البارود للكاتبه / ورود الخالدي "عراقيه" (مكتملة)

[فيتامين سي]

#البارود

#الكاتبةورودالخالدي
البارت9
منار:::
اي مصعب احنا لازم ننفصل..
ادنه يمي لزم وجهي باديه وكال:.
لج انتي شتحجين ..شنو نطلك!
مصعب هو هذا الصح..زوجتك رجعتلك والتم شملك من جديد بعائلتك واشوفها سعيدة وياك..هيه وبنتها..واكيد انت هم رجعتلك سعادتك وياها..بعد متصالحتو..مصعب اني ما اريد اكون عثرة بطريق سعادتكم وما اتحمل ابد..ابني سعادتي ع حساب سعادتكم..
انتي تحجين من كل عقلج لج هاي ياسعادة الرجعتلي اني سعيد ويه سوسن؟؟! ومنو كال اصالحها..واني محرمها ع نفسي وجسمي..من اول طلاك النا..
بس هي كالت تصالحنا..
بسرعة ضحكت عليج..وفهمتج اني مصالحها..لج كتلج سوسن محرمها عليه وبسببج رجعت البيتي..اي محرمها عليه من اول طلاك..
ليش محرمها..ما تزوجتو عن حب مو انت تحبها وهي تحبك!
اني احبها من عمت عيني اذا حبيتها لحظة!
بس هي تكول
اي هي تجذب وانتي تصدكين!
والله مفهت الحقيقة!..
اني هسه احجيلج الحقيقة واريحج..شوفي جنت هستوني متخرج من الكليه وحدة من بنات خالتي حبتني وامي جانت رايدتها الي اسمها بلسم..كتلت نفسها عليه بس بصراحة اني مجان بالي يمها امي اكلت كلبي خلي اخطبها الك واريدها جنتي..يوميه طلابة ع هالموضوع اخر شي بزعت وتعاركت ويه..امي ورحت بقيت شهر ابيت عمتي ام سوسن بهالاثناء. بدت قصة سوسن سوت نفسها تنصحني ومتعاطفة وياي..جنت مصدك بكل كلمة تكولها..حتى جانت تجي يمي نكعد ساعات نسولف بس والله معندي شي وياها ومرة صاحتني لغرفتها..هم بقينا نسولف جانت الدنيا باردة فسادين الباب..دخل رجل عمتي كلب الدنيا ولزمها شبعها كتل وطردني..رجعت لهلي كامت تتصل عليه تكول ابوها يوميه يبسطها ويكولها انتي عار وموشريفة..لان عبالة بيناتنا شي..الخبر وصل لابويه ابويه كعد ويايه كلي انت خربت سمعة البنية ولازم تتزوجها...جنت ما اعرف شنو مسؤولية الزواج وبلحظة تسرع وافقت ورحنه خطبناها..وتزوجنا..وعادي صار العرس..هي حاولت تخليني احبها بس مكدرت..جانت تحير شتلبسلي. تسوي اشكال الوان واني بكل الاحوال رجال..وكدامي مرة..واسمها زوجتي جانت تصير بينا علاقة مجرد علاقة غريزة..والله..والله..والله وروح امي..غريزة وبس موحب..ومرت سنتين ع زواجنا..داومت بالجيش وصار عندي راتب محترم..وشلت نفسي كمت اصرف..بكيفي..بس جنت احس كل ما اخلي فلوس الكاهن... ناقصات هواية اسألها تكولي ما ادري مع العلم اني ممقصر وياها مصرف ولبس وطلعة..وبعدين..اكتشفت هي دتبوك مني وتنطي لاخوها..يكبسل بيهن ويشرب..ضجت..منها ما احب المرة الايدها طويلة..وكلت ميخالف اتحمل..كمت اضم فلوسي يم امي..هي تخبلت ليش تخلي فلوسك يم امك..وبدت المشاكل شفت نفسي مراح اكدر اتفاهم وياها..لان تغيرت..صار لسانها اطول منها طلعت من قناعها وبينت حقيقتها..وخلصت المشاكل بالطلاك الاول..بس من حظي الفكر..طلعت حامل..بملاك..مرجعتها الى ان جابت الطفلة ابويه ضل يحجي عليه رجع مرتك..مرة وغلطت وتأدبت وره الطلاك..رجعتها..بس ما الي رغبة بيها روحي طابت من يمها..متقربت عليها..ابد..بس امي حيل تعلقت بملاك متتصورين شكد حبت هالطفله عايفة الدنيا ومكابلتها وكاعدة..ومشت الامور 6اشهر اجي من الدوام..هي تنام ع الجرباية واني..ع القنفة..وبدت اشياء غريبة تصير ابويه يكول يومية يلكة نقص كراتين ادويه من المخزن..وامي اختفن محابسها..طبعا اول شخص شكيت بيه هيه....وخليتها تروح لهلها ..وشديت كاميرات بالحديقة..وغطيتهن..حتى متشوفهن..ورجعت ثاني كمت اراقب الكاميرات وشفتها نص الليل تفتح الباب لاخوها العار يدخل للمخزن يبوك كارتونه ادويه..متحملت ..بس..مكتلها شكو..ماكو كبل طلكتها..وطردتها حتى امي مكلتلها شصار لان..ابويه جان هستوه مبين بيه السكر..كتلهم ما اريدها..

وبقت امي تبجي ع ملاك..لان متعلقة بيها..توسلت بيه ارجع سوسن لان متعلقة بالطفلة وابويه هم متعلق بيها وغلطت الغلطة الثانيه ورجعتها..وبقت عدنا شهرين بهالفترة امي انجلطت جلطة خفيفة....تحجي بس متكدر تمشي براحتها..كامت تكعد ع كرسي متحرك..والاطباء كالو عدها جلطة خفيفة..جنت اروح للدوام وارجع اشوف صحة امي بالنازل..ضعفت حيل وتغيرت وكامت متمشي نهائيا..ابويه يطلع للصيدليه وللدوام ومأمن سوسن اداريها..امي ادهورت صحتها..واخير شي حجتلي كالت راح اسولفلك..بس احلفلي مطلك مرتك..لان اذا طلكتها تصير اخر..طلاك بعد تحرم ترجعها..وترفع عليك قضية وتاخذ بتك..منك..اني ممطولة بهالدنيا بس مرتك..جانت اموتتني من الجوع..حتى مي تنطينيا بالكوه..وتدعي عليه..واني ساكته اخاف من احجي اطلكها..وتاخذ بتك..يمه هاي المرة..موخوش مرة يمه اتزوج ..بنيه بت حلال وخليها..هيج..ع مود بتك..اني تخبلت رأسا طردتها من البيت وحجيت لابويه كتله سوسن بعد مترجع..للبيت..وبقه ابويه يداري امي..تحسنت صحتها..كامت تاكل وتمشي..بس مو هالكد بس ورة شهرين هم انتكست وتوفت.الله يرحمها..هذه قصة سوسن!
معقوله اكو هيج زوجة!
اي اكو هذا حظي كرهتني بكل نسوان الدنيا كمت اكره كل شي اسمه مره..الى ان دخلتي انتي حياتي..انكلبت حياتي كلها..اني النجر..المعقد..وكعتيني..

ههه..وكعتك..
اي ولج وكعتيني من اول يوم شفتج!
ابتسمت!
من اول يوم!!
هو هم ابتسم..
اي والله من اول يوم تذكرين يوم عرسنا من دخلتي للحمام وطلعتي ولاكيتيني وجه بوجه؟
اي..باوعتلي من فوك لجوة!.
بذيج اللحظة اني وكعت شفت بعيونج كل براءة الدنيا..دخلت للحمام كلبي كام يدوك..ضربت ع صدري كلت لنفسي:
وسفه..انت مو تكره النسوان..شبيك..رجف كلبك
يااااصدوك!؟
اي والله صدوك!
بس انت سودت عيشتي..!!
اي..صح..حاولت استفزج بكل طريقة لان كلت لنفسي ماكو مرة بهل الوجه البريء..احتمال ملامحها بريئة ومن استفزها واضغط عليها راح تطلع حقيقتها ويكطلع الشر الي..بيها..بس جنت غلطان شكد استفريتج واذيتج..بس انتي مابيج شر..كل يوم تثبتيلي انت مربايه وبت اوادم..حبيتج اي والله حبيتج واول مرة احب..اجيت من الدوام..مانع روحي منج بالكوه لان شفتج ممهتمة الوجودي وعادي عندج تردين بس تخلصين كليتج براسي..مصدكت من صعدتي لغرفتي ولمستي كصتي..كلبي مني شرد كلت.... شنو..دا احلم لو الله هداها وجايتني صح كلامي جان سخيف..بس انتي هوايه غلطتي وتماديتي وخليتني اضربج..ومن نزلتي تركضين..تندمت لان ضربتج..نزلت لكيتج بغرفة ابويه تبجين..كتلج ليش خليتني اضربج..بس انتي بقيتي تحجين وتبجين..ودموعج ملخن كلبي تملخ..جنت..بلحظتها اتمنى منج كلمة حلوة بس كلمة وحدة..واحضنج..بس انتي كلتيلي..انتي ممعتبرتني موجود..ومدا تشوفيني..كلبي شاط..مضل عقل براسي..شلون هيجي اسمع منج واني توه كلبي حس بالحب..توه عرف الحب..اضطريت اخذج بالكوة واريح..بالي..كعدت الصبح ملكيتج خابرتج وهددتج..لان ردت ارجعج الي بكل طريقة..من رجعتي روحي رجعتلي شفتج تبجين بالغرفة روحي راحت..وج ما اتحمل دموعج الله شاهد كلت خلي اخليها جم يوم خطية هوايه اذيتها وهي .. جانت بعدها بنيه واخذتها بالقوة خليها ترتاح مني سكتت طول الاسبوع ومن ردت التحق متحملت اروح اذا ما احضنج..بست عيونج..وحضنتج ورحت..وصار الانذار والهجوم وتصوبت وكعدت من العملية..وكلت من ارجع اكولها احبج..واريدج..من رجعت شفتج واكفة مجيتي سلمتي عليه روحي طلعت كلت اني مشتاقلها..وكلبي طاك..عليها..وهي تباوعلي من بعيد ولا..هامها..بس من دخلت وابويه حجالي وكلي..مرتك قلقت عليك وتبجي عليك..متتصوين مي بارد ونزل ع صدري..كلت يعني اكو امل..تحبيني.. وكلت هي بلكي تصعدلي بس مصعدتي....

بعدج بعنادج..وثاني يوم من جبتج من العرس اويلي شطالعة..حبيبتي..منتظر منج هيج بس كلمة..وانتي ماقصرتي..شفتي عمليتي وعيونح..يجرن مثل المطر واني ما اتحمل دموعج..تدرين عشت وياج ليلة تسوه عمري الفات كله..احلى لحظات حياتي..لان ..حسيتج رايدتني حسيت بكلبج اشتياق وحب الي بالضبط مثل حبي الج..بس خيبتي املي من قبلتي ارجع سوسن ..وبنفس الليلة رحتي لاهلج ردت اروح ركض اجيبج بس كلتي امج مريضة ..مصدكت من شفتج جيتي..ضربتيني طلقة بكلبي من كلتيلي نطلك..ولج اني اطلكج..شبيه تخبلت..والله..والله بس الموت ياخذني منج..
هو يحجي واني خدودي اشتعلن نار ممصدكة عيونه الحلوة تباوع بعيوني..وهيج يعترفلي بمشاعره الحلوة..فكتلة:.
اسم الله عليك من الموت مصعب..بس اني جذبت امي مجانت مريضة..اني تعمدت اروح لاهلي لان ما اتحمل اشوفك وياها..ما اتحمل تنسد عليكم باب..ما اتحمل وحدة تباوع بعيونك..ما اتحمل وحدة تلمسك..غيري..بس مبيدي شي..هي كالت انت تحبها..
ههه..وانت بسرعة صدكتي وعفتي الجمل بما حمل ورحتي.. ورجعتي اطلبين الطلاك..
اي..مصعب..ما اتحمل..احس انت تحب ..وتلمس غيري..مصعب..اني احبك..واعرف نفسي اموت شويه شويه اذا وحدة تاخذك مني لحظة مو ليلة..
شبكني وحجه يم ركبتي..:

ولج اذا تحبيني جلبي بيه مو تنطين الفرصة لغيرج!
مو كلت خطية هيه تحبك قبلي وعدها طفلة..
لج هذا شنو كلبج المخبل هاي سوسن متحب هاي وحدة ادور ماديات اهلها فكر..وتريد تعيش اخوها السكير براسي..منار لتصيرين فطيرة ولج اذا تحبيني شلون تنطين فرصة لهاي..البومة..
وهي استغلت الفرصة مو..
شحدها..وعيونج من..البارحة..قافل غرفتي عليه..اكسر رجلها اذا صعدتلي..
بس هي جانت فرحانه وتغني وتكول عشنا ليلة حلوة!
عاشت ليلة مصخمة ع راسها وراس الخلفها دشوفي هاي جنطتها..هنا..متثقين بحبيبج..
لا والله اثق بيك..بس مستغربه شلون عدها قابلية هيج تمثل!.
اشايفه منها هاي شيطانه تتمسكن الى ان تتمكن..وروح امي تحرم عليه مره غيرج..حتى اذا الله اخذ امانته ورزقني بالجنه اطلب منه انت..تضلين وياي هناك..
اسم الله عليك من عمري على عمرك..
ورجع شبكني..وكال:
منار....الله عليج بعد لتعيدين هاي الكلمة مال الطلاك ولاتفكرين نتعاوف بيوم من الايام..
بسته بخده..وكتلة:
صار حبيبي..
اويلي..بوسه وياها حبيبي..متت..

هههه!
كومي حبي خلي نصعد فوك لغرفتي!.
لا..لا بعد ما اصعد فوك ذيج غرفة سوسن..
لج ليش تخليني اطلع اطردها هسه..
لا..لا شلون تطردها..خطية..
يعني تبقى تحرك بكلبج بجذبها..
شعلينا بيها خليها ع مود بتها..بس اني ما اصعد فوك مهما يكون ذيج جانت غرفتها.
ماشي..باجر اصعد غراض ملوكة فوك واشتري غرفة اخشاب..واخليها هنا وارتب الغرفة اسويها جنه..نعيش بيها اني وعصفورتي..
ماشي..
دتعاليلي..لعد
ياااا..مصعب هسه من الصبح خليها لليل..
ياليل حبي اني اريد اموت صار ساعة اقرالج اليتيمة..وتكوليلي لليل..
وحضني حيل يريد ينزعني نفنوفي ..كتله:.
يا مصعب تحجي صدوك..هنا بالكاع واني بهاي الملابس وهيج حالي ع الاقل..خلي ابدل..
ما اريد تبدلين..اريدج هسه حتى لو لابسه كونيه مال ملح هم اريدج..
مصعب..مصعب..وسكتني ابوساته..وصرت اله..خلال دقايق..
وبقة حاضني..ويحجي باذني...

طلع الحب حلو واني ما ادري..
هههه..
فديت الضحكة ارتاحي شويه وناخذ تراي..
شنو..لا..لا فدوة خليها لليل..
ماشي..
خلي اكوم اسويلك ريوك..
سويلنا ريوك..حلو!
يعني شنو..
يعني خلي اصابعج بالاكل حتى يصير..عسل!.
هههه
وطلعت دخلت للحمام سبحت وبدلت ملابسي..ورحت للمطبخ سويت ريوك لحبيبي هي تباوع عليه وتسوي نفسها تبتسملي..بس اني كمت اخذ حذر منها..تريك حبيبي وطلع..قبل الغده صعد غراض ملوكة بالغرفة الزغيرة الفارغة الفوك..وكال لسوسن
تبقين فوك انتي وبتج وما اشوف خلقتج طول ما اني موجود..عود من اروح للدوام نزلي وما اريد مشاكل ويه منار..اصلا ما اريدج تحجين وياها لاتجامليها ولاتتقربين عليها..صار معلوم
اي صار معلوم..تتدلل..
والضهر جاب غرفة نصبوها العمال وفرشها وكملها قبل الليل...وبالليل تعشينا وهي فوك..عمو جابلها عشا..وصاحها اخذته..واني دخلت سبحت ولبست ملابس نوم حلوة هو جان يحجي ويه عمو..الى ان راح عموللخفارة

اجه حبيبي يمي..
وهم عشنا ليلة حلوة الصبح كلي:
اجازتي الجايه راح تصير 10ايام!
صدوك!.
اي اريد اخذج ونسافر لاربيل..
ليش..
تكول ليش اخذج هناك نغير جو ونتونس..
يعني شهر عسل..
تقريبا!
شبكته وبسته..
الله ..اخذ اجازة ونروح..بس باردة هسه بالشمال..
لعد اني شنو شغلي ادفيج وادفيني!
هههه..ماعندك غير هاي السالفة!
احلى سالفة..مو بالله!
وكرصني من زندي..
اوي..وجعتني..
احلى وجع..ياروحي..
انتظروا بارت10

😘😘😘😘😘😘😘

[فيتامين سي]

#ﺍﻟﺒﺎﺭﻭﺩ

#ﺍﻟﻜﺎﺗﺒﺔﻭﺭﻭﺩﺍﻟﺨﺎﻟﺪﻱ

#ﺍﻟﺒﺎﺭﺕ10ﻭﺍﻻﺧﻴﺮ

ﻳﺮﻭﺣﻠﺞ ﻓﺪﻭﺓ ﺍﻟﻨﻮﻧﻮ .. ﻭﺍﺑﻮ ﺍﻟﻨﻮﻧﻮ 💘💘
ﻣﻨﺎﺭ :::
ﻭﺍﺟﺎﺯﺓ ﻣﺼﻌﺐ ﺧﻠﺼﻨﺎﻫﺎ ﺣﺐ ﺑﺤﺐ .. ﻳﻄﻠﻊ ﺷﻮﻳﻪ ﻭﻳﺮﺟﻌﻠﻲ .. ﻳﺒﻘﻰ ﻳﻤﻲ ﺑﺎﻟﻐﺮﻓﺔ ﺳﺎﻋﺎﺕ ﻣﻴﻄﻠﻊ ﺣﺘﻰ ﻃﺒﺦ ﻣﻴﺨﻠﻴﻨﻲ ﺍﻃﺒﺦ .. ﻭﻳﺎﺧﺬﻧﻲ ﺑﺴﻴﺎﺭﺗﻪ ﻭﻳﺮﺟﻌﻨﻲ ﻣﻦ ﺍﻟﻜﻠﻴﺔ ﺍﻛﻮﻟﻪ ﺍﻃﻠﻊ ﺍﻛﻌﺪ ﺑﺎﻟﻤﻄﺒﺦ ﺑﺎﻟﺼﺎﻟﺔ ﺍﺭﻳﺪ ﺍﻧﻈﻒ .. ﻳﻜﻮﻟﻲ ﺑﻌﺪﻧﻲ ﻣﺸﺒﻌﺎﻥ ﻣﻨﺞ .. ﻭﺧﻠﺼﺖ ﺍﻻﺟﺎﺯﺓ ﻭﺭﺍﺡ ﻟﻠﺪﻭﺍﻡ .. ﻃﺒﻌﺎ ﺍﻧﻲ .. ﻛﻤﺖ ﺍﺟﻨﺐ ﺍﺧﺘﻠﻂ ﺑﺴﻮﺳﻦ ﻻﻥ ﻫﻮ ﻭﺻﺎﻧﻲ ﻣﺎ ﺍﺧﺘﻠﻂ ﺑﻴﻬﺎ ... ﻭﻛﻤﺖ ﺍﺭﻭﺡ ﻟﻬﻠﻲ ﺍﺑﻘﺔ ﻳﻮﻣﻴﻦ ﻭﺍﺭﺟﻊ ﻳﻮﻡ ﻟﺒﻴﺖ ﻋﻤﻮ ﺍﺑﻮ ﻣﺼﻌﺐ .. ﻻﻥ ﻛﻠﺖ .. ﻻﻫﻠﻲ ﻣﺼﻌﺐ ﺑﺎﻟﺪﻭﺍﻡ ﻭﻛﻠﻲ ﺍﺭﺗﺎﺣﻲ ﻋﻨﺪ ﺍﻫﻠﺞ ﺍﺛﻨﺎﺀ ﺩﻭﺍﻣﻲ .. ﻳﻌﻨﻲ ﺧﻠﺼﺘﻬﺎ ﺑﻴﻦ ﺍﻫﻠﻲ ﻭﺑﻴﺖ ﻋﻤﻮ .. ﻭﺭﺟﻊ .. ﺣﺒﻴﺒﻲ ﻭﺭﻩ ﺍﺳﺒﻮﻋﻴﻦ ﻭﻛﻠﻲ ﺣﻀﺮﻱ ﻧﻔﺴﺞ ﺑﺎﺟﺮ ﻧﺴﺎﻓﺮ .. ﻭﻓﻌﻼ ﺳﻠﻤﻨﺎ ﻉ ﻋﻤﻮ ﻭﺳﺎﻓﺮﻧﺎ ﺛﺎﻧﻲ ﻳﻮﻡ ﻣﻦ ﻃﻠﻌﻨﺎ ﺟﺎﻧﺖ ﺳﻮﺳﻦ ﺗﺒﺎﻭﻉ ﻋﻠﻴﻨﺎ ﻣﻦ ﺷﺒﺎﻙ ﺍﻟﻤﻄﺒﺦ ﺍﺣﺲ ﺑﻜﻠﺒﻬﺎ ﻧﺎﺭ ﺑﺲ ﻣﺘﻜﺪﺭ ﺗﺤﺠﻲ ﺍﻭ ﺗﻌﺘﺮﺽ ﻻﻥ ﻣﺼﻌﺐ ﺻﺎﻛﺮﻫﻪ ﺻﻜﺮ .. ﻭﺳﺎﻓﺮﻧﺎ ﻻﺭﺑﻴﻞ ﺟﺎﻥ ﺍﻟﺠﻮ ﻛﻮﻟﺶ ﺑﺎﺭﺩ ﺍﺷﺘﺮﺍﻟﻲ ﻣﻌﻄﻒ ﻓﺮﻭ ﻳﺨﺒﻞ ﻭﺑﻮﺕ .. ﻫﻢ ﻓﺮﻭ .. ﻃﺒﻌﺎﻣﺎ ﺍﺳﻮﻟﻔﻠﻜﻢ ﻉ ﺍﻟﺴﻌﺎﺩﺓ ﺍﻟﻲ ﻋﺸﺘﻬﺎ ﺑﻬﺎﻟﺴﻔﺮﺓ ﻣﺼﻌﺐ ﻳﺤﺘﺎﺭ ﺷﻠﻮﻥ ﻳﺪﻟﻠﻨﻲ ﻭﻳﺴﻌﺪﻧﻲ .. ﺣﺘﻰ ﻣﻦ ﻧﻄﻠﻊ ﻧﺘﻤﺸﻪ ﻳﻠﺰﻡ ﺍﻳﺪﻱ ﻋﺒﺎﻟﻚ ﺭﺍﺡ ﺍﻧﻬﺰﻡ ﻣﻨﻪ ﺍﻛﻠﻪ ﻋﻴﺐ ﺍﻟﻨﺎﺱ ﺗﺒﺎﻭﻉ ﻋﻠﻴﻨﺎ ﻳﻜﻮﻟﻲ ﺷﻌﻠﻴﻪ ﺑﺎﻟﻨﺎﺱ ﺍﻧﺘﻲ ﺍﻫﻠﻲ ﻭﻧﺎﺳﻲ ﻭﺳﻌﺎﺩﺗﻲ ﻭﻋﻤﺮﻱ ﻛﻠﻪ ... بيج قصص عراقيه حقيقيه من واقعنا.روعه الطائي
ﻭﻧﻜﻌﺪ ﻣﺘﺎﺧﺮﻳﻦ ﻻﻥ ﻧﺴﻬﺮ ﻃﻮﺍﻝ ﺍﻟﻠﻴﻞ ﺳﻮﺍﻟﻒ .... ﻭﺿﺤﻚ ﻭﺣﺐ ﺑﺤﺐ ﻣﺸﺎﻋﺮ ﺣﻠﻮﺓ ﻣﺎ ﺍﻛﺪﺭ ﺍﻭﺻﻔﻬﺎ ﻟﻮﻛﻌﺪﺕ ﺍﺳﻮﻟﻒ ﻟﻠﺼﺒﺢ ﻋﻨﻬﺎ .. ﻭﻣﻦ .. ﻧﻄﻠﻊ ﻭﺍﺷﻮﻑ ﺍﻟﺒﻨﺎﺕ ﺗﺒﺎﻭﻉ ﻋﻠﻴﻪ ﻻﻥ ﺣﻠﻮ ﻭﻋﻴﻮﻧﻪ ﺗﺠﺬﺏ ﻣﻦ ﺑﻌﻴﺪ ﺍﺿﻮﺝ ﻭﺍﻛﻠﻪ ﻟﺘﻠﺘﻔﺖ .. ﻳﻜﻮﻟﻲ :
ﺣﺎﺿﺮ ﺳﻴﺪﻱ .. ﺍﺷﻠﻊ ﻋﻴﻮﻧﻲ ﺍﺫﺍ ﺗﺮﺩﻳﻦ ..
ﻭﻧﻀﺤﻚ .. ﻳﻌﺮﻓﻨﻲ ﺍﺣﺒﻪ ﻭﺍﻏﺎﺭ ﻋﻠﻴﻪ ..
ﻭﺭﺟﻌﻨﺎ ﻣﻦ ﺍﺭﺑﻴﻞ ﻭﺟﺎﻥ ﺍﺧﺮ ﻳﻮﻡ ﺍﺟﺎﺯﺗﻪ ﺑﻘﻴﻨﺎ ﻫﻢ ﺳﻬﺮﺍﻧﻴﻦ ﻭﺍﻟﻔﺠﺮ ﻣﻦ ﻃﻠﻊ ﻭﺩﻋﻨﻲ ﺍﺑﻮﺳﻪ ﻭﺑﺤﻀﻨﻪ ﻭﻛﻠﻲ :
ﺩﻳﺮﻱ ﺑﺎﻟﺞ ﻋﻦ ﻧﻔﺴﺞ ﻳﺮﻭﺣﻲ
ﻛﺘﻠﻪ
ﺍﻧﺖ ﻫﻢ ﺩﻳﺮ ﺑﺎﻟﻚ ﻉ ﻧﻔﺴﻚ ﺣﺒﻴﺒﻲ ..
ﻭﺭﺍﺡ .. ﺛﺎﻧﻲ ﻳﻮﻡ ﻣﺪﺭﻱ ﺷﺒﻴﻪ ﺗﺨﺮﺑﻄﺖ ﺍﺧﺬﻧﻲ ﻋﻤﻮ ﻟﻠﻤﺴﺘﺸﻔﻰ ﻭﺳﻮﻳﺖ ﺗﺤﺎﻟﻴﻞ .. ﻭﻃﻠﻌﺖ ﺣﺎﻣﻞ ﻋﻤﻮ ﻃﺎﺭ ﻣﻦ ﺍﻟﻔﺮﺡ ﺭﺃﺳﺎ ﺧﺎﺑﺮ ﻣﺼﻌﺐ :
ﺍﻟﻮ .. ﺑﺎﺑﺎ ﻋﻨﺪﻱ ﺧﺒﺮ ﻳﻔﺮﺣﻚ .. ﻣﻨﺎﺭ .. ﺣﺎﻣﻞ ..
ﻭﺷﻔﺖ ﻋﻤﻮ ﻳﻀﺤﻚ .. ﻭﻛﻠﻲ ﻫﺎﺝ ﻳﺮﻳﺪ ﻳﺤﺠﻲ ﻭﻳﺎﺝ
ﺍﻟﻮ .. ﻫﺎ ﺣﺒﻴﺒﻲ ..
ﻫﺎ .. ﻳﺒﻌﺪ ﻋﻤﺮﻱ .. ﺻﺪﻭﻙ ﺣﺎﻣﻞ ﻟﻮ ﺍﺑﻮﻳﻪ ﻧﺎﺻﺐ ﻋﻠﻴﻪ ..
ﺍﻱ ﺻﺪﻭﻙ ﺣﺎﻣﻞ ﻳﻌﻤﺮﻱ ..
ﻳﺎﺭﺑﻲ .. ﺷﻴﺨﻠﺺ ﺍﻟﺪﻭﺍﻡ ﻭﺍﺟﻴﺞ ..
ﻟﻴﺶ ..
ﺗﻜﻮﻝ ﻟﻴﺶ .. ﻭﻟﺞ ﻛﻠﺒﻲ ﻃﺎﺭ ﻣﻦ ﺍﻟﻔﺮﺡ ﺑﻬﺎﻟﺨﺒﺮ ..
ﺍﻟﻠﻪ ﻳﻔﺮﺣﻚ .. ﺩﻭﻡ ﺣﺒﻲ ..
ﻣﻨﺎﺭ ﺩﻳﺮﻱ ﺑﺎﻟﺞ ﻉ ﻧﻔﺴﺞ ﻭﻉ ﺍﻟﻨﻮﻧﻮ .. ﺑﺪﺍﻋﺘﻲ ..
ﻣﺎﺷﻲ ﻳﻌﻤﺮﻱ .. ﻭﺍﻧﺖ ﻫﻢ ﺩﻳﺮ ﺑﺎﻟﻚ ﻉ ﻧﻔﺴﻚ ..
ﻭﺳﺪﻳﺖ ﺍﻟﺨﻂ .. ﺑﻌﺪﻳﻦ ﺧﺎﺑﺮﺕ ﻣﺎﻣﺎ ﻭﺍﺣﻨﺎ ﺑﺎﻟﺴﻴﺎﺭﺓ :
ﺍﻟﻮﻭ .. ﻣﺎﻣﺎ ..
ﻫﻠﻮ ﻳﻮﻡ .
ﻣﺎﻣﺎ ﺟﻨﺖ ﺑﺎﻟﻤﺴﺘﺸﻔﻰ !
ﻳﺎ ﻣﺴﺘﺸﻔﻰ ﺷﻨﻮ ﻣﺮﻳﻀﺔ !
ﻻﻳﻮﻡ ﺣﻠﻠﺖ ﻃﻠﻌﺖ ﺣﺎﻣﻞ ..
ﻳﺎﺍﺍﺍﺻﻠﻮﺍﺕ .. ﺻﻠﻮﺍﺕ .. ﺗﻌﺎﻟﻲ ﻟﺒﻴﺘﻨﺎ ﻫﺴﻪ ﺍﺑﻮﺝ ﻭﺍﺣﻤﺪ ﻭﺭﻓﻞ ﻳﻔﺮﺣﻮﻥ
ﺍﻱ ﻣﺎﻣﺎ ﺟﺎﻳﻪ ﺍﻟﻜﻢ ..
ﻋﻤﻮ ﻭﺻﻠﻨﻲ ﻻﻫﻠﻲ ﻭﺭﺟﻊ ﻟﺒﻴﺘﻪ ..
ﺍﻫﻠﻲ ﺣﻴﻞ ﻓﺮﺣﺎﻧﻴﻦ ﺧﺼﻮﺻﺎ ﻣﺎﻣﺎ ﻭﺭﻓﻞ ﺛﺎﻧﻲ ﻳﻮﻡ ﺻﺎﺩﻑ ﺟﻤﻌﺔ ﺭﺍﺣﺖ ﺍﻟﺼﺒﺢ ﺟﺎﺑﺖ ﻫﺰﺍﺯ ﻭﻣﻼﺑﺲ ﻃﻔﻞ :
ﻛﺘﻠﻬﺎ ﻳﻮﻡ ﺷﻨﻮ ﺫﻧﻲ
ﻳﻮﻡ ﻏﻴﺮ ﺍﺟﻬﺰﺝ
ﺍﻱ ﺑﺲ ﻣﻮ ﻣﻦ ﻫﺴﻪ !
ﻳﺎﺍﺍ .. ﻭﻟﺞ ﻫﺬﺍ ﺣﻔﻴﺪﻱ ﺍﻻﻭﻝ ﺍﺿﻞ ﺍﺷﺘﺮﻳﻠﺔ ﻣﻨﺎ ﻟﻤﺎ ﻳﺠﻲ ﻟﻠﺪﻧﻴﺎ ..
ﺍﻱ ﻣﻮ ﺑﻌﺪﻧﺎ ﻣﻌﺮﻓﻨﺎ ﻭﻟﺪ ﻟﻮ ﺑﻨﻴﻪ ..
ﻫﺴﻪ ﻭﻟﺪ ﺍﺑﻨﻴﻪ ﺍﻧﻲ ﺍﺷﺘﺮﻱ ﻣﻼﺑﺲ ﻣﺎﻝ ﻭﻟﺪ ﻭﻣﺎﻝ ﺑﻨﺎﺕ .. ﻭﻛﻮﻟﺸﻲ ﻭﻛﻼﺷﻲ ..
ﻫﻬﻬﻬﻪ .. ﻫﺎﻟﻜﺪ ﻓﺮﺣﺎﻧﻪ ..
ﻟﻌﺪ ﺷﻠﻮﻥ ﺭﺍﺡ ﺍﺻﻴﺮ ﺑﻴﺒﻲ ..
ﻭﺛﺎﻧﻲ ﻳﻮﻡ ﺭﺟﻌﻨﻲ ﺍﺣﻤﺪ ﺑﺴﻴﺎﺭﺗﻪ ﻭﺍﺧﺬﺕ ﺍﻟﻐﺮﺍﺽ ﺍﻟﺠﺎﺑﺘﻬﻦ
ﻣﺎﻣﺎ .. ﺷﻜﺪ ﺣﻠﻮﺍﺕ ﻣﻼﺑﺲ ﻛﻮﻟﺶ ﺯﻏﺎﺭ ﻭﺟﻮﺍﺭﻳﺐ .. ﺑﻴﺾ ﻭﺍﻟﻬﺰﺍﺯ ﺧﻠﻴﺘﻪ ﻉ ﺟﻬﺔ ﺑﺎﻟﻐﺮﻓﺔ ﻭﻛﻔﺖ ﻛﺪﺍﻡ ﺍﻟﻤﺮﺍﻳﻪ ﺍﺗﺨﻴﻞ ﺑﻄﻨﻲ ﺗﻜﺒﺮ ﻭﺗﻜﺒﺮ .. ﻭﺍﻛﻮﻝ ﺍﺑﻨﻲ ﻟﻮ ﺑﻨﺘﻲ ﺭﺍﺡ .. ﻳﺸﺒﻬﻮﻧﻲ .. ﻟﻮ ﻳﺸﺒﻬﻮﻥ ﻣﺼﻌﺐ .. ﻳﺎﺭﺑﻲ ﻳﻄﻠﻊ ﻭﻟﺪ ﻭﻳﺸﺒﻪ ﺣﺒﻴﺒﻲ ﻣﺼﻌﺐ ﺍﻟﻴﺨﺒﻞ ... ﻣﺮﺕ 3 ﺍﻳﺎﻡ ﻛﻤﺖ ﺍﺗﻘﻴﺎ ﻛﻞ ﺳﺎﻋﺘﻴﻦ ﻭﻛﻮﻟﺸﻲ ﻣﻴﺜﺒﺖ ﺍﺑﻄﻨﻲ ﺣﺘﻪ ﺍﻟﻤﻲ ﺍﺫﺑﻪ ﻣﺎﻣﺎ ﺗﻜﻮﻝ ﻭﺣﺎﻣﺞ ﺻﻌﺐ .. ﺿﻌﻔﺖ ﺑﺴﺮﻋﺔ ﺧﻼﻝ 10 ﺍﻳﺎﻡ ﻛﻤﺖ ﺍﺩﻭﺥ ﻭﻛﻞ ﺷﻮﻳﻪ ﺍﺭﻛﺾ ﻟﻠﻤﺠﺮﻯ ﺍﻟﺒﺮﻩ ﺍﺗﻘﻴﺎ .. ﻣﺼﻌﺐ ﺑﻴﻦ ﻳﻮﻡ ﻭﻳﻮﻡ ﻳﺨﺎﺑﺮﻧﻲ ﻭﺍﻛﻮﻟﻪ ﺻﺤﺘﻲ ﺯﻳﻨﻪ .. ﺣﺘﻰ ﻣﻴﻘﻠﻖ ... ﻭﻗﺒﻞ ﺍﺟﺎﺯﺓ ﻣﺼﻌﺐ ﺑﻴﻮﻡ ﺟﻴﺖ ﻣﻦ ﺍﻫﻠﻲ ﺍﻟﺼﺒﺢ ﻟﻜﻴﺖ ﺳﻮﺳﻦ ﺑﺎﻟﻤﻄﺒﺦ ﻭﻳﺎﻫﺎ ﻣﺮﺓ ... ﺑﻴﻀﺔ ﻭﻋﻴﻮﻧﻬﺎ ﺯﺭﻙ ﺑﺲ ﺿﺨﻤﺔ ﻭﻭﺟﻬﺎ ﺟﺎﻣﺪ ﻋﺒﺎﻟﻚ ﻣﺒﻲ ﺫﺭﺓ ﺭﺣﻤﻪ .. ﻛﺎﻟﺖ :بيج قصص عراقيه حقيقيه من واقعنا.روعه الطائي
ﻫﺎ .. ﻣﻨﺎﺭ ﺷﻠﻮﻥ ﺻﺮﺗﻲ ﺗﻌﺎﻟﻲ ﺳﻠﻤﻲ ﻉ ﻣﺎﻣﺎ ..
ﺩﺧﻠﺖ ﻛﻠﺖ ﺍﻟﺴﻼﻡ ﻋﻠﻴﻜﻢ .. ﻛﺎﻟﺖ ﺑﻨﺘﺮ
ﻫﻸ ..
ﺷﻔﺘﻬﺎ ﻣﻤﺮﺗﺎﺣﺘﻠﻲ ﺭﺣﺖ ﻟﻐﺮﻓﺘﻲ .. ﻭﻋﻔﺘﻬﻦ ﻳﺴﻮﻟﻔﻦ .. ﺑﻘﻴﺖ ﺗﻘﺮﻳﺒﺎ ﻧﺺ ﺳﺎﻋﺔ .. ﺑﺲ ﻳﻤﻲ ﻋﺼﻴﺮ ﻭﻛﻴﻚ ﺟﺒﺘﻬﻦ ﻭﻳﺎﻳﻪ ﺷﺮﺑﺖ ﺷﻮﻳﻪ .. ﻭﺍﻛﻠﺖ ﻛﻴﻚ .. ﻣﺎﻛﻮ ﺩﻗﻴﻘﺘﻴﻦ ﺣﺴﻴﺖ ﻧﻔﺴﻲ ﺍﺭﻳﺪ ﺍﺗﻘﻴﺎ ﺭﻛﻀﺖ ﻃﻠﻌﺖ ﺑﺮﺓ ﻟﻠﻤﺠﺮﻯ ﺍﻟﻲ ﻳﻢ ﺍﻟﺒﺎﺏ ﺍﻟﺨﺎﺭﺟﻲ ﻭﻛﻤﺖ ﺍﺗﻘﻴﺄ .. ﻣﺎﻛﻮ ﻟﺤﻀﺎﺕ ﻭﺣﺴﻴﺖ ﺍﺣﺪ ﺩﻓﺮﻧﻲ ﻉ ﺿﻬﺮﻱ .. ﺍﻧﻜﻠﺒﺖ ﻉ .. ﻭﺟﻬﻲ ﻉ ﺍﻟﻜﺎﺷﻲ .. ﺍﻟﺘﻔﺘﺖ ﺷﻔﺖ ﺍﻡ ﺳﻮﺳﻦ ﺗﺮﻳﺪ ﺗﻬﺠﻢ ﻋﻠﻴﻪ .. ﻣﻜﺪﺭﺕ ﺍﻛﻮﻡ .. ﺟﺮﺗﻨﻲ .. ﻭﻛﺎﻣﺖ ﺍﺩﻓﺮ ﺑﻴﻪ ﻉ ﺑﻄﻨﻲ ﻭﺍﻧﻲ ﺍﺻﺮﺥ ..
ﻟﻴﺶ .. ﺧﺎﻟﻪ ﻋﻮﻓﻴﻨﻲ .. ﻋﻮﻓﻴﻨﻲ ﻣﻮﺗﺘﻨﻲ ﺣﺴﻴﺖ ﺭﻭﺣﻲ ﻃﻠﻌﺖ ..
ﻭﺭﺍﺡ ﺍﻓﻘﺪ ﺍﻟﻮﻋﻲ ﺑﻌﺪ ﻣﺎ ﺷﺒﻌﺘﻨﻲ ﺿﺮﺏ .. ﻛﻤﺖ ﺍﺷﻮﻑ ﻏﻮﺍﺵ ﻋﻴﻮﻧﻲ ﻏﻮﺷﺖ ﺷﻔﺖ ﺳﻮﺳﻦ ﻃﻠﻌﺖ ﺗﺮﻛﺾ ..
ﻳﻮﻡ ﺷﺒﻴﺞ .. ﺗﺨﺒﻠﺘﻲ .. ﻋﻮﻓﻴﻬﺎ ﻟﻤﻨﺎﺭ ﻋﻮﻓﻴﻬﺎ .. ﻳﺒﻮﻭﻭ .. ﻳﺒﻮﻭﻭ
ﻭﺧﺮﺗﻬﺎ ﻋﻨﻲ ﻭﻛﺎﻟﺘﻠﻬﺎ ..
ﺭﻭﺣﻲ ﻣﻨﺎ ﺭﻭﺣﻲ ..
ﻭﺷﻔﺘﻬﺎ ﻃﻠﻌﺖ ﻣﻦ .. ﺍﻟﺒﺎﺏ ﺳﻮﺳﻦ ﻛﻮﻣﺘﻨﻲ ﻭﺗﺴﻨﺪ .. ﺑﻴﻪ ﻭﺻﻠﺘﻨﻲ ﻟﻠﻤﻄﺒﺦ .. ﻏﺴﻠﺖ ﻭﺟﻬﻲ ﺑﺲ ﺑﻄﻨﻲ ﻛﺎﻣﺖ ﺗﻮﺟﻌﻨﻲ ﺣﺴﻴﺖ ﻋﺒﺎﻟﻚ ﺍﺣﺪ ﺩﻳﻜﻄﻊ ﺍﺣﺸﺎﺋﻲ ﺑﺴﺠﻴﻨﻪ ﺟﻨﺖ ﺧﺎﻳﻔﺔ ﻭﺍﺭﺟﻒ ... ﺳﻮﺳﻦ ﻛﺎﻟﺖ :
ﻣﻨﺎﺭ .. ﺗﺮﺓ ﻣﺎﻣﺎ ﻣﻮ ﺑﻌﻘﻠﻬﺎ .. ﺑﻴﻬﺎ ﺣﺎﻟﺔ ﻧﻔﺴﻴﺔ ﻣﺮﺍﺕ ﺗﺠﻴﻬﺎ ﺍﻟﺤﺎﻟﺔ ﻭﺗﻬﺠﻢ ﻉ ﺍﻟﻨﺎﺱ ﺍﻋﺬﺭﻳﻨﻲ ﻣﻨﺎﺭ .. ﻟﻮﺍﺩﺭﻱ ﺟﺎﻥ ﻣﺨﻠﻴﺘﻬﺎ ﺗﺠﻲ ..
ﺳﻮﺳﻦ ﺍﺣﺲ .. ﺑﻄﻨﻲ ﺩﺗﺘﻜﻄﻊ ﻳﻤﻜﻦ ﺻﺎﺭ ﺷﻲ ﻻﺑﻨﻲ ..
ﻻ ﺍﺳﻢ ﺍﻟﻠﻪ ﺍﻧﺸﺎﺀ ﺍﻟﻠﻪ ﻣﺎﻛﻮ ﺷﻲ .. ﺑﺲ ﺍﺭﺗﺎﺣﻲ .. ﺑﻘﻴﺖ ﻛﺎﻋﺪﺓ ﺑﺎﻟﻤﻄﺒﺢ ﺑﺲ ﺍﻟﺮﺟﻴﻒ ﻭﺍﻟﻮﺟﻊ .. ﺍﺧﺬﻧﻲ ﻭﺑﺲ ﻛﻤﺖ ﺣﺴﺖ ﺷﻲ ﻧﺰﻝ ﻋﻠﻴﻪ ﺑﺎﻭﻋﺖ ﺷﻔﺖ ﺩﻡ ﻛﻤﺖ ﺍﺻﺮﺥ .. ﺳﻮﺳﻦ .. ﺟﺘﻲ .. ﺗﺮﻛﺾ ..
ﺷﺒﻴﺞ ﻣﻨﺎﺭ
ﺩﺍ ﺍﻧﺰﻑ ﺳﻮﺳﻦ ﺍﺑﻨﻲ ﻣﺎﺕ .. ﻣﺎﺕ ....
ﺭﻛﻀﺖ ﺧﺎﺑﺮﺕ :
ﺧﺎﻟﻮ ﺗﻌﺎﻝ ﺑﺴﺮﻋﺔ ﺑﺘﻜﺴﻲ ﻣﻨﺎﺭ ﺩﺗﻨﺰﻑ
ﺍﺟﻪ ﻋﻤﻮ ﺑﺴﺮﻋﻪ ﺷﺎﻟﻮﻧﻲ ﻫﻮﻭﺳﻮﺳﻦ ﺻﻌﺪﻭﻧﻲ ﺑﺎﻟﺴﻴﺎﺭﺓ .. ﻫﻴﻪ ﻛﻌﺪﺕ ﻳﻤﻲ ﻭﻋﻤﻮ ﻳﻢ ﺍﻟﺴﺎﻳﻖ ﻭﺗﺤﺠﻲ .. ﺑﺎﺫﻧﻲ
ﻣﻨﺎﺭ ﻓﺪﻭﺓ ﻟﺘﻜﻮﻟﻴﻦ ﻟﻌﻤﻮ ﻣﺎﻣﺎ ﻫﺠﻤﺖ ﻋﻠﻴﺞ ﻓﺪﻭﺓ ﺗﺮﻩ ..
ﻳﻄﺮﺩﻭﻧﻲ ﺑﺴﺒﺒﻬﺎ ﻭﺍﻧﻲ ﻣﺎ ﺍﻟﻲ ﺫﻧﺐ .. ﻟﻮ ﻳﺸﺘﻜﻮﻥ ﻉ ﺍﻫﻠﻲ .. ﻟﻮ ﻣﺼﻌﺐ ﻳﺘﻬﻮﺭ .. ﻭﻳﺴﻮﻱ ﻣﺼﻴﺒﻪ ﻣﻨﺎﺭ ﻓﺪﻭﺓ .. ﻟﺘﺤﺠﻴﻦ ﻻﺣﺪ .. ﺍﻧﻲ ﺍﺭﺟﻒ .. ﻭﺍﻟﻨﺰﻑ ﻣﺎﺧﺬﻧﻲ .. ﻭﺻﻠﻨﺎ ﻟﻠﻤﺴﺘﺸﻔﻰ ﺧﻠﻮﻧﻲ ﻉ ﺍﻟﺴﺪﻳﻪ ﺳﻤﻌﺖ ﺍﻟﺪﻛﺘﻮﺭﺓ ﺗﻜﻮﻝ ﺣﺎﻟﻪ ﺍﺳﻘﺎﻁ .. ﺍﺧﺬﻭﻫﺎ ﻟﻠﻜﻮﺭﺗﺎﺝ .. ﻭﺍﺧﺬﻭﻧﻲ ﻫﻨﺎﻙ ﺩﻣﻮﻋﻲ ﻳﺠﺮﻥ ﺭﺍﺡ ﺍﺑﻨﻲ ﻣﺎﺕ .. ﺭﺍﺣﺖ ﻓﺮﺣﺘﻲ ﻭﻓﺮﺣﺔ ﻣﺼﻌﺐ .. ﻭﻓﺮﺣﺔ ﺍﻫﻠﻲ .. ﻭﺻﻠﺖ ﻟﻐﺮﻓﺔ ﺍﻟﻜﻮﺭﺗﺎﺝ ﺑﻨﺠﻮﻧﻲ .. ﻭﺭﺍ ﻣﻔﻘﺖ ﻣﻦ ﺍﻟﺒﻨﺞ ﻛﻌﺪﺕ ﺍﺑﺠﻲ ﻭﺍﻓﺮﻓﺢ ﺍﺣﺲ ﺟﺴﻤﻲ .. ﺧﺪﺭﺍﻥ .. ﻭﻣﻜﺴﺮ .. ﻣﺎ ﺍﻋﺮﻑ ﺷﻠﻮﻥ ﺍﺗﺼﺮﻑ ﻳﻌﻨﻲ ﺍﻛﻮﻝ ﻟﻌﻤﻮ ﺑﺲ ﻫﻲ ﺗﻜﻮﻝ ﺍﻣﻬﺎ ﻣﻮ ﺑﻌﻘﻠﻬﺎ ﻭﻫﻲ ﻓﻌﻼ ﻫﺠﻤﺖ ﻋﻠﻴﻪ ﺑﺪﻭﻥ ﺳﺒﺐ .. ﺍﺧﺎﻑ ... ﺍﺫﺍ ﻋﺮﻑ ﻣﺼﻌﺐ ﻳﺘﺨﺒﻞ ﻭﻳﺴﻮﻱ ﻣﺸﻜﻠﺔ ﻣﺎ ﺍﻟﻬﺎ ﺍﻭﻝ ﻣﻦ ﺍﺧﺮ .. ﺳﻜﺘﺖ .. ﻣﺤﺠﻴﺖ ﻫﻲ ﺭﺍﺣﺖ ﻟﻠﺒﻴﺖ ﻭﻋﻤﻮ ﺩﺧﻠﻨﻲ ﺑﺮﺩﻫﺔ ﺧﺎﺻﺔ ﻭﻛﻌﺪ ﻳﻤﻲ ﻳﻬﺪﻱ ﻋﻠﻴﻪ .:
ﻋﻤﻮ ﻓﺪﻭﺓ ﺍﻟﺞ ﻟﺘﺒﺠﻴﻦ .. ﻳﺼﻴﺮ ﻏﻴﺮﺓ ﺑﻌﺪﺝ ﻃﻔﻠﻪ ﻭﺗﺨﻠﻔﻴﻦ .. ﺩﺭﺯﻥ ﺑﻌﺪ ..
ﻋﻤﻮ ﺍﺧﺬﻧﻲ ﻟﻠﺒﻴﺖ ..
ﻻ ﻋﻤﻮ ﺗﻀﻠﻴﻦ ﻟﺒﺎﺟﺮ .. ﻉ ﻣﻮﺩ ﺍﻟﻤﻐﺬﻱ ﻭﻭﺍﻟﻔﻼﺟﻴﻞ ﻭﺍﺑﺮ .. ﻳﻨﻄﻮﺝ ..
ﻋﻤﻮ ﻣﻮ ﺑﺎﺟﺮ ﻳﺠﻲ ﻣﺼﻌﺐ ﺧﻄﻴﻪ ﻣﺎ ﺍﺭﻳﺪﻩ ﻳﻠﻜﺎﻧﻲ ﺑﺎﻟﻤﺴﺘﺸﻔﻰ ..
ﻋﻤﻮ ﻫﺬﺍ ﻗﺪﺭ ﻣﻦ ﺍﻟﻠﻪ ﺍﻧﺘﻲ ﺷﻨﻮ ﺫﻧﺒﺞ ..
ﻭﺑﻘﻴﺖ .. ﺑﺎﻟﻤﺴﺘﺸﻔﻰ .. ﻟﺜﺎﻧﻲ ﻳﻮﻡ ﻛﻠﺖ ﺍﻃﻠﻊ ﺍﻟﺼﺒﺢ ﺑﺲ ﻋﻤﻮ ﻛﺎﻝ ﺍﺑﻘﻲ ﺍﺭﺗﺎﺣﻲ ﻟﺘﺘﺤﺮﻛﻴﻦ ..
ﺍﻟﻌﺼﺮ ﺍﺟﻪ ﺣﺒﻴﺒﻲ .. ﺑﺲ ﺩﺧﻞ ﺻﺒﻦ ﻋﻴﻮﻧﻲ ﻫﻮ ﻋﻴﻮﻧﻪ ﺑﻴﻬﻦ .. ﺣﺰﻥ ﺍﻋﺮﻑ ﻋﻴﻮﻧﻪ ﻭﺍﻗﺮﺍﻫﻦ .. ﺑﺲ ﺣﺎﻭﻝ ﻳﺒﻴﻦ ﻫﻮ ﻃﺒﻴﻌﻲ ﻭﻛﻠﻲ .:
ﻫﺎﺣﺒﻴﺒﺘﻲ ﺷﻠﻮﻧﺞ ..
ﺷﺎﻑ ﺩﻣﻮﻋﻲ .:
ﺍﻓﻪ ﻋﻠﻴﻤﻦ ﺗﺒﺠﻴﻦ ﻳﺮﻭﺣﻲ .. ﻓﺪﻭﺓ ﺍﻟﺞ ﻣﺪﺍﻡ ﻃﻠﻌﺘﻲ ﺳﺎﻟﻤﺔ ﻧﺴﻮﻱ ﻏﻴﺮﻩ .. ﻳﻠﻪ ﻛﻮﻣﻲ ﺧﻠﻲ ﻧﺮﺟﻊ ﻟﻠﺒﻴﺖ ﺣﺘﻰ ﻧﺴﻮﻱ ﻏﻴﺮﺓ ﺑﺴﺮﻋﺔ ..
ﺍﺑﺘﺴﻤﺖ ﻏﺼﺒﺎ ﻋﻠﻴﻪ .. ﺍﺑﺎﻭﻋﻠﻪ ﺑﻨﻔﺴﻲ ﺍﻛﻮﻟﻪ ﺍﻟﺼﺎﺭ .. ﻫﻮ ﻫﻢ ﺍﻧﺘﺒﻪ ﻋﻴﻮﻧﻲ ﺷﺎﺭﺩﺍﺕ :
ﻛﻠﻲ :
ﺷﺒﻴﺞ ﻳﺮﻭﺣﻲ ﺑﻌﻴﻮﻧﺞ ﺣﺠﻲ ﻛﻮﻟﻴﻠﻲ .. ﺷﻨﻮ ﺗﺮﺩﻳﻦ ﺗﺤﺠﻴﻦ ..
ﻫﺎ .. ﻣﺎﻛﻮ ﺷﻲ ﻣﺎﻛﻮ ﺷﻲ
ﻭﺭﺟﻌﺖ ﺑﺠﻴﺖ .. ﻫﻮ .. ﺣﻀﻨﻲ ..
ﻭﻛﺎﻝ :.
ﻟﺘﺒﺠﻴﻦ ﻣﻮ ﺗﻌﺮﻓﻴﻨﻲ ﻣﺎ ﺍﺗﺤﻤﻞ ﺩﻣﻮﻋﺞ ﺑﺪﺍﻋﺘﻲ ﺑﻌﺪ ﻟﺘﺒﺠﻴﻦ ﻣﻮ ﻛﺘﻠﺞ ﻧﺴﻮﻱ .. ﻏﻴﺮﺓ .. ﺑﺴﺮﻋﺔ ..
ﻣﺼﻌﺐ ﺍﺭﻳﺪ ﺍﺭﻭﺡ ﻟﻠﺒﻴﺖ ..
ﻃﻠﻌﻨﻲ ﻣﻦ ﺍﻟﻤﺴﺘﺸﻔﻰ .. ﻭﺍﺧﺬﻧﻲ ﻟﻐﺮﻓﺘﻨﺎ ..
ﻭﻛﻌﺪ ﻛﺒﺎﻟﻲ .. ﻭﻛﻠﻲ ..
ﺣﻠﻜﺞ ﻳﺎﺑﺲ ﺣﺒﻴﺒﺘﻲ .. ﺧﻠﻲ ﺍﺟﻴﺒﻠﺞ ﺍﻛﻞ .:
ﻣﺎ ﺍﺭﻳﺪ ﺍﻛﻞ .. ﺍﺭﻳﺪ ﺍﻧﺎﻡ ﺑﺤﻀﻨﻚ .. ﻓﺪﻭﺓ ﺍﺣﻀﻨﻲ ﺧﻠﻲ ﺍﻧﺎﻡ .. ﺍﺟﻪ ﺧﻼﻧﻲ ﺑﺤﻀﻨﻪ ﻭ .. ﻳﺴﻮﻟﻔﻠﻲ ﻧﻜﺎﺕ ﺣﺘﻰ ﺍﺿﺤﻚ ﻭﺍﻏﻴﺮ ﺟﻮ ﺍﻟﺤﺰﻥ ﺍﻟﻲ ﺑﻜﻠﺒﻲ .. ﻧﻤﺖ ﺑﺤﻀﻨﻪ .... ﻭﺭﻩ ﺳﺎﻋﺘﻴﻦ ﻛﻌﺪﺕ ﻟﻜﻴﻴﺘﻪ ﺣﺎﺿﻨﻲ ..
ﻋﻤﻮ .. ﺩﻙ ﺍﻟﺒﺎﺏ ﻭﺩﺧﻞ .:
ﺷﻠﻮﻥ ﺟﺒﺘﻠﻜﻢ ﻋﺸﻪ ﻳﺨﺒﻞ ﻣﻌﻼﻙ .. ﻭﺗﻜﺔ ﻭﻛﺒﺎﺏ ..
ﻣﺼﻌﺐ ﻛﻌﺪ
ﺍﻱ ﻫﻨﺎ ﺍﻟﺤﺠﻲ ﺍﻟﺰﻳﻦ ﻛﻌﺪﻱ ﺣﺒﻴﺒﺘﻲ ﺧﻠﻲ ﻧﺘﻌﺸﻪ ..
ﻣﺎ ﺍﺷﺘﻬﻲ ﻭﺍﻟﻠﻪ
ﻋﻤﻮﻛﺎﻝ ..
ﻻ ﻋﻤﻮ ﻣﻴﺼﻴﺮ ﻻﺯﻡ ﺗﺎﻛﻠﻴﻦ ﺍﻟﻤﻌﻼﻙ ﻛﻮﻟﻪ ﺣﺘﻰ ﺟﺴﻤﺞ ﻳﻌﻮﺽ ..
ﻋﻤﻮ ﺍﻧﺖ ﻛﻠﺖ ﻻﻫﻠﻲ ..
ﻻ ﺑﻨﺘﻲ ﻣﻜﻠﺘﻠﻬﻢ .. ﺧﻠﻴﻬﺎ ﺍﻟﺒﺎﺟﺮ ﺍﻟﺼﺒﺢ .. ﺻﻴﺮﻱ ﺯﻳﻨﻪ ﺣﺘﻰ ﻣﻦ ﺗﺸﻮﻓﺞ ﺍﻣﺞ ﻣﺘﻨﻘﻬﺮ ..
ﻣﺎﺷﻲ ﻋﻤﻮ ..
ﺗﻌﺸﻴﺖ ﺑﻘﻴﻨﺎ ﻭﺣﺪﻧﺎ ..
ﻣﺼﻌﺐ ﻣﺨﻠﻲ ﺭﺍﺳﻪ ﻉ ﺍﻟﻤﺨﺪﻩ ﻭﻳﺒﺎﻭﻉ ﺑﻌﻴﻮﻧﻲ ﻭﻛﺎﻝ :
ﻫﺴﻪ ﺷﻨﻮ ﻋﻠﻴﻬﺎ !
ﺷﻨﻮ؟؟
ﻛﺘﻠﺞ ﻋﻠﻴﻬﺎ .. ﻳﻌﻨﻲ ﻧﺴﻮﻱ ﻧﻮﻧﻮ ﺟﺪﻳﺪ ﻫﺴﻪ ..
ﻫﻬﻬﻬﻬﻪ .. ﺧﺒﻞ ﻭﺍﻟﻠﻪ ﺍﻧﻲ ﺑﻴﺎﺣﺎﻝ ..
ﺍﻱ .. ﻫﻤﺰﻳﻦ ﺿﺤﻜﺘﻲ ﻳﺮﻭﺣﻲ .. ﻳﺮﻭﺣﻠﺞ ﻓﺪﻭﺓ ﺍﻟﻨﻮﻧﻮ .. ﻭﺍﺑﻮ ﺍﻟﻨﻮﻧﻮ ..
ﻭﺑﻘﻴﻨﺎ .. ﻛﺎﻋﺪﻳﻦ ﺭﺟﻌﺖ ﺍﻓﻜﺮ .. ﻭﺻﻔﺖ ﺍﻛﻮﻟﻪ ﻟﻮ ﻻ !
ﺷﺒﻴﺞ ﺗﺘﺼﻔﻨﻴﻦ ﻭﺍﻟﻠﻪ ﻋﻴﻮﻧﺞ ﺑﻴﻬﻦ ﻛﻮﻣﺔ ﺣﺠﻲ ..
ﻣﺎﻛﻮ ﺷﻲ .. ﺣﺒﻴﺒﻲ ..
ﻟﻌﺪ ﻟﻴﺶ ﺗﺘﺼﻔﻨﻴﻦ ﺷﻨﻮ ﻋﺎﺷﻜﺔ . ؟؟
ﺍﻱ ﻋﺎﺷﻜﺘﻚ ﻏﻴﺮ !
ﻫﻠﻪ .. ﻫﻠﻪ .. ﺑﺪﻩ ﺍﻟﺤﺠﻲ ﺍﻟﺘﻮﺏ .. ﺻﻌﺪﺕ ﺣﻤﺎﻭﺗﻲ ﺧﺮﺏ ﻏﻴﺮﺗﺞ ﻫﺴﻪ ﻭﻳﻦ ﺍﻧﻄﻲ ﻭﺟﻬﻲ ﻣﻦ ﺻﻌﺪﺗﻲ ﺣﻤﺎﻭﺗﻲ ﻓﻮﻝ .!
ﻫﻬﻬﻪ .. ﺩﻧﺎﻡ .. ﻫﺴﻪ ﺍﻧﻲ ﺑﻴﺎﺣﻞ ﻭﺍﻧﺖ ﺗﺮﻳﺪ ﺍﻃﻔﻲ ﺍﻟﺤﻤﺎﻭﺓ ..
ﺍﺣﺒﺞ .... ﺍﺣﺒﺒﺒﺞ .. ﻣﻨﺎﺭ .. ﺻﺢ ﺿﺎﻳﺞ ﻉ ﺍﺑﻨﻪ .. ﺑﺲ ﻃﻠﻌﺘﺞ ﺑﺎﻟﺴﻼﻣﺔ ﺗﺴﻮﺓ ﻋﻨﺪﻱ ﺍﻟﺪﻧﻴﺎ ..
ﺍﻟﻠﻪ ﻳﺴﻠﻤﻚ ﻳﺮﻭﺣﻲ .. ﺍﻧﺖ ..
ﻭﻧﻤﻨﺎ ﺍﻟﺼﺒﺢ .. ﻛﻌﺪ ﻣﺼﻌﺐ ﻗﺒﻠﻲ ﺍﻧﻲ ﺑﻘﻴﺖ ﺑﻔﺮﺍﺷﻲ .. ﺭﺍﺡ ﺟﺎﺑﻠﻲ ﺭﻳﻮﻙ .. ﻭﻋﻤﻲ ﻫﻢ ﺍﺟﻪ ﻛﻌﺪ ﻳﻤﻲ .. ﻛﺘﻠﻪ .:
ﻋﻤﻮ ﻭﻳﻦ ﺭﺍﺡ ﻣﺼﻌﺐ ﻏﻴﺮ ﻳﺠﻲ ﻳﺘﺮﻳﻚ ﻭﻳﺎﻱ ..
ﻫﻨﺎ ﻣﺼﻌﺐ ﺑﻐﺮﻓﺘﻲ .. ﺟﺎﻱ ﻳﻔﺤﺺ ﺗﺴﺠﻴﻞ ﺍﻟﻜﺎﻣﻴﺮﺍﺕ .. ﻻﻥ ﻗﻨﻴﻨﻪ ﺍﻟﻐﺎﺯ ﺍﻟﺒﺎﺭﺣﺔ ﺍﻧﺒﺎﻛﺖ ﻣﻦ ﺍﻟﻄﺎﺭﻣﺔ ..
ﺍﺷﻮ .. ﻣﺼﻌﺐ ﺗﺎﺧﺮ .. ﻋﻤﻮ ﻛﻌﺪ ﺗﺮﻳﻚ ﻳﻤﻲ .. ﻭﺭﻩ ﺷﻮﻳﻪ ﺍﺟﻪ ﻣﺼﻌﺐ ﺩﻓﻊ ﺍﻟﺒﺎﺏ ﻭﻓﺘﺢ ﺍﻟﻜﻨﺘﻮﺭ ﺷﻔﺘﻪ .. ﻋﺼﺒﻲ ﻭﻋﻴﻮﻧﻪ ﺣﻤﺮ .. ﺍﺷﻮ ﻃﻠﻊ ﺍﻟﻤﺴﺪﺱ ﻋﻤﻮ ﺷﺎﻓﻪ ﺭﺍﺩ ﻳﻠﺤﻚ ﺑﻴﻪ ﻃﻠﻊ ﻣﻦ ﺑﺎﺏ ﻏﺮﻓﺘﻨﺎ .. ﺍﻧﻲ ﻛﻤﺖ ﻻﺯﻣﺔ ﺑﻄﻨﻲ ﻭﺍﺭﻛﺾ .. ﺷﻔﺘﻪ ﻳﺮﻳﺪ ﻳﺼﻌﺪ ﻟﻠﺪﺭﺝ ﻭﻋﻤﻮ ﻻﺯﻣﺔ .. ﺷﺎﺑﻜﺔ ﺣﻴﻞ .:
ﻭﻳﻦ ﺭﺍﻳﺢ ﺑﺎﻟﻤﺴﺪﺱ .. ﻭﻟﻴﺪﻱ ..
ﻳﺎﺑﻪ ﻫﺪﻧﻲ ﻋﻮﻓﻨﻲ ﺧﻠﻲ ﺍﻛﺘﻠﻬﺎ ﻫﺎﻟﻜﻠﺒﺔ ﺑﺖ ﺍﻟﻜﻠﺐ ..
ﺷﺒﻴﻚ ﺗﺨﺒﻠﺖ ﺑﺎﺑﻪ ﺧﻠﻲ ﺗﻮﻟﻲ ﻗﻨﻴﻨﻪ ﺍﻟﻐﺎﺯ ﺣﺘﻰ ﻟﻮ ﺍﺧﻮﻫﺎ ﺑﺎﻛﻬﺎ :
ﻳﺎﺑﻪ ﻳﺎﻗﻨﻴﻨﻪ ﻏﺎﺯ .. ﻫﺎﻱ ﺍﻟﻜﻠﺒﺔ ﻗﺘﻠﺖ ﺍﺑﻨﻲ .. ﻫﻲ ﻭﺍﻣﻬﺎ .. ﻭﻫﻤﺰﻳﻦ ﻣﺮﺍﺣﺖ ﺑﻴﻬﺎ ﻣﻨﺎﺭ ..
ﺑﺎﺑﺎ ﺍﻧﻄﻴﻨﻲ ﺍﻟﻤﺴﺪﺱ .. ﺑﺮﻭﺡ ﺍﻣﻚ .. ﻟﺘﻀﻴﻊ ﻧﻔﺴﻚ ﻋﻤﻮﺩ ﻭﺣﺪﺓ ﻣﺘﺴﻮﺓ .. ﺑﺎﺑﺎ ﺍﺳﻤﻊ ﻛﻼﻣﻲ ﻣﺎﻋﻨﺪﻱ ﻏﻴﺮﻙ .. ﺍﺫﺍ ﻗﺘﻠﺘﻬﺎ ﺗﻨﺴﺠﻦ .. ﻭﺍﻣﻮﺕ .. ﺍﻧﻲ ﻣﻦ ﺍﻟﻘﻬﺮ ..
ﻳﺎﺑﻪ ﻛﺘﻠﻚ ﻫﺪﻧﻲ ..
ﻟﺰﻡ ﺍﻳﺪﻩ .: ﺗﺮﻳﺪﻧﻲ ﺍﺑﻮﺱ ﺍﻳﺪﻙ .. ﺍﺑﻮﺳﻬﺎ ﺑﺎﺑﺎ ﺑﺲ ﺍﻧﻄﻴﻨﻲ ﺍﻟﻤﺴﺪﺱ .. ﺑﺎﺑﺎ ﺗﺎﻟﻲ ﺷﻴﺒﺎﺗﻲ .. ﺗﺨﻠﻴﻨﻲ ﺍﺗﻮﺳﻞ ﺑﻴﻚ ..
ﺍﻧﻲ ﻛﻤﺖ ﺍﺑﺠﻲ
ﻭﺭﺣﺖ ﻳﻤﻪ ﻻﺯﻣﺔ ﺑﻄﻨﻲ .:
ﻣﺼﻌﺐ ﺑﺮﻭﺡ ﺍﻣﻚ ﺍﻧﻄﻲ ﺍﻟﻤﺴﺪﺱ ﻻﺑﻮﻙ ..
ﻋﻤﻮ ﺑﺎﺳﻪ ﻣﻦ ﺧﺪﺓ ..
ﺍﻱ ﻭﻟﻴﺪﻱ ﺍﺳﺘﻬﺪﻩ ﺑﺎﻟﺮﺣﻤﻦ .. ﻃﻠﻜﻬﺎ ﻭﺍﻃﺮﺩﻫﺎ ﻭﺍﺷﺘﻜﻲ ﻋﻠﻴﻬﺎ ... ﺑﺲ ﻻﺗﻜﺘﻠﻬﺎ .. ﻭﺗﻀﻴﻊ ﻧﻔﺴﻚ .. ﻓﻜﺮ ﺑﻴﻪ ﻓﻜﺮ ﺑﻬﺎﻱ ﻣﺮﺗﻚ ﺍﻟﻤﻜﺮﻭﺩﺓ
ﻏﻤﺾ ﻋﻴﻮﻧﻪ ﻭﺍﻧﻄﻪ ﺍﻟﻤﺴﺪﺱ ﻟﻌﻤﻮ ﺍﺭﺗﺎﺣﻴﺖ .. ﻋﻤﻮ ﺍﺧﺬ ﺍﻟﻤﺴﺪﺱ .. ﻣﻨﻪ ﺑﺲ ﻫﻮ ﺻﻌﺪ ﻓﻮﻙ ﻧﺰﻝ ﺳﻮﺳﻦ ﻣﻦ ﺷﻌﺮﻫﺎ ﻭﻳﺪﻓﺮﺑﻴﻬﺎ ..
ﺭﻛﻀﺖ ﺍﺭﻳﺪ ﺍﻟﺰﻣﻪ :
ﻣﺼﻌﺐ .. ﻓﺪﻭﺓ ﻋﻮﻓﻬﺎ ﻫﻲ ﻣﻌﻠﻴﻬﺎ ﺍﻣﻬﺎ ﺍﺟﺘﻬﺎ ﺍﻟﺤﺎﻟﺔ ﻭﻫﺠﻤﺖ ﻋﻠﻴﻪ .. ﻫﻲ ﻣﻌﻠﻴﻬﺎ ..
ﻟﺞ ﻳﺎﺣﺎﻟﺔ .. ﺑﺴﺮﻋﺔ ﺿﺤﻜﻦ ﻋﻠﻴﺞ ﺭﻭﺣﻲ ﻓﻮﺗﻲ ﻟﻠﻐﺮﻓﺔ ..
ﻣﺼﻌﺐ !!
ﻛﺘﻠﺞ ﺭﻭﺣﻲ ﻟﻔﺮﺍﺷﺞ .. ﻣﻌﻠﻴﺞ ﺍﻧﺘﻲ ..
ﺧﻔﺖ ﻣﻦ ﺻﻮﺗﻪ ﺩﺧﻠﺖ ﻟﻠﻐﺮﻓﺔ .. ﺍﺳﻤﻌﻬﺎ ﺗﺼﺮﺥ .. ﺑﻌﺪﻳﻦ ﻋﻤﻮ ﺧﻠﺼﻬﺎ ﻣﻨﺎ ﻭﺍﺧﺬﻫﺎ ﻭﺭﺍﺡ ....
ﻣﺼﻌﺐ ﺩﺧﻞ ﻳﻤﻲ ﻋﺼﺒﻲ :
ﻟﻴﺶ .. ﻣﺤﺠﻴﺘﻲ ﻟﻴﺶ ﻣﻜﻠﺘﻴﻠﻲ ﻣﻨﺎﺭ !
ﻣﺼﻌﺐ ﻫﻴﻪ ﺗﻜﻮﻝ ﺍﻣﻬﺎ ﻣﻮ ﺑﻌﻘﻠﻬﺎ ﻭﺑﻴﻬﺎ ﺣﺎﻟﻪ ﻧﻔﺴﻴﻪ .!
ﻛﻌﺪ ﻛﺒﺎﻟﻲ ..
ﺗﺎﻟﻲ ﻭﻳﻪ ﻓﻄﺎﺭﻳﺘﺞ ... ﺍﻣﻬﺎ ﻗﺰ ﺍﻟﻘﺮﻁ ﻣﺎﺑﻴﻬﺎ ﻫﻨﻪ ﻣﺘﺂﻣﺮﺍﺕ ﻋﻠﻴﺞ ﺭﺍﺩﻥ ﻳﻘﺘﻠﻦ ﺍﺑﻨﻪ ..
ﻻ .. ﻻ ﻣﺼﻌﺐ .. ﻣﻤﻌﻘﻮﻟﻪ ..
ﻫﺴﻪ ﺍﺷﻮﻓﺞ ﺗﺴﺠﻴﻞ ﺍﻟﻜﺎﻣﻴﺮﺍﺕ ..
ﺭﺍﺡ ﻭﺟﺎﺑﻠﻲ ﺍﻟﺘﺴﺠﻴﻞ ﻉ ﺍﻟﻤﻮﺑﺎﻳﻞ ..
ﻛﺎﻝ :
ﺷﻮﻓﻲ .. ﺍﻧﺘﻲ ﻣﻮ ﻛﺎﻋﺪﺓ ﻳﻢ ﺍﻟﻤﺠﺮﻯ ﺷﻮﻓﻲ ﺷﻠﻮﻥ ﺍﺷﺮﺕ ﺍﻟﻬﺎ .. ﻭﻫﻲ ﺟﺘﻲ ﻣﻦ ﻭﺭﺍﺝ ﺩﻓﺮﺗﺞ .. ﺷﻮﻓﻲ ﺷﻠﻮﻥ ﻭﺍﻛﻔﺔ ﺗﺒﺎﻭﻉ ﻣﻦ ﻳﻢ ﺑﺎﺏ ﺍﻟﺼﺎﻟﻪ ﺍﻟﻰ ﺍﻥ ﺷﺒﻌﺘﻲ ﺩﻓﺮﺍﺕ ..
ﺑﺎﻭﻋﺖ .. ﺷﻔﺖ ﻧﻔﺴﻲ ﺑﺎﻟﻜﺎﻉ ﻭﻫﻲ ﺍﺩﻓﺮ ﺑﻴﻪ .. ﺑﺠﻴﺖ ﺗﺬﻛﺮﺕ ﺫﻳﺞ ﺍﻟﻠﺤﻈﺎﺕ ﺣﺴﻴﺖ ﺑﻄﻨﻲ ﺗﻮﺟﻌﻨﻲ ﻣﻦ ﺟﺪﻳﺪﻫﻮ ﺷﺎﻓﻨﻲ ﺍﺑﺠﻲ ﻫﻢ ﻋﻴﻮﻧﻪ ﻟﻤﻌﻦ .. ﻭﻛﺎﻡ ﻳﻤﺴﺢ ﺑﺪﻣﻮﻋﻲ .:
ﻟﻴﺶ ﻣﺤﺠﻴﺘﻴﻠﻲ ﻣﻨﺎﺭ .. ﻟﻮ ﺻﺎﻳﺮﻟﺞ ﺷﻲ ﻟﻮ ﻣﻴﺘﻪ ﺑﺎﻳﺪﻫﺎ .. ﻟﻮ ﻛﺎﺗﻠﺞ ﺍﻟﻨﺰﻑ .... ﺍﻧﻲ .. ﻭﻳﻦ ﺍﻧﻄﻲ ﻭﺟﻬﻲ ﻏﻴﺮ ﺍﻣﻮﺕ ﻭﺭﺍﺝ ﻣﻦ ﺍﻟﻘﻬﺮ ..
ﻣﻮ ﻫﻴﻪ ﻛﺎﻟﺖ ﻟﺘﺤﺠﻴﻦ ﺍﺧﺎﻑ ﺗﻄﺮﺩﻫﺎ .. ﻟﻮ ﺗﺴﻮﻱ ﻣﺸﻜﻠﺔ ..
ﻟﺞ ﻭﺍﻟﻠﻪ .. ﻭﺍﻟﻠﻪ ﺍﻻ ﺍﺧﺬ ﺣﻘﺞ ﻭﺣﻖ ﺍﺑﻨﻲ ﻣﻦ ﻋﻴﻮﻧﻬﻢ .. ﺷﻮﻓﻲ ﺷﻠﻮﻥ ﺭﺍﺡ ﺍﻧﻌﻞ ﻭﺍﻟﺪﻳﻬﻢ .. ﺑﺎﻟﻌﺸﺎﻳﺮ .. ﻭﺑﺎﻟﻘﺎﻧﻮﻥ ..
ﻭﺑﻨﻔﺲ ﺍﻟﻴﻮﻡ . ﻃﻠﻚ ﺳﻮﺳﻦ . ﻭ . ﺍﺷﺘﻜﻪ ﻋﻠﻴﻬﻢ ﻭﻗﺪﻡ ﻧﺴﺨﺔ ﻣﻦ ﺷﺮﻳﻂ ﺍﻟﻔﺪﻳﻮ ...
ﻭﺻﺎﺭﺕ ﻗﻀﻴﺔ ﻋﺸﺎﻳﺮ .. ﻭﻣﺤﻜﻤﺔ .. ﺑﺲ ﺍﻟﺠﻠﺴﻪ ﻳﻮﻣﻴﻪ ﺗﺘﺄﺟﻞ .. ﺑﻘﺖ ﺍﻟﻘﻀﻴﻪ ﺍﺷﻬﺮ .. ﺧﻠﺼﺖ ﻛﻠﻴﻪ ﻭﺗﺨﺮﺟﺖ ﻭﺑﻌﺪﻫﺎ ﺍﻟﻘﻀﻴﺔ ﺗﺘﺄﺟﻞ .. ﺳﻮﺳﻦ ﺭﻓﻌﺖ ﻗﻀﻴﺔ ﻧﻔﻘﺔ ﻭﺣﻀﺎﻧﻪ ﺑﺲ ﻛﺴﺒﻨﺎ ﻗﻀﻴﺔ ﺍﻟﺤﻀﺎﻧﻪ ﻭﺑﻘﺖ ﻣﻼﻙ ﺑﺤﻀﺎﻧﻪ ﺍﺑﻮﻫﺎ .. ﻻﻥ ﻣﺼﻌﺐ ﻫﻢ ﻗﺪﻡ ﺷﺮﻳﻂ ﺍﻟﻔﺪﻳﻮ ﻭﻛﻞ ﻟﻠﻘﺎﺿﻲ ﻫﺎﻱ ﻣﺘﺼﻠﺢ ﺗﺮﺑﻲ ﻃﻔﻠﺔ ﻻﻥ ﺍﻟﻲ ﺗﺨﻄﻂ ﻭﺗﺮﺗﻜﺐ ﺟﺮﻳﻤﺔ ﻗﺘﻞ ﺟﻨﻴﻦ ﻣﺴﺘﺤﻴﻞ ﺗﻜﻮﻥ ﺍﻡ .. ﻃﺒﻴﻌﻴﺔ .. ﺑﻌﺪ ﻣﺘﺨﺮﺟﺖ ﺣﻤﻠﺖ ﻣﺮﺓ ﺛﺎﻧﻴﻪ ﻭﺻﺎﺭ ﻋﻨﺪﻱ ﻭﻟﺪ .. ﻳﺨﺒﻞ ﻳﺸﺒﻪ ﻣﺼﻌﺐ ... ﻭﻋﺸﺖ ﻭﻳﻪ ﺣﺒﻴﺒﻲ ﻣﺼﻌﺐ ﺍﺣﻠﻪ ﻋﻴﺸﻪ .. ﻭﻣﻼﻙ ﺑﻘﺖ .. ﻭﻳﺎﻧﻪ ﺟﻨﺖ ﻣﺎ ﺍﻓﺮﻗﻬﺎ ﻋﻦ ﺍﺑﻨﻲ ﻻﻥ ﻫﺎﻱ ﺑﻨﺖ ﺣﺒﻴﺒﻲ ﻳﻌﻨﻲ ﻗﻄﻌﺔ ﻣﻨﻪ .. ﻭﺣﺎﻟﻴﺎ ﺍﻧﻲ ﺣﺎﻣﻞ ﺑﺸﻬﺮ ﺍﻟﺴﺎﺑﻊ ﻭﺑﻴﻪ ﺑﻨﻴﻪ ﺍﺩﻋﻮﻟﻲ ﻳﻜﻤﻞ ﺣﻤﻠﻲ ﻉ ﺧﻴﺮ ﻭﺍﺟﻴﺐ ﺍﻟﺒﻨﻮﺗﻪ ﻭﺍﻛﻮﻡ ﺑﺎﻟﺴﻼﻣﺔ ..



ﺍﻧﺘﻬﺖ
♥♥♥♥♥


ﺍﺣﺒﺘﻲ ﺍﻟﺮﻭﺍﻳﻪ .. ﻓﻴﻬﺎ ﺍﻟﻜﺜﻴﺮ ﻣﻦ ﺍﻟﻤﻮﺍﺿﻴﻊ ﺍﻟﺘﻲ ﺗﺴﺘﺤﻖ ﺍﻟﻮﻗﻮﻑ ﻋﻨﺪﻫﺎ ﻣﺜﻞ ﻗﺴﻮﺓ ﺍﻻﻫﻞ ﺣﻴﻦ ﺣﺮﻣﻮ ﺍﺑﻨﺘﻬﻢ ﺍﻟﻜﺒﺮﻯ ﻣﻦ ﺣﺒﻴﻬﺎ ﻭﺍﺿﻄﺮﺕ ﻟﻼﻧﺘﺤﺎﺭ .. ﻭﻫﺬﺍ ﺍﻣﺮ ﻳﺠﺐ ﺍﻥ ﻳﺘﻮﻗﻒ ﻋﻨﺪﻩ ﺍﻻﺑﺎﺀ ﻭﻳﺮﺍﻋﻮﻥ ﺿﺮﻭﻑ ﺍﻟﻤﺘﻘﺪﻡ ﻟﺨﻄﺒﺔ ﺍﺑﻨﺘﻬﻢ .... ﻭﺍﻻﻣﺮ ﺍﻻﺧﺮ .. ﻫﻮ .. ﺷﺨﺼﻴﺔ ﺍﻟﺒﻄﻞ ﺍﻟﻤﻌﻘﺪﺓ ﺍﻟﺘﻲ ﻛﺎﻥ ﻟﻬﺎ ﺍﺳﺒﺎﺏ ﻭﺟﻴﻬﺔ ﻟﺘﻜﻮﻥ ﻋﻠﻰ ﺧﺬﻩ ﺍﻟﺸﺎﻛﻠﺔ ﻭﻫﻲ .. ﺍﻟﺰﻭﺟﺔ ﺍﻟﻐﻴﺮ ﺻﺎﻟﺤﺔ .. ﻭﺗﺄﺛﻴﺮﻫﺎ ﻓﻲ ﺷﺨﺼﻴﺔ ﺍﻟﺰﻭﺝ .. ﻭﻣﺎ ﺗﻨﻄﻮﻱ ﻋﻠﻴﻪ ﻣﻦ ﺍﺛﺎﺭ ﺳﻴﺌﺔ ..
ﻭﺍﻻﻣﺮ ﺍﻟﺜﺎﻟﺚ ﻫﻮ ﺍﻟﻄﻴﺒﺔ ﺍﻟﻤﻔﺮﻃﺔ ﻃﺒﻌﺎ ﻣﻦ ﺍﻟﺠﻤﻴﻞ ﺍﻥ ﻳﻜﻮﻥ .... ﺍﻻﻧﺴﺎﻥ ﻃﻴﺒﺎ ﻟﻜﻦ ﻟﻴﺴﺖ ﻃﻴﺒﺔ ﻣﻔﺮﻃﺔ ﻟﺪﺭﺟﺔ ﺍﻟﺴﺬﺍﺟﺔ ﻓﺎﻟﺪﻧﻴﺎ ﻓﻴﻬﺎ ﺍﻟﺨﻴﺮ ﻭﺍﻟﺸﺮ ﻭﻓﻴﻬﺎ ﺍﻟﺼﺎﻟﺢ ﻭﺍﻟﻄﺎﻟﺢ ﻭﻋﻠﻴﻨﺎ ﺍﻥ ﻧﻤﻴﺰ ﺑﻴﻦ ﻫﺬﺍ ﻭﺫﺍﻙ !!
ﺍﺗﻤﻨﻰ ﺍﻥ ﺗﻜﻮﻥ ﺳﻄﻮﺭ .. ﺍﻟﺮﻭﺍﻳﻪ ﻗﺪ ﺍﻣﺘﻌﺘﻜﻢ ﻭﺣﻘﻘﺖ ﺍﻟﻬﺪﻑ ﺍﻟﻤﻨﺸﻮﺩ ﻣﻦ ﻣﺤﺘﻮﺍﻫﺎ .. ﺍﻛﺘﺒﻮ ﻟﻲ ﺁﺭﺍﺀﻛﻢ .. ﺍﺣﺒﻜﻢ
# ﺍﻟﻜﺎﺗﺒﺔﻭﺭﻭﺩﺍﻟﺨﺎﻟﺪﻱ

[لامارا]

[hani Megally]

thank you very Much

[ندى تدى]

جميله جدا وقمة الروعه


شكرا حبيبتي ويعطيك العافيه