22-10-09, 11:15 AM
| #1062 | ||||
| نجم روايتي قاري مميز 
| حيا الله حبيبتي ودوووووووووم  وحمدا لله على السلالالالالامة ياعسل  ربي يحفظ لك حمووود ويفرّح قلبك ..ويرفع راااسك فيه  ***** يعطيك العاااااااافية على هالبااااارت الحلو :icon30: سعيد..ههههه..مرررره فااااالها  ناااازل فيها حركااااااات اغراااء حتى قداااام الناااس:60: بس مايلالالالام..الزين اللي قداااامه خلاه كذا :c4a5c142f5c88b253c6 الريم..فلفليه..العبي بأعصااابه..مرة ابتسمي وعشرة صدّي عنه عشان يمشي عدل>>حااقده عليه من يوم كااايد الراابطه  سهيل.."كيف تبينا نوقف"؟؟علينا؟؟قوول انك تبى تقرّب منها والسلام ..اعرف ان في عيونك برق وفي قلبك رعد..القلب يدق بقووة..والانفاااس سريعة.. والجسم ينتفض..والحرااارة مرتفعة..والرااس يلف ويدووور>>لايكوون بس ام الخنازير  بس اعرف مهما كااابرت..مردّ المقّفي بيلفي العااااش..والله تقدرين تجيبين راااسه..اذا من ابتساامة ضااعت علووومه :crazy:كيف لو تستخدمين بقيه اسلحتك كانثى؟؟صدقيني راح يرفع الراااية البيضاء حمد& امل..وينكم ياااعرب؟؟ الا صح امل..عساااك حضرتي الفرح؟؟ :41:يمكن ودّووم ماشااافتك..عشان كذا ما علمنتا..والا ناااويه تعلمنا في البااارت الجاااي..لانه مومعقوول انك ماتحضررين عرس البناااات..ولو على شااان خااااطر عمك وعمتك..ان حضرتي كفو :icon30:وان لا..لسه انتي فيها..الحقي بسرعة يمداااك الحين..ومو لازم حتى كوافير وانت ياحمد..لا تكوون كذا سلبي..تحرك يآآآآآخي  يعني بس حزين وتايه وتلملم باغراض امل؟؟طيب بالمره كملها دمووع وشراااب وتصير بطل هندي ما اقوووووووول الا الله يهدّي سركم ياجماااعة ****** سلمتي ودوووم يالغااااالية على هالبارت ال :icon30:وبانتظاااااااااارك تطمنينا على الضعوووفة  | ||||
|  |
|
22-10-09, 02:33 PM
| #1064 | ||||
| عضو ذهبي
|  يااااااااهلا والله فيك والحمدالله على السلامه كنت اتوقع امل تحظر الزواج ويشوفها حمد وياخذها معه<< خخخخخخخ بس انصدمت انها ماحظرت او مالها حظور عيووش غريبه ابتسامتها ولا عرفت بلمقلب الي صار لها ننتظرك ياقلبي بفارغ الصبر جــــ,ـــــ,ـــــودي | ||||
|
| |
|
23-10-09, 11:28 PM
| #1068 | ||||
| نجم روايتي وكاتبة في قسم قصص من وحي الأعضاء 
| الجزء الثامن والعشرون جددي فيني حياتي باللقاء دخلت سلمى على سعيد والريم وشافت ان كل واحد فيهم في وادي سعيد:اخيرا يتي مابقيتي تين ياله هاتي عباتها خلينا نتوكل سلمى اطالع سعيد وهيه مبتسمه:شبلاها قاعده عنك اهناك سعيد وهو يحرك حواجبه:مستحيه فديتها توجهت سلمى للريم ولاحظت احمرار عيونها سلمى:ليش اتصيحين لوت الريم على سلمى:ماريييييده سلمى:لا لالا يامينونه شو هالكلام هذا هالحين الريم:سلمى ساعدينيه سلمى:حبيبتي هذي رهبة العرس وبتروح قريب اذكري الله...وسعيد فديته ايحبج وبيداري عليج الريم:انا مادانيييه اكرهه وقف اسعيد عدالهن:لبسيها عباتها اظاهر خويها رجع الها ياله قبل لتسويلنا مناحه التفتت سلمى للريم وهيه مصدقه كلام سعيد سلمى:الريم حبيبتي اذكري الله زاد صياح الريم وسعيد يحث سلمى اتعجل بتلبيسها عباتها وخويها الي يقصده سعيد هو الجني الي يستلبس الناس عاده سلمى صدقته لانها دائما تسمع عن الاحوال الي كانت الريم تعانيها....لبست سلمى الريم عباتها وهيه تقرا المعوذات وسعيد كاتم ضحكته همست سلمى لسعيد:شو بتسوي هالحين سعيد:ان تم على هالحال بغسله بالعقال لين يطلع منها سلمى:لاحول الا بالله ليش ماتعلم حمد سعيد:لا لا لا تحملي اتقولين لحد انا بعرف اتصرف معاه...ياله باي باي مشت سلمى معاهم لين السياره والريم بعدها في نوبة الصياح الي صابتها وبعد ماركب سعيد ومشوشغل القران وطول عليه بعد خمس دقايق سكتت الريم وبندت الراديو الريم:ليش امشغل هذا تتحسبنيه صدق انته ملبوسه سعيد:هههههههه عيل وهز راسه :مافيج شي الريم:ماصخ سعيد:هههههه فديت المصاخه اقول غناتيه انتي تدرين احنا وين بنروح هالحين ما ردت عليه سعيد:بنروح بوظبي بيتنا الي هو صار بيتج طبعا الزفه اتفقو جميعا على انها اتكون في بيت العرسان لان اقسامهم جاهزه واغراض العروستين موجوده في الاقسام وقررو اليوم الثاني يسون الغدا في بيت العريسين سعيد:الريم ياله عاده فليها وخلينا نستانس الريم:قلتلك لاتكلمنيه وخلنيه في حاليه سعيد وعيونه على الطريق:حااااضر الي تبينه انا حااااضر له .................................................. ................. مازال سهيل حابس انفاسه من الحركات الي تطلبها المصوره والعاش مستسلمه لطلباتها التفت سهيل للمصوره:انتي ايه بس عليج...ياله توكلي المصوره وهيه تكلم العاش:عروستنا بيكفي هيك التصوير هزت العاش راسها بنعم وهيه مبتسمه سهيل كان ايطالعها بطرف عينه وهو مستغرب دخلت شما وسلمى وبعض القريبات ومن ضمنهم حمده يباركون للعروسين اول ما شافت العاش حمده قربت من سهيل ومسكت بوسط ذراعه وهيه رافعه راسها فوق طلبت سلمى انهن يتصورن معاهم المصوره انشغلت مع سهيل واخواته ببعض الصور مع معضهم واتقربت حمده من العاش الي كانت مركزه بنظراتها على سهيل والبنات حمده بدون خاطر:مبرووك.. العاش واهيه تبتسم الها:الله ايبارك لج وعقبالج حمده:هه ناس مستانسه وناس قلوبها محروقه العاش:جزاهم واقل من جزاهم حمده:اشوف لسانج طلع العاش:انا لين هالحين محترمتنج ولا الي يانيه منج وايد...مايسوا علينا هالحب الي يخليج تشوهين سمعتيه حمده:انا ما... العاش:بليز حمده مش وقته هالحين تتحججين اليه...كل شي انا عرفته وعرفت كيف انتي لعبتيها عمري ما نصدمت في حد كثر ما نصدمت فيج وجزاج على الله حمده ودموعها تنزل:انتي خذتيه منيه يالعاش خذتيه منيه العاش:عمره ماكان لج عشان اخذه منج...ويالله ما اسمح لج تتكلمين على ملكيه بانه كان ملكج انا عقب الي يانيه منج ما بداري على شعورج ابدا كانت نظرات العاش لحمده نار وسهيل قرب منهن ولاحظ دموع حمده الي التفتت وطلعت من الغرفه سهيل:شبلاكن ...عدها المراسيل ماوقفت بينكن؟ العاش فهمت شو يقصد فصدت بنظرها للجهه الثانيه واهيه تحاول تهدي نفسها اما سهيل فحس بنار تشتعل في صدره لاعتقاده ان حمده اكيد اتوصللها اخبار عوض الي خلاها اتصيح من حاله صرخ على سلمى يستعجلها تيب عباة العاش عشان يطلعون ودعت العاش امها والي يا يودعها وركبت مع سهيل الي تم طول الطريق ساكت وياكل في نفسه بعد ساعه في بيت حمد دخل حمد للصاله واعطى ابوه سويج سيارة ابوه الي كان يستخدمها في نصف الهول فجئه صرخ صوت الكعب على السلم نازل رفع حمد نظره للسواد الي نازل وواصل لنصف السلم الا انها اول ما انتبهت الهم رجعت بسرعه تصعد السلم حمد حس ان نظره وراسه الي ارتفع ناحيتها وروحه الي لحقتها كل شي فيه اتوجه الها كان شي كان ايجره للي شافه اول ماخطى خطوه بدون مايحس ايريد يلحقها ابو حمد:حمـــــــــد خذ نفس والتفت لبوه ابو حمد:طالبنك طلبه اليوم بات في الميلس مادرا ابو حمد انه ذبح حمد مره ثانيه رفع حمد نظره لبوه:لاتخاف ...البيت والميلس والعين بكبرها انا هب بايت فيها انا ساري بوظبي هالحين خلهم ياخذون راحتهم في اي مكان ايريدون يالله تصبح على خير طلع حمد وروحه تنذبح ذبح من الي يحسه ...معقوله انا اذيتها لهذي الدرجه عشان اتعاقب بالي سويته هز راسه وظرب السكان وطلع من البيت بصوت عالي طالع من سيارته ............................................. سعيد:ريمي ....شووه رقدتي يالله وصلنا صرخ بعدها سعيد وانتفضت الريم الريم:شبلااك؟ سعيد:سهيل والعاش وصلو قبلنا ...هذي سيارتهم لخمام سواها الله ايعين اختج على سرعة سهيل بس كيف سبقونا تمت الريم اطالعه واهيه اتحس بقهر امنه صدق انه متفيق كان سهيل والعاش فعلا واصلين قبلهم بعشر دقايق فتح سهيل القسم ودخلت العاش الي اعجبت وايد بترتيب القسم وهيه تجول بنظرها في كل مكان سهيل بحركات تمثيليه:هذي الغرفه وهذي الصاله وهذا المطبخ وفي غرفه بعد زياده بس بعدها ما تاثثت خذي راحتج ياعروسه محد معاج اهنيه ولا تفكرين ان في بعد كيمرات تلحقج محد اهنيه غيري وغيرج ومثل ما لاحظتي احنا في الدور الثالث يعني الدور كله النا يعني حتى الصوت محد بيسمعه اذا يعني في خاطرج اتغنين ولاتقولين اي شي العاش:ممكن اروح ابدل؟ التفت الها وهو خاطره يشبع من الي يشوفه سهيل:الي تبينه سويه ولا تشاورين حد نزلت راسها والتفتت رايحه للغرفه وقف سهيل في البلكونه وطلع علبة زقارا كان يدوخ نادرا وبدون علم حد عقب اشوي تفاجئ بصوتها العاش:سهيل انته ادوخ؟!!!!!ّ التفت براسه الها وماكان لابس سفرته سهيل:سيري داخل العاش:ما اعتقد حد ايشوفنيه اهنيه سهيل:قلت روحي داخل العاش بتردد:ممكن اتي تساعدنيه في فتح ازرار الفستان ارتجف سهيل وغمض عيونه....يالييييل الشقى سهيل:وانتي ماتعرفين تفتحينهن بروحج العاش:حاولت وماقدرت التفت لجدام وهو يكمل تدخينه:حاولي مره ثانيه حست العاش بانكسار ونزلت راسها والتفتت راجعه للغرفه الا ان سهيل دخل للصاله وناداها سهيل:صبري ......تعالي التفتت له وخطت كم خطوه ناحيته اهو قعد على طرف الكرسي عشان يوازن مستوا ازرار فستانها وقفت العاش جدامه والتفتت معطيتنه ظهرهاكان يرتجف ويحاول يسيطر على نفسه ياناس هذي بنت دار الزين الي كانت مدوختنيه وملعوزتنيه....اهواك يامشعل غرامي...الله يعينك ياسهيل على ما ابتلاك كان متعجب انها ما قالت شي ولا فتحت اسطوانة انها مغصوبه..ولا خلاص اهيه تدري انيه عرفت بسالفتها وتنتظر منيه حل لوضعنا سهيل:شو هذا ازرار ان شالله بتم افتحهن زر زر ابتسمت العاش كان صدرها يرتفع وينزل من وضعها واستسلامها انه يفتح الها الازرار سهيل:ليش ما ركبتلج سحاب العاش:موديله جذيه...خلاص انا بحاول مره ثانيه سهيل:صبري بفتحهن خذ نفس وبدا بفتح اول الازرار...عشر ازرار وحس ان الباقي تفتح بروحها العاش:خلاص انا بكمل الباقي مشت خطوتين وبدون مايحس مسكها وهو يوقف وسحبها ناحيته ضام ظهرها لصدره حوطها بيديه وهمس الها وهو ياخذ نفس من ريحة عطرها الي في شعرها سهيل:مره ثانيه لاتحطين العطر الدهني هذا...ريحته هب حلوه تركها وهويحاول يسيطر على نفسه وراح للبلكونه كانت العاش ترتجف وهيه منحرجه ومشت بسرعه للغرفه سكرت الباب واتساندت عليه .................................................. ............... كان سعيد متوهق مع الريم وهو يساعدها تصعد السلم وكل شوي يعدل في فستانها الي يعلق في فتحات حاجز السلم سعيد:اسميه انه لعواز عقيه تنرفزت الريم ومسكت فستانها بايديها ورفعته وصعدت السلم بروحها بحركه معصبه سعيد:هههه لو دريت من الصبح عصبتبج لحقها وهو بعده يضحك وعند باب القسم سعيد:برجلج اليمين وقولي بسم الله الله يثبتج التفتت له معصبه:شقصدك الله يثبتني سعيد:يابنت الحلال كلمه مجرد كلمه لاتنقين فيها...تعالي برويج القسم ترا قسمنا اكبر من قسم سهيل وحرمته واحلا كله ذوقيه...شوفي هذي الصاله روووعه صح وعندنا غرفتين زياده حق عيالنا فديتهم اباهم كلهم عيال وهذي غرفة مكتب وهذي غرفتنا شرايج كانت الغرفه روعه الريم ما اظهرت له اي شعور وتمت اطالعه بس بطرف عينها مع شعورها بدقات قلبها المتزايده الريم:انا ببات بروحيه اهنيه سعيد:افااا وانا الريم:عندك غرفتين ثانيات اختارلك وحده سعيد:افاااا واهون عليج الريم:ماليه خص سعيد:حاااااااضر مره الي تبينه انا حاضر له المهم رضاج الريم:لووووتي ابتسم سعيد:لعيووونج الريم:ممكن هالحين تطلع عشان ابدل سعيد:احم ماتبين مساعده الريم:لا سعيد:طيب طيب انا ترانيه في الصاله اذا احتجتي شي نادينيه طلع سعيد وعلى طول الريم غفلة الباب .......................................... بدلت العاش ولبست قميص ملكي حريربروب دانتيل يسحب وراها وقصته من جدام على موديل الهاينك فردت شعرها وحطت تاج بسيط بالكرستال جامع شعرها من جدام لفوق حطت قلوس وطلعت لسهيل الي كان قاعد ويطالع التلفزون اتقربت امنه وقعدت على الكرسي القريب كان ايحس ابها الا انه ما التفت الها وتم مركز على التلفزون وضيع الي يشوفه وبدون ما يلتفت ناحيتها سهيل:مارقدتي العاش:مابنصلي؟ سهيل:صلي بروحج انا صليت سكتت العاش ونزلت راسها تحت سهيل:سيري صلي وحطي راسج وارقدي العاش:وانته مابترقد ابتسم:انا متا يانيه الرقاد رقدت لاتخافين غفلي الباب اذا تبين ترتاحين عنديه شنطة اثياب اهنيه قامت العاش وراحت للداخل مش عارفه كيف اتشل الحاجز الي قاعد سهيل يبنيه بينهم فكرت انها بتعرف تتصرف معاه لاكن الي تشوفه شخص ثاني عن سهيل الي تحيده دق سعيد الباب على الريم سعيد:الريييم اريد ثيابيه في الكبت زفرت الريم الي كانت لابسه قميص مشابه لقميص العاش بلون ثاني سكري فتحت الباب واطلق سعيد صفير اعجاب سعيد:ليش لابسه فستان الريم:الحمدلله والشكر هالحين هذا فستان سعيد:لا لا لا لاتقولين هذا هو قميص الدخله احمر ويه الريم:انته شبلاك خذ اثيابك ياله واتوكل سعيد:حق منو لابستنه الريم:سعيييد سعيد:ياعيون سعيد وروح سعيد وقلب سعيد كان يتقدم صوبها واهيه تخطو لورا الريم:شف ايييه انته شبلااك انته قلت مابتغصبنيه على شي سعيد باستعباط:وشو انا الي بغصبج عليه التفت الريم ورا السرير:خذ اثيابك ورووح سعيد:باخذ ثيابيه وبدخل اتسبح وعقب بنتفاهم الريم:انزين خلص رووح كان سهيل كل شوي يوقف ويروح لباب الغرفه وايرد هو متاكد انها اكيد غفلة الباب وفي اخر مره قرب من الباب فتح الباب وحصله مفتوح كان يحاول يمنع نفسه انه مايدخل لاكنه ماقدر شافها قاعده وافتشل انه دخل رفعت راسها ناحيته ووقفت على طول سهيل وهو متخربط:آ آ انا اريد الشاحن ماحصلته برا ودار لخلف السرير وين مايتذكر مره خلاه خذه ووقف ايريد يطلع لاكنه وقف والتفت ناحيتها سهيل:ليش مارقدتي؟ العاش واهيه ترفع اكتوفها:ماعرف يمكن عشانيه مغيره المكان سهيل:مب اول مره تباتين عندنا؟ العاش:خذت وقت لين تعودت على غرفة شموه سهيل بمغزا ثاني:يعني يبالج وقت لين تتعودين على هالمكان العاش وهيه فاهمتله:انا حبيت المكان ومااعتقد انيه بطول عشان اتعود عليه كانت اعيونه اطالعها وتنح اهو ومافهم شو تقصد مثل الحلم ايشوفها ومش متخيل انها واقع جدامه سهيل وهو طالع:في ثلاجة المطبخ كيك وعصاير اذا تبين يمكن اليوع مانعنج من الرقاد تمت العاش اطالعه لين ما اختفى عن عينها ............................ غرشة العطر كلها اتسبح ابها سعيد وهو طالع بالوزار والفانيله ويمشط شعره سعيد:احم وين راااحت طلع وحصلها في الصاله سعيد:ليش مارقدتي؟تنتظرينيه؟ الريم:ليش الغرف هذي مغفله؟ سعيد:ماجهزناها ماكان في وقت...بنجهزها معاج عقب الريم:اوكيه انا اريد اروح ارقد توجهت للغرفه وسعيد يلحقها الريم:شو تريد؟ سعيد:اريد ارقد الريم:في الصاله سعيد:انتي شفتي موديل الكراسي كيف الريم:ماليه خص افرشلك على الارض سعيد:الريم حرام عليج هذي اول ليله النا انتي بترقدين في مكان وانا في مكان عقب بتندمين الريم:اكثر من ما انا متندمه على موافقتيه عليك ما بتندم سعيد:ليش انتي جذيه خلاص عاده يابنت الحلال شو لينه بنتم جذيه الريم:قلبيه مش راضي عليك سعيد:والله ما اجرمت؟ الريم:ماليه خص اتركنيه في حاليه سعيد:شرايج بعد اتركلج القسم كله دخل سعيد للغرفه ولبس ثوبه وطلع وهو يحط سويجه وتيلفونه في جيب ثوبه وغترته على كتفه وقفت الريم في طريقه:انته وين تبا اتروح سعيد:باروح الميلس الريم:تبا تفضحنا؟ سعيد:عادي عندج خليهم يدرون الريم:مب انته الي تقولليه انا مستعد اصبر عليج سعيد:يعني في امل حق صبريه ترانيه وايد ضاغط على نفسيه عشانج الريم:تكرهنيه؟؟ سعيد:هالحين شو ياب طاري الكره؟ الريم:انته شو تريد هالحين وتطرد فكرة الطلعه هذي؟ سعيد:ابات عندج في الغرفه واوعدج مابتعدا حدوديه الريم:خلاص انزين ابتسم سعيد وراح للغرفه وهو يخلع ثوبه بعد ربع ساعه بعد ما دخلت الريم للفراش سحبها سعيد عنده وهو ايقول سعيد:تدرين طلع ماليه حدود في الغرفه كل شي ملكيه الريم:ياوييييلك ........................... في اليوم الثاني كان سهيل وسعيد في نفس الوقت نازلين اول مره ومن وقت طبعا مع بعض:غريييييبه ههههههههههه سهيل:علومك المعرس؟ سعيد:والله لعلوم عندك سهيل:هات علومك انته اول؟ سعيد:معركه طاحنه انتهت بعشرين عضه في جسميه...تقول ماخذليه قطوه سهيل:الله ايغربلك...ماعندك صبر اتقردنها كم يوم بعد سعيد:لاااا شكليه بعطيها شهر جدام عقب العض الي يانيه سهيل:ههههه ملغوث من يومك ملغوث رحبت ام العرسان اول ما شافت عيالها نازلين ومسحت دموعها من الفرحه لوت على سعيد الي صرخ سعيد:اي لاتلوين عليه الام:بسم الله عليك شو فيك سهيل:يعنيه افارقك....اميه سعيد البارحه انزلق وانزلق ظهره سعيد:هيه صدقه الزلق عده مابرا الام:بسم الله عليك يتك عين ما صلت على النبي كلن ايقول شو هالمعرس الغاوي سعيد:صدق اميه...انا صح المعرس الغاوي ريل العروس الغاويه فديتها وفديت اضروسها سهيل:كح كح احم اميه انا وسعيد بنروح عندنا مشوار وبنرد طالعي البنات الام:يعل ربيه يوفقكم ويبارك الكم في عرسكم البنات في عيونيه لا تاخذون همهن سحب سهيل سعيد وطلعو سعيد:اي اي لاتمسكنيه منيه يعد ساعتين نزلت العاش وحصلت سلمى وشما جدامها وعقب ساعه نزلت الريم الي كان باين الغيظ على ويهها همست الها العاش العاش:الحلو شبلاه معصب جذيه الريم:اكرهه العاش:لحووووه خلاص عاده الريم الريم:يتحسبنيه وحده من خوياته.....يغصبنيه على شي ما اريده العاش:اششششش انتي عاده الي ما اتخيلج تتكلمين في هالموضوع انجبي ياله الريم:انا مقهوره العاش:خلاص عاده حكمي عقلج مافي تراجع هالحين لازم اتشوفيلج حل يرضيج واستعيني بالله ترا كل شي بيده وقادر يجلب القلوب مثل ما يريد الريم:والنعم بالله العاش:الزمي الاستغفار الريم:ان شالله توافدت عقب بعض الحريم والجارات مهنيات للعروستين وفي وقت الغدا اتصل خليفه بسهيل وسعيد عشان يحضرون الغدا لاكن جوالاتهم كانت مغلقه ابو سعيد:هاه ياولديه رد عليك حد منهم خليفه:تيلفوناتهم مغلقه ياعميه ابو سعيد:لا حول ولا قوة الابالله هم يعني مايدرون ان عندنا غدا والعالم كلهم بيون خليفه:ياعميه ان شالله انهم سلوم وحجتهم معاهم كان الاب متوتر لان هذي اول مره تصير عادة وقت العزايم العاديه يكونون موجودين ومرتبين كل شي لاكن مايصير اليوم في صباحيتهم يختفون وجب الاب ضيوفه وتعذر لعياله باعذار ثانيه وبعد ساعه انتشر التوتر والانتظار عند الكل ومن ضمنهم العاش الي تدري ان سهيل مارقد لين الصبح ## ## ## ودمتم وديمه العطا التعديل الأخير تم بواسطة كاردينيا الغوازي ; 31-12-17 الساعة 04:12 PM | ||||
|
| |
|
24-10-09, 12:07 AM
| #1069 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| وديمة مشكورة على البارت ربى لا يحرمنا منك أبد ... وديمة شو عملتى بالعرسان ؟؟؟ يا رب لطفك . سعيد ... تستاهل ما أجاك ... عشرين عضة مفروض تروح المستشفى و يعطوك إبرة تيتانوس >>> قلنالك قبل هيك الريم حافظة كل ألعابك و لازم تبين أنك ندمان على الماضى و تشوف بعينها هالندم من تصرفاتك ... و زود هالحركات أصل القط ما بيحب إلا خناقه ... أمل ... كويس إنك حضرتى العرس بس ليش الهروب الجارح ... الكل قال لك شو عمل علشانك و كيف كان راح يموت عليكى ... طيب شوفى كيف شكله صاير ... يا بنت حنى عليه و على حالك... ربى يهدى سركم ... العاش ... كيف كشفتى خطة اللى ما تنذكر حمدة ؟؟؟ حافظى على قوتك و تصميمك للحفاظ على سهيل و ما تزعلى من كلامه و تصرفاته لأنها من وراء قلبه و تذكرى كيف كان يتصرف معاكى قبل وشاية السوسة حمدة ... و إستمرى بخطتك لإستمالته و إطمئنى الطريق سهل و مش محتاج إلا شوية ... ربى يطمنك عليه و يحفظه لك ... وديمة متابعاكى و شكراً لك | |||||
|
| |
|
24-10-09, 12:11 AM
| #1070 | ||||
| ههههههههههههههههههههههههه ه الله يقطع إبليسك ياسعيد والله إني فطست ضحك على سوالفه ....يومه يقول فديت العروس الغاوية وفديت ضروسها العاش حلو إنها عرفت حمده ونواياها ووقفتها عند حدها ...لكن متى بتفهم سهيل الحقيقة وتريحه.. حمد ومسلسل تدخل أبوه ....متى راح ينتهي ....والله يكسر الخاطر من قلب يعطيك العافية ودوم على الجزء الحلو بانتظار المزيد من الأحداث | ||||
|
| |
 |
| أدوات الموضوع | |
| انواع عرض الموضوع | |
|
|
47Likes
العرض العادي
