اقتباس:
صباح الخير عليكم أحترت وش أبدأ أتكلم عنه بالبارت حقيقة كان بارت جميل مليء بالأحداث الصادمة والقادم أجمل بإذن الله وأنا كلي ثقة بعيون اللطيفة💕🔥
|
صباح جمال اللي تصفح فيه حضورك و ردك يا تروفة
عساني ما انحرم يارب..
الله يعلي شأنك في عليين على كلامك الحلو يا حلوة..
اقتباس:
سطام
صدمة البارت وأنه عايش رغم كان عندي امل بس كان فيه أسباب كثيرة أنه مايكون عايش مثلاً بس أكيد أنه له دور بروايتنا ولا ماطلع عايش بعد هالوقت عشان يكون مهمش... وعاد يافرحتي بصحوتك حابته هالسطام مررره خصوصًا بعد سالفة غيبوبته وواضح أنه وافي عاد هل بنشوف زواجه قريبًا ولا بيظل على وفائه🤔🤔 وبخصوص ولده جواد على الطاري أحس الولد ضايع ووراه بلاوي بس ننتظر أحد يلتفت له بس
بعد غيبوبة طويلة امتدت قرابة عشرون عاماً ها قد بدأ يفتح عينيه وثم يتأمل سقف بياض و حركة سريعة وأصوات بعيدة هل عاد من موت لما عدت الآن ما كان سبب ذلك ما هذا الاسئلة و اصوات الأعجمية أين أنا لما فقدت صوتي ما هذا خرطوم الذي يفقدني حدة صوتي من أنا
ما هذا رائحة مزعجة ما هذا ضوضاء هل ما زلت حياً أم بين نعش يرثون و يبكون فوق قبري
وجوده عايش غير عن أنه في أحد ساعده وسؤال يطرح ذاته مين الي ساعده هل بيكون دوره مهم أو رجال عابر حاله حال سبيله🤔🤔 أعتقد الرجال له سالفة قليل الي يساعد وخصوصًا من السعودية لبلد غريب أكيد قصته قصة...
|
الله على تحليل ذكي و مُبهر يا تروفة..
لكن وش رأيك نخلي تساؤلاتك رائعة في محل اجابة بالـجُزء قادم أي بالتاسع عشر بإذن الله..
وصلت مرحلة صعبة افتش كلمة << فيس حنون.
اقتباس:
جديل
يازين فرحتها وعاد لاتخلو من المحارشات مع سياف😂😂 منتظرين اللقاء مع سطام حاستني بصيح معها🤣🤣🤣
|
ههههههههههههههه أحلى توصية واحلى المحارشات
أبشركم قادم كله خير من ربنا على قولة اخوانا مصريين << فيس مبتسم و راضي.
اقتباس:
عمران
الغامض ذا حابته مرره حاسته أشهم واحد بالرواية ومنتظرين طلته ومنتظرين على نار سالفته🔥
|
أفا ليه وكل عيالي مابهم شهامة لا كود أنك لزوم تعاودين تفكرين من جديد << فيس يناظرك بنص عين.
اقتباس:
شادن
الإنهيار الموجع😢 حسبي الله عليك ياحيان وشهدت على مقتل أبوها بدون أنها تقدر تساعد أو تقدر تحرك ومن هالصغر شهدت خبث عمها يالله شيء يقهر لهدرجة وأقل شيء أنها تنهار بس معقولة كان أول أنهيار لها من سنوات طويلة أو غفلت عنها منيفة وكانت تعاني بصمت وتراكمت الأشياء وجاء الإنهيار الغير متوقع😢 منتظرين دخول قائد بحياتها راح يغير كل شيء وعاد قائد لو صار حتى خبيث بوقف بصفه حابته مرره🤣🤣🤣 تذكري كلامي هذا ياعيون
|
انهيار شادن له أسبابه كنت أتمنى أحد يفكر فيها شوي
يحتاج له دقة أكثر لذلك سوف تجدون جميع مبرراتها بإذن الله الـجُزء قادم..
بس سؤال :
هل خطر في بالكم بأن مُنيفة تعرف بجريمة بالفعل !؟
وإلا كانت جريمة مبهمة ...
جواب اللي تجاوبه لها نجمة مميزة من عيون الرهاف.
اقتباس:
منيفة
تضحك لها من جديد لتواري أوجاع بعيدة بعد هذا هُدنة.. فلقد عاهدت نفسها بأن لن يبكيها أي موقف آخر فهي في نهاية تظل من بنات حواء هُنا تريد أن تجرب و تحيا حياة جديدة مع من اختارته شريكاً لها
تصدقين خفت شوي من كلامك هنا حاسته وراه سالفة وأنا للأن مب متطمنة لميهاب🤨 عشان كذا كلامك هنا مب عبث عارفة والله يستر من هالحياة 😰
وحلفتها تجنن بكل التفاصيل الأخو ميهاب صح بين أنه طايح لوجهه بس للأن بالنسبة لي غامض ومش مرتاحة له ننتظر الجاي والله يستر...
كانت ملكة توجت بعرشها ليلة
بينما عاملتين اللاتي يمسكن بمبخرة ورائحة عود مع فخامة وقوفهما
تتأمل جميع نظرات و تستقبلها شادن على كوشة لتحاول تكسر حدة موقف ورهبته
تمشي بخطوات موزونة واثقة على نغمات
الصلاة على حمى طه محمد سيد الخلايق
منيفة يا ضيا العين الله تعالى يحرسك من العين
يا مليح ويا زين الله تعالى يحرسك من العين
الصلاة والسلام تغشاك يا نور الأعيان
يا بديع الجمال
مُهاب السعد جالك وعين ربي بترعاك
يا شبيه الهلال
مشلحك فوق كتفك يباهي ومن جاك هناك
فيك مضرب مثالي
سيدي حيل النظر واعطف علي برؤياك
لا تطول مطالي
إنني مغرمك أرعى وداد وأرعاك
حن واشفق لحالي
بالذي صورك وصاغ حسنك واعطاك
البهاء والجمال
زال عني الكدر لما بدا لي محياك
وأسعدتني الليالي
يا هلال الفلاة بالله تراعي معناك
لحين وصولها للكوشة و تمسك بها يد شادن
طبعًا هنا وجهي كان كذا🥺🥺🥺 متأثرة بمنيفة للأمانة منيفة أكثر وحدة بالرواية أتمنى لها العوض خصوصًا بعد ماشالت حمول من هي صغيرة وعمرها صغير عشان كذا تستاهل العوض رغم الصعوبات والي ممكن تنكد حياتها مثل صيتة وضاوي الي كلهم مب ناويين على خير😠 بس بالإنتظار للجاي وأستر ياربنا
|
تعالي يا تروفة تعالي
وش أسمه...
مُـــهــاب.. لذلك مهياب من وين ظهر؟!! << فيس معه عصا..
يا زين اللي متأثرين حمدلله أنها وصلت لكم بشكل مطلوب و أكثر..
حليله مُهاب بعده ما سوى شىء وحاقده عليه أفا بس ما أرضا عليه هذا ولدي مميز هههههههههه
أي بالله و أستر ربنا
اقتباس:
رعود
الولد ورى أختفاءه سالفة خصوصًا أنك ذكرتيها أكثر من مره بالبارت وإن دل دل على أنك تلمحين لنا يا أن الولد صاير له شيء أو انه مهبب بشيء وماقدر يظهر وخفت للحظة من الي صاير وحطيت بعقلي أكثر من سيناريو...
|
تحليل ذكي من قارئة ذكية ومميزة حتى بشطاحتك..
نشوف وش بيصير << فيس مبتسم.
اقتباس:
صيتة
ياناس هالإنسانة واصلة مرحلة من الشر اعوذ بالله منها وخايفة على منيفة منها طلعوا من بيتها صح بس شرها واصل لهم وهذي متى تدور الدنيا وتورينا المصايب الي بتجيها عوذه منها صدق
يقولون سمعت أنها طبينتك... يالله لا تبلى مسلمين ....
يالله حتى أختها ماسلمت من شرها😡😡😡 أعوذ بالله تتشمت عيني عينك
جعلك ما تتوفقين يا بنت مضاوووي.. جعلك بلا و حمى و مرض...... جعلني أشوفك تونين بالمستشفيات ما تلقين لا طب لا ودوا
يمه دعوتها قشعريرة صابتني منها أعوذ بالله من حقد يوصلها لهدرجة ياقلبي على منيفة والله كل مالها تخوفني هالصيتة هالحقد يوصلها لدرجة القتل أعوذ بالله 😰
|
أي صيتة الله يصلح حالها بس..
اقتباس:
طراد
خيبة خيبة أمل مب طبيعية ماتوقعت أنه يجاري خبث مرته توقعت أنه أهون كيف عاش حياته ويناظر لوجه بنات أخوه وهو قاتل أخوه يالطيف على رحمة أنتزعت من إنسان الفلوس لهدرجة تغري تخليك بلا رحمة ومنزوع ماودي ينسجن وبس ودي مرض يتغلغل بجسمه ينهكه لدرجة يحس بأخوه لمًا مات😡 حسبي الله عليك وعلى مرتك ياأنكم رافعين ضغطي
|
ليه ما تقولين انه ندم اللي يآكل يضلوعه...
تهقين كان طراد سعيد ما ظنتي لكن الله يستر من قادم..
اقتباس:
الفخر
مادري أقول صحوة متأخرة بس أن تصل متأخرًا خير من أن لاتصل أخيراً عرف بالي صار على ولده رغم تأخره وبدأ يتخذ القرارت الصحيحة وياقلبي على رحمة بتطيح بشر نواهل 😥 بس عاد أتمنى يكون عادل بحيث لا تطلع شرها نواهل على رحمة اذا شافته ساحب عليها مع أنه ودي ودي يسحب عليها بس خايفة تطلع حقدها مثل أختها أعوذ بالله من هالعايلة
|
اي الفخر موجوع موجوع ومقهور بشكل مؤلم
ما نبي نحرق يا تروفة لا تجريني في كلام واقط خيط والمخيط.. << فيس حازم.
اقتباس:
القفلة
ياشماتتي فيك يانواهل💃🏻💃🏻💃🏻💃🏻 طحتي بشر أعمالك واذا أنتي نسيتي وش سويتي بعناد هو مانسى وجاتك رحمة الي تكسر خشمك بزينها🤪🤪🤪🤪
|
أي كلن ويلقى عمله...
مابه شيء يظل على حاله.. لذلك دنيا دوارة بالفعل.
اقتباس:
اخيراً شكراً على بارت دسم جميل لطيف زي راعيته وهذا الرد كأني ماكتبت شيء لأنه أبداعك لايوصف منتظري الجاي يامبدعة🔥🔥🔥 واعذريني على قصر الرد بس رأسي مشغول وأنا بكبري مشغولة ويالله يالله كتبت هالرد وياحبي لك ولإبداعك💕💕
|
يا بعد حيّ يا تروفة أنا التي أشكرك على حضورك
ما تصدقين قرأته أكثر من مرة وأضحك وعين متأثرة لذلك عسى الله لا يحرمني من تواجدك لافت يا نجمة عيون الرهاف الأولى..
معذورة .... هههههههههههههه عسى الله يوفقك لما يحبه الله و يرضاه.