فارس عشقى ،الجزء ( 1 ، 2 ) للكاتبة/ سحر فرج "مصرية" (مكتملة)

[فيتامين سي]

#فارس_عشقى_2

الحلقه الخامسه

#بقلم_سحر_فرج

فى مطار القاهرة وبالتحديد فى اوضه الاجتماعات الخاصه بالادارة كان فى اجتماع كبير بيرأسه السيد وكيل الوزارة بنفسه وبعض من مديرى المطار وبيتناقشوا فى اخر التطورات الأخيرة لشراء صفقه الطيارات الاخيرة من روسيا .. وبعض الترقيات الخاصه بالمضيفين والطيارين .

همس كانت وصلت برة اوضه الاجتماعات وراحت على هناك لتنفيذ اوامر مديرها بالتوجه لهناك فورا بعد وصول طيارتها من روما .
اول ما وصلت همس رحب بيها مدير مكتب رئيسها وطلب منها انها تقعد شويه عقبال ما يبلغ سياته بوصولها .
وفعلا استاذن منها ودخل لغرفه الاجتماع وتوجه مباشرا ناحيه المدير وبصوت هادى بلغ المدير بوصول المضيفه همس رضوان بره وانها قاعده فى انتظاره .

المدير بلغه انه يدخلها فورا لغرفه الاجتماع ده .
وخرج فعلا وبلغ همس انها تدخل لاوضه الاجتماع لان سياته فى انتظارها جوه .

وقامت همس ودخلت لغرفه الاجتماع واتفاجأت بوجود الاشخاص دى كلها فى الاجتماع .

المدير اول ما شافها رحب بيها وبدأ يعرفها على كل الاشخاص الموجوده .. ويعرفهم بيها .

همس كانت متوترة شويه لانها مش عارفه ايه بالضبط اللى بيحصل وخلاهم يستدعوها مخصوص من روما .. وايه موضوع الاجتماع ده .

الكل رحب بيها ووكيل الوزارة بنفسه قام وقف وسلم عليها وده اللى استغربته همس اوى .

وكيل الوزارة ... اهلا بيكى يا همس .. الكل هنا بيشكر فيكى وفى شغلك ومديرك بنفسه وبعض رؤسائك بيقولوا انك افضل مضيفه طيران فى المطار كله .. وانا بلغت سياده الوزير بنفسه بكده وحبيت اجى النهارده وابلغك ان سياده الوزير بنفسه بيرشحك تكونى ضمن فريق عمله وتبقى وكيل وزارة الطيران رغم صغر سنك .. لانه بيشجع الشباب الصغير اللى زيك وعارف انهم هايضيفوا حاجات كويسه وافكار كتير للوزارة وده تنفيذ لكلام سيارة رئيس الجمهوريه .

الكل صقف وبدأوا يباركوا لهمس اللى كانت مش مصدقه الكلام اللى اتقال ده كله وانها هاتكون وكيله وزارة .
ومن كتر فرحتها دموعها بدات تنزل وشكرت سياده وكيل الوزارة على الثقه دى وانها هاتكون عند حسن ظنهم وهاتقدم كل خبراتها وكل دقيقه فى حياتها لشغلها وبلدها . وشكرت المدير وبعض الاشخاص اللى حاضرين الاجتماع .. على ترشيحها للمنصب ده .

وكيل الوزارة لهمس .. ياريت من بكرة الصبح تكونى فى مكتب سياده الوزير لانه هايكون فى انتظارك .

همس .. ان شاء الله يا افندم ومن بدرى هاكون عند سياته .

وبعد شويه الاجتماع كان خلص وراحت همس على المكتب الخاص بالمضيفين زمايلها علشان تفرحهم بالخبر ده وفعلا دخلت عليهم وهى فرحانه ومبتسمه .

همس دخلت وشافت اودمها شريف وسلمى وبعض الزملاء اللى اتفاجؤوا بهمس لانهم عارفين انها فى روما .

سلمى .. ايه ده انتى وصلتى امتى يا بنتى .. انتى مش المفروض فى روما ومش هاتيجى غير بكرة .

همس بضحكه .. طيب قولى حمد الله على السلامه الاول يا سوسو .

سلمى قامت وقفت وقربت منها وحضنتها وقالت معلش يا هموووس المفاجاه لغبطتنى والله حمد على السلامه يا حبيبتى .

همس .. الله يسلمك يا روحى .. اخباركم ايه .

شريف .. حمد الله على السلامه يا همس .

همس ... الله يسلمك يا شريف .. اما انا عندى ليكم حته مفاجاه مش هاتصدقوها خالص ولا هاتخطر على بالكم .. لان انا لحد دلوقتى مش مصدقه اللى سمعته ده .

سلمى باستغراب .. قوليلى الاول انتى ايه الى جابك قبل ميعادك يا هانم .

همس .. يا بنتى ما المفاجاه اللى بقولكم عليها هى سبب وصولى من روما دلوقتى .

سلمى .. طيب يالا قولنا فى ايه بسرعه عندى فضول اعرف .

همس بابتسامه عريضه وفرحه لا توصف قعدت على الكرسى وحطت رجل على رجل وبكل شموخ قالت ... همس رضوان رشحوها لمنصب وكيل وزارة.
انا هاكون اصغر وكيله وزارة فى الحكومه كلها .

سلمى بصت لشريف باستغراب ورجعت بصت لهمس 🤔 انتى بتهزرى صح .. بطلى رخامه يا همس بقى وقولى فى ايه بالضبط .

همس .. والله يا سلمى زى ما بقولك كده انا لسه كنت مع المدير ووكيل الوزارة فى غرفه الاجتماعات وبلغونى بكده .

سلمى ... مش معقوووول .. الف مليون مبروك يا هموووس والله مش مصدقه ودانى . والله تستاهلى يا روحى كل خير واكتر من كده كمان .. انتى فعلا اكتر واحده فينا كلنا بتحب شغلها وبتيجى على نفسها وحياتها علشان تعمل اقصى ما فى وسعها تجاه شغلها .

شريف قرب من همس ومد ايده ليها وبارك لها وقال .. الف مبروك يا همس .. انتى انسانه مجتهده وبتحب شغلها جدا وتستهليها يا سياده وكيل الوزارة .

الكل كان فرحان وزمايلها بداؤا يباركوا ليها.

سلمى بفرحه .. اتصلى على فارس وفرحيه بقى بسرعه .

همس .. لا يا سلمى انا اصلا عملاله مفاجاه ومعرفتهوش انى جيت اصلا من روما .. وكمان موضوع وكيله الوزارة ده .. انا هارجع على شقتى وابلغه بكل ده علشان اشوف رد فعله ايه ساعتها ويتفاجاه بوصلى كمان .

سلمى .. ازاى طيب وهو اصلا عند مامته .
شريف .. طيب اسيبكم انا واروح على طيارتى علشان هاتقوم بعد شويه .. الف مبروك يا همس مرة تانيه ولازم نحتفل كلنا مع بعض لما ارجع بقى اوعوا تعملوها من غيرى .

همس .. لا طبعا متخفش مش هانعمل حاجه غير لما الكل يكون موجود.

شريف .. ماشى يالا عن اذنكم وقرب من سلمى وباسها وقال سلام يا حبيبتى .

سلمى .. سلام يا روحى .

وقعدت سلمى هى وهمس وسلمى قالت لها احكيلى بالتفصيل بالضبط ايه اللى حصل من طقطق لسلاموا عليكم .

وفعلا همس قعدت وحكت لسلمى على كل شىء من ساعه ما كانت فى روما وجالها تليفون من المدير بنفسه .

همس .. المهم دلوقتى .. عوزاكى تتصلى على فارس اول لما ارجع الشقه واجهز نفسى وتقوليله ان فى صوت مايه خارجه من الشقه والظاهر كده انك سيبت حنفيه مفتوحه علشان يجى على طول ويفاجاه بيا فى الشقه و..... 😉😉😉

سلمى .. وايه يا قليله الادب عاوزه ايه بعدها .

همس .. اتلمى يا بت انتى ومتنبوريش فيها .

سلمى .. ماشى يا سياده وكيله الوزارة انا هاسكت اهو ومش هانطق🙊🙊🙊🙊

وفضلوا يتكلموا شويه وهمس قامت وقفت واستاذنت علشان ترجع على شقتها .

ويا دوبك هاتقف حست بدوخه جامده والدنيا بتلف بيها و قامت واقعه على الارض .

سلمى بخضه.. همس همس .. الحقونا بسرعه وحد ينده للدكتور فورا .
_____________________

وفى القصر وبالتحديد فى المخزن عند بلال .. كان عز موجود وبيبلغه بالخطه اللى اللى وصل ليها هو وفهد .

عز .. عرفت هاتعمل ايه بالضبط .. لا كده
لا هابعت الرجاله تجيب عيالك لحد هنا وتتفرج عليهم وهما بيتكلوا اودام عنيك .

بلال بترجى .. ابوس رجليك يا عز بيه ابوس رجليك .. اعملوا اللى انتم عاوزينه منى انا وابعدوا عيالى عن الموضوع ده ارجوووك .

عز .. لو خايف على عيالك اوى كده يبقى تنفذ اللى قولتلك عليه بالحرف الواحد .
تروح وتجيب اللى اسمها همس دى لحد هنا مفهوووم .

بلال .. همس دى بنت مسكينه وملهاش ذنب فى كل ده .. كل ذنبها انها واحده محترمه وشريفه وبتحافظ على نفسها وبتخاف من ربنا .. وغير كل البنات اللى قابلها فهد بيه وزمانها اتجوزت هاتعملوا بيها ايه بس .

عز بغضب .. انت تخرس خالص وتنفذ اللى احنا عاوزينه وكل البنات والستات زى بعضها يا استاذ انت 😡 كلهم انت فاهم .. ولا ابعت اجيب عيالك واخلص عليكم كلكم وخلى همس دى تنفعك .

بلال بترجى .. لا لاااا ارجوك انا تحت امرك وهانفذ كل اللى انتم عاوزينه ودلوقتى حالا .

عز ابتسم ابتسامه انتصار ومسك السيجار بتاعه وخد نفس طويييل وبعدها قال ... يالا ابدؤا جهزوا نفسكم وخدوا الحيوان ده وودوه لحد المطار قبل ما هى ترجع على شقتها وعنيكم عليهم اول لما يشوفها ويبدا يكلمها اوعوا يبعد عن عنيكم وتجبوهم وتيجوا هنا على طوووول .
وبسرعه نضفوا الزفت ده وخليه يغير هدومه ويسرح شعره علشان هى ما تشكش فى منظره ده .

الرجاله فى نفس واحد .. تحت امرك يا عز باشا .. كلامك كله هايتنفذ بالحرف الواحد .

وفعلا بدأت الرجاله تنفذ كل اللى امر بيه عز الجبالى وبعد شويه خدوا عربيتين وراحوا على مطار القاهرة .
_________________________________

وعند فارس فى الشركه كان قاعد هو وعادل مع بعض فى مكتبه وبيتكلموا عن عز الجبالى والمشاريع اللى هاتكون مشاركه بينهم .

فارس .. يعنى انت شايف كده يا عادل.. نبدا بمشروع الغردقه .

عادل .. ايوا يا فارس .. نبدا بمشروع الغردقه قبل العين السخنه .. مساحه الارض هناك اكبر بكتير علشان ننفذ كل اللى احنا بنشتغل عليه وبنحلم بيه بقالنا سنه بحالها .

فارس .. ماشى يا عادل عندك حق ولازم اتكلم مع عز قبل كل شىء علشان نشوف رايه ايه .

عادل برخامه .. ماشى يا عم اسيبك بقى انت واتكلم معاه براحتك انا مش مستريحله اصلا .. و بالمرة عاوز اروح اشحن الموبيل لانه فصل شحن يالا سلااام .

فارس .. انا مش عارف فى ايه بالضبط بينك وبينه من ساعه ماشوفته .. وبعدين يا عم هو انا بقولك تعال اتجوزه .. ده شغل يا عادل .. شغل تقيل وكبير انت فاهم .

عادل .. ماشى يا هندسه اللى تشوفه هو انا قولت حاجه يالا سلام .

فارس باستغراب .. سلام يا صاحبى .

وخرج عادل برة المكتب وفارس مسك موبيله وقرر انه يتصل بهمس علشان يطمن عليها الاول .. ولاخر لحظه رجع فى كلامه وقال هاتصل بعز الاول وانهى معاه بسرعه علشان اتكلم مع همس براحتى .. وفعلا اتصل بعز وبدا يبلغه بكل الشغل اللى يفكروا فيه ووصلوا ليه.. وانهم لازم يتقابلوا بكرة او بعده بالكتير علشان يعرضوا عليه كل شىء يخص المشروع .
_________________________________
فى المطار وبالتحديد فى اوضه المكتب الى فيها همس مغمى عليها .. وزمايلها شالوها ونيموها على الكنبه عقبال ما الدكتور يكشف عليها .

سلمى كانت خايفه اوى على همس ومش قادرة تتصرف او تعمل ايه .. فحاولت انها ترن على فارس علشان تبلغه باللى حصل لهمس بس للاسف كان موبيله مشغول .
فحاولت ترن على عادل اخوها وللاسف موبيله كان مغلق .

الدكتور كان خلص كشف وهمس بدات تفوق فاسلمى قربت من همس واطمنت عليها انها فايقه وقالت لها .. كده يا همس تخضينى عليكى يا قلبى ..

همس ... انا كويسه يا سلمى ما تتخضيش يا حبيبتى واوعى تقولى حاجه لفارس ارجوكى .

سلمى .. متقلقيش انا رنيت عليه بس كان موبيله مشغول ومعرفش حاجه .
فاقربت من الدكتور وسألته خير يا دكتور همس مالها وايه اللى حصل لها ده بالضبط .

الدكتور .. مفيش حاجه هى كويسه وهاتبقى بخير .. وده شىء طبيعى جدا للى زيها .

سلمى باستغراب !!!! ليه يا دكتور همس مالها طمنى .

الدكتور .. مدام همس حامل فى شهرها الاول .. ومع ضعف جسمها حست بالدوخه واغمى عليها .. وانا هاكتب لها على شويه حاجات تاخدها وتمشى عليها لحد ما تقدر تروح لدكتور نساء متخصص وبعدها استاذن ومشى .

سلمى بفرحه .. بجد يا دكتور همس حامل وجريت وقربت من همس اللى دموعها كانت نزلت من كتر الفرحه وكانت بتحمد ربنا على النعمه دى .

سلمى .. الف مبروك يا حبيبتى الف مليون مبروك .. انتى غيرتى من البت رغد ولا ايه .. كده تعملوها من وريا ومش قادرين تصبروا علشان نعملها كلنا فى يوم واحد .

همس .. الله يبارك فيكى يا سلمى وعقبالك انتى كمان يا حبيبتى لما تحصلينا انا ورغد .
وفجاه دخلت رغد من بره على كلام همس وسلمى .

رغد .. ايه ده فى حد بيجيب فى سيرتى هنا ولا ايه ؟؟؟ وكمان همس هنا .. انتى جيتى امتى يا بنتى من روما .

سلمى بفرحه .. جيتى فى وقتك يا رغووود . همس حامل زيك بالضبط ولسه الدكتور مبلغنا بكده .. لا استنى همس ايه .. وكيله الوزارة حامل .

رغد .. ايه ده بجد الف مبروك يا حبيبتى .. وقعدت جنبها وحضنتها وفضلت تبوس فيها .
وبعد كده .. وكيله وزارة ايه بقى مش فاهمه حاجه .

همس .. الله يبارك فيكى يا قلبى .. والف مبروك ليكى انتى كمان ملحقتش اقولهالك .
وقالت لها على موضوع ترشيحها للمنصب ده.
ورغد فرحت جدا بالخبر ده وباركت لها تانى .

وفضلوا قاعدين يرغوا ويهزروا كلهم شويه عقبال ما همس تسترد وعيها كويس وتقدر تقوم تقف ويرجعوا على الفيلا بتاعتهم .
_______________________________

فى الفيلا عند ام فارس اللى كان باين عليها الحزن وقاعده سرحانه .
ابوا فارس كان نازل من فوق وراح قعد جنبها واستغرب حزنها ده وسالها وقال .. مالك يا حاجه .. حاسس كده انك بقالك يومين حزينه وفى حاجه مزعلاكى .

ام فارس اتنهدت جااامد اوووى وقالت .. ابدا يا حاج مفيش حاجه بس مخنوقه شويه .

الاب .. الكلام ده تقوليه لفارس ابنك مش ليا يا حاجه .. انا عارفك كويس وعارف لما تبقى تعبانه شكلك بيبقى ازاى وعارف برضه لما تكون فى حاجه مزعلاكى بيكون برضه شكلك ايه .

الام بدات دموعها تنزل وقالت .. وانا علشان كده مش هاقدر اخبى عليك سبب الحاله اللى انا فيها دى ايه .. انت ابن عمى قبل ما تكون جوزى ومن لحمى ودمى وماليش غيرك فى الدنيا دى كلها .
انا الصراحه من ساعه ما فارس حاكلنا عن عز الجبالى ده وقلب عليا المواجع كلها والذكريات .
وافتكرت حاجات كتير اوى من الماضى والجرح القديم اللى بقاله اكتر من 33 سنه واتفتح تانى .. اللى كنت بقالى سنين بحاول اداويه .
_______________________________

رجاله عز وفهد كانوا وصلوا اودام باب المطار .. وواحد منهم نزل علشان يسأل واحد من رجالتهم اللى عز مخليهم يراقبوا همس خطوه بخطوه .. وعرف واتاكد انها لسه جوا المطار .
فارجع عند العربيات وبلغ اللى فيها بوجودها واكد على بلال اللى هو هايعمله بالضبط اول لما تخرج همس من جوا .

سلمى وهمس كانوا قرروا انهم يمشوا خلاص وسابوا رغد علشان كان لسه عندها شغل ووعدتهم اول لما ترجع يبقوا يقعدوا مع بعض ويكملوا رغى .

همس قامت وقفت وعدلت لبسها وسلمى كانت جنبها وماسكه اديها وطلبت من اللى شغالين فى المكتب انهم يخرجوا شنطه همس فى عربيتها علشان هايركبوا فى عربيتها هى لان همس مش هاتقدر تسوق عربيتها اللى واقفه بره المطار وهى تعبانه كده .

وفعلا خرجت همس وسلمى من باب المطار وراحوا ناحيه عربيه سلمى .. وبلال اول ما شاف همس بعنيه دقات قلبه زادت وبدا يتوتر .

راجل من الرجاله أمره انه ينزل من العربيه بسرعه وهدده انه ينفذ كل اللى مطلوب منه بالضبط ومايحاولش يعمل اى شىء تانى يرجع يندم عليه .

بلال نفذ أوامره ونزل من العربيه وبخطوات شبه معدومه بدأ يقرب من عربيه سلمى و..................

يا ترى ايه اللى هايحصل بالضبط اول لما همس تشوف بلال اودامها .

وايه هو سبب حزن ام فارس.

تواقعتكم ايه ؟؟؟؟

#بقلم_سحر_فرج_2

#بقلم_سحر_فرج

دومتم متابعين .

🌷🌷🌷🌷🌷🌷🌷🌷🌷🌷🌷🌷

[فيتامين سي]

#فارس_عشقى2

الحلقه السادسه

بقلم سحر فرج

همس وسلمى خرجوا من باب المطار وراحوا ناحيه عربيه سلمى اللى كانت ركناها على مسافه قريبه من الباب .. بعد ما اتفقوا انهم هايرجعوا بيها على البيت ويسيبوا عربيه همس لانها مش هاتقدر تسوق بحالتها دى .

رجاله عز شافوهم وهما خارجين من باب المطار واستغربوا لوجود سلمى معاها بس قرروا انهم يكملوا الخطه زى ما عز طلب منهم بالضبط .
وبسرعه بلغوا بلال باللى هايعمله بالتحديد وطلبوا منه ينفذ كل المطلوب بالحرف الواحد وانه تحت عنيهم لو عمل اى شىء غلط .

وفعلا نزل بلال من العربيه وبخطوات بطيئه جدا شبه معدومه اتوجه ناحيه عربيه سلمى والفرق بينهم كان حوالى تلاته متر بس ولسه هايقرب اكتر كانت سلمى اسرع منه واتحركت بالعربيه ومشيوا فى لحظه واحده من اودام بلال اللى اتصمر مكانه ومعرفش يتصرف ازاى .

بس خلال ثوانى همس عنيها كانت لمحته وشكت انها شافت الملامح دى قبل كده ورجعت بصت وراها علشان تتاكد منه بس كان اختفى لان رجاله عز وفهد بسرعه خدوه وركبوه العربيه قبل ما يهرب بعد ما شافوا بعنيهم ان العربيه اللى فيها همس اتحركت بمنتهى السرعه .
وده اللى خلى همس تشك اصلا انها شافته وقالت ان ده ممكن يكون من التعب اللى هى فيه وانها مجرد تهيؤات .

سلمى لاحظت سرحان همس فقالت .. فى ايه يا حضرة وكيله الوزارة سرحتى فى ايه .

همس .. ابدا يا سلمى مفيش حاجه .. بس حسيت انى شوفت شخص اعرفه كويس وفجاه اختفى من اودامى .

سلمى .. شخص مين ده يا بنتى اللى شوفتيه .

همس .. مش هاتصدقى انا شوفت مين يا سلمى .

سلمى .. ليه يعنى يا ترى شوفتى مين يا هموس قوليلى.

همس .. بلال اللى انقذنى من الزفت اللى اسمه فهد .

سلمى باستغراب .. لا لاااا ما اعتقدش اكيد دى تهيؤات وساعات كتير بتحصلى .. متحطيش فى بالك وانسى .. المهم دلوقتى انتى كده ناويه على ايه بالضبط وايه اللى هايحصل معاكى ومع شغلك وسفرك .
وهو فعلا انتى بعد كده هايكون معاكى حرس وأمن ورجاله تحميكى زى ما بنشوف فى التلفزيون مع الوزراء والوكلاء بتوعه .

همس بضحك .. تصدقى مش عارفه افكر فى اى شىء .. ومش فى دماغى اى حاجه دلوقتى غير انى ارجع لشقتى واترمى فى حضن فارس حبيبى وافرحه بكل الاخبار الحلوة دى .

سلمى .. سيدى يا سيدى ايوا يا عم الليله ليلتك يا باشا .. ترقيه ونونو كمان .

همس بضحك .. بت انتى بطلى أر عليا وخليكى فى نفسك انتى سامعه .

سلمى .. اشطى يا هموووس ربنا يسعدك يا حبيبتى يارب ... فينك يا شريف يا حبيبى علشان نقلد العيال دى الليله .
وفضلوا يضحكوا ويهزروا لحد ما وصلوا اودام باب الفيلا بتاعتهم كلهم .
__________________________________

وعند ام فارس اللى بدات تتكلم مع جوزها لما سألها عن حالتها وحزنها وصمتها لانه حس انها حزينه فاحب انه يقطع الحزن الى هى حاسه بيه ده بقالها يومين .

الاب .. احكيلى يا حبيبتى ايه اللى مزعلك .

ام فارس .. انا هاحكيلك عن كل شىء .. انت مهما كان ابن عمى ومن لحمى ودمى وانت الوحيد اللى حسيت بيا وبالظروف اللى انا واجهتها من اكتر من 35 سنه .

الاب .. انا معاكى وجنبك وهاسمعلك يا حبيبتى وانا ملاحظ من ساعه ما فارس حكى لينا عن عز الجبالى ده انك متغيرة وحزينه .

الام .. فعلا انا من ساعه ما فارس قال عز الجبالى ده وانا الذكريات القديمه كلها رجعت تانى بحلوها ومرها .
انت ابن عمى والعيله كلها كانت عارفه اننا بنحب بعض من واحنا صغيرين .. وابويا كان عارف كده كويس بس للاسف لما اخوا فهد اتقدم ليا علشان يتجوزنى ابويا وافق على طول ورفضك انت مع انك ابن اخوه .. لانه كان خايف من جبروت عيله الجبالى وعارف انهم ممكن يوقفوا كل الشغل اللى كان بينا وبينهم زمان ولو تفتكر انت ساعتها كنت لسه فى الجامعه ومستقبلك كان لسه مش معروف .
ومع انى رفضت ساعتها اخو فهد الجبالى .. بس ابويا جوزنى ليه برضه بالعافيه.
وعشت معاه هو واخوه فهد فى نفس البيت واكتر من مرة كان فهد بيحاول يتقرب منى ويتخرش بيا .. ولما اشتكيت لجوزى مصدقنيش وكدبنى انا .
وساعتها حاولت ابعد نفسى واهرب منه ووقفته عند حده بنفسى انا .
و حملت على طول وبعد تسع شهور من الحمل ربنا رزقنى بولدين توأم .
هما كانوا توأم بس مختلفين شويه عن بعض فى الشكل .
ومش شبه بعض اوى .
واحد سميته انا اسلام وجوزى سمى واحد عز .
وبقى عندى اسلام وعز ولادى حبايبى وبدات تعيط .
ولما كان عندهم كام شهر سافرنا الغردقه كلنا بالعربيه مع جوزى لانى كنت بخاف من ركوب الطيارات من صغرى .
وجينا واحنا راجعين من الغردقه بعد ما فضلنا هناك حوالى اسبوعين فى الشاليه بتاعنا اللى هناك وبعدنا عن فهد وعن والحاجات المقرفه القذرة اللى كان بيعملها معايا رغم صدى ليه دايما .. وللاسف عملنا حادثه كبيرة اوى وفضلت فى غيبوبه بعدها حوالى اسبوع
ولما فوقت بلغتونى ان جوزى وعز ابنى ماتوا فى الحادثه دى . وحزنت جدا ساعتها ونفسيتى تعبت بس لولاك جنبى انت واسلام ابنى اللى لسه كان يادوبك كام شهر حسسنى بالأمان والامل من جديد .
وفضلت انت جنبى دايما لحد ما صحتى رجعت ليا تانى وبعدها رجعت على بيت ابويا وفضلت انى اعيش هناك وابعد عن فهد وقرفه معايا .
بس للاسف فهد حاول اكتر من مرة انى ارجع تانى للفيلا واعيش معاه بحجه ابن اخوه والمفروض انه يتربى فى عز وخير ابوه .. بس انا رفضت ده طبعا وآخر مازهق جه واتقدم ليا علشان بتجوزنى وانا رفضته اكتر من مرة .
وفى الاخر بدا يهددنى انه مش هايدينى نصيبى من الورث انا او ابنى اسلام ..
وبابا حاول ساعتها انه يرجعنى ويجوزنى فهد علشان الورث وانا اللى رفضت كده وصممت عليه .
وبعدت عن فهد خالص وجيت انت وطلبتنى للجواز ووافقت كمان انك تربى اسلام ابنى وفضلت انه يتكتب باسمك فى شهاده الميلاد علشان نبدا كلنا صفحه جديده فى حياتنا .

وفهد هو اللى خد كل شىءبعد موت اخوه مع ان كل شىء كان بتاع اخوه لوحده وكل شىء مكتوب باسم جوزى انا .
ومجتش فى يوم من الايام وطلبته باى شىء لاسلام الله يرحمه ولا ليا انا كمان وفضلت انى اعيش معاك ومع ابنى بعيد عن فهد الجبالى وقذارته .
بس فهد كان طول السنين دى عارف ان فى يوم من الايام اسلام هايكبر ويطالب بحقه من ورث ابوه .

ابوا فارس ... يااااااه يا حاجه كل ده شيلاه جوا قلبك وساكته وانا اللى قولت انك نسيتى الماضى ده كله وعشتى من الاول وجديد .

ام فارس بدموع .. مهما الايام والسنين تعدى عمرى ما هاقدر انسى عز ولا اسلام عيالى الله يرحمهم ولا ان فهد كان سبب فى موت اسلام فى يوم من الايام وخوفه من انه يطالب بحقه .

ابوا فارس .. الله يرحمهم .. وانا عمرى ما هاقدر انسى اسلام الله يرحمه ولا عمرى فرقت بينه وبين فارس ابنى .. طول عمرى كنت بعامله على اساس انه ابنى الكبير مش ابنك انتى لوحدك .

ام فارس .. انا عارفه ده كويس وكنت بشوف بعينى معاملتك ليه فعلا كانه ابنك من لحمك ودمك .

ابوا فارس .. الله يرحمه وعاوزك تروقى كده يا حاجه وده اكيد تشابه اسماء مش اكتر . يعنى مفيش حد تانى اسمه عز الجبالى ولا ايه غيره .. روقى كده يا حبيبتى وعيشى لفارس ولاحفادك ان شاء الله إللى هايجوا قريب .
وخدها فى حضنه وطبطب عليها .

الام .. ان شاء الله .

وفجاه دخل عليهم فارس بضحكته المعتاده وقال .. الله الله يا ست ماما وانت كمان يا حاج .. ايه المنظر الرومانسى ده .. انتم بتلعبوا بديلكم من ورايا ولا ايه ؟؟؟؟؟

الام اتفاجات بفارس وبصت لجوزها وخافت لا يكون فارس سمع اى شىء من اللى كانوا بيتكلموا فيه .
بس اطمنت لما شافت الابتسامه على وش فارس وهزاره معاهم .
__________________________________
سلمى وهمس كانوا وصلوا للفيلا بتاعتهم كلهم وكل واحده طلعت على شقتها.
واتفقت همس مع سلمى على الكلام اللى سلمى هاتبلغه لفارس وتخليه يرجع على شقته فى اسرع وقت ممكن علشان همس تكون فى انتظاره وتفاجأه بوجودها فى الشقه .

وفعلا همس اتصلت بسلمى وبلغتها انها جاهزة لاستقبال فارس وقالتلها اتصلى بيه ونفذى الخطه مضبوط واوعى تغلطى فى اى شىء علشان ما يشكش فى اى شىء لانه ذكى جدا وممكن يعرف ان فيه شىء.

وفعلا قفلت سلمى مع همس واستعدت علشان تتصل بفارس وتبلغه بالخطه اللى اتفقت عليها هى وهمس .

فارس كان طلع على اوضته بعد ما فضل يهزر مع مامته وباباه وفرح من جواه ان مامته اخيرا بدأت تضحك زى الاول والحزن اللى كانت فيه خلال يومين بدأ يروح لحاله .

فارس كان يادوبك خارج من الحمام بعد ما اخدت شور سريع يهدى بيه ضغط الشغل اليومى اللى اتعود عليه وكان ماسك الفوطه وبينشف شعره كويس وبعدها راح على سريره علشان يطمن على همس وينام شويه .

ولسه يا دوبك هايمسك موبيله ويطمن على همس لقى الموبيل بيرن فامسكه بسرعه على اساس انها حبيبته ومعشوقته همس بس للاسف شاف اسم سلمى على شاشة الموبيل .
مسك الموبيل ورد على سلمى وقال ... اهلا يا سلمى اذيك .

سلمى .. الحمد لله انا بخير اذيك انت يا فارس .

فارس .. انا بخير الحمد لله.
خير فى حاجه ولا ايه يا سلمى مش عواديك تتصلى عليا .

سلمى .. اه يا فارس فعلا انا بتصل بيك علشان ابلغك انى لما رجعت من المطار حسيت ان فى صوت مايه مفتوحه فى المطبخ عندك وخايفه لا تغرق الشقه وانت مش موجود فاياريت تيجى بسرعه وتشوف مصدر المايه ده ايه بالضبط .

فارس باستغراب ... معقول .. ده انا متعود دايما انى اقفل المحبس بتاع المايه والغاز طول ما احنا مش موجودين فى الشقه انا و همس .. بس مش متاكد اوى المرة دى .. على العموم انا مسافه السكه واكون عندك واطلع واطمن على الشقه .

سلمى .. والله يا فارس لو معايا مفتاح شقتكم لا كنت طلعت انا واطمنت بدل ما اتعبك واخليك تيجى على ملى وشك كده .. يالا مش هاطول عليك سلام وتيجى بالسلامه .

وقفل فارس مع سلمى وبدا يغير لبسه فى السريع وخلال دقايق كان لبس وخد مفاتيح عربيته وموبيله ونزل وبلغ والدته باللى حصل واستغربت الام وطمنته وبعدها فتح الباب وخرج وركب عربيته وراح على شقته .
_________________________________
فى القصر وبالتحديد فى اوضه فهد اللى كان مش طايق نفسه وهايتجنن هو وعز لما الرجاله بلغوهم باللى حصل معاهم اودام المطار .

عز بغضب ... هو انا مشغل عندى بهايم ولا ايه لتانى مرة مش قادرين تجيبولى حته بنت مفعوصه .
ايه الكلام الفارغ اللى جايين تقولوه ده .
يعنى ايه مشيت وخرجت مع واحده كده وركبت معاها بمنتهى السهوله اودام عيونكم يا شويه بقر .
كنتم جبتوها غصب عنها او عملتم اى شىء واستدرجتوها لحد العربيه وجبتوها على هنا .
انا هاين عليا دلوقتى اطلع مسدسى واموتكم كلكم وده اقل شىء يشفى غليلى منكم .
غوووووروا من وشى ونزلوا الحيوان اللى اسمه بلال ده على المخزن تانى .

واحد من الرجاله قال ... اللى تؤمر بيه يا عز باشا بس فى شىء مهم لازم اقوله لسياتك .

عز بغضب .. مش عاوز اعرف حاجه وغوووور من وشى دلوقتى .

فهد بعيون بطلع ناااار .. استنى يا عز شوف عنده ايه الحيوان ده وعاوز يقول ايه ممكن يكون شىء مهم .

عز خد نفس كبييييير من السيجاااار بتاعه وقال ... انطق فى ايه بالضبط .

الراجل بتاعهم قال .. الراجل بتاعنا سياتك اللى سيبينه يجيب لنا الاخبار فى المطار عرف ان همس رشحوها لمنصب وكيله وزارة ومن هنا ورابح هايكون ماشى مهاها زى ضلها حرس من الداخليه بيأمنوها وبيأمنوا اى مكان هى بتروحه .

عز باستغراب هو وفهد بعد نظرات كتير قال .. يعنى افهم ايه من كلامك ده اننا مش هانعرف نخطفها بعد كده بسبب الحراسه اللى هاتكون معاها دى .

الراجل بتاعهم قال .. ايوا يا عز باشا ده اللى انا اقصده بالضبط .. انا كنت فى يوم من الايام شغال تبع شركه حراسه زى كده وعارف هما بيعملوا ايه بالضبط .. والحراسة على الشخصيات المهمه دى بتبقى على اعلى مستوى سياتك .

عز بغضب .. ماشى .. سيبنا انا وعمى لوحدنا وروح نفذ اللى انا امرتكم بيه واقفل الباب وراك .

وفعلا خرج الرجاله من الاوضه وقفلوا وراهم وعز قرب من الشباك الكبير اللى فى وسط الاوضه وبدا يفكر فى كلام الراجل بتاعه ده ويفكر كمان فى حل يقدروا بيه يخطفوا همس ويجبها راكعه تحت رجلين عمه .

فهد من الكلام اتصدم وبدا يحس ان الامل بقى ضعيف فى خطف همس بعد موضوع الحراسه ده .. وبكده مش هايقدر يطول منها كل اللى هو عاوزه .
_________________________________

فارس كان وصل بعربيته وركن فى جراج الفيلا وطلع على شقته فى خطوات سريعه
وطلع مفتاح الشقه وفتح واتفاجاه باللى اودامه .

اول لما فتح الباب الدنيا كانت ضلمه خالص فقرب من مفتاح النور اللى ورا باب الشقه ونور النجفه ولف نفسه.
واتفاجأ ان فيه ضوء جاى من بعيد فى الطرقه اللى بتودى للاوض بتاعه النوم .
فراح على مصدر الضوء ده واتفاجأ بشموووع كتير على الارض وورد كتير مفروش على الارض جنب الشموع .
دقات قلبه بقت سريعه وحس ان فيه شىء غريب بيحصل وفضل ماشى مع الشموع والورد لحد ما وصل لباب اوضه النوم اللى كان مقفول .
ففتحه بشويش واتفاجأ بهمس واقفه فى وسط الاوضه ولابسه قميص نوم وردى والابتسامه ماليه وشها وطالعه زى القمر.

همس ..... surprise ❤❤❤

فارس من المفاجاه ... همسى .. معقوووول .
وجرى عليها وخدها فى حضنه وفضل يبوس كل حته فيها بمنتهى الشوق واللهفه والعشق والرومانسيه .

فارس .. انا مش مصدق عيونى .. انا اكيد بحلم .. انتى معايا وفى حضنى .. معقول .. طب ازاى وانتى لسه معاد رحلتك بكره .

همس برقه حطت ايديها على شفايف فارس وقالت هشششششش خالص مش وقته الكلام ده .
انت وحشتنى اوى اوووى اووووى .

فارس مسك ايديها من على شفايفه وباسها وضمها لصدره اكتر واكتر وفضل يبوس كل مكان فيها بمنتهى الحب لحد ما وصل لشفايفها اللى انقض عليهم ليروى لهيبهم واشتياقهم ليه اللى حس بيهم .
وظل يقترب منها ويرفع وجهها اليه ويلمس خديها فتزداد حمرتها من الخجل فاتثير مشاعره .
فتنظر الى عينيه و تعض على شفتيها فايزداد جنونه بها اكثر فايقترب اكثر واكثر ويقبلها حتى تكاد أن تنقطع انفاسهم .. فالتهمها مرة أخرى فى قبله عصفت بكيانه بالكامل ويداه تتجول على جسدها بجرأه هذه المره فبادلته قبلته بعمق تمسكت بـ رقبته بقبضه يدها ووضع هو يده خلف راسها يقربها إليه اكثر ويلتهم شفاها بنهم وعشق كادت ان تنقطع انفاس همس فتركها رغماً عنه وهو يلهث .
ورفعها بين يديه واخذها الى مكان عشقهم (السرير) الذى يجمعهم كاكجسد واحد كاباقى العشاق .

ووضعها فارس بمنتهى الحب وتبادلوا نظرات الاشتياق والعشق حتى قالت همس .. بشويش يا فارس ووضعت يدها على بطنها .
🌷🌷🌷🌷🌷🌷🌷🌷🌷🌷🌷🌷

يا ترى تواقعتكم ايه الحلقات القادمه .

وايه هايكون رد فعل فارس لما يعرف بحمل همس .
وايه اللى هايعمله عز وفهد علشان يعرفوا يجيبوا همس لحد القصر.

#بقلم_سحر_فرج2

#بقلم_سحر_فرج

تعليقات ولايكات ومتابعه للوتباد وصفحتى على الفيس( روايات وقصص نوتيلا سحر فرج)
وجروب( ملوك الروايات )
دمتم متابعين .
تحياتى سحر فرج ❤❤❤❤❤❤❤❤❤❤❤❤❤❤❤❤❤❤❤

[فيتامين سي]

الحلقه السابعه

روايه فارس عشقى 2

بقلم سحر فرج

❤❤❤❤❤❤❤❤❤❤❤❤

فارس شال همس بمنتهى الرقه وبشويش خالص مشى بيها لحد ما وصل للسرير ونزلها براحه بحب ورومانسيه ونومها ونام جنبها وفضل يبوس فى كل جزء فيها لحد ما همس قعدت نصف قاعده وحطت ايديها على بطنها وقالت .. فارس عندى ليك مفاجأة حلوة اوى ومش واحده بس دول اتنين ؟

فارس باستغرب !!!! مش وقته يا حبيبتى مش وقته انتى وحشانى اوى اوى اووووى خلينا فى اللحظه دى دلوقتى كفايه عندى انك تكونى بين ايديا وفى حضنى وقرب من شفايفها وغرق معاها فى قبله كلها شووووق وعشق .
لحد ما همس مدت ايديها لوش فارس وبعدته شويه علشان تقدر تاخد نفسها .

فارس بدأ يقلع هدومه حته حته وراح ناحيه همس ولسه هايقرب تانى منها ويبوسها همس فاجأته وقالت .... فارس انا حاااامل ❤

فارس لوهله حس انه بيحلم وقال ... انتى بتقولى اييييييه يا همس.

همس بابتسامه كلها فرحه قربت منه ومدت ايديها على شعره وقالت .. انا حاااامل يا حبيبى .. هايجلنا نونوووو .

فارس من كتر الفرحه اول لما سمع كلام همس دموعه نزلت وضمها فى حضنه وحط ايديه على بطنها وفضل يبوس فيها وفى ايديها .

همس .. هاتبقى بابا يا فارس عشقى .

فارس ... معقول يا حبيبتى ان حاسس انى بحلم ادينى بوسه كبيييييرة علشان اتأكد انى صاحى .

همس بضحك ... يا سلام بوسه واحده بس .. ده انت مش طماع بقى على كده .
اومال لو عرفت المفاجاه التانيه هاتعمل ايه .

فارس .. هو فى مفاجأت و خبر تانى احلى من الخبر ده .

همس قامت وقفت على السرير وحطت ايديها فى وسطها وقالت ... همس رضوان رشحوها لمنصب وكيل وزارة الطيران .

فارس .... ايييييه بتقولى ايه .. بقيتى وكيل وزارة يا حياااااتى .
الف مليوووووووون مبروك يا حبيبتى.
انتى تستاهلي اكتر من كده كمان .. انتى اكتر واحده بتحب شغلها وبتفنى حياتها فيه تستهليها والله يا همس .
احلى وكيله وزارة بقى ولا ايه .
علشان كده اكيد انتى استدعوكى وجيتى بدرى من روما علشان الخبر الحلو ده .

همس .. ايوا فعلا .. المدير بلغنى امبارح انهم عاوزينى انزل مصر حالا ولما وصلت بلغونى بكده .

فارس .. بحبك بحبك بحبك .
بحبببببببببببببببك .

همس ... بحباااااااااااااك .
وفاجأها فارس وشدها ليه وغرقوا فى الحب والعشق الخاص بيهم .

( عيب بقى منك ليها انتشروا وسيبوهم يحتفلوا بالخبر الحلو ده )

وفى القصر وبالتحديد عند بوابته .. كان عز واقف مع البودى جارد بتوعه وامرهم انهم يفضلوا فى القصر وهو هايروح يسهر لوحده من غيرهم علشان يبقى على حريته .
وفى شارع من شوارع القاهرة الكبرى .. كان عز خد عربيته ومشى من القصر يغير جو شويه ويريح اعصابه ويسهر سهرة حلوة بعيد عن المشاكل زى ما طلب منه فهد بالضبط .
سهرة فيها شرب وبنات وحاجات تانيه كتييير .

وصل لمحل كبير جدا فى وسط البلد وقضى سهرته وفضل يشرب كتير والبنات تشرب معاه طول السهرة .
لحد ما عدى حوالى اربع ساعات وهو على الحال ده.
قام وقف وهو سكران ومش مسيطر على نفسه ولا على مشيته من كتر الشرب ..
حاسب المحل وخد مفاتيح العربيه والموبيل وخرج برة وراح وهو بيطوح ناحيه العربيه وفتح الباب وركب وشغل العربيه وساق بسرعه جونونيه زى ما هو متعود دايما على كده .
وفجاه من كتر سرعته دى وهو سكران طلع اودامه عربيه نقل كبيره وعلشان يفادى الخبطه فيها طلع فوق الرصيف وخبط فى شجرة كبيره فوق الرصيف 😥

بسرعه الناس الموجوده فى الشارع اتلموا حولين العربيه وحاولوا يطمنوا على الشخص اللى عمل الحادثه البشعه دى .
وفعلا لقوا عز غرقان فى دمه وفاقد الوعى .. فاتصلوا بسرعه بعربيه الاسعاف .

__________________________________

ام فارس كانت سهرانه بتصلى الفجر وحست بنغذه فى قلبها . وقلبها اتقبض فجاه .. فخافت على فارس لانه خرج راح على شقته علشان يشوف موضوع المايه والحنفيه المفتوحه دى زى ما بلغته سلمى ومرجعش من ساعتها .

وحاولت كذا مره تتصل بيه بعدها بس للاسف الموبيل كان مقفول .
فكملت الصلاه ودعت ليه ان ربنا يحفظه ويبارك فيه ويرحم اولادها اللى ماتوا .
وحبت تجرب تانى على فارس وتطلبه مرة تانيه جايز يرد عليها .
وفعلا مسكت الموبيل بتاعها واتصلت عليه ولحسن الحظ فارس رد عليها بعد كذا رنه منها .

الام باللهفه .. خير يا فارس قلقتنى عليك يا ابنى حرام عليك يا حبيبى .

فارس بانفاس متقطعه 😉😉😉
كأن حد بيجرى وراه قال .. انا اسف يا امى والله .. اصل لما وصلت الشقه اتفاجأت بهمس موجوده ومن كتر فرحتى نسيت اطمنك يا روحى .

الام فهمت انفاسه المتقطعه دى سببها ايه وقالت .. خلاص يا حبيبى .. سلم على همس ونكمل كلامنا بكرة المهم انك بخير واطمنت عليك قبل ما انام .. تصبح على خير يا عمرى .

ولسه فارس هايفرحها ويبلغها بحمل همس .. كانت الام قفلت الموبيل .
فارس مسك موبيله وبص فيه علشان يتاكد ان مامته قفلت وبعد ما اتاكد قال ... احنا كنا بنقووول ايه بقى يا همسى وغرقوا تانى فى بحر العشق .
_________________________________

عربيه الاسعاف كانت وصلت اودام باب المستشفى وطلعوا بسرعه على اوضه الطوارىء .
وكان عز غرقان فى دمه ووشه مش باين خالص من كتر الجروح اللى فيه .

بسرعه الداكترة اتلموا حولين الحاله وأمروا بتجهيز اوضه العمليات فورا بعد الكشف عليه لان الحاله حرجه جدا .
وطلبوا ان حد يتصل من امن المستشفى على اسره المريض ويعرفوا هويته .

دكتوره رهف بدران ... اشطر دكتورة جراحه فى المستشفى رغم صغر سنها .. والكل بيلقبها من زمايلها وطاقم المستشفى على سبيل الهزار ( بالجزار )
رهف بدران .. 32 سنه جميله جدا ومحبوبه فى المستشفى بين زمايلها من كتر ادبها واحترامها مع الكل ومن شاطراتها .
و فى الحقيقه بتكون بنت خالة فارس وهى دى اللى مهتمه بحاله ام فارس دايما .. لانها بنت اختها سعاد وملهاش غيرها .
وكان نفس ام فارس انها تكون زوجه لابنها اسلام الله يرحمه لان كان فيه اعجاب وحب من الطرفين وكانوا خلاص حددوا ميعاد لقرايه الفاتحه بس القدر كان اسرع منهم ومات اسلام قبل ما يبدأ حياته مع الانسانه اللى كان بيحبها.
وفضلت رهف فترة جامده فى حياتها متاثرة بموت اسلام علشان كده رفضت اى حب تانى يدخل حياتها بعد اسلام .. ووهبت حياتها لشغلها والمستشفى ومساعده الحالات الفقيره
عن طريق عياده خاصه بيها للناس دى باقل الاسعار .
رهف بدات تستعد لاجراء العمليه لعز .. وباسرع وقت ممكن كانوا دخلوه على اوضه العمليات .
اول لما عيونها جت على عز .. اتصدمت وحست بشبه كبير جدا بينه وبين اسلام الله يرحمه .. بس فاقت من شرودها ده على صوت زميلها الجراح انه مستعد .. وبدات العمليه لاكثر من تلت ساعات كاملين .

امن المستشفى كان بلغ خبر للقصر بحاله عز وطلبوا منهم ان حد يجى للمستشفى فورا لاكمال اجراءتها .
فهد كان هايتجنن من الخبر ده ومكنش عارف يعمل ايه خالص لان حالته ما تسمحش بالحركه والنزول .
وجه على باله اول حد يتصل بيه هو الدكتور حسام المعالج بتاعه .

وفعلا بسرعه مسك موبيله واتصل عليه وبلغه باللى حصل لعز .. ولحسن الحظ انها نفس المستشفى اللى هو شغال فيها وبيملكها هو والدكتورة رهف بدران .. مع مستشفى تانيه خاصه بيه هو شخصيا .
والدكتور حاول يطمن فهد .. وبلغه انه هايعمل اللازم وما يقلقش هو .. وهايبلغه بكل شىء اول باول .

وفعلا قفل الدكتور حسام مع فهد وغير لبسه لانه كان نايم وركب عربيته واتوجه على المستشفى فورا .

وصل الدكتور حسام وسأل عن الحاله وعرف انهم لسه مخلصين العمليه فورا .
وبلغهم ان الحاله دى تبعه هو شخصيا وتكون حيز الاهتمام من الكل .

وبعدها راح على اوضه الدكتورة رهف وسالها عن الحاله .

الدكتور حسام ... خير يا رهف طمنينى عن حاله عز الجبالى .

رهف باستغراب .. ايه ده هو اسمه عز الجبالى .. انت تعرفه ولا ايه يا دكتور حسام .

حسام .. اه يا رهف .. ده عز الجبالى ابن اخوا فهد الجبالى شخصيا المريض بتاعى من حوالى سنه .. وهو اللى اتصل بيا علشان اطمنه على حالته وزى ما انتى عارفه حالته وحشه ومش هايقدر يجى بنفسه .

رهف بتعب وارهاق قالت .. اطمن يا دكتور حسام انا عملت العمليه والحمد لله نجحت بس لازم يفضل تحت المراقبة ال 24 ساعه الجايين دول .. لحسن حظه انه كان لابس حزام الامان اللى فى العربيه مع انه مكنش فى وعيه . وهو اللى نفعه من شده الخبطه اللى اتعرض لها دى .
وكان فى جروح كتير فى الصدر والفخد وعملنا اللازم .
وفى جرح كبير كان فى راسه برضه خيطناه .
بس بينى وبينك كده الاستاذ ده كان سكران وهو ده السبب الرئيسى فى الحادثه دى .

الدكتور حسام .. طيب الحمد لله .. انا هاطمن فهد بيه وشكرا ليكى يا رهف اسيبك بقى تستريحى .

رهف .. شكرا ايه بس يا دكتور حسام ده شغلى وانا لازم اعمله على احسن وجه وانت عارفنى فى الحاجات دى .

حسام .. انتى هاتقوليلى . ربنا يعينك دايما يا عم الجزار .

رهف بغضب .. حتى انت يا دكتور حسام هاتقولى زيهم .

حسام و هو بيضحك .. خلاص خلاص .. يالا سلام اشوفك بعدين .. هاتصل بفهد واروح بنفسى اطمن على عز .. انتى هاتروحى دلوقتى .

رهف .. لا اروح ايه .. انا هاستريح شويه علشان اتابع الحاله بنفسى روح انت يا حسام .

وفعلا خرج حسام بره اوضه رهف وقفل الباب وراه وهى دخلت الحمام وغيرت لبس العمليات ولبست لبسها واترمت على الكنبه اللى فى الاوضه علشان تريح اعصابها شويه وتفرد جسمها بعد الساعات الطويله اللى قضتها فى العمليه .. بس بدات تفكر فى اسلام وتستعيد احلى واجمل لحظات كانت بينهم من وهما صغيرين 😥😥😥

حسام كان بلغ فهد وطمنه بحاله عز .. وانه بخير وأجروا العمليه بنجاح .
فهد فرح اوى من الخبر ده ولاول مرة دموعه تنزل من الخوف على حد كانت لعز ابن اخوه اللى رباه وهو لسه يادوبك مجرد طفل رضيع عنده كام شهر وكان بيعتبره زى ابنه بالضبط .
__________________________________
طلعت شمس يوم جديد وبدأت تنور كل مكان وبالتحديد فى الفيلا الكبيرة اللى فيها الشباب كلهم .
وبدأ الضوء يدخل من شباك اوضه فارس وهمس اللى كانوا لسه نايمن من شويه من كتر السهر اللى سهروه 😉

الضوء جه على عيون فارس وفتح بصعوبه واول لما فتح خاف لايكون كل اللى حصل معاه ده مجرد حلم .. وعلشان يتاكد انه مش حلم لف نفسه بسرعه وعرف ان همس نايمه جنبه على السرير .
فاطمن وقرب منها وشال خصله الشعر على على عيونها وقرب بشويش وباسها من خدها .
وبعدها مد ايده على بطنها وفضل يلمسها بشوييييش بمنتهى الحب والابتسامه كانت على وشه من فرحته بالنونووووو .

قام براحه من جنب همس وراح على الحمام وخد شور وبعدها قرر انه يجهز الفطار اللى بتحبه همس هو بنفسه قبل ما هى تصحى .
وفعلا بدا فى تجهيز الفطار وطلع الجبن واللبن والبيض والمربى والزيتون الاسود اللى بتعشقه همس.
وحط كل حاجه على تربيزة السفره الصغيره اللى فى المطبخ وجاب كوبيتين عصير فرش وعمل كمان النسكافيه .
وكل ده كانت همس بدات تفوق ودورت على فارس وسمعت صوته وهو بيدندن فى المطبخ .. فراحت على هناك .
واتفاجأت همس بفارس وهو بيجهز الفطار بنفسه .. وكان منظرها طفولى وهى لسه صاحيه من النوم فقربت منه وهو مش حاسس بخطوات بطيئه وضمته من ضهره وهو بيكمل تجهيز باقى الاطباق على السفره .

فارس حس بلمسه ايديها لجسمه فابتسم .. ومسك ايديها وباسها ولف نفسه وقال .. صباح الفل يا احلى واجمل همس فى الدنيا .

همس بمنظرها الطفولى البرىء .. صباح الخير يا حبيب قلبى وباسته من شفايفه بوسه سريعه .. انت صحيت من بدرى ولا ايه .. انا الظاهر من كتر التعب والإرهاق روحت فى سابع نومه .

مسك اديها وراح ناحيه السفره وقعدها وقال .. مش وقت الكلام ده .. الفطار جاهز يا احلا مامى يالا كلى كويس واتغذى علشان خاطر النونووو .

همس بضحك .. لاااااا انت عارف انى مش بحب افطر حاجه على طول كده شويه كده يا بابى لو سمحت .

فارس .. وبعدين معاكى يالا نفطر يا حبيبتى ومن هنا ورايح لازم تهتمى بنفسك وبصحتك انتى مابقتيش لوحدك زى الاول فى هنا نونو وعاوز اهتمام وتعذيه كويسه يا هموووس .
ماشى يا روحى .

همس بدلع ... يا فارس مش قادرة دلوقتى .. طيب اروح اخد شور وافوق وبعدها افكر افطر .

فارس .. شكلك كده طماعه وعاوزة فطار من نوع تانى .. صح 😉

همس بدلع ... جاااايز .. لا ده اكيد عاوزة وقامت بسرعه وجريت من اودامه .

فارس اتفاجأ بكلامها ده وجرى وراها بس للاسف كانت دخلت الحمام وقفلت على نفسها من جوه .

فارس خبط على الباب وقالها افتحى يا همس .

همس من جوا الحمام بدلع .. تؤ تؤ

فارس .. افتحى يا حبيبتى .

همس .. تؤ تؤ تؤ .

فارس .. اومال كنتى تقصدى ايه بجايز واكيد دى .

همس .. اقصد الشور اللى هاخده دلوقتى يا فارس وفضلت تضحك بصوت عالى😛 .

فارس 🤨🤨🤨 بقى كده احنا فينا من الخم .
لاااا انتى بتخمى .. وانا مش هاسيب حقى .. انتى اللى جبتيه لنفسك .. افتحى يا همس .

همس من ورا باب الحمام .. تؤ . تؤ .تؤ .تؤ
وفارس من برا بدا يطلع شراااار
😠😠😠😠😠😠😠😠😠😠😠😠_______________________________ __

وفى المستشفى وبالتحديد اودام باب اوضه عز اللى كان واقف اتنين من البودى جارد بتوعه علشان يكونه تحت امره فى اى شىء يطلبه منهم .
وفى اوضه عز اللى كان بدا يفوق من البنج وبدا يفتح عيونه واول لما فتحها بصعوبه شاف ملاك جميل ورقيق اودام عيونه .وهى رهف .

عز بصعوبه ... انااااا فييين ؟؟

رهف ... حمد لله على سلامتك الاول .
انت هنا فى المستشفى وانا الدكتورة رهف اللى أجرت ليك العمليه .

عز بتعب شديد ... اناااااا .وسكت وقال هو حصل ايه بالضبط .

رهف .. انت عملت حادثه وجيت هنا على المستشفى وانا عملتلك عمليه كبيرة شويه ولازم تفضل معانا هنا كام يوم .

وفجاه دخل الدكتور حسام وفرح ان عز فاق وكمان بدا يتكلم مع الدكتورة رهف .

حسام .. صباح الخير يا رهف .
وقرب من عز وقال .. حمد الله على سلامتك يا عز باشا والف مليون سلامه عليك .

عز بصعوبه .. دكتور حساااام .. انت هنا ؟ ايه اللى حصل ليا بالضبط ؟ وحالتى اخبارها ايه وفين عمى فهد ؟

حسام قرب من عز وقعد جنبه على السرير وحاول يطمنه على حالته وعلى فهد كمان وانه بخير وكل شويه يتصل ويطمن عليك .

عز .. ارجوك اتصل بيه علشان اكلمه بنفسى علشان يطمن انت عارف كويس حالته واكيد زمانه حزين علشانى ارجوك يا دكتور حسام .

رهف .. لو سمحت حضرتك ما تتعبش نفسك علشان الجروح اللى فى جسمك .. مالوش لازمه الاتصال دلوقتى .

عز بتعب وبعند وبصوت عالى .. انا هنا اللى اقول اعمل ايه وما اعملش ايه يا دكتورة انتى فاهمه .

رهف بعند اكتر منه .. لا يا استاذ طالما انت هنا فى المستشفى ومسؤول منى يبقى كلامى انا اللى هايمشى مفهوم ومفيش موبيلات 😠

عز بغضب حاول يعدل نفسه ويقوم من على السرير .. بس حسام كان اسرع منه وحاول يهديه وطلب من رهف انها تسيبهم لوحدهم شويه وانه هايعمل اللى هى عوزاه .

رهف بنظرات كلها عند واصرار قالت .. ماشى يا حسام بس برضه مش هايتكلم فى الموبيل .

عز بعيون كلها تحدى بص لرهف وقال .. انتى الظاهر مش عارفه انا مين يا دكتورة .. وحسابى معاكى بعدين على طريقتك واسلوبك ده معايا .

رهف كلامه استفذها وبصت لحسام وشافت ترجى فى عيونه انها تسيبهم لوحدهم فافضلت انها تسكت وما تردش عليه و فتحت باب الاوضه وخرجت منها وهى على اخرها 😠😠😠

يا ترى ايه اللى هايحصل بينهم تانى بعد كده ؟

تواقعتكم ايه ؟

روايه فارس عشقى الجزء التانى

تحياتى سحر فرج .

ياريت تفرحونى بالريفيوهات بتاعتكم وتعليقاتكم علشان احتفظ بيها عندى وتكون حافذ ليا لتكمله الروايه .
تابعونى على صفحه الوتباد بتاعتى

SaharFaragYossef

❤❤❤❤❤❤❤❤❤❤❤❤

[فيتامين سي]

فارس عشقى 2

الحلقه الثامنه

بقلمى سحر فرج

❤❤❤❤❤❤❤❤❤❤❤❤

خرجت رهف من اوضه عز وهى مش طايقه نفسها لانه استفذها جدا وحست انه مغرور ومتكبر اوى وقالت لنفسها .. ماشى يا عز بيه لما نشوف مين فى الاخر اللى هايقدر يمشى كلامه لا انااا لااا انت 😡
وهى خارجه شافت اتنين من البودى جارد بتوعه واقفين اودام الباب زى اسدين كوبرى قصر النيل وده شىء استفذها اكتر واكتر ومن كتر التوتر والعصبيه اللى كانت هى حاسه بيهم خدت بعضها وراحت على اوضتها وطلبت من التمرجيه انها تجيب ليها كوبايه ناسكفيه دوبل لشده الصداع اللى كانت حاسه بيه نتيجه لقله النوم والارهاق العصبيه .

وفى اوضه عز اللى كان اتصل على عمه فهد علشان يطمنه بنفسه انه كويس وكمان يطمن هو عليه .

وفى القصر وبالتحديد فى اوضه فهد .
فهد كان قاعد على كرسيه المتحرك وكان باين عليه القلق والحزن علشان خاطر عز .
وحاسس انه عاجز ومش قادر يكون جنبه فى ظرف زى كده .
فافجاه سمع صوت موبيله بيرن فامسكه من على التربيزه اللى جنبه وفرح اوى اول لما شاف اسم عز على الشاشه ورد عليه باللهفه .

فهد .. الوووو ايوا يا عز يا حبيبى طمنى عليك يا ابنى .

عز بتعب شديد ... ايوا يا عمى فهد .. اطمن يا حبيبى انا كويس .. انا بكلمك بنفسى اهو علشان تطمن .. وانا كلها بكرة وهاكون عندك .

فهد بفرحه ... الحمد لله والف سلامه عليك يا عز .. انا وصيت الدكتور حسام علشان يخلى باله منك كويس وانت عارف هو شاطر اد ايه وانا واثق فيه .. وكمان بعتلك اتنين رجاله من بتوعنا علشان لو عزت اى شىء يكونوا تحت رجليك وينفذوا كل اللى تؤمرهم بيه .

عز ... اطمن انت يا عمى انا هابقى كويس . المهم تخلى بالك انت من نفسك ومن صحتك .

فهد .. اطمن يا عز انا كويس طول ما انت كويس انت عارف انى ماليش غيرك فى الدنيا .

عز بتعب .. ربنا يخليك ليا يا عمى يالا سلام .
وقفل عز مع فهد وبدا يحس بوجع والم شديد بس حاول ما يظهرش كده وهو بيكلم فهد علشان ما يقلقش عليه .

حسام حس بشىء غريب بيحصل لعز فساله وقال .. فى حاجه يا عز بيه فى شىء بيألمك .

عز ... حاسس بالم شديد فى جسمى كله ومش قادر استحمله .

حسام .. طيب ثوانى هابلغ الدكتورة رهف بكده واخليها تجيلك فورا لانها هى اللى أجرت ليك العمليه.

عز .. لا مش عاوز اللى اسمها رهف دى .

حسام باستغراب !!!!!! انت اكيد خدت فكره وحشه عنها من طريقه كلامها معاك من شويه .. رهف على فكرة انسانه محترمه جدا وشاطرة اوى .. ومن أشطر الجراحين هنا فى المستشفى والناس بتجيلها مخصوص من جميع الدول العربيه وكمان شريكتى فى المستشفى .

عز بغضب .. انت هاتقولى قصه حياتها ولا ايه .. قولتلك شوفلى حد غيرها .

حسام اتفاجاه من رد فعل عز وقال .. خلاص خلاص اهدى يا عز علشان خاطر الجروح اللى فى جسمك خطر عليها الانفعال بالمنظر ده .
انا هاروح فورا وابعتلك دكتور تانى بدل الدكتورة رهف .
ولسه يادوبك هايخرج من الاوضه .. عز قال بغيظ ... تمام ابعت الدكتورة رهف وامرى لله .

حسام استغرب اوى من تقلبات عز دى ومكنش فاهمه بس قال .. ثوانى ورهف تكون عندك عن اذنك .. وفتح الباب وخرج بسرعه .
__________________________________
وفى شقه فارس وهمس كل ده وكان فارس قاعد اودام باب الحمام ومستنى همس تخرج علشان يحاسبها على الحركه اللى هى عملتها معاه دى وعلى حسب ما هو قال انها بتخم .

وطبعا همس كانت مفكرة انه خرج من الاوضه علشان مش سامعه اى صوت ليه بره .. فافتحت الباب بشويش بأمان بمنتهى السذاجه واتفاجأت بفارس اللى كان قاعد على الارض .
وقام وقف بسرعه اول لما حس بفتح الباب .

همس شافت كده فحاولت تقفل الباب تانى بسرعه لانها عارفه فارس هايعمل ايه معاها . بس للاسف فارس كان اسرع منها وحط رجله اودام الباب.

همس .... عاااااااااااا
انا برضه اللى بخم .. انت كمان بتخم اهو .

فارس ما صدق فتح الباب خالص وشالها بسرعه وراح على البانيو وحطها بشويش وفتح عليها الدوش وهى بلبسها .

همس .. عااااا لااا يا فارس لااا .. انا ما صدقت خلصت وخدت شور ولبست لااااا .

فارس بضحك ... انا يا همس تضحكى عليا وتجرى منى وتستخبى .. ماشى ماشى وفضل فاتح الدوش عليها .

همس .. وحياتى خلاص بقى وريا ميعاد مهم وهاتأخر عليه .

فارس .. وكمان وراكى ميعاد وهاتسيبنى وتنزلى وانا لسه ما شبعتش منك يا روحى . مفيش نزول .. النهارده بتاع فارس وبس يا همسى .
ولسه همس هاتنطق .. كان هو اسرع منها وفاجئها ببوسه طويله اوى بمنتهى الحب والرومانسيه .
وسكتت همس عن الكلام وراحت فى عالم العشق لتذوب بين احضان فارس عشقها .
_________________________________
حسام كان خرج من اوضه عز وراح على اوضه المكتب بتاع رهف اللى كانت قاعده على على الكرسى وسرحانه خالص فى طريقه ورخامه عز ده ومحستش بدخول حسام للمكتب .

حسام ... احم احم .. ايييييه نحن هنا روحتى فين يا رهف .. اكيد بتفكرى فيا صح اعترفى .

رهف فاقت من شرودها ده على كلام حسام وقالت .. بتقول حاجه يا حسام .

حسام .. لاااا كنتى سرحانه فى ايه يا دكتورة ومحستيش بدخولى ولا بكلامى .

رهف .. ابدا يا حسام انا معاك اهو خير فى حاجه .

حسام .. انتى بتهربى على كده من سؤالى .. ماشى يا ستى .. المهم روحى لاوضه عز الجبالى اصل شكل البنج بدا يروح من جسمه وبدا يتوجع ويتالم .

رهف .. ما انا قولت كده من الاول وهو ما سمعش كلامى وقولت ما يتعبش نفسه فى الكلام مع عمه .. علشان انا اكتر واحده عارفه هايحصل ايه لو اجهد نفسه .

حسام .. انا عارف والله يا رهف وفاهم كلامك كويس بس ده عز الجبالى ما ينفعش حد يقوله لا علشان كده انا عملت اللى هو عاوزة وخليته يكلم عمه .

رهف .. ده انسان غريب اوى انا مش عارفه هاقدر استحمل الكام يوم الجايين دول ازاى معاه .

حسام .. معلش يا رهف علشان خاطرى انا استحمليه لحد ما يخف علشان فهد بيه مواصينى عليه اوى .

رهف قامت وقفت وخدت السماعه بتاعتها ولبست البالطو الابيض وقالت .. ماشى يا استاذ علشان خاطرك انت بس وخرجت بعد ما استاذنت من حسام وراحت على اوضه عز .

عز كان على سريره بيتالم ومش قادر من كتر الوجع اللى كان حاسس بيه .. رهف فتحت الباب و دخلت وقربت منه .

رهف .. خير ايه اللى بيوجعك بالضبط .

عز علشان ما يظهرش الالم والوجع ده ليها مسك نفسه وحاول يتحمل شويه وقال ... ابدا كنت حاسس بشويه وجع فى راسى وفخدى بس خلاص راحوا .

رهف طبعا فهمت انه بيخبى الالم والوجع علشان ما يظهرش ضعفه اودامها فقالت .. انت متاكد .

عز .. اه متاكد .

رهف .. ماشى يا عز بيه عاوز حاجه منى قبل ما امشى .

عز ... لا مش عاوز حاجه منك انا هنام .

رهف بصتله باستغراب على التكبر اللى هو فيه ده حد فى اعترافه بالوجع اللى هى عارفه ومتاكده انه هايحس بيه اول لما يفوق من البنج ويبدا يخرج من جسمه فقالت .. خليك تستاهل بقى .

عز باستغراب حس بحركه شفايفها بصوت واطى فقال !!!!! انتى بتقولى ايه .

رهف ... بقول ملوش لزوم وقوف الاسدين اللى بره دول على الباب ولا انت بتخاف تقعد لوحدك زى الاطفال .

عز 😡😡😡 انتى مالك انتى دول رجالتى وانا حر اخليهم ولا اسيبهم شىء ما يخوصكيش يا دكتورة .

رهف بينها وبين نفسها .. طيب .. والله ما هاكتبلك على اى علاج ولا اى مسكن .. خليك كده بقى خلى رجالتك ينفعوك ولسه هاتقرب من الباب وتخرج سمعت صوت عز بيقول ..
استنى هنا .. انتى راحه فين وسيبانى .

رهف لفت وشها ليه وقالت .. انا ماشيه عاوز حاجه .

عز ... عاوز انام اكتبيلى على اى شىء ينومنى ولا انتى لازمتك ايه هنا بالضبط .

رهف فهمت هو عاوز ينام ليه .. علشان ما يحسش بالوجع والالم اللى حاسس بيه فقالت .. ثوانى واجبلك حقنه تنومك على طول .

عز .. ماشى .

رهف طلبت بالموبيل من الممرضه انها تجيب حقنه وحاجه تانيه معاها وتضيفهم فى سرنجه واحده وتديها للمريض اللى فى اوضه 75 وطلبتهم طبعا بالانجليزى .
فاعز طبعا فاهم كويس اوى فى الانجليزى لانه عاش عمره كله فى اوربا وعرف انهم نوعين اللى رهف طلبتهم .. واول لما رهف قفلت الموبيل عز قال .. انتى هاتدينى اى بالضبط .

رهف .. هاديك حقنه منومه .

عز 🤨🤨🤨 بس دول نوعين اللى انتى طلبتيهم مش حاجه واحده .

رهف 🙄 والله ده شغلى وانا ادرى بيه .

عز .. يعنى ايه شغلك .. انتى جيبانى هنا حقل تجارب لسياتك ولا ايه .. قوليلى انا هاخد ايه بالضبط .

رهف اوووووف .. هاديك منوم ومسكن علشان انا عارفه ومتاكده وحاسه باللى انت حاسس بيه دلوقتى ورغم ذلك مخليك متكبر ومش قادر تعترف بكده اودامى .

عز 🤨🤨🤨 اتفاجأ بجراتها معاه وحاول يقوم يقعد علشان يقدر يكلمها وعيونه جت فى عيونها مباشرا وحس بشىء غريب حصله من نظره عيونها دى❤ بس حاول يهرب منه ولسه هايتكلم 😡😡 الممرضه كانت دخلت ومعاها السرنجه والقطن وبلغت رهف انها جاهزة .

رهف حست بنظرة عز الغريبه ليها دى وحاولت تتجاهلها ومدت اديها للمرضه وخدت السرنجه فقربت من عز ومسكت ايده وفتحت الكانونل وقربت السرنجه وادتها لعز فى ثانيه .

عز كان فى اللحظه دى مغمض عيونه لانه بيكره الحقن خالص ومش بيحبها وبعد شويه وهو لسه مغمض قال .. ما تخلصى بقى هافضل كده كتييير ولا ايه .

رهف شافت الخوف اللى من منظره وقالت .. انا خلصت على فكرة من بدرى فتح عينك متخفش .

عز فتح عيونه باستغراب وقال .. ايه ده انتى خلصتى امتى انا ما حستش بالحقنه خالص .

رهف بصتله وخدت بعضها وخرجت من الاوضه من غير ولا كلمه ولا ردت عليه حتى هى والممرضه .

عز استغرب تصرفها ده وقال بصوت عالى .. انتم ياااا بهااايم ياللى بره .

بسرعه الرجاله اللى واقفين على بابه دخلوا وقالوا .. تحت امرك يا عز بيه تؤمر بايه يا باشا .

عز .. بتهببوا ايه بره .

واحد منهم قال .. مفيش حاجه يا باشا احنا واقفين ومستنين اوامرك .

عز كان بدا يحس بمفعول المنوم فقال ... خليكم واقفين اودام الباب انا هنام دلوقتى ومتخلوش مخلوق يدخل من الباب ده طول ما انا نايم حتى لو مين هو مفهووووم .

الرجاله ... مفهوش يا باشا والف سلامه على حضرتك تؤمر بأى شىء تانى .

عز .. لاااا غوروا واقفلوا الباب وراكم .

وفعلا بدء عز يعدل نفسه على السرير بعد ما الرجاله خرجت من عنده وقفلوا الباب وراهم وخلال ثوانى كان راح فى سابع نومه .
__________________________________
وعند فارس وهمس اللى كانوا بدأوا يستعدوا علشان يروحوا يبلغوا مامت فارس وباباه ويفرحوهم بموضوع الحمل ده وبعدها همس كانت على ميعاد بالوزير زى ما بلغها وكيل الوزارة وهاتروح على الوزارة .
وفارس كان هايوصلها لحد هناك وبعدها يطلع على الشركه .
وفعلا همس كانت خلصت لبسها واختارت طقم حلو وشيك مخصوص بالمناسبه دى ودى كانت اول مرة تروح مكتب وزير الطيران وتقابله شخصيا .

خرجوا وقفلوا باب شقتهم ونزلوا على تحت وبظروفها قابلوا سلمى اللى اول ما شافتهم بدات تهزر معاهم .

سلمى ... اهلا عصافير الكاناريا .. اقول صباحيه مباركه يا عرسان .. واخبار صوت المايه الى كان جاى من شقتك ايه يا فارس اياك تكون عالجته 😉😉😉
وايه الشياكه دى يا حضرت وكيل الوزارة .

همس ☺ بكسوف .. اتلمى يا بت انتى وقولى يا صبح .. ده انا اول حاجه هاعملها اول لما استلم الشغل انى ارفدك يا سلمى.

سلمى 🤨🤨 انا يا همس .. يخونك الاتفاق اللى كان بينا امبارح ومساعدتى ليكى يا ندله .
ابقى شوفى مين هايساعدك تانى 😏

همس وفارس بضحك ... خلاص خلاص ما تزعليش نفسك .
فارس .. هى اكيد بتهزر يا سلمى متزعليش .
همس قربت منها وحضنتها وقالت .. ايه يا سلوووم انتى زعلتى ولا ايه ده انتى اختى وحبيبتى ومقدرش استغنى عنك يا قمر .

سلمى ... وانا مقدرش ازعل منك ابدا يا همووس .. مبروك النونو يا فارس .

فارس الله يبارك فيكى حبيبتى وعقبالك انتى وشريف قريب وتحصلى همس ورغد .

همس .. ان شاء الله .. وسلام بقى علشان مانتأخرش .

سلمى .. بالسلامه يا حبيبتى وربنا معاكى .. وانا كمان نازله وراحه على المطار .. يالا ننزل سوا .

وفعلا نزل الكل وفارس وهمس ركبوا عربيتهم وراحوا على مامته .. وسلمى ركبت عربيتها وراحت على المطار .
__________________________________
اول لما وصلوا ودخلوا ام فارس رحبت بيهم وخدت همس فى حضنها وباستها وقالت .. حمد الله على سلامتك يا همس يا بنتى وحشتينى يا حبيبتى.

همس برقه .. الله يسلمك يا طنط وحشتينى والله انتى وعمو .

فارس كان وشه مبتسم وفرحان وده الى مامته لاحظتوا واستغربت انه ما طلعش على الشركه لحد دلوقتى فقالت .... غريبه يا فارس انت لسه ما روحتش على الشركه علشان رجوع همس ولا ايه يا ابنى .

فارس بص لهمس وقال .. تقولى انتى ولا اقول انا ؟؟؟؟

همس اتكسفت وقالت لفارس .. لا قول انت .

الام .. خير يا ولاد فى حاجه ولا ايه.

الاب ... شكلهم كده يا حاجه عندهم خبر حلو وعاوزين يقولنا عليه .

فارس .. فعلا يا بابا عندك حق همس حامل هاتجبلكم ولى العهد قريب .

الام والاب بصوا لبعض وفرحوا جدا جدا ومن كتر الفرحه ام فارس دموعها نزلت فقرب منها فارس ومد ايده وباس راسها وايديها وقال .. دموع الفرح دى ولا ايه يا ست الكل ... ولا زعلانه علشان ولى العهد هايجى ويخليكى تيته .

الام بفرحه ودموع فى نفس الوقت .. لا يا حبيبى طبعا دموع الفرحه .. الف مليون مبروك يا حابيبى .

فارس .. وعندى خبر تانى حلو اوى .. همس رشحوها وهاتبقى وكيل وزارة الطيران .

الاب والام فرحوا جدا للخبر ده وباسوا همس وباركولها واتمنوا ليها مستقبل وحياه سعيده .

وبعد شويه صغيرين قامت همس وفارس واستأذنوا علشان يروحوا على المشاوير بتاعتهم والام بلغتهم انهم يخلصوا ويرجعوا على فيلا هنا علشان يتغدوا مع بعض كلهم بمناسبه الاخبار الحلوة دى .
__________________________________
وفعلا خرج فارس هو وهمس وركبوا العربيه وفارس وصل همس لحد الوزارة وودعها وطلب منها انها اول لما تخلص ميعادها تتصل عليه وهو يجى يوصلها لمامته.. بس همس فضلت انه يخليه فى شغله وهى هاتاخد تاكسى وتروح تجيب عربيتها من اودام باب المطار .

وبعد مرور حوالى تلت ساعات فى المستشفى وبالتحديد فى اوضه عز اللى كان لسه نايم فى سابع نومه من تاثير العلاج اللى رهف ادتهوله .
رهف كانت عاوزة تطمن عليه وعلى باقى المرضى قبل ما ترجع على بيتها .. فخلصت المرضى كلهم وراحت على الاوضه اللى فيه عز وقربت من الباب وللاسف اتفاجات بالبودى جارد بتوع عز بيمنعوها من الدخول .

رهف باستغراب .. ازاى يعنى تمنعونى من الدخول .

البودى جارد .. معلش يا دكتورة دى اوامر عز باشا هو اللى أمرنا بكده طول ما هو نايم محدش يدخل حتى لو حضرتك .

رهف .. ازاى يعنى انا الدكتورة بتاعته ولازم ادخل واطمن عليه قبل ما ارجع على بيتى .

البودى جارد .. احنا اسفين يا افندم دى اوامره ولازم ننفذها مش هاتقدرى تدخليله .

رهف بعند وصوت عالى 🤨🤨 مدت ايديها على الباب وفتحته وقالت .. هو ازاى يعنى مش هاقدر ادخل اوعى كده منك ليه بدل ما اجيب الامن يطلعكوا بره وقبل ما تكمل كلامها ........
اتفاجأت بصوت زى الرعد قال ... بااااااس
فى ايه منك ليها .

رهف بعيون كلها غضب لفت على مصدر الصوت وشافت عز بعيون بطلع شرار ووشه احمر من الغضب والعصبيه فقالت ... فى انى عاوزه ادخل اطمن على سياتك والبهوات دول منعونى من الدخول .. احنا فين هنا انت مفكر انها عزبه سياتك ولا ايه .. احنا هنا فى مستشفى وليها نظام وقوانين .

عز شاف الغضب والعند اللى فى عيونها فاحب يستفذها اكتر وقال بمنتهى البرووود .. اه عزبتى .. وانا ممكن فى ثوانى اشتري المستشفى دى وممكن اشغلك عندى كمان بعد ما تترجينى .

رهف 😡😡😡 لااااا انت اكيد مجنون والحادثه دى اثرت عليك وعلى نفوخك .

عز عيونه جت على البودى جارد وقال .. انتم لسه بتعملوا ايه هنا يا بهايم اطلعوا بره واقفلوا الباب وراكم .

وفعلا خرجوا من عنده وقفلوا الباب وراهم فعيون عز جت فى عيون رهف فقال بمنتهى البرود والاستفذاذ .. انتى كنتى بتقولى ايه بقى سمعينى كده تانى .. انا بتقولى عليا مجنووون .

رهف .. لو سمحت خلينى اشوف شغلى علشان اخلص من اليوم الرخم ده .

عز حس انه زودها شويه فامحبش يزودها اكتر من كده معاها فقال .. حد قالك ما تشوفيش شغلك يا دكتورة .. انا اهو وتحت امرك اكشفى براحتك .

استغربت رهف لهدوءه المفاجأه ده فقربت منه وكشفت على جروحه وعلى الخياطه اللى فى فخده وراسه واطمن عليه ولسه هاتخرج من الاوضه !!!!!!!!

عز ... خدى هنا راحه فين تعالى اعدليلى المخده قبل ما تمشى .

رهف سمعت كده فقررت انها تمشى وتسيبه بس غيرت القرار ده وقالت انه مهما كان مريض ومحتاج المساعده فالفت نفسها وقربت من السرير وراحت ناحيه راسه وعدلت المخده وكان يا دوبك مسافه سنتيمترات بين وشه ووشها وفى لحظه ................

🙈🙈🙈🙈🙈🙈🙈🙈🙈🙈🙈🙈

يا ترى ايه اللى هايحصل ؟؟؟؟؟؟؟

تواقعتكم ايه ؟؟؟؟؟🤔🤔🤔

فارس عشقى الجزء التانى

بقلمى سحر فرج

❤❤❤❤❤❤❤❤❤❤❤❤

[فيتامين سي]

الحلقه التاسعه

روايه فارس عشقى 2

بقلم سحر فرج

لينك الحلقه على الوتباد

https://my.w.tt/QjB4hLzCNZ

❤❤❤❤❤❤❤❤❤❤❤❤
استغربت رهف لهدوءه المفاجأه ده فقربت منه وكشفت على جروحه وعلى الخياطه اللى فى فخده وراسه واطمنت عليه ولسه هاتخرج من الاوضه !!!!!!!!

عز ... خدى هنا راحه فين تعالى اعدليلى المخده قبل ما تمشى .

رهف سمعت كده فقررت انها تمشى وتسيبه بس غيرت القرار ده وقالت انه مهما كان مريض ومحتاج المساعده فالفت نفسها وقربت من السرير وراحت ناحيه راسه وعدلت المخده وكان يا دوبك مسافه سنتيمترات بين وشه ووشها وفى لحظه ................
😉😉😉😉😉😉😉😉😉😉😉😉
فاجأها عز بضمها لصدره وانقض على شفايفها ليروى ظمأه واعجابه بيها بس للاسف كانت رهف اسرع منه وبكل قوتها زقته وبعدت عنه وضربته بالقلم على وشه 😡👋😡 وقالت
انت حيوااااااان .
وخرجت بمنتهى السرعه من الاوضه وسابت عز وهو حاطت ايده على وشه من تأثير القلم المفاجأ اللى خده .
وبعدها حط ايده على شفايفه وقال ... لذيذه الدكتورة دى 😉
__________________________________

فارس كان وصل على الشركه من بدرى وراح على مكتبه وبلغ السكرتيرة انها تجهز بعض الملفات بخصوص المشاريع الجديده مع شركه عز الجبالى وتستدعى بعض المهندسين للمشروع فى اجتماع مفاجأ .
وفعلا خلال ربع ساعه كان دخل فارس لاوضة الاجتماعات وبدا يدرس كل شىء في الملفات دى هو والمهندسين واستعرضوا عليه اخر التطورات والافكار الجديده اللى تخص المشروع بالكامل .
وشويه وبعد انتهاء الاجتماع ده اللى استغرق حوالى ساعتين خطر على باله انه يروح لعادل على مكتبه ودى من الحاجات القليله اوى اللى بيعملها فارس لان اكتر الوقت عادل هو الى عنده فى المكتب .
وفعلا خد بعضه وراح على مكتب عادل اللى كان غرقان فى تنفيذ تصميم يخص المشروع واتفاجأ بدخول فارس .

عادل باستغراب.!!!!!! ابوا الفوارس .. معقول .. اهلا يا هندسه اكيد فى حاجه مهمه خليتك تيجى لحد مكتبى .

فارس بابتسامه كبيرة .. ايوا يا صاحبى ياللى بتفهمنى دايما .. انا جيت ابلغت ان همس حامل وهاتجيب لنا نونوووو .

عادل بفرحه لا توصف .. ايوا بقى يا هندسه .. الف مليون مبروك يا حبيبى وقرب منه وخده فى حضنه وهناه .

فارس .. الله يبارك فيك يا حبيبى.. انا قولت لازم اجى بنفسى لحد عندك وافرحك بالخبر ده .

عادل .. والله فرحت جدا من قلبى .. يااااه يا فارس .. اخيرا هانبقى اباهات ونشيلهم على ادينا ونلعب كلنا مع بعض فى جنينه الفيلا .

فارس .. احلى حاجه احنا عملناها اننا عيشنا كلنا فى فيلا واحده وأطفالنا هايجوا ويتولدوا ويكبروا كلهم مع بعض فى نفس المكان .

عادل .. ان شاء الله يا حبيبى .. رغد اكيد لسه ما عرفتش بالخبر الحلو ده .. علشان لو عرفت كان زمانها اتصلت عليا وقالتلى .

فارس .. اكيد لا ... لان محدش عرف غير سلمى وماما وبابا وبس .
حتى همس لسه ما قالتش لمامتها ولا عمر اخوها واتلخمت فى موضوع ترشحها ده كمان .

عادل !!!!! ترشح ايه بالضبط اللى بتتكلم عنه يا صاحبى ؟؟

فارس .. ايه ده انت معرفتش ولا ايه .. اكيد رغد ما عرفتش فى المطار ان همس رشحوها لمنصب وكيل الوزارة.

عادل باستغراب .. ايه ده معقول .. الف مبروك .. رغد اكيد نسيت تقولى .. لانها رجعت من الشغل امبارح ونامت من التعب واكتر الوقت كانت نايمه امبارح طول النهار من تأثير الحمل .

فارس .. يالا ربنا معاهم ويقوموا بالسلامه هما الاتنين وعقبال ما نفرح بجنه وسلمى قريب هما كمان علشان الكل يفرح زى فرحنا .

عادل .. يارب يا فارس .
__________________________________

رهف كانت راحت على مكتبها بسرعه وقلعت البالطوا بتاعها وخدت شنطه ايديها ونزلت من المستشفى باسرع ما يكون .
وخرجت من الباب الرئيسى للمستشفى وراحت على عربيتها وساقتها باقصى سرعه
وكانت طول الطريق بتفكر فى عز واللى عمله معاها وانه انسان حقير وحيوان ولولا تعبه ده كان هايبقى ليها تصرف تانى غير القلم اللى خده ده .
لحد ما وصلت للفيلا بتاعتها ودخلت من البوابه وركنت العربيه فى الجراج وخدت شنتطها ونزلت ودخلت على جوا .

اول لما دخلت كانت مامتها قاعده وبتتكلم فى الموبيل مع ام فارس واول لما شافت رهف دخلت ووشها غير مبشر بالخير قلقت من جواها واستاذنت من اختها وقفلت على طول .

سعاد ام رهف .. اهلا يا حبيبتى خير فى حاجه ولا ايه شكلك زعلانه من حاجه ؟

رهف .. ابدا يا ماما مفيش حاجه بس تعبانه شويه وهلكانه من كتر الشغل مش اكتر .

سعاد .. ما انتى اللى بتتعبى نفسك زياده عن اللزوم يا حبيبه ماما .. ومش بتخدى اى اجازة تريحى اعصابك ونفسيتك شويه .

رهف ... شغلى يا ماما كده اعمل ايه بس .

سعاد ... اما انا عندى ليكى خبر حلو اوى وهايفرحك لسه خالتك قايلالى عليه دلوقتى .

رهف باستغراب .. اوعى تقوليلى خالتو جيبالك عريس زى كل مرة .

سعاد .. لا لااااا متقلقيش .. خالتك فرحتنى وقالت ان همس حامل وهاتجيب نونو .. وكمان رشحوها لمنصب وكيل وزارة الطيران .

رهف بفرحه .. ايه ده بجد .. الف مبروك ليها .. هابقى اكلمها وابارك لها بنفسى هى وخالتو وفارس كمان .. يالا هاطلع اخد شور يا ماما وانام شويه لانى فعلا تعبانه .

سعاد .. طيب خدى الشور وانزلى نتغدى مع بعض قبل ما تنامى .

رهف .. اعذرينى يا ماما مش هاقدر واستاذنت وطلعت على طول على فوق .
وده اللى خلى امها تحس ان فى شىء اكبر مزعلها مش موضوع تعب وارهاق .
وفعلا طلعت رهف على اوضتها وقفلت الباب وراها ورمت شنتطها على السرير وبدات تقلع هدومها .
وفجاه قعدت على طرف السرير وافتكرت لحظه ما باسها عز وقالت هو ازاى عمل كده انا لازم اوقفه عند حده الحيوان ده 😥
__________________________________

وفى مطار القاهرة كانت خلصت همس كل اللى كان وراها وخرجت من باب المطار وراحت على عربيتها وركبت .
واول لما ركبت مسكت الموبيل واتصلت على فارس وبلغته انها خلصت وهاتروح على مامتها و مامته .

همس .... الوووو ❤ اه يا حبيبى.

فارس ... اه يا روحى .. انتى فين دلوقتى .

همس .. انا يا دوبك خلصت كل شىء فى المطار وركبت عربيتى اهو وراحه على ماما الاول علشان افرحها بخبر النونو ده لانى لسه ماقولتلهاش وبعدين هاروح على مامتك .. انت لسه اودامك كتير فى الشركه ولا ايه .

فارس .. لا ابدا يا حبيبتى .. انا عشر دقايق بالضبط وهانزل من الشركه واجيلكم .

همس .. ماشى يا قلبى .. عاوز حاجه .

فارس .. لا يا حبيبتى سلميلى على طنط كتير .

همس ... يوصل يا حبيبى يالا سلام .

فارس .. سلام يا روح قلبى .. مش محتاجه حاجه اجبها وانا جاى علشان النونووو .
قصدى مش نفسك فى اى شىء .

همس بضحك .. قصدك اتوحم يعنى .. لسه بدرى يا فارس على الكلام ده .. شكرا يا حبيبى تعال انت بس .

فارس .. ماشى يا قلبى يالا سلام وسوقى بشويش واحده واحده .

وفعلا قفلت همس مع فارس وشغلت العربيه وساقتها وراحت على مامتها .
_________________________________
عدى اليوم كله على خير وفضل فارس وهمس سهرانين مع والدته وباباه وفضلوا يتكلموا عن حاجات كتير منها فرحه مامت همس بموضوع الحمل ده وفرحه عمر وجنه الى كانوا هناك بظروفها وفرحوا جدا للخبر ده .

وعن الدول اللى سافرت فيها همس وعن اجمل المناطق السياحيه اللى زارتها .. وبعدها استاذن الاب والام علشان يطلعوا يناموا شويه قبل صلاه الفجر .
وطلعوا الشباب على فوق هما كمان علشان يناموا فى اوضه فارس القديمه زى كل مرة يباتوا فيها هناك .
🌄🌄🌄🌄🌄🌄🌄🌄🌄🌄🌄🌄
عدى الليل بهدوءه وطلعت شمس يوم جديد
وفى القصر وبالتحديد فى اوضه فهد اللى كان صحى من بدرى زى عاويده وكان قاعد بيفكر هايعمل ايه بالضبط مع بلال ومع همس كمان .
وآخرة التفكير ده قرر انه الافضل انه يستنى لحد ما عز يقوم بالسلامه وهو اللى هايقدر يتصرف فى الموضوع ده زى ما وعده .

وفى المخزن اللى كان محبوس فيه بلال كان فى شباك صغير مدخل ضوء الشمس .. وكان قاعد بلال تحته وبيفكر فى حاجات كتير وخايف من الحظه اللى هايطلبه منه انه يساعدهم فى خطف همس تانى ومجيها للقصر .. ورغم كل ده كان خايف برضه على عياله ومش عارف يعمل ايه علشان يخليهم يهربوا لمكان تانى بعيد عن رجاله فهد وعز الجبالى .
وفضل بالمنظر ده ساعات كتير وكان الشىء الوحيد الى بيعمله انه يدعى ربنا انه يحفظ عياله من فهد ويحفظ كمان همس منه .
والا هايبلغ عز الجبالى بكل شىء يعرفه عن فهد واللى عمله زمان فى ابوه واخوه وكمان امه 😲😲😲

وفى اوضه عز فى المستشفى كان سهران ومش جايله نوم خالص طول الليل بس يا ترى من الالم والوجع ؟؟ ولا من التفكير فى اللى حصل بينه وبين رهف ؟؟
وفجاه نده بأعلى صوته على البودى جارد اللى كانوا نايمين على الكراسى اللى اودام باب الاوضه واتخضوا من صوت عز وهو بينده عليهم .
بس بسرعه كانوا قاموا وقفوا وفتحوا الباب ودخلوا لعز على طول .

عز بغضب ... كنتم فين يا بهايم ساعه بنده عليكم 😠😠😠

الرجاله بخوف .. تحت امرك يا عز باشا .. كنا موجودين بره وفى خدمتك .

عز ... شوفولى الدكتورة فين لحد دلوقتى وبقالها كتير مجتش تطمن عليا ولا على الجروح اللى فيا 😠

واحد من الرجاله .. ثوانى وتكون عندك يا باشا هاروح انده عليها بسرعه .

عز للراجل التانى .. اخلص انت لسه واقف مكانك ... وغور انت كمان ولو عزتك هانده عليك واقفل الباب وراك .

وفى ثوانى ومن كتر خوفهم من عز وغضبه خرجوا الاتنين ورا بعض وقفلوا الباب وراهم .
وواحد منهم راح على الاستقبال وسأل عن الدكتورة رهف .

البودى جارد ... صباح الخير لو سمحت عاوز الدكتورة رهف تروح لعز باشا فى اوضه 75 علشان تطمن عليه .

موظف الاستقبال .. للاسف يا افندم الدكتورة رهف لسه مجتش واودامها حوالى ساعتين عقبال لما تستلم الشغل بتاعها .. والدكتور ادهم هو اللى موجود دلوقتى وهابلغه حالا .

البودى جارد مكنش عارف يتصرف ازاى او يروح يبلغ عز بالكلام ده بس مكنش فى حل تانى غير انه يروح ويقوله الكلام بتاع موظف الاستقبال .

وفعلا راح وفتح باب اوضه عز بعد ما استاذن طبعا وشاف عز بحاله غريبه وخاف من منظره جدا .

عز بعيون حمره من كتر السهر وقله النوم مع التعب قال .. اييه هببت ايه ومجبتهاش معاك ليه يا حيوان انت .

البودى جارد .. للاسف يا عز باشا .. الدكتورة رهف لسه مجتش وهاتيجى بعد ساعتين وفى دكتور تانى هو الى موجود دلوقتى .

عز بغضب اكتر 🤨🤨🤨 طب غووور من وشى دلوقتى .

البودى جارد .. طيب تحب اخلى الدكتور ادهم ده يجى ويطمن على حضرتك .

عز 😠😠😠 قولت غوووور من وشى .
وفى ثوانى كان خرج من عنده وقفل الباب وراه وعز فضل ياكل فى نفسه ومش عارف ايه السبب لكل اللى هو فيه ده .
وقال .. انا هاوريكى يا رهف وما بقاش انا عز الجبالى .
ومفيش دقيقه الا ودخلت الممرضه علشان تديله العلاج بتاعه اللى كانت كاتبه عليه رهف بعد العمليه .

عز اول ما شافها داخله قال .. عاوزة ايه .

الممرضه استغربت من طريقه كلامه وسكله المخيف ده فقالت .. ابدا يا افندم انا جايبه لحضرتك الحقنه والعلاج اللى مكتوبين ليك .

عز .. طيب اخلصى بسرعه.

الممرضه بدات تخاف من طريقه كلامه وطلعت الاول البرشام وناولته كوبابه المايه وبدات تجهز السرنجه والحقنه وجهزتهم وقربت من ايده علشان تديله الحقنه شافت عز اتحول لانسان تانى وغمض عينه وكان زى الطفل اللى بيخاف من الحقن .
فامسكت مكان الحقنه واديتله الحقنه فى الكانونل واول ما بدات تفرغها عز شد ايده منها واتألم من الحقنه وقال .. انتى حمارة .. ايدك جامده اوى .. اطلعى بره .. اطلعى برررررره .

الممرضه اترعبت منه ومن كلامه وشكله واعتذرت ليه وخدت نفسها وخرجت بمنتهى السرعه وقفلت الباب وراها .

لكن عز شاف ايده بتنزف دم لما شدها فجأه وهى بتديله الحقنه فامد ايده وخد منديل من العلبه وبدا يمسح الدم .
💉💉💉💉💉💉💉💉💉💉💉💉

رهف كانت صحيت على صوت الموبيل وهو بيرن واول لما مسكته عرفت انها المستشفى . فعدلت نفسها وقعدت وقالت بصوت منعوس .. الوووووو .

المستشفى.. صباح الخير يا دكتورة رهف واسف انى صحيت حضرتك .

رهف .. صباح النور .. لا ابد مفيش حاجه خير فى ايه .

المستشفى.. كنت عاوز ابلغ حضرتك بالمريض اللى فى اوضه 75 .. انه كان سأل على حضرتك من شويه و الممرضه راحت علشان تديله الحقنه والعلاج .. بس للاسف مقدرتش تكمل الحقنه وزقها وطردها بره الاوضه .

رهف باستغراب من اللى سمعته ... طيب انا مسافه السكه واكون عندكم .
وقفلت الموبيل ورجعت تانى نامت على السرير وعيونها مفتحه من الكلام اللى اتقال ده وقالت .. انت ايه بالضبط .. انت انسان غير عادى انت اكيد انسان مريض وانا اللى هاعرف اشفيك يا عز 😠 وفجاه قامت وقفت وقررت تقوم تدخل على الحمام وتاخد شور .
وخلال نصف ساعه كانت وصلت اودام باب المستشفى وطلعت على فوق فى اوضتها ولبست البالطوا الابيض بتاعها وخدت السماعه وراحت على اوضه عز .
واول لما وصلت لباب الاوضه بدات دقات قلبها تزيد وحست بشعور غريب مقدرتش تفسره .. بس حاولت تتمالك نفسها وفتحت الباب فجاه .
عز كان بدأ يروح فى النوم شويه بعد تفكير كتير فى رهف واللى حصل معاها .
بس حس بفتحه الباب وخبطته فى الحيطه بتاعه الاوضه وبخطوات رجل بتقرب من السرير .. فالف نفسه بسرعه ولسه هايزعق لانه افتكر البودى جارد بتوعه سكت وما نطقش واتفاجأ بوجود رهف اودام عنيه وبدات دقات قلبه تزيد هو كمان ومكنش عارف سببها ايه !!!!!!!!
فقال ...
اخيرا اتكرمتى وجيتى تطمنى عليا يا هانم .

رهف بصتله من غير اى اهتمام ولا كانه اتكلم اصلا وقالت .. لو سمحت سيبنى اكشف عليك من غير ولا كلمه .

عز طبعا مش عاجبه كلامها ومستغرب من هدوءها رغم اللى حصل بينهم فاحب يستفذها فقال .. الظاهر البوسه عجبتك امبارح وجيتى تجربيها تانى 😉😉😉😉

رهف .. انت انسان مريض وانا مش هارد عليك .. واوعى تفكر وجودى هنا دلوقتى انى هاسيب حقى ومش هاحسبك على اللى عملته تبقى غلطان .
انا من هنا ورايح هاقدر اوقفك عند حدك وهايجى يوم واحاسبك على اللى انت عملته ده بس انا عامله حساب انك تعبان وضعيف وانا احب اخلص حقى من الانسان القوى .

عز بابتسامه اعجاب لكلامها وتحديها وتهديدها ليه فى نفس الوقت عيونه ركزت على عيونها وفاجأها بأيده اللى شدتها تانى ليه ولحضنه فى لحظه وقال .. وانا هاخف مخصوص علشان اشوف اليوم ده يا رهف .

رهف بدات تتوتر من قربه ليها بالشكل ده ومن جرأته ولنظرات عيونه ليها فابعدت نفسها بسرعه عنه ولحسن الحظ ان الممرضه كانت داخله وجايبه الفطار ليه ............
🙄🙄🙄🙄 🙄🙄🙄🙄

تواقعتكم ايه فى الحلقات القادمه .

#فارس_عشقى2

#بقلم_سحر_فرج

تعليقات ولايكات ومتابعه لصفحه الوتباد .
دمتم متابعين

❤❤❤❤❤❤❤❤❤❤❤❤

[فيتامين سي]

فارس عشقى 2

الحلقه العاشرة

بقلم سحر فرج

لينك الحلقه على الوتباد

https://my.w.tt/27JEGaisSZ

❤❤❤❤❤❤❤❤❤❤❤❤
عز :

اخيرا اتكرمتى وجيتى تطمنى عليا يا هانم .

رهف بصتله من غير اى اهتمام ولا كانه اتكلم اصلا وقالت .. لو سمحت سيبنى اكشف عليك من غير ولا كلمه .

عز طبعا مش عاجبه كلامها ومستغرب من هدوءها رغم اللى حصل بينهم فاحب يستفذها فقال .. الظاهر البوسه عجبتك امبارح وجيتى تجربيها تانى 😉😉😉😉

رهف .. انت انسان مريض وانا مش هارد عليك .. واوعى تفكر وجودى هنا دلوقتى انى هاسيب حقى ومش هاحسبك على اللى عملته تبقى غلطان .
انا من هنا ورايح هاقدر اوقفك عند حدك وهايجى يوم واحاسبك على اللى انت عملته ده بس انا عامله حساب انك تعبان وضعيف وانا احب اخلص حقى من الانسان القوى .

عز بابتسامه اعجاب لكلامها وتحديها وتهديدها ليه فى نفس الوقت عيونه ركزت على عيونها وفاجأها بأيده اللى شدتها تانى ليه ولحضنه فى لحظه وقال .. وانا هاخف مخصوص علشان اشوف اليوم ده يا رهف .

رهف بدات تتوتر من قربه ليها بالشكل ده ومن جرأته ولنظرات عيونه ليها فابعدت نفسها بسرعه عنه ولحسن الحظ ان الممرضه كانت داخله وجايبه الفطار ليه ............
🙄🙄🙄🙄 🙄🙄🙄🙄

الممرضه .. الفطار يا دكتورة رهف زى ما حضرتك طلبتى بالضبط .

رهف حاولت تتمالك نفسها وقالت .. ماشى يا امل حطيه عندك على التربيزة وارجعى انتى لشغلك .

امل .. تحت امرك يا افندم .. وفعلا حطت الفطار على التربيزة وخرجت بره الاوضه .

رهف بينها وبين نفسها احتارت تعمل ايه وهى عارفه انه مش قادر يقوم يروح لحد التربيزة اللى فى وسط الاوضه.
فشالت الصينيه وقربت من السرير وحطتها جنبه على الكوميدينوا وقالت قوم افطر .
ولسه هاتلف نفسها وتخرج سمعت عز بيقول ... هاتيلى كوبايه مايه 😉

رهف بعيون موجهه لعز كلها غضب قربت فتحت الازازة ومسكت الكوبايه وصبت فيها المايه .. وراحت على عز ومدت ايديها ليه وقالت .. اتفضل 😏😏😏😏

عز عجبه اوى منظرها وهو بيستفذها كده فحاول ينرنفذها اكتر فامد ايده وبص للكوبايه وقال ... مايه معدنيه دى 🥛🥛🥛.

رهف ... لااااااا انت اكيد مريض ولفت نفسها بسرعه وراحت ناحيه الباب ولسه هاتخرج سمعت عز بيقول ... انتى مش هاتأكلينى ولا ايه ؟؟؟؟

رهف بعيون كلها شرار بصتله بصه خليته يدوووووب فى جمالها ورقتها اكتر وقالت .. على فكرة انا بشتغل هنا دكتورة فى مستشفى مش فى حضانه اطفال علشان ااكلهم .

عز بعيون كلها ترجى .. علشان خاطرى .. انا من امبارح ما كلتش حاجه ولا فى حد معايا يأكلنى ... واديكى شايفه انا تعبان ازاى ومش هاقدر اكل لوحدى .. واوعدك مش هاعمل حاجه تزعلك 😉😉😉

رهف للحظات صعب عليها فاسكتت شويه كده ومن نظره عيونه قربت منه وقعدت جنبه على السرير وبدات تاكله .

عيون رهف كانت فى الاكل وبس وكانت بتحاول على اد ما تقدر تهرب من عيون عز اللى كانت بتراقب كل نظره وحركه ليها لحد ما فجاه دخل الدكتور حسام عليهم .

الدكتور حسام ... صباح الخير .. اخبارك ايه النهارده يا عز بيه يارب تكون افضل .

عز ادايق من دخول حسام فى الوقت ده بالذات وعيونه جت على رهف وقال .. كويس الحمد لله وكله بفضل الدكتورة رهف .

حسام بص لرهف وقال .. طب الحمد لله .. وبعدين هو حد يطول الدكتورة رهف تبقى معاه وتعالجه وتاكله بنفسها كمان .. ده يبقى اكيد محظوظ .. دى اشكر واجمل وارق دكتور هنا فى المستشفى.

رهف اتكسفت وبدا وشها يحمر من كلام وتلميحات حسام دى فقالت ... مش للدرجه دى يا دكتور حسام ده شغلى ولازم اعمله على أكمل وجه .

حسام .. انتى كده طول عمرك يا رهف بتقليلى من حجم الحاجات الجميله اللى بتعمليها .. علشان كده الكل هنا بيحبك وبيقدرك .

رهف .. متشكره ليك جدا يا دكتور حسام .

نظرات حسام لرهف بدات تدايق عز فبعصبيه قال .. انا هامشى من هنا امتى .. انا زهقت وعاوز ارجع على القصر بقى .

رهف لاحظت تغير ملامح عز وعصبيته دى فحاولت تستغلها لصالحها لانها فهمت انه ادايق من كلام حسام عليها ومغازلته ليها فقالت لعز ... لسه بدرى على موضوع الخروج ده لازم نطمن عليك الاول وعلى كل الجروح والكدمات اللى موجوده فى انحاء جسمك ونغير عليها اول باول .
واظن مفيش حد هايقدر يعمل كده فى القصر زى ما هانعمل احنا هنا .

عز .. لا من ناحيه كده اطمنى .. انا مستعد اجيب حد متخصص لكل الكلام ده متقلقيش انتى .

رهف .. ماشى اللى تشوفه .. وبصت لحسام وقالت .. انا راحه اوضتى يا دكتور حسام .. ياريت تبقى تعدى عليا علشان عوزاك فى موضوع مهم .

حسام .. تمام يا رهف هاخلص مرور على المرضى واجيلك عل طول .

عز عيونه جت فى عيونها بنظره غضب وشاف شبه ابتسامه في عيونها وتحدى 😠😡😠😡
وهى بادلته نفس النظرة واستأذنت وخرجت من الاوضه .
__________________________________

فارس كان صحى من بدرى ودخل اخد شور وبعدها خرج وبدا يلبس بدلته وكل ده وكانت همس لسه نايمه وفى سابع نومه من كتر السهر اللى سهرته هى وفارس بالليل لحد ما الشمس بدات تشرق .

فارس كان خلص لبس وقرب من همس وبدا يصحيها .

فارس بحنيه قعد على طرف السرير و قال .... همس حبيبتى .. همس
يا روحى اصحى وباسها من راسها .

همس بدات تحس بيه فافتحت عيونها وقالت .. صباح الخير .. ايه ده .. انت صحيت امتى يا حبيبى ؟

فارس بحب ... من حوالى نصف ساعه لان عندى اجتماع مهم جدا مع عز الجبالى شريكنا الجديد فى مشروع الغردقه .

همس اول لما سمعت اسم الجبالى وشها وملامحها اتغيرت وقالت .. الجبالى !!!!!

فارس حس بيها وبتوترها فقال .. اطمنى يا حبيبتى ده مجرد تشابه اسماء مش اكتر .. وده شريكى الجديد اللى بقالى فترة كنت بحكيلك عليه وعلشان كنتى مسافرة نسيت اقولك اول ما وصلتى انى قابلته واتعرفت عليه وسالته عن اسم الجبالى ده وهل ليه علاقه بفهد الجبالى وقالى انه مجرد تشابه فى الاسماء فاطمنت لكده .
ومش عاوزك تخافى من اى شىء طول ما انا جنبك يا حبيبتى وضمها لحضنه وحاول يطمنها .

همس حست بالامان وهى فى حضنه واطمنت انه مجرد تشابه اسماء مش اكتر فاقامت وقفت وقالت لفارس .. حبيبى كنت عاوزة اعمل حفله كبيرة ونعزم فيها الكل بمناسبه الاخبار الحلوة بتاعتى دى كلها ايه رايك يا فووووفه ؟؟؟

فارس بابتسامه كبيرة .. اكيد طبعا يا حبيبتى .. شوفى انتى عوزاها امتى وانا انفذ على طول .

همس ... ايه رايك نعملها بكرة عندنا فى جنينه الفيلا ونعزم فيها الكل .
ومن دلوقتى هاروح على المطار واقول لصحابى وزمايلى كلهم .

فارس .. وانا موافق على كل شىء تقولى عليه وباسها من خدها وقال ... سلام بقى انا لازم انزل علشان ما اتاخرش على الاجتماع سلام يا همووووس 💋💋💋💋

ونزل فارس بعد ما ودع همس .. ودخلت همس بعدها على الحمام علشان تاخد شور وتبدا تجهز للحفله .
_________________________________

وبعد حوالى ساعتين سلمى كانت هى ورغد فى مكتبهم فى المطار وعمالين يتكلموا عن قرب العيد الكبير وموسم الحج والرحلات اللى تخص الحجاج وتجهيزاتهم ليها .

سلمى ... الموسم السنه دى الرحلات كتير جدا يا رغد ما بين سياحى وجمعيات وقرعه وكمان غير رحلات اهالى الشهداء اللى الدوله منحتهم رحلات الحج السنه دى مش ملاحظه كده .

رغد .. فعلا يا سلمى .. ما شاء الله ربنا يتقبل منهم وعاوزين السنه الجايه ان شاء الله نطلع والدتى ووالدتك مع بعض ولو ربنا بيحبنا نطلع كلنا معاهم كل واحده هى وجوزها .. هاتبقى رحله حلوة اوى باذن الله .

سلمى .. الله ياريت يا رغد وتكونى انتى وهمس قومتوا بالسلامه ان شاء الله وتجبولنا النونو.

وفجاه شافوا باب المكتب اتفتح ودخلت همس عليهم بوشها المبتسم وقالت ... احم احم نحن هنا بتجيبوا فى سيرتى ولا ايه يا بنات .

سلمى ... اهلاااااا سياده وكيله الوزارة وراحت عليها وحضنتها وباستها وقالت .. ابدا يا حبيبتى كنا جايبين سيرتك بكل خير صح يا رغد .

رغد .. اه طبعا .. كنا لسه بنقول اننا نروح كلنا السنه الجايه نحج وناخد والدتى ووالده سلمى ووالدتك انتى كمان يا همس وحماتك ام فارس ايه رايك .

همس .. ياااااه ياريت والله دى تبقى حاجه جميله اوى .

سلمى .. خير يا هموس جايه يعنى من بدرى اكيد فى حاجه.

همس ... شووووووور فى حاجه وحاجه حلوة كمان .
ان شاء الله بكرة هانعمل انا وفارس حفله فى جنينه الفيلا بتاعتنا بمناسبه ترشحى للوزارة والنونو كمان .. ايه رايكم يا بنات .

سلمى ورغد بفرحه ... احلى خبر ده ولا ايه .. فكرة حلوة اوى وموضوع الحفله فى جنينه الفيلا ده فكرة روعه الله عليكى يا همووووووس .

همس .. ما تنسيش انتى وهى تعزموا امهاتكم علشان نفرح كلنا مع بعض او اقولكم انا بنفسى هاكلمهم واعزمهم .

سلمى ... ايوااااا بقى
💃💃💃💃💃💃💃💃💃💃💃💃
__________________________________
وفى المستشفى وبالتحديد فى اوضه عز اللى كان بيغلى من جواه ومش طايق حد ابدا يكلمه لما سمع كلام حسام لرهف .
وفجاه نده على البودى جردات اللى واقفين اودام الباب انتم يا بهاااااايم .

وفى ثوانى دخلوا جرى هما الاتنين وقالوا.. تحت امرك يا عز باشا احنا تحت امرك .

عز بغضب .. لموا كل شىء يخصنى فى الاوضه دى وحد يجى يغيرلى اللبس الزفت ده بتاع المستشفى علشان هاسيب المستشفى حالا .

الاتنين بصوا لبعض وفى ثوانى كانوا بدؤا ينفذوا اوامر عز الجبالى .
وبعد نصف ساعه كانوا خلصوا كل شىء وواحد منهم مسك ايده وخرجوا بره الاوضه خالص .
وطلب منهم عز انهم يخلصوا حساب المستشفى وينزلوه على تحت ويرجعوا على القصر فورا .

وفعلا نفذوا اوامر عز الجبالى بالحرف الواحد بس فجاه وقبل ما يفتح عز باب الاسانسير شاف رهف وحسام واقفين على بعد كام متر وبيهزروا وبيضحكوا مع بعض وده الى خلاه يدايق اكتر ومن جواه مكنش عارف ايه سبب زعله ده .
وقال ... كلكم نفس العجينه كلكم .
بس هاتروحى منى فين يا رهف 😡😡😡
ودخل الاسانسير ونزل على تحت على طول من غير ما يبلغ اى حد انه مشى من المستشفى .

رهف خلصت كلام مع حسام واستاذنت منه وراحت على اوضه عز اللى اتفاجأت انه مش موجوده فيها ولا حتى البودى جارد بتوعه .
وده اللى خلاها تنده على الممرضه وتسالها عن عز .

رهف .. امل هو عز الجبالى ساب الاوضه وراح على فين .

امل .. ايه ده هو حضرتك مكتبتيش ليه على خروج ولا ايه ؟؟؟؟ ده انا افتكرت حضرتك سمحتيله بكده اول لما شوفته نازل مع البودى جارد بتوعه بالاسانسير .

رهف باستغراب .. ايه ده يعنى هو مشى وساب كمان المستشفى من غير ما انا اعرف .
وسابت الممرضه وراحت على اوضه حسام لتستفسر منه على الموضوع ده .
وحسام استغرب اوى من خروجه المفاجأ ده .
__________________________________

وفى عربيه عز الجبالى اللى كان سرحان فى كل شىء حصل معاه الفترة الاخيرة دى والسبب الرئيسى لوجوده فى مصر وهى الانتقام من همس وبلال واللى عملوه فى عمه فهد وكمان رهف اللى ظهرت فجاه ودخلت حياته بدون سابق انظار وخلته يحس باحساس اول مرة يحسه فى حياته .
وفجاه موبيله رن ومسكه وشاف اسم فارس الحسن عليه .

بعيون كلها انتقام وحقد مسك الموبيل ورد وقال .. اهلا يا فارس باشا .. لسه كنت بفكر فيك.

فارس .. ازى حضرتك يا عز بيه .. انا قولت انك اكيد نسيت ميعاد الاجتماع اللى بينا واستغربت انك مجتش لحد دلوقتى زى ما اتفقنا .. فقولت اكلمك واطمن عليك .

عز .. اه تصدق فعلا انا كنت نسيت بس غصب عنى والله انا اليومين التلاته اللى فاتوا عملت حادثه وكنت فى المستشفى ولسه يادوبك خارج منها وفى طريقى للقصر .

فارس باستغراب .. ايه ده معقول .. كل ده وانا معرفش ومحدش بلغنى بكده علشان اجى واطمن عليك بنفسى .. لا الف مليون سلامه على حضرتك .. طيب انت عامل ايه دلوقتى يارب تكون بخير .

عز .. بخير الحمد لله .. وانا اسف على موضوع الاجتماع نأجله لميعاد تانى لما اشد حيلى شويه .

فارس .. ولا يهمك المهم صحتك والف سلامه عليك .

عز .. الله يسلمك وقفل الموبيل على طول.

وبعد شويه كان وصل للقصر ونزل من العربيه ودخل على جوا .. وراح على اوضه فهد . واول لما دخل شاف فهد قاعد على كرسيه المتحرك وفهد اتفاجاه بعز اودامه .

فهد بفرحه ... عز .. حبيبى .. حمد الله على السلامه يا حبيب عمك .

عز قرب من فهد وحضنه وقال .. الله يسلمك يا عمى .. وحشتنى اوى .

فهد .. ليه محدش قالى انك هاتخرج النهارده من المستشفى .. وانت عامل ايه دلوقتى طمنى عليك يا ابنى .

عز .. الحمد لله انا بقيت كويس وملوش لازمه موضوع المستشفيات ده .. وانا اصلا مش بحب نوم المستشفيات ده فازهقت وقررت انى امشى .

فهد .. الحمد لله انك بقيت كويس انا كنت هاتجنن عليك يا عز .

عز .. اطمن يا عمى انا كويس .. ومستعد لكل اللى وعتك بيه ومن دلوقتى كمان لو حبيت .

فهد بفرحه .. ايه ده معقول .. طيب استنى شويه لما تشد حيلك وترجع زى الاول .

عز .. بقولك انا كويس وهابعت دلوقتى اجيب بلال وابلغه باللى هايعمله علشان يقدر يجيب همس دى لحد هنا .

فهد بفرحه .. ياريييت يا عز يااااريت .
وفعلا خرج عز من اوضه فهد وطلب من رجالته انهم يجيبوا بلال من المخزن.

وفجاه تليفون فهد رن وكان الدكتور حسام بيبلغه بخروج عز من المستشفى .. بس فهد رد عليه وفهمه وبلغه ان عز بيكره المستشفيات وزهق علشان كده رجع على القصر .
_________________________________
جه الليل وفارس وهمس راحوا على شقتهم علشان يستعدوا لتجهيزات الحفله بتاعه بكرة ويعزموا باقى الاهل والاصدقاء .
وفى وسط الكلام فارس اقترح على همس انه يعزم عز الجبالى ويحضر معاهم الحفله .

همس ... يا حبيبى مش لسه بتقول انه مجاش الاجتماع وعمل حادثه .. يعنى لسه تعبان .

فارس .. كلامك مضبوط بس انا لما كلمته كان صوته كويس .. هاجرب واتصل عليه واعزمه وزى ما تيجى بقى لانه عايش فى مصر لوحده وملوش حد هنا خالص .. اهو يحس بلمه العيله اللى اتحرم منها سنين طويله فى اوربا .

وفعلا فارس مسك موبيله ورن على عز اللى كان فى اوضته ومعاه شخص بيغيرله على جروحه .

عز سمع صوت الموبيل وطلب من الشخص ده انه يستنى لما يشوف مين وطلب منه انه يناوله الموبيل .
وفعلا خد منه الموبيل وعرف انه فارس فارد عليه وقال ... فارس باشا .

فارس .. اهلا يا عز وياريت تسمحلى انى اقولك عز من غير القاب وانت كمان مفيش بنا القاب احنا اخوات .

عز .. اه اكيد طبعا وده شىء يسعدنى .

فارس .. طيب بدام احنا اخوات بقى انا عازمك بكرة على حفله عندى فى الفيلا وهايكون والدتى ووالدى وبعض اهلى وصحابنا موجودين علشان اعرفك عليهم بنفسى وياريت تيجى وتشرفنا .

عز خطر على باله فكرة فجاه وقال ان ده هايكون انسب وقت لتنفيذ الخطه اللى اتفق عليها هو وفهد وبلال لخطف همس .

فارس استغرب سكوته ده وقال .. ايه روحت فين .

عز انتبه لصوت فارس وقال .. ابدا ابدا معاك اهو . وان شاء الله هاجى واتعرف عليهم .

فارس .. طب الحمد لله وهابعتلك العنوان فى رساله ما تتاخرش علينا بقى .

عز .. باذن الله سلام .

اول لما قفل عز ساب كل اللى كان بيعمله وراح على اوضه فهد وبلغه بتغير الخطه وعلى موضوع الحفله وان ده انسب وقت لخطف همس فيه قبل ما تبدا تمشى معاها حراسه من الشرطه .

وفهد فرح اوى بالخطه دى وقال فعلا ده انسب وقت نخطف فيه همس وانتقم من فارس الحسن .
__________________________________
اما عند فارس وهمس اللى كانوا مشغولين بموضوع الحفله ده فجاه همس قالت ... متنساش يا حبيبى نعزم طنط سعاد والدكتورة رهف بالمرة اصل لما كنت عند مامتك نسيت اقولها تكلمهم بنفسها .

فارس طيب كويس انك فكرتينى تصدقى كنت نسيهم خالص يا روحى .
وفعلا مسك موبيله ورن على خالته سعاد وقالها على موضوع الحفله ده وبلغته انها هاتقول لرهف اول لما تيجى من المستشفى لان عندها نبطشيه هناك وان شاء الله هايجوا الحفله .
_________________________________

عدى الليل وطلع النهار والكل كان فى الفيلا بيستعد للحفله .
سلمى ورغد وجنه وهمس وكمان كان معاهم الدكتورة رهف الكل كان مسؤول عن حاجه بيعملها ويشرف عليها لزوم الحفله .

اما الشباب فارس وعادل وعمر وشريف اللى كان وصل من السفر واتفاجاه بالاخبار الحلوة دى كلها وبالحفله كمان .
كانوا فى الجنينه بيعلقوا الانوار وبيضبطوا الترابيزات والكراسى بنفسهم .
وكل الاجواء دى كان الضحك والهزار سيد الموقف بين الكل .

اما الامهات الكبار كانوا مسؤولين عن البوفيه اللى كان بيشرف عليه شركه خاصه متخصصه فى كده .
كل شىء بقى جاهز لاستقبال الضيوف والكل استعد ولبس وجهز نفسه بعد يوم طويل للتجهيزات دى كلها .
الليل جه والموسيقى الهاديه اشتغلت والانوار نورت والضيوف بدؤوا يوصلوا واحد ورا التانى .
ام فارس كانت قاعده هى وجوزها على تربيزة
وفجاه ...................

يا ترى حصل ايه .

تواقعتكم ايه .

فارس عشقى 2

بقلمى سحر فرج

ياريت متابعه الوتباد بتاعتى ودوسوا على النجمه .
وتعليقاتكم ولايكاتكم شىء بيسعدنى .

دمتم متابعين .

تحياتى سحر فرج
❤❤❤❤❤❤❤❤❤❤❤❤

[فيتامين سي]

الحلقه الحادية عشر

روايه فارس عشقى2

بقلم سحر فرج

❤❤❤❤❤❤❤❤❤❤❤❤

عدى الليل وطلع النهار والكل كان فى الفيلا بيستعد للحفله .
سلمى ورغد وجنه وهمس وكمان كان معاهم الدكتورة رهف الكل كان مسؤول عن حاجه بيعملها ويشرف عليها لزوم الحفله .

اما الشباب فارس وعادل وعمر وشريف اللى كان وصل من السفر واتفاجاه بالاخبار الحلوة دى كلها وبالحفله كمان .
كانوا فى الجنينه بيعلقوا الانوار وبيضبطوا الترابيزات والكراسى بنفسهم .
وكل الاجواء دى كان الضحك والهزار سيد الموقف بين الكل .

اما الامهات الكبار كانوا مسؤولين عن البوفيه اللى كان بيشرف عليه شركه خاصه متخصصه فى كده .
كل شىء بقى جاهز لاستقبال الضيوف والكل استعد ولبس وجهز نفسه بعد يوم طويل للتجهيزات دى كلها .
الليل جه والموسيقى الهاديه اشتغلت والانوار نورت والضيوف بدؤوا يوصلوا واحد ورا التانى .

همس وفارس كانوا فى استقبال الضيوف .
وهمس كانت طالعه زى القمر لدرجه ان فارس كان هايتجنن عليها من كتر حلاوتها وجمالها .

فارس قرب من همس .. وهمس ليها فى ودنها وقال .. ايه الحلاوة والجمال ده يا قمر .

همس بدلع .. بجد طالعه حلوة يا حبيبى .

فارس .. قلب حبيبك وعيون حبيبك .
انا هاين عليا دلوقتى اشيلك اودام الناس دى كلها واطلع على شقتنا من سكات من غير ما حد يحس باى شىء والشباب الباقين يستقبلوا هما الضيوف ايه رايك تيجى نعملها .

همس .. انت مجنوووون اكيد .. فارس اعقل يا حبيبى .

فارس مسك ايديها وباسها وقال .. بحبك مووووت يا همسى .

همس برقه .. وانا بعشقك يا فارس عشقى .

وفى ركن تانى خالص كانت سلمى هى وعادل ورغد وعمر وجنه وشريف قاعدين على تربيزة كبيرة وبيهزروا وبيضحكوا وعيونهم على فارس وهمس اللى كانوا عاملين زى عصافير الكاناريا .

وفى تربيزة تانيه كانت قاعده ام فارس وباباه واختها سعاد والدكتورة رهف اللى كانت طالعه زى القمر من حلاوتها ورقتها .

الموسيقى كانت شغاله وبدأت اغانى حلوة للرقص فقاموا الشباب كلهم راحوا لهمس وفارس اللى كانوا واقفين فى استقبال الضيوف .
ومسكوا اديهم وشدوهم اودام الناس كلها
وخلوهم يرقصوا مع بعض هما الاول .
وفعلا مسك فارس ايد همس وعيونهم جت فى عيون بعض بكل حب ورومانسيه وكأنهم لسه بيرقصوا يوم فرحهم .
وبدؤوا يرقصوا على انغام الموسيقى الهاديه والشباب حوطوهم فى دايره كبيرة حوليهم .
واول لما الاغانى الشعبيه بدأت الدنيا اتشقلبت وبقوا ناس تانيه خالص كلهم 💃💃💃💃💃💃💃💃 كل واحد خد ايد مراته ورقصوا كلهم مع بعض وشكلهم كانوا روعه .

ام فارس كانت بتتكلم مع اختها سعاد فى حاجات كتير عن صحتها وعن حمل همس وفرحتها بيه لحد ما زهقت رهف منهم فاستأذنت انها تقوم تجيب عصير من البوفيه وتتتفرج على الشباب وهما بيرقصوا كلهم على الاغانى الشعبيه .
وفعلا قامت وراحت ناحيه البوفيه وجابت عصير برتقال ولسه بتلف نفسها من اودام البوفيه خبطت فى شخص كان مديها ضهره وشكله بيدور على حد معين وغرقتله جاكيت البدله بتاعته خالص .

رهف .... انا اسفه جدا والله مش قصدى ولسه بترفع عيونها للشخص ده اول لما لف نفسه ليها وحس بالعصير 😱😱😱
عز ..................

عز باستغراب اللى اتفاجأ برهف واستغرب وجودها فى المكان ده قال .. رههههههف !!!!!!!!

رهف من المفاجأه .. عز انت ايه اللى جابك هنا ؟ 🤨🤨🤨

عز .. انتى ايه اللى جابك انتى هنا ؟؟؟🤨

رهف .. انا هنا علشان بحضر حفله ناس قرايبى وانت بقى هنا ليه ؟؟؟

عز .. وانا هنا علشان بحضر حفله واحد صاحبى .

رهف !!!!! تقصد مين بالضبط .

عز .. فارس الحسن شريكى فى الشغل.

رهف بضحك😊😊😊😊

عز !!!! ممكن تقوليلى انتى بتضحكى على ايه دلوقتى .

رهف .. اصل فارس الحسن ده يبقى ابن خالتى عندك مانع د🤨🤨🤨

عز !!!!! انتى بتقولى ايه !! فارس يبقى ابن خالتك انتى 😮

رهف .. اه وفيها حاجه دى .. ولا ما ينفعش اكون بنت خالته حضرتك علشان طلع شريكك فى الشغل 😡

عز .. لااااا ابدا بس استغربت شويه وملامحه من المفاجاه بدات تتغير وافتكر الخطه اللى اتفق بيها مع فهد الجبالى وبلال وخطف همس كمان .
وحط ايده على جيبه وطلع الموبيل وده اللى خلى رهف تستغرب من تغيره ده وسرحانه كمان .

رهف .. فى ايه مال وشك اتغير كده ليه .

عز .. لا ابدا .. ممكن لو سمحتى اروح الحمام واقلع الجاكيت وانضفه علشان مش هاقدر افضل لابسه بالمنظر ده .. وبالمرة فى مكالمه تليفون لازم اعملها .

رهف .. وعلى ايه بس هاته انا هانضفه وتعال اعرفك على والدتى وخالتى سهير والده فارس اكيد متعرفهاش .. وزمان فارس خلص رقص مع اصحابه هو وهمس اكيد انت لسه مشفتهوش .

عز ... مفيش مشكله بس اسمحيلى اعمل اتصال مهم الاول وحاول يبعد شويه عن رهف وهى واقفه جنبه علشان متسمعهوش وكان هاوز يتصل بالرجاله ويلغوا الخطه حالا وفى اسرع وقت كمان .. وطلع الموبيل وحاول يتصل بس للاسف الموبيل كان غرق عصير برتقال ومش عاوز يشتغل خالص وحاول اكتر من مرة .
ومكنش عارف يعمل ايه او يتصرف ازاى علشان يوقف تنفيذ الخطه اول لما عرف ان رهف بتكون بنت خاله فارس الحسن .

وفى الاخر بعد عده محاولات حط الموبيل فى جيب البنطلون وقلع الجاكيت واداه لرهف علشان تنضفه من العصير وبعدها عدل قميصه ومشيت رهف اودامه وراحت على تربيزة خالتها وامها .

كل ده وفارس وهمس كانوا بيرقصوا بس فارس قالها كفايه كده حبيبتى علشان خاطر ما تتعبيش وعلشان النونو كمان .

عادل اللى سمع كلام فارس فقال لرغد .. سامعه انا لسه كنت بقولك اهو حتى فارس قال لهمس .. اتفضلى يا هانم انتى وهى واقعدوا استريحوا شويه يالا علشان خاطر البيبى .

سلمى .. عندك حق يا عدوله يالا يا بنات كلنا نروح نستريح شويه وبالذات انتم يا حوامل اقعدوا واستريحوا .

فارس كان شاف عز الجبالى على بعد وفرح انه جه زى ما وعده فطلب من همس انها تيجى معاه علشان يعرفها بعز الجبالى شريكه الجديد فى الشركه .

وهمس اول لما سمعت اسم الجبالى ده بدات دقات قلبها تبقى سريعه لمجرد بس التشابه اللى فى اسم عز وفهد .
فارس حس بيها وبنظراتها فامسك ايديها وقالها تعالى يا حبيبتى انا معاكى .

وفعلا فارس كان خد همس وراح ناحيه عز واستغرب جدا من وجود رهف معاه .

فارس قرب منه ومد ايده ليه وقال ... اهلا وسهلا عز باشا ومتشكر جدا لوجودك معانا .

عز .. اهلا بيك انت يا فارس وكان لازم اجى زى ما وعتك .

فارس بص لرهف وقال .. ايه ده انتم تعرفوا بعض ولا ايه يا دكتورة رهف .

رهف ... عز بيه كان مريض عندى فى المستشفى الكام يوم اللى فاتوا دول واتفاجأت بوجوده هنا وقالى انه شريك فى الشركه .

فارس لعز .. معلش نسيت اعرفك بهمس مراتى اللى عملت ليها الحفله مخصوص النهارده علشان هاتجبلنا نونو قريب وكمان اترشحت لمنصب وكيله وزارة الطيران .

عز وهمس عيونهم جت فى عيون بعض ومد ايده ليها وقال .. اهلا بيكى يا مدام همس والف مبروك للاخبار الحلوة دى .

همس بدقات قلب سريعه وتوتر قالت .. الله يبارك فيك وشكرا لحضورك .

فارس استغرب من جاكيت البدله اللى كانت مسكاه رهف فاسألها وقال ... جاكيت مين ده يا رهف .

رهف 🙄🙄🙄 .. اصل كنت بجيب عصير من البوفيه وغصب عنى وقع على جاكيت عز وغرق كمان وغرق الموبيل وساعتها اتفاجأت بوجوده هنا وهاروح انضفه ليه واجى بسرعه .. ده انا كنت هاروح اعرفه على والدتى ووالدتك يا فارس .. روح انت بقى معاه وعرفهم على بعض لحد ما انضف الجاكيت واجى بسرعه .

فارس .. اكيد طبعا وقال .. اتفضل معايا يا عز لنا اعرفك عليهم .

وفعلا فارس مشى هو وعز وهمس وراحوا ناحيه التربيزة اللى كانت قاعده عليها والدته ووالده وخالته .

والدة فارس كانت قاعده وبتتلكم مع اختها سعاد وفجاه اتصدمت اول لما عيونها جت على فارس والشخص اللى معاه 😱😱😱😱😱😱

فارس راح جنبهم ومد ايده وشاور على عز وقال .. امى احب اعرفك بشريكى الجديد اللى كلمتكم عنه .. عز الجبالى .
فاعز مد ايده ليها وقال .. اهلا بحضرتك وانا سعيد انى اتعرفت عليكى يا امى .

الام اول لما سمعت اسم عز الجبالى والشبه الكبير اللى بينه وبين اسلام وكمان كلمه امى منه قالت .. اسلاااام ابنى 😱

وحاولت تمد اديها وتقف تسلم عليه بس للاسف وقعت على الكرسى على طول واغمى عليها 😥😥😥

فارس استغرب من كلمه امه ( اسلام ) دى بس بسرعه جرى عليها هو وعز وحاولوا يفوقها بس للاسف مش عاوزة تفوق .

حتى عز استغرب ان ام فارس قالت ليه اسلام اول لما شافته واستغرب اوى لكده 🤔

الكل اتلم عليهم والشباب كلهم وهمس جريت تنادى على رهف اللى كانت نزلت بظروفها ومعاها الجاكيت بتاع عز .

همس بخضه .. تعالى بسرعه يا رهف خالتك وقعت واغمى عليها .
رهف ايه بتقولى مين 😱 وفى ثوانى كانت راحت لها رهف وحاولت تفوقها لحد ما فاقت واول لما عيون ام فارس فتحت كان فارس على يمينها وعز ساندها هو كمان وكان على شمالها وعيونها جت فى عيون عز وبدات دموعها تنزل وده اللى خلى فارس وعز يستغربه من كده .

فارس .. امى .. الف سلامه عليكى حبيبتى قلقتينى عليكى .. انتى كويسه .

عز .. الف سلامه على حضرتك .

الام بتعب لعز .. الله يسلمك يا ابنى .. انا اسفه انى مقدرتش اسلم عليك كويس .

عز .. ما تقوليش كده حضرتك .. انا اللى اسف انى تعبت حضرتك وخليتك تقومى من مكانك علشان تسلمى عليا .

فارس .. تحبى اطلعك على فوق يا ست الكل علشان تستريحى . انتى اكيد تعبتى معانا النهارده انا اللى غلطان حقك عليا .

الام ... ما تقولش كده يا حبيبى .. وانا بقيت كويسه مالوش لزوم انى اطلع لفوق .. كملوا حفلتكم يا ولاد كلكم مع بعض . وعيونها جت فى عيون عز اللى استغرب نظره الحب والحنيه اللى فيهم دول وقالتله وانت يا حبيبى انا سعيده انى شوفتك النهارده .

عز باحساس غريب اول مرة يحسه ويحس بحنيه من حد كده قال .. وانا كمان يا امى سعيد بمعرفه حضرتك وبعد اذنك تسمحيلى انى اقولك يا امى .

الام بحنيه وبعيون كلها دموع .. اكيد طبعا يا حبيبى انت زى فارس بالضبط .

ابوا فارس اللى عارف سبب اغمائها اول لما شافت عز الجبالى اودمها والشبه اللى بينه وبين اسلام الله يرحمه قال .. الف سلامه عليكى يا حاجه .. واهلا بيك يا عز يا ابنى معلش ملحقتش اتعرف عليك .. ومد ايده وقال .. انا ابو فارس .

عز .. اهلا بحضرتك وانا سعيد جدا انى جيت النهارده واتعرفت عليكم كلكم .

الكل راح على تربيزته والاغانى اشتغلت تانى وفارس كان مع همس بيلفوا على الضيوف.

عمر وجنه راحوا قعدوا مع ام همس وبدأوا يتكلموا مع بعض عن صحتها وعن شغل عمر فى النادى وعن كليه جنه لانها كانت فى اخر سنه فيها .

عادل وسلمى وشريف ورغد راحوا قعدوا شويه على التربيزه اللى كانت قاعده عليها ام عادل وسلمى ورحبوا بيها وفرحوها بموضوع رحله الحج السنه الحايه . وده اللى خلاها تفرح جدا من قلبها .

ام فارس وجوزها واختها كانوا قاعدين مع بعض على تربيزة بس كانوا ساكتين ومحدش من المفاجاه كان بيتكلم مع التانى لانهم شافوا الشبه الكبير اللى بين عز واسلام الله يرحمه وحسوا بنفس احساس ام فارس والسبب لاغماءها .

عز اللى كان قاعد على تربيزة لوحده وحس ان فى لحظه كل شىء اتلغبط ومكنش عارف يتصرف ازاى ولا قادر يكلم حد بسبب الموبيل واللى حصله علشان يلغى تنفيذ الخطه .
ولا قادر يستأذن ويمشى من الحفله على طول كده علشان محدش يشك فيه لو حصل اى شىء .

ورهف اللى كان جالها تليفون من المستشفى واستأذنت من امها وهى قاعده معاهم وراحت فى مكان هادى شويه علشان تقدر ترد عليهم من صوت الموسيقى والاغانى .

عز حاول يدور بعيونه على رهف علشان يطلب منها الجاكيت بتاعه ولمحها وهى بتبعد عن مكان الحفله وبعدت شويه فى اخر الجنينه فقام وراح وراها من غير هى ما تحس بيه .

وفى القصر وبالتحديد فى اوضه فهد اللى كان قاعد على كرسيه المتحرك وكان بيدى الرجاله بتاعته وبلال اخر الأوامر لتفيذ الخطه على اكمل وجه .

فهد .. خلى بالكم من كل شىء ولازم نفذوا كلامى وكلام عز فى اسرع وقت ممكن .

وانت يا بلال مش هارجع اقولك الخطه كلها عليك انت .. لانك الوحيد اللى هاتقدر تقنعها انها تركب معاك العربيه وتيجى معاك لحد هنا برجلها .
وعاوز افكرك لو منفذتش بالضبط زى ما قولنالك ايه اللى هايحسلك انت وعيالك واودام عنيك كمان .. حط الموضوع ده اودام عنيك .

بلال بخوف اول لما جاب سيرة عياله .. ابوس ايدك عيالى لااا .. انا هانفذ كل شىء زى ما انتم عايزينه بالضبط .

فهد 👺👺👺.. لما اشوف يا بلال ولا جبت همس لحد هنا وتحت رجلى انا مستعد اسامحك على كل شىءعملته فيها .. المهم انى اشوفها راكعه اودام عيونى واخد منها كل اللى انا عاوزه برضاها او غصب عنه .

بلال .. وانا تحت امرك يا فهد باشا .
__________________________________

الكل كان لسه فى الحفله وعز كان قام وراح ورا رهف اول لما شافها بعدت عن الحفله علشان يطلب منها الجاكيت بتاعه .
وفعلا راح وراها وفضل واقف مكانه وهى مش شيفاه وشافها وسمعها وهى بتتكلم فى التليفون مع المستشفى .

رهف .. الوووو مساء الخير .

حسام .. اهلا يا رهف .. معلش بكلمك من تليفون المستشفى لان تليفونى فاصل شحن واستغربت انك لسه لحد دلوقتى مجتيش فقولت اطمن عليكى .

رهف ... اهلا يا حسام.

عز اول لما سمع اسم حسام بدا يتغير خالص واتحول لعز الجبالى تانى والغضب بقى ماليه .

رهف لحسام .. انا بخير الحمد لله اطمن .. اصل فارس ابن خالتى عامل حفله صغيرة كده وانا فيها دلوقتى واودامى ساعه بالكتير واكون فى المستشفى .

حسام .. طب الحمد لله .. انا قولت اطمن عليكى مش اكتر .

رهف .. اطمن وشكرا لسؤالك يا حسام سلام وقفلت الموبيل .
ولسه هاتلف نفسها لقت عز واقف فى ضهرها وعيونه بطلع شرااااار .

رهف بخضه .. ايه ده انت هنا من امتى وجاى ورايا ليه .

عز بعيون كلها شهوه وغضب فى نفس الوقت قرب اكتر واكتر منها والمسافه بقت قليله اوى بينهم وده اللى خلى رهف تبدا تتوتر من قربه ليها كده ومن نظراته ليها .
فحاولت ترجع بضهرها لورا وهو بيقرب اكتر وهى بتبعد وهو يقرب لحد ما وصلت لسور الجنينه ومفيش مكان تقدر تهرب منه تانى وعيونه جت فى عيونها وشافت الشرار والشهوة فيهم وهو حط ايده الاتنين على السور وهى بقت فى وسطهم وبقت المسافه بينهم حوالى شبر واحد وده اللى خلاها قالت .. عز انت عاوز منى ايه بالضبط .

عز مدهاش فرصه للرد وفى لحظه كان اغتصب شفايفها بمنتهى القسوة والعنف وفضل يبوسها غصب عنها مع محاولتها ذقه و بعده عنها لكن هو كان انسان مجنون حتى فى اعترافه بالغيرة عليها من حسام .
لحد ما قدرت تبعده وضربته لتانى مرة بالقلم وقالت .. انت مجنوووون ومش عاوزة اشوف وشك تانى .
ولسه هاتجرى من اودامه سمعت عز بصوت عالى بيقول ..
انا مجنووووون بيكى اومال حسام ده يبقى ايه يا دكتوووورة .

رهف بصتله بعيون كلها دموع وعيونه جت فى عيونها وهى جريت من اودامه واول لما شافها بالمنظر ده حس احساس اول مرة يحس بيه واتاكد انه حبها لا كمان عشقها .

فاصعبت عليه اوى وندم على اللى هو عمله ده ومقدرش يتحرك من مكانه ونسى الخطه واللى هايحصل فيها لو مقدرش يكلم اى حد من الرجاله او فهد ويلغى تنفيذها .
_________________________________

همس كانت استأذنت من فارس انها تطلع تعدل مكياجها وهى راحه ناحيه بوابه الفيلا علشان تطلع على فوق شافت البواب جاى ناحيتها وبيبلغها ان فى شخص بره عاوزها فى امر مهم .

همس استغربت جدا وطلبت من البواب انه يبلغه انها جايه .. وبعد تلت دقايق بالضبط كانت وصلت همس ناحيه الباب ودورت بعيونها عليه وشافت شخص واقف بضهره على بعد مترين من البوابه بتاعه الفيلا .. واول لما خرجت بره وقربت منه وهو حس بيها وبخطواتها لف نفسه ليها واتصدمت همس اول لما شافت بلال اودام عنيها .

همس .... بلاااااااااال .

فى نفس اللحظه دى كانت رهف جايه و بتعيط وشافت همس خرجت بره البوابه واستغربت جدا لخروجها بره فى الوقت المتأخر ده فامسحت عيونها من الدموع وخرجت هى كمان بره البوابه وقربت من همس وشافت نظرات الخوف والتوتر الى فى عيونها وعيون بلال فقالت .. فى حاجه يا همس .

وللاسف كانت رجاله عز الجبالى وفهد باسلحتهم اسرع منهم هما الاتنين وقبل ما همس ترد على رهف وفى لحظه كانوا حاوطوهم ودخلوهم العربيات قبل ما حد يشوفهم .

عاااااااااااااااااااااااا اااا .

يا ترى ايه اللى هايحصل 😥😥😥

تواقعتكم ايه يا حلوين 🤔🤔🤔

فارس عشقى الجزء التانى

بقلمى سحر فرج .

ولو التعليقات والريفيوهات عجبتنى هانزل حلقه تانى باليل وانتم وشاطرتكم بقى .

[فيتامين سي]

الحلقه الثانيه عشر

فارس عشقى2

بقلم سحر فرج

❤❤❤❤❤❤❤❤❤❤❤❤

همس كانت استأذنت من فارس انها تطلع تعدل مكياجها وهى راحه ناحيه بوابه الفيلا علشان تطلع على فوق شافت البواب جاى ناحيتها وبيبلغها ان فى شخص بره عاوزها فى امر مهم .

همس استغربت جدا وطلبت من البواب انه يبلغه انها جايه .. وبعد تلت دقايق بالضبط كانت وصلت همس ناحيه الباب ودورت بعيونها عليه وشافت شخص واقف بضهره على بعد مترين من البوابه بتاعه الفيلا .. واول لما خرجت بره وقربت منه وهو حس بيها وبخطواتها لف نفسه ليها واتصدمت همس اول لما شافت بلال اودام عنيها .

همس .... بلاااااااااال .

فى نفس اللحظه دى كانت رهف جايه و بتعيط وشافت همس خرجت بره البوابه واستغربت جدا لخروجها بره فى الوقت المتأخر ده فامسحت عيونها من الدموع وخرجت هى كمان بره البوابه وقربت من همس وشافت نظرات الخوف والتوتر الى فى عيونها وعيون بلال فقالت .. فى حاجه يا همس .

وللاسف كانت رجاله عز الجبالى وفهد باسلحتهم اسرع منهم هما الاتنين وقبل ما همس ترد على رهف وفى لحظه كانوا حاوطوهم ودخلوهم العربيات قبل ما حد يشوفهم .

عاااااااااااااااااااااااا اااا .

واللى خد باله من كل اللى حصل ده وشافه كان البواب بتاع الفيلا اللى مكنش مصدق عيونه لحد ما العربيات مشيت بسرعه جنونيه من اودام الفيلا .

جرى البواب بسرعه ودخل على جوا فى وسط الضيوف كلها اللى موجوده والاغانى اللى كانت شغاله وفضل يدور بعيونه على فارس لحد ما شافه واقف مع عادل وشخص تانى .
فراح عليه بسرعه وهو بينهج وقال ... الحقنى يا فارس بيه الحقنى يا فارس بيه .

فارس وعادل والشخص اللى طلع واقف معاهم كان عز الجبالى استغربوا من البواب ومنظره ولونه الاصفر .

فارس .. فى ايه يا عم احمد حد حصله حاجه ؟؟؟

البواب برعب وخوف .. الحقنى يا فارس بيه الست همس اتخطفت وكمان كان معاها الست الدكتورة رهف بنت خالتك .

فارس مسكه من دراعه وقال .. انت بتقول ايه حصل امتى ده ومين اللى خطفهم .

عادل .. اهدى يا فارس لما نعرف بالضبط ايه اللى حصل ومين اللى عمل فيهم كده .

عز اللى كان واقف مش على بعضه ومش مصدق انهم عرفوا فعلا ينفذوا الخطه وكمان خطفوا رهف مع همس وكان هايتجنن .

فارس باعلى صوته .. وقفوا الاغانى دى بسرعه ... وانت يا عم احمد احكيلى بالضبط انت شوفت ايه بعينك .. وانت يا عادل بلغ الشرطه فورا .

وفعلا بدا يحكى البواب على كل حاجه من اول لما بلال طلب منه انه ينده همس وهمس خرجت ليه وفضلوا يتكلموا شويه صغيرين وبعدها شوفت الست رهف هى كمان خرجت علشان تطمن على الست همس .
وانا كنت واقف جنب البوابه فى الضلمه وشايف كل شىء ومحدش شافنى.
وشوفتها وهى خارجه وفجاه جت عربيه كبيرة لونها اسود ونزل منها اربع رجاله وماسكين سلاح فى ايديهم وشدوهم ودخلوهم بالعافيه جوا العربيه وهما بيصرخوا.
وفضلوا يصرخوا كتير لحد ما العربيه مشيت باقصى سرعه والشخص اللى كان واقف مع الست همس فى الاول ركب مع تلت رجاله عربيه تانيه سودا .
وطبعا من صوت الاغانى الى كانت شغاله محدش قدر يسمع صوت صريخهم وجيت بسرعه وبلغت حضرتك على طول .

فارس مكنش مصدق كل اللى سمعه ده وعادل حاول يهديه .
عمر هو كمان جه على صوت فارس وحاول يعرف هو ايه اللى حصل بالضبط ومين اتخطف .

وعادل قاله على كل اللى حصل ومكنش مصدق خالص وبدا يهديه هو كمان علشان ده مهما كان اخو همس وكان هايتجنن عليها زى فارس واكتر .
الكل اتجمع حوليهم وعرفوا ان همس ورهف اتخطفوا ومحدش كان مصدق كل اللى حصل ده ومين اللى ممكن يعمل كده فيهم وعلشان ايه .

ام فارس جت بسرعه هى واختها سعاد وقالت .. فى ايه يا فارس يا ابنى .. حصل ايه ومين اللى اتخطف طمنى .

فارس بحزن ووجع .. اهدى يا امى علشان صحتك .

الام .. اهدى ايه بس .. قولى حصل ايه .

عادل .. همس ورهف اتخطفوا يا طنط ومش عارفين مين خطفهم .

الكل اتصدم من الخبر ده وبالذات ام همس وام رهف وبدؤا يعيطوا والبنات حاولت تهديهم لحد ما عدى ربع ساعه بالضبط و الشرطه وصلت .

عادل وشريف حاولوا ينهوا الحفله باى شكل ممكن واستاذنوا من الضيوف والناس طبعا قدروا الموقف اللى حصل ده والكل رجع على بيته .
وفضلت الامهات وابوا فارس ووالدته وطبعا عمر اللى كان هايتجنن على اخته وشريف وسلمى وجنه ورغد .
جنه راحت جنب عمر وفضلت تهديه وتطمنه هو ووالدته على همس وان الشرطه اكيد فى اسرع وقت هاتعرف ايه اللى حصل بالضبط ومين اللى اتسبب فى كده .

الشرطه كانت وصلت وطلبت من فارس انه يحكى وبكل دقه على اللى حصل بالضبط .. وفارس بدا يحى ليهم على كل حاجه بالتفصيل .

الضابط طلب من فارس انه ينده البواب علشان ياخد اقواله ويحكى على اللى شافه .
وفعلا جابه وبدا يحكى كل شىء .

وبعد ما خد كل اقوالهم سأله عن اماكن الكاميرات اللى بره الفيلا وجوا الفيلا وهل همس او رهف ليهم اى عداوة باى شخص وبعد ما خلص معاينه وكل شىء طلب من فارس انه يحصله على قسم الشرطه.

وفضل الوضع ده لاكتر من تلت ساعات بين المعاينه وسماع اقوال الشاهد وكل اللى كانوا موجودين .

عز طبعا قبل ما الشرطه تيجى .. استاذن من فارس بحجه تعبه وعلاجه .. وانه جه بس علشان ما يخلفش وعده ليه وكمان اسف انه مشى وسابه فى الظروف دى .
وطبعا فارس مقدرش يقول اى شىء ومقدر تعبه ولان كان تفكيره كله فى همس ومين اللى قدر يعمل كده .
_________________________________

وفى القصر وبالتحديد فى اوضه فهد الجبالى اللى كانت الدنيا مش سيعاه وفرحان جدا جدا انه اخيرا اتحقق حلمه واخيرا هايقدر ياخد كل حاجه من همس هو عاوزها واتمناها .

فهد بفرحه .. جدعان يا رجاله .. ايوا كدا .. اخيرا نفذتوا اللى انا عاوزه وجبتم همس لحد عندى .. علشان كده ليكم مكافاه كبيرة منى ومن عز اول لما يوصل .

راجل من الرجاله .. تحت امرك يا فهد باشا .. وعاوز اقولك اننا ما جبناش همس بس .. ده احنا جبنا واحده تانيه معاها طلعت لنا فى الحظ بظروفها . بس ايه موووووزة زى همس بالضبط جميله اوووى .

فهد باستغراب .. واحده !!!!!! واحده مين دى يا حمار اللى جبتها لحد هنا ؟؟؟

الراجل ... همس اول لما خرجت وشافت بلال واتصدمت اول لما شفته خفنا لا تصرخ ولا تعمل اى شىء وتكشفنا .. فروحنا بالعربيه بسرعه ووقفنا اودامهم علشان ندخلها للعربيه .. فاخرجت واحده من نفس الفيلا وراحت بتسأل همس فى ايه .. وخفنا لا تشوفنا وتعرفنا واحنا بنجيب همس . فاجبناها معانا على هنا .

فهد بشهوة .. وحلوة البت التانيه دى ولا زى وشك كده يا بهيم .

الراجل ... قمر يا فهد باشا اطمن .

فهد .. طيب وهما فين دلوقتى .

الراجل .. انا دخلتهم كلهم المخزن لحد ما ابلغ سياتك .. وبلال دخلته اوضه لوحده علشان ما يتكلمش معاهم .

فهد بشهوة ... خدنى بسرعه على المخزن بسرعه يا حماااار .

وفعلا الراجل خده على المخزن بالكرسى المتحرك بتاعه وكان منظره مرعب جدا وكفيل انه يخوف اى شخص ما بالك همس ورهف .

وخلال خمس دقايق كان وصل فهد للمخزن ومعاه الرجاله واول لما دخل شاف همس ورهف قاعدين على كرسين ومربوطين من عنيهم وايديهم ورجليهم فى الكرسى .

وابتسامه كلها شهوة اول لما شاف البنات .. طلب من الرجاله انهم يخرجوا كلهم بره وطلب من واحد بس انه يفضل معاه .
وفعلا نفذوا أوامره على طول .

وقرب بالكرسي المتحرك ناحيه رهف وطلب من الراجل اللى معاه انه يشيل من على عنيها القماش اللى عليهم .
وفعلا نفذ الراجل وراح ناحيه كرسى رهف وشال القماش واول لما شاله اتفاجاه فهد بحلاوة وجمال رهف وكان هايريل عليها .

رهف بكل شجاعه .. رغم شكل فهد وبشاعه وشه وجسمه قالت ... انتم مين وعاوزين مننا ايه بالضبط .

فهد قرب بالكرسى جنبها وبدا يلمس جسمها وشعرها وكان قاصد انه ما يطلعش صوته خالص علشان همس ما تعرفهوش .

بس بكل قوتها حاولت تبعد ايده عنها وعن جسمها وقالت ... ابعد يا حيوان انت ابعد يا قذر .

همس من كتر الخوف صوت دموعها بدات تنزل وكانت خايفه ومرعوبه من كل الى بيحصل ده فاول ما فهد شاف دموعها نازله من تحت القماش اللى على عيونها ورعشه جسمها راح وقف اودمها وبدا يلمس جسمها ومن قاذرته بدأ يلمس شفايفها وشعرها بكل شوق وشهوة قذرة من حيوان زيه.

همس بدات تصرخ باعلى صوتها ورهف تقول .. ابعد عنها يا حيوان .. ابعد عنها انا هاوديكم فى ستين داهيه .
انتم مين وعاوزين مننا ايه .

فهد قرر انه يتكلم ويسمع همس هو مين وجبها لحد هنا ليه فقال ... انا اللى هايموت عليها بقاله كتير .
انا اللى مستعد يعمل اى شىء علشان تبقى فى حضنه حتى لو ليليله واحده واخد منها كل اللى انا عاوزه .
انا اللى اخيرا ورغم كل اللى حصل وهى عملته معايا قدرت اجبها لحد هنا اودام عنيا وبرضه هاخد منها برضاها او غصب عنها كل اللى انا حلمت بيه معاها .

👹انا فهد الجبالى يا همس👹

همس .. عاااااااااااااااااااااااا ااا .
وبدات تصرخ وتصرخ باعلى صوتها لحد ما اغمى عليها من كتر الخوف والرعب اللى هى حست بيه .

كل ده وبلال كان فى اوضه جنب المخزن وسامع صوت صريخها وقلبه بيتقطع علشانها وكان بيقول ودموعه نازله .. سامحينى يا همس .. سامحينى يا بنتى .. غصب عنى . انا اللى جبتك هنا تانى غصب عنى علشان خاطر عيالى هديدونى بيهم .. سامحينى يا همس سامحيييينى .

رهف فضلت تصرخ وتقول .. مالكش دعوة بيها ابعد عنها انا هاموتك انا هامووووتك .

فهد اول لما همس اغمى عليها طلب من الرجاله انهم يشيلوها ويطلعوها على اوضه من الاوض اللى فوق ويحطوها على السرير ويقفلوا عليها الباب .

وفعلا الرجاله شالوها اودام عيون رهف اللى كانت هاتتجنن عليها وتطمن عليها وكانت بتقول .. سيبها يا حيوان منك ليه حرام عليكم دى حامل هاتروحوا من ربنا فين .. سيبوها سيبووووووها .

بس الرجاله نفذت اوامر فهد وطلعوها على فوق .. وفهد ما صدق انهم خرجوا من المخزن وطلب من الراجل اللى معاه انه يفك ايد ورجل رهف .
__________________________________
رهف فضلت تعيط وتصرخ انت عاوز منى ايه ابعد يا حيوان منك ليه ابعدوا ابعدوا.
وللاسف الراجل فك ايديها ورجلها غصب عنها
وكل ده كان فهد بيضحك وفرحان ان اخيرا وبعد فترة طويله بقى اودامه فريسه سهله يقدر يشبع رغباته القذرة منها وايه مش واحده بس ده طلعوا فريستين اجمل من بعض .
رهف اول ما اتفكت زقت الراجل بعيد عنها وقامت وقفت وخدت سيخ حديد كان واقع على الارض وجريت فى ركن من اركان الاوضه اللى هما فيها وقالت .. اللى هايقرب منى هاموته .. هاااااااموته .
__________________________________

فى الفيلا كان الكل قاعد فى توتر وقلق وحزن ومستنين اى خبر من فارس او عمر اللى راحوا على قسم الشرطه مع عادل وشريف كمان زى ما الضابط طلب من فارس .
والكل فى حيرة من كل اللى حصل ومحدش كان متخيل او مصدق ان يحصل حاجه زى كده لهمس او رهف حتى .

طلعت سلمى على فوق وكان معاها صينيه فيها بعض السندوتشات وكوبيات الشاى علشان الكل كان سهران وتعبان .
وبدات تناول كل اللى كانوا قاعدين فى الجنينه .

سلمى مسكت سندوتش وراحت جنب مامت فارس وقالت .. اتفضلى يا طنط .. حضرتك ما اكلتيش حاجه خالص من بدرى .. علشان تقدرى تاخدى عالجك يا حبيبتى .

ام فارس بتعب .. لا يا سلمى يا بنتى مش هاقدر اكل اى شىء ماليش نفس خالص لاى حاجه .

سلمى .. وحياتى يا طنط علشان خاطرى لازم تاكلى حاجه .. قولها يا عمو لو سمحت تاكل اى حاجه بسيطه حتى .. وانت كمان وطنط سعاد وماما ومامت همس .. لازم ناكل حاجه يا عالم هانفضل على الحال ده احد امتى .

ابوا فارس .. والله يا سلمى يا بنتى انا ماليش نفس خالص معلش .. انا هاقوم اتوضأ واصلى وادعى ربنا انه يسترها مع البنات .

الكل .. يالا بينا كلنا .. نقوم نتوضأ ونصلى جماعه وندعى ربنا انه يحفظ البنات ويرجعولنا بالسلامه وفارس او حد من الشباب يقدروا يطمنونا .

وفعلا قاموا كلهم ودخلوا شقه عمر اللى كانت اول شقه فى الفيلا وبدؤوا يجهزوا نفسهم علشان يصلوا جماعه كلهم مع بعض .
وبعد ما خلصوا الصلاه قعدوا يفكروا هايقدروا يعملوا ايه علشان البنات ترجع بالسلامه .

رغد كانت جت وماسكه جاكيت بدله فى ايديها .. وقالت ... حد يعرف ده جاكيت مين يا جماعه .. واحنا بنضف الجنينه لقينا الجاكيت ده على تربيزة من التربيزات .. بس الصراحه اتكسفت افتش فى جيوبه يمكن اعرف هو بتاع مين .

الكل استغرب مين هايمشى ويسيب جاكيت بدلته كده .. فابوا فارس طلب من رغد انها تشوف جيوب الجاكيت اكيد هتلاقى اى شىء يدل على صاحبه .

رغد .. بس يا عمو انا مكسوفه احط ايدى فى الجيوب لاصاحبه يزعل .

ابوا فارس .. يا بنتى مفيهاش حاجه ما احنا عازين نعرف بتاع مين شوفى كده اكيد هتلاقى اى شىء .

وفعلا رغد مدت ايديها فى جيب الجاكت وحست ان فى شىء زى المحفظه فامسكتها وطلعت ايدها واتاكدت فعلا انها محفظه فارفعت ايديها للكل وقالت لقيت محفظه اهى فى الجيب يا عمو .

ابوا فارس .. طيب يا بنتى افتحيها وشوفى كده هتلاقى اكيد البطاقه الشخصيه .

رغد قالت .. حاضر يا عمو ومدت ايديها وفتحت لقت البطاقه الشخصيه بتاعه عز الجبالى وسكتت ومكملتش الاسم بالكامل .
لانه كان نسى ياخده بعد ما رهف نضفته واتلخموا فى ام فارس لما اغمى عليها .

ام فارس اول لما سمعت رغد وهى بتقول ان البطاقه طلعت بتاعه عز الجبالى .. دقات قلبها فضلت تدق جامد.
بس للاسف مجاش فى بالها خالص انها تاخد البطاقه من ايد رغد وتكمل باقى الاسم الثلاثى والرباعى بتاع عز الجبالى .. ولو كانت عملت كده كانت اتاكدت انه ابنها اللى مفكره انه مات من زمان مع جوزها الاول وكان توأم اسلام الله يرحمه .. بس للاسف محصلش .
وقالت .. حطيه عندك يا بنتى على البوفيه لحد ما فارس يبقى يديهوله .
__________________________________
وفى القصر وبالتحديد فى المخزن فهد كان زى الحيوان الجعان وما صدق لقى فريسه سهله يقدر ياكلها.

رهف كانت بتصرخ ومسكت السيخ الحديد فى ايديها وقالت .. اللى هايقرب منى هاموته .. ابعدوا عنى يا كلاب .. ابعدوا عنى .

وكل لما رهف تصرخ فهد يتجنن اكتر ويموت عليها اكتر ويبقى عاوز يفترسها باى طريقه ويشبع شهوته منها .

وفجاه .. نده فهد على الرجاله اللى بره وامرهم انهم يطلعوها هى كمان فى اوضه من الاوض ويقفلوا عليها عقبال ما يرجعوا تانى ليه فى المخزن ويطلعوه ليها فى الاوضه بالكرسى المتحرك وياخد منها كل شىء .

رهف فضلت تصرخ لما سمعت اوامر فهد للرجاله دى وحاولت تقاومهم وتضربهم بالسيخ الحديد ده بس للاسف الرجاله كانوا اقوى منها واشد وقدروا ياخده السيخ الحديد من ايديها وشالوها زى الدبيحه اللى راحه لقضاها برجليها 😥😥😥

كل ده وكان عز فى عربيته هايتجنن وكان عاجز انه يلحق البنات من ايد عمه فهد .. وللاسف موبيله من ساعه العصير اللى وقع عليه ووقف خالص .
ولسوء الحظ ان الطريق اللى بيوصل للقصر كان عليه حادثه كبيرة جدا وكانت موقفه الطريق كله .

لحد ما قدر باعجوبه انه يدخل من طرق تانيه غير الطريق الرئيسى اللى بيوصل على القصر ووصل اودام القصر ووقف العربيه بسرعه ونزل جرى من غير ما حتى يقفل باب العربيه وراه ودخل بمنتهى السرعه على المخزن لانه توقع انهم هايكونوا محبوسين فيه كلهم .

وخلال لحظات وصل للمخزن واستغرب ان الباب مفتوح ومفيش حد فيه اطلاقا فابدات دقات قلبه تزيد واتصدم لما توقع ان عمه خدهم على فوق و.................... 🙊🙊🙊

وخرج جرى من المخزن علشان يلحق البنات من ايد عمه المفترس وبظروفها سمع صوت بلال وهو بينده ويقول ... عاوز عز بيه .. عاوز عز بيه .. انا هاقوله الحقيقه كلها .. هاتولى عز بيه .
بس للاسف من كتر خوف عز على همس ورهف من عمه جرى بسرعه من غير ما يسمع لبلال او يروحله حتى وطلع بمنتهى السرعه على فوق على طول .

رهف كانت فى الاوضه وقاعده منكمشه على الارض وضمه رجلها لصدرها من كتر الرعب اللى كانت حاسه بيه وكانت مموته نفسها من العياط وخايفه جدا على نفسها وعلى همس كمان وكانت بتدعى ربنا انه يحفظهم من ايد الحيوان ده .
وفجاه الباب اتفتح ودخل فهد بالكرسى المتحرك وفى عيونه نظرات ترعب وابتسامه خبيثه .
دخل وقفل الباب وراه بالمفتاح .. وده اللى خلى رهف تترعب اكتر واكتر .. فقامت وقفت تدور على اى شىء تضربه بيه لو قرب منها .
لحد ما شافت فازة كبيرة اودمها على التربيزة فجريت مسكتها وحاولت تهدده بيها .

فهد ما خفش منها اطلاقا بالعكس .. طريقتها واسلوبها ده بيحمسه اكتر واكتر وبيستفذه منها اوى . فقرب منها لحد ما وصل ليها ومع كبر سنه وعجزه اللى فى ايده ورجله قام وقف ومسكها من ايديها اللى ماسكه الفازة ووقعها على الارض رغم محاولات رهف انها تضربه بيها بس للاسف هو اقوى منها واشد منها كمان بكتير .

عز كان وصل بسرعه وفضل يدور فى كل الاوض لحد ما وصل لباب مقفول بالمفتاح وفتحه بسرعه وشاف همس مرميه على السرير وللاسف ملقاش رهف معاها وسمع اصوات جايه من اوضه تانيه فاخرج بسرعه من الاوضه وراح يدور فى الاوض التانيه لحد ما ........
رهف اترعبت اكتر من قرب فهد ليها وفضلت تصرخ اوى باعلى صوتها و ......................

يا ترى ايه اللى هايحصل ؟؟؟؟؟

وهل عز هايقدر ينقذ البنات من ايد عمه فهد .

تواقعتكم ايه فى الحلقه الجايه .

#فارس_عشقى_2

#بقلم_سحر_فرج

[فيتامين سي]

الحلقه الثالثه عشر

#فارس_عشقى_2

#بقلم_سحر_فرج

❤❤❤❤❤❤❤❤❤❤❤❤

وفجاه الباب اتفتح ودخل فهد بالكرسى المتحرك وفى عيونه نظرات ترعب وابتسامه خبيثه .
دخل وقفل الباب وراه بالمفتاح .. وده اللى خلى رهف تترعب اكتر واكتر .. فقامت وقفت تدور على اى شىء تضربه بيه لو قرب منها .
لحد ما شافت فازة كبيرة اودمها على التربيزة فجريت مسكتها وحاولت تهدده بيها .

فهد ما خفش منها اطلاقا بالعكس .. طريقتها واسلوبها ده بيحمسه اكتر واكتر وبيستفذه منها اوى . فقرب منها لحد ما وصل ليها ومع كبر سنه وعجزه اللى فى ايده ورجله قام وقف ومسكها من ايديها اللى ماسكه الفازة ووقعها على الارض رغم محاولات رهف انها تضربه بيها بس للاسف هو اقوى منها واشد منها كمان بكتير .

عز كان وصل بسرعه وفضل يدور فى كل الاوض لحد ما وصل لباب مقفول بالمفتاح وفتحه بسرعه وشاف همس مرميه على السرير وللاسف ملقاش رهف معاها وسمع اصوات جايه من اوضه تانيه فاخرج بسرعه من الاوضه وراح يدور فى الاوض التانيه لحد ما ........
رهف اترعبت اكتر من قرب فهد ليها وفضلت تصرخ اوى باعلى صوتها و ......................
ابعد يا حيوان .. ابعد حرام عليك .. ابعد ابوس ايدك .
وللاسف فهد شدها من فستانها اللى كانت لبساه واتقطع وجزء كبير من جسمها بان وحاولت تحافظ على نفسها وغطت جسمها بأيديها وصوت صريخها سمع عز من بره فاعرف انها فى الاوضه دى فضل يخبط كتير ويرزع على الباب ويقول .. افتح يا فهد . افتح .. هاموتك لو جيت جنبها اقسم بالله .

بس للاسف فهد كان زى الحيوان وشدها وحدفها على السرير وقرب منها وحاول يبوسها بس هى بتقاومه وتصرخ وهو زى المجنون بيحاول يوصل ليها تانى باى طريقه وبيشد الفستان ويقطعه اكتر واكتر ولسه هايبوسها كان عز اسرع منه وكسر الباب
وراح شده من قفاه وفضل يضرب فيه زى المجنون بكل قوته ويقول ..
انت حيوان
انت قذر
انت مجرم
انت لا يمكن تكون بنى ادم
انا هاموتك
انا هاموتك يا فهد يا جبالى
ودب دب فيه لحد ما وشه غرق دم وفقد الوعى من كتر الضرب الى ادهاله عز .

وكل ده ورهف مش متخيله اللى حصل وحاسه انه مجرد كابوس بتحلم بيه وبتحاول تصحى منه .. وفضلت تصرخ وتصرخ باعلى صوتها .
وكانت واقفه بعيد عن السرير فى ركن من الاوضه وفضلت منكمشه فى نفسها زى الاطفال وبتحاول تغطى جسمها اللى ظهر من قطع الفستان .
وكانت ميته من العياط ومش مصدقه اللى حصل معاها ده .. وكل ده وهى مش شايفه الشخص اللى بيضرب فهد بالقسوة دى لانه كان مديها ضهره .
وفجاه وقف عز عن ضرب فهد واتاكد انه فقد الوعى فخد نفس طوييييل ولف نفسه بسرعه علشان يطمن على رهف اللى اول لما شافته اودام عنيها ..................... 😥😥😥😥😥😥

رهف .. عزززززززززززززززز 😱
جريت عليه واترمت فى حضنه كانها لقت الامان واطمنت بوجوده .

عز ضمها فى حضنه اوى وحس برعشه جسمها من كتر الخوف والرعب اللى مرت بيه وكان هاين عليه يدخلها جوه ضلوعه ويخبيها عن الناس كلها وقال ...
اهدى يا حبيبتى .. اهدى خالص .. انا جنبك متخافيش من اى شىء .. اهدى يا رهف اهدى ارجوكى محدش هايقدر يجى جنبك .. وفهد ده انا هاموته .. اقسم بالله هاموته لو فكر يجى جنبك مرة تانيه .
وقام قالع قميصه ولبسه لرهف علشان يدارى جسمها المكشوف ده .

وفجاه انتبهت رهف لكلام عز وبعدت عنه وبكل علامات الاستفهام اللى فى الدنيا مسحت دموعها وقالت ... انت تعرف الحيوااااان ده يا عز ؟؟؟؟

عز اتصدم من السؤال ده وبرق عيونه ومعرفش يرد ولا كلمه .

رهف بصدمه اكبر قالت ..... هو ده فهد الجبالى اللى يبقى عمك يا عز و الدكتور حسام بيجى يعالجه هنا 😱

عز حس انه عاجز عن الكلام وقال .... انااااااااا

رهف .. اناااا ايه يا عز انطق !!!!!

عز حاول يقرب منها ويفهمها الحقيقه كلها بس للاسف رهف بعدت عنه وقالت .. انت عز الجبالى ابن اخو الحيوان القذر ده ومش بعيد تكون انت اللى خطتت لخطفى انا وهمس صح يا عز .

عز قرب منها وحاول يمسك اديها علشان يفهمها الحقيقه بس رهف ما ادتهوش فرصه لكده وزقت ايده وقالت .. ابعد عنى يا حيوان .. ابعد عنى خالص .. انا مش عاوزة اشوف وشك اودامى .. اخرج بره .. اخرررررج براااااااا .
لحد ما وقعت فى الارض وفقدت الوعى وده اللى جنن عز من كتر خوفه عليها فجرى شالها بسرعه ونومها على السرير وغطاها علشان جسمها اللى باين ده وحاول يفوقها بس للاسف فضلت فاقده الوعى .

عز القوى الشديد العنيد اللى بيرعب الناس كلها من قوته وجبروته دموعه بدات تنزل وحس بخوف اول مره يحسه تجاه حد خايف انه يفقده وقال ..
فوقى يا رهف
فوقى يا حبيبتى
انا بحبك
بحبك اوى اوى
انا اول مرة احب حد بالشكل ده
انا عمرى ما هاقدر أءذيكى
ولا هاخلى حد يأذيكى طول ما انا عايش .
فوقى يا حبيبتى
فوقى ارجوكى
اوعى تسبينى زى ما الكل بيسيبنى ويموت
فوقى يا رهف ابوس ايدك .
😥😥😥😥😥😥😥😥😥😥😥😥

بدا النهار يطلع وكان يادوبك فارس لسه راجع هو والشباب من قسم الشرطه وكان الحزن سيد الموقف عليهم كلهم وطبعا بالتحديد فارس وعمر اخو همس 😥

ركنوا عربياتهم ودخلوا على جوا وراحوا على شقه عمر اللى كان الكل متجمع فيها و كانوا لسه سهرانين لوش الصبح ومحدش عرف ينام خالص منهم و مستنين اى خبر يطمنهم على البنات .

دخل فارس وقال .. سلام عليكم .

ام همس وخالته سعاد .. خير يا فارس يا ابنى طمنى عملتم ايه ؟؟ والشرطه قدرت تعرف مين عمل كده فيهم ؟؟؟

ابوا فارس .. اهدوا يا جماعه وادوهم فرصه يشموا نفسهم ويستريحوا دول زمانهم مش قادرين يقفوا على رجليهم .

ام فارس .. غصب عنهم يا حاج .. دول مهما كان عيالهم وكلنا عاوزين نطمن عليهم باى شكل .

فارس بكل حزن ... للاسف لحد دلوقتى مقدروش يوصلوا لاى شىء ولا عرفوا مين اللى عمل كده وايه سبب خطفهم هما الاتنين .. وحاولوا يشوفوا الكاميرات بتاعه الفيلا جوا وبره ولقوهم مش مسجلين اى شىء .. وده يدل على ان فيه حد قاصد انه يبوظهم او يوقف تشغيلهم علشان ما يسجلوش اى حاجه من اللى حصلت والشرطه ما تقدرش توصل ليهم بسهوله .

كل اللى قدروا يكتشفوه من كلام عم احمد البواب الشاهد الوحيد ان اللى كانت مقصوده بالخطف هى همس مش رهف .. ورهف خطفوها خوف من انها تكون شافتهم وتقول للشرطه على شكلهم واوصافهم لما خرجت تطمن على همس .

ام همس ... يا لهوى يا بنتى يا ترى انت فين وعملوا فيكى ايه يا حبيبتى .. طيب مين اللى عاوز يأذيها ويخطفها عملت ايه هى لده كله .

عمر قرب من امه وحاول يطمنها ويهديها علشان خاطر صحتها وقال ... اهدى يا امى .. ان شاء الله هنلاقيها وترجع لينا فى اسرع وقت .. الداخليه كلها بتدور وبتعمل تحرياتها ومتنسوش موضوع الترشح بتاعها ده .. علشان كده هما مهتمين بالموضوع جدا جدا وان شاء الله هاتيجى بالسلامه هى و رهف .

سعاد بدموع ... يا ترى يا بنتى عامله ايه دلوقتى ولا مكانك فين .. ربنا يسترها عليكم وترجعوا بالسلامه .
لو كان ليكى اخ او ابوكى موجود مكنش حصل فيكى كده يا حبيبتى .

فارس راح قعد اودام رجل خالته سعاد ومسك اديها وباسها وقال .. ليه كده بس يا خالتوا . انا اخوها اهو وموجود وهاعمل المستحيل علشان ارجعهم .. وبابا كمان اهو موجود معانا ربنا يخليه ومتنسيش انه بيحب رهف جدا جدا وهو اللى رباها من وهى صغيرة .. ولا ايه يا خالتوا .
امسحى دموعك يا حبيبتى واطمنى ان شاء الله هاترجع لينا هى وهمس فى اسرع وقت .

وجه يقف وغصب عنه وهو جاى يقوم ويرفع نفسه من قعدته اودام رجل خالته .. الجاكيت بتاه عز وقع على الارض فشاله ورفعه من على الارض وحطه على الكنبه .

امه خدت بالها وافتكرت موضوع الجاكيت ده وانهم لاقوه على تربيزة فى الجنينه فقالت .. ده جاكيت عز يا فارس يا ابنى .. لقيناه فى الجنيه ابقى ادهوله لما تفوق من اللى انت فيه ده يا حبيبى ونطمن على البنات .

فارس .. ماشى يا امى .. اسيبكم انا بقى واطلع اغير هدومى دى وانزل اروح تانى على قسم الشرطه .
__________________________________

كل الفترة اللى عدت دى وهمس كانت لسه على السرير من ساعه ما فقدت الوعى وحطوها فى اوضه غير اللى فيها رهف .
فابدأت تفوق وفتحت عنيها بشويش ولقت نفسها فى نفس الاوضه اللى اتخطفت فيها اول مرة وفهد حاول يعتدى عليها فيها .

وافتكرت كل اللى حصل معاها هى ورهف .
وقامت منطورة من على السرير وحالتها كانت سيئه جدا جدا .
ولقت باب الاوضه مفتوح فخرجت بشويش على طراطيف صوابعها علشان محدش يحس بيها .. وكان كل همها انها تطمن على رهف وتشوفها هى فين بالضبط .

فافتحت كذا باب اوضه وللاسف مكنش فيها اى حد خالص .
لحد ما وصلت لباب الاوضه اللى كانت فيها رهف وعز الجبالى وكان الباب مقفول فافتحته بشويش واتصدمت اول لما شافت رهف نايمه على السرير اللى موجود فى الاوضه وشكلها مبهدل وشعرها منكوش وهدومها مقطعه .
فخافت لا يكون حد عمل فيها حاجه وجريت عليها وبدات تفوقها بشويش من غير ما حد يسمع .

همس بدموع قالت .. رهف .. رهف .. فوقى يا حبيبتى .. فوقى يا حبيبتى . انا السبب انا السبب فى اللى حصلك ده فوقى ارجوكى .
لحد ما بدأت رهف تفتح عنيها بارهاق وتعب واول لما شافت همس اودمها افتكرت كل اللى حصل معاها من فهد ومن عز وجالها زى حاله هيستيريه وبدات تصرخ وتدارى فى جسمها المكشوف .

همس .. اكيد الكلب ده عمل فيكى حاجه .. انا هاموته اناااا هاموته .
وارجوكى اهدى اهدى يا رهف .

عز كان قاعد تحت بعد ما دخل فهد اوضه وقفل عليه بالمفتاح لحد ما يشوف هايتصرف معاه ازاى .
وكان معاه الرجاله كلها وبمنتهى الغضب والقوة والبركان والثورة الى جواه قال .. مين اللى قالكم تيجيبوا رهف مع همس 😠

واحد منهم قال انااااااااااا يا باشا
وقبل ما يكمل ليه الكلام كان عز فى ثانيه مطلع سلاحه وضاربه بالنار اودام الكل 😱😱 😠😠😠😠😠
الكل بدا يتوتر ويخاف من الغضب اللى فيه عز وكانوا اول مرة يشوفوه فى الحاله دى فكشوا واترعبوا من منظره .

فامرهم عز انهم يمشوا ويسيبوا الفيلا خالص دلوقتى بعد ما يخفوا الجثه دى من هنا .. ولو احتجهم او عاز حاجه منهم هو هايكلمهم بنفسه .
ومن هنا ورايح يخدوا أوامرهم منه هو وبس .
وينسوا ان فى حاجه اسمها فهد الجبالى .
ودلوقتى فيه عز الجبالى وبسسسسسس .

واحد من الرجاله .. طب يا باشا وبالنسبه لبلال اللى محبوس فى الاوضه الى جنب المخزن هانعمل فيه ايه .

عز .. سيبوه زى ما هو لحد ما اشوف انا هاتصرف معاه ازاى .

وفعلا الرجاله خرجت بجثه الراجل اللى عز موته ونضفه المكان وسابوا الفيلا خالص وخرجوا منها كلهم .

عز فضل قاعد لوحده يفكر فى كل اللى حصل مع رهف ومع همس هى كمان وحس ان عمه ده انسان قذر جدا جدا علشان اللى عمله معاهم وكان عاوز يعمل اكتر لولا هو جه فى الوقت المناسب وانقذهم وندم انه مشى وراه وورا كلامه ده ونفذهوله كمان
وفجاااااااا
سمع صوت صريخ رهف فجرى على فوق بسرعه وراح على الاوضه الى هى فيها واتصدم من الحاله اللى فيها رهف و بوجود همس معاها 😱

همس عيونها جت عليه واتفأجات بوجوده هنا بالتحديد واتاكدت ان شكوكها صح وانه مش مجرد تشابه اسماء وان عز الجبالى ده قريب فهد الجبالى .

همس برعب .. انت بتعمل ايه هنا 😱😱

عز بهدوء .. ارجوكى متخافيش .. انا ماليش ذنب فى اى شىء .. واوعدك محدش هايجى جنبك ولا جنب رهف .. والله العظيم ما هاعملكم اى شىء ولا هاخلى حد يقرب منكم .. ارجوكى صدقينى .

همس بخوف .. انتم اكيد مجانين .. انتم عاوزين مننا ايه .. لو كلامك ده مضبوط . رجعنا على البيت دلوقتى .

كل ده ورهف واقفه وبتراقب كلامهم وهى مكسورة وحزينه وفجاه .. 👏👏👏👏
لا برافووو يا عز باشا .. برافو اللى انت عملته ده وجبتنا لحد هنا وتحت رجل عمك القذر ده .. وقدرت تكسرنى .. بس ذنب همس ايه .
ليه عملت كده يا عز ليه .. انا عمرى ما اذيتك فى اى شىء .. انا مجرد دكتورة وبتأدى وظيفتها نجاه المريض بتاعها .. ليه دايما بتحسسنى انى رخيصه فى نظرك ليييييه يا عز .. وياترى قدرت تعمل ايه انت ولا عمك وانا فاقده الوعى .

عز حب يدافع عن نفسه فقال ... والله يا رهف انا ما عملت حاجه ولاحد قرب منك ابدا اطمنى .
انا ماليش دعوة بكل اللى حصل معاكى انتى بالذات .. انتى متعرفيش اناااااااا بح......

رهف .. متكملش .. انت انسان قذر زى عمك بالضبط .. انا مش عارفه جنسكم ايه بالضبط .. حرام عليكم حراااام عليكم .

كل ده وهمس واقفه مستغربه ان عز ورهف عارفين بعض فقالت !!!!!!! رهف انتى تعرفى عز الجبالى ده .

رهف بدموع ... للاسف عرفته من كام يوم وكان مريض عندى فى المستشفى مش اكتر

عز بتأنيب الضمير قال ... انا مستعد ارجعكم دلوقتى حالا للبيت .

رهف وهمس بصوا لبعض وهما مش مصدقين كلامه وفى صوت واحد قالوا ... معقول انت بتتكلم بجد .

عز قرب من رهف وحاول يمسك اديها بس هى للاسف بعدت بخوف عنه وده اللى خلاه يزعل من نفسه لانه وصلها للحاله دى وخلاها تخاف منه كده فقال ... رهف انا بحبك وعمرى ما هاسمح لاى حد انه يقرب منك ولا من همس .. ارجوكى تصدقينى .

رهف بشجاعه .. انا عمرى ما هاسمحلك انك تكدب او تضحك عليا يا عز بيه بكلمتين زى دول وعمرى ما هاصدقك فى اى شىء تقوله انت فاهم .. وعمرى ما هاحب حد زيك عمرررررى عمررررررى 😥😥😥😥

عز بحزن .. ماشى يا رهف ماشى المهم دلوقتى يالا ننزل بسرعه من هنا علشان ارجعكم على البيت ومسيرك فى يوم تعرفى انى مش بكدب عليكى .

وفعلا بدؤوا يطمنوا شويه من كلام عز معاهم
وراح جاب من اوضته قميص وبنطلون علشان رهف تغير فستانها اللى اتقطع ده وراح اداهم ليها علشان تغير بسرعه وبلغهم انه هايستنى تحت لحد ما تخلص تغير وتلبسهم .
وفعلا رهف خدتهم ولبستهم وفى اقل من خمس دقايق خدوا بعضهم هما الاتنين رهف وهمس ونزلوا لتحت وعز قام وقف اول لما شافهم وخدهم وخرجوا من باب الفيلا وطلعوا للجنينه .
بس للاسف محدش شاف ولا سمع فهد الكلب وهو واقف فى شباك اوضته زى المجنون وبينده على اى حد من الرجاله يطلعله .
واول لما شاف عز وهو خارج مع همس ورهف
قرب باب القصر مد ايده بسرعه وجاب المسدس بتاعه اللى كان جنبه على طول وراح على الشباك تانى وبصوت عالى قال .....

عززززززززززززز .

البنات اول لما سمعوا صوته المرعب ده اترعبوا وخافوا اوى ولفوا نفسهم لمصدر الصوت .
عز لف نفسه هو كمان وعينه جت على فهد الجبالى وهو ماسك مسدسه ومصوبه ناحيتهم وقال ... عاوز ايه يا فهد يااا جبالى .

فهد بغضب ... انت واخدهم ورايح على فين يا ابن اخويا .

عز رجع البنات ورا ضهره لما شاف منظرهم كده وحس وشاف رعشه جسمهم وقال ...
انا هارجعهم لبيوتهم يا فهد عندك مانع .

فهد صوب مسدسه تجاه عز وقال ... لو خرجت بيهم بره باب القصر يا عز هاقتلك .

عز بابتسامه عريضه قال ... مش هاتقدر تمنعنى يا عمى انت فاهم .. ومش هاتقدر تؤمرنى تانى باى شىء ولا تسيطر عليا .
طول عمرى كنت ليك انسان مطيع وبنفذ كل شىء تقولى عليه من غير ما افكر فيه .. لكن لحد هنا وهاقولك لا يا فهد لااااااااا .

وعز مسك ايد رهف وايد همس ولف نفسه ولسه هايخرج من باب القصر الا وفهد كان ضربه بالمسدس والطلقه جت فى عز .

البنات بدات تصرخ جامد وعز وقع على الارض غرقااااااااان فى دمه .

😥😥😥😥😥😥😥😥😥😥😥😥😥😥😥😥😥😥😥😥😥😥😥😥

يا ترى ايه اللى هايحصل .

تواقعتكم إيه.

#فارس_عشقى_2

#بقلم_سحر_فرج

[فيتامين سي]

الحلقه الرابعه عشر

روايه فارس عشقى الجزء التانى

بقلم سحر فرج

كتبت حلقه كمان اهو علشان مزعلكوش وتناموا قلقانين على عز
❤❤❤❤❤❤❤❤❤❤❤❤

عز مسك ايد رهف وايد همس ولف نفسه ولسه هايخرج من باب القصر الا وفهد كان ضربه بالمسدس والطلقه جت فى عز .

البنات بدات تصرخ جامد وعز وقع على الارض غرقااااااااان فى دمه .
😥😥😥😥😥
بس فى ثوانى كان عز مطلع مسدسه بصعوبه من بنطلونه وصوب على اتجاه فهد وركز اوى وضرب رصاصه جت فى نافووووخ فهد مباشرا .

البنات فضلت تصرخ جامد .. ورهف نزلت جانبه على الارض ورفعت راس عز على ايديها ودموعها كانت مغرقه وشها وقالت .. ارجوك اوعى تموت ارجوك اوعى تغمض عنيك .

عز وهو بيتنفس بصعوبه ومش قادر يقول ولا كلمه غير ابتسامه كلها حب ونظره عنيه اللى كلها عشق بصلها وقال بحبببببك يااااا رههههف
وفى ثوانى كان مغمض عيونه .

رهف بصدمه ... عز 😥 عز 😥 عز فوق .. عزززززز 😥😥😥😥
رهف بانهيار قالت .. همس حاولى تتمالكى نفسك وبطلى عياط علشان نقدر ننقذه قبل ما يموت من كتر النزيف .. روحى بسرعه شوفى اى شىء نكتم بيه الدم ده بس بسرعه ارجوكى .

همس حاولت تتمالك نفسها زى ما رهف طلبت منها وقامت وقفت وفضلت تبص حواليها لحد ما شافت كام باب جنب بعضهم على بعد كام متر فى الجنيه فجريت وراحت ناحيتهم واول لما وصلت عندهم سمعت صوت واطى جدا لحد بيستغيس .
فقربت بسرعه ناحيه مصدر الصوت ده وفتحت الباب الاولانى ومكنش فيه حد خالص وافتكرت ان المكان ده هو نفس المكان اللى جابوهم فيه اول لما وصلوا على القصر .

ومن كتر خوفها خرجت منه بسرعه وشافت الباب التانى وقربت منه واتاكدت ان الصوت جاى منه وحاولت تفتحه بس عرفت ان الباب مقفول بالمفتاح من بره فافتحته واول لما فتحته اتصدمت لما شافت بلال اودامها فى حاله بشعه وغرقان فى دمه من كتر الضرب .

جريت عليه وحاولت تعرف منه فى ايه بالضبط ومين عمل فيه كده .
بس هو مقدرش يرد عليها من شده التعب اللى هو كان فيه ومن حالته اللى تصعب على الكافر وقال لازم اكلم عز الجبالى .. لازم اقوله الحقيقه كلها .. لازم اقوله ان امه عايشه وان اخوه يبقى فا............ !!!!!

وسكت خالص عن الكلام ومقدرش يكمل كلامه لهمس ويعترف ليها بالحقيقة .

همس .. حقيقه ايه يا بلال !!!!!! بلال حقيقه ايه قولى !!!
وفجاه حست بخطوات جايه ناحيه الاوضه فخافت اوى واترعبت لا يكون حد من الرجاله الى موجوده فى القصر .
واطمنت اول لما عرفت انها رهف وجت علشان تستعجلها بسرعه .

رهف .. كل ده يا همس بتعملى ايه .. عز هايموت مننا .. قومى بسرعه ويالا ناخده على اقرب مستشفى انا ربطله الجرح بقميصه اللى كان لابسه قومى بسرعه .
واول لما عيونها جت على بلال قالت .. مين ده كمان .
واستغربت اول لما شافته نايم على الارض وقالت مين ده يا همس ومين اللى عمل فيه كده .. مش ده الراجل اللى كان واقف معاكى ساعه ما خطفونا ؟؟؟

همس بصتلها بخوف وقالت .. ايوا يا رهف ده بلال والظاهر انهم ضربوه لحد ما حصله كده هانعمل ايه دلوقتى ومش معقول نسيبه هنا بالمنظر ده هايموت .
تعالى ناخد موبيل عز ونتصل بفارس وهو اللى يجى ويطلعنا من هنا بسرعه ويبلغ الشرطه .

رهف .. مش هاينفع يا همس .. كده عقبال ما نقول لفارس ويجى هو والشرطه هايكونوا ماتوا هما الاتنين .
جمدى قلبك يا همس ونحاول انا وانتى نطلعهم من هنا ونخدهم فى العربيه ونوديهم على طول لقرب مستشفى .

همس ... انا خايفه يا رهف خايفه اوى .

رهف .. اخلصى يا همس امسكيه معايا ويالا بينا على العربيه علشان نقدر ننقذهم .. عز حالته خطيره جدا والرصاصه جت جنب قلبه على طول .

همس حاولت تتمالك نفسها ومسكت بلال هى ورهف وفضلوا يشدوه لحد ما وصلوا للعربيه وحطوه .
ورجعوا شالوا عز اللى كان غرقان فى دمه هو كمان بسرعه وحطوه فى العربيه وركبت همس اودام جنب رهف لان رهف هى اللى هاتسوق وحطوا عز وبلال فى العربيه من ورا .

رهف كانت خدت المفاتيح من جيب البنطلون بتاع عز وقت ما شالوه من الارض وشغلت العربيه على طول وطلعوا على اول الطريق الزراعى لان القصر كان بعيد جدا عن العمار .. ودخلوا بعدها على الطريق السريع علشان يدوروا على اقرب مستشفى .
_________________________________
ام فارس كانت قاعده هى واختها سعاد فى اوضه لوحدهم بعد ما اتوضوا وراحوا يصلوا فيها ويدعوا ربنا ان البنات ترجع لهم بالسلامه .

سعاد اول لما خلصت الصلاه رفعت اديها لربنا وبدأت تدعيه من قلبها انه يحفظ بنتها ويصونها ويرجعهلها بالسلامه هى وهمس ودموعها بدات تنزل .

ام فارس شافت دموع اختها فاصعبت عليها اوى وقربت منها وخدتها فى حضنها وفضلت تهديها وتوسيها وطمنها ان ربنا هايرجعهم بالسلامه قريب اوى وهايحفظهم ان شاء الله .

سعاد بكل حزن قالت .. دى بنتى الوحيده يا سهير اللى طلعت بيها من الدنيا دى كلها .. ولا ليها اخ ولا ليها اخت .. وحرمت نفسى من الجواز طول العمر ده كله علشانها هى وبس ..وربتها احسن تربيه وكبرتها وبقت اشطر دكتورة والكل بيحلف بيها .

الله ينتقم منه فهد الجبالى هو الى عمل فينا كده ووصلنا للحال اللى احنا فيه ده .
فاكرة يا سهير عمل ايه معايا زمااان وانتى متجوزة اخوه .. وكان السبب فى موت بابا الله يرحمه .
ضحك عليا بالكلام الحلو وانا صدقته لانى كنت لسه صغيرة فى السن وافتكرته بيحبنى بجد وسلمتله نفسى بسهوله .. وضيع اغلى حاجه البنت بتملكها وهى شرفها .
وبعدها على طول جوزك مات هو وعز الله يرحمه فى حادثه.. ودريت الموضوع وخبيت عليكى وعلى بابا اللى فهد عمله معايا .
وما اتكلمتش وعرفتك اللى حصل غير لما شوفته بحقارته ونادلته وقاذرته جاى يطلب ايدك من بابا علشان يتجوزك انتى بعد ما اخوه مات مش يطلب ايدى انا علشان يصلح غلطته معايا .
لحد ما بابا فى يوم سمعنا بظروفها انا وانتى واحنا بنتكلم على اللى عمله معايا ده ومن الصدمه جاله ساكته قلبيه ومات فى ساعتها .
ونزلنا على القاهرة وبعدنا عن عيون الناس ومفيش حد عرف غير ابوا فارس لانه ابن عمى وحاول يستر عليا .

وحملت فى رهف وولدتها وزورنا لها شهاده ميلادها وكتبتها باسم اخوا جوزك الصغير اللى هو ابن عمى اللى مات قبلها بسنتين فى حادثه كبيرة وكانت فكرة ابوا فارس ساعتها .. ومعرفتش فهد الجبالى ان ليه بنت طول السنين دى كلها لانى مكنتش عاوزة بنتى تعرف ان ليها اب زى فهد الجبالى ده 😥😥😥😥😥
وكانت كل لما تسأل على باباها اقولها مات وانا حامل فيكى فى حادثه .

ام فارس ... يااااااه يا سعاد ايه لزومه بس الكلام ده دلوقتى يا حبيبتى .. ربنا هايرجعها ان شاء الله هى وهمس ويطمنا عليهم باذن الله قولى يارب .

سعاد بكل دموع .... يااااااارب
_________________________________

فارس كان غير لبسه هو والشباب كلهم ونزلوا على تحت علشان يبلغوا الكل انهم خلصوا ورايحين تانى على القسم ليشوفوا اخر التطورات فى التحقيق واى مستجدات قدروا يوصلولها .
فارس اول لما نزل .. هى فين امى يا سلمى لو سمحتى ؟؟؟

سلمى .. جوا هى وطنط سعاد فى الاوضه بيصلوا ويدعوا ربنا يا فارس من شويه زمانهم خلصوا .

فارس .. ماشى يا سلمى شكرا .
وراح على الاوضه وخبط على الباب ووالدته سمحتله يدخل .

دخل فارس وقال .. حرما يا امى .. حرما يا خالتو .. انا خلصت يا امى ورايح على القسم انا والشباب وعاوزكم تطمنوا وان شاء الله هانرجع ليكم باخبار حلوة باذن الله ادعولنا .

الام .. ان شاء الله يا ابنى ربنا معاكم .
وخرج فارس من الاوضه وقفل الباب وراه وهو خارج لقى رغد بتنادى عليه وقالت .. فارس لو سمحت .

فارس .. ايوا يا رغد فى حاجه؟

رغد .. ابدا يا فارس اصل لقيت الفيزا كارد دى واقعه جنب الكرسى الظاهر وقعت منى وانا جايبه الجاكيت من الجنينه ساعه لما لقيته وباسم عز .

فارس باستغراب ورينى كده .. وخد منها الفيزا وبص فى الاسم اللى موجود واتصدم اول لما قرا الاسم بالكامل 😱😱😱

عمر وعادل لاحظوا ملامح فارس فاستغربوا وقربوا منه وقالوا .. فى ايه يا فارس ؟؟

فارس بصدمه .. عز الجبالى .

عمر باستغراب ... ماله يا فارس انطق ؟؟؟

فارس فضل مصدوم وقال .. عز الجبالى طلع ابن اخوا فهد الجبالى !!! يعنى عز اكيد ورا خطف همس ورهف وهو اللى خطت لده كله علشان ينتقم من اللى حصل لعمه فهد الجبالى .
كل ده وامه كانت جوا الاوضه مع خالته ومسمعتش اى حاجه من الكلام ده خالص .
الكل اتصدم من كلام فارس وفجاه موبيل فارس رن فامسكه وشاف رقم عز الجبالى بيرن عليه !!!!!!!!!!

فارس بغضب رد بسرعه وقال ... انت فين يا حيوان انا عرفت كل شىء وديت همس ورهف فين هاموتك يا عز اقسم بالله هاموتك .

همس اللى كانت بتتكلم من موبيل عز الجديد اللى بدله بدل اللى باظ من العصير فقالت .. انا همس يا فارس انا همس يا حبيبى .

فارس بصدمه .. همس .. انت فين يا حبيبتى . والحيوان ده عمل معاكم ايه طمنينى عليكم .

همس .. احنا فى المستشفى بتاعه رهف وعز فى اوضه العمليات ومعاه رهف .. وبدات تحكيله على كل اللى حصل معاهم من ساعه لما اتخطفوا .

فارس .. اهدى يا همس يا حبيبتى وانا مسافه السكه وهاكون عندكم ماشى يا روحى .

همس .. بسرعه يا فارس انا محتجاك اوى اوى يا حبيبى .

وقفل فارس مع همس وبلغهم بكل اللى حصل ودخل فرح امه وخالته وام همس وفرحوا جدا للخبر ده وحمدوا ربنا وشكروه .. وفى ثوانى الشباب كلها نزلوا ومعاهم سلمى و رغد وجنه ونزلوا على العربيات على طول وركبوا وراحوا على المستشفى .
_________________________________

وفى المستشفى وبالتحديد فى اوضه العمليات
كان عز نايم ومتبنج ورهف بتعمله العمليه بنفسها لانها اشطر جراحه تقدر تعمله العمليه الخطيرة دى اللى استمرت حوالى تلت ساعات من ساعه دخوله للعمليات .

وبعد اقل من ربع ساعه بالضبط كانوا الشباب كلهم وصلوا على المستشفى ودخلوا بسرعه بعد ما ركنوا عربياتهم ودخلوا على الاستقبال وسألوا عن همس والدكتورة رهف .
والاستقبال بلغهم ان مدام همس فى اوضه رقم ٢٣ وان الدكتورة رهف فى اوضه العمليات من كذا ساعه .

الكل راح على الاسانسير وطلعوا لحد الدور الى فيه اوضه همس واول واحد طبعا دخل كان ابو الفوارس 😉😉😉

فارس بكل شوووق ولهفه فتح الباب ودخل وشاف همس نايمه على السرير ومتركب لها محاليل فى ايديها فاقرب منها وقال ... همس حبيبتى مالك يا قلبى فى ايه طمنينى عليكى يا قلبى وعلى البيبى .
وفضل يبوس فى كل حته فيها وهى دموعها بدأت تنزل والكل كان واقف بيتفرح على اجمل مشهد رومانسى شافوه فى حياتهم اللى جمع بين همس وفارس عشقها ❤❤❤
فخرجوا وقفلوا الباب وراهم وسابوهم لوحدهم.
__________________________________

سلمى دموعها نزلت من المنظر اللى شافته اودامها دلوقتى فقرب منها شريف وضمها فى حضنه وقال .. ليه بس الدموع يا حبيبتى . هى كويسه اهى وهاتبقى بخير ان شاء الله اطمنى يا حبيبتى .

سلمى .. همس صعبانه عليا اوى اوى يا شريف .. دى صحبتى واختى وحبيبتى وزعلت اوى للى حصل معاها ده .

شريف بحب .. الحمد لله اننا قدرنا نوصل لهم وان شاء الله هاترجع معانا على فيلتنا كلنا ونعيش مع بعض زى الاول .

سلمى .. يارب يا حبيبى .

عمر كان واقف هايتجنن على منظر اخته اللى شافه ده ودماغه راحت لحاجات كتير اوى محدش قدر يفكر فيها حتى فارس .. وهى ان حد من البنات يكون حصلها حاجه او حد قرب منهم 🙊🙊🙊

عادل لاحظ على عمر شروده ده فقال ... مالك يا عمر سرحان فى ايه يا ابنى اختك كويسه اهى الحمد لله متقلقش عليها .

عمر .. لا يا عادل مفيش حاجه بس سرحت شويه مش اكتر الحمد لله انها رجعت لنا بالسلامه هى ورهف .

عادل .. الحمد لله وربنا ينتقم من اللى كان السبب .. ده اخر شىء كنت اتخيله انى اعرف ان الزفت اللى اسمه فهد الجبالى ده يكون عايش والاسد سابه من غير ما يكله .
ده انا قولت انه زمانه مات وشبع مووووت والله .

الكل بدا يضحك على كلام عادل وكل واحد بقى يقول كلمه تضحك .
وبعدها قرروا انهم يفتحوا الباب بقى على فارس وهمس وكفايه عليهم كده حب ورومانسيه ويأجلوها لحد ما يرجعوا على شقتهم .
علشان يقدروا يطمنوا عليها هما كمان بقى وعلى النونو وعلى رهف الى لسه لحد دلوقتى مخرجتش من اوضه العمليات .

وفعلا فتحوا الباب بعد ما خبطوا وفارس سمح لهم بالدخول .

سلمى بضحك .. انا قولت كفايه عليك بقى كده .. علشان الحق شويه قوبلات واحضان قبل ما تخلصهم كلهم يا سى فارس يا طماع انت وسع كده خلينى احضنها وابوسها .

فارس بضحك .. انا طماع يا سلمى اخص عليكى .. طب هى عندك اهى اسأليها بنفسك .

سلمى بسرعه راحت جنب همس وسلمت عليها وحضنتها ودموعهم نزلت هما الاتنين بعد الضحك من كتر الفرحه .
وبعدها قربت جنه ورغد وسلموا على همس واطمنوا على النونو وانه بخير الحمد لله زى ما الداكترة فى المستشفى طمنوها .

وبعد شويه فارس قام وقف واستأذن انه يروح يطمن على بلال فى اوضته ويحاول يعرف منه الحقيقه بالضبط اللى بلغ بيها همس لما كان واقع على الارض وغرقان فى دمه وهمس حكت لفارس عليها .

وفعلا خرج من الاوضه وراح على اوضه بلال وعادل طلب شريف و من سلمى ورغد وجنه انهم ينزلوا الكافيتريا ويسيبوا عمر مع همس اخته شويه لوحدهم .
وخرجوا كلهم بره الاوضه وقفلوا الباب على همس وعمر لوحدهم .

همس شافت اسئله كتير جوه عيون عمر من ساعت لما وصل وحبت تخفف عليه الضغط اللى هو فيه ده شويه فندهت عليه وطلبت منه انه يقعد جنبها .

وفعلا عمر شد الكرسى بتاعه وحطه جنب سرير همس وقال .. طمنينى عليكى يا حبيبتى انتى كويسه .

همس فهمت قصد عمر وحبت تطمنه فقالت .. اطمن يا حبيبى انا كويسه ومحدش جه جنبى ولا قرب منى ولا من رهف الحمد لله كله بفضل ربنا وبفضل دعوات امى ليا . واستحاله كان حد يقدر يجى جنبى انت مش عارف انا مين ولا ايه يا كابتن 😉😉😉

عمر خد نفس طويل واستريح من كلام اخته واطمن عليها وعلى رهف وقال .. عارف طبعا يا احلا واجمل سياده وكيل الوزاره ❤
وطلع موبيله ورن على امه علشان يسمعها صوت همس ويطمنها عليها .
وهمس كلمت مامتها وطمنتها عليها وعلى رهف وانهم بخير الحمد لله .
__________________________________

رهف كانت يا دوبك لسه خارجه من اوضه العمليات بعد ما اطمنت على نجاحها وعلى سلامه عز الجبالى وانه بخير وامرت انهم ينقلوه على اوضه الرعايه لحد ما يبدا يفوق من تاثير البنج .
راحت على اوضتها وغيرت لبسها وبعد شويه خرجت وراحت على الاوضه الى فيها همس علشان تطمن عليها وعلى صحتها وتطمن كمان الكل عليها اللى زمانهم كلهم هناك .

فارس كان وصل لاوضه بلال وفتح الباب ودخل .
واول لما دخل شاف بلال على السرير وكان فيه كدمات وبعض الجروح وكسر فى دراعه اليمين فقرب منه فارس وقال ... الف سلامه عليك يا بلال .

بلال بتعب .. الله يسلمك يا فارس يا ابنى .

فارس .. هما ليه عملوا فيك كده وضربوك بالمنظر الفظيع ده .

بلال .. كل ده علشان قولتلهم انى هاقولك على كل شىء واعرفك الحقيقه كلها يا ابنى .

فارس باستغراب .. حقيقه ايه اللى عاوز تقولهالى يا بلال قولى .

بلال وهو بيتألم من كتر الوجع اللى حاسس بيه قال ... عاوز اقولك ان عز الجبالى يبقى .................

🙊🙊🙊🙊🙊🙊🙊🙊🙊🙊🙊🙊

لحد هنا واستووووب
خلاص فصلت وتعبت جدا لانى كتبت الحلقتين دول النهارده وتعبت بجد جدا وراسى صدعت اوى من كتر التفكير والكتابه .
اشوفكم بقى ان شاء الله بعد يومين مع اخر حلقه من الروايه لان الحكومه بتاعتى اجازتها بكرة وما أدراكم ما الحكومه 😉😉😉😉

روايه فارس عشقى2

بقلمى سحر فرج

دمتم متابعين .

واحب اقولكم ان الحلقه الاخيرة هاتنزل حصرى قبل اى صفحه تانيه عندى على صفحتى على الفيس
روايات وقصص نوتيلا سحر فرج
وبعدها بيوم هاتنزل على باقى الصفحات والجروبات .

دمتم متابعين .