17-08-21, 10:32 PM
| #821 | ||||||
 
|  اقتباس:
اقتباس:
مبرووك التميز تستاهلين والله دائما متميزة بردودك وتحليلاتك تواجدك حياة للرواية الله لا يحرمني منك يا المتميزة تحياتي | ||||||
|  |
|
17-08-21, 11:50 PM
| #822 | ||||
| اللهم أبعد عني المنافقين و ذو الوجهين ومن يظهر لي حبه وفي باطنه خبث اللهم ابعد عني كل حاسد و حاقد و منافق وقرب مني من يريد لي الخير يارب العالمين اللهم ابعد عنا كيد الكائدين وحقد الحاقدين وشر الحاسدين اللهم اكفني شر خلقك♥️. المتاهة الثامنة عشر - متاهة الراحة ، غـريـبة كــل حـلم يـمر بـرقادي تـزورينه والأغـرب كـيف أحلم الحلم، وأرجع وأحلمه بعدين؟ قـبل يـومين شفتك بـالمنام..وقمت مـن حـينه! ونـمت أمـس، ورجع نـفس المنام اللي قبل يومين ، في السيارة تحيطُ والدتها بيدها وملامحها يغزوها الفرح تركت حياتها القديمة خلفاً منها وستبدأ من اليوم حياةً جديدة ولأجل من ضحت بعمرها ستكون هي عمرها القادم وستظلُ نوره هي السائدةُ الحاكمة على قلبها.. وبعد مسير ساعةً كامله ها هم يصلون إلى المنطقة المقصودة منطقة الشيخ محمد لم تكُن كما توقعتها المهابة، بل كانت كباقي المناطق منذُ سمعت لقب الشيخ وهي تتوقع ان تكون الأرض مليئة بالحشد والحياة ستكون مُختلفة لكن خابت توقعتها سحبت ذراعها لتضعها في حُجرها وبصدمةً / وين بيت الشيخ من ها البيوت؟ السائق وهو يُؤشر بيده من خلال نافذة السيارة للقصر الذي يبعد قليلاً عن باقي المنازل / هذا هو قصر الشيخ محمد قصراً كبير تتجمع حولهُ عدة فللً متوسطة الحجم ويُحيط به سوراً مرتفع والخُضار من كل جانب يلفُ القصر بصدمةً وهي تهمس لوالدتها / قصر جدي أكبر؟ شلون يقولون الشيخ؟ لتضربها بخفه / يا خبله عمي متعب جامع شمل ال لاهوب كبيرهم يعني مثل محمد شيخ قبيلة يعني اسمه الشيخ متعب ال لاهوب بقهر / يعني مثول ووليد شيوخ؟ نوره بتأفف / لا طبعا بس شيخ قبيلة وهو كبيرهم وبكل شيء يرجعون له فيه بس حاله حال باقي الناس يفرق ان عنده خير لكن الشيوخ الصدق هم الامراء والملوك هم حاكمين الأرض المهابة بخيبة / بل كنت مخططة اخذ شيخ عشان اغيض مثول يا الله رفعت يدها وبصوتً مسموع / يا رب ارزقني بشيخ حقيقي او امير أصلي وليس رانقوه من حيث لا احتسب نغزت والدتها / قولي امين نوره بتأفف / زين زين امين استغرب السائق من الحديث ليردف / وين بالضبط انزلكم نوره بهدوء/ أبغي أماكن تأجير شقق او ملحق ، في منطقة الشيخ محمد وعند مسؤول التأجير تقف سعيدة مع صاحب التأجير في مكتبه تستفسر عن الأسعار وعن شروط التأجير وكيف لها أن تستأجر بطريقة قانونية سعيدة بصوت خافت / أبغي اعرف الأسعار وكم غرفة وكم صالة نجلاء بهدوء / فيه وظائف؟ سعيدة بصوت خافت / أبغي مكان صغير ملموم نجلاء بعجله / غرفه وصالة وحمام ومطبخ بس نظاف سعيدة تقرصها / بس اسكتي شوي اخرتها بيشوتنا نجلاء بصوتً خافت / يخسئ بخشم الريال ما فيه شيء بلاش صاحب التأجير / انا بوفر لكم الى تبغون ومكان نظيف واجاره سعره زين بس محتاج اوراقكم الرسمية يعني بطاقة اثبات سعيدة بتردد / يعني لو ما معنا ما نقدر نأجر؟ وبصوت باكي نجلاء / لو تعرف شلون وصلنا هنا كان حلفت ان نسكن عندك ببلاش المؤجر بنخوة / ليه وش العلم؟ اجهشت بالبكاء / ابوي انسان متعاطي وليل نهار طايح ضرب في امي وأضطرينا نطلع وسلمنا اوراقنا للمحامي يرفع عليه قضية ولين يطلع لنا الحكم راح نظل في منطقة الشيخ المؤجر بشهامة / ابشري اعتبري أنى اجرت عليكم نجلاء وهي تبكي ومستمرة في التمثيل / بس طلبتك وانت رجال قد كلمتك المؤجر / اطلبي عزك نجلاء بخبث / في وجهك لا أحد يعرف سالفة ابي لين نخلص امورنا لان لو عرف أحد ووصل له الخبر ما راح يصير لنا خير المؤجر بتأكيد / هنا حفرنا وهنا دفنا لم تتحرك، بل بقيت بمكانها وعينيها مفتوحةً على اتساعهما من كذب ابنتها وتأليفها لسيناريو؟ كيف لها ان تفكر في هذه الكذبة بهذه العجلة؟ بدأت تكتشف جوانب جديدة في ابنتها وكأنها لأول مرةً تعرفها. وقفت سيارة بي ام دبليو عند مكتب المؤجر لينزل منها شخصاً كبير بالسن ليدخل المكتب بو نواف / السلام عليكم اخبارك يا الرجال المؤجر / مرحبا بو نواف طيب نفداك ليبتسم وهو يُناظر سعيدة وبصوتً عالي / هذا اليد اليمين للشيخ وهو بيطلع لكم وظائف ويضبط وضعكم ان شاء الله نجلاء بحزن / مسكين الشيخ ما عنده يده؟ داست طرف قدمها سعيدة / انطمي ضحك بو نواف / لا انا معاون أقوم بإشغال الشيخ واوديه واجيبه نجلاء بدون وعي/ يعني مطراش كادت ان تفقد وعيها من فلتت لسان ابنتها لتردف / اسمح لنا يا أخوي تراها قليلة رابعه لتُؤشر نجلاء / أي والله انا وهي قليلات رابعه وعقولنا على قدنا سعيدة بأحراج / أخوي احن بناجر سكن بس محتاجة وظيفة عشان أكد على نفسي وعلى بنتي لتردف نجلاء / خير تكدين على شايفتني كبر الطوفة وجنوبي كبار وتبغين تكدين على أقولك دور لي أنا شغل أبغي أكد على امي ضحك بو نواف من مداعبة الفتاة التي يتضح انها طيبة القلب / والله حظك زين بس بعرف تعرفين تطبخين او تهتمين بالأطفال لتقاطعه نجلاء / امي طباخة رقم واحد وانا مربية أطفال معتمدة ستُشل بل قد يُصيبها أمراً ما بسبب ابنتها التي لا تتوقف عن الكذب ابتسم بو نواف ليردف / زوجتي بدرية هناك في القصر مشرفة بخليها ترتب لكم الأمور لتردف نجلاء بطنازه / والله حالتهم حاله هذا قصرهم وعندهم معاون ومشرفة وطباخة عجل لو شافوا قصر جدي وش بيسوون لتتدارك الوضع سعيدة / قصر جدك في الجنة ضحكت نجلاء / ايه صح بس متي نباشر شغلنا بو نواف / اليوم شوفوا مكانكم وارتاحوا وبكرا بإذن الله من النجمة اوديكم بنفسي عطوني فرصة اليوم أكلم الشيخ نجلاء بثقة / خلني انا بكلم الشيخ ومن الساعة بيوظفنا لتردف سعيدة برعب / لا لا انت كلمه هي لا تكلمه والله ان يطردنا ، في قصر متعب يقف أمام باب الصالة وعقلهُ لا يتوقف عن التفكير يحتاج الفرصة حتى يخبرهم بما حدث يحاول ان يُنظم تنفسه قبل أن يدخل فهو يعلم انهُ لن يجد الترحيب خاصةً من الكاسر بالموضوع شعر بقلبهُ يرتبك وهو يتخيل ردة فعلها بعد المفاجأة التي يعمل على تجهيزها منذُ الامس فتح باب الصالة ليطل عليهم ويتقدم بخطواتً ثابته يُشاهد الجميع متواجدً تقدم ليقبل راس جده ثم جدته فعمهُ فوالدتهُ .... جلس مُقابل عمه سطام وبصوتً عالي / عمي سطام توجهت الأنظار إليه خاصةً الكاسر الذي استغرب تصرف لاهوب سطام بحب/ امر يا ولدي وش عندك لاهوب بحزم / المهابة ما تطلع من بيتها الا بعرس يحكي عنه القاصي والداني وهديتها من أمس في المحل الكاسر باستغراب وهو يُوشر بيده / أي عرس؟ الوليد بهدوء / لاهوب أنت تخطب المهابة اللحين؟ الجدة بلهفه / صدق أبرك الساعات ولدنا وبنتنا ليردف لاهوب / المهابة زوجتي على سنة الله ورسوله ما عاد فيها خطبه فلاح بصدمة / شلون؟ ومتي؟ وبكيف من؟ الكاسر بغضب/ لحظة لحظة من ملكك؟ وكيف تملك بدون علمنا ليتحدث سطام / جوهرتي عطيتها لاهوب ما حد يستاهلها الا لاهوب ليردف الكاسر بسخرية / جوهرتك؟ والله شر البلية ما يضحك الجد بغضب / كاسر؟ فلاح بقهر / شلون ملكتها وما عندك توكيل؟ سطام/ طلبت التوكيل ووصلني وملكتها فلاح بقهر / باطل زواجها إذا مو برضاها الكاسر بتهديد واضح / والله ما يدخل عليها ولا يقربها الا إذا هي وافقت على الزواج وان رفضت والله ان يطلقها ورجله فوق راسه ليقف لاهوب بغضبً بسبب استنقاص الكاسر لهُ / والله ان تبطي ما طلقتها والله ان أعلقها ما أطلقها فلاح بغضب / والله إذا ما قبلت غصب عن خشمك تطلق لاهوب بصوت مزمجر/ نشوف يا عيال سطام الوليد بصدمة/ هدوء شبلاكم شبت بينكم وبعدين ما حد مثل لاهوب الكاسر بسخرية / كنه اياك دخلت الصالة غزل وبهدوء / صباح الخير يبه هذا جوالك تفضل التقط سطام هاتفهُ وهو ملتزم الصمت ليشاهد رسالة على سطح الهاتف فتح الرسالة لقراءتها بهدوء (عشت وأنا بنت فهيد وبموت وأنا بنت فهيد وأن خيروني بالأسماء يا غير فهيد والا جدي متعب ما يرتبط اسمي فيه اما انت ما أبغي اسمك خليته لك ولو تطول السماء ما عاد تطولني يا بو غزل ) رفع عيناهُ بصدمةً للمتواجدين وبصوت يكادُ يخرج / المهابة طقت وقف الكاسر / وش تقول تقدم لوالدهُ ليسحب الهاتف من يدهُ ويقرا المسج تركهم وهو مسرعا إلى سيارته يتبعهُ فلاح والوليد تبعهم لاهوب بسيارته يسابقون الوقت لا يعلمون انها أصبحت في الجهة الأخرى واستقرت وصل الكاسر بسرعة فائقة إلى المنزل نزل ليطرق الباب لكن لا رد بقي طويلا امام الباب ليردف لاهوب / انا بكسر الباب وسع ليدفع الباب دفعتين ثلاث لينفتح الباب لا وجود لاحد فقط هواتفهم متواجدة بأماكنها لا وجود لهم وكأن المنزل مهجور لا أثر لأحدً به ليردف الكاسر بغضب / وين قاعده الأخت تسحب وتروح بدون تعطيني علم والله ان تدري من أنا الوليد بسخرية / لا وين ما هو شورك خلها عند أمها فلاح بقهر/ ما هو وقتك ليردف لاهوب / خلونا نفكر بعقل وين راح تروح ليردف الوليد / اكيد لأبعد مكان لينطق لاهوب / ما توقع تروح بعيد هي بس تبغي تقهر عمي وصدقوني تراها قريب منا في المناطق الى حولنا لينطق الكاسر / والله ان تشوف بس القاءه إذا ما اطلع لها عقل الوليد بتأكيد / بس لا تغير رايك اذا لقيناها ليردف لاهوب بتهديد / ما حد تنمد يده عليها هي في ذمتي وانا مسؤول عنها وما حد له حق عليها الكاسر بغضب / إذا وافقت عليك امسك لاهوب بعضد الكاسر وباستفسار / فيك شيء على؟ نسبي ما يشرفك؟ شائف على الشينه؟ صمت الكاسر بإحراج ثم أردف / معرب الجدين يشرفني نسبك لاهوب بحزن / عجل اشفيك صائر توجعني بالكلام الكاسر تنهد بضيق ليبعد يده ويحتضنه وبصوت هادئ / مبروك الله يتمم لكم على خير رن هاتف فلاح ليلتقطه وبصوتً عالي / هلا غزل غزل بصوت باكي / بسرعه ابوي سطام تعبان افزعوا لنا اغلق الخط ليتكلم بصوتً عالي / بسرعة ابوي تعب وطاح ، في قصر الشيخ محمد بن سلطان يتقدم الشيخ محمد كبير العائلة والذي تغزو التجاعيد ملامحه والشعر الأبيض يكسو لحيته بشكلً كامل ممسكاً بعصى باهظة الثمن ليجلس بكل هيبه في قلب المجلس بجانب ابنه سلطان .. حارب أمام المرأة يعمل على تضبيط شماغه ثم التقط العطر وهو يرى زوجته ( مي ) تقف خلفه وبصوت هادئ / صباح الخير يا قلبي مي بدلع / صباحك أجمل يا قلب مي اردفت / أشرائك نطلع اليوم لفندق نعيش ليلة خاصة غمز لها حارب / يوم ثاني مي بتأفف / ليه بعد وش عندك ابتسم حارب / بروح انا وسلطان نجتمع مع عيال ال لاهوب مي باستغراب / ليه؟ حارب يضحك وهو يُؤشر بيده / لا تخافين ما فيها عرس؟ لوت شفتيها بدلع / عجل وش؟ حارب يغمز لها / خذينا مناقصه كانت بترسى عليهم بنجيهم نضبط الأوضاع خاصة ان الوليد ولاهوب كانوا معي وقت الدراسة مي وهي تؤشر بأصبعها / ايه بس لا تفكر تتزوج على والله بموت امسك اصبعها ليقبلها / ليه وش الطارئ مي بتوتر / ما دري بس عمي متزوج ثنتين واخوك سلطان متزوج ثنتين باقي انت ونايف حارب يبتسم/ وحده وتكفين عن الباقين شدت على شفتيها السفلية من الاحراج، ليخرج ويتركها لتهمس في داخلها / الله يحفظك لي يا اغلي ناسي وصل حارب للمجلس وبصوت عالي / صبحكم الله بالخير يا تاج راسي انحنى ليقبل راس والده ثم أخاه سلطان الاب محمد / صبحك الله بالسرور ما بغيت تنزل حارب يبتسم / نتعسل شوي ضحك سلطان وهو يلتقط فنجانه / الا بو نواف وينه ما بين اليوم الاب محمد / انا مطرشه يدور لنا طباخ او طباخه وابغي مربية للبزران سلطان يهز راسه بالإيجاب / أي والله محتاجين وحده تهتم في البزران اذا طلعوا النسوان مكان خاصة سلمان الاب محمد / تراه رجال ١٢ سنة مفروض انه معنا سلطان بتعب / والله عجزت فيه يبغي يرسم ويبغي يلعب كوره حارب بهدوء / والله ما له داعي مفروض كل وحده تهتم في عيالها ويتركون عنهم المظاهر الى ما منها فايده الاب محمد / هذي الى تقوي علاقاتنا مع الناس نوجبهم من طرفنا ومن طرف نسوانا دخل بو نواف / صبحكم الله بالخير الاب محمد / مرحبا ومسهلا حيا الله الرجال تقدم بو نواف ليقبل راس الاب محمد ثم القى السلام على الباقين الاب محمد / ها بشر لقيت الى وصيتك عليه بو نواف / ابشرك لقيت طباخه معها بنتها مربية أطفال يعني الحمد الله توفقنا فيهم سلطان بعجله / زين افزع لنا وجيبهم بو نواف / من بكرا من الصبح عندكم بإذن الله الاب محمد / ان شاء الله بس قول لها بكرا أبغي تسوى ريوق بجرب شغلها ، في ملحق سعيدة ونجلاء سعيدة بتعب / يا بنت خلصتي صفطتي ملابسك نجلاء بسخرية / والله من كثرها الا أربع بدلات وعباءتين تقول ارحميني واعتقيني سعيدة بغضب / قولي الحمد الله على نعمة الصحة نجلاء / الحمد الله سعيدة بحب / اسمعي نأخذ من الفلوس ونروح العصر نشتري ملابس وعبايات جديدة واخذي كل شيء خاطرك فيه نجلاء بسعادة / صدق يمه كل شيء كل شيء سعيدة بضحك / صدق يا عيون أمك نجلاء وهي تصفق / أبغي عبايات وابغي اساور وابغي مكياج سعيدة بضحك / ابشري نتغدى ونرتاح ونطلع العصر نجلاء بتأكيد / اهم شيء ما نبغي نلعب في الفلوس كلها نخلي للزمن يمكن ما يجوز لنا القصر نروح مكان ثاني نصير مثل ابن بطوطة ههههه ، ، في المستشفى يخرج الكاسر مرافقاً للطبيب وهو يتحدث معه عن حالة والدهُ وبصوتً باكي الجدة / ولدي يا كاسر وش فيه تنهد الكاسر / جلطة بس سيطرنا عليها والحمد الله عدت على خير غزل ببكاء / ابوي ابوي حاوطها فلاح / هدئ ان شاء الله بخير ثم أردف لا أحد يقول لأمي خل الوليد يمهد لها الوليد بعيون باكيه / الله يسامحها الله يسامحها الكاسر وعينيه تحبس الدموع / شغلها عندي بتعرف ان الله حق في الجهة الأخرى مد يدهُ وهو يلتقط هاتفهُ ليتصل لمحل الورد وبصوت هادئ / ممكن تأجل الهدية باسم المهابة أغلق الخط هو يعلم أن المهابة ليست كباقي الفتيات فقط يحتاج أن يسمع صوتها يحتاج إلى التحدث معها يا حزن قلبه كل ما ظن أنه حاصل لم يحصل يا ظنونه التي خابت تنفس بعمق وهو يغادر بعد أن تطمئن على حال عمه سيبدأ رحلة البحث عمن أخذت قلبه وكأن قلبهُ أخذ عهداً لن يُحب غيرها مع علمه الأكيد أن المهابة لم تبادلهُ الشعور نفسه ابدا .. ، ، في قصر متعب لم تستطيع تمالك نفسها بكت بكاءً يؤثر على قلب كل من يراها ها هي اليوم وحيدةً بالفعل لا أم ، لا أخت ، غطت ملامحها بيدها وهي تجهشُ بالبُكاء بينما مناري تحاول جاهده احتوائها وأخذ ما بخطرها تقرأ عليها كل ما تحفظهُ من القران لعلها تهدأ ، لا تعلم ما الذي تستطيع فعلهُ لها لتهدأ ضاعت الكلمات منها لا تجدُ ما تواسيه بها ... وبصوتً متقطع / ليتهم خذوني معهم لتستمر في البكاء.. صباح يوم جديد في الملحق الصغير الذي يحتوي غرفة وصاله ومطبخ وحمام تقف نجلاء أمام المرآه تستعد للبس رات والدتها التي تضع سفرة الإفطار وتعمل على ترتيبها وبصوت عالي / حيا الله سليلة الأصل سعد عين الى يفوز بك سعيدة بخجل / عيب يا بنت استحي نجلاء بثقة/ سمعي عندي نصيحة لك دائما ارفعي سقف توقعات للأعلى يعني انا بحط في بالي اخذ امير او ملك عشان اخذ شيخ فانتي سوي نفسي عشان تأخذين شيخ سعيدة وهي توشر لها / يا الله سمي عشان نمشي بروح اشوف وش الشغل نجلاء وهي ترفع يدها للأعلى / الله يرضاها حفيدة متعب ال لاهوب تشتغل مربية اخر عمري ادادي عيال فلان وعلان وضعت سعيدة يدها على راسها / يا ويلي ما حد فاضحني غيرك نجلاء تلتقط قطعة الخبز / لا وين بحط لساني بحلقي الساعة تشير الي السادسة والنصف خرجت سعيدة ونجلاء ليجدوا بو نواف يتنظرهم ومعه زوجته نزلت بدرية / مرحبا ومسهلا حياكم الله سعيدة بسعادة / والبقي نفداك بدرية تبتسم / شلونك نفداك طيبه سعيدة تهز راسها بالايجاب / الحمدالله كلنا بخير فديتك بدرية تبتسم / اللحين بنحرك للقصر الشيخ طالب تسوين له ريوق سعيدة / ابشري من عيوني نجلاء بقرف/ وورعانهم راقدين والا قايمين بدرية تبتسم / هذي بنتك لتردف / انا عندي ولدين نواف وسالم وبنت اسمها هدى سعيدة بحب/ الله يخليهم لكم بدرية تكمل/ نواف هنا وخاطب وعرسه بعد شهرين بإذن الله ويشتغل معاون مع سلطان وحارب اما سالم يدرس برا وهدى متزوجه وبديرة اهل زوجها بصوت عالي بو نواف / يا الله توكلنا على الله وصلوا إلى القصر توجت بدرية برفقة سعيدة ونجلاء الى المطبخ بدريه بحب / انا هنا مسؤوله عن الضيافة واستقبال الضيوف ومشرفة بشكل عام صمت بدرية وهي تُشاهد نجلاء / تصفق وتغني وكأنها بعالم اخر وتغني عزاه يا قلبي من الهم عزاه ... لتهمس لسعيدة / معليه اسمحي لي على ها الكلام بس بنتك فيها شيء يعني اعتذر بس كل شوي بحال سعيدة بضحك / هي كذا متقلبه ما تثبت على حال بدرية بتحذير / لا تكفين تري داخل ناس ملتزمين إذا كذا راح يطردونها ، الساعة الثامنة والنصف رن هاتف بدرية لتلتقطه وتجيب / ابشر ان شاء الله أغلقت الخط وبصوت محب / يا الله يا ام نجلاء الشيخ يبغي يشوفك ويتكلم معك نجلاء تبتسم / يا الله قدام سعيدة برعب / اقعدي لين ارجع نجلاء تخصرت / والله أنى معك من وين ما حليتي بدرية بتهدئته للأوضاع / معليه يا الله حياكم في الصالة مع الجدة وحريم الشيوخ نجلاء بصدمة / ليه كم شيخ عندكم وكم حرمة؟ بدرية تضحك / الشيخ محمد كبيرهم عنده ثنتين وحده ماتت وما عليها الا بنت وكبيره متزوجه ومع رجالها مسافره برا سفير ومرته الثانية الجدة صافيه ام سلطان عندها سلطان متزوج ثنتين وكل وحده في فيلا بس بتشوفينهم اغلب الوقت مع بعض ونايف متزوج بس عايش برا ماسك منصب وحارب ما عنده الا زوجة وحده مي ابتسمت نجلاء / وش كثرهم عيالهم الى بهتم فيهم واربيهم بدرية وهي ترتدي نقابها / سلطان عنده فارس ومحمد كبار يدرسون برا وعنده سلمان عمره يمكن ١٢ سنة وعنده موضي سبع سنين وسيف عمره أربع سنين، اما حارب عنده ورد ست سنوات ومحمد سنتين نجلاء بتأكيد / ها بس بشرط اوكي اربيهم على الصلاح والادب بس اغسل وأبدل وادادي لا وبدا بدرية تهز راسها / يا عمري انتي بس تشوفينهم تهتمين فيهم بس مساله التنظيف والتبديل عندهم خادمه خاصة لهم نجلاء بغرور/ كذا يبشرون عز الله لهم مستقبل باهر في الادب سعيدة بملامح غاضبه / زين يا الله عن كثرة الهذرة نجلاء بصوت عالي / يعني اللحين كلهم في المجلس خلطه بالطا مع بعض بدريه بعتب/ يا بنتي عيب هذي الألفاظ وبعدين الشيخ في المجلس مع زوجته وعياله ، تجاوزتها بدرية مغادرة لتلحقها سعيدة ونجلاء دخلت بدرية بصوت عالي / صبحكم الله با الخير جيت ومعي ام نجلاء وبنتها الشيخ محمد بصوت جهوري / حيا الله بنت العرب اشحالك يبه سعيدة بصوت واطئ / الحمد الله سلطان وهو منزل عيناه الأرض / ارفعي صوتك الله يرضي عليك ما نسمع لتردف نجلاء بصوت عالي / الحمد الله طيبين يسركم حالنا على ما تحبون ضحك الشيخ من أسلوب نجلاء وبصوت هادئ / تسلم يدك اليوم الريوق ما فيه كلام نجلاء باندفاع/ أي بلاه ما فيها شك هذه معربة الجدين ما تحط يدها في شيء الا ما فيه كلام سعيدة تكاد تفقد صوابها من تصرفات ابنتها لتنطق الجدة صافيه / أي يا بنتي انتي مربية عيالنا نجلاء بثقه/ أي بإذن الله اوعدكم ما تشوفون مني الا الصلاح الجدة تبتسم/ اهم شيء لا تخلينهم يطوفون الصلاة وحفظيهم القران نجلاء بضحك/ على كيفك اختاري وش تبغين اعلمهم وأنا حاضرة وضعت سعيدة يدها على راسها ستفضح امرهم لا يمكن لها الهدوء ليردف حارب بدون قصد / خدمتي قبل في بيت احد لتضرب عروق الغضب راس نجلاء لترد سعيدة / انا .. قاطعتها نجلاء / ما خدمت لان ابي يدفن فقركم يا عيال الشيخ صدمت سعيدة من رد نجلاء خلعت ستار الستر قبل البدء ليستفسر الجد / وش قصدك يا بنت من انتي بنت؟ لتتدارك الموضوع سعيدة / تقصد في الجنة بإذن الله نجلاء تُغادر المجلس وبصوت عالي / بنت معرب الجدين اسالوا عن سابع جد لي غادرت سعيدة تتبع ابنتها ليهمس الجد لسلطان / جيب لي علمهم البنت طليقة اللسان ما على من الحكي ما هم على قدهم حارب بإحراج / والله مو قصدي يتبع ، | ||||
|
| |
|
17-08-21, 11:51 PM
| #823 | ||||
| ، في المطبخ هي من أشارت وهي من خططت وها هي بغبائها المعتاد ستفضح أمرهم ستفقد صوابها تصرفاتها عشوائية تتحدث بطريقة تشكك من حولها في أصلها هم الان لا يبحثون الا عن الستر والابتعاد عن ال لاهوب وتلك الفتاة بغباءها وغرورها ستفضح الامر يا الله سعيدة تتأكد لا وجود لاحد وبصوت غاضب / خير صاحية انتي؟ نجلاء وهي تضرب صدرها بحرقة / حسبي الله عليه قهرني يقول خدمتي؟ سعيدة بقهر/الشغل ما عمره كان عيب نجلاء بحرقة/ ما قلت عيب بس كسر حلمي وهو للحين ما بدأ سعيدة بملل/ أقول ذلفي وشوفي شغلك يا الله حركي نجلاء تتنهد لتمسك راسها وتقبلها / اسفه اسفه يا قلب هبهب سعيدة بتأفف / لا تجيبين لنا مصيبة تذكري لو طحتي في يد ابوك او اخوانك والله ان يطحنونك نجلاء بغباء / ليه قهوة يطحنوني سعيدة بقلة حيله / خبله انتي يعني بيكسرونك بيضربونك واولهم الكاسر نجلاء بتأكيد / لا الكاسر يحبني سعيدة بطنازه / ايه يحبك بس فعلتك اللحين بتمسح حبك الى في قلبه انتي كذا حطيتي راسه في الأرض نجلاء بغباء أكبر / ليه راسه ورده احطها في الأرض سعيدة تحاول ضبط نفسها / سؤال انتي كذا خبله والا تسوقينها على ؟ عقدت حاجبيها بقلة استيعاب / لا وش الموضوع سعيدة بتعب / اه يا راسي اه أقول فارقي عني خليني أخلص شغلي لم تفهم ما الذي تقوله والدتها رفعت كتفيها بقلة حيله لتقف امام المرأة وهي تضبط نقابها لتدخل بدرية لتتسأل نجلاء / الورعان قاموا بدرية بتحذير / اسمهم الأطفال والشيخات قاموا بعد في الصالة نجلاء باستفسار / زين من أجملهم وفيهم وحده صاروخ او كلهم وجيهم مثل بدريه باستغراب / حمد الله والشكر صدق العقل نعمة ذهبت نجلاء وهي تتقافز لهم بينما سعيدة تنهدت بضيق وهي تدعي الرب الا تفضحها دخلت نجلاء لتشاهد ثلاثة نساء يجتمعن حول القهوة ابتسمت بخبث تحت النقاب وبصوت عالي / السلام عليكم يا هوانم ناظرتها مي (زوجة حارب ) / وعليكم السلام من انتي ؟ نجلاء وهي تدقق في ملامح زوجة حارب الجميلة / انا المربية بتاعت ولادكم نوف ( زوجة سلطان الثاني) / وش مربية؟ نجلاء بتمثيل/ انا بسم الله ما شاء الله كدا تيدري تقولي مربية الولاد عندكم قولوا لي عاوزين ازاي ابدا معاهم لتتحدث فاطمة ( زوجة سلطان الأول ) / هلا فيك يمه ابتسمت نجلاء فتلك السيدة تغطي ملامحها الطيبة عكس الاخريات/ اهلا فيك يا ستي ثم اردفت / امال فين الوولاد عاوزه اتعرف مي بتافف / عز الله كدينا خير انا قلت ابغي من هنا لترد فاطمة / تري معروفين المصرين شاطرين خليها تهتم في عيالك حتي في التدريس متميزين لترد نجلاء / اه يا ستي احن بتوع المدارس واي حاقة عوزاها اعملها ليكي مي بتفكير / اوكي عندي بنت ابغي تعلمينها الحروف نجلاء بطنازه / بس كدا قولي الحروف قولي قراه القران الكتابة الرايص كل حاقة أتت الجدة وهي تستند بيد حارب ليردف حارب / يا عرب لتتغطي فاطمة ونوف دخل مع جدته ليرى نجلاء وبصوتً منحرج / اسف اسمحي لي مو قصدي لترد نجلاء / ما حصلش حاقة يا فندم تركتهم وهي تغادر الى المطبخ باستغراب حارب يسال جدته / هي ما كانت تتكلم مثلنا شلون قلبت مصري؟ تستهبل علينا الجدة بشك / البنت ذي ما هي خاليه ، ، دخلت المطبخ وهي تضحك بصوتً عالي سعيدة باستفسار وش يضحك نجلاء وهي لا تكاد تقف من كثر الضحك / تخيلي دخلت عليهم اني مصرية واتكلم مصري معهم انصدموا هههههه وصدقوني وبكرا بتكلم معهم لبناني وبعدها انقليزي بس ما عرف واجد انقليزي سعيدة بقهر / حسبي الله على ابليسك من بنت انتي انطقي إنجليزي صح عقب روحي استهبلي تنزل من اعلي الدرج بدرية تلقي السلام وهي متوجهة الى المطبخ لتوقفها مي / ام نواف حبيبتي البنت الى تخدم مع أمها وش أصلهم؟ بدرية باستغراب / من هنا ليه؟ مي باستغراب / البنت مصرية تتكلم مصري بدرية بوهقه / ما دري بشوف الموضوع وبقولك دخلت بدرية للمطبخ وهي شبه غاضبه وبضبطه نفس / نجلاء وش سويتي داخل؟ نجلاء بقلة وعي/ ما سويت شيء ليه؟ بدرية بتحذير لسعيدة / إذا بنتك بتقعد تسوي كذا ترى راح ينقطع رزقكم من اول يوم نازله استهبال عادها ما قالت بسم الله نجلاء باستغراب / أي وش سويت بدرية بغضب / ليش حاطه نفسك مصريه ليه ما قلتي الصدق نجلاء بضحك/ بس هذا الموضوع عاد بكرا ناويه اكون لبنانيه بدرية بتحذير / بكيفكم بس اذا انطردتي ما عاد لي وجه ادور لك وظائف نجلاء بغرور / عاد والله والوظيفة حفيدة لأمل الشمل تشتغل مربية بدرية بصدمة / بنت من انتي؟ سعيدة وبغضب / قسم بالله لا عاد تسوين سوالفك هنا والله لاتصل للي انتي خابره صمتت نجلاء / ان شاء الله وبصوت عالي من خارج المطبخ/ يمه يمه ردت بدرية / هلا يمه تعال داخل دخل شاب طويل القامة وسيم الملامح وبصوت رجولي / صبحك الله با الخير يمه لتردف بدرية / هذا ولد نواف يا سعيدة صباح النور يمه سعيدة / هلا يمه شلونك نواف بأدب / طيب يا خالتي بدرية بهدوء/ هذي بنتها نجلاء نواف بإحراج / شلونك نجلاء نجلاء بطرف نفس / طيبه يا الله عن اذنكم بروح اشوف ورعانهم خرجت منهم هزت بدرية راسها بأسف وبصوت مسموع / سعيدة بنتك طبيعية اكيد سعيدة بقلة حيله / والله ما فيها شيء بس هي كذا كل شيء ضحك عندها وقفت سعيدة / عن اذنكم شوي خرجت وتركتهم نواف بصوت هادئ / يمه انا بطلع مع حارب وسلطان نقابل عيال ال لاهوب سحب يدها ليقبلها تبغين شيء نفداك بدرية بحب / سلامتك ربي يحفظك ، في مجلس الاب محمد سلطان وهو يتحدث عبر الهاتف / افا يا ذا العلم خارج من الشر وأهنئكم سلامته اربه بخير اللحين خلاص ابشر باذن الله فمان الله التفت سلطان ل والده / خلاص يبه ما احن برايحين للاهوب سطام مريض الاب محمد بفزع / افا وش العلم سلطان يتنهد / جلطة ولا عليك شكوا شر بس اللحين استقرت حالته حارب يهز راسه / لا حول ولا قوة الا با الله الاب محمد بتاكيد / ايه قوموا بواجبهم ولا تنسون عطونا المناقصة الى راحت حارب يبتسم / يبه المناقصتين الجايه لهم ثقلهم في السوق سلطان وهو يؤشر بيده / بس لا تنسي حوت السوق ووراءه لاهوب يأكل الحصى حارب يصغر عينيه/ يعني ما ندخلها الاب محمد وهو يضرب راس عصاه بيده اليمنى / مو معناته خلوا لك وحده بيخلون الباقي لك يا ولدي لا اكيد ما هو كل مره بيمشونها حارب بتساؤل / ليه سلطان ما تقدر عليهم سلطان يتنهد / مو مسالة ما قدر بس هم عيال السوق من عادهم حبحب يعرفون كل صغيرة وكبيرة والحوت يحتمي في لاهوب وكلهم ساند الثاني الاب محمد / انا سمعت عيال ال فهد بعد بيدخلون المناقصات سلطان بنصف ابتسامه / وش تفكر فيه يبه؟ الاب محمد / نطلبهم للسباق والى يفوز يأخذ المناقصة سلطان يضحك / عز الله خذوا المناقصات بالراحة حارب بقهر / ليه؟ انا بدخل السباق وبفوز بإذن الله سلطان بتاكيد / انشد من فلاح وتعرف من هو ... ، دخلت تتقافز من الباب الخلفي لتشاهد طفلتين جميلتين تقفان عند الباب نجلاء بعبط / وش ذا الزين تبارك الرحمن حلاوتين ورد ببراءة / انت من يا حلوه نجلاء بسعادة / يا ويل قلبي حلوه وانا متكممه لا ضروري اوديكم للغرفة واكشف تشوفوني ههههه عز الله بتطيح كروت الباقين موضي / ليه انتي حلوه بدون نقاب؟ نجلاء وهي تؤشر للأعلى / اطيح الطير من السماء أردفت موضي / انت وش تسوين هنا؟ نجلاء / انا مربيتكم مسؤوله عنكم ورد لوت شفتيها / ما أبغي نجلاء باستغراب / ليه يا قلبي يا عسل انتي موضي / كل المربيات يعصبون إذا ضحكنا إذا مشينا إذا كلينا وكل شوي يقولون انتوا بنات شيخ نجلاء / يوه ما عليكم ا ضحكوا وارقصوا بعد كل شيء تبونه أسوي لكم ورد بسعادة / صدق نرقص نجلاء/ وانا بجيب المسجل ونرقص لين تنفص عيونا عقدت موضي حاجبيها من صعوبة لهجة نجلاء دخلت نجلاء وهي تمسك بيد موضي وباليد الأخرى ورد لتجد الاب محمد مع زوجته ومع باقي نساء القصر وبصوت عالي / السلام عليكم وين أروح مع البزران؟ مي بصدمة / انتي نفس لهجتنا؟ نجلاء بغرور / ومعربة الجدين ضحكت الجدة / ومن انتي بنته نجلاء بنغزه مبطنه / الى ترك لكم اللقمة الاب محمد / من تقصدين؟ مي بغضب / مو قبل شوي تقولين مصرية وش شايفتنا بطورك عشان تمسخرين علينا نجلاء بضحك / هدي شوي حبيت أسوي جو معكم مي بأمر / ومن أنتي عشان تضحكين معنا أقول طلعي من القصر ما لك شغل بعيالنا شلي قشك واطلعي نجلاء بلعانه / انا اطلع من القصر بأمر الشيخ محمد بن سلطان ضحك الاب محمد / خليها يا مي كانت تضحك مي / والله لسانها طويل تكذب وتمدح نفسها نجلاء بلعانه / لا تخافين ما بحط عيني على رجلك الى جعله مأخذه واحد من رؤوس العرب الجدة صافيه / انتي متزوجة؟ سحبت الأطفال / عن اذنكم بروح للصالة المسكرة الى هناك أبغي اخذ راحتي تركتهم وغادرت فاطمة بصدمة / البنت تري مريضة ما على من الحكي انتبهوا على عيالكم عادي يكون عندها انفصام شخصية كل شوي بحال أتت بدرية بأمر الاب محمد وبسؤال / بدرية البنت فيها شيء؟ بدريه بتوتر / يا شيخ هي كذا مزوحيه وتحب تضحك التقط هاتفه وهو يتصل لرقم محفوظ عنده / هلا معك محمد بن سلطان بعطيك اسم وحده وبنتها أبغي اسم سابع جد لهم اسال الى مستأجرين عنده جيب لي علمهم انتظرك.. الجدة وهي تهمس للجد / غرورها بنفسها وراءه علم الجد بتاكيد / كل شيء بيوضح بس يجيني العلم ، في غرفة الأطفال يقف عند الباب وينظر لها باستهزاء سلمان باستهزاء / أقول يا خدامتنا وش مؤهلاتك نجلاء بمحاولة ضبط نفس / نفس مؤهلات أمك ابتسمت وهي تشاهد ملامحه تحولت للغضب وبصوت عالي / تخسين حدك خدامة نجلاء بإغاظة / ويمكن بكرا عمتك سلمان بتهديد / هين أوريك ذهب سلمان وهو يغلي غضبا بسبب كلامها الذي هزهُ فقد كانت تتحدث بكل ثقة وتأكيد دخل ليجد الجد ووالدهُ سلطان وبصوت عالي / يبه المربية الجديدة ما ابغيها عند البنات خل تنلقع مكان ما جات الجد بغضب / هذا الى قاصر تخيط وتبيط يا سويلم خلك بمعزلك ورسمك وخرابيطك تركهم وغادر وهو يغلي من الداخل بسبب تلك الفتاة وبسبب تهميشهم لموهبته الجميلة ، خلعت النقاب لتخلع الطرحة لتتفاجأ الفتاتين الصغيرتين من طول شعر نجلاء ورد ببراءة / الله شلون كذا شعرك طويل أبغي نفسه نجلاء بسخرية / قولي لامك كل يوم تسقيه وبيطول هههه موضي بحماس / حتى أنا بقول لأمي تسقيه ضحكت نجلاء على الفتاتين وبإكمال / بس يزرعونه قبل يسقونه يا الله نبدأ التدريبات انا بغني وانتوا ارقصوا لين أدبر لنا مسجل موضي تلوي فمها / بس عيب نرقص دائما يقولون احن بنات شيخ نجلاء ترفع كتفيها / انا بنت شيخ وارقص هههه موضي بصدمة / بنت شيخ ومربية؟ ورد بحماس / يا الله علميني الرقص بدأت نجلاء بالغناء وتعليم الفتاتين كيفية الرقص وقضت معهم وقتا ممتعاً ، صعد لاهوب سيارته وهو متوجها للمناطق القريبة منهم وأحد هذه المناطق منطقة الشيخ محمد بن سلطان لكنه سيحرص كل الحرص على الا يراه أحد ويعلم من هو ... وصل لاهوب بعد منطقتين إلى منطقة الشيخ محمد ليترجل وينحنى وهو ينزل من سيارته ليتوجه إلى المؤجر في مكتبه ألقى السلام ليجلس خلع نظارته ليتنهد ثم أردف بالسؤال / لو سمحت الشيخ عندي سؤال ومحتاج جواب منك بما أنك المكتب الوحيد للتأجير في المنطقة المؤجر / تفضل أخوي ابشر لاهوب بتردد / جاءتكم قبل يومين مرآة وبنتها واستأجروا هنا؟! ، اسرعت ورد تتقافز لترتمي في حضن والدها تحت نظر والدتها وجدها وجدتها وعمها سلطان وزوجاته لتتحدث بصوت مسموع ورد / بابا متي تزرع شعري أبغي شعري يصير طويل وكبير ضحك حارب على كلامها وبصوت محب / ما ينزرع يا قلب ابوك شهقت موضي / يعني نجلاء تكذب علينا عقد الجد حاجبيه باستغراب / ليه هي قالت لكم تزرعون شعركم؟ ورد ببراءة الطفولة وهي تقف وتشرح للجميع / لا جدي هي شالت الطرحة شعرها لين الأرض سألتها ليه طويل قالت تزرعه نهضت مي مسرعة وهي تسحب ابنتها / عن اذنكم بحممها وخرجت مسرعة بابنتها وهي تغلي من الغيرة سلطان بهدوء / خلاص موضي روح لغرفتك يا الله يبه موضي بحماس / زين يصير نزرع او لا سلطان بغضب / غرفتك انسحبت موضي والدموع تتجمع في محاجرها من غضب والدها الغير معروف سببه لديها .. أردف سلطان لنوف / قلنا مربية بس ما تهملين عيالك كذا مره وحده نوف بإحراج / ما دري.. قاطعها بغضب / مفروض عينك عليها تكذب على البزران بكرا يمكن تزرع فيهم ذا الطبع انتبهي عليها اذا سنعها كذا قبضيها الباب الجد بهدوء / كبرتوا الموضوع يمكن البزران احرجوها وسكتتهم بذا الرد سلطان وهو مرتبك وزاده ربكة شرح الطفلة / بس بدون كذب حارب ملتزم الصمت وفي نفس الوقت منصدم من وصف ابنته لشعر تلك الفتاة وما زاد الموضوع تعقيدا امنية سلطان كانت في الزواج من فتاة ذات شعرا طويل ولم يحظى بذلك ... ، خرجت من الحمام وهي تلف المنشفة حول جسدها النحيل بينما المنشفة الأخرى تغطي شعرها وقفت امام المرأه وبدأت بالغناء حبيبي ولا على باله شوقي اليه ولا شاغله بالي انادي عيله لتردف / تبارك الرحمن قمر والله قمر اجمل وحده في قصر محمد الله يحفظني من عيونهم واضح حسودين نوره وهي تضع صينية العشاء / يا الله يا الغثي تعالي ارتدت جلابيتها وعلى عجله ظهرت لها وبصوت بري / خير معصبه وش سويت؟ سعيدة بسخرية / لا حشى ما سويت شيء لأبدن بس بغيتي تنكبينا وبغيتي تفضحينا وتهلين علومنا ابدا ما صار شيء وقبل أن تمد يدها للطعام طرق الباب سعيدة بتأفف لتردف نجلاء/ خلك يمه انا بقوم اشوف من .. فتحت نجلاء الباب / ..... ، طـموحي بـس أجـي وأظـفر بـشي تـستحقينه تـديـنته، تـسـلفته،ةسرقته، مـو مـهم مـنين؟ كـأنّي مـن كـثر مـا أرضى بـكل الـلي تـمنينه لـو أنـك تـطلبين الله ..يـعنيني، بـقول آمـين لنغلق متاهة متاهة الراحة ونتجه إلى متاهة الحلم إلى الملتقي تحياتي سنابي / rraamad انستغرام / rrammad | ||||
|
| |
|
18-08-21, 12:38 AM
| #824 | ||||
| الذين يشاهدون محتوى الموضوع الآن : 71 ( الأعضاء 12 والزوار 59) Maha bint saad+, rayadeeb, سناشب, غصن ياسمين, عبق الرياحن, صووفيا, المشاغبة, منال سعييد, ترانيم الزمان, الغزال الأسمر, ABDELRAHMAN WAHEED, قرائه ممتعه للجميع … | ||||
|
| |
|
18-08-21, 01:42 AM
| #826 | ||||||
| مشرفة منتدى الروايات المنقولة 
| شكرا رمد هبهب بغت تجنني هههههه شوي ويجيني شك أنها عندها انفصام في الشخصية بدها تتورط وتكشف حالها و هي اللي خططت كل هذه الخطة ما أضن أنه لاهوب هو اللي دق الباب ما دخلت مزاجي أن هروبها سينتهي السرعة هذه | ||||||
|
| |
|
18-08-21, 02:23 AM
| #827 | ||||
| عضو موقوف
| صباح الخير يا هل الخير 🤍. كنت فاضيه واتصفح المنتدى ودايم اشوف اسم الروايه متصدر بس لأنشغالي ما افتحها واليوم بما إني فاضيه دخلتها بالصدفه . اسلوب كتابي جميل مشوق ويشد الانتباه وبجدارة . قرأت المتاهة الأولى .. بالرغم إني ما احب ان يكون للشخصيات الروايه تعريف عنهم الا ان تعريفك انتي غريب وحبيته حيييل كان ممتع ومشوق للقارئ . رغم التعريف بالشخصيات الا اني موقنه ان فيه اشياء خفية ما وضحتيها فيهم لغرض روائي اكيد. _ المهابة متأكدة بتكون شُعلة الروايه واضح شخصيه متفجره بالحياة رغم تكسير مجاديف الخاله نوره لها 😂. الشخصيات مشوقة نظرتي للحين ايجابية عليهم كلهم رغم ان فيها تحفظات شوي على سطام والوليد والجد 😅. بأذن الله اقرى بقية المتاهات واكون متواجدة معكم . دمتم بخير . | ||||
|
| |
|
18-08-21, 02:59 AM
| #828 | ||||
| عضو موقوف
| _ المتاهة الثانيه .. عادي اسحب كلامي عن قميزه على قوله عين السيح مثايل ؟ شخصية جداً جداً غربية والمعذرة لكن قلّة أدبها مستحيلة ذي ما في وجهها حيا ؟ ولو نقول ان هذا كله سببه الانتقام اللي مطلعته من كيسها لكن مو لهدرجة يختي اوفر وضعها زين من يحطها تحت يدي اسوي أعادة تدوير لها ، تنرفز معليش يعني 😭😭😂 ، تغث تغث ، يشفع لها شيء واحد الحين حُبها لنوه ولمثايل رغم انه غريب وحسها الكوميدي . _ مثايل يارب ما تطلع شخصية مغلوب على أمرها لان متعب الصغير واضح شخصية داهية وخبيثة أطالب قميزه تعطي كورسات لمثايل لان شكل مراح ينفع مع الوليد الا الاسلوب اللي زي اسلوب قيمزتنا . _ لا أرادي ربطت نوره بالعم سطام ! مدري ليش حسيت بينهم حُب قديم ما تكلل بالنجاح . _ ما زلت بالبداية الغموض يلف الرواية بشكل عجيب ! الانتقام اللي ازعجتنا فيه قميزه وهو اساساً مش موجود ابوها قاتل مش مقتول ! ذي مخها مركب مقلوب والا وش عجيبه ايضاً تعاملها والاريحيه مع جراح مراح ترجع لها بخير . صلة القرابة للحين فاكه مخي حبتين يبي افهمها . | ||||
|
| |
|
18-08-21, 05:07 AM
| #830 | |||||||||||
| نجم روايتي  
|  الذين يشاهدون محتوى الموضوع الآن : 37 ( الأعضاء 9 والزوار 28)  موضى و راكان, ward77, أم نسيم, حكايه نوره, ام احمد ورؤى, جوديلين, المشاغبة, ميسم1846, SH⚜ السلام عليكم ورحمة الله وبركاته مبدعة كاتبتنا العزيزة تسلمى يا جميلة | |||||||||||
|
| |
 |
| أدوات الموضوع | |
| انواع عرض الموضوع | |
|
|
35Likes
.png)
العرض العادي
