آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
29-12-20, 05:53 AM
| #41 | ||||||||
| مراقبة عامة ومشرفة منتدى الروايات المنقولة  
|  الجزء الاربعون الخميس الخبر الساعة الـ 11:30 صباحا صحى على صوت جواله بباله يالله اليوم عرسي من الي مزعجني من بدري كذا حرام علي الراحه..سحب الجوال و طالع الرقم و ابتسم و هو يشوف مكتوب بالشاشة (( رقم خاص )) \ سلام يا عريس يوسف\ و عليكم السلام يالله حي راعي الصوت محمد\ كذا ما عندك وقت تنتظر كم شهر لين اجي و تسوي عرسك ؟ يوسف\ كم شهر كمان انا خاطري اني معرس من شهر و انت تقول اجله كم شهر ما عندك سالفه محمد\ ههههههه تعالوا شوفوا يوسف الي كان ما يحب حد يفتح له سالفة العرس الان مستقطع عليه اركد شوي يوسف\ كنت افكر فيك انت و خواتك الان مريح راسي منكم محمد\ افى كنا ثقل عليك ؟ يوسف\ هههههههه كبر جبال الحجاز محمد\ ههههههههه اجل خلاص برجع الخبر اليوم و ابى غرفتي يوسف\ مالك شي عندنا تصادرة محمد\ نحط ستارة بينا يوسف\ ههههههههههه عندك صك شرعي ان المكان لك قبل التعديل ؟ محمد\ اذا عندك صك الى ما بعد التعديل ؟ يوسف\ هههههههههههههه والله لك وحشه يا دب محمد\ و انتم اكثر والله بس تعرف الان اختبارات يوسف\ شد حيلك نبي الدرجات الي تبيض الوجه محمد\ ابشر....... ************** الخبر الساعة الـ 09:15 مساء سبب لها قلق فوق راسها رايح جاي لهدرجة يغلي يوسف كذا و ما يبي يتاخر عليه والله بديت اغار منه هند\ ياربي سعود خلني اكمل لبسي بهدوء سعود\ هنوده لك ساعة شوفي والله قمر ما هو ناقصك شي خلاص خلينا نمشي تاخرنا هند\ قسم بالله بديت اغار من هاليوسف سعود\ له ساعة يدق و كل شوي اقله بالطريق عشان خاطري يالله هند\ انت معه من العصر توك تجي بس تبدل ما يصبر عنك ؟ سعود\ لا هند\ سعود والله احراج الناس ما يجون الا بعد 10:30 او 11 و انا اروح الان و كمان ما اعرف منهم احد سعود\ اهل يوسف مثل اهلي بس قولي عند الباب انك زوجة سعود و شوفي و شلون يستقبلونك هند بنظرة\ بالله سعود\ هههههههه والله حتى سيف راح يجيب زوجته ادق عليه و ادخلي معها اظن تعرفينها هند\ زين خلصت خلني البس العباية بس....... ************ الخبر الساعة الـ 10:45 مساء ما سكينه الشباب طنازة من الصبح و هو ساكت عنهم شخص بينهم ثاير فضوله من كم يوم حالة السكوت و الشرود الذهني مسيطره عليه يوسف\ علي ما قلت لي مبروك يا اخي ؟ علي\ ههههه ما حسيت لها لازم وانا من اسبوعين قايلها لك سيف\ هههههههه في هذي صدقة ناصر\ اسرع زواج في تاريخ عائلتكم هذا يا يوسف يوسف\ لا فيه اسرع واحد خطب و ملك و اتزوج في شهر و نص ناصر\ هههههه من تقصد ؟ يوسف\ واحد يعرف نفسه ههههههههههه سعود\ اصلا يوسف عجل بزواجه عشان يكسر الرقم القياسي حقي بس هذا بعدك سيف\ ههههههههه ايه والله صح انت لسى المتربع على القمه ناصر\ ليش كم كانت مدة خطبتك كمان .؟ سعود\ ههههههههه ثلاث اسابيع خطبة و زواج على طول ناصر\ اووف اجل معاد لها الا علي يكسر الرقم حقك بنزوجك في اسبوع وش رايك ؟ علي\.....<<<من الاساس ما كان معهم منتبه لشروده من اول يوسف\ علي نكلمك يا ابو الشباب علي\ هااه هلا يوسف\ لا انت منت معنى اصلا ناصر\ اقولك بنخطب لك و نزوجك في اسبوع عشان تكسر الرقم القياسي لزواج سعود علي و هو يقوم عنهم\ الله يهديكم احسب عندكم سالفة تستاهل..... ************** الجمعه الخبر الساعة الـ 01:55 صباحا من بعد ما اتصلت عليه و قالت له انها تعبانه و معاد فيها تقدر تجلس اكثر من كذا و هو معاد فيه يجلس ثانيه استاذن من الشباب و طلع السيارة ينتظرها فيها دخلت بهدوء و كان باين في مشيتها و صوتها التعب هند\ السلام عليكم سعود و بكل خوف قبل يحرك السيارة لمس يدها و ضغط عليها\ حبيبي وش فيك ؟ هند بالم\ مدري ظهري مره يعورني ما اني قادرة اجلس سعود\ بسم الله عليك نروح المستشفى ؟ هند\ ما يحتاج بروح البيت ارتاح و ان شاء الله يروح الالم يمكن لاني جلسة طويل سعود و هو يحرك السيارة\ معليه نروح المستشفى نتطمئن بس هند\ ماله داعي سعود روح البيت سعود\ لا ما في بيت الان اول بروح المستشفى مشيتك اصلا واضحه و انتي نازله الدرج انك تعبانه...... ************* الخبر الساعة الـ 02:50 صباحا ما هو قادر يسيطر على دقات قلبه الي بدت تنجن يحس انها بتشق صدره من قوتها اخيرا هو و ساره تحت سقف واحد لحظات الصمت من دخلوا الغرفه مسيطرة على المكان بس ما هو على يوسف الي حافظ طبع ساره و كل تفاصيل حياتها يوسف\ اليوم صاحب القاعة شكرني تصدقين يقول وفروا المويه الي كانوا بينضفون فيها القاعة بعد ما يروحون المعازئيم ساره تكلمت ببراءه و حب فضول\ ليش ؟ يوسف\ يقولي العروسة تكفلت فيه ههههههههههه هنا ساره فهمت قصده انه يتكلم على دموعها الي ذرفتها و هي تودع امها هذا طبع يوسف ما يتغير طالعته بنظرة\ ما تتغير انت ؟ يوسف\ لا اصلي ساره\ هههههه كنت تقول صناعة وطنية مو اصلي يوسف و هو يقرب منها و يفك الورود الي بشعرها\ كنت صناعة وطنية قبل سوير الحين انا اصلي لانها جمبي ساره\.......نزلت راسها بحياء و لا تكلمت يوسف\ اموت انا في الناس الحياوية يا ناس ساره\ مفكر الكل زيك يعني يوسف\ انا واحد احب و الي يحب ما يعرف يستحي مع حبيبه ساره\ حتى انا احب يوسف\ و ليش تستحين مني الا اذا كنت مو انا حبيبك ؟ ساره باندفاع\ الا والله انت حبيبي يوسف حب يحرجها اكثر و مثل انه مغمى عليه\ هههههههههههه ما اصدق انا اغمى عليه اعطيني بوسه و اصحى و الا ترى بدخل في غيبوبه ساره حست بالفرح بداخلها هذا هو يوسف الي حبته ما تغير حتى بعد الزواج يعرف انها تحبه و مستعده تنفذ له كل الي يطلبه منها قربت منه و قبل تلامس شفايفها خده كانت يدينه اسرع و حضنها فوق صدره و هو نائم...... ************* الخبر الساعة الـ 03:45 صباحا فتح الباب و هو ماسك يدها يسندها تمشي كلام الدكتورة عن وضع الجنين خوفه عليها وعليه لازم يهتم فيها اكثر و الا راح تفقده سعود\ شوي شوي حبيبي هند\ ابي اجلس هنا شوي سعود\ تطلعين الغرفه على السرير احسن هند و هي تغالب دمعه بتنزل من اول ما سمعت كلام الدكتورة\ ابي ارتاح هنا شوي انصاع لرغبتها و سندها تجلس على اول كرسي قابله\ طيب اجلسي هند و بدت تدمع عيونها\ سعود ابي امي سعود\ هالحين هند\ ايه الله يخليك لا تقول ما تقدر سعود\ بس انتي سمعتي الدكتورة قالت لا تمشين كثير كيف ركوب الطيارة يا قلبي صعب الحين هند\ بس انا محتاجتها الحين سعود\ انا معاك حبيبي و انتي بس ترتاحين بتصيرين زينه الخوف من الفقد شعور صعب فكيف بام تبشر ان جنينها في وضع الخطر و مع أي حركة ممكن ينزل هند\ يعني راح اصير ام ؟ سعود\ باذن الله حبيبي شيلي هالفكرة من راسك انك بتفقدينه الدكتورة قالت مجرد احتمال يعني ما تدري بالغيب فعلم رب العالمين انا احساسي يقول بس تريحين بيستقر وضعك من اليوم لا ترفعين و لا شي بالبيت حتى الاكل انا اجيبه من برى لا تطبخين هند و يدها على بطنها\ سعود انا خايفه عليه بجد جلس جمبها و ضمها سعود\ تخافين و انا معك...... ************* الاحد الخبر الساعة الـ 02:40 فجرا جالس قدام البحر لوحده يراقب الامواج كيف تضرب الصخور بدون ما تشتكي صامده في مكانها قدام كل موجه تنهد و سرح فكره بحياته و كيف بدت تتغير من بعد وفاة ابوه و هو لسى ولد الـ17 سنه فاق على واقع انه مسئول عن ام و ثلاث اخوات و اخ مسئول عن بيت عن مستقبله و مستقبلهم رغم صعوبة الوضع الا ان علي قدر يوفق بين دراسته و تربية اخوانه مع امه الي لها الفضل الكبير بعد الله في نجاحه الان هو مرتاح جزئيا على اخوانه علمهم و بين لهم الصح من الغلط كان لهم الاب و الاخ و الصديق صار الوقت الي لازم يعتمدون فيه على انفسهم دوره هنا خلاص انتهى ابتسم على ذكريات اصحابه سعود الولد الجداوي مثل ما كانوا يسمونه ايام الجامعه في الشلة برغم انه ما يتقن اللهجة الحجازية الا ان هاللقب كان ملازمه وين ما يروح صار الان مهندس و عنده بيت و اسره ينتظر اول فرحه له بعد كم شهر .. يوسف الصديق و الاخ الجار القديم من ايام ثانوي صاحب الضحكة الي تسعد علي مهما كان يحمل بقلبه من هموم صار الان مهندس بشهادة امتياز كون اسره بعد ما تغلب على كل مشاكله مع امه و ابوه و قدر يبني حياة مستقرة لاخواته الي كان خايف على وضعهم من بعده .. سيف و اااه من هذا الشخص كاتم اسراره و صديقه من ايام الطفولة لعبوا سوى درسوا تخصصوا نفس التخصص حتى بعد زواجه كان علي محور استشاراته حتى على سبيل حياته الشخصية كان له نعم الاخ قبل الصديق تغيرت حياتهم الثلاثة الا هو كل يوم روتينه مثل الي قبله مد يده لجيبه و طلع الشي الي مخفيه عنهم الثلاثة من شهور لحظات الضعف و كثرت الهموم ممكن تجر الشخص لطريق الغلط لكن بالعزم يقدر يسيطر على نفسه من اول الطريق قبل يتمادى اكثر رمى علبة السيجار الي كان يستخدمها من ثمان شهور في البحر قدامه و ابتسم لها و هو يشوفها تغرق بالمويه و كانها تسمعه (( خلاص معاد احتاجك من اليوم )) ************** الخبر الساعة الـ 06:55 صباحا واقفه على باب المطبخ تراقبه و هو يلف ساندويتش جبن و يصب له كاس عصير صارت هذي حياته من بعد ما حذرتها الدكتورة من الحركة الصبح يحضر لنفسه الفطور و يلف لها ساندويتش قبل يروح و الغداء يجيبه معه و هو راجع من الدوام و العشاء يحضر أي شي خفيف يكلونه مع بعض تحس انها بدت تقصر معه بس هو حالف عليها ما تحرك شي التفت للباب طالع و انصدم بوقفتها سعود\ انتي وش منزلك من السرير الحين ؟ هند\ جيت اشوفك لو تبي شي قبل تروح سعود\ لا حبيبي ما ابي شي روحي ريحي نفسك انتي قايل لك لا تنزلين من الدور الثاني اصلا هند\ طيب لفة راجعه لدرج لكنها سمعت جواله و استغربت محد يدق عليه هذا الوقت الا يوسف عشان يطلعون لدوام مع بعض لكن يوسف الان باجازة هند\ من داق الان ؟ سعود بضحكة\ هذا يوسف الظاهر مل من البيت و بيقطع اجازته .. و اشر له بمعنى لحظه سعود\ صباحك ملل يا عريس لا تقول ماشي الدوام .. لكن ابتسامة سعود اختفت و هو يسمع صوت يوسف سعود\ شو فيك ليش صوتك كذا ؟ قلبها انقبض مع ملامح سعود الي بدت تتجهم و كانه يسمع خبر ما يفرح سعود\ يعني ايش خلاص راح قربت منه اكثر منو الي راح ؟ وش هالخبر الي جايبه يوسف مع هالصبح سعود بنظرة حزن\ إنا لله و انا إليه راجعون وين انتم الان .. اهاا خلاص جايكم .. و قفل الخط هند\ سعود شو فيه من الي راح ؟ من الي راح ؟ راح ترددت هالكلمة داخله الف مره الان استوعبها راح يعني ما راح يرجع خلاص قرب منها و لمس خدها بيده التقت عيونهم ببعض و لاول مرة يسمح لدمعه تنزل من عينه قدامها رفعت يدها و مسحتها من الي خلى عينك تدمع حزن عليه يا سعود من ؟ ************* الخبر الساعة الـ 12:45 مساء واقفين الاربعه فوق قبره بعد ما غطوه بالتراب و ساووه بالارض رجع الجسد لاصل خلقه الاول و صعدت الروح لخالقها ترتجي رحمته و عطفه اليوم فقدوا الاخ و الصديق الي تعودوا على وجوده بينهم في فرحهم و حزنهم اليوم مشوا به جثه فوق اكتافهم و رجعوا ينفضون غبار يدينهم بدونه افتقدوه كلهم بس يضل فقده هو مختلف اليوم دفن ابوه الي رباه و علمه الصح من الخطاء دفن اخوه الي كل ما احتاجه لقاه واقف ينتظره دفن صديقه الاول التفت يطالع المكان و وجوه الي حوله سيف الي كان يبكي مثل طفل فقد مصدر امانه و يوسف الي يطالع القبر بشرود و كانه يتخيل انه بيطلع و يكذبهم و الا سعود الي طول الوقت يمشي معهم و خطاه مسيره ما هو مستوعب هو صلى على من .؟ و الا دفن من ؟ او حتى مفارق من ؟ طول عمره يشوف فيه اخوه الاكبر يعز عليه انه يكون بهذا الوضع قرب منه و جلس جنمبه ناصر\ قول لا إله الا الله سيف\ المفروض انا الي اواسيك بس والله ما اني مصدق امس كنا مع بعض امس ناصر\ خلاص يا سيف راح علي راح وش يفيد امس معه حق علي راح وش تفيد جلستنا هنا المفروض حنا الي نواسي ناصر و نوقف معه لف شماغه على وجهه و مد يده لسيف يوسف\ قوم يالله علي محتاج منا الدعاء مو نصيحه كنا بنات بدل ما نوقف مع ناصر جالس هو يواسينا انت بالذات الان اخوه الكبير قوم حط يدك بيده و خلونا نمشي لف للجسد المتحرك الي يرافقهم من اول و نادى عليه يوسف\ يالله سعود مشينا سعود\ وين ؟ يوسف\ السياره سعود بدون وعي لف للقبر و كانه بيقول و علي ما راح يرجع معنى ؟ قرب منه بوجه ثاني و كان كلام يوسف صحاه و جاء دوره يصحي سعود سيف\ لا طالع في القبر علي ما راح يرجع معنى هالمره هذا مكانه الاخير و بكره مكاني و مكانك و مكان كل هالبشر علي راح بس ترك لنا حبه اخوته صداقته الي ماراح ننساها تركنا الثلاثة مع بعض و بنضل مع بعض و روحه رابعتنا الكلام الي يسمعه هو الحقيقة الي قدامه بس عقله يكذبها من اول طالع في عيون سيف هالعيون ما تكذب قرب منه و حضنوا بعض و سمحوا لعيونهم تعبر عن حزن قلوبهم....... ************* الخبر الساعة الـ 11:30 ليلا قبل ساعات كان الكل حوله صحيح ما يساوون مكانه عنده بس اقلها يشاركونه حزنه يحس انه مو بس هو الي فقده فيه كثير غيره دمعة عيونهم عليه و الان رجع وحيد الا من هم مسئولية كان ما يشيل لها بال زادت عليه تنهد بحزن و رمى شماغه كل القوى الي كان يتصنعها بدت تهتز و بتهتز اكثر لشاف امه و اخواته بعد ما تاكدت ان الكل طلع من المجلس اخذت شيلتها و راحت له شافته منطوي على نفسه بحزن قربت منه و جلسة بدون ما تتكلم حس بوجودها هو محتاجها الان اكثر من اول ناصر\ راح علي يا منار راح وش بقول لامي الحين كيف بقابلها حطة يدها على يده منار\ بتقابلها ناصر الي اعرفك بقوتك و صبرك بتقابلها ناصر الي ما خاب علي يوم رباه و استامنه من بعده على امه و اخواته ناصر\ قوتي راحت مع علي خلاص منار\ و هالبيت الي بناه علي من له كل زاويه فيه تبي شموخ رجال يسندها لا تضيع الي سواه علي بسنين الان انت رجال هالبيت امك و اخواتك من لهم غيرك اذا انت ضعفة هم ضاعوا و اذا ضاعوا ماراح يرتاح علي بقبره لا تخلي الدنيا تحسس امك بفقد الامن ترى فقدها لعلي مو سهل رجال البيت هالكلمة سمعها من علي في اخر لقاء بينهم وهم راجعين من صلاة العشاء بنفس ليلة الحادث الي اتوفى علي بسببه وصاه على كل شي و كانه حاس انه ما راح يعيش بالدنيا اكثر حمله مسئولية كل شي بصفته رجال البيت من بعده.. التفت لها فعلا كلامها هو الصح امي ما فقدت شي سهل لازم تشوف فيه قوة علي الي حافظ علينا طول هالسنين جاء الوقت الي يرتاح فيه و اخذ المسئولية انا ناصر\ راح نقفل شقتنا فوق و ننزل في غرفتي عند امي تحت كانت متوقعه هالشي و مستعده تتقبله ام علي و اخواته عاملوها مثل بنتهم و حست معهم انها صارت جزء مهم منهم منار\ ابشر بالي تبي ناصر\ ما خاب الظن فيك منار\ يالله امش معي لامك تسال عنك من صبح خلها تشوفك و ترتاح... ************ | ||||||||
|  |
|
29-12-20, 05:54 AM
| #42 | ||||||||
| مراقبة عامة ومشرفة منتدى الروايات المنقولة
| الجزء الواحد و الاربعون الاحد اسبوع مر على وفاة علي الحزن هو الحزن طعمه بالقلوب ما تغير لكن الحياة و الايام بدت تاخذ طابع السير و الانشغال بالظروف و الاعمال اليومية رجعت طبيعة الدوامات اليومية لشباب و ناصر الي بداء يعمل بجد لان دائرة مسئوليته بدت تتوسع اكثر طول الفترة الماضية ما ينكر وقفت سيف و سعود و يوسف معه و لا ومنار الشخص الخفي وراء قوته. الخبر الساعة الـ 03:30 عصرا البعد الشوق المشاعر الي تحسها كل ما سمعت صوت امها تعذبها تبى تشوفها ترمي نفسها في حضنها تتخلص من التعب و الخوف المسيطر عليها ام نواف\ بس يا يمه انتي لازم تهتمين بنفسك اكثر زوجك معه حق يومه ما يخليك تشتغلين هو خايف عليك هند\ و معه حق انه حارمني من شوفتكم بعد ؟ ام نواف\ ما اظنه حارمك منى و الا ما كنتي تكلميني الحين هند\ يمه انا قلت شوفتكم كم شهر لي ما شفتكم ؟ ام نواف\ و شلون تبين تطلعين طيارة و انتي حالتك كذا تبين تفقدين ولدك انتي ؟ هند بخوف\ لا يمه ام نواف\ اجل اسمعي كلمة زوجك و اجلسي هو عندك و يشوف حالتك قدامه لو انه شايف انك بخير كان نزلك عندنا و هذا انا اكلمك كل يوم نحن بخير يمه و ما نشكي خلاف ما نبيك تشغلين بالك فينا و تهملين نفسك هند\ ان شاء الله يمه ام نواف\ اجل يالله انا بخليك الحين بروح اسوي القهوة لجدتك قبل تصحى اسمعه اذن العصر هند\ طيب يمه سلمي عليها و طمنيني عنكم.... *********** الخبر الساعة الـ 04:15 مساء طالعين من دوامهم مع بعض يمشون جهة مواقف السيارات كانوا قبل اسبوع اربعه والقضاء خلاهم اليوم ثلاثه سيف\ بمر ناصر اليوم حد بيروح معي ؟ سعود\ انا ماظن الاهل عندهم موعد بالمستشفى يوسف\ و انا مواعده المغرب مع الاهل سيف\ خلاص انا رايح له الان نشوفكم على خير سعود\ اجل سلموا لي عليه و ان شاء الله اشوفه بكرة يوسف\ يوصل باذن الله سيف وهو يطالع ساعته\ مدري يمديه رجع من الدوام ؟ سعود\ اتصل عليه سيف\ صعب ادق اقوله بجيك احسن شي خلني اروح لين البيت اذا سيارته فيه نزلت و الا رجعت له بعدين يوسف\ لا فيه اليوم يرجع على ثلاث امس مكلمه سيف\ تمام ما قصرت يا يوسف يوسف\ ابو علي من اليوم نادوني ابو علي لاحد يقول يوسف....... ************** جده الساعة الـ 04:20 مساء من وقت كلمتها و بالها مشغول معها هند بدت تتضايق من جلسة الشرقية و هذا بياثر على نفسيتها و يا خوفها يسبب مشاكل بينها و بين سعود ام نواف\ والله يا هند ما اعجبتني اليوم من كلمتها ام محمد\ وش فيها عسى مهي تعبانه بس ؟ ام نواف\ لا تقول انها احسن بس معزمه الا تبي سعود ينزلها جده و هو كانه ما يبي ام محمد\ معها حق من تزوجة ما شفناها الا مرتين حتى بعد ما حملت ما شفناها بنتنا كيف ام نواف\ بس يا خالتي هي تتبع شور رجلها ما نبي تصير بينهم مشاكل من اولها الله العالم هي متى تقدر تزورنا ام محمد\ هند ما هي بزر تمنعونها بكره بتولد اذا الله كتب لها اكيد بتقوله بروح عند اهلي سعود لين متى بيكذب عليها ام نواف\ مدري والله هو خايف عليها ما يبي يقولها الحين لين يستقر وضعها ام محمد\ يا خوفي تسمع كلام من برى و تجي تلومنا ليش ما قلنا لها ام نواف\ أي والله انه هذا الي مخوفني بس الله يسترها....... ************* الخبر الساعة الـ 05:10 مساء جالس يتاملها و هي تلبس عباتها بيطلعون للموعد مع الدكتورة بطنها صاير يكبر و هذا شي مفرحه ان الجنين ينمو و لسى موجود معاهم بس وجهها و ملامح التعب الي صارت واضحه فيه شي مقلقه كثير اسبوع له تقريبا مهملها حتى الموعد ماجله من الاسبوع الماضي و طول وقته في بيت اهل علي و لما يرجع يكون تعبان نفسيا و جسديا و ينام على طول و هي ساكته و ما تشكي ابد انتبهت له انه جالس يطالعا بشرود هند\ وين وصلت فيني ؟ قام من مكانه و جاء وقف مقابلها سعود\ لكلمة انا اسف هند\ على شو ؟ سعود\ كل شي هنوده هند\ سعود شو فيك انا ما اني ناقصه خوف سعود\ و ليش الخوف حبيبي انا حاس اني مهملك من اسبوع و مقصر فيك حبيت اعتذر هند\ بس ؟ سعود\ ايه بس هند\ انت ما كنت مهملني حبيبي بس الظروف ما كانت مثل ما نبى سعود\ الله كريم يالله خلصتي نمشي ؟ هند\ ايه خلصت مسك يدها و ضغط عليها سعود\ هدي نفسك لا تقلقين هو موعد عادي هند\ خلك معي زين سعود\ ابشري انا معك..... ************* الخبر الساعة الـ 05:45 مساء كل ما يشوفها قدامه يتذكر استعجاله بالزواج يحمد ربه انها معه الان توقف جنبه يتذكر علي هديته الي لا يمكن ينساها طول الفترة الاخيرة الي مرت يوسف هو الوحيد الي لاحظ تغير علي و شروده في كل جمعه بينهم ساره\ خلاص انا جهزت يوسف\ تعالي هنا..واشر لها تجلس جنبه ساره\ شو في حبيبي ؟ يوسف\ عارفه ساره ان فكرة الهدية حقت اللوح الخشبي علي الله يرحمه هو الي اختارها لي ساره\ الله يرحمه يوسف\ قالي هالهدية بتبقى لين تزوج عيالك ما تنساها ساره\ ان شاء الله تبقى معنى و ما ننسى علي الي اهداها لنا يوسف\ انا الان مرتاح انك معي مرتاح ان علي حضر زواجي قبل لا يموت ساره\ انا معك على طول حبيبي و علي بيتم معنى على طول يوسف\ بيتم معنى يا ساره لانه باذن الله بيكون اسم ولدنا الاول.... ************* الاثنين جده الساعة الـ 04:45 عصرا سكرت منها الخط و هي تبتسم من اول ماتزوجت و هي كل يوم تدق عليها و تسمع اخبارها و تسالها عن صحتها و كانها بنتها ما هي زوجة ولدها ام عزام\ وش تبى بعد هالهند اشوفها كاثره اتصالاتها معك يمه ام سعود\ فيها الخير والله تسال عني ام عزام\ يعني حنا الي ما نسال عنك يمه شوفيني كل يوم تاركة بيتي و جايه عندك ام سعود\ انتن بناتي و ملزومات تسالن عني ام عزام\ و سعود هو بعد ولدك اشوفه قبل يتزوج ينزل جده كل اسبوع و الحين ما نشوفه الا بالشهر مره ام سعود\ اخوك من وين يلقاها صديقة تو متوفي و زوجته و تعبانه معاد يقدر يتركها لوحدها وين الوقت الي يجي فيه جده ام عزام\ سبحان الله يمه اول كان اذا ما نزل زعلتي منه و الحين اشوفك الا راضيه و تحطين له الاعذار بعد ام سعود\ لاني مرتاحه انه عنده حرمه اداريه و تشوف طلباته ام عزام\ و الله مدري صار من يشوف طلبات من ؟ ام سعود\ الله يعطيك خير نفسك يمه قومي بس هاتي لي الجوال خل اشوف فارس وش سوى باختباره...... ************ الخبر الساعة الـ 04:50 مساء قام من على الطاولة و اخذ صحنه معه للمغسلة كلام الدكتورة امس كان مطمئن الى حد ما بس لو استمروا على محافظتهم بهذي الطريقة راح يعدي كل شي على خير باذن الله الكلام الي امس طمنها كثير لكن المشكلة في كم الالم الي تحسه متى ينتهي هي مستعده تصبر و تتحمل الف آآهااه و وجع بس تشوف طفلها تلمسه و يكبر قدام عينها اخذة صحنها و قامت للمغسلة مد يده و اخذه منها سعود\ انا قايل لا تشيلين شي هند و هي تغسل يدها\ صحن خفيف ما ياثر سعود\ حتى لو ممنوع تشيلينه هند و يدها على بطنها\ امس الدكتورة قالت لي اني في اول اسبوع من الشهر الخامس باقي اربع شهور بس لف يدينه من ورى ظهرها سعود\ بتمر حبيبي باذن الله بكل خير بس انتي اسمعي كلامي و لا تعندين هالراس هند\ ان شاء الله باسها على جبينها سعود\ عفيه على الي يسمعون الكلام يالله على السرير اشوف هند\ هههههههه طيب بابا سعود\ هههههههههه ايه انا بابا و ماما و كل شي و ممنوع من اليوم اسمع منك كلمة لا هند\ بس حاضر و طيب و ان شاء الله سعود\ ايوا برافو حبيبي عليك هند\ طيب بابا سعود ممكن طلب صغيرون سعود بباله كان يدعي ان طلبها ما يكون روحه لجده\ قولي هند\ نروح البحر الليله سعود بضحكة راحه\ بس البحر من عيون بابا سعود نروح..... ************** جده الساعة الـ 07:30 مساء في مكان مظلم و موحش سكانه بين ظالم و مظلوم كانت نهاية عبثها و سنين ظلمها من اليوم راح تدفع ثمن كل دمعه سببتها لعيون بريئة راح تدفع ثمن الضحكات الي قتلتها على الشفاة التفتت حواليها وجوه غريبه مكان مقزز متهالكه جدرانه من الزمن وين الفلوس الي جمعتها وين السلطة و الهيبه الي صنعتها لنفسها كلها راحت مع الريح و بقت دعوة مظلوم سهمها صاب ابواب السماء و اتفتحت لها..... **************** الخبر الساعة الـ 10:15 مساء جالسين على واحد من الكراسي بواجهة بحر الخبر المكان هادئ و الجو كان شوي حر بس الملل الي تحسه هند بالبيت مجبرها تبقى و تستمتع بجلستها سعود\ هنوده ترى ذبت من الرطوبة تعالي نطلع السيارة هند\ بس ما نروح البيت و هم يمشون لسيارة سعود\ طيب نجلس بالسيارة لين بكره بس بالمكيف يرحمنا من هالحر هند\ المفروض انك تعودت على جو الشرقيه سعود\ حرها ما ينطاق تعودت و الا ما تعودت هند و هي توجه المكيف ناحيتها\ حتى المكيف ما يسوي شي سعود\ هههههه لا ارجعي اجلسي هناك احسن هند\ كنت اكابر بس وربي البيت صار ملل سعود\ ادري حبيبي بس الله يعين هند\ شو اخبار اهل علي متى رحت لهم ؟ سعود\ و الله من يومين مارحت هنوده بس اتصلت بناصر اليوم يقول الحمد لله امورهم بخير هند\ الحمد لله صراحه امه كانت مره تعبانه ايام العزاء سعود\ الله يعينها ولدها يا هنوده مو سهل عليها تفقده حست بالغصه من كلامه ولدها مو سهل تفقده نفس الشعور الي تحس فيه الحين دمعة عينها و اخفتها بسرعه عن سعود هند\ صحيح مو سهل عليها الله يعينها.... ************ | ||||||||
|
| |
|
29-12-20, 05:55 AM
| #43 | ||||||||
| مراقبة عامة ومشرفة منتدى الروايات المنقولة
| الجزء الثاني و الاربعون الاربعاء الخبر الساعة الـ 06:50 صباحا جهز السندويتش و لفه لها و طلع عندها للغرفه فوق لما نزل كانت نائمه لذلك دخل بهدوء و حطه على الكومدينه لف عليها و تاملها و هي نائمه كل ما تقدمة بالحمل التعب يصير واضح على ملامحها مد اصابعه بهدوء و شال شعرها عن وجهها (( اعرف انك متضايقه مني و تفكرين اني بمنعك من اهلك و انتي محتاجه امك الحين بس ما تبينين يا قلبي بكره بتعرفين منهو سعود و اني ما سويت كل هذا الا لجل عيونك و من خوفي عليك )) سحب له ورقة و قلم و كتب لها (( صباح الورد لوردة حياتي .. هذا فطورك جهزته لك و خلك مرتاحه لين ارجع و ترى بتاخر شوي اليوم عندي مشوار بعد الدوام .. احبك )) حط الورقه عند يدها و اخذ شماغه و طلع من البيت لدوامه... ************** الخبر الساعة الـ 07:50 صباحا وقف سيارته و التفت و هو يبتسم سبحان الله يوسف جاي قبله اليوم و حتى قبل الدوام بعشر دقائق نزل من السيارة و على طول طلع له المكتب يشوفه سعود\ سلام ايش النشاط هذا كله ما اصدق يوسف\ و عليكم السلام قول ما شاء الله بس سعود\ لا تخاف منب عيان بس اول مره تصير في التاريخ تجي الدوام قبلي يوسف\ ما هو انا افتكيت منك قلت ارتاح شوي واجي الدوام على راحتي بس طلع لك خلفيه في الارض سعود\ هههههههه منو ؟ يوسف\ مالك خص سعود\ هههههههههههههههه محد قالك حب يوسف\ يا اخي ما اقدر اقولها لا قلبي ما يطاوعني تصحيني من اول ما يأذن مسجدنا سعود\ ههههههههههه يوسف\ مبسوط انت تضحك هااه شكل محد يصحيك ؟ سعود\ ااااه يا قلبي ياليت ترجع تصحيني زي اول لو من قبل يأذن انا راضي يوسف\ كيف صحتها الحين ما طمنتكم الدكتورة اخر مره ؟ سعود\ نفس الكلام حق كل اسبوع والله اني اطمنها و كل ما شفتها تتالم قلبي قبضني و خفة اكثر يوسف\ الله يخليه لكم و لا يحرمكم فرحته سعود\ امين يارب يالله انا رايح مكتبي نشوفك على خير.. ************* الخبر الساعة الـ 09:30 صباحا صحت من نومها متكاسلة طالعت الساعة . اووف سعود راح و ما صحاني كانت تتحرك و كل جزء فيها يألمها ياربي ارحمني من هـ الالم لين متى بيستمر حتى مع الادوية ؟ انتبهت للورقة تحتها ابتسمت و اخذتها تقراها تنهدت ( ياربي منك يا سعود كل يوم تجهز لي الفطور و انا معاد اسوي شي انا ادري انك خايف علي بس صرت اقصر بواجبي تجاهك سامحني يا روحي ) اخذت الجوال و دقت عليه تبى تسمع صوته تبى تقوله انا بعد احبك و ما اقدر اعيش لحظة من حياتي بدونك .. لكن سعود مارد على جواله .. حست بالاحباط و نزلت جوالها و قامت الحمام ( اكرمكم الله ) تغسل هند بالرغم انها كانت تحب سعود بداخلها و افعالها لكن عمرها ما قالت له كلمة احبك...... ************ الخبر الساعة الـ 06:05 مساء واقفه عند مدخل الباب من نص ساعة قال لها بيتاخر بس ما هو الى هـ الوقت من وقت طلع من الدوام و هو له ساعتين و لسى ما رجع البيت بدت تقلق تخاف وين يكون راح .؟ و ليش ما يرد على جواله من الصبح ؟ من تسال عنه الان تتصل في نواف و الا يوسف او تنتظره كمان شوي ؟ اول ما سمعت الباب انفتح لفت و بعيون مغمضه تحسست جسمه و حضنته هند\ حبيبي وين رحت ليش اقلقتني كذا ما ترد على جوالك ؟ كان بداخله فرحان بخوفها عليه بس الموقف ما يساعد يبين لها فرحته و حبه بعدها على خفيف و قبل ينطق تفاجاة بالي واقفه وراه و ابتعدت هند\ منو هذي ؟ سعود\ هذي هيلي شغالتك .. هيلي هذي مدام هند هيلي\ مرحبا مدام هند كانت مبهته بينهم سعود ما قال لها انه بيجيب شغاله و لا هي كانت تتمنى هـ الشي منه و في اول حياتهم هند\ اهلا عارف انها تفاجئة منه بس هذا كله من خوفه عليها سعود\ هيلي تعرف تتكلم عربي زين و تطبخ و كل شي ترى هي اخت يأتي الي عند أمي هند\ بس انا ما قلت ابي شغاله وجه كلامه لهيلي سعود\ اخر ممر هنا مطبخ و جمبه غرفة حقك روحي ارتاح لين بكره بعد ما تاكد انها راحت سعود\ شو هذا هند قايل لك تعرف عربي زين تقولين انا ما ابي شغاله اجل جايبها لمن انا ؟ هند\ بس انت ما قلت لي بتجيب شغاله سعود\ انتي الان تعبانه و محتاجتها هند\ بصير زينه بس ما ابي وحده تسوي الاشياء الي المفروضة علي كزوجه سعود\ بكرة بتولدين لازم تكون عندك وحده تساعدك هند\ بس انا ابي اولد عند اهلي و امي الي بتساعدني مو ذي سعود بقلة صبر\ و من قال انك بتولدين عند اهلك ؟ هند\ انا قلت سعود\ شورك في راسك ما شاء الله هند\ سعود سعود و هو طالع الدرج\ بلا سعود بلا هم ولدي راح يولد و يتربى في بيت ابوه و قدامي و كلام غير كذا ما عندي طلع الغرفة و تركها بمكانها تستوعب الكلام الي يقوله ليش يا سعود ليش بتمنعني حتى من اهلي ؟ ليش احيان احسك احن قلب بالدنيا و احيان اقسى قلب..... ************** الخميس الخبر الساعة الـ 01:30 ظهرا تحس ان حياتها ما اختلفت كثير عن قبل الزواج مجرد غرفة و تغيرت عليها و وجود شخص بحياتها يمكن بحكم و جود خالتها و زوجها معهم بالبيت ما هو معطيها الحرية الكبيرة انها تتحرك في البيت براحتها و تغير في كل زاوية مثل ما تبي و تتمنى يوسف هو الشي الوحيد الي مخليها تسكت و تتقبل أي شي من خالتها الي بدت تتحكم حتى باصناف الاكل و مواعيده و كان البيت له نظام معين ماشي عليه و ماراح يتغير التفتت له و ابتسمت جالس يلعب بالقطع الخشبية يحطها في اللوح و يطلعها لين استقر على قطعتين وحده سوداء و وحده حمراء استغربت منه ما تذكر انها زعلته او هو زعلها هالاسبوع قربت منه ساره\ متى زعلتك انا ،؟ يوسف\ طيب تعرفين متى انا زعلتك ؟ ساره\ لا يوسف\ لاننا مخبين على بعض انتي زعلانه من شي و ما تبين تقولين و انا مسوي شي و ما ابى اقول ساره\ انا مو زعلانه منك يوسف\ بس في شي مضايقك ساره\ يمكن بس انت وش الي مخبيه و ما تبي تقول ؟ يوسف\ قولي انتي اول حاولت تطلع لها كذبه ساره\ يمكن متضايقه من جلسة البيت تعرف خالتي تنام بدري و اغلب وقتها مع ابوك استحي اجلس بينهم يوسف\ يا شيخه عاد وهم يجلسون بهدوء صوت هواشهم يوصلني الدوام ساره\ ههههههه حرام عليك يالله عاد قول وش مخبي عني ؟ يوسف\ بؤسيني و اقول ساره\ يوسف بلا حركات عاد يوسف\ زين بس هدي نفسك و بلا دموع ساره\ طيب يوسف\ اقول علي الامان ساره\ ايه يوسف\ بعد سته شهور انا مسافر ساره حست بضيق\ مسافر وين ؟ وليش ؟ يوسف\ مسافر انا و قلبي بعثه لكندا خمس سنوات ساره\ خمس سنوات و انا ؟ يوسف\ هههههه بلا تستطيل قلت انا و قلبي يعني انتي بتروحين معي مجنون اعيش بدونك خمس سنوات هذا الي كانت محتاجته تكون مع يوسف بمكان لوحدهم تعيش قصة حبها بكل تفاصيلها قامت و حضنته ساره\ اروح معك العمر كله لو لاخر العالم.. ************** الخبر الساعة الـ 02:40 مساء من امس و الوضع بينهم متكهرب هي ما تبي تكلمه و ما توقعت منه هالتصرف و هو ما يعرف شلون يعتذر منها قسى عليها امس بكلامه كثير بس التعب الي كان يحسه منرفزة و مضيق اخلاقه الدوام المطار الحجوزات اجرات الجمارك كلها في راسه من وقتها دخل نام و ما صحى الا اليوم بعد صلاة الظهر قرب منها و جلس جمبها يلعب بااصابعه بدون ما يتكلم ما تبي تسمع منه شي تحس بضيق و قهر و تعب من امس ما هو طبيعي بظهرها احسن حل تقوم عنه لجل ما تزود بينهم المشاكل اول ما وقفت مسكها من يدها سعود\ اسمعيني طيب اول هند\ انت قلت ما عندك كلام بعد امس سعود\ انا كنت تعبان و معصب هند\ و ذنبي انا شو ؟ معها حق هي مالها ذنب اعصب عليها كل ما اتضايقة من شي سعود\ طيب ممكن تجلسين و نتفاهم بهدوء جلسة مكانها بدون كلام تنتظره وش بيقول سعود\ انا ما قصدت بكلامي الي انتي فهمتيه بس اتوقعتك بتفرحين بشالغه انها تساعدك في البيت و انا والله ما جبتها الا عشان خاطرك و الا عن نفسي ما كنت ابي الشغالات يدخلون بيتنا من اولها بس انتي شوفي الظروف كيف معنى انتي ما تقدرين تسوين شي و لا اباك تسوين شي من الاساس و انا عندي دوام و مشتت و طول وقتي والله و انا افكر انك تحتاجين شي و انا ما اني موجود هند فعلا معه حق\ انا اعترف اني مقصرة معك و بحقك بس ما توقعت انك بتجيب شغاله حتى بدون ما تعطيني خبر سعود\ يا روح سعود انتي ما قصرتي معي و الله يشهد بس انتي الان وضعك ما يساعد على أي حركة و هذا كلام الدكتورة و انتي سمعتيه بنفسك يعني بس ترتاحين لين تولدين ان شاء الله و بيرجع كل شي مثل اول حتى الشغاله اسفرها بعدين لو معاد تبينها هند\ زين بس لين اولد و معاد ابيها سعود\ ابشري من عيوني هههههههه و الله انكم غريبات يا الحريم اذا الواحد جاب شغاله قلتوا ليش و اذا ما جاب جلستوا تحنون فوق راسه لين جاب لكم هند\ اصلا ما عمري سمعت بها رجال يجيب من نفسه لزوجته شغاله قرب منها يضحك سعود\ ما في واحد بالدنيا يحب زوجته مثلي هند\ احلف بس رفع اصبعه قسم سعود\ والله هند من يومها تكره الزعل و مع سعود ما تقدر تقاومه حطت راسها على صدره\ و ما في بالدنيا وحده ما تزعل من زوجها مثلي حتى لو ضايقها بسرعه تسامحه سعود\ يعني حبيبي مو زعلان مني ؟ هند\ ما يقدر قلبها سعود\ فديته بس انا يارب ما نحرم منه... *************** جده الساعة الـ 04:00 مساء شافتها مثل كل يوم بعد صلاة العصر تطلع من البيت ساعة او اكثر و ترجع الفضول بداء يسيطر عليها كـ طفلة و قفتها هالمره و سالتها منال\ جدتي انتي وين تروحين كل يوم ؟ ام محمد\ اروح لحرمة يمه منال\ طيب ابى اروح معك ام محمد\ بس يمه هالحرمه ما عندها بنات تلعبين معهم منال\ عايشه لوحدها ؟ ام محمد\ ايه يمه منال\ طيب انتي ليش تروحين لها ؟ ام محمد\ عشان ما عندها احد و هي مريضه منال\ و انتي تساعدينها ؟ ام محمد\ ايه اساعدها منال\ طيب ليش ما عندها بنات ؟ ام محمد\ عندها بس بعيد لـ خلصت المدرسة يجون عندها منال\ و بعدين انا اقدر اروح معك ؟ ام محمد\ ان شاء الله يمه تروحين هالحين روحي عند امك لين ارجع و بس يجون بنات هالحرمه انا اشيلك معي لهم.... ************* الخبر الساعة الـ 06:50 مساء ابتسم لها براحه و هي تجلس جمبه و هيلي وراها معها الشاهي صحيح امس زعلت و ما تقبلت الشغالة بس اليوم كانه ما صار شي جلسة في المطبخ و سوت معها الغداء بدون ما تتحرك من مكانها و هذا الي كان يبيه سعود و الي مريحه اكثر ان هيلي تعرف كل العادات السعودية بحكم انها جات كم مره تشتغل شافتها نزلت الشاهي على الطاولة و قربت تصبه هند\ خلاص هيلي روحي شوفي شغلك خلي شاهي انا اصبه وقفت بمكانها و كانها تبي شي و متردده هند\ تبين شي ؟ هيلي\ يس ممكن انا يكلم يأتي شويه بس طلع لها جواله فعلا يأتي عندهم من ثلاث سنوات ما سافرت لهلها و هذي اختها اكيد مشتاقه لها سعود\ يأتي ما عندها جوال بس بتصل في ماما كبير و تكلمينها دقيقه اتصل سعود بأمه و بعد سلام و سؤال عن الحال و سوالف استاذنها انه اخت يأتي تبي تكلمها .. سعود\ خذي كلميها اخذت هيلي الجوال و كلمتها شوي و قفلت الخط و مدت الجوال لسعود\ شكرا مستر.. و راحت تكمل شغلها هند\ امي بخير اليوم ما كلمتها ؟ سعود\ الحمد لله زينه ايه تسال عنك توها هند\ ان شاء الله شوي ادق عليها قبل تنام سعود\ عودتيها عليك كل يوم و من ادق الا سالت عنك ضعت انا بينكم خلاص هند\ ههههههه يالغيار سعود\ ايه ما كان احد ينافسني في حبها لي حتى اخواتي ما تحبهم مثلي جيتي انتي قلبتي كل الاوراق هند\ و لسى ما جاء ولدك بعد ما عاد لك مكان وقتها سعود\ اصلا بخليه عند امي هي تربيه و انا و انتي نعيش حياتنا هند\ لا والله سعود ببراء و هو يحط يدها على قلبه\ ايه انا محتاج حنان محتاج حب و هو بكرة بياخذ كل شي و انا اتفرج بعدين من له اروح انا ساعتها ؟ هند\ ياربي يا دلعك تغار منه و هو لسى ما جاء لا تخاف بحبكم مثل بعض سعود\ لا انا لازم اكثر لانك عرفتيني من قبله هو الحب الثاني و انا الحب الاول هند\ هههههههه طيب بس كذا من عيوني يالحب الاول قام و باسها بين عيونها سعود\ و انا ذابحني غير هالعيون يالله انا ماشي تبين شي ؟ هند\ رايح لناصر ؟ سعود\ ايه بمر يوسف و نروح له نطلع شوي نغير جو معه هند\ زين انتبه لنفسك حبيبي مشى عنها شوي جهة الباب و اشر لها على عيونه سعود\ و انتي بعد انتبهي لقلبي و لحبك الثاني....... ************** | ||||||||
|
| |
|
29-12-20, 05:56 AM
| #44 | ||||||||
| مراقبة عامة ومشرفة منتدى الروايات المنقولة
| الجزء الثالث و الاربعون بعد اسبوعين من الاحداث الاخيرة الاثنين الخبر الساعة الـ 07:10 مساء انتبه لها طالعه من الحمام ( اكرمكم الله ) بوجه اسود كئيب و شفايف ترتعش منظرها خوفه و الاكثر انها وقفت بمكانها شهقت بدمعه و غطة فمها بيدها قرب منها بخوف و كانه بداء يحس ان فيها شي سعود\ حبيبي شو فيك ليش وجهك كذا ؟ هند ما قدرت ترد لانها من الاساس مهي مستوعبه الي شافته رفع صوته لها سعود\ هنوده ردي وش فيك ؟ هند بصدمه\ انا انزف.... ************ جده الساعة الـ 07:30 مساء رجعت اليوم من المركز بامل جديد بعد اكثر من احدى عشر شهر اليوم بدت توقف على رجولها و مع الايام راح تستغني عن الكرسي الفرحة الي تحسها ماتنوصف و بتكمل لما تخبر سعود و هند ام سعود\ فارس يمه دق لي على جوال خالك فارس\ على طول بتخبريه طيب و تقولي ما تحبيه اكتر مني ؟ ام سعود\ خلني ابشره يمه خالك من متى ما سمع خبر يؤنسه فارس و هو يدق رقمه\ ابشري ..بعد انتظار دقيقة فارس\ مايرد جدتي اكيد نائم دحين ام سعود\ ايه يمكن اجل بالجوال مكتوب هند دق عليها يمه فارس مستغرب\ برضوا ماترد ام سعود\ اللهم اجعله خير خالك يمكن نائم هالحين بس زوجته ما تنام بدري فارس\ كلموك اليوم ؟ ام سعود\ ايه سعود كلمني الصبح بس هند هذا وقتها تدق فارس\ اجل لا تقلقي يمكن مشغوله بشي و ترجع تدق لك لما تخلص ام سعود\ طيب يمه دق على رقم بيتهم يمكن جوالاتهم فوق وهم جالسين تحت فارس\ مسجل عندك ؟ ام سعود\ ايه يمه مكتوب بيت سعود شو يقول لها ما يبي يقلقها فارس\ يمكن طالعين برى البيت جدتي ام سعود\ محد يرد ؟ فارس\ لا...... ************** الخبر الساعة الـ 09:05 مساء رايح جاي بالممر يدعي ربه انه يسترها معاهم ما هو عارف شو يسوي من وقت دخلوا هند عنه غرفة الكشف معاد احد طلع و لا طمنه عليها بينه و بين نفسه كان معزم يعطيهم خمس دقائق و يدخل الغرفة اذا ما طلع احد طمنه طلعت و قبل ما يسالها كانت اسرع منه الدكتورة\ انت زوج المريضة ؟ سعود\ ايه طمنيني شو وضعها الان ؟ الدكتورة\ اتبعني للمكتب ثواني و كان معها بمكتبها القلق مسيطر عليه و هي ما هي راضية تتكلم بسرعة سعود\ شو وضعها فقدت الجنين ؟ الدكتورة\ لا الحمد لله كان نزيف بسيط و وقف الان اخذ نفس عميق بارتياح سعود\ الحمد لله الدكتورة\ لكن بصراحة وضعها كذا ما يطمئن انا افضل تاخذ حبوب او ابر تثبيت سعود\ هي اخذت ابرة تثبيت اول حملها و قالت الدكتورة الي اتابع معها انها ما تحتاج للحبوب الدكتورة\ اهاا تمام يعني انتم متابعين لحالتها من اول ؟ سعود\ اكيد الدكتورة\ فيني اقولك الان انها بس تسترخي على السرير و تحاول ما تتحرك كثير و الحالة النفسية لها دور كبير يعني حاول تريحها نفسيا و افضل تشوفها الدكتورة الي متابعه معها في اقرب وقت سعود\ ان شاء الله يعني الان اخذها معي البيت خلاص .؟ الدكتورة و هي توقف\ طبعا بس لما تخلص المغذي.. **************** الخبر الساعة الـ 09:15 مساء دخل عليها المطبخ مبتسم لها برضى تام من اليوم الي قالها انهم بيسافرون و هي مبسوطة من كل شي لدرجة انها خبرة امها بدون دموع قرب منها و وقف مكتف يدينه يوسف\ شو تسوين هنا ؟ ساره و الي كانت تغسل صحون العشاء\ الي تشوفه يوسف\ بس انا قايل لك بنام ساره ببتسامة\ السرير فوق ما هو بالمطبخ مد يده و سكر عنها المويه يوسف\ اتركي من يدك و تعالي معي فوق ساره\ يوسف خلني اخلص ما احب يجلس شي على المغسلة لين بكره يوسف\ ما فيه انا ابي انام الحين ساره\ طيب روح و انا الحقك بعد خمس دقائق عرف ان الكلام معها ميؤس منه خل يتصرف هو احس بلحظة رفعها و وصل فيها للباب المطبخ و هي تصرخ نزلني ساره\ يوسف يا مجنون لو تطلع امك الان وش تقول يوسف و هو يطلع الدرج\ بتطلعينهم انتي بصوتك و لا نفس اقول..... *************** الخبر الساعة الـ 09:50 مساء دخل فيها الغرفه و مددها على السرير و فسخ لها العباية سعود متاكد بعد كلام الدكتورة ان كل السبب بالنزيف الي صار لهند الحالة النفسية صارت تتضايق على طول و من أي شي لكن هو فعلا ما يلومها كم شهر و هي ما شافت احد الا هو او نواف بالاسبوع مرة تحملته هو و نفسيته الي احيان تكون عدم تحملت البعد و هي محتاجه اهلها محتاجه امها من اول ما عرفت بحملها من ست شهور و كل ما تقدمت في الحمل بتحتاجها اكثر و اكثر. سعود\ يعورك شي حياتي الان ؟ هند\ لا سعود\ الحمد لله عدت على الخير هند\ شو قالت لك الدكتورة بجهض صح ؟ حط يده على فمها سعود\ لا مو صح الا اذا استمريتي بذا التفكير فعلا بتجهضين هنوده تمسكي فيه ثقي انه بيعيش و تربينه عشان ربي يعطيك على نيتك هند\ مدري سعود انا تعبانه ما اني قادرة احدد انا شو افكر فيه سعود\ طالعي في عيوني و قولي لي بصدق انا لي مكانه عندك او لا ؟ هند بانفعال\ انت حياتي كلها سعود سعود\ تظنين يوم اني بتركك او بقسى عليك .؟ هند\ لا سعود\ تظنين يوم اني بحرمك شي تحبينه او بخبي عنك شي ؟ نزلت راسها و ما عرفت شو تقول الا الي تحس فيه هند\ انت من فترة مخبي عني شي سعود انا احس فيك سفراتك لجده بدوني التلفونات الي احيان تقلب مزاجك حتى نواف لمن يجلس عندي مرتبك و مخبي عني شي والله كنت افكر ان امي او جدتي صار لهم شي انا الان اكلمهم الاربعه كل يوم بس عشان ارتاح و ما افكر وانا بعيده عنهم سعود ريحني و قولي انتم شو مخبين عني ؟ هالمره بصدق قلبه عوره عليها تمنى لو يقدر يقولها الان بس صعب صعب يا هند تعرفين شي الان قرب منها و حضنها سعود\ ما في شي احنا مخبينه حبيبي عنك لا تتوهمين شي ما صار يارب ياسعود يارب يطلع ظني غلط و ما تكونون مخبين عني شي يارب.. ********** الثلاثاء الخبر الساعة الـ 08:10 صباحا دخل مكتبه و لاول مره متاخر عن العمل عشر دقائق طول الليل ما قدر ينام من التفكير في وضعه و في حياته يا ترى الي سواه صح او غلط وبيسير مثل ما يتمنى او بيطلع له شي يخرب عليه وقف له عند الباب و هو يبتسم يوسف\ مخصوم نص الراتب ليش التاخير ؟ سعود\ قلهم اخصموه كله طيب يوسف\ اوووب النفسية وش فيك ليش متاخر ؟ سعود\ اول مره اتاخر اختل التوازن الاقتصادي للعالم يوسف\ خلك بس و قولي ليش متنفرز كذا ؟ سعود\ ما نمت يوسف\ ليش عسى خير ؟ سعود\ ما اعرف يوسف امس من المغرب و زوجتي بالمستشفى صار عندها نزيف طول الليل و انا اراقبها خايف يصير لها شي يوسف\ لا حول و لا قوة الا بالله و هالحين هي وين بالبيت و الا المستشفى ؟ على كلمة بيت او مستشفى دخل عليهم سيف\ من الي بالمستشفى .؟ سعود\ زوجتي لا هي الان بالبيت سيف\ شو صار لها ,؟ سعود\ نزيف يوسف\ و الجنين بخير ؟ سعود\ الحمد لله يوسف\ و ما كان لك احد ما تدق و لا شي ؟ سعود\ رجعنا المستشفى و نامت ماله داعي اقلقكم سيف\ أي قلق هذا و انا جارك في نفس السكن افى عليك بس يوسف\ و انا زوجتي ما عندها شي من الاساس يعني لو جبتها الصبح عندها لين ترجع من الدوام ما بيصير شي سعود\ ما استغني عنكم و الله و ما تقصرون بس الشغاله عندها و اخوها دقيت عليه قال يمرها الظهر... ************* جده الساعة الـ 02:30 مساء جالس معها يتغداء و شايفها من اول ما رجع شارده و بالها مشغول في شي فارس\ وين وصلتي جدتي ؟ ام سعود\ عند خالك و زوجته يمه و الله ان بالي مشغول عليهم فار س\ ما هو خالي اتصل و طمئنك ان زوجته بخير ليش تقلقين دحين ؟ ام سعود\ يمه البنت ضعيفة و هذا اول حمل لها ما تعرف شي بكرة بتولد تحتاج حد عندها يداريها و يهتم بها فارس\ وي هو خالي ما راح ينزلها عند اهلها حتى لما تولد ؟ ام سعود\ لسى ما هو عارف اذا بيتحسن الوضع بيقدر ينزلها لكن على ذا الوضع ما ظنتي يقدر ينزلها فارس\ الله يسترها بس انا عندي لك حل بيريحك ام سعود\ قول يمه فارس\ اذا قربت ولادتها و الوضع مثل ما هو سافري انتي عندها لين تولد و تشوفي حفيدك و ترجعي.... ************ الخبر الساعة الـ 04:50 مساء رجع من الدوام و طلع لها الغرفة فوق على كلام هيلي انها ما قامت من السرير من الصبح قلبه مقبوض لا تكون تعبانه شافها ممدده على السرير ورافعه رجولها على مخده حاولت تقوم لمن شافته سعود\ خليك حبيبي زي ما انتي هند بعد ما نزلت رجولها\ خلاص من اول و انا كذا ارتحت سعود\ كيفك هالحين يا قلبي في شي يعورك ؟ هند\ جسمي كله سعود متكسر ما فيه اتحرك شبر سعود\ ما عليه حبيبي هذا من المغذي وقت و يروح ترى سويت لك موعد مع الدكتورة بكرة هند\ ان شاء لله سعود\ كلمت اهلك ترى و طمنتهم و امي بعد تسلم عليك لا تجهدين نفسك بالاتصالات طيب هند\ ايه الله يسلمها حصلت لها مكالمة امس سعود\ نواف مرك اليوم ؟ هند\ ايه مرني و رجع للجامعه قبل العصر سعود\ تغديتي حبيبي ؟ هند بخجل\ ايه سبقتك هالمره عشان اخذت الدواء سعود\ فديتك ما عليه اهم شي تاخذي علاجك بوقته هند\ طيب بدل و انا اكلم هيلي تحط لك غداء سعود\ اكلت حبيبي مع الشباب ابي انام بس مره مصدع هند\ ادري طول الليل مانمت عشاني سعود\ اكيد عشانك هند\ الله يخليك لي حبيبي خلاص انا بروح بالصالة اجلس و انت نام... ***************** | ||||||||
|
| |
|
29-12-20, 05:57 AM
| #45 | ||||||||
| مراقبة عامة ومشرفة منتدى الروايات المنقولة
| الجزء الرابع و الاربعون الخميس جده الساعة الـ 01:20 صباحا كانت صاحية تصلي و تسبح و تدعي ربها انه يسترها مع هند و الي في بطنها و ما يحرمهم منه سمعت صوت باب الصالة يتسكر من الي جايها هالوقت مستحيل يكون فارس لان عوايده ما يرجع الا بعد الفجر حركة كرسيها و طلعت من الغرفة شافتها قدامها جالسة بالصالة لكن ما هي مثل ما تعودت عليها شامخه و مستقويه كانت منكسرة و منكمشه على نفسها تطالع الفراغ ام سعود\ بسم الله الرحمن الرحيم وش جايبك من بيتك الحين يمه ؟ قامت من مكانها و جلسة تحت رجول امها ام عزام\ يمه خالد اتزوج علي وحده حطة يدها على راسها تمسح عليه ام سعود\ و من الي جابك الحين ؟ ام عزام\ خليت السواق يجيبني ما اني جالسة له في بيته يوم واحد الا اذا طلقها ام سعود\ و ليش يطلقها لو ما كان محتاج زوجه ما تزوج ام عزام\ يمه و انا كنت ايش عنده .؟ ام سعود\ زوجه بس مقصرة و ابو عزام ياما استحملك والله انه رجال و النعم فيه و الا كان هو الي رماك عند باب البيت مطلقة انتي و عيالك ام عزام\ اشوفك تدافعين عنه يمه و هو متزوج علي هذا لو مطلقني كان رحتي حبيتي راسه ام سعود\ طول عمرك ما تسمعين كلام احد و الي براسك تمشينه و هذا نتاج فعلك و الحين تشكين و تاركة بيتك و عيالك هالوقت و جايه مع سواق ام عزام\ و كيف تبيني اجلس و هو يقولي انا ملكة و الليله زواجي ؟ ام سعود\ ايه تجلسين في بيتك و بين عيالك معززه مكرمه و ما ظنتي خالد بيقصر في حقك ام عزام\ ماراح ارجع و خليني اشوف و ش بيسوي ؟ ام سعود\ شوفي يا ترجعين بيتك من نفسك مثل ما طلعتي من راسك يا استني خبر طلاقك و وقتها استاذني اخوك يسمح لك تعيشين انتي و عيالك في بيته و الا لا ؟........ ************** الخبر الساعة الـ 10:30 صباحا جالسين يفطرون مع بعض هي مرتاحه كثير بعد كلام الدكتورة انها بدت نوعا ما تتجاوز مرحلة الخطر و النزيف الي صار كان بسيط و سطحي نتيجة حركة ما اثر على الجنين بشي طالعت فيه و ابتسمت الفترة الاخيرة ما قصر معها بشي و كان سند لها انتبه لبسمتها سعود\ فيني شي يضحك ؟ قربت منه بحب و اعطته بوسه على خده هند\ احبك سعود فتح عيونه متفاجئ منها هند اول مرة تقوله احبك لوحدها كذا تعود انها تظهر له حبها بافعالها باهتمامها بس مو بكلمة احبك\ قلتي ايش ما سمعتك ؟ هند بثقه\ قلت احبك سعود\ هنوده احس ان قلبي بيوقف هند\ بلا دلع سعود سند ظهره على الكرسي\ يالله ما اني مصدق اخيرا سمعتها منك وش مصبح عليه انا هند كانت مبسوطة لكم الحب و الراحة الي تحسها مع سعود و كان في شخص ثالث قاعد يخبرهم انه لسى روحه تنبض بينهم اخذة يده و حطتها على بطنها\ تحس شي ؟ سعود يتعجب\ لا هند\ ركز زين ثواني و ارتعشت يد سعود\ هنوده يتحرك و الله احس فيه هند\ ههههههههههه ايه يتحرك و يحس فيك سعود\ ما يعورك لما يتحرك كذا ؟ هند\ لا يحسسني بوجوده و يشاركني بكل شي حتى الحب تحرك عشان يقول بابا انا احبك كمان قام من مكانه و حضنها سعود\ ياروحي انتم الاثنين وانا بعد احبكم عساني ما انحرم منكم يارب.... ************ الخبر الساعة الـ 11:40 صباحا طلع لها الدرج ركض يستعجلها ما يبي يتاخر على ناصر يبي يصلي معه في المسجد و يتغدون مع بعض مثل ما خطط من امس طلعت من الغرفه و كانت بتضرب فيه لو لا ان ربي ستر ساره\ بسم الله وش فيك ؟ يوسف\ تاخرتي جيت استعجلك ساره\ خالتي خلصت ؟ يوسف\ و بدت تعصب تحت ساره\ الله يهديكم لو تسمعون كلامي و نروح بعد الصلاة و ناخذ الغداء معنى احسن يوسف\ خلاص حبيبي مشيها هالمرة بعدين الغداء بيوصله المطعم بعد الصلاة على طول ساره\ اخاف يرحون من ورانا يطلبون غداء يوسف\ لا ما عليك ما يمديهم خليها علي ساره\ اوكيه يالله نمشي يوسف قرب منها و حمس في اذنها\ طالعه قمر قريتي على نفسك ؟ ساره بخجل\ ايه يوسف\ يالله اجل..... ******************* الخبر الساعة الـ 12:50 ظهرا سكرت الخط و وجهها متجهم من الخبر الي سمعته هي متاكدة مليون في المئة انها تكرها بس الحقيقة هند ما عمرها كرهتها او تمنت لها شر شافها شارده سعود\ شخبارها امي اليوم لسى ما كلمتها ؟ ترددت تقوله هند\ هي بخير بس....و سكتت سعود\ بس ايش ؟ هند\ صراحة قالت لي خبر ما يفرح سعود\ شو ؟ هند\ تقول ان زوج ام عزام تزوج عليها و اليوم عرسه سعود و هو يرجع يقراء الجريدة\ ايه ادري هند\ تدري و ما قلت شي ؟ سعود\ شوفي هند خالد ولد عمي و انا اعرفه زين ما تطلع منه الشينه دق علي و خبرني حتى قبل ما يروح يخطب و انا مالي حق امنعه الرجال ما سوى شي حرام هند\ يعني انت موافق انه يحط وحده ثانية على اختك ؟ سعود\ موافق و الا ما اني موافق ما تفرق دام ربي حلل له اربع و هو رجال قادر و انا متاكد انه ما تزوج الا من مشاكل اختي خليه يرتاح شوي هند\ امي تقول انها تركة البيت و جاتها اخر الليل و ما بترجع الا اذا خالد طلق الثانية سعود\ ما راح يطلق خالد لا هي و لا الثانية خلها تقعد عند امي لين يطيح الي في راسها و ترجع لبيتها و عيالها مدام حرمته الثانية مسكنها ببيت لوحدها ماراح يظلم و لا وحده فيهن....... ************** جده الساعة الـ 05:30 عصرا طول الليل ما قدرت تنام القهر ذابحها كيف خالد يتزوج عليها بعد كل هالعشرة و كيف امها تتهمها انها هي السبب و تلزمها ترجع بيتها من نفسها ام عزام\ يمه سعود ما راح يجي و الا يكون ما قلتي له تعال .؟ ام سعود\ لا ما هو جاي و لا قلت له تعال اخوك تعب من المشاكل بعدين الرجال و تزوج ما سوى شي حرام اخوك يمنعه ام عزام\ طبعا ما هو جاي الان صرنا معاد نهمه بعد هالحية الي عنده ام سعود\ لا اله الا الله هالحين الضعيفة وش سوت بك تحطين حرتك فيها ما هو بكافيها الي فيها ام عزام\ و هذي عدله انه ما يجي و يمنع هالزواج ؟ ام سعود\ و ليش يمنعه لو مالقى خالد منك تقصير ما راح دور غيرك و الله انه رجال و النعم به و كبر في عيني يومه خبر اخوك من قبل ما يخطب ام عزام اتصنمة حواسها و هي تسمع امها\ يعني انتم تعرفون من قبل يتزوج يمه و ما قلتوا لي ؟ ام سعود\ الحق انا ما كنت اعرف و اخوك الي اليوم خبرني لكن اذا بتسمعين كلمة من امك ارجعي لبيتك و لا تفرطين بحقك في زوجك و حياتك ياما رجاجيل اتزوجوا و عاشوا حياتهم مع ثنتين تحتف سقف واحد و كانوا اسعد بيوت الارض ام عزام\ كمان بيجيبها في بيتي لا والله خلاص قولوا له يطلقني كرهته ما عاد ابيه ؟ ام سعود\ لا تخافين كل وحده منكم في بيت و ترى خالد قال لاخوك انه ما راح يطلقك لو شو ما سويتي حتى لو يعلقك لين يطيح الي براسك و تركدين و ترجعين بيتك.... ***************** الخبر الساعة الـ 06:30 مساء مستانسه على الجلسة معهم بس الاتصال الي جاء لسعود و خلى ملامحه تتبدل و يطلع عنهم خلاها تتضايق و ترجع لتفكير انهم مخبين عنها شي هند\ بروح اشوف سعود نواف\ ليش خليه براحته اكيد عشان مشكلة اخته و مستحي يتكلم قدامي هند و كانها ارتاحة شوي\ ايه ممكن نواف\ انتي طمنيني كيف سعود معك عسى مو مقصر بشي ؟ هند\ لا و الله ما هو مقصر بشي دخل على جملتها الاخيرة سعود\ من هذا الي مو مقصر ؟ نواف وهو يغمز له\ واحد الله يستر عليه سعود فهم عليه وان هند كانت بتلحقه عشان الاتصال\ طيب و طلعت بينكم اسرار بعد نواف\ طبعا سعود حاول يطلع له كذبه و مالقى غير يوسف يلزقها فيه\ زين هذا يوسف يقولي ان الشباب طالعين قوم معي نروح لهم نواف\ ضروري .؟ سعود\ غير جو بلا كأبه نواف\ اوكيه بس نرجع قبل 12 عشان ما يقفلون البوابة سعود\ ههههههههههه بيتي مفتوح لك يا دب نواف و هو يوقف\ ماشي انا عند السيارة انتظرك سعود\ هنوده حبيبي تبين شي قبل اروح ؟ هند\ سلامتك حبيبي بس انتبه لنفسك و يعني حاول ما تتاخر سعود\ هههههه ابشري يالله سلام........ ******************* الخبر الساعة الـ 07:05 مساء جالسين بالسيارة قدام البحر يفكرون وش المفروض يسوون بعد الي سمعوه اثنيناتهم ما يقدرون ينزلون جده هاليومين نواف و مشغول في اختباراته و سعود ما عنده أي اجازة و الاهم ما يقدر يترك هند لوحدها نواف\ طيب انت مو قلت انه في محامي ما يقدر يخلصها بدل عنى ؟ سعود\ يا حبيبي القضية مضمونه بعد التقرير الطبي و المحامي المحكمة هي الي حطته و لما ما حصلت له اهمية شالته نواف\ يعني خلاص القضية انتهت ؟ سعود\ ههههههههههههه ايه وش فيك ما انت مصدق نواف\ أي والله ما اني مصدق اللهم لا شماته لكن احس بالارتياح سعود\ من حقك والله و هذا مصير هالافعال نواف\ بس باقي الشي الاهم يارب يسرها سعود\ الله كريم الا خلني ادق لفارس اعرف واحد بالمحكمه ممكن يمشيها حتى لو ما نحضر الجلسة نواف\ اخاف تكلف عليه بس سعود\ لا ما عليك انت بس خلها علي... ******************* | ||||||||
|
| |
|
29-12-20, 05:58 AM
| #46 | ||||||||
| مراقبة عامة ومشرفة منتدى الروايات المنقولة
| الجزء الخامس و الاربعون السبت الخبر الساعة الـ 09:45 صباحا راجع من مكتب المدير متضايق بعد خبر العمل في ينبع الي طلع له ما هو في وقته لكنه بثواني تغير 180 درجه و ابتسم على الاتصال الي جاه و كان احد يبشره باسعد شي في حياته سعود\ روح الله يبشرك باللي نفسك فيه يا شيخ فارس\ اميين بس ما تكون كل هادي الفرحة شماته يا خالي .؟ سعود\ اعوذ بالله لا والله بس الي سوته ما هو سهل هذي جزاتها ربك يمهل و لا يهمل فارس\ أي والله بتقول لزوجتك خلاص ؟ سعود\ لا وين يا فارس اقولها خلني اتطمئن عليها اول ما اظن اقدر اقولها قبل تولد فارس\ بس صراحة احسها صعب تولد لوحدها على كلام جدتي بتتعب و ما عندها احد سعود\ الله يساعدنا وش اسوي كيف اوديها عند اهلها في البيت قبل ما اتاكد من الوضع فارس\ صحيح ماله مكان الان سعود\ الله يعين يالله انا اخليك اكلمك وقت ثاني فارس\ سلم على نواف و بشره لا تنسى..... *************** جده الساعة الـ 10:30 صباحا طلعت من الغرفة و عبايتها بيدها طول الليل ما نامت تفكر في مصيرها و في عيالها الي ما شافتهم من يوم الخميس احيان الانسان يشوف اخطاه و يعترف فيها لمن يعطي نفسه وقت يبعد و يفكر براحه شافتها طالعه و حاولت ما تبين لها فرحتها ام سعود\ وين رايحه يمه ؟ ام عزام\ بيتي ام سعود\ الله يهديك يمه و يصلح لك ام عزام\ طبعا خالد ما دق ولا كلف على نفسه بس لو لا عيالي ما رحت ام سعود و هي مبتسمه\ و كيف يمه يدق و انتي مقفله جوالك ؟ ام عزام\ يعني هو دق يمه ؟ ام سعود\ كل يوم يدق و يسال عنك ام عزام\ واضح اهمه يومه يتزوج علي ؟ ام سعود\ رجلك يبيك و ما نسى العشرة لا تفرطين فيه اكثر و يميل لها و يترك عدلي من طبعك معه يمه عشان عيالك ام عزام\ ان شاء الله يمه ام سعود\ الله يسرها لك مع من بترجعين ؟ ام عزام\ السواق من غيره دام خالد ما هو فاضي الا لحياته الجديدة ام سعود\ السواق هذا انتي الي طلبتيه اكيد الرجال بيتكاسل عن اشغاله دام فيه الي ينوب عنه ام عزام\ خلاص يمه لا تزيدينها علي انا رايحة ام سعود\ زين يمه الله ييسر لك و يسهل امرك و يصلح بينك و بين رجلك..... ***************** الخبر الساعة الـ 05:15 مساء من وقت رجع من الدوام و هو يبي يقولها بس ما هو عارف كيف اكيد بتتضايق بيغيب خمسة ايام ما هو شي سهل يتركها لوحدها و هي توها استقرت حالتها و واضح اليوم بالذات انها مبسوطة حتى لمن قالها ان ام عزام رجعت بيتها فرحة لها توقع انها استانسة ان خالد اتزوج عليها بحكم مضايقاتها لها لكن الحقيقة هند ما تعرف تحقد على احد مهما كان سعود\ هنوده هند\ لبيه سعود\ بقولك شغله بس لا تتضايقين هند\ شو فيه ؟. سعود\ انا بكرة مسافر ينبع هند\ ينبع و ليش ؟ سعود\ عمل لين يوم الخميس و راجع هند\ ليش طيب ما قالوا لك قبلها باسبوع مثل كل مرة ؟ سعود\ لاني بروح لفرع الشركة هناك ما هو عمل ميداني زي العادة هنوده انا اصلا مقدم طلب نقل من زمان لفرع ينبع يعني توقعي في أي يوم يمكن ننقل هناك هند باستسلام هالمرة\ طيب بروح احضر لك الشنطة ماتوقع ردها بيكون كذا سعود\ انتي بخير حبيبي ؟ هند\ ايه هذا عملك مالي حق امنعك سعود\ نواف عندك و انا بكلمك كل يوم ابيك تهتمين بنفسك عشاني ابي ارجع و هالوجه منور مو تعبان هند\ ان شاء الله سعود\ فديتك حبيبي...... ***************** جده الساعة الـ 05:30 مساء راجع مع جدته من مشوارهم الي صاير شبه يومي من بعد حكم المحكمة و هو بالذات مرتاح كان اكثر واحد حاقد عليها و يتمنى يشوف فيها يوم و كان القدر كان على موعد مع رغبته فهد\ تبين غرفتك جدتي ؟ ام محمد\ لا يمه ودني الصالة عند امك كانت اسبق لهم و جاتهم بالممر ام نواف\ طمنيني خالتي كيف صحته الحين ؟. ام محمد\ لا الحمد لله وين كنى و وين صرنا فهد\ راح يطلع بعد كم يوم ام محمد و الي تفاجئة من الخبر\ الحمد لله الحمد لله ام نواف\ يطلع وين يروح ؟ ام محمد\ ماله مكان الا هنا يمه ام نواف\ و منال ؟؟ ام محمد\ اجل انا مستعده اروح معه وين ما راح لين ربي يشفيه فهد\ الملحق منال ما تروح هناك كان احد اعطاهم الامل فعلا منال ما تروح جهة الملحق و لا تقرب منه.... *************** جده الساعة الـ 11:30 مساء التفتت حواليها من اليوم هذا هو المكان الي بتعيش فيه 15 سنه ممكن تكون عمرها الباقي كله نفس الوجوه نفس الاصوات ما راح تتغير عليها كل تفكيرها الان وين الفلوس الي جمعتها ؟ وين الفلوس الي هي بالاساس السبب لدخولها هالمكان و تدفع عمرها الباقي فيه وينها ما تجي تطلعها من هنا .. كل الي حواليها يتكلمون و يتهامسون هي متاكدة انهم يتكلمون فيها و في قضيتها الي هزت ارجاء احد السجون بجده لكن المخفي عن هالسجينات ان هالانسانه عاشت سنين تضحك على حساب دموع غيرها قهرت قلوب و خلتها تعيش حياتها بالخوف و الحرمان 15 سنه سجن لا يمكن تمحي 9 سنوات عذاب عاشتها نفوس بلا ذنب....... *************** الاحد الساعة الـ 05:05 فجرا من ساعتين فزت من نومها بسبب حركة الجنين و ما قدرت ترجع تنام تفكيرها قادها لبوها هالمرة من اكثر من سنه كانت اخر مره شافته فيها يوم زواجها بسلمان و معاد سمعت أي خبر عنه هو مريض مسافر و الا نورة إكتفت من تعذيبهم خلاص هو من الاساس من التفكير ما هو قادر ينام و حركتها اقلقته أكثر سعود\ هنوده هند\ لبيه سعود\ شو فيك ما انتي نائمه ؟ هند\ صحيتك ؟ سعود\ لا انا من الاساس صاحي هند\ افكر في ابوي سعود كأن احد صب عليه ماء بارد\ هاااه في ابوك هند\ ايه من زمان ما سمعت عنه شي بالعادة ما يغيب اكثر من سنه الا و يجينا لكن الان له اكثر من سنه غايب سعود و كانه ارتاح شوي\ يمكن مشغول بشي هند\ احساسي انه ما هو بخير سعود\ لا تعوذي من الشيطان ان شاء الله ما فيه الا الخير هند\ مدري ليش قلبي ما هو مرتاح لغيبته سعود\ انتي تعرفين بيته وين ؟ هند\ لا زوجته بعدته عنى بالمرة حتى ما اني متاكدة هو في جده او لا سعود\ ما حاولتوا تدورون عليه ؟ هند\ حاولت انا و نواف اكثر من مره نسال عنه لكن كانت امي من تعرف تخاصمنى وتتعب نفسيتها من خوفها علينا و هي ما هي ناقصة لان الي تتحمله هي اكثر منى فتركناه و معاد سالنا لجلها سعود\ الله يعين المهم انتي لا تفكرين و لا تشيلين هم اكيد في يوم بتسمعين عنه خبر هند\ ان شاء الله سعود\ ايه عاد لا تخليني انشغل فيك و انا بعيد و ما اقدر ارتاح هند\ يا سلام واذا ما انشغلت فيني في مين بتنشغل ؟ سعود بمزحه\ زوجتي الثانية هند\ ايه عاد خالد فتح لك الباب الان قوم بس الحق الصلاة ازين لك يعني سعود\ ههههههههه طيب طيب بس لا تعصبين ترى اروح عندها على طول هند سحبت المخده و كانت بترميها عليه لكنه كان اسرع و دخل الحمام و سكر الباب\ زين يا سعود روح لها خلاص احسن كان يسمعها و يضحك عليها هو قصده بزوجته الثانية العمل و هي فهمتها على كيفها سعود\ ايه انا رايح اصلا بعد شوي..... *************** الخبر الساعة الـ 08:15 صباحا اخذ الملف من مكتبه و طلع يبي يلحق الطيارة افضل شي بالعمل هالمرة ان كل شي مجهز له الصبح جاء الشركة مع سيف و الان سواق الشركة بيوصله المطار و في الي بيستقبله بمطار ينبع و يوصله الفندق طلع جواله و اتصل فيه للمرة العاشرة يوصيه عليها من امس و يحس ما هو كافي سعود\ سلام نواف\ و عليكم السلام هلا سعود\ خلصت اختبارك ؟ نواف\ يا اخي قايل لك يبدا 08:30 بعد ربع ساعة سعود\ زين نسيت لا تاكلني نواف\ والله حفظة توصياتك اكثر من مذاكرتي للأختبار سعود\ شي طيب المهم الموعد مع الدكتورة يوم الثلاثاء ما هو تنسى نواف\ ابشر سعود\ ادري مكلف عليك بس مالي حد غيرك اعتمد عليه نواف\ افى عليك هذي اختي قبل كل شي و انت ما انت مقصر معنى عشان نقصر معك سعود\ هذا واجبي يا نواف لا عاد اسمع منك هالكلام مرة ثانية و الا بالزعل نواف\ عارف امس فهد دق يقولي ان .....طالع بعد يومين بالكثير سعود\ و الله خبر زين بس وين بيروح ؟ نواف\ فهد ملزم الا انه يجيبه الملحق عندنا بالبيت سعود\ و منال طيب ؟ نواف\ و الله مدري يقول ما تروح جهة الملحق سعود\ صحيح الان ما تروح بس بتشك ان فيه شي بيذبحها فضول الاطفال و بتروح نواف\ خصوصا ان هذا اخر اسبوع لها بالمدرسة يعني معاد فيه شي يشغلها سعود\ خلاص انا اكلم فهد الليلة يالله انا بقفل اشوف السيارة وصلت نواف\ زين يالله فمان الله.......... *************** الخبر الساعة الـ 10:30 صباحا تفكيرها من الفجر مسيطر عليها فيه هو بالذات احساسها انه ما هو بخير و ان في شي ما انعه من زيارتهم حتى لو كان حظوره يسبب لهم مشاكل مالها الا جدتها هي تريحها اتصلت فيها و حاولت قد ما تقدر تتكلم معها بشكل عادي بدون ما تخليها تحس ان فيها شي لكن ما هو على ام محمد الي فاهمه هند اكثر من نفسها ام محمد\ هند يمه ما تبين تقولين وش مضيق خاطرك ؟ هند\ و الله مدري جدتي هالايام صايرة افكر في كل شي سفر سعود ولادتي الي بدت تقرب افكر فيكم و........وسكتت ام محمد\ في شنو يمه ؟ هند\ جدتي مدري ليش اليوم افكر في ابوي احساسي انه ما هو بخير ام محمد\ لا يمه لا تقولين كذا ان شاء الله ما فيه الا العافية هند\ جدتي من اكثر من سنه ما سمعتوا عنه شي ؟ ام محمد\ لا يمه بس انتي لا تشيلين هم يمكن مسافر و الا نوره ما تبي شي هند\ هو بقى عندنا شي نعطيها ام محمد\ انتي قلتيها ما عندنا شي نعطيها يعني لا تشيلين هم و تفكرين ابوك باذن الله بخير..... *************** | ||||||||
|
| |
|
29-12-20, 06:00 AM
| #47 | ||||||||
| مراقبة عامة ومشرفة منتدى الروايات المنقولة
| الجزء السادس و الاربعون الثلاثاء ينبع الساعة الـ 05:15 مساء راجع غرفته في الفندق و باله مشغول مع هند الي ماترد و هو يبي يتطمئن عليها و شو قالت لها الدكتورة حاول يشغل نفسه عن التفكير و يحط احتمالات انها لسى ما خلصت لجل تطمئنه و ممكن تكون مشغولة في الفحص اول ما نزل جواله على الطاولة رن رفعه بسرعه متوقع انها هي بس خاب توقعه سعود\ هلا فهد فهد\ هلابك تقول الوالدة انك داق اكثر من مرة تباني و تسال عني عسى خير ؟ سعود\ ايه من امس ابيك حشى المفروض احجزك من قبل اسبوع فهد\ و الله تعرف الاسبوع الجاي اختبارات و نومي متقلب لاصحيت تكون انت نائم و العكس سعود\ أي شد حيلك فهد\ نقول يارب سعود\ يقولي نواف انك ملزم تجيب......في الملحق فهد\ هو ما في مكان الا هناك تعرف داخل البيت ففف لسى شوي صعبه سعود\ هو تعود عليكم و الا لسى ؟ فهد\ على جدتي بس سعود\ تمام في تقدم طيب متى طالع هو ؟ فهد\ بكرة ان شاء الله سعود\ و الله انا خايف من منال اكيد بتحس ان في شي مخبينه هناك عنها فهد\ و الله مدري بس بحاول ادور لها تصريفه سعود\ اجل اسمع ما في حل الا اني اخذها فترة عند هند لين يستقر الجو فهد\ ما اظن امي توافق سعود\ مالها حل الا كذا انا الصبح مخلص شغلي هنا و نازل جده عطني اكلمها لجل احجز لها على الخميس معي..... ***************** الخبر الساعة الـ 05:40 مساء دخلت البيت بعد ما نزلها نواف و راح يخلص له مشوار و يرجع لجل ينام عندها هي مبسوطة من كلام الدكتورة لها اليوم كثير و مستغربه ان سعود ما دق يسالها شو صار معها ( خلني اتصل انا احسن ) فتحت شنطتها تطلع الجوال و استغربت انه مو موجود ( معقول اكون ما اخذته معي خلني اطلع فوق اشوفه ) في الغرفه انتبهت ان الجوال على طرف السرير و من الاساس ما اخذته معها طالعت بالشاشة و كان فيها سبع مكالمات كانت كلها من سعود عضت شفافيها ( الان اكيد معصب وشايل هم اففف كيف نسيته انا ) ضغطة على الاتصال و بداخلها تدعي ربها انه يكون هادي كان متمدد على السرير و يكلم فارس على اساس يحجز تذكره لمنال على يوم الخميس و شاف اتصالها قفل منه بسرعه لكنه ما لحق يفتح الخط الا و هند مقفله فرجع اتصل فيها هند\ هلا سعود\ هلابك حبيبي و ينك عن الجوال انتي ؟ هند\ نسيته بس في البيت سعود\ حد يطلع يا هند و ينسى جواله و ربي اقلقتيني عليك ؟ هند\ طيب انا وحده عقلي مو معي اكيد بنسى سعود\ و وينه عقلك ؟ هند\ في ينبع سعود\ و وش يسوي في ينبع ؟ هند\ مسافر مع القلب سعود\ هههههههه و منو القلب ؟ هند كانت تحمد ربها انه ما هو معصب\ مشكلة اذا ما يعرف نفسه سعود\ بصير مغرور و السبب انتي ترى هند\ ههههههه ايه و من زود الغرور الممرضة سالت عنك اليوم سعود\ هههههههههههه افى وش تبى مني ؟ هند\ ادري عنها مخرفه خطوتين و طيح سعود\ شايفه بس كيف زوجك حتى الفلبينيات ما يقاومنه هند\ ايه صح من الجمال سعود\ هههههه طيب اتركينى منهم و قولي لي الاهم شو قالت الدكتورة لك ؟ هند بفرح\ اني و الجنين بالف خير و كلها اقل من شهرين و بنشوفه سعود\ الحمد لله ما بقى شي كثير هنوده هند\ ايه عارف احس الايام صارت تمشي بسرعه سعود\ لانك مريحه راسك من التفكير من زمان و انا اقولك خلي كل شي يمشي مثل ما هو و لا تفكرين ليش صار كذا و متى بيصير كذا ؟ هند\ ابشر خلاص من اليوم ما افكر بشي الا انت و الي في بطني سعود\ يا قلبي انتي هند\ زين انت خلصت شغلك او لسى ؟ سعود\ شوفي هنوده صراحة بكرة بخلصه الصبح و ما في طيارة الا على جده هند\ و بتطلع جده ؟ سعود\ مافي حل هند\ يعني بتجي بكرة او الخميس ؟ سعود\ لا غير الخميس الصبح هند\ طيب ممكن اطلب منك طلب سعود\ عيوني هند\ تروح لام عزام في بيتها طيب خاطرها بكلمتين صحيح هي رجعت لكن اكيد لسى شي بخاطرها و الله مو سهل الوحدة زوجها يتزوج عليها مهما كانت افعالها سعود كان منصدم من كلامها ابد ما توقع هند تطلب منه شي كذا\ ياليتني اقدر اطلع لك من سماعة الجوال كان اكلت اكل...... ************* الخبر الساعة الـ 05:50 مساء نزل من غرفته بعد ما اخذ شاور و ريح شوي من الدوام سمع اصواتهم جهة الصالة و ميز صوتها من بينهم من فترة طويلة ما جاتهم البيت و كلهم عاذرينها بسبب ظروف اهل زوجها يوسف\ اووه منوره الحلوة عندنا و انا اقول وش هالنور الي من بعد نور سوير قامت له و هي تضحك منار\ هالحين تقارن نوري من بعد نور هالدبه ؟ يوسف كان يسلم عليها فهمس لها باذنها\ عشان ما يزعلون بس ضحكة منار و كان ساره فهمتهم\ تتكلمون عني هاااه ؟ يوسف\ افى من قال بس ساره\ جدتي قالت يوسف\ هههههههه الله يرحمها منار\ انتم لسى مجانين ؟ ساره\ اخوك مو انا يوسف و هو يقلدها\ اخوك مو انا اخوها هذا في ناس كانوا من يسمعون اسمه يملكون بيوت فوق السحاب منار ما قدرت تقاوم دمعت عينها على طول يوسف شي كبير عندها يوسف\ افى بس ليش الدموع منوره لا يكون نويصر مزعلك بشي ؟ منار\ اسمه ناصر وش نويصر اصغر عيالك يوسف\ و انا الي متعني اسالك منار\ بفقدكم ........و كملت صياح يوسف\ ههههههههههههه بدت المناحه يا بنتي هو انا بعيش طول عمري هناك كلها كم سنه و برجع منار\ حتى لو ما تعودت انك تغيب عنى فترة طويلة يوسف\ ترى عندك اربع اخوان مو واحد منار\ انا ما احس الا عندي اثنين واحد مسافر و الثاني بيلحقه قامت لها ساره و حضنتها و هالمرة صاحت معها\ هذا حلم يوسف من زمان لازم احنا نوقف معه شوفي انا بتحمل الغربة و ببعد عنكم بس عشان خاطرة انتي بعد عشان خاطرة لا تصيحين و ادعيله,... ***************** جده الساعة الـ 07:25 مساء دخلت عليها الغرفه و هي تلعب في العابها حاولت تخفي دموعها عنها مهما كان عمرها ما فكرت انها بتبعد عنها او تنام لليله في مكان ما هو معها فتحت الكبت و جلسة مقابله ام نواف\ منوله تعالي حبيبي منال و الي كانت مستغربه من فعلة امها جات و جلسة جمبها بدون ما تتكلم ام نواف\ منول الحين انا و انتي بنرتب لك ملابس و العاب في الشنطة منال باندفاع قبل امها تكمل\ ليش وين بنروح ؟ ام نواف\ ما تبين تشوفين هند ؟ منال بفرحه\ يعني حنا بنسافر عند هند ام نواف\ ما هو احنا بس انتي حبيبي عشان فهد لسى ما خلص مدرسة زيك و جدتك رجولها تعورها ما تقدر تطلع الطيارة منال\ و انتي بتجلسين معهم ؟ ام نواف\ عشان ما يقدرون يجلسون لوحدهم يمه منال\ و انا بروح مع من ؟ ام نواف\ مع سعود منال\ و هند وين ؟ ام نواف\ هند في بيتها تنتظرك هناك منال\ عند نواف ؟ ام نواف\ ايه يمه منال\ و انتي تبيني اروح ؟ ام نواف\ ليش يمه انتي ما تبين تروحين ؟ منال\ بروح بس انتي تجلسين لوحدك ام نواف\ ما عليك يمه انتي روحي عند اختك من زمان ما شفتيها صح منال\ ايه صح اجل خلاص انا بروح بس ما اجلس كثير شوي بس و ارجع عندك..... ************* الاربعاء جده الساعة الـ 04:45 مساء من عشر دقائق و هو واقف قدام الباب و متردد يدق الجرس و الا يرجع اكيد عرفت انه كان يدري بموضوع زواجها قبل يتم و الله يعينه عليها كان ما طردته ابرك رفع يده للجرس و بخاطرة كان يقول ( بس عشانك يا هند ) دقائق و كانت الشغاله فاتحه له الباب و دخلته الصالة البيت كان هادي لحد الملل و كان مافيه احد نزلت له من غرفتها و شافته واقف و متردد يجلس ام عزام\ حيالله سعود ليش واقف تفضل سعود\ الله يحييك بس اشوف البيت هادي قلت شكل ما فيه احد ام عزام\ ايه والله مافي الا انا سعود\ وين العيال ؟ ام عزام\ طلعوا مع ابوهم بس الصغيرة نائمه سعود\ لا عاد هذي لازم تصحينها قبل امشي اذا ما شفتها ما ارتاح لها مكانه بقلبي ام عزام\ بكره يجي ولدك و الا بنتك و تنساها الا وينها هند جات معك ؟ سعود\ لا والله ما جات انا جاي من ينبع على هنا ام عزام و هي توقف\ زين الي فكرة تزورني ترى هذي اول مرة تدخل بيتي بعد ما اتزوجة حتى زوجتك ما دخلت بيتي سعود\ أي والله حتى ام فارس تتشره هناك بس تعرفين سافرنا الشرقية على طول و بعدها هند ما نزلت جده بعد ما حملت و تعبت بس تعالي انتي وين واقفه ؟ ام عزام\ تجي بيتي بعد كل هالوقت و ما اضيفك مايصير سعود كان ماهو مستوعب ام عزام الي طول عمرها تجلس و الشغاله تجيب لها حتى كاسة المويه بتقوم تضيفه بنفسها\ شوفي والله جاي من البيت و توي متغدي و شارب قهوة و شاهي مع امي يعني مره ما ابي شي اجلسي بس ام عزام و هي رايحه جهة المطبخ\ اجل اجيب لك عصير ثواني و رجعت ام عزام لسعود بكاس عصير اخذها و هو ما هو عارف كيف بيبداء معها بالكلام في الموضوع الي جاي عشانه\ تسلمين ام عزام\ الله يحييك سعود\ وين طلعوا العيال مع ابوهم بيتخرون ؟ ام عزام\ راحوا هنا لبيت جدتهم ما يتاخرون قبل المغرب اكيد بيرجعهم سعود\ و انتي ليش ما رحتي معهم ؟ ام عزام\ كان عندي شغل كثير في البيت و اصلا انا عازمتهم بكرة عندي للغداء يعني بخلص اشغالي من اليوم سعود ( سبحان من يغير و لا يتغير ) \ اهااا تمام ام عزام\ انت بكرة طيارتك الساعة كم ؟ سعود\ ثلاث ام عزام\ اجل تعال تغداء عندي و روح للمطار امي فارس يرجعها او انا و خالد سعود وهو يتذكر انه لازم يمر منال ياخذها معه\ مدري والله اشوف ان قدرت مريتك........ ************** الخبر الساعة الـ 05:10 مساء من راح سعود ينبع وهي تحس ان سيف وزوجته ابد مو مقصرين معها ( طبعا بحكم انهم بنفس السكن ) كان يمر نواف على طول و يسال اذا محتاج شي او ناقصه شي والا زوجته رغم مشاغل بيتها و بنتها الصغيرة الا انها كانت تكلم هند كل يوم و تسالها عن صحتها و اليوم من الظهر اخذة غداها وجت عند هند هند\ و الله اني منحرجه منكم و ما اني عارفه كيف ارد لكم فضل هالايام ام شهد\ افى بس انتي مثل اختي اصلا انا ما اعرف حد بالسكن الا انتي اسولف معه و اطفشه بصياح بنتي هند\ هههههه لا والله بالعكس انتي مونستني و بنتك تعطيني درس مجاني للقادم ام شهد\ الله يعينك كان تبين درس من بنتي دلوعة ابوها اول ما يسمعها تصيح شالها ولف فيها البيت الف مرة و خلاص تعودت لاصاحت تبي حد يشيلها و يلف فيها هند\ بس كذا غلط و تعب عليك انتي لان ابو شهد نص يومه بالدوام ام شهد\ الشكوى لله على قوله بكره تمشي و تريحك هند\ أي والله احلى لحظة يوم يكبرون ام شهد\ ان شاء الله تشوفين الي في بطنك يكبر قدام عينك هند\ اميين يارب ام شهد\ ما عرفتي هو ولد و الا بنت ؟ هند\ لا والله سعود ما يبي يقول خليها مفاجئا احسن ام شهد\ هو احسن اذكر بشهد اخواتي جننوني كل ما زرتهم قالوا بنت و الا ولد هند\ و كنتي تعرفين ؟ ام شهد\ هههههههههههه ايه بس ما قلت لاحد حتى سيف ما يدري..... *********** جده الساعة الـ 06:30 مساء نائمه على رجولها و هي تغالب دمعتها ما تنزل قدامها تشوف انها فرحانه لجل بتشوف اختها و تجلس معها كم يوم و في نفس الوقت ما هي مستوعبه انها بتكون في مكان بدون امها ام نواف وهي تمسح على راس منال\ منوله منال\ نعم ام نواف\ حبيبتي خلك عاقله عند اختك لا تسوين دلع و تعبينها منال\ طيب ام نواف\ شاطره حبيبتي منال\ يعني هند ما تقدر تلعب معي ؟ ام نواف\ لا يمه ما تقدر تلعب كثير معك منال\ طيب نواف يقدر ؟ ام نواف\ ايه يمه نواف يقدر منال\ خلاص بلعب معه هو و سعود ام نواف\ زين بس بكره خلك قريب من سعود لا تروحين عنه بعيد و تضيعينه...... ***************** الخبر الساعة الـ 07:05 مساء دخلت الغرفه و دخل وراها بعد ما رجعها من بيت اهلها من وقت وفاة علي وهي ماراحت لهم و لا طلبت منه يوصلها منار كل يوم تكبر بعينه اكثر و يحس ان ربي وفقه باختياره ناصر\ كيف اهلك حبيبي اليوم ؟ منار\ الحمد لله بخير ولو ان ابوي زعل انك جيت لين عند الباب و لا دخلت ناصر\ والله معه حق انا مره مقصر معه بس انتي عارفه انا وين رحة منار\ ايه انا قلت له و قال ما بيرضى الا اذا تغديت معه بكرة ناصر\ هههههه اوف شكل زعله قوي هالمره منار\ فوق ما تتصور ناصر\ خلاص باذن الله امره بكره و انتي روحي معي منار\ لا انا ما اقدر اروح ناصر\ ليش ؟ منار\ امممم من اليوم لازم ارتاح في البيت حتى الكلية بوقفها سنه ناصر بخوف\ ليش حبيبي شلي صاير ؟ منار و هي تطلع له جهاز اختبار الحمل المنزلي من شنطتها بعد ما اقنعتها ساره تستخدمه و طلبته من الصيدلية لها .. قلبه في يديه مستغرب و ما هو عارف شو هذا ناصر\ شو هذا ؟ منار\ جهاز اختبار الحمل ناصر ابتسم بفرح و قلة استيعاب\ انتي حامل ؟ منار\ ايه ناصر و كان يقولها بتعجب\ و عرفتي من هذا ؟ منار بضحكة\ ايه قام من مكانه و اخذ عباتها ناصر\ قومي يالله بنروح المستشفى لازم تسوين تحليل.......... ********************* | ||||||||
|
| |
|
29-12-20, 06:00 AM
| #48 | ||||||||
| مراقبة عامة ومشرفة منتدى الروايات المنقولة
| الجزء السابع و الاربعون الخميس الخبر الساعة الـ 05:15 مساء كانت جالسة في الصالة تنتظره بعد ما طلع نواف يجيبه من المطار سمعت الجرس و استغربت من الي جايهم الان سعود معه مفتاح قامت تفتحه قبل هيلي الي كانت مشغوله في المطبخ وصلت للباب و كانت تهمس من ورى الباب مين؟ لكن ما كان احد يرد فكرة ان محد يسمعها فـ فتحت شوي في الباب تشوف للوهله الاولى كذبت عيونها و ما استوعبت (هذي منال معقول و الا وحده تشبهها ) فتحت الباب و هي ناسيه انه يفتح على الشارع و هي بدون شيله او أي شي يغطي شعرها صرخت بفرح و هي تحضنها و تبوس خدودها هند\ منال يا عمري دخل و سكر الباب وراه سعود\ ايوا الاحضان الان بس لمنال و سعود محد يعبره ؟ هند من فرحتها قامت و حضنته و باسته بشوق واضح و هي متناسيه وجود نواف معهم الي حب يخليهم براحتهم و ابتعد شوي متشاغل بجواله سعود وهو يحط يده على خده مكان بوسة هند\ وهـ دخت برجع المطار هند و هي تحضن منال\ خلاص مدام هالحلوة عندي ارجع سعود\ هذي عاد من شافتني الا تمشي معي لك هند\ زرت اهلي انت ؟ سعود\ و هذي تصير اروح جده و ما ازورهم هند\ امي و جدتي بخير ؟ سعود\ ايه ما عليهم هند\ ياليتهم جو معك كمان سعود\ تعرفين فهد لسى يختبر هند\ ايه صح زين يالله ندخل البيت يالله منال تعالي...... ************* الخبر الساعة الـ 05:30 مساء شافها جالسة لوحدها و بالها شارد بعيد قرب منها و مسك يدها يوسف\ وين وصلت سويرتي ؟ ارتعشت على لمسته ساره\ و لا مكان هنا يوسف\ علينى انتي من امس منتي طبيعيه ساره\ لا والله بس يمكن مرهقه شوي يوسف\ قومي طيب نروح المستشفى ساره\ لا ما يحتاج مستشفى يوسف\ طيب نطلع نغير جو ساره\ مالي نفس يوسف يوسف\ طيب قولي لي من مضايقك ؟ ساره\ محد يوسف\ اجل وش فيك ؟ ساره\ يوسف احنا من تزوجنا لنا اربع شهور يوسف و كانه فهم عليها\ ايه واذا ؟ ساره\ انه انا لسى ما حملت يوسف\ الي يسمعك بيقول لنا اربع سنين مو اربع شهور في ناس ما تحمل وربي ما كتب له الذرية من سنين و عايشين حياتهم وانتي من اربع شهور و بديتي تشيلين هم وربي ما عندك سالفه شوفي اخواتي اكبر مثال عندك تزوجوا قبلنا و لسى ما حملت و لا وحده فيهم ساره\ لا ما شاء الله منار حامل يوسف\ مناروه الدبى حامل و الله ما اني مصدق الكتكوته ذيك بتصير ام ساره\ لا تسمعك تزعل يوسف\ زين شوفي امل اتزوجة من قبل منار و ما اظن انها سوت الي تسوينه الان ساره\ يمكن يوسف\ لا اكيد ساره\ بس انت تبي علي ؟ يوسف\ يا عمري يا حياتي علي اذا ربي كاتبه لنا بنشوفه بس والله بدري يا ساره بدري على تفكيرك هذا بخصوص الحمل خلينى نعيش حياتنا و متى ما جو العيال جو........ *************** جده الساعة الـ 06:15 مساء دخل البيت و هو مبتسم اخيرا امنيته بدت تتحقق و يشوفه في حال افضل هو متاكد انها مهي سهله لا عليه و لا عليهم لكن استجابته كانت احسن مما توقعوا فهد\ السلام عليكم ام محمد\ و عليكم السلام يمه راح الرجال ؟ فهد\ ايه راح جدتي بس ............نام ام محمد\ ليش يمه نائم الحين في شي يوجعه ؟ فهد\ لا جدتي بخير بس خليه يرتاح شوي لين العشاء ام نواف\ ايه خالتي هو افضل يوم ينام بعد..... يريح جسمه ام محمد\ اجل بروح اجلس عنده يمكن يصحى و انه يبغي شي فهد\ يا جدتي خليه و الله ما عليه الا كل خير حتى الـ........ طمني اليوم انها بس كم جلسة و خلاص يصير مثل اول و احسن ام محمد\ الحمد لله الي عشت لين اشوفه بينكم فهد\ الله يطول بعمرك يالله انا بروح اذاكر شوي ادعولي...... ************* جده الساعة الـ 06:30 مساء مهي عارفه كيف تبدا معها هي سمعت كلام و مهي متاكدة من صحته و تخاف تكون امها ما تعرف شي و تسبب لها قلق ام فارس\ يمه انتي تتصلين على اهل هند تسالين عنهم ؟ ام سعود\ ايه يمه ليش تسالين ؟ ام فارس\ مدري يمه سمعت كلام و قلت يمكن سمعتيه ام سعود\ وش سامعه و من منّ ؟ ام فارس\ يمه الناس كلهم صاروا يتكلمون حتى الجرايد عن الي سوته زوجة ابوها ام سعود\ الله يحسن خاتمتنى يا بنتي هذي نهاية اعمالها ام فارس\ يعني انتي تعرفين يمه ؟ ام سعود\ ايه يمه بس الشماته مهي زينه ام فارس\ و هند ما تدري صح ؟ ام سعود\ لا يمه و لا يبونها تدري قبل تولد حتى اخوك مخبي عنها ام فارس\ لا حول و لا قوة الا بالله بس الان لو عرفت يمكن ترتاح لانهم ارتاحوا من شرها و ما اظن بتطلع من السجن استغفر الله حيه ام سعود\ بس يمه بتقلق على اهلها هنا و وضع ابوها خليها لين تولد و يصير خير ام فارس\ زين بس بعرف هي ليش سوت كذا و هو عندها زي الخاتم باصبعها لا يطلع و لا يسال عنهم ؟ ام سعود\ يمه كله لجل البيت الي ساكنينه اهل هند في كلام انه بيجي طريق للحكومه على الحي و بتعوض سكانه فلوس و هي عابده الريال ما خلت طريقة الا تبي بيتهم المساكين ام فارس\ هو باسم من ؟ ام سعود\ هو كان باسم ابوهم و يوم تزوجة هند زواجها الاول اخذة الاوراق حقة الملكية من ابوها شرط انها تتزوج من الرجال الي جابته لها نورة ام فارس\ و نورة ما كانت تدري انه اعطاها الاوراق ؟ ام سعود\ لا يمه يوم عرفت انجنت ما خلت رشوة الا دفعتها لجل تتزور لها نفس الاوراق بدون فائدة ام فارس\ حسبي الله و نعم الوكيل تقوم تحاول تقتل زوجها لجل تورث منه كم الف ام سعود\ الله لا يبلانا يمه بس الحمد لله ان ابوهم ربك كتب له عمر ثاني ام فارس\ أي والله الله يعوضهم يوم فكهم من شرها..... ********** الخبر الساعة الـ 09:40 مساء دخلت عليه الغرفه و هو متمدد على السرير باين في ملامحه التعب و كان له فترة ما نام لكن الي صار يعمله معها معاد ينطاق ليش يكذب عليها ليش؟؟ هند\ سعود انا ما قدرت اتكلم عند منال لاني ما ابيها تحس بشي سعود\ شي زي ايش قصدك ؟ هند\ يعني تظن انها سهله عليه بصدقها انها بس لمجرد زرتهم قالت بتروح معك و خلاص طيب و امي كيف وافقت بسهوله كيف حصلت لها طيارة معك بنفس الرحله ؟ سعود\ شكل ضايقك اني جبتها هند\ انت ليش تكذب عليه ؟ سعود\ هند تعوذي من ابليس و خلي هالليلة تعدي على خير اخوانك تحت ماله داعي يسمعون صراخانا هند\ اجل ماله داعي تصارخ و قولي بهدوء انت من يوم ايش في جده ؟ سعود\ امس والله امس هند\ و في يوم واحد قدرت تحجز لمنال ؟ سعود\ نصيب طيب حصلت حجز وش اسوي اقولهم لا استنوا استشير زوجتي تبي اختها و الا لا ؟ هند\ سبحان الله و الحجز هذا ما يطلع لي لو مره كل ما قلت ابي جده قلت ما في طيارة ؟ سعود\ اللهم طولك يا روح وين احجز لك وانتي كل اسبوع صحتك اردى من الي قبله هند\ بس هالحين انا بخير سعود\ و المطلوب ؟ هند\ نواف يخلص الخميس اختباراته و بينزل جده احجز لي من بكره معه لجل ما تقول ما في مقاعد سعود\ ولين متى ان شاء الله ؟ هند بتحدي\ لين اولد سعود\ ما في ولادة الا هنا و مع دكتورتك الي تعرف حالتك فاهمه هند\ لا مو فاهمه و بروح جده يعني بروح سعود وهو ياخذ المخده و بيطلع\ زين روحي يالله ماتبين تسمعين كلمتي روحي الطريق معك حد ماسكك هند\ وين رايح انت الحين كمان ؟ سعود\ بروح انام في الصالة في المجلس لو في السطح وش هامك كانت اقرب منه للباب هند\ ماله داعي خلك انت مرتاح انا اصلا بنام عند منال من غير شي..... ************ جده الساعة الـ 09:45 مساء كانت واقفه عند الباب و تطالع باب الملحق تفكر كيف كانت ايامها معه كلها سعاده و راحة و كيف تبدلت فجاه الي عذاب و قهر و دموع كانت تخفيها عن خالتها و عيالها وتحسسهم بالقوة صبرت كثير و كل تفكيرها الحين بتشوف نتاج صبرها و الا بيتعذبون هي و عيالها اكثر صحيح مصدر عذابهم بداء ياخذ جزاه في الدنيا قبل الاخرة لكن شبحه لسى تحسه حواليهم ما اختفى نزل من غرفته يبي يشرب مويه و شافها واقفه عند الباب الخارجي لوحدها فهد\ يمه ليش واقفه هنا ؟ ام نواف\ هذي اول ليلة تنام فيها منال بعيد عني مادري نامت متغطيه مرتاحه و الا لا ؟ فهد\ يمه منال عند هند وانتي عارفه انها امها الثانية يعني ليش تشيلين هم و تفكرين ام نواف\ انا خايفه عليهم يمه هذولا بنات مالهم احد يبي لهم الي يهتم فيهم و يحميهم فهد\ الله يهديك يمه كيف مالهم احد ما شاء الله هند ربي عوضها برجال و النعم فيه و منال لسى صغيرة و انا و نواف ماراح نقصر معها ام نواف\ بس هند ما هي مرتاحه قلبي يقولي هذي بنتي وانا اعرفها شايلة هم و ساكته فهد\ ادري بس لانها تفكر ان سعود ما يبيها تزورنا بكرة تعرف وش سوى سعود عشانها و تعذره ام نواف\ الله يعين فهد\ زين يالله يمه ادخلي و اتركي عنك النظر لباب الملحق و التحجج ببناتك بكرة بيرجع لك و قولي فهد قال ام نواف و هي تبتسم من تفكير هالولد\ صدق انك ما تستحي قم ادخل انت ذاكر وش منزلك من غرفتك فهد\ هههههههه صوت العصافير ازعجني وجيت ادورها وين...... ************ الخبر الساعة الـ 10:15 مساء يتقلب في فراشه من نص ساعة ما هو قادر ينام قسى عليها بكلامه و هو ما يقوى يزعلها بس فقد سيطرته على نفسه هالمره و هي معصبه اتعوذ من الشيطان وقام من فراشه بيروح لها قرب من الغرفه الي نامت فيها منال و قبل ما يفتح الباب تردد ورجع خطوتين ورى ( هي معصبه افضل حل اخليها ترتاح الليله بدل ما اكبرها بينا) نزل الدرج يبي يشم هواء في الحوش شوي يمكن يرتاح و يقدر ينام خطواته جرته للمجلس الخارجي وين ما كان نواف جالس على الارض و فاتح كتبه يذاكر لاختبار يوم السبت دخل عنده و رمى نفسه على الكنب بدون كلام نواف\ سلامات وش فيك مقلوب وجهك كذا ؟ سعود\ اختك نفسيتها زفت نواف بمزحه\ لا تكون طرده زوجيه بس سعود\ اصلا هي الي راحت تنام عند منال وانا ما جاني نوم نواف\ غريب العصر كانت زينه و مبسوطه سعود\ مسكت اعصابها لجل منال و انفجرت على موضوع الحجز الا تبيني احجز لها معك الخميس وانه كيف تحصل طيارة لمنال بسرعه وانا لا نواف\ تبي الصراحة انا ندمت انا مخبين عنها ياليت قلنا لها من اول سعود\ وين تقول لها انت الثاني حنا عرفنى الجمعه و انا السبت طلعت للعمل وانا حاجز على جده الخميس قلت اقول لها لارجعت لجل تروح تشوف ابوك و ترتاح انه بخير لكن اختك ما اعطتني فرصة يوم رجعت اغمى عليها على طول و طلعت حامل و هونة و شفت انت حملها كيف متعب نواف\ الاسبوع الي راح نزلوا القضية في الجرايد سعود\ و هند شافتها ؟ نواف\ لا رميت الجريدة قبل تقراها سعود\ وليش منزلينها ؟ نواف\ تعرف الجرايد بس تبي تنشر أي شي و بقسم الحوادث ( مواطنه تحاول قتل زوجها بسكين لتحصل على نصيبها من ورثه ) سعود\ كاتبين اسماء ؟ نواف\ لا رموز سعود و هو يوقف\ ما عليك فيهم ما عندهم سالفه ذاكر بس........ *************** | ||||||||
|
| |
|
29-12-20, 06:01 AM
| #49 | ||||||||
| مراقبة عامة ومشرفة منتدى الروايات المنقولة
| الجزء الثامن و الاربعون الجمعه الخبر الساعة الـ 09:30 صباحا نزل مع الدرج و هو يسمع اصواتهم و ضحك هند على سوالف منال طول الليل ما قدر ينام من خوفه عليها يصير لها او الي في بطنها شي اكثر من ثلاث مرات كان يدخل عليهم الغرفه يتحسسها بهدوء او يغطيها و يطلع سعود\ صباح الخير حاولت ما تبين قدام منال شي فردت عليه بشكل طبيعي هند\ صباح النور سعود\ هااه منوله نمتي زين امس ؟ منال\ ايوا نمت سعود\ اشوفكم صاحيات من بدري منال\ عشان نمنى من بدري هند\ اجهز لك الفطور سعود\ انتم افطرتوا ؟ منال\ انا افطرت بس هند ما خليتها تاكل هند ابتسمت لها و حركت يدها بمعنى لا تتكلمين سعود\ و ليش ما خليتي هند تاكل ؟ منال\ شوف كيف دبى مهي حلوه لازم ما اتاكل كثير عشان ترجع زي اول حلوه سعود طالع في هند و استوعب كلام منال فانفجر ضحك هي فعلا وزنها زائد بس بسبب الحمل و بما انه منال ما شافتها من اول حملها فهي تعتبر ان هذا مجرد وزن زائد على قولتها هند ما استحملت ضحكه عليها بهذه الطريقة و حست بالاحراج\ مبسوط تضحك هااه سعود\ هههههههه والله صدقة اختك كنتي احلا قبل كم ساعة خصوصا انا مانقوى زعلك هند فهمت عليه انه يقصد زعلهم امس\ ما تقوون بس تتعمدون سعود\ لا والله بس الوزن يخلي الواحد حساس شوي هند\ و السهر يخلي الواحد يلطش كلام ما يحسب معناه سعود\ هذا عيبي الوحيد حاولي تتقبلينه هند\ الوحيد طيب و ازعاج الناس النائمه مو عيب ثاني ؟ سعود\ منال تروحين معي نشتري فطور من برى ؟ منال بفرحه طفولية انها بتكتشف مدينه جديده عليها\ ايه اروح سعود\ طيب اطلعي البسي و تعالي يالله هي فاهمه انه بيصرفها شوي عنهم بس مو على هند\ تعالي اجهز لك ملابس بس منال خربت عليها قالتها و هي تطلع للغرفه\ انا اعرف لوحدي خلاص كبرت بسرعه قام من مكانه و مسكها قبل تشرد عنه سعود\ يا عني ما كنتي نائمه و تمثلين علي و لا رحمتيني طول الليل رايح جاي ؟ هند\ ما قلت لك لا تنام و اجلس رايح جاي كل شوي سعود بضحكة\ و الله طيب ليش انتي ما نمتي كمان و كانك جالسة تستنيني اجيك كل شوي هند\ انا ما استناك انت تصحيني بالباب سعود\ لسانك يكذب عيونك تقول انك ما تقدرين تنامين بعيد عني هند غمضت عيونها الي دوم تفضحها قدامه\ العيون ما تتكلم لا تحاول بعد عنها شوي و فتح لها يدينه و غمض عيونه سعود\ طيب العيون كمان تكذب نشوف قلبك و حضن سعود كمان يكذبون يعرف كيف يخليها تسامحه بسرعه و بدون جهد هند\ اووه منك ما اقدر عليك سعود و هو يبوسها على راسها\ و انا مقدر على زعلك..... ( تعال ننسى هـ الزعل بعناق ) *************** جده الساعة الـ 10:45 صباحا صحى من نومه و طلع عندها الصاله اليوم يحس بنشاط كبير و شوق لبكرة الي بيكون اخر يوم له في الجامعه و خلاص بيودعها و يبداء مشوار البحث عن وظيفة و حياة جديده بعيد عن مقاعد الدراسة فارس\ صبحك الله بالخير جدتي ام سعود\ صبحك الله بالرضى يمه فارس\ وين يأتي عنك ؟ ام سعود\ طلعت تنشر ملابس برى تبي فطور يمه .؟ فارس\ خليها لين ترجع و تحطه ام سعود\ صاحي من بدري اليوم العادة على اذان الجمعه و بالقوة فارس\ ههههههه خلاص الان كل شي بيتغير بعد ما اتخرج ام سعود\ الله يوفقك يمه بوظيفة و زوجه تريحك فارس\ ايوا هدي الدعاوي الي تسر الواحد على هالصبح ام سعود\ يا حبك لطاري العرس فارس\ بس المهم تحصلي لي عروس ابيها على ذوقك ام سعود\ كان بدور لك في الشرقية فارس\ خلاص معزمه تروحي ؟ ام سعود\ ان شاء الله يمه فارس\ اجل خليني اروح بكرة للمطار ادور لك حجز........ ************** الخبر الساعة الـ 10:50 صباحا جالس بالصاله يقراء الجريدة صار لازم يقراها صفحه صفحه لاجل يطمئن لو هند تبي تقراها بعده انها سليمة من أي شي ممكن يشككها فيهم سمعت جواله يرن وهو في الشاحن جمبها و هي تشوف افلام كرتون في التلفزيون سعود\ منوله هاتي الجوال حبيبي طلعته من الشاحن و بسرعه مدته له سعود\ شاطره حبيبي طالع الرقم و هو يبتسم سعود\ هلا بشباب كندا يوسف\ هلا بالناس القاطعه ما تسال سعود\ والله امس الي رجعت وين يمديني اسال يوسف\ حتى لو اتصال خمس ثواني بس سعود\ يكلف علي والله يوسف\ انت و وجهك بدل ما تقول تفداك سعود\ ههههههههه ما اعرف اجامل يوسف\ مالت بس على الي يسال عنك لو لا سيف ما دقيت سعود\ و كمان سيف قايل لك تدق يعني مو من نفسك يوسف\ هههههههه حشرنا الا تجينا مع اهلك الشاليهات اقوله امس الي رجع من ينبع اكيد يبي يرتاح خله في حاله و خلنى نفتك من وجهه راسه يابس سعود\ حبيب قلبي ابو شهد والله مالت بس على بعض ناس ما تعرف الاصول تطلع من وراي يوسف\ يا كثر هرجك يا اخي علي فاتورة ما سددتها اخلص علي و تعال في شاليهات الـ.......... بنتغداء هناك سعود\ افكر يوسف\ يا شين التغلي عليك سعود\ هههههههههه سكر بس لا تتبلاني بفاتورة جوالك وراي مصاريف ولي العهد..... ***************** جده الساعة الـ 11:20 صباحا رجعت من الملحق و هي تحمد ربها و تهلل وجهها ينور من الفرحه و يبشر بالخير ما كانت تبغى من الدنيا قبل تموت اكثر من الي تشوفه اليوم ام نواف\ خالتي اشوفك مستانسه ام محمد\ الحمد لله يمه الحمد لله ام نواف\ عسى خير فرحيني معك ؟ ام محمد\ محمد يمه اليوم سال عنك و عن عياله ام نواف\ الله يبشرك بالخير يا خالتي الحمد لله يعني صار احسن من اول هالحين ؟. ام محمد\ ايه يمه و قالي و ينها ام نواف ما اشوفها و العيال ما اشوف الا فهد ام نواف\وش قلتيله خالتي ؟ ام محمد و بعين دامعه\ قلت له الصدق يمه محمد زي الي رجع للحياة من جديد ما هو مصدق ان نواف كبر و دخل الجامعه و لا ان هند تزوجة و بتصير ام..... ************* الخبر الساعة الـ 11:35 صباحا اخذ سجادته و مفتاح السيارة و طلع من الغرفه يبي يلحق صلاة الجمعه في المسجد القريب من البيت لجل يرجع بدري و يروح لصحابه شافها طالعه من غرفة منال فحاول يستعجلها شوي سعود\ هنوده ارجع من المسجد احصلكم جاهزات لا تتاخرون هند\ ان شاء الله سعود\ ان شاء الله و واقفه روحي طيب البسي بتجلسين ساعة هند\ طيب خلاص روح انت صل و بتلقى كل شي جاهز سعود\ يالله تبين شي ؟ هند\ سلامتك نزل عنها سعود و هي دخلت الغرفه و وقفت قدام الكبت محتارة وش تلبس مع هالبطن هي متعوده على ام شهد لكن ساره ما شافتها الا مرتين بعد زواجها و حست ان هالانسانه كثير تهتم لاناقتها... ************* الخبر الساعة الـ 04:50 مساء دخلت عليهم و هي تركض و دور على هند الي كانت تلعب في الغرفه مع شهد ساره\ انتبهي حبيبتي لا تطيحين منال\ وينها هند ؟ طلعت على صوتها وهي مبتسمه هند\ انا هنا منال\ تعالي شوفي سعود طاح و رجله فيها دم هند ما استوعبت كلامها\ شو ؟ لكن منال تركتها وراحت تركض\ تعالي شوفيه برى رجعت هند الغرفه و اخذت جوالها و اتصلت فيه لكنه مايرد ام شهد\ هدي هند اكيد جرح بسيط ساره\ هم اصلا يلعبون كوره هند معاد صارت تشوف قدامها الا سعود يتالم وهي مو جنبه اخذة عباتها و لبستها\ بروح اشوفه برى مشت عنهم شوي لين وصلت الباب الخارجي لشاليه و دق جوالها هند\ حبيبي شلي صار لك ؟ سعود\ ههههههه اختك يبيلها عضه لجل تعقل ما فيني شي جرح بسيط هند\ وينك الان بشوفك ؟ سعود\ هنوده حبيبي والله جرح بسيط في رجلي حتى اقدر امشي عليه هند\ زين تقول تقدر تمشي عليه تعال عند الباب سعود\ هنوده هند\ خلاص اجل انا بجيك سعود\ زين خلاص انا اجيك انتي عند الباب الخارجي ؟ هند\ ايه..... ************* الخبر الساعة الـ 04:51 مساء بين كتبه و ملازمه الي مبعثرة في الغرفه قطع عليه صوت جواله طالعه و هو يبتسم نواف\ هلا والله بست الكل ام نواف\ هلا بالقاطع ما كان لك ام تسال عنها اذا ما دقيت ما تدق انت نواف\ ههههههه قولي بس من زعلك و جايه تحطين حرتك فيني و انتي عارفه ان جوالي مفصول و حايس مع ذا الاختبارات ؟ ام نواف\ ايه بدل السالفه نواف\ هدي انتي بس ام نواف\ وين اخواتك من الصبح ادق على البيت محد يرد ؟ نواف\ وانا اقول ليش داقه علي اليوم مرتين ما هو حب فيني والله الا لجل بناتك ام نواف\ طلع لي فهد الثاني نواف\ ههههههههههه ايه عاد فهد الان صاير دلوعك في البيت يالله لنا الله المهم يا ستي بناتك طالعين البحر من الظهر و ولدك يذاكر لان اختبار بكرة اصعب اختبار و يبي دعوه حلوه منك ام نواف\ الله يوفقك يا يمه و يسهل لك كل اختباراتك.......... ************** الخبر الساعة الـ 04:54 مساء شافته يمشي ناحيتها و واضح انه يسند نفسه على رجل وحده وهو يمشي و خطوته ثقيله و الالم واضح بوجه مشت نحوه خطوتين و حضنته هند\ توجعك صح ؟ سعود حب يدلع عليها شوي\ بس لمن حضنتيني خف الالم هند وهي تطالع رجله\ و تقول جرح بسيط و كل هذا الدم منك سعود\ لا هو وقف النزف بس هذا في الشاش شوي هند\ و انت ليش تلعب من دون البوت ؟ سعود\ لا انا نزلته و دخلت البحر و جتني الكورة و سددتها لسيف هههههه بس طلعت هدف هند\ هههههه هدف بس في رجلك سعود\ هههههه انا شت الكورة و الحجر مره وحده قولين هند\ ههههههههههه و من لف لك الجرح؟ سعود\ يوسف شايفه بس كيف مبهذل جلست هند عند رجله و فتحت له الشاش ورجعت لفته بشكل اكثر امان لجل ما ينفتح و يتلوث الجرح\ خلاص كذا تمام سعود\ الله يهديك يا هند هالحين كيف برجع عند الشباب هند\ وليش ما ترجع ؟ سعود\ بياخذوني طنازه لجل جيتك تشوفين جرحي هند\ بالله و من بيطنز سيف الي حرق جوال زوجته من كثر ما يتصل و المسكينه تتحجج انه يسال عن شهد لان حرارتها مرتفعه و الا يوسف و قصة عشقه الي تعرفها من اولها سعود\ هههههههههههه و احنا مالنا حق نعشق هند\ الظاهر الدم سحب العقل معه سعود\ لا الحضن سحب القلب ناحيته.......... ************ | ||||||||
|
| |
|
29-12-20, 06:02 AM
| #50 | ||||||||
| مراقبة عامة ومشرفة منتدى الروايات المنقولة
| الجزء التاسع و الاربعون الاربعاء الخبر الساعة الـ 11:15 صباحا تحس خلاص انه راسها راح ينفجر من صياحها الي صار كل يوم ما يوقف ما كانت كذا صياحه معها و متعوده عليها اكثر من امها وش الي غيرها اكيد البعد له دور هند\ ياربي منال بس خلاص ليش تصيحين ؟. منال\ ابي ارجع عند امي هند\ قلت لك طيب بس يخلص نواف اختبارات ارجعي معه منال\ هي جالسة لوحدها هند\ وانا كمان جالسه لوحدي منال\ انتي عندك سعود هند\ و هي عندها فهد و جدتي منال بصياح طفولي\ و الحين فهد يشيل غرفتي و العابي هند\ يا ماما فهد كبير و هو عنده غرفه منال\ ما ابي ابي ارجع للبيت هند\ طيب خلاص ترجعين الجمعه بس اسكتي الان...... ************ جده الساعة الـ 11:20 صباحا رتبت لها الشنطه و جهزتها هذي اول مره تسافر فيها امها و بس عشان خاطر هند من سنين و سعود يترجاها تترك جده و تجي الخبر عنده لكنها ترفض و انها ما تقدر تبعد عن جده و عن بيتها و الان هي من نفسها تبي تروح الخبر لجل تكون مع هند وقت ولادتها ام عزام\ يمه متى طيارتك ؟ ام سعود\ الجمعه يمه المغرب ام عزام\ سبحان الله اول سعود يترجاك تجين عنده والان من نفسك تروحين ام سعود\ هند تستاهل و البنت ما عندها حد الحين دامني اقدر خل اروح عندها ام عزام\ هي ابوها طلع من المستشفى ؟ ام سعود تفاجاة\ أي مستشفى .؟ ام عزام\ يمه لا تخبين ترى انا اعرف السالفه لا تخافين ما راح اقول لهند شي ام سعود\ يمه خليها لين تولد و سعود الي بيقولها بنفسه لا تدخلين بينهم و تخربين حياتهم ام عزام\ ما اني مدخله و لا شي خلاص انا مالي شغل في احد كافي ان بيتي بغى يخرب ام سعود\ الله يصلح لك يمه و الله يا ان هند بنت طيبه و عمرها ما ذكرتك الا بخير حتى يوم تزوج خالد و الله انها تكدرت من كدرك ام عزام\ ما تقصر عاد ما شافت مني خير ام سعود\ الايام جايه يمه بكره تجي جده و تصفى النفوس بينكم ام عزام\ الله كريم طيب انا جهزت لك كل شي شوفي بنفسك و لو شي ناقص خلي يأتي تحطه ام سعود\ ليش انتي وين رايحه .؟ ام عزام\ بروح البيت اجهز الغداء الان يرجعون العيال من المدرسه ام سعود\ ليش خالد ما يتغداء عندك اليوم ؟ ام عزام بانكسار واضح\ لا في بيته الثاني ام سعود\ اجل اتصلي في السواق يجيب لك العيال هنا و تغدوا معي....... **************** الخبر الساعة الـ 04:40 مساء جالسة على الدرج و رافضة أي نقاش او محاولة استلطاف خلاص هي معزمه تروح يعني تروح و كـ عقاب ما تبي تاكل و لا تشرب..جات وجلسة على الغداء بعد ما يسأت منها و بدت تتعب و معاد فيها تناقشها اكثر سعود\ وش فيها مظربه عن الاكل حتى ؟ هند\ دلع و الله معاد فيني استحمل عنادها سعود\ دلوعتك هذي عاد هند\ اول كان عندي نفس استحمل الان مره حدي حد نفسي سعود\ يالله ما بقى شي و ترتاحين هند\ شوف انت كلمها يمكن تسمع منك سعود و هو يرفع صوته لها\ منوله تعالي منال\ ما ابي سعود\ تعالي تغدي معنى ليش جالسة لوحدك حبيبي منال\ عشان انت و نواف و هند ما تحبوني و لا تبوني ارجع عند امي سعود\ من قال يا حبيبي احنا نحبك و انتي بترجعين لماما الجمعه مع نواف خلاص منال\ لا انتم بتحبون النونو اكثر مني سعود قام من مكانه ناحيتها و همس لهند\ افهمي انها حالة غيرة النونو بياخذ مكانها عندك..... *************** جده الساعة الـ 05:42 مساء سكرت السماعه من هند و تنهدت الظاهر منال ما هي مستحمله البعد عنها لكن يا ترى بتتقبل وجود ابوها معهم في البيت و هي تخاف ظله و الا لا ام محمد\ خير يا بنتي وشفيك ؟ ام نواف\ هذي هند تقول ان منال ما تبي تجلس عندها ام محمد\ و بيرجعونها ؟ ام نواف\ بترجع مع نواف يوم الجمعه قلت لكم ما بتجلس اكثر من اسبوع اعرفها انا ام محمد\ ما عليه لو حست بشي بنقول لها ام نواف\ بس يا خالتي هي تخاف من ابوها والله لو عرفت انه معنى بنفس البيت ما تنام الليل ام محمد\ لو قلنا لها يتعالج و بيصير زين و بتشوفني انا و فهد ندخل عنده ما بتخاف ام نواف\ مدري يا خالتي انا خائفه عليها ام محمد\ و كليها على الله و احمديه وين كان رجلك و وين صار بكرة بس يتعافى و يعوضكم عن الي راح..... ************** الخبر الساعة الـ 06:35 مساء طلعوا من الغرفه بعد ما رتبوها و جهزوها لام سعود كانت بخاطرها متضايقه بس ما حبت تبين له معناته يا هند خلاص و لا تفكرين تروحين لاهلك و امي الي بتبقى عندك لمن تولدين هالمره قررت تستسلم و ما تناقشه خلاص هي كلها الم وانا الي بحسها سوى هنا او عند امي نفس الشي هند\ هيلي روحي شوفي منال برى ايش تسوي ؟ هيلي\ اوكيه سعود\ كانت تلعب وانا جاي من المسجد هند\ بس تشوفها اخاف تطلع الشارع سعود و هو يمسك يدها\ طيب تعالي انتي اجلسي من اول واقفه هند\ ما راح تطلع انت اليوم ؟ سعود\ ما اظن سيف عند اهله الليله و يوسف نازل السوق يجهز لسفر هند\ خلاص معزم هو ؟ سعود\ أي ما شاء الله هذا حلمه من زمان اصلا هند\ وانت مالك نفس تكمل دراستك ؟ سعود\ ياليت والله انا لو اقول للمدير بكمل دراستي بكره يجيب لي الحجز و كل الاوراق بس مدري عن الظروف هند\ أي ظروف ؟ سعود\ يا عمري انا مو مثل يوسف ما شاء الله مرتاح ماوراه شي زوجته و اخذها معه و اخواته كل وحده ببيتها و امه في بيتها مع ابوه هند\ وانت بعد اخواتك مو صغار و كل وحده ببيتها سعود\ و امي نسيتيها ؟ هند\ ما اظن انها بتمنعك و هي مو قاصرها شي عندها بيت و اخواتك و عيالهم عندها سعود\ هي مو قايله لا لو انتي رحتي معي من زمان تقول اتزوج وروح لجل اكون مطمئنه عليك هند و كل تفكيرها عند اهلها كيف تسافر معه و هي مو مطمئنه عليهم و لا الدنيا شو بتسوي معهم \ يسرها ربك سعود\ و النعم بالله هند\ فيك حيل ننزل السوق ؟ سعود\ ليش شو ناقصك .؟ هند\ مو لي ناقص كم غرض للبيبي بس سعود\ ههههههه اجل خذي هيلي معك و انا اخذ منال للالعاب لجل ما تقلب السوق علينا هند\ الله يعين عليها بس.... ************** الخبر الساعة الـ 08:40 مساء لجله تحاول انها تكون طبيعيه و ما تبين انها تخفي دموعها عنه مهما كان فراق الاهل و الوطن صعب حتى لو كنت مع اغلى بشر عندك في الدنيا ساره\ تعبت خلنى نرجع البيت يوسف\ وش فيك انتي مقتصده ترى هناك برد بتموتين و ما اشوفك اخذتي شي ثقيل ساره\ اخذة جاكيت و كم بلوزة و لا تخاف هناك بننزل اسواقهم بضاعتهم احلا يوسف\ ان كيدهن عظيم يعني توفرين هنا و بتفقريني هناك ؟ ساره\ بذمتك مو استاهل ؟ يوسف\ ترى انا بروح ادرس جامعه و تعرفين هناك مختلطه يعني لا تخليني ادور لي مزيونه اصادقها و بعدين احبها ساره\ والله و يعني انا بقولك روح حب يوسف\ حسب تعاملك ساره\ كيف ؟ يوسف\ يعني يا قلبي انا طالب محتاج حد يوقف معي يسندني يذاكر لي يشجعني يدلعني مو يتركني و يروح السوق ساره\ بالله يوسف\ أي والله ساره\ طيب اجل ماله داعي اروح معك يوسف\ تقدرين ؟ ساره\ زي قلبك يومه يفكر من الان بزميلات الجامعه يوسف\ هههههههههه غياره ساره\ لا يوسف\ الا ونص يا دبى...... ********** الخبر الساعة الـ 09:50 مساء دخلت معها الغرفه و غطتها في السرير كانت تبي تتركها تنام بس فكرت ليش ما تحاول تحمسها لشوفة الجنين بدل الغيرة منه هند\ منوله أنتي مو نفسك لو عندك اخت تروح معك المدرسة ؟ منال\ بس ما عندنا حنا هند\ يمكن يصير عندنا منال\ يعني ماما بتجيب نونو كمان ؟ هند\ لا مو ماما انا منال\ يعني مو اختها لانها بنتك هند\ بس بتكونين خالتها و هي ما عندها اخوات خليك انتي اختها الكبيرة منال\ تلعب معي في العابي .؟ هند\ ايه و نشتري لها العاب جديده تلعبون فيها مع بعض منال\ هي بتجي صغيرة صح ؟ هند\ ايه ما تقدر تاكل و لا تلبس و لا تنام لوحدها لازم حد يسويلها كل شي لين تكبر منال\ زي فله انا البسها و اكلها و تنام معي هند\ ايه زي فلتك منال\ طيب و اذا كان ولد ؟ هند\ برضوا بيكون صغير ما يقدر يسوي شي منال\ ما يروح يلعب مع فهد و انا لا ؟ هند\ لا هو يبي يلعب مع الي يشوفه اصغر واحد في البيت و كمان مع الي يحبه منال\ خلاص انا بحبه بس خليه يلعب معي هند\ ابشري من عيوني يالله نامي انتي الحين...... ******************* الخبر الساعة الـ 10:05 مساء اتمددت جمبه على السرير بهدوء اليوم ما انام بعد ما رجع من الدوام على صحيته الفجر ما تبي تزعجه لكنه يبدو ما كان نائم و بس مجرد مغمض عيونه سعود\ نامت منال ؟ هند\ ايه و انت ليش لسى ما نمت ؟ سعود\ ما اعرف انام و هنودتي مب عندي هند\ تخاف الظلمة يعني ؟ سعود\ لا اخاف الوحش ياكلني هند\ ههههههه بس تكفى بكره لا ترعب ولدي بوحشك هذا سعود\ تخافين عليه من الوحش و انا لا ؟ هند حبت تغايضه شوي\ اكيد اخاف لانه حياتي و عمري و دنيتي كلها سعود\ والله هند\ أي والله و كمان ما ابي حياتي بدونه سعود\ هذا كله له ؟ هند\ و اكثر شوي سحب الفراش و غطى نفسه سعود\ النوم ابرك بس ابتسمت منه و من الغيرة الي تجيه لمن تذكر حبها للبيبي قربت و حضنته من فوق الفراش هند\ بس انت ما سالت هو منو ؟ سعود\......لا رد هند\ طيب انا بقوله حتى لو ما سالت هو س ع و د ي رفع الفراش عنه بانتصار سعود\ طيب احلمي تذوقين النوم الليله.... | ||||||||
|
| |
|
| أدوات الموضوع | |
| انواع عرض الموضوع | |
|
|
5Likes
.png)
العرض العادي
