عينج يالباميا من خرابت بيتكم من الفكر اخذج خلصج من الخدمه بالبيوت عبالج ماضيج لسود ماعرفه __ولج كاعده تعيريني الي شو دتعالي وصلت حدها وياج يالك... لزمتني موتتني كتل الجهال يبجون من الصياح الي بينه اضربها وهي تضربني بس هي لان اضخم مني واطول كانت ضرباتها اقوى نهتني بالضرب واني اقوه شي اسوي الها هو اعضها ضلينه ع هالمكافش والجهال يصرخون من الخوف و ع عياطنه اجه حسين شافنه متكافشات اجه ركض و سحل صفاء بدون ميعرف السالفه وشبعها دفرات موتها تموت وهي تصرخ وتفشر عليه عافها و اجه عليه هي من شافته عافها ركضت لغرفتها قفلتها وتفشر من فوك __ولج الصميييييييي راجعلج بربووووك ولج هالمره لاامي ولاغيرها تشفعلللللج اني جسمي يوجعني وطاكه بجي حضني وكعد يبوس بيه ويوخر شعري واني اشهك بجي __حبيبتي باباتي بس كاتفي تبجين فدوه والله اله انعل حضها ولزمها لباب واطردها ولج تنكسر الايد الي تنمد عليج ضل بس يبوس بيه وبكصتي شالني وحطني بحضنه وشالني صعدنه للغرفه ونزل يركض صعد الجهال رجع اجه يمي وحط راسي بحضنه ويمسح بشعري ويبوس انتهزها فرصه واني ملييييت من كل الي صار ما اتحمل بعد ابقى __حسين فدوه ما اريد ابقى هنا بعد __اششششش سكتي هسه اشمرها واخلص منها __داكولك ما اريد ابقى اهنا مكتلك اشمرها اريد اروح لاهلي كافي دمرتني والله تعبتوني اذا صار بيه شي والله خطيتي بركبتكم كاااافي اتركني اعتقني والله الدكتور ماعندي شي وياه كمت جريت روحي بالكوه ورحت ع الكنتور فتحته وطلعت القران ولو هالقران ميحلف بيه لا الصادق ولا الي يكذب بس لازم ابري روحي كدامك واحلفلك حتى تصدك وحق هذا كتاب الله وحق هذا كتاب الله مصطفى صديق واخ لا اكثر ولا اقل وبعمري مشفته اكثر من هيجي كاام وجر نفس من جكاره ملكه نفاضه داسها برجله جر ايدي حييل ولزم خدي __لج باباتي اني اكبر نغل واعرف كلشي من البدايه اني طبيت على حسابج مال فيس وقريت حجيكم وعرفت ماعندج شي ويا بس اغار ولج اغار عليج من الهوى الي يمر من يمج اغار واتخبل ولج من هدومج الي لابستها اغار باباتي انتي ملكي الي الله خلقج الي متصيرين لغيري __ لعد حباب ما دامك اتاكدت دعوفني بحالي وديني لاهلي __من عيوني دمشي بين ما هاي لبلوه اخلص منها مصدكت من هيجي كال ركضت نسيت حتى الوجع مال الضرب الي انضربته وحضرت ملابسي وللجهال ملابسهم حسيت اجاني افراح من سجن وبعد من اطلع من هالبيت بعد ما ارجعله ابد وشنو حيصير ورايه خلي يصير لان نفسيتي تعبت بعد ما اتحمل ولا اكدر اتقبله بس خليني اسايسه واطلع منا وما دام مصدك اني مغلطت فعلى شنو بعد يهدد اذا مرجعت كملت ولملمت الملابس. سمعت صراخ من غرفه صفاء صوتها وهي تصرخ وتعيط من ضرب حسين بيها قلبي وجعني عليها متحملت ورحتلها فتحت لباب . اول مفتحتها لكيته ساحب النطاق ويصلخ بيها وهي تعيط عبالك حيوان ويضرب بيه ركضت و جريته من ايده تخبلت من هالمنظر بحياتي مشايفه مثله فدفعته حييل واصرخ __لك وخر حقير ضالم وخر حرام عليك متخاف الله شوووف جسمها مزورك شوووووف وجها تشوه اباوع عليها وابجي شكد ما اكرها بس من شفتها هيجي متحملت ابداا حسيته جلاد كرهت حتى النضره الي منه رجعت انداريت عليها __لج حماره امداج شلون ترضين تبقين ويه واحد همجي مثله شلون ترضيها ع نفسج وانتي مستسلمه لواحد مثله شللون تخضعين لواحد جلاد مثله وانت امشي اطلع ..ادفع بيه حييل حتى يبعد عنه اطللللللع مجرررم __ وخري معليييج انتي هاي مصايبي منها دمرتني بت النعال وخررري دفعني ورجع رفسها مره ثانيه ع كلياتها __ولك بسسسس كافي لخاطري كااافي بس عوفها فدوه سحبتها منها وطلعنه بره __بس فهمني شنو من بشر انت شنوووو ماكو بقلبك رحمه متخاف الله بيها رفقا قوارير حتى الله وصى بينه __لج هايه وين تعرف الله ولج هذه الله خلقها وتورط بيها هذه مصيبه الي ما اعرف شلووون اخلص منها تعبتني ما اريدها ومطايقها خلصوني منها __كافي لضل تلعب ع الف حبل مثل مكنت اني موجوده بحياتك علاقتك كانت طبيعيه وياها وكم سنه ضليت وياها و مشي امورك بسكته مو من شفتني كلبت عليها بس انت تموت ع الحراااام والكذب __اج انتي هم سگط مثلها __اي الي يحجي الحقيقه تزعل بس اني صوجي انتو مو مال واحد يشوفكم عيوبكم كوووم وديني لاهلي كملت والجهال منتضريني اخذهم __ماكو روحه كعدددي وسكتي __ياااا مو توك كتلي اخذج __نجمه انتي مالج امان جريت نفس وحاولت الزم اعصابي واحجي بهدوء واسايسه من وره تدخلي بيها اكلتها اني __ياعيني قابل شسوي غير انصحك وما اريدك بعد تغلط اندار عليه وغيونه تجدح نار __شوفي لج من كلتي ياعيني وحجيتي بأدب وراج فلم امشي دخلي للغرفه وروحه ماااكو لو تموتين مااااكو روحه __لك الله ياخذكم انت وياها صفاء بلوتك وانته بلوتي كولي شوكت اخلص منك شوكت الله ينتقم منك كمت ابجي واعيط يعني معقوله حبقى بهالسجن معقوله بعد ما اكدر اطلع منا عمري كله __لك حقيرررررر نذل الله ياخذك حسين دينزل الدرج واني اغلط عليه شفته رجع و كمز عليه لزكني بالحايط وعصر وجهي __لج صوتج ماسمعه وجهرتج ماشوفها دخلي جووووه لزمني من ايدي ودخلني للغرفه وكعت بالكاع خليت ايدي على وجهي واشهك بجي اخذ البنات وطلع بره واني بقيت ابجي وحدي لحد مانتهيت يتبع ... #زينب_عبد_المطلب ورجاءااا يعني اذا شفتوني اتاخر بالنشر مو معناتها ما انزل احتمال صار ضرف عندي ياريت تقدرون وضعي وثانيا اني بلغت يوم انشر ويوم لا ليش بيوم الي ما انشر تسالون وين البارت لو تراسلوني خاص وتسالون وين البارت نهايه القصه قربت وحاليا الاحداث حتبلش تحتاج ترتيب اكثر من ناحيه السرد اذا اتاخر عليكم اتمنى تعذروني وشكراا لتفهمكم شوفو حتى نجمه منتضره البارت واتصلت عليه وتعرف من اسويلها رفض يعني اكتب و تخاف مني لان اكوللها لتتصلين بهالوقت لان اكون اكتب واتصلت ورفضتها واقرو شكاتبه |
اعتراف اليوم اعترفت نجمه انو هي مضروبه قبل من صفاء وطبعا مكايلتلي تريد تحافظ ع برستيجها عشتووووو وطبعاا اني ما اضم سر عنكم فضحتها حتى بعد متضم عليه |
#العروس_والسحر__ البارت الخامس والعشرين #زينب_عبد_المطلب للعصر بقيت بالغرفه وحدي استسلمت للواقع الي اني عايشه بيه لا بيه اتصل ع بيبي وبابا واشكي ولا حكدر اسكت واحتمال ما اتحمل تركت كلشي للوقت لان اعرف حتجيني فرصه واطلع منا مستحيل ابقى العمر كله بهالغرفه اخذت الجهال حتى اغسللهم وابدللهم موسخين ملابسهم بالبسكت اذا النهار كله محبوسين هنا كاضيتها يا ارضعهم يا اوكلهم ومن القهر كمت اعتمد اكثر شي ع الممه ما ارضعهم مني لان اكلي صار قليل ومن اكل لازم انغث واتسمم من الاكل نزلت وكل واحد شايلته بصفحه سديت باب الغرفه وانداريت وانصدمت من المنظر الي كدامي صفاء لابسه دشداشه سوده مغريه بشكل مو طبيعي مفتوحه من جميع الجهات تكولون عبالك اريل ويبث للمحطات ومتمكيجه مكيااج مال هذني الغجر وشعرها مفتوح ولو لو متفتحه احسن لان نصه محلوس بس رغم كلشي انصدمت بشوفتها هيجي __سوده بوجهج كل الضرب الي انضربتيه وكمتي ولايمج لج انتي لاكرامه لاشخصيه من موت الكرف هيج نسوان ينضربن وينهانن ويرجعن يتوسلن ولج حطي لنفسج كررامه لتخافين عليه مطاير بس كرامتج وعزه نفسج وينها __ولج بدون تفلسف انتي اصلا غيرانه مني اليوم راح اراضيه لبيبي واخلي الليله للصبح وياه __وربي صدقاا ضحكتني بكد ماقهرتيني اليوم عليج لج انتي دوشك مال ضرب طلعتي والله حيييل بيج هالضرب حييل وابو زايد نزلت وعفتها غسلت لحمودي وحطيته بالهول ورجعت لعلاوي اغسله خبلني منا المي برد وهو كل شوي ويسحب بشعري ومتعلم يحط حلكه عالخد عود بوسه رجعت طبيت للهول دابدللهم رافعه دشداشتي دهل حسين مهتميت اول مطب نسيت انزلها ملتهيه ويه الجهال ابد مو ابالي انو اغريه او اتحارش بيه انتبهت عليه يباوع ع رجلي __من اشتعل ابوج شمسويه بيه انتي راسن تغطيت.... روح للخانم شوفها متحضرتلك __من انعل ابو الخلفها ___ هههههه ليش تسبها مو طالعتلك عروس البحر صح اضحك بس بداخلي حركه متنوصف __لازم تمكيجت ولبست احمر مو...؟ __ لاااااهالمره لابستلك اسود حتى تسبيك بالسواد خصوصاا بعد الضرب تكوم تنطي اللوان __ اي عادي ليش متلبسلي بعد متنضرب هذه دوشك متحس جسمها اتعود ع الضرب محبيت بعد احجي وياه رجعت اكمل تبديل لعلاوي نزل دنك صار بمستوايه وهذاعلاوي من يشوف حسين يظل اغوو وعووو ايجلب بي __ تدرين من اللحضه الي رجعتي وشفتج بيها نفسي متتقبلها وداعت امي وداعت ابويه __ااي واني شكو __والله شبيج __اي صدكتك من العلامات الي بركبتها __صدكيني نجمه والله اني اتقصد اسوي هيجي بيها حتى من تشوفيها شويه حتى اتغارين باوعتله صفح ........عشتوووووو عرف مصدكته اخذ مني علاوي وظل يبوس بي طبعاا علاوي متعلق بحسين عكس حمودي يخاف منه وهذا مجلب بس بيه من يشوفه يشمر روحه عليه اخذت الجهال منه وصعدتهم فوك يلعبون ويه خواتهم سوده عليه انحرمو من الطلعه لو ايباد لو مناكر بيناتهم خصوصا نور ونرجس كعدت واذكر كلامه الي كاله قبل شوي كله اعرفه كذب بكذب وصلت مرحله حتى لو يحجي ويايه صدك هم ما اصدكه تعبني كذبه الي من اخذته لليوم مستمر عليه من كان يمي يركض وراها ومن عفته وهي صارت اله يركض ورايه يكولي ما احبها وهو يبات يمها اووووف اختنكت حتى التفكير كام يخنكني اريد اشم هوه لعبت نفسي من هالبيت وريحته اذكرت الي سوته صفاء بالبيت اليوم ليش مكتله ليش اخرس من هالموضوع ليش من اشوف حسين يروح من بالي ااوف من ومن السحوره مالتج __يمه نور اني حنزل شويه واجي اي شي يصير صيحيني اجي بسرعه عينج ع اخوانج حبيبتي __حاضر ماما نزلت جوه ملكيت احد طلعت للكراج وكفت واخذ نفس البيت يخنك فتحت مبايلي كلشي ماكو قلبت بالفيس نفس الاخبار والوضع التعبان خصوصا بالموصل من وره الدواعش سديته وكفت يم سياره حسين انتجيت عليها و افكر وافكر ومنين ما افرها الكه روحي مرجوعها اله بس كمت ما اتقبله بعد كزوج عكب الي شفته منه شلون اكمل حياتي وياه واعرف بي كذاب مترهم لو فعلا يحبني وميريد يخسرني كان من كشفته وكشفت زواجه منها كان طلقها زين واني بأي حق اطلب منه يطلقها وكل الي يربطني بيه هسه بس الجهال __هااا واكفه وصافنه بشنو تفكرين رفعت راسي شفته لابس قاط رصاصي والعطر مالته الي يفوح مترتين وراه __شو صفنتي شبيج __وولا شي حبيت اطلع اشم شويه هوى __تمام لعد انتبهي منها واي شي تسويه او تضوجج ضربيها بالنعال ع حلكها اني هسه طالع اشوفلها حل لهالبلوه العندي ومثل مكتلج لو تضوجج بحرف اني اجيها والف نعال اركعها بيه باوعتله بكل برود كل الي بداخي بااارد حتى نقاش ما الي واهس اتناقش هزيت راسي اله ودخلت جوه دخلت جوه ماكو احد رحت ااحمام الباب مقفوله دكيت الباب اول مره محد رد وراها فتحت الباب صفاء والضحكه تارسه وجها ومبين كانت تسبح وكفت باب الحمام وايد حاطتها ع خصرها والثانيه ع الباب _شويه وخري اريد اغسل __تدرين اول مره تسوين شي زين باوعت عليها هذه شدتحجي مضراتي كانت الها باستغراب __ همزين كنتي مكلوعه بره لان بطلعتج شوويه فضالنه الجو وتوقيتج كان جداااااا مناسب بلحضتها فعلا ضجت و تخبلت لااا اصلا اتهسترت . صح مو اول مره اشوفها وياها بس هالمره كانت تختلف لان قبل شوي من كان بالكراج يكولي اني طالع اشوف حل لهالبلوه واخلص منها وشنو كان يتونس وياها لا هاهي بعد ما اتحمل هالمره فعلا فقدت والدموع متوكف فضحتني كدامها __ااي ابجي وحتبقين عمرج كله تبجين حسين حبيبي صار الي بقلبه وبروحه وانتي اهنا مجرد خدامه للمكاميع مالتج عفتها وصعدت لان صوت ميطلع عندي من كثر الخنكه الي صارت بداخلي صعدت ركض فوك جريت ملابسي وملابس جهالي الضروري الضروري من حفاضات و حليب وخليتهم بجنطه شلت علاووي وحمودي اباوع عالجنطه ماعرف شلون اشيلها طلعت من الغرفه ودفرتها ع الدرج نزلت الجنطه دقلات نزلن البنات كدامي واني وراهن وصلت لنهايه الدرج زين هسه شلون حطلع واشيل الجهال والجنطه وهذني البنات ورايه زين البيت قريب ع الشارع اروح اجيب تكسي واجي وارجع ع الجنطه لااا لااا اخاف يجي برجعتي اخذ الجنطه واطلع حتى لو سحل اسحلها شايله الجهال والجنطه حملتها ع ساعد ايدي حسيت ايدي انفضخت بس شيوي لازم اطلع واتحمل قبل ميجي وصلت يم الباب وسمعت صفاء ورايه تصيح __ااي درب الي يصد ميرد عله و كاعده ع قلبي هسسسه حيبرد راسي من دوخت جهالج والواق والويق مالتهم والبنات الي النهار كله حبيبي بابا نريد ونريد وجعه شكد يطلب وهو ميرفض طلب الهن خلي الي هسه يرجع يدللني __انجبي بنت الفگر بيت ابوهم هذا مو بيتج بت صبيحه بيح خير روحي خلفي منه __ميريد يكول ما اريد اخرب جسمج بالحباله __هههه اي مو الي يسمعج يكول ما عدها بنات شامرتهم يم ابوهم __ انجي و انكلعي يله __طالعه بس مو لاجل انفذ رغبتج لااا تخسى بس طالعه حتى احفظ كرامتي من ناس زباله مثلكم طلعت وايدي علي قلبي خاف اشوفه كدامي طلعت والبنات ورايه يركضن واني شايله الجهال والجنطه وصلت للشارع ممصدكه مبااشرتا وكفت تكسي ورحت لاهلي وماعرف الي سويته صح لو غلط بس بعد ماتحمل كافي بعد وصلت لشارع شفت ابن عمي صحته ونطيت لسايق فلوس ونطيته لجهال وشلت الجنطه اباوع علي جهالي سوده عليه شكد بعد تتبهذلون من ام فاشله واب ارعن طبيت وبابا وبيبي مصدومين من شافوني __ لو تنكلب الدنيا ماروح بعد ولا ارجعله حتخبل والله بابا/ عارفج اني مطولين اصلا استغربت هلكد طولتي بيبي/فوتي حبيبتي ارتاحي وكعدي ونشوف الله شكاتبلنه بعد من هالسالفه _اعرف مراح تفض بس تعبت بعد ما اتحمل سجن مو بيت وكله سحوره وبلاوي لعبت نفسي احجي واباوع ع الساعه وع التلفون اعرف بي شراح يسوي واعرف حيكلب الدنيا قلبي واعصابي متوترات لعقل يشتغل والقلب ممطمأن صارت ب9 بالليل وهو ابد عالصامت اباوع ابني علاوي يكح كحته مو طبيعيه اذكرت اليوم سبحته وصعدته فوك ملحك يدفا زين وطلعته وصدره منا متنك حتى البخاخ مجبته ويايه الدكتور نطانياه كال من يتنك صدره انطيه وحتى البخاخ نسيته من وره حسين ومصايبه __بابا فدوه صيحلي هيثم يجيب من الصيدليه بخاخ لعلاوي __هيثم رجع لبيتهم كتله يروح يصيح ابوه حتى اذا الناقص يجي يكون عمج واني بوجهه منسكتله بعد __لعد حتصل عليه اتصلت ع هيثم __عفيه هيثم روحلي للصيدليه وجيبلي بخاخ لعلاوي __ادللي هسه اطلع واجيبله حتى بابا هم حيجي عليكم __هلااا بي... سمعت شخطت سياره بره فزيت __رووح روح هيثم __شكووو شبيج __روووووح سديته للخط ولباب مالتنه تكسرت وعياطه واصل لاخر لدنيا دخل يصيح __طلعتي ومدكولين عندج كوا،، يحكمج ولج تعلمتي عالشرده حقيره __انجب ولتصيح بنتي طلعت من الضيم والقهر والسحوره مال مرتك __اااي هو منو الي مقويها غيررررك معرفت تربيها _انجب واحتررم نفسك اجوي ولد عمي وعمي لان هيثم عرف من سديته انو حسين اجه وسمعو العياط وشلون يجاوز علينه بالغلط تلازمو وياه وصارت بالدفرات عمي يصرخ وبابا وميفيد وياه طلع عمي سلاحه ورمه بالهوه كلهم وكفو كام حسين وطلع سلاحه يخوفهم اني وبيبي نلطم ونضرب ع وجهنه الجهال يصرخون ويبجون العالم التمت علينه صرنه فرجه لامه محمد بيبي كامت تصرخ __ يبوو حتصير مذبحه اهنا ولدي واحفادي من وره هالخايس فدوه يمه اخذي جهالج وروحي اخذيهم حتى يهدا تره هذا ميرحم احد شكد نهضمت وصعبت عليه روحي لا راحمني ولاخال رحمه الله تنزل كمت واخذت الجهال وطلعتله هيثم ابن عمي اول مشافني طلعت عرف حرجعلع كمز يجرني يريد ارجع ادخل للبيت __عوفني فدوه __لج شلون اعوفج احنه زلمه مو جهال وننطيج اله ميخوفنه بسلاحه ومركزه __اعرف متقصرون بس خليني ارجع وهالمره برجعتي اعرف شلون احل هالموضوع عفته ورحت باتجاه حسين سحبني حيل من ايدي واخذ علاوي ويغلط واني والجهال وراه __كلبه تعلمتي تنهزمين موووو دصبريلي طلعت واعمامي وبابا يغلطون ع حسين وخايفين عليه منه طلعت عرفت جيتي غلط وتصرفي زاد الطين بله بس محد يحس بوجعي بس الي مار بيه صعدت وهمه ورايه يصرخون ع حسين ويغلطون حرك السياره بسرعه وحركها حررك __ع كيفك لتروحنه وياك جهال __من انعل ابوج لابو الجهال تنهزمين موووو تطلعين بدون متكولين موووو عبالج هالمره تخلصين مني شوفي شنو حسوي بيج شووفي وين حشمرج يا كلبه __اااي اطلع واطلع وكلما تطلع انت انهزم وراك يا كذاب رايح يشوف صرفه لصفاء وهو متونس وياها لك عليمن تكذب انت وام السحوره مالتك __ع الاقل الي تحجين عليها متطلع بدون علمي اشرف منج وعمرها مطلعت عن طوعي بس انتي لاااااا انتي دوليا هجيتي بسيطه شوفي شمحضر الج تعرفين من شوكت عرفت بيج طالعه ...؟ من المغرب عرفت بس مأجيت عليج طلعت وحضرتلج مفاجأه حتخليج تتحسرين ع البيت الي كنتي بيه ومتقبلين تبقين بيه ومسميته سجن حشوفج السجن شنوووو بعد سكتت ومحجيت ولا كلمه لان المرحله الي واصلها حسين ابداا مو مال اجاوبه واداهره بقينه نمشي بالسياره وطولنه اكثر من طريق البيت بالرغم ديمشي سريع الطريق غير طريق الي اجيت منه ويه التكسي انقبض قلبي __حسين وين رايحين _للكبوور حاخذكم __تره مو وكت مزح احجي __لتستعجلين ع رزقج مو اكولج مسويلج مفاجأه يتبع رايكم بالبارت وتوقعاتكم حسين وين حياخذ نجمه وليش #زينب_عبد_المطلب |
يسعدلي مساءكم 🌹 صوت قبل القراءه لطفاا منكم #العروس_والسحر__ البارت السادس والعشرين #زينب_عبد_المطلب🦋 __حسين فدوه وين ماخذنه __ثواني وتعرفين لان تقريباا وصلنه وهااااا يله استعداد وصلنننننننه ركن السياره بمنطقه مقطوعه وكلها عمارات شقق مو بيوت اول مره بحياتي اجي ع هالمنطقه __احنه وين __تعالي ورايه دخلنه العماره اكو باب خشب ويمها درج صعد الدرج واحنه وراه ونفس مكان الباب الجوه فوك باب مثلها طلعت هالعماره من شقتين فقط فتح الباب ودخلنه جوه هو شايل ولد وماسك نرجس واني شايله ولد ونور ورانه تمشي دخلنه بالوجه مال الشقه صاله ويمها باب المطبخ وبعدين الحمام وبالاخير غرفه نوم وحده الصاله بس زوليه والمطبخ كم ماعون وطباخ وثلاجه رجعت وكفت بالصاله اريد افهم شنو السالفه اخذ مني علاوي وكعده يم اخوه __نور عينج ع اخوانج هسه اجي سحبني من شعري وسحل للغرفه شمرني ع الفراش كان اكو بس فراش ماكو سرير __شبيييك انت تخبلت هجم عليه واستلمني راشديات اريد اخلص روحي منه ما اكدر __بنت الكلب عبالج اسكتلج حقيره كلبه اننننني تنهزمين مني ولج متحرمين لج اني رجل كرسي لو مو بعينج ولج ضاااابط واكبر شارب اهينه باقل تقصير منه ومرتي ما اكدر الها سافله ___لك لتضرررب حقيييير كاااافي لصير رجال عليه خنييييث __لج اني خنيث اني اليوم اعلمج واشوفج الخنيث منو لزم هدومي مزقهم راد يعتدي عليه تخبلت اني من سوه هيجي حييل خفت منه هو يحاول يسيطر عليه راني مين ميريد يلزمني اغضه واعيط الى ان مل مني والجهال صراخهم وصل لسابع جار يدكون علينه بالباب ويبجون __ماااشي ينجمه عيني وراسي جهالج اشفعولج بسسسسس والله لخليح بحسره شمه الهوه اصبريلي فتح باب الغرفه وطلع كمت ع الجهال احضن بيهم وابوس احس خدي مورم وحااار حراره تطلع منه من كثر الراشديات الي اخذتها اخذت الجهال وعلاوي سوده عليه يبجي ويكح ويختنك من وره حسين ملحكت اشتري جهاز البخاخ مالته مديت راسي حسين شفته فاتح الجنطه ويبحوش بيها كملته __شترريد بعد تاخذ كلشي ما عندي ميرد عليه وطلع مبايلي وايبادات الجهال __هذا كبرج بعد طلعه مطلعين منا ومحد يسمعج والشقه الجوه محد بيها يعني او تعيطين منا لشهرمحد يسمعج مسواك بالثلاجه مال كم يوم يكفيكم وحليب وحفاظات حطيتلج حتى لتكولين قصرر شفتي كلشي جهزت لمملكتج الجديده عيطي صرخي لطمي محد يسمعج الباب مفتاحها عندي وانننني ع مزاجي شوكت ما احب اجي اشبعج كتل واطلع اتخبلت هذا شيحجي حيدفنه بهالشقه انهاريييت من البجي معقوله هذا ادمي معقوله هذا بشرر ولك اني شرايدده منك ىانت تعرفني كل طلبي منك تطلق صفاء تعرفني بكلمتين منك ارجع مثل قبل تكذب عليه وتكول ما اريده وانت ميت عليها اتخبلت انهاريت الطم ع راسي وابجي واصرخ وفعلا محد يسمع عبالك منطقه بس اني بيها كلت يجوز يكذب بس من سمعت صور سيارته راحت عرفت بعد فعلا هذا سجني صوت كلاب بره مدري ذيابه ما اعرف شنو متت خووف اخذج جهالي ودخلت للغرفه البنات نامن وحمودي هم رضعته ونام بس علاوي يبجي ما اعرف شبيه بس صوت بصدره صار وحتى ميكدر يتنفس من انطيه صدري او الممه معرفت شسويله حطيته ع رجلي مرات من مينامون امد رجليه واظل اهز شويه هدأ وسكت بس ترجع الكحه ويرجع يختنك وبالكوه يتنفس نسيت همي ومشكلتي وضيمي وسجني وبالي يم علاوي كلش خفت عليه شسوي ما اعرف شلته وكمت افتر بيه بالغرفه اخاف اطلع بره صوت الكلاب وهي تعووي بره عبالك ذيابه ضليت رايحه وجايه بيه بس صوت النفس مالته كلش يقوا وبيه صوت كلت بلكي من ينام يرجع يتحسن شدعي عليك حسين منين اجيب البخاخ للطفل هسه امشي وابجي بيه واقرا ايات وافرك بضهره وضليت رايحه وجايه حسين // طلعت من البيت حتى اشوفلي صرفه لصفاء كلت اشوفلها شقه واطلكها واخلص منها وهالشقه تعيش بيها او تبيعها براحتها المهم اخلص منها سالت جماعتي ع شقه رخيصه واكعدها بيها لان شويه ضروفي مو مال اشتري وحده بمكان قريب ردت وحده هم بعيده وهم رخيصه انطوني عنوان لشقه بمنطقه...صح بعيده بس ادري بيها بلشت الخدمات توصلها والله رحت ع العنوان كانت عماره طابقين وبس شقتين صاحب العماره جوه دكيت الباب عليه وطلعلي __السلام عليكم __وعليكم السلام __حجي كالو الشقه الفوك للبيع __اي للبيع __زين ممكن اشوفها...تفضل صعدت شفتها عجبتني وصغيره مال نفر واحد __طيب حجي المنطقه مقطوعه ماكو هوايه بيوت وشقق __ااي المنطقه هذه بالجديد الاراض مالتها انعرضت للبيع والي عنده كم فلس يشتري قطعه ويبني اول مشتريت الارض كان ولا بيت ولا شقه وشوف هسه ما شاء الله باقلمن 6شهور كم بيت وكم عماره الخدمات بيها بلشت توصل من كهرباء ومي ومجاري يعني منا ل6شهور يمكن متلكي بيها ولا قطعه ارض وحتى الxxxx بيها هسه يصعد __اي صح كلامك حجي __زين وانت ويامن عايش جوه __اني وحدي وره ما زوجتي توفت و بنتي ازوجت بقيت وحدي عندي كم فلس اخذت الارض وانبنت وكلت ابيع شقه واعيش بالثانيه وبنتي كل يومين تجي عليه لان رجال تعبان وهي تجي تطبخلي وتنضفلي __الله يخليها الك ويحفضها البنات حنينات اني عندي2اموت عليهم صح عندي بعد 2 ولد تؤام بس حبي للبنات اكثر هنه الي باجر من اكبر يحنن عليه الولد بس يطلع ويه مرته لا يعرف امه وابوه __اي والله صدقت دنيولف اني والحجي انصلت صفاء مره مرتين ارفضها وتتصل عرفت صاير شي ولازم ارد __من رخصتك بس اريد ع المكالمه __اخذ راحتك ابني __شبيج بنت الكلب شكو تلحين __اووي فوك ما متصله اكولك ع ست نجمه __شبيهاااااا شسوت __كلشي مسوت بس انهزمت __شنوووو انتي شتلغين __والله شبيك اول ما انت طلعت كامت تصررخ هالبيت بيتي والا ابيعه مثل ذاك البيت واخليكم تكدون اللكمه وانتي اطردج واخلي حسين يطلكج وهو اخذ فلوسه واهج مردت اتعارك وياها انت وصيتني اسكت عفتها وصعدت لغرفتي سمعتها ما اعرف ويامن تحجي بالتلفون يمكن ويه الدكتور وبعدها اخذت جنطتها واخذت الجهال وطلعو __هالحجي قبل شكد __قبل ساعه وره العصر تقريبا —لج يا عصر قبل ساعه حيصير المغرب ليششششش مكلتيلي اول مطلعت __اوووي واني شكو تصرخ عليه شوف مبايلك شكد اتصلت وانت مترد __روووحي ولي يله __هاااا حتجيبها وتجي موووو __لااا معليج انتي واليوم اني خفاره قفلي الباب وكعدي ما الحك اخذج لاهلج __تمام حبيبي باااي __هاااا ابني خيرك تصرخ __لااا مشكله بالدوام اليوم احلها __محلوله ان شاء الله هسه تريدها للشقه او لا __اي حجي اريدها ومن اليوم فدوه حجيب بيها مرتي وجهالي بس كم يوم وراها اخذهم والفلوس اجيبهم الك حتى نكمل معامله الشراء __تمام ادلل هذا مفتاح الشقه __وهذا عربون والباقي هاليومين __عادي ابني ع راحتك الناس الطيبه مبينه من وجهاا _رحم الله والديك انت اترخص وهذا تلفوني حفطه يمك حتى اذا اتصل تعرفني طلع جهازه وتنطانياه....انت كتبه اني ما اعرف ادللي حجي طلعت واني متحلف لنجمه تريد تبيع البيت هم وتهج اني اعلمج وين تهجين بسيطه اذا مكعدتج اهنا واعلمج ان الله حق ما اكون حسين بس سالفه الدكتور اعرفها كذب متتصل عليه هذه من صفاء السالفه لان نجمه حلفت واني شفت بعيني طبيعه علاقتهم يعني لا تروحله ولا عدها شي وياه بس شطلعج ولج شلووون متخافين مني اصرخ واضرب بالستيرن اذكرت الشقه فارغه شلون اكعدهم بيها بوجهي رحت وجبت زوليه و4 فراش وثلاجه وطباخ واسوكت مسواك مال يومين ومستلزمات الجهال اخذتهم بيكب ورايه حمل صعدوهن بالشقه كلشي بمكانه ورحت ع اهلها اعرفها راحت الهم تعاركت وجبتها وشمرتها بالشقه خلي اربيها كم يوم واخذها اعرف هي حقها علاقتي بصفاء ممفهومه اني نفسي مفاهمها اكول اكرها ما اريدها والكه روحي وياها بنفس الغرفه اعرف نجمه ضاجت من هالشي وحقها مخنوكه بهالبيت حيصير شهر بس مو تنهزم وتكسر كلمتي بيومها مكان عندي واهس اروح للدوام كلت ارجع للبيت اتصلت ع جماعتي حتى ما اجي __الووو شلونك مصطفى اكولك اكو شي بالدوام لان ما بيه اجي __لااا يالحبيب وين متجي اليوم خفارتك وقائد عمليات اليوم يجي وانت تعرف هسه احنه انذار من وره سالفه داعش والموصل والرمادي __وووووووي تدري نسيت والله من وره هالنسوان تدري بس الزمال ياخذ اثنين __يعني __يعني اني زمال __هههههه اي يله حتخلص منهم حيشمرونه بجرف الصخر __لا بشرفك متاكد __دتعااال ونتاكد __لعد امر ع البيت اجيب فلوس ماعندي حتى اذا انذار اعرف شلون اصرف __ماشي منتضرك __اووف اذا صدك انذار ارجع نجمه والجهال من باجر للبيت بس اليوم تنكرص وراها ارجعها اخاف اروح واتاخر اهناك وهي لا تلفون ولا شي يمها حتى تجيبه وصلت البيت و ......... صفاء من راحت نجمه استغليت هالشي لصالحي حتى اكول لحسين عليها ويلزمها ويكسرها ويوم بعد يوم اطلعها من قلبه وعينه السحر ماشي مضبوط عندي ولو محمود فلسني ولا فلس بقى عندي بس يستاهل هالتعب انتضرت وره مراحت نجمه واتصلت ع حسين صح حيرزلني بس حتى يمشي الوقت وتوصل لاهلها وشويه ازيد كم حجايه مني وازيد النار الي بداخله عليها وعسى نارهم تاكل حطبهم واتصلت وشعلته وطفرت واليوم مراح يرجع حسين كمت رشيت البيت كله حتى بالتانكي الي بالسطح حطيت بيه ودخلت لغرفتها ورشرشت وبغرفتنه وين ينام حسين وبملابسه نزلت شعلت الورق الي نطانياه مصطفى احررك بيه وريحته مطيبه بس مفعوله تمام اذا نجمه خلاها تطلع من البيت شلون لعد شغل مضبوط هذا كملت وانتضرت راحت الريحه كلها عطرت البيت حتى من يجي باجر ماكو اثر صعدت لغرفتي واتصلت ع مصطفى لان علمته ميتصل ابداااا الا اني واليوم حسين ميرجع ونجمه ماكو حتى اخاف لتسمع فمسيطره اتصلت ع محمود وشو هذا اول مسلمت استلمني يريد فلوس حسين /دخلت للبيت كان بيه ريحه صح طبيه بس اكو بعد ريحه مخبوطه وياها كلش مقرفه الصاله ضلمه وبس المطبخ مشتغل ضوء واحد بيها صعدت فوك للغرفه سمعت صفاء تحجي بعدني ردت افتح الباب سمعتها تكول __ مين اجيبلك ماعندي والله حتى مصرف مينطيني ماعندي مينطيني مثل قبل يعني فوك جسمي الانطيكيا تريد تاخذ فلوس انصدمت هذه ويامن تحجي شنو فلوس شنو جسمي اذكرت من كنه علاقه وسمعتها تحجي ويه واحد ومن وره هالموقف تركتها وهسه نفس الشي بس هالمره الكلام مقررف فتحت الباب واخذت منها المبايل هي انصدمت من شافتني رادت تنهزم حطيت المبايل بجيبي وسحلتها __تعاي لج تعاي احجي شنو فلوس شنو جسمي __ابوووووس رجلك فدوه ارحمني ماكوشي __ولج شنو مااااكووو شي احجي نزعت النطاق و ملختها بي __ولج احجييييييي منو هذا الي تحجين وياااااه لج احجي __محد صدكني محد انت فاهم الموضوع غلط __غلط موووووو هسه راح اعرف مديت ايدي بجيبي وطلع المبايل وكعدت ابحوش بالمسجات ماكو قديمه بس مال تاريخ اليوم موجوده كاتبتله فديتك يابطل هججتها اليوم من البيت ورساله ثانيه تساله لوصله لمسحنه بيها انكعها واشربها اله لمده كم يوم يشرب والوصله هم كم يوم انكعها فهمت الوضع اهنا شنو سحبت الابتوب فتحته وسحبت رام الجهاز مالتها دخلته بالابتوب حتى ارجع كل الصور المحذوفه لان هالدروب اني حافضهم هي يمي بالكاع كاعده وتحلف واني اسلخها بالنطاق بلشت اطلع الصور واباوع الصور كانت بلقطات عاريه اتخبلت من شفتها اني مدازتلي هالصور المن تاخذهن لزمتها من حنجها بايدي وعصرت وجها وسحبته ع الشاشه مال لابتوب __شوووفي بت الكلب شوووووفي صورج يالسافله ومسوي يمي روحج شريفة وعفيفه وتحجين ع نجمه ومجلبه بيه وهجمتي بيتي انتي وامج لج لييش يا وسخه ليييش تبقين عمرج كله تخونين اخذتج وجبتج بيتي وانحسبتي عليه مريه ولج مرتي خسرتها من وراج هجمت بيتي بايدي __اي من وراك كمت انطي جسمي حتى ترجع تححبني مجلب بالك،،، القزمه سويتلك الي هي مسوته انطيتك حب اكثر منها انطيت بناتي لابوهم لاجلك كلشي سويييت علمودك كلششششي ومحبيتني ___اااي ما احبج تدرين ليش لان اليوم اتاكدت كل شغلج ويايه بالسحر ولج اني عمري مآمنت بيه ومن يكرلون سحر اضحك عليهم من سالفه نجمه مصدكت وراها اجي يمج اشم شغلات وانكر لج اليرم دخلت ريحه البيت خايسه وهم مكلت سحر وحتى اذا يجي ابالي ما اصدك بيه صار شكد اعرفج وكل ذاك الوقت تسحرين واليوم شفت اتفاقاتج ع السحر ويه الك... مالتج لج تهمتي نجمه بشرفها لاجل غايتج لللللج اكررررهج احتقررررج وسخه خااينه كامت وهي متهستره و تلطم وتحجي __ااااااي اني اني اني الي سويت لنجمه سحررر اني وتعرف منو ويايه ههههههاااي اختك حنييين باعتكم بقطعه ارض اختك الي دلتني ع هالدروب واختك الي رشت ويايه السحر بملابس مرتك واختك الي ساعدتني نرش بيتك انطيك دليل ...كم يووووم ضليت متكدر تدخل ع مرتك كله هذا سويناه __لج يا كلبه يااااااا ساقطه اليوم اشرب من دمج ولكم انتوووو شنو عصاااابه وين عايش اني لج شسوتلج وتسوين هيجي بيها __اكرههااااااااا ما احبهااااااااا اتمنى لو ميته من سلطت عليها الجن اتمنى لو ميته وخلصانه منها ولك سويت كلشي حتى افرقكم وتالي ترجعلي ويه 2 ولد بعد ولك شتفرق عني وتحبها اثنينه نسوان شبيها احلى مني __انجي هذه يكفي اشرف منج __ااااي اشرف مني وراحت تتمعشك هي والدكتور __انجبيييييييييييييييييييي ييييييي كمت سحلتها اكثر مره ضربت بيها صفاء هي هالمره ملامح وجها اختفت وكل هذا مشفى غليلي فقدت كدامها سحبت المسدس هي ختلت وره السرير __تعااالي عاااار هسه تختلين موووو رحت وسحبتها كدامي __كوووومي اوكفي كدامي __مروتك حسين __كووووووووووووومي وكفت وهي ترجف وتتوسل __مو هذه رجلج لتوديج على هيج دروب الا اسكطها اكدر اكتلج بس حتموتين حرامات والموت هسه الج حيعتبر رحمه فخليج سگط وعررجه طول حياتج تتمنين توكفين عليهم __لاااا فدوه حسين بداعه جهالي _لتخليني اسبهم __احلفك بنجمه لعد __ولج لخاطر راح اسوي بيج هالشي سحبت اقسام ضربتها طلقه بالرجل اليمنه وطلقه باليسره __اااااااخ اااااااخ رجليه راحن اااااخ __ااااااااش صوتج ما اسمعه لا والله طلقه ثالثه براسج __لااا فدوه حسكت لتموتني فدوه وهسه اتصل ع امج خليها تاخذج يا عار اتصلت ع اهلها واجوي _هذه بنتكم تاخذوها و ورقه طلاكها توصل واذا سمعت صوتكم لو اي كلمه منكم افضحها والله ام السحرره هجمت بيتي ام صفاء//شسوت بنتي ومنو سمحلك هيجي تسوي والله الا اشتكي عليك __امشي ماما اخذوني للمشفى وين تشتكيين امشي بسرعه فدوه __سمعي كلام بنتج وطلعووووو و وصلو خبر لحنين حسابي وياها بعدين يله برررررره _اااخ يحسين تستاهل كل الي ديصير بيك فضلت وحده عار ع مرتك استاهل كلشي والله وفوك كل هذا شمرتها بمنطقه مقطوعه اروح اجيبها ولو اظل عمري كله اقضيه واني اتوسل بيها حتى تسامحني هم ميكفي طلعت واني رايح ارجع نجمه وجهالي للبيت حتى نبدي بدايه جديده نجمه // ضليت افتر بيه حتى يسكت علاوي شو هذا حرارته ارتفعت يمه ابني نزعته ملابسه حتى اسويله كمادات مسحت ايده ورجليه واباطه اباوع ع بطنه مثل المنفرخه ما اعرف شبيه النفس بصعوبه يطلع حسيته برد ويرجف رجعت لبسته غير ملابس حطيته بحضني التنفس مالته صار مثل الشخير ضليت حاضنته ابجي وماعرف شسوي صحته بنازل نفسه . كام يطلع منه صوت ضعيف ويبجي كلت يمكن صار احسن وجاع انطيته صدري من ياخذه يختنك واحس نفسه صار اضعف واقل و عيونه عليه رافعها كمت اكوله اغورر ابتسم بوجهي بس ابتسامته كلشش خفيفه __حبيبي ماماتي جوعان هسه حسويلك ممه حطيته ع الفراش و كمت سويتله ممه دافيه ورجعتله جبت الممه حتى اشربه لكيته نايم بس عيونه مو كلها مسدوده و طالع وغف من حلكه ابيض __يااا حبيبي نمت وانت جوعان ومتقيا سوده عليه هسه اغيرلك ملابسك وارضعك لتنام وانت جوعان يروح امك شلته وحطيته بحضني واحس جسمه بارد وعيونه بالرغم شويه مفتوحه بس متتحرك يمكن من سويتله كمادات جسمه برد جبت الممه وحطيتها بحلكه شو مياخذها والحليب ينزل وميشربه وينزل من حلكه وميختنك بيه اي رده فعل منه ماااكو قلبي نغزني بس احاول اكذب نفسي رجعت احط الممه بحلكه بس ميرضع احس لشتي بدت ترجف والنفس كوه يطب بصدري عيونه مفتوحات ميتحركن كرصته حيييل ماكو رده فعل شمرته من حضني بحركه سريعه وكفت علي صفحه واصيح علاوي علاوي اكعد لتشاقه ويايه ماماتي عبالك دا احجي ويه واحد كبير مو طفل عمره 7شهور رجعت عليه و اخضه وارجع على صفحه اوكف ضليت اروح واجي اباوعله بحيره وضعي ماعرف شسوي اباوع لشقه ما بيها بالكونه اصرخ منها بس شباك من يم الصاله عقلي يكول شي وقلبي يرفض الفكره كمت جبت كلاص مي اذب عليه ميتحرك اي رده فعل ماكو صرت بوضع هستري ماعرف اروح واجي من يمه اجيت كعدت يمه علاوي ماما حطيته بحضني كل مره ادغدغه يغص ضحك دغدغته مفاد ميتحرك اهنا قلبي اتفق ويه عقلي بنتيجه وحده وهي علاوي ماااااات لك يمه كوووووووم علاوي فدوع اروح لاسمك دخيلك يا عليييييي دخيلك يا ابو فااااااضل ولكم ابني يااااالللللللللله يا الللللللللله يا رسول الله انت انطيته الي وسميته علي ليش حيروح مني ربببي فدوه موتني ومتاخذه ربيييييييي لك علييييييييي كووووووم يمه كووووووم شلته وكمت بالصاله واكمز من يم الشباك واصرخ حسسسسسسسسسسييييييييين وينك ولك ابني راح ولك حسسسسسين الله ليوفقك وين شمرتني حسسسسسين كمت الطم ادك بالباب مال لشقه بهستريه كسرت الباب ومحد يجيني البنات كعدو ع صراخي يبجون خايفين مني كمت الطم هلست شعري نور ونرجس وكفن يمي ويبجن وحمودي بالغرفه وحده يصرخ من الخووف __نوور اخذي اختج ودخلي لاخوج انطيه الممه وسدي الباب رجعت ادك الباب حييل واصرخ __وينكم يا اهل الرحم ساعدوني يااارب سخرلي واحد من عبدك ربي ساعدني يارب اريد ابني ياااارب ولكم وينكم فتحولي الباب ساعدوننني سمعت صوت احد بره __شكو بنتي تصرخين الدنيا فجر وزوجج حسين وينه __انت تعرف حسين __اي اليوم اخذ الشقه مني وكال لزوجتي وجهالي __فدوه عموووو الله يخليك عفيه ابني ميتحرك تخربط اني ادري بي مات بس ما اريد انطقها عندي امل لاخر لحظه يرجع يعيش __عمو اني انطيت المفتاح لزوجج وما عندي مفتاح افتحها بس عندي رقم زوجح هسه اتصل عليه اااي عموو فدوه الله يخليك بسرعه اتصل بحسين بس ميرد __بنتي زوجج ميرد كمت اضرب الباب بكل قوتي ارررررجع اتصل اررررجع ولكم ابني ماااات ابني راح مني رجعت لعلاوي حبيبي يمه اروحلك فدوه اكعد علييي اغوووو اغوووو حبيبي كول اغووووو يبعد روح امك احجي واكعد علاوي حبيبي كووم يمه __وينج عمو سمعته يكول الووو حسين//طلعت ع نجمه تقريبا ساعه 2الصبح اتفاجئت الحجي صاحب العماره يتصل مرديت عليه اتوقعت نجمه ثبرته بصراخها متعرف تنام بهيجي مكان جايلج حبيبتي جايلج رجع اتصل استغربت شو هذا يلح اذكرت الوقت متاخر كلش مباقي شي للصبح يعني حتى لو مرايده تبقى بهالمكان مو معناته بهالوقت تصرخ جاوبت الووووو __ابني ليش مترد وانت شلون قافل الباب ع مرتك __اي عمي هسه بالطريق جاي __ابني استعجل مرتك تكول ابنها ماات __شنوووووووووو منو ماات انت شتحجي سديت الخط يمكن كمت امشي فوك ال200 اذا اضرب بريك اطير بيه السياره بنتي زوجج جاوب جاي هسه بالطريق اني حاطه علاوي بحضني طلعت صدري اريده يرضع منه كمت ما اعرف شسوي شويه ابجي شويه اناغيه شويه اكوم الطم وابجي ما اعرف شسوي ماكو تقريبا اقل من نصف ساعه واسمع الباب انفتحت كمت مثل المخبله ع حسين __ولك ابني علاااوي ابني ميكعد فدوه كعده وشتريد مني اسويه الك اصير خدامه الك ولصفاء بس كعد ابني فدددوه __جيبيه نجمه __مااااا ماااا انطيه بس كعده وهو بيدي __اي انطيتياه اكعده __كتلك مااااااا انطيه هذا ابني الي وحدي انت كل هالفتره محسيتهم انت ابوهم فما انطيك اياه ابدااااا حاضنته حيييل وما اقبل انطيه __نجمه ابوس ايدج بس اريد اتاكد انطينياه وارجعه الج __كول والله ترجعه __والله ارجعه بس انطينياه انطيتهياه واني ارجف اخاف لا اسمع الكلمه من لسان حسين الكلمه الي مستحيل اصدكها اخذه وكعد بالارض وحطه بحضنه وايده جوه رقبته شو صار وجهه ميتفسر وصرررخ __لالالاااااااااااااا يربي لاااااااا الاجهالي لااااااااا اخذي روحي الي عاااقبني الي بس جهالي لااااا __احجي حسين شبيه علي _ولج علي مااااااات راح للي ارحم مني ومنج __لاااا لااااا اني مداريته وممقصره وياااه اني اخاف عليه اكثر وحده بهالدنيا ميروح ويعوفني لاااااا ابني يا الللللللله لتاخذه فدوه لاسمك يا الللللللله رجعلي ابني كمت الطم كطعت شعري حسين يومفني اضربه اخذت علاوي وخطيته بحضني وكعدت بالزاويه حسين صاح الرجال حتى يروح لجهالي بالغرفه واجه عليه __نجمه انطيني الولد __ماااا ما انطيه اششششش عوفه نايم اششش لتحجي وتكعده عوفه وروح معليك بينه __اااخ ياربي شهالعقوبه الي عاقبتني بيها يربي مو بجهالي عاقبني بعافيتي مو بيهم ياااربي _حسين اااش لتحجي لتكعده اش نايم كعدت اغنيله دوهه يا دوهه والكعبه بنوها وزمزم شربوها __لج اااش كافي ااش سكتي حتموتيني اااش اروحلج فدوه اش الولد راح يم الرحيم انطينياه __ماااا ابني نايم اااش لطلع صوت ضربتها راشدي بكل قوتي اريدها تصحى __لج علاوي ماات انطينياه __لا حسين فدوه اروحلك انت شتحجي صاحب العماره// ابني مرتك بصدمه ع كيفك وياها __عمو ابني راح مني شسوي ومرتي بصدمه __ابني صلي ع النبي والموت حق علينه كوم واخذ الطفل للمشفى واني حتصل ع بنتي هي قريبه عليه وتخلي بالها يم الجهال كمت واخذت نجمه وهي متقبل تنطيني علاوي صعدها بالسياره وهي كاعده تلوليله وترجع تصرخ ع علاوي عشت بحاله ما اعرف شنو ساعه احس نفسي ممصدكه وشويه واحس نفسي ضعت وصلته للمشفى نزلت وما اقبل انطيه علاوي نزلت اركض وحسين ورايه ابني ابني وينكم ساااعدوني __ اوكفي شبيج تعيطين __عفيه دكتور ابني ميتحرك __انطينياه اني اشوفه الج __هااااا يعني حتكعده موووو __ااي بس انطينياه اخذو مني واني الوب وحسين يواسي بيه طلع الدكتور __هاااا دكتور كعدته مووووو __اسف اختي البقيه بحياتكم لااااااااااا لاااااااااااا فدوه لااااا الله يخليك كعده لااااا والله كان يضحكلي قبل ساعات كتله اغوووو ضحكلي بس مقبل يرضع ناام وهو جوعان علاووووي يمه كوووم انت نايم موووو ولكم لتكولون ميت لااا روحو شوفوه فاتح عيونه وهسه يرضع ويشبع اللله يخليكم كعدولياه هذا ابني قره عيني ولكم وليدي هذا ربييييي رجعيلياه والله ما اتحمل والله ربي اختبارك هذا صعب ما اكدر عليه فوك طاقتي والله اخذ عمري اخذ عافيتي بس رجعلياه ولك علييييييييييييييييييييييي يييييييييي ارجعلي لتخليني اتحسر عليك عليييييييييييي ...... يتبع ...... جدا اعتذر ع هالبارت الي كان جدا قاسي عليه وع نجمه وصلت الكم ولو جزء بسيط من نجمه ومني ومن كل ام فقدت ابنها وايضاا اعتذر مكدرت اكتب اكثر لان اكثر بارت كنت شايله همه بالقصه هو هذا هالبارت و كان جدا صعب عليه بكتابته فانطوني رايكم بالبارت وتوقعاتكم بالبارت الاخيررر مجرد توضيح تره مو بارت وانما عتاب مني الكم اليوم جذبني كم تعليق وصراحتا كلش انقهرت اعتقد كلكم االي دتقرون القصه مسلمين واتامنون بقضاء الله وقدره وكل انسان صغير او كبير اله يومه ويدرككم الموت ولو كنتم في بروج مشيده مهما كان السبب الطفل هذا يومه شنو تكولون صوج نجمه لو سامعه كلام حسين وكاعده ومتحمله كان ابنها ممات لو الي تكول غير ام ومعرفت تشتري دوه لابنها كان ممات بنات تره اكثر من مره كتلكم نجمه تقره التعليقات فليش هالتجريح بالكلام وتخلوها تقرا وتنقهر وترجع تبجي وتلوم بروحها مااااا اتمنى هالشي وهالشعور لاي ام ولا اكول خليكم بمكانها لان محد يحب يكون بهالموقف بس اترجاكم من تعلقون راجعو تعليقكم بالاول و وراها علقووو دمتم برعايه الرحمن وحفظه بنات كلكم البارت مو اليوم اي ليش تسالون واحتمال باجر هم مالحك انزله فرجاءااا لضغطون عليه بالنهايه لان ما اريد استعجل بنهايتها وارتب البارت بصوره حلوه |
صوت قبل القراءه لطفاا النهايه قسمتها قسمين لان مكدرت اختمها كلها بارت واحد واعتذرر جدا عن التاخير متابعه شيقه #العروس_والسحر__ بارت ما قبل الاخير #زينب_عبد_المطلب🦋 بعد ما بقيت اصررخ واعيط فقدت ومحسيت بشي صار هدوووء عندي صوتي ما اسمعه حسيت حالي انجمدت بمكاني اباوع عليهم بس ما اكدر احجي اشوف حسين يحجي ويايه بس ما افهمه الدكتور يصرخ حتى يشيلوني ودخلوني بغرفه يقيس بضغطي اياشر بايده اشوف بس اي رده فعل ما عندي برود كل الي كان متملكني هو البرود لا مشاعر ولا احاسيس استسلمت كلشي بجسمي استسلم اريد اروح ويه ابني منتضره روحي تنسحب مني وياه ضربوني ابره وبعدها نمت حسين/من دخلنه للمشفى كنت اعرف ابني توفى عرفت هذه هي عقوبتي باهمالي لنجمه وللجهال لان هناك تركتهم اعرف الموت حق علينه وابني راح طير بالجنه بس نجمه اعرفها مراح تقتنع بهالشي سلمت امري لربي وضليت اردد (اللهم اجرني في مصيبتي واخلفني خيرا منها ) صح الراح قطعه مني بس هذا امانه والله اخذها بس بعد الي صار اتاكدت هالمره نجمه خسرتها وللابد ومراح تسامحني ابدا شفتها شلون فقدت وتصرخ وتعيط متحملت الموقف كعدت ابجي وياها لهنام واشوف نجمه سكتت اباوع عليها مثل الميته متتحرك وبس تباوع دخلناها لغرفه وهي نفس الشي فاقده الدكتور انطاها ابره ونامت __زوجتك بحاله صدمه عقلها ممتقبل فكره خساره ابنها زوجتك هسه حتكون محتاجتك اكثر من قبل حاول متتركها والافضل كل الناس الي هي تحبهم يكونون يمها حتى ترجع مثل قبل __يعني حتظل ع هالحال _لا اني نطيتها ابره مهدئه للصبح من تكعد حتكون افضل باذن الله وطبعا حالتها حنظل احنه نراقبها حتى متتازم __مشكور دكتور مقصرت __هذا واجبي وبالنسبه للطفل حنسلمه للطب العدلي ويفضل التشريح لمعرفه سبب الوفاه —لا دكتور ابني ميشرح رجاءا ولو اعرف اخذه منكم بالغصب هم ما اشرحه هو. طفل ششرح منه ابني كان مريض بضيق التنفس وع البخاخ يتنفس واني متوقع انو زوجتي خلص عدها البخاخ وهو مكدر يتنفس وتوفه وكله السبب مني لان اني مجبتله __بالنسيه للتشريح مراح اجبرك بس اعترض وياك بسبب الوفاه اني دكتور اهنا وباليوم تجي حالات كثيره بعضها يطلع معافى بس البعض يموت حتى وان ادخلنه وعالجناه بس هم يموت لان ربك كاتبله هذا يومه ولا يقدم ساعه ولا يأخر عود اني الي كتلك تكون يم مرتك وتساندها هيجي تكول لعد هي شحتكول خلي ايمانك برب العباد كبير وفوض امرك اله __والنعم بالله حتصل ع اهل زوجتي حتى يكونون يمها __اخذ راحتك واني موجود بغرفتي الي مقابيلك _مشكور مقصرت اتصلت ع اهل نجمه اكثر من مره محد يرد عليه اضطريت اتصل ع امها __السلام عليكم __خيررر متصل بهالوقت فززتتي من نومي __اسف خاله بس احنه بالمشفى __خير منوووو بالمشفى بنتي شبيها __صراحتا نجمه كلش تعبانه لان ابنه علي انطاج عمره ___يبوووووووو علاوي يمه لحكوني مااات حفيدي ___خاله فدوه هدي روحج واريد اوصل لبيبي وعمي بس ميردون وما اكدر اروح واترك نجمه __اني هسه رايحتلهم بس كولي الجهال وين __يوووو ذكرتيني بالجهال هسه اجيبهم حتى من تجون تاخذوهم وياكم شلون نسيت جهالي __الووو شلونك عمي فدوه تكدر تجيبلي الجهال بمشفى..... _اي وليدي ولو بنتي وزوجها يمهم بس هسه اخليهم يجيبوهم الك زوجتك شلون صارت __والله ياعمي الها الله ادعيلها بالصبر __ربنه يصبرها ويقويكم __رحم الله والديك اني منتضركم __ان شاء الله شويه وجايكم ___منوووووو __اني فتحي الباب __منو انتي...نهى اني فتحي __لازم طردوج اهلج اجابج علينه بهالوقت __دفتحي الباب لا اكسرها فتخي البااااب __شكوووو شبيج __وينه صباح خلي يلحكني __احجي شكوو...نجمه __شبيها..بالمشفى ابنها علي ماااات __يبوووووووو لج صددددك تحجين __ااااي اتصل حسين وكالي لان انتو متردون عليه اتصل عليه __شكوووو شبيكم تصرخون وانت شجابج __كووووم امشي ويايه بنتك بالمشفى ابنها علاوي مااات __شنوووو انتي شتحجين البارحه كانو اهنا واخذها السافل زوجها __ماااا اعرف هسه امشو البنيه وحدها هناك __يمه ينتي نجمه سوده عليه بيبي شفتي من حياتج لا ام بيها خير لا اهل وكفولج ولا رجال بيه خير سوده عليه راح علاوي حبيبي فدوه رحتلك بيبي __دكومي مو وكت تنعين ورانه طريق __ابني شبيك وجهك اصفر __يمه كووميني بسرعه لازم اروح لبنتي __صباح لتروح تتخربط __لااا يمه بس امشو بسرعه بعد ساعه وصلو الجهال واهل نجمه وبيت عمها للمشفى دكتور تعال بسرعه نجمه كعدت __علاووووي جيبيولياااااه ولكم رجعو كعدوه انتو مو دكاتره مو انتو تشفون المريض كعدولي ابني اليوم اريده __يمه بنيتي حبيبيتي لتبجين فدوه راح للي ارحم منه __بيبي فدوه تعالي كولليلهم يرجعون ابني فدوه اني شلون نطيتهم اياه ليش مبقيته بحضني اني لو مرضعته كان كعد الام//نجمه حبيبتي كولي يا الله وربنه يصبرج ويصبرنه __ماما كوليلهم يرجعوه حبابه يمه تره اني مزعلانه منج لان فتنتي والله مزعلانه بس كوليلهم اريد علاوي اريد احضنه وابوسه فدوه __حبيبتي والله اني اعتذر اني اسفه لو ادري هيجي يصير ولا اتصل ع حسين سامحيني يمه __مسامحتج بس رجعي علاوي حسيييييين وينك تعاااااال هيثم/كله من وراه لوما هو ميموت الولد هو السبب هو الي اخذها وموت الطفل عم نجمه//لاااا ابني لتكول هيجي كلمن ويومه كومي اخذي الجهال لتخلوهم يشوفون امهم بهالوضع يمه انت هم روحي وياهم واخذي نهى وياج اني وهيثم وصباح باقين حتى نكمل كل الامور ونرجع بيبي//والله لو اطلعوني منا جنازه ما اترك نجمه يمه تره كثرتنه مو زين عليها مراح تفيد __اي خلي مرتك ونهى ياخذن الجهال وهيثم وياهم واني ابقى نجمه محتاجتني ما اتركه __تمام بكيفج وانتو كلكم رجعو واليوم باذن الله نرجع حسين//كنت اباوع عليهم وهمه يلوموني مكدرت احجي شي لان اني فعلا الي مقصر نجمه حالتها وره مكعدت كانت اسوء تلومني حتى بنضراتها وما اكدر اجاوبها بقيت وامف حتى من بعد ما اخذو الجهال وراحو وبقى عمها وابوها وبيبي __حسين الطفل وينه __بالثلاجه اخذوه ورادو يشرحوه مقبلت __لاااااااااااااا محد يطخ ابنييييي كمت اركض واصرخ محد يطخ علاوووي ولج تعااالي والله محد طخه ومقبلت يشرحوه والله __كذااااب انت كذااااب يا يوم كلت كلمه وصدقت بيها ولك ما اصدك بعد بيك اريد ابني وينه __بنتي مديكذب عليج صدكي هياته الدكتور واسالي __دكتور ابني لشرحوه __لا مراح انشرحه اليوم تاخذوه وياكم وادفنوه وحاولي تتقبلين نجمه انتي ام وعندج بعد 3اطفال ربي يحفظهم الج اتقبلي هالطفل راح وعندج غيره محتاجيج __لاااااااا اني عندي 4مو 3 مو بكيفكم عندي 4 __امشي حبيبتي امشي ويايه الجهال محتاجيج حرام تسوين هيجي بروحج وتعترضين ع حكم رب العالمين اخذوني من المشفى ورجعت لبيت اهلي حمودي شافني اجه عليه ويبجي يريدني من شفته شفت علاوي وياه حضنته حيل واصيح علاوي هذا رجع علاوي ممات __حبيبتي حتخنكين الولد انطينياه __لا بيبي هذا علاوي ما اعوفه اخذته ويايه ورحت لغرفه بيبي ونمت ونومته يمي واني اشم بيه ريحه علاوي رجعت نجمه للبيت ويه اهلها واني وراهم رحت مخليتها تصعد ويايه لان اعرفها راح ترفض شفتها شلون رجعت وهي منهاره واخذت حمودي ونامت البنات خايفات منها ومكدرت اخذهم ما اعرف وين اوديهم لان ورايه اروح ادفن علاوي __عمي اني حاخذ علاوي وادفنه __اي بس انتضر نجمه تصحى حتى كلنه نروح __لا عمي رجاءاا اكبر غلط نجمه تندل المكان حتلكاها مرابطه هناك وانتو اذا اكوللكم حتحلفكم لو انتو تنقهرون ع وضعها وادلوها لذلك اني حروح وحدي ادفن ابني وينتهي الموضوع __تمام اذا هيجي يكون بعد افضل صح اذا اندلت المكان حترابط يمه ((وفعلا لحد الان مندليت مكان ابني علاوي ولا اعرف وين اندفن) رحت ودفنت ابني ومكلت لاي احد مكانه نجمه // __ووووينكم __هاااا حبيبتي __يمه حسين وينه ابني علاوي جابه __هااااا لاااا مجابه...شقصدج __حبيبتي نجمه حسين اخذ ابنج ودفنه واحلفج بالله اذا تحبيني تصيرين قويه __زين ع الاقل كوليلي وين اخذه __احلفج بربج متسالين وين الولد راح لدار حقه يم الرحيم خليه مرتاح هو طير بالجنه يتلكاج بالاخره عينج ع جهالج البقيه خطيه __اريد اشوفه وازوره وابرد قلبي _ناااارج متبرد العمر كله لو تظلين نايمه ع قبره العمر كله هم متبررد __لااا انتي متحسين بالنار الي جوايه حسين وين كوليلي وينه طلعت بره ادور عليه//بابا عمووو حسين وين ابني وين اخذه __بنتي حسين راح يدفن ابنج وصدكيني حتى احنه منندل حتى منضعف وندليج __ليشششش هيجي تخلوه يسوي بيه ليييش هذا ابنيييي انتو شلون تقبلوووون حسسسسين وينك والله حرام عليك بس خليني اودعه واشمه لاخررر مررره خليني احفظ ملامح وجهه حتى ما انساهااا ليييش اخذته ليييش ضليت اصرخ وابجي لحد ما وكعت بقيت ع هالحال 3ايام مرت عليه واني اشبه الموت ادعي ع حسين لان ماخذني وياه والوم اهلي لان محد راح وياه كالو ميصير نسوي فاتحه لان هذا طفل فسوو مثل المضياف لمده3 ايام يعزمون بيها الجيران والاقارب ع الغده واني فاصله ولا يمهم بالي وتفكيري فقط يم ابني الراح حسين بعد ما اخذت ابني ودفنته اتصلت امي عليه ___ولك انت شلون هيجي تسوي بصفاااء شلون تضربها برجلها ولك البنيه اسكطت من وراك __وطبها مرررض اني بيا حااال ___لييش شبيك انت ولك اني شكول بيتنه مقلووب سبايه بيت خالك كلهم اهنا حتى حنين وزوجها __صدددك دخليهم موجودين اني ساعه وجاي سديته الخط واتوجهت للسيد لان نسيت اروح واطلك صفاء وهسه اجتي الفرصه حتى اطلقها واكشفها بعد ساعه وصلت لبيت اهلي __يااا هلا الحبايب مجتمعين __انت شلون تسمح لنفسك تضرب بنتي اني اليوم ردت اشتكي بس هي منعتني واجيت افهم منك __وليش مسالتها ليش ضربتها اني..؟ وبعدين روحو اشتكو عليه عادي جدااا __انت حضرتك تستهزااا ام حسين دشوفين ابنج يستهزء بنتي تره هذه مرتك طبعا متشتكي __ع كيفج خاله لصرخين هذه اولا اما ثانيا هذه ورقه طلاق بنتكم __شنوووو انت شلون اطلق وبكيفك هي سايبه لو ما عدها اهل وراها شوفنه شلون نعامل اختك مو ابني ماخذها ليش متتقي الله بنتنه __ااي بلش الكلام المضبوط اتريدوني اتقي الله بمنو وليييش بنتج الي هي واختي العاااااااار الي سور سحر لمرتي __انت شتحجي يمه اختك وصفاء ميسونها __يممممه خلي اكممممل كل الي بيه من وراكم خليتيني ما اطلكها وهي لعبت لعب بيه اختي حنين الي هي اختي سوتلي كمين حتى اخذها وخالتي باعت بنتها ع كم فلسسس هااا اذكرت مؤخر بنتكم 25الف وهذا هو مؤخرها ميشرفني اسمي يرتبط بوحده سحاره سحرت لمرتي و وصلتها للموت ميشرفني وحده تصادق وتبيع نفسها علمود السحر ميشرفني وحده ترسل صورها لواحد غريب حتى يساعدها وفوك كل هذا تهمت مرتي وخلتني احبسها ولكم من وراها هالعااار ابني ماااات من وراها خلتني احبس نجمه من وراها دفنت ابني بايدي لوما هي مكان عصبت وحبستها لو ما هي ارجع نجمه للبيت وانطي لابني علاجه __ممممممنووو مممات انت شتحجي شنو دفننت ابنك ولك احجي __يوووومه علييي ماااات ابني راح مني خسرت ابني من وره العاررررر من وره سحورتها __انت صدك تحجي يعني حفيدي ماات __اي يمه دفنته بيدي اليوم ونجمه حتتخبل ع ابنها وكلهم اهلها يباوعون عليه بنضره اتهام وحقهمممم تدرون ليش لان اني صدكت وحده رخيصه عاااار مثل بنتكم كوووووومو برررره يله وربي اذا لمحت بيوم صفاء كدامي حسبو بيومها انو اني قاتلها خلاص كل صورها ومحادثاتها ويه كوا.....عندي والله افضحها وما اكول بنت خالي لااااا ما اعترف بيها ابد وانتي حنين اني برئ منج الى يووووم الدين هالبيت يتعذرج بس المح ولو خيالج اهنناااا والله اشتكي عليج وتعرفيني اسويها واكدر يلللللله بره __ابني بس فهمني علاوي شلون رااااح لك حتخبل __روووحي لبيت نجمه وهناك تعرفين اني بعد معليكم بيه اني انتهيت خسرت مرتي وبيتي وجهالي وابني للمره الثانيه وهالمره ما منها رجعه بعد __لا يمه لتكول هيجي نجمه متعوفك _واني شلون اباوع بعد بوجها يمه نجمه نضراته الي لرووم وحقد واتهام وكره واني اكول حقها __انتضر الزمن يداوي اكبر جرح وربك يصبرها ويصبرنه اني حكوم اروح لاهلها وازورهم __اي يمه روحي وشوفلي نجمه يمه احجي وياها وصبريها يمه فهميها تره الموت حق والله هو الي اخذ امانته مو اني __الله كريم والله كلشي افهمها روح ارتاح شوف وضعك شلون تعبان __هو حصعد ارتاح وانام وبقيت يم اهلي لا رحت لبيتي ولا بقيت يم نجمه روحاتي كانت ع كد اشوف الجهال وبس بعد شهر ... بعد مرور شهر من وفاه علي وضعي متغير اولادي هملتهم الحمام ادخله كل 3ايام ياله اسبح امي او بيبي همه الي يسحلوني للحمام حسين اجه هالفتره بس مطلعتله. يروح للبنات ويطلع اجتي امه وهم مقبلت اشوفها محبيت ابداا شوف احد طبعا امي من يوم وفاه ابني لحد الان مرجعت لاهلها وبابا رجعها بذمته علمودي حتى ميتركوني وحدي وجودهم بالنسبه الي مفرقلي شي ابداا حسيت حيلتي بعد انتهت كلشي راح مني وخسرته مستقبلي وشبابي وابني وسعادتي كل هذا بسبب انسان حول حبي اله لكرهه الدنيا اخذت مني هوايه قابليتي خلصت ما اكدر بعد اواجه ولا اكدر ابدي من جديد ..توقفت حياتي واستقريت بنقطه الصفر ليش عايشه ما اعرف فقررت انتحر واخلص وفعلا جريت اكثر من مره واخذت ادويه وركضولي سولي غسل معده ومره ردت اشمر روحي من سطح البيت ولزموني اخر محاوله سويتها بالموس فتحت الوريد وحبست روحي بالحمام بس لحكولي ع اخر لحظه ومن ذاك اليوم واني مراقبه منهم كمت بس اخذ فاليوم وانام صار عندي اكتفاء الذات ولا اتحمل احجي ويه احد ولا اسمع صوت احد حتى بابا الي هو روحي بالدنيا من اسمع صوته وهو يحجي ويايه بعده باول كلمتين اسكته حتى ميحجي بعد واطلعه من الغرفه بيوم كعدت من النوم لكيت المخده كلها دم وراسي حييل ثكيل ضغطي احسه حينفجر من وجع الراس __اااااااااخ رااااسي __شبيج يمه شكوووو شصاير ليش تصرخين __راااسي لحكووو..... مكملت كلامي واغمى عليه وبعد محسيت ع روحي بيبي//يمه بنتي يمه نجمه وينكم ولج نهى وينج اتصلي بسرعه ع هيثم __شكوو يمه شبيها نجمه __ولج مو وكت شبيها امشي اتصلي ع هيثم اوكفي خلي نرش عليها مي بين ما اتصل ع هيثم __دكوومي بسرعه البنيه حتروح من ايدنه خشمها كله دم راحت امي وتجيب مي وذبوه ع وجهي __كومي حبيبتي كومي شفتي شصار بيج لا تاكلين ولا تعتنين بروحج وهملتي نفسج وجهالج تاليتج هيجي يصير بيج كووومي ناخذج للمشفى __كلشي ماا بيه عوفوني ما اروح __انجبي هسه حيجي هيثم و ناخذج للمشفى كومي يله ابدلج ملابسج كلها دم __كتلكم مااااا اريد __لتخليني اضررربج دنكولج كووووووومي كمت وكفت نزعوني بجامتي __يمه ولج هايه شنووو بجسمج __شبيكم شكو __ولج جسمج مطكع ازرك __شنو وين __ولج نهى بسرعه شوفي هيثم وين صار البنيه ما اعرف شبيها استغربت شنو هذا الي بجسمي وراسي الي حينفجر اجه هيثم ورحنه اني وبيبي للمشفى صحيح كنت متمنيه الموت بس من شفت هيجي بجسمي خفت واذكرت جهالي وصلنه للمشفى سولي تحاليل وفحوصات وطلع بيه تخثر وبدايه جلطه __عفيه منين اجاها ليش هيجي محد عدنه بيه تخثر __حجيه المرض اله اسابه من يجي مو شرط يكون وراثه هسه حكتبلها علاج واهم شي ابر هيبارين لازم تجيبوها __انحصلها لو وين متكون اهم شي حفيدتي اسمع كلام الدكتوره وبالي مو يمها طلعنه نرجع للبيت وامشي وياهم جسد بلاروح فاصله واسمع بس ضوضاء العالم بس عقلي وقلبي احسهم متوقفات رجعت للبيت وجهالي شفتهم ركضت للغرفه وسديت الباب اخاف اشوفهم واذكر علاوي ولو منسيته بس ما اريد اكعد وياهم ويشوفوني ابجي دخلت للغرفه ما اريد اي احد احجي وياه __نجمه فتحي الباب __بيبي لطفااا عوفوني وحدي __نجمممممه فتحي الباب لتخليني اصرررخ __بيبي فدوه شرايده والله تعبانه والله ارحميني __كعدي احجي وياج شويه واطلع دخلت وسدت الباب وراها بيبي// الى متى حتظلين تسوين بروحج هيجي تره الي ينتحر لا عبالج يرتاح من هم الدنيا وتكولين اريد اخلص واموت تره من تموتين منتحره حتخسرين الدنيا والاخره وحتى ابنج الي منتضرج بالجنه مراح يشفعلج من تنتحرين قله ايمان الواحد يخليه ينتحر ويكول اخلص من عذاب الدنيا زين وعذاب القبر وعذاب وربج اضعااااف الدنيا صيري قوويه وكوومي لخاطر جهالج ولخاطري ولهاطر امج وابوج المسكين تدرين ابوج بهالشهر مرتين انشمر وميقبل انكول يكول ما اريدها تبجي عليه وفوك ضيمها تشيل همي كوومي بنيتي ابنج كام يخطي وانتي مشفتي اول خطواته بناتج يبجون عليج ونور تكول انتو متعرفون تضفرون شعري بس امي تعرف شلون تسوي شعري ونكعد نتوسل بيها حتى متجي عليج وتنام ودمعتها بعينها كوومي يمه شوفي بناتج محتاجين الج تره الاب ميعوض مكان الام وتعرفين جهالج متعلقين بيج شكد ميحاول حسين انو ميقصر وياهم بس ديبقون رايديج يله حبيبتي رجعي نوري البيت بضحكتج بوستني من راسي وحضتنتها وابجي..اسفه بيبي اعرف نفسي ضعفت وغلطت ومواجهت قضاء رب العالمين بقوه وصبر واجهته بضعف وانهزام من الواقع بيبي اني حرجع علمود جهالي بسسسس بعدني ممكمله كلامي سمعت صوت حسين بره ويسال ع الجهال __بس شنو كملي __ميحتاج اكمل هسه اجي طلعت للصاله شفت حسين كاعد ع الارض وكان وجهه تعبان حييل وحمودي كدامه ويخطي وكفت فرحانه ع حمودي بس متحمله ع حسين غضبي سيطر عليه واني اباوع ع حسين وحمودي كدامه واذكرت علاوي وشلون اخذه ودفنه وحتى مكال الي وين وهو سبب موته تهسترت وكمت اصرخ __هااا اجيت حتى تخلص عليهم مووووو الله لينطيك حسبي الله عليك دمرتني اذيتني الله ينتقم منك شتريد بعد شتريد دمرت حياتي كمت اضرب بي وبصدره فاقده هيثم كان بعده موجود اجه ركض عليه ولزمني حيل __بس ولج كاافي عوفيه __لااا خليها هيثم __لاا تعبانه موزين تعصب حسين__ليش شبيها تعبانه نجمه__كلشي ما بيه اني معليك اننننت __لج بس كعدي ولتصرخين يمعود هذه تعبانه قبل شوي جبتها من المشفى ضربتها شبه الجلطه وتخثر بالدم صك اسنانه و التفت وانطاني ضهره ادري بي خانكته دموعه بس ميحب يبجي كدامي __كااافي تعبتني اقتلني وخلصني هم لو حكم انحكمته كان هسه طلعت منه عفيه روح شتعذب بيها بعد وانت سنين شالع قلبي اني تعبتني كرهتني بحياتي سحبني حيل وحضني ويبوس براسي ادفع بي وهو حصرني بصدره ما انكر اذا اكول ممرتاحه بحضنه وروحي بدت تهدأ بس وخرته ما اريد اضعف كدامه __نجمه اريد احجي وياج بشي مهم من رخصتك هيثم __اي اهذ راحتك اني بالمطبخ يم مرت عمي اذا تحتاجون شي بس صيحلي __متقصر يالحبيب __لاااا وين رايح وانت شعندك كوول __نجمه لتعاندين كتلج احجي وياج شي مهم __احجي شرايد فضني __نجمع اني اعرف انتي بعد متتقبليني والبينه فجوه جبيره متنسد بعد وحقج بكلشي نجمه اني اجيت اليوم حتى اودعكم فلوسي سحبتهم وفتحتلج حساب باسمج وهاي سيارتي حولتها باسمج وهاي القروض مالتي وحتى راتبي انتي الي حتستلميه بلغت القاطع ودبرت كلشي وياهم يجوز اروح و ما ارجع بس امانه الله بركبتج ابريني الذمه ودائما اذكري شي تره انتي قلبي وكلشي حلو بحياتي وحتى لو متت حتظل روحي بيج ومتفاركج وجهالي ذمه بركبتج اديرين بالج عليهم وتذكريهم بيه واتكوليلهم ابوكم يحبكم واخوكم اني اتحمل مسؤليه وفاته صح هو امانه عدنه ورجع الله اخذها بس اني هم قصرت نجمه فدوه لتخليهم يكرهوني __ها هم فلم جديد وكاعد تسويه عليه _لاوالله اجه امر لازم التحق لجرف الصخر __درت وجعي ودمعتي بعيني مردت يشوفها وكتله روحه بلا رده __نجمه عندي حجايه وياج اخيره __اليوم حتكضيها بس حجي للصبح ااي احجي واختصررر __اول شي انداري عليه __يله انداريت كووول شرايد اتقدم عليه وشالني وحضني ويبجي اول مره اشوفه بهيج حاله __ولج عبالج هينه عليه لج ابني دفنته بأيدي لج عمت عيوني عليه واني ادفنه والللللله ناااار و تسعر بيه نزلني ع الارض وكعدني وكعد يمي __نجمه والله والله صفاء محبيتها وتورطت بيها تره صفاء طلقتها واكتشفتها وهي تخوني وعرفت بسالفه السحر كعد وحجالي السالفه كلها ما انكر انصدمت بس اني هذا الانسان اعتبرته مرحله وهدت بعد هالانسان صار بالنسبه الي هو سبب دماري دفعته وكمت واني اصرخ __ بله نكول صفاء مسحور منها وازوجتها زين والمدرسه وبت الجيران وهاي لمره لكانت تراسلك وعددتهم اله كولهم ولل وخده نسيتها حتى الي هو ميعرف اني ادري بيها هم ذكرتها __كل هذني الي عرفتهم هم سحروك حسين// صح وياج وحقج بس عمري مفكرت انزل مره عليج وازوجها ما انكر هذني نزوه وراحن بالنسبه الي صادقتهم بس حتى اشبع غريزتي عطت بي لان تبريره اتعس من ذنبه _غريزتك مووو وانننني لعد شنو كنت اسوي وياك ضحك .....صح انتي ممقصره بس وياج احسب الف حساب اذا اريد اخذ راحتي وياج فانتي علاقتنه الزوجيه حاطه الها خطوط ماا اكولج ع شغلات متريديها بس اخاف عليج حتى من نفسي لج باباتي اني رجال ولان احبح ماجبرج شكد ما اتمنه كولشي احبه وياج بس انتي تستنكفين بكولشي ويايه __يعني ما عندك غير بس هذا القصور الي يخليك هيجي اطيح حضي يعني لو جاي وكايلي نجمه اريد منج فلان شي لو فلان شي مجان لبيتلك طلباتك ولتريده اسوي __ نجمه اني مانكر مغلطان لان اكول خليها وما اجبرج علي كولشي __باوع حسين انت اذا تحبني صدك اتركني بعد ما اكدر والله ماكدر والله __فهميني بس شنو الي متكدرين اله _يعني اله اكولك نفسي متتقبلك هم مراح تتفهمني لان اعرفك من تقفل تقفل حجيبلك مثال كللش بسيط شتحس تجاه صفاء باوع عليه وهو يخززني __جاوبني لتسكت__ليش تسالين هالسؤال __حجاوبك ليش سالت هالسؤال انت مو تكول نفسي تشمئز منها حاليا اني هذا شعوري وياك اشمئز منك وما اتقبلك اشوف بيك گتال ابني علي ماات بسببك وبسبب رعونيتك ولان صدكت كلام صفاء حبستني بالشقه الي لو يذبحونه اني والجهال محد يحس علينه فرجاءاااا بعد اطلع من حيااااتي __براحتج نجمه بعد ما اضغط عليج ع العموم اليوم العصر هم اريد اجي لان متوقعت اشوفج اليوم فاريد اجي العصر اكو عندي شغله وياج __اسفه ما اكدر بعد من هالحظه تنسى اتشوف وجهي تجي شوف جهالك وتودعهم وخلصصصصص __نجمه. هيجي صايره تكرهيني ولج اني الي انتضرج تكبرين واشوفج كدامي و معتبرتج مرتي والله شفت بيج بتي وحبيبتي ولج الدنيا كولها تحسبلي الف حساب واني اصير يمج خروف تامرين واكولج حاضر صدكي وثقي بالله صح اني خاين وهوايه عندي مكسرات بس ماكو وحده كعدت بقلبي واخذت مكانج ومستعد اقسملج بكتاب الله بعد بنضره ماخونج _انت شبيييك لازم مستوعبت الكلام الي كلته بابا اني اكرررررهم اطلع من حياتي انت خانكني اريد اتنفس حبل ومشدود بركبتي حرمتني من عمري الله يحرمك من الراحه نهاريت وضليت اعيط اعذاره اكبر من صوجه __ولك اكرهك الله ياخذك االله يموتك اعرف كلش زين طول ما خشمك يشم الهوه اني متمرمره الله ينتقم منك __اششششش اششششش كافي خلص اني طالع اترجاج بس اسكتي حطلع والله بس سكتي صحتج نجمه انتي مريضه طزز بيه انعل اهلي هسه كلهم بس سكتي __لعد اطلع بره وبعد ماااا اريداشوف وجهك __ براحتج هسه حطلع عافني وطلع بس حتى مشيته اشوف بيها انكسار بس بعد مينكسر قلبي عليك ابد دهلت لغرفتي اي واحد يحجي ويايه اسكته اخذت حعالي يمي ورجعتهم لحضني وقررت ارجع صحتي وعافيتي لخاطرهم همه مرت الايام واني مرتاحه ونفسيتي شويه تحسنت بس حسين من ذاك اليوم بعد لا شفته ولا سمعتله اي خبر صار تقريبا شهر وهو ماكوو البنات خصوصا يبجون عليه ما انكر اني ممشتاقتله بس احس الي افضل ان يكون بعيد عني بيوم كاعدين اني واهلي دنشرب شاي بعد ما تغدينه والجهال ديلعبون وبيبيتي تحجي بتلفون وامي هم مكابله التلفزيون وبابا كاعد يسولفلي ع بطولاته ايام زمان اندكت الباب راحت تفتحها نور صرخت من يمها اااي يمكن بابا اجه مردت قلبي كلت بقلبي ابوج الضاهر شافله عروس ماطوله ايس مني ومن صفاء اجتي نور تصرخ __جدو اكو رجال بره يريدك مهتميت كلت واحد من اصدقاء بابا الي بعمره يجون يشربون شاي يمه ويكضهوها سوالف طلع بابا شويه ودخل لولد لصاله لمحت الولد صغير مو بعمر بابا واول مره يجي النه ضليت قلقه اجه ابويه وجها مصفر __نجمه حطي شي علي راسج وتعاي استغربنه لبست ايزار الصلاه و بيبي اجت ويايه دخلنه للصاله __يمه اخذي الجهال وطلعيهم بره __اي غير افهم شكوو __يمممه اخذيهم فدووووه دخلت وحدي شفت الولد كان تقريبا ثلاثيني العمر بكصه حسين استغربت __السلام عليكم __وعليكم السلام خيتي __صراحتاا ما اعرف منين ابدي بس ..... يتبع ........ نلتقي مع القسم الثاني من نهايه قصتنه العروس والسحر توقعاتكم واتمنى متلحون عليه لان ما اعرف ليش ضروفي دتعكس مع اخر بارت لان جداااا مشغوله وعندي ضروف حييل شاغلتني بس ان شالله ما اتاخر عليكم #زينب_عبد_المطلب |
| الساعة الآن 08:45 AM |
Powered by vBulletin®
Copyright ©2000 - 2024, vBulletin Solutions, Inc.