06-06-20, 02:11 AM
| #11 | ||||
| مشرفة منتدى الصور وpuzzle star ومُحيي عبق روايتي الأصيل ولؤلؤة بحر الورق وحارسة سراديب الحكايات وراوي القلوب وفراشة الروايات المنقولةونجم خباياجنون المطر 
|  الذين يشاهدون محتوى الموضوع الآن : 6 ( الأعضاء 2 والزوار 4) أميرة الوفاء, houda4 | ||||
|
|
08-06-20, 05:20 PM
| #12 | |||||
| اقتباس:
الله يبارك ف حيااتججج تسسلمييي مررررره وجودك أسعدني عزيزتي | |||||
|
|
|
09-06-20, 04:13 PM
| #13 | ||||
| السلام عليكم ورحمة الله وبركاته أعزائي في كل مكان أهلا وسهلا بكم من جديد في رواية "معجزة في قلبه" كيفكم ؟؟؟ اشقتلكم مررره هههه شرايكم بالبارت الثاني ؟ أتمنى إنه نال على إعجابكم توضيح بسيط : اريد فقط ان اقول انا لا ابحث في روايتي هذه عن التميز او التفرد ولا اكتب لكي اقلد غيري ولكني فقط اعبر عن مشاعر واحلام وانهزامات مكبوته داخلي ولو ظلت مكبوته ستنفجر بي فأردت مشاركتكم بها وآمل ان أجد عندكم السلوان واريد ان اوضح لكم باني لست كاتبه او روائيه انا مجرد فتاه لها بعض المشاعر والاحاسيس المكبوته واردت ان اخربش بها على بعض الاوراق لتظل ذكرى ........مجرد ذكرى عزيزاتي... أدري اني مقصره مرره ف حق بعض الشخصيات ، بس هالفتره عندي ظروف ... بس أوعدكم بإذن الله من الأسبوع الجاي البارتات رح تكون أطول وبحاول أعطي كل شخصيه حقها ترا الروايه للحين م ابتدت أحداثها اللي ف بالي ، إن شاء الله من الأسبوع الجاي نبدأ بالأحداث اللي ف بالي ... والله ولي التوفيق الشي الوحيد اللي ابيه منكم هو دعمي وتشجيعي وردود تجبر الخاطر وتخليني أواصل مسيرتي في كتابة الروايه بليز الحلوه اللي تقرا روايتي ترد حتى لو برد بسيط يسعدني "فضلا وليس أمرا عزيزاتي" طيب ومثل ما وعدتكم اليوم بنزل لكم البارت الثالث من روايتي وإن شاء الله اشوف ردود وتحفيز أكثر البارت إهداء لجميع الحلوات اللي معي يلا نبدأ ************************************************ الــــــــــــــــبــــــ ــــــ3ـــــــــــــارت البعض شارد في عالمه الجديد، والبعض هَزّه الحنين وفي قلبه كلام يتمنّى أن يحلق في السماء ويُلقيه على مسامع الجميع، ويصرخ لنعود كما كنا، فالحنين إلى أيامنا الخوالي قتلني. يوم الثلاثاء... 12:15 م ... نرجع لعند الثلاثي المرح هههه اكيد عرفتوهم >>> أحب ناس ع قلبي هههه ساره : مععينوه حركي بسرعه معين : وااي قسمبالله خايفه ساره : اووهوو هذي اللي بتذبحني انا فداء : وربي مي تووو معين : خلاص خلاص يلا ساره : سمعووا ... انا بروح اسولف مع الحارس والهيه والفدا "دلع فداء ههه " تراقب الاداره ومعينووه ما عليها غير انها تطلع وبعدها تجي الفدا ونطلع فداء ومعين : تممم _خلوني اخبركم الخطه ... ساره تلهي الحارس ومعين تطلع وتجي فداء لابسه عباه ع اساس انها ام ساره ويطلعون_>>اعتمدوا الخطه يبنات ههه وتمت الخطه بنجاااااح وطلعوا الثلاثي بسلامم  فداء : يلا جاايز هجوووم ع المقهى ساره : ييلا وربي فيني جووووع السنانير " القطاوه،البس،الهره " معين : الحمدلله طلعنا اففف ساره : امشي امشي بلا كلام زايد _راحوا المقهى هههه وطبعا بما انه مقهى وقريب من مدرسة البنات يعني اكيييييد م يفضى من الأولاد ههههههه >>> احسني ظلمت الشباب شوي لاه هههه_ فداء : ساااروه شوفي ذاك شحلاته ساره : افف يطيح الطير من السماا معين : قسمبالله مو وقتكم ساره : جب انتي ، شوفي وسكتي فداء : شووفووا شووفووا ذاك يغمزلنا آهه يويلي >> هههههه افف تخرفنت ساره : يممه بنجلط من وين جايب هالحلا كله >> وهذي الثانيه ههههه معين : اوووي عيب وربي خلونا نطلب اللي نبيه ونطلع بسرعه >> معين تمثلني وبقووه ههههههههههههههه ساره : اليووم عناد فيج م بطلع إلا وانا مرقمه واحد منهم فداء : مي تووو معين : اوووف قسم الكلام ضايع معكن _نرروح للشباب_ ... : اففف صااارووووخ ... : اي والله خاصه ام عيون زرقاء ... : تركي نروح لهن لا يضيعن يخوي تركي : اي قلتها ي معاذ يلا _وراحوا للبنات ههههههههههههه_ معاذ : صوبنا صوبنا تركي : آآخخخ يقلبي معاذ : آآخ يبطني فداء وساره : ههههههههههههههههههههههه تركي ضربه ع راسه : اووي شنو بطني فضحتنا "فشلتنا" الله يفضحك معاذ : آآآيي ، شفيك!! وربي يطني يعورني من الجوع شسوي تركي : اسكت اسكت اقول ساره : هههههههههههههه تركي : آآآه فديت الضحكه ينااس معين بعصبيه : استح ع وجهك انت وذا ويلا روحوا معاذ : علامه الحلو معصب معين : تفوو عليك فداء : معينوه عيب معاذ : آآآه اجمل من نطق فداء بخجل : تسلم معاذ : وليييك ربي يسلمك ويسلملي هالخجل اناا >>تحمس ههههههه ساره بدلع : يلا بنات نررروح تركي : ع وييين يقلبي ، غداكم ع حساابنناا معين : لاا والله هذا اللي ناقص بعد ساره : لا شباب م نبي تركي : تاكلون يعني تاكلون ساره : لا رح نروح تركي : طيب ع الأقل الرقم بسس معاذ وهو يناظر فداء : اي بلييييييييييز ساره وفداء : طيب >>> افف م صدقوا خبر ههههههههههههه _وتبادلوا الأرقام وطلعواا البنات واستلمتهم معين بنصائح ووو وهن ولا ع البال ومطنشين ع الآآآآآخررر_ ساره : اووف معينوه وربي هلكنااا معين : طيب طيب ، خلوني اتصل بعزوز ابرك فداء : اي زين وربي بمووت من الحر _ واتصلت معين ع أخوها اللي م رضى يجي ف البدايه لكن لما قالت ان سارهه معها ع طول وافق هههه ، وفداء اتصلت بأمها تستأذن ووافقت الأم وتم جدولهم مثل ما خططوا ههههههه_ فـــــــي الــــــــســـــــــــيــ ــــــــــارة معين : الحمدلله انك جيت وربي شوي ونصير دجاج مشوي عبدالعزيز : قصدج بشر مشوي ، تراه احلى معين : هيهيهي سخيييف عبدالعزيز : م اسخف منج فداء : احم احم مشكور عبدالعزيز تعبناك عبدالعزيز : ولوو تعبكم راحه معين : زين احين شغللنا شي عبدالله : من عيوني وهذا إهداء للغوالي "وشاف ع ساره من مراية السياره وهي سافهتنه هههه" وشغل أغنية : ﺇﻧﺖ ﻋﻤﺮﻱ ~ ﻟﻮ ﻓﻘﺪﺗﻚ ﻣﺎ ﺑﻘﻰ ﻟﻌﻤﺮﻱ ﻭﺟﻮﺩ! ﻭﻳﻦ ﺃﺭﻭﺡ ﺑﻜﻞ ﺣﺒﻲ ﻭﺃﻧﺖ ﻷﻭﻃﺎﻧﻪ ﺃﻣﺎﻥ ﻣﺎﻝ ﺣﺒﻚ ﻳﺎ ﻋﻴﻮﻧﻲ ﻓﻲ ﻃﺮﻑ ﻋﻴﻨﻲ ﺟﺤﻮﺩ ﻟﻮ ﻧﺴﻴﺘﻚ ﻣﺎ ﺑﻘﻰ ﻟﻲ ﻭﺳﻂ ﻫﺎﻟﻌﺎﻟﻢ ﻣﻜﺎﻥ ﻟﻮ ﺑﺮﻕ شوقك ﻳﻨﺎﺩﻱ ﺟﺎﻭﺑﻪ ~ ﺷﻮﻗﻲ ~ ﺭﻋﻮﺩ ﺃﻧﺖ ﻛﻞ ﺍﻟﻨﺎﺱ ﻋﻨﺪﻱ ﻳﺎ ﺑﻌﺪ ﻛﻞ ﺍﻟﺰﻣﺎﺍﺍﺍﺍﻥ *********************************** يوم الثلاثاء ... 5:26 م ... في إحدى كليات الطب تحديدا.... بثينه : اوووه حدي تعبت اليوم ... : اي والله ، ومب كافي ان محاضراتنا للساعه 5 وبعد نهايتها مع حضرة جناب الدكتور حمود افف بثينه : اي وربي هالإنسان غثيييييييث ، إلا سمروهه سمعتي لما يقول "وهي تقلده:خلاص طلعوا م بطول عليكم بس هالمره بس مو كل يوم عيد خخخ سمر : وععع الله يصرفه ، مب كأن نص ساعه من محاضرته عن ساعتين ، ابد م يسكت أعوذبالله قبس : هاااااااااااااااااااي هههههههههههههه شفيهم الحلوين معصبين بثينه : افف اسكتي قبسووهه تتوقعين طالعين من محاضرة منو قبس : اكييييييييييد حمودووه ههههههههههههههه سمر : هو مالت عليه قبس : قسم تحححفه ههههههههههه بثينه : معليه ضحكي ، يالله عسى يدرسج ياارب قبس : لا لا فال الله ولا فالج سمر وبثينه : ههههههههههههههههههههههههه هه قبس : وجع شفيكن؟ سمر : والله لو درسج لتعرفين شو يعني محاضرات قبس : بسمالله علي ، الله يبعده عني بثينه : هههههههههههه قبس : افف بثينه جايه اسألج ونسيت بثينه : شنوو يقلبي قبس : منو بيرجعج البيت؟ لأن تدرينن ميثوه مخلصه من الساعه 2 ومبارك يخلص 8 وماعندي احد يرجعني بثينه : للأسف رشود بيخلص احين وبيمر علي قبس : وجع يالكلبه شنو للأسف بثينه : يعني ادري ان القلب مع احم احم قبس : قسمبالله لو م سكتتي لأوريج الأححم احم ع اصولها بثينه : هههههههههههههه طيب طيب خلاص سكتت سمر : اقوول بنات انا رايحه اخوي وصل يلا تشاااو بثينه وقبس : تشاااااو _دقايق ورن فون بثينه_ بثينه : ألو راشد ... اي مخلصه ... طيب دقايق ونكون عندك ... يب عندي قبس بنت عمي ... ان شاء الله >>> للحين م ابيكم تسمعون صوت راشد ههههههههههه بثينه : يلا مشينا _وراحوا للسياره_ فــــــــي الـــــــــســـــــيـــــ ـاره قبس : سوري راشد تعبتك راشد : لا افا عليج بنت العم ع العين والراس قبس : تسلم راشد : إلا صح بثون تعرفين وين بيت معين ولا شنو بثينه : ههههه صديقة سوير ؟ راشد : اي هي بثينه : اي معين ، اعرف بيتهم ...ليش؟ راشد : سوير معها هي وفداء بنت عمتي >> وعررفنا شي جديد بثينه : ايوااااه ، والله هذيلا بيذبحوني ... يعني الإختبارات م باقي عليها شي وهن ولا هامنهن راشد : اي والله مستغرب ، وامي الله يهديها مخليه سوير ع راحتها بثينه : والله مو امي بس ،كلكم مدلعينها ذي واخاف تضيع والله راشد : بسم الله عليها ،بس مهما صار تدرين انها الصغيره ودلوعة البيت بثينه : اي صغيره م قلنا شي ، بس الدلع م يفيد راشد : كله خير _وصلوا لبيت عمهم ونزلت قبس ، وبعدها راحوا لبيت معين وجابوا الحلوات ساره وفداء ههه_ بثينه : ها عسى شبعتوا ساره : رجااء بثون تراني فرحانه مره فلا تخربين فرحتي بثينه : عسى خخير شو اللي مفرحنج ساره : مالج دخل فداء : بالضبط بثينه : مااالت عليكن ساره وفداء : وعليييج راشد : هههههههههه لقطي ويهج بثينه : صج م تنعطون وجه راشد : إلا كيفكم يبنات ساره : مررره تمام فداء : منيحيين راشد : دوم يارب _ووصل الباص اقصد وصلت السياره هههههه لبيت عمتهم ونزلت فداء والباقين توجهوا للبيت ، طبعا بثينه وساره ع طووول للسرير ، اما راشد فجعد مع امه شوي وبعدها راح يناام_ خلونا نروح لمكاان ثاني بعيد عن هالمنطقه شوي *********************************************** .... : سلطاااان سلطان : عيوون سلطااان .... : تعال شوف عيالك وربي تعبت منهم سلطان : وينهم ...انا بأدبهم لج ، م عاش اللي يتعب زوجتي عواشتي عائشه : يقلبي انت محد مريحني ف هالحياه كثرك .. والله شسوي بدونك سلطان : يعمري انا معججج ومستحيل تكونين بدوني عائشه : الله لااا يحرمني منك سلطان : ولا مننج ... : ولا مني سلطان : وييه دز ويهه ذا بعد ههههههههه عائشه : سلطانوه لا تضححك ، وانت سيفوه م قايلين م نتدخل ف سوالف الكبار ؟؟ سيف : طيب طيب عائشه : اي طيب ... زين روح جيب يسوف "دلع يوسف ههه" سيف : وانا م عندي شغله غير جيب وجيب سلطان : اووص لا اقطع لسانك يمسود الوجه سيف : لا تكذب والله وجهي ابيض سلطان : انقلع انقلع جيب اخوك لا انط عليك سيف بصراخ : رااااااااااااااايح سلطان : وجع مم صوتت عليه ولدج عائشه : قول ماشاءالله سلطان : ههه ماااشاااءالله عائشه : اممم سلطانني سلطان : عيوونه وكله لج تدللي عائشه : فديتك يقلبي ... امم ابي اروح بيت أهلي اجعد معهم يومين سلطان : من عيوني تآمرين آمر ... بس متى؟ عائشه : تسلم عييونك ، مدري والله ههه سلطان : شوفي هالفتره صعب لأن إختبارات فداء قريبه وأولادج م بيخلونها تذاكر ف بعد الإختبارات بنروح لهم إن شاء الله >> حلو عررفنا شي جديد انو عائشه وفداء خوات عائشه : اي والله صدقت ، حلو بعد الإختبارات وبتكون أماني رجعت من بريطانيا >> وأمانني اختهم وبنعرفها أكثر مع أحداث الروايه إن شاء الله سلطان : خلاص عيل اتفقناا عائشه : إن شااء الله سلطان : خلينا نروح نشوف أولادج ، اختفوا مرره عائشه : اككيد جاعدين ع راس عمتي يحليلها >>عمتي:أم زوجي سلطان : هههههه يونسوونها شوي عائشه : أي وناسه الله يهديك كله طاخ وطيخ سلطان : هههههههههههه من أمهم؟ عائشه : قصدك من أبووووهمم ؟ سلطان : هههههههههههههههههههههه _ونزلوا لأم سلطان ، طبعا التعريف بهذي العايله الثغنونه بيكون مع الأحدداث الجايه إن شاء الله_ ******************************************* بــــعــــد يـــومــــيــــن يوم الخميس... 6:34 ص ... محمد : قاسم يلا خلص أكل والله تراني مو سواقك قاسم : اففف وانت م تخلي الواحد ياكل ع راحته ساره : هيهي قسسومي قول انك م تبي تروح المدرسه وخلصنا وبلاش تغصب نفسك ع الأكل قاسم : قسمبالله ي سوير لو م بلعتي "كليتي" لسانج وسكتتي لأعطيج كف يدور هالراس راشد وهو جاي للصاله : صبااااح الخيير ساره بدلع : صباااح الحب لحبيبي الحللو راشد : يعمري ع دلوعتي انا قاسسم : ويييع عاد م لع يقطع الكبد ساره بدلع : رشووود شوف قسوموه راشد : قسوووم انا كم مره قايل لك اببعدد عن سوير قاسم : مالت ساره : عليييك محمد : سوير حبيبتي سفهيه ويلا تعالي اوصلج انتي وخليفه للمدرسه وهذا بعدين أوريه خليفه : اي والله نروح ترا تأخرنا ساره : تكلم مصطفى قاسم : اووووي انكتمي تراني م ارضى ع توأمي فديته ساره : ويييع من حلاتك انت وتوأمك قاسم : سوير ترا عادي تقولي انج تغارين ساره : لاااه .. انا اغار من هالأشكال فاطمه "الأم" : خلااص خلااص صدعتوني سوير يلا روحي وانت قوم بسرعه مريم : يمه يعني م تدرين ان هالمناقره "الضرابه" من العادات والتقاليد كل صبح بثينه : والله كله من دلعكم لذي أمم لسان ساره : جبب انتي م دخلججج قاسم : وربي هالسوير م تحط حد بحاله ساره : وانت بعد م دخلكك فاطمه : إلا رشوود ووين علاوي راشد : ايي زين تذكرت والله ... يالغاليه علي نايم وقال اوصيج تصحينه الساعه 10 لأنه بيطلع مع الربع فاطمه : هالولد م عنده غير ربع وربع الله يهديه بس محمد : الله يهديه ... ويلا انتوا ع السياره _وطلعوا محمد وخليفه وقاسم وساره ، وبعدهم راشد ومريم وبثينه ، وفاطمه "الأم" رجعت تنام عشان تقوم الساعه 10 وتقوم ولدهاا_ ************************************** يوم الخميس .... 8:15 ص .... وسن : مبااارك يلا قووم ترا حدك متأخر مبارك وهو م حاس : بس 5 دقايق وسن : ياااربي من ساعتين وانت بس 5 دقايق و5 دقايق مبارك : لا رد >>> غاط بساابع نومه هههههه وسن : طيب أنا أوريك "وراحت تجيب بنتها وحطتها فوق مبارك ههه وطبعا هننوده الثغيره م قصرت ف ابوها صراخ ونط وضحك وكل أنواع الإزعاج ووسن تضحك ع شكل مبارك المنزعج ههه" مبارك : اووف منج انتي وأمجج ... م تخلون الواحد يرتااح وسن : انت اعرف الساعه كم وبتعرف شنو يعني راحه ههههه مبارك وهو يقوم : كمم وسن : 8 وربع يحيلو مبارك : حلفففي وسن : هههههههههههه والله مبارك وهو يركض للحمام : غببتت من ابوو مبارك وسن : ههههه يلا خلص وتراني جهزت لك ملابسك والفطور .. وأنا برووح أفطّر هنووده مبارك : طييب _وراحت وسن تفطّر بنتها وبعدها جا مبارك وفطر شوي وعلى طوول للشركه هههه >> الله يعينه_ ************************************ يوم الخميس ... 12:22 م ... فداء : والله بناتت بشتااقلكم ساره : وانا بعددد ، م مصدقه انو م بنشوف بعض أسبوووع معين : اففف الله يعيننا ... اهم شي نشد حيلنا ف هالأسبوع عشان نقدم ف الإختبارات شي يرضي ساره : انتي شدي حيلج هالأسبوع ... وانا بشد حيلي ف النقل ف الإختبارات >> الغش يسري بعروقها هالبنت فداء : وربيي ابيج بسس مره تقولي ان شاء الله بشد حيلي وبذاكر بس مااشي فايده ساره : الله خلقني جيه شسوي معين : استغفرالله ، الله خلق لكل انسان عقل يقلبي بس انتي م تبين تستغلينه مالت ععليج ساره : تمام مطوعتناا فداء : هههههههه ام التطنيش معين : اشوفها ، إلا صحححح ساره وفداء : شنووو معين : مي بتكون ف صفنا ف الإختبااراات ساره : حلففي معين : والله ...قبل شوي شفت القائمه ساره : هالله هالله ، عييلل فرصتنااا جاايز معين : يببب فداء : لازم نعرف كل السالفه ساره : اهاااا ... عيل منو اللي كان يتكلمم عن لقافتنا معين : اي ووالله منوو فداء : افف م ينسون شي أعوذبالله معين : ابدد ساره : ايي صح الفداا فداء : عيونها ساره : تواصلتي مع ذااك فداء : ايي ؟ ساره : اللي ف المقهى فداء : لا والله تصدقين نسيييت ساره : عيل اسمعي من نخلص اختباراتنا بنتواصل وياهم زين؟ فداء : تمم معين : الله يهدييييييييييييييكنن ساره وفداء : آآآمييين ********************************************** يوم الخميس ... 1:30 م ... .... : خلاص يطالبات فهمتواا ؟؟؟ الطالبات : اي استاذه .... : احد عندو سؤال الطالبات : لاا تك تك تك >> صوت الباب تذكرونه ؟ هههه ... : تفضلي استاذه المديره : السلام عليكم الكل : وعليكم السلام المديره : لو ممكن ابيج برع شوي استاذه مريم >> تتكرون مريم ؟ اخت سوير مريم : إن شاء الله إستاذه ، بعد إذنكم بنات شوي وبرجع _وطلعوا لبرع_ المديره : استاذه مريم مثل م تعرفين انو قبل فتره صار إجتماع وذكرت أسماء المعلمات اللي بيكونوا ف المراقبه ، وكان اسمج مب من ضمنهم مريم : اي إستاذه المديره : طبعا تم تغيير بعض الأسماء وصار اسمج من ضمن المراقبات مريم بفرح : الحمدالله والله كنت محاتيه "افكر" طالباتي المديره : اي وانا ضفت اسمج لأمانتج بصراحه ، والله يوفق الجميع مريم : آآميين وجزيتي خيرا المديره : ولكي بالمثل حبيبتي _وراحت المديره ، ومريم دشت ع طالباتها وبشرتهم والكل فررح_ **************************************** نرجع شوي لوراا ... قبل 4 ساعات فاطمه : علااوي يلا حبيبي قووم جات الساعه 10 علي بتثاوب : طيب يمه فاطمه : علووه اذا م قمت بجيب المااي البارد علي فز من مكانه : قمت قمت فاطمه : ههههه الله يحفظك يروح امك علي وهو يبوس راسها : ويحفظج لناا يكل علي انتيي _وراح ياخذ دش وطلع لربعه_ ... : علاوي لو م جيتت والله كان أحسن علي : حميدان شبلاك والله الطريق كان زحمه حمدان : جيب كذبه غيرها ذي خلصت صلاحيتها ... : هههههههههههههههههه جبتهااااا علي : هين يعزوز اضحك اضحك مالت عليك>> تتذكرون عزوز اخو معين؟ عبدالعزيز : ههههههههههههههههههههههههه ههههههه علي : والله فاااضي حمدان : زين مشينا تراني جيعاااان علي : كل تراب حمدان : انكتم لا تاكل التراب من ايدي عبدالعزيز : اتخيييل بسس ههههههههههههههههههههههههه هههههه علي وهو يناظر حمدان : شبلاه هذاا حمدان : والله مدري من جاي وهو يضحك علي : من ضححك أولا بكى أخيرا حمدان : خير يارب عبدالعزيز : هههههههههههههههه علي : قوم قوم نروح ناكل لا اذبح ذا عبدالعزيز : صح والله نقوم ههههه حمدان : زين حسيت ... طيب يلا كلكم بسيارتي والبترول عليكم علي : وانا اقول ذا مستحيل يسوي شي لوجه الله حمدان : اقول انكتم واركب علي : لا انا بروح بسيارتي لأني بعدين بروح اجيب اخواتي حمدان : طيب يلا عزوز عبدالعزيز : يلا _وراحوا حمدان وعبدالعزيز ف سياره ، وعلي ف سيارته_ حمدان : أقووول علووه شرايك نسوي سبااق علي : فوووقه عبدالعزيز : حبيييب ، يلا نبدأ 1 2 3 _وانطلقوا الشباب مع صراح وتشجيع عبدالعزيز لحمدان لأنه معه ف السياره ههه_ طاااااااااااااااااااااااا اااااااااخ ************************************** انــــــــتــــــــــهـــ ـــــــــى الــــــــبـــــــــارت الأســـــــــــــــــــــ ــــئـــــــــــــــلــــ ـــة : " بثينه : للأسف رشود بيخلص احين وبيمر علي قبس : وجع يالكلبه شنو للأسف للأسف بثينه : يعني ادري ان القلب مع احم احم قبس : قسمبالله لو م سكتتي لأوريج الأححم احم ع اصولها بثينه : هههههههههههههه طيب طيب خلاص سكتت # منو هو اللي فقلب قبسس يا ترى ؟؟ "_وانطلقوا الشباب مع صراح وتشجيع عبدالعزيز لحمدان لأنه معه ف السياره ههه_ طاااااااااااااااااااااااا اااااااااخ # شنوو اللي صاااار ؟؟ وياريت الكل يتوقع يحيلواات اتمنى اشوف ردوودكم الحلوه بإذن الله البارت الــ4 رح انزله يوم الجمعه دمتم بخير أحبتيي . التعديل الأخير تم بواسطة ebti ; 09-06-20 الساعة 07:13 PM | ||||
|
|
|
12-06-20, 02:00 PM
| #14 | ||||
| السلام عليكم ورحمة الله وبركاته كيف حالكم إن شاء الله دائما بخير ؟ حزنتوني كثيييير بنات كنت منتظره ردود بس للأسف م شفت شي لذلك م رح انزل البارت الــ4 اليوم ملتقانا يوم الثلاثاء بإذن الله ... اذا شفت ردود رح أكمل مشوار هذي الروايه بس اذا م شفت ردود فسامحوني رح أنهي المشوار اللي لسى ف بدايته من هذي الروايه و شـكــ وبارك الله فيكم ـــرا لكم ... لكم مني أجمل تحية . | ||||
|
|
|
04-07-20, 07:48 PM
| #15 | ||||
| يهلااا ببنت بلادي ههه حبيبتي والله الروايه تستاهل ردووود ردووود ردووود بس مدري شفيه المنتدى نايم خخخخخ حبيت اقولج أن الروايه م عليهاا كلاااام وربي ابدااااااع بليييز استمري ونزلي البارت ال4 ف أسسرععع وقت بليز اتمنى أقرأ البارتات اللي بعدها ومتشوقه للنهايه ألففف | ||||
|
|
|
05-07-20, 08:44 PM
| #16 | |||||
| اقتباس:
م اكذب عليج اني قررت احذف الروايه خلاص لأني يأست بصراحه بس عشان خاطرج رح انزل البارت ال4 بكرا إن شاء الله | |||||
|
|
|
12-07-20, 10:30 AM
| #17 | ||||
| اشراف القسم 
| تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء (rontii ، um soso ، كاردينيا الغوازي, rola2065, ebti ، رغيدا) تحياتنا اشراف وحي الاعضاء | ||||
|
|
|
15-07-20, 04:26 PM
| #20 | ||||
| السلام عليكم ورحمة الله وبركاته أعزائي في كل مكان أهلا وسهلا بكم من جديد في رواية "معجزة في قلبه" كيفكم ؟؟؟ عدنااا من جديد اشقتلكم مررره وزعلانه منكم مررات >>فيس يصيح ايهي ايهي شرايكم بالبارت الثالث ؟ أتمنى إنه نال على إعجابكم عزيزاتي... وعدتكم إن بإذن الله وتوفيقه البارتات رح تكون أطول وبحاول أعطي كل شخصيه حقها وزي ما قلتلكم إن الروايه للحين م ابتدت أحداثها اللي ف بالي ، وإن شاء الله من اليوم نبدأ ببعض الأحداث ورح تتغير طريقة كتابتي للروايه شويات ... والله ولي التوفيق الشي الوحيد اللي ابيه منكم هو دعمي وتشجيعي وردود تجبر الخاطر وتخليني أواصل مسيرتي في كتابة الروايه بليز الحلوه اللي تقرا روايتي ترد حتى لو برد بسيط يسعدني "فضلا وليس أمرا عزيزاتي" طيب ومثل ما وعدتكم اليوم بنزل لكم البارت الرابع من روايتي وإن شاء الله اشوف ردود وتحفيز أكثر البارت إهداء خااصص لـــ ابتسامتي ورد ... اللي اسعدتني كثييير بردها وإهداء عام لجميع الحلوات اللي يقرأون بصمت ، تواجدكم يسعدني يلا نبدأ ****************************************** إنّ هواك في قلبي يضيء العمر إشراقاً سيبقى حبّنا أبداً برغم البعد عملاقاً ففي وقت اشتياقي لك، تتركّز كلّ أفكاري وتهرب مني إليك، ويشدّني الشوق والحنـين بشدّة إليـك. _وراحوا حمدان وعبدالعزيز ف سياره ، وعلي ف سيارته_ حمدان : أقووول علووه شرايك نسوي سبااق علي : فوووقه عبدالعزيز : حبيييب ، يلا نبدأ 1 2 3 _وانطلقوا الشباب مع صراح وتشجيع عبدالعزيز لحمدان لأنه معه ف السياره ههه_ طاااااااااااااااااااااااا اااااااااخ حـــــــــــــــــمــــــ ــــــدان : وقّفت سيارتي ونزلت منها بلا وعي ، ف اذني صوت صراخ عبدالعزيز احاول افهم شنو يقول بس مب قادر ، وف عيوني علي اللي يطلعوه بعض الشباب من السياره وهو كله دم ... بلعت ريجي ونشف دمي وأنا أشوف صديق الطفوله وأخوي بالدم شايلينه وأشوف بعيونهم عبارة إنا لله وإنا إليه راجعون. عــــــــبـــــــدالـــــ ـعـــــزيــــــز : شفت انقلاب سيارة علي ونزلت من السياره ع طول وأنا أنادي : علييي ارجوك لا تروح ارجوك وربي انت الفايز انت الفايز بس لوحلي بايدك زي كل مره تفوز فيها ارجوووووك لا يخووي لااا ارجوك ... حاولت اشيله مع الشباب اللي ساعدونا بس م كنت احس بايدي وقفت اشوف كتلة الدم اللي طلعوها من السياره وانا اصرخ بنفس الكلام. ( بــعــد نــص ســـاعـــه ) فـــي الـــمــســتـــشـــفـــى : علي في غرفة العمليات والممرضات يدخلون بسرعه ويطلعون بيأس، عبدالعزيز وحمدان الله العالم بحالتهم .... ************************************** يوم الخميس... 1:30 م ... قاسم : يااخخي حماسسس واخيرا جاتنا إجازه ... : اي وربي فللله ، اقول قويسم اليوم بنجتمع مع الشباب عند الملعب اللي ع يمين حارتكم قاسم : حبييب ، والله محد يضبطنا غيرك ي نواف.."وبأسف:ليتك توأمي خليفه : لااه م عاجب حضرة جنابك ولا ايش وبعدين الحمدلله والشكر قالوا فتره للمذاكره م قالوا إجاازه نواف : اقول قويسم لا تزعج اخوك ف الإجازه اقصد ف فترة المذاكره خليه يذاكر عدللل قاسم : اكيييد طال عمرك لا توصي حريص خليفه : تدرون اكثر شي مفرحني؟ قاسم ونواف : شنووو خليفه : اني م بكون معكم ف اللجنه قاسم وعلي : احلفففف خليفه : ههههههههههههه والله ، طبعا حضراتكم م رحتوا تشوفوا القائمه قاسم : وابووي مصيبه حلت ع راسك يا قويسم نواف : وعلى راسك ي نوااف خليفه : هههههههههههه بنشوف من بيجتمع عند الملعب اليوم نواف : اقول امشي اخلص م بقى حد ف المدرسه غيرنا _وراحوا كل واحد لبيته وطبعا نواف يسوق فهو اللي وصلهم لبيتهم_ ****************************************** يوم الخميس ... 2:00 م ... فــــي بـــيــت أبـــو مــحــمــد الــلــه يــرحــمــه ... الكل مجتمع ع الغدا بإستثناء علي فاطمة "أم محمد" : محمد ورشود حبايبي عسى خير إن شاء الله راجعين من وقت اليوم محمد : والله ي تاج راسي هالفتره لغيت كل الحالات اللي معي ، لأن عندنا حاله غرييبه عجيبه وقلت بشرف عليها بنفسي ف بكذا قل الشغل فاطمة : اهااا ، الله يوفقك ي نور عيني ويشافي جميع مرضانا ومرضى المسلمين راشد : آميين الغاليه ، وأنا حسيت نفسي مصدع شوي ف قلت ارجع البيت وأساسا م عندي غير محاضرتين اليوم خلصت وحده والثانيه للأسف فوتتها قاسم بسخريه : للأسف راشد بعصبيه مصطنعه : م سمعتك شنو قلت قاسم : ولا شي يقلبي انت ساره بنذاله : قويسم يالدب لا تتمسخر ع رشوودي حبيب قلبي قاسم : تكلمت أم لسانين راشد : اسكت لا أقطع لسانك ساره : هههههههه كفووو ترررن ترررن >>> صوت الفون ههه ساره وقاسم وهم يركضون صوب الفون : هالله منو المتصل احيين الجميع : عسى خيرر وصلت ساره للفون قبل لأنها كانت الأقرب ورفعت السماعه : الوو ... : السلام عليكم ساره وهي تحس إن الصوت م غريب عليها : وعليكم السلام ... : ساره !!! ساره بصوت خفيف : لا ظلها ... : شنو ؟ ساره : ولا شي ... منو انت قاسم وهي يسحب الفون منها : السلام عليكم ... : وعليكم السلام ... قاسم ولا خليفه ؟؟ قاسم : قاسم طال عمرك تفضل ... : انا عبدالعزيز صديق علي قاسم : يهلا يهلا بأبو الشباب والله اررحب عاش من سمع صوتك عبدالعزيز بحزن : تسلم قاسم : يسلم غاليك ، تفضل عبدالعزيز : مدري شقولك ي قاسم بسس ... قاسم بخوف : شنوو عبدالعزيز بتوتر : بس هو زين الحمدلله يعني لا تحاتوا إن شاء الله يتجاوز مرحلة الخطر قاسم : منهوووو !!! عبدالعزيز : أ..أخوك علي قاسم : عــــلـــي !!!! شنو فيه ووين هو فهمني الكل ركض لقاسم ومحمد وهو ياخذ السماعه منه : هلا عبدالعزيز عبدالعزيز : اهلين محمد محمد : الله يرضى عليك فهمني شصاير وخبره عبدالعزيز اللي صار بتلعثم وتوتر محمد : وانتوا ف اي مستشفى احين؟؟ عبدالعزيز : مستشفى الــ محمد : طيب "وسكر" راشد : محمد شنو صاير انطق فاطمة : قووول ي محمد محمد بحزن وصدمه : علي سوا حادث وهو الحين ف العمليات فاطمة : ولدييي ... "وأغمى عليها ورفعوها محمد وراشد والكل للمستشفى" مــــريــــم : انقسمنا ف سيارتين ، سيارة محمد وفيها أمي وخليفه وقاسم .. وسيارة راشد فيها أنا وبثينه وساره ، أنا وراشد كنا متماسكين ونحاول نهدي بثينه اللي انهارت ونحن محتاجين اللي يهدينا ويخفف عننا بس الله الكريم ، بس اللي استغربته حالة سوير السااكته واللي تشوفنا بعيون كلها تساؤلات، سامحيني أختي مقدر أقولج شي أحين ... اممم مدري ليش حسيت الطريق وااايد طويل وكأنا خذينا 5 شهور لحد م وصلنا ، نزلنا وعلى طول ركض لجهة مجهوله ، كلنا نركض بس مب عارفين لوين .. اللي عرفته إن محمد وخليفه خذوا أمي لأنها كانت فاقده الوعي تماما والباقين كنا نركض بتشتت مب عارفين لوين ... وبعد ما يقارب الــ10 دقايق شفنا ربع علاوي واللي عرفهم رشود وسحبنا لهم . راشــــــد : امشي وأنا مب حاس بنفسي ، معقوله اللي سمعته صح !! أخوي علي اللي يشاركني باللقمه والسرير والفرحه والحزن وكلشيي ، اللي دايما يذكرني إنه يعتبرني أب قبل أخ وصديق ، آآآه يعلي أرجوك يكون مقلب ارجوووك ... شفت ربع علي عبدالعزيز وحمدان ورحت لهم ع ططوول ، كنت أبي أسألهم عن حاله بس أشكالهم خلتني اسكت مدري خوف ولا جبن ولا ايش يسمونه هالشعور بس انه يعووور ، حسيت قلبي بيطلع من مكانه ، م قدرت أشوف عيونهم ولا اتجرأت أشوفها أساسا ... وقف جنبهم جسدي ، بس روحي وقلبي وعقلي وتفكيري بمكاان بعيييييييد . ســـاره : آآآآه فيه شي بداخلي يصصرخ موجوع بس م قادره افهم شنو يقول ، ابي أركز ابي اعرف بشنو يصرخ بس م قادره ... أشوف رشود ومريم وبثينه وقويسم يركضون وأنا أتبعهم بلا وعي ، وقفت بمكاني ابي أركز شنو اللي جاعد يصير وشنو هاللي يصرخ بداخلي وشنو يقول... لكن لحظه لوين رايحين!! هذي مستشفى صح!! منو مريض!! ... تلفتت يمين ويسار وأنا أبحث عن أمي وأخواني بس م شفتهم ، هذولا وين راحوا وتركوني هنا!! يعني أنا وحدي هنا بس شنو جاعده أسوي وكيف وصلت هنا !! ... آآآآآآآه صرخت بأعلى صوووت عـــــــــــــلــــــــــ ـي عـــــــــــــــلــــــــ ـــــي ، لحظه فيه حد مسكني من كتفي منو يا ترى ؟؟ اشوف ولا م اشوف ؟؟ لا سوير لازم تشوفين ... تلفتت وشفت أ..أبـــوي!!! ... أبوي شنو يسوي هنا؟! اللي أعرفه إنه راح لبعيييد وتركنا بهالدنيا اللي م فيها خيرر وتركنا بظلمه م بعدها ظلمه ... منو يجيبلي بمثل قلبك يبوي؟ منو يستوعب هالحكايا اللي تستوطن قلبي وتاكل ذاكرتي؟ منو ينفض الحزن عني بعد موتك؟ والله بعدك م لقيتلي "وجدت لي" صديق غير وسادتي تتحمل أحزاني، وتمسح دموعي، وتخفف آلامي ... ليش رحت يبه ليييش !!! أحتااااجك ... محد حاس فيني يبه مححد ، أضحك واتمسخر والعب عشان أوريهم اني بنتك القويه اللي م يهزها شي ، بس يبه أنا كل يووم أهتز أتبعثر أنهدم أحترق وأموت ... آآه الله يرحمك ي يبه ، انقطعت صورة أبوي من جدامي ع صوت مو غريب علي ينادي باسمي ، شفته وبعد ثواني عرفت إنه محمد ... سحبني معه لمكان مدري شنهو بس أنا كنت أمشي بكل طواعيه ، اي صحح كنت اسمع صوت روحي وقلبي وحياتي ودنيتي ونوري وصديقتي وأختي وأمي ، كانت تصيح واللي فهمته إنها تنادي أحد بس منو !! مدري . مــــحــــمــــد : اللي سمعته كان مثل الصاعقه علي ، وفجأه شفت نور عيوني تطيح جدامي ... حسيت إني انتهين بس قلت لااا محمد لااا... إنت محمد أبوهم اللي لا باغو "أرادوا" يستندون تصير لهم جدار ، تطبطب ع أكتافهم وتصبرهم ، تبتسم ف ويوههم عشان يعرفون إن هناك أمل ولو كان بعييد بس فيه ... أخذت أمي وحطيتها بسيارتي وركبوا معي خليفه وقاسم ورحنا للمستشفى اللي قالي عنها عبدالعزيز ، دخلت لوحده من الغرف مع أمي وناديت الموجودين ، فحصوا أمي والحمدلله م كو شي غيره إنها صدمه ... خذيت أمي وطلعنا نشوف علي ، وفي الطريق شفت وحده تشوف الفراغ وتبكي عرفتها ع طول اي هذي سوير أختي بنتي حبيبتي ... رحت لها بسرعه وخذيتها ف حضني أهديها وأسمّي عليها وبعدها رحنا ع طول لقسم العمليات ، شفت راشد مريم بثينه قاسم عبدالعزيز وحمدان والكل حاله م يسر لا عدو ولا حبيب ... حطيت سوير ع اول كرسي صادفته وخليفه حط أمي بجنبها ورحنا لعبدالعزيز وحمدان اللي منزلين راسهم ويصيحون ، رفعت راس حمدان وابتسمت ف ويهه وردلي بإبتسامه باهته من بين دموعه ، قلتله : بشر يخوي عسى خيرر ... نزّل راسه وما رد علي وأنا فهمته اللي يبيني أفهمه ، رحت لأخواني أهديهم وأصبرهم عل وعسى أبث لهم الأمل والطمأنيه والراحه اللي افتقدهم . بــــــعــــد مـــرور ساعتين العائله كلها عرفت واللي تواجدوا ف المستشفى كالتالي : حامد "أبو مبارك" ، مبارك وزوجته وسن والصديق المقرب له ولمحمد "صالح" ، قبص ، نوريّه "أم عائشه" ، أحمد "أبو عائشه" ، فداء وأختها عائشه وزوجها سلطان اللي لما سمعوا الخبر ع طول للمستشفى ، منيره "أم عبدالعزيز" ، عبدالرحمن "أبو عبدالعزيز" ، معين وعائلة أم محمد كلها وحمدان و عبدالعزيز طبعا. الكل يترقب باب غرفة العمليات اللي محد يدخل ويطلع منه إلا الممرضات ، وبعد مرور 5 ساعات من وقت العمليه وأخيرا طلع الدكتور والكل م صدق خبر واجتمع عليه محمد : بشر ي دكتور الدكتور : كانت عمليه صعبه مرره لأن صار عنده نزيف ف الراس ، طبعا أقدر أقولكم إننا تخطينا مرحلة الخطر والحين بننقله للعنايه المشدده لمتابعة حالته ولكنن ... راشد بخوف : لكن شنوو !!! الدكتور بحزن : الشاب دخل ف غيبوبه ، الله يشفيه ويصبركم .."وراح عنهم" الجميع : لااا حول ولا قوة إلا بالله أم محمد : ياااارب طلبتك ياارب أنا عبدك ابن عبدك الضعيف اللي لا حول ولا قوة له إلا بك يا ذو الجلال والإكرام ، يا رحمن يارحيم طلبتك فلا تدرني خائبا يا عزيز يا كريم ، احفظ لي إبني يا الله ، يااارب احفظ لي الامانه اللي عطيتني إياها ، ياارب لا تمتحنّي في أولادي ياعزيز يا قدير الجميع : آآآآمييين آآمييينن أم عائشه : اللهم إني استودعتك ابن أخي ياا كريم فاحفظه يارب العالمين أم عبدالعزيز : آمين ياارب ، إن شاء الله م فيه إلا العافيه ويتدلع عليكم .. وبعد يومين تشوفونهم يراكضون هو وعبدالعزيز من مكان لمكان الجميع : آمين الله يسمع منج _من بعدها استأذنوا عائلة عبدالعزيز بإستثناء عبدالعزيز اللي لزّم يبقى مع صديقه وأخوه ، وبعدها استأذنوا عائشه وسلطان عشان يروحون لأولادهم وكذلك مبارك وزوجته ، وأبو مبارك استأذن بحجة الشغل بس بنته قبص ضلت مع عيال عمها ، وصالح بعد استأذن وراح ... وضلّوا : عائلة أم محمد اللي حاول فيههم محمد يرجعون وهو بيضل مع اخوه بس معاندين ، حمدان وعبدالعزيز ، قبص ، نوريّه وزوجها وبنتها فداء. قـــــبــــص : أين تنبض نبضات قلبي؟؟ ففي قلبي صدى صوتك أنت فقط ، أحتاج إليك كإحتياجي لإستنشاق الهواء ، أتدري بأنني أشعر بالسعادة الغامرة منذ أن أحببتك، فأنت حبيب العمر وحلم السنين ، أنت ألم قلبي وأنت الدواء الوحيد له ، أنت رغبتي وأنا محبوبتك ، أنت قصيدتي وأنا لحنك .... ربي هناك عزيزا أشتاق لقياه ، فبقدر شوقي إليه إشفه فأنت الشافي يا رب العالمين ، ربي ارزقني من الصبر بقدر اشتياقي له يااارب ، يارب احفظه بعينك اللتي لا تنام وقر عيني برأياه معافى ياااارب . بـــعـــد مـــرور أســـبــــوع .... حالة علي لا زالت كما هي ، وأهله وربعه حوالينه ع طول... خليفه وقاسم اضطروا يجعدون ف البيت عشان يذاكرون للإختبارات النهائيه ... وطبعا م باقي إلا يومين على بداية إختبارات ساره وهي الثانيه جاعده ف البيت ومرتبشه ، ساعه تذاكر وساعتين ع التلفزيون و5 ساعات للأكل واللعب >>> الله يوفقج حبيبتي هههههههههههههه... ومريم مع ساره ، تذاكر لها ومحاتيه طالباتها كثير ... بثينه ماشي حالها بس صايره تتغيب كثير عن المحاضرات وتبقى علي اللي بالنسبه لها توأمها ... محمد خذا إجازه ... راشد خذا إجازه من شغله بعد وبالنسبه للدراسه فحاله م يختلف عن بثينه ... أم محمد كل وقتها ف المستشفى ، تجلس جنب علي وتقرأ القرآن لحد م تغفى وكذاا ، حاولوا أولادها يرجعونها البيت بس مصره إنها م تترك علي إلا وهو فاتح عيونه ... قبص طنشت الدراسه من الآخر وتجعد مع زوجة عمها ف المستشفى 24 ساعه ، أمها كثيير معصبه من هالوضع بس عناد قبص وحبها لعلي أكبر من أمها وغيرها ... عبدالعزيز وحمدان يجون للمستشفى بشكل يومي ... معين وفداء مرتبشين ف الكتب والمذاكره مع العلم إنهن يتصلن ب ساره يوميا عشان يتطمنون ع علي ... مبارك وصلاح ف أي وقت يفضون فيه يروحون لمحمد ... نوريّه وزوجها كل يوم يزورون علي ... والباقي ماشي حالهمم .....^ ******************************************** يوم الأحد... 6:32ص... ساره وهي مغمضه عيونها وتمشي ف الصاله : ياربي نسيت شنو صيغة الماء اووف ياربي مريم بيأس من ساره : سوير حبيبتي ابعدي عن التوتر والقلق وكلشي تمام إن شاء الله ... ساره : ان شاء الله ... مريوم ماكو أخبار عن علاوي.؟؟ مريم : قبل شوي تواصلت مع أمي وقالت ماكو جديد ، اي صح سوير ادعيله وخاصه فوقت اختبارج وإن شاء الله ربج يجيب ساره : إن شااااااااء الله مريم : يلا حبيبتي تعالي كلي فطورج ، رشود بيوصلنا المدرسه ساره : تمام راشد وهو جاي صوبهم : ساره بعدج م خلصتي ساره : بسم الله رشود توني بديت آكل راشد : اوك اوك يلا انتظركم ف السياره مريم : رشود تعال أفطر راشد وهو طالع : مالي خلق ، يلا انتظركم مريم : يلا سوير ساره : يلا خلصت سريناا _وراحوا لسيارة راشد،وبعد اقل من 10 دقايق وصلوا لمدرسة ساره_ مريم : سوير حبيبتي لا تنسين الأدعية اللي حفظتج إياها وأهمشي لا تتوترين كوني ريلااكس والله يوفقج ساره : من عيوني يأحلى أخت...آآمييينن راشد : وماكو أحلى أخ لي؟ ساره : اممم هههه اوكي وأحلى اخ من بعد علاوي حبيب قلبي طبعا راشد بنبرة حزن : علاوي فوق الكل طبعا مريم : يلا يلا سوير بتتأخرين ساره : يلا تشاااو _ونزلت ساره للمدرسه ، وهم كملوا طريقهم صوب مدرسة مريم_ ************************************** يوم الأحد... 8:12ص... فـــــــــــي مــــســـــتـــشـــفــــى الــــ فــاطــــمـــة : الله من شر كلّ مرض يحميك يعيون أمك، والله يحفظك يا عيوني ويرعاك، وربي م ذقت طعم النوم من بعدك يراحتي وعافيتي ... آآه يااربي سااعدنيي يااربي مقدر أعيش بدون أولادي لا تمتحني فيهم يااربي ، ليت الألم بداخلي ولا فيك ، وربي لو الداء يِنزَال زلناه عنه لو الداء رجال بالسيف رديت . عــــــــــــــــــــــلـ ـــــــــــــــي : نبضات بعد هدوء دامس ... آآخ بديت أحس إن قلبي بدا ينبض بعد م ضل ساكن لساعات أو أيام أو مدري كم ، بدا الدم يتدفق ف جسمي ، رجعتلي الروح اللي احتضنت جسمي التعبان ، بدت ترجعلي حواسي شوي شوي ، حسيت بإبر حسيت بجفاف غريب فلساني ، أسمع طنين الأجهزه اللي جنبي ، وأخيرا دش النور فعيوني ... شفت أكثر مكان أكرهه فحياتي ، المشفى ههه تذكرت قاسم وهو يقول لمحمد شلون قادر تشتغل ف مقبره واللي هي المشفى ، لحظه نور عيوني شتسوي هنا !! وقبص هنا بعد !! البنت اللي من وعيت ع هالدنيا وأنا أموت فيها ، رجعتلي الذكريات اللي تجمعنا أنا وقبص وبسس ... لكن أنا شنو أسوي ف المشفى ؟ آآخ م قادر أتذكر شي، أحاول أنادي حد أبي مااي عطشااان ، افف لساني ثقييل ... لازم أسند نفسي وأقوم آخذ الماي بنفسي ، حاولت أقوم بس م قدرت افف ليش ليش ... لحظه رجع إحساسي بكلشي إلا إلا ريلي !!! شنو صار فريلي م احس بيها ، وأخيرا قدرت أتكلم وأصرخ آآآآآه .... ********************************* واكتفي بهذا القدر من البارت الــ4 اتمنى اشوف ردوودكم الحلوه  بإذن الله البارت الــ5 رح انزله ف يوم السبت ورح يصير موعد إنزال البارتات الأربعاء والسبت وإذا صارلي أي ظرف رح أبلغكم دمتم بخير أحبتيي .  التعديل الأخير تم بواسطة ebti ; 15-07-20 الساعة 05:06 PM | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
