آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-01-20, 07:32 PM
| #11 | ||||||||
| مراقبة عامة ومشرفة منتدى الروايات المنقولة  
|  بين طهر وخطيئة بارت ١٠ هلاو .. ▪▪مريم▪▪ دفعني سيف لغرفته .. فوتني وسد الباب استغربت من تصرفه بس جانت عيونه مغوركة خليت ايدي على حلكي بصدمة واكتم شهكة بنفس الوقت .. كتله مات مات بصدمة وبدت عيوني تصب .. لزمني من زنودي وكال اششش لتسمع امي اسكتي مكدرت اسيطر على نفسي ابتعدت عنه طخيت بالباب وايدي على حلكي .. حاولت بجهد اكتم شهكاتي وانصي صوتي كتله سيف لاتكولها عفية لاتكولها مات .. كال لا لا ولج لا مامات والله بس متصوب وحالته خطرة كلش ادعيله مريم هذا اخويه حجى هيج ونزلت دموعه .. ولاتكولين لامي تموت والله .. ادعيله اي ادعيله .. حجيت بتوتر وقهر وكوة مسيطرة على نبرة صوتي .. رفعت راسي باوعت بعيونه كتله بس الي لازم يدعيله هيه خالة قلب والدة ودعائها دعاء ام والام دعائها مستجاب ولازم تكوللهه سيف .. كال لا لا مريم امي ملازم تعرف قبل ميجيبو لمستشفى المثنى العسكري ويسووله عملية وبعد الافاقة اخلي يحجي وياهه حتى تطمأن ومتتعب .. هزيت راسي واتنفس سريع كتله خوش خوش .. واخواتك كتلهم عرفوا ؟ لا لا مريم اخواتي ميعرفون مكتلهم لان ميضمون شي على امي بس انتِ وكتلج ودااحملج امانة وانت اكيد راح تحافظين عليها .. رفعت راسي باوعتله شفته مثبت بيه نظراته الي اخترقت احساسي .. مثل بذرة نمت على غفلة مني وصارت اغصانها تنمو و تتشعب حتى لامست مركز الشعور عندي . سمعت صوت خالة بالممر تصيح مريم مريومة وينج خالاتي صارلي ساعة اصيح عليج .. بسرعة مد ايده سيف وفتح الباب طلع وطلعت اني وراه كوة وبخجل اباوع الخالة الي انفرجت شفايفها وبينت ابتسامتها .. كالت ها ولكم ملاعيين شدتسوون وترفع بحاجب وتنزل بلاخ وتقلص تك عين .. كاللها سيف ها ها امي دنحجي .. دتحجون ؟ ولكم !! ومن اكوللكم اريدكم لبعض تسووهه ظلمه عليه .. احجوا دادا احجوا بس لتسوون غير شي وظلت تضحك .. احنا بلحظتها مقهورين كلش وحتى مدنكدر نضحك .. كال سيف اني اترخص اطلع اشوف صديقي .. كلتلي يوم دنيا ليل وين طالع .. ما أتاخر يوم وطلع بسرعة .. ▪▪عمر▪▪ بوقت كانوا الدواعش يحومون حتى يسيطرون على مدينة بيجي وبهذا الوقت وصلوا لاطراف المصفى توجهنا بقوة كبيرة حتى نصد الهجوم .. ونمنع سقوطه بيديهم .. صار الضرب قوي واحتدمت المعركة بيناتنا سقط منه شهداء ب ال ٥٠ شهيد بأيام ودعنا اخوة اعزاء واصدقاء سمحت النا ساحات الوغى ان نتعرف عليهم وتبقى ذكراهم مؤلمة تحز بارواحنه .. صاروا داعش يدزون بالمفخخات سيارات مدرعة مفخخة حاولنا بشتى الطرق صدهه مكدرنا استعملنا كل الاسلحة وماكو نتيجة وطيران الجيش بهذه اللحظة تأخر علينه وفقدنا هواي شباب من قواتنا .. جانوا بالمقدمة شباب اثنين من قوات الرد السريع حمزة ابن الناصرية تصووب وجان لازم احد يروح ينقذه توجهت اله اريد انقذه صحت على مصطفى التكريتي كتله غطيني رايح الهم .. كال سيدي خطر عليك ومستحيل تطلع منها سالم .. صيحت بوجهه غطينيي كتلك كال سيدي اروح وياك وخلي محمد يغطي علينه .. كتله ارجع اني اكدر اسحبه .. توجهت لحمزة وبيدي سلاحي ارمي عليهم وحسيت بمصطفى وياي ويحميني بكل شجاعة وبسالة وصلت لمكان حمزة ولسه بس اريد اتأكد عايش لو ميت وطكت مفخخة وانتشرت الشضايا بالارجاء واخترقت جسمي صارت الدنيا ظلمة ظلام ودخان ريحته ملئت المكان والرطوبة اعتلت جسمي الالم ماينحمل عيوني مااشوف بيها حسيت الموت يحوم عليه متنكر بالدواعش صرت اتشاهد واتذكر امي اخوية سيف خواتي اصدقائي .. سارة شفتها نرسمت على اجفاني بابتسامتها العفوية البريئة وعيونها البنية الي تشبه قطرتين قهوة فوق غيمة من الحليب تحسرت مراح تصير الي وراح اموت تشاهدت للمرة الاخيرة و غمضت عيوني .. وما فتحتها بذاك المكان بعد فتحتها واني مخليني على سدية ودكتور فوك راسي جانت الرؤية شبه منعدمة بس غواش ودكتور بصدريته البيضاء يحوم حولي يكصص ملابسي ورطوبة الدم عليه .. رجعتلي الرؤية بالتدريج صرت اشوف .. واحد من الجنود المصابين راسه مشدود شافني فتحت عيوني اجه يمي كتله اني وين ؟ كال بمستشفى الشهيد الميداني .. _ الولد وينهم محمد مصطفى حمزة باوعلي بنظرة أسى ودنك راسه عرفتهم ما نجوا غمضت عيوني ونزلت دمعة من عيني وغصة كاتمة نفسي مااكدر ابلعها حسيت الهوا ينسحب من رياتي .. هناك حيث امتزج الدم العراقي من كل القوميات والمذاهب والاطياف ضارباً اروع صور البطولة .. رجعت باوعتله كتله والمصفى ؟ كال سقط بيدهم بس لتخاف نرجعه وندعس على روسهم نسوي مقبرة الهم .. هزيت راسي .. والتزمت الصمت نقلوني بالمروحية لمطار المثنى العسكري ومنها لمستشفى المثنى العسكري اجرولي عدة عمليات وبعد ما افقت من العملية شفت سيف يمي خلى راسه على صدري وظل يبجي بعدته بيديه كوة قوة ماعندي ابد كتله وخر اذيتني .. كال ولك خوفتني عليك خوية دموعي نشفت بعيني والله .. نجب وصير رجال البجي مو الك حيوان .. طلع تليفونه هاك حاجي امي طمنها عليك .. اخذت التليفون وخابرتها .. ها يوم شلونج ؟ كالت انت وينك يول ساقط ليش تخليني اغلط عليك ليش متخابر متسأل ؟ باوعت لسيف اشرتله ببلاهة شكو كال امي متعرف ضحكت عبالي تخبلت من سمعت بيه متصوب .. كتلها اني اعتذر وحقج عليه اروحلج فدوة متوقعت راح ارجع اسمع صوتج .. ليش يمه شبيك كولي شبيك صوتك ليش تعبان ها سويف الحقير وينه يمك وانت بيك شي واني ماادري ... ورة نص ساعة شفتها يم راسي ووياهه مريم واخواتي وسن ونسرين .. كالت ها يسويف تدري باخوك متصوب ومتكولي ياحقير والتفتت لمريم وانت ولج هم تدرين ؟ من شفتكم خاتلين بالغرفة دتحجون بموضوع اصابة عمر وضميتي عليه ها اي اي اني اكول انتي مو من عوايدج تختلين ويا سويف اله اكو شي .. مريم خطية صارن خدودهه طماطة ودنكت من الفشلة والخجل وسيف هم راسه نزل للارض من كد الفشلة الي صارت كدام اخواتي ورجاجيلهن .. بعدهه كعدت بالكاع وظلت تبجي جانت مصدومة وصار عدهه ردة فعل متأخرة .. مااكدر اكوم واكومهه .. كلهم التمو عليها ووكفوها ظلت تبوس بوجهي ودموعها غركتني .. ورا ماطلعو اجه عمي ابو احمد .. خوفتنا عليك يابطل .. هذا ثمن حب الوطن يا عمي وماكو خوف ان شاءالله .. الله يحفظك يابطل اجاك احمد ؟ ها لا والله ما اجه الحقير الكذاب ابو العرك كلي رحتله وشفته .. يمكن مشغول عمي خلي براحته . لك عمر احجي صاير بينكم شي متعاركين انتوا احجيلي اطيح حظه .. عمو ترة احمد مو زغير عوفه كافي تتحكم بي عوفه على راحته .. عمي يحجي وكأنه ميعرف بلي سوته رنيم يمكن مكالو كدامه عكس تهديدهم يلله قابل خايف منهم اني ممسوي شي واشك حلكه الي يحجي .. نقلوني لمستشفى ثاني ببغداد حتى اكمل علاجي حسيت بالممل والدكتور مايقبل يطلعني .. النهار انام مرات واشبع نوم وبالليل اكعد واصفن .. باوعت لسيف نايم وبسابع نومة .. خمطت جكاير منه صار هواي ممدخن واشتاقيت اخذتهم ولبست كوة من الالم ..ونزلت جوة بالحديقة كعدت وشعلت جكارتي وصرت ادخن وانفث الدخان بلذة .. الجو بارد والبرد وصل لعظامي السما صافية والقمر مزينها كعدت افكر سبحانه الي خلصني من الموت الف حمد وشكر الك يارب .. بس ضايج لان احمد مافكر يطمأن عليه واحنا رابين سوا اكثر من اخوة واكثر من اصدقاء و بعد بقت حسرة بقلبي شوفة سارة صار بالشهرين مشايفها .. وجان اسمع صوتها يمي تكول شلونك عمر الحمدلله على سلامتك .. عبالي من كثر تفكيري بيها داتخيلها يمي .. التفتت اشوفها واكفة فوك راسي بخجل باوعتلها شفافها ترجف من البرد ووجهه شاحب وخالي من الالوان .. باوعت بشاشة مو بايلي ساعة ٣:٠٠ بالليل او الفجر حتى مو ليل هسه هاي شسوي بالمستشفى .. كمت على حيلي اباوعلها وهيه هم تباوع .. كتلها الله يسلمج سارة بس انت شسوين هنا بهذا الوقت المتأخر ؟ غمضت عيونها واطلقت العنان لدموعها الي بدأت بالهطول .. سارة ... بالليل جنه نايمين واندكت باب الغرفة بقوة جفلنا اني وتارة وشمرنا الغطى وكمنا وحدة تباوع للثانية ونكول شكو شكو شصاير .. ركضنا فتحنا الباب وشفنه الاء واكفة وجهه مخطوف .. كالت ولجن ابوجن جاي يتألم بطنه توجعه كلش وعنده احتباس ميكدر يبول بسبب تضخم البروستات ولازم نودي للمستشفى .. بسرعة ركضنا لغرفة بابا والاء فتحنه الباب وشفنا جاي يتمرغل من الالم سودة عليه بابا ركضت كرفصت يمه حتى ميكدر يحجي .. كتلهن خلي نودي للمستشفى ... رحنه للغرفة وجتي ورانه الاء .. لبسنه كوتات فوك التراكات ودنريد نطلع الاء كالت وحدة منجن تبقى خما كلنا نروح ابقي تارة احنه نودي يخلولة جيس ادرار ونرجع تارة .. ايباااه واني شنو صخل فدوة وابقى وحدي هنا اخاف وثاني شي اريد اطمأن على بابا .. الاء يابنية افهمي الحجي كنالج هسه نرجع بس نحطله جيس ادرار .. سارة .. هسه مو وكتها خلينه نروح كلنه بابا خطية جاي يتألم وطلعنا كلنا نركض على صوت بابا .. سندته اني والاء وتارة ورانه طلعنا للشارع وتارة قفلت الباب مشينه كوة للشارع العام وبابا تعبان حيل كعدنا ع الرصيف وظلينه نأشر للسيارة جانت الدنيا ليل كلش وضلمه ساعة وحدة مدري ١٢ .. حتى من طلعت ماانتبهت للساعة .. بعد وقت وبرد وخوف وصوت جلاب تنبح قريب علينه وسيارات تمشي من يمنه يباوعون النه سكرانيين مدري شبيهم من يطلون ويشوفون ابويه ويانه يحركون ويرحون الى وكفت النه سيارة وصعدنا بيها كلنا كعدنا بابا بالصدر واحنه التلاثه ورة كعدنا وانطلق بينا للمشفى دخلونه للطوارئ الطبيب فحص بابا وكال ودو للردهه يخلوله جيس ادرار اخذنا وودينا للردهه شفناله سرير فارغ ونومنا عليه راحت تارة صاحت للممرض اجه شافه كال شافه الدكتور شنو كال ؟ كناله يكول خليله جيس ادرار .. كال ماعدنه روحي جيبي من الصيدلية البرة قبل لاتعزل .. نزلنا اني وتارة ورحنا للصيدلية البرة اشترينا ورجعنا برجعتنا باوعت للحديقة شفت شاب جسمه مثل عمر ظليت اباوعله ونبضات قلبي توترت وزادت من وتيرتها صفنت عليه ووكفت بمكاني .. ظلت تارة تعت بيه من ايدي لج يلله شكو تباوعين عيب عليج تعالي .. انطيتها جيس الادرار خليته بيدها كتلها هاج رووحي ودي لبابا بسرعة ثواني وجاية وراج اني خووش .. كالت امشي ولج مو امان عليج هنا تبقين وحدج امشيييي .. خزرتها وماادري منين جتي العصبية كتلها روووحي كتلج جاية وراج ثواني .. غمتني وراحت فاتت جوة تركض .. تقربت منه بخطوات مترددة صرت يمه وهو يدخن وجسمه وراسه كله مضمد ومشدود .. كتله شلونك عمر حمدلله على السلامه كام من مكانه بسرعة كال شسوين هنا بهالوقت .. بجيت حسيته صدك خايف عليه ردة فعله مال واحد حريص ع الشخص المقابل .. بجيت كدامه كتله بابا مريض وجبنا للمستشفى .. كال صدك جذب ماعدكم رجال يجيبه ؟ لا ماعدنا احنا بس نسوان وانت شسوين هنا وحدج .. لا مو وحدي اختي وياي راحت ودت جيس الادرار لبابا واني جيت اسلم عليك .. انت هنا بهي المستشفى ؟ اي هنا استكمل علاجي .. هاي موخوش مستشفى حتى جيس ادرار ماعدهم .. انت جريح الله يرأف بحالك لعد .. زين شون هيج صار بيك ؟ جنت واكف بنص المعركة ادخن وافكر بيج اجاني صاروخ طشرني تطشر وكوة لموني .. ضحكت اخذ ايدي وباسهه كال مشتاقلج بصوت اقرب للهمس .. خجلت حسيت الحرارة تطلع من خدودي .. عمر .. اني بالخاص نايم بس مكلت كدامها مردت اخليها تنقهر .. كتلها يلله روحي جوة هسه واني راح اكعد اخويه من النوم يجي يمكم واذا خلصتوا يوصلكم .. كالت لا ميحتاج منريد نأذيكم والله .. لا لا عليمن اذية يلله اشو كدامي لتبقين لهنا .. دفعتها من ظهرهه بخفة ومشيتها باتجاه المستشفى . دخلت ورحت وصيت الاطباء والممرضين على ابوهه كلهم يعرفوني هنانه .. رحت كعدت سيف وكتله بس يخلصون وصلهم .. كال منو هذن ؟ ها هاي البنية معلمة بمدرسة عمي اعرفها .. غمزلي فشرت عليه ظل يضحك وراح .. مريم .. طلع عمر من المستشفى مشت الايام وتحسنت حالته واني انطيت موافقتي لخالة وظلت تحضر للخطبة وبيوم الحفلة اجن بنات خالة وودني للصالون تسريحة وبدلة وبعدهه للقاعة الي اجرها النه عمهم ابو احمد كعدت وسط الهلاهل والاغاني عقدنا اني وسيف .. كعد يمي وصار زوجي مجنت متوقعته هو بيوم من الايام راح يصير خطيبي بس هاي قسمتي مجنت متأكدة من مشاعري فرحانة لا بس هو جانت نظراته اعجاب من شافني بالبدلة لبسني الحلقة والذهب واحس ايده من تطخ بيه ترجف .. عمر .. بالقاعة واثناء حفلة خطبة سيف شفت احمد بس مابيننا لا سلام ولا كلام اجه شويه وراح ومن راح استغلتها رنيم فرصة واجت يمي .. بس شفتها درت وجهي كالت شلونك عمر الحمدلله على السلامة ردت اجيك للمستشفى ويا بابا بس .. وسكتت .. كتلها همزين ماجيتي اريد اطلعها اوخر منها لزمتني من عكسي ووكفتني كالت عمر بس اسمعني .. شكو بعد اسمعج ولج السويتي شوية والله عمر عبالي يزوجوني الك .. لو يصبوج صبابة ذهب ما اباوعلج غير باحتقار يارخيصة هيج تسوين بنفسج .. اسمعني عمر اني مراح اصير لغيرك واذا جبروني اتزوج غيرك احرك روحي .. تسوين فضل احسلج من هالعيشة الرخيصة هاي ؟ واذا تزوجت انته ادمر حياتك وحياة مرتك والله .. لصمي حلكج وسكتي لا اسكتج بطريقتي .. موزين ماكلت لبابا عليك ؟ واحمد سكت هماتين جان هسه احنا عرسان وياهم .. اذبحج ذبح وماتصيرلي مرة وادفنج بليلة العرس واخلص من عارج مااتشرف بيج ومو زلمة وشاربي مو عليه اذا اخذج بعد الي سويتي .. برطمت شفافهه وكالت عمر انت دتضلمني اني احبك والله .. كتلها الله ياخذج كوون ووخرت منها .. مريم .. خلصت الحفلة ورجعونه للبيت بسيارة عمر كعدنه ليورة اني وسيف وخالة كدام اثنينه ساكتين وخالة بس تصفك وتهلهل .. وصلنه للبيت كعدنا بالاستقبال اجه خالو ومرته وكعد يمنهة كال الهم استعجلو بالعرس ميصير هيه وياكم بنفس البيت ومخطوبة اله لو اخذهه يمي ؟ سيف كله شسالفة خالو صدك تحجي ترة هيه لا سنة ولاسنتين صارلها يمنه محد لمس شعره منها بعد مو هسه ؟ ميخالف ابني هاي الاصول بعد . عمر كله هسه توك يلله تذكرت الاصول ؟ خالو جاوبه بعصبية ها عمر شتقصد ؟ لا ماكو شي بس اني ان شاءالله اعرسهم الشهر الجاي لتفكر بمريم انته هيه اختنه .. خالة كلتله لخالو لتزعل من عمر ميقصد شي هو ؟ لا ماازعل بس عيب عليه يحاجيني هيج شنو مفكر نفسه يعلمني .. عمر .. لا خالو اني اعتذر بس كلامك بي اساءة لاخوية واني رديتك ومريم صار كومة يمنه مايوم اشتكت من احد .. مرته كلتله وكانها متريد ياخذني يمهم .. يمعود ابو محمد ترة هيه بنتهم وربت بيناتهم وهسه يلله تأخرنا ع البيت .. طلعو واني رحت بدلت البدلة وفليت التسريحة .. معقولة عرسي الشهر الجاي شون الحك يربي واستحي من سيف كلش هواي اكثر من قبل .. تارة .. داومت يوم ثاني واشوف النقيب بهجت يمشي وراي عبالك ظلي ميفاركني وكفت وهو وكف وراح على جهة جريت نفس احسس نفسي بقوة مواجهته اريد اواجهه .. رحت يمه كتله بلا زحمة ليوين تريد توصل .. ؟ اشر على روحه ببلاهة كال اني وياي تردين تحجين ؟ كتله لعد ويا الشجرة ؟ (الي واكف يمها) ليش ملاحكني وين ما اروح ؟ وحتى بهذاك اليوم هم لاحكني لبيت خالتي .. ظل يضحك باستهزاء ويوزع نظراته على مرة وعلى الارجاء مرة كال لا متوهمة اني بيتنا بذيج المنطقة وصدفة شفتج هناك شنو تنكرين خلصتج من... وظل يغمز .. جريت نفس وكتله قليييل ادب.. لزمني من ايدي وبحلك عيونه بوجهي كال وانت شنوو ؟ احترم نفسك عوفني بحالي ماريد تمشي وراي بعد خوش ؟ ارض الله واسعة وبكيفي وين ما امشي امشي معليج انتِ اشتكي عليك والله .. هههاي تهدد ام الكمل شكد سخيف .. عصر ايدي حيييل كوة فلتتها منه عفته ومشيت عنه .. عمر .. دز عليه عمي عمود عرس سيف وترتيباته صعدت سيارتي ورحت لبيتهم وكفتها يم الباب وفتت جوة .. مشيت وتخطيت الكراج ووصلت للمدخل مال الباب انفتحت وطلع منها احمد كال حدك لهنا لاتعتب باب بيتنا .. خزرته ومديت ايدي اله وزنكته من سترته كتله معقولة متعرفني ولك هاي سنين وياكم ولا مرة خليت عيني على وحدة من خواتك .. رنيم اختي شتريد اجذبها واصدكك واعرف كل سوالف الطايح حظها واخرها الرهان الي راهنته على سارة .. اشش لاتجيب اسمها على لسانك لا توصخه .. هه واصل مرحلة عمورر المهم اني رايح حدك لهنا ماتدخل لبيتنه افتهمت ؟ طلع عمي كال شكو عبالك دتتعاركون ؟ شال ايده احمد وظل يضرب على صدري توجعت لان عندي عمليه بصدري هو عود سواهه بشقه كال لا بابا جاي اشاقة ويا .. عمي كال تعال فووت عمر طفر احمد كال لا اكعدوا بالحديقة وسولفو الجو حلو هنانه .. نكعد بالحديقة ليش لا .. كلت اني ورحت كعدت على الكرسي .. راح احمد وهو يتلفتلي ويخوزر بنظرات حقد واني اردله نظرات الغضب والاسف .. اجه عمي وكعد يمي كال هذا خالها مستعجل ع العرس خلي نزوجهم ولاتشيلون هم المصاريف وخلي سيف يلزم الادارة مالة المطعم واني اجرله راتب .. كتله عمو هذا خالي يحجي عشرة بشهر سنين صارله عايفها ومايسال عنها هسه صار براسنه خيير .. ميخالف عمر اعصابك هذا خالك واكبر منك واجه شكالي منك هم .. عمو اخويه واعرف اخلاقه وهيه مرته صارت بعد مو عقدو شيخ وهالاسبوع اخلي يعقد محكمة والعرس ان شاءالله نعجل بي .. دا احجي ويا عمي وجان تطلع رنين سمعت ويه الخدامه تسألها احمد اذا طلع او بعده مبين محذرهه مني .. اجت بعد ما حجت ويه الخدامه فاكه حلكهه وتضحك كالت صباحوو درت وجهي وردت من بين سنوني عليها اتمنى اسحلها من شعرها فرق مابينها وبين سارة هدوئها ورزانتها فرق ساشع .. كتله عمو اني اترخص كال اخذ راحتك .. هو فات جوة ورنيم تبعتني للباب صاحت عمر عمر .. التفتت عليها بعصبية كتلها عمر يدري بيج ؟ لو اروح هسه اكوله يجيك الكاميرات ويشوفج بيهن .. دارت وجهه وراحت تركض للبيت واني درت وجهي وطلعت من بيتهم .. سارة .. بهذيج الليلة بعد ماخلصنا علاج بابا رجعنه الفجر سيف اخو عمر وصلنه للبيت وكتلهم هذا يصير ابن اخو المستثمر الي بالمدرسة .. وصلنه تعبانيين ودكيتها نومة لل٩ الصبح كعدت فايت دوامي غلست مارحت تشكلت ونظفت البيت وكلساع اطل على بابا وانطي علاجه واطمأن عليه .. اشتغل وافكر بعمر شلون باس ايدي بس اتذكر هاي اللحظة اموت من الخجل واحس مشاعر الحب متدفقة بداخلي . .. للساعة ١١ سمعت صوت تليفوني رحت اركض اخذته واشوفه احمد يتصل بيه .. اخذته ورديت عليه الوو اجاني صوته معصب .. ست سارة احنا دنلعب ؟ ونزل عليه برزالة من هاي التمام .. يتبع ... | ||||||||
|  |
|
07-01-20, 12:17 AM
| #12 | ||||||||
| مراقبة عامة ومشرفة منتدى الروايات المنقولة
| بين طهر وخطيئة بارت ١١ هلاووووو .. استاذ احمد بس لحظة خلي افهمك !! باعي عندج ربع ساعة تجين للمدرسة اشوفج وتسجلين حضور متجين عندي وياج كلام ثاني خووش؟ سدا بوجهي شبي هذا كبر حتى كبر طبيت للحمام غسلت وطلعت بسرعة رحت بدلت ملابسي وطلعت اسد بزنجيل القمصلة واطلع شعري من ورة وبيدي الفون ادور الاء وينها شفتها يم بابا كتلها الاء رايحة للمدرسة كالت عشرة ونص شسالفة بعدين احجيلج طلعت اركض ركض وصلت للمدرسة انفاسي مقطوعة بس فتحت الباب صار احمد كبالي لابس نظاراته وسترته على ايده بس شافني نزع النظارات .. باوعتله بغضب واريد اسيطر على وتيرة انفاسي المتسارعة .. كال تأخرتي هووواي ... ورافع تك حاجب .. كتله وهسه شنو المطلوب مني اعتذر منك لو ابوس ايدك حتى ترجعني اصلا اني غلطانة الي اجيت بعد هاي الاهانة ، فتحت الباب وطلعت ... صاح عليه مهتميت اله لزمني من زندي وسحبني اله كال اوكفي اعتقد احنا مدنلعب اكو شي حضاري واسمه تليفون خابري قبل لتجين حتى حصصج تتحول لغير معلمة .. كتله استاذ احمد ولا ما اريد ابرر بس ترة اكو شي اسمه حالة انسانية خاصة اني البارحة للفجر ويه بابا بالمستشفى وصل للموت ومجان على بالي شي وهسه من رخصتك ارجع يم بابا محتاجني وانت الي عليك سوي تريد تفصلني براحتك .. طيب سلامته للوالد ما على قلبه شر ان شاءالله ،،، لا لا فصل شنو إصعدي اوصلج .. تسلم متقصر اروح مشي .. دصعدي ياعيني ليش تعقدين الاموور ؟؟ اومأت براسي وتوجهت ويا لسيارته اريد اصعد وره رفع حاجبه وكال اني السايق مالتج ؟ حجاهه بصيغة سؤال .. كلت هم صدك وعيب هماتين توجهت للباب الكدام فتحتها طبيت وكعدت .. وصفتله بيتنا وين صاير وصلنا كال انزل وياج اطمأن ع الوالد انصدمت لازم عصبيتي كدامه والرزالة جابت نتيجة صدك اني منين جبت هالشجاعة طول عمري فاهية ضحكت بدون صوت واني امشي كدامه للبيت وهو وراية .. فوته للاستقبال مكان بابا متمدد والكانوله بيده بابا استاذ احمد المستثمر يريد يطمأن على صحتك .. بابا تحمس وكام من مكانه . .. هو تقدم اله كم خطوة وكاله استريح حجي وصافحه بإيده .. اجت الاء مستغربة سلمت على احمد وتباوعلي بفضول كام احمد وخلى يم راس بابا فلوس وكلي ست سارة سويلي مجال اطلع عندك العافية حجي متشووف شر بابا كله تسلم ابني مقصرت اشكرك ع الزيارة .. طلع احمد من الاستقبال واني وراه وصلته لباب البيت لبس نظاراته بتكبر وراسه مرفوع .. كال بعد لاتعيديها بابتسامة تكبر وكال اي شي تحتاجي بس خبريني .. متقصر استاذ احمد اشكرك على كرمك .. بس حتى ماضيفناك .. كال ميحتاج يلله باي.. كتله الله وياك .. طلع واني سديت الباب وراه ورجعت للبيت لزمتني الاء وفوتتني للغرفة وجهه وملامحها مصدومة كالت ولج منو هذااا ؟؟ يبرق برق شنو هالعيون لو منج ادعي ليل ونهار لحتى يخطبني .. اكتفيت بالنظر الها وكتلها بقلبي اني عاشقة لابن عمه الاسمر .. كالت باعي باوعت لايدها واشوف بيدها ٥ اوراق دولارات كالت هذن هو خلاهن يم راس ابوج .. كتلها لعد خوش روحي سددي بيهم ايجار هالشهر لا ننطرد بالشارع ترة بابا ميكدر يروح للمحل بعد .. اي هو هيج راح اسوي .. شسووون ؟؟ اجانه صوت تارة من ورانه .. كالتلها الاء فاتج مشفتي توة اجانه واحد شارد من الجنة .. هاي شنووو مرة ابوي وتزحفين شكبرج عجوز .. انجبي مازحفت مايصير اشاقة وياجن خليتن بيها انه .. هاي شنو الفلوس الي بيدج دولارات منين هايه ؟ خلي سارة تحجيليج راح البس واروح لابو البيت ادفعله الايجار لا يجي اليوم يهدد وابوج مريض ميصير يتوتر .. راحت الاء وبقينه اني وتارة .. كالت ولج منين هاي الفلوس اجه احمد وياي وانطاهن لبابا بس هذا مبلغ كبير هه هو عنده مثل شربة المي يكت الالف يوكع عليه مية الف .. وهاي الاء خاف تروح بيهن للطبيبة تعالج روحها بيهن عمود الطفل ليش امنتيهن بيدهه ؟ باعو الثولة شتحجي لج بابا تعبان وشاديله جيس ادرار بعد ياطفل يابطيخ والله ضحكتيني حجيت واني افتح زنجيل القمصلة وانزعها .. وفتت للغرفة .. اجت يمي ايدها على حلكها وكاتمة الضحك ... كتلها روحي يم بابا دورج هسه اني راح ابدل _تمام .. ••مريم•• مر اسبوع بعد الخطبة اني وسيف معبالك مخطوبين ما اعرف كل المخطوبين هيج لو بس احنا اسمعه يتلاغى ويه خالة هيه تكوله روح عمك حينطيك المطعم مالته تديره وهو رافض يكوللها مو وكتها هسه .. اي مو راح تتزوج لازم تتحمل مسؤؤلية _ هذا الزواج انت ردتي مو اني اني لهسه ممستعد وانتي تحملي المسؤؤلية .. طلع من الهول واني جنت يم المغسلة مخليه ايدي على حلكي ودموعي تجري هو شافني هيج وكف يباوعلي مصدوم ومتندم .. حجيت برجفة مو قصدي اتسمع الكم بس جنت اغسل .. اجه يمي ولزمني من زندي وايده الثانية يمسح دموعي كال اسف مريم اسف صدكيني مراح اقصر وياج اني اشوفلي شغل ما اريد ويه عمي لان ابنه احمد اكرهه .. كتله عادي براحتك وانت هم ممجبور تكمل ويايه عفته وركضت للغرفة وسديت الباب كعدت بالارض وابجي ليش هيج يصير بيه ..تمددت ونمت بقيت لليل نايمة بفراشي غفيت وما ادري بنفسي .. عمر .. شنو اليوم ماكو عشى ؟ ام عمر .. كوم سيف جيبلنا عشى من السوك اليوم مريم ما ادري شبيهه متلفلفلة ونايمة من العصر بعد ماكعدت .. عمر .. شبيك وياهه ولك خو ممزعلهه اول مرة تنام هيج .. سيف .. ممسويلها شي بس امي تحجي الاخرس وسمعتنه .. ام عمر.. يا عزا سمعتك تصيح سودة عليه عمر .. شكو شصيحت احجي .. سيف .. امي تريد اشتغل بالمطعم مالة عمي واني ما اطيق احمد الغثة .. عمر .. لك احمد معليه بالمطعم يشتغل بالمدرسة يامطي.. سيف .. صدك من شوكت وشعجب ؟ عمر .. صار بالاربع اشهر ،، اوامر عمي هذي واحمد نفذهه .. مريم .. حسيت الباب انفتحت عليه بقيت على وضعي ماتحركت احس نفسي مثل جثة ملكة فرعونية محنطة .. حسيت خطوات شخص وانفاسه يم راسي انرفعت البطانية من عليه وايد تتلمس شعري وخدي بقيت مغمضة سمعت صوت همس يهمس باسمي مريم مريم لتزعلين مني عفية والي تريدي يصير وهسه يلله كومي جبت عشى من برى تحبي .. كمت على حيلي اباوعله سيف باوع لشعري وضحك على منظري لان شعري مكفش ظل يعدله بيديه ويسفطه .. ابتلعت الضيق بضحكة مزيفة وكمت وياه لزم ايدي وطلعنه من الغرفة وكعدنه وياهم ع السفرة دنكت مارفعت راسي بعد ما اريد اشوف ملامحهم اخاف بيها شفقة عليه ظل يحجي ويه عمر وخالة يكوللهم باجر اروح لعمي واستلم المطعم واشتغل حسيته يريد يراضيني بهذه كلماته بس اني مو كادرة انسى الي سمعته منه العصر ابد .. يوم ثاني كعد من الصبح سويتله ريوك وخليته كدامه بس يتثاوب ومنعس ممتعود يكعد على وكت صار سنتين من تخرج وكعد بالبيت كله يكعد من النوم ب١٢ او ب١ خو برمضان يكعد ويه المغرب بس اليوم لا اكو تغيير بس تغيير سيف فجأة ماغير بمشاعري شي .. اجه العصر تعبان دخل علينه واحنا كاعدين بالحديقة كلتله خالة ها ابني بشر شلونه الشغل ؟ اشرلها تعبان تعبان بعدين احجيلج .. تريد غدى ؟ لا لا اكلت بالمطعم .. باوعلي وابتسم بتعب كال هلو مريووم .. ابتسمت اله بتكلف اومأت اله براسي وكتله هلا بيك .. فات جوة واحنا بقينا وحدة تباوع للثانية اني وخالة وطكيناهه ضحكة كالت خالة بزر نستلة ممتعود ع الشغل ..شوفي يمه مريوم كله لخاطرج هذا .. عمر اقترح علينا يأثث الفوك النا يسوي سويت خاص بينا وكال لخاله اني الي اتزوجهه جوة يمج .. كلتله لا خاف الي تتزوجهه غريبة وما تحن عليه اني اريد مريم يمي .. كال عمر لا يووم وداعتج فقيرة وحتحبيهه .. يلله لعد شوكت اروح اشوفهه .. خلي نزوج سيف بالاول .. ما مر اسبوع اله والفوك انصبغ وتخلاله ابواب جديدة وصحيات جديدة وسقف ثانوي وارضية .. وراهه الاسبوع الخ تأثث .. عمر جاب غرفة النوم وباقي الشغلات كلها شي من خالة وشي من عمر واكثر شي من عمهم ابو احمد .. اجوي بنات خالة ورحنا للسوك جهزنا كل شي ملابس مكياج ذهب سويت مني كير وبديكير طلعت جديدة بالباكيت .. سويت حنة وصار عرسنا بأفخم قاعة عرسان .. سارة .. اتصل بيه رقم غريب جاوبته واجاني صوت عمر .. ابتسمت كال ترة ممخابر ازحف اريد اعزمج على عرس اخوية ضحكت كتله ان شاءالله الف مبروك .. كال اخذي موافقة الاهل وحتجيج سيارة للبيت تاخذج للقاعة مباشرة وبلغي اهلج هم خلي يجون وياج .. لا عادي انت انطينا عنوان القاعة واحنا نجي .. لا ما اريد اتعب مرتي المستقبلية وامي حتشوفج بالقاعة اهتمي بنفسج واكلي هالفترة امي تحب المربربات .. ضحكت كتله انت متأكد امك تحبهن لو واحد ثاني .. طكاهه ضحكة كال لا اثنينهم امي والواحد الثاني الي ابالج .. يا عبالي بس عمتي جان ربربت ... لا يا خبيثة .. ختمتها ويا ورحت بلغت الاء وتارة تارة كالت مااحب الهوسة اخذي الاء وروحي واني ابقى يم بابا .. كيفت الاء كالت اي اروح ليش لا ونسة وبلاش .. بدلنه وانتظرت عمر يتصل بيه .. خابرني وكال جايه الكم سيارة بيضه يم بابكم واكفة صار دقيقتين اطلعن ولتخافن هذول اولاد عمي .. سديته منه ورحت كلت لألاء وطلعنه بالسيارة ووصلنه للقاعة مختلطة نساء ورجال .. عمر مشفته اول ٥ دقايق .. بس احمد من شافني فتح عيونه متفاجأ رحت اسلم عليه قبل لا اسلم كال شجابج ؟ دنكت وخجلت كتله عمر عزمني كال وتحجيها هيج مباشرة بوجهي رفعت راسي مصدومة كال مو حذرتج منه ؟ بقيت بس احوس ومعرف شأرد عليه .. كال بكيفج انت حرة .. وراح كعد يم عائلته .. خلاني خجلانة على فشلانة ومصدومة رجعت يم الاء وهو كبالي كاعد بتكبر وغرور منتجي ع الكرسي ومدد ايده ع الطاولة ويحرك بالسويج مال سيارته بتوتر .. يباوعلي ويصد عني بعصبية واني ادنك وشابكه اصابعي ع الطاولة واعصر بيهم .. وخايفة لا يطردني .. بعدهه بدقايق اجه عمر سلم على الاء وحاجاهه عني ظلت تباوعلي بريبة ومبتسم كالها اريد اتقدم واخطبها بس خلي اخلص من عرس اخويه وارتب وضعي .. كلتله ان شاءالله اذا وافق ابوهه وهيه موافقة ليش لا وين نلكى مثلكم مننسى وكفتك النا بالمستشفى ووكفتك الها بالشغل... كال ممكن اخذهه اعرفهه على امي وخواتي ؟ جاوبته اي ليش لا نتشرف بيكم .. كال تفضلو ويايه .. تبعنا ورحنا لطاولة بيها ٣ بنات ومرية كبيرة شويه بالعمر .. راح عمر الها وشاورها ظلت تباوعلي مستغربة اشرلي كال هاي امي رحت سلمت عليها وبوستها بس هيه سلامها وياي بارد او تحت تأثير صدمة .. سلمت على خواته ورحنا سلمنا على العريس والعروسة كلش حلوووة سبحان الله كل مريم حلوة عيونها ملونة وكبار ومكياجها نازك وضحكتها كلش بريئة وصوتها ناعم وهادئ .. ▪▪مريم ▪▪ خلص العرس وزفونا للفندق كعدت على السرير واجه سيف نزع سترته ويضحكلي ابتسمت بوجهه ابتسامة قلقة كتله سيف انت تحبني بملامح مبتسمة كال اي احبج انت متأكد اشو احسك ممقتنع وخالة هيه الي جبرتك عليه .. لا بس هسه حبيتج واجه يمي اخذ ايدي وباسهه التاف صار وراي فتحلي قياطين بدلتي حوط صدري بيده وسحبني وباس كتفي .. خجلت كلش اريد افلت روحي منه وهو يبوس بيه ظليت بس احرك روحي قيدني قوي وثبتني صار ظهري على صدره وايديه على بطني ... كال اثبتي شبيج كتله بنبرة مهزوزة اريد انزع البدلة كال اني انزعهه الج .. خجلت كلش وايديه تداعب جسمي اريد افك روحي منه ما اكدر نزعني البدلة ونزع واخذني للسرير بسررررعة .. ▪▪سارة ▪▪ داومت وراها واحمد بس يخوزر بيه اسلم عليه بس يرفع اصابعه ويدور وجهه احسه حاقد عليه بس اني يزيد كرهي اله احسه ديذلني .. اجت المعلمة وسن كالت خوش هالشهر مزيدين رواتبنا .. كتلها لعد اني اشو اقل ب ١٠٠ .. كالت يا ولج كلنا زيدونا والله .. ظليت الوب ليش هيج يسوي ويايه اله اروحله احجي ويا لا لا اخجل والله خلي اراسله من ارجع للبيت.. راسلته كتبت اله استاذ احمد ترة راتبي هالشهر نازل ١٠٠ اذا الك نية تقلل الراتب المفروض تبلغني بهالشي وعرفت المعلمات زايد راتبهن شمعنى اني يعني ؟ شاف الرسالة ومجاوب الخبيث .. يوم ثاني كلت خلي اروح اله للمكتب واكوله بطلت واشوف ردة فعله .. دكيت الباب وفتت لبست ثوب العصبية جهمت ملامحي وخزرت نظراتي وفتت وكلت بنبرة حازمة استاذ احمد اني بطلت وتفضل هذا الكتاب جيت اسلمه الك بس اطلبك مية ترة احنا متفقين ع الراتب مسبقا وهو مو لعب مثلما حضرتك تكول واذا متنطيني المية حقي واستحقاقي ياريت تخليني اتواصل ويا السيد الوالد رجاءا .. بين طهرٌ وخطيئة مروى احمد كال نعم ؟؟ اشو صايرة متحترمين كلش شنو هذا اسلوبج بلله ؟ اريد احجي اجاه مسج على تليفونه اشرلي اسكت باوع للمسج .. ورفع راسه يباوعلي رافع حاجبه ويضحك بحقارة وخبث .. ظل يكتب بتليفونه واني واكفة واهز كدامه برجلي معصبة ومتوترة .. خلص كتابه من تليفونه كال اي بلله كملي .. كتله ميصير هيج تسوي زيدت رواتب المعلمين كلهم باستثنائي عادي بس ميحق الك تنقص راتبي بدون علمي ما اعتقد بدر مني شي محلو او اجتي شكوى عليه جان خبرتني على الاقل .. فتح المجر وطلع مية دولار وشمرها عليه وكعت بنهاية المكتب مالته.. كال هاج بس لا تبجين .. عصبت منه كلش .. كتله ترة مجاية اجدي منك اني مفهوووم ؟ باوع لساعته واجه يمي .. كال اشو احترمي لتشوفين شي ميعجبج .. كتله اني اصلا محترمة وانت الي لازم تحترم _ شنو نسيتي نفسج شون احتاليتي وكذبت وكتبتي معلومات غلط ادعيتي انج مطلقة وهو كذب .. جاوبته بعصبية .. ما اعتقد اكو شرط هنا يفرض عليه شي مجرد معلومة كتبتها ومشى الحال .. لا هذا بي احتيال وكذب واذا عجبني وما جريتي عدل اقاضيج .. مديت ايدي للباب اريد اطلع لزمني من كتفي وبعدني عن الباب وقفلها وجر المفتاح .. باوعتله بريبة مستغربة وايضا خايفة كتله ليش قفلتها ممكن اعرف افتحها اشو اريد اطلع خلص كلامي الي عندي كلته .. كال واني بعدني ماخلصت .. شكو بعد نحجي ؟ ترة ماكو حجي ينكال تريد تطردني اطردني .. لا ما اطردج .. استمر يباوعلي .. لعد افتح الباب رجاءا ظل يباوع لساعته ... تحركت يدة الباب .. اجه يمي بسرعة كفش شعري خربطه دفعته كتله شدتسوووي .. مد ايده لشفافي مرر اصابعه بقووة سرق منها الحمرة وخلاها على شفافه .. وابتعد عني وهو يباوعلي بخبث ويضحك .. وراح فتح الباب وفات منها عمر معصب وبملابسه مالة الجيش.. كبل لايشوفني وهو ديفوت كاله لك انت شلووووون تمد ايدك على بعده ممكمل وجان يشوفني عمر وفتح عيونه على اوسعها مستغرب .. خليت ايدي على حلكي بقووة ولطمت وجهي .. واني اعدل بشعري واباوع لعمر برجاء وهو بدوره يباوعلي ويباوع لاحمد بنظرات من نار وغضب.. ▪▪مريم▪▪ مرت عشرة ايام على زواجنا .. كعدت الصبح غسلت وسويت ريوك لسيف وصعدت اكعده .. خليت ايدي على كتفه واغرس اصابعي سيف سيف يله مو كتلي كعديني بالستة تروح للشغل .. باوعلي وتمطط سحبني وحضني اشتم عطري وباسني وهو مغمض حجه بنبرة مخدرة تعالي خلي اشبع منج فد شوية ياشغل يابطيخ .. كمت بادلته وتفاعلت ويا ظل يفتح عيونه ويسدهم ومستمر يداعبني .. ظل يباوع بعيوني كال والله مجنت متوقع راح احبج هلكد .. كتله ولا اني هم . فتح عيونه وصحى فجأة .. كال يعني جنتي متحبيني ومرايدتني اعترفي ها؟ كتله لا لا بس من سمعتك تحجي ضجت منك صراحة لعد شون حبينا بعض والله عجيبة ههههاي .. كتله وجعلنا بينهم مودة ورحمة .. كال تعالي نسوي فد شي يعبر عن المودة .. وطوق بطني وسحبني اله اكثر بسرعة كمت كتله الجاي حيبرد من تجي عود هو انت اسبح مال البارحة اول مرة والظهر عود من تجي .. كال اووو خوش خوش مامقسووم وكام سبح ونزلت جوة علكت النار للجاي مرة ثانية دخل هو ينشف شعره وباسني من ركبتي وكعدنا نتريك .. راح للشغل واني كمت على شغلي انظف واغسل ملابس واطبخ .. للظهر وتعدت ساعة ٢ ما اجه رحت لخالتي بالغرفة كتلها اصبلج غدا ؟ اجه سيف؟؟ لا خالة ما اجه لسه .. خابري شوفي وين بنتي ان شاءالله خالة اي اله اكولج المفروض من وحدج تخابري اني ردت اخابره بس كلت خاف انت جوعانة اصبلج غدا واخابره لابنتي مانتغدى بدونه .. رايحة اخابره ،،، اخذت التليفون وخابرته حبيبي شدتسوي ؟ _ دافكر بيج .. _ هههه ... وينك تأخرت .. _ها لازم عند وعدج .. _يا وعد هذا سيف ؟ _هه مال الصبح مال مودة .. ضحكت كتله لا بس انت تأخرت .. __حتى لو جنت ناوي اجي هم مراح اجي على حجيج هذا .. لا لا تعال عفية دننتظرك ع الغدى وخالة كالت منتغدى اذا ميجي .. _لا تغدوا اكلو بالعافية ما اجي اني عندي شغل .. _ اوكي حبيبي بس لتتأخر لليل كلش .. _ ليش ؟ _ اشتاقلك .. _ فديت الي يشتاقلي ان شاءالله ما اتأخر عليج حبيتي .. بس احتمال اتأخر ليظل بالكم وطمني امي .. _ ماشي حبيبي .. سديته منه ورحت كلت لخالة ورجعت صبيت غدا وتغدينا .. لليل انفتحت الباب بعصبية وفات سيف معصب ويدردم كمنا اني وخالة انخبصنا بي باوعنه لوجهه عينه جواهه احمر على زراك وشفته كلها دم يابس .. يصيح ويهدد .. اليوم انعل والد والدي اني يضربني ويهيني كدام العمال اني اعلمه والله ما تمر عليه ليلة اذا ما شبعته طن كتل .. خالتي صاحت بي لك سيف شبييك فهمني هذا منو الي سوا بيك هيج منوو؟ جاوبهه بصياح احمد الساقط .. لطمت على صدرهه احمد ابن عمك ؟ وليش يضربك شمسوي انت ؟ كعد بالكاع وتمالك انفاسه وظل يسولف الي صار .. كال جنت قبل ساعة اجه احمد وويا اصدقائه وعددهم كلهم اربعة ظل يتأمر حضرولي ميز هنا بالركن كوم هذول الناس ورتبلي الطاولة .. كتله مايصير مو من الادب نكومهم ونكعد حضرة جنابك ! كال هاي انت ويامن تحجي لك انه الرئيس وانت المرؤؤس اشك حلكك اذا تفتحه وصاح ع العمال يروحون يخبرون العائلة الي كاعدة تكوم يريدون المكان .. اشرت للعامل كتله متروح واذا رحت انت مطرود احمد .. ها سيف تعاندني مو ؟ بسيطة . .. اخذ جماعته وراح لغير طاولة كعد وطلع العرك ونزلولهم مزة .. اني تخبلت مكان عوائل واطفال كاعدين هذا المطي شديسوي .. رحت يمه كتله اسمع هذا مكان عوائل وعمي ميرضى على سوايتك هسه تشيل وصاختك وتطلع منا يلله .. مقبل وظل يستهزأ بيه .. كال تولي منا لا اشمرك بالشارع هسه .. شفت نفسي ما اكدر اسيطر عليه رحت خابرت عمي وهو بدوره خابره وطيح حظه خلاه يشيل بطالته وياخذ اصدقائه ويطلع طلع للسيارة ورجعلي .. ضربني بوكس وكعني بالكاع نصى عليه وظل يهدد لك ما اريد اشوفك هنا بعد اذا شفتك مرة لخ اجيب جماعتي يثرموك ثرم افتهمت وطلع .. خالتي .. يبووو على هالشغل الاكشر يمه يولي هالزعطوط هذا متعمد هيج يسوي مايريدك تشتغل وتعتمد على نفسك لاتخلي يأثر عليك .. سيف وبعده يصيح وصوته عالي واني لازمته من كتفه اريده يهدأ وهو يوخرني .. كال انعل ابو اليشتغل عدهم شنو هالمذلة هاي اله اطيح حظه اذا ما اخلي دمه بطوله ما اطلع اني سيف .. ام عمر ... خلي عمر يحاجي يمه انت ماتكدرله هذا _ وشنو اني مو زلمة واخلي عمر ياخذ حقي ؟ _ لا ابني بس عمر هو يتصرف احسن _ قصدج اني مو كدهه لا والله اطيح حظه وهسه رايحله .. مريم ... رحتله وسحبته اتوسل بي خليت ايديه على صدره ورفعتهن وحوطت ركبته .. كتله فدوة سيف يولي اتركه خلي عمر يتصرف ويا .. وخر ايديه مني وتخصر يباوعلي بعدم رضى كال شبيج حتى انت تشككين بيه وماعندج ثقة بيه شنو اني مو رجال والله ادوس عليه بقندرتي هالمايع هذا .. كلتله خالتي وهيه تجره من كتفه وهو مستمر يريد يطلع لا يمه رجال وستين رجال هم بعد بس وين تروحله بهالليل وانت وحدك روحله انت واخوك احسن .. لا خليني اروحله اخذلي بوريه وانتظره يم بيتهم وافلشها عليه .. لطمت صدرها خالة يمه عزاا تخبلت سيف ولج يمه مريمه اخذي وصعدي فوك .. جريته من ايده كال عوفيني مريم لخاطري سيف فدوة امشي هسه ارتاح فوك .. كوة قبل يصعد وياي كعد على السرير نزعته جواريبه .. شمر روحه ع الفراش وايده على راسه ويجر حسرات وينفخ بعصبية .. خليت خواريبه بسلة الملابس ورحت كعدت يمه رجلي ليجوة وبس جذعه ع الجرباية مديت ايدي افتح ازرار القميص واباوعله .. ميباوع وعيونه بالفراغ .. بسته على راسه ورحت جبت اله ملابس نظيفة وكام لبسهم وتمدد عدل ع الجرباية .. جبت ثلج وخليت على عينه وكطن عقمت شفته ومسحت الدم .. سمعت خالة تصيح جوة رحت اركض نزلت الها شفتها واكفة جوة يم الدرج وبيدها التليفون كالت هاج ودي لسيف خلي يحاجي اخو .. صعدت اركض وديته لسيف كتله هذا عمر يريد يحجي وياك .. اخذ الفون وظل يحجي ويا .. عمر .. جنت بالواجب صار يومين مانازل خابرتني امي تبجي هذا احمد ضارب سيف بالمطعم وسيف متخبل ويريد يروح يكتله وخاف لا ذاكه مينكدر سويلي صرفة ميصير هيج ... عصبت كلش نار وشبت بيه شون يتجرأ احمد ويضرب سيف اخويه اله اطيح حظه واني اعرف سيف مسالم وبنفس الوقت مايقبل بالغلط اكيد احمد مستفزه او مسويله شي مخلي يعصب .. كلت لامي ميصير خاطرج اله طيب يوم تدللي .. بس انطيني سيف احجي ويا .. ودتله التليفون بيد مريم وحاجيته وعرفت منه كل شي كتله هينه اني اعلمه .. يوم ثاني الصبح طلعت من الواجب مالتي خابرت احمد عرفت منه انو هو بالمدرسة .. توجهت للمدرسة قبل لا اوصل بعشرة دقايق كتله جايك اني راح اوصلك لتطلع من مكانك عندي حساب عسير وياك .. جاوبني اني بانتظارك .. وصلت للمدرسة ورحت لغرفته مديت ايدي للباب اريد افتحها شفتها مقفولة ثواني وانفتحت فتت معصب اريد افتحه وصار كدامي احمد يمسح بشفايفه بيهن اثر حمرة كلت بكلبي لا يا وسخ جايب وساختك لهنا .. ودرت وجهي على يميني واشوف سارة واكفه ووضعها مخربط وتمسح بحلكها وايد تعدل بشعرها .. احس عيوني صارت بالطول تمنيت الي سلطة عليها والزمها واضربها الخاينة تمنيت سلاحي بيدي واصوب طلقة بنص قلبها اجتاحتني فورة غضب واباوع لاحمد يضحك بنذالة وخبث وكانه يعلن انتصاره .. شفتها لطمت ايدها على حلكها مصدومة وعيونها غوركت تباوع لاحمد بغضب بس اني خلص كرهتها اثنين ومقفولة الباب عليهم ووضعهم مخربط مثل ما اني جاي اشوفه بعيوني كلشي واضح .. كالت عمر بس خلي افهمك .. تقربت منها خزرتها وصحت بيها بغضب اطلعيييي برة . بين طهر وخطيئة بارت 12 هلاووو ... عمر صيحت بوجهه بغضب اطلعيي برة .. واني مثبت نظري عليها وخازرها باوعتلي برجاء وايدها على حلكها هزت راسها بأسف وأسى وطلعت برا تركض .. باوعت لاحمد بكره وحقد مديت ايدي للباب وطبكتها حيل . .اصدرت صوت عالي كلش.. تقربت منه وجريته من ملابسه كتله ولك ليش تضرب سيف ها؟ ؟مو والله اكسرلك ايدك والله ..اخربطلك وجهك وحياتك كلها اذا تجرأت حجيت هيج واني اهز بي بقووة مد ايده ولزم ايديه وخرهن بقووة ودفعني .. تقدمت منه اريد اضربه كورت قبضة ايدي ووجهتها اله دنك بسرعة واجت الضربة بالهوا .. ووكعت ع المكتب ظل يضحك كال اسمع مالكم دخل املاكي واني مسؤؤل عنها وحر بيها شسوي اسوي وبلغ اخوك على هالشي مفهووم ؟ وبعد ليشوفني وجهه مرة ثانية .. كتله سهلة احمد سهلة اني اعلمك اله ما اندمك على كل سوالفك والله ومراح تمر من دون عقاب هاي السالفة بس خلي اكولك شغلة اذا بعد تقربت من سيف او اذيته مايحصل خير والله .. اريد اطلع صاح عليه ومد ايده للمية دولار جانت على الميز موجودة من اول ما دخلت انتبهت عليها كال هاك هاي هم وديها لسارة خاف تشوفها بدربك لان نستها يمي حجه هيج وهو يضحك باستهزاء. التفتت اله واخذتها منه باغته بضربه قوية على وجهه ببوكس من قبضة ايدي خليته يوكع ع الارض والدم يوكع من حلكه وخشمه ويجر انفاسه بالكوة. شككت الورقة وشمرته عليه كتله خسيس وساقط اني منا ورايح اشتغلك واربيك يا طايح الحظ .. دفرته برجلي وهو متالم ومحتار شون يوكف الدم وبعد مدنك وهو ع الكاع .. طلعت من غرفته اللعينة ومنظر سارة ميفارك خيالي اعاتبها والومها بداخلي حرامات هالحب .. ظليت امشي واحس الظلام يغمر حواسي .. واسمع صوت يوصلني بعيد جاي من ورايه ماتوقفت واني امشي بالباحة الامامية للمدرسة الي تؤدي لباب الخروج .. ماتوقفت حد ما انمدت ايد ناعمة لساعد ايدي وتعلكت بيه ومسكته بقووة .. كالت عمر ياريت تسمعني فدوة لاتظلمني.. بدون مالتفتت الها سحبت ايدي منها بقسوة وقوة لدرجة وكعت ع الارض وصاحت متألمه أه واني مستمر امشي متوجه للباب وهي تصيح عمر عمر بصوت مبحوح وبي نبرة بجي مهتميت بس جنت كارهها الى درجة وصلت للباب مديت ايدي اريد افتحها نوضعت ايد تمنعني باوعتها سارة كالت بس اسمعني فدوة وتأشر بيدها برجاء وتوسل قربت وجهي منها حسيتها خافت وغمضت عيونها كتلها ماريد اشووفج كدامي لا تحاولين يا فتحت عيونها وغمضتهن بقووة وصيحت لا عمر لا لا تكولها والله وروح ماما اني مظلومة .. ابن عمك .. بعدهه ممكملة جريت الباب وهيه جانت مرتكية عليها عود تريد تمنعني ما افتحها فتحتها بقووة وهيه هم رجعت وكعت بالارض باوعتلها كتلها ماتهميني بعد وما اريد اشوف وجهج بعد .. باوعتلي ملامحها تبجي بقهر كالت لا عمر لااا سديت الباب بقووة ورحت للسيارة سقتها بسرعة جنونية والهورنات تركع وراي ومهتميت حسيت انطعنت بنص روحي ماتألمت بكد المي اليوم ولا حتى من تصوبت الالم الي حسيته هسه يفوق كل الم بالعالم .. سارة .. وكعت وظليت ابجي مهتميت للي يباوعولي اجه الحارس يمي كومني من الارض واني ابجي وهو محتار شيحجي وشيكول .. كتله عفية ابو طلال بس جيب جنطتي كول لست خل تنطيك بغرفة المعلمات ،،، هز راسه وراح واني طلعت برة وكفت يم باب المدرسة وايدي على حلكي اكتم شهكاتي ووجعي ياريت مارحت اله وطز بالفلوس الله لاينطيك احمد يا حقير .. انفتحت الباب حسبته الحارس جايب جنطتي رحت اريد اخذهه واشوفه احمد لبس نظاراته بتكبر وغرور والابتسامة الخبيثة شاكة وجهه .. حسيت النار تداهمني شعور قاطع انتابني اقتله لو بيدي سلاح هسه شيريد مني ليش يسوي وياي هيج .. تقرب مني صرت ارمقه بنظرات غضب كره وحقد كال لتبجين ولتزعلين ترة اني وعمر متراهنيين عليج واذا متصدكين اسألي بلكي عنده ذرة شجاعة يجاوبج ويعترف .. انت احقر انسان شفته ، بحياتي ماراح اشوف مثلك لوثت سمعتي بافعالك انت ماعندك خوات تخاف عليهم ها بس كولي ماعندك .. اشش ولا كلمة واصعدي اوصلج يلله وما اريد اسمع صوتج وهسه تروحين للبيت ترتاحين وباجر تداومين مفهووم .. ههه ضحكتني والله وظليت افر بيدي باستهزاء .. تقرب مني كال ولي لبيتكم بس دوام تداومين مفهووم ؟ لا والله وتهدد حضرتك بعد ما احترمك لا عبالك .. غصبا عليج تداومين متعرفين شسوي بيج وكولي ماكال .. اصعدي يالله .. باوعت للحارس واكف بصفي اخذت الجنطة لبستها والتافيت للفرع الي بي بيتنا بصف المدرسة كلش وظليت امشي وابجي .. معقولة الي كال احمد صحيح ؟ اني مجرد رهان بينهم ؟ اني اني شسويت بنفسي ياربي شسويت .. وصلت للبيت دخلت من باب الاستقبال وركضت للغرفة وانركع الباب وراية واسمع الاء تكول ياستار منووو ؟ مجاوبتها وجتي للغرفة بسرعة درت وجهي سويت نفسي جاي افتح بباب الكنتور كالت هاي انتي عبالي شو شنو .. جاوبتها كوة واحاول اسيطر على نبرة صوتي لاتبين داابجي وتفضحني .. كتلها اي اني اريد ابدل هسه كالت اي بدلي براحتج وسدت الباب .. رحت ركضت قفلتها وكعدت ابجي ابجي .... اخذت تليفوني وخابرت عمر ميجاوبني يسده بوجهي .. شمرت الفون وكملت بجي تغطيت بالشرشف لحد وجهي وغصت بالبجي لحد ما نمت .. كعدت على صوت تارة تخابر وترزل توقعته وائل دترزله .. ظليت اباوعلها وهيه تصيح.. تارة .. اني بعد اثق بيك لو تموت والله واسمع اذا جيت للكلية بعد شوف شسوي بيك وائل .. والله ياتارة اني اعلمج اذا ما اكول لابوج عندج صاحب وهذا النقيب بهجت صاحبج ما اطلع اني وائل.. _ لا يا كلب يا سافل لك شتريد مني ؟ _ارجعيلي .... _ لو تمووت ويلله ولي مخايفة منك واذا اجيت وعتبت بيتنا اذبحك بسجينة _ اي مو انتي داعش _ واضرب من داعش بعد يله ولي .. سديته منه والتفتت شفت سارة تموت من الخوف وجهه احمر وعيونها حمرا صرخت بوجهه شبييج وعمى .. سارة .. عمى اليعميج جيبي تليفونج اخذته منها ونقلت رقم عمر لتليفونها واتصلت بي .. دك مرة وحدة ورفعه كال نعمممم .. كتله انت صدك متراهن عليه ويا احمد ؟ كال اي تراهنت واحمد كسب الرهان لان باسج .. صيحت عليه لا يا وصخ ياساقط ياحقير لك اني اشرف منك والايام تثبت الك يا فاشل انت عار لو ما عار جان متت شهيد بيد الدواعش بس عار وعار مايموت الله ياخذك ويطلعها بعرضك ان شاءالله واحمد ماباسني ولا لمس شعره مني ولو مسويها جان كتلك .. شمرت التليفون من ايدي وتارة واكفة تباوعلي متفاجأة اخذت التليفون وظل تغلط عليه تكوله تف عليك عديم الرجولة وسدته واني توسدت الكاع وظليت ابجي بحركة على حظي المصخم اجت تهز بيه ولج شكوو شكوو ليش هيج تسوين بنفسج ليش احجي ؟ لج طلع متراهن عليه الحقير النذل واني من كل عقلي احبه شفتي شلونه حظي شفتييي .. خليولون يروحولج فدوة انت اشرف من الشرف وغصبا عليهم اثنينهم لا تهتمين اشو تعالي بحضني حضنتني وتمسح على شعري انفتحت الباب وفاتت الاء ..وشافتنه متحاضنين كالت شبيكم بنات صوتكم طالع وتصيحون صاير شي ؟ كامت تارة كلتلي شعليج انتي احنه بيناتنا شكو تدخلين بكلشي ؟ شدعوة ست تارة تعاي اخذيلج راشديين بعد .. فات بابا تعبان كوة يمشي .. وانفاسه متعبة كال شكو شبيكم ليش هالصياح .. الاء كالت لتارة احسلج هيج تارة صيحت بوجهه معليج انت وكع بابا بباب الغرفة كال ماتكلولي شبيكم خوفتوني عبالي شي ،، رحت اله اركض لزمت ايده كتله بابا حبيبي تذكرنا ماما وبجينه عليها مشتاقيلها .. اشو اني كلت هيج وهو خلى ايده على وجهه وظل يبجي بحركة .. اخذنا من ايده احنا ال٣ وودينا لغرفته مددنا ع الفراش ومستمر يبجي سودة عليه بابا حبيبي .. وكفت اباوعله وافكر .. عمر واحمد طز بيهم اثنينهم سرسرية ادبسزية وسرابيت وطايحين حظ عدهم شرف العالم رخيص بس اني شون ويايه وعفت الدوام منين راح اائمن علاج بابا ومصاريفه منين ندفع الايجار البيت والمحل شون حنعيش ؟ رفعت راسي للسما واكول يا ربي فرجها علينا .. تارة .. بعد تهديد وائل اندكت الباب وفتحتها شفته وائل بس فتحته فات كبلي وهو يكول وين ابوج اريد احجي ويا عندي موضوع اريد افتحه ولازم يصير عنده علم .. ويحجي بنبرة تهديد .. جريته من قمصلته ورجعته لباب الشارع .. كتله حدك لهنا ولا تجي تذب سمك وحقارتك علينه بابا مريض يله اطلع برا بيتنا .. ظليت ادفع بي كال وخري ادبسز تسوين علاقات اله احركج كدام ابوج .. شلت الماسحة وظليت اضرب بي على ظهره وراسه وهو يصيح ويغلط عليه .. كلما اضربه على راسه يصدر صوت ضرب طك طاك يظل صماخه يطكطك .. ونوب الماسحة مبللة وتوها الاء غاسلة بيها الطرمة صارة شعره كله مخربط وكله مي وميكدر حتى يدافع عن نفسه مقابل السلاح الرهيب مالتي بس يحاول يحمي روحه بيده.. لحد ماطلع برة يفشر ويتوعدلي سديت الباب وشمرت الماسحة .. وطبيت جوة واني افكر شون اذا اجه واني مموجودة .. والاء الثولة طببته على بابا عبالها جاي زيارة ياربي نورني وارشدني لازم افكر بطريقة .. طبيت للبيت وطكيت اصبع لكيتها اله اروح لبهجت اكوله على الخطر القادم اكيد يشوفلنه فد صيغة حل .. كالت الاء ها منو اجه ؟ كتلها واحد مخبل وطردته ولج شفته هذا جنه ابن خالتج وائل شفتج كتلتي بالماسحة .. اي كتلته وطردته واذا اجه مرة لخ هم اطردي انتي يولي .. ولج عيب من خالتج فشلة شون اطرده لا لا مااسويها وخلت راحت وهيه تدردم تكول لا عيب فشلة .. صفكت ايديه وغميت روحي وهاي متتأمن اله اروح لبهجت واكوله اكو واحد يحجي بسمعتك ويكول عنك مصاحب ترضاهه انت يشوهون سمعتك لا ابد مايرضاهه على نفسه ابن ناس وعالم ونقيب واكتافه شعرضهن .. والله اذا اجة وائل وكال لبابا يموت بمكانه اسم الله عليه والله يعلم شراح يلفق عليه كلام اكثر .. يوم ثاني مجان عدنا دوام بس لان قربت الامتحانات الفصلية كعدت الصبح شفت سارة نايمة كمت كعدتها متروحين كومي صارت ب ٧ .. كالت ما اروح بعد بطلت وخري خليني انام .. تفاجئت خرب هاي شتحجي يله خليها نايمة من اجي احجي وياهه ،، كمت بدلت لبست تنورة بينصل طويله سودة وبيهه فتحة صفح ولبست سترة مارونية جلد وجواهه بدي اسود بي رسمة فضية رفعت شعري وخليت بس خصلة نازلة صفح خليت مكياج كلش احب المكياج واتقنه .. طلعت شافتني الاء كالت مووعدكم عطلة كتلها اي بس محتاجة ملزمة من صديقتي ورايحة اجيبها عندج مانع لو اشتريلج من الصيدلية ؟ ظلت تفر بيدها كالت شون اخلاق الحمدلله والشكر ماصار عندي طفل ماريد يصير عندي وانتي تصيرؤن اخته .. وخلت وراحت .. رحت للكلية خابرت صديقتي كتلها تعالي واجت وظلينه ندور على بهجت ونسأل عنه يم امن الجامعة دلونه عليه ورحناله .. النقيب بهجت .. اجاني اتصال كلولي اكو بنية تسأل عنك وانطوني مواصفاتها عرفتها الصاكة تارة اني ماريد اسوي وياهه علاقة بس اشوف نفسي بلا وعي مني امشي وراهه وادورهه واتبعها خاصة اذا اشوف وياهه ابن خالتها الساقط احب اضوجهم واعكر صفو لقاءهم شفتها جايه من بعيد تمشي ورجلها تطلع من التنورة بيضه تلمع .. فركت وجهي وصكيت اسناني وحتى لتكول اني ميت عليها طلعت تليفوني وسويت نفسي اخابر .. هلا عمري هلا حبيبتي لج مشتاقلج صار ساعة بس مخابرتج بس اشتاقيت الج .. اجت تارة يمي وعطرهه يفح تمنيت الزمها واشتمها مثل المنديل ظليت اباوعلها واحجي بالتليفون واتغزل بالجذب .. كالت عفية ممكن تنهي الاتصال بس عندي كلمة وياك واروح وارجع خابر بعدين .. سويت نفسي نهيت الاتصال والتفتت عليها كتلها ها خير ؟ كالت ابن خالتي يريد يجي لبابا يكوله انو اني عندي علاقة وياك ياريت تتصرف ؟ يعني شنو المطلوب مني ؟ ماادري روح هدده بسطة نبتت المسدس براسه اضربه خمس طلقات اي شي هو جبان بسرعة يخاف ويسكت ويفك ياخة مني بقت يمك انت ضابط واكيد تعرف شون تسكته .. اضربه خمس طلقات ؟ اي عادي بس كون ميموت .. تمام تدللين وين ترديهن الطلقات بين اصابعه صوب رموشه .. بكيفك حضرة النقيب المهم ميصير يحجي بسمعتك وانت ابن عالم وناس اني علمودك واله اني ميهمني شي . هزيت راسي وكاتم ضحكة اي هم صحيح اذا فضحني شكول لامي لاهل المنطقة بعد حتى من البيت ما اكدر اطلع .. اي لعد اتصرف بسرعة .. وهو كذلك .. حركت مسدسي وعفتها ظليت اضحك على خفة دمها .. رحت رتقبته لوائل طلع من بيتهم كمشته وخليت المسدس براسه وفوته بسيارتي ورا كتله ها ولك تحجي بسمعتي وتكول عندي صاحبة مااستحيت ماعندك اخوان تخاف على سمعتهم تريد تفضحني بلله اهلي كتلوني .. صار مثل الدجاجة جوايه وبعد شويه ويبجي وخايف من المسدس الي بيدي كتله هسه اذا اكتلك واخليك بصندوك السيارة واني ضابط اكدر افوت من اي سيطرة محد يحاجيني واروح ادفنك ولا من شاف ولا من درى احد يلومني ؟ ظل يتوسل لا سيدي والله اتوبة ما احجي بعد وهذا حلكي خيطته لا احجي بيك ولا اجيب سيرتك.. ضربته كم راشدي وهددته ودفرته برة السيارة .. سارة .. كعدت بالبيت تقريب ٣ ايام حابسة على نفسي بالغرفة تعبانة كلش احس الدنيا كلها ضدي شسوي ما ادري ،، جنت بالغرفة كاعدة ع السرير وصافنة شي بداخل روحي يوجعني جرح وانرش عليه ملح اعاتب عمر بكل ثانية واكول لا اني غبية صدكته دخلت الاء كالت اشو ماجاي تداومين كتلها بطلت وراح اشوفلي غير شغلة جاي ادور كالت ترة ابو المحل اجه يريد المفتاح ويكول فرغوا المحل من الاغراض اريده وهم يريد ايجار مال الشهرين الفاتت . .. كمت مصدومة ومنين نجيبله هسه ؟ شون راح ندبرها ؟ ظليت محتارة شسوي يربي افرك بوجهي باثنين اديه كتلها لتكولين شي كدام بابا .. كالت لا شبيه ما افتهم قابل كمت على حيلي وشمرت الغطى رحت ادور بالكنتور عندي بس ١٠٠ باقية من الراتب كتلها هاج انطي هايه بين مندبر امورنا .. اخذتها مني تباعلها كالت وانت ليش ماتداومين هالايام ؟ كتلها ها بطلت من الدوام صارتلي مشاكل والمدير شاد حرابة وياي عبالك كاتلة امه . يا مدير الاستاذ احمد ؟ اي هو شبي وياج .. ماكو شي الاء لتدوخين نفسج ويايه اي غير افهم شكو ياعيني ليش يظل بالي يمج هو شويه صارم واني لاسنته نقص من راتبي تعاركت ويا شمر عليه ١٠٠ دولار كال هاج بس اسكتي حسيته اهانة اليه وهذا كل ما بالموضوع . كالت ميخالف لتضوجين روحج واني اروح اتداين من اخوتي واكمل الايجار واجيب دوى لابوج والله كريم الله كريم .. مرت كم يوم واحنا على نفس الحال مبقت صديقة اليه او زميل من ايام الجامعة ما راسلتهم حتى يشوفولي شغل اي شي صرت ادور شغل بمول مطعم او كوفي ولا اخلي بابا بدون علاج . قبل امتحانات نص السنة بيومين واني جان صارلي اسبوع كاعدة رن تليفوني ،، رحت اخذته وانصدم برقم احمد منور الشاشة لا والله حاركها حرك كلبي صار يدك سريع خفت لا جاي يهدد او يسوي شي .. ظل يدك مرتين اخذته وركضت للغرفة لتارة وهيه جانت لازمة المراية وتنضف حواجبها .. شافتني شمرت الملقط ووكفت كالت شكو وثول كتلها احمد احمد جاي يخابر كالت يولي لتجاوبي يطبه طوب السخيف عبالي شي طلع هذا المصخم يولي .. واني هم مجاوبته ابتعد احسلي كافي مشاكل والي صارلي بسببه الحقير شون شوه سمعتي وهم احتار اجاوبه او لا اصلا يولي شمرت التليفون ورحت بدلت ملابسي لبست قميص ابيض وفوكه يلك جينز وبنطرون ورفعت شعري خليت مكياج خفيف واريد اروح لصديقتي ابوهه عنده سنتر وبي كوزمتك ويريد بنيه توكف ع المكياج وعلى كولتها يريدها حسنة الشكل والمظهر ورغم مالي خلك بس غصب عني العيشة تريد .. بلغت الاء واخذت تارة وطلعنا من البيت تمشينا مشي ماعدنه ولا فلس ناخذ بي تكسي .. وصلنا للسنتر رحت لابو صديقتي جان كاعد كتله اني صديقة اساور كال هلا بيج وظل يباوع لتارة جانت تارة على حباية ونص تنورة قصيرة المود مالتها تموت ع التنانير القصيرة وشعرهه فاتحته لاكتافها والمكياج خفيف بس يجنن مسويته ولازمة النضارات بيدهه ومخلية طرف النظارة بحلكها .. باوعلها وكال انت الي راح تشتغلين ويانا .. كالتله ليش يصير اثنينه ؟ لا بس وحدة كالت اني طالبة كلية ووقتي اغلبه بالجامعة ميرهم كتله احم استاذ ترة اني الي راح اشتغل مو هي كال مو هيه مبينه تفتهم بالمكياج كلش زين وهنا البنات الي يجن يشترن يعتمدن اكثر شي عليها اي اني هم اعرف استاذ، كال شنو استاذ كاعدين بمدرسة وضحك كتله مو اني جنت اشتغل بمدرسة فمتعودة اسفة عمو كال براحتج ..وضحك كتله ها وهسه تشغلني كلش محتاجة للشغل كال تفضلي من هسه اشتغلي اخذي مكانج . وكلي ع الراتب صح قليل بس حيل محتاجته للفلس .. رحت رتبت المكياج خليت كل فئة وحدها وتارة ويايه وعلمتني على هوايه شغلات جنت اجهلها .. دنرجع للبيت المغرب مشي كالت تارة اخ نعلة على حظج ولج رجليه وكعن .. ظليت اباوع ع الكاع كتلها ولج وين وكعن هذن مجلبات بيج .. كالت وثول ولج لابسة كعب عالي واااخ متت من الوكفة .. رفعت رجلي بالهوا كتلها شحلاته السبورت مريح ومايتعب .. كالت خليته الج وبعدين مو على كلشي يرهم اني البسه بس ويا البنطرون مو مثلج مسويته مثل الطماطة على كلشي يخلوهه .. ضحكت كتلها الي يشوفنه هسه يكول مخابيل احنا وصوتنا شعلوة بالشارع والمغرب ودنتعارك عمود حذاء كالت الله يعينج والله هذا ابو السنتر مبين كلش حقنة .. شنسوي نريد نعيش بابا محتاج علاج والايجار ومصاريفنا والتقاعد ميكفي مالة بابا .. اني بس اخلص كلية هم اشتغل واعاونكم .. اي فديتها اختي الزغرونة متقصر .. خلت ايدها بيدي ومشينه لحد قبل لنوصل البيت كالت ولج بعد ما اتحمل رجليه وكعن راح انزع الحذاء وصدك دنكت ونزعته وكملت مشي للبيت حافية .. رجعت للبيت وبعده تليفوني مبطل مكالمات من احمد سويته صامت ورحت سبحت وتعشينا وسولفت لبابا والاء على الشغل ورحت اريد انام لكيت مسج من احمد كاتبلي بي : - متحاوبين مو ؟ تمام يصير خير .. شمرت الفون من ايدي ورحت ركض يم تارة لزكت روحي بيها وهيه جاي تصبغ اضافرها وكع الصبغ من ايدها وتلفت ايدها ورجلها .. كامت على حيلها غاضبة كالت شكوو ووجع شوفي شسويتي ياحمارة . كتلها الحكيلي ولج احمد يهدد بيه نعال عتيك ومكطع على راسج وراس احمد شوجيبي تليفونج وينه ؟ راحت تريد تاخذه صرخت عليها لا ولج لا انوب تتلفينه صبغ روحي غسلي .. غمتني وراحت اخذت الاسيتون من على الميز تواليت وظلت تمسح وتدردم عليه كالت وثول حتى ثول شوفي شصخمتي شسويتي ماتكليلي شجاج خليولي هالاثول ليش تخافين منه كعدت واني اجر نفس يربي شسوي احسن شي اغير رقمي واخلص منه .. يوم ثاني طلعت للسنتر وكملت اليوم عادي بس ظهري انكسر من الوكفة ،،، رجعت للبيت وبطريقي دا اتمشى الضهر ويلفحني هوى بارد وامشي بمحاذاة الشارع وصار وقت اريد اعبر الشارع للجهة الثانية حتى افوت بالفرع مالتنا وصارت مقابيلي المدرسة انقهرت كلش جنت حابة الدوام بيها هواي .. وجان اشوف عمر واكف يم سيارته من شافني واكفة اريد اعبر عدل وكفته اني انصدمت وحسيت بالقرف منه بعد ماعرفت رهانه ويا احمد .. باوعتله بنظرات كلها غضب ومشيت ولا عبرت ولا التفتت اله بس احس الطريق صار طويل والافكار تجيبني وتوديني مثل الامواج الي تاخذ المي .. شيسوي هنا وهو متعارك ويا احمد وعداوات بينهم زين ليش يباوعلي ؟؟ ثواني مكدرت افسر نظراته ندم عتب حب مكدرت ليش ماركزت بي اكثر صرت الوم حالي .. عبرت الشارع بعد ما مشيت مسافة وصار عمر بعيد عني وورايه رحت للبيت غيرت ملابسي ولا اشتهيت حتى اكل لكمة وقتت الفون اكعد ب ١ونص ارجع للمول مرة ثانية ولفيت راسي نمت بس نمت حلمت اشكال الاحلام بعمر وبأحمد احلام مخربطة كلش اريد افسرها من كعدت ماكو كلشي مافهمت .. كمت غسلت وبدلت ورحت رجعت للكوزمتك مرة ثانية وبالي يم عمر وبشنو جان يفكر من واكف هنا .. واني بالكوزمتك اجه واحد ديشتري وشكله مو راحة بس يبصبص كال مرتي جكمة اريد البخها شعندج لبخ من هذا الطحين والينر انطيني .. كتله نعم الينر ؟ قصدك آي لاينر مو ؟ كال شمدريني وظل ياخذ بالمكياج ويباوع اله ويرجع يشمر بي .. كتله بعصبية حضرتك شرايد ؟ كال اريد مرتي تصير مثلج هيج صاكة .. شون وي التافه احنا حجيت بقلبي بين ما اني دايرة وجهي عنه . كال شبيج كلبتي خلقتج ترة دنشتري منكم دنفيدج احجي شناخذلها حتى تصير ينطلع بيها ؟ رجعت باوعتله بنظرة كلها انزعاج كتله هيه شنو لون بشرتها كال وانتي شعليج بلله ؟ كتله غير اعرف حتى على اساس بشرتها انطيك الي يناسبها .. كال اي وتخصر كتله اي ؟ بيضاء لو سمراء؟ كال لابيضه ولاسمرا كتله لعد حنطية قمحية بروزنزية ؟ كال هاي شنو .. ضربت ايدي ع الستيج بتذمر وحجيت بقلبي شون راح اتحمله هذا اني ؟ تقرب وثبت عكسه على الستيج كال ليش ما اخذج انت بدالها صاكة وكاملة ومكملة .. كتله انت متستحي واحد زاحف يلله امشي منانه بطلنا مانبيع لامثالك واصلا انت مجاي تشتري . سمعت صوت ابو هدى كال سارة شنو هلحجي هذا جايبج تبيعين وتكسبين زبائن لو تطردين بيهم . كتله يعني انت ماسمعت بس اطرد بي مسمعت صارله ساعة شديسوي صارله ساعة ويقلل ادبه عليه ؟ كال يلله تفضلي شوفي شغلج وانت عمي شنو مشكلتك جاي تشتري شتريد هاي سوالف نسوان ترى كاله اي ادري سوالف نسوان بس اكو نسوان ميطلعن ازواجهن يشترولهن واني واحد منهم .. تفضل شتريد ؟ _ بطلت ماريد شون بشر يطردون النعمة بيديهم تهي بهي .. وخلى وراح .. اني كلش انحرجت ومحتاجة هالشغل كلش هواي رحت لابو هدى وحجيتله بالتفصيل ورجعت لمكاني يم المكياج ضايجة والدمعة بعيني .. عمر /// مرت ايام قليلة واني احاول انكر مشاعر نبض بيها قلبي للبنت الي غدرت بيه .. زين شمعرفني هيه غدرت وخانت ؟ سارة البنت البريئة اللطيفة مستحيل تخون شون اصدك احمد واكذبها يمكن جبرها على هلشيى بس هيه شسوي بغرفته ؟ هذا مكان عمل لازم اكو شي صار ليش ماسمعت منها . كثرت الظنون والشكوك لازم ما اضيع الي احبها من ايدي اني بقيت سنين ماكو وحدة حبيتها بس سارة القدر خلاها كدامي . فكرت بالكاميرات الموجودة بغرفة احمد معقولة ماكو كاميرات ؟ لا اني شايف اكو كاميرات ،، المدرسة كلها مجهزة بالكاميرات لازم اروح اشوف وخلاص ملازم اظلمها ...... مشتاقلها حيل حركت سيارتي ورحت اشوفها بالمدرسة وكفت سيارتي ونزلت يم المدرسة وقت قريب الحلة مالتهم . شفتها طالعة تمشي هيه واختها بس مادخلت بالمدرسة واصلا مجاية من المدرسة مشيت وراها ومخليتها تشوفني شفتها فاتت بمول وبعد ما طلعت منه . ظلت روحي تلوب عليها تأخرت جوة ،، وكفت راقبتها للمغرب يله طلعت ويوم ثاني نفس الشي رحت العصر وشفتها دتشتغل بالمول معناهه تركت شغل المدرسة ضجت كلش وانقهرت ظلمتها لسارة اني واحمد مشتركين بجريمة الرهان الرخيص الي اطلقناه عليها ليش هيج سويت ليش ؟ انتظرتها تطلع وكفت عبر الشارع من المكان الي هيه تفوت منه تريد تعبر للجهة الثانية شافتني .. حسيتها خبأت دموع الذل بعيونها خلف ستار الامبالاة . ردت احجي وياها عدلت وكفتي وانتظرتها تعبر بس هيه لا ماعبرت غيرت طريقها زعلانة اعرفها ماتبعتها عفتها براحتها صعدت سيارتي ورحت للبيت بس بقيت الوب الوب اريد احجي وياهه مجاي اكدر ولا اتحمل الظهر طلعت من البييت ورحت لمكان شغلها وفتت جوة شافتني انصدمت تقربت منها كتلها اريد احجي وياج ؟ كالت مابينا حجي ولا اي شي ياريت تطلع منا هذا مكان شغلي . حجيت بنبرة حزم سااارة اني مصدكج خلاص صدك والله شلون بلله شفت كاميرات مو ؟ هه ترة شريفه غصبا عليكم ويله روح مو معناهه بينت براءتي ارجعلك .. لزمت ايدها وخرتها بسرعة وظلت تتلفت منا ومنا صكت اسنانها وكالت روح منا لا افضحك والله . ليش دتسوين هيج ؟ انطيني فرصة ع الاقل اني احبج سارة ليش ماتحسين ؟ هم راهنت عليه رهان قذر ووصخ مثلك انت وابن عمك وهم ظلمتني وتهمتني بشرفي،،، يا اخي كرهتك روووح مني رروح . ظلت تبجي وكوة تحجي العبرة خانكتها خنك ماردت ااذيها اكثر عفتها ترتاح وارجع الها غير مرة . سارة/// تفاجأت بجية عمر بيني وبين الاستسلام والضعف شعرة وحدة بس معرف من وين جتي القوة وصديته ... من راح حسيت بألم بنص صدري يجويني حسيت اريده من اعماقي توقف تفكيري امام تيار من الاحاسيس الي غمرتني في حين جانت دموعي حارة تنزل على وجنتي . اجاني صوت انثوي انتشلني من كل هالزحام الي جنت غايصة بي خلتني افكر ببابا واركز بشغلي واشيل عمر الخسيس واحمد النذل من بالي اجتني زبونة كالت اريد شي للمسامات .. مسحت دموعي و باوعتلها ابتسمت عاينت على وجهه وبعدين على الستيج انطيتها تونر كتلها هذا تستخدمي مرة باليوم وقبل النوم وانطيتها غسول وماسك كتلها لتنامين بالميكب اغسلي وجهج قبل النوم ومن الصبح وخلي وجه مخدتج نظيف دائما تشكرتني واخذت اغراضها وراحت .. خلصت شغلي ورجعت للبيت المغرب امشي واباوع وافكر احس هموم جبال محملة ومتكدسة على صدري شلون اجر النفس ما ادري عمري ٢٥سنة بس ماشفت من هالعمر شي وماشبعت من امي ماحبيت بالكلية رغم المصارحات بس من شفت عمر حبيته وتملكني بحبه وهسه خذلني حسيت بعد ما اكو امل لازم انسى الحب واعيش لاهلي وبس بابا مريض وتارة طالبة وتحتاج مصروف مابيه خير اذا مو خيري لاهلي والحمدلله على كل حال . وصلت لبيتنا بعد ماقطعت المسافة كلها مشي رغم برودة الجو انصدمت واني اشوف وحدة من سيارات احمد مصفوفة بالباب لان هو يومية سيارة شكل . رحت اركض للبيت فتحت باب الاستقبال وفتت جوة وصار كبالي احمد كاعد بكل غرور ع التخم وبابا يمه . باوعلي ورفع تك حاجب وابتسم بخبث . هزيت راسي برفض شيريد هذا بالله ؟ مساع ابن عمه وهسه هو شرايدين مني وهم الهم عين بعد الي سوو بيه بس اني حظي ما عندي ظهر قوي استند عليه للاسف . شافني بابا كال اجت سارونة تعالي بنتي تعالي شوفي الاستاذ احمد شنو يريد ؟ يتبع القصة حقيقية تفاعلو | ||||||||
|
| |
|
07-01-20, 12:21 AM
| #13 | ||||||||
| مراقبة عامة ومشرفة منتدى الروايات المنقولة
| بين طهر وخطيئة بارت ١٣ بلعت لعابي ودنك نزعت حذائي واحس الدم براسي يغلي ... توجهت يمهم وكلت السلام عليكم ونظراتي كلها حقد باتجاهه الحقير . كعدت يم بابا واباوعله ورافعة تك حاجب بابا كال ماتسوى يا بنتي ارجعي لشغلج احسن الج من المول والاستاذ احمد جاي حتى يرجعج يكول مانخسر هيج معلمة مثابرة والطالبات والكادر يحبوها . غمضت عيوني وجريت نفس بضيق وعيني بعين احمد بشنو قنع بابا ياترى ؟ احمد ... اي والله متسوى هيه مشكلة ويا معلمة ثانية يعني المدرسة ما الها علاقة لاتكبرين المشكلة وارجعي . باوعتله حركت حاجبي وفتحت حلكي حركة االتساؤل والاستغراب يعني شمرتها براس غير معلمة وطلعت نفسك بريء شنو هالقباحة العندك يا اخي . باوعت لبابا والله لو هسه مو مريض وقوي وعندي اخوة ويسندوني جان فضحته وطيحت حظه بس اخاف على بابا هالمسكين . هزيت راسي باستجابة وعيوني بالفراغ .. كتله ميخالف بس محتاجة افكر بالموضوع .. احمد : احم معندج وقت ست سارة امتحانات نصف السنة على الابواب لازم تحضرين الاسئلة حتى نطبعها ونحضرها .. خزرته ورفعت تك حاجب يربي اريد اكوم اصفكه راشدي اريح كلبي من عمايله بس العين بصيرة والايد قصيرة . ما اكدر احجي كدام بابا شي محظورة . كال ها اشو سكتي ممكن تجاوبين ؟ حجيت واني صاكة على اسناني افكر استاذ احمد افكر لان الي صار مووو شوية . كام على حيله ودكم سترته كال تمام بس استعجلي بليز لان ماعدنا وقت هواي واذا شفنا وحدة غيرج لازم تتواصل وياج لان انت اعرف بالمادة الي انطيتيها للطلاب . ماشي .. كال اني اترخص ،، طلع محفظته من جيبه فتحها واخذ منها فلوس وخلاهن ع الطبلة ركضت اخذتهن ومديت ايدي اله والفلوس بيدي كتله بعصبية ميحتاج جيتك كافي .. بابا يباوع الي مرة واله مرة .. خمشهن من ايدي كال مو الج وخلاهن بيد بابا الي صافن محتار شيسوي .. تنهدت بضيق وهو يباوعلي مقلص عين ورافع تك حاجب بعدها كال الله وياك حجي وعندك العافية كام بابا صافحه كله الله يعافيك . خلي اوصلك للباب .. احمد مخلي ايده على كتف بابا .. لا لا حجي ارتاح الست سارة تسويلي مجال هسه .. كتله تفضل وهو طلع قبلي طلعت وراه وكف بالحديقة كتفت ايديه كتله خوش فلم اهنيك ممثل محترف ماادري مخرج .. جر نفس كال اعجبج .. وابتسم ،، بقيت صافنة عليه كتله شنو الغرض من جيتك هاي شنو الغاية لوين تريد توصل شنو ماكو غيري تشغلهم عندك . لا تعاندين سارة وارجعي باجر للدوام احسن الج ما ارجع اذا ما تكولي ليش تريدني اني بالذات ارجع عناد بعمر مو ؟ وعمر شنو دخله بالموضوع ،، تقرب مني كال هو لو يحبج جان مصدك الافتراء عليج حلو وتعترف انو انت مفتري صح ارفعلك القبعة صراحة واصفكلك ميحتاج سارة ميحتاج بس عمر ميفيدج ارجعي باجر انتظرج يريد يطلع كتله اني اشتغلت مو بحاجة لشغلك بعد ولا تنتظر مني ارجع التفت وباوعلي بنظرة غضب كال لا راح ترجعين اني متأكد وطلع . جريت نفس حركت ايديه باسف وفتت جوة شفت بابا ماكو بالاستقبال رحت بالمطبخ شفت الاء كالت ها راح ؟ كتلها اي وكعدت .. التافت الي كالت والله خوش ولد و كريم وكله ينطي فلوس بالدولار والله فرحت تسد العوز شويه . كلت اخخخ وبكلبي احجي لو تدرين بحقارته مجان كلتي هيج .. طبت تارة ترفع بشعرها كالت عن شنو جاي تحجون .. نطت الاء : ... ولج هذا استاذ احمد اجه يسال عن سارة يريد يرجعها للشغل وحط بيد ابوج ٢٠٠ دولار .. دنكت نزعت الشبشب مالتها كالت وينه وين وله خلي اروح اادبه كمت على حيلي صرت مقابيلهه خزرتها وعضيت شفتي السفلية واحذرها بنظراتي متحجي ومتفلت لسانها . كالتها شبيج تارة خير شصاير واني ماادري تردين تضربين منو ؟ الحمدلله استجابت لتحذيراتي ونزلت الشبشب من ايدها وشمرته بالكاع كالت قصدي على ابو بريص حجت ببرود .. رفعت راسها الاء كالت وينه هو ابو بريص اشو باردة الدنيا وميطلع بالبرد هو تارة عيييع لعبتي نفسي ستين مرة بعد ما اتعشى الاء شعليه انتي فتحتي الموضوع . عفتهن ورحت للغرفة واني صافنة افكار تجيبني وتوديني شون ارجع للمدرسة ومضايقاات احمد وعمر شلون بي يربي .. ؟ اجت تارة وراي : ها ولج شكو شصاير متفهميني ؟ وخرت ايدي من خدي لحتى استفيق من صفنتي كتلها هسه شون احمد اجه ومستقتل لحتى ارجع ؟ _ مستقتل، ؟ صدوك عود ؟ هذا المغرور جنه قندرة روغان اصلية بمحل غالي كلش يستقتل _ والله خوش تشبيه متعوب عليه ضحكيني صراحة واني مالي خلك اضحك بس راح ابستم _ ابستمي خيه ابستمي _ هسه عوفج من ثكل الدم وكوليلي شلون ويا هسه ارجع اداوم مو احسلي من شغل المول ؟ _ انت مرتاحة بالمول لو لا ؟ _ والله شكلج ابد ممرتاحة البارحة اجه واحد تعاركت ويا عركة اخت الجذب _ بالرضاعة لو بالحقيقة _ شنو ؟ _ انت مو تكولين اخت الجذب جاي اكلج بالرضاعة لو اصلية _ تارة مو وكتج كليلي ارجع لو لا ؟ غير اخت فيطي انتي عود انت اكبر مني ومتعرفين تضبطين امورج .. راحت مناك فتحت شعرها كدام المراية وظلت تنزل كذلتها على وجهه . وتصعدها . رحت يمها :-- ترة هو شغل المدرسة اريح واحسن لان اكدر ارتاح بالمول ضهري انكسر وراتب قليل مو مثل المدرسة بس المشكلة احمد الحقنة وكرامتي . والي صار كله على بعضه ..... اخذت الفرشه مال الشعر وتخصرت بيدها الثانية وعمرررر كالت هيج وشددت ع احرف كلمة عمر . هزيت راسي باسف رفعت الفرشة وخلتها بوضع الاستعداد تريد تضربني بيها كالت كولي اي صح حتى اهفج بيها ابتعدت عنها بحذر وعيوني ترمش كتلها اي هم هذا سبب من الاسباب . ... والله انت مال نعل واشبعج بيهن كتل عفتها وطلعت بالحديقة تنفست وظليت افكر وافكر وافكر وفتت جوا .. نمت بالليل وعقلي معشعش بالتفكير شسوي باجر ؟ افكر ارجع واخلي على احمد شروط مايتعرضلي بعد ومبقى شي للسنة بس ٤ اشهر ونكعد بالبيت بلكي احصل تعيين خلي اتحمل ،، تالي فكرت لا اكيد راح تصير مشاكل اكثر هذا احمد مو راحة وعمر انكس منه بعد . خمشت البطانية وغطيت روحي لحد راسي ونمت . كعدت على صوت تليفوني يرن يرن يرن ولا سكت فتحت عيوني جوة البطانية هذا منو مقصوف الركبة يخابرني من فجر الله . شمرت البطانية وتمطططت وتثاوبت والتليفون المزعج صوته باذني يرن كرهت النغمة الي مخليتها من ورة هالمكالمة الكشرة عالم ماتستحي . مديت ايدي للدولاب االي بصف السرير واخذت الفون خليت اصبعي ع المفتاح الاخضر لحتى افتح خط هين مغمضة وعين مفتحة ومجاي اعرف منو الي يتصل فتحته وخليته على اذني وكلت الو بنبرة مخدرة ونعسانة سمعته كال اووف جنتي نايمة ؟ كعدت بسرعة وكع الغطى شمرته جوة السرير كلش بس سمعت صوته تنرفزت وقشعريرة سرت بجسمي كتله نعم رايد شي حضرتك ؟ يله بدلي وتعالي لتصيرين كسولة وسد المكالمة شلون وياك يا احمد مكعدني من الفجر باوعت ساعة ٦ ونص هسه خليت التليفون على الدولاب ورجعت خليت راسي ع المخدة بس مكدرت اغفى . وبس افكر مترددة كلش شي يريد وشي لا . اندكت الباب وصوت بابا اجاني سارة بنتي يلا كومي هم يالله تبدلين وتروحين لشغلج بابا كمت فتحت الباب شفته واكف ولازم الحايط منسند عليه كتله صباح الخير بابا كال صباح الخيرات بنتي يالله روحي للدوام زحمة من الاستاذ احمد اجه لهنانه وطلب رضاج لحتى ترجعين وانت قافلة بعدج ؟ بس بابا لا بس ولا شي بنتي اني مراضي على شغلج بالمول مو بمستواج واخاف عليج بس شسوي احسن من غير شي والله يا بنتي الالم الي احس بي بس الله يعلم بي وحالتكم كلش تصعب عليه بس مابيدي شي يا بنتي مابيدي شي كون الله يموتني وتخلصون مني جاي احس نفسي عالة عليكم بس شسوي يابنتي شسوي . حجيت بلهفة اسم الله عليك بابا ليش هيج تكول وشبيك متألم اوديك لطبيب بس كولي شبيك حسيته تعب كلش سندته ووديته للغرفة نمشي ونحجي كال يا بنتي ماكو شي ليظل بالج والعلاج بعده ماخلص واذا تألمت اخذ مسكن اوف يابابا اوف حبيبي انت ،،، مددته ع السرير وغطيته لزم ايدي كال داومي بنتي وعوفي المول ممرتاحله .. نصيت وصرت بمستوى الجرباية واني لازمة ايده كتله اطمأن بابا رايحة اداوم ومايصير خاطرك اله طيب . كمت بوسته على راسه وهمست هسه نام وارتاح والعصر ارجع اوديك للطبيب تمام ؟ كعدت الاء تتمطط وتتثائب كالت خير شكو شبي ابوج شبيك عيني ابو سارة ؟ لا ماكو شي ردي نامي ،، لا اكوم شبعت نوم هم يالله وانت سارة جنج كاعدة من الصبح راح ترحين للمدرسة ؟ اي رايحة بس خلي البس . اي احسلج من المول والله وابوج يطمن عليج البارحة بس يفكر بيج . ولا يهمك بابا رايحة هسه كمت وطلعت غسلت وجهي وشربت جاي بس لان دايخة كلش رحت كعدت تارة كالت ماعندي دوام توقفنا .. غطيتها وكتلها بخت بس حظي . رحت بدلت ملابسي وطلعت من البيت بس فتحت الباب صارت مقابيلي سيارة احمد نزلت الجامة مالة السيارة وجان يطل هو لابس نظارات وسترة رصاصية جواهه بدي ابيض يرفع حاجبه ويضحك . حركت راسي برفض واني واكفة .. اني دوامي بالمول يبدي ب ١٠ بس بالمدرسة اطلع ٧ ونص . حرك النظارات وطلع عيونه .. كال زين ماتعبتيني وبسرعة استجبتي . كتله اي لا تفرح لخاطر بابا اني راجعة لان مقبلان على شغل المول وبس الكيلي شغل اخلص منك وعندي شروط هم . كال اصعدي اسمعهم .. اشرتله برفض بيدي كتله لا روح قبلي وجايه وراك اني ما اصعد ومشيت قبله وهو حرك سيارته واجه ورايه والسيارة دتمشي ببطئ طل من الجامه كال انتظرج هناك واسمع شروطج تمام ؟ فريت بيدي وفتت امشي وهو راح وصلت للمدرسة سلمت على المعلمات والمعلمين ظلوا يسألون ليش غايبة هالفترة كتلهم ضروف .. وصل مسج لتليفوني فتحته شفته احمد كال تعالي للغرفة اسمع شروطج كتبتله تعال بالحديقة ما ادخل لغرفتك بعد ما امن بيك دز مسج كاتب بي ماشي على امرج ست سارة دنشوف وين توصل وياج .. طلعت بالحديقة انتظره اجه نازع سترته وباقي بالبدي الابيض والبنطرون جينز تقرب مني ابتعدت كم خطوة كال اسمعج ست سارة احجي كتله اولا اني راح اكمل اسئلة الامتحان للطلاب اليوم ان شاءالله وتلحكين ؟ اني جنت من قبل فترة دا احضر الها وعندي ملاحظات مسجلتهن واليوم عندي حصة وحدة واكيد تخلص واسلمها واخلص وشغلي بالمول مراح انهي اله اذا وافقت على شروطي . كتف ايدي -- احجي اسمعج اولا ماتتلاعب براتبي بعد وماتدخل بيه ابد ابد وغرفتك هم ما ادخل الها ولا تراسلني وتخابرني كل شوية اله للشغل وبس غير هذا اروح اني واذا ضايقتني اشتكي عليك . ظل يضحك على شنو تضحك بلا زحمة كلت نكتة انتي كلج نكتة ومد ايده لزم راسي ودفعني ليورة وكال تمام مراح تتعرضيين للمضايقات بعد اوعدج وعافني وراح . تنفست الصعداء وفتت جوة كملت الاسئلة وخابرت صديقتي كتلها تبلغ ابوها انو اني بطلت من الشغل خل يعذرني رجعت للمدرسة كالت بابا يكول تعالي اخذي اتعابج مال ٣ ايام واني صدوك محتاجة للفلس حتى لو ٣٠ الف . نفذ احمد وعوده وماعاد يضوجني مرت ٣ ايام وبلشت الامتحانات نصف السنة احمد قليل يجي كلش . جانت عندي قاعة امتحانية وكفت عليهم خلص الوقت والكل طلع اخذت الاوراق ورحت للادارة جاي امشي واشوف عمر طلع من غرفة الكاميرات انصدمت وهو مايقل عن صدمتي . اجه يمي كلش كال رجعتي ؟ ضحكت باستهزاء وانت شسوي بغرفة الكاميرات جاي تتاكد وتشوف الي صار من قبل مو ؟ صح انت مظلومة هسه برجعتج جاي تبينين انو انت مذنبة شكو رجعتي متكوليلي معليك لا تتدخل اريد افووت لغرفة المعلمات لزم ايدي قوي كلش كال دااحجي وياج اوكفي باوعت بوجهه بس متألمة كتله اتركني مابينا حجي ظل يضغط على ايدي بقوة كززت اسناني وحجيت عمر اتركني . جر حسرة وتركني شفت معلم جاي وهو ابتعد من شافه فتت جوة احس جسمي وعضامي مفتتة تفتت احس روحي ضعيفة حيل شسوي يربي قلبي يكولي كافي اعذري انتي تحبي وعقلي يكول عكس الشي . اريد اطلع للبيت شفته واكف ينتظر بسيارته وعينه ع الباب وصارت عينه بعيني اشرلي اروحله هزيت راسي برفض وفتت جوة بالمدرسة شسوي ياريي هسه ظل يتصل هواي مجاوبته دزلي مسج تعالي بس نحجي احبج ،،، شفت احبج ظليت ارجف رجيف مصاير .. فرحة على ضوجة ماعرف اوصف شعوري . بقيت واكفة اباب المدرسة وهو يتصل ميمل فتحت الفون وخليته بقائمة الحظر طلعت معلمة تريد تروح شافتني كالت شبيج واكفة هنا ؟ كتلها لا بس مابيه اروح مشي اليوم راح اكول للحارس ياجرلي تكسي كالت تعالي احنا نوصلج بطريقنا خاف تصير زحمة واتعبكم لا ولا يهمج يمعودة الناس للناس صدك جذب ماعولت اطلع وياهه واتختل من عيون عمر بس احس نظراته التقطتني فتت وياهه بسيارة رجلها وطليت على عمر كاعد بالسيارة لمحني وعكد حواجبه ضحكت وصعدت الجامة وصلوني للبيت تشكرتهم ونزلت . رحت بدلت بس شاردة بغير مكان وبالي يم عمر مشتاقتله واكيد شاف التصوير هسه وعرف بريئة بس اريد اعذبه واشلع قلبه وما اخلي يلوحني . يوم ثاني داومت احمد ماكو ولا ابو بس كالو هاي اخته لازمة مكانه فد وحدة متعجرفة وانفة ومتتحاجى وتصيح حتى المديرة بزعت منها وهيه اصلا كل شي متفتهم اني حاولت ما احتك بيها ابد اخلص شغلي واطلع للبيت وتبدي مرحلة المطاردات ويا عمر يتبعني وافوت بدرابين ضيكة واضيعه واخرب ضحك عليه مرت اشهر واني معاندة شكد لح عمر عليه شكد رادني ارجع مرجعت واحمد مسافر طول هذي الفترة اخر يوم الامتحانات النهائية بشهر الخامس رجعت للبيت احس براحة واليوم عمر ماكو مابين اشتاقيت لمطارداته بدلت ونمت بدون غدى كتلهم اتغدى عود من اكعد واليوم اسهر للصبح ماكو دوام باجر بس فكرت ارجع للمول بالعطلة احسن . دخلت جوة البطانية تذكرت عمر ضحكت جريت التليفون وشفت كومة رسايل جايتني منه يعاتبني بيها ويعتذر ويتغزل ويعبر عن حنينه وشوقه الي نمت وكعدت على حس تارة وهيه تكعدني كومي كومي اجو يخطبوج فزيت ولج منو يخطبني بهالزلك كالت والله روحي شوفيهم بالاستقبال يمكن تعرفيهم ركضت للاستقبال فتحت الباب وظليت اطل منه وجان اشوفهم وانصدم اي والله هم نفسهم خرررب من شفتهم انصدمت ام عمر ومريم واخته ازهار ،، لا هاي اكيد لعبة منه ....... معقولة يدز اهله حتى اصدك بي وانو نيته مو سيئة رحت ركض للتليفون شلت الحظر عنه ودكيت رقمه بسرعة جاوب ها حبيبتي .. _ هذا ملعوب منك مو ؟ جايب اهلك يخطبون عبالك تعبر عليه ؟ _ صدك جذب منج سارة يعني ما وكفت بعينج شيبات امي جايبها مناك لهنا عمود ملعوب ؟ شحجي وياج هسه ارتبكت وبعد مجاوبته هم صدك كلامه ممعقولة لعبة _ بس اني ملجومة منك عمر _ طلعتيلهم سلمتي عليهم لو لا ؟ _ لا لهسه ماطلعت _ ياله ياعيني روحي شتنتظرين _ ومنو يكول اوافق _ اووو عاد سارة اشهر صار اركض وراج واريد اراضيج هسه جبت اهلي شكو بعد . _ اسمع اني راح اطلع لاهلك بس مراح انطي الموافقة هسه افكر عود ماشي ؟ ويله هسه باي سديته منه واني اضحك فتحت الباب ودا اطلع اغسل صارت بوجهي الاء كالت وينج الناس دينتظروج من شوكت دزيتلج تارة .... _ اي اي هسه رايحة اغسل ..طلعت غسلت ورجعت لبست فستان ماروني مشجر بورد اسود ناعم وقماشه شيفون مبطن فتحت شعري وخليت مكياج خفيف طلعت من الغرفة وتوجهت للاستقبال ترددت ادخل خجل ، حيرة ومشاعر ثانية ، فتحت الباب بهدوء ودخلت مساء الخير رحت سلمت على الحجية بوستها وسلمت على مريم وازهار ، شفت مريم بطنها كبيرة مبينة حامل بالشهر الثامن او التاسع لان كبيرة بطنها وهيه تعبانة كلش مبين على وجه ولادة .. كعدت يمهم الحجية بادرت وحجت كالت احنه جايين نخطبج لابني عمر واكيد انت عندج علم بللموضوع مو؟ حجتها بشك وجسيت بنفورها البارد مني محفور بقسوة على كل خط من خطوط تجاعيدها . بلعت ريك وانصدمت احس الدم صعد لراسي بقيت ارجف محتارة شنو احجي كدامهم والاء تباوعلي طفرت تارة كالت لا ماعدهه علم ابنكم صار ٤ اشهر يركض وراهه وهسه هيه اصلا جانت نايمة لو تدري بيكم جايين ع الاقل جان حضرت نفسها . ازهار.. لا عيني امي متقصد مو هيج ماما وباوعت لامها بنظرة تحذير ورجعت حجت عمر رايدها للبنية ويحمد باخلاقها هواي . الاء .. اي عيني نشورها ونشور ابوها ونسأل عنكم ونرجعلكم خبر يصير خير ان شاءالله دنكت بعد مارفعت راسي ابد هاي امه مبينه مو رايدتني ليش يا ربي عبالها اني مصاحبة عمر ونهار كله افرفر ويا مبين هيج تقصد من حجايتها يله اني ليش مكبرة الموضوع اصلا بعدني منطيتهم موافقة ترخصو وكامو طلعو بس نظرات امه لعمر ابد مو مريحة مبينة متريدني .. رجعت رأسا للغرفة لزمت تليفوني اريد اخابر عمر فاتت الاء .. كالت ها شنو رأيج ؟ صفنت بوجهه ثواني ودنكت : بعدني دا افكر .. شتفكرين يمعودة هو اكو احسن من هيج قسمة ضابط وطاك وخوش ناس . رفعت راسي بوجهه كتلها شنو هو كوة ميصير انطي رأيّ بسرعة خلوني افكر شوية ع الاقل .. تارة :- اي عيني سارة راشدة وتعرف مصلحتها سارة :- اي وحتى اذا وافقت عندي شروط خو مو هيجي وبس . الاء :- اي صحيح والله حقج بكيفج بقت يمج الله يقدملج الي بي صالح الج تستاهلين سارونة . وكامت طلعت . جريت نفس تارة كالت بكلشي تحط نفسها مسوية نفسها هيه امنا خليت اصبع الشهادة على حلمي واسويلها اشش اسكتي لا سمعج خل تسمع كالت هيج وخلت رجل على رجل اريد اخابر عمر طلعي برة ايباه دحجي كدامي وشنو يعني طول عمرج تحجين كدامي شنو الي تغير هسه ؟ ولي تارة ممرتاحة اريد ابقى وحدي كامت على حيلها كالت خووش وجرت المخدة وياها ركعتني بيها وطلعت .. طاح حظج كتلها وفتحت الفون و خابرت على عمر . عمر مرت اشهر واحاول ارجع سارة بكل الوسائل مكدرت خرب شكد عنيدة .. اني رحت وشفت الكاميرات مو شكي بيها دفعني لا وانما اريد اعرف احمد النذل شنو سوا بيها وشفتها شلون جانت معصبة تحجي ويا وهو يشمر عليها الفلوس صح الكاميرات مابيها صوت بس اكدر افسر حركاتهم طلعت وصارت كبالي تفاجئت ليش رجعت اكيد وضعهم ومرض ابوها هيه حاجيتلي عذرتها شكد مشيت وراها بعدها مكدر الوحها تشرد مني شكد حاولت انساهه مكدرت احسها مربعة على عرش كلبي ،، قررت ادز اهلي من يخلص دوام المدارس اخطبها واحجزها الي وبعد ميكدر احد يفركنا لا احمد ولا غيره واكدر ما اخليها تداوم وياهم بعد . دخلت على امي لغرفتها ها يوم الله يساعدج هلا عموري ،، اشرتلي اكعد بصفها رحت كعدت بوست ايديها اثنينهم كتلها يوم اريد اخطب فرحت وانفرجت اساريرها بالفرح كالت صلوات واخيرا راح افرح بيك بس اشر يله بعد شويه اخذ مريم واختك ازهار ونروح ظليت احك بوجهي كتلها سارة الي شفتيها بعرس سيف لاحظتها امي بهتت ملامحها واختفت الابتسامة بلحظة وحدة ظليت افرك ايديه بحماس :- ها يوم هستوة بس اشر وكذا هسه شو سمعتي بسارة ضجتي كالت يمه هاي مبين عليها مو من ثوبنا .. امي شويه ملتزمة وسارة فري شويه امي اكيد تريد وحدة مثل مريم حجابها ماتنزعه من عمرها ١٠ سنوات مشايف شعرها وهم حقها امي .. كتلها يوم وداعتج بس اجيبها عندي لا قبل لا اجيبها بس اخطب احجبها واتحكم بلبسها . هسه مالي سلطة عليها . يمه عموري شوفلك وحدة غيرها بنات ام صباح جيرانه شون بنات ينحطن ع الجرح يبرى العيون ساعة والوجه عبالك خبزة مدورة عوف هاي ام كفشة مامرتاحة الها يوم انت كلبج طيب وسارة هم طيبة صدكيني ها مبين كبشي تعرف عنها مبين لازم ايدها وتفتر نهار كله لا وحق هو الله ليش تخليني احلفلج يا يوم وميصير تحجين على البنية وشرفها ترة انتي هم عندج بنات وحفيدات لو ناسية ترة الشرف كما تدين تدان وتريد بناتي وحفيداتي وتقارنهن ويا هاي استغفر الله ربي واتوب اليه .. اريد اكوم كالت وين رايح يوم بطلت ما اريد اتزوج دخليج خليني هيج احسن هاي من اولها هيج وخلي يكون بعلمج ماراح اتزوج غير سارة . ولك يمه استجن صار عمرك ٣٥ سنة اووو يا حجي رد لمكانك اخطبها يمه اخطبها براحتك وعلى كيفك واني موجودة يمته ماتريد اروح اخطبها الك امري لله رجعت كرفصت كدامها مبتسم يعني خلاص وافقتي ماتحطين بيها انه وكأن بعد هزت راسها وباوعتلي بنظرة الماعاحبها كل شي كالت اي كتلها لعد اليوم العصر اوديكم لبيتهم تخطبون كالت لاا خليها باجر مابيه اليوم كمت على حيلي كتلها بطلت ما اتزوج كالت لالا اروح اروح .. سارة// خابرت عمر وجاوبني كال ها حب ؟ اهلك طلعو قبل شويه اي دزيت سيف اخويه راح اخذهم عمر اشو امك مبينه مو هاويتني ليش بلله ؟ شعليج بيها قابل راح تتزوجيها ؟ لا بس اسأل اصلا اني منطيت الموافقة بعد ومحتاجة افكر صدك تحجين عمر الصار مو شوية ترة اعرف اعرف انسي كل شي وخلينا بالجديد هسه ترة اني احبج ومتاكد انتي هم تحبيني لذلك لاتشلعين قلبي دخيلج سارة امي عوفيها على صفحة قلبها طيب وانت هم طيبة وبعدين راح تحبيها وتحبج متاكد .. تمام بس ليش متحبني من هسه شمسوية الها اني هيه مرة وحدة شفتها معقولة كرهتني من اول نظرة .. ههههه لا تكول فري ههه خوش والله الحجية امك تحجي بالانكليزي فدوة الهالضحكة اكدر اكول هسه انت موافقة مو ؟ اني سامعة السكوت علامة الرضا من الضحك . ديلله يا حبيبي فكيها عاد لتشلعين قلبي انتظر كم يوم وهسه لازم اروح اشوف بابا من الصبح ماشفته اوكي سلمي على عمي ابو مرتي المستقبلية .. ههه كلك ثقة اوكي يوصل كال سارة ماريد احمد يعرف بموضوع خطبتنا ترة ماعندي تواصل ويا اطمأن اعرف بس هو نذل لتهتم اوكي تمام حبيبتي احبج باي .. باي .. سديته منه ورحت لغرفة بابا شفت الاء وتارة كاعدات يمه ، باوعلي وابتسم كال تعالي بابا سارة اكعدي يمي رحت كعدت يمه اخذت ايده بوستها وراسه هم بوسته . كال كبرتي بنتي .. كتله بابا صار عمري ٢٦ سنة من زمان كبرت راح تظلين بعيني زغيرة شفت عيونه دمعت حسيت بغصة ماتنبلع صوته مخنوك .. خليت راسي على صدره ودموعي صارت على خدودي مثل المطر ظل هو يمسح على راسي بحنان ولطف كال اني ما اضغط عليج انت بكيفج بعد واذا موافقة خلي ادز علاء ابن حجي راضي يسأل عن الولد واهله رفعت راسي من صدره ومسحت دموعي هزيت راسي اي بابا دزه خلي يسال جيبي تليفوني بابا كامت تارة انطته اله خابره كاله اريد تسأل عن ضابط متقدم لبنتي اسمه عمر رتبته مقدم بيتهم بالغزالية يداوم بصلاح الدين انطاه المعلومات وسداه منه كمنا من يمه مرت ايام واني اعرف بنفسي رايدته لعمر واحبه بس منتظرين الي راح يجي من علاء من اخبار ومعلومات عنه . ورة يومين اجه علاء للبيت وكعد يم بابا وصاروا يحجون تارة مخليه اذنها لباب الاستقبال وتتسنط واني كاعدة بالهول واغم بيها والاء واكفة اباب المطبخ وتفر ايدها . اجت كالت علاء بعد شويه ويسوي عمر نبي منزل من السماء من كد ما مدحه ومدح عائلته .. خليت رجل على رجل كتلها بيها الخير وشمرت على وجهه كشر مال فستق اخذته كالت لا ياوصخة فوكاهه مهتمتلج وجاي اتسمع عنج ياخبر بفلوس بكرة ببلاش هسه يجي بابا ويحجي كل شي عليمن اتسمع . فرت ايدهه جم فرة بالهوا وغمتني ورجعت دنكت خلت اذنها يم الباب عود تسمع انفحت باب الاستقبال ووكف بالباب بصفها وهي مخلية اذنها وعود تسمع بابا خلى ايده على راسه ورفعه كال هاي تارة شبيج هيه طكتها ضحكه واحنا هم نضحك كالت لا مو شي بابا سلامتك بس شنو كال علاء عن عمر ان شاءالله خوش ولد ؟ عافها بابا واجه كعد يمنا كاللها بعد انت سمعتي كل شي ميحتاج اكولج التفت عليه كال بابا الولد خوش ولد واهله ناس واصلين وسمعتهم زينة وانت بعد داومتي وياهم بالمدرسة وتعرفين عمه رجل اعمال بقت يمج بابا انت شتكولين موافقة لو لا اني مالي علاقة الاء :-- اي عيني بقت يمج فكري هالكم يوم وترة متجيج هيج قسمة بعد تارة :-- وليش متجيها بلله ؟ شناقصها جمال وشهادة واخلاق الاء:-- يابنتي الوكت صعب وذاك من ذاك الي عنده وضيفة ويكدر يصرف على عائلته الوضع مو غريب عليج . تارة حطت رجل على رجل وهمست بخفوت بنتي منيلي بنتج . سارة .. مو بس هاي وهذا كله ميهمني الي يهمني رغم الي صار احبه صح اغلط عليه بقلبي بس ما اكرهه ولا اتمنى غيره ابد حجيت بقلبي ، رفعت راسي كتلهم خلص موافقة .. الاء اتصلت بام عمر ورتبت موعد يتفقون ع الغايب والحاضر .. واتفقوا على يوم الجمعة .. الخميس بالليل بابا كال بلغوهم طلباتنا اني اريد مهرها بيت باسمها خوش ام غايب .. اني ابتلعت لعابي انصدمت من بابا كتله بصدمة ليش بابا ؟ كال يابنتي اني كضيتها عمري بس بالايجارات وظلمتكم وياي وهذا الضابط حالته ميسورة اني اريد اطمأن على مستقبلج وانت تستاهلين .. سكتت اني وحتى لعمر مكتله ولا اصلا تواصلت ويا من يوم الي خابرته بيوم جية اهله .. يوم ثاني حضرنا لجية اهله لبست وكعدت انتظرهم اجو ع ساعة ٥ ونص العصر والجو كلش حار استقبلتهم من يم الباب شفت بس امه واخته ،اما مريم ماكو وياهم .. فاتو كعدوا جوا كالو والله احنا مستعجلين عذرونا مريم تعبانة شويه الدكتورة كالتلها هالايام ولادتج الاء:-- الله يسهللها ان شاءالله يارب كمت قدمتلهم الضيافة واجت تارة كعدت .. ازهار :-- اي تفضلو شنو طلباتكم ؟ الاء بعد نظرة خاطفة الي ورجعت باوعت الهم كالت والله شرط ابوها بيت باسمها .. ام عمر بعصبية :- شنو عيني شنو يعني تاخذ الولد الي ربيته سنين وتطلع انتوا شنو مشايفين بيوت ترة بيتنا مو مثل بيتج هذا وتأشر ع البيت باستهزاء وكملت كلامها :-- لا عيني ترة بيتنا يكفي عشيرة وبكد هذا بيتكم بعشر مرات .. اخذتنا حاصل فاصل ، ،، صدمتنا باسلوبها خلتنا صافنيين عليها كالت يلا عيني ازهار بنتي كومي طلبكم مرفووض وكامت على حيلها بعصبية .. | ||||||||
|
| |
|
07-01-20, 12:23 AM
| #14 | ||||||||
| مراقبة عامة ومشرفة منتدى الروايات المنقولة
| بين طهر وخطيئة بارت ١٤ انفتكت علينا فد مرة بقينا صافنين .. اني مصدومة مو بس صافنة تارة :- عيني على كيفج اخذتينا حاصل فاصل يابه شصار هو هذا طلبنا خو ممجبورين تنفذوه معجبكم الله وياكم شون ناس شون عالم وظلت تفر بيدها .. لاء لزمت تارة من ايدها ونزلتها وظلت تدغ بيها تريدها تسكت ازهار لزمت امها من عكسها وكومتها ،، يلله يوم كومي كومي مريم وحدها خاف تجيب واحنا تأخرنا . اعذرونا عيني ان شاءالله نكول العمر على شرطكم وبقت يمه يرفض يوافق . صاحت عليها امها اسكتي اني امه شنو هو بكيفه موافقته من موافقتي .اوافق اني بالاول .. ازهار قربت حلكها من اذن امها وصارت تهمس بس صوتها مسموع .. يوم عيب امشي للبيت نتفاهم امشي فشلتينا . جايين نخطب جايين نتعارك . وتباوع النا وتبتسم وفشلانة . اخذتها وطلعت برة تبعتهم الاء .. كعدت ع التخم مصدومة شدوس هسه ؟ حجيت بصوت عالي هو هذا هم حظي .. تارة كعدت وخلت رجل كالت لا تهتمين يروح نعال عتيك يجي نعال احسن منه .. بهتت :- يعني عمر نعال لا يا نعال طاح حظج لعد ماشفتي امه وشسوت وشفعلت وبيتي وبيني واني واني اعووذ بالله من كلمة اني .. فاتت الاء وهيه واكفة حجت كالت ترة اني ضد الي سوته امه بس الولد مايتفوت وشرط ابوج مو منطقي لان هوايه بيت وباسمج .. تارة .. لعد تريديها تعيش ويا امه السعلوة ماشفتيها شوفة عينج لو بس تريدين وحدة منه تتزوج وتفكين منها . الاء .. ع الاقل يطلب بيت وحدها مو بيت باسمها ميصير اروح احجي ويا ابوج اكوله يغير رأيه .. سارة .. لا الاء انتظري لتكولين لبابا اي شي ولا تقنعينه خلص بعد سواية امه اني ممهتمة اذا قبلو او لا ما اريد اتزوج اصلا ، رايحة اريح بغرفتي من رخصتكم . رحت لغرفتي كعدت ع السرير ولميت روحي وصافنة رن تليفوني اخذته شفته عمر ما استغربت اصلا جنت متوقعة . رديت عليه وبنبرة حزن كلت الو ؟ جر نفسه بضيق كال اول شي اسف على الي سوته امي وثانيا ترة اني مراح اكعدج بالشارع ولا احنا من الناس الي بيتنا بي عشيرة ترة كلنا ٤ نفرات وانت اذا اجيتي تصيرين الخامسة . هذا شرط ابويه اني معليه والصراحة زين سوا هيج خلى شرط يريد مصلحتي اني من الاول شفت امك ونظرتها الي مبينة مقابلة عليه حيل انقهرت اليوم عمر حيل اهانتني امك مو بس اني هانت كل عائلتي . مو كتلج اعتذر بالنيابة عنها لتديرين بال اني احجي وياهه والله بعدين كلشي يتغير تعاشرج وتعرفج انتي شنو وتظل تحبج اكسبيها باسلوبج وهسه هيه متندمة والله صح ما اعترفت بس مبين عليها متندمة متكدر تخلي عينها بعيني من حجتلي ازهار لهسة . _ والله كالها ابو المثل من قبل العمة لو حبت الجنه ابليس دخل للجنة ... ضحك كال الامثال تضرب ولا تقاس والله ويه امك كل شي مينفع هاي مبينه متحملة عليه هواي مدري عبالك بايكتها اي والله صح بايكتها غير حتاخذين ابنها منها لعد ختروح لعد تخلي ابنها على كلبها وتسكت لتزوجه ولا هم يحزنون . شتقصدين من هذا كلامج سارة مادري عمر متستتة الغي الخطبة اجلها شسوي سوي لايعيني ليش هذا الكلام ترة اني ميهمني ولو عندي امكانية هسه اشتريلج بيت واسجله باسمج انتي واني واحد ميهمني بس المشكلة متكلف قبل فترة ٩ اشهر زوجت اخوي وهسه زوجته محتاجة عملية وهم لازم ادفع تكاليف العملية لان اخويه حالته مو شي وبالاضافة الى هذا اختي قبل فترة دارت ابيتها الجديد واني مواعدها اجهز بيتها سبالت تعرفين جهال عدها وحر وهم ذابين الوراهم والكدامهم على هالبيت والا اني ماقصر وياج ابد لو عندي . زين عمر اجلها لعد هسه اني مستحيل اعيش ويا امك مستحيل .. هم رجعنا لنقطة الصفر ؟ عمر اني تعبانة هسه اترخص منك اذا تسمحلي اوكي اخذي راحتج وبعدين نحجي .. عمر ختمت المكالمة وياها وكعدت بالحديقة ادخن جكارة ورة جكارة سمعت صوت هوسة بالبيت رحت عليهم شفتهم يردون يودون مريم للمستشفى تعبانة كلش وتتألم ، بسرعة حركت سيارتي وصعدو كلهم امي وازهار وسيف ومريم سقت السيارة ووصلتهم للمستشفى وكعدت بالحديقة جريت باكيت الدخان وكعدت ادخن .. ورة نص ساعة اجه يمي سيف كعد شمرت الجكارة ودست عليها كتله ها بشرني جابت بعدها ؟ دخلوها للعمليات فايت موعد ولادتها ومدتجيب طبيعي .. الله يسهللها .. الله يسلمك عمر بس انت شبيك ؟بعدك ضايج من الي سوته امي ؟ اي طبعا سيف اني رايدهه لهالبنية واذا ما ارتبطنا هسى ما اضمن احمد شنو ممكن يسوي ؟ ها !! مو احمد مخلي عينه عليها وانت شلون تخطب وحدة احمد مخلي عينه عليها ملكيت غيرها .. تحسرت ،، سيف انت تعرف شي واني اعرف شي زين والبنية شكالت هسه بعدها مصرة تريد بيت ؟ بعد الي شافته من امي تكول ما اريد اعيش وياهه اجل الموضوع .. زين عندي فكرة ليش متاخذ الفوك تزوجو بي وانت ومريم معليك من مريم متكول شي ننزل اغراضنا جوة واخذو الفوك وهيج راح تكون بعيدة عن امي وهم انت متبعد عنه .... صفنت علي شويه خوش فكرة خليت ايدي على كتفه كتله يله هسه خلي تطلع مريم بالسلامة والله كريم ورة ساعتين كالو ولدت جابت بنية اجه سيف باركت اله كال نرجع للبيت وباجر من الصبح نجي يطلعوها حتبقى الليلة هنا بالمستشفى وازهار حتبقى يمها .. اخذت امي وسيف بالطريق نزل سيف اخذ عشى ورجعنا للبيت فتت لغرفتي ورة دقايق اجت امي دكت الباب وفاتت باوعت الها ونزلت عيني منها كالت كوم تعشى ماريد يوم ما اشتهي اجت كعدت ع السرير كالت زعلان عليه ؟ تنفست بضيق :- يوم اني رايدها للبنية الي سويتي اليوم كلش غلط هنتيهم وبيتهم ميصير . لك يمه اني شعندي غيرك وهاي المفعوصة تريد تاخذك متي وتطلع يوم مو هيج مو بالعصبية موافقتي ع شرطهم ممجبورة اطلعي بدون اهانات مو كتلك بلاها هالبنية من البداية مكلتيها انت من البداية مارايدة هاي البنية مو لمحتلك ..... جريتها حسرة وضربت على فخذي بيدي بأسف .. باوعتلها بحزم :-- يوم اني مراح اتزوج غير هالبنية اتزوجها اتزوجها تصخمها معليه بشي اني تريد تعوفني وتطلع عمر بعد هالتعب كله ؟ ما اطلع راح اخذ الفوك وسيف يكعد يمج جوة وهيج مراح ابعد عنج ولا اطلع وهاي المفعوصة مالتك البومة الي كاتل نفسك عليها تقبل ؟ اني اقنعها انت بس طلعي منها فدوة اروحلج واوعدج حتحبيها اكثر من مريم هه مريم ربات ايدي مو هاي ضحكت باستهزاء وظلت تفر بيدهه درت وجهي وفات سيف كال ديلا عاد برد الاكل متجون ؟ جاوبته روحو تعشو اني ما اريد امي :-- ولك عمر راح تخرب بيننا هاي البومة اخذت باكيت الجكاير من ع الميز وطلعت برة بسرعة وامي تحجي وتتوسل تعال والله ما اضوجك بعد يمه عمر تعال ، ، مسمعت الها وطلعت ... اتمشى وافكر اخابر سارة واحجيلها ع موضوع الفوك بس ترددت لا خليها ترتاح هسه اكيد ترفض بعدها تحت تأثير الصدمة مالة اهانة امي الهم خليها ورراها وبعد مرور ايام قررت خلص اخابرها ماظليت اتحمل بعد سمعت صوتها وهيه تكول الو بحزن .. شلونج حبيبتي ليش هالحزن بصوتج ؟ ماكو شي ليظل بالك انت شخبارج زوجة اخوك شلونها ولدت لا بالي يمها والله مبينه حبابه كلش مدام بالج يمها ليش ما خابرتي تتطمنين عليها تسالين عنها .؟ سارة مجاوبته وسكتت لحظة هو كال زينة ولدت جابت بنوتة حلوة سميناهه زينة الحمدلله ع سلامتها تتربى بعزكم وربي يحفظها الكم .. تسلمين اني مخابرج اريد احجي وياج بموضوع اي شنو هو الموضوع احجي اسمعك اسمعي حبيبي سيف اخوية تبرع النا بالفوك الي هو ساكن بي كال اخذو الكم وتزوجو شنو رايج ؟ ما اعرف عمر والله ما اعرف اخاف من امك هواي ... لج امي حتى متكدر تصعد فوك من رجليها يعني راح تاخذين راحتج والفوك كبير غرفتين حمامات ومطبخ اني ارتبه الج شكلتي ؟ سارة ليش دتسكتين لج اني احبج ورايدج ووعدتج اسجل بيت باسمج لان واثق منج ثقة عمياء بس انطيني فرصة هالفترة والله ما ادري يا عمر اني ماعندي مشكلة وياك وانت تعرف الي سوته امك ومو اني الي وصلتلك الحجي انت سمعت من اختك .. اي اعرف حبيبي اعرف وامي مكدور عليها خو مراح تذبحج هيه تمام حبيبي خلي ازهار تخابر مرة بابا وتكوللها على هذا حجيك واني ماعندي مشكلة واذا ابوج رفض قنعي انت او اكولج اني اجي احجي ويا ماشي تمام .. ختمت ويا المكالمة وكعدت انتظر سمعت الاء تخابر ورة ساعة دخلت بغرفتي والتزمت الصمت واني مددة بفراشي .. انفتحت الباب وفاتت الاء وحجتلي نفس كلام عمر بالضبط كتلها مادري كوليلي لبابا راحت هيه ورة ربع ساعة صاحتني كالت ابوج يريدج كمت من مكاني متململة احس الموضوع يخدرني يخليني عاجزة مااعرف شسوي احب عمر واخاف من امه اريد وماريد اعيش ويا امه . دخلت على بابا ورحت كعدت يمه كال انت بكيفج بنتي موافقة على الولد لو لا هو هم خوش ولد ومدام مصرين عليج احنا هم منخسرهم احسن بهواي من غيرهم وامه انت اكسبيها .. هزيت راسي بموافقة كتله تمام بابا اني موافقة كال على بركة الله انطوهم خبر .. طلعت من يم بابا بس متشتتة وضايعة ما احس بفرحة يوم ثاني اندكت الباب وطلعت تارة وجتي كالت ولج اهل عمر جوي مستعجل اتستاذ عمر كلش كتلها امه هم جايه ؟ كالت لا بس ازهار ووياهه وحدة كتلها مريم كالت لا مو مريم انت مو كلتيلي مريم استوهه جايبه اي لعد شون تجي وثول ثولج شمدريني رحت بدلت وطلعت الهم بوست ازهار وسلمت على اريام هم اخت لعمر تصير تعرفت عليها بزواج سيف .. كعدت يمهم واتفقنا ع المقدم والمؤخر بس تفاجئت ليش امه مو جايه .. عمر اجتي ازهار تسبح الصغيرونه بنت سيف باليوم الثالث كتلها حتى ترحين انت واريام تتفقون ويا اهل سارة ع الحاضر والغايب .. كالت تمام .. ورة شوية اجتي امي معصبة ها ولك تريد تبعدني عن حياتك من هسه سيطرت عليك البومة .. كتلها يوم بس اهدي خلي نتفق على كل شي وبالمشية روحي كوة رتبتها لخاطر الله ارحميني .. ماعليه بيك تزوجها بكيفك واخذها منا ماعليه منك يمه موزينة هالكركة واالله مو زينة حرام عليج ترديني اروح للموصل التحق بس والله وثقي بالله بعد ما ارجع لهنا وما اجي اله بتابوت وملفوف بالعلم العراقي ظلت تصرخ واجت حضنتني انهارت وتبجي حضنتها وابوس بيها كالت هذا هو خلي يروحن خواتك وشكد ميطلبون انطيهم ماعليه بعد يوم لخاطري البنية احبها ومابيها مجال بعد اجه سيف كرفص وكعد يهمس باذنها يوم لا عبالج عمر مثلي جبرتيني على مريم ترة هو مو سيف يا امي اذا صمم هذا هو متكدرين عليه .. اخذناهه غسلنه وجهه وانطيناهه مي كعدت اقنع بيها مراح اتركج وسارة راح تحبيها طيوبة ومن طلبو بيت ترة مو هيه ابوهه وهسه وافقو ميردون بيت يمه فدوة اروحلج لتصعبيها عليه اذا مااتزوح واستقر التحق وبعد ميهمني الجية لهنا مسحت دموعها وكالت هذا هو يمه خل يرحن خواتك يتفقن اني هم خاف اجفص معليه بعد سارة .. صارت يوم المشية اخذوني عقدنا ورجعت كعدت ودخل عمر يلبسني الحلقة والذهب لابس قاط نيلي من شفت مقبل عليه هنا حسيت بالسعادة والفرح حسيت بقلبي ينبض بحبه تمنيت اطير واحضنه رغم نظرات امه الي معاجبها بس تلكيتها وبوستها على راسها ردتها تحبني بس .. لبسني الحلقة وشبعني بوس كلساع يكوللهم ابوسها بعد وهم يضحكون واني ميتة من الخجل .. بنفس الليلة وصلني مسج من احمد مكتوب مبروك خفت من المسج حسيته تهديد مجاوبته خاف عمر ميقبل او اكيد ميقبل .. ورة حفلة الخطبة كال باجر اخذج لبيتنا تشوفين مريم وتتباركين الها خطية مكدرت تجي للحفلة .. اترخصت من بابا بدلت وانتظرته اجه عليه نزل سلم على بابا ورحنا للسيارة بسرعة جرني اله وباسني على شفايفي اخذهن كوه فلتت نفسي جريت نفس كتله لا احد يشوفنا احنا بالشارع كال قابل بايك حلالي وبكيفي وبعدين دشوفي الشارع شون فارغ . ضحكت باوعت بالمراية الحمرة كلها ماكو كتله حمرتي وين وديتها كال سامعة بلي يبوك الكحل من العين ؟ اي سامعة اني ابوك الحمرة من الشفة بس اني تبوك حمرتي مو ؟ اي طبعا بس انتي ضحكنا وانطلقت السيارة بينا لبيتهم فتت سلمت على مريم بس امه مشفتها كال روحي لامي سلمي عليها بالمطبخ كلش حزت بنفسي ليش ما اجت هيه مو اني ضيفة عدهم بس يلله الف عين لاجل عين تكرم لخاطر عمر رحت للمطبخ قبل لا اوصل سمعتها تحجي اي جايبها لهاي الفكر بت الفكر ام البيوت تريد بيت عشتو وباسمها والله ما اشتهيها .. عرفت الكلام عليه حسيت اختنكت ومحتاجة هوى اتنفسه ابتعدت ورحت لغرفة عمر شافني ضايجة كال شكو شبيج هزيت راسي كال امي سمعتج كلام لا ... مشفتها اصلا امشي نصعد نشوف الفوك مريم بغرفة امي وسيف بالشغل صعدت ويا بس الضوجة فول وميتة قهر وكلامها يتردد باذني كل شويه حاوط خصري بيديه من ورة وسحبني اله وظل يبوسني على كتفي ورقبتي التفتت اله وبسته على خذه ابتسم ومقلص عيونه متخدر وبوسني على شفتي اريد افك روحي مكدرت كوة كتله مو هيج عمر عفية كال احبج مو بيدي .. ظل ياشرلي ع الغرف منو منهم نسويها النا غرفة نوم كتله بكيفك كال امشي ننزل نشوف امي نزلت ويا دورنا على امه مريم كالت راحت عند الجيران هسه تجي عرفتها مرايدتني كتله عمر خلي نطلع نتغدى برة اني عازمتك وعندي شغلات هم اريد اشتريها من السوك حاولت ما ابين اله اني ضايجة .. مكال شي اخذني وطلعنا تغدينا ونزلت للسوك اشترينا ورجعني لبيتنا بقى يمي للمغرب وراح ... من راح مكدرت انسى الي سوته امه لو اعرف شمسويتلها ليش تكرهني مجاي اكدر اعرف ليش تكرهني .. بعدها خابرني كال حتى نتزوج بالعيد كملتي شغلاتج ؟ عمر اجل الزواج لبعد ماتلكالنه بيت ما اعيش ويا امك اني وحجيت اله كل شي ماحجيت من رحت لبيتهم عصب وظل يصيح توج تحجين ؟ وبعدين معليج من امي مية مرة كايلج اني معليج معليج لتصيح عمر ومثل مكتلك مااحب احد يقلل من احترامي ايا كان وامك ماتشتهيني بعيشة الله ميخالف كتلج راح نكعد بالفوك لا راح تشوفج ولا تشوفيها ماريد الفوك شوفلنا شقة ايجار صخام اي شي بسيطة سارة سد التليفون بوجهي ،،، انقهرت وظليت ابجي وتارة يمي تهدي بيه ليش ديصير هيج لييييش ... بعدها انقطع اتصالي بعمر اتصل بي ميجاوبني .. بليلتها صار انفجار كلش قوي انفجار الكرادة والي راحت بي هواي شهداء دا اكلب بالفيس وابجي عليهم شباب مثل الورد ومن بين الصور انصدمت بواحد منهم شمرت التليفون وظليت اصرررخ والطم .... يتبع | ||||||||
|
| |
|
08-01-20, 02:33 AM
| #15 | ||||||||
| مراقبة عامة ومشرفة منتدى الروايات المنقولة
| بقلم مروة بين طهر وخطيئة بارت ١٥ شمرت التليفون وانهاريت ظليت اصرخ والطم على وجهي لايربي ميستاهل شحال عمر هسه سودة عليه حبيبي ...... فاتت تارة ووراها الاء واني كاعدة ع الكاع وابجي منهارة ،، تارة لزمت ايديه تمنعني اضرب وجهي وكعدت كبالي وجهه اصفر اخترعت وتصيح بوجهي ولج شبيج سارة ولج شكو عفية خوفتيني .. ابجي واحجي سيف مات بالانفجار لج كوليلي شحال عمر هسه شاب مثل الورد مرته توهه جايبة يروح هيجي بدون ذنب ليش ياربي ليييش .... الاء خلت ايدها على حلكها وكعدت ع السرير وظلت تبجي وتارة تركتني وخلت ايديها على راسها وانتجت ع السرير الي وراها ونزلت دموعها .. واحنا اصلا مانمنا الليل كضيناهه بجي على شهداء الانفجار وبالصدفة شفت صورة سيف وياهم ....... الاء كالت كومي سارة نروح لبيتهم نسوي الواجب ميصير .. كمت بدلت وطلعنا اني والاء وتارة بقت يم بابا اجرنا تكسي ووصلنا لمنطقتهم ودخلنا لبيتهم جان اكو ناس هوايه وصوت البجي يطلع من داخل البيت .. فتنا جوا اكو ناس منعرفهم بس شفت خواته حضنتهن وظليت ابجي رحت على مريم شفتها كاعدة ومنهارة وحتى مو بحال بنتها .... رحت حضنتها بس تشهك وعيونها حمر وجوا عيونها وردي طوخ من كد البجي .. ظليت تحجي بحركة ومرارة .. راح سيف راح رااح لزمت ايديه وترجف كالت تصدكين سارة قبل ليطلع اني جنت بالحمام اغسل لزينة صاح اكثر من مرة مريم مريم جاوبته من جوا الحمام اني هنا سيف شتريد دك الباب عليه كال اني رايح مريم رايح ديري بالج على زينة والله هاي اول مرة يكولي رايح كل مرة يطلع ما ادري بي لو ادري فلا اخلي يطلع جان اخذته وضميته بقلبي شمدريني راح يروح ويرجعلي جثة ظلت تضرب على رجلها وتبجي واني دموعي غركتني تغرك خطية بعدها صغيرة وترملت وبنتها هم صغيرة شهرين بس وسيف مشاف من حياته شي يربي ليش هيج ديصير بينا .. بقيت لازمة ايدها وابجي ما اعرف شلون اواسيها كل الكلام مات على لساني صرت عاجزة بس دموعي تجري وشهكاتي تطلع بقهر اجو ناس ديسلمون عليها ويعزوها سويت الهم مكان وكمت من يمها رحت ادور على ام عمر وازهار مشفتهم شفت لينا اخت عمر لزمتها من عكسها ووكفتها امسح دموعي واحاجيها :- لينا وين خالة وازهار اسلم عليهم واعزيهم ماكو مظا اشوفهم بصوت مبحوح بالبجي جاوبتني :-- ماما بس كنالها انجلطت سودة عليه ودوها للمستشفى وازهار يمها اووف ربي يوكفلهه ويصبرهه ان شاءالله الله يسمع منج سارة مصيبتنه كبيرة مادري شلون راح نتعود بدونه مادري .... مصابكم مصابنا والله ميتة قهر ما اعرف شنو اكول بس الله يرحمه والله ينتقم منهم . اجوهه ناس يعزوهه عفتها ورحت كعدت صارت مقابيلي رنيم اخت احمد .. شفتها تخزر بيه ترددت اكوم اسلم عليها خفت منها هواي نظراتها تخوف درت وجهي منها وكعدت بنفس مكاني . للظهر وبعدهم ماجابو التابوت دخت كلش ولا متسحرة من القهر وصايمين احس عيوني كامت تغوش حييل .. احتاجيت اشوف عمر واوسي واشوف حالته هسه ميتة قهر عليه يربي هونها عليه هذا اخو الوحيد.. صار الظهر والناس تروح وتجي ورة شويه جابو ام عمر شايليها ببطانية مابيها تمشي رحت اشوفها حلكهه داير وايدها متتحرك على صدرها مخليتها شكد جنت كارهتها بس هنا انقهرت عليها حييل خطية مصابها مو شوية ولا قليل سلمو عليها ويبوسوها وهيه متمددة رحت دنجت عليها اريد ابوسها شافتني حسيتها انزعجت رغم متتحرك ايدها مخليتها على صدرها بس حسيتها غرست اصبعها بصدري عرفت مرايدتني دتريد توخرني منها ...... رحت منها وابجي حيل وبحركة رحت لازهار حضنتها وعزيتها وهيه بس تبجي خشمها احمر وعيونها حمر وكفت يمها جتي اريام كالتها ازهار ليش رجعتو امي بهاي حالتها المستشفى احسن الها جاوبتها ازهار :--' مقبلت والله موتتني مية مرة سألتني اذا جابو بالتابوت اريد اشوفه اووف ياقهر هاي احنا شلون راح نتخطى هاي المصيبة شلوون وخرت منهن شفتهم دينطون الطفلة لمريم حتى ترضعها متقبل وحدة كلتلها رضعيها خطية من الصبح مارضعت منج هيج راح تزعلين سيف منج بنته هاي رويحته بالدنيا اخذتها وظلت تبجي حيييل وتباوعلها وتبجي كوة رضعتها ظلت تناشغ وراها كالو جابو التابوت للبيت وصلو رحت وكفت يم الدرج واباوع شفتهم فوتو وشفت عمر سودة عليه شصاير بي لاف الغترة على رقبته ولابس قميص اسود وعيونه حمر الدمعة من عيونه تطفر طفر تمنيت اروح احضنه واواسي بس مجاي اكدر اوصله ابد ناس هواي خلو التابوت بالارض وظلو يبجون عليه وبعدها اخذوو وراحو يدفنو وعمر راح وياهم يدفنه اجتي يمي الاء واني لازمة الدرج وابجي واحس حتى دايخة كالت يلله مانروح للبيت ؟ كتلها خلي يرجع عمر اريد اشوفه ماروح بدون ما اشوفه خاف يطول لليل ميجي ؟ ميخالف ابقى انتي روحي اي اروح ابوج وحدة وتارة خاف تاخذهه نومة وتنساه وهم اريد اطبخ للفطور اي روحي لعد اني باقية راحت الاء واني بقيت ابيناتهم بس احس بغربة لان ما اعرف احد ابد بقيت ساكتة ومبتعدة عن الكل بس رنيم اخ موتتني بنظراتها تبث كره وحقد مو طبيعي استغربته ليش شمسويتلهم اني هاي العائلة هيج تكرهني عجيب . لليل اجه عمر تلكوه اخواته بالبجي والصريخ نزل على امه بوسها وبعدهم عيونه حمر اني واكفة يم الدرج واباوعلهم كام بسرعة يريد يصعد صحت عليه عمر مباوع بوجهي هو وركض صعد ليفوك وصعدت وراه ازهار فشلت وخجلت هواي شبي ويايه ع الاقل لو مباوعلي حسيت الكل يباوع عليه فشلت حسيت وحدة لزكت بيه وظلت تهمس باذني بعد ميريدج لتفرحين التفتت الها شفتها رنيم كتلها ليش اني شنو ذنبي بكل هذا قابل مووتت اخوهم اي انت فكر وفال نحس وشؤم بس فتي على هاي العائلة دمرتيها تدمر انت شدتحجين ها ؟ طلعي بكرامتج احسن دفعتها وركضت صعدت فوك شفت ازهار دتطلع من وحدة من الغرف كتلها وينه عمر سدت الباب كالت والله تعبان وميريد يشوف احد كوليله اني عفية حبابة ازهار لازم اشوفه لحظة ابقي هنانه ،، فاتت يمه واني بقيت برة انتظر ورة دقيقة طلعت كالت اعتذر والله ميقبل يشوف احد كتلها عفية ازهار حتى اني سمعت صوت قفل الباب مال الغرفة اندار يعني انقفلت الغرفة من جوة هيه باوعت ع الباب وباوعتلي بمعنى ان شاءالله افتهمتي؟ هزيت راسي ولملمت اشلاء كرامتي ونزلت جوة بدون ما اسلم على احد وطلعت للشارع متشتتة وماعرف شلون افسر الموقف ليش عمر ديرفضني معقولة اجيته بعده زعلان مني ؟ كلام رنيم يحفر براسي فكر نذير شؤم ونحس معقولة عمر همات يعتبرني هيج ؟ مستحيل هو يحبني ويمكن تحت تأثير صدمة لذلك حاب يبقى لوحدة باجر عكبه يصير زين ويرجعلي طلعت للشارع دنيا ليل وناس متجمعين يم بابهم وناصبين جادر وسيارات كومة واكفة مشيت شوية بصف السيارات ومتوترة شفت احمد واكف يم سيارته وبيده جكارة وواكف يم واحد ديسولف ويا احتاريت شنو اسوي بس بقيت واكفة ثواني اباوع عليه بس شافني اجاني بقيت ساكتة بوجهه كال مراح تعزيني ترة الي مات ابن عمي كتله البقية بحياتك حياتج الباقية اشو طالعة وحدج اي اني وحدي ورايحة للبيت اصعدي اوصلج لا لا ما اكدر استاذ احمد اني اروح لا انتظري والتفتت صوب سيارته صاح محمد تعال قبل ليوصل محمد النا شمر اله لسويج بالهوا والتقطه محمد بسرعة واجه باتجاهنا كاله محمد وصل سارة ع فكرة هاي سارة خطيبة عمر وهذا محمد ابن عمي وهم زوج اريام اخت عمر محمد .. اهلا وسهلا بيج خيتي هلا بيك والبقية بحياتك حياتج الباقية تفضلي اوصلج ترددت بالبداية الولد ما اعرفه باوعت لاحمد باوعلي نظرة مطمئنة صعدت ويا محمد واني بالسيارة دتفوت من بيت عمر شفته طلع من بيتهم مدنك وميباوع وتوجه للجادر دنكت مقهورة ودموعي وكعن وصلت لبيتنا تشكرته ونزلت .. فتت للبيت من باب المطبخ شافتني الاء دخت جيت اوكع اجت عليه ركض شبيج شبيج .. لزمت راسي كتلها دايخة شوي ما اكلتي شي ؟ لا منو جابج منهم ابن عمهم وزوج اخت عمر لزمتني ودتني لحد الطاولة سحبت الكرسي وكعدت علي كالت شفتي عمر حاجيتي هزيت راسي وبجيت اجت جابتلي بطل لبن فتحته كالت اشربي بينما اسويلج اكل كتلها ميتة جوع بس ما اشتهي اكل لا روحي ارتاحي وغسلي وتعالي اكليلج شويه شربت البن وصفنت وهي راحت تدفي الاكل ومية سؤال ومية تفسير ببالي ليش عمر رفض يستقبلني ليش طلع من البيت بعدها اكيد لمن تاكد اني طلعت من البيت هو طلع ميريد يشوفني . شربت بطل اللبن نصه ولعبت نفسي كمت ركض للغرفة شفت تارة كاعدة ولازمة موبايلها وتبجي كامت من شافتني واجت تركض كالت ولج شنو هالشهداء ولج صار العدد كومة ٣٠٠ حد الان وغير الي ملاكينهم شسوينا حتى يصير بينا هيج حضنتها وظليت ابجي بحركة حسيت نفسي فقدت توازني اريد اوكع لزمتني وثبتتني تطل بوجهي شبيج عمري لج تارة عمر ميريد يشوفني ممعقولة خاف محملني سبب موت اخو وانتي قابل شبيدج قابل انتي موتي صدك جذب منج هزيت براسي برفض مادري مادري خاف معتبرني فكر ورجلي نحس عليهم موتت اخو شهالحجي هذا صدك تحجين دنجبي شعليج انتي لتفكرين هيج تارة دا اموووت حضنتني تهدي بيه ،، وراها جبروني اكل شويه اكلت لان مماكلة ابد من فطور البارحة صبو اكل ببيت عمر بس ما اكلت ممرتاحة جنت ابد بالليل ب ١ لزمت الفون واتصلت على عمر شكد رن مجاوبني بعدها انغلق الفون مالته كتبت اله مسج : عمر حبيبي البقية بحياتك ياربي عفية ليش متريد تشوفني ليش ماترد عليه ياريت ترد حتى احجي وياك بس تشوف الرسالة جاوبني فدوة . شكد انتظرت يرد عليه ماكو أيست ونمت يوم ثاني رحت للفاتحة عندي أمل اشوفه ماكو حسيت عمر الميت مو اخو كد مابجيت لحتى اشوفه يوم ثالث هم رحت ومشفته كضيتها بجي وادزله مسجات لتليفونه توصل وميفتحها ،، ليوم ثاني وحصلت رزالة من تارة انت شكو ترحين ماعندج كرامة وين الكرامة بالموضوع عمر حبيبي وخطيبي واخو ميت عنده مصيبة لازم اوكف ويا وهو ميريدج توكفين ويا ميريدج كافي تسحلين روحج عليه خليت ايدي على وجهي وصرت ابجي واحجي ليش شسويت شسويت اني حرام ياربي حرام اجت تهدي بيه كافي الي دتسوي بنفسج انتظري شوفي شراح يصير شراح يصير يعني يعوفني عمر مسويت شي اني والله كمت منها ورحت ل الاء كتلها حضري بابا حتى نروح لبيت عمر ليش شكو شنسوي بلكي يحترم بابا ويطلعله اكدر اشوفه اقرا عيونه احجي ويا مجاي اكدر اوصله سارة الولد تعبان هسه توة دافن اخو انطي فرصة واني شرايدة منه اريد اوكف لجانبه اواسي هو اكيد محتاجني هسه بس يكابر اكيد فاتت تارة معليج ببابا تعبان ومريض لتاخذي وياج مفهوم وافهميها عاد عمر ميريدج بعد ليش ها ليش .. بصياح وبجي لان لان حيعوفج وياخذ مرة اخو لان عدها طفلة اخو افهميها عاد وشنو ماكو غيره هو يتزوجها شدتحجين لالا عمر ميسويها مستحييييل طلعت من المطبخ رحت لبابا كومته كتله بابا بدل دنروح لبيت عمر انت لازم تعزيهم حتى لو مريض ميصير كله بالفراش يزيد عليك المرض كام ويايه خطية بدل والاء ويايه خليت تارة تفر بيدها ومعصبة طلعنا للشارع اجرنا تكسي ورحنا لبيت عمر كوة لازمين بابا مابي يمشي وثكيل دكينا الباب طلع النا واحد وفوتنا جوة سلمت على ام عمر جانت تعبانة حيل ومتمددة ع الفراش فارشي الها بالهول . اجت ازهار سلمت كتلها وين عمر بابا يريد يسلم علي ويعزي دنكت كالت فد شويه صعدت فوك ورة دقايق نزلت كالت مموجود عمر بقينا اني والاء وحدة تباوع للخ وخطية بابا دنك راسه كتلها بس هسه صعدتي قبل لا اكمل دغتني الاء كالت يلله نكوم نروح احنا ازهار بخجل .. لا بعد وكت ابقو شويه دنكت وبجيت بحركة مجاي افهم الي جاي يصير ليش هيج عمر يسوي ويايه معقولة هيج نحس هو طلعت وراهم مثل الجثة امشي بلا روح وصلنا لبيتنا تلكتني تارة كالت ها شفتي للامير البرنس مالتج لو وو لا طلعلج اخذج بالاحضان سكتتتها الاء كالتلها اسكتي وتأشر الها على بابا رحت للغرفة جتي وراية كالت لج انسحبي بكرامتج قبل لا هو يشمرج شمرة الجلب غمضت عيوني والدموع غركت خدي وبس ساكتة ظلت تهز بيه من زنودي لج اني اختج قلبي عليج وصل مسج لتليفوني بسرعة فتحته عبالك قلبي حاسس انو هو عمر الي رسله شفته كاتبلي ...... بعد ماريدج تجين ولا اريد اشوف وجهج انت السبب بموت اخويه ومراح اسامحج ابد ابد | ||||||||
|
| |
|
08-01-20, 02:34 AM
| #16 | ||||||||
| مراقبة عامة ومشرفة منتدى الروايات المنقولة
| بين طهر وخطيئة بارت ١٦ عمر .. بليلة استشهاد سيف ، بعد الفطور كعدنا نسولف كتلهم زواجي بالعيد ان شاءالله خلي ابلغ سارة .... كام سيف كال راح انزل اغراضي من فوك حتى تجهزه بسرعة بي مبقى شي للعيد طفر بسرعة صعد دينزل باغراض غرفته وكال المطبخ الي جهزته فوك خلي الك وللعروسة مااريده منحتاجة عدنا هذا الجوة واصلا مريم كله جوة كتله اخابرها وتجي اساعدك ديله بس لتكضيها رومانسيات وغزل يله بسرعة بس بلغها وراك كومة شغلات نخلصها دنريد نفرح بيك ضربته على كتفه وكتله ديللله روح لا تتصنط وهو ضحك و صعد فوك دخلت للغرفة وسديت الباب اخذت تليفوني واتصلت بسارة ، فاجئتني برفضها تعاركت وياهه وسديت التليفون شمرته واني اتنفس بضيق ضجت منها ليش دتسوي هيج انوب تتحجج بامي واني مية مرة حاجيلها انتي فوك وامي جوة وامي متصعدلج مستحيل اصبري بس هالفترة ميفيد هالمرة لازم اكون صارم وياهه دنعل ابو الحب طلعت من الغرفة واني والنار سوا احس مشتعل شعل شفت سيف نازل من فوك وبيده الدواشك فاتح حلكه ويضحك ذيج الضحكة الحلوة الي خسرتها عمري كله وبعد ما اشوفهه وصل نص الدرج كتله اوكف اوكف ارجع صعدهن مراح اتزوج تقدم بايتين كال ليش شكو شصار ؟ كتله ماتريد تكعد بالفوك تريد بيت وحدها كال ليش شنو السبب ؟ سبب تافه مثلها وهيه اتفه بعد ،، دمشي اصعد فوك رجع الدواشك وبدل ملابسك امشي نروح للكوفي بالكرادة نشوف اللعبة مالة اليوم . يمعود يالعبة هسه نشوفها هنا مالي خلك اطلع والله امشي امشي اني ضايج خاف اسوي حادث بالطريق امشي وياي مدام هيج يله اجي وياك ليش لا بس اسبح واجي ،، صعد هو واني رحت سبحت بالحمام الجوة وطلعت بدلت ،، نزل سيف من فوك مبدل باوعتله اشوفه عبالك عريس شون مرتب من يوم يومه هو حلو ومرتب بس اليوم عبالك غير شي صاير دنك على امي باس راسها وطلع وصلنا للكرادة خليت السيارة بالكراج جاي ادورها وكف صديقي يم الجامة سلم عليه صار هواي مشايفة عفت السيارة نزلت سلمت عليه ونزل سيف هم سلم وصرنا نسولف سيف كال ها عمر نمشي ؟ كتله انته روح سيف روح اني اجي وراك انتظرني بالكوفي كال خوش رايح اشتري لزينة بدلة للعيد واروح للكوفي انتظرك هناك كتله تمام سولفت ويا صاحبي بالعشر دقايق وكفنه نسولف بعدهه كتله انتظر ادور السيارة واجيك نطلع للكوفي كال تمام درت السيارة وسفطتها وطلعت من الكراج ومشينه مسافة وصار الانفجار القوي الي هززز بغداد هززز ركضت اشوف النار دتاكل الاخضر واليابس .. ظليت ادك على راسي واصرخ باسم سيف ظليت اركض مثل المخبل واباوع بالوجوه ادور اخويه الدنيا محتركة ورة شكد يلله اجت الاطفاء والاسعاف ظلو ينكلون بالجثث وين الكى اخويه من بين المئات بين جريح بين شهيد شجابني للكرادة كتله روووح راح ع الموت دفعت اخوية ع الموت لو ممخابر سارة لو مبقي بالبيت ينزل الاغراض مو احسن كله من سارة لو ما هيه رفضت جان ماجينه لهنا جان التهينا هو ينزل الاغراض واني اطلع اغراض غرفتي ولا جبته ع الموت كرهت سارة حقدت عليها واني بنص النار ماعرف اذا كرهته مؤقتا او لا بس ناري مجاي تطفى على اخويه اتصلت الف مرة على جهازه مغلق ، اخذو الجثث للطب العدلي ورحت ادور بين الجثث الليل كله للصبح يله شفته سودة على عمري اخويه سندي حزام ظهري هالوحيد الي ماعندي غيره جبته مناك لهنا ع الموت شجنت احس ياربي . راسه وصفحته كلها محروكة الصفحة اللخ اللحم ذايب بس ايده شويه منها سليم بحيث عرفته من الوشم مالته الي كان كاتب اخي عمر على ايده اليسرى سواه من لم جنت زعلان عليه اجه ديراضيني رفضت بعثلي صورة ع الوتساب بالوشم مالته بذيج اللحظة ضحكت من شفته وهسه جاي ابجي . شلته اريد اخذه مقبلو يسلمونيا اله بعد التحليل والتحليل يطول كلبت الدنيا عليهم هرجت المستشفى هرج كتلهم تعلموني باخويه تحجون صدك انتوا اخذته وغسلته ودفنته بهاي ايديه رجعت للبيت فاتت ازهار كالت سارة تريد تشوفك اشتعلت بنار وغضب كتلها ماريد اشوف احد طلعت ازهار قفلت وراها الباب وقررت اترك سارة مالي نفس بيها بعد ماعرف هذا القرار اتخذته بوعي او بدون وعي بس بلحظتها جنت حاقد عليها . .. .. .. سارة .. احس انذبحت من قريت رسالته ليش هيج عمر ليش ماتوقعتها منك معقولة اني غلطانة اني تسبب بقتل اخو اني فكر فكر ونحس ليش ياربي هيج يتهمني ليش ... جنت اصيح واحجي بلا وعي وتارة لازمتني تهدي بيه وتحجي : -- ولج والله خسرج خلي يولي طبه طوب يروح نعال يجي نعال بس انتي لا تنقهرين . حضنتني واني اشهك وابجي بعدها ماحسيت بشي غفيت وكعدت حاقدة على نفسي وعلى عمر حملني ذنب مو ذنبي مرتكبته اني ليش هيج عقله صغير . وراها انطونا موعد نروح نتطلك عند الشيخ لان احنا عاقدين شيخ بس محكمة لا رحنا اني والاء لان بابا ميكدر وكلش جان مقهور وتخربط علينا من سمع راح يتركني عمر ،، بقت تارة يمه .. .. اخذت الذهب والمهر كله خليته بعلبة وبعلاكة كبيرة واخذتهم ويايه مجنت اباوع اله ما اريد احن اله ولبست نظارات حتى ليشوف عيوني مورمة طلكنا الشيخ وطلعنا هو صعد سيارته فتحت باب السيارة وشمرت العلاكة عليه ورحت اركض ل الاء وكفنا ع الشارع ننتظر تكسي اجه وخله العلاكة يم رجليه كال هاي حقج اخذي الج دنكت اريد اخذهه واشمرها بوجهه راح لسيارته صعدها وساقها شمرتها وراه ملحكت اخذتها الاء ورجعنا للبيت دخلنا للبيت كتلها هذا كله يترجع اله خوش هاي الفلوس والذهب ما اريد اشوفهن بالبيت كالت بس اهدئي ارجعهن ليظل بالج بس ترة هنه من حقج هو الي طلك مو انتي كتلج ماريدهن يعني ماريدهن وديهن اله صوتج لتصيحين ابوج تعبان زين خلي نسلك بيهن وضعنا ترة احنا محتاجين للفلس كيفج شسوين بيهن سوي بس ماريد اشوفهن كدامي بعد ماريد الذهب راح ارجعه الهم والفلوس خليها اذا تردين ترجعين رجعي كل شي طلعت تارة اني ارجعهن اشمرهن واتفل عليهم الاء : تارة شنو هلحجي وين الاخلاق صدك جذب هيج تسئون لابوجن كعدن وسكتن عيب كمت وخمطت العلاكة من الاء وصفطتها على ايد تارة لزمتها بيدها كتلها هسه تودينها الهم يله واني انطيج فلوس التكسي . تارة . بس ابدل لحظة فاتت للغرفة واني كعدت ع التخم وايديه على وجهي واحس نار تاكل كلبي وروحي . تارة طلعت من بيتنا اجرت تكسي كتله للغزالية مسافة مو بعيدة علينا وصلت لييت عمر دكيت الباب طلعت وحدة من خوته كالت نعم تفضلي انطيتها العلاكة الي بيها الذهب والمهر كتلها هاي وديهن لاخوج وبعد لا ترجعيهن خوش شمرتهن عليه كالت هو شكو وشنو بيها هاي طلع عمر من بيتهم كال ها لينا منو ع الباب قبل متجاوبه اني فتت جوة وشمرتهن يم رجله كتله هاك اخذهن اختي مو بحالك ترة الف من يتمناهه سحبني من ايدي وخله العلاكة بيدي خزرني كال اخذيهن وسحلني لحد الباب وسد الباب وكال لاخته فوتي جوة يلله ظليت اغلط عليه من ورة الباب وشمرت العلاكة من فوك وطلعت اركض من الفرع مالتهم وصلت للشارع العام ،، دا امشي وكفت سيارة بصفي باوعت وائل وبصفه بنية كاعدة يمه بالصدر كلش حلوة ومرتبه مد راسه من الجامة كال هلووو بنت خالتي اصعدي اصعدي اوصلج فريت بيدي ومشيت سريع واحس كلبي مليان غيض وقهر منه منو هاي الي يمه عفية قلب قلبي ليش اغار عليه يولي طبه طوب هالناقص هذا . الشمس تركع براسي خلي اصعد فورتات احسلي ماكو تكسيات ، صعدت ورجعت للبيت . سارة ... مرت ايام اجر النفس كوة اكعد بالليل ابجي انهار مرات احقد على نفسي وابرر لعمر مرات اكرها واكول انو ظلمني ومرات انتظره يرجعني صرت مثل المخبلة . بعد وقت طويل وبعد ما اعتاديت على الانطواء والانعزال يله تحسنت شويه ورجعت اكل طبيعي ما ابجي باليوم ٥ او ٦ مرات وكدرت اطوي صفحة من حياتي وأيس من رجعة عمر الي . جنت اكول راح يرجعني لان هو فاهم وعاقل انو الي صار قضاء وقدر واني ما الي ايد بي بس الي صار عكس هذا لادك بابي مرة ثانية ولا رجعني اله . بعد مرور اشهر بلشت المدارس تفتح ابوابها وباول يوم من المدرسة اجاني مسج ع الكروب مال المدرسة تبليغ كل المعلمين والمعلمات بالحضور . اني جنت مقررة انو ابد ما اداوم وياهم لان المدرسة يعني بيت عم عمر يعني عمر يعني الذكريات والايام الي شفت بيها عمر وتعرفت عليه والمشاكل كلها الي صارت . بس الي صار انو كعدت ساعة ٦ اريد انام ما اكدر كاعدة على سريري وتارة نايمة هدوء وبس صوت التكييف . حاضنه رجليه لصدري وسكون فضيع لكل شي حتى لعيوني صافنة بالفراغ وحتى ما ارمش بس قلبي ينبض تمنيت بس يوكف ويخلصني من عذابي الي اني بي . بقيت على هاي الحالة للساعة ٩ ونص شويه بعد واغفى ، تارة نايمه ماعدها كلية ، توه مغمضة عيوني دك تليفوني فزيت بقووة . اخذت التليفون واني نعسانة فتحته وخليته على اذني كلت الو اجاني صوت احمد .. وييينج انت نايمة ؟ ما وصلج المسج على الكروب اليوم دوام وعدنا اجتماع ودنأخرة عمود حضرتج تجين شنو هالاهمال كمت فازة ومصحصحة متوقعته راح يخابر توقعت نفسي بالنسبة اله خلص ورقة محروقة وتاليتها يا احمد شنو هالاهتمام بعدك تريد تغيض ابن عمك بيه لو شنو تريد لوين تريد توصل ؟؟؟ اجاني صوته يرعد متجاوبين ؟ كتله ثواني وجايه راح ادزلج سيارة للبيت حتى متأخرينه نريد نجتمع تمام كمت بسرعة شدا اسوي ما ادري بس شعليه بعمر والي صار ماله علاقة خلي اروح على شغلي مصلحتي كافي ضعف خلي انهض من جديد ابني نفسي طزز بكل الماضي قابل مسوية جريمة اني واتختل ممسوية شي . كمت بدلت شون مجان ورفعت شعري كباية لبست جينز وتيشيرت وفوكه سترة ودا اريد اطلع انلزمت من ردن السترة واجاني صوت تارة وييييين موليه ؟ فلتت ايدي منها اييييه شبيج وثول اريد اروح للمدرسة اليوم دوام مو ع الاساس ماتداومين لو كلام الليل يمحي النهار ؟ معليج بيه وين كرامتج انتي ووووين ؟ شعليها الكرامة بالشغل شعليها ها ؟ لاتشتغلين شوفيلج شغل ثاني مو كلتي ابو هدى بطل هاي التشتغل عنده ويريد غيرها انت استلمي الصبح واني العصر والحمدلله تارة تركيني الخاطر الله تعودت على دوامي وطالباتي وكلامج هذا ميهمني لج انت شتردين ها مكفاج الي صار بيج شوكت تصرفين صح ها ؟ لج جوزي من هاي العائلة النكسة الخبيثة لا تورطين روحج وياهم كافي اريد مصلحتج اني . سمعت صوت هورن ، التفتت على الباب ورجعت باوعت الها لازمتني قوي دفعتها واخذت حذائي اركض بي لبسته بالطرمة وطلعت من البيت بسرعة . طلعت من البيت وصوت سارة شعلوة ورايه تصيح بيه صوتها وصل للشارع ولا يهمها ابد شكد عرمة شفت واحد يشتغل بالمدرسة كال صباح الخير استاذ احمد دزني عليج صباح النور ها اي شكر ،، وصعدت ورة وهو ساق السيارة خلال ٥ دقايق وصلنا للمدرسة لان قريبة نزلت من السيارة رحت لغرفة المعلمات ماشفت احد جتي العاملة كالت كلهم بغرفة الاجتماعات والاستاذ احمد كال بس تجي دزيها لهنانه . كتلها ان شاءالله ورحت للغرفة الاجتماعات كلهم كاعدين كلمن بكرسيه ومتجمعين حول الطاولة كلت صباح الخير بخجل وصار كدامي احمد تبادلنا النظرات وهو دنك على الاوراق الي كدامه... والكل رد صباح النور بس خطيت اول خطوتين كال يلله نبلش الاجتماع رحت اخذت كرسي وكعدت جان ماكو مكان بس المكان الي قريب على احمد رحت خليت الكرسي وكعدت يمه وهو يترأس الاجتماع . ست رواء تقربت مني وهمست باذني:- الاستاذ احمد مقبل نبدي الاجتماع اله تحضرين انت باوعتلها بذهول ورجعت باوعت على احمد رفع راسه يباوع كدامه عبالك سمعها وبعدها هز راسه وظل يحجي عن المدرسة وعن الطلاب والحصص ... طول فترة الاجتماع هو مباوع عليه ابد حتى من حجيت لسبب اجهله وتمنيت اعرفه ،، خلص الاجتماع والكل كامو واني جاي اريد اكوم سمعته كال ست سارة ابقي جان مستغل الضجة الي احدثها قيام المعلمين وتكلم بنبرة يحاول من خلالها يتحكم بصوته وميخليهم يسمعون . تفاجئت من طلبه رجعت كعدت بصمت هو رتب الاوراق الي كدامه وكفهن وظل يضرب بيهن ع الميز ،، حسيته متوتر شوية . سويت احم وهو ترك الاوراق وباوعلي كال شلونج سارة زينة الحمدلله اني سمعت بخبر انفصالج عن عمر بصراحة انصدمت جنتو تحبون بعضكم شنو صار ؟ باوعتله هو ارتبك بنظراته ودنك كال يعني اذا تحبين تحجين احجي ميعجبج نغير الموضوع لا عادي بس هو مو ابن عمك جان سألته لا والله احنا علاقتنا متوترة حييل صار هواي بسببي ؟ قطعا لا وانما هو سوا تصرف محلو وانتهك حرمة بيتنا المهم هذا مو موضوعنا اني انذهلت لم سمعت كلامه بعد لحظات ما استغرب ممكن عمر يسوي اي شي لان الي سواه بيه مو شويه . دنكت واحجي كال شسوا ؟ رفعت راسي اباوعله حملني ذنب مو ذنبي يكول انت السبب بموتة اخويه ناسي اكو قضاء وقدر واني ممسوية شي بس ردت بيت وحدي لان امه متريدني . معقولة عمر هيج يسوي خاف مصدوم ويتصرف بدون وعي . حسيت اختنكت وكلبي انعصر والغصة وكفت ببلعوميى دموعي بعيوني راح ابجي ما اكدر ابجي كدامه اني اترخص وخرت الكرسي وكمت لزمني من ايدي قوي كال اكعدي اذا تحبين نغير الموضوع .. استسلمت وكعدت ويا ما اني دا اكعد جريت حسره ونظراتي ليكدام واسمعه يحجي بس ما التفتت اله كال :-- المهم انت سارة ليش هيج دا اشوفج ذبلانة وين جنتي من قبل مبينه متنامين زين ولا دتاكلين زين . التفتت عليه مبتسمة بسخرية كال والله اهتمي بنفسج محد يفيدج واعتبري هالكلام من صظيق لا اكثر ولا اقل . تنفست وبعدني مبتسمة قريت وجهي منه وكتله ياترى ليش دتهتم بيه احمد حلوة بحلكج احمد بدون استاذ سويت احم وعدلت كعدتي بلعت ريك وكتله استاذ احمد كال لا خليها احمد وبس حجيت بكلبي صاير متواضع وين راح الغرور والتكبر صاير يدك ناعم احمد افندي كتله اي المهم انت ليش كلما ابطل ترجعني وتجبرني اداوم شنو السر ؟ خلى عكوسه على ميز الطاولة وكفوفه جوة ذقنه وصفن بوجهي كال ما اعرف ما اتصور المدرسة بدونج ضحكت كال المهم اني اريد اكولج شغلات اولها اني اعتذر ع كل تصرفاتي السابقة كتله واااو انجاز واحمد الله انو اني مو السبب بفراقكم انت وعمر ليش جنت ناوي تفرقنا جان رهان زعاطيط وبس وبعدها من صدك تندمت ومن خطبج عمر وصرتي على ذمته كلت هاهيه خلص وعيب بعد اعوفكم بحالكم . الصراحة كلش حلوة احمد ،،، امم استاذ احمد بس منو الي راسلني اول مقدمت هنا وطلب علاقة . اني بس مجنت اريد علاقة فعلا لا جنت اريد اشوه صورة عمر بنظرج وبس لان هذا رهان بي الرابح وبي الخاسر وكل الاسلحة متاحة بس بوقتها من رفضتي صدك كبرتي بعيني وليش ما ارفض معقولة اكو وحدة تقبل بهيج طلب وترخص نفسها ؟ اي اكو يقبلن واني مسؤؤل عن كلامي . وانت تستغل هالشي مو ؟ اممم حسب ، المهم ولو احنا الموضوع كلنا نغيره بس اسمعي مني بما انو احنا اصدقاء ، شوفي اذا عمر حاول يرجعج انطي فرصة .. اريد احجي سكتني كال خل اكمل اني اعرف عمر كلش زين هسه مصدوم واعرف شنو سيف وعمر مو بس اخوة هما اصدقاء يعني عمر خسر صديق وخسر اخ باعي اني عندي اخ بس هو والغريب سوا اما عمر وسيف يختلفون طول عمري احسدهم على علاقتهم بحيث جنت استفز عمر بسيف أذي واخلي عمر يشتعل بالغضب بس مجنت رايد يصير الي صار لتشوفيني هيج بس كلش مقهور على سيف الله يرحمه . الله يرحمه بس اني قلبي تزفر منه وبعد هيهات ارجع اله صار اشهر مو يوم ويومين معقولة بعده مصدوم ؟ لا كل ما بالموضوع هو محملني ذنب موت اخو اني اريد اصير طباب خير وكتلج هالحجي وانتي بكيفج بعد وهسه يله حجينه هواي مو ؟ هسه لازم اروح عندي شغل وانت هم يله على شغلج كال هيج وابتسم كام وراح واني طلعت من غرفة الاجتماع احمد خلاني حايرة باسلوبه الجديد لازم انتبه اكثر هالمرة ، احتمال ديلمع صورته كدامي او نيته صافية الله اعلم . تارة ..... تعاركت ويا سارة وصرت ما احجي وياهه تواصلت ويا صديقتها هدى ع الفيس وحجينا ع الشغل بالمول مالة ابوها وطلبت منها اشتغل بي كالت خوش اشوف بابا اكوله وارجعلج خبر ماطولت هواي يوم ثاني من الصبح خابرتني كالت بلشي بالشغل من اليوم ،، فرحت كلش ولا منة سويره اتفقت وياهه ع العصر اشتغل لان الصبح دوام بالكلية عندي كالت ميخالف اصلا هم اكثر شي الناس تجي العصر تتسوك . جيت من الكلية وفتت للبيت بسرعة غيرت ملابسي ورحت للمطبخ اكلت شويه وركضت للغرفة جانت سارة متمددة ع السرير وبس تباوع ونظراتها بالفراغ بدلت ملابسي بسرعة كامت كالت وين رايحة ؟ معليج رجعي خمدي ،،، صيحت عليها ظلت تفر بيدها واني طلعت شفتها جتي وراي صارت كبالي الاء كالت ها وين على الله ست تارة ؟ رفعت حاجبي كتلها رايحة اشتغل بالمول هذا الي بمنطقتنه بمكان ما الاخت جانت تشتغل واشرت على سارة . ظلن يضحكن اثنيناتهن تخصرت واهز واباوعلهن بنظرات غضب الاء :-- تارة المدلللة الي تنام للمغرب تجي من الكلية ذايبة تروح تشتغل ماصدك ها اني مو بعينج مو ؟ خوش اني رايحة هسه اتأخر للمغرب لتخلون بابا يقلق عليه. طلعت وعفتهن شون يشككن بقدراتي استمريت اشتغل وصار عندي زبائن هواي يترددن عليه بنات ويدزلي صديقاتهن هماتين وصرت ابحث ع المنتجات وانواع البشرة ومشاكلها صارت عندي خبرة اكثر فتحت حساب وصرت اسوق المنتجات ع الانترنيت وصارت الي نسبة بيهم . وصرت اتدلع كدام سارة والاء الي انتقصوا مني بوقت سابق . مرة من المرات جنت بالكوزمتك وما اشوف اله وائل بوجهي غمرني الذهول ،، خزرته وصيحت بوجهه شسوي هنا ولك يلا اطلع كال جيت اشوفج مشتاقلج حقيرة حقيرة بعينك ومال شنو تشتاقلي عرف ولف تنكه علف ظل يضحك هاي جديدة توتة وجع وسم اطلع منا يله ولي لصاحبتك هاي الجنت مخليها بالسيارة وتفرفر بيها مصخمه وجها جنها قرقوز صابغته صبغ اجه وتقرب مني كال وداعتج هذن هيج جوا نعالج اصلا بس انتي الاصل بت خالتي غير انتي حارمتني منج . تروح منا لا بالقران الم عليك الدنيا كام تقرب كلش ويشم بشعري دفعته ورحت منه اتختل واركض وصلت لقسم الاكل واشوفه وراية ظليت احاول اضيعه لحد ما وصلت لقسم الكامرات وحجيت ويا المسؤؤل عنهم واشرتله عليه كتله هذا حرامي شوف وضعه غريب مايطمن مدري يريد يسويله شي خلي الامن ياخذو يطلعو بره هو ظل يباوع عليه بالكاميرا ويشوفه شلون وضعه غريب يطب منا ويطلع منا ويتلفتت بحيرة عود جاي يدورني . نادى على الامن بالجهاز اللاسلكي واجو شافو وين وظلو يركضون ورا لحد ما لزمو وطلعوه بره وافتكيت منه ورجعت لشغلي . سارة ... مرت ايام ما اشوف احمد هواي ومرات اشوفه يجي شويه ويروح ومرات ما اشوفه حتى سلام ماكو بينا من اخر يوم حجينه بي جنت مرتاحة لهذا الوضع بس بنفس الوقت صرت احسه غريب الاطوار وما ادري شنو الي يريد يثبته الي . وبيوم جنت توة طالعة من الصف خلصت ودا اروح لغرفة المعلمات وبالممر جان تصير رنيم مقابيلي بنظراتها الوحشية والقاسية تجاهي الى للان اجهل اسبابها . ارتعشت اوصالي لمجرد رؤيتها وهيه تباوعلي بكل كره وحقد ،، اريد افوت حتى اتخلص من نظراتها وشكلها . بس هيه سبقتني واستوقفتني لزمتني من ايدي ووكفتني كالت تعالي انت شسوين هنا . كتلها نعم ؟ شسوي يعني؟ غير دوامي هنا ؟ كالت اتبعيني رحت وراها دخلت لغرفة المديرة تفاجئت!!! راحت كعدت ع الكرسي وخلت رجل على رجل ووجهت كلامها للمديرة :-- ست سعاد هذه المعلمة مطرودة ما اريد اشوفها هنا بعد المديرة انذهلت ظلت تباوعلي وتباوعلها وحجت كالت ليش ست سارة وردة ومامنها قصور ليش دتطرديها ؟ ما اريدها هنا وخلاص واذا شفتها هنا مرة ثانية احاسبج انت واقيلج انت وياهه مفهوم . كتلها لحظة لحظة ترة مميتة على مدرستج وشغلج اني اصلا من زمان اني اريد ابطل بس الاستاذ احمد هو يرجعني وهسه من صدك بعد ما ارجع طلعت من الغرفة ورحت لغرفة المعلمات اخذت جنطتي اريد اطلع فكرت شعليه بيها اني تولي خلي اخابر احمد اتمسكن كدامه شوية خلي اذلها الهالحقيرة اريد اشوفه شيسوي بلله . اخذت جنطتي وطلعت برة بالساحة خابرت على احمد هواي طوولت المخابرة يله جاوبني اجاني صوته ثكيل كلش وكوة يحجي كتله استاذ احمد اياني واياك بعد ترجعني ع المدرسة غصب كافي اهانات مليت ترة ولا تخليني اضطر اغير رقمي و حتى عنوان بيتي رجاءا اني تاركة الدوام وبعد لتلح عليه ارجع من رخصتك . كال لحظة لحظة شكو ؟ غير افهم شي ؟ شبيج من الصبح ؟ باوعت لساعتي ساعة ب١١ كتله ياصبح هذا دكول ظهر هسه كوليلي شبيج منو وياج ؟ اختك المصونة رنيم هسه طردتني وحذرت المديرة اذا شافتني بالمدرسة تطردني وتطردها وهسه اني اخذت اغراضي وراح اطلع وهاي بكيفها تخيط وتخربط انتظري لتطلعين فد ربع ساعة واجي انتظريني بغرفتي . اختك هناك روحي انتظريني هناك واني جاي كوليلها لتطلع هيه الخ خلي تنتظرني خلي احط حد لهاي المهزلة . سديته منه وتوجهت لغرفة احمد لكيت الغثيثة رنيم متربعة العرش مالتها عود هيه فد شي كاعدة ورة المكتب ومخلية سماعات باذنها ومندمجة شافتني وخرت تك سماعة وكالت خير وكلبت بعيونها مو طردناج بعد شكو خما جايه تتوسلين والله لو تتوسلين منا لباجر مالج مكان هنا . مشيت وصوت كعبي يرن بالعادة ما البس كعب بس اليوم رهمته ويه تنورتي الشبر ونص اجه بوكته ورحت كعدت ع الكرسي واباوعلها بنظرات مستفزة وخليت ايدي على صدري أأشر على روحي كتلها اني اتويل بيج شبيه مخبلة بس داانتظر احمد ويخليلج حد لان اني مميزة عنده مو بس اني اكولها لا الكل يكول هيج بشهادة الكل طبعا . تقربت ع الميز وهيه كاعدة كالت لايكون تردين تجرين احمد مثل ما جريتي عمر يا فاشلة هاي باحلامج ترة شوفي لا تخلطين الاوراق عمر استقتل لحتى قبلت بي وبعدها صار لعقله شي وتركني واني متأكدة راح يتندم على الي سواه اما الاستاذ احمد اخوج سالي بنفسج وكوليله ليش كلما تبطل ترجعها . اووو اللهم صبرج ياروح امشي اطلعي برة ما اطلع اله لمن يجي احمد واني راح ابقى مكابلة وجهج هذا اله لما يجي احمد روحي شوفيلج زبالة وكعدي بيها تروحين فدوة لوجهي همست زبالة ماغيرج صرخت اشو انت ماتحترمين ولج هاي المدرسة مالة بابا وانت مثل الخدامة بيها وتنتظرين نهاية الشهر حتى تستلمين كم فلس مثل الجلب من ينطو عظم عفية شنو هالالفاظ اووي عيب ماماتي انتي بمؤسسة تعليمية محترمة ارتقي شويه لخاطر محمد . ظلينه نتعارك مدري منين جبت هالقوة وصرت اراددها لمن دخل احمد يله سكتنا احنا الاثنين دخل لابس قميص نيلي وبنطرون اسود عيونه مقلصهن نعسانات وحمر وهنه خضر ورموشه كثيفة سودة صايرات مثل الوان العلم العراقي دكم قميصه مفتحات بارز صدره . دخل يفرك بوجهه وصوته ولسانه بعده ثكيل مدري شبي كال شكو شصاير كلتله شجابك انت مو البارحة اني نمت ب ٢ وانت بعدك مجاي للبيت صاح عليها اسكتي وباوعلي شكو سارة ؟ كتله اني مطرودة من المدرسة وعفية بعد لا ترجعني منو طردج بلله ؟ الست رنيم واشرت عليها اي اني طردتها عندك مانع رجع فرك بوجهه ومبين معصب كاللها وليش بلله وشسوت ؟ مشفتها هسه قبل شويه لسانها متر ويايه قبل لتطرديها لو بعد ؟ لا بعد هاي موحجة وسارة متنطرد وانت لتدخلين بهيج شغلات وبعد ماريد اشوفج هنا مفهوم يلله روحي للبيت لتخربين علينا شغل بيج خير كملي كليتج وداومي هالسنة . معليك بيه وهاي اذا متولي منا اكول لبابا عليك وعليها والله اخلي يطردك ويطردها مشى سريع وراح للمكتب سحبها من ع الكرسي يحجي معصب ولج ويامن هالحجي انتي منو جابج لهنا ؟ اني اجيت بسيارتي هسه تولين للبيت سحبت نفسها منه بقووة وصرخت بوجهه ماااروح رفع ايده يريد يضربها ركضت عليه لزمت ايده وهيه ميتة خوف منه وتباوعله مرعوبة . كتله احمد اني اروح خصم الحجي ودرئا للمشاكل حجيت واني لازمة ايده كال انت متروحين سارة هاي فارغة معدها شغل وعمل ضررها اكثر من فايدتها هنا . انسحبت من مكانها وتباوعلي وتخزر كالت لسه ما انتهت معركتنا كال الها احمد امشي امشي بعصبية وهيه طلعت وتخزر بيه جر حسرة يرفع بشعره ويفرك بوجهه باوعتله كتله اسفة شكلك تعبان وبقلبي كلت هذا شبي بس لا شارب معقولة يشرب؟ كال لا بس جنت سهران ويا اصدقائي وللفجر يله طلقو سراحي الملاعين وشويه مشبعان نوم اسفة كلش اسفة لا تعتذرين يحجي ويباوعلي استحيت من نظراته دنكت كال بما انو انتي الي كعدتيني امشي وياي اشرب كهوة حتى اصحصح كتله بصدمة وين ؟ كال شبيج نروح للمطعم ها اسفة والله ما اكدر خاف يشوفنا احد لج هو مكان عام شكو بيها دمشي ... رحت ويا مدري شجنت احس لو تدري تارة تطيح حظي ...... صعدت ويا بالسيارة شغل اغنية اجنبية هادئة انطربت وياهه وداني لمطعم راقي كلش هو طلب كهوة واني طلبت عصير ليمون لان ما احب الكهوة بعد اصر اله ينزل غدى كاعدين دا اكوله ماريد اريد ارجع للبيت وهو يكول لا اشو تغديني يلله ترحين . جان تجي وحدة كلتله هلاووو احمد تتنعوص وتحجي باوعتلها لابسه تنورة حمرة قصيرة وبوت اسود وبلوز اسود شعرها احمر طوووخ وبلونه مخليه حمرة كاللها هلاو تسنيم شلون مدنشوفك هالايام والله مشاغل اها الله يساعدك باوعتلي ودارت وجهه عليه كلتله خلينه نشوفك عود هز راسه وكال ان شاءالله يضحك خجلان ويباوعلي راحت تسنيم وهو كال خرب انه راح ننفضح كلساع راح تجي وحدة هسه كتله هذا ذوقك ؟ ضحك كال لا ولج ليروح بالج لبعيد هزيت راسي بعدم تصديق ،،، نزل الغدى تغدينا وبعدها وصلني للبيت ودعته ونزلت اتلفت خاف تارة تشوفني لوحلي بيده حرك سيارته وراح ،،، فتحت الباب وفتت جوة توه واصلة لنص الطرمة واريد افوت للبيت اندكت الباب رديت طلعت اشوف منو معقولة رجع احمد !! فتحت الباب وانصدم بعمر واكف كبالي ... يتبع | ||||||||
|
| |
|
08-01-20, 03:15 AM
| #17 | ||||||||
| مراقبة عامة ومشرفة منتدى الروايات المنقولة
| بين طهر وخطيئة بارت ١٧ بس شفته من صدك انصدمت ارتبكت كلش واحتاريت شسوي اريد اسد الباب بوجهه دفعه بقوة وفات صرخت اطلع بررررة سحلني من الباب لحد بصف البيت اكو شويه مجال بين البيت وبين سياج الفاصل ويه جيرانه هو دخلني بهذا المكان وصفطني ع الحايط ظليت ارفس بي اريد اضربه رجع دارني يريد يسيطر عليه وايده على حلكي ، دارني وصار ظهري على صدره وايده على بطني محوطها وايده الثانية ساد حلكي بيها حسيت انفاسه الحارة على شعري قرب حلكه من اذني وظل يهمس بفحيح مرعب وخفيض :-- انتي شدتسوين ولج عبالج عفتج تتصرفين بكيفج شعندج ويه احمد ولج ؟ هااا ظليت اسوي اممم واحاول اتملص منه وايدي على ايده اخرمشه اريد يوخر ايده من حلكي لان انكطع نفسي رجع همس بأذني اوخر منج بس متطلعين صوت ولا حتى نفس نحجي واروح .... وخر ايده مني بس بعده مثبتني ارافس ومايتركني كال ولج اول واخر تحذير الج ديري بالج اشوفج ويا احمد مرة ثانية.. شنو انت دتراقبني ؟؟ لا ممراقبج صدفة شفتج ويا بالمطعم ولج اعرف شنو يفكر لج هذا يريد يكسرني بيييج رجعت راسي بقووة ليورة ضربت حلكه تركني دفعته حيل من صدره رغم معاد لازمني كتله هو هذا الي يهمك ؟ المهم انت متنكسر وانيييي وانيييي وانييييي لك السويته بيه مو حرام روح روووح تزوج مرة اخوك وربي بنتها لزمني من زنودي حييل وسفطني ع الحايط وجهه كله بوجهي كال ولج اني كلبي محرووك على اخويه الي بعده مانشف وانت تحجين هذا الحجي منو كلج هاا منو علمج تحجين هيج ظليت احوس اريد افك روحي كتله محد علمني اني تعلمت وحدي محاجة احد يعلمني قرب وجهه همس باذني كال تزوجي اي واحد اله احمد حقير ونذل متوقعت هيج شون تورطت وياك اني سمعت صوت الاء جاي وصاحت منوو هنا تركني ودفعني كال روحي تصرفي وياهه خل اطلع اباوعله خازرته واعدل بشعري وملابسي جريت نفس واني دا اطلع جاوبتها ها الاء هاي اني هم سمعت صوت رحت شفت بزازين جاي يتعاركن بالاحرى عتوي خبيث وحقير ونذل وظالم وبزونه رقيقة وحلوة ومسكينة ومظلومة كالت هاي شنو فلم بزازين ؟ وصلت يمها كتلها اي كالت وشبيج عيونج حمر ووضعج مدري شونه اخذتها ومشيت بيها لازمتها من كتفها واباوع ليورة اشوف عمر يطل حركت شفايفي رووح كتلها ماكو شي بس انشلت وعيوني صارت حمر فتحت باب المطبخ وسويت ضجة بي وعمر طلع بسرعة .... بسرعة ركضت للغرفة ، طلعت التليفون ودزيتله صوت ع الوتساب حجيت بنبرة تهديد ووعيد اسمع عمر معليك بيه اني وانتَ صرنا ماضي وخلاااص ماريدك تتدخل بحياتي بعد اطب اطلع ويا احمد ويا غيره ميخصك افتهمت .. دزيتله الفويس وحضرته من كل البرامج شمرت الفون وكعدت ع الكاع خليت ايديه على راسي وعصرته قوي احس راح ينفجر .... وكلامه يتسرب لاذني واحسه بصمة وجاي اسمعها كل ساع ، خايف على روحه الافندي لاينكسر اهم شي ما اصير لاحمد هذا هو الي يهمه الحقير .... تمددت ع الارض وظليت ابجي بحركة الى ان غفيت وما ادري بنفسي وعيت على دفرات ببطني ورجليه وصوت تارة يعد ويصف .. ولج كلبة حقيرة شدتسوين ؟ طالعة وي هذا الكلب وذاك الكلب الاجرب الخ يتوعدلج مطية كومي ..... كمت مخروعة وايدي على بطني متوجعة باوعتلها وعيوني منعسة بعدها شفتها لازمة تليفوني كتلها شمدريج ؟ لايكون عمر كالج لو شفتي لطمت وجهي بقوة واباوعلها مصدومة .. كالت اجيت شفتج مصطورة هنا عساج تنسطرين بساطور مال لحم يثرمج ثرم ،، وضعج ماعجبني كلش شفت تليفونج مشمور يا حمارة اخذته من الارض وفتحته ورأسا طلع عندي الوتساب ورقم عمر تحديدا فتحت الفويس وسمعت كل شي ياغبية درت وجهي منها اداري فشلتي مدري شسوي هاي شون وكعت بيدها شيخلصني هسه شيفكني .... دفرتني برجلي وهيه واكفة كالت احجي تمططت وكمت زحفت للسرير وتلفلفت بالبطانية وانطيتها اذن الطرشة بس بداخلي عكس البرود الي بيه ميتة قهر اتمنى اكدر انتقم من عمر بس خايفة ادمر نفسي بانتقامي .... بالليل هواي اجتني مكالمات من احمد سويت جهازي صامت وظليت اتلفت خاف لتشوفه تارة انوب عدها استعداد تاخذ الفون وتجاوبه وترزله عفته يتصل وبعدها غلقته ... يوم ثاني داومت صار بوجهي احمد يضحك قابلته ببرود وحيرة اجه يمي واني توة طابه للمدرسة كال شلونج باوعتله ونصيت وجاوبته زينة الحمدلله ليش البارحة اتصل بيج ومتجاوبيني شنو السبب ؟ رفعت ايدي لشعري خليت خصلات طافرة ورة اذني كتله ها لا بس جنت تعبانة سويته صامت وعفته ونمت على وكت كال :-- ظل بالي يمج .. لا تدير بال ماكو شي امشي نطلع نتريك ونرجع اني ماتريكت كلت نتريك سوا وهم خابرتج بس انت ماجاوبتي جاوبته بحيرة لا اعذرني والله ما اكدر تريكت بالبيت ومالي نفس اكل بعد ما اكدر زين امشي بس نشرب كهوة ما احبها تدري بيه امم شبيج امس مابيج شي تسولفين وتحجين اليوم اتوسل بيج واكدي الكلام لحتى يطلع منج .. لا والله مو قصدي بس ما اريد الامور تتطور يا امور ؟ سكتت شفت نفسي بلا وعي استجيب لتهديدات عمر مو خوف لا وانما شي ثاني اقوة مني حسيته عصب واني مجاوبته كال كيفج بعصبية الظاهر تندمتي لان طلعتي وياي البارحة؟ باوعتله وتنهدت وبعدت نظراتي منه وطلع من المدرسة شخط سيارته وراح هزيت راسي بأسف وفتت جوة المدرسة احس مالي خلك لكل شي حتى للحصص خابرتني تارة جاوبتها خاف لا بابا بي شي كالت ها حمارة خو ماطلعتي تفرفرين ويا هذا الخبل كتلها والله مو بحالج اني هسه عندج شي مهم كولي ماعندج ولي يلله وسديته بوجهه وكعدت صفنت احمد بعد ما اجه واني الحيرة اخذت مني مأخذ وجزء كلش جبير دا احس حتى للطلاب ما انطيتهم درس زين عمر ... مرت ٤ اشهر على استشهاد اخويه سيف الله يرحمه ، امي بهاي الفترة تحسنت حالتها سوت علاج طبيعي ورجع حلكها لوضعه خلصت مريم العدة مالتها وصرت اشوفهه بالبيت عادي فتت للبيت هاي جيتي من الدوام صار ايام بالواجب تلكتني امي تمشي ظهرها محني ، بوستها من راسها كالت تعال اكعد يمي عندي حجي وياك رحت كعدت يمها بملابسي العسكرية ها يوم احجي شعندج كالت انت تدري هسه مريم خلصت عدتها فركت وجهي اعتقد فعهمت تفكيرها وشنو تريد تكول اي يوم كملي كملي خاف اظلمج ولك يمه فكر ببنت اخوك منو الها هسه احجي وضحي شنو تردين مني ؟ تزوج بنت خالتك يوم الله يخليك ليش تخليني اظلمها للبنية وانت تدرين كلبي بمنو متعلق ؟ ولك مو عفتها مو تركتها ما فكيت منها بعد جريت حسرة متندم يوم ولسه احبها ورايد ارجعها دخيلج لاتوكفين حجر عثرة بطريق حبنا ومرة اخوك وبنت اخوك ترضاهه تتربى عند الغريب يوم ياغريب هذا تبقى مريم هيه وبنتها هنانه مثل اختي هيه ليش تروح للغريب ؟ ولك اني مواتة مواتة موت اخوك ما خلالي حيل يومية اشوف روحي ميتة من بعده اريد امن مستقبل مريم وزينة واموت مرتاحة .. يوم الاعمار بيد الله شمدريج ما اتي هم اموت شونج بيها هاي ولك عمر ان جان الجلطة الجتني من مات اخوك ماموتتني تموتني انته بسوالفك .. ظليت افرك بوجهي وجريت تنهيدة .. وهيه حجت يمه مريم بعدها صغيرة وحلوة يجي يوم هم من حقها تتزوج تزوجها يمه فدوة اروح الك هم سكتت اجت زينة تزحف اخذتها وخليتها بحظني شميتها شم وبوستها امي كالت ها تريد هاي تعيش عند الغريب ترضاهه عمر ؟ لا يوم مراح يصير هيج بنتنا تبقى عدنا واذا مريم تريد تتزوج خليها تزوج بس زينة تبقى يمنا خليت زينه بحضن امي وكمت لك يمه عمر اكعد خلي اكمل كلامي يوم ترة تعبان دباعي عيوني دشوفيني بعدني بملابسي جريت ملابسي من يم صدري وتركتهن بعصبية عفتها وطبيت لغرفتي سبحت وبدلت تمددت واني افكر بكلام امي وبسارة وصدها اليه اخر مرة وشلون ارجعها اليه شون اخليها تثق بيه مرة ثانية وغير فراغ الي تركه سيف بحياتي خلاني اطلع الموبايل اتصفح صوره اخر شي توسدت الالم وغفيت . سارة .. كم مرت واحمد ماكو واني بعد ما شفت عمر اخر مرة ورغم قساوته ويايه حسيت بالحنين اله وارجع واتندم واعاتب نفسي واكول انساه بعدها طلعت للدوام وجان عدنا اجتماع واجه احمد جان ثكيل عليه وماصار بينا اي حجي مبين زعلان ضحكت عليه بداخلي عشتو يبيع ثكل خلصنا الاجتماع ودنطلع على حصصنا دا اطلع واسمعه صاح ست سااارة بنبرة اتهام التفتت عليه باوعتله كاعد ومخلي ايده جوة حنكه ظليت اتلفتت منا ومنا والمعلمين والمعلمات كلهم طلعو اشرت على نفسي اني ؟ اكو كم سارة غيرج ؟ قوست شفايفي بفهاوة بدون فهم كال بلله عديهن جريت نفس وغمضت عيوني اشرلي تعاي تعاي يمي رحت يمه ووكفت كال اكعدي شنو موكفينج قصاص لو تدرين بنفسج غلطانة جريت كرسي وكعدت واني اكعد تحسرت كتله بشنو بلا زحمة ؟ وخر خلى ايديه جوة حنكه وثبت ايدي ع الميز كال كولي شنو الي ماسويتي فتحتت عيوني باتساع وحلكي وكتله ها اني ؟ هز راسه كال اي نعم خليت ايدي على خصري بله شسويت ؟ اول شي زعلتيني وثاني شي مغلسة وماراضيتيني عدلت كعدتي كتله احمد ما اكدر اطلع وياك تقرب مني بالكرسي كال اخطبج ؟ انصدمت وانذهلت احتاريت شنو اجاوب بس ماكو غير الرفض على لساني كتله لالا مترهم ليش عود ؟ احمد اني جنت خطيبة ابن عمك مترهم وحتى اهلك مستحيل يقبلون مستحيل مممم معليج من اهلي اولا وثانيا انت مو على ذمته لابن عمي ويحقلج تتزوجين اي شخص حاجيته بنبرة سياسة احمد انت مو كتلي احنا اصدقاء ؟ كلت هالحجي لو مكلت ؟ جر نفس وابتعد عني ارتكه ع الكرسي وايده على شفته هز براسه وبعدين لامس اصابع ايده اليسرة باليمنه وخلاهم جوة حنكه كال اوكي اصدقاء ومد ايده الي يصافحني هزيت راسي برضى ومديت ايدي لايده وصافحته حسيته ضغط عليها بس تبادلنا النظرات جان يباوعلي بنظرات هيام ، سحب ايده وظل يفرك بيها وكال تفضلي على شغلج بنبرة حزن بقيت شويه اباوعله واعدل بشعري وبعدها ترخص ورحت بس افكر احس نفسي بدوامة واحمد تصرفاته غريبة كلش مجاي افهمها ابد حيخبلني ويوكف عقلي رجعت للبيت نمت شويه وكعدت تغديت اول ما اجي ما اشتهي اكل ، بقيت انظف واحضر للعشى تارة جتي من الكلية تغدت وارتاحت وتالي راحت لشغلها المغرب رجعت تارة وراحت لغرفتها واني ظليت اسوي بالعشى خلصت ورحت للغرفة اريح شفتها فارشة الفلوس ع السرير وتحسب بيهن رحت كعدت يمها واباوعلها وهيه ملتهية تحسب كتلها خوش والله صايرة احوال وارفع بحاجبي اله كالت اي مو هاي الي استهانيتو بيه شوفو انجازاتي الله يرزقج حياتي امممح بستها بالهوا وكمت على سرير باوعتلي كالت لا تتلوكين ما انطيج من فلوسي ايباه عاد هسه اني كلش راح ابجي لحتى تنطيني كعدت على السرير وخليت رجل على رجل واهز برجلي واباوع الها وهيه فرحانة وتحسب كالت هالشهر علاج بابا وادويته والطبيب كلها عليه حتى اجرة التكسي هم اي زين متفعل عندج زر الاحساس وصايرة كريمة تنهدت وتباوعلي بنظرات المعاجبها وكالت ياريت يتفعل عندج زر الكرامة كتلها انجبي بلله وكمت طلعت من الغرفة غثتني ظليت امشي وانفخ شفت بابا يم باب الحمام كوة يمشي حبيبي ويلزم بالحايط يله يمشي خطوة رحت لزمته بابا حبيبي ليش تطلع وحدك اخاف عليك توكع تنكسر اسم الله عليك جان صحت عليه اجيك كال يا بنتي مليت من المرض ومللتكم وياي لا بابا لتكول هيج فدوا احنا منو النا غيرك انت الخير والبركة وبعد لتروح للحمام وحدك صيح علينا عفية طلعت تارة كالت شكو شبي بابا كتلها رايح للحمام وحده صاحت لعد الاء وين عنه شنو شغلها خزرتها كتلها اششش الاء هم مشغولة ومثل متكولين الها كولي لنفسج انتي هم باوعتلها وخزرتها ودخلت بابا للغرفة كال هاي اختج بعدها ويا الاء هيج متصير الها جارة بابا ليظل بالك هيه تارة هيج بس ترة قلبها طيب وحنينة . تمدد كال اي ادري بيها تريد شي بابا اني رايحة لا بنتي اخذي راحتج من يصير الغدا اجيبه الك لهنا براحتج بنتي مو جوعان بس اريد اكعد يمكم احب لمتكم ان شاءالله حبيبي بابا ،،، غطيته وطلعت من يمه رحت للغرفة وكبل ليم تارة كتلها ولج شون تحجين على الاء كدام بابا ولج ابتلت خو ما ابتلت هيه شوفي هاي الاء حيه من وكع بابا ظلت تتمسكن الله يحبها وهداها انت لاتصيرين سيئة ولج حتى اهلها مجاي تظل يمهم تخاف على بابا شجاج انتي ؟ ماجاني شي يله ولي هزيت راسي ورحت حضرت العشى الاء جانت دتنظف الحمام البرة واني رحت جبت بابا يمنه للصالة كعدنا كلنا تعشينا .. يوم ثاني رحت للدوام شفت احمد كبالي اشرلي بغرور رحت يمه وخر النضارات ولمعت عيونه الزمردية بنظرة ذات معاني عديدة اولها الهيام تمنيت اكدر اميزها بين الهيام المصطنع والمزيف او الحقيقي بس مكدرت صعب عليه عيونه تحير ... كتله ها كال تعالي اشربي ويايه كهوة احمد ماكدر لج مو بمكان بعيد هنا بالمكتب كتله بانزعاج مو تدري بيه ما احبها كال اشش ماريد تذمر مفهووم ؟ شيكولج صديقج نفذي منا وجاي ششرب تشربين هزيت راسي و ضحكت ورحت وراه للمكتب صاح للعامل جاب كهوة بنبرة امر كال اشربي كتله اي والله راح اشرب سواء امرتني او لا ليش بلا عناد لو طريقة جديدة لا بس لان نعسانة منايمة زين البارحة ليش سهرانة جنت عكد حواجبه ويامن سهرانة ارتشفت شويه من الكهوة كتله ليروح بالك بعيد سهرانة على فلم رومانسي حلو لان حديقة و احس بالجفاف تقرب مني قلص عيونه تحسين بالجفاف واني موجود ؟ احممممممد عدلت كعدته دشاقه شبيج... شربت الكهوة غصب عني كتله اشو هاي الكهوة مابيها مفعول لساتني نعسانة تدرين ليش؟ ليش؟ لان الكهوة بس تلامس شفايفج تدخل بغيبوبة ويختفي مفعولهه ضحكت بصوت علي منين تجيب هالكلام شلوني ؟ ابيض هز راسه متصيرلج جارة ديلله مو شربتي الكهوة روحي على شغلج ولا تدوخيني يااا هو منو الي عزمني يله عزلنا روحي ضحكت ورحت وهو هم جان يحجي وكاتم ضحكه مرت الايام فعلا علاقتنا حلوة مثل مكال هو اصدقاء ماعرف اذا جان يريد يميل گلبي اله او لا بس ماتجاوز وياي ابد .... الى ان بيوم تواصل وياي عمر خلاني انجن فعلا كان يطلب مني ان نرجع سوا رفضت ورزلته وحظرته من رقمه الجديد بس مكتفى رجع لاساليبه القديمة يلاحكني يدز رسايل من حسابات مختلفة يحجيلي عن وضعه بظل غياب اخو والحاح امه المستمر وطلبها منه بان يتزوج مريم جان صوته من يسجل الفويس حزين وبي بحة خانكته العبرات اموت قهر على صوته متغطية بالبطانية وباذني السماعات واعيد سمع صوته وابجي ويا وعليه جان يتوسل ارجعيلي حب حياتي انتي ماكدر ارتبط بغيرج اول حب انتي واخر حب جنت اسمع وما ارد عليه بس اسمع دزلي فويس جاي تتلذين بعذابي اعرف اذيتج بس جنت معصب منج ومجنت واعي مو سهلة عليه اشوف جثة اخوية محروكة كدامي صح مو ذنبج بس اني بوقتها كلش تعبت شهر وهو يتوسل بيه خليته يعرف احساسي من جنت اتوسل بيه بعد وفاة اخو من جان يشوف رسائلي وميجاوبني جنت دا امشي بطريق المدرسة وكفت سيارته يمي ونزل هو صنمت بمكاني واباوعله بنظرات خوف عمر الله يخليك كافي مو نصيبك اني اجه يمي نظراته كلها حزن كسرت كلبي كال اصعدي نحجي وروحي عندي دوام الله يخليك ما اخليج تتأخرين والله بقيت واكفة لزم ايدي بهدوء وصعدني جنت مثل جثة هو يحركها هواي متحكم بيه ليش اني خاضعة اله ما ادري صعدت ويا ظل يسولف ويحجي عن كل شي لا اراديا حسيت نفسي راجعة الها اخذ وانطي ويا بالكلام اضحك ويا واخجل لغزله كال حبي بس تطلع سنوية اخوية نتزوج والايام الجاية نرجع لبعض بس هسه مو بكيفي بابا خاف ميقبل اني اجي للبيت واقنعه واعتذر منه وابوس راسه بعد الله كريم باس ايدي ورجعني للمدرسة من رجعت شفت احمد جان لابس نظاراته كال شيريد عمر منج ؟ احتاريت شنو اجاوبه كال خلص عرفت شنو يريد يريد يروح وكفت بطريقه كتله انت مو صديقي قبل هالفترة مو كتلي انطي فرصة كال اي صحيح زين سويتي الله يسعدكم مع بعض هو صار فترة يريد يرجعني اله واني رافضة انت تحبي سارة ومستحيل متكدرين مترجعين اله ما اعرف شنو اكولك لتكولين شي خلص الله يوفقكم اني وياج بهذا قرارج انطي فرصة... هزيت راسي وهو راح مشفته بعد عمر ... بقينه ايام اني وسارة نخطط لاحلامنا ووعدنا بعض ميفركنا شي هاذي المرة كتلها جاي ادور على بيت مناسب وكلفت صديقي عمود تغيين الها وراح ارجع اقنع امي حتى ارجعها الي ونعقد مرة ثانية وبيوم رجعت شفت خالي ومرته وابنه سلام تفاجئت وشفت مريم كاعدة يمهم و تبجي سلمت وكعدت يمهم خير شكو ؟ خالي كال هلا عمر جايين ناخذ مريم خير وين تاخذوها ؟ راح نعقدلهم هيه وسلام تفاجئت شنو شنو هالحجي باوعت لامي يووم شنو هالحجي ؟ كالت انت ماتقبل تعقد عليها واني اريد امن مستقبلها خاف الغريب ياخذها وسلام باعتبار اخو لسيف جان يحبه وقريب عليه وماكو احسن منه يحافظ على زينة بنتنا انت دتحجين صدك يوم ليش هيج دتسوين ؟ خالي كال مريم ما تبقى عدكم هيج بعد كافي ناخذهه يمنه وسلام يصير زوجها ومرته ماتعارض كتله هاي سنين هيه يمنه شتحجي خالو انته؟ مريم ماتطلع منا مو بكيفكم خالي :-- لا شنو عمر جنك ماتعرف الاصول بلله لاتطولها علينا اي بس سلام متزوج نط سلام كال الشرع حلل اربعه اي مو بس هذا الي تعرفه انته خالي يلله بويه مريم مشينه ؟ كتله اوكف خالو اوكف اذا هيج اني موافق اعقد عليها وخليها هنانه يمنه بس ما اريد جنس مخلوق يدري بهذا العقد .... | ||||||||
|
| |
|
08-01-20, 03:16 AM
| #18 | ||||||||
| مراقبة عامة ومشرفة منتدى الروايات المنقولة
| بين طهر وخطيئة بارت ١٨ عمر... من حجيت هيج امي كالت اي يوم بعد روحي انته ، خالي اندار على امي وظل يصيح _ مدام ابنج يريدها شكو جايبتنا مناك لهناك امي دنكت وسكتت كتله خالو من رخصتك لازم تعذر امي تعبانة من بعد المرحوم وسلام متزوج لاتظلم مرتخ خطية ومريم اني اعقد عليها بس شرط عندي يبقى العقد محد يعرف بي كال بعصبية وشنو محد يعرف بي احنا نريد الناس تعرف بي حتى لايصير حجي والعالم ماترحم احد اي اعرف اعرف بس لفترة محددة ليش بلللا هيج لغاية بنفسي امي كالتله هسه ميخالف المهم يعقد عليها يا ابو سلام عوفه كاللها والله هاي الدكة الناقصة السويتيها ماتنسي ام عمر ميخالف خال امسحها بيه شوكت تعقدون ؟ هسه خلي نتفق والله كريم كال خوش لعد يله سلام يله ام سلام امشو امشو اخذ عائلته ترخصو وراحو باوعت لامي دنكت وسكتت ومريم كاعدة يمها دموعها مانشفت كتلها يوم شستفاديتي هسه هيج تتصرفين من وراي اني اريد مصلحتها ومصلحة زينة وسلام خوش ولد تحسرت والتفتت لمريم كتلها كافي مريم لتبجين اني مراح اقصر وياج .. كالت ماريد اتزوج ماريد شنو اني طوبة واحد يشمرها ع الثاني كمت ورحت كعدت يمها كتلها لا منو كال هيج ؟ انت بنت خالتي وربيتي عدنا والاكثر من هذا ام لبنت الغالي الله يرحمه اخليج على راسي والله .. كالت بس انت تحب سارة وتريد ترجعها وتريد تزوجني بالظل ومتريد احد يعرف ؟ هزت راسها برفض وكامت .. باوعت لامي لطمت على رجلها وكالت هسه لو الله ماخذ سارة بدل سيف ومريحني .. لزمت ايد امي واحس نار اشتعلت بيه يوم شهالحجي هذا ؟ هذي ارادة ربج سبحانه وتعالى لا اعتراض على امره سيف الله يحبه وعجل بأخذه يمه وسارة ممسويتلج شي اني الي رغبة بيها وانتي تكرهيهه بدون سبب ترة . ماتفيدك ومن اكلك ماتفيدك يعني ماتفيدك وانت كله الصوج منك كتلك تزوج مريم من البداية اخذها سيف مايريدها وانت الجبير رفضت شوف شون دارت الدنيا وهسه غصب عنك راح تتزوج مريم لو متزوجها من الاول مجان مات سيف مجان مات وظلت تضرب على رجلها بقووة وانهارت كلش وظلت تبجي وتنحب اخذتها وحضنتها على صدري وابوس براسها شسويلها هسه يربي والله احتاريت ظليت اهدي بيها كتلها خل تولي سارة تروحلج فدوة وهسه رايح اجيب شيخ واعقد على مريم واخلي المادرى يدري بس كلشي ولا زعلج ... ظلت تمسح بدموعها كالت والله اختاريت وياك جبت ابن خالتها يتزوجها ماقبلت وهم كوة عليك تريد تتزوجها لا تحيرني وياك عمر .... يووم الله يخليج مو رايد رضاج اني هسه شدا احجي يله روح جيب الشيخ وخلي مريم تحضر نفسها .. تنهدت وكمت صار على امرج وتدللين .. كمت وصعدت فوك دكيت الباب على مريم وصحتلها مريم تعالي فتحت الباب وبيدها زينة باوعتلي ودنكت كالت نعم عمر كتلها حضري نفسج رايح اجيب الشيخ والشهود واجي حتى نعقد اي بس اني ما اريد خلص كتلج راح نعقد وانسي سارة وعليج ببنتج وبس كلام زايد ما اريد اروح واجي الكيج محضرة نفسج . مريم .. حرام عليكم واحد يشمرني ع الثاني تعبت مليت وكرهت هاي العيشة وبعد حتى مناسيته السيف كلشي يخصه كبال عيوني ارحموني ما اريد تقرب مني ولزمني من ايدي ويباوع بوجهي ويحجي اسمعي مريم اسمعي ترة زواجنا راح يصير حبر على ورق وبس وارضاءا لامي وللمجتمع الزبالة هذا انتي راح تبقين هنا واني جوة وكلمن بغرفة ماراح اطلب منج اي شي ولا راح اقيدج عيشي حياتج طبيعي وخرت ايدي منه وفتت جوة خليت زينه بكاروكهه هو اجه ودخل كال مريم حضري نفسج كتلج التفتت عليه كتله يعني شنو احضر ؟ البسلك الفستان الابيض لو اشغل الموسيقى وانت دتكول زواج حبر على ورق هز راسه وكال ما ادري خلال ساعة اجيبهم واجي بس اروح ابلغ عمي واجي طلع من الغرفة واني رحت اخذت صورة سيف وابجي واشكيله من بعدك صار يلعبون بيه مثل الطوبة شلون ويايه سيف شكد حبيتك شكد تعلقت بيك بالايام الاخيرة بس مجنت متوقعه تعوفني وتروح بهالسرعة زين اني شون راح اتقبل عمر واعتبره الي زوج ؟ وهو اخوك شكد قاسي مجتمعنا حيل قاسي ..... لبست صايه ولفيت شال على راسي وكعدت انتظر عمر يجي لحتى اوقع على ورقة اعدامي مو زواجي زواج هم اختارو الي مو اني واني اعرف كلش زين متعلق بسارة ويحبها بجنون واني راح افوت على حياتها وما اعرف شنو مصير الحب الي بينهم ساعة واندكت عليه الباب صحت تفضل انفتحت وشفته عمر عرفت نظراته حزينة لا هو راغب بيه ولا اني بس شنسوي حكم القدر اجه وكعد يمي بدون ميباوع عليه كال هسه انت ليش ضايجة ؟ اندرت عليه كلي وانت ليش ضايج ؟ سؤال وجيه صحيح ؟ اثنينا مارايدين هذا الزواج شكو دنتزوج ؟ متكولي ؟ متحجي ؟ كام مد ايده لايدي ولزمها كومني من مكاني ع السرير كال كومي نسد حلوكهم بهذا الزواج ويصير خير . اخذت ايده مني شنو من خير يصير ؟ اذا اني مرايدتك وانت مرايدني وين العيب بانو نبقى ابيت واحد مثل الاخوان تنهد كال يله جبت الشيخ الي راح يعقد النا والشهود خالي وعمي ومحمد رجل اختي ودينتظرون جوه عيب منهم كلمن عنده شغل ويريد يروح مشى قبلي واني اخذت زينه من كاروكها وتبعته شفت خالتي جوة كاعدة رحت انطيتها زينة وتبعت عمر للاستقبال وعقد النا الشيخ وصرت زوجته شرعا . سارة خابرني عمر بالليل صوته مخنوك سألته شبيك حبيبي ؟ لتسأليني دخيل ربج مخنوك واريدج بس تسولفين عنج اريد اسمع صوتج املي اذني منه ليش تكول هيج شصاير وياك ؟ مشاكل بالبيت وبالشغل اوووو متنعد لتذكريني خوش لعد مدام تريد تسمع صوتي اني جوعانة حجي خلي احجيلك احجي يله اني اريدج تحجين اريد اكولك شصار بيه من عفتني اي اول ايام جنت حاسة بالذنب انو اني فعلا اذيتك وعذبتك ويمكن صح الي سويته اني غلط الي بعدها الايام الي اجت جنت منتظرتك ترجعلي اشتاقيتلك حنيت الك كلش هواااي بكل لحظة اكول الي بعدها يرجعلي الايام الي وراها بلشت اكرهك حيييل لان خذلتني وخذلت حبنا وقسيت وياي فعلا كنت حاقدة عليك بس من رجعتلي هلمرة عرفت حبنا شكد حلو وشكد كبير عرفت اني احبك ونسيت كرهي وحقدي وبس تذكرت حبك وحبك كال اووووووووووف كلش طويلة ووياهه جر حسرة كال سامحيني لو ابقى العمر كله اعتذر منج ما اوفيلج اني فعلا قصرت واذيتج الايام الجاية احلى وان شاءالله تعوضني صح؟ كال اي صح اكيد بس مكتيلي شخبار احمد وياج بالمدرسة ؟ والله وردة صاير خو ممأذيج مضايقج شي لا لا والله بالعكس حباب تمام شريد اني غير انو يكون حباب بس هو فعلا تغير اخر فترة وبعد وفاة سيف تغير ١٨٠ درجة وياريت يبقى هيج لا اطمأن اني هم حسيته تغير هواي هسه مكتلي شوكت ترجعني الك رسمي هم تحسر كتله اشو هواي تجر حسرات الليلة وضحكت اي شسوي مهموم مشاكل ويا امي بعدها تلح عليك تتزوج مريم ؟ اي بعدها ودخلت خالي بالموضوع اووو موضوع شائك لتدوخين نفسج بي يعني مجاي استوعب والله بنية انت ممتقبلها شلون يجبروك عليها وهيه بالاصل جانت زوجة اخوك و كافي سارة لعبانة روحي من هالموضوع سدي رحمه لوالديج اوكي حبيبي اسفة نرجع لاحمد ترة ماريدج تتقربين عليه انت بحالج وهو بحاله اي والله اصلا حتى خطبني ورفضت خطبج ؟؟؟؟ عزا فلت لساني شون مصيبة ساارة من باجر تبطلين من المدرسة لاعيني ابطل شنو لتحاول عمر هو خطبني واني رفضت اصلا مجاي اكدر اشوف غيرك كدامي وهذا الموضوع احنا منتهين منه من قبل كتلك ما ابطل وانتي ليش عصبتي مبين عاجبج الوضع مو ؟ اي طبعا مطاعم وغدى شون ميعجبج عمر احترم نفسك احسن هو مديري وجنت ويا بمكان عام مو بالختلة ولو ادري بي يتصرف تصرف موحلو او يتجاوز ما اطلع ويا اني صوجي مخابرج تخففين عليه همي لا والله زيدتي همي ضعف اضعافه يله ولي سده بوجهي ظليت اضحك على عصبيته اهم شي فرغها بيه شون يتحجج بأحمد .... انفتحت الباب ودخلت تارة بسرعة حذفت المكالمة وظليت ارجف ياربي مدري شبيه اخاف منها كلش لا مو اخاف منها وانما اضوج تظل تحجي وتحسسني اني بلا كرامة واني مالي خلك اسمع هذا الكلام منها كالت شبيج وشنو دتسوين كتلها معليج مشت واجت يمي تريد تاخذ الفون مني بسرعة دست دكمة القفل اخذته مني وظلت تحاول تفتحه بالباسوورد كالت اشو مايفتح ولج ؟ طكيتها ضحكة وعلى اثرها تمددت على السرير كتلها غيرت الباسوورد قابل اخليج هيج مسيطرة عليه ونهار كله تنبشين بتليفوني كافي عندي خصوصياتي سفطته ع الميز بعصبية وكالت ياخبر بفلوس باجر ابلاش وراحت تمشي لسريرها وهيه تباوعلي مخنزرة يوم ثاني طلعت للدوام دا اتمشي بالفرع والهوا البارد يطخ بيه شكد احب البرد لفيت روحي زين بالكون وايدي بجيوبي وامشي واستنشق الهوا حسيت سيارة تمشي بطيء ورايه التفتت وشفتها سيارة عمر ضحكت واستمريت امشي اجه يمي بللسيارة اني امشي وهو يمشي على كيفه فتح الجامة وظل يباوعلي كال صباح الخير ضحكت صباح النور شجابك جيت الج زعلتج البارحة واني ما اكدر على زعلج عادي تعودت شسويلك اصعدي نسولف لا انت معاقب ممنوع اصعد وياك البارحة حيل تجاوزت لازم تتعلم متتجاوز وتعرف شنو اني غير احبج واغار عليج دا اموت لان تداومين ويا احمد بنفس المدرسة مدا اكدر انسى انو في يوم من الايام جان مخلي عينه عليج عود من اصير مرتك ابطل هسه لا يللله باااي راح اوصل للمدرسة وصلت لراس الشارع وعمر تعدى بسيارته صار احمد كبالي ظل يباوعلي ويباوع لسيارة عمر رحت لاحمد بمرح كتله صباحو كال صباح الخير بس بنبرة تكبر وزعل دخل جوا دخلت وراه رحت للعاملة كتلها اكو كهوة ؟ كالت اي صبيت واخذت الي كوب ولاحمد ورحت لغرفة المكتب مالته دخلت صباح الخير صديقي جبتلك كهوة فتت وخليتها ع الميز كال مو هسه صبحتي عليه برا شنو شبع هو ؟ ممممم كهوة ما اريد ظليت ما احبها ظليت واكفة وهو كاعد كتله يعني من ظليت احبها انته كرهتها ؟ افتر بالكرسي سوا نفسه مشغول كتله شبيك سارة انتبهي على نفسج واخذي حذر اريد مصلحتج اني مو عن شي كعدت ع الكرسي شكو احمد شصاير ؟ اذا عن رجوعي لعمر ترة اني اخذت بنصيحتك باعتبارك نصحتني كصديق وشفت كلامك صح هسه شنو الي تغير اخذ الكهوة وشربها كال شوكت اضوك طعم الكهوة الي تسويها انتي ؟ كتله اتعلملها عود وثاني شي لا تتهرب جاوب شكو؟ ما اكدر اكولج الايام اكيد هيه الي راح تثبت الج اني خليني بعيد شنو مجرد تخمينات ؟ اممم تكدرين تكولين هيج الله يهني سعيد بسعيدة منو ذوول ؟ فد ناس اعرفهم ؟ عز المعرفة بس شغلي عقلج وديري بالج على نفسج سارة انت كلش تهميني شنو تردين تعتبريني اعتبري بس ديري بالج على نفسج ولا تتسرعين بأي شي تمام ويله على شغلج خل اشرب الكهوة ع الاقل واروح اخذت رشفة من الكوب بعدني ممنزلته للميز اخذه مني كال ماتفيدج الكهوة بس تلامس شفافج تخرب خليها اليه ضحكت واباوع لعيونه شون تلمع بلمعة غريبة هزيت راسي وكتله ماشي وطلعت وافكر بكلامه شنو يقصد الله يهني سعيد بسعيدة يقصدني اني وعمر ؟ اي اكيد اني ويا عمر .. مريم .. سويت العشى وكملته ومديته ع السفرة بالمطبخ رحت اريد اكول لعمر حتى يجي ياكل رحت يم باب غرفته واسمعه يحجي وي سارة عصبت حيل ليش هيج يستخف بيه مو كال انسى سارة ليش مايحترمني صار ايام واني اسمعه يسولف وياهه .. .. ماعرف شصارلي وفتحت الباب مال غرفته بقوة وعصبية شفته متمدد ع السرير بس فتحت الباب وشافني كال الها بعدين نكمل كام يباوعلي خير وشكو وشبيج ؟ تقدمت اله كتله انت مو كتلي انسى سارة اشو ليل نهار تحجي وياهه ؟ عجيب وانت شعليج ليش مكيفة الهالدرجة ترة زواجنا حبر على ورق وبس ها حبر ع ورق اني اريد احترام وغصب عنك تحترمني والا طلكني وخابرها على راحتك صوتج مايعلى عليه مفهووم لاتخليني اتصرف وياج بغير تصرف وشسوي بلله ؟ اشو انت متغيرة وين ذيج مريم صوتها الي مينسمع صار لعقلج شي ؟ انتو دمرتوني شون ماتريدني اتغير ويصير لعقلي شي كافي لاتصيحين دخلت خالة شكو شبيكم هاا ليش صوتكم طالع هاي بعدكم يا الله بسم الله وعركتكم وين واصلة لعد خالة متشوفي يخ عمر بصياح اشش اسكتي ولا حجاية امشي اطلعي برة لا ما اطلع وليش لحتى خلي خالة تعرف كل شي اذا حجيتي اكصه للسانج كص سمعتي ؟ مخايفة منك خالة ترة عمر ديحجي وي سارة وماتركها خالة :- عمرررر احنا شنو حجينا يول .؟ مو كلت تتركها عمر بصياح وعصبية امشي اطلعي برة ما اشوفج هنا بغرفتي بعد وسارة غصبا ما عليج احجي وياهه مو بكيفكم تمشوني على مزاجكم اترككلكم البيت واطلع والله مريم اي اترك البيت واطلع بس قبلها طلكنييي اجه يمي يدفع بيه حيل وخازرني واني ولا خايفة منه ابد كال حلم بليس بالجنة يلله ولي من كدامي مسوية نفسها تغار تصرفاتج هاي تنعدل لا اطيح حظج طالعة عينج فد نوب تخصرت وجاوبته لا والله وعليمن اغار بس اريد احترام وانت رجال التزم بكلمتك الي حجيتها ليش تتغافل عنها انطيت كلمة نفذها كلت متحجي وياهه لتحجي بعد استغفر الله يا الله اشووو اطلعي اطلعي طلعني وسد الباب وراي واسمعه يدردم ويحجي وي خالة ما ادري ليش طلعت فرحانة احس انتصرت عليه اني مظلومة ويتيمة وارملة وبنتي هم يتيمة واذا بقى الحال على ما هو عليه راح اتعب واتعذب اكثر ، سارة كدامها الحياة بكبرها تتزوج وتعيش سعيدة بس اني شلون اذا عمر تزوج سارة راح اعيش مآسات حقيقية وعذاب وهو هسه زوجي بالحلال وماكو شي يربطه بسارة بس مجرد مشاعر تتغير ويه الوقت اذن لازم اتصرف وااسحبه الي مناقصني شي شويه اهتم بنفسي واشغل كيد النساء المتعطل عندي . كعدت بالمطبخ اخطط واباوع للاكل كله مقليات كبة وبيتنجان وفنكر رحت للممر بي مراية واسمعهم يحجون هو وخالتي مهتميت الهم وباوعت لانعكاسي بالمرايه ضيقت الدشداشة عليه طالعلي كرش من الولادة خلي اهتم بنفسي طز بالحزن وبكلشي الحي ابقى من الميت من اليوم اترك العشى اكل تفاحة بس او زلاطة واهتم بنفسي .. انفتحت باب الغرفة واني واكفة ع المراية اباوع لروحي التفتت انعكست صورته ع المراية شفته واكف واني جاي احرك بشعري التفتت عليه خزرني درت وجهي ببرود ولا هتميت اله طبك الباب حييل غميت باب الغرفة تبعت خالتي ورحت وراها للمطبخ كعدنا ع السفرة اثنينا دنكت وكلبي يرجف خجلانه منها شون عليت صوتي على عمر كدامها ظلت هيه تباوعلي واني اباوع بعيونها شويه شويه ابتسمنا وجان انطكها ضحكة سويه ووحدة خلت ايدها على حلكها تكتم الشهقات العالية والضحكات كالت والله ولا دا اعرفج مريمو صايرة لسان متنكدرين هزيت راسي الها والله اعجبج خالة كالت ولج اي اريدج هيج الرجال ميجي اله بالعين الحمرة كتلها ميملي عينهم غير الرمل كالت انجبي اسم الله علي كتلها هو مثل يا خالة وبعدين ماشفتي شسوا بيه ؟ يجي يجي للطريق يجي بس انت بحبحيها كافي لطم وبجي بوجه الله عدلي روحج اهتمي بنفسج ترغيب شويه وترهيب ويجيج يزحف زحف كتلها ولا يهمج خالة الله المن انطانه كيد نستعمله منا وجاي اذا ما اخلي هالاسبوع يعقد عليه محكمة ما اطلع اني هو مدام جبرني اتزوجه خلي يتحمل عواقبها . شربت بس مي وتفاحة وخالة هم عدهه سكر وضغط مأكلت كمت شلت السفرة وخليتها بالثلاجة نضفت المطبخ ورحت سبحت واخذت زينة نومتها فوك فتحت شعري واخذت خاولي نشفته بي ممشطته ونزلت جوا اطفي الاضوية خاف خالة نامت وعود من ارجع امشط رحت للمطبخ دا اطفي الضوة مالته حسيت احد ورايه عرفته عمر التفتت بسرعة خلى ايدى على ركبتي خنكني اخذني من نص المطبخ حصرني ع الحايط حسيت اختنكت ووجهي احتقن كال ولج شون تعلين صوتج عليه كدام امي نسيتي نفسج انتي لووو شنوو خليت ايدي على ايدي اريده يوخر حموت من قبضته مكدرت كال والله لو ما اخاف على امي جان شوفتج شي عمرج مشايفته اسمعي ولج اسمعين منا تطلعين منا افتهمتي لو لا ؟ اخابر سارة اطلع وياهه اتزوجها انت معليج لاتحطين نفسج زواجنا حبر على ورق مية مرة اكولها تركني واني ظليت اكح متتت منه اذاني حيل وكعت ع الكاع وهو ديطلع من المطبخ همست حقيييير التفتت عليه كال شكلتي وعيونه مخنزرة تموت خوف لازمة ركبتي واهز راسي وهو اجه اقترب مني ويكرر سؤاله احجي شكلتي كنبص يمي كال شنو كلتي اريد ابتعد عنه وازحف ليورة واني كاعدة لزمني من زندي وسحبني اله لزمني من شعري قوي وقربني اله كال تحجين لا شووون ؟ باوعتله بنظرات قويه كلش وابتسامة خبيثة على وجهي كتله انته حقيررررر وشددت ع الاحرف ظل لازم شعري قوووي ويهز براسي جنت اتألم بس مردت ابين اله ظل يباوع بوجهي ، صدري جان نصه طالع لان الكلبية الي لابستها دلع وبيها فتحه من جوة ومخصرة ع الجسم ولونها نيلي بارزة جسمي كله ظل يوزع نظراته على صدري وجسمي كله عضيت شفتي حسيته رخه قبضته من على شعري اريد استفزه اكثر حسيته ذاب بجمالي اول مرة يشوفني هيج نظراته صارت تفترسني وهو يوزعها على كل جسمي واني شبه ابتسامة على وجهي وارفع اله تك حاجبي بنظرات كلها تحدي كتله هه واضح انك مو رجال ولا عندك ذرة رجولة لا كادر تلتزم بكلمة تكولها ولا كادر هه وخر ايده من شعري وحوط بيها خصري ورفعني من الارض صار جسمي كله ملاصق لجسمه كال اني اعرف شنو تردين حتى سدين حلكج تعالي ويايه اخذني لغرفته وطببني بيها وسد الباب ... سد الباب ورا ما طببني للغرفة ، هنا حسيت الخجل تملكني فجأة هو ظل واكف واني منطيته ظهر التفتت عليه باوعلي نظرة مخدرة نزع التيشيرت مالته فتحت عيوني على اتساعها ورحت اركض صوب الباب اريد اطلع لزمني من ايدي ورجعني لنص الغرفة ظل لازم ايدي قوي قرب وجهه من اذني وصار يهمس موهذا التردي ظليت اشرله بصبعي السبابة برفض واكوله لا لا ضحك باستهزاء ونظراته كلها رغبة مد ايده لخصري طوقني واخذني للسرير مددني وصار فوكايه غمضت عيوني حييل واني احس بشفايفه الحارة على بشرتي وهو يطبع بوساته حسيت بقشعريرة ورغبة برفض الي ديصير تذكرت سيف احس رخصت نفسي اكثر من اللازم اريد اكوم اخلي ايدي ع صدره ادفع بي يخزرني وميخليني مثبتني قوي فتحت حلكي اريد احلفه بداعة سيف يتركني كتم نفسي بشفافه ومنعني من النطق .. ........ بعدها كام بدون مايحجي كلمة وحدة وطلع من الغرفة واني كمت اعصر بجسمي احس عظامي مكسرة جان عنيف كلش احسه دينتقم مني كمت اخذت بقايا ملابسي الي شككهه على جسمي اخذتها وصعدت فوك امشي ع الدرج وافكر بزينة اتوقع هسه كعدت وميتة بجي صعدت فتحت باب الغرفة عليها بهدوء وطليت عليها الحمدلله نايمة بكاروكهه ذبيت الملابس الي بيدي واخذت ملابس غيرها وطبيت للحمام اسبح واني اتأمل الاثار على بشرتي رقبتي وصدري طلعت وذبيت روحي ع السرير اريد انام مكدرت اغفى افكر بكل الي صار الليلة ونظرات عمر احسها بعده يتفحصني بيها توه اريد اغفي كعدت زينة كمت الها غيرت حفاظها ورضعتها ورجعتها على نومتها وهم حاولت انام مكدرت .. للفجر نزلت جوة شفت عمر طلع من غرفته ومبدل ملابسه يمكن يريد يلتحق اليوم رحت عليه كتله تريد ريوك اسويلك ؟ كال لا تمثلين عليه دور الزوجة المثالية بالله ماريد منج شي تخصرت ليش بالله تحسر وراح يم الباب واني رحت وراه دنك يربط قيطان بسطاله والجكارة بحلكه خلص ورفع راسه طلع الجكارة بين اصابعه ونفث الدخان وظل يباوعلي كال والله طالعة عينج لج والله اطببها الج واربيج من جديد مريم لاتندكين بيه ترة اني زوجتك ومن حقي تعقد عليه عقد محكمة بلله صار طفل هسه شمر الجكارة وداس عليها كال مريم لاتخبليني اخذي احتياطاتج وفضيها وكت طفل بهالزلك ؟ بعد يا احتياطات هاي الي اخذهه ؟ صار الي صار وثبت عيد عيد منو هذا ؟ ابنا ههههههه دوخري عني اخذ سترته وسلاحه من شال سلاحه من ع الكرسي متت خوف من عصبيته وخزرته احس راح يصوبه عليه دخلت جوة وسديت الباب وهو راح عمر ... رجعت من الواجب باجازة للبيت صارت كدامي مريم حليانه كلش انثى بمعنى الكلمة فركت وجهي وتحسرت هيه ابتسمت كالت الله يساعدك اشرتلها براسي عبست وجهه فتت سلمت على امي وبوستها دخلت غسلت وطلعت شفتها بغرفتي كالت تريد اصبلك غدى ؟ هزيت راسي واحس راح افقد اني رجال والي متطلباتي ومو صغير عمري ٣٦ سنة شون خو ما اكضيها بالحرام وهاي كلساع صايرة كدامي وداخون سارة مجاي اكدر اسيطر على حالي لازم نتزوج وباسرع وقت .. جريت مريم من ايدها كتلها تعاي تحاول تتملص مني وتكول وين ماخذني عمر وخر ايدك عني دتأذيني مجنت اصغي الها اخذتها لعند امي وتركتها كتلها اسمعي مريم راح احجي ويا امي حلكج ماتفتحيه واذا صار وفتحتي اطلكج واخذ زينة منج واشمرج ببيت خالي والله ظلو اثنينهم مصدومين هيه وامي رحت كعدت يم امي وهيه بقت واكفة كتلها يوم اريد اخطب سارة رفعت ايديها وظلت تصيح هاي الكتبها عليها والله اموت اذا تسويها يمه شسالفة ترة مو الهالدرجة وبعدين الشرع حلل اربعة هاي مريم اخليها بعيوني وماقصر عنها وعد عليه وذيج بيت وحدها ليلة هنا وليلة هناك كل المطلوب منج هسه ترحين وياي نخطبها من ابوها ولك تريد تخبلني عمر مو تزوجتها لبنت خالتج بعد شنو بعدها هاي الحية المسمومة تركض وراك شنو ماتمل ماتكول تزوج افك منه ياخة عاد شون عالم متستحي وممتربية يوم على كيفج شلقصة ترة سارة متدري اني تزوجت لا تهميها باخلاقها ولو تدري ثانية ماتبقى ويايه اني متأكد مريم وشون راح تتزوجها وهيه متدري بيك متزوجني مراح تخدعها هيج ؟ كتلج لتحجين بس ميخالف هم راح ارد عليج شوفي الي يحب يسامح حبيبه اني انجبرت بيج ماكول غيرها بس احبها لسارة ياعالم يا ناس احبها افهموها عاد توجهت لامي يوم دخيلج غيرج رأييج سويها لله واليه اخطبيها الي وابعدها عنج والله متشوفيها ابد اسكت عمر اسكت هالمرة حجيتها مرة ثانية اتبرى منك والله واطلعك من البيت وبعد اخليك تطلك مريم واخلي واحد من ولد خوالها يتزوجها واجيبه هنا واكعده بهالبيت لاتكول ماكالت كمت على رجليه معصب وظليت اصيح فقدت يمه شنو هالحجي هذا شنو انه طرطور صدك جذب منج شنو تطلكيهه وتزوجيهه لعد جوز من سارة وفكنا مانريدها مو تزوجت بيك زود اهتم بمرتك عايفها نهار كله عفتها تدردم ورحت للغرفة قفلت الباب عليه ونمت لليل من كعدت بقيت اتقلب بفراشي واني ارسم واخطط للبعيد واجتني فكرة وخابرت سارة اكوللها عليها ... سارة ... بقينا ع تواصل اني وعمر كال راح التحق بس ارجع نتفق على فد موضوع اني مرتاحيت حسيت انه بالموضوع بقيت انتظره على نار امتحنا امتحانات نصف السنة وكعدنا بالبيت وهو اجه باجازة خابرني جاوبته كال تكدرين تطلعين لازم نحجي ضروري عمر وين اطلع يعني ؟ ما اكدر اعتذر تريد جيب اهلك وتعال اخطبني من جديد ترة تعبت والله وهاي اخر مرة اكولك تعال اخطبني لا تتوقع بعد اكولها الك مرة ثانية واول عريس يدك بابي اوافقله اول عريس يدك بابج لو اول ما احمد يطلبج مرة ثانيه توافقيله اسكت عمر شنو هالحجي مستحيل اقبل احمد مدامه ابن عمك اني مو من هذا النوع الي يتحايل ويغدر اطمأن لو جنت رايدة اقبل بي جان قبلت من اول ما خطبني وجان قلبي ملجوم منك بذيج الفترة . وصلتني حسرته كال اني ضايج مدري شجاني اخربط بالحجي اعذريني حبيبتي كتله اي وشنو الموضوع احجي هنا بالتليفون اسمعك كال ما اكدر اجيب امي رافضة موضوع ارتباطنا ما اكدر اجبرهه خلص لتجي مو اله اخذ وقتك مورانه شي ننتظر بين متوافق لا اني مفكر بفد خطة نتزوج ونخليها امام الامر الواقع اني حاليا حزين ع اخوية يعني مراح اكدر اسوي عرس كبيرر وهوسة ومن هالحجي بس حفلة بسيطة بيننا اجيب عمي واصدقائي ونجي ناخذج وبعدها نروح شهر عسل للشمال اني ميهمني هالشكليات بس الي يهمني امك ؟ راح تعرف بالموضوع لو لا .؟ اي تعرف بس مو هسه بعد زواجنا بمدة قليلة ليش دتسوي هيج ؟ ليش متكوللها راح اتزوج سارة من شنو خايف لان امي تعبانة وصحتها على كدهه ومو كلش تمام اذا كتلها راح تتخربط وتتأذى وبعدها مراح تتأذى مراح تتخربط ؟ اعرف شلون امهد الها الموضوع خليها يمي ووين راح نعيش ؟ لتخافين بعيد عنها تماما نأجر هسى وبعدين نشتري ملك اوكي عمر مرادلها طلعة هاي جان من الاول حجيت الي الموضوع بالتليفون هسه عوفينا شنو جوابج ؟ بس انطيني وقت افكر بي واكولك جوابي استعجلي فدوة لقلبج ما اطيق صبر بعد .. اي تمام .... سديته منه وبقيت الوب وافكر اني احبه واريد القرب منه شسوي هسى طبت تارة ظليت اباوعلها واتلفت هي ظلت تقلص عينها وتباوعلي بشك وتتساءل شكو وتهز راسها ركضت عليها حضنتها ولج تارة مالي غيرج والله ساعديني محتارة لفت ايديها عليه وحضنتني وبعدها وخرتني وظلت تباوع بوجهي كالت شكو ولج احجيلي خير مسويه مصيبة واكعة بمصيبة مسودة وجهنا مصخمتنا احجي والله ماسويلج شي بس اكسر راسج وخرتها مني كتلها لا والله خوش اطمنت الج وراح احجيلج دوخري عني اريد اكوم من السرير سحبتني من ملابسي كالت تعاي تعاي عود اتساهل وياج تصنعت البجي بنحيب كتلها لعد ما احجيلج ما احجيلج لزمت الدبدوب اليمها ورفعته بالهوا كالت ماتحجيت فقعتي مرارتي خلص خلص بلا تهديد راح احجي اكولج بس لا تكتليني هسه راح اسويها صدك واكتلج ولج احجي عمر شبي .... يريدني اتزوجه بس بدون موافقة امه وعلمها شنو يعني زواج بالسر ؟ لا لا يجيب عمه يخطبني ونتزوج بالشمال رأسا بلا عرس ودوخة هيجي يعني والله راح تموتيني سارة ولج ماتوبين منه خربحظج شون وياج انتي ؟ هم رجعتيله تارة طلبت نصيحتج لان محتارة عندج شي بي خير احجي ماعندج كرميني بسكوتج ولج سارة قابل اني عدوتج ؟ ترة الي سوا بيج مو شوية سواج وصلة مسح ومسح بكرامتج الكاع ذهابا وايابا تاليها رجعتيله حسي بنفسج شوية فكري هذا مايفيدج من هسه حاولي تنسينه مجاي اكدر شسوي بلله احبه ماتصور حياتي بدونه عاذرته تارة عاذرته اخو الي مات اخوه الوحيد مو شويه واني جنت متعاركة ويا سبب طلعته من البيت اني وصار الي صار بذيج الليلة وانت شعليج قابل انت ملك الموت عزرائيل والله دزاج عليهم واخذتي روحه لاخو ليش ماتفكرين انت ما الج ذنب لا بس لا بس ولا شي عمر مايفيدج فد واحد مزاجي بكيفه شوكت ميعوفج يعوفج وبمزاجه يرجعج فتحي عقلج شوية سكتت مجاوبتها بس عقلي رافض كلامها تماما احس رايدته هالمرة خلص فكرت اخابر احمد واخذ منه المشورة بالايام القليلة الفاتت صرت اثق بي هواي خابرته تليفونه مغلق رحت ع الفيس راسلته دزيت هلو احمد موصلت المسجات عفت التليفون وكعدت الليل كله افكر لشويه اجاني مسج فتحته شفته من احمد كاتبلي مشتاقتلي !!! دزيتله فيس مصدوم وكتبت ويا هااا كال يعني مشتاقة لصديقج صح اهووو بس لا سكران وجاي يخربط ظل يتصل فصلته ودزيتله مسج اختي يمي ما اكدر اخابر كال عاد هسه شراح نحجي احنا راح نتغزل مجاوبته ظل يدزلي صوره ووراهه كتبلي اني بدبي محتاجه شي ؟ ترددت احجيله بالاول بس حيل جنت محتاجة هالشي اخذت التليفون وطلعت بالحديقة وخابرته اجاني صوته بنفس نبرته الثكيل بيها نوع من الخدر حجيتله على طلب عمر كال اياج توافقين ليش ؟ لتوافقين وخلص راح تتعبين وتتأذين صدكيني سارة واني ان شاءالله من ارجع احجيلج كل شي بسرعة ترخصت وسديته منه على شنو دا اثق باحمد اني وهو عينه عليه وهو ند لعمر وعلاقتهم موزينة واني رايدته لعمر ومقتنعة بي وراح نتزوج بعد شنو اريد هذا احمد اكيد ديخبث وميريدني اصير لعمر واضحة مثل عين الشمس ومتقبل غلط نمت وورى يومين خابرت عمر جاوبني بسرعة وصوته يصدح حبيبي شلونج ؟ اني زينة وانته ،؟ زين من سمعت صوتج تعيش وتسمع اي شنو الاخبار شسويتي مسويتي ناسيني الحلو ليش بلله متسال اولا مشغول وثانيا خليتج على راحتج تفكرين بالموضوع الي كتلج عليه واني فكرت بالموضوع ولذلك خابرتك اي بشريني حمامة غراب ضحكت اني موافقة صدُُُك والله ؟ عمر لاتخذلني هالمرة دخيلك مراح تندمين ويايه راح اعيشج ملكة اخليج على راسي والله ثقي بيه سارة اني واثقة كل الثقة حبيبي والله وبقت يمك متخذلني قلبي يمك امانة حبيبتي اموت عليج وافدي لقلبج بحياتي كُلها سارونة اوعدج احقق كلشي تحبي وتتمني اوعدج عمري عمر .... جانت الفرحة مسيطرة عليه بسرعة كمن من الفراش بعد ما جنت كلش احس نفسي مكسر بدلت وطلعت من الغرفة شخطت سيارتي وتوجهت لبيت عمي فتت جوة وانتظرته يجي كعدت احجيله عارضني بالبداية ومقبل بس اني قنعته مردت شي منه بس يجي ويايه نخطبها ونعقد حتى اخذها ونتزوج حلفته ميحجي لاي مخلوق ع زواجي حتى لا تخرب الخطة طلعت من يم عمي صارت بوجهي رنيم تضحك شلونك ابن عمي زين انت شونج ضلت تضحك مبروك راح تتزوح للمرة الثانية خلال كم شهر بس صدوك كم شهر ٣ اشهر مدري ٤ اشهر والله مبختات بيك مريم وسارة لو انت نسوانجي ومتشبع من النسوان خزرتها الزمي حدودج رنيم وماريد اي احد يعرف بهذا الموضوع ترة تصير وياج مو زينة افتهمتي لا اطمئن سرك ابير عيوني ابن عمي انته عفتها وطلعت ممطمأن الها ابد رحت بسرعة خابرت سارة وحددت الموعد يوم ثاني جاوبتني اي بس شدعوة هيج مستعجل ياعيني حبي باجر حضري نفسج اجيج اخطبج والخميس نتزوج مابيها مجال بعد عيوني وقلبي انتي ماشي مريم ... اندكت الباب رحت فتحتها شفتها رنيم بسرعة طبت كالت وين عمه احجي بسرعة وعمر موجود لو لا ؟ استغربت وضعها جاوبتها خالة جوة وعمر مموجود طبت وتحجي تعالي عندي حجي وياج دخلت وراها مستغربة فتحت الباب وفاتت سلمت على خالة وكنبصت يمها كنالها كعدي مقبلت كالت عمر اجه لبابا وباجر حيروحون يخطبون سارة بدون متدرين خالة بس عفية لتكولون اني كلت اني بس ردت اكوللكم خلتنه صافنين وطلعت تركض سارة ... بلغت بابا وجان تعبان حيل كوة يحجي وينسى هواي يعني ابد ما انطى رأي كال كيفج وعيونه مدمعه والاء هم ماعارضت ولا وكفت بطريقي يوم ثاني لبست بدلة حمرة طويله وردانها ربع ردن جنت فرحانة حييل رحت صالون رتبت نفسي وسويت تسريحة عزمت صديقاتي كلت خلص هالمرة راح نكون لبعض وماكو شي يفرقنا رجعنا للبيت اني وتارة وشغلنا دي جي وظلينا نركص اباوع للساعة ٣ ونص وعمر كال ب ٤ يمكم الكل يعرف اني احبه وهو يحبني وفرحانة حيل اندكت الباب واجوي عمر وعمه ابو احمد واولاد عمه اثنين وشيخ كعدو يم بابا وابن عمي الي ماله دور بحياتنا مجرد دعينا حتى يكون شاهد وبس صاحوني حتى يعقد النا الشيخ لبست شال سترت بي راسي واكتافي ورحت للاستقبال حتى نعقد واني طايرة من الفرح والسعادة حاسة نفسي راح احلق فوك الغيم واباوع لعمر واضحك وبلش الشيخ يعقد النا يتبع القصة حقيقية للي يسالون عن هذا الشي 😘 تفاعلكم يخليني استمر 😘 | ||||||||
|
| |
|
08-01-20, 05:40 PM
| #19 | ||||||||
| مراقبة عامة ومشرفة منتدى الروايات المنقولة
| #بين_طهر_وخطيئة بقلم مروة #بارت١٩ ﺷﻤﺮﺕ ﺍﻟﺘﻠﻴﻔﻮﻥ ﻭﺍﻧﻬﺎﺭﻳﺖ ﻇﻠﻴﺖ ﺍﺻﺮﺥ ﻭﺍﻟﻄﻢ ﻋﻠﻰ ﻭﺟﻬﻲ ﻻﻳﺮﺑﻲ ﻣﻴﺴﺘﺎﻫﻞ ﺷﺤﺎﻝ ﻋﻤﺮ ﻫﺴﻪ ﺳﻮﺩﺓ ﻋﻠﻴﻪ ﺣﺒﻴﺒﻲ ...... ﻓﺎﺗﺖ ﺗﺎﺭﺓ ﻭﻭﺭﺍﻫﺎ ﺍﻻﺀ ﻭﺍﻧﻲ ﻛﺎﻋﺪﺓ ﻉ ﺍﻟﻜﺎﻉ ﻭﺍﺑﺠﻲ ﻣﻨﻬﺎﺭﺓ ،، ﺗﺎﺭﺓ ﻟﺰﻣﺖ ﺍﻳﺪﻳﻪ ﺗﻤﻨﻌﻨﻲ ﺍﺿﺮﺏ ﻭﺟﻬﻲ ﻭﻛﻌﺪﺕ ﻛﺒﺎﻟﻲ ﻭﺟﻬﻪ ﺍﺻﻔﺮ ﺍﺧﺘﺮﻋﺖ ﻭﺗﺼﻴﺢ ﺑﻮﺟﻬﻲ ﻭﻟﺞ ﺷﺒﻴﺞ ﺳﺎﺭﺓ ﻭﻟﺞ ﺷﻜﻮ ﻋﻔﻴﺔ ﺧﻮﻓﺘﻴﻨﻲ .. ﺍﺑﺠﻲ ﻭﺍﺣﺠﻲ ﺳﻴﻒ ﻣﺎﺕ ﺑﺎﻻﻧﻔﺠﺎﺭ ﻟﺞ ﻛﻮﻟﻴﻠﻲ ﺷﺤﺎﻝ ﻋﻤﺮ ﻫﺴﻪ ﺷﺎﺏ ﻣﺜﻞ ﺍﻟﻮﺭﺩ ﻣﺮﺗﻪ ﺗﻮﻫﻪ ﺟﺎﻳﺒﺔ ﻳﺮﻭﺡ ﻫﻴﺠﻲ ﺑﺪﻭﻥ ﺫﻧﺐ ﻟﻴﺶ ﻳﺎﺭﺑﻲ ﻟﻴﻴﻴﺶ .... ﺍﻻﺀ ﺧﻠﺖ ﺍﻳﺪﻫﺎ ﻋﻠﻰ ﺣﻠﻜﻬﺎ ﻭﻛﻌﺪﺕ ﻉ ﺍﻟﺴﺮﻳﺮ ﻭﻇﻠﺖ ﺗﺒﺠﻲ ﻭﺗﺎﺭﺓ ﺗﺮﻛﺘﻨﻲ ﻭﺧﻠﺖ ﺍﻳﺪﻳﻬﺎ ﻋﻠﻰ ﺭﺍﺳﻬﺎ ﻭﺍﻧﺘﺠﺖ ﻉ ﺍﻟﺴﺮﻳﺮ ﺍﻟﻲ ﻭﺭﺍﻫﺎ ﻭﻧﺰﻟﺖ ﺩﻣﻮﻋﻬﺎ .. ﻭﺍﺣﻨﺎ ﺍﺻﻼ ﻣﺎﻧﻤﻨﺎ ﺍﻟﻠﻴﻞ ﻛﻀﻴﻨﺎﻫﻪ ﺑﺠﻲ ﻋﻠﻰ ﺷﻬﺪﺍﺀ ﺍﻻﻧﻔﺠﺎﺭ ﻭﺑﺎﻟﺼﺪﻓﺔ ﺷﻔﺖ ﺻﻮﺭﺓ ﺳﻴﻒ ﻭﻳﺎﻫﻢ ....... ﺍﻻﺀ ﻛﺎﻟﺖ ﻛﻮﻣﻲ ﺳﺎﺭﺓ ﻧﺮﻭﺡ ﻟﺒﻴﺘﻬﻢ ﻧﺴﻮﻱ ﺍﻟﻮﺍﺟﺐ ﻣﻴﺼﻴﺮ .. ﻛﻤﺖ ﺑﺪﻟﺖ ﻭﻃﻠﻌﻨﺎ ﺍﻧﻲ ﻭﺍﻻﺀ ﻭﺗﺎﺭﺓ ﺑﻘﺖ ﻳﻢ ﺑﺎﺑﺎ ﺍﺟﺮﻧﺎ ﺗﻜﺴﻲ ﻭﻭﺻﻠﻨﺎ ﻟﻤﻨﻄﻘﺘﻬﻢ ﻭﺩﺧﻠﻨﺎ ﻟﺒﻴﺘﻬﻢ ﺟﺎﻥ ﺍﻛﻮ ﻧﺎﺱ ﻫﻮﺍﻳﻪ ﻭﺻﻮﺕ ﺍﻟﺒﺠﻲ ﻳﻄﻠﻊ ﻣﻦ ﺩﺍﺧﻞ ﺍﻟﺒﻴﺖ .. ﻓﺘﻨﺎ ﺟﻮﺍ ﺍﻛﻮ ﻧﺎﺱ ﻣﻨﻌﺮﻓﻬﻢ ﺑﺲ ﺷﻔﺖ ﺧﻮﺍﺗﻪ ﺣﻀﻨﺘﻬﻦ ﻭﻇﻠﻴﺖ ﺍﺑﺠﻲ ﺭﺣﺖ ﻋﻠﻰ ﻣﺮﻳﻢ ﺷﻔﺘﻬﺎ ﻛﺎﻋﺪﺓ ﻭﻣﻨﻬﺎﺭﺓ ﻭﺣﺘﻰ ﻣﻮ ﺑﺤﺎﻝ ﺑﻨﺘﻬﺎ .... ﺭﺣﺖ ﺣﻀﻨﺘﻬﺎ ﺑﺲ ﺗﺸﻬﻚ ﻭﻋﻴﻮﻧﻬﺎ ﺣﻤﺮ ﻭﺟﻮﺍ ﻋﻴﻮﻧﻬﺎ ﻭﺭﺩﻱ ﻃﻮﺥ ﻣﻦ ﻛﺪ ﺍﻟﺒﺠﻲ .. ﻇﻠﻴﺖ ﺗﺤﺠﻲ ﺑﺤﺮﻛﺔ ﻭﻣﺮﺍﺭﺓ .. ﺭﺍﺡ ﺳﻴﻒ ﺭﺍﺡ ﺭﺍﺍﺡ ﻟﺰﻣﺖ ﺍﻳﺪﻳﻪ ﻭﺗﺮﺟﻒ ﻛﺎﻟﺖ ﺗﺼﺪﻛﻴﻦ ﺳﺎﺭﺓ ﻗﺒﻞ ﻟﻴﻄﻠﻊ ﺍﻧﻲ ﺟﻨﺖ ﺑﺎﻟﺤﻤﺎﻡ ﺍﻏﺴﻞ ﻟﺰﻳﻨﺔ ﺻﺎﺡ ﺍﻛﺜﺮ ﻣﻦ ﻣﺮﺓ ﻣﺮﻳﻢ ﻣﺮﻳﻢ ﺟﺎﻭﺑﺘﻪ ﻣﻦ ﺟﻮﺍ ﺍﻟﺤﻤﺎﻡ ﺍﻧﻲ ﻫﻨﺎ ﺳﻴﻒ ﺷﺘﺮﻳﺪ ﺩﻙ ﺍﻟﺒﺎﺏ ﻋﻠﻴﻪ ﻛﺎﻝ ﺍﻧﻲ ﺭﺍﻳﺢ ﻣﺮﻳﻢ ﺭﺍﻳﺢ ﺩﻳﺮﻱ ﺑﺎﻟﺞ ﻋﻠﻰ ﺯﻳﻨﺔ ﻭﺍﻟﻠﻪ ﻫﺎﻱ ﺍﻭﻝ ﻣﺮﺓ ﻳﻜﻮﻟﻲ ﺭﺍﻳﺢ ﻛﻞ ﻣﺮﺓ ﻳﻄﻠﻊ ﻣﺎ ﺍﺩﺭﻱ ﺑﻲ ﻟﻮ ﺍﺩﺭﻱ ﻓﻼ ﺍﺧﻠﻲ ﻳﻄﻠﻊ ﺟﺎﻥ ﺍﺧﺬﺗﻪ ﻭﺿﻤﻴﺘﻪ ﺑﻘﻠﺒﻲ ﺷﻤﺪﺭﻳﻨﻲ ﺭﺍﺡ ﻳﺮﻭﺡ ﻭﻳﺮﺟﻌﻠﻲ ﺟﺜﺔ ﻇﻠﺖ ﺗﻀﺮﺏ ﻋﻠﻰ ﺭﺟﻠﻬﺎ ﻭﺗﺒﺠﻲ ﻭﺍﻧﻲ ﺩﻣﻮﻋﻲ ﻏﺮﻛﺘﻨﻲ ﺗﻐﺮﻙ ﺧﻄﻴﺔ ﺑﻌﺪﻫﺎ ﺻﻐﻴﺮﺓ ﻭﺗﺮﻣﻠﺖ ﻭﺑﻨﺘﻬﺎ ﻫﻢ ﺻﻐﻴﺮﺓ ﺷﻬﺮﻳﻦ ﺑﺲ ﻭﺳﻴﻒ ﻣﺸﺎﻑ ﻣﻦ ﺣﻴﺎﺗﻪ ﺷﻲ ﻳﺮﺑﻲ ﻟﻴﺶ ﻫﻴﺞ ﺩﻳﺼﻴﺮ ﺑﻴﻨﺎ .. ﺑﻘﻴﺖ ﻻﺯﻣﺔ ﺍﻳﺪﻫﺎ ﻭﺍﺑﺠﻲ ﻣﺎ ﺍﻋﺮﻑ ﺷﻠﻮﻥ ﺍﻭﺍﺳﻴﻬﺎ ﻛﻞ ﺍﻟﻜﻼﻡ ﻣﺎﺕ ﻋﻠﻰ ﻟﺴﺎﻧﻲ ﺻﺮﺕ ﻋﺎﺟﺰﺓ ﺑﺲ ﺩﻣﻮﻋﻲ ﺗﺠﺮﻱ ﻭﺷﻬﻜﺎﺗﻲ ﺗﻄﻠﻊ ﺑﻘﻬﺮ ﺍﺟﻮ ﻧﺎﺱ ﺩﻳﺴﻠﻤﻮﻥ ﻋﻠﻴﻬﺎ ﻭﻳﻌﺰﻭﻫﺎ ﺳﻮﻳﺖ ﺍﻟﻬﻢ ﻣﻜﺎﻥ ﻭﻛﻤﺖ ﻣﻦ ﻳﻤﻬﺎ ﺭﺣﺖ ﺍﺩﻭﺭ ﻋﻠﻰ ﺍﻡ ﻋﻤﺮ ﻭﺍﺯﻫﺎﺭ ﻣﺸﻔﺘﻬﻢ ﺷﻔﺖ ﻟﻴﻨﺎ ﺍﺧﺖ ﻋﻤﺮ ﻟﺰﻣﺘﻬﺎ ﻣﻦ ﻋﻜﺴﻬﺎ ﻭﻭﻛﻔﺘﻬﺎ ﺍﻣﺴﺢ ﺩﻣﻮﻋﻲ ﻭﺍﺣﺎﺟﻴﻬﺎ -: ﻟﻴﻨﺎ ﻭﻳﻦ ﺧﺎﻟﺔ ﻭﺍﺯﻫﺎﺭ ﺍﺳﻠﻢ ﻋﻠﻴﻬﻢ ﻭﺍﻋﺰﻳﻬﻢ ﻣﺎﻛﻮ ﻣﻈﺎ ﺍﺷﻮﻓﻬﻢ ﺑﺼﻮﺕ ﻣﺒﺤﻮﺡ ﺑﺎﻟﺒﺠﻲ ﺟﺎﻭﺑﺘﻨﻲ --: ﻣﺎﻣﺎ ﺑﺲ ﻛﻨﺎﻟﻬﺎ ﺍﻧﺠﻠﻄﺖ ﺳﻮﺩﺓ ﻋﻠﻴﻪ ﻭﺩﻭﻫﺎ ﻟﻠﻤﺴﺘﺸﻔﻰ ﻭﺍﺯﻫﺎﺭ ﻳﻤﻬﺎ ﺍﻭﻭﻑ ﺭﺑﻲ ﻳﻮﻛﻔﻠﻬﻪ ﻭﻳﺼﺒﺮﻫﻪ ﺍﻥ ﺷﺎﺀﺍﻟﻠﻪ ﺍﻟﻠﻪ ﻳﺴﻤﻊ ﻣﻨﺞ ﺳﺎﺭﺓ ﻣﺼﻴﺒﺘﻨﻪ ﻛﺒﻴﺮﺓ ﻣﺎﺩﺭﻱ ﺷﻠﻮﻥ ﺭﺍﺡ ﻧﺘﻌﻮﺩ ﺑﺪﻭﻧﻪ ﻣﺎﺩﺭﻱ ....بيج قصص عراقيه حقيقيه من واقعنا.روعه الطائي..ﻣﺼﺎﺑﻜﻢ ﻣﺼﺎﺑﻨﺎ ﻭﺍﻟﻠﻪ ﻣﻴﺘﺔ ﻗﻬﺮ ﻣﺎ ﺍﻋﺮﻑ ﺷﻨﻮ ﺍﻛﻮﻝ ﺑﺲ ﺍﻟﻠﻪ ﻳﺮﺣﻤﻪ ﻭﺍﻟﻠﻪ ﻳﻨﺘﻘﻢ ﻣﻨﻬﻢ . ﺍﺟﻮﻫﻪ ﻧﺎﺱ ﻳﻌﺰﻭﻫﻪ ﻋﻔﺘﻬﺎ ﻭﺭﺣﺖ ﻛﻌﺪﺕ ﺻﺎﺭﺕ ﻣﻘﺎﺑﻴﻠﻲ ﺭﻧﻴﻢ ﺍﺧﺖ ﺍﺣﻤﺪ .. ﺷﻔﺘﻬﺎ ﺗﺨﺰﺭ ﺑﻴﻪ ﺗﺮﺩﺩﺕ ﺍﻛﻮﻡ ﺍﺳﻠﻢ ﻋﻠﻴﻬﺎ ﺧﻔﺖ ﻣﻨﻬﺎ ﻫﻮﺍﻱ ﻧﻈﺮﺍﺗﻬﺎ ﺗﺨﻮﻑ ﺩﺭﺕ ﻭﺟﻬﻲ ﻣﻨﻬﺎ ﻭﻛﻌﺪﺕ ﺑﻨﻔﺲ ﻣﻜﺎﻧﻲ . ﻟﻠﻈﻬﺮ ﻭﺑﻌﺪﻫﻢ ﻣﺎﺟﺎﺑﻮ ﺍﻟﺘﺎﺑﻮﺕ ﺩﺧﺖ ﻛﻠﺶ ﻭﻻ ﻣﺘﺴﺤﺮﺓ ﻣﻦ ﺍﻟﻘﻬﺮ ﻭﺻﺎﻳﻤﻴﻦ ﺍﺣﺲ ﻋﻴﻮﻧﻲ ﻛﺎﻣﺖ ﺗﻐﻮﺵ ﺣﻴﻴﻞ .. ﺍﺣﺘﺎﺟﻴﺖ ﺍﺷﻮﻑ ﻋﻤﺮ ﻭﺍﻭﺳﻲ ﻭﺍﺷﻮﻑ ﺣﺎﻟﺘﻪ ﻫﺴﻪ ﻣﻴﺘﺔ ﻗﻬﺮ ﻋﻠﻴﻪ ﻳﺮﺑﻲ ﻫﻮﻧﻬﺎ ﻋﻠﻴﻪ ﻫﺬﺍ ﺍﺧﻮ ﺍﻟﻮﺣﻴﺪ .. ﺻﺎﺭ ﺍﻟﻈﻬﺮ ﻭﺍﻟﻨﺎﺱ ﺗﺮﻭﺡ ﻭﺗﺠﻲ ﻭﺭﺓ ﺷﻮﻳﻪ ﺟﺎﺑﻮ ﺍﻡ ﻋﻤﺮ ﺷﺎﻳﻠﻴﻬﺎ ﺑﺒﻄﺎﻧﻴﺔ ﻣﺎﺑﻴﻬﺎ ﺗﻤﺸﻲ ﺭﺣﺖ ﺍﺷﻮﻓﻬﺎ ﺣﻠﻜﻬﻪ ﺩﺍﻳﺮ ﻭﺍﻳﺪﻫﺎ ﻣﺘﺘﺤﺮﻙ ﻋﻠﻰ ﺻﺪﺭﻫﺎ ﻣﺨﻠﻴﺘﻬﺎ ﺷﻜﺪ ﺟﻨﺖ ﻛﺎﺭﻫﺘﻬﺎ ﺑﺲ ﻫﻨﺎ ﺍﻧﻘﻬﺮﺕ ﻋﻠﻴﻬﺎ ﺣﻴﻴﻞ ﺧﻄﻴﺔ ﻣﺼﺎﺑﻬﺎ ﻣﻮ ﺷﻮﻳﺔ ﻭﻻ ﻗﻠﻴﻞ ﺳﻠﻤﻮ ﻋﻠﻴﻬﺎ ﻭﻳﺒﻮﺳﻮﻫﺎ ﻭﻫﻴﻪ ﻣﺘﻤﺪﺩﺓ ﺭﺣﺖ ﺩﻧﺠﺖ ﻋﻠﻴﻬﺎ ﺍﺭﻳﺪ ﺍﺑﻮﺳﻬﺎ ﺷﺎﻓﺘﻨﻲ ﺣﺴﻴﺘﻬﺎ ﺍﻧﺰﻋﺠﺖ ﺭﻏﻢ ﻣﺘﺘﺤﺮﻙ ﺍﻳﺪﻫﺎ ﻣﺨﻠﻴﺘﻬﺎ ﻋﻠﻰ ﺻﺪﺭﻫﺎ ﺑﺲ ﺣﺴﻴﺘﻬﺎ ﻏﺮﺳﺖ ﺍﺻﺒﻌﻬﺎ ﺑﺼﺪﺭﻱ ﻋﺮﻓﺖ ﻣﺮﺍﻳﺪﺗﻨﻲ ﺩﺗﺮﻳﺪ ﺗﻮﺧﺮﻧﻲ ﻣﻨﻬﺎ ...... ﺭﺣﺖ ﻣﻨﻬﺎ ﻭﺍﺑﺠﻲ ﺣﻴﻞ ﻭﺑﺤﺮﻛﺔ ﺭﺣﺖ ﻻﺯﻫﺎﺭ ﺣﻀﻨﺘﻬﺎ ﻭﻋﺰﻳﺘﻬﺎ ﻭﻫﻴﻪ ﺑﺲ ﺗﺒﺠﻲ ﺧﺸﻤﻬﺎ ﺍﺣﻤﺮ ﻭﻋﻴﻮﻧﻬﺎ ﺣﻤﺮ ﻭﻛﻔﺖ ﻳﻤﻬﺎ ﺟﺘﻲ ﺍﺭﻳﺎﻡ ﻛﺎﻟﺘﻬﺎ ﺍﺯﻫﺎﺭ ﻟﻴﺶ ﺭﺟﻌﺘﻮ ﺍﻣﻲ ﺑﻬﺎﻱ ﺣﺎﻟﺘﻬﺎ ﺍﻟﻤﺴﺘﺸﻔﻰ ﺍﺣﺴﻦ ﺍﻟﻬﺎ ﺟﺎﻭﺑﺘﻬﺎ ﺍﺯﻫﺎﺭ '--: ﻣﻘﺒﻠﺖ ﻭﺍﻟﻠﻪ ﻣﻮﺗﺘﻨﻲ ﻣﻴﺔ ﻣﺮﺓ ﺳﺄﻟﺘﻨﻲ ﺍﺫﺍ ﺟﺎﺑﻮ ﺑﺎﻟﺘﺎﺑﻮﺕ ﺍﺭﻳﺪ ﺍﺷﻮﻓﻪ ﺍﻭﻭﻑ ﻳﺎﻗﻬﺮ ﻫﺎﻱ ﺍﺣﻨﺎ ﺷﻠﻮﻥ ﺭﺍﺡ ﻧﺘﺨﻄﻰ ﻫﺎﻱ ﺍﻟﻤﺼﻴﺒﺔ ﺷﻠﻮﻭﻥ ﻭﺧﺮﺕ ﻣﻨﻬﻦ ﺷﻔﺘﻬﻢ ﺩﻳﻨﻄﻮﻥ ﺍﻟﻄﻔﻠﺔ ﻟﻤﺮﻳﻢ ﺣﺘﻰ ﺗﺮﺿﻌﻬﺎ ﻣﺘﻘﺒﻞ ﻭﺣﺪﺓ ﻛﻠﺘﻠﻬﺎ ﺭﺿﻌﻴﻬﺎ ﺧﻄﻴﺔ ﻣﻦ ﺍﻟﺼﺒﺢ ﻣﺎﺭﺿﻌﺖ ﻣﻨﺞ ﻫﻴﺞ ﺭﺍﺡ ﺗﺰﻋﻠﻴﻦ ﺳﻴﻒ ﻣﻨﺞ ﺑﻨﺘﻪ ﻫﺎﻱ ﺭﻭﻳﺤﺘﻪ ﺑﺎﻟﺪﻧﻴﺎ ﺍﺧﺬﺗﻬﺎ ﻭﻇﻠﺖ ﺗﺒﺠﻲ ﺣﻴﻴﻴﻞ ﻭﺗﺒﺎﻭﻋﻠﻬﺎ ﻭﺗﺒﺠﻲ ﻛﻮﺓ ﺭﺿﻌﺘﻬﺎ ﻇﻠﺖ ﺗﻨﺎﺷﻎ ﻭﺭﺍﻫﺎ ﻛﺎﻟﻮ ﺟﺎﺑﻮ ﺍﻟﺘﺎﺑﻮﺕ ﻟﻠﺒﻴﺖ ﻭﺻﻠﻮ ﺭﺣﺖ ﻭﻛﻔﺖ ﻳﻢ ﺍﻟﺪﺭﺝ ﻭﺍﺑﺎﻭﻉ ﺷﻔﺘﻬﻢ ﻓﻮﺗﻮ ﻭﺷﻔﺖ ﻋﻤﺮ ﺳﻮﺩﺓ ﻋﻠﻴﻪ ﺷﺼﺎﻳﺮ ﺑﻲ ﻻﻑ ﺍﻟﻐﺘﺮﺓ ﻋﻠﻰ ﺭﻗﺒﺘﻪ ﻭﻻﺑﺲ ﻗﻤﻴﺺ ﺍﺳﻮﺩ ﻭﻋﻴﻮﻧﻪ ﺣﻤﺮ ﺍﻟﺪﻣﻌﺔ ﻣﻦ ﻋﻴﻮﻧﻪ ﺗﻄﻔﺮ ﻃﻔﺮ ﺗﻤﻨﻴﺖ ﺍﺭﻭﺡ ﺍﺣﻀﻨﻪ ﻭﺍﻭﺍﺳﻲ ﺑﺲ ﻣﺠﺎﻱ ﺍﻛﺪﺭ ﺍﻭﺻﻠﻪ ﺍﺑﺪ ﻧﺎﺱ ﻫﻮﺍﻱ ﺧﻠﻮ ﺍﻟﺘﺎﺑﻮﺕ ﺑﺎﻻﺭﺽ ﻭﻇﻠﻮ ﻳﺒﺠﻮﻥ ﻋﻠﻴﻪ ﻭﺑﻌﺪﻫﺎ ﺍﺧﺬﻭﻭ ﻭﺭﺍﺣﻮ ﻳﺪﻓﻨﻮ ﻭﻋﻤﺮ ﺭﺍﺡ ﻭﻳﺎﻫﻢ ﻳﺪﻓﻨﻪ ﺍﺟﺘﻲ ﻳﻤﻲ ﺍﻻﺀ ﻭﺍﻧﻲ ﻻﺯﻣﺔ ﺍﻟﺪﺭﺝ ﻭﺍﺑﺠﻲ ﻭﺍﺣﺲ ﺣﺘﻰ ﺩﺍﻳﺨﺔ ﻛﺎﻟﺖ ﻳﻠﻠﻪ ﻣﺎﻧﺮﻭﺡ ﻟﻠﺒﻴﺖ ؟ ﻛﺘﻠﻬﺎ ﺧﻠﻲ ﻳﺮﺟﻊ ﻋﻤﺮ ﺍﺭﻳﺪ ﺍﺷﻮﻓﻪ ﻣﺎﺭﻭﺡ ﺑﺪﻭﻥ ﻣﺎ ﺍﺷﻮﻓﻪ ﺧﺎﻑ ﻳﻄﻮﻝ ﻟﻠﻴﻞ ﻣﻴﺠﻲ ؟ ﻣﻴﺨﺎﻟﻒ ﺍﺑﻘﻰ ﺍﻧﺘﻲ ﺭﻭﺣﻲ ﺍﻱ ﺍﺭﻭﺡ ﺍﺑﻮﺝ ﻭﺣﺪﺓ ﻭﺗﺎﺭﺓ ﺧﺎﻑ ﺗﺎﺧﺬﻫﻪ ﻧﻮﻣﺔ ﻭﺗﻨﺴﺎﻩ ﻭﻫﻢ ﺍﺭﻳﺪ ﺍﻃﺒﺦ ﻟﻠﻔﻄﻮﺭ ﺍﻱ ﺭﻭﺣﻲ ﻟﻌﺪ ﺍﻧﻲ ﺑﺎﻗﻴﺔ ﺭﺍﺣﺖ ﺍﻻﺀ ﻭﺍﻧﻲ ﺑﻘﻴﺖ ﺍﺑﻴﻨﺎﺗﻬﻢ ﺑﺲ ﺍﺣﺲ ﺑﻐﺮﺑﺔ ﻻﻥ ﻣﺎ ﺍﻋﺮﻑ ﺍﺣﺪ ﺍﺑﺪ ﺑﻘﻴﺖ ﺳﺎﻛﺘﺔ ﻭﻣﺒﺘﻌﺪﺓ ﻋﻦ ﺍﻟﻜﻞ ﺑﺲ ﺭﻧﻴﻢ ﺍﺥ ﻣﻮﺗﺘﻨﻲ ﺑﻨﻈﺮﺍﺗﻬﺎ ﺗﺒﺚ ﻛﺮﻩ ﻭﺣﻘﺪ ﻣﻮ ﻃﺒﻴﻌﻲ ﺍﺳﺘﻐﺮﺑﺘﻪ ﻟﻴﺶ ﺷﻤﺴﻮﻳﺘﻠﻬﻢ ﺍﻧﻲ ﻫﺎﻱ ﺍﻟﻌﺎﺋﻠﺔ ﻫﻴﺞ ﺗﻜﺮﻫﻨﻲ ﻋﺠﻴﺐ . ﻟﻠﻴﻞ ﺍﺟﻪ ﻋﻤﺮ ﺗﻠﻜﻮﻩ ﺍﺧﻮﺍﺗﻪ ﺑﺎﻟﺒﺠﻲ ﻭﺍﻟﺼﺮﻳﺦ ﻧﺰﻝ ﻋﻠﻰ ﺍﻣﻪ ﺑﻮﺳﻬﺎ ﻭﺑﻌﺪﻫﻢ ﻋﻴﻮﻧﻪ ﺣﻤﺮ ﺍﻧﻲ ﻭﺍﻛﻔﺔ ﻳﻢ ﺍﻟﺪﺭﺝ ﻭﺍﺑﺎﻭﻋﻠﻬﻢ ﻛﺎﻡ ﺑﺴﺮﻋﺔ ﻳﺮﻳﺪ ﻳﺼﻌﺪ ﺻﺤﺖ ﻋﻠﻴﻪ ﻋﻤﺮ ﻣﺒﺎﻭﻉ ﺑﻮﺟﻬﻲ ﻫﻮ ﻭﺭﻛﺾ ﺻﻌﺪ ﻟﻴﻔﻮﻙ ﻭﺻﻌﺪﺕ ﻭﺭﺍﻩ ﺍﺯﻫﺎﺭ ﻓﺸﻠﺖ ﻭﺧﺠﻠﺖ ﻫﻮﺍﻱ ﺷﺒﻲ ﻭﻳﺎﻳﻪ ﻉ ﺍﻻﻗﻞ ﻟﻮ ﻣﺒﺎﻭﻋﻠﻲ ﺣﺴﻴﺖ ﺍﻟﻜﻞ ﻳﺒﺎﻭﻉ ﻋﻠﻴﻪ ﻓﺸﻠﺖ ﺣﺴﻴﺖ ﻭﺣﺪﺓ ﻟﺰﻛﺖ ﺑﻴﻪ ﻭﻇﻠﺖ ﺗﻬﻤﺲ ﺑﺎﺫﻧﻲ ﺑﻌﺪ ﻣﻴﺮﻳﺪﺝ ﻟﺘﻔﺮﺣﻴﻦ ﺍﻟﺘﻔﺘﺖ ﺍﻟﻬﺎ ﺷﻔﺘﻬﺎ ﺭﻧﻴﻢ ﻛﺘﻠﻬﺎ ﻟﻴﺶ ﺍﻧﻲ ﺷﻨﻮ ﺫﻧﺒﻲ ﺑﻜﻞ ﻫﺬﺍ ﻗﺎﺑﻞ ﻣﻮﻭﺗﺖ ﺍﺧﻮﻫﻢ ﺍﻱ ﺍﻧﺖ ﻓﻜﺮ ﻭﻓﺎﻝ ﻧﺤﺲ ﻭﺷﺆﻡ ﺑﺲ ﻓﺘﻲ ﻋﻠﻰ ﻫﺎﻱ ﺍﻟﻌﺎﺋﻠﺔ ﺩﻣﺮﺗﻴﻬﺎ ﺗﺪﻣﺮ ﺍﻧﺖ ﺷﺪﺗﺤﺠﻴﻦ ﻫﺎ ؟ ﻃﻠﻌﻲ ﺑﻜﺮﺍﻣﺘﺞ ﺍﺣﺴﻦ ﺩﻓﻌﺘﻬﺎ ﻭﺭﻛﻀﺖ ﺻﻌﺪﺕ ﻓﻮﻙ ﺷﻔﺖ ﺍﺯﻫﺎﺭ ﺩﺗﻄﻠﻊ ﻣﻦ ﻭﺣﺪﺓ ﻣﻦ ﺍﻟﻐﺮﻑ ﻛﺘﻠﻬﺎ ﻭﻳﻨﻪ ﻋﻤﺮ ﺳﺪﺕ ﺍﻟﺒﺎﺏ ﻛﺎﻟﺖ ﻭﺍﻟﻠﻪ ﺗﻌﺒﺎﻥ ﻭﻣﻴﺮﻳﺪ ﻳﺸﻮﻑ ﺍﺣﺪ ﻛﻮﻟﻴﻠﻪ ﺍﻧﻲ ﻋﻔﻴﺔ ﺣﺒﺎﺑﺔ ﺍﺯﻫﺎﺭ ﻻﺯﻡ ﺍﺷﻮﻓﻪ ﻟﺤﻈﺔ ﺍﺑﻘﻲ ﻫﻨﺎﻧﻪ ،، ﻓﺎﺗﺖ ﻳﻤﻪ ﻭﺍﻧﻲ ﺑﻘﻴﺖ ﺑﺮﺓ ﺍﻧﺘﻈﺮ ﻭﺭﺓ ﺩﻗﻴﻘﺔ ﻃﻠﻌﺖ ﻛﺎﻟﺖ ﺍﻋﺘﺬﺭ ﻭﺍﻟﻠﻪ ﻣﻴﻘﺒﻞ ﻳﺸﻮﻑ ﺍﺣﺪ ﻛﺘﻠﻬﺎ ﻋﻔﻴﺔ ﺍﺯﻫﺎﺭ ﺣﺘﻰ ﺍﻧﻲ ﺳﻤﻌﺖ ﺻﻮﺕ ﻗﻔﻞ ﺍﻟﺒﺎﺏ ﻣﺎﻝ ﺍﻟﻐﺮﻓﺔ ﺍﻧﺪﺍﺭ ﻳﻌﻨﻲ ﺍﻧﻘﻔﻠﺖ ﺍﻟﻐﺮﻓﺔ ﻣﻦ ﺟﻮﺓ ﻫﻴﻪ ﺑﺎﻭﻋﺖ ﻉ ﺍﻟﺒﺎﺏ ﻭﺑﺎﻭﻋﺘﻠﻲ ﺑﻤﻌﻨﻰ ﺍﻥ ﺷﺎﺀﺍﻟﻠﻪ ﺍﻓﺘﻬﻤﺘﻲ؟ ﻫﺰﻳﺖ ﺭﺍﺳﻲ ﻭﻟﻤﻠﻤﺖ ﺍﺷﻼﺀ ﻛﺮﺍﻣﺘﻲ ﻭﻧﺰﻟﺖ ﺟﻮﺓ ﺑﺪﻭﻥ ﻣﺎ ﺍﺳﻠﻢ ﻋﻠﻰ ﺍﺣﺪ ﻭﻃﻠﻌﺖ ﻟﻠﺸﺎﺭﻉ ﻣﺘﺸﺘﺘﺔ ﻭﻣﺎﻋﺮﻑ ﺷﻠﻮﻥ ﺍﻓﺴﺮ ﺍﻟﻤﻮﻗﻒ ﻟﻴﺶ ﻋﻤﺮ ﺩﻳﺮﻓﻀﻨﻲ ﻣﻌﻘﻮﻟﺔ ﺍﺟﻴﺘﻪ ﺑﻌﺪﻩ ﺯﻋﻼﻥ ﻣﻨﻲ ؟ ﻛﻼﻡ ﺭﻧﻴﻢ ﻳﺤﻔﺮ ﺑﺮﺍﺳﻲ ﻓﻜﺮ ﻧﺬﻳﺮ ﺷﺆﻡ ﻭﻧﺤﺲ ﻣﻌﻘﻮﻟﺔ ﻋﻤﺮ ﻫﻤﺎﺕ ﻳﻌﺘﺒﺮﻧﻲ ﻫﻴﺞ ؟ ﻣﺴﺘﺤﻴﻞ ﻫﻮ ﻳﺤﺒﻨﻲ ﻭﻳﻤﻜﻦ ﺗﺤﺖ ﺗﺄﺛﻴﺮ ﺻﺪﻣﺔ ﻟﺬﻟﻚ ﺣﺎﺏ ﻳﺒﻘﻰ ﻟﻮﺣﺪﺓ ﺑﺎﺟﺮ ﻋﻜﺒﻪ ﻳﺼﻴﺮ ﺯﻳﻦ ﻭﻳﺮﺟﻌﻠﻲ ﻃﻠﻌﺖ ﻟﻠﺸﺎﺭﻉ ﺩﻧﻴﺎ ﻟﻴﻞ ﻭﻧﺎﺱ ﻣﺘﺠﻤﻌﻴﻦ ﻳﻢ ﺑﺎﺑﻬﻢ ﻭﻧﺎﺻﺒﻴﻦ ﺟﺎﺩﺭ ﻭﺳﻴﺎﺭﺍﺕ ﻛﻮﻣﺔ ﻭﺍﻛﻔﺔ ﻣﺸﻴﺖ ﺷﻮﻳﺔ ﺑﺼﻒ ﺍﻟﺴﻴﺎﺭﺍﺕ ﻭﻣﺘﻮﺗﺮﺓ ﺷﻔﺖ ﺍﺣﻤﺪ ﻭﺍﻛﻒ ﻳﻢ ﺳﻴﺎﺭﺗﻪ ﻭﺑﻴﺪﻩ ﺟﻜﺎﺭﺓ ﻭﻭﺍﻛﻒ ﻳﻢ ﻭﺍﺣﺪ ﺩﻳﺴﻮﻟﻒ ﻭﻳﺎ ﺍﺣﺘﺎﺭﻳﺖ ﺷﻨﻮ ﺍﺳﻮﻱ ﺑﺲ ﺑﻘﻴﺖ ﻭﺍﻛﻔﺔ ﺛﻮﺍﻧﻲ ﺍﺑﺎﻭﻉ ﻋﻠﻴﻪ ﺑﺲ ﺷﺎﻓﻨﻲ ﺍﺟﺎﻧﻲ ﺑﻘﻴﺖ ﺳﺎﻛﺘﺔ ﺑﻮﺟﻬﻪ ﻛﺎﻝ ﻣﺮﺍﺡ ﺗﻌﺰﻳﻨﻲ ﺗﺮﺓ ﺍﻟﻲ ﻣﺎﺕ ﺍﺑﻦ ﻋﻤﻲ ﻛﺘﻠﻪ ﺍﻟﺒﻘﻴﺔ ﺑﺤﻴﺎﺗﻚ ﺣﻴﺎﺗﺞ ﺍﻟﺒﺎﻗﻴﺔ ﺍﺷﻮ ﻃﺎﻟﻌﺔ ﻭﺣﺪﺝ ﺍﻱ ﺍﻧﻲ ﻭﺣﺪﻱ ﻭﺭﺍﻳﺤﺔ ﻟﻠﺒﻴﺖ ﺍﺻﻌﺪﻱ ﺍﻭﺻﻠﺞ ﻻ ﻻ ﻣﺎ ﺍﻛﺪﺭ ﺍﺳﺘﺎﺫ ﺍﺣﻤﺪ ﺍﻧﻲ ﺍﺭﻭﺡ ﻻ ﺍﻧﺘﻈﺮﻱ ﻭﺍﻟﺘﻔﺘﺖ ﺻﻮﺏ ﺳﻴﺎﺭﺗﻪ ﺻﺎﺡ ﻣﺤﻤﺪ ﺗﻌﺎﻝ ﻗﺒﻞ ﻟﻴﻮﺻﻞ ﻣﺤﻤﺪ ﺍﻟﻨﺎ ﺷﻤﺮ ﺍﻟﻪ ﻟﺴﻮﻳﺞ ﺑﺎﻟﻬﻮﺍ ﻭﺍﻟﺘﻘﻄﻪ ﻣﺤﻤﺪ ﺑﺴﺮﻋﺔ ﻭﺍﺟﻪ ﺑﺎﺗﺠﺎﻫﻨﺎ ﻛﺎﻟﻪ ﻣﺤﻤﺪ ﻭﺻﻞ ﺳﺎﺭﺓ ﻉ ﻓﻜﺮﺓ ﻫﺎﻱ ﺳﺎﺭﺓ ﺧﻄﻴﺒﺔ ﻋﻤﺮ ﻭﻫﺬﺍ ﻣﺤﻤﺪ ﺍﺑﻦ ﻋﻤﻲ ﻭﻫﻢ ﺯﻭﺝ ﺍﺭﻳﺎﻡ ﺍﺧﺖ ﻋﻤﺮ ﻣﺤﻤﺪ .. ﺍﻫﻼ ﻭﺳﻬﻼ ﺑﻴﺞ ﺧﻴﺘﻲ ﻫﻼ ﺑﻴﻚ ﻭﺍﻟﺒﻘﻴﺔ ﺑﺤﻴﺎﺗﻚ ﺣﻴﺎﺗﺞ ﺍﻟﺒﺎﻗﻴﺔ ﺗﻔﻀﻠﻲ ﺍﻭﺻﻠﺞ ﺗﺮﺩﺩﺕ ﺑﺎﻟﺒﺪﺍﻳﺔ ﺍﻟﻮﻟﺪ ﻣﺎ ﺍﻋﺮﻓﻪ ﺑﺎﻭﻋﺖ ﻻﺣﻤﺪ ﺑﺎﻭﻋﻠﻲ ﻧﻈﺮﺓ ﻣﻄﻤﺌﻨﺔ ﺻﻌﺪﺕ ﻭﻳﺎ ﻣﺤﻤﺪ ﻭﺍﻧﻲ ﺑﺎﻟﺴﻴﺎﺭﺓ ﺩﺗﻔﻮﺕ ﻣﻦ ﺑﻴﺖ ﻋﻤﺮ ﺷﻔﺘﻪ ﻃﻠﻊ ﻣﻦ ﺑﻴﺘﻬﻢ ﻣﺪﻧﻚ ﻭﻣﻴﺒﺎﻭﻉ ﻭﺗﻮﺟﻪ ﻟﻠﺠﺎﺩﺭ ﺩﻧﻜﺖ ﻣﻘﻬﻮﺭﺓ ﻭﺩﻣﻮﻋﻲ ﻭﻛﻌﻦ ﻭﺻﻠﺖ ﻟﺒﻴﺘﻨﺎ ﺗﺸﻜﺮﺗﻪ ﻭﻧﺰﻟﺖ .. ﻓﺘﺖ ﻟﻠﺒﻴﺖ ﻣﻦ ﺑﺎﺏ ﺍﻟﻤﻄﺒﺦ ﺷﺎﻓﺘﻨﻲ ﺍﻻﺀ ﺩﺧﺖ ﺟﻴﺖ ﺍﻭﻛﻊ ﺍﺟﺖ ﻋﻠﻴﻪ ﺭﻛﺾ ﺷﺒﻴﺞ ﺷﺒﻴﺞ .. ﻟﺰﻣﺖ ﺭﺍﺳﻲ ﻛﺘﻠﻬﺎ ﺩﺍﻳﺨﺔ ﺷﻮﻱ ﻣﺎ ﺍﻛﻠﺘﻲ ﺷﻲ ؟ ﻻ ﻣﻨﻮ ﺟﺎﺑﺞ ﻣﻨﻬﻢ ﺍﺑﻦ ﻋﻤﻬﻢ ﻭﺯﻭﺝ ﺍﺧﺖ ﻋﻤﺮ ﻟﺰﻣﺘﻨﻲ ﻭﺩﺗﻨﻲ ﻟﺤﺪ ﺍﻟﻄﺎﻭﻟﺔ ﺳﺤﺒﺖ ﺍﻟﻜﺮﺳﻲ ﻭﻛﻌﺪﺕ ﻋﻠﻲ ﻛﺎﻟﺖ ﺷﻔﺘﻲ ﻋﻤﺮ ﺣﺎﺟﻴﺘﻲ ﻫﺰﻳﺖ ﺭﺍﺳﻲ ﻭﺑﺠﻴﺖ ﺍﺟﺖ ﺟﺎﺑﺘﻠﻲ ﺑﻄﻞ ﻟﺒﻦ ﻓﺘﺤﺘﻪ ﻛﺎﻟﺖ ﺍﺷﺮﺑﻲ ﺑﻴﻨﻤﺎ ﺍﺳﻮﻳﻠﺞ ﺍﻛﻞ ﻛﺘﻠﻬﺎ ﻣﻴﺘﺔ ﺟﻮﻉ ﺑﺲ ﻣﺎ ﺍﺷﺘﻬﻲ ﺍﻛﻞ ﻻ ﺭﻭﺣﻲ ﺍﺭﺗﺎﺣﻲ ﻭﻏﺴﻠﻲ ﻭﺗﻌﺎﻟﻲ ﺍﻛﻠﻴﻠﺞ ﺷﻮﻳﻪ ﺷﺮﺑﺖ ﺍﻟﺒﻦ ﻭﺻﻔﻨﺖ ﻭﻫﻲ ﺭﺍﺣﺖ ﺗﺪﻓﻲ ﺍﻻﻛﻞ ﻭﻣﻴﺔ ﺳﺆﺍﻝ ﻭﻣﻴﺔ ﺗﻔﺴﻴﺮ ﺑﺒﺎﻟﻲ ﻟﻴﺶ ﻋﻤﺮ ﺭﻓﺾ ﻳﺴﺘﻘﺒﻠﻨﻲ ﻟﻴﺶ ﻃﻠﻊ ﻣﻦ ﺍﻟﺒﻴﺖ ﺑﻌﺪﻫﺎ ﺍﻛﻴﺪ ﻟﻤﻦ ﺗﺎﻛﺪ ﺍﻧﻲ ﻃﻠﻌﺖ ﻣﻦ ﺍﻟﺒﻴﺖ ﻫﻮ ﻃﻠﻊ ﻣﻴﺮﻳﺪ ﻳﺸﻮﻓﻨﻲ . ﺷﺮﺑﺖ ﺑﻄﻞ ﺍﻟﻠﺒﻦ ﻧﺼﻪ ﻭﻟﻌﺒﺖ ﻧﻔﺴﻲ ﻛﻤﺖ ﺭﻛﺾ ﻟﻠﻐﺮﻓﺔ ﺷﻔﺖ ﺗﺎﺭﺓ ﻛﺎﻋﺪﺓ ﻭﻻﺯﻣﺔ ﻣﻮﺑﺎﻳﻠﻬﺎ ﻭﺗﺒﺠﻲ ﻛﺎﻣﺖ ﻣﻦ ﺷﺎﻓﺘﻨﻲ ﻭﺍﺟﺖ ﺗﺮﻛﺾ ﻛﺎﻟﺖ ﻭﻟﺞ ﺷﻨﻮ ﻫﺎﻟﺸﻬﺪﺍﺀ ﻭﻟﺞ ﺻﺎﺭ ﺍﻟﻌﺪﺩ ﻛﻮﻣﺔ ٣٠٠ ﺣﺪ ﺍﻻﻥ ﻭﻏﻴﺮ ﺍﻟﻲ ﻣﻼﻛﻴﻨﻬﻢ ﺷﺴﻮﻳﻨﺎ ﺣﺘﻰ ﻳﺼﻴﺮ ﺑﻴﻨﺎ ﻫﻴﺞ ﺣﻀﻨﺘﻬﺎ ﻭﻇﻠﻴﺖ ﺍﺑﺠﻲ ﺑﺤﺮﻛﺔ ﺣﺴﻴﺖ ﻧﻔﺴﻲ ﻓﻘﺪﺕ ﺗﻮﺍﺯﻧﻲ ﺍﺭﻳﺪ ﺍﻭﻛﻊ ﻟﺰﻣﺘﻨﻲ ﻭﺛﺒﺘﺘﻨﻲ ﺗﻄﻞ ﺑﻮﺟﻬﻲ ﺷﺒﻴﺞ ﻋﻤﺮﻱ ﻟﺞ ﺗﺎﺭﺓ ﻋﻤﺮ ﻣﻴﺮﻳﺪ ﻳﺸﻮﻓﻨﻲ ﻣﻤﻌﻘﻮﻟﺔ ﺧﺎﻑ ﻣﺤﻤﻠﻨﻲ ﺳﺒﺐ ﻣﻮﺕ ﺍﺧﻮ ﻭﺍﻧﺘﻲ ﻗﺎﺑﻞ ﺷﺒﻴﺪﺝ ﻗﺎﺑﻞ ﺍﻧﺘﻲ ﻣﻮﺗﻲ ﺻﺪﻙ ﺟﺬﺏ ﻣﻨﺞ ﻫﺰﻳﺖ ﺑﺮﺍﺳﻲ ﺑﺮﻓﺾ ﻣﺎﺩﺭﻱ ﻣﺎﺩﺭﻱ ﺧﺎﻑ ﻣﻌﺘﺒﺮﻧﻲ ﻓﻜﺮ ﻭﺭﺟﻠﻲ ﻧﺤﺲ ﻋﻠﻴﻬﻢ ﻣﻮﺗﺖ ﺍﺧﻮ ﺷﻬﺎﻟﺤﺠﻲ ﻫﺬﺍ ﺻﺪﻙ ﺗﺤﺠﻴﻦ ﺩﻧﺠﺒﻲ ﺷﻌﻠﻴﺞ ﺍﻧﺘﻲ ﻟﺘﻔﻜﺮﻳﻦ ﻫﻴﺞ ﺗﺎﺭﺓ ﺩﺍ ﺍﻣﻮﻭﻭﺕ ﺣﻀﻨﺘﻨﻲ ﺗﻬﺪﻱ ﺑﻴﻪ ،، ﻭﺭﺍﻫﺎ ﺟﺒﺮﻭﻧﻲ ﺍﻛﻞ ﺷﻮﻳﻪ ﺍﻛﻠﺖ ﻻﻥ ﻣﻤﺎﻛﻠﺔ ﺍﺑﺪ ﻣﻦ ﻓﻄﻮﺭ ﺍﻟﺒﺎﺭﺣﺔ ﺻﺒﻮ ﺍﻛﻞ ﺑﺒﻴﺖ ﻋﻤﺮ ﺑﺲ ﻣﺎ ﺍﻛﻠﺖ ﻣﻤﺮﺗﺎﺣﺔ ﺟﻨﺖ ﺍﺑﺪ ﺑﺎﻟﻠﻴﻞ ﺏ ١ ﻟﺰﻣﺖ ﺍﻟﻔﻮﻥ ﻭﺍﺗﺼﻠﺖ ﻋﻠﻰ ﻋﻤﺮ ﺷﻜﺪ ﺭﻥ ﻣﺠﺎﻭﺑﻨﻲ ﺑﻌﺪﻫﺎ ﺍﻧﻐﻠﻖ ﺍﻟﻔﻮﻥ ﻣﺎﻟﺘﻪ ﻛﺘﺒﺖ ﺍﻟﻪ ﻣﺴﺞ : ﻋﻤﺮ ﺣﺒﻴﺒﻲ ﺍﻟﺒﻘﻴﺔ ﺑﺤﻴﺎﺗﻚ ﻳﺎﺭﺑﻲ ﻋﻔﻴﺔ ﻟﻴﺶ ﻣﺘﺮﻳﺪ ﺗﺸﻮﻓﻨﻲ ﻟﻴﺶ ﻣﺎﺗﺮﺩ ﻋﻠﻴﻪ ﻳﺎﺭﻳﺖ ﺗﺮﺩ ﺣﺘﻰ ﺍﺣﺠﻲ ﻭﻳﺎﻙ ﺑﺲ ﺗﺸﻮﻑ ﺍﻟﺮﺳﺎﻟﺔ ﺟﺎﻭﺑﻨﻲ ﻓﺪﻭﺓ . ﺷﻜﺪ ﺍﻧﺘﻈﺮﺕ ﻳﺮﺩ ﻋﻠﻴﻪ ﻣﺎﻛﻮ ﺃﻳﺴﺖ ﻭﻧﻤﺖ ﻳﻮﻡ ﺛﺎﻧﻲ ﺭﺣﺖ ﻟﻠﻔﺎﺗﺤﺔ ﻋﻨﺪﻱ ﺃﻣﻞ ﺍﺷﻮﻓﻪ ﻣﺎﻛﻮ ﺣﺴﻴﺖ ﻋﻤﺮ ﺍﻟﻤﻴﺖ ﻣﻮ ﺍﺧﻮ ﻛﺪ ﻣﺎﺑﺠﻴﺖ ﻟﺤﺘﻰ ﺍﺷﻮﻓﻪ ﻳﻮﻡ ﺛﺎﻟﺚ ﻫﻢ ﺭﺣﺖ ﻭﻣﺸﻔﺘﻪ ﻛﻀﻴﺘﻬﺎ ﺑﺠﻲ ﻭﺍﺩﺯﻟﻪ ﻣﺴﺠﺎﺕ ﻟﺘﻠﻴﻔﻮﻧﻪ ﺗﻮﺻﻞ ﻭﻣﻴﻔﺘﺤﻬﺎ ،، ﻟﻴﻮﻡ ﺛﺎﻧﻲ ﻭﺣﺼﻠﺖ ﺭﺯﺍﻟﺔ ﻣﻦ ﺗﺎﺭﺓ ﺍﻧﺖ ﺷﻜﻮ ﺗﺮﺣﻴﻦ ﻣﺎﻋﻨﺪﺝ ﻛﺮﺍﻣﺔ ﻭﻳﻦ ﺍﻟﻜﺮﺍﻣﺔ ﺑﺎﻟﻤﻮﺿﻮﻉ ﻋﻤﺮ ﺣﺒﻴﺒﻲ ﻭﺧﻄﻴﺒﻲ ﻭﺍﺧﻮ ﻣﻴﺖ ﻋﻨﺪﻩ ﻣﺼﻴﺒﺔ ﻻﺯﻡ ﺍﻭﻛﻒ ﻭﻳﺎ ﻭﻫﻮ ﻣﻴﺮﻳﺪﺝ ﺗﻮﻛﻔﻴﻦ ﻭﻳﺎ ﻣﻴﺮﻳﺪﺝ ﻛﺎﻓﻲ ﺗﺴﺤﻠﻴﻦ ﺭﻭﺣﺞ ﻋﻠﻴﻪ ﺧﻠﻴﺖ ﺍﻳﺪﻱ ﻋﻠﻰ ﻭﺟﻬﻲ ﻭﺻﺮﺕ ﺍﺑﺠﻲ ﻭﺍﺣﺠﻲ ﻟﻴﺶ ﺷﺴﻮﻳﺖ ﺷﺴﻮﻳﺖ ﺍﻧﻲ ﺣﺮﺍﻡ ﻳﺎﺭﺑﻲ ﺣﺮﺍﻡ ﺍﺟﺖ ﺗﻬﺪﻱ ﺑﻴﻪ ﻛﺎﻓﻲ ﺍﻟﻲ ﺩﺗﺴﻮﻱ ﺑﻨﻔﺴﺞ ﺍﻧﺘﻈﺮﻱ ﺷﻮﻓﻲ ﺷﺮﺍﺡ ﻳﺼﻴﺮ ﺷﺮﺍﺡ ﻳﺼﻴﺮ ﻳﻌﻨﻲ ﻳﻌﻮﻓﻨﻲ ﻋﻤﺮ ﻣﺴﻮﻳﺖ ﺷﻲ ﺍﻧﻲ ﻭﺍﻟﻠﻪ ﻛﻤﺖ ﻣﻨﻬﺎ ﻭﺭﺣﺖ ﻝ ﺍﻻﺀ ﻛﺘﻠﻬﺎ ﺣﻀﺮﻱ ﺑﺎﺑﺎ ﺣﺘﻰ ﻧﺮﻭﺡ ﻟﺒﻴﺖ ﻋﻤﺮ ﻟﻴﺶ ﺷﻜﻮ ﺷﻨﺴﻮﻱ ﺑﻠﻜﻲ ﻳﺤﺘﺮﻡ ﺑﺎﺑﺎ ﻭﻳﻄﻠﻌﻠﻪ ﺍﻛﺪﺭ ﺍﺷﻮﻓﻪ ﺍﻗﺮﺍ ﻋﻴﻮﻧﻪ ﺍﺣﺠﻲ ﻭﻳﺎ ﻣﺠﺎﻱ ﺍﻛﺪﺭ ﺍﻭﺻﻠﻪ ﺳﺎﺭﺓ ﺍﻟﻮﻟﺪ ﺗﻌﺒﺎﻥ ﻫﺴﻪ ﺗﻮﺓ ﺩﺍﻓﻦ ﺍﺧﻮ ﺍﻧﻄﻲ ﻓﺮﺻﺔ ﻭﺍﻧﻲ ﺷﺮﺍﻳﺪﺓ ﻣﻨﻪ ﺍﺭﻳﺪ ﺍﻭﻛﻒ ﻟﺠﺎﻧﺒﻪ ﺍﻭﺍﺳﻲ ﻫﻮ ﺍﻛﻴﺪ ﻣﺤﺘﺎﺟﻨﻲ ﻫﺴﻪ ﺑﺲ ﻳﻜﺎﺑﺮ ﺍﻛﻴﺪ ﻓﺎﺗﺖ ﺗﺎﺭﺓ ﻣﻌﻠﻴﺞ ﺑﺒﺎﺑﺎ ﺗﻌﺒﺎﻥ ﻭﻣﺮﻳﺾ ﻟﺘﺎﺧﺬﻱ ﻭﻳﺎﺝ ﻣﻔﻬﻮﻡ ﻭﺍﻓﻬﻤﻴﻬﺎ ﻋﺎﺩ ﻋﻤﺮ ﻣﻴﺮﻳﺪﺝ ﺑﻌﺪ ﻟﻴﺶ ﻫﺎ ﻟﻴﺶ .. ﺑﺼﻴﺎﺡ ﻭﺑﺠﻲ ﻻﻥ ﻻﻥ ﺣﻴﻌﻮﻓﺞ ﻭﻳﺎﺧﺬ ﻣﺮﺓ ﺍﺧﻮ ﻻﻥ ﻋﺪﻫﺎ ﻃﻔﻠﺔ ﺍﺧﻮ ﺍﻓﻬﻤﻴﻬﺎ ﻋﺎﺩ ﻭﺷﻨﻮ ﻣﺎﻛﻮ ﻏﻴﺮﻩ ﻫﻮ ﻳﺘﺰﻭﺟﻬﺎ ﺷﺪﺗﺤﺠﻴﻦ ﻻﻻ ﻋﻤﺮ ﻣﻴﺴﻮﻳﻬﺎ ﻣﺴﺘﺤﻴﻴﻴﻴﻞ ﻃﻠﻌﺖ ﻣﻦ ﺍﻟﻤﻄﺒﺦ ﺭﺣﺖ ﻟﺒﺎﺑﺎ ﻛﻮﻣﺘﻪ ﻛﺘﻠﻪ ﺑﺎﺑﺎ ﺑﺪﻝ ﺩﻧﺮﻭﺡ ﻟﺒﻴﺖ ﻋﻤﺮ ﺍﻧﺖ ﻻﺯﻡ ﺗﻌﺰﻳﻬﻢ ﺣﺘﻰ ﻟﻮ ﻣﺮﻳﺾ ﻣﻴﺼﻴﺮ ﻛﻠﻪ ﺑﺎﻟﻔﺮﺍﺵ ﻳﺰﻳﺪ ﻋﻠﻴﻚ ﺍﻟﻤﺮﺽ ﻛﺎﻡ ﻭﻳﺎﻳﻪ ﺧﻄﻴﺔ ﺑﺪﻝ ﻭﺍﻻﺀ ﻭﻳﺎﻳﻪ ﺧﻠﻴﺖ ﺗﺎﺭﺓ ﺗﻔﺮ ﺑﻴﺪﻫﺎ ﻭﻣﻌﺼﺒﺔ ﻃﻠﻌﻨﺎ ﻟﻠﺸﺎﺭﻉ ﺍﺟﺮﻧﺎ ﺗﻜﺴﻲ ﻭﺭﺣﻨﺎ ﻟﺒﻴﺖ ﻋﻤﺮ ﻛﻮﺓ ﻻﺯﻣﻴﻦ ﺑﺎﺑﺎ ﻣﺎﺑﻲ ﻳﻤﺸﻲ ﻭﺛﻜﻴﻞ ﺩﻛﻴﻨﺎ ﺍﻟﺒﺎﺏ ﻃﻠﻊ ﺍﻟﻨﺎ ﻭﺍﺣﺪ ﻭﻓﻮﺗﻨﺎ ﺟﻮﺓ ﺳﻠﻤﺖ ﻋﻠﻰ ﺍﻡ ﻋﻤﺮ ﺟﺎﻧﺖ ﺗﻌﺒﺎﻧﺔ ﺣﻴﻞ ﻭﻣﺘﻤﺪﺩﺓ ﻉ ﺍﻟﻔﺮﺍﺵ ﻓﺎﺭﺷﻲ ﺍﻟﻬﺎ ﺑﺎﻟﻬﻮﻝ . ﺍﺟﺖ ﺍﺯﻫﺎﺭ ﺳﻠﻤﺖ ﻛﺘﻠﻬﺎ ﻭﻳﻦ ﻋﻤﺮ ﺑﺎﺑﺎ ﻳﺮﻳﺪ ﻳﺴﻠﻢ ﻋﻠﻲ ﻭﻳﻌﺰﻱ ﺩﻧﻜﺖ ﻛﺎﻟﺖ ﻓﺪ ﺷﻮﻳﻪ ﺻﻌﺪﺕ ﻓﻮﻙ ﻭﺭﺓ ﺩﻗﺎﻳﻖ ﻧﺰﻟﺖ ﻛﺎﻟﺖ ﻣﻤﻮﺟﻮﺩ ﻋﻤﺮ ﺑﻘﻴﻨﺎ ﺍﻧﻲ ﻭﺍﻻﺀ ﻭﺣﺪﺓ ﺗﺒﺎﻭﻉ ﻟﻠﺦ ﻭﺧﻄﻴﺔ ﺑﺎﺑﺎ ﺩﻧﻚ ﺭﺍﺳﻪ ﻛﺘﻠﻬﺎ ﺑﺲ ﻫﺴﻪ ﺻﻌﺪﺗﻲ ﻗﺒﻞ ﻻ ﺍﻛﻤﻞ ﺩﻏﺘﻨﻲ ﺍﻻﺀ ﻛﺎﻟﺖ ﻳﻠﻠﻪ ﻧﻜﻮﻡ ﻧﺮﻭﺡ ﺍﺣﻨﺎ ﺍﺯﻫﺎﺭ ﺑﺨﺠﻞ .. ﻻ ﺑﻌﺪ ﻭﻛﺖ ﺍﺑﻘﻮ ﺷﻮﻳﻪ ﺩﻧﻜﺖ ﻭﺑﺠﻴﺖ ﺑﺤﺮﻛﺔ ﻣﺠﺎﻱ ﺍﻓﻬﻢ ﺍﻟﻲ ﺟﺎﻱ ﻳﺼﻴﺮ ﻟﻴﺶ ﻫﻴﺞ ﻋﻤﺮ ﻳﺴﻮﻱ ﻭﻳﺎﻳﻪ ﻣﻌﻘﻮﻟﺔ ﻫﻴﺞ ﻧﺤﺲ ﻫﻮ ﻃﻠﻌﺖ ﻭﺭﺍﻫﻢ ﻣﺜﻞ ﺍﻟﺠﺜﺔ ﺍﻣﺸﻲ ﺑﻼ ﺭﻭﺡ ﻭﺻﻠﻨﺎ ﻟﺒﻴﺘﻨﺎ ﺗﻠﻜﺘﻨﻲ ﺗﺎﺭﺓ ﻛﺎﻟﺖ ﻫﺎ ﺷﻔﺘﻲ ﻟﻼﻣﻴﺮ ﺍﻟﺒﺮﻧﺲ ﻣﺎﻟﺘﺞ ﻟﻮ ﻭﻭ ﻻ ﻃﻠﻌﻠﺞ ﺍﺧﺬﺝ ﺑﺎﻻﺣﻀﺎﻥ ﺳﻜﺘﺘﺘﻬﺎ ﺍﻻﺀ ﻛﺎﻟﺘﻠﻬﺎ ﺍﺳﻜﺘﻲ ﻭﺗﺄﺷﺮ ﺍﻟﻬﺎ ﻋﻠﻰ ﺑﺎﺑﺎ ﺭﺣﺖ ﻟﻠﻐﺮﻓﺔ ﺟﺘﻲ ﻭﺭﺍﻳﺔ ﻛﺎﻟﺖ ﻟﺞ ﺍﻧﺴﺤﺒﻲ ﺑﻜﺮﺍﻣﺘﺞ ﻗﺒﻞ ﻻ ﻫﻮ ﻳﺸﻤﺮﺝ ﺷﻤﺮﺓ ﺍﻟﺠﻠﺐ ﻏﻤﻀﺖ ﻋﻴﻮﻧﻲ ﻭﺍﻟﺪﻣﻮﻉ ﻏﺮﻛﺖ ﺧﺪﻱ ﻭﺑﺲ ﺳﺎﻛﺘﺔ ﻇﻠﺖ ﺗﻬﺰ ﺑﻴﻪ ﻣﻦ ﺯﻧﻮﺩﻱ ﻟﺞ ﺍﻧﻲ ﺍﺧﺘﺞ ﻗﻠﺒﻲ ﻋﻠﻴﺞ ﻭﺻﻞ ﻣﺴﺞ ﻟﺘﻠﻴﻔﻮﻧﻲ ﺑﺴﺮﻋﺔ ﻓﺘﺤﺘﻪ ﻋﺒﺎﻟﻚ ﻗﻠﺒﻲ ﺣﺎﺳﺲ ﺍﻧﻮ ﻫﻮ ﻋﻤﺮ ﺍﻟﻲ ﺭﺳﻠﻪ ﺷﻔﺘﻪ ﻛﺎﺗﺒﻠﻲ ...... ﺑﻌﺪ ﻣﺎﺭﻳﺪﺝ ﺗﺠﻴﻦ ﻭﻻ ﺍﺭﻳﺪ ﺍﺷﻮﻑ ﻭﺟﻬﺞ ﺍﻧﺖ ﺍﻟﺴﺒﺐ ﺑﻤﻮﺕ ﺍﺧﻮﻳﻪ ﻭﻣﺮﺍﺡ ﺍﺳﺎﻣﺤﺞ ﺍﺑﺪ ﺍﺑﺪ | ||||||||
|
| |
|
08-01-20, 05:41 PM
| #20 | ||||||||
| مراقبة عامة ومشرفة منتدى الروايات المنقولة
| #بارت٢٠ ﻋﻤﺮ .. ﺑﻠﻴﻠﺔ ﺍﺳﺘﺸﻬﺎﺩ ﺳﻴﻒ ، ﺑﻌﺪ ﺍﻟﻔﻄﻮﺭ ﻛﻌﺪﻧﺎ ﻧﺴﻮﻟﻒ ﻛﺘﻠﻬﻢ ﺯﻭﺍﺟﻲ ﺑﺎﻟﻌﻴﺪ ﺍﻥ ﺷﺎﺀﺍﻟﻠﻪ ﺧﻠﻲ ﺍﺑﻠﻎ ﺳﺎﺭﺓ .... ﻛﺎﻡ ﺳﻴﻒ ﻛﺎﻝ ﺭﺍﺡ ﺍﻧﺰﻝ ﺍﻏﺮﺍﺿﻲ ﻣﻦ ﻓﻮﻙ ﺣﺘﻰ ﺗﺠﻬﺰﻩ ﺑﺴﺮﻋﺔ ﺑﻲ ﻣﺒﻘﻰ ﺷﻲ ﻟﻠﻌﻴﺪ ﻃﻔﺮ ﺑﺴﺮﻋﺔ ﺻﻌﺪ ﺩﻳﻨﺰﻝ ﺑﺎﻏﺮﺍﺽ ﻏﺮﻓﺘﻪ ﻭﻛﺎﻝ ﺍﻟﻤﻄﺒﺦ ﺍﻟﻲ ﺟﻬﺰﺗﻪ ﻓﻮﻙ ﺧﻠﻲ ﺍﻟﻚ ﻭﻟﻠﻌﺮﻭﺳﺔ ﻣﺎﺍﺭﻳﺪﻩ ﻣﻨﺤﺘﺎﺟﺔ ﻋﺪﻧﺎ ﻫﺬﺍ ﺍﻟﺠﻮﺓ ﻭﺍﺻﻼ ﻣﺮﻳﻢ ﻛﻠﻪ ﺟﻮﺓ ﻛﺘﻠﻪ ﺍﺧﺎﺑﺮﻫﺎ ﻭﺗﺠﻲ ﺍﺳﺎﻋﺪﻙ ﺩﻳﻠﻪ ﺑﺲ ﻟﺘﻜﻀﻴﻬﺎ ﺭﻭﻣﺎﻧﺴﻴﺎﺕ ﻭﻏﺰﻝ ﻳﻠﻪ ﺑﺴﺮﻋﺔ ﺑﺲ ﺑﻠﻐﻬﺎ ﻭﺭﺍﻙ ﻛﻮﻣﺔ ﺷﻐﻼﺕ ﻧﺨﻠﺼﻬﺎ ﺩﻧﺮﻳﺪ ﻧﻔﺮﺡ ﺑﻴﻚ ﺿﺮﺑﺘﻪ ﻋﻠﻰ ﻛﺘﻔﻪ ﻭﻛﺘﻠﻪ ﺩﻳﻠﻠﻠﻪ ﺭﻭﺡ ﻻ ﺗﺘﺼﻨﻂ ﻭﻫﻮ ﺿﺤﻚ ﻭ ﺻﻌﺪ ﻓﻮﻙ ﺩﺧﻠﺖ ﻟﻠﻐﺮﻓﺔ ﻭﺳﺪﻳﺖ ﺍﻟﺒﺎﺏ ﺍﺧﺬﺕ ﺗﻠﻴﻔﻮﻧﻲ ﻭﺍﺗﺼﻠﺖ ﺑﺴﺎﺭﺓ ، ﻓﺎﺟﺌﺘﻨﻲ ﺑﺮﻓﻀﻬﺎ ﺗﻌﺎﺭﻛﺖ ﻭﻳﺎﻫﻪ ﻭﺳﺪﻳﺖ ﺍﻟﺘﻠﻴﻔﻮﻥ ﺷﻤﺮﺗﻪ ﻭﺍﻧﻲ ﺍﺗﻨﻔﺲ ﺑﻀﻴﻖ ﺿﺠﺖ ﻣﻨﻬﺎ ﻟﻴﺶ ﺩﺗﺴﻮﻱ ﻫﻴﺞ ﺍﻧﻮﺏ ﺗﺘﺤﺠﺞ ﺑﺎﻣﻲ ﻭﺍﻧﻲ ﻣﻴﺔ ﻣﺮﺓ ﺣﺎﺟﻴﻠﻬﺎ ﺍﻧﺘﻲ ﻓﻮﻙ ﻭﺍﻣﻲ ﺟﻮﺓ ﻭﺍﻣﻲ ﻣﺘﺼﻌﺪﻟﺞ ﻣﺴﺘﺤﻴﻞ ﺍﺻﺒﺮﻱ ﺑﺲ ﻫﺎﻟﻔﺘﺮﺓ ﻣﻴﻔﻴﺪ ﻫﺎﻟﻤﺮﺓ ﻻﺯﻡ ﺍﻛﻮﻥ ﺻﺎﺭﻡ ﻭﻳﺎﻫﻪ ﺩﻧﻌﻞ ﺍﺑﻮ ﺍﻟﺤﺐ ﻃﻠﻌﺖ ﻣﻦ ﺍﻟﻐﺮﻓﺔ ﻭﺍﻧﻲ ﻭﺍﻟﻨﺎﺭ ﺳﻮﺍ ﺍﺣﺲ ﻣﺸﺘﻌﻞ ﺷﻌﻞ ﺷﻔﺖ ﺳﻴﻒ ﻧﺎﺯﻝ ﻣﻦ ﻓﻮﻙ ﻭﺑﻴﺪﻩ ﺍﻟﺪﻭﺍﺷﻚ ﻓﺎﺗﺢ ﺣﻠﻜﻪ ﻭﻳﻀﺤﻚ ﺫﻳﺞ ﺍﻟﻀﺤﻜﺔ ﺍﻟﺤﻠﻮﺓ ﺍﻟﻲ ﺧﺴﺮﺗﻬﺎ ﻋﻤﺮﻱ ﻛﻠﻪ ﻭﺑﻌﺪ ﻣﺎ ﺍﺷﻮﻓﻬﻪ ﻭﺻﻞ ﻧﺺ ﺍﻟﺪﺭﺝ ﻛﺘﻠﻪ ﺍﻭﻛﻒ ﺍﻭﻛﻒ ﺍﺭﺟﻊ ﺻﻌﺪﻫﻦ ﻣﺮﺍﺡ ﺍﺗﺰﻭﺝ ﺗﻘﺪﻡ ﺑﺎﻳﺘﻴﻦ ﻛﺎﻝ ﻟﻴﺶ ﺷﻜﻮ ﺷﺼﺎﺭ ؟ ﻛﺘﻠﻪ ﻣﺎﺗﺮﻳﺪ ﺗﻜﻌﺪ ﺑﺎﻟﻔﻮﻙ ﺗﺮﻳﺪ ﺑﻴﺖ ﻭﺣﺪﻫﺎ ﻛﺎﻝ ﻟﻴﺶ ﺷﻨﻮ ﺍﻟﺴﺒﺐ ؟ ﺳﺒﺐ ﺗﺎﻓﻪ ﻣﺜﻠﻬﺎ ﻭﻫﻴﻪ ﺍﺗﻔﻪ ﺑﻌﺪ ،، ﺩﻣﺸﻲ ﺍﺻﻌﺪ ﻓﻮﻙ ﺭﺟﻊ ﺍﻟﺪﻭﺍﺷﻚ ﻭﺑﺪﻝ ﻣﻼﺑﺴﻚ ﺍﻣﺸﻲ ﻧﺮﻭﺡ ﻟﻠﻜﻮﻓﻲ ﺑﺎﻟﻜﺮﺍﺩﺓ ﻧﺸﻮﻑ ﺍﻟﻠﻌﺒﺔ ﻣﺎﻟﺔ ﺍﻟﻴﻮﻡ . ﻳﻤﻌﻮﺩ ﻳﺎﻟﻌﺒﺔ ﻫﺴﻪ ﻧﺸﻮﻓﻬﺎ ﻫﻨﺎ ﻣﺎﻟﻲ ﺧﻠﻚ ﺍﻃﻠﻊ ﻭﺍﻟﻠﻪ ﺍﻣﺸﻲ ﺍﻣﺸﻲ ﺍﻧﻲ ﺿﺎﻳﺞ ﺧﺎﻑ ﺍﺳﻮﻱ ﺣﺎﺩﺙ ﺑﺎﻟﻄﺮﻳﻖ ﺍﻣﺸﻲ ﻭﻳﺎﻱ ﻣﺪﺍﻡ ﻫﻴﺞ ﻳﻠﻪ ﺍﺟﻲ ﻭﻳﺎﻙ ﻟﻴﺶ ﻻ ﺑﺲ ﺍﺳﺒﺢ ﻭﺍﺟﻲ ،، ﺻﻌﺪ ﻫﻮ ﻭﺍﻧﻲ ﺭﺣﺖ ﺳﺒﺤﺖ ﺑﺎﻟﺤﻤﺎﻡ ﺍﻟﺠﻮﺓ ﻭﻃﻠﻌﺖ ﺑﺪﻟﺖ ،، ﻧﺰﻝ ﺳﻴﻒ ﻣﻦ ﻓﻮﻙ ﻣﺒﺪﻝ ﺑﺎﻭﻋﺘﻠﻪ ﺍﺷﻮﻓﻪ ﻋﺒﺎﻟﻚ ﻋﺮﻳﺲ ﺷﻮﻥ ﻣﺮﺗﺐ ﻣﻦ ﻳﻮﻡ ﻳﻮﻣﻪ ﻫﻮ ﺣﻠﻮ ﻭﻣﺮﺗﺐ ﺑﺲ ﺍﻟﻴﻮﻡ ﻋﺒﺎﻟﻚ ﻏﻴﺮ ﺷﻲ ﺻﺎﻳﺮ ﺩﻧﻚ ﻋﻠﻰ ﺍﻣﻲ ﺑﺎﺱ ﺭﺍﺳﻬﺎ ﻭﻃﻠﻊ ﻭﺻﻠﻨﺎ ﻟﻠﻜﺮﺍﺩﺓ ﺧﻠﻴﺖ ﺍﻟﺴﻴﺎﺭﺓ ﺑﺎﻟﻜﺮﺍﺝ ﺟﺎﻱ ﺍﺩﻭﺭﻫﺎ ﻭﻛﻒ ﺻﺪﻳﻘﻲ ﻳﻢ ﺍﻟﺠﺎﻣﺔ ﺳﻠﻢ ﻋﻠﻴﻪ ﺻﺎﺭ ﻫﻮﺍﻱ ﻣﺸﺎﻳﻔﺔ ﻋﻔﺖ ﺍﻟﺴﻴﺎﺭﺓ ﻧﺰﻟﺖ ﺳﻠﻤﺖ ﻋﻠﻴﻪ ﻭﻧﺰﻝ ﺳﻴﻒ ﻫﻢ ﺳﻠﻢ ﻭﺻﺮﻧﺎ ﻧﺴﻮﻟﻒ ﺳﻴﻒ ﻛﺎﻝ ﻫﺎ ﻋﻤﺮ ﻧﻤﺸﻲ ؟ ﻛﺘﻠﻪ ﺍﻧﺘﻪ ﺭﻭﺡ ﺳﻴﻒ ﺭﻭﺡ ﺍﻧﻲ ﺍﺟﻲ ﻭﺭﺍﻙ ﺍﻧﺘﻈﺮﻧﻲ ﺑﺎﻟﻜﻮﻓﻲ ﻛﺎﻝ ﺧﻮﺵ ﺭﺍﻳﺢ ﺍﺷﺘﺮﻱ ﻟﺰﻳﻨﺔ ﺑﺪﻟﺔ ﻟﻠﻌﻴﺪ ﻭﺍﺭﻭﺡ ﻟﻠﻜﻮﻓﻲ ﺍﻧﺘﻈﺮﻙ ﻫﻨﺎﻙ ﻛﺘﻠﻪ ﺗﻤﺎﻡ ﺳﻮﻟﻔﺖ ﻭﻳﺎ ﺻﺎﺣﺒﻲ ﺑﺎﻟﻌﺸﺮ ﺩﻗﺎﻳﻖ ﻭﻛﻔﻨﻪ ﻧﺴﻮﻟﻒ ﺑﻌﺪﻫﻪ ﻛﺘﻠﻪ ﺍﻧﺘﻈﺮ ﺍﺩﻭﺭ ﺍﻟﺴﻴﺎﺭﺓ ﻭﺍﺟﻴﻚ ﻧﻄﻠﻊ ﻟﻠﻜﻮﻓﻲ ﻛﺎﻝ ﺗﻤﺎﻡ ﺩﺭﺕ ﺍﻟﺴﻴﺎﺭﺓ ﻭﺳﻔﻄﺘﻬﺎ ﻭﻃﻠﻌﺖ ﻣﻦ ﺍﻟﻜﺮﺍﺝ ﻭﻣﺸﻴﻨﻪ ﻣﺴﺎﻓﺔ ﻭﺻﺎﺭ ﺍﻻﻧﻔﺠﺎﺭ ﺍﻟﻘﻮﻱ ﺍﻟﻲ ﻫﺰﺯﺯ ﺑﻐﺪﺍﺩ ﻫﺰﺯﺯ ﺭﻛﻀﺖ ﺍﺷﻮﻑ ﺍﻟﻨﺎﺭ ﺩﺗﺎﻛﻞ ﺍﻻﺧﻀﺮ ﻭﺍﻟﻴﺎﺑﺲ .. ﻇﻠﻴﺖ ﺍﺩﻙ ﻋﻠﻰ ﺭﺍﺳﻲ ﻭﺍﺻﺮﺥ ﺑﺎﺳﻢ ﺳﻴﻒ ﻇﻠﻴﺖ ﺍﺭﻛﺾ ﻣﺜﻞ ﺍﻟﻤﺨﺒﻞ ﻭﺍﺑﺎﻭﻉ ﺑﺎﻟﻮﺟﻮﻩ ﺍﺩﻭﺭ ﺍﺧﻮﻳﻪ ﺍﻟﺪﻧﻴﺎ ﻣﺤﺘﺮﻛﺔ ﻭﺭﺓ ﺷﻜﺪ ﻳﻠﻠﻪ ﺍﺟﺖ ﺍﻻﻃﻔﺎﺀ ﻭﺍﻻﺳﻌﺎﻑ ﻇﻠﻮ ﻳﻨﻜﻠﻮﻥ ﺑﺎﻟﺠﺜﺚ ﻭﻳﻦ ﺍﻟﻜﻰ ﺍﺧﻮﻳﻪ ﻣﻦ ﺑﻴﻦ ﺍﻟﻤﺌﺎﺕ ﺑﻴﻦ ﺟﺮﻳﺢ ﺑﻴﻦ ﺷﻬﻴﺪ ﺷﺠﺎﺑﻨﻲ ﻟﻠﻜﺮﺍﺩﺓ ﻛﺘﻠﻪ ﺭﻭﻭﻭﺡ ﺭﺍﺡ ﻉ ﺍﻟﻤﻮﺕ ﺩﻓﻌﺖ ﺍﺧﻮﻳﺔ ﻉ ﺍﻟﻤﻮﺕ ﻟﻮ ﻣﻤﺨﺎﺑﺮ ﺳﺎﺭﺓ ﻟﻮ ﻣﺒﻘﻲ ﺑﺎﻟﺒﻴﺖ ﻳﻨﺰﻝ ﺍﻻﻏﺮﺍﺽ ﻣﻮ ﺍﺣﺴﻦ ﻛﻠﻪ ﻣﻦ ﺳﺎﺭﺓ ﻟﻮ ﻣﺎ ﻫﻴﻪ ﺭﻓﻀﺖ ﺟﺎﻥ ﻣﺎﺟﻴﻨﻪ ﻟﻬﻨﺎ ﺟﺎﻥ ﺍﻟﺘﻬﻴﻨﺎ ﻫﻮ ﻳﻨﺰﻝ ﺍﻻﻏﺮﺍﺽ ﻭﺍﻧﻲ ﺍﻃﻠﻊ ﺍﻏﺮﺍﺽ ﻏﺮﻓﺘﻲ ﻭﻻ ﺟﺒﺘﻪ ﻉ ﺍﻟﻤﻮﺕ ﻛﺮﻫﺖ ﺳﺎﺭﺓ ﺣﻘﺪﺕ ﻋﻠﻴﻬﺎ ﻭﺍﻧﻲ ﺑﻨﺺ ﺍﻟﻨﺎﺭ ﻣﺎﻋﺮﻑ ﺍﺫﺍ ﻛﺮﻫﺘﻪ ﻣﺆﻗﺘﺎ ﺍﻭ ﻻ ﺑﺲ ﻧﺎﺭﻱ ﻣﺠﺎﻱ ﺗﻄﻔﻰ ﻋﻠﻰ ﺍﺧﻮﻳﻪ ﺍﺗﺼﻠﺖ ﺍﻟﻒ ﻣﺮﺓ ﻋﻠﻰ ﺟﻬﺎﺯﻩ ﻣﻐﻠﻖ ، ﺍﺧﺬﻭ ﺍﻟﺠﺜﺚ ﻟﻠﻄﺐ ﺍﻟﻌﺪﻟﻲ ﻭﺭﺣﺖ ﺍﺩﻭﺭ ﺑﻴﻦ ﺍﻟﺠﺜﺚ ﺍﻟﻠﻴﻞ ﻛﻠﻪ ﻟﻠﺼﺒﺢ ﻳﻠﻪ ﺷﻔﺘﻪ ﺳﻮﺩﺓ ﻋﻠﻰ ﻋﻤﺮﻱ ﺍﺧﻮﻳﻪ ﺳﻨﺪﻱ ﺣﺰﺍﻡ ﻇﻬﺮﻱ ﻫﺎﻟﻮﺣﻴﺪ ﺍﻟﻲ ﻣﺎﻋﻨﺪﻱ ﻏﻴﺮﻩ ﺟﺒﺘﻪ ﻣﻨﺎﻙ ﻟﻬﻨﺎ ﻉ ﺍﻟﻤﻮﺕ ﺷﺠﻨﺖ ﺍﺣﺲ ﻳﺎﺭﺑﻲ . ﺭﺍﺳﻪ ﻭﺻﻔﺤﺘﻪ ﻛﻠﻬﺎ ﻣﺤﺮﻭﻛﺔ ﺍﻟﺼﻔﺤﺔ ﺍﻟﻠﺦ ﺍﻟﻠﺤﻢ ﺫﺍﻳﺐ ﺑﺲ ﺍﻳﺪﻩ ﺷﻮﻳﻪ ﻣﻨﻬﺎ ﺳﻠﻴﻢ ﺑﺤﻴﺚ ﻋﺮﻓﺘﻪ ﻣﻦ ﺍﻟﻮﺷﻢ ﻣﺎﻟﺘﻪ ﺍﻟﻲ ﻛﺎﻥ ﻛﺎﺗﺐ ﺍﺧﻲ ﻋﻤﺮ ﻋﻠﻰ ﺍﻳﺪﻩ ﺍﻟﻴﺴﺮﻯ ﺳﻮﺍﻩ ﻣﻦ ﻟﻢ ﺟﻨﺖ ﺯﻋﻼﻥ ﻋﻠﻴﻪ ﺍﺟﻪ ﺩﻳﺮﺍﺿﻴﻨﻲ ﺭﻓﻀﺖ ﺑﻌﺜﻠﻲ ﺻﻮﺭﺓ ﻉ ﺍﻟﻮﺗﺴﺎﺏ ﺑﺎﻟﻮﺷﻢ ﻣﺎﻟﺘﻪ ﺑﺬﻳﺞ ﺍﻟﻠﺤﻈﺔ ﺿﺤﻜﺖ ﻣﻦ ﺷﻔﺘﻪ ﻭﻫﺴﻪ ﺟﺎﻱ ﺍﺑﺠﻲ . ﺷﻠﺘﻪ ﺍﺭﻳﺪ ﺍﺧﺬﻩ ﻣﻘﺒﻠﻮ ﻳﺴﻠﻤﻮﻧﻴﺎ ﺍﻟﻪ ﺑﻌﺪ ﺍﻟﺘﺤﻠﻴﻞ ﻭﺍﻟﺘﺤﻠﻴﻞ ﻳﻄﻮﻝ ﻛﻠﺒﺖ ﺍﻟﺪﻧﻴﺎ ﻋﻠﻴﻬﻢ ﻫﺮﺟﺖ ﺍﻟﻤﺴﺘﺸﻔﻰ ﻫﺮﺝ ﻛﺘﻠﻬﻢ ﺗﻌﻠﻤﻮﻧﻲ ﺑﺎﺧﻮﻳﻪ ﺗﺤﺠﻮﻥ ﺻﺪﻙ ﺍﻧﺘﻮﺍ ﺍﺧﺬﺗﻪ ﻭﻏﺴﻠﺘﻪ ﻭﺩﻓﻨﺘﻪ ﺑﻬﺎﻱ ﺍﻳﺪﻳﻪ ﺭﺟﻌﺖ ﻟﻠﺒﻴﺖ ﻓﺎﺗﺖ ﺍﺯﻫﺎﺭ ﻛﺎﻟﺖ ﺳﺎﺭﺓ ﺗﺮﻳﺪ ﺗﺸﻮﻓﻚ ﺍﺷﺘﻌﻠﺖ ﺑﻨﺎﺭ ﻭﻏﻀﺐ ﻛﺘﻠﻬﺎ ﻣﺎﺭﻳﺪ ﺍﺷﻮﻑ ﺍﺣﺪ ﻃﻠﻌﺖ ﺍﺯﻫﺎﺭ ﻗﻔﻠﺖ ﻭﺭﺍﻫﺎ ﺍﻟﺒﺎﺏ ﻭﻗﺮﺭﺕ ﺍﺗﺮﻙ ﺳﺎﺭﺓ ﻣﺎﻟﻲ ﻧﻔﺲ ﺑﻴﻬﺎ ﺑﻌﺪ ﻣﺎﻋﺮﻑ ﻫﺬﺍ ﺍﻟﻘﺮﺍﺭ ﺍﺗﺨﺬﺗﻪ ﺑﻮﻋﻲ ﺍﻭ ﺑﺪﻭﻥ ﻭﻋﻲ ﺑﺲ ﺑﻠﺤﻈﺘﻬﺎ ﺟﻨﺖ ﺣﺎﻗﺪ ﻋﻠﻴﻬﺎ . .. .. .. ﺳﺎﺭﺓ .. ﺍﺣﺲ ﺍﻧﺬﺑﺤﺖ ﻣﻦ ﻗﺮﻳﺖ ﺭﺳﺎﻟﺘﻪ ﻟﻴﺶ ﻫﻴﺞ ﻋﻤﺮ ﻟﻴﺶ ﻣﺎﺗﻮﻗﻌﺘﻬﺎ ﻣﻨﻚ ﻣﻌﻘﻮﻟﺔ ﺍﻧﻲ ﻏﻠﻄﺎﻧﺔ ﺍﻧﻲ ﺗﺴﺒﺐ ﺑﻘﺘﻞ ﺍﺧﻮ ﺍﻧﻲ ﻓﻜﺮ ﻓﻜﺮ ﻭﻧﺤﺲ ﻟﻴﺶ ﻳﺎﺭﺑﻲ ﻫﻴﺞ ﻳﺘﻬﻤﻨﻲ ﻟﻴﺶ ... ﺟﻨﺖ ﺍﺻﻴﺢ ﻭﺍﺣﺠﻲ ﺑﻼ ﻭﻋﻲ ﻭﺗﺎﺭﺓ ﻻﺯﻣﺘﻨﻲ ﺗﻬﺪﻱ ﺑﻴﻪ ﻭﺗﺤﺠﻲ : -- ﻭﻟﺞ ﻭﺍﻟﻠﻪ ﺧﺴﺮﺝ ﺧﻠﻲ ﻳﻮﻟﻲ ﻃﺒﻪ ﻃﻮﺏ ﻳﺮﻭﺡ ﻧﻌﺎﻝ ﻳﺠﻲ ﻧﻌﺎﻝ ﺑﺲ ﺍﻧﺘﻲ ﻻ ﺗﻨﻘﻬﺮﻳﻦ . ﺣﻀﻨﺘﻨﻲ ﻭﺍﻧﻲ ﺍﺷﻬﻚ ﻭﺍﺑﺠﻲ ﺑﻌﺪﻫﺎ ﻣﺎﺣﺴﻴﺖ ﺑﺸﻲ ﻏﻔﻴﺖ ﻭﻛﻌﺪﺕ ﺣﺎﻗﺪﺓ ﻋﻠﻰ ﻧﻔﺴﻲ ﻭﻋﻠﻰ ﻋﻤﺮ ﺣﻤﻠﻨﻲ ﺫﻧﺐ ﻣﻮ ﺫﻧﺒﻲ ﻣﺮﺗﻜﺒﺘﻪ ﺍﻧﻲ ﻟﻴﺶ ﻫﻴﺞ ﻋﻘﻠﻪ ﺻﻐﻴﺮ . ﻭﺭﺍﻫﺎ ﺍﻧﻄﻮﻧﺎ ﻣﻮﻋﺪ ﻧﺮﻭﺡ ﻧﺘﻄﻠﻚ ﻋﻨﺪ ﺍﻟﺸﻴﺦ ﻻﻥ ﺍﺣﻨﺎ ﻋﺎﻗﺪﻳﻦ ﺷﻴﺦ ﺑﺲ ﻣﺤﻜﻤﺔ ﻻ ﺭﺣﻨﺎ ﺍﻧﻲ ﻭﺍﻻﺀ ﻻﻥ ﺑﺎﺑﺎ ﻣﻴﻜﺪﺭ ﻭﻛﻠﺶ ﺟﺎﻥ ﻣﻘﻬﻮﺭ ﻭﺗﺨﺮﺑﻂ ﻋﻠﻴﻨﺎ ﻣﻦ ﺳﻤﻊ ﺭﺍﺡ ﻳﺘﺮﻛﻨﻲ ﻋﻤﺮ ،، ﺑﻘﺖ ﺗﺎﺭﺓ ﻳﻤﻪ .. .. ﺍﺧﺬﺕ ﺍﻟﺬﻫﺐ ﻭﺍﻟﻤﻬﺮ ﻛﻠﻪ ﺧﻠﻴﺘﻪ ﺑﻌﻠﺒﺔ ﻭﺑﻌﻼﻛﺔ ﻛﺒﻴﺮﺓ ﻭﺍﺧﺬﺗﻬﻢ ﻭﻳﺎﻳﻪ ﻣﺠﻨﺖ ﺍﺑﺎﻭﻉ ﺍﻟﻪ ﻣﺎ ﺍﺭﻳﺪ ﺍﺣﻦ ﺍﻟﻪ ﻭﻟﺒﺴﺖ ﻧﻈﺎﺭﺍﺕ ﺣﺘﻰ ﻟﻴﺸﻮﻑ ﻋﻴﻮﻧﻲ ﻣﻮﺭﻣﺔ ﻃﻠﻜﻨﺎ ﺍﻟﺸﻴﺦ ﻭﻃﻠﻌﻨﺎ ﻫﻮ ﺻﻌﺪ ﺳﻴﺎﺭﺗﻪ ﻓﺘﺤﺖ ﺑﺎﺏ ﺍﻟﺴﻴﺎﺭﺓ ﻭﺷﻤﺮﺕ ﺍﻟﻌﻼﻛﺔ ﻋﻠﻴﻪ ﻭﺭﺣﺖ ﺍﺭﻛﺾ ﻝ ﺍﻻﺀ ﻭﻛﻔﻨﺎ ﻉ ﺍﻟﺸﺎﺭﻉ ﻧﻨﺘﻈﺮ ﺗﻜﺴﻲ ﺍﺟﻪ ﻭﺧﻠﻪ ﺍﻟﻌﻼﻛﺔ ﻳﻢ ﺭﺟﻠﻴﻪ ﻛﺎﻝ ﻫﺎﻱ ﺣﻘﺞ ﺍﺧﺬﻱ ﺍﻟﺞ ﺩﻧﻜﺖ ﺍﺭﻳﺪ ﺍﺧﺬﻫﻪ ﻭﺍﺷﻤﺮﻫﺎ ﺑﻮﺟﻬﻪ ﺭﺍﺡ ﻟﺴﻴﺎﺭﺗﻪ ﺻﻌﺪﻫﺎ ﻭﺳﺎﻗﻬﺎ ﺷﻤﺮﺗﻬﺎ ﻭﺭﺍﻩ ﻣﻠﺤﻜﺖ ﺍﺧﺬﺗﻬﺎ ﺍﻻﺀ ﻭﺭﺟﻌﻨﺎ ﻟﻠﺒﻴﺖ ﺩﺧﻠﻨﺎ ﻟﻠﺒﻴﺖ ﻛﺘﻠﻬﺎ ﻫﺬﺍ ﻛﻠﻪ ﻳﺘﺮﺟﻊ ﺍﻟﻪ ﺧﻮﺵ ﻫﺎﻱ ﺍﻟﻔﻠﻮﺱ ﻭﺍﻟﺬﻫﺐ ﻣﺎ ﺍﺭﻳﺪ ﺍﺷﻮﻓﻬﻦ ﺑﺎﻟﺒﻴﺖ ﻛﺎﻟﺖ ﺑﺲ ﺍﻫﺪﺋﻲ ﺍﺭﺟﻌﻬﻦ ﻟﻴﻈﻞ ﺑﺎﻟﺞ ﺑﺲ ﺗﺮﺓ ﻫﻨﻪ ﻣﻦ ﺣﻘﺞ ﻫﻮ ﺍﻟﻲ ﻃﻠﻚ ﻣﻮ ﺍﻧﺘﻲ ﻛﺘﻠﺞ ﻣﺎﺭﻳﺪﻫﻦ ﻳﻌﻨﻲ ﻣﺎﺭﻳﺪﻫﻦ ﻭﺩﻳﻬﻦ ﺍﻟﻪ ﺻﻮﺗﺞ ﻟﺘﺼﻴﺤﻴﻦ ﺍﺑﻮﺝ ﺗﻌﺒﺎﻥ ﺯﻳﻦ ﺧﻠﻲ ﻧﺴﻠﻚ ﺑﻴﻬﻦ ﻭﺿﻌﻨﺎ ﺗﺮﺓ ﺍﺣﻨﺎ ﻣﺤﺘﺎﺟﻴﻦ ﻟﻠﻔﻠﺲ ﻛﻴﻔﺞ ﺷﺴﻮﻳﻦ ﺑﻴﻬﻦ ﺳﻮﻱ ﺑﺲ ﻣﺎﺭﻳﺪ ﺍﺷﻮﻓﻬﻦ ﻛﺪﺍﻣﻲ ﺑﻌﺪ ﻣﺎﺭﻳﺪ ﺍﻟﺬﻫﺐ ﺭﺍﺡ ﺍﺭﺟﻌﻪ ﺍﻟﻬﻢ ﻭﺍﻟﻔﻠﻮﺱ ﺧﻠﻴﻬﺎ ﺍﺫﺍ ﺗﺮﺩﻳﻦ ﺗﺮﺟﻌﻴﻦ ﺭﺟﻌﻲ ﻛﻞ ﺷﻲ ﻃﻠﻌﺖ ﺗﺎﺭﺓ ﺍﻧﻲ ﺍﺭﺟﻌﻬﻦ ﺍﺷﻤﺮﻫﻦ ﻭﺍﺗﻔﻞ ﻋﻠﻴﻬﻢ ﺍﻻﺀ : ﺗﺎﺭﺓ ﺷﻨﻮ ﻫﻠﺤﺠﻲ ﻭﻳﻦ ﺍﻻﺧﻼﻕ ﺻﺪﻙ ﺟﺬﺏ ﻫﻴﺞ ﺗﺴﺌﻮﻥ ﻻﺑﻮﺟﻦ ﻛﻌﺪﻥ ﻭﺳﻜﺘﻦ ﻋﻴﺐ ﻛﻤﺖ ﻭﺧﻤﻄﺖ ﺍﻟﻌﻼﻛﺔ ﻣﻦ ﺍﻻﺀ ﻭﺻﻔﻄﺘﻬﺎ ﻋﻠﻰ ﺍﻳﺪ ﺗﺎﺭﺓ ﻟﺰﻣﺘﻬﺎ ﺑﻴﺪﻫﺎ ﻛﺘﻠﻬﺎ ﻫﺴﻪ ﺗﻮﺩﻳﻨﻬﺎ ﺍﻟﻬﻢ ﻳﻠﻪ ﻭﺍﻧﻲ ﺍﻧﻄﻴﺞ ﻓﻠﻮﺱ ﺍﻟﺘﻜﺴﻲ . ﺗﺎﺭﺓ . ﺑﺲ ﺍﺑﺪﻝ ﻟﺤﻈﺔ ﻓﺎﺗﺖ ﻟﻠﻐﺮﻓﺔ ﻭﺍﻧﻲ ﻛﻌﺪﺕ ﻉ ﺍﻟﺘﺨﻢ ﻭﺍﻳﺪﻳﻪ ﻋﻠﻰ ﻭﺟﻬﻲ ﻭﺍﺣﺲ ﻧﺎﺭ ﺗﺎﻛﻞ ﻛﻠﺒﻲ ﻭﺭﻭﺣﻲ . ﺗﺎﺭﺓ ﻃﻠﻌﺖ ﻣﻦ ﺑﻴﺘﻨﺎ ﺍﺟﺮﺕ ﺗﻜﺴﻲ ﻛﺘﻠﻪ ﻟﻠﻐﺰﺍﻟﻴﺔ ﻣﺴﺎﻓﺔ ﻣﻮ ﺑﻌﻴﺪﺓ ﻋﻠﻴﻨﺎ ﻭﺻﻠﺖ ﻟﻴﻴﺖ ﻋﻤﺮ ﺩﻛﻴﺖ ﺍﻟﺒﺎﺏ ﻃﻠﻌﺖ ﻭﺣﺪﺓ ﻣﻦ ﺧﻮﺗﻪ ﻛﺎﻟﺖ ﻧﻌﻢ ﺗﻔﻀﻠﻲ ﺍﻧﻄﻴﺘﻬﺎ ﺍﻟﻌﻼﻛﺔ ﺍﻟﻲ ﺑﻴﻬﺎ ﺍﻟﺬﻫﺐ ﻭﺍﻟﻤﻬﺮ ﻛﺘﻠﻬﺎ ﻫﺎﻱ ﻭﺩﻳﻬﻦ ﻻﺧﻮﺝ ﻭﺑﻌﺪ ﻻ ﺗﺮﺟﻌﻴﻬﻦ ﺧﻮﺵ ﺷﻤﺮﺗﻬﻦ ﻋﻠﻴﻪ ﻛﺎﻟﺖ ﻫﻮ ﺷﻜﻮ ﻭﺷﻨﻮ ﺑﻴﻬﺎ ﻫﺎﻱ ﻃﻠﻊ ﻋﻤﺮ ﻣﻦ ﺑﻴﺘﻬﻢ ﻛﺎﻝ ﻫﺎ ﻟﻴﻨﺎ ﻣﻨﻮ ﻉ ﺍﻟﺒﺎﺏ ﻗﺒﻞ ﻣﺘﺠﺎﻭﺑﻪ ﺍﻧﻲ ﻓﺘﺖ ﺟﻮﺓ ﻭﺷﻤﺮﺗﻬﻦ ﻳﻢ ﺭﺟﻠﻪ ﻛﺘﻠﻪ ﻫﺎﻙ ﺍﺧﺬﻫﻦ ﺍﺧﺘﻲ ﻣﻮ ﺑﺤﺎﻟﻚ ﺗﺮﺓ ﺍﻟﻒ ﻣﻦ ﻳﺘﻤﻨﺎﻫﻪ ﺳﺤﺒﻨﻲ ﻣﻦ ﺍﻳﺪﻱ ﻭﺧﻠﻪ ﺍﻟﻌﻼﻛﺔ ﺑﻴﺪﻱ ﺧﺰﺭﻧﻲ ﻛﺎﻝ ﺍﺧﺬﻳﻬﻦ ﻭﺳﺤﻠﻨﻲ ﻟﺤﺪ ﺍﻟﺒﺎﺏ ﻭﺳﺪ ﺍﻟﺒﺎﺏ ﻭﻛﺎﻝ ﻻﺧﺘﻪ ﻓﻮﺗﻲ ﺟﻮﺓ ﻳﻠﻠﻪ ﻇﻠﻴﺖ ﺍﻏﻠﻂ ﻋﻠﻴﻪ ﻣﻦ ﻭﺭﺓ ﺍﻟﺒﺎﺏ ﻭﺷﻤﺮﺕ ﺍﻟﻌﻼﻛﺔ ﻣﻦ ﻓﻮﻙ ﻭﻃﻠﻌﺖ ﺍﺭﻛﺾ ﻣﻦ ﺍﻟﻔﺮﻉ ﻣﺎﻟﺘﻬﻢ ﻭﺻﻠﺖ ﻟﻠﺸﺎﺭﻉ ﺍﻟﻌﺎﻡ ،، ﺩﺍ ﺍﻣﺸﻲ ﻭﻛﻔﺖ ﺳﻴﺎﺭﺓ ﺑﺼﻔﻲ ﺑﺎﻭﻋﺖ ﻭﺍﺋﻞ ﻭﺑﺼﻔﻪ ﺑﻨﻴﺔ ﻛﺎﻋﺪﺓ ﻳﻤﻪ ﺑﺎﻟﺼﺪﺭ ﻛﻠﺶ ﺣﻠﻮﺓ ﻭﻣﺮﺗﺒﻪ ﻣﺪ ﺭﺍﺳﻪ ﻣﻦ ﺍﻟﺠﺎﻣﺔ ﻛﺎﻝ ﻫﻠﻮﻭﻭ ﺑﻨﺖ ﺧﺎﻟﺘﻲ ﺍﺻﻌﺪﻱ ﺍﺻﻌﺪﻱ ﺍﻭﺻﻠﺞ ﻓﺮﻳﺖ ﺑﻴﺪﻱ ﻭﻣﺸﻴﺖ ﺳﺮﻳﻊ ﻭﺍﺣﺲ ﻛﻠﺒﻲ ﻣﻠﻴﺎﻥ ﻏﻴﺾ ﻭﻗﻬﺮ ﻣﻨﻪ ﻣﻨﻮ ﻫﺎﻱ ﺍﻟﻲ ﻳﻤﻪ ﻋﻔﻴﺔ ﻗﻠﺐ ﻗﻠﺒﻲ ﻟﻴﺶ ﺍﻏﺎﺭ ﻋﻠﻴﻪ ﻳﻮﻟﻲ ﻃﺒﻪ ﻃﻮﺏ ﻫﺎﻟﻨﺎﻗﺺ ﻫﺬﺍ . ﺍﻟﺸﻤﺲ ﺗﺮﻛﻊ ﺑﺮﺍﺳﻲ ﺧﻠﻲ ﺍﺻﻌﺪ ﻓﻮﺭﺗﺎﺕ ﺍﺣﺴﻠﻲ ﻣﺎﻛﻮ ﺗﻜﺴﻴﺎﺕ ، ﺻﻌﺪﺕ ﻭﺭﺟﻌﺖ ﻟﻠﺒﻴﺖ . ﺳﺎﺭﺓ ... ﻣﺮﺕ ﺍﻳﺎﻡ ﺍﺟﺮ ﺍﻟﻨﻔﺲ ﻛﻮﺓ ﺍﻛﻌﺪ ﺑﺎﻟﻠﻴﻞ ﺍﺑﺠﻲ ﺍﻧﻬﺎﺭ ﻣﺮﺍﺕ ﺍﺣﻘﺪ ﻋﻠﻰ ﻧﻔﺴﻲ ﻭﺍﺑﺮﺭ ﻟﻌﻤﺮ ﻣﺮﺍﺕ ﺍﻛﺮﻫﺎ ﻭﺍﻛﻮﻝ ﺍﻧﻮ ﻇﻠﻤﻨﻲ ﻭﻣﺮﺍﺕ ﺍﻧﺘﻈﺮﻩ ﻳﺮﺟﻌﻨﻲ ﺻﺮﺕ ﻣﺜﻞ ﺍﻟﻤﺨﺒﻠﺔ . ﺑﻌﺪ ﻭﻗﺖ ﻃﻮﻳﻞ ﻭﺑﻌﺪ ﻣﺎ ﺍﻋﺘﺎﺩﻳﺖ ﻋﻠﻰ ﺍﻻﻧﻄﻮﺍﺀ ﻭﺍﻻﻧﻌﺰﺍﻝ ﻳﻠﻪ ﺗﺤﺴﻨﺖ ﺷﻮﻳﻪ ﻭﺭﺟﻌﺖ ﺍﻛﻞ ﻃﺒﻴﻌﻲ ﻣﺎ ﺍﺑﺠﻲ ﺑﺎﻟﻴﻮﻡ ٥ ﺍﻭ ٦ ﻣﺮﺍﺕ ﻭﻛﺪﺭﺕ ﺍﻃﻮﻱ ﺻﻔﺤﺔ ﻣﻦ ﺣﻴﺎﺗﻲ ﻭﺃﻳﺲ ﻣﻦ ﺭﺟﻌﺔ ﻋﻤﺮ ﺍﻟﻲ . ﺟﻨﺖ ﺍﻛﻮﻝ ﺭﺍﺡ ﻳﺮﺟﻌﻨﻲ ﻻﻥ ﻫﻮ ﻓﺎﻫﻢ ﻭﻋﺎﻗﻞ ﺍﻧﻮ ﺍﻟﻲ ﺻﺎﺭ ﻗﻀﺎﺀ ﻭﻗﺪﺭ ﻭﺍﻧﻲ ﻣﺎ ﺍﻟﻲ ﺍﻳﺪ ﺑﻲ ﺑﺲ ﺍﻟﻲ ﺻﺎﺭ ﻋﻜﺲ ﻫﺬﺍ ﻻﺩﻙ ﺑﺎﺑﻲ ﻣﺮﺓ ﺛﺎﻧﻴﺔ ﻭﻻ ﺭﺟﻌﻨﻲ ﺍﻟﻪ . ﺑﻌﺪ ﻣﺮﻭﺭ ﺍﺷﻬﺮ ﺑﻠﺸﺖ ﺍﻟﻤﺪﺍﺭﺱ ﺗﻔﺘﺢ ﺍﺑﻮﺍﺑﻬﺎ ﻭﺑﺎﻭﻝ ﻳﻮﻡ ﻣﻦ ﺍﻟﻤﺪﺭﺳﺔ ﺍﺟﺎﻧﻲ ﻣﺴﺞ ﻉ ﺍﻟﻜﺮﻭﺏ ﻣﺎﻝ ﺍﻟﻤﺪﺭﺳﺔ ﺗﺒﻠﻴﻎ ﻛﻞ ﺍﻟﻤﻌﻠﻤﻴﻦ ﻭﺍﻟﻤﻌﻠﻤﺎﺕ ﺑﺎﻟﺤﻀﻮﺭ . ﺍﻧﻲ ﺟﻨﺖ ﻣﻘﺮﺭﺓ ﺍﻧﻮ ﺍﺑﺪ ﻣﺎ ﺍﺩﺍﻭﻡ ﻭﻳﺎﻫﻢ ﻻﻥ ﺍﻟﻤﺪﺭﺳﺔ ﻳﻌﻨﻲ ﺑﻴﺖ ﻋﻢ ﻋﻤﺮ ﻳﻌﻨﻲ ﻋﻤﺮ ﻳﻌﻨﻲ ﺍﻟﺬﻛﺮﻳﺎﺕ ﻭﺍﻻﻳﺎﻡ ﺍﻟﻲ ﺷﻔﺖ ﺑﻴﻬﺎ ﻋﻤﺮ ﻭﺗﻌﺮﻓﺖ ﻋﻠﻴﻪ ﻭﺍﻟﻤﺸﺎﻛﻞ ﻛﻠﻬﺎ ﺍﻟﻲ ﺻﺎﺭﺕ . ﺑﺲ ﺍﻟﻲ ﺻﺎﺭ ﺍﻧﻮ ﻛﻌﺪﺕ ﺳﺎﻋﺔ ٦ ﺍﺭﻳﺪ ﺍﻧﺎﻡ ﻣﺎ ﺍﻛﺪﺭ ﻛﺎﻋﺪﺓ ﻋﻠﻰ ﺳﺮﻳﺮﻱ ﻭﺗﺎﺭﺓ ﻧﺎﻳﻤﺔ ﻫﺪﻭﺀ ﻭﺑﺲ ﺻﻮﺕ ﺍﻟﺘﻜﻴﻴﻒ . ﺣﺎﺿﻨﻪ ﺭﺟﻠﻴﻪ ﻟﺼﺪﺭﻱ ﻭﺳﻜﻮﻥ ﻓﻀﻴﻊ ﻟﻜﻞ ﺷﻲ ﺣﺘﻰ ﻟﻌﻴﻮﻧﻲ ﺻﺎﻓﻨﺔ ﺑﺎﻟﻔﺮﺍﻍ ﻭﺣﺘﻰ ﻣﺎ ﺍﺭﻣﺶ ﺑﺲ ﻗﻠﺒﻲ ﻳﻨﺒﺾ ﺗﻤﻨﻴﺖ ﺑﺲ ﻳﻮﻛﻒ ﻭﻳﺨﻠﺼﻨﻲ ﻣﻦ ﻋﺬﺍﺑﻲ ﺍﻟﻲ ﺍﻧﻲ ﺑﻲ . ﺑﻘﻴﺖ ﻋﻠﻰ ﻫﺎﻱ ﺍﻟﺤﺎﻟﺔ ﻟﻠﺴﺎﻋﺔ ٩ ﻭﻧﺺ ﺷﻮﻳﻪ ﺑﻌﺪ ﻭﺍﻏﻔﻰ ، ﺗﺎﺭﺓ ﻧﺎﻳﻤﻪ ﻣﺎﻋﺪﻫﺎ ﻛﻠﻴﺔ ، ﺗﻮﻩ ﻣﻐﻤﻀﺔ ﻋﻴﻮﻧﻲ ﺩﻙ ﺗﻠﻴﻔﻮﻧﻲ ﻓﺰﻳﺖ ﺑﻘﻮﻭﺓ . ﺍﺧﺬﺕ ﺍﻟﺘﻠﻴﻔﻮﻥ ﻭﺍﻧﻲ ﻧﻌﺴﺎﻧﺔ ﻓﺘﺤﺘﻪ ﻭﺧﻠﻴﺘﻪ ﻋﻠﻰ ﺍﺫﻧﻲ ﻛﻠﺖ ﺍﻟﻮ ﺍﺟﺎﻧﻲ ﺻﻮﺕ ﺍﺣﻤﺪ .. ﻭﻳﻴﻴﻨﺞ ﺍﻧﺖ ﻧﺎﻳﻤﺔ ؟ ﻣﺎ ﻭﺻﻠﺞ ﺍﻟﻤﺴﺞ ﻋﻠﻰ ﺍﻟﻜﺮﻭﺏ ﺍﻟﻴﻮﻡ ﺩﻭﺍﻡ ﻭﻋﺪﻧﺎ ﺍﺟﺘﻤﺎﻉ ﻭﺩﻧﺄﺧﺮﺓ ﻋﻤﻮﺩ ﺣﻀﺮﺗﺞ ﺗﺠﻴﻦ ﺷﻨﻮ ﻫﺎﻻﻫﻤﺎﻝ ﻛﻤﺖ ﻓﺎﺯﺓ ﻭﻣﺼﺤﺼﺤﺔ ﻣﺘﻮﻗﻌﺘﻪ ﺭﺍﺡ ﻳﺨﺎﺑﺮ ﺗﻮﻗﻌﺖ ﻧﻔﺴﻲ ﺑﺎﻟﻨﺴﺒﺔ ﺍﻟﻪ ﺧﻠﺺ ﻭﺭﻗﺔ ﻣﺤﺮﻭﻗﺔ ﻭﺗﺎﻟﻴﺘﻬﺎ ﻳﺎ ﺍﺣﻤﺪ ﺷﻨﻮ ﻫﺎﻻﻫﺘﻤﺎﻡ ﺑﻌﺪﻙ ﺗﺮﻳﺪ ﺗﻐﻴﺾ ﺍﺑﻦ ﻋﻤﻚ ﺑﻴﻪ ﻟﻮ ﺷﻨﻮ ﺗﺮﻳﺪ ﻟﻮﻳﻦ ﺗﺮﻳﺪ ﺗﻮﺻﻞ ؟؟؟ ﺍﺟﺎﻧﻲ ﺻﻮﺗﻪ ﻳﺮﻋﺪ ﻣﺘﺠﺎﻭﺑﻴﻦ ؟ ﻛﺘﻠﻪ ﺛﻮﺍﻧﻲ ﻭﺟﺎﻳﻪ ﺭﺍﺡ ﺍﺩﺯﻟﺞ ﺳﻴﺎﺭﺓ ﻟﻠﺒﻴﺖ ﺣﺘﻰ ﻣﺘﺄﺧﺮﻳﻨﻪ ﻧﺮﻳﺪ ﻧﺠﺘﻤﻊ ﺗﻤﺎﻡ ﻛﻤﺖ ﺑﺴﺮﻋﺔ ﺷﺪﺍ ﺍﺳﻮﻱ ﻣﺎ ﺍﺩﺭﻱ ﺑﺲ ﺷﻌﻠﻴﻪ ﺑﻌﻤﺮ ﻭﺍﻟﻲ ﺻﺎﺭ ﻣﺎﻟﻪ ﻋﻼﻗﺔ ﺧﻠﻲ ﺍﺭﻭﺡ ﻋﻠﻰ ﺷﻐﻠﻲ ﻣﺼﻠﺤﺘﻲ ﻛﺎﻓﻲ ﺿﻌﻒ ﺧﻠﻲ ﺍﻧﻬﺾ ﻣﻦ ﺟﺪﻳﺪ ﺍﺑﻨﻲ ﻧﻔﺴﻲ ﻃﺰﺯ ﺑﻜﻞ ﺍﻟﻤﺎﺿﻲ ﻗﺎﺑﻞ ﻣﺴﻮﻳﺔ ﺟﺮﻳﻤﺔ ﺍﻧﻲ ﻭﺍﺗﺨﺘﻞ ﻣﻤﺴﻮﻳﺔ ﺷﻲ . ﻛﻤﺖ ﺑﺪﻟﺖ ﺷﻮﻥ ﻣﺠﺎﻥ ﻭﺭﻓﻌﺖ ﺷﻌﺮﻱ ﻛﺒﺎﻳﺔ ﻟﺒﺴﺖ ﺟﻴﻨﺰ ﻭﺗﻴﺸﻴﺮﺕ ﻭﻓﻮﻛﻪ ﺳﺘﺮﺓ ﻭﺩﺍ ﺍﺭﻳﺪ ﺍﻃﻠﻊ ﺍﻧﻠﺰﻣﺖ ﻣﻦ ﺭﺩﻥ ﺍﻟﺴﺘﺮﺓ ﻭﺍﺟﺎﻧﻲ ﺻﻮﺕ ﺗﺎﺭﺓ ﻭﻳﻴﻴﻴﻴﻦ ﻣﻮﻟﻴﻪ ؟ ﻓﻠﺘﺖ ﺍﻳﺪﻱ ﻣﻨﻬﺎ ﺍﻳﻴﻴﻴﻪ ﺷﺒﻴﺞ ﻭﺛﻮﻝ ﺍﺭﻳﺪ ﺍﺭﻭﺡ ﻟﻠﻤﺪﺭﺳﺔ ﺍﻟﻴﻮﻡ ﺩﻭﺍﻡ ﻣﻮ ﻉ ﺍﻻﺳﺎﺱ ﻣﺎﺗﺪﺍﻭﻣﻴﻦ ﻟﻮ ﻛﻼﻡ ﺍﻟﻠﻴﻞ ﻳﻤﺤﻲ ﺍﻟﻨﻬﺎﺭ ؟ ﻣﻌﻠﻴﺞ ﺑﻴﻪ ﻭﻳﻦ ﻛﺮﺍﻣﺘﺞ ﺍﻧﺘﻲ ﻭﻭﻭﻭﻳﻦ ؟ ﺷﻌﻠﻴﻬﺎ ﺍﻟﻜﺮﺍﻣﺔ ﺑﺎﻟﺸﻐﻞ ﺷﻌﻠﻴﻬﺎ ﻫﺎ ؟بيج قصص عراقيه حقيقيه من واقعنا.روعه الطائي ﻻﺗﺸﺘﻐﻠﻴﻦ ﺷﻮﻓﻴﻠﺞ ﺷﻐﻞ ﺛﺎﻧﻲ ﻣﻮ ﻛﻠﺘﻲ ﺍﺑﻮ ﻫﺪﻯ ﺑﻄﻞ ﻫﺎﻱ ﺍﻟﺘﺸﺘﻐﻞ ﻋﻨﺪﻩ ﻭﻳﺮﻳﺪ ﻏﻴﺮﻫﺎ ﺍﻧﺖ ﺍﺳﺘﻠﻤﻲ ﺍﻟﺼﺒﺢ ﻭﺍﻧﻲ ﺍﻟﻌﺼﺮ ﻭﺍﻟﺤﻤﺪﻟﻠﻪ ﺗﺎﺭﺓ ﺗﺮﻛﻴﻨﻲ ﺍﻟﺨﺎﻃﺮ ﺍﻟﻠﻪ ﺗﻌﻮﺩﺕ ﻋﻠﻰ ﺩﻭﺍﻣﻲ ﻭﻃﺎﻟﺒﺎﺗﻲ ﻭﻛﻼﻣﺞ ﻫﺬﺍ ﻣﻴﻬﻤﻨﻲ ﻟﺞ ﺍﻧﺖ ﺷﺘﺮﺩﻳﻦ ﻫﺎ ﻣﻜﻔﺎﺝ ﺍﻟﻲ ﺻﺎﺭ ﺑﻴﺞ ﺷﻮﻛﺖ ﺗﺼﺮﻓﻴﻦ ﺻﺢ ﻫﺎ ؟ ﻟﺞ ﺟﻮﺯﻱ ﻣﻦ ﻫﺎﻱ ﺍﻟﻌﺎﺋﻠﺔ ﺍﻟﻨﻜﺴﺔ ﺍﻟﺨﺒﻴﺜﺔ ﻻ ﺗﻮﺭﻃﻴﻦ ﺭﻭﺣﺞ ﻭﻳﺎﻫﻢ ﻛﺎﻓﻲ ﺍﺭﻳﺪ ﻣﺼﻠﺤﺘﺞ ﺍﻧﻲ . ﺳﻤﻌﺖ ﺻﻮﺕ ﻫﻮﺭﻥ ، ﺍﻟﺘﻔﺘﺖ ﻋﻠﻰ ﺍﻟﺒﺎﺏ ﻭﺭﺟﻌﺖ ﺑﺎﻭﻋﺖ ﺍﻟﻬﺎ ﻻﺯﻣﺘﻨﻲ ﻗﻮﻱ ﺩﻓﻌﺘﻬﺎ ﻭﺍﺧﺬﺕ ﺣﺬﺍﺋﻲ ﺍﺭﻛﺾ ﺑﻲ ﻟﺒﺴﺘﻪ ﺑﺎﻟﻄﺮﻣﺔ ﻭﻃﻠﻌﺖ ﻣﻦ ﺍﻟﺒﻴﺖ ﺑﺴﺮﻋﺔ . ﻳﺘﺒﻊ | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
