آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-12-20, 04:58 AM
| #31 | ||||||||
| مراقبة عامة ومشرفة منتدى الروايات المنقولة  
|  الجزء الثلاثون ألاثنين جده الساعة الـ 07:00 صباحا الجو صار بارد بنص الشتاء صحيح برد جدة ما كان البرد القارص مقارنة بباقي مناطق المملكة لكن أول الصبح و قبل طلوع الشمس يكون فعلا بارد عليها بحكم كبر سنها فخاطرها تبى تدخل لكنها تبى تسمع هند و هالوقت الوحيد الي تقدر تكلمها بحرية قبل تروح دوامها و الي كانت تنتظر ابو مهند بالحوش \ جدتي ما تحسين بالبرد انتي ؟ أم محمد\ الا والله يمه و اليوم كأنه زايد البرد هند\ اجل ادخلي الله يهديك و كملي نومتك لين الضحى أم محمد\ بس ما هو قبل ما تقولليلي وش قررتي بالي خاطبك ؟ هند\ و الله مدري يا جدتي شغلة اني اروح عنكم لشرقية معورة قلبي ما اتخيل اقعد كم شهر ما اشوفك و لا اشوف امي و منال و فهد أم محمد\ يا يمه حنا ما علينا خلاف المهم انتي وش رايك موافقة على الرجال و الا لا و بعدين هو ينزل لاهلة على طول و بيجيبك معه ما هو مخليك و اخوك عندك بتشوفينه يومين هند\ زين نواف قالك كل شي عرفه عنه ؟ أم محمد\ ايه يمه كل الي عرفه و قاله لي قلته لك البارح هند\ زين و انتي وش رايك ؟ أم محمد\ الحق يا بنيتي الرجال ما يتعوض لا تضيعينه من يدك و أمه تنحط على الجرح يبرى هند\ شورك و هداية الله يا نور هالبيت ...... ,,,,,,,,,,, جده الساعة الـ 04:30 عصرا نزل مع الدرج و هو يسكر أزارير ثوبه و شماغة على كتفه يبي يطلع بسرعه صار ما يستحمل يبقى معها بمكان واحد بعد الي صار منها يوم الي راح يخطب شافته مستعجل مثل كل مرة ما يبى يشوف وجهها بس هالمرة لازم يسمعها بالغصب او بالطيب ... أم عزام\ طالع سعود\ ايه أم عزام\ ما هو قبل ما تسمعني سعود\ مواعد شباب و ما اقدر اتخر عليهم أم عزام\ خمس دقائق تسمعني مهي ماثرة سعود و هو يتافف\ وش بتقولين بس اختصري ؟ أ م عزام\ هالحين رحة و خطبت ما قلنا شي بس انت سالت عن البنت و اهلها او لا تعرف ان ابوهم ما يدري عنهم من سنين تتوقع كيف تربيتهم ؟ رجع خطوتين للخلف سعود\ كيف ابوهم ما يعرف عنهم شي من سنين ؟ أم عزام\ طبعا ما تدري بس خطبت و خلاص سعود\ زين قولي وش عارفة عنهم لا تستفزيني أم سعود\ ابوهم من اكثر من سبع سنوات ...... مافيها تسمح لها تكشف سر البنت عند أخوها و هي لسى ما وافقت عليه لازم تعرف حدودها و تفهم مشاعر الناس .. \ بس و أن سمعتك تكلمتي في هند و الا أهلها و الله بغضبي عليك أم عزام\ يعني انتي تعرفين يمه أم سعود\ ايه اعرف و ما اني ناقصة تجين أنتي تسالين و تخبرينا انا اعرف كل شي عن البنت و اهلها بس هي ما وافقت على اخوك عشان يعرف سرهم اليوم الي توافق ذاك اليوم انا اقوله كل شي بنفسي سعو و هو حاس انه مثل الاطرش في الزفة بينهم \ زين يمه بس اهم شي هدي نفسك لا تزعلين تكفين و كل الي تبينه يصير ....... ,,,,,,,,, الخبر الساعة الـ 05:30 مساء طلع من غرفته على صوت التلفون الي ازعجه و محد راضي يرد عليه يوسف بخاطرة اووف محد يسمع و يرد على التلفون نادى على منار و أمل بس محد رد عليه رفع الخط بسرعه و كان بيتكلم لكن صوتها جاه اول \ الوو السلام عليكم كان بيرد لكن لسانه ثقل و حس انه مخنوق مشتاق لصوتها من اكثر من شهرين ما سمعه اشتاق لضحكتها و همستها اشتاق لاسمه ينطق به لسانها \ الوو قطع عليه صوتها مرة ثانية و رجعه للواقع يوسف\ وعليكم السلام هلا بالطرف الثاني كل شي فيها تجمد هي مشتاقة لصوته و تتمنى تسمعه لكن ما توقعت القدر يحكم بينهم كذا اختلطة بها الدمعة و البسمة تمنة تقفل الخط بدون ماترد بس شو بيقول عنها احسن شي تحط نفسها طبيعية و كانها ما عرفته ساره\ امل موجودة ؟ يوسف\ كيفك ؟ ساره بتردد\ بخير يوسف\ ما في كيفك انت ؟ هذا وش سالفته ليش يبي يعذبني\ _______ <<< لا رد يوسف فهم انها ما تبي منه اي شي و لا تبى تسمع اخبارة او اي شي عنه حس بالقهر على نفسه و مشاعرة تجاهها شاف منار طالعة من غرفتها وحس انها المنقذ الوحيد له رفع صوته لجل يسمعها و يبين لها انها معاد تهمه مثل ما هو ما عاد يهمها \ منار تعالي تلفون لكم منار\ مين ؟ يوسف\ وحدة ما اعرفها بالجهة الثانية ساره حست انها خلاص ما تسوى شي لهدرجة محتقرني و يقول ما يعرفني و انا الغبية لسى احبه و اشتاق له ....... ,,,,,,,,,, جده الساعة الـ 12:00 صباحا انتصف الليل و كل القلوب سكنت مع أحبابها و عشاقها الا قلبين في سماء جده تحوم تعلمت تعشق بس تنسى مشاعرها تعلمت تتمنى بس تأجل امانيها تعلمت تعطي و ما تنتظر تاخذ ابد .. اتقلب في فراشة و هو يتذكر كلام امه و اخته اليوم فيه شي مخبينه عليه بخصوص ابو هند هند صارت تهمه من اليوم الي قابلها عند المركز و عيونها ما فارقت خيالة صار يحس انها قريبة من روحه و كانها قطعة من قلبه يترى وش مخبية ذيك العيون من حزن اكيد ما هي مرتاحة بحياتها بس سالفة ابوها لازم تعرفها يا سعود لازم بس كيف ؟ تتقلب في فراشها و خيال سعود ما هو راضي يفارق عيونها هي شافته مرة وحده بس ملامحه انطبعت بذاكرتها و كانها تعرفه من زمان هند صار كل تفكيرها سعود اليتيم تربى بدون اب لكنه صار عن الف رجال قدر ينجح بأخلاقه بدراسته و عمله و الاهم رضى امه عليه فقد ابوه بالموت و هي فقدت ابوها بالانانية و الظلم ياترى كيف بتكون حياتي معه و الا كيف بيعاملني ؟ و الا احسن شي اقول بكرة لجدتي اني ما اني موافقة افضل حل ......! ,,,,,,,,,,,,,,,, الخميس جده الساعة الـ 05:30 عصرا جالسين بالمجلس مع بعض إحساسة من أول ما دخل هالبيت أن في شي يربطة بأهل البيت نواف و فهد كانوا جالسين معه و رحبوا فيه ببيتهم و أستقبلوه بكل أحترام . سعود\ وش ناوي تتخص يا نواف ؟ نواف\ بأذن الله هندسة بترول سعود\ مثلي يعني الله يوفقك نواف\ امين و يعنى على غربة الشرقية شكل الدوام ما غير فيها سعود\ هو من ناحية الوظيفة اول شي لازم هناك لكن لو لك حظ ينقلونك هنا ينبع و الغربة عاد معاد عندك هذا انا و اختك بنكون هناك و بكرة تتزوج و تعيش هناك نواف\ قول الله يعينك انت على صياح أختي ما اظن تتقبل الشرقية بسرعه سعود\ الله يعين لحظة صمت و انظار توجهة ناحية باب المجلس تطالع المخلوق الي دخل و هو يطالع بعيونه في وجيه الجالسين و كانه يدور على شي قربت منه و حطة وجهها قدامه\ انت سعود ؟ سعود ابتسم لها \ ايه انا سعود و من انتي يا حلوة؟ \ منال اخذها سعود و جلسها بحضنه \ الله حلو اسمك منال\ انت بتاخذ هند معاك بعيد ؟ سعود\ ما هو بعيد مرة بروح عند نواف منال\ بالطيارة ؟ سعود\ ايه منال\ يعني مااشوفها كل يوم ؟ سعود\ لو تبين تشوفينها تعالي عندنا بس بعد المدرسة وانا اسوي لك غرفة لوحدك منال\ لا انا بجلس مع جدتي و أمي عشان ما يجلسون لوحدهم بس انت جيبها عندنا على طول سعود\ ابشري بس كذا منال\ كمان لا تصيحها زي سلمان انا ما احبه لانه صيح هند سعود حس بطعنه بقلبة بس لمجرد انه تخيل ذيك العيون تدمع\ ماراح اصيحها اوعدك و لو صيحتها تعالي انتي صيحيني ... ,,,,,,,,,,,,, الخبر الساعة الـ 06:30 اخذ جاكيته و طلع من الغرفة مواعد علي و سيف الي طلع من صومعته على قوله وصار يخرج معهم و السبب تعب زوجته من الحمل و كل وقتها صار ببيت اهلها نزل مع الدرج و شاف اخوة احمد جالس بالصالة لوحدة قرب منه وسلم عليه يوسف\ وين الناس ليش جالس لوحدك ؟ احمد\ طالع اصلا ابوي طلع المسجد و كنت جالس مع امي و البنات بس جوهم ضيوف و راحوا يوسف\ من جاهم ؟ احمد\ اظن خالتي ام عبدالرحمن يوسف حس بنغزة بقلبة طول الفترة الماضية وهو يتهرب من خالته و لا يبي يشوفها و يحس بالخيانة تجاهها \ زين انا طالع مع الشباب و ..... بس صوت منار ما سمح له يكمل \ يا شباب خالتي بتسلم عليكم اخر شي تمناه وهو يشوفها تدخل و تسلم على احمد قبله تمنى يهرب قبل يشوفها لكن وين يا يوسف\ هلا خالتي ام عبدالرحمن\ هلا بالقاطع الي ما ينشاف بقول اخوانك عندهم بيوت و عيال يشغلونهم لكن انت وش عندك ما تمرني و طريق شغلك على بيتي رايح جاي ام احمد\ والله ماعنده شي وانا اختك غير الفضاوة الي بسنه عيالهم بالمدارس يوسف\ الله يسامحك يمه يعني شايفتني شايب بتزوجوني قبل امشي على ثلاث احمد\ امي معها حق الي بسنك الحين متزوجين وانت لا ام عبد الرحمن\ يوسف هذا زي ولدي خلوه على راحته لبغى يتزوج يقولي وانا اخطب له البنت الي يتمناها يوسف والله ما استاهل هذا منك يا خالة لو تدرين وش مسوي\ الله يخليك يا خالة ايه هذي الناس الي تفهم ام احمد\ يعني حنا الي ما نفهم عشان نقولك تزوج يوسف وهو يوقف\ محشومة يأم احمد يالله استاذنكم انا مواعد الشباب منار\ لا تطلع من هنا روح من باب المطبخ يوسف\ ليش ؟ منار\ امل و سارة طلعوا في الحوش ام عبدالرحمن\ وليش يمه يطلعن برد برى ؟ منار\ مدري ساره تقول ما تقدر تتنفس وطلعوا برى ام عبدالرحمن\ والله يا هذي البنت معاد ادري وش فيها من طيحتها برمضان وهي هذا حالها لا تطلع و لا تاكل وبس تقول مكتوم نفسها لا تقولين يا خالة لو تدرين قد ايش هالكلام يذبحني و يحسسني بالذنب بس وش بيدي بنتك كرهتني خلاص معاد تتقبل مني شي .... ,,,,,,,,,,,, جده الساعة الـ 08:00 مساء حاس انه انجز كل شي اليوم بيسعده و يرضي امه عليه البسمة الي شافها مرسومة بوجها لما هند وافقت عليه حسسته ان امه اسعد انسانة ذيك اللحظة في الدنيا اليوم اتفق مع نواف على كل شي خلاص ما بقى الا انه ياخذ هند و يطير لشرقية .. ام سعود\ يعني خلاص يمه اتفقت مع اخوها على كل شي ؟ سعود\ ايه يمه ام عزام\ مدري على شو فرحانين حدها وحده مطلقة ام سعود\ بس تسوى الف بنت هالي ماهي عاجبتك ام عزام\ اي الف بنت يمه هذي مربيتها حرمة تعرفين يعني ايش ربتها حرمة ام سعود\ وش يعني الفرق هالحرمة عرفت تربي اكثر من الرجال والبنت ابوها حي ما مات عشان تقولين ما رباها ام عزام\ الا كانه ميت تاركهم من سنين و لا يدري عنهم تعرفين اخلاقهم طيب ابسطها تعرفين ليش تطلقت و هي مالها الا شهرين متزوجة ؟ ام سعود\ هالكلام مالنا فيه الحين بكرة بتصير زوجة اخوك وهو الي له الحق يسالها ليش تطلقت ام عزام\ وش يتزوجها و بعدين يعرف سبب طلاقها و شفيك انتي يايمه شكلهم ساحرينك حتى انتي ؟ معاد فيه يسمع اكثر وقف صامد و داخله براكين تثور كلام اخته نزف فيه جروح قديمة اكتشف ان هند تشاركه فيها بدون ذنب ربته حرمة هالكلمة يا ما سمعها في المدرسة في الشارع بكل مكان يعرفونه الناس وش فيها تربية الحرمة ربت رجال افضل من غيرة مهندس يخاف ربه و لا يغلط على احد سعود\ هالكلام خلصنى منه وزواجي يوم الخميس الجاي بعد اسبوع من اليوم وتراه زواج عائلي و هذا شرط البنت وانا وافقت والجمعة راجع بها الخبر ماابي مشاكل ... ,,,,,,,,,,,, جده الساعة الـ 09:30 مساء خلاص بعد الي سوته منال اليوم حست ان وجهها انحرق قدام سعود وهي لسى ما شافته الله يهديها هي و حركاتها الطفولية فهد\ لا وعاد الاخت تهدد لا تصيحها عشان احبك هند\ هههههههههه انا مدري كيف طلعت من عندنا و جاتكم من غير ما نشوفها منال\ عشان تعرفين اني احبك و ماابيه يصيحك زي سلمان ومن جاب طاري سلمان الحين <<هند نواف\ لا سعود باين انه رجال ماشاء الله عليه وفوق كذا بتصيرين قريبة مني يا هند يعني اقدر اتطمئن عليك اي وقت ام محمد\ الله يخليكم لبعض يايمه و يوفقك يا هند بزواجك و انت يا نواف بدراستك هند&نواف\ امين ياجدتي والله يخليك لنا فهد\ من الان الدعاوي بس لهم وانا و منال رحنا فيها ؟ ام محمد\ انت و منال الاساس يا يمه خلاص هند ونواف كبروا والدنيا ابعدتهم عنى لكن انت رجال هالبيت الحين ومنال هي زينته .. ,,,,,,,, جده الساعة الـ 10:15 مساء دخل عليها الغرفة بعد ما جاته ياتي غرفته تقوله ان امه تبيه قبل تنام دخل وهو مبتسم لها و في خاطرة عارف هي وش بتقوله اكيد بتكلمه عن هند الفترة الاخيرة صارت تتكلم عنها على طول سعود\ هاا يالغالية امريني وش بغيتي مني ؟ ام سعود وهي تاشر له على طرف السرير\ تعال يمه اجلس هنا بغيتك جلس سعود بطرف السرير\ و هذي جلسة ام سعود\ يمه انا ما ابيك تزعل من كلام اختك تعرفها انت تكلم و لا تفكر وش تقول سعود\ الله يهديها تعودت محدن يقولها غلط ام سعود\ المهم يمه كلامها ما ياثر فيك انت تعرف نفسك رجال و النعم فيك و هند باذن الله ما تشوف الا كل خير منها سعود\ انتي واثقة منها يمه اشوفك وش السبب ؟ ام سعود\ خبرة الحياه يمه تبين لك الزين و الشين من اول نظرة سعود\ زين يمه انتي مقتنعه فيها و ما اكذب عليك اني من دخلت بيتهم حسيت براحة لكن سالفة زواجها و طلاقها احس سالفته سريعه و ما اني مقتنع فيها كانه في شي مخبيته ؟ ام سعود\ الي مخبيته قلب هند و كبره يا يمه هالبنت ما تفكر بنفسها الا اخر شي قبلت تتزوج بس عشان امها و اخوانها ما يتشردون سعود\ كيف ؟ ام سعود\ ابوها مسحور من زوجته الاولى الله يتوب عليها نفسها حقودة و حاسدة ما قدرت تخلف له و من زواجه عليها انقلبت لانسانه مريضة و خلته ماهو بدنياه تمشيه بكيفها و من يومها ما خلت أذيه الا رمتها على ام نواف و عيالها و حرمتهم كل شي حتى بيتهم الي يسترهم عيونها جت عليه وما خلت طريقة الا تبيعه لكن ام محمد و قفت لها لكن الحرمة كبيرة و قوتها ضعيفة ما لقت الا هالمسكينه هند زوجتها من ولد واحد غني بس فلوسة ماثرت بهند طلعت من بيته زي ما دخلت لكن ليش طلقها و على ايش اختلفوا ماسالتها هذا بيصير حقك بعد كم يوم كان تبي تعرفه سعود\ الله المستعان طيب مالهم عمام خوال يوقفونها عند حدها ؟. ام سعود\ لهم يمه بس الدنيا غرتهم سعود\ الله يعين ام سعود\ هذا الي اعرفه و بغيتك تعرفه مني يمه و الباقي عند هند سعود وهو يسحب الفراش و يغطي امه\ ان شاء الله يمه ما قصرتي خلاص هالحين نامي و خلي الباقي علي ام سعود\ الله يسعدكم يا ولدي سعود\ امين طلع سعود من عند امه و هند كابر قدرها بقلبه لهدرجة تضحي بحياتها و تتزوج لجل اهلها ترمي نفسها بواقع ما تدري وش نهايته بس تسعد و تامن قلوب الي حولها ..... ,,,,,,,,,,,, | ||||||||
|  |
|
29-12-20, 04:59 AM
| #32 | ||||||||
| مراقبة عامة ومشرفة منتدى الروايات المنقولة
| الجزء الواحد والثلاثون الجمعه جده الساعة الـ 10:20 صباحا بخاطرها كلام و خوف من الجاي ما تدري تشكيه لمين و الا تسكت و تخلي القدر يمشي كل تفكيرها بردت فعله وش بتكون ؟ بيتقبل و ضعها بدون نقاش و الا بتكبر سالفتها و ينفضح سرها الي خبته شهور تقوله له قبل الزواج و الا اول ليله معه و الا تخليه يكتشف بنفسه يالله يا كبر همك يا هند طلعت منها تنهيدة بحرقة و عيونها تطالع بعيد .. ام محمد\ هند يمه وش فيك ؟ هند\ سلامتك جدتي ام محمد\ و ليش هالتنهيدة مضايقك شي بنتي ؟ فكرة تقولها يمكن هي منقضها الوحيد بس اتراجعت جدتها ما هي ناقصة هموم و تفكير هند\ افكر شلون بيمر يومي ما اشوفكم ام محمد\ يا بنيتي الحين فيه تلفونات تقرب البعيد بس فكري في حياتك و سعادتك شي ثاني لا تفكرين هند\ الله كريم ام محمد\ و نعم بالله يمه انا احساسي مرتاح لسعود و انا ما شفته و الي مطمئني اكثر ان اخوك عندك هند\ ايه الحمدلله ان نواف هناك اشوفه على طول شي من ريحتكم جدتي ....... ,,,,,,,,,,,,,, الخبر الساعة الـ 03:00 مساء صحى من نومه كسلان امس سهر لين الفجر و حتى لصلاة الجمعه ما صحى رغم محاولات منار معه طالع الساعة و شافها ثلاث قرب اذان العصر و طيارة سعود احساسة بالتعب مسيطر على جسمه اخذ الجوال و تاه فكره عيونه تقراء حروف تتراقص و كلمات ما هو مستوعبها هي حقيقة و الا لسى يكمل واحد من أحلامه (( أبيك تعذرني اذا فيك الوصل صار معدوم درب العناء انا من فراقك هالكني .. عطشانه و فيك الماء سرابه مفقود حد اللقاء بحكم هالقدر مختوم ., لي قلب حلف ما يعبره غيرك مخلوق صاينه و ارجي رب هالكون يلتقي فيك و لو تحت اللحود ....)) كل ألاحسياس تفجرة و ثارة براكين الشوق داخله بصونك بقلب بس بالحلال انتظريني ... ,,,,,,,,,, جده الساعة الـ 04:30 مساء داخل صالات المطار طيارتهم وحده و وجهتهم وحده هالمرة سعود لقى الي يؤنسه و يشاركه الطريق و نواف لقى الي يعينه على الغربه و يعتبره اخوه الكبير فارس\ يالله شباب انا رايح تبون حاجه ؟ سعود\ ما اوصيك على الوالدة و الاشياء الي وصيتك فارس\ اعتمد كل حاجة زي ما تبى و احسن سعود\ تسلم نخدمك بعرسك فارس\ اكيد بحط رجل على رجل و انت جهز كل حاجه نواف\ خاطب ماشاء الله ؟ فارس\ لا والله لسى سعود\ مسوي كل هالرجه بعرسه وهو لسى لا تخرج و لا توظف فارس\ هدا اخر سمستر لي و الوظيفة ربك يجيبها نواف\ الله كريم فارس\ هيا طيارتكم دحين نشوفكم على خير نواف&سعود\ تلاقي خير ....... ,,,,,,,,,,,,,,,, جده الساعة الـ 05:15 مساء دخلت غرفتها عشان تاخذ راحتها مع رؤى الي كانت معها على الخط من سمعت انها انخطبت ومن ام سعود و فرحتها لهند ما تنوصف و تذكرها بكلامها ان ام سعود حاطه عينها عليها من اول ما دخلت المركز . رؤى\ تذكرتي كلامي وانا اقولك بتخطبك لواحد من عيالها ؟ هند\ اصلا ما عندها الا واحد رؤى\ والتاني الي يجيبها دائم ؟ هند\ فارس ولد بنتها بس زي ولدها هي مربيته رؤى\ يعني عندها بس ولد واحد و كم بنت ؟ هند\ بنتين وحدة شفتها جت معها لما زارتنا و الثانية ما شفتها لسى رؤى\ حلو و بتروحي الشرقية و تاخدي راحتك الله يوفقك هند\ امين و عقبالك حبيبتي رؤى\ الله يخليك بس وربي بفقدك مو تروحي تنسيني ولا تدقي عليه هند\ افى عليك هذا كلام اكيد بكلمك رؤى\ راح تجي لدوام بكرة ؟ هند\ ايه بخلص دوام بكرة و الاحد و خلاص بتركه ....... ********** الخبر الساعة الـ 06:30 مساء تمدد على كنب الصالة بتعب جسمه هلك من زحمة المطارات و الطيارات يبي الاستقرار و الراحة يوسف\ ادخل غرفتك طيب ريح فيها سعود\ خلني هنا ماعاد فيني اتحرك شبر يوسف\ بلا دلع تراك الحين عريس سعود\ ههههههههههه على طاري العرس ترى يوم الاربعاء حاجز لك و الشباب معي نفس الرحلة يوسف\ بجد ؟ سعود\ ايه والله اجل ما تحظرون عرسي يوسف\ لا بس انت قلت زواج عائلي و كذا فكرتك ما بتعزم احد سعود\ انتم الاساس و اخواني تجون من غير عزيمة يوسف\ عن نفسي حاظر من الحين هو الي ناقص محضر عرسك ؟ سعود\ الله يخليك و يالله شد حيلك نبي نفرح فيك يوسف\ قريب باذن الله الا الشقة وش ناوي تسوي فيها ؟ سعود\ تباهها انت ؟ يوسف\ لوحدي ما اقدر عليها شكلي برجع البيت سعود\ زين اجل نسلمها نهاية الشهر ذا يوسف\ و متى بتقدم لك بيت ؟ سعود\ كلمت سيف يقولي 15 يوم و يطلعه يعرف واحد بدور لي شقة و الا فندق لين يطلع لي بيت ........ *********** جزء الثلاثاء جده الساعة الـ 05:30 عصرا عقلها مشتت مع هالانسانة الي قدامها من جت طلبت تتكلم معها لوحدهم كنها تحدثها عن معارك و أعداء ما هي فاهمه هي وش تبي تؤصل له بالضبط عشان تريحها و تريح نفسها.. هند\ أصب لك قهوة ؟ ام عزام\ لا شكرا ما اشربها كثير انا هند\ ايه صح كثرها يسبب مشاكل صحية ام عزام\ طبعا تعرفين ضغط و مشاكلة اكيد عندك خبرة انتي هند\ ايه صح ام عزام\ عاد وتعرفين اكيد ان صاحب الضغط ينخاف عليه من الامراض و الي حوله يحاولون ما يزعلونه ؟ هند يالليل ما اطولك\ اكيد ام عزام\ امي الان كذا بعد الجلطة ما تستحمل مناقشة ما نقدر نقولها لا لاي شي حتى لو على حساب حياتنا الخاصة هند\ بالعكس ماشاء الله اشوف خالتي تتقبل النقاش و روحها حلوة الله يسعدها ام عزام\ يمكن معاك لكن مع سعود يا قلبي عليه عصبية و كلامها هو الي يمشي وهو يخاف على صحتها ما يقولها لا هند\ اهااا الله يعينه تبقى امه جنته و ناره ام عزام\ اكيد امه بس ماهو تغصبه على اشياء مايبيها هند بقلة صبر\ مثل شو؟ ام عزام\ يعني هي حكمته يدخل جامعة الملك فهد و يتغرب و بعدين لما ما اعجبتها بنت عمي و تاخرت ما حملت خلته يطلقها و هو يبيها و الان اجبرته يتزوج هند بقلق\ قصدك انه مجبور يتزوجني ؟ ام عزام بابتسامة نصر\ لا حبيبتي لا تفهمين غلط هو قال موافق اتزوج بس ماقال لنا روحوا اخطبوا لي الوالدة الله يهديها راحة خطبتك و حطته في الصورة مدري كيف تقبله وانتي تعرفين انك كنتي مرتبطة بواحد هند\ قصدك مطلقة ؟ ام عزام\ ايه هند بضيق\ الي عرفته انه بعد مطلق ام عزام\ بس رجال ما يعيبه الطلاق و ارجع اقولك مجبور طلق امي الله يهديها تبي تشوف عياله وبنت عمي تاخرت 8 شهور ما حملت والان ماشاء الله عليها متزوجة و عندها ولد و حامل يعني لو صبرت شوي كان هذولا عيال ولدها كنك جاية تفيقين الجروح النائمة هند\ <<<<سرحانه ام عزام بمكر\ انتي وحده جربتي الطلاق وانتي لسى صغيرة حرام تضيعين عمرك مرة ثانية مع واحد قلبه مع غيرك واخذك رضاء لامه ماتدرين وش مصيرك بعدين لو ماحملتي او صار لامي شي لا سمح الله.... ,,,,,,,,, الخبر الساعة الـ06:10 مساء طلع من غرفته لابس و ريحة عطرة تدوخ باين على ملامحه السعادة بسمته عيونه حتى نشاطة صار غير هاليومين مر الصالة ياخذ جواله من الشاحن و مفتاحه.. يوسف\ اوووف على وين الشياكة ذي كلها ؟ سعود\ الراشد يوسف و علي بصوت واحد\ الراشد ؟ سعود\ وشفيكم على كهربه ايه بروح الراشد حرام يعني ؟ يوسف\ يااخي وش تبى بالراشد بعد بكرة عرسك استريح بس علي\ هههههههههه خله يارجال يودع الحرية سعود\ قسم بالله تفكيركم غبي بروح اخذ لي غرض و ارجع يوسف يغمز له\ علينا امس مع سيف ما خليتوا شي الا اخذتوه حتى الخواتم اشتريتها وش تبي ؟ سعود\ ما هو انت وسيف مفهين نسيتوني اشتري هدية للبنت علي\ ههههههههههه بتكسر القاعدة انت محد يجيب هدية بالعرس يجيبونها للملكة بس سعود\ بملك العصر عندهم بالبيت اجيهم و يدي فاضية ؟ يوسف\ هههههههه لا مايصير حتى يمكن يقولون لك ادخل شوفها و عطها الهدية بنفسك سعود و هو يرمي عليه الشاحن\ تطننز ؟ يوسف\ ههههههههههههههههههه سعود\ اصلا انا جالس اضيع وقتي معك انت و هو والا انتم وش عرفكم بالذوق و الرومانسية علي\ احلا يالرومانسي من الحين حركات و هداية اجل بكرة وش بتسوي ؟ يوسف\ اظن بيشوفنا بالدوام و يقول من انتم ؟ سعود وهو يمشي للباب\ و لا راح اسالكم اصلا ., ,,,,,,,,,,,,,,,,,,,,, جده الساعة الـ 08:30 مساء دخلت معها الغرفة شغلت لها المكيف و غطتها مستغربة نومتها بدري حاسة ان عندها كلام بتقولة لكن بخاطرها ماتبى تسمع شي من احد تبى الكل ينام و تروح غرفتها تاخذ راحتها بالبكاء الصراخ أي شي تفرغ فيه القهر الي تحسه...... هند\ اطفئ النور جدتي خلاص ؟ مسكتها من يدها و جلستها جمبها ام محمد\ ما بتقولين لي ؟ هند\ اقولك ايش جدتي ؟ ام محمد\ وش تبي اخت رجلك منك ؟ هند\ جدتي هو لسى ما صار رجلي ام محمد\ بيصير باذن الله لكن وش تبي منك و هي من طلعت وانتي خاطرك ماهو معجبني ؟ هند\ ماتبي شي تسولف معي بس ام محمد\ وش هالسواليف الي غير لوحدكن ؟ هند\ تكلمني عن اخوهها وش يحب وش يكره و كذا ام محمد\ والله يابنيتي اني ما ارتحت لها و لا لجيتها هند\ ليش ؟ ام محمد\ قلبي يمه يقولي انها ناوية شر ماجات مع امها و اختها يوم خطبوك جايه الحين لوحدها تكلمك عن اخوها لو فيه شي كان جات من اول ماهو وهو مابقى على عرسكم شي الا تبي تشكك بنفسك يايمه زمان كانت الوحده فينا تتزوج وهي ماتعرف لا الرجال و لا اهله و مع القرب و العشرة تصير وحده من بناتهم هند\ لا تشيلين همي جدتي انا تربيتك واعرف معادن الناس ام سعود حبيتها من قبل تفكر فيني لولددها واذا على سعود و حياتي معه خليها للايام....... ********** الخبر الساعة الـ 09:30 مساء مجتمعين الشباب بالشقة على قولتهم اجتماع توديع العزوبية لسعود بين ضحكاتهم و ذكرياتهم مع بعض . علي\ والله بشتاق لشقة جمعتنا ايام ياشباب يوسف\ اقولك نخليها و تعال اسكن معي فيها منت راضي علي\ وين يااخي تعرف ماقدر انام هنا و اهلي ماعندهم احد يوسف\ ناصر بيسكن فوقهم يعني قريب منهم لاحتاجوه علي\ خله ينبسط بحياته انا متعود على المسئولية سيف\ المسئولية بيت و زوجة و عيال مهي كلام وبس علي\ تكلم ابو عشرة عيال يوسف\ هههههههه الا عشرين سيف\ تطنزون والله كنت مفكر العيال بلحظة يجون لا تعب و لا هم بس الحين قلت للاهل مابي الا بعد خمس سنين سعود\ حرام عليك الاطفال زينة الحياة بعدين هو لسى في بطن امه و تشكى منه اجل لاطلع وش بتقول .؟ سيف\ الله يعين بكرة بتجرب مواعيد مستشفى والاغراض الي تجهز و الغرفة كلها بنتظارة سعود\ الله يحفضه و يصلحه لك سيف\ امين علي\ اقول ياسعود انت خلصت كل اغراضك ناقص لك شي محتاج شي ؟ سعود\ لا والله تسلم مخلص كل شي علي\ والشقة استاجرة خلاص ؟ سعود\ ايه من يومين يوسف\ الولد مخلص من بدري عشان يرتاح سعود\ لا والله بس صراحة اعتبرة اسرع زواج في التاريخ الحمدلله كل شي ربك سهله بسرعه يوسف\ بس باقي المطار و تقلع نحو حياه جديده سعود\ ههههههههههه وانتم معي على متن الرحلة يوسف\ ههههههههههه ايه والله بشم هواء قبل يوم السبت علي\ هههههههههههه وتجي الاربعاء محترق من الشمس سيف\ هههههههه بس لا تصور مع اختك الخميس يوسف\ ههههههههههههههههه لا بناجل التصوير للعرس مافي تصوير بالملكة بلغ ناصر يا علي ............ ************* جده الساعة الـ10:00 مساء باصابع مرتعشه ضغطت على الارقام جهلها للي على الطرف الاخر مقلقها يمكن تكون فعلا انطوائية و شرانيه مثل ما سمعت عنها و ما تعطيها فرصة تتكلم ام عزام\ السلام عليكم \ وعليكم السلام ام عزام بارتباك\ كيف الحال ؟ \ من معي ؟ ام عزام\ انتي الخاله نورة ؟ نورة\ ايه انا نورة من انتي يا حرمه ؟ ام عزام\ انا وحده تبيك تساعدينها نورة\ اساعدها بشو انا وحده كبيرة بالسن و على باب الله ام عزام و هي تتصنع البكاء\ بس اخوي انظلم و الي ظلمته محد يقدر عليها الا انتي تكفين يا خالة ساعديه نورة\ و من الي ظلمته ذي ؟ ام عزام\ هند بنت زوجك نورة\ ايه هذي طالعه لجدتها ظلمتني قبل و خلت محمد يتزوج علي و مارضت بحكم ربها على ولدها ام عزام\ و شلون ؟ نورة\ الله ما كتب له يجيب عيال راحت زوجته حرمه الله العالم من وين جابت لهم هالعيال ام عزام\ معقول بس هم يقولون انك انتي الي ماتخلفين ماهو ابو نواف نورة\ هذا جزاي الي صبرت على ولدها و ما قلت له تعالج رموا بلواه علي وزوجته وحده سحرته و غيبت عقله ام عزام والله و طلعتي يا نورة نذله بجد حتى اهلك متبرين منك و من فعلتك الي الكل يعرفها و انتي مسويه فيها انك البريئة المظلومة بس يالله يقولون اذا لك شي عند الكلب قله حبيبي \ الله عليها الي ما تخاف ربها ما اكتفت بك جايه هي و هند الحين يضحكون على امي و يسحرونها عشان هند تتزوج اخوي المسكين نورة بابتسامة خبث\ هند بتزوج بعد ما تطلقت ؟ ام عزام\ شفتي كيف بيزوجونها لاخوي و هي مطلقة و هو ما قدر يفتح فمه تخيلي ماعمرة تزوج ياخذ مطلقة نورة\ بس الي بيتزوج هند متزوج قبل و مطلق هذي وش عرفها ام عزام\ هااااه انتي تعرفين انها بتتزوج ؟ نورة\ و هذا يوم سعدي ان هند تزوج لا و بتروح الشرقية عز الطلب ام عزام\ ليش ؟ نورة\ وانتي داقه عشان تعرفين وش بستفيد من زواجها و الا انتي ما تبينها لاخوك تراني اعرف كل صغيرة و كبيرة عنك يا ام عزام و اعرف انك السبب بطلاق بنت عمك لكن بقولك ترى هند ما تقوين عليها بس وخري من طريق زواجها و خليه يمر و الا ترى بياصلك الي مني يفهمك كلامي..... | ||||||||
|
| |
|
29-12-20, 05:00 AM
| #33 | ||||||||
| مراقبة عامة ومشرفة منتدى الروايات المنقولة
| الجزء الثاني و الثلاثون الخميس جده الساعة الــ 04:00 عصرا ابتسم و هو يخلص كتابة اسمه و يوقع قدامه خلاص من هالحظة هند صارت ملكه لوحده يحس بالارتياح لمجرد ان بيجمعهم سقف واحد بعد ساعات بفكرة مجنونه ( ياليت هنوده تبطل من الروحه للاستراحه و تمشي معي هالحين البيت ابي ارتاح و هي جمبي ) نواف\ مبروك يالله بروح اجيب توقيع المدام لك سعود\ أي والله تكفى يوسف\ ههههههه أي الرجال مستعجل سعود\ خلك ساكت انت بس يوسف\ اقولك ترى انا شاهد على زواجك لا تخليني اسحب شهادتي سعود\ مره وقف زواجي عليك اجيب لي عامل من الشارع يشهد و لا تذلني بشهادتك يوسف\ ههههههه روح روح يا نواف لا يذبحنا الاخ هنا فهد\ خلك نواف انا اوديها نواف وهو يمد له الدفتر و يغمز ليوسف\ بس تاكد من موافقتها قبل توقع فهد\ ابشر>>>>>>> وراح بطريقه فارس\ مبروك ياخالي و يارب عقبالي سعود\ الله يبارك فيك بقول امين بس عشان ارتاح منك فارس\ افى كل هدا عشان معاد اجي البيت عند جدتي سعود\ ههههههههههه ابي ارتاح في بيتي حرام يعني يوسف\ لا الاخ بايعنى كلنا اليوم سعود\ هههههههه و بلاش الا وين سيف و علي ما جبتهم معك ؟ يوسف\ بيجون المغرب الاستراحة ما ناموا بدري امس طلعت و هم نائمين دخل بهالحظة فهد و على وجهه ابتسامه انعكست بالرضى و الراحة على وجه سعود\ مبروك سعود ...... ,,,,,,,,,, جده الساعة الـ 05:30 مساء طلع من الحمام ( اكرمكم الله ) بعد ما اخذ له شور جدد فيه نشاطه راسه هالايام مليان بالافكار مسئولية اخواته و زواج اخوه و الاهم صحة امه ما عنده وقت لنفسه ابد ... سيف\ نعيما علي\ انعم الله عليك ماجاء يوسف ؟ سيف\ لا اتصلت عليه يقول نص ساعه و بيجي علي\ ملك سعود خلاص ؟ سيف\ ايه من زمان يقول يوسف فضحنا شوي و يقولهم باخذ البنت خلاص معي علي\ هههههه الله يهنيه سعود يستاهل كل خير والله سيف\ أي والله يستاهل علي\ عقبال ما انفرح بيوسف سيف\ و انت كمان و الا ناسي نفسك علي\ لا انا زواجي مطول شوي سيف\ مدري وش عندك منت راضي تزوج و تريح نفسك ؟ علي\ اذا الله كتب سيف\ ميؤس منك انت تغير الي بر اسك قم بس حلق و البس خل يجي يوسف و نحن جاهزين علي و هو يمسح ذقنه بيده\ لا مني محلق بطلق لحيتي انا سيف\ تتكلم جد ؟ علي\ أي والله سيف\ الله يثبتك ....... ,,,,,,,,,,,,, الخبر الساعة الـ 06:30 مساء جالسه و هي سرحانه خطبتها جت بسرعه و الاسرع ملكتها الي بعد اسبوع و زواجها الي تحدد بالصيف بعد زواج اختها باسبوعين يعني وش تلحق عليه اغراضها و الا تساعد اختها و الا تفكر بالشخص الي عمرها ما شافته و بتعيش معه . ساره\ منار وين و صلتي ؟ منار\ السوق وش بيخلص لي اغراضه .؟ امل\ لا تذكريني و ابشرك الاسبوع الجاي كله يوسف طالع عمل يعني احلمي احمد او عبدالعزيز يجيبون لك لو الشموع منار\ لا انا الشموع لسى ما اخذتها للملكه ساره\ عادي يوديكم بكرة امل\ هو اصلا بجده وبيجي بكره متاخر ما يمديه راح يحضر عرس سعود منار\ دنيا صغيرة الان يوسف بيرجع للبيت مثل ما كنى نحلم و حنا الي بنترك له البيت مره وحده امل\ يارب يشوف سعود تزوج و يطيح الي براسه و يتزوج ساره بقلب مقبوض\ صح هو ليش ما يبى يتزوج ؟ منار\ كان يقول ابي اتزوج لتطمئنة عليك انتي و امل و الان قال يفكر يتزوج بس تعرفين امي و ابوي كل واحد حالف عليه يتزوج على اختياره و هو ما تكلم سكر السالفه اصلا امل تلمح\ هو اصلا بباله وحده بس ما هو راضي يقولها بلعت ساره ريقها\ متاكده يمكن بس هو ما يبي يتزوج الان ؟ امل بذكاء\ لا متاكده من يسمع اسمها بس يسطل و قبل فترة رتبت له غرفته و شفت كرت مكتوب بخطها منار ببراه\ اوف امل تعرفين خطها لا تكون من العنود تكفين لا تقولين ساره\ من العنود ؟ امل\ العنود بنت عمي ابوي يبيه يتزوجها و هو مدري وش رايه فيها بس الخط لا مو للعنود منار\ طيب لمن قولي اثرتي فضولي من ذي الي تحب يوسف و يوسف يحبها ؟ امل\ لا ماابي اقول لانها اصلا كاتبه اسمها اخر الرساله اذا جت فرصه خليتك تقرينها او نواجه يوسف ساره كانت متاكده ان امل تتكلم عنها \ بروح اجيب لكم الشاهي امل\ و مويه الله يسعدك ساره\ ابشري بعد ماتاكدة انها طلعت و معاد تسمعها امل\ كفك شفتي وجهها كيف صار لونه ؟ منار\ والله اخاف يذبحنا يوسف على هالحركات وحنا ما استمتعنا بحياتنا امل\ هههههه الا بيشكرنا بس المشكلة بالفقره باء من الخطه ....... ,,,,,,,,,,,,,,, جده الساعة الـ 10:30 مساء همهماتهم باذنها تذبحها نظرات ام عزام الي باين فيها الشماته و ان نهايتها الطلاق مثل زواجها الاول دارت بعيونها بالحظور امها و جدتها و اختها هي الوجوه الوحيده الحاضرة من اهلها و الوجوه الي بتفقدها من تطلع من هنا ابتسمت لسحر الي جت قدمت لها هديه سحر\ مبروك هنوده ترى ما اوصيك على خالي طول عمره متغرب اخيرا جات الي تؤنسه هند\ يبارك فيك ان شاء الله طلع الكل يبارك و يهني و يقدم لهند هدايه كانت معهم جسد بلا روح عقلها و تفكيرها كله في الكلام الي سمعته و النظرات الي تشوفها من الحظور و ردت فعل سعود لوضعها بعد ساعات تبي تهرب من كل هذا و تروح غرفتها تحضن مخدتها و تبكي عليها تنسى هموم قلبها و تغسلها بدموعها قطع عليها صوت ام فارس و رجعها للواقع\ يالله يا هند سعود ينتظرك بالسيارة و كملت كلامها لسحر هاتي عباية هند خالك مستعجل سحر\ ان شاء الله يمه....... ************ الخبر الساعة الـ 10:45 مساء من طلوا من عندها بنات خالتها و هي هذي حالتها حابسة نفسها في الغرفه و تصيح (( معقول امل تقصدني انا هي تعرف خطي اكيد انا مافي وحده عرفها يوسف من القرايب الا انا اكيد قال لهم عني و طحت من عينهم و بيتزوج بنت عمه ..... كانت تلؤم في نفسها و مشاعرها الي ما قدرت تتحكم فيها صحيح لما كلمت يوسف مافكرت بعلاقة حب تنتهي بالزواج لكن صعب على القلب يشوف الشخص الي يحبه مع انسانه غيرها يضحك و يسولف مبسوط بحياته بس هالمرة خلاص قررت تنساه و تتمنى له السعاده مع البنت الي اختارها يوسف يستاهل حتى لما ابتعد عنها ما سبب لها أي اذى و لا خبر اهلها عن فعلتها ..... ************* جده الساعة الـ 11:35 مساء تحس بالاختناق من طلعت السيارة لين وصلت البيت و سعود كان يتكلم مع نواف و لا هم معترفين بوجودها جلست على طرف السرير و هي تشوفه يعلق بشته و شماغه و قرب يجلس جمبها ابتسم لها ( في داخله مرتبك و فرحان ما هو مصدق ان هند صارت ملكه لوحده بخاطرة كلام يبي يقوله كثير بس ماهو عارف من وين يبدا ) سعود\ مبروك هنوده هند بهمس\ الله يبارك فيك سعود حس براحه من سمع صوتها\ ما في مبروك لي انا بعد و الا ما استاهلها ؟ هند برتباك\ مبروك حس بالارتباك بصوتها فما حب يضغط عليها و فكر يخليها تاخذ راحتها بالغرفه شوي لين تتاقلم على الجو\ الله يبارك فيك زين انا اخليك ترتاحين و تبدلين بالغرفه و هو يوقف انا برى بالصالة لو احتجتي شي ( هالحظة كل شي قدام هند تسكر بعيونها تذكرت اول لليله لها مع سلمان و شلون تركها لوحدها نفس السيناريو ينعاد تذكرت بعدها و غربتها و الالم الي حسته و الي ينتظرها تذكرت كلام ام عزام وان سعود مغصوب يتزوجها و نهايتها الطلاق للمرة الثانيه شافت قدام عيونها ملامح لاشخاص ماتعرفهم و اصواتهم باذنها سعود يتزوج مطلقه معقول؟ سعود شكل عنده مشكله في الانجاب و الا ما طلق بنت عمه و من تزوجة غيره حملت ؟ كلامهم يرجع صداه بعقلها يجبرها على التفكير في مصيرها للمره الثانيه بلا وعي نزلت دموعها مثل الشلال على وجهها محتاجه تبكي ) بهت من ردت فعلها و منظرها كان يظنها بترد بطيب او حاضر لكن تنفجر كذا بالبكاء رجع جلس جمبها ومسك يدها يضغط عليها كانت يدها صغيرة بالمقارنه مع يده ضمها بقوة بين اصابعه \ هنوده بسم الله عليك وش فيك ؟ ما كانت تقدر ترد بس صوت شهقاتها بداء يرتفع و يخلي سعود يقلق اكثر\ فيك شي طيب ردي تعبانه شي يعورك ؟ كل شي يعورني كل شي متعبني و اولهم انت و حياتي معاك كانت تبي تنطقها بس لسانها ما اسعفها هزت راسها بمعنى لا و غطت و جهها بيدينها و كملت شهيق و بكاء محتار و ما هو عارف وش فيها او وش يسوي معها و هي بهالحالة سحبها لحضنه و ضمها بقوة لصدره و هو يمسح على راسها\ خلاص اووص اهدي هالحين لا تقولين شي تعوذي من ابليس بس هذا الي كانت محتاجته هند حد يضمها وقت ضيقتها تمسكت فيه اكثر و دفنت راسها بحضنه و غفت على صدره...... بعد مرور ساعتين الوضع ما كان مريح لا له و لا لها حست بعضلات رقبتها بدت تتشنج بس المشكله شلون ترفعها من على صدره متاكده ان وجهها صاير خريطة الوان من المكياج و الاحراج ماتدري كم مر من الوقت عليها و هي على وضعها و سعود مخليها على راحتها سحبت نفس عميق و نادته بهمس\ سعود كان صاحي من اول و يتامل فيها احساسه انها مغصوبه عليه بداء يسيطر على عقله و بكاءها كان مجرد ردت فعل على وجوده معها\ هلا صحيتي ؟ هند و على نفس وضعيتها بحضنه\ غمض عيونك استغرب طلبها\ ليش ؟ هند\ خلاص غمضها و لا تفتح لين اقولك سعود\ طيب هااه غمضتها هند تاكد\ احلف انك ما تشوف سعود\ والله ما اشوف رفعت جسمها عن صدره و بلمح البصر سمع سعود صوت باب الحمام يتسكر فتح عيونه و ضحك على هند و خريطة الالوان الي بثوبه رفع صوت ضحكته لها\ ههههههههههههه طيب و بعدين كيف بتطلعين من الحمام ترى ما معك ملابس . ,,,,,,,,,,,,, | ||||||||
|
| |
|
29-12-20, 05:01 AM
| #34 | ||||||||
| مراقبة عامة ومشرفة منتدى الروايات المنقولة
| الجزء الثالث و الثلاثون جزء الجمعة الساعة الـ 05:16 فجرا انتفض في مكانه مو معقول الي يشوفه قدامه فتح النور يحاول يكذب عيونه بس بدون فائدة التفت لها و سحبها من كتفها بقوة لين صار و جهها بوجهه\ انتي مو كنتي متزوجه وش مسويه بعمرك ؟ هذا الي كانت تخافه ردت فعله وش بتكون هند\ الا بس......واختنقت بالدموع سعود حس بالدم يثور بعروقه كيف متزوجه قبل و هي الان قدامه عذراء رفع صوته بغضب و هو يضغط على كتفها\ بس ايش ؟ هند\ ما صار بينا شي والله ارتخت عضلاته و حس بالقهر كيف تعيش مع واحد شهرين بدون مايلمسها سعود\ النذل و ليش كان متزوجك دامه مايبيك ؟ هند\ مدري عنه مدري شي ما كان يتكلم معي سعود\ و ينام معك بنفس الغرفه ؟ هند\ لا انا انام لوحدي سعود بقهر\ النذل قسم بالله ما هو رجال متزوجك و مخليك كذا هند\ يمكن ما يبيني مدري عنه سعود بغيظ\ ما يبيك يقول قبل يتزوج ما هو يتزوجك و يطلقك وانتي بكر لسى اهلك يدرون ؟ هند بقلق\ لا سعود الله يخليك لا تقولهم كفايه مشاكل ابوي لهم ما ابي ازيدهم سعود\ و لا حتى امك ماتدري ؟ هند بحزن\ هي اكثر وحده ماابيها تدري سعود\ و هو ما حاول معك بشي وانتي رفضتي ؟ هند\ لا سعود\ ما حاولتي طيب انتي تغريه ؟ فوق الالم الي بكتفها حست بطعنه بقلبها اغريه ! يعني افرض نفسي عليه فوق انه مغصوب علي مستحيل الي مايبيني مره مابيه الف سحبت الروب و نطقتها بكبرياء\ ما هي هند الي تفرض نفسها على رجال .. و كملت طريقها للحمام بدون ما تنتظر رد سعود...... ******** جده الساعة الـ 08:00 صباحا غطتها و طلعت من الغرفه من رجعت امس و هي تبكي و تبي هند ترجع و مارضت تنام الا مع جدتها في الغرفه ام نواف\ نامت ؟ ام محمد\ ايه يمه خلاص انتي روحي نامي لك كم ساعة اكيد هند بتمرنا قبل تروح لا تخلينها تشوفك تعبانه ام نواف\ و انتي كمان خالتي نامي لك شوي منال ما خلتك تنامين زين ام محمد\ ايه انا برجع امدد عندها هالحين ام نواف\ الله يخليك لنا يا خالتي والله من غيرك مدري وش اسوي ام محمد\ و يخليك يا بنيتي انتي مرة الغالي و هذولا عياله .... ******** الخبر الساعة الـ 09:00 صباحا هذي فرصتهم الوحيده صاحين من بدري عشان هذي اللحظة ابوهم جالس بالصالة لوحده و امهم لسى نائمه امل\ جاهزة لنفيذ الفقرة باء .؟ منار\ جاهزة امل\ الحقيني دخلوا على ابوهم الصالة سلموا و جلسوا معه امل\ افطرت يبه و الا احط لك فطور ؟ ابو احمد\ افطرت مع امكم من بدري الا انتن وش مصحيكن بدري مهي عادتكن ؟ امل\ افى يبه يعني مره مانقوم بدري حنا منار\ بعدين حنا اصلا نبي نجلس معك من زمان ما تكلمنا لوحدنا معك ابو احمد\ ايه والله من زمان ما بغيتن مني شي منار\ هههههههه يعني انت فاهم بناتك يبه ؟ امل\ زين يبه انت اختصرت لنا الطريق حنا نبي منك شي هالمرة بس اسمعنا للخير و افهمنا ابو احمد\ ايه قولن امل\ يبه انت تعرف اني و منار خلاص كلها ثلاث شهور و بنترك هالبيت ابو احمد\ ايه والله نصيبكن جاء مره وحده يا بناتي الله يسعدكن و يسر امركم بيفضى علينا البيت منار\ و هذا الي ما هو مخلينا نرتاح يبه انت و امي بتجلسون لوحدكم من بيهتم فيكم و يسال عنكم ابو احمد\ لنا رب يا بناتي انا و امكم قادرين نشيل انفسنا المهم انتن تسعدن بحياتكن امل\ يبه انا بروح الرياض و طلال ما بينزلني لكم على طول يمكن شهور تمر ما اشوفكم و منار صح قريبه منكم بس بتنشغل بحياتها و مستحيل تجيكم كل يوم ابو احمد\ الله كريم يبه لا تفكرن انتن بشي هالحين الا حياتكن منار\ يبه بس حنا نبي نتطمئن عليكم قبل نتزوج ابو احمد\ و كيف ؟ منار\ نزوج يوسف و يعيش معكم امل\ و كذا نتطمئن ان زوجته ما بتقصر فيكم ابو احمد\ و اخوكن يوافق يتزوج هو الي ما هو راضي و الا بنت عمه جاهزة الليله اروح اكلم عمكن امل\ يعني انت ما كلمت عمي انك تبى بنته ليوسف و لا لمحة له ؟ ابو احمد\ لا ما كلمته اخوكن ما يحشم بكره بعد ما احدد كل شي يقول ما عاد ابيها وين اودي وجهي من اخوي منار\ بصراحه يبه العنود اعرفها مستحيل توافق تعيش معكم بالبيت بتقعد تقول تبي بيت لوحدها امل\ العنود بنت عمي و حنا نحبها مثل اختنا لكنها ما تصلح ليوسف و لا لكم شف اختها من تزوجة عبدالعزيز سرنا ما عاد نشوفه الا بالمناسبات ابو احمد\ ومن بتزوجنه انتن ؟ لحظة الصفر امل\ ساره بنت خالتي ابو احمد\ ايه و امكن الي مرسلتكن علي ؟ منار\ لا يبه والله لا امي و لا يوسف يعرفون بشي امل\ يبه ساره هي الوحيده الي نامنها عليكم و نقدر نعيش حياتنا و حنا مطمنين تذكر يوم كنا صغار كنت تقول ان عندك ثلاث بنات انا و منار و ساره هي لين هالحين بنتك منار\ يبه لا تردنا هذا اخر طلب لنا في هالبيت خلنا نروح بيوتنا راضين مطمنيئن ابو احمد\ مدام انكن تبنها ما اردكن بس ما اني رايح لابوها الا بعد ما يجيني اخوكن بنفسه يقولي انه يبيها امل و منار قاموا و سلموا على راس ابوهم\ تبشر يبه ..... ****** جده الساعة الـ 10:00 صباحا فتحت عيونها بكسل تاملت السقف قدامها لثواني و شريط الامس يرجع قدام عيونها من طلعت من الحمام امس ما تكلمت مع سعود الي حصلته نائم غطته و استسلمت هي بعد لنوم التفتت بهدوء تبي تتامله تطبع ملامحه في عقلها لكنه ما كان موجود في فراشه .. وين راح هذا الصبح ؟ قامت من مكانها بدلت و طلعت من الغرفه ما كانت تشوف أي احد حتى الانوار مطفيه و كان الدور كله مهجور الا هالغرفه . ( بخاطرها يا مخك يا هند اكيد الدور هذا بس لي انا و سعود و خالتي تحت خل انزل عندها اشوفها يمكن سعود جالس معها ) رجعت الغرفه و اخذت لها شيله احتياط حطتها على كتوفها و نزلت مع الدرج شافت يأتي طالعه بوجها هند\ ماما صاحي ؟ يأتي\ يس في صاله هند\ مستر سعود معها ؟ يأتي\ لا ما يشوف مستر سعود ينزل هند\ طيب انا يروح عند ماما يشوف يأتي\ سوي فطور ؟ هند\ لا شكرا كملت هند طريقها لصاله و بالها تفكر وين طلع سعود من بدري كذا\ السلام عليكم يمه ام سعود الي فرحة بشوفة هند و بكلمة يمه منها\ و عليكم السلام هلا يمه هند\ كيف اصبحتي اليوم عسى ما تعبتي امس ؟ ام سعود\ لا الحمدلله الا نمت وانا مرتاحه لراحتكم يمه هند\ الله يخليك لنا يمه ام سعود\ عسى انتي ارتحتي يمه ببيتك الجديد و نمتي زين ؟ هند\ ايه يمه نمت زين ام سعود\ و وينه رجلك ما نزل معك لسى نائم ؟ انا جايه اسالك عنه هند\ والله يمه صحيت و ما حصلته توقعته نزل عندك و نزلت ام سعود\ لا والله يمه ما شفته انا صاحيه من بدري و جالسه هنا اتصلتي عليه طيب ؟ هند\ ما اعرفه رقمه ؟ ام سعود و هي تاخذ جوالها\ زين يمه انا ادق عليه تلقينه طلع له مشوار و الا شي هند\ يمكن دقت ام سعود على جواله لكنه طلع مقفل \ مسكره هند ما تبي تقلقها\ ايه امس ما كان جواله في بطاريه اكيد تقفل ام سعود رفعت صوتها تنادي على يأتي\ يأتي يأتي\ نعم ماما ام سعود\ شوفي سيارة حق فارس فيه ؟ يأتي\ انا اول يطلع ما في سياره يفكر مستر فارس ياخذ هند\ هو فارس ينام هنا ؟ ام سعود\ لا يمه امس ما نام هنا بس هو خلى سيارته لخاله عشان سعود خلى سيارته بالشرقيه هند\ زين انا سمعته امس يقول لنواف ان اصحابه من الشرقيه هنا حضروا امس اكيد راح عندهم ام سعود بابتسامه\ ايه كانه راح عند يوسف انسيه ترى محد بيشارك في سعود كثره ........ ,,,,,,,,,,,,, جده الساعة الـ 10:30 صباحا اليوم يسكنه نشاط من الصبح دخل المطبخ و جهز الفطور له و لشباب الي صحاهم من بدري بدون اعتراض و كانهم بيستمتعون باخر ساعات لهم في جده. علي\ يالله يوسف خلصت الشاهي ؟ يوسف\ ايه خلاص جهز علي وهو يطلع\ جيبه و تعال الصالة عند سيف يوسف\ يالله جاي طلع الصالة عند سيف و جلس جمبه\ بسم الله سيف\ امم ريحة الشاهي تعدل المزاج يوسف\ من صنع يدي عاد علي\ الله يعين سعود بيفقد هالمزاج كان متعود عليه سيف\ ههههه بيحصل شي احسن اكيد يوسف\ ايه تكلم الخبير علي\ والله اني مبسوط و انا اشوف سعود امس حسيته مستانس الله يكمل له على خير و يسعده يوسف\ أي والله وجهه امس احسن من زواجه الاول بكثير علي\ الدور عليك الحين يوسف\ و ليه ماانت قبلي ؟ علي\ خلني اشوفك معرس اول و بعدك انا سيف\ الظاهر تبي تجمع خبرتنا الاربعه يا علي و بعدين تتزوج علي\ هههههههه تقدر تقول....... ********** جده الساعة الـ 11:15 صباحا خلاص القلق بداء يسيطر عليها و خوفها على خالتها من ارتفاع الضغط و تتعب و هي محد عندها تتصرف هند بخاطرها ( وش هالامبالاه عند هالانسان في حد يطلع صباحية زواجه بهالطريقة و يقفل جواله طيب اقلها كتب لي ورقة انه بيطلع يا ربي وش اسوي هالحين انا ) قطع عليها صوته يدخل \ السلام عليكم ام سعود\ و عليكم السلام هلا يمه انت وين رحت من الصبح ..؟ قرب سعود و باس امه على راسها\ مشوار ضروري يمه ام سعود\ اقلقتنا يمه حتى جوالك مقفل سعود\ ايه خلصت البطاريه ليش تقلقون انا مني صغير اضيع طريقي ؟ ام سعود\ قول هذا لهند حتى فطور ما اكلت شي من صحت هند والله منتي سهله يا خاله تسوين حركات بعد\ لا هو بس ما كنت مشتهيه سعود\ و لا انا ما افطرت لسى ام سعود\ اجل اخلي يأتي تحضره لكم هند\ خليك يمه انا احضره انصت للكلمه ( يمه ) انبسط عليها بس مابين\ انتي لسى عروس ما راح تدخلين المطبخ الحين خلاص يمه خلي يأتي تحضر لنا الفطور و تطلعه فوق و انتي الحقيني ابيك فوق بالدور الثاني دخل الغرفه و دخلت وراه نزل شماغه و رماه على السرير باهمال جلس على طرف السرير و هو ياشر لها\ تعالي اجلسي هنا انصاعة لكلامه و جلسة على يساره سعود\ صدق قلقتي علي ؟ هند الله يسامحك يا خالتي وش اقوله الحين\ يعني ما قلت لنا وين رايح و فوقه جوالك مقفل سعود\ و ليه ما اتصلتي علي ما شفت الا رقم امي ؟ هند\ ما اعرف رقمك سعود\ كان اخذتيه من جوال امي طيب هند ما عرفت وش تقوله بس الصراحة دائم تكون افضل حل\ انا ما عندي جوال الحين لاني اعطيته فهد هو الحين المسئول عن البيت و يحتاجه سعود\ اهاا خلاص انا اشتري لك لارحنا الخبر هند\ طيب سعود\ ما تبين تعرفين انا وين كنت ؟ هند بارتباك\ الا بس سعود ما اعطاها فرصه\ كنت في ينبع بلعت ريقها\ ينبع ليش ؟ سعود\ ليش ما قلتي لي ان سلمان مدمن ؟ هند بصدمه\ هو كان مريض نفسي مو مدمن ؟ سعود\ لا كان مدمن و دخل المصحة يتعالج عن الادمان و يوم طلع زوجوك به و هو لسى ياخذ ادويه نفسيه هند\ معقول ؟ سعود\ معقول ونص المبلغ الي اخذه ابوك منهم يخليه يزوجك له و هو لسى مدمن حتى ماهو بس يتعالج هند\ ابوي ما هو في وعيه هذي زوجته سعود\ تدرين كم اخذه ؟ هند\ لا سعود\ 250 ألف ريال كانهم بايعين قطعة ارض والله صعب انك تحس نفسك ما تسوى شي عند اقرب الناس لك نزلت راسها بحزن و هي تطالع الارض الي قاعد سعود و قبله ابوها يساوونها بها حس انه جرحها بكلامه بس هو مقهور من فعلتهم و مواصل ماقدر ينام مشى 350 كيلو بس عشان يرتاح لكنه تعذب اكثر كيف بنت مثل هند تتعذب كذا و تدفع حياتها ثمن لجشع نورة لو كانت هند بنتها كانت سمحت لنفسها تسوي فيها كذا ؟ التفت لها بجسمه كله وحضن وجهها بيدينه \ هنوده الله يشهد اني مارحت ينبع لجل اني مااني واثق في الكلام الي قلتيه و لا اني ندمان اني اتزوجتك انا رحت بس عشان اريح نفسي و اريحك ابي اعرف منهو هالانسان الي ما عرف قدر هند و لا استحقها استحملت الطريق وانا مواصل مانمت بس عشان هالعيون هند\ انت شفته ؟ سعود\ لا مسافر بس سالت عنه لو شفته كان ذبحته و جيت هند\ يعني هو طلقني و انت بتخليني اترمل ؟ استانس عليها سعود و هو يشوف خوفها عليه بعيونها سحبها لحضنه بحب و همس لها\ لا تتوقعين اني مني مبسوط و انا اول رجال بحياتك انا حيل مستانس و اتخيلك اول مره تتزوجين هند\ يعني انت الان مرتاح لانك عرفت كل شي بنفسك ؟ سعود\ ايه يا قلبي و اوعدك الي عرفته يبقى سر محد يعرف عنه شي اخذه معي لقبري سحبت نفسها من حضنه و حطت اصبعها على فمه هند\ بسم الله عليك من الموت قوم نفطر لاني دخت صراحه ولازم اروح اسلم على امي قبل نروح الشرقيه سعود\ ايه والله حتى انا ما شفتها و لا سلمت عليها للحين هند\ ما تبي تنام طيب ؟ سعود\ لا لوصلنا الخبر انام بدري عشان الدوام... *********** | ||||||||
|
| |
|
29-12-20, 05:02 AM
| #35 | ||||||||
| مراقبة عامة ومشرفة منتدى الروايات المنقولة
| الجزء الرابع و الثلاثون الخبر الساعة الـ 05:30 مساء دخلت الشقه و العبره خانقتها اشتاقة لاهلها و هي توهم من ثلاث ساعات كانت معهم كيف بتقدر تتحمل اسبوع كامل بدون حنان امها و طيبة جدتها و الاكثر منال كيف بتبعد عنها حتى فهد له مكانه بقلبه لفت على نواف\ نواف عطني جوالك شوي بكلم امي اطمئنها انا وصلنا كان اقرب لها من نواف و اسرع منه طلع جواله و مده عليها\ خذي و تعودي تطلبي مني مو من غيري هند يعني غيرك غريب مهو اخوي اشفيه هذا صارت اخلاقه عدم من طلعنا الطيارة\ شكرا ابتعدت عنهم شوي و ضغطة رقم امها و كلمتها من سمعت صوتها دمعت عيونها غصب خايفه ما تقدر تسمع صوتها كل ما اشتاقة لها او حتى تشوفها و صتها على نفسها و جدتها و منال و فهد طمنتها انها بخير و نواف معها و انها راح تتصل عليهم على طول بس لما تطلع جوال سكرت منها و التفت تشوف نواف لكنها ما شافت حد بالصالة نادته بس محد رد عليها \ سعود جاهاء صوته من داخل الغرفه تعبان و من غير نفس\ نعم اتبعت صوته و وقفت عند باب الغرفه شافته مدد على السرير و مغطئ نص جسمه\ وين راح نواف ؟ سعود\ السكن هند\ ليش ما انتظرني طيب ؟ سعود\ تبينه دقي عليه هند\ انت تبي تنام ؟ سعود\ وش شايفه انتي بالله ؟ وش هالاسلوب الي طلع لي به من وصلنا الشرقيه يتكلم معي بدون نفس كذا ما هو عشان سؤال يعاملني كذا دخلت و حطت له الجوال جمبه\ زين براحتك انا بجلس بالصاله من نبرة صوتها واضح فيها الزعل بس هو مواصل و تعبان لازم تفهمه مسك يدها و وقفها\ لا تتضايقين مني بس انا مانمت تعبان و اصير عصبي شوي اذا ما اخذة كفاية نوم هند\ طيب مني زعلانه سعود\ خلي الجوال معك دقي على امي و خبريها انا وصلنا و اني نمت و التلفون عندك اطلبي لك عشاء لا تجلسين بدون اكل طيب هند\طيب بس انت ما بتصحى اخليلك اكل ؟ سعود\ لا والله ما اظن اصحى الا بكره الصبح مره هلكان . ******* الخبر الساعة الـ 10:20 مساء دخل غرفته و اخواته وراه متاكد ان عندهم كلام من اول ما وصل و هم ياشرون لبعض و يتغامزون بينهم يوسف و هو يحط شنطته\ الله يا زين السرير امل\ يعني طرده ؟ يوسف\ ههههه لا والله بس صاحي من بدري و بفقده كم يوم ابي ارتاح حق خمس ايام منار\ ياليت عملك الاسبوع الجاي مو هذا يوسف\ أي والله ياليت او حتى ملكتك الاسبوع الجاي بس وش اسوي بناصر ذبحني مستعجل امل\ هههههه منار\ بايخين يوسف\ هههههههه زين منورتي محتاجه شي ناقصك شي ؟ منار\ لا والله جهزت كل شي خلاص مشكور امل\ حتى لو نقص شي نروح مع سواق خالتي ام عبد الرحمن ما تقصر يوسف بباله يازين هالطاري\ بس عاد لا تثقلون عليهم يمكن عندهم مشاوير ثانيه امل\ لا عاد السوق ابشرك معتفكين فيه هالحين خالتي و بنتها منار\ تستاهل ساره والله اني فرحة لها يوسف انقبض قلبه\ وش تستاهله ؟ امل\ انخطبت لواحد من قرايب ابوها يوسف انتفض\ هااه من قال .. تلعثم و كمل اقصد متى صار هالكلام ؟ امل\ من كم يوم بس منار\ يعني هالصيفية ما في راحه يا امل انتي و بعدين انا و ساره كمان يالله يوسف معاد صار معهم ساره بتتزوج و انا و حبي و الاحلام الي بنيتها امل بمكر\ يوسف وين رحت لا يكون بتتزوج انت كمان و تكملها علينا منار\ ترى العنود جاهزة يوسف\ ان سمعت اسم العنود مره ثانيه قسم بالله لا اترك لكم كل شي و اروح عند محمد ادرس و لا احضر لكم عرس وحده منار\ زين وش فيك معصب علينا ما تبيها قول لابوي ما هو لنا يوسف تكلم بدون وعي\ ما ابيها و لا ابي الزواج من اصله اصلا ما في بنت بالدنيا تستاهل انك تصدق معها و تتمناها بالحلال اذا ما عاملتهم زي ما يعاملوك ما يعرفون قدرك لازم تحب و توهم و بعدين تروح تتزوج وحده غيرهم هنا امل و منار ما قدروا يمسكون انفسهم ما توقعوا تكون ردت فعله بهالطريقة\ ههههههههههههههههههه بهت يوسف منهم و من كلامه الي قال ما عرف وش يقول ففضل يسكت امل\ ههه طيب تباها تحبها كل هالحب تكلم منار\ ههه و الا لازم نجر منك انت و هي الكلام جر يوسف متفاجئ\ هي ؟ منار\ ههه لا و الا وجهها لما قلنا يوسف خطب ماتت خلاص يوسف\ انتن وش مسويات ؟ امل بثقه\ ابد بس ضمنا موافقتك و موافقة سوير الدبى منار\ و الاهم موافقة ابوي يوسف\ موافقتنا على ايش ما اني فاهم شي ؟ امل\ اقول خلاص فهمنا انك تحب ساره و هي تحبك خلاص اتزوجوا و فكونا يوسف\ هي قالت لكم شي ؟ منار\ لا يوسف\ وانتم كيف عرفتوا ؟ امل\ انا عرفت من كرت الورد الجوري يالعاشق يوسف\ كيف عرفتي ؟ امل\ تذكر اليوم الي وصلتنا المستشفى نزورها بعد ما دقيت علي وقلت انك بالسياره طلعنا بس امي نست شنطتها و رجعت اجيبها و شفت ممرضه تدخل الورد اخذتها منها و دخلتها و طاحت عيني على الكرت يوسف\ قريتيه ؟ امل\ شدني خطك اعرفه منار\ ومن يومها حطتكم ببالها يوسف\ يعني ساره الان ماتدري عن خطتكم بزواجي من العنود ؟ منار\ لا طبعا يوسف\ اهااا و اكيد تصيح الحين و تفكر اني معاد ابيها ؟ امل\ هههههههه لو شافت ردت فعلك الحين بتعرف انها مجنونه يوسف بحركه سريعه سكر باب الغرفه بالمفتاح و حطه بجيبه\ زين اشوف وحده تطلع الليله سليمه منار بصريخ\ لا يوسف وراي ملكه والله توبه كله من امل يوسف\ هههههههههههههه مافي خلاص و اختلط صوت ضحكهم و صريخهم . *********** السبت الخبر الساعة الـ 06:35 صباحا طول الليل ما قدرت تنام تغير المكان و الجو عليها و الاهم بعدت عن احبابها طالعت الساعة و تذكرت دوام سعود الي من امس ما صحى نادته بهدوء\ سعود سعود\..... لا رد رفعت صوتها و هزته بكتفه على خفيف\ سعود فتح عيونه بكسل و طالع فيها\ هممم هند\ اصحى لدوامك ما بتروح ؟ سعود\ من قالك ان عندي دوام ؟ هند\ انت امس سعود\ و تفكريني بتزوج و ما اخذ اجازه عندي ثلاث ايام راحه ادري قليل و تستاهلين اكثر بس صراحه رصيد اجازاتي صفر هند\ وليش ما خليتنا نبقى بجده طيب ؟ سحبها لصدره و لصق وجهه بوجهها\ عشان اخذ راحتي معك لوحدنا هند ما قدرت ترد عليه يعرف كيف يحرجها فاستغل وضعها و كمل و غطاهاء معه تحت الفراش\ هنوده جيعان بس فيني نوم رجعي نيميني يالله زي ما صحيتيني...... ********* جده الساعة الـ 10:00 صباحا البيت صاير موحش عليهم الثنتين مجتمعات بالصالة بس كل وحده تفكيرها بجهه ثانيه ام نواف\ اليوم هند ما اتصلت و لا طمنتنا عليها ام محمد\ يا يمه تلقينها لسى نائمه خليها على راحتها ام نواف\ والله ما تخيلت يوم انها بتبعد عني ام محمد\ أي والله يمه بس النصيب الله يسعدها ام نواف\ امين يارب ام محمد\ اخوها عندها لا تخافين عليها ام نواف\ والله يا خالتي حتى رجالها والله اني ارتحت له من شفته ام محمد\ الله يصلح بينهم و يرزقها الذرية الصالحه ام نواف\ امين يارب و يبلغني في اخوانها و انتي تشوفين ... ********** الخبر الساعة الـ 10:30 صباحا من زمان ما اكل بهالطريقه بنفس مفتوحه احساسه براحه منعكس على وجهه من هالانسانه الي قدامه يحس فيها براءة الطفوله حتى بطريقة اكلها \ شبعتي ؟ هند\ الحمد لله سعود\ وين تبين نروح الحين ؟ هند\ براحتك سعود\ ما في ببالك مكان سامعه عنه بالخبر و بتشوفيه ؟ هند\ كان نفسي اشوف الراشد و الان شفته بس سعود\ الراشد كبير يوم واحد ما يكفي تكتشفينه هند\ ايه واضح كبير سعود\ زين قومي اشتري لك جوال و نلف على كم محل اذا اعجبك شي قولي لي هند\ ان شاء الله تتوقع نواف الان عنده محاضرات ؟ سعود بضحكه\ انا قلت بنرتاح لوحدنا في الشرقيه بعيد عن الاهل نسيت نواف هند بهتت فيه وش قاعد يقول\ هااه سعود\ ههههههه اكيد عنده محاضرات لطلعنا السياره دقي عليه و لا يهمك كم هنوده عندي...... ******* | ||||||||
|
| |
|
29-12-20, 05:02 AM
| #36 | ||||||||
| مراقبة عامة ومشرفة منتدى الروايات المنقولة
| الجزء الخامس و الثلاثون السبت جده الساعة الـ 09:30 مساء في مكان يلفه السواد و غيوم الحقد تخيم على ساكنيه رجعت تنسج خيوطها حوله الطمع و الجشع و حب الدنيا طغى على قلبها و صارت ما ترضى بالمكتوب و طالع حقوق غيرها نوره\ يعني معاد لي قيمه عندك يا محمد ؟ ابو نواف\ انتي تعرفين قدرك بقلبي لكن انا معاد املك شي كل الي عندي بعته لك ما بقى الا هالبيت نوره\ واذا بعته وين نعيش بالله ؟ ابو نواف\ هذا انتي قلتيها نوره\ خلاص بيع بيتك الثاني ابو نواف بغرابه\ أي بيت ؟ نوره\ البيت الي مسكن فيه امك و الي معها ابو نواف\ يا بنت الناس وهم وين يسكنون ؟ نوره\ البيت كبير و بمكان راقي يجيب لك مبلغ حلو استاجر لهم شقه على قدهم الاربعه و حنا نستفيد من الباقي ابو نواف\ يصير خير نوره\ مافيه يصير خير ابي فعل ملكية البيت لك روح بيعه و حطهم قدام الامر الواقع ابو نواف\ بس اوراق البيت مهي عندي نوره بدهشه\ و وين ؟ ابو نواف\ اخذتها هند نوره\ ياذي هند الي حتى بعد زواجها ما سلمت منها و ليش تعطيها الاوراق من قالك تسوي كذا ؟ ابو نواف\ وش تبغيني اسوي لك الا تزوجينها من هذاك المدمن البنت ماوافقت الا يوم ضمنت البيت لهم لو ما اعطيتهيه ما تزوجته و لا اخذتي ذاك المبلغ الي مدري وين راح ؟ نوره\ زين خلاص خلها علي وانا احلها اصلا انا وش وراي الا اعدلك عمرك ما تعدل من نفسك...... *********** الخبر الساعة الـ 03:15 صباحا من فجر الاحد الظاهر سعود مثلها يسكنه عشق البحر لكنها تعبت من الوقفه تبي ترجع الشقه ترتاح لكن سعود واصل بخياله بعيد و كانه ما هو معها هند\ سعود ما تعبت نرجع الشقه ؟ سعود\ عمرك شفتي شروق الشمس على البحر ؟ هند\ لا بجده اصلا تطلع الشمس من جهة المباني مو البحر مثل الشرقيه سعود\ فيك حيل تشوفينه اليوم ؟ هند بخاطرها تبي تشوفه بس تحس بالتعب لكن خجلانه تقوله\ اوكيه نشوفه مسك يدها و مشاها معه لين الصخر وجلسوا هناك\ بتشوفين احلا لحظه بعمرك هند\ متعود تجي هنا ؟ سعود بذكرى\ من بعد ما طلقت تعودت اشوف الشروق هنا اكيد يحبها مثل ما قالت اخته و يشوف خيالها بالفجر هند\ ما انت قادر تنساها ؟ التفت لها مستغرب سعود\ من هي ؟ هند\ زوجتك الاولى سعود\ هالحين هي راحت في نصيبها و انا اتزوجة ترضين افكر بوحده غيرك لا و ملك رجال ثاني ؟ هند\ لا سعود\ هند انا بزواجي الاول ما عرفت طعم الراحة مدري السبب مني او منها او احنا ما قدرنا نفهم بعض بس حياتي كانت جحيم هند\ اكيد في سبب يمكن تاخرها في الحمل اثر على نفسيتها سعود و هو يطالع الامواج تضرب بالصخر\ حياتنا من الاول متذبذبه ما استقرت عشان نقرر نجيب عيال و نربيهم هند تفاجات بدت تسمع منه كلام مناقض للكلام الي تسمعه من الي حوله\ انت ما كنت تبي عيال ؟ سعود\ كنت متاكد انا بنفترق من اسلؤبها معي و مع اهلي ما بغيت اظلم طفل برئ اخليه يتشتت بيني و بينها هند\ اسلؤبها مع اهلك هي بنت عمك يعني تعرف امك و اخواتك من قبل سعود\ بس بعد الزواج اختلفت معهم صارت تسمع كلام و امك قالت و اختك جابت و اختي تقول و المشكلة اهلنا واحد تزعل هي يزعل في صفها عم او عمه و يا سعود روح راضي هند\ عشان كذا قلت تبي تتزوج وحده ما هي من الاهل ؟ سعود\ ايه المشاكل موجوده بين كل اثنين في الدنيا لكن لما بس طرفين تحتويها تنحل بينهم بسلام لكن لما تتدخل اطراف تكبر المشكلة و تتضخم و ماتنحل الا بخسائر مها كانت ما ترضى بالي تشوفه مني تتبع وراي تحاسبني على الكلمة و تفسرها الف تفسير على كيفها ما عمرها وثقة بي احيان احسن في شخص يلعب بعقلها ضدي و يشوشها بيني و بين قناعاته تفكيرها جرها لام عزام نفس الاسلؤب وشوشة عقلي ضده بكلام قبل ما اعرفه سعود عمره ما حب مها ما ارتاح معها من البداية لانها سمعت فيه و خربت عليها للحظة هند حست بالشفقه عليها ضيعت بيتها بغباءها و القهر من ام عزام على افعالها\ تتوقع من هالشخص ؟ سعود\ مدري بس نفسي اعرفه احتمال اكون ظلمة مها و هالشخص لسى باقي يخرب علي هند حست بكبر قلبه حتى بعد ما طلقها و استقرت بحياتها خايف انه ظلمها رفعت يدها على صدرها يا قلبي سيطر على دقاتك قدام هالانسان لا شعوريا حطت راسها على كتفه و كسرت بينهم كل الحواجز\ تاكد ماراح اسمح لهشخص يخرب بينا مهما كانت قوته..... *********** حدود الكويت المكان احدى أبار النفط الساعة الـ 07:00 صباحا اليوم ثاني يوم له بهالمكان موحش بدون صوت اصحابه و ضحكتهم طلع من غرفته يبي يشغل وقته بالعمل ما يبغى يفكر بشي محتاج لراحه محتاج يعيد حسابات حياته يبي الاستقرار الزواج البيت الاطفال احلام بدت تسيطر عليه ملامح ساره الطفلة الي كانت تلعب ببراءه بحضنه صارت اليوم آنثى تسيطر على عقله بكل لحظه تملك قلبه و تشاركه في نفسه .. الجو ربيعي و يشرح الصدر برى حركة العمال في هالمكان مثل الخلية و هو رئيسها يوسف\ صباح الخير الكل رد عليه و بدوا معه يوم عمل جديد و طاقة تبنى لعز هالوطن..... ******* الخبر الساعة الـ 01:20 ظهرا تنفست بعمق و نشوة فرح و هي تشوف سفرة الغداء الي جهزتها بنفسها اليوم اول يوم تدخل المطبخ بعد مضاربات مع سعود و انها لسى عروس و ماراح تدخل الا بعد اسبوع لكنها قدرت تغلبه و تقنعه يذوق طبخها اليوم و تحججت بنواف و عزيمته للغداء دخل على الروائح الزكيه الي غزة انفه سعود\ اممم باين انك طباخه من ريحة اكلك انتشرت بالشقه هند\ لا بس انت جيعان و تتوهم ان الريحه انتشرت بالشقه سعود\ وش اسوي في ناس فطروني الساعة 8 و من 11 قفلوا عني المطبخ هند\ هههههه عشان تتعلم ما تتدخل في خصوصياتهم سعود و هو يقرب للاكل\ هههههههه كان كل مره بيحضرون لي سفرة كذا طيب يبشرون نخليهم براحتهم ضربته على يده هند\ لا تلمس روح ناد نواف و ناكل سوى سعود و هو يتحسس يده\ ااح عورتيني هند\ هههههه بالله يا حساس سعود كان يشوف السعاده اليوم واضحه بعيونها صدق طفله بس عشان خليتها تطبخ\ زين بروح اناديه لك بس انا ماراح اكل هند\ ليش ؟ سعود بضحكة\ لان عندي حساسيه من السمك هند بخيبه و ضحت على وجهها\ والله وليش ما قلت من اول ؟ سعود ببراه\ انتي ما سالتيني وش اكل هند\ صحيح اسفه حقك علي سعود\ بس فيه حل ؟ هند اكيد بيرجعني اطبخ له مره ثانيه\ شو هو ؟ سعود قرب منها\ اذا احد اكلني بيده ما تجيني الحساسيه حست كانه حد يعطيها كف هي صدقته و هو يتغلى و يبي يحرجها بس يالله يا سعود ما هو على هند\ اوكيه انا اقطع لك السمك و الله يخلي لك يد الملعقه ....... ************ جده الساعة الـ 08:00 مساء مسئولية البيت صارت كلها عليه يحس كانه كبر عشر سنوات فوق عمره الظاهر هند كانت اخذه عنا حمل ما نحسه و لا حسيناه الا بعدها دخل على جدته الغرفه و هو مصمم على الي في باله فهد\ السلام عليكم صاحيه جدتي ؟ ام محمد\ و عليكم السلام هلا يمه تعال هني فهد\ هاا جدتي طمنيني كيف صحتك ؟ ام محمد\ الحمد لله يمه بخير فهد\ الله يطول لنا بعمرك ام محمد\ وشفيه ولدي بعيونه كلام ؟ فهد\ الا والله طلب يا جدتي ام محمد\ ابشر بالي تبيه يمه فهد\ جدتي ابيك تكلمين واحد من اعمامي عيالهم أي احد المهم بس يكون رجال تثقين فيه ام محمد\ وليش يمه وش تبي منهم ؟ فهد\ بنعلاج ابوي حرام نخليه كذا و حنا نعرف علاجه ام محمد\ يا يمه فك السحر ما هو شي سهل لازم يطول و ما ينقطع و ابوك حنا ما نشوفه الا بالسنه حسنه كل وقته عند نوره و هي ساحرته كيف نعالجه عندها ؟ فهد\ حتى لو نجيبه عندنا البيت ام محمد\ لو بيدي يمه انا جبته هني عندي بالغرفه و قريت عليه القران لين تشافى بس الشكوى لله ما هو في وعيه منها ....... *********** | ||||||||
|
| |
|
29-12-20, 05:49 AM
| #37 | ||||||||
| مراقبة عامة ومشرفة منتدى الروايات المنقولة
| الجزء السادس و الثلاثون الثلاثاء الخبر الساعة الــ04:30 مساء دخل الشقة راجع من الدوام صار يحن للبيت صوتها ريحة عطرها كلها تفاصيل اخذها معه اليوم كاول يوم دوام بعد زواجه دخل بهدوء يبي يملي عيونه فيها من غير ما تحس بوجوده يبي يفاجاءها برجوعه و يشوف ردت فعلها دخل خطوتين و صم اذنه صوت الجوال في الشقه الهادئه رفعه لاذنه بخيبه \ عارف ان وقتك غلط يوسف\ هههههههه عارف اني متعمد سعود\ اخلص بس وش تبي ؟ يوسف\ اشتقت لك سعود\ هههههههههه سخيف يوسف\ لاوالله بجد تو ترجع البيت من الصبح ابيك بس القهر ما جاء الارسال بالجوال الا الان سعود\ تمون حبيب قلبي امرني يوسف\ تسلم لي بغيتك تنزل السوق و تشتري لي هديه على ذوق عريس سعود\ لمن لا يكون....... يوسف\ اعوذ بالله يا اخي صف نيتك ابيها لاختي بجي بكره متاخر و بنام لين الخميس سعود\ هههههههه ايه زين ابشر بس وين احطها لك بكره راجع جده بعد الدوام ؟ يوسف\ يا شيخ ملكة الاولى مشيناها و الان الثانية و الاخيرة بعد ما تمشي سعود و هو يطالع بهند و يبتسم لها\ وش اسوي هالمره حكم القلب يوسف\ من اولها سعود و هو يلف يده على كتف هند\ ليه الغيرة ؟ يوسف\ هههههههه زين عطها علي يحطها بسيارتي مفتاحي معه الله يعيني الظاهر معاد بعرفك الا بالدوام سعود\ تبشر لك احلا هديتين وحده لك و وحده مني و الاهل يوسف\ تسلم اجل يالله ما اطول عليك احسك ثانيه و بترقع الخط بوجهي سعود\ ههههههه تمام انك فهمت يالله سلام هند\ هذا صديقك يوسف ؟ سعود\ ايه هند\ ايه قالت امي محد ما بيشاركني فيك غيره سعود\ هههههههههه علمتك امي من بدري عاد يوسف هذا اخوي و يمون علي يبيني اشتري له هديه ملكة اخته الخميس و هو بالعمل بيجي بكره متاخر بالليل يعني جهزي نفسك المغرب نروح السوق ابي اشوف عاد ذوق هنودتي هند\ ابشر من عيوني........ ********** الاربعاء جده الساعة الـ 07:00 مساء دموع الفرح احيان تفضح اكثر من دموع الحزن من اول ما شفته داخل عليها و يده بيد زوجته و هي ما هي قادره تحبس دموعها سعود\ افى يا الغاليه ليش كل هالدموع الحين .؟ ام سعود\ من فرحتي فيكم يا يمه الحمدلله الي عشت لين اشوف هاليوم هند\ اثاريك كنت متعب امي و ما تبي تتزوج بعد ؟ يتفنن في احراجها الون الوردي بخدودها صار يغريه سعود\ محد لمس يدي طيب قبلك فهمت له و لإسلؤبه و صارت تجاريه هند\ مثل ما عمره احد طالعني بطريقتك من تحت النظارة سعود\ هههههههه منتبهه ام سعود\ الله يسعدكم يا يمه و اشوف عيالكم يارب سعود\ امين و يخليك لنا يا الغاليه بس العيال بدري عاد عليهم هند ببالها تو لنا اسبوع و تبي تشوف عيالنا و هو ما يبي يارب اصدق ام عزام و الا اصدق سعود سعود\ هنوده وين وصلتي ؟ هند\ لا هنا سعود\ سمعتيني وش قلت طيب ؟ هند\ اممم لا سرحت شوي سعود\ اقول لك ابي شاهي راسي مصدع هند\ طيب أبشر يمه تبين أنتي كمان ؟ ام سعود\ لا يمه شربت العصر مع فارس....... ************* الخبر الساعة الـ 10:50 مساء البيت ساكن و هدوءه مغري لراحه طلع الدرج بخطاء خفيفه يبي يفاجأها برجعته و انها على باله هو متاكد من ذوق سعود بالهدية و هو لسى ما شفها اخذها من السيارة مغلفه و جاهزه بس اكيد بتعجبها شاف نور غرفتها مفتوح معناته انها صاحيه كان بيدق الباب بس تراجع اخر شي و فتح الباب و دخل بجسمه كله يوسف\ منوره الحلوه وش تسوي سهرانه.. و إتجمدت اطرافه هذي منال بس الثانيه لا مو امل هذي ملاك حوريه على الارض يالله ما قدر يشيل عيونه عنها حس باحراج البنت الي ما لقت قدامها مفر الا تختبي ورى الستاره سحب نفسه وراح غرفته بين فرحها برجعته و خجلها من الموقف الي صار منار\ اسفه ما يدري انك هنا بروح اشوفه \ اوكيه ياربي وش هالجمال معقول وحده بالحلاة هذي تدخل بيتنا و انا مدري عنها اووف بس لو منار مهي بالغرفه ضحك على نفسه و تفكيره الظاهر تعب الطريق ماثر عليك يا يوسف منار\ يوسف انت كيف تدخل كذا احرجتني مع البنت ؟ يوسف\ ما توقعت عندك احد هالوقت قلت افاجئك بالهدية و رجعتي قربت له منار و حضنته على خفيف\ رجعتك اهم من الهديه عندي يوسف\ فديتك والله بس من هذي الي عندك هالوقت و وين امل ما اشوفها ؟ منار\ امل تكلم طلال بغرفتها و هذي العنود اصلا عندنا من امس وش العنود لا مو معقول هذي الي ابوي يبيني اتزوجها و انا رافض والله اني غبي احد يرفض كل هالجمال و يدور غيره بس ساره القلب الحلم وين راح يا يوسف تبخر\ هااه العنود ام لسانين حلوه كذا ؟ منار\ ايه انت ما قصرت حفظت ملامحها مو بس طالعت يوسف\ اووف والله قمر منار\ شو يعني غيرة رايك تبيها و ساره ؟ بهت ساره ما يبيها \ هاااه ابتعدت عنه ناحية الباب و على شفايفها ابتسامه رضا منار\ ايه ساره و الا الجمال نساك القلب ؟ و خذت الباب في يدها وطلعت ما سمحت له يفكر لحظة رجعت فتحت الباب منار\ نسيت اخذ هديتي و على فكره ابيك تاخذ دش و تنام زين ابي صورك بكره معي تطلع مرتاح ما هو تعبان من كثر التفكير و اعتبر الي شفته نظره شرعيه لان هذي سويرتك الدبى قالت قنبلتها على راسه و راحت يالله يا منار هذي ساره هذي ملامحها هذي ام الصوت المخملي الي عشقه إذني رمى نفسه على السرير مبتسم يرسم احلامه على سقف غرفته..... *********** الخميس جده الساعة الـ 05:15 مساء بمجرد ما تشوف هالانسانه قدامها تحس بخلايا جسمها تثور ما تبي توسع بينهم المسافات بس هي تغصبها هين بتشوفين من هي هند يا ام عزام.. ام فارس\ عساك الحين مرتاح يا سعود بعد ما اتزوجة ؟ سعود\ الحمد لله الي عنده مثل هالهنوده اكيد بيرتاح يسلم لي الذوق يمه ام سعود\ الله يسعدكم يمه ام عزام\ ايه بس تو لكم اسبوع ما تقدرون تحكمون الا بعد عشره سعود\ في ناس يعطيك عشرة سنين بيوم واحد حست بالقهر ام عزام\ الا ما سمعنا صوتك يا هند مرتاحه مع سعود ؟ هند\ فوق ما تتصورين ام عزام\ و كيف الشرقية معك اكيد ضايقه عليك بدون اهلك ؟ هند\ بالعكس سعود الان صاير كل اهلي الله يسعده بعدين انا اخوي هناك يدرس و سعود هو الي جمعني فيه متى ما بغيته دقيت عليه يجيني ام عزام شوي و ترتكب جريمه في هند طلع لها اخو هناك كمان\ ايه بس اكيد ملل لما اخوك بالجامعه و سعود بالعمل النهار طويل ما هو مثل هنا كان وقتك يروح في العمل هند\ العمل شي حلو بس الصراحه متعب ما افكر فيه الان مرتاحه في البيت ما كانت موافقه على زواجي ما قلنا شي بس تقعد تضايق هند بكلامها لا ما راح اسمح لها سعود\ حتى لو حبيتي تشتغلين انا ما عندي مانع بالعكس بحس ان وقتك منشغل بشي مفيد و شغلتك اعتبرها شغله انسانيه يمكن نحصل على دعوه من وحده تسعدنا و تبارك حياتنا هند ببالها و يلوموني فيك يارب سيطر على نبض قلبي احسه بيطلع من صدري من قوته طالعة فيه و ابتسمت و اختلطة نبضات قلوب الجالسين بين حب و سعاده و نبضة كره......! ************ | ||||||||
|
| |
|
29-12-20, 05:50 AM
| #38 | ||||||||
| مراقبة عامة ومشرفة منتدى الروايات المنقولة
| الجزء السابع والثلاثون الاربعاء الخبر الساعة الـ 07:30 مساء سريعه هي الايام اذا مرت بعمر انسان ايام و اسابيع و شهور تمر بفرحها و حزنها علينا بدون ما نحس بتسارعها . دخل االبيت بعد أسبوع عمل قضاه في البحر بعيد عن اليابسه و الاستقرار والراحه و الاهم بعيد عن هند الي اضطر نواف ينام عندها الاسبوع كله بامر من سعود ريحتها استقبلته قبل يشوفها كان متوقع انها بتنتظره عند الباب مشتاقه له مثل ما هو مشتاق لها لكن ظنه خاب و ما شاف الا نواف جالس في الصاله و واضح عليه الملل نزل شنطته و سلم عليه سعود\ اشوفك جالس لوحدك و ينها هند ؟ نواف\ طلعت غرفتها تاخذ دش من شويه على فكره ترى ما قلت لها انك جاي الحين سعود حب الفكره\ تمام طيب اجلس ليش واقف ؟ نواف وهو يطالع ساعته\ والله ماشي خلاص بلحق الطياره سعود\ كلمت فهد هالايام شو الوضع عنده ؟ نواف\ لا تمام لا تشيل هم انت ارتاح و انا رايح و اجيب لك الاخبار سعود\ الله يريحك مشى خطوتين ناحية الباب و التفت له نواف\ على فكره ترى ما قلت لهند لاني ابيك تشوفها مثل حالها لها كم يوم مدري وش فيها تعبانه و وجهها ما هو عاجبني حتى المستشفى رفضت تروح شوفها انت يمكن تروح معك قلبه انقبض هنودة قلبه تعبانه و هو ما هو جنبها ترك شنطته بمكانها و طلع الدرج ركض يبي يطمئن عليها و يريح قلبه فوق بالغرفه كانت هند توها طالعه من الحمام [ اكرمكم الله ] و تلف شعرها المبلل بالبشكير هي تعرف ان سعود بيرجع اليوم بس أي ساعه ما تدري كانت تتمنى لو يتاخر شوي بس لين تقدر تخفي اثار التعب من وجهها لجل ما يحس ان فيها شي انصدم من الي تشوفه عيونه هذي هند؟ وين اختفت ابتسامتها و وجهها ذبلان مثل الورده الناشفه وش صار لها بغيابي معقول تكون عرفت شي..! سعود\ هنوده اخر امنياتها رجوع سعود الان غمضت عيونها تحاول تكذب الي تشوفه و انها تتوهم طيفه و صوته بس لمسة سعود لخدودها رجعتها للواقع ..يالله رجولي معاد تشيلني اختنق انا بقربه بكامل وعيئ كيف الان و انا منهكه ارحمني يا سعود و يشيل يدينك عني بعدني عن حضنك ابي اتنفس يارب ضاع الحكي و اظلمة الدنيا بعيونها..... ******** الخبر الساعة الـ 08:00 مساء لف السوق ثلاث مرات ما في شي داخل راسه يبي شي مميز حاجه عمره ما احد فكر فيها قبله هذا اليوم الي يتمناه من زمان هذي اللحظة الي بتكون بداية حياته الجديده معها الي بتبداء من الجمعه،.. علي\ يوسف ترى و ربي هلكة اختار لك أي هديه و فكنا يوسف\ ما في شي معجبني ابي شي مميز شي غريب علي\ وش براسك يعني ؟ يوسف\ ابى هديه عمره محد فكر فيها علي\ لا واضح الرومانسية الي طلعت لسعود جاتك يوسف\ هههه ااه يا علي لو تدري هاليوم وش يعني لي هذا الشئ الوحيد الي تمنيته من هالدنيا علي\ الله يسعدك اجل تعال معي باخذ لك هديه حتى بعد ماتزوج كل عيالك و تبقى شايب هي عندك يوسف\ ههههه لا يكون بس بتسوي لي وشم باسمها في يدي ؟ علي\ هههههههههه ما عندك سالفه و ربي .... ************* الخبر الساعه الـ 08:15 مساء صدى هالكلمة تردد باذنه الف مره قبل يستوعبها بلع ريقه و سال الدكتوره للمره العاشره سعود\ كيف يعني حامل ؟ الدكتوره\ إزاي كيف حامل دي يعني حاتصير اب حضرتك سعود بدون وعي\ والله الدكتوره\ ايه يا بني هو انت مش مصدقني و الا ايه ؟ سعود\ لا بس تفاجات شوي الدكتوره\ ليه هو ليكم زمان متقوزين<<<<صعبه اللهجه المصريه سعود يا شين اللقافه\ لا تونا طيب المدام عرفت او لا ؟ الدكتوره\ اه عرفت و عملت نفس حالتك كدا معقول متاكده و مش عارفه ايه سعود\ طيب صحتها و الجنين كيف .؟ الدكتوره\ لا دلوتي صحتهم كويسه بس ما تهملش نفسها لازم الاكل الصحي و حاكتب ليها فيتمينات سعود\ زين مشكوره بروح اشوفها. كان يمشي لغرفتها و خاطره يضحك مع كل الي يشوفهم بممرات المستشفى مبسوط اخيرا بيصير اب حلم امه بيتحقق و بيريحها و الاهم احساسه بعلاقته مع هند الي بدت تكبر و بتكون ام عياله بس ذيك البسمه اختفت اول ما شاف دموعها سعود\ هنوده حبيبي ليش تبكين في شي يعورك ؟ اختنقت اكثر لما شافته و ما قدرت تنطق جلس معها على طرف السرير و قرب راسها لصدره\ هنوده تعوذي من ابليس انتي حامل و تسوين كذا غيرك يتمنى هاللحظة وربي انها اسعد لحظة بحياتي بس مدري من فينا الي ما يبي عيال من بين شهقاتها نطقت كلام مقطع هند\ بس. تبى.انت الان..انا ضمها اكثر بعد ما جمع كلامها وقدر يفهم سبب هالصياح سعود\ طيب انا قلت لك ما ابي عيال و استخدمي موانع ؟ هزت راسها بمعنى لا بدون ما تنطق سعود\ اجل ما عندك سالفه لهصياح يا هند صحيح انا قلت اول زواجنا ما افكر بالعيال لاني ما عرفتك و لا عرفت اطباعك بس الان مرتاح معك و حياتنا مستقره وش يمنعنا ما نجيب عيال مدت يدها تلامس بطنها شعور ان فيه روح تنبض تحت يدها شعور سعاده فضيع هند\ يعني انت مبسوط و تبي هالجنين ؟ حط يده فوق يدها و كانه يتحسس نبضه و يتاكد انه معهم هاللحظة يشاركهم فرحتهم فيه سعود\ ايه ابيه و الدليل اني ما صحت زي بعض ناس شكلهم هم الي ما يبونه تشوف يا بابا ؟ هند\ حرام عليك و الله ابيه يكفيني انه اغلا هديه منك بعدين الان هو يسمع ما يشوف يا ذكي سعود\ هههههههه و انا وش عرفني المهم انه معنى و بس.... هند\ انه طيب يمكن انها سعود\ انه انها انهم كلها واحد الي يجي من الله ما نعترض عليه المهم تقومين انتي بالسلامه ************ الجمعه الخبر الساعة الـ 10:30 مساء دخل مع امه و اخواته و عيونه تسبقه يشوف هالملاك الي ملكة قلبه و يحتضن صورتها بعيونه لحظات سريعه مرت بين تلبيس و تصوير و مباركه من الاهل كل هذا و يوسف ما هو معاهم تفكيره بس وش يقول لها لما يجلسون لوحدهم من وين يبدا بحبه بشوقه و الا يفتحون الماضي امل\ يالله يوسف حنا بنطلع نخليكم لوحدكم منار\ ربع ساعة بس و راجعين يوسف\ مره كثير عشر دقائق تكفي و الا اقول خمس احسن امل\ انا اشهد ان سوقنا طاح يا منار بعد سوير منار\ الا والله انتهى من الاساس يوسف\ بعدي والله اخواتي يفهمنها على الطاير امل و هي تاشر لمنار\ امشي بس هذا جزاء المعروف قام يوسف وحضن اخواته مع بعض\ لو بقيت طول عمري اشكركم ما وفيتكم حق الي سويتوه عشاني منار\ ما نبي شكر بس نبيكم تذكرون دورنا البطولي في قصة حبكم امل\ هههه ايه والله لحكيتوا عيالكم عن سالفة العشق و الجوري الاحمر كانت تطالعهم و تشوف قد ايش حبهم لبعض و تفاهمهم تحس بالسعاده لمجرد انها صارت وحده منهم منار\ يالله الربع الساعة انتهت يوسف\ عطيتكم وجه ترى اشوف يالله قدامي وحده على سيارة طلول و الثانيه على سيارة نصور خلوني اعيش حياتي.... ************ الخبر الساعة الـ 12:20 صباحا جالس بالصالة قدام التلفزيون و منسجم مع البرنامج بكل حواسه الوقت متاخر و بكره دوام متى بينام ؟ هند\ ما راح تدخل تنام ؟ سعود\ بشوف البرنامج و انام هند\ يا حبك لسياسة يا سعود سعود\ عارفه ان حلمي اكون سفير من انا صغير هند\ حلو الطموح والله سعود\ تعالي اجلسي ليش واقفة ؟ هند بكسل على شوية دلع\ لو جلسة معاد قمت مره متكاسله سعود و هو يطفئ التلفزيون و يمشي ناحيتها\ يا قلبي تعبتي شكلك في الملكة ؟ هند و هي تتحسس بطنها\ شوي تعرف ولدك قائم يدلع علي لما يحسك منت قريب مني سعود و يده فوق يدها\ ههههه افى تتعب ماما من وراي هند\ هو بس حتى ابوه متعبني ؟ سعود\ ههههههه ابوه والله بريئي وش سوى هند\ متعب هذا << وهي تاشر على قلبها هنا سعود ما قدر يستحمل كلامها نزل لمستواها و رفعها فوق \ شكل هالليلة مهي بس ليوسف هند\ وش دخل يوسف الان ؟ سعود\ ما تعرفين حكاية العشق حقته لبنت خالته هذي هند\ لا سعود\ اجل تعالي اقولك يا دبى صايرة ثقيله ... ************ الخبر الساعة الـ 03:00 فجرا بعد ما الكل راح بيته طلعت غرفتها اخذت لها شاور و فرشت سجادتها صلت ركعتين شكر و حمد لربها الي هداها و وفق بينها و بين يوسف بالحلال مثل ما كانت تتمنى (( يارب وفقني لسعادة يوسف و رضاه و اسعدنا بحياتنا )) التفتت لهديته رغم التعب الا ان يدينها بدت تفتح الغلاف و تشوف ذوق يوسف لها في هاليوم كل شي طبيعي الورود علبة عطر ديور اسوار ذهب شغله بسيط و ناعم ومعها صندوق خشبي مغلف لوحده فتحته ساره و انبهرت كان مجرد لوح خشبي مفرغ لحلقات دائريه و منثور في الصندوق دوائر خشبيه بلونين الاسود و الاحمر استغربتها ساره شافت رسالة معها و فتحتها (( و انتي تقرين حروفي هذه اسعد لحظة بحياتي لاني كاتبها و انا مرتاح و مطمئن انك بتقرينها في النور بدون خوف من حد لان رابط الحب بينا الان اصبح اقوى من أي علاقه كانت .. مستغربه ليش هالوح الخشبي صح؟ انا اقولك هذا يا قلبي الون الاسود لي و الون الاحمر لك اذا زعلتيني بحط لك دائرة حمراء في الوح و اذا زعلتك حطي لي دائرة سوداء في الوح و نهاية كل سنه نكتب النتيجة و نفرغ الوح .. يعني الان قومي حطي دائرة حمراء بلوح لانك زعلتيني اليوم لما ما جلستي معي الا نص ساعه خخخ.. زوجك و حبيبك المخلص\يوسف )) طبعت بوسه على خد الورق اختلطة بدمعة فرح... ********** | ||||||||
|
| |
|
29-12-20, 05:51 AM
| #39 | ||||||||
| مراقبة عامة ومشرفة منتدى الروايات المنقولة
| الجزء الثامن و الثلاثون السبت جده الساعة الـ 11:30 صباحا انتشر خبر حمل هند بينهم الكل فرح لهم و هناء الا شخص واحد كان مقهور ان كلامه مالقى أي تاثير ام فارس\ والله يمه من الفرح ما اني مصدقه اخيرا بنشوف عيال سعود و بصير عمه ام سعود\ الحمد لله الله يقومها بالسلامة هند لوحدها و اخاف عليها ام عزام\ لا تخافين عليها و لا شي شكلها ما هي سهله من اولها غيبت سعود عنك صار بالاسابيع ما ينزل ام سعود\ اخوك عنده شغل الاسبوع كله غايب حتى عن بيته و البنت جالسه هناك لوحدها ما اشتكت و لا قالت نزلني عند اهلي وروح ام فارس\ والله اصيلة لو وحده غيرها ما جلست ام عزام\ و هي عاد لوحدها ما هو اخوها عندها ام فارس\ ولو ما يسوى شوفة امها و اختها هنا ام عزام\ و هي صدقت تبعد عنهم ام سعود\ انتي وش حارك على البنت و اخوك نزلوا و الا ما انزلوا خلاص حياتهم ذي .. ********** الخبر الساعة الـ 12:10 ظهرا من فترة طويله ما اجتمعوا الاربعه مع بعض المشاغل الحياه المسئولية بدت تباعدهم عن بعض يستغلون اللحظة بس لمجرد اللقاء بينهم .. في مطعم الشركة جالسين على طاولة وحده و صوت ضحكهم يميز جلستهم بين الكل علي\ طول عمرك فيك طفقه ما هي طبيعية و الا احد يسوي سواتك ؟ يوسف\ و انا وش مسوي الا اني بتزوج ؟ سيف\ ههههههه انت امس الي ملكة اصبر اسبوع على الاقل ما هو من صبح الله خير تدق على الناس و تقول انا حجزت قاعه بعد اسبوعين سعود\ هههههه خلوه يعيش حياته العاشق علي\ بس خاطري افهم انت متى حجزت ؟ يوسف\ الواسطات طال عمرك علي\ الله يهنيك يا اخي يوسف\ الا تعال ما بقى بالشله عزوبي الا انت متى بتتزوج ؟ علي\ الله كريم سعود\ و نعم بالله بس صادق يوسف وش تنتظر انت ما تتزوج ؟ سيف\ هذا هو عندكم يأسة منه راسه يابس علي بنظرة للفراغ\ قلت لكم الله كريم انهوها سالفة خلاص ... ********** الخبر الساعة الـ 04:35 مساء من الصباح تحس بالغثيان و القرف بس مثل هاللحظة ما في كانت بالمطبخ تجهز الغداء لسعود كلها ربع ساعة و يوصل و هي ما خلصت جاءها اتصالها و حست بالاشمئزاز فتحت الخط على السبيكر و اجبرت نفسها ترد عليها و تتقبل كلامها لخاطر سعود بس هند\ هلا والله ام عزام\ السلام عليكم هند\ و عليكم السلام هلا ام عزام\ كيفك يا هند و كيف سعود مره معاد ينشاف و لا يتصل القاطع هند\ الحمد لله احنا بخير سعود مشغول بالعمل والله حتى انا معاد اشوفه يجي يتغداء و ينام و الصباح يطلع من بدري ام عزام\ ايه بس عاد ما هو يقطع امه كلميه قبل يتزوج كان يدق عليها كل يوم بس الان بالايام ما يدق عليها يعني قبل تدخلين حياته يا هند افهميها\ ابشري اكلمه اليوم ام عزام\ ايه نسيتيني ابارك لك يقولون حامل هند\ الله يبارك فيك ام عزام\ صراحه ما توقتك تحملين الان هند\ الحمل شي بيد الله ما هو بكيفنا ام عزام\ صادقه بس تعرفين الغربه عن اهلك و سعود مدري قالك انكم بتستقرون مع بعض او لا ؟ وش قصدها ذي بنستقر مع بعض او لا هند بدون نفس\ لا تخافين حتى لو ربي ما كتب لنا نبقى مع بعض ولدي باخذه معي و لا بكلف عليكم بشي ام عزام\ انا ما قصدت كذا تفهميني غلط الله يصلحك بس حرام انتي تحملين و تتعبين و بعدين تربين لوحدك هند\ انتي ظامنه ان اخوك بيطلق مره ام عزام\ و الله كل شي جايز هند\ طيب لذاك اليوم يصير خير اسمحيلي الان لازم اجهز الغداء قبل يرجع اخوك فمان الله و قفلت الخط بدون ما تنتظر ردها .. هذي الانسانه مريضه قسم بالله مريضه اووف تعرف تنرفز بجد واقف على باب المطبخ شكلها و هي تشتغل معصبه و تكلم نفسها بنرفزه واضحه قرب منها بدون ما تحس فيه و حضنها من الخلف و حط راسه على كتفها سعود\ اوووص ليش كل هالاعصاب ارتعشت بلمسته و كل الخوف انه سمع المكالمه هند\ متى جيت ما حسيت فيك لفها ناحية وجهه سعود\ لي دقائق من مزعل حبيبي و مخليها تكلم نفسها و قريب تكسر الاواني هند\ لا ما احد اصلا مني زعلانه سعود\ بس وجهك كانه احمر و متورم هند\ من الحر حبيبي خلاص انت روح بدل و تعال الغداء جاهز ما حب يضغط عليها خلاها على راحتها وراح يبدل ملابسه.. على الغداء هند\ سعود احنا متى بننزل جده ؟ غص بالاكل من الي سمعه سعود\ كح كح ننزل جده ليش اهلك فيهم شي ؟ هند\ لا بس انا اشتقت لهم سعود\ طيب كلميهم أي وقت هند\ انا اكلمهم بس مو زي لما اشوفهم بعدين انا لي شهرين ما شفتهم سعود\ بس انتي الان حامل و تعب عليك المشوار هند\ لا بالطيارة مو تعب حب يسكر هالسالفة افضل حل سعود\ خلاص اشوف لو حصلت حجز هالاسبوع هند\ انت ما اشتقت لامك كمان ؟ سعود\ الا والله بس اكلمها كل صبح و انا رايح الدوام و تعرف اني لو عندي وقت نزلت لها و بصراحه هي كمان قالت لي لا تتعب هند بالجيه و الروحه كل اسبوع و هي لسى في اول حملها يكلمها كل صبح و ذيك الانسانه تقول بالايام ما تسمع صوته يالله ارحمني هند\ ايه معها حق سعود\ خلاص قلبي لا تزعلين نفسك على شي ما يستاهل تبين جده ننزل جده باذن الله بس اعطيني وقت اخلص اشغالي و ننزل.... ************ الخبر الساعة الـ 07:00 مساء الكل انصقع من الخبر الي يقوله استعجال هالانسان غير معقول بالمره ابو احمد\ الان انت محدد كل شي و مكلم الناس و بعدين جاي تقول لنا يوسف هذي حياتي متى تفهم اني ما اني صغير\ عاد هذا انا الان اقولكم عشان ما تسمعون من غيري ام احمد\ بس يا يمه مره استعجلت ما يمدي البنت تجهز اغراضها في اسبوعين ابو احمد\ حتى ما اعطى خبر لناس قبل الملكه انه مستعجل بالعرس يوسف\ انا كلمت عمي ابو عبد الرحمن و ما قال شي الناس راضين ليش تعقدونها انتم كلها ليله و بتعدي ام احمد\ و اخواتك يعرفن ؟ يوسف\ لسى ما قلت لهم بس ادق عليهم ابو احمد\ طول عمرك تمشي كلامك و ما تسمع لحد سو الي تبى بس لا تجي تقول محتاج فلوس و نقص علي مدري وش نقص يوسف اللهم جيبك يا طولت الروح\ ابشر بس كذا الحمد لله ما هو ناقصني شي.. ************ الخبر الساعة الـ 07:50 مساء رفعت الخط و دقت ارقامها احساسها بالازدواجيه مسيطر على تفكيرها كلام ام عزام و افعال سعود صعب تقارن بينهم تبي تلمس خيوط تريحها ام سعود\ و عليكم السلام هلا يمه هند\ شخبارك يمه طمنيني عن صحتك عسى زينه ؟ ام سعود\ الحمد لله يمه انا بالف خير انتي بشريني كيف صحتك و كيفك مع الحمل يمه عسى ما هو متعبك بس ؟ هند\ لا يمه لسى باوله ما احس تعب مره شي خفيف و يروح ام سعود\ ايه يمه بس عاد ريحي لا تجهدين نفسك حتى شغل البيت لا تسوين الا الي تقدرين عليه و لا تشيلين شي ثقيل هند\ ابشري يمه ام سعود\ انا اوصي سعود بس اعرفه هالولد من يخلص شغله و يرجع البيت ما يبى الا النوم هند\ لا والله يمه انه ما يقصر معي بشي و لا يخليني اشتغل الا الشي السهل ام سعود\ الله يهنيكم يمه و يسعدكم هند\ و يخليك لنا يمه و الله اني اشتقت لجلستك و سوالفك بس سعود ( بضحكه ) يقول ان ناس قارصين اذنه ما يتعبوني بالروحه و الجيه لجده ام سعود\ ايه يمه الحق اني قايلتن له يريحك ان شاء الله بس يخلص كم شغله يقول انها عنده و تنزلون لنا كم يوم هند\ يارب يمه .. *********** الاثنين الخبر الساعة الـ 10:30 صباحا وقف يستوعب الكلام الي يسمعه معقول بس يومين ما دق عليها يصير كذا سعود\ استغفر الله و ليش ما دقيتوا علي عطيتوني خبر \ ما بغينا نقلقك قلنا بس خفيف و يعدي سعود\ بس انا قايل لكم أي شي يصير خبروني على طول لا تنتظرون \ و الله مدري وش اقولك سعود\ خلاص انا اجيكم الخميس و اشوفه بنفسي \ و زوجتك ؟ سعود\ القى لها حل و لا يهمك انتم اولا الان \ ما تقصر يا سعود سعود\ واجبي هذا.... *********** الخبر الساعة الـ 01:10 مساء الخبر نزل عليها مثل الصاعقه الي ارعبتها و وشوشة مخها من اليوم الي قال لها ابوها ان زواجها بعد اسبوعين و هي ما هي قادره تركز على شي معين تخلصه اخر محاولة قدامها امل يمكن تقدر تقنعه ياخر الزواج شوي امل\ هالحين داقه علي من ظهر الله و مشغلتني عن غداي و طلول بيجي بعد ساعه عشان تقولين لي كلمي يوسف يأجل الزواج ساره\ وشو يعني ما راح تكلمينه امل\ لا طبعا محد قالك جنني الولد و علقيه فيك و بعدين اشتكي منه ساره\ املووه لا تهبلين فيه والله ما اني قادره اركز على شي و لا القى حجز لا فستان و لا غيره امل\ تعوذي من ابليس و هدي نفسك و بتلقين كل شي الخميس انا جايه الخبر لين يوم عرسك انزل معك و نتقاسم كل شي في السوق حتى منار ناخذها معنى ساره\ مره تعرفين تبسطين الامور امل\ طبعا اخوي يوسف ساره\ والله مجنوووووون امل\ فيك والله ساره\ يا شيخه مالك داعي على بالي بتكلمينه امل\ الاخ امس طبع كروت الزواج يعني مصمم وين اكلمه انا ساره\ يارب ساعدني امل\ايواه يارب ساعدني و كليها عليه و افرحي بعمرك ترى الايام تمشي و تاخذ من اعمارنا ساره\ اووف سرتي تقولين حكم بعد ما اتزوجتي امل\ من يومي و انا حكيمه روحي بس خليني اخلص غداء طلال قبل يرجع ساره\ اوف طرده ؟ امل\ محترمه ساره\ هههههههههههه مجانين قسم بالله و بتجننوني امل\ احلا كلام دع العقل و تمتع بالدلاخه........ *************** الخبر الساعة الـ 05:00 مساء رمت الجوال على الكنب بقهر اووف مقفل وين راح المفروض يكون راجع البيت قبل نص ساعة و لا حتى قالي الصباح انه بيتاخر ياربي يكون بخير بس .. ركضت للباب اول ما سمعته يتسكر هند\ سعود انت وين رحت تاخرت ؟ لكنه تخطاها و راح للغرفه بدون أي كلمه تبعته للغرفه ملامحه متضايق .. شو صار له امس نام زين ليش وجهه عابس كذا هند\ سعود بدون ما يلف عليها او ينطق همهم لها بنعم قربت منه اكثر هند\ شلي مضايقك كذا و عابس وجهك ؟ سعود\ و لا شي هند\ طيب ليش تاخرت و مقفل جوالك ؟ سعود\ رحت المطار هند\ ليش ؟ سعود\ ابى حجز لجده هند بفرح\ و لقيت ؟ سعود\ بس تذكره وحده هند\ كيف ؟ سعود\ هند لا تزيدينها علي بروحي الخبر الي سامعه رافع ضغطي تذكره وحده لقيت رايح جده و حجزتها هند\ و شو الخبر الي سامعه حد صاير له شي ؟ يارب سامحني سعود\ فارس متضارب مع واحد و داخل السجن و محد يدري عنه صاحبه قال لاهله انه عنده في الطائف و دق علي و خبرني هند\ اووف من متى ؟ سعود\ امس هند\ و انت بتروح له اكيد سعود\ بس ما في تذكره الا وحده و انتي تبين اهلك هند\ ما راح اقدر اروح لوحدي انا سعود\ انا اصلا ما اتخيل انك تروحين من هنا لجده بالطيارة لوحدك قربت منه و حضنت خدوده بيدها هند\ في اشياء اهم الان فارس هو الي يراعي امي و يشوف اخبارها الحين اكيد هي مفتقدته و انت ما انت مطمئن عليها لانه بعيد و بتجلس تفكر من يشوف طلباتها روح طلعه بس مر على اهلي و طمني عليهم قول لهم هند كانت بتجي بس حست بتعب و تبى ترتاح و رجعها نواف سعود\ يعني انتي ما عندك مانع اروح ؟ هند\ لا بس الاسبوع الجاي تحجز من بدري تذكرتين سعود و هو يطالع فيها ببراه\ امم الاسبوع الجاي ما نقدر زواج يوسف هند\ طيب الي بعده سعود\ باذن الله هند\ زين بروح اجهز لك الاكل بدل و الحقني سعود\ أي والله ميت جوع هند و على وجهها ابتسامه و هي طالعه\ يخسى الجوع بعد ما تاكد انه معاد يسمع خطواتها ابتسم بنصر ( سامحيني هنوده سامحيني لاني بديت اكذب عليك )..... ************ الاربعاء الخبر الساعة الـ 05:05 رتبت له شنطه بسيطه حق يومين جهزتها و حطتها على طرف الباب بداخلها زفرت بقهر هي خاطرها تشوف اهلها و مشتاقه لهم بس متاكده مليون بالمئه ان سعود ماراح يسمح لها تسافر لوحدها لازم تنتظر اسبوعين ثانيه كمان طلع من الحمام بعد ما اخذ له شاور سريع شافها تطالع الشنطه و سرحانه في داخله تالم من فعلته فيها قرب منها و بحركه سريعه باسها على خدها سعود\ بتوحشيني هند\ و انت كمان اول ما توصل طمني سعود\ ابشري بس انتي انتبهي لنفسك و صحة الي في بطنك هند\ ان شاء الله سعود\ تبين شي من جده نفسك فيه ؟ طالعة فيه هند لثواني و بصمت قامت و فتحت الكبت طلعت منه كيس و رجعت جلسة بمكانها جمب سعود\ بس ابيك توصل هالكيس لمنال قولها هند اشتاقت تشوفك سعود\ اقدر اعرف شو فيه الكيس و الا سر ؟ هند\ هدية نجاحها خلصت الفصل الاول قبل اسبوعين سعود\ اهااا طيب انا اوصله لها هند\ خلاص يالله ما بتروح الان الطياره تروح عنك سعود و هو يطالع ساعته\ أي والله بتاخر بس وينه نواف كيف اروح و هو لسى ماجاء عندك ؟ هند\ ما عليك هو بيتاخر شوي عنده اختبار لين 7 و بيجي لا تشيل هم انت. *********** الخبر الساعة الـ 06:30 مساء هذي المره العاشره الي يدق من امس و ما ترد و الان يقراء مسجها و يضحك (( القضاء العادل يعلن\ واحد من الناس حكم علي اسبوعين اعيشها في الاسواق بادلته الحكم بقطع الاتصالات لعدم التفرغ و شكرا )) من قلبه كان يضحك فعلا معاها حق وين بتلقى وقت ترد على اتصالاتي و الا تجهز اغراضها احسن شي اخليها هالكم يوم تتفرغ لنفسها و حاجياتها بدون ما ازعجها بس خليك تجين عندي يا سوير و تشوفين بدل هالقطيعه وش يسوي بك يوسف فتح الرسائل و كتب لها (( قبول عقلي بالحكم لكن القلب يحتج و يطالب بمسج قبل النوم و اخر عند الصباح رفعة القضية )) | ||||||||
|
| |
|
29-12-20, 05:51 AM
| #40 | ||||||||
| مراقبة عامة ومشرفة منتدى الروايات المنقولة
| الجزء التاسع و الثلاثون جزء الخميس جده الساعة الـ 11:15 صباحا كان واقف ينتظره يجمع اغراضه بعد ما انتهى من شغلته يبي يرجعه مكانه قبل يصحى و يشوفه و يثور و يتعب مره ثانيه سعود\ خلاص كذا ؟ \ ايه سعود\ زين يالله نمشي السيارة ما قصرت \ هذا واجبنا ولو اخوي سعود و هو يلتفت لشخص الثاني\ انا ماشي الان تبون شي ؟ \ لا بس ... تبى تشوفك سعود\ خلاص انا ارجع لها المغرب الحين بوصل الرجال و بروح اصلي الظهر و برجع البيت \ زين تعال تغداء معنى بعدين روح سعود\ والله الوالده تنتظرني مره ثانيه \ اجل تتعشى عندنا سعود\ يصير خير يالله فمان الله... *********** الخبر الساعة الـ 11:45 صباحا تحسست مكانه بالسرير عطره شماغه كل شي بالغرفه له فيه لمسه تفتقده اكثر من اول قدامه ما تقدر تسيطر على مشاعرها قلبها صار يشتاق له وين ما يروح حضنت مخدته بضحكة .. معقوله بديت احبه صدق و الا بس مجرد مشاعر بتخمد يوم اووف و ليش ما احبه ما هو زوجي و ابو الي بطني ياربي ما اقدر اسيطر على دقات قلبي طيب هو شو مشاعره تجاهي حب و الا مجرد واجبات زوج و بس ما اعرف بس الاهم اني اشتقت لصوته ضحكته اكيد الان هو صاحي خل ادق عليه و الي يصير يصير.. حمد ربه الف مره ان هند ما دقت الا بعد ما انهى شغلته و الا كان صدق بيرتبك و تحس انه فيه شي سعود\ هلا و الله بهالصوت هند\ صباح الخير سعود\ صباح النور حبيبي صباح الفرح و السعاده هند\ صحيتك ؟ سعود\ لا صاحي من الساعة 8 هند\ و ليش ما دقيت لي طيب سعود\ اتغلا شوي اشوف في ناس بتشتاق لي او لا هند\ بالله سعود\ ايه والله هند بغياظ\ بس انا ما اشتقت لك سعود\ و ليش داقه ؟ هند\ غلط بالرقم و لما مسك عندك ما حبيت اكسر خاطرك قلت اسلم سعود حس بقهر من اول ما صحى وهو خاطره يتصل بس خاف انها نائمه و مابغى يزعجها طول الليل ما قدر ينام لانها ما هي جنبه و لا يشم رائحة عطرها الي صار يعشقه وهي قمة البرود عندها\ فيك الخير والله ما قصرتي عضة شفايفها تكتم صوت الضحكة الي كانت بتطلع ليش تكابر يا سعود؟ هند\ سعود سعود\ هلا هلا هذي تنطق لما يكون الخاطر مش و لا بد هند\ انا ما اشتقت لك لانك موجود معي حتى لو ابتعدت بس الحقيقة اني افتقدتك حس بقشعريرة في جسمه تمنى لو كان جمبها هالحظة يحضنها بعد هالكلام تنهد و ما قدر ينطق غير بكلمه وحده سعود\ أحبك.... ************* جده الساعة الـ 04:30 عصرا كان حاط بنت اخته الي عمرها سنتين على رجوله و يلعب معها ابتسم من خاطره متى يشوف ولده قدام عيونه يلاعبه و يبوسه كذا سحر\ وش سر هالبسمه خالي وين واصل ؟ ام سعود\ اكيد عند ولده و امه ياربي متى اشوفه يلعب في هالبيت مع عيال عماته سعود\ خليه يشرف يمه اول والله اتعبلي هنوده و هو لسى ما طلع لدنيا ام فارس\ لازم عاد التعب هذا البكر كل شي تحسه جديد عليها ام عزام\ ايه عاد و من زود التعب ما تنازل تنزل تسلم لنا ساعة هنا سعود بهدوء\ هند ما نزلت جده معي ام فارس\ عسى ماشر ليش ؟ سعود\ حسيتها شوي تعبانه ما حبيت ازيد عليها قلت ترتاح هالاسبوع و بعدين انزلها ام فارس\ الله يهديك يا سعود كان جلسة انت كمان معها و نزلتوا الاسبوع الجاي سعود\ فديتها والله هي لزمت علي الا انزل بعد ما حجزت و كمان عندي شغله ضروريه هنا اسويها ام فارس\ بس عاد ما هي حلوه تخليها و هي تعبانه تعرف الوحده في اول حمل لها تكون نفسيتها حساسه و خوافه في كل شي تبى زوجها معها ام عزام\ لا تخافين تلقينها ما هي مهتمه لشي و لا تحس بشي و اخوها عندها ما هو بعيد سعود\ اظن الي تكلمين فيها زوجتي ما ارضى عليها بعدين وش الي يخليها ما تحس بالتعب ما هي بشر زيها زي غيرها.. ************** الخبر الساعة الـ 05:30 مساء ما بقى الا اسبوع على زواجه و هو ما خلص تجهيز الغرفه ( طبعا يوسف و ساره اتفقوا انهم يسكنون فترة عند اهل يوسف بحكم ان البيت فاضي لحد ما يستقلون ببيت لوحدهم فاضطر يوسف ياخذ غرفة محمد و يفتحها على غرفته و يعمل فيها حمام داخلي و صاله صغيره ) امل\ ما شاء الله حلو التصميم و الالوان يوسف\ اكيد اخوك ذويق امل\ بس عجل شوي بيخلص الاسبوع في لمح البصر وانت مالحقت تخلص يا مجنووون يوسف\ اااه بس متى يخلص بس ليش تقولين علي مجنون افى بس وين الاخوة وين الاحترام امل\ ههههههههه ما هو انا الي اقول هذي سوير يوسف\ افى امل\ تخيل داقه علي من كم يوم تباني اقولك تاجل الزواج شهر لجل يمديها تخلص اغراضها يوسف فتح عيونه على الاخير\ شهر المفتريه قولي لها لا تشتري شي تجيني بملابسها الي في كبتها انا راضي امل\ تبي الصراحة معها حق انت مره استعجلت يوسف\ ادري والله يا امل بس ما اني عارف ليش استعجلت كذا احس في شي داخلي يقولي اتزوج بسرعه يا يوسف تبين الصدق بديت اخاف انه بيصير شي بس الله يستر...... ************* جده الساعة الـ 07:30 مساء طالع الكيس بين يديه يتذكر كلمتها ( هدية نجاحها ) لذي الدرجه هنود تعامل منال بمستوى الاحترام الحب العطاء و المكافة عرفت تقريبا انها هي الي ربتها بس ما توقعت انها مهتمه لكل التفاصيل حتى بعد ما ابتعدت عنها مد يده و دق الجسر و كان القدر ميسر له انها هي الي تفتح له دخلته الحوش و خلت الباب مفتوح تلتفت وراه تنتظرها تدخل.. سعود\ منوله حبيبي ليش ما تسكرين الباب ؟ منال\ هند ما بتدخل ؟ نزل لمستواها و حط يده على كتفها سعود\ اممم هنوده ما جت معي منال\ بتجي بكره ؟ سعود\ لا هنوده جلسة عند عند نواف منال\ يعني هي تحب نواف اكثر مني الحين ؟ سعود بذكاء مد لها الكيس\ لا تحبك اكثر و هذي الهديه منها هدية نجاحك شوفي ما نستك اشترت لك كل الالعاب الي تحبيها و قالتي اقولك سر منال و هي منبهره باالالعاب\ شو هو السر ؟ سعود\ بس سر محد يعرف صح ؟ منال\ ايه صح وهي تعد على اصابعها الا انا وانت و هند و ربي اربعه سعود\ صح هي جلسة عند نواف لانه امس طاح وجاء فيه دم في رجله ما تقدر تخليه لوحده صح ؟ منال\ صح سعود\ و لا يقدر يجي معنى و تشوفه ماما و تبكي صح ؟ منال\ يعني هو يصيح ؟ سعود كان خاطره يضحك بس مسك نفسه شوي\ اول صاح شوي بس الحين سكت خلاص منال\ عشان هند عنده هي تعرف تشيل الدموع و ما تخليه يصيح سعود\ صح هنوده تعرف تشيل الدموع منال\ انت تحبها ؟ قمة الاحراج لما طفل يسالك عن مشاعرك ببراء سعود\ ايه .....وسكت منال\ عشانها تشيل دموعك صح ؟ هنا سعود ما قدر يكتم ضحكته اكثر انفجر مره وحده و سحبها لحظنه\ ايه بس هذا سر ما تقولين لاحد.... ************* الاربعاء الخبر الساعة الـ 10:35 صباحا كانوا راجعين من عند الدكتورة بعد ما تطمنوا على صحتها و الجنين الي بداء يكبر و تقوى الروابط بينه و بين امه سعود\ شو رايك نروح نفطر في أي مكان ؟ هند\ ماراح ترجع الدوام ؟ سعود\ لا ما في شي يستاهل ارجع له خليني معك احسن هند\ والله و يوم السبت يتراكم عليك الشغل تدعي علي سعود وهو يرفع اصبعه قسم زي الاطفال\ والله ما اسويها هند\ هههههههه زين صدقتك خلاص نروح نفطر ليش لا سعود\ وين تبين نروح طيب ؟ هند\ ابغي بطاطس مشويه مع الشطه و تبوله بس يكون اليمون فيها زايد شوي طالع فيها يفتح و يغمض عيونه بسرعه سعود\ هذي من وين اجيبها لك هنوده ؟ هند\ مدري هذي طلبات ولدك نفذها سعود\ ترى لك كم يوم ولدك و ولدك يمكن بنت وش عرفك ؟ هند\ احس انه ولد قلبي يقولي مدري ليش المهم لا تغير السالفة نبي طلباتنا يالحبيب سعود\ استلم يا سعود طلبات بعد هند\ هاااه ترى لو اشتهيت شي و ماتوفر يجي شامه في ولدك و انت السبب سعود\ لا عاد لكه والا انا اكون السبب ابشري ناخذ لكم طلباتكم في مطعم بالظهران عنده بطاطس مشويه جنان بس على الله فاتح الحين..... ************** الخبر الساعة الـ 04:50 مساء مجتمعين عندها و هي معلنه حالة الصفر كم ساعة بس و بتترك هالبيت و بتبدا حياة جديده كل شوي و نازله دمعه منار\ ياربي معك انتي اغرقتينا ساره\ والله بفقد امي امل\ من بعدها عاد خطوتين وانتي عندها ما هو مثلي ساره\ انا ما اتعودت يمر علي يوم ما اشوفها فيه امل\ مشكلة والله لازم تعرض على الامم المتحده لنقاش الدولي ساره\ تطنزين امل\ يا بنت اعقلي انتي صرتي مدام و مسئوله عن تصرفاتك منار\ يعني اتركي عنك حركات الدلع هذي والله انبلش اخوي بصياحه ساره من ورى قلبها\ يا شيخه طيب روحوا زوجوه وحده ما تصيح منار\ والله العنود جاهزه ساره\ العنود هااه امل\ هههههههههه ايه ساره\ معطيتكم وجه انا امل\ حلوه عليك الغيرة يا بنت ساره\ خليك من غيرتي و امشوا ننزل تحت عند امي و خالتي منار\ لا الغيره ماثره على الذاكره يا الحبيبه امي و امك راحوا يرتبون ملابسك و اغراضك في غرفتك هناك عند يوسف ساره\ هاااه من متى لا تقولين يعني خلاص و دمعت عيونها امل\ ههههههههههههه ايه يعني خلاص....... ************* الخبر الساعة الـ 06:45 مساء حياة الروتين و الملل قاتله بعض الاحيان و تسبب ضيق نفسي واضح شافته قدام المرايا يعدل شماغه معناته طالع اكيد اخذة العطر من قدامه و وقفت بوجهه تعطره هند\ بتتاخر ؟ سعود\ ما ادري والله ليش تبين شي من برى ؟ هند\ لا سعود و هو ياخذ العطر من يدها و يحطه على الكومدينه بعد ما حس انها تعطره بطريقة عشوايئة قربت تخنقه\ وش الي مضايقك ؟ هند\ و لا شي سعود\ الا فيه شي ؟ هند\ بس حالة ملل احسها يمكن من الروتين سعود\ تبيني ابطل طلعه مع الشباب و نطلع انا وياك طيب ؟ هند\ انت اليوم من الصبح معي حتى دوامك مستاذن منه سعود\ هههه اووف مليتي مني يعني ؟ رفعت نفسها لمستوى خده و طبعت عليه بؤسه هند\ لا والله بس انا مالي خلق اطلع اصلا مالي خلق لشي فتح لها يديه مثل الي يقول تعالي هنا لحضني سعود\ هذا كله من تعب الحمل لا تتضايقين و لا شي انا معك و بحاول ما اتاخر عنك حبيبي.. ************ جده الساعة الـ 08:44 مساء من وصل بينهم و هو يحس انها تطالعه من فوق لتحت مثل الي بيكتشف فيه شي جديد عليها ناداها جمبه و جلسها نواف\ وش فيك منوله تبين شي ؟ منال\ لا نواف\ و ليش تطالعين فيه كذا متغير انا يا فهد شي ؟ فهد\ هههههههههه مسمر شوي نواف\ والله من شمس الشرقية تحرق ما هو بس تسمر ام نواف\ يا قلبي على هند اكيد يطفشها الحر هالحين مع الحمل نواف\ ايه لي ثلاث سنوات هناك ما سمعت احد قال يا قلبي على نواف فهد\ طاح سوقك خخخ ام محمد\ الا والله يمه تقول بس ما هو قدامك من ترجع الجمعه الا يغرق هالبيت هذا قلب الام ما يفرق بين عياله نواف\ الله يخليها لنا يارب بس فهد\ انا خاطري اروح ادرس عندكم بشوف حد يفتقدني و الا لا ؟ ام نواف\ انت بالذات مالك روحه لمكان بتدرس هنا في جامعة الملك عبد العزيز هو الباقي تغرب واحد و بيلحقه الثاني فهد\ طيب ما ادخل الجامعه الا بعد ما نواف يخلصها يعني هو بيرجع عندك و انا اروح ام نواف\ من شفت رجال اختك و انا غاسله يدي من رجعته ماله وظيفه الا هناك نواف\ لا تقولين يمه سعود اصلا مقدم نقل لفرع ينبع بس مديره في الشركة مره متمسك به يمكن انا وضعي غير ام محمد\ الله كريم يمه...... *************** الخبر الساعة الـ 10:40 مساء جالس قدام التلفزيون منسجم معه و يمسح على شعرها و هي نائمه على رجله تفكيرها في سؤال من فتره في بالها ما هي محصله له اجابة تريحها هند\ سعود سعود\ خاطري مره تقولين لي اسم دلع هند\ اسمك صعب ما يدلع سعود\ هههههههه طيب صعب هاااه انك تقولين سعودي هند\ ههههههههه والله اعرف جنسيتك انك سعودي سعود\ هههههههههههه تسلم لي هذي الضحكة يارب اصلا كل حرف انتي تنطقينه دلع هند\ زين بسالك سؤال ممكن .؟ سعود\ ممكن و نص هند\ انا دائما اسمعك تتصل في اخواتك و تسال عنهم و ما تقصر معهم بس الفترة الاخيرة احسك ما عاد تتصل في ام عزام بالذات زي اول سعود\ يعني تشوفيني صرت مقصر ؟ هند\ لا فديتك مو تقصير انت ما تغيرت مع ام فارس بس ام عزام شوي احس كانك متضايق منها سعود\ ام فارس احسها مثل امي ارتاح لها و تقريبا مربيتني مع عيالها عارفه ما بيني و بين فارس الا خمس سنوات كنت زي اخوه الكبير في البيت هند\ و ام عزام ؟ سعود و هو يتذكر ذيك المكالمه فحب يسحبها بالكلام \ تضايقك ؟ هند\ لا لا من قال ؟ حس بارتباكها سعود\ لا وحده تكفي طيب وش فيك ؟ هند\ و لا شي خلاص سكر السالفة سعود\ هنوده تذكرين اول ما حملتي لما كنتي معصبه في المطبخ بلعت ريقها هند\ ايه سعود\ انا سمعت مكالمتك الي مع اختي بس ما حبيت اقولك تمنيت انك تجين من نفسك تصارحيني بس انتي سكتي و لا كانه شي صاير هند براحه\ لانه ما في شي يستاهل صاير مجرد كلام و انتهى سعود\ بس عندي فيه شي يستاهل ان ام عزام صايرة تضايقك و انا ما ارضى عليك هند\ هي اصلا ما هي متقبلتني كزوجه لك من اول جات الان على مضايقات كلام انا ادخل من هنا و اطلع من هناك انصدم بكلامها هند تعرف ان ام عزام ما هي راضيه عن زواجي منها و ساكته أي قلب يسكن صدر هالانسانه سعود\ تعرفين و ما حاولتي تبينن لي شي ؟ هند\ وش بستفيد الا اني بخرب بيتي و ادخل في دوامات معك و مع اختك بخسرها انا زي الي قبلي سعود\ قصدك مها ؟ هند\ ايه صحيح هي ما قدرت تصفي عقلها من وشوشات ام عزام و بين افعالك تلخبطة بينكم و انت ما فهمت اصل تغيرها عشان تريحها و تستمر حياتكم بنجاح سعود\ ما انكر غلطي يا هند بس الله يشهد ما كنت ادري عن شي بينها هي و ام عزام هند\ و الان كيف عرفت عن اسلؤبها معي ؟ سعود\ من اول ما اتزوجنا و انا اشوف اسلؤبها معك و طريقة ردك عليها ترى انا افهم النغزات الي بينكم مو غبي لدرجة اني ما احس بالي بينكم هند\ و يمكن اساس رفضها لي من البداية اكبر سبب خصوصا ان مها مثل ما اعرف هي الي مختارتها لك سعود\ احتمال كانت بخاطرها تفكر تقول له عن زيارتها لهم قبل الزواج بس في النهاية تراجعت ما راح تستفيد شي لو كبرت بينهم حطة يدها على بطنها و تكلمت هند\ انسى الان كل شي لان عندي الي ادافع عنه عشان تستمر علاقتنا سعود\ بس هو ؟ هند\ يعني شو ؟ سعود\ هند بصراحة لو لسى ما حملتي او نقول قلت لك لا تحملين الان كنتِ بدافعين عن علاقتنا بكل القوة هذي عشان تستمر ؟ هالمرة سمحت لقلبها يتكلم بكل ثقه هند\ و اكثر قوة من كذا كمان افعالك معي تعاملك مختلف قدرت تحتوي احزاني خوفي من اول ليله حسيت معك بالامان سمحت لي انام بكل راحه ساعتين وانت على وضعيتك ما تحركة و لا شكيت سحب جسمها كله لصدره و حضنها مثل الاطفال سعود\ لو تنامين طول عمرك على صدري ما راح اشتكي ثانيه وحده.......... ************** | ||||||||
|
| |
|
| أدوات الموضوع | |
| انواع عرض الموضوع | |
|
|
5Likes
.png)
العرض العادي
