جفت دُموع العين مِن غِياب الأَحبة/ للكاتبة wesy7i، مكتملة

[لامارا]

البارت 30 والأخير

___
كادي ببكاء وترجف : لان الكل يحبك ويحسب ألف حساب الا انا ينادوني ام كشه ، لان كلهم يتمنون قربك .
ميهاف إنصدمت : معقوله السبب تافهه لهدرجه ؟؟؟
كادي ببكاء : تافهه بالنسبه لك ، بس انا لي مشاعر واللي خلاني انتقم لان حبيبي ماهر كان يحبك هذا اللي خلاني اكرهك واحقد عليك .
ميهاف ببكاء ومصدومة وقربت وخنقت كادي : إلياس وش ذنبه ينقتل يا حقيره فهميني وش ذنبه !
كادي وعيونها حمراء : اتركـءءيني ءء .
ميهاف وهي ماسكه رقبتها وتخنقها : إذا حظك كذا انا شذنبي ، وش ذنبي اذا ما احد يحبك ولا يبيك تدمرين حياتي وتقتلين حبيبي بدم بارد !!
مها إبعدت ميهاف عن كادي وميهاف معصبه وفيها غضب وتبكي وهي مخنوقه وكادي طاحت وصارت تكح ،
ميهاف ببكاء : الله لا يوفقك يا حقيره ماراح اسامحك الله لا يحللك حسبي الله ونعم الوكيل حسبي الله ونعم الوكيل دمرتي حياتي .
كادي تبكي بقوه قامت : ميهاف تكفين والله اني مو متعمده ان إلياس يموت .
ميهاف صارت تضربها : إبعدي عني يا حقيرهه الله ياخذك .
كادي بترجي : تكفين سامحيني .
ميهاف تضربها : انتي دمرتي حياتي انتي حرمتيني من حبيبي يا حقيره ... بعدها ميهاف إغماء عليها والكل تجمع وسحبوها للاداره .
-
ليان بـ عصبيه : كيان ما دريتي !!
كيان وهي تراجع : هلا وش صار بعد ؟
ليان عصبت : ما تدرين عن اختك الحقيره ؟
كيان قامت وعصبت : عن الغلط لو سمحتي الا اختي وبعدين شنو سوت هي عشان معصبه هالكثر!!
ليان بدت تقول كل شي لها : وميهاف اغماء عليها .
ليان ما تحملت وراحت تركض تبي تشوف ميهاف ومتحلفه بـ اختها وشافت كادي واقفه وميته خوف والكل يتكلم فيها كيان جت عندها ..
كادي ببكاء : كيان اختي .. ما حست الا كف قوي جاها وكأنه وجهه انشلل من قوة الكف .
كيان : سودتي وجهي الله يسود وجهك مالي عين اشوف ميهاف من بعد سواتك يا كلبه "وراحت تركض والكل يتكلمون عليها وهي تبكي وطلعت من مدرسه وهي غرقانه بدموعها كيف اختها يطلع منها كذا "

______________________________

___
" بعد مرور اسبوعين "
ميهاف : مستحيل اسامحها هي السبب الله يلعنها .
ليان : كيان مالها عين تشوفك .
ميهاف : مستحيل اترك كيان ، كيان مالها ذنب بسوات اختها .
ريناد : والله لو غيرك يكرهه كل شي يخص كادي .
ميهاف : بس انا اكبر من عقلها ومستحيل اتخلى عن عشيرتي كيون .
ليان : طيب هي وينها ؟
ميهاف : انا بروح اعرف وين هي .
-
" كانت كيان وراء الدرج متفشله من افعال اختها وفجاءهه دخلت ميهاف عليها "
ميهاف تخصرت : الحلوه شفيها ؟
كيان نزلت راسها وهي تبكي : ميهاف والله لو ادري كان كسرت راسها قبل ما تسويها .
ميهاف ضمتها : كيان انا ادري انك طيبه ومستحيل تسوين شي يضرني وانتي مالك ذنب بـ افعال اختك يا قلبي .
كيان وهي تحضنها : تدرين اني خفت اخسرك بسبب افعالها الحقيره .
ميهاف مسحت دموعها : ما ابي اشوف دموعك مفهوم !.
كيان هزت براسها : ايي .
ميهاف : احبك يا اطلق كيان .
كيان بـ إستغراب : ليش ما بلغتي عليها عشان تتأدب هي مشتركه بموت إلياس ولازم تتعاقب .
ميهاف نزلت راسها : مستحيل اشتكي عليك ، مو عشانها صدقيني عشانك انتي .
كيان : انا متبريه منها وهذي مو اختي .
ميهاف : ادري يا قلبي ، بس اذا امي درت ان كادي وراء الموضوع مستحيل تخلي سامي ياخذك واعرف امي اكثر منك .
كيان حضنتها وبكت : اهخخ ميفو طيبة قلبك ما احلاها تفكرين بمشاعري .
ميهاف تبادلها : صدقيني إلياس مات مرتاح ، وكادي حتى لو ما إنسجنت راح تعيش مع الذنب كل عمرها وهي خسرتنا كلنا .
كيان : يب يخليك لي انتي توامي واختي وبس .
________________________________

___
" بعد مرور شهرين بالعرس "
ميهاف بـ توتر : ليان كيف طالع شكلي !!
ليان : تف تف الله لا يضرك يا قلبي يماهه كيكه تهبلين والله .
ميهاف : كيان خلصت باقي ولا لا ؟
ليان : هي شوي وتجي .
ميهاف بـ توتر : اعوذ بالله متوتره يا بنت .
ليان : معليك ، انا وفيصل تزوجنا الحمدلله وشعور حلو الصراحه صح توتر بس بعدين ترتاحين .
ميهاف وهي تهوي على نفسها : عسى خير .
ام سامي دخل عليها : ميفو .. ماشاءالله تبارك الله حصني نفسك يا بنتي الحلوهه طالعه تهبلين .
ميهاف حبت راسها ودمعت : ابشري يا احلى ام .
ام سامي دمعت ومسحتها : لا اشوف دموعك فاهمه ؟
ميهاف : ابشري ماما .
ام سامي ضمتها : قريب تصيرين ام يالعوبا وتحسين فيني يوم اركض وراك ههههه .
ميهاف ضحكت : ماما .
ام سامي : خلاص خلاص استانسي يا روح ماما انتي .
ريهام دخلت : بِسْم الله ماشاءالله ، ماما اول شي نزف مين !
ام سامي : طبعاً كيان كنتي .
ريهام : اوهه مو من قدها كيان .
ميهاف ضحكت : كيان تستاهل والله كل خير .
-
" بدت الزفه ونزلت كيان وكانت الاضواء طافيه وهي تمشي شوي شوي وكل الانظار عليها وخصوصاً كادي كانت تراقب اختها اللي تنزف ولا قادره تفرح معها وكانت تتأملها وتبكي ، كيان ضلت تمشي وهي خايفه ووصلت للكوشه وقعدت ودخل بعدها سامي والكل يناضر فيه ويذكر الله على جماله ، وصل عند كيان وباس جبينها وبارك لها ..
سامي : مبروك علينا يا عروس .
كيان مستحيه : يبارك فيك .
سامي ابتسم وقرب منها ومسك يدها وإقعدو وقطعو الكيك وهو يوكلها وهي توكله والكل صفق لهم .
____________________________
___
" عند العنود لها ساعه تتجهز "
ام سامي فتحت فمها : ساعه يا عروس !!
العنود : خاله تكفين احس كل شي مخربط .
ام سامي : بسرعه المعازيم برا اجل بخلي ميهاف تنزف قبلك .
العنود بـ توتر : اللي تبينه يا خاله .
ام سامي : اذا خلصتي اقري اذكارك طيب ؟
العنود : ابشري يا احلى خاله .
ام سامي دمعت وطلعت وهي تقول بنفسها : ياليتك يا اختي عايشه امنيتك تحققت بنتك موجوده وراح تتزوج هي واخوها بنفس اليوم .
-
عند العيال "
فيصل : مو حاله هذي يا زياد لازم ندخل انا مشتاق لـ ليان والله .
زياد : يخرب شكلها ريناد راحت مع اهلها اقول خل ندخل مع عزام وعبدلله .
فيصل : قدام بشوف مرتي واحشتني .
زياد : نسيت اقولك ، ترا ريناد حامل بتوام .
فيصل : تف تف الله يرزقنا انا وليون .
زياد : امين يلا عقبالكم .
فيصل : امين .
-
" بدت الزفه الثانيه كوبل القلوب ، عزام ميهاف"
ميهاف نزلت ومعها ريهام اللي تساعدها وكانت تتنفس بـ صعوبه وهي تنزل والانظار كلهم عليها منصدمين من جمالها الفاتن اللي كل من شافها تخرفن وكلهم يقولون ليتنا لحقنا عليها ، وكانت تمشي وهي متوتره ووصلت للكوشه وبعدها عزام دخل ووصل عندها وباس يدها وشال البشت حقه وغطاء كل شي وباس شفتها بقوه وميهاف تخرفنت والكل صار يصفق ويصفر "
ميهاف أستحت : عزام بقولك شي .
عزام بـ فرحه : قولي يا قلبيي .
ميهاف : احبك والله وانا شفت العوض فيك .
عزام صار يتأملها وشفشفها وثم راحو قعدو وقطعو الكيك ووكلها وهي وكلته ..
_________________________

___
" بدت الزفه الثالثه "
كانت العنود تنزل من الدرج وهي ماسكه باقة الورد وريهام تساعدها بـ فستانها وكانت متوتره مرا وتمشي شوي شوي والكل يناضر فيها ويذكر الله كل وحده تقول الزين عندي والكل مندهش من جمالها وكانت قصيره بس الكعب مطولها شوي وكلهم يذكرون الله على جمالها ووصلت للكوشه ، بعدها جاء دور عبدلله ودخل ووصل للكوشه والعنود قامت ..
عبدلله باس يدينها وجبهتها : مبروك حبيبتي لنا .
العنود إبتسمت : مبروك لنا يا نبض هالقلب .
عبدلله شالها وهو يدور فيها والكل يصفق ويصفر والعنود تضحك ومستحيه ووجهها احمر من الخجل .
العنود : خلاص عبودي .
عبدلله : واخيراً لقيتك بعد العممر كله يا عنود فرحتي ما تنوصف والله احس ودي اوزع فرحتي اكل الناس .
العنود ابتسمت ودمعت عيونها : اههخ مهما إبعدونا القدر جمعنا يا شرياني .
عبدلله : انشهد ان القلب ما ينلام لما ما نساك لانك كنتي عايشه وكنت انكر موتك والحمدلله طلعت كذبه وطلعتي عايشه .
العنود ابتسمت : الحمدلله .
عبدلله مسكها من خصرها وباس شفتهاوهمس لها : سامحيني لاني إغتصبتك .
العنود : اهم شي تزوجنا وسترت علي هههه .
عبدلله : فديتك .
" وقعدو وقطعو الكيك مع بعض ووكلته وهو وكلها "
-
دخلو فيصل وزياد وهم يرقصون ومستانسين وعبدلله وعزام قامو ويرقصون بالبشت حقينهم والعنود وميهاف والبنات ميتين ضحك عليهم ويرقصون وكل وحده ترقص مع حبيبها وكانت ليله حلوه على الجميع وخلص العرس والكل راح للبيت ..
_________________________________
___
" بعد مرور ٣ سنوات "
ميهاف وهي ماسكه الكتاب وتكتب : إلياس يا روح ماما وينك !
إلياس وهو يلعب : ماما بروح العب بالحديقه .
ميهاف : طيب يا قلبي بس انتبهه لنفسك .
إلياس باس خدها : ابشري يا ماما .
ميهاف إبتسمت بـ حب له : اهخخخ صار عندي ولد وبنت .
عزام كان جاي وهو تعبان من الشغل : سويتي اكل!
ميهاف : ايي معليك اليوم غدانا خوش غداء .
عزام بـ تعب : ان شاء الله .
ميهاف : الا كيف الدوام معك حبيبي ؟
عزام وهو متكسر : كل شي الحمدلله .
ميهاف : كويس الحمدلله .
ميان : ماما ماما .
ميهاف : شفيك يا روح ماما انتي !
ميان : إلياس تعورت يده .
ميهاف قامت بـ خوف : وينه .
ميان : برا هو بالحديقه .
عزام : معليك يا حبيبتي اكيد جرح بسيط .
ميهاف سحبت الشال : بروح اشوفه .
عزام : طيب يا قلبي .
__
" ميهاف طلعت برا للحديقه "
ميهاف وهي تشوف يد إلياس تنزف ركضت عنده وشالته وكان معها شاش ولفت يده وهي تبكي : إلياس حبيب ماما يدك فيها شي !
إلياس بـ طفوله : ماما ليش تبكين يدي مافيها شي .
ميهاف وهي تحضنه وتبكي تذكرت إلياس حبيبها وصارت تشاهق : ما ابي يجيك أذى انت .. وسكتت .
إلياس بـ طفوله باس خدها : ماما شوفيني انا قوي ما فيني شي انا بطل مثل بابا .
ميهاف وهي تبوسه : ادري يا حبيب الماما .
ميان قربت لامها وهي تحضنها : ماما ليش دايم تبكين بقوه اذا تعور اخوي !
ميهاف توترت من الاسئله: خلاص امشو داخل عشان احط لكم الغداء عشان عمتكم عنوده بتجي .
ميان بـ حماس : الله وبتجي معها بنتها وعيالها صح !
ميهاف : صح يا قلب ماما انتي .

_______________________________
___
"عند ريناد وزياد "
عبدالعزيز : بابا ماما .
ريناد وهي تطبخ : وش يا عيون امك !
عبدالعزيز : بابا قالي قول لام ريحه متى الاكل يجهز .
ريناد بـ عصبيه وصرخت : زيييااااددد ؟؟؟
زياد كان بالصاله وانفجر ضحك : ههههههه .
ريناد بـ عصبيه : روح قول لابوك خل يفرش اسنانه مفهوم !!!!!
زياد بضحكه : خلاص خلاص اسفين والله .
ريناد : ابلع زق يا حيوان .
زياد جاء عندها وهو يطلع لسانه : باع.
ريناد ماسكه ملعقه كبيره وهي تركض : والله لا اجلدك.
زياد يركض وميت ضحك : ام ريحه وقفي لا تركضين وتخليني اركض ريحتك عبت المكان .
ريناد وهي تركض : قسم لا اذبحك تعال .
عبدالعزيز وهو طفل يركض وراء امه ويضحك وهو يقول : ماما تكفخ بابا ههههههه .
-
" عند كيان وسامي "
سامي : اقول مافي طلعه انثبري عندي .
كيان : العنود بنت خالتك بتجي عند ميهاف .
سامي : بس انا باخذ اجازه مشتاق لك والله .
كيان قعدت بحضنه : عشان خاطري سوسو .
سامي : يلعن اللي يردك يا سلقه .
كيان ضحكت : انننن اقول .
سامي باس شفتها بسرعه : قولي يا قلبي .
كيان ميته من الحيا : حيوان لو بنتك دخلت!
سامي : زوجتي وحلالي وكيفي .
كيان ضربت كتفه : اننننن .
__________________________________

___
" عند فيصل وليان ، يلعبون مع عيالهم"
ليان وهي مندسه وراء ومعها ولدها : اوص الحين ابوك وبنتي يلقونا
غيث : طيب ماما .
يارا : بابا فصفص .
فيصل : لا كف وش فصفص مسويه تقلدين امك اننن .
يارا ضحكت بـ طفوله : لقيت ماما وغيث .
فيصل غمز لها : امشي نمسكهم .
" ودخلو عندهم "
فيصل من وراهم : بووووم .
ليان قمطت العافيه وصرخت : اءاءا كلب خرشتني ههههههه كيف لقيتونا ؟
غيث : ماما اكيد يارا هذي .
فيصل : لا والله الحين لا تصرفين خسرتو ولازم انتي وولدك تنفذون اوامري انا وبنتي .
ليان : هين يا يارا يا خاينه بس بابا يروح شوفي وش اسوي فيك .
فيصل مسكها : والله اكلك لو قربتي لدلوعتي .
ليان بـ غيره : انننن انقلع انت وبنتك.
غيث : اننننن ماما احسن منك .
فيصل : والله ولدك يبي له قص لسان طالع عليك .
ليان : جرب بس والله اكل يدك .
" وبعدها راحو كل واحد صوب وليان سوت لهم الغداء ودايم يلعبون وكذا وطقطقه بعائلتهم "
-
ملاذ كانت تلعب مع اختها إيف وجت لهم العنود ،
العنود : بناتي الحلوات تعالو عندي .
ملاذ وإيف تقدمو لها : وش !
العنود : اليوم بنروح عند خالتكم ميهاف يلا تجهزو .
ملاذ وهي مستانسه : الله وناسه .
إيف : من زمان ما شفت خالو عزام .
" ودخلو والعنود لبستهم ملابسهم وراحت عند ميهاف "

__________________________________
___
" عند العنود وعبدلله "
العنود : اشتقت لك الشغل مأخذك عني .
عبدلله باس يدها : اعذريني يا قلبي .
العنود ارتمت بحضنه : شرايك بكرا نطلع البنات مشوار !
عبدلله : قدام يا قلبي موافق ليش لا .
العنود صارت تلعب بـ شنبه : اممم .
عبدلله وهو يلعب بشعرها : وش ؟
العنود : بقولك شي !
عبدلله : قولي !
العنود : ‏خذنِي والعمر مره ولا تردني بالمره
‏انا قلبي يبي قلبك رضى في خيره وشره.
عبدلله : حب كونك تلجأ لي من بشاعة كل شعور يمرّ بك ، من ضيق الحيـاة وبؤسها ، أْحب انني موطنك .
-
" عند عزام وميهاف "
عزام : كيف كان اليوم !!
ميهاف وهي نايمه بحضنه : كان حلو .
عزام : الحمدلله ، يلا ننام .
ميهاف : قبل ما ننام ودك اقولك شي .
عزام : قولي!
ميهاف : وددِت لو أُعانقك..عن كُل شَغف العالميَن.
عزام : أنت شمسٌ تشرق ، في روحيُ دائمًا .
" ميهاف ضلت تلعب بشعره لما نام عزام وبعدها قامت للمكتب حقها وفتحت كتابها وهي تكتب ، تبون تعرفون شصار مع كادي ! طبعاً كادي صارت وحيده واختها كيان مو راضيه تكلمها وهي تدفع ثمن إغلاطها والكل صار يخاف يقرب منها ، تبون تعرفون شصار مع ام عبدلله؟ حكم عليها السجن ، ٢٠ سنه عشانها تأمرت بقضية قتل ومن هنا انتهت قصتي وحابه اقولكم ان قصتي واقعيه ، وانا اننخذلت من اقرب صديقه لي وحبيبي مات بسببها وللحين في شعور لـ حبيبي القديم وبس والله .
__
وهنا أنتهت روايتي الثانيه الحمدلله على الختام والحمدلله على دعمكم وحبكم لي اللي خلاني اتشجع واختم روايتي الثانيه ومبسوطه مرا واتمنى اكون عطيت الكل حقه ، وانتظروني بروايتي الثالثه ، وتعليقاتكم على النهاية????.


تمت بحمد الله

[توتووووووووووووت]

حلووووووووووووووووووووووو ووووووه