بنيت لك في داخل فؤادي من اللهفة قصر، للكاتبة / أَسْماء "اماراتيه" ( مكتملة)

[فيتامين سي]

الجزء التاسع..

فجأه أطالعها خليفه بضيقه وهي ردت ورا وكانت وراها حصاه وأتخرطفت بها وريلها ألتوت , وطاااااااااااااخ ..
خليفه تروع عليها وسار صوبها , ونزل لمستواها ورفع راسها لحضنه وقال: غاليه !!
كانت غاليه مغمضه عيونها ويوم سمعت خليفه يناديها فجت عيونها بألم وقالت: ريلي أخ أخ ...
يلسها خليفه وقال: شو فيها رِيلج ..
أشرت على ريلها اليمين بألم ...
سار صوب ريلها وقبضها ويلس يهوس عليها ..
صرخت غاليه : أييييي لا تعورني ..
خليفه : ماعليج فديتج , هذا مجرد ألتواء وبيروح ..
غاليه بغضب: هيييييييييييي أنته ماتأنسه ولامابتقول جي , وهي أدزه عنها: قوم قوم عنيه ..
قامت عنه , وفقت وهي رافعه ريلها ونزلت ريلها شوي شوي, وعضت على شفايفها بألم وقالت: الله يغربل العدو ..
خليفه : تقدرين تمشين ..
اطالعته بقهر: هي أقدر, ولاحضرك تبا أشلني أذا قلت ما اقدر..
أطالعها خليفه بمكر: تبيني أشلج ..
غاليه وهي تنافخ : ها الي ناقص بس ..
تمت غاليه تمشي وهي تعري لين وصلت باب فلتهم دخلتها وصكت الباب بقوه ويلست تتحرطم وهي تقلده : تبيني أشلج..
يلست تمشي على ريلها اليمين لين حست انها خلاص ماتعورها ابتسمت بقهر : صدقه السبال..
مرن الاسبوعين بسرعه .. قبل الملجه بيوم..
قبضت غاليه تلفونها وأتصلت على ربيعتها كلثوم ..
كلثوم: هلا والله بالغاليه وينج من زمااان ؟؟
غاليه بدفاشه: الناس تسلم أول وضحكت : السلام عليكم ..
كلثوم وهي بدورها ضحكت: وعليكم السلام , يالخايسه ..
غاليه : أفا أفا من أولها سبه ..
كلثوم وهي تضحك أكثر: هههههه اخبارج وعلومج؟؟
غاليه بوزت : أخباري ماتسر ..
كلثوم: افا , لييش؟؟
غاليه بقهر : كلثومي باجر ملجتي..
كلثوم بصدمه: حلفي ولاتخبريني ماهقيتها ؟؟
غاليه: والله كل شي أستوى بسرعه ..
كلثوم ببتسامه : ومنوه تعيس الحظ هذه أووو أقصد سعيد الحظ..
غاليه بقهر: افففففففففففف لاتقهرني ..
كلثوم اختفت أبتسامتها: أفا , لييييييش؟؟؟
غاليه : أشوفج كل شويه عدتيها وهي تقلدها: افا ليييييييييييييش!!!
كلثوم : صدق غلوي انا أتكلم جد , انتِ ليش منقهره ...
غاليه بحزن : باخذ ولد عمي ..
كلثوم: أي واحد ليكووون خليفه ...!!!!!!
غاليه : أففففففففف منو غيره يعني ..
كلثوم : أحلفي خخخخخ خلوف بيأخذج انتِ ما أصدق ...احيده يوم كانا صغار يوم تين بيتنا , أيي هوه عند مطر أخويه ويوم يشوفج يعصب وأيرج بكشج ويردج بيتكم .. ويلست تضحك ...
غاليه: هي هي ضحكي انتِ, تعرفين انه بيوزوني أياه غصبن عني ..
كلثوم بصدمه: والله ,أنتِ مب موافقه ؟؟
غاليه والدموع تهدد بالانهيار: هي مب موافقه ماأبا مت غصه تعرفين أنهم رفضوا سيف علشانه هو ..
كلثوم : صدق ..
غاليه وصوتها رايح: هيه هيه ..
كلثوم : أنزين أنتِ صليتي أستخاره؟؟
غاليه : هييه ..
كلثوم: عيل خلاص الله بيسرلج اللي فيه الخير ..
غاليه:أن شاءالله ...
كلثوم : عيل بابياي الحين بخليج أميه تزقرني ...
غاليه:أنزين بس لاتنسين تين أوكيه..
كلثوم:ان شاء الله بيي جان طاعت ماماتي..
ضحكت غاليه: أوكيه بايباي ..
كلثوم: مع السلامه..
طاحت غاليه على شبريتها (( طبعا اليديده)) تذكرت,حشرت منى علشان تلبس فستان حق الملجه وهي مب طايعه أبدا أبدا , الكل حاول وياها ... بس ماشي فايده ...أنفتح الباب فجأه ..
فجت عيونها وشافت كيسه بيد منى حاست بوزها وقالت: خير شو عندج ؟؟
منى : الحين تقوومين تقايسين ها الفستان ..
غاليه : قلت ماأبا ما أبا ماتفهمين أنتِ..
منى : حلفت بس قايسيه ..
غاليه : اففففففففففففف , فكرت شوي: شو بخسر بجربه ..
غاليه بكسل : أوكي ..
منى ببتسامه : أخيرا ...
قامت غاليه وأشرت لمنى : اطلعي من الحجره ..
ضحكت منى : انزين ..
طلعت غاليه الفستان من الكيسه كان الفستان لونه فوشي وعليه على الصدر كله لولو ويده كت وعليه طرحه كلها لولو , الصراحه ماأخفت أعجابها به .. لبسته كان صدق زار عليها من الخاطر ... بس الزراري يباله حد يبنده..
غاليه نادت منى: منى تعالي..
دخلت وقالت: ووووووااااااااااااااااااا ااااوووو تهبلين..
غاليه بخجل : صدق ..
منى : صدق تخبلين ..
غاليه بخقه : ادري انزين تعالي بندي الزراري ..
بندت لها منى الزراري, ويلست تصفق : صدقني خلوف بيتخبل ...
غاليه اعتفس ويها : منو قال بشوفني ؟؟
منى : خلاص هذا بتلبسينه , وترا بيدخل يشوفج..
غاليه فجت حلجها: بشوفني منو قال , أصلا مابيدخل , اذا دخل ترا والله ما ألبسه ها الفستان ..
منى : أنزين أنزين خلاص ... ترا بعد ساعتين بتي راعية الحنى ..
غاليه: لزم يعني أتحنى بعد ؟؟
منى: هي لزم ..
غاليه: أنزين الشيخه منى ممكن تظهرين برع ..بفج الفستان ..
طلعت منى , وفجت الفستان وعلقته وطاحت على شبريتها , وغمضت عيونها .. مادرت كم من الوقت طاف بس سمعت صوت منى فوق راسها ..
منى: قومي الحنايه يت..
غاليه: أففف صدق متفيجه هاي..
منى: يالله قومي لاتيلسين تتحرطمين ..
غاليه: أنزين انزين ... بتغسل وبيي أنتِ روحي ..
غسلت غاليه ويها , وسارت وتحنت لين كوعها وريوها حنى بسيط أمبونها مابتحني ريولها بس منى فوق راسها يلست ..وتريت لين نشف شوي وسارت تغسله, يتها منى مفحمه والشرر يطاير من عيونها: ليشششش تغسلينه ..
غاليه : ماليت ياخي لين متى يعني بتم ميلسه جي ...
منى : لو تريتي نص ساعه بعدين غسلتيه ..
غاليه: ماريد أبا أرقد ..
منى : أوكيه كيفج ..
سارت غاليه حجرتها وتيددت وصلت وسيده طاحت على الشبريه بس يلست تفكر وتفكر لين رقدت الساعه 2 ونص ..
يوم الملجه الساعه 7 الصبح...
هزاع حادر حجرت غاليه ..........
هزاع: مب بسج رقاااد اليوم ملجج.......
غاليه: ياأخي شو بلاك أزعاج خلني أرقد........
هزاع : لاوالله أنا ناش وأنتي راقده هذه مايستوي قومي يلسي ويايه...
غاليه: أطلع بررراء حررام عليك ...ما رقدت.
هزاع ياه صوبها ويمط الحاف عنها شوي ويمط خشمهاااا...
غاليه: أااااااااااااااي شو بلاك... تمط خشمي .
هزاع: علشان يطول خشمج ....
غاليه: اييي قوم عني يعورني أااااااااي ...
هزاع يغايض ويمط أكثر غاليه تصارخ ..
غاليه: أبووووووووووووووووووويه ...
ويخوز يده عنها ويتم يضحك ...
هزاع: ههههههههه يالله قومي الحين أباج تحت في الصاله....
غاليه: خاااايس...
هزاع: حوووه تراني بمط خشمج يالله بسرعه...
وسار هزاع حجرت الهنوف ولقها رااقده سار وبند المكيف عنها ومط الحاف ومط شعرهااااااااااااا........
الهنوف: اااااااااااي يعور...
هزاع: بمطه لو مانشيتي نشي.
الهنوف: ليش تمطه..اااااااااااااي يعور وايد.
هزاع : علشان يطول شعرج ههههههههههه...
الهنوف: قوم عني والله لخبر أبويه أاااااااااااااااااااااااا ي.. أبوووووووووويه..........
هزاع: يالله قومي ماشي راقد أباج تنزلين الصاله الحين يالله بسرعه..
وفجها وروح نزل الصاله ويلس يطالع التلفزيون ويبدل من قناه إلى قناه ولانه غاليه والهنوف نازلت يوم ين ييالسن قام هزاع وخذ سويج السياره وروح .. فولن غاليه والهنوف....
غاليه : الحين هاذه موعني عشان أونه أيلس وياه ويسير خاااااايس والله..... ماخلني اتهنى برقادي... والله حاله....
الهنوف: عنلاته الخايس أونه علشان يطول شعرج....
غاليه : هههههه وانا يمط خشمي أونه عشان يطول خشمج ....
ويلسن في الصاله وســارت غاليه المطبخ التحضري وصبت لها عصير وردت الصاله ولانه الهنوف رراقده على الغنفه .........
يلست غاليه تبدل في التلفزيون وملت وبعدها الهنوف راقده الحبيبه مسطله على الاخر ...شوي وانسدحت غاليه تحت التلفزيون وحطت المخده تحت راسها ويلست أتابع فلم ورقدت بدون ماتدري...
صوت حشره خفيفه وتقريصات وعت غاليه ...
كانوا عبدالله وميره عيال سالم ومريوم بنت علي , وعمر جالبين المخاد تحت وعلى غاليه ويلعبون بالسياير الصغيره ومخلين غاليه درب لهم عراقيب وجانبيلات هع ...
نشت غاليه مدوخه وفرت المخاد وقالت بتعب: أنتوا شو تسون ؟؟
طالعتها ميره ببراءه : نلعب..
عبدالله: نعب .. هلوو ووايد سياره سح..ومريوم تهز راسها بفرحه موافقه عبدالله ..ضحك عمر ورفس غاليه على ريولها وشرد , غاليه انقهر ..
وصرخت : أييييييييي أنتوأ واطالعت اليهال: يعني ماشي مكان غير عليه أفففففففففففففففففففففف .. عمر الخايس .. بشوف لاتشرد ..
عمر ركض عنها وقامت تلحقه , صادفها أبوها عند الباب: شو تبينه الصبي ..
غاليه بقهر: خاااااااايس ضربني على ريلي وشرد..
أبو سالم: والله ماعليه ..
غاليه: الا أضربه اليوم ..ويايه بتطلع من الباب ..
قبضها أبوها وطالعها بستغراب: وين سايره ..؟؟
غاليه: بضربه ..
أبو سالم : بها اللبس ناسيه ان ريايل برع ..
أطالعت غاليه جلابيتها الي بدون يدين , وقالت بفشيله: نسيت ..
أبو سالم: يالله يالعروس دخلي داخال لاتفضحينا ...
غاليه عروس, الا أمحق عروس : أن شاء الله ..
دخلت داخال , ماشفت الهنوف: هاي وين سارت أكيد سارت تكمل رقادها في حجرتها .... سارت صوب اليهال أطالعوها بخوف ...
قالت : أنتوا وين أمهاتكم ها..
عبدالله رمس: ماماتي .. وسكتت ..
كملت ميره: روحت بلع عند حلمات ووايد هناك عند عند الميلس وقالت نحنا نيلس عند عموه هنو بس عموه قالت أنا بثير ثويه وبيي ألسو عند عمر أذين ..
غاليه ويدها على خصرها : والله ..
قال عبدالله وهو يحيس راسه: والله ..
غاليه يتها ضحكه وبس بينت الضيقه: أنته تكمل عنها حضرك ..
عبدالله والخوف في عيونه :لا بث بث , وسكت وهو خايف ...
غاليه : وليش تلعبون فوقي..
أطالعتها ميره وهي تأشر لبرع : عموره قال يالله نلعب .. ولعبنا ..
غاليه بصوت عالي وأونها مضيقه: لاوالله تبون اضربكم ..
أشكال اليهال صدق كانت تكسر بالخاطر , والدموع في عيونهم وهم يطالعون غاليه وشوي لان الهنوف نازله من السلم وتقول: نشيتي ..
أطالعوها اليهال وربعوا صوبها يصيحون لمتهم الهنوف وقالت : بسم الله شو فيكم ..
تموا يصيحون ومتقبضين في الهنوف أشرت مريوم صوب غاليه وهي مبوزه ..
أطالعتها الهنوف بستغراب : شو مسويه فيهم ..
غاليه : ماشي مادري شو فيهم بزايين ..
الهنوف : أشك الصراحه انهم بزايين لان أعرفج زين ... فديتهم حرااام عليج قلبي عورني عليهم ..
غاليه ضحكت: أحلى شي يوم يصيحون أصلا يجنون ...
وشوي ويوا حريم خوانها وسارت غاليه تبدل ثيابها ونزلت , ويلسوا يسولفون ... ترا موزه حرمة علي تعرف تعدل وبتعدل غاليه لانها مارضت تخلي وحده تي وتعدلها ...
موزه : غاليووه يالله سيري فوق بين حريم الحين ..
غاليه: فايجات ...
وشوي ويايه أم خليفه فزت غاليه , أستوت من أشوف أم خليفه تستحي , وتتلخبط (( ليكون خليفه مثلا ههه)) ...
قامت تسلم عليها وقالت: شحالج عموه ...؟؟
أم خليفه ببتسامه : الحمدالله فديتج واطالعتها بعجاب : واخبار عروسنا ؟؟
بلعت غاليه ريجها ونزلت راسها : الحمدالله يسرج الحال..
وسلمت عليهن كلهن وردت ويلست عدال غاليه , حطت يدها على يد غاليه وقالت : وين بتتعدلين ..
أبتسمت غاليه وهي لمه شفايفها بشكل أونها مستحيه : موزه بتعدلني ..
أم خليفه : زين والله ..
حمدت ربها غاليه لان أم خليفه ماتهتم بها الاشياء , ويلسوا يسولفون , وشوي روحت غاليه حجرتها لانهن راغنها .. هع ...
شوي وأذن الظهر وصلت ويابوا الغداء لحجرتها ويتها موزه والهنوف ..
وغاليه تأكل وترمس: أنتن تغديتن ؟؟
الهنوف: هي ..
غاليه : أها وأنا أخر الناس ايبون لي غدا وبعد يعني محبوسه في ها الحجره ..
أطالعت موزه : وين بنتج؟؟
موزه وأبتسامه على ويها : راقده , فديتها عقب ماروعتيها تمت مبوزه أون غاي غاي ساحره ..
ضحكت الهنوف : أبا أعرف شو مسوتبهم انتِ..
أبتسمت غاليه : غاي غاي في عينها بنتج الساحره مب أنا ..
موزه: حرام عليج صدق أنج عمه شريره ..
غاليه: لالالا مابيوزها ولدي لاتحلمين ...
موزه: مانباه ولدج جان بيطلع عليج , ولا على أبوه نباه مزيون ومؤدب ..
غاليه أرتجفت وهززت راسها خليفه أبو ولدي لالالالا ما أريد أتخيل ..
موزه ضحكت : شو فيج هاا , طرينا الحبيب والقلب فز ....
غاليه يلست تفكر: تعرفين أنا من خطبني خليفه لا رمست عواش وعلياء .. يعني مادري أحس اني مستحيه حتى حتى يعني مره سرت صوب قوم عمي خالد ولاشفت عواش ومن هايج المره ماسرت لهم ... بس مره رمستها خطافي ..
...
كملت غاليه: تعرفين أحس اني لين الحين مب مستوعبه أني بأخذ خليفه ..
موزه : خلاص عقب كم ساعه بتستوين حرمته ...
غاليه بخوف : لاتروعيني ...
يلست موزه شوي وسارت أطالع بنتها ميره وولدها حمد... يلست الهنوف مجابله غاليه .. وأطالعها ..
قالت :غاليه ..
أطالعتها غاليه بملل : خير ..
بوزت الهنوف: بفتقدج .!!!
غاليه بضيق: الي يقول اليوم عرسي , لاتخافين أربع شهور بيلس على جبدج ..
الهنوف : غاليه بسألج بصدق..؟؟
غاليه : نعم ..
الهنوف: أنتِ ليش ماتبين خليفه ..
أطالعتها بحزن: أنتِ أكثر أنسانه تعرفيني وتسأليني بعد ..
الهنوف: علشان سيف يعني ..
غاليه سكتت وهي حايسه بوزها ..
الهنوف: نسيه !!!!!!
غاليه: كيف تبيني أنساه كيف!!! سنين حبيته من كان عمري 13 تعرفين شو يعني 13 سنه ووايد صح يعني سبع أو ثمان بعد ..
الهنوف: أعتبريه حب مراهقه ونسيه ... شوفي .. خليفه حليليه شو ذنبه يعني ..
صرخت غاليه : خليفه يغياضنيه بس يبا يتزوجني و يقهرني ..
الهنوف: شو دراج يمكن يحبج ..
غاليه بضيقه: حبته القراده ...
الهنوف: صدقيني يمكن خيره لج ..
غاليه : انزين خلاص نحنا رضينا شو نسوي ..ماشي أمل الحين..
الهنوف : غاليه !! وشوي ودموعها تنزل ..
غاليه ألتفت لها : شو فيج بسم الله ليش تصحين ؟؟؟
الهنوف: ما أقدر بفتقدج أذا روحتي عني !!
غاليه : الي يقول الحين أنا بسير كوكب ثاني ...الا على بعد خطوتين ...
الهنوف : صدق بس بتكونين في بيت ثاني غير بيتنا ..
غاليه ضحكت : شو رايج تاخذين أخوه علشان نكون في بيت واحد؟؟
الهنوف أحمرت : ها منو اخوه ..
غاليه : حمدان منو بعد ..
الهنوف: لالالا شو حمدان بعد ..
غاليه : عيل أنطبي ولاتيلسين أتصيحين أنزين ..
وبعد صلاة العصر يت موزه ومنى ويلسوا يسولفون , وبعد صلاة المغرب يلست تعدلها موزه حطت لها أي شدو فوشي مع فضي بشكل حلو دمجته ...
وخلصت تعديل جي على الساعه 8 ولبست فستانها ... وشوي يندق الباب وتفجه منى وشوي عواش داخله يوم شافت غاليه صرخت : ياويلي حالي على عروسنا..
صدق غاليه أحمرت من الخاطر ..
وصدت عنها صوب المنظر تشوف شكلها لانها ماشفته وموزه ماخلتها أبدا أشوفه يوم هي تسويه ..
فجت غاليه حلجها : شو ها حاطتلي وووايد..
عواش: لالالا مب ووايد حلو ...
موزه: لاوالله ملجتج وتبيني أحطج شي عادي ...
غاليه بوزت: أنزين ..
شوي علياء تحدر وتقول: هلا والله بحرمة أخويه القاطعه ..
غاليه أستحت وقالت: انا لالا ..أنتِ القاطعه ...
علياء: خخخخ انا اصلا من اسبوعين عند خالوه في ابوظبي الا امس دريت عن الملجه أنها اليوم , حتى انه خطبج مادريت الاأمس ههههه مبروك فديتج ..
غاليه : الله يبارك فيج..
وشوي وحد يدق الباب : هود هود حد غريب يبنا عقد الزواج علشان يتوقع ..
كان علي قالت منى وهي تفج الباب : هي حد غريب ..هات بخليها توقع ..
علي: أوكيه خليها توقع هنيه ...
سارت منى صوب غاليه , أول ماشفت غاليه الدفتر الي فيه ورقة عقد الزواج تروعت أشرت لها منى توقع قبضت القلم بتردد , وتمت أطالع الورقه شافت توقيع خليفه وأنتفضت , وقعت وهي ترتجف توقيع خرابيط ..
وأنهلت التباريك عليها وعلي يقول :سوى لي درب بسلم عليها , دخل على وهو مبتسم ولوى على غاليه وقال: مبروووك الغاليه مبروووك فديتج ..
غاليه بصيحه: الله يبارك فيك الغالي ....
وشل الدفتر علي وطلع وتمن يحببنها الي في الغرفه معها ...
غاليه: أففففففففففففففف قومن عليه مايسوا عليه ها الكثر تحبني ..
وضحكن عليها , ويت أمها وأم خليفه وسلامة حرمة سالم وسلمن عليها وباركن لها... وبعض الحريم وبعدين روحن ها الحريم ..
رمست أم خليفه : عيل خليفه يبا يشوفها ...
غاليه بخوف وبدون شعور : لالالا ..
أطالعتها أم خليفه : ليش لا , عيل يروح ها التعديل بلاش .. وهو طالب بعد يشوفج ..
غاليه سكتت وهي تترجف قهر يعني ماشي مفر, هو طالب يشوفني يبا يقهرني يعني ...
أطالعنها منى والهنوف وهن ميتات ضحك على شكلها المتروع ...
وشوي ونزلت تحت في الصاله التحتيه ....
ويلست فيها وهي ترتجف , وتتنفس بقوه :لايااارب لالا ما اباه يشوفني لالا قلبي يعورني خايفه... خااااااايفه ..
وشوي وينفج الباب دخل هزاع ومعاه سالم وأبو سالم وخليفه وأبو خليفه وسلموا على غاليه .. عاده هي رفعت راسها يوم شافتهم ..
ويت عينها على خليفه صدق كان كاشخ سفره وعقال ....
وباركوا لها أخوانها وعمها وأبوها ويلسوا شوي وبعدين طلعوا بس تم هزاع ..
ضحك هزاع: أخبار عروسنا..
سكتت غاليه , مالها خاطر ترد عليه حلجها نشف من الخوف ...
تحنحن هزاع: شكل العروس مستحيه يالله عيل أنا بروح عنكم خذو راحتكم ..
غاليه رفعت عيونها له تترجاه مايروح ويخليها بروحها .....
نهايه الجزء التاسع ...

[فيتامين سي]

الجزء العاشر ..


طلع هزاع , وخلى غاليه بروحها مع خليفه ...
غاليه منزله راسها تحت وترتجف من الخاطر موقف صعب تحس بغصه خلااااص صارت حرم خليفه ...
ماتدري منقهره والا مستحيه والا انها خايفه , بس شعورها الصدقي في ها اللحظه هو الخوف ..
خايفه وبدرجه كبيره بعد , ماتبا ترفع راسها وتشوفه ..
حسته تقرب منها , بس أستوت أبينهم مسافه بسيطه ماعرفت شو تسوي ولزت شوي الجهه الثانيه وكل شوي هو يجدم وهي تأخر لين وصلت أخر الغنفه ..
تقبضت في الغنفه بقوة , سمعت ضحكته : ماباكلج لاتخافين ..
أخيرا رفعت راسها صوبه ,تجمدت يوم شافته , هو يوم شافها أبتسم بحب وزخ يدها اليمين وقال : أخيراً..
أرتجفت بقوه من لمست يده , رفع يدها لشفايفه وحبها وبعدين قربها من خشمه وشم ريحت الحنى , ودوخ منها وغمض عيونه وقال: ماحلات ريحت الحنى في يدج ..
مطت غاليه يدها منه بس هو مسكها بقوه وقالت وهي محمره: خل يدي ..
زادت أبتسامة خليفه :مابخليها ...
تنحت غاليه من أبتسامته وبصوت خفيف :ليش !!
خليفه أبتسم: بس جي ..
تم خليفه ماسك يد غاليه وهي صاده بويها الصوب الثاني..
خليفه : أطالعني شو فيج صاده عني..
غاليه بتوتر: كيفي..
تموا فتره جي وخليفه ياه التوتر مثل غاليه , نفخ بملل وقام وهو ماسك يد غاليه أطالعته غاليه تباه يفج يدها بس هو ير يدها يباها تقوم قامت وهي مستحيه من ها الفستان الزار عليها ...تقرب منها وقال: مبرووك حبيبتي ..
وطبع قبله على خدها ...
وطلع من الصاله , يلست غاليه على الغنفه بعدم أستوعاب ويلست تمش خدها وتقول : هذا شو سوى ...
حطت يدها على ويها مش مصدقه شوي وبتصيح, وينفج الباب بقوة ((الي يودي للصاله الرئيسية للبيت , (( ترا الباب الي دخل منه خليفه كان خارجي)) ويحدرن منى والهنوف وعواش وعلياء يتضاحكن الي قابضه بطنها والي محمره من الضحك والي تضحك بهستريه والي متسانده على الباب وتضحك..
غاليه قامت وأطالعتهن بخوف : شو فيكن بسم الله منكن؟؟
علياء: لالالالالالالالا ما أصدق خلوف يسوي جي ..
غاليه بصدمه : كيف شفتن؟؟
عواش: ليش ماتبينا نشوف البوسه..
عورها ويها غاليه من الفشله وعضت على شفايفها ..
قالت منى: كانا يعني تعرفين الباب ماسكرتيه زين ويلسنا نحنا نطالع ... كل شي , وردت تضحك ..
صرخت غاليه : أوووص أوووص سكتن أنا ناقصتنكن أنتن بعد ..
الهنوف وهي ميته ضحك : تعرفين أن يدوه شافت بعد ويانا وهي اول من يت و بعدين نحنا شاركنها ..
غاليه : شوووووووووووووه؟؟
منى : والله , والله لو تشوفين أبتسامتها الخبيثه يوم حبج خلوف حتى شوي وبتنعش ..
غاليه أنقطع نفسها : لالالالا!!!!!!
يلست على الكرسي وبوزت : شو ها !!!!! وأنتن ليش أطالعن ليش جي لزم يعني أفتشل ..
يلست علياء عدالها وهزت راسها : أوووه ماكنت أتوقع ان أخويه رومنسي جي ..
منى: صدق أحس خليفه رزين وغير يعطيج هيبه , بس اليوم شفته غير ..
عواش: لزم حبيبة القلب جدامه لزم يسوي جي ..
غاليه بصوت واطي: حبيبة القلب !!!؟؟ يتوهمون ..
غاليه : خلاااااص سكتن أحسن لكن ...
وتمن يسولفن وينكتن على غاليه , وهي كل ساعه وتعصب وصلت الساعه 11ونص والكل أستأذن بروح ..
سارت غاليه غرفتها , فجت فستانها , وسارت خذت لها شاور ساعه ولبست بجامه عنابيه ..
اليوم ماكلت شي من الغداء وماشي في ثلاجتها من زمان ماسرت الجمعيه ,نزلت المطبخ وكانت توها الساعه 1 الصبح ..
تمت تنبش الثلاجه أطالع أذا شي أكل بس مااااااااااااشي .. شي يقهر الي تباه ماشي ..
غاليه تتحرطم : لاسمون ولاخبز حتى , ليش يوم ما ابا ألقى كل شي ...
يلست ماشي غير فواكه , حطت راسها على الطاوله ...
فكرت بخليفه وحركته اليوم , أبتسمت وقالت :ماعليه أن ماشفت شي مايسرك الايام يايه وبتشوف...
عضت على شفايفها : أيوووا حجرت هزاع ..
ربعت صوب حجرت هزاع فوق , محد كان هناك فجت الثلاجه لقت فيها كاروسون وفتامين ...
خذتلها كروسون ثنينه , وردت المطبخ , وحطتهن في المكرويف ..
ويوم حررتهن يلست تأكل وتشرب فتامين ...
حست أنها شبعت وقالت : الحمدالله ... الحين وقت الرقاد ...
سارت حجرتها , ووطت راسها ورقدت ..
الساعه 5 الصبح..
دق على الباب وبعدين , حد دخل وبند المكيف ...
غاليه بنعاس : شو ها ..
أبو سالم: يالله قومي الصلاه يالله ..
غاليه: أن شاء الله أبويه ..
قامت غاليه بتكاسل...
وصلت ورادت ترقد ...
الساعه 8 ..يوم الجمعه ..
نشت نشيطه على غير العاده , وخذتلها شاور , ولبست كندوره عيناويه مخوره وشيلتها ونزلت تحت , لقت امها في المطبخ ويالسه تغرف في صحون وسكارات ..
يلست على الكرسي : ماما شو تسوين ؟؟
أطالعتها امها ببتسامه: مسويه هريسه , الحين بخلي الخدامات يودن عند قوم عمج خالد وسعيد..
غاليه: أمممم هي ..
حطت أم غاليه لغاليه صحن هريس وكلت منه شوي ..
ين خداماتين وشلن الصحون ...يلست غاليه تفكر : أممممم بروح وياهن ..
أم سالم : زين تسوين ..
سارت غاليه مع البشكارتين , أول شي ساروا بيت عمهم خالد مالقوا حد ... عواش في حجرتها ...
سألت البشكاره عن يدتها :وين يدوه شيخه؟؟
البشكار: سير سم سم بابا خالد دبي..
غاليه: أنزين يالله نسير عند بابا سعيد ..
سارت دقت الباب محد رد عليها دخلت البيت وهي شاله حرارت الهريسه وقالت للخداماتين يردن البيت هع (( نذله ))
دخلت المطبخ ولقت أم خليفه يالسه تسوي الفطور مع الخدامه ..
غاليه : السلام عليكم .
ام خليفه وعليكم السلام والرحمه ..
وحطت الحراره على الطاوله .. وسارت وسلمت على أم خليفه : شحالج عموه ؟؟
أم خليفه : الحمدالله يسرج الحال ومن صوبج ؟؟؟
غاليه أبتسمت : الحمدالله ...
أم خليفه: فديتج ليش معبله بعمرج ويايبتنه بروحج ..
غاليه : عادي بس يعني الخدامه ساعدتني ...
أم خليفه : فديتج تعالي بنسير الصاله ..
غاليه: أن شاء الله ..
ويلست تسولف غاليه مع أم خليفه , وحلفت عليها أم خليفه أنها تتغدا عندهم اليوم ...
غاليه: لالاصدق عموه مشكوره بسير البيت ..
أم خليفه: لالالا بتغدين هنيه وماشي رده للبيت ..
غاليه مارامت لها أبدا, وقالت أخيرا: خلاص أن شاء الله ..
أم خليفه : هي جي أباج انتِ مب غريبه والحين بعد حرمة ولدي ...
غاليه أستحي وقالت: هييييي..
شوي ويا عمها سعيد وتوافدو حمدان وراشد ومايد , الصراحه حست غاليه عمرها فشله صدق ووووووي فضيحه بيقولون ماصدقت خذت أخواهم والحين من أول يوم في بيتهم ... خاطرها تنشق الارض وتبلعها ...
شوي وينزل خليفه هههه كان حاط السفره على جتفه وشعره منتفش بطريقه جذابه ... بلعت ريجها من الفشله , أول ماشافها خليفه أبتسم ..
قامت ماعرفت شو تسوي تسلم عليه بالخشم ولا باليد , ماتدري مع أنها شافت مره عواش حرمة عمها خالد عادي تسلم على خالد بالخشم جدامهم كلهم ...
تمت ترتجف من الخوف , محتاره , شافته يسلم على أبوه ..وبعدين امه وبعدين يا صوبها تخربطت ماعرفت شوي تسوي تجدمت منه ومدت يدها بس هو سحبها من يدها وسلم عليها بالخشم ..
أنصدمت من حركته الحركه تنبان ان هي الي سلمت عليه بالخشم ...
أفتشلت من نظراتهم .. ويلست على الكرسي وهي منزله راسها سمعت ضحكت عمها ... وحرمة عمها ..
حطوا الريوق , طالعوا غاليه يايه في وقت مب مناسب مره ...
قلبها يلس يدق تبا تنش تروح ..
زقرها عمها سعيد: غناتي تعالي تريقي ؟؟
غاليه: فديتك عمي متريقه في البيت ... وشبعانه ما أبا ..
سعيد: زين عيل على راحتج..
غاليه قامت : وين علياء عيل؟؟
أم خليفه: راقده على ما اظن ..
غاليه: عيل بسير أوعيها ...
سارت غاليه صوب , حجرت علياء دقت الباب وحدرت كانت علياء ملاويه الحاف ... هزت غاليه راسها وسارت صوبها ...
ويلست عدالها: قومي قومي هب رقاد هذا ...
علياء فجت عيونها ببطء: غاليه , وفجتهن على كبرهن : انتِ شو تسوين هنيه ..؟؟
غاليه وقفت وحطت يدها على خصرها ويلست تسوي حركات أونها ترقص : أرقص ..
ضحكت علياء: خبله رووحي خليني أرقد..
غاليه ببتسامه خبيثه : تحلمين ..
علياء: صدق غلوي خاطري أرقد أمس كنت سهرانه ..
غاليه: مي تو وعادي أنا ناشه من الصبح مافيها شي ..
علياء يلست وأطالعت غاليه: انتِ شو تسوين هنيه ..؟؟
غاليه بلعت ريجها: ماشي , بس كنت يايه ويا البشكاره يايبه هريسه حقكم وأمج , حلفت عليه اتغدا عندكم..
علياء بخبث: أتحرا شي ثانيه ..
غاليه بقهر: جب أسكتي لاتقهرني ..
علياء: ليش من شوه مقهوره .؟؟
غاليه: من اخوج سلم عليه بالخشم جدامهم كلهم الخايس ..
علياء ضحكت : حلفي هههههههههههههههههههههههه ...فاتني ..
غاليه: جب جب وأظن يتحروني أنا الي مسلمه عليه الحين ..
علياء: حلوه الحركه ..
غاليه: أونه حلوه أنتِ متفيجه ...
سارت علياء وخذت لها شاور , وبلست كندوره مخوره برتغاليه ...
غاليه : شو ها البرتغاليه تجنن عليج ..(( علياء بيضه و هي تشبه أمها أما خليفه فياخذ بياضه من أمه بس شوي يشبه أبوه أما حمدان فهو حنطاوي وياخذ من أبوه ووايد أما راشد فهو غير عنهم وشوي أسمر و مايد فهذا نسخه من خليفه ))..
علياء : تخليج انتِ العيناوني يخبل عليج ..
غاليه رمشت بعيونها : شكرا شكرا ...
علياء: يالله أنروح تحت ..
غاليه :لالالاخلينا هنيه أحسن ..
علياء: ليش أن شاء الله ..
غاليه : أمممم بس ..
علياء: انا يوعانه , يالله خلينا ننزل ..
حاست غاليه بوزها : أنزين , خلااااص ..
نزلن تحت , وماكان حد هناك غير أبو خليفه وأم خليفه وراشد ومايد يلعبون بلاي ستيشن ...
أبو خليفه: صح النوم عليوه ؟؟
سارت علياء صوب أبوها وحبته على راسه , وامها بعد ..وابتسمت : الرقاد خذني..
وسارت المطبخ تاكل ..
وغاليه يلست وياعمها وحرمته في الصاله وهي من الخاطر مفتشله منهم ..
صرخ راشد: غلوي تعالي لعبي ويانا ..
غاليه اطالعت راشد بقهر وسوت حركه بويها يعني أسكت ..
بس راشد زاد : تعالي يالله ...
أم خليفه:لالالا مابتلعب وياكم شو تبابه ها اللعب ..
حرمة عمها ماتعرف انها دووم وياهم تلعب في بيتهم ... ويتضاربون هع .. بس عمها يعرف ههه ..
ضحك عمها بوخليفه: خلها البنت يمكن ماتبا تلعب .. واشار بوخليفه لغاليه عشان تي عداله .. سارت صوبه ببتسامه , ((خاز المستحى ..
أبو خليفه: أخبار بنيتي ؟؟
غاليه: يسرك الحال سعواد..
أبو خليفه: في عينج سعواد أصغر عيالج يالهرمه ..
غاليه: حشا عمي ههههههه ... انا أصغر عيالك ...
أبو خليفه: أنزين شو اصبحتِ اليوم ان شاء الله بخير ..
غاليه اطالعت عمها ببتسامه خجله: الحمدالله ..
ويلسوا شوي يسولفون لين الساعه 11 وقام عمها يتسبح علشان صلاة الجمعه ..
وشوي ويدخل خليفه وكان شوي من شعر غاليه طالع , عاده هي يوم شافته أرتبكت ودخلت شعرها (( نست ان ريلها)), هو اصلا ما أنتبه لها وسار فوق سيده ...
شوي ويت علياء والمدخن بيدها ,وقالت: تعالي نسير فوق بدخن أبويه ..
غاليه: أوكي ...
سارن فوق ,وعلياء سارت حجرت أمها وأبوها , وغاليه سارت حجرت علياء ..
فجت شيلتها وفرتها على الشبريه ونشلت شعره (( شعرها مش طويل لين نص ظهرها)) ويلست أطالعه في المنظره وتعدل قصتها , وشوي وتدخل عليها علياء وبيدها المدخن ..
قالت غاليه: هاتي المدخن بدخن شعريه ..!!
عطت علياء المدخن لغاليه , وقالت: أندوج هاي العوده بسير أيب عود حق خليفه وحمدان ...
خذت غاليه المدخن , وطلعت علياء , شوي ويلست أدخن شعرها ....
أنفتح الباب , وماحست بالي واقف وراها , كانت واقفه جدام المنظره ..
رفعت راسها شوي ولا تشوف أنعكاس خليفه في المنظره ,بعدت المدخن عن شعرها لان خصله أحترقت ...
وحطت المدخن على الطاوله , ويايه بتلتفت بس ضمها خليفه فجأه وهي ويها صوب المنظره وهو رواها , حاولت تخوز يداه عنها بس ماقدرت رفعت راسها شوي وشعرها على ويها , شافته حاط ويه في شعرها ...
خليفه : الله محلات ريحت شعرج ..
غاليه أحمرت: قوم عني ..
فجها , ووقف جدام المنظره ويلس يعدل سفرته , وأطالعها ببتسامه : يالله دخنيني ..
تنفست بقهر , بس فجأ أبتسمت : ارويك ياخليفان ...
سارت صوب المدخن وشلته وحطت عوده كانت باقيه وشوي تقربت منه ودخنت كندورته خليفه أبتسم معقوله غاليه ماسوت شي وسمعت الرمسه ..
وشوي حطت المدخن عند نص كندورته , وجبته على كندورته ..
صرخ خليفه : حوووووووووووووه شو ها ..
وأبتعد عن اليمر ,وفصخ كندورته واطالع غاليه والشرر يطاير من عيونه: كندورتي اليديده يالخايسه حرقتيها ..
خذت شيلتها بسرعه وسارت صوب الباب وهي تقول : تستهال تحيد عمرك الخايس , تذكر شو سويتبي توك ومساعه أوكي ها شوي , الياي أكثر..
وطلعت تربع ...
وهي تربع طلع خليفه يهددها ويقول: بشوفين يالخايسه أن ماأدبتج ..
طلعت لسانها : بنشوف خلوف من بيأدب الثاني ..
رص خليفه عيونه بعصبيه وقال: بنشوف ...
نزلت غاليه تحت تلهث وتنتفض من الخوف تعرف أن خليفه مابيخليها في حالها ... شوي وأستوعبت شو سوت أبييييه يمكن أتحرق ,نفخت بخوف ياويلي انا شو سويت ...
سارت تدور علياء محد , بس لقت حرمة عمها يالسه في الصاله أطالع محاضره في التلفزيون ..
يلست عدالها اونها اطالع وهي تنتفض ...شوي ونزلت علياء ...وهي شاله المدخن وزقرت الخدامه: سيري داخل حجره مال انا سوي تنظيف مناك يطيح ضوء....
أم خليفه أطالعت علياء: شو انجب المدخن ؟؟
تروعت غاليه , ويلست تنتفض أكثر ..
علياء: يقول خليفه أنه كان يدخن وطاح عنه وحرق كندورته...
غاليه تنفست بعمق : الحمدالله ماخبر عني , أميييييييييييييه أكيد ناولي على شر.. الحمدالله بس يوم ستر عليه ...
ام خليفه: وووايه فديته ووولدي بسم الله عليه , وقامت :جان ماحرقه ..
كان خليفه نازل, وقال: فديتج يالغاليه مافيني شي ماحرقني الا شوي على ريلي..
حطت غاليه يدها على شفايفها بخوف , وبوزت وهي اطالع خليفه وهو مش مسوي لها سالفه ...
تم متجاهلنها طول الوقت ومايطلعها وشوي وراح يصلي ... وسارن علياء وغاليه يصلن وأم خليفه بعد..
بعد الصلاه يلسن يجهزن الغداء , وسوى يلسه تحت يتغدون , وكلهم مع بعض طبعا...
تغدوا مجبوس ولحم مشواي , وبعدين يلسوا يشربون جاي , ويسولفون .. وشوي سارت ام خليفه وأبو خليفه يقيلون , وحمدان بعد راح ...
غاليه: شو فيه أخوج حمدان مره ماله حس ..
علياء: امبونه جي من أستوى ...
غاليه: أها ...شو ها الملل ..
علياء: خخخخخ أونج شو تبين نسوي ...
غاليه قامت : بسير أشرب ماي ..
قامت غاليه سايره المطبخ , شوي وتسمع حس وراها وقفل للباب وهي تصب الماي طنشت ..
ويوم خلصت صدت وارها وشافت خليفه منطر حاجب ومنزل حاجب ومجتف يديه (( يعني وحده فوق الثانيه))
اطالعته برعب وهي تحط الكوب على الطاوله وتبا تسير صوب الباب تبا تفجه بس مقفول ...
عضت على شايفها بخوف وقالت: بليز ماكنت قاصده ..
ضحك خليفه بمصخره: ماكنتي قاصده , تتمصخرين عليه ها ..
غاليه: لالالاماأتمصخر صدق صدق ماشفتك ..
خليفه بتنظيز: والله ..
سكتت غاليه ...
خليفه تجدم صوبها وقال: بتأدبيني بعد ها..
غاليه تسوي عمرها بصيح : تخليك خلوف ..
خليفه : اونج عن ها الحركات أنا أعرفج زين , بشوفين ..
تقرب منها أكثر .. وهي حطت يدها جدامها تدفعه عنها بس هو قبض يداها وقبضهن بيد وحده وتم يعطيها طرقات على الخفيف بيده الثانيه ويقول: بتأدبيني ها ؟؟
غاليه: خلاص توووووووووووبه خلوف تووووووبه ...
خليفه : تبيني اخليج بس بشرط..
غاليه: هي موافقه ..
ضحك خليفه : والله متأكده ..
غاليه : هيه هيه ..
خليفه ببتسامه خبيثه: قولي لي فديت روحك ..
غاليه انصدمت وقالت: شووه ..
خليفه بخبث أكثر: الي سمعتيه ؟؟

نهاية الجزء العاشر ..

[فيتامين سي]

الجزء الحادي عشر.

هزت غاليه راسها : لالالالا مش قايله ..
خليفه : مش توج قلتي انج موافقه ...
غاليه: صح بس خلاص الحين مش موافقه.
خليفه: ليش كل ساعه راي عادي قولي..
غاليه : مب عادي انا قلت مب عادي وفجني أوكيه ..
ضحك خليفه: مش مخلنج ..
شوي وبتصيح: مابقول تفهم ...
وبحركه سريعه قبض يداها ورادهن ورا , غاليه صرخت : اي يعورر والله والله ..
خليفه : قولي يالله ..
غاليه وهي ماتدري تضحك ولا تصيح: يعني بالقوه ..
صرخت بصوت عالي : مـــش قــايــلـــهـــ..
حط خليفه يده على فم غاليه : أووووووووووص سكتي فضحتينا..
غاليه تهز راسها , وشوي ترفسه على ريله , فجها خليفه وصرخ: أييييي ..
سارت غاليه صوب الباب وقالت: أحسن لك فتح الباب ...
خليفه وهو يمسح مكان ضربت غاليه: يالخايسه بعد تضربني , بتشوفين ...
غاليه : والله والله لصارخ وأخلي كل من في البيت والفريج يلتم علينا ..
خليفه:ها الي ناقص .. بس انتِ نطقي بتشوفين ...
غاليه : عيل فتح الباب ..
خليفه : صدقــ أنج أطفرين بالواحد ..
غاليه: أحسن ..
سار صوبها خليفه وهي ردت ورا , و لزقت على الباب ... فتحت عيونها على وسعهن من الخوف وقلبها يدق...
تقرب منها خليفه , أبتسم وهو يشوفها ترتجف ,تقرب منها واستوت المسافه أمبينهم صفر هع هع ..
نزل يده تحت وحط ..




المفتاح في الباب وفتحه , وتنفس غاليه الحار على رقبته...
غمض خليفه عيونه , وخاز عنها , وأطالعها في عيونها وهي نزلت عيونها بسرعه , أبتسم بتأمل وقال: عيونج حلوه ...
غاليه غمضت عيونها , وحست عمرها الحراره ترتفع في جسمها وويها يحمر من الخاطر ..
تمصخر خليفه : أنزين جاملي شوي قولي عيونك أحلى هههههههههه ويلس يضحك بتوتر ..
تقرب منها شوي , وقرصها على خدها بقوه صرخت غاليه: أيييييي..
دفرته عنها وفتحت الباب وطلعت ...
سارت فوق حجرة علياء , فتحت الباب بكل قهر , وصرخت وهي تأشر على علياء الي حاطه سماعة الم بي ثري في ذينها وتهز راسها : أكررررررررررررههههههههههه ه أخوج هذا أكررررررهههههههههههه خاطري أوط في بطنه ..
شوي وقامت علياء تتهزز , ومب عاطيه غاليه سالفه , غاليه بقهر : اي انتِ الحقيره يلسي تهززي بس ها الفالحه فيه ..
أطالعتها علياء وبستغراب وفجت السماعات : شو فيج ؟؟
غاليه بقهر: سلامج كلمي رقصج ..
شوي وعلياء أونها تيبس , غاليه مارمت تقبض عمرها ويلست تضحك من الخاطر .. كان شكل علياء مصخررررررره ...
وأشرت عليها علياء وهي تشغل الالب توب ..: تعالي نرقص ..
غاليه : فاااااااايجه..
علياء: شو بتخسرين أنتِ..
غاليه: غفلي الباب اول ..
سارت علياء صوب الباب , اونه بتغفله وماغفلته بالاصل ...
وسارت وربطت الشيله ..
غاليه بستغراب : شو ناويه تسوين ؟؟؟
علياء: أرقص بعد شو ..غاليو يالله ربطي شيلتج ..
غاليه بتفكير: أوكيه ..
وربطت شيلتها على أسفل خصرها , علياء فنانه في التهزيز ..
وغاليه أونه تقلدها .. وشغلن غنيه .. ويلسن يرقصن ..
غاليه: علوووش عجيبه كيف ترقصين جي...
علياء: فديتني خبرت سنين ..
غاليه: أونه خبرت سنين علمني ..
علياء: أوكي, سوي جي ..
ويلست تعلمها , نشلت غاليه شعرها وعلياء بعد ويسلن ينعشن وشوي يتهززن وماسمعن صوت الباب يوم أنفج , لان صوت الأغاني كان مرتفع ...(( حجرت أمهم وأباهم الي يقيلون فيها تحت فما بيسمعوهن ))
وقفوا راشد ومايد يطلعوهن ويصفقون , وهن ينعشن وطبعا هن ماحسن بهم لانهن مرتبشات ..
وشوي ويسمع خليفه صوت الأغاني العالي إلي ياي من حجرة علياء كان ياي من برع امه موصتنه أيب عصا حق مايد وراشد لانها تبا تخوفهم بها علشان مايتضاربون فـأمه كانت راقده قال بيودها عند علياء..
فأستغرب من الصوت وسار صوب حجرت علياء , ويوم وصل عند الباب فج فمه من الصدمه غاليه وعلياء يتهززن ...
تم يطالع مش مستوعب الي يشوفه , شاف مايد وراشد يصفقون .. أطالع غاليه بصدمه , هاي شو تسوي ...
شافهن زودنها , وراشد ومايد فجين عيونهم يطالعون , حط يداه على عيون راشد ومايد وطالعهم برع الحجره واشر لهم يسيرون ..
سار خليفه وتساند على الباب يطمش , وشوي وينعشن ويضحكن ..
نفخ خليفه: ماشاء الله ..
شوي وخلصت الغنيه , وتمن غاليه وعلياء يضحكن وقابضات روسهن ..
صفق خليفه يده اليمين بيده اليسار : خلصتن يالرقاصات ..
بند الباب , وهن انصدمن وخوزن الشيله بفشيله , أطالعهن بكل شر وهو حاط العصا جدامه: أنتن ماتستحن ..؟؟؟
غاليه أطالع علياء: انتِ ماغفلتي الباب؟؟؟؟؟؟؟؟؟؟؟؟؟؟
علياء: أظن أني غفلته ..
غاليه أطالعت علياء بنظرت قهر , ورفعت عيونها لخليفه الي كان حاط العصا على جتفه , وابتسامت أحتقار على ويه , خوز العصى عن جتفه وأشر بها صوبهن وقال: تبن شوية ضرب ..
علياء من شافته يأشر بالعصا غمى عليها سيده وطاحت , مسكتها غاليه بسرعه ويلست تحت وعلياء على ريولها وقالت بخوف : ياويليييييييييييييييييييي ييييي...
خليفه عق العصا وسار صوبها بخوف , غاليه يلست تضرب علياء على ويها , بس علياء لاحياه لمن تنادي ..
أطالعت خليفه وعيونها كلها دموع : ييييييييييييييييييييييييي ييييييييييبببب ماااااااااااي ..
خليفه تخربط ماعرف شوي يسوي , ربع الحمام وفج الفوز وفج يده ومزرها ماي , وربع سيد صوبهن ...
وصب الماي كله على ويه علياء ...
علياء انفجعت وقامت بخوف تعطس وتهز راسها ..
غاليه: ههههههههههه بسم الله حد يصب الماي جي ..
ضحك خليفه : ههههههههههههههههههههههههه هههههههههههه ..
اطالعت علياء خليفه بخوف , ضحك خليفه عليها وقال: أنتِ الي يشوفج الحين يقول كل يوم يالس أضربج...
ضحكت غاليه , وعلياء ضحكت بعد ..
خليفه: هي ضحكن , ورص بعيون : شوها التهزيز ..
أحمرن .. حطت غاليه يداها على ويها بفشيله وأشرت على علياء: هاي مب أنا ..
خليفه أبتسم: ها أونه يعني تبيني أصدقج وأجذب عيوني...
قامت غاليه: بس بــســ هي الي قالت لي تعالي نرقص وجذبت عليه أونها غفلت الباب ...
صد خليفه بستهبال لعلياء: ليش تقولين لها ترقص وتجذبين عليها .. ترا ماعندها شخصيه الاخت ... بس انتي قولي وهي بتسوي ألي تقولينه ..
علياء ضحكت: هههههههه صدقك ماعندها شخصيه ..
ضربها خليفه على راسها : جب جب لاتقولين عن حرمتيه ماعندها شخصيه, أنا أقول بكيفي بس انتِ انجبي..
علياء قامت عدال غاليه : هي هي حرمتك نسيت اني أختك واذا هي بتقول شي حقي عادي هااا !!!!
خليفه: أفااااااااا يا بنت سعيد الي يقولج شي بحفر قبره فحجرتج ..وضحك ..
علياء: هي هي تمصخر عليه ...
خليفه : أفا أنا اتمصخر على اختي الوحيده عنبوه صدق ما استحي ..
علياء: هي قردني الحين ..
خليفه : أقول ترا عطيتج ويه واايد يلسي أحسن ..
قام خليفه وقبض راس علياء وراس غاليه ضربهن ببعض , صرخن : أأأأأاااااااييي..
غاليه تمسح على راسها وردت ورا: خايس راسي عوارني ..
خليفه: احسن تستاهلن , عنبو أنتن ماتستحن يالسات ترقصن ومخليتات مايد وراشد يطالعونكن ..
علياء: والله ..
غاليه بغياض: عااادي يهال وعيال عمي شو فيها ..
خليفه بمصخره : والله!!!
خليفه شل العصا وعطها علياء وقال: يوم بتنش أمي عطيها أياها ..
علياء: أن شاء الله ..
وطلع عنهن وسكر الباب, ربعت غاليه سيده صوب علياء ويرت شعرها وقالت: الحقييييييييييييييييييييي يييييييره أونه غفلتي الباب ..
علياء تضحك: والله على بالي أني غفلته ..
شوي وينفج الباب , خليفه: شو ها ماصدقتن أظهر ..
خازت غاليه بسرعه عن علياء وابتسمت أونها ماسوت شي ..
ضحك خليفه وطلع , سارت علياء صوب المنظره تعدل شعرها ..
غاليه: أفففففففففففففف بسير البيت انا ..
علياء: الله يحفظج..
غاليه : الحقيرررررررره قولي يلسي ..
يلست شوي غاليه تفكر , ورمست بهدوء وقالت: علياء!!
علياء: خيررر..
غاليه : مالحظتي شي ..
علياء ياها فضول: شوه ..
غاليه: قوم عموه صبيحه وقوم خالوه الموز (( ام سيف)) مايواا الملجه..؟؟
علياء يلست تحت مجابله غاليه : صدقج تعرفين حتى أنا ماأنتبهت ..
غاليه: أوكي, وخنقتها العبره :أنزين عرفنا ليش قوم خالوه الموز مايوا بس قوم عموه ليش مايوا ؟؟
علياء: يبالها تفكير بعد هاي ياختي عموه أمبونها ماتحبج ..
غاليه بقهر: مادري شو مسوي بها هيه وبنتها العنز سلمى .!!!كنت اتحراهم بيون مايفوتون مناسبه .. بيموتن على الخقه ..
علياء: ياختي أفتكينا منهن شو تبينهن بس بتمن يعيبن بيموتن ان ماعيبن ..
غاليه : والله سبحان الله, سلوى مادري على منو طالعه هي وحارب والله غير عنهن ..
علياء: يابوج على أبوهم ..
غاليه: هي صدقج ريل عموه ووايد طيب الله يعينه عليها ..
علياء: فكينا منهن , بسهن خذن حسناتنا ..
غاليه: صدقج والله نحنا يالله يالله نحصل حسنات وهن ياخذنهن بارد مبرد ..
علياء : أقول خلينا نطلع نسير نشرب جاي تحت ..
غاليه : أوكيه ..
سارن غاليه وعلياء الصاله التحتيه ويلسن يشربن جاي ويسولفن ...
وشوي أذن العصر وسارن يصلن وغاليه أستأذنت وردت البيت ..
سارت البيت , لقت الهنوف منسدحه في الصاله والاب توب في حضنها ..
سارت غاليه يلست عدالها والهنوف ماحست بها ويلست أطالعها كانت الهنوف داخله المسن وترمس ربيعاتها في المسن حوالي أربع ...
أستغربت غاليه وحده من ربيعات الهنوف كله الا فديتج ومادري شو ورمستها غير تقول ووواحد ...
ضربت غاليه راس الهنوف وقالت: منو هاي ..
نطت الهنوف وصرخت : أأأأأأأي طيرتي حمامة فوووادي ...
غاليه : يااااالله أنته وها الحمامه .. منو هاي وتأشر على الاب توب الي نكها عيوني تفدااك ..
الهنوف : هاااي حمدوه ..
غاليه: حمدوه ربيعتج في الجامعه ؟؟
الهنوف: الا وحده من ..... سكتت ..
غاليه: من شو ؟؟؟
الهنوف : تعرفين الصراحه مادري ., أصلا مادري من وين يابت أيميلي مره لقيت حد ضايفني وقبلت وطلعت لي..
غاليه تضربها على راسها مره ثانيه : وأنزين أنتِ أي حد يضيفج تقبلينه وعاااادي عندج ترمسينها ..
الهنوف بضيق : ترااا البنت حبوبه وماسوت بي شي ..
غاليه : هي من وين؟؟
الهنوف : من العين شراتنا ...
غاليه: من وين من العين ؟؟
الهنوف: مادري .. ماسألتها ..
غاليه: أنزين كم عمرها ..
الهنوف : أظن 23 أو 24 ..
غاليه: والخيبه عيوز ..
الهنوف: حليلها طيبه ووايد وتحسينها سوالف ..
غاليه: زين زين سلمي عليها ..
الهنوف: تدرين دووم أخبرها عنج وتضحك تقول أختج شكلها مينونه ..
غاليه: السببببببببببببببباله عطيني أياها بسبها ..
الهنوف: عيني خيررررررر خخخخ حليلها تسولف ..
غاليه : حقيييييييره هاي سوالف بعد ...
وشوي ويسمعن دق باب ..
غاليه: منو ها المتفييييج ..؟؟
الهنوف: سكتي عن تفضحينا ..
غاليه: أففففففففففف بسير افج الباب ...
سارت غاليه صوب الباب, ويايه بتفجه وأنفج بروحه و تفاجأت بعمتها صبيحه , العباه ملونه من فوق لين تحت والويه مصبوغ ... ماتنكر أنا عمتها حلوه و فيها شوي تجاعيد مش ووايد بس اللون الي في ويها ووايد مبالغ فيه مخلنها مش حلوه... وريحت العطر وصلت لين الهنوف ..
دخلت صبيحه والخشم فوق : مرحباااا ..
غاليه في نفسها :انزين عرفنا الخشم طويل لزم اطولينه يعني: مرحبا الســـاع عموه .. قربي قربي ..
سلمت عليها عمتها صبيحه على خدها بشكل خفيف ..ودخلت ..
ووراها سلمى خطفت ولا سلمت على غاليه , غاليه صدق انقهرت من حركتها .. سلمى كانت لبسه عباه راصه من الخاطر ومفتوحه ونص يديها ظاهره وفول ميكب.. والعطر وواصل أخر الفريج هع ..
وسلوى وراها وكانت سلوى الوحيده الي لبسه عباه بسيطه بس انيقه وساتره وحاطه جحال في عيونها بس ..
سلوى يوم شافت غاليه , ابتسمت وحبتها وقالت: مبروووك غلوي ..
غاليه ببتسامه : الله يبارك فيج قربي ..
سارن ويلسن في الصاله والهنوف حطت لابها على صوب و سلمت وسارت صوب الخدامات ايبن الفواله ..
صبت غاليه قهوه حق عمتها وبناتها ..
صبيحه : وين عيل امج ؟؟
غاليه أصلا ماتدري وين أمها ...: مادري يمكن فوق ..
صبيحه : عنبوه حد مايدري وين امه مب عايشه في البيت أنتِ..
غاليه حشاااا انا ماسويت شي لها أعوذ بالله : عموه أنا توني يايه من بيت عمي وماشفتها ..
صبيحه بنظره متكبره: أي عم ..
غاليه: أففففففففف لزم تسأل : عمي سعيد ..
صبيحه بحتقار: ها سعيد !! ماشاء الله من الحين مسيره عندهم .. هي صدق مبروك الملجه .. عاده تدري ليش ماينا, كان عرس ولد أخو ريلي وماقدرنا ني عاده تعرفيييييييين ..
غاليه بقهرررر : مسموحه عادي .. (( قول الا فتكينا ...
ويابن الفروت والفواله وماطاعن ياكلن الا سلوى شوي كلت ..
وشوي وينزل هزاع من فوق , وهو مايدري بهن ...
يوم شافهن استحى نزل راسه وتحجبت سلوى أم سلمي أمبونها ماتتحجب جدامهم أصلا ... فعادي عندها ..
وسار صوب عمته وسلم عليها ..
هزاع: شحالج عموه .؟؟؟
صبيحه: الحمدالله يسررررك الحال , وشحالك أنته ؟؟
هزاع: مانشكي باس ...
صبيحه : يلس منسولف وياك ملينا من سوالف ها البني ..
هزاع : أن شاء الله عموه بس بتخبرج وينه حارب؟؟
صبيحه: فديتتته برع الحين بيي مادري شو يعابل في السياره ..
من سمعت غاليه طاري حارب شقت الحلج من زمااااان ماشفت الحبيب , حارب تحسه غير عن شباب اليوم يعني هو الي يودي أمه
وأيابها , يعني يوم تبا أتسير مكان يوديها أو يودي اخواته ويسألهن دوم اذا يبن شي ..
شوي ويندق الباب وينفج الباب ..
حارب: هوود هوود ... السلام عليكم سمعت حد يطريني ..
الكل : وعليكم السلام ..
عدلت سلمى بسرعه شيلتها عن يشوفها ويهد , ودخل حارب وسلم على هزاع ..
وصد صوب الهنوف : شحالج بنت الخال؟؟
الهنوف: يسرك الحال .. أخبارك أنته ؟؟
حارب: الحمدالله طيب ..
وصد صوب غاليه ببتسامه وغمز لها : شحالج العروس ؟؟
غاليه هني احترقت وأنقهرت من حركت حارب وردت عليه : الحمدالله يسررررررررك الحال... أطالعته بنظره اونه فرحانه ..
ضحك حارب: ماشاء الله ...
ويلس حارب يسولف وياهم , وبعدين نزلت أم سالم ويلست وياهم ..
غاليه تقرص الهنوف : طالعي الحقيره طالعيها كيف أطالعني يعلني بلاهااااااااااااااااااااا اااا شفتيها ماسلمت عليه ..
الهنوف: خليها تولي , وكوني واثقه أنتِ ماسويت شي بها ..
غاليه: شو وواثقه ومب وواثقه خاطري أوطى على بطنها العنز ..
الهنوف ضحكت وقالت : تخليج ..
غاليه بتفكير: تعرفين أنا اشك فيها أنها كانت تبا خليفه ..
الهنوف بستغراب : حلفي !!!!
غاليه: عيل ليش تسوي ها التصرفات , تعرفين مره قالت لي أونه خليفه معجب فيها وضحكتتتت : أمحق أعجاب ..
الهنوف: صدق !!
غاليه: والله يعلني بلاهاااا تخسي أصلا خلوف معجب فيها ..
الهنوف ضحكت: حلفي انته بس ..
غاليه : تخسي وين هو وهي أصلا مايناسبون بعض..
الهنوف ببتسامه : هي صدقج ..

نهاية الجزء الحادي عشر..

[فيتامين سي]

الجزء الثاني عشر


صبيحه : فديتج والله بنيلس عند أمايه أن شاء الله أسبوع ..
ام سالم : يامرحبا بكم والله ...
غاليه بصوت واطي: وووع أخ سبوع بييلسن بتلوع جبودنا الحمدالله انهن بباتن عند عمي خالد ..
أم سالم : عيل غداكم باجر علينا ..
صبيحه: أن شاء الله .. يصير خير لين باجر .. عيل بسير صوب أمايه الحين شكلها يت ..
أم سالم: بسير وياكم عيل ..
غاليه تهمس للهنوف : مااالت أتحرى ياين حقنا ثرا الا علشان يدوه محد, يت صوبنا ..
الهنوف قرصت غاليه: بسج بسج أووص ..
سارن صبيحه وبناتها صوب بيت اليده شيخه, وطلعوا حارب وهزاع وروحوا ..
غاليه: اوهو منوه وينها..؟؟؟
الهنوف: مادري يمكن راقده ...
غاليه: تعالي نسير نغلس عليها ..
الهنوف : لالالاحليلها راقده , أمس كانت سهرانه ..
غاليه: أففففففف بطالع التلفزيون أحسن لي ..
يلسن يطالعن التلفزيون , وأذن المغرب وسارن يصلن وردن يطالعن التلفزيون ..
دشت أمهن عليهن وقالت لهن: بعدكن لين الحين اطالعن ها التلفزيون..
غاليه والهنوف: هي ماعندنا مونه ..
أم سالم : هي ماعندكن مونه ترا بس أكل ومراعى وقلة صنعا ..
غاليه: امي شو نحنا هوش ؟؟
ام سالم: ما أدريبكم الا متسدحات تحت ها التلفزيون ...
الهنوف: انزين ماشي شغله نسير نرقد يعني ..
أم سالم: لاوالله ماشي غير الرقاد أنتِ عندج , قومن طبخن سون عشاء طالعن خوانكم شو يبون بدلن حق عمر شغلن عماركن بشغله زينه بدل ها اليلسه ومطالعت ها الحمر..
الهنوف : أأممممي ما أروم ..
أم سالم : هي ماترومين انتِ ان يلستي جي بتستوين درام ..
الهنوف: لالالاتقولين ما ابا ..
أم سالم : سيرن سون شي للعشاء ..
غاليه: لالالا والخدامات ليش ميوبات علشان يخذن فلوس وييلسن بس..
أم سالم: يالله بالستر , إلا يقول الحين انتِ الي تعطيهن المعاش ...
غاليه: أبويه يعطيهن ..
أم سالم: سكتي سكتي , والله حليلهن طول اليوم يشتغلن ولا أنتن ماتحركن من مكانكن أبدا ..
الهنوف: أنزين أمي شو تبينا نسوي ...
أم سالم: سون معكرونه ..
غاليه أطالعت الهنوف: ماعرف ..
الهنوف: ولا أنا ..
أم سالم: يالله شو ترزا المعكرونه ..
غاليه : ماابا معكرونه عاديه أبا معكرونة بالباشميل ..
أم سالم تأشر على المطبخ: هاكو المطبخ سيري سوي ..
غاليه: ما أعرف ..؟؟
الهنوف: بنطلع الطريقه من النت ومنسوي....
أم سالم: زين سون تنرياه الاكل ..
سارت الهنوف أطلع الطريقه من النت , وغاليه سارت تزقر الخدامة ..
غاليه: مسودت الويه جودي تعالي..
جودي يايه : شو في ماما ..
غاليه: شو فيه بعد لا والله تعالي ضربني أحسن , وضحكت (( حالات ها البنت)) زقري ربيعتج ميري ووتعالن بسوي أكل ..
هزت جودي راسها وضحكت غاليه: ماحيدج هنديه..
ضحكت جودي بعبط وراحت تزقر ميري , ويين وأشرت لهن ..
غاليه: قطعن بصل أول شي ..
جودي وميري هزن روسن , وشوي وتي الهنوف وأتشوف جودي وميري ..
الهنوف: أشوفج يايبتنهن ..
غاليه: عييييييل تبيني أقطع البصل ووع ..
ويلسن يسون المعكرونه , وغاليه يالسه على الكرسي وتتأمر على الهنوف والخدامات ..
حطت الهنوف يدها على خصرها: لاوالله تستهبلين حضرج ..
غاليه : لاما أستهبل أستعبط .
الهنوف: عيل قومي ساعدينا ..
غاليه: اففففففففففففففففففففف أنزين..
يلسن يسون المعكرونه ويخبصن فيها , والخدامات ميتات ضحك عليهن ..
اخيرا حطنها في الفرن ..
غاليه: الحمدالله خلصنا ..
الهنوف ضحكت : الي يقول أنت الحين مسويه بس تتأمرين علينا وتيلسين و أونج تخلطين مااااااالت..
غاليه: جب جب حمدي ربج أني ساعدتج بس..
أمرن على الخدامات يطالعن المعكرونه وهن ردن الصاله يطالعن التلفزيون, مااشي شغله ..
حدرت عليهن منى تتثاوب وقالت: شو تسون ؟؟
غاليه: نرقص بعد شو تشوفينا نسوي يعني ..
منى: اففف منج أنتِ فايجه ..
غاليه: لا مب فايجه , أقول صح النوم عنبوه ياها الرقاد ماله وولي..
منى : ياخي سهرانه طول الليل والصبح الساعه 9 راقده انتِ شو عليج راقده طول الليل..
غاليه بنذله: وليش سهرانه تفكرين بسلطونوه .؟؟؟
منى : في عينج سلطونوه يعلني أفداه ..
غاليه: أوب اوب ما أروم نقول شي عنده محامي دفاع ماعليه خليني أشوفه بس والله لقطعه (( ترا سلطان ولد خالهم شوي يستحي وهو وحيد أمه وأبوه ماعنده خوان وخالهم أسمه مبارك))..
منى : شو بعد أنتِ أصغر عيالج هو ..؟؟؟
غاليه: حشااا ..
الهنوف: انزين خلصونا ..
ويلسن لين أذان العشا يرمسن , ويوم اذن سارن يصلن وردن الصاله ...
وشوي ويرن تلفون غاليه , ردت عليه وكانت عواش..
غاليه: هلا والله بروحي ..
عواش: هلااااااااااااا بالقلب والله ...
غاليه: أوص سكتي عن يسمعج خالد..
ضحكت عواش: صدق انج حركات ..اخبارج ؟؟
غاليه: كويسسسسه ..
عواش: زين يوم أنتِ كويسسه ..
غاليه: اخبارك أيه .؟؟؟؟
عواش: الحمدالله ..أقول تعالي عندنا مورين روا البيت ضو ويالسين كلنا ..
غاليه: والله ..يدوه وعموه عندكم؟؟
عواش: لالالا محد..
غاليه: وسلمى العنز ..؟؟
عواش ضحكت : لالالا محد أونها ماتبا تخيس ريحتها ضو..
غاليه: أحسن فكه من ويها أنزين منو عندج؟؟
عواش: خالد , وخليفه وحمدان وسلوى وعلياء ...
غاليه: اها أوكيه يايه وبيب ويايه الغوانم الهنتين ..
عواش: عاد منى يريها وياج هاي مره ماتنشاف ..
غاليه: صدق هي لو تعرف أن سلوى هنيه , جان ماشفتي الا غبرتها في البيت ..
عواش: أوكي يالله اترايكن ..باي ...
غاليه: قود باي ..
أطلعتهن غاليه وقالت: بسيرن برع ؟؟
الهنوف: أمممممممممممممم
أشرت غاليه على منى: هااي شكلها مب ويانا ..
ضحكت الهنوف: شكلها ماشبعت رقاد..
غاليه تصارخ: منوووووه ...
ألتفت منى لها : بسم الله شو تبين ؟؟
غاليه: تعرفين ان قوم عمووه هنيه وسلوى بعد..
منى قامت: حلفي..
غاليه: طالعوا هاي أنتوا ..محد قالج ترقدين لين المغرب ...
منى : أفففففففففف منج وين هم ..
غاليه: يالسين برع ومورين ضو ..
الهنوف: والله تعالي نسير برع ..
منى : منو هناك ..؟؟
غاليه تعدد على صبوعها: عليوه وسلوى وحمدانوه وخلوفوه وخويلد..
منى : يالسلام ماعليه أن ماخبرتهم ..
غاليه: خبريهم أتحرني أتروع ..
منى : أوكييييه بنشوف ..
الهنوف: يالله يالله نروح...
راحن عندهم , لقوهم يالسين ومسوين دويره على الضو , اول ماشوفهن قاموا , وسلموا عليهن ..سلام الريايل طبعا من بعيد الا عمهم خالد توايهن وياه والباقيات ..
ويلست الهنوف عدال عمها خالد ومنى عدال خالد من الجهه الثانيه عدال سلوى وعلياء وغاليه على صوب عواش اليمين وعدالها خليفه..
اطالعتها علياء بنظره اونه يالسه عداله صدق غاليه مالقت مكان الا امبين عواش وخليفه استحت تيلس عدال حمدان ((أونه استحت ..
يلسوا يسولفون , ويضحكون على نكت غاليه البايخه ...
خالد: أقول انتِ سكتي صدق باااايخه ..
غاليه: تحيييييييييد عمرك البايخ ..
أطالعها خالد:أقول أسكتي عن اصنج طراااق ..
مطت غاليه لسانها : لاوالله تعال يالله ...
خالد فرها بحصاه صغيره كانت عداله : تتحديني يعني ..
شوي ويرن تلفون خليفه ويرد عليه : مرحبا , وعليكم السلام , لا نحنا ورا , هي انزين تعالوا .. وسكر ..
أطالعه خالد: منو ؟؟
خليفه: هزاع ..
خالد : شو يبا ؟؟
خليفه : يدورونا هو وحارب..
خالد: أها ..
دقت عواش غاليه وأشرت لها انها بتروح , أشرت غاليه برسها لعواش ليش, قالت عواش : بطالع نوف أخاف توعى وتصيح وبطالع بعد عمتي وصبيحه شو يسون , وتعرفين بيلس الا متغشيه جدام هزاع وحارب ..فاحسن أروح ..
غاليه: أها أوكيه , الله يحفظج ..
سارت عواش وشوي والا أيون حارب وهزاع وييلس هزاع عدال غاليه وحارب عداله ...
مقط حارب ريوله صوب الضو ..
صرخت غاليه: حوووه انته !!
حارب أطالعها من طرف عينه : خيرررررر أنتِ بعد ..
غاليه: ليش ماقط ريلك خوزها ..
ضربها هزاع على راسها : وأنتِ شلج ..
اطالعت هزاع بقهر: هو قاهرني ماأدني حد يسوي جي ..
حارب: كيفي مالج خص أنتِ ..
يتها قرصه على ريلها من الصوب الثاني , أطلعت خليفه بقهر: وأنته الثاني شو تبا بعد افففففففففف...
خليفه فاتح عيونه : لاوالله ..
غاليه : عيل ليش تقرصني ..؟؟
كلهم طالعوهم ويلسوا يضحكون , غاليه عصبت صدق : ليييش تضحكون انتوا بعد ؟؟؟
حارب : صدق أنج بقره..
أطلعه خليفه منقهر , حااارب زودها <<<< الحبيب غيور ووايد ..
ويلسوا يسولفون , عااده تعالوا أنتوا .. (( سمعوا السوالف))
حارب: حمدان شفت حلقتة 433 من ون بيس ..
حمدان: هي منزلنها أمس ..
حارب: التورنت ماطاع ينزل عندي ..
حمدان: والله يمكن الموقع الي منزل منه خربان أو ماشي سيد ..
حارب: لالالا هذاكِ انته تعرف انمي *****
حمدان: دخلته اليوم كان مبند..
حارب: اها علشان جي يعني ..
غاليه داشه عرض: صدق والله تعرفون أنا طالعت لين 200 يجنن صدق ون بيس..
محد عطاها سالفه ....
غاليه تأففت : بسير ايب بطاطه بشوي ..
سارت غاليه ويابت بطاطه من بيت عمها خالد ...
سيده حطت البطاطه في الضوء بدون الالمنيوم ولاشي..
اطالعها خليفه : شو ها حد يحط البطاطه جي ..
غاليه: هي حلو يطلع ..
خليفه: كله تراب ..
غاليه: لالالا بنفضه بعدين وبخوز ..
أطالع خليفه علياء وقال: يبي بطاطه وقرطسيهن بالالمنيوم ..
علياء: أن شاء الله ..
قامت علياء والهنوف وياها وسارن منى وسلمى يتمشن بروحهن ..
تمت غاليه اطالع الضو , تقرب خليفه منها وقال: اخبارج ؟؟
ما رفعت غاليه راسها صوبه وقالت وهي تتثاوب : الحمدالله ..
ضحك خليفه: فيج رقاد ؟؟
غاليه: هي مارقدت أمس زين ..
همس في اذنها خليفه : تفكرين بي..
انتفضت غاليه منه ورفعت راسها صوبه بصدمه: شو .؟؟
خليفه: اوووص لاتباغمين , لاصدق عيل ليش مارقدتي ..
غاليه ياااربي انا شو بلاني انتفض جي من قربه مني ياااربي شو يبا مني ...
خليفه ببتسامه وبصوت واطي : شو فيج تترتجفين جي انا ما أكل ..
خالد كان مندمج في الرمسه ويا حارب وحمدان وهزاع, شوي ويصد صوب غاليه وخليفه أبتسم عاااده يبا يخرب عليهم الجو: أحم أحم ..
خليفه رفع راسه واستحى شوي من خالد لان مخلنهم ويالس يرمس غاليه , وغاليه احمرت ومارفعت راسها ...
يت الهنوف وعلياء وياهن البطاطا ويلسن وعطن خليفه وحط البطاطه في الضو وسوو مره ثانيه دايره على الضو ...ويين منى سلوى ووياهن سلمى هل المره..
أقترحت منى: شو رايكم نلعب لعبة الصراحه ..(( من مخي تراها اللعبه فديتني عبقريه أطلع ألعاب هاهاهاهاي )))
حارب: شو هاي اللعبه بعد ..
منى: اامممممم يعني أختار اي وواحد منا ويسأل سؤال جريئ ويبجاوب لك , وبدور بنبدأ من الهنوف ..
أستحت الهنوف , بس شوي ويتها الجرأءه وسألت خالد: أمممم كنت تبا بنت ولا ولد قبل ماتي نوف ؟؟
خالد أبتسم : ياها السؤال الي طلع منج انتِ ..اممم الصراحه بنوته لاني احب البنات ووايد ..
منى : أنزين الحين دور خالد...
خالد: امممممم خلوني أفكر منو أسأل ...حمدان .. أمممم شد حبيت في حياتك ؟؟
غاليه: يويلي على السؤال انته يطلع منك هاالسؤال؟؟
خالد: سكتي انتِ, نبا نعرف هذا الغامض شو عنده ..
أبتسم حمدان بتوتر : يمكن ..
خالد بمكر: يمكن بس...ها !!!
حمدان: خالد سكت عني عااده..
مني: يالله دورك حارب ...
يلس حارب يفكر : أممممممم امممممممم امممممممممم..
غاليه: الله يعنيا لين يخلص هذا ..
حارب: عنبوه انتِ ماتسكرين حلجج , لاتخليني أسئلج الحين ..
غاليه : أففففففففففف...
حارب: منى شو امنيتج في الحياه ؟؟
منى ضحكت : أمنيتي الصراحه أني أحفظ القرأن كله ..
حارب: ماشاء الله عليج اطالع غاليه: شوفي أختج مب أنتِ يوم هذيج المره سألتها قالت أبا استوي مصممة ازياء ماشي مونه ..
غاليه: أفففففففففففففففففف منك ..
حارب: الا تتأففين أنتِ ماعندج شغله غير الافف..
غاليه: أفففففففففففففففففففففففف فففففففففففف..
منى: فكونا انتوا الثنينه , يالله هزاع دورك ..
هزاع : اممممم حارب شد حبيت ..
أعتفس ويه حارب: شو حب أنته وويهك بعد وين انا ووين الحب ..
غمز خالد حق هزاع : هذا ويه حب .. الا مطيح عمره من المغازله ..
غاليه: المغازلجي وووووع....
حارب: خريييط انا ماأغزل ..
هزاع: علينا .. منو هذيج المره يمشي ورا البنت في بوادي ويفر عليها الرقم...
حارب: سكرووا السالفه خلاص..
منى : ههههه المهم الحين دوري ..
أطالعت غاليه : أمممممم تحبين خلوووف ..؟؟
نهاية الجزء الثاني عشر...

[فيتامين سي]

الجزء الثالث عشر

أطالعت غاليه منى بصدمه , وأطالعتهم بتوتر , حارب المبتسم أبتسامه خبيثه , وهزاع الي على ويه أبتسامه خفيفه , خالد الي يطالع غاليه و يتريا الجواب, الهنوف الي على ويها الخوف والتوتر , ومنى وسلوى الي متحمسات , وسلمى الي أطالع بنظرت أحتقار وكرهه , وحمدان الي مب هامنه الموضوع , ووخليفه ...!!!!!!

الي شكله متوتر وشبح أبتسامه على ويهه , أطلعت خليفه بتوتر ..
وقامت , وراحت عنهم بدوون جوواب ...
يلست عند اليدار الي يودي للباب صالة عمها خالد ونزلت تحت وضمت يدها وتمت تسب منى في خاطرها , ليش تسأل ها السؤال متعمده تحرجها ..
قلبها تم يدق , ها السؤال خلها توتر أو بل الأصح , تحس بشي صوب خليفه ...
شوي وتسمع صوت وراها وحد ييلس عدالها , أطالعته كان خليفه ..
تم يدق قلبها , ومشاعر غريبه تجتاحها ...
خليفه حط يده على جتف غاليه وقال: غاليه شو فيييج ؟؟
حست بنفضه , وويها أستوى ألون قوس قزح ...
وماقدرت ترفع راسها تحس بمستحى غريب , ماتقدر تحط عينها بعينه تستحي منه ...
قامت وربعت وماشاف الا غبرتها , وخليفه مش مستوعب ها البنت شو فيها ..
غاليه وصلت البيت , وسيد طيران غرفتها وسكرت الباب عليها , ويلست تنافخ ..
غاليه : ياااااااربي الخايسه منى ماعليه أن ماضربتج , تبين تفشليني جدامهم..
يلست تفكر معقوله هي تحب خليفه , تحس مشاعرها تجاه خليفه تغيرت يوم لمسها خليفه اليوم حست برعشه قويه ...سؤال منى أربكها خلها تفكر ووايد , وتكتشف أنها صدق تكن لخليفه مشاعر بس ها المشاعر هل هي مشاعر حب أو لا ...
وبعد ساعتين قررت تطلع ,وسارت المطبخ تأكل شي لانهاا يوعانه حدها ..
لقت الحبايب منى وسلوى والهنوف وعلياء , يشربن جاي ..
ربعت صوب منى وسيد شعرها , ومنى تباغم وتصيح وسلوى وعلياء والهنوف يحاولن يفججن أمبينهن...
غاليه : قولي تووبه ماتعيدنهااا ..
منى : خلاااااااااااااااص تووبه ماأعيدها ...
قامت غاليه عنها وهي أطالعها بكل شر : هي أبااااج جي ان قلتي ها السخافه مره ثانيه بجتلتج..
ضحكت علياء: طالعوا كيف ويها هاااااااي..
غاليه بقهر: جب جب انتِ ..
منى يالسه تعدل شعرها وتمسح راسها : أحسسسن ليش يعني ماتعترفين أنج تحبينه ..
غاليه بقهر: يخسسسسسسسسي حبته القراده , وأنتِ اول وحده تعرف اني مغصوبه عليه ..
فجت علياء عيونه: حلفيييييي , الحين أنتِ مغصوبه عليه ..
الهنوف بخوووف: لالالا , بس هي معصبه الحين تسوالف ..
غاليه تسكت الهنوف : عن الخريط هي صدق أنا مغصوبه عليه , أصلا أنا ماكنت موافقه ..وو
سمعت صوت وراها يقول : غاليييييييييييه !!!!!!!!
لفن وراهن كان هزاع ووراه حارب وبعده خليفه.. انصدمت غاليه بشوفتهم وسكتت ..
هزاع: سيري حجرتج الحين اشوفج ..
أطلعت غاليه هزااع المعصب , وبعدين سارت عينها صوب خليفه إلي في ويه لمحت حزن وضيقه ... وغضب ...
اطالعها بنظره أحتقار وراح , أنصدمت غاليه أول مره خليفه يطالعها بها النظره ..
قالت بهمس: خليفه!!!
علياء بعد أطالعتها بضيقه وراحت ومنى وسلوى وراها, راح هزاع وهو واصل حد من الضيقه ولا بيرتكب جريمه الحين ..
حارب في حالت صدمه , قال : غاليه ليش تقولين جي انتِ ماتعرفين الحين كيف خليفه يحبج ؟؟
حطت غاليه يدها على ويها وقالت: والله مـــــــاكان قصدي لو أعرف أنه واقف والله ماقلت جي ..
وسار حارب وهو متضايق , نزلت غاليه تحت وبدت تصييييييييييييح ..الهنوف نزلت لمستوها وبدت تهديها ..
الهنوف: غاليه بس تخليييج ..
غاليه: أنا شو سويت!! شو سويت!! والله ماكان قصدي اقول جي عصبت بي منى ..
الهنوف: غاليه انتِ تحبينه .؟؟؟..
غاليه بدون شعور: شوي أحببببببببه والله شوي ياربي , تعرفين وتأشر على قلبها : يوم أشوفه هذا ينبض بشكل غير طبيعي ..
ضحكت الهنوف : حلفي انتِ وطلعتي تحبينه, ليش انتِ رافضتنه قبل عيل؟؟
غاليه تضحك مش مستوعبه الي تقوله: بس جي أبا أغايض .. بس اليوم يوم سألت منى أكتشفت اني احبه ..
غاليه ردت الصييييييح: الحين شو أسوي .. تخليج قولي لي ..
الهنوف يلست تهديها ما بيد حيله , ماتقدر تسوي شي ..
الهنوف: شو رايج باجر تقولين له أنج قلتي ها الشي لانج معصبه بس ..
غاليه هدت: هزرج ..
الهنوف: هي ..
غاليه ردت أتصييييح : لالالالالا أنا اخاف مايسمعني ..
الهنوف: شو دراج يمكن يسمعج ..!!!
غاليه : ان شاء الله ...
وصلت الهنوف غاليه حجرتها , وكانت بتروح بس غاليه قبضتها : رقدي ويايه اليوم ...
الهنوف : أنزين ..
الهنوف بعد مابدلت ولبست بجامه من عند غاليه وربطت شعرها الاسود الطويل الي يوصل لين ركبها بربطت لاستيك خفيفه وطاحت عدال غاليه , وتمن يسوالفن وبعدين رقدن ...
الساعه 6..الصبح ..
نشت غاليه على صوت المنبه المزعج , وريل الهنوف على بطنها ..
خوزتها عنها بصعوبه وقالت : قومي أييي بطني يعورني بسبت رقادج يالخايسه ...
قامت غاليه ومقطت يدها وسارت الحمام الله يعزكم وتوضت .. وسارت تصلي ..
والهنوف بعدها في سابع نومها, حاست غاليه بوزها وسارت صوب الهنوف ويرت اللحاف وقالت: السسباله قومي صلي ..
الهنوف يلست على الشبريه وهي مغمضه عيونها , ضحكت غاليه على شكل الهنوف الطفولي جدا وهي تفرك عيونها ..
غاليه ترفسها بريلها بخفيف وتقول : قومي قومي يالله الصلاه ..
قامت الهنوف وتيددت وسارت اصلي ..
وردت طاحت على الشبريه , وغاليه أنقهرت ويلست تهزها وتقول : هنوفوه قومي يالله خلينا نطلع ...
الهنوف بوزت : تخلييييييييييييج أبا انام ..
غاليه : لالالا ماشي ..
الهنوف نشت بالغصب ولبست جلابيه حمرا حرير نص كم , وفوقها شيلة صلاه بيضاء ...
وسارن تحت , ويلسن في حديقة البيت , يسولفن وبعدين يابت لهن الخدامه جاي , وكل ساعه الهنوف تغمض عيونها بتعب تبا ترقد ..
أنقهرت غاليه : شووو هااااااا أنتِ بعد مب بسج رقااد ؟؟
الهنوف: تخللللللليج والله تعبانه حرااام عليج والله ...
غاليه : أففففففففففف سيري رقدي ..
سارت الهنوف سيده , وطاحت على كرسي الصاله من العيازه مب فايج تسير حجرتها .. وفرت شيلتها عنها وتكورت على نفسها ورقدت .. وشعرها الاسود أنفج وغطاها ..
غاليه كانت يالسه مكانها بعدها وتفكر كيف تصلح الامور مع خليفه , شوي فزت يتها فكره خوفتها لو خليفه طلقها .....
معقوووله يطلقها , بعد ماحبته , بعد ماتعلقت فيه , هي قبل كانت تنكر حبها وتنكر بس الحين خلااااص سؤال منى خلها تحس ..
وصلت الساعه 8 ونص وهي يالسه برع , كان الجو شوي غيم وحلو
شافت واحد لبس كندوره بيج وسفره حمرا , ياي صوبها .. كان حارب ..
تشاءمت غاليه خافت بعد هذا يلومها أكثر , يا حارب صوبها ببتسامه وبعدين أختفت يوم شافها ..
قال بدون نفس : وينه هزاع ..
غاليه: الناس تقول السلام عليكم أو صبباح الخير ..
حارب: انزين وعليكم السلام ..
غاليه : حاارب لاتزيد عليه ..
حارب: شو تبين أسوي لج بعد أنتِ غبيه أصلا ..
غاليه بدون شعور: والله في لحظة غضب والله حرااااااام و.. تعرف صح كنت أول شي مغصوبه بس الحين انا احبه والله أحبه ..
أبتسم حارب: تحبينه ..؟؟
غاليه توها لاحظت الكلمه الي قالتها بدون ماتدري وأحمرت وقالت: هي شو اتحسب عيل ..
حارب: عيل سيري أعتذري له ..
غاليه: بس مب عارفه كيف يعني أشرح له أو كيف أعتذر له , أستحي ..
حارب : أووويه أنتِ تستحين..
غاليه : هي عيل شو أنا بنت تراني ..
حارب: أنزين , خليفه طيب وبيتفهمج عاده لاتنسين قولي له وهو يقلد صوتها بصوت انثوي : خلووفي أنا أحبك ..
غاليه أحمرت: جب جب أسكت ..
حارب: وينه هزاع ..
غاليه: أظن في حجرته نايم ..
حارب: أفففف منه , توي متصل له يقول بينش الحين ..أنزين حد في الصاله ؟؟
غاليه: لالا امي وأبويه ساروا العزبه والبنات راقدات في حجرهن ...
حارب: أنزين عيل أنا بسير اترياه في الصاله ..
غاليه: الله يحفظك , انا الجو عايبني مب داخله البيت ..
سار حارب عنها صوب الفله , وحدر الصاله , سار يلس على واحد من الكراسي , لفته حد طايح ومتكور , أستغرب منو ها ..
سار صوبه , قطب حواجبه وقال: امنه ..!!
أتقترب منها أكثر ,أنصدم معقوله أمنه شعرها جي طويل ونعيم , تم يتذكر : أممم أحيد امنه دوم تلفه وماشاء الله على صغر سنها جي شعرها ...
أقترب منها أكثر , أستغرب وهو يفكر: امنه أحيدها دبه مب جي يمكن ضعفت ..
هزها علشان تقوم , لفت صوبه وبصوت : أمممم اممم ..
كان شعرها مغطي ويها , مد يده حارب بتردد وخوز شعرها عن ويها وهي في نفس الوقت فجت عيونها .. أنصدم حارب بالي يالسه جداممه ..: منو هاي مب أمنه !!!
هي فجت عيونها على وسعهن ويلست وهي مبوزه مش مستوعبه الي يالس جدامها ...
حارب بصدمه : الهنووووووف!!
أنتبهت أخيرا الهنوف , وصرخت : أأأأأأأأأأأأأأأأأأأأأأأأي ييييييييييييييييييييييي.. ..
وتيبست , وهو يالس يطالعها : معقوله هاي الهنوف معقوله !!!!
وشوي والهنوف تصيح , وهي مب عارف شو تسوي , تمت يالسه والدموع ينزلن والخشم أحمر ..
حارب بصدمه قال: أنتِ شو بلاج اصيحين أنا ماسويت لج شي..
الهنوف غطت ويها بيدها وزاد صيحها , اخيرا حارب أستوعب عمره , وقام وطلع برع ...
الهنوف سيده ربعت غرفتها , وكملت صياحها هناك ...
حارب طلع برع واتصل في هزاع ..
حارب: وينك ياريال ؟؟
هزاع : ياي عنبوه انته ماتتريا شوي ..
حارب: أنزين فكنا تعال بسرعه ..
يلس حارب عند دري الميلس ويلس يفكر بالهنوف , معقوله أستوت جي , صدق أنها كيووت يااربي منها تقول بيبي يلس يتذكر عيونها المتوسطات ورموشها الكثاف وخشمها الصغير وشفايفها الي تقول ياهل مبوز .. هز راسه يبعد ها الافكار عنه ..
شوي ولا أيي هزاع , يسلم عليه ويروحون ...
غاليه بعدها برع , حست بمطر يطيح , وربعت صوب البيت ..
زاد المطر ,وغاليه من االفرحه شاقه حلجها, شوي والا تي الهنوف : ووووووووووووووااااااااااا ااااااااااووووووووووو مطر ...
بداء يخف المطر لين وقف ...
ضربت غاليه الهنوف على راسها : يالدبه ليش يتي شردتي المطر ..
الهنوف تمسح على راسها وهي مبوزه : شو دراني أنا ..
ضحكت غاليه على الهنوف صدق أنا بريئه وينقص عليها بسرعه ..
يلست غاليه تحت وحطت يدها على خدها وقالت بعبوس : الهنوف شو الحل الحين ..
الهنوف أطالعت غاليه بحزن : الله يعينج ..
غاليه: أففففففففففففف بموت من الضيجه مادري كيف بستسمح منه مادري كيف ...!!!!!!!!
الهنوف : توكلي على الله , بس صبري اول بنتخبر علياء عنه ..
غاليه: الحين الساعه 8 يمكن الاخت راقده ..
الهنوف: اوكي الساعه تسع منتصل لها بننشد عنه ..
غاليه: الله يعيني , اوكي ..
يلسن في الصاله يطالعن التلفزيون , الساعه 8 ونص يو أبوهن وأمهن , وحطوا الريوق , ووعوا عمر وأمنه ومنى عشان بتريقون ..
منى أنسدحت على الكرسي وهي أطالع غاليه بنظرات أحتقار ..
غاليه أنقهرت منها وسارت صوبها ويلست تقرصها ..
منى : أبووويه طالعهااااااااااا هاي الخايسه تقرصني ..
غاليه: ابويه هي الباديه ..
منى :متى انا شو سويت لج يالجذابه ..
أبو سالم: أوووص أوووص انتِ وياها ... شو بلاكن ماتستحن تضاربن ..
سكتن وسار أبوهن يرقد شوي ووياه أمهن ...
غاليه: الهنوف أستوت الساعه عشر الحين ...
الهنوف : أوكي بتصل لها الحين ..
منى : حق منو ؟؟
الهنوف: علياء..
منى بستغراب: ليش ؟؟
غاليه تأشر للهنوف انها ماتخبر منى ..
غاليه: هب لزم تعرفين ..
منى : ليش علشان سواد ويهج أمس ..
غاليه صرخت : أسكتي انا مب ناقصتنج أنتِ بعد الي فيني كافني ..
منى بتتطنيز: والله ..
اتصلت الهنوف حق علياء , ويلست ترمسها شوي وسكرت ..
الهنوف: محد راح ..
غاليه: والله وين ؟؟؟
الهنوف بعبوس : راح العين ..
غاليه: ياويلي شو ها ...
منى : أنتِ شو سالفتج شو تبينه ..
غاليه :ياختي والله من القهر طلع ها الكلام وماكنت قاصدتنه ,وبدأ صوتها يتشوش : بس والله أحببه ..
منى : اها وطلعتي تحبينه ويلست تضحك ..
غاليه سارت صوبها ويلست تقرصها : جب جب ..
شوي ويسمعن صوت رعد , طلعن عند البلكونه , ويلسن يشوفن المطر ... كان صبيب ..
وشوي ويشوفن حد يربع ياي صوبهن , قالت غاليه:هذا حارب !!!
الهنوف اطالعته برعب , وسارت ورا غاليه وتشبصت فيها ...
يا حارب صوبهن ووقف تحت البلكونه وياهن , لمح الهنوف منخشه ورا غاليه واطالعه برعب ...
ضحك وقال: شو بلاها أختج ..
غاليه اطالعت الهنوف بستغراب وقالت: شو فيييج أنتِ ..
نزلت الهنوف راسها وبعدها متشبصه في غاليه : ماشي ماشــ يــ بس أخاف من البرق ..
حارب: أكيـــد ..
الهنوف اطالعته بنظره منقهره , ونزلت راسها ترتجف من القهر ... صح انها تخاف من البرق بس بعد موقفها مع حارب أستحت منه .. وأن شافها في موقف مب حلو كشتها طايره والعيون مورمه ..
يلسو يطالعون المطر لين وقف , حارب سار بيت خاله خالد ,أما البنات فحدرن داخل ..
العصر الساعة خمس ..
غاليه كانت في الصاله اطالع التلفزيون ,وتفكر في خليفه , وبعدين قامت ولبست شيلتها ..
وطلعت رايحه صوب بيوت عمومتها ...
حدرت الحوي ..
بس خانتها شجاعتها انها تروح بيت عمها سعيد ,تراجعت و سايرت صوب بيت عمها خالد , يايه بدق الباب والا ينفتح فجأه ..
طلع خليفه في ويها , غاليه أنصدمت وتمت فاجه عيونها أطالعه ..
بس خليفه خطف من عدالها ولاكأنها موجوده..
أنصدمت من حركته ,ولفت صوبه بسرعه وربعت له ووقفت جدامه تسد الدرب وقالت:خليفه!!
اطالعها خليفه بحتقار من فوق لين تحت وقال: خير شو تبين ؟؟
غاليه والدموع تتجمع في عيونها من نظرته : خليفه أنا أسفه ..
نهاية الجزء الثالث عشر ..

[فيتامين سي]

الجزء الرابع عشر ..

أطالعها خليفة باستغراب: أسفه؟؟
بوزت غاليه بألم وقالت: خليفة والله أني أسفه ما كان قصدي أقول هذاكِ الكلام ..
خليفه بتطينزه: والله ..
بدت تتجمع الدموع في عيون غاليه :خليفة صدقني منى قهرتني وخلت الكلام يطلع مني بدون قصد ..
خليفه وهو يأشر بصبعه جدامها : لاتحاولين تبررين شي , قولي ان هذا الكلام طالع من خاطرج ..
غاليه وهي ترتجف: والله والله أنه مش من خاطري والله ..
خليفه : تبين أصدق الحين لا تحاولين غاليه خلاااص ..
غاليه: خليفة أنا .....!!
بـــس خليفه راح عنها , فقدت الامل خلاااااااااااص خليفه بخليهاااا ويمكن يطلقها بعد لالالالالا هذي الفكره عورت قلبها ..
يلست تحت بألم ونزلت دموعها على خدها وطاحت على شكل قطرات على الارض .. بدت تشاهق وتحاول تكتم شهقاتها بس بدون فايده ...
خليفة وقف على صوت شهقاتها , والتفت صوبها , شافها يالسه على الارض ودموعها ينزلن بشكل يعور القلب ...
تنفس بألم : ياااااااويلي أنا شو سويت فيها ..
رد صوبها بدون شعور , ونزل لمستواها وقبضها من جتفها , وضمها له.. بدت شهقاتها تخف .. لين ما سمع لها صوت ...
بعدها عنه وأطالعها في عيونها , نزلت عيونها تحت بمستحى ...
تنهد خليفه وقال: ما اقدر أسامحج لو قلتيها أمبيني وامبينج بيكون أهون عن جدام الكل ...
غاليه بدت تصيح مره ثانيه: خليفه والله أسفه .. سامحني تخليك أنته ناوي تجتلني , ما اقدر أتحمل أكثر والله احس أن قلبي شوي وبينفجر من الألم ...
خليفه بنذاله: شو يخص قلبج الحين ؟؟
غاليه: أنته تعور قلبي ..
خليفه: ليش أعوره ؟؟
غاليه اطالعته وهي تغمض عيونها : ماششي..
خليفه بنص أبتسامه : ماشي أكيدد..
غاليه بتوسل: خلوف ..
خليفه حط يده على قلبه وقال بدون وعي: عيدها أه انا الي عورني قلبي ...
أدراك خليفه عمره وسوى عمره معصب وغاليه فتحه عيونها ومحمره من كلامه...
خليفه وقف وقال: بفكر أسامحج ..
غاليه: بتفكر !!!!!!!
بس خليفه راح عنها , برطمت غاليه ونزلن دموعها مره ثانيه..قامت وراحت بيتهم ..
الهنوف كانت طايحه في الصاله تشوف فلم على الــTv ولاأنتبهت لغاليه الي راحت فوق ..وهي تصيح ..
بعد ماخلص الفلم طلعت الهنوف برع كان الجو حلو ماشي مطر والسحاب يغطي السماء بشكل متقطع ...
يلست على العشب وأنسدحت ويلست أطالع السما وتتأمل السحاب أه شعور حلو عايشتنه الهنوف ..غمضت عيونها وهي تشم ريحت المطر الي بعده في الجو ..
بس فجأه سمعت صوت جلب , قامت وهي مبرطمه وقالت : شوها جلب لالا شكلي أتوهم ..
ردت وأنسدحت وغمضت عيونها , شوي وتحس حد عدالها وعند راسها بالضبط فتحت عيونها بخوف وهي تسمعه ينبح في ذينها ..
شهفت بصدمه وهي كاتمه أنفاسها ....
بس حد شل الجلب , قامت مفزوعه وهي ترد ورا وهي منقرفه من الجلب: وووووووووووع بعده عني ها القذر ..
أبتسم حارب: حليليه حرام عليج روعتيه ....
الهنوف: حله حلول , أكرهه أكره الجلاب ما اطيقهن أفففف ..
حارب بنذاله نزل الجلب تحت , والجلب سيده صوب الهنوف , الهنوف وقفت منفجعه وهي تشوفه ياي صوبها , ركضت بسرعه والجلب يركض ورها , وحارب ميت ضحك على الهنوف وهي تربع ...
الهنوف وهي تدعي : يعلني بلااااااااااااااه , الخايس أكرهك أكرهك ..
وبسرعه صوب باب الصاله دخلت وسكرت الباب وأتساندت عليه ونزلت تحت وهي تلتقط انفاسها ... بعد فتره ..
سارت وانسدحت على الغنفه وشغلت التلفزيون بملل , ويلست تجلب في القنوات..
شوي والا غاليه نازله , يلست غاليه على الغنفه الي يالسه عليها الهنوف وهي مبوزه وحزينه ..
اطالعتها الهنوف بستغراب وقالت: شو فييج ؟؟
غاليه: ماشي ..
الهنوف: لالاصدق أنا أعرفج شي فييج ..
غاليه صاحت: خليفه !!!!
الهنوف: بسم الله شو فيه؟؟
غاليه زاد صياحها : ماسامحني ..
الهنوف ضمت غاليه لها ويلست غاليه تصيح , الهنوف قلبها عورها على اختها أول مره تشوفها بها الحاله..
هدت غاليه , الهنوف اطلعتها بحزن وقالت وهي تحاول تخفف عنها : ماظن خليفه قاسي جي خليفه وايد طيب وبسامحج صدقيني ..
غاليه برطمت : هو قال بيفكر يسامحني أونه ..
الهنوف ضحكت : والله خخخخ شكله يحاول يحرق أعصابج ..
غاليه بحزن : حرااام والله قلبي يعورني ..
الهنوف: فديييتج سلامت قلبج ماعليج بسامحج صدقيني بس عطيه شويت وقت ..
غاليه: أنزين ..
شوي ويسمعن صوت دق الباب , عدلن شيلهن وقالت الهنوف: قرررب ...
حدر حارب ببتسامه جذاابه ( حرووبي ناويه تجتلني اليوم شكلك هع هع))
حارب: السلام عليكموو ..
غاليه + الهنوف: وعليكم السلام ..
حارب وعيونه عند الهنوف: اخبار بنات الخال؟؟
غاليه + الهنوف: الحمدالله ..
حارب اطالع برع , الهنوف تروعت معقوله يدخل الجلب داخل ..
بس حارب تكلم وقال: وده المزرعه أوكيه ..
ودخل وسكر الباب , وسار صوبهن ويلس على وحده من الغنفات وانسدح ... الاخوا ماخذ راحته اكثر عن اللزوم..
حارب : شو ها المصاخه عطني الرمونت بحط شي يطالع..
فرت الهنوف الرمونت صوب حارب , قبضه بسرعه قبل مايطيح..
كشر وقال: عنبوه , ماترومين تبينه لزم تفرينه ..
لفت الهنوف الصوب الثاني بغياض ...
ضحك حارب عليها , ويلس يبدل في القنوات , شوي ويندمجن ويبدل ويخرب عليهن, أنقهرت غاليه وقالت: أي أنته ترا دورت راسي ...
حارب: أحسن ..
غاليه بقهر قامت وراحت فوق , أبتسم حارب بمكر, وأطالع الهنوف ..
وقال: شو ميلسنج أنتِ ..
الهنوف بقهر: ليكون البيت بيتك وأنا ماأدري ..
حارب: بيت خالي شي قاهرنج...؟؟؟
الهنوف سكتت عنه وهي متضايقه ..
حارب: أنتِ صف كم ؟؟
الهنوف مستغربه : صف كم ؟؟
حارب: هي غريب يعني السؤال , ويلس يضحك بغباء ..
الهنوف: أنا متخرجه , في الجامعه سنه أولى ..
حارب فج عيونه على وسعهن وقال: والله عبالي ثالث عدادي ماينشاف عليج ...
الهنوف أنقهرت: بسم الله ..
حارب : بسم الله من ويهج ..
الهنوف صدق تضايقت منه يرفع الضغط وسكتت وهي أطالع التلفزيون ..
حارب : لاصدق أنت الحين في الجامعه ..
الهنوف: هييي ..
حارب : تجذبين صح أعترفي أحسن ..
الهنوف ماردت عليه , حارب حب يرفع ضغطها أكثر , فقال وهو معلي صوته : وووي شي في شيلتج ..
عاد الهنوف صرخت وتمت تناقز وهي تصيح وعقت الشيله عن راسها بخوووف ...
حارب ماقدر يستحمل أنفجر من الضحك وحط يده على بطنه من الضحك : ههههههههههههههههههههه لالالاتخليج هههههههههههه..
الهنوف يوم شافته يضحك , سارت صوب شيلتها ونفضتها ولبستها بسرعه ..
وأطالعت حارب بكل قهر وغضب وسارت صوبه بدون وعي وقبضته من شعره ويرته (( أحذر الحليم أذا غضب )) ههههههههه حااارب أنفجع ..
وهو يحاول يخوز يدها عنه ... فجاءه أستوعبت الهنوف شو يالسه تسوي هي .. وخازت عنه ويلست تحت تصييييييييييييييييييييييي يح وحطت يدها على ويها....
أطالعها حارب بصدمه هااي البنت غررررررررررررريبه جدا .. يعني تضربه وتصيييييييييييح , لالاهذي البنت مب طبيعيه أبدا ...
نزل تحت عندها , وهو بعده منصدم منها ورفع يديه صوب يداها وخوزهن بصعوبه عن ويها , وتمت تشاهق الهنوف ...
حارب تم يتامل ويها بغير شعور ياربي ها البنت فيها جمال غير طبيعي وطفولي , الهنوف وبعدها تصيح وهي مغمضه عيونها ..
رفع حارب يده صوب ويها بدون وعي وزخه , وتقرب منها وعطها بوسه سريعه ...
الهنوف أنصدمت وبطلت عيونها بغير أستواعب ويدها طايره بطراق على خد حارب ...
وقفت وسيده ركضت صوب غرفتها , حارب حط يده على خده بصدمه وهو يقول : أنا شو سوووووووووووووووويت ..
الهنوف غفلت باب غرفتها وتساندت على الباب ويلست وهي تمش مكان البوسه بكل أرف وتقول: الخاااااااااااااايس صدق قليل ادب مايستحي أكرهه أكرهه..
حارب قام وطلع برع البيت , وسار صوب سيارته وركبها , وحط راسه على السكان يستوعب شو اللي سواه ...
عنــد غاليه ..
سارت غرفتها , وشغلت لابها ويلست على المسن , شافت ان أضافه يديده يايتنها قبلت بدون تردد,,

سيده غاليه يوم شافته شابك قالت : من ..؟؟
............ بعد كم دقيقه: الناس تقول السلام عليكم ؟؟
غاليه مالها بارض: وعليكم السلام , من ؟؟
............: شحالج؟؟
غاليه: الحمدالله شحالج أنتي؟؟
..............: شحالج انتي؟؟؟
غاليه: ؟؟؟؟؟
...............: انا ريال مش حرمه ..
غاليه: أتحرااا ولد , يالله خلصنا شو تبا؟؟ ومن وين يايب أيميلي؟؟ وليش ضايفني؟؟ ووشوتبا ترمسني ؟؟؟
................: بسم الله كلتيني شوي شوي كل ها الاسئله ورا بعض..
غاليه : أقول ترا انا موب فاضيه , وثاني شي أنا معرسه أوكيه ..
......................: هههههههههههههههههههههههه انزين عرفنا بسم الله ..
غاليه: أقول أجلب ويهك ..
................: على أي صفحه ..
غاليه: أووووووووووف ... بسوي بلوك دليت يالله باي ..
.................: صبري صبري أنتِ عندي رمسه أخبرج أياها ..
غاليه: خير نعم بسسرعه لو سمحت ...
................: أممم أحبج ..
غاليه منفجعه وقلبها بدا يدق فكتبت: حبك القراده ..
...............: انتِ قرادتي ..
غاليه : يالله منااااااااك رووح ماعندي سالفه أنا عاطتنك ويه ...
.............: والله صدق أحبج ..
غاليه: مبررررررروك مانبا حبك ..
.............. طرش لها بوسه: أمواااااااااااااااااااااا ااااااااااااااااااااااااا ااااااااااااااح..
غاليه: ووووووووع , وصكته ديليت...
شوي وتحدر منى عليها الغرفه وتقول: يالسباله ليش حذفتني ..
غاليه توها أستوعبت ان منى كانت تلعب عليها ..وقالـت : يالخايسه روعتني عبالي وواحد , أفــــــــ تعرفين خخخخ صدقت عمري أتحسب في حد يحبني هع هع ..
الهنوف طلعت من غرفتها سايره صوب غاليه , سمعت غاليه ومنى يرمسن وسارت صوبهن تغير مزاجها شوي .. بعد نص ساعه قررن ينزلن تحت ...
كانوا في الصاله أمها وعمتها أم حارب وبناتها , غاليه حاست بوزها بأرف من عمتها صبيحه وسلمى...
سارن البنات يسلمن على عمتهن وبناتها , سلمى اطالع غاليه بدون نفس وشوي يايه بسلم عليها بس علشان أم غاليه موجوده, بس غاليه صدت عنها الصوب الثاني كأنها ماتشوفها ..
أنقهرت سلمى واطالعت غاليه بحتقار ويلست , غاليه بنص أبتسامه خبيثه وفي نفسها : ماشفتي شي بعدج , كل ضيقتي وقهري بطلعه اليوم فيييج ..
يلسن يسوالفن واذن المغرب وسارن يصلن , أما أم حارب وأم سالم راحن صوب وحده من اليران .. بعد ماصلن طبعا ..
منى وسلوى مندمجات في السوالف ومعهن الهنوف وغاليه , أما سلمى فيالسه تتسمعهن يعني بس تعلق بتعليقات سخيفه ومالها لزووم ... وكله بس تبا تقهر غاليه بس غاليه مسوتلها أكــبر طاف ...
سلوى تكلم غاليه: شو بديتي تتزهبين ..
غاليه أحمرت خدودها شوي : يعني ..
سلمى داشه عرض وبصوت واطي: مادري شو لاقي فيييج لاجمال ولا شي .. بس كلهن سمعنها ..
كلهن أطالعن سلمى بصدمه , غاليه بطلت عيونها على وسعهن مب لها الدرجه , غاليه جميله وفيها جمال , بس ماتنكر أن سلمى يمكن تكون أحلى عنها بكم درجه بـــس ...
سلوى: سلمى شو ها الرمسه ماشاء الله غاليه جميييله ووايد وشخصيتها حلوه والواحد يحبها من أول مايشوفها , لو ماكانت مخطوبه حق خليفه جان خطبتها حق حاارب لانها ماتتعوض ..
الهنوف كشرت تذكرت حارب وحركاته الوسخه وياها...
سلمى بأرف : أفففف ها الي ناقص الحمدالله يوم الله ابعدها عن أخويه ...
قامت غاليه وهي واصله حدها من الغيض يعني صح , كانت صابره عنها يوم تيلس تتحرش بها وتتطنز كل شوي بس خلااااص الحين صبرها نفذ ..
سارت صوبها وقفت جدامها وهي قابضه يدها بقهر وقالت: وانتِ شو تتحرين عمرج تراني ووايد سكت عنج ..
سلمى أطالع غاليه بخقه وتكبر : أوكي حد قالج أسكتي ..مالت عليج ..
غاليه تحاول تضبط أعصابها تكلمت بكل احتقار واستصغار : أقول طالعي ويهج في المنظره قبل ماترمسين طالعي حواجبج المنتفه والا البوتكس الي على براطمج تقول حد ضاربنج بكس عليهن وضحكت بحتقار: تتوقعين حد بيطالعج أنتِ على شو شايفه عمرج شو تتحرين عمرج أنتِ وحده مريضه معقده , رفعت صبعها جدام ويه سلمى الي وقفت مقهوره من كلام غاليه : خليفه يحبني تفهمين شو يعني يحبني ولاتتحلمين أن في يوم يطالعج لان أشكالج ماتجذبه .. ولا يعطيهن ويه أوكييييييييييييه ..
سلمى اطالعت غاليه بكل بكره وحطت يدها على خصرها : منو أمس يقول غاصبيني عليه ها أونه الحين يالسه تقولين يحبني وها الخرابيط والي يسمع رمسج يقول هاي تحبه الحين ها يال######
غاليه ماتحملت السبه وعطت سلمى كف محترم وقالت : هي انا أحبه وهو يحبني وامووت فيه وحقي انا وبـــس..
سلمى ردت الكف بكف أقوى لغاليه , غاليه بقهر يايه بتعطيها كف ثاني ..
بس صوت عالي من وراهم ياي: بـــــــــــــــــــس شو ها المهزله ؟؟؟
التفتن صوب هزاع الي صدق كان يطالعهن بقهر وقال: أنتن يهال تضاربن عنبوه ماتستحن كم طولكن ..
غاليه تبا ترد الكف بقهر بــس يوم شافت خليفه واقف ويطالعها ببتسامه ماكره نزلت يدها وفجت عيونها أطالعه ...
ضحك حارب وهو ياي صوبهن و يقلد غاليه بمسخره وبصوت انثوي : أنا أحبه وهو يحبني وامووت فيه , وهو يأشر على نفسه بستهبال: وحقي انا وبــس..
البنات ماقدرن يقبضن عمرهن ويلسن يضحك وغاليه وياهن , بس سلمى أطالعت حارب بكل أحتقار وتجاوزتهم وظهرت برع ..
حارب وهو ييلس على الغنفه بشكل تمثيلي: يااويلي أنا على الحب ..
الهنوف كانت تبا تروح غرفتها ماتبا يشوفها حارب أو تشوفه .. بس ماقدرت لان البنات يلسن ...وهي تمت واقفه ..
أطالعوها وقالت منى : شو بلاج واقفه .؟؟
أفتشلت الهنوف ورفعت عينها صوب حارب الي كان يطالعها بتوتر , لانه ماكان منتبهه لها أصلا فيوم نطقت منى بأسمها حس بقشعريره تسري في جسمه ..
الهنوف أرتجفت من نظارته ويلست من الربكه على منى , منى أنصدمت منها شو فيها البنت...
ضحكت منى وقالت: ايي قومي عني ..
الهنوف توها انتبهت وقامت عن منى وقالت: ضكي ضكي شوي ..
ضكت شوي منى حقها ويلست ..
أما غاليه يلست وهي ساكته , تفشلت أكييد خليفه سمع الي قالته ...
هزاع بعده منقهر من غاليه , يعني ماسد أمس تقول هذاك الكلام واليوم تتضارب يابنت عمتها ..
منى صدت صوب خليفه وقالت: عيل وينها علياء ..
خليفه أستغرب سؤالها وقال: شو دراني فيها ؟؟
منى هزت راسها وصدت صوب هزاع الي صدق كان متضايق خاطره اير غاليه من شعرها الحين ويتافهم معاها لان صدق قهرته كل يوم مشكله كل يوم متضاربه وياحد , وتقع كلامها الاجي ماتحاسب أبدا ...
بــس مايروم يقول شي , لان هي الحين على ذمت ريال ...
حارب يلس يستعبط ويستهبل ويحاول يرفع ضغط البنات خاصتنا الهنوف , لان خلاااص حطها في باله ((هاهاهاها الله يعينج ياالهنوف من حرووب))
حارب يطالع غاليه ببتسامه خبيثه ويقول: يااويلي أنا على الحب , ويأشر على عمره بستهبال : حقي أنـا..
غاليه صدق أحمرت من الخاطر واطالعت حارب بقهر وهو قاصد يفشلها , كشرت بويها تعايب عليه وقامت , سارت المطبخ وسكرت باب المطبخ وتساندت عليه وهي تتنفس بصعوبه وتقول بصوت مسموع : يااااااااااااااااااربي سمعني لالالالالالالا وتمت تهز راسها : أي قلبي احس جسمي حار وحطت يدها على ويها وهي تنافخ تخوز الحراره عن ويها ..
في الصاله ...
خليفه وهزاع يرمسون بروحهم ومنى وسلوي بعد يسولفون والهنوف تتسمعهن وشوي اطالع قوم هزاع وتحاول ماتي عينها على حارب المنسدح , بس ماقدرت وبالصدفه طاحت عينها في عينه , وهو أصلا كان يطالعها من الصبح , بسرعه حارب غمز لها بطريقه خبيثه , الهنوف أنصدمت وتم أطالعه مب مستوعبه هذا شو يسوي , وويها أستوا أحمر من الخاطر ..
نزلت راسها تحت وهي تسبه : الخايس مايستحي قليل أدب أكرهه ..
أما غاليه فسارت وشربت لها كاس ماي , تخفف الحراره الي فيها , وردت صوبهم وهي عاضه على شفايفها (( أونها مستحيه))...

ويلست عدال الهنوف , صار الكرسي صدق ضيق تأففت منى وأطالعت الهنوف الي سرحانه وغاليه ألي أطالع خليفه بنظرات حالمه ..
تكلمت منى بقهر : أي أنتِ واياها مالقيتن غير ها الكرسي تيلسن عليه ..
غاليه في عالمها والهنوف بعد , أنقهرت منى وقرصت الهنوف ..
صرخت الهنوف بدون حاسيه : أأأأأأأأأأأأأأأأأأأأأأأأأ أأأأأأأأأي ..
الكل أطالع الهنوف بستغراب لصرختها ..
هزاع بغضب : أي شو بلاج تصاخرين روعتنيا ؟؟؟
الهنوف برطمت وهي تقول بخوف: أنــ ــا مــا كــ ـان قــ صــ دي وأشرت على منى والدموع في عيونها: هي الي بدت ..
ضحك حارب علــيها :وأنتِ كل حد يقولج شي لزم ها الدموع في عيونج وضحك أكثر يطنز عليها : أم يالصياحه..
الهنوف قامت بقهر من حارب وصارخت ومن بين دموعها : أنته مالك خص تراني ووايد صبرت عليك ..
وراحت غرفتها , الكل أنصدم من الهنوف , لان هذا مب أسلوبها أبدا..
سارت غاليه وراها ودقت الباب بس الهنوف ماطاعت تفج أبدا ...

في اليوم الثاني العصر ...

نزلت غاليه تحت ومالقت حد يالس , وين راحو, وطلعت برع ...
درات ورا البيت وطلعت من الباب الوراني تتمشى في ها الجو الحلو ...
شافت مايد وراشد وعمر ومايد ولد عمتهم صبيحه , يلعبون بدراجة راشد ... (( ملاحظه مايد ولد عمتهم صبيحه بسميه مايد صبيحه ومايد الثاني مايد سعيد ))
ربعت صوبهم وقالت: خلوني ألعب يالله قوموا ..
عمر وقف منقهر: لالا ماشي أنتِ مابتلعبين بتخربينها ..
غاليه: جب جب أنته مالك خص ..
راشد: لا نحنا بنلعب بس..
مايد سعيد : لا نحنا ياين قبلج ..
مايد صبيحه: هي قومي مانباج تلعبين ..
غاليه أنصدمت منهم , صدق فشلوها ها اليهال , حاست بوزها بقهر : أفففففففف الخياس صدق أنكم ماتستحون ..
عمر: سيري عند خلوف خليه يلعبج ..
حطت غاليه يدها على خواصرها : لاوالله ..
غاليه : اوكي خلاص انا أصلا ماأبا ألعب وياكم ..بس ..
ضربتهم كل واحد على راسه بقوه ويوم وصلت عند مايد سعيد تأملت ويه شوي ماقدرت تضربه ..
غاليه في خاطرها: ياربي كيف يشبه خليفه نسخه أخ قلبي بذوب ..
بدال ماتضربه شاراتهم وخت عليه ووقبضت ويه ويلست تبوس خدوده وتقول : فددددددددديتك ماحلااااااااااااااااااااك تجننننننننننننننن..
ومايد يحاول يبعدها عنه : قومي وووع خيستني ...
غاليه بعدها تبوسه : لا...
راشد: هي علشان هو يشبه خليفه تحبينه جي ..
غاليه خلت مايد عنها , وأطالعت راشد بصدمه هذا ياهل وجي أستغفر الله ..
غاليه بضيقه : عيب شو ها الكلام ؟؟
راشد : عيل ليش تبوسينه ؟؟
غاليه سارت صوبه وعطته بوسه على خده , راشد أحمر ويه وتفشل صدق ...
راشد: خاااااايسه وووع خيستني..
قرصته على خده : عيل بتقول ها الكلام مره ثانيه.. وقرصته أكثر ..
راشد عوره خده وقال: لالالا بس يعور قومي عني مابقول شي ..
غاليه :هي جي أباك .. منو في بيتكم ..؟؟؟
راشد بغياض وهو يرد ورا: ترا خلوف محد في البيت ..
غاليه عضت شفايفها ها الولد صدق مكار ويعرف شو تبا : حد سأل عن خلوف .. أووففففففففففففففف أنا بسير أحسن لي..
سارت غاليه بيت عمها سعيد , دقت الباب , فجت لها الخدامه ...
غاليه: علياء موجوده؟؟
الخدامه: داخل غرفه مال هوه ..
غاليه : أوكي ..
سارت غاليه صوب غرفة علياء في الطابق الثاني ... مرت بغرفة خليفه الي كانت عدال غرفة علياء , وقفت عدالها ويلست اطالع الباب , وسرحت ...
فجأه أنفتح الباب وغاليه أنتفضت , وهي تشوف خليفه واقف جدامها كان لابس كندوره سوده صوفيه وسفره بيضاء وعقال ..
غاليه ذابت وهي اطالعه , وهو معقد حواجبه يطالعها ومستغرب هاي شو تسوي واقفه هنيه ..
غاليه أستوعبت الموقف وعضت على شفايفها ونزلت راسها ويايه بتروح ..
بس خليفه أبتسم أبتسامه خبيثه , وزخ يدها بسرعه وسحبها داخل غرفته..
غاليه أنصدمت منه وماقدرت تقاومه لانه شاد على يدها (( والا السبب ثاني عيبتنها السالفه ماصدقت على الله هههههههههه))..
بند خليفه باب الغرفه وسند غاليه عليه, حط يداه على الباب ويلس يطالعها بنظرات أربكتها ...
غاليه وهي اطالع عيونه , حست بتنفسها زاد والحراره زادت , ويلست تترجف , أبتسم خليفه نص أبتسامه , وتقرب من ويها لين صك خشمه خشمها , غمضت غاليه عيونها بخوف ونزلت راسها ...
أبتعد عنها خليفه وضحك , هي صدت بويها الصوب الثاني ويلست تنافخ ..وحطت يدها على ويها ..
تقرب منها مره ثانيه وقال: تحبيني؟؟
رفعت غاليه عيونها صوبه بستغراب لسؤاله , ونزلت عيونها بسرعه يوم طاحت عينها بعينه ..
زخ ذقنها ورفعه , وهي منزله عيونها بعدها , وعاضه على شفايفها بخوف ...
خليفه: جاوبيني ؟؟
غاليه مش قادره تقول كلمه وحده ..
خليفه تقرب منها أكثر وقال: ليش ساكته , عيل شو هذاكِ الكلام الي قلتيه أمس , كمل بتطنيز: ولا كنتِ معصبه بس .. علشان جي طلع منج ها الكلام..
غاليه رفعت عيونها صوبه ولكلامه الأخير وقالت: لالا..
خليفه بنص أبتسامه: عيل شو؟؟
غاليه وهي منزله راسها: هيه ..
زادت أبتسامت خليفه وقال: شو الي هو هيه ..
غاليه غمضت عيونها وهزت راسها بلا ..
خليفه قرب منها لين خله خده على خدها وقال في ذنيها : قولي علشاني ..
غاليه غمضت عيونها أكثر وزادت دقات قلبها وبلعت ريجها وقالت بصعوبه : أحبــك ..
خليفه بحركه سريعها ضمها له وقال: وأنا أموووت فيييج ..
غاليه تيبست من ضمه لها , وهي أدور في في راسها كلمت أمموت فييج يعني خليفه يحبها صدق ..
بعد عنها خليفه وتم يتأملها وهي أستحت وأبتعدت عن الباب تبا تفجه , بس هو حط يده على الباب وقال : ماشي ظهره لين , وأشر على خده ..
غاليه فجت فمها: شوه ؟؟
خليفه: بوسيني ...
غاليه أحمرت : لا ..
خليفه بخبث: عيل مابتظهرين ..
غاليه : لا ليش جي ..
خليفه: بوسيني وبخليج تظهرين .. أنا ما طلبت الا على الخد ,وأبتسم بمكر : لاتخليني أطلب شي ثاني ..
برطمت غاليه: أنزين ..
تقربت منه بمستحى وباسته على خده على السريع , وأبتعدت وهي منزله راسها ..
خليفه : شو ها الحين هاي بوسه ..
هزت راسها بنعم .. وهي منزله راسها بعدها..
خليفه :لالالا يالله بوسي زين ..
غاليه رفعت راسها بحزن : حراااام ...
خليفه ضحك : خلااااص ولا يهمج..
وأقترب منها وقبض ويها أمبين يديه , وأبتسم وعطها بوسه ....
أحمرت غاليه منه وانصدمت صدق خليفه ووايد جريئ ...
أبتعدت عنه وفتحت الباب وانطلقت بدال ما تسير غرفة علياء , دخلت أول حمام جدامها وغسلت ويها من الإحراج ...
وراحت بيتهم وهي تهدي عمرها ... حدرت داخل مالقت حد في الصاله سارت فوق صوب غرفتها , بس وقفت عدال غرفة الهنوف ودقت الباب ... سمعت صوت الهنوف: من ؟؟
غاليه: أنا فتحي الباب..
الهنوف فتحت الباب وهي حايسه بوزها : هلا دخلي..
غاليه يلست على شبريت الهنوف وقالت : شوفيج ماطلعتي من امس ..؟؟
الهنوف: ماشي بس مالي نفس اظهر ضايق خلقي ..
غاليه: لالا صدق , أمس ليش حطيتي كل حررج في حارب..
الهنوف بتردد: هو السبب ..
غاليه: ليش شو سوى؟؟
الهنوف: ييلس يغاضني ويسوي حركات خاايسه كريهه أكرهه ..
غاليه أطالعت الهنوف بستغراب : بس هذا اسلوب حارب ونحنا كلنا نعرف انه جي ..
الهنوف : بــس انا الصراحه أستويت ما أستحمل أسلوبه الخايس ..
غاليه : حليله حاارب سوالف يمكن انتِ حساسه ها الايام ومتحسسه منه ..
الهنوف بعدم اقتناع : يمكن ..
غاليه قامت : عيل أنا بروح غرفتي ..
راحت غاليه غرفتها وهي تحلم باالاحلام اليقضه عن خلوف ...
أما الهنوف ملت من يلست الغرفه فقررت تنزل تحت تشرب لها شي ..
نزلت تحت ولقت دلة الجاي توها مسوايه فصبت لها كوب جاي ..
وطلعت برع ويلست على الدري وهي تشرب الجاي ..
كانت منزله راسها تحت , ماحست الا بواحد واقف غريب منها , رفعت راسها شافت أنه حارب أعتفس ويها ...
وقامت بتدخل داخل بس يد حارب سبقتها وقبضت يدها ..
اطالعته الهنوف بحقد وقالت: هد يدي ..
حارب : لا بس قبل ما هد يدج أوعديني أنج بتين ويايه الحين عندي لج شي ؟؟
الهنوف أطالعته بحتقار: لييش من تكون أنته ..
حارب: الهنوف والله أسف أني تصرفت معاج هذي التصرفات سامحني ..
الهنوف أطالعت حارب بستغراب : معقوله يتاسف أحيد الريايل مايتأسفون بسهوله ...
الهنوف بدون نفس: أنزين شوه ..
حارب ببتسامه جذابه أسرت الهنوف : تعالي أنتِ والله لتستانسين ..
نهاية الجزء الرابع عشر ...

[فيتامين سي]

الجزء الخامس عشر والأخير...


هزت الهنوف راسها وهي ذايبه في أبتسامت حارب , تبعته لين راحوا ورا البيت وعند الباب الوراني بالضبط, هي ما أنتبهت أنها راحت ورا البيت الا يوم وصلت هناك , أستوعبت هي وين وقالت وهي أطالعه بخوف: أنته شو تبا مني ؟؟؟
حارب ضحك وهو يطلع من مخباه (( جيبه)) شيء ويضحك : صبري أنتِ بس ..
نزل تحت ويلس يفضي مخباه , وينشر كراتين الشلاقات (( الالعاب الناريه)) ..
الهنوف بستغراب: والخيبه هذيله كلهن في مخباك ..
حارب بستهبال: بسم الله أعوذ بالله من عيونج قولي ماشاء الله عن ينطر مخبايه ..
الهنوف ببلاها: ماشاء الله ..
حارب يقبض الولاعه وكم شلق في يده ..
الهنوف تروعت وتمت أطالع حارب بخوف انه ينقع الشلق عليها : لالا..
حارب :شو لا انتِ , وضحك وهو يقول : شوفي ورا يالسين خليفه وهزاع وعلي أخوج , غمز : شو رايج انتِ ..
فهمت عليه الهنوف وضحكت : خطير أنت..
حارب: أعجبج صح ..
هزرت راسها بلا تقهره ..
حارب: أفــ منج أدري أني أعجبج وضحك ..
الهنوف: ووايد وواثق ..
حارب : يالله أباج تمسكين الولاعه أنتِ ولعي وانا بعقه عليهم ..
الهنوف: لالا أخاف ..
حارب: شو تخافين , الا ولعي مابيج شي ..
الهنوف: لالالا أخاف ينقع عليه ..
حارب بعصبيه : الهنوف يالله والله لاتخربين عليه ..
خافت الهنوف منه , أصلا ماتستبعد أنها أذا ماسمعت كلامه ينقع شلق عليها ..
الهنوف قبضت الولاعه وهي ترتجف ..
حارب: قبضيها زين ياويلج أن خربتي عليه ...
الهنوف سمعت رمسته , وولعت الولاعه, بسرعه وبحتراف حارب ورا الشلقات وتم يفرهن ...صوب الشباب ...
عند الشباب ..
كانوا يسولفون ..
علي: والله أني كارهه الدوام صدق ..
هزاع : ياخي كلنا كرهين حياتنا من ها الدوامات محلات الراحه بدون صدعه ...
خليفه: شو نسوي هاي الحياه لو ماشغلتنا جان ماحصلنا ها الرواتب الحمدالله نحنا في نعمه ...
خليفه: بتخبرك علي أحيدك شاري حصان وينه؟؟
علي: والله خليته في مزرعة واحد , يعني هم بيعتنون به لان صعبه أخليه عندي في عزبتي أو مزرعتنا لانه واحد بعد..
خليفه : هي ..
هزاع حس بشي طاير صوبه ويطلع دخان وشوي يا عند ريله , في خلال ثانيه أستوعبه...
فتح حلجه وهو يصارخ : ش ش لق.. ...
وقفوا بس بعد فوات الاوان , ونقع وايي واحد وثاني وثالث ورابع ...وهم يصارخون ومايعرفون شو يسون ..
يا على ريل هزاع وخليفه شوي من الشرار , بس علي ماصابه شي ...
ضحك علي على اشكال خليفه وهزاع الي يسبون وقال: هههههه الحمدالله انا ماياني شي ...
هزاع: هي ضحك انته , وهو يتلافت : ابا اعرف منو ها الخايس الي فرهن علينا ..
خليفه بقهر: صدق ناس ماتستحي , أف والله أن ريلي أحترقت ..
....
عند حارب والهنوف ..
بعد ماعق الشلاقات على الشباب , قبض جتف الهنوف ويرها ورا الباب وهو كاتم ضحكته , الهنوف مش قادره تستوعب هذا الحارب صدق أول مره في حياتها تشوف واحد جي يعني عليه حركات وأبدا مايستحي أبدا ..
الهنوف بعدت يده عن جتفها بقهر وقالت: أنته صدق ماتستحي ....أكرهك ...
سارت الهنوف عنه ودموعها في عيونها , وايد زوادها حارب شو يشوفها الا يقبضها ويبوسها شو يشوفها بنت.*****...
حارب أستغرب منها شو فيها هو ماسوا لها شي ...
بالغلط شافه هزاع ...
عند الشباب ..
هزاع بقهر وهو يطالع حارب: طالعوا أنتوا هاكو الخايس يعني منو غيره بسوي جي مايبالها تفكير أصلا ...
خليفه: والله حسيت أنه هو , والله يبله ننقع الشلق في فمه ..
ضحك علي: صدقك والله ..
هزاع : يالله عليه عيل ..
ربعوا صوبه وهو مب حاس بهم يالس يفكر بالهنوف ..
هجموا عليه وقبضوه , وهو أنصدم منهم ..
طاح حارب وكلهم فوقه الي قابض يداه والي يالس على ريوله والي يضربه طرقات على ويه..
حارب يصرخ: قوموا عني يالخياس..
هزاع قابض يديه ويالس عليه: أوووووووووووص ما أبا أسمع صوتك ...
خليفه يعطيه طرقات : بعده ماياك شي يالسبال ..
علي يالس على ريول حارب ويضحك ..
حارب مختنق : والله بمووت قموا عني , هزاع والله تراك طريت بطني ..
هزاع يلس أكثر على بطنه غياض ...
خليفه برعب: هزاع ناوي تجتله أنته ؟؟
هزاع أطالع خليفه بنص عينه : لا والله أشوفك الحين وياه ...
حارب يطالع هزاع بحقد: قوم عني يالدرام بتجتلني ..
هزاع : دارم هاااااااااااااااا درام هاااااااااا...الحين انا درام .. ويرص على يده اكثر ويهوس على بطنه ...
هزاع مش متين بس شوي معضل جي وزنه 90 وطوله 190 ودوم يتخقق بجسدمه , بعكس حارب الي وزنه 64 وطوله 176 ,((خلونا ندشش خلوف بالعرض)) وخليفه وزنه 76 وطوله 185...
تم حارب يحاول يخوزهم عنه , واخيرا خاز علي عن ريوله , وخليفه عطاه كف علم على ويهه , أم هزاع فتم محله حاول حارب يخوز هزاع عنه ويضربه بريوله بس هزاع مستمتع ويضحك على حركات حارب ..
أخيرا خاز هزاع عن حارب , أول ماقام هزاع وابتعد عن حارب قام حارب وزخ نعاله وسيده على هزاع ...
يت على ظهره بقوه , بقن عيون هزاع يطلعن من قوة الضربه , قبض ظهره بألم وصد صوب حارب الي يالس يضحك بغباء ..
اطالعه بكل حقد , وسار صوبه وهو متحمل الالم الي في ظهره ,وحارب من شافه يا صوبه ربع , وربع وراه هزاع ويلسوا يدرون على البيت ...
كانت الهنوف يالسه على الدري وياها غاليه الي تواها يت , وشوي يخطفون هزاع وحارب , هزاع كل ساعه يوقف ويقبض له حصاه ويفرها على حارب , وحارب يضحك ا لا ميت من الضحك ولا بعد يوم هو يربع ييلس يسب هزاع ويتمصخر عليه ...أبتلش حارب بكندورته الي قابضنها يوم شاف هزاع وقف قام وربط كندورته ...
وطلعن عصاقيه , غاليه أول ماشافتهن ضحكت بشكل هستري , والهنوف ماقدرت تتحمل وضحكت .....
حارب يوم شافهن التفت لهن وقال: شوفيكن تضحكن ضحكنا وياكن ..
غاليه ماقدرت تسكت , إما الهنوف سكتت أطالعته بكره وصدت الصوب الثاني ..
وشوي وتي حصاه صغيره على رأس حارب , وبعدها كبيره بس حارب ركض عنها بسرعة ...
غاليه تضحك: والله أنه يضحك ها الحارب ههههههههههههههههه..
يلس علي عدالها وضحك: ووايد يضحك عيل فاتج قبل شوي شو سوينا به ..
وخبرها السالفه , هي ما أنتبهت على خليفه الي يالس يتأملها وهي يالسه ويا علي وتضحك ..
رفعت عيونها وبالصدفة يت عينها في عينه , وسرحت في عيونه ...
علي أستغرب شو فيها البنت فجأه سكتت وأطالع وراه , لف وشاف خليفه وراه وضحك وقال: ياوووووويلي أنا عيني عينك المغازل ..
غاليه انتفضت لكلام علي ونزلت راسها تحت مستحيه , والهنوف من الصبح يالسه أطالعهم وتضحك ..
خليفة أستحى وبعدها ضحك وقال: عادي حرمتي ..
علي : يالله جدامي حرمك مابتشوفها لين يوم العرس وماشي رمسه وياها ..
خليفه بصدمه : شوه شوه منو قال , عنبوه العرس بعده عقب أربع شهور ..
علي: انزين شو بيسوتي يعني أن ماشفتها ولا رمستها ..
خليفه: بيستوي وااايد ..
ضحك علي: انزين عن تاكلني أسوالف وياك ..
خليفه: اتحراك بعد ...
علي: يالله خلنا نسير الميلس ..
خليفه : يالله ..
خليفه كان متوتر بيا يرمس علي في سالفه , يوم يالسوا في الميلس وتقهويوا..
قال خليفه : علي أبغي أرمسك في شي ...
علي : رمس ..
خليفه بتوتر: أمم يعني عادي أرمس حرمتي بالتلفون ..
علي أطالع ويلس بفكر وبنذله قال: لااا..
خليفه بخيبة أمل : والله ..
علي بجد : بالنسبه لي انا عادي .. بس مادري ببويه ..
خليفه : ما اظن عمي يرفض ..
علي: على العموم انا برمسه وبطالع شو بقول ...
خليفه: أنزين يوم يعطيك موافقته خبرني ..
علي : أن شاء الله ..
ويلسوا يسوالفون ....
عند حارب وهزاع , أخيرا هزاع لحق حارب وعطاه بكسه في بطنه , بس ماكان قوي , خخخخ بس حارب يلس يمثل أنه يعوره وتم يجلب على الارض ..
هزاع خاف عليه , ويلس عداله وقال: يعورك ووايد ؟؟
حارب أستغل ها اللحظه وانقض على هزاع وحط يده على رقبت هزاع أونه يزغده :خخخخخخخخخخخخ صدقت أنته وويهك..
هزاع: صدق انك سبال خوز يدك عني عن ايك بكس ثاني على بطنك ..
خاز حارب عن هزاع ويلس يضحك , هزاع أبتسم على خبال حارب ماأظن هذا بيعقل في يوم من الأيام ..
في اليوم الثاني ...
أبو سالم وافق أن خليفه يرمس غاليه بالتلفون , عاده حدث ولاحرج خليفه طار من الفرحه ...
العصر الساعه 5 ...
غاليه والهنوف يالسات في الصاله يطالعن التلفزيون كل العاده , مرت أمهن من عدالهن وقالت: انتِ ماتشبعن من ها التلفزيون أربع وعشرين ساعه ..
غاليه: امي شو أنسوي ماشي شغله ..
أم سالم: هي ماشي شغله مب فلاحات الا بالمراد ومطالعت التلفزيون ..
الهنوف: ماما ترا انا يايه من الجامعه من ساعتين أبا أرتاح شوي وأتنشط ..
أم سالم: الله يهديكن بس ..وراحت عنهن ..
الهنوف : أففففففففففف بدلي عن ها الفلم البايخ نبا شي يفتح الشهيه ..
غاليه: يعلها ماتنفتح ..
الهنوف: شو ها الملل , مالي خاطر أسوي شي أبا أناااااااااااام بس ...
شوي ويدخل هزاع ويقول: غاليووه سيري خليفه في الميلس يباج ..
غاليه نطت : والله ..
هزاع أطالعها بنص عينه : شوي شوي ياويهج ماتستحين ..
أستحت غاليه وقالت: الحين ..
هزاع : هيه لاتخلينه يرتيا ..
راحت غاليه غرفتها وأطالعت كندورتها مايبا لها تبديل لانها حلوه , حطت لها بودره شوي وتجحلت وحطت لها بلشر وقلوس , وتعطرت ولبست شيلتها ونزلت سايره صوب الميلس..
أما عند هزاع فيلس عدال الهنوف وقال: الهنوف أباج في رمسه ..
اعتدالت الهنوف وقالت : شو هي ..
هزاع : اممم تعرفين قررت أتزوج..
الهنوف بفرحه : والله ...
هزاع: هيه بس انا مش حاط وحده في بالي...
الهنوف :يعني تباني أتنقا لك وحده ..
هزاع ضحك: هي أبا وحده شراتج عاقل ,وحلوه ..
الهنوف: شو رايك بالمها بنت خالوه ؟؟
هزاع : هذي شرات غاليه اخافها تينن بي ..
الهنوف: بس صدقني الهما حلوه وتنحب بسرررعه ..وأحسها تناسبك ..
هزاع: مادري, وقال بتردد هزاع : أنزين شو رايج بسلمى بنت عموه ؟؟
الهنوف : سلمى ؟؟
هزاع : هيه سلمى ..
الهنوف: مادري ..
هزاع : بشوار أمي انتِ ما فيج فايده ..
الهنوف: هيه الحين انا مافيه فايده , صدق أنك ماتنعطى ويه ..
هزاع : اشوف لسانج طول ليكون غاليه عطتج شويه من لسانها ..
ضحكت الهنوف : يمكن ..
عند غاليه ..
سارت الميلس بتردد ومستحيه , دقت الباب وفتحته شوي شوي , كان خليفه يالس ويطالع التلفزيون وهو مافيه صبر يبا يشوف غاليه ..
وأول مادخلت وقف ..
تقربت غاليه منه بمستحى , يوم وصلت عنده ماعرفت كيف تسلم عليه ومدت يدها بس هو يرها وسلم عليها بالخشم وهو شاق الحلج ..
خليفه ببتسامه: شحال حرمتي اليوم؟؟
غاليه بمستحى وهي منزله راسها: بخير ..
خليفه بنذاله: يعني مابتسألين عن حال ريلج ؟؟
كلمت ريلج , خلت غاليه صدق تستوي حمرا , أبتسمت بمستحى أكثر: شحالك ؟؟
خليفه بحب: يسرج الحال فديتج ..
غاليه أستحت أكثر ..يلس خليفه ويلست غاليه على الكرسي الي عداله ..
قال خليفه : ليش يالسه بعيد ما باكلج أنا , وضحك..
غاليه عضت شفايفها وقالت: أممم أنا مرتاحه هنيه ..
تقرب منها خليفه ..
وقال وهو يبا يخوز جو التوتر : شحال عمتي ؟؟
غاليه: الحمدالله ..
خليفه أستغرب غاليه ماترمس ومستحيه ضحك , رفعت غاليه عينها صوبه وقالت: شو يضحك؟؟
خليفه : اقول الصراحه أحس أنج عقلتي , مستحيه وماترمسين ووايد شرا قبل ... وبقصد يقهرها: والا بس جي جدامي يعني ..
غاليه حطت يدها على خصرها : لاوالله , يعني قصدك أني أم ويهين ..
خليفه بضحكه : لالا ماأقصد جي بس معقوله حبج لي خلاج عاقل ..
غاليه أنحرجت وقدا ويها أحمر وتذكرت هذاكِ اليوم الي أعترفت أنه تحبه , تحس حب خليفه خلها تتغير من ناحية خليفه بدأت تستحي منه , تحب نظارته تحب كل شي فيه , وتحاول تخلي عمرها أنثى جدامه..
خليفه ببتسامه رفع كيس كان عداله وغاليه تحاول تبعد نظراها عن الكيس ليقول عنها مب شايفه خير وقال: ييبالج هديه ..
أحمرت غاليه : مشكور وماتقصر ليش عبلت على عمرك ..
خليفه بروحه مستحي : يالله ماعبلت على عمري ولاشي أنتِ حرمتي أذا مايبت لج أيب حق منوه يعني ..
غاليه : مشكور الغالي ..
خليفه : عيدي عيدي ..
غاليه رفعت راسها : شو أعيد؟؟
خليفه : الكلمه الي قلتيها اخر شي ؟؟
غاليه : أمممم ..
خليفه بضحكه : ولا مابعطيج الكيس ..
غاليه صدق أنقهرت وسكتت ...عطاها الكيس , وقام ..
خليفه: ماودي أروح عنج بس مواعد واحد من الشباب بسيره الحين ..
قامت غاليه , وأبتسمت له وقالت: مع السلامه ..
خليفه : بس مع السلامه ..
غاليه أستغربت : هاا..
تقرب منها وعطها بوسه على خدها , أستحت منه ...
وقال: يالله الحين بروح فمان الله ..
غاليه وهي منزله راسها: الله يحفظك ..
من راح خليفه سارت غاليه سيده البيت , لقت منى والهنوف وياها يالسات يطالعن التلفزيون ..
منى وقفت يوم شافت الكيس : شو ها , شو فيه ها الكيس ..أبا أشوفه ..
الهنوف بفرحه: ليكون خلوف يايب لج هديه ووووااااااااااااااووو ..
منى : حلفي والله لأشوفه الحين ..
غاليه : يالله منكن أنتن يالمتعبلات ..ماشي ماشي روحن ..
منى : ترا أنا حلفت لآشوفه الحين مالي خص..
الهنوف بوزت : أنا بعد ..
سارت صوبهن غاليه وفتحت الكيسه لقت علبت موبايل فيها وبوكس ثاني ..
شلت منى علبت التلفون وفجته وقالت: الله أي فوووووووووون ..
خذتها غاليه : والله عندي الحين بيبي وأي فون مره وحده..
ضحكت الهنوف: ههههههه صدق مب شايفه خير..
مدت منى يدها صوب العلبه الثاني الي كانت مغلفه ويايه بتفجها ..
بس غاليه ضربتها على يدها :انا بفجها أنتي خوزي يدج ..
منى : أعوذ بالله ..
غاليه بدت تفج العلبه يوم فجتها , كلهن صرخن مره وحده : الله .....
كل عباره عن سلسله فيها ورده بحجم متوسط ومزينه بجواهر بالالون الاحمر والاخضر والاصفر وأزرق , ونفس الشي شغابات وسواره ..
منى : وووواااااااااااااااااوووو و يجنننننننننن عطني اياه ...
غاليه: لاوالله ييبالي هديه وحضرج بتاخذينها ...
منى بحسره : متى أملج علشان سلطون أيبالي هديه ..
الهنوف: خخخخ يعني سلطون متأكده ان بيبلج شي ..
منى : جب جب لاتحبطيني من الحين ..
يلسن يضحكن وبعدين غاليه ودت الاغراض غرفتها وفتحت التلفون ولقت أن فيه بطاقه , وسيده وصلها مسج ..(( شو عجبج الهديه ))
غاليه أبتسمت وردت (( هي ووووايد مشكور )) وبتردد كتبت(( فديتك))
رد عليها خليفه(( فديت روحج أنا))
أستحت غاليه وطاحت على الشبريه ضامه تلفونها ...
بعد صلاة المغرب عند الهنوف ومنى في الصاله..
منى قامت وقالت: الهنوف بتروحين ويايه صوب بيت عمي خالد..
الهنوف بتفكير: أنزين ..
راحن هناك لقن عمتهن صبيحه وأمهن ويدتهن وأم خليفه وعواش وسلوى ...سلمن عليهن ويلسن ...
قالت عواش: عيل وين غاليه؟؟
منى : في البيت ..
عواش: ليش مايت وياكن ؟؟
منى: ماأدريبها سارت حجرتها مساعه ولانزلت ..
الحريم يلسن يسوالفن ويحشن ..
أم سالم : اليوم هزاع قالي يبا يعرس ..
اليده شيخه : هاي الساعه المباركه , مره ولايهمه مندور له عروس ..
أم سالم أبتسمت: لالا أنا لقيت له عروس بنت أختي المها حرمه وفنانه وأنا خاطري انها تكون لهزاع من زمان ..
أبتسمت الهنوف مرتاحه ان أمها ما أختارت سلمى لهزاع ..
اليده شيخه : والله والنعم فيها بنت ناس طيبين ..
رمست صبيحه : ووااايه أنا حاررب فديته بيوزه أحسن البنات وأحلاااهن ..

الهنوف أطالعت عمتها من طرت حارب ...

صبيحه : والله أنه بنت عمه ياالله مارحمها تجنن وبطرانه بس هو الله يهديه مب طايع .. أونه مايبا يعرس الحين ...
الهنوف أنتفضت لفكرة أن حارب يعرس , وهاي بنت عمه من وين يت .. حست بقهر ... بس نفضت هاا الاحساس منها هي شو تباه حارب ما يعني مالها شي ..
...............................
كل يوم يمر حارب يحاول يطفر بالهنوف ويلعوزها , وهي خلاااااص خربت أخلاقهاااا منه , أما غاليه عااايشه أحلى أيااامها مع خليفه , وكل يوم تحبه أكـــثر ....
أما منـــى الفرج ياها وحددو ملجتها من سلطان ..بعد شهر .. عاده منى مش مصدقه وماخلت حد ماخبرته ...
يوم الجمعه الساعه 5 العصر...
الهنوف كانت تتمشى في الحوش, وحاطه سمعت الام بي ثري في ذنيها ...
شافت حارب من بعيد انتفضت خاطرها تشرد عن يشوفها ويلوع بجبدها ويطفر بها شرا كل يوم ...
بس للاسف الشديد شافها , وسيده شق الحلج بأحلى ابتسامه ...
وسار صوبها الهنوف بعدت السماعات عن ذنيها , وأطالعته وهي منقهره ..
حارب: اخبار هنوفه ..
الهنوف أنقهرت بعد يدلعها الحين ماشاء الله : الحمدالله ..
حارب بضحكه : الحمدالله أنا بخير ههههه ... عنبو حتى ماتسألين عن حالي ..

الهنوف سكتت ولا ردت عليه ..


أبتسم حارب وقال: اليوم أخر يوم لنا باجر بروح خخخخ بعدين لاتيني وتقولين أشتقنا لكم ولسوالفكم ...
الهنوف أطالعته بنص عينها : إلا بقول الحمدالله أفتكينا من الحشره ...
حارب: افاااا, زعلت ....
الهنوف : عادي ..أحســن ..
حارب ضحك : هههههههههه .. وبعدين سكت وأطالعها في عيونها ...
مرت دقايق هبت فيها نسمات هواء بارد , منعش , مع تلاقي عيون حارب والهنوف , حست الهنوف بعيونه الغامضة إلي أطالعها بنظرات غريبه , ومع تسارع دقات قلبها , حست بمشاعر غريبه تجتاحها ..
أرتجفت وأبعدت عيونها عن عيونه , أبتسم حارب لها بحزن وراح بدون ما يقول أي كلمه...
تابعته الهنوف لين أختفى, حست بالفرح المخلوط بالحزن ,الفرح أنها بتفتك من حشرته , والحزن أنها بتفتقد وجوده وحركاته ...
ردت بالبيت وهي ندامانه أنها قالت له هذاكِ الكلام, الهنوف ماتحب حد يزعل منها أو أنها تجرح حد , حست انها جرحته وتمت طول اليوم تفكر فيه ... نظرته الاخير لها تدل انه خذ بخاطره عليها , هذا أحساسها هي ..
مر اليوم ...
ومر أسبوع ..
فها الأسبوع , صدق أفتقدت الهنوف حارب بشكل فضيييع ,مع أنها تروح الجامعه بــس تحس بفراق كبير من بعده ..
ومر شهر وملجة منى ما بقى عليها إلا يوم ..
منى مرتبشــه ,والبيت بكبره مرتبش وياها ...في غرفة منى الساعه ثمان مساءً..
...

[فيتامين سي]

كانن الهنوف وغاليه معاها..منى تلبس فستان الملجه للمره العاشره ..
منى : حلو صـــح ...
غاليه: ياأخي والله طفرنا كل ساعه تلبسينه وتستعرضين ...
الهنوف بضحكه : حلوو يجنن ..
غاليه بنذاله: ههههه يمكن سلطون مايدخل ...
منى بحزن : لالاتقولين ...
الهنوف: عادي شو يعني أن مادخل أقول الصراحه أول مره أشوف وحده مستلغثه جي ..
منى تضرب الهنوف على راسها: جب جب ..
غاليه: صدقها والله انا يوم ملجتي بغيت أمووت من الخوف ...وكنت ماأبا خلوفي يحدر..
منى بطلت فمها: ياويلي خلوفي بــعد..
أحمرت غاليه: فديته...
الهنوف ضحكت: شكله في تطور هههههههههههههه بدينا خلوفي وفديته وحبيبي هاااا ...
غاليه ضربت الهنوف على جتفها : غيرااانه ..
الهنوف فجت عيونها على وسعهن : على شو غيرااانه بعدني صغيره..
منى : شو صغيره عقبالج , تعرفين أمم شكلها خالوه عايشه حاطه عينها عليج بتخطبج حق ولدها زايد ..
الهنوف بصدمه: يخسسسسسسسسسسي , هذا خاصتنا لو يموت ما أخذه ..
غاليه: خخخخخ الله يعينج أن كان صدق ...
الهنوف:لا!! أن شاء الله ...
منى : يالله طلعوا برقد علشان ويهي يتم مشرق باجر ...
غاليه: مالت أقول خلينا نطلع بسير أرمس خلوفي..
ضحكت الهنوف: ههههههههههههه وأنا شو اسوي وحده بترقد ووحده بتغازل ريلها ...
غاليه: دبري عمرج ..
سارن كل وحده غرفتهن ....
الساعه 10مساءً..
غاليه يالسه ترمس خليفه...
خليفه : شو سويتي اليوم ..
غاليه برقه : أممم ماشي بس نجهز حق ملجت منى ..
خليفه: خلصتوا كل شي ..
غاليه : هيه .. الحمدالله ..
خليفه تنهد: مابقي شي حق عرسنا بس ثلاث شهور ...
غاليه أستحت: هيــــه ..
خليفه: حبيبي..
غاليه: هلا ..
خليفه: أحـــبج ...
غاليه أستحت أكــثر وماقالت شيء..
خليفه ضحك: أنزين قولي لي أحبك بعد ..
غاليه مستحيه : أمممممم........
خليفه : قولي؟؟
غاليه: استحي ...
خليفه بضحكه: لا بزعل أن ماقلتي ..
غاليه : أنزين علشان ماتزعل ..
خليفه تم يترايا غاليه تقول بس هي تمت ساكته ...
خليفه: خلاص لا تقولين زعلت ..
غاليه : لالالا بقول بس يالسه أخذ نفس ..
ضحك خليفه : يالله ..
غاليه : أحبــك ..
خليفه : أأأأي قلبي وأنا أحبج أكثـــر..
خليفه بنذله : عطني بوووسه .؟؟
غاليه : لالالالالالالالا ..
خليفه: ليش؟؟
غاليه: والله والله أستحي ما أقدر ..
خليفه: فدييييت الي يستحون ...
سكتت غاليه وماقالت شي ...
قال خليفه : عيل أخليج حبيبي الحين باجر دوام عليه تصبحين على خير ..
غاليه : وأنته من أهله .. الله يحفظك..
خليفه: ويحفظج أنتِ غناتي ..
وسكروا عن بعض , غاليه طاحت على الشبريه وهي حاضنه موباايلها ...
ورقدت ....
في اليوم الثاني مر الوقت بسرعه .....
والمغرب كانوا مرتبشين بالحريم الي كانوا ايون ....
ومنى ظهرت كلمه حلوه شوي عليها , بفستانها الاحمر وشعرها الطويل الي يوصل لين اخر الظهر ...
ومكياجها الرقيق والبسيط ..
على الساعه تسع يوها الحريم يباركن ...
يلست غاليه عدالها وقالت: حليلج يقولون سلطون مابيدخل ..
منى بأحباط : والله ..
غاليه: يقولون لين الحين بس مادري يقولون هو مستحي يحدر , بس شكلها حرمة خالي بدخله غصبن عنه وضحكت غاليه ..
غاليه سارت صوب الهنوف الي كانت يالسه يامها ومنال بنات خالتها الموز, يلست غاليه عدال مها : أخبارج القاطعه شهر ماشفتج يالخايسه .؟؟
ضحكت مها وقالت: تعرفين أبويه كان مسافر ومحد عندنا يودينا يعني ..
غاليه: عذر أقبح عن ذنب زعلاااانه أنكم مايتوا ملجتي ..
مها: تعرفين يعني كانت عندنا ظروف , ولا لتشوفيني أول وحده ...
غاليه بنذاله اطالع مها: عقبالج مهاوي نشوفج عروس ..
مها أرتبكت : لالا يعني انا عادي مب مستعيله شراتكن ..
غاليه تبا تحرج مها: مهاوي أبا أسألج أنتِ شو رايج بهزاع ..؟؟
مها أحمرت : غاليوه الحماره , أنتِ ليش جي تبين تحرجيني ..
ضحكت غاليه: عيل ليش لين الحين مارديتي علينا شي موافقه أو لا..
مها: يالسه افكر , مادري والله ..
غاليه : تفكرين ياويلي أحيده حب المراهق ..
مها: قلتيها حب مراهقه , مادري الحين غير ..
غاليه: صلي أستخاره وأن شاء الله خير , صدقني هزاع ووايد طيب ..
مها: ان شاء الله ...
بعدها يلسن يسوالفن , وطبعا مادخل سلطان يشوف منى ....
.................................................. .............................
مرت الثلاث شهور , فها الشهور موافقة مها على هزاع وخطبوتهم, غاليه قبل العرس بشهر , قالت لخليفه أنها مابترمسه خلال الشهر الي قبل العرس ولايشوفها علشان يشتاق لها هاهاها , وخليفه عصب عليها بس هي حاولت معاه لين وافق .... عقب موووت ...
أما الهنوف وحارب لاجديد بس يتقابلون سلام جدام الاهل , بس النظرات أمبينهم أطورت , الهنوف أستوت من تشوفه قلبها يدق مثل الطبل , تحاول تتحاشه أنها تيلس بروحها معاه , كل ماتشوفه ياي عندهم تشرد حجرتها , أستوت تفكر فيه وايد , وبدأ يدخل قلبها , وبدأت تشوفه أنه صدق وسيم .. وشخصيته حلوه وبدأت تعجب فيه .. وكل مايطرون له أسمه قلبها يفز من مكانه ...
يا يوم عرس خليفه وغاليه ...
عاده غاليه من أسبوع وهي متروعه وخايفه وكله تفكر , بتدخل حياه يديده , وبتستوي عليها مسؤلايات وهي أصلا مش ويه مسؤليه ...
نشت الصبح من وقت أصلا هي مارقدت الا ثلاث ساعات , سارت الصاله لقت امها في الصاله تأمر على الخدامات ...
بعد كلام أمها أمس ونصايحها شوي أرتاحت غاليه بس بعدها خايفه ...
خذت لها كوب حليب وشربته , يلست أمها عدالها وقالت ببتسامه: ها شو النفسيه ..
غاليه: الحمدالله ..أمي بس كيف بدخل الكوشه مستحيه خايفه ماااأقدر ...
أم سالم: ماعليج بنتي لين الليل يصير خـــير... ماعليج الا هو يوم في الحياه هذا تحملي ..
غاليه: أن شاء الله ..
مر الوقت وعلى الساعه خمس يت المعدله وعدلت غاليه , أما الهنوف ومنى سارن الصالون مع حريم خوانهن ..
وعلى الساعه سبع خلصت غاليه كان مكياجها بالون الفضي والوردي وكان مالكي وناااعم والتسريحه راقيه وفستانها الابيض الي يشبه تصميمه فساتين الاروبيات الجدام ....
والطرحه ماكانت طويله كانت توصل لنص ظهرها ... ويدها نص كم والحنا الي لين أخر يدها .. كانت طالعه مبهره وجميله بشكل خيالي ..
تمت يالسه بروحها في حجرتها بعد ماراحت المعدله, حاولي نص ساعه الا أمها الي تي عندها وتقراء عليها...
الساعه سبع ين الهنوف ومنى, الهنوف كانت لبسه فستان عيناوي مع رصاصي يدين كت وفاجه شعرها بس مب كله نصه مسويته حركه يايه على طرف شعرها عاطنها شكل غير وجميل جدا أما منى كانت لبسه فستان برتغالي راقي يديه نص ومسويه باف...
منى أول مادخلت : ووووووواااااااااااااااااا اوووو خبال طالعه تجنينن..
غاليه بمسحتى : شكرا حتى أنتن أشكالكن حلووه ومتغيرات ..
شوي وتحدر عواش وعلياء ويصرخن : شو هااااا ..
عواش :يا ويلي ناويه على خلوف اليوم ..
غاليه احمرت من الخاطر : أووص شو ها انتن ..
علياء: ياويلي على حرمة أخويه تهبل ..
منى : أه متى بعرس وبلبس فستان أبيض..
حطت الهنوف يدها على ويها : أففففففففف ردت هاي أففففففففف كم تحاتي العرس..
عواش: يالله علياء ومنى خلنا نسير القاعه تأخرن ..يالله عروسه نشوفج في القاعه ...
علياء: يالله مع السلامه ..
وطلعن علياء وعواش , وبقت الهنوف مع غاليه ..
اطالعت الهنوف غاليه بحزن وقالت : والله تجننين طالعه , غــير ..
غاليه : طبعا عروس , بس الصراحه أنتِ مسكته متغيره ووايد أول مره تتعدلين جي ...
الهنوف: وووايد صح أنا مش عايبني ..
غاليه بعجاب: بالعكس وووايد حلوو ... خاصتنا العيناوي ياي حلو عليج ..
الهنوف: غاليه ماأتخيل أنج بتعرسين خلاااص ..
غاليه بحزن: حتى أنا والله أني خايفه وووايد...
الهنوف: ياااربي ماعليج ههههههه لاتخافين ..تعرفين ماتخيل انج خلاااص بتروحين عنا ..
غاليه والدموع بدت تتجمع في عيونها: لاتزيدين عليه هنوفه والله بصيح ..
الهنوف لوت على غاليه : لالالا تصحين وتخربين مكياجج..
غاليه ضحكت :أنزين انا عطشانه سيري يبي شي أشربه ..
الهنوف : أوكي اليوم بس علشان عيونج بخدمج هههههههه...
طلعت الهنوف والدموع في عيونها , غاليه والهنوف أقرب أخوات ويحبن بعض ووايد فالهنوف ووايد حزينه أن أختها خلاااص وبتروح عنهم ...
سارت الهنوف المطبخ , وصبت لهن كوبين عصير وحطتهن في صحن ...
فجأ أنفتح باب المطبخ الخارجي أتفاجأت الهنوف أو بالاصح أنصدمت كانت تدعي ربها أن يكون حد من خوانها , كانت منزله راسها وشوي شوي رفعت راسها شافت كندوره بيضه ختم , رفعت راسها صوبه بسرعه..
بس يوم طاحت عينها في عينه أنصدمت ...

كان حارب لبس سفره بيضه وعقال , وطالع شكله خطيييير ...
هو تم مبهت فيها , منصدم من الي شوفه , أول شي ماعرفها بعدين يوم عرفها تم يطالع فيها وهو مش مستوعب , والهنوف نفس الشي تمت واقفه اطالعه بصدمه , مش قادره تنزل عيونها عنه وجمدت محلها من الصدمه ..
حارب رد عقله أخيرا , نزل عيونه وقال: ياي كن كنت أشرب ماي ...
الهنوف بعدها مش قادره تتحرك , ودموعها جامده في عيونها ...
وطلع حارب , بدون مايشرب ماي , وتساند على الباب يستوعب الي شافه , الهنوف ووايد عايبتنه وكان طول الايام الي فاتن تي على باله ويبتسم مايعرف شو شعوره صوبها , بس الحين يوم شافها تخبل ... وقرر في نفسه أن مايضيعها , ويخبر أمه اليوم تخطبها له خلاااااااااص دخلت مزاجه وحبها ....
أما عند الهنوف فدموعها نزلن ربعت على أقرب حمام لها(( الله يعزكم)) وصكت الباب عليها وهي تستوعب الموقف الي استوا ...
حطت يديها على ويها وهي تنتفض بس ببتسامه , سارت صوب المنظره وخذت من التيشو الي كان عدالها ويلست تمسح شوي شوي دموعها الي نزلن عن يخترب المكياج ...
أبتسمت وهي تتذكر شكل حارب الكشخه , صدق كان يطير العقل , حطت يداها على ويها مره ثانيه وهي تهمس وتقول : فديته محلااااه ..
الهنوف تساندت على الباب وهي تقول: شكلي صدق أحبببه ,مالت عليه ..
طلعت الهنوف من باب وتلتفت يمين ويسار ماشفت حد وحدرت المطبخ بسرعه , وطلعت تودي العصير صوب غاليه ...
أول ماحدرت قالت غاليه: وينج تأخرتي عليه ...
أختبصت الهنوف وقالت : أها بس شوي سرت الحمام ...
غاليه: أها هاتي ابا أشرب عطشانه ..
عطت الهنوف غاليه تشرب , وهي سرحت ..
غاليه: شو فيج ماتردين أرمسج ؟؟
الهنوف: هااا ماسمعتج ..
غاليه: من الي ماخذ عقلج هاا ..
الهنوف بضحكه غبيه: أنتِ بعد منو غيرج..
غاليه: والله لاتخليني أصدق , صبري أنتِ ليش فاجه شعرج ؟؟
الهنوف: منى قالت لي فجيه حلو ..
غاليه: وأنتِ تسمعين رمست منى والله جان مايعطونج بعين قري على عمرج ..
الهنوف ضحكت: هيه أمي ماقصرت قرت عليه ...
غاليه : هههههههههه ..
أستوت ثمان ونص , ورن تلفون الهنوف..
الهنوف ردت : هلا هزاع ..
هزاع : شو مخلصين انا موقف سيارتي برع, الحين بتيكن منى ولبسي غاليه عباتها ولبسي انتِ بعد يالله ..
الهنوف: أن شاء الله ...
حدرت منى عليهن ولبسن غاليه عباتها وسترانها , وركبن سيارة هزاع ...
ماكانت القاعه بعيده وصلوا القاعه , ونزلن وودن غاليه غرفت العروس علشان تتصور , وتيلس فيها لين الزفه ...
مر على غاليه الوقت , وهي تصور , قالوا لها انها بتتصور مع خليفه بعد الزفه ... وخالتها دخلن يسلمن عليها وعمتها أم خليفه وبعدين طلعن ...
وصلت الساعه عشر وغاليه تترجف من الخوف , والهنوف معاها ...
الهنوف : غاليه ياربي شو فيج جي ترتجفين ؟؟
غاليه: والله متروعه الحين بظهر صح ..
ين أمها ومنى وعواش وعمتها أم خليفه , يقولن لها تطلع ...
غاليه أطالعت أمها وقالت: ماأبا اطلع خايفه ووووالله ...
أم سالم : لالا ماشي طلعي لاتفشلينا ..
غاليه: والله خااااااااايفه والله ....
أم سالم : ماعليه يوم بتطلعين بخوز المستحى ...
بعد مالبسنها عباتها طلعت غاليه من الحجره وركبت سيارة هزاع , لين وصلوها باب القاعه الرئيسي ...
ونزلت وهي ترتجف ..فجوا عنها العباه عند الباب وعطوها باقتها الي تتكون من ورد أحمر وأبيض , ودخلت بروحها على زفه بصوت علي أخوها مسونها خصوصي حقها ....
دخلت تمشي بكل هدوء بس في داخلها تنتفض من الخاطر , حاولت ترسم الابتسامه غصبن عنها ,و مشت بكل ثقه مصطنعه ...
ركبت على الكوشه وهي خايفه تتخرطف , ضحكت على عمرها وأفكارها المخيفه , تمت تمشي راده وسايره كم مره على الكوشه والمصوره تصورها فيديو ...
وأخيرا يلست بعد ماتكسرت ريولها من الكعب , والحريم توافدن يسلمن عليها , وهي وقفت علشان تسلم عليهن ويدتها تمت حاضنتها ويالله يالله خوزها عنها هع هع...
والهنوف ومنى ين عندها يسولفن وياها ويتصورن معاها ..
مر الوقت ويا الوقت الي بيدخل خليفه فيه , الحريم لبسن عباياتهن وتغشن ...
دخل خليفه كان لبس كندرو بيضه وسفره وعقال طالع مسكت , ومعاه علي وسالم وهزاع وأبو سالم وأبو خليفه وعمر ومايد وراشد , خليفه كان صدق من الخاطر متوتر رفع عيونه صوب غاليه الي كانت منزله عيونها تحت مع راسها الي كان نازل بشكل بسيط ..
انبهر خليفه بشكل غاليه الملكي , حاول يخوز عيونه عنها بس ماقدر وركب الكوشه وسار صوبها ومعاه أبوه وعمه , وبتردد حبها على راسها , ووقف عدالها وسلمو أبوها وعمها وخوانها عليها باليد ...
ووقفوا عدالها وخذوا صوره , وبعدين وقفوا يرزفون والحريم تخبلوا عليهم , خاصتنا هزاع اونه مسوي عمره شخصيه , علشان يشوفنه البنات ..
مها تضايقت على تعليقات البنات ..
وحده عدالها تقول: ووواي هذا أخو العروس يجنن محلااااه شوفي كيف يرزف ...
ربيعتها: هي بس سمعت أنه خاطب ههههه ماشاء الله المعرس صدق مسكت خخخ يناسب عروسه ..
الاولى قالت: صدقج بس أففففف أمبوني بغردن الهنوف علشان أخوها ...
مها شبت الضوء فوق راسها ... وطلعوا الريايل كلهم الا خليفه الي يلس وياغاليه على الكوشه ..
أما عند غاليه وخليفه , تقرب خليفه منها بعد مايلسوا وقال : مبروك حبيبي..
غاليه بهمس: الله يبارك فيك , وسكتت ..
خليفه أبتسم وقال: ماكنت أتوقع شكلج جي بيكون ..
غاليه أبتسمت بتوتر وماقالت شي ...
خليفه بهمس: ناويه تجتليني اليوم ..
ويوا علياء وعواش وأم خليفه , وسلموا عليهم وتصوروا وياهم ...
ويا الوقت الي بيسرون فيه المعاريس , نزلت غاليه مع خليفه من الكوشه , وطبعا وياها أمها وأم خليفه وعواش وعلياء ودوهم وحده من الحجر الي في القاعه ويلسوا خليفه وغاليه يتصورون وعاده تعرفون حركات المصورات سوا جي وجي وحركات وبعد ماخلصوا ...لبسوا غاليه عباتها وطلعوا برع علشان يسيرون..
وركبوها السياره من جدام , وركب خليفه السياره , خليفه مقرر أول ليله تكون في البيت واليوم الثاني يسيرون دبي , ولان في الفله بروحه, يعني طبعا كان مخلص قسمه الفوقي ومعدلنه ,وكل أغراض غاليه كانوا يايبنها ومرتبينها من فتره ....(( شرا ماقلت قبل هناك فله لخليفه وحمدان , والطابق الي فوق لخليفه أما حمدان الي تحت كل واحد له باب حمدان حاليا مايسكن في البيت بس كل يوم يتنظف ))
وكان الطريق هدوء ومارمسوا أبدا, ولانه ماكان بعيد البيت وصلوا بسرعه ...
ونزلت غاليه وهي متوتره , ودخلو الفله , وكان دري داخلي يودي لقسمهم فوق , غاليه كانت متوتر وصعب عليها تركب الدري من ها الفستان وماعرفت كيف تركب خافت أطيح ..تمت واقفه محلها أطالعها خليفه بتوتر وقال: ليش واقفه ؟؟
غاليه مستحيه ومبرطمه: أخاف أطيح من ها الفستان ..
خليفه ببتسامه : تبين أشلج ..
غاليه برعب :لالالا عادي بحاول أركب ...
حاولت غاليه تركب ووراها خليفه ووصلت نص الدري وبغت تطيح ..
بس خليفه مسكها بسرعه , وبدون مايعطيها مجال حاول يشلها أول مره ماقدر , أعتدل زين ورفعاها بيده الثنتين وشلها لي وصلها أخر الدري , غاليه مستويه طماطه من المستحى ..
غاليه بمستحى: خلاااص نزلني ..
خليفه بخبث: لالا بوصلج لين الحجره ..
غاليه برعب: لالا أنا ثجيله ..وطني
خليفه بمكر , تم شالنها لين وصلها الغرفه ووطاها هناك في نص الغرفه ..
نفض يده من الالم وقال: صدق انج ووايد ثجيله ..
أستحت غاليه وسارت صوب الشبريه ويلست عليها وهي أطالع الحجره الي كانت مزينه بالورد الجوري الاحمر والابيض في كل مكان ولونها الاحمر الفخم الرومنسي , خليفه توتر وهو يشوف غاليه , بس يا صوبها ويلس على طرف الثاني للشبريه وخذ مخده صغيره كانت على الشبريه وفرها على غاليه ...
غاليه انصدمت وأطالعته مش مستوعبه ليش فر عليها المخده ..
قال خليفه وهو يضحك: قاهرتني أنج شهر كامل ماتكلميني وتندسين عني وحلفت أني أفرج بها المخده ..
ضحكت غاليه عليه ..
تقرب منها خليفه ويلس عند ريول غاليه تحت وتم يتأملها , وعيونه في عيونها, أبتسمت غاليه لخليفه بمسحتى , رد خليفه لها الابتسامه وقال:أخيرا يا ها اليوم الي أشوفج عروسي ...
أزداد خجل غاليه , ونزلت راسها , قام خليفه ويلس عدالها ورفع راسها وحبها على راسها , وبعدين ضمها لصدره .... تموا فتره جي وبعدين قامت غاليه مبتعده عن خليفه وقالت وهي مستحيه : أمم ببدل الفستان ضقت منه ...

خليفه ببتسامه خبيثه :أها ضقتي أمم أنزين ...
سارت غاليه وظهرت من شنطتها , قميص الدخله , أبيض ساتر بشكل معقول يعني , وهي مستحيه اصلا تلبسه ....و ظهرت أغراض ثانيه بعد ...
سارت الحمام وتسبحت ولبست القميص ,أما خليفه سار وتسبح ولبس بجامه ...
بعد ماخلصت ,تمت تاخذ نفس , فجت الباب شوي شوي لقت الليت مبند , بس الابجورات الحمر مشغلاااات , صدق جو رومنسي ...
ربعت سيده صوب الشبريه وانسدحت ......
خليفه ضحك من خاطره عليها ....
(( خليفه : أحلـــى بدويه ترااااج مصختها , ياالله جلبي ويهج ..
أحلى بدويه: خخخخخخ شوي بس ...
خليفه: ماشي يالله طلعي وفكينا تراج لوعتي بجبدي..
أحلى بدويه معصبه: هي ماعليه أنا الي عاطتنك ويه , ظهرت لساني بقهر : اف منك فشلتني جدام قرائنا ....))
عند حـــارب أول ماوصل البيت شاف أمه تعبانه فأجل الموضوع ..
اما عند الهنوف , فتمت تصيح لان غاليه محد ...
في اليوم الثاني , راحوا خليفه وغاليه الساعه 11 وسلموا على أهلهم .وبعدين شخطوها دبــي ...
حارب بعد الغداء فتح ويا أمه الموضوع...
حارب: أمي أبا أرمسج بموضوع ..
أم حارب: ها حبيبي قول ..
حارب : ابغي أعرس..
ام حارب بفرح : والله فديتك العروس جاهزه ..
أعتفس ويه حارب وقال: لا!! انا وحده في بالي..
أم حارب بستغراب: منو هاي بعد الي في بالك ..
حارب بتوتر : الهنوف..
أم حارب: من الهنوف..
حارب: بنت خالي ..
أم حارب: بس أنا خاطبه لك بنت عمك ..
حارب: أمي أنا ما ابا بنت عمي أبا الهنوف...
أم حارب: شو ماتباها , أنا خاطبتلك بنت عمك وخلااااص ..
حارب بعصيبه: ما اباها بنت عمي, الهنوف وغيرها ماأبا والله ماأخذ وحده ثانيه غير الهنوف , وقام معصب...وطلع وركب سيارته وراح ..
ام حارب خافت على ولدها , أول مره يسوي جي وهي مبزتنه أخر بزا وماتحب ترفض له طلب ..
تمت تتصل له بس مغلق تلفونه ...
وتمت تحاتيه ...وهي تصيييييييييييح ...
الساعه عشر فليل يا حارب وكان ويه ذابل وتعبان, وتلقى مع أمه عند باب الصاله , تم يطالعها بلوم ..
قربت منه ولوت عليه وقالت: خلااااص فديتك بخطب لك الهنوف ..
حارب ماصدق : صدق أمي ..
أم حارب: هي فديتك اصلا وين بلقى مثل الهنوف عاقل حق ولدي حبيبي ..
حارب ببتسامه وفرح : فديتج أمي كيف فرحتني الله يفرحج دنيا وأخره ..
وباسها على راااااااااسها




النهــــــــــــــايه ...






مابعد النهايه..

يلست غاليه وهي مبرطمه على الشبريه , بعد مايت من عرس الهنوف وحارب الي كان بعد عرسها ب 12 شهر , وخليفه يلس عدالها يضحك : فديت الزعلانين أنا ..
قامت وفرت المخده عليه وقالت : خايس ...
خليفه تقرب منها بس هي ربعت عنه وركبت فوق الشبريه ..
قال خليفه وهو يطالعها بنص عينه : شوي شوي لاتربعين عورتي ولدي ..
غاليه: ولدي أنا مب أنته ..
خليفه: أفا ياأم سعيد هذا كلام تقولينه حق حبيبج خلوفي ..
غاليه بحب: فديت خلوفي وولده ..
تقربت منه وعطته بوسه على خده وبعدها عضته على خده وقالت: لاتقولي دبه أنزين ..
خليفه يلوي عليها : فديت الدبه انا ..
أما عند حارب والهنوف كانت الهنوف صدق مستحيه وودها الارض تنشق وتبتلعها من نظارات حارب وهو سرحان فيها ..
يلس عدالها وقال: فديتتتتتتتتتتتت حرمتي ماحلااااااااه تخبل ...
ضحك وكمل: تعرفين عمتي يوم شافج قالت يااااااااربي كيف تشبهك حرمك ..أبتسمت الهنوف
حارب أاطالعها بحب وقال: تعرفين من متى احبج من شفتج في بيتكم هذيج المره في أيام الشتاء أه كيف خبلتي بي ..
أخيرا رفعت الهنوف راسها صوبه , منصدمه سبحان الله حبته في الوقت الي حبها فيه ..أبتسم لها وهي ردت الابتسامه بمستحى أكثر ...

.......................
منى عرست قبل الهنوف وحارب بخمس شهور مع هزاع ومها ...
أم علياء فخطبها واحد من معارفهم ,وحمدان كان يبا الهنوف بس ماكانت نصيبه , اما سيف أصلا ماكان مهتم لغاليه لذاك الزود فخطبت له أمه وحده من معارفهم .......


أنتهى ...

[لامارا]

[nessrine noussa]

شـكــ وبارك الله فيك ـــرا لك ... لك مني أجمل تحية .