البارود للكاتبه / ورود الخالدي "عراقيه" (مكتملة)

فيتامين سي · 11-12-19, 10:17 AM


	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته اعضاء روايتي الغالين نقدم لكم رواية (( البارود )) للكاتبة/ ورود الخالدي قراءة ممتعة للجميع ...

فيتامين سي · 11-12-19, 10:22 AM

رابط لتحميل الرواية هنــــــــــــــــــا

#البارود
بقلم
#الكاتبةورودالخالدي

احبتي روايتي هذه المرة ليست من نسج خيالي وانما هي قصة حقيقية لاحدى متابعاتي ارسلتها لي على شكل رسائل وانا قمت بصياغتها باسلوبي واضفت عليها لمساتي الفنية الدرامية ملخص الرواية لفتاة تضطر للزواج من شخص مجبر هو الاخر على الزواج منها لكن الزوجين على طرفي نقيض فالفتاة هادئة وطيبة والشاب متوتر وعصبي تطلق عليه عائلته لقب البارود لانه عصبي المزاج دائما...كيف ستجري الاحداث بينهما..وهل سيتحول البارود يوما ما..الى ثلج ناصع هذا ماستعرفوه من خلال احداث الرواية..
#ملاحظة الرواية..من النوع الرومنسي الدرامي..وهي باللهجة العراقية.
اتمنى ان تعجبكم المقدمة
انتظروها الساعه 11 مساءً

احبكم
#الكاتبةورودالخالدي

فيتامين سي · 11-12-19, 10:24 AM

#البارود

الكاتبةورودالخالدي

#البارت 1...

منار:::
جنت كاعده دا اصفط ملابسنا بالكنتور طبعا ملابسنه كولها اسود مصار 3 اشهر..من توفت اختي شهد..رغم بابا مسوالها فاتحه ومقبل نلبس. اسود بس احنا لبسنا..بابا حيل تغير وره حادثة شهد صار انسان ثاني..يصفن طول النهار واكله صار قليل..وبس احد يحجي وياه يصير عصبي. حتى احمد اخويه الي هو ابنه الوحيد يتجنب يحجي وياه..لان وره منتحرت اختي حياتنا كولها انكلبت احنا 3 بنات وولد اختي شهد الجبيرة ومن بعدها احمد واني من بعد احمد..واختي الاصغررفل..عمرها16سنه..شهد قضت على حياتنا وحياتهامن انتحرت لان انتحارها صار..لعنه على عائلتنا مفكرت بشي من حركت نفسها ..مفكرت الناس شراح تكول..جانت يائسة من كولشي بعد مارفض بابا غزوان الولد الي جانت تحبه جان حبهم احلى حب بالدنيا حب طاهر وشريف والولد تقدملها خمس مرات وابويه رفض لان بيتهم ايجار..وحالتهم ضعيفة وهو يشتغل عامل عد حداد وباخر مرة اجه خطبها بابا كله بعد لتدز ناس ولتخطب ما انطيك بنتي لو تنكلب السما ع الكاع..شهد جانت ساكته طول..سنتين بس من سمعت من حبيبها انه بابا رفضه نهائيا راحت تحجي ويه بابا وكالتله انه هي تحبه..واذا ميقبل بيه..... راح تنتحر..بس بابا لزمها شبعا بوكسات وجلاليق ورمها..تورم خطيه..بقت تبجي بالغرفة..رادت ماماتدخل
يمها مخلاها..كلها..
عوفيها..
تبجي وتسكت..واذا فتحت الموضوع اذبحها..
عاد ماما عافتها لان خافت من بابا..انتظرنا الى ان ينام وبس نام بابا رحت للغرفة ملكيتها..ركضت لماما:
ماما شهد مموجودة بالغرفة:
اششش..اسكتي ولج ليسمع ابوج..
طلعت ماما بره واني وراها شفنه شهد شايله جليكان البانزين لان احنا مخلي بره يم المولدةوركضت للمرافق ملحكنا بيها قفلت الباب على نفسها ماما ضلت اتصيح:
ولج شهد اطلعي شتسوين بالبانزين!؟
اريد احرك نفسي واخلص
لج انجبي تحركين نفسج شنو..طلعي مخبلة
ما اطلع كتلكم احرك ..نفسي..وخليه بابا بعنادة
شنو تحركين روحج على مود الرجل..طلعي ماما استهدي بالرحمن ليسمع ابوج ويجي يضربج من جديد
بعدها ماما تحجي..وجان نشوف النار طلعت من فتحة المرافق وشهد تصرخ جوة اني..كمت ارجف..ودموعي يجرن..وماماتصرخ..
يبووو...يبووووو..يبوووووو..ب� �ي حركت روحها..يبووووو
صوتها عالي طلع بابا واحمديركضون امي تلطم..
بتك حركت روحها..سلمان.بتك حركت روحها..سوتهاصدوك....

ركض احمد كسر بابا المرافق وطلعها مصلوخة صلخ وفاقدة الوعي..احمد كام يبجي:.
شهد..ليش ..ليش هيج..وركض يدفع ابابا..
كوله من وراك..شهد انتهت..انتهت..بابا ..انت موتت اختي..
الناس التمت ع العياط والصراخ دفعو بابا البيت ركض ابو فاروق جيرانا جاب بطانيه وخلاها على شهد..يطفي بيها احمد ايديه احتركت..وماما وكعت فقدت الوعي..وبابا ساكت بس يباوع ودموعه يجرن..شالها ابوفاررق:
البنيه بعدها عدله بيها نفس خلي ناخذها للمستشفى..
شالوها بالبطانية..
واحنا نتصارخ النسوان كعدن ماما هم رجعت تصرخ
وتلطم:.
يمه بنيتي..يمي بنيتي ماتت
ملخت خدودها تملخ والنسوان قسم يهدن عليها وقسم يتبسبسن..اني شابكة رفل وابجي ورفل خطيه ترجف ودموعها يجرن..جانت مصيبة..مصيبة ممتوقعيها..احمد ركض صعد السيارة..ولحك بابا للمستشفى..وره ساعة رجع ابو فاروق كالنا.
.البقية بحياتكم..البنية توفت..راح تجي الشرطة..فوتن جوة..
وجتي الشرطة..وبقو يستفسرون وسألو ماما..مشتبهين احد حاركها..واخذوا ماما للمركز واحمد وبابا..وما اعرف شصار هناك بيتا..مليان من الجوارين ورة شويه جابو ماما... لان متخربطة بالمركز..وبابا واحمد بقو محجوزين..بالمركزيحققون وياهم يومين الى ان راحو الجوارين شهدو وطلعوهم..شهد بقت بالثلاجة مال المستشفى..بس الناس اهل المنطقة..ممصدكين..انه هي حركت نفسها ع مود حبيبها....ناس تكول اهلها لكو واحد عليها بالحرام ومن الخوف حركت نفسها..وناس تكول جانت حامل وحركت نفسها من الفضيحة وناس تكول واحد ضحك عليها وعافها..صارت سمعتها علج بحلوك الناس والاتعس من كل هذا انه بابا اول مطلع من المركز..تضارب هو وغزوان لان غزوان جان منتظره يطلع وفعلا بنفس اليوم تضارب ويه بابا والفضيحة كبرت والميعرف عرف..وصارت حياتنا سودة مثل ملابسنا..الي لبسناها رغم..بابا مجان راضي..نلبس..ومسوة فاتحة لشهد لان معتبرها جابتله العار واصلا ميقبل احد يجيب طاريها بالبيت..ومثل مكلت بابا تغير..يجي هو واحمد من المحل وبعد ميطلع كطع علاقته بكل اقاربنا لان حاس همه متشمتين بيه..وفرحانين بفضيحتنا..بقة بابا شهر ميطلع..وره الشهر كام يطلع العصر ومن تسألة ماما يكولها وين اروح اكعد يم صديقي ابو مصعب بصيدليته طبعا عمو ابو مصعب هو الوحيد الي بقت علاقته مستمرة ويه بابا حتى من صارت الحادثة جان يجينا مرات يكعد يم بابا بالاستقبال يسولف وياه ويهون عليه لان هو صديقة الوحيد الي يحبه وبيناتهم عشرة عمر وصداقة عمرها اكثر من 15سنه..ومرت 3 شهور ع الحادثة واقترب الدوام جنت... افكر شلون راح اداوم شلون تمشي الدراسة اكيد مو سهلة لان اكو بنات من قسمي من منطقطتنا وراح يعيدن ويصقلن بالسالفة..بينما جنت ارتب الملابس بالكنتور سمعت صوت بابا يصيح:
منتهى..حجايتي وحدة ومتصير اثنين
بس ابو احمد البنيه بعد اسبوع اداوم..يعني هاي اخر سنه ليش تحرمها من كليتها..
ياكليه ..انتي شتحجين اني ماصدكت احد يدوك بابي ويطلب وحدة من بناتج..اريد اخلص..لوزمال يجي يخطبهن هم انطيهن..
ابو احمد استهدة بالرحمن..يازواج تحجي عليه واختهن ماصارلها حتى اربع اشهر..
يامرة كتلج الرجال الخميس الجاي يجي يكطع مهر..وجم شهر وياخذها..
تحجي صدوك انت يامهر ابو احمد تريد تنطيها لواحد بناته بعمرها ليش. شنو ذنبها منار..وتكسر ركبتها بهيج قسمة..
منتهى..انتي لاتدخلين اني اعرف بمصلحتهن..
يامصلحة..انت صدوك تحجي بنتي مثل الوردة المفتحة ازوجها لشايب بعمر ابوها..الله..اكبر..الله اكبر
منتهى تزوج ..يعني تتزوج لو ادفنها ورة اختها..
وبقو يتناقشون ويصيحون اني بس دموعي تجري..بابا يريد يزوجني لواحد بعمره..ويريد يبطلني من الكلية ..شسوي ياربي المن اشتكي بابا صاير عصبي ومصر على كلامة ويكول الخميس الجاي يمشون ويكطعون مهر..يعني بعد 5ايام..... ويذبحوني..بعد 5ايام.بس.شمسويه اني وشنو ذنبي ليش هالظلم بقيت للصبح مخليه وجهي بالمخدة وابجي..صبحت عيوني مورمة..افكر شلون اخلص من هالمشكلة شسوي..انهزم من البيت بس وين اروح اروح لعماتي يجيبوني اروح لخوالي هم يجيبوني..بعدين بابا ميسمع من احد بابا ميهمه اي احد من اقاربنا لان يحسهم يكرهو..حتى عم ماعندي واروح اشكيلة..وين اروح ياربي وشلون تنحل هالمشكلة اني اريد اداوم ما اريد اتزوج ولا ابالي زواج..خصوصا ماما تكول شايب بعمر بابا..وبقيت افكر كلت ماكو غيره اروح لعمو ابو مصعب صديق بابا هو الوحيد الي يكدر يقنعه ويخلصني من هالمشكلة خليت بابا واحمد طلعو واني رحت ركض للصيدليه بس دخلت عمو شافني:.
هابنيتي منار شبيج جاية ملهوفة..خو ماكو شي..ابوج صايرله شي!
عمو..عمو..اريد احجي وياك..بس ما اريد احد يسمعنا..
ليش عمو اكوشي..
اي عمو اكوشي جبير مروتك عمو اريدك تساعدني
اهدئي..بنتيتي..اخذي نفس..تعالي خلي ندخل نحجي ..ودخلني بالممر الجوة مال الصيدليه وخله الولد الي يشتغل عنده واكف بمكانه..
خير بنيتي احجي..واذا اكدر اساعدج ما اقصر.
عمو..عمو..بابا يريد يبطلني من الكليه ويريد يزوجني الخميس الجاي لواحد شايب بعمره!
ممعقوله شبيه سلمان..تخبل..!!!!!؟؟؟؟؟

والله عمو مثل مجاي اكولك..
مكدرت اكمل دموعي كامت تجري..اختنكت
اهدئي عمو كولشي ينحل اني احجي ويا..ليصير ابالج..
صدوك..صدوك عمو تحجي وياه..
اي بنيتي لتهتمين شنو يبطلج من الكلية شنو يزوجج..هذا شلون حجي..
عمو هذه اخر سنه بس خلي اكملها وخلي يزوجني يذبني بجهنم اني هم قابلة بس خلي اكمل الكليه..
كتلج اني احاجيه عمو..
بس..بس..عمو..شلون قابل تكوله بنتك اجتي وطلبت مني احاجيك هسه هم يكول شلون عرفت..واذا عرف اني جايتلك يمكن يموتني كتل..
اووف لعد شلون ياعمو غيرترديني احجي وياه..
ما اعرف..عمو..اذا يزوجني يمكن انتحر مثل شهد واخلص من الدنيا..
هذا شلون حجي بنيتي..معليج اني احلها.بس من هسه ترضين بالحل الي راح اقترحه مهما يكون..و..
وقبل ميكمل..
اي عمو ارضة بكولشي لو تاخذني لجهنم اقبل بس خلصني من هذا الشايب وخليني اكمل كليتي..
ههههه..ماشي بنيتي روحي هسه للبيت وميصير خاطرج اله طيب..
صدوك عمو..يعني عندك حل..
عندي ..احسن حل روحي غسلي وجهج..وارتاحي...

ماشي عمو شكرا..بس..طمني راح تجي اليوم تحجي ويه بابا
اي عمو اجي اليوم انتي الج الصافي روحي بنيتي هسه..لان بعد شويه تصير الصيدلية ازدحام
ماشي عمو ما اعرف شلون اشكرك بس الله يوقفك..ويفرحك..مثل مفرحتني..
ورحت البيت جنت فرحانه بكلام عمو ابو مصعب حسيت بكلامة بثقة وحسيت هو الي راح يخلصني من هالمشكلة بس شلون ما اعرف..وصار الليل..وبابا جان كاعد بالاستقبال..اندكت الباب وكلبي يدوك وياها وباوعت من الشباك..اي هذا عمو ابو مصعب وكمت ادعي يارب..يارب يكدر يقنعه..وينهي كولشي ويخليني اكمل دراستي طبعا ورة ساعة طلع من عدنا عمو ابو مصعب بابا صاح ماما واحمد..طبعا احمد نفسيته حيل مدمرة لان هو خطيه خاطب بنت خالتي وع اساس يتزوجون بالعطلة بس حادثة شهد اجلت زواجهم سنه ..او اكثر منعرف شكد راح يتأجل..المهم بقت ماما واحمد تقريبا نص ساعة يم بابا..وراها طلعت ماما وصاحتني للمطبخ..
ها يوم..خو ماكوشي..
يوم حضري نفسج..بعد 20يوم تتزوجين..
رأسا دموعي صبت
اتزوج شنو..ماما هاي شدتحجين وكليتي..
اداومين عادي وتتزوجين شنو مصايرة!
واختنكت بالعبرة..

هاي هيه يوم نطيتوني لهذا الشايب..هاي هيه حكمتو عليه بالذبح..
هههه..وج ياذبح اسم الله ياموت..ياشايب!
اي هذا الشايب الحجة عنه بابا..
ولج يا شايب راح تاخذين زين الشباب!
زين الشباب شنو!
راح تتزوجين مصعب..ولج مصعب..يكول للكمر غيب واني بمكانك..نقيب بالجيش..شايل نجمات..بت الملك تتمناه..
مصعب؟؟.بس..بس يوم مصعب..مو..متزوج وعنده اطفال؟
سوتهم اطفال وج هيه طفله وحدة ومرته صارلها سنه عند اهلها..ميريدها يريد يطلكها..
يعني ممطلكها..شلون تزوجوني لواحد متزوج..موخطية مرته وبنته..
شوف هاي المخبلة ولج ابوج واخوج طايرين من الفرح ممصدكين ابو مصعب رايدج..لابنه..لو احسن يزوجوج لذاك الشايب البناته اكبر منج وج حمدي ربج وبوسي ايدج وجه وكفه ع هالقسمة..
يوم..وزوجته
اكولها يريد يطلكها..تكولي زوجته انتي شبيج متعرفين مصلحتج..ولج انتي جنج تفاحة وحلوة جسم ورسم اذا صرتي مرته بعد ميباوع لوحدة غيرج..
هذا شلون حجي يعني ابني سعادتي ع حساب سعادة غيري..
يبووووو شلعتي كلبي روحي كولي لابوج ماموافقة خلي

ينطيج للشايب..
ها..لا...لا موافقة..موافقة يوم..بس شلون بعد عشرين يوم وشهد مصارلها 4شهور..يعني..
ابوج اتفق ويه ابو مصعب ماكو لاحنه ولازفة يجي الضهر يعقد عليج وبعدين ترحين للصالون وياخذج من الصالون للفندق..
وليش مستعجلين خو يخلوها ورة دورة السنه مال شهد
همه ممستعجلين بس ابوج شرط عليهم العرس راس الشهر.
ليش يعني..؟!
هسه نروح نكوله ليش هو هذا ابوج وهذا عقله..
بس ممحضرة نفسي
بعد اسبوع ابو مصعب يجيب المهر ونطلع نشتري كولشي..وبالنسبة للغرفة همه بيتهم كامل مناقص شي..
يعني غرفة مرته اتزوج بيها..؟؟
اهوووو..انتي شكد تلحين..عود ورة العرس صيري شاطره وخليه يبدلها..
اي مستعجلين تردون تخلصون مني..!
ماما بجت..
اني اخلص منج يوم عمت عيني شعندي غيرج انتي ورفل بس يوم ابوج جان يريد يبطلج ويزوجج لشايب..وهسه ربج فرجها هم الولد شباب. لا وزين .الشباب.وهم راح تكملين دراستج
واذا تفاعلكم حلوا ويبيض الوجه انزل الثاني ماشي

فيتامين سي · 11-12-19, 10:26 AM

#البارود

#الكاتبةورودالخالدي

#البارت2

منار:::
الليل كوله افكر شلون عمو ابو مصعب خله هيج حل وابنه متزوج..زين ابنه موافق ع هالشي؟.يعني اني الصبح حجيت وياه معقوله ابنه بسرعة وافق ودز ابو يخطب..بعدين هو متزوج وعندة طفلة وزوجته خطيه شلون مفكرو بيها..وشلون راح اتزوج واداوم..بقيت طول الليل حسبة تاخذني وحسبه تجيبني..الى ان صار الصبح فكرت اروح للصيدلية..بس الصبح شفت احمد كاعد بالصالة مطالع ويه ابويه للمحل..واحنا نتريك كتله:

احمد شنو مريض اليوم ؟؟
لا منورة مو مريض..شنو مبين عليه مريض..!
لا بس مستغربة شعجب مرحت ويه بابا للمحل.
ها....مو هالايام معدنا طلبيات هوايه فكاعدين وساكتين بدون شغل فبابا كال انت الصبح ابقه بالبيت..والعصر نطلع سوه
ها...اي احسن شكو اثنينكم بالمحل اذا ماكو شغل

وصعدت لغرفتنا..افكر شلون حظ عليه بيوم الي اريد اروح للصيدلية احمد يبقه بالبيت وما اكدر اطلع..ومرن خمس ايام واحمد باقي الصبح بالبيت يربي شلون اروح للصيدلية خصوصا ابو مصعب العصر ميفتح صيدليته لان يداوم...بين اسبوع..واسبوع.. بالمستشفى ع الشفت المسائي..وبيوم السادس كعدت الصبح لكيت بابا واحمد رايحين رحت ركض للصيدلية..يربي هواية ناس بالصيدلية شلون احجي ويه عمو ابو مصعب..دخلت هو شافني كال:
ها..بنيتي..

عمو اكدر احاجيك
تعالي بنتي دخلي..
ودخلت..وكفنا نحجي والعامل يمشي الناس نصيت صوتي:.
عمو لخاطر الله شنو موضوع الخطبة..والزواج والله صار 6ايام افكر..و
بنيتي لاتفكرين ولاشي..هذا احسن حل ابوج اذا شافج بعصمة رجال بعد ميكدر يتحكم بيج..
عمو ..باجر دوامي..مو
اي عادي داومي..اني متفق ويه ابوج اداومين..
بس..بس عمو..ابنك يقبل اكمل..؟
بنتي معليج..بكولشي الج الصافي..انتي توكلي ع الله وداومي باجر ميصير خاطرج الله طيب.
عمو بس ..ابنك..شلون وافق بسرعة يعني هو متزوج وعندة طفلة مو خطية عائلته..
منار زواج مصعب من بنت اختي بحكم المنتهي..لتفكرين بهالموضوع اني ارتب كولشي..
بس..عمو...

لا بس ولا شي..روحي هسه للبيت وخلي كولشي عليه..
وبعد لتجين للصيدلية ما اريد اخوج لو ابوج يعرفون انتي جايه لهنا..
ماشي..ماشي عمو راح اروح..
ورجعت للبيت..صح هو طمني بس اني كلبي ابد ممرتاح..لهلزواج..وثاني يوم داومت عادي صح اسمع حجي بالكليه عن اختي شهد بس ساكته اسوي نفسي ما اسمع واصبر نفسي اكول هيه سنه تخلص..شلون مجان..ورة 3ايام ماما كالت:
ابو مصعب دز الفلوس..العصر نطلع نشتري غراض وذهب وملابس..
يوم..اني ما اريد شي..راح ابقه لابسه اسود..
شوف المخبلة..لج وين اكو عروس لابسه اسود
اي مو كلتو ماكو لاحفلة بس عقد وكبل للفندق شسوي بالملابس. والذهب بعد

لج انتي ام نص عقل شنو هي الملابس والذهب بس للحفله لازم عندج ملابس جديدة وذهب وشغلات مال عرس..يعني مكياج وملابس نوم..هو زواج لو لعب. بعدين اني صح مااسويلج حنه بس بساعة كطع المهر اجيب خالاتج..وبناتهن وعماتج وبناتهن حتى يبطلن يتشمتن..وحتى يشوفن رجلج الجنه كمر ضاوي اريد تكتلهن الحسرة والقهر
ياااا..ماما هاي شدتحجين؟
اي..ولج اريد افوخ كلبي بيهن..واكطع لسان كل وحدة حجت علينه بالعاطل..وهاي احسن مناسبه..تخلي كلبي يرتاح..من اشوف القهر والحسد ماكل كلوبهن وعيونهن!

ورحنا العصر اشترينا ملابس طلعة وملابس نوم وداخليات ومكياج وذهب..تأخرنا هوايه صار المغرب واحنا نفتر بالمحلات..بس ملحكنا نشتري كولشي..ثاني يوم العصر هم طلعنا اشترينا بعد غراض احذيه ومناشف..ومعطرت واشكال ماما تجيب وتعبي بهالغراض..ورجعنا للبيت..بعد مخلصنا كولشي بس ماما كل ما تتذكر شي تنزل تشتري وتجيبة وتخلي ويه الغراض الى ان صار يوم العرس..الصبح ماما تريد تاخذني للصالون فكتلها:.
يوم ياصالون البس..اي نفنوف هو مجرد عقد ما اريد خالاتي وعماتي يشوفني..امكيجة ومبدلةشنو محتفلة واختي مصارلها كم شهر..

ولج دقيتيني غير عرسج وفرحانه بيه..وتسوين تسريحة ومكياج وبدله عقد
ياااا..يوم شنو تسريحة وبدلة كدام كرايبنا..تحجين صدوك؟!
انتي عبالج هينه عليه شهد ولج يوم اني اريد اكسر عيون الناس مو شغله فرحانين..
لا يوم..مستحيل البس بدله كدام كرايبنا..عود من يخلص العقد..اروح للصالون البس بدله عرس ومناك ياخذوني للفندق بسكته ما اريد احد من كرايبنا يشوفني بالبدلة اصلا..
طبج مرض

بالكوة قنعت ماما البس نفنوف..ومكياج خفيف..وشعري فتحته هو طويل وسرح ممحتاج تسريحة..وصار الظهر وعقدنا الشيخ بس مصعب مدخل يمي البنات استغربن ليش... العريس ورة العقد يم عروسته سمعت خالته تكول:.
يااااامصعب طلع ديجهز السيارةو الفندق لان هو البارحة نزل من الدوام فصارت الشغله استعجال باستعجال
بقن خالاتي وعماتي وبناتهن يحجن:.
ياااا..شنو استعجال..غير يجي حتى نشوفه..وين اكو عريس يعقد ويطلع..يعني احنه مراح نشوفه لان حتى زفه ماكو..هذا شلون عرس
ماما تشوفهن يتمضحكن ويتبسبسن..
فكالت:
اي..مستعجل متشوفنه سوه العقد والعرس بنفس اليوم خطية عندة دوام هو نقيب شكبرة شكدة..بالجيش
خالتي كالت:

خو ياخذ اجازة زواج..
لا عيني ميكدرون بليا..هو الكل بالكل بدوامة. بعدين ع الجايات الايام هواية وتشوفنه لرجل بنتي..همزين مدخل لهنا اخاف عليه من عيون الناس اي الحسد مذكور بالقرآن!!
اني بكلبي اكول همزين مسمعت كلام ماما ولبست بدله جان تفشلت بعد اكثر..ورة ساعتين راحن خالاتي وعماتي لان ابو مصعب خابر كال راح يجي ياخذني اني ورفل..وماما للصالون..

فرحنه البنات بالصالون سونلي تسريحة تأخرن بيها لان شعري حيل طويل وسرح ومياخذ لف..فترسن شعري ماشات ومثبت..ولبست بدله بيضة ماما راحت اجرتها..ومكياج كولش حلو معرفت نفسي بالمرايه جانت... خالة مصعب ويانه بالصالون لان ام مصعب متوفية..بس خالته حيل جامدة صح مرة حلوة او وقرة بس حيل جامدة وجهها ميتفسر..تباوعلنا من جوة ليجوة عبالك مراضية..ومن خلصت..اتصل ابو مصعب كال مصعب جاي ياخذجن للفندق بسيارته..مدري ليش انقبض كلبي..ونبضي صار سريع..كمت استغفر..وقريت اية الكرسي حتى اطمئن

لبسوني برنص ابيض مستور فوك البدلة لان البدلة شوية مكشوفة..وطلعنا حتى مباوع بوجهي..بس سمعت صوته::
بس امها تروح ويانه للفندق..
ماما كالت
ياااا..وبنتي رفل شلون ترجع وحدها للبيت خلي تجي ويانه..
كلت بس امها تجي!!!
وحاجة خالته..
خاله ام قيس اخذي تكسي رجعي البنيه لبيت ابو احمد وبعدين رجعي لبيتج..
ماما هزت ايدها لان هي واكفه وراه وكالت:.
ليش عمه مصعب..
مثل مكلت..بس امها تجي ويانه!!
بكيفك عمه
انتظرن راح اجيب تكسي
وراح يوكف تكسي ماما كالت لخالته:
شبي مصعب شو صاير عصبي ويحجي بنتر ويتأمر علينه؟!

هههه..هو هذا مصعب بارود لتشوفنه حلو وعيونه مثل عيون البزون ترة مينجرع..لو اعرفة ينجرع من زمان انطيته وحدة من بناتي!!!!؟؟؟؟
تحجي بشماته بس ماما شاورتني
معليج بحجيها مبينه غيرانه وكاتلتها الحركة كولهم الرياجيل عصبيين الشاطرة التسايس الرجال بعقلها..افتهمتي بنيتي.

اي يوم..!!
وجاب التكسي وراحت خالته ورفل فتحلنه باب سيارته وكال
اصعدن..
صعدنا بالورة وهو يسوق..

حيل يخوف..محجه طول الطريق ساكت وماما تشاور بيه وتوصيني اصير عاقلة وهادئه وتكولي شوفيه لرجلج شلون جمال وجسم وهيبة..اكسبيه بعقلج ولسانج الحلو..بس اني حيل كلبي مقبوض منه وادعي رب..العالمين يكضي الليلة ع خير..وصلنا للفندق صعدنا فوك دنمشي بالممر لغرفنا امي نزعتني البرنص بقيت بس بالبدلة والبركع تمنيت منتزعني وابقه مغطية صدري ومتوني بس هيه بسرعة وخرته..دخلنا للغرفة..

هي حاجته:
دير بالك عليها بعد عمتك..
سمعته كال..باستهزاء
ههه..اي ادير بالي ليش ما ادير بالي.
وطلعت..وسدت الباب اني كاعدة ع الطرف مال الجرباية.

هو اجه كعد كبالي اني مدنكة..هو طلع جكارة سمعت الطكة مال جداحته اخذ..نفس وكال:.
اسمعي..لج...اني البارحة نزلت من دوامي..لكيت ابويه خاطب وداز مهر..وحجالي ع ظروفج اوضعج كوله..ولان ما اريد اكسر حجاية ابويه وافقت وهسه مضطر اكعد كبالج يعني زواجنا مو مثل ما انتي مفكرة..يعني زواج كلاوات..مجرد شفقة وعطف عليج من جانبي ومن جانب ابويه الى ان تخلصين كليتج..وكولمن يروح بطريقه..والا..شاب مثلي..شنو يجبرة يتزوج وحدة اسم عائلتها على كل لسان وسمعتهم زفت؟؟!.فصيري عاقلة..ولتفكرين بيوم من الايام راح اصير رجلج من صدوك..راح تعيشين ابيتنا..انتي بغرفة واني بغرفة وما دام اني بالبيت مدخلين لغرفتي بوجودي نهائيا..ولا عبالج..اني..امشي بالمسايس ويوميه تلبسيلي احمر واخضر وتغريني ويصير زواجنا صدوك..لو مو اطلعين منار..لو ملاك نازل من الجنه كلبي مراح يرف عليج..لان اني..عندي المرة متسوة فلس..وتعرفين اني متزوج قبل ومرتي صارلها سنه ونص عد اهلها وممهتم وما افكر ارجعها..ومثل مكتلج هذا قيطان حذائي عندي اهم من اي مرة..افتهمتي!!
بس اني محجيت لان صوته جان حيل يخوف جنت بالكوه ابلع ريكي همزين البركع ع وجهي بعدلي شويه وابجي وسمعته يكول:
افتهمتي!

مكدرت ارد
اشو هذا رأسا شمر الجكارة وادنه يمي رفع البركع ولزمني من متوني حيل..وصرخ بوجهي:
لج اني محد يكتلني بالسكته من احجي تفتحين اذنج زين..ومن اكول افتهمتي تكولين اي افتهمت!!!
رفعت راسي شفت وجهها عيونه صح زرك وكبار وحلوات..ووجها..عبالك وجه ملاك..بس عيونه بيهن عصبيه الدنيا كولها..عبالك حياكلني..فكتلة:
اي...اي..اي..فهمت..واطمئن اني ما افكر بهالشغلات..
فرأسا هدني وضحك..باستهزاء:.

ههه..طبعا متفكرين بعالشغلات ..لان عندج بدائل!!!!!!!
شنو..شكلت مفهمت!
سمعتني شكلت واني ما اعيد الحجاية مرتين!
هذا شبي شيحجي ليش هالكد عصبي بعدين شدعوة هالغرور اشايف نفسه...فكلت:

شنو تقصد بدائل..
فغير الموضوع..وراح كعد فتح السليفون مال الاكل وكال:
كومي للحمام..بدلي سلاباتج..بينما..اتزقنب
رحت بسرعه فتحت الجنطة الي خلتها ماما يمنه لكيتها مخليه سيت مال نوم وملابس داخليه وتنورة..وبدي وبنطرون ابيض وقميص وردي..ههه ع اساس البس السيت انام بي والصبح من نرجع للبيت البس لو التنوره لو البنطرون اخذت التنورة بعدين فكرت انام بالبنطرون احسن لان اخاف اتكشف من انام..ودخلت للحمام نزعت البدلة....

والبركع..اباوع ع نفسي بالمراية مدري. شبيها عيوني كامت تجري دمع..هو يكول شاب مثلي ليش يتزوج وحدة سمعه اهلها ع كل لسان..وبعد شكال عندج بدائل..شنو يعني بدائل شنو قصدة بعدين اني شمسويتلها ليش هالكد محتقرني..ماشي ..يعطف ويشفق عليه ويريد بساعدني حتى اخلص كليتي امنت بالله بس ليش عصبي..ليش يحجي ويايه باستهزاء اباوع ع زنودي صارت طبعات اصابعه بيهن لان بشرتي حيل بيضة وبسرعة يبين بيها الاثر وتصير حمرة يعني من اول يوم هو هيج يعاملني لعد الايام الجايه شلون راح تخلص وياه..غمضت..عيوني رجعت صورة ملامحه وعيونه الزركة الي بلون السما جو جفوني..صح..شاب يخبل واي وحدة تشوفه احتمال تكتل نفسها عليه بس طبعه زفت..اسود من الزفت..ههه..عبالة افكر اغري لو اريد منه زواج من صدوك اصلا همزين طلعت منه الحمد لله والشكر هو ميفكر يتقرب عليه سنه دراسية اخلصها اتخرج من كليتي وارتاح وانفصل عنه وبلكي الله ضاملي قسمه احسن منه ع الاقل ابقى محتفضة بنفسي وابقة بنيه الى ان يتزوجني واحد يستاهلني..ميخالف الله كريم اصبر عليه وعلى عقليته الزبالة الى ان الله يفرجها...

مسحت دموعي وخرت الماشات اوف شعري يلزك من المثبت الحمام دافي فتحت الدوش وكفت جواه سبحت بسرعة ارتاحيت شعري نزل..غسلت وجهي حيل حتى يروح المكياج بعدين لبست ملابسي بنطرون ابيض وقميص وردي. طويل..ومسحت وجهي كوله المكياج وخرته بس.... بقت شويه كحله بعيوني..

وكمت امشط بشعري تعبني لان تخلبص..من التسريحه خلصت بس ما كو قراصة عندي..فكرت اشيلة بماشات بس قبل ما اشيلة سمعته يكولي:.

مدام شنو حتبقين بالحمام للصبح خلصت زقنبوت وانتي بعدج..اني هم اريد ادخل اغسل ايدي..

انتظروا بارت 3

فيتامين سي · 11-12-19, 11:24 AM

#البارود

#الكاتبةورودالخالدي

#البارت3

منار:::
سمعت صوته عفت شعري مفتوح وفتحت الباب وكف كبالي يباوع عليه من فوك لجوة بعدين كال:
روحي تزقنبي
عفته دخل للحمام..اول مسد الباب غميته:
وكلت بكلبي
عابت..شكد مكروه..
وره خمس دقايق طلع لكاني كاعدة ع القنفة الزغيرة البصف الجرباية زمخ بيه:
مو كتلج اتزقتنبي..
كلت خلي اسكت ممجبورة ارد عليه اني ما احب هيج اسلوب فبقيت ساكته..اشو هم اجه لزمني من متوني حيل..وزمخ بصوت اعلى:
اني مو احجي وياج..ليس متزقنبتي؟؟
رفعت راسي هم صارت عيوني بعيونه دنكت كتلة:.
مجوعانه ما اريد اكل..
لا اشو اله تاكلين!
كتلك مجوعانه شنو اكل بالكوة..
اي تاكلين بالكوة
ما اريد!
ضغط ع زنودي حيل وكال:

شوفي لج الكلمة الي اكولها تنفذيها وانت الممنونه وما احب اعيدها مرتين افتهمتي..
اي..اي..راح اكل بس هدني..دتوجعني..
هدني وكال:
اي عفيه ...يالله كومي مثل الحبابة تزقنبي ونامي..
رحت كعدت يم الاكل..بس مكدرت امد ايدي شلون اكل وهو ديراقبني مثل الصكر..شلون امد ايدي استحي..

شنو ناويه تاخذين صورة للاكل..يله اكلي..
اي هسه اكل بس لتباوع عليه..
ههه..ما اباوع عليج..ليش عيني..عندج طقوس خاصة بالاكل..!!
لا بس انت دور وجهك واني اكل..
هههه..بدت خبالاتج..ماشي اني هم تعبان راح انام اكلي وانطمري..
شفته راح تغطه بالبطانيه فرحت بصراحة اني ميته من الجوع لان حتى غدة متغديت..اليوم كعدت اكلت الدجاجة كولها والفواكه..وشربت العصير كوله حسيت نفسي شبعت..اكول لنفسي هو شبع وانخمد عليش ابقة جوعانه اني هم خلي اشبع وانام قابل هو احسن مني!!
بعدين غسلت اديه اوف مجايبه الفرجه والمعجون بقن بالجنطة الجبيرة..بالسيارة...تمضمضت بالصابون السائل ورجعت..اكو بطانية باقية يم رجليه اخذتها ونمت ع القنفة.هو جان رايح بسابع نومه..اني جنت افكر باجر من... اروح لبيتهم شنو البس تذكرت ماما جايبتلي شلون نفانيف مال بيت الي قصير والي ضيك..والالوان احمر..وجويتي..وبنفسجي واصفر منقط بعدين اني بيضة ومليانه واذا البس هاي النفانيف لو التراكات راح يفكر اني اريد اغري..لا ابد مستحيل البسهن كدامة ماما بطرانه عبالها زوجنا راح يصير من صدوك واكدر البس هيج اشياء كدامة وتذكرت من كال موعبالج تلبسيلي احمر واخضر وتغريني..هههه..اني اعلمه يدلل والله الا البسله اسود والبسه واحسسه انه هو ميهمني ولا اتقبلة بعيشة الله هيج واحد مغرور وعقليته مجعمرة ميفيد وياه غير التجاهل..وقبل جنت اسمع بيبيتي الله يرحمها تكول الحكران يكطع المصران..واني اعرف شلون احتقره..نمت..كعدت ع صوته
يله خاتون كعدي الساعة بالتسعه..امج اكيد منتظرة بره..منعرف تريكت لا!!
اي..اي كمت غسلت وجهي ومشطت شعري بالحمام لكيت الماشات بمكانهن شلت شعري لفيته ع شكل طوبه وثبته بالماشات..وطلعت لبست حذائي لكيته منتظرني فتح الباب دك باب الغرفة مال امي طلعت:
شنو عمة شو بعد مطلعتو لاكلتو هالمرة تعشت تريكت!
فكال:
وصيت يصعدولج عشه عمه شنو مجابولج!
لا جابولي خلفلله عليهم بس شو محد طلع منكم...

فهو كال
انزلن جوه للمطعم مال الفندق اني دقيقتين وجاي وراجن
بعدنا دنمشي بالممر امي سألتني:
ها ولج منار بشري شصار مصار كلبي يمج..هذا مبين مينجرع مثل مكالت خالته !؟
شنو شصار مصار مفهمت!.
اوف تغشم روحها يعني شغلتكم خلصت لا!!
فكرت خلي اكولها خلصنا حتى متضل تسأل:
ها..اي..اي يوم خلصت الحمد لله..
يا..صلوات..صلوات..وشلونه جان زين وياج!
اي..زين يوم هسه شنو هالاحراج كتلج خلصنا وهاي هيه اني استحي بعد لتسأليني..
اي ما اسألج يله الحمد لله والشكر!
وصلنا للمطعم كعدنا ع الكراسي اني كتلها:
ماما ملابسي مال البيت السود من ترجعين للبيت ادزيهن الي كولهن بيد رفل لو بيد احمد.
يااااا..اسم الله ملابسج السود ليش..بعدج عروس..
مثل ما اكولج يوم..دزيهن الي اني اتفقت ويه مصعب ابقة حزينه ع اختي الى ان ادور السنه..
ياااا..صدوك مخبلة تريد تشرد الرجال
لتخافين مينهزم..اصلا هو يكول ما احب الالوان احب اللون الاسود..وكلي انتي بيضة ويلوكلج الاسود..
هذا شلون حجي..شنو تلبسين اسود..
يوم رجاءا دزيهن ليش تخليني هسه ارجع للبيت المهن...

كولهن واجيبهن..
هي شافته اجه..كالت:.
اسكتي هسه اجه رجلج ادزهن كولهن بيد رفل بس ارجع للبيت..
كعدنا تريكنا شلت راسي لكيته يباوع عليه رأسا التفت سوه..نفسه يباوع بغير مكان..خلصنا ريوك ماما كالت:
عمه تضلون بالفندق كم ليلة لو ترجعون للبيت..اذا تبقون اني ارجع لان رفل مدبرها وحدها متعرف لاتطبخ ولاتنظف
لا عمه هسه راجعين للبيت..
لعد وصلوني وياكم..
وصلنا ماما..ورجعنا..دخلنا لكينا عمو منتظرنا ويمه طفله يمكن عمرها 4سنوات..
سلم علينا وشفت مصعب نزل الجنط من السيارة خلاهن بالصاله فعمو كله:
صعدهن فوك بغرفتكم بابا..
يابه وين اصعدهن منار هنا راح تنام بغرفة ملوكة..وتخلي ملابسها بنفس الغرفة بعد شكو مصعدهن:
بابا هذا شلون حجي..
هو هذا الحجي الصح واني هيج اتفقت وياك ووياها.
باوعلي عمو..
اي عمو هنا خليهن راح ابقة بهاي الغرفة الجوه
بكيفكم بابا..اني رايح اودي ملوكه لامها..
باوعت ع الطفله حليوة بس شعرها ممرتب..وملابسها مخربطه كعدت بصفها عمو كلها:...

سلمي على خاله منار..هي ادنت..باستني..اني هم بستها فدوة شلون طفله بريئة..سمعت مصعب يكول:
يابه اليوم اخر يوم ادزها لبيت عمتي قبل حجتنا معدنا احد بالبيت يدير باله عليها هسه منار صارت هنا هيه ادير بالها عليها
بابا البنيه هم عدها كليه ودوام..بعدين منو يكول عمتك لو امها يقبلن تضل عدنا طول الوقت..
يابه كتلك بتي تبقى هنا..واذا امها تريد تشوفها عود دزها كل اسبوع تبات يمها ليلة وترجع..
بابا حرام عليك هاي امها شلون هيج تحجي..
يابه..انت تعرف..اني اكدر احرمها منها طول العمر بس لخاطرك ولخاطر عمتي ساكت واخليها تشوفها..
بكيفك بابا بس حضر نفسك لطلايب سوسن
انت روح دزها وفهم امها بهالحجي..واذا حجت بس خابرني اني اجي واعرف شلون اتصرف
هو يحجي واني افكر هذا شلون يحجي ويه ابوه ..عبالك يشتغل عنده كبر..ميحترم احد ويريد يحرم الطفلة من امها..هذا شنو من بشر..!!
عمو اخذ الطفلة وطلع وهو هم صعد بدل اني دخلت للغرفة الي كال عليها لكيت كنتور ابيض مال اطفال..طبعا مفتحت الجنط لان مراح استخدمهن بس خليتهن ع جهه وحدة فوك اللخ..وره شويه سمعت دكات ع الباب فتحته..شفته مبدل لابس بلوزه ماروني وبنطرون اسود كابوي..كلي:
تعرفين اطبخين لو اجيب غدة من السوك..عادي احنا... متعودين ناكل من السوك اذا مبيج حيل لو متعرفين اطبخين خاتون!
لا..ليش تجيب من السوك جيبلي مخضر..واي شي تحبوا واني اطيخ..
اي ..زين عبالي نستلايه متعرفين اطبخين!.
لا مو نستلايه..اني اطبخ ع الاقل اشتغل اطبخ وانظف اعيش عدكم بتعبي ماكو داعي احد يتفضل عليه!
اي خوش تفكير عملي يفيدج ويفيدنا..
اكيد
شنو اجيب مسواك:
مخضر..وتمن وخبز..ما اعرف شنو عدكم بالمطبخ..يعني زيت ملح..هاي شغلات الطبخ..
كولشي اكو بالمطبخ لان ابويه مرات يسوي عشه بيده فعدنا هوايه شغلات للطبخ..بعد غير المخضروالتمن شنو اجيب..
بكيفك شنو تحبون اطبخ..لحم..سمج ..دجاج بكيفك!
ماشي
راح تقريبا ساعة عشرة ونص رجع جايب..مسواك طبخت..وره ساعة اجت رفل جايبة جنطة بيها ملابسي باستني وشبكتني وكالت رايحة للمدرسه وراحت..طلعت نفنوف اسود لبسته.اجه عمو..وراه اجه مصعب..عمو دخل كعد..وكال:
هاي شنو..ريحة الاكل الطيبة..
سويتلك مقلوبه دجاج عمو...

مصعب شفته صعد للغرفة عمو كال:.
اي..واخيرا راح ناكل اكل بي خير.
تدلل عمو
حضرت الاكل..وكعدت يمه سمعته يكولي:.
هاي شنو عمو ليش لابسه اسود اول يوم عرسج..
وقبل ما احجي حسيت..بمصعب واكف قريب يم باب المطبخ يسمعنا شدنحجي لان وجهه..مبين من..جامة الكاونتر..فكلت:.
عمو ياعرس..يا زواج انت تعرف كلش زين ماكو لاعرس ولاشي..مجرد انتو دتساعدوني حتى اخلص كليتي وبعدين كولمن يروح بطريقة واني اصلا جنت البارحة الصبح لابسه اسود وهسه مصار شي ارجع البس اسود عمو تره اختي مصارلها اربع شهور..
ميخالف بنيتي ...بس ميصير تلبسين اسود
لا عمو..يصير..اصلا اني..ملابسي مطلعتها من الجنط ولا راح اطلعها..واحتمال اخليها..على وضعها..حتى الذهب والمكياج ضميته بالجنط اني من اخلص كليه راح ارجع لاهلي كولشي ما اخذ منهن..
هذا شلون حجي هذا مهرج بنتي..
عمو كولشي ما اريد خلوهن احتمال تزوج ابنك ..بنيه ثانيه قابل ..ترجعون تشترون من جديد خليهن الكم وخلفلله عليكم ساعدتوني....
بس بنتي..
عمو لابس ولاشي اتغده هسه وشوف المقلوبه شكد طيبة..

وشفته اجه كعد كبالي اشوفه حيل تنزفز بس ساكت اي احسن خلي يتنزفز عباله اني بحاله والبسله كل شويه شكل لو بحال المهر الي دفعه..كبر اي والله كبر..صبيت وخليت كدامه وكلت:.
عمو اني باجر اداوم..لان ممداومة البارحة واليوم وتفوتني المحاضرات!
غير ماخذه اجازة
لا عمو..ارجع..اداوم مبيه حيل يتكومن عليه المحاضرات
بكيفج عمو ..
وكمت..
شنو متتغدين..
ها..اتغده عمو بس هسه مجوعانه..
اشوفه ياكل..بس وجه شايل كل غضب الدنيا بس ساكت ميحجي ياكل بسكته عمو خلص غدة صبيتله جاي. شربه وكال:
اروح للصيدلية الوجبه مال الادويه وصلت
طلع عمو..
بقه هو كاعد ع الطاوله ياكل ع كيفه وبس طلع عمواني كعدت بالصالة عفته بالمطبخ احسن البسه ما اريد اكابله..بس كعدت سمعت صوت اماعين تتكسر..ركضت للمطبخ شفته يغسل ع السنك..بقيت صافنه هذا شبي ليش كلب الاكل بالكاع الزوليه الدائرية الي جوه الطاوله صارت كولها دهن من المقلوبه..والتمن ترس الكاع..كعدت الم بالاماعين المكسرة وسمعته:

سويلي كهوة..
كمت سويتله كهوه احجي ويه نفسي شيخلصها ويه هذا الخبل..صبيتله كهوه وخليتها كباله بالصالة رجعت للمطبخ لميت التمن والكزازبالمكرافة...وخرت الكراسي وشلت الزوليه طلعتها بره..ونظفت جوه الطاوله بعدين اخذت المنظف طلعت بره جريت الصونده..اوف المي ثلج مال الخزان..نزعت شحاطتي ورشيت منظف ع الزوليه..وكعدت افرك بيها بالفرجه وحتى نفنوفي ميوكع بالمي صعدته..بقيت انظف بيها مأمنه لان هو ديشرب كهوه ولازم الموبايل اكيد مراح يطلع..رجليه ثلجت صارن حمر لان المي بارداشو دا اغسل رفعت راسي شفته كبالي عزة ..عززززة..زروري نصهن طالعات..وهذا مكابلني واكف يتفرج عليه بسرعة غطيت ..نفسي وكمت..جنت حيل مرتبكة ومستحيه لان شفته يباوع ع جسمي..شكد عيب..
انت..انت رايد شي..اصبلك بعد كهوة..
ادنه يمي..هم لزم متوني حيل..وكال:
مو شرط الالوان تغري..ترة الاسود يغري اكثر خصوصا ويه وصله بيضة مثلج..
اني..اني جنت انظف..لا اغريك ولابطيخ..بعدين انت كلبت الاكل ع الزوليه..
منار..من اول يوم اكولج بطلي هالسوالف؟
اي سوالف..
سوالفج! الحجي الي حجيته لبويه ..مال ما اريد ملابسكم وما اريد الذهب..وما اريد مهر..وخلوهن الكم احتمال..مصعب..

يتزوج مره لخ..تره اني قاريج..واعرف المرة تتمسكن الى ان تتمكن؟
هو يحجي واحس اظافرة ملخت زنودي تملخ..فكلت:.
اي ما اريد منكم شي..اريد اخلص كليه وبس وبعدها اعتبرك..كابوس..مر عليه وصحيت منه..
اني كابوس!
اكيد كابوس..

بكيفج..بس راح اتعبين هواية..اواعدج..
اعرف راح اتعب..واني كدها..ومراح ..اخليك تتشفه بيه..ولا انطيك هالفرصة

انتظروا بارت4

فيتامين سي · 12-12-19, 03:42 AM

#البارود

الكاتبةورودالخالدي

#البارت4

هدني ومشه بعدين التفت وكال..
ماشي..الايام جايه هواي..
وطلع وسد الباب وراه..
من طلع ارتاحيت..من شوفته بس مكان لزمته يوجعني..اتلمس بيه واكول :
اوي انشالله روحة بلارجعة ورمت زنودي عساها بعافيتك
ورجعت كملت الزوليه وكترتها ولميت الصوندة والفرجه شفت غرفة زغيره كلت يمكن مخزن فتحت الباب فعلا جان مخزن مال ادويه خليت الصونده انتبهت اكو كاميرات بالحديقة اكيد عمو مخليهن ع مود المخزن..رجعت دخلت جوة نظفت البيت رجع عمو وياه ملاك..كعدت يمها الطفله حيل محبوبه وبسرعة تتعلق بالناس بقينا نلعب فتحتلها موبايلي طلعت الها لعبه مال الفقاعات كيفت التهت بيها..بعدين كالت جوعانه وكلتها وبدلت ملابسها ولميت بقيه الملابس خليتهن بالغسالة..وفكرت شسوي عشه اكو لحم مثروم وطماطه..وخيار..وخضرة..كلت خلي اسوي كباب مال بيت وفعلا عجنت الكباب عمو دخل نام لان تعبان كال كعديني بالسبعة لان عنده خفاره من 8..الى2بعد نص الليل..يعني راح يتأخر لازم اسويله عشه من وكت..والتهيت ارتب بالبيت صعدت فوك لكيت غرفة هذا...
الخبل صايره مزبلة نظفتها..ع السريع وطلعت ملابسه الوصخة كومتهن بالحمام..كلت من اكمل العشه واغسل الاماعين عود اشغل الغسالة واغسلهن..وصارت الساعة بالسته العصر بديت اكلي كباب..وثرمت زلاطة بالسبعة الاربع كعدت عمو خطيه كعد تعشه وبينما دنتعشه دخل مصعب..بكلبي اكول هسه وكت جيته ..عابت حتى بالعشه ما اكدر اتهنه دخل كعد بصف عمو..حضرت عشه وخليته كدامه وكمت خدرت جاي لعمو وسمعت عمو يكول:
تعالي كملي عشاج بنتي..
لا عمو اكلت هوايه شبعت..
شكلتي بنتي بعدج ممخلصة نص خبزة..وسمعته..يكوله:
يابه اليجوع ياكل وحدة ميحتاج عزيمة..
كبر لازم يعلق على كل حجايه..مسوي نفسه ..الكل بالكل..خلص عمو عشه وشرب جاي وطلع..شفت ملاك تلعب بموبايلي..مكيفه ع الالعاب بس موبايلي خلص شحن وطفه..اخذته خليته ع الشحن..
هو كلي:.
سويلي كهوه ..
شفته يصعد..
كتله غير تشرب الكهوة وتصعد..
من تكمل صعديها الي..ودكي الباب مو ادخلين كبل..
ماشي..
من صعد عاف..موبايلة وسويج سيارته وباكيت الجكاير والجداحة ع الطبلة بالصالة شفت..ملاك راحت يمهن كلت.:

من اكمل الكهوه اصعدهن اله كملت ..الكهوه..اجتني ملوكة كالت..
خاله شنو هذه بموبايل بابا..باوعت عززززة..عزززة شنو هاي الصور هاي فاتحة الماسنجر ومطلعة رساله وحدة دازتها لابوها..بس شنو وحده مصلخة..وصور ثانيه تخزي..يربي شافتهن الطفله..اخذت الموبايل منها وخليت السويج.و الباكيت بالصينيه وصعدت دكيت الباب كال دخلي دخلت خليت الصينيه ع الكومدي وانطيته موبايلة:
مصعب خلي رمز لجهازك..
هو رأسا كام من مكانه لزم ايدي..
شنو شكلتي!؟
كتلك خلي رمز لجهازك..لان بيه شغلات ميصير احد يشوفهن!؟
خرب..لج انت شتحجين؟ منو سمحلج تفتحين جهازي..
شفت اتعصب حيل..
اوكف دقيقة خلي احجي..تره اني مفاتحه جهازك بس ملوكة فتحته وجابته لكيتها فاتحة الماسنجر ودتباوع ع صور ..العفو..اقصد صور محلوة..
وانت مصدكتي طلعتي حسابي وتفرجتي ع خصوصياتي..
والله كولشي مشفت..بس..هي رأسا انطتني الموبايل وفاتحه الصور بسرعةاخذته..من ايدها..وجبته..يعني هي طفله ميصير..تشوف هيج صور وانت تشمر موبايلك وين مجان فكتلك خليله. رمز حتى متفتحه..
متاكدة مشفتي شي معقوله مفتحتي باقي الرسائل..؟؟؟
لامفتحتهن مثل مكلت هاي خصوصياتك..وخصوصياتك متهمني بشي..
هد ايدي وكعد..
اني رأسا طلعت من غرفته..شكد لزمته تأذي..عبالك ايده جلابتين مو ايد بشر..كل ميلزمني يخلي اثر بالمكان..
نزلت من فوك.عشيت ملوكة ونيمتها..خابرت ماما:
الوووماما..مساء الخير..
مساء النور حبيبتي
ماما يكدر احمد يجيني هسه..
خير بنيتي خوماكو شي..
لا ماكو شي بس ردته يجيبلي كتبي وغراضي مال الدوام باجر اداوم..
ياااا..شنو اداومين غير..ماخذه اجازة اسبوع..
لاماما باجر اداوم ما اريد المحاضرات تتكوم عليه..
يوم بعدج عروس يامحاضرات ياكليه..
يوم كتلج راح اداوم باجر..اذا احمد ميكدر يجي هسه باجر الصبح امر عليكم واخذهن..
يوم معقوله رجلج يقبل اداومين خصوصا هو نازل بس سبع ايام....شلون يخليج اداومين..
يوم هو كلي داومي..
والله ما ادري هذا رجلج شنو من عريس..طبعه عجيب غريب..
هسه شنو راح ادزيهن..
خلي اشوف احمد يقبل يجيكم...لو لا!

ماشي..
وسديت الخط وره نص ساعة تقريبا اجه احمد..مصعب نزل من فوك من سمع الجرس مال الباب..
اخذ الكتب منه والغراض احمد مقبل يدخل كال تعبان ونعسان..وراح..
مصعب صعد بقيت اني ارتب بغراضي بكنتور ملوكة وملابسي السود هم طلعتهن..صفطتهن ملوكة نايمه ع جربايتها..اني وين انام..رحت ادورع فراش انام عليه لكيت ع الكنتور مال عمو بطانيات ودوشك اسفنج نزلت..بطانية ودوشك ومخدة..فرشتهن ونمت..كعدت الصبح لكيت عمو ديسوي ريوك..شافني كال :
جبت كيمر عرب يخبل..
الله عمو شكد احب كيمر العرب.
وكعدنا تريكنا..صارت الساعة بالسبعة وعشره دخلت بدلت ..رحت للمطبخ..
عمو اريد اروح للكليه..
اي عمو هسه اخذلج تكسي يوصلج..
لا عمو اروح..ويه البنات احنا عدنا خط..اوكف براس الشارع يجي ابو الخط..بس شلون اخاف مصعب لو ملاك يكعدون يردون ريوك..
روحي عمو اني اطلع منا وره التسعه همه يكعدون يتركون واني اروح..
ها..زين لعد..
ردت اروح..كلي اوكفي..خله بيدي 25..

هاي شنو عمو..
خليهن بجنطتج بنيتي..تحتاجين شي تصرفين شي!
لا عمو ممحتاجه شي..
كتلج خليهن بجنطتج..شنو تكسرين حجايتي..
لا العفو..شكرا عمو..
طلعت رحت للدوام عادي..البنات استغربن لان رجعت ثاني يوم ولابسه اسود كتلهن زوجي متفهم وميضغط عليه قبل البس اسود وارجع للدوام..المهم خلص الدوام اخذت سجل من صديقتي..سمر..لان كاتبه بيه المحاضرات مال اليومين الفاتن..فاخذتهن حتى انقلهن وارجعن ثاني يوم رجعت للبيت..ساعة 12..لان المحاضرة الاخيرة مدخلناها جان الاستاذ مجاي..دخلت لكيته كاعد يم ملوكة هي بيدها اصباغ ترسم..شخابيط وكل شويه تجيبهن اشوفهن اله وهو يضحك ويلعب وياها..كلت بكلبي شعجب يلعب ويه بنته..همزين ..عنده شعور بالابوة..دخلت للمطبخ لكيته متسوك ..سويت تبسي ع السريع..وتمن..وصبيت اجه عمو..كال:
شنو رجعتي من وكت.؟
اي مدخلنا المحاضرة..الاخيرة الاستاذ مجاي..
اصبلك غده..!!
ولحكتي اطبخين..!؟
عمو قابل طابخة خروف هو تبسي وتمن..وروبه..
نعمه من الله..كعد عمو يتغده...وكعد ملوكة يمه..وكال:
تعال تغده بابا..
يابه اروح اتغده بالمطعم ما احب التبسي..

هسه انته ضكته ومتحبه!!؟؟
لا اضوكه ولايضوكني رايح اتغده بالمطعم..
وطلع..كلت بكلبي خفه..وراحه..روح اكل بالمطعم سم وزهر..وكعدت يم عمو اكل..الحمد لله..تغدينا وشربنا جاي..عمو كال:
بنيتي بدلي لملوكة اخذها وياي..رايح للسوك.
اي عمو هسه ابدللها..
بدلتلها..وطلعو بقيت وحدي..بدلت ملابسي ولبست ترلك اسود.وغسلت الاماعين..ورتبت البيت..كلت خلي اكعد..اكتب المحاضرات مادام ماعندي شي..
وكعدت اكتب شويه وسمعت الباب انفتحت..اهووو..هذا الخبل اجه..سويت نفسي ممنتبهتله سمعته كال:
صعديلي كهوتي فوك!
هسه اسويلك بس اكمل كتابة هذه الصفحة..
بقيت مدنكة اكتب..الى ان خلصت الصفحة شفته كعد ع القنفة كبالي..اشو مصعد فوك..مو كال صعديلي الكهوة فوك ليش كعد هنا..رحت للمطبخ سويت كهوة وجبتها خليتها ع الطبلة ورجعت اكتب..ماكو لحظة وشفته اجه يمي صب الكوب..مال الكهوة كوله ع السجلات..عزززة..عززة هذا شسوه السجل مال سمر شكد عيب هسه شأكوللها..رفعت راسي..شفته رجع..كعد ع القنفه يباوعلي شلون راح اتصرف..بسرعة كتله:
ليش!!!؟؟؟
كال:

حتى مرة ثانيه من اكولج سوي شي..تطفرين مو تكوليلي والله اكتب..الصفحة يله اكوم هسه خليها الصفحة تفيدج!!
باوعت السجل مال سمر..صار شحاله من الكهوة..رأسا..عيوني جرن..هو يباوعلي مبتسم..كلبت السجل همزين بيه تقريبا محاضرات..مال 10ايام يعني اكدر اعيدهن اذا كعدت اكتبهن من هسه..فكرت ما اريده يتشفه بيه ويشوفني ابجي..هو يكيف..يبجيني..مسحت عيوني وكمت..دخلت للغرفة بدلت..ردت اروح اشتري سجلين حتى انقلهن..واحد لسمر وواحد الي..وقبل ما افتح باب الصاله..
كلي:
وين رايحة؟؟
اشتري سجلات؟
هيج بكيفج اطلعين بدون متكوليلي؟
مصعب السجل الي غركته بالكهوة مو مالتي مال صديقتي..يعني باجر لازم ارجعة الها..
مترحين!
لا..اروح..لازم اروح..فتحت الباب..شكد سريع بسرعة صار كدامي لزمني من شعري..
مصعب..شبيك..يعني فوك مخربت السجلات متخليني..اروح اشتري غيرهن؟
لج انتي شنو من بشر..متفهمين بالكلام من اكلج مترحين يعني مترحين؟؟
ولوه شعري....

ماشي...ما اروح..اخابر عمو خلي يشتريلي لان هو بالسوك..؟؟
لوه شعري اكثر..
اخ...اخ شعري..هدني كطعت شعري مصعب كتلك ما اروح..
هدني وكال..
لتخابرين عمو..ولايخابرج..اني اروح احيبلج من المكتبه الي براس الشارع..
وطلع..راح جاب سجلات ورجع..اول مدخل..كال:
سويلي كهوة وصعديها فوك
رحت ركض سويتله كهوه..صعدت..دكيت الباب كال:
دخلي..
دخلت خليت الكهوة وطلعت هو جان لازم موبايلة يكلب بيه نزلت من الدرج ادعي بكلبي..
الله ياخذك..انت وهذني الحقيرات الي تتراسل وياهن..
نزلت بديت اكتب رجع عمو العصر..هو وملوكة..
عمو اشو تأخرتو!
عمو اخذت الطفلة لامها خطيه هذا ابني كلبه من صخر. يريد يخليها اشوفها كل اسبوع..،
ها..اي عمو زين تسوي..
عمو شتحب اسويلك عشه..
والله مشتهي دولمة!
اي اسويلك..ليش لا..
لعد راح انام..واخلي ملوكة بحضني..انتي التهي بالدولمة...

فتحت العلاكة لكيته جايب سلك ولحم مثروم وتمن عنبر وكشمش..وباقي مواد الدولمة كعدت خبطت المواد وكعدت الف بيها تأخرت هوايه لان الدولمة تأخر واتعب.كلت ميخالف خطيه عمو مشتهيها وجايب موادها..خلصت لف خليتها..ع النار رجعت اكتب..خلصت تقريبا ثلت المحاضرات كلت بالليل اسهر عليهن واكملهن..عفت السجلات بالغرفة وطلعت ريحة الدولمة تخبل ملت البيت..شفته نزل من فوك:دخل للمطبخ..مبين اجه ع ريحة الدولمه احتمال يحبها..واجه ع ريحتها..بس ميستاهل ياكل منها..هذا الخبل..المغرور..سمعته يكول:
صبيلي..دولمة..
انتظرعمو هسه يكعد وتعشو سوه..
ما اكدر انتظر..صبيلي بسرعة وكثري..
ماشي..اني اصب واكول بكلبي..تاكله سم..وتذبه دم..
صبيت ماعون جبير وخليته كدامه..بعدها حارة وهو يلكط بيها ع السريع عبالك مشايف..دولمة
وطلع عمو..
الله ريحة الدولمة تخبل..
اكعد عمو خلي اصبلك..
صبيتلة..
كعد ياكل..وكال..
شلون دولمة تخبل..
بالعافيه عمو..هو ياكل ويباوع لمصعب اكل ماعونه كوله ع السريع كام غسل ايده وصعد..

بعده ديصعد الدرج..عمو كله:.
بالعافيه بابا..
الله يعافيك يابه..!
وصعد..
عمو كلي..
كعدي تعشي بنيتي..صبيت..وكعدت..
شفتيه المصعب شلون مشال راسه من الماعون نسفه نسف..
ههه..اي مبين عليه يحب الدولمة..
اي خطية..حيل يحبها جانت المرحومة تسويها ع موده..كل اسبوع..ومن توفت لليوم هو مماكل دولمه ..متشوفيه طاح عليها مثل المشايف!
ليش خو زوجته تسويلة دولمه..
سوسن عوبه طبخها مطيب..اصلا مجان ياكل من ايدها..
هااا..
انتظروا بارت 5..

فيتامين سي · 12-12-19, 03:44 AM

#البارود
#الكاتبةورودالخالدي
البارت5

منار:::
بقيت اكتب لحد ساعة 3بالليل خلصت ونمت كعدت الصبح رحت للكلية انطيت السجل الكتبته لسمر واعتذرت منها كتلها جنت اشرب كهوة وفلت الكوب من ايدي..شسوي اضطريت..اجذب قابل اسولفلها ع سوالف الخبل العندي..واجه وقت المحاضرة الاخيرة..فكرت راح اتأخر شلون بالغده..اتصلت بماما كتلها ادزلي رقم عمو ابو مصعب لان موجود بجهازها فدزته الي خابرته:.
هلو عمو..اني منار..راح ادخل المحاضرة الاخيرة واتأخر شلون بالغدة!؟
عادي بنيتي اجيب اكل من السوك شتحبين تتغدين..
عمو انت جيب الغده الي تشتهي..اني كولشي اكل..
هاااا. صار بنيتي..
وسديت الخط ودخلت..رجعت للبيت..شفت البيت صنطة بس عمو كاعد بالصاله..يتفرج ع الاخبار..فكتله:
مساء الخير..
مساء الخير عمو.
عمو اشو محد لاملوكة ولا مصعب شنو طالعين؟
لا مصعب نايم بغرفته وملوكة نايمه بحضنه..
هاااا...
اي..موباجر..يروح للدوام فيخلص اليوم كله نايم ..
هااا..فهمت..
العصرنزلت ملوكة تفرك بعيونها خطية اكيد جاعت..اخذتها غديتها وسألتها:
بابا كعد؟
لا بعده بابا نايم
كلت اي همزين نايم اليوم ميزعجني..نومة اهل الكهف انشالله..
كلت هسه ينزل ع العشه سويت عشه جلفراي عمو تعشه وكال رايح للمستشفى عندي خفارة وراح..
ملوكة بقت تلعب واني كعدت اقره استغربت اشو حتى ع العشه منزل معقوله هالكدينام..
صارت الساعة بالعشرة حضنت ملوكه ونمت..لان هي رادت تنام بحضني فنزلت بالكاع نامت يمي..ساعة بالاربعة الصبح كعدتني تريد تروح للمرافق اخذتها..شفت حذاء عمو يم الباب كلت عمو رجع ونام....رجعت للصالة شفت..مصعب ينزل من الدرج..يا الله شلون طالع بملابس العسكريه غير شكل بعد احلى واحلى تخبل ع جسمه البدله..والنجمات ع متونه والبيريه صفح شهالجمال يربي..شلون شاب يموت..بس مع الاسف كل هالجمال والجسم والشخصية وهو مينجرع....لا..ومخفف لحيته طالع وجهه يضوي...شاف ملوكه شالها وضل يبوس بيها..شال جنطته حتى مسلم عليه بس كتله:
اكعدلك عمو تسلم عليه!؟

التفت اتقرب يمي..
عوفي نايم..سلمت عليه من اجه من الخفارة..
ورجع يمشي قبل ليوصل للباب صاحني:
منار ديري..بالج ع ملاك..وحاولي متخلين ابويه يدزها لبيت عمتي هوايه..
ماشي..
وطلع حتى مكال الله وياج
ثاني يوم رحت للدوام عادي ورجعت..من وكت سويت غده..ملوكة تلعب بالاصباغ وتجي تراويني شنو ترسم تذكرت من جان مصعب يلعب وياها ترسم وتراويه وهو يضحك..صح مشفته يبتسملي ولامره..بس تذكرت حلوة ضحكته من جان يلعب ويه بنته..رغم هو جان معذبني وشالع كلبي بس ما اعرف ليش احس البيت وحشه بدونه..يا الله المفروض افرح لان مرتاحة ومحد يضوجني..بس بالعكس محسيت نفسي مرتاحه..البيت احسه خالي بدونه..هسه اني شبيه افكر بيه هو حتى من طلع سلام مسلم عليه..ماما العصر خابرتني:
هلو يوم..
شخباركم
بخير ماما..
باجر تجين انتي ومصعب وعمج!
ليش شكو!
ياااا..تكول شكو غير باجر السبعة مالتكم..
يوم مصعب راح للدوام...

ياااا..غير باجر تخلص اجازته..
لايوم خلصت من البارحة بعدين هو يلتحق اليوم السابع لان يخلص اليوم بالطريق..
هااا
لعد تعالي انتي وعمج..
ماكو..داعي يوم..
لج شنو ماكو داعي اكو..وحدة متجي لاهلها بالسبعة..والمسواك الي تسوكته..
ليش تتسوكين!
غير عود اسويلكم عزيمة
ماشي بس شوكت نجي ع العشه لو ع الغده..تعرفين عندي دوام
كاتلة نفسج ع الدوام تعالي ع العشه وباتي عدنا..
ماشي
موتجين لابسه اسود..
هو اني لابسه اسود قابل كل يوم انزعة وارجع البسه!
اوووف ولج ربيتيلي عله ..مو خالتج عفاف احتمال تجي شلون يعني تلكاج لابسه اسود!
عادي..
اشو تلبسين الوان وتجين..
ماشي يوم لتصيرين عصبيه..
وسديته ثاني يوم رحت للدوام..ورجعت كلت لعمو ماما عازمتنا ..كال :
اي عادي نروح...

طلعت نفنوف..زيتوني لبسته ورتبت شعري وخليت مكياج خفيف..وبدلت لملوكة..بس عمو مقبل ناخذها كال :.
زحمة تاخذين ملوكة من اول اسبوع
ليش عمو عادي!
لا بنيتي انتي تعرفين شي. واني اعرف شي..
بكيفك عمو..
اخذ الطفله لامها ورحنا اني وياه لاهلي. تعشيتا فعلا جانت خالتي عفاف موجوده كامت تسألني عن زوجي..واني اجاوبها طبعا كل سؤال تسألة اجاوبه بجذبه اكبر من اللخ شاسوي مضطرة اجذب..لان خالتي عفاف تصير ام خطيبة احمد اخويه..بعدين كامت تسولف..ويه ماما تريد..احمد وبتها يتزوجون وتكول خطوبتهم..طولت..ماما تكولها بعدنا..حزنانين ع شهد هي تكلها ماكو داعي حفله يتزوجون مثلنا شلون تزوجنا سكتاوي...فماما كالتلها اي تحجي ويه بابا وانشاء الله كم شهر..ويتزوجون..
بتت عند اهلي..ورجعت الفجر..للبيت لكيت عمو بعده نايم..سويت ريوك كعدته تريكنا ورحت للدوام..
ومرت الايام..اسبوعين مرن..مشغوله بالدوام بس ابد مراح مصعب عن بالي..وباخر يوم من الاسبوعين..رجعت من الدوام لكيت عمو..جايب غدة من السوك..وجايب علاكة بيها غراض مال دولمة..كتله:.
عمو مشتهي دولمة..
والله الدولمة مالتج مينشبع منها..بس اليوم مصعب ينزل..خابرته الصبح..فكلت يتعشه دولمة لان يحبها...

اي شكو بيها اسويله دولمة..صار العصر عمو..دا اسوي..بالدولمة ما اعرف ليش اكو احساس غريب صار بداخلي من كلي مصعب اليوم ينزل..احجي ويه نفسي شبيه افكر بيه قابل اشتاقيتله هذا الخبل..المينجرع...دالف بالدولمة باوعت..من شباك المطبخ حسيت الباب انفتحت..وشفته دخل شايل جنطته..احس..نفسي فرحت بشوفته هاي شبيه اني كبر يلفني مثل البزونه تحب خناكها..ملوكة تلعب بالصالة..كتلها:
ملوكة اجه بابا..
راحت تركض..فتحت الباب..لاكاها بالباب شالها وشبكها..عمو طلع من غرفته سلم ع مصعب..وباسه وكعدو بالصالة..خليت الدولمة ع النار..سمعت ..مصعب يكول؛
يابه اسبح وانام ساعة راسي يوجعني من الطريق..
يحجي ويه عمو حتى مسأل عني..اني مطلعت بقيت..بالمطبخ بس عمو كال:
بنيتي..منار مصعب يريد يسبح حضريله الحمام..
طلعت شفته كاعد..
مسلمت لان هو مسلم ولا سأل عني رحت نزلت ملابس..من فوك ومنشفه جبيرة خليتهن بالحمام..
قبل ما اطلع من الحمام لاكاني وجه بوجه..
رفعت راسي صارن عيوني بعيونه كال:
حتى سلام مسلمتي عليه!؟
ليش..اسلم عليك..منو انته وتريدني ابادر واركض اسلم عليك..ابن عمي..ابن خالي!؟..

ههه..لا يابوي لا ابن عمج ولا ابن خالج اني ابن البطة السودة..
مصعب عمو كاعد بالصاله يعني باول يوم تجي تريد تسوي مشكله!
ماشي..روحي منار..بس اني اعلمج على هذا ملكاج البارد..
شتريد تسوي سوي!
وعفته ومشيت..هو دخل للحمام
عابت اول مأجه يريد يتعارك..صدوك طبع البي ميخلي....طلع من الحمام دك موبايلة..شاله وطلع بره..عمو كله:
وين طلعت هسه تنشل..دخلي الخاولي ع راسك..
بس هو مهتم طلع وشعره مبلل..
رجع ..صعد لغرفته..وره ساعتين نزل ع ريحة الدولمه..بس وجهه..صاير احمر ويكحكح..عمو شافه كلة:.
شفت شلون انشلت..
خله ايده عليه..
ومصخن كاب نار..
يابه..واذا صخنت شنو عجيبه..
راح جابلة علاج..من المخزن..وخلاه ع الطاوله..
يلله تعشه واخذ دوه..
ماشي..
تعشه اخذ العلاج وصعد لغرفته..
عمو كال::

عمو منار..عود اخذيلج ساعتين وصعدي شوفيه اخاف بعده مصخن تره هذا مثل الجاهل هامل نفسه..وميهتم لصحته
عمو بس هو ميقبل ادخل لفرفته وهو نايم..
شنو ميقبل معليج بس فوتي شوفي مصخن لولا واذا مصخن خابريني..
ماشي عمو..
وطلع عمو..ملوكه نامت بالعشرة..كلت خلي اصعد اشوفه لان عمي وصاني..
صعدت فتحت باب غرفته ع كيفي..ادنيت يمه شفته نايم بس خليت ايدي ع كصته فز ولزم ايدي!
ها..شعندج بغرفتي..شنو مشتهية!
شنو شكلت؟!..شنو يعني مشتهية!؟
هههه..متعرفين شنو مشتهيه..تغشمين نفسج!
واشرلي ع الفراش مال الجربايه فهمت قصده؟
هاي انت شدتحجي..موعيب عليك!
اني العيب عليه لو انتي الصاعده الغرفتي تتلمسين بيه..دبطلي تغشمين روحج..عادي اذا مشتهيه اني حاضر اكفي واوفي..
اما انت صدوك..سافل..وحيوان ومتستحي..
بسرعه طفر من فراشه..وحصرني ع الكنتور..باديه:
شنو ولج شكلتي؟؟؟؟؟
اي انت سافل وحيوان..وحقها زوجتك تنهزم منك..وتعوفك الظاهرجنت تعاملها معامله الحيوان..الي بداخلك
شكله كوله انكلب..صار مثل الوحش بقه يضرب بيه..

راشديات..دموعي تجري..بس هو ممهتم..وبعدين شال تعلاكة خشب مال ملابس..وادنه يمي..وكال:
مرتي التحجين عنها موهيه العايفتني..اني الي شامرها..ومطلكها مرتين..ويوميه تجي تبوس القنادر حتى ارجعها واني ما اقبل..
خليت ايدي كدام وجهي حتى ميضربني لان التعلاكه خشب وتوجع..كمت ردت اطلع..وكف كبالي:
لج اني تكولين عليه حيوان وسافل وتفلتين مني اليوم اهلج احركهم..
ردت انهزم..لو ايدي وكام يضرب بيه بالتعلاكه وكعت بالكاع اصرخ:
فدوة مصعب عوفني فدوة..وره شويه عافني وكعد ع الجربايه يتنفس بسرعة..ركضت بسرعة فتحت الباب ونزلت من الدرج مفرفحة ودموعي يجرن..دخلت لغرفة ملوكه شفتها نايمه كلت اخاف تكعد ع صوت البجي مالتي..رحت كعدت بغرفة عمو ع الجربايه ابجي مفرفحة وايدي توجعني لان ضربني عليها بالتعلاكه 3مرات ما ادري 4حسيت نفسي اريد اموت..اريد اوكف دموعي ما اكدر..مخليه اديه ع وجهي وابجي..وره شويه حسيت بيه دخل لغرفة عمي خفت اخاف يضربني..بس هو ..لزم ايدي ورفع راسي:
خررب..خرب..منار..ليش خليتني اضربج..شفتيني عصبي جان انهزمتي!!!!!
ليش..ليش انت انطيتني فرصة انهزم..!!..بعدين ليش ضايج..واحد مثلك من يضرب بنيه يحس..برجولته..مو؟

خررررب..لج يارجوله ليش..تغلطين وتخليني اتعصب واضربج..
باوعت بعيونه..
لان تستاهل اغلط عليك..بعد تلميحاتك وكلماتك الحقيرة.
.هم صار عصبي:
لج الزمي لسانج ما اريد اضربج بعد

لا..لا اضربني عادي..
منار..شعندج جايه لغرفتي نص الليل؟
جيت لان عمو كلي شوفيه اخاف يصخن واذا صخن خابريني..
شنو!؟
وهدني..دفعته بايديه اثنينهن..وكتله:.
اي جيت اشوفك اخاف مصخن مو اني البنيه الي تدخل ع غرفة ولد نص الليل لان تريد شغله موزينه منه..اني مربايه واهلي تعبو عليه اي اهلي الي تكول عليهم سمعتهم زفت حالك حال هاي الناس الي..ضلمونا وطلعو على اختي شهد حجي اشكال الوان بس كوله جذب اختي شهد اشرف بنيه وحركت نفسها لان بابا حرمها من الانسان الي حبها حب شريف وخطبها خمس مرات..وبلحظة يأس ذبت ع نفسها بانزين وحركتها..احنا مربايات مصعب..مومثل البنات التعرفهن؟؟
يا..بنات الي اعرفهن وانتي منين تعرفين البنات الي... الي اعرفهن..
البنات الي ذابات نفسهن عليك..ويراسلنك بصورهن السافلة ..اذا مفكر نفسك سلطان زمانك والبنات كاتلات نفسهن عليك..وذابات نفسهن جوه رجليك..وتاخذ الي تريده منهن براحتك..فأني مو منهن اصلا اذا انت معتبرني مره وقيطان حذاءك اهم مني..اني اصلا..ممعتبرتك موجود بهالدنيا واصلا..مدا اشوفك!؟؟؟
حجيت كل الي بكلبي احجي وابجي..شفت عيونه صارت حمر..وتعصب اكثر..واديه ضلت ترجف وكال:
اصلا..ممعتبرتني موجود..ومدا تشوفيني..ماشي هسه اشوفج اني منو..!!!
ادنه يمه ودفعني ع جربايه عمو وصار فوكايه:
مصعب..شدتسوي وخر عني..وخر عني شبيك تخبلت وخر..وخر..
ضربني راشدي..بدون ميحجي هم بجيت وادفع بيه بس هو اقوه مني..شك نفنوفي كمت اصرخ واتوسل بيه بس..معافني..لازم اديه ارفس بيه..وادفع ميفيد..وبلحظات صرت اله واخذ مني اليريده..بعدين وخر عني..اني ارجف ودموعي يجرن واغطي بنفسي شفت شويه دم ع الجرجف..كمت الطم ع وجهي..
لزم ايديه وكال:
هسه شفتيني زين..منار..تره الي صار..مو لان اني الي رغبه بيج..بس لان اريد اكسر عينج..واشوفج منو مصعب الي..تكولين..ممعتبرته موجود..ومدا تشوفيه ..هسه... انكسرت عينج..وهاي عينج الي انكسرت شوفي بيها مصعب زين!
انتظروا بارت 6..

💓💓💓💓

فيتامين سي · 12-12-19, 03:46 AM

#البارود

#الكاتبةورودالخالدي

#البارت 6
منار:::
خلص كلامه وطلع صعد لغرفته ولا عبالك مسوي شي..اني ارجف والطم ع وجهي..تندمت لو ادري ساكته لو محاجيه وياه لو مصاعده الغرفته سوده بوجهي خسرت كولشي. خسرت كولشي راح الشي الوحيد الي محسسني اني..صح وغيري غلط..اخذ عذريتي..كسر عيني مثل مكال اباوع دمي ع الجرجف لطخات صاير..ارجع افرفح..والطم ع وجهي....بعدين اخذت نفس فكرت اخاف يجي عمو يلكاني ابجي بغرفته والجرجف ملطخ..وعيب عمو يحس صاير شي
بغرفته لفيت الجرجف خليته بالغسالة وفرشت جرجف غيره دخلت لغرفة ملوكة اباوع النفسي بالمرايه الي ع الحايط نفنوفي مشكوك من الطول للطول..وحالتي حالة ودموعي يجرن..مطايقة نفسي كل ما اتذكر شلون لازمني بقوة شلون..اخذ مني روحي بلحظات عيوني يجرن وحدهن..اخذت نفنوف ثاني دخلت للحمام..اغسل بجسمي حيل عبالك اريد اوخر اثار اديه من على جسمي ..بدلت ورجعت للغرفة مخليه ايدي ع حلكي وابجي..ما اريد احد يسمعني لاعمو..ولا الطفله النايمه..بس الله اريده يسمعني..
صار الصبح ودموعي منشفت حسيت عمو بالمطبخ لان من اجه من الخفاره ..ساعة بالثنين كبل دخل الغرفته...

بدلت لبست ملابس الدوام كلت ما ابين شي العمو..لان اذا يعرف مراح يخليني اروح لاهلي..طلعت كعدت يمه:
بنيتي منورة شبيهن عيونج شنو باجيه..
لا عمو..ليش ابجي..بس البارحة بقيت اقره للصبح عندي امتحان..وكل شويه اغسل عيوني حتى ما انام.وتحسسن..
هاااا..على كيفج ويه نفسج بنيتي ليش اتعبين عيونج الحلوات..
عمو راح اروح للكليه..
طلعت عادي صعدت ويه الخط..احس..راسي راح ينفجر..من البارحة ابجي..واليوم لازم ابين طبيعية دخلت للكلية بس مدخلت للمحاظرة منتظرة تصير الساعة بثمانيه ونص حتى اروح لبيتنا لان..بابا واحمد يطلعون للمحل هيج وكت..صارت بثمانيه ونص رحت لبيتنا تلكتني ماما:
هااا..منار..يوم شعجب جايه..الصبح..شبكتها وبجيت:.
يوم..حضنيني خليني يمج..
شبيج يوم خوفتيني..
يوم بس حضنيني..
حضنتني :.
يمه اسم الله شبيج منورة احد مأذيج متعاركة ويه رجلج..
يوم لتكولين..رجلي..هذا وحش..حيوان..ما اريده اريده يطلكني..
يااااا..اسم الله يطلكج شنو استهدي بالرحمن كل الازواج يتعاركون ويتصالحون..
يوم ما اريدة يصالحني اريده يطلكني....

دتعالي خلي نفوت جوه ارتاحي واحجيلي..
دخلنا جوه فكرت شكولها اكولها بلي صار البارحة بس شلون اني كايلتلها قبل احنا اتزوجنا بالفندق..
يوم شصار ضربج ..مصعب بس احجيلي..
يوم ممتفاهمين هو عصبي يصيح ويضرب وميحترم..اني ما اريد ابقه وياه..
لا بنيتي شنو تتطلكين هسه الناس تكول مصارلها شهر واطلكت ويخلون بيها الف انه...من يجي عليج اني احجي وياه..بس لتحجين لابوج ولاخوج وتكولين زعلانه..كولي مسيرة..لو ماره بيكم افتهمتي..

يوم اريد انام منايمه من البارحة راسي راح ينفجر..
نامي بنيتي..نامي غطتني نمت مدريت بالدنيا بعد..كعدت ع صوت موبايلي باوعت الساعة بالثنتين الضهر..بس موبايلي بيه 22مكالمة برقم غريب..يدوك..فتحته..
الووو

وين انتي لج..
مصعب..
اي صخام..وين انتي هسه..
اني عند اهلي وبعد ما ارجع..اليوم تجي اطلكني..
ههه..منو يكول!!
اني اكول..
دكافي زمالة..تكول طلكني شنو هيه لعبة!!

اي لعبة..مو البارحة جنت لعبة باديك هسه كمل اللعبة وطلكني..؟؟
ومنو يقرر..الطلاك..انتي!!؟
اي اني..
متأكدة؟
اي..متأكدة وياريت تستعجل؟
ماشي هسه اروح لابوج احجي وياه ونفضها..بس انتي الخسرانه..
لا والله اني الربحانه لان التعيش ويه واحد حقير وسافل مثلك..تخسر كولشي..
ها..يعني تعرفين اني حقير وسافل..يعني كولشي يطلع مني!
شتقصد؟
اقصد من اروح لابوج..هسه يسألني ليش تريد اطلك..بنتي..وبما انه اني حقير وسافل راح اكوله والله عمي لهنا وكافي صارلي شهر متزوج بتك..بعد ما اكدر اخليها ابيتي..اني. سويت العليه سترت عليها..لان لكيتها مو بنيه وبقيت كل هالوقت ساكت حتى استر على عرضكم وبعد ما اتحمل لازم اطلكها..
سكتت بقيت صافنه هذا..شيخرط..
كتله:
انت شنو من بشر!
اني مو بشر..اني حيوان على كولتج!!
بس..بس لا..لا انت متخوفني متكدر تسوي هيج!!..

لا اكدر اسوي هيج وحد سافل وحقير وحيوان توقعي كولشي منه..صح راح تصير طلابه واحتمال تصير مال عشاير بس بالنهايه راح تنفضحين انتي واهلج على خالي بلاش..وانتو مناقصين فضايح!
مصعب..انت شتريد مني..مو كافي..الي سويته..مو اخذت مني اعز شي عندي..مو كسرت كلبي وعيني ودمرت كولشي حلو بداخلي..بعد شتريد

اريدج هسه ترجعين للبيت مثل الحبابة..ها..وترجعين بسكته وبهدوء..
ليش تريدني ارجع..بعد شتريد مني اكثر..
معليج شريد منج..استري ع نفسج وع اهلج ورجعي مثل الحبابة..وتجنبي شري..ترة لحد الان مشايفه وجه الشر مالتي!
وجه الشر؟ لعد الشفته منك شنو!..الله ياخذك
اصلا بعدج كولشي مشفتي..يالله ارجعي للبيت

سديت التليفون..
كعدت ابجي هذا صدوك يحجي يجوز صدك يسويها ويتبله عليه غير بابا ينجلط اذا صارهيج شي..
كمت رحت لماما..كتلها:
يوم راح ارجع لبيت عمو ابومصعب
جان بابا يدخل للمطبخ:
هله منوره..شو مشفتج من اجيت..

رحت يمه:
هلو بابا جنت نايمة..اليوم ماكو محاضرات كلت اخلص الصبيحية يمكم اشتاقيتلكم..
تشتاقلج العافيه بابا بشري شلونه مصعب وياج.

ها بابا..زين..مصعب..كولش زين..عصبي شويه بس كلبه طيب..
اي هو العصبي دائما كلبه طيب..
بابا راح اروح..
اي غير تتغدين يابابا..
مو عمو خابر يكول تعالي تغدي ويانه..
ها يعني صار.عمو احسن من عدنا..
لا العفو..بس تأخرت الساعة فوك الثنتين..
ماشي باباتي خلي احمد يوصلج..
لا بابا شدعوة همه بالشارع الثاني اروح مشي..
بكيفج بابا
طلعت من اهلي كوه..حاصرة دموعي وصلت لبيت عمو.. لاكاني بالباب:
شو تأخرتي اليوم عمو..
هااا..موكتلك عدنا امتحان والاستاذ سوالنا محاضرة اضافيه..
فوتي بابا تغدي..اكيد هلكانه من الجوع..
لا عمو تغديت بالكافتريا مال الكليه..
دخلت لغرفة ملوكة سديت الباب ملوكة..تلعب بالصاله..

شوية وشفت الباب انفتح..شفته واكف منتجي ع يده الباب يباوعلي رفعت راسي مسحت عيوني..ابتسم باستهزاء وطلع..وسد الباب..
ومرت ايام اجازته بس احسن شي سوا هو محاجاني ابد ولا سألني عن اي شي يدخل ياكل ويصعد لغرفته..ابد مصار بينا اي حجي برغم احنا بنفس البيت بس مرات التفت الكا..يباوع عليه بسرعة يسوي نفسه يباوع بغير مكان اني هم ما اكدر اباوع بعيونه هوايه مدري..شبيه يمكن مكسورة عيني صدوك يمكت ما الي كلب..اشوفه كبالي..ورغم كل هذا اني مكرهته غير المفروض اكرهه يربي ما اكدر اكرهه..ما احبه بس ما اكدر اكرهه..احس الي بداخلي اله فد شي يختلف عن الحب والكره..وباخر يوم اجازته جان نايم طول النهار..اني جنت اقره لحد 12بالليل استغربت شفت عمو دخل للصاله بس وجه..اصفر..كوه يمشي دخل للمطبخ قلقت شبي عمو خفارته يوميه بالثنتين تخلص..اشو رجع من وكت وكبل دخل للمطبخ..كمت وراه شفته امدد بالكاع وبطل المي بيدة والثلاجه مفتوحة..يااا..شبي عمي..رحت يمه..:.
عمو..شبيك..عمو..حاجيني بس امدد عبالك ميت..وميتحرك.ما اعرف شسوي ركضت صعدت ردت ادخل اصيح مصعب بس قافل باب غرفته كمت ادوك بالباب حيل مثل المخبلة..واصيح..ودموعي يجرن:.
مصعب..مصعب اكعد عمو مدري شبيه..مصعب..اكعد
.اكعد....

هو كعد فتح الباب شافتني اصرخ باسمه وافرفح دموعي يجرن:
شبيج..منار!
عمو..عمو مدري شبيه واكع بالمطبخ يتنفس بس ميتحرك..ركض نزل..واني اركض..وراه..
وصل يم عمو..اني كمت اصرخ:
مصعب..شبي عمو..مصعب اخاف مات..
لج اسكتي لتبجين مابيه شي..غيبوبه سكر..
شاله واخذه للسيارة..
ركضت:.مصعب اروح وياك..
لج فوتي جوه..ماكوشي هسه..نرجع..
وعافني افرفح وطار بالسيارة..اتصل عليه ميجاوب..وره ساعة جاوبني:
مصعب..شبيه عمو..حاجيني:.مابيه شي..كعد كتلج غيبوبه سكر..
ليش هو بيه سكر..
اي بيه سكر..
بس مكلي..
اي هو ياكل كولشي ميتحامه باقي ع العلاج..واحتمال نسه ياخذ علاج..وصارت عنده غيبوبه..مو اول مره تصير بيه..
يعني راح يرجع مابيه شي..
اي فد ساعة لخ ونرجع....روحي نامي.
لا ما انام الى ان ترجعون
وره ساعة رجعو..مصعب سانده دخله لغرفته..وكعد بصفه...

اني كعدت يم رجليه موكفت دموعي هو خله ايده ع شعري..
اسكتي بنيتي لتبجين..
عمو شلون ما ابجي..وكعت كلبي..
نسيت اخذ علاجي..تخربطت..ورجعت للبيت رغم اخذت من الصيدليه بس لان تأخر العلاج وكعت..هسه تتعودين عليه..
لا عمو اسم الله عليك..ان شاء الله بعد متنعاد..
روحي نامي بنيتي..
عمو وجهك اصفر اخاف جوعان...اسويلك شوربه..
بابا راح تصير بتلاثة ياشوربه نص الليل باجر..عندج دوام

لا عمو هسه اسويلك..ورحت ركض امسح بدموعي وسويت شوربه ..وجبتها كيفت من اكل الشوربة..ونام..طلعت من يمه باوعت الساعة بالاربعة الاربع..شفت مصعب مبدل ملابسه العسكرية ونازل وبيده جنطته..
وكف يمي:
منار اني..رايح..ديري بالج ع ابويه واكدي عليه ياخذ..علاجه بوقته واذا صارت هيج حاله لترتبكين ولتبجين اتصلي ع دكتور محمد..حسان موجود رقمه بجهاز ابويه هو يجي للبيت ويسوي اللازم..
يصير اتصل ابابا ويجي ياخذه للمستشفى.
بعد احسن..
ماشي..وديري بالج ع ملاك ما اوصيج عليها..
ماشي لاتهتم....

مشه خطوتين والتفت عليه اجه وكف..كبالي..خله جنطته بالكاع..استغربت صارقريب مني..رفع راسي وخر شعري عن وجهي اني مبهوته هذا شديسوي..اتقرب مني باسني ع عيني اليمنه ..وع عيني..اليسره ..وحضني هيج بحنان..اني بهتت..اكثر ما اعرف شديصير عبالك مسطورة..وره دقيقه وخرني ابتسم بوجهي..يربي اول مرة يبتسملي هذا شبي...بعدين دنك شال جنطته وطلع من..باب الصالة اني ركضت اريد اكوله ليش هيج سوه بس مكدرت احجي بعدني مثل المصدومة..بابتسامته..بقيت واكفة يم باب الصاله وصل للباب الخارجي هم..التفتلي..وابتسم بس عيونه جانت بيها نظرة غريبة حسيت كلبي انقبض عبالك ديودعني..عبالك رايح وبعد ميرجع للابد..يربي شبيه مصعب وشنو هاي النظرة الي بعيونه والابتسامه الحلوة..
شفته طلع من الباب وسد الباب وراه..كلبي حيل انقبض اكثر واكثر..واكول لنفسي لا ماكو شي..ماكو شي احتمال حضني حتى اداري عمو وملوكه..بس لا..لا جان اكو ..شي مختلف بوداعة الي..حسيت كلبي طلع من صدري من طلع من الباب مشيت دخلت جوه..اكول لنفسي ليش باسني بعيوني..جنت اسمع البوسات بالعيون فال موزين..بالوداع..واليبوس..بال عين يعني رايح وبعد ميرجع..ربي..شديصير..اسم الله عليه..اسم الله ع شبابه اسم الله ع عيونه الحلوة..هسه اني شبيه نخبصت شبيه هيج افكر اعوذ بالله من الشيطان الرجيم..يا الله برد كلبي....

برد كلبي..وابعد هاي الافكار من راسي وان شاء الله يرجعلي سالم غانم بجاه كولمن عنده جاه
انتظروا بارت..7😯😯😯

فيتامين سي · 12-12-19, 03:48 AM

#البارود

#الكاتبةورودالخالدي
البارت7
منار:::
ومرت 8ايام ع روحته للدوام اني هم اداوم بس..ابد كلبي ممرتاح ونظرته الاخيرة ابد مراحت من بالي جان كلبي يكولي اكو شي راح يصير..وبيوم التاسع..مكدراصبر سألت عمو:
عمو هم خابرت مصعب..
اي عمو بين يوم ويوم نتخابر..ليش رايده شي منه..
لا هيج بس سألت..
عمو تره رقمه بجهازي..تكدرين تتصلين بيه..
لا عمو..رقمه عندي..
ها..زين..ليش متخابري..
ماكو داعي عمو بس حبيت اسألك..
كلت بعد ما اسأل عمو..لان من الح عليه هم يكولي ليش متخابري..بس اطمنت من كال بين يوم ويوم نتخابر..وخلصن الاسبوعين بس مصعب مبين لليل ما اجه كلت لعمو:
شعجب مجبت غراض اسوي دولمة لمصعب.
بنيتي مصعب مراح ينزل هالاسبوع احتمال يتأخر بعد اسبوعين لان عدهم انذار.
ها..
اي البارحة خابرني..وكلي..
ها..فهمت
بنيتي خابري..وسولفي وياه..
لا عمو والله معندي شي بس استغربت ليش مجبت غراض
للدولمة.؟؟ وخلصن الاسبوعين وهم مبين كمت استحي اسأل..عمو..صدفه شفته يحجي وياه بالصالة..خلصت المكالمة سمعته يكول:
هاي شلون سالفة شوكت يخلص..الانذار..والله اشتاقيتله لمصعب..
ليش عمو هم مينزل هالاسبوع..
لا مينزل احتمال السبت الجاي ينزل..
كلبي ممرتاح هو حيل تأخر..واني حيل قلقانه عليه وروحي مقبوضة.. وانتظر السبت يوم يوم حته يجي واطئن عليه..وبيوم السبت رجع عمو من الصيدليه اشوفه مشغول بالموبايل ويتصل كل خمس دقايق..
كتله:
عمو خو ماكو شي اشوفك قلقان..
اي والله عمو ميت قلق الصبح اتصلت ع مصعب دك اكثر من 10 مرات ومجاوب بعدين انقفل جهازة ومن الصبح لهسه اتصل وجهازمغلق ضل بالي..
احس روحي راحت من شفت عمو قلق ويتصل..
عمو تغده ارتاح اني راح اضل اتصل من جهازي..
وبقيت اروح وارجع بالصاله اتصل..ماكو مغلق..
كلت لعمو:
عمو انت متعرف احد من اصدقاءه!

اعرف بس عباس بس هو انقل من يمه من زمان..
عمو اتصل بيه بلكي يعرف شي..
اتصل هم وجهه انخطف..
ها عمو شكال:
ربي استر...يكول فرقتهم متحركة وصاير عدهم هجوم بتلال حمرين والوضع ميطمن..
يعني شنو..
يعني مكانه خطر..
صبرت على نفسي مبجيت بس العبرة خانكتني ما اريد عمو يتأثر اشوف حلكة نشف خطية..
دخلت للغرفة..جرن دموعي ربي..ربي مروتك رجعه الي..ولابو خطيه ماعنده غيره ربي بجاه كل الرسل رجعه النا ادعي واحس الم بصدري..
طلعت لكيت عمو كاعد بالصاله
هسه شسوي الحكة للجبهه ما اندله
عمو الله يحفظة لتخاف
عمو ماعندي غيره..
مكدرت اصبر رأسا بجيت من كال ماعندي غيره..
بقينا بقلق يومين نتصل وجهازه مغلق يوم الاربعاء العصر.اجه عموشايل كراتين ..
دخلهن وكمت اشيل وياه ادخلهن للمخزن لان كال مراح اخذهن للصيدليه لان باجر اروح ادور على ابني..
عمو حالته حاله واني هم احس نفسي جسد بلا روح دخل للمخزن بيدي الكارتونه الاخيرة مصدكت عيوني من شفت... مصعب دخل من الباب..من فرحتي صرخت:
مصعب!!!
عمو طلع يركض شافه ركض عليه شبكه..وبجه:.
ليش..هيج بابا ليش هيج تسوي بيه ليش قافل جهازك صار 4ايام..موتتني من القلق..
يابه جان عدنا هجوم بتلال حمرين ونركض بين وادي او..وادي وكع جهازي مني وضاع..
ليش متصلت بيه من اي جهاز
بصراحة يابه محافظ رقمك..تدري بيه ما احفظ ارقام..
الف الحمد لله من رجعتلي سالم..رجع شبكة بس مصعب عينه عليه عبالك يحاجيني بعيونه..شفته عيونه ذبلانه وضعفان ووجهه..اصفر..عمو هم انتبه:
بابا شو متغير..ووجهك اصفر..
مو كتلك انذار وهجومات منو يشتهي ياكل..بهيج ضروف..
ورجع يباوع بعيوني مدري شيحجن عيونه..اني هم اباوع عليه ممصدكة شفته اريد عيوني تحاجيه وتكوله اشتاقيتلك يالخبل متت..من القلق عليك..الحمد لله رجعتلي سالم..
طلعت ملوكه تركض..استغربت مشالها بس كعد بالكاع شبكها وباسها..
عمو كال:
تعالو دخلو جوه باردة الدنيا دخلنا..كعد بصف عمو بالصاله ملوكة بيدها كاكاو ..تاكل عدمت ملابسها ووجهها ملطخ..شلتهاغسلت وجهها..ودخلتها للغرفة ابدللها..سمعت مصعب يكول لعمو:

اي شخباركم شكو ماكو..
ماكو شي بعد ابوك....بس موتتنا من القلق عليك..بابا ليش..مسلمت على منار من دخلت..خطيه بقت واكفه بس تباوع بعيونها..
وليش هيه مركضت وسلمت عليه..
بابا يجوز تستحي..
هاااتستحي من رجلها..اي خليلها..اعذار..
وسمعت عمو ينصي صوته ويكول..
لك بابا مرتك ماكو منها شبيك..ما الك بالطيب نصيب ليش هيج تعاملها..
ليش هيه شكتلك..
لا..هيه لاتشكي ولاتحجي بس من اتزوجتها لليوم عيونها مغيمة ومليانه حزن...دير بالك عليها ولاتاذيها..
يابه شمسويلها ترة انت تبالغ اصلا هي ميهمها وين الله حاطني..
منو يكول؟
اني اكول ليش..انت تشوف غير شي!
لك انت شكد غبي البنيه..رادت تموت من القلق عليك صارت هالكدوتها من غلقت جهازك..صارلها 4ايام تتصل على رقمك..ودموعها ع خدودها....صدوك ما الك بالطيب نصيب..بابا داريها..لتطلع عصبيتك عليها منار مثل الوردة مؤدبة ومرباية..وبت اصل..ميصير تضلون كل واحد بوادي

عمو يحجي واني اكول لنفسي يا الله فضحني عمو..هسه..
شيكول مصعب يكول هاي كاتلة نفسها عليه وتبجي لان تأخرت شكد عيب عمو..شسوه!..صدوك فضحني..
طلعت من الغرفه حتى ميحجي اكثر سمعته يكولي:.
اي وهذا مصعب اجه..صارت الفرحة فرحتين
ليش اكو بعد فرحة
اي غير عرس احمد اخو فرح باجر الخميس..وهي مجانت ناويه تروح لان قلقت عليك كالت ما اروح للعرس اذا ما اطمئن ع رجلي..
دنكت..حاولت اغير الموضوع..
عمو.شسويلكم عشه..
كولشي لتسوين هسه اروح اجيب احسن عشه..
فكرت راح يروح وابقه وحدي ويه مصعب واني حيل مستحيه..من حجي عمو:
كتله لا عمو اني اسوي عشه الله عليك لتروح حتى للخفارة ابقة بالبيت فرحان بجيه مصعب
ها..شراح تسويلنا..
بكيفك..اسوي..كباب مال بيت وجلفراي..وكبه..
ماشي سويلنه..عشه عمو..
ارتاحيت لان مراح يطلع..صعدت نزلت منشفة وملابس من فوك مصعب دخل يسبح واني التهيت اسوي عشه..فسويت عشه تعشينا بقو يسولفون..
صارت الساعة بالعشرة ونص نامت ملوكة دخلتها وكلت:.
عمو الترمز بيه جاي اذا تريد ومصعب اذا يريد كهوة هسه اسويلة..وسويت كهوه واستكان جاي وقدمتهن الهم رحت.

دا الم بالملابس شميت ريحة ديتول شلت ملابس مصعب اكلب بيهن شميت بيهن ريحة ديتول قويه وحده من البدلات بيها دم بجهة الصدر..فكرت شنو مصعب مصوب..مجروح ليش ريحة ديتول بملابسه وهذا شنو الدم...شكيت بالموضوع وتاكدت من شكوكي ثاني يوم الصبح من طلع من غرفته ومن صعدت انظفها شفت كطن..ولاصق..هوايه بالسله مال الزبل....فتحت المجرات لكيت..كطن جديد وديتول ولاصق جديد..اي اكيد هو مصوب وميكول مبين على وجهه عيونه ذبلانه وضعفان ووجهه اصفر..وجوه الكطن شفت موبايله..بس هو..كال..موبايلي ضاع معقوله مخليه مغلق كل هالوقت..واحنا ميتين قلق عليه..اخذت الموبايل وضميته بكنتور ملوكة اكيد راح يلكا ماكو ويدور عليه ومن يسألني اكوله ليش جذبت علينا.
صار الظهر ماما كل شويه تتصل شوكت تجين وشوكت تجين..ومن تجين لبسي نفنوف حلو مال مناسبات صح العرس سكتاوي..بس..لازم نبدل ونروح..صار العصر طلعت من الجنط نفنوف كهرماني قصير..ضهره مفتوح بس مغطة بتور شفاف لبسته وخليت مكياج نفس لون..النفنوف وفوكاه لبست..جاكيت طويل لان الجو بارد كولش..ونسقت وياه حذاء..حلوة..وملوكه لبستها بدله بيضة بس كامت تبجي متقبل تلبس جاكيت مكيفه بالبدله وتكمز
رايحين للعروسه..مارايحين للعروسه..
رحنا بسيارته مصعب..عمو كعد..بالصدر..واني وملوكه بالورة الطريق مو طويل شارع واحد رفعت راسي لكيت...

مصعب يباوع عليه بالمرايه دنكت رفعت راسي هم شفته يباوعلي بعدين ابتسم وباوع ع الطريق....وصلنا لاهلي عمو دخل للاستقبال بس مصعب مدخل كال تعبان ويريد يتمدد بفراشه ويرتاح خلانه يم اهلي وراح..صارت الزفه وكعدنا مجموعات نسولف شويه وعمو صاحني..
عمو اذا تباتين كولي حتى ما اخابر مصعب لان لازم اروح للمستشفى تعرفين البارحة مرحت للخفارة وهسه هم تأخرت
لا عمو ما ابات..خابرة يجي ياخذنا ب11
ماشي..اني رايح محتاجه شي..
لا عمو سلامتك..
وطلع..ملوكة الساعة بالعشرة تعبت من التكمز ونامت..ساعة 11سمعت ماما:.
منار رجلج اجه بالباب
اي يوم..نزعت الجاكيت وخليته ع ملوكة لان هي مقبلت تلبس جاكيت من جينا والجو برد خفت لتسبرد من اطلعها للسيارة..
طلعت:
مصعب..ملوكه نايمه وما اكدر اشيلة تعال ادخل شيلها..هو دخل شالها بس من شالها حسيت بيه تألم من صار راسها ع صدرة بس مبين..
صعدنا بالسيارة..وصلنا للبيت هم شالها وخلاها بفراشها كلت هاي انسب فرصة حتى احاجيه:
فتحت الكنتور طلعت الموبايل..وكتله:.

مصعب مو هذا موبايلك ليش كلت لعمو..ضاع
لكفه من ايدي..وكال:
بكيفي..انتي ليش تتدخلين..بيني وبين ابويه!
لا مو بكيفك يعني تغلق جهازك وتخلينا بقلق 4ايام وتكول بكيفي..
اي بكيفي:
راد..يطلع من الغرفة وكفت كبالة:
مصعب انت مصوب!!؟
مصوب شنو!؟
اي مصوب..ملابسك كولها ريحة ديتول ودم..والسله الي بغرفتك كولها ضمادات..
اي مصوب وهسه شتردين..
وين مصوب..
هيج خدش زغير!
وليش قفلت جهازك..مصعب بروح امك لتجذب عليه:
مقفلته من تصوبت فقدت الوعي وشالوني للعمليات..الجهاز بقه بالموقع بجنطتي واني بالمستشفى..
فقدت الوعي..وسوولك عمليه..
اي..
مدري ليش..دموعي جرت كتله..
والله جنت اعرف اكوشي..راح يصير كلبي جان يكولي بيك شي..
مصعب خلي اشوف العملية بروح امك..
لج شتشوفين كتلج خدش زغير..

خليني اشوفه شاف دموعي يجرن نزع القميص ووخر الضماده..شفته صرخت:
تكول خدش..خدش..عمليه..خمس غرز وتكول خدش خمس غرز يم كلبك..وتكول خدش..ليش تجذب..ليش..
ايدي ترجف مديتها ع صدره..
كتله قريبه يم كلبك غمض عيونه:
اي قريبة لو واكعة بكلبي مو احسلج..
احسلي!!
مو تكولين الله ياخذك..لو واكعه بكلبي جان اخذني وخلصتي..مني..
اخلص منك..اسم الله عليك..اسم الله شبابك..اسم الله عيونك مصعب..بعدك شاب وابوك وبنتك معدهم غيرك..
مصبرت ع نفسي احجي وابجي..شفته ابتسم:
حيل هاي الدموع كولها ع مودي..
ادنه يمي راد يبوسني بعيوني بدون ما احس دفعته وضربته حيل ع صدرة..وصرخت بوجه:
لتبوسني من عيوني ابد..ابد..ابد
.ليش ولج..
كتلك لتبوسني من عيوني..بعد..مو كافي الي صاربيك..
هههه..شبيج..منار اهدئي لج مبيه شي واكف كبالج قز القرط مبيه..انتبهت من ضربته طلع دم شويه من يم الخياط..
كتله:
عزززة طلع دم..!!!
جرني من ايدي راد يشبكني..
كتله خلي نضمدها..
ردت اطلع كال:
هههه..اهدئي اخذي نفس منار شويه دم هسه اصعد اضمده بغرفتي..
ركضت كدامه صعد ورايه كعد ع الجرباية فتحت المجر..طلعت الضمادات وخليتهن ع الجرح..كتله:.
اسفه مصعب اني وجعتك..
عادي اني وجعتج مره..وانتي هم وجعتيني متعادلين!
بس اني اعتذرت..انت معتذرت!
ولا راح اعتذر لان..الوجع مالتج جان احله شي بحياتي.!!
هااا..هيج؟
اي ولج هيج..انتي مكبرة السالفة الي صار بينا عادي يصير بين كل اثنين متزوجين يوميه..
بس احنا ممتزوجين من صدوك!.
هههه..لعد متزوجين من جذب..
صفنت تذكرت ذيج الليلة تذكرت شكد بجيت بوكتها شافني صافنه غير الموضوع:
اي شصار مصار بالعرس مال احمد
مصار شي جابو العروس وزفوهم..
هاي هيه عرس شكدة بس جابو العروس وزفوهم!.ا
وتعشينا وكعدنا نسولف..
اي شتسولفون
مو اني اسولف البنات المزوجات يسولفن ع عرسهن!

اي..اكيد انتي مسولفتي قابل شتسولفين..تكولين زفتنا صارت وره شهر بالكوة..
لا..مو هذا السبب..حتى لو جان عرسنا طبيعي مجنت اسولف لان هاي اسرار زوجيه ..شعليه بيهن اذا يسولفن هنه..
اي..عمي هي كوه مؤدبة متسولفين
اني اروح هسه..انزل يم ملوكة
وين تنزلين بعدنا نسولف..احجيلي صدوك جنتي قلقانه عليه..
دنكت باوعت بالكاع فكال:
يمكن الكاع احسن مني من كعدنا لهسه تباوعيلي وادنكين..
مو..مو..اني ما اكدراباوعلك هوايه..
ليش يابه؟
لان..لان استحي..
ههههه..تستحين شو شيلي راسج باعيلي..شلت..راسي..غمزلي..
نزلت راسي..
يا الله لتسوي هيج..مو كتلك استحي منك..
لزم ايدي شالها..باس اصابعي حسيت كلبي حيوكف..كال:
هسه اسحبه للمستحه كوله..دناني يمه حضني..ورفع راسي وباسني ع شفتي الفوك والجوه اني مرتبكه حيل حسيت انفاسي خلصت بس هو جريء باسني بالبدايه ع كيف..بعدين استمر..مندمج ومغمض عيونه متت من الخجل....

بس سلمت راحت روحي ببين اديه..ما اعرف ليش اندمجت وياه ..بوساته اخذني لعالمه..بعدين صفن بوجهي هم دنكت!
فديت اليستحي اني..
مد ايده ع سحابة النفنوف
مصع..مصعب..شدتسوي!
هههه..شسوي..اكمل اللعبه مال ذاك اليوم..ضلت ع النص..
لا..لا مصعب..
شبكني وحجه يم اذني!.
لج ما أأذيج..شبيج..
استحي..استحي مصعب..
فتح النفوف لج دتعاليلي انت مرتي شنو تستحين..
شمر النفنوف بالكاع وبقه يحضن بيه ويبوس بيه ..يمكن ع كل شبر من..جسمي خله بوسه وصرت اله بس هالمره..برضاتي..جان هاديء ورومنسي..ويبتسم بوجهي..احسه شكد جان سعيد بذيج اللحظات
انتظروا بارت8..💋💋💋💋💋💋

فيتامين سي · 12-12-19, 11:45 PM

#البارود

#الكاتبةورودالخالدي
البارت8
منار:::
حتى بعد كل الي صار بينا بقيت مخليه راسي ع المخدة..وبقينا واحد يباوع بعيون اللاخ..عيونه تضحكلي احس بيها كل سعادة الدنيا..ونسيت هي عيون مصعب الي..جنت اخاف اركز بيهن ..معقوله مصعب هالكد حنين..وهاديء..معقوله الي صار قبل شويه واذا هو هالكد لطيف ليش جان ضام طبعة الحلو..ولابس قناع العصبي..الي ميتفاهم..شنو هالشخصية العجيبة الغريبة..سمعته يكولي:
ها منار شو ساكته..وصافنه:
هااا..لا ماكو..شي..ماكو شي..خلي انزل يم ملوكة..
وين تنزلين ابقي يمي..اني الفجر..طالع!
شنو الفجر طالع..
اي والله راجع للدوام!
ليش يعني صارلك بس يومين ..من نزلت ..
اي صح بس كتاب نقلي جاي واريد اروح حتى اكمله..لان انقلت لاطراف بغداد
صدوك..راح اداوم هنا قريب..علينا..
اي صدوك..
بس انت بعدك مصرت زين انتظر كم يوم الى ان ينشف الجرح...

ههه..تكول انتظر اني مصدكت يجي الكتاب
ماشي ابقه يمك بس انزل اغطي ملوكة وارجعلك..
لاتتأخرين..
نزلت غطيت ملوكة طبيت للحمام اباوع ع نفسي بالمراية يا الله خجلانه حتى من نفسي معقولة الي صار قبل شويه واني شلون اندمجت وياه ورحت بغير دنيا عبالك ممصدكة اسمع منه كلمة طيبة لو نظرة حلوة.. دخلت لبست تراك قصيربعدين صعدت..اول مدخلت رفع البطانيه وفتح اديه..وكال:
تعالي بحضني.
اني هم جيتت بحضنه..حضني حيل ويبوس بشعري..ونمت مدريت بالدنيا..بعد..دك المنبه مال تليفونه الساعة ب3 شفته كعد اني مفتحت عيوني..حسيت بي ديباوع عليه فتحت عيوني باسني بخدي وكال:
اكوم ابدل
كام لبس ملابسه العسكريه وكلي:
منار..بداعتي ما اريد ابويه يعرف اني متصوب!
ليش!
تعرفين ابويه عنده سكر..ما اريده ينقهر..تره ابويه حيل حساس..وكلبه رهيف وعنده اني..كولشي بحياته ما اريده يتأثر ويضل يفكر..
ماشي اطمئن مراح يعرف..
كمل لبس كتله
انزل اسويلك فد شي تاكلة:؟؟

ما احب اتريك الفجر..
نزلنا من فوك الساعة 4 هو..دخل لغرفة عمو دنك عليه باسه عمو فز:
ها بابا رايح!.
اي يابه..بس اكمل الكتاب اسبوع زمان ما اتأخر..
راد يكوم كله:
لا يابه بداعتي لتكوم ضل دفيان بفراشك..
وباسه وطلع دخل لغرفة ملوكة هم باسها وهي نايمة
وطلعنا بعدنا واكفين بالباب..
كتله:
راح ترجعلي بسرعة..
اي ارجعلج ..هو اليضوك العسل شلون ميرجعله
دير بالك ع نفسك..الله عليك..
اطمئني اسبوع زمان وراجع..
ادنه راد يبوسني..من عيوني:
لا..لا..كتلك لتبوسني من عيوني!
ليش..والله احب عيونج..!
لا مصعب..بداعتي لتبوس عيوني اضل افكر وروحي تنقبض..وحسبه تاخذني وحسبة تجيبني..
هالله..هالله هالكد تخافين عليه!
اي..والله اخاف عليك!
ماشي..لعد بوسه حلو من الحلك يصير مو!
هزيت راسي وكلت:
يصير!

دنك باسني حيل من شفتي اني هم شبكته وبسته..جانت بوسه متبادله..بعدين حضني وكلي:
منار..صح الاسود يملخ عليج..بس كافي..بعد لتضلين حزينه..من ارجع الكاج ملابسه اسود بعد!
ماشي..من اليوم البس الوان
عفيه عليج..
وشال ايدي باسها وطلع قبل ميمشي خطوتين..كتله:.
ارجعلي بسرعة..
التفت..ابتسملي:
صار..فوتي جوه باردة..عليج..
فتت..احس روحي راحت ويا..يا الله شديصير بيه احبه لهالخبل..احبه والله نسيت كل عذابي وياه..بليلة وحدة مجرد كلمة ونظرة دافية نستني كولشي..فدوة لعيونه..الحلوة الي..تسولف..سوالف محد يفهمها غيري..
مكدرت انام..لان ذكريات الليلة كولها كبال عيني بقيت كاعدة سويت ريوك وتريكت..جانت جمعة..بس احلى جمعة..احس..كولشي كبالي وردي ويضحك..صعدت رتبت غرفته ونزلت نظفت وكلبي يرفرف..ومرت 6ايام ..اكول لنفسي باجر يجي حبيبي..واجه باجر..حرت شلون استقبلة حتى للدوام مرحت..لان عمو كال مصعب خابر والعصر..يجي..سويت غدة ..وكاعدين نتغدة اندكت الباب كمت فتحتها..شفت بنيه يمكن عمرة بالثلاثين بس حلوة ومعتنيه بنفسها وملابسها نازكه:
خالي ابو مصعب موجود؟؟

اي موجود تفضلي..
هي دخلت عبالك تعرف البيت:
وصلت للمطبخ عمو شافها:
سوسن..خير خالو شعندج جايه؟امج بيها شي!
لا خالو مبيها شي..بس اني بعد ما اكدر اصبر..اريد مصعب يرجعني..!
باوعت حسيت كلبي انعصر..تكول اريد مصعب يرجعني..يعني هذه زوجته..بس جبيرة تقريبا بعمر مصعب..وسمعت عمو يكولها:
خالو سوسن اكثر من مرة توسلتي بيه يرجعج..ومقبل..مو معناها اذا مخلينا يطلكج تضلين تتوسلين بيه بنيتي ..والله ..مبيدي شي..مصعب..قافل وميريدج ترجعين!
بس خالو اني مرته..صح طلكني مرتين بس رجعني..صح صارت مشاكل..بس..خلي ينطيني فرصة اخيره!
بنيتي..هو جان خالي ومرجعج..هسه هو متزوج:
خالو اني راضية والله اصير خدامة جوه رجليه وجوه رجلين مرته بس خلي يرجعتي ويلتم شملي بيه وابنتي
صح كلبي يتعصر..واحس الهوه ضاع عليه بس انكسر خاطري عليها من شفتها تتوسل بعمو..خطيه مبين عليها هوايه تحبه لمصعب..والدليل ممهتمة لكرامتها وجايه تتوسل..التفتت عليه:
انتي زوجته مو..
هااا..اي اني زوجته..
اشو هاي شبكتني وتتوسل بيه:

احلفج بشبابج وبكل عزيز عندج تقبلين يرجعتي..
وشفتها بجت ..وشالت ايدي تريد تبوسها..سحبت ايدي:
استغفر اختي ام ملاك..لتسوين هيج..اني شعليه خلي يرجعج..اكعدي ارتاحي..لتبجين..ونطيتها كلاص مي..عمو كال:
بنيتي سوسن ارجعي لاهلج واني احجي ويه مصعب هو العصر يجي
لا خالو اني..ما اروح..ابقه الى ان يجي ..واحجي وياه..
بس خالو

خالو بروح عمتي انطوني بس فرصة وحده
بكيفج..ابقي اني رايح للسوك..
طلع عمو..وخلاها يمي..واني افكر..اكول ليش ياربي ليش اجت بهالتوقيت لوجايه قبل..ميصير بيني وبين مصعب الي صار..قبل ما اعترف لنفسي انه اني احبه..كلبي احسه ممرود ..بس رغم هذا هي تكسر خاطري واحاول اخلي نفسي بمكانها خطيه هي زوجته وام بنته وبينهم عشره عمر..كعدت يمي ورجعت تبجي..كتلها:
عيني ليش تبجين اذا الله قاسملج يرجعج راح يرجعج!
انتي..مبينه بت اوادم وحبابه وحدة غيرج جان طردتني..الحمد لله ..طلعتي خوش بنيه..انتي..شنو اسمج
منار
منار انتي متعرفين شنو مصعب بالنسبة الي!
لا واضح انتي هوايه تحبيه..

مصعب كل حياتي واني كل حياته:
لعد ليش اطلكتو مرتين..
شوفي احنا تزوجنا عن حب بس ام مصعب الله يرحمها مجانت رايدتني جانت تريد تزوجه بنت اختها..وتعرفين العمه اذا مارايده الجنه وشدت وياها!
هااا..يعني..المشاكل جانت بسبب ام مصعب!
اي الله يرحمها ويغفر الها بسببها اطلكت مرتين منه.
زين ليش..زعلتي من.رجعج اخر مرة
لا والله مزعلت..بس هيه تمرضت وتتحست اكثر وكامت تحشي براسه تكوله اذا متت..لتخليها ابيتي..ومن ماتت..هو طردني..
ها من هيج ميقبل يرجعج!
اي والله بس هو يحبني واني احبه..
فهمت..
تره اني مجايه انغص عليج حياتج اعرف بعدج عروس وفرحانه..بس خلي نفسج بمكاني شوفين رجلج حبيبج تزوج وانتي بصفحة وهو وبنتج بصفحة....والله اذا رجعني اصير خدامه جوه رجليج..واني راضية مو اجازته سبع ايام خلي يوم واحد الي و6ايام خلي يبقه يمج..
الله كريم خلي يجي ويصير خير..
كمت اريد اغسل اماعين الغده
كامت..
اني اغسلهن خلي اساعدج..

واخذت الاماعين من ايدي..
خطية تريد بس فرصة كسرت كلبي بحجيها صار العصر عمو اجه من السوك..منتظرين جيه مصعب..وفعلا بالخمسه ونص شفته يدخل من الباب..ركضت وملوكة هم ركضت اول مدخل عمو شبكة وسلم عليه اشرلي ركضت وحضنته..بس دخل جوه سوسن طلعت من المطبخ..شافها حسيت اتفاجأ..وضاج:
هاي شتسوي هنا!!!!
هي ركضت دنكت ع حذاءه تبوسها ..
مصعب بس اسمعني انطيني فرصة..
هو لزم ايدها ودفعها
لج طلعي من بيتي روحي لاهلج
عمو كله:
مصعب وليدي اخذ نفس هسه خلينا نكعد نتفاهم
ماكو تفاهم بيني وبينها..
مصعب بابا لخاطر شيباتي انطيها فرصة اخيرة
يابه شنو فرصة..من جنت خالي مرجعتها هسه من تزوجت ارجعها واخرب حياتي..
فهي بجت:
لا والله متخرب حياتك ما اريد منك شي..خليني..عدكم خدامة الك ولمرتك..
لج طلعي من هالسوالف شنو ارجعج شنسه منج شنو طابت كرعتي!
مصعب بروح امك..رجعني لخاطر بنتي..تعبت راح اموت وهي بعيده عني..والله افكر انتحر اذا مترجعني..

ههه..لج مو تدرين تزوجت شنو هالعين الوكحة وجاية ارجعج امنت بالله وفكرت ارجعج لخاطر ابويه شمفكرة مرتي راح تتقبل الموضوع!
اني رحت يمه كتله:
مصعب رجعها..اني راضية خليها ترجع يعني بيناتكم طفلة مهما يكون .
التفت عليه:
لج منار تحجين صدوك ترديني ارجعها..ليش تعرفين انتي هاي شنو من بشر..
اي راضية ترجعها..نعيش مثل الاخوات..ومراح تصير مشاكل!
متأكدة:
اي متأكدة!
ماشي..طبج مرض..انتي جبتيها لنفسج..خليها مكابلتج..وشمر جنطته وصعد
اني راح انام تعبان لحد يكعدني حته عشه ما اريد..
بس صعد كامت تبوس بيه وتكولي:
الله يخليج الله يحرسج لشبابج....ما اعرف شلون اجازيج..
بس اني مسويت شي هذا الصح..
حبيتي منورة ولو ثكلت عليج بس عندي طلب زغير..
كولي..
انتي تعرفين يعني اريدج تنطيني بس هالليلة فرصة احاول اصعد يم مصعب..اصلح الامور بينا..
يعني شنو مفهمت..!

يعني بس الليلة اريدها منج وباقي الاسبوع كله الج..
ماشي..
دخلت لغرفة ملاك اتصلت بماما كتلها خلي احمد يجي ياخذني الهم..استغربت كتلها ماكو شي بس حابه ابات عدكم ..فدزتلي احمد اخذني..اول مدخلت كالت:.
ها يوم..رجلج ما اجه من الدوام..
اي يوم اجه قبل شويه..
ياااا..وليش اجيتي..
يوم مصعب رجع زوجته..
شنو ...!!هسه اخلي ابوج يتعارك وياه..
لا يوم هو رجعها برضاتي.
يوم شنو برضاتج شبيج تخبلتي..شلون ترضين يرجعها..
يوم مرته تحبه ومتزوجين عن حب..وعدهم طفله يعني حرام احرمها من بنتها وزوجها..
امداج..امداج ..شنو هالعقل ولج اني اروح العب بيهم طوبه..
يوم لخاطر الله كتلج رجعها برضاتي..
وهسه انتي ليش جايه ..وعايفته شنو..تنطيها مجال تنفرد بيه..
يوم بس الله يخليج البيه مكفيني اذا متقبلين ابقة يمج اروح ابات يم بيت خالتي!
طبج مرض..فوتي جوه شلون عقل مال مخابيل ترجع ضرتها وتعوف رجلها وتجي..
دخلت ..وحتى من صار وكت العشه ما الي خلك اتعشه...

بالعشرة دك تليفوني رقم مصعب:
منار..ليش رحتي لاهلج!
مصعب ماما متخربطة واجه احمد اخذني لاهلي..
ها متخربطة وين هسه بالمستشفى!.
لا طلعناها..
لعد راح اجي اشوفها..
هسه هيه نايمة..
اجي اخذج
لا..ابات يمها الصبح اجي..
ماشي
سد التليفون..شبعت بجي اليوم انت مو الي رجعت زوجتك..راح تتهنه بيك..راح تشبع شوف من عيونك..ومن ابتسامتك الحلوة..افكر ودموعي يحرن ما اتحمل ..ولا استوعب فكرة..مصعب تلمسه اي وحدة بس مبيدي شي..هيه متزوجته قبلي وبينهم حب وعشرة..ما اكدر ابني سعادتي على حساب سعادتها
.صار الصبح كلت خلي ارجع رجعت ساعة بثمانيه لكيت عمو..بالمطبخ..وهي دتسوي..ريوك..لابسه بدي احمر..وبرمودة قصيرة وتغني بالمطبخ..حسيت روحي طلعت مبينين تصالحو وامورهم تمام.وملوكه هم تفتر بالمطبخ وتلعب..حسيت نفسي دخيلة عليهم وبعد ما الي مكان بهالبيت هي شافتني ركضت..شبكتني
هله بمنوره..وجرتني من ايدي للصالة:
ما اعرف شلون اشكرج..لو ما انتي مجان رجعتي مصعب..

ومجان تصالحنا..
ها..يعني تصالحتو.!
اي بس مو تضوجين حبيبة والله ما اخذه منج..صح كضينا ليلة حلوة بس هو باقي الاسبوع الج..
كالت هالحجايتين وراحت..
دخلت لغرفة ملاك..ما اريدها تحس اني اغار..بجيت..انتبهت شو جنطتها هنا..بغرفة ملاك...فكرت يمكن ناسيتها هنا..
كلت لنفسي لازم احجي ويه مصعب مادام حياته رجعت طبيعية ويه زوجته لازم ننفصل باقرب وقت اني مو من النوع اليتحمل هالعذاب ما اتحمل اشوفه ويه غيري يمكن تحملت هالليلة لان بتت عند اهلي ومشفت شي ..بس..ما اكدر اشوفه بعيوني يمها وتنسد عليهم باب..خلي الها مادام سعيد ومادام الله جمعه ابمرته وبنته..وتذكرت كولشي حلو بينه....صعبه عليه اعوفة بس اعرف نفسي اموت ع البطيء اذا بقيت يمهم بنفس البيت..
سمعت صوت مصعب بالصالة..فتحت الباب.شافني:
ها منار..جيتي..شلونها امج!؟
صارت زينه..مصعب ممكن احجي وياك.؟؟.
اني الي اريد احجي وياج..
دخلنه لغرفة ملاك وسدينا الباب..وبس كعدنا راد يحجي كتله:
بس..اسمعني بالاول مصعب..اريدك اطلكني باقرب وقت!
شنو...شكلتي؟؟؟؟!!!
😱😱😱😱😱😱
انتظروا بارت9
💔💔💔💔💔

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري