انا سعيدة أن رونق اكتشفت الرسالة ، عشان اللقاء المهين لها دا ميتكررش تاني ..
للأسف الإهانة والاشمئزاز ولو حتى بالنظرات من شريكة الحياة وكمان في شئ طبيعي بعد ظروف طبيعية زي الحمل والولادة بيكسر روح الانثى وبيضع حاجز بينها وبين زوجها فما بالك أنها تكتشف بعد كده خيانته ... معلش هي صفعة صعبة بس صفعة افاقة ، لازم رونق تفوق وتغير من أسلوب العطاء الغير محدود دا ودايما تحط نفسها من الاولويات .. مش عارفة هي هتعمل ايه هتواجهه ؟ ولا هتنتظر وتراقب وتشوف الأمور اتطورت لفين ؟ ، بس الاكيد شخصيتها مش شخصية واحدة تسامح وتعدي في حاجة زي كده ، وأعتقد أن علاء لو واجهته هيزيد الطين بله أنها مبقتش مهتمة بيه واتمنى أنه يعمل كده عشان تنفجر فيه وتحطه في حجمه الحقيقي وانفصل عنه ولسه لما يخسر رونق وسالي تديه صفعة عمره وتتركه بعدها زي ما تركها زمان .. ( يارب وضاح يعرف ويديله علقة محترمة 👿)
منتصر ولبنى وما صدقنا لبنى اتحركت خطوة في طريق التغيير ، تخوفينا وتقلقينا ليه بالظرف اللي وصله 🥺 .. ربنا يستر وميكنش حاجة تكشف حبها القديم لوضاح متمناش ابدا علاقته بوضاحح تتزعزع
ثريا القوية اللي قوتها اتهزت بسبب اللي حصلها وشعورها إن قوتها مش كفاية عشان محدش يتعرض لها وأنها محتاجة لقوة رجل يحميها .. شعور طبيعي أنها تهتز بس أنا واثقة أنها فترة مؤقته وخاصة أنها مستمرة في حياتها ومستمرة في دعم طالباتها بالرغم من وهنها وحالتها النفسية ❤️
منذر و جيداء عسل الرواية مشهدهم كان جميل اوي وخفيف 🥰 |