آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-06-20, 01:37 AM
| #11 | ||||||||
| مراقبة عامة ومشرفة منتدى الروايات المنقولة  
|  البارت الثامن: "أمرُّ على بساطك اليوم غريبًا بعد أن كان منزلي." بعد مرور يومين متجه لمركز الاستخبارات وتحديداً مكتب رئيسه : دخل ب اعصاب هاديه بعد ماشاف رئيسه مجتمع ب اكبر القاده : السلام عليكم نطق رئيسه وهو يوقف : وعليكم السلام وخطاك السوء التفت بهدوء لسعود اللي كان ساكت تقدم وهو يده على الطاوله قبالهم: كان عندي اسباب كثيره لدخولي لهمجال من خبرتي بالقوات الخاصه لين وصلت الاستخبارات انا ما استعرض كفاءتي وطلابي اللي كانو من اكفى الخريجين العسكريين وبعد كل هالتعب والعمر اللي قضيته بهالخدمه اتكافى بمهمه اقل مايُقال عنها مقلب قاطعه رئيسه: ضيف انا ما اسمح لك ضيف بعصبيه وهو يضرب الطاوله ب ايده : انا اللي ما اسمح لك تتلاعب فينا كنا بزران ماحنا تارسين عينك كيف تقول تختبر قدراتنا لهدرجه ارواحنا رخيصه علشان تعطينا هالمقلب التافه التفت للقاده الكبار وبنفس العصبيه: يرضيكم هالشي علموني يرضيكم يتلاعب ب ارواحنا واصلا كيف توافقون على اهدار ارواحنا نطق احد الضباط: مقدرين خوفك ياضيف بس مهما كان كل اللي هنا بعمر ابوك حاول تهدا شوي ضيف بسخريه: ابوي اللي طاح بالمستشفى بسببكم نزل سلاحه على الطاوله وبنظرات متجهه لرئيسه: الحين بتجيك ورقة استقالتي ب اسبابي وان ما وقعتها ورب البيت لا اوصل هالمقلب للي اكبر منكم وتكون قضيه وتاريخ اسود بحياتكم وانت عارف انكم اتخذتم هالقرار من غير لاترجعون للكبار واشر ب اصبعه : انتظر توقيعك رئيسه ماسك اعصابه بالقوه : طيب ياضيف طيب طلع ووجهه خالي من التعبير دخل مكتبه واخذ كرتون وبدا يجمع اغراضه دخلو سطام و مقرن سطام جلس على الطاوله: ضيف تعوذ من ابليس هالامور ماتنحل كذا مقرن جلس ع الكرسي اللي قدام الطاوله: ضيف على الاقل لين تخلص اجازتك بعدين قرر بهدوء منين بتلقى لك وظيفه بعد هالعمر وقف عن شيل اغراضه بعد ماحط مقرن يده على ظهره غمض عيونه بقوه وهو يتحمل الالم مسك يد مقرن ولواها : كم مره قلت لا حد يمسكني بهالطريقه لاتنسى نفسك يامقرن دفه وهو يشيل الكرتون وصل سيارته فتح الباب ودخل اغراضه جاء بيركب ولا مسك الباب ضيف بصوت مبحوح: ماني ناقصك سعود : انزل انا اسوق بدالك ضيف بعصبيه: يالييييل انا وين مارحت تطلع لي سعود ب ابتسامه: ولا راح ابعد خطوه انزل يلا ضيف نزل وهو يركب من الجهه الثانيه سعود ركب وشغل السياره: اوف يالبرد يذبح ضيف تكتف واسند راسه على جهة الشباك سعود : وين اوصلك ضيف : مستشفى الحرس سعود ب ابتسامه: ابشر بعد مرور نص ساعه وقف سعود قدام المستشفى نزل ضيف من غير لاينطق بحرف طفى السياره ولحقه دخل المستشفى والعصبيه واضحه من ملامحه اعترض طريقه باهي وبعصبيه: انت شلون تتجراء تمنعني من شوفة ابوي شلون ضيف من غير مايطالع له: ابعد عن طريقي ياباهي باهي ضرب كتفه بقوه: وش بتسوي يعني ليكون عبالك ب اسكت لك عقب حركاتك هذي ضيف صد بوجه وهو يحاول يتحمل : خلصت كلامك ضف وجهك ولاتنسى نفسك باهي بغضب : ضيف ضيف غمض عيونه بعد ماضغط باهي على كتفه : باهي شيل ايدك ولا والله ماتمسي الليله الا وانت موقف باهي نزل يدينه بعد ماشاف وجهه ضيف تقلب: فيك شي ضحك سعود : صباح الخير توك تحس التفت عليه ضيف وهو يضربه بكوعه : مافيني شي بس ابعد عن طريقي انا سمحت لك تدخل وقت الزياره اما انك ترافق انسى انا اخذت اجازه لاجل اكون مع ابوي ولو تعبت بدق عليك تاخذ مكاني ابعده ب ايده وهو ينطق بهمس: لاتخلي همام يدخل بيني وبينك تعداه وهو ضاغط على ايده بقوه من قو الالم يسمع صوت سعود يثرثر عليه بس ما هو معه نطق بعد ما ابعد عن عيون باهي: راح سعود التفت يمين ويسار : ايه مافي احد بالممر ارتخى جسمه سنده سعود بسرعه: الله يهداك حملت نفسك فوق طاقتها ضيف بتعب : اسندني بس مو قادر احرك جسمي من الوجع بدا يمشي معه وصلو قسم الجلديه دخله الدكتور بسرعه فتح قميصه الدكتور بعصبيه: انا قايلك لاتجهد نفسك شوف جرحك رجع انفتح والحرق التهب سعود اللي واقف يطالع لهم : دكتور رجله بعد فيها جرح ضيف مابين اسنانه: تقلع سعود بعناد اخذ الكرسي وجلس: بشوف شلون يخطون جرحك وبغمزه للدكتور: دكتور لاتخدره خيطه وهو صاحي علشان يتوب الدكتور: بتشوف بعينك وش بسوي فيه اخذ معقم الجروح فك الضماد اخذ كمية كبيره من المعقم وبدا يعقم الجروح والحرق كتم شهقته من قو الالم ضغط على الفراش بقوه وهو يتصبر انعقدت حواجبه وهو لازال صامت ويحاول يوزن ملامحه سعود / لاتكابر على نفسك تألم صرخ لاتسوي نفسك اقو من جروحك ترا قالو اللي يبكي ماهو رجال مو اللي يتألم ضيف وهو شاد على اسنانه بقوه: انت ورا ماتطلع سعود سبل عيونه ب استهبال: تعرف لزقة عنزروت ضيف : ايه سعود ب ابتسامه: هذا انا التفت واخذ مخده وحذفها عليه بقوه: دكتور طلعه اصلا شلون تسمحون له يدخل وانا كذا سعود ضحك بقوه: هههههههههههههههه وليش ما ادخل وانت كذا من زينك عاد كتم ابتسامته الدكتور: ماقدرت اطلعه ماشاءالله كلكم رتبكم عاليه لو طردتكم احتمال انام بالتوقيف ضيف ساكت تقدم له الممرض وهو يعطيه ابرة تخدير علشان الخياطه طلع سعود وهو ضايق : ياربي تعديها على خير بسكاكا: خويه بعصبيه :انت مجنون مافيك عقل سلم البنت الشرطه وفكنا من المشاكل هادي: ما اقدر اسلمها للشرطه المزرعه الي بلغت عليها مزرعة عصابه مدري ارهابين يعني لو بسلم البنت للشرطه بيعرفون اني انا اللي سلمتها خويه بقهر: وش السوات الحيين البنت لا اوراق ولا شي يثبت انها بنتك وحتى تزوير بهالايام مانقدر كل شي مسجل هادي بتفكير: بخليها معي ليين ما القى اهلها ضرب الكنبه بقهر: هادي لاتصير غبي هادي بملامح حزينه: ماقدر اسلمها اخاف عليها وش دراني اذ اخذوها ناس ماتخاف الله ولا الشرطه ماهتمت انا بدور على اهلها بنفسي خويه: وكيف ان شاءالله بتلقى اهلها هادي : الدنيا الحين كلها بالجوال ادخل حساب اخبار ولا هاشتاق وبنلقى لها صور ولا اهل يدورونها وقتها بحفظ ارقامهم وبعد شهرين بتواصل وياهم خويه اخذ جاكيته ووقف: انا يومين وانا احاول فيك ترراجع عن هالفكره بس الظاهر مافيك عقل وهالبنت بتكون مصيبه فوق راسك وانت مو حاس ولاتتصل فيني لا اعرفك ولا تعرفني لين تتخلص منها طلع بعصبيته وسكر الباب بقوه تنهد هادي بتعب وقف وهو يتجه لغرفته فتح الباب وهو يشوفها تلعب ب اغراضه ابتسم بتعب: كيف يبوني اتركك لهم اهلك ناس ماتخاف الله صدقيني مايخافون الله ولا كيف يهملونك ويضيعونك كيف ______ بيت عمام ضيف مجتمعين كلهم عند جدهم بمجلس كبير يضم احفاده وعياله بمجلس الحريم جالسين يسولفون دخلت منار والتعب واضح بملامحها جلست بجنب امها اسندت راسها بتعب على كتف امها ونطقت بتعب: يمه ماعاد احس بروحي امها بقوه: لايشوفون ضعفتس تعدلي الكل عيونه عليتس رفعت راسها وهي تناظرهم بضيق وبهمس: نفس الوجيه ونفس القلوب بس اللي يتغير الزمن وقفت وهي تطلع للحوش جدها الكبير واللي كان يفتح على ساحة خاليه بدت تمشي والحزن يعتيرها دمعت عيونها من تذكرت هبوب ولاعبهم قبل هينا طالعت لمكان الشجره اللي كانو يتهاوشون عليها دايم ويفرقهم ضيف جلست على صخرة كبيره مسحت دموعها وهي تاخذ حجر صغير وتلعب فيه حست ب ايده على كتفها: شجابك نطق عبدالعزيز : قلبي نغزني منار والدمع لازال يلمع بعيونها: ليه مانقدر نرجع الزمن ونصححه ليش المشاكل تفرقنا ليش العشره تهون ضم كفوفها وهو يسند راسها على كتفها: ماعلينا من مشاكلهم علينا مننا بس منار: بس حنا معهم ومنهم وفيهم يعني بتقنعني ان ضيف نسى هبوب ولا هبوب نست ضيف ولا جدي مستانس بُبعد عمي ولا ابوي مرتاح ان فايز طلع عبدالعزيز بهمس خافت: ما اقدر اقنعك ولا اقنع غيرك ضيف نعرف ان روحه متعلقه بهبوب من سابع المستحيلات بيتركها بس تركها جدي اللي كان يبين كره لضيف هذا هو تعبان من فراقه وفرقى ولده وعمي نفس الشي مو حنا اللي نصحح اخطاءهم هالشي يوجعنا بس يعطينا امل ان بكره نجتمع على خير وبكره بتتصلح المشاكل ونرجع مثل ماكنا واحسن منار بنحيب اوجع قلبه: وبنتي راحت مني عبدالعزيز بتنهيده: بترجع يامنار كل حزن وصبر نهاية فرحه بتجيبها الايام بلغت كل اللي اعرفهم وبلغت كذا صحفي ينشر صورها وحسابات بتويتر وكلمت الشرطه وتوني جاي من الشرطه وشفنا الكاميرات وكانت مع فايز بس يقولون قبل امس مسكوا كذا واحد مشتبهين ان فايز معهم بس للحين ماجابوه للسكاكا ودوهم الرياض بكره بروح مع كذا محقق للرياض منار بترجي: بروح معك الله يخليك عزوز عبدالعزيز: باخذك ياقلبي اكيد منار ضمت كتفه وهي تبكي : ماتوقعت بيجي يوم وتختفي من ايديني ساكت وهو يستمع لها بكل حواسه والافكار تدور براسه كيف يفتح مع ضيف الموضوع وكيف يقابله وكيف يحقق مع فايز مسك راسه بضيق وهو يستمع لشكاوي منار وهمها ____________ ب احدى سجون الرياض فرحان انه انمسك سجد شكر لله انه ماطلع معهم التفت للعسكري : الحمدالله على وجودك رفع حاجبه ب استغراب وهو يبعد : الله ينعم عليك بالعقل فايز بضحكه: امين يارب دخله السجن الانفرادي وسكر الباب جلس على الارض وهو يسند راسه ومبتسم وقف قدام الجدار وهو يراقب تحركاته وضحكه المستمر استغفر بخوف وهو ينطق بداخله: هالسجين يامجنون ولا ملبوس ولافيه احد يدخل السجن وينبسط للهدرجه ______ الرياض بالبيت: مجتمعين حوالين بعض وعبايتهم عليهم : دخل باهي وملامحه ماتنفسر: وش مجلسكم كذا دخل وراه همام: متضايقات علشان ابوي وان الزياره بسرعه تخلص باهي وهو يجلس ويطالعهم بعتب: كل يوم بنعيد الكلام توكم جاين منه وهو بصحه وعافيه نطقت خالته ام همام: لاتلومنا اول مره يتعب ويصير له كذا همام بتغير للموضوع: عمامي عرفوا ولا باهي: لا للحين ام رنوه : مايصير ياعيال لازم ابوه يدري واخوانه وبتساؤل : ضيف وينه ماشفته الا يوم جاء صار له يومين مختفي واسال ابوك يقول ينام عندي واذ قربت جيتنا يطلع سكت باهي وهو يسوي نفسه مشغول بالجوال همام وهو يرجع ظهره: والله ماندري عنه حتى حنا ماصرنا نشوفه الا سلطان وينه ام همام: طلع غرفته نطق باهي ب استعجال وهو يوقف: اقول دامكم لابسين عبايتكم امشو نطلع نتعشى برا ونتمشى طالعهم ماحد رد عليه: خاله ساعديني عليهن ضحكت خاله ام رنوه: غير المكان باهي ب ابتسامه: اها طيب يلا اوديكم للسوق وكل وحده لها300 وقفوا كلهم بفرحه: صدق باهي باهي وهو يركض للباب: ايه واول وحده توصل بعدي 500 ركضوا وراه بسرعه ضحكت ام رنوه وام همام: الله يونسك بالعافيه ياباهي التفتت ام رنوه لبسيل اللي قامت : يلا امشي معنا بسيل : مابي بروح انام طالعها همام ب استغراب: شدعوه بنروح نستانس ترا بسيل ماردت عليه وهي تطلع لفوق تنهدت ام رنوه وهي تعدل نقابها وتطلع مع همام وام همام اما باهي اخذ البنات وطلعو ____ دخل البيت وهو يشوفه هادي اتجه لغرفته فتح شنطته وهو يحط له لبس واغرض رفع ايده فوق الكبت وهو ياخذ سلاحه الثاني اللي جاه هديه من حد الضباط يوم تخرجه فتح الدرج وهو يدور الحبوب تنهدت بضيق : ياربي وين راحو دخلت بسيل وهي تنطق: تدور على هذي اخذها منها بغضب: من سمح لك تاخذين اغراضي بسيل جلست على السرير : احمد ربك انا لقيتهم ولا غيري ضيف وهو مو عارف وش سالفتها: وليش ان شاءالله بسيل بعصبيه: انت متزوج من ورانا صح ضيف ب ابتسامه: متزوج مطلق مالتس دخل | ||||||||
|  |
|
04-06-20, 02:55 PM
| #12 | ||||||||
| مراقبة عامة ومشرفة منتدى الروايات المنقولة
| حذف الحبوب بوجهه: لاعاد تحط شي عندي وتجلس تزعجني فيه سعود ب ابتسامه وهو يحرك: مشكور ضيف: وقف وقف انزل من سيارتي بروح المستشفى سعود : خلاص اجل خذني معك ضيف طالعه له ب استنكار:انت شلون تثق بالناس بسرعه سعود ب ابتسامه : سر المهنه ضيف ركب: شكل يومي مو معدي وانت معي سعود : ياخي اترك عنك الثقل ادري قلبك يقرقع بتعرف وش هالحبوب ضيف بنص عين: امش اقول سعود : اسف اذ وهقتك بس هالحبوب حبوب منع حمل لاختي حمر وجه ضيف وهو يصد: انا شدخلني تقولي حرك لا ارتكب فيك جريمه سعود: ههههههههههههههههههه ماتقدر مخيط من كل مكان طنشه وهو يطلع جواله ابتسم سعود وهو يحرك للمستشفى دخل جناح ابوه طالع له ب ابتسامه: مانمت ابوه بتعب: لا انتظرك ضيف تقدم له وهو يجلس على السرير مسك ايده: سم يالغالي امرني ابوه: قدم لي على التقاعد ضيف طالع له بهدوء: متاكد من هالقرار ابوه شد على يد ضيف وهو يجلس: مافيني شده اكمل بالتعليم ضيف : على خير بكره بروح لهم واقدم اوراقك ابوه : تلقى اوراقي وشهاداتي بتجوري داخل الكبت اخذ يد ضيف وهو يكتب ب اصبعه الرقم بثواني عاد الرقم ضيف ابتسم ابوه: ذهين من يومك هالكبر اتسعت ابتسامة ضيف : تذكر يبه يوم كنت تكتب لي على ايدي اذ جدي زعل علشان اراضيه من غير ماينتبه انك مرسلني ولا اذ بنجيب شي من غرفة جدي هز راسه وهو يرجع ظهره : ايام ليتها تعود وتصفى النفوس اخذ نفس ضيف: النفوس تغيرت والزمن بقى والايام هي الايام بس مشكلتنا بهذا اشر على قلبه راجي بملامح باهته: ماودك تفرحني وترجع هبوب ضيف تبدلت ملامحه بضيق: يبه بتعزني ولا تذلني راجي بفزه: اكيد بعزك ضيف وهو يمسك يدين ابوه: خلك بصفي دايم خلك معي ومع قرارتي انا لايمكن بيوم ارجع لها اللي خلقها خلق غيرها نفس ماقدرت تاخذ بعد امي انا بقدر اخذ غيرها ثلاث مو وحده بس بس انا مشغول ب اشياء كثيره وماتفضيت راجي نزل راسه وبهمس: تكذب ياسند ابوك والله اني اشوفها بعيونك وقلبك وقف بضيق من هالطاري: والله لو بيدها قلبي مارجعت لها وانا عارف ان جدي يحوم علشان يرجعها لي بس يحلم انا رجال طلقت وخلصت ماهي لعبة بزراين دنق على ابوه: ارفض لاجاوك يحاولون لاترخص كرامتي علشانهم غرقت عيونه بدموع وهو يشوف ضيف خاطر ضاق رفع ذراعه وهو يحضنه همس بصوت مبحوح: اسف يابوك اسف لو حرقت قلبك من اول وتالي ضيف وملامحه لازالت صامده غمض عيونه بوجع وابوه حاط ذراعه : لاتتأسف يبه لاتوجعني رفعه نفسه من حضن ابوه وامتلت عيونه بالدمع بعد ماشاف دموع ابوه مد ايده وهو يعدل جلست ابوه وحضنه بصمت من غير لاينطق بحرف يحس بالوجع يزداد عليه بعد مامرت دقايق همس: طلعت اللي بقلبك ابعد عن حضنه : خايف ياضيف اني ظلمتكم خايف اني افقدكم خايف ما اصحى بعد العلمية مسح دموع ابوه وهو يحاول يرسم الابتسامه: مايلحقك شك يابو ضيف وبالعكس انت ربيتنا وتعبت علشانا كافي انك ما اخذت بعد امي الا لين اقنعتك وانت قدها بتطلع من العملية وبتشوف عيال عيالنا بعد مسك يد ضيف اللي على خده: هاليد لها ياما وقفت معي وسنتدني عسى ربي يرزقك باللي يسرك ويبر فيك مثل مابريت فيني ياضيف طالع له وملامحه على حافة انهيار : انت ابوي وتاج راسي وهذا اقل من جزاك يالغالي وقف بسرعه من حس الوجع بدا يحرقه: يبه شرايك تنام الحين ورانا تحاليل بكره هز راسه وهو يحط جواله على الطاوله ساعده ضيف وهو يرجعه ويغطيه : تصبح على خير انا بروح مشوار صغيرون وراجع لك ابوه : الله حافظك لاتطول علي ضيف: ان شاءالله سكر باب الجناح وقف وهو يطالع الباب مسح عيونه الا بصوت سعود: البكي مو عيب عض شفته نطق مابين اسنانه: انت منين تطلع لي لايكون حاط لي جهاز تتبع سعود وهو يعدل نظاراته: لاتستبعد دفه ب ايده وهو يمشي طالع من المستشفى ركب سيارته وقفل باب السياره علشان سعود مايدخل نزل كرسيه وهو يلبس كاب اسود سعود واقف قبال الباب بصدمه: هيه فك مو صاحي والله بدا يضرب الشباك بقهر: ضيف اقسم بالله ان مافكيت لا اكسر الجام فك اخلص سعود وهو يشوفه يعطيه ظهره : يارجال اخلص ضرب الجام بقوه فتح الشباك ضيف : نعم الواحد مايجلس مع نفسه شوي سعود بعد ماحس بتعب ضيف :طلع المسكن من جيبه وموية الصحه حذفهم من الشباك السياره وابعد عنه وهو يمشي راجع للمستشفى طالعه وهو يمشي ب استغراب اخذ المسكن واكل حبتين وبعدها رجع راسه بضيق: لاحول الله وش هالادمي بسم الله ثواني وضرب الجام الثاني : فك بسرعه شاف ملامحه كيف مخروشه فتح باب السياره ركب سعود وهو يتنفس بعجله: حرك بسرعه ضيف بتعجب: وش صاير سعود وهو ياخذ نفس : حرك الحين حرك السياره وهو يبعد عن المواقف: وش صاير سعود تنهد بصعوبه: اوف لقيت نسيبي ضيف : وطيب واذ شفته سعود تقلبت ملامحه : بلاك ماتدري وش صاير ضيف سكت ماحب يساله سعود طارت عيونه: طيب اسالني خلني افضفض ضيف : ماحب اسمع مشاكل الناس طالعه بطرف عين: بتسمع سالفتي غصبن عنك سلمك الله هذا يصير زوج اختي ودايم يتهاوشون ومره ضربها وجتني تشكي منه وانا انقهرت ورحت تضاربت معه لاني ادري متى يكون لحاله ولا هو ماشاءالله عضلاته لحالها تخليني مفروم بس جيته بوقت كان ماله خلق مضارب وتحلف فيني هو واخوانه وصارلي فتره متغيب ماجيت البيت واختي اللي ماتحس رجعت له وانا اللي توهقت الحين ضيف ابتسم رغم ضيقته: مسوي فازع يعني سعود تربع : ليتني مافزعت هذول اخوانه لحالهم يسون فريق شلون عيال عمه وانا وحيد ويتيم لا ام ولا ابو لا اخوان طلعت بهالدنيا ب اختي بس ضيف وقف سيارته دام الصمت لثواني وبعدها نطق : كمل بدالي جتني النومه سعود طالعه ب استنكار: الحين قلت وقف علشانه متأثر وبالاخير تبيني اسوق بدالك شكل ماعندك مشاعر ضيف وهو ينزل : قلت لك ما احب اسمع مشاكل الناس سعود عقد حواجبه بطريقه مضحكه: ياخي الله يعينك على نفسك ضيف وهو يرفع كفوفه: اميييين سعود عض شفته : احساس زيرو ضيف ركب بمكانه : يلا عجل علي تركت ابوي لحاله سعود ركب : طيب وبعد صمت دقايق : طيب اعزمني على مكان انام فيه يرضيك حالي كذا ملازم وهيبه ومن اطلع من باب الامن تنقلب حياتي شي ثاني ضيف وهو يطلع جوله وبعدم اهتمام : متى اجازة الطلاب اخذ منديل وحذفه على نفسه: انا الغبي اللي اشكي لك ماتعطي من روحك ولو شوي فتح جواله مطنش سعود وحركاته ... وقف الزمن فيه لوهله بهتت ملامحه وغرقت نظراته بفراغ ارتجفت يدينه رفع كفه وهو يثبت ايديه بقوه تحت هواش سعود بس مايسمعه وش يقول عقله تشتت ومابين زحمة افكاره ووجع جسمه التفت لسعود باحساس ميت وهو يردد: (واشرقت الرياض بعز ليلها العتيم ) ________ الى هنا ولقائنا قريب ب اذن الله | ||||||||
|
| |
|
11-06-20, 08:46 AM
| #14 | ||||||||
| مراقبة عامة ومشرفة منتدى الروايات المنقولة
| البارت التاسع: "اشرقت الرياض بعز ليلها العتيم " جملها تردد صداها على سعود اللي شاف ملامح ضيف كيف تبدلت لقساوة وبصوت مقهور: بروح مشوار مهم طلع بطاقته وعطاه سعود : ادخل بدالي عند ابوي وحاول ماتتكلم كثير علشان ماينتبه عليك سعود بصدمه وهو يشوفه يوقف قدام المستشفى: هيه ضيف صاحي انت بتبلشني اكيد بيتبه ضيف وهو يفتح الباب وبثقه: ماعليك ماهو منتبه طالع ساعته: الحين الساعه11 وابوي 10 نايم واذ نزع نظاراته مايميز حيل سعود جاء بيرفض بس ماحس نفسه الا برا السياره صرخ بقهر: ياربي صبرني على هالصخره دخل وهو شبه زعلان اخذ نفس ودخل جناح ابو ضيف جلس ع الكرسي بسرعه من غير لايصدر صوت سمع ابو ضيف يهمس: جيت سعود وهو يحاول يقلد صوت ضيف: ايه رجع سكت ابو ضيف وغط بنومته اما سعود جالس ع اعصابه وهو يحسب الوقت بملل وينتظر ضيف ___________ الساعة 4 الفجر دخل المستشفى وبدلته العسكرية عليه وقف قبال جناح ابوه وهو يشوف سعود ب اول الممر نطق بهدوء: شكرا تقدم له سعود وبنبره غيض: انت استقلت وش رجعك للبدله وبتسأول : ليش وراك مصايب وجهك شاحب وبدلتك قاطعه وهو يدخل مطنش اسئلته سكر باب الجناح واسند ظهره بوجع عليه اهتزت شفاته وهو يشوف ابوه نايم جلس ع الارض وهو يحط راسه على ركبته يحاول يعبر عن الحزن اللي بداخله بس عجز مسح على عيونه بكل ضيق وهو ينطق: حتى الدمع صار يستخسر ينزل تنهد بتعب وهو يرجع يوقف فتح شنطته وهو يطلع له ثوب ع السريع بعد يوم طويل ومتعب بنسبه له بالفندق ومقابل ضاري: مستحيل اروح معك لسكاكا مو كافي اللي صار لي وبنحيب : ضاري تعبت ياضاري لاترجعني لهمكان الله يخليك ضاري وهو يقنعها: بس اسبوعين وبعدها برجعتس لالمانيا شهقت من البكا : ليش بتذلني ليش ترجعني لنفس المكان اقولك اختنق بس اسمع بطاريه كيف تبيني ارجع حس فيني مسحت دموعها وهي تنطق بنبره مكسوره: حتى النفس مو قادره اسحبه ضاري ب اصرار: اسبوعين بس وارجعتس شوفيه بنى نفسه بنفسه ماجلس على الاطلال مثلتس وهذولا اهلتس مهما كان لازم ترجعين لهم مسحت وجهها وهي تحاول فيه لاخر مره: خالي عنده مؤتمر هينا بجلس عنده وارجع معه ضاري تنهد بقل صبر: بتروحين معي رضيتي ولا مارضيتي زمت شفايفها وهي تخزه بنظرات مقهوره ضاري طنشها وهو ينطق: انا بروح لعمي المستشفى واذ جيت نمشي للسكاكا ماردت وهي تدخل الغرفه وتسكر الباب بقوه هزت رجولها بتوتر وهي بقمة غضبها مسحت على وجهها وهي تحاول تفكر ضاري ماخلى فيها عقل من سحبها معه فجاءه حتى ماعطها وقت تفكر حجز لها بسرعه مسحت دموعها وقلبها يرجف من لقاء اهلها وكلام الناس اهتزت شفاتها وهي ترجع تبكي سعود اخذ سيارة ضيف وطلع عليها لبيته اما ضيف جالس مع ابوه ابتسم وهو يشوف خواته وخالاته يدخلون حب راس ابوه وهو ينطق: انا اليوم بجيك متاخر عندي كذا مشوار ابوه بهمس: قدمت اوراقي ضيف : ايه قدمت طلب بالموقع وانتظر يردون علي الموافقه علشان اروح لهم ابوه: على خير ان شاءالله رفع نفسه وهو يطلع من غير لايتكلم معهم لحقه باهي وهمام التفت عليهم: نعم همام من غير نفس: وينك ماتنشاف وش مشغلك رفع حاجبه بتعجب ومارد وهو يسمع باهي يردف: اي وينك وش جالس تسوي من ورانا بعدين وش هالتحيز مانعنا نرافق مع ابوي مارد وهو يكمل مشيته طلع جواله وهو يتصل على سعود ثواني وجاه رده: نعم من معي ضيف بعصبيه: رجع سيارتي سعود: ههههههههه بسم الله شلون جبت رقمي ضيف وهو يرص على اسنانه: رجع سيارتي اخلص ماني فاضيلك سعود بتلاعب: اول شي قولي شلون جبت رقمي ضيف : مثل ماسرقت مفتاحي سعود : اجل تبيني ارافق ببلاش وبعدين صار لي يومين مانمت بكره لاصحيت اجيبها لين باب بيتك وش تبي بعد ضيف اسند يده على الجدار: سعود كلمتي وحده معك نص ساعه ان ماجتني سيارتي والله لا ابلغ عليك واقول سارق سيارتي سعود بعدم اهتمام: بلغ اللي تبي انا واحد براسي نوم ماني فاضي لك يلا باي نزل جواله وهو معصب من حركات سعود اللي ابتلش فيه رجع لجناح ابوه ودخل من غير لا ينطق حرف وقف قبال همام: عطني مفتاح سيارتك همام رفع حاجبه: عندي مشوار بطلع عليها بس قاطعه وهو يمد يده وياخذ المفتاح طلع بسرعه مثل مادخل شتمه بداخله ماقدر يلحقه او يتلكم قدام ابوه اللي يطالع لكل حركه منهم اجبر نفسه على الابتسامه وهو كارهه بداخله دنقت رنوه على بسيل: ضيف مو طبيعي شوفي وجهه كيف صاير ومشيته مو مثل اول احس فيه شي بسيل ب اغتضاب: رجال وش كبره يعرف لنفسه تنهدت بهم: باهي علم عمامي قبل شوي وبيجون كلهم تخيلي بسيل بتطنيش: واذ جو يعني وش نسوي لهم رنوه: ماقدر اتحمل شوفتهم عقب اللي صار والقطاعه بسيل بهمس: اهم شي ابوي يطلع بسلامه وكلنا تأذينا من هالقطاعه بنهاية هم اهلنا وعزوتنا رفعت نفسها وهي تصد ماعجبها كلام بسيل رجعت بسيل تهمس: لاتحكمين عليهم من تجربة ضيف وتجربتك لو مافيهم خير ما جو ماردت وهي تلتف لابوهت وتسولف عليه بسكاكا طاحت السكينه من ايدها: احلف انهم جايين عبدالعزيز وجهه مسود: والله ضاري قايل لي بيجون وبيحط هبوب عندتس ومايبي احد يدري ضربت على وجهها: ياويلي منها وش اسوي وش اقول لها ضربت كتفه عبدالعزيز بقهر: بتحاسب تروح تحاسب ابوها اللي ضيعها من زمان حنا مالنا دخل بشي بعدين الحين انا طالع للرياض عمي تعبان وحتى ابوتس يبي يروح معي ماردت وهي تبدا تنظف شقتها وتشيل صور بنتها دخل حارة عمامه وهو يشوفهم يشغلون سيارتهم ويرتبون شناطهم عبدالعزيز: مصممين على الروحه نطق جده وهو يضرب الارض: اكيد مابها شك هذا ولدنا قبل كل شي لازم الامور ترجع مثل اول واحسن عبدالعزيز لبس نظارته الشمسيه : الله يسر امركم انا ماشي الرياض الحين اللي بيروح معي حيا الله نطق جده وهو يمشي له بمساعدة واحد من احفاده: افتح الباب ابتسم عبدالعزيز: حيا الله ابوي وتاج راسي دفه بالعصا : انزح وراك بس وقت المصالح تلفي علي وب الايام الخاليه ما اشوف وجهك ضحك عبدالعزيز وهو يركب: افا والله الحين هذي نظرتك لي هز راسه والشيب مالي وجهه فتح الشباك وهو ينطق بصوت عالي: لاتروحون كلكم خلو واحد من الشباب موجود علشان الحريم لاحتجن شي عبدالعزيز بممازحه: ماكثر من احفادك وخايف على الحريم التف عليه وهو يرفع عصاه: اذكر الله لا بهالعصا عوذه من عيونك عبدالعزيز ب ابتسامه: ماشاءالله تبارك الله وب التفاته له : هاه ارتحت ياجدي العزيز مارد جده وهو يرجع عصاه ويشد عليه ب ايد مالها الزمن تجاعيد وقوه وحكمة ارخى ظهره على الكرسي وهو يحط شماغه على عيونه وبتهديد: هونك على الطريق مو تطير وتتغافلني وهالملوي لاتشغله الا على القران فاهم عبدالعزيز بهدوء وهو يقول بداخله دعاء السفر: فاهم _______ الرياض : رجعو البيت وحيلهم مهدود نطقت ايار بتعب: مو شرط ننظف البيت نظيف نورسين بنفس نبرتها:اي والله ايار صادقه تونا جاين من ابوي ونفسيتنا تعبانه حسو فينا تفكون رنوه وهي تنزل عباتها وتحطها على الدرج بمدخل الحوش : اقول عن التذمر بس مدرسه وماصرتو ترحون وبس نوم ومستشفى بسيل وبالها مو معها: انا طالعه فوق وقفتها رنوه وبهمس: وش قالب حالك ايار بصوت عالي: يعني ماتعرفونها نفسيه من خلقها ربي وهذا طبعها اقول لاتتهربين بس لا وراك زباين ولا دراسه مثلنا اشتغلي معنا بسيل تنفست بغيض وهي تتطالعها بقوه: اقسم بالله لو وضع ابوي غير كان قمت وريتك الشغل بس احمدي ربك ان مالي خلق لا شكالك ايار بردح: ليش شايفتني ضيف اسكت واعدي لك تمدين ايدك اكسرها لك بسيل رفعت راسها وهي تصبر نفسها شافت سطل المويه بجنبها حق الزرع اخذته وهي تحذفه على ايار بقوه : عيدي كلامك بيجيك اعظم من هالرد فاهمه مابقى الا هالبزر بعد لفت على رنوه اللي رجعت على وراء : اسمعيني هالبزر لاتجي تعتذر ولا تكلمني ولا اقسم بالله لا اطلع العقد النفسيه فيها فاهمه هزت راسها بخوف منها دفتها وهي تدخل البيت صاعده لفوق جتهم ام رنوه وهي تشوفهم يهدون ايار اللي ماسكه ايدها وتبكي ايار بصياح : يمه شوفي بنتك وش سوت فيني النفسيه هذي بس جيت اتكلم وياها حذفتني بسطل الزرع طالعتها وهي رافعه حاجبها: خلصتي تستاهلين ماجاك كم مره اقولك عدلي اسلوبك مع خواتك الكبار لسانك وش طوله على الكل ايار بقهر: ايه علشانها بسيل تدافعين عنها وانا بطقاق مدري متى تحسون فيني امها وهي تقرب منها: لاعدلتي لسانك واذ احترمتي خواتك وبطلتي غيره وقلة ادب لاتحسبين الصوت العالي والردح قوه ولا يخليك جرئيه تراك اقل شي ينقال عنك وقحه اشرت على نفسها وامك ماعرفت تربيك وادري ان رنوه ساكته لك وتمشي لك وهذا اللي كبر راسك عبالك الكل رنوه حطت اصبعها براسها: كبري عقلك ماودي امد ايدي عليك بعد هالعمر ابعد اصبعها وهي تتجه لقسم الرجال لحقتها نورسين وهي تناديها بصوت عالي: خاله والله ماتنظفين انا انظف بدالك اصلا حنا منظفين منظفين ابتسمت ام رنوه وهي تمسكها: فديت البنات والله نتساعد ونخلص بدري الحين مابقى شي ويوصلون دخل باهي مع همام ومعهم فرش وبطانيات جدد حذفهم بالحوش وهو يمسح وجهه بتعب: رنو وش باقي بعد رنوه وهي تقوم ايار اللي تبكي بحضنها: كذا خلاص بس ناقصنا اغراض البيت شوية خضره واجبان همام وهو يطيح على حد الفرش: انهلكت ومامعي سياره اخذها ضيف ابي انام بس باهي وهو يتفقد جواله: ياربي وين قلعت جوالي لايكون نسيته همام تعدل وبسخريه : عوايدك والله عفس ملامحه : اجل ارسلي على جوال همام وانا بجيبهم يلا مابقى وقت الساعه تسع الحين رنوه هزت راسها : طيب همام وهو يشوف ايار متغيبه بحضن رنوه: وش عندها الزعول بعد رنوه وهي تصرف الموضوع: ماتبي تغسل الحوش عندها اختبار بكره وخايفه باهي اتسعت ابتسامته وطالع همام : غسيل حوش متاكده انتي رنوه هزت راسها: ايه امهاتنا قالبين البيت تنظيف وكارفينا باهي بنص عين: اشوفكم مسنترين تحت شجره ماسويتن شي سحب ايار من رنوه وهو يحضنها: تجهزي بعد ما اجي من الجمعية بنغسل الحوش تمام هزت راسها وهي تمسح دموعها حب راسها وهو يهمس لها: يويلك ان شفتك تبكين بعد اتفقنا ايار ابتسمت بمحبه وهي تضرب كفه: اتفقنا لفها وهو يدفها بمزح: يلا روحي ساعدي خالتي ام همام ابي اجي القاك مخلصه هزت راسها بحماس وهي تركض لداخل همام طالعه بنص عين: قلبك هذا مشكله باهي وهو يجلس بجنبه : اختي بعد مو خساره فيها همام انسدح على ركبته : ياخي كيف بنشوفهم بعد اللي صار باهي هز كتوفه: مدري بس الاكيد بنجاملهم واللي بالقلب يبقى بالقلب همام رفع ايده بتفكير: تهقى بيرجعونهم لبعض لاتصالحو باهي رفع حواجبه برفض: مستحيل ضيف يرضى وحتى لو رضى ماراح يعاملها نفس قبل ضيف اهم ماعليه نفسه همام قعد وهو يلف رقبته يمين ويسار : اهخ اليوم انكرفنا كرف هي مقاضي بيت ولا فرش ولا تنظيف اوف باهي وهو يتكي على الجدار: انتظر لا طلع ابوي بعد اوه يالناس اللي بتجي الا سلطان وينه من نخلص زياره ماله حس همام:جاء خالي خذاه صاير مع عياله حييل باهي : خله يتونس ولا تبيه ينحشر هينا مافي احد كبره غير البنات واذ جلس معهم تذابحوا همام وهو يذكره: اقول قم جيب المقاضي لاتذبحنا رنوه الحين صح ترى نسيت اجيب مطهرات جيب بالله وقف بخمول : جهز الصابون بس من اجي بقلب الحوش ملعب صابوني همام وهو يضحك: وجيب صابون بعد رنوه تقول قرب يخلص طالعه بملل فتح باب الحوش وهو يطلع ركب سيارته وطلع ___________ سكاكا : هادي وهو يشوف معلومات اهل البنت اللي معه: اها والحين عرفت من يكونون اهلتس طالعها وهي تصيح بقوه : اشششش لاتصحين اسكتي اسكتي وقفو عيال اخوه وهم يسمعونه التفتو لخوي عمهم: اسمعوني انتم لهوه وانا بحاول اخذها منه واضح رجعت له الحاله وبقوه بعد ولد اخوه الكبير: ابشر بس اخاف يجيبها معه عضت شفته بتفكير : حتى لو جابها بنحاول نخدره انا معي منديل مخدر هزوا راسهم بحماس للفكره ارسل لعبدالعزيز كل التفاصيل واتفق معه ان بيجيه واحد من خوالها يستلمها طلع هادي وهو عاقد حواجبه بقوه ماسك راسه: من من تسلق خويه الجدار بالخفا دخل البيت وهو بسمع العيال يحاولون يشغلونه صرخ بقوه وهو يشوف البنت غرقانه بدمها وشفايفها زرق ركض لها وهو يشيلها بسرعه بالمستشفى واقف وثوبه دم وعيونه قالبه حمراء من قوا صدمته التفت للعيال وهو يهمس: لاتجيبون طاري عمكم انا اللي سويت كذا تمام الولد الكبير بتفكير يعاكس تفكير صديق عمه:يصير خير طلعت الدكتوره وملامحها ماتبشر بخير: البنت تعرضت لطعنه بالبطن مما ادى لتمزق بالمعده بسبب عمق الطعنه حالتها جداً خطره وللاسف دخلت بغيبوبه وبنحطها بالعناية المركزه دخلت الشرطه وهي تلقي القبض علييه التفت للعيال وهو يغمز لهم بالمركز بداء التحقيق وياهم واحد واحد انكروا العيال كلام صديق عمهم واتهموا عمهم اما صديقه سكت بعد ماقاله المحقق اللي قالوه العيال نطق بيأس: الرجال معه كرت من الصحه النفسيه كان يمر بحالات صعبه وهالسنين اللي فاتت كانت حالته مستقره بس اليوم مدري وش فيه المحقق وقدامه ملف هادي: اليوم يصادف وفاة اهله رفع راسه صديقه وهو يهز راسه بأسف : مانشره على شخص مريض اذ بتعاقبوني عاقبوني انا انا تركتها وما اخذته منه قاطعه وهو يوقف : بيجيك عقابك لاتستعجل عليه بس وين هادي الحين عطني مكانه نطق بحروف يأسه: بمزرعته بجنب مزرعة .... هز راسه وهو بطلع من غرفة التحقيق وقف قبال الباب وهو متعجب من صداقتهم لهدرجه قويه لدرجه يتحمل العقوبه بدال صديقه نطق بتعجب: معقوله للحين فيه صديق صادق! بالمستشفى جالس قبال سرير ابوه اللي نايم وبتفكير عميق رجعت ذاكرته للوقت اللي راح فيه للقاء فايز الساعه 2 الفجر واقف قدام غرفة التحقيق ببدلته العسكريه رغم توقيع استقالته الا اتصال واحد من الضباط الكبار وتقديم فايز له كمحقق بالقضيه رغم انه مو من تخصصه بس كمكافاءه لخدمته اشترط عليه يجي ببدلته العسكريه ضغط على ايده بتصبر دخل الغرفه وهو يطالع لفايز بحقد ابتسم بوجهه وهو يحاول يستفزه: ياهلا بولد عمي المصون هلا بالنسيب اللي مايدري وين ربي قاطه تقدم له وهو يمسك اعصابه حط يدينه على الطاوله بغضب دنق وعيونه بعيون فايز: ورب البيت لاتندم على كل لحظه حرقت قلبي فيها يافايز فايز بضحكه متعاليه: تخسى ماعندي شي اخسره شرطه ومسكوني وانا مستانس انهم مسكوني تدري ليه لاني كنت راح اتعذب لو طلعت من هينا بس ربك كريم مسكتني الشرطه وماني ندمان على لحظه وبسخريه: الا انت شلونك يالعاشق الولهان اللي تركته زوجته وصاحبة احلامه بصباحيته عض شفته وهو يسمع الضابط اللي يتسمع لهم: ضيف اهدى لاتمد ايدك عليه انت عارف الانظمه هينا ضيف وعيونه مسلطه على فايز : وش اللي قصرنا فيه علشان تنضم لجماعة ارهابية هذا اخرت دفاع عمي عنك ولا واسطات جدي مهما لمعوك يافايز بتبقى حقير ونذل من داخل والايام كفيله انها بينت الفرق بيني وبينك شف وين مركزي وين حياتي وشف وين وين وصلت حياتك سجن وبتهم كبيره قتل وتفجيرات وفوق هذا الحاد هذا اللي تبيه وسعوا له اللي ربوك فايز طالع ب ابتسامه بلهاء: مستانس بمركزك كلنا بنفس الخط بس الفرق اني اذ مت ماحد يدعي لي وانت اذ مت بتجيك دعاوي والفرق الثاني انك مصرح لك متى مابغيت تقتل تقتل بس انا مو مصرح لي حياتك تشبه حياتي كلنا على خط الموت نتدافع وبتذكير: تراك خسرت اشياء اكثر مني ام وزوجه و ولا تقول اسكت احسن لانك بتموت لو عرفت وش خسرت ياضيف وكلهم بالنسبه لك صاروا بعداد الموتى فاهم موتى الاقل انا ماعندي شي اخسره مثلك مارهنت عايلتي تحت ضغط وصدقني ماراح تاخذ مني لاحق ولا باطل بس ركز على اهلك لانك بتفقدهم قريب وقريب حيل علشان تعرف شلون عاقبة المجال اللي انت فيه والفرق بينا اني با اشره بس اقدر اقلب الدنيا فوق راسك ..مدد رجوله وبضحكه: بدال ماتحقق معي قوم شوف وش خسرت وراجع حساباتك صدره يعتلي وينزل من كثر ماهو ماسك نفسه وجالس يستمع لحديثه ما ان انهى كلامه الا نتفض عليه مثل الاسد الجريح بدا يكفخ فيه دخول الضباط وهم يبعدونه عنه نطق بتهديد: راجع لك يافايز والله ما اخليك والله فايز بصراخ: انتظرك علشان اللحظه اللي بتمد ايدك فيها مره ثانيه بتكون خسرت شي غالي عليك وبتهديد وهو يذكره : ترا هبوب الترف بالرياض ولو فيك خير الحق عليها قبل رجالي _ الى هنا ولنا لقاء قريب ب اذن الله | ||||||||
|
| |
|
24-06-20, 09:55 AM
| #16 | ||||||||
| مراقبة عامة ومشرفة منتدى الروايات المنقولة
| البارت العاشر : "يشعر بروحه وهي تذبل أمامه لكنه لا يجد أي طريقةٍ بإمكانها أن تسعفه هذه المرة " واقف بضبط بجانب بوابة المستشفى مكتف ايدينه ويطالع العالم الداخله والطالعه مر الوقت وهو لازال صامت وكلمه وحده تردد براسه: هبوب الترف رفع كفه وهو يدلك عيونه بتعب كم مر عليه وقت وهو جالس عجز يجلس عند ابوه وهو نايم من قو ازدحام افكاره خاف يحس عليه تنهد من كل قلبه طالع ساعته اللي تشير للساعة 5 فجرا وقف وهو يدخل لداخل وقف قدام المغاسل وهو يغسل وجهه اكثر من مره وبعدها رجع يطالع وجهه وهو يحاول يبتسم علشان ابوه بس اهتزت شفاته وهو يتذكر كلام الدكتور ان هاليوم بتكون التحاليل الاخيره لعملية ابوه واللي تقررت بتكون بكره ولازم يبلغ ابوه ب اسرع وقت دنق راسه وصدره يرتفع وينزل بخوف من فكرة الفقد والموت من تخيل وجع العمليه ضرب ايده بالمغسله بقوه وهو يردد بصوت خافت: ابوي مايتحمل ابوي ماهو قوي لهدرجه حط يده على قلبه يحاول يهدي بعدها طلع وهو يبتسم وبنفس الثانيه تختفي الابتسامه ويرجع يحاول يبتسم فتح باب الجناح وهو يشوف ابوه يصلي جلس على السرير وهو ينتظره يخلص سلم وبعدها طالع لضيف وببتسامه خفيفه: توني حسيت اني بخير ابتسم ضيف : وانا بعد بعد هالابتسامه اظن حرام اتضايق وقف وهو يسأله: صليت ضيف غمض عيونه وهو من كثر التفكير نسى امر الصلاه: لاوالله لهيت الحين بصلي ابوه وهو يجلس ع السرير : كل شي بدنيا اخره الا صلاتك ياضيف ماهي من عوايدك ضيف هز راسه وهو مو قادر ع الكلام وقف قدام وهو يصلي يطالع له وهو حاس فيه من الليل وهو جالس معه وباله مو معه ابد يعرفه اكثر من نفسه عيونه فيها حزن وحزن عميق هذا ضيف اللي رباه لحاله يعرف وش اللي يضايقه واللي يفرحه يعرف متى يمثل الضحكه ومتى يكون زعلان ومتضايق تنهد وهو يشوفه يطول بالسجود رجع راسه لورا وهو يستغفر ويدعي له بداخله ان ربي يدله على الطريق الصح سلم وهو يمسح عيونه بقوه وبعدها رفع عيونه لفوق وهو يستغفر ابتسم راجي وهو ينطق: وش مضايقك ياولد ابوك تراني اعرف متى تكذب ومتى تصدق ورفعة عيونك ماتسويها الا اذ كنت متضايق وعيونك فيها من الحزن الكثير شاركني همومك ياضيف ضيف ب ابتسامه هاديه:وش همومه يالغالي الحمدالله ما طبني من الهم شي وقف وهو يجلس على الكرسي بعيد شوي عن السرير حط ايدينه على وجهه وهو يطالع ابوه راجي بحده خفيفه: اسمعني ياضيف عمامك جاين وبعد شوي بيدخلون علي وبيجلسون عندكم لين ما اطلع من العمليات انسى كل اللي فات وخليك كريم معهم قاطعه وهو يوقف: يبه عندك تحاليل مو مهمه الحين ريح بالك ومايصير خاطرك الا طيب بتحذير اخير: انسى حقدك عليهم ضيف طالعه بخيبه بداخله: ان شاءالله دخلو الدكاتره وهم ياخذون ابوه وهو وراه لين دخل قسم التحاليل اسند راسه على الجدار وهو يضرب راسه ع خفيف : حقد الحين انا حاقد يعني ضحك بخفه وهو يعيد براسه كلمة حاقد ____ ببداية الصباح عند بيت راجي ابو ضيف: متسدحين بتعب بعد ماغسلو الحوش ولعبو همام وعيونه للسماء: اهخ ياظهري تكسر والله خالتي مو بسهله باهي وهو جالس على صخره كبيره: ههههههه ماحد يعرف لك غيره بردت خاطري تطالعهم مبتسمه : خلصتو قاموا ركبو القهوه وبخرو المجالس باهي وهمام بنفس الوقت:خاااااله جتهم وهي تنضم لجلستهم طلعت ام همام وهي تشوفهم جلسين ببداية الحوش جتهم ومعها صحن فيه مكسرات وشاي : وهذي مكافاءه للحلوين اللي تعبو معنا اليوم باهي وهو يتعدل بسرعه: والله انا عارف مافي مثل قلب خالتي جاء بيمد يده وضربته ام رنوه بمزح: انتظر الكبار رنوه فتحت شباكها وبصوت عالي: مجتمعين من ورانا همام فز بسرعه: ادخلي لاحد يشوفك باهي بمزح: من بيشوفها بهالفجريه همام : الصوت يسري ضحك باهي وهو يقول بصوت عالي: يعني صوت من غير صوره سكرت الشباك وهي تضحك نزلت بسرعه لتحت وهي تنضم لجلستهم اما بسيل حذفت الفراش بعد ماطلعت رنوه سحبت الكرسي وفتحت شوي من الشباك وجلست بحزن وهي ضامه نفسها ومدنقه راسها على ركبها وهي تسمع سوالفهم تحت انسدح همام على رجل امه : يمه الحين ليش سمتوني همام امه وهي تطنشه : باهي عطني كاستك مد لها باهي وهو يقول: من غير نعناع ضحكت ام رنوه وهي تقول: سبحان الله نسخة ضيف باهي وهو يشوف همام يحره : همام اعقل بزر انت همام : يمه شوفيه تراني ماسك نفسي عنه رنوه وهي تجلس ومعها بسكوت يحبه همام: وهذا لباهي لدوره اليوم بتقوية العلاقات الاخويه ضحكوا كلهم باهي وهو يقلد همام وينسدح على رجل ام رنوه: حتى انا عندي ام مو بس انت ضحكت ام رنوه مع ان الموقف اثر فيها مسحت على راسه : يابختي وولدي بباهي فتح الباب وهو يدخل ومعه اكياس كثيره وفطور : مجتمعين من وراي ماحد يعزم فزوا بسرعه لانه كان خلفهم وصوته يشبه لصوت ابوه مسك قلبه همام: عبالي ابوي ضيف وهو ينزل الاغراض ويحذف المفتاح لهمام شاف باهي منسدح بحضن ام رنوه نطق بمزح: الله لنا بعدها اشر هذا فطور عمامي ماباقي لهم شي ويوصلون طالعهم وهم يطالعونه ب استغراب باهي وهو يتعدل: اقرصوني خلوني استوعب ضربه همام كف بسرعه باهي : وجع قلت اقرصني قرب من عندهم وهو ينزع نعوله ويجلس بجنب رنوه : تبون اطلع لكم الهويه علشان تصدقون اني ضيف اشر على همام وباهي: قوموا ركبوا القهوه وبخروا المجالس ورتبوا الفرش طلع بوكه وهو يطلع صرافاته: عسى كفتكم الفلوس امس باهي: ايه الحمدالله كفت وزادت همام : انا بروح اضبط القهوه وقف ووقف معه باهي وهو يروح طالع لخالاته ورنوه قرب اكثر منهم وهو ينطق بحزم: ابوي بكره عمليته اليوم اخر يوم زياره ابي منكم تشدون عليه مو تبكون اذ بتبكون لاتجون معنا وعمامي بعد شوي بيوصلون نبي نبيض الوجه معهم ويمكن جدي يجلس هينا مايرجع لين يطيب ابوي ابي وقفتكم معي ام رنوه وام همام: ابشر التفت لرنوه وهي اكثر وحده قاسمته الوجع: بعتمد عليتس جدي مايرتاح الا معتس انتي واكثر وحده مشتاق لها انتي فخليس مثل اول لاتعاملينه بجفا رنوه وهي توقف : يصير خير ياضيف رجع يطالعهم : حاولو تطيحون اللي براسها امها : ان شاءالله اخذ المكسرات وهو يوقف : البنات وين ام همام: قبل شوي ناموا ضيف : نوم العوافي يلا نا استأذن عندي مشوار بخلصه وبعده برجع لابوي ام رنوه وهي توقف معه مشت وياه لين وصلو الباب : متاكد انك بخير وجهك تعبان ابتسم : والله ياخاله بخير ام رنوه وهي تمسك كم ثوبه: ترا مانت مجبور تستقبلهم اذ يضايقك الموضوع خل اخوانك يقومون فيهم ضيف احتدت ملامحه : هذولا اهلي قبل لايكونون عمامي ياخاله وواجب علي اقوم فيهم وانا بمكان ابوي الحين واللي مضى من سنين مضى وانتهى الا حياهم الله والعين اوسع لهم من المكان ام رنوه : عساك على قوه وانتبه لنفسك طلع وهو يركب سيارته وهو يشوف سيارتهم مقبله تلثم بشماغه : حرك سعود طلع من حارتهم وهو مستغرب من اللي دخلو: ماشاءالله وش هالسيارات اللي وقفت عندكم ضيف فك اللثمه بعد ما ابعدوا : ناس سعود عقد حواجبه: اها طيب وين رايحين الحين ضيف: سجن الرياض ________________ الجوف: انتهى التحقيق بعد مامسكو هادي اللي رجع له عقله وانهار لمن عرف انها بالعناية بالسجن جالس وهو يتذكر كلام المحقق انه بينسجن على الاقل 7 شهور علشان التستر على الجريمه بالمستشفى: انهارت منار و امها تحاول تسندها بس طاحت وهي تبكي : راحت من يديني يايمه راحت ضمتها وهي تهديها وتقراء عليها _____ الرياض : عبدالعزيز وهو يشوف السياره اللي طلعت من الحاره نزل جده وحرك مستعجل لاحق السياره ضيف لف وهو يستمع لسعود: السياره من طلعنا وهي تلحقنا شكله واحد من ناسكم ضيف : تعرف تضيعه ولا نتبادل سعود ب ابتسامه واسعه: افا عليك خبره بالملاحق طالع لضيف وغمز: تثبت زين سعود اسرع وبدا يدخل بين الحارات عبدالعزيز ضرب السكان بعصبيه: ولعنه ياضيف وقفوا بعد فتره عند السجن طالعه وهو مستعد ابد يقابل الضباط بعد اللي صار حس بشي يعوره من امس حط يده على قلبه وهو يتذكر ان كل اهله بخير من اللي متعب قلبه تنهد التفت لسعود اللي يطالعه بصمت : اول مره تسكت وش صاير لك سعود بهدوء وهو يلعب بالمفاتيح: مستغرب منك ضيف عقد حواجبه بعدم فضول وهو يمشي لقدام: يمكن اطول لاتبعد دخل مديرية السجن وهو لابس ثوبه عدل شماغه واتجه لغرفة احد الضباط ________ ببيت راجي متصدر المجلس وممسك بعصاته وهو يشوف عياله حوالينه وعيال راجي يضيفونهم ويرحبون فيهم دخل عبدالعزيز وهو يجلس يساره وملامحه ماتتنفسر الجد بقوه: وينك اخوك ياباهي باهي بطفش وهو ينزل الدله ويمسك اعصابه: مرافق مع ابوي الجد : توني داق على ابوك ماهو عنده باهي وهو يشد على كفه بقوه يحاول يمسك لسانه: عنده اشغال الجد : واشغاله ماتطلع الا يوم نجي ولا ماهو قد المرجال نزل الدله بعصبيه واضحه عليه : هالكلام ماينقال لضيف ينقال للي معك واللي مقطوط بالسجن فزو بيتهاوشون بس دخل وهو يصرخ: كل واحد مكانه احترموا البيت اللي انتم فيه نطق جده: اخوك الغلطان ضيف بثقه: باهي مايغلط يابو راجي وبضيق: ابوي بكره عمليته وانتم تتهاوشون ابوي محتاجكم معه مو بحاجة هواشتكم نطق عبدالعزيز وهو يشوف ضيف ماسك ايد باهي بقوه: اخوك قل ادبه على جده طالع باهي لعبدالعزيز بنظرات استحقار : لولا ضيف كان كملت عليك ضيف بهمس مايسمعه الا باهي وهمام لانهم معه واقفين: لاتناقشونهم انتم بذراي انا كملو طيبكم ولا اطلعو ابعدوه وملامحهم مكتومه طالع لعمامه بدون نفس سلم عليهم لين وصل لجده تبادلو نظرات لو قتلت قتيل كان كفت ووفت غصب نفسه وهو يسلم عليه جاء بيبعد بس مسكه من ايده وهو يقصر صوته: طلع ولد عمك نفض ايده بقوه وعينه بعين جده بتحدي بصوت عالي: ولد عمي مايفرح بالطلعه ومكانه السجن هذا اذا ماقصوه فز عمه وهو ينطق: فال الله ولا فالك عذه رفع حاجبه بسخريه وهو يبعد عنهم ويجلس قبال الدلال مختار ابعد مكان عنهم صد وقلبه موجعه من غير سبب رجع طالع وجيهم ضغط على ايده وهو يسمع همسهم عنه رفع عيونه لفوق وهو يدعي ربه يمده بالصبر تكلم واحد من عمامه: مانت ناوي تعرس تنهد وهو يلف على همام همام وهو ماسك ضحكته: تحمل ضيف بهمس: مو قادر اتحملهم ثواني وقف بعد ما انهى كلامه وبصوت هادي: الزياره مفتوحه العصر معكم الين7 المغرب وعشاكم اليوم عندنا تعداهم وهو يطلع من المجلس واحساسه اشبه بالقتيل طلع بسرعه وهو يركب سيارته وحاس الوجع شاد عليه لحقه عبدالعزيز: ضيف ضيف وقف وقف وهو يضبط ملامحه ب اقل من دقيقه رجعت ملامحه طبيعيه ولف عليه من غير لايتكلم عبدالعزيز بتانيب ضمير: اسف اذ ضايقتك مارد وهو متكتف وبصعوبه مو قادر ينطق حرف عبدالعزيز : تدري بنتي لقوها بس مرقده بالعنايه ودخلت غيبوبه غمض عيونه لثواني من شدة الالم اللي جاه فتح الباب وهو يركب السياره حرك مطنش عبدالعزيز اخذ البندول وهو ياكل حبتين بصعوبه صاح بقوه من الوجع اللي جاه صدره يرتفع ويهبط بعد ماصرخ وقف قبال الفندق نزل وهو يالله يوازن مشيته دخل وهو يتجه قبال الاستقبال: ضاري .... موجود هينا ولا موظف الاستقبال : اسف هالمعلومات خاصه طالعه من فوق لتحت وهو ماوده يستعمل القوه معه طلع جواله وهو يدق على سعود ابعد شوي عن طاولة الاستقبال: سعود قدها ولا سعود ب استغراب: بس وش السالفه ضيف: تعال عند فندق.... والبس بدلتك العسكريه سعود بفزه: ابشر دقايق وانا عندك سكر الجوال وهو يتلثم ارسل لهمام: عندك رقم ضاري دق عليه واشغله همام: وليش ارسله مالي خلق له من امس وهو يدور عليك ويبي يشوف ابوي بس خاف تسوي مشاكل ابتسم بسخريه وكتب: همام بتخلصني من ضاري ولا شلون همام: ابشر بخلصك منه وبصرفه واخليه يروح لابوي ضيف:روح وياه لايدخل على ابوي لحاله ويقلب راسه همام : لاتوصي الحين بدق عليه واقوله اني متعطل واخليه يجيني ضيف : انتبه لنفسك ومثل ماوصيتك همام : تمام يلا بطلع وارسله سكر جواله وهو يجلس على الكراسي دقايق وهو يلف شاف ضاري نازل مستعجل والجوال ب اذنه طالعه بنظرات متغير ضاري متغير والغربه رسمت بملامحه بُعد عنه عقب ماكان اقرب له من روحه شد على ايده وهو يرجع ويحافظ على هدوئه بعز سرحانه جاه سعود وضربه على خفيف على كتفه: وش عندك متلثم ضيف وهو يمسح على وجهه : ولا شي سعود : وش فيك ضيف: بدخل على حدى الغرف بس ماقدرت ابي خبرتك سعود وهو يتنهد : هذي صعوبه شوي ضيف طالعه وهو يدور حلول سعود ضربت براسه فكره: شرايك تسوي نفسك عامل نظافة وتدخل ضيف خزه : شكلك متأثر بالافلام حيل قم اسال كم غرفة ضاري وقول انك من المباحث سعود وهو يوقف : لي جلسه معك بعد ماتطلع مارد وهو يوقف وينتظره يروح ويخلصه اتجهه سعود للاستقبال دقايق ورجع له وهو يهمس له: 207 هز راسه وهو يصعد بسرعه وقف قبال باب الشقه وهو يعدل شماغه دق الجرس ثواني ووصله صوتها: منو سعود نقز بجنبه طارت عيون ضيف وهو يشوفه يقلد لجهة الهنود: انا وصل اكل بابا ضاري يقول ودي شقه استغربت هبوب : طيب دفع لك الحساب ولا سعود وهو ماسك ضحكته على ملامح ضيف المعصبه: ايوه يدفع فتحت الباب مدت يدها دف الباب بقوه وهو يدخل ويسكر الباب بوجه سعود اللي ضربه الباب بقوه مسك خشمه بوجع: بسم الله هذا شفيه معصب حط يده على خشمه بوجع وهو ينزل ويدعي على ضيف حاط كفه عليها ومثبتها على الجدار صدرها يرتفع وينزل والخوف اعتلى ملامحها وقلبها غمضت عيونها وهي تحاول تبعده: ابعد عني والله لاعلم اخوي عليك مارد وعيونه غرقانه بعيونها الخايفه شاف الرعب والاستنكار بعيونها انهارت وهي تحاول يفلتها شد اكثر وهو يشوفها تصيح ب انهيار همس بصوت مخذول: ماعرفتيني قلبها يدق بسرعه وايدينها ترجف بين ايدينه: ضيف افلت ايدينها وهو يطالعها بـ كره: مالومك ماتعرفيني سويتي سواياك وانحشتي هبووب والدموع ماخذه مجراها وصوتها يرجف: والله مانسيتك والله مالي ذنب مو بس انت اللي تعبت من هالبُعد حتى انا ابعد عنها وهو يصد عنها وبصوت عالي: وشو اللي ما اعرفه ويهددني فيه فايز انطقي وش سويتي غير كذبتس اللي صار هبوب جلست على الكنب وهي تاخذ نفس وشاده نفسها: مافي شي ماتعرفه كل شي عارفه لف عليها وهو وده يذبحها: اقسم بالله ان طلعتي مخبيه شي عني لايكون اخر مابيني وبينتس وانا لاحلفت نفذت يا سكت وهو يردد: حتى اسمك صرت اتقرف اقوله بكت وهي تحط ايدينها على وجهها: انت مريض وربي مريض عقب كل اللي صار هذا كلامك وانا اللي مانسيتك وكم مره يجيني خبر انك طلقتني قاطعها بخذلان: وصدقتي واقص ايدي اذ قلتي لا ضيف مايسويها بس انتي دايم كلام الناس يوديتس ويجيبتس ولا عندتس ثقه بنفستس طالعها لاخر مره وقلبه متوجع ومن غير لايحس رجع لها وهو يدنق عليها ويمسح دموعها بشماغه وبهمس موجوع: ماوقفت إلا عشان أمسح دموعتس ولا انا ماشي لو إنتس ما بكيتي تنهد وهو يرجع يقولها: اتمنى انتس مو مخبيه شي عني لان وقتها بيكون لي تصرف ثاني معتس وطلع عكس مثل مادخل بكت بكت الين ماتعب البكى منها ركب السياره وعقله مو معه اسند راسه على الكرسي بتعب نفسي وجسدي تنهد وهو يردد الابيات توصف مشاعره: والمحبه ليا اقفت مثل ماضِ السنين لو تحاول ترجعها ، ماهي راجعه ! اتجهه للمستشفى ناسي امر سعود اللي جالس ينتظره ضاري رجع بعد ماحس ان الموضوع كذبه دخل مستعجل على هبوب: شافتس سوا لتس شي هبوب بكت بقهر: قهرني ياضاري قهرني ضاري ضمها وهويتحلف بضيف: لايكون دخل عليتس هالحقير هبوب بعدم استيعاب لمقصده هزت راسها وهي تبكي ثار بعصبيه: انتي واعيه للي تقولينه والله لا اوريه هالكلب هبوب بتعب وهي يالله تتنفس: خله على عماه لاتقرب له _______ بالمستشفى بليل بعد ماروحو اخوانه واهله دخل ضيف : كيف معنوياتك طالعه بزعل: وش انت مسوي الكل يشكي منك رفع عيونه لفوق : يليل يالمشاكل اللي فوق راس ضيف رفع حاجبه: جدك قاطعه وهو يجلس بجنبه ويمسك يده يحطها على قلبه: يبه قلبي مو بخير بسكاكا بالمستشفى: صرخت الممرضه برعب: توقفت دقات قلبها الى هنا ولي رجعه قريبه جداً لاتبخلون بالرد ❤ | ||||||||
|
| |
|
03-07-20, 04:01 AM
| #19 | ||||||||
| مراقبة عامة ومشرفة منتدى الروايات المنقولة
| البارت 11 (فيني شعور المغترب اللي عجز يلقى دفا دياره) تنفست بتعب : الحمدالله الممرضات كلهم: يعطيك العافيه دكتوره نزلت من السرير وهي منهكه ع الاخر طالعت البنت لثواني وعيونها مدمعه: الحمدالله طلعت من العنايه المركزه وجسمها للان يرجف اول حاله لها بعد ماتعينت نزلت الكمامه ورجعت لبست نقابها مشت طالعه بين الممرات وشعورها اشبهه بالتشتت بعد هالانجاز اللي سوته بنفس اللحظه عند ابوه ماسك ايدينه وابوه يقرا عليه دخل الدكتور وب ابتسامه عريضه: معليش بنقطع عليكم اللحظات الحلوه تعدل ضيف وهو يمسح عيونه: حياك الدكتور ومعه الممرضات اللي بدوا يفحصون ابوه: العمليه تقدم موعدها بتكون الساعه 7 الصباح ضيف هز راسه بهدوء: على خير ان شاءالله الدكتور بعد ماتفقد الحاله الصحيه لمريضه: ضيف عليك برفع معنوياته ضيف هز راسه بصمت وعينه على ابوه طلع جواله وهو يرسل لباهي يجي بداله طلعو الممرضات والدكتور تقدم وهو يحب راسه : استودعتك الله يالغالي مسك ايده: وين بتروح ضيف ب ابتسامه: ماني رايح مكان بوقع على الاوراق واجيك وترا باهي وهمام بيرافقون معك طالعه وقلبه مو مرتاح: وانا وش ابي بباهي وهمام ابيك انت ترافق معي ضيف بعجله: انا معك بس بخلص لي كم شغله وراجع لك ما انهى كلمته الا ودخلو باهي وهمام ابتسم لهم وتعداهم وهو يطلع رفع جواله : نعم الضابط: ملازم اول ضيف الراجي ضيف غمض لثواني: ايه نعم امر بغيت شي الضابط : تم رفض استقالتك لاسباب خاصه وتم نقلك لشرطة غرب الرياض مع تعينك رئيس لمركز الشرطه اللي انتقلت له مع ترقيتك لرتبة نقيب نطق بهدوء : بس انا مو مستعد اداوم وامسك قضايا الا الان ما استعد صحتي كامله الضابط : اومر جتني وبلغتك فيها بعد خمس ايام بضبط يوم الاحد تبدا تباشر لان رئيس المركز استقال غمض عيونه يهدي من نفسه : على خير ان شاءالله ثواني ودق جواله عقد حواجبه من الرقم الغريب ثواني وجاه الرد: ضيف ضيف اتسعت ابتسامته بسخريه: ضاري ضاري بغضب: انا قدام المستشفى لو فيك ذرة رجوله اطلع لي ضيف تغيرت لملامح وجهه لجديه: مخلي الرجوله لك ولاخوانك وب ابتسامه: كان نفسي اتضارب معك بس معليش ماعندي وقت اضيعه عليكم سكر جواله وهو يطلع من باب الطوارئ ماحس الا بيد تسحبه لورا المبنى لف على طول وهو يثبت الشخص اللي مسكه ضيف : من سعود بتوجع بعد ما اعطاه ضيف ضربه على بطنه: انا سعود ولد عمك برا تركه وهو ياخذ نفس : ادري وليش طالع من باب الطوارئ اجل سعود وهو ياخذ نفس: قصدي عند سيارتك واقف ضيف سكت وهو يتمشى بالظلام سعود : انا جيت بسيارتي امش خلنا نبعد عنه واضح ماهو بعقله مشى ورا من غير لاينطق بحرف ركبو السياره وابعدو عن المستشفى سعود: وين نروح ضيف : عادي اي مكان المهم بريح جسمي احس اني تعبان سعود بهواش: انت ماتحس انت فعلا تعبان ضيف طالعه : اكرمني بسكوتك مو ناقص سكر وهو يطالعه من فوق لتحت وصلو بيت سعود ونزلو فتح الباب وابتسامته واسعه: حي الله ضيف وبمزح وهو يدخل : هينا اعيش وهينا مكاني وهذا سريري مسك راسه ضيف نزل شماغه وبحركه سريعه سكر فم سعود بقوه: هذا اسلم حل لي ولك امش وانت ساكت سعود وهو يأشر ع المجلس فتحه ضيف عقد حواجبه وهو يشوف البيت فوضى تنهد: كيف تنام انت سعود وهو يفك الشماغ : هذا جزات اللي يفزع لك بعدين عزابي وش تبي مني انا مو لاقي وقت اسوي لنفسي اكل تبيني انظف ضيف بسخريه: شاطر تلحق وراي وين اروح وين اجي سعود وهو يدخل لداخل ثواني ورجع وهو جايب مكناسه كهرب : يالله نظف معي ضيف ربط ثوبه : متاكد بس المجلس يبيله ترتيب حك راسه بفشله: البيت كله حوسه طالعه ب قهر: ويلومني بعد ليش اكرهه ____________ الصباح نايم على الارض من غير لحاف بالمجلس وبجنبه على الجهه الثانيه سعود ماخذ كل اللحاف حك عيونه بخمول وهو يسمع صوت الجوال يدق اكثر من مره نطق بكسل: سعود طف جوالك كررها اكثر من مره بس مافي ردة فعل قعد وهو ياخذ الجوال ويرد: الو ضاري : انت وينك لهدرجه خايف ماتبي تقابلني ابوك رافض يدخل العمليات يبي يشوفك وانت سكر الجوال وهو يوقف بسرعه : ابوي شلون نسيته اخذ مفاتيح سعود وطلع بسرعه ____ بالفندق جالسه بعد ماحطت اغراضها وصفت شناطها ارسلت له انها جاهزه بالمستشفى: وقدام قسم عمليات القلب وقف وهو يدنق بوجع اخذ نفس وهو يطالع الدكتور ينتظره : معليش صارت عندي ظروف الدكتور : ابوك بالغرفه تعقم وادخل عليه هز راسه وهو مو منتبه لثوبه ولا لشكله دخل على ابوه بعد مالبس وتعقم تحركت خطواته بسرعه وهو يطالع ابوه متجهز للعمليه غمض عيونه وهو يمسك ايديه: اسف والله انك على بالي بس قاطعه وهو يتأمله : لاتتاسف اهم شي شفتك قبل لا ادخل وبصوت تعبان: خواتك ب امانتك لاصار لي شي خالاتك لاتقصر معهم بشي اذ كل وحده بترجع لاهلها اسمح لها بس لاياخذون البنات مسك ايده بقوه وهو يردد : البنات ب امانتك ياضيف لاتقصر عليهم بشي صير ابوهم وكل شي لهم انت تعرفني ماعمري بحياتي كسرة بخاطرهم او هاوشتهم وهبوب رجعها لذمتك ولاتنسى تكون طيب مع عمامك وصف اللي بقلبك عليهم مهما كان هذولا اهلي وناسي مسك ايده بقوه وهو ينطق بصوت خفيف: قرب اكثر دنق ضيف عليه وهو يسمع له يوصيه اكثر واكثر ع اهله غمض وهو حاس ان ابوه مودع رفع ايدينه وهو يحضن ضيف ودموعه غرقت ثوب ضيف ابوه : لاتنسى انك ضيف الطيب ولاتاخذك القوه علشان منصبك ولا رتبتك لاتغتر فيها ترا الدنيا خداعه ضيف بصوت مبحوح: لك ماتبي يابو ضيف مايصير خاطرك الا طيب بس اطلع لنا من العمليه سالم هز راسه بصمت وبعدها ابعد ضيف وهو يمسح دموعه باس راسه وطلع يطالع زوله وهو عارف ان مطالبه اثقلت ظهر ولده بس هو بنفس الوقت يبي يصلح اللي فات رفع عيونه لفوق وهو ينطق الشهاده ثواني وغابت عيونه عن الوعي دخلو الدكاتره ب استعجال ضرب الدكتور ايده على الطاوله بقهر : كيف مات الممرض : المريض معه ضغط بالدم وارتفع قبل كم ساعه وحنا تاخرنا بالعلميه مما ادى الى سكته قلبيه هز راسه بيأس وهو يطلع لقى ضيف واهل المريض برا طالع لضيف بقهر: المريض انتقل رحمة الله بسبب تأخر العملية مما ادى الا ضغط بالدم اللي سبب سكته قلبيه تلقو الخبر بصدمه ماعدى ضيف اللي كان عارف لان كلام ابوه ووصيته كان كلام شخص مودع مع الربكة الاحداث وخبر الوفاة مرت ثلاث ايام عليهم اشبه بالموت البطيئ وكان الشخص الوحيد اللي ملام من الجميع وانه السبب بوفاة ابوه استقبل العزا بقلب حزين ومتماسك رغم الكلام اللي يتلقاه كل يوم من جده واخوانه الا انه مازال صامد ويعطي من قلبه ويتطمن على الكل بعد مرور ثلا ايام واقف قبال القبر بروح اشبه بالميته طالعه بصمت رفع ايده وهو يشوف الساعه شارفت على الساعه5 الفجر غمض عيونه وهو يحاول يبكي بس الصمت صار سلاحه الوحيد مع كمية الحزن اللي بداخله رجع بخطواته لورا وهو يطلع من المقبره ركب سيارته وهو يتجهه لبيتهم وقف سيارته وهو يشوف سيارات عمامه واقفه ضرب على صدره اكثر من مره وهو يحاول يتمسك بالصبر اكثر واكثر نزل وهو يمشي لداخل فتح الباب وهو يدخل الصاله من غير لايمر المجالس اللي برا شاف خواتهه جالسين والصمت مخيم عليهم تقدم لهم وهو يجلس بجنب بسيل : اخباركم اليوم ماردو عليه طالعهم وهو يشوف اللوم بعيونهم: تمام براحتكم وقف وهو يطالعهم لاخر مره: اذ عندكم شي تقولونه تدلون مكتب ابوي رنوه بصوت عالي: نبي نمشي مع جدي وعمامي مالنا قعده بهالبيت من بعد ابوي وقف لثواني وهو يعد لين ثلاث : بعدين نتفاهم اتجهه لمكتب ابوه ودخل وهو يسكر الباب بقوه عكس هدوئه الظاهري جلس على الكرسي وهو يطلع دفاتر ابوه ويبدا يراجع كل شي بالمجلس جالسين يرتبون اغراضهم الجد : باهيي لزم على اهلك يروحون معنا باهي بضيق: تفاهم مع ضيف ضيف الحين هو المسؤل عنا الجد وهو يضرب عصاه ع الارض: مابقى الا هالخسيس يصير وصي عليكم انا وين رحت باهي وهو يلتفت عليه: ياشيخ انت وين وحنا وين ابوي ترابه مانشف وانت تبي الوصايه عنده غير الولد ثلاث وتبي تكون وصي على كيفك هيي همام بتماسك مع باهي: باهي صادق حنا وين رحنا كلنا ظهر وسند لخواتي وكلنا بنوكل ضيف يكون وصينا ورجعتنا للجوف قرار بيد ضيف مو بيدنا وياليت مثل ماجيتو بهدوء تطلعون من هالبيت بهدوء الجد وهو يطالع لعياله واحفاده: هذي علومكم ياعيال راجي باهي : ايه هذي علومنا مو عاجبك الباب هذاك هو صرخ عليه ضاري: احترم نفسك ياباهي دخل على صحيتهم وهو لابس بدلته العسكريه : انتم حتى ب ايام العزا تتهاوشون طالع لجده : انا الوصي على اهلي ثاني شي خواتي استحالة يطلعون من هالبيت الا با اذني انا وانا ولا واحد من اخوانهم يكون معهم اما سالفة اخذهم بطيب ثم ارجعهم لسكاكا وبعدها ازوجهن لاحفادي انا عارف وش يدور براسك ياجدي وخواتي رايهن من رايي ضاري : وانت قاطعه وهو يطالعه: انا وجدي انت وش دخلك وخطوبتك من رنوه بزمان فات انساها ضاري بقهر: وانت انسى ان لك مره ضيف ضحك بسخريه: المره اللي تتكلم عنها هذي زوجتي فاهم ضاري وهو يطالع لجده: هالكلام ماينفع معه هالحقير ضيف ب ابتسامه قهر: الحقير انت واشكالك ثواني وعم الصمت بالمجلس بعد ماسمعو صوت سيارات الشرطه جدهم: يالله دخلك وش صاير بحارتكم تقدم ضيف وهو يلعب بسلاحه : غريبه المفروض تعودت على هالاصوات جده طالعه : وش قصدك رفعه سلاحه وحطه عليهم واحد واحد وبصوت بارد بعدين رجع وثبته على راس عمه: وهو يتكلم بصوت عالي: تراني اكرم منكم عطيته فرصه ينطق شهادته ويقول اخر ماعنده باهي وهمام : ضيف ضيف استهدي بالله عيال عمه كلهم خافو وهم يشوفون ضابط داخل معه سلاحه سعود وهو يطالع ضيف ب انتصار وهز راسه: سيدي وين تبينا ندفنه ضيف وهو يطالع سعود: لا كذا بنكون كريمين بزياده عمامه وجده ب اصوات مختلفه: ضيف اعقل، ضيف اهدا، ضيف لا تودي نفسك بداهيه طالع لعيال عمه وعبدالعزيز: افا ابوكم بينذبح قدامكم وانتم ولا واحد فيكم فزع دنق على عمه: شفت عيالك مابهم خير سعود وهو يطالع ضيف كيف متحكم بعصبيته : سيدي اقول لو نقتله هينا اسرع ضيف : وهو يطالعهم كيف خايفين والكل يصارخ ويحاول يرجعون ضيف عن قراره تعالت صراخاتهم بعد دوى صوت الطلق الناري الى هنا ولقائنا ب اذن الله قريب جداً | ||||||||
|
| |
|
| أدوات الموضوع | |
| انواع عرض الموضوع | |
|
|
32Likes
.png)
العرض العادي
