16-01-22, 12:02 PM
| #1 | ||||
 
|  الشرير في قصتي الشرير في قصتي... مُقتبسة من أحداث واقعية انا حلا بلشت قصتي بعد ما خلصت فترة الثانوية وكان مفروض ألتحق بجامعة ع طول إلا إني نتيجةً صراع مع عيلتي ع دراسة مهنة الطب من عدمو قررت اخذ موقف يستفز عيلتي وأجلت التعليم سنة وبلشت أشتغل.. كنت بهذيك الفترة مشروع كاتبة..كان عندي مسوّدة لروايتي الخاصة واجتماعياتي جداً كبيرة..عندي كتير اصدقاء منخرطين بالفن والثقافة والتصوير والكتابة بالاضافة للأصدقاء الاساسيين بحياتي وكنت إحد المنضمين لرابطة ( شباب اكاديمي ) عندنا بمدينتي..بتضم شباب وصبايا اكاديميين او مقبلين عالتعليم الاكاديمي من كل البلاد وكُنا غالبيتنا العُظمى اصدقاء هناك تعرفت ع كثير أشخاص ..من ضمنهم الشخصية الرئيسية اللي رح تكون بقصتي ( يمان ) كان شب أصغر مني بسنتين ..كان شب قمة بالجمال أقل ما يُقال عنو ( وسيم) أبيض، شعر أسود، غمازات وملامح أقل ما يُقال عنها متناسقة كلوحة فنّية..وأنا كنت شخصية أنيقة وبقدِّر الجمال الداخلي جداً والخارجي طبعاً لكن برغم هالشي ما كُنت أفكر ابداً تربطني أي علاقة شخصية بشخص أصغر مني..من ناحيتي كان هالشي مبدأ. أو قانون صارم عندي..برغم أي ظروف لذلك كنت أشوف هالشخص صديق لا أكثر مرقت فترة تعودنا نقعد بعد الشغل مع بعض بمقهى آدبي نقرأ، ناكل، نحكي ..ونتمشى مع بعض لعند محطة الباصات ..وكنا كمان بتواصل ع مواقع التواصل بس نكون بالبيت وبالعطل..صار هالشخص جداً مقرب. صرت أحياناً ألاحظ ضيقو من صداقاتي بشباب ثانيين لكن عزيت هالشي لقصة إنو صديقي المقرب وما حابب حد ياخذ الحيز تبعو بحياتي .. كان حياتي بجهة ثانية ..إجتهاد بالشغل ..اشتغل بكثير اشياء بهالسنة ..كُنت مترجمة، كنت سكرتيرة، كُنت أمينة صندوق وكُل هالشغلات ما اضافت لحياتي غير الخبرة ..الا اصدقاء أكثر ..ومعارف اكثر وبيوم من الأيام تعرفت ع شب كان مديري بالشغل وبعد علاقة عاصفة بيننا طبعاً لا تتعدى انو نحكي مع بعض ع مواقع التواصل ونشوف بعض صدفةً بالشغل ( بحكم الشغل) .. ارتبطنا بشكل جداً سريع ( ما كنت كثير متقبلة سرعة أرتباطنا ) وكان ثاني قوانيني بالحياة والعلااقات انو قبل جيل 25 ما رح أتزوج ولا أرتبط بحد..بس صار اللي ما حدا بيقدر يحكم فيه وحبيت هالشي بقوة وشغف خلتني أتنازل عن هالقانون ..بعد علاقة حب جداً قوية ما مرقت عليها شهرين يا دوب أنخبطنا وتزوجنا ..وكانت حياتنا كلها حُب..ما كان المنغص الوحيد بحياتنا إلا الغيرة وحُبّ التملك عند زوجي طبعاً زوجي كان يعرف عن حياتي السابقة كيف كانت إلا انو هو كان من فئة الاشخاص الحازمين ..( اللي نظرتهم بالحياة شوي قاسية وحادّه) ..بعد شهر من زواجنا سيطرت عليه الغيرة وصارت الحياة زي جهنم من ورا مواقع التواصل الاجتماعي وطلعاتي ...كبادرة حُسن نية ولأني حبيتو جداً قررت أطلع من مواقع التواصل الاجتماعي ..أخذ استراحة جداً طويلة منها ..علشان أعطي علاقتنا فرصة بدون مشاكل..مع إنو تحديداً موقع فيس بوك كان رابطي بروايتي وطريقة تواصلي الوحيدة مع المدققين ودور النشر بعد ما غيرت رقم تلفوني بعد الزواج( كمان كرمال زوجي) ..لكن مع مرور الوقت زوجي رفض اشتغل ورفض يكون عندي علاقات مع رجال ورفض أنشر روايتي وبالتالي أنشهر ..وكانت موافقتو الوحيدة انو ازا حابه اشتغل أنو ادرس معلمة او شي بسيط عكس طموحاتي بالطب والسياحة والترجمة اللي كان عندي كل الوسائل أحققها.. دخلت بحالة يأس شديدة ..صارت علاقتي فيه غريبة ..برغم الحب والشغف اللي كان بيننا صار في برود بجزء من العلاقة ..لإني حسيت حالي لأول مرة بحياتي مسلوبة الأرادة ..ومضطهدة ..وكانت عندي أسبابي المقنعة انو أستمر بهالزواج واللي أهمها إني بحبو كثيير وكان عندي آمل يمرق هالوقت وكل شي يتغير .. وهيك مرت بحياتي معاه كذا سنه حب وبرود وانطواء من ناحيتي ..كان طلعاتي محدودة لانو ما كان عندي حدا عدا اهلي وكم صاحبة ضليت بتواصل معهن وكان عزائي الوحيد القراءة والكتابة والدراسة .. كانوا الاولاد ومشروع تكوين أسرة مؤجل برغم أصرار زوجي الدائم ..إلا اني ما كنت حابة أورط اولاد بعلاقتنا المش مفهومة لحد ما حسيت بيوم انو ما رح شي يتغير وقررت أرجع أفتح حسابي عالفيس بوك وأتابع كتابة روايتي واتواصل مع دار نشر لنشرها لاحقاً..(طبعاً زوجي عرف وما أعترض ، لإنو شافني بوقتها مكتئبة وما عاد فرق معي شي) اول ما فتحت حسابي كان في كثير رسائل اطمئنان وعتاب وغضب بصندوق الرسائل ..في منها رسائل بترجع ل 4 سنين ورا لبعد ما تزوجت بأيام ..وفي منها جديدة ..) قررت ما أرد على ولا رسالة بالنهاية علاقتي بهالاشخاص ما رح تكون صحيحة بعد 4 سنين ..براهن انو كُلنا الزمن غيرنا والعلاقات غيرتنا.. لكن بهدف متابعتي كُنت اتقبل طلبات الصداقة للأشخاص اللي تعرفت ع أساميهم.. ضمن طلبات الصداقة كان ( يمان ) ..أبتسمت بشكل عفوي ..معقول بعدو متذكرني؟ نفضت أفكاري ودخلت ملف يمان الشخصي ..وأصابتني الدهشة ..شخص غيييير بالمره ..شب كبيررر وسيم بكل معنى الكلمة ..مع لحية وشعر كثيف ومصفف وعضلات !! اللي بتذكرو عن يمان انو كان جداً نحيف ..وما عندو اهتمامات بالرياضة ..اليوم بعد 4 سنين ..هو صار شخص من متدربي كمال الاجسام وصاحب بنية جداً ضخمة. طلعت من الصفحة وكملت كتاباتي وتصفح صفحات الاصدقاء لشوف شو في جديد عندهم بهال4 سنين غالبيتهم تقدموا وتغيروا 360 درجة ..وكنت كثير مبسوطتلهم وقلة قليلة متلي ما تغير بحياتها شي. ثاني يوم وانا اتصفح عالفيسس بوك وصلتني رسالة..( انتِ اون لاين؟ مو مصدق حالي ..ولك صارلي 4 سنين أستنى هاللحظة ...انتِ حلا ؟ ) من محتوى الرسالة قعدت اضحك وقررت ارد ) والاكيد ما كان يخطرلي انو رح تبلش أكبر كارثة بحياتي بسبب هالرد .. انا : اه حلا يمان : حلا ال...؟ انا : اه هي ، ليه كم حلا بتعرف؟ يمان : ههههه بس وحدة بس عم بتأكد انك انتِ ، مو مصدق انك اون لاين بعد كل هالفترة انا : اه انا انقطعت عن مواقع التواصل الاجتماعي فترة. يمان : فترة؟ قولييي عُمر انا : اه كم سنة 😁 يمان : كيفك ؟ شو اخبارك؟ سمعت تزوجتي!! انا : اه منيحة، اه زواج سريع ..نابع عن حب يمان : اهاا ، بس ما فكرتي تخبري حدا ؟ هيك فجأة اختفيتي ولا كإنك موجودة بالعالم؟ انا : اه كان كل شي سريع . يمان: اهاا ..خليكِ ما تروحي انا شوبة وبرجع ..خليني اخلص تدريبي بالجيم وبنحكي مو تختفي .. انا : اوك يمان : وعد؟ انا : وعد 😁 بعد ساعة وشوي تقريباً وصلتني كمان رسالة، يمان : حلا؟! ، انتِ موجودة؟ انا: اه هووون يمان : بتعرفي انتِ اكثر حدا دورت عليه بهالسنين الفاتت ..رقمك لساتو معي ..( 05....) وكنت كل فترة أبعث مسجات واتصل ومسكر ..لحد قبل شهر انا : اه هاظ القديم قبل لأتزوج ،.غيرتو لأن ، انت شو الجديد بحياتك؟..كثير متغير بالصور.. يمان : اه، بتعلم هندسة ديكور وإدارة برا البلاد ..بقي علي سيمستر وخلص ..وبقطع وقتي بالنادي انا : اه واضح بتضيع كثير وقت هناك ..😅 يمان : ابعثيلي صورة إلك، بدي شوفك انا : ؟ ما بتوقع زوجي رح يكون مبسوط ان عرف. يمان : بحياتك، ما قدرت ما أطلب ..ابعثي بدي شوفك ..متذكر وقت كنا نقعد..كُنت جن بس اتطلع بعيونك..كنتي تُحطي ايلاينر ع عيونك..وكُنت انا ضيع ..كل الوقت كنت أحكي لحالي نيالو اللي بدو يتزوجها.! انا: 😱 ما توقعتك بتشوفني هيك يمان : ومين ما كان بشوفك هيك؟ انا : خلينا نغير الموضوع . يمان : ابعثيلي صورة . انا برا البلاد، لو اني قريب ما كنت اقبل إلا شوفك . انا : طيب، بس امسحها ما تخليها بالمحادثة . يمان : اوك انا : تم أرسال صورة يمان : ( إنّكِ تُثيرين جُنوني وتخرجين أحلك غرائزي ) ..🥺 انا : ما فهمت شو هالسمايل؟ يمان : أحكيلك وما تتضايقي؟ انا : اه طبعاً يمان: انتِ كتيييييير حلوه، بتموتي. انا : !! بلا هبل ..وغير هيك كيف قررت تشارك بالجيم؟ يمان : مرقت علي فترة قبل كم سنة كنت كتير عصبي وعنيف ونكد وكُنت أغلب الليل قضيه سهرات بالنايت كلاب ما اصحى غير وجه الصبح قبل دوام الجامعة وبغرفتي صبية واكتشف اني كنت سكران .. انا: شووو ؟؟؟ ما عم تحكي جد اكيد يمان : هيك صار، ولما قررت اتغلب على هالفترة لجأت للسبورت، نصحوني فبه لتفريغ الطاقة السلبية ..حطيت كل عصبيتي وعنفي ونكدي فيه ومرق. انا : طيب شو اللي خلاك تصير بهيك حالة؟، طول عمري بعرفك قوي وأوعى من هيك. يمان: ظروف فوق طاقتي. انا : اوك واضح مو حابب تحكي، بنسكر عالموضوع يمان: وانتِ شو جديد بحياتك؟ انا : ولا شي ..قاعدة بشرب قهوة وبقرأ رواية نبض لأدهم شرقاوي يمان: بعدك بتحبي الكتب ؟ انا : اكيد ، القراءة عشق أبدي يمان : اه وكيفك مع الموضه؟ بعدك كيف ما كنتِ؟! انا : تقريباً ، بس فقدت حماسي للأناقة المفرطة . يمان: ليه ، متذكرك ملكة الأناقة. انا : كلنا بنتغير. يمان : وينتا بدي شوفك؟..نقعد ونحكي متل ايام زمان؟ انا : ما بتوقع يصير .. بتعرف انا متزوجة وزوجي معارض لهالقعدات والعلاقات يمان : اه . انا : طيب زوجي رجع من برا انا طالعة انام . وكانت اخر المحادثة .. بعد 4 ايام ..كنت بمدينتا انا واياه بزيارة لأهلي .. وكنت رفعت صورة عالفيس بوك من المدينة .. بعد بساعات وصلتني رسالة: يمان: حلا قلب انا : ؟ يمان : انا بالبلد، روحت عطلة ..تعالي أشوفك انا : لا ما بقدر ..خطبة أختي اليوم .. يمان : طيب لوينتا ضايله بالبلد؟ حلا : لبكرا يمان : تعي بكرا نطلع نقعد قعدة متل ايام زمان . حلا : بفكر . يمان : اوك حُب ، احكيلي معي اليوم بس تكوني فاضية حلا : ليه عم تحكيلي قلب وحب وما بعرف شو كمان؟ يمان: هيك اتعودت السنين الفاتت حلا : بس انا مو من صاحباتك اللي بتحكيلهن قلب وحب ،اوك؟ يمان : ههههه اوك روقي، ما تعصبي . حلا : بنحكي . وبعد ما خلصت الحفلة ورتبنا وعملت شاور ..بعث رسالة ليمان. انا : يمان؟ يمان: اه حبيبي انا : انت حيوان، ما عاد تحكي معي وطلعت معصبه ..وقتها حسيت كإنو عم يعاملني متل البنات اللي كان يتعامل معهن هالاكم سنة المرقت مو متل صديقتو المقربة . شوي ورن تلفوني ..رن ورن ورن للمرة العاشرة وكنت عم اقطع الخط ..لحد ما وصلتني رسالة . يمان : ازا بعد بتسكري الخط مرة وحدة رح اقتلك. انا هون من حجم العصبية والاستفزاز اللي حسيت فيهن ما قدرت ما ارد وافرغ كل عصبيتي فيه..كان عندي فوبيا من التحكم والتسلط والسيطرة اللي حسيت فيها مع زوجي كل هالسنين . انا بصراخ : انت كيف هيك بتسمح لحالك تقلي بقتلك هااه يمان : روقي حبيبي انا بعصبية : ولك ليش عم ترجع تقلي حبيبي، انت .. يمان قاطعني ببرود غريب : هدي، ما قصدي شي.. انا الناس اللي بحبها من قلب بحكي معها هيك ..بشكل عفوي حتى لو كنا بس مجرد اصدقاء . انا : يعمي بس انا ما بحب وما بدي تحكي معي هيك. يمان : اوك حلا خلص ، روقي حكينا بعدها بكتير مواضيع بشكل سريع ..لحد ما استوقفتني جملتو ( وات ذا فاك ) انا : يمان ! ، انا سبق ووضحتلك ازا بدك تحكي معي ما بقبل تحكي بهالالفاظ ..حتى لو متعود وحتى لو بشكل عفوي . مو مقبول علي يمان بقلة صبر وحدّة واضحة: اوك اوامر ثانية؟..وينتا بدي شوفك بكرا؟ انا : حسب وينتا خلص شغلي هون ..بخبرك يمان : تمام ناطر منك خبر..لأنو انا كمان عندي كم شغلة الصبح . تاني يوم كنت غرقانه بالشغل .. لحد ما رن تلفوني : يمان : يلا حلا طولتي كتييير انا : يلا شوية وبخلص وبطلع ..بس كتير تعبانه بدي نقعد بمحل هادي ورايق يمان : ما تاكلي هم المحل ، خليه علي بس ما تطولي، بنتلاقى بالباركينق اللي بشارع... وبنطلع من هناك . انا : اوك وبعد ما خلصت شغلي عملت شاور ورتبت حالي وطلعت بسيارتي لحد الباركينق اللي مفروض التقي بيمان فيه بعد 4 سنين ..وبس وصلت حسيت حالي مقشعره مو قادرة اطلع من السيارة ..ولا مرة صابني هالاحساس قبل ..تجاهلت أحساسي وقفت السيارة وطلعت . وبس شافني طلع من سيارتو وكانت نظراتو غريبة كإنو ناطر هاللحظة من سنين ..ما كان كإنو لقاء اصدقاء عادي..فكرت لحظتها انو عقلي عم يشوشلي الموضوع ..ونفضت افكاري وقربت كم خطوة إتجاهو ..يمان! يمان : حلا ، حلا ، حلا، واخيراً انتِ انا : كتير متغير ..ما عرفتك 😅 يمان : للأحسن ولا للأسوأ؟! 😄 انا : للأسوأ طبعًا يمان : اه صح صدقتك انا : كيفك ؟ يمان : تعالي لهون قربي ..شو هاي كيفك من بعيد كنت مترددة كتييير وحسيت صابتني قشعريرة وقتها ..كانت الخطوة كأنها سنة ..قربت فتحلي ايدو مديت ايدي وسلمت ..وشد ع ايدي .. يمان : شو هالسلام البارد ..كإنو عم تسلمي بلا نفس ! انا وكل شي جواتي عم يرجف : لا مين قال ..خلينا نمشي يمان : اوك يلا طلعت بالسيارة ..وانا من الربكة أتمتم انو تلفوني بطاريتو رح تطفى ..قلي هاتي بعبيلك اياه معي شاحن بالسيارة شو نوعو ؟ انا : أيفون 11 يمان : اوك هاتيه ناولتو تلفوني وكانت الخلفيه صورة وجهي بملامح جداً مغرية وانا عاضه ع شفايفي ..تمنيت الارض تنشق وتبلعني بس شفتو صافن فيها خلال الطريقة حكينا كتييير ..كان الطريق شوي طويل ..وحكينا عن انو ملتزم بحمية صحية صارمة علشان تضخيم عضلات السكسباك ولهيك دايماً وجباتو جاهزة مسبقاً ومعاه وين ما يروح. واحاديث كثيرة لحد ما وصلنا لمجمع سكني واستغربت اننا رايحين غاد.. انا: يمان لوين رايحين نحنا؟ يمان : ليه هيك متوتره ، مو انتي بدك قعدة رايقة وهاديه وانا حجزتلنا هيك شي انا بصدمة: شو ؟؟ما فهمت ! شو حجزتلنا يمان ببرود: حجزتلنا غرفة ايجار ..اكيد مو متخيلة رح أغتصبك انا بإحراج وخوف : ما بدي ، ما كان قصدي هيك محل، رجعني يمان بحزم : اهدي ..ليه خايفة؟ بعدين احنا بمحل ملان عالم..ما حدا بيتعدى ع حدا فيه . انا : بشرفك رجعني ما بدي يمان : روقي ما تخافي ..بوعدك بس رح نقعد ونحكي انا بتردد وقلبي ناغزني : اوك يمان : يلا انزلي خلينا نفوت .. نزلت من السيارة وأشرلي انو الغرفة رقم 7 يمان : فوتي انا بدي جيب شنتي ولاحقك انا : اوك قربت عالغرفة كان المفتاح فيها ..فتحت وفتت وشغلت الضو ..كان ضو جداً خافت والغرفة معتمة ..شوي وكان يمان صار بظهري . انا بعدت شوي : وين الضو القوي؟ والغرفة كتير كتمة مو مشغل التبريد يمان : ههههههه كإنو انتِ اللي متوترة ومعصبة ، هدي حبيبي انا بعصبية : يمااان يمان : اوك اوك سكتت ، بس بعديلي شوي الضو وراك .. شغل الضو وتمنيت الارض تنشق وتبلعني من منظر الغرفة .. كانت غرفة بتخت مزدوج ع شكل دائري ..وقبالها مرايا ..وفوقها اضواو خافتة وفيها كنبايتين وطاولة عليها مشروب ومزهرية فيها ورد وكاسات مع شكولاتة ..وجمبها حمام دش وتواليت وجاكوزي مع صابون معطر وورد مجفف ..وتلفزيون من دون ما شغلو كنت فهمت شو محتواه . انا وانا بلشت ارجف بشكل مو واضح : يمان !، ليه جايبني هون ، هاي الغرفة بيفوتوها منشان وبلشت تمتم وما قدرت كمل يمان : هدي وما تخافي،بوعدك ما رح يصير اي شي يضايقك اتفقنا؟ انا بخوف : اه اه يمان : وهلأ قربي اقعدي حدي ، بدك تضلي واقفة انا: وين هون ؟ انت مجنون شي ؟ مستحيل ما رح اقعد عالتخت ، بنقعد عالكنبايات . يمان : اوك قعدنا عالكنبايات بعيد شوي عن التخت وانا ضل كل جسمي مقشعر وعيوني تطلع عالمحل بخوف.. يمان : حلا؟ ، وين سرحانه ..ما جاوبتيني شو خطرلك هيك فجأة تختفي وما تخبري حد ؟! كنتِ عالاقل أعزمينا ع عرسك . انا لأول مره بحس بنبرة يمان شي غامض..سخرية ، غضب دفين ، قهر ..بس تجاهلت الامر وحاولت ارد بشكل كوميدي انا : هههههه والله من كتر الحماس ما شفنا حالنا غير متزوجين بأسبوع .. وقتها انتبهت ع كفة يمان وهو عم يضغط عليها بقوة وخفت ليكون كل اللي خطرلي بلحظتها صح..قمت وقفت بشكل تلقائي انا : مفروض امشي اتأخرت عالبيت كتير يمان بعصبية مسكني من كتوفي : شو اللي حبيتيه فيه؟ انا بخوف : بترجاك لازم امشي يمان بعصبية مفرطة رفع ذقني لفوق : اتطلعي فيني وانا عم احكي معك وجاوبي ..اكتفيت من تطنيشك الايام الفاتت ..وعنجد اكتفيت حلا انا وكاتمة دموعي : يمان بترجاك يمان : ضغط ع فكي بقوة بإصابعو : تترجيني ؟ ما بدي تترجيني ..بدي تجاوبيني .. وبصراخ : ليه سكتي،جاوبيني انا بخوف وعيوني بلشت تدمع : ما بعرف ما بعرف، وبلش صوت انفاسي يعلى وانا عم احكي : " بترجاك اتركني روح " .. يمان : ليه خايفة مني ليه ؟؟؟ ولك انا آذيت حالي منشان ما أأذيكِ انا قمت وتوجهت للباب : بترجاك احنا ما كان لازم نجي هون خليني روح يمان شدني بقوة وزتني ع التخت : تعالي ما فيكِ تروحي حلا، صارلي سنين ناطر هاللحظة انا بخوف : ايا لحظة ؟ شو قصدك يمان؟ يمان : اللحظة اللي تكوني فيها بين إيدي حبيبي انا بصدمة : لا لا بترجاك يمان لا تقرب علي يمان بضيق عميق : ما فيني ..انتِ فوق طاقتي يا حلا . روابط الفصول الفصل 1 .. اعلاه الفصل 2, 3 .. بالأسفل الفصول 4 - 14 الفصول 15 - 24 الفصول 25 - 28 الفصل 29 التعديل الأخير تم بواسطة ebti ; 16-05-22 الساعة 11:48 PM | ||||
|
|
16-01-22, 12:26 PM
| #2 | ||||
| حسيت حالي رح موت ..وكإنو الدنيا وقفت فيني ..وانا شوفو عم يشلح التيشيرت ..ويقرب علي وعيونو كلها قهر ..حاولت كل طاقتي قاوم وبعدو عني ..كان جسمو قاسي وكتير ثقيل ..صرت شد بشعرو بكل قوتي ..بس ما كنت حس غير اني كل ما شديت شعرو بدافع المقاومة يزيد جنونو اكثر ..حسيت شفافي ورقبتي تورموا وكإنو حدا كابب عليها مي مغلية ..كإنو نار عم تحرقني انا وانا عم ببكي : يمان بترجاك وقف ..يمان خلص ..يمان ببوس ايدك يمان وهو عم يسكر تمي بإيدو : شششششش اخرسي وكمل تبويس برقبتي بعنف انتقامي بحت.. يمان بعصبية : وقفي بكي بكفي وبعد شوي ..بصراخ : قلت اخرسي انا بتنهد : بعد عني يمان بترجاك . قام وقف وهو عم يرجع شعرو لورا بقوة وعصبية وبلش يخبط بحفة التخت برجلو بقوة ويصرخ : آآآه انا بهاللحظة حاولت اوصل الباب واطلع ..بس تداركني بأخر لحظة .. يمان شدني ولزقني عالحيط وكان لازق بظهري مسك إيدي الاثنين بإيديه ولفهن ورا ظهري وقرب حد أذني : حلا انا بحبك ..بترجاكِ تفهمي ..انا عانيت بسببك ..عشت اول سنة بعد ما رحتي كإني بجهنم ..مرّار كانت بتعرفي شو يعني مرّار ؟ خسرت كل شي فيها ..تركت بلدتي واهلي وطلعت برا لإني تعبت ادور عليك بالبلد وانتِ عايشة بغيرها ..تعبت ادور ع وحدة بالوقت اللي كنت انا اعاني فيه وأمووت هي كانت نايمة بحضن غيري وبتخت غيري..انا كل مااتخيل انك كنتِ بحضن حدا غيري بصير بدي قطع كل جزء منك مليون قطعة ..بصير بدي أحرقك ..أحرق كل محل لمسو غيري ..انا صرت بسببك شخص سادي بلا رحمة ..قضيت اول سنه سهر وشرب وبنات ..انا كنت مستعد دمر كل شيء بس قررت ابعد وحياتي اللي اتدمرت ..لك انا ما عدت انا. شد شعري بقوة ورجع راسي لورا قريب لتمو : انتِ بتعرفي كم وحدة نامت بتختي ؟ بصراخ : وكنت كل مرة شوفك فيهن ..شوفك بحضن غيري وكنت أفقد اعصابي وسيطرتي ..هالتفاصيل عملت مني حيوان سادي ولا وحدة طلعت من عندي منيحة ..كنت عم انتقم منك فيهن انا ببكي : يمان عم توجعني يمان بعصبية : وانا شو مع وجعي ؟ ..بس لا ما رح اسمحلك ترجعي لعندو جرني بقوة من شعري , حسيت لحظتها بعالم ثاني ..عالم حاقد فيه علي لأقصى درجة ..وما رح يرتاح غير لما يحرقني بجهنمو ..زتني عالتخت بقوة وكان واقف قبالي عم يفك بحزام بنطلونو وانا غمض عيوني برعب انا : يمان يمان بترجاك..رح ساوي اللي بدك اياه بس لا تقرب علي ..لا لا لا يمان كنت بعدني مغمضة من الرعب لما حسيتو فوقي بثقلو ، بغضبو وانا منكمشة ع بعضي يمان بعصبية وهمس : حلا لا تقاوميني ..بعدي ايدك حلا ..والا رح مزعها كان قصدو عن التيشرت اللي كنت متمسكة فيها بقوة علشان ما يشيلها عني .. انا : لا لا يمان يمان : ششششش حبيبي بوعدك ما رح وجعك انا : يمان لا لا ازا بتحبني لا ..ازا بتحبني ارحم ضعفي ولا تساوي فييي هيك يمان : اسف حبيبي ، لاني بحبك بجنون مضطر ساوي هيك . بعد ساعة واكثر من الآلم الجسدي والنفسي وبعد ما استسلمت وبطلت قاوم ..لفيت ع حالي ملف التخت وقمت ساوي دُش ..كُنت منهارة والدنيا مسودة بعيوني وحاسي كل جزء بجسمي عم يوجعني كإنو نار طلعت من الحمام ولقيت يمان متمدد ع بطنو وغاطس بالنوم .. صابني انهيار عصبي ..كيف فيه هيك ينام بهالاريحية بعد اللي عملوا فيني ..رحت بلا تفكير وبلشت اضرب فيه صحي وشدني حدو وقلب فوقي :شششش اهدي يا روحي مرق انا بعصبية جنونية : شو هو المرق يا حقير يمان : كل شي حبيبي بعد هيك رح تكوني إلي وبس إلي انا بضحكة سخرية : كإنك بالوقت اللي فيه كنت تخطط إني صير ( العاهرة تبعك) نسيت إني متزوجة . وبشكل جداً مفاجئ وغريب ما حسيت غير وهو خابطني كف كتييير حامي انا : كمان عم تضربني ..لا جد شكلي مرتبة اقل من .. يمان قاطعني بعصبية : اخرسي ،اخرسي ، اخرسي حلا انا بعصبية وصراخ : وازا ما خرست؟ بترجع تغتصبني بطريقة أكثر وحشية من هيك؟ بتشوهلي وجهي هالمرة؟ يمان بقلة صبر : ما تستفزيني ..قلتلك اسكتي انا : انا بكرهك ..بحتقرك ..بكره اليوم اللي عرفتك فيه يمان بقهر قرب علي وانا عم بعد لورا وحاول خبي خوفي ..لحد ما وصلني ع حفة التخت وضغط ع فكي بإيدو وثبت وجهي قبال وجهو: ازا بعمرك بتعيدي هالكلام وربي رح اقتلك بلا تردد. وقام وانا بعدني متكورة بزاوية التخت ومو قادرة استوعب كيف انقلبت حياتي كلها لجهنم بكم ساعة ..هو بلش يكسر بكل شي حوليي وانا غطيت راسي بإيدي وغمضت عيوني .. يمان بعصبية مفرطة : انا لو بدي وحدة اتسلى معها بسهولة بلاقي..ما كنت رح استناكِ تجي ..لذلك اياك ترجعي تحكي عن حالك هيك ..عم تفهمي ؟ وبخصوص الكف مو اسف لانك استاهلتيه وزيادة . انا برجاء : بترجاك طلعني من هون ..عم بختنق ..بطلت اقدر اتنفس يمان : اوك . طلع قدامي وهو عم يحاول يرتب شكل شعرو المنكوش بقوة وانا كنت اقل ما يكون حاسه حالي منهارة ومكسرة وبس بدي مووت .. طلعت بالسيارة من ورا اتمددت بالكراسي الخلفية وشفت تلفوني كانوا اهلي اتصلوا يتطمنوا وين هيك اختفيت كل هالوقت ..وزوجي كان باعث رسالة يتطمن لاني ما حكيت معاه من الصبح .. وبس رجعنا للباركينق نزلت وكإنو الدنيا كلها عم تدور ومغبشه ..كنت اسمع صوت يمان وهو ينادي : حلا ويخبط بإيدو بقوة عالدراكسون ..بس ما التفتت وصلت سيارتي وبصعوبة طلعت فيها..كان يمان ساق سيارة السبورت اللي معو بأقصى قوة وما سمعت غير صوت العجلات عالاسفلت من السرعة. سقت سيارتي وبصعوبة لوصلت ع بيت اهلي حكيتلهن اني. كنت مشغولة بالشغل واتأخرت وكتير تعبانه وبدي اروح ع بيتي ارتاح ..وبس روحت شكرت الله انو زوجي كان بعدو برا البيت..عملت دوش وغيرت اواعيي وبعثتلو رسالة اني روحت عالبيت وكتير تعبانه ورح نام ..ونمت .. مرق أسبوع كنت فيه بقمة أكتئابي وعزلتي ..وعذري الوحيد اني تعبانه ومرشحة ..كان يمان يرن بجنون فوق ال100 مرة باليوم ويبعث مسجات بالبداية كانت لطيفة كرمال ارد وبعدها تهديد ووعيد إنو ما رح يرحمني ازا ما برد ..كنت كتييير تعبانه واخر شي بدي اياه ..شخص سادي بهالشكل يسيطر علي .. اليوم الثامن الصبحيات ..كان زوجي طلع عالشغل وبقيت بالبيت لحالي ..كالعادة بتختي ضليت لوقت متأخر ونفسيتي كتييير تعبانه رن تلفوني وكانت صاحبتي المقربة تالين انا : ايه تالين صباح الخير تالين : صباح النور ، بشرفك ساعديني فزيت من صوتها : شوفي ؟؟، خوفتيني ومن غير شي تعبانه ومرضانه تالين : يمان ، لاحقني بالسيارة وعم يزمرلي وقف ..انا كتير خايفة انا : شوو ؟ ، شو عرفو فيك يمان؟ تالين : شو بعرفني ، استدل علي، صارلوا اسبوع قالب حياتي لجهنم بدو عنوانك انا: عنواني ؟؟ ، اوعك تكوني عطيتيه ..يا الله ..ما يكون عاطيتيه اياه تالين : كُلي هوا ..لو عاطيتو اياه ليش بدي اهرب منو .. بشرفك احكي معاه خلصيني منو ، ازا بيدرى وسيم بيبهدلني . انا : اوك تالين : وبكرا إلنا قعدة تفهميني شو صاير وما تحاولي تتهربي لأن ما رح اتركك. انا : اوك سكرت التلفون مع تالين وأنجبرت رن ع يمان اللي كان حرق تلفوني اتصالات وما عم رد ..وتوقعت اني رح اسمع كتيير كلام ما حابه اسمعو ..رنيت.. يمان بعصبية واضحة : وقررتي حضرتك تتكرمي وتردي انا بقهر وضيق : ليه لاحق تالين ؟ شو بدك منها ؟ اتركها بحالها يمان هي ما دخلها بشي ..مشكلتك معي انا يمان بلا مبالاة : لا غلطانه ،مشكلتي معك ومع كل حدا بيهمك . انا بخوف : شو قصدك تقول؟ يمان بعصبية : قصدي قول لما حضرتك تقرري ما تردي 8 ايام بيكون منيح ان لاحقت بس تالين ..كنت حابب اعملك زيارة عالبيت واتعرف ع زوجك . انا بصدمة : انت عنجد ضيعت عقلك يمان بسخرية : ضيعتو زمان حبيبي ، وهلأ فهميني ليه ما عم تردي عأتصالاتي . انا بقهر: لأني بكرهك ،بكرهك ، بكرهك يمان ..شو ضل بدك مني ؟ مو عملت اللي بدك اياه فيني؟ خلص اتركني بحالي بربك يمان : بدي تتطلقي انا بصدمة : شو عم تخبص انت !! يمان ببرود : ما عم خبص، كتير جدي وواضح انا ، بدي تتطلقي وأتزوجك وتصيري إلي . انا : فشرت اتزوجك بعد كل شي عملتو فيني يحقير يمان : روقي حبيبي رح تتزوجيني ما عندك حل غير ، اكيد ما حابه زوجك واهلك يعرفوا انك كنتِ بفراشي قبل اسبوع وانو رح تكوني حبلى بأبني انا بصدمة ورعب : شو عم تحكي انت ؟ أي ابن ؟؟ واي حمل ؟ بترجاك يمان ..بترجاك اعصابي ما عاد تتحمل اتركني بحالي. يمان ببرود : اوك ، بس اياكِ يا حلا تفكري تتجاهليني ..رح طلع كل جنوني عليكِ ، وما رح تتمني هالشي يصير . انا بقهر وبكي : بكرهك وسكرت | ||||
|
|
|
16-01-22, 10:33 PM
| #3 | ||||
| ضليتني كل الليل اتمشى بالبيت ع اعصابي وكل تفكيري بكلام يمان عن انو حامل بإبنو .. انا صارلي كم سنة بأخد مانع حمل وعلاقتي بزوجي اخر فترة كانت جداً منقطعة ..وقبل لكون مع يمان قسراً ما صار بيني وبين زوجي أي نوع علاقة بعد أخر دورة . كنت كثير مرعوبة وخايفة ..وقررت بعد بيوم روح عالمشفى واعمل أختبار حمل .. لانو لو كنت فعلاً حامل رح يكون البيبي ابنو ليمان . ورح تكون مصيبة . كنت متفقة أقعد انا وتالين اليوم واحكيلها كل شي ..بس قررت امشي اعمل اختبار الحمل قبل وأخذ النتيجة . وبعد ساعات شلت النتيجة وطلعت ع تالين ..خفت أفتحها وأعرف شو ..قررت خلي تالين بعد ما احكيلها كل شي صار معي هي تفتحها. تالين : عم تمزحي!! كل هاد صاير وانا ما عندي خبر انا بقلة حيلة : بشرفك احكيلي شو أعمل ، حاسه بس بدي موت .. تالين : لا شو هالهبل ، عطيني شوف نتيجة الاختبار وبعدها بنقرر شو تعملي قلبي كان رح يوقف وتالين تفتح الورقة .. وبعد ما شفت نظراتها إلي عرفت اني بمصيبة انا : حامل؟ تالين بنظرة شفقة : اه ، بس ما تخافي رح نلاقي حل انا بخوف وبكي : حل شو ؟ ، يمان بيعرف ..قلي اني حبلي بأبنو ..ما بعرف كيف بس بيعرف ..وما رح يتركني ، هو من الاساس مو تاركني كيف بس يتأكد انو أبنو جواتي . تالين: طيب حاولي اتفاهمي معاه ، روحوا اعملوا عملية اجهاض ..بعدو بيبي عمرو 9 ايام انا : ما رح يقبل، بيقتلني قبل لفكر ساوي هيك ما في حل غير أعمل اجهاض خارجي لحالي ..بعيادة خاصة تالين بقلق : بس هيك كتير خطير عليكِ انا : ما عندي حل غير هيك، بتعرفي بالمشفى رح يطلبوا موافقة الأب وتوقيعوا وسبب مقنع للأجهاض . تالين : طيب شو بدك تساوي؟ انا : رح أحكي مع دكتورة نساء عندها عيادة خاصة وفهمها وضعي .. اتصلت ع دكتورة صديقة وحكيت معها واتفقت شوفها بالعيادة ..ساوتلي تصوير اولتراساوند وبعد ما شرحتلي مخاطر الاجهاض بشكل عميق إتفقنا ارجعلها تاني يوم اعملو عندها بالعيادة بشكل سرّي..عطتني صورة للبيبي وكنت بعدني واقفة لما دخل يمان معصب والشر بعيونو .. يمان بعصبية كبيرة سحبني وخبطني بكل قوتو عالحيط انا : آآآإه يمان : اتوجعتي؟ ، هاد الوجع ولا شي مقابل اللي رح تعانيه لأنك فكرتي تقتلي ابني انا ببكي : مو ابنك ، اتركني بحالي . يمان بعصبية ..وهو عم يخنقني : مو أبني يحيوانه ، ابن مين لكان .. انا بضيق تنفس واستفزاز : ما بعرف ابن ايا واحد فيهن يمان جن جنونو عالأخر وضغط ع رقبتي أقوى .. تالين : يمان يمان اتركها بشرفك ، رح تموتها، ابنك ، ابنك ما حدا قرب عليها غيرك ..بس هي عم تحكي هيك لتضايقك. انا : تالين اسكتي يمان رفع ايدو وضغط ع فكي بقوة وبعصبية : أحمدي ربك انو أبني بعدو عايش جواتك وإلا كنت قتلتك بلا ذرة تردد او رحمة ، وأشكري تالين كتير انو خبرتني قبل لتساوي شي تندمي عليه كل حياتك ، اخذ الصورة من ايدي وطلع . انا بصدمة: تالين!!! ، ليه هيك عملتي ؟! تالين : روقي حلا ، هدي ما تعصبي واسمعيني ، انا معك والله .. بس من الاساس ما بدي تعملي اجهاض خارجي ممكن تخسري حياتك فيه، غير انو يمان بحبك وكتير وصار في جواتك قطعة منو ..وانا وانتِ بنعرف انو الحياة مع زوجك كانت عبودية وجحيم ورح تضل ..فالأفضل أنو تقبلي بأقتراح يمان . انا بصدمة : شوو ؟ انتِ من امتى مع يمان ؟ وطلعت من العيادة ركاض تالين : حلا وقفي ، انا مو مع يمان ، افهميني حلا ، يمان لو عرف انك اجهضتي ابنو ما كان رح يرحمك . انا : اتركوني بحالي انت وهو ، ما حدا يفكر يحكي معي. بعد محاولات كتيير من يمان وتالين اني رد عالتلفون .. وكتيير رسائل رديت: اهدا ، انا كتير تعبانه وفهمت انك رح تقتلني ..تمام، بس اللي ما فهمتو وبدي تفهمني اياه ، كيف عرفت اني رح كون حامل ؟ انا معتمدة حبوب منع حمل من سنين وولا مرة صار معي حمل معهن يمان ببرود: لاني حطيتلك بكاستك العصير مقوي إخصاب وهالشي معروف بيبطل مفعول موانع الحمل وبيقوي أحتمال الحمل كتيير . انا : شووو ؟؟ يعني انت كنت مخطط من قبل إنك تحبلني ؟ يمان : اه ، الوسيلة الوحيدة انك تقبلي تتطلقي منشان اتزوجك انا بإنهيار : حرام عليك ، جد حرام عليك ..كيف قدرت تساوي فيني هيك ..انت دمرتني يمان : هدي حبيبي هدي ، وحياتك رح عيشك ملكة معي، انا بحبك بجنون حلا ..ما بتتخيلي حجم عذابي كل هالسنين ، والرب وجع الموت اهون كل ما إتخيلك بتخت غيري ، بين ايديه ، بحضنو ، ببيتو ، آآآه ما عندك خيار حلا اطلبي الطلاق من زوجك بكرا واتطلقي ورح أتزوجك عطول بعد ما تنتهي مراسم الطلاق انا : كإنو فاتك يمان شي كتير مهم بخطتك الذكية لتدمير حياتي ، وهالشي إني حامل بأبنك اللي لحد ما تنتهي مراسم الطلاق ان انتهت بالاتفاق وبلا مشاكل ولحد ما تنتهي العدّة رح يكون صارلو 4 شهور ببطني .. ورح يكون مبين اني حامل ورح يفكروه ابن زوجي . يمان بحدَة جدًا واضحة : ما بهمني شي بالعالم ، ما رح تفكري حتى مجرد تفكير يا حلا انك تجهضيه . وسكر التلفون بعصبية ..كنت كتير يأسانه ومقهورة ومحبطه وما خطر ببالي غير بس انتقم من يمان : قمت بعثتلو رسالة  خليك احترق بجهنمك وما رح يفرق معي شي ، وهاد الولد ما رح يضل جواتي ، لاني بكرهك وبكرهو وما بدي اياك لا انت ولا هو ..وهلأ باي رح روح نام بحضن زوجي حبيبي ) خلال ربع دقيقة كان تلفوني عم يرن ولانو كنت سكر وصلتني رسالة فورًا : ( والله لأقتلك حلا ، والله لتشوفي مني أبشع انواع العذاب وتتمني رحمة الموت) ورن عتلفوني ..قطعت الخط وسكرت التلفون كلو .. كنت متأكدة اني ما رح أطلع من هالمصيبة بخير ..بس ما كان عندي طريقة انتقم فيها من يمان غير الكلام وثقتي انو جد رح يحترق بنارو من الغيرة . ثاني يوم الصبح رن تلفوني وكانت تالين ، اللي بعدي ماخذة منها موقف كبير ..لهيك ما رديت شوي ووصلتني رسالة : بشرفك ردي ضروري برغم خلافي معها ع طول رديت : حلا ..يمان حكي معي سألني عنك وجانن جنونو، وبالصدفة عرفت انو موقف. انا : الله لا يردو إنّ شاء الله مؤبد تالين : مؤبد ؟ بشرفك رح يعطوه مؤبدك يعني كرمال انو ضارب صبية كانت معو بإرادتها وهو شربان؟ ما بظن . وبعد صمت : ما بصدق ما عندك فضول تعرفي اكتر.. ما علينا المشكلة انو جانن جد هالمرة. يعني الصبية اللي راجعة معو لبيتو مطلع خلقو فيها، وبس وصلانه المشفى الدكاترة متلفنين عالبوليس بسبب علامات الضرب القوية ، فشو صاير جديد ومخليه هيك؟ انا ببرود : لانو حدا مجرم ومتسلط وسادي ..انا بعدني مو مستوعبة كيف عرفت هيك حدا ..وما صار شي عدا اني قلتلو الحقيقة اني بكرهو هو وابنو وما بدي اياهن الاثنين بحياتي ..وبتمتمه هاديه : واني رايحة نام بحضن زوجي حبيبي وبجوز اكثر . تالين بصدمة : انتِ جنيتي ؟؟ ، انا حكيتلك تتفاهمي معاه رحتي أعلنتي الحرب عليه ، كرمال الله يا حلا انا وانتِ بنعرف انك مو قدو وانو حدا كتير واصل وما فيك تتنبأ بتصرفاتو وما رح يهدالو بال غير تيعمل اللي براسو . انا بقهر : بكرهو ، بكرهو ، بكرهو، ازا بوافق عطلبو رح عيش بجهنم عالارض .. ما فيي وافق تالين : بعرف ، هدي شوي حبيبتي وفكري بعقلك شوي، يمان بحبك بجنون ما رح يأذيك حتى لو بينلك انو قادر.. واليوم رح يطلع بكفالة لإنو الصبية حكت انها كانت معو بموافقتها التامة ، لهيك حاولي تتفاهمي معاه بلا عصبية واستفزاز ..بلاش كل القصة تطلع براسك . انا : بحاول ، بس انا كتير خايفة تالين . تالين : روقي ما تخافي ، يمان بيحبك كتييير قد ما رح يجن ويثور ما رح يآزيكِ ع ضمانتي . انا بقلة حيلة : اوك بعد ساعة ماشية جايه بصالون البيت رن تلفوني ..كنت حاسه انو هو وما خاب أحساسي .. انا بهدوء : آلو يمان ببرود غريب : تعي بدي شوفك انا بخوف وتردد : لا ، ما فيي ، خليها بكرا يمان بهدوء عميق : قلتلك بدي شوفك هلأ ، او بتجي انتِ أو بجي انا ..شو قررتي؟ انا بتردد : بس انت قاطعني بقلة صبر : اوك انا بجي انا بتدارك للموضوع : لا لا ، ساعة وبكون عندك كان واضح انو واصل مرحلة كبيرة من العصبية وهالشي وترني كتييير..بس ما كان في مجال غير إنو شوفو عملت دوش، غيرت اواعيي وطلعت ع طول ..تركت لزوجي رسالة اني رايحة شوف تالين وبالطريق اتصلت بتالين انا : تالين انا طالعة شوف يمان ، هددني ازا ما بروح شوفو رح يجي ع بيتي، انا كتير خايفة ، حاسه حالي رح جن، مو عرفانه كيف إخلص من هالورطة. تالين : هدي حبيبتي ، ما رح يصير شي ، حاولي بس تكوني رايقة وما تستفزيه ..لأنو ما بدي ذكرك برسالتك اللطيفه مبارح ونتايجها . انا : يا الله دخيلك ، شو هالعقاب اللي اسمو يمان تالين : هدي حلا ، تنفسي وركزي عالسواقة ، وبس تروحي من عندو خبريني وطمنيني . انا : اوك . شوي ووصلت للباركينق اللي رح التقي فيه بيمان ، صفيت سيارتي وطلعت لسيارتو فتحت الباب بخوف : يمان كان مرجع راسو عكرسي السواق لورا ورافع راسو لفوق ومغمض عيونو وواضح انو معصب ومزاجو جداً سيء من صوت انفاسو وحدة ملامحو.. يمان : فوتي ، وما تحكي شي لحد ما نوصل. انا : وين رايحين ليه؟ ما رد وضلو كل الطريق ساكت لحد ما دخلنا طريق رملي وبعدها جبلي ووصلنا لجبل كتير عالي..وقف ونزلنا، كان منظر طبيعي كثير حلو بس كان بعيد عن المدينة ومكان منعزل ..كتييير خفت وقررت اني بهالمكان اكيد ما رح استفزو بلش يحكي وكان واضح انو عم يحاول يكتم انفعالاتو : يمان : ليه طفيتي تلفونك مبارح؟ وين رحتي؟ حلا : حكيتلك يمان بعصبيه سحبني وقربني : شو حكيتيلي ؟ بعد صمت قاتل صرخ بقوة : احكي ، قرب عليكِ؟ وزادت عصبيتو مع سكوتي ..وبشكل مفاجئ طلع مسدس من بنطلونو وحطو براسي ، قلتلك احكي انا بخوف ورجفة واضحة : لا لا يمان بقلة صبر: وين نمتي ؟ انا بخوف وانهيار : بتختي يمان بعصبية وصراخ : قصدك بتختو ، بحضنو ، بين ايديه انا هون انهرت من الخوف لما شفتو فقد اعصابو ..: بتختنا، لانو زوجي ازا ناسي بلش يحرك ايديه علي بعصبية واشمئزاز : وين لمسك؟ هون ، هون ، هون وهو عم يتلمس كل جزء فيني بإيديه اللي وحدة منهن فيها مسدس انا انهرت وببكي : ما لمسني والله ، كنت بعيدة عنو يمان بعصبية : كزاااابه ، انتِ وحدة خاينه حقيرة وبلش يفضي المسدس بالجو انا من الخوف رجلي ما حملوني ،،قعدت عالارض ، ما قدرت اتحمل اكثر ..وانهرت وصرت ابكي بقوة وصوتي مسموع بعد عشر دقايق .. يمان : خلص بيكفي ، وقفي بكي عاد انا بتمتمة : انت واحد مجنون ، مريض نفسي، كنت رح تقتلني انا واللي عم تقول عنو ابنك يمان قرب وبنبرة حادّة : وانتِ فكرتي اني رح اقتلك ؟.. تعي لهون .. وسحبني بقوة وحطني بحضنو .. وانا قاوم وبعدو وصرخ : بكرهك بعد عني ، انا بقرف منك ..انت شيطان مستحيل تكون بني آدم ..انت دمرت حياتي ودمرتني . هو بهالوقت ع غير العادة شد بإيديه علي وحضنني أقوى ورغم كل محاولاتي الا اني ما قدرت أتحرك من بين ايديه يمان: شششش هدي ..انتِ بحضني، ما رح يصيرلك شي انا ببكي : بكرهك يمان بكرهك | ||||
|
|
|
19-01-22, 10:42 PM
| #4 | ||||||||
| مراقبة عامة ومشرفة منتدى الروايات المنقولة  
| السلام عليكم ورحمة الله وبركاته عزيزتي هل الروايه بقلمك إذا أنت كاتبة الروايه فالقسم المناسب لها قصص من وحي الأعضاء | ||||||||
|
|
|
22-01-22, 10:41 PM
| #5 | |||||
| اقتباس:
اه بقلمي ، ازا انتِ المشرفة يا ريت تنقليها للقسم الملائِم هي اكتر مقتبسات من يوميات مكتوبة .. | |||||
|
|
|
23-01-22, 05:13 PM
| #7 | ||||
| اشراف القسم 
| اهلاً وسهلاً بك بيننا في منتدى قصص من وحي الأعضاء ان شاء الله تجدين مايرضيك موفقة بإذن الله تعالى ... للضرورة ارجو منكِ التفضل هنا لمعرفة قوانين المنتدى والتقيد بها https://www.rewity.com/forum/t285382.html كما ارجو منك التنبيه عندما تقومين بتنزيل الفصول على هذا الرابط https://www.rewity.com/forum/t313401.html رابط لطرح اي استفسار او ملاحظات لديك https://www.rewity.com/forum/t6466.html حجم الغلاف رجاءً يكون بمقاس 610 × 790 هل الرواية حصرية لشبكة روايتي الثقافية ام هي غير حصرية؟ الرجاء الإجابة بحصرية او غير حصرية دون اضافات.... هل المشاركات عبارة عن فصول رواية ؟ إذا الاجابة نعم نرجو منك ترقيم المشاركات واي موضوع له علاقة بروايتك يمكنك ارسال رسالة خاصة لاحدى المشرفات ... (rontii ، um soso ، كاردينيا الغوازي, rola2065 ، رغيدا ، **منى لطيفي (نصر الدين )** ، ebti ) اشراف وحي الاعضاء | ||||
|
|
|
26-01-22, 11:51 PM
| #8 | ||||
| بعد ما استجمعت حالي وقمت ..طلعنا راجعين ..كل الطريق كان هدوء ..كنت جداً منهارة ونفسيتي كتييير تعبانه..طلعت من السيارة ،وقفت عالباب وبهدوء كلو ثقة : انا بفضل موت يا يمان ولا اتزوجك ، اقتلني وريحني من جهتي بس بكفي من هالعذاب ..انا تعبت كتييير ..ما عاد تحكي معي ولا بأي طريقة وخبطت الباب بقوة . تركت سيارتي بالباركينق وضليت اتمشى بالشارع وحاسه روحي مكسورة ..وفكر انو لو كانت الظروف غير ..لو ما كنت متزوجة ..كان ممكن تكون علاقتي بيمان مبينه ع حب وثقة وتفاهم ..مو سيطرة واغتصاب جسدي وروحي وحب تملك وهوس . بعد كتييير وقت رجعت لسيارتي ..وسقت راجعة عالبيت .. علاقتي بزوجي كانت جداً فاترة وتقريباً ما كنا نعرف عن بعض شي بهالفترة ، كان اغلب وقتو برات البيت وانا اغلب وقتي او عم صارع بمشاكلي مع يمان او نايمة كرمال أنسى .. حتى عالشغل بطلت روح .. بعد شي كم يوم كنت متجاهلة تلفوني بشكل تام إجاني أتصال من دكتورتي الخاصة: د،ريما : مرحبا حلا ، كيفك شو اخبارك ؟ ، شو صار معك ؟ انا : اهلين دكتورة ريما ، انا منيحة ، ما في شي جديد ،. بعدني ع حالي . د،ريما: إن شاء الله بتنحل ، بدي أطلب منك خدمة حلا انا : تفضلي دكتورة. د،ريما: أبو ابنك شو كان اسمو ، يمان اه ، رافع علي دعوى قضائية بإلاهمال وعدم المسؤولية كرمال قصة الاجهاض الخارجي اللي كنتِ رح تعمليها ..اعمليلي معروف واحكي معاه ..بلاش يعملي مشاكل ويسكرولي العيادة ويسحبو مني رخصة مزاولة المهنة، انتِ بتعرفي الموضوع كان لاني بعزك وتفهمت ظرفك ..بس واضح هالبني آدم قديش حدا مجنون . انا : ولا يهمك دكتورة ، وانا أسفة انو تورطتي بالمشاكل بسببي وجداً محروجة منك ، يلا رح احكي معاه ، باي. انا بعصبية وصراخ : آآآه يمان اآآه ورنيت ع يمان ..مرة ومرتين وما كان يرد ..كنت متأكدة انو فاهم ليش عم بتصل بعثت رسالة : رد ضروري . رجعلي رسالة : مشغول مو فاضي. انا : رد يمان حكيتلك ضروري . ورجعت ارن مرة ومرتين والثالثة لحديت ما رد يمان بلهجة كتير جافة : شو في؟ انا : ما تعمل حالك غبي ، انت عارف كتير منيح ليش انا عم بتصل وانت اصلاً بتساوي كل هالشي منشان تحطني تحت رحمتك وأخضعلك يمان : برافو ، يعني فاهمة انو كل المصايب اللي رح توقع ع راس كل حدا بتعرفيه رح تكون بسببك انا بقهر وأنكسار: اه فاهمة ، وهلأ شو بدك مني ؟ يمان : ولا شي غيرك . انا بقهر : لا تتفلسف، رح أعمل شو ما بدك ..بس اترك العالم بحالها ، حل عن تالين بلاش تخربلها حياتها مع خطيبها واسحب الدعوى اللي رفعتها ضد دكتور ريما ..ما لها علاقة هيي.. الامر مو شخصي ضدك ..كانت عم تحاول تساعدني . يمان بعصبية : تساعدك بإنو تقتلي ابني لهيك بيصير الأمر شخصي حُبي انا : خلص يمان ، قلتلك رح اساوي شو ما بدك يمان بهدوء : بدي تطلقي واتزوجك أنا بإنكسار : تمام ، رح اتطلق ورح اتزوجك ..ولوقتها ما فيك تدخل اي حدا بيني وبينك وتضغط علي ولا فيك تطلب تشوفني او تحكي معي الا للضرورة القُصوى وبشكل مختصر يمان بعدم رضا : عم تفاوضيني يعني؟ أنا : بشرفك ، وين المفاوضة بالموضوع ، انت عطيت اوامرك وانا عم نفذ ..بس بدي تحل عني هالفترة قبل لأصير عندك بنفس البيت وتقلب كل حياتي جحيم واوامر وتسلط . يمان ببرود : اوك موافق، بس تطلقي واتأكد من انو اتطلقتي رح بعد عنك لحد ما تخلص فترة العدة واجي اطلبك من اهلك ..بعدها رح تصيري بس ملكي . انا بقهر عميق : ما تحكي معي بهالاسلوب ، انا مو برواز تتحكيلي ملكي . يمان : ششش ما تبلشي، روحي بلشي بقصة الطلاق انا بقهر عميق : مستحيل تستوعب قديش بكرهك . وسكرت .. كان يمان بهالوقت ع أعصابو بس عم يستنى أنو يسمع خبر إني اتطلقت . كان يدخن بشراهة ومزاجو حاد بشكل جداً عميق.. ولأول مرة قرر يرجع يكتب مفكرة بتلفونو ( اللي انا شفتها بعد فترة كتير طويلة ) .. إنها هوسي، أدماني..لقد مضت سِنين عِدّة وأنا لا أزال أحلم بأن تُصبح ملكي، أن أضعها بين يدي، على صدري قريبةً من قلبي المجنون ،شعور تملكها العميق داخلي ما برح ينهشني..ليست لدي المقدرة على مقاومته، أنها نقطة ضعفي الكُبرى..نُقطة ضعفي التي لا تُقاوم لدرجة أني أحبُها بكل الطرق..الجيدة والجنونية، عاطفتي نحوها عميقة لا تُقاس ..آآه يا آلهي هذا الهوس يقتلني..إنه يُدمرُ صحتي، يُثيرُ جنوني ..يسلبني قدرتي على التعقل..يخُرج أحلك جوانبي..يُخرج الرجل السادي بداخلي ..وأنني أعي أنني كُلما أزداد هوسي بها سيزدادُ جنوني وأرتيابي من فقدانها مجدداً وسيزيد عُمقُ جراحي وصدماتي . رحمتك يا إلهي. كانت معضلتي الكُبرى بهالوقت كيف بدي أطلب الطلاق من زوجي ..لإنو ما كان عندي خيار غير هيك .. اتشجعت ورحت لعندو وهو قاعد عم يحضر أخبار ويراجع أوراق الشغل: أنا : وِسام، في مجال نحكي؟ وِسام ببرود : تفضلي أنا بجرأة وبشكل مباشر : بدي اتطلق . وِسام بشبه صدمة: ما فهمت! أنا: بدي اتطلق، مو مرتاحة بهالعيشة، انت عارف قديش الحياة بيننا صارت باردة ومالها معنى، وغالباً عندك شي حدا بحياتك . وِسام بعدم تقبُل : اوك متفهم، بس فينا نحاول نحسن علاقتنا، وانا ما بحياتي أي حدا غيرك وغير الشغل وفوضى الشغل بحلفلك. أنا : انا تعبت، صارلي سنين عم حاول وما شي تغير . وِسام بهدوء : ما رح أجبرك عالعيشة معي حلا ، بس للصراحة انا مو مرتاح لوضعك أخر فترة .. عطول منطويه ومنعزله وتعبانه ..متأكده ما في شي مخبيتو عني؟ أنا: لا ، ما في شي عدا اني عنجد تعبت وما عاد فيي. وِسام : اوك، انتِ بتعرفي اني ولا مرة جبرتك تضلي معي، انتِ كنتِ ضايله بإرادتك وبعرف انو ما عدتي تحبيني من زمان ..لهيك ما رح نختلف عالطلاق حلا. بعدها بكم يوم كنت رتبت أغراضي ( المهمة منها ) وتركت بيت وِسام ورجعت ع بيت أهلي ..ما في غير كم يوم وكان طلاقي مثبت بالحكمة ورسمي. أهلي قد ما حاولوا يفهموا سبب طلاقي ، حكيتلهن انو اكيد كانوا متوقعين وعارفين انو علاقتي بوسام مجرد مسألة وقت ..لانو ما كان في شغف يربطنا كزوجين ولا اولاد ولا حُبّ أهم شي . بهظاك اليوم بعثت رسالة ليمان: " صار اللي بدك اياه، دمرتلي حياتي وطلقتني من زوجي وهلأ اتركني بحالي ، وما تحاول تقرب لأي حدا عزيز علي ، لانو عجزي وقتها رح يكون نهايتو الموت . رجعت لشغلي وتقريباً مرق شهر وشوية قبل لأحس بوجع كتييير قوي وانا بالشغل ..وجع بطن ما كان فيني أتحملو ..تلفنت لتالين : تالين لحقيني، عم موت من الوجع تالين بخوف : شو في حلا ؟؟؟، شو صايرلك انا بآلم : ما بعرف، هيك فجأة وانا بالشغل صابني وجع قوي، حاسه حالي رح موت من وجع بطني ما عم اقدر علق ع أجريي، تعالي روحي معي عالمشفى نص ساعة وكانت تالين وصلتني..سندتني ع كتفها رايحين للسيارة وبصدمة : حلا شو هاد، انتِ تنزفي ..شوفي اواعيكِ انا بعدم استيعاب وحاسه الدنيا عم تدور فيني : تالين مو قادرة اتحمل ، رح موووت شوي وكنا وصلنا المشفى ..ما صحيت غير بعد ساعة .. كانت تالين حدي ويمان . أنا وعم اتطلع ع تالين وبضعف وشحوب : هاد شو عم يعمل هون؟ تالين وكانت عم تأشرلي اسكت : انا خبرتو انك بالمشفى ما فهمت شو كان قصدها من التأشير قرب يمان ..وكان ملامحو ما عم تتفسر وتالين ع طول حكت : يمان روق بشرفك ، البنت تعبانه، الدكتور قال ما لازم نضغط عليها أنا : انا هون ع فكرة ، شو في .ليه هيك عم تحكي تالين قرب يمان علي أكثر ببرود والغريب انو تالين ما وقفت تناديه : يمان ، يمان بشرفك يمان : اطلعي برا تالين، بدي احكي مع حلا . تالين : بس.. يمان قاطعها : اطلعي تالين . يمان قرب علي عالاخر ومسك إيدي بعصبية وضغط ع ايدي بكل قوتو لدرجة اني صرخت من الوجع . انا : اترك ايدي ، شو جنيت يمان : انتِ احكيلي شو عملتي؟ انا بعلامة أستفهام وعصبية : ؟؟ وهلأ شو عامله انا كمان سيد يمان ، مو ملاحظ اني تعبانه ومو قادرة اعمل شي. يمان بقهر : شو عملتي بأبني حلا !! احكي أنا بصدمة بعد ما استوعبت الموضوع اللي ما كان خاطر عبالي : أبنك ؟ ، انا ؟ وبتمتمه : ما عملت شي يمان يمان بعدم تصديق وقهر : من البداية ما بدك اياك وبدك تنزليه ، وهلأ فجأة هيك صابك وجع وأجهضتي انا بضيق : اه هالحكي بالبداية بس بعدين انا اتقبلتو وحبيتو ورضختلك بس كرمالو ، انا جد ما عملت شي وما بعرف ليش هيك . يمان قرب كتييير لحد ما صار تمو حد أذني وهمس : انتِ وحدة كزابة ومجرمه، وما رح أرحمك ابداً، رح تتمني تموتي قبال كل شي رح اعملو فيكِ حبيبي . وطلع .. بلشت ابكي بقهر ..وشوي وكانت تالين بالغرفة . تالين بخوف : شو عمل فيك ِ هالحيوان ، ليش عم تبكي ؟ أنا : ولا شي عدا عن أنو أجهضت البيبي وهو عم يتهمني اني أجهضتو عن قصد وعم يهددني انو رح ينتقم مني ، انا كتير تعبانه تالين وكتييير خايفة ..حياتي ما عادت تنطاق ، حرام عليه ليه عم يساوي فيني هيك . تالين : روقي حلا ، هو هلأ بيكون معصب كتييير لانو الموضوع جديد بس رح يهدا ويحاكيكِ ..وعد حبيبتي . طلعت من المشفى وروحتني تالين عالبيت : أمي بصدمة : شو صاير ، شو بها؟ تالين : ولا شي خالتو ، مرضانه شوي ، كنا بالمشفى وحكولنا إجهاد وقلة أكل ونوم ..مفروض تاكل منيح وترتاح يومين ورح تتحسن ، سيارتها رح ابعثها مع حدا كمان شوي ..لانو ضلت بالباركينق. أمي : اوك حبيبتي ، ما قصرتي ، شكراً إلك وفاتت أمي وراي تحاضرني عن الضغط اللي معرضة حالي إلو بالشغل وقلة الاكل وربطت طلاقي بالموضوع بإنو السبب وإني بحاجة لجلسات عند دكتور نفسي علشان اقطع هالفترة ..وهي بالمرة ما كانت تعرف السبب الرئيسي لمعاناتي .. فتت عالغرفة ضليت حابسه حالي فيها أيام بس اطلع عالحمام، اعمل دوش واشرب واكل شي خفيف وارجع، وما كان في حس ولا خبر ليمان كنت كتير قلقانه وبنفس الوقت خايفة. بعد شهر من هالحادثة ، كنت طالعة انا وتالين عالمول نشتري أواعي وشوية أغراض ..شفنا يمان بالصدفة داخل عالمحل اللي جمب المحل اللي كنا فيه.. تالين : هاد يمان، ومعو صبية..تعالي نشوف مين هاي . أنا بحزم : لا شو خصنا تالين : تعالي بشرفك ، انا بعرف انو الفترة الفاتت رجعت حليمة لعادتها القديمة . انا بعدم فهم : شو يعني ؟ تالين: يعني سهر وبنات وشرب ، فبتكون هاي البنت تبع الليلة ..تعالي نشوفها بشرفك انا بضيق : شو علاقتنا يعمي، يمان بيكون بعد الأجهاض ما عاد معني يتزوجني ..خلص اخذ انتقامو مني بكل الطرق، وانا ما صدقتو طلع من حياتي ، ليه بدي روح ذكرو فيني . جاني صوتو من وراي بحدّة : مو لأنساكِ بالأول حياتي. وبضحكة سخرية قرب : وبخصوص زواجنا ..انا عم عد الثواني لحتى يجي هاليوم . أنا كنت كتير مقهورة وقررت ما رد واتجاهل كلامو تالين بفضول : شفنا معك صبية وأنت داخل مين هاي ؟ أنا بقهر : وشو علاقتنا احنا ، يلا خلينا نروح نغير جو ونتمشى بالمول . يمان كان واضح انو مزاجو خرب ..وقبل ليحكي أي كلمة طلعت بنت من المحل لابسه فستان كتيير قصير اللي مبين من جسمها اكثر من اللي مغطى، كانت حلوة ومنظرها صاخب كإنو طالعه من فيديو كليب روك .. البنت بغنج مفرط بيذوب : يلا بيبي نروح عالبيت ، كتير تعباني...وبحاجة دوش ساخن لروق ، اكيد ما رح تتعبني الليلة بيب يمان وكان واضح انو مزاجو تعدل شوي وكانت نظراتو لاحقتها وهي ماشيه وبشكل عفوي عض ع شفتو التحتانيه . انا ما بعرف ليه وقتها صابني شعور مؤلم ..حسيت كإنو صدري عم يوجعني ..ما قدرت فسر هالشعور وقتها ولا اجتهد بالتفكير ووصل لنتيجة مستحيل اتقبلها. تجاهلت هالمشاعر باللفلفة مع تالين ..وشوي ووصلتني رسالة من يمان خلتني بلش سب ولعن ونطوط من القهر.. تالين : شو بكي ولي مجنونة فضحتينا أنا : بكرهو هالسافل المقرف تالين وانتبهت انو وصلتني رسالة : هاتي لشوف شو الموضوع تالين وهي عم تضحك : ايه معو حق وغمزتلي أنا بقهر : سكري تمك انتِ كمان كان محتوى الرسالة كالتالي : " وانتِ عم تتسوقي حبيبي في محل لانجري بالشارع التحتاني كتيير حلو ، اشتري منو لليلة عرسنا 😉" عند يمان .. البنت بدلع وهي عم تعمل مساج ظهر ليمان : شو في بيبي ، انا مو عاجبتك ؟ يمان بهدوء : لا، تعبان بدي نام، فيكِ تضلي هون الليلة وفيكِ تروحي ازا بدك بس انا بدي نام. البنت بقهر : شو بدي ضل ساوي ..شالت شنتتها وطلعت وخبطت الباب وراها يمان بعصبية : حقيرة | ||||
|
|
|
27-01-22, 01:06 PM
| #9 | ||||
| وهيك خلص كمان شهر وما بقي غير كم يوم وتخلص عدة الطلاق وكنت كتييير خايفة من جحيم الحياة مع يمان اللي راسمتو براسي . بعد ما خلصت هالايام وكانت جداً سريعة بالنسبة إلي ..دخلت أمي ووجها عم يضحك متل اللي سامع احلى خبر بحياتو .. وبلشت كالعادة حديثها عن الظروف اللي بنمر فيها بالحياة وانو لازم نتخطاها وكل ما تخطيناها اسرع كان احسن وانو ما حدا بيعرف ممكن الفرص الجديدة تكون أحسن وفرصة للأفضل ..كنت فهمت انو يمان خبر أهلي انو جاي يطلب ايدي بس اللي ما عرفتو انو اليوم كنت كتير مصدومة ومرعوبة وتلفنت ع تالين ع طول : الحقيني تالين . تالين : شو في كمان ؟ ما بتبطلي ترعبيني أنا : يمان جايي يطلبني اليوم ، كتييير خايفة ..ومخبر أهلي انو حابب يتزوج خلال الاسبوع الجاي لانو رح يسافر ع لندن عندو مشروع شغل طارئ ما بيتأجل . تالين بإستغراب : بهالسرعة؟ أنا بتوتر ورعب : اه ، ابصر لشو عم يخطط ، والمصيبة ما قدرت عارض اي شي ، مع انو أهلي اشتلقوا علي ..انا اللي كنت أعترض ع كل تفصيل ..سلمت للأمر الواقع بكل شي ع غير العادة. تالين : طيب احكي معاه وافهمي منو شو القصة أنا : لا ما بدي ، بس كوني هون انتِ قبل ليجي ..ما تتركيني لحالي مع هالوحش . تالين بضحك : اه وكمان بجي معك ليلة عرسك شو قلتي؟ أنا بضيق : لا تذكريني تالين ، مو عارفة شو اساوي ، مفروض اتعود اكون لحالي معاه صح؟ تالين بهدوء : اه حبيبتي ، كوني قوية ..انا متأكدة يمان بحبك ..قد ما كان قاسي ومتسلط ما رح يكون كيف ما انتِ متخيلتيه بس سايريه أنا بصوت جداً هابط : بجرب، يلا خليني روح جهز حالي أمي نقرت راسي ..ما تتأخري بشرفك تالين : تمام . عملت دوش وبلشت صفف شعري ( شعري كان أشقر ثلجي ) تركتو نازل وموجت أطرافو من تحت ..حطيت مكياج عيون دخاني بسيط مع لمعة حومرا خمريه مع كحل ازوق سماوي ..ورموش ..كان شكلي خيالي ..أخترت أشكال حلق كتير ناعمة للبيرسينج وعقد ناعم ولبست فستان خمري عالكتف كتير ناعم وطويل ..مفتوح عالاخر من الظهر وطلعت أمي : ما شاء الله عليك بتجنني ، الله يحميك ويوفقك تالين اللي كانت بعدها فايتة وهي عم تضحك وتهمسلي : " ما تلومي يمان إزا جن الليلة " أنا بإحراج : اسكتي ما يسمعك حدا كنت قاعدة بالصالون وكتير متوترة ..عم استقبل صاحباتي وزميلاتي بالشغل ومعارف اهلي والكل عم يبارك ويهني وانا قلبي عم يرجف ..اليوم رح صير مرتو .. رح يعقد علي الليلة ..ورح يبلش جحيمي معاه ورح عاني كتييير .. كان خوفي واضح .. تالين : روقي حلا ، شايفة حالك كيف متل اللي عم يحضر فيلم رعب أنا : انا كتير خايفة تالين . تالين : هدي ما تخافي .. شوي وكانوا وصلوا يمان واهلو وكم قريب عيلة وصديق ..والأب ..وتم عقد القران وصرت مرتو ليمان وبلش رعبي الحقيقي يتحقق .. دخلت تالين عم تهوي بإيدي ع حالها : واااو مو معقول يمان قديش طالع سكسي بالبدلة الرسمية ..وكيف عامل شعرو ولحيتو والاكسسوارات وكلو ع بعضو أنا بضيق : شو تالين ما كإنو عم تبالغي ، ما رح تهديني بهالطريقة بالمرة تالين بصدق : ما عم بالغ عم بحكي جد ..والله طالع بيعقد ..حتى سمعت المعازيم عم يحكوا قديش العريس حلو وانو نيالك عليه وهي عم تغمزني هي كانت عم توصف يمان وانا كنت بعالم ثاني ..عالم كتير مستوعبة فيه انو الليلة رح تكون بداية أنتقام يمان ..اتذكرت كلماتو إلي بالمشفى " رح تتمني تموتي قبال كل شي رح اعلموا فيكِ" كنت كتييير خايفة وقلبي كان رح يوقف لما حكولي انو وقت تلبيس الخواتم والتصوير .. كإنو الزمن وقف ..ما حسيت فيه غير ع ريحة البرفان الرجالية القوية بين زحمة النسوان ..وصوت الزغاريت..قرب مني وكان واضح إنو استوقفو شكلي حسيت قلبي من قوة دقاتو رح يطلع من محلو ..برغم انو كان حولينا كتير ناس بس كنت كتير متوترة ..قرب علي كتير وباسني ع خدي قدام الكِلّ وحكى بصوت مسموع : مبروك حبيبي كنت ميتة من الاحراج والقهر وكان مغطي ع كل هالمشاعر حماس الناس والتصفيق بقوة للطافة العريس واضطريت ابتسم قدام الناس واحكيلو : الله يبارك فيك . كان كُلّ شي مِثالي قدام الناس ..لبسني خاتم ذهب براسو ألماسة وعقد ذهب شكل قلب مزخرف بأحجار كريمة ملونة كل نص لون ..وأسوارة قلوب مشبكه ببعض ..وأنا لبستو محبسو ..وبعد التصفيق القوي والمباركات ..صار وقت التصوير نادت علينا المصّورة اللي جايبها لنتصور بغرفة لحالنا..وبلشنا نتصور لحد ما حكت ..نعمل وضعية انو ظهري للحيط وهو لازق فيني وبوحدة من ايديه مرجع ايدي ورا ظهري وبالايد الثانية رافع وجهي لفوق وعم يبوسني انا : لا شو هيك ، شو هالوضعية السخيفة ..ما عجبتني خلينا نغيرها بليز يمان بإيتسامه خبيثة : ليه حبيبي ، بالعكس كتير حلوة وعجبتني كتير انا بتوتر : لا ما عجبتني وما بدي . المصورة : خلص بنغيرها ، ما رح تزبط ازا ما في انسجام بين الطرفين . وهيك ضليتني أعترض لحد ما لغيت نص وضعيات التصوير ويمان جداً منغاض ..أستغل طلعة المصّورة وطلب من اهلي نقعد لحالنا شوي كخطيبين ، وطبعاً أهلي وافقوا كنت رح اطلع من الصالون لما يمان حاوطني بإيدو وسكر الباب ..وجرني لأبعد زاوية بالصالون عن الباب ولزقني بالحيط وقرب علي لدرجة انو أنفاسو صارت تلفح وجهي ..وحكالي بكل ثقة : بتعرفي إنك اليوم صرتي ملكي رسمياً ؟ ، صرتي إلي ..وفيني أخذك هلأ معي وفيني أعمل فيكِ شو ما بدي ووقت اللي بدي كمان ؟ أنا بخوف وقهر : فشرت يمريض يمان بحزم : فشرت؟؟، كإنك بدك أثبات هون بصالون أهلك وبوجود كل هالعالم ، وكمل بعصبية ؛ بتعرفي انا ما بيفرق معي شي وخبط الحيط حدي بقوة وكان عم يقرب أكثر وع وشك يبوسني وايدو وصلت لسحاب فستاني من ورا لما انهرت وبصعوبة حابسة دموعي لتنزل وتبين للعالم اللي برا : يمان لا ،بترجاك لا ، شو عم تحاول تثبتلي من هالحكي والتصرفات . يمان : أنك ملكي يا حلا أنا : بتوتر ومسايرة: تمام يمان ببرود وحزم : شو التمام؟ أحكيها . أنا بإستغراب : شو هي ؟ يمان بنظرة أنتصار : إحكي أنك ملكي وأنو بقدر أعمل فيكِ شو ما بدي ووينتا ما بدي ..يلا ناطر .. أنا بشعور ذُل وقهر : يمان ، انااا وبلشت تمتم ... يمان بإستمتاع : انتِ شو حلا؟ أنا بقهر كبير : أنا ملكك أنت ، وفيك تساوي فيني شو ما بدك ووينتا ما بدك . يمان بتلذذ : برافو ، استوعبتي الدرس ع طول . أنا بصوت غير مسموع : بكرهك يا سافل ، يا سادي. يمان بإبتسامه : سمعتك حُبي وتركني منهارة وطلع . حسيت حالي بجحيم..ما صدقت الحفلة تخلص والمعازيم يروحوا ..كانت بقيانه بس تالين أنا: تالين تعي معي خليني غير أواعيي وندردش شوي قبل لترجعي عالبيت تالين : اوك ، لاحقتك غيرت أواعيي ، لبست بجامة قصيرة ومسحت مكياجي..كان باين ع وجهي التعب ومصفّر كتير وبعدها أثار الكحل ع عيوني وأثر خفيف للحِمرا ع شفافي ..رفعت شعري لفوق بعفوية ..واتطلعت ع شكلي بالمرآية ، كانت كتير مُغري بهالفوضى ..بلا ما حس اتذكرت يمان كيف كان اليوم ..كان عنجد شكلو خيالي ..لابس بدلة رسمية لأول مرة بشوفو هيك ومسرح شعرو جنابي ( شعرو كتير كثيف وبني فاتح لونو) ومرتب لحيتو ولابس اكسسوارات كالعادة ( ساعة رجالية فخمة، اسوارة ايد رجالية فخمة وخواتم رجالية ثقيلة وبرقبتو سنسال خيط وقماش بصعوبة مبين ..كان كتير حلو ، لو كانت الظروف غير كنت رح كون أسعد انسانه بحبو وزواجي منو . قطع تفكيري صوت تالين وهي عم تتمسخر علي تالين : تعي أصورك ليمان ..بشرفك ، رح يدوخ ازا بيشوفك هيك متل البيبيز ..وكملت تضحك وهي عم تصورني أنا بجدية : مو وقت مسخرتك تالين ، اوعك تساويها، اصلاً انا كتير خايفة ومقهورة ومو قادرة اتقبل اني رح اتزوجوا بعد اسبوع ..مو عرفانه شو ساوي؟ تالين بإبتسامه : صرتي متزوجتيه يحلوة وهو حدا كتير سكسي وبيحبك بجنون ..ورومانسي كتييير بشكل جنوني ..وعمل المستحيل لتكوني إلو ..شو بدك أحكيلك يعني!!!، رح تحبيه حلا ، يمان مجنون ويمكن أناني ومتسلط وبيحب السيطرة بس بينحب اسمعي مني . أنا بقهر : ومين بدو يحب واحد سافل قليل آدب، ارتيابي ، أنتقامي ، متسلط وسادي تالين بإستغراب : روقي حلا، يلي عم تسبيه بحماس هيك صار زوجك بس ما فهمت شو قصدك بسادي؟ أنا بضيق عميق : قصدي سادي يا تالين شو ديكون قصدي، قلي قبل مرة اني حولتو لحدا كتير سادي ..بس ما عطيت الموضوع إهتمام او ما كان في فرصة لحتى أفكر بالموضوع..بس اليوم جبرني،رُغماً عني أحكيلو اني ملكو كإني شي قطعة أثاث وانو بيقدر يساوي فيني شو ما بدو ووقت اللي بدو والا رح يرجع يغتصبني بنص صالون اهلي وع مسامع الناس ومو فرقانه معو ..ذلني يا تالين ..كنت حاسه حالي عم موت وانا أحكيها ..وهو كان متلذذ واقل مايُقال منتشي لإني خضعتلو تالين بسرحان : لك يجحشة معقول مو شايفه قديشو مهووس فيكِ !!..وشيلي من راسك فكرة أنو سادي لانو مستبعده ..هو بحبك بجنون وبجوز مقهور منك وعم يحاول يستفزك مو اكثر ..اكيد ما رح يساوي هيك عنجد حلا : أنا مو متطمنه ابداً، وكتير خايفة ..بالنهاية أكيد بتعرفي مو قليل اللي ساواه معاي...صارلي أشهر عايشة بذل وقهر وعبودية من ورا..حاسه حالي تحت سيطرتو بالكامل، بس عم يعطي أوامر ويهدد ويتوعد لحد ما أنفذها هاد بالوقت اللي انا بعيده فيه عنو ، كيف لما صرت مرتو ورح عيش انا وهو بنفس البيت، بعدين لا تنسي الصبية يلي وصلت المشفى بسببو . تالين بهدوء عميق : هدي حلا ، لا تعقدي الامور ..هيديك كانت مجرد صبية عندها معرفة مسبقة انو شربان وانو شخص عنيف جنسياً وما كان عندها مانع ، بس انتِ حبيبتو . أنا بسخرية : لا طمنتيني، خليني قوم نااام وانتِ الحقي اوصلي بيتك قبل ليتأخر الوقت كتييير ، وبكرا اصحي بكير لأنو مفروض اشتري كم شغلة قبل لأتجوز وسافر 🥺 تالين بضحك : اوك يا عروس ، باي أنا : باي ، سوقي برواق عند يمان .. كان متمدد بتختو المزدوج وما عم يعرف ينام ..عم يتقلب ع ظهرو وبطنو وما في آمل:: يمان بضيق : آآآه ، اطلعي من راسي حلا قطع هالصراع صوت مسج ..كانت تالين بعتتلو صوري بالبجامة (ميكي ماوس ) شعري مرفوع لفوق بفوضى وخصله نازله ع وجهي وأثار الكحل ع عيوني معطية الصورة جاذبية وباقي حُمرا عجزت أمسحها وايدي مرفوعة عم حاول غطي وجهي .. يمان صارت مشاعرو مضاعفة ..بعث لتالين رسالة : بتعرفي انو عنجد مو وقتو ، من غير شي مو قادر نام . تالين ابتسمت وعرفت انو عم يعاني بعد ما شافني وكان قريب مني لهالدرجة اليوم .. بعد ما وصلت البيت وبمحاولة منها لتقريب الامور بيننا فتحت مسنجر وبعتت ليمان.. تالين : يمان ؟! وبعد فترة شوية طويلة رد : اه تالين : انت عنجد بتحبها؟ يمان شاف السؤال وأخذ معو وقت لجاوب : انا عنجد مستغرب انك عم تسألي هالسؤال . تالين : جد خلينا نحكي بجدية ورواق اهم شي ، وهالحكي رح يضل بيننا بوعدك ، انت بتحبها لحلا لهالدرجة عنجد؟ يمان : ما بتتخيلي قديش . تالين : طيب ليه عم تعاملها بهالقسوة وتعذبها هيك ؟ ، هي عنجد كتير تعبانه من تصرفاتك معها يمان بضيق : لانها ما عم تفهمني ، مو قبلانه تستوعب قديشني بحبها، ولإني هيك. تالين : طيب كنت اعطيها وقت تستوعب ..وبعدين شو قصدك بهيك؟ يمان : قولي عني أناني ، مجنون ، متسلط..بس ما عندي صبر أكتر ولا عندي وقت أعطيها أياه لتكون فيه بعيده عني وما بهمني تحبني او لا ..رح تكون إلي وهالشي مكفيني تالين : انت عنجد مجنون، بتعرف قديش خايفه منك هي، وخايفة من اليوم اللي يجمعها فيك ببيت لحال؟ يمان بضيق : ليه ؟ تالين : بسبب تصرفاتك ، انت متخيل انها شايفتك شخص سادي؟ يمان ببرود: هي عملت مني هيك . تالين : شو قصدك؟ يمان : قصدي شو ما كنت كون ، حلا روحي وما في داعي تقلقي عليها وهي معي . تالين : بتمنى . وثاني يوم الصبح ..عملت دوش وجهزت وقررت اطلع اتمشى لحد ما توصل تالين ..لحد ما وصلتني رسالة . يمان : " لوين طالعة مرتي المحترمه بلا ما تخبرني ؟ " صرت اتلفت يمين وشمال بقهر ورجعتلو رسالة : " وصباح الخير إلك كمان ، بشرفك يمان أعتقني " وقررت طنش رسايلو واتصالاتو .. اجت تالين وطلعنا .. تالين وهي بالطريقة رن تلفونها. فتحتو سبيكر : صباح الخير يمان ، انا عم سوق ما فيني احكي يمان ببرود : لوين من عند الصبح تالين: العالم بتحكي صباح الخير ، كيفك، مو لوين من عند الصبح ..بس واضح مزاجك معكر ومو متصل تسلم . يمان : حلا معك؟ تالين : اه قول هيك لكان ، ايه طالعين بدها تشتري كم شغلة يمان بقهر : اوك، بتخبريها معناتو انو ترد ع تلفونها احسنلها. تالين بهدوء : اوك أنا بقهر وضيق بعد ما سمعت كلامو : مالو علاقة فيني، شايفة من هلأ بلش..وبقهر : بكرهو ، رح يجنني . تالين : روقي حبيبي، كيف مالو علاقة فيك، هيدا زوجك صار | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
13Likes
.png)
العرض العادي
