..
السلام عليكم ورحمة الله ..
يعطيك العافيه عشوقه على قدر جمال البارت على قدر مايحمله
من مشاعر حب وإستفزاز وترقب وإندهاش ..
كناري الحب(سلطان وغاده) سابغ البارت بطيفهم وألقهم 😍😍
لمحات ماضي (هجرس وياسمين) جميله جداً معوضه إختفاء ذيبنا
(بتال وجوزاء) وإن غاب حظوركم فالقلب مسكنكم الله يسنع حالكم😍😍
.
يارب تقول فاتن لا
يارب تقول فاتن لا
يارب تقول فاتن لا
فاتن شخصيه مغايره البته عن أسماء
متواضعه ورقيقه وعاقله ..
أتوقع لو عاملها حامد معامله حسنه بعيد عن
شخصيته القشرا بتحبه وبتسعده حتى هو يمكن
تبري جرآحه وينسى اللي كان
لكن القلب لايريدها له🥴
كله منك ياندى ليتك قشرا مثل حسناء ولا أم وسن
عشان مايفزع لك ويخرب علينا مخططاتنا⚠
.
يا لرقة شايبنا ياذرابته ياحلاته😍
إذا الفرقا والسنين تهذب وترقق زي كذا
كل النساء مفارقات رجالهن🤍
مع ذلك يدي على قلبي مع كل حرف ينقال في
محادثاتهم كأن في شئ سلبي مُترقب يتحين فرصته ..
الخافي أكبر من الظاهر ..
خاصه مع غاده كأنها قنبله مؤقته تنتظر وقتها عشان تنفجر ..
مشحونه مشاعرها شكوك و عتب وكلام مطمور
لم يُقال أتوقع لو متعامله معها من ليلة الدخله وفرغتها
له كان إرتاحة وحست بمتعة اللحظه اللي تعيشها ..
أحس بأي لحظه بتعصبه وتطلعه من طوره ويعطيها كف😑
.
أحس الموضوع أكبر من تحرش لفظي أو بالنظرات والحركات من الخدامه!
هذا التأثير اللي خلاه يصد عن النساء مره وحده حتى وصل لهالعمر
لايفسره إلا انه الموضوع أكبر
مثل انها مُتماديه معه أقصى شي
لمرحلة الإغتصاب يعني ..
لكن وقتها كان عمره 13 مُقبل على الرجوله ..
يعي ويفهم ومُدرك ..
بيقدر على دفعها بقوة جسده إلا إن كان تجاوب معها
ومن ثم وصمته بعقدته
و أوصلته لمرحلة كره الذات وعقدة الذنب
ولوثته نفسياً وجسدياً ..
حبيت أن ابوه مُطلع ومُدرك لوضعه حتى انهم
معالجينه عند دكتور وللأن متواصل معه
مثل هالمواضيع بعض الأسر لو تعرضت لها
يفضلون طمرها ونسيانها يتعاملون
معها كسر عائلي حصين
على أن تظهر ولو لدكتور مختص ..
مع كل مايحمله موضوعه من قرف إلى اني متحمسه
أعرف أقصى ماتعرض له ..
وياتُرى جوزاء عندها علم🗯
أتذكرها وهي تحثه على الزواج ويقولها انتِ بتختارين
زوجتي كانت محادثتهم عاديه لم تحتمل خفاياه
ومشاكله النفسيه الظاهره الآن ..
.
آفا ياحسناء مسيار عاد!
بصراحه أتوقعها من عبير ولا منها ..
هذا وهي مزعجه أمة محمد بأصلها وفصلها ومحاسن تربيتهم ..
وأخوانها بيرضون ولا من وراهم!
معروف إنبهار بتوع المسيار مؤقت وزائل
بإمكانك تاخذين هالشايب بزواج عادي وتفلينها وتوسعين
صدره وصدرك بفلوسه زي ماتبين بدون ماتردين
نفسك لمسيار وزواج الدون هذا..
حتى العيال نكبتهم وبدت روحها عليهم
ياعمري هالبنيات الضعيفات وش ذنبهم ..
إحترمت عبير جِداً يوم يتزوج عليها بتال اخذت بناتها
معها لهم إعتبار في حياتها وتعرف خطر إهمالها وتركها لهم ..
الطمع خرب أطباعها وغطى عيونها
سلطان خيره سابق ومايكسي إلا الذهب
حتى بنات اخته فال يده معهم بيقصر عليك يازوجته!
إذا عين الرضاء مبخوقه عندك لو يجيبون لك أموال قارون ماهي مرضيتك ..
أتوقع لو تدري في غاده الغيره بتطير كلامها
هذا كله وبترجع وتستأنف حياتها معه بأخطاء جديده ومتجدده ..
والله يعينك ياسلطان
..
أبداً لا أتوقع فياض سيرجع لمها مع إني اتمنى والله
يبيلها دعوه بليلة القدر ويمكن تُستجاب 🙌🏽
شخصية فياض مُترفعه وكرامته لها أولويه
ممكن سيستمتع بتنازلهم له وسيجبر به كسرة نفسه
لكن يرجعها ولو بطلب منهم مايسويها ..
غير انه يحب بعض الناس مايسويها😊
.
.
تقول بصاحب عليك أكيد بيعطيها كف😊
(ياليت صدق تطلع مها
هنا أول مره أفكر اسحب على المنذر
واعطي فاتن لفياض😊
هذي الأميره اللي تلوق عليه مو أميرة لحامد😂
عاد صدق طلعوا يهبلون بخيالي والله ان الشقار مايليق إلى لفياض👌👌)>>راجعي حساباتك ياعشوقه والله ماتندمين😭
في كل موقف تنفعل فيه ويطيش عقلها بدون فكر أجزم أكثر
بعدم تناسبهم فياض كبير جداً عليها ليس عمراً فقط بل
واقعاً وفكراً ومكانه ..
نفس الأخطاء ترتكبها في كل مره وحين يغضب وتجيب
آخره يلام وحده والكل ضده وينسب حبيبنا ويطلع بالشينه🙄
عذراً ياخزام وحدك مخطئه هالمره
أولاً انتِ سماعه تسمعين حتى لعدوك وتنفعلين بدون تثبت ..
ثانياً مفشلته عند الله وخلقه حتى ضيوفه الغرباء كاد ينفضح عندهم
مع إني ضد ممارسة العنف على النساء لكن كفه كان فعل لرد فعل ..
أتوقع المشكله التاليه بينهم بتفضحه على السوشل ميديا وقولوا ماقلت😳
عاد مايطيعه قلبه عليك انتظريه يتدعوس حولكم يدور رضاك خروفك ياغبيه
وماتدرين عنه
.
الوحيد المُنصف وكلهم جلادين يافياض👏🏼👏🏼
.
(حتى يتم طلبه للمناصحة الدينية) ..؟
اللي فهمت المقصود من هالمحادثه الحكم لكن هالجمله وش تعني له!
المناصحه الدينيه للي فكرهم خارج وملوث الحكم وش عليه منهم!
أتوقعه بالحد مثل بتال بس بمهمه مغايره
والله أعلم شاك قلبي ان الخطر بيصيبه هو والكل يتوقعها ببتال ..
.
فزه يالجبانه إذا هذي علومك من الأول صكي
فمك ...
أسماء مبليه بسوايا أمها واعداءها
.
الله يجبر بخاطرك ياابونا عقاب
مانسى جوزنا من وقفاته
.
لقاء الجبابره المُنتظر👏🏼👏🏼
ليش ياوضحى حبكت تطلعين هالحزه
أتوقع فهده بتروح مع عقاب مهيب مخليته
لحاله يروح الغيور ..
.
قل اعوذ برب الفلق
ماينلام ولدك يومك مناشبته عليها
.
لا لا لا لا
إلا هالمداخل ردي الصاع لها صاعين بس
بدون الدخول من هالابواب ..
مايختبر الرجل في شرفه بهالطريقه يجيب عاليها واطيها ..
أذكر حسناء يوم تبكي عبير خطبة فياض هددتها بأخوهم هذا وهذا يدل انه أقشر ومايتفلهم
الله يستر مايجني على أخته ويصدق 😤
يسلم
فكرك وخيالك وإلهامك وابداعك
ياعشوقه ..
بالإنتظار🤍 ....