آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
17-09-23, 12:48 PM
| #21 | ||||
 
|  السلام عليكم ورحمة الله وبركاته مساء الخير جميعاً استمتعوا : : البارت التاسع اخر الليل تعبوا من الترتيب وقرروا يكملون بكره انسدح بتعب وهو يزفر يناظر للسماء لف براسه لعايد الي وقف عنده:بتنام هنا سياف بتعب:اجل وين بنام عايد:بيتك ميل فمه:البيت فيه ضيوف انسدح عايد جنبه سياف:لاتشغل نفسك فيني قوم لبيتك وراك اهل عايد:امديهم نايمين خلني اسمر معك شوي مر من عندهم صقر وبيده اغراض:شعندكم متسدحين هنا عايد:ابد تعال شاركنا صقر بتعب:تعبان والله بروح انام وانت لاتنسى باقي الدلال عايد:ابشر بعد دقايق صمت ارتفع صوت عايد الي جداً عادي مايميزه الا بحته " كل مخلص بالهوى واعزتي له لو تروح سنين عمره ينتظرها ما يشوف ان المحبه مستحيله فطرتن لله شانه من فطرها ما ذخر عند الكتابه كل ليله غير دمعن فالعيون ابطى سهرها لا ذكرها ياعرب ينهد حيله ويتمنى ليته الي ما ذكرها" جابها على جرحه الي مابرى ولاظن انه بيبرى بيوم غمض عيونه الحاره وهو يتنهد بحرقه وهو يردد براسه (ايه بالله لاذكرها ينهد حيله هد ) خلاص موقادر يتحمل اكثر وقف بسرعه واختفى صوت عايد الي يناظره بإستغراب :شبلاك سياف وهو يداري الغصه الي بحلقه من شاف هبوب وكملها عايد عليه:ولاشي اسمحلي بتمشى لحالي وانت الله يسمح دربك حط يده على جبهته:اححح طرده معتبره وقف وهو يتلفت:بتجلس لحالك بالمزرعه سياف وهو معطيه ظهره:ماعلي خوف تيسر عايد وهو يمشي عرف انه زودها وهو يبي يجلس لحاله: فمان الله مارد عليه شيع المكان بنظره مسح وجهه :ياارب مشى بعيد عن المكان الي كان فيه العرس لاطراف المزرعه جلس على الارض واشعل سجارته ظنن منه انها بتخفف عليه تحسس جيبه يتأكد من البخاخ معه ولالا ارتاح انه بجيبه كان مايهتم لكن الان بما انه رجع يدخن ياخذ البخاخ معه لاتوجع عشان مايقلق احد انتصف الليل عليه مشى لنهاية سور مزرعة ابوحمد وقف عند الباب الحديد الي يتوط السور تقدم يفتح الباب لكن وقفت يده بالهوى موقادر يتخطى الي صار فيه شي يمنعه للان ورا هالباب كانت جزء من المزرعه لابوه كاتبها باسمه وهوكان اغلب وقته فيها يزرع ويجلس مع الشباب وكانت احلامه مبنيه على هالمزرعه وايش بيسوي فيها و وو كثير اشياء انحرقت مع حريق هالمزرعه بسبب افعال ابوه نفض راسه بسرعه ولف ماشي تاركها وراه وهو يترحم على ابوه : ضربتها بالعصا:يالي ماتستحين متفصخه قدام الخلق سحاب حكت مكان الضربه: اااي ياجده وين متفصخه الله يهديك الجده بقهر:وتردين ايه ماعليتس ملامه الشرهه على امتس الي راضيه بهاللبس ام سحاب:عليتس فيها يمه تعبت وانا اقول لها جات ام حمد يمهن وهي تحاوط اكتاف سحاب:لاتزعلون سحابتنا الجده بحلطمه:امحق سحابه والله ابتسمت تحضنها على جنب:ياالله تخلي لنا العمه الحنونه جات جنى وامها بالقهوه جلست ام حمد وجلست سحاب بجنبها ابتسمت لها وهي تحط يدها على يد سحاب بهمس:عقبال مانزفتس لبيتتس التفتت لها بإستغراب وعدم فهم من بداية العرس وهي تتبسم لها وتشوف نظراتها الغريبه ومدحها لها كل ماشافتها شكل امي معلمتها بالخطبة انقذتها من التفكير جنى:ياحلوه ماتبين تغيرين هالفستان الي من كبره اخذ الجلسه كلها وقفت بسرعه:نسيت بروح اغير وانام اسرعت تختفي عن نظرات ام ايمن وتهزىء وسخرية جدتها وهن كملن السوالف للفجر : الفجر اندق الباب بقوه فزت من مكانها تلفتت تدور افنان مالقتها تعثرت بفستانها الي للان عليها من تعبها رفعت الفستان عشان تقدر تمشي وصلت للباب وهي تسأل من جاها صوته الخافت :انا افتحي بسرعه زفرت وفتحت الباب بخوف وقفت وراه دخل وقفله التفت يمهاوهو يمد لها شنطه متوسطه:اسمعي دسيها بااي مكان وياويلتس تفتحينها او احد يدري عنها تفهمين خافت وهي تاخذ الشنطه وجاء بيطلع الا رجع يتفحصها من فوق لتحت رفع حاجبه:ليش هاللبس بهالوقت ارتجف قلبها ماقالت له عن العرس وتدري بكرهه الكبير لهم حضنت الشنطه بقوه خوف منه قرب منها:ماتردين فاتن بصوت يادوب ينسمع ومنزله راسها:افنان اعرست ولبسته رجع للخلف: اعرست ام لسان المهم حافظي على الشنطه زين وقبل يقفل الباب طل براسه مبتسم:طالعه قمر جلست بجنب الباب الي طلع منه تخاف من حسه كيف لاشافته تنشد كل اعصابها ماترتاح الا إذا طلع من البيت ناظرت البيت موحش وبارد ومحد حولها تجلس ايام بهواجيس ترعبها وتنتفض من اي صوت تخاف يجيها ويضربها خالد تلفت حوله وهو لاف الشماغ على وجهه الرجال بدو يطلعون من المسجد اندس بين بيتين لما شاف ايمن طالع من المسجد سمع الي يناديه :خالد وينك مالك شوف وده يقتله فضحه صد عنه ولارد بيمشي انصدم من وقوف ايمن المفاجىء قدامه ماعطاه فرصه يتكلم او يتحرك ويدافع عن نفسه داهمه بضربه على وجهه اختل توازنه منها رجع رفسه ببطنه بكل قهر ثم مسكه مع ياقة ثوبه وهو يضغط على اسنانه:يالخسيس كل شي سكت عنه الا ابوي يالكلب وضربه بقوه على وجهه للمره الثانيه ونفض يده الي اوجعته نزف انف خالد حط يده على انفه بألم :قدها ياايمن ايمن وتنفسه مسموع من كثر غضبه شاته على ساقه:قدها يالكلب تندس زي القطاوه يالجبان وين الفلوس الي سرقتها استفزه سكوته ونظرته له رجع يضربه يفرغ الغضب المكتوم من اسبوع لو مامسكوه الرجال وابوه من بينهم كان خالد ميت بين يديه سحبه ابوه للبيت غصب عنه والرجال تساعدوا بخالد للمشفى الي يهدد ويتوعد ايمن واهل الديره للان مايدرون كيف بليله وضحاها انقلب حال هالاثنين من اصحاب مايتفارقون لاعداء مايمر اسبوع الا متهاوشين وبينهم الشرطه دفه ابوه لداخل بيته بقوه وبعصبيه:انت ماتفهم قلت لك لاتتدخل مالك شغل بالي صار ايمن بصوت عالي: الا لي شغل دامه خالد ابوها:لايعلى صوتك علي صد ايمن:السموحه يبه تكفى لاتسكت له تكفى ابوه:ومن قاال اني ساكت عنه وبعدين لو مافكيناك منه كانه ميت وحكمك قصاص ايمن والعصبيه معميه:جعله الموت يريحنا منه ابوه مسح على وجهه وهو يستغفر:ولد هجد شياطينك لاتجيبلنا المصايب حنا بغنى عنها وانثبر هنا لاتطلع حتى للبقاله سامع وسالفة خالد انساها لان هالمره ظلمناه تركه متفاجئ بكلمة ظلمناه دخل لبيته من الباب الي يفصلهم وصكه بقوه تدل على عصبيته وايمن يرتجف جسمه غضب نزع ثوبه ورماه بقوه على الارض اتجهه للمغسله يغسل وجهه كذا مره يهدي غضبه : صحت من ساعه تروشت وصلت الفجر وخلت شعرها يجف على طبيعته لبست فستان ناعم بلون ازرق حطت كحل خفيف وروج هادي واقفه يدها متشابكه توتروعيونها بجهة السرير ماتدري كيف تصحيه مستحيه ناظرت الساعه المعلقه توكلت على الله حطت يدها على صدرها تاخذ نفس اتجهت له وقفت عنده وهي تهمس:حمد يلا اصحى الساعه بتصير11 ماصليت الفجر حمد وهو منسدح على بطنه ووجهه يمها صحى من شوي راقبها وهي واقفه لين جات عنده ماقدر يقاوم ابتسامته اكثر ابتسم وهو يفتح عيونه واعتدل بسدحته على ظهره مسك يدها وسحبها تجلس جنبه باس يدها:يازين هالصبح دامني اصحى على هالصوت والوجهه الحسن والله ان امي داعيه لي بوقت استجابه استحت وبان على وجهها ابتسمت احلى إبتسامه خجوله حط يدها على صدره وهو يتنهد:شكلتس بتخليني ااخر الصلاه اكثر وقفت بسرعه وهي تسحب يدها:استغفرالله الا الصلاه ضحك عليهاو وقف واتجهه للحمام لبس ثوبه صلى الفجر مد يده لها :يلا نطلع نفطر مسكت يده وطلعوا للصاله الي فيها امه وابوه يتقهوون امه بفرحه وترحيب:يالله حيهم عرسانا سلم عليهم وجلس وهي وراه سلمت على امه الي ترحب فيها بكل حب استحت وهي تسلم على ابوه وقفت ماتدري وين تجلس من الخجل ام حمد بطيبه:اجلسي يمه بجنب رجلتس جلست جنبه وتركت مسافه ذابت من الحياء من لصق فيها حمد اخذ الفنجان من امه ومده لها ثم اخذ فنجانه وهو يشرب القهوه:وين ترف امه :ياعزي عنها نايمه ماجلست امس تناقز من مكان لمكان ابوحمد وقف :يلا عاد انا استأذنكم رفع عيونه لابوه:وين يبه اجلس ابوه وهو يرفع شماغه يلبسه:بروح يم العمال يرتبون عفوش العرس وقف بسرعه:بمشي معك اساعدكم ابوه وهو يجلسه:اجلس مع عروستك مالنا حاجه فيك اليوم حمد:افا يبه ابتسم له ابوه وطلع وباله مشغول بايمن ومايبي حمد يدري وامه تقول:الا متى ماشين حمد يتقهوى:المغرب إن شاءالله التفتت بسرعه له ماقال لها عن روحتهم ولاتوقعتها اساساً التفت لها على طول نزلت راسها ابتسم وهو يتأمل حركات يدها الي توضح توترها حط يده عليها ابتسمت امه وهي تطالعهم وقفت وهي تتنحنح:اححم بروح اشوف ايمن وانتوا افطروا من طلعت امه قال لها:بعد الغداء نروح لاهلتس والمغرب بنمشي لمكه منها نعتمرونتمشى فيها يومين ونرجع لان ماعندي إجازه طويله واوعدتس اعوضتس بسفره ثانيه هزت راسها بموافقه وقفها معه وراحوا يفطرون بالمطبخ بالمركزنواف يشرب من قهوته السوداء ويقلب الاوراق الي حوالينه ويقراء هنا ويكتب هنا ومندمج جلست جنبه ماحس عليها ناظرته كيف مندمج باهتمام مع هالاوراق سحبت ورقه بهدوء تقراء عقدت حواجبها ماانتبه لها الا لما قالت:قضية مخدرات! لف بسرعه جهتها وسحب الورقه:خلي عنتس اللقافه لفت بكل جسمها له وهي عاقده حواجبها:وشهو شغلك تأفف بتعب :افنان ماني رايق لتس الحين خليني اركز افنان سكتت تطالعه وهو يقراء مااهتم لها وقفت بقهر:وركز زين اني مااعرف عنك شي من تزوجتك وانت عارف كل صغيره بحياتي اتجهت للمطبخ وواضح الزعل والعصبيه من طريقة مشيها زفر وحط الاوراق من يده ولحقها وقف على باب المطبخ شافها تغسل الصحون وهي اصلاً نظيفة تنهد وقف وراها وباس كتفها:اسف وش تبين تعرفين امري لفت عليها:كل شي كل شي يانواف نواف ابتسم وهو يقرص خدها بخفه:كل هالعصبيه عشانتس ماتعرفيني اسئلي وبجاوبتس ميلت فمها من قال بضحكه:كملي غسيلتس والحقيني رجع مكانه جاته وهي تمسح يدها وجلست:اول شي كيف عرفت بالي يصير معي ناظر فيها ثم ضحك:ماراح تصدقين من وين اجيب علومتس افنان عقدت حواجبها وتنتظره يكمل:مريم بنت عمتس شهقت بتكذيب:مريوموه ام لسان ، ضربت كتفه بزعل:وانت تسحب الحكي من البزارين ضحك:وش اسوي دامتس ماتعطيني وجهه افنان:ويازيني يوم اعطيك وجهه وانا مااعرفك مد كفه لها:تدرين انها جاتني عشان هالجرح تقول افنان دكتوره بتشيل وجعك تأملت يده الي فيها ثار جرح وسكتت ماتدري شتقول وهو كذلك سكت ينتظرها تتكلم :حكني عن نفسك رجع يرتب اوراقه ويحطهم بالملف:مااعرف قلت لتس اسئلي افنان بتردد:اهلك وينهم امك ابوك ابتسم بحزن:أمي وابوي واخوي الصغير توفوا بحادث قبل10سنين وبقيت لحالي عايش ببيتنا عاد تخيلي واحد عمره21 تحمل مسؤولية نفسه ودراسته تعبت يافنان تعبت حيييل لين صرت ماانا عليه الحين افنان وعينها تتأمل ملامحه ترحمت عليهم بهمس ثم قالت:خوالك واعمامك ماتطريهم اختفت ابتسامته:طردوني على قولهم مايتشرفون بولد امه اجنبيه تقاسموا ورث ابوي ورثي اخذته منهم غصب بالمحاكم ومن بعدها انقطعت عنهم نهائياً الي عشتيه من طمع عمتس عشت انا من طرفين انصدمت ووضح على وجهها ماتوقعت ولاواحد بالميه تكون حياته بهالشكل تأملته مافيه ملامح اجنبيه شكله مااخذ شي من امه :اسفه قرب منها:وليش الاسف مات قليبي ناحيتهم ماعاد اهتم لهم سكتت ماتدري شتقول تحس انها غلطت بس هي ماتدري رفع راسها:شبلاتس افنان:ماكنت ادري حضن وجهها بيده: لاتلومين روحتس كملي استجوابتس ياحضرة المحققه ، ابتسم لها اما هي تحس تبخرت كل الاسئله الي كانت تدور براسها طولت ساكته:إذا ماعندتس اسئله خليني اكمل شغلي وقفت بسرعه:كمل شغلك زفر وهو يقلب في اوراقه تعكر مزاجه وهو يبين لها عكسه : بعد صلاة العصر تجهزت لبست رفعت شعرها كامل ذيل حصان دخل وهي تلبس خاتمها ابتسمت له مسكها يلفها له:كثيير هالزين علي يااخت سياف نزلت راسها بخجل وهو مكمل يتأملها بإعجاب تام اندق الباب وفز كان شارد بجميلته ضحكت عليه بخفيف فتح الباب ترف واقفه بكشتها ولابسه تيشرت ايمن الي صاير ثوب عليها ضحك ونزل لمستواها وهو يبعثر شعرها:صح النوم ياحلوه ابتسمت وهي تناظر وراه:الله هبوب هنا ضحكت بفرحه وهي تأشر لها ببوسه طايره رجعت لها البوسه بنفس لفت راس حمد لها ساحت بمكانها من الحياء من قال :ماشاءالله البوسه لناس وناس لا ترف:ابي اجلس عندكم حمد وهو يدفعها:يلايلا عند امتس جات امه على كلمته تسحبها من شافت شكلها:ياهلبنت الي ماتستحي امشي عدلي روحتس مشت معها وهو التفت لهبوب :نمشي هزت راسها ولبست عباته وطلعت معه وهم يمشون شاف سياف واقف عند الباب طلعت منها شهقه غصب عنها التفت بسرعه لها اما هي اسرعت بمشيها لاخوها الي استقبلها بإبتسامه حضنته وسلمت على راسه :ماامداتس تشتاقين هبوب ببكي:اكيد بشتاق لكم حاوطها بجنبه وسلم على حمد بعد ماسلم عليه دخلت على طول مشتاقه لجدتها الي تصحى معها من الفجر وتناقرها قفل سياف وراها الباب حمد وهو يسحب بكت الدخان الي كان بالجيب العلوي لسياف بعدم إعجاب:من متى سحبه منه ورجعه بجيبه:من اسبوع كتف يده :وتجاوب بعد وش الي مضايقك سياف وعيونه تنتقل بكل مكان عشان ماتطيح بعين حمد ويفضح نفسه انقذه صوت بكي هبوب الي وصلهم ضحك على وجهه حمد الي انخطف وعيونه للباب :لاتخاف بنتنا دمعتها على طريف ناظر له :الله يعيني : اول مادخلت نزلت عباتها وقفت من شافت جدتها لحالها تتقهوى اسرعت بمشيها:جدده التفتت لها وهي تفتح يدينها ارتمت بحضنها:ياحي هالصوت ياحيه وشلونتس يمه هبوب وبكيها يعلى:اشتقت لتس مسحت على ظهرها:كلنا كلنا يايمه اشتقنا بعدتها عنها:شلونتس وشلون حمد معتس ابتسمت لجدتها:بخير جعلتس بخير الجده:الحمدلله تعالي يام صقر ام صقر كانت جايه سلمت عليها وهي تستفسر عن اخبارها هبوب:جده المغرب بنمشي لمكه توصيني بشي الجده للان متمسكه بيد هبوب:نبي سلامتكم ياضي عيني هبوب باست يدها:وين البنات ام صقر:الكل نايم حتى غداء ماصحن له وقفت هبوب :بروح اصحيهن و اسلم عليهن قبل نمشي اول مادخلت البيت لفتتها انوار غرفة سياف شغاله دخلت الغرفه شيعتها بسرعه بإستغراب قفلت انوارها وبابها واتجهتت للبنات الي كانت سجى صاحيه ورابطه راسها وقفت سلمت عليها هبوب :مصدعه سجى مسكت راسها تعبت تدور الرساله بغرفته مالقتها والقلق اتعبها:ايوا الله صداع فتك براسي هبوب وهي تسحب اللحاف من فوق سحاب:الله يعينتس رجعت سحاب تسحبه وتتلحف:يمه تكفين بس شوي هبوب :يلا اصحي جايه اسلم عليكم فتحت عيونها:حتى وانتي معرسه مانفتك من ازعاجتس هبوب وهي تسلم على جنى الي عين فاتحه وعين مقفله:مافيه فكه قومييلا صحصحن البنات غصب من ازعاج هبوب الا سجى الي تحاول ترجع تنام لعل هالصدع يخف وجلسن كلهن بجلسة الجده مع ام صقر وام سحاب حتى ام حمد جاتهن وسوالف وتحليلات للعرس حتى سوسن الي نامت عندهم شاركتهن الحكي جنى ميته ضحك وهي تناظر لسحاب وهي تقلد رقص وحده من الحريم ضربتها الجده على ساقها:ياقليلة الحياء خلي الحريم من لسانتس العوج سحاب جلست جنب هبوب :اححح تراها من بعد العرس وهي تضرب فيني جنى:والله ياجده حاقده عليتس قربت من هبوب بهمس:ام رجلتس من امس اكلتني بعيونها هبوب خطفت نظرها لها ثم همست لسحاب:ملاحظتها من اول الجلسة ف ماكملت كلامها الا بام حمد تقول:تسلم يد من زين هالقهوه ام سحاب :بنيتي مزينتها فتحت عيونها بصدمه من امها همست لهبوب:والله موانا هبوب بضحكه عليها:شكل فيه مشروع خطبه سحاب بغباء:هااه وش خطبته وكأن ام حمد تأكدلها:اييه قهوة العروس الجديده وقفت هبوب بسرعه وهي تسحبها معها من رفعت صوتها بشهقه والكل ناظرهن:تعالي ابيتس بشغله دخلن غرفة الجده وسحاب انخطف وجهها وهي تستوعب كلمتها عروستنا الجديده بس امها قالت لها محد يدري حتى جدتها سحاب برجفه:هبوب من الي خطبني فتحت فمها هبوب:بسم الله عليتس من الي من خطبتس رفعت يدها تسكتها وصارت تدور بالغرفه تكلم نفسها :دقيقه دقيقه امي تقول خطبتس وامه كلمتها بس هو امه كيف كذا شهقت ولفت على هبوب وهي تستوعب كل شي من غبائها نست تسأل امها من الي خطبها:يعني موسياف صح هبوب قربت منها بقلق عليها:هدي شصارلتس موفاهمه شي وشدخل سياف الحين رفعت عيونها المدمعه:إذا موسياف اجل من من الي وافقت عليه ضربت نفسها وهي تبكي من طرى اسم ببالها حضنتها هبوب بخوف:وشجاتس بسم الله عليتس ليش البكي سحاب لاتخوفيني بعدتها عنها وكلامها يتقطع من البكي:جاتني امي وقالت اني انخطبت ووافقت وافقت ياهبوب وانا ماادري منهواحسبه اخوتس والله احسبه سياف اخذتها بحضنها:انتِ اهدي الحين وفهميني كل شي جلست معها بالغرفة للمغرب اندق الباب عليهن ام صقر:هبوب رجلتس برا يحتريتس وقفت هبوب:جايه ياعمه لفت على سحاب الي جالسه وساكته تناظر للفراغ تنهدت بحزن عليها حضنتها بسرعه وهي تستودعها :خليتس قويه كل شي له حل طلعت لحمد الي واقف بسيارته جنب الباب وعنده امه وترف وسياف سلموا عليهم ومشوا في الطريق اذن عليهم العشاء وقف على جنب صلوا وحط فرشه صغيره تكفيهم بجنب السيارة :نتقهوى شوي ونكمل الطريق جلست تشوفه يزين القهوه :تدرين ايمن خطب انتبهت له:ماشاءالله الله يهنيه سكتت شوي وقالت بسرعه:خطب مين ابتسم لها وهو يصغر من النار:اجل ماعنتتس علم خطب بنت عمتتس شهقت وحطت يدها على فمها استغرب :شبلاتس تداركت نفسها:هاا ولاشي ماكنت ادري تقهوا ويسولف عليها عن الي سواه سياف امس وهو مبسووط ومشوا مكملين الطريق لمكه : بعد العشاء دخلت الجده تنام وسوسن وبنتها بحضنها نايمه:وين سحاب مختفيه سجى وجنى رفعوا اكتافهم بماادري ام سحاب وقفت بتشوف بنتها موعادتها ماتزعجهم بصوتها كل هالوقت فتحت الغرفه ماشافتها فيه دورتها بكل الغرف والحمامات دخل الخوف قلبها ماشافتها من دخلت مع هبوب العصر للغرفه لهت مع السوالف عن بنتها ناظرت جهة الدرج الي يودي للسطح وسمت باالله وطلعت فتحت الباب الا بسحاب منسدحه وعينها للسماء قربت منها:سحابوه وشتسوين بروحتس هنا خوفتيني جلست بسرعه ومسحت دموعها خافت امها من شافتها جلست جنبها:تبكين سحاب بصوت مبحوح من البكي:مين الي خطبني عقدت حواجبها وحطت يدها على جبهتها:بسم الله شبلاتسوشهالسؤال سحاب تتمنى تقول سياف:جاوبيني امها وهي ناسيه تحسب انها قالت لها:ايمن ولد صفيه غطت وجهها بشهقه وبكت ضمتها لحضنها:سحاب لاتخوفيني عليتس سحاب تشاهق من البكي:يمه ماابيه ماابيه بعدتها عن حضنها بقوه:وشو ماتبينه هو لعب عيال بعد ماوفقتِ وكنتِ فرحانه و فرحو هم بعد بموافقتس الحين ماتبينه وشبلاتس سحاب خلاص تعبت من بكيها من المغرب هزت براسها بلا بقوه:ماابيه ماابيه عصبت امها ووقفت:هو على كيفتس تلعبين بهم والله ان تاخذينه غصب عنتس وقفت بصرخه:ابوي مايرضى انغصب عصبت زياده وهي تمسكها بكتفها وتهزها:والله ثم والله ان وصل لابوتس شي ان تزعلين وزعل كبير بعد تركتها وطلعت جلست وهي تضم رجلها لصدرها وتخبي وجهها بيدها وتبكي ماخلت دعوه الا دعتها على ايمن : استغفرالله العظيم واتوب إليه | ||||
|  |
|
17-09-23, 12:51 PM
| #22 | ||||
| : : البارت العاشر مكة الروح والارض الطاهره الكل يطوف ومنشغل بالدعاء الصادق الكل بهالبقعه منشغل بعبادة الله حمد يطوف ورافع يدينه يدعي وهبوب بخلفه ماسكه إحرامه بيدها اليسار ووتسبح وتستغفرباليمين ومره تدعي لاهلها رفعت عينها لحمد ابتسمت وهي تدعي ان ربي يجعله زوج حنون ويعوضها عن كل شي بالحياة تدعي بالحياة الهنيه معاه وان الله يكفيه كل شر بهالدنيا انتهوا من العمره وقفت مكانها وعينها تتأمل الكعبة شعورها هاللحظة كبيير ماتقدر توصفه من زمان عن مكه وقف عندها ومد لها كوب ماء زمزم ابتسمت له وشربته انتعشت روحها:يروي وافق على كلامها بهزت راسه : باليوم الثاني لحقته للباب بقطعة خبزه:طيب بس هذي مااكلت شي لف شماغه على راسه واخذها وقطع له قطعه صغيره ومدها لها:والله عشان خاطرتس مومشتهي افنان:طيب فمان الله طلع ومشيه سريع وصل للبقاله مقفله حتى الكرسي مكانه يعني انه مافتحها ولاجاها صار له يوم وهذا الثاني ولاشافه راح لبيته ويدق الباب مايفتح انشغل باله ماهي بالعاده اتجه لبيت اهله وصار يدقه بقوه ونفس النتيجه تنهد وهو يتلفت ثبتت انظاره على الي يمشي ووجهه واضح اثار الضرب وصله صوته الساخر:تدور على خويك تلقاه بالسجن فتح عيونه واسرع له :شتقول ابتسم بسخريه ومارد يناظره نواف صر على اسنانه:ايمن فين مشى من عنده :قلت لك بالسجن التفت له وهو عارف بالعداوه الي بينهم اسرع لبيت سياف بيتأكد منه يدق الباب لامجيب ثم اتجهه للباب الامامي سمع صوت حرمه:سياف موجود ردت عليه:سياف موفيه مارجع من الفجر وش يعني كلام خالد صح اسرع لمركز الشرطه الي يكون ورا المستشفى على طول وصل للبوابه ارتكى على ركبته بنفس عالي من ركضه اعتدل ودخل اول مادخل شاف سياف واقف بجنب ابو حمد الي جالس وراسه بين يديه :وش صاير وليش ايمن هنا تنهد سياف:ضارب خالد ومشتكي عليه نواف:لاحول ولاقوة إلا بالله ابوحمد:ياما حذرته يطنشه لكن مايفهموهذا هو بالسجن للمره الثالثه حط يده على كتفه:سهالات ياعم لاتضيق خاطرك رفع راسه لسياف:شفتوه كلمتوه سياف هز راسه بمعنى لا طلع نواف يبحث عن شبكة اول مامسكت معه ثبت مكانه واتصل على رئيسه الي على طول ردبسخريه وعصبيه :ياهلا بالي يتزوج ولايعزم مرسلك تنبسط وتلعب يانواااف هذا الي كان خايف منه ماكان يبيه يدري الحين:كنت بقولك قاطعه:والله برافوو عليك حنا هنا حايسين والف وسواس حولك وانت ولاعلى بالك نايم بالعسل وضارب فينا الجدار نواف هالموضوع يقدر يحله ويراضيه فيه لاشافه لكن الحين ايمن اهم:عندي لك خبر اهم من عرسي حامد تنهد مهما يسوي نواف يظل رفيقه ومايقدر عليه:اسمعك نواف خفض صوته:ايمن انسجن متهاوش مع واحد واشتكى عليه ابيه يطلع اليوم حامد ميل فمه موعاجبه دخل مواضيع بهالمهمه:بطلعه واول ماتشوفه تكلم بموضوعنا نواف:يعني وافقتوا ينضم معانا حامد:ايه واهم شي تفهمه كل شي وحرص عليه محد يدري نواف تراني اثق فيك وعارف انك ماتسوي شي الا في مصلحتنا نواف:ثقتكم بمحلها طال عمرك مع السلامه : كل الديره درت بسجن ايمن خالد يمشي بالديره وبتفاخر انه مشتكي وساجنه ولابيتنازل عنه وصل الخبر بيت سياف دخلت غرفة امها ووقفت قدامها:هذا الي فرحانين فيه وتبيني اخذه مسجون يمه مسجون طنشتها امها وكملت شغل الصوف الي بيدها ام حمد علمتها بكل مشاكل خالد مع ايمن عصبت وهي تسحب الي بيدها:يمه اكلمك نفضت يدها:ووجع ياسحاب انتهينا من هالموضوع لاتعيدين وتزيدين فيه بكت من استقروا بالديره وامها تغيرت عليها :يمه ماكنتِ كذا كنتي ماترضين دمعتي وش الي غيرك علي حضنت زايد الي فز من نومه من صوت اخته:اصص لاتفضحينا تكلمي بهدوء ولاتوكلي لغرفتس انقهرت من اسلوب امها وطلعت من درت انه ايمن ودمعتها مانشفت واخلاقها زفت وخبر سجنه زادها كرهه تنتظر جيت ابوها وتروح معه كارهه الديره هالفتره : طلعت من عند الدكتوره وهي بمشاعر متلخبطه دقت باب اختها الي فرحت بجيتها المفاجئه لها افنان :بسوي قهوه خليتس هنا مسكت يدها تجلسها:ماابي قهوه بقولتس شي جلست قدامها تنتظرها تتكلم بكت وهي تمد لافنان نتيجة تحليلها قرتها ورفعت راسها لاختها الي قالت:ماادري افرح لاني حامل ولاابكي لانه من خالد حضنتها بفرحه:افرحي بحملتس ياروحي ولاتفكرين بخالد ابدا هذا رزق وعوض من الله انتبهي لاتعترضين على المكتوب فاتن:ماابيه إذا ابوه خالد ماابيه افنان بعدتها وقالت بجديه:مايجوز هالكلام يافاتن هذا قطعه منتس وماتدرين وين الخيره من هالحمل حتى لوكان خالد ابوه لاتفكرين فاتن بخوف:خايفه منه لادرى افنان ابتسمت تطمنها:ماعليتس منه مايقدر يسوي شي انا ونواف معتس وقفت:اكلتي هزت راسها بلا افنان بحماس:اجل بطبخ لتس كبسه يحبها قلبتس ضحكت فاتن:كبسه الحين الصبح افنان تناظر الساعه:خلاص بتصير11 وقت غداء انتي انسدحي ارتاحي عبال مااضبطها واجيتس ناظرت الارض وهي تفكر لوافنان موبهالقوه ايش كان حالهن مين بتسند الثانيه تتمنى تتغير وتصير نفس افنان ماتخاف من احد ولاتهتم لكلامهم ماقدرت حاولت مع خالد بس ترد عليه وتكون النتيجه مؤذيه لها يضربها ضرب ويتركها ابتسمت من جلست افنان قبالها وهي تقول:الله حلو شعور اني اصير خاله اول ماطلعوا ابوحمد وسياف الي يسانده من مركز الشرطة اتجه للمكتب دق الباب ودخل من سمع تفضل نواف وهو يبرز بطاقته الخاصه:معاك نواف المصعب من المباحث العامه وقف مدير المركز وسلم عليه:حياك الله بايش اخدمك نواف وللان واقف:ايمن عبدالله امس قبضتوا عليه بشكوى من خالد مدير المركز:ايه واعترف انه هو الي ضاربه ومسبب له كسر بالانف والكتف وا نواف زفرمقاطعه:ابي اقابله المدير:تبشر بس خمس دقايق ماتطول انقهر من هالمدير الي واضح يمشي بالرشوات والمناصب لوماطلع له بطاقته كان رفض يدخله مثل سياف وابوه الي جالسين من الفجر نواف: تكفيني نادى على العسكري يوديه للغرفه المخصصه للزياره جلس وكتف يديه ينتظر ايمن اول مادخل ايمن وقف قدامه سلم عليه وهو يتفحصه:شعلومك ايمن بدون نفس:زي ماانت شايف نواف رجع جلس :سهالات سهالات ماعليك ايمن بضيق:ماظنيتها سهله الثالثه دايماً ثابته رفع عيونه له :وليه ماتكون الثالثه بداية لشي جديد جلس بالكرسي جنبه وتنهد:كيف ابوي شفته نواف:مايسرك حاله ابد ايمن بقهر:الله لايوفقهم سحبوني من بين يده نظرته ماانساها بحياتي نواف ميل فمه:ندمان على تسرعك بضربه التفت وقال بحقد:ولاقد شعره يستاهل كل الضرب الي جاه ياحلالاه لومافكوه من يدي كان ريحتهم منه وارتحت نواف:لاحول ولاقوة إلا بالله اسكت لايسمعونك وينحسب ضدك ايمن:ماعاد يهمني سكت عنه لدقايق ثم قرب منه وهمس:اسمعني زين بيرجعون يحققون معك ولوانها ماتحتاج لكن بسبب سجلك قبل ماابيك تقول شي خلك ساكت ولاحرف تنطقه تفهم عقد حاجبه :وليش نواف وللان يهمس:بتطلع خلال هالاسبوع سامعني لاتسوي اي مشكلة عشان مانضطر لشي اكبر ايمن يناظره :شي اكبر مثل ارتكى نواف بظهره:يعني واسطه كبيره وحكي حنا بغنى عنه ايمن:احياناً ماافهمك احسك تحكي بالالغاز وقف وهو يبتسم له :ماعلينا زي ماقلت لك حط يده على كتفه وهو يقول :واحتمال كبير يوم وانت بين اهلك فتح الباب وهو يودعه وايمن موفاهم منه شي يحس ورى هالنواف شي سحب يده بقوه من مسكه العسكري:امشي بروحي العسكري:امش امش بس نواف اتجهه لبيته فتح الباب انفجع بافنان بوجهه تلف جسمه:استنى فاتن هنا طلع وهي عند الباب التفت عليها:اخلعتيني ابتسمت له:اسفه انت بعد اخلعتنا نواف:والله اني تعبان ابي انام افنان التفتت لفاتن الي تناديها بهمس شافتها لابسه عباتها:انا بمشي تأخرت افنان:على ايش تأخرتي ياحظي والغداء ابتسمت لها ولانها مشتهيه اكل اختها النظيف:عادي لااستوى ارسليلي سكتت ورجعت كملت من شافت ملامح اختها:لاتزعلين اتركيني براحتي وخلي رجلتس يرتاح افنان:متأكده هزت رايها وقربت سلمت عليها وطلعت لبيتها شافها نواف ثم دخل:مرتاحه اختتس مع خالد افنان بزعل:الله لايوفقه مومريحها لاليل ولانهار نواف بضيق:تدرين خالد ساجن ايمن فتحت عيونها:ليش نواف:متهاوشين افنان:حسبي الله عليه هالادمي مومخلي احد بحاله والله اني راحمه اختي وخايفه عليها نواف :الله يكون بالعون : بعد يومين رجع حمد وهبوب اخر الليل الكل نايم وناموا وصحى حمد الصباح ولاحب يصحيها طلع للمطبخ يسويله شاي واخذ قطعة شابوره وراح للصاله امه منسدحه وابوه مرتكي بظهره على المركى ويده فوق راسه من ورا :حيهم قليب حمد امه فزت واقفه:حمد متى جيتوا حط كاسة الشاي والشابوره على الطاولة الارضيه وسلم على راس امه وباس يدها:بالليل ولاحبينا نزعجكم ثم انحنى سلم على ابوه ابتعد الا بترف جايته تركض شالها ضحكت من صار يدور فيها وقف وحضنها وهو ياشر على خده:بوسه كبيره باسته بقوه وجلس وجلسها قدامه يشرب الشاي ويأكل ويجاوب على اسئلت امه استغرب سرحان ابوه والضيق الي واضح بملامح امه وقف وجلس عند راس امه حط يده على راسها:تعبانه يمه؟ امه غمضت عينها:شوي مصدعه حطت يدها على يده:ماطولتوا مع بعض بتروح عنها حمد:وش اسوي ملزووم بمده معينه لازم ارجع للدوام ابوه:الله يعينك ويكفيك شر هالوظيفة حمد بإبتسامه يامن ورى دعوت ابوه ويمسج راسه امه : متلثم بشماغه ومرتكي براسه على المركى نايم فز جالس وهو يتعوذ من الشيطان نفس الحلم كل مره:ياربي ترحمني من هالكوابيس اقلقت راحتي نادى العامل بعصبيه :تعال شيل هالعفش بالمخزن وقف واعتلت ابتسامته بوجهه لما وصله صهيل الغيهب الي من يكون بالاسطبل مايتقفل عليه باب شافه جاي بسرعه اخر مره شافه بالعرس وهو كان كل يوم عنده وصل وهو يدفع ظهر سياف بخفيف يعاتبه ضحك ومسح عليه:زعلان اعتلى ظهره وربت على رقبته ورفع صوته:نسابق الرياح يالغيهب صهل بقوه وركض بأقصاء سرعته بثقه فك يديه للهواء كأنه يجدد روحه : بمكان بعيد عن الانظارمقطوع من الناس والخدمات متخذين مدرسة قديمة ومهجوره مخبئ لهم مشى بالممر الي كله غبار وشبكات العنكبوت بكل مكان دليل لهجر هالمكان وعدم نظافته فتح الباب وبيده كيس صغير حطه قدامه:تأكد عدل جلسته وهو يفتح الكيس وينثر على راحت يده ويفحصها باصابعه ثم رجعها واخذ منها على كفه واستنشقها بقوه اخذ نفس عميييق بإبتسامه خبيثه:ممتاز ممتاز ثم رفع راسه للي واقف قباله:اليوم البضاعه تطلع وانتبهوا لاتوزعونها على اي شخص جديد تفهمني والفلوس قبل سحب الكيس وقفله:تامرنا بشي ثاني اشر بيده بلا و قبل لايطلع قاله:ايوه صح انتبهوا من الدسدسه التوزيع على المكشوف بعد مداهمة الاستراحه اكيد بيبحثون عنا بالظلام :ابشر شي ثاني :لا توكل ؛ بإتصال واحد عفى عن ايمن على طول طلع من مركز الشرطة قرفان واخلاقه براس خشمه الا بنواف مبتسم قباله: الحمدلله على السلامه ايمن يناظره:الله يسلمك نواف:شهالنظرات ايمن:كيف طلعتني حاوطه بكتفه:ماانتظرتك هنا الا بكشف لك كل شي بس قبلها طمن اهلك وتروش ونتقابل العشاء او الليل مشى معه ومليون فكره براسه عن نواف وانظار الكل عليه لكن ولاهمه رافع نظره ويحطها بعيون الكل ودعه لما قربوا من بيته تنهد وهو يدق الباب لان مامعه اي مفتاح فتحت له ترف الي كانت تلعب بالحوش سلم عليها ترف بزعل :ليش تروح ماقلت لي اقولك مع السلامه ابتسم وبعثر شعرها:اسفين يالشيخه تقدم بيدخل لكنحطت يدها قدامه تمنعه يدخل:هبوب جوا ايمن عنده خبر برجعتهم:يووه نسيت روحي قولي لهم ايمن جاء راحت تركض وجات ووراها امه وابوه ابتسم لهم تقدم لهم اكثر امه بكت بحضنه :يمه ليش البكي شوفيني قدامتس بخير وعافيه ابوحمد:متى طلعت ايمن وامه لسى بحضنه:الحين ابوحمد بزفره:الحمدلله على سلامتك حمد جاهم وهو مستغرب من لهفت امه وابوه من طاري جيت ايمن قالوا له ايمن مع نواف طالعين ابتسم لايمن الي يناظره قرب وسلم عليه امه وهي تمسك ذراعه:انت بخير ماسووا لك شي مسك يدها الثنتين وباسها:ياجعلني قبلتس يمه والله بخير حمد:وش صاير ايمن ابتسم :بالسجن فتح عيونه:السجن ابوه يهديه:خالد اشتكى عليه بس مرت بخير الحمدلله حمد:خالد ليش وشمسوي وليش ماقلتوالي ايمن ميل فمه:ولاشي كالعاده شدينا بالكلام وماتحملته وضربته حمد كتف يده يحاول مايعصب:متأكد ايمن هز راسه بتأكيد سكتتهم امهم :خلاص قفلوا عليه التفتت لايمن:اكلت شي ايمن :لا جوعاان ضربت على صدرها:حسبي الله عليهم الي مجوعينك اصبر يمه اسويلك اكل راحت امه مسرعه للمطبخ وهو وده يخبر حمد بالسرقه لكن ابوه حلفه مايقوله ويخرب عليه فرحته وانه موضوع بسيط ومظلوم فيه ايمن حضن ابوه على جمب وباس كتفه:السموحه يبه ربت عليه:مسموح ياعين ابوك ولاعاد تعودها امك ماتنام ليلها قلق عليك ايمن يمثل الزعل:اييه عشان امي ولاانا بستين جدار ابتسم له ابوه :اكل وارتاح ثم لي كلام معك بعد ماراح ابوه التفت لحمد الي مومعجبه الموضوع وساكت بتكتيفته الي عارف انه يتحكم بغضبه ابتسم له بغباء حمد ضربه بقوه على ذراعه:لاتحسبني غبي يمر علي سجنك مرور الكرام هات السالفه كامله ايمن :ااااي وشهالضربه قلت لك مشاده كلاميه بس حمد :بس هين ومشى طالع منقهرمن البيت تأفف ايمن عارفه انه بيروح يستفسر من سياف لكن مرتاح من هالناحية كلهم اتفقوا يخبون عنه بعد ماسلموا على بعض سأله حمد لكن نفس كلام ايمن ينعاد وبتأكيد وكتضييع للسالفه قرر سياف انهم يطلعون ويسهرون سوا بما انه اخر يوم لحمد وخروج ايمن بعد العشاء حمد وسياف سبقوهم من بدري على المكان ضبطوا جلستهم البعيده عن الديره والنار الي تتوسطها دلة قهوه وسياف بثوب رابطه على خصره وحمد نفسه وجالس يتفحص وجهه سياف من بعيد مومرتاح لرجعته للدخان هذي ثاني سيجاره يشغلها سياف والدله بيده يصب لحمد:ياريحتها بالراس جلس بهدوء يشرب قهوته وعينه تتأمل الفراغ الي قدامه حمد بنبره هاديه:سياف مارد عليه الا بهمهمه :شحال قليبك ابتسم بسخريه من نفسه:لوبيدي شلعته وارتحت سكت حمد وهو يقول بنفسه(يعني رجعت لنفس الحال) سياف وهو يحرك الرمل بيده:ياليتني ماعرفت للحب ودروبه ليتني صكرت مسامعي لما يطرونها وياليتني وياليتني التفت على حمد:تدري احيان اتمنى ابكي لكن حتى الدمع فارقني يحترق قليبي من اشوفه يتمشى بالديره بكل راحه وهو سالبني هالراحه ومتعبني ولابيدي شي ضحك بسخريه من حاله:ماارتحت من وفاة أمي وسببها أبوي الي كان مع شلته اكثر منه معنا تدري كنت فرحان هذاك الوقت بروحتنا كلنا للمزرعه لكن انكسرت هالفرحة بالنار الي احرقت امي وكان وراها الي يطالبون ابوي بفلوس الحرام بلعت غصة موتها وزادت الغصه من حالته وعصيانه لجدتي وضربه[سحب طرف ثوبه لتحت من جهة رقبته من ورى يأشر على اثر الضربه الي كانت بتنهي حياته] تذكرها ياحمد شوف للان اثر هالغصه باقي ماانمحى وكبرت من مات وتركني ايه احتجته وانا بهالعمر تحاملت على روحي عشان خاطرهبوب وجدتي تعبت ياحمد والله تعبت ماعادني اتحمل شي تنهد تنهيده كسرت ظهر حمد من كبر الوجع الي يحس فيه خويه مايدري ايش يقول حط يده على كتف سياف الي معطيه ظهره:هونها وتهون يااخوي سياف تغير صوته:هونتها كثيير مارضت تهون كل يوم اقول تزين لكن ماكمل كلامه من الغصه الثقيله الي داهمته وقف بسرعه من شاف زول ايمن ونواف ومعهم عايد حمد بوجه ملاه الضيق:اذكر ربك مشى تاركهم وراه يقدر يتحمل لكن الكوابيس الي كل ماغفت عينه من امس ضغطت عليه بالحيييل عايد حط المركى وجلس عليها:وين راح حمد تنهد: بيتمشى شوي ويرجع جلسوا وايمن وده يقتل عايد من قهره الي خرب عليهم جيتهم مع بعض وبيقدر يعرف سالفة نواف نواف بعد شربه للقهوه:القهوة بالراس ياحمد حمد:قهوة سياف اكيد انها تقند الراس يسولفون وحمد مومعهم باله مشغول بسياف دفه برجله:يتهنى الي تفكر فيه حمد لف لعايد ماسمعه زين:هااه ضحكوا عليه ظنن منهم انه يفكر بزوجته مرت نص ساعه ارتاح من شاف سياف راجع لهم جلس بهدوء ومد فنجانه لعايد الي الدله عنده صب له ناظر لحمد الي يراقبه ابتسم له وهز راسه يطمنه عايد:ناقصنا صقر ليته جاء معنا ايمن:صار مكانه نواف ابتسم له نواف الي يضبط قهوته السوداء عايد قرب يشم ريحة القهوه:الريحه ماعليها كلام لكن نشوف الطعم نواف ابعده:بتذوق شي فوق الخيال ايمن يرفع فنجاله:عز الله هذي الي فوق الخيال صب على عددهم ومدها لهم راقب ملامحهم الي تغيرت من ذاقوها عايد مسح فمه وشرب ماء:يالله تديم النعمه وشذا حمد وايمن نفس الشي نزلوا فناجيلهم منتقدين التفتوا على سياف الي شربها كلها ونواف مبسوط:والله انك تفهم بالكيف ايمن:اقول اص يابو كيف انت سحب فناجيلهم ووقف وصبها لسياف:يلا اشرب ضحك سياف:لالا خلاص يكفيني الي شربته ايمن رجع جلس:خلك بقهوتك وحنا بقهوتنا وعلى هالموال كملوا سهرتهم مابين مناقرات ايمن وعايد المعتاده وسوالف حمد الي ماينمل منها : عند البنات سهرانات بالسطح سوسن الي بدت تتقبل الديره غصب عنها بجنبها بنتها تلعب بدميتها وجنى وسجى وهبوب قبالهم وجنبها سحاب الي قررت تتناسى ايمن هالفتره وتحاول ترجع مثل قبل هبوب تحكيهن:مكه ياهي انشراااح للصدر تمنيت اطول فيها جنى:يارب تكتبلنا عمره قريب سوسن :بتروحين مع رجلتس ولابتقعدين هنا هبوب :لا اكيد بجلس هنا اصلاً هو ساكن مع اخوياه مولحاله عشان اروح بس بيني وبينكن احسن انا ماابي اروح عن الديره سوسن:ليه ايش تبين بهالديره هناك الحياة الصح مقاهي ومطاعم واسواق وتشوفين ناس كثير هبوب :خليتها لكم ماابيها سوسن:احسن جنى:سوسن صقر ماخلصت اجازته سوسن بزعل: مطول شكله بهالإجازة سجى:كانك تقولينها بزعل سوسن بمجامله:لامن قال بالعكس سجى:اييييه الا بنات ماودكن نسوي شي نغير جو جنى:مثل ايش سجى نشغل اغاني ونرقص نلعب نتحرك شوي بدل الجلسة الخامله ذي تجبون الطفش زياده هبوب:يلا معكم سجى بحماس:نرقص جنى:يلا السماعه مااخذتها ام حمد بروح اجيبها راحت وجابتها للسطح سحبن الفرشه بالطرف شغلتها وقصرت بالصوت شوي بحيث يكون عندهن ويطربهن رقصت سجى مع اختها وشاركتهن هبوب وسجى ماتخلي هبالها بالرقص وصارت تلف برقصها السطح وتضحك مقلده العجايز لاشاشن وسوسن جالسه وتصفق التفتت على سحاب:غريبه هاجده ماردت عليها طنشتها جاتها هبوب وهمست بإذنها:وين الي بتنسى قومي انبسطي لاحقه على الضيق قامت معها جاتهن ام صقر بعد ماسمعن الصوت ينزلن السماعه قريب جلست الجده وصار الرقص بالحوش لان الجده ماتقدر للدرج : عند الشباب شالوا عفشهم للسيارة رتب العزبه وحطها مع الاغراض الباقي بسيارة حمد ايمن وهو يطرد عايد:ابي نواف بسالفه ارجع مع حمد عايد:طرده يعني ايمن وهو يدفه جهة سيارة حمد:ايه طرده نواف الي بالسيارة ضحك منه واضح انه على اعصابه من ببداية اليوم ركب جنبه :ترا ذابحني الفضول تكلم وش عندك نواف وهو يشوف حمد يبتعد فتح قزاز السيارة وطلع ذراعه للهوى:قبل كل شي توعدني ماتزعل وتشيل بخاطرك علي ايمن:اسمع اول بعدين اقرر ازعل اولا نواف:اها دام كذا هونت موقايل شي ايمن وهو يلف بكل جسمه ويصر بأسنانه:نوافوه نواف:قلت لك اوعدني اول ايمن :اوعدك يلا قول ذبحتني نواف حكى له كل شي من الالف للياء وهو يراقب تغيرات ملامحه دهشه وعصبيه ايمن بهدوء:يعني شاك فيني نواف:كنت واكيد اي شي حول سطام بنشك فيه ايمن مايدري شيقول انصدم منه ضحك عليه بسالفة وظيفته وطريقة تعرفه عليه :للحين شاك نواف:قلت لك كنت مافيه اي شي ضدك للان ايمن بذات الهدوء برفعة حاجب:للان! وسطام معرفتي فيه قديمه وسطحيه نواف مارد يناظر لقدام ايمن كمل:والحين المطلوب مني اتغاضى عن كل هذا واتعاون معكم نواف بجديه:ايمن انت سجلك نظيف بإستثناء السجن وانت الي بتقدر تساعدنا بسرعة بديهتك الي اعرفها ونمسك سطام والي معه بتخدم بلدك شغل سيارته وهو يقول:وتظن بوافق نوصل الديره وكلن بطريقه تنهد نواف هذا الي كان خايف منه وقف سيارته عند بيته ماكلف روحه يوصل نواف نزل وهو يقول:فكر زين ياايمن لاتستعجل سحب عزبته والفرشه ومشى متجهه لبيته الي بداية الديره اما ايمن ضرب السيارة برجله بقهر ودخل للبيت ماهمه انه يتعاون لكن انه يشك فيه بقضية توزيع مخدرات اكيد انه عنده علم بتهمت خالد لي فيها انقهر رمى علبة الماء الي كانت بيده بقوه : بسيارة حمد هدوء كسر الهدوء سياف :ياعايد عايد متكي بنعاس:سم سياف دايم عايد يختار اغانيه وكانه يدري باالي يضايقه و بالي يجول بخاطره مع ان صوته عادي جداً لكن يحب يسمعه يغني :جر الصوت تنحنح عايد :ابشر ارخى جسمه على المقعده وهو يسمع كلمات عايد مغمض عيونه "لا تحسب اني فرحة بحزة غيابك الجرح ينزف ولو كابرت بعنادي البعد يذبح ولاني طايق اغيابك مهما كتمت الدموع وقلتلك عادي دامك بديت المفارق والبلا صابك قل للجروح العميقه بعلن حدادي اخذ الصور مع هدايا العيد وكتابك وطالبك تكفا ابيك اترد لي فوادي ماني معاتبك دام البعد طلابك والبعد سيفه صقيل وكبل اقيادي يقطعك يا قلب كيف الحب سوابك ماكنت داري بيثور فيني ازنادي يرميني الوقت من شوقي على بابك ماجيت ادور سوى لجرحي اظمادي يا مبعدن عن عيوني الشوق ما جابك من بعد فرقاك كني فاقد بلادي البعد يذبح ولاني طايق غيابك ولو قلت عادي قسم بالله مو عادي" : انتهى نلتقي بإذن الله الأحد القادم تعليقاتكم على الأحداث ًًًً استغفرالله العظيم واتوب إليه | ||||
|
| |
|
25-09-23, 03:16 AM
| #24 | ||||
| السلام عليكم ورحمة الله وبركاته صباح الخير جميعاً استمتعوا : البارت الحادي عشر دخلت بهدوء حمد نايم نزلت عباتها واخذت بيجامه ناعمه لبستها وغسلت وجهها انزعج من نور الحمام الي بوجهه شافها طالعه:الساعه كم هبوب:اسفه صحيتك حمد وهو مغمض عيونه:ماعليتس كم الساعه هبوب:باقي نص ساعه عن الفجر :جيتي بروحتس وهي تنزل اساورها:لاسياف وصلني حمد:زين جلست بالجهه الثانية من السرير:متى بتمشي انقلب بجهتها ويده تحت راسه:9 انسدحت سحب يدها يشم ريحة الحناء:يازين هالريحه وراعيتها ابتسمت له :حمد حمد:عيونه هبوب:ابي انام ببيتنا حمد:وهذا انتِ ببيتتس هبوب:لااقصد عند جده حمد بجديه:يوم مايخالف لكن طول غيابي لا أمي تغليتس بالحييل وابيتس حولها قالت ابشر ولو انه بان زعلها باس يدها:عاد من بعد البيت كلها خطوتين متى مابغيتي هبوب:بس حمد:اشش لاتزعليني ياهبوب جلس :ماباقي شي على الصلاة سولفي علي وش سويتي عند جدتتس ابتسمت وجلست تحكيه لين اذن طلع للمسجد صلى ورجع نام اما هبوب نامت ساعه وصحت تعودت على الصحوه بدري جهزت اغراضه بشنطته وطلعت للمطبخ تسويلهم فطور دخلت ام حمد:يسعد هالوجه الصبوح شحالتس يمه هبوب بمحبه:صباحتس خير الحمدلله قربت وهي تشوف الشكشوكه:ماشاءالله ابتسمت هبوب:ارتاحي وبكمل الباقي ونفطر سوا طلعت صحن مقسوم قسمين وكاسة :يمه حطي هنا لايمن ابتسمت:ابشري بعد ماخلصت الفطور وسوت الشاي حطت لايمن اخذته امه واتجهت لبيته فتحت الباب الحوش بفوضى من تجهيزات ايمن للزرع حطت فطورة على الفرشه الي بالطرف طقت باب غرفته:ايمن يمه يلا اصحى افطر وترزق الله فتح الباب والنوم بعينه:هلا يمه :يلا يمه فطوورك لايبرد باس راسها: افطري معي امه: فطوري مع ابوك ايمن غسل وجهه ورجع لها:لنا الله ابتسمت له:عقبال ماتفطر من يدين سحاب شق الإبتسامه ورفع يده:يااارب تعجل هاليوم ضحكت عليه ورجعت بيتها تفطر مع هبوب وزوجها اما هو واقف مبتسم يحس بشعور حلو ماتوقع بيوم ان قلبه يتعلق ببنت دخل غرفة النوم والفطور بيده لما انتبه للسرير ضحك:لاحول هذي بدايتها وشدخلني هنا طلع من الغرفه رايح للمطبخ والابتسامه الحلوه مافارقته : خالد منسدح وجنبه كاسة شاي ويمسح على شاربه يفكر اخذت نفس وغمضت عيونها ويدها على بطنها:تشجعي يافاتن يمكن هالي ببطنك يغير حاله ويحن شوي عليتس مشت له وجلست بجنبه:خالد خالد:هممم فاتن تشجع نفسها لكنها موقادره تنطق بحملها رفع نظره لها ورجف جسمها من نظرته :وين الشنطة فاتن:بالدولاب صرخ عليها:خبله انتِ قلت لتس دسيها تحطينها بالدولاب اتجهه للغرفه واخذ الشنطة بيطلع وقف وهي تقول بلعثمه :ترا مافيه غاز والمطبخ فاضي التفت لها بعجله طلع من جيبه مية ريال ومدها لها :امسكي وقولي لاختس تقول لرجلها يغيره موفاضي لتس الحين بعد ماطلع ناظرت لبطنها تمسح عليه بحسره:وش هالحياة الي تنتظرك وهذ ابوك لو هو سياف كان سكتت عاتبت نفسها مهما كانت قسوة خالد معها مايجوز تفكر برجل غيره تنهدت وهي مستسلمه لكل شي بحياتها : نواف بزعل: وانا افنان تجهز لدوامها:متفقه معك من البداية شغلي مااتركه نواف:ماقلت اتركيه ابيتس عندي لين ارجع لشغلي التفتت متجهه له جالس على المركى وقفت قدامه وباست راسه :مومطوله كلها ساعتين وراجعه انبسط عليها بدت تتعود عليه مسك يدها:خلاص مسامحتس بطلع ادور بالديره لين ترجعين ودي اجلس اسولف معتس قبل امشي ضحكت ورجعت لشنطتها ولبست عباتها ومشت وراه مصر انه يوصلها وكأن المستشفى بعيده موقدام بيته راقبها لين اختفت بداخل المستشفى ومشى للبقالة قال بنفسه وهو يشوف ايمن يرمي الكراتين برا البقالة واعطاه نظره:الله يعين شكلي مطول معه حط الكراتين الي قبال الباب على جنب ووقف على الباب:السلام عليكم ايمن :شتبي نواف بهمس:اعوذوا بالله الاخلاق ماش دخل وجلس بالكرسي ساكت يراقب ايمن الي يمسح رف الشبسات ويرتب البقاله : بدل لاتراقبني تعال ساعد ماصدق فز واقف واخذ بخاخ الماء يبخ وايمن يمسح ساكتين بعد ماانتهوا اتجهه للايسكريمات ابتسم وهو يذكرها كل ماجات اشترت ايسكريم فراوله مع انه مايحب الايسكريمات اخذله واحد ياكله جلس مكانه ونواف واقف يناظره يستناه يتكلم ميل فمه:وشعندك نواف :وش قرارك على كلامي ايمن وهو يمسح وجهه تنهد:موافق تهلل وجه نواف ماصدق توقع يرفض بعد زعلته منه وتطنيشه:جد والله ايمن ريح ظهره:بشرط نواف بعدم إعجاب:فيها شرووط قول ايمن:محد يدري لاحمد ولاغيره نواف:من هالناحية لاتخاف شغلنا كله بالسر ايمن بهدوء:ماعلي خطر صح نواف جلس مقابل له بجديه: مااقدر اضمن لك سلامتك ولاسلامتي عقد حاجبه:يعني نواف بجديه:ياايمن حنا نتكلم عن ناس مابقلوبهم رحمه يعني الخطر حولك من كل جهه بنتشهد كل دقيقه ايمن زفر ودخل الخوف قلبه ونواف يكمل كلامه:بمشي للمركز بكره وضروري تمشي معي يشوفك حامد وتفهم كل شي ايمن:منهو حامد نواف:رئيسي والي ماسك هالقضيه ايمن:على خير حط يده على كتفه:لاتخاف توكل على الله : صحت حمد قبل الساعه تسع عشان يفطر وتسولف معه قبل يمشي دخلت بصينيه فيها فطوره جلست وهي تنتظره ابتسمت له من جلس قدامها مدت له الخبز وكاسة الشاي افطر بهدوء سحب الصينيه على جنب وقرب وانسدح على رجلها ابتسم من خجلها حط يدها على راسه:مسجيني مصدع حركت يدها بشكل دائري على راسه وهو مغمض صار لها مجال تتأمله ملامحه حاده اسمر انفه فيه عوجه خفيفه بشارب بدون لحيه ابتسمت لحنيته الي شكله الخارجي مايدل بطيبته وروحه الحلوه فتح عيونه فجاءه شتت نظرها ومن التوتر صارت تضغط راسه بقوه مسك يدها الي على راسه ورفعها:شبلاتس رفعت راسه عن رجلها ووقفت:مابلاي شي قوم يلا اجهز لاتتأخر بروح اشوف عمتي وطلعت بسرعه ضحك عليها عدل جلسته وهو يحمدالله عليها جلست تتقهوى مع عمتها وتحس جسمها حار للحين جاء لابس بدلته وشنطته على كتفه حطها عند الباب ودخل باس راس ويد امه:بتمشي يمه حمد صب له قهوه وهو يخطف نظره لهبوب :ايه التفت لترف الي تلعب سوني:وين ايمن عنتس امه ضحكت:مارضى تلعب الا من بعد هواش وفتحت فمها تصيح حمد:مااخبل منها الا هو وقف وباس خدها بقوه التفت لامه:توصين بشي يالغالية امه:لاياعيني سلامتك وانتبه للطريق لاتسرع شال شنطته وهو يأشر براسه لهبوب تلحقه:مع السلامه وصل لباب الحوش وهي وراه التف لها بإبتسامه:توصين شي هبوب وهي تفرك يديها ببعض:لا سلامتك ضمها وباس كتفها:الله يصبرني على البعد ابتسمت وماردت ظل ماسك يدها:لااوصيتس على امي لاتبطين عليها هبوب: امك بعيوني حمد:تسلم لي هالعيون الحلوه يلا فمان الله هبوب قفلت الباب وراه :استودعتك الله الذي لاتضيع ودائعه لقى ابوه واقف مع رجال سلم عليهم ابوحمد:بالسلامه ياولدي باس راسه وودعه وركب سيارته متجه للبقالة سلم على اخوه ثم راح للاسطبل يسلم على سياف ومشى لدوامه كعادته مستحيل يطلع من الديره مايسلم عليهم : بعد خمس شهور صقر وزوجته رجعوا وكذلك اهله بسبب بداية المدارس والدوامات وبيرجعون بنهاية الاسبوع عشان عرس سحاب الي طووول بسبب انشغال ايمن فاتن بنفس حالها كل مره تحاول تخبر خالد بالحمل تتردد وتأجل برز بطنها وبدت تحس بتحركات الجنين وخالد مختفي كعادته مهملها افنان ونواف سمن على عسل حياتهم هاديه وحلوه ايمن مع نواف بالمركز انصدم من كل شي عن سطام مدون عندهم فقط يحتاجون يقبضون عليه بالدليل القوي صار يتدخل بالاستراحه شوي شوي ويبين لهم انه له في هالمجال بشكل غير مباشر ومن حسن حظه ان محد يتذكره لانه كان يجي للاستراحه من فتره لفتره طبعاً حمد كان عقابه ابعدوه عن القضيه ونزوول براتبه وصار مرتاح رجعاته قليل للديره وهالشي سبب الراحه التامه لنواف سياف على حاله سحاب تحاول تتقبل ايمن لكن ماتقدر الي ضاغط عليها حلف امها انها ماتكلمها لو رفضت وقالت لابوها وابوها طاير من الفرحه تشوف الكل مبسوط وهي الوحيده الي مبتليه هالزواج وتفكر كيف يتكنسل هالامر : تمغط بملل مستلم مكان ايمن بالبقاله لين يرجع الكل مستغرب من روحاته مع نواف ويسألونه وعذره يساعد نواف بمكتب ال**** حقه وبيفتحون مشروع سوا نزل عيونه والعد عن الباب عشان تدخل وقلبه تمرد عليه بنبضه القوي يعرفها لو بين الف حرمه يميزها دخل بهدوء ويشوفها كيف مرتبكه حطت الاغراض على الطاولة حاسب على الي اشترت صابون وحليب وخبز مدت له الفلوس رفع عيونه لها من شاف وضوح بطنها من خلف العبايه:مبرووك تمنت تنشق الارض وتبلعها يوم اضطرت تروح البقاله يكون هو من بد الناس فيها نزلت دموعها بدون صوت من سمعت مباركته لها مايدري ايش جاه يحس بالارض تميل فيه من الحسره والقهر الي تملكه سألها بلهفه: مرتاحه معه وهي بدون رد بس دموعها الي تنزل بصمت مدت يدها سحبت الكيس الي على الطاولة تبي تهرب منه ومن مشاعرها القويه بهاللحظه تخاف تنفجر قدامه وتشكي له قبل تطلع انلفتت منها شهقه اختلت بتوازن قلبه من قوتها جلس وهو يضرب بقبضة يده الطاوله : نواف وهو يقفل سترة الرصاص على ايمن:خلك ذهين ايمن بزفره:تقولون انه ذكي ومحد يجره بالحكي هذا هو مثل الخبيل بياخذني لمستودعه من قلت اني اعرف فهيد نواف وهذا الي مخوفه:بلاك ماتعرف فهيد اكبر موزع ويتعامل معه سطام لكن مسكنا فهيد وماصرحنا انه بين يدينا بالعكس نقلنا للاعلام انه للان ماانمسك وانه مخفي نفسه ايمن:والله انكم داهيه نواف بتحذير:جوالك بيدك اول ماتحس بخطر اتصل ولاتتكلم حنا بنعرف خلك حذر معه دخل الرئيس حامد :مستعد ايمن بهدوء :اتم الاستعداد حامد:إذا انجزت لنا هالمهمه بنكون شاكرين لك طول عمرنا وبتنضم لنا بدون اي دورات واختبارات نواف بثقه حط يده على كتف ايمن:اجل نقول مبرووك الانضمام من الحين ايمن نزل يد نواف بهدوء:لاالسموحه منكم انهي هالمهمه ثم تنسون ايمن للابد انا مرتاح بحياتي ولاودي اخاطر وادخل هالمجال ميل فمه:وليه بالعكس بتكون رتبتك عاليه وراتبها زين ايمن:نواف ايش اتفقت معكم قبل اخلص من سطام وتتركوني بحالي حامد:خلاص خلاص ياايمن تبشر بكل الي تبيه نواف لحامد:اهم شي يكون اسمه مختفي ماله اثرحتى بالسجلات السريه هز راسه باايه التفتوا لايمن الي اتصل جواله والرقم الجديد الي عطوه اياه خاص لسطام وشلته :اهلاً سطام:وينك ياغازي (مسمى خاص بهالمهمه عشان محد يدري فيه وارتاحوا من انه سطام ناسي شكل ايمن) {{{ركزوا بالاسم لان كل الاحداث مع سطام بيكون ايمن غازي لاتخربطون}}} غازي(ايمن): جاي بالطريق سطام :يلا انتظرك قفل منه وهو يلتفت عليهم:دعواتكم نواف وحامد دعوا له من اعماق قلوبهم ركب سيارة حامد الي عطاه اياه وقف عند الاستراحه ونزل بثقل وبرود ركب جنب سطام الي يشعل سيجارته:سلام سطام ينفث دخانه:وعليكم السلام حرك سيارته وسحب غازي سيجاره يدخن ثم بدء يكح بقوه ضربه على ظهره:وشجاك ناظر في الدخان ثم رماه بالخارج ضحك سطام بإستفزاز :وشعنده الورع ماتتحمل دخان غازي:دخانكم معطوب عطاه نظرة قهر منه متكبر عليه لكن بيسكت له:ايه رجال فهيد مايعجبكم اي شي تأفف منه كل شوي يعيد ويزيد رجال فهيد ورجال فهيد وقف السيارة قدام عماره من ثلاث ادوار شبهه متهالكه اشرله براسه ينزل تأمل هالعماره الي شوي وتنهد من قدمها مشى ورى سطام الي طلع للدور الثاني شقه بباب مفتوح والشقه بجنبها مقفله التفت بعقدة حاجب لسطام الي دق الخشب بدقات متتاليه و قال: المسره مافهم عليه ولابه المكان الي يتفحص اصغر تفاصيله :شبلاك وليش جايين هنا رفع حاجب بتعجب:ماتعرف المسره هز راسه بلا ضحك سطام بخبث:اهاااه ايمن ووده يضربه استفزه طول الطريق بكلامه الغير مفهوم سطام رفع يده :لاتعصب علينا مشينا يلا غازي مسكه قبل ينزل الدج:ليش هالمكان سطام:ولاشي بس اعطيك نبذه عن اماكن توزيعنا نزل وراه وركبوا السياره غازي قبل يركب ارسل بسرعه الموقع لحامد ورجعوا للاستراحه الا الشباب حاطين العشاء جلس بعيد عنهم ناداه واحد من الشباب:غازي اقرب اكل غازي بعد ماارسل لحلمد انه وداه لمكان توزيع مو المستودع :متعشي اكلوا انتم سطام اعطاه نظره وهو يأشر براسه للي قدامه ثم اكل معهم غازي يناظرهم واحد واحد بيحفظ ملامحهم زين اشكالهم ماتدل انهم تجار مخدرات اولهم يد فيها ضيق عيونه بسطام الي يأكل بشهيه ويسولف وجهه يوضح فيه الخبث : انقهرت من برودها:يابنت قومي قيسي الفستان لانبلش فيه بيوم العرس سحاب تشغل نفسها:لاحقه يمه لاحقه امها:هذي الي بتجننني قلت لتس قومي البسيه رمت الي بيدها تناظر امها زفرت امها تفتح الاكياس الي جابتها وتطلع الي فيها:شرايتس فيه ؟ هذا احلى ولاذا رجعت مسكت الكتاب الي كان بيدها:تسأليني عن رايي وانتِ غاصبتني مايهمني اختاري انتِ كل شي رمت الي بيدها عليها:موانتي الي وافقتي من البدايه سحاب بصوت عالي مليان قهر:ماابيه مااطيقه تقدمت وهي تسحب اللبس الي بيد امها وترميه:اكرهه ماابيه افهموا مااتحملت امها ومن قهرها من اسلوبها معها اعطتها كف وسعت عيونها ويدها على خدها غرقت عينها دموع اول مره تضربها:هالكف عشان تصحين العرس مولعبه توافقين ثم ترفضين الرجال مولعبه ياسحاب سحاب بكت: ماراح يتم هالعرس ياانا ياانتم امها بكت ماتحملت وهي تطلع:ساعتها لاانا امتس ولاانتي بنيتي اسرعت امها للغرفه قفلتها وبكت حره بصدرها على سحاب الي تغيرت صارت ترفع صوتها وتتأفف بوجهها ماقدرت تكلم امه انها ماتبيه حاولت لكنها ماقدرت تفتح فمها وهي تشوف فرحتهم لين تدبسو وصار العرس ينعد له : قالت وهو يمشيها معه ومغمض عيونها بيديه:وصلنا وقفها وابعد يده عن عيونها :فتحي الحين فتحت عيونها وإبتسامتها تتسع حتى برقت عيونها بالفرحه بالحوش من الخلف زرع انواع الورد الي تحبها بمساحه شبه متوسطه على شكل مربع وبجنبها ارفف بالحديد رتب عليها ادوات الزراعه والعنايه بالورد التفتت عليه وعيونها تنطق حب وإمتنان حضنته بقوه:شكراً ربت على ظهرها:مبسوطه ابعدت وهي تمشي للورد تلمسه:مبسووطه وبس الا طايره حمد قرب منها:وردتس وعندتس مايحتاج توصين احد عليه تأملت المكان ماتدري كيف تشكره الورد بمثابة صديقه لها تحكي وتفضفض لها تعود من صغره على الورد وريحته من حب امها له اشرت بإستغراب على الثلاث وردات اليابسه الي مربوطه ببعض بشريطه صفراء ومحطوطه على الرف ضحك وهو يمد الوردات لها:وردتس يابنية الورد رفعت عيونها لعيونه بإستفسار حمد: قبل لاخذتس كان سياف يسقي وردتس وهالوردات الثلاث كانت ضحية لعبي بالكوره فتحت عيونها :انت السبب وياروحي يااخوي زعلت عليه يومين مااكلمه فطس ضحك:اجل اكلها عني ضربته بخفيف على ذراعه:لاتضحك على اخوي انحنى لمستواها وصار قريب من وجهها:بس تدرين احب هالوردات بالحيل لانها خلتني اخذ اطيب انسانه ضم وجهها الي نزلته بيدينه انصدم من دموعها:بسم الله عليتس ليش الصياح ضحكت وهي تمسح دموعها بسرعه:من الفرحه ضمها وهو يضحك ويتذكر سياف لما قاله ان دمعتها على طريف الحمل اتعبها بالحيل ماعندها احد يساعدها اختها ماتقصر تجي تنظف وترتب لكن صعب عليها بالحمل بيت بدون زوج او اي احد حولها دايم صلت وتحس انها تثقل كل ماتقدم حملها انسدحت على السجاده تمسح على بطنها بإبتسامه:محد مهون علي هالحياة الا انت إن شاءالله لما نشوف بعض نلعب سوا ونضحك بصوت عاااالي ونصير اقوياء وخاله افنان تجيب لك هدايا والعاب كثير مع اخر كلمة انفرطت دموعها بآسى على هالاماني الي تمناها كل دقيقه : الجده :تعال يمه مافيه احد جاهم سلم على جدته وعمته:ماشاءالله وشهالريحه الزينه العمه هبوب:مسويه لكم جريش يملي بطونكم سياف:عاد الطبخ ياعمه محد ينافستس فيه الجده:انا اشهد سياف:هبوب ماجاتكم اليوم الجده للان ماتعودت على غيابها:لاياوليدي ماجات ارسلت لها الخبيله ترف راحت ولاردت ابتسم لجدته الي وضح بصوتها الضيق هبوب من صغرها بحضنها ماتبعد عنها:جده ودتس نتمشى الجده:عند الخيول لاوالله ماودي ضحك : نتمشى حول الديره العمه هبوب:بتتعب المشي صعب لها بالبران الجده بعصبيه:وش شايفتني عجيز ماتشيل رجيلاتها سياف باس يدها:ولابنت العشرين ناظرته بطرف عينها على كلمته الي واضحه مجاملته لها :قوم قوم عني انت وياها قبل يبعد عنهم سمع جدته تقول للعمه:بنت حصه الله يرحمها ارسلتوا لها الرز العمه بحزن عليها:ايه ارسلته لها وعزي عنها حويمل ورجلها قليل الخاتمة غايب عنها والله انها تقطع القليب الجده بقهرعلى حالها:من يومه قليل خاتمه حسبي الله عليه الله يرفق بحال هالبنيه شد قبضت يده واسرع بمشيه والقهر ياكله اكل من عرف خالد وهو مهمل اهله ولسانه اقشر فكيف بيكون مع زوجته انتبه لنفسه لما وصل قريب بيتها( رايح لها شتبي ) رفع راسه وهو يتقدم للباب طقه مره وثنين وثلاث ولااحد يرد شيع البيوت والشارع وابعد شوي من حسن حظه انه ابعد عن البيت لان شاف ابو خالد وخالد متجهين للبيت ناظره ابوخالد من فوق لتحت بعدم إعجاب لكنه مشى من جنبهم متجاهلهم التفت لهم من دخلوا وقفلوا الباب ويتمنى هو الي يدخل هالبيت موهم خالد:اجلس يبه اناديها واجي فتح باب الغرفه وشافها منسدحه اتجهه لها حركها:هيييه بنت قرمي ابوي يبيتس بسرعه تحركت بتعب وعدلت نفسها جالسه وهي تقول:طيب ماكلف نفسه يسئل عن حالها وهو له فتره غايب عنها وقفت بجلال الصلاه الواسع اتجهت له ووقفت ابوخالد:مافيه لاسلام وكيف حالك ياعم فاتن ومالها حيييل هواش وكثر حكي:السلام عليكم شعلومك ابوخالد طنش مارد:اجلسي ابيتس بموضوع عقد حواجبه وهو يشوفها تمسك ظهرها ويادوب تجلس التفت بسرعه لخالد لما طرى بباله الحمل ثم التفت لها يناظر بطنها كيف مايعرف وهو ابو لعيال وعاش مع زوجته كل مراحل حملها خافت وهي تشوف انظار عمها لبطنها لكنه ماقال شي :اسمعيني فيه اوراق تحتاج توقيعتس انتي واختس لجل الوصيه وامور ماتفهمنها ميلت فمها:نفهمها ياعم لاشرحتها لنا ابوخالد:لامابتفهمن حتى لوشرحت وبعدين ليش تتعبن روحكن وقعن وانا اخلصها وانتن مرتاحات ببيوتكن ضحكت بسخريه عليه واضح لها ايش مقصده ولاهو هو حتى مايفكر براحتهن رفع عيونه لها بشر:وش الي يضحكتس تلقائياً حطت يدها على بطنها من الخوف:ولاشي كلم افنان وان وقعت بوقع ابوخالد وقف بقهر يعرف افنان وعنادها حتى تهديد مايمشيها كيف والحين وراها زوجها وهالخبله الي قدامه ماتتحرك بدون شور افنان :ايه طول عمرتس خبيله تراكضين وراها مانفعتس بششي ماردت راقبت نظرات خالد الي تتوعدها وهو يمشي ورا ابوه لين طلع وقفل الباب والتفت لها بسرعه البرق تحرك ومسكها من ذراعها بقوه يهزها:ابوي لتقال لتس شي تقولين امر وحاضر تسمعين عطاها كف من قوته تحس فكها انكسر مايهمها كثر مايهمها الي ببطنها دفعته عنها وهي مثبته نظرتها عليه صفق بسخريه:عجيييب يالنظرات من خلص كلمته نزلت عيونها خافت ورجف قلبها كل مره يرجع يكون معصب من شي صارله ويحط حرته فيها بالضرب والشتم انقذها الباب الي اندق بقوه ماصدقت اتجهه للباب اسرعت للغرفه وقفلت على نفسها ابوخالد بعصبيه:امش معي يالكلب كم مره بصلح بينك وبين ابو امجد هاااه خالد:يتهموني كل مره وتبيني ارجع سحبه ابوه وقفل الباب وراه:امش يالثور محد معيشك ومعيشني غيرهم خالد عدل ثوبه:طيب طيب : | ||||
|
| |
|
25-09-23, 03:18 AM
| #25 | ||||
| ً البارت الثاني عشر : حطت صينية الحلا بالثلاجة :ياعمه ارتاحي انا بزين القهوة العمه هبوب الي واضح الضيق بوجهها:لاوالله بزينها انا انتِ روحي لخويتس عقليها زفرت وراحت لسحاب الي تغيرت عليهم ماتداني كلمة ودايم معصبه وكل ليل تبكي فتحت باب الغرفه ظلام الا من الضوء الي جاي من الشباك وسحاب منسدحه عنده اول ماسمعت الباب لفت جسمها جهة الجدار: بنام هبوب قفلت الباب وجلست عند راسها:قومي ياسحاب تاففت:وشتبين مورايقه لك وقفت هبوب وشغلت الانوار كلها وسحبت عنها الحاف فزت بعصبيه:خيير وشعندتس انتِ بعد كتفت يدها:يرضيتس الضيق الي مرسوم بوجه امتس صدت بوجهها وماتكلمت هبوب:رضى امتس فووق كل شي سحاب:وانا رضاي ينضرب بالجدار هبوب لفت وجهها لها:سحاب ايمن مافيه منه وعارفه ليش رافضته تنتظرين سياف عزالله بتنتظرينه طول عمرتس صارت عيونها تدمع بدون صوت كملت هبوب: كيف افهمتس ان سياف بقلبه وحده ولاراح يبدلها اعرفه من عيونه فلاتضيعين حياتتس عيشي حاولي تودين ايمن ماتدرين يمكن يكون هو الخير كله بحياتتس انتي حاولي وإذا ماقدرتي كلن يروح بطريقه جلست وهي تضم رجلها لصدرها حطت يدها على وجهها وهي تنهار بكي حزنت عليها هبوب قربت منها وضمتها :تذكرين يوم خطبني حمد وكنت رافضته نهائياً حتى تفكير محيته تذكرين كلمتس لي فكري ليش تكرهينه وفكري بمواقفه ورجولته كان كرهي له مجرد غيره لانه ملازم سياف دايم وكانت مفتاح للحياة الحلوه الي اعيشها الحين وبرجع اكررها عليتس ياسحاب ايمن رجال ونعرفه بطيبه ووصله الدايم لنا فكري ياسحاب فكري والله انه ينشرى هزت راسها رافضه لكل كلام هبوب ابتعدت عنها بتنهيده ورجعت لجدتها والعمه : جلست بتعب على الكرسي بعد مارتبت جميع الملفات الدكتورة هناء:الله يعطيتس العافيه ابتسمت لها:الله يعافيتس اعتدلت وقدمت بجسمها العلوي لجهة الدكتورة:بقولتس شي الدكتورة هناء بإهتمام:عساه خير اخذت نفس:قبل امس جاني نزيف وهدت حيل ولما رحت للدكتورة مها وفحصت عندها تقولي كنت حامل وسقط الجنين الدكتورة جات لعندها وحضنت راسها: ياروحي معوضه خير والحمدلله على سلامتتس افنان والغصه بحلقها:كل يوم يقولي ربي يرزقنا بطفل ميت على مايجيه ولد يشيل اسمه ويعيشه كل الي فقده هو ايش بقوله الحين والله يتكدر خاطره الدكتورة تمسح على راسها:الله يعوضكم بالولد الصالح لازم رجلتس يدري بيضيق كم يوم لاتخبين عنه شي افنان هزت راسها والدكتورة توقفها:ارجعي لبيتتس وبعطيتس اجازة اسبوع افنان:بس ا قاطعتها:يلايلا على بيتتس ارتاحي ولابزعل منتس ابتسمت لها:عاد مااقدر ازعلتس راقبتها وهي تشيل شنطتها وتطلع وهي تدعي لها تحب افنان وتعتبرها بنتها ودايم تنصحها وتوجهها للشي الصح بحكم كبر سنها ومعرفتها لام افنان اما افنان شافت سيارته واقفه بجنب البيت زاد الضيق بقلبها دخلت وعيونها تبحث عنه سمعت صوت بالغرفة دخلت بسرعه ماامداه يغير بدلته الا افنان مداهمته التفت بسرعه عليها وبيده حزام سلاحه شاف كيف تغيرت ملامحه وشهقتها الخايفه تأشر عليه على طول رجع السلاح لورا ظهره يخبيه كيف بيفهمها الحين :سلاح الي معك سلاح صح غمض عيونه وهو ياخذ نفس وفتحها نزل السلاح بالارض واتجهه لها: لاتخافين رفعت عيونها لعيونه وهي ترجف وهي للان ماانتبهت لبدلته همها السلاح الي كان بيده والف فكره سيئه براسها حضنها بسرعه من شاف رجفتها:افنان هي للان مصدومة دايم افكارها تتمحور عن كل شي سلبي بسبب حياتها الي عاشتها بخوف ابعدته عنها وهي تناظر للسلاح الي بالارض:ليش معك سلاح وشمسوي ادرك انها ماانتبهت للبدله واستنتجت وظيفته همها السلاح ابتسم بحنيه:ناظريني هزت راسها بلا وعيونها مركزه بمكان واحد حاوط وجهها ورفعه له غصب عنها:ناظريني ياافنان رفعت عينها له تنتظره يبرر السلاح وقلبها يدق بسرعه ابتسم باس جبهتهاثم فلت وجهها:شوفي وش لابس بتعرفين ليش معي سلاح ناظرت وش لابس عقدت حواجبها وهي تقول:عسكري ضحك وهو يأشر على كتفه ثم لبسه:كل ذا وتقولين عسكري ناظرته بعدم فهم رجع حضنها بحنيه:مباحث عامه ياعين نواف شهقت وكانت هالشهقه طريق لشهقات وبكي باس كتفها: ليش البكي افنان وهي تضربه على ظهره:خفت خفت كل فكره سيئه جات ببالي بعدها ويده على اكتافها:وش قلنا على هالافكار ننساها مسح وجهها من الدموع وقالت:مااقدر ماافكر كذا وبعدين ليش ماقلت لي انك بالمباحث حك راسه:اممم ممنوع اعلمتس هالفتره لكن هذا انتِ دريتي وقال بتحذير :لاحد يدري عشان مااروح فيها هزت راسها بطيب واشرت بيدها على السلاح وعينها بعين نواف: لااشوفه شلع قليبي شلع نواف حط كفه على قلبها:بسم الله على قليبتس ياقليب نواف انتِ حضنته وهي تخبي وجهها المحمر من البكي بصدره وهي تقول بنفسها {بتكسرين هالبسمه وبضيقين على قليبه الحنين} : فتح سيارته ودس فيها شنطته الي فيها هويته واوراقه الجديده للقضيه تنهد ودخل بيته ابتسم اول ماشاف امه طالعه من المطبخ اسرع لها:ياهالزول الي وحشني ابتسمت وفتحت يدها له مرحبه:ياهلا ياهلا بروح امه حضنها ثم باس يدها وراسها:شحالتس يالغالية ضربته بكتفه:بخير دامني اشوفك قبالي وشهالغيبه رجع باس يدها بقوه:وشنسوي نركض ورا الارزاق امه:الله يرزقك من واسع فضله الرزق المبارك ايمن وهو يرفع يده:اللهم امييين سحبته للمطبخ:شوف سوينا مطبخ الي حايسه حوس شيع المطبخ الصغير بسرعه ثم باس راس امه على جنب:جعلكم تسلمون ويطولي باعماركم يمه تعبتكم امه ببسمه حلوه:يوم الهناء الي اتعب عشان عرسك ايمن يقرب منها ويهمس:يمه رحتي يم العروس شلونها ضحكت امه وهي تدفه برا المطبخ:لاجات عندك اسألها شلونها ايمن بزعل:افاا يمه ماتبيني اعرف اخبارها مشت لبيتها مطنشته اما هو اخذ نفس كبييير يحبها قليل فيها الا يعشق مواطيها مايدري كيف تمكنت من قلبه غصب وتربعت فيه ابتسم وهو يستذكر وجهها الاسمر حط يده على قلبه:تشمت بسياف والله بلاني بهالحب : الجده وهي تتوجع من ضرسها:شيليه عني ابليتيني بهالضرس هبوب بزعل تسحب الصينيه يمها:افا ياجده انتِ الي اكلتي ماغصبتتس عليه الجده اعطتها نظره ثم مدت عصاها تبي تضربها لكنها ابعدت بسرعه:ارجعي لبيتتس هبوب وقفت والصينيه بيدها:وشسويت الحين تطرديني ضحكت العمه وهي جايه لابسه ثقيل ثم جلست هبوب بإستغراب:عمه شبلاتس مثقله الجو موبارد العمه هبوب تضم الجكت عليها:من صحيت والبرد يحوفني الجده بخوف مدت كفها:اقربي اشوف شكلتس سخنانه قربت من امها الي تتحسس جبهتها:ايه بالله حويره هبوب اركضي جيبي لعمتتس شي يخفف عنها العمه:لالايمه توي مااخذه هبوب ماكانتس طولتي عندنا هبوب:حتى انتِ ياعمه ماتبوني ضحكت العمه:ياعيني مااقصد شي بس الساعه بتجي وحده اكيد رجلتس بالبيت مايصير يمه تتركينه بروحه بوزت هبوب كل ماجات تسهر عندهم يقولون رجلتس ورجلتس الجده بنص عين:ايه بوزت هذا الصح الوحده ماتترك رجلها بروحه لكن بنات هالايام مابهن طب ابتسمت لهن بزعلها وسلمت عليهن:اجل مع السلامه الجده تشرب الشاهي:مري على اخيتس ياعيني هو ماغير يسأل عنتس هبوب مشت بصينيتها:ابشري حطت الصينيه بالصاله بتشوف سحاب لقتها نايمه رجعت شالت عباتها بيدها وصينيتها اتجهت للمجلس دقت الباب ثم فتحته اتسعت ابتسامتها من شافته لابس نظارته ويقرأ ترك الكتاب ويرحب فيها جلست قباله:شلونك ياعزوة هبوب تأمل ملامحها المبسوطه:دام بهجته مرتاحه وبخير هو بخير ضحكت من لقبها الي تحبه من صغرها وهذا لقبها عنده ولاقاله تعرف انه يغليها بالحييل وفاقدها :ايه بالله مرتاحه قال بجديه:شلون حمد معتس عسى مايزعلتس ابتسمت ونزلت عيونها:حمد مافيه منه حاطني بعيونه ارتكى على المركى بذراعه:حمد لومنه اثنين كان الدنيا بخير ابتسمت بخجل مدت الصينيه له تضيع الحكي عن حمد تستحي من طاريه عند سياف:هذا نصيبك من الحلا اعتدل وذاقه:الله ياهبوب فقدنا حلوياتس بعد مااعرستي هبوب وقفت تلبس عباتها:متى ماطرى لك قولي وتبشر به لو اخر الليول وقف معها:اجل ببتعبتس كل يوم ضحكت عارفه مايحب الحلويات بس ياك عشانها:يوم الهناء حاوطها بكتفها ويمشيها معه وهي حضنته على جنب:قول تم سياف فتح الباب الازرق الخلفي:امري هبوب بإصرار:قول تم اول ابتسم لها مايبي يزعلها:تم قالت بهدوء:تزوج اختفت إبتسامته تحت انظارها وقف ابعد يده عنها:هبوب ا قبل يكمل قالت:عارفه وشبتقول لاتعيش على ذكرى الكل حولك اعرس ودنا بالبشت على كتفك ونشوف عيالك ياسياف ا رفع يده يسكتها:خلاص ياهبوب قلت لكم من قبل لاطرى ببالي جيتكم لاتضيقونها علي اكثر ماهي ضايقه تقوس فمها تحت الغطاء ببدايت بكيه عارف انهها بتصيح لكن مايبي احد يتدخل حتى لو هم اقرب الناس له هبوب بصوت مخنوق:ضايق ؟ تغصب الإبتسامه:لايابهجتي ماطرالي الضيق تطمني يلا ادخلي فتحت الباب والتفتت له:فمان الله لوح بيده:بحفظ الرحمن اول مادخلت اختفت إبتسامته رجع قفل الباب وجلس على عتبته اما هبوب دخلت البيت هادي الكل نايم دخلت غرفتها شافته واقف وبيده جواله ابتسم لها نزلت عباتها وغطاها وعلى طول توسدت صدره تبكي انفجع حاول يبعدها عنه لكنها متشبثه فيه تصيح من قلبها مسكتها قدام سياف ماقدرت تتحمل اكثر حضنها يهديها:شبلاتس تصبحين مين زعلتس ماردت عليه رجع قال:الجده قالت لتس شي هزت راسها بلا حمد:العمه او بنتها هزت راسها بلا تنرفز وبعدها غصب عنه:اجل من هبوب وصوتها انبح من بكيتها القويه:سياف عقد حواجبه:سياف مزعلتس هزت راسها ورجعت حضنته مسح على شعرها:شقال لتس عشان اعرف وش اسوي له شهقت وقالت بصوت متقطع:ما...مايبي يعرس للحين بقلبه يقول لاتضيقونها اكثر ماهي ضايقه غمض عيونه وتنهد حتى هو ينقهر من يشوفه يسرح وعارف ومتأكد فكره كله يمها وعيونه الي تبين الضيق كل ماشاف خالد لكن وش بيدهم:ادعيله ياهبوب الله يرمم قليبه ظل حاضنها لين هدت وابعدت عنه مسك انفها:اخيراً هديتي مسحت على وجهها بتنهيده:مالي حيله غيرهالدموع حمد:اتوضي وصلي لتس ركعتين لاتنامين وتوتس صايحه هزت راسها وراحت للحمام امه هو تنهد وانسدح فكره انشغل عليه اكثر وجاء يوم العرس الكل فرحان الا سحاب ايمن مانام من فرحته الي الكل قراها بوجهه المبتسم وهو حلف يجهز معهم كل شي من الفجر بحماس اما سحاب كانت عكسه تماماً نايمه ولاعليها ماكأن اليوم عرسها منرفزه الكل ببرودها الي تغلف فيه النار المشتعله داخلها دخلت مع الباب مع دخلت سجى وجنى وامهم سلمت بسرعه عليهم ودقت الباب بإزعاج لين فتحت لها هبوب بصدمه:نايمه يالخبيله ميلت فمه ورجعت انسدحت تركت هبوب تشتعل من قهرها جاتها وسحبت الحاف ووقفتها بعصبيه:الكل برا متجهز وفرحان وانتِ نايمه ياحماره قومي عشان امتس وامه الي ابتسامتهم ماتخفتي نفضت يد هبوب:خلاص فهمنا اطلعي هبوب:بطلع ياسحاب لكن ان رجعت ولقيتس بهالفراش والله ثم والله ياويلتس تأففت ببكيه وهي تقفل الباب بقوه وراها خلاص طاح الفأس بالراس ماتقدر تسوي شي نزلت دموعها بضيق فزت سجى بخلعه:بسم الله شبلاها هبوب بزفره طويله وابتسمت:ولاشي جنى جهزتي الطاولة جنى وتأكل من المعمول:ايهه هبوب ضربت يدها وسحبت منها الصحن:ووجع للضيوف هذا جنى وهي تحط باقي المعمول بفمها:وانا من الضيوف سجى بقرف:ييع جنى لاتتكلمين وفمك فيه اكل طنشتها وهي تتلذذ بالمعمول تنهدت هبوب :اثركم تعبتوا بتجهيز عرسي سجى:توتس تدرين ماحطيتي اصبع فيه ناظرتها بطرف عينها:اكييد عروس ماتسوي شي جنى :ايه عروس ماكانت تبي عرس ميلت فمها ومشت عنهن بتشوف جدتها اشغلتها سحاب بالتفكير عن انها تروح وتسلم عليها فتحت باب غرفتها وجدتها جالسه وقدامها صندوق صغير فيه ذهبها ابتسمت سلمت على راسها:وشهالزين ياجده بتغطين على سحاب الجده ضحكت:ايه اضحكوا علي بهالحكي انتِ واخيتس ضحكت انه حتى سياف قالها نفس الشي جلستها الجده ولبستها بنجرة ذهب:يزهاتس الذهب ياذهبه لمستها وجدتها تسحب يدها تشوف كفوفها:مين حناتس ليش ماجيتيني احنيتس هبوب تحب الحناء وريحته:عمتي امس تتحنى بالليل وقلت لها تحنيني مسحت بكفها على راحت كف هبوب:مثل امتس الله يرحمها تحب الحناء كانت تجيني احنيها كل ماراح من كفها لاحزنت تحنت ولافرحت تحنت جعلها بالجنه البارده ابتسمت هبوب قالت بهدوء:الله يرحمها وقفت ووقفت جدتها من سمعت اذان العصر:يلا ياجده بصلي معتس من زمان ماصلينا سوا هزت راسها لها غلاة هبوب بغلاة امها حتى انها تغليها اكثر من سياف وعيالها : مغط يديه بتعب التفت لنواف من قال:وشله متعب روحك وانت عريس ايمن :والله انه احلى تعب ضحك نواف ودفه بكتفه بخفيف:تتهنى يالعاشق قال من شافه يوقف:وين نواف وهو يرفع ثوبه:بروح البيت اغير هالثوب وانت بعد روح اتجهز ماباقي وقت ويأذن المغرب شاف نظرات ايمن الي تغيرت وهو يناظر خالد الي رايح بيت ابوه :ليش مضيق روحك عشانه خلاص انتهت السالفه وهو ولاطق خبر ايمن زفر:احس شياطين الارض براسي لاشفته لاانا الي قادر اسامحه ولا قادر… وسكت نواف:بس هالمره انت الي ظلمته بسرقة صندوق المزرعه وتعديت عليه والحمدلله انها جات على كذا ولاكبرها ايمن سكت للان منقهر من العامل السوداني الي جاء لابوه وقاله انه نقل كل الي بالصندوق بصندوق الجهه الثانية عشان يترمم المكان الي فيه الصندوق القديم وكيف ان ابوه يصر عليه يروح يتأسف حتى لوانه معاديه الظلم ظلمات نواف شافه طول بسكوته فمد يده مد يده لنواف يساعده يوقف ووقف حط يده على كتفه:مع السلامه دخل نواف لبيته ابتسم وهو يسمعها تغني بالمطبخ:يسلم هالصوت انفجعت التفتت له:خلعتني الله يصلحك ارتكى بكتفه على الباب:بسم الله عليتس مورايحه العرس كملت تغسل :لا بروح لفاتن متعبها الحمل بالحيييل نواف:الله يسهله عليها ويرزقنا عاجل غير اجل اختفت ابتسامتها وضاق صدرها تحمد ربها انها معطيته ظهرها لانه يعرفها من عيونها قالت بهدوء:امين اعتدل وهو ينزل ثوبه:يلا على بال مااجهز القاتس خلصتي اخذتس بطريقي ل اختتس هزت راسها غسلت وجهها اكثر من مره ماتبي تبكي وتخرب عليه فرحته بخويه ماتحتاج تجهز لبست عباتها وجلست تنتظره اول ماشافته طلع اتغطت تخفي عنه وجهها الباكي وقبل تدخل عند فاتن قال لها:لاترجعين للبيت لين اجيتس مو زي المره الي فاتت ترجعين بروحتس افنان:ابشر مع السلامه مشى من تأكد انها دخلت وصكرت الباب افنان وقفت قدام الباب بتنهيده فاتن بإستغراب:شبلاتس واقفه عندتس ادخلي ابتسمت لها اتجهت للمطبخ على طول:بسوي قهوه واجيتس : سجى جالسه تتقهوى مع امها:ياهبوب ارتاحي ماجلستي من جيتي ام صقر تناديها:تعالي اتقهوي مايحتاج تروحين وتجين مابه ضيوف كثير جات هبوب عشان خاطر ام صقر جلست واخذت الفنجان من سجى:حتى لو لازم نفرح ونجهز كل شي ام صقر:كل شي مجهز محد غريب بيجي هبوب بقهر:قهرتني بحلفها اننا مانعزم غرب سجى مرتاحه ان سحاب راحت من طريقها:شعليتس اهم شي حنا وهي مرتاحه هبوب:على قولتس الا وين جنى ام صقر:راحت لسحاب عند سحاب الي عصبت من إصرار جنى تحط لها مكياج :بس خلاص ماله داعي كل ذا جنى:باالله هذا وجهه عروس كانتس مريضه سحاب تناظر وجهها وتمسح من الاحمر الخدود:ييع تقل مهرج جنى بقهر:مطنقره علينا من اليوم ترا مااكمل سحاب بعدم اهتمام:احسن لاتكملين صرت على اسنانها ماودها تتجادل معها وهو عرسها تخصرت :ويعني سحاب مسكت اطراف شعرها القصير من قدام وتثبته على ورا:يعني خلاص كذا جاهزه جنى فتحت عيونها:منجدك ولاتمزحين ناظرتها بجديه:ايه منجدي ولاتزيدين حرف صدعتيني تأففت جنى وطلعت اماسحاب اخذت نفس وزفرته غمضت عينها:خلاص ياسحاب طاح الفاس بالراس مايمديتس تسوين شي هفت على نفسها بيده:لاتبكين لاتبكين خليتس قوية التفتت للي دخلت الا امها تغطرف بفرحه:الف مبرووك ياعيني جعلها زيجت الدهر وصلت عندها وحضنتها سحاب ماابدت اي ردة فعل حتى حضن امها ماردتته تجاهلت امها بروود سحاب يمها حطت يدها تمسح عليها تحصنها حاولت ماتحط عيونه بعيون بنتها وطلعت بسرعه : عرس الرجال كل رجال الديره انعزموا زايد بثوب وبشته الاسود يتمشى نافخ صدره وفرحان انه اخو العروس حمد يمشي ويبخر بالضيوف ووصل عند العريس يبخره مبتسم ثم بخر ابوه وابو العروس ناداه نواف:تعال تعال بخرني جاء لعنده يبخره:تبخر تبخر ابتسم له واخذ المبخره:اوقف عند ابوك وانا ببخر ضيوفكم نواف متعمد ياخذ المبخره ويقرب من الرجال الي من دخل وهو يخزهم بعيونه وقف عنده والرجال يسوي نفسه مشغول:تبخروا ياالله تحييهم ضيوفنا تبخروا الي واقفين والرجال طنشه مايشوف وجهه الا على جنب دار مره ثانيه بالمبخره ثم حطها بمكانها عند الباب صقر الي يقهوي جاء للديره بدون ياسمين لانه بيحضر العرس وبيرجع يقهوي ويرحب سياف جلس بجنب عمه لافي يتقهوى:شلونك ياعم العم لافي :الحمدلله بنعمه وبخير سياف:الحمدلله ، الا ياعم ماودك تسكن عندنا العم لافي:كانك بقلبي الا والله افكر وشلي هناك بعد التقاعد وبناتي اسم الله عليهن شهر ويتخرجن سياف:الله يتمم على خير وقف من نادها عايد من بعيد:استأذنك ياعم عايد من وصل عنده سياف:خالد جايي سياف بان القلق على وجهه وتوجه لخالد الي متجهه يمهم وقف قدامه :إن كانك جاي بشرك توكل من الحين خالد عدل العقال على راسه: الشرعندكم موعندي سياف حط يده على صدر خالد يوقفه:عيني عليك اي حركه لوهاا(قرب سبابته للابهام كتصغير للشي) بهد حيلك قدام الكل ومحد بيفكك من يدي خالد نفض يده وتقدم للجهه الي واقف فيها ايمن بين ابوه وابوسحاب سلم عليهم مد يده لايمن الي مارفع يده يرد السلام بتكشيره التفت ابوسحاب بإستغراب من حركة ايمن لضيفه مايدري بالي بينهم حمد حط يده بيد خالد بسرعه يتدارك الوضع لاتنشد بينهم:حياك ياخالد خالد ضحك بخفه بسخريه لايمن الي واضح ماسك نفسه لايضربه اول لقاء بينهم بعد الحبس ابوسحاب:علامك ماسلمت على الضيف التفت له وعدل بشته على وعسى تختفي العصبيه الي وضحت بوجهه ابتسم له مايدري ايش يرد انقذه ابوه ابوحمد: تعال ياعماد نتقهوى عند لافي حمد وقف من بين ابتسامته يقول:ابتسم لايكدر عليك فرحتك ايمن وعيونه لممكان جلوس خالد:الله ياخذه ويريحني من هالشوفه الي تجيب الهم حمد:خلاص طنش ولاكانه موجود هذا الي يبيه ابتسم من شغلوا العرضه استلم السيف من واحد من الشباب الي اصطفوا يلعبون العرضه وبالوسط حمد وعايد بالسيوف يعرضون مهاراتهم نواف جلس عند ايمن :شلونه العاشق الولهان ايمن بطرف عينه:عل صوتك كمان ضحك نواف واختفت ابتسامته من طاحت على الي يناظرهم نواف لايمن:ايمن التفت له من نبرته الي تغيرت:همم نواف :شوف الي واقف بااخر العرضه يتقهوى تعرفه ايمن اخذ نظره سريعه له:لا اول مره اشوفه نواف بشك:من بدايت العرس وعيونه تراقبنا عقد حواجبه:هذا انتم تشكون بااي احد وإذا يناظرك نواف :مومرتاح له ولنظراته موعاديه ايمن ناظر للرجال ثم لنواف:وشيدريك انها موعاديه نواف:خبرتي تقول انه يراقب التفت بسرعه لايمن ثم قال:ايمن دقق فيه ماشفته بالاستراحه ايمن:نوافوه لاتخلعني قلت لك ماقد شفته نواف تنهد ووقف:خلاص انسى ايمن ناظر ساعته 9:30 وهو موصي امه 11 بيجيهم وجاهل لنظرات خالد الي منقهر من صحبته السريعه لنواف ومنقهر اكثر من الحواجز الكثييير الي بينهم كل ماقرر يهدمها يزيدها : هبوب رمت كعبها وجلست تهمز رجلها:اخخخ يارجولي جنى:تستاهلين قلت لتس طويل ماتقوينه هبوب بحقد:وانتن خليتن لي كعب صاحي ام سحاب دخلت وهي ترتب طرحة بنتها:يلا بنزفتس وقفت ببرود بدون ابتسامه الكل استعد لزفتها وهبوب مبسوووطه بالي بيدها اصطفوا البنات على جنب والحريم بالجنب الثاني العرس مختصر للحريم الي حضر عماتها وبناتهن موالكل وام حمد عزمت اهلها والي قريبين على قلوبهن حتى كوشه ماحطوا الا كنبه وزينوها مشت ام سحاب بالبخور قبل تنزف بنتها وحطت على جمب ووقفت عند هبوب الي راحت تتأكد ان سحاب تطلع اول ماتسمع الزفه كانت جميله بالابيض الي زاد سمارها جمال فستانها من امها طبعاً غصب لبسته فستان كامل واسع على اطراف الصدر لولو وطرحتها قطعه وحده بطول الفستان وفيها لولو متناثر بعشوائيه اول ماسمعت الصوت بدت تمشي وتطالع فيهم لكن انصدمت وبان بوجهها من اعتلى صوت ايمن بالزفه بثقل رجولي ""طلي في هيبة جمالك ياسحاب اتقدمي عيننا صلت على الهادي إلا منها رأت طلتك بين الحضور ياسحابي إلفي لهم واتبسمي مقبله والدنيا قالت ياهلا باللي مشت ياهلا بك والمشاعر في الخوافق هللت اقبلي مازانت القَبله ولايوم حلت إلابك بالخطاوي يالحبيبه اتسلهمي بسم ربِ الناس وأذكار السعاده تمتمي ليلتك ياعروسي قمره وسط ظلمه اتبسمت"" الكل انصدم من صوته محد كان يدري الا هبوب الي وصاها حمد تشغلها هالزفه الي كانت هديه من ايمن حتى هبوب ماسمعتها دمعت عيونها بفرحه وهي تأشر لسحاب تبتسم لكنها مطنشه والهمسات المعجبه والحاسده تعلى ام سحاب بلعت الغصه من سمعت ثنتين من قرايب ام حمد :شبلاها العروس مبوزه :شكلهم غاصبين بنتهم الله لايبلانا موقادره تبتسم من قوة المشاعر الي تزاحمت بصدرها وعيونها تلمع من كثر الدمع مشاعر كل ام تشوف بنتها ووحيدتها بالابيض حاضنه يدها وتسمي عليها بقلبها وتحصنها اما سحاب مركزه بكل كلمه بزفتها يتملكها بكلماته الي تغيرت عن الكلمات الي البنات سمعنها لها اتفاجئت ناظرت لهبوب بتهديد وهبوب تلوح لها والابتسامه شاقه وجهها لفت نظرها لامها فجاءه اسرعت بمشيها لامها وحضنتها بقوه ماتقوى تطلع من هالبيت وامها زعلانه منها:سامحيني يمه والله اسفه امها ماستحملت بكت على طول وحيدتها وصديقتها ونور لحياتها بعد ظلام الكل تأثر معهن الجده ربتت على ظهر بنتها:الله يهديتس ياهبوب اتركي البنيه بعدتها عنها وهي تبلع بكيتها ضحكت بوجهه بنتها:خربتي مكياجتس قربت ام حمد بمحبه تمسح دموع سحاب بمنديل وتمسح الكحل الي ساح تحت عيونها بإبتسامه:تعالي ياجنى عدلي مكياجها جلست بمكانها وعدلت لها جنى الكحل بروحها الحلوه:ياعيني على الرومانسيه الزفه تخبل موووت ياسحابته(مقلده ايمن من قال ياسحابي) طنشتها ماردت تفكر بهالليله والتوتر بدأ يتملكها شغلت سجى السماعه وصارت ترقص قدامها وشاركتها جنى ثم هبوب الي نزلت كعبها وسحبت جدتها تراقصها بمكانها جاتها امها تقومها ترقص معها وصارت من يد ليد يراقصنها وعيونها مانزلت من على امها بتفقدها وبتفقد حضنها حتى الابتسامه موقادره تبتسم حتى لو غصب اندق الباب بقوه على طول تغطن هالمره الكل تغطى زين ووقفن على جمب عكس عرس هبوب ام سحاب على اليمين وقفت بنتها وعدلت لها الفستان ويدها بيدسحاب وقفت على يسارها ام حمد تغطت الي من شافت ولدها سمت عليه وحصنته دخل ايمن وهو بين ابوها وزايد الصغير الي تقدم بسرعه قبلهم ابتسم من شاف ترف ترقص قدام سحاب برقصات غريبه وتسحب معها زايد الي صار نسخه من حركات ترف ارتفعت عيونه لها واتسعت ابتسامته لوالحياء كان ركض يضمها حاول يمشي بهدوء وصل سلم على امه وامها ثم وقف قدامها قال بعد ماباس جبينها:مبروك يالحبيبه ماردت منزله راسها تحس الجو احتر فجاءه وكانها بتفقد وعيها ابعدت امه عن سحاب ووقفته جنبها وابتسامتها توصف مدى فرحتها باركت لهم ووقفت على جنب عشان ابوها رفعت عيونها لابوها الي عيونه واضح اختناق الدمعه فيها تقوس فمها على طول باس راسها وهو ماسك يدها بغصه:ياروح وحياة عماد مبرووك يانظر العين ونبض القلب ماقدرت تتكلم لوتكلمت بكت حتى لوماتبي هالعرس مشاعر اللحظه غصب تتحكم فيها امها مسحت على ظهرها تهديها التفت ابوها على ايمن الي كان يتأملها:بنيتي وصيتي لك لاتزعلها وحطها بعيونك ياايمن تراها وحيدتي ونظر عيني اشر ايمن على عيونه:بعيوني الثنتين ياعم اخذ نفس ابوها ورجع سلم عليهم وشد على يدها ماوده يتركها حطت امها يدها على يدهم بإبتسامه:مبروك ياعماد زواج بكرك ابتسم لها بمحبه صادقه وطلع عند البنات الكل يتهامس جنى :ماشاءالله وسيم موزي اخوه هبوب تخصرت بدفاع:لاوالله وشفيه اخوه سجى:وهي صادقه رجلتس يخوف جثه لاوقفتي جنبه تصيرون رقم عشره هبوب بزعل:والله انه اجمل الرجال الطول هيبه هيبه ضحكن على دفاعها عنه بحماس :وش يضحك انتِ وياها سجى رفعت يدها بإستسلام:ولاشي سلامتتس هبوب :يععع منتس بالذات السين موحلو وحده من الي وراهن قاطعتهن:انتِ زوجة حمد هبوب:ايه الحرمه الي متغطيه ابتسمت:ماشاءالله جميله شعلومه حمد هبوب بشراسه:شعليتس تسألين عنه جنى سحبت هبوب عنها:مالتس دخل وانتِ امشي هناك هبوب:وجع تقهر جنى بضحكة خبث:غرتي هبوب :اكيد بغار مو رجلي جنى:طيب طيب لاتاكلينا عند سحاب رجف جسمها من مسك يدها يمشيها معه عند الباب حط بشته عليها فوق عباتها وطلعوا ويده بيدها اما البنات صرخن بحماس من حركته واضح رومنسي وضحك عليهم وفاضحته حركاته انه يحبها قفلن الباب وكملن فرحتهن بالرقص والسوالف لان الوقت لسى بدري فتح لها الباب:تفضلي برجلتس اليمين بعناد وبتقهره دخلت باليسار ماتدري انها مختفيه تحت فستانها مادرى عن حركتها سحبت بشته من عليها وهي تمده له استغرب منها لكن طنش مسك يدها للغرفه وهي ودها تقطع يده دخل للغرفه وهو يقول:خذي راحتس رايح شوي وجاي اعطاها احلى ابتسامه قبل يسكر الباب وراه اما هي رمت عباتها بقوه ثم نزعت الطرحه الي اوجعها راسها من شدت معها شعرها غيرت لبيجامه هاديه وساتره حطت فستانها وفوقها عباتها بإهمال عند الدولاب مسحت الي قدرت عليه من مكياج وهي تدعي على جنى من سمعته يتنحنح عند الباب اسرعت للسرير انسدحت وتلحفت دخل وانصدم من شافها نايمه :مااسرعها تتنام وقف قريب منها يناديها: سحاب سحاب لكنه ابتسم من ظن انها نامت وعذرها انها تعبت وماحست بروحها طلع وهو يشيل الاكل والحركات الي تعب وهو يصفصفها بقهر على هالليله الي كان مخطط لها وحافظ كل كلمه بيقولها لكنها صدمته بنومتها حط غطى على الاكل وحطه بالمطبخ وجمع الورد وحطه على طاولة الجلسه اخذ نفس طووويل ثم زفر حتى هو تعب من الفجر صاحي دامها نامت بينام رجع دخل الغرفه ونزل ثوبه وشماغه وعلقهم وانسدح وصارت على يمينه ابتسم من شاف شعرها القصير مسك خصله وهو مبتسم ويحمد ربه انها قدامه الحين بدون حواجز اما هي انكمشت على نفسها من انسدح ورجف قلبها بخوف من مسكته لشعرها بلعت ريقها تجاهد نفسها عشان تنام لين نامت صدق : انتهى نلتقي الأحد القادم بإذن الله | ||||
|
| |
|
02-10-23, 02:26 AM
| #27 | ||||
| السلام عليكم ورحمة الله وبركاته "اعتذر منكم على التأخير كنت على الموعد لكن اخرني النت " استمتعوا البارت الثالث عشر : : اليوم الثاني الصباح توجهه للمستشفى جلس ينتظر ينادون اسمه وهو متوتر الي صار معه بالليل مايتحمله صار يفرك يدينه ببعض زفر ووقف من نادته الممرضه دخل وسلم جلس ويده على صدره وصوته مبحوح:يادكتور جاني ألم بهالجهه مومثل كل مره غيير قووي ماتحملته ابد والله اني حسيت بالموت وحتى صوتي راح ولما تكلم يوجعني الدكتور:منتظم على ادويتك ولاكالعاده مهملها هز راسه بلا الدكتور : بتعزب حالك كتيير اتفقنا ننتظم ياسياف انت قاعد تدمر صحتك بيدك وقف وهو يأشر له على السرير وبدأ يفحصه:ضروري تروح تسوي اشعه وتحاليل كامله عشان نتأكد سياف جلس على السرير يقفل ازرار ثوبه:شاك بشي غير الربو يادكتور الدكتور يكتب:اسمع ياسياف انت اهملت صدرك كتيير وهذي نتيجته كل مره انصحك حتى التهزيء مابينفع معك ياابني اخاف تجيك ذبحه صدريه او جلطه لاسمح الله سياف اخذ نفس عميق وهو ياخذ الورقه:وشهذي الدكتور:كتبت لك بعض الفيتامينات وحبوب إذا حسيت بالالم ابعد عن اي شي يضرك بخور والغبار،وقال بتهديد والدخان ابعده تماماً ميل فمه بعدم إعجاب والدكتور:لاتنسى تروح تحلل وتسوي اشعه اول ماتطلع النتيجة تعال سياف:تسلم يادكتور مع السلامه الدكتور:بالشفاء إن شاءالله مع السلامه اول موعد مع الدكتور بدون مايعصب عليه كانه طفش منه ومن تكرار كلامه توجه المختبر طوالي : عند عرسانا صحت من ساعه ولافكرت تصحيه ماكأن فاتته صلاة الفجر جالسة بالحوش بقهوتها تتقهوى لابسه بنطلون اسود عريض وبلوزه اسود اكمام طويله مغطيه رقبتها بالشال لان الجو بدأ يبرد عليهم ومتعمده عشان مايشوف ولاجزء من جسمها متكيه ظهرها للجدار وتتأمل السماء المغيمه ايمن تحرك بالسرير وبيده تحسس مكانها فاضي فتح عيونه اعتدل يمسح على وجهه واضح له انه النهار من تحت الباب تأفف ماشبع نوم لكنه مضطر بما انه عريس يطلع عندها طلع من الغرفه ابتسم من شافها سراحنه ماانتبهت له راح يتوضأ ويصلي الفجر طلع من الغرفه بلبس رياضي وجلس جنبها:صبحتس بالخير ماردت عليه ابتسم يحسب انها خجلانه منه صب لنفسه قهوه :افطرتي سحاب وعينها مانزلت عن السماء:ايه ايمن للان مومصدق انها قدامه يتأملها بحب:ليش ماصحيتيني نفطر سوا سحاب بكذب:صحيتك ماصحيت قرب ولصق فيها وهو مبتسم رفع حاجبه من شهقتها ووقفت بسرعه من تلامس اكتافهم انكب شوي من القهوه عليها مسك يدها يجلسها وكان بيسحب بنطلونها يشوف :بسم الله عليتس انحرقتي نفضت يده بعصبيه:لاتلمسني برد وجهه من كلمتها وعصبيتها وعيونه تستفسرها راحت للغرفه الصغيره معصبه وبكت بصمت اما ايمن حس بتأنيب الضمير اكييد انها خايفه منه ماتعرف عنه شي موبسرعه بتتعود عليه كان يحسن بنواياه ولاظن شي فيها وقف وفتح الباب:سحاب ماردت ضامه رجولها بيدها ومخبيه وجهها فيه ماتبي تبين ضعفها له تبي تقوي روحها تعبت من البكي لها خمس شهور تبكي ومانفعها بشي ايمن انتابه القلق:اتركتس براحتتس رجع جلس وعيونه للغرفه حط يده على بطنه من الجوع ماتعشى امس ولاافطر وقف على الباب الفاصل لبيت اهله استدرك ان زوجة اخوه فيه ومن الغباء يروح يفطر معهم رجع للمطبخ يدور شي يسد جوعه حط له توست وحليب ياكل ولايحس بطعمه انقهر عليها (انت غبي البنت اكيد بتخاف وانت خبل بترفع بنطلونها بس والله من خوفي عليها ) زفر انتهى من اكله ورجع يطل عليها بالغرفه للحين تبكي تقدم لها وجلس قبالها:سحاب ردت بشهقه:ابعد عني ابعد شوي:خايفه مني ؟ ماردت تحاول تسيطر على هالانفجار بعيونها ناظر فيها ووقف:بروح اشوف بعض الامور وانتي اهدي وطلع تركها تهدى لحالها : ابوخالد: وش هالضعفه الي فيك اغصبها انت رجلها لازم تساعدك خالد بملل من ابوه:تخسى هي تخليني ضعيف ايو خالد يأكل بنفسه من القهر من هالي قدامه بس كلام:امسك هالاوراق وبصمها لانامت ماعندي غير هالحل خالد تأفف:طيب ابوخالد بتهديد:والله لو نهاية الاسبوع ماجبتها مبصمه لتشوف الويل خالد وقف:ابشر ابشر دخلت فضه شايله القهوه:وين رايح تقهوى معنا خالد رفع يده وهو يمشي:مستعجل جلست وهي تصب لابوها قهوه وجات امها جلست جنب ابوها :الا وين امجد واهله ماشفناهم جوا يخطبون ابوخالد:وين يجي وانتي امها والتيس اخوها سارقهم فضه عضت شفتها بقهر كانت فرحانه بتفتك من هالبيت والديره وانها بتاخذ امجد ولد التاجر لكن وين تكمل : سطام يدخن وحاط رجل على رجل بسخريه:رجال المباحث اغبياء من شفت معه كمان الي معه:غازي اعتدل بجلسته:الكلب والله اني كنت شاك فيه من البدايه سحب من سيجارته ونفثها:وش الخطه الحين ابتسم بخباثه:بنترك الوضع نفس ماهو ونمشي بخطتهم الغبيه هذي نشوف لوين يوصلون :على امرك ، بس نظرات نواف لي كأنه شك سطام:ماعليك خوف لان مكانك بالمستودع هنا فماراح يعرفون شي العمده كمل فلوسه ولا الرجل:لا يماطل صار يبيله قرصة اذن سطام بقلب ميت:نهاية هالاسبوع ماسدد حذروه بولده :ابشر : : ام سحاب بحزن:فضى البيت علينا الجده :ايوالله كان حياه بحس البنيات شافت سياف جاي يمهن جلس وصبت له شاهي الجده ضيقت عيونها:علام وجيهك تعبان يمه سياف مسح وجهه:بالف عافيه بس مانمت زين الجده:قوم يمه للمطبخ فيه حافظه عصيده جابتها ام فاهد قام متجهه للمطبخ لان الجوع واصل حده من التعب فتح الحافظه وجلس بالارض ياكل منها بشرود يفكر يعدل حياته المعطوبه بعد ماشبع راح لغرفته الي صارت شبه مهجوره فتح الشباك وانسدح يتأمل السقف ابتسم من لمس بيده السلسال تحت المخده وهو يعاتب روحه (ليش عايف وهي متهنيه بحياتها ودليلها حملها موقف حياتك عشانها تنتظر ايش )اعتدل بجلسته ينقل نظره بكل زاوية بغرفته يفكر يكلم جدته لازم يمحي فاتن من حياته ويمحيها من تفكيره ويغير نفسه غصب وقف بسرعه من تذكر الرساله اسرع للدرج فتشت الدفاترلكنه مالقى شي فتح الدولاب وسحب الرساله من تحت ملابسه حفظ الكلام الي فيها فتح عيونه من طرى بباله بنات عمه لافي استبعد بنت العمه لانها تزوجت لوهي الي كاتبتله كان ماوافقت على ايمن ابتسم من لقى امل بحياته يتجدد (اخذ الي تحبك ياسياف موالي تحبها بس كيف اعرف صاحبتها) : حطت الكمادات على جبهته وهي شوي وتصيح حمد وصوته منبح من التعب:ليش الصياح هبوب مسحت عينها:مااصيح ابتسم بذبول ومسك يدها ينزلها عن جبهته لصدره هبوب بإصرار:لازم تأكل حمد مغمض عيونه:والله مومشتهي بنام واصحى زي الحصان هبوب:طيب اجيب لك شوربه خفيفه على البطن حمد :خلاص ياهبوب قلت لتس ماابي شالت الكماده عن جبهته ورفض تحط غيرها مزكم وحالته حاله تركته يرتاح وطلعت لعمتها الي جالسة بالصاله:هاايمه كيفه هبوب جلست قبالها:الحمدلله نزلت الحراره بس مارضى ياكل ام حمد تمد لها التمر:حمد ماعمره تعب اكثر من يومين ماشاءالله عليه يصتصح بسرعه اخذت لها تمرمبتسمه : جهزت الغداء وهي مقرره بعد مايملى بطنه تخبره بكل هالضيق ابتسمت من فتح غطاء القدر يشم:الله ابتسمت وهي تغطي القدر:صحيت بدري عشان اسويها اعرفك تحبها بعثر شعرها:يازين الي يعرفون ايش احب دفته لبرا المطبخ :يلا ثواني واحطه جاته بصحن الرز الابيض وصحن ملوخيه :سم بالله تأكل وتناظره ياكل بهدوء مايحب الكلام وقت الاكل ابتعد:الحمدلله ياجعل هالايدين ماتمسها النار وقفت بالصحن مبتسمه:بالعافيه وقفت عنده يرتب شنطته كثرت روحاته ماتشوفه كثيير من بعد ماعرفت انه مباحث وهي تقلق وتخاف لاتأخر ماترتاح لين تشوفه بخير حطت يدها على ظهره:بتروح نواف:بكره زي هالوقت إن شاءالله بوزت وفركت يدها ببعض بتوتر:نواف بقولك شي وهو لسى يرتب:قولي لفته لجهتها:علامتس افنان:ماتزعل عقد حواجبه:ماازعل قولي افنان بصوت راجف:انا كنت حامل وسقطت راقبت ملامحه الي تغيرت وقالت ببداية بكي:انا اسفه والله ماكنت ادري اني حامل تغصب البسمه وحضن راسها: ياروحي لسى حنا ببداية حياتنا ربي بيعوضنا وبإذن الله بنجيب عيال وبنملي هالبيت ردت بحضنه وبكت:بس انت كنت تتمناه وكل يوم تدعي مسح على شعرها:قلت لتس الله بيعوضنا ماتدرين يمكن انه خيره لنا تعوذي من الشيطان رفعت راسها له:يعني مومتضايق ابتسم وباسها على خدها:لا رجع حط ثوبه وهو يقول غمضي عيونتس استغربت:ليش نواف:بطلع شي ماتحبين تشوفينه عرفت انه يقصد السلاح فاعطته ظهرها بضربه على كتفه ابتسم من حركتها وحط سلاحه بشنطه صغيره من انهيارها يحاول انه مايحطه بمكان يطيح عليه نظرها قفل الشنطة ولف عليهاوحاوطها يمشيها معه للحوش:اليوم ابيتس تسولفيين علي ضحكت:بصدع راسك نواف يسحب انفها:احلى صداع والله صلى العصر بالمسجد مع ابوه :حمد وينه ماشفته ابوحمد والمسواك بفمه:صحى حرارته مرتفعه وشكله بيزكم ايمن: الله يعين ابوحمد:امش للبيت امك موصيتني لاشفتك اجيبك معي ايمن ابتسم:ياحبي لها اشتاقت ضحك ابوه:من الصباح ماسكها لاتروح يمكم وصلوا للبيت ودخل ابوه قبله ودخل من سمع ابوه :تعال مافيه احد اسرع لامه وهو يضحك على شكلها المتحمس بشوفته :شلونتس يالغاليه بعد العرس عسى ماتعبتي ابتسمت:ابد مافيه تعب وين عروستك ايمن وقف : بروح اجيبها لتس ضحكت بفرحه :الله يحيها دخل بيته وعلى طول اتجهه للغرفه الصغيره فتح بابها ماشافها فيه فتح باب غرفة النوم شافها واقفه على الشباك ابتسم :السلام عليكم سحاب بدون نفس:وعليكم السلام جلس على طرف السرير بجهتها:اتجهزي بنروح لاهلي مشت ماتكلمت مسكها بسرعه من ذراعها من مرت جنبه نفضت يدها بقرف وضمتها لصدرها وقف بنرفزه:شبلاتس انتِ تقوس فمها وامتلت عيونها دموع وهي تسب وتشتم ضعفها بداخلها شصار لها ماكانت كذا لانت ملامحه وهو يقرب منها:سحاب علامتس خايفه مني هالكثر نزلت عينها للارض بتردد :ماابيك انصدم وتغيرت ملامح وجهه وقال بتأكيد وهو يتمنى انه سمع غلط :ماتبيني رفعت عينها له:ايه ماابيك وماني راضيه بهالزواج كله مسكها من ذراعها بقوه وكلمة ماابيك تضرب عرق العصبيه عنده:مغصوبه علي ياسحاب سحاب مسكت يده الي على ذراعها بألم:عورتني ايمن بعصبيه يهزها:جعلها الكسر ردي علي مغصوبه سحاب ماقدرت ماتبكي:ايه مغصوبه ولولا حلف امي ماطبيت بيتك مااحبك مااحبك انكسرت فرحته فيها والضيق ملئ صدره وقال وهو يصر على اسنانه ويضغط على يدها اكثر:جعلتس ماتحبيني الحين تجهزين نطلع لامي وياويلتس يطلع هالحكي برا هالغرفه سامعه ثم دفها عنه بقوه طالع للحوش يمشي فيه بسرعه يحاول يخفف الحره الي بقلبه انضحك عليه ماتحبه ولاتبيه وهو يموت عليها من كثر فرحته امس يحس انه طايربالسمار وبكلمتها ضربت فيه قاع الارض كيف بيهدى وهالكلمة تكسره شافته مع الشباك بنظره خاطفه صدره يعلى وينخفض بشكل واضح ووجهه اسود من غضبه تنهدت وجهزت واضطرت تحت مكياج شوي ثقيل يخفي ملامحها الباكيه لبست عباتها وتغطت وطلعت له من شافها على طول توجهه للباب انقهر وهو يشوف تراحيب امه فيهم وكلهم مايدرون بالي بقلبها عليه مدت لها القهوه:تقهوي ياعيوني ايمن يهمس لها:ابتسمي تغصبت البسمه وهي تتقهوى وساكته تسمع سوالفهم وقف ايمن مايقدر يجلس اكثر بينفجر :بروح اشوف نواف وراجع امه:الله يحفظك طلع ايمن وجاتهم هبوب على طول سلمت على سحاب وجلست جنبها :شلونتس يالعروس التفتت لها سحاب:حالي من حالتس ابتسمت:اجل انتس بخير كشرت وصدت عنها تتقهوى وتحس بمكان مسكته ينبض يألمها و دموعها معلقه باطراف عينها لكنها تحاول ماتنزل قدامهم دام نطقت بوجهه هالكلام لازم تثبت انها قده طول الجلسه كانت ساكته وماتنطق الا جواب سؤال فقط : ايمن بعد ماخفف على نفسه دخل البقاله:الله يعطيك العافيه ياسياف تعبتك سياف وقف يسلم عليه:ياحيه بالعكس انا فاضي اشغل وقتي اخذ له عصير بارد لعله يبرد النار الي بصدره وجلس على كرسي يهز رجله بقوه وواضح لاي شخص يشوفه انه متضايق سياف حط يده على كتفه بطبطبه بدون لايحكي رفع عيونه له وابتسم :مافيني شي كنت معها عند امي وتركتهم عشان اختك تجلس معهم هز راسه سياف عرف ان فيه شي من تبريره الغبي الي فضحه جلس قباله:عمي يقول حمد تعبان ايمن:ماتعرفه كل بداية شتاء يمرض سياف:الله يعين افكر اعتمر قبل تبرد الاجواء اكثر فزوا اثنينهم من سمعوا اصوات الرجال ترتفع والي يركضون ايمن وهو يطلع:الله يستر الله يستر ارتفعت عيونهم للدخان الي دليل قوي لحريق مسك ايمن رجال من الي يركضون:شصاير الرجال وهو مستعجل:بيت خالد يحترق من سمع حكيه مر من جنبهم يركض مايفكر الا فيها بيتها يحترق ركض ايمن وراه وصلوا للبيت الرجال حوله يتساعدون يطفون النار الي من كبرها دخانها الاسود غيم بجوهم اكثر وقف قدام البيت بوجهه المخطوف موقادر يتحرك تيبس جسمه من النار الكبيره الي يشوفها يتنفس بقوه خوف ومن ركضه السريع وهو ينادي نفسه بداخله(تحرك ياسياف شبلاك تحرك بتموت بتموت وبتروح مثل امك )صدمة حريق امه للان متأثر فيها لف براسه لايمن الي يهزه بقوه:سيااف تكفى ياسياف لكن سياف تفكيره انشل يناظر ايمن بضياع التفت لباب البيت الي الرجال يحاولون يدخلون ناظر رجله كان يترجاها تتحرك ارتفع راسه بسرعه من سمع الرجال يأكدون ان بالبيت احد اسرع لاقرب واحد من الباب ودفعه بقوه عن طريقه ودخل والكل يصيح فيه يرجع ايمن عصب عليهم واقفين حول الباب ولاواحد فيهم تحرك:الله ياخذكم وياخذ ضعفكم نزع ثوبه عشان مايعرقله واخذ سطل ماء وهو يدخل ورا سياف وصل الخبر لنواف الي طلع بسرعه يساعدهم افنان خافت قلبها يعورها والاصوات مومريحتها ابد وخروج زوجها بهالسرعه اكد لها ان فيه شي صاير قلبها دليلها بالاشياء السيئه لبست عباتها وطلعت تمشي بسرعه اتسعت عينها من الدخان وركضت ورا الي يركضون وكل ماقربت من بيت اختها يخفق قلبها بخوف ويصدق حدسها الشين شافت الكل متجمع حريم ورياجيل متجمعه قدام البيت الي طفت ناره لكن الدخان الاسود للان موجود حولهم برد جسمها رفعت الغطاء عن وجهها كل ماقربت يرتفع نفسها اكثر صرخت بكل صوتها لما سمعت حرمه تقول :الله يرحمهم اول ماسمع الصرخه التفت يدورها بعيونه ثبتت عينه على الي تمشي يمهم ووجهها واضح للكل ماهي يم احد ولاتحس بالي تسويه اوجعه قلبه من انهارت جالسه تبكي وتصارخ باسم اختها عض على شفته وهو يجيها ويغطيها بسرعه بشماغه ويضمها بصدره يخبيها عن الي يطالعونها:افنان اذكري الله قربت جدة سياف والعمه لهم:هاتها يمنا رفع عيونه لها مايدري كيف يتصرف ضاع من شاف حالتها نزل عينه عليها من حسها ترتخي بحضنه طبطب على خدها:افنان الله يخليتس صحصحي افنان الجده:ياوليدي انا جدة سياف والبنيه اغمى عليها هاتها رفعها وهو يمشي وراهن دخل من فتحت له الباب وركضت العمه تبعد الطاوله الارضيه:نزلها هنا نزلها على الارض بشويش وفك غطاها ورجع يطبطب عليها يصحيها التفت بقلة حيله على العمه:ماصحت العمه هبوب:بتصحى لاتخاف الجده:انت نواف خوي ايمن هز راسه ووقف يحس مكانه غلط ببيت سياف وبين اهله:بروح اشوف الاوضاع انتبهوا لها تكفون العمه هبوب:تطمن بتكون بخير اخذ نظره لها وطلع نزلت عباتها بشويش وهو تمسح على وجهه افنان:الله يكون بعونكم هبوب يمه هاتي كوب ماء وقربي هالمناديل : سياف اول مادخل يدورها مثل المجنون شاف مصدر النار المطبخ لف لايمن الي رش كل الماء بجههة النار وقف والخوف متملكه دخل الغرفه الي قدامه واسرع يدورها بعيونه الي بتطلع من خوفه عليها ماشافها طلع وهو يضيق عيونها من شاف الي بالزاويه اسرع جلس قبالها مسك راسها الي مختفي بين شعرها يناظرها:فاتن تسمعيني فتحت عيونها بشويش تشوفه لكن ماطولت الا وطاحت بين يديه مغمى عليها على طول رفعها وهو يرمي عليها بشماغه الي كان ملفوف على راسه يركض فيها من طلع تعالت الاصوات يدعون لها مومهتم لاحد بهاللحظه الا بها سدحها بسيارته من ورى لان المسافه بين بيتها والمستشفى بعيده اسرع وقلبه ينبض بقوه وقف قدام المستشفى ونزل وهو ينادي عليهم اسرعوا بالسرير حطوها فيه ولحقهم حتى سيارته تركها شغاله وابوابها فاتحه وقف من ابعده الممرض يمنعه من الدخول صار يشد على شعره لورى وهو يدعيلها ومنظره يلفت كل الي بالمستشفى ثوبه الي مربوط على خصره تحول للون الاسود ووجهه كذلك فجاءه داهمته دوخه قويه استند على الجدار ويده على عيونه وماهي الا ثواني طاح بطوله على الارض : ام حمد وهي تقرأ على افنان الي من صحت وهي تبكي وعيونها مثبته على الفراغ جات هبوب بصحن فيه رز وكاسة ماء حطته عن عمتها :افنان ماردت عليها التفتت على عمتها بحزن :لازم تأكل ام حمد:خليها بتأكل بعدين وقفت وعيونها على افنان تقطع القلب كانت هي واختها صحباتها ودوم يسهرن سوا تنهدت وطلعت جلست بين سحاب والجده :شلونها هبوب بحزن:ماهي بخير الجده:ماجاكم خبر عن اختها ورجلها هزت راسها بلا ثم وقفت بخوف وهي يطري ببالها سياف وطلعت للباب تفتحه بشويش عسى تلقى اي صغير ترسله يشوفلها سياف صكرت الباب وسحاب طلعت وراها :شفيكِ قمتي فجاءهووجهك مخطوف هبوب بخوف:إذا هذي حالة أختها كيف حالة سياف رفعت حاجبها بعدم إعجاب:وايش بيكون حاله يعني هبوب مقهوره منها من علمتها بالي قالته لايمن وانه اكيد ماراح تطول معه ورفعت يدها بتهديد:سياف بقليبه وحده وهالوحده فاتن ولاراح يبدلها بغيرها تسمعين برجع اقولتس شيلي سياف من راستس لاتخربين حياتتس بتفكيرتس الغبي ذا وتركتها تصارع تراكم مشاعر كثيير بصدرها اوجعها بالحييل كلام هبوب وشتسوي إذا توسط قلبها موبيدها : نواف وايمن يساعدون الشباب بالبيت الي ماسلم منه الا جزء من غرفه مسح وجهه بتعب:الله يكون بعونهم ويعوضهم يدعيلهم ويشيل بقايا هالبيت ولاكأنه بعداوه قويه مع صاحب البيت زفر من شاف خالد يدخل للبيت بذهول وقف عند ايمن والحسره بوجهه:وشصار ايمن:صاربه حريقه وطفيناها باقل الخساير الله يعوضك خالد حط يده على راسه الشي الوحيد الي بفلوس حلال هالبيت تعب لين رمم كل زاوية فيه:لاحول ولاقوة إلا باالله اتسعت عينه من ذكرها صار يدور بالبيت عليها مهما وصلت فيه الخسه وكرهها الا انها بنت عمه ولايتمنى لها الموت رجع لايمن الواقف يراقبه:تكفى تكفى قول انها ماكانت بالبيت هز راسه بآسى:زوجتك إن شاءالله انها بخير اسعفوها للمستشفى الي صاب خالد صاب ابوه الي جاء مسرع من اندق بابه ووصلوله الخبر ' سبحان الله وبحمده سبحان الله العظيم ' | ||||
|
| |
|
02-10-23, 02:26 AM
| #28 | ||||
| البارت الرابع عشر : : فتح عيونه بشويش وبانت له الرؤية حوله بسرير وبيده ابرة مغذي واكسجين جلس بسرعه وهو ينزع الاكسجين الا بالممرض يفتح الستاره حوله ومعه عسكريين:سلام عليكم ناظره بتعب وكمل الممرض يرجع الاكسجين عليه:ايش صلة القرابه بالمريضه الي جبتها سياف والقلق بان بملامحه بصوت خافت: هي بخير العسكري بنفخه:اخلص وجاوب انت زوجها هز راسه بلا وسعت عيونه من قال الممرض:المريضه متعرضه لعنف جسمها مليان كدمات وضرب من غير الحروق الي تعرضت لها من حادث اليوم سياف بلع غصه مايدري ايش يرد نزل راسه ثم رفعه ويكرر سؤاله عليهم :هي بخير الممرض وهو بيمشي:تكمل 24ساعه ونشوف تكون بخير اولا زفرر بقوه وهو ينادي الممرضه الي جالسه عشان تشيل المغذي منه ومارضت انسدح من حس بدوخه حط يده على جبهته (يضربها الكلب ياجعل يده للبتر والله هالمره ماراح اسكت لهم) الساعه 1 الهدوء يعم الديره بالنسبه لهم هالوقت نوم وراحه محد يطلع من بيته حمد طلع من غرفته بعد ماصحصح بعد نومته الطويله من التعب استغرب اللمبات شغاله ومافيه احد حتى هبوب على غير العاده طلع للحوش ابوه وايمن عند الباب انفجع من شاف شكل ايمن قرب له:بسم الله شبلاك ايمن ووجهه باهته: بيت خالد احترق حمد:اعوذوبالله عساهم سالمين ابوحمد:الحمدلله سالمين بس البيت راح فيها لف نظره لايمن الي موعلى بعضه:الحمدلله البيت يتعوض ،ايمن التفت لاخوه :انت طيب ؟ اخذ نفس عمييق وهو كره البيت من بعد الي قتلته: مابي شي بروح لنواف حمد لابوه:شفيه ابوحمد زفر:من الصبح باين الضيق بوجهه ماشفت ضحكته الي دايم ماتفارقه روح لخويك بالمستشفى حمد: سياف شبلاه ابوحمد:دخل بين النيران وانقذ حرمة خالد الحمدلله ربي سلمه عض على شفته وهو يركب سيارته مهدود حيله مايقدر يمشي وصل ونزل بسرعه اول مادخل شافه جالس على كرسي ساند راسه على الجدار ومحطوط له الاكسجين ومغمض قرب منه بمعاتب:انت ماترتاح لين تعدم روحك فتح عيونه بدون لايرد تنهد حمد وهو يتفحصه:شلونك طيب هز راسه يطمنه انه بخير ورجع غمض عيونه جات ممرضه عاقده حواجبها وبيدها المغذي طفشت وهي تحاول فيه تركب له المغذي:انتا ليش يجلس هنا يلا حط مغذي مطنشها سياف مغمض عينه التفتت لحمد:هذا يبغى يموت وقف عندهم الدكتور المشرف على حالته بيده اوراق حط يده على جبهة سياف الي فتح عيونه: خفت الحراره صدرك تعبان جداً حذرتك تبعد عن اي ضرر تروح تتهور بدخان حريق ولاكاني قلت شي التفت له حمد بخوف:شقصدك يادكتور عساه مومتأذي الدكتور:متأذي جداً وضروري يظل عندنا فتره حمد ينقل نظراته بين سياف الي موقادر يفتح عيونه من قوة التعب وتنفسه سريع ووجهه الي ذبلان وبين الدكتور الي قال:نتايج التحاليل كلها سليمه انتبه له وممنوع يخرج من المشفى الان لين انا اسمح له ، اشر للممرضه:والان بتحط المغذي هالمره بنكون شديدين معك حمد هز راسه بطيب اخذ نفس عميييق :سياف تحس بشي قرب من راسه عشان يسمعه :ف فاتن حمد:شبلاها سياف بصوت خفيف يسأل:هي بخير حط يده على ذراعه:انت ارتاح الحين ودك اناديهم ينقلونك على سرير اريح لك هز راسه بلا جسمه كله مرتخي مايحس بااي طاقه حمد مشى للاستقبال يسئلهم عن حال فاتن وقالوا له انها للان ماصحت وممنوعه الزياره لها التفت بسرعه من سمع صوت خالد يرتفع عقد حاجبه وهو يشوفه بين عسكريين يسحبونه معهم التفت على الممرضه :شفيه الممرضه وهي ترتب ملفات على الطاوله:البنت الي سئلت عنها مضروبه من هالشخص ميل فمه واتجهه لسياف الي بعالم ثاني وهو يفكر بردت فعل هبوب إذا درت انه بهالحاله بتنهار عليه بكي طول اليوم اشر للممرضه تجيب كرسي متحرك نقل فيه سياف للغرفه رفعه على السرير والممرضه تركب المغذي : اندق الباب وقفت العمه:ادخلن اكيد انه زوجها وقفت بسرعه وهي تسحب العبايه الي شافتها قدامها العمه تهديها :اجلسي يابنيتي ارتاحي تهز راسها بلا بقوه طنشت الكل وهي تمشي للباب فتحته الا نواف الي واقف على جنب وايمن بعيد شوي عنه مسكت يده وبرجاء:تكفى قول ان اختي مافيها شي نواف :بخير بخير ماعليها خوف بكت:ابيها ابي اشوفها ماراح ترتاح لو رجعها البيت فقال عشان يطمنها:بنروح لها لكن بشرط تطمنين وترجعين معي للبيت هزت راسها وهو حاوط كتوفها وهو يأشر لايمن مع السلامه التفت لامه والحرمه الي معه عرف انها هبوب طلعوا من الباب باس راسه امه الي حطت يدها على صدرها بخوف من شافت كم ثوبه مقطوع ويده عليها شاش:ياعين امك شبلاها يدك ايمن يطمنها:مافيه شي خطير شوية حرق بس امه تناظر بخوف ايمن:والله مافيه شي امه وهي تشوف سواد ثوبه الي رافعه بيده ووجهه :الله يعطيكم العافيه وياجعلها بميزان حسناتكم روح غير واخذلك دش تريح عظامك مشى قبلهن وقف من سمع امه تنادي سحاب وده يقول لامه لاتنادينها موطايق شوفتها لكن مايبي يسبب مشكلة ويحملهم ضيق يكفي الي صار اليوم ماانتظرها تجي كمل مشيه للبيت طلعت وهي مغصوبه من امها الي رفضت انها تنام عندها وهي مالها غير يوم متزوجه مشت بقهر وراهم وقفت من التفتت عمتها عليها:ادخلي يمه سوي له اكل وانتبهي له دخلت ام حمد وهبوب بعد ماشافتها تدخل بيتها وهي بتأفف دخلت وقفت على باب الغرفه تناظره جالس على السرير يحاول ينزل ثوبه وموقادر من يده:شبلاتس واقفه تعالي ساعديني جاته بهدوء ساعدته بشويش ظلت تناظر ذراعه الملفوفه ومنزعجه من ريحة الحريق الي ثبتت بالغرفه ماتكلم وراح للحمام جلست مكانه على السرير عيونها مثبته على ثوبه الي رماه طوول وهو يتروش ابتلش بيده دخل الغرفه بسروال رياضي بدون تيشرت ولاكأن الجو بارد وقفت على طول ونزلت راسها طفئ اللمبات وانسدح بتعب مطنشها:اطلعي وقفلي الباب التفتت له انقهرت من طردته لها سحبت ثوبه وطلعت رمت ملابسه بالغساله وجلست تشرب الماء من قهرها لفت نظرها الكيس الي تحت الطاولة سحبته تشوف ايش فيه صندوق مخمل بلون كحلي فتحته فيه طقم ذهب ناعم قلادته على شكل فراشه صغيره وورد ذابل منثور بالكيس على طول قفلته ورجعت كل شي مكانه من فتح الباب جلس وهو يدفى بفروته يفصل بينهم مركى:قومي سويلي شي يسد الجوع ميلت فمها وهي تناظر للجدار فزت من صوته المعصب:قلت قومي ترا واصل حدي لااحط الحره فيتس هالحين وقفت تخصرت:معصب شذنبي انا ررص على اسنانه:بتزعلين ياسحاب تأففت وراحت للمطبخ حطت له خبز وعسل وجبنه حطتها قدامه بعصبيه ورجعت مكانها جنبه بدون صوت الا تأففها مااهتم لها سم بالله واكل ثقلت اللقمه بصدره سحب كاستها من يدها وهو يشرب انفجعت من سحبته وقالت بداخلها عساه سم ابد مظنشها ظاهرياً لكنه بداخله مشاعر الحب تفيض من يجلس جنبها على قربها على بعدها رفع عيونه لها من سمع صوت بطنها دليل جوعها ويدها تحاوط بطنها :شفيك تطالع حط الصحن قبالها وارتكى بظهره واسند يده على المركى ناظرت بالصحن ثم له:مااكل ورا احد ابتسم على جنب بسخريه وظلوا ساكتين لدقايق وقفت بالصحن للمطبخ زادت على الي بقي بالصحن واكلت جوعاانه الكل انشغل بافنان والي صار لفاتن ونسوا الاكل غسلت صحونها وطلعت بكوب عصير ماتبي تجلس عنده ولافيها نوم لكن البيت صغير مالها الا هالمكان خطفت نظره سريعه له عاقد حواجبه ومغمض عيونه ارتبكت لما فتح فجاءه وناظرها : رجعت لغرفتها مالقت حمد فيها طلت مع الباب شافت عمتها تطفي اللمبات وتدخل غرفتها جات الساعه3 وهي تنتظره للان مارجع (وين راح وهو تعبان) راحت عند وردها وهي تضم جاكيتها عليها التفتت اول ماسمعته ابتسمت له :وردتي شتسوي صاحيه للحين هبوب:انتظرك وين رحت وانت تعبان حمد بصوت ثقيل بسبب الزكمه:شوفيني بعافيه رحت يم سياف هبوب: شلونه حمد:احمر ضربت كتفه بزعل:لاتستهبل علي من حريق بيت فاتن وانا بخوف حمد هز راسه:بخير بخير هبوب بخوف:من وجهك واضح انه موبخير وينه فيه انتظرته ماجاء حمد مسك يدها يطمنها:تأثر صدره بسبب الحريق وبالمستشفى حاطين له اكسجين شهقت وهو يقول:هبوب اخوتس طيب مافيه شي بكت وحضنها:الله يصلحتس يعني بكون قدامتس لوفيه شي بعيد الشر عنه هبوب:لاتضحك علي حمد :عيب عليتس والله انه بخير انتي اخبر بالربو الي فيه قطف ورده ومدها لها بإبتسامه غبيه اخذتها وهي تعاتبه:لاتلعب بوردي كل شوي تقطفه حمد يمثل الزعل:افا هذا وانا اهديتس اياها ابتسمت له بحب وشكر سحب الفرشه الي ملفوفه وحطها بجانب الحوش:سوي قهوه وتعالي : نقلوا فاتن الي تعدت مرحلة الخطر لغرفه عاديه جهة وجهها اليسار من نص خدها لنهاية رقبتها حرق طولي ومضمدينه بشاش وذراعها اثار خفيفه بسبب تطاير النار عليها دخلت افنان بيدها قران مسحت على جهة وجهه اختها السليم وهي تقول:الله يحفظتس لي جلست جنبها بالسرير فتحت المصحف تقرأ بصوت شبه عالي ويدها على صدر اختها وهذا حالها لثلاث ايام ماتصدق بالظهر تروح ركض لاختها وتجلس عندها لين يطردونها : قرأ الرساله الي ارسلها لحامد{مااقدر اجي حالياً بتساعدوني لوتأجلون المهمه كم يوم محد بخير هنا لاانا ولا ايمن } عدل وقفته من شاف ابوخالد ومعه حرمه متجهين له ايوخالد مايبلع نواف:وشموقفك هنا نواف:ليه ممنوع اشر للحرمه الي معه تدخل وهو يقول:ماجاتنا المشاكل الي من ناسبناك نواف بضحكت سخريه:الا والله ماهجدت المشاكل الي من بعد ماناسبتكم ابوخالد بقهر:اسمعني زين ا قاطعه من رفع يده:ولاكلمه الاوراق الي تحاول فيها تحلم والمحاكم بيننا قريب انخطف لون وجهه اسرع ودخل ضحك نواف :اييه مستقوي بس على الضعيفات تحرك لغرفه سياف الي قريبه منه دخل بعد مادق الباب ابتسم وهو يشوف سياف يتغصب الاكل من الدكتور الي كل شوي يجيه:لالا ماشاءالله اليوم احسن سياف ترك الملعقه الي بيده وابعد الصحن:اقرب ابيك بكلمه قرب نواف:امرني سياف بهدوء عكس العواصف الي بداخله:عندي كلام ابيك توصله زوجتك لاختها عقد حواجبه:قول سياف قال الي عنده ووقف نواف مومعجبه الي قاله:مانت صاحي شتقول انت سياف وهو خلاص ماراح يتحمل بعد ماشافها بهالحاله:ايه ماني صاحي وبكون خبل لوتركتها بينهم نواف:يابن الناس الي تقوله غلط سياف صد بوجهه:إن ماوصلت الكلام غيرك يوصله نواف تأفف وكان بيتكلم لكن سكت من دخول حمد الي سلم :اسمحلنا يانواف اهله معي طلع ورجع مكانه وهي يفكر بكلام سياف اسرعت لعنده سلمت على راسه:اخر الاوجاع اعتدل من وصلت جدته عنده باس يدها:متى بترجع لنا سياف ابعد يده الي فيها المغذي عشان تجلس هبوب :إن شاءالله بكره حمد:انتظم هز راسه من فهم انه يقصد تنفسه ونبض قلبه زفر حمد:الحمدلله ، اخذت إجازة السنه عشان خاطرك سياف مايحب الاهتمام الزايد فيه:وليه تعطلون اشغالكم عشاني اسحب الاجازه وارجع موشي مهم بوزت هبوب:يعني طيحتك مومهمه الله يسامحك ابتسم لها :شكلتس انتي السبب بهالاجازه ضحكت الجده:صدعت روسنا بصياحها سياف بعثر شعرها:لاتطفي بهجتس حتى لوعلي يابهجة سياف مسحت على كتفه:وتحسب نفسك قليل بقلبي الجده اخذت نظره سريعه على حمد الي قال:لنا الله ثم قالت:تغزلي فيه ياحرمته لايموت علينا تلون وجهه هبوب بخجل من جدتها وسياف الي اعتلت ضحكته حمد :ياجعل هالضحكه دايمه بس موعلى حرمتي اندق الباب مقاطعهم ودخلت العمه هبوب استئذن حمد وطلع العمه حطت سله كبيره سلمت على سياف وطلعت القهوه نزلت هبوب بسرعه وسحبت الطاولة بجهته مدت له القهوه لكنها ابعدت التمر وهي تقول:ياعمه ممنوع عنه السكر العمه :يووه والله مادريت كان ماجبته الجده:هاتيه يمي ساعدت جدتها تجلس جنب عمتها على الكنبه الي بجنب السرير وهي رجعت مكانها عند سياف الي يتقهوى بهدوءومنشغل تفكيره مومركز مع الي حوله حمد يمشي بممر المستشفى مع نواف:حسبي الله عليه يستقوي على الضعيفه نواف:بستاهل السجن عشان يتأدب جعل يده الكسر ، ليه مارافقت معه حمد حط يديه بجيبه: رفض نواف متردد يعلم حمد بكلام سياف ولايسكت :ايمن وينه ماشفته من يومين حمد:ببيته خله ينبسط لسى عريس : ايمن وسحاب مابينهم كلام ابد على حالتهم يجلسون وياكلون مع بعض بدون ماينطقون حرف جلس بهدوء ريح يده على المركى ماانتظرها تقهويه صب له قهوة ويتقهوى بيساره خطف نظره لها يستغرب من كثر مايشوفها تتأمل السماء صار عنده فضول:تحبين السماء شاف الابتسامه الي طلت على وجهها:بالحيييل وهو يقول بداخله(اييه يالقلب الغبي فرحت من ردها وفزيت من بسمتها وهي عايفتك) سكت ثواني ثم قال:وش سر هالحب سحاب ضمت يدها لصدرها وهي تستذكر الموقف :لما كنت صغيره ابكي إذا غاب ابوي عنا بسبب شغله امي تاخذني للسطح وترفع راسي للسماء وتقولي إذا غاب عنكِ احد ناظري للسماء وبتشوفينه ابتسم وهو يرفع عينه للسماء ويسمع طريقة حكيها المميزه بنظره:والحين تناظرينها فاقده من ؟ ضحكت وقالت: السماء واسعه وانا قطعه منها فكبرت وانا اتأمل السماء موضروري فاقده احد احسها تحضني سكتوا اثنينهم لدقايق :اعتدلي بكلمتس اعتدلت وصارت جالسه قباله وبينهم القهوه ايمن ناظرها بجديه:ودتس بالطلاق بردت ملامحها ونزلت راسها وشبكت يديها ببعض مهما يكون وقع الكلمة صعب على اي بنت هزت راسها بايه ايمن وهالكلام الي بيقوله بيقتله لكن عزت نفسه ماترضى يعيش مع وحده كارهته وقالتها بصريح العباره ولو انه يحبها:ابشري ياسحاب ابشري لكن إن طلقت الحين اللكلام بيضرتس لحالتس رفعت عيونها بعقدت حاجب ميل فمه بقهر:مالنا الا ثلاث ايام مع بعض ايش ظنتس لوطلقتتس وسرحتتس لبيت اهلتس بهالوقت ماردت فهمت مقصده انه راح يقولون السبب والعيب منها وبيضرونها وهو مابيوصله شي منهم الا انه رجال مايعيبه الاجيبه ايمن: نستحمل بعض لاطول فتره لجل يكون عذرنا مااتفقنا طلعت منه ضحكه سخريه على نفسه:وهذا الصح مااتفقنا لكن خلينا مرتاحين بدون شد بالكلام ومعاند دام الفراق انكتب نترك لبعض ذكرى طيبه هزت راسها موافقه على كلامه وقف:اتركتس مع سماتتس راقبته لين طلع ثم زفررت براحه (اوووه بتقدرين تتحملين ياسحاب ) ركب السياره وسحب الشنطه بيرجع للمهمه بعد مايتطمن على سياف يحمد ربه انه ينشغل في هالمهمه عن سحاب نزل رايح البقاله وهو يفكر لازم ينزعها من قلبه راحتها اهم من كل شي دخل البقاله وجلس والانوار مقفله : فتحت عيونها مدت يدها وهي تشوف اختها معطيتها ظهرها عند الباب تكلم احد:افنان التفتت بسرعه وركضت لها مسكت يدها:فاتن صحيتي انتِ بخير فاتن بتعب:بخير بكت افنان:الحمدلله الحمدلله ياروح اختتس فكت يدها وهي تقول:انتظري بنادي الدكتور طلعت لنواف الي على طول قال:صحت افنان تبكي :ايه ايه ابتسم لها:الحمدلله على سلامتها افنان: الحمدلله بنادي الدكتور نواف:ادخلي عندها انا اناديه رجعت لاختها تضحك وتبكي ممسحت على شعرها جاء الدكتور مع ممرضه وكشف عليها:الحمدلله كل شي بخير افنان:والجنين يادكتور الدكتور:ماعليه خوف حالياً لكن تنتظم على المثبتات والادويه وبإذن الله كل شي بخير واهم شي راحتها النفسيه التفت على الممرضه:ساعه ويتغير الشاش وتنظفون الحرق هزت الممرضه راسها وطلعت وراه بعد ماركبت لها محلول جديد : من البكره بوقت العصر عند سياف بعد فحص الدكتور الي عطاه خروج بعد ماشاف كل مؤاشراته طبيعية ماطلع من المستشفى اتجهه لغرفتها قبل تبدأ الزياره بيسوي اي شي حتى لويتعدا العادات والتقاليد مايهمه الي يهمه هي وبس دق الباب وفتحه والقى نظره سريعه عليها ثم نزل عيونه للارض انصدمت من وجوده اعتلت نبضات قلبها بصوت خافت بتعب:سياف سياف بداخله(ياقلب وعيون سياف):الحمدلله على سلامتتس مامعي وقت اسمعيني ايش بقول وإن وافقتي يشهد الله اني بحطتس بعيوني وبحارب كل من يضرتس لوبكلمه سمع بكائها المكتوم وقال:ودتس يدينتس تضم يديني وتنسين كل حزن ونعيش الحياة الي المفروض نعيشها سوا بكت اكثر وعلى صوتها بشهقات استنزفت روحه من قالت:تعبت ياسياف تعبت ابتسم من نبرتها الي تستنجده فيها رفع عيونه بعيونها:ابشري يالروح ماخاب من احتمى بسياف فكيف انتي طلع ومشاعره متلخبطه من شوفتها بهالشكل الذابل تمنى انه يحل لها ويخبيها بصدره عن اي اذى وماتشكي وتبكي الا بين يديه وبحضنه يقويها ويمتص كل ضيق يحتويها اتجهه لمركز الشرطه متجاهل تعبه ونصايح الدكتور كلم العسكري انه يبي يشوف خالد ابوخالد:وشعندك بخالد سياف ميل فمه:ابد موضوع ولازم انهيه مااعجبته نبرة سياف دخل سياف لخالد الي ينتظرون إصدارعقوبته استغرب من جيت سياف له :سياف سياف بحقد:ايه سياف هي كلمة وحده وبتنفذها موطيب الا غصب عن خشمك فاهم خالد برفعت حاجب من لهجته الحاده المهدده:هات هالكلمة الي بتغصبني عليها ان كنت ولد ابوك سياف بنظره حاده:طلق وقف خالد: اطلق الاوالله تخسى وتعقب قرب منه وبكل خطوة يخطيها تحتد نظرته لو النظره تقتل كان خالد ميت وصل عنده وبينهم مسافه بسيطه:طلق خالد يبين القوه:من انت تحامي عنها اخوها ولاابوها سياف بهدوء:بتطلق و بكون زوجها وسع عيونه وهو يدفه:ياقليل الرجوله حاط عينك على زوجتي توازن قبل يطيح هجم عليه لكمه بوجهه قال وهو ماسك ياقة ثوب خالد:بتنطقها الحين قدامي ولاوالله مايردني عن ذبحك شي انا موايمن مااتردد لحظة خالد استمد القوه من دخلت ابوه المسرعه من سمع اصواتهم ضرب سياف على ظهره:فكه جاي بشرك قلت فكه جعلك للكسر يااعسكررري سياف قال بحده وهو يهز خالد:طللق اقول خالد ماكان من الاساس يبيها قال:فاتن طالق شهق ابوه :انهبلت دفه عنه بعيد وهو يشوفه يتوازن:بالثلاث خالد بقهر ماتكلم وابوه وقف قدام سياف:وشلك بالبنت تدخل بينهم انا عمها وولي امره وهو بيبقى زوجها وولد عمها ضحك بسخريه:صح عمها الي مزور اوراق ولده عند ابوامجد وماكل حقها وفوقها الضرب وبيتهم الي تحاول تاخذه داري بكل الي تخبونه وسكت بشوف نهايتكم وين ايه صح تتوقع كل هذا ايش عقوبته برايك موبس غرامه الا سجن وفوقها لاوظيفه ولاسمعه برد وجهه ابوخالد وماقدر ينطق بكلمه ماتوقع ولوواحد بالمية احد يعرف بسالفة التزوير غيرهم سكت خوف من سياف الي من زمان مارد عليهم لما كانوا يجرحونه بحكيهم سياف اخذ نفس طوويل:طلق ثلاث ياخالد خالد:طلقت بالثلاث فاتن طالق طالق طالق سياف ابتسم واخيراً لكن ماراح يرتاح لين اوراق طلاقها تتم:معك يومين ووتكون بيدها ورقة الطلاق ترحم على روحك لوماوصلتها طلع تاركهم مصدومين منه ابو خالد التفت على ولده وصار يضربه من القهر:اولها نواف واخرها سياف اخخخخ ااااخ استغفرالله العظيم واتوب إليه —— انتهى نلتقي الأحد القادم بإذن الله لاتحرموني تعليقاتكم على الشخصيات والاحداث | ||||
|
| |
|
08-10-23, 06:57 PM
| #30 | ||||
| السلام عليكم ورحمة الله وبركاته اتمنى من الحلوين الي يقرون الرواية يسعدوني بتعليقاتهم على الشخصيات والاحداث استمتعوا البارت الخامس عشر طلع من المركز تنهد براحه من سمع طلاقها بنفسه ابتسم على قد الصبر نلتها فجاءه تذكر انه كلم جدته بخصوص تخطب له من بنات عمه لافي ضاقت الدنيا بعينه مشى بسرعه لجدته وهو يدعي انها ماتكلمت بخطبته رجع البيت مالقى جدته :ياعمه وينكم فيه طلعت عمته بعباتها ومعها سلة القهوة:هنا سياف:وين جده العمه:عند لافي وبروح لهم الحين نبض قلبه خوف:من متى العمه:من شوي سبقوني اخذ السلة منها :عنتس ياعمه طول الطريق لبيت عمه وهو مخطوف لونه ويدعي بقلبه كل ماانفتح له باب انقفل باب ثاني سلم على عمه بتوتر وجلس ملاصق جدته باس كتفها:شلونها الغاليه ابتسمت له:بخير دامكم بخير العمه هبوب دخلت للبنات وعمه بعيد شوي عنهم سياف انحنى لجدته هامس:كلمتيهم بالخطبه الجده هزت راسها بلا وهي تتقهوى التفتت له بسرعه من قال:لاتكملينهم احتاج افكر اكثر الجده بعصبيه:لك كم سنه تفكر ماتحتاج اكثر سياف برجاء:طالبتس ياجده الجده بقهر:تعال يالافي ارتبك وعرق حط نفسه بموقف صعب على قلبه ندم اشد الندم من استعجل وكلم جدته هذي المصيبه الكبيره الي مستحيل بينجو منها جلس لافي قريب سياف:سمي يالغاليه الجده حطت يدها على ركبة سياف الملاصق لها:سياف جايك بطلب عيونه تترجاها ماوده يجرح عمه ولاوده بزعل جدته العم لافي:مايحتاج تواسط جدتك اطلب لوتبي عيوني عطيتهم لك انت الغالي ولد الغالي سياف وعينه تنتقل بينهم وده تنشق الارض وتبلعه ويفتك من هالموقف:لاتستحي وانا عمك قول والله ان غلاتك من غلات صقر سياف تنحنح:تسلم ياعم ويشهد الله اني اعزك مثل ماتعزني الجده ميلت فمها بسخريه من مماطلت سياف:تزوج بنتك يالافي وسع عيونه والدنيا اظلمت حوالينه من القهر والهم الي ارتكى بصدره العم لافي بإبتسامة:ليه يمه جاي لبناتي عريس الجده تراقب سياف الي ملامحه واضحه لها وفاضحته ابتسمت عارفه سياف وقلبه ماودها تظلمها معه:جارتنا ظبيه تدورعروس لاخوها والله انه نعم الرجل إن كان ودك فيه كلمتها تسير عليكم(اختارته هو بالذات لانها عارفه انهم مستحيل ياخذون غير بناتهم ) العم لافي كان متأمل ان هالخطيب سياف بيرتاح لاكانت وحده من بناته له رجال بقد كلمته ومحترم وطيب القلب ابتسم: بناتي لسى صغار ماظنتي بيوافقن ووراهن دراسه يكملنها الجده:العمر يخلص والدراسه ماتخلص شاورهن العم لافي يصب قهوه ومايبي هالخطيب يعرفه زين مايختلط بالناس والرجال:إن شاءالله خير اما سياف كان شاد اعصابه من قوة قبضت يديه شحبت تماماً عيونه بالارض وسعها من سمع جدته وكانها انتشلته من عمق الضيق للفرح وقف بسرعه من وقفته داهمته دوخه استند على الجدار بسرعه وقف عمه مسكه:بسم الله عليك الجده تحاول ترتكز على عصاتها توقف موقادره:شبلاك يمه ابتسم بشحوب:مافيني شي دوخه خفيفه جلسه عمه:الله يهديك توك طالع تحتاج راحه ارتاح الجده انبها ضميرها تحسب انها السبب لكن سياف ماريح جسمه طلع من المستشفى على السجن ثم بيته لبيت عمه وتوتره ضغط عليه اكثر ناظر جدته ابتسملها بذبول:طيب مافيني شي سحبت راسه الي متكيه على اطراف المسنده حطته بحضنها مافيه اي حيل تنهد براحه مسحت على راسه بندم وحب وخوف :جده غطيني غطته بشالها من صغره مايحب يشوفون تعبه ولايشوف خوفهم لكن هالمره طلبها تغطيه بسبب الدموع الي هاجمت عينه يحاول انه يكتمها ولاتنزل لكن خانته بكم دمعها بللت ثوب جدته الي تمسح على شعره وذراعه ضم رجلينه لجسمه ويديه بينهم جاهد فنام من تعبه بعد ساعه وربع صحى باس يد جدته:السموحه يالغاليه ماتكلمت هزت راسها وقف استئذن منها وطلع من طلع بكتلما رفعت الشال عن وجهه من سكنت انفاسه واضحه لها الدموع وضوح الشمس واثرها باقي على وجهه مسحت وجهها:يارب ريح قلبه واملى على حياته سعاده : مسحت على كتفه :مواخذت إجازة حمد يلبس حزامه:جاني تهديد قوي اسحب الإجازه وارجع قالت بزعل:سياف هز راسه بإبتسامه:مانرد له طلب وهناك محتاجيني عطرته ومسحت من المسك الخاص فيها على رقبته:عشان تذكرني باس خدها: اساساً انتي مااخذه قلبي وعقلي كيف بانساتس مدت عليه الشنطه:اذكارك وصلاتك لاتتهاون فيها اشر على خشمه ودعها وطلع مالحقته لان ايمن عند امه حمد:والله اني اكرهه الموادع ايمن يفصفص ل ترف:انت تودعنا كانك بتهاجر موكم يوم وترجع حمد يرفع يده:ياجعلك تتوظف بالسلك عشان توادع من جدا ابتسم لاخوه و بداخله(ايييه ماتدري متورط فيه واخص منك بعد ) حمد يصغر عينه:الحلوه هاجده وين الي توصي قبل امشي ابوحمد ضحك:من عطاها ايمن هالجوال وهي مطنشه الكل قرب حمد يطالع من فوقها ثم ضرب راس ايمن:لاتعودها يكفيها السوني الي ازعجتنا فيه بيضرها ايمن يحك راسه: انتوا معقدين مابيضرها شي تتونس حمد يناظر ساعته:يلا استودعكم الله انحنى باس ترف وسلم عليهم ومشى ايمن وقف سحب جواله من ترف الي زعلت باس راس امه وابوه وطلع يلحق اخوه قبل يحرك سيارته اشرلها ينزل القزاز حمد:ايش ايمن:لاتتحرك بمشي معك حمد:ولييش وشعندك ايمن:تعرف المشروع الي داخل فيه مع نواف وصاحبه بروح اشوف اوضاعه وارجع حمد:روح بسيارتك مااقدر ارجعك بعدين ايمن حك راسه:ماعليك نواف بيلحقني بكره ونرجع سوا حمد نزل:لاتتأخر بشوف سياف وبمشي ماراح انتظرك ايمن ركض لبيته وهو يقوله ابشر فتح الباب بعقدت حاجب وهو يسمعها تتكلم تركها لحالها قبل نص ساعه فتح باب الغرفه واقفه قدام التسريحه وحولها اكياس وملابس مرميه كانت لابسه فستان لونه اصفر لفوق الركبه بشوي بدون اكمام بربطه على الرقبه تيبست يدها على الحلق الي كانت تلبسه من شافت انعكاسه بالمرايا تلون وجهها بجميع الالوان من نظراته الي تتأملها وقهرانها قررت تطيع جنى وتجرب هالفساتين ماتوقعته يرجع قال لها انه مسافر وبعد يومين يرجع فاخذت راحتها فتنته بسمارها الي يجذب مخالط فستانها الاصفر وشعرها الي مبين عنقها ابتسم مشى مسحور بكتلة الجمال قدامه وقف وراها بالضبط يناظر وجهها بالمرايا مسك يدها ونزلها عن اذنها ركب لها الحلق ناظر ملامحها الي واضحه فيها الصدمه من دخوله وحركته طلع بدون اي كلمه وهي ماامداها تغير الفستان ترتجف الا دخل وقفت بسرعه سحبها معه لمكانهم قدام المرايا حط الصندوق على التسريحه وهو يسحب السلسال الذهب الناعم بتعليقه بشكل الفراشة ويلبسها باس كتفها العاري ماتدري كيف تتصرف كأن جسمها انشل تماماً وتحس بطنها مغصها رفع عيونه لها ابتسم والمشاعر بانت بصوته:بسافر الحين ودتس بشي هزت راسها غمضت عيونها بقوه من حضنها وهو يتنهد:ضيعتيني ياسحابتي حرام عليتس حس برجفتها استوعب ايش يسوي من فرط المشاعر رغبته فيها تزيد ابتعد بسرعه عطاها ظهره خاف يتمادى ويجرحها قالتها له قبل لاتقربني ماودي بقربك تنحنح يعدل صوته الي تراكم في احباله الشوق والحب لها:استودعتس الله وطلع بسرعه يبتعد عن محيطها الاسمر الفتان الي جذبه لها من اول نظره سحاب موقادره تتحرك تناظر إنعكاس الي اختفى شهقت بقوه كانت انفاسها مكتومه من لحظة وقوفه وراها حطت يدها على قلبها الي من قوة نبضه تسمعه وانفاسها تتسارع من سرعة نبضها جلست تهدي نفسها خافت منه خافت يصير الي ماتبيه ماتقدر تمنعه بتلعنها ملائكة الارض والسماء وقتها تمسح وجهها بقوه وتقول لنفسها :ماصار شي ياسحاب ماصار شي خذي نفس شهيييق وتزفره وزفير وصارت تكررها حست انها هدت لفت بنظرها للملابس الي حولها بتشتت وارتباك وقفت وهي تنزع الفستان الي عليها بقوه وترجع تلبس بيجامتها حطت كل الملابس بكيس وهي تشتم وتدعي على جنى وافكارها جلست على كرسي التسريحه رفعت شعرها عن عيونها ناظرت لسلسال هو نفسه الي شافته كان هديه لها لمسته باطراف اصابيعها تأملته ابتسمت بخفه معجبه بشكل الفراشة الصغيرة : بالسيارة كل شوي يلتفت له حرك كتفه وفز:شبلاك ايمن مامر منظرها على قلبه مرور الكرام لخبطته مايشوف قدامه الا هي بوقفتها قدامه :هاااه حمد عقد حواجبه :ولاشي اقرأ دعاء السفر مرت ساعه وهم بالطريق حمد يدندن يسلي نفسه وايمن ضايع بتفكيره الي وصله اعلى مرحله من العصبيه ضرب جبهته بقوه:بسسس خلاص فز حمد من صرخته ووازن السيارة الي افلتها من الخلعه حمد: ووجع اخلعتني ايمن بسخريه وقهر:اكثر من الوجع الي بصدري وقف على جنب الطريق ولف بجسمه لاخوه:موجوع من ايش ياجعله بعدوك شاف انه ماابدا اي كلمه ولاحركه:انت موعلى بعضك من ايام وش مضيق خاطرك علمني يااخوي اشيل عنك ايمن:هالمره ماتقدر تتحمله كتوفك حمد:جربني ايمن يحس انه انكتم من الضيق فتح باب السيارة:بمشي شوي نزل حمد وجلس على بداية السيارة يراقبه يمشي ويرمي الحجر الي يعيقه برجله شارد الذهن اي شي يضيقه كان يعلمه فيه اغلب ضيقه كان خالد والفلوس الي تنقص عليه ومايطلب ابوه يحاول يستذكر وش ممكن مضيقه لهدرجة مخلي عقدت حواجبه ماتنفك ملاحظ ضحكته المزيفه عند امه وابوه تغير من تزوج استبعد النقطه الي وصل لها مستحيل بعرسه طاير من الفرح تنهد يراقبه يروح ويجي بنفس مكانه بعد دقايق رجع عنده:عسى ارتحت ايمن براحه يتصنعها عشان ماينقلق حمد عليه اكثر هز راسه ودخل السيارة رجع المقعد على ورى يريح جسمه غمض عيونه من اعتلى صوت القران السيارة : العمه هبوب والجده على غير العاده يتقهون بالصاله الداخليه الي كاشفه على كل الغرف جالسات بهدوء يستمعن لبرنامج والعمه بيدها ثوب امها تخيطه رفعن روسهن من اندق الباب وصوت سياف :ياعمه العمه:تعال دخل اختفت ابتسامتهن من شافن الي وراه بمسافه تمشي وكانها تسحب رجلها سحب رفعن عيونهن لسياف:هذي فاتن بتجلس هنا الجده حطت يدها على راسها:يافضيحتنا ياسياف وقفت العمه بذهول ماقدرت تنطق سياف:مابه فضيحه ياجده بتكون زوجتي الجده بعصبيه:سياف انت صاحي للي تقوله سياف:صاحي ياجده الجده استندت على الجدار توقف تاشر على فاتن:جايبلي حرمة ماتحل لك ومتزوجة وحامل لاوالله انك موصاحي طنشها وهو يفتح باب غرفته كامل ويوقف بجنبه:من اليوم هذي غرفتتس خذي راحتتس بالبيت صار بيتتس الجده والعمه مصدومات منه ومن كبر المصيبه الي يسويها مشت فاتن ويدها على بطنها ماتبي ترفع عينها لهن كانت متوقعه ردة فعلهم لكن هي تعبت ماعادها تتحمل تحتاج احد يسندها وسياف لبى دخلت الغرفه وقفل الباب وراها وكان بيطلع وقفته جدته المعصبه:اوقف موتسوي مصيبتك وتمشي التفت بعصبيه:اي مصيبه ماسويت الا الصح الجده بذهول منه:لابالله مانت سيافنا العمه:سياف اعتدل ولاترفع صوتك فهمنا ليش جايبها سياف تكتف:طلقها بالثلاث وباخذها انا هذا كل شي تجلس هنا لين تولد وارتاح من هالسالفه الجده تحس الدنيا تدور فيها من صغره ماقد ارتفع صوته عليها ربته وكبرته على احترام الصغير قبل الكبير علمته الاصول والعادات والتقاليد علمته الدين الي الحين يتعدا حدوده ركض لها من شافها تتهاوى قال بخوف:جده الجده فلتت يده ومسكت بهبوب:اطلع ياسياف لااشوفك ناظرها بحزن ماكان عنده الا هالطريقه ماقدر يتركها لعمها وولده الي ينهشونها ويسكت نفس قبل وهو يقادر ينقذه طلع وهو يأكد لنفسه ان الي سواه صح بتزعل ثم بترضى ماسويت غلط هذا الي كان لازم يصير من زمان وفاتن مكانها بيتي : فاتن واقفه تتأمل الغرفه واضح انها غرفته تقدمت جلست على السرير بتعب وحطت كيس ادويتها على الارض انسدحت بعباتها ماتبي تفكر بشي تبيي تنام وبس حطت يدها فوق اللصقات الكبيره الي بخدها ورقبتها سحبت اللحاف تتغطى حسيت بالراحه والامان وهي بغرفته من زمان ماارتاحت هالكثر : دقت الباب وفتحت لها ام صقر:هلا بسحاب حياتس سحاب:الله يحيك ياعمه شخبارك ام صقر:الحمدلله بخير سحاب:جنى فين ام صقر:تعالي اوديتس يمها مشت وراها وهي تتوعد بجنى اشرت لها:غرفة البنات ادخلي لهن فتحت الباب شافت جنى تقرأ مجله وسجى تحط مناكير مشت لها بعصبيه تحت انظارهن المستغربه سحبت المجلة وضربتها فيها بقهر وقفت جنى بتألم:اييي شبلاتس جايه بشياطينتس رمت الكيس بوجهها:خذي مفاصيخكِ غلطان الي يسمع لك جنى مسكت الكيس نظرت فيه وناظرت لسحاب ثم فرطت ضحك انقهرت سحاب من ضحكتها تخصرت:خيير جنى وهي تطلع الملابس ببقايا ضحكه:امانه اي واحد جات سجى تناظر للملابس:ليش رجعتيهم ماجات مقاستس جنى دفت اختها:لاشي ثاني حمر وجهه سحاب يأكد لهن انها لبست قدامه هالمفاصيخ على قولتها قالت وهي طالعه:قلة ادب جنى ضحكت:ماقلت شي طيب قبل تطلع التفتت عطتها نظره وطلعت متجهه لامها سجى بغباء:ايش صاير جنى وهي ترجع لمجلتها:انتِ احيان اشك انتس اغبى من الغباء سجى:لاوالله جنى ضحكت:ارجعي حطي خرابيطتس ناظرت الكيس بحسره:خساره تمنيت تعجبها اخترت هالالوان تلبق على سمارها سجى سحبت الكيس تناظره وضحكت من فهمت:انتي ماتتركين حركاتتس جنى تبتسم ببرائه:وش حركاته ماسويت شي سجى راجعه مكانها:اشوفتس لااعرستي كل هالركات بتتبخر : استاهل استاهل استاهل مالقيت غير جنى المخبوله ذحين بتفكر بشي ثاني الله ياخذ عقلها المنحرف انفجعت من طلع سياف في وجهها مسرع دخلت للبيت جدتها منسدحه وامها تمسح عليها :السلام عليكم جلست قبال امها:تعبانه جده امها:لا بس دايخه شوي باست جبهته جدتها :هبوب ماجات امها:لا اكييد بتجي رجلها امداه روح نزلت عباتها:قهوتكم اكيد من بدري بسوي جديده طاحت السله من يدها من شافت بغرفة اختها حرمه ثانيه طلعت مفجوعه لنواف:فاتن في غرفتها حرمه ثانيه نواف:كيف ! يمكن غيروا غرفتها افنان مسكت عباتها جهة صدرها:قلبي يوجعني مسك يدها يطمنها:بسم الله عليتس تعالي نسأل وصلوا للاستقبال:المريضه فاتن صالح الي بغرفة23 موموجوده بغرفتها نقلتوها فين الممرضه تطقطق بالي قدامها:المريضه طلعت الصباح افنان:طلعت وين راحت وهي تعبانه الممرضه:ماعندي علم الا ان الدكتور كتب لها خروج على مسؤليتها نواف خاف ان عمها له يد: ، تأكديلي طلعت بتوقيعها ولاتوقيع ثاني الممرضه رجعت تطقطق:الي وقع خروجها سياف محمد الشامخ ضربت صدرها بخوف وهي تلتفت لنواف:سياف ثم طلعت تمشي بسرعه لبيته شدخل سياف يطلعها ايش صاير نواف يمشي وراها وهو منصدم من سياف ماتوقع انه بينفذ الي قاله نسى تماماً انها سابقاً كانت له وقاله بالحرف باخذها غصب حتى لوهي بذمته يدعي:الله يستر الله يستر وصلوا البيت وصارت تدقه بقوه مسك يدها نواف ويصر على اسنانه:افناان ناظرته بعيون مليانه خوف:اختي عنده بيوجعها اكثر من وجعها يانواف ماتقدر على هالبيت والله ماتقدر تموت صد اول ماانفتح الباب ماانتظرت احد يسمح لها تدخل وصلت للصاله قبل العمه بعصبيه:وين اختي الجده اعتدلت:اقصري حستس ياافنان قالت بتهديد:اقصره هااه اختي هنا مطلعها ولدكم وماخذها ، قالت بعصبيه:وينهااا العمه هبوب وهي تأشر على الغرفه:بهالغرفه ياليت تعقلينها وتاخذينها معتس كلنا موراضين بهالشي اتجهت للغرفه بسرعه شافتها نايمه على سريره وواضح تعبها من شخيرها الخفيف وقفت عندها ماقدرت تصحيها تنزل دموعها بدون صوت عدلت سدحتها عشان ماتضغط على وجهها المجروح حطت يدها على بطنها:الله يحفضكم من كل شر ومن كل شخص يفكر يضركم العمه عند الباب:محد بيضرها هنا إذا مااخذتيها معتس اعطتها نظرة:اكييد باخذها اجل اخليها عند اول اوجاعهاا سكتت شوي وهي تطالع اختها:تنام شوي وترتاح ثم باخذها الجده نادت العمه طلعت وراها افنان لنواف بدون ماتكلمهن : بعد يومين سياف يقرأ ورقة طلاقها الي وصلته ورفض بشده تطلع فاتن من بيته والي بيوقف بوجهه يتحمل مايجيه خلاص ماهي بذمة احد وحره رفع عيونه للي قدامه بنظرة انتصار:يعطيك العافيه ياحمدان حمدان:وصاني ابوخالد اقولك صفحته بيضاء الحين؟ سياف رفع حاجب:قوله يوصلك رده بكره حمدان:ابشر يلا مع السلامه سياف تنهد يمسح صدره:الحمدلله على الدعوات المستجابه دق باب بيته فتحت له العمه مد لها الورقه:وصليها لها عقدت حواجبها:ورقة ايش هذي سياف:طلاقها العمه تطالعه:لاحول ولاقوة إلا بالله جلس عند الباب بعد ماقفلته عمته مايقدر يدخل لان تعتبر بعدتها ومايجوز ينتهكها:الله يصبرك على الوقت الطوويل الي بتنتظره ابتسم وهو يناظر باب ابوخالد الي قدامه يكفيه الي سواه عن اذيتهم له كل هالسنين اشتكى عليهم بتزوير اوراق خالد عشان يوظفه ابو امجد عقوبتها متعبه وزياده عليها التعنيف الي وقعته فاتن بالمستشفى :يابكره ينتظرهم يوم اسود من سواده بيتمنون الموت : رد على جواله بتأفف:الله يشغلك بنفسك يوم انك اشغلتني ضحك حمد:اتطمن عليك يااخي ايمن شد شعره من اتصالات حمد الكثيره:الحمدلله ان الاتصال معدوم بالديره ولاكان مانمنا من ازعاجك حمد:خل عنك بس وينك فيه ايمن:بالاستراحه حمد:ارسلي موقعها نص ساعه واطلع ايمن اعتدل:لالاتجي اصلاً شوي وبطلع مع نواف حمد:اجل مروني ايمن انقهر منه:انت ليش لاصق حمد بزعل:افا يااخوي ماتبيني ايمن قفلت معه:ايه ماابيك ارتحت انفجر حمد يضحك: اسفين نمزح شفيك صاير كبريت ايمن زفر:تبي شي الحين حمد ابتسم عارف انه ازعجه للان ماتطمن عليه من بعد عصبيته وضيقته الغريبه عليه بالسيارة وكل اتصال يبين له ان ايمن مخبي شي مضايقه ومغير نفسيته لهدرجة:سلامتك ياقلب اخوك انتبه لنفسك ايمن:ابشر فمان الله حمد:في حفظ الرحمن حاشر نفسه منسدح بالكنبه الصغيره فز اول مادخل الرئيس حامد:السلام عليكم ورحمة الله وبركاته ايمن:وعليكم السلام ورحمة الله وبركاته مد له اوراق وجلس ورا مكتبه:اجلس باقي اخر تفاصيل ايمن جلس يقلب بالاوراق عقد حاجبه:كيف عرفتوا انه بهويه مزيفه حامد: 5شهور ونواف بينهم سهل ينكشف لنا ايمن بإهتمام:للان ماعلمتوني كيف تداخل معهم ابتسم حامد:هذي اسرار عمل ياايمن مانقدر نطلعها ايمن: انا معكم حامد ارتكى على ظهر الكرسي:معنا لكن انت موشخص ثابت فصعب جداً نكشف لك بعض الامور ونواف ينخاف عليه ايمن حزت بخاطره:تخاف عليه مني وهو صار ضلع ايمن حامد:ياايمن افهمني مااقصد كذا ل... قاطعه دخول نواف سلم وجلس مقابل لايمن:شعندكم اليوم حامد:اقرأ الي قدامك واي ملاحظه كالعاد اكتبها بروح اشوف الفريق المتعاون وصلهم الخبر نواف يناظر ايمن:ابشر ،، ايمن ايمن:ههمم نواف:شبلاك ضايق ايمن زفر:كلمك حمد نواف:الصراحه ايه وقالي اكلمك وش مزعلك مارد مسك الاوراق يقرأ نواف ضيق عينه:ضايق انك استعجلت بزواجك رفع عينه له بسرعه:تظن بضيق وهي صارت ببيتي نواف رفع كتوفه:ماادري عنك الصراحه فكرت انت متغير من صباحية عرسك ماتوقع انه لهدرجة شفاف قدام نواف او انه هو فطين بزياده ويركز على كل شي بسبب شغله تغصب ابتسامه: قلت لكم مومضايق شبلاكم علي نواف:على راحتك ، قريت الاوراق ولالسى ايمن مد عليه الاوراق:مهمتك تقراهم وتفهمني كل شي اخذ ساعه وهو يقرأ ويربط الاشخاص والاحداث الي قدامه ويكتب كل شي يطرى بباله رفع عينه لايمن الي يصب له قهوه ويمشى بالمكتب:هاا شرايك ايمن وهو يفكر:مااتوقع انه غبي بتطوف عليه انا اقول افضل لو ابقى معه نفس قبل نواف:صدقني ماراح يوديك لمستودعه الا لو جبت له بضاعه او موزع رئيسي هذي اخر نقطه بهالمهمه ونرتاح منه ميل فمه:لانستعجل وقف نواف يطقطق ظهره:اخخخ عندك علم انه اخر روحه للديره وبعدها بنلتزم هنا لين ننتهي ايمن:ايه قالي حامد وقف عند ايمن وهو يصب القهوه ويشرب:الله يصبرنا على فراقهم حط يده على كتفه:اهم شي لاتطلع من الديره واحد زعلان وشايل بخاطره منك ماندري وش مصيرنا ايمن هز راسه:محد بيزعل غيري ضحك نواف:لاتخاف بزعل معك : العصر ام حمد جالسه تتقهوى بحوش بيتها مع حريم عيالها اندق الباب سحاب جلستها وهي توقف:خليتس ياعمه انا افتح فتحت الباب من سمعت صوت حرمه:حياكِ الحرمه:صفيه موجوده سحاب: اييه تفضلي ماتحركت واقفه عند الباب بداخل الحوش سحاب استغربت منها رفعت صوتها:ياعمه حرمه تبيتس جات ام حمد لها سلمت:حياتس نزلت غطاها:كيف حالتس ياصفيه انصدمت من شافتها وخافت كثيير:تماضر ابتسمت لها:ايه تماضر استندت على سحاب الي واقفه جنبها:وش جابتس الحين تماضر اختفت ابتسامتها:ولدي عصبت وهي شاده على يد سحاب:لابالله مالتس ولد هنا اطلعي تماضر مسكت يدها وهي تترجاها ببكاء:ارجاتس ياصفيه والله اني ندمت اشد الندم ابي ضناي تكفيين ابي اضمه واشم ريحته تكفين جات هبوب يمهم بخوف من عصبية عمتها ونشيج هالحرمه اعطتها ظهرها وكل قوة العالم تجمعت فيها:اطلعي من بيتي جلست تماضر وهي تصيح صياح يقطع القلب:تكفين تكفون ولدي التفتت عليها بقوه:ولدتس الحين تدورينه تعرفين وش اسمه تعرفين ايش يحب ويكرهه وينتس عنه ماحنيتي لمارميتيه بحضني وهو يصيح من السخونه وينتس عنه اطلعي ياتماضر مالتس حق فيه ابد جاتهم ترف تركض وملامحها ببداية بكاء من صياح الحرمه الي قدامها مسكتها سحاب:ترفه الحلوه روحي العبي وبجي اشاركتس انبسطت وهي تنقل نظراتها بينهم ثم انطلقت للداخل ام حمد ناظرتها:طلعوها لايصير شي مايعجبني ولايعجبها خافت هبوب ماعمرها شافتها بهالشكل معصبه وتطرد ضيف من بيتها قربت منها توقفها:تعوذي من الشيطان ناظرتها بنظره غريبه تتذكرها بالعرس تمسكت فيها:انتِ زوجته قوليله فهميه ماكملت كلامها الا ام حمد ساحبه عنها هبوب وتدفها للباب:قلت لتس اطلعي اطلعي طلعتها غصب وقفلت الباب بقوه وراها عيونها بالثنتين الي قدامها مصدومات والف سؤال وسؤال بوجههن تقدمت تمشي بسرعه لغرفتها اول مااختفت عن انظارهن تبكي خوف وقلق وحقد(الحين جايه تخطفه من حضني الله لايعطيتس العافيه ياتماضر كانتس بتوجعينه قبل توجعيني للان وحزنه من درى اني موامه الصدقيه للحين اذكر الايام الي مرت عليه من خبره ابوه ان امه ترككته وهو ابو اليومين وهجت بعد ماتم الطلاق للموت مانسى بكيته وحضنه لي) فرشت سجادتها تدعي ربها يبعدها عنها بااقل الاحزان سحاب وهبوب جالسات بصمت هبوب وكلام الحرمه للحين براسها وكلام جدتها عن حمد قبل يخطبها لكنها كتمته لين تتأكد:سحاب تتوقعين ايش الي بينهن وصل عمتي تطردها بهالشكل سحاب بتفكير:ماادري حزنت عليها قطعت قلبي ببكيها وقفت لبست عباتها:بروح لامي امس كانها مزكمه هبوب بتحذير:ارجعي بيتتس بعدين ميلت فمها:اكيد برجع اجل بجلس ببيتكم الي صاير كئيب من دخلته[تقصد فاتن] هبوب رافعه راسها لها:بترجعين بيتتس عشانها ولاعشانه سحاب بسرعه:ووجع ووجع ووجع ياهبوب تخصرت:ليش تدعين علي بالوجع عشاني قلت الصدق سحاب:الاوالله ماقلتي غير الخراط هبوب تمشي معها للباب: بتندمين لاتم الي بينكم سحاب:اقول مع السلامه اتجهت للبيت شافت سياف جالس عند الباب الخلفي وبيده قارورة ماء يحركها بعشوائيه واضح انه سرحان استوعبت انها ماعاد يطري عليها سياف حتى لو شافته ماتهاجمها الابتسامه ميلت فمها واتجهت للباب الامامي فتحته ودخلت من جات فاتن للبيت ماتشوف امها وجدتها بالحوش صارن يتقهون ويجلسن بالصاله خوفاً تطلع ويشوفها سياف الي ماطب البيت اصلاً سلمت على جدتها:وين امي الجده ترتب الطرح:بالمطبخ راحت للمطبخ ماشافتها مرت على غرفتها وبرضوا موفيه شافت باب غرفة سياف مردود طلت منه امها جالسه عند فاتن الي مريحه ظهرها على عدد من المخاد وواضح بوجهها التعب انتبهت للممرضه الي بجنبها الثاني تغير الشاش الي على ذراعها تأملتها مواضحه لها ملامحها بسبب الضمادات الي على وجهها دقت الباب ودخلت امها بعد ماسلمت عليهن:تعالي يمه ساعديها بروح اشوف الشوربه جلست مكان امها التفتت على الممرضه الي تقول لها:تعالي من جهتي وانتِ غمضي عيونك جاتها مدت عليها ضماده فكت عنها اللاصق:اول مااعقم حطيها هنا انفجعت من شافت وجهها المحروق حست بغثيان من شكله سحبت الممرضه منها الضماده بقوه وحطتها على طول خلصت الممرضه وطلعت وهي تقول:يومين ونفك الضمادات للان مقفله عينها بقوه حطت يدها على كتفها:خلصنا فتحت عينها بهدوء ورفعتها لسحاب :اخليتس ترتاحين وطلعت بسرعه تحارب الدوخه من ريحة المقم القويه والحرق الي شافته اتجهت للغرفه على طول انسدحت تمسح على بطنها الغثيان وتحس بتستفرغ:يارب ترحمها وتشفيها يمه يخوف الحرق الله يعينها : سبحان الله وبحمده سبحان الله العظيم | ||||
|
| |
|
| الكلمات الدلالية (Tags) |
| رواية.كل مخلص. |
| أدوات الموضوع | |
| انواع عرض الموضوع | |
|
|
191Likes
العرض العادي
