آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-12-20, 04:33 AM
| #11 | ||||||||
| مراقبة عامة ومشرفة منتدى الروايات المنقولة  
|  الجزء العاشر السبت جده الساعة الـ 08:30 صباحا دخلت هند مع جدتها للبيت بعد ما مشت معها شوي بالحوش أم محمد تعودت على الشمس كل صبح لازم تطلع و تحرك رجولها على قولتها \ جدتي تبين غرفتك و إلا تجلسين بالصالة ؟ أم محمد\ لا يمه وديني عند أمك الصالة و هاتي لي كاس مويه الله يسقيك من حوض محمد هند\ أمين يا جده و أنتي إن شاء الله.... هااا وصلنا ياجده اجلسي هنا على الكنب أحسن لك أم محمد\ بسم الله جلسة أم محمد عند أم نواف الي كانت تكلم نواف قبل يدخل محاضرته و تطمئن عليه دقائق و جأت هند بكاس المويه لجدتها \ تفضلي جدتي أخذت أم محمد الكأس و سمت و شربته\ تسلمين يمه هند\ الله يخليك لي يأرب أم نواف\ نواف يسلم عليكم أم محمد\ الله يسلمه إلا شخباره عساه طيب ؟ أم نواف\ لا الحمد لله بخير أم محمد\ الله يوفقه و يصلح أمره يا بنيتي أم نواف و هي توقف\ أمين يا خالتي الله يسمع منك هند\ وين رايحه يمه ؟ أم نواف\ بروح المطبخ فهد له يومين يقولي نفسه فالمحشي قلت أسويه له اليوم هند\ خليك يمه هنا مع جدتي أنا أجيب لك الكوسة هنا تفرغيها و أنا أسوي لك الحشوة أصلا أنا بسوي الغداء اليوم خليك مرتاحة أم نواف\ الله يريحك يا يمه إلا أنتي خلاص ما بترجعين لشغل ؟ هند و هي رايحه\ لا يمه خلاص أم محمد\ خليها على راحتها يا بنيتي في طريقها للمطبخ سمعت صوت التلفون كانت الأقرب له \ الوو المتصل\ السلام عليكم هند\ و عليكم السلام المتصل\ هند ؟ هند و الصوت بداء ما هو غريب عليها\ إيه نعم المتصل\ إيه شو عم بيولوا ما داومتي اليوم لا تكوني تعبانه بدك اليوم أجازه ؟ هند و خاطرها تقفل الخط بوجهه\ لا أنا بخير لكن ما راح ارجع لشغل و لو سمعتك دقيت هنا مرة ثانيه راح أقول لأخوي عنك ... قالت له كلامها و قفلت الخط بوجهه بدون ما تنتظر رده واحد جبان أم نواف\ من يا يمه ؟ هند\ واحد غلطان فديتك .......وكملت طريقها و هي تطوي صفحة الم من حياتها. ************ الربع الخالي الساعة الـ 10:30 صباحا بعد ما مشى وسط الصحراء 200 كيلو متر تقريبا وصل سعود لمقر البئر الجديدة الي راح يشرف عليها هو و مهندس تعرف عليه مع الوفد الي وصل معه المكان كان شبه مقطوع عن العالم الخارجي مجرد غرف جاهزة للعمال وسط كثبان رملية و كم آلة حفر و مواتير للكهرباء و أنابيب مجهزة لتركيبها مع بعض لتوصيل الغاز للخزانات المخصصة لنقلها لمعمل التكرير الي يبعد خمسين كيلو من البئر المنظر ما كان جديد على سعود ابد نزل و حس بحرارة الشمس كانت حارقة و تختلف بقوتها عن حقل أو حتى عن حدود الكويت استقبلهم الموظف المسئول عن العمال و رحب فيهم و أخذهم للمكتب المخصص لسعود و حمد <<< المهندس الي بيشاركة في العمل .. المكاتب و سكن العمال كانت مكيفه بمواتير الكهرباء طبعا و الي تصدر صوت مزعج و ضجيج في المكان حمد\ لا اله إلا الله وش ذا الحر ؟ عبد المحسن المسئول عن العمال\ لسى ما انتصفت الشمس بين الساعة 12 و 4 توصل درجة الحرارة أحيانا للخمسين حمد\ أوف خمسين لا والله احترقنا سعود\ أول مره تجي الربع الخالي هذا و أنت جاي على أخر الصيف كيف لو بأوله تعيش جهنم الحقيقية هنا عبد المحسن وهو يوجه سؤاله لسعود\ جاي قبل هنا ؟ سعود\ إيه أكثر من مره لكن أول مره أتوغل حدي خمسين ستين كيلو بس و اغلب شغلي بالبحر و على حدود الكويت والله عبد المحسن\ واضح عليك لكن المهندس و سكت..<< ما هو عارف اسمه حمد\ أنا اسمي حمد و هذا المهندس سعود طبعا أنا توي متوظف و هذي أول مهمة خارجية لي يعني بتسمعون شكاوي لين أخر يوم هههههه عبد المحسن\ ههههه و النعم والله بكم وياكم عبد المحسن المسئول عن العمال هنا سعود\ حياك الله عاد ألان بنبداء الشغل عشان ما نضيع الوقت وصلتكم المخططات الأولية صح ؟ عبد المحسن\ إيه هذي هي الي قدامك أخذها سعود و اخذ خوذة الرأس الي قدامه على الطاولة و وقف \ يالله حمد نباشر العمل بالموقع حمد\ يالله بسم الله شكل ما فيه راحة من المشوار ؟ سعود\ لا طبعا ما فيه كان تبي ترجع لراحة اشتغل من ألان و بدون نقاش بكرة بتسير أنت المسئول عن المهندسين الي بيتوظفون بعدك حمد هز رأسه بمعنى إن شاء الله و مشى مع سعود و بباله كان يقول إن سعود شخص صارم بعمله و لا يتهاون لكن بلطف و لين و هذا الي كان يحتاجه موظف جديد مثل حمد في أول مهمة .. **************** جده الساعة الـ 01:45 مساء مجتمعين على الغداء ثلاث أيام مرت ما كانت هند تحظر ذي ألمه الحلوة كانت مبسوطة و مرتاحة نفسيا من هم نزار و هي تشوف إخوانها مجتمعين و أمها و جدتها يمدحون أكلها و طعمه أم محمد\ الحمد لله هند\ ما كلتي جدتي لا يكون أكلي ما عجبك ؟ أم محمد\ لا يا يمه شبعت الحمد لله ماشاء عليك يا بنيتي طالعه على أمك نفسك في الأكل حلو أم نواف\ بالعافية يا خالتي منال\ هند لما اكبر أبى أكلي حلو زيك هند\ إن شاء الله فديتك يطلع أحلى مني كمان فهد وهو قايم يغسل يديه\ صراحة طلعتي فنانه بالمحشي أعجبني هند\ أنت عاد بنزوجك سوريه عشان تريحنا من أكلك هههههههه أم نواف\ لا إن شاء الله غير السعودية ما يأخذ ولدي فهد\ على هونك يمه زوجي هند و نواف و لا زوجة لك منال بتزوج أنا قالتها ببراه منال \ لا أنا بتزوج مع هند في بيت واحد هند\ هههههههه فاهمه الدنيا غلط الأخت أخذتها أم نواف بحضنها \ إن شاء الله افرح بكم كلكم يأرب و أشوف عيالكم ...... ************* الربع الخالي الساعة الـ 09:30 مساء أتقلب في فراشه يمين يسار ما هو قادر ينام من طبعه ما يعرف ينام اذا أتغير عليه المكان أول ليلة و يواجه صعوبة كبيرة في التأقلم خاف انه يقلق حمد و يزعجه بنومه فقرر يطلع يمشي شوي يمكن يجيه النوم الجو كان بالليل بارد بالصحراء و القمر كامل بالسماء و عاكس بنورة على الكثبان الرملية و معطيها منظر و لا أروع وسط هدوء و سكينه من كل الكائنات الحية في المكان سوى بعض الحشرات و الزواحف الي تطلع بالليل تدور على قوة يومها ما كان يعكر المكان و هدوءه إلا صوت مواتير الكهرباء المزعجة و المنفرة حتى للحيوانات الصحراوية ( السكان الأصليين للمنطقة ) مشى سعود بين الرمل و تفكيره كله عند أمه و كيف يقدر يطمنها عليه و يسمع صوتها طالع جواله للمرة الألف من وصل في محاولة يائسة انه يلمح لو درجة إرسال لكن خاب أمله كمان ... لمح شخص جالس قدامه بخاطرة استغرب من الي صاحي ألان حسب علمه كل العمال و الفنيين ينامون على حدود تسع أو ثمان و نص قرب منه و اتضحت له ملامح الشخص الي كان جالس و بيده سيجارة و يبدو إن تفكيره متعدي حدود المكان \ عبد المحسن وش الي مقعدك هنا ؟ فز من مكانه و التفت لمصدر الصوت\ هلا مهندس سعود ابد أنا متعود على الجلسة هنا إلا أنت وش مصحيك ؟ سعود و هو يجلس قريب منه\ أنا مانمت لسى عشان اصحى ما هو راضي يجيني النوم هنا عبد المحسن\ عادي الليلة ما يجيك و بكرة تعود تلاقي بالك مشغول في شي الليلة ؟ سعود\ إيه والله مشغول مع الوالدة ما طمأنتها تلاقي بالها مشغول علي و الجوال زي ما تشوف وجوده زي عدمه عبد المحسن\ جوالك الاتصالات ؟ سعود\ إيه عبد المحسن\ اجل أنساه ماله داعي هنا لو رقمك موبايلي تمشي جهة الجنوب أربعين كيلو يشتغل فيه برج هناك سعود\ شكلك تعرف المنطقة زين ؟ عبد المحسن\ إيه سعود\ لك مده طويلة هنا ؟ عبد المحسن\ لي شهرين ونص أتنقل من بئر لبئر و هنا لي أسبوع سعود\ أوف و لا شفت اهلك شهرين و نص ؟ عبد المحسن و هو يولع السيجارة الثانية\ لا شفت كيف انتم المهندسين تجون أسبوع و إلا كم يوم و تشكون من الطفش و الملل شوف العمال هنا يخلصون شهور لا شافوا أهلهم و لا حتى عرفوا أخبارهم سعود\ الله يعين و ما تكلمونهم كمان ؟ عبد المحسن\ تعرف ما فيه وقت نروح لين البرج عشان نتصل أول ما وصلنا هنا كان فيه بدوي ساكن بااهله معه جوال الثريا كانوا الشباب يروحون يتصلون من عنده و يعطونه فلوس لكنه يومين و رحل يقول بيسكن عند عيال عمه على حدود عمان تلاقي صوت المواتير أزعجه بنومه و استحى يقول سعود\ ههههههه إلا والله فر بجلده قبل صوت الحفارات عبد المحسن و هو يمد سيجارة لسعود\ تدخن ؟ سعود و هو يوقف\ لا الحمد لله ما أقربه يالله أنا رايح أنام لي شوي ورأي شغل كثير بكرة تصبح على خير عبد المحسن\ تلاقي خير إلا أقولك ترى في هنا تلفون يدق لشركة بس يعني لو لك حد تعرفه تكلمه يوصلك سلام لهلك سعود\ الله يبشرك بالخير .... **************** جده الساعة الـ 09:40 مساء بعد ما خلصت غسل الملابس طلعت هند للحوش تجففها بحبل الغسيل جدتها و أمها من ساعة و هم جالسين بالحوش الجو بدا يتحسن و خصوصا بالليل بس لو تخف الرطوبة شوي يا سلام قابلتهم عند الباب \ شو داخلين خلاص ؟ أم نواف\ إيه خلاص جدتك سهرت اليوم بتنام أم محمد\ إيه والله يمه إلا أنتي وش مطلعك بعد ما دخلنا ؟ هند\ بودي الملابس و أجي أنا جدتي أم نواف\ زين يمه قفلي باب الحوش معك من جوا فتحته أختك و لا قفلته هند\ إن شاء الله يمه كملت هند طريقها جهة حبل الغسيل و بدأت تنشر الملابس و الهواء يلعب بشعرها سمعت صوت من ورآها ما قدرت تلف تشوف أتصلب جسمها تبي تتحرك أو حتى تنطق ما قدرت هي متا كده إن فهد فوق يذاكر و منال نامت من بدري و أمها و جدتها دخلوا قدام عيونها يعني كل أهل البيت جوا إلا هي مين الي فتح الباب ؟ و ين راح تتخبى ؟ ومين يكون ؟ \ هند ........ ********************** | ||||||||
|  |
|
29-12-20, 04:33 AM
| #12 | ||||||||
| مراقبة عامة ومشرفة منتدى الروايات المنقولة
| الجزء الحادي عشر تجمدت أطرافها حتى الملابس طاحت من يدها معقول الصوت الي سمعته معقول يكون هو؟ لكن صوته هادي على غير العادة \ يبه !! أبو نواف\ اجل من بيجيكم الحين ؟ تركت من يدها و قربت اليوم أبوي هادي و ما يصارخ زي العادة يأرب يكون بخير\ هلا يبه حياك أبو نواف\ وين أمك و أخوانك ؟ هند يأرب استرها بتردد و خوف عليهم\ فيه داخل أبو نواف قالها و هو يمشي\ أحسن تعالي لي المجلس أباك في كلام مشت ورآه و هي ما هي مستوعبه الي يصير من سبع سنوات أبوي ما عاد عنده أسلوب لا لنقاش و لا للكلام جاي اليوم بكل هدوء يبي يتكلم معي لوحدنا يأرب خير هند\ أجيب لك شي تشربه يبه ؟ أبو نواف\ أنا ما اني جاي اشرب عندكم شي تمنون علي به أنا جاي بقولك كلام و لا تقولين فيه شي أنا أبوك و أدرى بمصلحتك هند\ خير يبه ؟ أبو نواف\ فالولي انك لقيتي شغل و لا جلستي فيه أعوذ بالله خوف إن الواحد يستفيد منكم لو بريال هند مسرع ما عرف\ ياليت أخبارك توصلنا يبه زي ما كل أخبارنا عندك أبو نواف\ لا تضيعين الي جاي لك عشانه و اسمعيني زين أنتي كبرتي و صرتي في سن زواج و أنا اليوم جاي أقولك انك انخطبتي و أنا وافقت هند بصدمه\ يبه بس أنا ما أبي أتزوج أبو نواف بغضب\ هذا الكلام ما هو عندي أنا عطيت الرجال كلمة و زواجك بعد الاختبارات يعني معك ثلاث أسابيع جهزي حالك و هذي 12 ألف عشان ما تقولين أبوي ما عطاني من المهر والله ثم والله يا هند لو فتحتي فمك بكلمة و قلتي انك ما أنتي موافقة اني لخليكم تنامون بشارع الكلام الي سمعته اكبر من طاقتها عمرها ما فكرت إنها بتجبر على الزواج من شخص ما تعرفه لكن أبوها ربط مصير الكل برقبتها و هذا الشي صعب عليها \ أنا موافقة يبه بس عندي شرط و أوعدك ما اكسر كلمتك ابد ... نازل مع الدرج بكتاب الرياضيات يدور على هند تشوف له المسالة و تساعده بحلها لكن ما شافها لا بالصالة و لا بالمطبخ قال بباله أكيد بيحصلها بغرفة جدته وصل عند باب الغرفة شاف أمه طالعه بوجهه \ يمه هند جوا ؟ أم نواف\ لا يمه يمكن بغرفتها فهد\ لا يمه ما هي فوق ولا بالمطبخ ما حصلتها أم نواف\ بسم الله وين راحت ؟ أم محمد و هي بفراشها \ هي راحت تنشر الملابس شوفها يمكن عجبها الجو و جلسة برى يمه ضربت أم نواف على صدرها و هي تتذكر الباب المفتوح\ روح يمه شوفها باب الحوش كان فاتح لا يكون حد دخل على أختك أم محمد\ اذكري الله و تعالي ساعديني أقوم راحت أم نواف تساعد خالتها تقوم حرمة كبيره و خطوتها صعبه و ثقيله لكن هند عندها أهم من راحتها .. فهد الي راح يجري من سمع كلمة الباب المفتوح رجع و هو مصدوم من الي سمعه و ما هو عارف كيف يتكلم لجدته و أمه الي وصلوا نص الصالة أم محمد\ وين أختك ؟ فهد\ في المجلس مع ........ و سكت أم نواف\ تكلم مع من ؟ فهد\ أبوي !!!!!! أم محمد\ امش ودني له انصاع فهد لكلمة جدته و أخذها من جهة و أم نواف من الجهة الثانية صارت خطواتها أسرع ما بين شوقها لشوفه ضناها و خوفها على هند الي غلب عليها وصلوا الباب الخارجي لصالة و شافوها تقفل البوابة الخارجية شافتهم وجات له مبتسمة بنصر على الي سوته\ أش فيكم واقفين كذا ؟ أم محمد\ وين أبوك ؟ هند\ كيف عرفتوا انه كان هنا ؟ فهد\ أنا جيت أدورك و سمعت صوته في المجلس هند بخوف\ سمعت شي ؟؟ فهد\ لا أش كان يبى و ليش ما دخل عندنا ؟ أم محمد\ ليش ما دخل يسلم علي وأشوفه ؟ و هو أبوي في وعيه أصلا يا جده\ كان مستعجل بيجي بعد كم يوم أم نواف\ وش يبي يمه ؟ هند و هي تقرب من جدتها وتمد لها الورقة\ مو مهم هو أش يبى يمه أهم شي أنا وش بغيت خذي جدتي هذي أوراق ملكية البيت احتفظي فيها و لا تتنازلين عنها مهما صار أم محمد\ و أش هذي الفلوس الي بيدك ؟ هند و هي تطالع الفلوس باشمئزاز و سخرية\ مهر زواجي يا جده !!!!!....... *************** ثلاث أيام مرت على أبطالنا ما بين شوق سعود لأهله و أصحابه و حياة المدينة و صخبها و حزن هند على فراق أهلها و التفكير بحياتها الجاية كيف بتكون أو حتى مع مين بتكون ؟ الأربعاء الربع الخالي الساعة الـ 03:00 مساء دخل المكتب و حط و جهة قدام المكيف من ثلاث ساعات و هو تحت الشمس ما ارتاح يبي يخلص و يرجع خلاص مل جو الهدوء هنا يبي يسمع صوت السيارات صوت البحر الناس اشتاق ليوسف و حركاته و علي و طنازته اشتاق لسيف وللمدير حتى لبواب العمارة و أهم شي محتاج يسمع صوتها من وصل ما قدر يكلمها كان مضغوط و لا قدر يروح البرج و يتصل عليها لكنه قدر يكلم يوسف و يطلب منه يتصل على فارس و يطمئن أمه انه بخير \ استغفر الله اللهم قنى حر جهنم يأرب حمد\ أي والله ما اني مصدق إن بكرة أخر يوم نشتغل فيه هنا سعود\ الحمد لله ما قصرت يا حمد ما شاء الله عليك شغلك تمام و ما عليه كلام لك مستقبل بأذن الله حمد\ تسلم يا سعود تلميذك بعدين أنا ما سويت شي لحالي كله أنت تقولي كذا و كذا سعود\ هههههههه و سويته زي ما أبى و أحسن حمد و هو يقوم من مكانه\ زين والله انه أعجبك يالله أنا رايح أدور لي شي أكله و أصلي العصر سعود\ خذني معك والله اني على فطوري من الصبح ..... *************** جده الساعة الـ 05:00 مساء مجتمعين عندها من بعد صلاة العصر ما بين سوالفهم و أصوات أولادهم لكن فكرها ما كان عندهم ابد كان بعيد عن جده و هواها هناك مع الضنى الي ابتعد عنها عشان رزقه ما سمعت صوته من خمس أيام لكن الخبر الي قالته أم عزام خلها ترجع بفكرها عشان تتأكد الي سمعته صح و إلا لا تبي تتأكد \ وش قلتي ؟ أم عزام\ الي سمعتيه يمه بنت خلف رفضت سعود أم فارس\ و ليش وش ما هو عاجبها فيه ؟ أم عزام بدون نفس\ عاد تقول ما تبي تطلع من جده و تخلي أمها لوحدها و ايش هي كمان ما تبى أصلا واحد مطلق عاد حنا الي ميتين عليها و قربها أم سعود\ يمكن له فرفضها خيره يا بنيتي الله يعوضه بخير منها أم فارس\ خليها أصلا هي وين بتحصل زي سعود بعدين حتى لو كان مطلق الرجال ما يعيبه شي شايفته بنت هو عشان تقول مطلقة أم عزام\ قلتيها خل تستنى لين يجيها الي يسوى نص سعود جعلها تعنس جمب أمها قولي أمين أم سعود\ لا يمه لا تدعين على بنت الناس ترجع لك الدعوى خل تروح بنصيبها و أخوك ربك بيعوضه أم عزام\ أصلا ولدك كمان زودها هذي ما يبيها و هذيك مدري وش فيها و لا بنت عاجبته شمت فينا الناس بيوصل عمره الثلاثين و هو ما تزوج أم سعود\ استغفر الله وعشان نرضي الناس نروح نزوجه وحده ما يبيها و تنغص عليه حياته و يطلقها أم فارس\ وش بتقولين له يمه ؟ أم سعود و قلبها أكلها عليه\ خليني اسمع صوته يمه و اطمئن عليه أول بعدين يصير خير ... **************** جده الساعة الـ 09:30 مساء من صلت أم محمد العشاء و هند نايمه على رجولها بقلبها حكي و مئة سؤال لكنها ساكته و محترمه رغبة هند بسكوت تبيها تتكلم براحتها و تقول الي بخاطرها ( هند من يومها ما قالت لهم شي غير إن زواجها بعد الاختبارات و هي موافقة و راضية فيه ) هند\ جدتي أتعبت رجولك ؟ أم محمد و هي تمسح على رأس هند\ لا يمه تذكريني بيوم كنتي صغيرة كنتي تنامين على رجلي و يأخذك أبوك على سريرك لكنك لصحيتي تزعلين منه و تقولين له لو اخذك لغرفتك مرة ثانية معاد تكلمينه هند\ كان فرحان بي ؟ أم محمد\ إيه يمه أنتي كنتي الفرحة الأولى أبوك يوم جيتي ما خلى ممرضة بالمستشفى إلا أعطاها فلوس و سماك هند و هو يقول هذي بنتي و الي بيتزوجها يجيب لي مهرها مئة جمل على اسمها آآآآآآه يا جدتي جيتي على الجرح لكني لازم ما أحسسكم اني ما اني مرتاحة يا عالم صليت الاستخارة و لا حسيت بشي غير بقبضه بصدري مجبورة اسكت و امثل لكم اني مبسوطة \ هههه يعني هالحين اندفع لأبوي مهري مئة جمل ؟ أم محمد\ الله العالم يا بنيتي هند\ ترى أبوي بيجي يوم السبت أم محمد\ ليش يمه ؟ هند\ بياخذني أسوي فحص قبل الزواج ..... ***************** | ||||||||
|
| |
|
29-12-20, 04:34 AM
| #13 | ||||||||
| مراقبة عامة ومشرفة منتدى الروايات المنقولة
| الجزء الثاني عشر الخميس الخبر الساعة الـ 10:00 مساء من ساعتين و هو يقلب سماعة الجوال بين أذانيه مرة يمين و مرة يسار ما هو قادر يقفل هالانسانه ملكته خلاص و صار ما يمل من سوالفها و يتمنى لو تكون معه أربع و عشرين ساعة الأسبوع هذا بذات حس بقربها منه أكثر بعده عن سعود خلاه يبرمج يومه على جزيئه كبيرة من وقته لساره عشانها استحمل وحشة الشقة بدون سعود بس عشان يصحى على صوتها تصحيه لدوام ( يوسف كان يكلم ساره كل يوم لكن بسيارته لجل سعود ما هو خوف منه بقد ما هو احترام لرغبته انه ما يكلم قدامه و لا عنده بالشقة مهما كان يحب ساره لكن يضل سعود عنده هو الأغلى ) ساره\ يعني خلاص من بكره معاد راح اسمع صوتك غير بالقطارة ؟ يوسف و حب يشوف غلاه عندها قد ايش\ اممم أصلا بكرة ما راح أكلمك ساره\ وليش إن شاء الله يوسف\ بكرة وقتي كله لسعود ساره\ اهاا يعني من لقى أحبابه نسى أصحابه يا يوسف يوسف\ شوفي كم يوم لي ما جلسة معه و سمعت صوته وكنت معك يعني صراحة اشتقت له ساره\ و مليت مني ؟؟ يوسف\ لا مو كذا قاطعته بعصبية\ إلا كذا زين خلاص لا تكلمني أصلا أنا بكرة بكون مشغولة و ماراح أرد عليك يوسف\ احبك يوم تعصبين نفسي أكلك ساره\ ........<<<<<لا رد يوسف\ ههههههههههه اسمعي يا حياتي سعود أمي أبوي من ما كان ما راح يمنعني اسمع هالصوت الحلو فديته أنا بدق بكرة و خل أشوفك بس ما تردين والله يا سويره ما يردني عن جسر البحرين شي ,.... ************** الجمعة الربع الخالي الساعة الـ 04:30 فجرا أخيرا خلص ترتيب شنطته و طالع في حمد الي يتقلب بسريره و واضح انه ما هو قادر ينام من الفرحة \ طيب قوم صل ابرك لك دامك صاحي حمد\ ههههه شكلك خرفت من الفرحة صليت أنا سعود\ متى ؟ حمد\ مع الجماعة تحت ورآك كمان و جيت الغرفة قبلك سعود\ ما انتبهت لك والله حمد\ بالك ما هو معك أنت سعود\ إيه والله خلاص يا اخوي اشتقت للغوالي حمد\ شكلك توك معرس ؟ سعود و بباله يا ترى أمي راحت أخطبت و إلا لا و اذا خطبت وافقت البنت يا ترى\ ههههههه لا والله أنا جاي هنا و أهلي توهم رايحين يخطبون بس مشتاق للوالدة و الأهل حمد\ هههههههههه قول كذا مستعجل على الرد يالله مبروك مقدما سعود\ الله يبارك فيك و عقبالك حمد\ لا وين هي وحده و خلاص ناقص وجع رأس أنا أجيب الثانية سعود\ ما شاء الله متزوج ؟ حمد\ و عندي بنت كمان اتزوجة أخر سنتين لي بالجامعة حنا بنجد ما عندنا دلعكم يا أهل الغربية يصك الواحد فيكم الثلاثين و هو ما أتزوج عندنا صكه و كبت حرية من أولها سعود\ هههههههه لا ياشيخ أشوف كذا أحلى الواحد يعف نفسه أحسن له حمد\ بس تحس انك بزر تأخذ فلوس من أبوك و ما تدري وين الله حاطك فيه يعني لو ما ورآك سند لا أتزوج أحسن لك و لبنت الناس سعود\ صح كلامك حمد\ إلا أنت متخرج من أربع سنين ورآك ما اتزوجة ؟ سعود\ لا أنا كنت متزوج قبل بس ربك ما كتب نصيب و طلقت حمد\ إيه الله يكتب لك الخير و أنا أخوك سعود\ أمين قوم خل نمشي شوي نودع المكان كلها نص ساعة و بنتركه حمد\ إلى غير رجعه إن شاء الله سعود\ ههههههه على خير ....... ***************** جده الساعة الـ 08:30 صباحا تنفست بعمق و رمت بنفسها على السرير من أمس ما نامت جالسة تكتب أسئلة لفهد لرياضيات و الانجليزي خلاص السبت اختباراته و لازم تساعده و تكون معه آآآآآآه يا هند وش ينتظرك بعد الاختبارات كيف بتكون حياتك ؟ لي أول مره تسمح لنفسها تفكر بمصيرها و هالزواج الي ما كان لا على البال و لا الخاطر فكرت تتراجع و تقول ما أبي لكن أبوها مسكها من اليد الي توجعها لو رفضت راح يأخذ البيت و يرميهم بشارع بدون رحمه صحيح أخذت منه الأوراق و الي كانت بالصدفة معه بسيارة لكن ورآه وحده مصيبة بتطلع له طريقة يرجعها ابسطها يقدم بلاغ انه فقد أوراق ملكية البيت و هي بترجع له في غضون أيام و تفقد الأوراق الأولى صلاحيتها .. يا ترى كيف شكله طويل قصير اسمر ابيض أو كم بيكون عمره ؟ من يكون ؟ معقول يكون من عيال عمي ؟ أو واحد يقرب لنورة و هي الي بتزوجني عشان تأخذ راحتها و تستمر بتخطيطها بسهوله مهما كان فهد بدا يكبر لكنه اصغر من انه يوقف بوجهها و وجه أبوي لوحده حتى جدتي كبرت و ضعفت و أمي شخصيتها مهزوزة و نواف وينه بس ؟ محتاجته الحين يوقف معي و يحسسني بطعم السند بهالدنيا محتاجه لصدر حنون يضمني أبي أحس بالأمان يا ناس غمضت عينها و استسلمت لنوم يمكن تلقى في الأحلام الي ما حصلته بالدنيا.... ************** الخبر الساعة الـ 09:15 صباحا فتح باب الشقة و دخل و شنطة سعود بيده \ نورت بيتك يا سعودي سعود\ بنورك يا يوسفي يوسف\ هههههههه وش شايفني يوسف أفندي عندك تدلعني ؟ سعود\ ههههه لا كبرت شوي و صرت صندوق برتقال يوسف\ هههههه والله افتقدتك يا وحش سعود\ تعال بس أنا مشتاق للي يسواك وين الشاحن جوالي ما فيه بطرية و شاحني ضاع مني هناك يوسف\ شوفه هناك عند التلفزيون ترى فارس دق علي من الفجر مرتين مسكين هالولد بسبتك حتى النوم ما يتهنى فيه سعود و هو يحط جواله بشاحن\ هههههههه تلقاه نائم عند الوالدة و ما قصرت فيه يوسف\ اهاا زين أنا بروح أسوي شاي أفطرت و إلا أسوي لك ؟ سعود\ لا الحمد لله أفطرت بدري مع الشباب بس تكفى أبى شاهيك السنع من رحت ما تهنيت بشرب الشاي يوسف من المطبخ\ ابشر والله دق سعود على جوال أمه يبي يتطمئن عليها و يسمع صوتها من الجهة الثانية كانت أم سعود ماسكه الجوال بيدها و تطالع الشاشة من صحت هي عارفه انه بيجي اليوم لكن ما تدري متى وقته و تدعي ربها انه يكون بخير سمعت النغمة الي خصصها له شخصيا عشان تعرف انه هو الي يدق ابتسمت على صوتها و هلت به حتى قبل تفتح الخط \ هلا و غلا بنور عيوني سعود\ هلا بك زود يالغالية شخبارك يا الغالية بشريني عنك ؟ أم سعود\ والله اني بخير من سمعت صوتك يا يمه طمني عنك عساك بخير سعود\ الحمد لله يا يمه بألف خير و ما هو ناقصني غير اسمع صوتك و أتطمئن عليك أم سعود\ الحمد لله يا يمه أنا بخير طمئني كيف كان شغلك عسى خلصته ؟ سعود\ إيه يمه خلاص خلصته أم سعود\ و بترجع تشوفه مره ثانية ؟ سعود\ ههههه لا فديتك خلاص ولدك يعتمد عليه مره وحده يخلص و يرجع أم سعود\ الحمد لله إلا متى بتجي جده يمه ؟ سعود و حصلها فرصة يفتح الموضوع\ يعتمد على أخبارك يمه أم سعود بحيرة\ أي أخبار يمه ؟ سعود\ أخبار الخطبة و إلا خلاص هونتي و تريحني يمه أم سعود بتردد\ و الله يا يمه لو بيدي زوجتك اليوم و أنت عارف لكن الله يسرها من عنده و يرزقك وحده زي ما تتمنا و أحسن سعود و كأنه حس بشي\ رحتوا لبيت أهل خلف ؟ أم سعود\ إيه يمه لكن ربك ما كتب لك عندهم نصيب سعود و بضيق <<هو خلقه مواصل\ و السبب ؟ أم سعود و هي تخلق الحجج\ يا يمه البنت هي وحيدة أمها تقول ما تقدر تروح عندك الخبر و تخليها و هي حرمه كبيرة سعود\ يعني أنا بهاجر بها ما اني كل أسبوع و إلا اثنين أجي جده و بجيبها معي و تروح لامها ما اني مانعها أم سعود\ عاد هذا رأيها يمه و البنت تبي رضاء أمها سعود\ زين مدام انك يمه تمدحينها و أخواتي موافقات عليها خلاص أتزوجها و أخليها عندك بالبيت و أجي أنا لكم كل أسبوع و تقدر تروح لامها كل يوم ما عرفت وش تقول هو جاب الحل لسبب الأول لكنه ما يدري عن السبب الثاني و الي هو الأهم\ يمه ادع ربك يعوضك بأحسن منها سعود\ اهاا يعني ما هو هذا سبب الرفض تخبين عن ولدك يمه ؟ أم سعود\ لا يا يمه هذا الكلام الي قالته لكن فيه سبب ثاني غيره سعود بقلة صبر\ الي هو ؟ وش بيدي لازم يعرف أم سعود\ تقول ما تبى تتزوج واحد كان متزوج و مطلق عاد هذا رأيها يمه الرفض صعب على أي رجل إحساسه بأنه غير مرغوب من الأنثى يشعره بنقص وقتي لفترة فكيف لما يكون الرفض بسبب ماله فيه ما كان بيده انه يطلق لكن حياته كانت جحيم مع مها حاول بكل الطرق يحلها معها بتفاهم لكنها كانت عنيده و تبي كلامها هو الي يمشي و هذا الي ما قدر يستحمله منها\ قولي كذا والله و صاروا يرفضوني عشاني مطلق أم سعود\ اذكر الله يا ولدي ما هي أخر بنت بالدنيا و الي خلقها خلق غيرها بكرة اخطب لك الي تسواها سعود\ لا يمه لا هي و لا غيرها و موضوع الزواج ذا خلاص شيلوه من رأسكم أنا ما أبى أتزوج الحين لقررت أتزوج وقتها أقول لكم ......... *************** | ||||||||
|
| |
|
29-12-20, 04:35 AM
| #14 | ||||||||
| مراقبة عامة ومشرفة منتدى الروايات المنقولة
| الجزء الثالث عشر السبت جده الساعة الـ 09:00 صباحا اليوم أول يوم في الاختبارات النهاية للعام الدراسي من الفجر و هي صاحية مع فهد و منال الي راحت تأخذ شهادتها من المدرسة مع أم نواف لكن السبب الحقيقي الي مخلي هند ما تقدر تنام إنها بتطلع بعد نص ساعة مع أبوها بسرها كانت تضحك على سخرية القدر هي طالعه مع أبوها يعني ما هو شخص غريب عليها و رايحه تعمل فحص قبل الزواج يعني حلم كل بنت بالدنيا لكن في غير وضعها صحيح بتطلع مع أبوها لكنها من سبع سنوات ما طلعت معه صحيح بتتزوج لكنها ما تدري وش مصيرها و مع من ؟ أم محمد\ أنتي متاكده انك موافقة يمه ؟ هند بغصة\ افى يا جدتي أنتي متبين تشوفين هنودتك عروسه ؟ أم محمد\ والله انه يوم السعد عندي يا يمه الي أشوفك فبيتك و عندك عيالك لكن أبيه برضاك ما هو غصب عنك هند\ و من قال لك اني ما اني راضيه ؟ أم محمد\ عيونك فاضحتك يا بنيتي هند\ ههههههههه و بعيوني ذي بجيب رأس العريس أنتي لا تشيلين همي و ادعيلي بس إن يكون وجهه علينا خير يمكن على يدينه يجينا الفرج أم محمد\ الله كريم يا يمه ما ينسى عباده.... ******************* الخبر الساعة الـ 10:00 صباحا طالع الملف الي بيده و نزل النظارة و هو يبتسم بفخر إن عنده بالقسم مهندس مثل سعود .. المدير\ ما شاء الله عليك شغلك تمام سعود\ تلميذك طال عمرك المدير\ صراحة يا سعود أنت من أفضل المهندسين عندنا بشركة و الكل يشهد على كذا بس لو تسمع مني و تقدم على بعثه و تكمل دراستك في الخارج صدقني بيكون لك مستقبل هنا سعود\ والله ذا الموضوع في بالي أنا و المهندس يوسف من تخرجنا لكن الوقت الحالي عندنا ارتباطات عائلية بنخلصها بأذن الله و نكمل دراستنا المدير\ و أنا مستعد بالي اقدر عليه لكم يوسف معدل تخرجه ممتاز جدا و حرام يوقف على الماجستير بس و أنت مبدع و تقدر تنجز و معدلك تمام سعود\ تسلم طال عمرك ما تقصر نحن ما نستغني عنك راح يجي اليوم نسافر و ندرس و نجيب الشهادة العليا بأذن الله المدير\ بأذن الله موفقين يأرب سعود و هو يوقف\ يأرب تأمر شي طال عمرك المدير\ تسلم يا سعود طلع سعود من عند المدير بعد ما تطمئن على الشغل الي قضاء فيه أصعب وقته بدون يوسف لكنه حصل في حمد و عبد المحسن نعم الإخوان ( سعود تعود من توظف ما يطلع عمل ميداني إلا مع يوسف و هذي أول مره له يروح بدونه بينما يوسف سبق و انه راح مرتين عمل بدون سعود ) فكر يمر بطريقة على مكتب سيف و علي من أسبوع ما شافهم و لا سمع أخبارهم \ السلام عليكم علي\ و عليكم السلام هلا والله سعود و هو يسلم عليه\ حياك الله شخبارك يا القاطع لا سؤال و لا اتصال ؟ علي\ هههههه و لا سلام من بعيد والله أنت أمس واصل قلت أخليك تنام و ترتاح و بعدين أدق عليك يا المعرس سعود و هو يكشر من ذكرى العرس\ ما في وأنا أخوك لا عرس و لا غيره علي\ افى ليش ؟ سعود\ ما صار نصيب والله علي\ الله يكتب لك الي فيه الخير إلا تعال اجلس قلي شخبارك و كيف كان شغلك ؟ سعود\ الحمد لله بخير و الشغل خلصناه خلاص علي\ زين والله سعود\ إلا وين سيف ما اداوم اليوم ؟ علي\ إلا مداوم لكن راح يشوف يوسف يقول عندهم شغل سعود\ كنت بسلم عليه لكن مدامه عند يوسف أكيد ماراح يجي سوالفه ما تخلص و أنا و راي شغل بخلصه يوسف من عند الباب و كان واقف مع سيف\ و أنا حتى هنا ما اسلم من لسانك طنشه سعود و راح يسلم على سيف\ شخبارك يالمعرس خلاص ذليتنا على الخطبة و ما صار نصيب و رجعت أنت المعرس فينا سيف\ ههههه الله يعوضك بأحسن منها لا تذكرني بالعرس خلاص بقى أسبوعين بس والله ما عندي وقت أحط راسي ساعة إلا طلعوا لي بشغله و يا سيف روح و جيب و ودي علي\ هههههههههههههههه حتى ثياب العرس أمس توي مفصله سيف\ عاد ذليتنا بكم ثوب و ياليت عاد أنت الي بتدفع حقهم يوسف\ قسم بالله محد يدفعها غيري و البشت كمان علي\ وأنا واعدك بحجز يومين الفندق علي لين تسافر سعود\ و السيارة أجارها و زينتها علي سيف\ ما تقصرون والله نخدمكم بالأفراح......... ****************** جده الساعة الـ 12:00 ظهرا دخلت هند البيت بعد ما عملت الفحص مع أبوها و الي قال لها انه هو الي راح يأخذها و يخبرها النتيجة حاولت هند في أبوها ينزل يتغداء معهم أو على الأقل ينزل يسلم على أمه و يجبر بخاطر منوله و يبارك لها و الي أكيد ناجحة و فرحانة بالشهادة لكنه رفض و كان يقدم حجج واهية و مالها أصل أهم شي يبعد عنهم... سمعت صوت الباب و ركضت جهته من رجعت من المدرسة و هي فرحانة بشهادتها و أدور على هند من غرفة لغرفه عشان تخبرها أنها نجحت \ أنتي رجعتي ؟ نزلت هند بجسمها لمستواها و فتحت لها يدينها\ تعالي منال و هي بحضن هند\ شوفي أنا نجحت و بروح صف اثنين هند\ مبروك يا حبيبتي شاطرة منوله عقبال ما تصيرين دكتورة منال\ أنتي وين رحتي أنا دورت عليك فكل مكان هند كانت مشتريه دبدوب من محل الهدايا الي بالمستشفى هدية نجاح لمنال\ كنت مع بابا و اشترى هالدبدوب هدية نجاح لك أخذتها منال بتردد ممزوج بين الفرح و الخوف\ ليه أنا طيب ليش هو ما اعطانيه بنفسه ؟ هند\ كان مستعجل بس بيجي مره ثانية منال\ و أنتي وين رحتي معه ؟ هند و هي تمد لها يدها عشان تشوف مكان الإبرة \ اممم كنت تعبانه و بابا وداني عند الدكتور منال\ وليش ما أعطاك دواء ؟ هند\ أعطاني إبرة بس و قالي تسيرين زينه بعدها منال\ يعني أنتي هالحين ما يعورك شي ؟ هند\ إيه خلاص ما يعورني شي منال\ بس الإبرة تعور مره ثانية قولي انك تبين شراب بس هند\ هههههههههههه من عيوني....... *************** جده الساعة الـ 05:30مساء خلاص معاد تقدر تستحمل هالبنات و سخطهم المستمر على سعود و موضوع زواجه الإنسان خلاص كره الزواج من كثر حنتهم فوق رأسه و هي بدت تحن عليه و تبي تريحه من ذا الموضوع صحيح تبي تشوف عياله لكنها تبيه برضاه وزواج يكون مرتاح فيه \ خلاص عاد سكرن ذا الموضوع و فكني صدعتن براسي أم عزام\ يمه و لين متى نسكره يعني خلاص خطبنا له وحده و ما وافقت خلاص معاد ندور غيرها ؟ أم فارس\ هالحين بيقولون هو ما يبى إلا بنت خلف و يوم رفضته قال ما عاد يبي غيرها أم سعود\ لا اله إلا الله ما هو كنكن انتن الي اخترتنها له و إلا هو وش درأه إن خلف عنده بنت أم عزام\ اخترتها على بالي أنها بنت ناس و طلعت أعوذ بالله شكلها طالعه على أهل أبوها شايفين أنفسهم مدري على ايش ؟ أم سعود\ يا بنيتي اتركي الناس فحالهم ترى من تكلمتي فيه تكلم عليك أم عزام\ قطيعة عاد بحسب لهم أو لكلامهم حساب أم فارس\ صح كلام أمي الكلام في الناس من ورآهم ما يجوز أم عزام\ خليك أنتي يا أم حلال و حرام في حالك هم بيتكلمون فيه ما هو فيك أم فارس\ و أنتي اختي و الي يجي عليك يجي علي أم عزام\ كان إلا كذا و ما تبين الكلام يجي عليك خلاص قولي انك ما أنتي اختي و ريحي راسك أم سعود\ وش ذا الكلام تبرين من أختك وانتن قدامي أم عزام\ يمه هي ما يعجبها شي من جهتي حتى لو أتنفس ودها تقول لي غلط و عيب أم فارس\ هالحين أنا كذا بس استأهل عشاني أبي مصلحتك نادت على شغالتها تجي تساعدها تروح غرفتها لكنها وقفت تقول لهم كلمتها الأخيرة\ شيلن يديكن من موضوع زواج أخوكن هذا ولدي و أنا الي راح أزوجه ..... ********************* | ||||||||
|
| |
|
29-12-20, 04:35 AM
| #15 | ||||||||
| مراقبة عامة ومشرفة منتدى الروايات المنقولة
| الجزء الرابع عشر الخميس جده الساعة الـ 08:30 مساء أسبوعين مرت بأسرع ما يكون انطوت فيها أفراح و اندثرت جراح انولدت أحزان و نشفت دموع بعد جهد و تعب و سهر خلصوا الطلاب اختباراتهم و ابتدو مشوار الأمل في طريق النجاح .... أسبوعين مرت ثقيلة و بطيئة على من ينتظر فرح و سعادة و سريعة و حزينة على من ينتظر المجهول . رؤى\ خلاص يا هند أنتي عروسه اليوم تعبتي البنت كم مرة بتعدل مكياجك يعني ؟ الكوفيرة والي كانت بالأصل يمنيه مقيمه بجده\ أنا ورأي عروسة ثانيه كمان لازم أخلصك عشان أروح لها هند\ أسفه خلاص أخر مره عدليه و روحي لشغلك رؤى\ أتعوذي من الشيطان يا بنت دحين العريس بيقول زوجتوني وحده صياحه كل داا شوق لأهلك هند آآآآه لو تدرين بالي بقلبي\ أكيد ما أتحمل ابعد عنهم يوم رؤى\ هادي سنة الحياة و أمك تلاقيها اسعد وحده بالدنيا دحين هند\ عقبالك رؤى\ ياااااارب يسمع منك هند\ ههههههههههه مستعجلة على وجع الرأس رؤى\ هههههههههه تقدري تقولي سمعوا دق خفيف على الباب هند\ من جاي الحين رؤى\ أنتي ملكتي أو لسى ؟ هند بخوف\ لا رؤى\ وي تلاقيه حد من أخوانك بدخل الحمام قامت هند بعد ما خلصت تعديل مكياجها تشوف من عند الباب\ نواف كان نواف واقف عند الباب و معه دفتر الماذؤن\ إيه أبوي يبيك توقعين هنا و خلصي بسرعة عشان اوديك الاستراحة بخوف و ربكه مسكت القلم داخلها يصرخ ويقول حرام تضحين بنفسك و خارجين بدت تتوتر و أطرافها ترتعش طاح القلم على الأرض أخذه نواف بسرعة و مده لها مره ثانيه\ أنتي متاكده انك موافقة اذا ما تبينه تكلمي من بدري والبيت!!!!!! خذة نفس عميق\ أوقع هنا ؟ نواف\ إيه خلاص شخطتين بالقلم و صارت بعصمة رجل ما تدري من هو ؟ أتحدد مصيرها و مصير أهلها معها نواف\ مبروك هند\ الله يبارك فيك عقبالك نواف\ ههههههه بدري يالله حاولي تسرعين باللبس لان سلمان له ساعة يقول تخرنا على الناس هند\ من سلمان ؟ نطقها نواف بحنان على سؤالها\ زوجك .... ****************** الخبر الساعة الـ 09:15 مساء على بعد مسافة ألف و خمس مئة كيلو متر عقد زواج أخر و قلبا أتحدى يطوقهم الحب و الفرح ( سيف كان متزوج بنت خالته و الي كان يتمناها من صغرها صحيح اصغر منه بست سنوات لكن قلبه و ما يريد ) بشقة سعود كانوا الشباب مجتمعين من بعد صلاة العشاء بعد ما اتفقوا إنهم يرحون للعرس بسيارة وحده .. سعود\ يالله يا شباب تأخرنا على سيف ناصر وهو يطالع ساعته \ إيه والله تأخرنا و أنا ورأي دوام بكره ( ناصر اخو علي و اصغر منه عمره 25 سنه و هو موظف بالمطار و يدوام أحيانا حتى الجمعة ) علي\ أنت بتقلقنا بدوامك روح بسيارتك أحسن عشان ترجع براحتك ناصر\ ليش انتم بتباتون هناك حدكم الساعة وحده علي\ لا يا شيخ العريس الحين ما يروح إلا حدود ثلاث أربع بنجلس معه أنت وش مفكر عروس زمان ناصر\ والله أنا لو أتزوجت بشرط عليهم العرس يخلص الساعة وحده عشان نرتاح يوسف\ ههههههههههههههه لحصلت الي بتوافق لك على شرطك قولي عشان اخطب أختها علي\ خله يخطب أول بعدين يتشرط ناصر\ لو بكيفي خطبة اليوم و أعرست لكن فيه ناس واقفة لي هنا بالبلعوم علي\ قلت لك تبي تتزوج روح أتزوج و لا تنتظرني أنا مطول ناصر\ و أم علي من يقنعها ؟ علي\ خلها عليه بس أنت مستعد خلاص و إلا بس كلام ؟ ناصر\ أنت عارف إن حتى الشقة جاهزة يعني بس أثاث و مهر و قاعة عندي كم ألف في البنك و بأخذ سلفه تكفي المصاريف علي\ على بركة الله خل الوالدة علي يوسف\ وهو صادق لو بينتظرك شاب شعر رأسه نفسي افهم ليش ما تبى تعرس وأنت واحد قادر و لك بيت مضمون ؟ علي\ القدرة ما هي فلوس وبس لازم تكون مهئ نفسك نفسيا إن فيه إنسانه بتشارك كل شي و بتكون المسئول عنها يوسف\ تدري أحيانا أصنفك من طينة الي ورآك لبديت تفلسف و تقول كلام يبي له فهم و فك رموز سعود\ اجل وش شايفنا متهورين زيك يوسف بيغير السالفة\ أقول ترى صدق تأخرنا يبي لنا ربع ساعة لين نوصل خلونا نمشي سعود\ يالله بروح بسيارتي الشباب\ يالله ... ***************** جده الساعة الـ 01:30 صباحا بعد ما وزعت ابتسامات كذابة على الحضور و مثلت للكل الفرح وأتقنت الدور جأت ساعة الصفر بالنسبة لهند ودعت رجول جدتها الي تحسسها بالأمان و صدر أمها الي يضمها لحتاجته ودعت منال و ضحكتها ودعت نواف و فهد و غرفتها ودعت حتى البيت الي دفعت حياتها ثمن له و من اليوم معاد راح تدخله إلا زيارة و تمشي .. و صلها نواف مع سلمان لشقتهم و استأذن من هم و راح دخلت ورى سلمان الي ما نطق بكلمه من طلعت السيارة و لا حتى قدرت تميز ملامحه كل الي تشوفه إنسان يمشي قدامها و معطيها ظهره تبعته بخطواته و الي حست إنها بعيده و متوترة و فجاء وقف قدام وحده من الغرف ولف عليها\ هذي غرفتك ادخلي بدلي ملابسك و ارتاحي أنا هنا قريب وهو يأشر لها على غرفه في أخر الممر هند ما قدرت تنطق بحرف توقعت أبوها يكون مزوجها من واحد كبير بالسن أو يكون قريب من عمره لكن المنظر الي قدامها اخرصها سلمان صغير بالعمر و باين انه في الخمسة والعشرين طويل و اسمر شوي و ملامحه جدا ناعمة حتى عيونه لونها اسود داكن و ناعسة هزت رأسها بمعنى طيب و دخلت الغرفة كبيره بلون العودي و بسيطة جدا لكنها حلوه ببساطتها فتحت شنطتها الصغيرة الي رتبتها أمها لها و على إصرار من هند حطت لها بيجامه من قطعتين بكم وسط و بلون الوردي أخذتها هند و دخلت الحمام الداخلي في الغرفة و أخذت لها شاور على السريع و طلعت كانت متوقعه إن سلمان قالها بدلي و ارتاحي و هو راح يدخل الغرفة بعد شوي جلسة على طرف السرير تنتظره يدخل أو ينادي عليها تطلع له الصالة مرت ساعة كاملة على هند و هي بذا الوضع تنتظر و تنتظر لكن بدون فايدة ..أوف هذا وين راح ؟ أروح أشوفه أو لا ؟ طيب يمكن هو ينتظرني افتح الباب ؟ ياربي وش هالحاله أنام و أخليه ؟ للحظه تذكرت هند كلامه قبل شوي قالي هذي غرفتك واشر على غرفه في أخر الممر و انه بيكون هناك طيب ليش ما جلس بالصالة معقول تكون الغرفة مكتب مثلا ؟ <<<<أوف يا هند مكتب الحين هو وقته تشجعت و قامت تشوفه يمكن صاير له شي ؟ فتحت الباب و طلت برأسها الاضاءه بالممر كانت خافته لكن باب الغرفة الي اشر عليها مفتوح و الاضاءه فيه مفتوحة سحبت رجولها تجاه الغرفة كانت مستحيه و مترددة وصلت و وقفت بوجه الباب و شلتها الصدمة الغرفة ما كانت مكتب مثل ما توقعت كانت غرفة نوم!! و سلمان ما كان موجود فيها لكن البشت و شماغه مرمية على السرير بإهمال دخلت خطوتين داخل الغرفة سرير و دولاب و مكتب صغير حاط عليه الأب توب و مجموعة كتب و جرايد مدت هند يدها عليها تاريخها يرجع لكثر من أسبوع معقول يكون هو ساكن هنا أصلا من قبل الزواج !! بغيتي شي ؟ طاحت الجريدة من يدها على الأرض انحرجت منه و ما عرفت وش تقول أنا وش دخلني هنا أصلا ؟ لفت جهة الباب كان واقف قدامها ولابس بيجامه كم طويل بلون الأزرق و في يده كوب منظره هادي حتى تعابير وجهه عاديه و باين انه ما هو معصب على فعلتها لكنها صعب تقول كنت أدور عليك فاضطرت تدور لها على كذبه تستنجد فيها من ذا الوضع هند \ لا بس أدور على ساعة بشوف الوقت سلمان ما قدر يشيل عيونه عنها تخدر على صوتها و على منظر البنت الي قدامه هو أول مره يشوفها و بدون ماكياج لكنها سحرته صحيح قبل شوي طالع فيها لثواني لكنه ما قدر يميز ملامحها أو يحفضها انتبه لنفسه و لوجه هند الي صار كأنه قطعه من بيجامتها \ صحيح نسيت أحط لك بغرفتك ساعة حائط بكرة أجيب لك مد يده على ساعة المنبه الي جمب سريره و مدها لهند خذي خليها عندك الليلة لثاني مرة يقولي غرفتك ليش هو ماراح يشاركني فيها ؟ أخذتها بحركة سريعة من يده متفاديه لمسها هند\ شكرا سلمان\ العفو شوفي المطبخ جمب باب الشقة من الجهة اليمين فيه كل شي بالثلاجة الي نفسك فيه خذيه لا تستحين أو تقدرين تنامين اذا تبين هند أنام وش سألفته ذا هزت له رأسها ومشت سلمان\ هند هند\ لبيه سلمان\ حاولي دائم تلبسين بيجايم زي كذا قدامي في غرفتك خذي راحتك مو مشكلة اوكيه هذا وش مفكر أنا ألان زوجته\ إن شاء الله طلعت من عنده للغرفة على طول صحيح كانت جيعانه من الصباح ما أكلت شي لكن خلاص ما صار لها نفس سكرت الباب و استندت بظهرها عليه طالعت السرير قدامها يكفي شخصين لكنها الوحيدة الي بتنام عليه معقولة يكون أبوي هو الي فأرضني عليه عشان كذا ماله أي رغبه فيني ؟ أو هالانسان يواجه مشكلة ؟ لكن الأكيد إنها حست برغبة في البكاء ما قاومتها فراق أهلها و التعب الجسدي و النفسي الي تعرضت له اليوم و فوق كذا الصدمة الي ألان تواجها كيف راح تعيش مع شخص ما يرغب فيها و لا في قربها بكت في ليل عرسها لين الفجر حتى الأمل الي نسجته بوجود سلمان في حياتها صار أمل مقتول ...... *************** | ||||||||
|
| |
|
29-12-20, 04:47 AM
| #16 | ||||||||
| مراقبة عامة ومشرفة منتدى الروايات المنقولة
| الجزء الخامس عشر الجمعة الخبر الساعة الـ 11:15 صباحا طلع من الحمام ( أكرمكم الله ) بعد ما أخذ له شاور يستعد لصلاة الجمعة كان يحس بألم في صدره و نغزه بقلبه من أمس ما قدر ينام زين منها و ما هو عارف السبب كل شي تمام بحياته حتى صوت أمه سمعه قبل ساعة و كانت مبسوطة لبس ثوبه و اخذ شماغه و طلع يستعجل يوسف وقف على باب غرفته و نادى عليه\ يالله يا يوسف عجل طلع يوسف و شماغه على كتفه\ يالله جاهز أنا طلع سعود المفتاح من جيبه و مده على يوسف\ خذ سوق أنت يوسف\ وش فيك وجهك تعبان ما نمت ؟ سعود و هو يحط يده على صدره من جهة القلب\ مدري أحس بضيق بصدري ما أني مرتاح حتى بالنوم يوسف\ ليش فيه شي مضايقك ؟ سعود\ لا ما في شي يوسف\ خلاص بعد الصلاة نروح المستشفى تكشف سعود\ هههههههه ما يحتاج يمكن انخنقت من ريحة البخور أمس يوسف\ طيب يعطونك شي يريحك و تنام مرتاح سعود\ امش بس امش اذا القلب ما هو مرتاح ما تقدر تعالجه المستشفيات وقف يوسف قدام سعود\ قول وش مضايقك تخبي علي ؟ سعود\ أحس من أمس إن في قطعة من قلبي مقطوعة ما أحس فيها يوسف\ كلمت اهلك اليوم ؟ سعود\ إيه الصبح كلمت الوالدة ما عليهم خلاف يوسف\ حمد لله اجل بلاك هنا و هو يأشر على قلبه سعود\ لكنه فاضي ؟ يوسف\ ما هو شرط تدري بالي فيه سنين و أنا أحسه مثلك لين حصلت ساره و اكتشفت إنها هي الي كانت فيه من قبل اعرفها والحين أحس فيها قبل تتكلم اذا زعلانه و إلا تعبانه سعود\ الله يسرها و أنا أخوك لين أحصلها .. **************** جده الساعة الـ 01:30 مساء من أمس ما أكلت شي خلاص رأسها بينفجر و بدت تدوخ هو قالها عندك الثلاجة خذي الي تبيه لكنها تحس بشعور غريب كيف بتآكل من فلوس شخص ما يبيها .. اووف لازم أتعود أصلا كم ببقى يعني مأكل أنا زوجته و محسوبة عليه حتى لو ما يبيني طالعت بملابسها للمرة ألاف محتشمة خلاص بطلع ( كانت لابسة بينجابي هندي كم طويل بلون الأبيض و الأسود ) فتحت الباب بهدوء يمكن يكون نايم باب غرفته مسكر حمدت ربها و طلعت للمطبخ كل شي قدامها لكنها مجبورة تأكل بدون نفس من الوضع الي عايشته أخذت لها تفاحه تأكلها و هي تتأمل المطبخ مرتب و نظيف حتى الكوب الي الفجر كان مع سلمان مغسل و مرتب على جنب من المغسلة .. شكل هالانسان منظم و يحب الترتيب شي حلو والله سمعت صوت الباب يتسكر كانت بتطلع تشوف لكنه كان أسرع منها و دخل عليها المطبخ و في يده غداء بنفس ملامح وجهه أمس هادئ جدا \ السلام عليكم يعني ما يدخل إلا و أنا أكل لو تأخر شوي بس \ وعليكم السلام بكل هدوء و بدون أي كلام اخذ له صحن و ملعقة و فتح الكيس و حط له أكل وصب له كاس مويه و قبل يطلع\ الباقي لك بالعافية هند\ شكرا طلع و تركها في حيرتها يعني حتى على الأكل ماراح نجتمع فيه مع بعض اوكيه كذا أحس أنا من الأساس مغصوبة عليه خليه يعيش براحته و أنا براحتي أخذت الكيس و حطت لها أكل و جلسة بالمطبخ تأكل و حاولت تكون سريعة ما تبيه يشوفها دقائق و قامت وقفت على المغسلة تغسل صحنها و ملعقتها كانت تحسه واقف ورآها يتأملها لكنها سوت نفسها ما تدري عنه و كملت غسيلها طولت هذي يا عني ما انتبهت لي وافق\ خلصتي ؟ سوت نفسها متفاجئه بوجوده و التفت بسرعة\ من متى أنت هنا ما انتبهت ؟ سلمان\ اذا خلصتي بعدي بغسل انتبهت هند انه يأشر على الصحن الي بيده \ أعطني أنا اغسله مده لها سلمان\ شكرا هند\ العفو سلمان\ راح يجون أهلي العصر خلك جاهزة و استقبليهم لأنهم بيرجعون ينبع المغرب هند\ إن شاء الله كان متردد ينطقها و باين عنده كلام \ فيه شي ثاني كمان هند\ الي هو ؟ سلمان بتردد\ لا تقولي للوالدة شي هند ما فهمت عليه\ شي مثل شو ؟ سلمان\ أي شي تسألك عنه قولي تمام و الحمد لله بس هند بعد ما فهمت قصده\ ابشر .... ************** الخبر الساعة الـ 04:30 عصرا من الملل قراء الجريدة ثلاث مرات حالته اليوم ما هي طبيعية برغم انه ما نام لكنه ما هو معصب زي العادة و نفسه يطلع في زحمة ناس يبي يسمع أصوات و يشوف مناظر و أشكال ممكن تنسيه شوي من الي جالس يحسه\ يالله قوم بنطلع يوسف و الي كان متمدد على الكنبة و يطالع التلفزيون \ وين ؟ سعود\ أي مكان البحر الراشد حتى لو نروح الدمام يوسف\ لا أنت اليوم ما أنت طبيعي نروح البحرين أحسن طيب سعود\ هههههههه و ساره ما بتزعل ؟ يوسف\ نفس زعل أم سعود هههههههههه سعود و هو يوقف\ قوم نروح الراشد أبي لي قهوة أصحصح يوسف\ يالله مشينا سعود\ دق على علي يلحقنا يوسف\ لا خله مواعد ناصر اليوم عشان يقنع أمه تخليه يتزوج قبله سعود\ إيه صح .. ***************** جده الساعة الـ 05:00 مساء واقفة في المطبخ ترتب فناجيل القهوة و الشاي في الصحن عشان تقدمها لأهل سلمان الي كانوا جالسين بالصالة أمه و أبوه و أخواته ثلاث حستهم هند ناس طيبين من طريقة ترحيبهم بها لكن كلامهم قليل لما تكون موجودة و تحس أنهم يخبون عنها شي .. هند ببالها\ يمكن ما هم متعودين عليه خل أروح أضيفهم أحسن .. أخذت القهوة و الشاي معها و راحت الصالة كانت تمشي ببطء و تحس أنها بتطيح الصحن كان ثقيل عليها أنتبه لها سلمان و قام من مكانه و اخذ منها الصحن و نزله على الطاولة جلست هند تصب القهوة و مدتها هند \ تفضل عمي أبو سلمان\ زاد فضلك يا بنيتي كملت صب القهوة لأم سلمان و أخواته و مدت فنجان لسلمان\ لا هند أنا ما اشرب إلا شاي بس هند معلومة جديدة \ اهاا طيب لحظة اصب لك ريم\ تعودي يا هند ترى سلمان أكله و شربه محدد هند\ أكيد بتعود عليه سلمان\ لا تأخذني فكرة غلط ترى ريم تحب تبالغ شوي ريم\ هههههه لا ما أبالغ أنت ما تشرب القهوة و لا تأكل لا اللحمة و لا المكرونه و لا الفواكه هند\ ههههههه كل ذا أم سلمان\ خلاص يا ريم خلي أخوك يفهم زوجته براحته أنتي لا تدخلين بينهم سلمان\ عادي خليها يمه ريم هذي الدلوعة بعدين هي سهلت علي مريم\ طبعا دلوعتك سلمان\ بدينا بغيرة البنات عاد أم سلمان\ ما قلتيلي يا هند كيف سلمان معك ؟ هند و هي تطالع سلمان\ الحمد لله يا خالتي ما هو مقصر معي بشي أم سلمان\ زين والله عاد اعتبريني زي أمك و الي ينقص عليك قولي لي لا تستحين ترى خالتك نورة موصيتني عليك نورة هي ورى زواجي معقول!! بلعت هند ريقها و تكلمت\ تسلمين خالتي ما تقصرين أنتي تعرفين خالتي نورة من زمان ؟ أم سلمان\ إيه اخوي متزوج من بنت أختها من ثلاث سنوات يمكن سامية\ زوجة خالي ساكنة عندنا بينبع يا ليت أنتي كمان تجين معنى هناك أبو سلمان\ بس عاد سلمان شغله هنا ما يقدر يتركه لكن إن شاء الله تجونا هناك خميس و جمعه هند\ إن شاء الله مريم\ عمرك شفتي ينبع ؟ هند\ لا والله سامية\ مره حلوه خصوصا ينبع البحر سلمان\ بحر جده أحلى و هند متعودة عليه ما أظن تعجبها ينبع من الأساس كأنه يتكلم عني و ما هو حاسب لي حساب طيب يا سلمان هند\ بالعكس أنا أحب المدن الصغيرة و نفسي ازور ينبع من زمان ... *************** جده الساعة الـ 08:00 مساء دخلت المطبخ تشوف أمها في شي ناقصها اليوم في البيت ما شافته اشتاقت لها و ما تدري بتقدر تشوفها متى ما بغت مثل أول أو لا ؟ منال\ يمه هند متى بتجينا ؟ أم نواف\ بعد كم يوم تجينا يمه منال\ طيب هي ليش ما تعيش معنى ؟ أم نواف\ لأنها اتزوجة يمه و صار عندها بيت لازم تعيش فيه منال\ طيب حنا نقدر نروح لها في بيتها ؟ أم نواف\ إيه يمه نقدر بس ما هو الحين بعد ما تجينا هي أول بعدين نروح لها منال\ هي مره وحشتني دخل على كلمة منال الأخيرة فهد\ من الي وحشك ؟ منال\ هند فهد بضحكة\ بدري أمس شفتيها منال\ بس اليوم ما شفتها فهد\ و لازم كل يوم تشوفينها ؟ منال\ ايوا لأني أحبها أكثر شي في الدنيا فهد\ افى أكثر مني و أنا الي جاي اخذك معي ؟ منال\ وين بنروح ؟ فهد بمزحه\ لا خلاص أنتي تحبين هند أكثر مني كنت بوديك البقالة نشتري آيس كريم بس بطلت منال بغيظ\ أصلا أنا بساعد أمي ما أبى أروح معك فهد\ ههههههههههه يا الزعوله والله خلاص امشي يالله نروح قبل ما يأذن العشاء...... ****************** | ||||||||
|
| |
|
29-12-20, 04:47 AM
| #17 | ||||||||
| مراقبة عامة ومشرفة منتدى الروايات المنقولة
| الجزء السادس عشر السبت جده الساعة الـ 04:00 فجرا تقلبت في فراشها الغرفة صايره ثلج من المكيف و هي تحس بمغص ببطنها بتتقطع من ساعتين تبي تسوي لها شي حار تشربه لكن ظهرها متصلب و ما هي قادرة تتحرك من مكانها .. اووف كله من الصحن اليوم كان ثقيل علي و أنا ظهري أصلا يعورني وينك يا يمه تسوين لي شي يخفف عني هالالم ؟ قامت بتثاقل من السرير و طفت المكيف و طلعت للمطبخ من الألم كانت تمشي بخطوات ثقيلة و كأنها تسحب رجولها على الأرض سحب دخلت و شافت سلمان واقف يصب له كاس مويه أخر شخص كانت تتمنى تشوفه حتى بيجامتها ما كانت طويلة و شعرها مفتوح و ما هو مرتب كانت بترجع للخلف لكنه شافها خلاص سلمان\ وش مصحيك ذا الوقت ؟ هند انحرجت تقوله لكن مع هالانسان اكذابها دوم جاهزة\ عطشانة بس سلمان وهو يطالعها من فوق لتحت\ و الملابس وش قلنا فيها قبل ؟ هند انحرجت هو نبها صح لكن ما توقعت يشوفها هالوقت\ كنت مستعجلة و ما توقعت انك تكون صاحي ألان سلمان و هو يرص على أسنانه\ أنا كلمتي وحده و افهميها قلت ذي الملابس حدها غرفتك بعدين فيه شي اسمه روب تقدرين تلبسينه اذا انك مستعجلة على قولتك أصلا هي نفسيتها من الألم صفر و هو بدا يزيد عليها لكنها مالها نفس لنقاش معه ألان هند \ إن شاء الله اعتذر تنهد بقوة و اخذ كوبه و طلع بدون ما يرد عليها .. استغفر الله ذا الإنسان ما ينام أربع و عشرين ساعة صاحي غريب الألم بيذبحني محتاجه كوب قرفة ألان وين بتكون ؟ دورت هند على القرفة بكل الأدراج و العلب الي قدامها لكنها ما حصلتها فتحت الثلاجة تبى بندول تهدئ نفسها فيه لكن ما حصلت .. يعني لازم أروح أسئلة يأرب ساعدني شكله عصبي اليوم لكن أنا محتاجه له ألان , طلعت هند رايحه لغرفة سلمان تسأله عن مكان القرفة أو البندول أو أي شي تسكن فيه ألامها بطريقها مرت غرفتها وأخذت لها روب تتحاشى غضب سلمان دقت الباب على خفيف << ما في أي رد دقت بقوة أكبر و فتحت الباب النور كان مفتوح و سلمان نائم لكن بدون لحاف دخلت هند و سحبت الفراش و غطته و كانت بتطلع مثل ما دخلت لكنها انتبهت لعلبة دواء تحت يده رفعتها هند بهدوء و أخذت الدواء بتحطه على الطاولة و جت عيونها عليها لعلبة ما كانت غريبة شافتها قبل كذا .. وين يا هند وين شفتيها ؟ اوووه تذكرت هذي حبوب الاكتئاب متأكدة استخدمتها أمي بعد ما ولدت بمنال إلا هي أنا كنت أعطيها لها .. لفت هند تطالع سلمان الي ما تحرك وكأنه جثه خامدة و استغلت وضعيته هذي و فتحت الدرج و انصدمت من علب الأدوية قدامها أخذتها و حيرتها تزيد معها كلها مهديات نفسيه و مضادات اكتئاب وو ..... معقول حبوب منومه كمان !! *************** جده الساعة الـ 07:30 صباحا تمشي في الحوش لوحدها تعودت تمشي مع هند كل يوم لكن خلاص من أمس بدت تتعود على عدم وجود هند في البيت فكرها كان معها صحيح سمعت صوتها أمس لكنها حست أنها متضايقة و لما سألتها قالت إنها ما نامت زين و أهل سلمان كانوا عندهم العصر لكن ذا الكلام ما يمشي على أم محمد هند مخبيه شي و شي كبير عنهم .. دخل البيت و شاف جدته تمشي و مسرحه راح ناحيتها نواف\ السلام عليكم وش مجلسك لوحدك في الحوش يا جده ؟ أم محمد\ و عليكم السلام هلا يمه أنت من وين جاي ؟ نواف\ رحت أصلي الفجر و حصلت واحد من الشباب أيام الثانوي و عزمني على الفطور و رحت معه إلا أنتي أفطرتي و إلا لسى أم محمد\ الحمد لله أمك من صلت حطت لي فطور و أفطرت نواف و هو يمسك يد جدته\ اجل خلاص تعالي ادخلي و من اليوم لازم تعودين تنامين على الأقل لين تسع الحين إجازة و محد يصحى بدري بتملين لوحدك أم محمد\ إيه الله يذكر هند بالخير كانت تصحى معي بدري و تجلس أصلي لين الضحى و تروح تنام نواف\ ادعيلها يا جده بسعادة يمكن يكون وجه سلمان خير عليها أم محمد\ الله يسعدها وين ما كانت إلا رجلها ذا ما شفته قبل كذا أنت ؟ نواف\ لا والله أصله من ينبع و أهلة كلهم عايشين هناك بس هو يشتغل هنا من سنه أم محمد\ وش يشتغل ؟ نواف\ يقول أبوه فاتح له شركة هنا ما سألته والله وش شركته أم محمد\ وأنت وش انطباعك عنه من ملامح وجهه و كلامه معك ؟ نواف\ والله مدري وش أقولك يا جدتي كلامه قليل و ملامحه عادية كان ساكت طول الوقت بس باين عليه انه متوتر و قلقان وأبوه كل شوي يطالعه زي الي خايف انه بيشرد .... ***************** الخبر الساعة الـ05:30 عصرا تمدد على الكنب بكسل توه راجع من الدوام و نفسه ينام لكن ورآه مشوار لازم يخلصه قبل العشاء فسره غبط سعود الي من يطلع من الدوام ما عاد يشيل هم شي لا مشاوير أهل و لا غيره تثاب بتعب يوسف\ يا اني مكسر اليوم تكسير ما هو صاحي سعود\ أكثر منك والله نفسي أنام يوم كامل يوسف\ المشكلة لازم أروح البيت الحين سعود بضحكة\ أروح عنك ؟ يوسف\ تسوي خير بس البس لك بنطلون و قميص كروهات و بقول لأخواتي برسل عليكم سواق هندي يؤصلكم سعود\ هههههههههه سواق مره وحده يوسف\ اجل بيروحون معك و أنا أقول لهم خويي سعود سعود\ ما قلت لي وش صار على بعثة محمد ؟ يوسف\ مواعد لي واحد بيطلع لي النتيجة يوم الثلاثاء عسى نسبته تساعد بس سعود\ لا ماشاء الله محمد شاطر طالع عليك يوسف\ نقول يأرب سعود\ تقدر تسفره أول كم شهر على حسابك بعدين يحول بعثه على حساب وزارة التعليم يوسف\ احتمال أنا أسوي معه كذا يتعلم لغة و بعدين يحول سعود\ طيب هو يبي يروح و إلا أنت ضاغط عليه يوسف\ لا افى عليك مقتنع و إن شاء الله أنا و أنت ورآه سعود\ بأذن الله يوسف و هو يوقف\ و نعم بالله يالله أنا رايح تبغى شي ؟ سعود\ سلامتك راجع هنا بعدين ؟ يوسف\ ما أكد لك والله اذا رجعت متأخر بنام هناك سعود\ زين والله اجل أشوفك بكرة لأني بصلي العشاء و أنام ........ ******************** جده الساعة الـ 10:30 مساء نزلت سماعة التلفون من إذنها بعد ما كلمت رؤى هالانسانه تعودت عليها هند و صارت تحسها قريبه منها و تشاركها في أشياء كثيرة يمكن أكثرها إنها البنت البكر و الي شايله البيت على رأسها بعد وفاة أبوها تنهدت هند و هي تطالع الممر الي يؤصل لغرفة سلمان من الصباح ما صحى و لا تحرك من مكانه و صارت تخاف تقرب منه تخاف إن عنده مشكلة نفسية كبيرة و راح تأثر على علاقتهم الي ما بعد بدت في داخلها كانت تتمنى تعرف هو ايش عنده بالضبط عشان تقدر تساعده و توقف معه لكن المشكلة انه ما يعطيها فرصة تتكلم معه أبدا حتى أخواته ما تعرف لهم أي رقم تحاول تعرف منهم شي عن حالته .... عشان كذا خالتي نورة كلمت أم سلمان عني لجل تزيدني عذاب يا ترى وش استفادت من الي سوته و إلا أش الي مخططة له الله يستر منها حتى في الزواج حضرت مبتسمة و كأنها اشرف إنسانه بالدنيا لا و باركت لي كمان زي بنتها صدق من برى تأخذ فكرة حلوة عنها لكنها من داخل إنسانه حقودة و أنانيه لأبعد الحدود يأرب خلصني من هذا العذاب و اكفني من شر الجاي يأرب ..... قامت هند لغرفتها تهرب من واقعها بالنوم صار هو الحل الوحيد قدامها من أول ما عرفت بأمر خطبتها و زواجها ... ****************** | ||||||||
|
| |
|
29-12-20, 04:48 AM
| #18 | ||||||||
| مراقبة عامة ومشرفة منتدى الروايات المنقولة
| الجزء السابع عشر الأحد جده الساعة الـ 07:30 صباحا فزت من نومها على صوت أشياء تتكسر و تخللتها صرخة الم قوية هزت هدوء الشقة المميت بسرعة طلعت من الغرفة تشوف مصدر الصوت الي كان واصل من المطبخ بنفس واحد و برعب تجمدت رجولها على باب المطبخ بسب صرخة سلمان بوجهها .. سلمان\ ارجعي غرفتك بسرعة كانت يده تنزف ونص الكاسات الي غسلتها و رصتها على المنشفة مكسره بفعل شخص و أجزاءها مبعثرة على أرضية المطبخ جسمه كان يرتعش و ما هو قادر يسيطر عليه قربت هند و بداخلها مقرره تساعده حتى لو سبب لها أذى لكن مستحيل تخليه يعاني لوحده وسط صراخه و رجاءه لهند إنها تبعد عنه سلمان\ روحي من وجهي ما أبي أشوفك ما أبي أشوف احد والله ما أبي اذيئك لا تجبريني هند اطلعي قفلي عليك الباب بسرعة هند قربت منه بعزم\ أنت يدك تنزف الحين تعال خل أضمدها لك بس و أروح و الله بروح سلمان\ أنتي ما تعرفين شي روحي ارحموني ما أبي منكم شي بس اتركوني لوحدي ما أبى بيت و لا فلوس و لا حتى أباك أنتي كمان أنا تعبان هند\ طيب خلاص الي يريحك بيع البيت ورجع الفلوس حتى أنا خلاص بروح لأهلي بس تعال الغرفة ارتاح المطبخ كله زجاج بيجرح رجولك أنت قاعد تمشي عليه سلمان طالع الأرض تحته و انتبه انه واقف على قطع الزجاج و رجولة تنزف فتعمد بدون وعي يدعس عليه بقوة عشان ينجرح أكثر و توه بالألم\ أكرهكم كلكم أكرهكم خليني لوحدي لو تقدمتي كمان بجرح رجلي الثانية أنتي ما تفهمين أنا ما ابغاك أبوك باعك لأبوي عشان الفلوس ما ابغاك هند صارت بين نارين تصدق كلامه و إلا تكذبه لأنه يتكلم بدون وعي تذكرت علب الأدوية الي بغرفته أكيد هو الحين محتاج لوحده منها جريت بسرعة للغرفة و أخذت كل العلب الي قدامها احتارت وش النوع الي بيكون محتاجه الحين رجعت لمكانها و مدت له العلب هند\ سلمان خذ أي حبوب تستخدم عشان ترتاح أجيب لك كاس مويه في هالحظة سلمان تحول لوحش ما هو مدرك لتصرفاته مد يده وسحب هند من كتفها لجهته بقوة و لصق جسمها فيه غصب عنها رجولها جت على الزجاج و انجرحت و صرخت بألم .. آآآآه سلمان\ من وين جبتي هذي الحبوب ؟ من متى شفتيها انطقي بسرعة ؟ هند وهي تتألم و عيونها بدت تدمع \ أمس الفجر والله سلمان و هو يضغط برجله على رجلها الي تتألم منها عشان تحس الم أكثر\ دخلتي و أنا نائم تفتشي أغراضي يعني ؟ هند و هي خلاص معاد تقدر تتحمل الألم و لا ثورة سلمان سحبت نفسها من يده بقوة\ لا والله كنت أبى بندول بس ما حصلت .. قالتها و جرت لغرفتها للحظة اختفى كل الألم الي برجلها أهم شي عندها تؤصل لمكان امن و تبعد عن سلمان قفلت الباب بالمفتاح و سندت بظهرها عليه و غطت عيونها بيدها مستعدة لموجة بكاء ممزوجة بألم و رعب و ذل .... *************** الخبر الساعة الـ 09:30 صباحا اليوم متكاسل عن الشغل خاطرة يطلع و يترك كل شي ورآه نفسه يروح البحر و يشم هواه من وقت ما رفضته بنت جيرانهم و أمه معاد كلمته بموضوع الزواج لكنه يحس إنها ودها تفتح هالموضوع في كل مكالمة لكنه يسكر السالفة من أولها صاير عنده إحساس غريب بالهروب خاطرة يترك كل شي ورى ظهره و يسافر لمكان بعيد بلا مشاكل و هموم انتبه لصوت علي الي دخل عليه \ السلام عليكم سعود\ و عليكم السلام هلا علي\ وين شارد لي وقت على الباب ؟ سعود\ هههههههه قريب لسى على الحدود علي\ ههههههه كويس اني كلمتك قبل تعدى الحدود سعود\ أشوفك تمشى على المكاتب ما عندك شغل ؟ علي\ اذا أنا ما عندي شغل من بالشركة الي عنده شغل ؟ سعود\ تو الناس لسى سيف ماله غير يومين و تعبت علي\ هذا شغل اثنين يعني كأني مشتغل حق أربع أيام سعود\ ما في حد بيساعدك لين يرجع سيف ؟ علي\ يقولون بكرة بيجوبون واحد لين يرجع سيف سعود\ حلو يساعدك علي\ بس ما بيجي عندي زي سيف سعود\ تلقاه مبسوط الحين بماليزيا و ناسينى علي\ إيه والله الله يهنيه سعود\ أمين علي\ زين أنا راجع أكمل شغلي يالله سلام سعود\ أنت من وين جاي أصلا ؟ علي\ رحت شربت شاي و رجعت من برى سعود\ شفت يوسف ؟ علي\ عند المدير أظن بيروح كم يوم بئر الوفرة على حدود الكويت ..... ************** جده الساعة الـ 03:30 عصرا اليوم بالها مشغول على هند و قلبها قابضها تحس إن فيها شي و إنها محتاجتها تكون معها شافت فهد نازل مع الدرج و نادت عليه أم محمد\ فهد تعال يمه فهد\ هلا جدتي بغيتي شي ؟ أم محمد\ إيه أنت تعرف رقم تلفون بيت أختك ؟ فهد\ لا هو مع نواف ليش تبغينه ؟ أم محمد\ أبي اسمع صوت أختك و أتطمئن عليها من راحت بيتها ما كلمتنا إلا مرة وحده أخاف صاير معها شي فهد\ لا إن شاء الله تلقينها مشغولة مع رجلها و وقت تفضى بدق أم محمد\ حتى و لو حنا أهلها و لازم ندق نتطمئن على بنتنا فهد\ زين بروح أجيب لك الرقم من عند نواف أم محمد\ عجل يمه دقائق و رجع فهد اخذ التلفون ودق الأرقام لجدته و انتظر الرد\ ما احد يرد جدتي أم محمد بإصرار\ ارجع دق مره ثانية يمكن ما سمعوا في الجهة الثانية كانت هند تسمع التلفون يدق و طلعت من غرفتها جهته لكن بسبب الجرح الي برجلها كانت تمشي و هي تعرج و خطوتها ثقيلة أول ما وصلت عنده فصل تنهدت على المسافة الي مشتها و حجم الألم الي عانته لكن المتصل ملزم على الرد و على أول رنه رفعت السماعة هند\ الوو أم محمد\ السلام عليكم هند من سمعت صوت جدتها اختنقت و دمعة عينها\ و عليكم السلام هلا بالصوت الله يحييه أم محمد\ هلابك يمه شخبارك يا هنوده طمنيني عنك يا قلب جدتك هند\ الحمد لله أنا بخير و ما ناقصني غير شوفتكم طمنيني أنتي عن صحتك و أمي شخبارها و منال عسى ما هي مزعجه أمي تسال عني ؟ أم محمد\ كلنا الحمد لله بخير و منال ما عليها شر أنتي وينك ما رديتي من أول عسى ما أنتي نائمة و أزعجتك ؟ هند\ لا صاحية بس مالحقت عليه كنت بالغرفة أم محمد\ وين رجلك عسى مرتاحة معه يمه ؟ هند مجبورة اكذب و أقول اني مرتاحة\ طلع مشوار و راجع الحمد لله جدتي أموري معه بخير أم محمد\ متأكدة يمه قلبي ما هو مرتاح عليك هند\ لا جدتي ارتاحي و طمني قلبك أنا مرتاحة و ما عليه شر أم محمد\ اجل تعالي زورينا الليلة مدام رجلك يطلع واجلسي عندنا شوي هند ارتبكت مستحيل تقدر تروح و هي تعرج كذا\ جدتي هو قالي بوديك اهلك الخميس استحي أقوله بروح اليوم ...... ************* | ||||||||
|
| |
|
29-12-20, 04:49 AM
| #19 | ||||||||
| مراقبة عامة ومشرفة منتدى الروايات المنقولة
| الجزء الثامن عشر الاثنين جده الساعة الـ 05:30 عصرا جالسة عند أمها من ساعة ما عاد فيها تستحمل برود أمها و أخوها اليوم لازم تنهي الموضوع و يتزوج سعود و يريحهم حتى بنت عمها الي كانت طليقته اتزوجة و هو جالس بدون عرس أم عزام\ يمه و الحل يعني معكم ؟ أم سعود و هي بدت تمل\ وش بيدي أنا خلاص هذا أخوك دقي عليه و كلميه بنفسك أم عزام\ و هو يخفى عليه دقيت عليه و لكلمته في سالفة العرس تهرب مني أم سعود\ اجل خليه على راحته أم عزام\ يمه ولدك باقي له سنه و يدخل الثلاثين بعدين قولي لي من بتقبل فيه ؟ أم سعود\ اجل أجره من يده و أزوجه بالغصب زي البنات ؟ أم عزام\ لا احلفي عليه أم سعود\ أخوك يعرف مصلحته ما هو صغير لبغى العرس بيعرس من نفسه أم عزام\ أصلا أنا متأكدة إن فيه تحت رأسه شي من وقت قالك بيتزوج بنت خلف و يخليها عندك و ما هو أخذها معه أم سعود والي بدت تسمع لبنتها\ شي زي شو ؟ أم عزام\ بقولك بس لا تعصبين أم سعود\ قولي أنتي تعرفين شي عن أخوك و ما قلتي لي ؟ أم عزام\ لا يمه ما اعرف بس أنا اسمع من الناس الي لهم عيال بعيد عنهم و مشاكلهم مع الزواج أم سعود بدت تعصب و هي تعاني من الضغط و السكر\ قولي و خلصيني طيب تراك رفعتي ضغطي أم عزام\ يمه أنتي تعرفين الحين زواج المسيار و مشاكله أم سعود\ قصدك إن أخوك متزوج مسيار من ورآنا ؟ أم عزام\ أنا ما أقول متزوج أقول يمكن هو رجال و عايش لوحده لا رقيب و لا حسيب و البنات الي يوافقن على زواج المسيار يا كثرهن و يبغن الي زي سعود ما حوله احد من أهله متى ما طلعت معه طلعت أم سعود بداء الشيطان يوسوس لها و تشك في ولدها و أم عزام ما صدقت إن أمها بدت تتجاوب معها و بدت تحكيها قصص عن زواج المسيار لأشخاص تعرفهم أو سمعت عنهم .. *********** جده الساعة الـ 06:00 مساء وقفت في المطبخ مكان ما تألمت الصبح من صحت على تلفون جدتها ما دخلته ولا شافت سلمان و لا تدري هو بغرفته أو طالع لكن وين ؟ ما كانت تدري جلسة على الأرض و هي ترفع قطع الزجاج من الأرض و تحطها في الزبالة سلمان كان في حالة هيجان فضيعه اليوم و كل خوف هند انه يستمر على طول بهذي الوضعية وش بيكون تصرفه معها بتستمر تهرب منه و تقفل عليها الباب و إلا بيسمح لها تتقرب منه و تساعده .... خلصت الي بيدها و طلعت من المطبخ الشقة كبيرة و موحشة عليها و هي جالسة لوحدها فتحت التلفزيون و قلبت قنواته لكن ما في شي أعجبها تمنت لو تقدر تدخل نت بس المشكلة أنها ما جابت الأب توب حقها معها تذكرت الأب توب و الكتب الي في غرفة سلمان لكنها خافت بس لمجرد إنها تقرب من باب الغرفة ما هو تدخلها و تمد يدها على أغراضه تنهدت بملل و سكرت التلفزيون و قامت بتدخل غرفتها مشت ببطء لين و صلت أول الممر و انتبهت لسلمان الي كان واقف على باب غرفتها و متردد يمد يده على مقبض الباب انتبه لظلها و التفت لها سلمان\ كنت أبى أقول لك <<< وسكت ملامحه كانت هادية عكس الصبح و هذا الي طمنها هند\ شو بتقول ؟ سلمان و هو ينتبه لرجلها الملفوفة بشاش \ أسف على الي صار أذيتك ؟ هند و عشان تطمئنه و تكسب ثقته\ لا بسيطة ما تعور سلمان\ اوديك المستشفى طيب ؟ هند\ لا سلمان\ أنا قلت لك روحي بس أنتي ما سمعتي الكلام هند و هي تمشي جهة غرفتها\ أسفه ما راح أكون بوجهك المرة الجاية سلمان قلبه عورة عليها و هي تعرج هو ماله ذنب في هالزواج مغصوب عليه زيه زيها لكن هو مريض و ما يقدر يسيطر على نفسه اغلب الأحيان لكن تضل هند مالها ذنب تتحمل أذاه مد يده و مسكها يسندها \ تعالي أساعدك سحبت هند يدها من يده هي مجروحة من الداخل حتى لو كان سلمان أذاها بدون وعي لكنه قالها بلسانه انه ما يبيها و أن أبوها هو الي باعها لهم مقابل فلوس صعب تحس انك شخص تعيش في مكان وأنت ما هو مرغوب فيك \ شكرا اقدر امشي لوحدي سلمان ما علق دخلت هند غرفتها و سكرت الباب و أغلقت بينهم أبواب الوصال ...... أنا ضد السؤال الي يجاوب نفسه بنفسه أنا ضد السؤال الي يعاتب في دجى شمسه أنا ضدك 00 وضد نفسي 00 وضد الواقع المشؤم تبيني اعشق الدنيا وأحطك فوق كل الناس وأنا ليل ألفرح فيني غدى صوت الحزن عرسه من المسؤل عن موتى اذا فيك الأمل قد مات من المسؤل عن يومي اذا بعدك نسى أمسه غريبة كيف ماشافت عيونك قسوة الأقدار تظن الجرح لي ينزف يطيب وينتهي بلمسه ********************* الخبر الساعة الـ 07:30 جالسين بالصالة على العشاء من زمان ما اجتمعوا على العشاء مع بعض غالباّ ما يجتمعون على الفطور أو الغداء لكن العشاء نادرا ما يجتمعون عليه خصوصا بنص الأسبوع العادة سعود يأكل و ينام لوحده و يوسف يتعشى برى أو عند أهله رفع سعود يده من الصحن و هو يسند ظهره على الكرسي\ الحمد لله يوسف\ ما أكلت ؟ سعود\ لا والله شبعت الحمد لله يوسف\ طيب قوم غسل سعود\ بريح <<<<حال الشباب غريب يوسف\ اجل خلك أحسن عشان تشيل الصحن المطبخ سعود\ وأنت ليش ما تشيله ؟ يوسف\ أنا بكرة مسافر لازم أريح سعود\ مسافر العصر و كلها ثلاث أيام و راجع يوسف\ عاد اسمه سفر و بس لو ثلاث ساعات سعود\ هو تقريبا الطريق ثلاث ساعات يوسف\ عاد أنا واحد ما يقدرون يستغنون عني أكثر من ثلاث أيام في الشركة عشان كذا يعطوني شغل قريب أنت ليش مقهور ؟ سعود\ تكفى يا مهم أنت بس المشكلة إن البئر هذا بذات جمب برج الاتصالات و هذا الي قاهرني خاطري يحطونك بمكان مقطوع فيه الاتصال و أشوفك عاد بدون مكالمات الغرام حقتك ثلاث أيام يوسف\ تكفى لا تذكرني من قلت لسوير اني مسافر عمل و هي تجلس تصيح علي تقول قلت لها بروح أجاهد سعود\ البنات دموعهم جاهزة على طول أصلا يصيحون من الهواء يوسف\ ههههههههههه وأنت ليش شايل حمله على البنات سعود\ و من قايل لك اني شايل حملة عليهن ؟ يوسف\ أسلوبك تقول ذابحات لك غالي و بتنتقم منهم سعود\ لا والله ما يعنون لي شي خصوصا بنات الغرام ذولا الي تكلمهم ..... **************** جده الساعة الـ 08:30 مساء تعود بعض الأيام انه ينام عند جدته في بيتها يحس إنها أمه الثانية و شخصيتها تعجبه أكثر من أمه برغم أنها حرمة كبيرة لكنها حبوبه و سوالفها ما تنمل و تتفهم عقلية الشباب و تتحاور معهم دخل البيت و توجه لصالة لكنه ما حصل إلا الشغالة جالسة تطالع التلفزيون... فارس\ فين ماما كبير ؟ يأتي\ ماما في غرفة فارس\ نائمة ؟ يأتي\ لا ما في نوم هي اليوم مره ما في كويس ما في يأكل حاجة من أول رجع فارس خطوتين جهة الشغالة\ ليش هي تعبانه ؟ يأتي\ أنا يشوف ضغط حقها مرة مرتفع أنا يقول لها روح مستشفى ما يروح فارس\ وليش ما اتصلتي فيه يأتي\ أنا ما يدري مشى عنها فارس و هو عارف انه ما راح يأخذ منها شي لازم يشوف جدته و يتطمئن عليها بنفسه ..... ************** | ||||||||
|
| |
|
29-12-20, 04:49 AM
| #20 | ||||||||
| مراقبة عامة ومشرفة منتدى الروايات المنقولة
| الجزء التاسع عشر الخميس الخبر الساعة الـ 03:00 عصرا جالس بالشقة و باله مشغول عليها من يومين ما سمع صوتها و أخر مكالمة كان صوتها متضايقة و تعبانه كل الي يقولون له أخواته إن ضغطها مرتفع شوي و نائمة لكنه ما هو قادر يصدقهم و إحساسه يقول أنهم مخبين عنه شي .. طلع من الحمام ( أكرمكم الله ) بعد ما اخذ له شاور من ثلاث أيام و هو يحس انه ما استمتع بالمويه زي اليوم يوسف\ فعلا المويه هنا حياة ثانيه سعود\ المويه هي نفسها فكل مكان لكن قول هنا ما في شمس أصدقك يوسف\ أي والله سعود\ ما أنت رايح لأهلك ؟ يوسف\ المغرب بروح الحين بريح وشفيك أنت وجهك مقلوب كذا ؟ سعود\ من يومين ما كلمت الوالدة يقولون تعبانه يوسف\ لا سلامتها عسى ماشر سعود\ الضغط مرتفع عندها يوسف\ عشان ما نزلت جده يعني؟ سعود\ ما أظن لأنه من قبل تعبت الظاهر زعلانه من شي و ما تبى تقولي يوسف\ طيب سالت اهلك ؟ سعود\ يقولون ما فيه شي صاير يوسف\ اجل احمد ربك و لا تشيل هم الضغط أحيان يرتفع من و لا شي بكرة و أنها راجعه بصحة و عافيه ........ ****************** جده الساعة الـ 05:30 عصرا اشتاقت لكل شي مرت به الشوارع البيوت حتى السيارات و زحمتها من أسبوع ما طلعت و لا شافت نور الشمس اشتاقت لكل شي في الحارة مسجدها و الأطفال الي يجتمعون على لعب الكورة في قطعة الأرض المقابلة لبيتهم و اشتاقت أكثر للي داخل البيت محتاجه تحضنهم كلهم و كأنها من سنين ما شافتهم محتاجه تروح غرفتها و تتخلص من كل الحزن الي بقلبها و تكمل إحساسها أنها لسى بنت ما جنت من الزواج إلا اسم متزوجة و بس ... وقف سلمان قدام بيت أبو نواف بدون ما يطفي السيارة\ متى تبين ارجع لك ؟ هند\ ما راح تنزل معي ؟ سلمان\ لا خليك براحتك مع اهلك هند\ و اذا سألوني ليش ما نزلت ؟ سلمان\ قولي لهم أي شي عنده شغل مواعد احد أي كذبه هند يعني عارف أنها كذبه\ إن شاء الله سلمان بدون نفس\ ما جاوبتي متى ارجع لك ؟ هند\ بعد صلاة العشاء سلمان\ اوكيه .... **************** الخبر الساعة الـ 06:10 مساء وقف يستوعب الكلام الي سمعه من ولد أخته فارس معقول كل ذا يصير و هو ما عنده خبر سعود\ أش تقول أنت ؟ فارس\ يا خالي أتعوذ من الشيطان الحمد لله جدتي استقرت حالتها دحين سعود\ وش استقرت ثلاث أيام و هي بغيبوبة و عندها جلطة و أنا أخر من يدري فارس\ و تلات أيام و أنا معها في المستشفى ما تركتها سعود\ و هالحين فكرت تقولي كان صبرت كمان ؟ فارس\ خالي اعرف انك معصب دحين بس والله ما قدرت أقولك لين اطمئن على حالتها و أطمئنك و هدا ما هو راي بس حتى أبوي قالي أسوي كداا سعود هدى شوي فعلا فارس ماله ذنب يحط حرته فيه\ لا اله إلا الله طيب و الحين وش وضعها بالضبط و بدون ما تخبي علي شي فارس\ أقولك نفس كلام الدكتور توي شفته دحين جدتي فاقت من الغيبوبة و تعدت مرحلة الخطر وتوي داخل عندها و شفتها و عرفتني لكن عشان أحطك بالصورة جدتي لسى ما تتكلم و لا تتحرك سعود خلاص ما عاد فيه يسمع أكثر\ زين سكر أنا جاي جده الحين سكر سعود من فارس بدون ما يسمع رده و توجه لغرفته طلع شنطته الصغيرة و رمى فيها ملابسه بإهمال و بدون ترتيب يوسف كان يطالعه من أول و ما هو فاهم الموضوع كامل كل الي تأكد منه إن أم سعود جاتها جلطة يوسف\ قول لا اله إلا الله و هد شوي عشان تعرف أنت وش بتسوي سعود\ لا اله إلا الله وش بسوي بنزل جده هالحين يوسف\ صاحي أنت بتروح بالسيارة ألف و خمس مئة كيلو و أنت بذا الوضع مستحيل أخليك سعود و هو يحط أغراضه في جيبه\ منتظر رأيك أنا ؟ يوسف\ لحظة سعود بتمشي كم ساعة و بتسرع و بتجيب لنفسك المشاكل اصبر خل ندور طيارة سعود\ مستحيل تحصل طيارة الحين و لا بعد أسبوع حتى كلها محجوزة يوسف و هو يطلع جواله\ اصبر خل أدق لعلي يشوف أخوه ناصر يمكن يقدر يدبر لنا حجز سعود\ عجل طيب شوفه اتصل يوسف على علي و مع ثاني رنه رد ... علي\ هلا والله يوسف\ هلابك أقول علي أخوك ناصر في الدوام الحين ؟ علي\ خير وش صاير تسال عنه صار له شي يوسف\ لا بس أبيه يدبر لسعود حجز على جده الحين علي\ وشفيه سعود ؟ يوسف\ الوالدة تعبت شوي و بيشوفها بعدين أقولك المهم الحين ناصر يقدر يدبر لنا حجز علي\ ثواني بس أدق عليه و أرد لك خبر يوسف\ لا تطول الله يخليك سكر يوسف و التفت لسعود\ يقول بيدق لخوه و يرجع يخبرنا سعود\ خلني أتوكل على الله و أروح بالسيارة أصلا بكون محتاجها هناك يوسف\ ما عليه سعود طول بالك دقائق بس و اذا على السيارة أنا اشحنها لك لجده لا تشيل هم سعود\ ما قصرت والله ثواني من الانتظار يوسف و هو يرفع جواله\ هذا علي سعود\ رد بسرعة يوسف\ هلا هاا بشر علي\ دبر حجز بس بعد ساعتين الطيارة يوسف\ المهم انه حصل علي\ خلاص هو في المطار الحين بعطية رقمك و يدق عليك أنت بتوصل سعود المطار ؟ يوسف\ إيه أنا بوصله خلاص انتظر اتصاله يالله فمان الله سعود\ فيه حجز ؟ يوسف\ إيه الطيارة بعد ساعتين قوم نمشي للمطار سعود\ يالله يوسف\ طمني عاد و السيارة على السبت تكون عندك بإذن الله سعود\ إن شاء الله بس السبت قدم لي على إجازة تكفى يوسف\ و لا يهمك ..... ******************* | ||||||||
|
| |
|
| أدوات الموضوع | |
| انواع عرض الموضوع | |
|
|
5Likes
.png)
العرض العادي
