آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-04-20, 11:33 PM
| #1 | |||||||||||||||||
| مراقبة عامة ومشرفة منتدى الروايات المنقولة  
|  أول الغيث مهره للكاتبة/ فيد عبد الله "عراقية" مميزه (مكتملة)
التعديل الأخير تم بواسطة فيتامين سي ; 20-04-20 الساعة 12:20 AM | |||||||||||||||||
|  |
|
07-04-20, 11:34 PM
| #2 | ||||||||
| مراقبة عامة ومشرفة منتدى الروايات المنقولة
|   #اول_الغيث_مهرة فيد عبد الله #البارت_الاول مهرة،،كعدت الصبح مثل كل يوم اخذ صفنة بمكاني اتذكر حياتي قبل مااتزوج وهسة اقاررن احن اتمنى ارجع بنية ما متزوجة ماعندي غير نفسي وبس ارجع لعائلتي الحلوة الصغيرة امي واخوية فارس الاصغر مني بسنة وبس ماعندنة كل هم والضحكة تارسة وجوهنة رغم ضعف الحال الي اتدهور بعد وفاة ابوية بس امي بعشر زلم ،،صح هسة عمري 19 بس بهالسنة هواي كبرت وتغيرت حيااتي هواي تغيرات اتلمست بطني ابتسمت و اتعوذت الشيطان من هالتفكير اليتعبني وكمت من وكت صليت ونزلت حتى احضر الريوك للكل لكيت عمتي كاعدة تسبح بالمطبخ ومخدرة الچاي ابتسمتلي رحت بست راسهة وكتلهة صباح الخير عمة ام ريسان،،صباح النور عمة يلا همي روحج عمة لا يگعد الحجي مهرة،،اي عمة بلشت احضر بالريوك وطب غسان حماية الصغير شايل الصمون غسان،،صباح الخير الكل،،صباح النور مهرة،،كملت الريوك وطلعت مرت ريسان من الغرفة كوة تتمشة تجر بروحهة جر ميلاء،،صباح الخير ام ريسان،،صباح النور عمة شجاج على هالنوم اكعدي يوم گبل هالبنية ميلاء،،عمة الجهال ميخلوني انام زين هية ما عندهة شي ام ريسان ،،شوون ما عندهة شي مو هم حامل وتعبانة مهرة،،ما عندي شي عمة كملت، ،صدك حضرت كلشي وصعدت اكعد بعدنان، ،عدنان يلا گوم يا عيني هسة يگعد عمي ويظل يصيح عدنان،،كمت اوووه يا ملحتج،، روحي حضريلي الحمام اسبح مهرة،،ماشي عيني بساع،،حضرت الحمام وطب يسبح نزلت عمي گاعد ،،صباح الخير عمي،،مد ايدة وهاي عادتة اليگعد يبوس ايدة من الصبح شكد اكره هالعادة يعني احبة واحترمة من ذاتي اقدم على هالشي مو اجبار حجي محمد(ابو ريسان)،،وين رچلج مهرة،،كعدتة عمي يبدل وينزل حجي محمد،،اتمنى هالولد يصير گد المسؤلية كلة تسحسل غير كون وراه مرة تهمة، ،،، اكعدن يلا صبن الچاي مهرة،،كعدنة وعمتي تصب بالچاي وتوزع بالصمون ابتسامتهة ضد عبوس وجه عمي وعگدة حواجبة المتفك حتى وهو نايم، ،نزل عدنان باس ايد عمي وراس عمتي وگعد يتريك ميحاچي ولدة الرزالة لنسوان ولدة ليگول احنة بيدنة عصا سحرية نغير اطباعهم بكيفنة ما صارلي سنة من تزوجت وكل شي غلط يسويه عدنان ينحط بخانتي واني فد وحدة جباااانة اسكت واكول صار،،كملنة هوسة الريوگ بالستة كلمن طلع لشغلة ريسان للمحل وعدنان بالتكسي مالتة غسان لدوامة ويبقى عمي بالبيت يبدة بمرحلة الاستكشاف شنو مو بمكانة شنو ما منضف عدل بكلشي يتدخل جان متحكم بكل مفاصل حياتنة شوكت ننام شوكت نكعد شوكت ناكل شوكت نشرب والكل تطيعة بلا نقاش ريسان الصار شكبرة وجهالة تلاثة وياه بالغرفة ويخاف يطلب غرفة ثانية يبنيهة فوك لجهالة لو يعزل ببيت ثاني رغم ضيك هالبيت الي كل مساحتة 150بس ميتجرأ اهاا غير تقوم القيامة لو حمواتي الي يجن ساعتين بس بالاسبوع لان جهالهن وكحين يخربون حديقة عمي لو احنة الي كل عشر ايام يلا نروح لاهلنة رغم قرب اهلي مني بس ممنوع بكيفنة و نروح الصبح نرجع قبل العشا جان انسان كلش متسلط عكس عمتي فد طيبة وحقانية بس هية وياه وياه تخاف منة كلش،،،كمت اكمل شغلي الجان الطبخ علية بيومهة والمطبخ وميلاء البيت والعشا وثاني يوم ينعكس الجدول والخبز عمتي تخبز ميحبون غير خبزتهة وهي صدك طيبة مرات اوگف وياهة اعاونهة لان تعبانة بس طبعا محد يدري اخبز وياهة شون اكسر حجاية عمي الي هو بايدة قسم الشغل شفت العجب بتحكمة ومن اسولف لامي تگلي ميخالف اتحملي يمة اشكال شفنة من العيال ما دام رجلج زين هاي هية،،،عدنان جان زين شاب بسيط اتقدملي تقليدي امة وخواتة يخيطن يم امي وشافني من اجن وانعجبن بية وصارت الخطوبة جان بالبداية مال الخطوبة احسة عصبي وميتفاهم ومن اسولف لامي تگلي عوديه انتي عليج وغيريه من تزوجت عرفت انه هوة وريسان يحاولن يفرضون شخصياتهم علينة لان ما الهم اي شخصية اصلا ابوهم ماسحهة بتصرفاتة عدا غسان الي هوة اصغرهم بس اشوفة ميقبل ينهان ويسكت ابد ينتفض ويرفض وينطرد ويغلطون عليه يعوف البيت ويروح لبيت عمة رافض سيطرة عمي حجي محمد واااه يا حجي محمد شسوة بينة،،،كملت الطبخ ونضفت المطبخ صارت بالتسعة ونص كعدت عالقنفة بالمطبخ اريح حجي محمد،،هاا كملتي شغلج مهرة،،فزيت وكفت،،اي عمي كملت كلشي حجي محند،،خوش روحي كنسي الحديقة شفت طايح بيهة ورق من النارنج مهرة،،اي عمي رايحة،،لفيت شالي وطلعت الشمس تسمط المطي وطلعني بهالحر جان شهر الرابع نهايتة اكنس اني وبطني كنستهة ولميت الورق ورجعت غسلت الحوش جاي اغسل وشايلة طرف دشداشتي بايدي وطب عدنان اتقدم لزم ايدي من زندي عدنان،،ادب سزز متستحين مطلعة رجليج مو خواني رايحين رادين طب واحد منهم مهرة،،والله تتبلل دشداشتي وبعدين مو وكت جيتهم والله عدنان،،طايحة الحظ ان عدتيهة اوديج لامج تعيد ترباتج مهرة،،دنكت نزلت دموعي وهو نتر ايدي وطب مدري شأخذ وطلع، ،كملت وطبيت سبحت ورتبت غرفتي ونضفتهة افف يا جگايرك يا عدنان والله لو يدري بيك عمي تدخن،حضرت هدوم عدنان يجي يسبح ولو حاقدة هليه عالسواه بس مااريد يكوم يغرد جدام الباقيين اعرف شون اعاقبة ،كملت ونزلت احضر للغدة وعمي يفتر يشوفني شسوي وعمتي يمي عالقنفة تسبح حضرت المواعين والزلاطة لگطت الخضرة وخبطت اللبن بدون مبالغة بس اني بشهادة الكل ام بيت درجة اولى وطبخي كلش طيب حتى بيوم طبخي المواعين تنمسح وبيوم ميلاء يزود منة وطبعا ثاني يوم احميه وافكر شسوي وياه بعد لان ماكو شي ينذب او اطبخ نفس الطبخة واحسنهة واخبط طبخ ميلاء وياه يضيع الطعم بطعم طبخي،،اجوي الولد صبيت الباميا والتمن والخبز الحار حضرت السفرة وغسان وياي ينگل ام البقية فنضرة سي السيد قوية عندهم محد يحرك اصبع كملت السفرة والتم الكل وبلشوا بالاكل كملنة وصبيت الچاي غسلت المواعين وصعدت امدد احس متكسرة الحمل ثگيل بدلت بشي خفيف وهستوني مددت واتقرب عدنان عدنان،،اكوول شهالگيمر مهرة،،اريد انام تعبانة عدنان،،من شفتج وشفتيني تعبانة انخمدي ماخذ طابوكة مو مرة،،والله محد يلومني لو اتزوجت عليج عووبة مهرة،،درت وجهي ودموعي تجري هذاانتة تريد بس حاجتك يوم اجيت سالتني شبية شمحتاجة شاريد مو شرط شي مادي مشاعري احاسيسي ماكو تريد عبدة مو زوجة نمت ساعة وكعدت عالمنبه كعدت عدنان الوجه معفوس الف عفسة لان ما خليتة يتقربلي ،،،بدلت ونزلت خدرت الچاي كعدت عمتي وريسان طلع مبدل صبيت چاي للكل شربوا وكلمن راح لشغلة، ،،لليل سوت العشاء ميلاء واتعشينة وشربنة چاي وكلمن لغرفتهة جاي امسح بالگدام الغرفة واسمع صوت عمي حجي محمد،،عدنان اليوم الوارد قليل ليش وين صارف منة عدنان،،حجي الله وكيلك ماكو عبرية ريسان،،هاي حجي اتفضل هذا وارد اليوم حجي محمد،،عفية بالسبع الله يرزقك ريسان،،يابة بلا زحمة ردت مصرف اخذ قمر للطبيب حجي محمد،،شبيهة ريسان،،يابة تشكي من خاصرتهة صار چم يوم حجي محمد،،كدما تكمز ما بيهة شي خل تركد وتصير زينة مهرة،،طبيت للغرفة مااتحمل بعد حتى هالجاهلة هم فرضت عليهة قسوتك،،غسلت وبدلت ونمت حتى كبل لايصعد عدنان، ،،وثاني يووم نفس الروتين بس الفرق اليوم اروح لاهلي كمت كلي طاقة احضر بالريوك وكملنة بسرعة نضفت البيت سويت عجينة كباب للعشا حتى مااحير من ارجع بدلت ووصلتني عمتي طبيت متلهفة لامي ابوس بيهة مشتاقتلهة، ،،يمة حتى صوت مكينتج مشتاقتلة مشتاقة لبيتي ولمكاني ام مهرة،،يمة لا تضلين ناقمة على عيشتج اتحملي تخلص مهرة،،لا يمة الحمدلله بس اشتاقلكم ام مهرة،،شتردين غدة جبت سمچة البارحة علمودج شتردين اطبخهة مهرة،،لا يمة لا تتعبين روحج هسة اگوم اسويهة مطبگ سمچ ام مهرة،،يمة تجين ترتاحين يمي لو تخلصيهة شغل مهرة،،ميخالف يمة اكره الكعدة، ،نضفت البيت رغم هوة نضيف ووكفنة اني وامي نسولف ونطبخ بالغدة سويت مطبگ وكملتة وكام يأذن رحت سبحت ووكفت اتوضة عالسنك وطب فارس من الباب فارس،،الللله اللله الريحة واصلة الراس الفرع هذا طبخ فرسة موو مهرة،،فرسة بعينك مهرررة اكو احلى من اسمي فارس،،فرسة مهرة هو كلة راجع للحصن مهرة،،ماماااا شوفيه كرهت اسمي من وراك ام مهرة،،فارس خل اكمل صلاتي وعوف اختك فارس،اي ادري كلنة ابوي الله يرحمة يحب الخيل مالكة الا يسمينة هالاسماء مهرة،،اسمي حابتة ومقتنعة بي انتة حب اسمك،،شلونك والله مشتاقتلك فارس،،زين واني هم مشتاقلج ليش متجينة دائما لو عمج ابو راس المربع ميقبل مهرة،،هههههه مو تعرف فارس،،بس خل اكبررر الا ابنيلج بيت واكعدج بي لان رجلج الشفية مبين ميطلع منة شي مهرة،،اويلي فديت الحنين،،رحت حضنتة فارس رغم صغر عمرة بس شايل همنة ومسؤليتنة هوواي احسة اكبر من عمرة والاعشقة بي حنيتة علية كل يومين تلاثة يمرلي وشوف شمشتريلي من شغلة ورة الدوام يداوم عامل باسواق قريبة يشتري من يوميتة،،صليت واتغدينة وسوالف وضحك وچاي وحب فارس راح لشغلة وضلينة اني وامي تشوفني شمخيطة لابني ماحسيت عالوكت الا لمن دگ هورن عدنان لبست عبايتي لان احنة بمنطقة شعبية طبعا جنت ما البسهة بس من تزوجت فرض عمي البسهة لان كل بناتهم وميلاء لابسين رغم اني ناعم جسمي مو طويلة وضخمة بس بعد ويامن تحجي بوست امي وطلعت رجعنة للبيت وبلشت بالعشا كملت الهوسة وصعدت سبحت وطلعت اجة عدنان يبوس بية عدنان،،بعدة الحلوو زعلان مهرة،،لا تأذيني عدنان انقهر من ترزلني عدنان،،ماافتهم وازعل هالجمال مهرة،،كالعادة صالحني اخذ اليريدة ونام يلا اهم شي يهتم لزعلي ويجي يتعذر اسكت روحي واقنعهة ،،،،،،،،لليل كلش نسمع صوت قمر تبچي وتعيط نزلنة وهي تصرخ وانخبص البيت لعياطهة اخذوهة وركضوا للمستشفى وشوية ورجعوا اخذوا ملابس وغراض مدخليهة عمليات طالعة عندهة الزائدة ملتهبة وسولهة عملية خطية صارلهة چم يوم تلوج بس تحاجي منوو، ،،،،اتكرر روتين ايامي بنفس الصورة طبخ تنضيف اوامر وطلبات وعدنان واسلوبة اليحير على كد الي يريدة ويبدل اسلوبة دخلت بالسابع وتعب الحمل بين ونفسيتي تعبانة ادخل للحمام اشبع بچي واطلع لان هذا المكان الوحيد الما اتحاسب بي على تصرفاتي ،بيوم كعدت الصبح مخنوگة مااعرف شبية كوة احس وقتي يمشي كمملت الطبخ وصعدت انضف غرفتي واسبح طلعت من الحمام جاي امشط واسمع عياط عمتي رج البيت رج نزلت مفزوعة حتى شالي ما لبستة وصلت وعمتي تملخ بروحهة وعمي يصيح خل نتأكد صوتج يا مرة ام ريسان،،يمة ابني راح يمة يمة صخام بوجهي راح عدنااان،،،يتبع التعديل الأخير تم بواسطة فيتامين سي ; 20-04-20 الساعة 12:27 AM | ||||||||
|
| |
|
07-04-20, 11:35 PM
| #3 | ||||||||
| مراقبة عامة ومشرفة منتدى الروايات المنقولة
| #اول_الغيث_مهرة فيد عبدالله #بارت٢ #البارت_الثاني مهرة،،شكوو عمة حجيتهة بفهاوة مصدومة ميلاء،،ولج رجلج راح رجلج يا مصخمة مهرة،،كعدت بالگاع احس وشة باذني صارت اباوعلهم وصافنة احس ما جاي استوعب شنو ليش وين وشصار ما بية حتى احجي. بردت كلش وشوية وطبن حمواتي وحدة ورة الخ وكل وحدة تبجي وتملخ بروحهة واني بس اباوع فاقدة حتى مااعرف شسوي لهناك وحسيت حضن دافي اخذني اي امي هاي امي وريحتهة ختلت بحضنهة ارجف ومغمضة اون بس ام مهرة،،اسم الله بنتي احجي طلعي صوت دمووع يمة بنتي شبيج مهرة،،ارجف واون بسكوت شوية وحماتي اجتي يمي ازل،،شبيج مهرة احجي ولج شبيهة هاي خالة ام مهرة،،يمة بنتي دخيلكم راح تروح مني مهرة،،كوموني وامي شهكت ام مهرة،،عززة امي شبيج ناكعة هدومج صخام مهرة،،وكعت بايدهم مااحس بروحي ما كعدت الا واني بالمستشفى امي يمي باوعتلهة ونزلت دموعي،،ماماااا ام مهرة،،عيوني شبيج يوجعج شي مهرة،،ماما عدنان وين كليلي ما بي شي موو يچذبون مابي شي اصلا الصبح طلع مابي شي ام مهرة،،كافي امي عيوني لا تسوين هيج هذااعتراض على حكم رب العالمين مهرة،،ماما ششفت اني بعدني ما كملت سنة ماما ليش ليش وكملت املخ بروحي واعيط ام مهرة،،كافي ماما موزين عاللي ببطنج كوة راكد كافي يا عيوني انتي هذا حد يومة مهرة،،اتهسترت فقدت من تفقد انسان متحضرك غير مواقفة الحلوة تتناسة كلشي سئ صدر منة وهذا يزيد وجع قلبك وروحك اجتي الدكتورة ضربتني ابر مهدئة واني صرت بس دمووع تصب،،ماما شلون مات ام مهرة،،عركة بين سواق وساحبين سلاح واجتي بي طلقة تايهة مهرة،،عيوني تصب دموع،مو هاي نهايتك عدنان شكد جنت تحب الدنيا اوووف يا وجع قلبي ،اووف يا عيني انتة شكالت روحك شسويت شحجيت ما شفت ابنك راح يجي للدنيا يتيم لليل حسيت امي تحجي وي وحدة ام مهرة،،ميصير عيني تعبان وضعهة شلون تطلع صار شي عالطفل تردوهة تتخبل لا زوجهة ولا ابنهة ازل،،شبيدي خالة مو تعرفين ابوية لو راد شي لازم يصير حبابة خلي نطلعهة واني اداريهة والله مهرة،،ماما اريد اطلع اريد اوكف بفاتحة زوجي اريد اصدك،،طلعت وامي وياي وازل. رجعنة زوج ازل طبيت البيت مگلوب بالعالم والعياط واني انعصرت روحي والحجي يوصل لاذني هاي مرتة خطية بعدهة زغيرة لو اووي فگر كسحت الرجال لو الله يعينهة عالجاي لو مسكين ابنهة ينولد يتيم. حجي يخليك تتدمر اكثر من دمار روحك ما شفتة ما جابوه اصلا للبيت رغم توسلت بامي وازل يجيبوه اشوفة بس ماكو محد قبل ولا حتى فاتحة قبلوا يسولة اذا ما ياخذون ثارة كلهة ناوية شر ويحجون بدم وفصل واني اني محد حاس بوجعي محد گال هاي شصاير بيهة شتحس لا صرت اشوف النضرات تباوعلي بكره عبالك اني الي موتة. اتذكر بيوم السابع رحت للمطبخ ميلاء لامة حزب ويسولفون واسمعهة تكللهم هية فگر مثل امهة. وكسحتة ميعيشلهن رجال طبيت وهنة سدن الموضوع شربت مي باوعتلهة بقهر وعيوني منتهية من البچي ميلاء،،ها مهرة تردين شي مهرة،،لا طلعت واسمعهة تكللهن حتى اسمهة الله گالبة رحت للغرفة حضنت قميصة وشبعت بچي شوية وطبت امي ام مهرة،،ماما اليوم تخلص السبعة احاجي عمج ترحين تكملين العدة يمنة على ما تجيبين واريحلج هنا حموينج مهرة،،حضنت امي،،اي ماما اخذيني عفية مااتحمل اظل هنا كلشي يذكرني بي جاي اتدمر ام مهرة،،ان شاء الله امي بس ارتاحي مهرة،،لليل امي اتأخرت تنتظرعمي صدك طبوا الوللد صعدت فوك واسمع امي سلمت عليهم ام مهرة،،بلا زحمة ابو ريسان عندي وياك حجاية حجي محمد،،اتفضلي ام مهرة ام مهرة،،حجي مثل ما تعرف بنتي الجاي تمر بي مو قليل ولازم تلزم عدة وصحتهة تعبانة اني اترخص منك اخذهة يمي بعد حجي محمد،،ليش وشعندنة هنا ام مهرة،،حجي حموينهة وميصير تنكشف عليهم اني منو عندي بالبيت حجي محمد،،تردين تاخذين بنتج ورجلهة لهسة ريحتة تفتر بالبيت ام مهرة،،حجي الاصول هيج عيب تظل كاعدة هنا حجي محمد،،شنوو تشككين بينة لا تظل هنا ومالهة طلعة من هالبيت ام مهرة،،على يااساس تظل حجي حجي محمد،،كافي اني حجيت حجايتي اذا تريد تطلع من هالبيت تنتظر تجيب وتنطينة ابنة وتروح وين متريد مهرة،،اتخبلت من سمعت هيج طبيت للغرفة شبعت بچي شتريد مني يا عمي ليش اتدمرني اكثر من الدمار الاني بي،،صعدتلي امي واني مملخة روحي بالبجي وهي تبجي وياي ام مهرة،،استقوة علينة لان ما عندنة رجال يوكف بعينة والله لو عايش ابوج اطلعج من هالبيت من غصبا عنة مهرة،،اباوع لامي ترجف وتحجي بعصبية خفت على سكرهة كمت اني اهدي بيهة،،يلا ماما اظل لحدمااجيب وتنحل حبيبتي لا تسوين بروحج هيج، ،بوستني وكامت ام مهرة،،يومية اجيج وغصباعنهم مهرة،،اي ماما عيوني لا تعوفيني ام مهرة،،اسمعي ولج صيري سباعية ذولة ذيابة مينعاش وياهم شكد كتيلي واكول انتي صغيرة ومتتحملين ثاريهم باطلين،،تجيبين واشوف منو يفتح حلكة مهرة،،اي ماما ان شاء الله بس ارتاحي بوستني امي وطلعت كمت توضيت وفرشت سجادتي اصلي شوية وصعد عمي فتح الباب بدون ميدگهة اصلا ماادري شبي والله بلكت ابدل جنت ما لابسة نايمة ومتكشفة حجي محمد،،اسمعي ولج اني محمد وبعدج متعرفيني لااخاف ولااتهدد امج مالهة كل علاقة بحياتج وبكعدتج تضلين هنا كاعدة وتنجبين وتسكتين ماصارلة اسبوع من مات رجلج صرت تردين تشردين شوفي تردين ابنج تكعدين وتسكتين هنا مترديه جيبي انطينياه وروحي وين متردين ولي سااامعة ابن عدنان ميطلع من بيت ابوه مهرة،،هزيت راسي بلا حجي شكد جبانة اني طلع وعمتي باستني وحضنتني ام ريسان،،ميخالف عمة اتحملي اعصابة تعبانة عالراح اتحملي يا بعد عمتج يتهدة ويتفاهم مهرة،،طلعت عمتي واني انهاريت بجي عالمصلاية اناجي ربي شسويت اني واتحنل كل هالقهر محد حاس بكسرتي وجاي يزيدوهة علية فوك التعب نمت تعبانة ثاني يوم كعدت ميتة جوع واسمع الولد صوتهم جوة شون اطلع بالله والله حرام عليه وين وطلعوا للشغل وللدوام نزلت شفت قمر تلعب يم الدرج،،قموورة قمر،،ها عمة مهرة،،بابا وعمو طلعوا قمرر،،اي عمة مهرة،،نزلت للمطبخ عمتي كاعدة تسبح ودموعهة تصب بست راسهة ودموعي نزلت وينك عدنان بس ارجع راضية بيك شما تكون بس ارجع ام ريسان،،شلتلج ريوك بالفرن عمة اكلي عالمود البطنج مهرة،،شكرا عمة رحت اكلت وطب ميلاء ميلاء،،مهرة اطبخي انتي تعبانة اني ام ريسان،،ميلاء عمة البنية بيا حال ميلاء،،عمة واني شذنبي اخدم بيهة وهية معلگة فوك يطلعون الولد تنزل تكمل شغلهة يجون خل تصعد ام ريسان،،ميلاء تنترين بوجهي ميلاء،،عمة ما نترت حجيت الحق مهرة،،عمة ميخالف اطبخ لا تضوجين ،،صدك اتريكت وكمت طبخت نضفت المطبخ قريب جية الولد صبيتلي ماعون وصعدت للعصر نزلت حمواتي جايات ازل،،ها شونج مهرة مريم،،شببهة مو هالوجهة راد بي الدم ام ريسان، اتقي ربج كاضية البت منيلهة مهرة،،سكتت مريم وتعوج بحلكهة ما عاجبهة غسلت ماعوني ميلاء،،تعاي نحضر بالعشا مادام ماعندج شي مهرة،،ميخالف، ،اني هم اكره الكعدة،،حضرت لحم وبتيتة وشوربة شوية وطبت امي اخذتني وصعدت ام مهرة،،شعندج نازلة مهرة،،ماما اختنك اني اصعد وتبدي خنكتي الغرفة كلهة ذكريات تخنكني حضنت امي ابجي،،ماما محد يحس بية ام مهرة،،ميخالف بنتي اصبري هذا قضاء ربج مهرة،،ماما اشتاقيتلة والله راضية شما يكون بس خل يرجع انكسرت بعدة واني بعدني بعز شبابي تعبت ماما ام مهرة،،سودة علية بتني ربي امسح على گلبهة وريحهة مهرة،،بقت يمي امي للمغرب وطلعت صليت وطولت صلاتي مالي غير ربي يطلعني من هالشدة ،،بيوم العاشر كعدوا فصل وفصلوا الولد خمسة وعشرين مليون. احترگ كلبي بيومهة صدك ذولة ومتت قهر من جابولهم الفلوس وراحوا تنازلوا كاعدين يسولفون شون فصلهم صار واني اسمع فوك واملخ بروحي محد مهتم والله محد عبالك ميتلهم بزون محد اتدمر غيري اني وعمتي وكل هذا من احجي اطلع اني المو زينة لعد وانتو هاي هية اهم شي سكتوهم بفلوس، ،اسولف لامي الگلبهة مورم من حجيهم بس هية لابستهم تجي كبل تصعدلي وتظل يمي وتروح المغرب. الغرفة صارتلي سجن بعد ما جنت اكيف اصعدلهة ارتاح واعدل بيهة والامر واتعس من اجة عمي يكلي من يطلعون الولد تنزلين تكملين شغلج وتصعدين قبل جية الولد سكتت وعبرتهة وما كلت حتي لامي الي لو اكللهة هالمرة تروح بيهة كدما مقهورة وما بيدهة شي ولاتريد تخرب وياهم لان يضلون اهل ابني ومتريد فضايح وخاصة احنة بمنطقة شعبية يابة شكد تمنيت فارس جبير واخلي ياخذ حقي ويسكتهم عن هالظلم والاذية الشفتهة منهم بس مااريد ادخلة بمشاكل اكبر منة صرت خادمة بمعنى الكلمة انزل اسوي الريوگ واصعد ركض ومرتين شافني غسان بالغلط رغم خطية بسرعة يدنك ويطلع بس امووت قهر اصعد املخ روحي على هالعيشة والحكم الانحكمتة لا ابو لا اخو جبير لا خال بي حظ ويفزعلي ولاعندي عمام المن انطي وجهي اوووف يا ربي اوكفلي مرت ايامي ببطئ يموووت حتى من راحوا للاربعين محد قبل ياخذني وعمي صدر الامر حجي محمد،،وين تروح الزلم كلهة رايحة وهية بالعدة مهرة،،شبعت بچي لعد بس من مكعدني بنص ولدك مو عيب اوووف ربي دخيلك تالي من شافتني امي هيج ملخت روحي كالت اني واخوج نأجر تكسي وناخذج كلت لعمتي كالت اشوف عمج جاي اصلي الي هية ملجأي الوحيد وصعد عمي حجي محمد،،مهرة امج تريد تاخذج وحدج بتكسي موو مهرة،،هاا اي عمي اريد اروح اشوف گبرة الله يخليك حجي محمد،،والزلم الرايحة ويانة شوون مهرة،،كمت ابجي، ،عمي الله يخليك والله ما ارفع الخمار حجي محمد،،لا متصرفلي هالشغلة مهرة،،عمي حباااب وانهاريت ابچي حجي محمد،،كافي كافي، ،خل نخلص من هوسة الاربعين وناخذج غير يوم بس اني اروح وياكم مهرة،،اي اي عمي بكيفك بس خل اروحلة والله حتى حلمت بي والله حجي محمد،،يصير خير يصير خير يلا كملي صلاتج وادعيلنة مهرة،،كعدت اصلي ودموعي تصب من وحدهة تعبت من البچي اصلا حتى عيوني احسهة تغووش صارت، ،صدك راحوا همة للنجف واني ما رحت امي بقت يمي لان ما قبلوا اطلع لاهلي واني صارت متفرق عندي فارس اجة شافني لان سودة علية يمر من الباب يسأل علية وعمي يكلة متكدر تنزل بالعدة، ،جان شايط لان بقيت هنا وامي اتسكت بي ظل يغلط ويحجي على عمي واني بس ساكتة شجاوب وبكلشي حقة،،صدك ورة الاربعين بيومين وامي اجرت تكسي على حسابهة وعمي راح ويانة طبعا بالچذب ما كال عوفوا الاجرة اني ادفعهة رغم تكسي المرحوم وفصلة كلهن بجيبة مالي نفس بربع والله بس مو ماعندة هوة. وصلنة وملخت روحي يم القبر انتهيت واتخربطت وامي ترش علية مي وفارس خطية يصحي بية وعمي يصيح حجي محمد،،كتلهم لاتجي تعاندن شني من نسوان لو صار بالبطنهة شي والله متخلصون مني فارس،،حجي صلي عالنبي مابيهة شي تعبت من الشمس والبچي يلا يمة عاونيني ناخذهة للسيارة مهرة،،كوموني واحس الدنيا تفتر بية حتى ما زرنة الامير علي (عليه السلام)والغدة ما نزلت جابوا للسيارة ورجعنة بوجهنة لبيت عيالي طبيت كبل نمت بتراب المقبرة كعدت بالليل محجر عيوني متروس دموع واني اتذكر قبرة شلون صرت جوة التراب،،،كمت سبحت حتى بطني حسيتهة توجعني تقلصات عندي قوية سبحت بمي دافي ارتاح جسمي طلعت وبوجهي حماية ريسان مدري شلون يباوع ارتبكت وركضت للغرفة بسرعة همس بصوت ناصي ريسان،،شونج مهرة مهرة،،ما رديت اصلا طبيت ركض لغرفتي وقفلت الباب وكلبي يدك سريع هذا شصعدة شجابة غرفتة جوة وكلهة نايمة هسة باد حتى حيلي متت خووف ولويات بطني زادت همزين جنت ذابة الخاولي على راسي مثل الشال ولازمتة من كدام ودشداشتي ردانهة طويلة، ،افتر راسي فرر حتى خفت انزل اكل والله ما فتحت الباب ابد توضيت ببطل مي عندي بالغرفة وكعدت اصلي وادعي ربي يوكفلي ثاني يوم اجتي امي ردت اكللهة تالي سكتت يجوز الولد جان رايد شي من فوك وعبالة نايمة لان قبل ما جان يرفع عينة ابد امانة الله ،،تناسيت السالفة وسكتت وصدك عدة اسبوع كلت متوهمة اني، ،،جنت كاعدة بالليل اصلي واقرة قران واندكت الباب الوكت متأخر چان كلبي ركض من الخوف،همست بصوت متردد خايف منوو ريسان،،اني مهرة اني افتحي،،،،،يتبع | ||||||||
|
| |
|
07-04-20, 11:37 PM
| #4 | ||||||||
| مراقبة عامة ومشرفة منتدى الروايات المنقولة
| #اول_الغيث_مهرة فيد عبدالله #البارت_الثالث مساااء السكر يا سكر شلونكم شنو الاخبار، ،،،ها شلونة الحماس للقصة اهم شي تفاعلكم هو الي يحليهة للقصة،،متابعة طيبة مهرة،،احس گلبي كام يركض، ،شنوو شتريد ريسان،،مااريد اتطمن عليج وانطيج مصرف مهرة،،روح الله يخليك اصلا حرام تشوفني اني بالعدة وبعدين ما محتاجة شي اني انزل الله يخليك ريسان،مهرررة شبيج مهرة،،هسة اصيح عمي ترة والله روح ريسان،،رايح رايح خلص مهرة،،نزل واني گلبي يدك بسرعة ،،شيريد هذا كعدت عالجرباية اشرب مي خايفة ياربي خير شسوي هسة ربي لا تعوفني وحدي يارب شوية واسمع صوت جوة وكع كلبي بس لا احد شافة يمة ادفن روحي والله شنو هالضيم هذا ما طلعت اصلا ولا فتحت باب غرفتي،،سكتت همين وماكلت لامي الي يومين مااجتني نايمة بالفراش من سكرهة كلبي نار عليهة واني حتى موبايل ماعندي ممنوع نلزم موبايلات ومن اجتني وشفت تعبهة ومرضهة الي كلة ادري بسببي وبسبب وضعي وحكم عمي وضعفنة سكتت ما ردت ازيد عليهة بس حلفت اذا تتكرر الحالة اگول حتى لعمي صدك مرت ايام وماكو واني بنفس حبستي ووضعي وامي تعبت وصارت مو يومية تجيني واني هم بديت اهدء واتقبل الواقع واسمع واعبر واسكت كلشي اعدي لخاطر ابني القربت ايامة وافرح بي يارب تعوضني بي خير طبيت التاسع وامي جهزت لابني كلشي فدوة بس بقتهن يمهم جابتلي بس جنطة زغيرة من نروح للمستشفى ولو حتى هاية ما قبلت كالت خاف عيالج ياخذوج وميخابروني عاد من غراضة يمي يخابروني مجبروين ما قبلت اتوسلت بيهة روحي طاگة عالاقل اتونس من اتخيلة بيهن صرت يومية بالليل اطلعهن من الجنطة وابوس بيهن ومرات اشبع بچي لان عدنان ما شافة شكد جان متشوقلة الله يرحمة يارب،،امي حاجت عمي كالتلة تجيب يمي سكت ما علق كللهة يصير خير بساعتهة واني متأملة اجيب واروح لاهلي ودعوتي الوحيد عمي يقبل متتصورون شون تدمرت نفسيتي هالفترة الانسان بهيج محنة يريد ناس تقويه تنطيه امل بالحياة تخفف وجعة واني محد حاس بية انركنت عالرف وكلهة كملت حياتهة بعيد عني عبالك اني بية مرض لو فد نقص حتي البنات يلتمن ويكعدن ويسولفن ومحد من الولد بالبيت محد تكلف روحهة تفگدني تكول مرت اخونة خطية ميلاء ما يوم كالت هالمسكينة والبطنهة جاعت عطشت والله العظيم تجي مرات اموت جوع والفواكه والحلويات التجيبهن امي ميسدن جوعتي بس واخاف انزل والولد هنا لو اعطش والمي خلصان اروح عالدرج بلكي واحد من جهال ريسان يجون ويجيبولي واتحملت لخاطر ابني بس يطلع بسلامة مااريد غير اشيلة بايدي سالم كملت اسبوعين من التاسع وماكو شي وطبعا ماامشي هواي فصاعد بعدة. جنت كاعدة بالليل ارجع بملابس ابني بالجنطة واندك الباب خفيف عرفتة هوة النذل ما رديت اصلا وسكنت ما طلعت صوت،،سمعتة يهمس ريسان،،مهرة بس حاجيني. اسمع صوتج بس شسويتي بية بس كليلي صرت ماانام الليل من وراج مهرة،،صبت دموعي بحرگة،،نذل خسيس شلون هيج يفكر شلوون،،احس اختنكت من القهر والخوف رجع دك الباب مرتين على كيف ما رديت اصلا وبودي اگوم اتفل بوجهة حشاكم ثواني واسمع صوت عمتي يم باب غرفتي همست ام ريسان،،ولك ريسااان رجعت هسة اصيح ابووك والله ريسان،،صوتج يمة نازل نازل مهرة،،اختفة الصوت، ،واني ملخت روحي ادك والطم خررب غيرتك يا ناقص يا نذل للصبح ما نمت ولا شفت النوم نزلت اسوي الريوك ورة الصلاة واحاجي عمتي جانت عمتي كاعدة تسبح بالمطبخ مثل عادتهة صبحت عليهة وبست راسهة تباوعلي وبچت حضنتهة وكعدت ابجي واشهك،،عمة والله ما علية عمة شلون خلصيني منة ام ريسان،،سمعت وشفت كلشي وكلت لابوه هالناقص الحقير اخوه ترابة اخضر وهوة ....استغفر الله مهرة،،ما علية بشي والله عمة بس خلصوني منة فدوة ام ريسان،،ادري عمة ادري اني وعمج كلشي نعرف وعمج راح يحط حد بس اسكتي ودير بالج عالبطنج هذا ريحة المرحوم مهرة،،صدك عمة اي والله مااريد اني بس الستر ام ريسان،،ان شاء الله يمة كافي لا تكعد ذيج وتشك بشي مهرة،،اي اي عمة،،غسلت ورجعت اسوي بالريوك كملت سويت لفة وكوب چاي وصعدت،،نزلت ورة ما طلعوا الولد وكعدت اطبخ ميلاء كملت البيت والطرمة غسلتهة وراحت لاهلهة بقيت يم عمتي كاعدة شوية اختنكت من الغرفة ام ريسان،،بطنج نازلةاليوم بلكت الله وتجيبين ميتة على شوفة ابن عدنان مصبرة روحي والله لخاطرة مهرة،،ان شاء الله عمة،،احاجيهة واني اكل اصب قبلهم كل مرة واصعدة فوك بس من تروح ميلاء براحتي لان لو هية موجودة تطلع سم وزقوم،،سمعت الباب انفتحت ركضت فوك اكيد الولد موعد جيتهم،،،اسمع عمتي تصب واني محضرة كلشي حتى المواعين مددت شوية وتوني غفيت واسمع صوت و صياح واسمي بالموضوع وعياط غسان وعمي يغلط علية كمت قريب للباب وفتحتة شوية غسان،،شنو يابة مو حچي هذا مااگدر اخذهة مالي نفس گوة تدمر حياتي حجي محمد،،غصبا عليك تاخذهة مرت اخوك هاي وابنة. ببطنهة تريدة يربة برة بيت جدة غسان،،مااكدر يابة اشوفهة اختي والله شلون اخذهة گلي حجي محمد،،لا تاخذهة وغصبا ماعليك غسان،،ماكو شي غصبا ما علية رم ريسان،،يمة استهدة بالرحمن بعدين البنية ما ناقصهة شي حلوة وحبابة ومؤدبة وابن اخوك يظل بنصنة غسان،،شنو تحليهة بعينة يمة هاي اختي سامعين اختي ريسان،،خلص اني اخذهة اذا انتة ما تريدهة اني اريدهة حجي محمد،،انت تنچب ياناقص من ورة سوايتك الناقصة اني هيج سويت بعدين انتة مو متصخم متزوج ومخلف تريد تهجم بيتك ريسان،،واذا شكو بيهة اني رايدهة غسان،،ولك ناقص مرت اخوك هاي حقير شلون تحطهة ببالك ريسان،،ما عليك بية اني وقناعتي حجي محمد،،تنجب وتنساهة وانتة غصبا ما عليك تتزوجهة غسان،،ما اتزوجهة محد يجبرني حجي محمد،،اذا متتزوجهة اتبرة منك ليوم الدين غسان،،يااابة ام ريسان،،استهدة بالرحمن ابني دكعد اكعد حجي محمد عوفنة نحجي بهداوة مهرة،،اسمع كل حجيهم وهمة يذبوني واحد عاللخ عبالك اني قطعة ملابس لو اثاث زين همة سالوني شافوا رأيي شيحجون ذولة وين يردون يودوني وين يخلوني احس كمت ارجف خاصة من شفت غسان سكت وهدء راح يقبل راح يغصبوني ويلون ذراعي بابني ما لازم انطيهم هالفرصة ابد احس حيلي كلة بختض صار هذا حاط عينة علية وهذا يريد يزوجونياه غصب، ،شوية وطب عمي. واني مدنكة ابچي منتهية حجي محمد،،اسمعي بنتي اني الله الشاهد رايدلج الخير ومستعز بيج ومااريد تطلعين من بيتي لذلك قررت اخذج لغسان وهو موالمج حتى ما بيناتكم بس سنة انتي اكبر وهم ابن اخوه يربيه ومحد احن عليه من عمة مهرة،،عمي شتگول شلون هذا اخوية مااباوعلة غير هيج حجي محمد،،يوووه يا هوة اللزمتة وكال اخوية محد راضع وية الثاني هاي هية اني كلت حجاية وتتنفذ ورة متجيبين تتزوجون وخلصت مهرة،،هااتزوج عمي حرام عليك لا تضلمني حجي محمد،،كلت تتزوجون وخلص مهرة،،والله مااخذة لو على جثتي،،مااحس الا ضربني راشدي طير خدي بي حجي محمد،،ادب سزز طلعت عينج كلت حجايتي وخلص، ،لا بارك الله بيج مهرة،،نزل وعافني واني احس النار اشتعلت بية اتخبلت واحد يركض وراي وعمي ضربني ويريد يغصبني اتزوج ابنة المو طايقتة ولا طايقني لا لهنا وهذا حدهة ،،اخذت عباتي وخماري ونزلت اتسحب كلهة بغرفهة طلعت للطرمة ركض وگلبي يدك الف دگة بالدقيقة لبست شون ما جان وطلعت ركض لبيت اهلي بعدهة ظهرية والشوارع فارغة تقريب وصلت كوة احس حيلي يعيني دكيت الباب بخبال فتحهة فارس واني حضنتة وانهاريت ابچي فارس،،شكوو ولج مهرة شكوو مهرة،،امي وين اريد امي فارس،،ببيت خالتي تخربطت واخذوهة للمستشفى شبيج ولج راح تجيبين مهرة،،لا لا بس طببني اشرب مي،،طبيت للمطبخ شربت مي وغسلي فارس وجهي فارس،،احجي شبيج راح تموتين مهرة،،هالظالم عمي يريد يجبرني اتزوج غسان فارس،،شتگولين انتي مهرة،،وذاك النذل ريسان يگلة اني اخذهة عبالك طوبة بنصهم اني فارس،،ايا انذال الا افلش بيتهم اليوم مهرة،،فاارس فاارس والله اذا طلعت احرگ روحي هسة كافي راح امووت من الخوف فارس،،كومي وياي كوومي مهرة،،وين ولك فارس،،امشي بسرعة هسة تعرفين مهرة،،لبس بسرعة واجة جرني من ايدي،،فارس وين والله مابية اوكف فارس،،تعاي وتعرفين لا والله اروح افلش بيتهم هسة بساااع مهرة،،نزلت خماري وكمت وياه اعصابة فالتة مو مال اناقشة وهو طايش يروح يتهور ويتأذة شجاني وحجيتلة شجاني اباوعلة دمار رگبتة مبين كدما صاك سنونة بعصبية،،اجر تكسي وطلعنة مشت السيارة هواي المنطقة بعيدة نزلت واباوع مكتب المحامية غصون ال.......،،لطمت على خدي،،همست فارس وين جايبني فارس،،هاي اخت مدرس علينة حباب ومتواضع وهي هم حبابة مرة طالب صديقي تعارك وراد ينفصل ويقيمون عليه دعوة وهية حلتهة هسة نطبلهة بس نسولفلهة الصار ونعرف شنتصرف ذولة عيالج مومال واحد يسكتلهم مهرة،،عزة فاارس وين جايبني ،،هسة امي تگلب الدنيا علينة فارس،،دمرني خوفج انتي وامج امشي كدامي لا هسة اخذج سحل مهرة،،اباوعلة مخنزر وضاغط حيل على ايدي همست يلا يلا جاية، ،مشينة وهو لازم ايدي طبينة للمكتب جان اكو سكرتير برة فارس،،بلا زحمة الاستاذة غصون موجودة السكرتير،،اي نعم موجودة،،اكو موعد فارس،،بس كللهة من طرف استاذ..عندنة استشارة قانونية السكرتير،،ان شاء الله مهرة،،كعدنة واني احس الم بضهري وببطني صار يروح ويرجع اكيد كدما انقهرت وخفت وبچيت شوية واجة السكرتير كال تفظلوا دخلنة للمكتب جانت البنية مو جبيرة يطلع عمرهة بنهاية العشرينات غصون،،اتفضلوا استريحوا مهرة،،كعدت وفارس كبالي غصون،،رفعي نقابج حبيبتي محد هنا مهرة،،شلتة باوعتلي وابتسمت غصون،ماشاء الله تبارك الله شنو هالجمال عليمن مذبلة هالعيون الحلوات بالدموع،،شسمج فارس،،مهرة اسمهة غصون،،عاشت الاسامي غريب وحلووو،،اي مهرة سولفيلي فارس،،استاذة غصون عيال اختي اذوهة هواي غصون،،اخوهة انتة فارس،،نعم غصون،،اهلا وسهلا،،وليش مثلا زوجج وين ما الة موقف فارس،،توفة ما صارلة تلث شهور غصون،،يا عمري البقية بحياتج مهرة،،نزلت دمووعي وامسح بيهن بسرعة غصون،،اي كملي فارس،،اي ما خلوهة تجي يمنة تلزم العدة وهسة يردون بس تجيب يزوجوهة لحماهة غصب غصون،،هممم،،مهرة ليش متحجيلي انتي تفاصيل مهرة،،باوعت لفارس الي لو احجي كدامة هسة يروح يذبحهم باوعتلهة ودنكت غصون،،بلا زحمة تگدر تعوفنة وحدنة شوية فارس،،ليش غصون،،اكو تفاصيل خاصة اريد اعرفهة فارس،،ماشي،،مهرة اني برة لا تخافين كلشي احجي الا اندمهم والله مهرة،،طلع فارس وست غصون ابتسمت غصون،،عصبي وبطل، ،اي مهرة احجيلي ليش رافضة الزواج هذا وليش يردون يغصبوج وليش هالتحكم بحياتج رابطينج بالطفل البطنج موو مهرة،،اي،،ودنكت غصون،،احجي كلشي حتى اعرف افيدج مهرة،،اي من توفة زوجي و...... ،،،،، فارس،،بلا زحمة اكو حمامات هنا السكرتير،،بهاية البناية فارس،،نزلت ما اندليت رجعت للسكرتير،،بلا زحمة بس دليني دقايق السكرتير،،ماشي بسرعة الست متقبل ،،،،،،،،،،،،،،،،، غيث،،اسمي الغيث بس يختصروه الكل بغيث جدي سماني هالاسم لان بصيرتي نزل مطر عالكيعان حياهة وسگاهة بس ما جان المطر مگطوع الموسم كلة وبليلتهة اني صرت فسموني الغيث، ،،الابن الثاني اكبر مني اخوي طارق دكتور جراح واني لا كملت قانون واصغر مني مصطفى ومهدي وعندي 3خوات،،من سكنة البصرة عندنة تجارة خاصة بينة وحالتنة خير من الله ابوية حب يستقل عن جدي وترك الفلاحة والزرع واشتغل بالتجارة والله فتحهة عليه ووفقة اني حبيت هالمهنة من ابوية رغم اختصاصي بعيد عنهة بس عفت المحاماة ولزمت تجارة ابوية وسيطرت عليهة فسلمني ابوية كل الشغل خاصة بعد ما انجلط وكعد بالبيت واتوفة ورة سنتين صرت اني الامشي امور الشغل كلهة محد يدري بالشغل اني الاركض منا ومنا ومن كبر مصطفى شوية واتخرج سحبتة وياي للشغل عمري ثمانية وعشرين سنة ورافض الزواج لان ما لاگي الاقتنع بيهة ولا الي مجال ووقت اصلا،،،بيوم رحت لبغداد بشغل ومريت اشوف ابن خالتي قائد الي اعتبرة صديقي واخوي وهو محامي وياي بنفس الكلية والدفعة ومتزوج بنية هم جانت ويانة بالقسم ،فعلاقتي بيهم قوية كلش ودائما نطلع سوة نتعشى وعلاقتة خوة كلش حلوة احب كعدتهم تذكرني بايام الدراسة خابرتلة كال طالع لغصون تعالي لمكتبهة رحت صدك وصلت المكتب فارغ واسمع غصون تسولف صوتهة قريب للباب غصون،،لا تخافين حبيبتي بس تجيبين اني اوكفهم عند حدهم،،اشوف اخوج افهمة شسمة مهرة،،فارس غصون،،فتحت الباب،،اخ فا....،،،،غييييث هلاووووو غيث،،هلا غصون،،عيوني اتسمرت على بنية كاعدة عالكرسي ورة غصون منزلة عيونهة وجهة قررص دائري ابيييض ورموشهة كثيفة مبللة بدموع رفعت راسهة عيني صارت بعيونهة السووود رأسا هية ارتبكت ونزلت خمار على وجهة والله حقهم اهلج يلبسوج خمار غصون،،شعجب اليوم منور المكتب غيث،،هاا قائد كال انتظرني هنا غصون،،هاا كل الهلا كملت بس هالبنية عندي، ،هاا فارس اتفضل افهمك عالقضية،،من رخصتك غيث دقايق فارس،،السلام عليكم غيث،،وعليكم السلام،،طب الولد وكعدت وابالي هالبنية شكد شايف بنات بس مثلهة طبعت ببالي ماكو،،الفضول اخذني شعندهة هنا لازم اعرف من غصون مبينة زغيرة واخوهة زغير شجابهة مكاتب محاماة مهرة،، ارتبكت من نظرات هالولد كلش اني اصلا اي ولد اسمع صوتة من بعيد ولا يمي ارتبك عود هذا الفصلني بعيونة،،،شرحت ست غصون لفارس القضية وهو مبتسم واني احس كلشي ما اسمع من الوجع العندي صار كملت وكمنة لزمت ايد فارس حيل ومنزلة النقاب مشيت خطوة والثانية واحس الم فضيع اخترق ظهري لزمت ايد فارس حيل وهمست،،فاارس يمكن حجيب، ،،،،يتبع | ||||||||
|
| |
|
13-04-20, 04:16 AM
| #5 | ||||||||
| مراقبة عامة ومشرفة منتدى الروايات المنقولة
| #اول_الغيث_مهرة #بارت٤ اليوم المزاج تمااام 🌸فردت ادللكم بالقصة شتكولون مو تستاهل تعليق حلو ونجمة، متابعة طيبة البارت الرابع فيد عبدالله فارس،،شبيج مهررة غصون،،شكو حبيبتي شبيج مهرة،،احس حجيب الالم موتني،فارس ولزمت ايدة بقووة غصون،،الله لا يوفق عمج ثواني بس اجيب سيارتي واخذج للمستشفى فارس،،لا ست اني اخذ تكسي غصون،،يا تكسي امي البنية منتهية، مهرة،،احس حتى اختنكت من الالم لزمت ايدي ست غصون وطلعتني ساندتني هي من جهة وفارس من جهة غصون،،غيث فدوة سيارتي بالكراج بس جيبلياهة غيث،،شكو غصون شبيهة البنية غصون،،ولادة غيث،،امشي بسيارتي بسرعة،،نزلت شغلت السيارة مخبوص وهية نزلت وية غصون واخوهة كوة تمشي والله انكسر گلبي عليهة شهالضيم تجيب بمكتب المحامية الله واعلم شنو قضيتهة بس مبينة فقيرة،،الطريق كلة لازمة ايد اخوهة حيل وتبجي صوت ما طلعلهة رغم يكولون اقوى الم. هو الولادة مهرة،،احس انتهيت من الالم ومااكدر اطلع صوت عيب من الولد غصون،،فارس ارفع نقابهة اختنگت مهرة،،همست لفارس لاحرام بعدني بالعدة فارس،،لچ يا عدة راح تختنگين غيث،،اخترقت اذني الحجاية،،استغفر الله هاية وينهة ووين العدة انوب بهالوضع وتدور حلال وحرام رفع اخوهة النقاب وطلع قرص وجهة يشع ابيض وجهة عرگان وخدودهة حمررر ودموعهة مخلوطة بعرگ وجهة استغفر ربي وشلت عيني،،وصلتهم ونزلنة دخلت وياهم لان اخوهة زغير وكلت هم خاف ما مستعد لهيج موقف خطية وما شيل فلوس طبت وياهة غصون واخوهة ظل يمي فارس،،تعبناك مشكور غيث،،لا خوية الناس للناس ما تشرفنة بالاسم فارس،،اسمي فارس غيث،، والنعم،محسوبك الغيث فارس،،كل الهلا نتشرف، ،اخذ راحتك هسة اخابر الوالدة غيث،،شسالفة عمي ما تكاطعت الدنيا فارس،،الله يديمك خوية غصون،،ها دكتورة الدكتورة،،ولادة قيصرية فورا الطفل على مقعدة ونازل كلش مهرة،،عزة ست غصووون اريد ماما حبابة غصون،،لا تخافين حبيبتي هسة تجي بين ما نوقع وتدخلين،، طلعت ها فارس فارس،،ها ست غصون بشري غصون،،عملية هسة فورا نبلش بالاجراءات غيث،،يلا بسرعة لعد كليلهم يجهزوهة واحنة نكمل الاجراءات،،رحنة اني واخوهة بسرعة نكمل بالاجراءت ووقع همزين مكمل السن القانوني جان ورطة،،شوية واجتي مرية جبيرة بالعمر ام مهرة،،ها فارس وين اختك فارس،،دخلوهة عمليات يووم ام مهرة،،عززة عمليات ليش فارس،،غير من ورة عيالهة سالفة طويلة يمة بالبيت نسولف ام مهرة،،ان شاء الله خير غيث،،طلعت غصون، ،ها غصون دخلت غصون،،اي دخلت ام مهرة،،منو ذولة امي فارس فارس،،يووم المحامية غصون والاستاذ غيث ام مهرة،،ايي شجابك عليهم انتة واختك غصون،،ام مهرة بس ارتاحي هسة وكلشي نسولف من تطلع مهرة،،من رخصتكم احنة هنا راح نوگف غيث،،اسمهة مهرة غصون،،اي غريب وحلو مووو،،الوو ها قائد احنة بمستشفى... اي. دخلت عمليات خطية، ،اي اي نفسة الجبت بي حسوني لا عليمن هسة نرجع وياي غيث سالفة طويلة نرجع ونسولف غيث،،شسالفتهة هاي البنية غصون،،اوه سالفة تگطع القلب بعدين اسولفلكم،،هذا يمكن عمهة خلي ننسحب غيث لا نسببلهة مشاكل حجي محمد،،خوش ربيتي ام مهرة خوش ربيتي فارس،،اسكت لا تخلينة نتجاوز هنااا ادري بسواية ولدك كلهة خليني ساكت غصون،،هذا عمهة اوووف كون اذبحة،،اخذني غيث لاارتكب جريمة،،اوكف اوكف طلعوا النونو اوووي فدوة شلون حلوو غيث،،اباوعلة من بعيد ناعم واحمر يبجي وصوتة يخبلنلقطة ضعفي الجهال ، ،،احممم يلا غصون اهلهة يمهة بعد، ،طلعنة وصلنة الباب وسمعنة فارس فارس،،استاذ غيث دقايق غيث،،ها فارس محتاج شي كول خوية فارس،،لا مشكور رحم الله والديك ردت اتشكر منكم تعبناكم شكرا ست غصون،،اكيد النة كعدة بعد ما جابت غصون،ان شاء الله رقمي عندكم اتصل بية بأي وقت غيث،،شتحتاج لا تتردد فارس رقمي عندك ورقمك عندي مبرروك يتربة بعزكم،،مع السلامة،،طلعت وفد موجة احاسيس مخربطة ضاربتني مدري شبية،،رجعنة وغصون ما سكتت تحجي عالبنية والمرت بي خطية انكسر گلبي عليهة كللش ششافت هاي اكو ناس لهدرجة بلا انسانية يردون يعدموهة بالحياة خو من گالت واحد من حموينهة حاط عينة عليهة مدري شبية نار وشبت بضلوعي،،،احم وتالي غصون،،تالي شاردة منهم وبوجهة هية واخوهة علية متشوف شلون صارت عندهة ولادة من القهر مالتهم غيث،،الله يقويهة ويوفقهة لا تعوفيهة غصون خطية غصون،،لا شعوف منهة الا اطلع حقهة من عيونهم ناس باطلة غيث،،وصلت غصون للمكتب وقائد ينتظرنة كعدت يمهم شوية واترخصت قائد،،وين ما شفناك غيث،،لا والله تعبان وعندي شغل هنا الصبح اروح ارتاح،،طلعت للشقة المشتريهة هنا دائما اجي اخلص شغل هنا فاحتاج ابات اشتريت شقةاريحلي من الفندق لان مااحب اثگل على احد ،،طبيت طلبت عشا وطبيت اسبح خلصت واتعشيت ووكفت ادخن بالبالكون واتذكر بملامحهة شبيك غيث البنية بيا حال بيا وضع لا تحطهة ببالك تتعبهة وتتعب متوالمك ظروفهة صعبة تاذيهة لو اتقربتلهة صافن على روحي شبيك غيث شجاك ،،هاي تعاطفت وية وضعهة،،اي اي هيج. ،،،،،،، مهرة،،صحيت من البنج واحس الالم يموت عبالك مذبوحة من الوجع، ،مامااا ام مهرة،،ها امي عيوني انتي مهرة،،ماما ابني وين ام مهرة،،هذا نايم يخبل مهرة،،وينة جيبيلياه ام ريسان،،بالعافية بنتي بالعافية يخبل فدوة ام مهرة،،يشبهج من جنتي صغيرة ناعم وابيض مهرة،،جابتة امي خلتة بصفي اباوعلة ودموعي تصب، ،ماما يخبل هذا ابني ام ريسان،،اي هذا محمد بعد مهرة،،شنو محمد ام ريسرن،،جدة سماه محمد مهرة،،نزلت دموعي ،،بس عدنان جان يريدة علي عمة ام مهرة،،يلا هم حلو هالاسم على سيدنا محمد(ص) مهرة،،اممم،،سكتت بس احس من القهر حطك كمت غسلت وابچي بالحمام، ،ماما شفتي حتى هاي استكثروهة علية اسمي اني ام مهرة،،ميخالف،،كوليلي وين جنتي انتي واخوج صدك ما خذج للمحامية وانتي حضرتج طالعة من بيت عيالج شاردة اجة عمج يدور واني متبلعمة مااعرف اصلا انتي وين مهرة،،ماما اذوني ام مهرة،،حجالي فارس بس غلط تصرفج وتصرف اخووج طيبي ونكعد نحجي حسابك عندي مهرة،،اي ماما لا تزعلين مني حبابة ام مهرة،،هاي هية صارت والله گدرني اسد الموضوع كدام عمج ،،،تعاي اتمشي تمشيت ورجعت عمتي يم محمد مگابلتة وكاعدة شوية واندكت الباب وطب عمي حجي محمد،،وين محمد خل اشوفة حتى نروح مهرة،،باوعتلة حتى ما سلم ولا اتحمدلي السلامة ترة السواه بية مو شوية مو شوية يسلب ارادتي وحق اختياري وفوكاهة يضربني حجي محمد،،ليش جبتوهة لهاي المستشفى شبي الحكومي اني ما عندي ادفع هالكد تكاليف مهرة،،اباوعلة صدك احترگت حرگ لك خاف الله مو حتى فلوس الفصل عندك شصار لو تدفع منهن مو ابنكم هذا بس عود نطقت كلمة بس الدموع تصب شاف محمد ورجعة لمكانة حجي محند،،اطلعي والنة كعدة سوايتج متروح هيج ام مهرة،،ما سوت شي اعرفوا الغلط بيمن ام ريسان،،مو وكت هالحجي يابة خل نطلع من المستشفى والله كريم حجي محمد،،يلا ام ريسان مهرة،،طلع عمي وعمتي ظلت تسوي بشالهة تعدل بي طلع قبلهة نزعت محبسهة من ايدهة جبير وخلتة بيدي ام ريسان،،بيعي يمة تكاليف العملية هواي وهذا ابنة نذبة قابل بس الحجي ضايج لان طلعتي بلا علمنة مهرة،،عمة مو تدرين ام مهرة،،خلي محبسج عندج حبيبة مستورة بتنة احنة نداريهة ام ريسان،،ابد والله هذا ابن عدنان مهرة،،شالتة باستة وطلعت من جزدانهة فلوس خلت بملابسة مهرة،،عمة هواي ام ريسان،،معليج هاي لمحمد دير بالج على نفسج باجر اجيج لبيت اهلج ام مهرة،،كل الهلا ام ريسان،،مع السلامة دير بالج على نفسج وعلى حمودي مهرة،،طلعت عمتي شلت المحبس لامي،،ماما خلي فارس يبيعة باچر الصبح ويدفع فلوس المستشفى،،شلت محمد بملابسة هم مبلغ چان اخذتة وارضع بي واحس بوجهة من اباوع الدنيا كلهة تنفتح بوجهي كوة خلصت الليلة هاي الم فضيع يخليني افز من نومتي ابچي ومحمد يبچي وياي. ما عولت طلع الصبح واجة فارس جايب الفلوس الضامتهن امي خطية هم حاسبة حساب وتلم من خياطهة تحاول واخذ المحبس باعة ورجع واني ميتة قهر والله ماهان علية عمتي تنزع محبسة ليش عمي هيج يسوي منو مات واخذ فلوسة وياه اجة فارس شافني وشاف محمد فارس،،هو هذا القرد الخبصتينة بي وعملية وهوسة خاب هذا بعطسة يطفر ام مهرة،،فاارس شنو من سوالف هاي روح ادفع للمستشفى خل نطلع مهرة،،راح فارس واني كمت بدلت ولبست جبة وشال وعبايتي على صفحة بس كوة اتحرك احس البارحة احسن، ،شوية رجع فارس فارس،،يووم فلوس المستشفى مدفوعة لكيتهة مهرة،،والله كلت هذا عمي دفعهن ما هان عليه ام مهرة،،منين امي فارس،،دافعهن استاذ غيث مهرة،،احس كلبي صاار يركض ام مهرة،،منو هذا منين يعرفنة ودفع هالمبلغ فارس،،مو هو كمل اغلب الاجراءات وثاري ميدخلوهة عمليات الا تندفع الفلوس وهو دافعهن ام مهرة،،هسة توديهن الة ولك واني اوصل للبيت واعرف اتصرف وياكم زعاطيط فارس،،اعصابج يووم هسة اخابرة شكلولج اني اقبلهة على روحي غيث،،بسيارتي ودك تلفوني باوعت فارس رديت متلهف مااعرف لشنو، ،الوو فارس،،الو السلام عليكم استاذ غيث موو غيث،، اي اي تفضل فارس فارس،،استاذ غيث اني ردت اتشكر منك هواي على وگفتك ويانة البارحة وردت اعرف عنوانك حتى اردلك فلوسك الله شاهد مااعرف دافعهن انتة هسة رحت ادفع واتفاجأت غيث،،شني السالفة بوية ما بين الخيرين حساب فارس،،اكيد بس وكفتك كافي ومشكور والله وكفتلنة وكفة اخووو نردهة الك بالافراح بس بلا زحمة انطيني عنوان اوصلهن الك بي بيج قصص عراقيه حقيقيه من واقعنا.روعه الطائي غيث،،فارس خليهن هسة يمك واني من احتاج اخابرك عليهن،، فارس،،مشكور استاذ غيث، ،اذا مشغول اني راح اخليهن يم ست غصون غيث،،اسمعني ياخوية خليهن يمك هسة كلشي يصير ومن اريدهن اخابرلك فارس،،مشكوور تسلم ومتقصر مستورة والحمد لله العصر تلكاهن يم ست غصون،،اعتذر عطلتك وعندك شغل الله يحفظك ويسهل امورك غيث،،مشكور تتدلل ،،احم الطفل وضعة زين فارس،،الحمدلله بخير راح نطلع هسة اخذ راحتك واني اترخص في امان الله غيث،،الحمدلله عالسلامة،،فيماللا، ،سديتة وعاجبتني عزة نفسة لهالولد رغم مو جبير بس تصرفاتة تصرفات رجاال خطية الله يخلي لاختة سند، ،،اوف اختة شعندهة لازكة براسي من البارحة، ،كملت شغلي وللمغرب خابرني قائد قائد،،ها ياب متمر ولا تسأل تعال عشاك يمنة واكو امانة موصليهة لغصون الك غيث،،ماشي جايك حضرلي نرگيلة تعدل راسي ،،،،، مهرة،،طلعنة للبيت مددت بطني تموتني وامي يمي تاكل بروحهة شلون الولد دافع الفلوس وفارس يهدي بيهة فارس،، شكو بيهة صاحب نخوة ووكفلنة وهاي راح نردهن الة قابل بكناهن منة ام مهرة،،كلة من ورة سوالفكم زعاطيط ماخذ اختك للمحامية شعلمكم هالدروب وانتي يثولة يالجبيرة وراه تركضين متدرين لو عمج معاند مرة من توكفين بوجهة يعاند مررات مهرة،،ماماا اكلج يريد يجبرني اتزوج غسان ويكول لغسان اتبرة منك وذاك سكت وصعد يهدد اذا ما وافقت ياخذ ابني وفوكاهة ضربني كل ذاك الضيم تحملتة وهاي النهاية يجبرني على واحد اعتبرة اخوية اصلا اني كارهة الزواج كلة ويكلولي حماج ياخذج ام مهرة،،شفتي وكف الشيخ بالباب انتي بطلعتج انطيتي حجة وسبب يتمسك بي مهرة،،كافي شلوون كلهة تلوم بية امووت روحي وارتاح اتحركت بسرعة والعملية اذتني لزمت بطني وصحت،،اااه ام مهرة،،شبيج امي سودة بوجهي فارس،،كافي يووم موتوهة للبنية كلهة تريد تدفنهة بالحياة شدعوة اول وحدة اخر وحدة مات زوجهة هو منو المهتم لموتة ذولاك خوانة الله وكيلج ولاابالهم وابوه حتى فاتحة ما سوة بحجة ناخذ ثارة واخذ الفصل وطم السالفة بعد منين نستحي والمن نحسب حساب مهرة،،احس فارس دايحجي بلساني واني دموعي تصب ولازمة بطني طلع فارس اعصابة نارر واني بس ابچي اجتي امي حضنتني وانهديت بچي بحضنهة ام مهرة،،كافي امي كافي مهرة،،ماما لو تشوفيهم شلون واحد يذبني للثاني غسان يصيح مااريدهة وريسان يگلة اني اخذهة ام مهرة،،شتكولين ولج ريسان شعليه مهرة،،اصلا هالحقير تلث مرات يصعد فوك من ينامون ويظل بالباب يريد افتلحة نذل وحقير بعدني بالعدة وعينة علية ام مهرة،،،صخام بوجهي صخام بعيني شتحجين انتي ليش ما كلتي من قبل يا معزاية مهرة،،عمتي تدري بي وابوه وانتي جنتي صحتج مو تمام ام مهرة،،وتضلين يمهم كاعدة شلون قبلتي على نفسج هيج ربيتج مهرة،،شسوي ماما ام مهرة،تكليلي واطيح حظهم واطلع غصبا ما عليهم شنو عمج ......استغفر الله اعوذ بالله من الشيطان مهرة،،ماارجع ماما ام مهرة،،والله لا اندمهم على كل السوه بيج يحلمون تخطين بيتهم بعد، ،وانتي لج مو يلون ايدج بابنج مرجعة لحضنج وادخل القانون هم،،،المايخافون الله شعبالهم احنة بلاشرف المن ربيت وتعبت اني طولج محد لامحة تالي هيج يسون بيج ويسكتون ويردون يطموهة يزوجوج للثاني بعدة مدرسة ما مخلص شنو ماخذيج فصلية مهرة،،كافي ماما اعصابج وسكرج والله اخاف عليج منو النة غيرج ام مهرة،،هين خل يجي عمج ويفتح حلگة اني اعرف شلون اسكتة هالمرة ،،،، غصون،،اكلك غيث هذني فلوس جابهن فارس غيث،،ها اي رحم الله والديج قائد،،شنو متدين منك غيث،،لا دفعت مال العملية وماقبل الا يرجعهن غصون،،طبعا رغم بساطة حالهم مبينين عينهم متروسة غيث،،متروحيلهم للبيت غصون،،وشعندي رايحة قائد،،تعرفهم معرفة شخصية وتروح غيث،،احمم لا بس اگول تتعرفين عليهم قائد،،وليش هااااا غيث،،ووجعااا غصون،،ما دام بيهة وجعا اكوو فد سررر احجي شكوووو غيث،،ماكو يابة الا تخلون انة بالموضوع ناس دخلوا گلبي وخلص احسهم يحتاجون احد يسندهم غصون،،همممم،،تبين بعدين غيث،،ماكو شي غصوون لا تالفين قصص قائد،،اييي نعرف اول وتالي اصلا مالك غيرنة واسطة الخير غيث،،خاب اروح احسنلي وراي كعدة من وكت، ،فيماللا غصون،،البالي صح موو قائد قائد،،اعتقد الاخ ورط روحة غصون،،متناسبة ظروفهة متناسبة ولا تناسب اهلة وراح يتعب قائد،،لا تستعجلين بلكت كلامة صح ومجرد اتعاطف وياهة غصوون،،كوون الله كريم،،،،،،،يتبع | ||||||||
|
| |
|
13-04-20, 04:17 AM
| #6 | ||||||||
| مراقبة عامة ومشرفة منتدى الروايات المنقولة
| #اول_الغيث_مهرة #توضيح اعزائي واحبائي المتابعين احب اوضح كم نقطة هواي دا تسألون عنهة وهي: القصة حقيقية؟اكيد حقيقية وكاتبة هالشي بالقصة وتصنيفهة واسماء الابطال هالمرة هم حقيقية بقيتهة برغبتهم مواعيد النشر،،انشر يومي بأذن الله واكيد اذا ماانشر انوه هالشي وان شاءالله مواعيدي مضبوطة ام بالنسبة لاعصابكم اريد تسيطرون عليهة 😅اكثر لخاطري حبايبي وبالنسبة لبارت اليوم داارتب بي شوية وينزل | ||||||||
|
| |
|
13-04-20, 04:19 AM
| #7 | ||||||||
| مراقبة عامة ومشرفة منتدى الروايات المنقولة
| #اول_الغيث_مهرة فيد عبدالله #بارت٥ مساااء الورد يا ورد،،،شلونكم البارت الخامس فيّد عبد الله مهرة،،للعصر اجتي عمتي تطمن على حموودي وخطية جايبة حليب وحفاظات وعلبة حلويات اخذة فارس گوة لغسان يشوفة ورجع حاط فلوس بملابسة وكايل لفارس اتعذرلي من ام محمد، ،اتقبلت موقفة ورفضة مثل رفضي اكيد اصلا اني ضجت منة من حسيتة سكت وممكن يقبل ،،ثاني يوم من الصبح واجتي عمتي وعمي وريسان وامي كعدت وياهم لان فارس جان طالع للشغل حجي محمد،،يابة البنية نريدهة ترد لبيتهة وابنة لبيت ابوه ام مهرة،،العفو عليك حجي ما فهمت حجي محمد،،يعني تجي تخلص نفاسهة ونعقدلهة هية وغسان ويربة ابنة ببيتنة ما عاجبهة تنطينة الولد من هسة ليش يتعلق بيهة ويتاذة ام مهرة،،حجي احد كالك اني بعتلكم البنية بيع لو انطيتهة الكم فصلية ريسان،،وشمسويلهة احنة جاي نسترهة ام مهرة،،الحجي مو وياك انتة مالي كلمة وياك تعررف روحك موووو شمسوي ريسان،،ضبي لسانج شمسوي بنتج تتبلى علية ام مهرة،،هسة اني كلت بنتي شكالت لو عبن الحجي صدك حجي محمد،،مو هنا موضوعنة انريد ابنة ام مهرة،،من الاخير بنتي وابنهة ميطلعون من هالبيت لان شفت من انطيتهة الكم ما صنتوهة حجي محمد،،ومنو انتي وتقررين وتوكفين بوجهي ام مهرة،،لا عبالك مااعرف بسواية ولدك ساكتة لخاطر العشرة وبس تردون تطمون عار ابنكم وسوايتة الناقصة وتذبوهة برگبة ذاك اليعيط مااريدهة وتالي يشوف حياتة وبنتي تندفن ليش هالظلم عندك بنات خاف الله حجي مهرة،،اسمع امي تصيح وصوتهة يرجف وعمي يصيح لا ترد عنهة ما ردت لخاطر لا تنحرم من ابنهة اني ردت اخذهة لغسان خل تولي وتنطينة ابنة وامي تصيح تحلمون انطي الكم وعمتي تتوسل يسكتون تالي اسمع ريسان النذل يصيح ريسان،،غصبا عنهة تجيبة وينهة هية مهرة،،حسيت الصوت اقترب ركضت للغرفة وقفلت الباب علية اني وابني واسمع صوتة النذل يصيح مهرررة وينج اباوع كبالي تلفون امي رأسا اخذتة فتحتة وكتبت رقم المحامية واتصلت واني كل جسمي يرجف والله كدما خايفة جنت منهم حفظت رقمهة عالغيب دك دك ومتجاوب واني ارجف وحمودي مفرفح بچي شلتة اسكت بي وذاك المخبل يرگع بالباب ربسان،،مهرررة اطلعي مهرة،،رجعت اتصل دك مرتين وردت غصون،،الووو مهرة،،دخيلج ست غصون الحكيلي حياخذون ابني مني غصون،،مهررة موو مهرة،،اي اي فدوة بسرعة يردون ياخذوه من حضني غصون،،بس مهرة،،ست غصووون فدوة مالي غيرج وبچيت بحرگة وقهرر والله مالي غيرج الله يخليج غصون،،طيب طيب وين بيتكم دليني بسرعة مهرة،،وصفتلهة البيت والعنون مضبوط واسمع امي وعمتي يجرجرون بريسان الكسر الباب وعمي يصيح جيب الولد وتعال غصون،،اسمعي بس سكتيه وعطليه كليلة الم غراضي واجي علما اوصل مهرة،،اي هسة الله عليج استعجلي غصون،،لا تخافين جاية مهرة،،سديتة منهة وصرخت،،كاافي ابوس ايدك الولد حيتخبل من البچي ريسان،،انطينياه مهرة،،ماشي ماشي بس الم غراضة وغراضي واجي بس شوية انطيني وكت ام مهرة،،مهررة انچبي متطلعين ابنج الج حجي محمد،،ما شايف هيج امهات ترفض الستر لبناتهة ام مهرة،،بنتي مو شييي عيب وادورلهة الستر احسن تربية ربيتهة مهرة،،كعدت عالجرباية حضنتة ابني و ارجففف خووف وهدأ الصوت وعمتي تجرجر بريسان ام ريسان،،امشي استحي فشلتنة امشي بالاستقبال انتضر تلم غراضهة وامي تدك عالباب افتح واني مااكو انتظر ست غصون احسهة طوق النجاة صارت نص ساعة تقريب واسمع صوت يصيح مهررررة فزيت على حيلي وفتحت الباب امي وعمتي بوجهي وامي تباوع باستغراب للبنية الطبت للاستقبال لان باب الاستقبال مفتوح عالصالة مديت راسي والمح ست غصون احس روحي رجعت ،،،،،،،،، غيث،،جاي اكمل شغلي واتصلت علية غصون رديت مستغرب متتصل دائما هية غصون،،غيث مالي غيرك قائد اتصل بي وميجاوب غيث،،خير غصون اكو شي خاادم غصون،،هاي البنية الي اخذناهة للمستشفى غيث،،بلعت ريك، مهرة غصون،اي خابرتني تستنجد راح ياخذون ابنهة منهة واسمع صوت ولد يصيح يمهة يكول جيبي لو تعاي وياه،،اريد رجال وياية مااتحمل اعوفهة خطية غيث،،جايج وين العنوان،،انطتني غصون العنوان وطلعت وياهة شي محترك بداخلي احس وصلنة للعنوان منطقة شعبية وبيت بسيط دكت غصون الباب واني بقيت واكف على صفحة ريسان،،تفضلي منو رايدة غصون،،بيت ام مهرة ريسان،،اي خيرر غصوون،،من رخصتك،،فتت للبيت وشي دافعني حسيت هالبنية صدك محتاجتني اتذكر من مرت علية قضية بنية اول ما اشتغلت وخابرتني رادت اساعدهة خارج اطار العمل رفضت خفت من المشاكل يومين والبنية توفت شلون وليش يكولون ماتت بفراشة واني داخلي شبه متأكد انقتلت، ،لهسة ما مسامحة نفسي عالصار واكول لو رايحة بوقتهة يجوز جان لهسة عايشة،،حسيت بمهرة بنفس المحنة وحسيت روحي كدام نفس الاختبار مالكيت غير انسانيتي ومشاعري اتحركني اساعدهة خاصة هية مبينة انسانة هادئة وخوافة حيل متتحمل اذية وضغط ممكن تنهار باي لحظة،،دخلت ادور عليهة كاخت الي اريد اتطمن عليهة شفتهة طالع نصهة من الغرفة بنهاية الصالة طبيت للغرفة وحضنتهة راسا عبالك اختي الصغيرة ولكيتهة،وهية حضنتني بقوة وانهدت تبچي، ،،اششش كافي وين ابنج مهرة،،جوة، ،،لزمت ست غصون بقوة احسهة منقذي صارت بعد ما شفتهم شلون اتكالبوا على امي ام مهرة،،منو حضرتج امي مهرة منو البنية غصون،،اني المحامية غصون ال.... طحجي محمد،،ما شاء الله محامية بعدد والله يطلع منج اكثر يا مهرة ريسان،،شنوو تخوفينة شدخلج اصلا غصون،،الا دخلني مهرة موكلتني ضدكم ضد ظلمكم ريسان،،ايا ادب سزز صدك ما تستحين ام مهرة،،ريساااان غصون،،هااا ماشاء الله انتة ريسان،،تدري هسة اكدر اكربسك بقضية ماتطلع منهة يا حاامي عرض اخووك ريسان،،لج احترمي نفسج غصون،،من الاخير شتردون القانون كلة لجانب مهرة لا تكدرون تاخذون ابنهة ولاتكدرون تزوجوهة غصب ولاكلشي،،، بكيفكم تردون تجربون المحاكم جربوا بس اكللكم من هسة القضية خسرانة فلوسكم حتذبوهة عالفاضي حجي محمد،،هاي تالي الزاد والملح مهرة هيج نتواكف جايبتلي محامية بلسان رجال غصون،،حجي لا تدك عالوتر الحساس هالدرب ميمشي حجي محمد،،صدك صلفة،،امشوا جدامي بس صدكي الا اخذة ةحتى مااخليج تشوفي غصون،،بيناتنة المحاكم،،لا تقصر هسة ارفع عليك دعوة تعدي حجي محند،،شبيج انتي مخبلة غصون،،لا عالحق اني اسمع حجي من الاخير ابنك هذا محاول يعتدي عليهة،وانتة تريد تزوجهة غصب عنهة او تسحب ابنهة والقانون مو من صفك لا تلعب لعبة خسرانة المحاكم بالنسبة الك خسارة فلوس ووقت،،لاعبالكم هالمسكينة ما عندهة ظهر يسندهة انيمحامية وزوجي قاضي وابن عمي برة محامي اتوقع القانون كلة وية مهرة مهرة،،اباوع عمي وريسان وجوهم صوفرت ريسان،،شنو انتي تهددينة متعرفين ويامن اندكيتي غصون،،اعرف بالمحكمة ان شاء الله باجر نقدم الشكوى من الصبح حتى انتة اجيبك بالقضية ريسان،،مهررة حقيرة اني اعلمج على هاي سوايتج حجي محمد،،الا تندمين يا مهرة، ،امشواا يلااا مهرة،،طلعوا وامي اندارت علية وضربتني راشدي صفرر اذني غصون،،ليش خالة شمسوية دتطالب بحقهة ام مهرة،،مو هيج هذولة راح يتفرعنون اكثر غصون،،ليش همة ما متفرعنين جانوا مو راد يكسرون الباب وياخذون ابنهة بالعكس ذولة هسة عرفةا وضعهم مهرة،،كعدت ارجف عالكرسي لزمت ايد ست غصون،،اشكرج ست والله بدونج ما اعرف شصار تعبتج كلش غصون،،ما سويت غير الواجب،،وينة العنوني نشوفة مهرة،،جابتة امي بوستة ست غصون وخلت بملابسة فلوس، غصون،،اعذروني ماجبت هدية مهرة،،صدوك ست غصون وكفتج كافية غصون،،تتدللين،،يلا اروح اني ام مهرة،،لا تغدي ويانة بنتي مو وكت طلعة غصون،،لا تسلمون اروح غيث هم ينتظر بالباب ام مهرة،،ابن عمج هذا غصون،،لا ابن خالة زوجي واخوية اعتبرة ام مهرة،،هو الدفع فلوس المستشفى ووكف لفارس موو غصون،،اي هوة ام مهرة،،الله يحفظة،،مشكورة بنتي تعبناج اعذريني اتعصبت وصارت بوجهج بس اخاف عليهم ماعندي غيرهم غصون،،معذورة خالة ،،باجر نرفع دعوة ام مهرة،،لا خالة همة خافوا هسة وعمهة هذا ما مستعد يدفع فلوس وهو خسران اني اخابر اخوي ونحلهة بود نظل اهل وابنهم هذا مهرة،،بس لاتعوفينة ست غصون غصون،،اني وياج لا تخافين شتحتاجين خابريني،،اترخص مهرة،،كامت ست غصون بوستهة واتشكرت منهة وامي هم بوستهة وتتعذر ووصلتهة للباب واني طبيت للغرفة ارضع بمحمد حسين نغزة بمكان العملية شلت ملابسي اباوع اللزگة ناكعة دم اوووف يا حضي بقيت كاعدة وارجف انتظر ماما تجي ،،،، غيث،،ظليت برة افور بودي اطب بس شنو موقعي لو طبيت جوة زحمة شوية وطلعوا ولد ورجال جبير ومرية ريسان،،انتة الجاي تهددنة انتة وبنت عمك ذيج لا عبالك منتهدد احنة راح تندم غيث،،ابتسمت تك خد،،جرب تندك بينة الم البصرة كلهة،،اباوعلة انخرط خوف عرفتة بوخة حجي محمد،،امشي ريسان مو هنا نسولف غيث،،راحوا واني بقيت برة بس متطمن مبينين سكتوا وخافوا من تهديد غصون الي لو هاجت اعصابهة قائد بكبرة يسكت ويصير حباب هههه،، شوية وطلعت هية ومرية وياهة ام مهرة،،شلونك خالة اعذرنة بقيت واكف بالباب غيث،،هلة خالة لا خالة معذورين ادري البيت مابي زلمة ام مهرة،،الله يحفظك لشبابك ابني تعبناكم هواي وكلفناكم الله يجعلهة بميزان حسناتكم غيث،،شسالفة خالة الدنيا بعدهة بخير ام مهرة،،الله يسلمك ويحفظك ابني،،تعبناج خالة ربي يوفقج غصون،،لا خالة تتدللين انتي ومهرة وحمودي،،مع السلامة غيث،،يلا فيماللا،،ركبت غصون سيارتهة واني امشي وراهة،وبالي يم الخذت بالي شجاك غيث اثگل شمالك، ،كملت شغلي هاليومين ورجعت للبصرة وبالي كلة يمهة مااعرف شي وانزرع بكلبي فجأة ابد ما داخلة گلبي بنية هيج.احس تورطت بدگات گلبي المو بمحلهة،،بس حاب الشعور البداخلي شي يخليك تكعد الصبح تسمع فيروز بكل راحة تصفن وتشرد من ضغط الشغل تايه تتذكر تفاصيل عقلك مخزنهن بدون متحس عيونهة وسوادهن رموشهة نعومتهة احسهة كتلة من الرقة،،حتى اهلي لاحظوا هالتغير والراحة الاني بيهة لان قبل من ادخل البيت انذار لااحب هوسة ولاحب صوت عالي ولا جهال تهوس. وتكسر اتذكر يمنة اجتي اختي ميساء الجبيرة وذولة جهالهة شياطين عالگاع رجعت من الشغل لگيت امهم تصيح عليهم بغرفتي ميساء،،عزة بعينكم هسة يجي خالو غيث يعلگكم بالبنكة شمسوين بغرفتة غيث،،هي تلملم وتحجي عليهم واني واكف منتجي بالباب مبتسم التفتت اني بوجهة ميساء،،والله هسة المهة مااعرف شلون صعدوا وفتحوهة غيث،،ميخالف جهال لمي الغراض بين مااشتريلهم واجي ميساء،،صدك والله عادي غيث،،خزرتهة سكتت تبتسم جود،،كلتي خالو يعلگكم بالبنكة شو راح يشتريلنة غيث،،اسمع لك مو تاخذهة سنينة كلما تجي عبالك تهوس واخذك اشتريلك مرة الثانية اعلگك من صدك جود،،صار خالي بس ورق واحنة نروح نشتري ميساء،،جوود اني اعلمك ادم،،عوفي ماما هذا ميحترم، ،خالو اني انطيني الفلوس ارجعلك الباقي مو مثل جود ياخذهن غيث،،هههههه،،هاك هاي عشرة اشتري انتة واخوك ولجهال خالو طارق وراح انام اذا سمعت صوتكم تعرفون جود،،افة خالي تتدلل ميساء،،اعوذ بالله مو جيل غيث،،اي شلونج انتي ميساء،،سالمة بوجودك حبيبي غيث، راتبج يم امي اخذتي ميساء،،والله ما محتاجة غيث،،حقكم هذا ميخالف ميساء،،عسى ربي ميحرمني منك غيث،،تتدللين، ،يلا روحي شوفي جهالج لايتأخرون مينعافون ذولة تلكيهم هجموا الاسواق ميساء،،ههه اي موتوني غيث،،الله يخليهم يكبرون ويعقلون،،طبيت سبحت ومددت تعبان وتتراوالي عيونهة،،،مهرررة حتى اسمهة يخبل وغريب شسويتي بية يا مهررة اول مرة اتعلق ببنية هيج ،،،،، مهرة،،طبت امي وشافتني فتحت الضماد كالت من جهة مفتوحة للعصر اخذتني للدكتور وطلع مفتوح خياط خيطتهة من جديد بس متت بچي انطتني ابر اقوى ورجعنة جان فارس جاي فارس،،وينكم اخابر ومتردون شصاير ام مهرة،،اخذتهة اني وخالتك للدكتورة عمليتهة فارس،،ليش مهرة،وسولفت امي لفارس الصار و گلب الدنيا وخابر لخالي ورجل خالتي كللهم بالليل يجون شلون يتعدون على بيتنة هيج،،خالي فقير اسمعة يهدء بي بس فارس شايط ومشتعل تالي فارس خابر غسان وكالة باجر العصر تشرفون يمنة نكعد ونحجي بوجود زلم مو جايين بس نسوان واسمع غسان يتعذر، ،صدك للعصر اجوي واني الووج وجع وقهر حتى احس من القهرة حليبي قليل اليوم صدك صارت هوسة وفارس يحجي بصوت واضح فارس،شلون تتعدون على بيت بس نسوان وانتة ريسان مالتيش تطب تفلش الباب على اختي وتريد تاخذ الولد والله مااسكت ريسان،،لحظة عصبية فارس،،على روحك الا ارفع دعوة حجي محمد،،اشوف حجيكم صاير كلة بالمحاكم والمحامين فارس،،لان هذا الصح مشينة بالعيني والاغاتي دستونة زوج خالة مهرة،،يابة استهدوا بالرحمن مو هيج الحجي انتو اهل هيج مراح تتفقون والولد صعب ينفصل عن بيت جدة لو عن امة لازم يظل بيناتكم فارس،،كللهم خالي يردون ياخذوه من امة وميشوفوه الهة بيا قانون بيا دين تحجون زوج الخالة،،ميصير هيج حجي محمد على يااساس شنو ذنبهة البنية تنحرم من ابنهة وليش هو الولد يم امة حجي محمد،،مو جاي نكللهة تتزوج غسان وتنحل هالمشكلة فارس،،متريدة هية گوة يا عمي ريسان،،وشبي احسن من غيرة شمدرينة ما تتزوج واحد طايح حظة ويتعذب الولد بسببهة حجي محمد،،شحدهة تتزوج ويظل الولد عندهة فارس،،يا زواج يا صخام وينهة ووين الزواج رجلهة ما صارلة جم شهر من مات وتفكر تتزوج انتو وين تسولفون حجي محمد،،ضامن المستقبل انتة زوج الخالة،،هسة انتو تحجون باشياء عود بالمستقبل احتمال تصير هذا المخوفكم خاف تتزوج عمي منا لذاك الوكت يحلهة الف حلال دخلوا الولد عند امة هسة ريسان،،يظل بس بشرط ماتتزوج ابد ولو فكرت تتزوج تنطينة ابنة وتتوكل تشوف حياتهة زوج الخالة،،هاي هية يابة هية هسة بيا حال ححي محمد،،شوكت ميعجبني امر اخذة والعبة واردة عود الهة فارس،،عمي ترة هوة يظل ابنكم منريدة ينحرم من اهل ابوه بس هم لا تظلمون اختي بنص رغبتكم ششافت هية وانتو تزيدون همومهة كل التريدة تربي ابنهة وتكعد وتسكت حجي محند،،هاي هية ساعة شيطان عمي اتعذرلنة من الوالدة وجيبلنة الصغير نشوفة مهرة،،وفضت على خير اخذ فارس حمودي وراح يشوفة الهم ام مهرة،،،الحمدلله من فضت مهرة،،والله ما سكت الا من شافني دخلت القانون وعرف راح يخسر جم فلس ام مهرة،،اسكتي انتي اهم شي اقتنع وما احتاجينة لا محاكم ولا فضايح مهرة،،وصدك استقر حمودي بحضني ويم امة، ،وبلشت بفصل جديد بحياتي، ،،،،،يتبع | ||||||||
|
| |
|
13-04-20, 04:20 AM
| #8 | ||||||||
| مراقبة عامة ومشرفة منتدى الروايات المنقولة
| #أول_الغيث_مهرة فيد عبدالله #بارت٦ مساء الورد ياورد شلونكم شخباركم،،شلونة حماسكم للقصة ترة بدت الاحداث تتصاعد وتحلووو ،،اتمنالكم متابعة طيبة البارت السادس فيد عبدالله مهرة،،بلشت بحياة جديدة يم امي واخوية فارس وحنيتة التارسة علينة البيت وامي الي كل الجنة بحضنهة،،عمتي مستمرة تروح وتجي يومية واحسهة فرحانة كللش ياعيوني ولو من تصفن على حمود تدنع عيونهة بس ملتهية بي عمي يمر كل كم يوم يشوف حمودي بس اني ابد ما طلعتلة ما احب اتواجه وياه ابد غسان مر كم مرة وازل ومريم اجني شافنة وراحن ،،،الامور ماشية طبيعي بديت اتحسن والعملية طابت بس الضوجني حليبي قل كلش لحدما انگطع ورة الاربعين شبعت بچي من اشوف ابني يبجي يدور حليبي وماكو تالي اضطريت احولة عالممية بس شنو احس المصرف صار مضاعف صح عمتي مرات من تجي تحط بيدي مصرف بس شيلحگ عليه حبيبي، ،،تتسوگلة عمتي جانت حفاضات كل شهر وحليب وارجع شعندي اشتريلة بي من يخلص لان ماشاء الله يصرف هواي حليب واستحي اثگل على امي لو فارس الي يادوب متعاونين على مصرف البيت انوب اجي اني وابني الي هوة مسؤلية بيت جدة ،،جدة الي ما حط الف بكماطة بيوم،،بدة ينشنش حمودي وصار عمرة شهرين ونص تقريب واتفاجأنة بيوم كعدنة الصبح على خبر وفاة عمتي انصدمت صدمة ضليت جامدة،،احاجي بامي روحي مفرفحة البارحة العصر يمنة ماما شلون ليش خاف يچذبون ما اتاكدت الا لمن لبست اني وامي وعفت حمودي يم فارس ورحت لبيت عمي ركض طبيت البنات يملخن برواحهن وعمتي ماخذيهةللمستشفى اني طبيت واستلمتني ميلاء ميلاء،،ادب سز س.....كلة من وراج من لفيتي علينة ما لفانة الخير رجلج كسحتي وعمتي من وراج انجلطت ام مهرة،،،اييي وخري شعليهة بنتي كلشي صار ولزكتوه بضهرهة مريم ،من وراهة غير تتمسكن لريسان خلتة ينگلب علينة طنطل ميلاء،،مررريم اسكتي مو وكتهة نسوان هناا،،شون تحجين مريم،،اسكتي انتي العوبة الخ عايفة رجلهة بكيفة ومن وراه انجلطت امي ازل، ،كافي فضحتنة ولجن اسكتن مهرة،،اباوعلهن وحدة تاكل باللخ واني بنصهن صافنة وامي متعجبة،،شوية ونسمع صوت الزلم وهوسة بالطرمة طلعن البنات واني اباوع من المطبخ جابوا التابوت اووي منظر يقشعر الجسم تمنيت اروح اودعهة بس ماكدرت الولد برة وغسان خو ذاب روحة عالتابوت حتى عمي مكسور مبين شوية وطلعوا الغربة بقوا الاهل وسحبتني امي طلعنة للطرمة والعيون كلهة اتشخصت علية حجي محمد،،شعندج جاية بيتي ولج هااا شلفاج علية ام المصايب ريسان،،مو هيج يابة حجي محمد،،انتة تنچب وانتي اطلعي لا احطج بصف عمتج تحلمين تعتبين هالبيت بعد سااامعة ام مهرة،،شسوت بنتي وكلكم عليهة بس هم اكلك مشكور حجي كلك كرم وطيب ربي ابنك بالاول يلا تحط اللوم على بنتي حجي محمد،،اسكتي انتي الثانية ما شايف هيج نسوان طالعة من الطريق مهرة،،سحبتني امي بسرعة واني بس الدموع تصب ما فتحت حلگي شكد جبانة،،،طلعنة وعمي يعد ويصف ليكول صدك طالعة من الطريق شعلية اني اذا ابنك ناقص ،،وصلت البيت اميميتة قهر وتحجي بحرگة واني ميتة بچي ولكيت حمودي عالگهة اخذتة لحضني بالغرفة وشبعت بچي ام مهرة،،خل يولون من هاللحضة تنسيهم كل الرابطج وياهم هالطفل وخلصت حتى متفوتين كبال بيتهم بعد مهرة،،اي اكرهم اذوني يتهموني اني اللافة على ريسان ام مهرة،،خل يولون فنهم يجيبون طاري شرفج اكص لسانهم ابنهم الناقص انتي شعليج اصلا بس امهم خيرة وروح حلال بيهم وهالراحت مهرة،،رجعت طگيب بالبچي واني اتذكر حنيتهة علينة ومواقفهة صدك انسانة ذهب الف رحمة على روحهة بالليل صليتلهة الوحشة وكعدت اقرالهة ولعدنان قران ،،مرت الايام وما وصلت الفاتحة بعد ابد وحمودي ما وصلولة اصلا هم عذرتهم ملتهين بالفاتحة فارس رغم الصار امي ما كالتلة وكالتلة روح واوكفلهم عيب من العالم شتكول،،،ومرت الايام وصار الاربعين وثاني يوم امي اجرت سيارة ورحنة لابوية ولعدنان ولعمتي الي مدفونة بصف عدنان عيوني ورمت يمهم وزرنة الامير علي ورجعنة، ،،هالفترة المصرف تشحط واموري بدت تتخربط امي خطية شعندهة تذبة علينة فارس الي ياعيني يرجع من دوامة بوجهة لشغلة ويرجع بالليل يقرة لان سنة سادس وشعندة مصرف يشتري بي للبيت ولحمودي وعيالي مااكو ما طلع منهم الربع اصلا حمودي ماشافوه بالشهرين عدا مرة اجتي ازل وغسان ومتسوكيلة شي بسيط عمي اصلا مابين ولا شافة مو هذا ابن ابنك الكتلت روحك عليك وينك يلا، ،،مااتحملت وضعي هيج وافكر بشغلة بس تدخلي وارد،،بالليل واكفة اگلي كبة وقريت عالباكيت تجهيزات...الغذائية وحاطين رقم وكاتبين مستعدين لتجهيز المناسبات،،راسا لمعت ببالي الفكرة ليش لا اطبخ وابيع شو طبخي طيب وكلهة تمدح بي ركضت لامي سولفتلهة ام مهرة،،شتسوين بهالسالفة ياامي مهرة،،ليش ماما والله اتونس واطلع مصرفي اني وابني. مو كافي جاي نثكل عليج ام مهرة،،عيوني الكم شاكيتلج مهرة،،تسلم عيونج فدوة اقبلي وقنعي فارس هو اطبخ بالبيت لااطلع ولااحد يشوفني ام مهرة،،ما مقتنعة خاف عيالج يحطون روحهم مهرة،،ماما همة سائلين علينة بالشهرين صار فدوة اقبلي ام مهرة،،احاجيه يا روح امج مهرة،،حضنت ماما وكمت كملت العشا بين مااحضر بي طب فارس بعلاگة الصمون فدوة ابو بيت من صغرة، ،اتعشينة ورحت اغسل المواعين واسمع امي تحاجي بفارس واني اترقب خاف يصيح ميقبل شو هدوء والله بلكت قنع شوية واجة للمطبخ فارس،، لج فررسة تردين تشتغلين مهرة،،باوعتلة ابتسم بلواگة، ،ههه اي شتگول مو احسن من الگعدة وبالبيت والله وشغلة شريفة فارس،،،همممم،،اتوكلي بالله واني شتحتاجين اجيبلج ممنوع طلعة للسوك وفرة مهرة،،الله لا يحرمني منك حضنتة فارس،،راح اسوي صفحة عالفيس بتلفون امي منهة يصير شغلج قسم بالله اذا لكيت حجي غير الشغل بيهة اسود عيشتج مهرة،،شتعرفني يا فارس فارس،،اني لان اعرفج حاط ثقتي كلهة بيج اتوكلي بالله والله يوفقج مهرة،،صدك والله رتبلي الشغلة فارس وامي بدت تنشر هالشي عالمعارف والجيران ما مر يومين واجتي جيرانة ام خالد ام خالد،،مهرة بنتي اريد تجهزيلي خمسين كباية لحماتي كالت اريد كبة نضيفة وطيبة كتلهةمالج غير مهرة ام نفس طيب مهرة،،تسلمين خالة شوكت تريدهن ام خالد،،باجر الظهر لان بالليل عازمة حمواتهة مهرة،،صار خالة،،،اخذت من امي فلوس ووصيت فارس اتسوكلي و بلشت بيهة سويتهة وكملتهة وجمدتهة حتى لباچر متموع وتخرب،،وديتهة الصبح لبيت ام خالد طلعت وديتهة اني لان همة بنفس الشارع ورجعت بالرجعة ولمحت سيارة وبيهة ولد واكفة بالركن لان بيتنة ثاني بيت بالشارع اتقربت وانصدمت بنفس الولد الشفتة بمكتب ست غصون،،لفيت عبايتي ومشيت بسرعة للبيت طبيت وگلبي يركض شجابة هذا ليش هنا شنو اسمة جان، ،،الغيث اي يمكن شعندة واكف اكو شي ست غصون دازتة، ،،طبيت وعقلي ضارب رحت دكيت على ست غصون بحجة اسلم عليهة سولفنة شوية وسالتني عن اموري سولفتلة وشجعتني كلش وتوادعنة وسديتة ما جابت طاري الولد زين شيريد مني، ،تناسيت الشغلة مأملة نفسي اما مو هو او هو بس مو علينة،،،مرت الايام والطلبيات تزيد خاصة انه حماة ام خالد معلمة وهالشي خدمني كلش وشكد دعيتلهة وصارت توصي المعلمات الي ما يلحگون بين البيت والوضيفة،،صرت الحمدلله اركض حتى الحك الكبة والمقلوبة والدولمة والبرياني وووو وطلبات عالفيس واشكال كمت اتسوك لحمودي والباقي يم امي اعاونهة بمصرف البيت حتى احسهة قللت خياط لان اتنفست ياعيوني راحن عيونهة من المكينة ،،فترة مرت واتذكر العصرية و اندكت الباب ركضت من ورة الباب صحت منوو ريسان،،اني ريسان مهرة،،كلبي ركض، ،شتريد ريسان،،نحجي عالباب مهرة،،ما بيناتنة حجي ريسان،،شلون مو ابنة يمج مهرة،،صدك فار دمي وحجيت بعصبية اول مرة تطلع مني،،همزين تذكرتوه صار شهور محد سائل عليه ريسان،،صدك جاي تبيعين اكل للعالم مهرة،،اي وشكو بيهة شغلة شريفة اعين نفسي وابني الي نسوه بيت جدة ريسان،،لج انتي ليش تجيبين الاذية لروحج وافقي علية وامشيج عالذهب مهرة،،لو تظل اخر رجال ،،بهالاثناء واسمع صوت رجال خشن، ،اتفضل شعندك هنا صارك ساعة ريسان،،وانتة شكووو قائد،اتوكل منا لا تنسحل بالمنطقة حبيبي ريسان،،ومنو انتة حتى تسحلني قائد،مخابرات ريسان،،هاا ترة هذولة نسابتنة قائد،،لو صدك جان انفتح الباب مو تحجي من وراه اتوكل وبطلوا هالسولف عييييب رجعتونة قرن ليورة يلا اتوكل لااخذك للسيارة مهرة،،اسمع واعضعض باصابيعي بخووف منو هذا معقولة مخابرات وعبالة يتحرش لو مواعدتة عزة شيكولون علية . الله لايوفقك ريسان المفروض اني ماانطي واخذ وياه بالحچي شبعت بچي وخوف واختفة الصوت رحت غسلت وجهي وطبيت للمطبخ مااريد امي تشوفني وتبلش تحقيق ،،،،،، غيث،،صار عندي ادمان اروح واشوفهة ،كل مااروح لبغداد امر لبيتهم بس اريد المحهة حتى روحاتي لبغداد كثرتهن حتى بس المحهة وقائد حس علية وسولفتلة ما كدرت اخفي مشاعري كلشي بية يريدهة اتمرضت بيهة مااعرف ليش وشلون بيوم كملت شغلة قريبة ومريت عليهة رحت لبيتهم وكفت السيارة قريب والله وچان تطلع اخ بوية غير گلبي طلع من صدري تمشي برهاوة وخجل مبينة غير گلبي انسحل وراهة لجيرانهم. ورجعت اباوع لوجهة من بعيد مبينة الراحة لافة عبايتهة بس قرص وجهة مبين انوب اجة جاهل فات من يمهة حجة وياهة وكفتلة وابتسمت خررب فوكاهة غمازة غيرغمازتهة خذت گلبي. اتمشت قريب للبيت لمحتني ابتسمتلهة خزرتني وطبت تركض، ،،ههههه عرفتني اكيد اي اني اريد تعرف اكو واحد وكع گلبة يم بابهم، ،مرت الايام وعرفت من غصون بدت تشتغل بمشروع احترمت عزة نفسهة كلش شلون تحاول متقصر على ابنهة هالشي يكبرهة بعيني امر واروح مالمحتهة بعد لحدما بعصرية اني وقائد سوة نسولف عالشغل ورجع سالني عليهة بالسيارة ومااحس الا وصلنة بيتهة قائد ،،وين جايبني غية،،تنهدت،،بيتهة قائد،،صدك تحجي غيث انتة متعرف ضروفهة مو تعرف اهلك تتوقع يخلوك تاخذ وحدة ارملة وعندهة طفل غيث،،واذا كفرت قابل قائد،،غيث متعرف خالتي انتة هية مرت طارق صيدلانية وما قنعت بيهة لان حالة اهلهة المادية مو شي انوب تاخذلك هاية غيث،،وشبيهة اهم شي شريفة بطلوا هالطبقية قائد،، مو انتقص من البنية حشا كلنا عبيد رب العالمين بس انتة تعرف موقف خالتي مستعد تخسر امك علمودهة غيث،،هسة اني شحجاني، ،،اوكف هذا حماهة الناقص قائد،،وين نازل يمعود تريد تفضح البنية غيث خاف على سمعتهة ولا تسببلهة مشاكل غيث،،انزل وخرة انتة لا انزل ادفنة والله،،اني ساكت لان يعرفني وخاف يسبب مشكلة فانزل انتة بسرعة قائد،،شعلينة احنةمو حماهة تكول غيث،،قائد اذا متنزل اني انزل والله وشيصير يصير قائد،،ثاريك متخبل بيهة نزلت غيث،،كاعد على اعصابي بقيت بس ما ردت اسببلهة مشاكل لان اخاف عليهة وخاف هذا يتذكرني وذاك العار اختفة قائد،هههه كتلة اني مخابرات كام ينطي الوان غيث،،ههههه يستاهل قائد،،يول ثاريك طامس غيث،،اكثر مما تتصور،طلعت اسوق متيه الطريق حتى،،نزلت يم قائد وهو يسولف لغصون الي تباوعلي بحيرة غصون،،امم والتالي غيث،،هسة اني شمسويلهة قائد،،ماادري غيث،،عوفهة للوكت بس اني رجال ترة واكدر اخذ قرار هاي حياتي محد الة حق يفرض شاريد،، قائد،،الله كريم،،زين انتة سالت عالبنية عرفتهة غيث،،ذهب غصون،،مبينة ،،،،، مهرة،،مررت الايام واني اكل بروحي عالموقف الصارخفت واستحيت من روحي ،، شوية شوية بديت اهدء واتناسة ملتهية بشغلي احس صارلي هدف وموقع بالحياة ،،،بعد كل هالفترة اجة عمي وطلب يشوف حمودي طلعة الة فارس شوية ورجع فارس شايط فارس،،هذا عمج لوما احترمت عمرة چان سحلتة بالشارع مهرة،،شبي شسوة فارس،،گاعد ويشمر بالحجي لان انتي جاي تشتغلين عبالك مطلعج لل.....،،استغفر الله شغل ماكو بعد مو من تالي يجي.واحد يشككني برجولتي لويحسسني اني مااكدر اصرف على بيتي الله شاهد قبلت لان حسيتج تتونسين وتتغير نفسيتج ما مستثقل منج لو اعرف ابيع هدومي مهرة،،ياعمري انتة كافي لاتقهر روحك خل يولون همة ذولة بس شغلتهم يحجون ليش تسمعلهم ليش مااعرفك اني الزم ايدة وهو يرجف من الاعصاب جبتلة مي، ،شربة وحضني وباس راسي وطلع سودة علية،،مرت يومين مااشتغلت اتعذرت مريضة انتظرت فارس يهدة واحاجي مااريد اكسر حجايتة واعصبة صدك لليل حضرتلة حلويات وكعدت انتظرة فارس،،هاا فرسة شعندج كاعدة مهرة،،اتخبل من هالاسم لاتصيحني بي فارس،،يلا صخلة مهرة،اهوو لو ضالة فرسة احسن،،سكتت وحمودي بحضني شبعان نوم وامي نامت من وكت كعدنة نسولف وشفتة مزاجة متعدل، ،احمم اكول فارس بعدك متقبل اشتغل فارس،،وشتغيرر اني كلت حجايتي مهرة،،زين انتة متحب تشوفني مرتاحة ونفسيتي متعدلة والله هاليومين كعدت اتكأبت احس مااعرف شمضيعة فارس،،مهرة الحجي الحجاه عمج اذاني مهرة،،هو من حجة هاية غايتة يقهرك ويخليك توكف شغلي واظل اني مقهورة ومحبوسة يحسوني جوة ايدهم ميريدون اتصيرلي مصدر واثبت وجود فارس،،افكر مهرة،،حباب فاااارس فارس،،لا تلحين مهرة،،هاي هية براحتك انتة رجال البيت وانتة التقرر وشتريد اني قابلة فارس،،الله لايحرمني منج ويحفظج الي انتي والوالدة مهرة،،ثاني يوم الصبح كعدت اسوي بالريوك وكعد فارس بدل بهدوم الدوام فارس،،محتاجة مسواك عندج طلبيات اليوم مهرة،،باوعتلة وابتسمت ركضت حضنتة،،الله لايحرمني منك،،اي اي هسة اسجلك ورقة،،رحت سجلت شمحتاجة وانطيتة فلوسهن كوة كالعادة واني ارجع واكرر هنة الفلوس من الشغل لمسواك الشغل، ،رجع من الدوام متسوك وبلشت بطلبية كبة جريش سويتهة واجتني طلبية عالفيس الصراحة قليل عالفيس تجي طلبيات الاغلب معارف وجوارين،كاتب السلام عليكم بلا زحمة اكدر اطلب، ،رديت عليه،،اتفضل رجع كتب،،،اريد اطلب مطبك سمچ والباجر عالغدة امر اخذة تگدرين مهرة،، اي اگدر كم نفر تريدة ،،،،تلث نفرات بلازحمة اعتني بي مهرة،، هاي هية بس اخي اني كل طبخي اعتني بي وراح تجرب وتحكم،،وصيت امي عالسمچ من الصبح خطية طلعت جابتة وطبختة وسويتة يخبل وطبخت النة على صفحة لان فارس يحبة، ،سمعت صوت الموبايل باوعت رسائل منة ،،،كامل اذا امر هسة مهرة،،اي اتفضل باي وقت رتبتة و سلفنتة وانتظرت ،ربع ساعة تقريب واندكت الباب امي جانت تصلي ،،رحت للباب،،منوووو ،،،،بلا زحمة الاكل جاهز مهرة،،اي ثواني،،رجعت لبست عبايتي وشلت الاكل وطلعتة ما رفعت عيني مديت ايدي مدنكة وهمست اتفضل اخي غيث،،عاشت ايدج مهرة،،،،،،،،يتبع اكو بارت مكتوب وكامل ينتظر تعليقاتكم الحلوة اذا تسولي واهس انزلة 😍وانتو بكيفكم،،اختكم فيّد عبدالله | ||||||||
|
| |
|
13-04-20, 04:23 AM
| #9 | ||||||||
| مراقبة عامة ومشرفة منتدى الروايات المنقولة
| #اول_الغيث_مهرة بارت٧ مسااء الورد يا ورد شكرا لتعليقاتكم الحلوة ترفع معنوياتي كووولش ❤️❤️،،هذا البارت هدية لاحلى متابعين البارت السابع فيّد عبدالله مهرة،،بس سمعت اسمي رفعت عيني متفاجأ،،شفتة نفسة هوة اي هوة استاذ غيث، ،ردت حتى اوگع الاكل كدما ارتبكت غيث،،الله الله مهرة،،اتفضل، ،حجيتهة بعصبية غيث،،شكد الحساب مهرة،،ماكو داعي الف عافية،،ردت اطب وهمس غيث،،بس دقيقة مهرة ميصير هيج مااطلب بعد مهرة،،احسن،،شهكت وحطيت ايدي على حلگي وعيوني متوسعة اباوعلة،،عزة شحجيت احاجي بروحي غيث،،هههه هاي هيج تعاملين الزبائن ،،هاي الياخذ ميرجع بعد مهرة،،استاذ غيث موو همست وعيوني تباوعلة وللشارع حايرة غيث،،احممم، ،اسف اسف بس كليلي الحساب ترة اخابر غصون مهرة،،دنكت والله متسوة كافي وكفتك ذاك اليوم غيث،،مااخذة لعد اتفضلي مهرة، لا لا الف عافية،،، كتلة المبلغ ،،انطانياه وهمس غيث،،عاشت ايدج ومو اخر مرة مهرة،،الف عافية حجيتهة وسديت الباب بسرعة وطبيت، ، باوعت امي واكفة بالمطبخ ام مهرة،،ها امي منو عالباب مهرة،، اجوي استلموا الطلب ام مهرة،،ليش طلعتي انتي شكلنة مهرة،،مو جنتي تصلين وخفت يبرد،،ماما خلي الفلوس يمج خاف اصرف منهن ام مهرة،،الله يرزقج ماما دير بالج على نفسج مناقصين حجاية والعالم اشكال مهرة،،صار ماما،،الملم بالمطبخ وابتسم شبية اتخبلت كملت واخذت حمودي العب بي شوية وطفة من النعاس نومتة وطبيت اسبح واسمع هوسة فارس فارس،،وين الغدة يمعودين مهرة،،طلعت ابتسمتلة،،الناس تسلم فارس،،ميت جوع مااندل حلگي مهرة،،موتتدلل، ،،،،،،،،، قائد،،يابة شلون طبخ والله طيب خوش مطعم انطيني عنوانة غيث،،الف عافية غصون،،همممم مو مطعم هذا حبيبي قائد،،لعدد غصون،،بنية تطبخ موو غيث غيث،،ابتسمت ونصيت اكل تعرف كلشي غصون لان منهة اخذت الصفحة قائد،،لا تكلي نفس البنية الي غصون،،اي هية قائد،،شتريد توصلة غيث خبلتني غيث،،يابة شبيكم كلما جبت طاريهة اتخبلتوا ساعة السودة لو ادري ما مسولفلكم،،كمت غسلت ورجعت اخذت غراضي قائد،،وين يمعود بعدنة ما حاجين غيث،،اني طايح حظ اذا حجيت وياكم بعد مو كرهتوني بروحي شبيهة البنية اريد اعرف لان فقيرة يابة الفلوس مو كلشي انعل ابو الفلوس غصون،،مو هيج غيث والله غيث،،مع السلامة،،طلعت واعصابي تفور شدعوة هالكد مهتمين للمظاهر ،،،عفتهم ما رحتلهم بعد وقائد يتصل ماارد عليه كرهوني بروحي عوفهة ما عوفهة رجعت للشقة بليلتهة ما فاركت بالي صورتهة لزمت موبايلي وراسلتهة ،،،،،،، مهرة،،كاعدة بالليل ارضع بحمودي واغفي اشتغل ضوة الموبايل الي واخيرا صارلي موبايل خاص اشتريتة لان احتاجة بالشغل مرات وامي تطلع وتاخذ موبايلهة فقنعت فارس واشترالي ونقلت صفحة الفيس بي نفسهة المهم باوعت هووة ارتبكت جان كاتب غيث،،عاشت ايدج مهرة،،اترددت ارد او لا تالي سديتة ونمت مااريد اخذ وانطي وياه وهو مااعرف شنو مستواه وتفكيرة هيج اشخاص اخاف اختلط وياهم وليش اختلط اصلا على كد الشغل بس حتى الشغل وياهم مااعرف شلونة ،،ما رسل ابد اي شي لحد ورة شهر هم رجع طلب عادي كانو مااعرفة جهزت الطلب جان دولمة كملتهة ونفس ذيج المرة رسل كتلة كاملة حضرتهة وكلت اگول لامي تنطيهة الة تالي خفت مااعرف ليش يمكن لان امي تعرفة خاف تضوج ما اعرف مااعرف شافكر اندكت الباب لبست عبايتي وطلعت غيث،،السلام عليكم مهرة،،وعليكم السلام،،اتفضل اخي غيث،،انتظر شوفة عيونهة وهية حارمتني من شوفتهن مدنكة ،،شكد فلوسهة مهرة،،متسوة هي مال نفر غير مرة غيث،،لا مااحب هيج مهرة،،ميخالف والله غير مرة غيث،،مهررررة احجي مو حلوة وكفتنة اخاف عليج مهرة،،باوعتلة عيوني التقت بعيونة لمحت بيهن حنية وخوف وغضب نضرات محد مباوعلي بيهة قبل دنكت مرتبكة،،همست الف عافية ودخلت وطبكت الباب بسرعة ارجف كل جسمي يرجف شعور اول مرة احسة كلبي يركض معدتي متقلصة ملامحة طبعت بفكري عيونة خلتني ارجف استغفر الله يا ربي شبية رحت للمغسلة البرة اغسل واباوع لروحي بالمراية شبية اتخبلت زوجي ما صارلة سنة واني اتأثر بنضرات غيرة لا لا لازم احط حد اصلا مااستلم طلبة بعد هذا وجودة قريب يسببلي مشاكل، ،،،لليل رسل غيث،،مو حلو تصرفج كلش نرفزني شلون تطبگين الباب بوجهي وبعدين مو كتلج اذا متاخذين فلوسهن مااطلب هاي بعد راح ارجع لاكل المطاعم مهرة،،اقرة واعض بطرف شفتي هاي العادة مجلبة عندي من اتوتر، ،،اكتب وامسح اكتب وامسح،،،اخر شي رسلت،،اسفة غيث،،ليش تخافين مني مااذيج اني والله مهرة،،مو منك الناس مترحم وانتة تعرف وضعي اتوقع غيث،،اعرفة واعرفج كلش زين مهرة،،اكرر اسفي من رخصتك غيث،،يعني ابطل مااطلب منج راح تحرميني طبخج الطيب مهرة،،لا لا اطلب عادي،،احاجي بروحي مهرة شبيج مو كلتي هاي هية غيث،،لعد اني اسبوع باقي هنا اريد على ذوقج يومية غدة مهرة،،هااا بكيفك انتة شتحب غيث،،بس من هسة فلوسهن تاخذيهن مهرة،،مااشي،،كلة لنفر واحد مو غيث،،اي محد وياية مهرة،،ليش عايش وحدك،،رجعت احاجي روحي شعليج مهرة غبية،،،رسلت اسفة اسفة اتدخلت بخصوصيتك اعذرني غيث،،ههه يمعودة هوة سر عايش وحدي لان اهلي بالبصرة مهرة،،انتة من البصرة عبالي من بغداد غيث،،اي من البصرة بس الي شغل هنا مرات اجي اخلصة مهرة،،الله يوفقك من رخصتك انوم ابني غيث،،شكد صار عمرة مخرة،،سبع شهور تقريبا غيث،،الله يخلي الج مهرة،،تسلم رحم الله والديك،،من رخصتك غيث،،براحتج اعتذر عطلتج مهرة،،لا اني الاعتذر عن تصرفي غيث،،ماصار شي هاي هية باجر الغدة على ذوقج مهرة،،هاا، ،تحب المقلوبة غيث،،كلشي من ايدج طيب مهرة،،تمام شكرا،،مع السلامة،،حذفت المحادثة كلبي يدك سريع اول مرة بحياتي احاجي ولد غريب مااعرف شنو الجاي يدفعني اتواصل وياه ليش ماجاي اكطع كل الخطوط،،سولفت لامي وماكالت شي بالعكس كالت نرد وكفتة هو وست غصون والولد خطية متغرب كمت هالاسبوع اطبخلة يومية شي ويجي ياخذة وبالليل يرسل عاشت ايدج كم يوم والاكل امي تطلعة اخر شي كتب غيث،، ليش ماجاي تطلعين انتي ضايقتج بشي مهرة،،لا العفو بس احسن هيج غيث،،مامسوية غلط انتي جاي تشتغلين وبحجابج وسترج وين الغلط شككتيني بروحي مهرة،،العفو ،،بس يعني همة اهلي يخافون علية واني مااطلع لاحد بالصدفة طلعتلك اول مرة والله ماعرفتك اصلا غيث،،وثاني مرة مهرة،،هاا مو،،سكتت شكلة خفت من امي راح يكول تجذب مو هياتهة دا تجيبة امهة غيث،،براحتج تصبحين على خير مهرة،،من اهل الخير،،سديتة وافكر خاف عيب منة خاف ياخذ على روحة اووف ثاني يوم من رسل اني لبست عبايتي وطلعتلة غيث،،احمم السلام عليكم مهرة،،وعليكم السلام شلونك استاذ غيث،،الحمدلله،شكرا جاي نتعبج مهرة،،تعبك راحة تتدلل، ،ابتسمت بوجهة كاعتذار مااعرف على شنو بس حسيت ضوجتة غيث،،غير من بينت غمازتهة ردت روحي وعافيتي ابتسمت سرحان بعيونهة وهي دنكت مرتبكة مهرة،،من رخصتك غيث،،اعتذر براحتج مهرة،،طبيت مدري شبية اباوع للمراية واضحك، ،بالمطبخ واستلمتني امي لان طلعت تالي كتلهة بعبايتي وبستري وين المشكلة راح تدفنوني من ورة حجي الناس سكتت بس ما مقتنعة، ،باخر يوم اني هم طلعتلة اخذ الاكل وعيونة علية غيث،،راح ارجع باجر من الصبح تصدگين راح اشتاق لاكلج مهرة،،يعني شنو متجي بعد همست بدون ادراك ابتسم ودنك غيث،،اجي ان شاء الله مااتأخر مهرة،،اهلا وسهلا،،طبيت احس بداخلي شي جاي يتغير، ،،لليل رسل غيث،،عاشت ايدج مهرة،،الف عافية غيث،،لوما اخاف اسمن ما جان رجعت مهرة،، ابتسمت وكتب بالعافية غيث،،ابنج شلونة مهرة،،زين الحمدلله غيث،،هم اتعرضولج بيت جدة بعد مهرة،،لا اصلا ما شايفيه صار هواي غيث،،صدك والله بس خبصوا الدنيا بوكتهة مهرة،،مو لخاطرة يكرهون واحد يطلع من سيطرتهم غيث،،الله يعينج بس انتي قوية مهرة،،اني ،،كلهة تكولي انتي متدبرين وفقيرة مستغربة نضرتة احس روحي اضعف نساء الارض اني غيث،،اي خاطرتي بكلشي وتحديتيهم وصار التردي ابد لا تخلين احد يتحكم بحياتج مهرة،،صدك هيج تشوف غيث،،اي اكيد مخرة،،فرحني كلامك غيث،،القوة مو باللسان والحجي القوة بالفعل وانتي فعلتي هواي انتي نفذتي الردتيه مهرة،،شكرا دا ترفع معنوياتي غيث،،عفوا بس هاي حقيقة مهرة،،الكلام يجر كلام مااعرف ليش بقيت اخذ وانطي وياه يمكن لان حسيتة محترم لا ن جان اسلوبة مختلف راقي متحسة من هالشباب الطايش ،، سرد نص تفاصيل حياتة شغلة عائلتة دراستة واني مستمتعة بهالتفاصيل عالم مختلف عن العايشتة مبينين عائلة كلش راقية رجع يسالني ببساة واني اجاوب بتفاصيل حياتي البسيطة سالني شكد عمري كتلة راح اكمل الواحد وعشرين غيث،،ليش سموج هالاسم مخرة،،مو حلو غيث،،لاحلو و غريب ما متداول هنا مهرة،،ابوية جان يشتغل بمزرعة احد التجار ببغداد قبل وعندة خيل ووالدي جان متعلق بيهن وعجبة هالاسم غيث،، حلوو زين انتي دارسة مهرة،،ثالث متوسط غيث،،ليش ما كملتي لو ماالج واهس مهرة،،توفة والدي وراح واهسي،،باوعت للساعة اووف متأخرة كلش ،اخرتك وعندك شغل ورجعة باچراسفة غيث،،بالعكس ارتاحيت من حجيت وياج تدرين اول مرة احجي وية بنية هالكد مهرة،،هههه شعجب اتوقع انسان بشخصيتك هواي عندة معارف غيث،،مو كل انسان يصادفك تكدر تفتحلة گلبك مهرة،،ارتبكت بكلامة،،اني اروح اتأخرت فرصة سعيدة انه اتعرفت عليك استاذ غيث غيث،،بدون هالرسميات صرنة اصدقاء ترة مهرة،،مااعرف استغربت كلمة اصدقاء ،،تصبح على خير غيث،،من اهل الخير ديري بالج على نفسج وابنج مهرة،،ان شاء الله توصل بالسلامة غيث،،شكرا مهرة،،عفوا،،مسحت المحادثة ومااعرف شنو بداخلي شعور متضارب نمت بعد ما اتذكرت كلامة جملة جملة تفاصيل حياتة حفضتهن عالغيب ثاني يوم كوة كعدت اول ما فتحت عيوني اتذكرتة وصل هسة، ،اوف مهرة شبيج وين داترحين بروحج،،كمت كملت شغلي كعدت بالغرفة كنك عالجيران اجتي رسائل منة غيث،،صباح الخير مهرة،،من زمان راسلهة وهسة الظهر مسحتهة وما رديت لليل ورسل غيث،،شدعوة يابة متردين متكولين الحمدلله عالسلامة مهرة،،قريتهن وابتسمت اسلوبة مرن يخليج ترتاحين بالكلام بعدني ما رادة رجع كتب غيث،،عمي بس الله الجبير مهرة،،الحمدلله عالسلامة غيث،،الله يسلمج شلونج مهرة،،زينة غيث،،مااكلت تعودت على طبخج والله مهرة،ههه قابل اطيب من طبخ والدتك غيث،،متطبخ امي مريضة اختي الجبيرة تجي تطبخ لو الزغيرة بعدهة ما متزوجة مهرة،،الله يشافيهة يارب غيث،،تسلمين اخذي راحتج مهرة،،مع السلامة،،سديتة مبتسمة طبت امي للغرفة ام مهرة،،ها امي اليوم الضحكة شاكة الحلك مهرة،،هههه اي مرتاحة هالايام ام مهرة،،غسان بالباب يريد يشوف حمودي مهرة،،اي مشطتلة ووديتة بيد امي شوية ورجعت امي وحدهة،،كمزت هاا ماما وينة ام مهرة،،يشتريلة ويجي ماما مهرة،،شلون ماما شلون تخليه ياخذة ام مهرة،،هو غير عمه يا امي بعدين غسان خوش ولد واني احترمة مهرة،،ظليت يم الباب اروح وارجع اعض بطرف شفتي بقلق شوية واندكت الباب ركضت وامي صاحت ام مهرة،،لج اني افتح مهرة،،راحت امي واسمعهة تسولف وية غسان وهو كللهة سلميلنة على ام محمد، ،طبت امي شايلة حمودي ووياه علاگة بيهة علبة حليب وعلبةحفاضات وحلويات اخذت حمودي ابوس بي ام مهرة،،شبيج ياامي هذا ابنهم قابل نحرمهم منة شوفي متسوگلة خطية وجاي مهرة،،اي بس اخاف ماما مو بيدي خاف ياخذوه وميرجعوه ام مهرة،،ميكدرون لا تخافين مهرة،،طبيت بدلت وغسلت لحمودي الي ملغمط روحة كاكاو حضنتة ونمت، ،مررت الايام وصار تواصلي وية غيث تقريبا يومي شي جدا محترم متجاوز حدودة ابد غير يسأل علية وبس لان لو شفت منة تجاوز جان مستحيل تواصلت وياه بس كلما جنت اريد ابطل اتواصل وياه اصفن واكول الولد كلة اخلاق مبدر منة شي غلط واتراجع هالفترة اجة مرتين وطلب اطبخلة وعادي طبخت ووديتهن الة كان ياخذهن يبتسم ويتشكرني ينطيني فلوسهن ويمشي ابد ميتجاوز بكلمة زايدة هالشي عرفني انه هوة صدك انسان محترم جدا ويمكن اني احتاج شخص اسولف وياه ويحترم تفكيري وينصحني بحرص حسيتة من اهلي ويخاف علية استمريت اتواصل وياه ،،،رجعت علاقة عيالي وية حمودي اقوة وصاروا ياخذوه مرات للبيت خاصة غسان وهو حبيبي ميستغرب ساعة اكثر ويرجعوه واني اظل اكل بروحي اخاف مو بيدي عمي صار ميوصل ابدا من يريد يشوفة يدز عليه وهو صار يتعلق بيهم بحيث من يرجعة غسان يشبع بچي وراه لان يشتريلة ويطلعة والي فهمتة اغلب المشترة من غسان وازل همة ذولة النفسيتهم طيبة واتذكر بمرة اخذوه من العصر وامي طلعت لبيت خالي واني بقيت عندي طلب كملتة وحمودي ماكو وهسة يجي وماكو وهسة يرجع وماكو صار المغرب وحمودي ما رجع انوب امي اتأخرت وفارس بشغلة واني وحدي شبعت بچي وعقلي يجيب ويودي بهالاثناء رسل غيث غيث،،هلو مهرة شلونج مهرة،،موزينة وانهديت بچي راسا اتصل عالماسنجر جاوبتة واول مرة احاجي صوت بس جنت مختنكة مااعرف اتصرف غيث،،شبيج مهرة ليش جاي تبجين مهرة،،حمودي اخذوه بيت جدة من العصر ولهسة ماكو غيث،،بس هاي يمعودة هبطتيني همة غير اهلة مهرة،،اخاف كلما ياخذوه اخاف ميرجعوه اموت ساعتهة غيث،،اسم الله عليج،،محد يتجرأ ياخذة منج هذا ابنج بالقانون الج دخلي يتجرأون بس يفكرون ياخذوه احرك الدنيا عليهم مهرة،،صفنت بكلامة،،همست استاذ ليش مهتم بينة هالكد غيث،،ههه يجي يوم وتعرفين،،همست كافي بجي شكد ترفة لخاطر ربج مهرة،،احس خدودي جمرت من گال هيج بهالاثناء واسمع الباب تندك،،من رخصتك الباب تندك غيث،،لبسي عبايتج ولاتفتحيه الا تعرفين منو مهرة،،اي اكيد مع السلامة،،سديتة لبست عبايتي وطلعت، ،صحت منوو ريسان،،هذا حمودي مهرة،،لفيت عبايتي زين وفتحت الباب بدون مااباوع لجهرتة ،،مشكور ومديت ايدي اخذ حمودي ريسان،،شلونج مهرة مهرة،،بنعمة شكرا اخذت حمودي ريسان،،ماكو تفضل مهرة،،لا ماكو مع السلامة طبيت وطبكت الباب واني ارجف اخااف كلش منة ومن ابوه من احجي وياهم احس گلبي يصعد لبلعومي،،رجعت طبيت للغرفة رسائل توصل غيث،،منو عالباب مهرة بالي يمج مهرة،،لا جابوا حمودي غيث،،منو جابة مهرة،،عمة غيث،،الجبير مهرة،،اي جاوبت وخايفة مدري شبية غيث،،خوما قلل ادب اجي احرگة والله مهرة،،استاذ غيث متشوف دتتجاوز حدود غيث،،وليش ضجتي على هالعار وانتي تدرين بي نذل وماعندة غيرة مهرة،،كمت ارجف من حجايتة معقولة ست غصون مسولفتلة شسوة معقولة يباوعلي بغير نضرة اي والا ليش يكول هيج نزلت دموعي كتبتلة وكلبي محروگ، الظاهر غلطنة من رفعنة حواجز معينة،،اسفة بعد ما اكدر اتواصل وياك لهنا واتمنى ننسحب باحترام ارجوك بعد لا تتواصل وياية مع السلامة،،،حضرتة ومسحت المحادثة واني اعصابي تلفاانة مدري شبية مااعرف ،،،،،،،يتبع | ||||||||
|
| |
|
13-04-20, 04:24 AM
| #10 | ||||||||
| مراقبة عامة ومشرفة منتدى الروايات المنقولة
| #اول_الغيث_مهرة فيد عبدالله #بارت٨ مساء الورد يا اعزائي المتابعين، ،شلونكم حماسكم للقصة شلونة اهم شي اعصابكم ترة بعدنة بالبداية،،،،،متابعة طيبة البارت الثامن فيّد عبدالله غيث،،ارسل وماكو،،،، اني اتعصبت وحجيت هيج من غيرتي عليهة بس هية متعررف هالشي متعررف شكد اعشگهة حقهة تضوج وتحضرني اتعصبت شمرت الموبايل عالمراية اتفلشت دك الباب الخارجي اخوية مصطفى وطب مصطفى،،شكو يمعود هاي شنو ليش كاسر المراية غيث،،عوفني مصطفى مصطفى،،صلي عالنبي ياخوي كلشي الة حل غيث،،اللهم صلي على محمد، ،استغفر الله كعدت عالجرباية فركت وجهي بعصبية مصطفى،،هسة اصيح ام خضر تجي تنضفة غيث،،لا خطية شيصعدهة هسة اني المة مصطفى،،تعال نطلع للكوفي امشي غيث،،بدلت ملابسي واخذت موبايلي وطلعت كعدت بالكوفي والولد التموا ولد عماتي وعمي القريبة بيوتهن علينة بس نحرك بسيارتنة تجي الاتصالات شفناكم طلعتوا وين ويلحكونة نلتم نطبك ميزين مرات وميكفي وكلهة تعرفنة ولد بيت حجي...كلهة تسولف وملتهية واني بالي يمهة مااتحملت سويت صفحة ثانية ودخلتهة كتبت مهرة ردي اني غيث مهرة،، باوعت للرسالة حضرتة و مسحتهة وغلقت موبايلي ونمت هيج احسن اني هم طايح حظي وتماديت ليش احجي وياه اصلا بس والله جنت اباوعلة صديق محترم يحترمني ويسمعني ويخاف علية وبس ،،مرت الايام وما رسل بعد ولا اتوصل وياية احس افتقدتة بس ميخالف هيج احسن صارت سنوية عدنان ورحنة للنجف وحدنة كالعادة اصلا عيالي لاغين وجودنة من حياتهم زرت قبر عدنان الي كلمااباوع لصورتة انعصر وجع ششفت من شبابك واكعد اتخيل لو لهسة عايش شلون شكل حياتنة حمودي جان كيف بابوه جان حياتي طبيعية هالتفكير يدمرني حتى دموعي تنشف وتظل بس شهكات مخنوكة تطلع من صدري رغم ما يوم ما صليت ودعيتلة وقريتلة قران هالشي يهديني جان دائما ب بس احس باحساس يوجع ميسكن زرت عمتي الي لحكتة وارتاحت،، بالامير علي جان مو ازدحام لزمت الشباك ودموووعي تصب اجتي مرية مسحت على جتفي المرية،،تنحل يمة كل امورج تنحل بس ادعي ربج بهالمكان الطاهر وتنحل مهرة،،هدات لكلامهة ووجهة السمح طلعت صليت ودعيت من كل گلبي الله يوفقني ويحفضلي ابني واهلي ورجعت لامي اللازمة حمودي كملنة وللعصر رجعنة بس احس الخنگة البداخلي طفت واحسن، ،مر يومين ورة روحتنة وبالليل اجيت انام رسائل جايتني فتحتهة من عندة غيث،،مهرة اذا حضرتيني هالمرة وما حجيتي وياي وافتهمتيني اجي باجر لبيتكم والله مهرة،،اتعصبت من اسلوبة كتبت، ،استاذ غيث اكو شي بعد اني فهمت كلشي ترة وكتلك ننسحب باحترام غيث،،لا ما فاهمة ولا تعرفين شي ولا تدرين ليش تعصبت وفار دمي من طلعتي لعم ابنج وهو اعرفة انسان مو نظيف مهرة،،استاذ غيث هو كلام ونگال وراح ورجعت الامور لطبيعتهة الي لمفرض متطلع منهة شنو المطلوب هسة غيث،،مهرة اني تايه بدونج ميمشي يومي بدونج اني ادمنت وجودج بكل تفاصيل حياتي مهرة،،ارتبكت كلش، ،كتبت استاذ غيث ارجوك الزم حدودك جنت اعتبرك شي جبير لا تغير من منزلتك عندي غيث،،لج مهرة معقولة متحسين بية مهرة اني مجنون بيج اني مو بس احبچ اني اعشقج مهرة،،صفنت رجف كل جسمي كلبي مااعرف شلون يدك اقرة واعيد بالجملة مااستوعب غيث،،بالحلال اريدج والله العظيم بالحلال شوكت متكولين اي اجيب عمامي واجي واعيشج ملكة مهرة،،نزلت دموعي،،استاذ غيث انتة تعرف وضعي وحياتي ليش تاذيني غيث،،حشا والله ااذي روحي ومااذيج ابنج وياج اربي ابني واعز انتي اعيشج احسن عيشة بس وافقي مهرة اني قفلت عليج عقلي وكلبي ميردون غيرج مهرة،،بقيت ساكتة مااعرف شجاوبة غيث،،لا تسكتين مهرة احجي اي شي اتعصبي ضوجي افرحي بس احجي مهرة،،تدري اني بعمري مافكرت ارتبط بعد ولا مخلية هالشي ببالي ابد وانتة تفاجأني بعد سنة من ووفاة زوجي انه تريدني اتزوج هم الناس شتكول علية صعبة ترة والاصعب ابني بس اتزوج ياخذوه واني مستحيل اكدر اسفة اعذرني غيث،،مهرة عوفج من الناس طز بيهم وعوفج من ابنج اني اجيبة الج من حلگ السبع بس كليلي اني اني لشخصي تقبلين بية اذا قبلتي اني مستعد انتظرج طول العمر مهرة،،سكتت مااعرف شجاوب غيث،،مهرة دمرتي اعصابي احجي بداعة ابنج مهرة،،استاذ غيث خلينة اصدقاء وانطي للامور وقتهة غيث،،خلص هم جوابج مقنع عالاقل ما رفضتي يعني اكو مكان الي بكلبج ويجي يوم اخذ كلبج كلة الي واذكرج مهرة،،توسعت عيوني متفاجأة،،تصبح على خير غيث،،اجمعين بس فكي الحضر يمعودة مهرة،، ماشي،،سديتة وابتسم مااعرف شنو الشعور البداخلي احس الحياة دتنطيني فرصة ثانيةلو خاف اني ماملة روحي بشي مو الي خاف اتندم بعدين خاف استعجل ،،،مرت الايام والشهور حمودي كبر حبيبي وظل يروح ويرجع لبيت جدة وتعود عليهم كل عصرية يمرلة غسان شوية ويرجعة هو لو ريسان امي صحتهة تمام ارتاحت من الخياط وبطلت تخيط للناس اصلا لان شغلي وشغل فارس كلش كافين الحمدلله فارس نجح من السادس واخيرا ومكيف راح يدخل الكلية مستمر بحنيتة علينة كلما اشوفة من يجي محمل علاليك المسواك وجايب لحمودي شي اطير فرح وميوكف لساني دعاء الله يوفقة،،تمر ايام وشهور واني ماحاسة بالوكت غيث حسسني كلشي بالدنيا حلو علقني بي عبالك طفل ومتعلق بامة صرت مااعرف شلون يمشي يومي اذا مااحجيلة تفاصيل حياتي ويحجيلي هو يوومة كلة شصار جنت احسة امان وسند اكدر من صدك استند عليه جان يخاف علية حتى من نفسة حتى كلامة يعرف يختارة وياية بحيث يحسسني اني شي كلش عزيز عندة ويحافظ عليه من الحجاية حبيتة من كل قلبي واحس هو عوض رب العالمين الي ولابني اخر شي قررت اعترفلة بالوعد اليريد يسمعة مني وطبعا هالشي كلت لامي عليه ما حجيت تفاصيل كلامنة ولا وضحت اكو تواصل دائم بيناتنة لان اكيد مترضى بس اني اتعلقت بي كلش،،كتلهة انه يريد يتقدملي وينتظر ردي باي وقت ام مهرة،،والله يابنتي اني اشوفة خوش ولد وفاهم ومحترم بس اصبري هسة عالاقل سنتين تمر و يتقدملج مهرةة،هو اني هم هيج كلت ام مهرة،،عفية بنتي الحمدلله ما ضاعت تربيتي الحمدلله،،مو عيب تنطين لنفسج فرصة وانتي بعدج صغيرة واني ما دايمتلج مهرة،،الله لايحرمني منج كمت بوستهة ونمت على رجلهة، ،،لليل رسل وجاوبتة حجينة على تفاصيل يومة ويومي وها طبعا منعني تماما انه اطلع اسلم طلبات واني شيكول جنت ما اناقشة لان هوة كلش حريص علية لوما يحبني ميحرص هالكد هالشي كبرة بعيني كلش،،المهم حجة على شغلة وتعبة وحجة على اخوه الي يريد يتزوج وامة رافضة الا تزوج غيث غيث،،متحنين علية يبنت الناس مو شيبت مهرة،،ان شاء الله عن قريب غيث،،كولي والله مهرة،،حجيت لامي وكالت هلا بيه بس خلي تعدي هالكم شهر حتى محد يحجي غيث،،يعني صدك والله هاي هية راح اخطبج وتصيرين حلالي مهرة،،ان شاء الله،، متدري شلون اتعلقت بيك احس صارت روحي وحياتي ودنيتي كلهة وياك غيث،،اويلي يابوية راح اكمز من السطح على هالفرحة،،والله لاعوضج كل العشتيه بجنة اسويلج الدنيا جنة مهرة متتخيلين شكد احبج من اول ما وكعت عيوني عليج انطبعتي ببالي وبكلبي وماكدرت اطلعج شكد شايف وشكد يحاولن مثلج ما ملت عيني مهرة،،خدودي صارت ناار ابتسمت وسكتت ماكتبت شي غيث،،اروح فدوة لليخجل اكثر شي حبيتة بيج برائتج احسج طفلة بروحج لا تتغيرن مهرتي مهرة،،مااتغير هو هذا طبعي والله غيث،،اعرف ياعمري مهرة،،غيث كافي ،،،، خل نروح ننام مو وراك شغل الصبح غيث،،اووف شوكت تصيرين باسمي مهرة،،ان شاء الله،،يلا روح نام لا تتعب بالسهر وانتة طول اليوم تعبان غيث،،اروحن فدوة لليخاف علية مهرة،،شلون مااخاف عليك متدري شكد ادعيلك والله غيث،،يمةةة الحكي ابنج مهرة،،ههههه عزة نايمة العالم غيث،،احبج والله احبج مهرة،،دك كلبي حيييييل لهالكلمة اول مرة يكولهة،،سكتت وما رديت اصلا شوية و هو كتب تصبحين على خير مهرتي،،رديت عليه ورحت نمت ابتسم واضحك وية روحي من اتذكرة وادعي الله يتمم بخير،كملت هالسنة الثانية وهو خابر امي وحجة وياهة كاللهة اذا موافقين حتى اجيب عمامي ونطلبهة رسمي امي كالتلة ماعندنة كل مانع بس عيالهة شلون غيث،،خالة ماالهم حق يتدخلون بقرارهة بس خلي تصير زوجتي بالقانون واني اكللهم بهدوء واضمن حمودي يظل بحضنهة بلا مشاكل وان اختاروا الطريق الصعب اني اكدر اتصرف لان هي زوجتي ساعتهة ام مهرة،،هاي هية ابني اني اشوف اخوهة غيث،،لاخالة اني بنفسي واحاجي واطلبهة منة ام مهرة،،كلك اصول ابني مهرة،،ورة هالحديث ثاني يوم حجيت وياه جان اسلوبة مختصر حسيتة ضايج سالتة گال ماكو شي بس اني احس حفظتة واعرفة من ضايج ومن زعلان ومن فرحان سالتة مرة ثانية ما رد والايام الوراهة هم استمر ضايج ونادر ميكتب اسبوع خلص وهو يحاول ميبين شي بس اني احس اكو شي جنت العصر كاعدة الف كبة ودك تلفوني رقم غريب انطيتة لامي جاوبت جانت مرية وطلبتني غسلت واخذتة عبالي طلب عادي رديت،،الوو ام غيث،،السلام عليكم انتي مهرة مهرة،،اي نعم خالة تفضلي ام غيث،،اني ام الغيث مهرة،،ارتبكت كلش، ،احمم اهلا وسهلا خالة ام غيث،،بيج اني اخذت رقمج من غصون و خابرت اليوم عندي حجي وياج مهرة،،اهلا وسهلا خالة اتفضلي ام غيث،،الي عرفتة انتي ارملة وعندج ولد مهرة،،همست اي خالة ام غيث،،يا بنتي الدنيا قسمة ونصيب ونصيبج مو وية ابني مو اعيب بيج حشا لله بس احنة عائلتنة وعاداتنة متسمح ابني يتزوجج مهرة،،نزلت دموعي،،همست ليش خالة بدر مني شي ميعجب ام غيث،،لا بنتي ما بيج يجوز انتي حبابة وخوش بنية بس مااتوقع راح ترتاحين ولاااحنة النرتاح لوجودج بنصنة وبعدين ابنج شلون تجيبيه ببيت ناس غربة تربيه زين اهل ابوه يقبلون والاعرفة هم صعبين انوب مشاكل تلحكنة وابني يتورط مهرة،،سكتت الهة حق يمكن اني انجرفت بمشاعري اتوقعت الي فرصة ثانية وعادي ادخل اي عائلة اني وابني ويتقبلوني بكل ود وحب ام غيث،،بنتي انسحبي من حياة غيث وشوفي حياتج بعيد عن ابني و اني حاضرة شكد متردين مهرة،، فرت من كلمتهة هانتني حيل لا خالة ترة اني اخر وحدة تهمني الفلوس الظاهر انتو فاهميني غلط وعبالكم طمعانة بفلوسكم ام غيث،، بنتي بس الي سمعتة من غصون عن وضعكم خلاني... مهرة،، قاطعتهة بهدوء خالة خلي فلوسكك الكم الحمدلله ما محتاجة ام غيث،،انتي ام واكيد تردين لابنج الزين مهرة،،حجيت وصوتي متشحط هاي هية خالة بلا تجريح اكثر ترة اني مو سيئة لهدرجة ام غيث،،هالحجي اريدة بيناتنة يظل اذا طلع او تجاوزتيه اني راح اوصل لعيالج مثل ما وصلتلج واخليهم همة اليتصرفون هالمرة ترة كلشي اكدر اسوي لان اني ام تريد مصلحة اولادهة مهرة،مشكورة خالة متقصرين،،مع السلامة، ،سديتة منهة ارجف من الاعصاب ،،طبت امي باوعتلي ارجف ووجهي خريطة من البچي ام مهرة،،شكو امي شبيج منو جان يحجي وياج مهرة،،ام غيث ام مهرة،اييي مهرة،،تگلي عوفي ابني وشكد تردين انطيج عبالهة ماخذتة لفلوسة ام مهرة،،يعني متريدج مهرة،،حقهة ماكو ام ترضى لابنهة ياخذ وحدة ارملة وعندهة طفل ام مهرة،،اششش شنو تنتقصين من روحج انتي ومحد كال لابنهة تعال هو اختارج غير هية ام المفروض راحة ابنهة اهم شي مهرة،،ماما كافي سدي الموضوع اني ما موافقة ام مهرة،،اسكتي شنو هية لعبة الولد شاريج ورايدج انتي راح تاخذيه لو تاخذين امة مهرة،،ماما مااريد ارجع للمشاكل واذية العيال اني اذا رحت يمهم راح يخلوني ارتاح مستحيل يظلون يباوعولي بعين الصغيرة واظل بعينهم اقل من مستواهم ما راح ارتاح حتى وية غيث اني ما مقسومتلي الفرحة هية كوة،،،غطيت وجهي بادية ابچي ام مهرة،،استهدي بالرحمن خلي الامور هسة مثل ما هية تهدأ الامور بين غيث وامة وعود نسولف مهرة،،مااتوقع ماما ام مهرة،،لا هو اذا يريدج من كل قلبة راح يقنع امة واهلة بيج ما كدر امي منريدة يخسر اهلةولا نكدر نوديج هناك وهمة ما مقتنعين بيج راح يتعبوج اكيد مهرة،،اي هو هيج،،لليل راسلني عادي لا كتلة امك اتصلت ولا هو گال اهلي رافضيج استمر الوضع شهر اخر شي گال راح نجي مشية زلم ونعقد مهرة،،لعد ماكو نسوان غيث،،لا الطريق طويل وامي مريضة مهرة،،عرفت مااقتنعوا اهلة سكتت، وكتلة خابر امي وصدك ثاني يوم خابر امي باوعتلي امي وكالتلة ليش ماكو نسوان ابني اهلك مقتنعين غيث،،خالة اني رجال وعند كلمتي ام مهرة،،ميخالف امي همة يظلون اهلك واذا مو رضاهم تظل بنتي بمشاكل وما ترتاح واحتمال يأثر حتى على حياتكم ارضيهم امي والبنية الك غيث،،اني اشكرج خالة بس اني كد حجايتي واهلي اعرف شلون ارضيهم الجمعة الجاية احنة يمكم ام مهرة،،مااعرف شاكولك ابني غيث،،كوليلي مبروك خالة اني اذا ماارتاحت مهرة اكعدهة ببغداد عندي شقة هنا ام مهرة،،رربي يوفقك ويريحك امي يشهد الله انتة رجال كدهة واني مامنة على بنتي وياك مهرة،،سدت امي الموبايل واني كلبي ما مرتاح امة تخووف ،، ام مهرة،شبيج امي مهرة،،امة خاف متسكت ام مهرة،،الولد شاريج هواي ومبين رجال اامن عليج يمة واهلة من راح يعاشروج يحبوج هواي مهرة،،ان شاء الله ماما ادعيلي ،مرت الايام طبيعية امة مااتصلت.وغيث فرحان طبيعي الوضع بالاربعاء رحت حفيت وجهي ونضفتة احس شكد تغير شكلي اوووه صار اكثر من سنتين ما حاسة بهيج تغير اشتريت ملابس الوان ونزعت الاسود واشتريت فستان مرتب مستور كلش وكم قطعة مكياج رجعت نفسيتي متغيرة الخميس العصر اندكت الباب اجة غسان اخذ حمودي شكد حاولت مااوديه بس هو بعد سمع صوتة ركض للباب لزمتة وكام يبجي ملخ روحة امي كالت وديه وشوية ويجيبوه واني اكللهة خاف ميرجعوه ام مهرة،،وليش هم كل يوم ماخذيه مسوية جريمة انتي ياامي،،جيبيه مهرة،،اخذتة امي واني كعدت بالمطبخ ودموعي نزلت، طبت امي باوعتلي مستغربة، ،،ماما المفروض منتجاوزهم خاف يعاندون اكثر من يعرفون ام مهرة،،ماما هو الولد منو متحمل مسؤليتة بمرض مصرف ملابس يدرون بي تمرض اكل شرب هاي اني اكلج عمة ياخذة وهو شعندة المسكين طالب بس ماخذة لمحنتة عليه، ، بعد ماالهم حق يتحكمون بحياتج مهرة،،مااعرف ماما خايفة ام مهرة،،كولي ياالله اتعوذي من الشيطان وكومي غسلي وجهج مهرة،،اي ماما،،كمت غسلت راسلت غيث غيث،،عمري انتي باجر هيج وكت انتي مرتي باسمي مالتي مهرة،،اي اي ان شاء الله ربي يوفقنة ويسهل غيث،،ان شاء الله ياعمري شبيج قلقة مهرة،،لا ماكو توتر طبيعي غيث،،متتندمين لحظة وياي مهرة،،اعرف والله الله لا يحرمنياك غيث،،اهووو شيصبرني لباجر،،عمري اترخص اجة عمي مهرة،،براحتك لا تتعب روحك وراك طريق باجر غيث،،يسلملي اليخاف علية لاتخافين عمري يلا روحي ارتاحي اريدج تفاحة باجر مهرة،،ابتسمت لكلامة عرف يمتص ضوجتي،،توضيت ورحت اصلي واحس بدة القلق يصعد لهيت روحي اقرة قران كملت وكفت اسوي بالعشا وانتظر حمودي ماكو شو تأخر وامي تطمن بية،،رجع فارس من شغلة متسوك ذب المسواك وصاح حمووود،،باوعتلة وطكيتهة بجية فارس،،شكو يا ستار مهرة،،اتاخر حمودي فارس،،وصگع عبالي شو شكو شوية ويجيبوه وين يروح مهرة،،اتعشوا واني مااشتهي قفلت معدتي والتوتر يزيد اخر شي مااتحملت كلت لفارس يخابر غسان صدك خابرة غسان،،الو ها فارس شلونك فارس،،الحمد لله مشتاقيلك،،يابة حمودي عجبتة الاجواء شنو غسان،،يا اجواء ورة الاذان اخذة ريسان كال اوصلة بطريقي فارس،،شتكول غسان لا اجانة ولا جابة ريسان شو بالله دزلي رقمة دزة مهرة،،اني احس باد حيلي كعدت اعض شفتي بتوتر ولازمة طرف ملابسي بتوتر غسان،،هسة اخابرة ماكو شي مهرة،،دقايق ودك موبايل فارس فتح خط اباوعلة اتشخصت عيونة علية همست شكووو فارس،،ريسان احجي اني وياك رجال لرجال مهرة،،اتقربت اسمع الحجي لزكت بفارس بقلق واسمع ريسان يكول ريسان،،فارس بعدك متعرف ريسان لحمة شلون مر كتلكم مهرة متتزوج وقبلتوا تردون تزوجوهة من ورانة ههههه ما حزرت يا ولد كول لاختك متهناية بالعرس وابنة نعرف احنة شلون نربيه،،،،،يتبع | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
