آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
10-09-20, 09:41 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  جفا قلبك جرح قلبي ،للكاتبة/ زهره تحت ضوء القمر
التعديل الأخير تم بواسطة فيتامين سي ; 14-09-20 الساعة 04:10 AM | |||||||||||||||||
|  |
|
10-09-20, 09:43 AM
| #2 | ||||||||
| مراقبة عامة ومشرفة منتدى الروايات المنقولة
|  صباح الخير صباح التفاؤل صباح السعادة كيفكم حبايبي ورجعت لكم من جديد بعد كتابه روايتي الاولى : قالو تحبيه قلت ساكن فؤادي قالو يحبك قلت هذا سؤالي قررت ان انزل لكم روايتي الثانيه بعنوان جفا قلبك جرح قلبي اتمنى ان تنال اعجابكم لا احلل نقل روايتي دون ذكر اسمي ( زهره تحت ضوء القمر) | ||||||||
|
| |
|
10-09-20, 09:55 AM
| #3 | ||||||||
| مراقبة عامة ومشرفة منتدى الروايات المنقولة
| &البارت الاول& انفتحت له ابواب القصر ودخل بسيارته السوداء الفخمه اوقفها امام الباب ونزل اعطى المفاتيح للحارس ليرصف السيارة في مكانها المخصص دخل القصر وكان كله ظلام عدا ضوء خافت في الصاله جلس على احد الكنبات وهو يضغط بيده على جبينه سند رأسه على الكنب واغمض عيونه.....فجأه انتبه على اضويه الصاله كلها تولع فتح عيونه شاف اخته واقفه عند الباب دخلت وهي تقول : رامي وش تسوي قاعد لحالك في الظلام '، انتبهت على ملابسه'، لساتك الحين وصلت من الشغل رامي هز راسه ب ايوه من دون مايتكلم ملاك وهي ترى علامات الارهاق عليه : ويش السالفه هذه اليومين صاير تتاخر كثير بالشغل رامي بهدوء : في عندنا دكتور اخذ إجازة وانا اخذت مكانه ملاك : وانت كل مااخذ احد اجازة تاخذ دورة بالشغل ما يكفيك شغلك عشان تاخذ مكانه رامي : ﻻتنسي اني مالك هالمستشفى وﻻزم انا اهتم بكل شي فيه ملاك : وين راكان مايساعدك والا بس شريكك على الفاضي رامي : راكان يساعدني بكل شي ولساتني الان وصلته على البيت ملاك شافته يوقف وقفت معاه وهي تقول : تبغاني احطلك عشاء رامي : ﻻ الحمدلله تعشيت مشى رامي وملاك كانت تمشي معاه ملاك : اقول رامي انت فاضي بكره العصر رامي : ﻻ ...ليش في شي بكره العصر ملاك : ﻻ مافي شي بس كنت حابه اخرج معك نغير جو بس خلاص اذا مو فاضي إن شاء الله يوم ثاني او بخرج مع السواق والخدامه رامي : اذا تبغين اقدر أاجل شغلي و ملاك قاطعته : ﻻﻻ خلاص مو لازم مافي شي ضروري وصلوا الطابق الثاني عند غرفة ملاك توقف رامي وقال : طيب على راحتك بس اذا تبغين اي شي قولي لي حتى لو كنت بالشغل اتصلي فيني ملاك ببتسامه : تسلم لي يابعد قلبي رامي ابتسم ابتسامه هادئه : تصبحي على خير ملاك : تلاقي الخير مشى بتجاه جناحه وهي كانت تراقبه لما شافته دخل وسكر الباب تنهدت ودخلت غرفتها (كنت ابغى اخرج معه واتكلم معاه بالموضوع يمكن يساعدني اختار الصح وكمان اغير جو يمكن يصفى ذهني واقدر افكر زين واتخذ القرار الصح بس ماراح اشغل رامي عشان هذا الشي يلا بقعد بالبيت احسن ) جلست على كرسيها الهزاز وسندت راسها على وراء وتذكرت الكلام اللى دار بينها وبين والدها قبل خمس ساعات دقت الباب واتاها صوت والدها : تفضل ملاك ببتسامه : السلام عليكم ورحمة الله وبركاته ابو رامي رد لها الابتسامه : وعليكم السلام ورحمة الله وبركاته هلا يبه تعالي اجلسي ، كان ياشر لها تجي تجلس جنبه على الكنبه راحت وباست راسه وجلست جمبه ونظرت له والابتسامه على شفتيها وقالت : يقول فيصل انك بغيتني آمرني يبه ابو رامي رد لها الابتسامه وقال :ما يأمر عليك ظالم يابنتي بغيتك بموضوع ملاك وهي مستغربه : تفضل يبه اسمعك ابو رامي : انتي مو قلتي تبغي تدرسي الجامعة في الخارج ملاك بفرح : ايه يبه وافقت صح ابو رامي بهدوء : موافق بس قاطعته وهي فرحانه :مشكور يبه مشكور الله لايحرمني منك ، قامت وباسته على راسه وهي بطير من الفرح لانه ابوها أخيراً وافق انها تدرس بإيطاليا فهذا كان حلمها تسافر وتكمل دراستها وتبني مستقبلها ابو رامي بهدوء غامض :اجلسي انا لسى ما خلصت كلامي جلست وهي بتطير من الفرحه ابو رامي : صحيح انا وافقت على دراستك بإيطاليا بس عندي شرط ملاك : انت تآمر امر يبه ابو رامي : مايآمر عليك ظالم شرطي هو انك توافقي تتزوجي ملاك انصدمت : ا.. اتزوج ابو رامي : ايه انتي الحمدلله خلصتي الثانويه وماعاد لك عذر عشان ترفضين الخطاب مثل كل مره واليوم ابو فهد كلمني وخطبك لفهد وانا كلمته على دراستك وهو ماعنده مانع وماشاء الله الرجال ماينرد اخلاق ومال وجمال كل الصفات الحلوه فيه ومايحتاج نسال عنه لانه احنا نعرفه من زمان ،' شافها صامته كمل،' ما ابغى منك تردي علي الحين فكري وردي وترى هو عنده شغل بإيطاليا عشان كذه بتكوني معاه وانا بكون مطمئن عليكي ، انتظر منها تقول شي بس هي ماردت كانت في عالم ثااااني (أتزوج ﻻﻻ مستحيل مستحيل أتزوج انا رفضت كل اللى خطبوني من قبل ما ابغي اتزوج كيف اتزوج وانا ...انا... ﻻﻻﻻﻻ مستحيل انا ماابغي اتزوج.. بس من قبل كان عندي عذر وهي الدراسه والحين ايش ارد على ابوي.. انا ابغي اخلص دراسة الجامعه في إيطاليا...بس كيف ادرس الجامعه وابوي رافض إني أسافر لوحدي وانا ماابغى ادرس هنا..... بس هو يقول اذا تزوجت بيخليني ادرس اووووف الحين من وين جائت لي هذه المشكله) صحت من افكارها على صوت والدها ابو رامي : ملاك يبه ايش فيك صار لي ساعه اناديك ملاك قالت بهدوء عكس مشاعرها المتضاربه : اسفه يبه شردت شوي ابو رامي ببتسامه : هاه ويش قلتي ملاك وهي تحاول تخفي حزنها : بفكر وارد لك خبر ابو رامي بحنان : فكري يايبه وصدقيني لو أني مااثق فيه وعارف انه رجال وينشد فيه الظهر ماكنت فكرت اعطيه وحده من أميراتي ملاك حاولت تبتسم وهي تقول : إن شاءالله بفكر '،وقفت وباست راسه وقالت : يلا يبه تآمرني على شي ابو رامي : سلامتك ملاك :تصبح على خير ابو رامي: تلاقي الخير افاقت من ذكرياتها على صوت جوالها اللى يرن قامت من الكرسي وراحت اخذته من الكمودينه نظرت الى اسم المتصل وابتسمت ردت بصوتها الناعم : هالو جائها الصوت من الجهه الثانيه بصوت عالي : مسائوووا ي عسسللل ملاك ضحكت وهي تبعد الجوال عن اذنها : ههههههه شوية شوية ترى ماني مستغنيه عن أذني اريام بنت عم ملاك وصديقتها المفضلة ضحكت وقالت :ايش اسوي مشتاقتلك يالدوبه ملاك بعصبيه مصطنعه: دوبه بعينك كل هذه الرشاقه والرجيمات اللى اسويها وتقولي عني دوبه اريام بضحكه: اما يالكذب رجيمات هاه ملاك : ايوه من جد ترى بديت اسوي رجيم أريام بشهقه : هئئئئئ انتي من جدك تبغي تخربي جسمك وربي جسمك يجننن ليش بتسوين رجيم ياويلك تسوي اي رجيم بذبحك ملاك بضحكه: ههههههه امزح معاك اريام : اشووه ملاك : الحين قولي لي وش عندك متصله اريام : متصله اسأل على بنت عمي حبيبتي فيها شيء ملاك : اقول مو عليا هالكلام اريام ضحكت ملاك : إلا من جد ليش متصله مو من عوائدك تتركي حبيب القلب وتتصلي علي اريام : ليش ريم ماقالت لك ملاك بستغراب : تقول لي ايش اريام : انا اليوم في بيت اهلي وكمان خرجت معاهم السوق عشان نقظي لزواج رهف ملاك : اهاه اصلاً ريم من اول ما وصلت صلت ونامت اريام : ههههههه حتى انا اول مارجعت نمت دوبي صحيت ملاك :ايه بس غريبه حبيب القلب خلاكي اليوم تنامي بعيده عنه اريام بحب: واااه فديته وفديت طاريه ملاك بمزح : اذا بتقعدي تتغزلي فيه ليه متصله علي ازعجتيني وانا في غب النوم روحي اتصلي عليه اريام بضحك :ههههه والله كان ودي اتصل عليه بس هو اليوم مسافر وبيكون نائم تعبان من السفر وماحبيت ازعجه قلت بزعجك انتي ملاك : ايوووه قولي كذه وانا اقول غريبه خلاكي تنامي عند اهلك اريام بحب: فديته مايقدر يستغني عني ......الا تعالي انتي من جد كنتي نائمه ملاك بتنهيده : اااه ي اريام ومن وين بيجيني النوم اريام :اذا السالفه فيها آه اكيد صاير شي يلا قولي ويش صاير ملاك تنهدت مره ثانيه وقالت : والله ماني عارفه من وين أبدا أريام : ابدائي من أولها الى اخرها وش صاير معك ملاك حكت لها كل السالفه اريام متفاجأة : من جدك انتي بتتزوجي ملاك بهدوء :ليش وين المشكله أريام : يعني تبغي تقنعيني انك نسيتيه ملاك : انا من هذاك اليوم خلاص محيته من ذاكرتي اريام بشك : متأكدة ملاك : اكيد ولو سمحتي ي اريام ﻻعاد تجيبي لي سيرته أريام صمطت بحزن على حال صديقتها هي متأكدة انها مانسته بس تحاول تتناساه كيف تنسى حب عاشته من ذو الطفوله تنهدت وقالت وهي تحاول تلطف الجو : بس تدري أحلى شي راح ندرس مع بعض بس لازم تستعجلوا بالزواج يعني باقي ثلاثه اشهر بالكثير عشان ندخل الجامعة ملاك بصوت مرتفع شوي : هيييه هييه لحظه مين قال لك اني وافقت اريام بستغراب : مو قلتي قبل شوي انك ماعندك مشكله ملاك : صحيح قلت ماعندي مشكله بس لازم أفكر واستخير مو نسخ ولصق كذه على الهواء اريام ضحك :هههههه طيب طيب فكري ملاك بتنهيده : راسي داخ وانا افكر اريام : الله ييسر الامور ويختار لك اللي هو خير لك ي قلبي ....إلا وش اسم العريس ومن اي عائله وكيف شكله حلو والا ﻻ عاد ﻻزم اللى ياخذ الملاك حقنا يكون حلو ملاك : تصدقي إنك فاضيه انا وين وانتي وين اريام ضحكت : ههههههه ﻻ من جد ملاك قولي لي وش اسمه؟؟ احنا نعرفه؟؟ او نعرف عائلته؟؟ واهم شي شكله كيف حلو؟؟ ملاك بسخريه : هوانا عرفت إسمه عشان اعرف شكله اريام بصدمه : ماتعرفي حتى إسمه ملاك : اصلاً اول ماذكر ابوي الزواج شردت افكر كيف ارفض وكنت كلمه اسمعها وعشره ﻻ بس اتوقع سمعت ابوي يقول نعرفه من زمان يمكن يكون احد معارف ابوي تدري ابوي عنده معاريف كثير بالشغل المهم ما علينا من إسمه ومين يكون لانه أساساً مثله مثل غيره مايهمني... والحين انا فيني نوووم وابغي انام اريام : طرده يعني ملاك : هههههه الحمدلله إنك فهمتيها يلا يلا تصبحي على خير انتي نمتي وشبعتي نوم وانا مليانه نوووم اريام ضحكت وقالت : تلاقي الخير حبيبتي نوم العوافي ملاك ببتسامه: الله يعافيك سكرت ملاك من اريام وراحت توضت وصلت قيامها وقراءة الاذكاء وسورة الملك خلصت ورفعت سجادتها واخذت الجوال وقتت المنبه على صلاة الفجر وأول ماوضعت راسها على المخده راحت في سابع نومه سمعت صوت ينادي باسمها وظنت انها تحلم عاد ذلك الصوت ليهمس باسمها وبدات تستوعب وفتح عيونها السوداء برموشها الطويله والكثيفه واذا بها ترى والدتها تصحيها لصلاة الفجر ام رامي : يلا يمه اصحي صلي الفجر ملاك بنعاس وهي تفتح عيونها بالقوة : اذن؟! ...غريبه ماسمعت المنبه ام رامي : انتوا تسهروا الين اخر الليل وتبغوا تصحوا لصلاة الفجر.. يلا قومي بروح اصحي اختك ملاك : إن شاءالله يمه الحين بقوم قامت من على السرير بتثاقل واتجهت الى الحمام ( اكرمكم الله ) خرجت ام رامي متجهه الى غرفة ريم عشان تصحيها دخلت الغرفة وسكرت المكيف وشغلت اللمبه واتجهت الى سرير ريم ام رامي : ريم يمه قومي صلي ريم.. ريم ريم بنعاس : يمه بس شوي ورجعت تنام ام رامي وهي تهز ريم من كتفها : من بعد صلاة العشاء وانتي نائمه ماشبعتي نوم يلا قومي ....ﻻحوله وﻻقوة إلا بالله ..وحده نائم من اول الليل والثانيه من اخر الليل يابناتي خير الامور اوسطها كان نمتوا مثل ميس الله يحفظها جيت وهي قد صحت ريم بنعاس : يمه روحي صحي ميس وملاك وبعدين تعالي صحيني أم رامي : ﻻحوله ولاقوة الا بالله من اول وانا اتكلم مع الجدار مو قائلتلك انه ميس صحت وملاك خلاص صحيتها ريم (استغفر الله العظيم والله فيني نوم بس مراح تخليني امي الا لما اصحى ) قامت :خلاص يمه قمت قمت واتجهت الى الحمام (أكرمكم الله) . . . عند ملاك توضت وصلت وقراءة لها صفحتين من القرآن الكريم وقراءة الاذكاء ورجعت تنام . . في غرفة ريم كانت تتقلب على الفراش بعد ان صلت ريم بنفسها(اووووه ماهو راضي يجيني النوم صار لي ساعه وانا احاول انام خليني اقوم احسن ) قامت ونزلت تحت الى الصالة شافتها فاضيه كلمت الخدم يجهزوا لها الفطور وجلست بالصاله فتحت التلفزيون تتسلى على بال ما يجي الفطور سمعت صوت الباب الرئيسي ينفتح خافت قالت بنفسها (وي من بيجينا بهذا الوقت ليكون حرامي ) قامت عشان تشوف مين وهي بطريقها شافت اخوها رامي داخل تنهدت براحه وقالت بستغراب: رامي من وين جائي بهذا الوقت تقدم لها رامي وقال بهدوء :رحت اصلي في المسجد ولما خلصت اصلي شفت واحد من الربع جلست معاه الين الحين كان يكلمها وهو يمشي متجه الى احدى الكنبات اللى في الصاله ويجلس عليها وريم كانت تمشي معاه جلست جنبه وقالت : خرعتني على بالي حرامي رامي غصب عنه ضحك :هههههه حرامي الساعه سته الصبح وكمان جائي بسيارة الله يخلف عليك بس ريم تنظر له بنص عين وهي رافع واحد من حواجبها :ايه اضحك وش عليك انا اللى خفت ابتسم وبعدين قال: الا انتي ايش اللى مصحيك في هذا الوقت خبري فيك ايام الإجازات ماتفوتينها تنامي الين الظهر ريم مدت بوزها وقالت:امي مصحيتني اصلي ورجعت انام ما جاني نوم لاني امس خرجت مع رهف واريام السوق ورجعت معاهم على بيتهم وجلست مع رهام شوي ورجعت البيت وانا هلكانه من التعب ونمت بدري رامي كان بيتكلم قاطعته الخدامه وهي تقول: ماما انا هتيت الاكل ريم بعصبيه : مامه بعينك انا كم مرة اقول لك لاتقولي لي ماما شايفتيني كبر جدتك تقولي لي ماما راحت الخدامه بعد ما اكلت لها تهزيئه من ريم التفت رامي عليها وقال : حبيبتي مايصير تكلميها كذه وهي ماقالت شي غلط هي كذه طريقة كلامها ترى هي بشر مثلنا مايصير تعامليها بهذه الطريقة ريم بحزن :اسفه والله ماكان قصدي'، واكملت بقهر :بس هي تقهرني لما تقول لي مامه مامه احس نفسي عمري سبعين سنه مو ثمانية عشر سنة ضحك رامي : ههههههه الحين هذا اللى قاهرك ريم بغيض : ايه رامي : اقول يلا قومي افطري ريم وقفت والتفتت نحوه وقالت : وانت ماتبغى تفطر معي ارامي : ﻻ كُلي عليك بالعافيه مو مشتهي انا بروح اغير ملابسي واروح شغلي ريم بمزح : طيب يادكتور رامي انتبه على صحتك اخاف تروح تمرض وبعدين وش بيقولوا الناس دكتور وماينتبه على صحته وافضيحتنا بين العرب ضحك رامي وهو يوقف ويتجهه الى الطابق الثاني : اقول خلي نصائحك لنفسك وروحي افطري دخلت غرفه الطعام وجلست على الكرسي تفطر بعد مده شافت رامي دخل تقدم واخذ له كوب كابتشينوا وجلس يشربه ريم وهي تنظر إليه : اقول رامي مو كانه بدري على روحت المستشفى رد عليها وهو يضع الكوب على الطاولة بعد ما شرب نصفه : عندي شغل كثير وقف وقال : يلا مع السلامة ريم ببتسامه : في أمان الله اكملت اكلها وقامت خرجت الصاله تتفرج التلفزيون سمعت صوت الجرس يدق ويدق ومافي اي احد من الخدم فتح قالت بتافف وهي توقف : اوووف ابغى افهم ايش فائدة هالخدم البيت متروس ترس خدم ومافي احد سمع الجرس كانت تمشي متجه الى الباب ( اكيد هذا رامي نسي شي بس هو عنده مفتاح ليش مافتح.... مو ضروري كل مايجي يفتح بنفسه اجل ويش فائده الخدم) وصلت لعند الباب وفتحته وهي مبتسمه اختفت ابتسامتها وبهت وجهها لما شافت اللى واقف على الباب ماقدرت تحرك رجولها من الفشله والخجل وفوق هذا كله كانت لابسه بجامه وفاتحه شعرها اللى يصل الى منتصف ظهرها عند رائد بعد ثواني انتبه على نفسه ونزل نظره على الارض واعطاها ظهره وقال : ممكن تنادي على فيصل قولي له اني استناه في المجلس واتجه الى المجلس من الباب الثاني اللى يوصل لمجلس الرجال اما ريم مسكت قلبها وقالت (ياربي والله فشله شافني وﻻاا.. وبعد لابس بجامه وشعري منفوش من النوم كانه شعر ساحره هههه عشان كذه اول ماشافني نزل نظره اكيد انفجع من شكلي هههه ) طلعت لجناح فيصل عشان تصحيه دخلت وجائتها برودة المكيف الين الصاله دخلت الغرفه شغلت اللمبه واتجهت الى سرير فيصل وهي تقول : فيصل ..فيصل قوم فصول فويصل قووووم يلا.. اوووف هذا ويش يصحيه الحين نومه ثقيل مااقول الا الله يعين اللى بتتزوجه.. فصووول يلا قوووم ; صرخت بااعلى صوتها : فصووووووووول ماحست الا والمخدة في وجهها فيصل بعصبيه : مانيب اصم اسمعك وش تبغين ريم وهي تتحسس وجهها قالت: وجع عورتني مو انا اللى ابغاك هذا ولد عمك كاهو ينتظرك بالمجلس وخرجت وسكرت الباب بقوووه تنهد فيصل وقام ياخذ له شاور عشان يصحصح خرج من الحمام ( أكرمكم الله ) وهو يضع المنشفه على خصرة لبس ثوب ابيض واتجه الى التسريحة مشط شعره ورش من عطره المفضل واخذ البوك وجواله ومفاتيح سيارته من على الكمودينه وخرج من الغرفه نزل من الدرج وهو يلعب بمفاتيح سيارته باصبعه ويدندن بعد ان تحسن مزاجه شاف ريم جالسه تتفرج التلفزيون ابتسم وراح لعندها وقال : صباح الخير ياقمررر ناظرت فيه بنص عين وقالت بغيض : ﻻ والله احلف مصبحني بمخدة على وجهي والان تجي تقول لي ، وهي تقلد صوته، صباح الخير ياقمر ضحك فيصل : محد قال لك تصحيني بهذيك الطريقه طالعت فيه وهي ترفع حاجبها وقالت بسخريه : ﻻعاد وكيف تبغاني اصحيك ي استاذ فيصل فيصل ببتسامه : مثل ما الناس تصحي مو تخرعيني بصراخك ريم : وش تبغاني اسوي لك انت نومك ثقيل وماتصحى إلا بهذه الطريقه فيصل : والله عاد انا كذه نومي ايش اسوي فيه ريم: اقول بس روح عند رائد صار له ساعه منتظرك فيصل وهو يتجه الى المجلس ضحك : الحين اول ما يشوفني بيزفني زف ريم بتشفي :احسن في المجلس كان جالس سرحان (ماني مصدق معقول هذه القمر تكون بنت عمي عليها جمال انا اللى عمري ماحطيت عيني على بنت ما قدرت اشيل عيني عنها إلا بالقوة فيها سحر غريب يجذب الناظر ياترى هذه ملاك والا ميس والا ريم.... انا ايش قاعد افكر فيه استغفر الله العظيم استغفر الله أعوذ بالله منك ي ابليس) قطع عليه شروده دخول فيصل وهو مبتسم : السلام عليكم رائد : وعليكم السلام كان ماجيت احسن فيصل بضحكه : هههههه والله انت الغلطان في احد يجي بهذا الوقت صحيتني من احلى نومه رائد : ياحبك لنوم بس ما اقول إلا الله يعين اللى بتتزوجك فيصل بعصبيه مصطنعه : انتم ويش قصتكم انت وريم هي جائيه تصحيني وتقول الله يعين زوجتك وانت تجي تقول الله يعين زوجتك '،واكمل بغرور :قولوا ياحضها فيني هي يحصل لها تاخذ واحد مثلي رائد ببتسامه (يعني اللى شفتها ريم ياحليلك ياريم والله وكبرتي ):اقول خلينا نطلع نفطر برى ونروح الشركه ترى حدي جوعان فيصل وهو يوقف : اوكيه يلا امشي *************** في احدى الشوارع الراقيه الهادئة في احد القصور الفخمه قال وهو يحاول ان يسيطر على عصبيته قدر الإمكان : يبه انت ايش قاعد تقول انا كم مره قلت لكم ماابغى اتزوج وانت يبه تروح وتخطب لي من دون حتى ماتشاورني ابوه بعصبيه : قصر حسك وماابغى اسمع ولا كلمه وانا على مااظن كم مره كلمتك بموضوع الزواج بس انت رافض وماكان عندي إلا هالحل وزواج راح تتزوج بالطيب والا بالغصب لاني مليت وانا اقول بيعقل ويتزوج والحريم مو كلهم نفس بعض وخلاص انسى زوجتك الاولى انت طلقتها وهذا هي ماشاء الله متزوجه وعائشة حياتها وانت منت براضي تتزوج وانا ابغى اشوف ولدي مرتاح واشوف ضنا ولدي البكر شوف اخوانك متزوجين واحد عنده ولد والثاني ولده جائي بالطريق وانت مانت بصغير بتسك الثلاثين وانت كل اللى هامك شغلك التفت شويه لحياتك قال بهدوء عكس موجة الغضب اللى في داخله : يبه انا خلاص عفت كل الحريم ماعاد ابغى اتزوج وماابغي اظلم بنت الناس معي ابوه تنهد وهو يهدي نفسه : اسمعني يافهد انت ولدي وانا اعرفك زين طبعك عصبي وعشان كذه تطلقت انت ودلال انت تعصب على اي شي وهي ماتقصر بدلا ماتهديك تزيد من عصبيتك بس هذه المره انا اخترت لك البنت اللى تناسبك اخلاق وجمال طبعها هادي وماراح تلقى مثلها صدقني فهد تنهد هو يحاول ان يهدي نفسه لانه يعرف ابوه اذا قال كلمه مستحيل يتراجع عنها : ... زين يبه اللى تشوفه '، قام وتوجه الى ابوه وباس راسه '، وقال : السموحه يبه رفعت صوتي معاك ابو فهد بحنان : مسموح يابوك صدقني بتشكرني بعدين لأني غصبتك تتزوج فهد بهدوء عكس براكين الغضب اللى في داخله: يلا اسمح لي ي الغالي انا بروح الشركه '، مشى وخرج من القصر متجه الى سيارته وهو يقول بنفسه (انا اللى ابوي عمره ماغصبني على شي يجي اخر عمري يغصبني عليها والله لاخليها هي بنفسها تطلب الطلاق) ركب سيارته ومشى متجه الى الشركة ************** قصر ابو رامي ابو رامي بعد مافطر راح على شغله وام رامي جالس بالصاله تتفرج محاضر لشيخ عبدالمحسن الأحمد وريم وميس جلسات معاها اما ملاك بعد ان فطرت طلعت غرفتها صلت استخاره ودعت ربها انه يوفقها وتختار الخيار الصح خلصت صلاة الاستخارة ونزلت الصاله شافتهن بالصاله راحت والقت السلام وجلست ردوا السلام وجلسوا يتفرجوا المحاضرة مع بعض بصمت قطعت الصمت ام رامي طالعت في ملاك وبعدين طالعت في ريم وهي تقول :ريم روحي جيبي لي مويه ريم بصوت عالي : ميري ميييري(اسم الخدامه) ام رامي بصرامه : انا قلت انتي مو الخدامه يلا قومي ريم ضحكت بمرح :ههههههه عادي يمه قولي قومي ياريم ابغي ملاك في كلمه راس هههه ام رامي ابتسمت على شقاوت بنتها وقالت : دامك فاهمه الموضوع قومي من دون قول ريم وهي توقف : يمه طيب ميس ليش ماتجي معي أم رامي نظرت لها نظره ريم : ههههههه خلاص بروح ماابغى أحد يجي معي بس ها بروح اجيب المويه وارجع مالي شغل اذا رجعت وانتوا ماخلصتوا كلامكم وخرجت من الصاله متجهه الى المطبخ التفتت ام رامي وهي تقول لملاك : ملاك اظن ابوكي كلمك بالموضوع هاه وش ردك الجماعه مستعجلين الرجال عندة سفرة ويبغى العرس عقب ما يرجع من السفر ملاك قالت بتنهيدة وهي ماتدري هل القرار اللى اتخذته في صالحها او لا : وانا موافق يمه ام رامي بفرح : موافقة والله هذه الساعة المباركة كللووووووش الف الف مبروك يايمه '، وقالت وهي توقف : بروح اتصل على ابوكي وابشره وخرجت ام رامي من الصاله وملاك تنهدت وهي تدعي بداخلها انها اتحذت الخيار الصح حست بيد على كتبها التفتت وشافت ميس وهي مبتسمه وتقول لها : صدقيني انتي اخترتي الخيار الصح وفهد ماشاء الله عليه كل بنت تتمناه ووقفت وخرجت من الصاله وتركت ملاك المصدومه خلفها (ﻻﻻﻻ مستحيل.. اللى سمعته انا صح والا انا غلطانه انا سمعتها قالت..قالت فهد والا ..... وش فيك ياملاك يعني مافي غيره هو اللى اسمه فهد اكيد مو هو ايه اكيد) وقفت وخرجت من الصاله **************** قصر ابو فهد رجع من الشغل وهو متعب جاء بيطلع الدرج سمع صوت ابوه يناديه فهد : هلا يبه ابو فهد : هاه بشر حطيت مهر البنت في حسابها فهد : ايه ابوفهد : على بركة الله مشى ابوفهد وفهد طلع جناحه وهو يغلي من القهر كل ماتذكر زواجه *************** بيت ابو رامي الكل على طاولة الطعام وقف ابو رامي ام رامي : على وين يابو رامي اجلس تعشى ابو رامي : الحمدلله بروح اريح وطلع غرفته رامي التفت على ملاك وقال ببتسامه : مبروك ياعروستنا الحلوه ملاك بخجل :الله يبارك فيك ام رامي وهي توجه كلامها الى رامي : عقبال مانبارك لك فيصل بضحكه وبصوت واطي قال لريم : امي ماتفوت وﻻ فرصه ريم بصوت واطي قالت : كلنا نبغى نفرح فيه بس كله بسبب هذيك العقربه تصدق انا مبسوطه وزعلانه بنفس الوقت مبسوطه انه اخوي مايبغى يتزوجها لهذيك العقربه وزعلانه لانه ابغى اشوف رامي عريس ونفرح فيه بس بسبببها رامي مايفكر حتى تفكير بالزواج فيصل : اقول شكلك لليوم ماتعرفين رامي ..رامي اذا يبغى شي يحصل عليه بطريقته الخاصه وفوق هذا كله يخلي الكل يقتنع باي قرار ياخذه فاذا كان يبغى يتزوج بيتزوج ماراح يمنعه لا هذيك العقربه على قولتك ولا اي شخص ثاني بس انا اتوقع انه يخفي شي ريم باستغراب: يخفي شي ؟ مثل ايش؟ فيصل بتفكير قال بهمس : مثل انه متزوج مسيار ريم بصوت عالي : مسيااااار فيصل وضع يده على فمها والكل طالع فيهم هو ضحك ببلاهه لما الكل رجعوا لكلامهم قال لها بصوت واطي : فضحيتي يالمفضوحه ريم بصوت واطي : انت من جدك رامي متزوج مسيار فيصل : انا ماقلت انه متزوج قلت يمكن يمكن ريم بتفكير : بس رامي ليش ممكن يتزوج مسيار اممممم يمكن لانه مايبغى يتزوج العقربه فيصل : اشششش خلاص انسي سالفت المسيار وقف رامي وقال : الحمدلله ام رامي : وين يمه كمل اكلك رامي بهدوء : الحمدلله يمه شبعت ام رامي : روح يايمه ريح مادامك اليوم رجعت من الشغل بدري مشى شويه وبعدين توقف والتفت وقال : يمه متى طلع ماهر غرفتة اقصد هو بيكون صاحي الحين ام رامي : ماادري ياولدي هو اتعشى وطلع قبل ماتجي بشوي ليش انت وش تبغي فيه رامي : ابغاه في موضوع ام رامي : روح شوفه اذا صاحي والا خليه وبالصباح بتشوفه خرج رامي ريم : ههههه شكله مسوي مصيبه ;قصدها ماهر ; التفتت نحو امها واكملت : الا وش السالفه يمه خليتي رامي يروح قبل ماتعطيه محاضرة عن الزواج ام رامي : مو الحين وقت رامي خلينا بالاول نفرح بملاك فيصل انتبه على ملاك كيف احمرت خدودها من الخجل وحب يحرجها اكثر ابتسم وقال : تدرون في وحده اعرفها كانت تقول انا مستحيل اتزوج انا ابغي اخلص دراستي واعيش حياتي وبعدين افكر اتزوج ولما جاء العريس وافقت بيوم وليله ريم فهمت قصده انه يبغى يحرج ملاك قالت وهي تسوي نفسها متفاجأة :اماا بيوم وليله انا اعرف البنت يحتاج لها أسبوع على الاقل عشان ترد بس شكلها عاجبها العريس ميس ابتسمت وكملت معاهم : عاجبها وبس الا عاجبها ونص'، وغمزت لملاك '، صح ملاك غاصت بملابسها من الخجل اما ريم وفيصل وميس انفجروا ضحك على شكلها : ههههههههههه ام رامي بعصبيه مصطنعه : اقول انتي وياه يلا قوموا من قدامي شكلكم تبغون اختكم تلغي الزواج ضحك فيصل وقال وهو يوقف : انا شبعت الحمدلله وريم وقفت وهي تشوف ملاك وهي تطالع فيها بتهديد ضحكت وقالت :وانا بعد وخرجت مع فيصل ام رامي وهي تنظر خلفهم ابتسمت وقالت :الله يهديهم'، والتفتت على ملاك وقالت'، ملاك حبيبتي ترى فهد حط مهرك في حسابك اول ما رد عليهم ابوكي انك موافقه اخذ رقم حسابك وحط لك المهر يبغاكي تتجهزين هذا الشهر والشهر الجائي إن شاءالله الملكه مع الفرح ملاك بهدوء : إن شاءالله '،والتفتت على امها وكانها تذكرت شي وقالت ببلاهه: إلا يمه مين فهد هذا ام رامي ضحكت : ههههههه يعني من بيكون اللى بيعطيكي المهر فهد اللى خطبك ملاك : ادري يمه بس قصدي من يكون من اي عائله انا ما اعرف عنه اي شي ام رامي : هاووو وش فيك يابنت هذا فهد ولد عبدالعزيز ال انتي تعرفيه من زمان ملاك كانت تشرب عصير وشرغت اول ماسمعت كلام امها صارت تكح قالت : و..و.. ويش قلتي يمه ميس : ليش ابوي ماخبرك ؟! اجل ابشرك هو نفسه فهد عبدالعزيز ال.. بشحمه ولحمه ملاك وهي فاتحه عيونها على الاخر : ولد عمي عبدالعزيز'، واكملت وهي تحاول تستوعب : انتوا من جدكم تتكلمون عن فهد ولد عبدالعزيز ال.. ام رامي : بسم الله عليك يمه ايه هو ليش في احد غيره الله يهديك وش فيك كذه منتي مصدقه ميس بمزح : هههههه يمه تبغيها تنخطب من فهد وتصدق ام رامي : ليش وش فيها بنتي الف من يتمناها ملاك وهي تحاول تخفي ارتباكها قالت بقهر : يمه تبغوني اتزوج واحد طلق زوجته واكون انا الزوجه الثانيه بحياته ام رامي : وش فيه فهد مافي احسن منه وبعدين وين المشكله اذا كان مُطلق اهم شي ماعنده زوجة حالياً ملاك : بس يمه انا ماابغاه ام رامي : نعم الحين تقولي ماابغاه بعد ماخبرنا الجماعه بموافقتك وش تبغينا نقول لهم ملاك : مايهم ايش بتقولوا لهم المهم اني ماابغى اتزوجه ام رامي وهي توقف قالت بحده :اقول بلا دلع كملي اكلك وروحي نامي ملاك : بس يمه ام رامي خرجت تنهدت ملاك (صدق اني غبية وش ذه السبب الغبي اللى قلته بس ماجاء في بالي شي غيره كان المفروض افكر في الكلام اللى أقوله عشان تقتنع امي الحين وش اسوي ) انتبهت على صوت ميس وهي تقول : ملاك حبيبتي ايش فيك صاير شيء وليش ماتبغين فهد ملاك بهدوء عكس مشاعرها الدفينه : ﻻ مو صاير شيء بس انا تفاجت شوي '،وقفت وقالت : يلا تصبحي على خير'، وطلعت الى غرفتها اول مادخلت شافت ريم جالسه على السرير ريم اول ما شافت ملاك قالت بمزح : كل هذا اكل كُلي شوي شوي لاتروحي تمتني وتخرعي العريس واكملت بستفهام : إلا صحيح لحد الان ماقلتوا لي منو عريس الغفله ملاك وهي تجلس على الكنبه وقالت بقهر : فهد عبد العزيز ال ريم صرخت : بتتزوجين فهههد ملاك : وجع وطي صوتك ما ناقص اللى تسمعين الجيران ريم بصوت واطي : انتي من جدك تتكلمي بتتزوجي فهد ملاك بشك : ايه ليش فيه شي ريم : هاااه لا مافيه شي بس انا مستغربه نوف قالت لي انه فهد مايبغى يتزوج من بعد ماطلق دلال وخالتي ام فهد كل يوم تكلمه تبغاه يتزوج بس هو رافض يقول ماعاد يبغى يتزوح فكيف وافق انه يتزوج ليكون غصبوه يتزوج ملاك (ياربي انا ايش ورطت نفسي فيه) قالت بهدوء : تتوقعي ريم : بصراحة ما ادري بس يمكن غير رأيه وصار يبغى يتزوج ملاك قامت بهدوء وتوجه الى الحمام ( أكرمكم الله ) توضت وخرجت شافت ريم لسى موجودة قالت وهي تنشف وجهها : انتي لسى هنه ريم : طفشانه ابغى اقعد معاك ملاك وهي تلبس شرشف الصلاة : روحي نامي بكره لازم نصحى بدري تدري العزيمه بكره عندنا وانا بصلي قيامي وانام ريم : ابغى اعرف امي ليه ماتخلي الخدم يسون كل شيء الا لازم تخلينا نشتغل ملاك : وانا ابغى اعرف من وين جايبه هالكسل ريم : السالفه مو سالفه كسل بس ويش فائدة الخدم نجيبهم وندفع لهم فلوس وبالنهايه احنا اللى نشتغل كان احسن لو ماجابوا خدم كنت انا بشتغل ويدفعوا الفلوس لي احسن ماتروح للغريب ملاك ابتسمت : مو كل شي ﻻزم نعتمد فيه على الخدم واحنا ايش فائدتنا بس ناكل ونجلس ﻻزم نتعلم لكل شي ماتدري وش مخبيه لنا الحياة ريم : جاء البروفيسور الثاني ملاك :اقول بلا كثرت حكي وروحي نامي امي بتصحيكي من الصباح وقفت ريم وقالت :ايه والله بروح انام احسن تصبحي على خير وخرجت @ملاحظه عائله ال.. اللى هم ابو رامي.. وابو ماجد.. وابو خالد.. واخواتهم.. وصديق العائله ابو فهد يجتمعون مع عائلاتهم كل فتره وفتره في قصر واحد منهم @ انتهى . . & ماالذي يمكن أن يحدث في العزيمه & من هو فهد ولماذا ملاك رافضته وهل هناك قصة خفيه بينهم & ومن هم الأبطال الجدد الذي سنتعرف عليهم كل هذا ينتظركم في البارت الجاي بإذن الله . . . ♡لاحوله ولاقوة إلا بالله العلي العظيم♡ | ||||||||
|
| |
|
14-09-20, 04:15 AM
| #4 | ||||||||
| مراقبة عامة ومشرفة منتدى الروايات المنقولة
| &البارت الثاني& الساعه الثانيه بعد منتصف الليل في غرفتها وعلى سريرها كانت تحاول أن تنام لكنها لم تستطع بسبب صوت اختها وهي تتكلم بالجوال : هههههههه تسلم لي ي عمري قامت رفعت اللحاف عن وجهها وصرخت في وجه اختها : اريامووووا انقلعي برى تكلمي انتي وروميوا تبعك وخليني انام ، ورجعت تمددت على سريرها وتغطت باللحاف على وجهها اريام بصوت منخفض : حبيبي هذه رهام ماخليناها تنام عمر ضحك : ههههههه طيب انتي ايش تسوي بغرفتها ليه منتي بغرفتك اريام بصوت منخفض : غرفتي حاطين فيها اغراض رهف وكل شنطها فيها وانا ما اقدر انام والغرفه كلها مكركبه عمر بستغراب : في غرف كثير ليه حاطينها في غرفتك اريام : لانهم ماكانو يدرون إني بجي عمر : اهاه طيب ليه ماتروحي انتي اي غرفة ثانيه اريام : بصراحة انا اخاف انام فيهن لانه دائما مسكرات ومافي احد ينام فيهن احسهن يخوفين عمر ضحك : ههههه ايش فيه صوتك تهمسي همس ارفعي صوتك شوي اريام : اخاف هذه اللى جمبي تقوم تعطيني بكس على وجهي لاني ماخليتها تنام عمر بحب : ما عاش من يمد يده على اريامي حبيبتي وانا حي اريام بحب ودلع : فديتك وعسى ربي ما يحرمني منك ويخليك لأريامك حبيبتك عمر بخبث : اقول قلبي شكلي بترك كل الشغل واجيك اريام بخجل : عمووريييي عمر بضحكه : ياعيون وقلب وروح عمورك اريام : حبيبي يلا ابغى انام قبل لاتصحى رهام وتكفخني وكمان بكره تدري العزيمه عند عمي خالد لازم نصحى بدري نتجهز عشان نروح عمر : اوكيه ياقلبي ولو أني ماابغى اسكر اريام ابتسمت : تصبح على خير حياتي عمر : تلاقي الخير ياكل دنيتي سكرت من عمر وهي مبتسمه وتدعي ربها انه يخليه لها وضعت الجوال فوق التسريحة وراحت توضت وصلت قيامها ونامت ************** قصر ابو رامي الساعه الثامنه صباحاً كان الجميع على طاولت الطعام ام رامي وهي تلتفت على ميس وملاك وقالت : ميس ملاك يمه ابغاكم بعد الفطور تجون المطبخ تساعدوني ، والتفتت على ريم' وانتي ياريم ابغاكي تروحين تنظفين مجلس الرجال ومجلس الحريم وتبخرينهم ريم بتذمر : يمه خلي الخدم ام رامي : لا روحي نضفي انتي ورتبي الخدم بيساعدوني وعندهم أشغال غير ريم : طيب بس باخذ معي وحدة من الخدم لانه المجالس مره كبيره ماراح اقدر اخلصهم وحدي ام رامي : سوي اللى تبغين بس ابغى المجلس يكون نضيف على الساعه عشره ريم : إن شاءالله خلصوا اكلهم الشباب كل واحد راح لغرفته وام رامي وميس وملاك راحوا المطبخ وريم اخذت لها خدامه تساعدها وراحت تنظف مجلس الرجال على الساعه إحدى عشر قبل الظهر كان البيت كله مليان اللى داخل واللى خارج واللى تقول سوي واللى راحت تستقبل الضيوف واللى راحت تصحي اخوانها عشان صلاة الجمعة <<اتوقع تعرفون كيف يكون البيت اذا في عزيمه ام رامي وهي تسلم على ام خالد : حيا الله من جانا ام خالد : الله يحيك ام رامي بعد ان ابتعدت عن ام خالد راحت تسلم على ام ماجد : نورتوا البيت ام ماجد: منور بوجودك ي ام رامي سلمت ام رامي على البنات وقالت : تفضلوا تفضلوا ام ماجد : زاد فضل ي ام رامي ودخولوا على مجلس الحريم شويه وجائت ميس وسلمت عليهم وملاك بالمطبخ ريم طلعت تصحي اخوانها دخلت على غرفت رامي كانت ظلام والمكيف شغال والغرفه ثلج شغلت اللمبه واخذت الريموت وسكرت المكيف واقتربت على سرير رامي وهي تقول : رامي رامي يلا اصحى فتح عيونه ببطئ وهو يضع يده على عيونه من الضوء قال : كم الساعة ريم : الساعه احدى عشر قام رامي ودخل الحمام ( أكرمكم الله ) ياخذ شاور خرجت وراحت على غرفة فيصل وهي تقول بنفسها (اوووف الحين هذا وش يصحيه ) دخلت الغرفه كانت نفس غرفت اخوه ثلج ولعت اللمبه وسكرت المكيف وهي تقول : ابغى اعرف هذولا ما يحسوا الغرفه ثلج احس شويه واتجمد ،واكملت وهي تصحيه : فيصل فيصل اصحى فيصل فصووول اوووف '،ابتسمت بشقاوه ،'وخرجت من الغرفه وبعدين رجعت وبيدها كأس فيه مكعبات ثلج اقتربت من فيصل ومسكت فنيلته وكبت كل الثلج داخلها قام فيصل مفزوع وهو يصرخ :اااااه اي اي ، وينفض فنيلته عشان يخرج الثلج ' وبعدين التفت على ريم اللى كانت تضحك على شكله وقال بغضب : انتي جنيتي هين انا بوريك ريم على طول انحاشت وهو خرج وراها يجري نزلت من الدرج بسرعه ودخلت مجلس الحريم ملاك شافتهم راحت مسكت فيصل اللى كان بيدخل وراها ماكان يدري انه الضيوف جاوا ملاك : على وين الحريم جوه فيصل بقهر وتهديد قال بصوت عالي : هين ياريموه والله لردها لك وبتشوفين ، وراح، اما بالنسبة لريم اللي دخلت المجلس وهي تتنفس بسرعه من كثر الجري وتضحك ام رامي لما سمعت صوت فيصل وهو يهدد ريم قالت لريم : شفيكم ريم وهي لسى تضحك : هههههه سويت له ثلج هههه لداخل الفنيله هههههههه يمه لو تشوفين شكله ههههه كان يموت من الضحك الكل ضحك ام رامي : غربل الله ابليسك من بنت خرعتي أخوكي ريم جلست وهي تلتقط انفاسها : ايش اسوي اذا ولدك ما يصحى إلا كذه '، وانتبهت انها ماسلمت ضربت على راسها وهي تقول : اوه سوري ما سلمت ،وقامت تسلم عليهم لما وصلت لعند رهام قالت ، : رهوم وحشتيني رهام وهي تحضن ريم :وانتي بعد وحشتيني موووووت اريام ضحكت : اللى يشوفكم يقول ماشفتوا بعض من سنه مو كانه اولت امس كنتوا مع بعض رهام وهي تبعد عن ريم وتلتفت على اريام : وانتي ايش حارك صاحبتي وبنت عمي اشتقت لها فيها شي اريام ببتسامه : لا ابد مافيها شي عسى ربي يديم المحبه بينكم ظلو يسولفوا مع بعض اريام : وين ملاك ماشفناها ام رامي : لساتها بالمطبخ اريام : ريمومه حبيبتي قومي شوفي اذا في احد برى ابغى اروح اشوف ملاك ريم : ليش انا عايفه عمري والله لو شافني فيصل بيذبحني رغد بضحكه : محد قال لك تسوي اللى سويتيه ريم وهي ترفع يدها وتدعي : يارب إنه يجيها زوج مثل فيصل نومه ثقيل وماتقدر تصحيه رغد وهي ترميها بالخداده حق الكنب : وجع إن شاءالله ريم وهي تمسك الخداده وتقول بضحكه : عشان كل ماتجي تصحيه تتذكريني وتحسين فيني الكل ضحك اريام برجاء : يلا ريوم ابغى اشوف ملاك بلييز عشاني ميس : خلاص انا بروح اشوف ريم وقفت وهي تقول : ﻻﻻﻻ خلاص انا بروح عشانها بس اريام : تسلمي ي قلبي خرجت ريم ورجعت بعد مده وهي تقول : مافي احد كلهم راحوا المسجد وقفت اريام وهي خارجه التقت مع عماتها : هلا والله أخيراً جيتوا ليه تاخرتوا كذه ام مازن :هلا اريام '،وسلمت عليها ام هاني : الطريق كان زحمه ، وسلمت على اريام ، الا مين جاء جائوا كلهم اريام : باقي عائله عمي ابو فهد لسى ماجائوا وماخلصت كلمتها الا وام فهد داخله ام مازن وام هاني واريام : ههههههه ام فهد :عسى دوم هالضحكه ام مازن : الطيب عند ذكره لسى اريام تقول لنا انكم لسى ماجيتوا ،وسلموا على بعض، وراحت اريام المطبخ بعد ان سلمت على ام فهد ونوف وشوق ومها وبنت خالت نوف راما ودخلت المطبخ كانت ملاك معطيه الباب ظهرها لما دخلت اريام : السلااااام عليكم التفت ملاك شافت اريام وابتسمت قالت : وعليكم السلام ياهلا ومرحبا سلموا على بعض اريام : وينك ليه ماجيتي تسلمي ملاك وهي تطالع ملابسها قالت : تبغيني اجي اسلم وانا بهذه الملابس وريحتي كله طبخ اريام ابتسمت بخبث : طبعا لازم تكوني كاشخه ام حبيب القلب موجودة '،وغمزت لها'، ملاك وهي ترفع حاجبها وتنزل الثاني : اريامووا احسن لك تنكتمي اريام ضحكت : هههههههه اووه نسيت ابارك لك مبروك حبيبتي والله اني فرحتلك من قلبي كنت متأكد انك بتوافقي ملاك بهدوء : شمعنى؟! اريام :دام اللى خطبك فهد فاكيد بتوافقي ملاك بغباء مقصود : ليه بايش يتميز فهد عن غيره اريام : ملاك لاتستغبي انتي فاهمه قصدي ملاك :ايش رأيك تقولي اللى تبغي من دون لف ودوران اريام اتنرفزت منها قالت : اوكيه تبغيها على بلاطه انتي تحبين فهد فاكيد بتوافقي عليه فهمتي الحين لفت ملاك تكمل شغلها وهي تقول : ومين قال لك إني احبه اريام بدائت تعصب : ملاااك لاتلعبي باعصابي هذا الشي انا عارفته من زمان انك تحبين فهد ملاك ببرود : هذاك كان اول مرحله مراهقه وعدت اريام هي ترفع حاجبها : مرحله مراهقه والااا·····لانه اتزوج دلال ملاك وهي تكلم الخدامه : ماري جهزي الاكل لداخل الصحون الحين شوية ويجون ، وخرجت من المطبخ وطلعت الدرج واريام تمشي معاها، اريام : ما جاوبتي على سؤالي ملاك : اريام واللي يرحم والديك سكري السالفه اريام بستغراب : الحين انتي من جدك ما عدتي تحبيه ملاك بعصبيه خفيفه : ايه ما احبه ارتحتي اريام : إذا من جد ماعدتي تحبيه ليه وافقتي عليه ملاك بجفاء : ما كنت ادري انه هو ولو كنت ادري كان ما وافقت والان سكري السالفه ودخلت غرفتها واريام دخلت وراها ملاك اخذت لها ملابس ودخلت الحمام ( أكرمكم الله ) اللى في غرفتها واريام جلست على السرير تنتظرها التفتت على يمينها وشافت دفتر مذكرات ملاك اخذته فتحت على صفحه عشوائيه كان فيها ورقه على شكل قلب صغيره وملصقه على الورقه الاساسيه ومكتوب فيها ( سأكتم حبك بين الضلوع وأحيا أناجيه في وحدتي وإن سألوني : أذقت الهوى ؟ سأصمت في حيرة الجاهلين وإن سألوني " أما من حبيب " لديك يبادلك " القبلات ؟ " سأصرخ : " إني وحيد .. وحيد بلا ذكريات " .) *غازي القصيبي رحمه الله * بعدين فتحت الصفحه اللى بعدها كانت بعنوان ♡آن الآوان لقتلك ي قلبي♡ وكان التارخ اللى في الصفحة هو تاريخ يوم زواج فهد من دلال وبدات تقرأ لقد كان لدي أمل أن يأتي يوماً واكون له كان لدي أمل أن يأتي يوماً ويشعر بقلبي الهائم كان لدي أمل أن يأتي يوماً ويحبني فيه كما احبه لكن اليوم انقطع حبل ذلك الأمل فهو قد اختار من تشاركه حياته وحبه وكل شيء فلم يعد لي الحق أن احبه أو حتى أن أفكر فيه فهو قد أصبح لغيري وأكثر شئ آلمني انه هو من اختارها وكأنه يوجه رسالته لي ويقول انا لم افكر فيك يوماً ولن افكر فيك ابدا لكم آلمتني رسالته هذه لقد آلمتني حتى النخاع ومزقت قلبي المتيم به كانت بتكمل تقرأ بس سمعت صوت باب الحمام ( أكرمكم الله ) ينفتح سكرت الدفتر ورجعته مكانه جائت ملاك وهي تضع المنشفه على راسها وتنشف شعرها سرحت شعرها وسوت لها قلوس وكحل بس ورشه عطر والتفت على اريام اللى كانت شاردة بافكارها وحزنها على صديقتها ابتسمت وقالت : ليكون زعلتي اريام انتبهت لها وابتسمت وقالت : مستحيل ازعل منك انا المفروض اسالك هذا السوال ملاك انا اسفه ماكان قطعتها ملاك : اريام خلاص ماصار شي يلا خلينا نصلي وننزل بيكون حطوا الغداء اريام ابتسمت : يلا····على فكرة انتي طالعه اليوم حلوه وبتجنني ملاك ابتسمت : عيونك الحلوه كانت ملاك لابسه بنطلون اسود مع بلوزه حمراء وحزام اسود بسلاسل متدليه منه طالع مع بياض بشرتها يجنن صلين الظهر ونزلين شافين الخدم يحطون الغداء وام رامي تشرف عليهم والحريم يصلون بعد ان خلصين الحريم الصلاة راحت ملاك المجلس عشان تسلم واريام جلست تساعد عمتها ام رامي دخلت المجلس : السلام عليكم الكل : وعليكم السلام كانت ام فهد الاقرب الى الباب سلمت عليها الاولى ام فهد : هلا والله بمرت ولدي ملاك ابتسمت بخجل : هلا فيك خالتي وسلمت على الباقي وبعدين جائت اريام تقول لهن ان الغداء جاهز الكل قام وراحوا غرفه الطعام بعد الغداء اجتمعوا البنات في مجلس قريب من مجلس الحريم اما الحريم فراحوا لمجلس الحريم في المجلس اللى فيه البنات كانوا سوالف وضحك وكل وحده تتكلم من جهه راما بنت خالت نوف اليوم كانت عندهم وجائت معاهم صرخت بصوت عالي :ووااااو بنااااات تعالوا تعالوا شوفوا مين هذا يخققق '،كانت جالس جمب الشباك المطل على الحديقة اي احد يدخل او يخرج من الباب الرئيسي حقت الحوش يشوفوه البنات اللى كانوا جمبها التفوا على الشباك اللى وراهم والبنات اللى بعيد قاموا يشوفون ضحكت رغد : هههههههه وسيم العائله راما بستفهام : وسيم العائله؟؟؟ اريام : ههههه هذا الله يسلمك رامي ولد عمي احنا البنات نسميه وسيم العائله هو وفهد ولد خالتك رنا : عاد ياحضها اللى بتاخذه رما : ليه يعني وسيمين العائله والباقين وين رحوا والا مو حلوين رهام : الا كلهم ما شاء الله عليهم مدري من وين جايبين هالحلى والوسامه كلها مافي الا إحنا جياكر رنا : ههههه بس رامي وفهد احلى منهم كلهم راما وهي تطالع في رامي اللى كان يتكلم بالجوال ويضحك قالت وهي تمسك قلبها : وااااااي ضحته تهبل.. هو متزوج؟؟ اريام بمزح : لا ليه ناويه تخطبيه راما بمزح : مافي مانع ميس ضحكت : هههههه والله لو سمعتك رنيم ﻻتاكلك بسنونها اريام ضحكت : وانتي الصادقه راما بستغراب : ومين هذه رنيم رهف : هذه الله يسلمك مريضه بشئ اسمه رامي راما : قصدك تحبه ريم : شي زي كذه خلينا منها الحين ماابغى مزاجي يتعكر بسببها راما وهي ترجع تطالع رامي : ايوه خلينا منها الحين وقت الحلو اللى برى ريم بمزح : اقول قولوا ماشاء الله لايجي لاخوي عين من تحت روؤسكم راما ضحكت وقالت : لاتخافي عيني باردة وبعدين انا شفت احلى منه ريم : ﻻ والله مين هذا اللى احلى من اخوي راما : أقرب مثال فهد هاااه لاتنكري اظنك تعرفيه ريم : لا حبيبني رامي احلى من فهد راما : نو فهد احلى اريام : اقول ترى في بعض الناس يغارون التفوا البنات بيشوفوا ملاك لانهم فهموا انها تقصدها بس ما لقوها رغد : وي بسم الله هذه وين راحت دخلت ملاك المجلس وهم كلهم يطالعون فيها طالعت فيهم مستغربه : ايش فيكم تطالون فيني كذه كأنكم اول مره تشوفوني رهف : وين اختفيتي وما انتبهنا لك ملاك وهي تجلس على الكنبه : جائت ميرا وقالت لي ان امي تبغاني ورحت لها البنات : اهااااه شوق : تصدقي ماانتبهنا لما جائت ملاك : ايه اكيد ماراح تنتبهوا مو انتوا شاغلكم رامي حتى المتزوجات قاعدات يطالعون مها بمزح : ههههههه خلينا نمتع عيونا بالوجوه الحلوه نوف صرخت : هييييي وش تقصدين اخوي مو حلو ترى راح اقول له مها ضحكت : امزح امزح اصلاً مافي أحلى من حمد حبيبي رهف : ايوه ايوه رقعي الكل : ههههههه رجعوا البنات كل وحدة لمكانها لأنهم كانوا كلهم لسى عند الشباك رغد : اقول ملاك فهد شافك ملاك طالعتها بستفهام ؟؟ رغد ضحكت وقالت : اقصد النظره الشرعيه ملاك ببرود : اهااا لا نور : ليه اريام : واثق من اللى اختارها مايحتاج يشوف نوف : وانتي الصادقه لما سالناه يبغى يشوفها قال مايحتاج ملاك ابتسمت مجامله وفي داخلها حزن عميييق لانها تدري انه مو قصده زي مافهموها ظلوا البنات يسولفوا نوف : بنااات عندي لكم فكرة تجنن نور : اتحفينا فيها نوف : ايش رايكم نكلم اهالينا انه بكره نروح المزرعة ميس : ما اظن بيوافقوا نوف : ليه ملاك : نسيتي زواج رهف وخالد يوم الخميس رهام : خلاص احنا جهزنا كل شي للفرح وكمان لسى بكره سبت يعني بنروح بكره ونرجع الثلاثاء ريم : ايه لانه الاسبوع الجائي اخر اسبوع اجازة وبعدين دراسه ملاك : والله على أيديكم تقنعونهم رهام وريم بنفس الوقت : اوكيه نوف : بس .. بنات في مشكله الكل طالعها بستغراب اريام بستغراب : مشكله؟!! اي مشكله؟؟ نوف : انا قصدي رنيم اكيد بتجي بتخرب علينا ريم : لاتشيلين هم هذا الموضوع ابدا رهام : كيف يعني ريم : اسمعوا اللى تعزمهم كل مره هي امي وانا بكلم ابوي لما امي ماتكون موجوده واكيد ابوي بيكلم كل اعمامي ومابيكلم خالي لانه اغلب الوقت خالي مسافر او مشغول واكيد ابوي بيكلم امي عن روحت المزرعه والوقت بيكون متاخر وامي مارح تتصل بخالتي بتقول اكيد نائمين وماراح تزعجهم وفي الصباح امي بتكون مشغله بالتجهيز وبتنسى تكلمهم وبكذه مابيجون ايش رايكم بستنتاجي حلو صح؟ طالعت فيهم وهي شاقه الحلق ببتسامه ولما شافتهم كلهم يطالعوها وساكتين اختفت ابتسامتها تدريجيا وقالت : ﻻااا رنا : طبعا ﻻ لانه كل هذا مجرد احتمالات اريام : كلام رانا صحيح افرضي عمتي ترسل لهم رساله مها : بنات خلاص ماعليكم منها خلوها تجي هي بحالها واحنا بحالنا ريم بقهر : ﻻ انا ماابغاها تجي تقهرني هالانسانه بالله ماتشوفين كيف كلامها يلوع الكبد والا دلعها الماسخ بالذات لما يكون رامي موجود وكيف تحاول تتقرب منه بكل الطرق انا ماادري امي وش لاقيه فيها تبغى تخطبها لرامي ميس : ريم وش هالكلام انا ماانكر اللى قلتيه بس لاتنسين انها تكون بنت خالنا ريم : هذا اللى قاهرني انه وحده مثل هذه تقرب لنا شوق : بنات خلاص فكونا من سيرتها محنا ناقصين ذنوب واللى كاتبه الله بيصير راما : اقول بنات ليش تركتوني مثل الاطرش بالزفه من اول اسال مين رنيم ولا في احد معبرني مها : انا راح اقول لك بختصار رنيم بتكون بنت خالهم من الرضاعه وهي تحب رامي وخالتي ام رامي من زمان تقول ان رنيم ماراح تكون إلا لرامي وبصراحه هي مو من النوع اللى ينحب يعني أقصد تصرفاتها استغفر الله العظيم ماابغى اتكلم عنها راما : لحظه مافهمت كيف بنت خالهم من الرضاعة مها : يعني ابو رنيم يكون اخو ام رامي من الرضاعه فهمتي راما : اهاااه ريم : اوووف خلاص فكونا من هاسيرة سكت الكل شويه ورجعوا لسواليفهم . . . في مجلس الرجال كانوا الشباب في الجهه السفليه من المجلس والشياب اول المجلس عند الشباب رائد : شباب ايش رايكم نتصل على سعود ونحط على سبكر ونكلمه كلنا فيصل : ايوه الان بتصل عليه دق وحطه على سبكر وجاه صوت سعود سعود : الو فيصل : السلام عليكم سعود : هلا وعليكم السلام والرحمه كيفك ايش اخبارك فيصل فيصل : تمااام الحمدلله خالد بمزح : يعني ماتسال إلا على فيصل واحنا ما عجبناك سعود ضحك :حاطين على سبكر رامي : ايش اخبارك سعود وكيف دراستك سعود :الحمدلله تمام وانتوا كيفكم فهد : احنا الحمدلله نسأل عنك سعود : انا الحمدلله راكان : كيف امريكا معاك سعود : ياشينها ابغى ارجع السعودية طفشت من الغربه حمد : هانت كلها شهرين وترجع سعود بتنهيده : ياطولها هذه الشهرين الا قولوا لي كيف الاهل وابوي وعماني فيصل : الحمدلله كلهم بخير ويسلموا عليك اليوم متجمعين عندنا سعود بحنين : وااااه ياحضكم ياليت انا معاكم رائد : قلنا نتصل عليك نسليك ماجد : سعود كيف الدراسة معاك إن شاء الله تمام سعود : الحمدلله ماشي حالها سلموا على ابوي واعمامي والكل رامي : الله يسلمك سعود : يلا سلام لاتقهروني اكثر سعد بضحكه : نقهرك بايش سعود : تقهروني انا جالس لحالي وانتوا مجتمعين فيصل بضحكه : يلا مع السلامه سعود : في أمان الله بعد ما سكروا من سعود ماجد : والله كسر خاطري رامي : كلها شهرين ونشوفه معانا إن شاءالله الكل : إن شاءالله . . . بعد صلاة العشاء كانو البنات جالسين بالصاله والحريم بالمطبخ يجهزون العشاء للرجال دخلت رهام الصاله وهي شاقه الحلق اريام : خير اشوف الضحكه من الاذن للاذن مين هذا اللى كنتي تكلميه رهام بفرح : هذا سلمان اتص انتبهت على زلت لسانها وسكتت وعم الصمت في المكان وكانت كل العيون موجهه على ميس ميس حاولت تخفي حزنها ببتسامه باهته ريم حاولت تغير الموضوع : بنات ترى من الحين اقول لكم تجهزون لروحة المزرعة اريام فهمتها وقالت : اشوفك واثقه انهم بيوافقون ريم بغرور : مو واثقه وبس الا متأكد مئه في المئة بابي مايرفض لي طلب رهف : بنشوف يالواثقه وكملوا سواليفهم وميس اللى حاولت تنسى السالفه او بالاحرى تتناسى وتندمج معاهم بالسواليف . . . في الليل بعد أن رجع كل واحد لبيته كان ابو رامي جالس بالصاله مع رامي وفيصل يتكلموا عن الشغل جائت ريم وباست رأس ابوها وجلست جمبه ريم بدلع : بابه حبيبي فيصل يقاطعها وهو يضحك : ههههههه قولي ايش تبغين ومن دون مقدمات ريم طنشت كلامه وكملت بدلع : بابه عندي طلب قول تم ابو رامي بحنان وابتسامه : تم يانور عيوني بس وش هو ريم : نبغي نروح بكره المزرعة ترى انت قلت تم لاتتراجع هااه ابو رامي : بس يابوك فرح رهف وخالد نهايه الاسبوع ريم : يبه بكره سبت نروح ونرجع الثلاثاء والعرس يوم الخميس وبعدين كل شي جاهز من وإلى واذا نقص شي يجهزوه الأربعاء الله يخليك يبه الاسبوع اللى بعد هذا بترجع الدراسه وماراح نقدر نخرج تكفى يبه قول تم ابو رامي : وانا اقدر ارفض لريومتي طلب خلاص تم الان بكلم اعمامك ونتفق معاهم ريم ببتسامه : تسلم يااحلى واغلى اب في الدنيا كلها ، وباست راسه وطلعت غرفتها وهي في الدرج ماحست الا وهي كلها مويه صرخت :ااااااااااااااااه فيصل ضحك : هههههه مو قلتلك بردها لك ههههه ، وانحاش طلع جناحه جاء رامي بيطلع شاف ريم معصبه وكلها مويه ابتسم وقال : اكيد هذا فيصل هو من الظهر يتوعد فيك ريم بقهر : انا اوريه الدب ، وطلعت غرفتها تغير ملابسها رامي ابتسم جاء بيطلع انتيه على المويه اللي بالأرض نادى احد الخدم يجي ينظفه وطلع جناحه عند ابو رامي اتصل على اخوانه ووافقوا باقي ابو فهد جاء بيتصل عليه وجواله دق وكان ابو فهد ابتسم ورد ابو رامي : الطيب عند ذكره الان كنت بدق عليك ابو فهد : عسى ماشر ابو رامي : ﻻ ما شر بس كنت بقول لك بكره طالعين المزرعة ابو فهد ضحك : هههههههههه ابو رامي بستغراب : خير يابو فهد في شي ابو فهد : لا مافي شي بس انا اتصلت لنفس السبب ابتسم ابو رامي : اجل متفقين علينا ابو فهد : الظاهر كذه خلاص معناته بكره نتلقى إن شاءالله على الساعه عشره الصباح ابو رامي : إن شاءالله يلا في أمان الله ابو فهد : في أمان الله الكل نام عشان يقدرون يصحون بكره لروحة المزرعه ************** في احدى الشركات الكبيره بالطابق الاخير كان جالس على مكتبه الفخم وهو يسمع كلام مدير أعماله : طال عمرك هذا السيدي فيه كل المعلومات اللي طلبتها اخذ السيدي وصار يقلبه بين يديه بصمت مدير اعماله قال : طال عمرك تأمرني على شيء قال : ماابغى عيونكم تغفل عنها ولا لحظة مدير اعماله : لا تشيل هم طال عمرك احنا مراقبين كل تحركاتها قال : زين ···· اول ما تلاقي الفرصة المناسبه والوقت المناسب تنفذ الخطه مدير أعماله : حاضر طال عمرك··· تامرني على شي ثاني اشر له بيده بأن يخرج وفتح اللاب توب ودخل السيدي ***************** "لماذا أعيش لماذا أودع يوما وأرقب يوما ويدفن عام ويولد عام وما في الحياة جديد تمر علي الليالي مكفنة بوجوم عميق تراقص فيه ظلال الملل سجون مغلفة بالأسى تسمى حياة وماذا أريد مصابي .. أني أجهل ماذا أريد ....... إلهي ! .. سألتك : " خذني إليك " فإن حياتي ضاقت على " * غازي القصيبي رحمه الله * في احدى الأحياء الفقيرة في منزل صغير جالسه في غرفتها تبكي بكاء يقطع القلب : والله حرام عليهم ليه يطردوني انا ماقصرت في شغلي تعبت والله تعبت ما عاد فيني حيل الحين من وين بلاقي شغل من وين بأكل امي واخوي ومن وين اشتري العلاج لأمي يارب رحمتك وسعت كل شي ارحمني ياربي وساعدني انت اعلم بحالي'، ورجعت تبكي وتبكي الين تعبت حاولت تهدي نفسها قامت غسلت وجهها وتوضت وصلت قيامها وجلست تدعي الله بأن يفرج عنها كربتها خلصت وراحت للغرفه اللى تنام فيها امها واخوها الصغير دخلت شافتهم نيام اقتربت من اخوها لفت الشرشف المهترء عليه نظرت الى امها بحزن (ايش اسوي يايمه ليش الحياه كذه صعبه حاولت ابذل كل جهدي عشان اوفر لكم لقمه العيش لكن في كل مره يصير شي وانطرد من الشغل ليش الناس كذه قاسيه وماترحم يشوفوني على قد حالي ويحاولون يذلوني وياذوني بأي طريقه ليش كذه لاني انسانه فقيره وهم اغنياء يتكبرون على الناس بفلوسهم انا اشتغلت بكل جد لكنهم طردوني فقط لأني كسرت الصحن من دون قصد لكن الدنيا دواره والله كريم) تركتهم وخرجت الى غرفتها تمددت على فراشها : يا ليتني وافقت على كلامك ي اسيل طالعت في السقف وهي تتذكر اخر مره شافت فيها اسيل قبل أسبوعين جواهر : اسيل انتي مبسوطه مع زوجك اسيل بحب : مبسوطه وبس انا طائرة من الفرحه لأني لقيت الإنسان اللى كنت احلم فيه طول حياتي كل الصفات اللى كنت اتمناها في زوجي المستقبلي موجود فيه.. يحبني ويحترمني وشكله حلو وحالته الماديه كويسه مره واهم من هذا كله اخلاقه مئه مئه والكل يحترمه ويقدرة تخيلي حتى انه مديره بالشغل سلمه إدارة كل شركاته جواهر بستغراب واستفهام : سلمه إدراة كل الشركات اجل هذا المدير ايش يسوي يخلي الناس تشتغل وهو نائم بس ماهو غريب لان الأغنياء كذه ماعندهم مسؤوليه ومهملين اسيل : لاتقولين عنه كذه انتي لو تعرفينه كان ماتكلمتي عنه هالكلام وبعدين هو سلم زوجي الشغل لانه عنده شغل ثاني ومايحضر إلا الاجتماعات المهمه تصدقي انا مبسوطه لانه شخص مهم مثله يثق في زوجي لدرجه انه يسلمه كل الشغل جواهر : ومين يكون هذا الشخص اسيل : هذا يكون من اكبر رجال الاعمال وكل عائلته من كبار رجال الأعمال في البلاد زوجي يشتغل عنده مدير اعماله دائما يمدح فيه بصفاته واخلاقه ورغم كل الغنى والترف اللى هو فيه إلى انه متواضع ويساعد كل الناس ويوزع صدقات للفقراء ومتفاهم مع الكل تخيلي حتى انه صار يعطي رواتب كل شهر للبيوت الفقيرة اللى ماعندها احد يصرف عليها والرجال اللي ما عندهم وضيفه يدبر لهم وضيفة ويشغلهم '، توفقت فجأة وكانها تذكرت شي قالت'، : جواهر ايش رأيك اكلم زوجي يكلمه يدخلكم ضمن هذه البيوت وبيكون يصلك كل شهر عشره الف ريال وانتي جالسه بالبيت ومرتاحه جواهر بعزت نفس : ﻻ شكراً ماني محتاجه لحسنات احد انا بشتغل واصرف على اهلي وهذا الشخص اللى من اول تمدحي فيه انا متاكدة إنك غلطانه ﻻنه في هذا الزمن ماعاد في ناس تساعد احد وبالذات الأغنياء اللى تغريهم فلوسهم واخر همهم انهم يفكرون بغيرهم اسيل : انا معك في هذه النقطة بس مو كل الناس زي بعضها زوجي صار له يشتغل معه عشر سنين ويعرفه زين دائما يذكره بالخير وبصراحه معه حق جواهر : وانتي من وين تعرفيه عشان تقولي معه حق اسيل : انا شفته قدامي وباين من شكله انه انسان محترم ويحب الخير وفوق كل هذه الصفات الحلوه اللى فيه شكله خطييييير ياشيخه يجننن يجنن فيه جمال مااقدر اوصفه جواهر بستغراب : وين شفتيه اسيل وهي عائشه الجو وتتكلم وكانها تشوفه قدامها : لما كنت بشهر العسل خرجنا انا وزوجي نتمشي عند البحر وشفناه كان واقف عند البحر ويطالع غروب الشمس وشكله كان يطير العقل من جد كان رووووعه بعيونه اللى كانت شاردة بمنظر غروب الشمس وشعره اللى كان يحركه الهواء ووااااووو ياجواهر حسيت نفسي كأني قاعده اطالع بطل احد الأفلام والا لما راح زوجي يسلم عليه وابتسم ووووااااااوو ابتسامته تدوووخ جواهر طالعت في اسيل بنص عين وقالت : اقول اسيلوه مو كانك زوتيها شوي لو سمعك زوجك وش بيقول اسيل ببراءه : ايش سويت انا قاعده اوصف لك شكله بس ... ايه صحيح نسيت اقول لك ترى هو لسى عازب مو متزوج جواهر بعدم اهتمام : وانا ايش ابغى فيه كان عازب والا متزوج وبعدين انتي كيف عرفتي انه مو متزوج اسيل : سالت زوجي جواهر طالعت فيها بذهول وصدمه وقالت : انتي هبلا وإلا تتهابلي في وحده تسأل زوجها اذا كان مديرة متزوج وإلا ﻻ بالله وش ممكن يفكر اسيل بثقه : ﻻتخافي حبيبتي زوجي مو هذا النوع اللى ممكن يفكر بهذه الطريقة وبعدين هذا سوال عادي مافيها شي اذا سالت زوجي جواهر : الحين ممكن اسالك سؤال اسيل :اكيد تفضلي جواهر : هذا زوجك ماعنده اسم من اول صاجتني زوجي زوجي كأنك اول وحده في العالم تتزوج اسيل ضحكت : هههههههه تعودت اقول كذه نسيتي انه اسمه واسم اخوي نفس بعض ف دائما الكل يخربط اذا جيت اتكلم عن زوجي يفكرون اتكلم عن اخوي واذا اتكلمت عن اخوي يفكرون اتكلم عن زوجي فعشان تفرقي بنحذف اسمائهم واحد اخوي والثاني زوجي '، أكملت بمزح : خلاص اذا مااعجب بنغيره بدل زوجي حبيبي ايش رايك جواهر : اقول زوجي ارحم من حبيبي بكثير اسيل ضحكت وفجاة دق جوالها ردت : هلا حبيبي ...................... اسيل :حبيبي ايش فيك نسيت انا قلتلك إني رايحه عند وحده من صحباتي بقعد معاها شويه واودعها واجي ....................... اسيل : ايه انا جهزت كل الشنط ......................... اسيل : ﻻ تخاف ماراح اتاخر شويه وبجي ........................ اسيل ابتسمت : باي سكرت وشافت علامات الاستغراب والاستفهام على وجه جواهر ابتسمت وقالت : ادري خلاص لاتسالي انا بقول لك بصراحه انا الليله مسافره جواهر فتحت عيونها على الاخر :ايشش؟! مسافره لوين وليش ماقلتي لي من اول اسيل : ماحبيت نقضي كل الوقت نتكلم عن سفري جواهر : طيب لوين مسافره ومتى راجعه وش سبب هالسفرة كذه فجأة اسيل ضحكت : طيب حبه حبه علي انا بسافر لانه زوجي جاله شغل مهم ولازم يسافر وهو بياخذني معاه لانه ممكن يتاخر وكمان يبغى يعوضي عن سفرة شهر العسل لانه احنا قطعناها ورجعنا بسبب شغله جواهر بحزن : متى راجعه اسيل : ماادري متى بالضبط جواهر بحزن : انتي صديقتي الوحيد اللي اثق فيها واحكي لها كل شي بقلبي كنتي تونسيني وتنسيني كل همومي لما اتكلم معك والحين بتسافري انا مع مين اتكلم اسيل خرجت كيس من شنطتها وهي تقول : ياشيخه تحسسيني كاني بقعد سنه ترى شهر شهرين بالكثير وارجع مدت بالكيس لجواهر جواهر بستغراب : وش ذه اسيل : امسكي شوفيه بنفسك جواهر اخذت الكيس وفتحته وخرجت جوال طالعت فيه وبعدين طالعت اسيل بستفهام اسيل : هذا لك عشان نقدر نتواصل مع بعض جواهر رجعته للكيس ومدت به لاسيل وقالت : مااقدر اخذه اسيل : يعني بتردين هديتي جواهر : اسيل افهميني انا مااقدر اخذه انتي ساعدتيني كثير وجزاك الله خير مافي احد وقف معي مثلك بس هذا مااقدر اخذه اسيل : جواهر وش هالكلام تحسسيني اني وحده غريبه عنك مو انا صديقتك ومثل اختك جواهر : انتي اكثر من اختي بس اسيل قاطعتها بزعل : بس ايش اذا انا فعلاً مثل اختك ماكان قلتي هالكلام ولارديتي هديتي جواهر اذا مااخذتيها إنسي إنك كنتي تعرفي وحده اسمها اسيل جواهر : اسيل انا اسفه ماكان قصدي اقول هالكلام خلاص باخذه بس لاتزعلي .....اسول ترى مايليق عليك الزعل فلا تفكري انك طالعه حلوه وانتي زعلانه اسيل ابتسمت وضربت جواهر بالخفيف على كتفها جواهر : ايوه كذه إبتسمي...بس هاه من الحين اقول لك انتي اللى بتعلميني لانه مااعرف استخدمه اسيل : اوكيه مابمشي من هنا قبل مااعلمك على كل شي ترى هو سهل... ايه صحيح قبل لاانسى ترى انا عبيت لك رصيد عشان اذا احتجتي اي شي تدقي علي اوكيه انا اول مااوصل بدق عليك عشان تسجلي رقمي جواهر ابتسمت بحب لهذه الصديقه اللي ماتركتها وظلت معاها بالسراء والضراء ودائماً تساعدها اذا احتاجت شي . . رجعت للواقع وهي ماسكه الجوال بيدها : انا اسفه ي اسيل بس هذه المره مااقدر اطلب منك تساعديني انا بدبر حالي ﻻزم اعتمد على نفسي اغمضت عيونها وفجاة فزت من فراشها وهي تسمع الطرق القوي على باب البيت تجمد الدم في عروقها ودقات قلبها ازدادت من شده الخوف ( ياربي مين بيجي بهذا الوقت ليكون هو يارب احمينا من شره ياااارب يارب ) ازداد الطرق على الباب وقفت وراحت لجمب الباب بلعت ريقها بخوف وقالت : مين انتهى . . . توقعاتكم للبارت الجاي ♡ اسجد سجده اخبر الله بكل مافي قلبك اطلب منه ماتريد فهو الوحيد الذي لن يردك فهو الذي أنعم عليك بالكثير من النعم من دون ان تطلبه فما بالك اذا طلبت منه فقط اطلب منه بقلباً صادق وسوف يدهشك بالعطايا♡ | ||||||||
|
| |
|
16-09-20, 12:56 AM
| #5 | ||||||||
| مراقبة عامة ومشرفة منتدى الروايات المنقولة
| صباح الخير حبايبي كيفكم إن شاء الله طيبين وجيت لكم بالبارت الثالث من روايتي إن شاء الله رح يعجبكم انتظر ارائكم وتعليقاتكم فهي تسعدني . . . @البارت الثالث @ وقفت وراحت لجمب الباب بلعت ريقها بخوف وقالت : مين جائها صوت بنت جيرانهم هند : جواهر هذا انا افتحي وضعت يدها على قلبها وتنهدت براحه لكن مافاتها صوت هند المتغير فتحت الباب وانفجعت وهي تشوف وجهها مليان دموع هند ببكاء : جواهر إلحقيني امي طاحت من الدرج وماني عارف ايش اسوي وابوي مو موجود تكفين تعالي معي ام جواهر اللي سمعت الصوت قامت وخرجت من غرفتها وقالت : خير يابنتي شلصاير جواهر دخلت غرفتها سحبت عبايتها والطرحه بسرعه وخرجت وقالت : يمه شويه وراجعه وخرجت ام جواهر بخوف راحت تنادي جواهر : جواهر لوين رايحه شافتها دخلت بيت الجيران رجعت كانت تبغى تروح بس خافت تترك عبدالله لوحده ظلت تمشي في الصالة رايحه راجعه وكل شوي وخوفها يزيد وأخيراً دخلت جواهر البيت راحت لعندها وقالت بخوف : خير يابنتي شلصاير جواهر سكرت الباب وقالت : هذه جارتنا ام هند طاحت من الدرج ام جواهر بفجعه : طاحت؟! الحين كيفها ايش صار عليها جواهر : لما جيت شفتها طايحه بس الحمدلله ماكانت متضرره كثير قدرت اساعدها توقف وزوجها جاء واخذوها على المستشفى ام جواهر بحزن : لاحوله ولاقوة الا بالله الله يشفيها جواهر : يمه انتي لاتشيلين هم احد روحي ارتاحي *************** صباح يوم جديد على ابطالنا يحمل في طياته الكثير من الأحداث الساعة العاشرة صباحاً اجتمعوا كل العائلات عشان يمشوا مع بعض كان في اربع سيارات سيارة فيها الشباب وسيارة فيها البنات وسيارة فيها الحريم وسيارة فيها الشيبان في سيارة البنات ملاك قالت بطفش :اوووف الحين متى يجي احد يسوق السيارة طفشت من القعده كذه من دون حراك نور : اي والله طفشش اريام بمزح : وانتي ايش تسوي هنه روحي انتي وزوجك نور : زوجي اخذ جود وعبود معاه وبيروح مع الشباب يقول مافيه يسوق الطريق طويل رهام بمزح : الظاهر اخوي شيب نور بفخر : حبيبتي زوجي زين الشباب بس هو تعبان من أمس مواصل كان عنده شغل ومانام طول الليل وجلس يخلصه عشان روحه المزرعة رهام : بس بس اكلتيني كل هذا لاني قلت شايب نور : عشان ماتطولين لسانك مره ثانيه كل شي الا مجودي رنا وهي تشوف الشباب من الشباك حق السيارة :الظاهر انهم لسى يتناقشوا مين بيسوق السيارة ريم بضحكه : شكله مافي احد يبغى يسوق فينا نوف بضحكه : اتوقع توبه انه واحد منهم يسوق فينا ما شفتوا المره اللى راحت طفشنا رائد وفيصل اريام بضحكه : ههههههه والمره اللى قبلها خالد وعمر نور : اجل المره الجايه لازم تتعلمون السواقه لانه بسبب حظراتكم مافي احد بيجي يسوق السيارة نوف : لا ياشيخه اجل ويش فائدة عواميد الكهرباء هذه '، كانت تاشر على الشباب'، ريم ضربت نوف من جهه ورهام من جهه على الخفيف وقالوا : وجع قولي ماشاء الله نوف مسكت كتفها مكان الضربه : ااااه شفيكم ماقلت شي غلط شوفيهم كلهم طوال ريم : قولي ماشاء الله بسرعه بسرعه بتسكين اخواني عين نوف بضحكه : طيب طيب ماشاءالله تبارك الله ترى حتى اخواني بينهم رهف وهي تشوف رامي وراكان يقتربون من سيارتهم قالت : شوفوا مين بيسوق التفوا البنات : ياااااااهووو نوف ضحكت وقالت : هذه المره اي وحده تنطق بحرف بتندفن حيه فتح رامي باب السيارة بمكان السائق وراكان جمبه قالوا :السلام عليكم البنات : وعليكم السلام رامي وهو يشغل السيارة : ابغى اعرف ايش سويتوا بالشباب مافي احد راضي يجي يسوق السيارة ميس ضحكت وقالت وهي تتصنع البراءة : احنا ماسوينا شي رامي بتهديد وهو يقود السيارة : ايه بنشوف الحين ايش بتسوا اي وحده تسوي حركه كذه والا كذه من الشباك على طول اريام ضحكت وقالت : افااا ياولد عمي نهون عليك ابتسم رامي : والله اذا جلستوا بأدب على عيني وعلى رأسي ريم : احنا دائماً مؤدبات بس ممكن تشغل لنا أغنية رامي : ماشاء الله ويش ذه الأدب رهام : نبغى اغنية تكون حماس ريم : وتحسسك انك راكب بطيارة مو بسيارة ركان بملل : ياحبيبي بدائوا رامي : ﻻ مافي اغاني بنشغل لنا محاضرة رهام : محاضره ؟ ﻻااا بليز شغلوا شي يكون حماس مو محاضرة تجيب النوم رامي : ابغى اعرف مين يسوق انا والا انتوا رهام بضحكه : اكيد انت بس اذا شغلت محاضره بنام واذا نمنا بتحسوا بالملل واذا مليتوا بتناموا واذا نمتوا بنروح فيها وبدل مانروح على المزرعه بنروح على المقبرة راكان : انتوا ريحوا بالكم ولاتشيلون همنا ناموا وانتوا مطمنييين ريم : طيب محاضره محاضره بس نبغى محاضره لشيخ عبدالمحسن الأحمد نوف بعتراض : ﻻﻻ لشيخ خالد الراشد رهام بعتراض : ﻻ والله لشيخ سلمان الجبيلان والله مره يضحك ريم : ﻻ الشيخ عبدالمحسن الأحمد احسن رهام : لا الشيخ سلمان الجبيلان نوف : لا الشيخ خالد الراشد احسن راكان : ﻻ انتي وﻻ هي بنشغل محاضرة لشيخ نبيل العوضي رهام بخيبت أمل : لييييه رامي : عشان مانكون متحيزين لازم العدل اذا سمعنا كلام وحده منكن الباقي بيزعلوا كل وحدة مدت بوزها شبرين وسكتت . . نروح لباقي السيارات . . كانت سيارة الشباب قبلهم والشياب وراهم اما سيارة الحريم واللى يقودها رائد وجنبه فيصل كانوا متأخرين شوي لأنهم مروا على الجدة ام محمد ودينا وبنتها دانه في سيارة البنات وقف رامي عند المحطة عشان يعبي بنزين اريام : ركان يااخوي فديتك انزل اشتري لنا والله مشتهيه جمبري بالخل ريم : ايه ركان تكفى ركان : طيب بسرعة ويش تبغون ومن الان اقول لكم المشروبات الغازيه ممنوع رغد تهمس لنور : بدأنا شغل الدكاتره نور ضحكت اريام : ابغى جمبري بالخل واي نوع من العصير ماعندي مشكلة ريم : وانا ابغي جالكسي وعصير بالفراوله نوف : وانا ابغي جمبري بالفلفل وسنكرس وعصير التوت ملاك: وانا ابغي كتكات وعصير التفاح رهام : وانا ابغى بريك و قاطعها راكان : بس بس ادوشتوني كل وحدة تبغى شي انا كيف بذكر كل هذا بنزل اشتري لكم على كيفي وفتح الباب بينزل رهام : ركان بليز اشتري لي اي سكريم اريام : لاتنسى الجمبري ابغاه بالخل ركان نزل وقال : والله ما الوم الشباب لما مارضوا يجوا صدعوا لي رأسي وراح اشتري لهن ملاك وهي تكلم اريام :انتي ويش قصتك امس كل شوي مشتهيه شي واليوم مشتهيه جمبري بالخل وانتي ماتحبين هذا النوع لاتكوني حامل اريام طالعت ملاك : تتوقعين ملاك : ايه ليش لا صار لك خمسه اشهر متزوجه اريام حست بفرحه داخلها بمجرد التفكير انها ممكن تكون حامل مسكت بطنها وقالت : إن شاءالله بعد فرح رهف بروح افحص ملاك : وليه بعد الفرح اول ما نرجع من المزرعة روحي اريام : ﻻ مابنكون فاضيين خليها بعد الفرح احسن ملاك : على راحتك بس لاتتعبين نفسك بالشغل يمكن تكوني حامل اريام ابتسمت رجع راكان والبنات جننوه ليه ما اشتريت كذه وليه اشتريت هذا وهذا مانحبه وليه وليه<<ههههه مسكين ياراكان ولما وصلوا المزرعة صلوا الظهر وجلسوا يتغدوا في وقت الغداء عند الحريم ملاك بتعب : اااه حدي نعسانه اول ما اخلص على الفراش على طول رغد : ايه والله تعععب جسمي كله متكسر رهام وهي تاشر على اريام : هذه تروح لغرفه لحالها ما تجي معانا ملاك بستغراب : ليه رهام بقهر : ماتخلي احد ينام تجلس طول الليل تتكلم هي وروميوا الكل ضحك الجدة : مين ريميو هذا ؟؟ الكل ضحك طبعاً ماعادا الجدة الجدة : علامكم تضحكون مين هذا ريميو دينا ضحكت وقالت : يمه اولا هو اسمه روميوا مو ريميو وثانياً رهام تقصد بروميوا عمر الجدة : وليش تقول عنه روميوا هو عنده اسم رهام وهي تكلم ريم بصوت منخفض : الله يعيني الحين ماراح تتركني إلا لما اقول لها ريم قالت بضحكه : أجل الحقي نفسه وقولي لها شي رهام وهي تكلم جدتها : يايمه ياحبيبتي روميوا هذا كان دائماً يكلم زوجته بالليل على الجوال عشان كذه انا علقت على عمر بروميوا الجده : وهو ليش يكلم زوجة بالجوال وهو جمبها ريم ضحكت وقالت بصوت منخفض : كان قلتي لها الحقيقة بدل ماتكذبي رهام : ليه انا ناويه على عمري اول ما اجيب لها سيرة انه روميوا كان يحب جوليت بتقوم علي بعصاها '، ورفعت صوتها وهي تحاول تغير الموضوع : مثل ماقلت اريام ماتنام معانا تروح تدور لها اي عشه وتنام فيها ملاك ضحكت وقالت : عشه الظاهرة يااريام حاقدة عليك بقوه اريام تكلم رهام : والله حبيبتي بنام مكان ما ابغي واذا مو عاجبك تروحي انتي تدوري لك عشه رهام : انا عن نفسي ما بنام معاك لو يعطوني مليون ما يكفي بالبيت ماتخليني انام حتى بالمزرعه لاحقتني رغد ضحكت وهي تقول : خلينا نتسلى ونشوف ايش تقول لعموري ، وغمزت لها، اريام قالت بغضب مصطنع : هيييه هيييه ما اسمح لك تقولي عموري ، واكملت بغرور، انا اللى اناديه كذه وما اسمح لاحد يناديه بعموري غيري الجدة : يابنت استحي على وجهك اريام بمرح : يمه ماقلت شي كل اللى قلته عموري اجل لو قلت حبيبي قلبي حبي عمري حياتي ويش بتسوين الجده اخذت عصاها بتضرب اريام بس اريام انحاشت اول ما شافت جدتها تمسك العصى الجده : قاعده تتغزلين بالرجال يالي ماتستحين اريام قالت وهي تضحك : يمه تراه زوجي مو احد غريب الجده : تبغين تتغزلين بزوجك بغرفتكم مو بقدامنا اريام بمزح : يمه ايش اسوي من كثر حبي له لساني صار يتكلم كذه شافت الجده وقفت وهي على طول انحاشت وخرجت من غرفه الطعام الكل ضحك كملوا غداهم وكلهم راحوا يناموا <<نسيت اقول لكم فهد ماجاء معاهم لانه مسافر وسعد وحمد اخوان فهد بيجون بالعصر لانهم مشغولين فما قدروا يجون في العصر صحيوا الحريم والشياب والشباب عشان صلاة العصر ووصل حمد وسعد اما البنات مافي الا ميس ونور صحيوا والباقي كلهم نائمات طلعت نور زوجه ماجد تصحيهم عشان صلاة العصر دخلت اول غرفه كانت لملاك واريام ورغد وميس شافت ملاك صاحيه وخلصت تصلي قالت : ملوكه حبيبتي صحي رغد واريام بروح اصحي باقي البنات ملاك : إن شاءالله خرجت ودخلت غرفة رانا ورهف سكرت المكيف وشغلت اللمبه وقالت : بنات يلا اصحوا رهوف.. رنوي صحيت رهف وقالت : خلاص صحيت نور ابتسمت : صحي رنا بروح اصحي الثلاثي المرح رنا بنعاس : خلاص صحيت مايحتاج تصحيني دخلت نور غرفة ريم ورهام ونوف سكرت المكيف وشغلت اللمبه : ريم نوف رهام يلا قوموا ريم وهي تغطي وجهها باللحاف : اوووف سكري النور وشغلي المكيف نور : اصحوا صلوا وبعدين ارجعوا كملوا نومكم رهام : طيب بس شويه واصحى نور بنفسها (هذول ماينفع معاهم كذه انا اوريكم) وخرجت ورجعت ومعاها خدامتين كل وحدة وقفت عند راس وحدة من البنات ونور كانت واقفه جمب نوف كانت تاشر للخدامات باصبعها ثلاثه اثنين واحد وطشششششش كبوا المويه لفوق البنات ريم قامت بفزع صرخت : ااااااااااااااااه ونوف قامت بصدمه وماهي مستوعبه : هاه ويش في مطر ورهام تصرخ :ااااااااااااااااه انا اوريك يا ميرا (اسم الخدامه) خرجوا الخدامات جري خافوا من ريم ورهام نور ماتت ضحك على شكلهم التفوا كلهم يناظرون نور بقهر نور لما شافتهم كتمت ضحكتها وخرجت بسرعه اول ما خرجت انفجرت ضحك وهي تتذكر شكلهم كل البنات صلوا ونزلوا تحت وكل وحدة ماسكه عبايها عشان يخرجوا يتمشوا في المزرعه كانوا الحريم بالصاله ام ماجد وهي تشوف البنات ينزلوا : مابغيتوا كل هذا نوم اريام : يمه من التعب ماقدرنا نصحى ام رامي : اللى يسمعكن يقول مسافرين يوم كامل هي كلها كم ساعه نوف : ايه بس تعب ام فهد : الا انتوا وين رايحات رغد: بنتمشى بالمزرعه ملاك وهي تلتفت على دينا : وين دندونه بناخذها معانا دينا : رامي اخذها معاه ريم : بنتك هذه اخذت مكاننا عند اخوي مدلعها اخر دلع دينا تضحك : ههههههه اذا ما دلع بنت اخته مين بيدلع "دينا بنت عمهم لكن توفى ابوها وامها وربتها الجده ورضعتها ام رامي هي ورامي فصارت اختهم من الرضاعه" رنا : نور دينا روحوا البسوا عباياتكم عشان نخرج مع بعض ،والتفتت على امها وعماتها،وانتوا يمه ليه ما تخرجوا تجلسون بالجلسه برى ام خالد : ايه والله وانتي الصادقه خلونا نخرج نشم هواء بدل القعده هذه قاموا خرجوا الحريم والجده من دون عبايات لانهم لابسين لبس طويل بس لبسوا الطرح والجهه اللى يجلسوا فيها ما يجوها الرجاجيل الا أحياناً يجوا الشباب يجلسوا مع الجده اما البنات لبسوا العبايات وجلسوا ينتظرون دينا ونور رهام كانت جالسه تلعب بجوالها وكان على طرف غلاف الجوال ميدالية حلو مره كانت على شكل قلب وداخل هذا القلب مويه واسماك صغيرة كأنها حقيقيه اللى يشوفها يحس نفسه كانه يطالع لداخل البحر ريم شافتها سحبت الجوال من يد رهام وطالعت في الميدالية وقالت : ووااااو ماشاء الله مره نايس رهاموا من وين اشتريتيها ابغي اشتري زيها رهام : ما اشتريتها هذه أعطاني إياها سلمان عم الصمت على المكان لحظات وقفت ميس وقالت : يلا انا خارجه وخرجت اريام التفتت بجهت رهام وقالت بغضب : انتي ماتعرفين تمسكين لسانك ابدا رهام بطفش : يووووه انا الحين ويش سويت هي سألتني وانا جاوبت ملاك : صلوا على النبي خلاص ماصار شي اريام تنهدت : اللهم صلي وسلم وبارك عليه والله إن ميس كاسره خاطري رغد : الين متى سلمان بيظل على عنادة اريام : والله ماادري ويش اقول لك ابوي عنيد وسلمان اعند منه رنا : والمسكينه ميس تظل معلقه بين السماء والأرض اذا مايبغاها يطلقها ويخليها تشوف حياتها اصلاً هذاك اليوم هو جرحها بكلامه كثير رهف : انتي تدري انه ماكان يقصد انه يجرحها وأساساً ماكان يدري انها موجوده وسمعت الكلام اللى قاله رهام : سلمان رغم إنه فيه شويه غرور إلى إنه طيب وحنون ومافي منه ملاك : والله احنا ندري ولو ماكان كذه ماكان وافقنا نزوجه ميس اريام : وامي المسكينه مالحقت تفرح برجعته من امريكا إلا وابتعد عنها مره ثانيه كم مره حاولت مع ابوي انه يسامحه ويخليه يرجع بس ابوي الله يهديه رأسه يابس ومايسمع كلام أحد ريم : بصراحة أنا ماالوم سلمان يعني عمي فاجئه بالموضوع حتى من دون مايعطيه خبر رغد : اثنيناتهم غلطانيين عمي كان لازم يخبر سلمان بالموضوع وسلمان ماكان لازم يكبر القصة خلاص يرضى بالأمر الواقع وانه ميس صارت زوجته.... جائت نور ودينا وقطعوا عليهم الكلام البنات وقفين وخرجوا مع بعض راحوا بجهت الاسطبلات شافوا ميس واقفه هناك وتطالع في رامي وراكان اللى راكبين على الاحصنه ريم : شوفوا مو كأن هذا راكان ورامي رغد : ايه هم شوفي هذيك دانه مع رامي دينا : يمه بنتي مركبها معاه لتروح تطيح ملاك بغرور : لاتخافي اخوي فارس ماهر دينا وهي تناظر ملاك بنص عين : بالله تدري لساتني دريت انه اخوك، وهي تقلد صوتها، فارس ماهر ملاك ضحكت وصلوا وقفوا صرخت دينا لما شافت رامي يسرع بالحصان :راااامي انتبه لا تطيح بنتي تقدم رامي بالحصان ناحيت البنات نزل من على الحصان ونزل دانه وظل حاملها رامي وهو يناظر دانه : هااه دندونه ايش رايك تبغي تركبي مره ثاني دانه ببراءة ودلع : مرررره حلو ابغي اركب مره ثاني خالوا ريم : ﻻ حبيبتي الحين دوري رامي ابغي اركب رهام : وانا ابغى اركب،ونادت بصوت عالى،رااااكان تعااال جاء راكان رهام بدلع : ركوني حبيبي ابغى اركب بالحصان راكان : ركوني بعينك شايفتيني أصغر عيالك رهام : طيب ولايهمك يا احلى راكان فديته اخوي حبيبي بليييز خليني اركب ابتسم راكان ونزل من على الحصان : مصالح.... طيب يلا تعالى على طول راحت طالع في عبايتها رهام ابتسمت وقالت : ﻻتشيل هم عبايتي مفتوحه راح اقدر اركب اقتربت من الحصان وقالت : بس خليه يمشى شوي شوي لاتخليه يسرع اخاف اطيح ساعدها تركب ركبت وكانت لابسه بيدها اسوره فيها سلاسل صغيره وعلى اطرافها نجمات صغيرة ومن دون قصد عورت الحصان فيها صهل الحصان بصوت عالي وصار يجري صرخت رهام : يماااااه كانت متمسكه بعنق الحصان بقوه خائفه لاتطيح والاسوره تجرح الحصان بعنقه ويزيد من الجري وهي تبكي وتصرخ راكان على طول اخذ حصان رامي وتبعها حاول يوصل لها بس الحصان كان مره سريع أسرع بحصانة لما صار موازي للحصان اللى فيه رهام حاول يقرب من الحصان مسك لجام الحصان بيد واليد الثاني يمدها لرهام : رهام مدي يدك بمسكك راهام وهي تبكي : ما اقدر بطيح راكان حاول يقرب الحصان اكثر سحب رهام من على الحصان وركبها على الحصان اللى راكب فيه وهي تمسكت فيه بقوق وهي ترجف وتبكي وصلوا لعند البنات اللى كانوا بيموتوا من الخوف على رهام نزل ونزلها معاه وهي لساتها تبكي راحوا لها البنات حضنتها اريام وحاولت تهديها رجعوا الفله طلعوها على غرفتها ماحبوا يمرون على الحريم عشان مايقلقوهم دخلوا الغرفه وهي لساتها تشاهق من كثر البكاء جلستها اريام على السرير :حبيبتي خلاص هدي الحمدلله ماصار لك شيء نوف مدت لها بكاس مويه :خذي اشربي رهام اخذت الكاس وشربت وجلست اريام تهديها الين نامت ولما شافوها نائمه خرجوا يجلسون بالغرفه الثانية عشان ما يزعجوها ريم وهي تمسك قلبها :حسيت قلبي بيطيح من مكانه لما شفت الحصان يجري بهذيك السرعه اريام : انا كنت بموت من خوفي عليها ميس : بس الحمدلله مرت على خير وماصار لها شي البنات : الحمدلله رهف : بنات لاتقولون لأمي او احد من الحريم بيقلقون ويكبرون القصه ورهام الحمدلله ماصار لها شي رغد : طبعاً ما بنقول لهم ملاك : هذا اذا ماكانت السوسه دانوه قالت لهم اريام : ياويلي كيف نسيناها بتروح تقول لهم ريم : ماعليك انا اعرف ايش اسوي، واخذت جوالها، : هذه ما يعرف لها الا رامي ودقت على رامي اول مارد عليها ريم : الو رامي لاتخلي دانه تروح للحريم رامي بستغراب : ليه ريم : بتروح تقول لهم واحنا مانبغاهم يقلقون وفهمها ما تقول لهم هي ماتسمع الا منك رامي : اوكيه بس ريم بسرعه : بس ايش رامي ضحك : مافي احد من الشباب ماقالت له ريم : ياويلها من رهام صدق ان هالبنت ثرثارة رامي : الا ايش اخبار رهام ريم : الحمدلله هدئت وهي الحين نائمه رامي : اهاه يلا الحمدلله على سلامتها ريم : الله يسلمك رامي لاتنسى تفهم السوسه اللى عندك ماتقول لاحد رامي : لا تشيلين هم بس ترى ما اسمح لك تقولين عنها سوسه ريم حبت تقهره : طيب يلا مع السلامة لاتنسى تسلم لي على السوسه اللى معاك وسكرت الخط نوف : ويش قال لك ريم : الحمدلله ماقالت للحريم،ضحكت وهي تقول : هههههه بس ماخلت واحد من الشباب ما خبرته ميس قالت بضحكه : ماشاء الله عليها ما تخلي شي بقلبها دينا بمزح : جائيه على خالتها ريم : هيييه دينوووه مااسمح لك تشبهيني بهذيك الثرثاره دينا : الحين انا ذكرت اسمك انا قلت خالتها بس صدق من قال اللى على راسه بطحى يتحسس الكل ضحك وكملوا البنات سواليفهم الين اذان المغرب وبعدين قاموا توضوا وصلوا ورجعوا جلسوا يسولفون دخلت عليهم دانه قالت :جدتي تقول لكم تعالوا اجلسوا معاهم ايش عندكم جالسات بالغرفه رنا : اوكيه الحين ننزل هم وين تحت والا برى دانه : برى ريم : في احد معاهم والا لوحدهم كانت تبغى تعرف عشان اذا في احد يلبسوا العبايات دانه ببرائه بدات تعدد باصابعها : في رامي وخالد وفيصل ور قاطعتها ريم : بس بس قامت بتعددهم كلهم قاموا البنات يلبسوا عباياتهم جلست دانه على السرير شافت جوال اخذته وجلست تلعب فيه شافتها ريم وشهقت : هئئئئئ جواااالي دانه على طول هربت هي والجوال ونزلت تحت تجري وريم وراها ريم بغضب : دااااانوه جيبي جوالي دانه وهي تجري طاح الجوال من يدها وانكسر وهي هربت الى برى الفله وراحت الى الجلسه اللى كان فيها الشباب جالسين مع جدتهم وجلست بحضن رامي ريم وصلت لعندهم : دااانوه تعالي انا اوريك ،وراحت لعند رامي وقال : رامي لاتحاول تدافع عنها رامي طالع في دانه وقال : ويش سويتي فيها دانه ببراءة : ماسويت شي بس كسرت جوالها فيصل ضحك وقال : كسرتي جوالها وماسويتي شي رامي : خلاص ولايهمك ياريومه انا بشتري لك احلى جوال ريم مقهورره قالت : ﻻ اذا ظليت تدلعها كذه ماراح تتربى خليني ادبها عشان مره ثاني ماتمد يدها على اغراض غيراها دانه تمسكت برامي اكثر وقالت بدلع طفولي : خالووو بعد هالوحش عني رامي ضحك وحضن دانه ريم شهقت وقالت : انا وحش انا اوريكي يالسوسه جائت بتمسكها ورامي بعدها وقال : ﻻ والله ماتمسكيها ريم : على الاقل خليني اقرصها عشان مره ثاني ما تقرب على جوالي وعشان ماتطول لسانها على اللى اكبر منها، قربت من دانه وحاولت تقرصها بس رامي ما سمح لها، رامي : خلاص هي بتعتذر لك وقال لدانه : يلا قولي لها انا اسفه دانه اشرت باصبعها على ريم وقالت بغرور : تبغاني اعتذر لهذه ريم اشتعلت غضب : شفت مو قلت لك يبغالها تأديب رامي : دانه عيب مايصير كذه هذه خالتك يلا قولي لها انا اسفه والا بزعل منك دانه لوت بوزها وقالت : انا اسفه ريم وهي تطالع دانه : ولو انه اسفه هذه ماترجع لي جوالي بس بتركك هالمره عشان رامي.... ، وراحت وجلست بالجهه المقابله للشباب جائوا البنات بعد ما صحوا رهام عشان تنزل معاهم سلموا وجلسوا الكل : وعليكم السلام رغد وهي تطالع في ريم اللى باين عليها انها منزعجه قالت :خير ايش فيك ريم بقهر : دانيوه كسرت جوالي رغد : اماااه رهام : هذه ماتخلي شي بحاله فيصل حب يغير الموضوع قال بمزح : الا ياراهام ماتبغين تركبين على الحصان رهام بقهر لانها فهمت قصده : انقلع انت والحصان الشباب والبنات ضحكوا : ههههههههههههه والحريم ماهم فاهمين شي الجده : ويش فيكم تضحكون مانب شائفه انه الموضوع يستاهل كل هالضحك فيصل وهو يضحك : ابد سلامتك يايمه مافي شي يلا اسمحي لنا احنا بنروح قاموا الشباب وباسوا راس جدتهم وراحوا بيت الشعر اما البنات والحريم كملوا سواليفهم وبعدين راحوا اتعشوا وطلعوا غرفهم يكملون السوالف اللى ماتخلص جلسوا كل البنات بغرفه اريام : اقول ملوكه متى بتجهزين لفرحك ملاك اول ماتذكرت حست بضيق قالت : إن شاءالله بعد فرح رهف وابغاكم تساعدوني ترى ما عندي غير شهر رهف : اوووه شهر بس مايكفي انا جلست اجهز ثلاثه اشهر ملاك : عشان كذه ابغاكم تساعدوني نخرج مع بعض السوق وكل وحدة تشتري غرض رهام : انا عن نفسي موافقة بس لازم تكون الخرجه بالعصر تدري الصباح عندي مدرسه نوف وريم : وحنا بعد ملاك : اوكيه خلاص في الصباح بكون اخرج انا وميس واريام ونرجع الظهر نرتاح وبعد العصر نخرج كلنا عشان نخلص بسرعه ايش رايكم اريام : خلاص اتفقنا دق جوال اريام رهام بقهر : جاء وقت روميوا انه يتصل ابغي اعرف ليه دائما يتصل بهذا الوقت اريام قالت : لانه يخلص من كل أشغاله وردت على الجوال اريام : الو عمر بوله : هلا بأحلى الو سمعتها بحياتي اريام ابتسمت بخجل : هلا فيك حياتي عمر بحب : كيفك ياقلبي اريام : الحمدلله وانت عمر برومنسيه : طالما سمعت صوتك فانا بخير ياروحي رهام قربت من اريام تبغي تعرف ايش يقولون اريام دفت رهام : وجع عمر : ويش قلتي اريام تطالع رهام بقهر وقالت : حبيبي ما اكلمك كنت اكلم رهام رهام وهي تمسك يدها لانه لما دفتها اريام اندقت بطرف التسريحة وقالت بصوت عالي : وجع يوجعك عورتيني يالدفشه عمر سمع كلام رهام وقال : اقول حبيبتي حطي الجوال على السبكر اريام ابتسمت لانها تعرف قصده : اوكيه وحطته على السبكر عمر : اقول يا ام لسانين لاتدعين على زوجتي ومافي احد غيرك دفشه اما زوجتي اساس الرقه والنعومه رهام وهي تتخصر : اذا كنت انا ام لسانين اجل زوجتك ايش تسميها ام اربعه السن عمر بحالميه: وووواااااه فديتها زوجتي حتى لو تكون ام خمسه السن اهم شي انه لسانها يقطر عسل رهام : قول يقطر سم مو عسل اريام : حبيبي ماعليك منها هذي لو تكلمها من اليوم لبكره ماراح تخلص منها انت بتقول كلمه وهي بترد عليك بعشر وخرجت من الغرفه عشان تكلمه براحتها ومن اول المكالمه والبنات ميتين ضحك عليهم رجعت اريام بعد مده رهام : خلصتوا ياروميوا وجوليت اريام : ايه خلصنا وانتي ويش حارك ريم : سااااعه تكلمون بعض ويش تقولون اريام بنص عين : لما تتزوجي بسالك نفس السؤال لانه لو انا قعدة ساعه انتي بتقعدي اربع ساعات ريم : ﻻ حبيبتي انا بكون اكلمه خمس دقائق بالكثير اما ساعه مستحييييل رهام بقهر : شفتوا دائماً تجلس تكلمه كذه وما تخليني انام ضحكوا البنات شويه ودق جوال رهف رهام : ياحبيبي شكله طلع لي روميوا ثاني البنات ماتوا ضحك عليها وفعلاً كان خالد راحت رهف الغرفه الثانية تكلمه لانها تستحي قدام البنات رهام : الظاهره اني مابتعب مع رهف بتكون تخرج وتخلني انام لانها تستحي مو مثل هذه مغسول وجهها بمرق اريام بعصبيه مصطنعه : انا مغسول وجهي بمرق يالي ماتستحين ، ورمتها بالمخده رهام مسكت المخدة وقالت: هدي اعصابك ياجدتي البنات : هههههههههههه وكملوا سواليفهم بعد ما رجعت لهم رهف اللى طلب منها خالد انه يشوفها بس هي رفضت تقول عشان زواجهم قريب ماتبغاه يشوفها وجلسوا الين الفجر صلوا وناموا *************** اليوم الثاني الساعه الرابعه مساءً بيت ام جواهر لبست عبايتها وتغطت وقالت : يمه انا ماشيه تبغين شي ثاني اجيبه معي ام جواهر : ﻻ يابنتي بس خذي اخوكي معك جواهر : يمه البقاله قريبه مايحتاح اخذه معي ام جواهر : يابنتي خذيه عشان اكون مطمنه عليك اذا راح معك جواهر ضحكت : يمه الله يهديك تتكلمي وكأني بخرج مع رجال مو طفل صغير عبدالله : انا رجال وغصب عنك جواهر ضحكت : طيب يالرجال يلا امشي ام جواهر : الله معاكم لاتتاخروا خرجت من البيت وهي ماسكه يد اخوها توقفت اول ماشافته ينزل من سيارته ( حسبي الله ونعم الوكيل هذا ويش جابه الحين.. كنت مرتاحه منه الفتره اللى راحت من لما شفته اول مره وانا عايشه حياتي بخوف هذا واحد مايخاف ربه وممكن يسوي اي شي ) تجاهلته ومشت... تبعها ومسكها من كتفها عشان يوقفها بعدت يده عنها وقالت بغضب : انت كيف تتجرأ تلمسني : ﻻ ﻻ ﻻ ياحلوه ليش معصبه...كذه تستقبلين حبيبك بعد ماغاب عنك شهر كامل بهذه الطريقه... ما اشتقتي لي مثل مااشتقت لك جواهر وهي تصر على اسنانها : انا ماعمري شفت واحد اوقح منك ضحك وقال : حتى انا ماعمري شفت وحده احلى منك جواهر شافت انه الكلام معه فاضي جائت بتمشي ووقف في طريقها قالت : راشد بعد عن طريقي احسن لك عبدالله : هييي انت بعد عن طريقنا راشد بوقاحه : بس لسى ما رويت شوقي من شوفتك حبيبتي جواهر بغضب : روح من قدامي قبل مااصرخ والم عليك العالم ضحك راشد بطريقه مستفزه وقال : شكلك نسيتي ياحلوه انه بهذا الحي مافي احد يتجرأ يوقف في وجهي او حتى يتكلم بكلمه وحده فمهما صرختي مارح يجي ولا واحد فيهم جواهر : انت ويش تبغى مني بالضبط طول الوقت ملاحقني راشد بخبث : ابغاكي تحبيني مثل مااحبك جواهر : نجوم السماء اقرب لك دفته من قدامها ومشت ...وقف يطالع فيها الين مااختفت من قدامه وقال : جواهر ..بتصيرين لي الحين والا بعدين مافي وحده احطها ببالي وتقدر تهرب مني ابتسم بخبث وركب سيارته ومشى *************** في المزرعه الساعه الرابعه والنص مساءً واقفه قدام المرايه وتضع اللمسات الأخيرة دخلوا البنات رهام صفرة وقالت : لمين كل هالكشخه ميس ابتسمت وقالت : اليوم زواج بنت عم صاحبتي وهي عزمتني قلت بروح اسلم عليها وابارك لها وارجع عشان ماتزعل ملاك وهي تجلس على السرير : مو كانه الطريق بعيد ميس : عادي كلها تقريباً ساعتين ونص رغد : ومين بيوديكي ميس : رامي اريام : يلا بالتوفيق سلمي لنا على العروس ميس : الله يسلمك اخذت شنطها وعبايتها في يدها ونزلت تحت كانت لابسه فستان ذهبي طويل وماسك على جسمها من فوق الين الركبه وبعدين منفوش وصندل ذهبي ومسويه شعرها فير وطالعه جنان ومكياج هادئ على ملامحها الناعمة التقت في امها على الدرج ام رامي : بسم الله ماشاء الله الصلاة على النبي قريتي على نفسك ميس ابتسمت : ايه يمه قريت ام رامي : الله يحرسك من كل عين ماصلت على النبي حبيبتي ﻻ تتاخرين ساعه ساعتين وإرجعوا ﻻ تنسي إنه وراكم طريق طويل ميس : إن شاءالله يمه نزلت وخرجت جوالها من الشنطه ودقت على رامي رد عليها : هلا ميس ميس : اهلين رامي انا جاهزه رامي بتعب : اوكيه الحين جائي ميس سمعت صوته التعبان وقالت : رامي ايش فيه صوتك فيك شي رامي ضغط على جبينه وقال : مجرد صداع بسيط ميس بخوف : سلامتك من الصداع ياقلبي خلاص مو لازم توديني ارتاح رامي بتعب : ميس حبيبتي كله مجرد صداع بسيط وبيروح ميس بعناد : لا مو بسيط انت دائماً تهتم فينا لكنك تهمل نفسك لازم ترتاح رامي : بس مين بيوديكي ميس : انت لاتشيل همي بخلي فيصل يوديني هو جمبك رامي : ﻻ خرج من ساعه هو ورائد ماادري وين راحوا دقي على جواله ميس : اوكيه طيب انت الحين كيفك شربت بندول رامي : ﻻ انتي تدري إني ما أحب أعود نفسي اشرب حبوب ميس : طيب تبغاني اجي اسوي لك مساج عشان يخف الوجع شوي رامي : ﻻ انتي روحي وانا بنام لي ساعه وإن شاء الله يخف ميس : اوكيه انتبه على نفسك واذا احتجت شي دق على ملاك رامي ابتسم بتعب : إن شاءالله يلا في أمان الله ميس : في أمان الله سكرت من رامي ودقت على فيصل وقال لها انه بعيد وما يقدر يجي ياخذها تنهدت نور مرت من جمبها وقالت : ميس ليش لسى مارحتي ميس : مافي احد بيوديني الفرح واحد تعبان والثاني بعيد شكله مو مقدر لي اروح مع اني تعبت واتكشخت وبالنهايه مافي روحه نور ضحكت : يلا احسن الافراح مايجي منها إلا التعب ميس : وانتي الصادقه خليني ارتاح احسن لي بس لازم اعتذر من سمر نور دخلت المطبخ ودخلت ميس وراها ميس : ايش تسوي نور : بجهز اكل لجود مااتغدت إلا شوي ميس : إلا صحيح وينها ما شفتها نور : برى تلعب مع وعبود وعزوز ميس : هالبنت متولدنه ايش عندها جالسه مع الأولاد وتاركه دانه نور : ههههههه بنت اختك هي اللى ماترضي تلعب معاها تقول هي ماتلعب مع الصغار ميس وهي تخرج من المطبخ :انا بروح اجيبها هالكتكوته وخرجت وهي ترسل رساله لصاحبتها وتعتذر منها لما خلصت كانت قريبه من جود رفعت راسها وقالت : جودي تجمدت مكانها وزادت دقات قلبها وهي تشوف الشخص اللى مع جود( م مستحيل هذا...هذا هو...هو نفسه...ايه هو نفسه نفس الطول نفس العرض نفس الهيبه نفس حدت العيون نفس الضحكه نفس الكشخه المعهودة،'وتنفست بعمق ،'والعطر هذا هو عطره المفضل اللى دائماً يسكرني بريحته نفسه ماتغير بس اللى تغير فيه إنه صار أكثر وسامه وجاذبية ) كانت تتامل فيه بحب مشبع بالوجع والالم هو أول ماسمع الصوت الناعم وقف وأعطاها ظهره من دون مايرفع نظره جود وقفت قالت بفرح : عمه ميث هو أول ماسمع الاسم على طول التفت والجمته الصدمه وهو يشوف الفاتنه اللى قدامه بفستانها الذهبي المتناسق على جسمها الرشيق وبياض بشرتها الاخاذ وشعرها الأسود كسواد الليل وعيونها اللى أضاف اليها الكحل سحرا خاص وخدودها الناعمة انفها الحاد شفايفها الصغيرة مع لمعت احمر الشفاة كانت كتله صارخه من الأنوثة والرقة والنعومه رجع نظر في عيونها آلمته نظرت عيونها كان فيها نظرت حزن عتاب آلم لوم ارتبكت من نظراته ونزلت نظرها اقتربت من جود وحملتها جود : عمه ميث العبي معي ميس وهي تحاول قدر الامكان انها ماتطالع فيه :حبيبتي بالأول تعالي بناكل وبعدين نرجع نلعب جود ابتسمت ببرائه : تيب ومشت من جنبه وهي تحس بنظراته التى تتبعها هو كان يتتبع خطواتها الأنيقة الآسره ( مستحيل هذه هذه هي ميس اللى كرهتها لانها هي كانت السبب في اللى صار بيني وبين ابوي مستحيل امي وخواتي قالوا أنها حلوه بس بس ماتوقعتها تكون بهذا الجمال هي فاقت كل توقعاتي ماني مصدق أن هذه هي زوجتي،'ابتسم بسخريه'، هه زوجتك ياسلمان حتى صوتها ماعرفته ملكت عليها وتركتها ) ركب سيارته ومشى كان جاي ﻻن عمه ابو خالد قال له يجي يحاول مع ابوه انه يسامحه بس الآن مايقدر يروح لابوه لأن ميس شتت كل تفكيره ************* رجعت ميس كانت بحاجه انها تجلس لحالها بس شافت البنات قدامها وسحبوها وجلسوا مع بعض وهي ماقدرت تقول شي جلست معاهم لكن عقلها وقلبها وروحها مع اللى سلبها كل شي **************** قضوا باقي الايام كلها فله ومرح وسوالف ورجعوا يوم الثلاثاء بالعصر ويوم الأربعاء خلصوا تجهيزات الفرح **************** يوم الخميس يوم زواج خالد ورهف كانت واقفه تشوف شكلها على المرايه كان شكلها مثل الاميرة مكياجها كان روووعه وفستانها فخم عليه كريستالات صغيره وطرحه ناعمه واسواره ناعمه في يدها كانت في قمه الروعــــه دخلوا اريام وملاك ورغد ورنا عليها اريام باعجاب : ما شاء الله تبارك الله قمر قمررر حصنتي نفسك ابتسمت رهف وهي تهز راسها بمعنى ايوه رنا : ﻻاا اليوم اخوي بينهبل عليك رهف نزلت راسها بخجل رغد : اقول رهف خفي شوي من هالخجل ترى اخوي جريئ ،' وغمزت لها،' رهف صاااار وجها اشكال والوان من الخجل ضحكوا البنات على شكلها دخلت ام ماجد : يلا الحين وقت الزفه وانزفت رهف هلا يافتنه الحفله .... هلا والفرحه أكتملت هلا باللي سحرت كل العيون والزين كاسيها هلا باللي القمر منها رحل يومنها طلت هلا رهف ومثل رهف بالدنيا أثنين مافيها نويت أني أوصّفها وحروفي بوصفها أحتفلت وأشوف الشعر يسبقني ويكتب كل معانيها عليها من الحسد عيني ذكرت محمد وصلت وعليها من الفرح شعري رقص بأحلى لياليها أنا بوصفها أببدأ بشعرها يوم له فلت سواد الليل والجبهه قمر نوره يغطيها وعيونها عيون حوريه ومنها الحور أتحلت يعني بأختصار كامله وجمال الكون بيديها رهف أذا رخت رموشها وسلت تصيب اللي يحب الزين ويعشق غواليها رهف مثل القمر عيونا منها ماملت عسى ربي من الحاسد بأمره اليوم يحميها والليله الليله كل الناس أحتفلت ليله من العمر صارت رهف اللي تحليها @@@ وصلت الكوشه وكان الكل يذكر الله على جمالها وجائوا يسلمون عليها ************* عند الرجال كان خالد شاق الحلق مبسوووط رامي وهو يكلم ابو فهد : اقول عمي وين فهد ليكون ماجاء خالد : ياويله اذا ماجاء انا قلت له يجي وبعدين يرجع يسافر والشغل ماهب بهارب ابو فهد ابتسم : لاتحاتي امس بالليل جاء من السفر وإن شاء الله بيكون الحين على وصول دخل فهد وسلم على خالد وبارك له جلس الين قبل دخول خالد واعتذر منه بيروح لانه موعد طيارته قرب وخرج *************** عند الحريم اتصل ابو خالد على ام خالد بس ما كانت تسمع من صوت الاغاني العالي شافت ملاك وقالت : ملاك حبيبتي خذي الجوال واخرجي كلمي عمك شوفي ايش يبغي ماني بسامعه ايش يقول ملاك اخذت الجوال وخرجت راحت غرفه بعيد شوي كان فيها شباك اتجهت نحوه وكلمت عمها وقال لها انهم بيدخلوا بعد شوي سكرت الجوال وكانت بتمشي بس شافت اخر شخص كانت تتمنى تشوفه حست برجفه تسري بكل جسدها وقلبها يدق كانه طبول كانت تشوف شكله وهو يكلم اخوها رامي تشوف شكله كيف اتغير عن اخر مره شافته فيها قبل ثلاث سنين يوم زواجه هو ودلال كانت كل مره تتحاشاه وتحاول ماتطالع فيه بكل خرجات العائله مع انه كان ما يجي معاهم الا نادر لانه يكون مسافر شافته يضحك مع رامي وبانت غمازاته حست ان قلبها بيخرج من بين ضلوعها من كثر الدق وهي تشوف ضحكته التى تعشقها وتعيشها بعالم اخر شافته سلم على رامي ومشى (هذا اللى تقولين نسيته ياملاك..ﻻمانسيته هو في احد ينسى روحه وقلبه ونفسه اللى يتنفسه بس انا حاولت اتناساه واقنع نفسي انه صار لغيري ااااااه يالدنيا ما اغربك لما كنت ابغاه راح لغيري ولما اقنعت نفسى انه صار لغيري رجع لي ) "ياليت بعض الناس فيني يحسون وياليت مافي خاطري يعرفونـه.. وياليت بعض الناس للعهد يوفون والماضي اللي فات ماينكرونـه " مسحت دمعه خانتها وخرجت من الغرفه وقالت لهم انهم بيدخلوا دخل ابو رهف واخوانها ماجد وراكان وسلمان بعد ما رهف ترجت ابوها انه يسمح لسلمان يحضر فرحها وصلوا الى الكوشه سلموا عليها واتصورا مع بعض وبعدين جاء وقت العريس دخل خالد ووقف اول الممر ابو ماجد مسك رهف وزفها الى خالد اللى اول ماشافها وقف منبهر بجمالها اقترب منها باسها على جبينها وانحنى وباس خدها وقال : مبروك ياقلبي رهف تعالوا دوروها ذابت من الخجل مسكها من يدها وانزفوا الى الكوشه اتصوراو كم صورة مع اخوانها ودخل اعمامها سلموا عليها واتصورا معاها سلمان اللى من اول مادخل وهو يدور عليها بعيونه يمكن يشوفها بس كيف يعرفها من بينهم كل هالحضور وكلهم لابسين عبايات تمنى يقدر يشوفها لانه من اول مره شافها وهي مو راضيه تخرج من عقله اخذت كل تفكيره وميس كانت تراقبه من اول مادخل سمعت بنتين يتكلموا ويطالعون في سلمان الاولى : ويش هالكشخه والجمال خف عليا ياحلو الثاني : تتوقعين متزوج الاولى : مااظن الثانيه : ليش الاول بضحكه : لانه لوكان متزوج كان زوجته ماخلت كل هالجمال يخرج برى وضحكوا اشتعلت الغيرة في قلبها شافت اعمامها خرجوا وبعدين خرجوا ماجد وراكان ومابقى غير سلمان كان يكلم رهف وامه وخواته رهام : سلمان تعال الغرفه عشان نتصور معاك انت اتصورت بس مع رهف واحنا كمان نبغى نتصور معك سلمان وافق اخذوا رهف وخالد معاهم رهف دخلت مع امها واخواتها للغرفه عشان تتصور معاهم وخالد جلس بالغرفه الثانيه ينتظر اخذت لهم المصورة كم صورة مع بعض فجاة اريام قالت : انتظروا لحظه بروح شوي وارجع انتظروني لا تتصورون من دوني انا شويه وراجعه وخرجت جلست ام ماجد تتكلم مع ولدها وتساله عن احواله شويه وسمعوا فتحت الباب ميس : اريام لحظه لوين اخذتيني اريام كانت ماسكه يد ميس وتسحبها معاها الكل وقف وميس تجمدت مكانها وهي تشوفه قدامها وقف وهو يطالع فيها مايدري ليش حس بفرحه تغمر قلبه لانه قدر يشوفها تامل شكلها اللى كان لايقل جمالاً عن المره الاولى اللى شافها فيه هي ماعرفت ايش تسوي حست برتباك نزلت نظرها مسكتها اريام وقربتها الين صارت جمب سلمان رفعت راسها اول ماوقعت عيونها على عيونه زادت دقات قلبها وصار تنفسها يسابق دقات قلبها اريام طالعت فيهم كيف كل واحد يطالع الثاني ابتسمت وقالت : كذه رح تكتمل الصورة وقفتهم جمب بعض ووقفت امها واخوتها جمبهم وكان الكل شكله مصدوم قالت بمزح : بالله هذه وجوه ممكن تتصور ابتسموا ترى الابتسامه ببلاش ابتسموا واخذوا الصورة جاء سلمان بيمشي مسكته اريام وخلته ياخذ صورة مع ميس لوحدهم اول ماخلص سلمان خرج على طول والكل خرج بعده وميس جلست على الكرسي وهي تمسك قلبها اللى مو قادرة توقف دقاته المتسارعه *************** اول ماخرجت رهف اخذتها رغد على الغرفه اللى فيها خالد وقالت : بروح انادي المصورة شويه وجايه وخرجت التفت خالد على رهف اللى منزله راسها مد يده ووضعها تحت ذقنها ورفع راسها قال وهو ذايب في جمالها :طالعه اليوم خيااااال ياعمري وانحنى كان بيقبلها بس دخلت المصورة قطعت عليه ابتسم وقال وهو يغمز لها : الجايات اكثر ورهف شوي وتسيح من الخجل واتصوروا وخرجوا رايحين الفندق ************** عند الحريم بعد ما راحوا المعازيم راحوا على بيوتهم اريام رجعت لبيت اهل زوجها لانه قال لها ممكن هذه اليومين يرجع وصلوا الى البيت كل واحد راح على جناحه يرتاح من التعب وهي راحت جناحها دخلت الجناح كان مظلم خلعت عبايتها فجأة حست بشخص خلفها وحست بيدين تلتف حولين خصرها هي تجمد الدم في عروقها من الخوف همس عند اذنها بصوته الرجولي : اشتقت لك اختفى كل الخوف اول ماسمعت صوته لفت عليه بفرحه : عمر عمر بحب : ياعيونه اريام ابتسمت : متى جيت الحمدلله على السلامة حبيبي عمر وهو رايح بتجاه اللمبه عشان يشغلها : الله يسلمك ياقلبي جيت بعد صلاة العشاء وحضرت الفرح اريام : ليش ماقلت لي انك جاي شغل اللمبه ولف : حبيت اس وقف مكانه مدهوش بجمالها "كانت لابسه فستان نعوم لونه احمر وساده بس عند الصدر فيه شويه كرستال على شكل دوائر وضيق من عند الصدر لين الخصر وبعدين واسع شوي قصير من قدام لين تحت الركبه وطويل من ورى لدرجه يزحف في الارض شعرها حاطته مفرود وحاطه ورده لونها احمر وميك آب خفيف بس رسمت عيونها وحطت لون احمر هي حلوه بدون ميك آب وطالعه بقمه النعومه والرقه " كانت عيونه تطوف في كل تفاصيل جسمها قرب منها ومسكها من خصرها همس في اذنها : مشتاق لك مووووت اريام بخجل : وانا اكث قطع كلامها بقبلته الهادئه العميقه الدافئه ······ ^ * *************** عند خالد ورهف اول ما دخلوا الجناح هي دخلت تاخذ شاور وتغير ملابسها وهو طلب لهم عشاء وجلس بالصاله ينتظرها خرجت من الحمام بعد ما اخذت لها شاور كانت لابسه قميص نوم ولابسه عليه الروب الطويل تركت شعرها مفتوح عشان يجف رشه عطر كانت تبغي تحط شويه قلوس بس سمعت فتحت الباب دخل عليها خالد كان يبغى يقول لها جابوا العشاء تعالي قبل مايبرد بس ضاع كل هذا الكلام لما شافها ظل واقف وهو ماسك بقبضت الباب لحظات وهو يتاملها وهي كانت بتموت من الخجل من نظراته اللى تتفحصها وتحرقها حرق اقترب منها ضمها لصدره وهمس في اذنها : مو لازم العشاء وو···········^ * *************** في الصباح راحوا العرسان سلموا على اهلهم وراحوا المطار بيسافروا باريس يقضون فيها شهر العسل *************** بعد ثلاثه اسابيع من الاحداث اريام طلعت حامل وهي وعمر بيطيروا من الفرح ملاك خلصت كل تجهيزاتها ************* في مدرسه نوف ورهام وريم في الصرفه كانوا جالسين كل وحده تنتظر سواقها ريم جاء سواقها : يلا بنات مع السلامة نوف ورهام : في أمان الله نوف : اوووف ابغى اعرف ليه مايجي بالوقت المحدد وسمعت ياندوا باسمها وقفت :اخيرا جاء يلا سلام رهوم رهام : مع السلامة جلست رهام تنتظر بالمدرسه وسواقها ماجاء مابقى بالمدرسه غير هي وثلاث بنات قامت اخذت جوال من المدرسة واتصلت على سواقها قال لها ان السيارة اتعطلت ورجع البيت ياخذ سيارة ثاني والان هو بالطريق جاي رجعت تجلس بمكانها سمعت الحارس ينادي باسمها رهام بستغراب : معقوله بهذه السرعه جاء لسى خلصت اكلمه....يمكن واحد من اخواني شافني تاخرت وجاء ياخذني غطت وجهها وخرجت ما شافت احد تلفتت يمين ويسار وشافت سيارة راكان بعيده شوي راحت لعندها لما وصلت جمب السيارة حست بيد تكتم انفاسها كانت تبغى تصرخ بس اليد اللى على انفها وفمها مانعتها حاولت تبعد اليد بس كانت اقوى منها وماهي إلا ثواني وفقدت الوعي دخلها السيارة ومشى . . . انتهى . . توقعاتكم ميس وسلمان كيف بتكون علاقتهم هل ممكن يجتمعون ام سيفترقون رهام ايش ممكن يصير معها ومن هو اللي اختطفها . . 🌹🌹🌹🌹🌹🌹🌹 استغفر الله العظيم واتوب إليه عدد خلقه ورضا نفسه وزنة عرشه ومداد كلماته 🌹🌹🌹🌹🌹🌹🌹 | ||||||||
|
| |
|
| أدوات الموضوع | |
| انواع عرض الموضوع | |
|
|
.png)
العرض العادي
