22-09-10, 04:44 PM
| #2 | ||||||
| نجم روايتي  
|  البارتــ الاول.. حياتي ... هل ببتغير حياتي الصراحه غريبه , مادري أحس بالضيقه مرات من يلستنا أنا وأمي((فاطمه)) في بيت خالي سعيد بعد ماتوفى أبويه من سنين , أستحي منهم أطلب شي أو يعني أثقل عليهم بطلباتي مع أن امي ماتقصر , بس مو لذك الزود أهتمامها فيني , أمي منشغله بشغلها في المدرسه وهي معلمة عربي ومن تي البيت سيده الحجره تيلس تحضر حق المدرسه , وبحكم ان خالي سعيد هو الاخو الوحيد لي أمي فما خلها تسكن بروحها , ولان بيت خالي فله عوده فسكانين معاهم, وحرمة خالي مهره طيبه ووايد ومعامتها ووايد حلوه لي ولامي لان أمي كانت أربيعتها من قبل ماتاخذ خالي. وعيال خالي نفس الشي ولاني عايشه معاهم من صغري فهم شرا خواني ... البجر سلطان عمره 23 وهو خاطب وحده من اهلهم أسمها سلامه وهي ثانويه عامه وعرسهم بعد سنه, وبعده علي عمره 21 وهو انسان عصبي بس طيب, وبعده محمد عمره 18 هذا الشخص انا وياه ووايد مقالب وضحك ومصخره, وبعده عائشه عمرها 17 أنسانه هاديه وخجوله ووايد, وبعدها حرمة خالي خذت سنين وماحملت وبعد تسع سنين يابت عبدالله وعلياء تؤام عمارهم8... أنا كنت أكثر شي مع محمد وعلي وماكنت أحتك بعايشه ووايد لانها بنوته صدق وبعكس تصرفاتي الصبيانيه , الي هي تخريب وتكسير وحواطه وكل يوم في بيت .. سمعت صوت دق على بابي , أف من هذا سرت صوبه وفجيته ظهر في ويهي محمد اف أفتشلت أني ببجامه كت وبرموده , انخشيت ورا الباب وقلت : خير شو تبا .. ضحك محمد وقال: أونج تستحين تعالي تحت بنلعب كيرم .. قلت بقهر فشلني الصراحه : والله أنتوا متفيجين , أنزين ببدل وبيي... محمد وهو ساير : أنزين يالله بسرعه لاتتأخرين ...بس لبسي كندوره لان أحمدوه ولد خالوه هنيه.. قلت له وأنا أمط لساني : أوكيه .. سرت ولبست جلابيه خفيفه وشيلتي الصراحه أنا مش متعوده ألبس شيله الا من فتره لبستنها ولين الحين أحس ان شكلي غلط مع عمري الحين 14 وبعد كم شهر بدخل15, أول شي أستحيت ألبس شيله جدام عيال خالي لاني من صغري بكشتي جدامهم مع أنه شعري مب حرير نص نص بس حلو عايبني هع, حطيت الشيله على راسي بس جي زينه والشعر من كل يانب ... وربعت تحت صوبهم لقيت محمد وعلي وولد خالتهم أحمد وعمره17 , أنا عادي وياه, لان يصير أخوهم بالرضاعه يعني شرا أخويه ... وقلت : هلا أحمدووه .. أحمد: هلا نواري تعالي يالسي نبا نلعب .. يلست مجابله محمد, أبتسم ممعد وقال: اللعيبه بتلعب ويايه .. أبتسمت بقهر أعرفه يطنز عليه: هي فديتك لعيبه شي قاهرنك .. محمد : لا ماشي بس أخاف تغلبينهم .. قلت بخقه: هي دامني وياك طبعا بنغلبهم . علي: أيوا تخليكم لاتيلسون تتمدحون بعماركم بنشوف بعدين منو بيغلب .. يلسنا نلعب طبعا أنا وممغد مادخلنا الا القليل .. صرخ عليه محمد : أنتِ ماتعرفين تلعبين زين .. قلت بعصبيه: هي ماعرف أمبونك تعرفيني أني ما أعرف ألعب ليش تلعب ويايه ... محمد: ماعندي مونه .. صدق وصلت حدي وشوي وبنقز عليه وبمطه من شعره الي مطولنه وطايح على ويه , علي قبضني وقال: أعصابج أعصابج أدري عوقج مط الشعر ... ضحكوا على تعليقه , وأنا أنقهرت الصراحه .. ويلسنا نلعب وشوي وشوي اعتدل لعبنا أنا ومحمد .... ضحكت من الخاطر على محمد شكله يضحك وهو يحاول يخربط على أحمدوه وعلي ويسوي لهم حركات .... بعد ماشبعنا لعب أستأذن أحمدوه وراح عنا ... من شفته طلع من عتبت الباب , فريت الشيله على طول يدي أفــ صدق خنقه .. أطالعني علي وقال: أنتِ متى بتلبسينها الشيله صدق .. أطالعت بستغراب : مادري بس مش متعوده عليها .. علي : بس الحين أنتِ كبرتي .. أبتسمت علي مايدري أصلا اني بعدني ياهل مابلغت حتى ,يعني مب متكوب عليه أن شاء الله يوم ببلغ بلبسها .. قلت : بس انتوا شرا أخواني وأنا متعوده ما ألبس شيله عندكم .. علي:بس عيب أتمين جي جدام أحمدوه بشعرج .. تأففت الصراحه ياهاي حاله ياغيرت الاخوان ... بوزت : عادي شرا أخويه.. محمد: فكنا علوى تراها أختنا .. علي:بس هي مش أختنا .. الصراحه زعلت من كلمة علي يوم قال مب اختنا , حسيت صدق اني مش أختهم بس مجرد بنت عمه, أنا احس بهم أخواني الي مايابتهم امي لانهم ووايد طيبين معايه ومايردون لي طلب.. ودوم ويايه وبعد مرات يخلوني أيلس وياهم يوم يطالعون أفلام ويلعبون معايه بلاي ستيشن, يعني صدق أخوان وأصدقاء .. محمد صرخ: علي لاتقول جي هي بنت عموه وبحسبت اختنا وحياتها كلها ويانا.. علي: عيل خلها تبلس شيلتهاا زين وماتعقها .. قمت وبغياض لعلي: هب لبستنها على راسك اذا مالبستها .. علي: بضربج ترا لا تيلسين تغايضني .. ياصوت من ورانا: علي شو فيك تصارخ على البنيه..؟؟ شفت خالي سعيد وربعت صوبه أغايض علي .. علي صدق وصل حده من الغيض وسكت .. وبعدين رمس : يالس أقولها تلبس شيله .. خالي سعيد طالعني وقال: فديتها بعدها ياهل.. صدقه خالي شكلي ياهل ماشي انوثه بالمرهـ .. علي: بس الحين بالدش الـ 15.. خالي سعيد: يوم بتطلع برع بتلبس بس وهي في البيت تاخذ راحتها وكيفها تلبس ولا لا ..وخلها على راحتها ياعلي.. علي: ان شاء الله أبويه .. أبتسمت لخالي بمتننا , أحب خالي طيب وايد هو وحرمته سبحان الله (( الطيبون للطيبات)) ... علي تم يطالعني بقهر وشوي وبيذبحنيه أول مره أحسه صدق متضايق هو شو عليه ألبس شيله ولا ولا ,ناس مدخله والله .. وبعدين يلسنا كلانا ربعاه وياأمي بعد واليوم الخميس وأمي ماعندها تحضير فطبعا بتيلس ويانا ... ويوم الجمعه يكون اليوم العالمي لمت أهل حرمة خالي يكون في بيت أهلها وأنا وأمي نسير عندهم لان مش بعيد الا خطوتين ونوصل بيتهم .. والسبت الصبح أمي تسير الصالون أو السوق والعصر عند ربيعاتها لين المغرب وترد سيده حجرتها.. هاي عادتها من ينى بيت خالي حتى حرمت خالي ماتيلس وياها وايد مثل قبل ... ماأدري شو هو السبب ... يوم الجمعه الصبح الساعه ثمان لبست كندوره مخوره حمرا مع شيلتها طبعا الشيله حطيتها على جتفي ... خخخ مع أني ما اهتم بس لزم نكشخ ها اليوم , بس بدون نقطة مكياج في ويهي ههه أو جحال .. سرت صوب حرمة خالي لقيتها هي وعائشه في المطبخ يسون أكل .. أبتسمت وانا أسلم على حرمة خالي بالخشم وأقول: اخبارج خالوه ..؟؟ مهره: الحمدالله وشحالج أنتِ بنيتي؟؟ رديت عليها وأنا اطالع الصحون : الحمدالله فديتج ,. وووي مسوين هريسه .. مهره: هي تبين تاكلين منها؟ رديت عليها ببتسامه: هي خاطري فيها ريحتها تجنن .. يابت لي حرمة خالي صحن وحطت لي هريسه .. وأنا ربعت ويبت الداقوس وصبيته عليها , خخخ أول ماشفت محمد ياكل الهريس بالداقوس أستغربت وقلت اجرب وبعدين عيبني ويلست اكله خخخ..وعاده أستوت عادتي هاي خخخ .. يلست على الكرسي ويبت لي خاشوقه ويلست أكل وخلصت وأطالعت حرمة خالي ببتسامه : فديتج خالوه سلمت يداج على ها الهريسه الغاويه.. سرت غسلت صحني ورديت يلست على الكرسي وقلت: خالوه متى بروح..؟؟ مهره: تسع ونص أن شاء الله.. أطالعت عايشه كانت تسوي بسبوسه وساكته هاي عادت عايشه دووم ساكته ماأتكلم ووايد ..وحسيت في الااونه الاخيره أستوت وحده انطوائيه ..مادري ليش, بعكسي أنا الخريش.. يلست أطالع خالوه وعائشه تملله .. أطالعتني خالوه مهره: نواري سيري وعي حمود وعلوى .. تأففت : خالوه تبين حمود , يفلعني بشي ها المره .. ضحكت مهره: ههههه من الي أتسوينه حد يصب قرشة ماي بارد كلها على واحد راقد .. أبتسمت واناأتذكر الموقف: بس ترا حمود ماطالع ينش شو تبيني أسوي يعني ماشي غير ها الحل علشان يطير الرقاد منه .. مهره : انزين بندي المكيف بس وبيوعى , مايداني الحر فديته .. مشيت رايحه أوعي الشباب : أن شاء الله .. سرت أول شي صوب حجرة علي لقيته راقد بشكل مرتب جدا , والحجره تلمع بيموت ان شاف غبار شوي بعكس حجرتي خخخخ ... سرت صوبه , وبندت المكيف , نش كان لبس وزار وفانيله ضحكت على شكله .. قال وهو مش مستوعب: شو تسوين هنيه؟؟ ..أنا دوم أوعي محمد بس ها المره علي وهاي أول مره لان علي واحد نشيط ونومه خفيف بعكس محمد الي نومه ثقيل .. قلت : يايه أوعيك .. أشر عليه: أنتِ.. قلت: هي شو فيها .. قال بضيق : أنتِ ماتستحين تحدرين حجرة ولد .. أطالعته بصدمه : بس أنته أخويه .. علي : أنا مب أخوج وعرفي ها الشي أوكيه .. تأففت وقلت : صدق انك معقد .. علي: نوره لا تعصبيبي ...!! أففف صدق معقد طلعت : سوري أخر مره أحدر حجرتك .. صدق قهرني أنا شرا أخته ليش يقول لي جي ... دخلت حجرة محمد شوي شوي , طاخ تخرطفت بالكرسي أه أه ريلي أنكسرت أففف تعور يلست تحت وأنا أمسح ريلي ..شوي وقمت وسرت صوب المكيف .. حطيت شليتي على الكرسي علشان أكمل المهمه وركبت على شبريته الي كانت تحت المكيف من جهة نص ريوله وقبضت الرمونت وبندته .. حسيت بحد يقبض ريلي وطحت على طول , قبضني محمد من رقبتي وانا طايحه عداله , حسيت قلبي يدق طبول ... قال وهو ورافع حاجب ومنزل حاجب ثاني ومجابل ويهي: تبندين المكيف يالخايسه ... حركة ريلي ويايه بضربه على ريله بس هو قبض ريلي وشل حركتي توسلت وهو قابضني : حمود وووالله أخر مره خلني ..أي يعور.. زاد قبضته , ورفع يده لشعري ويره وقال: أعرفج يالجذووب .. خرطي عليه بس علشان أفجج ... توسلت له: حمووود تخليك والله يعور .. خلاني وهو يدزني : سيري يالله وضحك : أنا أمبوني واعي , لو كنت راقد صدق جان صدق أنضربتي عدل.. قلت وأنا منقهره من الخاطر: والحين هذا مايعور.. قالي بتتطنيزه: هي .. قام من شبريته كان لبس بجامه عنابيه ايدن كت مخططه وبنطلون عنابي ساده صفقت : ووواااووو شو ها .. اطالعني بستغراب : شو فيج .. قلت وأنا أضحك : عجيبه البجامه .. رفع القميص من عند صدره وقال: تبينها واصال .. قلت: لالالاشكرا خلها حقك ها الي ناقص ... ضحك بمصخره : أمبوني مابعطيج أياها أصلا ... أبتسمت وأنا طالعه وقلت: ترا خالوه تترياك تحت هي مطرشتني .. قال وهو شال الفوده في يده : أنزين بتسبح وبيي نهاية البارت الاول ... التعديل الأخير تم بواسطة ~sẳrẳh ; 03-12-10 الساعة 04:17 PM | ||||||
|  |
|
23-09-10, 01:52 AM
| #3 | ||||||||||
| مراقب عام ومشرف منتدى قصص من وحي الأعضاء وكاتب في قسم وحي الاعضاء  
| حياك الله احلى بدوية ... شرفت قسمنا بقدومك عندنا ... اتمنى لك كل التوفيق و ان شاء الله قصتك تعجب الاعضاء ... بداية القصه تبدا على لسان نواري اليتيمه ذات السته عشر ربيعا .... عمر يودع الطفوله و يتقدم نحو المراهقة و عنفوان الشباب ..... حياتها البسيطه مع بيت خالها و ابناءه اكيد راح تكون مقدمه لاحداث اكثر تشويق .... راح ننتظر الجزء الثاني حتى تكتمل بعض الصور العائلية الموجوده في الجزء الاول .... كل التقدير و الاحترام لك | ||||||||||
|
| |
|
23-09-10, 05:17 AM
| #4 | ||||
| كاتبة في قسم قصص من وحي الاعضاء
| بسم الله الرحمن الرحيم السلام عليكم ورحمة الله وبركات مرحباً بكِ كقلم مستجد هنا أتمنى أن تحيطي القراء بملخص لروايتك حتى يتسنى لهم معرفة ما هم مقبلين عليه يا جميلة ولأني أعشق دعم الأقلام اليافعة تواجدت هنا لأشحن طموحك لا تتوقفي عن التأليف يا نقية لكِ مودتي روائية طموحة | ||||
|
| |
|
23-09-10, 06:26 AM
| #5 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| أهلاً و سهلاً بك أحلى بدوية فى أسرتنا الكبيرة روايتى ... أتمنى أن تجدى كل ما تبحثى عنه من إهتمام و متابعة و نقد هنا فى روايتى ... على ... لقد خطر على بالى أن غيرتك الشديدة على نورا بسبب حب كبير تخفيه فى صدرك و تخاف من إفتضاح أمره ... أنتظر القادم بشوق أحلى بدوية متابعاكى و شكراً لك | |||||
|
| |
|
23-09-10, 02:13 PM
| #6 | |||||||
| نجم روايتي
| اقتباس:
أهلا بك أخي سعود ... أسعدني مرورك على قصتي ^_^ .. | |||||||
|
| |
|
23-09-10, 02:20 PM
| #7 | ||||||||
| نجم روايتي
| اقتباس:
أسعدني مروركِ على قصتي .. ولاجل الملخص , لاأدري ... أحب أن يكون حول قصتي القليل من الغموض ... وشكرا لكِ ^_^ اقتباس:
هلا بكِ أختي هبة .. أسعدني مروركِ ياعزيزني .. وعن علي يمكن ان تكون غيرته على نوره حب يخفيه او لايكون ... وشكرا لكِ .. | ||||||||
|
| |
|
23-09-10, 02:44 PM
| #8 | ||||||
| نجم روايتي
| البارتــ الثاني.. محمد!!!! طلعت نازله من السلم وشوي علي نازل ويايه أنقهرت من شفته مادري شو فيه من سالفة الشيله وهو منجلب عليه .. ونافخ عمره مااااااالت مادري شو شايف عمره صدق ماله خص فيني ... علي أبدا ماصد صوبي , ونزل سيده .. سرت صوب المطبخ لقيت أمي هناك مع خالوه مهره وعائشه وعلي عندهم بعد, كان داخل قبلي ... يلست عدال كرسي أمي وكان الكرسي الي عدالي فاضي ويلسنا نسولف , علي حطت له حرمة خالي هريسه في صحن وأمي كانت تاكل بعد في صحنها .. وشوي ويو عبدالله وعلياء من برع مع خالي سعيد ويلسوا عدال خالوه مهره ... وحطت لكل واحد صحن هيرسه .. ويلسوا يأكلون .. يابت خالوه صحن اللقيمات وحطته في النص وصبت عليه العسل ويلسنا ناكل منه ... كنت مندمجه في الاكل والا تيني ضربه من ورا راسي بقوه , صرخت: أأأأأأأأأأأأأأي .. ضحك محمد بهبل وقال: أوووص لاتباغمين صدعتينا .. أنقهرت وقلت : خالي طالعه .. صد عليه خالي سعيد: خل البنت ياصبي .. حاس محمد بوزه وقال: أن شاء الله .. ويلس على الكرسي الي عدالي وبغياض ضغط على ريلي .. قلت بألم: أي .. أطالعني بعيونه يتوعدني , أن تكلمت أروح فيها ... أف قهرني , يضربني ويباني أسكت .. سكتت علشان أدري به بيحرمني سيرت البحر معه هههه , والسباحه فيه .. وصلت تسع ونحنا يالسين على طاولت الطعام نسولف بعد ماخلصنا أكل .. قالت حرمة خالي مهره: يالله , عبدالله علياء قومى تلبسوا .. علياء: صبري ماما .. علياء يالسه تتسمع الرمسه بتموت اذ قامت .. قبضتها حرمة خالي من ذنيها وقالت : عيب تيالسين تتصوخين الرمسه .. ضحكت على علياء وأمها تمطها من ذنيها علشان تسير تتسبح وتتلبس .. علياء : ماما خلص أنا بروح خليني .. راحت علياء , ردت خالوه مهر تيلس وقالت : خلصتوا ..؟؟ محمد: أمي انا توي ياي .. أطالعت حرمة خالي ساعتها: بسرعه يالله هبابنا نوصل .. محمد بصدمه: يعني ما أكل ؟؟ مهره: أنا قلت جي ياولدي , بس يعني أنقفض.. محمد: أن شاء الله .. يلس محمد يأكل على راحته , انا ضحكت من الخاطر عليه لان أصلا يالس يغايض خالوه مهره ... محمد يحب يغايض لدرجه فضيعه , من هو صغير دووم مشاكل ... وطبعا , أنا حليلي منو يعني مخربني ومخلني خريش محد غير ه طبعا, حتى مره خلني أسرق سويج الكروزل من عند خالي علشان نسير العزبه هههه وهو كان عمره 14 وانا ياهل 9 , صدق انه مخبل بخالي .. وبعد في هذيج المره غرزنا وماقدرنا نطلع السياره .. وتمينا جي حوالي ساعتين في الحر وكان الوقت ظهر , وكل ساعه خالي يتصل بس محمد خايف مايرد عليه ... لين رد عليه وبعدين يانا خالي وهو معصب ... وهد على محمد وضربه بس ماقالي شي خالي لاني ياهل , بس صدق خالي وايد عصب عليه لانه مودني سبحان الله الحين لو أستوا بنا شي .. يعني أنا امانه عنده .. أبتسمت وأنا أشوف محمد ياكل بكل بطء وقلت: يالدب .. أطلعني بنص عينه : محد غيرج يالدرام .. طلعت لساني وأشرت على عمري: انا درام الحين تخليك أسكت .. أبتسم: انتِ أصلا بس يلد وعظام .. ضحكت بقهر يعايب عليه , شي يقهر .. انا مستحيل أمتن ... مادري يمكن لان بعدني صغيره .. خلص محمد أكل وحط ريله على الكرسي بعد ماشلت الخدامه الاكل , وخذ لبان ويلس بشكل عيبط تقول وواحد صايع وبعدين طلع النظاره من مخباه وقال: سيري يبي كيمرتي .. ضحكت من الخاطر محمد يموت على التصوير والكشخه ... سرت بسرعه ويبت كيمرتي بالغلط ويلست أصوره وهو يسوي حركات .. أبتسمت وقلـت : حمادي حط يدك على خدك .. محمد: أوكيه يالله .. حط يده على خده وطلعت الصوره رووعه , محمد خشمه يجنن سلة سيف صدق هو نسخه من حرمة خالي , سرحت في شكله وأنا تذكر قصة حرمة خالي وخالي .. حرمة خالي كانت ربيعة أمي , وهي أيه في الجمال يعني سبحان الله الخشم سلة سيف والشفايف شي خيالي ورديات والعيون لاهن كبار ولاهن صغار بس يتميزن بالجذابيه .. وهي بيضه من الخاطر .. ومره كانت أمي سايره صوبها تذاكر حق الامتحانات وخالي شافها وتخبل عليها .. وخبر يدوه وخطبتله أياها سبحان الله كانت من نصيبه .. حرمة خالي مع أنه فيها ها الجمال بس هي أطيب من في ها الكون وأنسانه , بسيطه , و رقيقه , وأحلى شي فيها أن أيمانها بالله كبير وكانت تخدم يدوه بعد وكانت يدوه تحبها من الخاطر.. ويوم توفت يدوه أكثر أنسان حزن عليها كانت حرمة خالي.. بس أيمانها بالله كان كبير ويلست تعزي خالي , وبعد يوم ينا عندها أستقبلتنا بكل رحابت صدر وخلتني مثل بناتها صدق, وكل يوم تكبر في عيون خالي وعيونا ... زقرني محمد: وين رحتي .. أنتبهت: هلا هنيه ماسرت مكان .. محمد: انزين شو رايج بها الحركه .. ضحكت على حركته كان مطلع لسانه يتمصخر .. قلت بمسخره:هاي عاده عجيبه .. قال مستغرب : هاي مش كيمرتي ؟؟ قلت وانا أطالع الكيمرا : لا كيمرتي انا .. أطالعني بضيقه: لاوالله وأنا أقولج يبي كيمرتي وتبين كيمرج.. اتذكرت : والله سوري نسيييت .. قام محمد وراح برع , يلست أطالع صوره وأضحك على شكله.. شوي ويت حرمة خالي وروحنا معاها .. يلست البنات كانت حلوه وسوالف ومصخره ,كانوا أخوات حرمة خالي ثنتين وهن منى وعزه وأخوا واحد أسمه خليفه وهو أكبر واحد.. منى أكبر من مرت خالي وعزه أصغر عن مرت خالي .. منى عندها بنات ثلاث وهن وديمه 20والعنود 17وإيمان14 , وأولد أربع شهاب 26 وهادف 24 وأحمد 18 وعبدالعزيز 8.. أم عزه عندها ثلاث بنات هن نوال 16وشيخه 14 عفراء 2 وولدين وناصر 21فايز 18... ام خالهم خليفه حرمته اسمها صالحه وعندها بنات ثنتين ميثه 18 وسلمى 15 واولد حميد 23 وسيف 14.. ... الصراحه أنا كنت مع نوال وإيمان أكثر شي لانهن شوي ربشه وسوالف .. زختني نوال وسرنا وحده من حجر امهاتهن ويلسنا نسوالف .. وشوي ولان إيمان فاجه الباب بقوه .. أيمان : ليش شاردت عني .. نوال: عن صدعج .. طالعتها بخقه: أفــ أنتِ لزم ورانا .. نطت عليه , صرخت : ايي قومي يالدبه كسرتني.. حاست إيمان بوزها: شو أكسر ياحسره .. قلت وانا أدزها عني: عظامي بعد شوه .. شوي ولان نوال سايره صوب الدريشه .. زقرتنا : تعالوا ...!! ربعنا صوبها أنا وإيمان : خير شوه .. نوال: شوفوا الشباب .. هزيت راسي اعرف حركاتها : اها السالفه جي .. ويلسنا نطالع , كانوا محمد وواحد وياه مادري هادف ولا فايز وواحد من عيال خالهم كان يالس في السياره واحمدوه وعلي واقفين عند سيارة منو مادري المهم كانت نيسان ... إيمان رمست : ووووايه فديته حميد ماحلاه ... يجنن .. فهمت ان اليالس في السياره هذا حميد .. ضحكت وقلت: الحين هذا حميدوه الي حاشرتنا عليه ماااالت .. إيمان : جب جب .. أطالعت نوال وشفتها تبتسم ضربتها على جتفها وقلت : حلفي أنتِ بس منو هاا.. اطالعتني بمستحى : محد .. أطالعتها بنظره: عن الجذب , قولي يالله .. نوال أستحت أكثر وقالت: تخليج أنتِ تعرفينه ..!! قلت : أحمدووه أمم هادف , علي ؟؟ أطالعتني: لاواحد منهم .. قلت لها : عيل منو ؟؟ عضت شفايفها: محمد .. انصدمت : محمد , منو محمد ؟؟ نوال : تستهبلين ولد خالوه مهره ؟؟ أنصدمت , محمد كان اخر واحد اتوقعه تحبه نوال أخر واحد أتوقعه مادري حسيت بغيره غريبه مادري ليش بس ابتسمت وقلت : حمااادي قولي من الصبح .. نوال منحرجه : أووص سكتي شوفن ما أباكن تخبرن حد ترا هذا سر أوكيه .. انا وإيمان : أن شاء الله .. نهاية البارت الثاني | ||||||
|
| |
|
23-09-10, 03:13 PM
| #9 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| مشكورة أحلى بدوية على البارت ... معقولة نورا تكون هناك مشاعر حب فى قلبك إتجاه محمد رفيق الطفولة و الشقاوة >>> ما أظن ذلك يمكن شعور الغيرة منشان إنه خلاص كبروا و يمكن يبعد عنها و ينشغل بأمور بعيد عنها ... أحلى بدوية متابعاكى و شكراً لك | |||||
|
| |
|
23-09-10, 11:57 PM
| #10 | |||||||
| نجم روايتي
| اقتباس:
هلا بكِ أختي هبـــة .. أسعدني مرورك على قصتي... يمكن أن تكون قد حملت مشاعر حب لمحمد , ويمكن لا مجرد غيره ان يهملها محمد | |||||||
|
| |
 |
| أدوات الموضوع | |
| انواع عرض الموضوع | |
|
|
3Likes
.png)
.png)
العرض العادي
