25-07-22, 04:47 PM
| #10111 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  قلبي الصغير لا يحتمل بالنسبة لمزنة وشهاب أنفاسي عمري إنتي ذكرتي التالي: أنا ماقصدت يا بنات سيناريو مطلق لفكرة الزواج لو كانوا سيتزوجون، وحطوا خط تحت لو كانوا.. أنا بحط خط تحت لو ما فيها لو أنفاس مثل الإمبريالي والميكافيلية وصلنا مرحلة ما فيها لو أو إذا وحدة وصلت مرحلة العفوية مع محاميها لدرجة تقول له: "همست بذات الصدق الشفاف بصوتها المبحوح: كنت أتصبر وأتصبر لين كلمت دانة وقالت لي إنها حامل.. ما تحملت.. أنا كنت أصلا أنتظر دزة وأبكي.. دانة سقطت كم مرة.. وكل مرة تسقط كانت تجيها حالة اكتئاب شديدة.. وعمري ما بكيت قدامها.. ولا حتى ضعفت.. كنت اللي أشجعها.. لكن وراها وفي غرفتي اللي أكون مسكرتها بالمفتاح.. بكيت.. بكيت كثير.. كل مرة حملت فيها دانة .. كنت أكون معها في فرحتها.. وكنت أكون معها وهي تدفن فرحتها.. كان شيء بشع.. بشع.. ما ينوصف!! إحساسها بجنينها كان مخيف وكأنه حد انتزعه من بين إيديها.. كنت أموت من منظرها ومن حزنها.. بس عمري مابكيت قدامها.." ما أدري أنفاس يعني وش ذا الشفافية والعفوية، فالتقارب بينهم واضح جداً حتى هو ما أتصور قرب من امرأة لهذي الدرجة... فحروف لو وإذا ، لا صراحة ما فيها لو إذا واحتمال أصلا شهاب جلس مع مزنة في مكان واحد أكثر من ما تركي جلس مع الهنوف وهي عاقد عليها وأكثر من الإمبريالي والميكافيلية وهي رايحة لبيته ، وشهاب ومزنة كلامهم مع بعض فيه شفافية أكثر من المثالين سابقين الذكر... وتقارب شهاب لحظة حمايته لمزنة مع إني ذكرتها لك في مكان ما مشابهة لواقعة حدثت في الجزء الأول للرواية لكن شتان بين الأثنين واحد رزين والثاني صديع.... فالمقصود إن وصلنا مرحلة ما فيها لو يمكن واحتمال، بعد التقارب الوجداني اللي بينهم ليش أصلاً شهاب يتعب حالة ويدور بنت حلال ، وهو واضح من كلامه لما كان بزل ويقول لبيه لمزنة إنه يكن لها مشاعر مودة.... ومزنة ما في سبب يمنعها حسب الظاهر كا هي تكلمه بمنتهى الشفافية عن نفسي أشوفها أوفر شفافية موب بس شفافية إذا في شي أزيد من شفافية مثل الآية القرآنية بصره اليوم حديد يعني يخترق الحديد... أصلاً تصير مصاخة لو تزوج غيرها بعد اللي صار بينهم من قرب وكلام شفاف... طبعاً ما أقصد تقارب وكلام مذموم بس اللي صار في حدود ما يقتضي له الموقف وللضرورة أحكام... عاد انتي أكثر وحدة في العالم تحبين تقلبين الطاولة كل ما أذكر عبدالرحمن وعالية قاعد نقرا ومستانسين ومزهبة بدلتي تالي سويتي حركة سحبتي شرشف الطاولة وبدل ما تم الأغراض في محلها انسكبت علينها وبهدلتنا ، أتخيلك تقولين باللهجة السعودية في قالبك... بالكويتي نقول عليك واحد.... فلا تسوينها فينها قلبي الصغير لا يحتمل... | ||||
|
|
25-07-22, 05:21 PM
| #10112 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  عل وعسى القى حبيبي المغترب وأحني عليه وأضمه في صدري الرحب أميرة أنا طفارتي البنت المنقوزة ما خلصنا من يراعة ضي تجين انتي الثانية موب لايق عليك أبد بعدين وش ذا النفس الدنية تقول لك الجازي ما جربتي كفه وتكسير ضلوع تبينين لها عادي زين ما قلتي لها ضرب الحبيب زي أكل زبيب كان دست ببطنك عشان تعرفين شلون ضرب الحبيب عدل تاخذين فكرة عدل عن الضرب... المهم بأقول شي في مكان ما سألوا أنفاس عن بطل كومبارس اسمه فيصل اللي خطب اختك الجليلة كان تقول جاي له دور... وش رايك فيه ؟؟ ما باقي غيرك إنتي والجازي عن نفسي لو الجازي تاخذ فيصل أرحم من الصديع بس لأنه فيصل من طرفكم كود تركدين شوي ولا باكستاني و مساعد توهم صغار أنفاس ما تزوج صغار كله شباب ناضجين فوق 25 حتى 25 هالأيام يعتبرون بزارين سقف النضج وصل 27 - 28 أول أيامنا 20 رجال ينشد فيه الظهر ألحين رجال شايب يلعب بليستيشن أذكر ولد خالتي لما صار عمره 15 جمع ألعابه الشخصيات والأبطال والأجهزة وكل شي وحطهم في كرتون وعطاهم أخوه اللي أصغر منه ب 8 سنين وقاله بس أنا كبرت هذول لك.... فيصل ما خذينا عنه فكرة إلا إنه أرمل وعنده كأن طفل فما أتوقع شهاب يرضا أما الجازي أنا أبي لها نصيب زين موب أي أحد.... الله يعوضها خير الكريستال الكاتبة والأخت العزيزة الغالية في مكان ما قرأت تعليقك شدعوة يا حافظ ما ينولنا من طلتك البهية جانب تعليقك ناري منفلوطي خنفشاري... لو عندي كان نقلته خل القراء يستمتعون يتذوقون كلماتك العذبة حرامتنا منها شدعوة ما نستاهل ؟؟؟!!! عل وعسى تقرئي ندائي يا كرستالي التعديل الأخير تم بواسطة لامارا ; 25-07-22 الساعة 11:37 PM | ||||
|
|
|
25-07-22, 06:56 PM
| #10116 | |||||
 
|  اقتباس:
حرام عليج😂❤.. ترا صيته كلنا قهرتنا فالبداية بس يوم عرفنا أسبابها عذرناها اللي شافته مب سهل وللحين ما عدت صدمة وفاة صقر وقاعدة تعاني لليوم منها، والجازي نفس الشي انظلمت وانضربت لي انكسرت ضلوعها وبعده تعلقت 5 سنوات وفجاة تشوف نفسها مطلقة وهي حتى ماتزوجت فما تنلام ع الحزن اللي هي فيه، للحين ما ظهرت شخصيتها من باقي الجوانب. | |||||
|
|
|
25-07-22, 07:34 PM
| #10117 | ||||
| يعطيك العافية يا جميله فعلا احداث ومشاهد مزنه متعبه جدا للاعصاب ومع باقي التعليقات الي تاكد تعلقهم مستقبلا فما اتوقع يفكر شهاب في وحده ثانيه غير مزنه اميره ضربت تحت الحزام بالرغم من شخصيتها الخجوله اشوف لها لمحات تدل على ذكائها من جهه وعلى روح الدعابه والاجتماعيه من جهه اخرى انتباها الى حمل دانه يدل على سرعة البديهه عدها وحوارها مع الجازي بعد دخول خالد يدل على انها انفتحت شوي عن سابق اعتمادها على ختها وخوفها من الاقدام كلام خالد للجازي بياثر فيها واجد مو شوي وسواء سلم نفسه او حاول ودرت عنه الجازي يمكن تحاول تمنعه خصوصا اذا حست انه بيضيع للابد موضوع مزنه لو انحل قبل تهور خالد بيكون زين بس لو سلم نفسه بيعقد الامور اكثر مع اني استبعد تسليم نفسه لان هناك ما سوف يمنعه وحشتنا طلت الجليله في هذي الجزئيه الوحيد الي عنده مفتاح علاج صيته هو سند وهو الي بيطلعها واول ما تنتبه للعالم بيكون هو خيارها للامان هذي وحده ولو كانت حامل سبحان الله جت لحالها بتكون اقوى اسباب بقائهم مع بعض طرة عجبتني فهده بذكائها وسرعه التصرف عدها انا اتابع بصمت ما اعلق بس حبيت اعطي افكار لعل وعسى احصل نجمه 😁 مسائكم سعاده وطاعه وتوفيق ياجميلات وتسلم ايدك قمر 💕 | ||||
|
|
|
25-07-22, 11:11 PM
| #10120 | ||||
| مساك سعيد انفاس وجميع المتابعات..💜 مزنةوشهاب جدا مؤثر بوحها الحزين لشهاب وخوفها الشديد من السجن 🥺شهاب ومشاعره الجديدة تجاه مزنة اكيد ستتوج بالزواج ...مشاعر شهاب تجاه مزنة واضحة ومفهومة ولكن مشاعر مزنة مازالت لم تتضح فهل ستبادله مشاعره؟! خالد والجازي اتمنى ان بوح خالد مايأثر بالجازي وتتراجع عن موقفها المتشدد تجاهه ولكن الظاهر ان الحبكة تتجه نحو هذا الطريق...من انزعاج الجازي من كلام اميرة الى دخولها غرفته والتفتيش في اغراضه وانتهاءً ببوحه عن شهادة ولادته ووفاته !!! سند وصيته ياطول بالك ياسند وياصبرك... ماني قادره اتخيل كيف تتحمل الرجوع ومقابلة صيته بعد ماحدث بينكم في الشاليه..؟! ربما نحن نعذرها لانّا عرفنا اسبابها ولكن هو هل سيعذر ويتجاوز ام يبقى قرار الطلاق قائم ؟ ننتظر الخميس بشوق كوني بخير♡♡♡ | ||||
|
 |
| أدوات الموضوع | |
| انواع عرض الموضوع | |
|
|
66226Likes
العرض العادي
