13-05-20, 11:24 PM
| #12 | ||||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي  
|  اقتباس:
عاش من شافك طولتي الغيبه اخبارك يعني تختفي سنين ويو مااظهري اشوفك بالصدفه تعليق بس طيب ناسيه لو اذكرك عند روايه بديتي فيها وتركتينا متعلقين ننتظرك متى ترجعي تكمليها او تبدي من جديد اخبار عنود السيح هي ايضا اختفت معك ان شاء الله تعودي من جديد مع ابداع جديد بقلمك المميز | ||||||||
|  |
|
13-05-20, 11:28 PM
| #13 | ||||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| اقتباس:
نزلتيها كلها دفهة واحده وتركت لك تعليق فيها على مااذكر الافضل ان تنزليها على شكل فصول لان احتمال كبير يوجد هناك قراء صامتون وهذا الشيء معروف جداااا حتى عند الكتاب المشهورين تجدين التغليقات اقل بكثير من عدد المتواجدين اهم شي الالتزام والصبر بالتوفيق | ||||||||
|
| |
|
19-05-20, 09:30 PM
| #15 | ||||
 
| البارت الثالث اليوم الثاني صحت نور ورتبت المكان وجهزت شنطها مثل ما خبرها جاسر وما استغربت مبيته برى لانه بيروح اكيد بسرعه المطار لحبيبته فقعدت تنتظر بالصاله لحد ما ايي او يخبرها تنزل فشوي وسمعت صوت صراخ ونزلت تركض ولقت جاسر واقف قبال ابوه وجنبه وحده باين عليها جريأه وعمها وجهه احمر وجنبه ام جاسر وبناته حوله ماسكينه وشكله بيمد يده على جاسر .... ابو جاسر بصراخ وعصبيه : انت غبي انا ازوجك نور الشريفه العفيفه عشان ابعد هالساقطه عنك تروح وتزوجها انت غبي حمار ما تفهم شنو هذي تبدل الجنه بالنار .... جاسر واهو ماسك يد حبيبته : يبه انا قلت لك مابي نور وانا حر بختياري واثير مافيها شي يعيبها ... ام جاسر بصراخ : انت اعمى شوف ملابسها طالع شكلها بس اللهم يا كافي الله لا يبلانه هذي اشكره وحده عاهره شتبي فيه انت قول بس شلون عرفتها ابصم بالعشره وادفع عمري كله اذا مو اهي الي راميه نفسها عليك ... قول ليش ساكت هاااه .... سمر ودموعها تنزل : انت بتندم جاسر صدقني لكن طلق نور قبل ... انت عذبتها بمافيه الكفايه خلها تعيش حياتها مثل ما انت تبي تعيش ... ابو جاسر بصراخ : ان طلقتها انا بري منك وتطلق هذي اذا تبي رضاي عليك ... جاسر : اسف يبه انا طلقت نور ونور اصلا من زمان تبي الطلاق حتى اسالها واذا قالت ماتبي بردها الحين .... اثير بدلع : تردها شنو حبيبي انا ما بقبل تشاركني فيك ... جاسر واهو يلف يده حول خصرها : لا تخافي حبي اهي ما تبيني الشعور متبادل .... ابو جاسر واهو يطالع نور واقفه على السلم : تعالي يبه ... قولي لي ... انتي تبين الطلاق ... يبه خليه يردج وصدقيني هذي بيطلقها ..... نور واهي تقرب وتبوس راسه : رجيتك يا عمي قلبك ما يتحمل .... انا عارفه من البدايه انه ما يبيني ويبي حبيبته وزواجه مني بس عشان يرضيك ... عمي لا اهو ولا انا مرتاحين خله يشوف حياته وبتغيرو رايكم لمى تشوفوه سعيد ومرتاح ... عمي ابوي مستحيل يلومك على شي او يتغير بينكم شي بسبب الطلاق ... هذي غلطه والحين تصلحت .... ابو جاسر واهو ضايق حده : تشوفي جذيه يبه ... يا بنتي غلاتج من غلات ابوج وانتي دره هذا فرط فيها ومرده يعرف قيمتج ويندم ..... ام جاسر واهي تضم نور : يا يمه مابيج تطلعي من بيتي ... خليج معانا ... نور واهي تشد عليها وتبجي : ما بقطعج يمه لا تخافي ... بس اعذريني بالفتره اليايه مابقدر اييكم .... يمه خلي الشغاله تنزل شنطي بكلم فهد اييني .... جاسر : ماله داعي اوصلج بطريجي .... نور واهي معطيته ظهرها : لا مشكور رايتك بيضه وما قصرت بشي ابد ... خلك بشهر العسل افضل انت عريس ولزم تهتم بعروسك ... لي سند وظهر استند عليه مو بحاجتك .... جاسر بلامبلات : براحتج قلت اخدمج قبل تطلعي من حياتي ... نور واهي تلف تطالعه وبحده : كفيت ووفيت بخدماتك ... كل شي يذكرني بخدماتك لي ... عمري ما بنساها ابد واخرها امس .... سكت جاسر وحس كان ماي مثلج ينكب عليه لان كلامها تبين له انها ما لقت منه خير ابد فانتبه لنفسه بهز اثير له لانهم مشو وتركوه واقف معاها ... اثير : حبيبي شفيك تنحت بكلامها .... جاسر واهو يبتسم لها : لا ولا شي حبي لا تشغلي بالج ... يله خل نروح الفندق عشان نقضي اول ليله لنا بعد فراق .... ضحكة اثير ضحكة مايعه وعاليه فطالعوهم والكل يطالع بشمأزاز لضحكتها وحس جاسر بحرج لان ضحكتها مثل العاهرات فاخذها وطلع فيها للفندق .... اما نور فودعت الكل ووعدتهم ما تقطعهم ابد وبتزورهم بعد العده ووصل اخوها فهد وعرف بلي صار منها بالتلفون وخبر ابوه قبل يجيها فامره يسرع لها ولا يتركها هناك فاخذها وكان يواسيها لكن لمى لقاها مو مهتمه حمد ربه لكن تضايق لانه تطلقة وبعدها صغيره وكل هذا بس عشان ابوه يرضي صديقه ونور الي دفعة الثمن ..... وصلت نور بيت ابوها والتمو خواتها حولها وكانو يضنو انها متاثره فتعجبو من ابتسمتها لهم .... نوره اختها الكبيره : حبيبتي نور ابجي ... فضفضي بلي داخلج ... لا تكبتي مو زين لج ... نور واهي مبتسمه : وليش ابجي تضني متضايقه لا ... اصلا محد كان يعرف بلي فيني ولي يصير لي معاه وطلاقي راحتي وهالشي افضل شي سواه لي واشكره عليه .... ساره اختها الثانيه : بس حبيبتي عمرج ما شكيتي واذا سالج ابوي مدحتي فيه ليش سكتي عليه ولا تكلمتي ... نور : ليش شايفتني غبيه او ياهل اضايق ابوي واحسسه انه غلط بزواجي له و عمي اخليه يتعب بسببي لا ... اصلا انا خايفه عليه الحين انتو ما شفتو شلون شكله واهو يخانق جاسر على زوجته ... خايفه يصيبه شي بسبب ولده ... فهد واهو يدخل وبيده شنط نور : وانتي بتشيلي همهم ليش خلاص خلج بحياتج واهتمي بدراستج واذا تقدم لج احد وما تبين انا معاج واساندج .... نور واهي تركض تضم اخوها : والله عارفه انك سندي بهالدنيه لكن بابا جبرني بهالزواج لمعزت عمي وما الومه فهد صداقتهم قويه وانا مو زعلانه ... خلاص الحمدلله اني الحين رجعت لكم .... فهد واهو يشد عليها : الحيوان كان يضربج وساكته ليش ما خبرتيني اادبه .... نور واهي تبوس خده : والله لو شايفه فيها عداله وخلاصي ما ترددت لكن هالشي لو سويته بسبب فجوه بين ابوي وعمي ... مابي ابوي يعرف رجيتكم كافي حالة عمي الحين .... الكل هز راسه وتضايقو عليها لانها خايفه على ابو جاسر وعلى ابوها تتاثر صداقتهم الي مستمره من ولادتهم لانهم كانو جيران وما افترقو ابد حتى لمى تغير سكن كل واحد ظلو مع بعض ولا يوم ما تواصلو مع بعض فيه .... اما جاسر فكان بوادي ثاني ضن انه بيكون سعيد بزواجه من اثير لكن اول ما وصل معاها الفندق وصار معاها بروحهم حس بكبته بصدره وكان جبل جاثم على صدره وكانت اثير مزودتها بدلعها عليه وطلباتها الي ما خلصت من تزوجها وهذا اول يوم .... بعد ما قاربها ونامت سحب نفسه من السرير ودخل اخذ شور وطلع يشرب قهوة طلبها بعد ما تروش بالبلكونه وظل يفكر بكلام نور وتلميحها له بانه ما ريحها ابد من تزوجها حتى لاخر لحظه بينهم واهو عارف ان كلامها صح لانه فعلا كان يهينها ويضربها دايما على اقل شي والي متعجب من سكوتها عليه هل معناه حب له او شي ثاني فابتسم اول ما تذكر شلون كان يستفزها بكلامه لمى قاربها وتركها بكلمة لذيذه وتنهد لمى تذكر شكرها له على تركه لها وما لمسها وحتى هالشي حطمه بينهم ....بس اهو يحس بشوق لها بس ليش هل لانه تعود عليها او لان ضميره يانبه على معاملته لها فهز راسه وقال بنفسه اثير بتنسيه كل شي وبتعيشه بسعاده مثل ما وعدته فدخل ورجع نام جنبها عشان ينسى تفكيره بنور ...... مر شهرين ونص على طلاق نور وجاسر وحالة نور عاديه متحمله حبستها بالبيت وتنتظر تخلص عدتها عشان تستعد للدراسه لانها خلت اخوها يوقف دراستها لحد ما تخلص عدتها وابوها يحاول قدر الامكان يعوضها عن غلطته بحقها .... اما جاسر فاضطر ياجر شقه جنب شقة طلال لان امه رفضت تسكن اثير ببيتها وابوه ايد هالشي وطلب من جاسر يختار بينهم اما اهله او اثير لكن جاسر سكت واخذ اثير وطلع لشقة طلال لحد ما اجر الشقه الي جنبه ويحاول بابوه عشان يقبل يرجع ويسكن معاهم لان وضعه المادي مو تمام بدون ابوه فاهو يشتغل مع ابوه وهذا الشي اثير ما تعرفه ابد وعلى بالها جاسر يملك xxxxات وشركة بسبب صرفه لكن الي ما تعرفه انه ياخذ مصروفه من ابوه وعلى حسب رضى ابوه عليه يلقى بحسابه فمن تزوجها وابوه يحط بحسابه مبلغ بسيط وايد وكان مجمع مبلغ صار يصرف منه على طلبات اثير لحد يوم انفجر فيها لكثرة طلباتها .... جاسر بعصبيه : بسج طلبات عبالج قاعد على بنك .... اثير بدلع واهي تهز جسمها : لا حبيبي انت وعدتني توفر لي كل شي ... وهلي اطلبه بسيط ... جاسر : كل هذا وبسيط اعقلي ما معاي ....... الي معاي يا دوب يكفي للاجار ومصاريف اكلنا وشربنا .... اثير : ليش هلي قبلي احسن مني يعني اهي تمرغ بالعز وانا علي بالحسره لا يا بابا انت تزوجتني ووعدتني تلبي كل طلباتي .... جاسر بصراخ : اولا هلي قبلج كانت ما تطلب شي ابد ... من تزوجتها ما مره طلبت ولا حتى سالتها اذا تبي شي ... ثم شوفي الي عندي ما يكفينا ابوي ما نزل لي وايد هالشهر ورافض يزيدني وانتي وقفي طلبات وراعي وضعنا .... اثير بصدمه : ليش انت ما تملك شي وتاخذ مصروفك من ابوك ... وين املاكك ... وين صرفك قبل ... جاسر : لا من وين لي كل الي تشوفيه ملك لابوي انا مجرد موظف عنده وزين ينزل لي هالمبلغ بحسابي لان لو على شغلي معاه ما بيعطيني شي ابد ... انا طالع بروح لطلال ابي اغير جو وانتي فكري بكلامي واهدي وخلج يمي سانديني لحد ما يقبل ابوي نسكن عنده ويرضى علي وعليج ووقتها بيىجع مصروفي مثل قبل واحسن ....باي ... طلع جاسر وترك اثير بصدمتها فتمت تفكر بالورطه الي تورطة فيها لكن ما ياست وظلت تفكر شلون تخلي جاسر يسحب املاك من ابوه ويصرفها عليها او يكتبها باسمها فاهو غبي ومصدق حبها له وهم السحر الي مسويته له ماثر عليه ومخليه مثل الخاتم باصبعها .... طلال واهو يمد ماي لجاسر : اشرب وهد وقول شفيك ... من دخلت وانت مدخن .... جاسر واهو يحط الكاس على الطاوله ويرجع راسه ورى على الكرسي : تعبت كنت اضن بعيش سعيد معاها لكنها ما توقف طلبات ابد .... ابوي ما ينزل لي بحسابي الا شوي وهذي مو فاهمه وضعي ابد ... طلال : يا اخي اشتغل عدل وتلقى راتب سنع وزوجتك لا تعطيها كل الي تطلبه الضروري بس وحاول ترضي ابوك ... جاسر : ابوي كلما كلمته قال لي طلق هذي ورجع هذي ما ابي ارجعها ولا اطلق اثير ... طلال : اي صج جاسر انت خلاص ما بترد نور ابد ... جاسر : لا طبعا ليش بطلقها اذا ابيها انت عارف شلون انجبرت عليها ... يكفي الي جاها مني .... طلال : زين تعترف ... اوكي ردها وخلها معززه مكرمه مع اهلك وارض ابوك وامك ووقتها بيرجع لك ابوك كل شي مثل قبل واشرى لك بيت وسكن فيه زوجتك .... جاسر : مستحيل هالشي ... طلال : اي ليش ... جاسر : لان اثير شرطة علي تكون زوجتي الوحيده وبترجيعي لنور يحق لها تطلب الطلاق وهالشي مابيه .... طلال : تطيع شوري ... روح لابو فهد وكلمه يكلم ابوك يرجع لك كل شي ولا تسكن زوجتك عندهم اشرى لو شقه بس ملك بدل الاجار وحاول ترضي اهلك بالتدريج وتخلي زوجتك تحاول تقرب لهم وجذيه تتعدل امورك ... مالك الا ابو فهد فاهو يمون عند ابوك .... جاسر واهو يهز راسه : لا ااذي بنته واطلب يساعدني مالي ويه اصلا ... انا من اعرف انه بالشركه ما اقرب لمكتب ابوي ... طلال : براحتك الي عندي قلته .... اي صح بسالك مره ثانيه وابيك تفكر عدل قبل ترد .... جاسر : بشنو ... طلال : بخصوص نور ... انت صج خلاص ما بتردها ايد ابد ... جاسر متعجب : لا انت ليش تاسال بهالشي ... شتبي من ورى سؤالك .... طلال : كل خير لي ولها .... افكر اتقدم لها من تخلص عدتها .... جاسر بصدمه : شنو ... قلو البنات بالديره عشان تزوج طليقتي ... طلال : ليش عيب لو حرام ... اختي تمدح فيها وكانت تكلمني عنها قبل انت تزوجها لكن انت تزوجتها وفضت السالفه بس الحين انت طلقتها ومن حقي وحقها اتزوجها اذا وافقت ... شلي يمنع ... جاسر : طلال اصحى تزوج لك وحده عزبه احسن لك من مطلقه انت تعرف يعني شنو مطلقه ... طلال : اي بس شنو ذنبها بهالزواج وهالطلاق ... بس تعرف انا مو هامني شي من سالفة مطلقه لانها للحين بنت بنوت وهذي الحسنه الوحيده الي سويتها فيها ... فبكلم الوالد والوالده يطلبوها لي قبل تخلص عدتها عشان محد يسبقني عليها جاسر بتردد وبربكه : طلال ابعد عنها ولا تفكر فيها ... شوف لك غيرها احسن ... طلال : ليش انت قلت ما بتردها ... هااااه غيرت رايك .... جاسر : لا ما بردها قلت لك ... طلال : عيل شلي يمنع ... لانك صاحبي وبتشوفها لا تخاف نور عاقله وبتعاملك على انك اخ لها وبتنسى انك كنت زوجها صدقني .... جاسر وكانه خلاص قنبله وانفجرت : يا اخي افهم نور مو بنت بنوت انا دخلت عليها قبل طلاقنا بليله ... ما عادت بنت .. | ||||
|
| |
|
27-05-20, 11:44 AM
| #17 | ||||
| البارت الرابع طلال : كل خير لي ولها .... افكر اتقدم لها من تخلص عدتها .... جاسر بصدمه : شنو ... قلو البنات بالديره عشان تزوج طليقتي ... طلال : ليش عيب لو حرام ... اختي تمدح فيها وكانت تكلمني عنها قبل انت تزوجها لكن انت تزوجتها وفضت السالفه بس الحين انت طلقتها ومن حقي وحقها اتزوجها اذا وافقت ... شلي يمنع ... جاسر : طلال اصحى تزوج لك وحده عزبه احسن لك من مطلقه انت تعرف يعني شنو مطلقه ... طلال : اي بس شنو ذنبها بهالزواج وهالطلاق ... بس تعرف انا مو هامني شي من سالفة مطلقه لانها للحين بنت بنوت وهذي الحسنه الوحيده الي سويتها فيها ... فبكلم الوالد والوالده يطلبوها لي قبل تخلص عدتها عشان محد يسبقني عليها جاسر بتردد وبربكه : طلال ابعد عنها ولا تفكر فيها ... شوف لك غيرها احسن ... طلال : ليش انت قلت ما بتردها ... هااااه غيرت رايك .... جاسر : لا ما بردها قلت لك ... طلال : عيل شلي يمنع ... لانك صاحبي وبتشوفها لا تخاف نور عاقله وبتعاملك على انك اخ لها وبتنسى انك كنت زوجها صدقني .... جاسر وكانه خلاص قنبله وانفجرت : يا اخي افهم نور مو بنت بنوت انا دخلت عليها قبل طلاقنا بليله ... ما عادت بنت .. طلال ببرود : عارف ... ومع ذالك ابيها .... جاسر مستغرب : عارف ... شلون عارف ... انا ما خبرتك ... اهي مخبرى اختك اعرفها صديقتها .... طلال : هم لا بس في شي خلاني اعرف والكل يعرف هم .... الا كم صار لك ما زرت اهلك .... جاسر مستغرب : شدخل هذي بهذي .... طلتل : لانك لو زرتهم بتعرف شلون عرفة انك دخلت على نور ... تبي تعرف شلون ... جاسر : اي قول حيرتني من مخبرك .... طلال : حمل نور اهو الي خبر الكل ... نور حامل .... جاسر بصدمه وتتنيحه : شنو ..... انت شنو تقول نور حامل ... مستحيل ... طلال : وليش مستحيل انت اعترفة انك دخلت عليها ... بتنكر هم ... جاسر : لا بس اهي مره وحده شلون حملت ... طلال : تشكك بنور ... جاسر تكلم تشك باخلاقها ... تضن انها لعبت يعني ... جاسر واهو يهز راسه : لا طبعا من سابع المستحيلات هالشي نور مو وضيعه تغلط هالغلطه ... بس مستغرب تحمل من مره وحده .... طلال بطنازه : ههههه شكلك كنت شاد حيلك معاها وقتها .... جاسر واهو يرمي عليه الوساده الصغيره : تادب .... يعني كلامك بخطبتها بس عشان اعترف ... طلال واهو يمسك الوساده : ههههه لا ... اتكلم جد ... صح بتطول فترت انتظاري بس تهون ونتحمل من تولد اتزوجها لهالشي بتقدم لها اذا ما بنيتك تردها ... شقلت ... جاسر : هاااه لا ... لا ما بردها بس انت ليش مصر عليها جذيه ... طلال : والله البنت ما تتعوض ابد ولا بلقى لي ربعها فليش ما اتزوجها شنو يمنع ... ولدك او بنتك هم بربيه معاها واخليه يصير عكسك .... جاسر : لا والله تربي ولدي وانا حي ... طلال : يعني شنو بتاخذه منها وتربيه اثير ... جاسر : هااااه لا ... انت لخبطتني ... انا بروح لفيت راسي بكلامك ....باي طلال بينه وبين نفسه بعد ما طلع جاسر : اقص يدي اذا مو تحبها ... يكابر ...لكن ليش لا انا لزم افكر فعلا بزواجي منها اذا ما يبيها خل اعوضها عن عيشتها معاه .... طلع جاسر من شقة طلال وكان بيدخل شقته لكن تراجع ونزل يبي يروح لبيت ابوه ويتاكد بنفسه فلمى وصل ما لقى احد فنادى بامه وسمعها ترد عليه من المطبخ فراح لها ودخل وباس يدها وراسها ... جاسر : شلونج الغاليه .... ام جاسر : انا الحمد لله ... انت شلونك وشنو مسوي مع هلي برقبتك ... جاسر : تمام يمه ..... يمه اقنعي ابوي يزيد لي المبلغ الي ينزله لي ما يكفي لشي .... ام جاسر واهي تطبخ : الا ما يكفي تسد فم الي عندك ... بسالك الي ينزله لك ابوك ما يعيش عايله انت راسك وراسها بشنو ما يكفي ... نور قبل كم كانت تكلفك كل شهر قول ... جاسر بحرج : ولا مره طلبت او عطيتها .... ام جاسر بشهقه : هاااه تتكلم من صجك ... يا فضيحتي ... ما كنت تصرف عليها ... يعني لمى تطلع مع خواتك وتسوق ما تعطيها ابد ... يعني البنت على ذمتك وتصرف من عند اهلها ....وهلي عندك كم تصرف عليها كل شهر .... جاسر بحرج اكثر : كل الي ينزله ابوي بس ادفع الاجار وله الباقي .... ام جاسر : لا بالله انا يبت خروف مو ريال ... يعني رابطتك من رقبتك وتقيدك ... مالت عليك وعلي لمى يبتك ... ريال ... انت نفتخر فيك .... جاسر : يمه ارجوج بلا هالكلام .... ام جاسر : ما قلت الا الصج ونور المسكينه قبل تصبحها بضرب وتمسيها بضرب ويا ريت على شي الا على سواد ويهك اذا واجهتك فيه .... جاسر بصدمه : نور قالت لج جذيه ... ام جاسر : محشومه ما طلع من لسانها الا الخير عنك وانت معذبها ... سمر كانت تطلع لها وتشوف الي فيها وتقررها غصب بس نور تحلفها ما تتكلم ولمى طلقتها تكلمت سمر وخبرتني واحمد ربك ابوك ما يعرف فيه ... صج ايوديه ... لو وحده غيرها فضحتك لكنها عاقله ما تبي ابوك وابوها يتفرقو بسبب خبالك ....وله نور تنرمي وتطلقه وهالعاهره تزوجها وتعززها تضن ما نعرف انها عاهره من واحد للثاني ابوك زوجك نور عشان يبعدها عنك وابوك دفع لها عشان تبعد عنك لكن انت حمار طلقة الشريفه وتزوجة العاهره كفوك خلك معاها ونور له رب ما تضيع .... جاسر : يمه شنو تقولي ... ابوي دافع لاثير عشان تبعد عني ... متى هالشي .... ام جاسر : قبل زواجك من نور عرف انت ليش معتفس وراح لها وكلمها وتخيل تعرض نفسها على ابوك تبيه يقاربها ولمى قال لها انه ابوك خافت فعطاها مبلغ ما تحلم فيه وقال لها تبعد عنك وما ترد عليك لكن انت ركضت وراها وابوك امن انها سافرت بس يبتها وتزوجته وطلقة نور ... هذا يزى ابوك لمى حماك منها ... وحده كل ساعه مع ريال غير شنو يبليك فيها .... جاسر : يمه احبها ... واهي تركت الكل عشاني ... ام جاسر ودموعها تنزل : يا حسرتي عليك ... شتحب فيها انت منت صاحي وله واحد يتزوج وحده عاهره ويقول احبها ... اسمعني وحط كلامي براسك ... نور حامل والمسكينه ياها انهيار عصبي من عرفة بحملها خايفه تردها لهالشي وانا وابوك رحنا لها وابوك طمنها وقال لها لو بتردها ما تكون هالعاهره على ذمتك بس اهي سكتت ولا قالت شي ... جاسر : يعني خبر حمله صحيح ... بس يمه انا ما بردها وخل ترتاح ...يمه انا ماشي وياريت تكلمي ابوي بخصوص مصرفي ... هزة امه راسها وظلت تدعي له يبعد عنه اثير ويرجع له عقله ويرجع نور ويربي ولده او بنته معاها ....... مر اسبوع وجاسر ما تغير عليه شي بالمصروف ولمى كلم ابوه رفض يزيده وهدده لو زودها بطلباته بيقطع عنه كل شي لانه ريال كبير ولزم يعتمد على نفسه فلمى خبر اثير بكلام ابوه ضن بتساعده وتراعي لكنها ظلت تحن عليه يكلم ابوه لحد ما بيوم انفجر بالكلام معاها .... جاسر بصراخ وعصبيه : انتي ما تفهمي اهلي قاطعوني والسبب انتي يعني على تحملي لطلباتج وطمعج هم مو حاسه اني اضحي وانتي مو هامج ... انا عمري ما بعدت عن اهلي جذيه ... حتى لمى اروح لهم القى الصد ونظرات الشمئزاز لي لاني متزوجج ... اثير بمياعه وصراخ: والله ما طقيتك على يدك وقلت لك تزوجني انت الي ركضت وراي .... جاسر : اي ركضت وراج برغم ان ابوي دفع لج عشان تبعدي ... صح ... ليش ما قلتي عن هالموضوع ليش خبيتيه .... اثير برتباك : هااااه اي ... انا ما تكلمت لاني ما حبيت اسوي مشاكل بينك وبين ابوك اهو عرض علي مبلغ بس انا رفضت وسافرت وانت اصريت ارجع وانا رجعت عشان احبك ..... جاسر بشك : بس الي قالوه غير انتي اخذتي المبلغ ... صحيح عرضتي نفسج على ابوي ... اثير : لا طبعا اهم يتبلو علي بهالشي انا تركت الكل عشانك وانت عارف هالشي .... حبيبي قول لي شنو يبون اهلك ويرجعو معاك مثل قبل انا بساعدك بس ما ننفصل ... جاسر : صعب اثير صعب طلبهم بترفضيه .... اثير : اوكي قول يمكن نلقى لنا ثغره .... جاسر : يبوني ارد نور .... وعلى فكره اهي حامل ... اثير بعصبيه : شنو حامل انت قلت ما قاربتها فشلون حامل ... ليكون تلعب وبتلصقه فيك ... جاسر : لا طبعا ولدي نور مو رخيصه تبيع نفسها متربيا عدل ومحد لمسها قبلي او بعدي هلشي ابعديه من بالج فاهمه . اثير : لا والله اشوف تدافع عنها ... ليكون تحبها ... جاسر : لو احبها ما اهملتها وضربتها وطلقتها عشانج نور ما تهنت بيوم معاي ... وعموما انا لمستها باخر ليله لنا مع بعض وكنت معصب منها وفسرت كلامها غلط وبانها تهين رجولتي فصار الي صار .... اثير : يعني مو برضاها .... جاسر واهو يتذكر كل الي صار بينه وبين نور ويتنهد : هااااه لا ... اعتديت عليها وضربتها ... اكره نفسي لمى اتذكر الي صار مني لها ... ما اذكر ضحكة معاها او لاطفتها ابد من اول ليله وانا اهين فيها واضرب واهي متحمله وتخبي عن الكل تصرفاتي حتى ..... اثير : حتى شنو ... جاسر : حتى علاقتي فيج وعلاقاتي السابقه قبل اتزوجج كنت اكلم قدامها ولا اهتم لها ..... اااااه اكره نفسي الحين شنو نظرتهم لي لمى تخبرهم امي قالت ان سمر تجبرها تتكلم لمى تشوف اثر الضرب فاكيد قالت لها عن كل شي واهلي واهلها يدرون .... اثير : حبيبي انت تبي ابوك وامك يرضو عليك صح .. جاسر واهو يطالعها : صح ... اثير واهي تقعد جنبه : رجعها بس ابقى معاك ... اذا اعطاك ابوك تشتري بيت وتكتبه باسمي وتخليها ببيت اهلك وجذيه تلبي طلبهم ويلبو طلبك ونعيش حياتنا واهي مالك شغل فيها وتربي ولدها او بنتها مع اهلك وجذيه نخلص من السالفه .... جاسر واهو يطالعها : ما تمانعي فعلا ... اثير وشرطج .... اثير : نروح المحكمه والغيه من العقد واحط بداله البيت واذا ما كتبته باسمي وقتها ما اتحمل واعرف انك تبيها وما تبيني وتطلقني .... جاسر واهو يلف يده حولها : لا حبي بكتب بس اضمن الفلوس ولج كل الي تبينه ماله داعي الشرط ... شقلتي ... اثير : اوكي بقبل لاني احبك ... حبيبي مو مشتاق لي .... جاسر واهو يحملها : الا مشتاق وموت .... مر يومين وراح جاسر بيت ابوه وكانو مجتمعين بالصاله ويشربو الشاي فدخل وسلم عليهم وقعد جنب امه ... جاسر : احمممم يبه ... ابي اكلمك بموضوع ... ابو جاسر بعصبيه : اذا نفس الموضوع بنفذ كلامي لك .. .جاسر : لا لا يبه .... يبه انا ... انا برد نور .... ام جاسر واهي مو مصدقه : شنو قلت عيد ... جاسر : يمه بردها ... ابي ابوي يكلم عمي وابي اردها على ذمتي ... انا اقدر اردها بدون اسالهم لكن قلت من حقها تعرف وتقول رايها .... ابو جاسر وبفرحه : تكلم جد جاسر بتردها ... زين وهلي عندك بتطلقها .... جلسر : لا يبه هذا شرط من شروطي اثير تبقى على ذمتي .... ابو جاسر : وشنو شروطك هم .... جاسر : يبه ترجع لي مصرفي مثل قبل انا فلست ما بقى معاي شي حتى اكلي وشربي بالزور اوفره .... وهم ابي مبلغ اشتري فيه بيت اسكن فيه اثير ... اعتقد ما تبونها هني ونور بتصير هني معاكم ... شقلت يبه .... ام جاسر : بس انتظر نور اول توافق.... جاسر : يمه نور بتقبل اذا انتو كلمتوها ولها الي تبيه .... سمر : تعتقد بعد الي سويته فيها تقبل .... جاسر : اذا ما قبلت مالكم حجه علي ويبه اقدر اردها حتى الحين بس مخلي اعتبار لصداقتك مع ابوها ..... ابو جاسر : انا بكلم ابو فهد وانت تروح وتكلمها لزم تشوفها وتسمعها فاهم وترضيها بلي تبيه هذي ام ولدك فاهم ... بس لي شرط على شروطك ..... جاسر : امر يبه .... ابو جاسر : هلي متزوجها مانبي عيالك منها فاهم عيالك بس من نور اما هذي ما تحمل واذا حملت ارميك انت وياها بقلعت وادرين فاهم .... حمل مافي شقلت ولو اهي حامل ينزل .... جاسر بصدمه : ليش يبه ... ام جاسر : تبي عيالك يعتبرو عيال حرام انت ما تعرف ان رحم المره اذا تناجس بالزنا يصيرو كل عيالها عيال حرام حتى لو تزوجة ... لان رحمها ما يتطهر الا بعد اربعين سنه من تركها الزنه والاستغفار والصلاة وانا اعتقد هذا ما تتوب ابو جاسر : شقلت ... هم تبي عيال منها ..... جاسر : بس يبه ... ابو جاسر : لا تقول انها حامل .... جاسر : لا يبه مو حامل .... بس اهي لمى عرفة بحمل نور قالت تبي عيال .... ابو جاسر : وصلك العلم واذا تسوي عملية ربط افضل هم ... شقلت ... جاسر : زين يبه بس شروطي ... ابو جاسر : اذا التزمت بشروطي ونور عندنا وتعدل بينهم يعني اذا رجعتها يوم لها ويوم عند عاهرتك شقلت .... جاسر : تامر يبه ... انا ماشي واذا كلمة عمي خبرني ... .. مها بعد ما طلع جاسر : يبه ليش ما قلت له يطلقها والله تفشلنا من الناس تسال شلون متزوج هذي الكل يعرف عنها .... ابو جاسر : معليه يبه خل يرد نور وينفذ شروطنا وبيطلقها اذا عاش بيتعقل مع نور بيعرف الفرق ويطلق هذيك ... ام جاسر : والله ما كان جذيه قبل يتزوج نور كان غير .... من تزوج واهو متغير خير شر وله في واحد يشوف جمال نور ويطالع غيرها واخلاقها وتحملها تصرفاته لو انه صاحي ما سوى جذيه .... انا شاكه ان مصيوب بعين او مسو له سحر ...... ابو جاسر : اي سحر واي عين الا ولدج خراب وماشي ورى الخراب ... انا بروح لابو فهد اكلمه .... سمر : يبه لا تظلمو نور اكثر ... ابو جاسر : لا تخافي يبه نور بتكون بخير وهذي المره بوقف له بويها واذا خبت نور عنا تصرفاته اهي هم بحاسبها ..... راح ابو جاسر لابو فهد وخبره بكلام جاسر وطلب منه يكلم نور ويقنعها وما يضغط عليها وتسمع لجاسر اذا ياهم بكره لانه بيرسله بكره يكلمها ويقنعهة لان جاسر قادر يردها بدون شورها لكنه يبيها ترد بقناعتها وعشان الي بحشاها فقبل ابو فهد وكلم نور قدام خواتها وفهد ......واعترض فهد اكن ابوه سكته وخبر نور ان جاسر بيزورها ويكلمهة وتسمعه وانها مو مجبوره ترجع اذا ما اقتنعت فسكتو خواتها برغم ضيقهم وفهد معاهم ...... اما جاسر خبر اثير عن شروط ابوه واعترضت بالبدايه لكنها فكرة بينها وبين نفسها انهة ما بتخسر بهالشي ويكون افضل تطلق منه بدون عيال بعد ما تاخذ منه البيت ومبلغ محترم ويلبي كل طلباتها ...... باليوم الثاني وصل جاسر واستقبله ابو فهد بس مو مثل قبل فاعتذر منه جاسر على غلطته مع بنته اما فهد فكان يخز بجاسر ومو طايق شوفته ولا الي يصير .... ابو فهد : فهد ناد نور خل تجي هني .... فهد : حاضر يبه شوي وارجع ..... طلع فهد ورجع ووراه نوروما شافها جاسر لانها ما تبان من فهد الا طرف فستانها ولمى بعد فهد عشان يقعد شافها واقفه وكانت نحفانه وباين عليها التعب والضيق واضح عليها بس حس بشي بجسمه يسري والم بقلبه وما عرف سببه لكن تدارك الوضع ووقف ومد يده لنور يصافحها ... جاسر واهو ماد يده : شلونج نور ... نور واهي تطالع يده : ما تحل لي عشان اصافحك باليد .... ابو فهد واهو يوقف : لا يبه يحل ليج انتي حلاله دامج حامله ولده بحشاج ويحق له ياخذج حتى بدون ورقة رده .... بس اهو يبي ترجعي بكرامتج وبقبولج فقعدي واسمعيه وقولي الي عندج تفاهمتو كان بها ما تفاهمتو تبقى ببيتي معززه مكرمه لحد ما تولدي ووقتها ما يقدر يردج ابد وتشوفي نصيبج واهو يرجع لحياته ومن حقه يشوف ولده او ياخذه ... فهمتو كلامي ثنينكم يعني شيل من بالك تاخذها غصب حتى لو رديته فانا قادر اطلقها منك والشيخ يرفض تردها حتى واهي حامل وانتي فتحي عقلج وفكري بلي بحشاج ... كلامي واضح لكم ثنينكم فاهمين .... يله فهد خلهم بروحهم ... فهد : بس يبه اخاف يضرها بشي خلني معاهم .... ابو فهد بحزم : قلت خلهم واعتقد انه زوجها ومو حرام قعدته معاها ولو بيضرها انا الي بكسر راسه لا انت ولا غيرك ... يله قوم قدامي .... طلع ابو فهد وفهد معاه وسكر الباب فقرب جاسر من نور وبسرعه فزت نور وابتعدت وكانها مقروصه .... جاسر : بسم الله عليج شفيج ... ليش نقزتي جذيه بعيد ... نور واهي واقفه بعيد : لا تقرب مني ... جاسر واهو يمد يده لها : تعالي لا تخافي ما بسوي لج شي ... نور قسم ما بضربج ... نور : مابيك تقرب بعد .... تنهد جاسر وبعد عنها وقعد على كنبه منفرده فرجعت نور مكانه .... نور : خلك مكانك وتكلم اسمعك ... جاسر : اوكي ... نور انا ابي اردج وبعيشج مع اهلي معززه مكرمه ... نور بطنازه : اي كثر منها المعززه المكرمه ... جاسر : نور قسم ما بمد يدي عليج وابي منج تردي ... شوفي بقول لج بصراحه ومابي اخدعج بشي ... ابوي ضغطني بالمصروف وما صار الي عندي يكفي لشي ورفظو اسكن بجناحنا القبلي وبالبيت بكبره وجذيه اجرت شقه وما تحملت فلست ولمى طلبت من ابوي يزيدني او يرجع مثل قبل رفض ووصل هددني اذا طلبته مره ثانيه بيطردني من الشركه ويقطع مصروفي وجذيه ما يصير معاي شي ... نور : عشان جذيه قلت ارد هاللعبه القديمه واحطها عندهم وارضيهم فيها ووقتها يرجع كل شي مثل ما كان واعيش بغنى بفلوس ابوي مع الي معاك صح .... جاسر : صحيح بس ابوي شرط علي عيالي منج بس وهم اعدل بينكم ... بس نور ابوي بيعطيني مبلغ اشتري فيه بيت وانا بكتبه باسم اثير لانه تنازلت وقبلت اردج .... نور : اي والمطلوب مني اقبل بكلامك واصير كبش فدى لك وزوجتك ... اسفه ... اولا انا مابيك ولا ابي عيشتك وكل الي قلته ما يهمني واذا طردك عمي من الشركه اشتغل والشغل مو عيب ولو زوجتك تضحي صج تتحمل معاك مو تقول لك تردني بس عشان تجيك الفلوس بسهوله ... خذها مني الي يجيك بالساهل يروح بالساهل ... عفوا لتدخلي بس شكلك سكان مرته ليش هذا جاسر الي كانت تتكلم عنه سمر انت حتى منت ربع الكلام الي سمعته عنك قبل تتزوجني ... انا انصدمت فيك بس لمى قالو انك تغيرت قلت ما لعبت علي سمر عنك والي انت فيه حقيقتك بس هم ما لقيت فيك التبعيه بس اشوف هالشي الحين .... جلسر : نور عن الغلط مابي اعصب عليج وانتي حامل وشكلج تعبانه .... نور : جاسر شتبي فيني ليش تبيني ارد بس عشان الفلوس .... جاسر بصدق : لا ... ابي ولدنا يربى بينا مابيه يعيش بتشتت ... جد لمى عرفة بحملج حسيت بالمسؤليه تجاهه ومو عارف شنو اسوي ... نور وعد مني بتغير معاج وبكون مثل ما تبين بس ساعديني وخلينا نربي ولدنا مع بعض .... نور : معقوله احساس المسؤليه طلع عندك ... لا شكل زوجتك حسستك بالمسؤليه عكسي كنت ياهل معاك ... جاسر : نور طلب اذا انا معاج لا تدخلي اثير بحياتنا ابد ... نور : وكاني وافقت ارجع لك ... جاسر : بتقبلي نور ... نور : عشان الفلوس والبيت ... جاسر واهو ياشر على بطنها : وعشانه .... نور واهي تلمس بطنها : عشانه ... ههههه لا جاسر انت ما همك ابد كل الي تبيه الفلوس تكون بحسابك .... جاسر : لا ابي اربيه معاج ومابي ريال ثاني يريبه .... نور : ليش من زين تربيتك له ... لعلمك مستحيل اخليك تربيه لان حياتك فساد بفساد ولو بيدي ما خليته يبقى لكن لو بسويها بتحاسب فيه لاني بزهق روح ... مابي شي يربطني فيك ولا ابي هم اتعلق فيه ... تعرف شي كرهته من عرفة بحملي كرهته لان بيكون شي تذلني فيه بيوم .... جاسر واهو يوقف : يعني شنو نور .... وضحي معنى كلامج .... نور واهي توقف : يعني مستحيل ارجع لعذابي معاك حتى لو وعدتني الف وعد ... جاسر : ليش نور انتي ما تعرفيني عدل ... صدقيني بسوي الي تبينه وبعيشج معززه مكرمه ببيت اهلي .... نور : سوال وابي جواب واضح وصادق ... جاسر : اوكي قعدي واسالي باين عليج التعب نور قعدي ... نور واهي تقعد وترجف : شلي خلاك تفكر تردني ... ابي الصراحه ... ولعلمك وصلني كلامك بانك ما تبي تردني حتى لمى عرفت بحملي ... فرد الحين .... جاسر واهو ينزل راسه وبضيق : ماكنت ابي اردج واعترف لج ... نور اثير اهي الي قبلت فييتج ... انا . .نور : ماله داعي تكمل ... انا مو كبش فدى لك ولزوجتك وهلي بحشاي مابيذلني عشان ارد لك ولا بتذلني فيه بيوم .... شوف ارجع لزوجتك ولك مني اكلم عمي يرجع لك مصروفك عشان تشبع فيه زوجتك .... جاسر : نور افهمي انا جد الحين ابي اردج .... نور : ليش اقدر افهم ... سببك وعرفته فارجوك اتركني بحالي ابي اعيش اتنفس ... انت ليش تضن اني لعبه او عبده عندك .... جاسر : نور عشان الي بحشاج .... مابيه يتربى بعيد عني ... نور : ليش زوجتك تييب لك وبيكون على الاقل من حبيبتك مو من وحده انجبرت فيها جاسر يكفي الي جاني منك ... كفايه خلاص ابي اعيش ابي اتنفس خنقتني بمافيه الكفايه ... انت ماقلت لطلال انك ما تبيني وان عادي يتزوجني على الاقل اذا قبلت وتزوجته اضمن ان ولدك يتربى عدل ... جاسر منصدم : طلال تقدم لج ... نور قولي ... نور : لا ... اخته هبه كلمتني وقالت لي الكلام الي دار بينكم ... تعرف اهو كان يبيني قبل تتزوجني لكن سكت لمى عرف انك متقدم وفضلك على نفسك كان ممكن يتقدم لي ويقبل فيه ابوي لكن اهو سكت ليش لانك صاحبه وبدل البنت الف غيرها لكن الصاحب ما يتعوض ... جاسر طلال صح كلمك انه بيتقدم لي وهبه خبرتني لكن انا رديت واهو احترم ردي عليه وتقبله .... جاسر : وشنو ىدج عليه ... نور : اني كرهت الزواج وساعته ومابي اتزوج ابد ... بربي الي بحشاي ومابي شي ثاني ... جاسر مستغرب منها : ليش هالقرار ... نور والدمعه بعينها : لانك كرهتني بشي اسمه زواج ... نفسيتي تعبت ... تعرف كنت خليت فيني شي سليم لكنك قضيت عليه باخر ليله .... كنت مرتاحه لهالشي لكنك سلبته مني بوحشيه ... انت عقدتني انا حتى خواتي لمى يلمسوني فجاه افزع واخاف ... انت سببت لي عقده والله يقدرني واتعداها ... وتبيني ارد لك ... لا ... اسفه ... جاسر ويحس بوجع بقلبه لكلامها : نور ... انا اسف بس ... نور الله رايد هالشي عشان تردي لي ... نور ساعديني وصدقيني بتغير ... اعرف جرحتج وغلط بحقج لكن بعوضج عن كل شي ... نور واهي توقف : لا شكرا ... قراري وقلته ... ثم انت ما بتستفيد من ردتي بشي غير الغثى لك فليش خلني عند اهلي افضل لي ولكم .... جاسر واهو يوقف : نور بتركج تفكري زين لا تتسرعي انا بكون عند كلمتي معاج وبعاملج بحترام ... نور واهي تشوفه يمسك مقبض الباب بيفتحه : جاسر لا ترجع ابد واذا ولدت تقدر تشوفه من خلال بابا او فهد .... لف جاسر وطالعها لقاها واقفه مكانها وبطنها بارز شوي واستغرب اذا مر على طلاقه منها شهرين يعني حملها بس شهرين فلو كان مو واثق انها كانت بنت بنوت كان قال لعبت عليه لكنه واثق ومتاكد من شرفها وانها مستحيل تنزل نفسها لهالمستوى وتربيتها اكبر من جذيه ... ترك المقبض ومشى لها واهي خاقت ورجعت لورى ولمى لقاها تبعد سرع مشيته واهي ركضت تتخبى منه لكنه ركض ومسكها وكتم صوتها بيده قبل تصرخ ... جاسر : شششششش اهدي ما باذيج ابي اتاكد من شي بس اهدي ... بشيل يدي بس لا تصرخي اوكي .... نور بعد ما بعد يده واهي تدفه ولا تحرك : بعد ... شتبي قلت لك ما تحل لي شلون تلمسني جذيه ... جاسر واهو يبتسم ويقرص انفها : عمي قال لج احل لج وخلج كبيره ليش هربتي وخفتي كنت بقرب بس .... نور : مالك امان ياما انضربت منك .... جاسر واهو متضايق ويمسح على شعرها : لهالدرجه عقدتج نور انا كنت امد يدي عليج لانج تنرفزيني وايد ..... نور : اي وتفرغ فيني ضيقك من عشيقاتك .... جاسر واهو مستغرب : انتي من قال لج هالكلام ... انتي تكلمي طلال .... نور واهي تخزه : استح على ويهك انا اكلم ريال غريب علي ... مو انا يا بابا واحترم نفسك .... جاسر : نور محد يعرف هالامور غير طلال ....من مخبرج..... نور : مو مهم ... انت مو كنت طالع يله كمل طريقك .. جاسر : طرده يعني ... نور : لا اذكرك بس .... جاسر واهو ياشر على بطنها : بطنج ليش بارز جذيه وانتي توج بالشهر الثاني ... نور : لا كملت الثاني وانا بالثالث .... وما اعرف اذا عديت الثالث اروح وافحص الحين قالو اذا تعبت اروح ... جاسر : ومتى تكملي ... نور واهي تتخصر : وليش انشاء الله انت شلي حاشرك .... جاسر واهو يقلدها : عشان اتطمن على ولدي يا بابا ..... نور : جاسر زوجتك تنتظرك بالنتيجه ويا ريت تقول لها تدور على حل ثاني للفلوس ... ترى عرضي قائم وبكلم عمي اذا تبي بس فكني ... جاسر واهو يقرب لها ويهمس : بترجعي لي مو طيب غصب ... انا ابيج ... نور لا تتحديني فاهمه ....باي يا لذيذه ..... باس خدها وطلع و غمز لها قبل يطلع فوقفت متسمره مكانها وحست برعشه بجسمها فضمت نفسها وطلعت من المجلس ودخلت بيتهم وكانو خواتها ينتظرونها فقامو وركضو لها خايفين عليها فضمتها نوره اول ما قربت لها وبجت نور ... نوره بخوف : شفيج حبيبتي سوى لج شي قولي .... نور واهي تشاهق : مو عشاني بيرجعني يبيني ارجع عشان يرضيها ... لهالدرجه انا رخيصه .... ااااه يا نوره ليتني اقدر اطلع قلبي واتخلص منه .... كسرني كسرني .... ساره واهي تساعد نوره وتقعدها : نور طالعيني وينها قوتج اهو ما يستاهل حبج ابد له وعلى شنو حبيتيه ... على قذارته وله رخاصته لو يحس ما تزوج وحده مثل هذيك وفضلها عليج الاعمى يشوف ويحس بالفرق وهذا معمي بالمره .... انسيه انسيه واهتمي لمستقبلج ...... نور واهي تضرب بطنها : وهذا الي هني شنو اسوي فيه اذبحه ... هذا بيربطني فيه للابد ... نوره واهي تبجي معاها : لا تهتمي والله ما بيهتم .... الحين يبي بس يوصل للفلوس ومن يوصل لها بيبعد وبتكوني بس الوسيله يوصل فيها للفلوس من ابوه .... اهدي وفكري بنفسج وبلي ببطنج ... بس شنو رديتي عليه .... نور : رفضت ... مابي ارجع ابد مستحيل ارجع لعذابي معاه اذا قبل يفرغ غضبه فيني من عشيقاته الحين كلما ضاقت فيه بيفرغها فيني وبلي ببطني ..... مستحيل اغلط وارجع له وكلامه ما غرني ابد .... فهد واهو يدخل بعد ما سمعها : نور الي قلتيه بيمشي وابوي سمعج وطلع يكلم عمي ابو جاسر وبيبلغه برفضج .... نور لا تخافي كلنا حولج .... نور واهي تطالعه : لا يقرب مني ارجوك فهد مابي اشوفه ابد ... ساره : نور طلبج مو عقلاني لزم بيي يشوف ولده ولا تنسي تجمعاتنا وطلعاتنا لزم بتشوفيه خلج واقعيه وقوي نفسج وين نور القبليه .... فهد واهو يقعد على ركبه قبالها ويمسك يدينها : لا تخافي وانا اخوج صدقيني مابيقرب لج ابد ولا بتشوفيه اذا ما تبين انا معاج ... نوره : نور فكري بدراسنج امتحاناتج قربت وبعد مده بنروح نفحص واستمتعي بكل لحظه لج مع الحمل ... ساره : اي من قدج بتصيري ام ... نور : بس مابيكون له ام وحده .... نوره واهي تضمها : له ثلاث امهات .... فهد واهو يضحك : ههههه اي والف اب .... على فكره عادل كلمني يبي يتقدم لج اول ما تولدي ... يبي يضمن تكوني له ... احممم وهم طلال اخو صديقتج هبه كلم ابوي ... بس غريبه شلون تقدم لج وجاسر يبي يردج .... نور : ما اضن يعرف لان لمى سال جاسر اذا بيردني جاسر قال لا وبعدها كلم ابوي وهبه خبرتني قبل يكلم ابوي بس فهد اعتذر لهم انا مابي اتزوج ابي اربي ولدي او بنتي وبس .... ساره : خلها الحين فهد نفسيتها تعبانه اذا ولدت يصير خير .... نوره واهي توقف نور : قومي الحين ولا تديري بال لشي ... يله نامي وريحي جسمج على ما يجهز العشى .... طلعت نور لفوق وكانو خواتها وفهد متضايقين عليها وعلى حالها لانها اصغرهم وتعذبت وايد بزواجها وبعده ومازالت وقدامها هم تعب اهم عارفين ان جاسر مابيتركها بحالها دامه يبي يوصل لغرضه من خلاله وهالشي متعبهم وهم مستغربين حابته شلون وصلت جذيه لان جاسر قبل كان انسان ثاني برغم معرفتهم بعلاقاته لكن اخلاقه نبيله مع الي حوله وعمره ما غلط على احد او مد يده على احد لكن من تزوج نور انقلب وكان نور سبب قلبته وتغيره والكل عارف ان نور انسانه ذكيه ومستحيل تغلط بحق احد والدليل تسترها عليه ..... لكن شنو سبب انقلاب جاسر محد يعرفه لكن احنا نعرف لان اثير اعترفت بينها وبين نفسها انها ساحرته بسحر ومسيطره عليه لان جاسر مهم كان واصل للفساد مستحيل يتزوج وحده من الي عرفهم وقلبته على ابوه ورفضه لنور بسبب السحر لان اثير من عرفته سوت له سحر لانها شافت صرفه وكثرت فلوسه فضنت انها طاحت على كنز لكنها انصدمت لمى تزوجته انه مايملك اي شي باسمه حتى السياره باسم ابوه وهالشي خلاها تعيد حساباتها ولمى تزوجت جاسر السحر خف وكان من ضمنه انه يعاف نور ومايقربها لكن اخر ليله له مع نور كان في صراع بداخله وسيطر عليه عرق الرجوله واثباتها فاعتدى عليها ونتيجته حملها الي ما خطر على باله ابد ولمى صحى للي سواه بنور ندم انه لمسها لكن فرح من داخله بحملها وحس بانه مسؤل عنها ...... لمى طلع جاسر من بيت ابو فهد فكر بكلام نور وكلام ابوها ولقى ان الكل بيوقف معاها حتى اهله لانهم يحبونها وايد والكل ترك لها القرار لكن اهو من داخله يبيها فعلا ترجع له مو عشان الفلوس وهالشي ما اعترف فيه لاحد ابد فاهو من طلقها وتزوج اثير حس بضيق لبعدها عنه ونفور لاثير وكل الي يسويه لاثير من باب المجامله وتمشيت الحال معاها ولانه وعدها ومايبي يكون مو قد وعوده فقرر انه يرجع نور على ذمته لكن مابيخبر احد ابد الا طلال لانه كاتم اسراره فتوجه للمحكمه وردها لذمته دامها اساسا حامل ولو مو حامل للحين بعدتها فبعدها توجه لشقة طلال ..... طلال : شفيك .... جاسر واهو يتنهد : اول بسالك سؤال وبعدها بقول لك شفيني ... طلال واهو يسكر التلفزيون ويلف لجاسر : قول اسمعك .... جاسر : انت تحب نور .... طلال واهو يضحك : ههههههه ليش خطر ببالك هالسؤال ... عشان قلت لك بتقدم لها يعني ... جاسر : اي ... قول ... طلال : تبي الصدق ... لا لكن احترمها واقدرها وتعجبني شخصيتها واخلاقها لكن حب القلب الي ينبض لا ... والحين قول لي ليش تسال ... جاسر براحه : لاني رديتها ... بس هاااه محد يعرف حتى ابوي وابوها واهي نفسها ... طلال بصدمه : غيابي ... بس لحظه انت قلت ما بتردها ليش غيرت رايك ... عشانها حامل ... جاسر : اهو سبب من اسبابي لكن طلال اييك تصدقني بلي بقوله ... طلال : قبل تقول بخبرك اني كلمت ابوها اني ابيها اذا ولدت وهالشي صار بعد كلامك انك مابتردها ... جاسر : طلال يعني كنت جاد ... شلون تقول ما تحبها عيل ... طلال : وانا صادق ... احترمها بس حب القلب قلت بعدين ... المهم قول اسبابك وخلك مني انا بعتذر من ابوها بكره او وقت مناسب ... جاسر : ماله داعي اهم بيردو عليك بالرفض اضمن لك هالشي لان نور بكلامها لي عافت الزواج كله ... طلال : لحظه لحظه انت كلمتها .... جاسر : اي .... طلال : قول قول في اشياء فاتتني وايد ... ضحك جاسر وخبر طلال بكل الي صار من كلام اثير لحد ما قرر يرد نور غيابي .... طلال : جاسر اعترف انت تحبها صح ... جاسر بحيره : ما اعرف بس الي اعرفه اني ارتحت لمى شفتها وكان ودي اضمها ولا تبعد عني ... طلال للحين صورتها ببالي وايد تعبانه ... طلال : جاسر في اساله وايد ببالي واجوبتها عندك ... جاسر : اسال وريح بالك ... طلال : هالسؤال يقرقع بقلبي ... انت شلون ما لمست نور طول فترت زواجكم وقبل تطلقها لمستها ... شلون ما قاربتها واهي حلالك و الي تعرفهم تقاربهم ليش انت قلت قبل مالمست نور عشان وعدت اثير زين والبنات الي تعرفهم مو خيانه هم .... جاسر : اولا انا بعلاقاتي ما لمست اي بنت من تزوجت نور .... كنت اكلمهم واطلع معاهم اهديهم بس المسهم اقاربهم ما حصل كل الي لمستهم قبل اتزوج نور ... وانت عارف كل وحده لمستها واثير اولهم .... اما ليش فصدقني ما اعرف ... اوقات وايد ابي المسها واقول حلالي وبنت حلوه ليش لا بس من اقرب لها احس وكان نار تشب فيني واتقزز منها ... وساعات اضربها بس لاني مو قادر المسها ... اي تعال ليش تقول لاختك اني اضرب نور لاني اطلع حرت البنات فيها ... طلال : ههههههه اهي سابتني ليش تطقها بدون سبب قلت لها لانك تكون معصب من البنات واهي تكون قبالك وتغلط فتجي فيها ... بس جد جاسر سالفتك تحير ... ليكون مسحور عشان ما تقربها ... جاسر : روح زين لا تغلب امي بهالشي ماسكه لي مسحور ومسوى لي سحر وما اعرف شنو ... بس تعرف لمى لمستها ما حسيت بشي غير غليان دمي على اهانتها لرجولتي ... بس لمى فكرة عقب لقيت انها ما غلطت وكلامها صحيح ... بس تعرف انا مرتاح لاني سويت هالشي ... طلال : ليش يعني سويت بطوله لمى اعتديت عليها ... جاسر : لا ... صار سبب رجوعها لي ... حتى الكل يبيها ترجع لي عشان الي بحشاها ... اي صح طلال اساله اختك الدكتورة عن الحامل باول اشهرها يبرز بطنها عادي ... طلال : ليش يعني ... جاسر : نور بطنها بارز واهي تقول توها مخلصه الثاني واهي بالثالث طبيعي جذيه او ممكن يكةن بالجنين شي ... طلال واهو يتصل بتلفونه : لا تهوجس باسالها قدامك وانشاء الله خير .... لمى خلص طلال اتصاله وشرح لاخته الكبيره الي وصفه جاسر اخذ منها المعلومه وسكر ... جاسر بلهفه : هاااه طمني ... طلال : تطمن تقول عادي لان في حوامل يبرز بطنهم بسرعه لانهم نحاف او سمان يعني على حسب جسمها او .... جاسر : او شنو ...قول اعصابي تلفت ... طلال : او شغلتين زحده مو اوكي والثانيه لا ممكن تكون حلوه ... جاسر : قول لا تخوفني ... طلال : زين الشين ممكن يكون الجنين فيه شي او حجمه كبير او خارج الرحم .... والزين ممكن يكون الحمل توم ... جاسر : سنو ... توم او خارج الرحم ... الله لا يقوله يكون فيه شي ... الله يحفظها ويحميها ... بس جد خايف يكون فيه شي ويضرها ... طلال : وتقول ما تعرف اذا تحبها لو لا ... جاسر انت تحبها وتكابر ... يا اخي اعترف لها وتقرب منها وعيش حياتك معاها وطلق اثير ورب ولدك او بنتك بهدوء .... جاسر : طلال اثير وعدتها ومابي اخلف بوعدي لها ... ثم اهي ماغلطت بشي ويكفي انها طلبت ارد نور وقبلت ... طلال : لمصلحتها للفلوس ولا تنسى هالشي ولو تحبك وتغار عليك صج ما قبلت لو تموت جوع وكانت راعت لظروفك وساندتك بدل هالصرف وهالطلبات ... بس انا حمار ما اسكت اسف ... جاسر : لا تتاسف كلامك صح يجرح لكن انا واثق انك تقول الي بصالحي .... طلال لحد يعرف حتى اثير مابخبرها ... يله باي ابي اريح احس بتعب ... طلال واهو يوقف معاه : جاسر فكر عدل بحياتك وعيد حساباتك وابعد فكرة الفلوس تاخذها من ابوك وفكر تسانده وتشتغل عدل بدل ما انت تاركه وسط الموظفين بروحه انت وحيده ولزم تكون سنده بهالدنيا .... جاسر واهو يبتسم : لا تخاف افكر بهالشي ومثل ما قلت مو عشان الفلوس عشان اكون جنبه اليوم لمى شفت فهد شلون يحمي نور مني وشلون واقف جنب ابوه ويطيعه عورني قلبي على ابوي ... اهو يضحي عشاني وايد وسالفت انه دفع لاثير عشان تبعد عني اثرت فيني بس اثير تنكر انها عرضت نفسها عليه او اخذت الفلوس ... طلال : فكر بعقلك من الصادق وبتعرف ... يله روح وريح وبكره عيش حيات جديده وامل جديد لمولودك الي ياي فكر فيه وبمستقبله ... ابتسم جاسر وطلع من شقة طلال ودخل شقته وكانت اثير قالبه المكان بالاشياء المرميه وجالسه تتفرج على التلفزيون وحولها وسخ الدنيا ... جاسر : اثير شنو هالمكان ليش جذيه المكان وسخ ... اثير واهي تطالع وتاكل : الشغاله ما يات اليوم ... تعال وخبرني بلي صار ... خلاص قبلت ... جاسر واهو يمشي للغرفه : بتفكر وترد علي ... ابي انام وياريت تنظفي المكان ولا تعتمدي على الشغاله اليوم اجازتهم بالمكتب .... ما اهتمت اثير لكلامه وظلت مكانها لكن بالها بتغير جاسر واهي تعرف ان السحر بدى يخف لان وصلت للي تبيه بالزواج منه ونفوره من نور وطلاقها وهذا كان السحر وشكله خف وبيبطل لكن محتاجه غيره يعني يلزمها روحه للساحر وتسوي سحر ثاني لكن اقوة وهالشي بيكلفها وايد لكن تذكرت ان الساحر كان بيموت ويلمسها فقررت يكون هذا ثمن السحر وجذيه تسيطر على جاسر وتخليه يسحب فلوس من ابوه واهي تاخذها لان الي جمعته من وراه ما يشبعها ويكفيها لانها تحلم بالمليون ..... باليوم الثاني صحى جاسر ولقى اثير نايمه يمه فحس بتقزز منها وبباله تمر مده ويطلقها بس بعد ما يتفاهم معاها لانه ماعاد يحس بشي لها فابتسم اول ما تذكر شكل نور مع بروز بطنها وتنهد بعدها لانه تذكر كلام طلال وتمتم بداخله يدعي لها تكون بخير وما استغرب هالشي لانه يعرف انه يحبها بس متى حبها ما يذكر ولا يعرف فقام واخذ شور ولبس بدله رسميه وطلع وتوجه لشركة ابوه وتوجه لمكتب ابوه ... جاسر لسكرتيرة ابوه : الوالد مشغول او عنده اجتماع .... السكرتيره : لا استاز .... عندو اجتماع بعد ساعه ... جاسر : اوكي عيل بدخل له ... بالاذن .... دخل جاسر وكان ابوه يوقع البريد ..... جاسر واهو يلف المكتب ويبوس راس ابوه : صبحك بالخير يبه ... ابو جاسر واهو يطالع جاسر ومستغرب : صبحك بالخير .... غريبا ياي من الصبح ... ولا حبة راس ... شوراك ... جاسر واهو يقعد قبال ابوه : ما وراي الا كل خير .... احممم يبه عمي ابو فهد رد عليك بخصوص ردت نور لي ... ابو جاسر بضيق : رفضتك ... انت متوقعها تقبل بعد الي سويته ... نور مو وحده رخيصه تقبل ترجع لك ومعاك هلي عندك ... المهم شلي يابك ... هالموضوع او تبي الفلوس ... جاسر : لا يبه جيتك لشي ثاني واهم لكن دام نور رفضت بحاول مره ثانيه معاها بس خل تهدى شوي وتتحسن صحتها ... يبه ... انا ياي وابيك تعلمني اصول الشغل هني ابي اكون ذراعك اليمين .... ابو جاسر واهو منصدم : تشتغل وتكون ذراعي اليمين ... لشنو تخطط جاسر ... هذي لعبه او خطة يديده ... جاسر بضيق : يبه ارجوك انا ياي وبنيه صافيه لك ... يبه انا وعيت لحالي وللي اسويه مابي اكون جذيه تاركك بروحك ولا اعرف للشغل شي ... دراستي بزنز ومن تخرجت ما اشتغلت وظليت ايي الشركة اتفرج وامشي ولا اعرف فيها وباصول الشغل شي ... يبه انا لا ادبر ولا اخطط لشي .... ابي اكون سند لك يبه ... ابو جاسر : شلون تبيني اصدقك وانت معلق برقبتك وحده اللهم يا كافي ... جاسر ما وعيت للحين للي تسويه ... انت متزوج وعده عاهره افهم تقبل فيها تكون زوجه لك وتقدمها للناس .... تعرف ان خواتك مفتشلين والناس تسالهم شلون اخوهم الوحيد طلق الشريفه العفيفه وتزوج بدالها وحده ساقطه ... وفوق هذا ولد ال...... تراجع عن خطبة سمر تعرف ليش لانك متزوج من هذي .... جاسر بضيق : يبه بس والله وعيت وقررت اطلقها لكن باتفاهم معاها قبل وانشاء الله كل شي يصير احسن من قبل وولد ال..... اهو الخسران وسمر الله بيرزقها بلي احسن منه ... بس يبه قول ابقى معاك وتعلمني او امشي وادور شركة تقبلني ابو جاسر : تشتغل عند الغريب وراسي يشمه الهوى ... يله تعال معاي واعرفك على الاقسم ... هذا يوم المنى واتمنى تستمر وفعلا تبعد هذي عنك وتتعدل حياتك ... يله يبه قوم .... فرح جاسر وقام وحب راس ويد ابوه وراح معاه يتعرف على الاقسم وعلم ابوه كل شغلهم وصار جاسر يشتغل معاه واعجب ابوه بسرعته بالتعلم لان جاسر كان اساسا متفوق بدراسته لكن من سافر مع ربعه وتعرف على اثير واهو منقلب حاله ..... رجع جاسر بعد ما خلص الشغل وكان طول وقته بالشغل يسكر الخط بوجه اثير لمى تتصل واول ما دخل كشر من شكل الشقه لان المكان مثل ما اهو ولا نظفت شي فدخل وتوجه للمطبخ وشرب ماي وبعدها طلع ودور عليها ما لقاها فاتصل عليها ولحظات ودخلت وبيدها كيس اكل من مطعم ... جاسر بصراخ : وين كنتي يا مدام ... شلون تطلعي بدون اذن ... اثير ولا مهتمه : اعتقد اتصلت وانت تعطيني مشغول ... تبيني اموت يوع يعني طلعت اييب اكل ...وين كنت طول يومك وليش لابس جذيه ... جاسر : كنت بالشركة واشتغل فيها بذمه ... اسمعي ابي اتفاهم معاج على شي ... اثير واهي تقعد جنبه وتمايع : امرني يا روحي تبي السرير حاضره لحظة بس وارجع لك ... جاسر واهو يبعدها بقرف : لا شكرا مابي شي منج ... اثير ... الحياة بينا انتهت ... ابي نتطلق بهدوء ... ممكن ... اثير بصراخ : نعم نعم ... لمى شبعت قلت طلاق ليش هذا شرطهم عليك عشان ترجع ست الحسن ... تبيعني جاسر وين حبك لي ... جاسر : اثير خلج واقعيه وبلا صراخ ... نور اولا رفضت ترجع لي وفكرة طلاقنه مني ... واي حب الي تتكلمي عنه اثير لمى اغراضج وارجعي بيت اهلج انا غلط بزواجي منج والحين بصحح هالشي ... يله وبعطيج مبلغ يكفيج ... اثير : زين تبي الفراق وتتركني جذيه انا تركت الكل عشانك ...تتركني ... جاسر بسخريه : تمنني علي لانج تركتي وساختج مع الرجال ... زين ردي لهم بعد طلاقج ... يله قومي انا بروح لطلال ارجع ما القاج .... اثير واهي تمسك يده قبل يقوم : جاسر ... زين لك الي تبي بس خل نتوادع اول ... ابي اودعك قبل تطلقني ... جاسر : اثير بس بعدي مابي شي وشيلي من بالج اقربج انا اقول بطلقج تقولي نتوادع ..... اثير : اوكي على الاقل نشرب شي مع بعض واعتبره وداعيه ... بس عصير ما بيضرك بشي ... حاسر : مابي مو عطشان توني شارب ماي ... اثير واهي تتصنع البجي : لا تكسر بخاطري اخر طلب بس عصير ... تنهد جاسر وهز راسه لها وقامت واهي فرحانه وقبل تدخل المطبخ سوت نفسها تطلع تلفونها من الشنطه وسحبت شي جاسر ما انتبه له وكان نهاية جاسر وبداية حياة يديده من سحر ثاني لانه سوت نفس الشي له قبل شربته سحر عشان يلحق وراها ويتزوجها ونفس الشي ببعده عن نور وطلاقه لها وللاسف شرب جاسر العصير وماهي الا لحظات وحس بدوخه ونام مكانه على الكنبه وضحكة اثير لانها تعرف انها خلاص سيطرت عليه وتركته مكانه وراحت الحمام تاخذ شور وتبعد اثار جريمتها مع الساحر لمى سلمته نفسها مقابل السحر وطبعا هالشي ما يفرق مع اثير لانها تحب نتط من فرشه لفرشه حتى من تزوجة جاسر ما هدت وتنتهز الفرصه بغيابه وتطلع لاي واحد فاضي لها ..... | ||||
|
| |
|
04-06-20, 10:15 PM
| #18 | ||||
| البارت الخامس مر شهر والسحر طبعا عطى مفعوله بجاسر فمن صحى نسى سالفت طلاقه من اثير وصار ما يبي يبعد عنها ومثل الخاتم بيدها وطبعا هذا الي طلبته اثير من الساحر يكون جاسر مطيع لها بكل شي وما يبعد عنها لكن اثير نست تخلي جاسر يبعد عن نور لان كل همها الفلوس فهالمره صارت تقربه لابوه وتطلب منه يتعلم كل اسرار الشغل وياخذ قد ما يقدر من الفلوس وطبعا من قوانين الشغل ان اي مناقصه ترسي عليهم يكون للي اشتغل عليها جزء من الارباح وجاسر صار يشتغل بكل شي وينوب عن ابوه وتعلم بسرعه وجمع مبلغ كبير وهالشي فرح اثير وايد لانه جمعه بوقت بسيط اما طلال فتعجب لان جاسر ماطلق اثير لانه خبره بقراره قبل الكل لكنه التزم الصمت وابو جاسر نفس الشي ماحب يضغط على جاسر وينتظر جاسر يطلق اثير بروحه ..... ابو فهد واهو ينزل فنجال القهوه على الطاوله : وما رجع كلمك مره ثانيه بالسالفه ... ابو جاسر بضيق : لا ... بس احسه متغير ... مو الاولي ابد وانت تعرفه وشفته شلون صاير الحين ... صرت افكر بكلام امه انه مسحور ..... ابو فهد : والله يابو جاسر ما اخبي عليك انت عارف اني افهم بهذي الامور بحكم ان يدي كان يقرى على الناس المسحوره وجاسر احسه مو متوازن وخوفي فعلا انه مسحور لانه مثل ماةقلت قبل يتزوج نور ماكان جذيه اذكر قبل زواجه منها باربع شهور انقلب قلبه غريبه .... ابو جاسر : تهقى صج مسحور ... لكن من ساحره .... ابو فهد : ما اتمنى بس نقدر نعرف اذا فعلا مسحور او لا ... ابو جاسر : شلون خبرني ... ابو فهد : شوف اولا انا شاك بزوجته انها تكون مسوي له سحر محد غيرها ... وافكر اسوي جمعه بمناسبت الخبر الحلو الي خبرتني اياه نور ونحتفل فيه كلنا ... ابو جاسر : اي خبر ... الا شخبارها واخبار نفسيتها مع الحمل ...لي مده ما مريتها ... ابو فهد : هههههه لا ابشرك كانت امس بتكلمك بس انا منعته وقلت انا الي ابشرك بهالخبر الحلو وتبشر ام جاسر وبناتك ... اهو يخص جاسر اكثر بس ما اعتقد بيهمه بحالته .... ابو جاسر بحماس : قول قول دامه من نور اكيد شي يفرح .... دخل جاسر بهالحظه وابتسم اول ماشاف ابو فهد وقرب منه وسلم عليه وبيده ملف ... جاسر : لك مده عمي ماشفناك مختفي عنا بشنو .... ابو فهد : لا مختفي ولا شي انا ايي وانت ما تكون هني ... الشغل اشغلك عنا ... جاسر واهو يحك شعره : لا عمي لا اشغلني ولا شي بس من الشغل للبيت ومن البيت للشغل يادوب اريح .... اي يبه هذي المناقصه الاخيره تطلع عليها وخبرني برايك ... ابو جاسر واهو ياخذ الملف : زين يبه اشوفه بعدين ... اي بو فهد قول البشاره متشوق اعرف ... ابو فهد واهو يطالع جاسر : نور راحت مع اختها وفحصت على حملها وبين انها حامل بتوم ... يعني بيينا اثنين لهالشي مبين حملها .... جاسر بصدمه : توم ... عمي متى راحت تفحص انا قلت بروح معاها بس نسيت تماما ... اهي شخبارها ... ابو فهد : من امس يبه كملت الثالث ونص تقريبا لهالشي بين حملها عدل بس رفضت تقول شنو الجنس تقول مفاجاة ... ابو جاسر بفرح : ههههه لا انا لزم اروح لها هالبنت بتينني ... انت تقول عزيمه الا اسوي لها حفله كبيره ... ابو فهد : ههههه لا يا خوي اي حفله اهي روحت المزرعه وياله رضت قلنا نجتمع كلنا هناك مثل قبل ونقضي لنا يومين او ثلاث ..... جاسر : عمي بتجتمعو بالمزرعه ... ابو فهد : اي يبه ليش منت ياي يبه بتكونو اجازه بالشعل ... جاسر بحرج : بس عمي زوجتي شلون ... ما اضن تبونها بينكم ... ابو جاسر : شي تكيد مانبيها ... جاسر تبي تييبها لنا وتضايق نور والكل ... انسى تييبها بينا واذا ماتبي تخليها بروحها تروح بيت اهلها ... لك مده ما اجتمعت معانا وامك مشتاقه لك .... ابو فهد واهو يوقف : شوف يبه ظروفك وانتمنى تكون معانا ... ترى طلال بيي ومعزوم اهله هم معانا كلهم ... ابو جاسر واهو يوقف : الا صج فهد بيخطب اخت طلال ... ابو فهد : ههههه قول خطب نور ما قصرت من تكلم نطت لهبه وكلمتها وردو لنا خبر بالموافقه وانشاء الله بالمزرعه نتفق على كل شي وهم نوره بدر وصل ويبي يتزوجو بسرعه يقول كفايه السنين الي رتحت بالهوى ... ابو جاسر : يعني بتزوجها له ... مو عنده بنت من زوجته الاوله ... ابو فهد : اي بس يا خوي الثنين يبون بعض من صغرهم لكن ابوه الله يرحمه لزم عليه يتزوج بنت عمه واهو ما قدر يتحمل ابوه يتبرى منه ونوره رفضت وايد والله راد يجتمعو من توفى ابوه وطلق زوجته واهو يحن لكن نوره ترفض والحين لمى شافت بنته وطلعت تدرسها قبلت ..... جاسر : عمي تعني بدر ولد خالتها .... ابو فهد : اي اهو انت تعرفه ... جاسر : اي اذكر حتى يوم زواجي بنور ياني وقال لي هنيالك خذيت درت بيت خالتي والله لي اخذ الماستهم ... اتاريه يعني نوره ... والله يستاهلها بيتزوجو خلاص ... ابو فهد واهو يطبطب على جتف جاسر : اي يبه وبيكونو هم بالمزرعه يعني بتلتقي بالكل هناك ... كلهم معزومين ... يله استاذن ولا تنسى تبشر ام جاسر وننتظركم بكره .... طلع ابو فهد وكان جاسر واقف مكانه ويفكر شلون يروح اذا اثير رفضت لانه ما يبونها تكون معاهم فانتبه من تفكيره على هزت ابوه له من جتفه ... ابو جاسر : شفيك سرحان بشنو تفكر ... جاسر واهو متوتر : يبه شلون اكون معاكم وزوجتي ما تبونها ... ابو جاسر واهو يقعد ورى مكتبه : اكيد محد يبيها ... وانت منت مجبور تجي ... الفرحه لنا واعتقد ما يهمك المناسبات الي فيها خلك بغرقك بلي عندك .... جاسر : شلون يبه ما يهمني ... الي حامل فيه نور عيالي واكيد بفرح ... ابو جاسر : ضبط امورك واذا بتيي تيي بروحك ومثل ما سمعت الكل بيحظر حتى اهل طلال وانت بكيفك ... جاسر بضيق : انشاء الله ... بالاذن يبه .... طلع جاسر وهز راسه ابو جاسر بضيق وتمنى ان جاسر يحضر معاهم عشان يتاكدو اذا فعلا مسحور او لا فتنهد واتصل لزوجته يبشرها بالخبر ويجهزو نفسهم للمزرعه .... وصل جاسر للبنايه وطلع لشقة طلال ولمى فتح له طلال كان يكلم بالتلفون فاشر له يدخل ... طلال واهو يطالع جاسر : لا يا هبله شنو يشوفج بنتفق بس ... ثم ما كانه شابع من شوفتج كل يوم مرتزه ببيتهم الحين مستحيه ....هههههههه لا لا ... زين هبه انا بسكر جاسر عندي .... بس استحي على ويهج يله قلبي ويهج .... جاسر بعد ما سكر طلال : بتروح المزرعه بكره ... طلال واهو يقعد قباله : اي ... عزمنا ابو فهد يقول في مناسبه حلوه غير خطبة فهد لهبه.... جاسر : اي نور حامل بتوم .... طلال بفرح : جد الحمد لله عيل طلع بروز بطنها لتوم ... يله الله يتمم على خير ويجونكم بالسلامه ... شفيك ... احسك متضايق ... جاسر : شلون بروح واثير ... اكيد ما بتقبل ... طلال : انت عارف محد يبيها بينهم ... جاسر : اي عارف بس يمكن ما تقبل اروح انا هم ... طلال مستغرب منه : جاسر انت الريال من متى تمشيك مره ... شفيك صاير تتبعها بكل شي حتى لو غلط ... جاسر واهو يوقف : بروح بشوف يمكن تقبل ابي اروح واشوف امي وخواتي ... يله ... طلع جاسر من الشقه وطلال مستغرب من جاسر و رضوخه لاثير بكل شي ومتضايق لهدوئه وتردده تنهد وقام يجهز شنطته لروحت المزرعه لانهم بيروحو من الصبح .... اما جاسر فكان متردد يخبر اثير لكن تفاجا بانها ما رفضت روحته بالعكس فرحت وقالت له روح وتونس ومن فرحته راح يجهز شنطته وما يعرف انها ناويه تقضي الايام بشقه للدعاره .... الكل وصل وفرحو بوجود جاسر بينهم لكن نور ما كانت مرتاحه لوجوده ولمى وصل تعمدت تكون داخل وما يشوفها ابد ومن حضها صار مكان الحريم داخل والرجال بالملحق ومجلس الرجال فكانت مع البنات وفرحانه معاهم والمزح شغال عليها على بروز بطنها .... نوره بصراخ ومزح : بسكم بنات هبلتو باختي .... سمر واهي تضم نور من جنب : والله محد يقرب من حبيبتي وام عيال اخوي ... ضربتها نور على جتفها فضحكو كلهم على نقزت سمر من الضربه .... مها : بنات انا مليت خل نطلع نتمشى شوي .... بدور بنت عم نور : اي اي ... يله والله ملينا ... ساره : انتو روحو احنا بنبقى مع خالتي ام جاسر والحريم .... سمر واهي توقف نور : اي يله خل نقوم وانتو قعدو مع الحريم و سوالفهم ... طلعو البنات كلهم وكانت نور متخوفه تشوف جاسر لانها تعرف انه يحب يركب خيول فهد فكانو يتمشو ووصلو للمسبح ومحد فيه ... سلوى بنت عم نور: اقول بنات محد من الشباب هني شرايكم نحتل المكان ونسبح ... هبه : مينونه انتي المسبح مكشوف ... يايه مع اخوانج بس انتي عشان تسبحي جذيه ... بدور : والله ظلم ليش عمي ما سكره لنا .... نور : فهد الي رفض لان ما يبي يكون مغلق يحب الهوى يطق بويها على قولته .... مها : عيل خلونا نروح للاسطبلات ودي اشوف الخيل اليديد ... هبه : وانتي شدراج في خيل يديد .... سمر : ههههه غارت ... يا حلوه لان اخر مره يينا فهد ورانا هالخيل وقال توه شاريه فطبيعي بيكون يديد مع انه مر عليه ست شهور ... نور فهد ياب غيره ... نور واهي تمشي معاهم ومتوتره : هاااه لا ... بس قال في خيل لصاحبه يعني مو له ... مها : ياي ودي اركب خيل انشاء الله جاسر هناك عشان يركبني معاه .... سلوى : اي يا حظج اخوج يقبل عادل لو اقول له بيخانقني ... نور توسطي لي عنده اهو بيقبل لو قلتي له ... نور واهي تبتسم بضيق : يصير خير يمكن محد هناك وثنتينكم يخيب رجاكم .... سمر واهي تنط فرح : لا لا هااااي ... صوت جاسر واهو يضحك ... يعني كلهم هناك ... وصلو البنات وكانت نور تقدم رجل وتاخر رجل وصارت تخش نفسها لا يشوفها جاسر وماتبي هم تشوفه وكان صوت صراخ وصحك الشباب يوضح وباين ان جاسر غالب احد منهم ... فهد : اووووه بس خلاص غلبك تغلبه المره اليايه ... طلال بحمق واهو ينط على جاسر : وين وهالحمار كل مره يغلبني ... لا والبلا يقول بخليك تغلب .... جاسر واهو يدف طلال : بس هذي مهارات والله ما اعرف اخلي الخيل يتمهل اذا سباق انطلق ولا اقاوم .... عادل : طلال خلاص السباق الياي معاي ونغير الخيول شقلت ... بدر واهو يدف جاسر : بس هذا لا يلعب معانا ... يحبط دايما يغلب حتى فهد المتمرس يغلبه .... فهد واهو يمسح على خيله : ههههه لا ابشرك تراه اهو الي شجعني وانا كملت بس اهو مهارته عاليه ... لا تنسى يده معلمه وصار جوكر بدون ما يدخل سباقات ... شكل البنات وصلو .... من هني ... بنات من من خواتي معاكم ... سلوى بلقافه : نور معانا ... حس جاسر بفرح من داخله لمى عرف انعا موجوده بينهم لكن ما تبان لانه شاف خواته وباقي البنات بس ما شافها ... فهد : لا ام دبيبه ما نبيها ما بتركب اكيد ... بس تشجع اخوها صح .... بدر : تغلط عليها وتقول تشجعك لا صج واثق ... فهد : لا ما تعرف ام الثنين قلبها حنون علي وتحبني صح نوارتي ......نور .. نور شفيج ساكته حتى مو شايفج من البنات باني ... نور واهي تطل عليه من جنب مها : مابي زعلانه منك .... بدر بطنازه واهو يقلد فهد : لا ما تعرف ام الثنين قلبها حنون علي وتحبني صح نوارتي ... اقول لقط لقط ويهك .... نور : لا بدر انت غلطان زعلي منه لشي ثاني ... واهو عارف لشنو ... فهد واهو يقرب لها : مها بعدي ما تحلي لي ابي اشوف هالزعلانه شلون تزعل مني ... تعالي ... صرخت نور وركضت وركض وراها فهد وهني خاف جاسر عليها فركض وراهم ومسك فهد وسحبه رواه ولف له وصرخ فيه ... جاسر : انت ينيت شلون تخوفها وتركض وراها .... فهد : جاسر شفيك نمزح ونور ركضت لانها تعرف شنو بسوي لها اذا مسكتها ... السالفه مزح ... جاسر واهو يلف لنور ويصرخ فيها : ولو ... وانتي ناسيا انج حامل وشايله ثنين ... جنيتي بجنون اخوج انتي مسؤله عن ثلاثة ارواح مو روح وحده ... فهد واهو يبعد جاسر عن نور ويضمها : هي هي ... انت ناسي نفسك قلن لك نمزح ... ولا تصرخ فيها جذيه ... بدر واهو يقرب والكل وراه : فهد جاسر على حق الي انت سويته مع نور غلط وهم اهي غلطانه ... نور انتي ناسيه انج حامل وهالشي خطر عليج قبل الاجنه ... فهد اعتذر من جاسر انت غلط ... وانفعاله بمحله انا اب واعرف بلي يحس فيه نور : لا كثر منها الاحساس ... سمر واهي تقرب لنور : نور تحسي بالم او شي ... نور : لا مافيني شي ... سمر : زين ندخل او تبين نبقى معاهم ونتفرج انا ببقى معاج ما بركب خيل ... نعلق عليهم ... فهد واهو يبعد عن نور : زين بس انتبهي لها ... جاسر اتمنى ما تصارخ مره ثانيه وتكلم بهدوء ... واعتذر لاني نسيت فعلا حملها ... يله نور رزحي وقعدي هناك ... وانتو بنات الي تبي تركب تختار لها الخيل الي تبيه ... سلوى : عادل ... ابي اركب ... بدور واهي توقف جنب اختها : اي والله عادل نبي نركب عفيه ... عادل : لا تحلمو مافي ... نور واهي تقرب لهم : عادل وعشاني ... بتخليهم ... علدل واهو يبتسم : عاد انتي ما اقدر اقول لج لا ... اوكي بس تختارو خيل نازل مو كبير ... نور ... نور : نعم ... عادل : شلون بوسي ... للحين عندج ... نور واهي تضحك : ههههه للحين مصر على بوسي ... قلت لك اسمها لولو ...بس ارتاح اهي بخير ... علدل : لولو ... اوكي هم حلو بس ما اشوفها بالعاده تخليها تتحرك بالمزرعه براحتها ... نور : لا ساره خلتها بالحظاير لان صايره ما تبي تبعد عني ومن تشوفني تلصق وما يبونها تدخل داخل ... العصر بروح لها اطل عليها اذا تبي تشوفها روح لها ... عادل : بروح معاج ... عاد لا تغدري اوكي ... بالاذن بركب لاةيسبقنا هالبرق ... نور متعجبه : من يسبقكم ... من تعني ... عادل واهو يصعد الخيل وياشر لها براسه على جاسر : طليقج ... اسف اذا تضايقج الكلمه بس عرفت انج ما تبين ترجعي له ... فقلت طليقج ... نور بضيق واهي تلف تطالع عادل : لا تهتم ما تضايقني الكلمه ... روح لا يسبقونك وتحطها براسي وانتبه لخواتك ... عادل واهو يبتسم : من عيوني ... باي ... ابتسمت نور واهي تشوفه يتحرك بالخيل ويروح لهم وانتبهت لجاسر يطالعها وشكله مغتاض فلفت وتحركت لسمر وقعدت جنبها على كراسي قريبه لمضمار الجري بالخيول .... سمر واهي تطالع جاسر : ما شال عينه من عليج من شافج ... نور ارجعي له وخليه يرجع جاسر القبلي ... نور وعينها عليهم واهو يتسابقو : تبيني اظلم ثلاث بظل واحد ... سمر عندج امل هم ... جاسر القبلي انسيه ... سمعت من بابا انه متغير اكثر من قبل ... صار تابع لها وهبه تقول تن طلال منصدم منه لتبعيته لها ... سمر والدمعه بعينها : ماعاد يزورنا حتى ... بس مستمر بالشغل وبابا يمدح شغله بس هم مستغرب منه ومن تغيره الزايد يقول قبل شهر قال بيطلقها لكن الي صار تمسك فيها تكثر ... لو رجعتي له كان طلقها نور ... نور : سمر انتي غلطانه لو رجعت له كان عذبني اكثر والدليل كلامج عن تبعيته لها اكثر من قبل تضني لو رجعت ماكان بيعذبني سمر انا تحملته وايد ولهني وخلاص ...ابي اربي عيالي واكمل دراستي وبسخر نفسي لهم وبس ... سمر : والي تقدمو لج ... طلال وعادل ... نور : رفضت الثنين ... طلال قال انه متفهم وتمنى لي التوفيق اما عادل فرفض وقال بينتظرني لاني لزم بغير رايي بيوم سمر : تعرفي ماما مصره ان جاسر مسحور ... نور : سمعتها اكثر من مره ... ما اخفي عليج حتى انا فكرة بهالشي لمى كنت على ذمته ...قلبته مو طبيعيه ... سمر : سمعت بابا يقول لماما ان عمي ابو فهد بيتاكد اذا مسحور او لا بهالوقت الي اهو فيه هني ... نور : الله كريم ... سمر احس بتعب خلينا ندخل ابي اتمدد ركضتي تعبتني ... سمر واهي توقف وتسندها : يعني عصبيته جاسر على حق ... يله خلينا ندخل داخل وارتاحي لج شوي .... دخلت نور مع سمر وكانت عين جاسر عليهم فقرب بخيله لمها ... جاسر : مها ... مها ... مها واهي تبعد عن البنات وتقرب له : امر يا خوي ... جاسر : نور دخلت داخل وباين انها تعبانه روحي وتطمني عليها وخبريني شنو فيها ..... مها : كلم سمر وتخبرك ابي ابقى على الخيل شوي ... ثم اكيد بتتعب بعد الركض الي ركضته .... جاسر واهو يبعد عنها بعصبيه : ما منج فود ... اكلم سمر احسن .... اتصل جاسر بسمر وكامت بغرفة نور الي بالمزرعه ومن حظها نور بالحمام فردت عليه ... سمر : هلا جاسر ... امر.... جاسر واهو يبعد بالخيل عن الكل : سمر نور فيها شي ... تعبانه.... سمر واهي تطالع باب الحمام : شلون عرفة .... جاسر بضيق : يعني تعبانه .... خليها تجهز باخذها المستشفى..... سمر : على هونك ..... مو لهالدرجه تعبها .... من ردضها حست بالم شوي بس باي صفى توديها المستشفى ... جاسر : زوجها .... سمر بطنازه : ههه كان زمان يا بابا ناسي انك بعتها برخيص ونور رفضت ترد لك ... وليتك بغيت تردها لها الا للفلوس ... جاسر بعد عنها مو عشانها على الاقل خل نفسيتها ترتاح بحملها خاف على عيالك .... جاسر بضيق : سمر لا تقولي بعتها وانا بغيت اردها لها وللي بحشاها .... سمر لا تقلبي او تغلطي بكلامج ... اسمعي اذا حتاجت لمستشفى او شي خبريني فاهمه ومابي اسمع كلامج الي يغث ... باي ... سكر جاسر وحس بالم بقلبه وحاس بصداع براسه وكانه بحرب ما يعرف بين من ومن وكانه بدوامه فهزراسه وحس بدوخه وانتبه له طلال فقرب منه ومسك لجام خيل جاسر ... طلال بخوف : جاسر شفيك ... تعبان .. جاسر : هاااه ... لا بس احس بدوخه شوي ... طلال ابي اريح ... طلال واهو ينزل ويقرب لجاسر : تعال انزل وروح ريح باخذ الخيول للاسطبل وبلحقك .... يله ... نزل جاسر وهز راسه لطلال ومشى للغرفه الي مخصصه له مع طلال فاول ما وصل قط نفسه على السرير بدون حتى ينزع الي بريله او يغير ملابسه ولحظات ودخل طلال وشافه بهالحاله وقرب له ونزع حذاه من ريله وسحب الغطى وغطاه ولمس جبينه لقا مافيه حراره فارتاح شوي ولمى لقاه نام وانتظم تنفسه طلع وراح لابو جاسر وابو فهد لانه يعرف انهم بالمجلس بروحهم لان الشباب للحين على الخيول وبعدها بروحو المسبح فمتطمن ان محد بيقطع كلامه معاهم .... طلال واهو يدخل المجلس ويقعد قبال ابو جاسر على الارض : عمي ابي اكلمكم بموضوع يخص جاسر .... ابو جاسر واهو يعدل نفسه : شنو فيه يبه ... قول ... طلال : عمي جاسر متغير وايد قبل شهر قال لي انه بيطلق اثير ويعدل حياته ويحس انه غلط وكانه كان مخدر لمى تزوجها ... بس باليوم الثاني شفته متغير وصاير مايرضى عليها اكثر من قبل وهم يتبعها بكل شي وبنفس الوقت احسه يبي نور بس شنو بباله مو عارف صار اذا اييني الشقه يدوخ وايد ويبي ينام احس فيه شي ... ابو فهد : شي مثل شنو ...قول يبه دامك تكلمت لان احنا شاكين ... وكنت بسالك بس دامك ييت قول ... طلال : عمي جاسر تغير من عرف اثير من كنا برى بس شافته وعرفته تغير احسه مسحور وحاولت اتاكد بس مو عارف شلون ولمى تزوجها حسيته يجاملها بس عشان وعوده لها وندم بس من شهر رجع يعني يمكن اثير سحرته وبطل سحرها ورجعت سوت غيره ... مابي احط بذمتي بس مو قادر استنتج الا هالشي سالت عن حالات مسحوره وفي اشياء انقالت جاسر يصير له نفسها ... ابو جاسر ويحط يده على راسه : ابو فهد شلون نتصرف ... قول لي كاهو هني ...يعني فرصتنا الحين نتاكد ... ابو فهد : زين بكلم ملا احمد واشوف متى يقدر يمرنا ويشوفه بس لازم محد يعرف .... طلال : شلون يعني وين يشوفه .... ابو جاسر : ناخذه بالملحق الثاني الي بعيد باخر المزرعه محد يروحه ... ابو فهد : زين بكلمه الحين ونشوف ... اتصل ابو فهد وخبرهم الملا انه بيمرهم بعد يومين لانه مشغول وما يقدر يمرهم اليوم او بكره .... بعدها رجع طلال لجاسر يتطمن عليه ولقاه نايم وصحاه لمى قرب وقت الغدى وكان جاسر احسن وخف الم راسه وقضو باقي اليوم بضحك ولعب لكن بالعصر لاحظ ان عادل اختفى ولمى رجع كان شاق الحلج ومستانس ... فهد : اقول ابو الشباب وين كنت .... عادل بوناسه : كنت بالحظيره الي هناك ... مع نور تطمن على لولو ... بدر واهو يضرب جتف عادل : اقل تراها للحين بعدتها ويقدر جاسر يردها ... عادل واهو يطالع جاسر : اعتقد مكتفي بلي معاه ونور رفضت وعمي بيطلقها منه لو ردها غصب ... اقول جاسر بعد وشيلها من بالك لان نور بترجع لي .... جاسر بعصبيه : احشم نفسك نور اقدر اردها وقت ما ابي ومحد يطلقها مني دامني موفر لها كل شي واذا ما رديتها فاحترام لعمي وكلمت ابوي معاه ودام نور مو هاديه للحين ومالك دخل بمن ابي وارتاح فاهم وابعد عن نور لانه ام عيالي وللحين اهي حليلتي فاهم .... عادل واهو يوقف ويعلي صوته : حليلتك الساقطه الي صايعه من شقه لشقه ومن استراحها للثانيه وانت ياغافلين لكم الله ولا ليش انت تعرف وعاجبك يا ديوث ... بدر واهو يوقف ويبعد عادل لان جاسر نط بيضربه : بس بعد انت ناوي على الشر مالك دخل بحيات الريال اهو بكيفه ... طلال واهو ماسك جاسر لا يوصل لعادل : اهدى جاسر خله عنك ... جاسر بصراخ : يا كلب انا ديوث ... والله ما اخليك الا اكسر راسك يا الكلب ... عادل وبدر يبعده : اي ديوث الي يتزوج وحده لعابه ويعرف انها تلعب شنو يسمونه هاااه عبالك نور ليش رفضت ترجع لك لانك جذيه ديوث ومستحيل تقبل تكون زوجه لواحد مثلك تابع لساقطه .... هاج جاسر لكن مسكوه طلال وفهد وبدر لحق يمسكه معاهم ودف قبلها عادل يبعد وسحبو جاسر لبعيد واهم يمشون فيه لقو نور راجعه من جهت الحظيره وبيدها القطوه فجن جاسر وبعد عنهم وركض لها بسرعه واهم وراه خايفين يسوي شي لها لكنه مسك القطوه من يدها وركض فيها بسرعه ورماها من على السور لبرى ولف يطالعها ورجع بهدوء عكس داخله ونور متسمره وما استوعبت للحين ان جاسر رمى قطوتها برى من السور ... جاسر : انا ديوث ... انا بنظرج جذيه ... هلي متعلقه فيها لانها منه رميتها وانسيها واذا ظليتي على عنادج باجرج غصب فاهمه ... غصب .... مشى جاسر وتعداهم واهم واقفين ومستغربين هدوئه المفاجء فقرب فهد لنور المتسمره مكانها ومسكها من جتفها ... فهد : نور ... نور خفتي فيج شي ... نور وتوها تستوعب : قطوتي ... ليش ... ليش قطها وشلي صار ... طلال واهو يخز عادل : ولد عمج غلط بحقه واستفزه بلي قاله لج جاسر ... نور لا تنسي انج لاحين بالعده دامج حامله عياله احشمي هالشي وانا عارف تربيتج وعارف ان ما تعرفي شنو يتدبر من وراج ويستغلو طيبتج وصفاء نيتج فابعدي عن عادل لحد ما تولدي ووقتها قرري من ترتبطي فيه ....بالاذن ... نور والدموع بعينها واهي تطالع فهد : فهد انا جذيه يضنون اني العب انا جذيه ... بدر واهو يقرب لهم وفهد يضمها : نور لا تفهمي كلام طلال غلط اهو ينبهج لان عادل متمادي معاج ومبين انج مستانسه معاه ومتفقه على انج تتزوجيه لمى تولدي ... هذا تفسير كلامه لنا ... نور واهي تطالع عادل : انا اتهم جذيه شنو صار مو انا الي قلت لك ما يجوز تبقى معاي بروحنا جذيه وارجع لهم وضليت بروحي هناك مع القطوه ... هذي حجتك عشان توصل للي تبيه انا مو مراهقه بتاثر بهالشي انا اكبر من هالتفاهات ... عادل بضيق : ماقصدت الي صار بس كنت جد ابيه يبعد عنج ولا قصدت الي فهموه ... فهد : وشمو تضن بنفهم اذا انا اخوها لف راسي من كلامك وضنيتها نست نفسها وتربيتها انت شوهت سمعتها بلي سويته ... اسمع اذا قربت لها مره ثانيه يا ويله والي مخليك كل يوم والثاني تسالها عنه وتلصق راحت وزين سوى جاسر وقطها ... وانتي ارجعي داخل ولا تطلعي الا مع البنات فاهمه ... نور : فهد لا تكلمني وكانت متهمه ... فهد واهو يبوس جبينه : واثق فيج بس عشان محد يغلط بحقج بفكره .. يله روحي ولا تهتمي للفطوه خيره ان جاسر قطها برى ... بدر : لا تخافي اكيد سليمه لهم تسع ارواح ... ابتسمت نور بالم لبدر ودخلت داخل قسم الحريم ومشى فهد مع بدر وراحو يشوفو جاسر لقو طلال قاعد معاه ويهديه فكلمه بدر وفهمه الي صار وانا عادل كان يستفزه ونور ما تدري بشي ولا سمحت لعادل يبقى معاها وقت طويل .... جاسر واهو يخز عادل : عارف بهالشي وواثق بتربيتها نور اكبر من انها تغفل عن اي شي ممكن يمس سمعتها بسوء لكن هذا يلعب بالنار ويبي يشعلها بينا .... عادل انا مو طايقك من اساسه فلا تخليني احطك براسي وابعد عن حياتي فاهم ... عادل ببرود : ما قربت لك بشي ... طلال واهو يطالع عادل : عادل اقصر الشر ولا تتهيبل حتى لو تبي بنت عمك احشم انها بعدى انت كلمت عمك وانتظر تولد ووقتها سو الي تقدر عليه وتخليها تقبل فيك .... طالع جاسر طلال منصدم وتو بيتكلم مسك طلال يده وشد عليها عشان يسكت وهمس باذنه ومحد يسمعه .... طلال : اسكت كلامن من مصلحتك .... سكت جاسر وظلو مده قاعدين وبعد نص ساعه وصلو اهل بدر لانهم كانو مشغولين ووصلو متاخر فصار لمتهم تكبر لان بدر عنده اخين وثلاث خوات وكلهم اصغر منه طبها لانه الكبير فعنده اخته جنى متزوجه وعندها ولدين وبنت وعنده اخ اسمه علاء وكان متزوج وزوجته توفة قبل زفافهم بأسبوع انقتلت على يد وحده تحبه وتبيه ومنها ما تزوج ولا يبي يتزوج لانه يحبها وكان مسافر يدرس وسافر له بدر يكمل الدكتوراه معاه ورجعه معاه اما اخوه الثاني فاهوبالثانويه وتوئم لاختهم الثانيه واهم ركان وريان ام اخر العنقود فاهي بالاعداديه واسمها بسمه ..... باليوم الثاني صحى جاسر مبجر وكان يبي يتمشى بالمزرعه فحاول يصحي طلال لكن طلال سحب الغطى وكمل نومه فتركه جاسر وغير ملابسه وطلع يركض واهو يقرب للاسطبل انتبه لصوت بنت ولمى قرب اكثر عرف من تكون وكانت نور تكلم الخيل الي كان راكبه امس وتمسح عليه ..... نور واهي تكلم الخيل وتمسح عليه : اكيد تعبت امس محد تركك ... لكن اضنك تونست لم صعد عليك فارس متمكن .... اااه ... والله تعبت ... شكلي بين لزم اسمع شوي عشان اهدى واكمل يومي ..... قعدت نور على كرسي خشب قريب للخيل وطلعت تلفونها وشغلته وكان صوت قران وكان جاسر قريب منها ويسمعها ولمى سمع القران حس وكان راسه بينفجر فمسكه بيديه الثنتين ومن شدت الالم صرخ وطاح على الارض وصار يصرخ ويرفس بريله الثنتين ويصرخ على نور توقف ففزعت نور ومن فزعتها طاح التلفون من يدها وظل على القران يقرء وخافت من شكل جاسر لان يصرخ بطريقه هستيريه حتى سال لعابه واهو يتعفر مكانه على الارض فتعدته نور بخوف واهي ترجف وركضت واهي ماسكه بطنها لانها صارت تتالم وتصرخ .... نور واهي تصرخ وتركض لملحق الرجال : بابا ....... ااااه بابا الحق علي بابا ... فهد عمي ..... ااااااه اطلعو ... بابا ....ااااه الحقوه بيموت .... | ||||
|
| |
|
04-06-20, 10:21 PM
| #19 | ||||
| البارت السادس طلع فهد يركض لانه كان يصب القهوه لابوه وباقي الشياب وسمعها فقط الدله وطلع يركض لها والباقي وراه وكان معاهم بدر فلقاها تنفض واهي على الارض وتبجي وحالتها حاله .... فهد واهو ينزل لها ويضمها : شفيج ... ليش تنفضي شصاير ... ابو فهد بخوف : شفيج يبه ليش تنفضي وخايفه جذيه .... نور واهي تاشر على الاسطبلات وتبجي : روحوله بيموت .... يبه بيموت يصرخ ويطلع من فمه شي مو عارفه ... فهد واهو يمسك وجهى : نور اهدي من تعنين خيل ... نور واهي تهز راسها وتصرخ وتبجي : جاسر جاسر بيموت جاسر هناك يصرخ وما اعرف شفيه مرمي على الارض . ركض بدر ولحقه فهد بعد ما ترك نور ولحقوهم الباقي ولمى وصلو لقو جاسر يصرخ ويتعفر على الارض ويطلع من فمه مثل الزبد وحالته حاله وصوت القران عالي فقرب له بدر ومسكه يقعده لكن جاسر صاير مثل الصخره ثقيل ومتخشب فقرب له ابو فهد واخذ تلفون نورةالمرمي وقرب التلفون لجاسر وزاد صراخه .... ابو فهد واهو يطالع ابو جاسر : ماخاب ضن امه ولدك مسحور وسحرك جايد .... فهد ساعد بدر وجتفوه بيدينكم من يدينه وريله واحملوه للملحق هني ما ينفع .... حملوه بصعوبه وكان ابو جاسر يتالملحال ولده الوحيد ودموعه تنزل بدون ما يحس ولمى طلعو فيه من الاسطبل مشو فيه وخفف ابو فهد صوت القران عشان يهدى جاسر شوي واهم بطريقهم وصلو لنور واهي مكانها فتعدوها وعينها على جاسر لكن لمى وصل لها ابو جاسر نزل لها وضمها لصدره فشدت عليه وبجت بحرقه ... نور : شفيه عمي ليش صار جذيه والله ما اعرف انه كان وراي .. ما سويت له شي .... ابو جاسر واهو يمسح على ويها ويبوس جبينها : يبه كنا شاكين انه مسحور وكاهو بين لمى انتي شغلتي القران واهو سمعه كنا طالبين له ملا احمد بس قال ما يقدر الا بعد بكره لكن انتي سبقتي وبينتي لنا والحين الله يعينا معاه ... نور واهي توقف وتمسك بطنها : بشوفه ... عمي.... ابو جاسر واهو يوقف : لا يبه مو زين لج انتي حامل روحي وريحي داخل ولحد يعرف لا تقولي لخالتج او البنات ابد مانبيهم يعرفو وبنشوف شنو نسوي بعدها .... نور باصرار : لا عمي بتطمن عليه .... ضمها ابو جاسر ومشى معاها للملحق وكان ابو فهد مع بدر وفهد ماسكين جاسر واهو يصرخ وصوت القران عالي وجاسر قالب لونه احمر وشوي ودخل طلال ووراه عادل وباقي الشباب ونور واقفه جنب ابو جاسر وتبجي وكاتمه صوتها وابو جاسر ضمها .... طلال بخوف واهو يقرب ويمسك جاسر من صدره : شفيه ليش يصرخ جذيه ليش ماسكينه .... ابو فهد واهو يصرخ على ابو جاسر : طلعها برى ... نور برى بسرعه طلعي .... فهد واهو حالته حاله وماسك جاسر ودمعت عينه عليه : طلعي ما تيمعي مو ما تبينه خلاص اطلعي زخلينا نشوفه ... بدر : بس مو وقته عمي طلعها لا تنسى الي ببطنها طلعي نور روحي لا تخافي انشاء الله بيتشافه روحي روحي ... طلعت نور وما وقفت بجي وما تحمل ابو جاسر يتركها جذيه فطلع معاها واخذها جنب المسبح عشان تهدى ... اما جاسر فكان ابو فهد يقرا عليه اية الكرسي ويكررها والشباب ماسكينه ولحظات وكح وصار يرجع وكل الي رجعه كان لونه اخضر وريحته نتنه وكميته كبيره وبعدها طاح على جنبه وغاب عن الوعي فحملوه وطلعوه للميلس الثاني وكلم ابو فهد الملا احمد وخبره بلي صار وقال له بيترك الي عنده ويجيهم يشوفه ويعرف الي فيه اما فهد فبعد ما تطمن على جاسر والكل حوله طلع يدور نور ولقاهأ مع ابو جاسر فركض لها وضمها اول ما وصل لها .... فهد : سامحيني والله من صدمتي بلي شفته واهو جذيه ... نور واهي تضمه : ما زعلت منك اعرفك ..... شلونه الحين ... فهد : والله عمري ما شفت جذيه ... عمي جاسر رجع شي ريحته نتنه ولونه اخضر وكميه كبيره ... والوالد كلم الملا وبيي اليوم .... ابو جاسر : خلك مع اختك وانا بروح اشوفه .... قام ابو جاسر بعد ماباس راس نور فلفت نور لفهد .... نور : فهد جاسر مسحور .... قول الصج ... فهد : بلي شفتيه شنو معناه .... والله ما تحملت اشوفه جذيه كنا اصحب لمى كنا ندرس ما هان علي حالته ... والله قطع قلبي امس كان مثل المطعون لمى تكلم عادل وهانه ما تحملت واليوم حالته جذيه ... نور كل الي كان يسويه جاسر ووصل له من هالسحر نور جاسر بيرجع مثل قبل يتزوجح وقبل يسافر طلال قال لي ان جاسر ما تغير وصار يلعب الا لمى عرف اثير ... نور جاسر ما يستاهل تتخلي عنه ارجعي له اذا رجع لوعيه لا تتخلي عنه .... نور : فهد مو وقته ابد ... فهد : زين قومي وريحي داخل ولحد يعرف بلي صار انا بروح واشوفه ..... وانتي فكري بالي حسيتي فيه هل كان من حب وخوف عليه او شفقه بس ... قام فهد وترك نور وراح لجاسر لقاه نايم وطلال وابو جاسر يمه فقرب لابوه ... فهد بهمس : يبه شلونه الحين ما صحى ... ابو فهد بهمس : لا الي صار له بيخليه ينام فتره طويله ... اختك شلونها ... فهد بهمس : احسن وكلمتها وفهمتها ما تخبر احد بشي ... ابو فهد : زين سويت ... خذ هذا تلفونها رجعه لها ... وشوف لي اي شي نحطه يم جاسر على قران لحد ما يوصل الملا احمد ... فهد : زين يبه بيبي الايباد تبعي وبشغله يمه ... بس بيه مو يمكن يرجع مثل قبل ... ابو فهد : لا الملا قال دامه نام ما بيهيج بس لزم صوت قران حوله روح وييب وشغل جنبه ... طلال : عمي متى يوصل الملا ... بيعرف من الي سحره ... ابو فهد : قال بييب معاه واحد يكشف بهالشي وبيشوفه واهو بيقول لنا لو شي يبين لنا من .... ابو جاسر : محد غيرها ولدي ما تغير الا لمى عرفها الكلبه لكن ما اخليها ابد ... بدر واهو قاعد قريب : عمي هد نفسك وخل كل شي على الله ... علاء : اهو من متزوج ... بدر : وانت شلون بتعرفها لو قلنا لك ... علاء : مو قلتو عرفها برى ... وين برى طلال ... طلال : ببريطانيا ... لمى زرناك تذكر .... علاء : شسمها ... طلال : اثير ... اذكر كانت مع واحد اسمه جون ... علاء واهو يوقف مثل المصعوق : وانتو اغبيه هذي اكبر عاهره حتى الاجانب يبتعدو عنها شلون عرفها ... لا تقولى اكيد ببار رحتو صح قلت لكم لا تقربو من هذي الاماكن ورحتو ... طلال : لا شافها بكفتيريا واهي الي ياته ومنها لصقت ولمى صارت تشوفه وايد راح معاها اكثر من مكان ومنها ما قدرت اسيطر عليه الا لمى قربت فلوسه تخلص ورجعنا لكنها رجعت معانا والمصيبه لمى صابه الحادث مافارقته ابد وظلت معاه حتى بالجناح .... علاء : اغبيه لانكم اغبيه انا ابصم لكم بالالف مو بالعشره اهي الي ساحرته شافت فلوسه وصرفه وسوت له سحر قبل سوتها بواحد وما تركته الا لمى مات على يد واحد ثاني يتخانقو عليها ... بلغو عنها هذي وباء ... بدر : اي يبلغو شنو دليلهم ... خل يتشافى وبعدها اهو يتصرف معاها ... فهد : بس لزم تتراقب هذي ما تنترك ابد طلال اهو وين تاركها ... طلال : تركها بشقتهم قال ماتبي تروح بيت اهلها ... يعني بالشقه ... علاء : هذا اذا لقيتوها هناك صدقني بتلقاها بمكان من اماكن هالقذاره ... ابو جاسر : طلال انت وفهد روحو وشوفوها وين واذا لقيتوها ييبوها هني بسرعه ... ابو فهد : شنو ناوي ... ابو جاسر واهو يوقف وياشر له يلحقه : الحقني وتعرف ... وانتو حركو والي يبي يروح معاه يروح بس لا تردو الا واهي بيدكم .... طلع ابو جاسر ومعاه ابو فهد وطالع فهد طلال .... فهد : قوم ... من بيي معانا ... علاء : انا بيي معاكم ... بدر بتيي ... بدر واهو يقرب لجاسر : لا ببقى يم جاسر ... بس لا تاخذ ركان ما ينفع يشوف هذي الامور ... شوف عادل اذا بيروح .. عادل : لا انا ببقى هني يمكن يحتاجوني انتو تكفون ... طلع فهد وطلال وعلاء وراحو الشقه ودقو الباب ومالقو جواب فنزلو وسالو الحارس فقال انها طلعت من طلع جاسر من البنايه وللحين ما رجعت .... طلال : والحين وين بنلقاها ... فهد : بيت اهلها تعرفه ... علاء : لا ما اضن ... تعرفو شقق الدعاره او الاستراحات ... طلال : لا ما اعرف ... فهد تعرف ... فهد : وليش اعرف يعني .. مالي بهالوساخه .... لحظه عادل امس لمى تكلم لجاسر قال شقق واستراحات ... خل اكلمه واشوف اذا يعرف اماكن ... اتصل فهد بعادل ورد بسرعه : هلا فهد امر ... فهد : عادل تعرف شقق واستراحات الي تروحها زوجة جاسر ... عادل : اي اعرفها ... فهد بعصبيه : وليش ما قلت لنا انت عارف اننا رايحين ندورها ... عادل : قلتو رايحين شقتهم ما خطر ببالي تحتاجو هالاماكن ... بس انتظر باسال عن العنوان بالضبط وارسلها لك ... فهد : مو قلت تعرفها ... عادل : اعرفها بس ما اعرف العناوين ... صاحبي قال لي اساميها وقال لي انه شايفها هناك ... بساله وارد عليك ... سكر فهد وخبر طلال وعلاء وانتظرو اتصال عادل ولحظات واتصل ... فهد : قلت بترسل ليش اتصلت ... عادل : انتو وينكم الحين ... فهد : بشقة طلال ليش ... عادل : صاحبي يقول بييكم وبياخذكم لها اهو يعرف وينها لانها مبيته هناك من امس ... باي معاه لكم ... فهد بعد ما سكر : يقول بيي مع صاحبه وياخذنا لمكانها ... يقول شايفها وبايته هناك من امس ... علاء : فرصه نصورها اذا كانت بوضع مهل عشان نمسكها فيه وجذيه يتخلص منها جاسر بسهوله .... طلال : شكلك مغتاض منها ... علاء : صاحبي مات بسببها ... الكلبه سحرته وخلته يطلق زوجته ويتبرى من عياله واهله واخرها سلمته لواحد اقذر منها ويبي جسمها وقالت له تبيني خلصني من هذا وتخانقو عليها وطعنه وما تحمل ومات بساعته ....وانا حذرتكم منها بس انتو ما طعتو .... طلال : اصلا ما عرفنا من تعني واهي الي ياتنا ... علاء : طبعا تتصيد فرايسها بكل مكان .... فهد : صوت طق على الباب ... الظاهر عادل وصل ... طلال واهو يفتح الباب : اكيد ... هلا عادل ادخل ... عادل : اي ادخل امشو صاحبي تحت يقول خل نروح اكيد بنلقاها بحضن واحد الحين لانها من راحت واهم مستلمينها ... طلع طلال وعلاء وفهد وراه ونزلو لسيارتهم ولحقو عادل وصاحبه ولمى وصلو للاستراحه كشر فهد من المناضر الي يشوفها وسمع صوت ضحكات وصرخات لبنات ورجال معاهم ... علاء بضيق : بالله هذي الاماكن وين الشرطه عنها ... طلال : وينها الحين خل نطلع من هالزباله ... صاحب عادل : لحظه بتاكد اهي وين واييكم ... فهد لعادل : صاحبك هذا شنو ... انت شلون مصاحبه ... عادل : لا تتعجل اذا طلعنا بتعرف من يكون ... صاحب عادل واهو يقرب لهم : تبون تصوروها صح ... علاء : اكيد نبي نثبت عليها ... صاحب عادل : عيل جهزو تلفوناتكم تراها مع وايد مو واحد ... طلال واهو يطالع فهد وعلاء بصدمه : شنو ... صاحب عادل : مطلوبه والكل يبيها يتناوبو عليها واهي العيد عنها بلي تطلع فيه من وراهم بعدها ... اهي هني ... دخلو . هاج طلال وتعداهم لان هالشي يمس شرف صاحبه واخوه فدخل وبيده التلفون واهو يصورها والي معاها ولا حاسين بلي يصورهم ابد ولمى كمل وكان واصل حده حط تلفونه بجيبه وسحب شرشف ودف الي فوق اثير ورمى الشرشف عليها وتو بينط عليه واحد اكمه فهد ... طلال واهو يشوف الصدمه بويه اثير : انصدمتي ... لفي هذا حولج وقومي ... اثير واهي تلف الشرشف وتوقف بوقاحه : اطلع انت والي معاك قطعت وناستي واذا تبون انضمو لهم ... وبيكون سر بينا او عادي جاسر يعرف ما بيقول لا لصاحبه ... ما تحمل طلال وصفعها بقوه ونزل فيها ضرب ولولا فهد وعلاء كان خلص عليها فسحبها من الشرشف الي ملفوف حولها وطلع فيها واهو متقزز ولمى قاومته صفعها ورماها بالكرسي ورى ... فهد قبل يصعد : طلال اقعد ورى مابي المسها .... انت اقرب لجاسر منا ... علاء : صح الخوف تسوي شي بالطريق وانت معصب اخاف نقلب وما ينفع تتم ورى بروحها ... ركب طلال ورى واهو ضايق حده وساق فهد وعلاء جنبه ... اثير بمياعه : محد منكم له الشوق بشي ... انت الي تسوق شكلك وايد حلو ما تبي تجرب هههههههههه..... فهد واهو يسوق : طلال سكتها لا اوقف واكوفنها تراني واصل حدي وماسك نفسي عنها الي شفته يكفي ... علاء واهو يمسك جتف فهد : اهدى ما كانك تسمع ... وانتي لمىىفمج لا اسكتج بطريقتي ... اثير واهي تضحك بهستيريا : ههههه من انت عشان تسكتني ... لا طلول ليش يايني تبوني لكم بروحكم بمكانكم .... طلال واهو يصفعها وتنصفق بالباب : جب لا ادفنج مكانج ... اسرع فهد ... ما نبي احد يشوفها ....كلم بدر عشان يامن دخلتنا بهالزباله .... اتصل علاء لبدر وخبره بكلام طلال ووصلو وكان بدر ينتظرهم قبال الباب واشر لهم يكملو بالسياره ورى المزرعه وهنأك قطوها بمخزن فاضي وقفلو عليها بعد ما قطو لها ماي وكم شغله تاكلها وملابس جهزها بدر لان علاء قال له ملفوفه بشرشف وراحو ولقو جاسر قاعد والملا وواحد معاه يقرو عليه وكان اهدء من قبل فركض طلال وضمه بقوة وبجى ... جاسر واهو يطبطب على ظهر طلال : شفيك ... ليش تبجي ... طلال واهو يطالعه : مو مصدق انك هادي خوفتني عليك يا خوي ... جاسر واهو يبوس جبينه : يا حلو كلمتك باخوي ... خفت علي ... طلال : شلون ما اخاف عليك انت اكثر من اخ لي ... عمي شنو الحين ... شنو فيه ... الملا احمد : فيه سحر بس الي رجعه خلاه يخف عليه ويبطل شوي بس يبيله مواصله بالقرائه وشرب ماي مقري عليه ... فهد : والي سحره عرفتوه .... الريال الي مع الملا : بين من ... اهي مره ... مو اول سحر تسويه له ... مرتين سوت له بس الثاني اقوى من الاولي القبلي عشان يبعد عن زوجته ويتقرب لها اهي ويقلب على اهله وشكله بطل لمى طلق وتزوجها ... اهي للحين زوجته ... طلال : اي للحين زوجته ... بس شنو عن الثاني ... ما تغير على زوجته الاولى الا ضل يبيها ... الريال : اي للن السحر عشان يطيعها ويصير خاتم باصبعهاحتى لو يشوفها مع غيره ما يعترض .... ابو جاسر : وبالقران بطل ... اهو شنو السحر شرب او مدفون ... الريال : لا شرب او اكل المهم من فمه وانشاء الله بالقرائه والماي المقري بيخلصه من هالسحر باذن الله وبعد مده باشوف واتطمن عليه ... بالاذن ... وقف الريال مع الملا واستاذنو وطلعو فالتمو الشباب وكان عادل معاهم ويطالع جاسر ... جاسر واهو يطالع عادل : ليش تطالعني جذيه عندك شي تقوله ... تبي تتشمت فيني ... عادل بصدق : لا ابد ... جاسر انا اسف على كلام امس ... جاسر : لا تعتذر ... ما قلت الا الصج ... طلال وين كنت مع علاء وفهد .... ابو جاسر لمى لقى طلال تبلعم : راحو اييبو الساقطه من استراحه ... جاسر بعصبيه : شنو استراحه ... طلال شنو السالفه قول ... تردد طلال بالكلام وبعدين قال لجاسر كل شي ووراه التصوير وهاججاسر ووقف ... جاسر بصراخ وعصبيه : وينها الكلبه وينها ابواطيه ... طلع جاسر بهيجانه ولحقه طلال والباقي فمسك طلال وهزه : قول وينها انطق ... فهد بتردد : بالمخزن الي ورى ... بس جاسر اهدى ... ركض جاسر اول ما سمعه ولحقوه كلهم واول ما دخل نزل فيها ضرب ولولا انهم سحبوه منها كان ذبحها وطلعوه بالغصب من المكان وقفلو الباب عليها ومن الصراخ والاصوات طلعو الحريم وكانت نور وسطهم وشافو جاسر بهيجانه فتحركت امه بسرعه له ... ام جاسر بخوف : شفيك يمه ليش حالتك جذيه شفيك تصارخ ... ابو جاسر : مافي شي هوشه وخلاص خلصت على خير دخلو ... جاسر واهو يهدى شوي ويبوس راس امه : مافي شي يمه مثل ما قال ابوي خلاص اهدي ... لمح جاسر نور واهي تطالعه وخايفه فترك امه وقرب لها وسحبها من يدها وابتعد فيها عنهم ... جاسر بهمس واهو ينزل راسه لاذنها : ظلمتج غصبا عني ... سامحيني نور ... طالعته نور ودمعت عينها وهمست : انت بخير ... تحس بشي ... جاسر واهو يمسح دمعتها : بخير دامني اشوفج بس لا تنزل دمعتج ارجوج ... ابتعدت نور ورجعت داخل فلحقتها سمر ولقتها داخله غرفتها واهي تبجي وتشاهق ... سمر واهي تضم نور : ليش البجي شقال لج ... نور : سمر مو قادره .... سمر جاسر مسحور واليوم عرفنا هالشي طاح قدامي مثل المصروع من سمع القران ... سمر بخوف وفزع : شنو ... جاسر مسحور يعني كلام امي عدل .... نور : لا تخافي شفتيه الحين شكله احسن ... بسال فهد واطمنج ... سمر : زين شنو قال لج وبجيتي جذيه ... نور : يعتذر لانه ظلمني ويقولةغصبا عليه ... يعني بسبب السحر ... سمر : بس هذا سبب بجيج او شي ثاني ... نور واهي تاخذ تلفونها : اتصل بفهد واطمنج على اخوج احسن ... كلمت نور فهد وخبرها بكل شي وتضايقت نور وخبرت سمر بكل الي قاله فهد لها وهم سمر تضايقت حدها لكن سكتت ولا خبرت امها او اختها لانها خافت على امها ويكفي ابوها متحمل هالمصايب الي على اخوها الوحيد ...... | ||||
|
| |
|
13-06-20, 08:46 PM
| #20 | ||||
| البارت السابع باليوم الثاني صحى جاسر واخذ شور وتوه بيطلع وقفه صوت طلال .... طلال واهو يقعد على السرير : على وين العزم بهالوقت .... جاسر : بروح للحقيره واقررها شلون سوت هالسحر وشنو تبي توصل له ... طلال واهو يقوم : جاسر تمهل ... لزم تفكر عدل بلي بتسويه قبل تكلمها ... ثم انتظرني بي معاك اخاف تتهور وتغلط وانتي الي تخسر ... جاسر : شلون يعني خايف انجر وراها ..طلال واهو يدخل الحمام : لا ... اخاف تمد يدك وتذبحها وما تستفيد شي غير جريمه والكل ينقد عليك فيها وتصير انت الجاني بدل المجني عليه ... جاسر واهو يطالع طلال يغير : لا تخاف ماتوصل لهالدرجه اصلا لو ما القهر الي فيني ما مديت يدي على ساقطه مثلها ... بس تعرف احس باني صغير قبال الكل حتى لو بسحر سويت كل هذا هم مستصغر نفسي ... طلال واهو يطبطب على جتف جاسر : جاسر كلنا نغلط اكن انت غلط غصبا عنك مو بكيفك والكل عارف انك مو جذيه حتى فهد بجى عشانك وصرخ على نور ويلومها لانها تركتك وكانها المسكينه سبب الي صابك ... جاسر واهو يمشي مع طلال برى : المسكينه شذنبها انا ظلمتها معاي اهي شنو بيدها يعني تشم من ورى يدها بهالمصيبه ... اصلا اهي اكثر وحده انا خجلان منها ... شنو صار بعدها ... طلال : لا تخاف فهد اعتذر منها واهي متفهمه انفعاله ... تعرف انها كانت مثل المصروعه عليك ... انا ما شفتها بس بدر قال لي شلون كانت حالتها ... يا اخي كانت تصرخ وخايفه عليك تموت ... افرح يا عم تحبك ... جاسر : تحبني بعد كل الي سويته ... طلال لا تتوهم وتوهمني معاك نور كسرت خاطرها ... لو عامل بتشوفه جذيه او حيوان بتخاف عليه وتبجي اهي حساسه وقلبها رهيف ... وصل جاسر وطالا للمخزن وفتحه جاسر لان المفتاح معاه ولقو اثير نايمه على مرتبه بالارض ومتغطي بالشرشف الي يابوها فيه فقرب منها جاسر ورفسها بفخدها وفزعت وطالعته ... اثير بحقاره وصراخ : انت شنو ... ليش ترفس يعل ريلك الكسر ... جاسر بصرخه واهو يشد شعرها : ولج عين تتكلمي بعد يا واطيه ... فزي وتكلمي عدل ... اثر واهي تمدد ولا هامها ان طلال موجود وتغري جاسر بحركات : تعال تبي تذوق ... قرب ... قرب جاسر وسحبها من شعرها ورفعها فيه ورماها على الارض وبسرعه نزل فيها رفس وضرب ولا كانها انسان وكانها جماد يرفس فيه وبعده طلال لا يذبحها بدون وعي ... جاسر بصراخ : انتي من شنو مخلوقه ما تنهدي ... اثير واهي تلهث من التعب : لا ... اذا تبي تقرب وخجلان من صاحبك خله ايي معاك عادي اتحمل عشره ... طلال بصرخه واهو يمسك جاسر : بس ... انطمي عن قذارتج وتكلمي مثل الناس ... قولي متى سويتي السحر لجاسر وشلون ... اثير : انتو دريتو ... خساره لا تقول هم فكيتوه ... جاسر : انطقي ولا تسالي متى سويتي اول سحر وليش ... اثير : ببريطانيا لمى شفتك هناك وتقطط بالفلوس قلت اسيطر عليك ولمى عرفت انك بتتزوج سويت السحر اقوى عشان تلحق وراي وتتزوجني وتطلق الي عندك .... طلال : وبعد ما تزوجج بطل السحر صح ... اثير : اي لان السحر كان بس لهالغرض وبطل بس سويت هني غيره عند نفس الساحر بس كان هني واخذ الثمن بجسمي ... لمى ييتني تقول بتطلق وانت شربت العصير وكان فيه السحر وبعدها بح صرت انا الكل بالكل وتمشي ورى كلامي ... وليش عشان تاخذ كل فلوس ابوك دامك ما تملك وتصير لي بس للاسف ما جمعت وايد ... هااه تبي شي ثاني تعرفه جاسر : شلون ينفك يا كلبه ... ردي ... اثير : ما اعرف روح للساحر واساله واذا تبيه يسوي لك الي تبيه خذ له نور تراه انهبل على صورتها ولو تبي اي شي بيسويه بس يطولها .... ركض جاسر وما قدر طلال يوقفه ونزلىفيها ضرب وترفس واهو يصرخ فيها شلون توريه صورت نور وكان هايج حده وصار يضرب راسها بالجدار لكن طلال قدر يبعده بالغصب ويطلعه برى وتركو اثير بدمها لكن رجع طلال يتاكد اذا عاشه لو لا لانه خاف جاسر يبتلي فيخا وبعدها طلع وراح لجاسر الي قاعد على صخره قريبه وحاط يدينه على راسه ويطالع الارض ... طلال واهو يوقف جاسر : اذكر الله احمد ربك يات على جذيه .... شنو ناوي تسوي معاها ... بتطلقها او بتسلمها للشرطه جاسر : بسلمها واطلقها ... كلم خالد وفهمه بكل شي وخل يجون يسحبوها من هني وياخذو منها المعلومات عن الساحر وسلمهم الفيديو الي صورته لها وخل عندك نسخه احتياط ما تعرف شنو ممكن يصير ... طلال : زين تسوي ولا تخاف انا بتصرف بكل شي .... جاسر طالع هناك مو كانها نور جنب الاسطبلات .... جاسر واهو يطالعها : اي هذي اهي شكلها تقعد كل صبح يم الخيل وتسمع قران ... تعرف احمد ربي اني رديتها .... طلال : بس انتبه لا تخلي تحد يعرف اخاف يقلبو عليك ويقولو تستغل الظروف ويطلقها منك ابوها ... اهدى وتمهل ... جاسر : تعرف لمى كنت متزوجها كنت احس باشياء ناحيتها برغم هالسحر بس ما كنت اعرف شنو معناه او ليش احسه ... لكن الحين فهمته خصوصا لمى خف عني اثر هالسحر ... طلال : قلت لك قبل انت تحبها بس تكابر ... جاسر بسالك ... انت من جد تركت العلاقات المحرمه قبل تتزوجها وظليت بس تكلم وتطلع معاهم ... جاسر : اي ... تعرف كنت احس ان لو بقرب وحده بحترق لكن انت عارف اني ماسويتها الا لمى عرفة هالزباله الي هناك ... وبسببها مشيت بهالدرب الحرام ... يبي لي اروح لشيخ واساله شلون انظف نفسي من هالمعاصي الي سويتها ... طلال : زين تسوي ... والحين بتيي معاي نفطر ونتقهوة او بتروح لام عيالك تصبح عليها ... جاسر واهو يبتسم : لا بروح لنوري اصبح عليها وعلى عيالي ... طلال واهو يدفه : روح بس لا تتهور وتنسى نفسك ... ياه الله يوفقك وتحن عليك وتقبل ترجع لك ... جاسر واهو يركض لنور : امين .... وصل جاسر وكانت نور مندمجه تسمع القران وتمسح على بطنها فتنحنح جاسر عشان ما تفزع فلفت وشافته فوقفت وسكرت القران ... جاسر : صباح الخير .... نور واهي منحرجه : صباح النور .... شلونك الحين ... جاسر واهو يقرب لها : احسن بعد فضل الله وفضلج ... ليش سكرتيه ... نور : الحمدلله ... اي لا بس جذيه واصلا قربت اخلص ... جاسر واهو يقرب لها اكثر : شلونهم ... نور واهي تمسك بطنها : اذا تعنيهم فاحس بحركتهم من يومين ... جاسر بفرح : جد ... اقدر احس فيهم يعني ... نور بحرج : هاااه لا للحين محد يحس فيهم غيري ... جاسر واهو ينزل قبالها على ركبه على الارض : بحط راسي او يدي واحس فيهم ... نور ممكن ... نور واهي ترجع على ورى : لا جاسر ما يجوز ما احل لك ... جاسر واهو يوقف : نور بليز ابي احس فيهم من حقي لا تحرميني من هالشي ... نور : بس ... جاسر يقاطعاها ويسحبها داخل الاسطبل : لا بس ولا شي اذا خايفه احد يشوفنا ويفهم غلط تعالي هني وخليني احس فيهم . ما انتظر جاسر وحط يده على بطنها ونزل وحط راسه يسمع ... نور واهي تحاول ترجع على ورى لكن جاسر ماسكها : جاسر خلاص بعد ... الي تسويه غلط وتخليني اغلط معاك ... جاسر واهو يوقف : سمعتهم بس شكلهم راقدين لان محد رفس ... نور واهي تبتسم : لا واحد صاحي والثاني نايم ... جاسر واهو يبتسم وفرحان : وشلون عرفتي ... نور : لان الي بهالجهى تحرك اكثر من مره حتى لمى حطيت راسك تحرك بس انت ما فهمتها والي هني نايم ... جاسر : عيل بشوفه مره ثانيه ... نور : لا جاسر خلاص بعد ... جاسر : نور ... اعرف مو وقته لكن اتمنى تفكري مره ثانيه بحياتنا ... فكري فيهم انا عارف اني غلط وايد لكن اوعدج اعوضج عن كل الي فات ... نور فرصه وحده وصدقيني ما بتندمي ... وهالساقطه بطلقها اليوم واخلص منها وطلال بيكلم واحد نعرفه ايي ياخذها وهم الفيديو الي يثبت خيانتها ... نور مابي ردج الحين بانتظر بس اتمنى ما انتظر وايد ... بلغي سمر او فهد بردج واهم يخبروني اذا ما تبين تردي مباشر لي ... اهتمي بنفسج وبعيالي .. نور : ما اوعدك ارد بسرعه لاني محتاجه افكر بهالموضوع بكل النواحي ... فهد خبىني بكل شي وانا متفهمه لكن لا تنسى شلون تزوجنا ... وهم شلون حملت بعيالك ... هالشي لاحين ماثر فيني ... جاسر : مع الوقت بيتشافى كل جراحنا مو انتي بس الي تاذى وانجرح انا هم تاذيت لاني جرحتج ... اي صح مابتخبريني بجنس الاجنه .... نور : هههه لا تحاول الكل يبي يعرف لكن مو وقته اذا يى وقته بخبرك اول واحد لانك الاحق فيهم ... جاسر واهو فرحان : هالشي يكفيني ... اخليج ... باي ... مشى جاسر واهو فرحان ومن فرحته قام يتشقلب بالهوى مثل لاعبين الجمباز وما انتبه ان نور شافته فابتسمت وعرفت انه فرحان من حركته هذي لان سمر خبرتها قبل انه يسوي هالحركات اذا حده فرحان ومستانس فدخلت داخل وقضو اليوم بوناسه وفرح لكن بالعصر وصل صاحب جاسر الضابط واخذ اثير مع كم عسكري ومعاها الفيديو الي يدينها وخبر جاسر يمرهم عشان يخلص الاجرائات .... طلق جاسر اثير بنفس اليوم بعد ما خلص الاجرئات وتاكد انها بتتعاقب وتكون بالسجن لمده طويله واخذو عليها تعهد بعدم التعرض لجاسر او لاي احد من اهله بعد ما تخلص مدت سجنها الي بتقررها المحكمه لها بتهمت التعامل بالسحر والزنه وطبعا هالشي بيكون حكمه مده طويله ...... مر شهرين على هالشي وكان جاسر مواصل على سماع القران او قرائته بنفسه وشرب الماي المقري عليه وكم مره رجع بنفس الي رجعه قبل لكن كميات اقل وصار يحس بتحسن اكثر و بقى بشغله مع ابوه وطبعا رجع لبيت ابوه لكن لغرفته قبل يتزوج نور .... ام نور فما تركها ابد وظل ملازمها بالروحه والرده لمواعيد الفحوصات ويصر على ان يدخل معاها حتى لو رفضت اهي او فهد .... ام نوره اختها تزوجة بدر وعايشه معاه ببيت بروحهم وبعد شهر العسل سكنة معاهم بنته لان نوره اصرت على هالشي خصوصا ان امها تزوجة من سنه والبنت ببيت ابو بدر مع امه لكن نوره اصرت تعيش معاهم لان بيت ابوها اولا بسكنها فيه وعلاقتها معاها ممتازه والبنت متعلقه في نور وايد خصوصا لانها مدرستها هم بالمدرسه .... ام فهد فملج على هبه وتحدد موعد زواجهم بعد ولادة نور ... ام ساره فاهي مخطوبه لولد الجيران وبيتم زواجهم بعد ما يرجع من دراسته من برى ... ام عادل فاحترم كلام بدر له وينتظر نور تولد عشان يكلم عمه مره ثانيه وتقرر نور بعدها اذا تقبل فيه او لا ... ام طلال فحياته ما تغيرت عايش بشقته ومن شغله للشقه لبيت اهله اذا احتاجوه ..... جاسر واهو يشرب الكوفي : اقول طلال ... طلال واهو ياكل من البسكويت : همممم ... جاسر : قول نعم مو همممم .... طلال : هههههه نعم يا عمي شتبي قول الي عندك غرد ... جاسر واهو يتربع على الكنبه : انت ما تمل من روتين حياتك هذا ... ثم لين متى بتبقى بهالشقه ... طلال : ليش شلي مضايقك بسكني هني ... جاسر : سبب سكنك هني خلاص انتهى ليش ما ترجع لبيت اهلك ... طلال : ارتاح هني اكثر ... ولا تفتح مواضيع تسكرت من سنين ... جاسر : طلال انت فكرة فعلا تتزوج وتقدمت لنور فليش ما تشوف غيرها ... يعني انت نسيتها خلاص وفكرة تستقر ... طلال : هههههههههه لا لمى تقدمت لنور عشان احركك والحمد لله انك رديتها ... ما انكر اني قلت لو صابت وقبلت بكمل واتزوجها لكن هدفي كان تردها ونور ما يعيبها شي ابد لكن اتزوج الحين ... من مافي بنت للحين اقدر ارشحها للزواج مني وبالنسبه لنسيتها اي من زمان بس الي موقفني ما لقيت البنت الي تناسبني ... جاسر : كلم امك وتدور لك وبتلقى بدال الوحده الف ومن طرف اهلك افضل لك من تدور انت ... طلال : لا يا اخي امي واعرفها بتدور بنات اخوانها او خواتها وخواتي صديقاتهم ... لا مابي ... وانت متى ناوي تتكلم انك رديت نور .... جاسر : انتظرها ترد علي وبعدها بتكلم لابوي وعمي ابو فهد ... بس جد قهرتني امس لمى كتت معاها بالفحص .... طلال : هههههه على شنو هم ... جاسر : تخيل رفضت اشوف والدكتورة تفحص على الاجنه بالشاشه تقول لي طالع الشاشه من برى ولا تقرب لي ما يحق لك تكشف علي ... طلال : ههههههههه والله صادقه يعني تبي تشوف جسمها والدكتورة تشيك عيب جاسر انت صح زوجها لكنها ما تدري ... ثم شنو بتشوف يعني جلد بطنها ... جاسر : مو مهم المهم اكون معاها لو جلد باطن ريلها ابي اشوف ويحق لي بس الدكتورة من عرفة اني مطلقها ورفضت ادخل وقالت طالع عيالك بالشاشه .... فطس ضحك طلال على شكل جاسر واهو مقهور ورمى عليه جاسر الوساده الصغيره ... جاسر : جب زين ... طلال : ههههههه زين زين بسكت خلاص ... الا مافي خبر عن اثير ... جاسر : ما ابي اعرف شي عنها خالد خبرني انهم حكموها خمسة عشر سنه مع الاشغال الشاقه وبينقلوها للسجن المركزي من اسبوع ولا ابي اعرف شي بعد الله يقلعها ويفكني منها ... طلال : الحمدلله يات على جذيه ... الا علاء شخباره من رجع ماله حس ... جاسر : ههههه سمعت من امي تقول امه مستلمته تبي تدور له على عروس واهو رافض ... يا اخي تعقد من الي صار له طلال : للحين يحبها ... الحب صعب ينسى حتى لو ماتت ... صعب ... جاسر : الله يحفظ لي نور ويلين قلبها علي ..... طلال : امين ... الا للحين نا خبرتك بجنس الاجنه .... جاسر واهو شاق الحلج : قالت لي امس ... ههههه اذكر لمى سالت الدكتورة صرخت بسرعه لا ان اهي الي بتخبرني .. تصدق نسيت نفسي وبستها ... طلال : هههه وين بستها واهي شسوت لك ... جاسر :ههههههه وين يعني ما اتحمل بشفاتها والله لا يوريك الكف الي ياني بس عسل على قلبي ...لا والتهزيئه وتقول باخر الرد .... طلال : عيل تطمن بتقبل ترد لك ... ما بتخبرني شنو بييك ... جاسر : بقول لك انت بس لانها محلفتني ما اخبر احد تبيها مفاجاة بس قلت لها بخبرك انت بس وقبلت لانها تعرفك ما بتتكلم ... طلال : يا حظي قول شنو بييك .. جاسر : ولد وبنت ... يعني الجنسين ... وهم لمى خبرتني وشافتني مو مصدق اكدت لي الدكتورة وقالت كل مره تتاكد ... مشتاق لهم جد ابيهم ايون بسرعه ... طلال : الحمدلله عيل بجهز لهم من الحين هديتهم واتمنى تكون بردت امهم مره وحده لك .... جاسر سلمني مفتاح جناحك ابي احتله كم اسبوع .... جاسر : ليش ... طلال : هديتي لعيالك بجهز غرفتهم وبخليها لولد وبنت ... جاسر : واذا نور ما قبلت ترد شنو بتسوي بالغرفه ... طلال : بترد تفائل يا ريال وهات المفتاح يله ... جاسر : اخاف يعرفو من الي بتمر فيه مع العمال ... طلال : يا اهبل مو لك باب بروحك ناسيه كم مره داخل جناحك منه عيل شلون جهزت لك غرفتك الا ما تحللت الا مرة وحده ولا غصب ... جاسر : ههههههه لا تذكرني ... تعرف اني كاره نفسي من ادخل الغرفه واتذكر الي صار اتردد ادخل ... طلال : بدلها ... جاسر اذا نور قبلت ترد تلقاها غير وهالشي بياثر فيها صدقني ... جاسر : تقول جذيه ... عيل بالمره تبدل الغرفه والحساب للغرفه بس علي ... طلال : لا بتركك يعني انا هديتي لعيالك مو لك ولزوجتك يله هات .... ضحك جاسر وسلم طلال مفتاح جناحه عشان طلال بيجهز غرفة العيال وبيغير غرفة جاسر ونور بالمره عشان ترتاح نور لمى ترجع ..... نور واهي تمد الكوب لهبه : اشربي وسكتي شوي من هذي الاساله ... هبه واهي تشرب من الكوفي : ما اعرف لزم اعرف كل شي .... الا سمر مابتيي ... نور : بلا قالت بتيي بس تاخرت ... هبه : زين قولي لي شحسيتي لمى باسج .... نور واهي تبتسم : حسيت بفرحته شكثر اهي كبيره ... تعرفي كان حنون وايد معاي عكس الي عرفته ... هبه : يعني كلام سمر صحيح ... نور : سمر ما تجذب وانا عارفه ان كل تصرفاته كانت بسبب السحر الي صابه ... بس هم متخوفه .... هبه : كنت امس بتردي عليه بس لانه باسج اجلتي ... ريحي الريال وعيشي معاه احلا لحظات حملج .... نور : متردده ... تعرفي من اقرر اقول له اتراجع ... خايفه اندم بعدين .... هبه : والله الريال تحمل وايد وصبر وايد تراه يقدر يردج بدون شورج .... نور : وصبره مكبره بعيني ... هبه : عيل ريحيه تقبلي تعذبيه جذيه طلال يقول انه ما على لسانه الا انتي ... نور تراه يحبج بصدق ... على السحر بس هم حبج وكان هالسحر ماسكه عنج .... نور : اذا مر برد عليه وهم عشان عادل يعرف اني على كلمتي ... هبه : زين .... الا فهد وين .... نور : هههههههه اثقلي يا بنت من تيين سالتي وينه ... للحين بالشركة مع ابوي ... هبه : تعرفي اذا مو موجود اشتاق اه وايد وودي اقول له عن شوقي بس من اشوفه اتلخبط وما اعرف اتكلم ... اخوك يعومسني ..... نور واهي توقف : هههههه عيل اخليج تعبري اذا قدرتي كاهو وراج ويسمعج ... انا اخليكم وادخل داخل ... فهد لا تنسى تراكم بالحديقه وسمر بتيي باي وقت ....هههههههه باي هبه ..... مشت نور وتركت فهد يحىج بهبه واهي غايصه بملابسها خجلانه من كلامه وفهد مستانس لخجلها منه ام نورىفطلعت غرفتها وفتحت خزانتها وطلعت صندوق وفتحته وطلعت مذكراتها لمى كانت متزوج جاسر لانها كانت تكاب كل الي تحس فيه جهته وفكرة تعطيه له اذا ياهم بكره وتخليه يقراه ويرد عليها برايه وبعدها تخبره بردها لانها تبيه يعرف بكل الي حست فيه واهي معاه واهو يعذبها ..... باليوم الثاني متعودين يجتمعو ببيت ابو فهد بيوم الاجازه يتغدو عنده والكل يحظر فكانت نور مجهزه المذكره بغلاف وحطته بكيس وركنته على جنب بغرفتها عشان تسلمه لجاسر لان جاسر لزم يطلب يشوفها ويتطمن عليها كل مره يزورهم ولمى قرب يمشو الجماعه ناداها فهد وطلعت له وكان جاسر معاه ... فهد : يله استلم شغلت كل اسبوع ... كاهي قبالك تطمنت ... جاسر : لا ما يطمني الشوف بس ... شلونج نور..... نور : الحمدلله تمام ... جاسر : اقول فهد ما تبي تهوينا شوي ... فهد : اييي ... لا تنسى انها للحين مو زوجتك فاهم ... بس لان امل من الوقفه بتركم ...اذا خلصت تدل الميلس ... جاسر : ههههه ادله يله روح ... نور : جاسر في شي بييبه وارجع ... جاسر : لحظه نور بعدين الحين خليج ... نور : اوكي بس لا تطول تعرف اتعب من الوقفه ... جاسر واهو ينزل على ركبه قبالها ويمسك بطنها : متعبينج ... نور : جاسر قوم كم مره بنبهك ما يصلح الي تسويه ... جاسر واهو يحط راسه على بطنها : بس شوي نور بسمعهم ... مني واحد صح ... ابتسمت نور لان جاسر صار يعرف مكانه واهو يسمعهم او يلمس بطنها .. نور : اي مني ... جاسر : والثاني مني بس نايم ... عيالي شطار يتناوبو بالنوم ... طالعين على ابوهم ... نور : اي كثر منها طالعين على ابوهم ... جاسر : لا تخليني اتهور الحين ... تراني واصل حدي وانتظر ... نور متى تحني علي والله تعبت ... نور واهي تنزل راسها : جاسر في شي بسلمه لك ابيك تشوفه وترد لي رايك وبعدها بقول لك قراري حتى لو ما عجبني ردك بس هالشي لزم تشوفه ... جاسر واهو يرفع راسها من ذقنها : وشنو هالشي ... نور: بييبه وانت شوفه بنفسك ابيك تشوفه وانت بروحك محد معاك .... لحظه وبرجع ... هز جاسر راسه وراحت نور ورجعت بعد مده ومدت له الكيس فابتسم واخذه ... جاسر : بحطه بسيارتي مابي احد يشوفه معاي .... متلهف اعرف شنو فيه ... نور : اتمنى تفهم الي فيه ... جاسر حط ببالك الي ييد شي مهم لي تعرفه ... جاسر : يهمني اعرفه ... برد عليج بكره اوكي ... وبتردي علي صح ... انتي قررتي بس لمى تهورت غيرتي رايج صح نور : صح ... بتركك تعبت من الوقفه ... جاسر : اوكي انتبهي لنفسج ولعيالي ... نور ... نور واهي تلف تطالع : نعم ... جاسر بصدق : والله احبج ... وبثبت لج هالشي ... ابتسمت نور وابتسم جاسر لها ودخلت قبل يمد يدها ويسحبها لانه قرب لها واهي صارت تفهمه من نضراته فضحك لانها هربت منه بسرعه وصارت تفهمه واخذ الكيس وراح وحطه بسيارته واهو يفكر بلي فيه ومتشوق يعرف .... لمى وصل بيت ابوه طلع بسرعه وبيده الكيس وسكر على نفسه وغير ملابسه وقعد على السرير وفتحه واستغرب انه لقى مذكره وتذكر انه شافه من قبل مع نور وفتحه وفهم انها تبيه يعرف بالي حسته لمى كانت معاه ففتح اول صفحه وكانت كاتبه انها تكتب اول احاسيسها وحياتها معاه وان هذي المذكره بداية حياتها معاه ففتح الي بعدها ولقاها كاتبه بلي صار اول ليله لهم وانه اهانها بكلامه وانها تعرف انه مجبور وماكانت تنتظر منه الا الاحترام وصدمتها فيه كبيره لانه يتباها بعلاقاته وحبه لوحده لمسها بالحرام فاي نهايه بتكون لبدايه غلط وارتاحت لانه يبعدها عنه وتتمنى تكون علاقتهم قبل تبتدي تنتهي ... كمل باقي الصفحات وكل صفحه تعبر فيها عن معاناتها معاه وبجى بكل كلمه يقراها منها وحس كان روحه بتطلع من كثر ما تالم للي سواه فيها لان نور تشرح بكل الي تحسه ناحيته وانصدم انعا معترفه بحبها له برغم سوء معاملته لان قلبها دق له من صارت حلاله وانها ما سمحت لنفسها تخونه لو بالتفكير واخر ورقه كانت عن لمى اعتدى عليها وشلون حست انها تدمرت لكنها حست بلحظه بالمحبه منه ووصفت نفسها بالمجنونه لانه فكرة انه للحظه يحبها او يكن لها شعور غير الكره وانها انصدمت بالي شافتها معاه وتقصد فيها اثير وانها شاكه انها مسوي له شي او ماسكته بذله لان بنضرها جاسر مستحيل يربط نفسه بوحده مثلها مو يعارض ابوه ويقهره عشانه وانها وكلت امرها لالله وانها بتبدي حياة يديده وتنسى كل الي سواه فيها وتعيش لنفسها ومستحيل ترتبط وتسلم نفسها لريال ثاني وقلبها متعلق فيه وبعد اعتدائه لها سبب عندها عقده وخوف من اي رجل حتى لو تحل له .... | ||||
|
| |
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
