اللي يبينا عيت النفس تبيه واللي نبيه عيا البخت لا يجيبه / عيونك آخر آمالي ، مكتملة

[لامارا]

يا حلو الغروب... كنت انا وجدة وافي اللي صارت جدتي...جالسين في البلكونه...نتأمل الغروب ونشرب شاهي بليمون عشان حلوقنا اللي رايحه وطي مع البرد!!
الشمس تحاول تنتصر على الظلام..بس تضطر بالاخير تستسلم وتنوم بامان..شكلها جميل مثل اميرة نعساانه ترجع تستلم للنوم^_^..
: جدة؟؟"
طالعتني وهي تبتسم: هااااا؟؟.."
:ممكن اناديك يمه!!.."
طالعتني وهي مستغربة...وقالت بكل حنان: اكيد يا بنيتي...وانا اساسا اعتبرك بنتي لأنك مرت الغالي...اللي اعتبره ولدي....واغلى من عيااالي وبنااتي كلهم..."
حسيت بفضول لمعرفة حياة وافي: انت اللي ريبتي وافي ومشاري وخواتهم....؟؟؟"
سرحت الجده للحظات وشربت شوي من فنجالهاا: انا اللي ربيت حصه...وحصه هي اللي ربتهم...وشالتني معهم..."
وسكتت تتذكر...وسكت انا احترام لهااا...
كملت بهدوء: يمكن وافي يقسى عليك لحظااات...بس ترى اللي شافه مو شوووي...تطلقت بنتي ام وافي من زوجهاا...وجابت عيالها كلهم عندي....ورمتهم بوجهي...قالت انها ماتبيهم وانها تبي تعيش حياتها...واذا ابوهم مابغاهم هي ميب مسؤوله ...ليش يروح يعرس وهي لاااء؟؟.. حاولت معهاا انها ماتخلي عيالها..لأنها بكره راح تحتاجهم...بس ولا كأنك تكلمهاا...راحت وتزوجت...وماتت مع زوجها بحادث من ثاني اسبوع....وافي كان اكثر واحد متعلق بأمه...عرف باللي صار...فكرررههها حيل... وتعلق بحصه اللي اعطتهم كل اللي يحتاجونه... كانت تخدمني...وتخدم اخوانها..والله انها ابر من بناتي "
حسيت بالم قوي..مسكين وافي...وش هالام؟؟..اقلها ماتوا اهلي وانا احبهم ومحتفظة لهم بصور حلوة بداخلي...تخيلت وافي الطفل المسكين المحروم من امه...ضميت نفسي.. يابعد عمري..يا وافــ.... قطعت تفكيري؟؟؟...وشووو انا اذكر اسم وافي..حتى لو يحزن مفروض ما اعطف عليه..حتى لو يحبني...ماراح اعطف عليه...!!
: يعني حصه اغلى من امهاا؟؟"سألت بهدوء مشوب بالفضول!!
جدتي قالت: حصه البنت الحنون هي اغلى ماخلق ربي عندي... انا ما انسى يوم انها تذاكر وتقعد تهمزني... كنت توني طاايحه بسبب الروماتيز...هذا اللي يهشم العظام ويلعن جدفهاا.. كانت تحب تنوم جنبي...علشان توفر طلباتي....وحتى يوم اعرست بكيت كثييييي ييير....ووافي بكا كثييييير....وانا كنت طماااعه وماكنت ابيها تعرس... كنت ابيها تعيش معاي تخدمني وتخدم اخوانها...بس الحمدالله انها مادرت وش كنت افكر فيه وقتها...."
انتظرت جدتي تكمل...لكنهاا سكتت...وغرقت عيونها بدموع وقامت تمسحها بشيلتها.. رحت يمها وضميتها بقوة ومسحت دموعها: ليش يا يمه؟؟..ليش تصيحين؟؟..."
جدتي وهي تشاهق: ابكيي لأن حصه تغربلت كثيييرررر... كان زوجها يطقها...ولا عمره رحم ضعفهااا.... حتى وهي حامل اسقطت ثلاث مرات....صدق كان يوم فرح يوم طلقهاا زوجهاا..."
قلت بفضول: متى طلقهااا؟؟..وكيف؟؟.."
- طلقهاا بسبب وافي...وافي اللي كبر وتعلم بره...ومسك كل حلالناا..وصار ينخاف منه ولا يخاف من احد.. طقه وكسر ضلوعه...وخلاه يطلق حصه غصبن عليهااا..."
وضحكت عند هالنقطه: هههههههههه....هذي ميزة وافي...مايعرف التفاهم...شري من كان صغير..."
لا شعوريا قلت: الله يحفظه لي...."
كملت جدته وهي تبتسم لي: بسس ترى مية مرة تمناه...والله اني ما انسى بنات ال... كانن دايم ينتظرنه على باب الفله.. مع انهن اكبر منه!!..."
حسيت بغيرة: كم كان عمره؟؟.."
-يعني كان توه داخل ال15سنة...."
حسيت بنار تشتعل بداخلي فقلت وانا ابعد عن حظن جدته: صدق بنات قليلات ادب!!"
جدتي وهي تضحك: ههههههههه...لااا والله..إلا بلااا ولدي انه مزيون..."
: مو مرررة..يعني ترى فيه شباب ازين منه..."
ضحكت جدتي: الله من الحريم..مانخاف ربنا اذا غرناا..."
: هههههههه...انا ماقلت شيء غلط...صح ان وافي حليووو...بسس..." وسكت يوم جاتت جدتي تضربني بعصاها....وهجيت من قدامها...
: هههههههههههه بروح اسووويلك حليب.."







تذكرت الاغنية اللي غناها لي وافي وانا واقفة عند ابريق الحليب..." ئووووووووول ان شاء الله..." وتمايلت قدام الابريق..وانا اغني بأعلى صوووت..: خليكي الله يخليكي عمري الجاي بشوفه فيك.."
: مشااااااااااء الله!!.."
التفت جزعانه: مهاااااااا!!..."
طالعتني مهاا وابتسمت بكسل: وشووو؟؟...ماتوقعت شوفتي؟؟..."
: لاااء...البيت بيتك..حياااك..." ولفيت عنها وحركت السكر بالابريق واضفت له زنجبيل... وحطيته بالصينية وحطيت كوبين..
: تبين حليب؟؟.."
مهاا وهي تهز راسها: لااااء...شكرا..."
: جايه مع احد؟؟..."
مهاا: وصلني خالي مشاري...اممم...بتروحين تقعدين مع جدتي؟؟.."
: لااا بعطيها الحليب...."
استغربت زيارة مهاا...رحت لجدتي..وحطيت عندها الحليب..وصبيت لها كوب...ولقيتها متمددة على الكنبة...غطيتها ببطانية...
ورجعت لمهاا..بعد ما تأكدت من شكلي في المراية اللي بالسيب...كانت بعض بقايا الكحل حول عيوني...وشعري الحمدالله مترتب..
دخلت الصاله...لقيت مهاا جالسه سرحانه على الكنبة...طالعت فيهاا بتردد...خاايفه انها تكمل اللي بدت فيه ذاك اليوم...وحاسه اني هالمره راح امووت لا محاااله...قلبي ماعاد يحتمل كل هالصدمات!!
: مهاا؟؟!!" نبهتها لوجودي وانا اجلس قبالهاا..
مهاا وهي ترجع شعرها ورى اذنها: آسفه..." قالتها وهي تطالع باصابعها...
: اها؟؟؟"
مهاا: عاارفة اني تصرفت معك بطريقة مرة غبيية...امممم...ماراعيت انك مرت خالي.."
:.............."
مهاا وهي تطالعني بعذاب: بسس انا لمن صلحت الجوااال....رجع دق عليي رجااال.. وقال لي ان فيه وحده متصله علي من الجوال حقي.."
:..........طيب؟؟" قلتها بفتور وانا xxxxxه اذا اعترف لمهاا بكل شيء ولااا اسكت افضل واشوف لوين بتوصل...
مهاا وهي تقلب عيونها بكل مكان: دقيت على خالي وافي...كنت بقوله انك تخونينه.. مافكرت مرتين اذا اللي انا اسويه صح او غلط...كنت راااح ادممرر خاااال.." سكتت عند هالنقطه وبكت بقوة...
: مهاا...نصيحه مني...عمرك لا تفسرين الامور بكيفك..." وكملت وانا اوقف: مرات ظاهر الامور يكون غير باطنها...وانت لازم تتعلمين من غلطتك....انااا..بروح اخذ لي غفوة..عن اذنك.."
ومشيت وتركت مهاا تبكي لوحدها ورغم ان قلبي كان ميت صياااح عليها...لكن خلاااص ان ملكه مو اي بنت!!...انا عزة اهلي اللي ماتوا فيني!!...شلون لعبت بكرامتي وسمحت للي يسوى واللي مايسوى انه يدوسها...





مرت فترة المغرب ببطء.. وتبعتها العشاا بكسل اكثر!!...وحسيت على الساعه 9:00 ان النوم قاعد يناديني لاحظانه... رحت لغرفة النوم اللي جمعتني انا ووافي قبل فترة...فتحتها ببطء...وكأني متوقعه اشوف وافي متمدد على السرير....بس مالقيت شيء غير الفراااغ!!
تمددت على السرير بتعب...وضميت مخدة وافي بقوة.... يااااااااااه تجنن ريحته!!...دخلت تحت البطانية الثقيله...وفتحت كتاب قوانين الحب العشرة...ثاني قانون...قريته باهتمام.. الاعتراف بالماضي!!...آآآآآآآآآآآآه من الماضي....يجب على المرأة ان تعترف لزوج المستقبل بكل ماضيها ويجب عليه المثل!!...
قريت هالقانون باهتمام....وبعد ماخلصته..طويت الصفحه وحطيت الكتاب على جنب... قمت من السرير....وفصخت ملابسي...ولبست بيجاما ثقيله كحلية...تصدقون اني ما اتكلمت مع مهاا نهائيا!!....ولمن عرفت اني ماراح اسامحها تركتني وراحت قبل نص ساعه... مسكينه والله!!..بس قلبي ماعاد يحتمل!!
غمضت عيوني بهدوء..بس سمعت صوت الجوال يدق...طالعت بالجوال باهتمام...كان وافي...الوافي!!....ترددت اذا ارد عليه او لاااء....بس اخاف يقفل...رديت بسرعه وسكت...
وافي: الوووو....ملكه؟؟"
:......................هلاااء..." رديت اخيرا بخوف!!
وافي وكأنه ارتاح: غريبة مانمتي؟؟!!.."
: كنت على وشك..."
وافي: اهاا..كيفك؟؟..."
: اممم الحمدالله بخير.....الحياه مع جدتك لها طعم غير!!...احس كأني ببرنامج الوادي..هههههه.."
وافي: ههههههههههه.....هيفاء وهبي؟؟"
: لاااء وععع..انا احلى من عشر من اشكال هيفااء..."
وافي بنعومة: صحح!!..."
حسيت اني قاعده اذوب..مثل قطعة الثلج اللي تذوب بصمت..
وافي: ملكه؟؟.."
:.............هلاااء.."
وافي بخبث: ليش سكتي؟؟...هممم؟؟"
: اممممم...ولااا شيء...اه...اممم..وش تسوي؟؟.."
وافي بملل: ولااا شيء جالس على سريري...احاول اني انوم..بس موو قادر.."
: ليش؟؟..."
وافي وهو يقلد صوتي: ليش؟؟...ابدا..لأني فاقد وحده مزعجه لها شهر ونص تنوم معي ..."
حسيت بحرارة فضيعه بجسمي...فرميت البطانية بعيد عني...ودورت شي عشان اهوي على وجهي....
وافي: هههههههههه...وش فيك؟؟.."
: هااا؟؟؟...ابدااا.."
وافي: هااا؟؟؟..ابداا..."
: واااااااااااااااااااااااا في...." قلتها بيأس!! والله انه حمااار!!
وافي بنعومة: عيوووون وافي..."
: امممم...لاااا..لا تكلمــ....ني بهالطررريقة..." وكملت بعصبية وصعوبة: بكره بتزوج قول هالحكي لمرتك!!"
وافي بحرارة: من عيوووني!!...وش تبيني اقولهاا بعد؟؟؟..."
: اممم...قولهااا....لنار جههنم ان شاء الله..."
وافي: لاااا بسم الله عليها ان شاء الله بجنات النعيم!!"
: تحبهااا؟؟...قلبك جمارك!!"
وافي: هههههههههه...قلبي ايش؟؟..."
: اه...قلتلك جمااارك...يحب كل شوي!!...."
وافي بخبث: الشرع حلل اربع...عشان كذا لازم احب اربع..!!"
: بسس!!...انت.....تحـ....تحب وحده صح؟؟؟" وحسيت بلساني لصق بحلقي عند هالحد...
وافي: احبهااا بس يبيلها تكسير راس...ترفع ضغطي كثير...وتثير فيني مشاعر اكررههها ..."
: مشاعر تكرهها؟؟.."
وافي وهو يأخذ نفس: تحسسني اني ضعيف عندهااا..عشان كذا اجبر نفسي استقوي عليهاا غصبن علي..."
:..............."
وافي بكسل: ملكه؟؟..."
سكت ولا رديت عليه حسيت ان قلبي كل العالم تسمعه...وتجمدت بسريري...ياربييي... وش اللي قاعد يصير فيني...يااارب اكوون اقوى من وافي...ومن عشرة مثل وافي!!..
وافي بقلق: ملكه؟؟...نمتي؟؟..."
:.................."
وافي باستسلام: ماراح اقفل...بجلس على الخط معك حتى لو انك نايمه...بس تصبحين على خير.."
: وانت من اهله!!...تقدر تقفل.."
وافي بنعومة: لااااء راح اظل معك على الخط...يله نومي ولا تزعجيني..."
خساارة..
مابقى فيني شعور للهوا شفقان...!!
طرحت العاطفه...
وانت ترى...
آآخر من يهمني!!!!

[لامارا]

الفصل السابع والعشرين...


كانت ايامي بالمزرعه ممتازة...زاد وزني..اشرق وجهي...بانت الصحه على كل حركة من حركااتي..نفسيتي تحسنت كثير..خصوصا مع سواليف وافي في آخر الليل وبداية الفجر ... مع منظر الخيل وهي تسرح وتمرح في المزرعه في المكان المخصص لهاا.. مع منظر الحمام اللي كل يوم افتح له الصندقه بنفسي!!
جدة وافي اعتبرتني مثل بنتهاا...وعاملتني بحنان فضيع...وكنت استشعر هالحنان بكل سعاده ... ماكنت مصدقة ان هالشيء يصير لي وان حياتي خلااص صارت افضل حياة في الدنياا... حتى اني نسيت موضوع زواج وافي مع انه من وقت لثاني كان يظهر لي ويعكر علي تفكيري...بس وافي كان دايم يطمني بكلااامه...كنت احس بحبه..وكنت شبه متجااوبة معه...كنت ابي اتجاوب معه..بس خوفي من اشياء كثيرة كان يمنعني اتمادى بمشاعري ...خصوصا ان هذا وافي مو حي الله!!



الساعه10:00ص



حسيت بسعاده فضيعه وانا اشوف شغالة صيته تدخل المطبخ ومعها منوو...شلت منو وانا حيل مبسوطة وقطعت خدها تبويس.. طلعت من المطبخ بعد ماقلت للشغاله تكمل شغلي... ورحت ابي اشوف وش مناسبة هالزيارة من صيته..لأن مو عادتها تجي بنص الاسبوع وعلى وجه الاختبارات النهائية..
من صدمتي لمن شفت منظر صيته المأساوي...فتحت فمي مفجوعه... كانت صيته جايبه عيالهااا كلهم...ومعها شنطة سفر كبيرة تجرها بتعب...
رحت يمها بسرعه..وانا مصدومة...وسلمت على بنتها وولدها بسرعه... وضميت صيته بقوة...
: صيته...وشووو؟؟..وش صاار؟؟.."
صيته وهي تشيل غطاها عن وجهها: انا تعباااانه يا ملكه..." وقامت تصيح بقوة وبحرارة ...
: صيته حبيبتي..."
تجمعوا عيالها حولها وقاموا يصيحون...معهاا...وحتى منو الصغيرة قامت تصيح بحرارة وكأنها تعرف امها وش تحس فيه...
حسيت اني مرة متوترة...وماعرفت شلون اتصرف بمثل هالحاله؟؟..الله يذكر ايامك بالخير يا عفراا... كانت تعرف تصرف بالحالات المأساوية...
ناديت الشغاله حقتهم وخليتها تآخذ الصغار جوه..وسحبت صيته لغرفتي اناا ووافي.. علشان ماتسمعها جدتناا...اول مادخلت الغرفة..رمت نفسها على السرير..وصاحت بمرارة ... تركت منيرة على الكنبة...ورحت لصيته ومسحت على شعرها بنعومة..
: صيته...اسمعيني..البكاا عمره ماكان حل لأي مشكله..."
صيته بمرارة: يكلمهاا يا ملكه...يكلمهاا...اسمعهم يتغازلون قداام عيوني... ماراعى وجودي ...يطلع بالساعات عشان يسولف معهاا... واذا سألته تعذر لي بأشياء كثيرة... وبالأخير اعترف لي انه يطلع معاها عشان يأثثون البيت..."
عورني قلبي على صيته مسكينة يا عمرري...: صيته عيوني...خلاااص..مايستاهل دموعك اذا هذي سوااته..."
صيته وهي تلتفت لي: ملكه انا بتطلق منه...ما اقدر اعيش معه..لو تشوفين الجحيم اللي اعيشه يوميا....احس بناااار تحرق صدري.. ولااا ترحمني.."
قلت لها بهدوء: مو كذا تنحل الأمور...الأمور لازم تنحل بهدوء..واحنا قلنا الصبر ياصيته ..اصبري على رجلك وان شاء الله تقدرين تغلبين على مشاعرك... بعدين لا تنسين عياالك ...تراهم محتاجين زوجك..محتااجين ابوهم"
صيته بأصرار: يخسي يآخذ عيااالي..والله لو اخليه يدور عني بكل مكان..عيااالي لا يمكن اخليه يآخذهم...عشان تربيهم بنت الــ..."
قاطعتها بسرعه: هدي اعصاابك..بروح اجيبلك كاسة مااء..واغسلي وجهك مو حلوة تشوفك جدتك بالشكل ذا...اكيد الحين درت انك جيتي وميتة خوف عليك.."
هزت صيته راسها لي وراقبتني وانا اروح اطلع من الغرفة ومعي بنتها الصغيرة...خليت الشغاله تودي لها كاسة ماء.. ورحت للصاله عشان اشوف وش مسوين عيالها الباقيين؟؟.. لقيتهم جالسين على سبيس تون.. يا حلو البراءه...قبل شوي يصيحون وهالحين مبسوطين على افلام كرتون...شفت عجوزنا ناايمة وقدامها كاسة الحليب اللي لسه ماشربتها..رحت يمها وبستها على راسها وغطيت جسمهاا زين..ورجعت لصيته...
لقيت صيته تمسح دموعها بالمناديل وتشرب كاسة الماء..جلست عندها على السريرحطيت بنتها بالنص بيناا...
صيته وهي تبوس خد بنتها: والله قمل( قمر)...." والتفتت علي: وش مجلسك هناا؟؟.. وين وافي؟؟.."
: واافي مسافر!!..وانا هنا لي ثلاث ايام.."
صيته وهي تطالعني مستغربة: مساافر؟؟..وافي انا شايفته امس..."
: وشوووو؟؟.." قمت على طول من السرير وحطيت ايدي على راسي...حسيت بصداع فضيع..وش قصدها ان وافي في الريااض...
: صيته انت متأكده؟؟..يمكن كان توه جاي من السفر؟؟.."والله ان قلبي كان قارصني كنت حاسه ان في الموضوع ان...
صيته بتردد: ايه...لاااء...مدري والله!!..اخاف اني اسبب مشكله وانا مانيب دارية!..."
: صيته..اخوك الاستااذ..قايلي انه مساافر..اكيد بيصرفني عشان مرته الثانية.." وارتجفت شفايفي بقوة..والله لوريك يا واافي...مو انت اللي تضحك علي...خذيت الجوال ودقيت عليه ..
صيته وهي تحاول تسحب الجوال من ايدي: ملكه انتظري.."
: الووووووو...بعدي عني يا صيته.."
وافي بنعومة: هلاااء...هلاااء بملكتي هلاااء....شوي شوي وشفيك تصاارخين؟؟..."
: واافي؟؟..متى بتجي من السفرر..؟؟"

وافي الكذااب ببساطة: بعد بكره ان شاء الله...ليش؟؟.."
: واافي يا حمااااار!!..يا كذاااب.."
وافي قبل لا يستوعب اللي قلتله..لقاني قافلة الخط بوجهه...
: قاعده احاول اهديك واكتشفت اني انا اللي محتاجه لهدوء.."وجلست على السرير ودموعي اربع اربع...
صيته بأسى: رجالنا مجموعة كذابين.."
: استااهل والله...انا استاهل..مفروض اني ما اخليه يتحرك بدوني..."
دق الجوال بعد كلمتي على طول...كان وافي..اعطيته بزي..ورجعت ابي اتكلم مع صيته.. بس دق من جديد...واعطيته من جديد بزي..حوالي الثمانية مرات وانا مستمرة..بالأخير صيته خذت الجوال مني: الوووو...وافي انا صيته..."
وافي وصوته عاالي حتى انا سمعته وانا بعيده شوي عن صيته: ووين ملكه؟؟.."
صيته وهي تطالعني وتأشر لي انه معصب: ملكه بالحمام!!...تبي شيء؟؟.."
وافي بصوت مكتوم: صيته..لا تكذبين علي..عاارف انها قدامك وتغلي زعل.. خليني اكلمهاا..."
صيته بجدية: لااااء...راح تهاوشون اذا تكلمتوا.." وكملت بمزح: بعدين دامك كاذب عليها كان كذبت عليناا بعد...ولااا كان علمتني عشان اخبي عليك!!.."
ضربتها بقوة على كتفها الحمااره بتعاون مع اخوها ضدي!!...
وافي وهو يصرخ: صيتووووه!!...مالت عليك من اخت..."
صيته بأسف وهي تبتسم لأنها حارقة اعصاب وافي: وافي لا تززعل...بس والله مايصير تكلم ملكه الحين.."
مديت يدي للجوال...بس صيته عيت..: لااا يا شيخه تبين تسببين مصيبة لنفسك؟؟.."
: صيته..روقيني خليني اكلمه بسرعه..واشوف وش عنده!!.."
صيته وهي تبتسم بلؤم: تصدقون اني ارتحت بعد ماشفتكم...هههههههه...اسمحولي بس اشكالكم تززنن وانتم تهاوشون...ياا عصاافير الحب.."
ضربت صيته بقوة وحاولت آخذ منها الجوال بس كانت اقوى
مني...طحت على ألأرض وتعورت...فخافت واستلسمت وعطتني الجوال اول ماحطيته على اذني سمعت صراخ وافي اللي خرق اذني..: حمااااااااااااار؟؟..هااا؟؟ انا رجلك تقولين علي حماار؟؟.."
كنت ابي اتهاوش معه بس لقيتني ادافع عن نفسي: واافي..اسمعني..انت..انت..غصبا علي قلت لك كذاا...لأنــ.."
وافي بعصبية وبدون تفااهم: خذي سواق صيته...وتعاالي البيت بسررعه...صدق معطيك وجه اناا...الشرهة علي اللي مراعي فيهاا مشاعرك!!."
طالعت بالجوال وانا مو مصدقة...وافي قفل الخط بوجهي..الحماااار!!
صيته: بتروحين له؟؟.."
: لااااء...من جدك اروح؟؟..مفروض اهو اللي يجي يراضيني موب انا اللي اروح له.."
صيته بخوف: ملكه؟؟...انا اعرف وافي زين...وبعطيك معلومة صغيرة...عمر وافي ماصرخ بالطريقة ذي...وهذا اذا عنى شيء...فهو يعني شيء واحد..انه معصــــب عليك ...فهمتيني"
طالعت بصيته وانا اوقف من على السرير: يعني..اروح له؟؟.." وضميت نفسي بخوف.. يمكن انا فعلااا غلطت على وافي...مفروض ما اقوله حماار..جد لو احترمه ماكان قلت له هالكلمه...ياربيييييييه ساعدني...
صيته بتوتر: نعنبو ذا الوجيه...هالحين انا جايه اقولكم عن مصيبتي لكن شلت مصيبتكم.. شلي شلايلك وروحي لرجلك.."
: لااااء..هذا آخر قرار..اللي يبيني يجيني.." وسفهتها ودخلت الحمام!!..








بالمطبخ وانا قاعده اقطع السلطة وصيته جالسه قدامي تمسح دموعهاا..كنت اطالعها... زوجها دمرها بالمره...صيته تغيرت...حتى صوتها انخفض ولااا عاد زي اول.. عيونها تغيرت من كثر البكااء... جسمها نحل..صاارت حساسة رغم انها كانت قوية وهذا اللي كنت اعرفه عنها من مهاا...
صيته وهي تكمل: محد راح يفهم احاسيسي....بيقولون لي الشرع..اناا ما اعترض على شرع ربي..بس غصبا عليي...تخيلي معي ان وافي يكلم وحده غيرك...ولااا احلى كلماات .. كلمات حتى بشهر العسل ماسمعتيها منه... تخيلي انها تعزمه على مطااعم...ويروح يطيعهاا...وانااا...اناا اللي كنت اعزمه دوم..عمره ماقبل عزومتي... كان دووم يحسسني اني بنت آل...اللي ماتليق بمقامه...ويوم صدق رفعت خشمي عليه... بسببه اهو وبسبب تصرفااته...رد لي الصاع صاعين...وخطب...خطب يا ملكه...ولااا دريت... ولااا كان عندي علم..."
وقفت صيته شوي تتذكر ذيك الأيام...الله لا يحسسكم بمشاعرها...مشاعر الأهانه والطعنه والألـــــــــــــم..
صيته رجعت تبكي وتتكلم وتشاهق: تخيلي اني اناا اللي زينته يوم ملكته... اناا اللي طلعت له مشلحه... وانا اللي بخرته... وانا اللي اخترت له كل قطعة يلبسهاا.. اول مرة يا ملكه يطيعني...اول مرة مايجادلني بملااابسه...جااني اتصاال على رقم البيت..وكانت حرمه تشمت وتقولي تعرفين وين زوجك فيه؟؟..آآآآآآآآآه...انا يا ملكه...صيته آل...صرت علكة بحلوق النااس...اناا..اللي ياما تهاوشوا علي عيال جماعتي مع هذا رفضتهم... ملكه قوليلي شلون اصبر وهو خدعني...وهو طعني..."
تركت الطماطم اللي بأيدي ونشفت ايدي بالمناديل وربت على كتفهاا : صيته.. والله رجلك مايسوى دمعه من دموعك...يحمد ربه انك كنت بيوم مرته.."
صيته وهي تحط يدينها على وجههاا: بنهاار...مو قاادرة اعيش اكثر...ابي امووت ولااا احس باالأحاسيس اللي حسيتهاا واللي قاعده احسها كل لحظة سواء قريبه او بعيده عنه..."
: صيته..هدي اعصابك يا عمري..مايسوى اللي تسوينه بعمرك...اشربي موية.." وصبيت لها كاسة مااء...شربت منها شوي ورجعت تصيح من جديد...
: شرايك تآخذين لك غفوة...واذا جهز الغداء قومتك..نروح نآكل قريب من الأسطبل..."
صيته ما جادلتني وقاامت من على الطاولة وطلعت...طالعت بظلها وهو يبتعد..مسكينة يا صيته...الله يصبرك ويصبرني معك!!





اممم...ريحة الغداء تمام التمام...غطيت القدر..وخليت الشغالات يجهزون باقي الأغراض.. طلعت من المطبخ...وسمعت صوت سيارة... استغربت مين اللي بيكون جااي بهالوقت؟؟.. رحت للصاله بسرعه..عشان لولااا سمح الله كان مشااري ولا واحد من شباب العايله... اول مادخلت لقيت جدتنا قايمه وقاعده تسبح وتستغفر...جيت جلست يمهاا وحطيت راسي على كتفها ا...وغمضت عيوني بتعب...يااااااااه صدق احب هالانسانه...لو وافي يطلقني اكثر ماراح اخسر هي..بس هي ولا هو...هههههه..خلوني سااكته افضل...!!
: السلااام عليكم.." قالها وافي وهو يدخل الصاله..ركضوا له عيال صيته بسرعه وتعلقوا بيدينه ورجوله...
انا فزيت بسرعه من مكااني...خفت منه مرة...لأنه كان يطالعني بنظرات شيطانية.. وهو يشيل بنت صيته الكبيرة ويعلقها برقبته ويجي يسلم على جدته...نزلوا عيال صيته من فوق اكتاافه وراحوا يعلمون امهم مبسوطين...
وافي برقة تقهرر: كيفك يا يمه؟؟..والله انت الوحيده اللي اشتقت لهاا..."
بردت حرتي جدته يوم ضربته على كتفه: سلم على مرتك..حشاا لو انها عدوتك.. وانت قاطها عندي بالمزرعه لا تسأل ولا تجي تشوفهاا...حتى لو مساافر تنزل وتسلم عليهاا.. ماخبر ان جدك كان يقاطعني بالطريقة ذي!!..."
وافي وهو يلتفت علي: كيفك يا عمري؟؟..كيفك يا مؤدبة؟؟..يا للي الاحتراام ينقط من لساانك ؟؟.." طبعا الجملتين الأخريتين كانت بأذني...باسني على خدي برقة.. لااااااء.. دوروني في هاللحظة ماراح تلاقوني...وجهي الوان الطيف..انفاسي تطلع بصعووبة.. احس بغصة بحلقي... وقلبي ينبض بجنون...
: ياهوووه يا حركااات...ما قلت لكم عصاافير حب ماصدقتووني..."
كانت هذي صيته اللي توها قايمه من النوم وكانت تقول جملتها ببرود مو بنفس الحمااس اللي دوم تتكلم فيه...حسيت اني مرة غلط..واني اكيد هيضت بعض المشاعر عند صيته..
وافي وهو يسلم على صيته: آآآه يا النذله...ماتعرفين كيف تخبين على اخوك؟؟.."
صيته وهي تغمز لي: لو دريت ان كلمتي بتخليني اشوف هالحركات الرومانسية كان قلتها من زماان.."
: صييييييييييييته!!.." قلتها وانا مقهورة منهاا..
وافي وصيته بنفس الوقت وهم يقلدون صوتي: صيييييييييييته!!..ههههههههه ه"
تكلمت جدتهم بهاللحظة: انثبرواا..وليش الوقوف؟؟.."
وافي بنعومة وهو يهمس لي: لسه زعلااانه؟؟...ترى مفروض انا اللي ازعل.."
مارديت عليه..لأن الكلمات تجمعت ووقفت بأعلى حلقي ولااا قدرت انطقهاا..حسيت بالعجز ابي ارد عليه بس مو قاادرة...آآآآآآآآآآه ياالقهر..وافي حط ايده ورا كتفي وجلسني جنبه..وصيته تغمز لي وانا اتوعدها وجلست قبالتنا... حمرت خدودي مرة من قرب وافي ...قربه دفااا..يشعل كل مافيني.... يجنني..يفقدني سيطرتي على كل نبضات قلبي..وعلى انفاسي...وحتى على مجرى الدم في عروقي... تعرفون وش اسم هالمشاعر؟؟..انا عن نفسي مو عاارفة...
حسيت اني مغنية تحت اضاءه مركزة وينتظر منها تغني بطلاااقة...وانا اطاالع في المجموعة اللي حولي كلهم يطالعون فيني...صيته ووافي والجده..وحتى عياال صيته اللي رجعوا..حسيت باحراج فضيع وبان هالشيء على حركااتي المتملله..وعلى العادات العصبية اللي قمت اسويها لااا شعوريا..مثل طقطقة اصابعي... واخبط رجلي بالارض... واهز رجلي الثاانية.. وارجع شعري ورا اذني..وابلع ريقي كذا مرة..
وافي اللي اخيرا حن علي..اخذ الريموت ورفع الصوت على قناة العربية... وكان فيه خبر مهم عن الحروب الطائفية اللي بالعراق...وبما اني من النااس اللي ما احب اشوف مناظر الدماء والظلم اللي قاعد يصير..وقفت واشرت لصيته تجي معي... وصلت المطبخ ولحقتني صيته على طول...جهزنا الغداء بالصحون...وحطيناه بنفس المكان اللي اتفقنا عليه... ورجعت صيته تعلم البااقيين عن مكاني...اما انا جلست مكاني...وكان معي شرشف الصلااة احتياطا لو جاا مشاري...
الجو كان باارد بس كان روعه...والمزرعه في مثل هالوقت كانت خلااابة...خصوصا ان وافي متعني فيهاا...وشكلها ولااا بالخياال...منظر النخيل مريح للاعصااب..واصوات الخيل تسعد القلب... انا اللي كنت اكره الحيوانات صرت امووت فيهاا...بس فيه مقدار من الخوف ماال موجود...يعني الكلاااب مثلااا لا يمكن اقرب منهاا....كافي اللي صار لي من واحد ومو مستعده اكرر التجربة....
اخيراا طلع وافي ومت ضحك يوم شفته شايل جدته وهي تطقه تبيه ينزلهاا بس كان رافض نهائياا وكان يسابق عيال صيته....وصلوا بالسلااامه والنتيجة كانت فوز عيال صيته طبعاا^_^
الجده وهي معصبة: وااااااافي يا قليل الأدب..على آخر عمري تشيلني كني بزر.."
وافي وهو يضحك ويجلس جنبي: الله يهداك يا يمة...يابعد حيي...اذا ما اشيلك..اشيل مين؟؟.." وضرب كتفي بقوة وكمل: اشيل هالعصلااا....اصرف اشيل منيرة بتكون اثقل منهاا.."
صيته اللي اخيرا وصلت وجلست: قل اعوذ برب الفلق...ياااويلي اذا مرتك الرشااقة مقطعتهاا...ترى بنيتي وش زينهاا وراها ناس توكلهاا...وتشربها..لكن انت؟؟..هذا وجهي ان اهتميت بأكل مرتك..."
وافي وهو يميل علي وانا افتح الحافظة حقت الرز: اذا ما اهتم بأكل الحلو اهتم بأكل مين ؟؟.."
وجهي..وجهي...وجهي...الحقوووون ي..الله يقطع ابليسك يا واافي...
صيته: ههههههه...خلاااص ارحم البنية ترى وجهها صار طماطه..."
: صييييييييييته!!...واااااااا� �في!!...حشا بزران...اكلوا ونتم سااكتين..." قلتها وانا مسوية معصبة..وغرفت للكل بصحونهم..ولمن جا دور وافي... لااا شعوريا مليت له صحنه اكثر من الباقيين..
صيته وهي توكل بنتها: اوف اوووف..هذا كله لرجلك....حرااام عليك يا الظالمه..بزراني في طور النمو ماحطيتي لهم ذا كله..وبعدين رجلك هذا هو وش كبره..باب متحرك ..."
لا شعوريا رديت عليها: قولي مشااء الله...بسم الله على واافي..بتنضلينه حسبي الله على عدوينك.."
الجده وهي مبسووطه: اييييييييه هذي المره السنعه اللي تحرص على زوجهاا...مو كل شوي وهي زعلااانه عليه.."
صيته بضيق: وش قصدك يمه؟؟.."
وافي وهو يمزح: اللي على راسه بطحة...الله لا يحرمني هالأيدين يا قلبي.. كلك ذووق.. بس انا عاارف وش تفكرين فيه؟؟.."
طالعت فيه مستغربة وطالعت فيه صيته بعد..كمل وافي بثقالة دم قهرني فيهاا: تبيني اسمن.. عشان يوم عرسي اكون فيل متحرك مو باب!!...لذا وعنادا فيك ماراح اكل الأ اللي بصحنك وانت بتآكلين كل اللي بصحني..."
: واااااااافي!!...صدق انك ماتستاهل خير...هات صحنك..."
صيته وهي تضحك: كخخخ...احسسن...احسن..هوهو..هوه و..هع هع..."
وافي مسوي فيهاا معصب: صيتتتته...احترمي مرتي..مايحتاج تفشلينها.." وكمل عشان يقهرني: كاافي اني طيحت وجهها كذا مرة..كخخخ.."
: وااافي!!..." وطالعت فيه بتهديد...
وافي وهو يحط ايده على صدره ويصرخ: اي اي...صابتني..."
جدتنا اللي عصبت: وااافي احترم العيشة واسكت..."
ضحكت عليه: كخخخ..." وحركت له حواجبي اقهره...وسبحان الله اللي نساني ليش زعلااانه عليه؟؟.
اكلنا واحنا ساكتين...وانا عيوني كانت تنقل بفرح بين الكل..كنت احس بسعااده فضيعه.. عندي كل شيء ابيه في هالدنياا...زوج رائع...جدة حنون...حماة عسل...عيال حماة يآخذون العقل...الله..وش ابي اكثر من كذا؟؟...شكرا يا ربي...انا منربط لساني صدق ومو عارفة وش اقول...لكني قررت قرار لا رجعة عنه...ماراح اخلي وافي يطلقني...والزوجة الثانية يا أنا يا هي؟؟..







خلصنا الغدا..وشالوا الشغالات الأكل...وراحوا عيال صيته عشان ينامون...ام صيته قررت تروح غرفتها وترتاح شوي...وجدتنا حبيبة الكل...قررت تروح لغرفتها تسمع لها شوية قرآن... وطلبت مني اجي معها عشان اشغل لها الأستيريو لأنها ماتعرفله... مسكني وافي وجرني له قبل لأتحرك...
همس لي: ابيك هناا...لا تطولين...عندي لك خبر حلوو.."
: طيب..ان شاء الله"
ورحت ورا جدتنا وانا حاسه ان مشيتي غلط..مدري ليش مراقبة وافي لي..تسبب لي توتر فضيع..احسه يقرا احاسيسي ويعرف افكااري.. مثل الساحر!!...الساحر وش بعد ماقلت عنه؟؟..ضيفوا هالصفة لباقي صفات وافي...
وصلت لغرفة عجوزنا..وغيرت لها خداديات الكنبة عشان ماتعور ظهرها...وشغلت لها شريط قرآن لأحمد العجمي.. وطلعت من الغرفة...كنت مدرعمه ابي اروح ارجع لوافي.. بس خطرت لي فكرة جهنمية لمن مريت من مراية السيب..طالعت بلبسي..كنت حوووسه .. جلابيه مغربية قديمه...شعري متطاير..مافيه اي مكيااج....حسيت اني محتاجه بعض الرتوش!!...ومو اي رتوش!!...

[لامارا]

وااااو..الأرض الخضراء للمزرعه...النسيم البارد...ريحة الماء مع الأعشاب مع التراب.. صوت صهيل الخيل....كل هالمؤثرات زادت شكلي حلاوة...لأن نفسيتي انعكست على وجهي...وزادتني جمال على جمال!!...كنت لابسه ببساطة تنورة بنية قطيفه قصيرة وبوت عالي...ولابسه بلوفر ناعم بيج..وحاطه مكياج راكز حلوو...ورافعه شعري كله ذيل حصان فوق..
كان وافي ملقيني قفاه..وكنت ميتة خوف من تعليقه...مو متعوده اكشخ لوافي...واحس ان ردة فعله راح تحطمني...حطيت ايدي على كتفه...التفت على طول... قلبي..قلبي...قلبي حسيته راح يوقف...كان وافي مصدوم..
وافي بهمس: رايحه مكان؟؟.."
: لاااء.." ومسكت ايده بقوة وكملت وانا ابتسم بخجل: حسيت شكلي غلط اول...حتى صيته كانت اكشخ مني.."
وافي وهو مو مستوعب: آها..." وكمل بعد لحظات وهو يطالعني من فوق لتحت: وش ماتلبسين تكونين قمر يا ملكه...مو بس بعيني..بعيون كل الكون.."
: يعني..تعترف اني اسم على مسمى.."
وافي وهو يهمس: اكيد!!...تبين نمشي؟؟.." ومد ايده لي...
اخذت ايده وانا حاسه بمشاعر غريبة... حسيت لأول مرة اني عروس...في شهر عسلهاا..
: ماقلتلي وش الموضوع اللي كنت تبيني فيه؟؟.."
وافي وهو يطالعني مبسوط: فيه موااضيع مو موضوع بس!!..بس اول..اعترفي ليه الكشخه ذي كلهاا؟؟.."
: وااافي...حراام تحطمني.. انا طول عمري انيقة...وانت شاهد على هالشيء.."
وافي وهو يبتسم اكثر:شاهد ومو اي شاهد...شااهد متيم بغرامك!!.."
توردت خدودي بقوة وحسيت بتجمع الكلمات ابيها تنطلق بس مو قاادره اقولها مرة وحده...
وافي بنعومة: بتحبيني؟؟..." طالعته مستغربة من السؤال اللي ما اتوقعته..فرجع غير صيغة السؤال: متوقعة بيكون بيوم لي مكان في قلبك؟؟.."
:.............."
وافي وقف قدامي واعترض طريقي: وشوو؟؟..ماراح ازعل منك ملكه...انا قررت اتغير .."
: آه...وافي...هالسؤال كثير صعب.." ورفعت راسي له بس رموشي كانت مغطية مشاعري الواضحه بعيوني..
وافي وهو يبلع ريقه: ملكه...يمكن تتسائلين عن سبب هالتغير...راح اقولك ليش تغيرت ؟؟.."
وكمل وهو يسحبني معه يمشيني يحركني مثل مايبي وانا اللي اـامل بكل حركة من حركااته وكأنه مسلسل تلفزيوني شيق خايفه يفوتني منه شيء: اناا انصدمت لمن عرفت ان معك اكتئاب حااد..الصدمه هزتني من اعمااقي...شلون انا وافي اللي احب الكل...واحمي الكل.. واحن على الكل... ما اعطيت البنت اللي احبها هالمشااعر...ملكه انا أحبك...ملكه انا من شفتك وانا صريع في هواك..خلتيني ادور في فلك بس!!..كانت بدرية دوم تحذرني منك.. لكن مع هذا كنت اشوفك تتملكيني..جن جنوني لمن عرفت ان مسااعد يحبك ...وبغيت اموت لمن عرفت انك تبادلينه المشااعر...شفته مرات ومرات وهو يغازلك... وكان هالشيء يذبحني من جوه..من هناا يا ملكه.."
كنت ابي اعترض لمن شفته يأشر لصدره ولمن تكلم عن مغازلاتنا!!..كان كلامه جارح وصادم وغريب...ما توقعت وافي راح يتكلم عن مسااعد او عن الماضي ابد...ولااا عمري حظرت نفسي لمثل هالنقااش...لأني مدري وش يعرف اهو بالضبط؟؟..
سكر فمي بأيده برقة ورجع شعره ورا وكان فعلااا تايه..: ملكه... عرفت انه كان يزورك بالمستشفى واناا انا المتيم الميت فيك مو قاادر ازورك..كل شيء يمنعني ...ديني..تقااليدي ...احترامي لك.. ماكنت ابيك تكونين مثل هالبنات اللي نضحك عليهم بكلمات الحب ونستمتع باشكالهم وبالأخير نرميهم...كنتي بالنسبة لي ملكه...ومو اي ملكه..ملكه طيحت الكل بغرامهاا.. سحرت مسااعد..وطيحتي قبله سلطاان...وبالمرة خذيتي يزيد..حقدت عليك ..حسيت انك شريرة...على كثر ماكنت احبك...إلا اني حسيت ان الشر يتملك ... ولكن مع هذا ماقدرت اكرهك..جزء بسيط فيني كرهك بقوة...لكن البااقي يحبك بجنون... تعبت..ادمنت التدخين وانا اللي تركته من سنين.. اخلاااقي صار زفت...ماكان عندي متنفس...كنت اسولف مع مهاا وبدرية عنك...مهاا كانت تشجعني اخطفك وتكونين لي انا بس...بدرية كانت تكرهني فيك..وجلست تايه بينهم وبين مشااعري وبين شوفتك مع مسااعد وهالشيء اللي كان يخنقني...شفتك معه مرة في الحديقة...كان ماسك ويشيل عنك الغطاا..ملكه وش تتوقعين شعوري بذيك اللحظة؟؟؟..قسم بالله كنت ابي اذبح مسااعد واذبحك معه..بس تراجعت بآخر لحظة لأن مالي حكم فيك..ولأني ماكنت ابي بدرية تنصدم بمسااعد مع انها كانت شاكه فيكم بس ماكان عندهاا اي دليل...."
وقف وافي وبلع ريقه بصعوبة ولمعت عيونه وهو يطالعني ويبتعد شوي انا كنت في عالم الذكرى...وافي شافني مع مسااعد...لييييييييه ياربي؟؟..ليه حظي شين...لو غيري كان ماصار لها هالشيء...ليش انا دوم اطيح باعمالي الغبية...ليش انا اللي دايم تنفضح اذا سوت شيء...ليش حتى يوم اكون بريئة الأدله كلها تجي ضدي؟؟..
: لمن طحتي من غرفتك..بذاك اليوم المشؤم..لمن كنتي قدام عيوني..الدم يغطيك..والدموع مالية وجهك...وشعرك مبعثر وتصرخين وتطلبين مني اساعدك...كان ودي اضمك بقوة ...واذبح اي احد يقرب منك.. كان ودي اخذك بعيد عن هالعالم..احميك..احطك بمكان لك لوحدك..بس ماحد يقربك ماحد يأذيك..رغم اني كنت اتمنى اشوفك تتألمين لأنك كنت تألميني...بس لمن شفتك بذاك المنظر كنت راح انجن... لمن طحتي بالمسبح..وعرفت ان يزيد شافك.. انجنيت تمنيت ادفن عفااري... كنت مقهوور...كنت اتمنى اني عرفتك من وانت صغيرة.. عشان اخبيك عن الكل...ولأحد يتمتع بشوفتك غيري.."
تحرك وافي بملل وانا كنت خلااص تعباانه من اعترافاته ماابي اسمعهاا..ليش يعذبني بالمااضي؟؟..انا ما اقدر اغير المااضي...
صرخت فيه لمن جا يكمل: لاااااااااء...خلاااص...واافي ..ما ابيك تكمل..اناا تعباانه.. وانت قااعد تتعبني اكثر..."
وافي مسكني بقوة مع اكتافي ودفني على النخله اللي وراي كمل وهو يطالعني بنظرات شيطانية مخيفه: ورحتي امريكاا... ماصدقت انهم فرطوا فيك...فرطوا بالملكه ورموها كأنها شخص ******************************** ماله قيمه...خطبتك من سعود..بس رفض...قال انك مجنونة وانه ماراح يخدعني فيك...وانك كنت تعذبين نفسك باستخدام الآت حااده...وانك حتى تدخنين والدليل كان موجود على جسمك...وانك اقذر من اني اتزوجك..ملكه...ماتدرين شلون كنت الح بالزواج منك صبح وليل...حتى اني لجئت للعبة قذرة عشان اتزوجك غصبا عليك وعلى عمك اللي كان يمنعني منك...اجبرت نورة انها تتهاوش مع زوجها علشااني.. كنت راح اضحي بحياة نورة مع سعود بس علشان اوصل لك...اقنعت نورة اني لو ماتزوجتك ..راح يتزوجك سلطاان...وهذا ماراح يكون من مصلحة سلطاان..لأنه ضعيف ولأن ملكه راح تسيره مثل ماتبي...راح تقلب حيااتكم..."
صرخت فيه بألم: واااااااااافي...خلااااص..لا تقول اكثر من كذااا....اناا ما ادخن...اناا مو مجنونة...اناا شريفه..اناا عاقله.. انا بنت ابوي..اللي رباني على الصح... اناا مو لعبة بأيدك وبأيد غيرك..."
وضميته بقوة وانا ابكي بحرارة: عمي يقول عني كذاا...ليش؟؟..وش سويت له اناا؟؟.. انا اللي حبيته كثير...واعتبرته غاالي وعزيز...اناا اللي اعتبرت مرته مثل امي..وبنااته كنهم خوااتي...اناا...انااا..اناا ماتوقعت عمتي نورا تفرط فيني بهالسهولة...كنت كأني قطعة بلعبة شطرنج...حركوني مثل مابغوا...مافكروا فيني كبنت من بنااتهم...وافي انا اكرهك ...اكرررررههههك..." وسكت وانا ارتجف بقوة...وحسيت بغثياان فضيع .... فبعدت عن وافي وحطيت ايدي على صدري بألم...
وافي اللي خاف علي مرة: ملكه؟؟..انت بخير...طالعي فيني.."
طالعت فيه وشافني...شاف شبح ملكه...شاف خيبة ملكه بأهلها...شاف كل الماضي بوجهي ... وعرف اني مدمرة على الأخير...
وافي وهو يمسح دموعي: اناا هناا...انا المستقبل يا ملكه... وان كان خليت حقدي يطغى على مشااعري مرة..فما راح اسمحله يطغى مرة ثاانية..."
حطيت ايدي فوق ايده وقلت بأنكساار: ماابي اشوف بيت عمي مرة ثاانية...ماابي اشوف مهااا...ماابي الماضي يا وافي...ومااا ابيك انت معه!!..."







كنت في حال فضيعه...محطمه..منتهية..كااره� � للعالم وللدنيا وللحياه...كنت اتامل نفسي في صفحة الموية وانا في البانيو..كنت كاارثة باختصاار..
وافي دمرني باعترافاته...وافي قتلني...قتل الانسانه اللي كانت رايحه تشوفه...قتل البراءه اللي كانت بين جوانب قلبي....وافي..شلون سموك وافي؟؟...انت مو وافي..انت مدمر.. انت محطم... خطط..واجاد التخطيط..ازاح الكل عن طريقه...ابعدني عن كل شيء... ابعدني حتى عن نفسي...آآآآآآآآآآآآآآه...وش ينفع صيااحي هالحين؟؟..وش تنفع الدمووع اللي قاعده تنزل بدون توقف؟؟..وش فايده اي شيء وكل شيء في هالوقت؟؟...
سمعت طق صيته على باب الحماام...لي خمس ساعات في الحماام اكيد لازم يقلقون.. لااازم يتساءلون اذا انا لسه حية؟؟..ليش حية اناا...انا مفروض اني ميتة.. اناا مفروض اكون جثة محترقة مثلي مثل اهلي...اناا...آآآآآآآآآآآآآآ آآه..ما اقدر اتكلم..مشااعري غالبة علي .. ماراح تفهموني ابد؟؟..ماراح تفهمون معنى الموت في الحياه؟؟..تناقض صح؟؟.. انا اعيش هالتناقض في هاللحظاات...
صيته بخوف من ورا الباب: ملكه حبيبتي...لا تبكين...الله يخليك..."
: صيته روووووووووووووحي عني...روحي...اناا تعبااانه..روحوا كلكم...مااابي احد فيكم...ابي اكوون لوحدي...رووووووووووووووحوو� �.."
صيته وهي تحاول تفتح الباب: اقله قوليلي وش تحسين فيه؟؟..خليني اسااعدك...لا أنت راضية تتكلمين ولااا وافي اللي بحال فضيعه برا....ساااعدووني حراام عليكم..."
: وااافي...واااااااااااافي..ا� �و سبب كل شيء...اكررررررررررههههه...اك ررررررره اخوك...مااا احبه.."
صيته وهي تحاول تكتم شهقاتها: طيب..اكرررهيه مثل ماتبين...لكن لا تسوين بعمرك كذا ا... ملكه...الله يخليك اطلعي....والله لخلي وافي يروح..ولااا يدخل عليك..."
: احلفي...مااا بي اشوفه...خلييييييييييه يروووح..."
صيته وهي تحلف لي: والله ماراح اخليه يدخل..اطلعي انت بس...يله..افتحي الباب.."
قمت من الحوض الباارد..برد لي ساعات معبيته...كنت ارتجف...وحرارتي فوووق... وجسمي تعباان...ومو قاادرة اتحرك براحتي...لبست ملابس الحمام وفتحت الباااب...
اول ماشافتني صيته...ترنحت وكنت راح اطيح على وجهي...صرخت ونادت وحده من الشغالات....وساعدوني عشان اوصل للفراش...طحت على الفرااش وغطوني بسرعه..
صيته وهي تكلم الشغاله: روحي سوي شوربة بليمون وفلفل....وجيبي دواء حرارة.. بسررعه...وخلي ايماا توقف اذا جا بابا وافي نادي علي بسررعه..."
ورجعت وجلست جنبي..وحطت يدها على جبيني..كنت مغمضة عيوني..والصداع شوي ويقتلني... وذكرى كل الأيام اللي فاتت مو قادرة تفارقني...
قلت لصيته وانا احس بمعدتي تقلب: كيس...بسرررعه.." وراحت صيته تجيب لي كيس ... واول ماطلعت...سمعت صوت باب الغرفة الخارجي ينفتح...عرفت انه وافي... بس كان التعب مانعني اني اصرخ..
وافي وقف بمكاانه....كان مثل مراهق متمرد وده يخالف الكل لكنه خاايف...حطيت ايدي على فمي...واضطريت اني افرغ كل اللي بالمعدتي على الأرض...حسيت باحراج فضيع .. حسيت بكره لنفسي.. اكيد وافي متقزز مني...
حسيت بيدين تضغط على بطني باعتدال...وارتحت شوي...ماطالعت بوافي....بس طلبته منديل: لوو سمحت..منديل!!.."
وافي طلع من ثوبه مناديل واعطاني اياها: لو سمحت!!..ملكه..لا تقسين علي.."
: روح يا وافي..روووووح..." وغمضت عيوني عشان ما اشوفه واغير رايي..
وافي بتوسل: ملكه..لا تتركيني..لااا تسوين بعمرك كذاا...اناا..اناا آســ...ف.."
: آسف؟؟..ياااااااااه...وكأن آسف بترد الماضي والجراح اللي حسيت فيهاا...وافي رووح.. الله حسيبك موب اناا.."
رفض يسمع كلااامي..وحاول يمسك ايدي بس ضميت نفسي بقوة وعييت اخليه يلمسني... رجعت صيته وصرخت بعصبية لمن شافت وافي: اطلع من هنااااااا...ليش دخلت؟؟.."
اشرت لها على الأرض عشان تنادي الشغاله..واهي قامت تسحب وافي...بس وافي واقف بمكانه مو راضي يتزحزح...كان يترجااني بعيوونه..بس اناا الضعيفه..اللي تعبت من دنيتها ماتجرأت ورفعت عيوني له..
لمن شاف صدي ونفوري منه..وحتى لمن جا يلمس ايدي بعدتها عنه...قام وطلع وهو مهزوم وعيونه كانت تحكي كثير... صيته وهي تتأسف لي: آآسفه...نسيت ان معه مفتاح للباب اللي برا...ان شاء الله ماراح يرجع مرة ثاانية...ارتااحي هالحين..وبنجيب لك شوربة..وبخلي الشغالات يجون ينظفون الأرضية..ارتااحي يله...بطلع شوي...بكلم مهاا..الظاهر ان وافي كلمها وكان منهاار..لأنها كلمتني وهي مفجووعه..."
هزيت راسي لهاا...ودخلت تحت الفراش..ولمن شفت مخدة وافي جنبي..مسكتها ورميتها بقوة على الأرض..ومسحت دموعي باطراف اصابعي....








مهاا وهي تمزح معي: انت عاارفة...لو اناا منك...كان انبسط على اللي سواه وافي..."
: انبسط؟؟..ليه؟؟.."
مهاا وهي تتربع على فراشي: يختي روووعه...احسها قمة الرومانسية...يخطفك..هذا هو الخطف...بس تخيلي معي...تخيلي.."
: طيب؟؟.." قلتها لهاا وانا آكل من البرنجيلز اللي بيناا..
مهاا بحماس وهي ترجع شعرها ورا اذنها: تخيلي معي...جاا وافي بنص الليل..وربطك وخطفك...وش بتفكر فيه النااس؟؟..بيبلغون الشرطة...وفضيحتكم بتكون بجلاجل.."
: آهاا؟؟..وان شاء الله شلون ناوية تبررين خالك؟؟.." سألتها وانا عاارفة ان مهاا راح تلاقي لخالها مخرج...
مهاا بنفس الحمااس: مايحتاج ابرره الموقف مبرر نفسه..مو انت تقولين..ان وافي هدد حياة نورا.."
: ايوه.."
مهاا: طيب..هدد حياة نوراا...بس صدقيني خالي كان حاسبها صح..كان عارف ان عمك لا يمكن يطلق ام عيااله...حتى رغم تفكيره في ذاك الوقت بالزواج من ام سماح...صح؟؟"
: مهاا..وش هالمنطق الغريب؟؟..لثقة وافي بحب عمي لزوجته...يروح يلعب بحيااتهم عشان يوصل لي؟؟.."
مهاا وهي تفكر: صح...اهو غلط..بس صدقيني حبه الأعمى لك...كان يشوفك تسربين قدام عيونه...ولا هو قاادر يسوي شيء...كان يقولي معجبينها كثاار..ولا ني لاقي مكان لنفسي بينهم.."
: مهاا..زعلي من خاالك كبييييييييييير...انت ماتعرفين غير جزء من الحكااية... الحكااية صعبه ومعقدة.وماراح احكيها انا ولا وافي ولا احد..لأننا نفضل نحتفظ بتفاصيلها لين القبر...."
مهاا بفزع: بسم الله عليكم من القبر وسيرته...طيب..لو قلتلك علشان خااطري.." وقامت تسوي حركاات بوجههاا..حركاات ترجي تموت ضحك.. رديت عليهاا وانا اضحك: احمدي ربك سامحتك...يله وريني عرض اكتاافك...ابي انووم.."
مهاا وهي تجي تمدد جنبي: واناا بعد..والله يازين مكان خالي مريح..."
طالعت بمهاا اللي ماكانت مهتمة بوجودي وماسكه جوالها تطالع فيهاا..صدق اني رضيت عليها بعد ما ازعجتني ورابطت عندنا بالمزرعه يومين..فاستسلمت لأني كنت تعباانه وسامحتهاا... وقررنا اننا مانتكلم نهائي بالموضوع...لأن ماكان عندي اي استعداد اني اشرح سبب اتصالي بمسااعد...واهي اكتفت بمسامحتي لهاا..وبدت تضغط علي بالرجعه لواافي...صح ان مهاا طيبه...بس مصيبتها العظمى ملقوووفة حيل..متسرعه... وتحب شيء اسمه وافي..لذا فهي وظفت نفسها كمحالي للدفاع عن المظلوم على قولتها... والمضحك المبكي ان وافي ماعلمها اي شيء وحط المسؤولية علي وكأنه يتحداني الحقيير .. لذا اضطريت اعطيها الزبدة...مع حذف بعض الأمور الاساسية..وقلت نفس الحكي لصيته...اللي كانت مرة متأثرة بموضوعي وشايله همه وموضوعها قالب حياتهاا فوق حدر...خصوصا ان زوجها لسا مافضالها لأنه مشغول بالعرس مرة*_*
مهاا وهي ترفع صوتها عشان تسمعني: هلاااء...هلاااء بالغالي وطوايف الغاالي..."
فتحت عيوني وطالعت فمهاا اللي كانت تقهرني بحركااتها وكنت عاارفة انها تكلم وافي... وطبعاا حاطه سبيكر..
وافي بصوت بارد: وين ملكه؟؟.."
مهاا بعتب: ياسلاااام ملكه بس..واحنا مالنا والي...صدق رجال اذا تزوجتم نسيتم كل احبابكم القدامى.." ورفعت حواجبها لي...
وافي واللي صوته حرك مشاعر غريبة بقلبي آلمتني بقوة: مهاا..اعقلي..ترى مانيب رايقلك ...وين ملكه؟؟..وش اخباارها؟؟..وحشتني يا مهاا...وحشتني...كل شيء في الشقه ينااديها .. تصدقين اني اشم ريحة ملاابسها عشان اطفي بعض نار الشوق اللي بصدري..."
مهاا بتأثر ونستني: خاالي...ملكه تعباانه حيل..."
ضربتها على كتفها وهزيت راسي لهاا لأنها شالت السبيكر ووقفت..حاولت اني اسحب الجوال منهاا علشان اسمع كلام وافي...
مهاا وهي تحاول تفك يدي عن رجلها: اقول...سمعت ان امي بتخطبلك..ترى وحده من صديقااتي في الجامعه مووت.."
انا هناا ما استحملت...رحت وسحبت منها الجوال وقفلته بوجه وافي وقامت مهاا تسحب الجوال مني..فطحنا على السرير...وانا احاول اخذ منها الجوال لأنهاضغطت على الزر الاخضر مرتين عشان تتصل بوافي...
: مهااا الله يخليك.." قلتها بتوسل لمن شفت مهاا راحت تركض وطلعت برا الغرفة...
مهاا بعنااد:بخلي خالي يخطب صديقتي هنااا على الأقل بتهنيه مو بتلاااقي عذر عشان تزعل منه..."
: مهاا لا تكلمين عن العلاقة الزوجية لأنك لسه ماعشتيهاا..."
مهاا وهي تبتسم لي بخبث: قريب راح اجربها...وراح اخلي زوجي خاااتم في اصبعي احركه مثل مااابي..."
: بتزووجين؟؟..مين تعيس الحظ؟؟"
مهاا بعتاب: ولد عمي...اساسا غاصبيني عليه بس راح اخليه يندم على الساعه اللي فكر انه يخطبني فيهاا.."
: اهاا؟؟..هذي اللي قبل شوي بتخليه خااتم..صح؟؟.."
مهاا وهي تمد بوزها: ياااربي ماتفوتين شيء...اقول..خليني اسولف مع المزيون اصرف لي من مقاابلك انت وخالتي صيته تتعبون نفسيتي وتسدون نفسيتي على الزواج اللي انا مسدودة نفسي عنه..خلقه.."
طالعت بمهاا وهي تروح...ووقفت لحظات مو مستوعبة...قالت باخطبلك؟؟..قالت امي بتخطبلك؟؟..بس وااافي خااااااااطب!!...صرخت بهالشيء وانا الحق مهاا


تعبنا نرسم البسمه ولو فينا حزن مرسوم
ونضحك ضحكة التزييف ونكتم همنا فينا
شكينا الهم والحرمان ولكن القدر مكتوب
نصيح ونحترق نتعب لكن وش بيدينا
صبرنا والشقا واضح تراه بوجهنا مرسوم
وهالدنيا من اللومات نستنا اسامينا...

[لامارا]

الفصل الثامن والعشرون

عفرا بحزن وهي تتكلم معي: وش هي الحياه بليا الجاسر؟؟...وش هي دنيتي بعد غروب شمسهاا؟؟؟..وش مكااني بعد غيااب الحظن اللي كان ظامني؟؟...ملكه...صعب تحسين باللي احس فيه...انت مافقدتي حبيبك يا ملكه...."
قاطعتها وقلبي متقطع: عفراا انا فقدت هلي يا عفراا..مع هذا ماصرت مثلك...فقدت مسااعد يا عفراا مع هذا مافكرت مثلك....قويت ايماني بربي...يمكن تعبت نفسيتي ومرضت فترة بسبب الضغط لمن كنت اعذب نفسي.. بس ماكرهت الحياه ولا يئست منهاا بنفس الدرجة...عفااري صدقيني جااسر لا يمكن...يسعده هالوضع لو عاايش.."
صرخت عفراا فيني وصوتها ينتفض: لوو عااايش..ملكه...جاسر مااات..الجااسر مااااااات .. كفنوه يا ملكه وانا بعيده عنه....غسلوه وماخلوني المسه...ملكه..ماشفته وهو يلفظ انفااسه الأخيرة.. ملكه والله اني اشوف طيوفه..اني احس فيه..اسمع صوته من وقت لثااني .. صدقيني يااا ملكه انا اشوفه...تخيلي...تخيلي ذاك اليوم...نسيت انه مااات!!..نسيت يا ملكه... لبست فستااني..وتعطرت وتزينت...وتركت شعري مفلول مثل مايحبه!!.. وانتظرته كثير بالمجلس ياا ملكه؟؟..ليش مايااا؟؟..اناا مصدقه انه ماات..بس حاسه انها كذبه...احس انه بيعود بأي لحظة...ملكه... الجااسر لا يمكن يمووت...توه صغير بالسن ...وطيب بأهله...وربعه يحبونه...ملكه..اتصوري خالتي حورية وش تقوول؟؟.."
قلتلها وانا قلبي ينزف حزن عليهاا: عفااري مو مهم..وش خاالتك تقول؟؟..خالتك امه.. شيء اكيد تبي تلزق موته بأي احد.."
قاطعتني عفااري بلهفه: لالالالا..هي صاادقه..اناا سبب موته...ملكه...استوعبي معي.. كان عايش وسط اهله...ليه يوم دخلت حياااته مااات!!..ليه يوم خطبني مااات!!...ليه يوم حسيت بأنفاسه على جبيني مااات...ملكه...هههههههه..اتخي لي وش يقولون انا ويه نحس! .. تخيلي الكلمة شلووون؟؟..آآآآآآآآآآآآآآآآ ه..ملكه...انا لااازم الحق جااسر..اناا ما اقدر اعيش وياكم...ما اقدر اعيش مع اهلي..ولااا مع نفسي...اناا لااازم الحقه...."
قاطعتها وانا اصيح: عفااااااري...لا تسوين بعمرك كذاا...الله يخليييييييك..جاسر راح يحزن كثير عليييييك..عفاااري...ارجعي الاولية...لا تتركيناا...انا محتااجتك...ووافي يحبك.. وامك وابوك...وكل الناااس...عفاااري ربي بيعوضك عن جاسر بواحد مثله.."
صرخت فيني وهي تصيح: مااافيه حد مثله...الجااسر غيييييييير يا ملكه...غير هالبشر.. حنوووون يا ملكه...مميز والله....الله يحفظه لي.."
سكتت فجأة وبدا صوتها يرتفع من جديد بالصيااح...يوم انتبهت للكلمة اللي قاالتها..الله يحفظه!!... خلاااص ياعفراا مااات..ماعادت تنفع الله يحفظه..هالحين قولي الله يرحمه...
: عفاااري قولي الله يرحمه...لا تكلمين بهالطرريقة... انت كذا تيأسين من الدنياا وهذا حرام...روحي اقري قرآن...روحي سوي اي عمل خيري عن روحه...عفااري لا تجلسين كذاا...الله يخليييييييك...راح تدمرين عمرك بعمرك..."
عفرا بعد مرور خمس دقايق من الصمت المميت ردت ببرود وبصوت متعب: آآه...ماا عليك مني اناا..كنت تبين رقم سمااح...صح؟؟.."
رديت بضعف: عفراا...لا تسوين بعمرك كذاا.."
عفااري وهي تضحك: ههههه..لااا تخاافين علي..ماراح انتحر...اناا عفرا بنت آل.... وش بيقولون الناس عن ابوي لو انتحرت؟؟..اكيد راح يطلعون عنه كلااام.."
صرخت فيها:عفاااري وش اللي قااعده اسمعه؟؟؟..انتحااار...طبعاا ماراح تنتحرين.. انت انسانه قوية...ايمانك قووي..ثقتك بربنا قووية...وانت عارفة ان الدنياا موت وحياه..في كل يوم تنخلق الالاف الحيوات...وبنفس اليوم تنقبض الآف...عفاااري...سمي بالله وتعوذي من ابليس وتذكري ان ورانا آخرة وان هالدنياا مزرعه لأعمالنااا..ماتبين تقااابلين ربك وانت قاتله عمرك.؟؟...وش بتقولين له يا عفااري؟...حياتك مو ملكك..."
عفااري وهي تتكلم بتثاقل: اللي يسمعك يقول اني بنتحر..لااا تخاافين..خذي الرقم بسررعه ... احس بصداع وراسي ثقيل...*************"
خذيت رقم سمااح وقفلت الخط وانا قلبي متقطع حزن على بنت عمي الغااالية..لااازم اخلي وافي يآخذني لهم..بس اناا حلفت اني ما اكلم عمي بالمرة...آآآآآآآآه....افكر بعدين بحل..







شافتني مهاا وانا امسح دموعي وهي توها طاالعه من غرفتها...راحت لي بسرعه وقالت وهي مفجوعه: ملكه؟؟..وش فييك؟؟..لا يكون صدقتي اني بخطب لخاالي..."
: آآه..لااا ابداا...بس ضايق خلقي شووي..."
مهاا وهي تراقبني: انت متأكده؟؟... من كنت تكلمين؟؟.."
طالعت فيهاا وعصبت رفعت حاجب: لااا والله...حشاا حارس علي؟؟.."
مهاا باعتذار: ماقصدي شيء..بس استغربت صيااحك.."
: افف..يا شيخه روحي من وجهي..ترى واصله حدي...ولاا اقولك تعالي بس.."
مهاا اللي مسكت اذنها بقوة صرخت: اييييييييييي...وشووو؟؟.."
: مهاا وش سالفة خطوبة خالك يا الدبه؟؟..بدل ما تخلينه يرجعلي وهو مايشوف الدرب تبين تخطبين له وحده من صديقااتك..."
مهاا باعتذار: اناا آآآسفه..كنت ابي احررك شوي...بعدين خالي واافي طلع خااطب..."
تركت اذنها وانا متضايقة: عاارفة...علمني انا وامك وصيته قبل الكل..."
مهاا وهي تبتسم مبسوطة: لااا تتضايقين....اهو يحبك انت يا ملوكة..والله انه يشوف الدنيا ببسمتك وضحكتك...بس انت... اللي الله يهداك..."
: وش قصدك؟؟...وبعدين ليش فرحاانه علي يا حمااره؟؟..."
مها بحرارة:هههه مو فرحااانه بس اخفف عليك..اواسيك...واللي قصدي..انك انت ما تحبينه بنفس القوة..اوكيه تحبينه كزوج بس..ماتعتبرينه حياتك ودنيتك وهالشيء بااين عليك...اعتقد انك كنت تحبين شخص ثااني قبل زواجكم؟؟؟.."
: انااا؟؟..مين قاالك هالشيء...؟؟..اناا احترم وافي كثير...ويعجبني...لكن المحبه من الله.. ما اقدر احبه بسهوولة...يا مهاا خالك عذبني كثيييييير.."
مهاا بفضول: شلون عذبك؟؟.."
ضربتها على كتفهاا بقوة وقلت: وريني مقفاااك وروحي ذاكري..ترى امك متصله توصيني عليك.."
مهاا وهي تلمس محل ضربتي: ان شاء الله طااال عمرك برووح اذاكر...ماقالت لك امي شيء ثااني؟؟.."
قلت لها وانا اغمز: قالتلي انها تبيني اشتريلك ارواب نوم!!..عشان عريس الغفلة..فارس بني....وبعدين تعاالي ترى قدموا موعد الملكة.."
مهاا وهي تمد بوزها بحسرة:وشووو؟؟...قدموا الملكه؟؟؟!!...الله يساامحك يا يبه طول عمرك ظالمني..." سكتت شوي وحسيت ان مهاا على وشك تصيح بس اول ماحطيت يدي على كتفهاا صرخت فيني وكأنها تذكرت: وبعدييييييين وش فارس يا حسره؟؟... وععععع ..حومت كبدي الله يقرفك...لا تجيبين طاااريه...كل ما اذكر شكله تجيني حااله نفسية...اناا مهاا الجمال والدلال والجسم الفرنسي...بنت الاصل والفصل.. اتزوج ذاك القرد...الله يساامحك يا يبه...اذا جيت بكره مطلقه لا تلوم إلا نفسك .."
قلدت صوت وافي: المره مالها إلا بيت رجلهاا..." ورجعت لصوتي: الله يعينك على قردك بكره تجين وتقولين لناا...مافيه احلى من قردي...وتقول والله انه موب قرد الا غزال وسيد غزلااان.."
مهاا وهي تعطيني مقفاها وتروح يم غرفتها: هههههه.. والله لو ماافيه غيره ما اشوفه غزال..وبعدين انتبهي لا تضايقيني.."
ورفعت حواجبها وهي توقف عند باب غرفتها وابتسمت بخبث: ترى ازوج خاالي صديقتي .."
ظليت ثواني واقفة مكااني..لمن انتبهت لجملتها...صرخت بقهرر ولحقتهاا وحاولت افتح الباب بس للاسف كانت مسكرته:"(



اليوم الثااني...



كنت في الصاله جالسه انا والجده العجيز الحبيبة على قلبي...نشرب قهوة واغصبهاا على الحلى اللي سويته...شوي...وجاات مهاا وهي رافعه شعرها أي كلااام..ولااا بسه روب قطني عاادي...وشبشب دافي..رغم برودة الجو...ومااسكة شال ثقيل معاهاا...
مهاا وهي تسلم على راس جدتها: هاااي...كيف احلى ام بالكون؟؟.."
وجلست جنبها وضمتها بقوة...
ضمتها العجوز وقالت بعصبية: وش هااي الله يقطع شيطاانك؟؟..انا بفهم انت ليش ما تسلمين مثل هالمسلمين...قولي السلااام عليكم..وبعدين وينك؟؟...ماغير منحشره بهالغريفه ؟؟..."
مهاا وهي تبتسم: ياماما يا حبيبي والله...هااي اخف واشيك...وبعدين انا والله اذاكر.. امتحانات مرة صعبة...." وبعدين التفتت علي: هاا ملكه؟؟.. ماراح تقدمين اوراقك....ترى التسجيل...يوم الأربعااء يخلص..."
قلت وانا اهز كتوفي: اناا عاادي ما احتاج اعادة تسجيل...اذا حكيت ظروفي لهم راح يحطون اسمي بالقوائم...مع ان فيه وحده تقول مايحتاج اسمك ينزل بالقوائم تلقاائي..."
مهاا بونااسه: ياااه ملكه تجي تدرس معيي..من زماان وانا نفسي وحده من اللي اعرفهم تجي تدرس معي..واعرفهاا على خوياتي...ومو اي وحده مرت خالي الحبيب..."
: هههههه...عاارفة حركااتك عشان تقولين لهم اني مرت وافي...صح؟؟..."
مهاا وهي تهز كتوفها: هذا سبب من الأسباب...خصوصا ان كلهم يبون وافي زماان.."
ماعلقت على كلااامها وصبيت لها فنجال واعطيتها قطعة حلااا....كلااامها ضايقني شوي.. وافي زوجي مهماا صاار...واكيد يقهرني انه كان مطمع لمعظم البناات...
عجوزنا وهي تطالع بأكل مهاا: وراك وقفتي اكل؟؟.."
مهاا وهي تشرب قهوة: شبعت يا ميمتي...ماا احب اكل كثير...عشان احافظ على جسمي .."
: اي جسم...؟؟..ياربي لك الحمد عظام متكومة على بعض..."
مهاا باعتراض: والله يا عيوني جسمي ذا قااتل ناس ونااس...فيه واحد خطبني بس يوم شاف جسمي بالعباااية...قال لخواتها كنها غصن بان....وبعدين انت بالذات لا تكلمين عن الجسم...شوفي جســ.."
قاطع كلااام مهاا صوت صرااخ قوي جاي من غرفة صيته...طالعت بمهاا مفجوعة ومهاا طاح الفنجال الحار على فخذهاا...تبادلنا النظرات لثواني...وبعدين ركضنا كلنااا... لغرفة صيته..لقيناا عيالها واقفين عند الباب يصيحون وشكلهم مرعوبين...والعجوز تلحقناا ببطء ...
صيته كانت توطاا على جوالها بأقوى شيء وتصاارخ بشكل هستيري..اناا فجعني المنظر ... فوقفت مع عيااالها...بينما مهاا راحت لهاا على طول وحاولت تهديهاا قد ماتقدر ...
كانت مهاا تحاول تبعدها عن الجوال.. وتحاول ترجعها للواقع مؤقتاا...انا كنت ضاامة عياالها بقوة وقفلت باب الغرفة وشلت البنت اللي كانت مرعوبة مرة وقامت تصيح بشكل هستيري...الولد تعلق بثيابي..اما العجوز فحسيت فجأة انها كبرت مية مرة زياادة...كان وجهاا حزين ومفجوع وقلقان...
قلت لها بثقة: زوجهاا...لا تدخلين لهااا الحين يايمه..."
العجوز وهي تمسح دموعها بشيلتها: انا ياما قلتلهم اللي ماهو من مواخذينا راح يهينا.."
وكملت وهي تأشرلي: خذي الضعيفين ذول جوه..وانا بدخل بشوف الحرمه قبل لا تنخبل عليناا.."
رحت لغرفة الأطفال وانا ماسكتهم...وحطيت البنت بالسرير...وحاولت اني اضمها عشان اهديها بس كانت ترتجف بقوة...وتصيح بحرارة...وبالأخير قالت بين كلماتها: اكره بابا.. اكره بااابااا..."
وتعلقت بملااابسي بضعف...مسحت على شعرهاا الطويل وانا احاول اني ما اصيح.. وقلت لهاا بهدوء: حبيبتي...بابا يحبكم...ولااازم تحبوه...والمشاكل هذي...تصير بين كل الكباار...وبكره ماما ترجع لبابا..."
الولد كان ماسك دموعه نوعا ماا...وكانت العزيمة على وجهه واضحه وقال لأخته بثقة: بكره اذا كبرت...راح اشتري بيت لك انت وماما..وماراح اخلي بابا يدخله.."
هزيت راسي باعتراض: لااا حبيبي....انت راح تشتري بيت لناا كلناا..ولبابا بعد..."
هز راسه وهو سااكت وعرفت ان كلااامي ما اعجبه...وعرفت بعد ان وافي صغير قااعد يتكون بالعاايله...سبحاان الله حتى شكله يشبه وافي..بعيونه وخشمه...نسخه من وافي وهو صغير...الله يستر!!..وافي واحد زلزل العاايله الثاني وش بيسوي؟؟..
بعد مرور سااعه تقريباا...قدرت اخليهم ينسون الموضوع...وخليتهم يندمجون ببعض الالعاب اللي علمتهم عليهاا..وطلعت من الغرفة وانا مرتااحه..وقررت اروح اشوف صيته...







لمن فتحت باب الغرفة..نطت بوجهي مهاا اللي طلعت على طول..وقفلت باب الغرفة وراها ...كانت عيونها حمرر..
قلت بصوت واطي: ناايمه؟؟.."
مهاا بضيق: اخيرا..مانامت غير بحبوب يا ملكه...حبووب!!..."
بعدنا عن الباب ونزلنا الدرج..
مهاا وهي تتكلم بصعوبة بسبب صوتها المبحوح: حيواان يا ملكه....كل سبات الارض مو قليلة فيه...تخيلي الساافل وش سوه؟؟.."
سألتها وانا اتنهد: مصيبه ثانية بعد؟؟.."
مهاا بضيييق: إلا ام المصايب يا ستي....داق عليها يقولها دامنك كسرت كلمتي وطلعت من البيت بعياالي...اناا قررت اقرب موعد الزواج...خلاااه الخميس الجااي..."
صرخت: متىىى؟؟...الخميس الجااي..يامال الماااحي ان شاء الله..."
سمعنا ضحكة سامجه فنفس الوقت: ياماال المااحي ان شاء الله..وش عندها العجوز تدعي ؟؟.."
بوزت بوجه وافي..صدق عليه اوقااات غلط..ولااا.....تصوروا وين وقف......وقف قدامنا بالضبط ...
وافي بنعومة وهي يبتسم لي: حيااتي وجهك يرد الروح حتى وانت زعلااانه.."
مهاا اللي كانت معصبه نطت بحلق وافي وضمته: خااالي...اشتقت لك مووت...ربي جاابك ..."
وافي وهو يحاول يتنفس من ضمة مهاا: هاا؟؟..وشوو؟؟..مها نعنبوا وجهك..انت ما تستحين طول بعرض وتعلقين برقبتي...ترا كسرتيهاا..."
مهاا اللي انتبهت انها كاتمة انفااسه بعدت وهي تبتسم: خااالي...والله جابك ربي...تصور ال********************************...وشو بعد يا ملكه؟؟.."
كملت عنها بعصبية: الحشرة...الحثااله...التاافه.. رجل صيته...ياعله المااحي..."
مهاا تكمل عني: بيتزوج على خالتي صيته الحيوان الحشره التافه ياعله الماحي...الاسبوع الجاي...يوم الخميس.. وداق يعلمها بالموضوع... وتصور وش بعد؟؟..يبيها تحظر العرس ولاا بيآخذ عياالهاا.."
صرخت وانا احط ايدي على صدري: وشوو؟؟..جعله الموووت ونيران جهنم تلحقه وتوطاه.....آآآه يا لي مافيه وفاا لام عياااله..."
وافي كان يطالعني مبتسم وقال لمهاا بنعومة لا تتناسب مع الموقف:مو تجنن وهي معصبة ؟؟.."
مهاا اللي كانت متفاعله نظرت لي ورجعت ناظرت بوافي وفطست ضحك هي وخاالهاا..
قلت بعصبية وانا احط ايدي على خصري: خييييييييير؟؟..وش السالفه؟؟..موب عاجبكم الحكي؟؟..."
مهاا وهي تحاول تسكت: شكلك رهيييييييييب وانت معصبة.. تفيخه بتنفقع( بالونه بتنفجر)يا سااتر..."
وافي وهو يبتسم لي ويوقف ضحك: هاااااااي..احترمي مرتي...ولااا تنادينها ملكه حااف تراه خالتك يا الخبله..مفهووم؟؟.."
مهاا وهي تسكت: ياااااااويلي محد يجي على دربك انت ومرتك بروح اذاكر..لكن حل القضيه مع زوجتك...وحلوا قضيتكم بعدهاا.."
: ماالك شغل بقضيتناا..."
مهاا وهي تطلع الدرج: تراك انت وزوجك مسوين زحمه..عندك شقه عصفورية على قدكم روحو لها وتركوا المزارع لاصحاابها.."
التفت لهاا وكنت بلحقهاا بس هجت وقامت تضحك علي لمن مسكني وافي بقوة..






وافي بهدوء: تذكرين؟؟.."
:وشوو؟؟.." سألته بنعومة واناا احاول اتنفس...الشبرين هذي اللي تفصلني عن وافي قااتله .. اناا عارفة انه يحاول يحرجني....لكن ماراح يقدر...ان شااء الله ماراح يقدر..
وافي وهو يرفع حاجب: يوم صكيتي فيني...بالحوش...في الممر..."
حمرت خدودي مرة..اكيد اذكر ياا واافي...واذكر كل شيء مرتبط فيك وبمساااعد.. ليش يا مسااعد تطلع بالأوقاات الغلط هااذي؟؟...ليش دوم طيوفه تدور حولي؟؟.... ومالحب إلا للحبيب الأولي..
وافي بكسل وهو يتأمل سرحااني: كنت كاشفه عن الوجه الصبوح...عيونك... كأنها بحيرات تتوسط وجهك..كبااار..وسااع...مدورة..� �جيبه.... تلمع بقوة..ورموشك..كأنها مضلات...تضلل عيونك وتحميهاا..سبحان ربي!!.."
رفعت عيوني له ببطء...كان يتأملني بس ما كأنه يشوفني..يعني..يطاالع باللي ورا وجهي ؟؟..وش خلف هالقنااع يمكن يسأل نفسه؟؟..مدري..مو عاارفة اترجم افكاااره..
: وافي...ابي منك خدمه!!.." قاطعت افكااره بعصبية..مدري ليش غرت من افكااره؟؟.. صدق ليش يسرح وهو واقف معي؟؟..مو وقااحه؟؟...
وافي بنعومة: خدمه!!...طيب..بس وش المقاابل؟؟.."
صرخت بذعر: مقاابل؟؟..اي مقاابل...اناا مرتك مفروض ماتطلب مني مقاابل.."
وافي وهو يشخر بسخرية: مرتي؟؟..انت متأكده انك مرتي؟؟..اي مره هذي اللي بعيده عن رجلهاا؟؟..بعيده عنه بكل شيء؟؟..بعيده عنه بجسمهاا؟؟.."
قاطعته بحرارة: واااافي!!.."
كمل بدون مايهتم فيني: بعيده عنه بقلبهاا.."
: وااافي..." ترجيته يسكت واناا اطالع حولي ليكون احد يسمع حكيناا...
كمل وافي بإصرار: بعيده عنه حتى بافكاارها؟؟..حتى بألمهااا؟؟....حتى بمااضيهاا؟؟.. اي مرة يا ملكه انت؟؟..جااوبيني اي مرة؟؟..تبين خدمه وين المقاابل؟؟..وهذي هي الدنياا يا ملكه كل شيء له مقاابل..."
رجعت شعري ورا اذني وناظرت له مصدومة...طااح من عيني...مقاابل!!... مقااااابل... ههههههه والله ديناا عجيبه يا واافي؟؟..خطفتني من حبيبي...عرضة حياة اختك الزوجية للخطر... وقفت في وجه احلااامي...!!
بلع وافي ريقه بتوتر وقال وهو يدخل ايدينه داخل ثوبه: قولي...آمري..تدللي يا الملكه... كلناا خدم تحت رجولك..."
رديت عليه بصعوبة وانا اكتم عبرتي الضعيفه اللي تقهرر: الملكه لو تضطر تزحف على رجولها عشان توصل للي تبيه...ولااا تطلبك.."



*************************************************

[لامارا]

*************************************************



صرخت بفرح مايتناسب مع الموقف لمن سمعت كلمة سمااح: صدق؟؟..انتم بالريااض؟؟.. متى وصلتوا؟؟..ياااااااااااااه يا سماح اشتقتلك والله..."
سمااح بصوت نوعا ما طبيعي: ملكه ياا حبيلك...والله...لنا فترة قصيرة...عاارفة بعد موضوع الوالد...ماا تحملت اجلس بأمريكاا وقت طوويل.."
قلت واناا متأثرة من قلب بموضوعهم: ياااه صدق ان امك قووية يا سمااح...كيف قدرت تقتله؟؟...هذي جريمه...عمر حيااة البشر ماكانت بأيديناا...ليش لجئت لهالحل؟؟... ماسألتوهاا قبل ماتساافرون؟؟.."
سمااح بتأثر: سألناها....يا ملكه امي نفذت اللي كان ابوي يبيه...السرطاان دمره ياا ملكه.. تعذب ابوي كثير...كان يعيش على الأدوية...من كنت صغيرة وانا اشوفه يآخذ من هالحبوب وهالأبر...وبالأخير...لمن دخل غيبوبة...كانت امي مضطرة تنفذ اللي هو طلبه .. القتل الرحيم...ابوي كان يتوسل امي انها تسوي هالشيء...ابوي ماكان يبي يناام على فراشه مدة سنين وسنين بدون اي امل للشفاه..ملكه هذا عذااب..."
: بسس!!...هذاا قتل نفس بغير حق يا سمااح..الله يساامح امك...ماتدرين لو مانفذت هالقرار وش كاان راح يصير؟؟..كاان يمكن احد يكتشف دواء او شيء...يسااعد على تخطي الغيبوبة..كاان يمكن يقوم ابوك فجأة مثل نااس كثير صار لهم هالشيء..الله قاادر على كل شيء..."
سماح بصوتها النااعم الهاادي: خلاااص يا ملكه..لا تزيدين المناا...ابوي ماات يا ملكه.. وماعاد نقدر نسوي شيء له...الله يرحمه..ويرحم امي..ويرحمناا كلناا..وربك غفور رحيم ..."
ماحبيت اجاادلهاا كثير..عشاان ما ازيد من المهاا....رغم ان الموضوع آلمني بقوة واثر فيني...ويمكن اناا بعد صايره حساسه بزيااده...فأنزعج من كل شيء حتى المواضيع اللي ماتخصني...
: سمااح...طيب..متى اقدر اشوفك؟؟..سمااح اناا محتااجه احكي لأحد عن اللي امر فيه.. اناا تعباانه والله..."
سمااح وهي تفكر: اممم...شرايك نتقاابل بعد بكرة في ابل بيز؟؟... انا وأنت بس؟؟.. ترى نفسيتي مرة تعبااانه...ودي اطلع من هالقوقعه...احس اني راح امووت بأي لحظه بسبب الضيق اللي احسه...."
: وروعه؟؟..ليش ما تجيبينهاا معك؟؟.."
سماح بضيق: روعه يا ملكه...في عالم خااص فيهاا...تخيلي ان غرفتهاا كلها اغراض ابوي الله يرحمه...عيت ترمي اي شيء من اغراضه...تلحف بفراشه الأخير.. تلبس قمصانه وبجايمه الأخيرة..عندهاا شرشف اللي كان مغطاا فيه لمن دخل الغيبوبة... كل تقاريره الطبيه..أدويته..ساعاته..عطور ه...روعه في عاالمهاا الخاص يا ملكه...آآآه...اناا مرة خايفه عليهاا...تخيلي انهاا رافضه تكلم امي او تسلم عليهاا...وهي السبب في جيتناا الرياض لوحدناا..."
: آآآه...رووعه!!..لااازم اشوفها اذا فضيت يا سمااح..روعه لازم تطلع من هالغرفة..لأنها مراهقة..شخصيتها سريعة الـتاثر... ماتبونها تصير معقدة او مريضة بأي شكل..."
سمااح وهي تآخذ نفس: الله كريم وان شااء الله تطلع من هالأزمة لوحدهاا..عشان يقوى عودها لأنه طري!!.. خلاااص موعدنا بعد بكرة؟؟.."
: ايه حبيبتي...اكيد... ماراح اتأخر دقيقة...نخليهاا على الساعه 8:30"
سمااح: ان شااء الله...مع السلااامه"

كاان قلبي يألمني..وكأني كنت ناقصه الم... كل شيء كاان دماار حولي..زواج رجل صيته ... زواج مهاا الاجبااري اللي تسرع موعده... اختبارات عياال صيته وانا اللي كنت اذاكر لهم... زعلي اناا و وافي والفجوة اللي تكبر بيناا وتتوسع... حياة عفاري المقلوبة رأسا على عقب.. حياة روعه مع ذكرياات المااضي... احزان سمااح وميران على ابوهم اللي انقتل!!...كل شيء كان يوحي بكاارثة...واناا مو قد هالضغط اللي حولي.. انا من النااس اللي اشيل هم غيري.. افكر بالناس الثانيين... اشيل الآمهم..افكر شلون اخفف عنهم .. احشر نفسي مع معاناتهم...





...طلعت اشوف صيته..لهاا يومين قاافله البااب على نفسهاا لا تآكل ولااا تشرب..وبس نسمع صوت صيااحها وانينهاا...
وصلت عند غرفة صيته ودقيت البااب كذا مرة..واستغربت لمن فتحت البااب.. كان شكلهاا مخيف مرة...والغرفة حوووسه..الفراش على الأرض...اشياء مسكورة فوقه.. علب حبوب ... جيك موية..عاالم غير اللي اعتادت صيته تعيش فيه!!...
قلت واناا احاول ابدا بموضوع: آآه... تبين تآكلين شيء؟؟.."
اعطتني صيته ظهرها وخلت الباب مفتوح عشان ادخل وراها: لااا شكرا.."
: صيته حبيبي..لك يومين ماكليتي شيء!!..."
صيته وهي تطالع في المراية بسخرية: احسن رجيم!!...ولااا؟؟.."
ثم كملت بقهر: عاارفة كم عمر زوجته الجديدة؟؟...18 يا ملكه...حتى انها اصغر منك انت ومهاا وحناان.."
طالعت بوجهها في المرايه...رجعت شعرها لوراء...وتأملت جسمهاا: وش ناقصني ملكه؟؟.. وش نااقصني؟؟...جسمي حلوو...وجهي حلوو...طبااخه ومتعلمه...وجايبتله احلى عياال...ليش راح وتزوج؟؟...ليش الرجال مايطبقون الشرع إلا بمسألة الزواج؟؟..هه دنيا عجيبه صح؟؟..اناا خلاااص يا ملكه...قررت اروح العرس..مو علشان شيء... علشاان يعرف ان زوجته هي صيته آل...اللي ماعليهاا من احد..وعشاان عيالي..وبعدهاا بخلي وافي يتفااهم معه على الطلاااق..مالي جلسه مع رجال باعني يا ملكه.."
: صيته!!...ليتني اقدر اواسيك..اناا نفسي بتعرض لموقفك بعد فترة قصيرة..بس الفرق بيني وبينك..انك عشت معه فترة طوويله...يعني شلون هنتي عنده عشان يروح يتزوج بزقة من بناات اليوم؟؟..."
صيته ببرود ظاهري بس ولا هي تلتهب من جوه: الله يهنيه يا ملكه...خليه يشبع بهاا.. وصدقيني محد بيحتمل رجلي كثري...لذاا.. اناا عاارفة انه راح يعض اصاابع الندم بس متأخر مرة..."
: طيب!!...تبين نروح نآكل بره؟؟..الجو حلوو...وانت محتااجه تغيرين جو..."
صيته بصوت مبحوح وهي ترفع حواجبها: ابي فستاان كشخه من عندك..لااا سار ولااا استوى... راح اخلي مرته تعرف زين قدرهاا..وانا بنت ابوي..."
: صيته...صدقيني ماتبين تروحين...ولااا راح يقدر يآخذ عياالك منك...وافي راح يوقف بوجهه وماراح يسمحله يسوي لك شيء..."
صيته بتعب: وافي..وااااااااافي تحملني انا وخواتي كثير..محتااج يعيش حيااته يا ملكه... اناا ماراح ادخله إلا بمسألة الطلاااق..ولااا خلاااص اهو مو مكلف فيناا... وافي مكلف فيك انت وبس..."
: بس وافي اخوك!!...والأخو هذي وظيفته!!...ليش لمن نتألم نقول أخ!!...لأنه هو الوحيد اللي بيسمعناا في عز المناا...صيته مو عيب انك تشتكين لواافي.. صدقيني.."
صيته وهي تهز راسها لي: صح..بس هالمره صيته هي اللي راح توقف بوجه رجلهاا.. وراح تعلمه اي بنت رجاال اخذ..وراح تعلمه ان لاهو ولا مليون من شكله يقدرون يأثرون فيني..."
طالعت بصيته وهي تروح تدخل الحماام...الله يستر من العررس...وش راح يصير فيه؟؟.. تتوقعون ان صيته راح تتماسك..ماراح تخرب الدنياا وتصيح.. لااازم اروح معهاا انا ومهاا او اناا على الأقل..اخااف تتهور ويطيح هالقناع القوي وتظهر الحقيقة...





*********************************************





حسيت بصدااع فضيع من صوت مهاا المزعج وهي تقرا درس السلم بصوت عاالي... ذكرتني فيني فيما مضى...كانت فيني هالعاده الشينه..ما احفظ إلا اذا قمت اصرخ وازاعق بالمعلومات..
مهاا وهي مجلسه عياال صيته قباالها ولابسه لبس الجاامعه الأنيق..تنورة جينز سمااوية قصتها سمكه...وبلوفر بني وتحته هاينك موف..واكسسوارات مناسبة ورافعه شعرها ذيل حصان وحاطه مكياج صبااحي متقن...
: قد ضل في القدر طائفتان...احداهما الجبرية الذين قالوا ان العبد مجبر على عمله.. وليس له اراده او قدرة...
والثانية القدرية الذين قالوا ان العبد مستقل بعمله في الاراده والقدرة، وليس لمشيئة الله تعالى وقدرته اثر..
يله رددوا وراااي...بسررعه...بشوف حفظتوا ولااا لاااء؟؟..
: مهااا..يا مهاا...يااا مهااااااا صدعتي براسي حسبي الله على ابليسك...وش ذنب هالبزران؟؟..ترى وراهم مدرسة؟؟.." ولفيت على بنت صيته اللي كانت تطاالعني بتوسل: كولي حبيبتي..عشاان السواق بره يستنااكم..."
مهاا بحمااس: طيب اسمعي هالمعلومة يا ملكه...والله مفيده...ايش الطائفه اللي اثبتت سبع صفات واسماء لله تعاالي ونفت الأخرى؟؟.."
: افف...مدري..الحمدالله يااربي...تراني لسه مادرست سلم...خلاااص صجيتنيا والله اني صدعت..اشربي حليبك ترى بيبرد..."
مهاا وهي تسكر كتاابها وتدخله بشنطته الكشخه: يله روحوا كولوا حبايبي وراناا طريق طوويل...ملوكه...عطيني التوست...لاااا كبيرة هاذي..نص بس..."
عطيتها نص..وضبطت جديله بنت صيته..ومشطت شعر الولد...وراقبتهم وهم يروحون كلهم...
مهاا وهي عند البااب: ادعيلي يا حلووه...تراا الاستااذه متعودتني برسووب.."
: الله يوفقكم كلكم...انتبهي واقري السؤال كذا مرة...وخلي عنك الخفه..ولا تزعجين البزران بالسياارة.."
ماسمعت رد مهاا لأني شلت منو ورحت لغرفة النوم..حسبي الله على ابليس مهاا صدعت براسي... حطيت منيرة على السرير والمخدات حولهاا ودخلت الحماام كنت ناوية اخذ شاور سريع...بس اول بآخذ لي حبة للصداع هذا اللي قاص راسي...
فتحت الصيدلية...وانقبض قلبي واناا اشوف العلب الكبيرة للادوية... تذكرت وافي مرة لمن كان يتألم...سألته عن هالأدوية وعياا يجاوب...وانا نسيت الموضوع...رغم انه مانفى مرضه...اي زوجه اناا؟؟..سألت نفسي بسخرية...
طلعت العلبة اللي فيها كبسولاات كبيرة مخيفه.. وفتحتهاا ببطء...وتلمستهاا باهتمام...ليتني اعرف بس هالحبوب لأيش؟؟...لااازم اتأكد انا شااكه بشيء بس مابي افكر حتى ان هالشيء موجود بواافي..قررت ارسل السواق اول مايجي من المدرسة يروح لأي صيدلية ويسألي عن هاالأدوية...





*****************************************


حبك واشتيائك...حلو...زعلك او عذابك حلو..رحيلك رجوعك حظورك وداعك..كل شيء منك حلو..
كل شيء من حبك بتحمل ولاا بزعل منك..كل شيء من ئلبك بتئبل ولااا ببعد عنك!!
ئلبك طيب مابيعاادي...ئلبي حبك فوق العااده..واللبيحب بيتحمل...
حبك يا حبيبي اناا...بئربك ئلبي عااش الهناا...سكوتك كلااامك حناانك غراامك...ئلبي ذايب اناا!!

كانت هاذي رساله صوتية من وافي...ارسلهاا لي قبل فترة...مدري كم مرة سمعتهاا... بس الأكيد اني حفظت الكلمات غيب..ومع هذا كان قلبي رافض يصدق اللي انا اكتشفته.. من متى وافي مسجلهاا لي؟؟..من طلعت من المستشفى..لكن متى سمعتهاا..بعدما عرفت طبيعة مرض وافي...ماكنت مصدقة ان هالصوت الحلو مريض..ومو اي مرض... مرض تقشعر له الأبدان...مرض ترافقه كلمة والعياذ منه!!...مرض مخيف قااتل خبيث!!

***************************************


طالعت بوافي ودموعي ملياانه..كان واقف مع حصاانه وافي وقااعد يداعبه ويوكله... ويمشط له شعره ويغسل جسمه...
كنت واقفه بعيد...بعيد مرة...لكن كنت احس بقربه..وكأنه قريب حيل مني... كنت رافضه اصدق ان وافي مريض... وبالسرطاان...معه ورم خبيث جدا في دمااغه... وهالورم بعد فترة حيأثر على سمعه وبصره وحتى نطقه!!...
تخيلوا وافي..الوافي مايسمع..تخيلوه مايتكلم..مايشوف... وافي الوافي تخيلوه عااجز؟؟.. ماراح تقدرون...اناا نفسي مو مصدقة انه بعد فترة راح يصير مجرد عظاام...راح يصير حكااية من المااضي نحكيها لعياالنا....راح يصير صورة على جدار الذكرياات..راح يموت مثله مثل اهلي مثل جاسر مثل نورس...مثل كل من خالطني او ارتبط فيني من بعيد او قريب...اناا عارفة ليش جااسر ماات؟؟..مو لأن عفرا هي خطيبته...لأني اناا ملكة الموت..ملكة البؤس...ملكة الهم...قريبة من عفراا... انا سبب بؤس هالعاالم...ياربي الطف فيني...!!





وافي وهو يشوف دموعي اللي تملاا عيوني: ملكه؟؟..وشفيك؟؟..تكلمي..."
حطيت ايديني على صدره تحسسته مو مصدقة وحطيت راسي عليه ببطء وانهرت اصيح ..: وافي لااا تروح..لااا تتركني..من لي غيررك!!..."
وافي اللي كان متفاجأ مني..ربت على راسي بنعومة: وش هالكلااام؟؟..اناا لو اترك كل هالبشر ماراح اتركك يا ملكه...وش فيك؟؟.."
قلت وانا ارفع وجهي اطاالعه: ماافيني شيء..اوعدني يا وافي؟؟..اوووعدني...ماراح تتركني ابد...ابد... ابــــــد.."
وافي قاام يمسح دموعي الغزيرة: اوعدك يا عيوني..يا عيون وافي...وش هالحكي؟؟.... ترى كل هالبشر اللي حولي وحولك مايسوونك يا ملكه... لو كل هالبشر قررت تتركني لأني مستمر معك...عاارفة ماراح اهتم فيهم...خلهم يتركوني...بس انا ما اتركك...لأنك الوحيده اللي بحيااتي...اللي اثق تماما انها لو حبتني...فماراح تنتظر مقاابل..."
تلمست عيونه...خشمه..شفايفه..وجهه..ش� �ره وكأني احاول احتفظ بكل مافي هالوجه بذاكرتي..مابي اي تفصيله منه تفوتني...ابي احفظ حتى التجاعيد البسيطة اللي تطلع عند عيونه لمن يبتسم...ابي احفظ هالشعرات الخفيفة اللي بذقنه...ابي احفظه لااازم ارسم صورته..راح اطلب من احد يرسمهاا لي...لااازم احتفظ باشيائه..اقله لو ماات يكون فيه شيء من ريحته معي...
: واافي..خذني ويااك...مابي اجلس هنااا..."
وافي بلهفه: من عيوني...راح آخذك هالحين لو تبين...بس اول...قوليلي..فيه احد ضايقك ؟؟..مهاا ضايقتك؟؟..صيته؟؟..جدتي؟؟...ا� �خدم؟؟..اي احد؟؟.."
: لااااء.....ابداا...بالعكس اهلك افضل نااس عاملتني...بس اناا مليت من الجلسه لوحدي ابي ارجع لبيتك.." وسكت شوي وتطلب مني الوضع شجااعه فضيعه عشان اصحح: بيتناا.."
ابتسم وافي وهو مو مصدق:اكيد اناا بحلم يا ملكه...انت تقولين هالحكي؟؟.. معقوولة ياربي صبري جاا بفاايده...من اول يوم بزواجناا وانا انتظر كلمة حلوة منك رغم جفااي لكن قلبي كاان مولع بحبك..."
ابتسمت له من بين دموعي: تذكرت شيء..."
وافي بنعومة: وشوو؟؟..لا تقولين انك غيرت رايك؟؟؟.."
: لاااء..بس اليوم لااازم اروح اقابل سمااح...وبعد بكره زواج رجل صيته لااازم اروح ويااهاا...وبعدهاا..." ونزلت عيوني بخجل اجتاحني كلي..حسيت باحراج فضيع.. كنت قريبه منه مرة... وكنت اقوله اني ابيه!!...اكيد انا انجنيت...لو احد شاافناا!!...ياربي والله فشله!..
بعدت عنه ولاااحظت الاعتراض على وجهه بس ماقال شيء..تنحنح شوي وابتسم وهو يهز كتوفه اخيرا بعجز: طيب...اوصلك لسمااح؟؟.."
: يااليت والله!!..بيكون شيء حلوو...لأني ما احب اطلع مع السواقين كثير لوحدي..."
وافي وهو يرجع شعره لورا ويمد ايده لي: طيب...وراح اخليك تروحين لزواج رجل صيته .. مع اني مفروض ارفض هالشيء...بس راح اوافق عشان صيته ماتكفخني.. لأنها هالايام صايره شخص ثااني..."
ضحكت شوي...ومسكت ايده بخجل واناا اعض على شفتي...
وافي بجرأة: خليناا من هالحكي له وقته..هالحين...وافي ينتظرك...ينتظر ملكته...خليناا نروح له سواا..."
فتحت عيوني على الأخير لمن سحبني وقاام يركض بخطوات كبيرة ناحية وافي اللي كان يركض بخفه وبشكل داائري..وشعره يتطااير حوله...
اخيراا وصلناا قريب منه....وراح له وافي ومسكه مع لجاامه...وسحبه نااحيتي...حاولت اتنفس لأن صدري كان يعلو ويهبط بسرعه فضيعه... كنت مرة فحماانه ومحتااجه موية... وكمان الجو كان ابرد في المكاان اللي وقفنا فيه لأنه منطقة مستوية مافيها لا نخيل ولااا جدران....
وافي وهو يضرب حصاانه بخفة: يله اركبيه..."
: وشوووووو؟؟...اكيد انجنيت انت؟؟.."
وافي وهو يهز راسه: ليش؟؟...اركبيه يله...هذا الحصاان من هاللحظة ملك لك... انت حرة فيه.. اركبيه..."
: واافي؟؟..اناا...مرة شكراا...احلى هدية والله..بس مقدر اقبلهاا..."
وافي باستغراب: ليش؟؟.."
: لأنننن..لأني مو متعوده آخذ هدايا قيمتها نص مليون تقريبا..."
وافي وهو يرجع راسه ورا ويآخذ نفس طويل: اول شيء..اذا الملكه ما تآخذ هدايا بنص مليون مين اللي يآخذ؟؟..
ثانياا....كل فلوسي لك...فاذا مو انت اللي.."
قااطعته بتحذير: ترى فيه وحده ثاانية تشااركني بفلوسك..وهالوحده..لهاا حقوق اكثر مني .."
وافي وهو يقرب مني وفعيونه نظرة شيطاانية: ليش اكثر منك؟؟.."
رجعت شعري الكاريه على ورا وقلت وصوتي يهتز: لأنهاا راح تكون المره النموذجية اللي انت تبيهاا..ماراح يكون لهاا ماضي تحاسبهاا عليه...ماراح يكون لهاا سجل حاافل بمرض بشع...ماراح يكون لهاا...قصدي.." تجمعت الدموع بعيني وقلت وانا اتنفس بصعوبة: بيكون لعياالك خواال واهل وعيله..راح يكون لك ارحاام..ونسايب..ماراح تكون مثلي ابد...مقطوعه من شجره..مالها عزوة..."
وافي حط ايدينه على كتوفي بقوة: انت عزوتي واناا عزوتك يا ملكه...عمرك لا تقولين هالحكي...الماضي مااضي...وانا مساامحك علييه..."
صرخت فيه بتعب: وافي انت فااهم هالمااضي بكيفك..وافي عمر المااضي ماكان بالشكل اللي انت فااهمه...وافي لااازم تسمع الحكاية من كل الاطراف...لأنهاا دايم تكون مختلفه يا وافي..."
وافي وهو يحااول يكبت اعصاابه لمن اطري سيرة المااضي والمااضي هو مسااعد للي مايعرفون..: طيب...قولي..كلي اذان صااغية...بسمعك يا ملكه..وبنشوف وش الحكااية ؟؟.. "
وتكى على ظهر حصاانه وطاالعني بتحدي كرهته...تحدي حسسني اني طاالبه انمسكت وهي تغش ومو عاارفة شلون تداافع عن نفسهاا...الكذب لااابد منه...واعتقد انه حلااال بهالحاله لأني بحاول اصلح حيااتي مع واافي...
: وافي...يمكن ماراح تصدقني في هالحكي اللي اقوله... اناا ما ارتبطت مع مسااعد بأي علاااقة...الموضوع كان غير مانت فااهم.."
وافي باتهاام صريح: كنت تقاابلينه..يمكن كنت تعرفينه من قبل لايخطب بدرية..صح؟؟"
: لاااء مو صح...على اي اساس تعتقد هالشيء؟؟..وافي اناا عمري ماعرفت مسااعد... ولااا عمري قاابلته.."
وافي بضيق: ملكه..اناا مستعد اسمعك..لكن لا تكذبين علي...لااا تستغفليني.. اناا اذكر انك كنت مرة بالملحق حق الرجاال...بعد ملكه بدرية بساعات قليلة..قوليلي وش كنت تسوين هنااك؟؟.."
انصدمت من معرفته للموضوع فسارعت بالرد بدفااع: ماكنت احسب انك انت ومسااعد فيه.."
وافي ببرود وشخصيته انقلبت 180 درجة:لو فرضنا ان كلااامك صح... كنت عاارفة ان سلطاان فيه.. ومع هذا تجرأتي ودخلت ملحقه بآخر الليل...بملااابس قصيرة...والله اعلم ليش؟؟.."
: واافي انت مو قااعد تسهل علي هالشيء..واافي انا دخلته لأني كنت ابي منه مفتااح المطبخ... اناا.."
طالعني بسخرية: ملكه لا تستغفليني..."
اخذت نفس عميق..." انا ما استغفلك...اناا قاعده اقولك الصدق...صح اني كنت متهورة.. بس اناا اعرف ان نوم سلطاان ثقيل...وانه ماراح يقوم...كنت جوعاانه رحت عشان آخذ المفتااح...بس مالقيته في المكتب...بعدين سمعت صوت حمام غرفة النوم حقتكم..مت من الخوف وتخبيت تحت الطااولة علشااا..."
سكت بحزن واناا اشوف نظرات عدم التصديق والسخرية تلمع في وافي...عرفت ان عمره ماراح يصدقني...ودوم راح اكون متهمة بعيوونه...وتسألوني ليش ما اعترفله؟؟..لأنه بكل بسااطه مو مستعد يسمع...
وافي وهو يرجع شعره على ورا باصابعه: وشوو؟؟..ليش سكتي؟؟..خلص المااضي.." قالها بألم وهو يزم شفايفه بببرود..
ابتسمت له ابتساامه شفقه: عمر المااضي ماراح يخلص...اناا بروح ادخل جوه اشوف عيال صيته...عن اذنك.."
لحقني وافي بسرعه ولفني بقوة عشان اطالعه: كملي حكيك..."
: وافي ماعاد بقى في داخلي اي كلااام...اناا كذاابه...وماعندي اي شيء اقوله..اترك ايدي لو سمحت.."
وافي بعصبية وهو يحط ايده بجيبه يدور شيء: اسمعيني..اناا مستعد اسمعك..خلاااص ماراح اقول اي كلمة..اوكيه؟؟.."
: وافي اناا مو لعبتك...ماراح اتكلم عن الماضي مرة ثاانية...عمرك لا تصدقني.."
وافي بعصبية: لااا تقولين كذا..." وطلع علبة سجاايره وولعهاا ورماها بفمه بتوتر...
: وافي..اذا انت فعلااا تبي تعرف كل الحكااية اناا عندي حل...يناسبناا..." وتذكرت طريقة كنت اسويها مع امي لمن ازعلهاا وكانت تجيب نتايج رووعه ومبهرة...
وافي بلهفه: قووليه؟؟.."
: بكتب لك رسااله...بحط فيهاا كل الحكي اللي عندي...وبخليك تقراها...وخذ راحتك ووقتك...واذا حسيت او بالاصح صدقت ببراءتي...وقتهاا تعالي هناا...راح انتظرك.. بس...لا تتأخر كثير..لأن صبري مو طويل!!.."
وافي وهو يرمي السيجاره على الأرض ويدعسهاا برجله: خلاااص...متى راح ترسلين لي الرساالة؟؟.."
: ارسلي ايميلك برساله على الجوال وراح اكتبهاا لك الليلة او بكره..."

***********************************


سمااح دقت علي...واعتذرت وهي تصيح عن الموعد...تقول ان روعه تعبت عليهم مرة.. واضطروا يآخذونها المستشفى...قبلت اعتذارهاا ووعدتها اني ازور اختهاا بكره بالكثير اذا قدرت...ودعيت لهم من قلبي..حراام بناات صغار ولاهم قد مسؤولية الحياه...



**************************************



طالعت بصيته اللي كانت لااابسه فستان من فساتيني لونه بنفسجي وفيه زي اللون الزيتي.. وقصته مرة روووعه....وواسع مرة من عند الأرداف... طلعهاا كأنهاا بنت صغيرة مرة.. خصوصا انها صبغت شعرها اسود باذنجااني..وحطت مكيااج كثير عشان تخبي الشحوب اللي مالي وجههااا..ومخليه شعرها انسيابي نااعم..وقاصه غرة كثيرة بالموس... وطالعه باختصاار قمر 14..
صيته وهي تطالع بوجهي: مشاء الله مكيااجك مرة حلوو.."
: اكيد...ابي ادعمك فلااازم اكون بالشكل اللي يكسر خشم العروس..وخواتهاا...تتوقعين زوجك ينزف؟؟.."
صيته بقرف: افف..لا تقولين زوجي..قولي طليقك المستقبلي...وبالنسبة لسؤالك مليون بالمية راح ينزف...الرجال استخف يا حبيبتي...وتصدقين ازين عشان اسلم عليه لآخر مرة قداام هالبشر..."
: الله يعين...يله ترى الوقت متأخر..خلينا نمشي هالحين..الفندق بعيد.."
لبسناا عبايتنا وحطينا عطورنا بالشناط الصغيرة...اناا كنت لااابسه فستاان احمر نااعم مرة بدون اكتااف وضيق...ومخلي شعري على طبيعته....ومكيااجي خفيف بس روجي احمر صارخ...
لقيناا مهاا بالسيب...كانت قااعده تذااكر...اول ماشافتنا صفرت باعجاب: ياهوووووووه.. والله كل وحده ازين من الثاانية..مشااء الله عليكم...قمااري...راح تنخطبون..."
ضربتها على كتفهاا بقوة: فاال الله ولااا فالك...وش ننخطب يا حبيبتي؟....بالنسبة لي عندي زوجي وصيته...عندها زوجها او جلسه البيت مانبي عرساان..."
مهاا: يادفشك...يارربي مدري شلون خالي الرقيق صبر على دفااشتك...انثروا ملح عن العين..."
وجابت ملح ونثرته على كتوفي اناا وصيته اللي ضحكت من قلب: مهاا يا خبلك اعقلي.. هذا وانت توك ممتحنه سلم رشيتينا بملح...الظااهر دروس تدخل من اذن وتطلع من الثاانية..."
مهاا وهي تضحك: هههههههه...لااا ترى مضمونة معلومة الملح...يله دعواتي معاكم.. انتبهوا على انفسكم..ولا تتأخرون وجيبوا عشا ويااكم..."
ودعاها واحنا نضحك على حركااتها اللي عمرها ماتبطلهاا... وركبناا السياارة وكل وحده عقلهاا خذاها لمكاان..
صيته بزوجها وعروسته الصغيرة...وكيف راح تتحمل شوفتهم..؟؟..
وانا بوافي...وبالرسااالة اللي كتبتها له وارسلتهاا؟؟..وهل راح يصدقهاا او لاااء؟؟..
يارفيق دربي..فسعادتي تكمن في وجودك...

لااا حياة لي بعدك...

قسوت عليك وهذا من حبي لك...

همســــــــــــــــــــات
نظراتــــــــــــــــــــ ـــ
عتـــــــــــــــــــــــ ـاب
شوقــــــــــــــــــــــ ـ
محـــــــــــــــــــــــ ـبه
عشق ابــــــــــــــدي
كل جزء من هذه الاحرف تنبض باسمك وتتذوق حلااوة عشقك...
فتقبل مني هذا الاهداء...

[لامارا]

الفصل التاسع والعشرين
في العرس..


تونا جاالسين قريب من الممر اللي راح تمشي عليه العروس...
الااا ونشوف وحده لااابسه فستان ذهبي له طرف مشكوك...
ورافعه شعرهاا فوق راسهاا بتسريحه عصرية شوي...وهي جايه جهتناا...
قربت مناا وابتسمت بوجه صيته بشمااته وهي تقول:
واااااااو...صيته هناا...وش هالمفاجأة؟؟؟.."
صيته ببرود وهي تصد عنهاا: اي مفاجأة يا حبيبتي؟؟..
عرس رجلي لااازم اكون اول المتواجدين فيه!!"
البنت اللي كان واضح انهاا بعمري او اكبر شوي: ولااا وجايبه معك ضيوف؟؟.."
صيته وهي تعرف البنت علي: هذي مرت اخوي..ملكه.."
والتفتت علي: هذي اخت صالح الصغيرة...عمة عياالي..."
هزيت راسي لهاا بغرور واناا اطالع فيهاا من فوق لتحت...بطت كبدي باسلوبهاا
السامج بالحكي...
: تشررفناا" كانت الكلمة الوحيده اللي نطقتهاا...
اخت صاالح وهي تطاالعني بطريقة غريبة: مرت وافي؟؟.."
صيته وهي تبتسم بلؤم: ايه..مرت وافي.... "
البنت هزت كتوفهاا بغرور وقالت وهي تلف عشان تروح عنا...
: على العموم...حيااكم الله بعرس اخوي الثاني والاخير..هههههه...
بروح اقولهم يحطون لكم ترمس قهوة جديد..."
لمن راحت البنت..طالعت بصيته اللي كانت تهتز قهر..
: صيته...هدي اعصابك..."
صيته بعصبية بس ماكان باين عليهاا: شلون اهدي اعصابي وهالسوس هم حمواتي...شفت شلون اسلوبهاا...انت عاارفة انهاا كانت ميته تبيني اخطبها لوافي او لمشاري...وصرااحه مره قلتلهاا..ان اخواني ماراح يآخذون الا بنات يناسبونهم.."
: مااعليك منهاا...انت خلك رااكده...دامنا حظرنا العرس فخلاااص..لاازم نلعبها صح..
اهم شيء ان رجلك يعرف انك حظرت العرس..ومابقى على الزفه شيء كثير.."
صيته وهي تطالعني: الزفة؟؟..ملكه ليتني اقدر افجر هالمكان فوق راسه هو وعروسته...ليت القتل مو حراام..!!"
: لو القتل مو حرام..كان زمااني ذابحه وافي.."
صيته وهي تبتسم: حراام عليك...ياازين وافي والله...صدقيني..بيجي لك يوم..
وبتعررفين ان وافي مامنه اثنين..."
: وافي فعلااا مامنه اثنين..."قلتها بسخرية مرة..




كان العرس ممل جدا...خصوصا ان خوات صاالح كل شوي وهم ناطينا بحلوقنا..
يسالوناا اذا كان ناقصنا شيء..او محتاجين اشياء؟؟..
طبعا معروف مكر الحريم..ولااا من متى هالمحبه على قول صيته؟؟..
المقصد واضح يبونهاا تنهاار وتصرخ بوجيههم ويبان اهي وش تحس فيه؟؟..
وزادت حرقة صيته لمن عرفت العروس..خصوصا بعد ماشافت صورها .. في البداية ماكنا منتبهين للصورة...لكن اللي نبهتنا لهاا اخت صاالح..كانت بنت مملوحه..بس ماتجي نص جماال صيته...شعرهاا طويل اسود... عيونها وسط...سمااره...
صيته بمرارة وهي تطالعني مصدومة: هذي كانت تلعب قبال بيتي..يا ملكه.."
: ............."
صيته وهي تابع وتحاول انها تتماسك: تخيلي....هال البزقة كانت تلعب قبال بيتي اول ماتزوجت...معقولة يا صالح؟؟..تزوج هالبزر..تخوني بكل هالبسااطه.."
: صيته خلاااص حبيبتي...خليناا نطلع..اناا حاسه انك راح تخربين الدنياا.."
صيته بحزن مكبوت: الله ينتقم منه يا ملكه..هذا ارسلي طعنة مميته لكل شيء فيني يقول انا انثى...قوليلي وش فيهاا زود علي؟؟..."
: ماعليك منه..والله ربي بيحااسبه على حرقة اعصاابك يا عمري..صدقيني..
بكره بيجي يزحف على رجوله ويتوسلك تسامحينه.."
صيته بقهر وهي تحاول صوتها مايرتفع: والله...لو ماات قبالي ماسامحته.."
ماعلقت على كلااامها...





دق جوالي فجأة...فطلعته من شنطتي وانا متأكده انها مهاا..لكن استغربت لمن شفت وافي هو اللي متصل...
ترددت للحظات..بس اضطريت ارد واناا ميته رعب من مكالمه وافي... يمكن ماصدق رسالتي..
يمكن يعتقد اني اتمهزل فيه!!..او اي شيء سيء..لأن وافي طول عمره شكاك!!
وافي بصوت عادي: سلااام.."
: هلاااء.."
وافي وهو متردد: كيفك؟؟..امم..متى بتطلعون من عندكم؟؟.."
:الحمدالله بخير.. اممم...يعني بعد..الزفه ان شااء الله...وش هوله السؤال؟؟.."
وافي مارد علي...بعد لحظات: كيف العرس؟؟..وصيته؟.."
: ماعليه حليو...وصيته..اووه..لحظة..."
انهبلت واناا اشوف صيته رقت الكوشه وراحت ترقص على اغنية..(ايوه)..الحيواانه من اليوم وانا امنعهاا من انهاا تتهور...
: وافي..لااازم اقفل هاالحين..صيته راحت ترقص..."
وافي وهو يرفع صوته: انا اللي بجي آخذكم..دقي علي اول ماتعشون...بااي.."
قفلت الخط من غير ما اقول شيء... وحطيت الجواال بشنطتي..وتميت اطاالع بصيته...وانا ميته خوف من انهاا تصيح...او تنهاار..او يبان اي ضعف منهاا..
حرام تصير شمااته والناس تكلم فيهاا...
((لبيه يا ابو عيون وساع..ماغيرك احد(ن) البي له..))
امتلت عيوني دموع..بس الحمدالله محد كان يطاالع فيني..الاغلبية كانوا يطالعون بصيته..واللي اكيد الكل كان عاارف انهاا مرت العريس...
لأن مثل هالاخبار..تنشتر بسرعه بين الحريم...انا متأكده ان نصهم يحسدون صيته على قوتهاا..والنص الثاني يتحسرون على شباابهاا وجماالهاا...ويفكرون برجالهم...اذا صيته ما اقنعت رجلهاا...هم راح يقدرون؟؟...
خوات العروس..كان القهر باين على وجيههم...ولاااحظت ان فيه حركه بينهم غريبة..
توقعت ان العروس وصلت..وقررت اروح اشوف..
شلت شنطتي وقمت على اساس اني راايحه الحمام...شفتهم يطاالعون فيني من فوق لتحت..فسفهتم...
اول ماطلعت من الصااله..ماخاني ظني...لاااحظت ان فيه وحده من خوات العروس لااابسه عباايه ومتلثمه واقفة عند غرفة العروس...وشكل ان العريس المصون جوه..
واكيد انه يتصور مع البزره اللي متزوجهاا..جعلهم الصمرقع...
طالعت فيني اخت العروس بطريقة شريرة...من فوق لتحت..ناظرت بعيد عن غرفة العروس...ورحت الحماام...
اول ما دخلت الحمام..فتحت شنطتي..وقررت اني اسوي مكيااجي..وفكرت بوافي اللي راح يشوفني كذاا...
ابتسمت بخجل..وافي هو اللي بيآخذناا...عمره ماشافني بفستان زي كذاا خالع.. حتى فستان زواجي كان ساتر...
طلعت البودرة والكحل والروج الاحمر والفرشاة...مشطت شعري بسرعه وخليته ينتفش شوي...اللي كان نازل شوي على رقبتي....
عدلت روجي بمهاارة...وزينت كحلي...والبودرة...وقبل لاا ادخلهم بالشنطه..شفت وحده من خوات العروس تدخل الحمام..وكان باين عليهاا نية شريرة..
مسكتني مع ايدي بطريقة وقحه وبدون مقدمات قالت: بدل هالاستعراض اللي قااعده تسويه صيته...خليهاا تشيل نفسهاا وتروح...ترى العريس مايبي يشوفهاا.."
جريت يدي من يدها بقوة: العريس اللي انت قااعده تكلمين باسمه..هو اللي مرسلهاا كرت لزواجه..."
اخت العروس بلهجة حاده: واذا...مو كل وحده رجلهاا ارسلهاا كرت لزواجه تحظر.. اناا عارفين ليش صيته حاظرة؟؟..اكيد نااوية على نية قشرة في الزفة.."
: والله نااوية او مو نااوية...لااا تدخلون..رجلهاا وهي حرة فيه..وبعدين يا حبيبتي.. ترى العرس على حساب صاالح..لذا ان كان فيه احد بيطلعنا من هالزواج..فبيكون صاالح شخصياا...اتمنى تحترمين عرس اختك وتروحين من قدام وجهي هالحين.."
لاااحظت ان الحرمه تغير وجهها وكانها ماتوقعت اني بقولهاا هالكلااام...صح اني طيبه وبنت حلااال ومافيه احلى مني..لكن فيه اشياء تفرس...وتخلي الانسان يتكلم حتى لو خاالف طبيعته الناعمه...
راحت الحرمه من قدامي وانا شلت شنطتي وطلعت وراها...ورحت لمكان العبايات وخذيت عبايتنا..عشان نطلع ورى الزفة على طول...
رجعت لقيت صيته جاالسه بمكااني وتلعب بجوالها بزهق...الله ياا صيته...والله اللي يشوفك مايصدق انك تحبين صاالح..
البرود واضح عليك...لكن اناا عارفة انت وش تحسين فيه؟؟..تحسين بسكين الزمن وهي تطعن وتقطع قلبك...
تحسين بالغدر اللي خذاك على غفله وانت بعز سعاادتك...
تحسين بالحرماان...وبالخوف...وبالال م...
تفكرين شلون راح تعيشين بكره بدونه؟؟...شلون راح تقومين من النوم وتلقين المخده اللي جنبك خالية؟؟..
تتخيلين زوجك..وهو مبسوط مع عروسته الجديدة بشهر عسله.. وهو يضحكلهاا نفس الضحكاات اللي تعود يضحكهاا لك...
ويقولهاا نفس الكلماات اللي سبق وقالهاا لك...
صيته..خلك قووية...خلك جبل عمر الرياح ماهزته...وعمره مانحنى قداامهاا..
زوجك يا صيته مجرد ريح في حيااتك...ريح سموم قااسيه...حااولت وحااولت تهدمك..
وتخلي منك مجرد تل صغير متواضع...






جلست جنب صيته..وعلمتهاا عن اللي صار فابتسمت لي ببرود وهزت كتوفهاا..
اعلنت الطقاقه عن ان العريس راح يدخل مع العروسه بعد عشر دقايق تقريباا..
وطلبت من الحريم انهم يجيبون عباايتهم...
اناا لبست عبايتي وغطيت شعري زين وتلثمت...اماا صيته فخلت عبااتهاا على الكرسي اللي جنبهاا...
جات اخت صاالح الصغيرة اول ماسكروا الانوار...وجلست جنبنا...واستغربت انا حركتهاا...تبي تشوف كل شيء من قريب..هذا اللي قالته..
بس اناا وصيته فااهمين اهي وش تبي تشوف؟؟..تبي تشوف الالم وهو يعصف ويزمهر في وجه صيته...
وخوات صاالح الباقيين كانوا واقفين على الكوشة بصف مع خوات العروس...وشكلهم بيسوون عرضه..
سمعناا صوت موسيقى عااليه...وبعدهاا الضوء تركز على الباب...وشاعر صوته حلو بدا يلقي قصديته...
صيته وهي تغمض عيونهاا بألم: هذا صاالح.."
ومسكت ايدي من تحت شرشف الطااولة وهي تآخذ نفس عميق...
اخت صاالح وهي تضحك بسماجه: هااو..شفتي المفاجأة؟؟..ماتوقعت صاالح يسويهاا..
شكلهاا خذت عقله ولااا كان ما اقتنع بهالشيء.."
كنت برد عليهاا...بس صيته ضغطت على يدي وهي تهز راسهاا..
وردت بلااا مبالااة قد ماتقدر: بعض الرجاال يا حبيبتي...رجال بالاسم بس..واكبر دليل ان الحريم تحركهم..."
اخت صاالح بقهر: وش قصدك؟؟؟..عشان اخوي عافك وصد عنك...تقولين هالحكي عنه..."
صيته ببرود: ياا حبيبتي...اناا اللي عفت اخوك..مو هو اللي عاافني..."
اخت صالح وهي تزم شفايفها: واضح مرة عليك..شوفي كيف نحفتي يا عمري؟؟.."
طالعت فاخت صالح بكره...واعطيتها قفااي...ودقيت على وافي...اللي رد علي من اول دقة..حسيت برااحه فضيعه واناا اسمع صوته...يعني صد ق رساالتي؟؟.. ولااا ناوي على شيء؟؟ماحاولت افكر كثير...
لأن فيه اشياء اهم من زواجي كله...
: الووو...وافي..."
وافي وهو يرفع صوته: هلاااء..خلصتوا؟؟.."
: تقريبا.....ياليت تحرك من المزرعه هالحين.."
وافي: ان شاء الله.."
سمعنا صوت الزغااريط وهي تتعالى...بعد ما انتهى الشعر....شفناا ثوب العروس الابيض بدا يبين...
وبدا يتوضح المشلح الاسود اللي واقف جنبهاا....مشاء الله ميزة صاالح...جسمه الرياضي...وضخامته....واللي اكيد محببه عندنا احنا البنات...
بس من نااحيه وجهه فكان جدا عاادي...يحمد ربه على صيته ويبوس يده وجه قفا...
عروسه كان شكلهاا مرة نعوم...كانت متعلقه بذرااعه بوله..وهي توزع ابتسامات طفولية بريئة يمين وشماال...
وتطاالعه من وقت لثااني...غرقت عيوني دموع..قهرني الموقف..يااويلي لو يصير فيني هالشيء...لو وافي..بس هو بيسويهاا لكن ماراح اكون متفرجه مثل صيته...التفت اطالع بصيته اللي وجههاا بهت بقوة...وباان عليهاا انهاا خلااص مو قادرة تقاوم..
صيته بصوت واطي جدا اناا اللي بس قدرت اسمعهاا: شوفي شلون..شكلهاا مفتونه فيه...مثلي اناا قبل عشر سنين...كنت مفتونة فيه..ومتعلقه فيه بنفس الطريقة..الزمن يعيد نفسه.."
: صيته!!.."
صيته وهي تابع وكأنه يسمعهاا: ليه ياا صالح؟؟..ليه تركتني؟؟..ليه بعتني؟؟.."
امتلت عيون صيته دموع وطالعتني بألم..خلاااص مو قادرة تمسك نفسهاا راح ننفضح..راح تصير علكة بحلوق الناس...
حطيت ايدي على ايدهاا بتفهم..كانت اخت صاالح تبتسم بتشمت وهي تشوف مقااومة صيته اللي بدت تنهاار مثل سد عملاااق بدا يتفتت من كثر الضغط..
مشوا العرسان شوي شوي...وكاانت العروس كل شوي توقف عشان المصورة تصورهاا..والمعرس يضحك لهاا من كل قلبه لمن تستحي منه وتعض على شفتهاا وترجع تبتسم له وتطالع فيه...
صيته بدت تحفر اظافرها بذراعي بدون ما تنتبه واناا ماقلتلهاا شيء..لأني كنت حاسه بالمهاا اللي تحاول تفرغه بأي طريقة...
وقفوا العرسان قدامنا تقريبا...وطالع صاالح بشكل طبيعي لاخته اللي اشرت له مبسوطة..وابتسم لهاا...وتجمدت الابتساامه بفمه وهو يشوف اللي جالسه جنب اخته...
وقف الزمن بهاللحظة وماعاد بقى احد في المكان غير اثنين..صيته وصاالح.. نسى عروسه..ونسى المعاازيم...وطالع في صيته...ولااا كنت قادرة افسر نظراته..
صيته كانت نظراتها له..عتب حاامي صريح...مع دموع امتلت بعيونهاا..وانساالت بدون ماتنتبه على خدهاا...
وصاالح..كان بعيونه مزيج غريب...حب قديم..ولهفة اختفت..وحسره على شيء مو فااهمته..
واناا اللي مافيه اشطر مني بفهم المشااعر...ولااا احد يغلبني بمثل هالشيء...
سحبت يد صيته بقوة..وجريتهاا عشان نطلع...تحركت معي صيته وعيونها معلقه بصاالح اللي التفت يشيعناا بنظراته....وعروسته اللي ماتت الفرحه بقلبهاا وهي تطالع بصيته بعد...
طلعناا بسرعه من الصااله...لبست صيته عباايتهاا وهي تشااهق بانهياار... وغطت وجههاا وطلعنا بسرعه...
الحمدالله وافي ما تأخر عليناا..تقريبا عشر دقايق..وكان واقف عند الباب..
ركبنا السيارة بصمت....كان وافي مشغل الراديو...والمضحك المبكي ان الموضوع كان عن الزوجة الثانية....
قفلت الراديو بسرعه...وعدلت برقعي...لأني لبسته بسررعه لمن طلعناا... صيته كانت تبكي بصوت عاالي بالمقعد الخلفي...
رميت راسي على المقعد بكسل...وعيوني كانت تطاالع بالطريق المبلل من المطر..
حسيت بيد دافيه تحظن يدي...فرفعت راسي مستغربة..كان وافي ضام ايدي بقوة.. لكنه ماطالعني...ايده تلعب بايدي الصغيرة...واناا مستسلمه له...
يبث فيني مشااعر غريبة..يحركني...يزلزلني...يفج رني..
عجيب هالشعور اللي احسه...مؤلم رغم حلاااوته...عااصف رغم هدوئه..
غزير رغم ندرته!!
عرفتوا وش هالشعور؟؟..ماا اعتقد لأنه لغز..اذا انا لقيت حله قلت لكم..
واذا انتم عرفتوه قولوا لي...





قربناا من المزرعه اخيراا....مادار بيني اناا ووافي اي حوار...وكان في صمت مسموع عجيب في جو السيارة..يتخلله من وقت لثااني
شهقات صيته المكبوته بضعف وانهزام...
صوت القلوب وهي تنبض بقوة...صوت تنااغم بطريقة غريبة... كون سميفونية مذهله...
صوت العقول وهي تتخاطب وسط هالصمت...كنت اسال وافي وهو يجيبني بس بصمت..
: صدقتني؟؟.."
وافي اللي طالع فيني هاللحظة وكأنه سمع سؤالي..وانا تهيأ لي اني سمعت جوابه: ايه..."
: ساامحتني على تهوري؟؟.."
ضغط وافي على ايدي بطريقة مفاجئة فطالعته ملهوفة..وحسيته يجاوبني: وشلون ما اسامحك!!.."
سألته بلهفة وبصوت القلوب: تحبني مثل ماكنت تحبني؟؟"
جاوبني بنعومة وبصوت عالي خلاني انفجع: ايه..بطلي تفكير...
راح يذبحك!!.."
طاالعته مفجوعه...يعني نطقت بالسؤال بصوت عالي؟؟..لاااء اكيد
اهو عرف...شلون عرف؟؟
: مااقلت شيء!!..." قلتهاا بدفااع وخجل وارتبااك..
وافي وفيه ضحكه مكتومة: اعرفك!!...حتى لو تكونين سااكته...
لكن هالراس الحلو يكون فيه مية شيء وشيء.."
وكمل وهو يرجع يركز بالطريق: قلتلك قبل...عيونك تفضحك!!..."
قهررني بكلمته...عيوني تفضحني..يعني ماعندي اسرار!!...آآه يالقهر...
غطيت البرقع على عيوني ورجعت اركز بالطريق..الظلم الزراعي..






دخلناا مع بوابة المزرعه....واول ماوقفناا قدام البيت..طلعت صيته ركض من السيارة حتى قبل مايوقف وافي زين...
كنت بلحقهاا...بس ايد وافي منعتني...
وافي: خلصت المهلة ياا ملكه...اعطيتك الايام اللي طلبتيهم..ماراح ترجعين معي؟؟.."
حسيت بريقي يجف واناا اجاوبه: ماابي.."
وافي وهو مصدوم: ليش؟؟..الشقه ذيك هي بيتك..مو هالمكان.."
قلت وانا ادور عذر بسرعه: جدتك محتاجتني...ومهاا عندهاا اختبارات..
وصيته بحااله فضيعه...والوضع مرة مايصلح..."
وافي بابتسامه خبيثة: اهاا...خلااص...اجل انا بجيب اغراضي... واجي اسكن معكم.."
طالعته بسرعه عيوني لمعت بارتباك: وافي...ماا يحتاج...اناا راح ارجع بنفسي للشقه.."
قطعت كلاامي لمن شفت وافي يطاالع يديني بتأمل...وكأنه يفكر بحكي مهم..
رفع ايده بحركة مفاجئة وكشف الغطاا عن وجهي..حمرت خدودي لأني كنت ناسيه البرقع علي..او يمكن متناسيته!!
وافي: ملكه...اناا قريت رساالتك...اناا موو عارف وش اقول لك؟؟.."
تذكرت رساالتي بسرعه...كتبت فيهاا كل اللي بقلبي بدون ترتيب او تنسيق...دش كلماات ورا بعض..كان همي يصدقني وبس..وحسيته ماراح يصدقني لو قرا كلاام مزخرف مرتب...
(( وافي...
ما عرفت اعبرلك عن اللي براسي بأي طريقة ثاانية..لأنك دوم تقاطعني قبل لااا تسمعني...((دوم تحكم علي قبل لااا تسمع دفااعي...
المصيبه حتى المتهم اعطوه فرصه يعبر عن اللي بقلبه..
وحتى الشخص قبل لااا يعدمونه يقولون له قول امنيتك الاخيرة..))
يعني يرحمونه رغم انه ميت لااا محاله..
حسبته اسلوبك في البدايه...لكن اكتشفت ان هذا اسلوبك مع اللي ماتصدقهم...مع الخونة من وجهت نظرك...صح؟؟..
خلنا نبدا من البداية يا الوافي...
لمن كاانت ملكة بدرية...سمعت اسمك يتردد كذا مرة ذاك اليوم... كنت مستغربة من تحسس عفرا من موضوعك..ماكنت تبي تسمع طااريك ولااا تبيك تسوي شيء لعيلتهاا..
بعكس بدرية اللي كانت متولعة فيك...ومسحورة مثلهاا مثل بااقي اهلك..
كرهتك او نقدر نقول اني خفت من ومن طريااك...مثلت لي شيء مبهم غامض...وكان عندي كاافي ان عفاري تكرهك..
حكمت عليك قبل لاا يصير بيني وبينك اي موقف...يعني اناا نفسي مرات اشبهك...
شفت عيونك..وكانت لحظة مميزة غريبة...لأني منك كلك ماشفت غير عيونك..فتنتني...باختصاار...!! لو للفتنه اختصار..
يمكن اكون بتفكيري مرااهقة في ذيك اللحظة...حتى اني سميتك فاارس احلاامي...شفت الدنياا؟؟..
رحت لعفااري ودرت فيهاا وقلت لهاا لقيت فاارس احلااامي يا عفراا..هذا اللي ابيه...!!
خلناا نبدا من حدث ثااني...اثر فيني كثير...لمن كان يزيد يبي يلمسني.. علشان الكلب...اللي كنت مرعووبة منه..لأني مو متعودة على الحيوانات...
انت مو محرم لي بعد...ومع هذا كنت راح تهااوش معه...طاار عقلي بذيك اللحظة..وحسيت اني بديت اتنازل عن الفكرة السيئة اللي انا مكونتهاا عنك براسي..
فتنتني من جديد...ولقيت نفسي افكر بكل غبااء بنوع عطرك؟؟..بدل ما افكر ليش انت انقذتني؟؟...
لكن كلمتك اللي قلتهاا لي دمرتني...اتهمتني..اني خذيت مسااعد.. اتهمتني اني بآخذ سلطان...وبغري يزيد بعد؟؟..
وافي عمرك فكرت بكلاامك قبل لااا تنطقه...؟؟؟
وافي كلاامك في بعض الاحيان سموم قااتله...اناا البنت اللي اهلي كدوا علي وشقوا عشان يربوني باحسن صورة...تفكر فيني بهالطريقة؟؟؟
رجعت وكررهتك اقوى من اول...كرهتك لأنك حكمت علي بلااا سبب..
هذا كان اعتقاادي...
نرجع ورا شوي قبل هالموقف...مسااعد..وش اقول عنه؟؟...هاللي تكرهه وتكره حتى طرياه..
وافي..مسااعد شافني في ذيك الليلة لأول مرة لمن دخلت الملحق...اهي حكاية طوويله..لكن مختصرهاا..ان ماحد قالناا انكم راح تناامون مع سلطان...
اناا وعفااري متعودين ندخل ملحق سلطان...لأن سلطان نومه ثقيل مرة ويقفل على نفسه الغرفة...
ومثل مانت عاارف مفااتيح البيت كلهاا في المكتب حق عمي اللي بالملحق...
اناا دخلت لسبب بسيط مرة...اعترف متهوورة...لكن غصبا علي..اعذرني...مثل ماتعذر اي احد...دخلت آخذ مفتاح المطبخ..
صح اني دخلت بروب النوم لملحق فيه شبااب...لكن والله الشااهد علي ان نيتي بريئة...
وافي...اكيد سمعت بحكااية اللي يشوف قتيل ويجي يبي ينقذه...فلمن يجون النااس يعتقدون انه هو القااتل...
يعني النااس تفسر الشيء من منظورهاا...والمنظر مرات يكون ماله غير تفسير واحد سيء..
لكن الحقيقة دوم لهاا ابعاد مختلفه...
وافي..مسااعد هو اللي كشفني...كان يعتقد اني بدرية..لكن بعد ماشافني وقف مصدوم...اناا من الخوف تيبست..كنت متسمرة بالارض...مو علشاان مساعد..لاااء..لأني كنت افكر بكل اهل البيت..
ببدرية وبسلطان وبعمي...وش راح يسوون لو دروا؟؟..
وافي...اناا عمري ما ارتبطت بمسااعد بأي طريقة..ولااا بينا اي لقاءات...واتحدى اي احد يقول شيء عكس كذاا...حتى عمري ماتكلمت معه غير مرة..
وهي هذيك المره اللي انت شفته ماسكني بقوة...ووافي مساعد انهبل لمن درا اني بوافق على اللي خااطبني...
كان مثل المجنون...خوفني كثير..
وافي مسااعد هو اللي حبني...هو اللي تملكني...هو اللي قرر يترك بدرية...
مسااعد حلف بيوم انه ماراح يخليني اعيش من غيره...
كان يجي يزورني بالمستشفى...بس لمن اكون منومة مخدره...
لمن ما ادري عنه...كان يحط لي باقات ورد..لأنه عرف اني احبهاا من الزرع اللي بالحديقة...مو لأني قلتله مثل ماتعتقد..
وافي..مسااعد مجنون...ولأنه مجنون حب يحطم حيااتي...تخيل اني احبه..واعتقد اني بيناا قصة حب...وقرر اني له للابد..
لذاا لمن ارسل ريم..وانا استقبلتهاا عادي..ماكنت انتبه لطلبهاا للتيلفون...ماكنت اعتقد انهاا بتخون ثقة النااس..
اناا طبعي وثوق..واثق بكل انسان قداامي..
ما توقعت انه نااوي يحطم حيااتي...ماصدقت واناا اشوف الفواتير اللي رميتهااا بوجهي..
ولمن جريتني وقفلت علي الباب بدون اي تفكير عقلااني..
وافي انت ما تدري انك بذيك اللحظة قتلتني...ذكرتني بالمستشفى...ذكرتني بجنوني اللي احااول اتناساه..
ذكرتني بالمرضى والانفرادي والتحرش وكل شيء!!
وافي من وين احكي لك ووش اخلي لك؟؟..
وافي كلمة هي وحيده...اررحمني..يا وافي..لا تعتقد اني مخططه على مشااري..ولااا تعتقد اني غازلت ذاك الشاب اللي كان واقف جنب المصعد..ولااا تعتقد اني ابي مساعد..
اعرف اني مرات تعمدت اغيضك..واقهرك...لأنك كنت تذبحني باليوم الف مرة..
كنت تقطعني ببرودك وبسمومك...ولمن عرفت من مهاا انك تحبني..تخبلت...قلت وهو يحبني يسوي فيني كذاا.
اجل لو كرهني وش بيسوي فيني؟؟..
رجعت لاكتشاف يتيم..مثلي بالضبط هالاكتشااف...انك اعتقدت اني انا امك..وانا خطيبتك الاولى...وانا عفااري...اللي على فكره انت ظاالمها واعتذرلها قبل لااا توادع وماينفع البكي وقتهاا
وافي...اناا ماراح احملك اكثر من قدرتك...اني لي عندك طلب وحيد يتيم...مثلي بعد...يتيم...حكم عقلك ودور لي مبررات اذا تقدر..
واذا ماتقدر...طلقني....لأني محتااجه اعيش بعيد عن كل هاللي يصير...
كاافي الحروب اللي خضتها السنه الاخيرة...
حرب موت اهلي..
حرب بدرية ومسااعد...
حرب الجنون..
حرب جاسر...
حرب عمي لمن غصبني عليك...
واخيراا حربك انت اللي اكيد بتكون نهاايتهاا ضدي...
الوافي....راح انتظر ردك...بس لااا تطول كثير لأني الصبر ملني.."
رجعت للواقع واناا اطالع بوافي اللي كان يشوف تقلبات وجهي...
: صدقتني؟؟.."
وافي بصوت ميت: ليتني اقدر اذبح الغيره اللي بصدري...ليتني اقدر انسى المااضي...ليتني اقدر..ياا ملكه....ليتني اقدر انسيك اللي اناا سويته فيك..او اقلها انساه اناا..."
جف حلقي واناا اطالعه مو مصدقة وقلت واناا ابتسم وعيوني دموع: صدقتني؟؟...هاا يا وافي؟؟..صدقتني.."
وافي وهو ينااظر من شباك السيارة للمزرعه المظلمه:ليتني ماا صدقتك....حطمتيني ياا ملكه... حسيت اني جلاااد بلااا رحمه... شخص اناني...مافكر غير بعمره وبس..."
: وافي...اناا مالومك..اي شخص بيشوف اللي انت شفته بيفكر نفس تفكيرك...
انت رجل شرقي..وصعب عليك تتقبلني وانت تعتقد اني بماضيي كنت لعاابه..."
وافي بعصبية: غصباا علي ياا ملكه...كل الحريم بحيااتي خانوني...
امي...خانتني...وتركت ابوي..ورمتناا في وجه امهاا وراحت تزوجت...
خطيبتي...اللي كنت امووت فيهاا.."
وسكت وهو يحااول يدور كلمات...واناا حسيت بطعنات متفرقه بقلبي...خطيبته اللي كان يموت فيهاا..شكله لسه يحبهاا؟؟؟..
كمل وافي وهو يضغط على ايدي بقوة: خطيبتي ياا ملكه..خذتني عشان تغيض حبيبهاا عشان تخليه يتحرك ويخطبهاا...تصوري شلون تفكيرهاا ********************************؟؟..مافكرت انهاا تلعب بقلب شخص اساسا متألم...
قلبي انطعن طعنة قووية يا ملكه...الطعنه ذي ضيعت نص احساسه..مات نصه...كافي علي..لكن الزمن مارحمني..وقرر يقتل كل احساس فيني....جاات عفااري..اللي اعتبرهاا صديقة...وبنت متربيه على الاخير...عفااري كانت اغلى من خواتي ياا ملكه...كأنهاا اختي الصغيرة بالضبط مو بنت اختي من الرضااع... عفااري شفتهاا بعيوني مع واحد بالحوش حق بيتهم...ملكه خلك بموقفي...ليش كل هالحريم خاينات؟؟..ليش كلهم مافكروا الابانفسهم؟؟...
وبعدين جيتي انت...بوقت اناا عفت فيه الحب..وقفلت على قلبي...جيتي عشان تغطين عن كل اللي قبلك..حبيتك..سحرتيني..فتنتين ي..مدري..كل شيء فيك حرك فيني شيء..
بس كرهتك بقوة رغم حبي لك..هالشيء كاان راح يجنني...كنت احقد عليك لمن اسمع صوتك...تتكلمين مع ريم او محمد...لمن اشوفك ترقصين وكأنك طفله بريئة بين ورودك...
حسيت انك اشر من كل اللي قبلك..وكل موقف كان يثبت نظرتي فيك...كنت متأكد انك تحبين تشوفين الرجال معجبين فيك...ويعجبك انك تخلينهم يلحقونك..مثل مسااعد...ملكه..مسااعد انت حولتيه لشخص ثااني...لشخص حقيييير...حثااله!.."
كانت دموعي مااليه وجهي صرخت فيه بضعف: بس اناا مالي ذنب..ماالي ذنب اذا اناا اعطيت مساعد اشارات ماكنت اقصدهاا... وافي والله ثم والله اني صاادقه...اناا مابيني وبين مسااعد اي علاااقه...خلني احلفلك بالمصحف اذا مو مصدقني...والله اني صاادقه..بكل كلمة نطقتهاا..."
وافي وهو يحط ايده على قلبه ويضغط بقوة: ملكه..اناا آسف... اناا مراح اذيك من جديد...ولااا راح اقسي عليك من جديد..والمااضي خلااص بيكون طي النسياان..اناا مصدق براءتك..."

[لامارا]

بعد اسبوعين....



غني ياا دنيا معي...اسعدي لسعاادتي...فيه احلى من هالسماح؟؟..فيه احلى من هالمصاارحه...الله يا ناس...عيشوا حيااتي...تدللوا مثلي...حسوا بنص اللي احسه عشان تفهمووني...
غاروا يا كل العواااذل...واحسدووني!!


طالعت بوافي اللي كان لسه ناايم....وحسيت بخجل فضيع واناا قاعده اتامله..وش كثر جميل؟؟..الله يحفظه لي!! لي اناا وبس!
قمت من على السرير..ورحت للشباك وفتحت الستاير...الجو يجنن بالخبر...كأنه مبسوط لبسطتي...
وافي اقترح هالسفره كتعويض عن شهر العسل..ووعدني قريب انه بيسفررني بره...بس لمن تتزوج مهاا عشان نساافر كلناا..
رحت الحمام..وخذيت شاور سريع...ودللت نفسي شوي...بكل الشاور جل اللي اشتراهاا لي وافي من هارفي نكلز قبل لااا نسافر...
لفيت روب الحمام على جسمي...وطلعت منه...وفتحت التلفزيون..كانت اغنية ريحني فرفعت الصوت على الاخير...

ريحني ايامي الحلوة بس وياك..
ريحني اناا حلمي سنيني وعمري هواك..
واذ لي في الدنيا دنيا جديده ابيهاا معاك...
ولااا امية دنيا ودنيا تخليني انسااك
واذا قلبي حن ودق لغيرك اتحدااااك...
ريحنييييييييي,,


فتحت الشنطه الكبيرة اللي تضم ملاابسي وملاابس وافي... وطلعت فستان صوف مشقق لحد الركبه لونه عنابي باكمام طويله..
لبسته بسرعه ووقفت قدام المرايه ازين وجهي..
لااحظت ان وافي حط المخده على وجهه وقام يضغط على راسه... ضحكت بلؤم...مايقوم الا بهالطريقة...
حطيت روج عنابي وافي يحبه كثير علي...ورسمت حواجبي بس لأنهم شقر وفاتحين فاضطر ارسمهم دوم..وماسكرا...
ورحت لوافي على السرير...جلست على طرف السرير..ومسكت ورده لونها ازرق من الورود اللي اهداهم لي امس لسه ماجفت..
ودخلتها تحت المخده وانا اغني له:

ريحني وعطني حبك..والله ابيييه...مافي شك اني احبك واموت فييك..
واذا لي بالدنياا دنياا جديده ابيهاا معااك..ولااا امية دنيا ودنيا تخليني انسااك..
اذا قلبي حن ودق لغيرك اتحداه....
ريحنيييييييييييي"
صرخت بآخر كلمة بعصبية..فشال وافي المخده عن راسه..
: خير ياا طير....وش تبين مع الصبح؟؟..وش فيهاا جنونتك قاايمه؟؟.."
قلت واناا اوقف واحط ايدي على خصري
؟: وش ابي؟؟..لااا ابدا سلااامتك.بس ابي اطاالع فيك واتاملك...شكلك حلوو مع الصبح.."
وافي اللي ابتسم بكسل: ملكه...حرام عليك ناامي..وش هالنشاط اللي فيك؟؟..وعلى فكره اللون روعه عليك.."
حمرت خدودي بقوة...ولفيت عنه ورحت للشباك اتامل الدنياا: وافي خلناا نطلع الجو يهبل...ليش ماخذيت شااليه؟؟.."قلتهاا بحسره..
وافي وهو يهز كتوفه:ماخذت شااليه لأني اخاف عليك لأنك ماتعرفين تسبحين...و طيب ربع سااعه بس انوم...لأن فيه حلم مرة يهبل ابي اكمله...عن وحده مزيونة.."
صرخت فيه بضيق وانا اشيل اللحاف عنه: آآآآآآآآآآآآآآآآآآه..مافيه نوووم يله يله قوووم.."
بس سفهني ورجع كمل نوم..





فيه شيء نسيت اكلمكم عنه...صح؟؟..الزوااااااااااج الثااني..
آآآه ليت كل الحريم يصير لهم اللي صاار لي...اناا هي الزوجة الثاانية...اناا هي الحظن الثااني...اناا هي البيت الثاني....والقصر لي اناا...والهدايا حقتي اناا....
ياربييييه احس اني بحلم...حياه مثل الجنه...صح اني لمن اتذكر صيته يضيق خلقي مرة...بس بعد...حياتي مع وافي في غاية الروعه...
لمن قاالي ذيك الليلة انه صدقني...سألته عن الثاانيه...فاعترف لي..ان حتى خوااته داريين..وان ماافيه ثاانيه...وانه كان ناوي يسوي حفل مفاجأة لي على انه حفل زواجه ويغصبني احظر واتفاجأ هنااك...
لكن اللي صاار مع صيته..خلاناا ننسى فكرة الحفل..واناا الحمدالله كنت راضية بكل اللي صار لي...
مهاا الحمااره كانت تعرف كل شيء...ومسكته ومعطت لهاا شعره وضربته بكوس على بطنه بقوووة قبل لاا نطلع الخبر...
خلوهاا تستاااهل الدبه...كانت تستمتع باغاظتي...ولااا كلهم يقولون اني غبيه...لأن مواصفات العروس الثانية واضحه...
صرخت بوافي بعتب: بس اناا خشمي حلوو.."
فكلهم ماتوا ضحك...







بالنسبة لمرض وافي....اناا قررت اني ابد ما اقول لوافي عن اني اكتشفت هالشيء..لأني خفت انه يفهمني غلط..ويحسب اني اعامله كويس شفقه...وصحيح ان البدايه كانت كذاا....
لكن بعدين لاااء...تفجرت فيني احاسيس فضيعه..ماتشبه ابدا المشاعر اللي كنت اكنهاا لمسااعد...
مشاعر غريبة مؤلمه لذيذة..هذاا اقل وصف لهاا...
كنت كل ليلة اسجد لربي ركعتين وادعي فيهم واناا ابكي...ان ربي يشفي وافي...
ماكنت ابي اقوم بيوم والقاه جنبي متمدد بدون حركه او روح...
كان الخوف يشلني كل صباح لمن افتح عيوني ببطء...واشوفه نايم بدون حركه...لااا شعوريا اقوم اهزه بقوة..عشان اتأكد انه لسه حي... احط راسي على صدره..امسك ايده اتاكد من نبضه....
صعب شعوري اوصفه...لمن يتألم من الصداع اللي فيه...نوبات صداعه كثرت...واناا لمن اشوفه بهالحال...
ادخل الحمام وابكي ابكي...بدون توقف..لسااعه ساعتين ثلاااث...
لين يجي اهو يطلعني من الحمام ويضمني ويسألني عن سبب صيااحي...
وكان جوابي واحد ما يتغير: اخاف افقدك!!..."






صرخت بحمااس واناا اركض واصور وافي....وافي سجل هدف..كان هدف رووعه من نص الملعب..
كان الملعب على الشاطىء... والاعبين اعمارهم من 6-12سنة.. بس وافي هو اللي كبير..
بس حراام ماكان ظالمهم..كان يعطيهم وجه اكثر من الازم....وكان مايناور فيهم كثير لأن اطول واحد فيهم يوصل لبطنه..خخخ ^_^
واحد من الصغار مرة...قاام يركض بالكورة..ودخل هدف وفريق وافي فراحنين يحتلفون بهدفهم ووافي شايلهم كلهم...
يااحياتي اكيد كسروا ظهره....
صرخت معترضه خصوصا اني اناا الحكم: لااااء...لاااء مايصير...ما يحسب هالهدف...انتهى الشوط الثااني...."
الفريق المنافس زعل مرة واعترضوا واشتكوا لوافي اني مرة وما افهم بالمباراة ومفروض وقت اضافي...
انقهرت منهم كلهم....وحطيت ايديني على خصري...فاشر لي وافي والله بس هالوقت الاضافي...
قلت واناا اصفر: يله عندكم تسع دقايق..بسرعه..."
صررخت واناا اشوف واحد من الصغاار اللي بفريق وافي يحاول يسجل هدف...بس آآآآآآآآآآآآآآآخ ما دخل....ابي امووت من القهر...
لييييييييييييه يا ربيه؟؟..
وافي اللي ماكان يبي يدخل اهداف... كان يلعب اي كلااام بس علشان يسكت فريقه...ويأشر لي كل شوي..بحركات تموت ضحك...
وبالاخير اضطريت اصفر عشان انهي هالمباراة الماساه والله...
"يله يا شبااب...تعالواا خذوا هالسندويشات.."
تجمعوا كلهم حولي...فرحت اوزع عليهم السندويشات اللي اناا سويتها بنفسي....واعطيهم عصيرات...اماا وافي اخذ حبة ذرة بس وصب له شااهي...وراقبهم وهم يروحون...
جلست جنبه وصبيت لي فنجال شاهي..وقمنا نتأمل بالبحر..كان روووعه...الرمال الذهبية....السما الصافيه الزرقاء..الشمس الخفيفه مرة مع الشتاء...
لوحه بمنتهى الجمال...وتذكرت اللوحه..فالتفت يم وافي..
: : تراني طلبت من ناس ترسمك..."
وافي وهو يقطب حواجبه: وش لك بالرسم؟؟..دام عندك الاصل؟؟.."
: ماليه فيه غير اني احب اتامل بصورتك حتى لو تكون بعيد عني.."
حركت خصله جات على جبينه عن وجهه: شلون اعيش من دونك؟؟..جعل ربي يآخذ عمري قبلك.."
زعل وافي وعصب: ملكه..لااا تطرين طااري الموت...ان شااء الله نعمر سوه..ونموت سوه بس بعد مية سنة.."
ابتسمت بشر: وقتهاا بتصير انت الضعيف واناا القوية...ويصير اتحكم فيك مثل ماتبي..وانت ياله تحرك من مكانك.."
وقلدت صوت واحد من الشياب: ياا ملكه...ابك انت وينك فيه؟؟.."
وافي وهو يضحك ويقلد صوت العجايز: والله ان عقلك ماهو براسك...هذاني قباالك..كبر البقرة.."
صرخت فيه وانا اضربه بقوة على يده: بقرة...اناا بقرة..اساسا حتى لو عجزت ماراح يروح جمالي..."
وافي بتريقة: ايه...قاابليني...لااا يكون محسبة نفسك اليزابيث تايلور..."
رديت عليه بغرور: والله ازين من اليزابيث وعشره مثلهاا...وانت عارف هالشيء اكثر من غيرك.."
وافي بكسل: ضايقتك؟؟.."
قلت وانا مسوية زعلاانه: لااا ابدا...ابسطتني.."
وافي وهو يقرص خصري: يله عااد ابتسمي..ترى ماحب اشوفك مكشرة..."
صرخت بصوت خافت: وافي..تراناا قبال الله وخلقه...يعني لو مر احد..ماله دااعي يشوفناا كذاا..."
ضحك وافي ولااا علق على جملتي..بس بعد دقيقتين تقريباا...
: مشاري يبي يخطب..."
صرخت بفرح حتى ان وافي انفجع وانتثر عليه شوية شاهي: صدددددددددق؟؟..ونااسه مين بيخطب؟؟..."
وافي وهو يمسح اللي انتثر عليه ويعدل جلسته شوي: بسم الله الرحمن الرحيم..ياحبكم لطااري العرس...والمصيبه انكم بالسنه تحظرون اكثر من عشر ومع هذا مايكفيكم..."
رديت عليه وانا ابتسم: مو مصدقه..مشااري...مشاري بيعرس..مسررع...مابين زواجك وبينه فرق.."
وافي وهو يحك شعره: بس خطووبة...والزواج بعد سنة تقريباا.."
: آهاا...طيب مين سعيدة الحظ..؟؟..مروومه؟؟.."
وافي وهو يغمز لي: ودك تزوج صح؟؟..لااا مو مرام...يبي يخطب وحده من بنات ناصر الله يرحمه..."
: مين سماح ولاا روعه؟؟..او ميران؟؟"
وافي: مهاا تقول انه يبي روعه...لأنه شافهاا يوم زواجناا..."
: والله؟؟..هذي الساعه المباركه روعه تصير سلفتي ونااسه صدق..
بسس!!"
وسكت شوي وكملت: ابوهم توه ميت...ما اتوقع انه وقت مناسب.."
وافي وهو يطاالعني: اكيد...بس اهو يبيك تجسين نبضهم...وتشوفين اذا البنت معطيه لاحد...او لهاا خاطر باحد....."
قلت بفرح: اكيد...راح اسال سمااح..لأنهاا ماراح تقصر وبتعلمناا..."
وافي وهو يوقف ويمد ايده: مااودك نرجع السويت؟؟.."
قلت وانا امسك يده واوقف: مالي خاطر ارجع...بس شكلك تعبت انت...وانا بما اني زوجه صاالحه وغير لحوحه راح ارحمك ونرجع..."
وافي وهو يقرب مني مرة: امووت بالزوجه الصاالحه..اناا!!"
صرخت فيه بخجل واناا ابعد واشيل الاغراض اللي على الارض: وااافيييييييييي!!...الناس وش بتقووول؟؟.."
مارد علي واخذ يلم الاغراض معي...










طالعت بالعلبة المغلفه على التسريحه..وجااني فضول اعرف وش فيهاا؟؟..لكن ماتجرأت اني افتحهاا رغم اني عاارفه انهاا لي...
كناا توناا راجعين من بره...وقفناا عند محل مجوهرات فخم..ونزل وافي لوحده ورجع ومعه هالعلبة....واول مارجعنا البيت...دخل الحمام يآخذ شاور...وترك العلبة على التسريحه..
علبة مغلفة بتل ذهبي وشيفون احمر خياالي....
المهم ان هاليوم هو آخر يوم لناا بالخبر...لاازم نرجع عشان زواج مهاا....عشان يمديني اساعدهاا بتجهيز الاشياء الرئيسية...لأن مهاا الله يهديهاا نايمه بالعسل...
واللي دقت علي حصه يا عمري..شاايله هم بنتهاا اللي ماهمها من شيء....كانت شوي وتصيح وهي تسألني متى ناويين نرجع؟؟..وطبعا الاخ وافي ماكان له نية يرجع ابدا على حسب مافهمت منه...
بس انا اللي قررت اني افزع لحصه واكلم وافي...عشان نرجع..وبعد عرس مهاا فيه مية حلاال...
وبعدني اهو وعدني نساافر مع مهاا ورجلهاا...وعياا يتكلم لي عن رجل مهاا...بس اكد لي انه رجال ماعليه خلااف..وعلشان كذا ماتدخل بموضوع مهاا نهائيا...
طلع وافي من الحمام..وكان ماسك المنشفه ينشف شعره... ابتسمت له بدلع واناا اطالع فيه وارجع اطالع بالعلبة...
مات ضحك علي حركتي: الله يا زين المصاالح يا ملكه..."
قلت وانا اتكلم بنعومة زي الصغار: ممكن اسوف؟؟.."
رجع يضحك وهز راسه بمعني لاااء...
: الله يحليك....لااا تكسفني.."
عض على شفته وهو يعطيني العلبة: افتحيهاا عشان ماتموتين علي.."
فتحت العلبة بسررعه..وطاارت عيوني لمن شفت ساعة شوبارد داخل العلبة..واااااااااااااااو.. فعلاا واو...
عجزت عن الكلاام...وحسيت اني مو قاادره اعبر...وافي غرقني بكرمه والله...بس كل مرة احس اني عااجزه عن الكلاام...
اناا عمري ما اهديت له هدية...لاازم اهدي له اول ما ارجع الرياض وانزل مع مع مهاا السوق...
راح اغرقه بفلوسي وحناني وكل شيء يبيه...اهم شيء يعرف انه اغلى من كل الفلوس اللي مكتنزة بحساابي..
دمعت عيوني...ورفعت له وجهي..والامتنان كان باين علي..
وافي وهو يترك المشط اللي بايده ويمسكني مع كتوفي: ملكه عيوني وش فيك؟؟.."
: وافي...مرررة شكرا..انت تخليني عااجزة عن التعبير.."
وافي وهو يرجع شعري ورا اذني: احسن...ليتك تصيرين عاجزة عن التعبير بالصبح.."
: هههههه..." ضحكت غصبا علي..ودزيته بعيد عني شوي...
قلت واناا اروح للشنطه واسكرهاا: طلعت لك ثوبك الكحلي..مع اني افضل انك تلبس حاجه سبور..."
وافي وهو يرجع يمشط شعره: لاااء عيوني...بنروح المزرعه على طول ترى..."
وكمل وهو يلف علي: انت عاارفة ان هالخبل مهاا عيت تشوف رجلهاا؟؟.."
: يؤيؤ....يا فشلله...طيب..عساا ماسوى ابوهاا مصيبة..."
وافي وهو يجي يآخذ ثوبه من فوق السرير: ربي رحمهاا لأنه ماعلم احد...بس حصه هي اللي علمتني.."
قلت واناا اوقف: وافي...ماينجبر قلب على قلب...البنت ماتبي الولد.."
وافي وهو مو مقتنع: مهاا ماعندهاا سالفه..تشوفين بكره اذا ماغيرت رايهاا...انت عاارفه وش عذرهاا؟؟.."
: وشوو؟؟.."
وافي بملل: اعذارهاا تافهة...اول عذر.. موب حلوو...ثاني عذر..مو فارس احلاامي...ثالث عذر وهو الاسخف..عنااد بابوي."
سكت ولااا علقت على كلاام وافي...انا انغصبت..بس الحمدالله اني انغصبت...ولااا لو تزوجت مسااعد شلون حيااتي بتكون؟؟..







مسكناا خط البر...من الشرقيه للرياض...وشوفوا الفرق المهول بين هالسفرة واول سفره لي مع وافي...
هذي كلهاا ونااسه وسواليف..وحب!!..ايه حب اشوفه واستمتع فيه بكل كلمة من كلمات وافي..
قلت لوافي: طيب..مو عيب نسافر معهم؟؟..يعني هم عرساان وانت فاهمني..صعبه عليناا كلناا..."
وافي وهو يآكل تمر: وش اللي صعبه؟؟..احنا ما راح نسكن معااهم... بنسافر معاهم..هم راح يآخذون حجز بفندق واناا عندي شقه هناك..."
قلت بتردد: بس لوو...يسكنون معناا مو ازين؟؟.."
وافي وهو يضحك: توك تقولين صعبه.."
قلت واناا افكر بمهاا بونااسه: ايه...بس علشاان انا ومهاا نروح نتسويق سوه...ونروح نتمشى...لاماكن حريم...يعني.."
وافي وهو يضحك بتريقه: ايه...بخليكم تطلعون...لوحدكم..لااا ياعوني ماعندنا بنات يطلعون لوحدهم...بعدين معدل الجريمه بارتفاع هناك.."
قلت بضيق: ابوي الله يرحمه كلن يخليني اطلع مع خويتي سارا وشغالتهم.."
وافي وهو يمسك ايدي: لاا يضيق خلقك..ملكه والله اخاف عليك... انتم سعوديات يا عمري...وهناك الحقد يتصااعد ناحيه اي شيء مسلم وخصوصا لو كان سعودي..."
: يعني خايف علي؟؟..مو شاك فيني؟؟.."
طالعني بعتب: اشك بعمري قبل لاارجع واشك فيك ثاانيه...يله ابتسمي...يمكن مره كذاا اعطيكم وجه واخليكم تمشون مثل ماتبون بس حواليناا قريب.."
قلت بصدق وفرحه: الله لااا يخلني منك يا وافي...مو مصدقه..احس اني بتشقق من الفرحه..مهاا راح تنبسط كثير..."
وافي وهو مستغرب: امووت واعرف ليش انت ومهاا تحبون بعض لهالدرجه؟؟..."
: غيران؟؟.."
وافي بجديه: ايه اغاار...انت قاعده تبدين مهاا علي.."
قلت بحرارة: لااا والله...مابدي احد عليك...بس مهاا مثل ساره بالنسبة لي...صديقة واخت عزيزة علي.."
وافي بتهكم: بنشوف بكره يوم تزوج مهاا..اذا بتذكرك ولااا لااء؟؟.."
قلت بثقة: بتذكررني غصبا عليهاا..اساسا بيناا تحدي..."
وافي وهو يقرب من نقطة تفتيش: غطي وجهك...بسررعه.."
غطيت وجهي اي كلاام..وكالعاده تبرع وافي يعدله لي...
عدينا من نقطة التفتيش...وتكلم الضابط على وافي...وقاله ان الرادار يقول انه مسرع..
وطلب منه يوقف على جنب..ويجيب اوراقه...
وافي وهو ماسك اوراقه قبل لاا يطلع: شفتي وش سويتي فيني يا بنت الناس؟؟..طيرت عقلي...اناا اخالف بالسرعه؟؟.."
وطلع من السيارة..تأملت ظهره العريض وهو يدخل جوه عند الضابط اللي طلب منه يجيب اوراقه..
صبيت لي شاهي..وقمت اشربه على رواقه..وانا استمتع بكل لحظة حلوة مرت لي مع وافي اليوم بس...
احس اني بموت من الحراره...دمي صاير نيران...قرب وافي حريق قاتل مخيف...الله يحفظه لي....اناا راضية بنيرانه لأنهاا اروع نيران...عرفتهاا شخصيا...
رجع وافي بعد دقايق..وكان شكله تافل العافيه...اول مادخل..فضخ شمااغه ورماه ورى...وفتح ازير ثوبه وتحرك...
وافي بضيق: يا شين هالضباط...نفوسهم بخشومهم..ولاا يحبون الواحد يقاطعهم او يبرر لهم.."
: وافي...!!"
قلتها بخوف واناا اشوف وجهه مسود شوي..
وافي وهو يمسك يدي بقوة مرة: عيونه!!...ماعليك مني...بس ضايقني بسلوبه اللي زي وجهه.."
قلت امزح: والله وجهه ماعليه خلاااف.."
وافي وهو مسوي نفسه معصب: والله؟؟..مشاء الله عليكم يا الحريم انواع القز...ولااا تقولين بعد انك ماتشوفين من الغطا؟؟.."
قلت وانا اشيل الغطا عن وجهي: والله ثم والله ثم والله ثم والله.. اني ياله اشوف الضو..اذا مو مصدق وقف على جنب شوي.."
وقف وافي على جنب وهو مستسلم...قمت شلت الغطا اللي بحجري...وحطيته على وجهه...
على طول وافي شاله عن وجهه وهو يتنفس بصعوبة: انت شلون تنفسون تحت هالاشياء؟؟.."
ضحكت: ههههههه...نتنفس غصب عليناا...بس انتم ارحموناا شوي..وماله داعي هالتشديد...البرقع زين..ممكن ارجع البسه..."
وافي باستسلاام..: خلااص ترجعين تلبسينه...لكن بليز حبيبتي...غطي على عيونك...لااا تكشفينهاا دايم.."
قلت وانا ااشر على عيوني: من عيوووني الثنتين....ماراح اكشفهم.."






رجعنا المزرعه...وكان الكل باستقبالناا...خوات وافي كلهم ماعدا صيته اللي معتزله العاالم...وجدته...ومهاا وحنان وحتى ابتسام كانت موجوده...وتخيلوا مين بعد؟؟..مرومه بعينها وعلمها كانت موجوده... لاابسه ذاك الفستان الاصفر اللي يفتن عليهاا..بس حااولت اني ابرد اعصاابي ولاا انفعل...خصوصا ان السفر اتعبني شوي...لأن وافي بعد نقطة التفتيش...صار يمشي على اقل من مهله فبدل الاربع ساعات خذينا سبع ساعات...




مهاا بحمااس وهي تسحبني في المطبخ: هااا...قوليلي كيف؟؟.."
قلت بخجل: وش اللي كيف؟؟.."
مهاا وهي تغمز بعينهاا وتطلع الحلى من الثلااجه عشان تقطعه: انت عارفه وش اللي كيف؟؟..حياتك مع خالي هالحين؟؟..اكيد غيييييييييير عن اول مية مرة.."
قلت واناا ارجع شعري ورا اذني: غير..وبس!!...وافي عيشني حياه مستحيله يا مهاا..."
ورفعت عيوني للسقف افكر بوافي: مهاا لو افقد خالك راح امووت...صدق اني كنت قاسيه عليه...وكان قاسي علي...صحيح ان الظروف العبت فيناا...بس لاااء...اكتشفت انه مثل ماظلمني انا ظالمته..ودامه سامحني لاازم اناا اسامحه.."
مهاا بفرح حقيقي: ياااااااه..هذا اللي كنت ابي اسمعك تقولينه من شفتك...سعااده وافي مهمه عندنا كلناا يا ملكه..وافي نبع الحنان اللي عمره ماجف..كنت استغرب لمن تقولين انه قااسي...وافي الحنون اللي احن منه ماافيه..اللي شايل همنا كلنااا..."
: مهاا...اناا احب...اناا احب.." قلتهاا مو مصدقة واناا احط ايدي على جبيني...
مهاا وهي تمسك يديني وتدور فيني: اخيراا اعترفتي... اخيرا..خالي لقى سعاادته..."
: والله؟؟.."
التفتنا لمصدر الصوت...كان وافي وكانت معه مرام...
ابتسمت له بس ابتسامتي تجمدت لمن شفت مرام...
مهاا بقصد: ايه يا خالي..شلون ماتلاااقي سعادتك وانت تزوجت الملكه....يا خالي.."
وافي يستهبل: اي ملكه؟؟.."
قلت مسوية فيها عصبية وانا احط القهوة بالصينية: والله؟؟..هالطول ولاا شفتني..."
مهاا تتريق: ايه عااد لاا اله الا الله..عليك طول...يخزي العين.."
قلت وانا اسوي نفسي مفجوعه: قل اعوذ برب الفلق...انت وخاالك ذبحتووني بسبة طوولي...اخاف يجيني شيء.."
وافي وهو يقرب مني مرة: بسم الله عليك من العين...."
وكمل بلهجة غريبة: اناا فعلاا خاايف...خايف احسد نفسي عليك..خاايف تروح هالسعااده...يمكن امووت..."
حطيت ايدي على فمه بسرعه: لااا تكمل..ان شاء الله عدوينك يا عمري.."
مهاا وهي تصفق بونااسه: يااااااااااااي...اموت بالرومانسية..ياربيه..."
طالعت بمهاا وانا ابتسم بخجل وابعد عن وافي واشيل صينية القهوة....لقيت مرام واقفه بوجهي...كان وجهاا مبهت..وعيونها ضايعه....
وحزنت عليهاا من قلبي..صعبه تحب شخص ماايحبك..لاازم اكلمهاا بصدق..هي مسكينه مو ذنبهاا..هذاا وافي مين مايحبه؟؟..




ابتسمت لمهاا اللي كانت تصرخ بضيق: مااابي هالارواب..حرام عليكم يا ناس...شايفين الحياا منفصخ مني...وش بقول للرجال لو فتح شنطتي ولقاا هالبلااوي؟؟.."
حنان اللي كانت تكتم ضحكتهاا: لااا تقولين له شيء..صدقيني ماراح يتجرأ ويسألك..."
مهاا وهي تمسك ايدي بتوسل: ملكه...الله يخليك..ماابي اشتري هالارواب...مرررررة قصيرة..خليني اشتري بجايم حرير كشخه..وخلاااص كافي يحمد ربه...قرد وجاته غزال..."
: ياا مهاا عيب هالكلااام...وش قرد؟؟؟..ترى زوجك رجال مافيه الا الزين..واذا كان مظهره الخارجي عادي...فتراه ماخلق نفسه..."
حنان بجديه: ياختي اللي يسمعك يقول...ملكة جمال العالم...رى حتى انت عااديه واحمدي ربك بس.."
: لااااالالالا...مهاا قمر 14...وعليها نعومة وملح مو بغيرهاا...ما اسمحلك يا حنين...هي مهاا بس متوترة هالحين ولااا بكره راح تفداه كل شوي..."
مهاا بضيق وهي تنفخ: اففف....الله يستر من بكره...انا كل ما اتذكر اني بعرس تجيني حااله نفسية واكتئاب شديد...ودي اذبح عمري...بعدين تعاالي.."
لفيت عليهاا وانا اشيل روب بنفسجي بايدي من الحرير الناعم مرة وحلوه قصته وطوويل مرة:وشوو؟؟..وش رايك بذا؟؟..بآخذ لي واحد..تبين واحد مثلي.."
مهاا وهي تنفخ: عاادي خذي لي واحد...بس مو بنفسجي دوري لون يناسبني...البنفسجي مو مرة علي...تعاالي اقولك على اللي صار امس.."
: وش صاار؟؟.." قلتها بدون اهتمام وانا ادور مقاس لمهاا اللي اسمن مني بشووي...
مهاا بضيق: تصوري..الوقح اللي تقولون عنه رجلي..رجل القراده..داق علي بالليل...لمن رديت..اول سؤال قاله لي ليش تردين على ارقام غريبة؟؟؟..
انا انهبلت وقلت: مين حظرتك عشان تسألني؟؟..واناا حره ارد على الرقم اللي ابي وقت ما ابي...
ملكه انتبهي معي..تصوري ايش رد علي...؟؟"
قلت واناا اطالع فيهاا متظاهره بالاهتمام: اهاا...وش قال؟؟.."
مها وهي تضرب يد بيد وتقول بصوت عالي ونست انهاا بمحل فيه ناس كثير: قال والله لربيك يا بنت عمي...وامشيك على الدرب اللي ابيه..."
قلت وانا اضحك: ايه ماعليك منه.. كل الرجال يقولون كذاا...بس خذيها مني انت اللي راح تمشينه على الصراط المستقيم...وبكيفك وبمزاجك.."
حنان: هههههه والله ولد عمك طلع موب هين.."
مهاا وهي تزفر:موب هين؟؟!!... افف...اناا بس لو افتك منه خلااص ارتاح نفسيا.."
سفهتهاا ورحت للمحاسب انا وحنان عشان نحاسب عن القطع اللي احنا اخترناها لهاا...
عز الله ان القلب في حبكم صاب
ماراح للي في المحبه يذله
ان قلت ماغليك فانا اليوم كذاب
القلب لاا شاف رقمك تغير محله
لو بمدحك والله لخلص كتاب
وكل من عذلني فيك الله يعله...

[لامارا]

الفصل الثلاثون


ابتسمت بنعومة..وانا اراقب وافي وهو يركب الحصان...وقدامه بنت صيته..كان شكله لااا يوصف........صورة الفارس المثالي لكل بنت تبي تتزوج وتبي تنحب...
شعره يتطاير حوله بسبب الهوا القوي شوي...وكان يطاالعني كل شوي.. مدري اذا كان يقدر من هالمسافه يشوف الهيام اللي بعيوني ولااا لااء؟؟..
حتى لو شاف هالشيء..عادي وش يهمني؟؟..اهو عاارف قد ايش غالي عندي..وعارف اني اهتم فيه..واحبــ....ه.. ايه احبه يا ناس والله احبه...يمكن ماتصدقوني..بس وافي تغير كثير...اختفى قناع القسوة والبرود والطغيان...ووضحت الحقيقة..
سمعت صوت الشغالاات..فالتفت جهة المطبخ عشان اشوف وش الساالفه؟؟..فشفت صيته وهي تكلمهم وتطلبهم يسوون قهوة..
اخيرا..صيته طلعت من عزلتهاا...ابتسمت لهاا براحه...كان شكلهاا احسن..وحتى ملاابسها..كانت لاابسه بنطلون زيتي..وبلوزة صوف ناعمه مرة لونهاا ليموني..
جات وقفت جنبي وهي تبتسم لي بفتور....حطيت ايدي على كتفهاا اول ماوصلت قربي...
قالت صيته بصوتها المبحوح من كثر البكاا: مشاء الله على وافي فارس!!..."
رديت وانا مبسوطة: ايه بسم الله عليه...تخيلي كان بيركبه بدون سرج.."
صيته وهي تبعد شعرها عن وجههاا: ترى دوم وافي خيال...اساسا كان يقول اذا كبرت راح اسوي مزرعه فيها خيول..وتحقق حلمه.."
: وافي انسان محظوظ بكل شيء حوله...وسيم وغني واجتماعي وعطوف..كل شيء فيه هبة من رب العالمين.."
وكملت لاا شعوريا: ليت اهلي هناا عشان يشوفون حيااتي مع وافي شلون.."
ودمعت عيوني ببطء.....فغمضتهاا بقوة..حسيت بايد صيته على كتفي بس ماقالت ولااا كلمه...وانا احترمت هالصمت...








مهاا وهي تصارخ مبسوطة: يااااااه طلعت لي اربع نتايج كلهاا b+..ماابي احسد نفسي..مشاء الله.."
: هههههههههه..مشاء الله والف مبروك..ونااسه نجاح وزواج سوا.."
مهاا وهي تطب علي بعد كلمتي على طول..وتضربني بكوس: لااااا لا..تضيقين خلقي.."
صرخت بألم: مهااا حرااااااام عليك..آلمتيني..ماقصدي اضيق خلقك ..بس اذكرك بموعد البروفات.."
مهاا وهي تمسك المخده وتحطهاا فوق وجهي: آآآآآآآآآآآآآه بس..انا بفهم انت ليش لئيمه كذاا؟؟..محد غصبك على الزواج..عشان تحسين فيني.."
رميتهاا بقوة ورميت عليهاا الكوب البلااستيك اللي كان جنبي: والله اني انغصبت على خاالك.."
وكملت وانا اقهرها بحواجبي:بس.. الطيبون للطيبات...يا حبيبتي.."
مهاا بعصبية وهي تنقز على رجولهاا: وش قصدك؟؟اناا مو طيبه.. انا الطيب يستمد مني طيبته.."
: مهاا قصري صوتك...ترى وافي يقول ان فارس بني بيجي يزورناا.."
صرخت مهاا وهي تجلس على الارض: اكررررررررررررهههههه حرام عليك يا ملكه...ليش تذكريني؟؟..والله ماراح استقبله لو يمووت.."
تميلحت عندهاا: مهاا والله اسمه حلووو.."
صرخت فيني بضيق: اي حلو..اناا مهاا آل..اتزوج واحد بشع ولااا اسمه وشو يا حظي؟؟.. اسمه فارس...اناا اللي اموت باسم سعود وخالد ونواف...آآآآآآآآآآآه...ليه ياربيييي؟؟.."
قلت واناا اضحك:هههههههههه... والله حتى اناا كنت ابي سعود..بس ماكل مايتمنى المرء يدركه...بعدين احمدي ربك اسمه فارس...مو من ذيك الاسماء اللي مدري شلون تنطق اساسا؟؟.."
مهاا وهي تسفهني وتروح عند المرايه وتضبط شعرهاا اللي انكش:متى بنروح المشغل؟؟..ابي اقيس الفستان واخلص.."
: خلااص نروح على المغرب..وشرايك اخلي صيته تجي ويانا؟؟..تراها بدت تطلع من الصومعه حقتهاا.."
مهاا وهي تتنهد: طيب..روحي اقنعيهاا...وقومي عن مخدتي خليتيها تصير مسطحه.."
: ههههههههه..طيب.."






رجعت اشوف وين وافي بعد مااطلعت من عند مهاا...بس بعد مارتبت خشتي في المرايه...
كنت لاابسه تنورة غجرية بيضا..وبلوزه نااعمه ذهبي..ومزينه وجهي كالعااده..
لقيته واقف مع صيته في الصاله...اول ماتقابلت عيوناا... ابتسم ابتسامه واسعه كلهاا شوق..حمرت خدودي خجل..وقلت لااا شعوريا بصوت واطي..((الله لااا يحرمني منك)))
صيته تطنز: انتم متى راح ينتهي شهر عسلكم؟؟..كأنه طول شوي؟؟.."
قلت واناا اطقهاا على كتفهاا: بسم الله عليناا..ان شاء الله دوم.."
صيته وهي تبتسم بصدق: آآآمين...طبعا هالدعوة مو لله...بس لأني قااعده اترجى رجلك العزيز...انه يآخذ عيالي لتويز آر اص...بس معيي يقول روحي معاهم..واناا مالي خلق اطلع.."
هزيت كتوفي : ودي اروح هنااك...ابي اشتري باربي..عشان.."
قلتهاا بحماس لوافي بس وقفت لمن..وافي طالعني مو مصدق وفيه ضحكة....بس حااول يكتمهاا..
عدلت كلاامي: ابي ازين فيهم غرفتي شوي..يعني فيه بعض الاشكاال مرة حلوة...و..و..ووو..."
وافي وهو يقول لصيته بغرور: شوفي بس علشان ملكه بطلع عياالك.."
ضحكناا انا وصيته..اماا وافي قرر ينتظرني بره عند السيارة..
: صيته تعاالي ويانا.."
صيته باعتراض: مالي خلق اطلع من البيت..ملكه خلقي ضاايق..وراح انكد عليكم الطلعه.."
وكملت وهي تغمز لي: فرصه عشان وافي يدرب على دور الاب في المستقبل.."
حمرت خدودي وقلت واناا اعض شفايفي: بآخذ منو معاي.."
صيته وهي تهز راسها: اوكيه..ليش لاااء؟؟..بس اخاف تضايقكم.."
قلت وانا اشيل منو من بين يديها: والله القمل( القمر) هدا ما يضايقني ابد..."
ورحت عنهاا ودخلت غرفتي اناا ووافي..ولبست عبايتي بسرعه..واخذت شنطتي وطلعت لوافي...




وصلت لقيت وافي وعيال صيته بالسيارة..وتاركين لي الباب مفتوح.. دخلت بعد ما اعطيت وافي منو..شالها وهو مبسوط وطااح فيهاا تبويس..وجلسهاا بحظنه وساعدني اركب الجيب حق مشااري..
طبعا اخذنا الجيب عشان الالعاب الكبيرة اللي راح نشتريهاا..
تحرك وافي بالجيب وهو مجلس منو بحظنه ويلااعبها كل شوي..اماا انا طلعت الجوال وصورته كذا صورة.يهبل يا عاالم...كل حركه منه فن...وروايه يطول حكيهاا...
طلعناا من المزرعه وخذيت منه منو اللي قامت تصيح بحرارة...فشغل وافي سي دي واشرلي باصبعه ان الاغنيه منه لي...
قمت اغني لمنورة مع الاغنية((الله لااا يخليني منك لاااخلا ولااعدم..انت ماتدري بانك صرت لي نبض ودم...لو الخلااا الكون وانهدم...الله لااا يخليني منك..)))ياحلوو منورة لمن سكتت وقامت تضحك على الحركات اللي كنت اسويهاا فيهاا واناا ارقصهاا بنعومة..واهبل فيهاا..واقبص خدودهاا...
((لااا بدالك لااا سواك..يابدر فوق النجوم.. جنتي والله هواك...ياعساا حبك يدوم..ادعي ربي كل يوم الله لااا يخليني منك..)))طالعت بوافي واناا مبسوطة...كان مبسوط على صوتي...وعلى جو الازعاج اللي مسوينه عيال صيته بالسيارة..وعلى ضحكات منوورة...صدق طالعين احلى عيله بهالوجود...واللي يشوفناا راح يسعدناا...خصوصا ان وافي مسك ايدي بقوة وحطه تحت ايده وهو يسوق..
(((انت بلسم هالجروح...لو تلاامس قلبي عله..لو اجي احكي وابوح...ماكفاني العمر كله...انا ما اقول شيء الااا الله لااا يخليني منك..)))

قال واناا ابوس منورة: تبين بنت ولااا ولد؟؟.."
طالعته منصدمه من السؤال...وبعد ما استوعبته هزيت كتوفي بخجل: اللي يجي من الله حياه الله..."
وافي وفيه ضحكة: اكره هالاجابه الدبلومااسية...لو بايدك تختارين جنس المولود وش تبينه؟؟.."
قلت واناا العب ب شعر منيره الخفيف الحريري: ابيه ولد اذا كان بيطلع مثلك..."
وافي بلؤم: اهاا...وليش تبينه يشبهني؟؟"
ابتسمت لااا شعوريا واناا اجاوب:لأن كل مافيك حلوو..فشيء طبيعي اني ابيه يشبهلك.."
وافي وهو يضغط على ايدي بقوة: قولي آمين.."
: آمين.."
وافي بابتسامه عذبه: الله لااا يغير عليناا..."
: آآآآآآآآآآآمين....بس وووقف هنااك شوي.."
اشرت بسررعه على محل عصيرات وايسكريم كنت متعودة اشتري منه...مع اهلي...
وافي وهو يوقف: هناا؟؟.."
: ايه..." والتفت على عيال صيته: وش تبون يا حلووين؟؟.."
عيال صيته هزوا كتوفهم في البدايه بعدين البنت تكلمت وقالت: اي شيء من خالي وافي حلوو.."
ياا حبيلك والله...هذي الكلمة الوحيده اللي قلتهاا بس بعدهاا بشوي كملت: لااا تستحين عمري.."
سكتت وماردت علي..اما وافي قال وهو يقفل الجيب: وش تبين يا عمري؟؟."
قلت وانا اضم منيرة اللي بدت تغفى واحنا ماوصلناا لسه: جيبلي كوكتيل فواكه مع عصير فراولة وآيس كريم فانيليا.."
وافي وهو يحك شعره: حبيبتي مو كأنه كثير؟؟..احس ان وزنك زايد هالايام شوي.."
صرخت فيه بعتب: واااااااااافي..حرام عليك والله ما اكلت شيء من الصبح.."
ولد صيته ضحك بلؤم: هع هع.."
قلدته وانا معصبه: هع هع..هذا اللي فالحين فيه انت وخاالك...روح جيب لي بس اللي طلبته.."
وافي وهو يفتح فمه: قالولك الهندي اللي يشتغل بحوشكم؟؟"
قلت وانا احط ايدي فوق ايده بنبرة اسف وملصحه: آسفه حبيبي..بس عصبت شوي..يله يا قمر...جيب لي اللي طلبت منك.."
وافي وهو يرفع يدينه للسما: ماورانا غير الطاعه..لااا تفتحون الباب الا اذا رجعت لكم.."
هزيت راسي له وقعدت اربت على ظهر منورة اللي على وشك تغفى...
رجع وافي بعد شوي..ومعه العصيرات..اللي طلبتهاا..ووزعناها على الكل...وطبعاا ماكنت قادرة آكل لأني متغطية زين..ابوي الله يرحمه كان يسمحلي اكشف اذا جيت اكل بس..!!
وافي اللي انتبه لمعاناتي وقف بسيارته جنب ممشى..فشلت غطاي وقعدت آكل واناا اسولف وااشر على بعض الناس اللي تركض وننكت اناا ووافي عليهم.....
وافي وهو يأشر على حرمه تهرول وهي لاابسه نقاابها: طاالعي لااا يفوتك....خخخخ....شكلهاا تحفه.."
: وافي حرام عليك..تبي تنحف وماالها الا الركض.."
وافي وهو مو مقتنع: تروح تسجلهاا بنادي.."
قلت وانا اتنهد: والله مساكين انا الحريم..."
وافي بنبرة لهاا معنى: تعتبرين نفسك مسكينه؟؟.."
سكت اشوي واناا ابعد عيوني عنه...اناا مسكينه؟؟..ابدا انا ملكه فعلااا...لأن حب وافي يرفعني لعند النجوم...لأن حب وافي حقق لي الحلم المستحيل الاحساس بالامان اللي انا فقدتهم فترة طويله..رغم ان تجي لي بعض اللحظات احس بضيق فضيع..واحس اني راح افترق عن وافي فراق مامثله فراق...
رديت على وافي واناا ابتسم: اناا ملكه يا وافي مو مسكينه.."
ابتسم لي بكسل وبعد خصله نزلت على وجهي بس رجعت الخصله بكل تمرد مكاانهاا..
وافي بضحكه: كثير فيك اشياء تشبهك ياا ملكه.."
: وافي؟؟!!" نطقتهاا بتردد وبدون سبب بس كنت محتاجه اني انطق اسمه...
وافي بلهفة: وشوو؟؟..وش كنت تبين تقولين؟؟"
حلفت له بصدق: والله ماكنت ابي اقول شيء..بس احب انطق اسمك..اسمك رائع يا وافي...وافي..واافي.."
قعدت اكرر اسمه بتلذذ غريب...
كان بيتكلم ويقول شيء..بس اكتفى بابتسامه واشر لي على اللي بايدي: كليه يا عيوني....عشان ورانا مشوار.."
هزيت راسي له واكلت اللي اقدر عليه وقطيت البااقي..ورحناا لتويز آر اص..وكانت تجربه ممتعه مع عيال صيته خصوصا اني كنت مع البنت ووافي كان مع الولد..وكناا نلعب بالالعاب لأن المكان فاضي...وصوت ضحكاتنا يتعاالى بالمكان بدون حساب...
لدرجة ان لمن دخلوا ناس المحل واناا ووافي قاعدين نلعب ببعض الالعاب وصوت ضحكتي يتردد ويرتفع..فاضطريت اسكت لمن اشرت الحرمه على راسهاا يعني مجنونة وناظرت بزوجهاا... اماا وافي الحيوان اشر علي وهو كاتم ضحكته..واضطريت احترم نفسي والم الالعاب بالعربية واطلع...
اعجبني الفستان على مهاا..كان مرة مرتب...ومثل ماتبيه اهي...بدانتيل فرنسي..وطرحه خليجية....
وناسب جسمهاا مرة..خصوصا مع مشدات الكروسيه اللي نحتت خصرها وابرزته بشكل حلوو..مع العلم ان جسم مهاا اساسا حلو...
قالت وهي مبسوطة على شكلها بالمرايه: روعه صح؟؟"
صيته وهي تحك شعرهاا: حلوو بس مرة فخم..احس انهم بطلوا هالموديلات يا مهاا..."
مهاا وهي مو راضيه تقتنع: بالعكس..انتي ماشفت آخر حفله لبليساا؟؟ (( بليساا هي اليساا))كانت لاابسه مشد كروسيه مخلي جسمها فنان ...بعدين حتى جويل بالصراحه احلى قالت انه راجع وان هالموديلات راجعه.."
وكملت بفرح: والله لرقص بالعرس..ولاا همني احد...ونااسه..بهز وسطي..وبرقص مصري..على اغنية الواد ئلبو بيوجعوا..."
قلت واناا اضحك: مانتيب صااحيه..عز الله هج الرجال يا مهاا..ماراح نشوف غير غبااره.."
مهاا وهي تكش علي بايدينهاا: غيرانه من جرأتي..حبيبتي عيونه راح تطلع من محاجرهاا..يحمد ربه ان مهاا آل.. بترقص قدامه..تراها ماحصلت قبل لأحد.."
قلت بخجل: يااويلي ماتخيل اخلي وافي يشوفني واناا ارقص...ساتيح كثير.."
مهاا ب قناعه: شفتي هذا انتم اكثركم...لكن ماعندي بأحد برقص واهتز بدون تفكير.."
وحطيت ايدها على خصرهاا وقامت تتلوى قدامناا بحركات حليوة...واناا وصيته ميتين ضحك على خباالها اللي ماراح ينتهي....
رجعت الخيااطه فاضطرت مهاا تحترم نفسهاا شوي...قلت للخياطه بعض التغييرات الضرورية...وقلتهاا لنا راح نرسل لها السواق بكره...ودفعناا قيمة الفستان...








طلعناا من المشغل كلناا...وقررننا نروح لكافيه قبل لااا نرجع البيت...اخترناا توتي كافيه اللي بالتحلية...ولمن وصلناا كان مرة زحمه....بس لقينا لناا طاولة....
مهاا اول ماجلسناا: اسمعي...اناا مفكرة ازف هالهم معي.."
صيته بجدية: مهاا عيب عليك...اي هم؟؟..احترمي الفاظك...ترى كذا موب زين..تخيلي بكره تغلطين وتقولين له بوجهه هم؟؟!!"
مهاا وهي تهز كتوفهاا بدون اهتمام وتقلب المنيو بيدهاا: ماا يهمني..والله ثم والله اني وصيت وحده من خويااتي تدعي ان الله يآخذه وهي رايحه عمره الاسبوع اللي فات.."
قلت وانا مفجوعة: ياااويلي...من جدك يا مهاا؟؟..حرام عليك اذا انت ماتبينه ترى اهله يبونه.."
مهاا بعصبية وهي تنادي الجرسون: انا مايهموني اهله يا ملكه...لو هم خايفين عليه كان احترموا رفضي..لكن ربي باذن الله بيقبل دعوتي عشان يعرفون ان الله حق!!"
: مهاا يا بعد عمري..مو كذا تنحل الامور...خلااص ربي كتبه من نصيبك...شلون تجرأين تدعين عليه؟؟.."
صيته وهي تحاول ماترفع صوتها: والاخت صديقتك..صديقتك الصدوقة دعت على رجلك بعمره.."
مهاا وهي تكلم الجرسون اللي واقف فوق راسنا: جيب هذا وهذا وهذا...." ولفت راسها علينا وقالت: لااا الله لا يسامحهاا..تخيلي وش قالت؟؟..قالت انه دعت ان ربي يسخره لي..هذي دعوة بالله؟؟"
: ايه هذي الدعوة مو الهباب اللي كنت تبينها تقوله.."
راح الجرسون من عندنا فتكملت صيته بعصبية: مهاا...يا مهاا مايصير كذاا..حاولي تكسبينه يا قلبي..انت ماتبين ترجعين مطلقة.."
مهاا بلاا مبالاة: الا انا حالفه اني ما اعيش معه اكثر من شهرين..خلوه يطلقني..ترى عمر الطلااق ماكان آخر الدنياا.."
سكت ولااا علقت على كلاامها..فكرت الطلااق اللي كانت تلح علي بين وقت لوقت...رغم انهاا كانت تخوفني بنفس الوقت..
اما هالحين لا يمكن اطلب الطلااق من وافي لو يسوي فيني اللي يسويه...اساسا خلااص حبه سكن في شراييني وصعب علي اتخلص منه...يعني حتى لو زعل مني راح اراضيه بدون ما افكر مرتين مين اللي غلط على الثاني..
صيته بهدوء: شوفي يا مهاا...اناا حاسه ان ولد عمك راح يحطك بعيونه...خصوصا انه يبيك من زمان..هذي وحده...ثانيا..ولد العم دايم يحط بنت عمه فوق راسه...لأنه يحسب احساب اهلهاا...لكن شوفي اناا...اناا كنت رافضه عيال عمومتي كلهم...وكان حلمي اخذ واحد من بره الجماعه كلهاا...حتى اني ماكنت ابيه يكون غني...كنت اعتقد اني قادره انجح هالزواج مهما كانت التحديات والظروف...لكن مع صالح..طلعت عيوني من محاجرهاا...ماكان يقبل مني اي شيء...حتى لمن اشتريت له سيارة...رفض يآخذها وزعل مني ونام بره البيت اسبوع كامل...يا مهاا ولد عمك من نفس طبقتك الاجتماعيه...من نفس قبيلتك.."
سكتناا اناا ومهاا ولااا علقناا على كلاام صيته...اللي فتح جروح مالهاا اول او آخر...كان شكلهاا يقطع القلب وهي تتكلم رغم الهدوء اللي غلف صوتهاا...بس حركات يدينهاا وعيونها كانت واضحه مرة...








قلت واناا اتمدد جنب وافي على السرير: خاايفه..."
وافي وهو مغمض عيونه: من ايش؟؟.."
: من كل شيء وعلى كل شيء..."
وافي وهو يتثاوب: اممم...وش اللي مشغل بالك؟؟"
رديت واناا اغمض عيوني: خاايفه على مهاا...خايفه على صيته..خاايفه على جدتنا...خاايفه على عفرا..وعلى روعه وسماح.."
وافي حط ايده فوق ايدي: ليش تفكرين بكل هالعالم؟؟"
: طبيعتي...متعودة احب واحب...واعطي واعطي..ولااا انتظر من احد انه يحبني او يعطيني.."
ضغط وافي على ايدي بقوة: وانت معي انسي كل العالم..وفكري فيني اناا وبس...لااا تخافين على احد ولااا من احد وانت معي..حبيني اناا وبس...وهذا راح يكفيك..."
ابتسمت بنعومة له..وقلت وانا ادخل تحت البطاانية: بحااول...يا وافي...بس علشاانك انت.." وهمست بصوت واطي وانا العب بشعره.."لأنك اكثر واحد اخااف منه واخااف عليه..!!"
لكن وافي ماسمعني..لأنه ناام بسرعه...!!

[لامارا]

بعد يومين...





صرخت بفرح وقمت انقز مكااني....واناا اشوف سمااح وروعه....كنت احس عمري بحلم...ومو مصدقة...كلمتهم وقررت اقابلهم..ويوم شفتهم...لااا شعوريا صرخت...
رحت يم سمااح وضميتهاا بقوة..ولااا اهتميت بالناس اللي تطالعناا...
سماح وهي تضحك: ههههه...شوفي كيف الناس يطالعون؟؟..بعدي عني..."
: هههه..اووه..سمااح مو مصدقة....مرررة نحفتي..."
سماح بزعل: يا سلااام يعني اناا سمينه؟؟.."
مارديت عليهاا لأنها عارفة انها ميب سمينه وانهاا عصله...بس صارت اعصل من اول...
التفت على روعه اللي كانت واقفه وراهاا....روعه ماكانت متغطيه كانت بس حاطه الشيله على راسهاا...وشكلهاا كان غييييير...
ضميت روعه بعد..بس بحنان مو بدفااشه...
روعه بفرح: ياااااه..من زمان ماشفتك...احس انك مغبره.."
ضميت روعه من جديد...لمن سمعت جملتهاا...يعني لسه بقايا روعه القديمه موجوده...ورحناا لطاولة اللي حاجزينهاا لناا...





طلع الجرسون من عندنا بعد ما اخذ الطلبات واحنا ظلينا ساكتين...كانت كل وحده تنتظر الثاانية تتكلم..
بديت اناا: كيفك روعه؟؟..اخيرا نحفتي مثل ماكنت تبين.."
قلتهاا بمزح لأنهاا كانت دوم تبي تنحف..
روعه ردت بفتور: ايه شفتي شلون؟؟..الواحد ينحف فجأة بدون مايتوقع.."
حطيت ايدي على ايدها بتفهم....
سماح قالت وهي تطالعني: اماا انت ياا ملكه مرة جسمك تغير...وجهك تغير..مشاء الله صايره صدق قمر14.."
قلت واناا اتميلح: شفتوا شلون الزواج يحلي...يله عقبال ما اشوفكم معرسات.."
روعه بفتور: يااااااااااااه متى اعرس؟؟..نفسي اعرس لأني مليت من الوحده اللي في البيت.."
: من جدك روعه؟؟..بس ابوك....توه..."
روعه ببرود وهي تلعب بكاسة البيبسي اللي قبالها: ابوي مات الله يرحمه...ويرحم امي بعد...وميران..تقدم اوراقها بتكمل دراستهاا بره مع امي...ويزيد يبي يتزوج وجه العنز بدريوه...وسماح يمكن تتزوج سلطان.."
قاطعتهاا سماح وهي مو مصدقة: روعه!!...اناا ماراح اتزوج الا بعد سنتين على الاقل..وبعدين ليش سلطان؟؟.."
روعه وهي تزم شفايفها: لأني....لأني اعرف ان سلطان يبيك..."
سماح وهي توقف: من وين لك هالحكي...سلطاان اساسا يبي ملكه...مايبي احد غيرهاا.."
روعه بجدية: ملكه مرت خاله هاالحين.."
قلت اناا واناا احاول ما ارفع صوتي: وش فيكم زعلتوا؟؟..خلااص يا سمااح اذا ماتبين سلطان..مو مشكله مايحتاج تنفعلين.."
سماح بعصبية: محد فااهمني والله..."
وتركتنا وراحت الحمام...
طالعت بروعه وكنت بتكلم بس جا الجرسون وبيده الستيكات اللي طلبناها..
اول ماراح سألت روعه بجدية: وش الساالفه؟؟"
روعه بمرارة: اناا تعبانه يا ملكه..تخيلي مات بابا...السند الوحيد لي...واللي يفهمني ويفهم مشااعري..."
قلت لهاا وانا امنع دموعي: روعه الله يرحمه...ماتقدرين تسوين شيء...الموت حق...وكلنا بنموت...تذكريني وبتعرفين ان ربي راحمك..لأنه حرمك من واحد بس...لكن اناا انحرمت من عايله كامله.."
روعه وهي تضغط على ايدي: لالالا..شوفي المصيبه الثاانية..اناا كنت احب سلطاان...كان يعجبني كثير....وكنت اقضي معه اوقاات طويله...كنت اعتقد انه راح ينسااك ويبادلني لو ذرة شعور...لكن..."
وسكتت وحاولت تمنع شهقتها وهي تحط ايدها على فمهاا..
قلت واناا مفجوعه: يحب سماح؟؟.."
هزت روعه راسها بضعف: يبي سمااح...مايبيني..قالي انه مفكر يجي يخطبهاا بعد ست شهور...شفتي الصدمه؟؟..كنت اعتقد اني راح اتزوجه ويخف علي شعور الوحده اللي قااتلني..."
ماقدرت اتكلم...ولااا قدرت اقولهاا عن موضوع مشاري...صدق اللي يبينا عيت النفس تبيه واللي نبيه عيا البخت لااا يجيبه..
ولااا حاولت اني افتح الموضوع نهائيا لمن رجعت سماح وشكلها كانت بعد تبكي...حااولت اني انكت معهم...وقدرت اطلعهم شوي من الجو الهم اللي كانوا فيه...واضطريت بعدين استأذن لمن جاا وافي يآخذني...







صرخت مهااا بعصبية وهي ترمي الجوال على الأرض: الحماااااااااااار..."
: مهاا الله يهديك...ترى فيه نااس نايمه بمثل هالوقت..."
مهاا بضيق وهي تروح ترمي نفسهاا على السرير: يقوولي انه مايبي ينزف معي...ايه مايبي الناس تشوف الفرق بيني وبينه.."
: يا مهاا....اكثر الرجال يعيون عن هالموضوع...وبعدين افضل لك انه ماينزف..."
مهاا بتريقه: ايه صح نسيت...يمكن الحريم ينضلونه من الزين اللي فيه..."
ضحكت على اسلوب مهاا: هههههههه...يمكن ترى هالحريم هاليومين يبون اي رجال لبناتهم...العنوسه مرتفعه..وماعاد صاروا يفكرون بالزين والشين.."
مهاا بمرارة: آآآآآآآآآآآآه..لو تشوفين رجال خوياتي...مزايين...كل واحد فيهم يقول الزين عندي...والله ياا وحده من خوياتي قرد مقعد...عندهاا رجل بسم الله عليه مزيوووووووووون...عيونه وحواجبه تموت..."
: ياا مهاا يا قلبي....عيييييييييييب والله هالحكي...انت على وجه زواج...مايصير تقولين هالكلاام...ترى لو درى عن وافي زعل.."
مهاا وهي تفرك يدينها بكريم للتبيض وازالة البقع: مايهمني وافي...يهمني افضفض على اللي بداخلي...ترى والله احس بحرريق..جعل ربي يآخذه..قولي آمين.."
سفهتهاا وابتسمت واناا اشوف رقم وافي...
مهاا وهي ترمي علي المخده: آآآآآآآآآآآآآه منكم يالحريم..تنسون العاالم اول ماتشوفون رجالكم..."
وافي اللي سمع مهااا قال لي افتحي سبيكر...واول مافتح سبيكر...قال: مهاا وراك قايمه لهالحين؟؟..روحي انثبري ترى فارس يبي يشوفك عشان بيعطيك شيء بكره.."
مهاا وهي تصارخ بدلع: لاااااااااااااااااااااء...� �لله يخليك يا خال لاااااااااااااااااااااااء ..."
وافي وهو يضحك: لااا والله ان ماطلعت له..اني لجي واشيلك..من كشتك...وارميك عنده...تراك مرته...ان بغى اخذك هاالحين قبل مايفكر.."
مهاا بعصبية: ماني مرته..لسه ما ملك الشيخ..ولااا سويت التحاليل...يعني اقدر ازور التحاليل...وو.."
وافي اللي عصب صرخ فيهاا بطريقة خلتني اناا ارتعش: وشوووو؟؟..اقول...انطمي واحترمي نفسك..والله ان فاارس يسواك يا بنت الذين..!!"
شلت سبيكر لمن شفت مهاا ترتجف وتصيح بصوت مكتوم...وقلت لوافي: وااااااااااااااافي!!"
وافي وهو يرتعش: ماالت عليهاا...والله ان فارس يسواها مية مرة...خليهاا تعقل...لا يكون لي معهاا تصرف ثاني.."
: وااااااااااااااافي!!"
وافي بعصبية: لااا تقاطعيني..خليهاا تلزم حدودهاا..وبكره بتجهز لي عشان آخذها تروح تسوي التحاليل..."
قلت بانهزام: يصير خير بكره...انت وينك؟؟..الساعه هالحين 11...متى بتجي؟؟.."
وافي وصوته هدا شوي: تبين شيء؟؟"
قلت بدلع: ايه...ابي.."
وافي وهو يآخذ نفس: وشوو؟؟.."
قلت واناا افكر: اممممم..سلااامتك...انتبه على عمرك الجو بارد...ولااا تتأخر...اخاف عليك من الطريق بالليل خصوصا مع الامطاار.."
وافي بضحكه: من عيوني...يله لااا تنامين قبل ما اجي..."
هزيت راسي له...وبعدها تذكرت اني اكمله على التيلفون: طيب..من عيوني..ماراح انوم...يله بااايو.."
وافي بصوت كسول اموت فيه: باايوووو.."
بعد ماقفلت منه رحت لمهاا اهدي فيهاا...وهي كاانت تصيح ودافنه راسها بالمخده وصرخت فيني: مااحد راضي يفهمني... مااحد .. اكررررررررررههههه...الله لااا يسامح ابوي ولااا يسامح اهلي كلهم.."
;
;
;
;






صيته دخلت علي واناا في المطبخ...وكان شكلهاا غريب...كأنهاا مصدومة ومو متوقعه...
صيته وفيهاا ضحكه: تخيلي وشو؟؟...صاالح طلقني.."
فتحت فمي مو عاارفه اعلق...
صيته وهي ترجع شعرهاا ورى: صاالح طلقني ياا ملكه...ماله اسبوعين متزوج...ومع هذاا طلقني...ما انتظر لمن رجع من شهر العسل..."
: صيته عيوني...امم.."
وهزيت كتوفي بعجز...مو عاارفة صدق وش اقولهاا...صيته كانت تطاالعني وبفمهاا ابتسامة صدمه...مع ان عيونهاا ملياانه دموع..لفت عني وطلعت من المطبخ...
تركت الملعقة اللي بايدي..ولحقتهاا بسررعه...كانت تمشي بسرعه...وتمسيح دموعهاا بكفهاا بدون اهتماام...
: صيييييييييييته..."
سفهتني...وماردت علي وراحت جهة اسطبلاات الخيل...وقفت اطالعهاا بعجز وهي تركض وصوت بكاءها يتعالى..
عضيت على شفايفي...وغمضت عيوني اكبت دموعي...حسيت بايدين تلفني بقوة...كان وافي...
وافي وهو يشوف دموعي: ملكه وش فيك؟؟.."
قلت وانا امرر ايدي على خدوده: صيته...طلقهاا رجلهاا.."
وافي وهو يهز راسه: عاارف...ازين لهاا يا ملكه.."
: حقييييييييييير..الله لااا يوفقه بحيااته.."
وافي بعتب: لااا تدعين...طول عمرك ماكنت تدعين فجاة صرت تدعين بدون حساب او تفكير.."
: وافي...وش ناقص صيته؟؟...كل شيء فيهاا...ليه بدلهاا ببزر..ماتسوى وطية رجلهاا..."
وافي وهو يبتسم ابتسامة صغيرة:ماعندي حكي اقوله..خليه راح يندم على قد شعر راسه...وصيته اذا تبي تزوج مرة ثانية ماعندي مانع...واذا بغت تعيش بالمزرعه هناا بعد ماعندي ماانع..اهي ادرى بحيااتها..."
لفيت جهة الاسطبلاات وغمضت عيوني وانا ارمي نفسي بحظن وافي...كانت الحسره تآكلني على صيته بعد عمري...وكل ما اتذكر ان وافي راح يموت بأي لحظة هالشيء يخووفني اكثر واكثر..عشان كذاا كل مايضيق صدري على احد...اتذكر اني لااحقه على ضيقه الصدر...تشبثت بملاابسه بقوة...خايفه لااا يجي يوم ولاا اقدر اضمه!!








التجهيزات لزواج مهاا قايمه على اسرع مايكون.....خصوصا اول ماطلعت نتيجة التحاليل....كنت انا وخالااتها نحاول نحركهاا قد مانقدر..ونجري فيهاا لمعاهد التجميل...ولدكتورات الجلديه...نحاول نعالج بعض المشاكل الطفيفة اللي عندهاا..
لكن مهاا كانت في حالة من الذهول...لدرجة اللي يشوفهاا يقول هذا موب عرسهاا....كانت تسمع كلاامنا في بعض الاحيان وكأن الموضوع مايخصها...وفي البعض الاخر تقعد تصيح وترفض اي شيء...
ملكتهاا بعد ثلااث ايام والزواج بعد الملكه بكم يوم...لذا اخذتهاا معي لهارفي نكلز...عشان اخليها تشتري عطورة ومكياج...لأن شنطتهاا حقت التجميل فااضية مافيها ولااا شيء...
مهاا وهي تطالع بالمناكير الذهبي: الله مررة حلوو...بشتري هذاا..."
واعطته اللبناني عشان يجمعهاا كلهاا...ورجعت تشتري الوان مناكير مختلفه..وانا ماخالفتهاا هي حرة دامهاا بدت تتحرك وتشتري..
اخترتهااا لهاا بعض الارواج الناعمه اللي تناسب بشرتها وجلوسات كثيرة بالوان خياليه...
طلعنااا من هارفي نكلز...واخذنا السواق...وخليناه يوديناا لميسان بالتحليه عشان تقص شعرهاا وترتبه...وتصبغه..
اختلفناا بالوان الشعر كثير بس بالاخير اتفقنا على بني شوكولااته...مع خصل قليلة مرة ذهبيه ومو واضحه...
سوت حواجبهاا...وقصصت شعرهاا مدرج من الغرة لآخر شعره بظهرهاا...وطلعناا من المشغل بعد ماحجزناا لزواجهاا عشان المكياج والشعر....

[لامارا]

كنت اناا ووافي وصيته وجدته جالسين بالصاله الخارجيه...اللي في الحوش...وشابين ناار..وجالسين حول القهوة...
كان وافي وجدته يسولفون مبسوطين...عن المزرعه والتمر..واشياء اناا طبعاا مو فااهمه فيهاا شيء نهائيا عن مواسم الزراعه وحاجات شبيهة...
صيته كانت جالسه قريب مني..وتطاالع بالنار بتأمل..وطبعاا سرحانه كالعاده...
قلت لصيته: شفتي مهاا الخبله؟؟..."
صيته بفتور: وش فيهاا؟؟؟"
: هههههههه...من جدهاا ترى حطت بالزفة اغنية الواد ئلبو بيوجعوا..."
صيته وهي تحط ايدهاا على فمها: وانت شلون سمحتي لهاا؟؟"
قلت بصراحه: والله ماقدرت ادخل...خوفتيني بالمحل...اناا جالسه بامان الله على الكنب...شوي يوم قالت للرجال حط هالاغنية بعد الموسيقى حقت البداية.."
صيته وهي تضحك بخفة: يااويلي راح ياكلونهاا الناس وهي حية..."
: يااخوفي على حصه...صراحه اخاف يصيبها شيء...اذا سمعت الاغنية.."
صيته وهي تهز راسها: حصة ماراح يصير فيها شيء...الا مريم اختي هي الي راح تنجلط..خصوصا ان البرستج مهم عندهاا..."
: ههههههههه...اجل لااا تعزم اهل رجلهاا.."
وافي اللي سمع آخر الكلام: مين اللي لااا تعزمهم؟؟"
التفت عليه: هذي مريم اختك يفضل ان اهل رجلهاا مايحظرون العرس...لأن مهااب ترقص مصري بزفتهاا...واختك البرستيج مهم عندهاا مرة.."
وافي وهو يمد لي فنجاله: طيب..وش فيهاا اذا رقصت؟؟"
صيته وهي تحرك النار شوي بطرف خشبه: يا وافي العروس حلااتها بخجلهاا...واذا رقصت يادوب رقصه خفيفة...لكن مصري مرة وحده.."
وافي وهو يآخذ فنجااله مني: ماالكم شغل فيهاا..خلوها تسوي اللي تسويه...ترى كاافي ان نفسيتهاا تعباانه من هالزواج.."
بلعت ريقي وانا ابتسم..والله لو يدري وافي مهاا وش مسوية كان رمى نفسه من فوق العماره اللي ساكنين فيهاا..
صيته وهي تهمس لي: يا حليل وافي يحسب مهاا هوينه..."
رديت عليهاا بهمس: تصدقين انهاا ارسلت له الله لااا يوفقك لااا دنيا ولااا اخرة.."
صيته وهي تضرب جبهتها بفجعه: ياااااااااويلي...ميب صاحيه ذي..جعلهاا اللي مانيب قاايله.."
ضحكت وانا اذكر وجه مهاا لمن قعدت تنظره يرد على رسالتهاا بس اعطاهاا اشكل ولاا فكر يرد عليهاا...







الامور ماشية مثل ماهو مخطط لهاا....زواجي من وافي عال العال...حياة مثاليه...مو موجودة غير بالقصص الرومانسية....اقوم واناا مبسوطة وانوم واناا اسعد وحده بالكون...
شوفته تغير مزاجي بالكامل...وتحسسني باحاسيس فوارة عجيبه!!
;
;
;
زواج مهاا من فارس بعد كم يوم....ومهاا تحاول قد ماتقدر انهاا تبطل هالزواج قبل لااا يجي اليوم اللي ماتقدر تسوي فيه شيء...
;
;
;
صيته تدخل بفترات سرحاان طويله...تقفل على نفسهاا كثير بغرفتها وصوت صيااحها مرات يتسرب ويوصل لناا...لكنهااا على الاقل بدت تطلع شوي شوي من صومعتهاا...
;
;
;
سماح وروعه وسلطان...وش تتوقعون بيصير فيهم؟؟...اناا كنت خايفه عليهم..خصوصا انهم خوات...وماكنت اتوقع ابدا ان سلطان يفكر بسماح...سبحان الله..دائما يصير الشيء اللي ما نتوقعه...
;
;
;
عفاري وعايله عمي سعود....ماذكرتهم في الفترة الاخيرة...لأن صلتي فيهم صارت تنقطع لاا شعوريا...رغم ان هذا يعتبر من قطع الارحاام...لكن دوم القى شيء يشغلني ويبعدني عنهم...ويمكن احساسي وذكريااتي الأليمه في بيتهم تخليني اكره حتى اني اتذكر حياتي ويااهم..الاثار اللي بجسمي..دوم تذكرني بالواقع المر اللي هم خلوني عليه...((((مجنونة))))...

الفصل الواحد والثلااثون



:..... ((ولااا مني نسيت الهم ساعه...تحدني همومي واذهلني ...واذهلني....واهوجس كن ماحولي جماعه...دموع العين هلت وافضحني...وافضحني..))
كانت هذي مهاا تغني وهي تطالع بشنطهاا...اللي فتحناها في الشقه اللي بتسكن فيهاا مع فارس....
((جروح الحب ماتحتاج اشاعه..وكل ماخفيت سني يبينني..يبينني..))
حصه وهي غصب عليهاا تضحك على بنتهاا: الله يعين فارس عليك.."
مهاا وهي ترفس الارض بتمرد: الله يعني عليه..اففف...يا ناس حتى اسمه ثقييييييييييل....يا كرهي له!!"
قاطعتها عشان ماتدبا موال الامس...
: مهاا عيوني..تعالي شوفي هالتنورة شريتهاا لك امس.."
مهاا وهي تطالع مفجوعة بالتنورة اللي شريتها لهاا: ملكه وش تحسبيني؟؟...اناا لااا يمكن البس تنورة زي كذا.."
قلت وانا اهز كتوفي: وش فيهاا؟؟...تنورة عاديه...لااا هي قصيرة مرة ولااا مشخلعه.."
مهاا وهي تمسك التنورة وتلفها يمين وشمال...وتطالع فيها بعدم اقتناع: البسهاا ان شاء الله بعد سنة.."
صيته وهي ترتب المفرش على السرير: متى بتسافرون شهر العسل؟؟.."
: وافي يقول انه حجز لناا كلناا بعد يوم من زواجهم...وراح نروح كلناا لمونتريال سوه...والفندق اللي حجز لهم وافي فيه قريب من شقته.."
مهاا وهي تنط بفرح: هذا الشيء الوحيد اللي مفرحني بالعرس... صدق احس اني راح اطير من الونااسه..."
وكملت وهي تدور حول نفسهاا: راح نروح نتمشى لوحدناا يا ملكه هناك..تصوري...مطر وركض وطبيعه.."
وطلعت معطف لونه احمر طويل وقالت وهي تلبسه: راح نطقم باللبس....وبنصير كششخه مرة..."
قلت واناا ابتسم لهاا: ههههههه...ايه بنصير كل الذوق والكشخه..اذا رجالنا سمحوا لنا..."
جلست مهاا بقوة على السرير وقالت بحسرة: اذا الزفت سمح لي...هه...باخذ شوري من وافي.."
حصه وهي تقفل الدولااب اخيرا: يا مهاا...تراني الى الآن احاول اكذب الحقيقة بالنسبة للزفة.."
مهاا وهي تهز مصري: يا ماماتي يا حبيبتي...راح اصير اكششخ وحده في الدنيا..بتكون زفه ماصارت.."
صيته وهي تضرب راس مهاا بخفه: عرفتوا انهاا غيرت طرحتها..وخلتهاا من اللي تنربط على جنب وتكون قصيرة.."
ضربت خدودي مو مصدقة: مهاا اقلهاا حافظي على شيء واحد يوحي بالانوثة.."
مهاا وهي تضحك: راح اكون قمة الانوثة لااا تخافون..ترى كل اغاني الزفة مصري بمصري.."
حصه وهي مو مصدقة خبال بنتهاا: اناا لو جاني شيء بالزواج راح يكون من مهاا..."
جات مهاا وضمت امهاا بقوة:ماما عيوني....لا تقولين كذاا..اناا اللي راح اعزك وارفع راسك اكثر مما هو مرفوع.."
صيته بتريقة: وااضح..." وبعدها كملت برقة: يوم زواجي كنت قمة الانوثة...حتى صوتي ماينسمع.."
سكتناا كلناا..وطاالعناا في بعض..اماا صيته ابتسمت بانهزام وهي تحط بعض الشموع على بعض الرفوف اللي بالغرفة...







كنت جالسه اكتب رسالة لخويتي سوسو ...واقولهاا كل اخباري...من الى..علمتهاا عن حياتي مع وافي وكيف هي شيء مو طبيعي...شيء كله جنون ورمانسية ورقي...علمتهاا عن مهاا وخبااالهاا....وعلمتهااا عن صيته وطلاااقها...وعن سماح وروعه...وختمت الرساله بأني مرة مشتااقه لهااا..وودي اشوفهاا قبل عرس مهاا اللي هو بعد يومين بالضبط...
ووصلني رد منهاا على طول...وقاالت انهاا تبي تكلمني على التيلفون وارسلت لي رقم جوالهاا الجديد....
دقيت على جوالهاا وانا كلي لهفة...اول ماسمعت صوتهاا صرخت بفرح...
: سااااااااااااااااااره...وح� �تيني وحشتيني"
ساره وهي تضحك من فرحتهاا: اخيرا قررتي تحنين وترسلين وتشوفين اخباارناا.."
: آآآسفه والله مشغوووولة...مالاقي وقت فيه حتى احك راسي..."
ساره: هههههههههه..اماا عاد لهالدرجه مشغولة....قوليلي...شكل وافي ساحرك ومنسيك الكل.."
: اي والله حياااتي مع وافي شيء ولااا حتى بالخيال...الله يرزقك يا سارا هالحياه.."
سارا: آآآآآآآآآآآآآآآآآآآآآآآآآ مين..."
: ههههههههه...حريم مايعرفن الحيا والمستحى...ههههههههه.... المهم......ان شاء الله اشوفك بعرس مهااوي...تراني برسلك كرت.."
ساره: العروس اللي بترقص مصري صح؟؟.."
: ايه هي بزاتهاا..( هي نفسهاا)"
ساره وهي تحاول انها تكتم ضحكتهاا: طبعا بحظر وبجيب امي معي...ترى هالعرس مايصير منه اثنين.."
: هههههههههه...لااا تضحكين اخاف بكره ترقصين بزفتك ديسكو..."
ساره: كل شيء في هالزمن ممكن يصير....."
سكتت شوي وبعدين قالت: ملكه؟؟"
: هلاااء حبيبتي..."
ساره بتردد: اناا عندي موضوع ودي اناقشه معك...صح انه مو وقته..."
: وش الموضوع؟؟..تكلمي سارا...اناا جاهزة لكل المواضيع في اي وقت..."
سارا وهي تآخذ نفس: اناا اعرف انك تعذبت كثير بعد موت اهلك..الله يرحمهم ويسكنهم جناته.."
: الله يرحمهم يا ساره...ومين اللي مايتعذب.."وحاولت اني ما ابكي...لاني كرهت البكي كثر ماابكيته..
ساره كملت بارتياح: هذا وانت كبيرة والحمدالله عندك عم اخذت تحت جناحه...لكن انت عاارفة فيه ناس مقطوعين من شجرة...ونااس ربي ماكتب لهم اهل طيبين.."
: اهاا.." هذا الشيء الوحيد اللي قلته...لأن سارا ماتدري شلون انا تغربلت في بيت عمي...
كملت سارا بارتياح وهي تشوف اني مهتمة بالموضوع: انت مشاء الله ربي منعم عليك...مثل ماهو منعم علي...اناا يا ملكه...ابيك تبرعين اذا ماعندك مانع بمبلغ معي لدار الايتام.."
: دار الايتام؟؟..تصدقين عمري مافكرت فيهم..." قلتهاا بذنب..
ساره وهي مبسوطة: ايه بس ربي عطانا الفرصه انا احنا نفكر بهالناس...اليتامى المساكين...اللي اغلبهم اطفال يا ملكه...والله هم محتاجينا لو تشوفين كيف اللهفة بعيونهم يوم يشوفون زاير جديد لهم...لو تشوفين كيف يتجمعون عليك يوم توزعين عليهم بسكوت بريال او ريالين...تحسين بشعور غريب فضيع يا ملكه...حيااتك تحسين ان مالهاا اي معنى.."
دمعت عيوني واناا اسمع كلاام ساره: يااااااااااااه...اكيد اني احس بشعورهم يا ساره...يتم وفقر مرة وحده..هذا اقوى من احتمال الانسان...ساره ودي ازورهم...لكن...مدري مترددة.."
ساره وهي متحمسه: خليناا نروح انا وانت سوه...بكره...عندك شيء..؟؟"
: لاااء ماعندي...بسس.."
ساره: ولااا بس....ترى كلها زيارة نص ساعه...اعتبري نفسك نازله الفيصلية مع مهاا...نروح ونشتري لهم العاب...وبساكيت ونجلس معهم شوي....انا بالعطلة الصيفية بروح اشتغل هناك..."
: والله؟؟؟..واناا بعد بروح معك اشتغل بالصيفية...ساره اناا مرة متحمسه...خلااص خليناا مرة وحده نسوي شيء زين.."
ساره بفرح: خلااص تمريني ولااا امرك؟؟"
: اناا امرك حبيبتي...يله بروح اقول لوافي...بااايو.."
ساره وهي مبسوطة: بااايو.."