آخر 10 مشاركات |
|
| LinkBack | أدوات الموضوع | انواع عرض الموضوع |
02-12-19, 07:54 PM | #211 | ||||
| اول هذي التوقعات إنه جوّار لا يزال ضابط مثله مثل عزام و ثاني هذي التوقعات إن أبو عزام ربما يكون مارس نفس الشئ مع الجهة المعادية أو جماعة أبو عارف و هو ما يزال على رأس العمل إلى قبل وفاته(يعني جاسوس ) و الثالث إنه يكون واحد من الثمانية ربما خطط مع جهات عليا معادية و ما تم كشفه و هو اللي الان يقوم بالتخلص من الضباط لمعرفتهم فيه فالملاحظ إن عمليات القتل خنق و ما فيها دفاع عن النفس و فيه تاق لترقيم الضحية .. إحساسي يقول لي انك تلمحين إلى ذيب 😉 . .يجيني احساس إن عذوب تزوجت الذيب بغرض الحصول على معلومات أمنية مهمة و من ثم التخلص منه و لكن بعد زواجها هربت ممن جندها لذلك و وصلت للسودان أما ذيب الله يرحمه ... طبعا هذي أفكار أحسها بعيدة كثير لأني مقتنعة انها بنته خخخخخخخ المهم فرحينا بغادة و فهد و بذريتهم توائم توائم يا جميلة ويسلم قلمك الراقي يا مبدعة ولا تتأخرين علينا أو أعطينا خبر يا عسل😉 | ||||
02-12-19, 09:06 PM | #212 | ||||||
| نورة كان عندي ملاحظتين على جزء قديم نسيت أكتبها. ميخالف أكتبهم يمكن أحصل على نجمة للتوقع الصحيح 🤓 الرسالة اللي موجودة في تلفون عذوب،،كان مضمونها: (مصر- ليبيا- بنغازي. بتلاقينه ينتظرك وجربي تلعبين بذيلك أو تجين من غير اللي نبيه) الأكيد إن المسألة فيها تجارة ممنوعات، مخدرات أو أسلحة أو ما أدري ؟؟ ما أعرف ممنوعات غير هالاثنين 😅 طبعا عارف يلاحقها وحريص على الوصول لها لأن عندها معلومات خطيرة عنهم، توديه ورى الشمس على قولتهم . الملاحظة الثانية : (خرج بسرعة وانتقل لاستديو الصور ، حرّك بصره عليها بسرعة، جميعها كانت متشابهه لدرجة شك بأنها نفس الصورة مكرره مئات المرات، جميعها لرجل يعطي الكاميرا ظهره.. لفتته إحداها لرجل يَظهر جانب وجهه دون أن تتضح ملامحه،،) أما هالجزئية فعندي إحساس إن اللي بالصورة هو ذيب مافي غيره، تعلقت عذوب فيه لدرجة تحاول إنها تلتقط له صوره ، تتمقل فيه وتطالعه كلما أثقلتها هموم الدنيا ، فتتذكر مواقفه معاها وتهون عليها. بس للأسف ما حصلت الا على صوره وهو مقفّي . اشرايچ بتوقعاتي ؟؟ 🤔 💡 | ||||||
02-12-19, 10:06 PM | #213 | ||||
| ماشاء الله تبارك الله أبداع ياوطن نورة الله يسعدك وينك يا عنود الصيد تتحفينا بتوقعاتك بالنسبة لذيب اكثر من ثلاثين سنة غائب ما اتوقع أنه حي لأنه غير المعقول مايحاول يتواصل مع أهله لو من بعيد أو أنه حي لكن فاقد الذاكرة أتعاطف مع فهد كثيراً لأنه عانى كثير وخصوصاً من ناصر وعزام مع أني أرى أن عزام مايغلط عليه ويستحقره كما يفعل ناصر ولعل غادة تكون العوض له وأتسأل عن موقفها حين تعرف بموضوعه. | ||||
07-12-19, 04:37 PM | #215 | ||||||||
مراقبة عامة ومشرفة منتدى الروايات المنقولة
| السلام عليكم ورحمة الله وبركاته مساء الخير على وطن ومتابعاتها العزيزات ماشاء الله وطن نوره بارت مميز جدا من حيث الطول والإبداع في السرد والوصف عيشنا الوضع مع الأبطال وتأثرنا معهم تسلم يمين خطت لنا هذا الإبداع قلم مميز أتمنى أن يستمر في تألق دائم عزام مثل مايقال كثرة الكبت تولد الإنفجار وهو وصل لمرحلة الإنفجار وماقدر يمسك نفسه وأنفجر ببكاء بسبب كل ماكان يضايقه ويكتمه ليس فقط موضوع والده فقط وأتمنى إنه بعد موجة البكاء هذه يرتاح ويتغير للأفضل عبد الإله بحكم صحبته لعزام من صغره فهمه ومامشيت عليه كذبته لكن ياعبادي عزام محتاج شيء أقوى من القاروره حتى يفوقه ويرجع له عقله عبد الإله ياترى هل راح يكون له نصيب مع لولوه أو مع ريم مدري وطن بموقفه مع ريم دخلتها في راسي أن ممكن يكون له نصيب مع ريم رغم إني اشوف لولوه خيار أمثل له شعاع لو استمرت على استسلامها ومدارتها له ومتجاهله حالها ما أظن راح يتغير عزام لازم تبين له إن هذا الوضع ماراح تستمر فيه ولا راح تتحمل تجاهله لها يمكن وقتها يحس على نفسه لما يشوف إنه ممكن يفقدها لولوه معها حق تنفصل عن زوجها ويحق لها تخاف من تصويره لها هذا واحد مايخاف الله ولا عنده غيره وممكن صورتها تنتشر من عنده غيرأن ممكن أحد من أصحابه يفتح جواله ويشوف الصوره أو ضاع الجوال وفيه صورتها أعجبتني لولوه في سترها على زوجها وعدم فضحه فهد عريسنا الله يتمم فرحته بمجرد رؤيه لغاده تغيرت نفسيه وأعجب بها صدق الرسول صلى الله عليه وسلم عندما قال (انظر إليها فإنه أحرى أن يؤدم بينكما ) أما عاد موقف الشوفه هههههههه وياكثر هالمواقف المضحكه بين المخطوبين عند الشوفه من الربكه ناصر مدري ليه مصرين ياخذونه معهم والله فراقه عيد لو راح كان نكبهم والله يستر ما يخرب على اخوه قبل زواجه يمكن لو عرفت غاده موضوع فهد بعد الزواج وبعد ماتكون عاشت معه وعرفته ماراح يأثر عليها لكن الخوف تعرف قبل الزواج هي والا أهلها جوار أعتقد إنه كذاب وعذوب ماهي زوجته هو قال هذا الكلام حتى يعرف من عبد الله أخبارها ويطمن له لو زوجة أبو عارف ممكن أو يمكن كان ناوي يتزوجها وهربت منه لما عرفت إنه مجرم أو كان ناوي يستغلها في اجرامه تهريب أو غيره والظاهر وممكن يكون مهددها أو يمكن لأن عندها معلومات ممكن تنكبهم وخايفين منها الله يحرم يدينك على النار ويسعدك وطن نوره مثل ماتسعديننا منتظرين باقي الأحداث | ||||||||
07-12-19, 05:03 PM | #216 | ||||
اشراف القسم
| السلام عليكم ورحمة الله وبركاته تم تمييز الرواية وتثبيتها بتميز اسلوب كاتبتها اسلوبا وطرحاً الف مبروك ونتمنى لك دوام التميز ونرجو أن يعجبك الغلاف الاهداء من احدى مصممات فريق وحي الاعضاء اشراف وحي الاعضاء | ||||
مواقع النشر (المفضلة) |
أدوات الموضوع | |
انواع عرض الموضوع | |
|
|