07-04-20, 05:17 PM
| #792 | ||||
|  بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، "البــارت السادسْ والعشرون " رواية غرامك يالخفوق ذبحني هآت حضنك يحتويني/بقلمي . ، أنا ودّي على الفرقا حبيبي لو تعاهدني .. وإلى شفتك تصدّ ولا تجيب لما مضى سيره تخيّر غير هذي الأرض مكانٍ به تواعدني .. تخيّر لك مكانٍ صعب أعرف فـ يوم تقديره عسى الجرح الذي يدينك أشوفه عنك يبعدني .. أنا اللي أكرهك وأحبّك .. شعورٍ صعب تفسيره ! *بدر بن عبد المُحسنْ. ، لمحتْ الامير بندر مشغول بالاوراق حنان ميته رعب قلبها يدق بقوة من الخوف تمشي بهدوء وتحسْ بام الركب تقرا المعوذات و تردد " اللهم اجعل من بين ايدهيم سدًا ومن خلفهم سدًا واغشيانهم فهم لا يبصيرون" الين وصلت للباب اللي يخرجها من المكتب ..وقفها صوته ..بلعتْ ريقها مغصها بطنها .. رددت بداخلها " يارب سلم" الأمير بندر عينه على الأوراق وباله مشغول قال : الزفت حنان نامت ؟ حنان غمّضتْ عيونها " ياربي وش اسوي وش اقول اكيد بيعرفني من صوتي " لفت وجهها لناحيته ومنزله راسها قالت : يس .. ثم لفت بسرعه قبل لا يلتفت عليها .. الامير بندر قال : نومة اهل الكهف ان شاء الله خلاص انقلعي ومابي اي احد من الخدم يدخل... حنان بقلبها " الله يعجل في عقابك يالمجرم " قالت :اوك .. ثم مشت ..وقلبها يدق طبول من الخوف ماهي مصدقه انها تنحاش منه ومن ظلمه عقلها وقلبها كله باخوها مشاري تبي تشوفه وتتطمن عليه متلهفه على شوفته .. نزلت من المصعد ، تدور بعيونها مكان المطبخ لمحت احد مساعدين الشيف ماشي وبيده اطباخ قال بنفسها " اكيد رايح المطبخ " راحت لحقته ..وفعلا مثل ماتوقعت لقت المطبخ ابتسمت بانتصار ..وحاطه ببالها تهرب مع الباب الخارجي دخلت بهدوء منزله عيونها وحطت الاطباق بالمجلى ..رفعت نظرها شافت الباب الخارجي ، والبوابة الخارجية مفتوحه طلعت بهدوء من المطبخ ، وشافت العاملات راكبين الباص حق الخدم ينقلهم لمقر السكن مشت مسرعه لهم وركبت على اخر لحظه تلقط انفاسها .. وجلست بآخر مرتبه شافت العاملات كل وحدة مشغوله بالجوال وهي اكبر همها تشوف اخوها مشاري وتتطمن عليه بعدها وصل الباص لمقر السكن ونزلوا العاملات الا هي تخبت تحت المرتبه ..لما شافت الموظف يكشف البطاقات خافت يمسكها ، ويرجعها للامير بندر راح الموظف وشافت الباص داخل سور السكن ضاق صدرها طلعت من سجن ودخلت سجن جلست تبكي بقهر ضاقت فيها الدنيا وبأنين يقطع القلب : ياربي مالي غيرك تطلعني من هالجحيم والظلم ياربي ساعدني حسبي الله عليك يا بندر عسى ربي يعاقبك يالمجرم اللي ماتخاف ربك .. سندت راسها عالشباك ودموعها تسيل على خدها تناظر السور تمنت انها تكون تطير عشان تطير بحريه بدون قيود وظلم فجأة سمعت صوت خطوات جايه لناحيتها .. خافت احد سمع بكاها خافت يكون بندر .. راحت تخبت تحت المرتبه لما سمعت صوت الباب انفتح انقبض قلبها من الخوف... ، سمعت صوت الباب يدق قامت مسرعه وقالت بنفسها "اكيد هذول الضيوف وصلوا " حطت الطرحه على راسها ولفتها فتحت الباب ، قالت : سس.. على طول تذكرته قالت : ححبيبي هذا انت ؟ وشافت اللي وراه الاميرة هنوف واما زوجها فهد تعذر منهم عنده شغل يخلصه .. قالت بحياء : تفضلوا الله يحيكم دخلوا وسلموا عليها ، ثم استقبلتهم بالصاله وقدمت لهم الضيافه وعيون عُمر مانزلت من شموخ في باله الانتقام الكبير .. اللي ينتظره طول هالسنين .. شموخ مستحيه من نظراته لها حتى الاميره هنوف لاحظتها ثم دفت خالها بمزحه : شفيك خالي ذبحت البنت خف عليها شوي ههههه بس الصدق انشهد انها اجمل حريمك .. عُمر ناظر فيها ، وضم شموخ لصدره حست بإحراج منه .. قال : زوجتي وحُر فيها .. الاميرة هنوف ناظرت بنص عين : ادري ماقلت شي بس ، اول مره اشوفك كذا مع وحده من حريمك .. مهتم فيها كثير .. يعني غير عن خالتي سِهام ، حتى كلمة .. عُمر تغيرت ملامح يوم جابت طاري سهام عرف قصدها .. وهذا اللي بيشكك شموخ اكثر ويفتح عينها على اشياء هي مو منتبه لها ! وانه ممكن تكتشف حقيقة عمر ويخرب الانتقام ! قاطعها بسرعه : عادي يا هنوف ماجبتي شي جديد كلهم نفس الشي ... شُموخ ناظرت فيها بفضول قالت: وش تقصدين ؟! عُمر قال بخبث: تقصد واخذ البوم الصور اللي على الطاولة وتصفحه قال : مثلا الصور تشوفها مميزة غير عن باقي زوجاتي .. وزمان طحت في البوم وحده فيهم اكتشفت ان عندها صور مخبيتهم عني ، تشيب الراس واضطريت اطلقها .. لأنها خاينه زوجها واهلها .. الاميرة هنوف تغيرت ملامحها للبرود فهمت مقصده .. " اكيد يقصدني معقوله شايف صوري شلووون عرف !" شموخ شرقت بالعصير : ايش عُمر سمى عليها : حبيبتي وش فيك ترى كنت امزززح .. شُموخ ضربته : وجع وش هالمزح الماصخ وبعدين انا وش قلت لا تجيب طاريهم عندي ولا والله لا ... سكتها باصبعه : اوووش انا اسف اعتذر ماراح اكررها .. الاميرة هنوف بتصنع وقلبها يدق من الخوف قالت : هههههه خالي الله يسامحك لاعاد تمزح كذا ، ترى مزحك ثقييل .. عُمر : اسف بس ماتوقعتها تصدق ههههههه شُموخ : مالت عليك وعلى مزحك سمعت صوت آدم صحى يبكي قامت تروح له بعد ما استأذنت منها الاميرة هنوف بتساؤل : هذا مين ؟ عُمر : هذا يتيم متكفله فيه شُموخ الاميرة هنوف : اها ، يلا عقبال مانفرح فيك يا خالي .. وتجيب لنا عزوز عُمر حزّت الكلمة بخاطره .. حيل تعوره وهو عارف نفسه عَقيم .. قال : آمين ويرزقك .. سمعتْ صوت العربة .. عرفت ان زوجها وصل .. قامت وودعت خالها قالت : يلا عن اذنك خالي وصل سلامي على زوجتك ومشت لكن .. مسكها عُمر ولوى ذراعها .. الاميرة هنوف شهقت مصدومه : بسم الله خاااالي شفيكك !! ، لمحت رجل كبير بالسن عرفت انه السواق حق الباص .. دخل وبيده جواله مشغل الكشاف لمحها تحت المرتبه : يا بنتي انا شايفك بس اطلعي .. ترى مافيه احد حنان غمّضت عيونها وكتمت بكاها .. الشايب : انا سمعت صوتك وانتِ تبكين شكيت بنفسي اني اتوهم وطلعتي حقيقه اطلعي يا بنتي وقولي وش قصتك واعتبريني مثل ابوك.. حنان هالكلمة عوّرت قلبها " اعتبربني مثل ابوك" حسّت بحنيّة ابوها .. شهقت بكاء وهي تتذكره الشايب : تعالي يا بنتي انتِ بامان معي .. وقوليلي وش فيك حنان .. استسلمت وطلعت تبكي بحرقه على حالها قالت : تكفى يا عم طالبتك توديني للمستشفى اشوف اخوي بس هذا اللي ابيه منك الشايب بقلق : عسى ماشر وش فيه اخوك ؟ حنان حستْ بغصه وهي تتذكر من كان السبب اللي وصل اخوها بهالحال قالت : تعبان بالعنايه بتطمن عليه الشايب : ودي اساعدك بس ماقدر حنان تترجاه : تكفى يا عم واللي يرحم والديك والله ما اعلم عليك بس انت حطني وامش وانا اتصرف .. والله مالي غيرك يساعدني .. الشايب انكسر خاطره خايف احد يكشفه بس رحمها ودامها حلفت فاكيد انها صادقه قال : ابشري مايصير خاطرك الا طيب .. هالحين انا بروح اجيب المفتاح عشان تعبية الباص ،واذا وقفت عند المحطه انتِ اهربي مناك .. وعاهدتك بالله ان محدن يدري ، وانا شايب ضعيف مالي غير هالوظيفه اترزق الله منها حنان ماصدقت .. انه وافق دمعت عينها ... قالت : والله يا عم ان سرك ببير ولو على موتي ماراح اعلم احد والله يجزاك خير .. وما انسى معروفك.. الشايب قبل مايقوم قال :اسمعي يا بنتي بروح ويمكن احد يجي معي .. مير تخبي زين لاحد يشوفك حنان هزت راسها بالايجاب قالت : ابشر ياعم .. الله يجزاك خير ويفرجها عليك مثل مافرجتها بوجهي .. الشايب قام .. راح يجيب المفتاح من بيته اما حنان شكرت ربها اللي سخر لها هالشايب يكون سبب بعد الله في مساعدتها رجعت لمكانها تحت المرتبه ومسحت دموعها .. ، عُمر : وش فيك تجيبين طاري سِهام بالجلسة عند زوجتي لِيه ؟! وهذي ثاني مره سويتيها الحركه عند حريمي اللي قبل ..! الاميرة هنوف باستغراب: خالي شدعوة وانا صادقه باللي قلته حتى ما تعاملها مثل حريمك اللي قبل .. وهذي مطيح الميانه معها وش معنى ذي هاه ؟! عُمر : مالك دخل فيها ولا بحريمي يا هنوف ولا عشانك تحبين سِهام لهالحين شايله بخاطرك عليها لإني طلقتها ؟! الاميرة هنوف : ايه شايله بخاطري على هالمسكينه تطلقها عشان ذي اللي ترخص نفسها قدامك بزواجي ..! عُمر بغضب مكبوت : احترمي تفسك الاميرة هنوف : انا محترمه نفسي لكن هالاشكال ما لها احترام عندي .. عُمر بحقد : على اساس انتِ مارخصتي نفسك مع راشد وطالعه معه في مطاعم بدبي ..! الاميرة هنوف مصدومه .. شلون يدري براشد قالت برجفة: ررراشد هذا معرفه عُمر : تجحدين بعد ، يالكذابه ! الاميرة هنوف وهي تسمع صوت زوجها يناديها قالت له : طيب دقيقة بلبس حجابي واجيك غمّضت عيونها وبلعت ريقها خافت فهد يدري ويذبحها ولا يطلقها بعد ! عُمر كمَل بخبث وهو يشوف برودها قال: داري من زمان ومراقب كل تحركاتك بس سترت عليك وخليت اللي ما يتسمى يذلف وجهه عن طريقك .. الاميرة هنوف عرفت اللي كان سبب عدم زواجه منه هو خالها عُمر قالت : انت سبب فراقنا ومشاكلنا !! عُمر بثقه قال : ايه انا السبب ادري مصدومه لأني ماحبيت اخرب العلاقه بيني وبينك ولأن راشد ماهو كفو دامه بصف الخسيس بندر.. وكنت بتصريين معلقه دام راشد انمسك الحين ..! دمعتْ عينها مصدومه ماتوقعت سبب فراقها عن راشد خالها عُمر اللي تحبه وتغليه مسحتْ دمعتها وناظرت فيه قالت : اكرررهك يا خالي.. طلعت وتاركه الباب وراها مفتوح عُمر ضرب الجدار بيده مقهور على اللي سواه فيها غمّض عيونه بألم لما شاف دمعتها وعوّره قلبه ان سبب بكاها قال بندم : والله ماكان قصدي لكن انتِ تعديتي حدودك معي .. ، ركب االشايب الباص قال : انا رايح للمحطة اعبي بنزين وراجع .. اي مستأذن طال عمرك ان شا الله طال عمرك .. قفل جواله .. شغل وطلع من السكن .. حنان حمدت ربها .. يالله حستْ حنان بالفرج اللي جاها .. خلاص هانت بتشوف اخوها هذي فرصتها عشان تهرب مخبيه نفسها وكل شوي تلمح مع الشباك وين وصلت قالت بضيق: اووف لهالحين بالطريق .. ملت من الانتظار .. الا الباص وقف بنص الطريق على طول تخبت تحت المرتبه عمّضت عيونها .. بخوف وهلع سمعتْ صوت باب الباص انفتح بقوة ارعبها قوة الصوت .. شمتْ ريحة عطر رجالية هالريحة مو غريبه عليها شمتها كثييير .. مين صاحبها ..! توسعتْ عيونها مصدومه قالت بشهقه : بببب ننندر...! شلون درى هالمجرم عنها ! شافت رجوله عندها جلست تصيييح الامير بندر سحبها من شعرها قال : ايا يالحقييرة ..هاربه هاه ! حنان تصيح من الالم وتترجاه قالت : والله كنت بروووح اشوف اخوي مشاري وارجع والله العظيم صدقني .. صفعها كف على وجهها حنان ماعادت تفرق معها صفعها ولا ماصفعها صارت عديمة احساس..! مستمره تترجاه : والله بشوف اخوي ماكنت ناويه شي ثاني.. الامير بندر سحبها وطلعها من الباص ورماها على الأرض ..بكل قسوة قال : هيّن والله لا اوريك يا حنان.. رفعت راسها تناظر شهقت لما شافت انها بقصره رجعت للسجنها ..! التفتت للشايب .. كان واقف ومنزل راسه حنان مصدومه منه شلون رجعها ..! قالت : تسوي فيني كذا ياعم ليييه ليييه ماتوقعتها منك حسبي الله عليكم حسبي الله ... الشايب حزن عليها ونزل لمستواها قال : والله يا بنتي ماهو بيدي والله العظيم اني .. قاطعه الامير بندر : شيلوا هالشايب من قدامي تحرركوا .. احد رجاله : ابشر طال عمرك شالوه .. مثل ما امر والامير بندر تقدم لعند حنان قال : توّك ما عرفتيني زين يا حنان حنان تضرب رجوله وتصيح مقهوره .. ماتوقعت انه يمسكها قالت : الله ياخذك ويكفني منك .. امر العاملات يشيلونها للغرفة حنان عيونها على البوابة قامت من نفسها وسحبت يدينها من العامله اللي ماسكتها قالت لها : ابعدي يدك انا اقدر امشي ومشت معهم ثم دفتهم عالارض وانحاشت .. لجهة البوابة الامير بندر كان مشغول بجواله وسمع اصوات العاملات يصارخون الامير بندر عرف ان حنان هربت قال باعلى صوته : حنااااااااان ... ، دخل الغرفة شافها نايمه وبجنبها آدم .. راح غطاهم زين .. واخذ له لحاف بينام في الصاله .. سمع صوت الباب يدق بهدوء ابتسم عرف انه احد رجاله وهو جوزيف .. قام ...فتح الباب بهدوء جوزيف : تفضل سيدي هذه هي التذاكر كانت تذكرتين فقط ..! اخذها من يده وشاف التاريخ مابقى الا القليل فقط ابتسم بخبث قال : هذا جيد ..يمكنك المُغادرة جوزيف غادر بهدوء مثل ما جاء عُمر والافكار تدور براسه قال : والله لا اخليك تندم يا نَاصر والوعد قريب ... سمع صوت شُموخ صاحيه على طول خبّى التذاكر.. قبل لا تنتبه له شُموخ : حبيبي وش فيك مانمت داخل؟! عُمر تقدم لها بإبتسامه تخفي الكثير من الحقد ..الخبث قال : ماحبيت ازعجك واصحيك من النوم شُموخ : شدعوه ..عادي حبيبي ولا تنام عالكنبه راح توجعك مسكت يده وقالت : تعال نام بمكانك عُمر بخبث : وآدم ؟ شُموخ حستْ باحراج وتركت يده .. راحت للدورة المياة انتم بكرامه .. عُمر ضحك بخبث .. راح شال آدم وحطه بالصاله بعد ما اخذ له لباد اضافي وحطه عالكنبه .. عشان ينام مرتاح اما شُموخ طلعت وصادفته يغطي آدم قالت : ليش ما نيمته هنا ! عُمر تقدم لها قال : عشان نَاخذ راحتنا .. شُموخ ماتدري وش ناوي عليه لكن تشوفه انه تغير وصادق معها .. ، هل ممكن هي راح تغير عُمر ؟! ويتراجع عن إنتقامه ويبدأ صفحه جديده معها ويمحي الماضي ..! هل شُموخ تقدر ..! ، تعمّدت يكون قصير لأنه متمم للي قبله التكملة في البارت القَادم بإذن الله كونوا بالقُرب.. طبعًا بعد ما اشوف تعليقاتكم راح انزله.. التعديل الأخير تم بواسطة فيتامين سي ; 07-04-20 الساعة 06:10 PM | ||||
|  |
|
08-04-20, 04:43 PM
| #794 | ||||||||
| السلام عليكم ورحمة الله وبركاته الحمد لله على سلامتك كلارينت كنت متمنية ان الفصل يكون طويل بعد هذا الانتظار لكن خاب ظني اتمنى الفصل القادم ما راح يطول في الانتظار ومشكورة | ||||||||
|
| |
|
10-04-20, 01:03 AM
| #795 | |||||
| اقتباس:
الله يسلمك يا غَاليه .. ادري يا رُوحي معليه الأيام الجاي ابشروا بالعوض كلّش ولا تزعلين | |||||
|
| |
|
10-04-20, 03:31 PM
| #796 | ||||
| بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" x ، "البــارت السابع والعشرون " رواية غرامك يالخفوق ذبحني هآت حضنك يحتويني/بقلمي . x x ، x x كِنَّا إفترقنا .. البارحه والبارحه صارت عمر .. ليله أبد عيَّت تمرَّ .. ياجمرةَ الشَّوق الخفي .. نسيت أنا نسيت أنا وجرحِك وفيَّ * بدر بن عَبد المُحسن. ، x * مرتْ الأسابيع والأيام * على حَياة عُمر.. اللي بدأ يعيش صِراع الحُب والانتقام ماتوقع انه بيوصل لهالمرحله وتكون شُموخ كل ايّامه وتشغله تفكيره عكس حريمه اللي مايشوفهن الا نادر واذا شافها تكون بكامل اناقتها وزينتها عشان تشوفه ..وهذا طبعًا يُعتبر شي اساسي عند عُمر بحكم شروطه .. المُعتادة ..! لكن شُموخ اعفاها من هذي الشروط وأصبحت قريبه منه تعدتْ كل الخطوط الحمراء اللي بناها بعد وفاة سارهـ والآن شُموخ قلبتْ الموازين ..! ، كانوا جَالسين تحتْ الشجرة بعد ما نزلوا آدم بالتحفيظ شُموخ سانده راسها على صدره وهو يلعب بشعرها ثم رفعت راسها تناظر عيونه اللي تعلقت فيه قالت : حبيبي متى نرجع للرياض ؟ عُمر ابتسم على سؤالها وباس جبينها : لهدرجة مشتاقه ؟! شُموخ بحياء : مو بس مشتاقه بموت من الشوق لها ولامي وابوي وحشوني حيل .. والله تعبت من الغُربه .. ونزلت دمعتها بدون لا تحسْ عُمر لاراديًا مسحها بكفه برفق قال : ابشري بكرا طيارتنا للرياض شُموخ ضحكتْ بيأس قالت : ههههه يلا مشينا عُمر طالع فيها بنص عين قال : يعني مو مصدقتني عادي اكنسل الرحلة ونمدد هنا اذا عَاجبك الوضع.. شُموخ تعودت عليه بمزحه الثقيل بالأيام اللي راحت يسوي فيها الحركة ثم يكسحها لكن هالمرة حستْ انه صادق رغم انها شاكه بالامر قالت : ماراح اصدقك الا لين تحلف عُمر ابتسم : والله العظيم بكرا ماشين ان شاء الله من غييير شر .. شُموخ بدهشه : تراك حلللفت وربي لو تمزح ماعاد بسامحك .. عُمر بضحكه : والله صادق وشوفي التذاكر في الدرج اذا مو مصدقتني .. قامت شُموخ : انا اروح اشوفها وان كذبت ومقلبتي يا ويلك مني ومن سواد ليلك .. قبل لا تروح عُمر سحبها من يدها وبيده الثانيه الطرحه قال : على وين يالحب .. البسي طرحتك لاحد يشوفك شُموخ ناظرتْ بعيونه متقصده قالت : تغار علي حتى واحنا بعيدين ! ومافي احد عُمر تقدم لها اكثر التقت عيونهم ببعض وشال خصل شعرها من عيونها قال : ايه اغار عليك حتى من نسمة الهواء .. شُموخ استحتْ وسحبتْ منه الطرحه .. بسرعه قالت : لا تحاول تخدعني برومانسيتك عشان انسى التذاكر ..ههههه حركاتك صارت مكشوفه حبيبي عُمر : لا والله هههههه تبين اسوي لك عقاب شُموخ بضحكه : هههههه والله انا اللي بسوي لك عقاب ان لقيتك كذاب .. راحت للبيت .. اما عُمر اتجهه للكوخ لحاله بدون المرافق جوزيف لكن ..! كانت عيون تراقبه من بعيد خطوة خطوة لها ايام تراقب تحركاته وهو مو منتبه ..! x x ، في جناح الضيوف وهو مستقل عن القصر .. حابسها بأحد الغرف التابعه للضيوف .. تسمعْ صوت البَاب يدق عرفت انها العَامله مثل عَادتها تدخل تنزل الصينيه وتطلع حنان تبعد الصينيه عنها ماصارت تاكل ..الا بعد ما تتلوى من الجوع .. تغصب نفسها بالاكل .. لها اسابيع ما شافت اخوانها ولا سمعت لهم حِس وحتى الامير بندر بكبره اخر مره شافته لما كانت بتهرب ومسكوها .. وكل ما تتذكر الموقف .. عوّرها قلبها وصوت مها وهي تصيح بترجي ماتتركها كانت عند الشبّاك .. وقفت قبل ماتنحاش من القصر .. التفتت تشوفها كانت في بلكونة القصر .. صاحت باعلى صوتها حنان : مههااا .. مههاا مها : حناااان لا تتركييني حنااااان لاتروحين عني تفكييين اخذيني معك الامير بندر وهو يأشر على الحرس بتقفيل البوابة .. حنان انهارت وهي تشوف اختها مسكوها العاملات ودخلوها غصب داخل جلست باستسلام تناظر الامير بندر قالت باعلى صوتها : اكرههههك يا ظاالم يا مجرم .. ثم اغمى عليها .. تنهدت بضيق .. رفعت نظرها لصينيه استسلمت واكلت منها قليل ثم قامت .. بتروح تنام الا لفترانتباها صوت اطفال صغار يلعبون ..x باستغراب اول مره تسمعه .. من دخلت القصر ماقد شافت اطفال ولا حتى سمعت اصواتهم .. قالت : اعوذ بالله من الشيطان الرجيم اكيد انا اتوهم .. وجلست على سريرها الا الصوت يقرب اكثر .. تكرر مره ثانيه معناه انها ما تتوهم قامت تشوفx الشبّاك اللي صادر منه الصوت .. بعدت الستاره .. توسعت عيونها باللي شافته ..! x ، طلع نَاصر من المستشفى بعد ما تحسنت حالته تقريبًا مقعد .. مايقدر يتحرك الا بعد ما يتلقى جلسات علاج طبيعي لكن على مسؤوليته لأن نورة خافت يجي احد ويأذيه .. عقب الهوشة اللي صارت بمكتب نَاصر بين الامير مشعل وبسّام .. يروح لقصره أأمن له مع دكتور يتابع حالته .. و نورة تبشر اختها وغِيْد وارسلت رِساله لعُمر تبشره بخروج نَاصر وسلامته .. بحكم ان عُمر في الفترة الاخيرة صار يتواصل معهم لأجل يزيل الشك والرُعب في قلب نَاصر ونورة ..! عند البوابة الرئيسية وصلت سيارة نَاصر لذوي الاحتياجات الخاصة وفتح له السواق الباب ،وقبل ما يركب وقفه صوت حرمه التفت لهاx شافها حرمه كبيره قال : سمي يا امي وش بغيتي ؟ الحرمه : سم الله عدوك .. انا فاعله خير ، وابيك بكلمة راس نَاصر بشك : من انتِ ؟ الحرمه بصوت واطي قالت : انا ام علي قريبه لطليقتك المرحومه العنود نَاصر من سمع الاسم صنّم بمكانه ماتوقعت ان بعد كل هالسنين تجيه اخبارها .. ! نّاصر اشر على سواقه يجي قاله : شوف الحرمه هذي وش تبي ثم بصوت واطي لا تسمعه نورة قال : عطها رقمي الخاص تتواصل معي نفذ السواق طلبه ثم ركب نَاصر السيارة ونورة بجنبه ذابحها الفضول قالت : وش عندها هالحرمه اللي كانت واقفه من شوي ؟ نَاصر بتنهيده : وحدة مسكينه جايه تشحذx وعليها ديون وارسلت لها السواق يشوف وش وضعها ويساعدها .. نورة : اها زين الله يفرج همها ويجزاك خير ماقصرت .. نَاصر : امين .. الا بنتي شُموخ ما قلتِ لها عن اللي صار لي؟ نورةx بضيق : والله يا نَاصر كان ودي اعلمها بس بنتك ما تتحمل تشوفك تعبان خفت يصير لها شي وابلش فيكم والحمد لله من يوم ماصحيت وصرت تكلمها ارتحت .. نَاصر اخفى زعله .. قال : ليه يا نورة على الاقل تجي ولا تقعد هناك عند عُمر وانتِ عارفه وش سوينا بحرمته .. نورة بصوت واطي : اسكتْ محدن داري عنك الى متى اعلمك ..عُمر ماراح يدري الا فتحت فمك نَاصر بقلق : وانتِ وش مخليك واثقه كذا هاه ..! نورة بتأفف : اووف منك .. خلاص تعبت من هالهم والغم اللي معيشني فيه شوف الرجال وش حليله مع بنتنا والله لو انه فيه شي كان ظهر من زمان مير انت موسوس عقب الحادث نَاصر بهم : والله يا نورة قليبي ماهو مرتاح حاس فيه شي بيصير مير الله يستر نورة :اعوذ بالله تفاول خير ولا اسكت...تراني مصدعه ثم صدتْ عنه والتهت بجوالها اما نَاصر .. يتأمل شوراع الرياض وشايل هم حضورهم .. ، دمعتْت عينها باللي تشوفه اخوها مشاري يلعب مع مها ... قالت : ممشااااري مشااااري بتفتح الشبّاك لكن للاسف مقفل حاولت فيه عجزت راحت تضرب بالشبّاك بكل قوتها وتناديهم لكن للاسف ولا واحد منهم انتبه لها ظلت تصارخ : مهااااوي مهااوي شوفيني انا هنا اسمعيني مشااااري يا رووح اختك شوفني انا هنا .. عجزتْ تفتحه .. ضربت راسها بالشّباك قالت : حسبي الله على من كان السبب .. تنوح ..بألم يقطع القلب جلست على الارض تراقبهم لامه نفسها .. وتشاهق والاهم من هذا كله شافت مشاري بخير وصحه وسلامه ابتسمتْ لما تشوفه يضحك ويلعب .. وتلاحقه اخته ودها تروح تضمهم وتبوسهم لعل وعسى ضمتهم تشفي جراحها وتنسيها المها قالت : آااه بس يا قلبي آاه وسرحت تشوف اخوانها تضحك لضحكهم .. وقلبها متقطع الا فجأة انصدمت بجيّة الامير بندر وهو يشوت الكورة لهم عدوها اللدود شلون كسبْ اخوانها ..! شلووون وهي معلمتهم انه انسان شرير ودنيئ وخبيث كيف قدر يحتويهم له شافتهم يركضون له ويحضنونه يالله هالمنظر كان قاسي عليها اخذ منها حتى اخوانها ..! ما ترك لها شي تمنت بهذاكً اليوم انه ذبحها بالرصاص ولا تشوف هالمنظر انجّنتْ اكثر .. ماقدرتْ تتحمل ودها تطلع بس مجبوسه طاحت عينها على الكرسي شالته وتحاول تفك الشبّاك الامير بندر انتبه لها على طول صرّف اخوانها حنان مسكتْ الكرسي وكسرتْ الشبّاك .. ثم نادت باعلى صوتها قالت : مشااااااري مها انا هنا انا حنان مشاااااري للاسف دخلوا القصر وماسمعوها الامير بندر ضحك بسخريه قال : هههه لا تحاولين اخوانك انسي تشوفينهم .. حنان : تفوو عليك يا مجرم وربي لا انتقم واحرق قلبك مثل ماحرقت قلبي باخواني .. جاء بيرد عليها لكن دق جواله .. وتغيرت ملامح وجهه مشى واعطاها ظهره رد : الو شعندك ؟ المتصل : طال عمرك نَاصر طلع من المستشفى على مسؤوليته..اليوم الامير بندر ابتسم بخبث قال : والخسيس عُمر عنده علم ولا لا المتصل : طال عمرك ماعنده علم قال بمكر : بلغوه باسرع وقت عشان نبدأ فعاليتنا في المنجم هههههههههه المتصل : ابشر طال عمرك .. تامر على شي ثاني .. الامير بندر .. قفل جواله تنهد براحه ثم تمتم : اخيرًا .. راح اقضي عليك وارتاح منك .. x ، البارت الجاي قريب بينزل ، متعّمدة اخلي البارت قصير عشان انزل سريع وما اطول عليكم فالله يسعدكم لحد يزعل ويتحلطم بس خليكم مواصلين لين نختمها على خير التعديل الأخير تم بواسطة فيتامين سي ; 10-04-20 الساعة 03:52 PM | ||||
|
| |
 |
| أدوات الموضوع | |
| انواع عرض الموضوع | |
|
|
125Likes
العرض العادي
