آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-12-20, 02:09 PM
| #21 | ||||||||
| مراقبة عامة ومشرفة منتدى الروايات المنقولة  
|  البارت 19 #ضحيه_لمن_لايرحم بقلم زهراء الحسناوي ،،،،،،،،،،،،،،،،،،،،،،،، خسرنه اول خساره وگلنه تتعوض وخسرنه الثانيه وگلنه العتب ع الحض ماظلت بعد حجه شبعد ياروحي نترجه؟؟ هاي الثالثه وبيها السكوت افرض ،،،،،،،،،،،،،،،، زينب،، جسمي كله يختض من المنضر الشفته الولد عدل نفسه درا وجها وانطاني ضهره مدنگ وحاط ادي اثنينهن على وجها فشلان مني اما جنه عدلت نفسها ولاكأن اني شفتها بهذا الوضع دارت وجها للولد لزمت يده اطمنه مااعرف شتحجي وياه دفع ايدها وراح من شافته عافها اجتني بسرعه جرتني من اردان ثوبي اريد اسيطر على اعصابي مجاي اكدر موهين تشوف هيج شي كدامك وخاصتا هاي اول مره جنه،، شكوو اجيتي زينب،، لي ليش؟ ردت اگلها ليش هيج تسوين واهلج ناس معروفين والهم سمعتهم بس الساني متخشب مااكدر احجي ماحسيت غير جرتني من شعر راسي منوره الحجاب قربتني يم وجها جنه،، اسمعي وللج الشفتي تنسي مااشي؟ اذا فكرتي تحجين لو تفتحين حلگج بحرف وروح جود الوف السالفه عليج واكول لكيت واحد وياها وانتي تدرين بمنو راح يصدگون؟ اكيد يصدكون بيه وانتي تدرين بخالي لواء اشلون عصبي ومايتفهم ابسط شي يسوي يدفنج وانتي عدله ف الاحسن ياحبابه صمي حلگج ولاتفتحي ابد مفهووم؟ زينب،، دفعتني عدلت حجابها وصدر ثوبها ولاجن مسويه مصيبه لا والمصيبه الاكبر منها عدها استعداد تتهمني وتشمر مصيبتها براسي عدلت حجابي بس وضعي فد نوب متخربط صرت حتى اخاف من جنه أكثر من قبل بقاطات لان التسوي وتخون ثقت اهلها كلشي اتوقع منها انوب خفت لاتكول لكيت واحد ويه زينب وساعتها اني اليذبحوني بسبب هاي النجسه هي مشت جدامي للحوش واني وراها اخط برجليه منضرها تارس دماغي معقوله اكو هيج بنات ينطن نفسهن بالحرام بدافع الحب؟ هو لواء زلمتي استحي ابدل جدامه ولحد الان مااحس روحي عندي مشاعر اكنها اله احسه شخص عادي فقط احتمي بي مو انوب هاي لاهو خطيبها ولازلمتها واليشوف وضعهم بذيج الحاله يفكرهم متزوجين وصلنه للبيت هي راحت البيتهم واني صعدت للغرفه اريد اسبح وارتاح دخلت الغرفتي كعدت بالكاع حاطه ايدي على حلگي يعني شوصف مااحس يوصللكم شعوري بذيج اللحظه رفعت اديه كدام وجهي اثنينهن يرجفن دخيلك ربي طلعها من بالي نهضت للحمام سبحت وطلعت فتحت الثلاجه اريد اخذ ماي وجان الگاها تصفر كلشي مابيها فااارغه ضليت صافنه المسواگ وين راح؟ زين اني اذا انزل المن اسأل؟ كعدت وسكتت بمكاني بس مقهوره هم مقهوره من سالفه جنه وانوب ذني الماخذات مسواگي رحت للكنتور اتذكرت لواء گال من اوصل اخابرج طلعت الجهاز لگيت ٦مكالمات لم يرد عليها رحت قفلت الباب خاف وحده تجي ورجعت دكيت على رقمه ماكو ماجاوب خمس دقايق ورجع هو اتصل جاوبته لواء،، هابويه وين جنتي؟ زينب،، ج جنت بالكاع نخوفر لواء،، ومنو گالج اطلعين؟ زينب،، ام جنه هي كالت لواء،، واذا گالتلج ااام نعااله اكووو عمال يطلعوون انتي شكووو؟؟ زينب،، م موبس اني جنه وغفران وبعد اثنين نسوان لواء،، مرره الثانيه لو ابوي يكلج اطلعين لااطلعين مفهوووم؟؟ زينب،، نهئ المكالمه خلاني بحيره هو يرعد واخته ترعد فوگ راسي احتاريت شسوي تالي رحت اتمددت اريد انام اغمض تصير جنه كدام عيني منضرها ماجاي يفاركني غمضت حيل تعبانه وضهري كتلني لان اهواي اشتغلنه بالكاع كلت بلكت انام ارتاح تالي ماحسيت غير الباب اندفر طفرت عبالي هجوم فاتت نذيره نذيره،، شنو عيني شو صايره لاابالي؟ بس موصوجج صوج اخوي الانطاج مجال وكوه عينج زينب،، ردت اكلها بدل مامتناصبه وياي روحي اقري قران واهدي بثواب ابنج بلكت الله يكفرلج عن اخطائج بس سكتت ادري بيها اذا حجيت تذبحني كتلها والله تعبانه ضهري كتلني نذيره،، ويطبج مرض كومي سوي عشه وردي انخمدي كون نومه بلاكعده انشاءالله بومه مامنوراج بس المصايب زينب،، سبحان الله بنادم يشوف بس اخطاء غيره ومايلتفت لاخطائه وعيوبه بدل ما ماحاطه گورها وگوري جان شافت بتها شتسوي من وراها بس هذا بنادم گدرته ع الوادم وعياله مايگدرلهم طبعه بس يشوف عيوب غيره ومايلتفت لعيوبه وكل شخص يعيب ع الناس تلگاه مليان عيوب من ساسه الراسه ومثل مايخذ عرض العالم الله سبحانه وتعالى يسلط علي ناس تاخذ عرضه نزلت رجليه بالكاع كالت نذيره،، تره اني اخذت المسواگ البثلاجه ثلاجتنه فارغه ونسيت اوصي يجيبون مسواگ زينب،، عافتني وطلعت لبست حجابي ونزلت وراها لكيت جنه بالمطبخ وحدها وكفت بصفي جنه،،سوي نواشف اكل واكو كاسه روبه اخبطيها بدولكه مشتهيه لبن زينب،، متخوصره وتتامر تحجي وياي باستهزاء كوه كاتمه ضحكتها اعرف بيها تريد تستفزني حتى اتعارك وياها وساعتها اتكول شفت واحد ويه زينب اتعجب علئ ملتهن دخيل الله اتكفيت شرها وسكتت لان مااضمن اذا حجت يمكن حتى لواء موبعيده يصدكهن عبرت من يمي مشيتها مبينه مال وحده مستخفه ابد ماتعجبني تصرفاتها الابنبه الموراحه مع احترامي للزينات من تصرفاتها تبين ذيج وينها اتگلك اني موراحه اجت نذيره فتحت المجمده كوه تنسد مليانه مسواگ مجمد بس هي بعنادي اخذي المسواگ من ثلاجتي حتى ارجع مثل قبل بحصره الخبزه طلعتلي علاگه لحم مثروم حطتها يمي ع السنگ وراحت فتحت الثلاجه طلعت بتيته نذيره،، سوي مخلمه لحم وبتيته وموتكثرين ملح زينب،، سويت مثل ماگالت بس من كملت طبخ صعدت اصلي لان دنيه مغرب من كملت صلاه ونزلت شفتهن يصبن عشه همه هيج حالتهم يتعشون بعد صلاه العشه اباوع نذيره ترست المواعين ترس والطاوه فارغه والله تعشيت بس الحكاكه مال المخلمه الاجعه بجعب الطاوه وياها خبزه خليتهن بصينيه وصعدت الغرفتي نذيره بيها حاله لان يتعشون من وقت يجوعن نص الليل مثلا ب 11بليل يرجعن يتجوعن يحمن الاكل وياكلن ف اليزود من عدنه تاخذه كله البيتها كملت عشه ونزلت لگيت المواعين فارغه ع السنگ ياكلن ويعوفنهن اني اغسلهن هم رجعت صرفنت ارداناتي وبديت اغسل بالمواعين احس رجليه غدن خيوط مامرتاحه من ال6الفجر لسه افتر هي بس شغل الگاع يهلك هلاك كملتهن وصعدت حطيت راسي ع المخده وبسرعه غفيت نعسانه مافزيت غير ويه صلاه الفجر طلعت توضيت وصليت سمعت صوت نذيره بمجرد اسمع صوتها گلبي ينقبض فتحت الباب وفاتت نذيره،، زين كاعده المسعده زينب،، لميت سجادتي ونهضت نذيره،، ياالله الشمس راح تطلع والمره وبتها هسه يجن همن اديجن راح يفلت الشلب ونحصد وانتن بعدجن مامكملات زينب،، بداخلي گلت هو احنه ششتغلنه هو يوم واحد وبنتج ماشاءالله مبينه الكاع على عينها السنه واردها خير وبركه بسبب جنه كتلها بس بعد وكت خل يكشف الضوه حتى نشوف زين نذيره،، والله اني كلبي حاس السنه يردون الشلبات على گلوبنه من وراج زينب،، عافتني وطلعت ركضت بسرعه عندي وصل من الثياب الشگگنهن طلعتهن وطلعت ابره وخيط خيطت بيدي نگبه (نقاب) لوجهي حطيت بالگاع وصله فرشتها وحطيت ايدي فوگها اقيس كفوف بسرعه خيطتهن اشلون ماجان بس حتى اديه ماينجرحن ربع ساعه كملتهن ولبست اتحزمت بعباتي لبست النگبه ونزلتها على وجهي لبست كفوفي ونزلت بعدها المره ماجايه هي وبتها فتحت الثلاجه طلعت طماطايه التفتت محد اكو اخذتلي خبزه رفعت الخبان مال العبايه حطيتهن بي حتئ مايشوفنه رفعت الخبان عبيته بحزامي ادري ذني حقيرات ماراح يخلني اكلي خبزه قبل ماانزل للزرع شويه واجت المره هي وبتها طلعت وياهن للكاع والشمس بعدها موكلش طالعه هنه راحن الجها واني بجهتي مدنگه مايشوفني طلعت الخبزه خليت بيها الطماطايه سويتها لفه وكلتها امد ايدي جوه النگبه احط اللگمه بحلگي مايشوفني من اكل كملت احس روحي شبعت بس عطشانه همزين المره جايبه وياها ترمز ماي بارد حاطته ع الفرك(المعبر) شويه واجو الشباب انتبهت الولد وياهم بمجرد ماشفته لعبت روحي منه ومن منضره ويه ذيج الجلبه درت وجهي ودنكت اشتغل نارهم تاكل حطبهم شلي غرض بيهم عزا مايجيبون توائم بنص الكاع طبهم مرض هي الكاع مبينه راح تنرزق على عين سوالفهم المكسره لمن كشف الوكت وطلعت الشمس اجت جنه عبالك طالعه عزيمه مونازله للزرع وراح تطمس بالطين تلهث من النضافه والعطر يهف وراها نزلت للزرع تتمضحك والشباب يتشاقون وياها اني محد اتجرأه يرفع عينه ويباوعلي لان محترمه نفسي ومامطيه واحد مجال يتشاقه وياي بس هي ماخذه راحتها تتشاقه ويه هذا وتغلط على ذاك والله زلم مشوربه تغلط عليهم وهمه يتمضحكون ردت اروح يمهم واگلهم زينو شواربكم احسن لان مره تهينكم وانتو مكيفين كل ماارفع راسي اشوفها هي والولد لو واحد يضحك للثانيه لو يتغامزون طبعا كل الموجودين منتبهيلهم موبس اني لكن الكل مغلس عنهم الضاهر يعرفون اخلاق جنه شنو للساعه 11هم راح واحد منهم جاب اكل همه وحدهم واحنه وحدنه اتغدينه ورجعنه للزرع للساعه ب1الشباب طلعو والمره اخذت بتها وردت البيتها لان الشمس تصگع عموديه تحس دماغك ذاب من الحراره وانوب لابسه نقاب ومنزلته على وجهي احس ماكو اوكسجين اختنكت اني هم گلت دام كلهم راحو خل ارجع للبيت اتلگتني جنه جنه،، وين موليه؟؟ زينب،، للبيت جنه،، والسبط منو يلمه؟؟ زينب،، حاره دخت خلي باجر نلمه جنه،، ياالله ردي حتى اخلي امي تجي تغط راسج بالزرع ردددي لمييي زينب،، رديت للكاع وهي وياي شويه وعافتني هم مدري وين ختلت رفعت راسي شفت نفس الولد عبر من الجها الثانيه عرفتهم ختلو سوه نفس البارحه ردت اتقيئه ومنا الدنيا تسمط عفتهم ورجعت للحوش اتلگتني نذيره بالباب نذيره،، ياا جا وين جنه؟؟ زينب،، توني فتحت حلگي ردت اكلها بالكاع اتفاجئت جنه وراي تلهث وجها مطعون احمر مبينه من شكلها من شافتني ماموجوده اجت تركض خايفه لان تدري امها راح تسألني عليها عدلت وكفتها جرت نفس وضربتني على متني جنه،، ادبسززز عافتني وراحت وحدي الم كلبه زينب،، اشلون لافت السالفه اباوع نذيره عضت اصبعها تتوعد اتكلها ماحطيتيها وكتلتيها جدام الوادم وفوختي گلبي بيها زينب،، جنه تريد تغير السالفه طلعت بسالفه جديده تسال امها تالي عفتهن وصعدت للغرفه ذبيت هدومي بالكاع كلهن طين طلعت ملابس غيرهن اخذتهن وسبحت مرت الايام واحنه على نفس الوضع اطلع وياهم من الفجر ومن يحلون العمال جنه تتعمد تضل وتخليني وياها بحجه تلم السبط حتئ تختلي ويه الولد 14يوم احنه هذا وضعنه نوم ماشبعانه وارجع من الشغل اطبخ الهم واغسل مواعين وانضف هذا غير العجين والخبز كل يومين اخبزلي معجانه شكبرها واقسمها بعلاليگ ياخذنهن يجمدنه يوميه يطلعن علاگه خبز لواء اتصل گال اخروني سبوع ثالث لان الاوضاع موزينه وانذار عدنه وبس يخلص هذا الاسبوع انزل انشاءالله عده. على روحه ذياب 21يوم احس وضعي تعبانه مدري شبيه من اكعد الصبح حتى لو ماماكله شي تضل تلعب نفسي واتقيئ بس ماي لان معدتي فارغه اني ماعندي كل فكره عن المره شلون تعرف نفسها حامل لذلك مافكرت بهذا الاحتمال گلت يمكن لعبان نفس من التعب والارهاق ابد مااعرف انو اذا تاخرت الشهريه للمتزوجه معناها اكو حمل والنبي ولا اعرف هيج شي الضهر اتصل لواء كال اني جاي بالطريق صعدت رتبت الغرفه حتى لومابيها شي رتبتها وهويتها فتحت الباب سمعت صوت نذيره تصيحلي يردون اسويلهم غده ردت انزل صار بوجهي حسن مغندب مدري شبي هو هذا طبعه ماله شغل بواحد عازل نفسه عن الكل نسيت الموبايل عفته بالكنتور مكشوف يعني التجي وتفتح الكنتور وراي تشوفه رجعت ضميته بجيب الستره مال قاط لواء نزلت صارت غرفه ام لواء جدامي كلهم گاعدين بيها الشيخ وام لواء ونذيره وبناتها عفتهم ورحت للمطبخ اشوف شنو. اسوي غده الهم سمعت صوت حسن من وراي حسن،، وين الجداحه زينب،، مالتفتت بس يمي الجداحه شلتها ودرت وجهي خليتها بيده انتبهت شايل جلكان صغير وبسرعه اشتميت ريحة نفط اخذ الجداحه مني وبيده الثانيه شايل الجلكان فات على الغرفه الگاعدين بيها اهله دخل وسد الباب ،،،،،،،،،،،،،،،،،،،،،،،،، ،، غصون،، بمجرد ماسمع كلامي رفع راسه متفاجئ وبلحضه ضحك بصوت عالي ضليت صافنه مصدومه الهدرجه كلامي يضحك؟ اجه بااتجاهي بهدوء ذياب،، بشرفج عيدي شنو اتفضلتي؟؟ غصون،، الحجايه لطشت ماتطلع ماادري ليش من اوگف گدامه اضيع الاول والتالي حتى كلمتين مااعرف اجمعهن واحجيهن گتله ط طلگني اقترب مني اتراجعت خايفه كل ضني يضربني صفيت ويه الباب مايفصلنه شي انحصرت بين جسمه والباب رفع ايده يم راسي انتجه بيها ع الحايط عيونه بعيوني دنگت احس گلبي راح يسكت رفع وجهي بيده ذياب،، من بجيتي وگلتي كل الحجي جذب بداخلي اكو شي يريد يصدگج بس بطلبج هذا ثبتيلي العكس ثبتيلي فعلا تحبين ابن عمج العار لوصدگ زلمه جان ماشافج جدام عينه ينطوج فصليه غصون،، ردت احجي رفع اصبعه حطه على شفتي ذياب،، اششش كلشي لتحجين بس وداعت كل حجايه حلوه سمعتيها مني تعيشين وتموتين هنا عقابج راح يكون عسير غصون،، الدمعه بطرف عيني بلعت الغصه ابتعد عني لزمني من ايدي وخرني عن الباب فتح الباب واشرلي بمعنى اطلعي صار يتفنن ب اهانتي طلعت روحي شايطه مايتفاهم ويتعمد يفشلني نزلت ابجي بقهر ماجاي ينطيني فرصه اشرحله مرت الايام وذياب ابد مايباوع بوجهي حتى عمتي اتگلي ميخالف وانتي حاولي وياه بلكت تتراضون والمره اصلا ماعدها علم احنه على شنو متزاعلين ذياب يوم عن يوم يختلف طبعه صرت احس ماطايق وجودي بالبيت بس مرات يحسسني بعده يحبني مره اختنگت وانقهررت لان حيل متجاهلني رحت گعدت بالحديقه ع المرجوحه شفت الجو يخبل اتمددت نص ساعه تقريبا اني متمدده اتذكرت تصرفاته وياي مقهوره دمعتي نزلت اني كاعده بمكان بي ضوه شمعه بالطارمه رفعت عيني للستاره مال السطح السطح ستارته ناصيه كلش وبيها مثل حدايد الشباك يعني اليگعد فوك يشوفك ماتشوفه لان انته يمك ضوه والفوگ ضلمه انتبهت اكو جمره مبينه واضحه بالبدايه خفت كلبي يركض حسبالي دااتخيل لو فد شي ثاني بس من سمعت نغمت موبايله اتأكدت هذا ذياب بالسطح كاعد يراقبني من شافني انتبهتله جاوب على موبايله عدلت گعدتي ونهضت دخلت للبيت صار بوجهي نازل من الدرج تركته ورحت للغرفه بداخلي گلت خلي براحته دامه مامصدگني اهواي حاولت افهمه وهو قافل حتى امه اتگول ذياب زعله ثگيل يشلع الگلب بس بعدين من يهدئ يتندم عفته براحته اني هم بشر والي كرامتي حاولت وياه مره واثنين وثلاثه ماحاول يفهم مني لذلك بعد مستحيل انزل كرامتي اكثر كاعدين نتغده اني وعمتي دخل هو كال السلام عليكم جاوبت لان السلام لله تركنه وصعد للغرفه ادري مايكعد يتغده لان اني كاعده وره يومين الساعه تقريبا ب 12الضهر اني وعمتي بالمطبخ هي مشتهيه كسور مال غنم حاطتهن يفورن ع النار اندگ الباب راحت هي تفتح لان ذياب منبها محد يفتح الباب غيرها دخلت للمطبخ وراها عذراء واتفاجئت نور جايه وياها عجيب امرها ذياب طردها واجت بكل عين صلفه ادري هاي سوالف عذراء من عرفت اني وياه كل واحد ينام وحده رجعت تحاول تقرب نور من اخوها ماسلمن عليه اثنينهن ضليت بمكاني گدامي صينيه بيها تمن انضف بي عذراء،، يمه لعد وين ذياب؟ ام ذياب،، بالدوام بعده مااجه هسه على جيه انتي اشلونج يمه نور اهلج اشلونهم؟ نور،، زينين خاله وامي تسلم عليج كلش اهواي غصون،، تتنغوص بالحجي احس الجالي يصعد عندي من اسمع تمضيگها شويه وجان سمعنه صوت سياره ذياب نور انخبصت اتعدل بشالها وتاشر العذراء على وجها بمعنئ شوفيني مرتبه عذراء انطتها الاوكي هاي كلها كدام عيوني دخل ذياب بس تفاجئنه بدخول بنيه وياه وكف بالباب كال اتفضلي يمه اجاج خطار دخلت بنيه مبينه خجوله من شكلها نهضت من مكاني مااعرف هاي منو حتى هنه ضلن متفاجئات بس ام ذياب اتلگت الابنيه بملگه حلو وهي ماتعرفها ذياب،، وهاي الحجيه خبصتيني اريد اشوف امك هل جبتج ل امي يمه نازك صار كم يوم تريد تجي يمج ام ذياب،، ياا يمه هله بيج بعد كلبي نازك،، تسلمين خاله فدوه الگلبج غصون،، الابنيه اخذتها ام ذياب للاستقبال وعذراء ونور عبالك واحد ضاربهن على وجهن مثلي تماما كاعدين مثل الاطرش بالزفه مااتحملن نهضن يردن يعرفن الابنيه شنو علاقتها بذياب راحن كعدن يمهن اني ضليت بالمطبخ على گعدتي شفته صعد للغرفه شويه والتفتت نزل لابس اتراك اسود التفتلي شافني اباوعله دار وجها راح يمهن اجت ام ذياب وهو اجه وراها ام ذياب،، يمه فشله روح جيب اكل جاهز ماادري عندك خطار ذياب،، انتي شمسويه غده؟؟ ام ذياب،، كسور مال غنم ذياب،، اووو كلش تمام نازك تحبهن غصون مدنگه بس اذني يمهم الاخ طلع حتى يعرف شتحب ست نازك ضلو يتناقشون ع الغده وشنو الترتيبات تالي عافنه وراح يمها للاستقبال اسمع صوت ضحكاته العاليه احس روحي متت قهر تركت البيدي غسلت ورحت يمهم لان علئ ساعه انفجر اذا ابقه گاعده دخلت شفتها ذابه العبايه بس لابسه حجابها مرتبه نازك واسمها عليها نازكه الابعد الحدود ترتيب وقيافه وشخصيه تسولف ويه ذياب ومنطلقين يحجون ويضحكون دخلت باوعتلي الابنيه بنضره سريعه ورجعت تحجي ويه ذياب نازك،، ذياب فدوه موگلت نطلع سفره نتونس ذياب،، اي والله محتاج هاي السفره روحي لعبانه من البيت غصون،، كاعده واسمع صدگ احس الدم صعد الراسي احس گمت انفخ نار مو هوئ عبالك تنين وگاعد بنصهم عذراء ونور بس صافنات نور غدت حمره من القهر مايباوعلها ولامعبرها ابد واني هم نفس حلاتها كاعدين وصافنين على ذوله الاثنين عبالك بس هَمه بالاستقبال ضحك وسوالف وشقه صدگ مااتحملت اليندسني ابجي تالي عفتهم ورجعت للمطبخ وماادري ليش طلعت حرگتي بالجدوره بحيث يسمعون بس رگع الجدور طاب وطيب دخل ذياب ذياب،، شنو هلصوت علكيفج منا المره فشله غصون،، درت وجهي بس اريد اتعارك روحي انطحنت طحن كتله نعتذر ازعجناكم وازعجنه حضره الاميره اباوعله رفع حاجبه ماعاجبه كلامي عافني وراح اجت عمتي وعذراء نحضر الغده بس نور بقت يمهم حاشره روحها حضرنه الغده وصبينه وهلمره اتعمدت اگعد كتلني الفضول اشوف حركاته ونضراته الها معقوله هاي حبيبته الجديده؟ طلع حبه كله جذب ساعه نور وساعه نازك مدري كوكب خوش عنده گلب تگول تكسي كل شويه مصعد وحده هو براس السفره كاعد وبصفه الابنيه ونور وعذراء ع الجها الثانيه واني وام ذياب كاعدين مقابيلهم يعني صايرين كدامي عيوني تشكلت عليهم الابنيه هواي تحشش وتضحك منطلقه وهو فاطس ظحك اني مدنگه بس احس شعواطي ترس الاستقبال من كثر مامحتركه روحي نازك،، غصون ليش ساكته من اجيت لسه احجي شاركينه غصون اني واصله وياي الخشمي وهي تريدني اناقشها رفعت راسي جاوبتها بحده مبينه ضايجه من نبره كلامي كتلها انتي مكفيه حبيبتي دارت وجها لذياب رفعت راسي خزرني نور ابد مافتحت حلگها وعذراء تنافخ ومبينين كلنه ضايجين من الابنيه وبس ام ذياب تسولف وياها وتناقشها ذياب،، باجر انتي تفصليني غده بمطعم نازك،، تدلل عيوني الك غصون،، ماتحملت عفتهم وطفرت من مكاني درت وجهي يباوعلي نازك،، غصون وين رايحه اكعدي اتغدي غصون،، جاوبتها بنبره حاده مبينه اني وصلت وياي حدها منها كتلها اتغدي انتي اشبعي اني مااريد عفتهم وطلعت رحت خليت القوري ع النار جسمي يرجف يرجف ماحسيت غير دخل ذياب الباب من دخلت للمطبخ رديته وراي يعني يبين مسدود دفع الباب بيده بقوه دخل وسده وراه ذياب،، شنو تصرفاتج هااي؟؟ غصون،، اغسل بالاستكانات ماباوعله من يحجي من عصبيتي يفلت الاستكان من ايدي بالسنگي ذياب،، موويااج؟؟ غصون،، التفتتله بغضب وشسويت؟؟ لازم ازعجت حضره البرنسيسه؟ جرني من ايدي بقوه دفعني ع الباب ذياب،، لازم غاثج وجودها؟ غصون،، ابتسمت ب استهزاء وعليمن انغث باالله؟؟ ذياب،، اشوفج مالج خلگ وتحجين معلگ وتشمرين بالحجي گلت خاف مزعوجه حضرتج غصون،، هه وعليمن انزعج؟ وشلي شغل بيكم اصلا انته وياها ماتهموني اتقرب مني اكثر بحيث مايفصلنه شي ذياب،، ادري ماهمج اني وين وحبيب الگلب ابن عمج الساقط وين؟ غصون،، من انقهر اصير اجفص في سبيل ماابين للطرف المقابل انو اني ضايجه گتله رجائا لتحجي علي ماحسيت غير شفتي الجوه انجرت بقوه ذياب،، ماتقبلين علي مو؟ اذكري مره ثانيه وشوفي اشلون اشلعهاا الج غصون،، احس شفتي خدرت من الالم دفعني عن الباب عافني وطلع مااتحملت ركضت للغرفه اريد اسكت مااكدر عيوني يجرن اهفي على وجهي اريدهن يبطلن راح افضح روحي من غيرتي صرت اريد اذكر شي يضحكني حتى ماابجي ضليت دقايق مسحت عيوني خشمي احمر مبينه باجيه رحت للمطبخ غسلت وجهي كملت الجاي اخذته يمهم الابنيه تحاول تحجي وياي واني مطنشتها وكل ماارفع راسي اشوفه يباوعلي ضايج من تصرفاتي ومبينه حتى هي حست اني ماطايقتها نور كل شويه وگالت اني اداوم بكليه الطب الفلانيه اني هيج واني هيج وتمدح بروحها ونازك ساعه تناقشها وساعه تغلس عنها لان تلغث اهواي صبيتلهم جاي وانطيته الهم وصلت يمه خليت الصينيه جدامه اخذ الاستكان صارت عيني بعينه التفت يكمل كلامه وياها اتمنيت اكوم افشخهم اثنينهم الابنيه رجعت تحجي وياي واني ابد مويمها مدنگه اصب جاي اسمعها تسألني شمخلصه دراسه غلست عنها هي مهندسه شگلها اني ثالث متوسط مامكمله؟؟ تركتها تهذري وحدها صارت الساعه 2ونص الضهر احسها گاعده على گلبي وفكره وحده براسي شبسرعه حبها لهاي الاسمها نازك؟ احس اعصابي تفور اتمنيت انهض اسحلها من شعرها كملو شرب جاي اخذت الصينيه لميت الاستكانات وصلت يمها شالت الاستكان مالتها تريد تنطي الي اخذته من ايدها بقوه لمن وگعت الخاشوكه مال الجاي بالكاع عفتهم وطلعت بيدي الصينيه وصلت للسنگ خليتها حيل بحيث سمعو صوتها رجعت للغرفه مالتي ماعدت اتحمل ضليت افتر بمكاني الباب مفتوح شفته صعد للغرفه مالته مالگيت روحي غير لحگته فتحت الباب وفتت بسرعه اتفاجئ بدخلتي عبالك شانه غاره ع العدو حط ادي بجيوبه وانتجه ع الميز ذياب،، شكو؟ غصون،، رحت وكفت كدامه بداخلي اريد اكطعه شفايفي يرجفن من كد ماعصبيه كتله دير بالك مره ثانيه اتكلي احبج ذياب،، بااحلامج غصون،، مبينه الغيره طالعه من اذاني وكلامه وبروده ينرفزني اكثر جاوبته تتهنون انته وياها حجيتها بعصبيه ودرت وجهي اريد اطلع لزم ايدي جرني اله ذياب،، لازم غرتي منها؟ غصون،، ضحكت بستهزاء اني اغار منها؟ دنگ المستواي ذياب، غيرتج فاضحتج غصون،،اتقرب همس يم اذني ذياب،، وداعتج لسه ماشفتي شي يتتتبع لاشكيت ولاگلت ولامبين للخلگ ملچوم چني انه ذاك الضمضم جروحه ويغني 💔 | ||||||||
|  |
|
29-12-20, 02:11 PM
| #22 | ||||||||
| مراقبة عامة ومشرفة منتدى الروايات المنقولة
| البارت 20 #ضحيه_لمن_لايرحم بقلم زهراء الحسناوي ،،،،،،،،،،،،،،،،،، وهذاك انت الولا حسبالك مفارگ الولاكلفت نفسك تعرف اشلوني طاحتلك الفرگه وهاي صار سنين تشتم الهوى بدوني واذا جيت اعله بالك لاتود مرسال انه بخير ماطول انته بعيوني ،،،،،،،،،، غصون،،تركني ونزل عافني احترگ بناري نزلت لگيته گاعد يمها الابنيه تحجي وياي واني مطنشتها حتى التفتت الها ابتسمت بااستهزاء بينت الها اني مامرتاحه الوجودها شويه ودگ موبايل ذياب رفعه جاوب ذياب،، ها ولك سگط مو گلت اكمل شغل والحكم نتغده سوه غصون،، سكت ينتضر الطرف الثاني يحجي رجع كمل كلامه ذياب،، ولك خطيبتك جرشت راسي بسوالفها تعال اخذها غصون،، فتحت عيوني على وسعهن وبنفس الوقت احس العرگ اخذني فشلانه من الابنيه طلعت مخطوبه وتربطهم فقط صداقه ابد ماتصرفت وياها مثل الاوادم انتر نتر بالحجي هي ضحكت اخذت الموبايل تحشش ويه خطيبها على ذياب عرفتهم تجمعهم علاقه صداقه ومبينه الابنيه سبورتيه خرب بحضي دقايق واندگ الباب حتى مالحگت اعتذر منها اجه خطيبها من الباب مادخل للبيت طلعتله ام ذياب مبينه تعرف صاحب ذياب من زمان واكيد خطيبها عنده ثقه بذياب ويعرف اخلاقه الدرجه يأمن خطيبته تجي البيت صديقه الابنيه راحت اباوع نور توه رد الدم بوجها وضحكت ومبين اني وياها فضحتنه الغيره دخل ذياب بعد ماراحت الابنيه باوعلي ابتسم بطرف شفته حسيت جاي يلعب بااعصابي رجع صعد الغرفته وعذراء ونور الضحكه شاگه حلوگهن هنه هم راحن واني دخلت للغرفه ابالي ابتسامته عرف اشلون يستفزني ويحرگ اعصابي كاعده بالكاع اغم بروحي شبييه موجنت شارده منه شبيه هسه اركض وراه؟ ذياب طبعه صعب موبالساهل ينسه افكر اروحله واحجيله كلشي بس خايفه لان هواي صدني خايفه يفشلني مره ثانيه يوم يجر يوم وذياب نفس طبعه ماتغير لايحجي وياي ولا يعبرني نور كثرت جياتها هي وعذراء والعجيب نور ولاهامها وجودي عبالك ماتشوفني تلبس وتتعطر عبالك عروس صرت اضوج منها العصر كاعدين اني والحجيه اجن هي وعذراء سوويت جاي وأخذته يمهن عمتي مره من اهل الله فقيره كلش تحسها خرسه مالها شغل بشي ابد حتى عذراء من تجيب طاري احد تسكتها اتكلها لتحجين على العالم تشيليون ذنوبهم حرام صبيتلهن جاي ونور منطلقه تحجي على دلال امها وابوها احسها تتعمد هيج تحجي كدامي صعب واحد يحجي هيج كدامك حسيت روحي يتيمه بس الفرق اهلي عايشين لكن محرومه منهم لاجت الدمعه بعيني خنگتني العبره واحسها اتكسرت بروحي التفتتلي نور نور،، غصون الله يساعدج اشلون تاركه اهلج كل هاي المده؟؟ غصون،، ردت اجاوبها بس عمتي سبقتني ام ذياب،، اي والله يمه صدك شو لاكلتي اروح لهلي لافد يوم سمعتج كلتي عمه خل اخابرهم ليش هيج عمه؟ تره لاتشوفيني ساكته والله مو ابالي السالفه وهمزين نور ذكرتني نور،، اي روحي يم اهلج فتره غصون،، اعرف تريد يخلالها الجو بس فعلا مشتاقه لحضن امي وابوي مشتاقه لخواني الزغار حتى هيثم مشتاقتله انكسر خاطري عفتهن وكمت رحت للغرفه احسها صارت بيت احزاني كعدت عيوني يصبن احس دموعي حاره تجوي خدي حلو الوحده عدها اخ تحتمي بي وتحسه سند الها بس اني من دون البنات اخوي كسرني وخله الرايح والجاي يذلني اتذكرت زينب اخيتي ورفيجه دربي صار خمس شهور ماشايفتها اتمنى طير وعندي جناح افتر على اهلي وعليها اشوفهم ويرتاح گلبي نهضت من مكاني مبينه عذيران ونور يتعشن اهنا اتعجب على اهلها منطيها مجال كل يومين ونطت النه مثل القرد لاسداد ولارداد عدها يحاسبها مسحت دموعي خشمي احمر من ابجي تنگلب خلقتي بحيث بسرعه يعرفوني باجيه من طلعت يمهن نور گالت ياا ذكرناج ب اهلج وبجيتي ام ذياب،، يمه روحي يمهم كم يوم شوفيهم وتعاي وهذا تلفوني يمج كل ماتشتاقيلهم خابري غصون،، اباوع النور التفتت العذراء مدري شبيهن غلست عنهن وهم ضلت ابالي بلكت اروح يم اهلي صار المغرب گمت گليت كباب وكبه حضرت الزلاطه والطرشي واللبن وعذراء ونور خانسات ماكامن وام ذياب من تصلي تتاخر كلللش بحيث ساعه تقريبا ياالله تكمل لان تصلي لرجلها وتهدي بثوابه حتى كل جمعه تروحله واهواي تقراله قرران بحيث كل فتره تختمله ختمه وتهديها اله عرفت منها حتى حجه البيت الله مكلفه شخص يحج بمكانه ودافعه فلوس كامله عبالك هي الرايحه حبيتها لان عدنه الميت بس يطلع الاربعين نسينا كل سنه ياالله نروح نزوره اما هي طول هاي السنين وماتركته ابد كملت تحضير الاكل داانقل احط بالصينيه انفتح الباب فات استاذ غضبان مغندب عاقج الگصه عبالك يريد يتعارك حتى ماسلم واني هم مااهتميت بالي يم روحه اهلي صعد گبل للغرفه نور من شافته اجه بسرعه اجت يمي صارت نادره تنقل ب الاكل عجيب امرها ولاعدها ذره خجل لابيت عمها ولابيت خالها والنهار كله يمنه عوود تصير حماة عذراء مثل المثل اليكول اني ابن عم الخياط الخيط بدله العريس شلنه العشه وهي عينها علي كل مايطلب شغله حطت روحها وانطتها اله اني كاعده على صفحه بس عيوني تنتقل بينهم شويه وكالها اشلونج بالدوام؟ رفعت راسي يباوعلها هي موعبالك سالها لاعبالك كالها باجر اجيب اهلي واجي اخطبج الحلگ انفتح اذراع وضلت تناقشه وتجيب منا تحط هنا ماادري اشلون هاي المايعه راح تصير دكتوره؟ يمكن المريض اليجيبو الها حتى لوكان بي امل يعيش من يوصل يمها راح يفطس على ايدها من يصير هيج موقف كدامي تجنبا للقهر انهض اعوفهم براحتهم ام ذياب،، يمه وين كايمه ماكلتي شي غصون،، شبعت عمه رايحه اسوي جاي عفتهم وطلعت كملت تخدير الجاي وهذا طبعهم يحبون الجاي كلش صبح وضهر وعصر وبليل كون القوري ع النار لان غضبان افندي يشرب جكاير ف يحب الجاي كلش شويه ودخلت عذراء شايله صينيه بيها المواعين لحكتها نور بيدها السفره لامتها وگفن غسلن اباوع نور نفخت روحها عبالك طااوس ردت اكلها خايبه هو سوال ونفشتي ريشاتج راحن ولحگتهن بيدي الجاي والقوري والاستكانات يحبون اكعد واصبلهم كون القوري يمي صبيت ودفعت الصينيه يم عمتي وهمه اخذوها فاجئتني عمتي من حجت ام ذياب،، يمه يبعد امك ماتاخذ هاي المگروده لهلها كم يوم غصون،، رفعت راسي هو يشرب جاي استكانه بيده ولاكأن سمع كلام امه ام ذياب،، شبيك يمه ماتحجي ماتاخذ مريتك لهلها تره حرام الله يحاسبك ترضاها انته ماتشوفني خمس شهور؟؟ ذياب، اكيد لايمه بس هي وضعها غصون،، راد يكول فصليه عرفت قصده بس هو سكت ماحجه ام ذياب،، دامك ماترضه جا اخذها لهيلتها يومين ثلاثه ذياب، ماكو روحه غصون،، عفتهم وگمت لان صدگ انهضمت يتعمد يفشلني ويتعمد يقهرني رحت للغرفه سديت الباب وكعدت بس احس اعصابي تفور ماطلعت يمهم بعد ضليت بالغرفه خانسه سمعت صوت نور تسلم على ام ذياب عرفتهن راح ينگلعن لبيتهن فاتت عمتي يمي تكلي لاتزعلين منه وذياب وضعه صاير متغير مدري شبي مومثل قبل يضحك ويسولف والمره الحوك هي التتحمل زلمتها ماحجيت اني لان مخنوگه بعبرتي بالنسبه اله مايگدر يفارگ امه بس بالنسبه الي فصليه عادي مااشوف اهلي عنده عبالك مودم ولحم مثله حلفت مالي شغل بي ولاحتى اخلي يلمحني وفعلا صار من يجي وقت رجعته للبيت افوت الغرفتي مااطلع ابد ومن هو بالبيت احاول مااخلي يشوفني اسبوع لااني شايفته ولاهو شايفني من يكملون عشه مرات يصعد الغرفته اروح اتعشه وراه ومرات من يروح يم بيت عمه اكعد يم الحجيه الساعه 12بليل متمدده بفراشي سمعت صوت سيارته مثل كل يوم يدخلها للكراج ويصعد ينام دقايق انتضرته بين مايصعد اريد اطلع للمطبخ من تاكدت ماكو صوت نهضت فتحت الباب وطلعت على كيف اتفاجئت بوجوده طلع من الاستقبال حتى هو ضل صافن بوجهي دنگت وعبرت من يمه بدون ولاحرف احسه بعده موجود يراقبني درت وجهي مالگيته جريت نفس براحه بمجرد وجوده يتخربط وضعي اديه وجسمي يضلن يرجفن غير دگات گلبي الي احسهن يوصلن الالف من سرعت نبضاتهن شربت ماي ورجعت مااحس غير ايدي انجرت انسحبت للضلام بالاستقبال ردت اصيح بس عرفته هو من صوته دفعني ع الحايط ايده على حلگي والثانيه وره ضهري لازمني راد يغمئ عليه حجه بصوت ناصي ذياب،، اهدي لتخافين غصون،، اني من الخوف راح انجلط وهو يگلي لتخافين ذياب،، لان گتلج ماترحين صار اسبوع حاجره روحج بالغرفه؟؟ تتصورين جاي تعاقبيني بهاي تصرفاتج؟؟ غصون،، درت وجهي عنه و لزمت ايده الوره ضهري بعدتها عني ممكن توخر رجائا ردت اطلع رجع لزمني ودفعني للحايط ذياب،، غصوون غصون،، دنگت احاول مااباوع بوجها ضوه خفيف يجي من الصاله ذياب فهمني شتريد مني؟ احس حتى هو مثل حالي اثنينه مانعرف شنو نريد وبلحضه سحبني اله فقط احس بحراره انفاسه وشفايفه مامستوعبه غمضت عيوني بكل قوتي ردت ابتعد رفع ايده ثبت راسي مالگيت روحي غير دفعته من صدره بس تحسه فاصل مااشوف ملامح وجها كلش شعور غريب اول مره احس بي اول مره يبوسني هيج ابتعد مني احس روحي اختنگت مثل الجان فاقد مايعرف شيسوي تركني وطلع صعد للغرفه گعدت بمكاني رجليه يرجفن يرجفن احسهن اثگال مايشلني حطيت ايدي على شفايفي مامصدگه عبالك بحلم معقوله ذياب الصار ايام مايحجي وياي باسني؟ انتجيت ع الحايط ورجعت وضعي مخربط للصبح مانمت اذكر شنو صار وليش هيج سوه اذا مايحبني؟ ثاني يوم الساعه ب 1الضهر عمتي اسمعها بالمطبخ تحجي وياه على روحه اهلي هم رفض مايقبل شگد حاولت وياه بس رفض گالها سدي الموضوع هسه شويه وصعد الغرفته ينام لان رجع من الدوام انفتح الباب دخلت عمتي ام ذياب،، ييمه مدري شبي صاير مايتفاهم ادري بيج گلبج طاگ على اهيلتج والله يبنيتي حطيت روحي بمكان امج الله يساعد گلبها اني اذا مااشوف وحده من بناتي يومين اضل كلساع مخابرتهن اسمع صوتهن مو عاد امج صارها اكثر من خمس شهور ماشايفتج ولامحاجيتج غصون،، هي تحجي واني الدموع اخذتني اريد اسكت عيوني مايسكتن صدك مشتاقه احط راسي بحضن امي مشتاقه اشوف ابوي واخواني المره من شافتني احس ضغطها صعد انقهرت ام ذياب،، حضري روحج باجر الصبح من يروح للدوام اني ازتج لهلج واريد اشوف زلمه اليحجي وياي والله اغضب علي اليوم الدين غصون،، مسحت دموعي مامصدگه وبنفس الوقت خايفه من عواقب هاي الروحه وخاصتا راح اروح بدون علمه بس خلي هو الجابها الروحه صار ايام نتوسل بي وهو قافل مايقبل اتفقنه اني وعمتي الساعه ب 9الصبح توديني هي طلعت واني طايره طايره من الفرح حسبالك باجر عيد عندي ركضت لميت علاگه خليت بيها تبديلتين الي وكم شغله لان عندي ملابسي يم اهلي للصبح ماگدرت انام من الفرحه التارسه روحي صارت الساعه ب5الفجر عيوني ثگلت نعست بس اني علاگتي مجهزتها وحطيتها بالكومدي اخذتني النومه لان نعست حسيت احد يگعدني فزيت شفتها ام ذياب يم راسي ام ذياب،، اسم الله يمه يالله اكعدي هم ياالله نروح الساعه صارت 9اله ربع غصون،، طفرت من مكاني بسرعه لميت فراشي وشلته ع الميز رجعت طلعت العلاگه وعباتي وحجابي حضرتهن رحت غسلت ام ذياب تضحك اتگلي على كيفج لاتوگعين رديت للغرفه لبست حجابي وعباتي اخذت العلاكه بيدي وطلعت ماحاطه ابالي غضبان اذا عرف اني طالعه بدون علمه شراح يسوي؟ اخذتني المره وطلعنه اجرت سياره من راس الشارع سالتني بيتنه شكد يبعد مسافه عن بيت الشيخ؟ كتلها بالفرع بيت الشيخ صاير ورانه بكم بيت يعني بس نوصل المنطقتنه اندل اهلي وفعلا بمجرد ماوصلنه للمنطقه احس روحي ترگص مو مسافه كم دقيقه واوصل لا عبالك بعد ساعات ياالله التقي ب اهلي اشرت للسايق بمعنى منا فوت وصلنه باب اهلي ام ذياب اتفقت ويه السايق كالتله ربع ساعه وردلي الرجال قبل وراح نزلنه رجليه يرعشن اتمنئ اروح اركض بس عمتي وياي فشله اعوفها وحدها وادخل دگيت الباب وگعن دموعي عمتي تباوعلي وتبتسم سمعت صوت مرتضئ اخوي الزغير بصف خامس ابتدائي يصيح منووو!؟ اريد اجاوبه مااگدر جاوبت ام ذياب فتح الباب صارت ام ذياب كدامه ماانتبهلي دار وجها شافني شهگ صاح يمممممه اجتتت غصووون ذبيت هدومي من ايدي واخذته الحضني يبجي يبجي ابوس بوجه واثنينه نبجي امي طلعت مخترعه من باب المطبخ وابوي وراها جان اللقاء جدا صعب اداوروني اخواني وابوي وامي كاعدين بالكاع ابوي يحضني يشمشم بيه ويبجي تسحبني امي الحضنها تنحب بصوت عالي نسينه حتى المره العفناها واگفه بالباب گومني ابوي وهو حاضني وامي تبوس بيدي كتلهم المره بره فشله طلعت الها امي خطيه مامصدگه دخلت ام ذياب اهلي استقبلوها خطيه مايعرفون شيحجون لو اشلون يشكروها ماضلت اهواي ربع ساعه واجه مرتضئ كال رجال بالباب يصيح للمره عرفناه السايق ابوي راد يوصلها ماقبلت كالتله ضل يم بنيتك ومو تعطلوها يمكم تره غصون بنيتي ومااعرف اگعد وحدي وهي ماموجوده يمي ابوي يحجي ويه المره مرتاح من شافها اشلون مره تنحط بالگلب بااسلوبها راحت عمتي والله ابوي نام وحطني بحضنه مثل الطفله واني بطوله حاضنته ومامصدگه اني اليوم يم اهلي وبنصهم گاعده بس تبقى فرحتي ناقصه لان بالي يم زينب اني من مات عمي ابو احمد وره كم يوم ياالله عرفت من عمتي ذياب حاجيلها لان لواء مايضم عن ذياب شي بيومها بجيت لمن تعبت عمي فقير ومات بحسرته على زينب اسبوع مامرتاحه احس ابوي راح يصير بي نفس عمي بس الحمدالله من اجيت وشفته صح مبين تعبان بس من شافني روحه ردت كاعده بنص اهلي ع الغده بس تفكيري يم الراح يرجع ومايلگاني شراح يسوي؟؟ بمجرد ماذكرته گلبي انقبض بليل اخذت تليفون امي اتصلت بعمتي لان انطتني رقمها كتبته الي بورقه من اجينه گالت خاف تردين تخابريني اتصلت بيها جاوبتني بس من صوتها المره مبينه متخربطه الصبح كلشي مابيها سالتها عمه شبيج؟ خاف ذياب متعارك وياها لان جابتني لهلي گالت مابيه يمه كلشي مابيه وذياب يزعل ويرد لاتشيلين هم عرفت من كلامها ذياب گالب الدنيا وراي بيومها نمت بين امي وابوي خطيه اثنينهم حاضنيني امي كل شويه تسالني شصار ويانه واشلون حال زينب كتلها زينب مااعرف اخبارها من يوم الاخذتني ام ذياب بعد كلشي مااعرف عنها ثاني يوم رحت شفت مرت عمي ام احمد شصاير بحالها وانوب حاده لازمه عده على عمي ماتطلع واحمد العار ابد ماوصل لهله يخاف لان سامع بس يرجع للمنطقه ينقتل وضاله امه واخواته حال الضيم حالهن بس ابوي مامقصر عنهم لكن يبقئ بنادم من يشوف الناس تتصدق علي يحس نفسه ثگيل ضليت يمهم للضهر انتبهت للطارمه متروسه سعف يابس گتلها عمه شتسوين بالسعف؟؟ ام احمد،، ييمه نسوي مكانس ونسوي طوابگ خوص للخبز تشتري النسوان مني يبنيتي العيشه صعبه صح ابوج مامقصر الله يرزقه بس عندي جهال يردون خو ماكل شغله يردوها يرحون العمهم هم فشله عاد فلوس المكانس نتصرف بيهن غصون،، الله يساعدها جابت عمرها بالضيم والقهر عود خلفت ولد يساعدها تالي الولد طلع عاق لاحض ولافايده بي مااجتهم من وراه غير المصايب والطلايب حتى احنه عم علينه مثنئ اخوي طاح الفصل مالته لان حسبوني بمكانه لذلك رجع للبيت بس متغير ابوي. صارم وياه وهو حس بغلطه حتى من اجيت ماشفته بايت يم بيت خالتي اتصل بي ابوي حتى يجي لكن رفض يگله اشلون احط عيني بعين اختي؟ الحمدالله من عرف غلطه بس بعديش؟؟ كعدت عمتي تسالني عن زينب كتلها والله ياعمه ماادري بيها وماشفتها خطيه ظلت تصفگ ايد بيد محروگ گلبها على بتها حجتلي اشلون اجت فازعه من مات عمي ارتاحيت لان لحگت بي قبل مايدفنو لو ماجايه جان ضلت بحسره شوفته طول عمرها رجعت للبيت اول مادخلت اجه ابوي ومثنئ وراه يمشي مدنگ رغم السواه بس يبقئ اخوي والاضفر مايطلع من اللحم حضني خجلان يبجي بصوت عالي والله حتئ باس ايدي ودنگ يريد يبوس رجلي مع العلم هو اخوي الجبير ضليت يم اهلي اربع ايام ابوي احتار شيسوي كل شويه وماخذني المكان ماخله شغله مااشتراها الي اشترالي اهواي ملابس وشغلات حتى موبايل وخط وعبا رصيد حفض رقمه ورقم امي ورقم مثنى امي من اول يوم سالتني عن وضعي ويه ذياب كتلها تمام وخوش زلمه سالتني اتقربلج هزيت راسي بمعنى اي كل ضني باسج حضنج ذني السوالف ردت احجيلها استحيت مهما يكون امي هاي عيب اسالها هيج شغلات دخلت الغرفه امي مليانه جنط عبالك راح اسافر ابوي يبوسني يگلي شسوي مقصر وياج اتمنيت ازفج عروس اطلعين من بيت ابوج بس هذا امر الله والحمدالله طلعو عيالج خوش ناس يخافون ربهم اتصلت بعمتي من رقمي گالت اني الضهر اجي اخذج حضري روحج بداخلي خايفه من روحتي بس ارجع واگول قابل شراح يسوي شو هو مايحجي وياي من زمان للضهر اجت عمتي استغربت مااجره سياره موذياب جايبها دخلت سلمت على اهلي جلبو بيها ع الغده ماقبلت كالتلهم غير مره مثنئ نقل الغراض للسياره سلمت عليهم امي بس تبجي ابوي خطيه فوگ ذيج الخساره الصارله اربع ايام ينگل غراض الي طلع افلوس حطهن بيدي ماقبلت أخذهن بس خزرني اخذتهن وطلعت وره عمتي بس اهلي الحمدالله مرتاحين من اجيتهم وعرفو وضعي طول الطريق مقبوضه روحي ساعه اكول شيريد يسوي خل يسوي وساعه بمجرد مااذكر عصبيته جسمي يرعش وصلنه للبيت سيارته واگفه بالباب بمجرد ماشفتها انمغصت بطني نزلت اني وعمتي نزلنه الغراض حطيناهم بالطارمه لان اهواي راح الرجال واني نقلتهم للغرفه بس لحد الان ماشفت ذياب جاي احط بالجنط بالغرفه اسندهم على صفحه شفته نزل ع الدرج رجليه لااراديا ثگلن وصرت ارعش باوعلي بنضره احسه يريد يذبحني ومايبرد گلبه بس ماحجه شي نزل فات للاستقبال هادئ احس هذا هدوء ماقبل العاصفه ماتوقعت راح تكون هاي رده فعله مجرد باوعلي كانه ماشايفني ضليت بالغرفه اعزل بالغراض طلعتهن من الجنط رتبتهن تقريبا الساعه ب 2اجت عذراء اني واكفه يم عمتي بالمطبخ جنت احجيلها على بيت عمي ابو احمد واشلون وضعهم تعبان بعد وفاه عمي دخلت عذراء سلمت على امها بس ماسلمت عليه فاجئني كلامها عذراء،، شكو يمه؟ شو اتصل بيه ذياب قبل ساعه كال تعاي عندي موضوع وياج غصون،، مااهتميت الها يمكن عدهم سالفه ماتخصني شعليه بيهم عافتنه وراحت يمه للاستقبال شويه وصاح ل امه تروح يمهم صار عندي فضول اعرف شكو باب الاستقبال مفتوح وصوتهم واضح رحت وكفت قريب ع الدرج احس واحد وضربني سجين بصدري من سمعت كلامه ذياب،، عذراء اريد اخطب نور يتتبع | ||||||||
|
| |
|
29-12-20, 02:13 PM
| #23 | ||||||||
| مراقبة عامة ومشرفة منتدى الروايات المنقولة
| البارت 21 نهااايه الجزء الاول #ضحيه_لمن_لايرحم بقلم زهراء الحسناوي ،،،،،،،،،،،،،،،،،،،،،،،،، ،،،،،،،،،، شايف من تبين عود مامكسور؟ وتضحك وبضحكتك تنزل الدمعه ضگتها وگمت ادور ع الهوا بسرعه منها وگمت احس بحرگه الفلاح من يوصل حصاده ويحترگ زرعه ،،،،،،،،،،،،،،،،،،،،،،،،، ،،، زينب،،دقايق وره ماقفل الباب حسن گبت العيطه بالغرفه كلها تتصارخ لااراديا صرت اصيح مثل المخبله ساعه اركض للطارمه اصيح يباووو ساعه ارجع ادگ بالباب اهمش بثنين اديه اريد يفتح الباب اسمع صوت صريخهن عالي ركضت الباب الحوش وجان يدخل لواء احس الله دزاه بهذا الوقت خطيه يركض وياي لجوه ومايعرف شنو السالفه واني اركض كتله الحگ اهلللك حسن حرگهمم خطيه دخل شايط وبسرعه دفع الباب كسره والله كل ضني اشوفهم مشتعلين بس الحمدالله اباوعلهم كلهم نگعانين نفط مثل الجريذي المبلل واحد خاتل بضهر الثاني حتى الشيخ واكع شماغه وعگاله ودشداشته بيها طگع مال نفط ام لواء تبجي عبالك اجاها طوق النجاة من شافت لواء تبجي وتحجي ام لواء،، وللك يمه اخووك راد يحرگنه واحنه عددليين يايمه سوده بوجوهنه ولك ليش يمه يوميه مهبطنننه؟ زينب،، حسن واگف بالباب ياجبل مايهزك ريح بيده الجداحه جاوبها حسن،، يوميه اخرعكم هيج خرعه اخليكم عايشين برعب طووول عمركم والللله اني الكممم بسيطططه عبالكم ترتاااحون؟؟ لا ورويحتهاااا ماشفتووو الراحه ابدددد زينب،، الشيخ من شاف لواء يالله جر نفس ونهض يريد يتعارك لواء وكف بنصهم حسن يزمخ علئ ابو وذاك بس يغلط ويصيح بصوت عالي حسن،، دعوووفه خلي اشوووف شيريد يسووي؟؟ مساااع خااتل جنه عصفوورر مبلل وهسه يرعد من شافك صار سبببع بس ولو گالهاااا ابو المثللل الچلللب يتسبع ابااب اهله ابو لواء،، ولك هااي ويامن اابن الكلب صووجي انطيتك مجاال يوميه ماكلين شوغه من وراااك بس ورروح حسين اله اشمرك بمستشفئ المجانين زينب،، لواء سحل حسن يعد ويصف ونذيره ترجف هي وبناتها مدري شتحجي ماانتبهتلها لان صوت ابو لواء وحسن عالي كوه لواء جر حسن بره صعده وياه للغرفه يدفع بي وهو يهدد كل شويه يريد يرجع يتعارك البيت مخبوص صعدت وراهم دخلنه للغرفه لواء لازم حسن دفعه حسن،، وخرر عني لواء،، كاافي الخاطر ربك تره والله صرت اكره البييت بسبب الطلايب حسن،، من يموتون امك وابوك ونذيره كلها ترتاااح لواء،، ولك حرام ذوله امك وابوك الله مايرضه حسن،، مااتشرف عندي هيج اهل والعباس اطخ ابراسي مره الثانيه اكهربهم واحد واحد مااهده لمن اشوفه يثعول جدامي لواء،، وشنوو تستفاد؟ حسن،، المهم ارتاح لواء،، اعقل حسن كافي اذا تحبها والها خاطر يمك مالك شغل بامي وابوي تره مهما يكون السوو بيك الله راح يعاقبك زينب،، كعد حسن بالكاع انتجه وايده على راسه مااتحمل نزلت دموعه ودنگ اول مره اشوفه يبجي حسن،، ليش ياخويه هذا الاني بي موعقااب؟ حرموني منها وحرموها من شم الهوئ لو مامنتقلين ماجان ضربتها سياره وماتت لواء،، استغفر الله بعد اخوك هذا حد يومها زينب،، واكفه على صفحه حاطه حجابي على حلگي ابجي على حسن يكسر الخاطر تالي عافنه وطلع راح الغرفته من اذكر منضرهم اضحك بس من ارجع اذكر دموع حسن انقهر لواء خطيه كل مايجي تتلگاه المصايب بوجها نهض نزع قميصه من الهوسه حتى واحد ماسلم ع الثاني اخذت القميص بي ريحة نفط من حسن انطاني ملابسه اخذتهن راح غسل ورجع طلعتله ملابس حتى يسبح جر راسي باسه لواء،، والله نسيت اسلم ادوهنت من سمعتج تصيحين زينب،، اخذت ملابسه للحمام كتله اسبح وارتاح بين مااحضرلك غده بسبب الهوسه محد اكل لان حسن خوش غداهم غده معدل ع الهبطه الشافوها بعد ماياكلون شهر كامل لكدام نزلت صارت بوجهي نذيره اباب الحمام هي وامها وجنه يدفعن بعربانه ام لواء يردن يسبحنها عن النفط عبرت من يمي غفران شايله ملابس الهن يسبحن ياهي التعبر من يمي تكفخني ريحه النفط منها حسن مغرگهن اتغرگ بسرعه طلعت كبه گليت اخذت غده الي ولواء وصعدت لگيته طالع من الحمام مشط واجه ياكل كعدنه نتغده اتذكرت حسن طفرت كتله بس اصيح الحسن ياكل خطيه ابتسملي رحت دگيت الباب على حسن وفتت لگيته بعده بنفس. ملابسه كتله خيي كوم اتغده ويانه لواء يصيحلك حسن،، گليله مااريد مااشتهي رحمه لهلج سدي الباب وراج زينب،، خطيه يحجي مخنوگ عفته وطلعت رجعت للغرفه سالني لواء جاوبته نايم عوفه براحته قبل لانتغده عزلت حصة حسن علئ صفحه من كملنه اخذتها ورحت دكيت علي الباب ماجاوب فتت كاعد بس ماجاوبني خليت الاكل ع الميز كتله من تجوع اكل عفته وطلعت من اجه لواء ماخلاني انزل العصر كال اليوم خميس ليله جمعه راح اجيب سمج شوي بثواب حسين وجود للمغرب رجع لواء شايل صينيه سمج انترس المطبخ ريحه احس معدتي گلبت ركضت للحمام اتقئيت لحكني لواء واكف فوگ راسي طلعت روحي كملت غسلت لواء،، شبيج زينب؟؟ زينب،، مابيه بس لعبت نفسي من ريحة السمج الباب مفتوح دفعه بيده سده لواء، غايبتلج؟؟ زينب،، شنو هي؟؟ لواء،، زينب شببج جاي اسالج ع الشهريه؟ زينب،، والله ماادري بس من زمان قبل ما لواء،، قبل مااخذج ماجايتج؟ زينب،، اي حجيتها ودنگت مستحيه منه كتله وشعليها الشهريه ليش تسأل لواء،، بويه نصعد بغرفتنه ونسولف على هاي اسالتج تخلفين بالحمام وبعدج مامفتهمه زينب،، طلعت صعدت وراه من صرنه بغرفتنه كعدني يمه يسالني اخر شي گال خاف حامل باجر اخذج اسويلج تحليل كتله زين الشهريه شعليها بالحمل؟؟ لواء، زينب صدگ ماتعرفين لو ثاولتها؟؟ زينب،، وروح ابوي مااعرف هاي شعليها بهاي؟ لواء،، اشلون يابويه جا منين يصير الطفل من شيب جدادي؟؟ زينب،، والله مااعرف واول مره اسمع اتمدد وجرني الحضنه لواء، الشي الماتعرفي تعاي اسأليني واني افهمج ماشي؟ بويه الحيض يجي للمره كل شهر بس من تتزوج اذا الله رزقهم بطفل بعد ماتجي لمن تجيب انتي قاريه قران؟؟ زينب،، هزيت راسي بمعنى اي لواء،، قاريه قول الله تعالى بسم الله الرحمن الرحيم (ولقد خلقنا الانسان من سلالة من طين ثم جعلناه نطفه في قرار مكين ثم خلقنا النطفه علقه فخلقنا العلقه مضغه فخلقنا المضغه عظاما فكسونا العظام لحما ثم انشأناه خلق اخر فتبارك الله احسن الخالقين) صدق الله العظيم زينب،، كعد يشرحلي مراحل تكون الانسان واشلون يتكون وسبب غياب الدوره واهواي اشياء بس كان شرحه بالخط العريض بحيث متت خجل ردت اكوم رجعني لان صخنت من الشرح كال لاحياء ف الدين واني زلمتج واجب افهمج الشي الماتعرفي صدگ فهمت احس روحي غبيه جدامه شويه ونام ثاني يوم العصر كال حضري روحج اخذج للدكتوره باوعت الروحي حتى حذاء ماعندي البس لبست ثوبي وعباتي لفيت حجابي وطلعت بس لابسه جواريب وانعال شافني لواء،، هيج ترحين؟؟ زينب،، اشلون لواء،، بنعال؟؟ زينب،، جا ماعندي حذاء لواء،، يالله بويه اصعدي راح تجلطيني بسكوتج زينب،، صعدت وياه همزين ماهنه ام لواء بغرفتها والحيايه ابيتهن وگفنه يم مول نزل هو لواء شگد تلبسين؟؟ زينب،، هاا لواء،، ولج صايره خوثه جاي اسالج شكد حجم رجلج؟؟ زينب،، ٣٨ راح شويه ورجع جايب علاكه سوده انطاها الي فتحتها بيها حذا افلات اسود نازك كلش حلو دنگت خليته برجلي وشلت النعال تكرمون خليته بالعلاكه اجت فيت الحذاء على رجلي وصلنه للدكتوره عادي ماعندي احساس انو اني عندي قلق لو متوتره اصلا عبالك شي عادي وصل السره مالتنه دخلت للدكتوره فحصتني وسالتني ع الشهريه كتلها مااذكر شوكت ضلت تضحك كالت ماما لازم تحسبين النفسج انطتني ورقه حولتني للسونر وللتحليل لان جوه عيوني سواد كالت عندج فقر دم بس حللي اريد اعرف نسبته طلعت لواء ينتضرني بره انطيته الاوراق مال التحاليل اول حللنه دم وتركنا بين ماتضهر النتيجه وانوب رحنه للسونر اخذتلي الدكتوره گالت ماما حامل وابدايه حملج توه شهر وعشر ايام حتى نبضه بعده ضعيف وبعد عشر ايام ثانيات يالله ترجعيلي اخذلج سونر مره ثانيه حتى نشوف النبض زين اخذت الورقه وطلعت كتله حامل لو طار من الفرح بس يوزع ابتسامات واني كل مشاعر ماعندي قبل دقايق كالتلي حامل ومن هسه شلت هم اشلون اجيبه؟؟ بالسياره كال اخذج للمول تنزلين تختارين التردي اليوم بس الج واحنه خدام ابتسمتله وفعلا نزلنه للمول مالي خلگ جنت اتمنئ اجي واشتري الشي البنفسي بس هسه كلشي جدامي ومالي نفس اشتري صار هو يختار شكو شي يعحبه يشتري كل الدشاديش لونهن اسود لان حزنانه بس سيتات النوم گال فوتي يم القسم المختص بذني السوالف لان مايخلون بس بنات تفوت شاورني لواء،، اشتريهن حلوات وكون كلهن الوان اذا جبتي اسود اشگهن عليج زينب،، دخلت يم البنات اباوع شاهت عيني شنو اشتري مااعرف الابنيه سالتني شنو تردين ضليت صافنه تالي كتلها اختاريلي على ذوقج مبينه حبابه فعلا صارت تجيب واتحط جدامي كلهن حلوات لمن كصتلي وصل طلع سعرهن اكثر من سعر الملابس الاشتريتهن بره عززه هسه فشله ارجع نصهن؟؟ طلعت الواء بيدي الوصل انطيته اله طلع فلوس گال انطيهن للابنيه جيبي غراضج وتعاي طول الطريق ظايجه من وصلنه للبيت ونزلت شافتني نذيره ضلت عينها ع العلاليگ الشايلهن لواء صعدت قبله للغرفه وهو صعد حط الغراض بالكاع ونزل كال خل اروح ابشر ابوي احسه فرحان كلش من رجع سالني لواء،، شببج مغندبه؟؟ زينب،، خايفه لواء،، من شنو؟ زينب،، اشلون اجيبه!؟ شو هذا طگها ظحكه بصوت عالي لواء،، گولي ياالله تونه حللنه يمعوده ربج الحطاه يطلعه لاتخافين الله يسهلها من يجي وكته بعدنه بسم الله وانتي من هسه شلتي هم زينب،، مو شفت نسوان اهواي بطونهن كبار يم الدكتوره وامي هم من حبلت بااخوي امير يومين اسمعها تصيح وكل مايخاذها ابوي للدكتوره ترجعها تكلها بعدها ماعدها توسع اني حجيت هيج وهذا خربان ضحك على سوالفي لواء،، من هسه حرنه بالتوسع بويه عوفيها وره الله واسكتي ازغر منج وكل. وحده يمشون جهالها وراها تگول كتاكيت وانتي من هسه وجهج يبجي زينب،، بيومها كلهم عرفو بحملي بس ابوهم فرح لكن نذيره وبناتها ضاجن كلش اسبوع اني مرتاحه من يجي لواء مايقبل افتر اهواي وخاصتا من عرف بيه حامل مايخليني اوكف هواي بالمطبخ ضاجن كلش بحيث على ساعه اتحسهن ينفجرن من انزل نذيره تكول قابل مشكل بخيط؟ لوملزگينه بعلج؟ النسوان تطلع للشغل وبطونها الخشمها اسبوعين لواء موجود اني مرتاحه عندي بس لعبان نفس لكن مااشتهي اي شي الماي اذا اشربه اتقيئ رجعنه للدكتوره وهم سوتلي سونر كالت نبضه طبيعي وكلشي مابي قبل ماتنتهي اجازه لواء بيومين راح تسوگ مسواگ كامل حتى صندوگ عصاير ونساتل ماخلئ شي ماجابه كل شويه يوصيني لاتنزلين لاتشتغلين بس اني متاكده من يروح نذيره تستلمني اطلع الراحه الارتاحيتها بذني الاسبوعين من خشمي انتبهت جنه مالها صوت خانسه صارلها كم يوم حتى وجها متغير مرات تتقيئ ومن تسالها امها تگلها معدتي متخربطه شگد حاولت امها تاخذها للطبيب لكن رفضت ماتقبل بس انتبهتلها اهواي تاخذ حبوب كل شويه تاخذ حبايه شكل ساعه براسيتمول ساعه مال معده العصر خلص الماي والاساله مگطوعه الخزانات فارغه مال الحمامات الداخليه وبس خزان واحد متروس ماي وهو خزان التواليت الجنت اسبح بيها قبل بليل الساعه ب1تقريبا انحصرت اريد انزل للتواليت اخاف وحدي اطلع لبره كعدت لواء حتى ينزل وياي خطيه بسرعه فز نزلنه اثنينه وصلنه للمطبخ سمعنه طگه مال باب خفيفه اني صفنت ولواء باوعلي اشرلي بمعنئ اشش جر ايدي للصاله بدون صوت لواء،، صاعد اجيب اسلاحي واجي لاتخافين زينب،، عافني وصعد ركض بدون صوت عيوني ع الباب اكيد هذا حرامي لان باب ام لواء مسدود وباب المطبخ مقفول من الداخل وطگه الباب مومال باب داخل البيت لا الصوت من بره واكثر شي من المخزن الجنت انام بي نزل لواء بيده اسلاحه هو طلع واني لازگه بضهره ماقبلت ابقه باب المطبخ سرگي مو قفل انطاني اسلاحه لزمته وفتح السرگي بدون صوت طلعنه اثنينه دفعني يريدني افوت هزيت راسي ماقبلت وصلنه للمخزن سمعنه صوت خفيف لواء اتقرب يتاكد من الصوت دفع الباب ودخل جان نشوف جنه كاعده بالكاع تبجي ونفس الولد كاعد يمها اثنينهم طفرو من مكانهم من شافو لواء دخل عليهم بسلاحه يتتبع | ||||||||
|
| |
|
29-12-20, 02:26 PM
| #24 | ||||||||
| مراقبة عامة ومشرفة منتدى الروايات المنقولة
| #ضحية_لمن_لايرحم زهراء الحسناوي #موعدج٢_وتوضيح ﺍﻟﺴﻼﻡ ﻋﻠﻴﻜﻢ ﺑﻨﺎﺕ ﺑﺎﺫﻥ ﺍﻟﻠﻪ ﻛﻢ ﻳﻮﻡ ﻭﻧﺒﺪﻱ ﺑﺎﻟﺠﺰﺀ ﺍﻟﺜﺎﻧﻲ ﻣﺎﺭﺍﺡ ﺍﻭﻗﻒ ﺍﻟﺮﻭﺍﻳﻪ ﻟﻮ ﻣﺎﺍﻛﻮ ﻣﺸﺮﻭﻉ ﺭﺍﺡ ﻳﻔﻴﺪ ﺍﻟﻜﻞ ﺑﺲ ﺍﻧﺪﻋﻮﻟﻲ ﺍﻣﺎﻧﺔ ﺍﻟﻠﻪ ﺗﻨﺪﻋﻮﻟﻲ ﺍﻭﺻﻞ ﺍﻟﻬﺪﻓﻲ ﻭﻳﺎﺭﺏ ﺗﻜﻮﻥ ﻫﺎﻱ ﺍﻟﺮﻭﺍﻳﻪ ﺻﺮﺧﻪ ﻣﺴﻤﻮﻋﻪ ﺿﺪ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻟﻲ ﻟﺤﺪ ﺍﻻﻥ ﺍﻛﻮ ﺑﻨﺎﺕ ﻳﮕﻮﻟﻦ ﻣﺎﻛﻮ ﻓﺼﻠﻴﺎﺕ ﻻﻥ ﻣﺎﻋﺎﻳﺸﺎﺕ ﻭﻻﻣﺠﺮﺑﺎﺕ ﻋﻴﺸﺔ ﺍﻟﻔﺼﻠﻴﻪ ﺩﻋﺎﺋﻜﻢ ﺍﻟﺰﻳﻨﺐ ﺍﻟﻤﻀﻠﻮﻣﻪ ﺍﻟﻲ ﺗﺘﻤﻨﺊ ﺗﻜﻮﻥ ﻗﺼﺘﻬﺎ ﻧﻬﺎﻳﺔ ﻟﻜﻞ ﺍﻟﻌﺎﺩﺍﺕ ﻭﺍﻟﺘﻘﺎﻟﻴﺪ ﺍﻟﻌﺸﺎﺋﺮﻳﻪ ﺍﻟﺘﻀﻠﻢ ﺍﻟﻤﺮﻩ ﻭﺗﺒﺨﺲ ﺣﻘﻬﺎ ﺍﻛﻮ ﻣﻨﻜﻢ ﻳﻌﺘﺒﺮ ﺍﻟﺮﻭﺍﻳﻪ ﺑﻴﻬﺎ ﻣﺒﺎﻟﻐﻪ ﻻ ﻭﺍﻟﻠﻪ ﻛﻞ ﻣﺒﺎﻟﻐﻪ ﻣﺎﺑﻴﻬﺎ ﻭﻧﻔﺲ ﻣﺎﻭﺻﻠﺘﻨﻲ ﻭﺻﻠﺘﻬﺎ ﺍﻟﻜﻢ ﻓﻘﻂ ﺍﺿﺎﻓﺎﺕ ﺑﺴﻴﻄﻪ ﺟﺪﺍ ﻻﻥ ﻣﺎﺍﺭﻳﺪ ﺗﻜﻮﻥ ﺍﻟﺮﻭﺍﻳﻪ ﺛﻼﺙ ﺍﺭﺑﺎﻋﻬﺎ ﻣﻦ ﺍﻟﺨﻴﺎﻝ ﺭﺍﺡ ﺍﻭﺿﺢ ﺍﻟﻜﻢ ﻧﻘﺎﻁ ﺑﺨﺼﻮﺹ ﺍﺻﺤﺎﺏ ﺍﻟﺮﻭﺍﻳﻪ ﺍﻛﺜﺮﻛﻢ ﻳﻜﻮﻟﻮﻥ ﻣﺎﻛﻮ ﺑﻨﺖ ﻓﻘﻴﺮﻩ ﻭﻣﺘﻌﺮﻑ ﻣﺜﻞ ﺯﻳﻨﺐ ﻭﻏﺼﻮﻥ ﺍﻧﻲ ﻣﻦ ﺍﻟﺒﺪﺍﻳﻪ ﺳﺮﺩﺕ ﺍﺩﻕ ﺍﻟﺘﻔﺎﺻﻴﻞ ﺣﺘﻰ ﺗﻮﺻﻞ ﺍﻟﻜﻢ ﺍﻟﻔﻜﺮﻩ ﺑﺼﻮﺭﻩ ﻭﺍﺿﺤﻪ ﻭﻣﺎﻳﻜﻮﻥ ﺍﻛﻮ ﺛﻐﺮﻩ ﺗﺴﺒﺐ ﺍﻟﻨﻪ ﺣﻴﺮﻩ ﺍﻭ ﻋﻼﻣﻪ ﺍﺳﺘﻔﻬﺎﻡ ﺍﻭﻻ ﺯﻳﻨﺐ ﻣﻦ ﻋﺎﺋﻠﻪ ﺟﺪﺍ ﻓﻘﻴﺮﻩ ﺑﺤﻴﺚ ﺗﻜﻮﻝ ﺍﺑﻮﻱ ﻣﺎﺕ ﻭﻣﻮﺑﺎﻳﻠﻪ ﺻﺮﺻﺮ ﻭﻛﻠﻜﻢ ﺗﻌﺮﻓﻮﻥ ﻧﻮﻉ ﻫﺬﺍ ﺍﻟﺠﻬﺎﺯ ﺍﻣﺎ ﺑﻴﺘﻬﻢ ﺣﺎﻟﺘﻪ ﻳﺮﺛﺊ ﻟﻬﺎ ﺟﻬﺎﺯ ﺗﻠﻔﺰﻳﻮﻥ ﻋﺪﻫﻢ ﻗﺪﻳﻢ ﺍﺗﻜﻠﻲ ﻭﺍﻟﻠﻪ ﻣﺮﺍﺕ ﻣﺎﻳﺸﺘﻐﻞ ﻧﻀﺮﺑﻪ ﺑﻨﻌﺎﻝ ﺗﻜﺮﻣﻮﻥ ﻳﺎﻟﻠﻪ ﻳﺮﺟﻊ ﻳﺸﺘﻐﻞ ﻣﻦ ﺍﻟﺘﻠﻔﺰﻳﻮﻧﺎﺕ ﺍﻟﻘﺪﻳﻤﻪ ﻣﻮ ﺍﻟﺒﻼﺯﻣﻪ ﺣﺘﺊ ﺍﻟﺴﺘﻼﻳﺖ ﻋﻤﻬﺎ ﻣﻨﻄﻲ ﺍﻟﻬﻢ ﻗﺪﻳﻢ ﺗﺤﻠﻒ ﺗﻜﻮﻝ ﻣﺎﻋﺪﻧﻪ ﺍﻓﺮﺍﺵ ﻧﺘﻐﻄﻪ ﺑﻲ ﺣﺎﻟﺘﻨﻪ ﺣﻴﻞ ﺗﻌﺒﺎﻧﻪ ﺑﺤﻴﺚ ﺍﻛﺜﺮ ﻓﺮﺍﺷﻨﻪ ﻣﻦ ﺑﻴﺖ ﻋﻤﻲ ﺍﺑﻮ ﻏﺼﻮﻥ ﻳﻌﻨﻲ ﺍﻧﺘﻮ ﺍﻋﻘﻠﻮﻫﺎ ﻣﻨﻴﻦ ﺭﺍﺡ ﺗﻌﺮﻑ ﻭﻫﻲ ﻣﻨﺪﺛﺮﻩ ﺑﺤﻴﺎﻩ ﺍﺷﺒﻪ ﻟﻠﻌﺪﻡ؟؟ ﺍﻟﻌﺎﻳﺸﻪ ﺑﺮﺍﺣﻪ ﺧﻞ ﺗﺒﻮﺱ ﺍﻳﺪﻫﺎ ﻭﺗﺤﻄﻬﺎ ﻋﻠﻰ ﺭﺍﺳﻬﺎ ﻭﺍﻧﻲ ﻭﺣﺪﻩ ﻣﻦ ﺍﻟﻨﺎﺱ ﺍﻟﻒ ﺍﻟﺤﻤﺪﺍﻟﻠﻪ ﻋﺎﻳﺸﻴﻦ ﺑﻨﻌﻤﻪ ﻓﻀﻴﻠﻪ ﺍﻛﻮ ﻏﻴﺮﻧﻪ ﻳﺘﺤﺴﺮ ﻋﻠﻰ ﻫﺎﻱ ﺍﻟﻨﻌﻤﻪ ﺗﻜﻮﻟﻦ ﻭﻳﻦ ﺍﻛﻮ ﺑﻨﻴﻪ ﻣﺎﺗﻌﺮﻑ ﺍﻟﺤﻴﺎﻩ ﺍﻟﺰﻭﺟﻴﻪ؟؟ ﺍﻛﻮ ﻛﺜﻴﺮ ﺑﻨﺎﺕ ﻣﺎﻳﻌﺮﻓﻦ ﻣﻮﺷﺮﻁ ﺍﻟﻜﻞ ﻣﻔﺘﺤﺎﺕ ﺑﻠﺒﻦ ﻣﺜﻞ ﻣﻨﮕﻮﻝ ﺍﻣﺎ ﻏﺼﻮﻥ ﻑ ﻏﺼﻮﻥ ﻓﻄﻴﺮﻩ ﺍﻓﻄﺮ ﻣﻦ ﺯﻳﻨﺐ ﻭﺗﺠﻔﺺ ﺍﻫﻮﺍﻱ ﻭﺩﺍﺋﻤﺎ ﺗﺼﻠﺢ ﺍﻟﻐﻠﻂ ﺑﻐﻠﻂ ﺍﻛﺒﺮ ﻣﻨﻪ ﻭﺍﻻﻓﺘﻬﻤﺘﻪ ﻣﻦ ﻛﻼﻡ ﻏﺼﻮﻥ ﺫﻳﺎﺏ ﺷﻜﺎﻙ ﻭﻏﻴﻮﺭ ﺍﻻﺑﻌﺪ ﺍﻟﺤﺪﻭﺩ ﻣﻦ ﻏﻴﺮﺗﻪ ﻣﺎﺧﻼﻫﺎ ﺗﺮﻭﺡ ﻟﻬﻠﻬﺎ ﻻﻥ ﻣﻔﻜﺮﻫﺎ ﺗﺤﺐ ﺍﺑﻦ ﻋﻤﻬﺎ ﻭﻏﺼﻮﻥ ﻙ ﺍﻟﻌﺎﺩﻩ ﺭﺍﺣﺖ ﺑﺪﻭﻥ ﻋﻠﻤﻪ ﻭﺛﺒﺘﺖ ﺍﻟﺴﺎﻟﻔﻪ ﻋﻠﻴﻬﺎ ﺍﻣﺎ ﺑﺎﻟﻨﺴﺒﻪ ﻟﻠﺤﺒﺎﺑﺎﺕ ﺍﻟﻲ ﺩﺍﺍﺷﻮﻓﻬﻦ ﻳﺴﻘﻄﻦ ﺑﺎﻟﺮﻭﺍﻳﻪ ﺑﺎﻟﻜﺮﻭﺑﺎﺕ ﻭﺑﺎﻟﺒﻴﺠﺎﺕ ﻻﻥ ﺍﻟﺮﻭﺍﻳﻪ ﻧﺎﺟﺤﻪ ﻭﺗﺸﺮﺡ ﻭﺍﻗﻊ ﻣﺮ ﺍﻟﺘﻜﻮﻝ ﻛﺬﺏ ﻭﻣﺎﻛﻮ ﻫﻴﺞ ﺿﻠﻢ ﻟﻌﺪ ﺷﺤﺴﺒﺎﻟﺞ؟؟ ﺍﻟﻔﺼﻠﻴﻪ ﻣﺪﻟﻠﻪ؟؟ ﻟﻮﻣﻘﺘﻨﻌﻪ ﺑﻘﺼﺺ ﺍﻟﻔﺼﻠﻴﺎﺕ؟؟ ﺍﻟﻴﺼﻴﺮﻥ ﻫﻨﻪ ﺍﻣﻬﺎﺕ ﺍﻟﺒﻴﺖ ﺍﻟﻴﺎﻣﺮﻥ ﻭﻳﻨﻬﻦ ﻭﻣﺪﻟﻼﺕ ﻭﻋﺎﻳﺸﺎﺕ ﻗﺼﻪ ﺣﺐ ﺍﻟﺪﺭﺟﻪ ﺧﻠﻦ ﻛﺜﻴﺮ ﻣﻦ ﺍﻟﻤﺮﺍﻫﻘﺎﺕ ﻳﺤﻠﻤﻦ ﻳﺮﺣﻦ ﻓﺼﻠﻴﻪ ﺗﺮﻩ ﺍﻛﻮ ﻣﺸﺎﻫﺪ ﻣﺎﺫﻛﺮﺗﻬﺎ ﺑﺎﻟﺮﻭﺍﻳﻪ ﻟﺒﺸﺎﻋﺘﻬﺎ ﻻﻥ ﻣﻦ ﻛﺜﺮ ﻣﺎﻫﻲ ﺑﺸﻌﻪ ﺗﻜﻮﻝ ﻣﺴﺘﺤﻴﻞ ﺍﻛﻮ ﻫﻴﺞ ﻧﺎﺱ ﻣﺎﻛﻮ ﺑﻜﻠﺒﻬﻢ ﺭﺣﻤﻪ ﺑﻌﻴﺪﺍ ﻋﻦ ﺍﻟﻘﺼﻪ ﺍﺣﺐ ﺍﺩﺭﺩﺵ ﻭﻳﺎﻛﻢ ﺣﺘﻰ ﺍﺛﺒﺘﻠﻜﻢ ﻓﻌﻼ ﺍﻛﻮ ﻓﺼﻠﻴﺎﺕ ﺍﻟﻴﻮﻣﻨﻪ ﻫﺬﺍ ﺍﻛﻮ ﻧﺎﺱ ﻣﺎﻣﺼﺪﻛﻪ ﻻﻥ ﺑﻘﺎﻧﻮﻥ ﻋﺸﺎﻳﺮﻫﻢ ﻣﺎﻛﻮ ﺷﻲ ﺍﺳﻤﻪ ﻓﺼﻠﻴﻪ ﺑﺲ ﺍﻛﻮ ﻋﺸﺎﺋﺮ ﺍﻟﻬﺬﺍ ﻳﻮﻣﻨﻪ ﻋﺪﻫﻢ ﺳﺎﻧﻴﻪ ﺍﻟﻨﻬﻮﻩ ﻭﺍﻟﻔﺼﻠﻴﻪ ﻭﺍﻟﺪﻳﻪ ﻭﻃﺒﻌﺎ ﻛﻞ ﻫﺎﻱ ﺍﻻﻣﻮﺭ ﻳﺤﺎﺳﺒﻮﻥ ﻋﻠﻴﻬﺎ ﺍﻣﺎﻡ ﺍﻟﻠﻪ ﻭﺍﻟﺪﻭﻟﻪ ﻛﺬﻟﻚ ﻣﺎﻧﻌﺘﻬﺎ ﺑﺲ ﺗﻌﺮﻓﻮﻥ ﺍﻧﺘﻮ ﻋﺮﺍﻗﻨﻪ ﺍﻟﻌﻀﻴﻢ ﺻﺎﻳﺮ ﻣﺜﻞ ﺍﻓﻼﻡ ﻛﺎﺭﺗﻮﻥ ﻛﻠﺸﻲ ﻣﺒﺎﺡ ﺑﻲ ﻭﺷﺎﻫﺪﻧﻪ ﻭﺍﻟﺪﻟﻴﻞ ﺍﻟﺠﺎﻱ ﻧﺸﻮﻓﻪ ﻣﻦ ﺧﻼﻝ ﺍﻟﻴﻮﺗﻴﻮﺏ ﺟﺮﺍﺋﻢ ﺗﻮﮔﻒ ﺍﻟﻌﻘﻞ ﺍﻡ ﺗﺸﻤﺮ ﺍﻃﻔﺎﻟﻬﺎ ﺑﺎﻟﻤﺎﻱ ﻭﺍﻟﺰﻭﺟﻪ ﺗﻘﺘﻞ ﺯﻭﺟﻬﺎ ﺑﻜﻞ ﺑﺮﻭﺩ ﻭﺍﻟﺰﻭﺝ ﻳﺤﺮﮒ ﺯﻭﺟﺘﻪ ﻭﻛﺜﻴﻴﻴﺮ ﺍﻣﻮﺭ ﻣﺎﻳﺴﺘﻮﻋﺒﻬﺎ ﺍﻟﻌﻘﻞ ﻭﺍﻟﻤﻨﻄﻖ ﻑ ﻟﺘﺴﺘﻐﺮﺑﻮﻥ ﻗﺼﻪ ﺯﻳﻨﺐ ﻳﻤﻜﻦ ﻣﺴﺘﻐﺮﺑﻴﻬﺎ ﻻﻥ ﺣﻘﻴﻘﻴﻪ ﺍﻟﻠﻪ ﻭﺍﻛﺒﺮ ﺑﺸﺮ ﻣﻀﻠﻮﻡ ﻣﻦ ﺍﻟﻤﺠﺘﻤﻊ ﻭﻣﻦ ﺍﻟﺘﻘﺎﻟﻴﺪ ﻭﻣﻦ ﺍﻟﻌﺎﺩﺍﺕ ﻭﻣﻦ ﺍﻟﻌﺎﺋﻠﻪ ﻭﺍﻧﻮﺏ ﻧﺠﻲ ﺍﺣﻨﻪ ﻧﺘﻬﺠﻢ ﻋﻠﻲ ﺗﺮﻩ ﺍﻟﺮﺣﻤﻪ ﺣﻠﻮﻩ ﻟﺤﺪ ﺗﺤﺠﻲ ﻋﻠﻰ ﺯﻳﻨﺐ ﻻﻥ ﺍﻟﻠﻪ ﻓﻮﮒ ﺭﻭﺳﻨﻪ ﻭﺧﺎﺻﺘﺎ ﺍﺫﺍ ﻛﻨﺘﻲ ﺑﻨﻴﻪ ﻣﺎﻣﺘﺰﻭﺟﻪ ﺧﺎﻓﻲ ﺍﻟﻠﻪ ﻻﻳﺠﻲ ﻳﻮﻡ ﻭﺗﻨﺸﻤﺮﻳﻦ ﻣﺜﻠﻬﺎ ﺭﺍﺡ ﺍﺣﺠﻴﻠﻜﻢ ﻋﻦ ﻋﺸﻴﺮﺗﻴﻦ ﻳﻤﻨﻪ ﻣﺎﺍﺫﻛﺮ ﺍﺳﻤﺎﺋﻬﻢ ﺣﺘﻰ ﻣﺎﻳﺸﻴﻠﻮﻧﻪ ﻭﻳﺸﻤﺮﻧﻪ ﺑﺎﻟﺸﻂ ﻗﺒﻞ ﺳﺒﻊ ﺳﻨﻮﺍﺕ ﺍﺗﻌﺎﺭﻛﻮ ﺍﺛﻨﻴﻦ ﺷﺒﺎﺏ ﻉ ﺍﻟﺤﺪ ﻣﺎﻝ ﺍﻟﻘﻄﻊ ﺍﻻﺭﺍﺿﻲ ﻣﺎﻟﺘﻬﻢ ﺣﺠﺎﻳﻪ ﻣﻦ ﻫﺬﺍ ﻭﺍﺣﺠﺎﻳﻪ ﻣﻦ ﺫﺍﻙ ﺻﺎﺭﺕ ﻋﺮﻛﻪ ﻭﺷﺎﻳﻔﻴﻦ ﺍﻟﺸﻴﻄﺎﻥ ﻣﻦ ﻳﺪﺧﻞ ﺑﻴﻦ ﺍﺛﻨﻴﻦ ﺍﻟﻠﻪ ﻳﻠﻌﻨﻪ ﻻﺯﻡ ﻳﺤﺮﮔﻬﺎ ﻑ ﻛﻞ ﻭﺍﺣﺪ ﺑﻴﻬﻢ ﺭﻛﺾ ﺟﺎﺏ ﺍﺳﻼﺣﻪ ﻭﻛﻌﺪﻭ ﻭﺍﺣﺪ ﻳﺮﻣﻲ ﻉ ﺍﻟﺜﺎﻧﻲ ﻭﺍﺣﺪ ﻣﻨﻬﻢ ﻣﺎﺕ ﺑﻤﻜﺎﻧﻪ ﻭﺍﻟﺜﺎﻧﻲ ﺗﺼﻮﺏ ﻓﺰﻋﻮ ﺍﻫﻞ ﺍﻟﻤﺎﺕ ﻭﻛﻠﻤﻦ ﺟﺎﺏ ﺍﺳﻼﺣﻪ ﻭﻫﺪﻭ ﻋﻠﻰ ﺑﻴﺖ ﺍﻟﻘﺘﻞ ﺍﺑﻨﻬﻢ ﺑﺲ ﻟﻼﺳﻒ ﺍﻫﻞ ﺍﻟﻘﺎﺗﻞ ﻣﻦ ﺷﺎﻓﻮﻫﺎ ﺻﺎﺭﺕ ﺣﺎﻣﻴﻪ ﻋﺎﻓﻮ ﺍﻟﻨﺴﻮﺍﻥ ﺑﺎﻟﺒﻴﻮﺕ ﻭﺍﻧﻬﺰﻣﻮ ﺍﻫﻞ ﺍﻟﻤﻴﺖ ﺑﻌﺪﻩ ﺻﻮﺍﺑﻬﻢ ﺣﺎﺭ ﻭﺗﻮﻫﻢ ﻣﻴﺖ ﺍﺑﻨﻬﻢ ﻭﮔﻠﻮﺑﻬﻢ ﻣﺤﺘﺮﻛﻪ ﻭﺍﻟﺸﺒﺎﺏ ﻣﺎﺗﺮﺿﻪ ﺗﻜﻌﺪ ﻛﻞ ﺷﻮﻳﻪ ﻭﺍﺣﺪ ﻳﻬﺪ ﻳﺮﻳﺪ ﻳﺎﺧﺬ ﺛﺎﺭ ﺍﺧﻮ ﺍﻟﻤﻬﻢ ﺛﺎﻧﻲ ﻳﻮﻡ ﺻﺒﺤﺖ ﺑﻴﻮﺕ ﺍﻟﻘﺘﻞ ﺍﺑﻨﻬﻢ ﻓﺎﺭﻏﻪ ﺗﺮﻛﻮ ﺣﻼﻟﻬﻢ ﻭﺑﻴﻮﺗﻬﻢ ﻭﻫﺠﻮ ﻣﻦ ﺍﻟﻤﻨﻄﻘﻪ ﻭﺭﻩ ﺳﻨﻪ ﺍﺧﻮ ﺍﻟﻤﻘﺘﻮﻝ ﺷﺎﻑ ﺍﻟﻘﺎﺗﻞ ﻭﺍﺧﻮ ﺑﺎﻟﺴﻮﮒ ﺭﻛﺾ ﺍﻟﺴﻴﺎﺭﺗﻪ ﺟﺎﺏ ﺍﺳﻼﺣﻪ ﻭﺿﺮﺑﻬﻢ ﻛﺘﻠﻬﻢ ﺍﺛﻨﻴﻨﻬﻢ ﺍﻟﻠﻪ ﺷﺎﻫﺪ ﻭﺭﺳﻮﻟﻪ ﺻﺎﺭ ﺳﺒﻊ ﺳﻨﻮﺍﺕ ﻋﺎﻟﮕﻪ ﺑﻴﻨﻬﻢ ﻭﺍﺣﻨﻪ ﺑﺎﻟﻨﺺ ﻣﻦ ﻳﺮﻣﻮﻥ ﻧﺪﺧﻞ ﻟﻠﺒﻴﺖ ﻻﺗﺠﻴﻨﻪ ﻃﻠﻘﻪ ﺗﺎﻳﻬﺎ ﻟﺤﺪ ﺍﻻﻥ ﻣﺎﺕ ﻣﻦ ﻛﻞ ﻋﺸﻴﺮﻩ ﺳﺒﻌﻪ ﻭﺍﺛﻤﺎﻧﻴﻪ ﻭﻣﺎﺑﻄﻠﻮ ﺛﺎﺭﺍﺗﻬﻢ ﺍﺩﺧﻠﺖ ﺍﻻﻣﻪ ﻭﺍﻟﺴﺎﺩﻩ ﻭﺍﻟﻌﺸﺎﻳﺮ ﻭﻫﻤﻪ ﺑﻌﺪﻫﻢ ﺣﺎﻟﻴﺎ ﺗﻘﺮﻳﺒﺎ ﻫﺪﺉ ﺍﻟﻮﺿﻊ ﺑﺲ ﺷﻨﻮ ﺍﻟﻤﻘﺎﺑﻞ؟؟ ﺛﻤﻦ ﻓﺼﻠﻴﺎﺕ ﺍﺭﺑﻌﻪ ﻣﻦ ﻛﻞ ﻋﺸﻴﺮﻩ ﻳﺘﺒﺎﺩﻟﻮﻥ ﺍﻟﻔﺼﻞ ﺣﺘﻰ ﺑﻌﺪ ﻣﺤﺪ ﻳﻜﺪﺭ ﻳﺨﺎﻟﻒ ﺍﻭ ﻳﻜﺴﺮ ﺍﻟﻘﺮﺍﺭ ﺷﻨﻮ ﺫﻧﺒﻬﻦ؟؟ ﺭﺟﺎﺋﺎ ﺍﻟﻤﺎﺗﻌﺮﻑ ﻭﻣﺎﻋﺎﻳﺸﻪ ﺍﻟﻀﻴﻢ ﻻﺗﺠﻲ ﺗﺤﺠﻲ ﻉ ﺍﻟﻘﺼﻪ ﺗﺎﺭﻛﻪ ﺍﻟﻘﺼﺺ ﺍﻟﻲ ﺛﻼﺙ ﺍﺭﺑﺎﻋﻬﺎ ﺟﺬﺏ ﺑﺠﺬﺏ ﻭﺟﺎﻳﻪ ﺗﺴﻘﻂ ﺑﺮﻭﺍﻳﻪ ﺻﺎﺣﺒﺘﻬﺎ ﺭﺍﺩﺗﻜﻢ ﻋﻮﻥ ﺍﻟﻬﺎ ﺗﺮﻩ ﺍﻟﻠﻪ ﻓﻮﮒ ﺭﺍﺳﻨﻪ ﻭﺩﻭﻻﺏ ﺍﻟﻮﻛﺖ ﻳﻔﺘﺮ ﻭﻫﺎﻱ ﺍﻣﺎﻧﻪ ﺑﺮﮔﺒﺘﻲ ﺍﺷﻜﺮ ﺍﻟﻲ ﺍﺗﻔﺎﻋﻠﻦ ﺑﺎﻟﺮﻭﺍﻳﻪ ﺭﺑﻲ ﻳﺠﺰﻳﻬﻦ ﺧﻴﺮ ﻭﺍﺭﺟﻊ ﻭﺍﮔﻮﻝ ﺩﻋﻮﺍﺗﻜﻢ ﺍﻟﺰﻧﻮﺑﻪ ﺍﻋﺬﺭﻭﻧﻲ ﺍﻃﻠﺖ ﻋﻠﻴﻜﻢ ﺑﺎﻟﻜﻼﻡ ﺑﺲ ﻛﺎﻥ ﻻﺯﻡ ﺍﻭﺿﺢ ﺍﻟﻨﻘﻂ | ||||||||
|
| |
|
29-12-20, 02:28 PM
| #25 | ||||||||
| مراقبة عامة ومشرفة منتدى الروايات المنقولة
| البارت 22 #ضحيه_لمن_لايرحم بقلم زهراء الحسناوي ،،،،،،،،،،،،،،، اذيتني شگد جنت محتاجك ردت بس تسأل بذاك الوكت لو جاي كتال اقبل تموتني بيدك مره وحده وارتاح احسن ولاكل يوم اموتن واعدل ،،،،،،،،،،،،،،،،،،،،، زينب،، اثنينهم طفرو من مكانهم لواء زمخ بصوت عالي شجااي يصيرر اهنا؟؟ جنه وجها غده ينطي الوان ترجف خايفه واني هم مثلها لان لواء بيده اسلاح خايفه يكتلهم ويروح بالرجلين بسبب وحده ماتسوه احسه فقد جرها من شعرها الولد راد ينهزم وكف كدامه اشرله بالمسدس بمعنئ ارجع لازم جنه من شعرها يعت براسها ويصيح بصوت عالي رج البيت ركضت وكفت بالزوايه يم الكنتور القديم اخاف من اشوف عركه كدامي حيلي يضل يرجف الولد من الخوف راد ينهزم ماحسيت غير لواء ضرب طلقتين يم رجله وگعن بالحايط الولد ارتد للخلف خايف مثل الجريذي المحصور ومايعرف اشلون يخلص نفسه على صوت الصايح مال لواء وصوت الطلق كلها اجت تركض واولهم نذيره وبعدها الشيخ وحسن كلهم فاتو مخبوصين مايعرفون شكو نذيره عيونها على جنه تباوعلها بخوف مافاهمه شي وليش لواء لازمها وجاي يضرب بيها لواء،، گ،،، ه ملفييييي ولج ساقطططه ماوكفنه بعييينج تتختلين ويه الزززلم بنصاص اليالي جنه،، خ خالي افهمك و والله افهمك زينب،،لواء مايشوف شي كدامه هوسه واصوات عاليه وصريخ غير الولد اليصيح بصوت عالي هييي صاحتلي بتكم صاحتلي لواء من سمعه هيج هد جنه وركضله انطا لطمه على وجها من شفت لواء هيج فاقد احس بعد مااكدر اسيطر على اعصابي ارجف من الخوف عفتهم وركضت ختلت بالمطبخ اسمع بس صوتهم العالي ام لواء بعربانتها كاعده اباب المطبخ ماتكدر تنزل لان ابدايه المطبخ درجات لازم تنزلهن حتى تطلع للمخزن فضلت معلكه ماتعرف شكو واني ماكاتلني جنه واكفه بمكاني خايفه على لواء اسمعه يشحرج ويصيح بصوت عالي شويه ودفعو نذيره بره وضلو بس الزلم بالمخزن اسمع بس صوت صايح الولد وجنه عرفت جاي يضربوهم شويه وطلع حسن يدفع بلواء ولواء حتى فالينته مشگوگه امه تلطم على خدها ماتعرف شكو شويه وطلعو حسن والشيخ وقفلو الباب وراهم حبسو جنه والولد بالمخزن دخلو للمطبخ واكفيت مخبوصين لواء فقد اعصابه يفشر ويغلط على نذيره لواء،، هيلگتيهااااا انطيتيهااا مجااال ولج بنتج نكست روسنه بالطططين ياحيف تربيتنه بيهااااا زينب،، كعد لواء ايده على راسه وحسن منتجي ع الكاونتر ولايمه السالفه بس مبين ضايج على لواء لان محروگه اعصابه الشيخ طلع موبايله اتصل ب ابو الولد حجاله مختصر كاله هسه تجي سد الموبايل اندگ الباب لواء خطيه طفر من مكانه اشرلنه بمعنى اسكتو لواء،، اكيد الجيران من سمعو صوت الطلق والصايح اجو اكعدن كلشي لاتحجن انه طالع زينب،، طلع لواء شويه ورجع شايط يريد يفوت يذبح جنه بس ابو لزمه كاله لواء بويه الوادم تسأل شكو شعدكم بهليل؟؟ كتلهم طفر علينه حرامي وبناتنه شافنه كامن يصيحن جا شريد اكول؟؟ اتصخمت وجوهنه بسبب الساقطه زينب،، اندك الباب اتصل ابو الولد كال اني بالباب راح الشيخ فتحلهم دخل الرجال هو ومرته والله المره من كد مامرتبكه وماشايفه دربها انعالها تك وتك وشعرها طالع من الحجاب ورجلها يمشي جدامها اخذهم الشيخ ودخل للمخزن حتى يشوف بعينه ويتاكد بداخلي ادعي يارب خلص هاي السالفه على خير كلشي ولا الفضيحه سمعت صوت ام لواء زمخت بيه لان واكفه واشوفهم اكيد خافت اتشمت بيهن زمخت بيه كالت اصعدي فوك لاتضلين تتصنتين اني هم عفتهم وصعدت الغرفتي بس كاعده على نار بالي يم لواء على ساعه ينجلط من العصبيه للصبح الهوسه مستمره تالي الساعه 5الفجر يالله صعد لواء عبالك يريد ينفجر من عصبيته فتح الحرار طلع شريط حب اخذله وحده بدون ماي خفت احجي وياه لو افهم منه شنو صار خطيه يفتر بالغرفه مثل طير المذبوح ويصفگ ايد بيد اجه كعد يمي لواء،، زينب راسي راح ينفجر وعلي ولج طفللله لعبت على شواربنه؟؟ زينب اتقربت منه اريد اخلي يهدئ شويه لزمت ايده اعصابه ترجف نهض من مكانه عافني ونزل نزلت وراه لكيتهم بالصاله منجمعين نذيره تبجي وتلطم والشيخ حالته حاله لان فعلا موقف صعب ماشفت لواء يمهم رحت للمطبخ اسمعه يشحرج على جنه الافتهمته الولد ماخذي اهله والصبح يرجعون لان الصوت مسموع بليل ضليت بالمطبخ للساعه 8اجو ابو الولد وامه واخته الجبيره دخلوهم لجوه بالصاله وكفت بالمطبخ اسمع الحجي احس روحي عرگت من الفشله نذيره ابد ماحجت عبالك خرسه بس ام لواء حجتلها كلمتين عود تعاتب جارتها ع السواه ابنها بس المره خوش جاوبتها كالتلها المايدني زبيله محد يعبيله شو المنطقه متروسه نسوان مايوم ابني شال عينه على وحده منهن بس بتجن هي التهامص تريد زلمه ورطت ابني وياها مبينه ام الولد السان ماينكدرلها بحيث شبعتهن رزايل والكل ساكتين لواء ماموجود مدري وين راح ابو لواء كالها ماعدنه خل غير نعقدلهم ونلم السالفه احسن ماننفضح المره رادت تجاوبه بس سكتها رجلها مبين فقير مايدور مشاكل كاله تدلل شيخنه شتفصل احنه نلبس وابنه العايل نطت المره من يمها كالتلهم احنه ناس فقره على كدنه واخو الجبير بعده مامتزوج لان حالتنه ماتسمح اشلون نزوج الزغير واحنه حتى ماعدنه فلوس نعرسه واذا اخذنه بتكم حطو ابالكم شغله لا اكو مهر ولاافلوس ولاغرفه اخشاب جا هي شعرفت من ابني؟؟ قابل عنده فلس عانه؟؟ جانت المره تشرط شروط تعجيزيه حتى مايقبلون بس المصيبه وكعت على روسهم ومستعدين ينفذون كلشي في سبيل ماتطلع السالفه اهواااي كلام وهوسه تالي اتفقو يعقدولهم ويزوجوهم بااسرع وقت دخل لواء يمهم انكسر خاطري علئ حالته بنادم ماعنده غير سمعته جدام الناس صعب واحد من اهل بيتك يكون سبب فضيحتك جدام الكل ابو الولد كالهم ابني جامع مليون و300الف دينار من شغله والله شاهد ماعدنه غيرهم عود ردنه نرمم بيتنه بيهن بس راحد ندفعهن البتكم والعرس بعد عشر ايام شيخ منهل وافق كاله ميخالف بس كون العرس سكتاوي لان احنه عدنه اثنين ميتين حسين وجود واثنينهم ماطالعه دورت السنه مالتهم وفشله من الوادم هسه شيگولون؟؟ احسن حل يكون العرس سكته حاله حال الزعلانه وردت لعيالها وفعلا يومين احنه مخبوصين وجنه حبستها امها ابيتهم بس كل شويه امها تكفخها عشنه كم يوم برعب البيت كله متوتر حتى اكل ماياكلون ونذيره خاتله هي وبناتها ابيتهن اهل الولد جابو الفلوس ونذيره راحت للسوگ وحدها بدون متاخذ جنه وياها لان هذا كلام لواء منعها من الطلعه راحت امها جهزتلها شغلات بسيطه ورجعت لواء گالهم الف ماادفع الهاي الجلبه النزلت راسنه والله لو طالعه باادبها واخلاقها ورافعه راسنه بيها جان شلعت عيوني وانطيتهن الها بس المثلها انعال ماتسوه بيوم العاشر نذيره اخذت بتها للصالون حفتلها وصبغت شعرها من نسوان المنطقه سمعن الخبر اجن يتاكدن اذا فعلا جنه راح تتزوج واخوها توه مات ماصارله ثلاث اشهر جان جواب نذيره اجت قسمتها وحرام نوگف بطريقها وعلى اساس عيال جنه الخاطرنه لان عدنه ميت ماراح يسوون عرس هيج قنعتهن بيوم العاشر العرس اجت سيارتين وحده مال الزفه والثانيه لهل الولد والعرفته حتى امه ماجايه جنه اخذوها من بيت اهلها بدون كلشي لاحنه ولاعرس ولازفه حالها حال الفصليه بس الفرق بينها وبين الفصليه جنه اخذوها بصخام الوجه وبالعار والفضيحه واني اخذوني بكرامتي لازانيه ولامنزله راس اهلي الحمدالله قبل ماتطلع جنه اجت نذيره مدري شتريد من امها وگفلها لواء كالها اسمعيني زين بناتج من زغرهن ربن عدنه واحنه مسؤلين عنهم وكل اليصير احنه المسؤولين جدام العالم اليحجي ماراح يكول غير هاي تربيه خوالهن اسمعيني زين من اليوم جنه تنبسط تنكتل تشبع ضيم لاتجين وتشكيلي ابد لان كل اليصير بيها من ايدها نذيره ماكان جوابها غير تبجي ماتعرف شتحجي بيوم الزفه بليل صعدت عشه اللواء الي صارله اسبوعين مجاز اخذ اجازه بفلوس حتى اكله قليل ودائما عصبي اكل لگمتين ونهض اتمدد ع الجربايه رحت يمه اكو بداخلي اساله بس خايفه اساله اخر شي كال لواء،، احجي شنو؟؟ لواء،، من وجهج مبين عندج سالفه احجيها زينب،، ابتسمت كتله والله ماكو شي بس بذاك اليوم خفت عليك لاتكتل الولد لواء،، زينب تدرين راسي يريد ينفجر؟؟ ولج لسه متندم مادفنتهم اثنينهم بدل هاي الفضيحه زينب،، الله يحبك برد اعصابك مارادك تتورط الحمدالله على كل حال جنه تزوجت ونسدت السالفه لواء،، وداعتج ماتنسد وراح تكبر والنسوان ماتسد حلوگها راح تصير السالفه علج بحلوگ الوادم على ابو اگلج ولاتگولين وتصبح العشيره كلها تدري والله لو ماابوي جان ذبحتهم بدل القهر هذا بس الوادم ماترحم لو كاتله خلاص جان حطو بالسالفه الف علامه استفهمام واكيد تثبت السالفه علينه هسه يگولون بيت الشيخ لگو واحد ويه بتهم وكتلو وهيج السالفه تكبر ماتزغر لليوم اگول الحمدالله انتهت السالفه على هيج وماكتلته لوكتلتها ولج زعطوطه جنه طفله وطلع منها كل هذا ادري وكحه ورعنه والسانها طويل بس مامتصور بيوم راح تسوي هيج سوايه اكبر من راسها زلم وخلتنه مانندل دربنه مدوهنين نريد نلم السالفه قبل لاتفلت من ادينه ونصير علج بحلگ اليسوه والمايسوه والله على ساعه انجلط مامرتاح من اذكر الصار نار تشب بصدري ولج مات ابوهم اطفال جود توه يزحف وجنه طفله هي وغفران كلش ازغار اعتبرتهم اطفالي ماحرمتهم من شي وخاصتا جنه رغم نشاكلها وطوله السانها محتويها ودوم اعبر سوالفها واسامحها اكول يتيمه مااريد اكسر خاطرها تالي كسرة رگبتي بعملتها هاي زينب،، كل اليعرفو انو جنه لگوها هي والولد بالمخزن بس مايدرون متقربلها حتى الافتهمته من كلام لواء حسباله جانو بس يحجون ومامتقربلها وره يومين لواء التحق وقبل لايروح اتسوگ مسواگ كامل راح ويوصي لاتعبين لاتشتغلين لاتضلين صاعده ونازله للدرج طول ايام مشكله جنه اني مرتاحه لان محد تصخرني لو يشتغلن عليه بس من راح لواء كانه نذيره لگت شخص تذب حرگتها بي ماتضربني بس تغث بحجيها وعلى اقل شغله تسودني بسوالفها غلط ومسبه كانه مااتعضت من الصار بيها كاعده بالمطبخ اثرم كباب للعشه وهمه مجموعين بالصاله اسمع نذيره تحجي ويه امها وابوها نذيره،، يابه كل الوادم عدهم حلال ليش ماتشتريلنه هاشه ابو لواء،، شتسوين بيها؟ والحلال يتعب يرادله واحد كون يحشله علف النهار كله نذيره،، نتساعد بيها اني وزينب وغفران والله يابه اتخبل حليبتها الصبح من تشربها والبيت المابي حلال مابي بركه زينب،، اسمع ومتعجبه بيها فوگ الضيم تريد تجيب هاشه حجايه منها وحجايه من امها قنعن الشيخ وخلنه يخابر واحد يعرفه يبيع حلال الافتهمته باجر الصبح الشيخ يدزله واحد يروح يشوف الهايشه لان اكو بيهن مريضات وفعلا ثاني يومالساعه ب 10الصبح انفتح الباب الرئيسي دخلت سياره حمل نزلو منها هايشه وياها عجل صغير ابنها اجه الحدقجي وياه واحد يشتغل بفلوس الشيخ كاللهم ابنو حويه (بيت للبقره) جابو غراضهم وبنو حويه الهاشه من السعف والبواري تحميها عن الشمس بس جابولها علف الشيخ اول يوم مشتريلها علف من صاحبها الشتراها منه ثاني يوم من غبشه انفتح الباب ولنها نذيره فوگ راسي نذيره،، كومي يالمسعده انهضي حشي علف للهايشه زينب،، ضليت صافنه توني فازه من النوم حسبالي حلمانه اباوعلها تبغگ يم راسي شويه وصحيت استوعبت احنه صدگ اشترينه هايشه لبست حجابي ونزلت وراها اخاف منها حتى لو لواء ينبهني مااشتغل بس انجبر لان نذيره شرانيه اتجزعني اذا مانفذت كلامها ومن يلتحق لواء تتگابل وياي مگابل اخذت عباتي بيدي اتحزمت بيها هي لبست عبايتها وطلعت جدامي للبستان اكو بحيره مال سمج مسويها الشيخ قديمه وناشفه مابيها سمج لذلك طالع بيها گصب وگفت يمه اشرتلي بمعنى حشي الگصب شمرت المنجل يم رجلي نزلت بطرف البحيره وبديت احش واخلي يمي اني اعرف قبل اشلون احش للهايشه مالتنه ونذيره جابتلي احزام مال گونيه (گونيه مال طحين مشگوگه مثل الحبل) كل ماابطل عن الحش تگلي كمل شويه ذني صرت احش واسفط يمي سويت نگله مال حشيش شكبرها ردت اشيلها ماتنشال اجت نذيره شيلتني على راسي احس رگبتي طگت لان ثگيله نذيره مشت جدامي واني وراها گوه امشي لمن وصلنه للبيت راسي يريد ينفجر وهنه مو هاشه وحده لا اثنين هي وابنها واثنينهن ياكلن صرت يوميه انزل للبستان من غبشه احش علف ومن ارجع لازم انضف مراح الهايشه عن الفضلات صرت اتعب فوگ شغل البيت لواء من يتصل يسالني مااكدر احجي لان مااريد مشاكل اخاف منهن نذيره تحترگ روحها على جنه لان عشر ايام وره عرسها ماشافتها امها وحتى بصباحيتها محد وصللها لان لواء گالهن التوصل الجنه خل تضل يمها لان تحلم تفوت لهنا بعد وصدگ محد راح الها والسالفه تقريبه هدئت مو مثل قبل تحس الوادم كلها مكهربه ياهو التكضه ينتلك من العصبيه يوميه انزل للبستان احش وارجع ضهري مكسور وبطني توجعني مااذيتني تقريبا بدايه الشهر الثالث توني مكمله شهرين ضهري احسه مكسور بالنص من التعب اتصل لواء گال اني اليوم راجع كيفت لان من يجي معناتها ارتاح اضل نايمه اكثر الوقت العصر فتت للحمام اسبح لان الهايشه الله يسلمها تگول مشغله جاروشه النهار كله تعلف احط العلف كدامها بساعه وحده تاكله وتريد بعد صرت اتذكر هاشة اهلي المكروده جنت احشلها بين يوم ويوم لان مرات امي تروح خطيه بمكاني وبيوم نوبتي اطلع العلفات سم وزقنبوت عليها اضل ادرم واشمرهن جدامها مرات غصون اتكلي والله لو عدها السان جان كالتلج انام جوعانه ولا اكل علفاتج المسممتني بيهن من سبحت انتبهت اكو شي جوزي استغربت شنو هذا؟ بعدين گلت يمكن هاي لان بدايه حمل شغله عاديه كملت سبح وطلعت صعدت للغرفه گوه ضهري ماذيني المغرب اجه لواء اول مافتح الباب ابتسم دخل وسد الباب من اشوفه يبتسم لااراديا اضحك لان عنده رصعه بخده من يبتسم بطرف شفته تبين اكثر نهضت من مكاني اتلگيته الله يساعدك لواء،، هله باام حسين مشتاقلج زينب،، جرني الحضنه باسني وباس راسي كعد ع الجربايه ينزع بسطاله يباوعلي والضحكه مرسومه على شفايفه رفع راسه غمزلي وكمل نزع ملابسه العسكريه رحت حضرتله ملابسه سبح اكل ونام نزلت سويتلهم عشه وصعدت ولواء نايم ماكعد غير لل10بليل اني هم عفته نايم خطيه جاي تعبان اتمددت يمه ضهري ذبحني ذبح فتح تك عين يباوعلي جرني الحضنه صح ماكو مشاعر بس حلو الاحساس من تشوفين اكو شخص يحتويج اكو شخص يعامل بما يرضي الله بهذا البيت بينما الكل يكرهج وحاقد عليج صعبه تعيش بين ناس بداخل بيت وانت منبوذ من الكل هذا يكرهك وهذا يضربك وذاك يشتمك كل صعبه مايحس بيها غير المجربها نمت بحضنه مستسلمه المشاعره واشتايقه رغم الم ضهري بس مااشتكيت تركته براحته بليل رحت سبحت انتبهت نفس الشي الجوزي بس اهواي صدگ خفت والساعه تقريبا راح تصير 1 بليل اكو عندي بيرغ ماادري ال يااامام لگيته بشباك الاستقبال محطوط اخذته شديته على بطني رفعت ايدي لله عز وجل اندعيت كون الطفل مابي شي صح بالبدايه جنت خايفه منه بس بمرور الايام احسه قطعه مني رغم هو بااحشائي بس اخاف علي رجعت للجربايه اتمددت گلت بلكت من انام وارتاح يخف الالم وبعد ماينزل شي بطني توجعني بس لان تعبانه غفيت فزيت على الم قوي واحس اكو شي لمن نهضت وشفت روحي احس ردت اوگع واني اشوف الدم يتتبع | ||||||||
|
| |
|
29-12-20, 02:29 PM
| #26 | ||||||||
| مراقبة عامة ومشرفة منتدى الروايات المنقولة
| البارت 23 #ضحيه_لمن_لايرحم بقلم زهراء الحسناوي ،،،،،،،،،،،، كيف نخبرهم أولئك الذين تخلو عنا انهم اصابونا باذئ شديد لايرئ كيف نخبر الذي افلت يدنا في منتصف الطريق واختفى بخيبة الامل التي شعرنا بها حين وجدنا انفسنا لوحدنا تماماً؟؟ الذين خيل لنا انهم سيقومون بحماية ظهرنا من الطعنات وتقبيل ندوبنا كيف نخبرهم ان الخذلان لاينسى؟؟ ،،،،،،،،،، غصون.،، ضليت واكفه بمكاني مصدومه لزمت المحجر وكعدت على اول بايه رجليه ماعادن يشيلني النفس تسارع مثل الينازع باانفاسه الاخيره اسمع كلامهم مومستوعبه شي معقوله ذياب وصلت بي الهاي الدرجه يعاقبني هيج عقاب؟؟ ام ذياب،، شنو هلحجي يمه ومرتك شبيها؟ والله جنها ورد شو خرسه ماينسمع الها صوت ومريحه گلبي الله يرضه عنها بشنو مقصره وياك؟؟ غصون،، سمعته ضحك مستهزء بحجي عمتي عذراء،، احسن قرار هو هذا اصلا هو وياها مالايقين البعض وين هي اوين نور شجاب الجاب شو فرق بينهن بعد السما عن الكاع ذيج واصله ومتعلمه وحلوه وهاي لاحض ولاحمصه ام ذياب،، عذراءء خافي ربج يمه خاف يجيج يوم تجيني تععوين رجلج ماخذ عليج مره لتگولين امي وراح تاخذ بخاطري لاوترابات ابوج اتشمت بيج لان كل شخص ياذي الناس الله راح يضمله خوش ضمه وراح يضوگه من نفس الكاس اتقو الله بالفقير ذياب،، يمه وروح ابوي اذا ماوافقت نور هسه اخطب منين ماجان خليها اصلا ماحاسب عندي مره وفوگ كلشي تعاندد گلت ماتروووح لو ماگلت؟؟ ام ذياب،، وانت اعله هاي تريد تاخذ اعليها مره؟؟ ذياب،، كافي حجيه القرار واخذته وانتهينه ام ذياب،، ياقرار وليدي؟؟ من شوكت المره تتحاسب على روحه اهلها مالها دخل البت انه الخذتها وانه الوديتها لهلها هي مارادت تروح بس انه الحلفتها تمشي تشوف اهيلتها ذياب،، هذا هو حجيه انتي وياها اتصافن حتى تصيرلها عبره انه نهايها عن روحة اهلها وجنت مقرر يومين واني اخذها بيدي واروح لبوها وانه الممنون بس هي ثبتت سالفه على روحها ام ذياب،، سالفتيش وليدي؟؟ ذياب،، رحمه لبوي يمه كافي السالفه وخلصانه خصم الحجي راح اخطب نور ام ذياب،، وانه جدامك اكولها اليوم وباجر وبعد سنه مااروح ولااخطي خطوه وحده واخطبلك تريد نور؟؟ ذولاك اهلها وروح اخطبها بس خل اگلك شغله وداعت حيلي اذا صدك صارت السالفه اخلي غصون تحرم عليك اليوم الدين وساعتها خلي تسرعك وعصبيتك يفيدنك من تعضعض اصابيعك ندم غصون،، اسمع وعيوني يجرن مختنگه طلع ذياب صارت عيني بعينه مااهتملي اتعده من يمي صعد الدرج اسمع امه وعذراء يتحاجن عمتي ماراضيه وعذراء الفرحه ماسايعتها مبينه من صوت ضحكاتها نهضت من مكاني ركضت للغرفه اتمنى انهزم من البيت ومن كلشي اتوقعته يعاقبني بس موبهاي الطريقه صح مااعرف شي بس اكو احساس بداخلي اريد ذياب بس الي احب نضراته وشقا ورزانته اني الخسرته واني الضيعته من ايدي وقدمتله الدليل على طبق من ذهب من كسرت حجايته ورحت لهلي المفروض انتضره يهدئ ومثل ماگال هو راد ياخذني بيده يمكن لو مارايحه جان فعلا هو اخذني لهلي ويمكن ساعتها تتغير كثير امور بيناتنه بس اني غبيه وبعد ماينفع الندم دخلت للغرفه جريت البطانيه والمخده شمرتهن بالكاع اتمددت واتغطيت غطيت حتى راسي ابجي بحرگه وبدون صوت بداخلي نار مشتعله مجرد حجايه حجاها احس راح اموت من الحرگه والقهر جا اشلون لو صدگ سواها وخطب نور؟؟ ماطلعت يمهم ابد ضليت بالغرفه شكد اجت ام ذياب خطيه ورادت بس تخليني اكل كتلها والله مااشتهي اني من اجوع اكل كالتلي ام ذياب،، ولج بنيتي والله حچه هيج حتى يقهرج وادري مايسويها بس يريد يعاقبج ابني واعرفه كلش زين هو لو يريد نور جان من زمان كال روحي اخطبيها مو يجي هسه من صارت عنده مره الله يحبني حطها ابيتي لان فقيره انطاني على نياتي ورزقني بجنه مثلج اتركي يمه يومين ويهده من يحس بغلطه غصون،، كلامها ريحني شويه احس الالم البصدري خف ثاني يوم الصبح ماطلعت انتضرته يروح للدوام يالله طلعت يم عمتي افتر بالبيت واشتغل بس بدون روح مالي خلگ للضهر اجت عذراء وياها نور ماصدگت ذياب حجه وياها بخصوص نور انوب تجزعنه بجياتها فاتن سلمن نور مبينه واصللها الخبر الضحكه شاكه الحلگ ام ذياب خزرة عذراء لان تدري بيها متعمده تجيبها نور انتبهت بس غلست اني ضليت على گعدتي مامهتمه شويه ودخل ذياب اول مادخل باوعلي ودار وجها سلم على نور مبتسم وهاي اول مره يسويها هي هم ماقصرت سحلت روحها بالسلام تالي عافها وراح يبدل كملنه الغده واني كاعده وياهم وذياب يسولف وياها ومنطلق وكل شويه يطگها بضحكه احس دمي فار ردت ارگعهم اثنينهم بالماعون بس ماگمت ضليت بمكاني مسويه روحي مامهتمه صعب تبين مامهتم وانت بداخلك بركان على ساعه ينفجر التفتت العمتي اسالها اسأله ماادري منين اجيبهن واضحك في سبيل يشوفني مامهتمه الحجي عادي بس اضحك ضحك عجيب يمكن مرات نضحك من قهرنه حتى هو ضل صافن اني اريد اسد حلگي ماينسد تالي ضاج عافنه وصعد للغرفه نور حسبالك تريد تاكلني لان تركها وراح لان الاخت جانت مرتاحه وماخذه راحتها بالسوالف شويه ولحگته عذراء صعدت يمه ربع ساعه هي فوگ من نزلت مبينه فرحانه غمزت النور بعدها راحن اثنينهن لميت المواعين غسلتهن بس جسمي حار احسه من النار الشابه بروحي اتمنئ اروح المكان فارغ وابجي بحرگه بمجرد اشوفه يضحك وياها اموت قهر اشلون لو صارت صدگ وانسد عليهم باب؟؟ كملت ورجعت للغرفه اتمدددت اتذكرت كلامه ويه عمتي بموضوع نور واتذكرت ضحكه وياها صرت اقوي روحي مااهتم صرت اگل الروحي لاتهتمين وتبينين نفسج ضعيفه خل شيريد يسوي خل يسوي بس راح اعاملك بالمثل مثل ماتتعمد تحرگ اعصابي راح العب على اعصابك العصر دخلت للحمام سبحت ولبست دشداشه مرتبه طلعت مشطت ورشيت عطر خليت شويه كحل لعيوني طلعت يم عمتي تباوعلي وتغمز كل شويه سويت وياها العشه نزل استاذ غضبان بالبدايه ماانتبهلي بعدين من درت وجهي اله شافني التفتت اصب عشه مامهتمه الوجوده ضاهريا بس لو يشوف گلبي اشلون يرجف من الارتباك كملنه صب عشه اتعمدت اگعد گدامه احجي ويه عمتي واضحك مامهتمه الوجوده اصلا كل ماانتبهله يباوعلي تالي ضاح دفع الماعون ونهض شويه ونزل مبدل كال يمه اني اتاخر اني مدنگه اكل طلع ورگع باب المطبخ وراه حييل بليل الساعه 12تقريبا طلعت للحمام فاجئني گاعد بالمطبخ جكارته بيده عبرته وكملت طريقي للحمام بمجرد اشوفه كدامي وضعي كله يتخربط خوف ارتياك توتر ومااعرف شنو السبب ضليت خاتله بالحمام منتضرته بلكت يصعد حتى مااشوفه من اطلع عشر دقايق وطلعت اتلفت ماشفته موجود ارتاحيت طكيتها ركضه للغرفه فتت وسديت الباب واني مغمضه كلبي يركض حطيت ايدي على گلبي احسه راح يسكت من الخوف فتحت عيوني تفاجئت بي گدامي مكتف ادي ومنتجي ع الميز لازم موبايلي بيده ضليت صافنه هو مايدري عندي موبايل بس عمتي تدري اني موضامه عنه بس ماصارت فرصه اگله ابتسم بطرف شفته وهذا هم جايبته من وراي؟؟ يوم عن يوم تصدميني بيج وتبنيلي شگد جنت مخدوع بيج غصون،، اقترب مني بيده الموبايل مضيگ عيونه يگلب بالبرامج اخر شي دخل ع الاسماء اني ماعندي بس اربع ارقام رقم عمتي ورقم مثنئ ورقم امي وابوي ذياب،، زين محيطج موواسع بس شعجب مامحتفضه برقم ابن العم؟؟ خاف كاتبه علي بابا لو ماما؟؟ غصون،، يحجي بااستهزاء مبتسم بطرف شفته استفزني اسلوبه گتله لا مايحتاج اكتبه ويه الارقام لان حافضته حفض مثل اسمي فتح عيونه منصدم من كلامي ماحسيت غير جر ايدي لواها وره ضهري احسها طگت ذياب،، صلفه صلللفه ولج العصر منتبهلج متعمده تلبسين وتترتبين جدامي فهميني شنووو تردين بالضبط؟؟ اعوفج تتعمدين تحرگين اعصابي اقترب منج تتفننين بصدج الي شترردددين؟؟ غصون،، جسمي يرجف بيده خنگتني العبره همست بصوت ناصي عوفني وخر عني مااتحملت نزلت دمعتي سحبني الصدره حضني بكل قوته اثنينه تصرفاتنه متناقضه واثنينه مانعرف شنو نريد بالضبط غمضت عيوني حيل بده يبوس بوجهي بلهفه حضنته من خوفي اسمعه يهمس يم اذني ذياب،، ليش هيج وياي؟؟ غصون،، جسمي يرجف احس بي جاي ياخذني للمكان الانام بي احسه فاقد من يشوفني هادئه نسيت الشهريه اليوم اجتني وبسرعه دفعته من صدره ارتديت للخلف لميت روحي ذياب،، ليش هلصد؟؟ غصون،، استحيت احجيله ضليت ساكته رجع اقترب مني يريد يبوسني دفعته حيل عدل گعدته ايده على عيونه جر نفس ذياب،، مالج عذر يمي بعد غصون،، نهض من مكانه تركني وطلع متت قهر جنت مقرره خلص ماامنعه من شي بس لسوء حضي اجتني الشهريه وهلمره مو اني السبب بس استحيت احجيله ماگدرت انام بس بداخلي شي فرحان لان بينلي بعده يحبني ورايدني اتذكرت جفصتي غميت روحي مااتوب ابد ثاني يوم جمعه ماكو دوام كعدت من وكت طلعت غسلت وسويت ريوگ كعدت عمتي تتريگ عيني للدرج شوكت ينزل شويه ونزل كاشخ الدشداشه الخليجي والغتره لافها على راسه بيده السبحه والعطر يهف گلبي نغزني مااعرف شنو السبب صبح على عمتي بدون مايباوعلي حتى ماگعد يتريگ عافنه وراح مارجع للضهر كاعده انضف بالصاله سمعت صوته بالمطبخ يحجي ويه عمتي بصوت عالي احس گلبي انعصر من سمعت كلامه ويه امه ذياب،، يمه حجيت ويه محمد رجل عذراء بموضوع نور وباجر اخذج ونروح نخطبها ام ذياب،، جاا اسمعني زين دامك رحت تتخطب الروحك وانت عندك مره تسوه نور وعشيرتها وروح ابوك رجلي ماتعتب باب الحوش ولاااروح وياك ولااخطب روح كمل سالفتك وحدك غصون،، اختنگت بس مابينت نهضت من مكاني رحت يمهم واكف يشرب ماي خليت المكناسه بمكانها وكعدت يم عمتي دنگت كتلها روحي وياه عمه ام ذياب،، حلفت بالغالي مااروح ولااخطي خطووه وحده دووم المره والزلمه تصير بينهم مشاكل إذا كل مشكله والزلمه يركض ياخذ مره فوگ مرته جا گول زلمنه كل واحد عنده ثلاثه واربع نسوان اني بالنسبه الي مااروح خل نشوف منو ينطي بدون مااروح وياه ذياب،، خلص حجيه اني اروح وعذراء مدبره كلشي الابنيه يوميه يجوها خطابه اذا راحت وين الگه مثلها فاهمه وحبابه وحلوه غصون،، ادري يتعمد يحجي هيج گدامي صح بداخلي اكو كسره خاطر بس مابينتها رفعت راسي كتلها عمه اني اروح وياه اخطبله ام ذياب،، عمه مسودنه انتي؟ وين اكو مره تخطب الزلمتها؟؟ وانت يمه ادريبك دوم مستعجل وبعدين تندم اذا اكو مشاكل انته ومرتك اكعدو وحلوها بالتفاهم لاتضلون واحد داير وجها عن الثاني ذياب،، حجيه ماكو شي نتفاهم علي وخلص هي تريد تروح وياي هذا هو باجر اخذها واروح لهل نور غصون،، ضليت گاعده متعانده وي دمعتي مااريدها تنزل جنت مقرره بس تنتهي الشهريه اني الاروحله واخلي حد الكلشي بس الضاهر هذا طبع ذياب دوم مستعجل بقراراته كتله اروح وياك حتى ابين هو مايهمني وفعلا ثاني يوم بليل بدلت ورتبت نفسي وحجابي لبست عباتي وطلعت عمتي ماراضيه نهائيا حتى غمتني من حرگه گلبها ذياب متصل بعذراء منطيهم خبر بجيتنه نزل متأنق صدگ طالع عريس شعور حيل صعب احسه الي وحدي صعبه تنطي شي غالي عندك انته الخسرته بسبب غبائك وقلة فهمك عمتي ضلت تحجي ماراضيه بس ولاتهتم طلع كدامي واني وراه شغل السياره گعدت بالكشن الوره طول الطريق السكوت سيد الموقف لااني حجيت ولاهو وصلنه البيت نور بيت راقي مبين من بنائه نزل هو واني نزلت وراه طلع اخوها ورجال جبير وياه مبين ابوها استقبلو ذياب الولد گال تفضلي منا مشه كدامي واني امشي وراه احس راح اعثر بعباتي ذياب فات من باب يمكن دخلو للاستقبال واني فتت من غير باب اتلگتني مره يطلع عمرها بگد عمتي ام ذياب ونور وعذراء وبعد وحده وياهن عذراء سلمت سلام عادي بس نور اجت بوستني مااعرف شبيها مبينه الفرحه ماسايعتها دخلني للبيت كعدني بغرفه حتى ماانتبهت شنو بيها حايره بضيمي اجن كلهن گعدن يمي بس نور مرتبه نفسها حسبالك اليوم عرس مو مجرد خطبه حجت امها گالت والله يااخاله انقهرنه عليجن انتي والفصليه الثانية وهاي نتيجه التروح فصليه لاهي تريد زلمتها ولاهو يريدها واثنينهم مجبورين مثل حالتكم انتي وذياب واحد مجبور ع الثاني فهمتني عذراء كلشي وانقهررت عليج غصون،، ضليت مصدومه بكلام المره لان عذراء حتى مفهمتها اني وذياب كل واحد ينام بغرفه وحده بلعت الغصه وسكتت شويه واجت الابنيه الثانيه گالت عمي يريد يفوت يحجي ويه غصون عدلت عباتي دخل الرجال كعد كدامي بعد ماسلم كال بويه اني اعرف كل السالفه واني البارحه مارجعت خبر لذياب كتله اخذ موافقه مرتك ياالله انطي بنتي والعرفنا كلنه انتو مجبورين وزواجكم شكلي لااكثر والله يعز عليه انطي بنتي لرجال متزوج هل اجيت اريد اشوفج قابله لو لا؟؟ غصون،، گلبي انعصر عذراء فاضحه علاقتي بذياب كدام كل عيالها بحيث ابو نور بنيلي هو عنده علم بسالفتنه هزيت راسي كتله اني لو ماموافقه مااجي ام نور ونور وعذراء الضحكه شگت حلوگهن بس الابنيه الثانيه مبينه جنتهم تباوعلهن صفح مامقتنعه طلع الرجال وام نور تمدح ابتها جدامي اتكول الف واحد يتمناها واهواي اجوها خطابه وماانطينها سبحان الله مكتوبلها تاخذ ذياب اباوع الام فرحانه اكثر من بتها شويه وصاحلها وجلها عشر دقايق ورجعت فرحانه كالت الحمدالله ابو محمد وافق لان اجيتي بنفسج تخطبين نور لان جان شايل همج يكول خاف مرته ماتقبل بس من اجيتي اتاكد كلام عذراء صحيح وإنشاء الله عگب باجر يعقدون بس سيد واذا يردون هم يعقدون محكمه بس العرس ذياب كال موهسه بعد كم شهر يكون دايره سنه ابن عمه لان يگول فشله اسوي زفه وعمامي عدهم ميت عذراء،، اي والله وهم جود خطيه ماصارله كم شهر من مات هو احسن شي نسوي الخطبه سكته بس بالعرس وداعتج العب لعب غصون،، اخذ ذياب الموافقه من اهل نور شويه وكالت عذراء ذياب يگول يالله نروح نهضت دايخه احس راسي شكبره طلعن وياي للباب شفت ذياب واگف بره وياه ابوها واخوها واگفين سلم عليهم وصعد سيارته وقبل لااوصل يمه مد روحه فتح باب السدر ودفعه بمعنى اصعدي ماردت افشله صعدت يمه وسديت الباب من اتحركت السياره جر حسره التفتلي باوعلي بنضره ماعرفت افسرها درت وجهي عنه للجامه اتمنه احجي البداخلي بس شيفيد الحجي بعد وصلنه للبيت اتلگتنه عمتي شاده راسها ذياب صعد للغرفه واني رحت الغرفتي نزعت عباتي فاتت عمتي وسدت الباب ام ذياب،، ها يالخوثه خطبتيله؟؟ غصون،، مااتحملت كعدت بالكاع ابجي اجت يمي كعدت ام ذياب،، ليش هيج يمه؟؟ والله لومارايحه محد انطاه مره ليش رحتي وكسرتي روحج غصون،، ردت اگلها حتى لو مارايحه ينطو نور لان عذراء حاجيتلهم ومفهمتهم هو مارايدني وحتى مالامسني بس سكتت لان مايفيد الحجي المره هم سكرها وضغطها صعدن جرت مخده ونامت يمي بالغرفه ماطلعت ولاعافتني وحتى ثاني يوم ذياب يحجي وياها ماتجاوبه اسمعهم من غرفتي اخر شي كالها ضلي زعلانه كون اموت واخلصج مني من راح طلعت يمها سكتت ماحجيت لكيتها كاعده وايدها على راسها وقبل مااسالها كالت ام ذياب،، ابني ورط روحه ورطه الله يستر منها غصون،، ضليت صافنه كتلها ليش ام ذياب،، ولج يمه نور وكحه اني اعرف بنادم من وجها ونور مبينه من تصرفاتها وكحه وعرمه الابنيه الحبابه تتخطبها الناس عبر بحور تجيها قسمتها لان اخلاقها ادلي الوادم عليها ونور طالبه كليه وصيدلانيه وحلوه ليش ما خطبها واحد من الكليه؟؟ غصون،، ماجاي افهم شتحجي كتلها ليش عمه شسامعه عنها؟؟ ام ذياب،، استغفر الله بنيتي ماجاي اگلج سامعه عنها شي بس جاي اسأل ليش ماانخطبت وهي ببها مواصفات يتمناها اي شاب اكيد شافوها وكحه وعرفوها بزر دلال وعرفو شنو طينتها غصون،، سكتت ماحجيت سالتني شوكت اتفقو ع العقد كتلها عگب باجر سكتت المره ماحجت عافتني وطلعت يومين ذياب حتى مايرجع للبيت بيوم موعد العقد اتصل بساره تجي تروح ويانه خطيه من اجت ضلت صافنه ماتعرف شكو ومبينه من كلامها هم مارايده نور مثل امها الساعه ب 12الضهر وهمه مواعديهم نروحلهم ب 4العصر كاعده بغرفتي مااريد اطلع انفتح الباب دخلت ساره ساره،، كاعده غصون الفطيره غصون،، ابتسمتلها اجت كعدت يمي ساره،، عفه گلب عندج اني لو منج والله والله عندي انيمه بالمقبره ولااشوفه يم وحده غيري غصون،، دنكت كتلها بالعافيه علي ساره،، كون افشخج بلكت شويه يخف الغباء ولج النسوان ماتنطي زلمها لو يموتن وانتي رايحه برجلج تخطبيله ادري بينكم مشاكل بس جان حاولتو تحلوها مو تصلحون الغلط بغلط اكبر منه يعني انتو دخلتو طرف ثالث بعلاقتكم وهلطرف ماله ذنب والله اني اشوف انتي واخوي واحد اخبل من الثاني غصون،، هي تحجي واني. ساكته مالي نفس الكلشي تالي عافتني وطلعت العصر لبست فستان جابته اليه ساره ورتبتني الفستان حلو مال محجبات خلتلي مكياج كلش خفيف مبين وجهي طبيعي لبست عباتي وطلعت لگيته ينتضرنه طلع كدامنه واني وساره وراه عمتي هم ماقبلت تروح طول الطريق كلنه ساكتين وصلنه البيت نور اتلگتنه عذراء تضحك مبينه داخله صالون من ترتيبها ساره سلمت عليهن عادي مارادت تجي بس استحت من اخوها دخلنه للصاله مالتهم اهواي نسوان عازمات وكلها لابسه احلئ لبس فاتت نور لابسه بدله وردي قصيره كلش حلوه طالعه لعابه النسوان ياهي الاباوعلها اشوفها تباوعلي ويتهامسن بيناتهن اتمنيت ابجي واني اشوف نور محضره روحها لذياب خلص راح تصير مرته براضاتي مرتبات ميز وكيك شغلن الديجي عود ذياب گالهن العقد سكته شو ذني مسويات حفله كامله ديجي ورگص واغاني حتى نور گومنها وياهن رگصت بس الابنيه الشفتها بيوم الخطبه كاعده حالها حال الخطار مبين من شكلها ماعاجبها الجاي يصير حالها حال ساره بعدها كالو السيد راح يعقد حطن كرسي يم الباب ولبسنها حجاب ابيض حطن على راسها كعدت والسيد بده يحجي وهي تردد وكل كلمه يحجوها خنجر ينام بروحي كمل عقد نور وهلهلت امها وبده يعقد لذياب بمجرد ماانطه موافقته خانتني دمعتي ونزلت غصب عني درت وجهي امسح دموعي قبل لاافضح روحي سويت روحي اضحك ويه ساره مامهتمه كالت عذراء راح يفوت ذياب يلبس مرته الحلقه كلمه مرته ذبحتني بس سكتت وحقدت عليهم اثنينهم دخل ذياب بس ماشافني لان هواي نسوان اني وراه كاعده بركن الصاله يم ساره هنه لبسن عباياتهن ونور كعدت خجلانه مبين الخجل ينزل من اذنها ولاجنها قبل دقايق ذابحه روحها بالرگص صار وجها مقابلي نهضت نور حتى يلبسون الحلقات فتح العلبه طلع الحلقه مبتسم ادري يريدني اشوفه فرحان لبسها انطش الجكليت صاحت عذراء حبها ولك حبها ولتخاف من امها لزم راسها باسها اجت عينه بعيني ابتسمت بااستهزاء على منضرهم يتبع | ||||||||
|
| |
|
29-12-20, 02:31 PM
| #27 | ||||||||
| مراقبة عامة ومشرفة منتدى الروايات المنقولة
| #ضحيه_لمن_لايرحم_ج٢ بقلم زهراء الحسناوي #بارت٢٤ ،،،،،،،،،،،،،،،،،،،،،،،،، ،،،،،،،،،،،،،،، الخذلان.. عدوي الأكبر في الحياة لايفارقني يجذبني دوماً في صراعات يعلم فيها انه الفائز بها لقد خذلت من الجميع كل من مر بحياتي لم يتساهل معي احد لم اعد احتمل تلك الدائرة المهلكه التي تحتجزني كرهت ثوب الضحيه الذي لاارتدي سواه لم يعد يلائمني بل اصبحت اختنق بداخله يكفني مامضئ.. طوال حياتي وانا هاربه اتسلل في جنح الليل.. اتوارئ عن الانظار اتفادئ الحياة وأخشى الطرق المضاءة الكبيره اجد نفسي الجأ دوماً إلى الخفاء لكي احصل على ما أريد قائمه طويلة من الخيبات والانكسارات ودوما اتقن دور الضحيه ببراعه اركض من خوف لخوف اكبر ومن مصيبه لكارثه مخيفه انا خانعه للجميع الانفسي انا من تألمت كسرت وهزمت 💔 ،،،،،،،،،،،،،،،، صباح العافيه على احلئ متابعين 😘😘😘 ،،،،،،،،،،،،،،، زينب،، مصدومه من منظر الدم واكفه بمكاني واصيح لواءء اگعدددد خطيه فز مرعوب طفر يمي لزمت ايده ايدي ترجف يسالني شبيج؟؟ مامنتبه للنزف اشرتله فتح عيونه وبسرعه ركض انخبص مايعرف شيسوي لازم دشداشته وسويجه ومحفضته بيده يريد يندل يلبس الدشداشه ارتبك مايعرف شيسوي لبسها واجاني لواء،، لتخاافين گوولي ياالله انشاءالله ماكو شيي زينب،، بسرعه راح فتح الكنتور طلعلي ملابس هو بيده لبسني حيلي يختض حط عباتي على راسي ردت امشي ماقبل شالني ينحثل بيه نزلنه لجوه هو يصيح يماااا نذيررره كلها نايمه طلعني للسياره نيم الكشن وگعدني خلاني مبطوحه ركض البيت نذيره حتى تروح وياي لان وحدي لازم مره تروح وياي شويه وطلعت اشوفها من بعيد لازمه راسها عافها واجه يركض تحسه يريد ينفجر شغل السياره وشخطها اذا الطريق ساعه من سرعته سواه دقايق كل شويه اگول دخيلك ربي راح تنگلب بينه السياره اخذني للمستشفى وحدي لاام وياي ولااخت ولاعمه رحت بطرگ روحي صدگ انهضمت بهيج موقف المره تحتاج وياها حبايبها يطمننها اله اني حتى حبايبي ساگماتني سگم وصلنه للمستشفئ بااللف ياالله راد يشيلني گتله فشله وادم واگفه اني امشي على كيف لزم ايدي ومشاني دخلنه للطوارئ مالگينه غير ممرضات وحده تشمرنه ع الثانيه لان مبينات صغار وبعدهن جدد مايعرفن شي لواء يحجي وياهن بعصبيه گالهن مستشفئ مابيها دكتورره؟؟ الممرضه گالتله اكو دكتوره تلگاها موجوده بصاله الولاده بس ماكو سونر لواء،، زين المريض اليجيكم بي مصران اعور اشلون تكتشفون علته؟؟ تاخذوله خيره مثلا؟؟ زينب،، گوه واگفه تالي اجه رجال سلم على لواء ومبين يعرفه سأله شكو شعندك اهنا لواء گاله زوجتي حامل واتخربط وضعها واريدلي دكتوره تشوفها الرجال اخذنه الصاله الوالده بعدنه موكلش قريبين عليها سمعت اصوات الصريخ بفلس انقبض گلبي خفت ولزمت دشداشه لواء من ضهره التفتلي شاورني لواء،، لتخافين ذني بشهرهن عدهن ولادة انتي بعده توه شهرين اذا تعطسين يطلع من خشمج بس انتي كلشي مابيج انشاءالله فوتي واتوكلي على الله زينب الممرض مبين يعرف الدكتوره والممرضات الموجودات بالصاله دگ الباب طلعتله السستر گالها صيحيلي الدكتوره فلانه دخلت الابنيه شويه وطلعت الدكتوره مره جبيره حجه وياها الولد گالها هاي مرت اخوي وضعها متخربط شوفيها الدكتوره حطت ايدها على ضهري تريدني افوت من الخوف عيني تشكلت على لواء اتمنئ يفوت وياي الدكتوره،، حبيبتي انزعي عباتج انطيها الزوجج زينب،، الممرض كال الواء اني رايح للطوارئ شتحتاج اني يمك دخلت لجوه عبالك مجزره صايره من خوفي ولاول مره اشوف هيج منظر جدامي رجل اطگ برجل نسيت حتى الالم اخذتني للسديه. نمت گالت. مااگدر افحصج راح اشوف نبضه بالجهاز واخذلج سونر حطت الجهاز على بطني اسمع وشوشه ضعيفه الدكتوره،، هذا نبضه ماما بس كلش ضعيف شگد على حسابج؟؟ زينب،، اخر سونر اخذته اول ماحبلت انطيتها التاريخ حسبتلي بيدها ورجعت اخذت سونر گالت الدكتوره،، بنيتي انتي بداية شهر الثالث وصاير عندج فطر بالجاره سببت النزيف شايله شي ثگيل؟؟ مشتغله شي؟؟ زينب،، هزيت راسي بمعنى اي الدكتوره،، مايصير ياامي ذني الاشهر الأولى لازم تنتبهين على وضعج كون حتى درج متصعدين هسه راح اكتبلج علاجات ومثبتات تاخذوهن من الصيدليات البره مو من المستشفى لان ماراح تلگين اهنا العلاج الاصلي راح اكتبلج وقت العلاج والجرعات حتى ماترجعين لهنا وعلى كيفج ويه نفس اهم شي الراحه وابد ماكو اقتراب بينج وبين زوجج زينب،، انطتني الوصفه عبالك مطيتني شهادة النجاح حمدت الله وشكرته بداخلي طلعت لواء واگف بمكانه ينتظر ولازم عباتي بيده من شافني ملامح وجها تحجي يريد يعرف شنو گالت الدكتوره لواء،، بشري زينب،، اتكول فطر بالجاره ونبضه ضعيف بس اذا ارتاحيت راح تلتحم الجاره وكلشي مابي انطيته الوصفه گتله الدكتوره تكول اخذوها من بره مو من الصيدليه مال المستشفى لزم ايدي يگودني للسياره كتله احس روحي زينه ارتاحيت لان گالت الطفل كلشي مابي لواء،، من حركتج وعنادج خل اشوفج نازله من الغرفه اله اكسر رجلج زينب،، صعدنه بالسياره اهواي افتر على صيدليه ماكو كلها معزله تالي گال اكو صيدليه بالمكان الفلاني بس هي تضل مفتحه للصبح بلكت الله نلگاهم گاعدين وصلنه للصيدليه الحمدالله موجودين نزل لواء بيده الوصفه جاب العلاج واجه الطريق كله يحاول يهديني لواء،، هاا بشري اشلون صرتي؟؟ زينب،، درت وجهي ابتسمتله بتعب رغم خوفي بس ردت اطمنه لان القلق واضح على ملامحه لازم ايدي والايد الثانيه يسوق بيها كتله ليش اني شخذت علاج حتى اصير زينه؟؟ ضحك لواء،، قبل جانت حبوبتي من تسمع بوحده من المنطقه مريضه وماخذيها للطبيب تضل حبوبتي تون وتصيح مريضه اخذوني للطبيب اخذها اول ماتوصل ويكشفها الطبيب يضحك يكول اصحئ مني كلشي مابيها عرسوها وهي تصحئ الله يرحمها ضحوكيه اتگله هي هاي علتي اذا جابولي رجل ارجع شباب جان الدكتور يخرب ضحك على سوالفها من نطلع اگلها ها حبوبه اشلون صرتي؟؟ تگلي زينه بعد حبوبتك وهذا الدكتور خوش يسولف عبنه يعرف علتي كلش زين زينب،، ضحكت گرص خدي لواء،، خو ماگالتلج الدكتوره ممنوع عليه شي؟؟ زينب،، هزيت راسي كاتمه ضحكتي لواء،، هاي الدكتوره ابد ماتفتهم باجر اخذج الغير وحده زينب،، درت وجهي اضحك لان من عرفت الطفل مابي شي ردت روحي عكس من اجيت ميته خوف اسمعه يدردم لواء،، على هذا الحجي وين انطي وجهي؟؟ ياالله ناخذلنه وحده موقته منا لمن الله يسهلج زينب،، يحجي ويغمز وصلنه للبيت الفجر وره الصلاه دخلنه اتلگتنه نذيره طلعت من المطبخ بيدها كوب جاي نذيره،، ها شگالولها؟؟ لواء،، مابيها شي زينب،، حجاها بدون مايباوع بوجها لان ضاج من تصرفها لان ماراحت وياي للمستشفى ادري تكرهني بس ع الاقل راحت وياي الخاطر اخوها بس هي حتى ل اخواها ماحسبت احساب من سمعت كلام لواء گال مابيها شي المره گلبت خلقتها عافتنه وراحت الغرفة امها ردت اصعد الدرج ماحسيت غير انرفعت من الگاع لواء،، اليوم عندج مصعد يصعدج وينزلج بلاش زينب،، يحجي ويضحك دخلنه الغرفتنه حطني بالگاع الفرشه مال الجربايه بيها شويه من الدم النزل لماها وخرها على صفحه وفرش وحده ثانيه ملابسي النزعتهن هم بالگاع مشمورات حطهن هنه والفرشه على صفحه بالسله لواء،، من اليوم ماكو نزله جوه عندج حمام فوگ يمج اريدج بس اتنامين ماشي؟؟ زينب،، عافني ونزل بداخلي گلت لازم احجيله نذيره اتخاف منه واذا احجيله سوالفها راح يكون عنده علم ويوگفها عد حدها صدگ حسيت روحي ام تخاف على طفلها مافكرت بعواقب هذا الشي اذا حجيت الواء فقط فكرت بطفلي مااريده يتاذه شويه وصعد بيده صينيه بيها كوب حليب وقشطه وخبزه حطها يمي لواء،، ياالله اكلي حتى تاخذين علاجج زينب،، انته فورت الحليب؟؟ لواء،، لا شيخ منهل زينب،، ضحكت كتله لاصدك زين تعرف تفور الحليب لواء،، ولج بالجيش كلشي اتعلمنه حتى شايلين نوبه اني والجنود يوميه واحد يطبخ زينب،، ههه انته شنو طبختلهم؟؟ لواء،، اني واكو اثنين ضباط جماعتي نلتم ويانه كم جندي بغرفه الضابط اكو ثلاجه نترسها مسواگ بيوم الجان الطبخ عليه جابو دجاج مامنضف يمكن الدجاجه امها داعيه عليها بمسية غروب بهذلت احوالها مااعرف انضفها عن الريش واحد من الجنود فهمني تتنضف بالماي الحار اني فورت جدر وصرت كل اشويه احط الدجاجه هي وريشها دقايق بالماي الحار لمن استوت هي وريشها تالي اجه الضابط گال موهيج ثواني حطها بالماي الحار وطلعها بسرعه ينشلع ريشها عفته يروح طلعت الدجاجات شينضفهن؟؟ اخر شي صلختهن هنه والجلد زينب،، يااا لواء،، اي والله هيج اتسهلت عليه المهمه بس بالاخير طلعت النتيجه حلوه والتشريب طيب زينب،، ناكل ونضحك تمنيت حياتنه هيج بدون مشاكل نذيره وبناتها اقصئ امنياتي اعيش مرتاحه بدون ماسمع حجي يسمني بكل ثانيه كملنه الريوگ انطاني علاجي اخذته لواء،، يمكن اني بيه جني زينب،، يا ليش لواء،، اريد يوم انزل مجاز بدون ماتتلگاني المصايب ماكو زينب،، انقهرت علي بس السالفه تفتر ابالي لازم احجيله كتله لواء راح احجي واسمعني لواء،، خير يارب شكو؟؟ زينب،، نذيره لحت على عمي يشتري هايشه والرجال اشتره هايشه والهايشه توها والده عجل وياها ونذيره يوميه اطلعني ننزلل للبستان احش علف واشيل نگلات على راسي جنت احجي وهو مدنگ عاگد حواجبه حجيتله كلشي بخصوص نذيره رفع راسه فرك وجها بيده عافني وطلع گلت يمكن جذبني عباله ماكو هيج حجي شويه وانفتح الباب دخل لواء وراه نذيره تمشي ماتعرف شكو سد الباب وكف يمها گالها لواء،، نذيره راح اسألج سؤال؟؟ شعندج ويه زينب؟؟ نذيره،، ياا وشعندي وياها؟؟ لواء،، انتي احجيلي نذيره،، ماعندي كلشي وياها ولاالي شغل بيها لواء،، جا منو ينزلها تحش. للهايشه؟؟ زينب،، اباوعلها بعد ماتعرف تحجي ولواء يحجي ويخزرها نذيره،،شگالتك مطلعيها وحدها؟؟ لواء،، اني سالتج مالج شغل بزينب باوعيلي الهايشه من گال لبوي يشتريها؟؟ زينب،، سكتت ماتحجي وكل شويه ترفع راسها تباوعلي خازرتني لواء،، انتي الردتي ابوي يشتري هايشه نذيره،، اي اني بس مووحدها تطلع تحش اني وياها نحش سوه زينب،، اشلون جذبت عيني عينك والله ماتمد ايدها ابد بس تشيلني النگله مال الحشيش لواء،، لو امه محمد كلها تطلع تحش ممنوع زينب تطلع انتي ردتي الهاشه ف انتي تتكلفيها عندج بتج خليها تطلع وياج من اليوم زينب ماتنزل جوه زينب،، نذيره انطعن وجها احمر وهي من تحترگ روحها تصير اتجفص بالحجي نذيره،، هاي فصليه وهيج فرت عقلك على اختك شحال لوماخذها عن حب؟؟ لواء،، نذيررره موطفل جدامج ومره تفر عگلي ثمني كلامج گبل لاتحجين والفصليه التحجين عنها مرتي زينب،، تحسها تريد تاكلني بس شكلها ومنضرها وعيونها التتوعدلي بالاسوء خفت منها تالي التفتتلي تهز براسها نذيره،، ييمه ييمه منج معمعمات الجاون (العمامه اليلبسها الشيوخ والساده والجاون يعني الهاون القديم كانو يستخدمو قبل لطحن الحبوب بس يختلف عن الهاون بوقتنه الحالي قبل كان الهاون كلش جبير وانته واگف تلزم اليده وتطحن بيها حاليه اكو هاونات صغار) زينب،، ذبتلها مثل مامفهوم مثل خلقتها عافتنه وطلعت تحسها لوتلزمني تذبحني ومايبرد گلبها اجه لواء يمي ضايج لواء،، زينب تره شليتي حالي حلگج بي عضم؟؟ زينب،، دنگت گتله جا شگول مااگدر احجي اخاف منها لان تتناصب وياي لواد،، شافتج فقيره وخرسه ركبتج بويه اليحجي وياج لاتضلين ساكته ع الاقل گليلي وشوفي اشلون اخذ حگج من عيونه زينب،، صدگ شنو معمعمات الجاون؟؟ لواء،، انتي كارثه عايفه كل الهوسه ومركزه بهذا المثل زينب،، اتمدد وجرني نيمني بحضنه لواء،، قبل جانن اكو اثنين شرايج بنفس البيت وحده منهن مثل الخرسه العندي زينب،، يقصدني لواء،، والثانيه وكحه زينب،، مثل نذيره لواء،، ولج لاتجفصين هاي اختي حرام شوفينله غير وكحه اسكتي خل اكمل الوكحه ضايجه من شريجتها كلش لان الزغيره وزلمتها يحبها ودوم يميل للزغيره اكثر منها ف بيوم الزلمه نايم يمها لان دور مرته الجبيره خلت الزلمه نايم وركضت اخذت عمامته ودشداشه من دشاديشه وعباته وطلعت تتخنس راحت للجاون لبسته الدشداشه والعبا وحطت العمامه فوگ راسه واخذته حطته اباب الحوش ردت الزلمتها تركض گعدته من نومته گالتله الحگ اكو زلمه طلع من غرفة مرتك الثانيه هذا طفر من مكانه جر اسلاحه وهد يركض دفر الباب اعله مرته لگاها نويمه رد للزلمه الباب الحوش لمن كشفه شافه الجاون حط مرته الجبيره وعلسها حصلتلها كتله معدله هسه ماشي بعربنه هذا المثل زينب،، دگ على راسي بخفه مثل الام التلولي لطفلها لواء،، نامي زينب،، الالم هدئ من العلاج بس احس اكو شي يوگع مني الصبح كعدت متاخره لواء ماموجرد نهضت للحمام اخذت ملابس غير الابستهن الحمدالله ماكو دم مثل البارحه اكو بس مواهواي سبحت بسرعه بدلت وطلعت لگيته جاي بالغرفه جايب غده اندگ الباب فتحه دخل حسن حسن،، جابتني ريحة المشاوي ماتگولون هذا وحيد وفريد نكسب بي ثواب زينب،، لفيت حجابي عدل لبسته فوگ الخاولي ضليت گاعده مدنگه استحي منه لواء،، شكو گاعده كومي ارجعي بمكانج اني اسويلج لفات وانطيج زينب،، فتحت عيوني بمعنئ عيب حسن،، دگومي يابويه تره مال اطلع جذب اذا مااترس بطني زينب،، ابتسمتله لواء ضل يلح تالي گمت للجربايه مديت رجليه وغطيتهن بس حطيت مخاد وره ضهري منتجيه حسن،، ابوك الهتلي وين؟؟ لواء،، ليش ماتنجب عيب ولك هذا ابوك مايصير تره اذا مات تتندم والله حسن،، لوميت هو ولاجود بس جود الله اخذه لان طفل گلبه ابيض بريئ مومثل امه لواء،، تره انته گمت اتخربط لاتنسئ هاي اختك حسن،، خاوها جني زينب،، بحلگي اللگمه اختنگن حسن زايعها فد نوب حسن،، اتسودن منها بس هو كله صوج ابوك انطاها مجال ولو هو الشيخ راكبته امك والله لو بيدي حتى ماخلي شيخ اعله طلياني مو انوب اسلمه عشيره لواء،، تسكت لو اشلووون؟؟ حسن،، عمي سكتنه لاتمن علينه باللفه لواء،، اكلها وجفيني شرك زينب،، مبين حسن عنده ميانه ويه اخو مايزعل شويه ونهض حسن،، خويه وين حاط اسلاحك؟؟ لواء،، شتسوي بي؟؟ حسن،، من زمان مامخوف الجماعه اريد اتونس عليهم شويه زينب،، حجاها وطلع يركض لان لواء يمه المخده شمرها علي يوميه من اكوم اريد اروح للحمام تكرمون من ارجع افتح البرده مال الشباج صايره بجها الحديقه اشوف نذيره وغفران شايلات على روسهن نگلات حشيش غفران تشمر النگله شمر انتبهلها تتعارك ويه امها ماراضيه تالي وره كم يوم نذيره لحت على ابوها يبيعهن وصدگ باعهن من اجه لواء اسمعه يحجي على ابو مامقتنع لان نذيره وامه مخليات الرجال يمشي بكيفهن اذا گالن اله روح اشتري ركض اشتره بيع راح باع ولاجن عنده كلمه من باعهن انكسر بسعرهن اخذوهن بااقل من السعر الاشتراهن بي اسبوعين لواء مجاز اني مدلله حتى ماانزل وحتى هوه يطلع شويه ويرجع اجازته خلصها يمي حالتي اتحسنت الحمدالله قبل مايلتحق بيوم مثل كل مره يترسلي الثلاجه مسواگ حتى الكنتور يترسه كراتين عصاير ونساتل حتى جبس مايخلي شي مايجيبه بس اني كلشي مااشتهي والاكله اركض اتقيئ بعد عشر ايام ادخل شهر الرابع الفجر لواء قبل لايلتحق وصاني شيصير اخابره واذا اتخربطت اكول ال حسن ياخذني حتى وصه حسن بيه لان هو الوحيد الزين بيهم من راح انهضمت اول مره ابجي وراه عبالك روحي راحت بهاي الفتره اكثر شي اتعلقت بلواء بسبب حنيته واحتوائه الي حتى غساله اشترالي وصعدها للحمام الفوگ وحطلي يمها كرسي يگلي حتى من تردين تغسلين هدوم ماتضلين واگفه اكعدي وانتضريهن اول يوم من التحق. محد صعدتلي ولواء بليل اتصل سالني كتله زينه سالني نذيره صعدت يمي كتله لا ثاني يوم فزيت على صوتها اباب غرفتي بالممر اتصيح حض العواهر جواهر ساعه تصيح نايمه النسوان متفلگحه ومدلله مخليات الزلم محابس بديهن ردت اگلها العواهر التحجين عنهن هاي جنه بنتج مو اني بس سكتت مااريد مشاكل متكفيه شرها صارت يوميه هي تحجي خلتني اكره روحي مره سمعها حسن تعارك وياها عركه شكبرها كامت تصيح الفصليه ساحرتلكم مخليتكم عميان بعدها بطلت من حسن موجود ماتحجي بس من يطلع خارج البيت تشيب راسي بس اطنشها تالي من شافتني مغلسه عنها ماحسيت غير دفرت باب الغرفه وفاتت نذيره،، الفتانه مطموررره؟؟ حلتلج النومه بنت الفگرررر يالله انهضي كافي تتعايرين زينب،، لواء شجعني گال اذا حجت وياج گليلي گتلها لواء مايقبل انزل شو هاي اتخصرتلي نذيره،، گومييي اطفري لللج مخوفتنه بلواءء كافي صارلج اسبوعين منخمده لاشغل ولاعمل زينب،، من تحجي هيج جسمي والساني وحدهن يرجفن حتى اذا اريد اراددها خوفي يغلبني بحيث اضل بس اختض واخر شي انفذ كلامها وصدگ گمت من مكاني غمتني درت وجهي عنها لفيت حجابي ونزلت وريتني لانزلت اتلگتني ام لواء بيدها صولجان تتعكز علي والايد الثانيه لازمتها رفل لان سمعت من لواء بذني الاسبوعين ماخذيها للعلاج الفيزيائي ام لواء،، ماتنزززلين؟؟ معلگه فوگ لاشغل ولاعملل گ... زينب،، مثل مسلم وگع بيد كفار اكلني بلسانهن اثنينهن وام لواء فشرت فشار ولاجنها مره جبيره عفتهن ورحت للمطبخ دموعي يجرن وامسحهن بطرف شالي اجت نذيره گالت اطبخي غده تمن ومرگ بدون صوت نفذت رجعت گالت نضفي المطبخ زين هم نضفت بس بداخلي گتله يارب امانتك طفلي انته اعلم بحالي رجعن استلمني شغل بالبيت وام لواء كلساع وكالت مامشكل بخيط قصدها ع الطفل جزعني اثنينهن ثاني يوم وجان تجي ام سجاد احس العيد اجانه من زمان ماجايه ملتهيه برفل وسجاد عدهم امتحانات سلمت عليها رفوله شايله جنطه شكبرها غمزتلي وصعدتها فوگ الغرفتي ام سجاد فاتت يم امها واني صعدت الغرفتي هنه يدرن بيه حامل لواء متصل بيها من صعدت لگيت رفل حاطه الجنطه ع الجربايه كالت ذني نصهن امي جابتهن الج جدد والنص الثاني مالاتي مااريدهن وكلهن بعدهن جدد والله صارت اطلع وتشوفني شي احلى من شي ومن ضمنهن اتراكات الوان كتلها شتسوين بيهن اني لابسه اسود رفل،، ضميهن يفيدنج بعدين وشغله ثانيه بليل منو يمج؟؟ البسيهن الرجلج وبغرفتج زينب،، الله كريم شويه وصعدت ام سجاد سوالفها تسلم ع الگلب تنطيك طاقه ايجابيه عجيبه كعدت يمي بعد اهواي كلام سالتني على جنه وليش هيج تزوجت واخوها توه مات حلفتني شصاير؟؟ كتلها خاله كلشي ماصاير واني ماعندي علم بشي حالي حالج اتعمدت مااحجيلها شفت الافضل تسمع من اهلها افضل. حتى لاتاخذ نضره عني وثانيا مهما يكون هذا عرض وحرام نحجي بي وجنه تزوجت وراحت مايصير نحجي عليها الله يحب الستر يومين نذيره ساكته بس مرات تنفجر توگفلها ام سجاد تردها اتگلها فشله استحي من اخوج العصر واگفين بالمطبخ ورفل مشتهيه حلاوه محلبي وامها جاي تسويلها واكفه تخوط بالجدر وغفران ورفل يسولفن ماحسينه غير انفتح باب المطبخ فاتت جنه تركض وتبجي وجها مخرمش مبينه مكتوله........... يتبع | ||||||||
|
| |
|
29-12-20, 02:33 PM
| #28 | ||||||||
| مراقبة عامة ومشرفة منتدى الروايات المنقولة
| #ضحيه_لمن_لايرحم بقلم زهراء الحسناوي #بارت٢٥ ،،،،،،،،،،،،،،،،،،،،،،،،، ،،،،،،،،، سيخبرك جحيمهم يوماً ان قربي كان جنه وان عشقي لك ليس ذنبا سترئ في مراة اعينهم كيف تندم كيف انك اضعت الثمين من اجل المزيف حينها فقط ستوقن انك احمق مغيب وانك اهدرت عمراً لن يعود حتى لو اعتليت جبالا من الصفح وبكيت فوق كل حبة رمل دمآ 💔 ،،،،،،،،،،،،،،، غصون،، نار بروحي مشتعله وذياب مبين ولامهتم ساره يمي همست بصوت ناصي ساره،، تستاهلين انتي الجبتيها الروحج غصون،، ماجاوبتها لان بس احجي ابجي شويه وطلع ذياب نور الفرحه ماسايعتها على هاي فرحتها مستعده هسه تجي ويانه رجعت ترگص واكو كم وحده مبينات صديقاتها رافعه ايدها تشوفهن الحلقه مامصدگه حصلتلها رجل بعدها دك تليفون ساره جاوبت كالت هذا ذياب يكول عشر دقايق واطلعن اجت امها كعدت يمنه وتوصي ساره تسلم على عمتي لان عذراء مفهمتها عمتي كلش مريضه وماكدرت تجي ويانه ام نور صاحتلها جارتها راحت كعدت يمها عبالك طالعه ازغر من بتها مره جبيره والمكياج تارس وجها اجت مرت حمه عذراء وكفت يمي سوت روحها تعدل بشعر بتها حوراء،، الله يساعدج اشلون راح تتحملين نور غصون،، عافتني وراحت مافهمت شتقصد وحتى ماعرفت اذا تحجي وياي لو ويه بتها ساره كالت ياالله نروح ذياب جاي يتصل من ردنه نطلع وكفت ام نور يمنه وجاراتها وحده منهن كالتلي انتي الفصليه؟؟ هزيت راسي بمعنى اي المره،، ياعيني سوده عليه بعدج طفله شكد عمرج خاله؟؟ غصون،، واني البس بحذائي كتلها 17 المره،،يااا الله اكبر والله خطيه من جرمن زلمتج مارادج وراد نور يمكن لان جبير راد وحده بعمره تفتهمه غصون،، ماجاوبت اكتفيت باابتسامه مزيفه عدلت عباتي وطلعت ضلت ساره تسلم عليهن وصلت باب البيت هوسه مال زلم واكفين بره وذياب يمهم خزرني واترخص منهم توجه للسياره فتحت الباب مال الكشن الوره وصعدت اجه هو صعد رفع راسه باوعلي بالمرايه ذياب،، ماتعرفين ادنگين من طلعتي؟؟ غصون،، ماجاوبته درت وجهي شمر موبايله يمه بعصبيه ودگ هورن يستعجل ساره اجت صعدت يمي دك هورن للزلم الواكفه سلم وشخط السياره كال الساره ذياب،، صورتي؟؟ ساره،، اي بس مو اهواي ذياب،، موكتلج صوري نور ودزيلي الصور غصون،، يحجي بعصبيه ادري يريد يقهرني سويت روحي مو يمي الحجي بس بالحقيقه كل كلمه تنبت بگلبي مثل السهم وصلنه للبيت اتلگتنه عمتي جاي تسوي عشه ذياب سلم ماردت السلام ابد من شافها هيج انقهر تركها وصعد الغرفته رحت الغرفتي بدلت ولبست دشداشه وشال حطيته على راسي طلعت يم عمتي لگيت ساره تحجيلها عن العقد وعن ام نور گالتلها ام نور سألت عليج وكتلها مريضه ودزتلج سلام وياي ام ذياب،، الله يسلمهن ماصدگن يحصلن زلمه ساره،، كافي يمه فشله من ذياب لاينزل ويسمعج ام ذياب،، السمعني والماسمعني مشكلته اليوم وباجر اني اكول هلنور مارايدتها ابد بس كله من وره هاي ااااخ خليني ساكته غصون،، عضت اصبعها مقهوره تقصدني ضليت مدنكه ساره،، يمه اسكتي هاي مشكلته هو مو مشكلتنه عليمن تنقهرين ويصعد ضغطج ام ذياب،، ولج يمه المره النادره هي التحتوي زلمتها ماتخلي عينه فارغه يتنوع الغيرها واني مشكلتي مااعرف ادخل بينهم اكول همه يحلون مشاكلهم تالي خوش حلوهن جابولي عله على گلبي اسمعيني غصون وروح ابو ذياب اذا انطيتي مجال لو ضحكتي بوجها لو ردتي تردين تنسين عندج عمه خلي يعرف الله حق مالج شغل بي خلي تفيده نور الصفيره ساره،، ههههه يمه صايره خطيره هسه غير اعرف شمسويتلج الصفيره وهيج ضايجه منها؟؟ ام ذياب،، الي نضره بالبشر حتى اعرف طينته شنو صح جانت تجي قبل اضحك وياها بس لانها خطار لكن هسه لا اختلف الوضع لالي شغل بي ولابيها غصون،، المره روحها محترگه حتى ماتعشت وبيومها كلنه ماتعشينه حتى ذياب ضل بغرفته وبليل كال رايح يم لواء يوم يجر يوم واني متجنبته نهائيا حتى من يجي افوت الغرفتي واسد الباب اكثر الوقت اسمعه يرعد بالبيت على ابسط شغله يصير عصبي قبل حتى من جان زعلان وياي قايمه بواجبه انضف غرفته وملابسه مغسوله ونضيفه بس من خطب نور شلت ايدي من كلشي يخصه كل شويه اسمعه يصيح ليش قميصي مامكوي ليش بنطروني مامغسول عدل اسمعه ومغلسه عود خل تجي الصفيره على كوله عمتي تغسل ملابسه مر علي عقدهم اقل الاسبوع العصر اجت عذراء وياها نور ذياب نايم فوگ بغرفته اول مادخلت سلمت على عمتي حضنتها عمتي دارت وجها ردت السلام من وره خشمها نور انتبهت ام ذياب ضايجه منها بس ولاجن بسرعه نزعت عباتها لبسها فضيحه ستريج لزگ ع الجسم والله استحي البسه جوه هدومي ولابسه وياه تيشيرت ربع ردن واديها عبالك ثلج من البياض ولابسه بيهن سوار رفيع ذهب نزعت حجابها شعرها حرير واني شعري اذا احط المشط بي ينكسر لان كيرلي صح طويل بس بي كسره خفيفه سالت على ذياب جاوبتها عمتي وهي تحط الغراض بالثلاجه ام ذياب،، نايم بغرفته نور،، عذوره اني صاعده يم ذياب غصون،، فتحت عيوني متعجبه بيها اشلون تكدر تروح يمه بهذا لبسها عمتي باوعتلها صفح ماعاجبها وهي عافتنه وصعدت احس كاعده على نار اطحن بروحي طحن عذراء اخذت ابنها للتواليت ضلينه اني وعمتي ويه ماطلعت عذراء التفتتلي ام ذياب غمتني ام ذياب،، كله من ايدج خليتي هاي البلگه تاخذه منج شوفيها هلتنگرط گرط وانتي مدثره بحجابج جنه نحجي نزل ذياب لابس اتراك وجها معقوج ضايج ونور وراه من شافني كاعده بالمطبخ سلم على عذراء بضحك رفعت راسي شافني اباوعله شال ايده حطها على متن نور ذياب،، تعاي حبي نكعد بالاستقبال غصون،، نور نزلت ضايجه بس من سمعته هيج حجه الضحكه ترست الحلگ راحت وراه للاستقبال سمعت بس طبگه الباب اشتعلت روحي احسها وصلت للسما ونزلت من القهر افكر شجاي يسون يبوسها مثل ماباسني؟؟ راح يكلها احبج مثل ماگالي؟؟ الف فكره اجت براسي وكل فكره اصعب من الثانيه التفكير البراسي فقط شراح يحجيلها وشراح يسمعها هذا الاعرفه صح اغار بس مااعرف شي غير انو راح يسمعها كلام حلو مثل ماسمعني اتاخرو جوه وحدهم اعصابي شايطه كل شويه التفت حسبالي طلعو صادف خميس عمتي اتصلت بساره كالتلها مسويه ثواب على روح ابوج تعاي تعشي يمنه نص ساعه واجت ساره جابها رجلها طلعله ذياب ماقبل يفوت للبيت من دخلت ساره وسلمت عمتي گالتلها موحلوه حالت رجلج يستنكف يفوت يتعشه يمنه ساره،، يمه تعرفين طبع عقيل مويستنكف بس يستحي يكول فشله ام ذياب،، لافشله ولاهم يحزنون زلمتج من يوم يومه هذا طبعه زين اذا يستحي يتعشه يمنه شو حتى اخوج من ينطيج افلوس لويجيبلج حاجه رجلج مايرضه ويرجعها ساره،، هذا طبعه جا شسويله يكول من اخذتج صرت مسؤؤل عنج التحتاجي اني اجيبه خلي براحته غصون،، اجت نور يمنه ساره باوعتلها من فوگ لجوه نهضت سلمت عليها وذيج تتماوع بس مبينه مغثوثه من جهرتها صبينه العشه وهلمره عمتي كالت بعنادهم تكعدين تاكلين وتضحكين لاتبينين النور ضايجه منها وفعلا من صبينه العشه كعدت يمهم ذياب بس يضحك ويتشاقه وياها عمتي كل شويه وندستني تحجيلها سالفه وتضحك تخليني غصب عني اضحك وياها ذياب من يشوفني مامهتمه يضوج ويحاول يقهرني اكثر نور طلعت موبايلها تحجي بالفيس شگال الفيس وشحجه الفيس اني هذا البرنامج شايفته عد ابوي جان تجيله طلبات صداقه ومن ينشر نشوف المنشورات لان موبايله النهار كله لو عندي لوعد مرتضئ اخوي نتعارك علي هو مدنگ ياكل وعذراء بس تتمضحك مثل الخبله كل شويه وكالت الساره نور اشترت هيج فستان وطلع يخبل عليها نور جابت حذاء ماركه نور راحت سوت وجها بكذا صالون كاعده تصبغ بنور جدام اخوها هو مدنگ ماادري اشلون خطرت على بالي الفكره التفتت الساره كتلها صدگ سويره ماتسويلي فيس ذياب،، شتسوين بي؟؟ غصون،، كلها سكتت والتفتن لذياب الجان مسلط نضره الجهتي درت وجهي باوعتله ورجعت التفتت الساره بدون حتى مااجاوبه ساره سويلي فيس وفايبر اواتساب كل برنامج تعرفي نزلي الي ذياب،، حتى اكسر الموبايل براسج غصون،، دنگت ولاجن سمعته رفعت راسي نور صافنه على ذياب وجها انطعن احمر تركتهم وگمت للغرفه شويه ولحگتني عمتي فتحت الباب تضحك ام ذياب،، عفيه هيج اريدج ولج يمه والله يحبج ماشفتي اشلون وليدي اخترع من سمع بطاري الفيس غصون،، ضليت ساكته دخلت ساره ساره،، يمه والله ماينگدرلج شعلتيها بينهم وطفرتي ههههه ام ذيتب،، يمه ساره سوي المرت اخوج هذا البرنامج مال الفيص بوك ساره،، يمه لايسمعج مارك جان فيصنه تفيص ام ذياب،، مره جبيره شمعرفني بسوالفجن دكعدي سوي الها واني هم محضره سالفه اريد اطلع الغباء البراسها شويه بلكت تصحئ قبل مايفوت الاوان دامنه بعدنه ع البر ساره،، والله حجيه مو گتلج صايره خطيره غصون،، عضتلنه شفه وتضحك عافتنه وطلعت انطيت موبايلي الساره سوتلي فيس وثبتته برقمي خفت الرقم گالتلي شنو تردين اسمج؟؟ اتذكرت مسلسل نور ومهند كلش احبها وجنت حيل متاثره بيها وخاصتا من يبجي مهند اكعد ابجي وياه كتلها سميها عاشقة مهند ساره،، يبوووو ولج موهيج الله يستر من هذا الاسم بس لا يشلع گلبنه ويشمره للجلاب ذياب غصون،، اخوج الغضبان محتار بنويره الصفره على كوله عمتي ساره، هههههه هذا ذياب الغضبان؟؟ اذا سمعج يغضب عليج تره ياالله هسه شنو تردين صوره ملف؟؟ غصون،، جنت بوكتها احب المسلسلات التركيه تارسه تليفوني صور مهند وصور لميس وعمار كوسوفي كتلها حطيلي صوره لميس ساره،، والغلاف؟؟ غصون،، مهند حجيتها والعب بحواجبي ساره،، ادري اني مكتوله مكتوله بسببج اذا ماذبحني من وراج غصون،، عليش يذبحج مو نور عدها فيص على كوله عمتي لو بس من يمها غفور رحيم ومن يمنه شديد العقاب؟؟ كتلها اشلون انشر منشور؟؟ غصون،، المنشور بس بحسابج محد يشوفه بس الاصدقاء غصون،، علمتني وفهمتني اشلون انشر واشلون ادز طلبات صداقه بس نست تعلمني اشلون الغي الصداقه لو احضر شخص كملت ساره وحملتلي الفايبر والواتساب كيفت لان راح يوميه اتصل ب اهلي بدون رصيد يعني راح يوميه اسمع صوتهم طلعنه اني وياها وعفت الموبايل بالغرفه لگيت نور وعذراء يغسلن مواعين وذياب بالاستقبال بس عمتي بغرفتها ساره كالت تعاي نروح يم امي عفناهن ورحنه يم عمتي هنه سون جاي وشربن وحدهن يمه واحنه اني وعمتي وساره بغرفه ام ذياب للساعه تسعه بليل اخذهن ذياب وداهن احنه سادين الباب ونسولف منطلقين وعمتي تحجي على ايام قبل اشلون جانت عايشه ابيت الشيخ ساره تاخرت يمنه رجلها كالها طالع بشغله من ارجع امر بيج للساعه 11اجه اخذها عمتي تعبانه غفت من وكت واحنه نسولف لگيناها تشخر من راحت ساره رجعت للغرفه اتذكرت الموبايل نهضت اريد اخذه مالگيته دورت بالجام ماكو ع الميز هم ماموجود نفشت الغراض نفش ماكو ولا اله ذكر صدك اتوترت وين اختفه؟؟ اتذكرت موبايل عمتي رحت جبته طلعت رقمي واتصلت وكفت بالغرفه اتصنت حتى اسمع صوته بس ماكو يدك بس مااسمع صوت رنين ربي دخيلك وين راح لازمه موبايل عمتي دگ بيدي فزيت هذا رقمي يتصل عمتي كاتبه غصينه علي بسرعه جاوبت ذياب،، عاشقه مهند هذا موبايلج يمي تعاي اخذي غصون،، سد التليفون ظليت بمكاني خايفه اصعد وليش اصلا اخذ الجهاز ويشسوي بي؟؟ حطيت رجلي ع الدرج ورجعت نزلت محتاره بين اصعد وبين مااصعد لان مااريد انجمع بي بمكان واحد بعد السواه اخر شي صعدت بس بداخلي ارتباك وخوف وارجع اكول ليش الخوف ومن شنو؟؟ دكيت الباب مره وبااثانيه فتح الباب لابس فقط بجامه وفالينه مادخلت دنگت كتله ممكن الموبايل؟؟ ذياب،، جوه فوتي اخذي مهند ينتظرج غصون،، جريت نفس مبين يتعمد هيج يسوي ابتعد عن طريقي دخلت شفته ع الميز توجهت حتى اخذه سمعت صوت سدت الباب التفتت شفته مكتف ادي ومنتجي اخذت الجهاز بيدي درت وجهي شفته قريب مني ردت اعبر لزم ايدي ورجعني وكفت كدامه ذياب،، مو گلت ماكو فيس؟؟ غصون،، رفعت راسي مندهشه بسبب التناقض عد هذا الشخص الموجود كدامي يعني نور عادي عدها فيس واني لا كتله وليش مااسوي فيس؟؟ ذياب،، بكيفي ليش دائما تسجلين نقاط على روحج؟ غصون،، دنكت وجاوبته مامسويه شي غلط واذا حضرتك تشوف تصرفاتي اغلاط فهاي مومشكلتي قبل لايحجي تركته وطلعت بسرعه خايفه اضعف وابجي لان دموعي رخيصه بسرعه تنزل مااعرف ليش اضعف كدامه؟؟ كلشي بيه ينشل ويتوقف عن الحركه عدا دگات گلبي الاحسها غير منتظمه وسريعه رجعت الغرفتي وبيدي الموبايل فتحته ودخلت ع الفيس راد يوگع گلبي من شفت صورته منشوره بحسابي شفت الاصدقاء بس هو وساره اكيد من اخذ الموبايل ضاف حسابه انتبهت زين هذا موحسابي اطلع وارجع للفيس شو الاسم متغير كاتب ع الاسم دهن الثول والصوره مغيرها مخليلي صوره لميس دخلت ع الصور الموجوده بالاستديو حاذف شكو صوره المهند كل ضني غير الاسم فقط ماجنت اعرف انو هو مغير الصفحه كلها ومسوي جديده ردت الغي الصداقه مااعرف اشلون ضليت اگلب بالفيس اكو حسابات مقترحه اهواي وصور حدث ولاحرج حاطيهن غلافات گلبي صار يدگ سريع ايدي خدرت وثلجت اطرافي لان اول مره اشوف هيج اشياء ومن الخوف والارتباك بدون ماانتبه دزيت طلب الواحد من الحسابات وبنفس اللحظه طلع عندي تم قبول طلب الصداقه........ يتبع كلها مرت وانت حتى بطيف تتعاجز تجيني 💔 | ||||||||
|
| |
|
29-12-20, 02:34 PM
| #29 | ||||||||
| مراقبة عامة ومشرفة منتدى الروايات المنقولة
| البارت 26 #ضحيه_لمن_لايرحم بقلم زهراء الحسناوي ،،،،،،،،،،،،،،،،،،، احببتك كأنك لن تغادر أبداً وغادرت كأنك لم تحبني يوماً ،،،،،،،،،،،،،،،، زينب،، نذيره من شافت بتها اخترعت تريد تفهم شبيها ومنو كاتلها تالي اخذتها البيتهم وراحت رادت تروح تلحگهم رفل امها ماقبلت كالتلها انتضري بين مااصب الحلاوه ونروح اني وياج نشوف شبيها بت خالتج كتلها خاله اني اصبها ام سجاد،، مو تاخذين الحصه الجبيره زينب،، ظحكت كتلها لا اربع مواعين الي والباقيات الكم ام سجاد،، لاهذا هو ودع البزون شحمه زينب،، حجتها وهي تظحك تالي جبتلها مواعين صغار اخذت منها الچفجير اخوط بالحلاوه عافتني وراحت من كملت صبيتها وتركتها تبرد بس ماعون واحد ترسته الي احب المحلبيه وهي حاره اخذت ماعوني وصعدت الغرفتي خليته بالگاع وگعدت اكل من حبلت لسه مااحس اكو طعم اكل بحلگي حتى الماي احسه مر اكلت ربع الماعون لعبت نفسي ركضت للحمام كله اتقيته احس روحي طلعت ماكو اكله تضل بمعدتي شويه وانفتح الباب دخلت رفل سدت الباب واجت گعدت يمي شافتني كاسره المخده ومتمدده عدلت گعدتي رفل،، ابقي نايمه ليش گعدتي؟؟ زينب،، ابتسمت الها كتلها شكو شبيها جنه؟؟ رفل،، خابزيها عيالها خبز العباس ههههه زينب،، هزيت راسي بمعنى ليش رفل،، هي وعمتها متعاركات ورجلها سامعها تتجاوز على امه لازمها مكسرها تكسر وهسه مدري شبيها تبجي من بطنها عزااا لوتشوفين جسمها عباره عن كدمات زرگ زينب،، اللهم لاتجعلنا من الشامتين خطيه رفل،، والله ماكو مثل گلبج تذكرين شسوت بيج جنه؟؟ زينب،، اذا اني انسه حاشه لله ينسى اني تركت الي ياذيني هو وربه يتجازه رفل،، ونعم بالله زينب،، بعدها اجت ام سجاد بس ماحجت شي گعدنه نسولف سوالف عاديه سالتني على حملي گتلها قبل لاتجين اكلت من الحلاوه واتقيئت ام سجاد،، سوده عليه بنيتي هي فتره وتعدي التنساه صدگ بشنو تنسيتي؟؟ زينب،، قصدج اشتهيت؟؟ ام سجاد،،، اي زينب،، والله خاله كلشي مااشتهيت وحتى الاكل الاكله اركض اذب من معدتي ام سجاد،، بلگت ماتتنسين ومن ادخلين شهر الرابع يتوقف لعبان النفس زينب،، اني قبل جنت اسمع من امي من حبلت ب امير اخوي تحجي ويه مرة عمي كالتلها نساتي تبدي من شهر الرابع للتاسع اضل روحي بالطين وريحة الرطوبه والتربه ام سجاد،، يااا يمكن انتي نساتج نفس نساة امج ومن الشهر الرابع راح تكومين تشتهين الاكل زينب،، والله ياخاله ماادري بس كل اليهمني تخلص فتره لعبان النفس لان تعبتني ام سجاد،، قبل جانت مرة عمي ام ذياب گاعده ويانه بنفس البيت وحامل بذياب خطيه جانت تتنسئ وعمي ماموجود اكثر شي تشتهي الحمضيات بس جانت نذيره موشي وياها ودوم مشاكل فخطيه من گد ماتنساتها صعبه وماتريد الطفل يطلع بي شي تركض للنخله عدنه نخله صغيره تاخذ من گلب السعف خوص اصفر هذا اليصير ناعم كلش تشلعه وتضل تعلس بي لو تاكل ورق عنب لو العنب الصغار الحصرم لان حامض زينب،، بگلبي گلت الله واكبر يعني من زمان الضلم جائر بهذا البيت طلع بس من الخارج حلو ويخلي كل شخص يشوفه يحلم يعيش داخل جدرانه لكن من تتعايش وياهم راح تشوف بشاعتهم تخليك تتمنى تعيش ابيت سعف افضل الف مره من عيشتك بمثل بيت الشيخ ع الاقل عيشتك ابيت السسعف تشتري بيها راحه بالك لكن اهنا من يوم الدخلت ماشفت راحة بال ابد يومين وراحت ام سجاد بس الوضع بالبيت كلش متوتر لان محد اجه من عيال جنه عليها كانه كارهين وجودها يمهم ومرتاحين بدونها اسبوع وجنه يم امها مااجت البيت جدها خاتله اهناك تخاف احد يتشمت بيها بس نذيره من تشوف بتها مقهوره تجي اطلع ظيمها بيه تستلمني نضفي هاي وشيلي ذيج لواء مااحجيله من يخابر اكول خطيه شيريد يسوي وهو بالدوام واذا كتله راح بس يحرگ بروحه اهناك عاد من يجي احجيله نذيره تلح على ابوها حتى يخابر ابو رجل جنه يعاتبه على ضربها بس شيخ منهل رفض كالها كل اليجرالها من ايدها لاتفشليني اكثر انتي وبنتج ويه الوادم خليها اذا يردوها يجون ياخذوها نذيره،، واذا مارادوها؟؟ شيخ منهل،، اروح اتوسل بالوادم يردون بنتج نذيره،، صدگ بويه؟؟ شيخ منهل،، والله لو يطلجوها مااروح ابد وهسه انه جاعد اهنا بس اعرف بنتج العايله عبنها وكحححه هي التجيب زلمه للبيت بتوالي الليل شترجه منها؟؟ زينب،، اتصل لواء گال اني جاي اليوم كويت ملابسه ورتبت الغرفه للضهر وجان نسمع صايح بالمنطقه ام لواء گالت النذيره البسي عباتج واطلعي شوفي شنو هذا الصايح ركضت نذيره شويه ورجعت كالت بيت ام محمد ابنهم استشهد بالحشد ام لواء گالتلها خطيه سمعت امه خاطبتله. تريد تعرسه من سمعت كلامهن دموعي وحدهن نزلن دخيلك ياربي شباب جاي تروح بعمر الورد وكل واحد بيهم عنده حلم يحققه بس غيرتهم شالتهم وفزعو لبو نداء المرجعيه حتى يدافعون عن وطنهم رفعت ايدي للسماء ربي دخيلك لواء بحفضك وامانتك يارب للمغرب كلش اجه لواء ومن سمع الخبر ضاج لان الولد بغير وحده يداوم والعرفنا بعده ماجابو بعده بالمستشفى واكو كم واحد من الجيران يردون يلحگون اهل الشهيد حتى يجيبو لواء بي فزعه حلوه بحيث بسرعه ذب ملابسه العسكريه حتى مالحگ يسبح لبس دشداشته وطلع گال ذوله جيراني يفزعولنه بالزغيره والجبيره وبموت جود واكفين وياي النهار كله بيومها للعشره بليل وهو ماجاي حضرتله عشه وصعدته للغرفه غطيت الصينيه خاف يجي جوعان تالي نص الليل حسيت روحي نسحبت فزيت شفت روحي بحضنه نايمه رفعت راسي سالته شوكت اجيت؟؟ لواء،، قبل ربع ساعه زينب،، نهضت فتحت الضوه ورجعت يمه مبين سبحان باوعت للساعه ب٣ونص الفجر سالته ع الولد لواء،، جبنا يم اهله والصبح التشييع زينب،، انگلب نام على ظهره وايده جوه راسه عيونه حمر دم لواء،، الله يصبر ابو واخوته وامه اخوته بالمغيسل من رادو يكفنو شمرو رواحهم على فوگ اخوهم اتخيلت حسين اخوي ماشفته ولاطبيت وياه وغسلته بيدي زينب،، الله يصبرهم بحق النبي اباوعله دموعه نزلن مديت ايدي مسحت دمعته مسح وجها بثنين ادي اخذ موبايله وقته ب ٦ونص كال التشيع بالسبعه ادري تحز بخاطره عبن اخوي كتل اخو بس ولامره بينلي هذا الشي ثاني يوم من الصبح هو راح للتشيع والساعه ب ٩نذيره لبست هي وغفران راحت للطم مال النسوان مارجعت غير قبل الصلاه مال الظهر بشويه اسمع نذيره تحجي عن مره لاگيتها بالفاتحه تعرفها من زمان تسولف ل امها عنها نذيره،، ييمه شفت بت ابو رضا هاي المعرسه ابغداد اشلون صايره احوال والله ماعرفتها عبن هي عرست گبلي والمره هم كبرانه بس مامبين عليها الكبر مثل حضي سالتها گالت صار عندي اثنين اولاد واثنين بنات ابنها الجبير اكبر من جنه بنتي لسه مامعرس والمره ضلت عينها على غفران وكل شويه تسالني بنتج مخطوبه؟؟ خو مامحجوزه لواحد من گرايبكم؟؟ ييمه يمكن خلت عينها على غفران اني من زمان اسمع اخبارها من النسوان يگولن ماخذتلها واحد صايغ وخير من الله تلعب لعب بالفلوس بلكت الله تخطب غفران ل ابنها زينب،، اسمع ومتعجبه بحقاره هيج بشر رايحه الفاتحه وناس حلوگهم متروسه دم على موت ابنهم وهي ناصبه ع المره يسولفن بالخطبه صدگ الوجعه ماتوجع غير راعيها اهل الميت يفرفحون وذني الفايخات عبن الفاتحه موفاتحتهن مامحترگه ارواحتهن وكاعدات مرتاحات اسمع ام لواء تگلها بلكت قسمتها احسن من قسمه اختها الكتلت روحها ع الرجل تالي كسرت وجوهنه ودمرت روحها بسبب وكاحتها زينب،، كملت تنضيف الصاله ورحت للمطبخ اذن اذان الضهر رجع لواء من الدفنه حضرتله الحمام يسبح ورجعت للمطبخ انضف من نزل شافني اشتغل لواء،، زيينب اني موگايل لاتشتغلين؟؟ زينب،، ردت احجي سمعته نذيره اجت گالتله ومنو مشغلها هي مرتك وحدها اتگوم ماردت افشلها وهم اني تعبت من المشاكل صرت اتخبل من اسمع عركه لو مشكله لان روحي انترست قهر بحيث ماعدت اتحمل احجايه زايده كتله لواء اني گمت اشتغلت لان تعبت من النوم والحافضه الله حافضه لتخاف وداعتك اذا كاتبله عمر يعيش لو اشتغل ليل نهار كلشي ماعلي ولو الله كاتبله يموت لو انام ومااحرك الورد هم ياخذه لان مامكتوبله العيشه لواء سكت بس گال لاتذبين روحج كلش كملي البيدج واصعدي نذيره من تسمع كلام لواء وتشوف خوفه عليه تنطعن يصير وجها احمر ابدها تحطني وتگطعني بليل گاعده اعزل بملابس لواء انفتح الباب دخل بيده علاگه سد الباب واجه گعد يمي بالصدفه ماادري ولامنتبها اني شلازمه لواء،، بويه هيج مشتاقتلي الهاي الدرجه؟؟ زينب،، يحجي وياشر بعيونه على ايدي لمن دنگت وجان اشوف لازمه الملابس الداخليه احس صخنت من الفشله وهو طگها ضحكه جر راسي باسه احب حنيته وطيبته واخجل منه كلش حتى استحي ابدل جدامه شگد يحجي ويفهمني انو اني حلاله والله جعلنه واحد ستر للثاني وهلشي عادي بين الازواج بس موبيدي استحي من يكمل حجي الگاه مبتسم مرات يگلي احب خجلج بس العجيب بعلاقتنه ولامره واحد من عدنه سمع كلمه احبك من الثاني لااني حجيتها ولاهو بيوم الثالث مال فاتحه الولد هم راحت نذيره واخذت بتها غفران يشهد الله من طلعت غفران عبالك عروس انتبهتلها حاطه باودر وجها ابيض كلش اني من يمي استحيت عبن فشله رايحه فاتحه موعرس ورايحه متبرجه ماكو مره ماتعرف المره الجدامها حاطه مكياج لو ماحاطه اكيد راح يعرفنها وراح ينتقدن امها هسه يگولن موصوجها صوج امها الجابتها واجت والله اذكر مره صادف حصاد والوادم تذري الشلب عن الصدف، (العودان الناعمه) واحنه حاطين شلباتنه اباب الحوش وامي تذري بيهن طفرت عوده بعيني كلش ناعمه خبصت عيني خبص من گد مافركتها وامي خطيه فتحت عيني ادور العوده تريد اطلعها بس ناعمه وزغيره صعدت بالفص فوگ ف مرت عمي ام غصون گالت الغصون روحي جيبيلها الكحله الحجر خل تكحل عينها لان الكحل ينضف العين صدگ راحت غصون جابت الكحله والقران كحلت عين وحده حتى تطلع الوصخه عن عيني المغرب كلش وكت عشه ومطفيه الكهرباء واگفه بالمطبخ اغسل مواعين والفانوس يمي مشتعل اجه احمد التفتتله ورجعت التفتت للمواعين ماحسيت غير جرني من شعري احس رگبتي طگت يگل ل امي اليوم بنتج مكحله انطيتيها مجال طاحلي كتل وابوي ماهو وامي ماتگدر ل احمد عاد مريم ركضت العمي صاحتله گالتله الحگ احمد موت زينب كتل اجه عمي يركض هو ومرته واتعارك ويه احمد مرت عمي گالتله اني انطيتها الكحل لان عيني بيها وصخه من الشلب وماحطت اختك غير العين وحده يعني رادت اداوي عينها موتتغاوه بكحلتها (تتكشخ) من سمع كلام مرت عمي يالله عافني بس جسمي يون من الكتل من يومها تبت شگد توگع بعيني وصخ من الشلب لو الحنطه بس دائما صرت اروح الجيرانه اطلعها تعرف بذني السوالف وذني لاعدهن مستحه ولاخجل رايحات متزينات للفاتحه هسه لو بس فاتحه الشهيد بيها مجال بس اخوهن الماصارله كم شهر من مات وحده عرست وصبغت وميشت والثانيه من هسه ادور عرس يمكن نذيره صارت بيها خوفه اتگلك قبل ما الثانيه اتصخم وجهي خل اعرسها وارتاح منها العصر من رجعت نذيره من الفاتحه اتفاجئنه وياها مره جايه المره نافشه ريشاتها عبالك طاووس ولاجنها تمشي ع الگاع تتگلب تگلب بمشيتها اباوع نذيره مخبوصه بيها اليشوفها يكول جايه وياها مرت السلطان سليمان فاتت المره يم عمتي للاستقبال اجتني نذيره تركض وغفران لازمه بيدها عبايتها ولابسه حجابها لان توهن رجعن من الفاتحه نذيره،، بسرعه رتبي صينيه وحطي بيها كاسات ماي وسوي جاي ركضض زينب،، كملت كلامها وياي التفتت الغفران نذيره،، وانتي انزعي حجابج وشعرج رتبي تعاي اكعدي يم المره زينب،، اول ماطلعن هزيت ايدي عائله يمكن عدهم خيط اخبال طلعت صينيه حطيت بيها كاسات ماي واخذتها الهن طلعت غفران من الاستقبال صارت بوجهي همست جيبيها اخذت الصينيه من ايدي وفاتت يمهن اسمع ام لواء تحجيلها عن حادث جود والمره تتعذر منها اتگلها ماسمعت والله اله البارحه سمعت من النسوان بالفاتحه رجعت سويت جاي اجت غفران وكفت يمي لمن صبيت اخذته وراحت يمهن نص ساعه المره يمنه المطبخ بي شباكين واحد للحديقه والثاني بجهة باب الحوش جان بمكان الشباك بانين مخزن وفلشو بنو بمكانه بس شباك سمعت هورن مال سياره فتحت البرده على كيف شفت شاب نزل من السياره انتجه عليها طلع موبايله يتصل مدري بمنو ضليت صافنه شاب متروس محابس وگلايد وسوارات حواجبه مسويهن خيط رفيع وطابرهن من النهايه ومزين شعره طاسه كذلته طويله بحيث نازله على عيونه كله شويه وحرك راسه يشمرها على صفحه وحاط بحزامه مداليه بيها مفاتيح من اتحرك خطوتين صرت اسمع صوت الخرخشه مالته زلمه كله يخرخش من فوگ لجوه عرفت هذا ابن المره لان الضاهر اتصل بيها انطاها علم هو واگفلها بالباب طلعت وياها نذيره تودعها سلمت ع الولد شو هذا يتماوع گوه كتمت ضحكتي لان بي انوثه اكثر مني لاوالمصيبه نذيره اكلت الولد بالسلام تالي اخذ امه وراح فاتت نذيره تحجي ل مها اتگلها اشلون شاب ينگرط گرط حلو ومرتب هو صدگ ك شكل حلو بس مخرب روحه بالهوسه المسويها بشكله بليل اتصلت ام حنان بس ماعرفت شكو بس سمعتهن يحجن بااتصالها من صعد لواء للغرفه گال حنان البارحه طالگه بليل وماخذيها والدكتوره مرجعتها عبالهم عدها ولاده وهي حاجزه ع العمليه بس متعارضه قبل موعدها بلكت الله كلشي مابيها ويطلعون ويلاد اخوي كلشي مابيهم ضليت اندعي كون يكملن ايامها وتجيب بخير وسلامه سبحان الله نسيت كل السوته حنان وصرت ادعيلها ربي يلتفت الها وتطلع سالمه هي واطفالها ثاني يوم ام لواء گالت الواء يمه مرت اخوك اليوم ياخذوها للدكتور فشله خابر ابوها اساله عنها وگله شمحتاج مامحتاج وانطي علم افلوس العمليه من عندك مو من ابوها وفعلا اتصل لواء ب ابو حنان وساله عن وضعها كاله تجيها الالم وتروح وهسه احنه يم الدكتوره وحولتها للعمليات لان متقدمه ولادتها والساعه ب8بليل تدخلها للعمليات لواء بدل واخذ الشيخ ونذيره وياه للمستشفى عبالك اني الاريد اجيب افتر بالغرفه واندعي ربي سهل الها ربي دخيلك طلعها طيبه هي وجهالها وره ساعه اتصل لواء مهضوم مختنگ ماحجه شي غير گال لواء،، جابت زينب جابت اجوو جهال حسين زينب،، سد التلفون جريت نفس الف الحمدالله يارب تحيي العظام وهي رميم حسين مات بس مامات ذكره والله عوض امه وابو بذريته راح يحملون اسم ابوهم ومايموت ذكرئ وياه بدون نسل مارجع لواء للساعه 10بليل اول مادخل للغرفه ضحك اني من اشوفه يضحك وحدي الحلگ ينفتح اذراع اجه يمي جرني وباسني دنگ البطني يحجي وياها لواء،، شوكت تجي ولك سربوت خليتني احسبلك يوم يوم زينب،، واذا بنيه؟؟ لواء،، بنيه وتطلع رزنه وعاقله مثل امها يامحلاها ولتنسين الولد والبنت هديه من الله عز وجل المهم اتمامه الخلقه اكو زلم ومابيهم حض وبيهم العاق لهله واكو بنيه تسوالها الف شارب وباره باامها وابوها وراضين عنها ولج والله مساع بالمستشفئ اول ماانطونه الولد شلته بحضني كبرت ب اذنه وبسته صح فرحان بي بس مو بگد فرحي من طلعو الطفله وجها وردي وملبسيها ابيض ومگمطيها بگماط وردي والله تمنيت احطها بروحي بوستها وماشبعان منها يصح طفل ياخذ معزته گوه زينب،، بعدها سكت ابتسم وغمزلي لواء،، يمعوده فوگ ضيمي بالدوام اجي تتلگاني المصايب اتگول منتضرتني الكوارث لمن انزل مجاز وانوب الدكتوره سدت بوجهي الباب وگطعت عليه الهوئ والماي والكهرباء زينب،، ضحكت كتله اتحمل لواء،، لايبوي خلصن هنه بس خمس شهور والله يسهلها زينب،، تالي گلت خطيه باجر ارتبله جو كل مايجي صدگ تتلگاه المصايب ثاني يوم من الصبح لواء اتصل ب ابو حنان ساله على صحتها وعلى الاطفال گاله زينين رجع لواء حجه ويه ابوها گاله اني جايكم للمستشفى وراح اجيب ريوگ وياي راد يطلع گتله انتظر اني راح اخدر ترمز مال چاي اخذه وياك وانته اشتريلهم بس صمون وگيمر عرب لواء من يشوف تصرفاتي احسه يفرح لان اشوف لمعه الفرح بعيونه نزلت وياه ترست القوري ماي حار من الگيزر بسرعه فار خدرته ودرته بالترمز اخذه لواء وياه هو يشتري كاسات سفري يصبون بي الساعه ب 11 طلعو حنان من المستشفئ لهلها ابوها اخذها بسيارته لواء بس داخللها مسلم عليها ومتحمدالها ع السلامه الساعه ب 3ونص العصركلهم راحو البيت حنان وكل واحد ماخذ هديه شكل ام لواء دزت نذيره للسوگ من الصبح راحت للصايغ اشترت زوج تمايم للطفله وللطفل مشتريه مدري شنو ينلبس براسه ذهب نذيره اشترت جهاز كامل للاطفال ملابس وشغلات حلوه اباوعلهن من المطبخ ولازمه بطني شيجيب اليوم الاجيب بي طفلي واشتريله من ذني الشغلات من راحو البيت صار هدوء صعدت الغرفتي تذكرت كلامه البارحه فتحت الكنتور عندي نساتل وشغلات وبالثلاجه حلويات وعصاير اجت ابالي اهواي شغلات بس مستحيه اتفذهن انفتح الباب دخل لواء لواء،، مريتي وحدها بالبيت؟؟ زينب،، اي لان كلهم راحو البيت حنان لواء،، وليش مااتصلتي بيه؟ زينب،، وعليش اتصل مااخاف وبعدها دنيه العصر من شنو اخاف؟ لواء،، والله مرتي ذيب امعط ماينخاف عليج گومي اطلعين وياي زينب،، وين؟؟ لواء،، مشتهي ننزل سوه للبستان زينب،، بسرعه لبست عباتي ونزلت وياه هو يمشي جدامي واني وراه صارت عيني على گاع ابوي الباعها للشيخ بيتنه من بعيد اشوفه اتمنى المح خيال امي لو وحده من اخواتي من بعيددد شفت مريم وزينه لازمات حبل الهاشه ويمشن جدامها لان العصر ينزلنها للبستان مال جيرانه صاير بصف بستان شيخ منهل عيني تشكلت عليهن امشي وعيوني الصوبهن لگيت دموعي وحدهن نازلات لواء،، تذكرين من نزلتيني بالطين حتى تعبرين؟؟ زينب،، مسحت دموعي كتله اذكر بس شعرفك هاي اني؟؟ لواء،، صاحبتج الجانت تمشي وياج فاضحتج بصوتها العالي من بعيد اسمعها تصيحلج زينب صرت كل ماانزل اشوفج ومبينه وكحه عكس هسه فاهيه زينب،، هو جدامي يمشي على كيف ويحجي گتله كثر الدگ ع الحديد يخلي يلين التفتلي شافني امسح بدموعي رفع وجهي بيده لواء،، وليش تبجين؟؟ زينب،، التفتت الصوب بيت اهلي كتله مشتاقه ل امي حجيتها وبجيت مااتحملت لواء،، كافي بويه لاتبجين اني هم غلطان بس وروح اخوي موبيدي هلتشوفين ارجع من الدوام تتلگاني الكوارث اتخليني مالحگ احك راسي بس انشاءالله بيوم الالتحق اخذج يمهم تضلين مااجيبج اله لمن انزل مجاز اسبوعين اخليج يمهم اريدج تشبعين شوف منهم هابويه راضيه؟؟ زينب،، من فرحتي جريت ايده بستها جرها حطها وره ضهره لواء،، استغفرالله زينب،، گعدنه على جذع مال نخله ممدود بالگاع طلع باكيته وجداحته اخذله جكاره حطها بحلگه اورثها سحب نفس ونفث الدخان لواء،، احجيلي زينب،، مافهمت شيقصد هزيت راسي بمعنى شنو لواء،، عن اهلج زينب،، دنگت اخذتلي عوده صغيره من الگاع گتله شحجيلك لواء،، كلشي زينب،، گتله قبل من جنت ارجع من المدرسه امر على بيتكم اباوعله اگول هنياله العايش بي اكيد مرتاح لواء،، وهسه؟؟ زينب،، حلمي ارجع اكعد بين امي وابوي واخواني صح عيشتنه تعب بتعب بس بالنه مرتاح لان ناس فقره على گد حالنه لو العمر ينباع جان دفعت عمري كله في سبيل يرجع يوم واحد اعيشه ويه ابوي كعدت احجيله عن ايام قبل واشلون جان ابوي يتعب ويكد وهو مريض وظهره محني ورغم هذا الشي يشتغل في سبيل يوفرلنه اللگمه الحلال وجان قبل ماينام اذا واحد بينه زعلان وخاصتا احنه البنات محتوينه يبوس هاي ويحضن ذيج ومايوم حسسنه بفقره دائما من نريد شي يجيبه لو يعرف يداين وبعدين يسده من راتبه جنت احجي ودموعي مستمره بالنزول بعدها سكتت وهو ساكت يستمع لواء،، الاب كلمه الها وصف ومعنى اكو اباء اهواي عايشين الوصف وتاركين المعنى زينب،، هزيت راسي مامفتهمه لواء،، الي عايشين الوصف يعني يصرفون على اولادهم بدون حنيه ولااحتواء مثل ابوي بالظبط ومن واحد من اولادهم يسويله مصيبه وتجي الناس تعاتبه يگلهم والله اني مامقصر عنه بشي وموفرله كلشي بس بالحقيقيه هو مامحتويهم ولامصادقهم اكو مثل يگول ابنك خاويي يعني صاحبه صير صديقه اسأله عن المضوجه اساله عن ابسط الاشياء خلي يحس بوجودك اذا غلط علمه واذا اتجاوز عاقبه بس بعگل موبقسوه هاذه المعنئ الحقيقي للابوه زينب،، احس لواء مدرسه اتعلم منه وكلامه جبير صعب على عقلي يفتهمه بس هو يحاول يبسطلي الكلام حتى افهم صرت اكتسب معلومات منه من يحجي وياي تحسه جاي يحجي ويه شخص بعمره مو فرق بيناتهم 19سنه موضوع يجر موضوع ومن ضمنهن العلاقه الزوجيه المبنيه ع الاحترام والعلاقه الزوجيه المليانه مشاكل لواء،، اغلب الحالات الزوجيه حاليا متزوجين ظاهريا لكن منفصلين داخليا حياتهم كلها عركات ومشاكل كثير بسبب او بدون سبب وتشوفهم محد راضي عن تصرفات الثاني حتى لوكانت صح ماكو حب بيناتهم ولا احتواء ولارضا وتلگاهم واصلين لاقصئ درجات النفور من بعضهم ورغم هذا الشي تشوفهم مكملين حياتهم ليش؟؟ السبب الاول لان عدهم اطفال والسبب الثاني لان الناس تگلهم كملو حتى المركب تمشي الخاطر اطفالكم بس بالحقيقه عمرهم هو اليمشي والمركب يضل واگف ويمكن يغرگ بيهم وهيج يكون ضاع عمرهم وحياتهم واستنزفو طاقتهم بعلاقه فاشله نهايتها مكتوبه من البدايه اهواي حجينه حتى ماانتبهنه للوقت دنيه المغرب واذن الاذان نهض من مكانه مدلي ايده لزمتها وگمت رجعنه للبيت لگيتهم راجعين ماشفناهم لان بجهة بيت الشيخ نخل وشجر مانشوف السياره التجي اتلگتنه نذيره تتخازر وياي مخازر عبرناها وفتنه صارت بوجهنه ام لواء يم المغسله اباب الحمام تتوضه كملت والتفتتلنه ام لواء،، ضل البيت ل ام طيره وطارت بي فرد طيره لواء،، شكو يمه؟؟ ام لواء،، طلعنه مامنين لان الخانم بالبيت تالي عايفته وطالعه لو جاي حرامي؟؟ لواء،، وانتو اشلون اطلعون كلكم وعايفيها وحدها؟ وبعدين اني طلعتها تره هي هم بشر حالها حالكم بس لان ماتشكي ولاتحجي ماكول حگها وشغله ثانيه حرامييش هذا اليجي يبوگ بعز النهار؟؟ لو بس تردن تحملنها ذنب؟؟ ام لواء،، والله هنيالها ادافعلها لواء،، والله يايمه كل المصايب الجاي تصير بهذا البيت من يوم الفاتت زينب لهنا ونامت مضلومه وفهمجن كفايه زينب،، حط ايده على ضهري بمعنى اصعدي تركته وصعدت للغرفه نزعت عباتي وطلعت للحمام توضيت ورجعت لگيته متوضي جوه وفارش السجاده يصلي اخذت سجادتي فرشتها وراه وبديت اصلي كملنه التفتلي لواء،، قبل الله زينب،، گتله اتقبلك الله عرفت روحي جفصت هو خرب ضحك لواء،، ولج الفاهيه گولي قبل الله اعمالك لو منا ومنكم بس يالله ميخالف اهم شي يتقبلني الله زينب،، يحجي وخربان ظحك لميت السجاده گتله هاي بسيطه جا مره مات جد صديقتي ورحنه اني وامي نعزيهم بيوم الثالث مال جدها من شافتني الابنيه عود شافت صديقتها واجت تحضنها حتى تواسيها اجت حضنتني گتلها البقبقاء في حياتج والله بيومها الابنيه نست حتى جدها وخربت ظحك گوه سكتتها ف وگفت بصفها نلطم شايف انته امهات الميت يوگفن سره واحد وتجي النسوان تواجهن باللطم اني واگفه بصف صاحبتي الطم وياها والنسوان الغربه عبالهن اني من اهل الميت ف اجت وحده باستني گالتلي البقيه بحياتج جاوبتها حياتج البقبق والله العظيم صديقتي عظت حجابها وانهزمت فحطانه من الظحك جرتني الغرفة امها گاالتلي مبين ماكله دجاج اليوم لان تبقبقين من اجيتي لسه فظحتينه النسوان تتنوع بوجهونا لان نظحك من وراج لواء،، هههههههه خرب بغيرتج رايحه تعزين لوتبقبقين؟؟ زينب،، والله موبيدي الساني يفلت واضل التم بالسالفه اتلتم الله يطيح حظك يلساني گعدت اسولف الواء على ايام قبل وجفصاتي وهو كل شويه وطگها ظحكه اخر شي سكت فرك وجها گال اهواي ظحكنه اليوم ظحكه خير انشاءالله بعدها گال اني رايح يم ذياب البارحه مارحت يمه سالني اذا جوعانه كتله لا اكلت العصر لواء،، خوش چا من اجي اجيب عشه وياي و اذا نزلتي جوه شتسمعين من امي اسكتي امسحيها بوجهي لان هاي امي حتئ لو غلطانه مانگدر نغلط بحقها بس نذيره اذا حاجتج گليلي زينب،، هو نزل واني ظليت بالغرفه حتى مانزلت يمهن لان اكيد اذا شافني يظلن يذبن حجي لان ماسويتلهن عشه اتذكرت لواء خطيه خل اسويله جو قبل لايلتحق بعدله يومين اكو كارتونه مال شاشه البلازمه حاطتها جوه الجربايه جريتها حطيتها بالگاع عندي شرشف احمر يجي ويه الديباج طلعته فرشته فوگ الكارتونه طلعت النساتل والعصاير نزلت جبت المواعين واگلاصات اثنين من المطبخ همزين هنه ماموجودات مبينه نذيره رايحه البيتها وام لواء بغرفتها اتنام من وكت حطيت الغراض بالمواعين رتبت كلشي رحت سبحت بسرعه ورجعت قفلت الباب لايسويها الشيطان وتصعدلي نذيره وتخرب كلشي فتحت الكنتور عندي سيتات النوم الاشتراهن لواء لسه مالبستهن بعدهن جدد بس شنو فظيحه اربع سيتات واحد يگول للثاني انجب اني افضح منك فرشتهن ع الچربايه محتاره شنو البس تالي گلت حبايه بخشم الخياط الخيطجن هسه اشلون البسهن؟؟ واحد منهن طويل بس من فوگ مكشوف الخياط الخيطه راضي الله وعباده من جوه طويل مستور ومن فوگ الصدر طالع باوعت للثاني لاراضي الله ولاعباده ولا الكفار ولا البشريه شلع قلع من الهبطه شلته رجعته للعلاگه گتله مخبله اذا البسك تالي اخر شي اختاريت سيت لونه اسود طويل بي فتحه جانبيه من فوگ صح مكشوف بس ارحم من السيتات الباقيه ولاانتبهت الهذا البسته لمن وگفت جدام المرايه اتمايزه وفشلانه من روحي عبن فشله صح زلمتي بس استحي منه درت وجهي وجان اشوف الضهر كله طاير يبوووو عود هذا استرهن ردت انزعه اندگ الباب ضليت افتر ارتبكت ومن دگته عرفته لواء لان من اقفله يدگ الباب بالسويج مال سيارته تالي مالگيت روحي غير جريت عباتي لبستها فوگ الكارثه الابستها رحت فتحت الباب دخل وسده وراه راد يحجي انتبه للترتيب المسويته راح يمه لواء،، شني هاي ترتيب وكذا اليوم صايره تطورات زينب،، ابتسمت ولازمه عباتي من يم رگبتي شو من صارت صدگ السالفه خفت ردت اعبر لان بطلت اريدلي دشداشه البسها فوگ الطرگاعه الابستها ابتسم لزم ايدي جرني احس دگات گلبي عبرن الذاك الصوب رفع وجهي يباوع بعيوني ابتسم بطرف شفته وبانت الرصعه احس روحي تيهت العبايه عندي بدل الرصعه اثنين بس مااحسهن حلوات مثل رصعه لواء وانوب لان صارله اكثر من اسبوع مجاز مامزين لحيته بس محددها صايره خفيفه بحيث زايدته وسامه تيهت العبايه وتيهت روحي واگفه بصفه فرق الطول كارثه واصله المعدته جرني حضني وطاحت العبايه الگشره وفضحت المستور بعدني عن حضنه وعيونه تتفحصني لواء،، زينب انتي گد هاي الحركات لو ناويه تشلعين گلبي؟ زينب،، هزيت راسي بمعنى ليش لواء،، مو الدكتوره مانعتج لو نسيتي؟؟ زينب،، دنگت مستحيه منه لواء،، بويه والله راضي ومتحمل الخاطرج لمن تجيبين واطلعين طيبه اخذ حگي منج مربع لان كل يوم انتضره اسجله دين اعليج ومن تجيبين ادفعين كل دينج هسه النه الله نصبر ونتحمل زينب،، لواء عاقل عاقل بشكل بحيث رغم لبسي وترتيبي وهاي اول مره هيج اجهزله نفسي بس مافكر يرضي غريزته على احساب اذيتي ردت اروح البس دشداشه منعني لواء،، يابه گلنه كلشي ماكو لان اخاف عليج خو مو اتقفلين علينه كلشي خلي عويناتي تشوف حلالي وتتمتع زينب،، كعد وكعدني يمه احسه داخل بحرب اعصاب غصب عنه تالي گال لواء،، بويه گومي البسي دشداشه فوگ الغضب الابسته تره السالفه حمت والشيطان يطگلي اصبع من ضيمه استري على روحج وع البطنج زينب،، گمت لبست فوگ هدومي وهو بس يدردم تالي رح نام وصاحلي رحت طفيت الضوه وشغلت گلوب النوم رجعت نمت يمه سحبني الحضنه باسني بگصتي يوم عن يوم لواء يكبر بعيني اكثر احسه انسان اكبر من عمره عگله جبير دائما يفكر بعگل ثاني يوم العصر گال جهزي ملابسي الصبح التحق هنه مغسولات بس كويتهن وجهزتهن وخليتله ملابس بالجنطه مالته بس هاي اول مره احس گلبي مقبوض مااريده يروح فركت صدري دخيلك ربي شو دائما يلتحق بس هاي اول مره اختنگ هيج قريت المعوذات اتعوذت الشيطان هدئت روحي گلت يمكن لان هاي اجازته اني وياه كلش تقربنه من بعض بحيث احسه دارسني دراسه مفصله بدون مااحجي يعرف شبيه كملت تجهيز الجنطه اجه من شافني گال عفيه عاشت ايدج سالته وين جنت لان من العصر طلع وهسه جزه المغرب وهو توه اجه لواء،، جنت بشغله وهم مريت ع الحلاق زينت جهزتي غراضج؟؟ زينب،، ياغراض؟؟ لواء،، موگتلج اخذج لهلج زينب،، گتله خاف اهلك مايرضون وتصير مشكله لواء،، انتي ماخذه منو؟؟ زينب،، ضليت ساكته لواء،، مو احجي وياج؟؟ زينب،، ماخذتك لواء،، جا لاتهتمين الواحد دام اني راضي يالله بويه حضري غريضاتج حتى ازتج وياي الصبح زينب،، صح فرحانه بس جاي احس اكو احساس بداخلي خانگني حضرت علاگه جبيره بيها سحابه لان ماعندي جنطه لواء يضل اسبوعين بالدوام يعني الغراض البثلاجه حرامات تضل جبتلي علاگه نايلون طلعت النساتل والعصاير والشغلات الجابهن حطيتهن بالعلاگه لواء،، شتسوين بيهن؟؟ زينب،، گتله اخواتي محرومات من ذني السوالف اخذهن الهن خطيه يفرحن بيهن لواء،، لالتاخذين شي بيدج لهلج انزلي انطي العلاگه النذيره زينب،، احس روحي اتفشلت بس مابينت هلشي وصدگ هو جايبهن الغراض فشله اخذهن لهلي صح حزت بخاطري حجايته لان ردت افرح اخواتي بس ياالله مامقسوملهن الفرحه اخذت العلاگه بيدي ونزلت لگيت غفران بالمطبخ انطيتها العلاگه وصعدت لگيته ماموجود بالغرفه شويه ودخل بيده الخاولي سبحان بيومها مانمت للصبح اكول شيجيب باجر واروح لهلي والله ابد ماغمضت عيني اباوع للشباج شوكت منتظره شوكت تطلع الشمس واشوف اهلي صارت الساعه ب 7 نزلت سويت ريوگ خدرت جاي بالقوري الجبير خاف يگعدون حتى يتريگون بي احس كلي نشاط اخذت صينيه صغيره بيها كوب جاي وقشطه وخبزه وصعدت الواء لگيته ينشف بوجها حطيت الصينيه وكعدت كعد يتريگ گدامي اباوعله اشلون ياكل لگيت عيوني وحدهن سرحانات بي وبتفاصيله لواء،، يالله يابه جهزي امورج انه نازل اسلم على ابوي وامي واجي زينب،، هو نزل واخذ بيده الصينيه عزلت الغرفه بسرعه وطفيت الثلاجه والاضويه اجه هو گال انطيت خبر لبوي راح اوديج لهلج فشله مهنا يكون هو جبير البيت وانتي جنته زينب،، ابتسمت جرني حضني حييييل ويه كل حضنه يجر نفس طوويل لواء،، افيش ياالله بويه تره الاوضاع صارت خطره استري علينه وانزلي زينب،، دمعتي نزلت مسحتها طلع جدامي بيده الجنط حطهن بالباب طلعت جر المفتاح مال الغرفه من جهة الداخل وقفلها كتله ليش؟؟ لواء،، اني وانتي ماموجودين عليش تضل بدون قفل؟؟ زينب،، نزل جدامي بيده جنطته وعلاگتي ام لواء تحسها تريد تنفجر من شافتني اريد اروح لهلي صار ثمن شهور عدهم مارايحه غير مره وحده بيوم المات ابوي اتلگتنه نذيره جايه من بيتها من طلع لواء لان اني وراه امشي ماشافها من هزت ايدها ماعاجبها الوضع صعد الغراض واني صعدت يمه ولاجنها المسافه بين بيتنه وبيت الشيخ كلش گصيره ماتتجاوز الدقيقتين بالسياره اتمنيت عندي اجناح واطير البيت اهلي واخيرا وصلنه وگفت السياره بالباب نزلت مامصدگه اباوع اللواء فرحانه واحس روحي بحلم لان هو جابني باب البيت مفتوح اكيد امي طالعه تحش للهايشه من الصبح دخلت ولواء واگف بره ماقبل يفوت گال ادخلي شوفي اهلج حتئ اطمن واروح اسمع صوت من حويه الهايشه عرفتها امي جاي تحلبها رحت اتخنس ودموعي تجري وگفت بالباب مديت راسي شفتها حست بيه التفتت فتحت عيونها مامصدگه امي مو جبيره بس كبرها القهر والتعب والعوز نهضت من مكانها وصاحت ام احمد،، يايمه يازززنيبه شمرت روحي بحضنها اشم ريحة محنه اشم ريحه الامان بهدومها امي نعمه منين مااطبلها خير امي دوله مستحه وعالم شريف وبالعجاف تمد اديها ونركض نعضعض بديها ماعرف من قدره الله نشوف جف امنه رغيف امي شجره ومايها ترباة ابوي وعشعشن عفه وبخت بااغصانها من من تغندب توقع شيصير؟؟ تغندب الجنه وتسد بيبانها امي راية وتختلف راية ضماير امي ياعفه وشرف طاري العشاير امي من تنگل جدمها دخيل جدها ترابها يخضر مناير امي من اشتاگ لله امشي اطوفنها انحسب عد الله زاير اثنينه نبجي بحرگه تالي بعدتني عن حضنها مامصدگه ام احمد،، ولج يمه زنيبه منوو جابج واشلون اجيتي؟؟ زينب،، مسحت دموعي وجاوبتها رجلي جابني. اواگف بره بالباب خطيه امي ركضت عدلت شيلتها على راسها ومحزمه بعبايتها طلعتله لواء اتقدم سلم عليها بكل احترام ولاكان ابن هذا البيت كتل اخو رجع فتح الجنطه مال السياره ضليت صافنه تارسها ترس مسواگ كارتون عصير ونساتل وصندوگ تفاح وكارتون موز اهواي اهواي شغلات جايبهن بقيت مصدومه اتقربت يمه سالته بدهشه شوكت جبت كل هاي الاشياء؟؟ لواء،، من البارحه المغرب وقفلتهن بالجنطه مال السياره زينب،، امي واگفه يمي مامصدگه تتشكره قفل الجنطه وراد يصعد رحت وگفت يمه گتله هسه عرفت ليش ماخليتني اجيب غراضي البثلاجه لان متسوگ مو؟؟ لواء،، لا مو لان متسوگ بس حتى نذيره ماتعيرج بهاي العلاگه زينب،، صدمني بحجايته طلع محفضته سحب منها افلوس حطهن بيدي جر راسي باسه لواء،، ديري بالج على روحج وعلى ابني وياج يتتتتتبع | ||||||||
|
| |
|
29-12-20, 02:36 PM
| #30 | ||||||||
| مراقبة عامة ومشرفة منتدى الروايات المنقولة
| البارت 27 #ضحيه_لمن_لايرحم بقلم زهراء الحسناوي ،،،،،،،،،،،،،،،،،،،، تعال ولاتجي واثنينهن صعبات 💔 ،،،،،،،،،،،،،،،، غصون،، هي دقايق وانففتح الباب بقوه دخل ذياب مثل الاعصار سحب الموبايل من ايدي ذياب،، شنووو هل الاستهتااار؟؟ غصون،، اخذ الموبايل يگلب بي جسمي يرجف اني منا خايفه من الصوره الشفتها انوب هذا يرعد احس راح اوگع من الخوف على صوت الصايح مالته اجت عمتي تركض مفزوعه خطيه ام ذياب،، يااربي سترك ولك يمه شبيكم؟؟ ذياب،، مو گلتتت ماكو فيسسس انعاال لو هي بس شغله اعناااد؟؟ شغله ماتعرفين بيها شكووو تسويهااا؟؟ غصون،، عمتي وگفت گدامي وهو مستمر اعصابه ترجف ام ذياب،، واحدد بيكم يفهمني شكووو شصاير؟؟ ذياب،، الحبابه اليمج سارره مسويتلهاا فيسسس هسه دخلت ع الاصدقاء شوفي المن دازه طلبببب؟؟ غصون،، خاتله وره عمتي وهو يفرفح لواوكع بيده يگطعني ذياب،، والله انعل شيب الخلفج لابووو الفيس لابووو مااارك ويااااچ غصون،، عيونه حمر دم عاگد حواجبه ويگلب بموبايلي ذياب،، حضرته الج هذا السگط الدازتله طلب ياااامه الإسلامممم شغله مااعرف بيهااا شكووو اسويهااااا؟؟؟ ام ذياب،، استهدي برحمانك يمه جا هذا البشر يغلط ويتعلم من اغلاطه وهي غلطت جل من لايخطئ غصون،، فراشي مفروش بالگاع شمر الموبايل ع الفراش وطلع عمتي سدت الباب ورجعتلي ام ذياب،، گنالج كحليها موتفگسيها واطفين عينهااا غصون،، اهنا ماتحملت بجيت گتلها عمه والله ارتبكت مااعرف اشلون الغي الصداقه ام ذياب،، لاتبجين يمه موكلشي ينحل بالبجي باجر اخابرلج ساره تجي تفهمج على هذا المدري شسمه غصون،، عافتني وطلعت اتمددت بفراشي عيوني وحدهن يجرن ليش ماافهم مثل نور؟؟ تحسها عقلها يعرف كلشي حتى من تحجي ويه ذياب تشوفها تناقشه بشغلات عمري ماسامعه عنها اله اني حجايتين مااعرف اجمعهن عدل واحجيهن مثل الاوادم جريت الموبايل رحت للاستديو مامخلي بي غير صور لميس وصور مهند وعمار كوسوفي كلهن حاذفهن رحت للفيس من اشوف اسمي مكتوب دهن الثول اموت قهر گلت باجر من تجي ساره اخليها تغيره للفجر مانمت من اذكره اشلون يرعد جسمي يضل يرجف وبسبب اسلوبه وعصبيته يخليني ابتعد عنه اكثر لان صرت اخاف منه الفجر نمت ماادري بروحي لان اهواي سهرت حسيت احد يكعد بيه رفعت راسي مضيگه عيوني ساره،، صحي النوم الساعه ب12عيني غصون،، عدلت كعدتي فركت وجهي هي طلعت واني نهضت لميت فراشي كدامي المرايه اباوع كفشتي صايره شكبرها عبالك الشمس شارقه فوگ راسي تذكرت امي قبل من جنت اكعد واتشوف عطوبي اتگلي شنو هاي الشمس المشرقه بشعرج لميتهن بقراصه وحطيت حجابي على راسي وطلعت اسمع صوت ام ذياب وساره بالمطبخ رحت للحمام غسلت وطلعت صار بوجهي ذياب توه راجع من الدوام لابس قميص ابيض وبنطرون اسود خزرني وصعد للدرج بمجرد اشوفه تنمغص بطني رحت للمطبخ ساره،، هله باام المشاكل تعالي البارحه شمفينه؟؟ ام ذياب،، ولج يمه اني الي يوم اطگ وانفجر بسببها اكعدي وفهميها والله اخوج الليله زين مانجلط وهاي الفاهيه مدري المن دازه طلب رفجه ساره،، هههههه يمه اسمها طلب صداقه كون يسمعج مارك ينعل الساعه الفكر بيها يخترع هذا البرنامج غصون،، اني مدنگه عمتي گالت مسويه چاي بس احمي واتريكي اشتميت ريحة دولمه كتلها لاعمه انتظركم نتغده سوه جاي احجي دخل ذياب درت وجهي عنه جر الكرسي وگعد گدامي اتذكرت الاسم مال الفيس نهضت جبت موبايلي خليته كدام ساره كتلها ساره بس غيريلي الاسم مال الفيس ساره،، ليش؟؟ شنو راح تسمي عاشقه لميس؟؟ غصون،، ساره سمعت بالعركه من امها بس ماتدري بسالفه تغير الاسم كتلها بس غيريلي الاسم ساره،، حبي ميصير يتغير لان البارحه سويناه ف انتظري شهرين ماادري ثلاث شهور يالله نكدر نغيره بس اشبي الاسم حلو غصون،، فتحت الجهاز ودخلت على حسابي مال الفيس اخذت الجهاز من ايدي مضيكه عيونها ساره،، بس هذا مو الحساب الي س غصون،، رادت تكمل سكتت رفعت راسي ذياب خازرها وعاض شفته يحذرها تكمل هي بسرعه استلمت السالفه اباوع ساره كوه كاتمه ضحكتها التفتتلي ساره،، تره هذا الاسم هم حلو غصون،، احس روحي مضحكه كاعده بينهم ردت اكوم عمتي كالت يمه غصون كومي طلعي طرشي حطي بطوس صغار كمت بس احس روحي اريد ابجي صعب تعيش هذا الشعور تحس نفسك غبي بين ناس كلشي تعرف والمصيبه ماكو واحد بيهم يكعد ينصحك لو يحاول يفهمك الشي الماتعرفه يحاول يوجهك للطريق الصحيح انو يفهمك هذا الشي صح وهذا غلط ساعدت عمتي بصب الغده مامهتمه لوجوده ابد بس احس عيونه تراقب كل تحركاتي كعدت اتغده وياهم شويه وگمت لان مااعرف اكل وهو موجود اتيه حلگي كمل ونهض گال الساره جيبيلي جاي الغرفتي خدرت وساره صبتله كوب واخذته طول ماكان موجود عمتي عيونها تتنقل بينه مااعرف شبيها تالي من رحت الغرفتي لحگتني كاعده اكلب بالتليفون اطلع رقم امي دخلت عمتي وضلت واكفه بالباب اسمعها تبسبس دخلت وراها فاتت ساره اجت كعدت واشرت الساره بمعنى سدي الباب عبالك حراميه مدري شبيهن ام ذياب،، غصون العصر اني وياج نروح الجارتنه خوش تحف وترتب هي مفتحه صالون داخل بيتها غصون،، عقجت وجهي لان ماحفيت غير مره وحده وهلسني هلس كتلها لاعمه دخيلج شسوي بالحفافه؟؟ ساره،، ماتشوفين شواربج ينحلف بيهن اسمعي كلام امي وروحي وياها وخل ترتب شعرج وتحفلج ام ذياب،، حضري روحج العصر اخذج الها وخل اشوفج تعاندين اله اكعد على گلبج وازين حواجبج بالمكينه غصون،، ساره خربانه ضحك تكل لمها صايره خطيره ام ذياب،، اريدج من اليوم تصيرين احلئ من نور كون تتماوعين بالحجي والصبح اخذج اشتريلج هديمات حلوه البسيهن ولج يمه من وراج راح انجلط البسي خلي ابني لويهج لو يحج بلكت الله ولنه مخلصين من الصفيره غصون،، رجعت شالت ايدها للسما ام ذياب،، ربي سامحني بس اني فقيره خو ماتزعل لان ماريد نويره لان تشلع گلبي؟؟ ساره،، عفيه يمه ابسطي غصون بلكت يفيد وياها ام ذياب،، اكو شعر جان يحبه ابو ذياب ودوم يردده الله يرحمه ع العمه والجنه هاي اخت الولد جزعانه من مرت اخوها لان تتباها بشهادتها ف الام تستحي من ابنها ماتحجي ويه مرته والاخت وصلت حدها وياها جرت مرة اخوها وبسطتها شافتها امها گالتلها عفيه يمه ابسطيها جزت حدها بوكاحتها من الاداب متخرجه وتتباها بشاهدتها ساره،، ها حجيه ابسطها؟؟ ام ذياب،، لايمه اني على ساعه ادغثها من فهاوتها غصون،، يحجن ويضحكن تالي عمتي كالت يالله كومي اسبحي حتى نروح من وكت گمت سبحت وبدلت لبست حجابي وعباتي وطلعت لگيت عمتي تنتضرني ساره گالت اني شويه واروح لان زوجي يجي ياخذني سلمت عليها وطلعت موبعيده المره رحنالها مشي براس الشارع من دخلنه يمها لگينه بنيه جاي تسوي بشعرها ميش نثر كعدنه ننتضر واني اباوعلها اشلون تشتغل بالابنيه بس من كملت طلعت النتيجه كلش حلوه ام ذياب،، يمه اذا خلصتي البيدج اريد تسوين الجنتي نفس شعر هاي الابنيه غصون،، التفتت العمتي شاورتها عمه مااريد ميش خلي بس تحفلي ام ذياب،، انلصمي مالج شغل غصون،، عدلت كعدتي وسكتت الابنيه كالت كومي اكعدي بمكانها نزعت عباتي وحجابي ورحت كعدت ع الكرسي كدام المرايه الابنيه،، حبيبتي شنو تردين اسويلج؟؟ غصون،، سكتت مااعرف اجاوب لان صدك مااعرف لسوالف الميش وذني الشغلات اذكر مره رحت ويه امي للصالون واني زغيره شفت المره اشلون تجر بشعر امي بالحديده وتالي جرت مدري شنو مثل السطل مدري الفرن ع الكهرباء يشتغل خلت راس امي بنصه بيومها فحطت من البجي عبالي امي احترگ راسها تالي من ذاك اليوم امي ابد مااخذتني وياها للصالون بس من كبرت جابتلي شسوار اسحب شعري بي بالمناسبات ودائما اني وزينب نسوي شعرنه بي مره صادف عرس عد جيرانه واني وزنوبه فتنه الغرفتي وسدينه الباب ضلينه نشسور شعرنه والدخان ترس الغرفه ابوي من فتح الباب اخترع يكول عبالي طكت الكهرباء بالغرفه فزيت من صفنتي على صوت عمتي تحجي ويه الابنبه ام ذياب،، اكلج خاله اريد تسوين حواجبها مثل حواجب ساره انتي سويتيهن الها كلش حلوات غصون،، بدت الابنيه تحفلي واني كل شويه اطفر ومن وجع الخيط عيوني وحدهن يجرن دموع اخر شي رتبتلي حواجبي ورسمتهن بالقلم رسمه كلش حلوه شو هاي طلعي جهاز بي مثل الابره حطت مخدر على حواجبي وبدت ادگ يبوووو ردت اهفها براشدي من الالم وكل شويه وكالت كملنه هاي عود حاطه تخدير واحس وجهي اشتعل ماكملت حواجبي اله روحي طالعه بس طلعن كلش حلوات يستاهلن البواجي البجيتها انوب بدت بشعري بالبدايه صبغته عسلي وغسلته وبعدين حطت مدري شنو مثل الجلد على راسي ومن هنا بده الضيم صارت تسحب احس اتشلع شعري بعدها جابت طاسه وبده تلبخ براسي لعبت بيه طوبه ماكملت اله عيوني صايره خضر من الالم شويه وسمعت صوت موبايل عمتي يرن اني موبايلي تركته ماجبته وياي سمعتها تحجي ويه ذياب تكله احنه بالصالون والافتهمته من كلامها هو كالها اني اجي اخذكم جاوبته عمتي من نكمل نتصل بيك كدامي الشباك اباوع صارت الدنيه ضلمه واحنه بعدنه من كملت شعري سحبته بكاويه صار شطوله عمتي بس توزع ابتسامات باوعت شكلي تغير ويه شمرت الحواجب ولون الشعر تغير جذري وكلش حلو الابنيه عارضه بالمحل شغلات للبيع مكياج وكاويات للشعر وملابس نوم واتراكات بس عارضه فقط كم شغله عمتي تسالها گالتلها عندي غيرهن جوه بالبيت شنو تردين حجيه؟؟ اباوع عمتي صارت تجيب بهل مكياجات وتحط ع الميز بعدها اختارت اتراك لونه بيجي كالتلها عندج غير هذا اللون؟؟ راحت البنت دخلت الداخل بيتها شويه ورجعت شايله علاگه شكبرها حطتها گدامنه وبسطت بيها طلعت تراكات اشكال والوان واحد احله من الثاني عمتي ياهو اليعجبها تشيله تحطه بصفها اختارت اربع الوان بس اشكال تختلف سالتها على سعر الكاويه جاوبتها الابنيه وانطتها السعر كلش غاليه بس ام ذياب اتفقت وياها انو كل الاغراض الخذتهن منها تدفع فلوسهن بالاقساط الابنيه بسرعه قبلت وهم حلو اسلوبها كالت العمتي تدللين لفيت حجابي ولبست عباتي كتلها عمه مو ذياب كالج اتصلي بيه اني اجي اخذكم من تكملون؟؟ ام ذياب،، امشينه عمه خل نتمشه الجو يخبل شو هذا بيتنه شمره عصا ماتسوه نرد بسياره غصون،، سلمنه ع الابنيه وعمتي اتشكرت منها ودفعتلها فلوس الميش والحشوه مال الحواجب بس الغراض تدفعهن على شكل وجبات كل شهر طلعنه دنيه ليل كتلها عمه خاف ذياب يحجي علينه؟؟ ام ذياب،، طالعه وياي انتي مالج شغل وهو وليدي خل يندل دربه اذا شافج هيج غصوت،، رجعنه للبيت عمتي عدها المفتاح فتحنه الباب ودخلنه وقبل لاينزل الغضبان طكيتها ركضه الغرفتي دخلت وسديت الباب بيدي العلاكه مال الغراض الاشترتهن الي عمتي حطيتهن بالكاع ونزعت حجابي وعباتي وكفت كدامي المرايه اباوع الروحي فرحانه ساعه التفتت يمنه ساعه يسره اباوع الشعري وجان اسمع صوته يرعد انخلست وركضت يم الباب اتصنت ذياب،، مو گلت ااني اجي اخذذكم؟؟ ام ذياب،، وعليمن خابص روحك وليدي؟؟ وهو بيتنه على بعده حتى نخابرك؟؟ غصون،، اسمعه يدردم ماعاجبه جيتنه بليل نمشي بالشارع رجعت اگلب بالغراض وگفت كدام المرايه شلت اول اتراك خليته على جسمي واباوع شكله يخبل احمر بي فيكات بلون الاسود هو مثل زي الهندي وكلهن تقريبا مثل زي الهندي بس تختلف الوانهن انفتح الباب عمتي مبتسمه ادري تضحك على ابنها الغضبان ام ذياب،، البسي هذا البيدج واطلعي ولاتخلين حجاب على راسج وين علاكه المكياج؟؟ غصون،، دنكت اخذتها وخليتها بيدها طلعت حمره سحريه وقلم كحل ومسكاره وعلبه باودر ام ذياب،، حطي منهن تعرفين؟؟ غصون،، اني مامخليه مكياج قبل يعني وحدي مااعرف بس اعرف احط كحله هزيت راسي بمعنى اي ام ذياب،، حطي ورتبي روحج واطلعي وشعرج لاتشدي خلي هيج مفتوح احلى اليوم لو بالهدف لو بالنجف غصون،، طلعت عمتي واني معدتي اتخربطت فشله استحي تالي حطيت كحله ومسكاره بدون باودر لان اني بشرتي بيضه وصافيه ف خليت فقط شويه حمره يادوب مبينه حتى شكلي بين طبيعي ولاجن حاطه شي رفعت شعري من الاطراف بقراصه رشيت شويه عطر فتحت الباب ردت اطلع من سمعت صوته بالمطبخ رجعت وسديت الباب خايفه اباوع رجليه يرعشن خرب حضي ادري شايفه وحش وهيج اخاف؟؟ ضليت اروح وارجع بالغرفه مااريد اطلع انفتح الباب فاتت عمتي ام ذياب،، يمه مااطلعين ليش خاتله؟؟ غصون،، هزيت راسي كتلها هسه طالعه عافتني وراحت اخذت نفس واتشجعت وطلعت عبالك عندي لجنه راح تشوفني دخلت للمطبخ صارت عيني بعينه ضل صافن درت وجهي رحت يم عمتي تصب عشه منطيته ضهري بس احسه يراقبني صرت اجيب بالمواعين واحط كدامه اباوعله عيونه عليه واني ياجبل مايهزك ريح بس لوتشوفون گلبي عبالك ورقه يرعش على ساعه اوكع من الارتباك كعدت عمتي تتعشه وهو صافن همه يحبون يبرشون جزر ويه الزلاطه مال الخس ام ذياب،، اكل وليدي كثرتلك جزر بلكت يقوه نضرك غصون،، اني مثل الاطرش بالزفه عبالي تحجي صدك تالي طلعت تبسمر ابنها دار وجها ونفخ خده تالي دفع الماعون ونهض ذياب،، مااريد شبعت من هذا اليوم عمتي شنت حرب على ابنها بحيث هي تدفعني حتى ابدل وارتب نفسي وفعلا صرت عادي عندي اخلي مكياج واتعلمت اشلون احط خفيف ذياب من يشوفني يتخبل ويخلق مشاكل من جوه الكاع يتعارك على اتفه سبب عمتي تكول خلي يستوي على نار هاديه من اسمع كلامها صرت اهتم بروحي بلبسي ومن اشوفه الله يذب عليه الضحك ويه عمتي مرات يكول ل امه ضحكونه وياكم عمتي تجاوبه سوالف نسوان مايخصك تخلي يزود بالزايد بعصبيته تالي اكثر من اسبوع مااتحمل وانفجر من شافني مامهتمه بوجوده ولاحتى اباوعله دخلت للمطبخ كاعد هو وعمتي ع الكراسي ام ذياب مخليه قوري ع النار اني من يوم الخطب نور مااتصخر اله ب اي شي اخذتلي كوب صبيت بي جاي الي ردت ارجع كال ذياب،، غصون صبيلي جاي غصون،، ردت ارجع اصب استوقفني صوت عمتي ام ذياب،،، انتظري يمه اني اكوم اصبله ذياب،، اني گتلها الها مو الج يمه ام ذياب،، غصون تخدمني الي ومامسموح الها تخدم اي واحد كائن من يكون غصون،، جسمي صار يرجف لان مبين الجو صار مشحون من كلامهم ذياب،، بس اني مو اي واحد اني زلمتها وهي مرتي ام ذياب،، لا يمه غلطان غصون مومرتك انته مرتك رحت اختاريتها بنفسك عود من تجي اگعد تامر عليها غصون،، ذياب انطعن وجها احمر نهض دفر الكرسي وكع الكوب من ايدي عمتي ضلت كاعده بمكانها وابد ماهزتها عصبيته عكسي تماما احس راح اوكع ذياب،، مررتي غصب عنهاا وعن الكل شائت ام ابت ام ذياب،، انت مووگلت فصليه مااريدها وركضت خطبت حمااة اختك؟؟ هلفصليه اهنا تخدمني الي وحدي ومامسموح الها تخدمك انت الماردتها وشمرتها وشمرت هديماتها بره غرفتك غصون،، صاح ذياب،، سالتيهاااا ليييش؟؟ غصون،،سكت ماحجه رفع ادي حطهن على راسه ورجع مسح وجها تحسه كوه كاتم غضبه اني واكفه ارجف وام ذياب مدنگه تخوط بالاستكان ولاكان يمها السالفه مامهتمتله وهو يفور من الغضب كل ضني راح يكلها تحب ابن عمها بس ماحجه ركع الباب دفره وطلع كعدت بمكاني ابجي ام ذياب،، كومي يمه لاعلئ كلشي تبجين خلي دمعتج عزيزه خاف عبالج ماحارگ روحي ذياب؟؟ تره هذا وليدي وحيدي من اشوفه ضايج روحي تطلع ولاتگليلي انتي ماغلطانه اثنينكم غلطانين انتي فقيره وهو متسرع وغضبه عامي عيونه بس شنسوي؟؟ الله يهدي سركم كومي بنيتي غصون،، كمت وياها رادت شويه تهديني ضحكت ام ذياب،، وليدي من شاف شعراتج الصفر تسودن جان كلشي مابي غصون،، ابتسمت من بين دموعي ام ذياب،، اريدج سباعيه ولاتنطين مجال النور اني هم مقهوره عليها لان لاحها طفار مال خبالاتكم ودخلتوها وياكم ع الخط بس هي الجابتها النفسها زلمه معرس ومسودن من راح خطبج شكو قبلتي؟؟ غصون،، ثاني يوم اني وعمتي غسلنه الزوالي وتعبنه لل 12الظهر نغسل بيهن كملنه وشلناهن حطينلهن على الخشبه بين ماينشفن عن الماي ونشرهن اندگ الباب فتحته عمتي فاتت عذراء ونور تمشي وراها لان الطارمه فايضه ماي نور رفعت عباتها كفختني ريحة العطر تگول سبحانه بي وضاربه دقله بالمكياج هنه اثنينهن مايسلمن عليه وعمتي ردت عليهن السلام من وره خشمها ورجعت تشيل وياي بالزوليه ام ذياب،، كافي يمه غصون روحي اسبحي كملنه غصون،، گتلها بس امسح الطارمه بالماسحه وافوت اسبح عذراء اخذت نور وفاتت للبيت واني بقيت امسح وانشف بالماي كملت وفتت هدومي مبلله لغرفتي طلعت ملابس غيرهن وفتت للحمام سبحت وطلعت اني الصبح من لميت الزوالي مالات الاستقبال خليت موبايلي ع الميز مشغله لطميات باسم الكربلائي اسمع بيهن مسوياتلي واهس بالشغل واني اسبح تذكرت الموبايل ف من طلعت رحت للاستقبال تفاجئت التليفون بيد نور وعذراء گاعده يمها مدري شتحجي وياها. ييتبع | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
